| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
3. махаабант̇агад̇т̇зраг̇аат̇ааван̣н̣анаа
3. Mahāpanthakattheragāthāvaṇṇanā
яад̣̇аа батамамад̣̇д̣̇агкинд̇иаад̣̇игаа ааяасмад̇о махаабант̇агад̇т̇зрасса г̇аат̇аа. гаа уббад̇д̇и? аяам̣ гира бад̣̇умуд̇д̇арасса бхаг̇авад̇о гаалз хам̣савад̇ийнаг̇арз вибхавасамбанно гудумб̣ияо худ̇ваа згад̣̇ивасам̣ сад̇т̇у санд̇игз д̇хаммам̣ сун̣анд̇о сад̇т̇аарам̣ згам̣ бхигкум̣ сан̃н̃аавиваддагусалаанам̣ аг̇г̇адтаанз табзнд̇ам̣ д̣̇исваа саяамби д̇ам̣ таананд̇арам̣ бад̇т̇знд̇о б̣уд̣̇д̇хаббамукасса бхигкусан̇гхасса сад̇д̇аахам̣ махаад̣̇аанам̣ бавад̇д̇зд̇ваа, ‘‘бханд̇з, яам̣ бхигкум̣ д̇умхз ид̇о сад̇д̇ад̣̇ивасамад̇т̇агз – ‘сан̃н̃аавиваддагусалаанам̣ аяам̣ мама саасанз аг̇г̇о’д̇и зд̇ад̣̇аг̇г̇з табаяид̇т̇а, ахамби имасса ад̇хигаарагаммасса б̣алзна со бхигку вияа анааг̇ад̇з згасса б̣уд̣̇д̇хасса саасанз аг̇г̇о бхавзяяа’’нд̇и бад̇т̇анам̣ агааси. ганидтабхаад̇аа банасса д̇ат̇зва бхаг̇авад̇и ад̇хигаарагаммам̣ гад̇ваа маномаяасса гааяассаабхиниммаанам̣ жзд̇овиваддагосалланд̇и д̣̇виннам̣ ан̇г̇аанам̣ васзна вуд̇д̇анаязнзва бан̣ид̇хаанам̣ агааси. бхаг̇аваа д̣̇виннамби бад̇т̇анам̣ ананд̇арааязна самиж̇жханабхаавам̣ д̣̇исваа ‘‘анааг̇ад̇з габбасад̇асахассамад̇т̇агз г̇од̇амасса наама саммаасамб̣уд̣̇д̇хасса саасанз д̇умхаагам̣ бад̇т̇анаа самиж̇жхиссад̇ий’’д̇и б̣яаагааси.
Yadāpaṭhamamaddakkhintiādikā āyasmato mahāpanthakattherassa gāthā. Kā uppatti? Ayaṃ kira padumuttarassa bhagavato kāle haṃsavatīnagare vibhavasampanno kuṭumbiyo hutvā ekadivasaṃ satthu santike dhammaṃ suṇanto satthāraṃ ekaṃ bhikkhuṃ saññāvivaṭṭakusalānaṃ aggaṭṭhāne ṭhapentaṃ disvā sayampi taṃ ṭhānantaraṃ patthento buddhappamukhassa bhikkhusaṅghassa sattāhaṃ mahādānaṃ pavattetvā, ‘‘bhante, yaṃ bhikkhuṃ tumhe ito sattadivasamatthake – ‘saññāvivaṭṭakusalānaṃ ayaṃ mama sāsane aggo’ti etadagge ṭhapayittha, ahampi imassa adhikārakammassa balena so bhikkhu viya anāgate ekassa buddhassa sāsane aggo bhaveyya’’nti patthanaṃ akāsi. Kaniṭṭhabhātā panassa tatheva bhagavati adhikārakammaṃ katvā manomayassa kāyassābhinimmānaṃ cetovivaṭṭakosallanti dvinnaṃ aṅgānaṃ vasena vuttanayeneva paṇidhānaṃ akāsi. Bhagavā dvinnampi patthanaṃ anantarāyena samijjhanabhāvaṃ disvā ‘‘anāgate kappasatasahassamatthake gotamassa nāma sammāsambuddhassa sāsane tumhākaṃ patthanā samijjhissatī’’ti byākāsi.
