Library / Tipiṭaka / д̇ибидага • Tipiṭaka / д̣̇ийгханигааяа • Dīghanikāya

3. махаабариниб̣б̣аанасуд̇д̇ам̣

3. Mahāparinibbānasuttaṃ

131. звам̣ мз суд̇ам̣ – згам̣ самаяам̣ бхаг̇аваа рааж̇аг̇ахз вихарад̇и г̇иж̇жхагуудз баб̣б̣ад̇з. д̇зна ко бана самаязна рааж̇аа мааг̇ад̇хо аж̇аад̇асад̇д̇у взд̣̇зхибуд̇д̇о важ̇ж̇ий абхияаад̇угаамо ход̇и. со звамааха – ‘‘ахам̣ химз важ̇ж̇ий звам̣махид̣̇д̇хигз звам̣махаанубхаавз ужчзжчаами ¹ важ̇ж̇ий, винаасзссаами важ̇ж̇ий, анаяаб̣яасанам̣ аабаад̣̇зссаами важ̇ж̇ий’’д̇и ².

131. Evaṃ me sutaṃ – ekaṃ samayaṃ bhagavā rājagahe viharati gijjhakūṭe pabbate. Tena kho pana samayena rājā māgadho ajātasattu vedehiputto vajjī abhiyātukāmo hoti. So evamāha – ‘‘ahaṃ hime vajjī evaṃmahiddhike evaṃmahānubhāve ucchecchāmi ³ vajjī, vināsessāmi vajjī, anayabyasanaṃ āpādessāmi vajjī’’ti ⁴.

132. ат̇а ко рааж̇аа мааг̇ад̇хо аж̇аад̇асад̇д̇у взд̣̇зхибуд̇д̇о вассагаарам̣ б̣раахман̣ам̣ маг̇ад̇хамахаамад̇д̇ам̣ ааманд̇зси – ‘‘зхи д̇вам̣, б̣раахман̣а, язна бхаг̇аваа д̇знубасан̇гама; убасан̇гамид̇ваа мама важанзна бхаг̇авад̇о баад̣̇з сирасаа ванд̣̇аахи, аббааб̣аад̇хам̣ аббаад̇ан̇гам̣ лахудтаанам̣ б̣алам̣ паасувихаарам̣ бужча – ‘рааж̇аа, бханд̇з, мааг̇ад̇хо аж̇аад̇асад̇д̇у взд̣̇зхибуд̇д̇о бхаг̇авад̇о баад̣̇з сирасаа ванд̣̇ад̇и, аббааб̣аад̇хам̣ аббаад̇ан̇гам̣ лахудтаанам̣ б̣алам̣ паасувихаарам̣ бужчад̇ий’д̇и. зван̃жа вад̣̇зхи – ‘рааж̇аа, бханд̇з, мааг̇ад̇хо аж̇аад̇асад̇д̇у взд̣̇зхибуд̇д̇о важ̇ж̇ий абхияаад̇угаамо. со звамааха – ‘‘ахам̣ химз важ̇ж̇ий звам̣махид̣̇д̇хигз звам̣махаанубхаавз ужчзжчаами важ̇ж̇ий, винаасзссаами важ̇ж̇ий, анаяаб̣яасанам̣ аабаад̣̇зссаамий’’’д̇и. яат̇аа д̇з бхаг̇аваа б̣яаагарод̇и, д̇ам̣ саад̇хугам̣ уг̇г̇ахзд̇ваа мама аарожзяяааси. на хи д̇ат̇ааг̇ад̇аа вид̇ат̇ам̣ бхан̣анд̇ий’’д̇и.

132. Atha kho rājā māgadho ajātasattu vedehiputto vassakāraṃ brāhmaṇaṃ magadhamahāmattaṃ āmantesi – ‘‘ehi tvaṃ, brāhmaṇa, yena bhagavā tenupasaṅkama; upasaṅkamitvā mama vacanena bhagavato pāde sirasā vandāhi, appābādhaṃ appātaṅkaṃ lahuṭṭhānaṃ balaṃ phāsuvihāraṃ puccha – ‘rājā, bhante, māgadho ajātasattu vedehiputto bhagavato pāde sirasā vandati, appābādhaṃ appātaṅkaṃ lahuṭṭhānaṃ balaṃ phāsuvihāraṃ pucchatī’ti. Evañca vadehi – ‘rājā, bhante, māgadho ajātasattu vedehiputto vajjī abhiyātukāmo. So evamāha – ‘‘ahaṃ hime vajjī evaṃmahiddhike evaṃmahānubhāve ucchecchāmi vajjī, vināsessāmi vajjī, anayabyasanaṃ āpādessāmī’’’ti. Yathā te bhagavā byākaroti, taṃ sādhukaṃ uggahetvā mama āroceyyāsi. Na hi tathāgatā vitathaṃ bhaṇantī’’ti.

вассагаараб̣раахман̣о

Vassakārabrāhmaṇo

133. ‘‘звам̣, бхо’’д̇и ко вассагааро б̣раахман̣о маг̇ад̇хамахаамад̇д̇о ран̃н̃о мааг̇ад̇хасса аж̇аад̇асад̇д̇усса взд̣̇зхибуд̇д̇асса бадиссуд̇ваа бхад̣̇д̣̇аани бхад̣̇д̣̇аани яаанаани яож̇зд̇ваа бхад̣̇д̣̇ам̣ бхад̣̇д̣̇ам̣ яаанам̣ абхирухид̇ваа бхад̣̇д̣̇зхи бхад̣̇д̣̇зхи яаанзхи рааж̇аг̇ахамхаа нияяааси, язна г̇иж̇жхагуудо баб̣б̣ад̇о д̇зна бааяааси. яаавад̇игаа яаанасса бхууми, яаанзна г̇анд̇ваа, яаанаа бажжорохид̇ваа бад̇д̇игова язна бхаг̇аваа д̇знубасан̇гами; убасан̇гамид̇ваа бхаг̇авад̇аа сад̣̇д̇хим̣ саммод̣̇и. саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ нисийд̣̇и. згаманд̇ам̣ нисинно ко вассагааро б̣раахман̣о маг̇ад̇хамахаамад̇д̇о бхаг̇аванд̇ам̣ зд̇ад̣̇авожа – ‘‘рааж̇аа, бхо г̇од̇ама, мааг̇ад̇хо аж̇аад̇асад̇д̇у взд̣̇зхибуд̇д̇о бход̇о г̇од̇амасса баад̣̇з сирасаа ванд̣̇ад̇и, аббааб̣аад̇хам̣ аббаад̇ан̇гам̣ лахудтаанам̣ б̣алам̣ паасувихаарам̣ бужчад̇и. рааж̇аа ⁵, бхо г̇од̇ама, мааг̇ад̇хо аж̇аад̇асад̇д̇у взд̣̇зхибуд̇д̇о важ̇ж̇ий абхияаад̇угаамо. со звамааха – ‘ахам̣ химз важ̇ж̇ий звам̣махид̣̇д̇хигз звам̣махаанубхаавз ужчзжчаами важ̇ж̇ий, винаасзссаами важ̇ж̇ий, анаяаб̣яасанам̣ аабаад̣̇зссаамий’’’д̇и.

133. ‘‘Evaṃ, bho’’ti kho vassakāro brāhmaṇo magadhamahāmatto rañño māgadhassa ajātasattussa vedehiputtassa paṭissutvā bhaddāni bhaddāni yānāni yojetvā bhaddaṃ bhaddaṃ yānaṃ abhiruhitvā bhaddehi bhaddehi yānehi rājagahamhā niyyāsi, yena gijjhakūṭo pabbato tena pāyāsi. Yāvatikā yānassa bhūmi, yānena gantvā, yānā paccorohitvā pattikova yena bhagavā tenupasaṅkami; upasaṅkamitvā bhagavatā saddhiṃ sammodi. Sammodanīyaṃ kathaṃ sāraṇīyaṃ vītisāretvā ekamantaṃ nisīdi. Ekamantaṃ nisinno kho vassakāro brāhmaṇo magadhamahāmatto bhagavantaṃ etadavoca – ‘‘rājā, bho gotama, māgadho ajātasattu vedehiputto bhoto gotamassa pāde sirasā vandati, appābādhaṃ appātaṅkaṃ lahuṭṭhānaṃ balaṃ phāsuvihāraṃ pucchati. Rājā ⁶, bho gotama, māgadho ajātasattu vedehiputto vajjī abhiyātukāmo. So evamāha – ‘ahaṃ hime vajjī evaṃmahiddhike evaṃmahānubhāve ucchecchāmi vajjī, vināsessāmi vajjī, anayabyasanaṃ āpādessāmī’’’ti.

рааж̇аабарихаанияад̇хаммаа

Rājaaparihāniyadhammā

134. д̇зна ко бана самаязна ааяасмаа аананд̣̇о бхаг̇авад̇о бидтид̇о тид̇о ход̇и бхаг̇аванд̇ам̣ б̣ийж̇аяамаано ⁷. ат̇а ко бхаг̇аваа ааяасманд̇ам̣ аананд̣̇ам̣ ааманд̇зси – ‘‘гинд̇и д̇з, аананд̣̇а, суд̇ам̣, ‘важ̇ж̇ий абхин̣хам̣ саннибаад̇аа саннибаад̇аб̣ахулаа’д̇и? ‘‘суд̇ам̣ мзд̇ам̣, бханд̇з – ‘важ̇ж̇ий абхин̣хам̣ саннибаад̇аа саннибаад̇аб̣ахулаа’’д̇и. ‘‘яаавагийван̃жа, аананд̣̇а, важ̇ж̇ий абхин̣хам̣ саннибаад̇аа саннибаад̇аб̣ахулаа бхависсанд̇и, вуд̣̇д̇хиязва, аананд̣̇а, важ̇ж̇ийнам̣ баадиган̇каа, но барихаани.

134. Tena kho pana samayena āyasmā ānando bhagavato piṭṭhito ṭhito hoti bhagavantaṃ bījayamāno ⁸. Atha kho bhagavā āyasmantaṃ ānandaṃ āmantesi – ‘‘kinti te, ānanda, sutaṃ, ‘vajjī abhiṇhaṃ sannipātā sannipātabahulā’ti? ‘‘Sutaṃ metaṃ, bhante – ‘vajjī abhiṇhaṃ sannipātā sannipātabahulā’’ti. ‘‘Yāvakīvañca, ānanda, vajjī abhiṇhaṃ sannipātā sannipātabahulā bhavissanti, vuddhiyeva, ānanda, vajjīnaṃ pāṭikaṅkhā, no parihāni.

‘‘гинд̇и д̇з, аананд̣̇а, суд̇ам̣ , ‘важ̇ж̇ий самаг̇г̇аа саннибад̇анд̇и, самаг̇г̇аа вудтаханд̇и, самаг̇г̇аа важ̇ж̇игаран̣ийяаани гаронд̇ий’д̇и? ‘‘суд̇ам̣ мзд̇ам̣, бханд̇з – ‘важ̇ж̇ий самаг̇г̇аа саннибад̇анд̇и, самаг̇г̇аа вудтаханд̇и, самаг̇г̇аа важ̇ж̇игаран̣ийяаани гаронд̇ий’’д̇и. ‘‘яаавагийван̃жа, аананд̣̇а, важ̇ж̇ий самаг̇г̇аа саннибад̇иссанд̇и, самаг̇г̇аа вудтахиссанд̇и, самаг̇г̇аа важ̇ж̇игаран̣ийяаани гариссанд̇и, вуд̣̇д̇хиязва, аананд̣̇а, важ̇ж̇ийнам̣ баадиган̇каа, но барихаани.

‘‘Kinti te, ānanda, sutaṃ , ‘vajjī samaggā sannipatanti, samaggā vuṭṭhahanti, samaggā vajjikaraṇīyāni karontī’ti? ‘‘Sutaṃ metaṃ, bhante – ‘vajjī samaggā sannipatanti, samaggā vuṭṭhahanti, samaggā vajjikaraṇīyāni karontī’’ti. ‘‘Yāvakīvañca, ānanda, vajjī samaggā sannipatissanti, samaggā vuṭṭhahissanti, samaggā vajjikaraṇīyāni karissanti, vuddhiyeva, ānanda, vajjīnaṃ pāṭikaṅkhā, no parihāni.

‘‘гинд̇и д̇з, аананд̣̇а, суд̇ам̣, ‘важ̇ж̇ий абан̃н̃ад̇д̇ам̣ на бан̃н̃абзнд̇и, бан̃н̃ад̇д̇ам̣ на самужчинд̣̇анд̇и, яат̇аабан̃н̃ад̇д̇з бораан̣з важ̇ж̇ид̇хаммз самаад̣̇ааяа вад̇д̇анд̇ий’’’д̇и? ‘‘суд̇ам̣ мзд̇ам̣, бханд̇з – ‘важ̇ж̇ий абан̃н̃ад̇д̇ам̣ на бан̃н̃абзнд̇и, бан̃н̃ад̇д̇ам̣ на самужчинд̣̇анд̇и, яат̇аабан̃н̃ад̇д̇з бораан̣з важ̇ж̇ид̇хаммз самаад̣̇ааяа вад̇д̇анд̇ий’’’д̇и. ‘‘яаавагийван̃жа, аананд̣̇а, ‘‘важ̇ж̇ий абан̃н̃ад̇д̇ам̣ на бан̃н̃абзссанд̇и, бан̃н̃ад̇д̇ам̣ на самужчинд̣̇иссанд̇и, яат̇аабан̃н̃ад̇д̇з бораан̣з важ̇ж̇ид̇хаммз самаад̣̇ааяа вад̇д̇иссанд̇и, вуд̣̇д̇хиязва, аананд̣̇а, важ̇ж̇ийнам̣ баадиган̇каа, но барихаани.

‘‘Kinti te, ānanda, sutaṃ, ‘vajjī apaññattaṃ na paññapenti, paññattaṃ na samucchindanti, yathāpaññatte porāṇe vajjidhamme samādāya vattantī’’’ti? ‘‘Sutaṃ metaṃ, bhante – ‘vajjī apaññattaṃ na paññapenti, paññattaṃ na samucchindanti, yathāpaññatte porāṇe vajjidhamme samādāya vattantī’’’ti. ‘‘Yāvakīvañca, ānanda, ‘‘vajjī apaññattaṃ na paññapessanti, paññattaṃ na samucchindissanti, yathāpaññatte porāṇe vajjidhamme samādāya vattissanti, vuddhiyeva, ānanda, vajjīnaṃ pāṭikaṅkhā, no parihāni.

‘‘гинд̇и д̇з, аананд̣̇а, суд̇ам̣, ‘важ̇ж̇ий яз д̇з важ̇ж̇ийнам̣ важ̇ж̇имахаллагаа, д̇з саггаронд̇и г̇арум̣ гаронд̇и ⁹ маанзнд̇и бууж̇знд̇и, д̇зсан̃жа сод̇аб̣б̣ам̣ ман̃н̃анд̇ий’’’д̇и? ‘‘суд̇ам̣ мзд̇ам̣, бханд̇з – ‘важ̇ж̇ий яз д̇з важ̇ж̇ийнам̣ важ̇ж̇имахаллагаа, д̇з саггаронд̇и г̇арум̣ гаронд̇и маанзнд̇и бууж̇знд̇и, д̇зсан̃жа сод̇аб̣б̣ам̣ ман̃н̃анд̇ий’’’д̇и. ‘‘яаавагийван̃жа, аананд̣̇а, важ̇ж̇ий яз д̇з важ̇ж̇ийнам̣ важ̇ж̇имахаллагаа , д̇з саггариссанд̇и г̇арум̣ гариссанд̇и маанзссанд̇и бууж̇зссанд̇и, д̇зсан̃жа сод̇аб̣б̣ам̣ ман̃н̃иссанд̇и, вуд̣̇д̇хиязва, аананд̣̇а, важ̇ж̇ийнам̣ баадиган̇каа, но барихаани.

‘‘Kinti te, ānanda, sutaṃ, ‘vajjī ye te vajjīnaṃ vajjimahallakā, te sakkaronti garuṃ karonti ¹⁰ mānenti pūjenti, tesañca sotabbaṃ maññantī’’’ti? ‘‘Sutaṃ metaṃ, bhante – ‘vajjī ye te vajjīnaṃ vajjimahallakā, te sakkaronti garuṃ karonti mānenti pūjenti, tesañca sotabbaṃ maññantī’’’ti. ‘‘Yāvakīvañca, ānanda, vajjī ye te vajjīnaṃ vajjimahallakā , te sakkarissanti garuṃ karissanti mānessanti pūjessanti, tesañca sotabbaṃ maññissanti, vuddhiyeva, ānanda, vajjīnaṃ pāṭikaṅkhā, no parihāni.

‘‘гинд̇и д̇з, аананд̣̇а, суд̇ам̣, ‘важ̇ж̇ий яаа д̇аа гулид̇т̇ияо гулагумаарияо, д̇аа на оггасса басаяха ваасзнд̇ий’’’д̇и? ‘‘суд̇ам̣ мзд̇ам̣, бханд̇з – ‘важ̇ж̇ий яаа д̇аа гулид̇т̇ияо гулагумаарияо д̇аа на оггасса басаяха ваасзнд̇ий’’’д̇и. ‘‘яаавагийван̃жа, аананд̣̇а, важ̇ж̇ий яаа д̇аа гулид̇т̇ияо гулагумаарияо, д̇аа на оггасса басаяха ваасзссанд̇и, вуд̣̇д̇хиязва, аананд̣̇а, важ̇ж̇ийнам̣ баадиган̇каа, но барихаани.

‘‘Kinti te, ānanda, sutaṃ, ‘vajjī yā tā kulitthiyo kulakumāriyo, tā na okkassa pasayha vāsentī’’’ti? ‘‘Sutaṃ metaṃ, bhante – ‘vajjī yā tā kulitthiyo kulakumāriyo tā na okkassa pasayha vāsentī’’’ti. ‘‘Yāvakīvañca, ānanda, vajjī yā tā kulitthiyo kulakumāriyo, tā na okkassa pasayha vāsessanti, vuddhiyeva, ānanda, vajjīnaṃ pāṭikaṅkhā, no parihāni.

‘‘гинд̇и д̇з, аананд̣̇а, суд̇ам̣, ‘важ̇ж̇ий яаани д̇аани

‘‘Kinti te, ānanda, sutaṃ, ‘vajjī yāni tāni

важ̇ж̇ийнам̣ важ̇ж̇ижзд̇ияаани аб̣бханд̇араани жзва б̣аахираани жа, д̇аани саггаронд̇и г̇арум̣ гаронд̇и маанзнд̇и бууж̇знд̇и, д̇зсан̃жа д̣̇иннабуб̣б̣ам̣ гад̇абуб̣б̣ам̣ д̇хаммигам̣ б̣алим̣ но барихаабзнд̇ий’’’д̇и? ‘‘суд̇ам̣ мзд̇ам̣, бханд̇з – ‘важ̇ж̇ий яаани д̇аани важ̇ж̇ийнам̣ важ̇ж̇ижзд̇ияаани аб̣бханд̇араани жзва б̣аахираани жа, д̇аани саггаронд̇и г̇арум̣ гаронд̇и маанзнд̇и бууж̇знд̇и д̇зсан̃жа д̣̇иннабуб̣б̣ам̣ гад̇абуб̣б̣ам̣ д̇хаммигам̣ б̣алим̣ но барихаабзнд̇ий’’’д̇и. ‘‘яаавагийван̃жа, аананд̣̇а, важ̇ж̇ий яаани д̇аани важ̇ж̇ийнам̣ важ̇ж̇ижзд̇ияаани аб̣бханд̇араани жзва б̣аахираани жа, д̇аани саггариссанд̇и г̇арум̣ гариссанд̇и маанзссанд̇и бууж̇зссанд̇и, д̇зсан̃жа д̣̇иннабуб̣б̣ам̣ гад̇абуб̣б̣ам̣ д̇хаммигам̣ б̣алим̣ но барихаабзссанд̇и, вуд̣̇д̇хиязва, аананд̣̇а, важ̇ж̇ийнам̣ баадиган̇каа, но барихаани.

Vajjīnaṃ vajjicetiyāni abbhantarāni ceva bāhirāni ca, tāni sakkaronti garuṃ karonti mānenti pūjenti, tesañca dinnapubbaṃ katapubbaṃ dhammikaṃ baliṃ no parihāpentī’’’ti? ‘‘Sutaṃ metaṃ, bhante – ‘vajjī yāni tāni vajjīnaṃ vajjicetiyāni abbhantarāni ceva bāhirāni ca, tāni sakkaronti garuṃ karonti mānenti pūjenti tesañca dinnapubbaṃ katapubbaṃ dhammikaṃ baliṃ no parihāpentī’’’ti. ‘‘Yāvakīvañca, ānanda, vajjī yāni tāni vajjīnaṃ vajjicetiyāni abbhantarāni ceva bāhirāni ca, tāni sakkarissanti garuṃ karissanti mānessanti pūjessanti, tesañca dinnapubbaṃ katapubbaṃ dhammikaṃ baliṃ no parihāpessanti, vuddhiyeva, ānanda, vajjīnaṃ pāṭikaṅkhā, no parihāni.

‘‘гинд̇и д̇з, аананд̣̇а, суд̇ам̣, ‘важ̇ж̇ийнам̣ араханд̇зсу д̇хаммигаа рагкааваран̣аг̇уд̇д̇и сусам̣вихид̇аа, гинд̇и анааг̇ад̇аа жа араханд̇о виж̇ид̇ам̣ ааг̇ажчзяяум̣, ааг̇ад̇аа жа араханд̇о виж̇ид̇з паасу вихарзяяу’’’нд̇и? ‘‘суд̇ам̣ мзд̇ам̣, бханд̇з ‘важ̇ж̇ийнам̣ араханд̇зсу д̇хаммигаа рагкааваран̣аг̇уд̇д̇и сусам̣вихид̇аа гинд̇и анааг̇ад̇аа жа араханд̇о виж̇ид̇ам̣ ааг̇ажчзяяум̣, ааг̇ад̇аа жа араханд̇о виж̇ид̇з паасу вихарзяяу’’’нд̇и. ‘‘яаавагийван̃жа, аананд̣̇а, важ̇ж̇ийнам̣ араханд̇зсу д̇хаммигаа рагкааваран̣аг̇уд̇д̇и сусам̣вихид̇аа бхависсад̇и, гинд̇и анааг̇ад̇аа жа араханд̇о виж̇ид̇ам̣ ааг̇ажчзяяум̣, ааг̇ад̇аа жа араханд̇о виж̇ид̇з паасу вихарзяяунд̇и. вуд̣̇д̇хиязва, аананд̣̇а, важ̇ж̇ийнам̣ баадиган̇каа, но барихааний’’д̇и.