д̇з убхоби ж̇анаа д̇ад̇т̇а яааваж̇ийвам̣ бун̃н̃аани гад̇ваа д̇ад̇о жуд̇о д̣̇звалогз ниб̣б̣ад̇д̇им̣су. д̇ад̇т̇а махаабант̇агасса анд̇араагад̇ам̣ галяаан̣ад̇хаммам̣ на гат̇ийяад̇и. жуул̣абант̇аго бана гассабасса бхаг̇авад̇о саасанз баб̣б̣аж̇ид̇ваа вийсад̇и вассасахассаани од̣̇аад̇агасин̣агаммам̣ гад̇ваа д̣̇звабурз ниб̣б̣ад̇д̇и. абад̣̇аанз бана ‘‘жуул̣абант̇аго бад̣̇умуд̇д̇арасса бхаг̇авад̇о гаалз д̇аабасо худ̇ваа химаванд̇з васанд̇о д̇ад̇т̇а бхаг̇аванд̇ам̣ д̣̇исваа бубпажчад̇д̇зна бууж̇ам̣ агаасий’’д̇и ааг̇ад̇ам̣. д̇зсам̣ д̣̇звамануссзсу сам̣саранд̇аанам̣язва габбасад̇асахассам̣ ад̇игганд̇ам̣. ат̇а амхаагам̣ сад̇т̇аа абхисамб̣од̇хим̣ бад̇ваа бавад̇д̇ид̇аварад̇хаммажагго рааж̇аг̇ахам̣ убаниссааяа взл̣уванз махаавихаарз вихарад̇и.
Te ubhopi janā tattha yāvajīvaṃ puññāni katvā tato cuto devaloke nibbattiṃsu. Tattha mahāpanthakassa antarākataṃ kalyāṇadhammaṃ na kathīyati. Cūḷapanthako pana kassapassa bhagavato sāsane pabbajitvā vīsati vassasahassāni odātakasiṇakammaṃ katvā devapure nibbatti. Apadāne pana ‘‘cūḷapanthako padumuttarassa bhagavato kāle tāpaso hutvā himavante vasanto tattha bhagavantaṃ disvā pupphacchattena pūjaṃ akāsī’’ti āgataṃ. Tesaṃ devamanussesu saṃsarantānaṃyeva kappasatasahassaṃ atikkantaṃ. Atha amhākaṃ satthā abhisambodhiṃ patvā pavattitavaradhammacakko rājagahaṃ upanissāya veḷuvane mahāvihāre viharati.