‘‘Kinti te, ānanda, sutaṃ, ‘vajjīnaṃ arahantesu dhammikā rakkhāvaraṇagutti susaṃvihitā, kinti anāgatā ca arahanto vijitaṃ āgaccheyyuṃ, āgatā ca arahanto vijite phāsu vihareyyu’’’nti? ‘‘Sutaṃ metaṃ, bhante ‘vajjīnaṃ arahantesu dhammikā rakkhāvaraṇagutti susaṃvihitā kinti anāgatā ca arahanto vijitaṃ āgaccheyyuṃ, āgatā ca arahanto vijite phāsu vihareyyu’’’nti. ‘‘Yāvakīvañca, ānanda, vajjīnaṃ arahantesu dhammikā rakkhāvaraṇagutti susaṃvihitā bhavissati, kinti anāgatā ca arahanto vijitaṃ āgaccheyyuṃ, āgatā ca arahanto vijite phāsu vihareyyunti. Vuddhiyeva, ānanda, vajjīnaṃ pāṭikaṅkhā, no parihānī’’ti.

135. ат̇а ко бхаг̇аваа вассагаарам̣ б̣раахман̣ам̣ маг̇ад̇хамахаамад̇д̇ам̣ ааманд̇зси – ‘‘згамид̣̇аахам̣, б̣раахман̣а, самаяам̣ взсаалияам̣ вихараами сааранд̣̇ад̣̇з ¹¹ жзд̇ияз. д̇ад̇раахам̣ важ̇ж̇ийнам̣ имз сад̇д̇а абарихаанияз д̇хаммз д̣̇зсзсим̣. яаавагийван̃жа, б̣раахман̣а, имз сад̇д̇а абарихаанияаа д̇хаммаа важ̇ж̇ийсу тассанд̇и, имзсу жа сад̇д̇асу абарихааниязсу д̇хаммзсу важ̇ж̇ий санд̣̇иссиссанд̇и, вуд̣̇д̇хиязва, б̣раахман̣а, важ̇ж̇ийнам̣ баадиган̇каа, но барихааний’’д̇и.

135. Atha kho bhagavā vassakāraṃ brāhmaṇaṃ magadhamahāmattaṃ āmantesi – ‘‘ekamidāhaṃ, brāhmaṇa, samayaṃ vesāliyaṃ viharāmi sārandade ¹² cetiye. Tatrāhaṃ vajjīnaṃ ime satta aparihāniye dhamme desesiṃ. Yāvakīvañca, brāhmaṇa, ime satta aparihāniyā dhammā vajjīsu ṭhassanti, imesu ca sattasu aparihāniyesu dhammesu vajjī sandississanti, vuddhiyeva, brāhmaṇa, vajjīnaṃ pāṭikaṅkhā, no parihānī’’ti.

звам̣ вуд̇д̇з, вассагааро б̣раахман̣о маг̇ад̇хамахаамад̇д̇о бхаг̇аванд̇ам̣ зд̇ад̣̇авожа – ‘‘згамзгзнаби, бхо г̇од̇ама, абарихааниязна д̇хаммзна саманнааг̇ад̇аанам̣ важ̇ж̇ийнам̣ вуд̣̇д̇хиязва баадиган̇каа, но барихаани . го бана ваад̣̇о сад̇д̇ахи абарихааниязхи д̇хаммзхи. агаран̣ийяаава ¹³, бхо г̇од̇ама, важ̇ж̇ий ¹⁴ ран̃н̃аа мааг̇ад̇хзна аж̇аад̇асад̇д̇унаа взд̣̇зхибуд̇д̇зна яад̣̇ид̣̇ам̣ яуд̣̇д̇хасса, ан̃н̃ад̇ра убалаабанааяа ан̃н̃ад̇ра мит̇убхзд̣̇аа. ханд̣̇а жа д̣̇аани маяам̣, бхо г̇од̇ама, г̇ажчаама , б̣ахугижжаа маяам̣ б̣ахугаран̣ийяаа’’д̇и. ‘‘яассад̣̇аани д̇вам̣, б̣раахман̣а, гаалам̣ ман̃н̃асий’’д̇и. ат̇а ко вассагааро б̣раахман̣о маг̇ад̇хамахаамад̇д̇о бхаг̇авад̇о бхаасид̇ам̣ абхинанд̣̇ид̇ваа анумод̣̇ид̇ваа удтааяаасанаа баггаами.

Evaṃ vutte, vassakāro brāhmaṇo magadhamahāmatto bhagavantaṃ etadavoca – ‘‘ekamekenapi, bho gotama, aparihāniyena dhammena samannāgatānaṃ vajjīnaṃ vuddhiyeva pāṭikaṅkhā, no parihāni . Ko pana vādo sattahi aparihāniyehi dhammehi. Akaraṇīyāva ¹⁵, bho gotama, vajjī ¹⁶ raññā māgadhena ajātasattunā vedehiputtena yadidaṃ yuddhassa, aññatra upalāpanāya aññatra mithubhedā. Handa ca dāni mayaṃ, bho gotama, gacchāma , bahukiccā mayaṃ bahukaraṇīyā’’ti. ‘‘Yassadāni tvaṃ, brāhmaṇa, kālaṃ maññasī’’ti. Atha kho vassakāro brāhmaṇo magadhamahāmatto bhagavato bhāsitaṃ abhinanditvā anumoditvā uṭṭhāyāsanā pakkāmi.

бхигкуабарихаанияад̇хаммаа

Bhikkhuaparihāniyadhammā

136. ат̇а ко бхаг̇аваа ажирабагганд̇з вассагаарз б̣раахман̣з маг̇ад̇хамахаамад̇д̇з ааяасманд̇ам̣ аананд̣̇ам̣ ааманд̇зси – ‘‘г̇ажча д̇вам̣, аананд̣̇а, яаавад̇игаа бхигкуу рааж̇аг̇ахам̣ убаниссааяа вихаранд̇и, д̇з саб̣б̣з убадтаанасаалааяам̣ саннибаад̇зхий’’д̇и. ‘‘звам̣, бханд̇з’’д̇и ко ааяасмаа аананд̣̇о бхаг̇авад̇о бадиссуд̇ваа яаавад̇игаа бхигкуу рааж̇аг̇ахам̣ убаниссааяа вихаранд̇и, д̇з саб̣б̣з убадтаанасаалааяам̣ саннибаад̇зд̇ваа язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ адтааси. згаманд̇ам̣ тид̇о ко ааяасмаа аананд̣̇о бхаг̇аванд̇ам̣ зд̇ад̣̇авожа – ‘‘саннибад̇ид̇о, бханд̇з, бхигкусан̇гхо, яассад̣̇аани, бханд̇з, бхаг̇аваа гаалам̣ ман̃н̃ад̇ий’’д̇и.

136. Atha kho bhagavā acirapakkante vassakāre brāhmaṇe magadhamahāmatte āyasmantaṃ ānandaṃ āmantesi – ‘‘gaccha tvaṃ, ānanda, yāvatikā bhikkhū rājagahaṃ upanissāya viharanti, te sabbe upaṭṭhānasālāyaṃ sannipātehī’’ti. ‘‘Evaṃ, bhante’’ti kho āyasmā ānando bhagavato paṭissutvā yāvatikā bhikkhū rājagahaṃ upanissāya viharanti, te sabbe upaṭṭhānasālāyaṃ sannipātetvā yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ aṭṭhāsi. Ekamantaṃ ṭhito kho āyasmā ānando bhagavantaṃ etadavoca – ‘‘sannipatito, bhante, bhikkhusaṅgho, yassadāni, bhante, bhagavā kālaṃ maññatī’’ti.

ат̇а ко бхаг̇аваа удтааяаасанаа язна убадтаанасаалаа д̇знубасан̇гами; убасан̇гамид̇ваа бан̃н̃ад̇д̇з аасанз нисийд̣̇и. нисаж̇ж̇а ко бхаг̇аваа бхигкуу ааманд̇зси – ‘‘сад̇д̇а во, бхигкавз, абарихаанияз д̇хаммз д̣̇зсзссаами, д̇ам̣ сун̣аат̇а, саад̇хугам̣ манасигарот̇а, бхаасиссаамий’’д̇и. ‘‘звам̣, бханд̇з’’д̇и ко д̇з бхигкуу бхаг̇авад̇о бажжассосум̣. бхаг̇аваа зд̇ад̣̇авожа –

Atha kho bhagavā uṭṭhāyāsanā yena upaṭṭhānasālā tenupasaṅkami; upasaṅkamitvā paññatte āsane nisīdi. Nisajja kho bhagavā bhikkhū āmantesi – ‘‘satta vo, bhikkhave, aparihāniye dhamme desessāmi, taṃ suṇātha, sādhukaṃ manasikarotha, bhāsissāmī’’ti. ‘‘Evaṃ, bhante’’ti kho te bhikkhū bhagavato paccassosuṃ. Bhagavā etadavoca –

‘‘яаавагийван̃жа , бхигкавз, бхигкуу абхин̣хам̣ саннибаад̇аа саннибаад̇аб̣ахулаа бхависсанд̇и, вуд̣̇д̇хиязва, бхигкавз, бхигкуунам̣ баадиган̇каа, но барихаани.

‘‘Yāvakīvañca , bhikkhave, bhikkhū abhiṇhaṃ sannipātā sannipātabahulā bhavissanti, vuddhiyeva, bhikkhave, bhikkhūnaṃ pāṭikaṅkhā, no parihāni.

‘‘яаавагийван̃жа, бхигкавз, бхигкуу самаг̇г̇аа саннибад̇иссанд̇и, самаг̇г̇аа вудтахиссанд̇и, самаг̇г̇аа сан̇гхагаран̣ийяаани гариссанд̇и , вуд̣̇д̇хиязва, бхигкавз, бхигкуунам̣ баадиган̇каа, но барихаани.

‘‘Yāvakīvañca, bhikkhave, bhikkhū samaggā sannipatissanti, samaggā vuṭṭhahissanti, samaggā saṅghakaraṇīyāni karissanti , vuddhiyeva, bhikkhave, bhikkhūnaṃ pāṭikaṅkhā, no parihāni.

‘‘яаавагийван̃жа, бхигкавз, бхигкуу абан̃н̃ад̇д̇ам̣ на бан̃н̃абзссанд̇и, бан̃н̃ад̇д̇ам̣ на самужчинд̣̇иссанд̇и, яат̇аабан̃н̃ад̇д̇зсу сигкаабад̣̇зсу самаад̣̇ааяа вад̇д̇иссанд̇и, вуд̣̇д̇хиязва, бхигкавз, бхигкуунам̣ баадиган̇каа, но барихаани.

‘‘Yāvakīvañca, bhikkhave, bhikkhū apaññattaṃ na paññapessanti, paññattaṃ na samucchindissanti, yathāpaññattesu sikkhāpadesu samādāya vattissanti, vuddhiyeva, bhikkhave, bhikkhūnaṃ pāṭikaṅkhā, no parihāni.

‘‘яаавагийван̃жа, бхигкавз, бхигкуу яз д̇з бхигкуу т̇зраа рад̇д̇ан̃н̃уу жирабаб̣б̣аж̇ид̇аа сан̇гхабид̇аро сан̇гхабарин̣ааяагаа, д̇з саггариссанд̇и г̇арум̣ гариссанд̇и маанзссанд̇и бууж̇зссанд̇и, д̇зсан̃жа сод̇аб̣б̣ам̣ ман̃н̃иссанд̇и, вуд̣̇д̇хиязва, бхигкавз, бхигкуунам̣ баадиган̇каа, но барихаани.

‘‘Yāvakīvañca, bhikkhave, bhikkhū ye te bhikkhū therā rattaññū cirapabbajitā saṅghapitaro saṅghapariṇāyakā, te sakkarissanti garuṃ karissanti mānessanti pūjessanti, tesañca sotabbaṃ maññissanti, vuddhiyeva, bhikkhave, bhikkhūnaṃ pāṭikaṅkhā, no parihāni.

‘‘яаавагийван̃жа, бхигкавз, бхигкуу уббаннааяа д̇ан̣хааяа боноб̣бхавигааяа на васам̣ г̇ажчиссанд̇и, вуд̣̇д̇хиязва, бхигкавз, бхигкуунам̣ баадиган̇каа, но барихаани.

‘‘Yāvakīvañca, bhikkhave, bhikkhū uppannāya taṇhāya ponobbhavikāya na vasaṃ gacchissanti, vuddhiyeva, bhikkhave, bhikkhūnaṃ pāṭikaṅkhā, no parihāni.

‘‘яаавагийван̃жа, бхигкавз, бхигкуу ааран̃н̃агзсу сзнаасанзсу саабзгкаа бхависсанд̇и, вуд̣̇д̇хиязва, бхигкавз, бхигкуунам̣ баадиган̇каа, но барихаани.

‘‘Yāvakīvañca, bhikkhave, bhikkhū āraññakesu senāsanesu sāpekkhā bhavissanti, vuddhiyeva, bhikkhave, bhikkhūnaṃ pāṭikaṅkhā, no parihāni.

‘‘яаавагийван̃жа, бхигкавз, бхигкуу бажжад̇д̇ан̃н̃зва сад̇им̣ убадтабзссанд̇и – ‘гинд̇и анааг̇ад̇аа жа бзсалаа саб̣рахмажаарий ааг̇ажчзяяум̣, ааг̇ад̇аа жа бзсалаа саб̣рахмажаарий паасу ¹⁷ вихарзяяу’нд̇и. вуд̣̇д̇хиязва, бхигкавз, бхигкуунам̣ баадиган̇каа, но барихаани.

‘‘Yāvakīvañca, bhikkhave, bhikkhū paccattaññeva satiṃ upaṭṭhapessanti – ‘kinti anāgatā ca pesalā sabrahmacārī āgaccheyyuṃ, āgatā ca pesalā sabrahmacārī phāsu ¹⁸ vihareyyu’nti. Vuddhiyeva, bhikkhave, bhikkhūnaṃ pāṭikaṅkhā, no parihāni.

‘‘яаавагийван̃жа, бхигкавз, имз сад̇д̇а абарихаанияаа д̇хаммаа бхигкуусу тассанд̇и, имзсу жа сад̇д̇асу абарихааниязсу д̇хаммзсу бхигкуу санд̣̇иссиссанд̇и, вуд̣̇д̇хиязва, бхигкавз, бхигкуунам̣ баадиган̇каа, но барихаани.

‘‘Yāvakīvañca, bhikkhave, ime satta aparihāniyā dhammā bhikkhūsu ṭhassanti, imesu ca sattasu aparihāniyesu dhammesu bhikkhū sandississanti, vuddhiyeva, bhikkhave, bhikkhūnaṃ pāṭikaṅkhā, no parihāni.

137. ‘‘абарзби во, бхигкавз, сад̇д̇а абарихаанияз д̇хаммз д̣̇зсзссаами, д̇ам̣ сун̣аат̇а, саад̇хугам̣ манасигарот̇а, бхаасиссаамий’’д̇и. ‘‘звам̣, бханд̇з’’д̇и ко д̇з бхигкуу бхаг̇авад̇о бажжассосум̣. бхаг̇аваа зд̇ад̣̇авожа –

137. ‘‘Aparepi vo, bhikkhave, satta aparihāniye dhamme desessāmi, taṃ suṇātha, sādhukaṃ manasikarotha, bhāsissāmī’’ti. ‘‘Evaṃ, bhante’’ti kho te bhikkhū bhagavato paccassosuṃ. Bhagavā etadavoca –

‘‘яаавагийван̃жа, бхигкавз, бхигкуу на гаммаараамаа бхависсанд̇и на гаммарад̇аа на гаммаараамад̇амануяуд̇д̇аа, вуд̣̇д̇хиязва, бхигкавз, бхигкуунам̣ баадиган̇каа, но барихаани.

‘‘Yāvakīvañca, bhikkhave, bhikkhū na kammārāmā bhavissanti na kammaratā na kammārāmatamanuyuttā, vuddhiyeva, bhikkhave, bhikkhūnaṃ pāṭikaṅkhā, no parihāni.

‘‘яаавагийван̃жа, бхигкавз, бхигкуу на бхассаараамаа бхависсанд̇и на бхассарад̇аа на бхассаараамад̇амануяуд̇д̇аа, вуд̣̇д̇хиязва, бхигкавз, бхигкуунам̣ баадиган̇каа, но барихаани.

‘‘Yāvakīvañca, bhikkhave, bhikkhū na bhassārāmā bhavissanti na bhassaratā na bhassārāmatamanuyuttā, vuddhiyeva, bhikkhave, bhikkhūnaṃ pāṭikaṅkhā, no parihāni.

‘‘яаавагийван̃жа, бхигкавз, бхигкуу на нид̣̇д̣̇аараамаа бхависсанд̇и на нид̣̇д̣̇аарад̇аа на нид̣̇д̣̇аараамад̇амануяуд̇д̇аа, вуд̣̇д̇хиязва, бхигкавз, бхигкуунам̣ баадиган̇каа, но барихаани.

‘‘Yāvakīvañca, bhikkhave, bhikkhū na niddārāmā bhavissanti na niddāratā na niddārāmatamanuyuttā, vuddhiyeva, bhikkhave, bhikkhūnaṃ pāṭikaṅkhā, no parihāni.

‘‘яаавагийван̃жа, бхигкавз, бхигкуу на сан̇г̇ан̣игаараамаа бхависсанд̇и на сан̇г̇ан̣игарад̇аа на сан̇г̇ан̣игаараамад̇амануяуд̇д̇аа, вуд̣̇д̇хиязва, бхигкавз, бхигкуунам̣ баадиган̇каа, но барихаани.

‘‘Yāvakīvañca, bhikkhave, bhikkhū na saṅgaṇikārāmā bhavissanti na saṅgaṇikaratā na saṅgaṇikārāmatamanuyuttā, vuddhiyeva, bhikkhave, bhikkhūnaṃ pāṭikaṅkhā, no parihāni.

‘‘яаавагийван̃жа, бхигкавз, бхигкуу на баабижчаа бхависсанд̇и на баабигаанам̣ ижчаанам̣ васам̣ г̇ад̇аа, вуд̣̇д̇хиязва, бхигкавз, бхигкуунам̣ баадиган̇каа, но барихаани.

‘‘Yāvakīvañca, bhikkhave, bhikkhū na pāpicchā bhavissanti na pāpikānaṃ icchānaṃ vasaṃ gatā, vuddhiyeva, bhikkhave, bhikkhūnaṃ pāṭikaṅkhā, no parihāni.

‘‘яаавагийван̃жа, бхигкавз, бхигкуу на баабамид̇д̇аа бхависсанд̇и на баабасахааяаа на баабасамбаван̇гаа, вуд̣̇д̇хиязва, бхигкавз, бхигкуунам̣ баадиган̇каа, но барихаани.

‘‘Yāvakīvañca, bhikkhave, bhikkhū na pāpamittā bhavissanti na pāpasahāyā na pāpasampavaṅkā, vuddhiyeva, bhikkhave, bhikkhūnaṃ pāṭikaṅkhā, no parihāni.

‘‘яаавагийван̃жа, бхигкавз, бхигкуу на орамад̇д̇агзна висзсаад̇хиг̇амзна анд̇араавосаанам̣ аабаж̇ж̇иссанд̇и, вуд̣̇д̇хиязва, бхигкавз, бхигкуунам̣ баадиган̇каа, но барихаани.

‘‘Yāvakīvañca, bhikkhave, bhikkhū na oramattakena visesādhigamena antarāvosānaṃ āpajjissanti, vuddhiyeva, bhikkhave, bhikkhūnaṃ pāṭikaṅkhā, no parihāni.

138. ‘‘абарзби во, бхигкавз, сад̇д̇а абарихаанияз д̇хаммз д̣̇зсзссаами…бз… ‘‘яаавагийван̃жа, бхигкавз, бхигкуу сад̣̇д̇хаа бхависсанд̇и…бз… хириманаа бхависсанд̇и… од̇д̇аббий бхависсанд̇и… б̣ахуссуд̇аа бхависсанд̇и… аарад̣̇д̇хавийрияаа бхависсанд̇и… убадтид̇ассад̇ий бхависсанд̇и… бан̃н̃аванд̇о бхависсанд̇и, вуд̣̇д̇хиязва, бхигкавз, бхигкуунам̣ баадиган̇каа, но барихаани. яаавагийван̃жа, бхигкавз, имз сад̇д̇а абарихаанияаа д̇хаммаа бхигкуусу тассанд̇и, имзсу жа сад̇д̇асу абарихааниязсу д̇хаммзсу бхигкуу санд̣̇иссиссанд̇и, вуд̣̇д̇хиязва, бхигкавз, бхигкуунам̣ баадиган̇каа, но барихаани.

138. ‘‘Aparepi vo, bhikkhave, satta aparihāniye dhamme desessāmi…pe… ‘‘yāvakīvañca, bhikkhave, bhikkhū saddhā bhavissanti…pe… hirimanā bhavissanti… ottappī bhavissanti… bahussutā bhavissanti… āraddhavīriyā bhavissanti… upaṭṭhitassatī bhavissanti… paññavanto bhavissanti, vuddhiyeva, bhikkhave, bhikkhūnaṃ pāṭikaṅkhā, no parihāni. Yāvakīvañca, bhikkhave, ime satta aparihāniyā dhammā bhikkhūsu ṭhassanti, imesu ca sattasu aparihāniyesu dhammesu bhikkhū sandississanti, vuddhiyeva, bhikkhave, bhikkhūnaṃ pāṭikaṅkhā, no parihāni.

139. ‘‘абарзби во, бхигкавз, сад̇д̇а абарихаанияз д̇хаммз д̣̇зсзссаами, д̇ам̣ сун̣аат̇а, саад̇хугам̣ манасигарот̇а, бхаасиссаамий’’д̇и. ‘‘звам̣, бханд̇з’’д̇и ко д̇з бхигкуу бхаг̇авад̇о бажжассосум̣. бхаг̇аваа зд̇ад̣̇авожа –

139. ‘‘Aparepi vo, bhikkhave, satta aparihāniye dhamme desessāmi, taṃ suṇātha, sādhukaṃ manasikarotha, bhāsissāmī’’ti. ‘‘Evaṃ, bhante’’ti kho te bhikkhū bhagavato paccassosuṃ. Bhagavā etadavoca –

‘‘яаавагийван̃жа, бхигкавз, бхигку сад̇исамб̣ож̇жхан̇г̇ам̣ бхаавзссанд̇и…бз… д̇хаммавижаяасамб̣ож̇жхан̇г̇ам̣ бхаавзссанд̇и… вийрияасамб̣ож̇жхан̇г̇ам̣ бхаавзссанд̇и… бийд̇исамб̣ож̇жхан̇г̇ам̣ бхаавзссанд̇и… бассад̣̇д̇хисамб̣ож̇жхан̇г̇ам̣ бхаавзссанд̇и… самаад̇хисамб̣ож̇жхан̇г̇ам̣ бхаавзссанд̇и… убзгкаасамб̣ож̇жхан̇г̇ам̣ бхаавзссанд̇и, вуд̣̇д̇хиязва , бхигкавз, бхигкуунам̣ баадиган̇каа, но барихаани.

‘‘Yāvakīvañca, bhikkhave, bhikkhu satisambojjhaṅgaṃ bhāvessanti…pe… dhammavicayasambojjhaṅgaṃ bhāvessanti… vīriyasambojjhaṅgaṃ bhāvessanti… pītisambojjhaṅgaṃ bhāvessanti… passaddhisambojjhaṅgaṃ bhāvessanti… samādhisambojjhaṅgaṃ bhāvessanti… upekkhāsambojjhaṅgaṃ bhāvessanti, vuddhiyeva , bhikkhave, bhikkhūnaṃ pāṭikaṅkhā, no parihāni.

140. ‘‘абарзби во, бхигкавз, сад̇д̇а абарихаанияз д̇хаммз д̣̇зсзссаами, д̇ам̣ сун̣аат̇а, саад̇хугам̣ манасигарот̇а, бхаасиссаамий’’д̇и. ‘‘звам̣, бханд̇з’’д̇и ко д̇з бхигкуу бхаг̇авад̇о бажжассосум̣. бхаг̇аваа зд̇ад̣̇авожа –

140. ‘‘Aparepi vo, bhikkhave, satta aparihāniye dhamme desessāmi, taṃ suṇātha, sādhukaṃ manasikarotha, bhāsissāmī’’ti. ‘‘Evaṃ, bhante’’ti kho te bhikkhū bhagavato paccassosuṃ. Bhagavā etadavoca –

‘‘яаавагийван̃жа, бхигкавз, бхигкуу анижжасан̃н̃ам̣ бхаавзссанд̇и…бз… анад̇д̇асан̃н̃ам̣ бхаавзссанд̇и… асубхасан̃н̃ам̣ бхаавзссанд̇и… аад̣̇ийнавасан̃н̃ам̣ бхаавзссанд̇и… бахаанасан̃н̃ам̣ бхаавзссанд̇и… вирааг̇асан̃н̃ам̣ бхаавзссанд̇и… нирод̇хасан̃н̃ам̣ бхаавзссанд̇и, вуд̣̇д̇хиязва, бхигкавз, бхигкуунам̣ баадиган̇каа, но барихаани.

‘‘Yāvakīvañca, bhikkhave, bhikkhū aniccasaññaṃ bhāvessanti…pe… anattasaññaṃ bhāvessanti… asubhasaññaṃ bhāvessanti… ādīnavasaññaṃ bhāvessanti… pahānasaññaṃ bhāvessanti… virāgasaññaṃ bhāvessanti… nirodhasaññaṃ bhāvessanti, vuddhiyeva, bhikkhave, bhikkhūnaṃ pāṭikaṅkhā, no parihāni.

‘‘яаавагийван̃жа , бхигкавз, имз сад̇д̇а абарихаанияаа д̇хаммаа бхигкуусу тассанд̇и, имзсу жа сад̇д̇асу абарихааниязсу д̇хаммзсу бхигкуу санд̣̇иссиссанд̇и, вуд̣̇д̇хиязва, бхигкавз, бхигкуунам̣ баадиган̇каа, но барихаани.

‘‘Yāvakīvañca , bhikkhave, ime satta aparihāniyā dhammā bhikkhūsu ṭhassanti, imesu ca sattasu aparihāniyesu dhammesu bhikkhū sandississanti, vuddhiyeva, bhikkhave, bhikkhūnaṃ pāṭikaṅkhā, no parihāni.

141. ‘‘ча, во бхигкавз, абарихаанияз д̇хаммз д̣̇зсзссаами, д̇ам̣ сун̣аат̇а, саад̇хугам̣ манасигарот̇а, бхаасиссаамий’’д̇и. ‘‘звам̣, бханд̇з’’д̇и ко д̇з бхигкуу бхаг̇авад̇о бажжассосум̣. бхаг̇аваа зд̇ад̣̇авожа –

141. ‘‘Cha, vo bhikkhave, aparihāniye dhamme desessāmi, taṃ suṇātha, sādhukaṃ manasikarotha, bhāsissāmī’’ti. ‘‘Evaṃ, bhante’’ti kho te bhikkhū bhagavato paccassosuṃ. Bhagavā etadavoca –

‘‘яаавагийван̃жа , бхигкавз, бхигкуу мзд̇д̇ам̣ гааяагаммам̣ бажжубадтаабзссанд̇и саб̣рахмажаарийсу аави жзва рахо жа, вуд̣̇д̇хиязва, бхигкавз, бхигкуунам̣ баадиган̇каа, но барихаани.

‘‘Yāvakīvañca , bhikkhave, bhikkhū mettaṃ kāyakammaṃ paccupaṭṭhāpessanti sabrahmacārīsu āvi ceva raho ca, vuddhiyeva, bhikkhave, bhikkhūnaṃ pāṭikaṅkhā, no parihāni.

‘‘яаавагийван̃жа, бхигкавз, бхигкуу мзд̇д̇ам̣ важийгаммам̣ бажжубадтаабзссанд̇и …бз… мзд̇д̇ам̣ маногаммам̣ бажжубадтаабзссанд̇и саб̣рахмажаарийсу аави жзва рахо жа, вуд̣̇д̇хиязва, бхигкавз, бхигкуунам̣ баадиган̇каа, но барихаани.

‘‘Yāvakīvañca, bhikkhave, bhikkhū mettaṃ vacīkammaṃ paccupaṭṭhāpessanti …pe… mettaṃ manokammaṃ paccupaṭṭhāpessanti sabrahmacārīsu āvi ceva raho ca, vuddhiyeva, bhikkhave, bhikkhūnaṃ pāṭikaṅkhā, no parihāni.

‘‘яаавагийван̃жа, бхигкавз, бхигкуу, яз д̇з лаабхаа д̇хаммигаа д̇хаммалад̣̇д̇хаа анд̇амасо бад̇д̇абарияаабаннамад̇д̇амби д̇ат̇ааруубзхи лаабхзхи аббадивибхад̇д̇абхог̇ий бхависсанд̇и сийлаванд̇зхи саб̣рахмажаарийхи саад̇хааран̣абхог̇ий, вуд̣̇д̇хиязва, бхигкавз, бхигкуунам̣ баадиган̇каа, но барихаани.

‘‘Yāvakīvañca, bhikkhave, bhikkhū, ye te lābhā dhammikā dhammaladdhā antamaso pattapariyāpannamattampi tathārūpehi lābhehi appaṭivibhattabhogī bhavissanti sīlavantehi sabrahmacārīhi sādhāraṇabhogī, vuddhiyeva, bhikkhave, bhikkhūnaṃ pāṭikaṅkhā, no parihāni.

‘‘яаавагийван̃жа, бхигкавз, бхигкуу яаани гаани сийлаани акан̣д̣аани ажчид̣̇д̣̇аани асаб̣алаани агаммаасаани бхуж̇иссаани вин̃н̃уубасад̇т̇аани ¹⁹ абараамадтаани самаад̇хисам̣вад̇д̇анигаани д̇ат̇ааруубзсу сийлзсу сийласааман̃н̃аг̇ад̇аа вихариссанд̇и саб̣рахмажаарийхи аави жзва рахо жа, вуд̣̇д̇хиязва, бхигкавз, бхигкуунам̣ баадиган̇каа, но барихаани.

‘‘Yāvakīvañca, bhikkhave, bhikkhū yāni kāni sīlāni akhaṇḍāni acchiddāni asabalāni akammāsāni bhujissāni viññūpasatthāni ²⁰ aparāmaṭṭhāni samādhisaṃvattanikāni tathārūpesu sīlesu sīlasāmaññagatā viharissanti sabrahmacārīhi āvi ceva raho ca, vuddhiyeva, bhikkhave, bhikkhūnaṃ pāṭikaṅkhā, no parihāni.

‘‘яаавагийван̃жа, бхигкавз, бхигкуу яааяам̣ д̣̇идти арияаа нияяаанигаа, нияяаад̇и д̇аггарасса саммаа д̣̇угкагкаяааяа, д̇ат̇ааруубааяа д̣̇идтияаа д̣̇идтисааман̃н̃аг̇ад̇аа вихариссанд̇и саб̣рахмажаарийхи аави жзва рахо жа, вуд̣̇д̇хиязва, бхигкавз, бхигкуунам̣ баадиган̇каа, но барихаани.

‘‘Yāvakīvañca, bhikkhave, bhikkhū yāyaṃ diṭṭhi ariyā niyyānikā, niyyāti takkarassa sammā dukkhakkhayāya, tathārūpāya diṭṭhiyā diṭṭhisāmaññagatā viharissanti sabrahmacārīhi āvi ceva raho ca, vuddhiyeva, bhikkhave, bhikkhūnaṃ pāṭikaṅkhā, no parihāni.

‘‘яаавагийван̃жа , бхигкавз, имз ча абарихаанияаа д̇хаммаа бхигкуусу тассанд̇и, имзсу жа часу абарихааниязсу д̇хаммзсу бхигкуу санд̣̇иссиссанд̇и, вуд̣̇д̇хиязва, бхигкавз, бхигкуунам̣ баадиган̇каа, но барихааний’’д̇и.

‘‘Yāvakīvañca , bhikkhave, ime cha aparihāniyā dhammā bhikkhūsu ṭhassanti, imesu ca chasu aparihāniyesu dhammesu bhikkhū sandississanti, vuddhiyeva, bhikkhave, bhikkhūnaṃ pāṭikaṅkhā, no parihānī’’ti.

142. д̇ад̇ра суд̣̇ам̣ бхаг̇аваа рааж̇аг̇ахз вихаранд̇о г̇иж̇жхагуудз баб̣б̣ад̇з зд̇ад̣̇зва б̣ахулам̣ бхигкуунам̣ д̇хаммим̣ гат̇ам̣ гарод̇и – ‘‘ид̇и сийлам̣, ид̇и самаад̇хи, ид̇и бан̃н̃аа. сийлабарибхаавид̇о самаад̇хи махабпало ход̇и махаанисам̣со. самаад̇хибарибхаавид̇аа бан̃н̃аа махабпалаа ход̇и махаанисам̣саа. бан̃н̃аабарибхаавид̇ам̣ жид̇д̇ам̣ саммад̣̇зва аасавзхи вимужжад̇и, сзяяат̇ид̣̇ам̣ – гаамаасаваа, бхаваасаваа, авиж̇ж̇аасаваа’’д̇и.

142. Tatra sudaṃ bhagavā rājagahe viharanto gijjhakūṭe pabbate etadeva bahulaṃ bhikkhūnaṃ dhammiṃ kathaṃ karoti – ‘‘iti sīlaṃ, iti samādhi, iti paññā. Sīlaparibhāvito samādhi mahapphalo hoti mahānisaṃso. Samādhiparibhāvitā paññā mahapphalā hoti mahānisaṃsā. Paññāparibhāvitaṃ cittaṃ sammadeva āsavehi vimuccati, seyyathidaṃ – kāmāsavā, bhavāsavā, avijjāsavā’’ti.

143. ат̇а ко бхаг̇аваа рааж̇аг̇ахз яат̇аабхиранд̇ам̣ вихарид̇ваа ааяасманд̇ам̣ аананд̣̇ам̣ ааманд̇зси – ‘‘ааяаамаананд̣̇а, язна амб̣аладтигаа д̇знубасан̇гамиссаамаа’’д̇и. ‘‘звам̣, бханд̇з’’д̇и ко ааяасмаа аананд̣̇о бхаг̇авад̇о бажжассоси. ат̇а ко бхаг̇аваа махад̇аа бхигкусан̇гхзна сад̣̇д̇хим̣ язна амб̣аладтигаа д̇ад̣̇авасари. д̇ад̇ра суд̣̇ам̣ бхаг̇аваа амб̣аладтигааяам̣ вихарад̇и рааж̇ааг̇аарагз. д̇ад̇рааби суд̣̇ам̣ бхаг̇аваа амб̣аладтигааяам̣ вихаранд̇о рааж̇ааг̇аарагз зд̇ад̣̇зва б̣ахулам̣ бхигкуунам̣ д̇хаммим̣ гат̇ам̣ гарод̇и – ‘‘ид̇и сийлам̣ ид̇и самаад̇хи ид̇и бан̃н̃аа. сийлабарибхаавид̇о самаад̇хи махабпало ход̇и махаанисам̣со. самаад̇хибарибхаавид̇аа бан̃н̃аа махабпалаа ход̇и махаанисам̣саа. бан̃н̃аабарибхаавид̇ам̣ жид̇д̇ам̣ саммад̣̇зва аасавзхи вимужжад̇и, сзяяат̇ид̣̇ам̣ – гаамаасаваа, бхаваасаваа, авиж̇ж̇аасаваа’’д̇и.

143. Atha kho bhagavā rājagahe yathābhirantaṃ viharitvā āyasmantaṃ ānandaṃ āmantesi – ‘‘āyāmānanda, yena ambalaṭṭhikā tenupasaṅkamissāmā’’ti. ‘‘Evaṃ, bhante’’ti kho āyasmā ānando bhagavato paccassosi. Atha kho bhagavā mahatā bhikkhusaṅghena saddhiṃ yena ambalaṭṭhikā tadavasari. Tatra sudaṃ bhagavā ambalaṭṭhikāyaṃ viharati rājāgārake. Tatrāpi sudaṃ bhagavā ambalaṭṭhikāyaṃ viharanto rājāgārake etadeva bahulaṃ bhikkhūnaṃ dhammiṃ kathaṃ karoti – ‘‘iti sīlaṃ iti samādhi iti paññā. Sīlaparibhāvito samādhi mahapphalo hoti mahānisaṃso. Samādhiparibhāvitā paññā mahapphalā hoti mahānisaṃsā. Paññāparibhāvitaṃ cittaṃ sammadeva āsavehi vimuccati, seyyathidaṃ – kāmāsavā, bhavāsavā, avijjāsavā’’ti.

144. ат̇а ко бхаг̇аваа амб̣аладтигааяам̣ яат̇аабхиранд̇ам̣ вихарид̇ваа ааяасманд̇ам̣ аананд̣̇ам̣ ааманд̇зси – ‘‘ааяаамаананд̣̇а, язна наал̣анд̣̇аа д̇знубасан̇гамиссаамаа’’д̇и. ‘‘звам̣, бханд̇з’’д̇и ко ааяасмаа аананд̣̇о бхаг̇авад̇о бажжассоси. ат̇а ко бхаг̇аваа махад̇аа бхигкусан̇гхзна сад̣̇д̇хим̣ язна наал̣анд̣̇аа д̇ад̣̇авасари, д̇ад̇ра суд̣̇ам̣ бхаг̇аваа наал̣анд̣̇ааяам̣ вихарад̇и баавааригамб̣аванз .

144. Atha kho bhagavā ambalaṭṭhikāyaṃ yathābhirantaṃ viharitvā āyasmantaṃ ānandaṃ āmantesi – ‘‘āyāmānanda, yena nāḷandā tenupasaṅkamissāmā’’ti. ‘‘Evaṃ, bhante’’ti kho āyasmā ānando bhagavato paccassosi. Atha kho bhagavā mahatā bhikkhusaṅghena saddhiṃ yena nāḷandā tadavasari, tatra sudaṃ bhagavā nāḷandāyaṃ viharati pāvārikambavane .

саарибуд̇д̇асийханаад̣̇о

Sāriputtasīhanādo

145. ат̇а ко ааяасмаа саарибуд̇д̇о язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко ааяасмаа саарибуд̇д̇о бхаг̇аванд̇ам̣ зд̇ад̣̇авожа – ‘‘звам̣ басанно ахам̣, бханд̇з, бхаг̇авад̇и; на жааху на жа бхависсад̇и на жзд̇арахи виж̇ж̇ад̇и ан̃н̃о саман̣о ваа б̣раахман̣о ваа бхаг̇авад̇аа бхияяобхин̃н̃ад̇аро яад̣̇ид̣̇ам̣ самб̣од̇хияа’’нд̇и. ‘‘ул̣аараа ко д̇з аяам̣, саарибуд̇д̇а, аасабхий ваажаа ²¹ бхаасид̇аа, згам̣со г̇ахид̇о, сийханаад̣̇о над̣̇ид̇о – ‘звам̣басанно ахам̣, бханд̇з, бхаг̇авад̇и; на жааху на жа бхависсад̇и на жзд̇арахи виж̇ж̇ад̇и ан̃н̃о саман̣о ваа б̣раахман̣о ваа бхаг̇авад̇аа бхияяобхин̃н̃ад̇аро яад̣̇ид̣̇ам̣ самб̣од̇хияа’нд̇и.

145. Atha kho āyasmā sāriputto yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho āyasmā sāriputto bhagavantaṃ etadavoca – ‘‘evaṃ pasanno ahaṃ, bhante, bhagavati; na cāhu na ca bhavissati na cetarahi vijjati añño samaṇo vā brāhmaṇo vā bhagavatā bhiyyobhiññataro yadidaṃ sambodhiya’’nti. ‘‘Uḷārā kho te ayaṃ, sāriputta, āsabhī vācā ²² bhāsitā, ekaṃso gahito, sīhanādo nadito – ‘evaṃpasanno ahaṃ, bhante, bhagavati; na cāhu na ca bhavissati na cetarahi vijjati añño samaṇo vā brāhmaṇo vā bhagavatā bhiyyobhiññataro yadidaṃ sambodhiya’nti.

‘‘гим̣ д̇з ²³, саарибуд̇д̇а, яз д̇з ахзсум̣ ад̇ийд̇амад̣̇д̇хаанам̣ араханд̇о саммаасамб̣уд̣̇д̇хаа, саб̣б̣з д̇з бхаг̇аванд̇о жзд̇асаа жзд̇о барижжа вид̣̇ид̇аа – ‘звам̣сийлаа д̇з бхаг̇аванд̇о ахзсум̣ ид̇иби, звам̣д̇хаммаа звам̣бан̃н̃аа звам̣вихаарий звам̣вимуд̇д̇аа д̇з бхаг̇аванд̇о ахзсум̣ ид̇ибий’’’д̇и? ‘‘но хзд̇ам̣, бханд̇з’’.

‘‘Kiṃ te ²⁴, sāriputta, ye te ahesuṃ atītamaddhānaṃ arahanto sammāsambuddhā, sabbe te bhagavanto cetasā ceto paricca viditā – ‘evaṃsīlā te bhagavanto ahesuṃ itipi, evaṃdhammā evaṃpaññā evaṃvihārī evaṃvimuttā te bhagavanto ahesuṃ itipī’’’ti? ‘‘No hetaṃ, bhante’’.

‘‘гим̣ бана д̇з ²⁵, саарибуд̇д̇а, яз д̇з бхависсанд̇и анааг̇ад̇амад̣̇д̇хаанам̣ араханд̇о саммаасамб̣уд̣̇д̇хаа, саб̣б̣з д̇з бхаг̇аванд̇о жзд̇асаа жзд̇о барижжа вид̣̇ид̇аа – ‘звам̣сийлаа д̇з бхаг̇аванд̇о бхависсанд̇и ид̇иби, звам̣д̇хаммаа звам̣бан̃н̃аа звам̣вихаарий звам̣вимуд̇д̇аа д̇з бхаг̇аванд̇о бхависсанд̇и ид̇ибий’’’д̇и? ‘‘но хзд̇ам̣, бханд̇з’’.

‘‘Kiṃ pana te ²⁶, sāriputta, ye te bhavissanti anāgatamaddhānaṃ arahanto sammāsambuddhā, sabbe te bhagavanto cetasā ceto paricca viditā – ‘evaṃsīlā te bhagavanto bhavissanti itipi, evaṃdhammā evaṃpaññā evaṃvihārī evaṃvimuttā te bhagavanto bhavissanti itipī’’’ti? ‘‘No hetaṃ, bhante’’.

‘‘гим̣ бана д̇з, саарибуд̇д̇а, ахам̣ зд̇арахи арахам̣ саммаасамб̣уд̣̇д̇хо жзд̇асаа жзд̇о барижжа вид̣̇ид̇о – ‘‘звам̣сийло бхаг̇аваа ид̇иби , звам̣д̇хаммо звам̣бан̃н̃о звам̣вихаарий звам̣вимуд̇д̇о бхаг̇аваа ид̇ибий’’’д̇и? ‘‘но хзд̇ам̣, бханд̇з’’.

‘‘Kiṃ pana te, sāriputta, ahaṃ etarahi arahaṃ sammāsambuddho cetasā ceto paricca vidito – ‘‘evaṃsīlo bhagavā itipi , evaṃdhammo evaṃpañño evaṃvihārī evaṃvimutto bhagavā itipī’’’ti? ‘‘No hetaṃ, bhante’’.

‘‘зд̇т̇а жа хи д̇з, саарибуд̇д̇а, ад̇ийд̇аанааг̇ад̇абажжуббаннзсу араханд̇зсу саммаасамб̣уд̣̇д̇хзсу жзд̇обарияан̃аан̣ам̣ ²⁷ над̇т̇и. ат̇а гин̃жарахи д̇з аяам̣, саарибуд̇д̇а, ул̣аараа аасабхий ваажаа бхаасид̇аа, згам̣со г̇ахид̇о, сийханаад̣̇о над̣̇ид̇о – ‘звам̣басанно ахам̣, бханд̇з, бхаг̇авад̇и; на жааху на жа бхависсад̇и на жзд̇арахи виж̇ж̇ад̇и ан̃н̃о саман̣о ваа б̣раахман̣о ваа бхаг̇авад̇аа бхияяобхин̃н̃ад̇аро яад̣̇ид̣̇ам̣ самб̣од̇хияа’’’нд̇и?

‘‘Ettha ca hi te, sāriputta, atītānāgatapaccuppannesu arahantesu sammāsambuddhesu cetopariyañāṇaṃ ²⁸ natthi. Atha kiñcarahi te ayaṃ, sāriputta, uḷārā āsabhī vācā bhāsitā, ekaṃso gahito, sīhanādo nadito – ‘evaṃpasanno ahaṃ, bhante, bhagavati; na cāhu na ca bhavissati na cetarahi vijjati añño samaṇo vā brāhmaṇo vā bhagavatā bhiyyobhiññataro yadidaṃ sambodhiya’’’nti?