д̇зна жа самаязна рааж̇аг̇ахз д̇ханасздтисса д̇хийд̇аа ад̇д̇ано д̣̇аасзна сад̣̇д̇хим̣ сант̇авам̣ гад̇ваа н̃аад̇агзхи бхийд̇аа хад̇т̇асаарам̣ г̇ахзд̇ваа д̇зна сад̣̇д̇хим̣ балааяид̇ваа ан̃н̃ад̇т̇а васанд̇ий д̇ам̣ бадижжа г̇аб̣бхам̣ лабхид̇ваа барибаггаг̇аб̣бхаа ‘‘н̃аад̇игхарам̣ г̇анд̇ваа виж̇ааяиссаамий’’д̇и г̇ажчанд̇ий анд̇араамаг̇г̇зязва буд̇д̇ам̣ виж̇ааяид̇ваа сааминаа нивад̇д̇ид̇аа буб̣б̣з васид̇адтаанз васанд̇ий буд̇д̇асса бант̇з ж̇аад̇ад̇д̇аа бант̇агод̇и, наамам̣ агааси. д̇асмим̣ аад̇хаавид̇ваа вид̇хаавид̇ваа вижаран̣агаалз д̇амзва бадижжа д̣̇уд̇ияам̣ г̇аб̣бхам̣ бадилабхид̇ваа барибаггаг̇аб̣бхаа буб̣б̣з вуд̇д̇анаязнзва анд̇араамаг̇г̇з буд̇д̇ам̣ виж̇ааяид̇ваа сааминаа нивад̇д̇ид̇аа ж̇здтабуд̇д̇асса махаабант̇агод̇и ганидтасса жуул̣абант̇агод̇и наамам̣ гад̇ваа яат̇аавасид̇адтаанзязва васанд̇ий ануггамзна д̣̇аарагзсу вад̣дханд̇зсу д̇зхи, ‘‘амма, аяяагагулам̣ но д̣̇ассзхий’’д̇и ниб̣унд̇хияамаанаа д̣̇аарагз маад̇аабид̇уунам̣ санд̇игам̣ бзсзси. д̇ад̇о бадтааяа д̣̇аарагаа д̇ханасздтино г̇зхз вад̣дханд̇и. д̇зсу жуул̣абант̇аго ад̇ид̣̇ахаро. махаабант̇аго бана аяяагзна сад̣̇д̇хим̣ бхаг̇авад̇о санд̇игам̣ г̇ад̇о сад̇т̇аарам̣ д̣̇исваа саха д̣̇ассанзна бадилад̣̇д̇хасад̣̇д̇хо д̇хаммам̣ суд̇ваа убаниссаяасамбаннад̇ааяа баб̣б̣аж̇ид̇угаамо худ̇ваа бид̇аамахам̣ аабужчи. со сад̇т̇у д̇амад̇т̇ам̣ аарожзд̇ваа д̇ам̣ баб̣б̣ааж̇зси. со баб̣б̣аж̇ид̇ваа б̣ахум̣ б̣уд̣̇д̇хаважанам̣ уг̇г̇ан̣хид̇ваа барибун̣н̣авассо убасамбаж̇ж̇ид̇ваа яонисоманасигаарз гаммам̣ гаронд̇о висзсад̇о жад̇уннам̣ аруубаж̇жхаанаанам̣ лаабхий худ̇ваа д̇ад̇о вудтааяа вибассанам̣ уссуггаабзд̇ваа арахад̇д̇ам̣ баабун̣и. ид̇и со сан̃н̃аавиваддагусалаанам̣ аг̇г̇о ж̇аад̇о. со жхаанасукзна паласукзна вийд̇инаамзнд̇о згад̣̇ивасам̣ ад̇д̇ано бадибад̇д̇им̣ бажжавзгкид̇ваа ад̇хиг̇ад̇асамбад̇д̇им̣ бадижжа сан̃ж̇аад̇асоманассо сийханаад̣̇ам̣ над̣̇анд̇о –
Tena ca samayena rājagahe dhanaseṭṭhissa dhītā attano dāsena saddhiṃ santhavaṃ katvā ñātakehi bhītā hatthasāraṃ gahetvā tena saddhiṃ palāyitvā aññattha vasantī taṃ paṭicca gabbhaṃ labhitvā paripakkagabbhā ‘‘ñātigharaṃ gantvā vijāyissāmī’’ti gacchantī antarāmaggeyeva puttaṃ vijāyitvā sāminā nivattitā pubbe vasitaṭṭhāne vasantī puttassa panthe jātattā panthakoti, nāmaṃ akāsi. Tasmiṃ ādhāvitvā vidhāvitvā vicaraṇakāle tameva paṭicca dutiyaṃ gabbhaṃ paṭilabhitvā paripakkagabbhā pubbe vuttanayeneva antarāmagge puttaṃ vijāyitvā sāminā nivattitā jeṭṭhaputtassa mahāpanthakoti kaniṭṭhassa cūḷapanthakoti nāmaṃ katvā yathāvasitaṭṭhāneyeva vasantī anukkamena dārakesu vaḍḍhantesu tehi, ‘‘amma, ayyakakulaṃ no dassehī’’ti nibundhiyamānā dārake mātāpitūnaṃ santikaṃ pesesi. Tato paṭṭhāya dārakā dhanaseṭṭhino gehe vaḍḍhanti. Tesu cūḷapanthako atidaharo. Mahāpanthako pana ayyakena saddhiṃ bhagavato santikaṃ gato satthāraṃ disvā saha dassanena paṭiladdhasaddho dhammaṃ sutvā upanissayasampannatāya pabbajitukāmo hutvā pitāmahaṃ āpucchi. So satthu tamatthaṃ ārocetvā taṃ pabbājesi. So pabbajitvā bahuṃ buddhavacanaṃ uggaṇhitvā paripuṇṇavasso upasampajjitvā yonisomanasikāre kammaṃ karonto visesato catunnaṃ arūpajjhānānaṃ lābhī hutvā tato vuṭṭhāya vipassanaṃ ussukkāpetvā arahattaṃ pāpuṇi. Iti so saññāvivaṭṭakusalānaṃ aggo jāto. So jhānasukhena phalasukhena vītināmento ekadivasaṃ attano paṭipattiṃ paccavekkhitvā adhigatasampattiṃ paṭicca sañjātasomanasso sīhanādaṃ nadanto –
510.
510.
‘‘яад̣̇аа батамамад̣̇д̣̇агким̣, сад̇т̇аарамагуд̇обхаяам̣;
‘‘Yadā paṭhamamaddakkhiṃ, satthāramakutobhayaṃ;
д̇ад̇о мз аху сам̣взг̇о, бассид̇ваа бурисуд̇д̇амам̣.
Tato me ahu saṃvego, passitvā purisuttamaṃ.
511.
511.
‘‘сирим̣ хад̇т̇зхи баад̣̇зхи, яо бан̣аамзяяа ааг̇ад̇ам̣;
‘‘Siriṃ hatthehi pādehi, yo paṇāmeyya āgataṃ;
зд̇аад̣̇исам̣ со сад̇т̇аарам̣, аараад̇хзд̇ваа вираад̇хаяз.
Etādisaṃ so satthāraṃ, ārādhetvā virādhaye.
512.
512.
‘‘д̇ад̣̇аахам̣ буд̇д̇ад̣̇ааран̃жа, д̇ханад̇хан̃н̃ан̃жа чад̣д̣аяим̣;
‘‘Tadāhaṃ puttadārañca, dhanadhaññañca chaḍḍayiṃ;
гзсамассууни чзд̣̇зд̇ваа, баб̣б̣аж̇им̣ анаг̇аарияам̣.
Kesamassūni chedetvā, pabbajiṃ anagāriyaṃ.
513.
513.
‘‘сигкаасааж̇ийвасамбанно, инд̣̇риязсу сусам̣вуд̇о;
‘‘Sikkhāsājīvasampanno, indriyesu susaṃvuto;
намассамаано самб̣уд̣̇д̇хам̣, вихаасим̣ абарааж̇ид̇о.
Namassamāno sambuddhaṃ, vihāsiṃ aparājito.
514.
514.
‘‘д̇ад̇о мз бан̣ид̇хий ааси, жзд̇асо абхибад̇т̇ид̇о;
‘‘Tato me paṇidhī āsi, cetaso abhipatthito;
на нисийд̣̇з мухуд̇д̇амби, д̇ан̣хаасаллз ануухад̇з.
Na nisīde muhuttampi, taṇhāsalle anūhate.
515.
515.
‘‘д̇асса мзвам̣ вихарад̇о, басса вийрияабараггамам̣;
‘‘Tassa mevaṃ viharato, passa vīriyaparakkamaṃ;
д̇иссо виж̇ж̇аа ануббад̇д̇аа, гад̇ам̣ б̣уд̣̇д̇хасса саасанам̣.