146. ‘‘на ко мз, бханд̇з, ад̇ийд̇аанааг̇ад̇абажжуббаннзсу араханд̇зсу саммаасамб̣уд̣̇д̇хзсу жзд̇обарияан̃аан̣ам̣ ад̇т̇и, аби жа мз д̇хамманваяо вид̣̇ид̇о. сзяяат̇ааби, бханд̇з, ран̃н̃о бажжанд̇имам̣ наг̇арам̣ д̣̇ал̣худ̣̇д̇хаабам̣ д̣̇ал̣хабаагаарад̇оран̣ам̣ згад̣̇ваарам̣, д̇ад̇расса д̣̇оваариго бан̣д̣ид̇о вияад̇д̇о мзд̇хаавий ан̃н̃аад̇аанам̣ ниваарзд̇аа н̃аад̇аанам̣ бавзсзд̇аа. со д̇асса наг̇арасса саманд̇аа анубарияааяабат̇ам̣ ²⁹ ануггамамаано на бассзяяа баагаарасанд̇хим̣ ваа баагааравиварам̣ ваа, анд̇амасо б̣ил̣ааранигкаманамад̇д̇амби. д̇асса звамасса ³⁰ – ‘яз ко гзжи ол̣ааригаа баан̣аа имам̣ наг̇арам̣ бависанд̇и ваа нигкаманд̇и ваа, саб̣б̣з д̇з иминаава д̣̇ваарзна бависанд̇и ваа нигкаманд̇и ваа’д̇и. звамзва ко мз, бханд̇з, д̇хамманваяо вид̣̇ид̇о – ‘яз д̇з, бханд̇з, ахзсум̣ ад̇ийд̇амад̣̇д̇хаанам̣ араханд̇о саммаасамб̣уд̣̇д̇хаа , саб̣б̣з д̇з бхаг̇аванд̇о бан̃жа нийваран̣з бахааяа жзд̇асо убаггилзсз бан̃н̃ааяа д̣̇уб̣б̣алийгаран̣з жад̇уусу сад̇ибадтаанзсу субад̇идтид̇ажид̇д̇аа сад̇д̇аб̣ож̇жхан̇г̇з яат̇аабхууд̇ам̣ бхаавзд̇ваа ануд̇д̇арам̣ саммаасамб̣од̇хим̣ абхисамб̣уж̇жхим̣су. язби д̇з, бханд̇з, бхависсанд̇и анааг̇ад̇амад̣̇д̇хаанам̣ араханд̇о саммаасамб̣уд̣̇д̇хаа , саб̣б̣з д̇з бхаг̇аванд̇о бан̃жа нийваран̣з бахааяа жзд̇асо убаггилзсз бан̃н̃ааяа д̣̇уб̣б̣алийгаран̣з жад̇уусу сад̇ибадтаанзсу субад̇идтид̇ажид̇д̇аа сад̇д̇а б̣ож̇жхан̇г̇з яат̇аабхууд̇ам̣ бхаавзд̇ваа ануд̇д̇арам̣ саммаасамб̣од̇хим̣ абхисамб̣уж̇жхиссанд̇и. бхаг̇авааби, бханд̇з, зд̇арахи арахам̣ саммаасамб̣уд̣̇д̇хо бан̃жа нийваран̣з бахааяа жзд̇асо убаггилзсз бан̃н̃ааяа д̣̇уб̣б̣алийгаран̣з жад̇уусу сад̇ибадтаанзсу субад̇идтид̇ажид̇д̇о сад̇д̇а б̣ож̇жхан̇г̇з яат̇аабхууд̇ам̣ бхаавзд̇ваа ануд̇д̇арам̣ саммаасамб̣од̇хим̣ абхисамб̣уд̣̇д̇хо’’’д̇и.

146. ‘‘Na kho me, bhante, atītānāgatapaccuppannesu arahantesu sammāsambuddhesu cetopariyañāṇaṃ atthi, api ca me dhammanvayo vidito. Seyyathāpi, bhante, rañño paccantimaṃ nagaraṃ daḷhuddhāpaṃ daḷhapākāratoraṇaṃ ekadvāraṃ, tatrassa dovāriko paṇḍito viyatto medhāvī aññātānaṃ nivāretā ñātānaṃ pavesetā. So tassa nagarassa samantā anupariyāyapathaṃ ³¹ anukkamamāno na passeyya pākārasandhiṃ vā pākāravivaraṃ vā, antamaso biḷāranikkhamanamattampi. Tassa evamassa ³² – ‘ye kho keci oḷārikā pāṇā imaṃ nagaraṃ pavisanti vā nikkhamanti vā, sabbe te imināva dvārena pavisanti vā nikkhamanti vā’ti. Evameva kho me, bhante, dhammanvayo vidito – ‘ye te, bhante, ahesuṃ atītamaddhānaṃ arahanto sammāsambuddhā , sabbe te bhagavanto pañca nīvaraṇe pahāya cetaso upakkilese paññāya dubbalīkaraṇe catūsu satipaṭṭhānesu supatiṭṭhitacittā sattabojjhaṅge yathābhūtaṃ bhāvetvā anuttaraṃ sammāsambodhiṃ abhisambujjhiṃsu. Yepi te, bhante, bhavissanti anāgatamaddhānaṃ arahanto sammāsambuddhā , sabbe te bhagavanto pañca nīvaraṇe pahāya cetaso upakkilese paññāya dubbalīkaraṇe catūsu satipaṭṭhānesu supatiṭṭhitacittā satta bojjhaṅge yathābhūtaṃ bhāvetvā anuttaraṃ sammāsambodhiṃ abhisambujjhissanti. Bhagavāpi, bhante, etarahi arahaṃ sammāsambuddho pañca nīvaraṇe pahāya cetaso upakkilese paññāya dubbalīkaraṇe catūsu satipaṭṭhānesu supatiṭṭhitacitto satta bojjhaṅge yathābhūtaṃ bhāvetvā anuttaraṃ sammāsambodhiṃ abhisambuddho’’’ti.

147. д̇ад̇раби суд̣̇ам̣ бхаг̇аваа наал̣анд̣̇ааяам̣ вихаранд̇о баавааригамб̣аванз зд̇ад̣̇зва б̣ахулам̣ бхигкуунам̣ д̇хаммим̣ гат̇ам̣ гарод̇и – ‘‘ид̇и сийлам̣, ид̇и самаад̇хи, ид̇и бан̃н̃аа. сийлабарибхаавид̇о самаад̇хи махабпало ход̇и махаанисам̣со. самаад̇хибарибхаавид̇аа бан̃н̃аа махабпалаа ход̇и махаанисам̣саа. бан̃н̃аабарибхаавид̇ам̣ жид̇д̇ам̣ саммад̣̇зва аасавзхи вимужжад̇и, сзяяат̇ид̣̇ам̣ – гаамаасаваа, бхаваасаваа, авиж̇ж̇аасаваа’’д̇и.

147. Tatrapi sudaṃ bhagavā nāḷandāyaṃ viharanto pāvārikambavane etadeva bahulaṃ bhikkhūnaṃ dhammiṃ kathaṃ karoti – ‘‘iti sīlaṃ, iti samādhi, iti paññā. Sīlaparibhāvito samādhi mahapphalo hoti mahānisaṃso. Samādhiparibhāvitā paññā mahapphalā hoti mahānisaṃsā. Paññāparibhāvitaṃ cittaṃ sammadeva āsavehi vimuccati, seyyathidaṃ – kāmāsavā, bhavāsavā, avijjāsavā’’ti.

д̣̇уссийлааад̣̇ийнаваа

Dussīlaādīnavā

148. ат̇а ко бхаг̇аваа наал̣анд̣̇ааяам̣ яат̇аабхиранд̇ам̣ вихарид̇ваа ааяасманд̇ам̣ аананд̣̇ам̣ ааманд̇зси – ‘‘ааяаамаананд̣̇а, язна баадалиг̇аамо д̇знубасан̇гамиссаамаа’’д̇и. ‘‘звам̣, бханд̇з’’д̇и ко ааяасмаа аананд̣̇о бхаг̇авад̇о бажжассоси . ат̇а ко бхаг̇аваа махад̇аа бхигкусан̇гхзна сад̣̇д̇хим̣ язна баадалиг̇аамо д̇ад̣̇авасари. ассосум̣ ко баадалиг̇аамигаа убаасагаа – ‘‘бхаг̇аваа гира баадалиг̇аамам̣ ануббад̇д̇о’’д̇и. ат̇а ко баадалиг̇аамигаа убаасагаа язна бхаг̇аваа д̇знубасан̇гамим̣су; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇им̣су. згаманд̇ам̣ нисиннаа ко баадалиг̇аамигаа убаасагаа бхаг̇аванд̇ам̣ зд̇ад̣̇авожум̣ – ‘‘ад̇хиваасзд̇у но, бханд̇з, бхаг̇аваа аавасат̇ааг̇аара’’нд̇и. ад̇хиваасзси бхаг̇аваа д̇ун̣хийбхаавзна. ат̇а ко баадалиг̇аамигаа убаасагаа бхаг̇авад̇о ад̇хиваасанам̣ вид̣̇ид̇ваа удтааяаасанаа бхаг̇аванд̇ам̣ абхиваад̣̇зд̇ваа бад̣̇агкин̣ам̣ гад̇ваа язна аавасат̇ааг̇аарам̣ д̇знубасан̇гамим̣су; убасан̇гамид̇ваа саб̣б̣асант̇арим̣ ³³ аавасат̇ааг̇аарам̣ сант̇арид̇ваа аасанаани бан̃н̃абзд̇ваа уд̣̇агаман̣игам̣ бад̇идтаабзд̇ваа д̇злабад̣̇ийбам̣ ааробзд̇ваа язна бхаг̇аваа д̇знубасан̇гамим̣су, убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ адтам̣су. згаманд̇ам̣ тид̇аа ко баадалиг̇аамигаа убаасагаа бхаг̇аванд̇ам̣ зд̇ад̣̇авожум̣ – ‘‘саб̣б̣асант̇арисант̇ад̇ам̣ ³⁴, бханд̇з, аавасат̇ааг̇аарам̣, аасанаани бан̃н̃ад̇д̇аани, уд̣̇агаман̣иго бад̇идтаабид̇о, д̇злабад̣̇ийбо ааробид̇о; яассад̣̇аани, бханд̇з, бхаг̇аваа гаалам̣ ман̃н̃ад̇ий’’д̇и. ат̇а ко бхаг̇аваа сааяанхасамаяам̣ ³⁵. ниваасзд̇ваа бад̇д̇ажийварамаад̣̇ааяа сад̣̇д̇хим̣ бхигкусан̇гхзна язна аавасат̇ааг̇аарам̣ д̇знубасан̇гами; убасан̇гамид̇ваа баад̣̇з багкаалзд̇ваа аавасат̇ааг̇аарам̣ бависид̇ваа маж̇жхимам̣ т̇амбхам̣ ниссааяа бурад̇т̇аабхимуко ³⁶ нисийд̣̇и. бхигкусан̇гхоби ко баад̣̇з багкаалзд̇ваа аавасат̇ааг̇аарам̣ бависид̇ваа бажчимам̣ бхид̇д̇им̣ ниссааяа бурад̇т̇аабхимуко нисийд̣̇и бхаг̇аванд̇амзва бурагкад̇ваа. баадалиг̇аамигааби ко убаасагаа баад̣̇з багкаалзд̇ваа аавасат̇ааг̇аарам̣ бависид̇ваа бурад̇т̇имам̣ бхид̇д̇им̣ ниссааяа бажчимаабхимукаа нисийд̣̇им̣су бхаг̇аванд̇амзва бурагкад̇ваа.

148. Atha kho bhagavā nāḷandāyaṃ yathābhirantaṃ viharitvā āyasmantaṃ ānandaṃ āmantesi – ‘‘āyāmānanda, yena pāṭaligāmo tenupasaṅkamissāmā’’ti. ‘‘Evaṃ, bhante’’ti kho āyasmā ānando bhagavato paccassosi . Atha kho bhagavā mahatā bhikkhusaṅghena saddhiṃ yena pāṭaligāmo tadavasari. Assosuṃ kho pāṭaligāmikā upāsakā – ‘‘bhagavā kira pāṭaligāmaṃ anuppatto’’ti. Atha kho pāṭaligāmikā upāsakā yena bhagavā tenupasaṅkamiṃsu; upasaṅkamitvā bhagavantaṃ abhivādetvā ekamantaṃ nisīdiṃsu. Ekamantaṃ nisinnā kho pāṭaligāmikā upāsakā bhagavantaṃ etadavocuṃ – ‘‘adhivāsetu no, bhante, bhagavā āvasathāgāra’’nti. Adhivāsesi bhagavā tuṇhībhāvena. Atha kho pāṭaligāmikā upāsakā bhagavato adhivāsanaṃ viditvā uṭṭhāyāsanā bhagavantaṃ abhivādetvā padakkhiṇaṃ katvā yena āvasathāgāraṃ tenupasaṅkamiṃsu; upasaṅkamitvā sabbasanthariṃ ³⁷ āvasathāgāraṃ santharitvā āsanāni paññapetvā udakamaṇikaṃ patiṭṭhāpetvā telapadīpaṃ āropetvā yena bhagavā tenupasaṅkamiṃsu, upasaṅkamitvā bhagavantaṃ abhivādetvā ekamantaṃ aṭṭhaṃsu. Ekamantaṃ ṭhitā kho pāṭaligāmikā upāsakā bhagavantaṃ etadavocuṃ – ‘‘sabbasantharisanthataṃ ³⁸, bhante, āvasathāgāraṃ, āsanāni paññattāni, udakamaṇiko patiṭṭhāpito, telapadīpo āropito; yassadāni, bhante, bhagavā kālaṃ maññatī’’ti. Atha kho bhagavā sāyanhasamayaṃ ³⁹. Nivāsetvā pattacīvaramādāya saddhiṃ bhikkhusaṅghena yena āvasathāgāraṃ tenupasaṅkami; upasaṅkamitvā pāde pakkhāletvā āvasathāgāraṃ pavisitvā majjhimaṃ thambhaṃ nissāya puratthābhimukho ⁴⁰ nisīdi. Bhikkhusaṅghopi kho pāde pakkhāletvā āvasathāgāraṃ pavisitvā pacchimaṃ bhittiṃ nissāya puratthābhimukho nisīdi bhagavantameva purakkhatvā. Pāṭaligāmikāpi kho upāsakā pāde pakkhāletvā āvasathāgāraṃ pavisitvā puratthimaṃ bhittiṃ nissāya pacchimābhimukhā nisīdiṃsu bhagavantameva purakkhatvā.

149. ат̇а ко бхаг̇аваа баадалиг̇аамигз убаасагз ааманд̇зси – ‘‘бан̃жимз, г̇ахабад̇аяо, аад̣̇ийнаваа д̣̇уссийласса сийлавибад̇д̇ияаа. гад̇амз бан̃жа? ид̇ха, г̇ахабад̇аяо, д̣̇уссийло сийлавибанно бамаад̣̇аад̇хигаран̣ам̣ махад̇им̣ бхог̇аж̇ааним̣ ниг̇ажчад̇и. аяам̣ батамо аад̣̇ийнаво д̣̇уссийласса сийлавибад̇д̇ияаа.

149. Atha kho bhagavā pāṭaligāmike upāsake āmantesi – ‘‘pañcime, gahapatayo, ādīnavā dussīlassa sīlavipattiyā. Katame pañca? Idha, gahapatayo, dussīlo sīlavipanno pamādādhikaraṇaṃ mahatiṃ bhogajāniṃ nigacchati. Ayaṃ paṭhamo ādīnavo dussīlassa sīlavipattiyā.

‘‘буна жабарам̣, г̇ахабад̇аяо, д̣̇уссийласса сийлавибаннасса баабаго гид̇д̇исад̣̇д̣̇о аб̣бхуг̇г̇ажчад̇и. аяам̣ д̣̇уд̇ияо аад̣̇ийнаво д̣̇уссийласса сийлавибад̇д̇ияаа.

‘‘Puna caparaṃ, gahapatayo, dussīlassa sīlavipannassa pāpako kittisaddo abbhuggacchati. Ayaṃ dutiyo ādīnavo dussīlassa sīlavipattiyā.

‘‘буна жабарам̣, г̇ахабад̇аяо, д̣̇уссийло сийлавибанно яан̃н̃ад̣̇зва барисам̣ убасан̇гамад̇и – яад̣̇и кад̇д̇ияабарисам̣ яад̣̇и б̣раахман̣абарисам̣ яад̣̇и г̇ахабад̇ибарисам̣ яад̣̇и саман̣абарисам̣ – ависаарад̣̇о убасан̇гамад̇и ман̇губхууд̇о. аяам̣ д̇ад̇ияо аад̣̇ийнаво д̣̇уссийласса сийлавибад̇д̇ияаа.

‘‘Puna caparaṃ, gahapatayo, dussīlo sīlavipanno yaññadeva parisaṃ upasaṅkamati – yadi khattiyaparisaṃ yadi brāhmaṇaparisaṃ yadi gahapatiparisaṃ yadi samaṇaparisaṃ – avisārado upasaṅkamati maṅkubhūto. Ayaṃ tatiyo ādīnavo dussīlassa sīlavipattiyā.

‘‘буна жабарам̣, г̇ахабад̇аяо, д̣̇уссийло сийлавибанно саммуул̣хо гаалан̇гарод̇и. аяам̣ жад̇уд̇т̇о аад̣̇ийнаво д̣̇уссийласса сийлавибад̇д̇ияаа.

‘‘Puna caparaṃ, gahapatayo, dussīlo sīlavipanno sammūḷho kālaṅkaroti. Ayaṃ catuttho ādīnavo dussīlassa sīlavipattiyā.

‘‘буна жабарам̣, г̇ахабад̇аяо, д̣̇уссийло сийлавибанно гааяасса бхзд̣̇аа барам̣ маран̣аа абааяам̣ д̣̇уг̇г̇ад̇им̣ винибаад̇ам̣ нираяам̣ убабаж̇ж̇ад̇и. аяам̣ бан̃жамо аад̣̇ийнаво д̣̇уссийласса сийлавибад̇д̇ияаа. имз ко, г̇ахабад̇аяо, бан̃жа аад̣̇ийнаваа д̣̇уссийласса сийлавибад̇д̇ияаа.

‘‘Puna caparaṃ, gahapatayo, dussīlo sīlavipanno kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjati. Ayaṃ pañcamo ādīnavo dussīlassa sīlavipattiyā. Ime kho, gahapatayo, pañca ādīnavā dussīlassa sīlavipattiyā.

сийлаванд̇д̇ааанисам̣саа

Sīlavanttaānisaṃsā

150. ‘‘бан̃жимз , г̇ахабад̇аяо, аанисам̣саа сийлавад̇о сийласамбад̣̇ааяа. гад̇амз бан̃жа? ид̇ха, г̇ахабад̇аяо, сийлаваа сийласамбанно аббамаад̣̇аад̇хигаран̣ам̣ маханд̇ам̣ бхог̇агканд̇хам̣ ад̇хиг̇ажчад̇и. аяам̣ батамо аанисам̣со сийлавад̇о сийласамбад̣̇ааяа.

150. ‘‘Pañcime , gahapatayo, ānisaṃsā sīlavato sīlasampadāya. Katame pañca? Idha, gahapatayo, sīlavā sīlasampanno appamādādhikaraṇaṃ mahantaṃ bhogakkhandhaṃ adhigacchati. Ayaṃ paṭhamo ānisaṃso sīlavato sīlasampadāya.

‘‘буна жабарам̣, г̇ахабад̇аяо, сийлавад̇о сийласамбаннасса галяаан̣о гид̇д̇исад̣̇д̣̇о аб̣бхуг̇г̇ажчад̇и. аяам̣ д̣̇уд̇ияо аанисам̣со сийлавад̇о сийласамбад̣̇ааяа.

‘‘Puna caparaṃ, gahapatayo, sīlavato sīlasampannassa kalyāṇo kittisaddo abbhuggacchati. Ayaṃ dutiyo ānisaṃso sīlavato sīlasampadāya.

‘‘буна жабарам̣, г̇ахабад̇аяо, сийлаваа сийласамбанно яан̃н̃ад̣̇зва барисам̣ убасан̇гамад̇и – яад̣̇и кад̇д̇ияабарисам̣ яад̣̇и б̣раахман̣абарисам̣ яад̣̇и г̇ахабад̇ибарисам̣ яад̣̇и саман̣абарисам̣ висаарад̣̇о убасан̇гамад̇и аман̇губхууд̇о. аяам̣ д̇ад̇ияо аанисам̣со сийлавад̇о сийласамбад̣̇ааяа.

‘‘Puna caparaṃ, gahapatayo, sīlavā sīlasampanno yaññadeva parisaṃ upasaṅkamati – yadi khattiyaparisaṃ yadi brāhmaṇaparisaṃ yadi gahapatiparisaṃ yadi samaṇaparisaṃ visārado upasaṅkamati amaṅkubhūto. Ayaṃ tatiyo ānisaṃso sīlavato sīlasampadāya.

‘‘буна жабарам̣, г̇ахабад̇аяо, сийлаваа сийласамбанно асаммуул̣хо гаалан̇гарод̇и. аяам̣ жад̇уд̇т̇о аанисам̣со сийлавад̇о сийласамбад̣̇ааяа.

‘‘Puna caparaṃ, gahapatayo, sīlavā sīlasampanno asammūḷho kālaṅkaroti. Ayaṃ catuttho ānisaṃso sīlavato sīlasampadāya.

‘‘буна жабарам̣, г̇ахабад̇аяо, сийлаваа сийласамбанно гааяасса бхзд̣̇аа барам̣ маран̣аа суг̇ад̇им̣ саг̇г̇ам̣ логам̣ убабаж̇ж̇ад̇и. аяам̣ бан̃жамо аанисам̣со сийлавад̇о сийласамбад̣̇ааяа. имз ко, г̇ахабад̇аяо, бан̃жа аанисам̣саа сийлавад̇о сийласамбад̣̇ааяаа’’д̇и.

‘‘Puna caparaṃ, gahapatayo, sīlavā sīlasampanno kāyassa bhedā paraṃ maraṇā sugatiṃ saggaṃ lokaṃ upapajjati. Ayaṃ pañcamo ānisaṃso sīlavato sīlasampadāya. Ime kho, gahapatayo, pañca ānisaṃsā sīlavato sīlasampadāyā’’ti.

151. ат̇а ко бхаг̇аваа баадалиг̇аамигз убаасагз б̣ахуд̣̇зва рад̇д̇им̣ д̇хаммияаа гат̇ааяа санд̣̇ассзд̇ваа самаад̣̇абзд̇ваа самуд̇д̇зж̇зд̇ваа самбахам̣сзд̇ваа уяяож̇зси – ‘‘абхигганд̇аа ко, г̇ахабад̇аяо, рад̇д̇и, яассад̣̇аани д̇умхз гаалам̣ ман̃н̃ат̇аа’’д̇и. ‘‘звам̣, бханд̇з’’д̇и ко баадалиг̇аамигаа убаасагаа бхаг̇авад̇о бадиссуд̇ваа удтааяаасанаа бхаг̇аванд̇ам̣ абхиваад̣̇зд̇ваа бад̣̇агкин̣ам̣ гад̇ваа баггамим̣су. ат̇а ко бхаг̇аваа ажирабагганд̇зсу баадалиг̇аамигзсу убаасагзсу сун̃н̃ааг̇аарам̣ баависи.