Tisso vijjā anuppattā, kataṃ buddhassa sāsanaṃ.
516.
516.
‘‘буб̣б̣зниваасам̣ ж̇аанаами, д̣̇иб̣б̣ажагку висод̇хид̇ам̣;
‘‘Pubbenivāsaṃ jānāmi, dibbacakkhu visodhitaṃ;
арахаа д̣̇агкин̣зяяомхи, виббамуд̇д̇о нируубад̇хи.
Arahā dakkhiṇeyyomhi, vippamutto nirūpadhi.
517.
517.
‘‘д̇ад̇о рад̇яаавивасаанз, суурияуг̇г̇аманам̣ бад̇и;
‘‘Tato ratyāvivasāne, sūriyuggamanaṃ pati;
саб̣б̣ам̣ д̇ан̣хам̣ висосзд̇ваа, баллан̇гзна убаависи’’нд̇и. – имаа г̇аат̇аа абхааси;
Sabbaṃ taṇhaṃ visosetvā, pallaṅkena upāvisi’’nti. – imā gāthā abhāsi;
д̇ад̇т̇а яад̣̇аад̇и яасмим̣ гаалз. батаманд̇и аад̣̇ид̇о. ад̣̇д̣̇агкинд̇и бассим̣, сад̇т̇ааранд̇и, бхаг̇аванд̇ам̣. агуд̇обхаяанд̇и ниб̣бхаяам̣. аяан̃хзд̇т̇а ад̇т̇о – саб̣б̣зсам̣ бхаяахзд̇уунам̣ б̣од̇химуулзязва бахийнад̇д̇аа гуд̇ожиби бхаяаабхаавад̇о агуд̇обхаяам̣ ниб̣бхаяам̣, жад̇увзсаараж̇ж̇ависаарад̣̇ам̣ д̣̇идтад̇хаммигасамбарааяигабарамад̇т̇зхи взнзяяаанам̣ яат̇аарахаманусаасанад̇о сад̇т̇аарам̣ саммаасамб̣уд̣̇д̇хам̣ маяхам̣ бид̇аамахзна сад̣̇д̇хим̣ г̇анд̇ваа яааяа взлааяа саб̣б̣абатамам̣ бассим̣, д̇ам̣ бурисуд̇д̇амам̣ сад̣̇звагз логз аг̇г̇абуг̇г̇алам̣ бассид̇ваа д̇ад̇о д̣̇ассанахзд̇у д̇ад̇о д̣̇ассанад̇о бажчаа ‘‘зд̇д̇агам̣ гаалам̣ сад̇т̇аарам̣ д̣̇адтум̣ д̇хамман̃жа сод̇ум̣ наалад̇т̇а’’нд̇и маяхам̣ сам̣взг̇о аху саход̇д̇аббам̣ н̃аан̣ам̣ уббаж̇ж̇и. уббаннасам̣взг̇о банаахам̣ звам̣ жинд̇зсинд̇и д̣̇ассзд̇и сирим̣ хад̇т̇зхийд̇и г̇аат̇ааяа. д̇ассад̇т̇о – яо вибхавад̇т̇иго бурисо ‘‘убадтааяиго худ̇ваа д̇ава санд̇игз васиссаамий’’д̇и савиг̇г̇ахам̣ сирим̣ саяанз убаг̇ад̇ам̣ хад̇т̇зхи жа баад̣̇зхи жа годдзнд̇о бан̣аамзяяа нийхарзяяа, со д̇ат̇ааруубо алагкигабурисо зд̇аад̣̇исам̣ сад̇т̇аарам̣ саммаасамб̣уд̣̇д̇хам̣ аараад̇хзд̇ваа имасмим̣ навамз кан̣з бадилабхид̇ваа вираад̇хаяз д̇асса оваад̣̇аагаран̣зна д̇ам̣ вираж̇жхзяяа, ахам̣ банзвам̣ на гаромийд̇и ад̇хиббааяо. д̇знааха ‘‘д̇ад̣̇аахам̣…бз… анаг̇аарияа’’нд̇и. д̇ад̇т̇а чад̣д̣аяинд̇и, баж̇ахим̣. ‘‘чад̣д̣ияа’’нд̇иби баато. нану аяам̣ т̇зро д̣̇аарабариг̇г̇ахам̣ агад̇ваава баб̣б̣аж̇ид̇о, со гасмаа ‘‘буд̇д̇ад̣̇ааран̃жа чад̣д̣аяи’’нд̇и авожаад̇и? яат̇аа наама бурисо аниб̣б̣ад̇д̇апаламзва ругкам̣ чинд̣̇анд̇о ажчиннз д̇ад̇о лад̣̇д̇хапалзхи барихийно наама ход̇и. звам̣самбад̣̇амид̣̇ам̣ д̣̇адтаб̣б̣ам̣.
Tattha yadāti yasmiṃ kāle. Paṭhamanti ādito. Addakkhinti passiṃ, satthāranti, bhagavantaṃ. Akutobhayanti nibbhayaṃ. Ayañhettha attho – sabbesaṃ bhayahetūnaṃ bodhimūleyeva pahīnattā kutocipi bhayābhāvato akutobhayaṃ nibbhayaṃ, catuvesārajjavisāradaṃ diṭṭhadhammikasamparāyikaparamatthehi veneyyānaṃ yathārahamanusāsanato satthāraṃ sammāsambuddhaṃ mayhaṃ pitāmahena saddhiṃ gantvā yāya velāya sabbapaṭhamaṃ passiṃ, taṃ purisuttamaṃ sadevake loke aggapuggalaṃ passitvā tato dassanahetu tato dassanato pacchā ‘‘ettakaṃ kālaṃ satthāraṃ daṭṭhuṃ dhammañca sotuṃ nālattha’’nti mayhaṃ saṃvego ahu sahottappaṃ ñāṇaṃ uppajji. Uppannasaṃvego panāhaṃ evaṃ cintesinti dasseti siriṃ hatthehīti gāthāya. Tassattho – yo vibhavatthiko puriso ‘‘upaṭṭhāyiko hutvā tava santike vasissāmī’’ti saviggahaṃ siriṃ sayane upagataṃ hatthehi ca pādehi ca koṭṭento paṇāmeyya nīhareyya, so tathārūpo alakkhikapuriso etādisaṃ satthāraṃ sammāsambuddhaṃ ārādhetvā imasmiṃ navame khaṇe paṭilabhitvā virādhaye tassa ovādākaraṇena taṃ virajjheyya, ahaṃ panevaṃ na karomīti adhippāyo. Tenāha ‘‘tadāhaṃ…pe… anagāriya’’nti. Tattha chaḍḍayinti, pajahiṃ. ‘‘Chaḍḍiya’’ntipi pāṭho. Nanu ayaṃ thero dārapariggahaṃ akatvāva pabbajito, so kasmā ‘‘puttadārañca chaḍḍayi’’nti avocāti? Yathā nāma puriso anibbattaphalameva rukkhaṃ chindanto acchinne tato laddhaphalehi parihīno nāma hoti. Evaṃsampadamidaṃ daṭṭhabbaṃ.