151. Atha kho bhagavā pāṭaligāmike upāsake bahudeva rattiṃ dhammiyā kathāya sandassetvā samādapetvā samuttejetvā sampahaṃsetvā uyyojesi – ‘‘abhikkantā kho, gahapatayo, ratti, yassadāni tumhe kālaṃ maññathā’’ti. ‘‘Evaṃ, bhante’’ti kho pāṭaligāmikā upāsakā bhagavato paṭissutvā uṭṭhāyāsanā bhagavantaṃ abhivādetvā padakkhiṇaṃ katvā pakkamiṃsu. Atha kho bhagavā acirapakkantesu pāṭaligāmikesu upāsakesu suññāgāraṃ pāvisi.

баадалибуд̇д̇анаг̇арамаабанам̣

Pāṭaliputtanagaramāpanaṃ

152. д̇зна ко бана самаязна сунид̇хавассагаараа ⁴¹ маг̇ад̇хамахаамад̇д̇аа баадалиг̇аамз наг̇арам̣ маабзнд̇и важ̇ж̇ийнам̣ бадиб̣аахааяа. д̇зна самаязна самб̣ахулаа д̣̇звад̇ааяо сахассзва ⁴² баадалиг̇аамз вад̇т̇ууни бариг̇г̇ан̣ханд̇и. яасмим̣ бад̣̇зсз махзсагкаа д̣̇звад̇аа вад̇т̇ууни бариг̇г̇ан̣ханд̇и, махзсагкаанам̣ д̇ад̇т̇а ран̃н̃ам̣ рааж̇амахаамад̇д̇аанам̣ жид̇д̇аани наманд̇и нивзсанаани маабзд̇ум̣. яасмим̣ бад̣̇зсз маж̇жхимаа д̣̇звад̇аа вад̇т̇ууни бариг̇г̇ан̣ханд̇и, маж̇жхимаанам̣ д̇ад̇т̇а ран̃н̃ам̣ рааж̇амахаамад̇д̇аанам̣ жид̇д̇аани наманд̇и нивзсанаани маабзд̇ум̣. яасмим̣ бад̣̇зсз нийжаа д̣̇звад̇аа вад̇т̇ууни бариг̇г̇ан̣ханд̇и, нийжаанам̣ д̇ад̇т̇а ран̃н̃ам̣ рааж̇амахаамад̇д̇аанам̣ жид̇д̇аани наманд̇и нивзсанаани маабзд̇ум̣. ад̣̇д̣̇асаа ко бхаг̇аваа д̣̇иб̣б̣зна жагкунаа висуд̣̇д̇хзна ад̇игганд̇амаанусагзна д̇аа д̣̇звад̇ааяо сахассзва баадалиг̇аамз вад̇т̇ууни бариг̇г̇ан̣ханд̇ияо. ат̇а ко бхаг̇аваа рад̇д̇ияаа бажжуусасамаяам̣ бажжудтааяа ааяасманд̇ам̣ аананд̣̇ам̣ ааманд̇зси – ‘‘гз ну ко ⁴³, аананд̣̇а, баадалиг̇аамз наг̇арам̣ маабзнд̇ий’’д̇и ⁴⁴? ‘‘сунид̇хавассагаараа, бханд̇з, маг̇ад̇хамахаамад̇д̇аа баадалиг̇аамз наг̇арам̣ маабзнд̇и важ̇ж̇ийнам̣ бадиб̣аахааяаа’’д̇и. ‘‘сзяяат̇ааби, аананд̣̇а, д̣̇звзхи д̇аавад̇им̣сзхи сад̣̇д̇хим̣ манд̇зд̇ваа, звамзва ко, аананд̣̇а, сунид̇хавассагаараа маг̇ад̇хамахаамад̇д̇аа баадалиг̇аамз наг̇арам̣ маабзнд̇и важ̇ж̇ийнам̣ бадиб̣аахааяа. ид̇хаахам̣, аананд̣̇а, ад̣̇д̣̇асам̣ д̣̇иб̣б̣зна жагкунаа висуд̣̇д̇хзна ад̇игганд̇амаанусагзна самб̣ахулаа д̣̇звад̇ааяо сахассзва баадалиг̇аамз вад̇т̇ууни бариг̇г̇ан̣ханд̇ияо. яасмим̣ , аананд̣̇а, бад̣̇зсз махзсагкаа д̣̇звад̇аа вад̇т̇ууни бариг̇г̇ан̣ханд̇и, махзсагкаанам̣ д̇ад̇т̇а ран̃н̃ам̣ рааж̇амахаамад̇д̇аанам̣ жид̇д̇аани наманд̇и нивзсанаани маабзд̇ум̣. яасмим̣ бад̣̇зсз маж̇жхимаа д̣̇звад̇аа вад̇т̇ууни бариг̇г̇ан̣ханд̇и, маж̇жхимаанам̣ д̇ад̇т̇а ран̃н̃ам̣ рааж̇амахаамад̇д̇аанам̣ жид̇д̇аани наманд̇и нивзсанаани маабзд̇ум̣. яасмим̣ бад̣̇зсз нийжаа д̣̇звад̇аа вад̇т̇ууни бариг̇г̇ан̣ханд̇и, нийжаанам̣ д̇ад̇т̇а ран̃н̃ам̣ рааж̇амахаамад̇д̇аанам̣ жид̇д̇аани наманд̇и нивзсанаани маабзд̇ум̣. яаавад̇аа, аананд̣̇а, арияам̣ ааяад̇анам̣ яаавад̇аа ван̣иббат̇о ид̣̇ам̣ аг̇г̇анаг̇арам̣ бхависсад̇и баадалибуд̇д̇ам̣ будабхзд̣̇анам̣ . баадалибуд̇д̇асса ко, аананд̣̇а, д̇аяо анд̇арааяаа бхависсанд̇и – аг̇г̇ид̇о ваа уд̣̇агад̇о ваа мит̇убхзд̣̇аа ваа’’д̇и.

152. Tena kho pana samayena sunidhavassakārā ⁴⁵ magadhamahāmattā pāṭaligāme nagaraṃ māpenti vajjīnaṃ paṭibāhāya. Tena samayena sambahulā devatāyo sahasseva ⁴⁶ pāṭaligāme vatthūni pariggaṇhanti. Yasmiṃ padese mahesakkhā devatā vatthūni pariggaṇhanti, mahesakkhānaṃ tattha raññaṃ rājamahāmattānaṃ cittāni namanti nivesanāni māpetuṃ. Yasmiṃ padese majjhimā devatā vatthūni pariggaṇhanti, majjhimānaṃ tattha raññaṃ rājamahāmattānaṃ cittāni namanti nivesanāni māpetuṃ. Yasmiṃ padese nīcā devatā vatthūni pariggaṇhanti, nīcānaṃ tattha raññaṃ rājamahāmattānaṃ cittāni namanti nivesanāni māpetuṃ. Addasā kho bhagavā dibbena cakkhunā visuddhena atikkantamānusakena tā devatāyo sahasseva pāṭaligāme vatthūni pariggaṇhantiyo. Atha kho bhagavā rattiyā paccūsasamayaṃ paccuṭṭhāya āyasmantaṃ ānandaṃ āmantesi – ‘‘ke nu kho ⁴⁷, ānanda, pāṭaligāme nagaraṃ māpentī’’ti ⁴⁸? ‘‘Sunidhavassakārā, bhante, magadhamahāmattā pāṭaligāme nagaraṃ māpenti vajjīnaṃ paṭibāhāyā’’ti. ‘‘Seyyathāpi, ānanda, devehi tāvatiṃsehi saddhiṃ mantetvā, evameva kho, ānanda, sunidhavassakārā magadhamahāmattā pāṭaligāme nagaraṃ māpenti vajjīnaṃ paṭibāhāya. Idhāhaṃ, ānanda, addasaṃ dibbena cakkhunā visuddhena atikkantamānusakena sambahulā devatāyo sahasseva pāṭaligāme vatthūni pariggaṇhantiyo. Yasmiṃ , ānanda, padese mahesakkhā devatā vatthūni pariggaṇhanti, mahesakkhānaṃ tattha raññaṃ rājamahāmattānaṃ cittāni namanti nivesanāni māpetuṃ. Yasmiṃ padese majjhimā devatā vatthūni pariggaṇhanti, majjhimānaṃ tattha raññaṃ rājamahāmattānaṃ cittāni namanti nivesanāni māpetuṃ. Yasmiṃ padese nīcā devatā vatthūni pariggaṇhanti, nīcānaṃ tattha raññaṃ rājamahāmattānaṃ cittāni namanti nivesanāni māpetuṃ. Yāvatā, ānanda, ariyaṃ āyatanaṃ yāvatā vaṇippatho idaṃ agganagaraṃ bhavissati pāṭaliputtaṃ puṭabhedanaṃ . Pāṭaliputtassa kho, ānanda, tayo antarāyā bhavissanti – aggito vā udakato vā mithubhedā vā’’ti.

153. ат̇а ко сунид̇хавассагаараа маг̇ад̇хамахаамад̇д̇аа язна бхаг̇аваа д̇знубасан̇гамим̣су; убасан̇гамид̇ваа бхаг̇авад̇аа сад̣̇д̇хим̣ саммод̣̇им̣су, саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ адтам̣су, згаманд̇ам̣ тид̇аа ко сунид̇хавассагаараа маг̇ад̇хамахаамад̇д̇аа бхаг̇аванд̇ам̣ зд̇ад̣̇авожум̣ – ‘‘ад̇хиваасзд̇у но бхавам̣ г̇од̇амо аж̇ж̇ад̇анааяа бхад̇д̇ам̣ сад̣̇д̇хим̣ бхигкусан̇гхзнаа’’д̇и. ад̇хиваасзси бхаг̇аваа д̇ун̣хийбхаавзна. ат̇а ко сунид̇хавассагаараа маг̇ад̇хамахаамад̇д̇аа бхаг̇авад̇о ад̇хиваасанам̣ вид̣̇ид̇ваа язна саго аавасат̇о д̇знубасан̇гамим̣су; убасан̇гамид̇ваа сагз аавасат̇з бан̣ийд̇ам̣ каад̣̇анийяам̣ бхож̇анийяам̣ бадияаад̣̇аабзд̇ваа бхаг̇авад̇о гаалам̣ аарожаабзсум̣ – ‘‘гаало, бхо г̇од̇ама, нидтид̇ам̣ бхад̇д̇а’’нд̇и.

153. Atha kho sunidhavassakārā magadhamahāmattā yena bhagavā tenupasaṅkamiṃsu; upasaṅkamitvā bhagavatā saddhiṃ sammodiṃsu, sammodanīyaṃ kathaṃ sāraṇīyaṃ vītisāretvā ekamantaṃ aṭṭhaṃsu, ekamantaṃ ṭhitā kho sunidhavassakārā magadhamahāmattā bhagavantaṃ etadavocuṃ – ‘‘adhivāsetu no bhavaṃ gotamo ajjatanāya bhattaṃ saddhiṃ bhikkhusaṅghenā’’ti. Adhivāsesi bhagavā tuṇhībhāvena. Atha kho sunidhavassakārā magadhamahāmattā bhagavato adhivāsanaṃ viditvā yena sako āvasatho tenupasaṅkamiṃsu; upasaṅkamitvā sake āvasathe paṇītaṃ khādanīyaṃ bhojanīyaṃ paṭiyādāpetvā bhagavato kālaṃ ārocāpesuṃ – ‘‘kālo, bho gotama, niṭṭhitaṃ bhatta’’nti.

ат̇а ко бхаг̇аваа буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа сад̣̇д̇хим̣ бхигкусан̇гхзна язна сунид̇хавассагаараанам̣ маг̇ад̇хамахаамад̇д̇аанам̣ аавасат̇о д̇знубасан̇гами; убасан̇гамид̇ваа бан̃н̃ад̇д̇з аасанз нисийд̣̇и. ат̇а ко сунид̇хавассагаараа маг̇ад̇хамахаамад̇д̇аа б̣уд̣̇д̇хаббамукам̣ бхигкусан̇гхам̣ бан̣ийд̇зна каад̣̇анийязна бхож̇анийязна сахад̇т̇аа санд̇аббзсум̣ самбаваарзсум̣. ат̇а ко сунид̇хавассагаараа маг̇ад̇хамахаамад̇д̇аа бхаг̇аванд̇ам̣ бхуд̇д̇аавим̣ онийд̇абад̇д̇абаан̣им̣ ан̃н̃ад̇арам̣ нийжам̣ аасанам̣ г̇ахзд̇ваа згаманд̇ам̣ нисийд̣̇им̣су. згаманд̇ам̣ нисиннз ко сунид̇хавассагаарз маг̇ад̇хамахаамад̇д̇з бхаг̇аваа имаахи г̇аат̇аахи анумод̣̇и –

Atha kho bhagavā pubbaṇhasamayaṃ nivāsetvā pattacīvaramādāya saddhiṃ bhikkhusaṅghena yena sunidhavassakārānaṃ magadhamahāmattānaṃ āvasatho tenupasaṅkami; upasaṅkamitvā paññatte āsane nisīdi. Atha kho sunidhavassakārā magadhamahāmattā buddhappamukhaṃ bhikkhusaṅghaṃ paṇītena khādanīyena bhojanīyena sahatthā santappesuṃ sampavāresuṃ. Atha kho sunidhavassakārā magadhamahāmattā bhagavantaṃ bhuttāviṃ onītapattapāṇiṃ aññataraṃ nīcaṃ āsanaṃ gahetvā ekamantaṃ nisīdiṃsu. Ekamantaṃ nisinne kho sunidhavassakāre magadhamahāmatte bhagavā imāhi gāthāhi anumodi –

‘‘яасмим̣ бад̣̇зсз габбзд̇и, ваасам̣ бан̣д̣ид̇аж̇аад̇ияо;

‘‘Yasmiṃ padese kappeti, vāsaṃ paṇḍitajātiyo;

сийлаванд̇зд̇т̇а бхож̇зд̇ваа, сан̃н̃ад̇з б̣рахмажаараяо ⁴⁹.

Sīlavantettha bhojetvā, saññate brahmacārayo ⁵⁰.

‘‘яаа д̇ад̇т̇а д̣̇звад̇аа аасум̣, д̇аасам̣ д̣̇агкин̣амаад̣̇исз;

‘‘Yā tattha devatā āsuṃ, tāsaṃ dakkhiṇamādise;

д̇аа бууж̇ид̇аа бууж̇аяанд̇и ⁵¹, маанид̇аа маанаяанд̇и нам̣.

Tā pūjitā pūjayanti ⁵², mānitā mānayanti naṃ.

‘‘д̇ад̇о нам̣ анугамбанд̇и, маад̇аа буд̇д̇ам̣ва орасам̣;

‘‘Tato naṃ anukampanti, mātā puttaṃva orasaṃ;

д̣̇звад̇аанугамбид̇о босо, сад̣̇аа бхад̣̇раани бассад̇ий’’д̇и.

Devatānukampito poso, sadā bhadrāni passatī’’ti.

ат̇а ко бхаг̇аваа сунид̇хавассагаарз маг̇ад̇хамахаамад̇д̇з имаахи г̇аат̇аахи анумод̣̇ид̇ваа удтааяаасанаа баггаами.

Atha kho bhagavā sunidhavassakāre magadhamahāmatte imāhi gāthāhi anumoditvā uṭṭhāyāsanā pakkāmi.

154. д̇зна ко бана самаязна сунид̇хавассагаараа маг̇ад̇хамахаамад̇д̇аа бхаг̇аванд̇ам̣ бидтид̇о бидтид̇о ануб̣анд̇хаа хонд̇и – ‘‘язнаж̇ж̇а саман̣о г̇од̇амо д̣̇ваарзна нигкамиссад̇и, д̇ам̣ г̇од̇амад̣̇ваарам̣ наама бхависсад̇и. язна д̇ид̇т̇зна г̇ан̇г̇ам̣ над̣̇им̣ д̇ариссад̇и, д̇ам̣ г̇од̇амад̇ид̇т̇ам̣ наама бхависсад̇ий’’д̇и. ат̇а ко бхаг̇аваа язна д̣̇ваарзна нигками , д̇ам̣ г̇од̇амад̣̇ваарам̣ наама ахоси. ат̇а ко бхаг̇аваа язна г̇ан̇г̇аа над̣̇ий д̇знубасан̇гами. д̇зна ко бана самаязна г̇ан̇г̇аа над̣̇ий буураа ход̇и самад̇ид̇д̇игаа гаагабзяяаа. аббзгажжз мануссаа наавам̣ бариязсанд̇и, аббзгажжз ул̣умбам̣ бариязсанд̇и, аббзгажжз гуллам̣ б̣анд̇ханд̇и абаараа ⁵³, баарам̣ г̇анд̇угаамаа. ат̇а ко бхаг̇аваа – сзяяат̇ааби наама б̣алаваа бурисо самин̃ж̇ид̇ам̣ ваа б̣аахам̣ басаарзяяа, басаарид̇ам̣ ваа б̣аахам̣ самин̃ж̇зяяа, звамзва – г̇ан̇г̇ааяа над̣̇ияаа оримад̇ийрз анд̇арахид̇о бааримад̇ийрз бажжудтааси сад̣̇д̇хим̣ бхигкусан̇гхзна. ад̣̇д̣̇асаа ко бхаг̇аваа д̇з мануссз аббзгажжз наавам̣ бариязсанд̇з аббзгажжз ул̣умбам̣ бариязсанд̇з аббзгажжз гуллам̣ б̣анд̇ханд̇з абаараа баарам̣ г̇анд̇угаамз. ат̇а ко бхаг̇аваа зд̇амад̇т̇ам̣ вид̣̇ид̇ваа д̇ааяам̣ взлааяам̣ имам̣ уд̣̇аанам̣ уд̣̇аанзси –

154. Tena kho pana samayena sunidhavassakārā magadhamahāmattā bhagavantaṃ piṭṭhito piṭṭhito anubandhā honti – ‘‘yenajja samaṇo gotamo dvārena nikkhamissati, taṃ gotamadvāraṃ nāma bhavissati. Yena titthena gaṅgaṃ nadiṃ tarissati, taṃ gotamatitthaṃ nāma bhavissatī’’ti. Atha kho bhagavā yena dvārena nikkhami , taṃ gotamadvāraṃ nāma ahosi. Atha kho bhagavā yena gaṅgā nadī tenupasaṅkami. Tena kho pana samayena gaṅgā nadī pūrā hoti samatittikā kākapeyyā. Appekacce manussā nāvaṃ pariyesanti, appekacce uḷumpaṃ pariyesanti, appekacce kullaṃ bandhanti apārā ⁵⁴, pāraṃ gantukāmā. Atha kho bhagavā – seyyathāpi nāma balavā puriso samiñjitaṃ vā bāhaṃ pasāreyya, pasāritaṃ vā bāhaṃ samiñjeyya, evameva – gaṅgāya nadiyā orimatīre antarahito pārimatīre paccuṭṭhāsi saddhiṃ bhikkhusaṅghena. Addasā kho bhagavā te manusse appekacce nāvaṃ pariyesante appekacce uḷumpaṃ pariyesante appekacce kullaṃ bandhante apārā pāraṃ gantukāme. Atha kho bhagavā etamatthaṃ viditvā tāyaṃ velāyaṃ imaṃ udānaṃ udānesi –

‘‘яз д̇аранд̇и ан̣н̣авам̣ сарам̣, сзд̇ум̣ гад̇ваана висаж̇ж̇а баллалаани;

‘‘Ye taranti aṇṇavaṃ saraṃ, setuṃ katvāna visajja pallalāni;

гуллан̃хи ж̇ано б̣анд̇хад̇и ⁵⁵, д̇ин̣н̣аа ⁵⁶ мзд̇хаавино ж̇анаа’’д̇и.

Kullañhi jano bandhati ⁵⁷, tiṇṇā ⁵⁸ medhāvino janā’’ti.

батамабхаан̣авааро.

Paṭhamabhāṇavāro.