сигкаасааж̇ийвасамаабаннод̇и яаа ад̇хисийласигкаа, д̇ааяа жа, яад̇т̇а бхигкуу саха ж̇ийванд̇и, згаж̇ийвигаа сабхааг̇авуд̇д̇ино хонд̇и, д̇зна бхаг̇авад̇аа бан̃н̃ад̇д̇асигкаабад̣̇асан̇каад̇зна сааж̇ийвзна жа саманнааг̇ад̇о сигканабхаавзна саман̇г̇ийбхууд̇о, сигкам̣ барибуурзнд̇о сааж̇ийван̃жа авийд̇иггаманд̇о худ̇ваа д̇ад̣̇убхаяам̣ самбаад̣̇знд̇од̇и ад̇т̇о. д̇зна сувисуд̣̇д̇хз баад̇имогкз сийлз бад̇идтид̇абхаавам̣ д̣̇ассзд̇и. инд̣̇риязсу сусам̣вуд̇од̇и манажчадтзсу инд̣̇риязсу судту сам̣вуд̇о. руубаад̣̇ивисаязсу уббаж̇ж̇анагаанам̣ абхиж̇жхаад̣̇ийнам̣ бавад̇д̇инивааран̣авасзна сад̇игаваадзна субихид̇ажагкаад̣̇ид̣̇ваарод̇и ад̇т̇о. звам̣ баад̇имогкасам̣вараинд̣̇рияасам̣варасийласамбад̇д̇ид̣̇ассанзна ид̇арасийламби ад̇т̇ад̇о д̣̇ассид̇амзва ход̇ийд̇и т̇зро ад̇д̇ано жад̇убаарисуд̣̇д̇хисийласамбад̣̇ам̣ д̣̇ассзд̇ваа ‘‘намассамаано самб̣уд̣̇д̇ха’’нд̇и иминаа б̣уд̣̇д̇хаануссад̇ибхааванаануяог̇амааха. вихаасим̣ абарааж̇ид̇од̇и гилзсамаараад̣̇ийхи абарааж̇ид̇о зва худ̇ваа вихарим̣, яаава арахад̇д̇аббад̇д̇и, д̇аава д̇зхи анабхибхууд̇о, ан̃н̃ад̣̇ад̇т̇у д̇з абхибхаванд̇о зва вихаасинд̇и ад̇т̇о.
Sikkhāsājīvasamāpannoti yā adhisīlasikkhā, tāya ca, yattha bhikkhū saha jīvanti, ekajīvikā sabhāgavuttino honti, tena bhagavatā paññattasikkhāpadasaṅkhātena sājīvena ca samannāgato sikkhanabhāvena samaṅgībhūto, sikkhaṃ paripūrento sājīvañca avītikkamanto hutvā tadubhayaṃ sampādentoti attho. Tena suvisuddhe pātimokkhe sīle patiṭṭhitabhāvaṃ dasseti. Indriyesu susaṃvutoti manacchaṭṭhesu indriyesu suṭṭhu saṃvuto. Rūpādivisayesu uppajjanakānaṃ abhijjhādīnaṃ pavattinivāraṇavasena satikavāṭena supihitacakkhādidvāroti attho. Evaṃ pātimokkhasaṃvaraindriyasaṃvarasīlasampattidassanena itarasīlampi atthato dassitameva hotīti thero attano catupārisuddhisīlasampadaṃ dassetvā ‘‘namassamāno sambuddha’’nti iminā buddhānussatibhāvanānuyogamāha. Vihāsiṃ aparājitoti kilesamārādīhi aparājito eva hutvā vihariṃ, yāva arahattappatti, tāva tehi anabhibhūto, aññadatthu te abhibhavanto eva vihāsinti attho.
д̇ад̇од̇и д̇асмаа, яасмаа сувисуд̣̇д̇хасийло сад̇т̇ари абхиббасанно гилзсаабхибхаванабадибад̇д̇ияан̃жа тид̇о, д̇асмаа. бан̣ид̇хийд̇и бан̣ид̇хаанам̣. д̇ад̇о ваа жид̇д̇аабхинийхааро. аасийд̇и ахоси. жзд̇асо абхибад̇т̇ид̇од̇и, мама жид̇д̇зна ижчид̇о. гийд̣̇исо бана сод̇и ааха ‘‘на нисийд̣̇з мухуд̇д̇амби, д̇ан̣хаасаллз ануухад̇з’’д̇и. ‘‘аг̇г̇амаг̇г̇асан̣д̣аасзна мама хад̣̇аяад̇о д̇ан̣хаасаллз ануд̣̇д̇хадз мухуд̇д̇амби на нисийд̣̇з, нисаж̇ж̇ам̣ на габбзяяа’’нд̇и звам̣ мз жид̇д̇аабхинийхааро ахосийд̇и ад̇т̇о.
Tatoti tasmā, yasmā suvisuddhasīlo satthari abhippasanno kilesābhibhavanapaṭipattiyañca ṭhito, tasmā. Paṇidhīti paṇidhānaṃ. Tato vā cittābhinīhāro. Āsīti ahosi. Cetaso abhipatthitoti, mama cittena icchito. Kīdiso pana soti āha ‘‘na nisīde muhuttampi, taṇhāsalle anūhate’’ti. ‘‘Aggamaggasaṇḍāsena mama hadayato taṇhāsalle anuddhaṭe muhuttampi na nisīde, nisajjaṃ na kappeyya’’nti evaṃ me cittābhinīhāro ahosīti attho.
звам̣ бана жид̇д̇ам̣ ад̇хидтааяа бхааванам̣ бхааваяид̇ваа таанажан̇гамзхзва рад̇д̇им̣ вийд̇инаамзнд̇о аруубасамаабад̇д̇ид̇о вудтааяа жхаанан̇г̇амукзна вибассанам̣ бадтабзд̇ваа арахад̇д̇ам̣ сажчаагааси. д̇зна вуд̇д̇ам̣ ‘‘д̇асса мз’’д̇иаад̣̇и. нируубад̇хийд̇и гилзсубад̇хиаад̣̇ийнам̣ абхаавзна нирубад̇хи. рад̇яаавивасаанзд̇и рад̇д̇ибхааг̇асса виг̇аманз вибхаад̇ааяа рад̇д̇ияаа. суурияуг̇г̇аманам̣ бад̇ийд̇и суурияуг̇г̇аманам̣ лагкан̣ам̣ гад̇ваа. саб̣б̣ам̣ д̇ан̣ханд̇и гаамад̇ан̣хаад̣̇ибхзд̣̇ам̣ саб̣б̣ам̣ д̇ан̣хаасод̇ам̣ аг̇г̇амаг̇г̇зна висосзд̇ваа сугкаабзд̇ваа ‘‘д̇ан̣хаасаллз ануухад̇з на нисийд̣̇з’’д̇и, бадин̃н̃ааяа можид̇ад̇д̇аа. баллан̇гзна убаависинд̇и баллан̇гам̣ аабхуж̇ид̇ваа нисийд̣̇инд̇и. сзсам̣ уд̇д̇аанад̇т̇амзва.
Evaṃ pana cittaṃ adhiṭṭhāya bhāvanaṃ bhāvayitvā ṭhānacaṅkameheva rattiṃ vītināmento arūpasamāpattito vuṭṭhāya jhānaṅgamukhena vipassanaṃ paṭṭhapetvā arahattaṃ sacchākāsi. Tena vuttaṃ ‘‘tassa me’’tiādi. Nirūpadhīti kilesupadhiādīnaṃ abhāvena nirupadhi. Ratyāvivasāneti rattibhāgassa vigamane vibhātāya rattiyā. Sūriyuggamanaṃ patīti sūriyuggamanaṃ lakkhaṇaṃ katvā. Sabbaṃ taṇhanti kāmataṇhādibhedaṃ sabbaṃ taṇhāsotaṃ aggamaggena visosetvā sukkhāpetvā ‘‘taṇhāsalle anūhate na nisīde’’ti, paṭiññāya mocitattā. Pallaṅkena upāvisinti pallaṅkaṃ ābhujitvā nisīdinti. Sesaṃ uttānatthameva.
махаабант̇агад̇т̇зраг̇аат̇ааван̣н̣анаа нидтид̇аа.
Mahāpanthakattheragāthāvaṇṇanā niṭṭhitā.
адтаганибаад̇аван̣н̣анаа нидтид̇аа.
Aṭṭhakanipātavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 3. махаабант̇агад̇т̇зраг̇аат̇аа • 3. Mahāpanthakattheragāthā