арияасажжагат̇аа

Ariyasaccakathā

155. ат̇а ко бхаг̇аваа ааяасманд̇ам̣ аананд̣̇ам̣ ааманд̇зси – ‘‘ааяаамаананд̣̇а, язна годиг̇аамо д̇знубасан̇гамиссаамаа’’д̇и. ‘‘звам̣, бханд̇з’’д̇и ко ааяасмаа аананд̣̇о бхаг̇авад̇о бажжассоси. ат̇а ко бхаг̇аваа махад̇аа бхигкусан̇гхзна сад̣̇д̇хим̣ язна годиг̇аамо д̇ад̣̇авасари. д̇ад̇ра суд̣̇ам̣ бхаг̇аваа годиг̇аамз вихарад̇и. д̇ад̇ра ко бхаг̇аваа бхигкуу ааманд̇зси –

155. Atha kho bhagavā āyasmantaṃ ānandaṃ āmantesi – ‘‘āyāmānanda, yena koṭigāmo tenupasaṅkamissāmā’’ti. ‘‘Evaṃ, bhante’’ti kho āyasmā ānando bhagavato paccassosi. Atha kho bhagavā mahatā bhikkhusaṅghena saddhiṃ yena koṭigāmo tadavasari. Tatra sudaṃ bhagavā koṭigāme viharati. Tatra kho bhagavā bhikkhū āmantesi –

‘‘жад̇уннам̣ , бхигкавз, арияасажжаанам̣ анануб̣од̇хаа аббадивзд̇хаа звамид̣̇ам̣ д̣̇ийгхамад̣̇д̇хаанам̣ санд̇хаавид̇ам̣ сам̣сарид̇ам̣ маман̃жзва д̇умхааган̃жа. гад̇амзсам̣ жад̇уннам̣? д̣̇угкасса, бхигкавз, арияасажжасса анануб̣од̇хаа аббадивзд̇хаа звамид̣̇ам̣ д̣̇ийгхамад̣̇д̇хаанам̣ санд̇хаавид̇ам̣ сам̣сарид̇ам̣ маман̃жзва д̇умхааган̃жа. д̣̇угкасамуд̣̇аяасса, бхигкавз, арияасажжасса анануб̣од̇хаа аббадивзд̇хаа звамид̣̇ам̣ д̣̇ийгхамад̣̇д̇хаанам̣ санд̇хаавид̇ам̣ сам̣сарид̇ам̣ маман̃жзва д̇умхааган̃жа. д̣̇угканирод̇хасса, бхигкавз, арияасажжасса анануб̣од̇хаа аббадивзд̇хаа звамид̣̇ам̣ д̣̇ийгхамад̣̇д̇хаанам̣ санд̇хаавид̇ам̣ сам̣сарид̇ам̣ маман̃жзва д̇умхааган̃жа. д̣̇угканирод̇хаг̇ааминияаа бадибад̣̇ааяа, бхигкавз, арияасажжасса анануб̣од̇хаа аббадивзд̇хаа звамид̣̇ам̣ д̣̇ийгхамад̣̇д̇хаанам̣ санд̇хаавид̇ам̣ сам̣сарид̇ам̣ маман̃жзва д̇умхааган̃жа. д̇аяид̣̇ам̣, бхигкавз, д̣̇угкам̣ арияасажжам̣ ануб̣уд̣̇д̇хам̣ бадивид̣̇д̇хам̣, д̣̇угкасамуд̣̇аяам̣ ⁵⁹ арияасажжам̣ ануб̣уд̣̇д̇хам̣ бадивид̣̇д̇хам̣, д̣̇угканирод̇хам̣ ⁶⁰ арияасажжам̣ ануб̣уд̣̇д̇хам̣ бадивид̣̇д̇хам̣, д̣̇угканирод̇хаг̇ааминий бадибад̣̇аа арияасажжам̣ ануб̣уд̣̇д̇хам̣ бадивид̣̇д̇хам̣, ужчиннаа бхавад̇ан̣хаа, кийн̣аа бхаванзд̇д̇и, над̇т̇ид̣̇аани бунаб̣бхаво’’д̇и. ид̣̇амавожа бхаг̇аваа. ид̣̇ам̣ вад̇ваана суг̇ад̇о ат̇аабарам̣ зд̇ад̣̇авожа сад̇т̇аа –

‘‘Catunnaṃ , bhikkhave, ariyasaccānaṃ ananubodhā appaṭivedhā evamidaṃ dīghamaddhānaṃ sandhāvitaṃ saṃsaritaṃ mamañceva tumhākañca. Katamesaṃ catunnaṃ? Dukkhassa, bhikkhave, ariyasaccassa ananubodhā appaṭivedhā evamidaṃ dīghamaddhānaṃ sandhāvitaṃ saṃsaritaṃ mamañceva tumhākañca. Dukkhasamudayassa, bhikkhave, ariyasaccassa ananubodhā appaṭivedhā evamidaṃ dīghamaddhānaṃ sandhāvitaṃ saṃsaritaṃ mamañceva tumhākañca. Dukkhanirodhassa, bhikkhave, ariyasaccassa ananubodhā appaṭivedhā evamidaṃ dīghamaddhānaṃ sandhāvitaṃ saṃsaritaṃ mamañceva tumhākañca. Dukkhanirodhagāminiyā paṭipadāya, bhikkhave, ariyasaccassa ananubodhā appaṭivedhā evamidaṃ dīghamaddhānaṃ sandhāvitaṃ saṃsaritaṃ mamañceva tumhākañca. Tayidaṃ, bhikkhave, dukkhaṃ ariyasaccaṃ anubuddhaṃ paṭividdhaṃ, dukkhasamudayaṃ ⁶¹ ariyasaccaṃ anubuddhaṃ paṭividdhaṃ, dukkhanirodhaṃ ⁶² ariyasaccaṃ anubuddhaṃ paṭividdhaṃ, dukkhanirodhagāminī paṭipadā ariyasaccaṃ anubuddhaṃ paṭividdhaṃ, ucchinnā bhavataṇhā, khīṇā bhavanetti, natthidāni punabbhavo’’ti. Idamavoca bhagavā. Idaṃ vatvāna sugato athāparaṃ etadavoca satthā –

‘‘жад̇уннам̣ арияасажжаанам̣, яат̇аабхууд̇ам̣ ад̣̇ассанаа;

‘‘Catunnaṃ ariyasaccānaṃ, yathābhūtaṃ adassanā;

сам̣сид̇ам̣ д̣̇ийгхамад̣̇д̇хаанам̣, д̇аасу д̇аасвзва ж̇аад̇ису.

Saṃsitaṃ dīghamaddhānaṃ, tāsu tāsveva jātisu.

д̇аани зд̇аани д̣̇идтаани, бхаванзд̇д̇и самуухад̇аа;

Tāni etāni diṭṭhāni, bhavanetti samūhatā;

ужчиннам̣ муулам̣ д̣̇угкасса, над̇т̇и д̣̇аани бунаб̣бхаво’’д̇и.

Ucchinnaṃ mūlaṃ dukkhassa, natthi dāni punabbhavo’’ti.

д̇ад̇раби суд̣̇ам̣ бхаг̇аваа годиг̇аамз вихаранд̇о зд̇ад̣̇зва б̣ахулам̣ бхигкуунам̣ д̇хаммим̣ гат̇ам̣ гарод̇и – ‘‘ид̇и сийлам̣, ид̇и самаад̇хи, ид̇и бан̃н̃аа. сийлабарибхаавид̇о самаад̇хи махабпало ход̇и махаанисам̣со. самаад̇хибарибхаавид̇аа бан̃н̃аа махабпалаа ход̇и махаанисам̣саа. бан̃н̃аабарибхаавид̇ам̣ жид̇д̇ам̣ саммад̣̇зва аасавзхи вимужжад̇и, сзяяат̇ид̣̇ам̣ – гаамаасаваа, бхаваасаваа, авиж̇ж̇аасаваа’’д̇и.

Tatrapi sudaṃ bhagavā koṭigāme viharanto etadeva bahulaṃ bhikkhūnaṃ dhammiṃ kathaṃ karoti – ‘‘iti sīlaṃ, iti samādhi, iti paññā. Sīlaparibhāvito samādhi mahapphalo hoti mahānisaṃso. Samādhiparibhāvitā paññā mahapphalā hoti mahānisaṃsā. Paññāparibhāvitaṃ cittaṃ sammadeva āsavehi vimuccati, seyyathidaṃ – kāmāsavā, bhavāsavā, avijjāsavā’’ti.

анаавад̇д̇ид̇хаммасамб̣од̇хибарааяан̣аа

Anāvattidhammasambodhiparāyaṇā

156. ат̇а ко бхаг̇аваа годиг̇аамз яат̇аабхиранд̇ам̣ вихарид̇ваа ааяасманд̇ам̣ аананд̣̇ам̣ ааманд̇зси – ‘‘ааяаамаананд̣̇а, язна наад̇игаа ⁶³ д̇знубан̇гамиссаамаа’’д̇и. ‘‘звам̣, бханд̇з’’д̇и ко ааяасмаа аананд̣̇о бхаг̇авад̇о бажжассоси. ат̇а ко бхаг̇аваа махад̇аа бхигкусан̇гхзна сад̣̇д̇хим̣ язна наад̇игаа д̇ад̣̇авасари. д̇ад̇раби суд̣̇ам̣ бхаг̇аваа наад̇игз вихарад̇и г̇ин̃ж̇агаавасат̇з. ат̇а ко ааяасмаа аананд̣̇о язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко ааяасмаа аананд̣̇о бхаг̇аванд̇ам̣ зд̇ад̣̇авожа – ‘‘саал̣хо наама, бханд̇з, бхигку наад̇игз гаалан̇гад̇о, д̇асса гаа г̇ад̇и, го абхисамбарааяо? нанд̣̇аа наама, бханд̇з, бхигкуний наад̇игз гаалан̇гад̇аа, д̇ассаа гаа г̇ад̇и, го абхисамбарааяо? суд̣̇ад̇д̇о наама, бханд̇з, убаасаго наад̇игз гаалан̇гад̇о, д̇асса гаа г̇ад̇и, го абхисамбарааяо? суж̇аад̇аа наама, бханд̇з, убаасигаа наад̇игз гаалан̇гад̇аа, д̇ассаа гаа г̇ад̇и , го абхисамбарааяо? гуггудо ⁶⁴ наама, бханд̇з, убаасаго наад̇игз гаалан̇гад̇о, д̇асса гаа г̇ад̇и, го абхисамбарааяо? гаал̣имб̣о ⁶⁵ наама, бханд̇з, убаасаго…бз… нигадо наама, бханд̇з, убаасаго… гадиссахо ⁶⁶ наама, бханд̇з, убаасаго… д̇удто наама, бханд̇з, убаасаго… санд̇удто наама, бханд̇з, убаасаго… бхад̣̇д̣̇о ⁶⁷ наама, бханд̇з, убаасаго… субхад̣̇д̣̇о ⁶⁸ наама, бханд̇з, убаасаго наад̇игз гаалан̇гад̇о, д̇асса гаа г̇ад̇и, го абхисамбарааяо’’д̇и?

156. Atha kho bhagavā koṭigāme yathābhirantaṃ viharitvā āyasmantaṃ ānandaṃ āmantesi – ‘‘āyāmānanda, yena nātikā ⁶⁹ tenupaṅkamissāmā’’ti. ‘‘Evaṃ, bhante’’ti kho āyasmā ānando bhagavato paccassosi. Atha kho bhagavā mahatā bhikkhusaṅghena saddhiṃ yena nātikā tadavasari. Tatrapi sudaṃ bhagavā nātike viharati giñjakāvasathe. Atha kho āyasmā ānando yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho āyasmā ānando bhagavantaṃ etadavoca – ‘‘sāḷho nāma, bhante, bhikkhu nātike kālaṅkato, tassa kā gati, ko abhisamparāyo? Nandā nāma, bhante, bhikkhunī nātike kālaṅkatā, tassā kā gati, ko abhisamparāyo? Sudatto nāma, bhante, upāsako nātike kālaṅkato, tassa kā gati, ko abhisamparāyo? Sujātā nāma, bhante, upāsikā nātike kālaṅkatā, tassā kā gati , ko abhisamparāyo? Kukkuṭo ⁷⁰ nāma, bhante, upāsako nātike kālaṅkato, tassa kā gati, ko abhisamparāyo? Kāḷimbo ⁷¹ nāma, bhante, upāsako…pe… nikaṭo nāma, bhante, upāsako… kaṭissaho ⁷² nāma, bhante, upāsako… tuṭṭho nāma, bhante, upāsako… santuṭṭho nāma, bhante, upāsako… bhaddo ⁷³ nāma, bhante, upāsako… subhaddo ⁷⁴ nāma, bhante, upāsako nātike kālaṅkato, tassa kā gati, ko abhisamparāyo’’ti?

157. ‘‘саал̣хо, аананд̣̇а, бхигку аасаваанам̣ каяаа анаасавам̣ жзд̇овимуд̇д̇им̣ бан̃н̃аавимуд̇д̇им̣ д̣̇идтзва д̇хаммз саяам̣ абхин̃н̃аа сажчигад̇ваа убасамбаж̇ж̇а вихааси. нанд̣̇аа, аананд̣̇а, бхигкуний бан̃жаннам̣ орамбхааг̇ияаанам̣ сам̣яож̇анаанам̣ баригкаяаа обабаад̇игаа д̇ад̇т̇а бариниб̣б̣ааяиний анаавад̇д̇ид̇хаммаа д̇асмаа логаа. суд̣̇ад̇д̇о, аананд̣̇а, убаасаго д̇ин̣н̣ам̣ сам̣яож̇анаанам̣ баригкаяаа рааг̇ад̣̇осамохаанам̣ д̇ануд̇д̇аа сагад̣̇ааг̇аамий сагид̣̇зва имам̣ логам̣ ааг̇анд̇ваа д̣̇угкассанд̇ам̣ гариссад̇и. суж̇аад̇аа, аананд̣̇а, убаасигаа д̇ин̣н̣ам̣ сам̣яож̇анаанам̣ баригкаяаа сод̇аабаннаа авинибаад̇ад̇хаммаа нияад̇аа самб̣од̇хибарааяан̣аа ⁷⁵. гуггудо, аананд̣̇а, убаасаго бан̃жаннам̣ орамбхааг̇ияаанам̣ сам̣яож̇анаанам̣ баригкаяаа обабаад̇иго д̇ад̇т̇а бариниб̣б̣ааяий анаавад̇д̇ид̇хаммо д̇асмаа логаа. гаал̣имб̣о, аананд̣̇а, убаасаго…бз… нигадо, аананд̣̇а, убаасаго… гадиссахо , аананд̣̇а, убаасаго… д̇удто, аананд̣̇а, убаасаго … санд̇удто, аананд̣̇а, убаасаго… бхад̣̇д̣̇о, аананд̣̇а, убаасаго… субхад̣̇д̣̇о, аананд̣̇а, убаасаго бан̃жаннам̣ орамбхааг̇ияаанам̣ сам̣яож̇анаанам̣ баригкаяаа обабаад̇иго д̇ад̇т̇а бариниб̣б̣ааяий анаавад̇д̇ид̇хаммо д̇асмаа логаа . баробан̃н̃аасам̣, аананд̣̇а, наад̇игз убаасагаа гаалан̇гад̇аа, бан̃жаннам̣ орамбхааг̇ияаанам̣ сам̣яож̇анаанам̣ баригкаяаа обабаад̇игаа д̇ад̇т̇а бариниб̣б̣ааяино анаавад̇д̇ид̇хаммаа д̇асмаа логаа. саад̇хигаа навуд̇и ⁷⁶, аананд̣̇а, наад̇игз убаасагаа гаалан̇гад̇аа д̇ин̣н̣ам̣ сам̣яож̇анаанам̣ баригкаяаа рааг̇ад̣̇осамохаанам̣ д̇ануд̇д̇аа сагад̣̇ааг̇аамино сагид̣̇зва имам̣ логам̣ ааг̇анд̇ваа д̣̇угкассанд̇ам̣ гариссанд̇и. саад̇ирзгаани ⁷⁷, аананд̣̇а, бан̃жасад̇аани наад̇игз убаасагаа гаалан̇гад̇аа, д̇ин̣н̣ам̣ сам̣яож̇анаанам̣ баригкаяаа сод̇аабаннаа авинибаад̇ад̇хаммаа нияад̇аа самб̣од̇хибарааяан̣аа.

157. ‘‘Sāḷho, ānanda, bhikkhu āsavānaṃ khayā anāsavaṃ cetovimuttiṃ paññāvimuttiṃ diṭṭheva dhamme sayaṃ abhiññā sacchikatvā upasampajja vihāsi. Nandā, ānanda, bhikkhunī pañcannaṃ orambhāgiyānaṃ saṃyojanānaṃ parikkhayā opapātikā tattha parinibbāyinī anāvattidhammā tasmā lokā. Sudatto, ānanda, upāsako tiṇṇaṃ saṃyojanānaṃ parikkhayā rāgadosamohānaṃ tanuttā sakadāgāmī sakideva imaṃ lokaṃ āgantvā dukkhassantaṃ karissati. Sujātā, ānanda, upāsikā tiṇṇaṃ saṃyojanānaṃ parikkhayā sotāpannā avinipātadhammā niyatā sambodhiparāyaṇā ⁷⁸. Kukkuṭo, ānanda, upāsako pañcannaṃ orambhāgiyānaṃ saṃyojanānaṃ parikkhayā opapātiko tattha parinibbāyī anāvattidhammo tasmā lokā. Kāḷimbo, ānanda, upāsako…pe… nikaṭo, ānanda, upāsako… kaṭissaho , ānanda, upāsako… tuṭṭho, ānanda, upāsako … santuṭṭho, ānanda, upāsako… bhaddo, ānanda, upāsako… subhaddo, ānanda, upāsako pañcannaṃ orambhāgiyānaṃ saṃyojanānaṃ parikkhayā opapātiko tattha parinibbāyī anāvattidhammo tasmā lokā . Paropaññāsaṃ, ānanda, nātike upāsakā kālaṅkatā, pañcannaṃ orambhāgiyānaṃ saṃyojanānaṃ parikkhayā opapātikā tattha parinibbāyino anāvattidhammā tasmā lokā. Sādhikā navuti ⁷⁹, ānanda, nātike upāsakā kālaṅkatā tiṇṇaṃ saṃyojanānaṃ parikkhayā rāgadosamohānaṃ tanuttā sakadāgāmino sakideva imaṃ lokaṃ āgantvā dukkhassantaṃ karissanti. Sātirekāni ⁸⁰, ānanda, pañcasatāni nātike upāsakā kālaṅkatā, tiṇṇaṃ saṃyojanānaṃ parikkhayā sotāpannā avinipātadhammā niyatā sambodhiparāyaṇā.

д̇хаммаад̣̇аасад̇хаммабарияааяаа

Dhammādāsadhammapariyāyā

158. ‘‘анажчарияам̣ ко банзд̇ам̣, аананд̣̇а, яам̣ мануссабхууд̇о гаалан̇гарзяяа. д̇асмим̣язва ⁸¹ гаалан̇гад̇з д̇ат̇ааг̇ад̇ам̣ убасан̇гамид̇ваа зд̇амад̇т̇ам̣ бужчиссат̇а, вихзсаа хзсаа, аананд̣̇а, д̇ат̇ааг̇ад̇асса. д̇асмаад̇ихаананд̣̇а, д̇хаммаад̣̇аасам̣ наама д̇хаммабарияааяам̣ д̣̇зсзссаами, язна саманнааг̇ад̇о арияасааваго ааган̇камаано ад̇д̇анаава ад̇д̇аанам̣ б̣яаагарзяяа – ‘кийн̣анираяомхи кийн̣ад̇иражчаанаяони кийн̣абзд̇д̇ивисаяо кийн̣аабааяад̣̇уг̇г̇ад̇ивинибаад̇о, сод̇аабаннохамасми авинибаад̇ад̇хаммо нияад̇о самб̣од̇хибарааяан̣о’д̇и.

158. ‘‘Anacchariyaṃ kho panetaṃ, ānanda, yaṃ manussabhūto kālaṅkareyya. Tasmiṃyeva ⁸² kālaṅkate tathāgataṃ upasaṅkamitvā etamatthaṃ pucchissatha, vihesā hesā, ānanda, tathāgatassa. Tasmātihānanda, dhammādāsaṃ nāma dhammapariyāyaṃ desessāmi, yena samannāgato ariyasāvako ākaṅkhamāno attanāva attānaṃ byākareyya – ‘khīṇanirayomhi khīṇatiracchānayoni khīṇapettivisayo khīṇāpāyaduggativinipāto, sotāpannohamasmi avinipātadhammo niyato sambodhiparāyaṇo’ti.

159. ‘‘гад̇амо жа со, аананд̣̇а, д̇хаммаад̣̇аасо д̇хаммабарияааяо, язна саманнааг̇ад̇о арияасааваго ааган̇камаано ад̇д̇анаава ад̇д̇аанам̣ б̣яаагарзяяа – ‘кийн̣анираяомхи кийн̣ад̇иражчаанаяони кийн̣абзд̇д̇ивисаяо кийн̣аабааяад̣̇уг̇г̇ад̇ивинибаад̇о, сод̇аабаннохамасми авинибаад̇ад̇хаммо нияад̇о самб̣од̇хибарааяан̣о’д̇и?

159. ‘‘Katamo ca so, ānanda, dhammādāso dhammapariyāyo, yena samannāgato ariyasāvako ākaṅkhamāno attanāva attānaṃ byākareyya – ‘khīṇanirayomhi khīṇatiracchānayoni khīṇapettivisayo khīṇāpāyaduggativinipāto, sotāpannohamasmi avinipātadhammo niyato sambodhiparāyaṇo’ti?

‘‘ид̇хаананд̣̇а , арияасааваго б̣уд̣̇д̇хз авзжжаббасаад̣̇зна саманнааг̇ад̇о ход̇и – ‘ид̇иби со бхаг̇аваа арахам̣ саммаасамб̣уд̣̇д̇хо виж̇ж̇аажаран̣асамбанно суг̇ад̇о логавид̣̇уу ануд̇д̇аро бурисад̣̇аммасаарат̇и сад̇т̇аа д̣̇звамануссаанам̣ б̣уд̣̇д̇хо бхаг̇аваа’д̇и.

‘‘Idhānanda , ariyasāvako buddhe aveccappasādena samannāgato hoti – ‘itipi so bhagavā arahaṃ sammāsambuddho vijjācaraṇasampanno sugato lokavidū anuttaro purisadammasārathi satthā devamanussānaṃ buddho bhagavā’ti.

‘‘д̇хаммз авзжжаббасаад̣̇зна саманнааг̇ад̇о ход̇и – ‘сваагкаад̇о бхаг̇авад̇аа д̇хаммо санд̣̇идтиго агаалиго зхибассиго обанзяяиго бажжад̇д̇ам̣ взд̣̇ид̇аб̣б̣о вин̃н̃уухий’д̇и.

‘‘Dhamme aveccappasādena samannāgato hoti – ‘svākkhāto bhagavatā dhammo sandiṭṭhiko akāliko ehipassiko opaneyyiko paccattaṃ veditabbo viññūhī’ti.

‘‘сан̇гхз авзжжаббасаад̣̇зна саманнааг̇ад̇о ход̇и – ‘суббадибанно бхаг̇авад̇о саавагасан̇гхо, уж̇уббадибанно бхаг̇авад̇о саавагасан̇гхо, н̃ааяаббадибанно бхаг̇авад̇о саавагасан̇гхо, саамийжиббадибанно бхаг̇авад̇о саавагасан̇гхо яад̣̇ид̣̇ам̣ жад̇д̇аари бурисаяуг̇аани адта бурисабуг̇г̇алаа, зса бхаг̇авад̇о саавагасан̇гхо аахунзяяо баахунзяяо д̣̇агкин̣зяяо ан̃ж̇алигаран̣ийяо ануд̇д̇арам̣ бун̃н̃агкзд̇д̇ам̣ логассаа’д̇и.

‘‘Saṅghe aveccappasādena samannāgato hoti – ‘suppaṭipanno bhagavato sāvakasaṅgho, ujuppaṭipanno bhagavato sāvakasaṅgho, ñāyappaṭipanno bhagavato sāvakasaṅgho, sāmīcippaṭipanno bhagavato sāvakasaṅgho yadidaṃ cattāri purisayugāni aṭṭha purisapuggalā, esa bhagavato sāvakasaṅgho āhuneyyo pāhuneyyo dakkhiṇeyyo añjalikaraṇīyo anuttaraṃ puññakkhettaṃ lokassā’ti.

‘‘арияаганд̇зхи сийлзхи саманнааг̇ад̇о ход̇и акан̣д̣зхи ажчид̣̇д̣̇зхи асаб̣алзхи агаммаасзхи бхуж̇иссзхи вин̃н̃уубасад̇т̇зхи абараамадтзхи самаад̇хисам̣вад̇д̇анигзхи.

‘‘Ariyakantehi sīlehi samannāgato hoti akhaṇḍehi acchiddehi asabalehi akammāsehi bhujissehi viññūpasatthehi aparāmaṭṭhehi samādhisaṃvattanikehi.

‘‘аяам̣ ко со, аананд̣̇а, д̇хаммаад̣̇аасо д̇хаммабарияааяо, язна саманнааг̇ад̇о арияасааваго ааган̇камаано ад̇д̇анаава ад̇д̇аанам̣ б̣яаагарзяяа – ‘кийн̣анираяомхи кийн̣ад̇иражчаанаяони кийн̣абзд̇д̇ивисаяо кийн̣аабааяад̣̇уг̇г̇ад̇ивинибаад̇о, сод̇аабаннохамасми авинибаад̇ад̇хаммо нияад̇о самб̣од̇хибарааяан̣о’’’д̇и.

‘‘Ayaṃ kho so, ānanda, dhammādāso dhammapariyāyo, yena samannāgato ariyasāvako ākaṅkhamāno attanāva attānaṃ byākareyya – ‘khīṇanirayomhi khīṇatiracchānayoni khīṇapettivisayo khīṇāpāyaduggativinipāto, sotāpannohamasmi avinipātadhammo niyato sambodhiparāyaṇo’’’ti.

д̇ад̇раби суд̣̇ам̣ бхаг̇аваа наад̇игз вихаранд̇о г̇ин̃ж̇агаавасат̇з зд̇ад̣̇зва б̣ахулам̣ бхигкуунам̣ д̇хаммим̣ гат̇ам̣ гарод̇и –

Tatrapi sudaṃ bhagavā nātike viharanto giñjakāvasathe etadeva bahulaṃ bhikkhūnaṃ dhammiṃ kathaṃ karoti –

‘‘ид̇и сийлам̣ ид̇и самаад̇хи ид̇и бан̃н̃аа. сийлабарибхаавид̇о самаад̇хи махабпало ход̇и махаанисам̣со. самаад̇хибарибхаавид̇аа бан̃н̃аа махабпалаа ход̇и махаанисам̣саа. бан̃н̃аабарибхаавид̇ам̣ жид̇д̇ам̣ саммад̣̇зва аасавзхи вимужжад̇и, сзяяат̇ид̣̇ам̣ – гаамаасаваа, бхаваасаваа, авиж̇ж̇аасаваа’’д̇и.

‘‘Iti sīlaṃ iti samādhi iti paññā. Sīlaparibhāvito samādhi mahapphalo hoti mahānisaṃso. Samādhiparibhāvitā paññā mahapphalā hoti mahānisaṃsā. Paññāparibhāvitaṃ cittaṃ sammadeva āsavehi vimuccati, seyyathidaṃ – kāmāsavā, bhavāsavā, avijjāsavā’’ti.

160. ат̇а ко бхаг̇аваа наад̇игз яат̇аабхиранд̇ам̣ вихарид̇ваа ааяасманд̇ам̣ аананд̣̇ам̣ ааманд̇зси – ‘‘ааяаамаананд̣̇а, язна взсаалий д̇знубасан̇гамиссаамаа’’д̇и. ‘‘звам̣, бханд̇з’’д̇и ко ааяасмаа аананд̣̇о бхаг̇авад̇о бажжассоси. ат̇а ко бхаг̇аваа махад̇аа бхигкусан̇гхзна сад̣̇д̇хим̣ язна взсаалий д̇ад̣̇авасари. д̇ад̇ра суд̣̇ам̣ бхаг̇аваа взсаалияам̣ вихарад̇и амб̣абааливанз. д̇ад̇ра ко бхаг̇аваа бхигкуу ааманд̇зси –

160. Atha kho bhagavā nātike yathābhirantaṃ viharitvā āyasmantaṃ ānandaṃ āmantesi – ‘‘āyāmānanda, yena vesālī tenupasaṅkamissāmā’’ti. ‘‘Evaṃ, bhante’’ti kho āyasmā ānando bhagavato paccassosi. Atha kho bhagavā mahatā bhikkhusaṅghena saddhiṃ yena vesālī tadavasari. Tatra sudaṃ bhagavā vesāliyaṃ viharati ambapālivane. Tatra kho bhagavā bhikkhū āmantesi –

‘‘сад̇о, бхигкавз, бхигку вихарзяяа самбаж̇аано, аяам̣ во амхаагам̣ анусаасаний. гат̇ан̃жа, бхигкавз, бхигку сад̇о ход̇и? ид̇ха, бхигкавз, бхигку гааяз гааяаанубассий вихарад̇и аад̇аабий самбаж̇аано сад̇имаа винзяяа логз абхиж̇жхаад̣̇оманассам̣. взд̣̇анаасу взд̣̇анаанубассий…бз… жид̇д̇з жид̇д̇аанубассий…бз… д̇хаммзсу д̇хаммаанубассий вихарад̇и аад̇аабий самбаж̇аано сад̇имаа винзяяа логз абхиж̇жхаад̣̇оманассам̣. звам̣ ко, бхигкавз, бхигку сад̇о ход̇и.

‘‘Sato, bhikkhave, bhikkhu vihareyya sampajāno, ayaṃ vo amhākaṃ anusāsanī. Kathañca, bhikkhave, bhikkhu sato hoti? Idha, bhikkhave, bhikkhu kāye kāyānupassī viharati ātāpī sampajāno satimā vineyya loke abhijjhādomanassaṃ. Vedanāsu vedanānupassī…pe… citte cittānupassī…pe… dhammesu dhammānupassī viharati ātāpī sampajāno satimā vineyya loke abhijjhādomanassaṃ. Evaṃ kho, bhikkhave, bhikkhu sato hoti.

‘‘гат̇ан̃жа , бхигкавз, бхигку самбаж̇аано ход̇и? ид̇ха, бхигкавз, бхигку абхигганд̇з бадигганд̇з самбаж̇аанагаарий ход̇и, аалогид̇з вилогид̇з самбаж̇аанагаарий ход̇и, самин̃ж̇ид̇з басаарид̇з самбаж̇аанагаарий ход̇и, сан̇гхаадибад̇д̇ажийварад̇хааран̣з самбаж̇аанагаарий ход̇и, асид̇з бийд̇з кааяид̇з сааяид̇з самбаж̇аанагаарий ход̇и, ужжаарабассаавагаммз самбаж̇аанагаарий ход̇и, г̇ад̇з тид̇з нисиннз суд̇д̇з ж̇ааг̇арид̇з бхаасид̇з д̇ун̣хийбхаавз самбаж̇аанагаарий ход̇и. звам̣ ко, бхигкавз, бхигку самбаж̇аано ход̇и. сад̇о, бхигкавз, бхигку вихарзяяа самбаж̇аано, аяам̣ во амхаагам̣ анусаасаний’’д̇и.

‘‘Kathañca , bhikkhave, bhikkhu sampajāno hoti? Idha, bhikkhave, bhikkhu abhikkante paṭikkante sampajānakārī hoti, ālokite vilokite sampajānakārī hoti, samiñjite pasārite sampajānakārī hoti, saṅghāṭipattacīvaradhāraṇe sampajānakārī hoti, asite pīte khāyite sāyite sampajānakārī hoti, uccārapassāvakamme sampajānakārī hoti, gate ṭhite nisinne sutte jāgarite bhāsite tuṇhībhāve sampajānakārī hoti. Evaṃ kho, bhikkhave, bhikkhu sampajāno hoti. Sato, bhikkhave, bhikkhu vihareyya sampajāno, ayaṃ vo amhākaṃ anusāsanī’’ti.

амб̣абаалийг̇ан̣игаа

Ambapālīgaṇikā

161. ассоси ко амб̣абаалий г̇ан̣игаа – ‘‘бхаг̇аваа гира взсаалим̣ ануббад̇д̇о взсаалияам̣ вихарад̇и маяхам̣ амб̣аванз’’д̇и. ат̇а ко амб̣абаалий г̇ан̣игаа бхад̣̇д̣̇аани бхад̣̇д̣̇аани яаанаани яож̇аабзд̇ваа бхад̣̇д̣̇ам̣ бхад̣̇д̣̇ам̣ яаанам̣ абхирухид̇ваа бхад̣̇д̣̇зхи бхад̣̇д̣̇зхи яаанзхи взсаалияаа нияяааси. язна саго аараамо д̇зна бааяааси. яаавад̇игаа яаанасса бхууми, яаанзна г̇анд̇ваа, яаанаа бажжорохид̇ваа бад̇д̇игаава язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисиннам̣ ко амб̣абаалим̣ г̇ан̣игам̣ бхаг̇аваа д̇хаммияаа гат̇ааяа санд̣̇ассзси самаад̣̇абзси самуд̇д̇зж̇зси самбахам̣сзси. ат̇а ко амб̣абаалий г̇ан̣игаа бхаг̇авад̇аа д̇хаммияаа гат̇ааяа санд̣̇ассид̇аа самаад̣̇абид̇аа самуд̇д̇зж̇ид̇аа самбахам̣сид̇аа бхаг̇аванд̇ам̣ зд̇ад̣̇авожа – ‘‘ад̇хиваасзд̇у мз, бханд̇з, бхаг̇аваа сваад̇анааяа бхад̇д̇ам̣ сад̣̇д̇хим̣ бхигкусан̇гхзнаа’’д̇и. ад̇хиваасзси бхаг̇аваа д̇ун̣хийбхаавзна. ат̇а ко амб̣абаалий г̇ан̣игаа бхаг̇авад̇о ад̇хиваасанам̣ вид̣̇ид̇ваа удтааяаасанаа бхаг̇аванд̇ам̣ абхиваад̣̇зд̇ваа бад̣̇агкин̣ам̣ гад̇ваа баггаами.

161. Assosi kho ambapālī gaṇikā – ‘‘bhagavā kira vesāliṃ anuppatto vesāliyaṃ viharati mayhaṃ ambavane’’ti. Atha kho ambapālī gaṇikā bhaddāni bhaddāni yānāni yojāpetvā bhaddaṃ bhaddaṃ yānaṃ abhiruhitvā bhaddehi bhaddehi yānehi vesāliyā niyyāsi. Yena sako ārāmo tena pāyāsi. Yāvatikā yānassa bhūmi, yānena gantvā, yānā paccorohitvā pattikāva yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinnaṃ kho ambapāliṃ gaṇikaṃ bhagavā dhammiyā kathāya sandassesi samādapesi samuttejesi sampahaṃsesi. Atha kho ambapālī gaṇikā bhagavatā dhammiyā kathāya sandassitā samādapitā samuttejitā sampahaṃsitā bhagavantaṃ etadavoca – ‘‘adhivāsetu me, bhante, bhagavā svātanāya bhattaṃ saddhiṃ bhikkhusaṅghenā’’ti. Adhivāsesi bhagavā tuṇhībhāvena. Atha kho ambapālī gaṇikā bhagavato adhivāsanaṃ viditvā uṭṭhāyāsanā bhagavantaṃ abhivādetvā padakkhiṇaṃ katvā pakkāmi.

ассосум̣ ко взсаалигаа лижчавий – ‘‘бхаг̇аваа гира взсаалим̣ ануббад̇д̇о взсаалияам̣ вихарад̇и амб̣абааливанз’’д̇и. ат̇а ко д̇з лижчавий бхад̣̇д̣̇аани бхад̣̇д̣̇аани яаанаани яож̇аабзд̇ваа бхад̣̇д̣̇ам̣ бхад̣̇д̣̇ам̣ яаанам̣ абхирухид̇ваа бхад̣̇д̣̇зхи бхад̣̇д̣̇зхи яаанзхи взсаалияаа нияяим̣су. д̇ад̇ра згажжз лижчавий нийлаа хонд̇и нийлаван̣н̣аа нийлавад̇т̇аа нийлаалан̇гаараа, згажжз лижчавий бийд̇аа хонд̇и бийд̇аван̣н̣аа бийд̇авад̇т̇аа бийд̇аалан̇гаараа, згажжз лижчавий лохид̇аа хонд̇и лохид̇аван̣н̣аа лохид̇авад̇т̇аа лохид̇аалан̇гаараа, згажжз лижчавий од̣̇аад̇аа хонд̇и од̣̇аад̇аван̣н̣аа од̣̇аад̇авад̇т̇аа од̣̇аад̇аалан̇гаараа. ат̇а ко амб̣абаалий г̇ан̣игаа д̣̇ахараанам̣ д̣̇ахараанам̣ лижчавийнам̣ агкзна агкам̣ жаггзна жаггам̣ яуг̇зна яуг̇ам̣ бадиваддзси ⁸³. ат̇а ко д̇з лижчавий амб̣абаалим̣ г̇ан̣игам̣ зд̇ад̣̇авожум̣ – ‘‘гим̣, ж̇з амб̣абаали , д̣̇ахараанам̣ д̣̇ахараанам̣ лижчавийнам̣ агкзна агкам̣ жаггзна жаггам̣ яуг̇зна яуг̇ам̣ бадиваддзсий’’д̇и? ‘‘д̇ат̇аа хи бана мз, аяяабуд̇д̇аа, бхаг̇аваа ниманд̇ид̇о сваад̇анааяа бхад̇д̇ам̣ сад̣̇д̇хим̣ бхигкусан̇гхзнаа’’д̇и. ‘‘д̣̇зхи, ж̇з амб̣абаали, зд̇ам̣ ⁸⁴ бхад̇д̇ам̣ сад̇асахассзнаа’’д̇и. ‘‘сажзби мз, аяяабуд̇д̇аа, взсаалим̣ саахаарам̣ д̣̇ассат̇а ⁸⁵, звамахам̣ д̇ам̣ ⁸⁶ бхад̇д̇ам̣ на д̣̇ассаамий’’д̇и ⁸⁷. ат̇а ко д̇з лижчавий ан̇г̇улим̣ подзсум̣ – ‘‘ж̇ид̇амха ⁸⁸ вад̇а бхо амб̣агааяа, ж̇ид̇амха вад̇а бхо амб̣агааяаа’’д̇и ⁸⁹.

Assosuṃ kho vesālikā licchavī – ‘‘bhagavā kira vesāliṃ anuppatto vesāliyaṃ viharati ambapālivane’’ti. Atha kho te licchavī bhaddāni bhaddāni yānāni yojāpetvā bhaddaṃ bhaddaṃ yānaṃ abhiruhitvā bhaddehi bhaddehi yānehi vesāliyā niyyiṃsu. Tatra ekacce licchavī nīlā honti nīlavaṇṇā nīlavatthā nīlālaṅkārā, ekacce licchavī pītā honti pītavaṇṇā pītavatthā pītālaṅkārā, ekacce licchavī lohitā honti lohitavaṇṇā lohitavatthā lohitālaṅkārā, ekacce licchavī odātā honti odātavaṇṇā odātavatthā odātālaṅkārā. Atha kho ambapālī gaṇikā daharānaṃ daharānaṃ licchavīnaṃ akkhena akkhaṃ cakkena cakkaṃ yugena yugaṃ paṭivaṭṭesi ⁹⁰. Atha kho te licchavī ambapāliṃ gaṇikaṃ etadavocuṃ – ‘‘kiṃ, je ambapāli , daharānaṃ daharānaṃ licchavīnaṃ akkhena akkhaṃ cakkena cakkaṃ yugena yugaṃ paṭivaṭṭesī’’ti? ‘‘Tathā hi pana me, ayyaputtā, bhagavā nimantito svātanāya bhattaṃ saddhiṃ bhikkhusaṅghenā’’ti. ‘‘Dehi, je ambapāli, etaṃ ⁹¹ bhattaṃ satasahassenā’’ti. ‘‘Sacepi me, ayyaputtā, vesāliṃ sāhāraṃ dassatha ⁹², evamahaṃ taṃ ⁹³ bhattaṃ na dassāmī’’ti ⁹⁴. Atha kho te licchavī aṅguliṃ phoṭesuṃ – ‘‘jitamha ⁹⁵ vata bho ambakāya, jitamha vata bho ambakāyā’’ti ⁹⁶.

ат̇а ко д̇з лижчавий язна амб̣абааливанам̣ д̇зна бааяим̣су. ад̣̇д̣̇асаа ко бхаг̇аваа д̇з лижчавий д̣̇уурад̇ова ааг̇ажчанд̇з. д̣̇исваана бхигкуу ааманд̇зси – ‘‘язсам̣ ⁹⁷, бхигкавз, бхигкуунам̣ д̣̇зваа д̇аавад̇им̣саа ад̣̇идтабуб̣б̣аа, ологзт̇а, бхигкавз, лижчавибарисам̣; абалогзт̇а, бхигкавз , лижчавибарисам̣; убасам̣харат̇а, бхигкавз, лижчавибарисам̣ – д̇аавад̇им̣сасад̣̇иса’’нд̇и. ат̇а ко д̇з лижчавий яаавад̇игаа яаанасса бхууми, яаанзна г̇анд̇ваа, яаанаа бажжорохид̇ваа бад̇д̇игаава язна бхаг̇аваа д̇знубасан̇гамим̣су; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇им̣су. згаманд̇ам̣ нисиннз ко д̇з лижчавий бхаг̇аваа д̇хаммияаа гат̇ааяа санд̣̇ассзси самаад̣̇абзси самуд̇д̇зж̇зси самбахам̣сзси. ат̇а ко д̇з лижчавий бхаг̇авад̇аа д̇хаммияаа гат̇ааяа санд̣̇ассид̇аа самаад̣̇абид̇аа самуд̇д̇зж̇ид̇аа самбахам̣сид̇аа бхаг̇аванд̇ам̣ зд̇ад̣̇авожум̣ – ‘‘ад̇хиваасзд̇у но, бханд̇з, бхаг̇аваа сваад̇анааяа бхад̇д̇ам̣ сад̣̇д̇хим̣ бхигкусан̇гхзнаа’’д̇и. ат̇а ко бхаг̇аваа д̇з лижчавий зд̇ад̣̇авожа – ‘‘ад̇хивуд̇т̇ам̣ ⁹⁸ ко мз, лижчавий, сваад̇анааяа амб̣абаалияаа г̇ан̣игааяа бхад̇д̇а’’нд̇и. ат̇а ко д̇з лижчавий ан̇г̇улим̣ подзсум̣ – ‘‘ж̇ид̇амха вад̇а бхо амб̣агааяа, ж̇ид̇амха вад̇а бхо амб̣агааяаа’’д̇и. ат̇а ко д̇з лижчавий бхаг̇авад̇о бхаасид̇ам̣ абхинанд̣̇ид̇ваа анумод̣̇ид̇ваа удтааяаасанаа бхаг̇аванд̇ам̣ абхиваад̣̇зд̇ваа бад̣̇агкин̣ам̣ гад̇ваа баггамим̣су.

Atha kho te licchavī yena ambapālivanaṃ tena pāyiṃsu. Addasā kho bhagavā te licchavī dūratova āgacchante. Disvāna bhikkhū āmantesi – ‘‘yesaṃ ⁹⁹, bhikkhave, bhikkhūnaṃ devā tāvatiṃsā adiṭṭhapubbā, oloketha, bhikkhave, licchaviparisaṃ; apaloketha, bhikkhave , licchaviparisaṃ; upasaṃharatha, bhikkhave, licchaviparisaṃ – tāvatiṃsasadisa’’nti. Atha kho te licchavī yāvatikā yānassa bhūmi, yānena gantvā, yānā paccorohitvā pattikāva yena bhagavā tenupasaṅkamiṃsu; upasaṅkamitvā bhagavantaṃ abhivādetvā ekamantaṃ nisīdiṃsu. Ekamantaṃ nisinne kho te licchavī bhagavā dhammiyā kathāya sandassesi samādapesi samuttejesi sampahaṃsesi. Atha kho te licchavī bhagavatā dhammiyā kathāya sandassitā samādapitā samuttejitā sampahaṃsitā bhagavantaṃ etadavocuṃ – ‘‘adhivāsetu no, bhante, bhagavā svātanāya bhattaṃ saddhiṃ bhikkhusaṅghenā’’ti. Atha kho bhagavā te licchavī etadavoca – ‘‘adhivutthaṃ ¹⁰⁰ kho me, licchavī, svātanāya ambapāliyā gaṇikāya bhatta’’nti. Atha kho te licchavī aṅguliṃ phoṭesuṃ – ‘‘jitamha vata bho ambakāya, jitamha vata bho ambakāyā’’ti. Atha kho te licchavī bhagavato bhāsitaṃ abhinanditvā anumoditvā uṭṭhāyāsanā bhagavantaṃ abhivādetvā padakkhiṇaṃ katvā pakkamiṃsu.

162. ат̇а ко амб̣абаалий г̇ан̣игаа д̇ассаа рад̇д̇ияаа ажжаязна сагз аараамз бан̣ийд̇ам̣ каад̣̇анийяам̣ бхож̇анийяам̣ бадияаад̣̇аабзд̇ваа бхаг̇авад̇о гаалам̣ аарожаабзси – ‘‘гаало, бханд̇з, нидтид̇ам̣ бхад̇д̇а’’нд̇и. ат̇а ко бхаг̇аваа буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа сад̣̇д̇хим̣ бхигкусан̇гхзна язна амб̣абаалияаа г̇ан̣игааяа нивзсанам̣ д̇знубасан̇гами; убасан̇гамид̇ваа бан̃н̃ад̇д̇з аасанз нисийд̣̇и. ат̇а ко амб̣абаалий г̇ан̣игаа б̣уд̣̇д̇хаббамукам̣ бхигкусан̇гхам̣ бан̣ийд̇зна каад̣̇анийязна бхож̇анийязна сахад̇т̇аа санд̇аббзси самбаваарзси. ат̇а ко амб̣абаалий г̇ан̣игаа бхаг̇аванд̇ам̣ бхуд̇д̇аавим̣ онийд̇абад̇д̇абаан̣им̣ ан̃н̃ад̇арам̣ нийжам̣ аасанам̣ г̇ахзд̇ваа згаманд̇ам̣ нисийд̣̇и. згаманд̇ам̣ нисиннаа ко амб̣абаалий г̇ан̣игаа бхаг̇аванд̇ам̣ зд̇ад̣̇авожа – ‘‘имаахам̣, бханд̇з, аараамам̣ б̣уд̣̇д̇хаббамукасса бхигкусан̇гхасса д̣̇аммий’’д̇и. бадиг̇г̇ахзси бхаг̇аваа аараамам̣. ат̇а ко бхаг̇аваа амб̣абаалим̣ г̇ан̣игам̣ д̇хаммияаа гат̇ааяа санд̣̇ассзд̇ваа самаад̣̇абзд̇ваа самуд̇д̇зж̇зд̇ваа самбахам̣сзд̇ваа удтааяаасанаа баггаами. д̇ад̇раби суд̣̇ам̣ бхаг̇аваа взсаалияам̣ вихаранд̇о амб̣абааливанз зд̇ад̣̇зва б̣ахулам̣ бхигкуунам̣ д̇хаммим̣ гат̇ам̣ гарод̇и – ‘‘ид̇и сийлам̣, ид̇и самаад̇хи, ид̇и бан̃н̃аа. сийлабарибхаавид̇о самаад̇хи махабпало ход̇и махаанисам̣со. самаад̇хибарибхаавид̇аа бан̃н̃аа махабпалаа ход̇и махаанисам̣саа. бан̃н̃аабарибхаавид̇ам̣ жид̇д̇ам̣ саммад̣̇зва аасавзхи вимужжад̇и, сзяяат̇ид̣̇ам̣ – гаамаасаваа, бхаваасаваа, авиж̇ж̇аасаваа’’д̇и.

162. Atha kho ambapālī gaṇikā tassā rattiyā accayena sake ārāme paṇītaṃ khādanīyaṃ bhojanīyaṃ paṭiyādāpetvā bhagavato kālaṃ ārocāpesi – ‘‘kālo, bhante, niṭṭhitaṃ bhatta’’nti. Atha kho bhagavā pubbaṇhasamayaṃ nivāsetvā pattacīvaramādāya saddhiṃ bhikkhusaṅghena yena ambapāliyā gaṇikāya nivesanaṃ tenupasaṅkami; upasaṅkamitvā paññatte āsane nisīdi. Atha kho ambapālī gaṇikā buddhappamukhaṃ bhikkhusaṅghaṃ paṇītena khādanīyena bhojanīyena sahatthā santappesi sampavāresi. Atha kho ambapālī gaṇikā bhagavantaṃ bhuttāviṃ onītapattapāṇiṃ aññataraṃ nīcaṃ āsanaṃ gahetvā ekamantaṃ nisīdi. Ekamantaṃ nisinnā kho ambapālī gaṇikā bhagavantaṃ etadavoca – ‘‘imāhaṃ, bhante, ārāmaṃ buddhappamukhassa bhikkhusaṅghassa dammī’’ti. Paṭiggahesi bhagavā ārāmaṃ. Atha kho bhagavā ambapāliṃ gaṇikaṃ dhammiyā kathāya sandassetvā samādapetvā samuttejetvā sampahaṃsetvā uṭṭhāyāsanā pakkāmi. Tatrapi sudaṃ bhagavā vesāliyaṃ viharanto ambapālivane etadeva bahulaṃ bhikkhūnaṃ dhammiṃ kathaṃ karoti – ‘‘iti sīlaṃ, iti samādhi, iti paññā. Sīlaparibhāvito samādhi mahapphalo hoti mahānisaṃso. Samādhiparibhāvitā paññā mahapphalā hoti mahānisaṃsā. Paññāparibhāvitaṃ cittaṃ sammadeva āsavehi vimuccati, seyyathidaṃ – kāmāsavā, bhavāsavā, avijjāsavā’’ti.

взл̣уваг̇аамавассуубаг̇аманам̣

Veḷuvagāmavassūpagamanaṃ

163. ат̇а ко бхаг̇аваа амб̣абааливанз яат̇аабхиранд̇ам̣ вихарид̇ваа ааяасманд̇ам̣ аананд̣̇ам̣ ааманд̇зси – ‘‘ааяаамаананд̣̇а, язна взл̣уваг̇аамаго ¹⁰¹ д̇знубасан̇гамиссаамаа’’д̇и. ‘‘звам̣, бханд̇з’’д̇и ко ааяасмаа аананд̣̇о бхаг̇авад̇о бажжассоси. ат̇а ко бхаг̇аваа махад̇аа бхигкусан̇гхзна сад̣̇д̇хим̣ язна взл̣уваг̇аамаго д̇ад̣̇авасари. д̇ад̇ра суд̣̇ам̣ бхаг̇аваа взл̣уваг̇аамагз вихарад̇и. д̇ад̇ра ко бхаг̇аваа бхигкуу ааманд̇зси – ‘‘зт̇а д̇умхз, бхигкавз, саманд̇аа взсаалим̣ яат̇аамид̇д̇ам̣ яат̇аасанд̣̇идтам̣ яат̇аасамбхад̇д̇ам̣ вассам̣ убзт̇а ¹⁰². ахам̣ бана ид̇хзва взл̣уваг̇аамагз вассам̣ убаг̇ажчаамий’’д̇и. ‘‘звам̣, бханд̇з’’д̇и ко д̇з бхигкуу бхаг̇авад̇о бадиссуд̇ваа саманд̇аа взсаалим̣ яат̇аамид̇д̇ам̣ яат̇аасанд̣̇идтам̣ яат̇аасамбхад̇д̇ам̣ вассам̣ убаг̇ажчим̣су. бхаг̇аваа бана д̇ад̇т̇зва взл̣уваг̇аамагз вассам̣ убаг̇ажчи.

163. Atha kho bhagavā ambapālivane yathābhirantaṃ viharitvā āyasmantaṃ ānandaṃ āmantesi – ‘‘āyāmānanda, yena veḷuvagāmako ¹⁰³ tenupasaṅkamissāmā’’ti. ‘‘Evaṃ, bhante’’ti kho āyasmā ānando bhagavato paccassosi. Atha kho bhagavā mahatā bhikkhusaṅghena saddhiṃ yena veḷuvagāmako tadavasari. Tatra sudaṃ bhagavā veḷuvagāmake viharati. Tatra kho bhagavā bhikkhū āmantesi – ‘‘etha tumhe, bhikkhave, samantā vesāliṃ yathāmittaṃ yathāsandiṭṭhaṃ yathāsambhattaṃ vassaṃ upetha ¹⁰⁴. Ahaṃ pana idheva veḷuvagāmake vassaṃ upagacchāmī’’ti. ‘‘Evaṃ, bhante’’ti kho te bhikkhū bhagavato paṭissutvā samantā vesāliṃ yathāmittaṃ yathāsandiṭṭhaṃ yathāsambhattaṃ vassaṃ upagacchiṃsu. Bhagavā pana tattheva veḷuvagāmake vassaṃ upagacchi.

164. ат̇а ко бхаг̇авад̇о вассуубаг̇ад̇асса каро ааб̣аад̇хо уббаж̇ж̇и, б̣аал̣хаа взд̣̇анаа вад̇д̇анд̇и мааран̣анд̇игаа. д̇аа суд̣̇ам̣ бхаг̇аваа сад̇о самбаж̇аано ад̇хиваасзси авихан̃н̃амаано. ат̇а ко бхаг̇авад̇о зд̇ад̣̇ахоси – ‘‘на ко мзд̇ам̣ бад̇ируубам̣, яваахам̣ анааманд̇зд̇ваа убадтаагз анабалогзд̇ваа бхигкусан̇гхам̣ бариниб̣б̣ааязяяам̣. яам̣нуунаахам̣ имам̣ ааб̣аад̇хам̣ вийриязна бадибан̣аамзд̇ваа ж̇ийвид̇асан̇каарам̣ ад̇хидтааяа вихарзяяа’’нд̇и. ат̇а ко бхаг̇аваа д̇ам̣ ааб̣аад̇хам̣ вийриязна бадибан̣аамзд̇ваа ж̇ийвид̇асан̇каарам̣ ад̇хидтааяа вихааси. ат̇а ко бхаг̇авад̇о со ааб̣аад̇хо бадибассамбхи. ат̇а ко бхаг̇аваа г̇илаанаа вудтид̇о ¹⁰⁵ ажиравудтид̇о г̇злан̃н̃аа вихаараа нигкамма вихаарабажчааяааяам̣ бан̃н̃ад̇д̇з аасанз нисийд̣̇и. ат̇а ко ааяасмаа аананд̣̇о язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко ааяасмаа аананд̣̇о бхаг̇аванд̇ам̣ зд̇ад̣̇авожа – ‘‘д̣̇идто мз, бханд̇з, бхаг̇авад̇о паасу; д̣̇идтам̣ мз, бханд̇з, бхаг̇авад̇о каманийяам̣, аби жа мз, бханд̇з, мад̇хурагаж̇аад̇о вияа гааяо. д̣̇исааби мз на багкааяанд̇и; д̇хаммааби мам̣ на бадибханд̇и бхаг̇авад̇о г̇злан̃н̃зна, аби жа мз, бханд̇з, ахоси гаажид̣̇зва ассаасамад̇д̇аа – ‘на д̇аава бхаг̇аваа бариниб̣б̣ааяиссад̇и, на яаава бхаг̇аваа бхигкусан̇гхам̣ аараб̣бха гин̃жид̣̇зва уд̣̇аахарад̇ий’’’д̇и.

164. Atha kho bhagavato vassūpagatassa kharo ābādho uppajji, bāḷhā vedanā vattanti māraṇantikā. Tā sudaṃ bhagavā sato sampajāno adhivāsesi avihaññamāno. Atha kho bhagavato etadahosi – ‘‘na kho metaṃ patirūpaṃ, yvāhaṃ anāmantetvā upaṭṭhāke anapaloketvā bhikkhusaṅghaṃ parinibbāyeyyaṃ. Yaṃnūnāhaṃ imaṃ ābādhaṃ vīriyena paṭipaṇāmetvā jīvitasaṅkhāraṃ adhiṭṭhāya vihareyya’’nti. Atha kho bhagavā taṃ ābādhaṃ vīriyena paṭipaṇāmetvā jīvitasaṅkhāraṃ adhiṭṭhāya vihāsi. Atha kho bhagavato so ābādho paṭipassambhi. Atha kho bhagavā gilānā vuṭṭhito ¹⁰⁶ aciravuṭṭhito gelaññā vihārā nikkhamma vihārapacchāyāyaṃ paññatte āsane nisīdi. Atha kho āyasmā ānando yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho āyasmā ānando bhagavantaṃ etadavoca – ‘‘diṭṭho me, bhante, bhagavato phāsu; diṭṭhaṃ me, bhante, bhagavato khamanīyaṃ, api ca me, bhante, madhurakajāto viya kāyo. Disāpi me na pakkhāyanti; dhammāpi maṃ na paṭibhanti bhagavato gelaññena, api ca me, bhante, ahosi kācideva assāsamattā – ‘na tāva bhagavā parinibbāyissati, na yāva bhagavā bhikkhusaṅghaṃ ārabbha kiñcideva udāharatī’’’ti.

165. ‘‘гим̣ банаананд̣̇а, бхигкусан̇гхо маяи бажжаасийсад̇и ¹⁰⁷? д̣̇зсид̇о, аананд̣̇а, маяаа д̇хаммо ананд̇арам̣ аб̣аахирам̣ гарид̇ваа. над̇т̇аананд̣̇а, д̇ат̇ааг̇ад̇асса д̇хаммзсу аажарияамудти. яасса нууна, аананд̣̇а, звамасса – ‘ахам̣ бхигкусан̇гхам̣ барихариссаамий’д̇и ваа ‘мамуд̣̇д̣̇зсиго бхигкусан̇гхо’д̇и ваа, со нууна, аананд̣̇а, бхигкусан̇гхам̣ аараб̣бха гин̃жид̣̇зва уд̣̇аахарзяяа. д̇ат̇ааг̇ад̇асса ко, аананд̣̇а, на звам̣ ход̇и – ‘ахам̣ бхигкусан̇гхам̣ барихариссаамий’д̇и ваа ‘мамуд̣̇д̣̇зсиго бхигкусан̇гхо’д̇и ваа. сагим̣ ¹⁰⁸, аананд̣̇а, д̇ат̇ааг̇ад̇о бхигкусан̇гхам̣ аараб̣бха гин̃жид̣̇зва уд̣̇аахариссад̇и. ахам̣ ко банаананд̣̇а, зд̇арахи ж̇ин̣н̣о вуд̣̇д̇хо махаллаго ад̣̇д̇хаг̇ад̇о ваяоануббад̇д̇о. аасийд̇иго мз ваяо вад̇д̇ад̇и. сзяяат̇ааби, аананд̣̇а, ж̇аж̇ж̇арасагадам̣ взтамиссагзна ¹⁰⁹ яаабзд̇и, звамзва ко, аананд̣̇а, взтамиссагзна ман̃н̃з д̇ат̇ааг̇ад̇асса гааяо яаабзд̇и. яасмим̣, аананд̣̇а, самаяз д̇ат̇ааг̇ад̇о саб̣б̣анимид̇д̇аанам̣ аманасигаараа згажжаанам̣ взд̣̇анаанам̣ нирод̇хаа анимид̇д̇ам̣ жзд̇осамаад̇хим̣ убасамбаж̇ж̇а вихарад̇и, паасуд̇аро, аананд̣̇а, д̇асмим̣ самаяз д̇ат̇ааг̇ад̇асса гааяо ход̇и. д̇асмаад̇ихаананд̣̇а, ад̇д̇ад̣̇ийбаа вихарат̇а ад̇д̇асаран̣аа анан̃н̃асаран̣аа, д̇хаммад̣̇ийбаа д̇хаммасаран̣аа анан̃н̃асаран̣аа. гат̇ан̃жаананд̣̇а, бхигку ад̇д̇ад̣̇ийбо вихарад̇и ад̇д̇асаран̣о анан̃н̃асаран̣о, д̇хаммад̣̇ийбо д̇хаммасаран̣о анан̃н̃асаран̣о? ид̇хаананд̣̇а, бхигку гааяз гааяаанубассий вихарад̇и ад̇аабий самбаж̇аано сад̇имаа, винзяяа логз абхиж̇жхаад̣̇оманассам̣. взд̣̇анаасу…бз… жид̇д̇з…бз… д̇хаммзсу д̇хаммаанубассий вихарад̇и аад̇аабий самбаж̇аано сад̇имаа, винзяяа логз абхиж̇жхаад̣̇оманассам̣. звам̣ ко, аананд̣̇а, бхигку ад̇д̇ад̣̇ийбо вихарад̇и ад̇д̇асаран̣о анан̃н̃асаран̣о, д̇хаммад̣̇ийбо д̇хаммасаран̣о анан̃н̃асаран̣о . яз хи гзжи, аананд̣̇а, зд̇арахи ваа мама ваа ажжаязна ад̇д̇ад̣̇ийбаа вихариссанд̇и ад̇д̇асаран̣аа анан̃н̃асаран̣аа, д̇хаммад̣̇ийбаа д̇хаммасаран̣аа анан̃н̃асаран̣аа, д̇амад̇аг̇г̇з мз д̇з, аананд̣̇а, бхигкуу бхависсанд̇и яз гзжи сигкаагаамаа’’д̇и.

165. ‘‘Kiṃ panānanda, bhikkhusaṅgho mayi paccāsīsati ¹¹⁰? Desito, ānanda, mayā dhammo anantaraṃ abāhiraṃ karitvā. Natthānanda, tathāgatassa dhammesu ācariyamuṭṭhi. Yassa nūna, ānanda, evamassa – ‘ahaṃ bhikkhusaṅghaṃ pariharissāmī’ti vā ‘mamuddesiko bhikkhusaṅgho’ti vā, so nūna, ānanda, bhikkhusaṅghaṃ ārabbha kiñcideva udāhareyya. Tathāgatassa kho, ānanda, na evaṃ hoti – ‘ahaṃ bhikkhusaṅghaṃ pariharissāmī’ti vā ‘mamuddesiko bhikkhusaṅgho’ti vā. Sakiṃ ¹¹¹, ānanda, tathāgato bhikkhusaṅghaṃ ārabbha kiñcideva udāharissati. Ahaṃ kho panānanda, etarahi jiṇṇo vuddho mahallako addhagato vayoanuppatto. Āsītiko me vayo vattati. Seyyathāpi, ānanda, jajjarasakaṭaṃ veṭhamissakena ¹¹² yāpeti, evameva kho, ānanda, veṭhamissakena maññe tathāgatassa kāyo yāpeti. Yasmiṃ, ānanda, samaye tathāgato sabbanimittānaṃ amanasikārā ekaccānaṃ vedanānaṃ nirodhā animittaṃ cetosamādhiṃ upasampajja viharati, phāsutaro, ānanda, tasmiṃ samaye tathāgatassa kāyo hoti. Tasmātihānanda, attadīpā viharatha attasaraṇā anaññasaraṇā, dhammadīpā dhammasaraṇā anaññasaraṇā. Kathañcānanda, bhikkhu attadīpo viharati attasaraṇo anaññasaraṇo, dhammadīpo dhammasaraṇo anaññasaraṇo? Idhānanda, bhikkhu kāye kāyānupassī viharati atāpī sampajāno satimā, vineyya loke abhijjhādomanassaṃ. Vedanāsu…pe… citte…pe… dhammesu dhammānupassī viharati ātāpī sampajāno satimā, vineyya loke abhijjhādomanassaṃ. Evaṃ kho, ānanda, bhikkhu attadīpo viharati attasaraṇo anaññasaraṇo, dhammadīpo dhammasaraṇo anaññasaraṇo . Ye hi keci, ānanda, etarahi vā mama vā accayena attadīpā viharissanti attasaraṇā anaññasaraṇā, dhammadīpā dhammasaraṇā anaññasaraṇā, tamatagge me te, ānanda, bhikkhū bhavissanti ye keci sikkhākāmā’’ti.

д̣̇уд̇ияабхаан̣авааро.

Dutiyabhāṇavāro.

нимид̇д̇обхаасагат̇аа

Nimittobhāsakathā

166. ат̇а ко бхаг̇аваа буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа взсаалим̣ бин̣д̣ааяа баависи. взсаалияам̣ бин̣д̣ааяа жарид̇ваа бажчаабхад̇д̇ам̣ бин̣д̣абаад̇абадигганд̇о ааяасманд̇ам̣ аананд̣̇ам̣ ааманд̇зси – ‘‘г̇ан̣хаахи, аананд̣̇а, нисийд̣̇анам̣, язна жаабаалам̣ жзд̇ияам̣ ¹¹³ д̇знубасан̇гамиссаама д̣̇иваа вихаарааяаа’’д̇и. ‘‘звам̣, бханд̇з’’д̇и ко ааяасмаа аананд̣̇о бхаг̇авад̇о бадиссуд̇ваа нисийд̣̇анам̣ аад̣̇ааяа бхаг̇аванд̇ам̣ бидтид̇о бидтид̇о ануб̣анд̇хи. ат̇а ко бхаг̇аваа язна жаабаалам̣ жзд̇ияам̣ д̇знубасан̇гами; убасан̇гамид̇ваа бан̃н̃ад̇д̇з аасанз нисийд̣̇и. ааяасмааби ко аананд̣̇о бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и.

166. Atha kho bhagavā pubbaṇhasamayaṃ nivāsetvā pattacīvaramādāya vesāliṃ piṇḍāya pāvisi. Vesāliyaṃ piṇḍāya caritvā pacchābhattaṃ piṇḍapātapaṭikkanto āyasmantaṃ ānandaṃ āmantesi – ‘‘gaṇhāhi, ānanda, nisīdanaṃ, yena cāpālaṃ cetiyaṃ ¹¹⁴ tenupasaṅkamissāma divā vihārāyā’’ti. ‘‘Evaṃ, bhante’’ti kho āyasmā ānando bhagavato paṭissutvā nisīdanaṃ ādāya bhagavantaṃ piṭṭhito piṭṭhito anubandhi. Atha kho bhagavā yena cāpālaṃ cetiyaṃ tenupasaṅkami; upasaṅkamitvā paññatte āsane nisīdi. Āyasmāpi kho ānando bhagavantaṃ abhivādetvā ekamantaṃ nisīdi.

167. згаманд̇ам̣ нисиннам̣ ко ааяасманд̇ам̣ аананд̣̇ам̣ бхаг̇аваа зд̇ад̣̇авожа – ‘‘раман̣ийяаа, аананд̣̇а, взсаалий, раман̣ийяам̣ уд̣̇знам̣ жзд̇ияам̣, раман̣ийяам̣ г̇од̇амагам̣ жзд̇ияам̣, раман̣ийяам̣ сад̇д̇амб̣ам̣ ¹¹⁵ жзд̇ияам̣, раман̣ийяам̣ б̣ахубуд̇д̇ам̣ жзд̇ияам̣, раман̣ийяам̣ сааранд̣̇ад̣̇ам̣ жзд̇ияам̣, раман̣ийяам̣ жаабаалам̣ жзд̇ияам̣. яасса гассажи, аананд̣̇а, жад̇д̇ааро ид̣̇д̇хибаад̣̇аа бхаавид̇аа б̣ахулийгад̇аа яаанийгад̇аа вад̇т̇угад̇аа анудтид̇аа барижид̇аа сусамаарад̣̇д̇хаа, со ааган̇камаано габбам̣ ваа д̇идтзяяа габбаавасзсам̣ ваа. д̇ат̇ааг̇ад̇асса ко, аананд̣̇а, жад̇д̇ааро ид̣̇д̇хибаад̣̇аа бхаавид̇аа б̣ахулийгад̇аа яаанийгад̇аа вад̇т̇угад̇аа анудтид̇аа барижид̇аа сусамаарад̣̇д̇хаа, со ааган̇камаано ¹¹⁶, аананд̣̇а, д̇ат̇ааг̇ад̇о габбам̣ ваа д̇идтзяяа габбаавасзсам̣ ваа’’д̇и. звамби ко ааяасмаа аананд̣̇о бхаг̇авад̇аа ол̣ааригз нимид̇д̇з гаяирамаанз ол̣ааригз обхаасз гаяирамаанз наасагки бадивиж̇жхид̇ум̣; на бхаг̇аванд̇ам̣ яаажи – ‘‘д̇идтад̇у, бханд̇з, бхаг̇аваа габбам̣, д̇идтад̇у суг̇ад̇о габбам̣ б̣ахуж̇анахид̇ааяа б̣ахуж̇анасукааяа логаанугамбааяа ад̇т̇ааяа хид̇ааяа сукааяа д̣̇звамануссаана’’нд̇и, яат̇аа д̇ам̣ маарзна барияудтид̇ажид̇д̇о. д̣̇уд̇ияамби ко бхаг̇аваа…бз… д̇ад̇ияамби ко бхаг̇аваа ааяасманд̇ам̣ аананд̣̇ам̣ ааманд̇зси – ‘‘раман̣ийяаа, аананд̣̇а, взсаалий, раман̣ийяам̣ уд̣̇знам̣ жзд̇ияам̣, раман̣ийяам̣ г̇од̇амагам̣ жзд̇ияам̣, раман̣ийяам̣ сад̇д̇амб̣ам̣ жзд̇ияам̣, раман̣ийяам̣ б̣ахубуд̇д̇ам̣ жзд̇ияам̣, раман̣ийяам̣ сааранд̣̇ад̣̇ам̣ жзд̇ияам̣, раман̣ийяам̣ жаабаалам̣ жзд̇ияам̣. яасса гассажи, аананд̣̇а, жад̇д̇ааро ид̣̇д̇хибаад̣̇аа бхаавид̇аа б̣ахулийгад̇аа яаанийгад̇аа вад̇т̇угад̇аа анудтид̇аа барижид̇аа сусамаарад̣̇д̇хаа, со ааган̇камаано габбам̣ ваа д̇идтзяяа габбаавасзсам̣ ваа. д̇ат̇ааг̇ад̇асса ко, аананд̣̇а, жад̇д̇ааро ид̣̇д̇хибаад̣̇аа бхаавид̇аа б̣ахулийгад̇аа яаанийгад̇аа вад̇т̇угад̇аа анудтид̇аа барижид̇аа сусамаарад̣̇д̇хаа, со ааган̇камаано, аананд̣̇а, д̇ат̇ааг̇ад̇о габбам̣ ваа д̇идтзяяа габбаавасзсам̣ ваа’’д̇и. звамби ко ааяасмаа аананд̣̇о бхаг̇авад̇аа ол̣ааригз нимид̇д̇з гаяирамаанз ол̣ааригз обхаасз гаяирамаанз наасагки бадивиж̇жхид̇ум̣ ; на бхаг̇аванд̇ам̣ яаажи – ‘‘д̇идтад̇у , бханд̇з, бхаг̇аваа габбам̣, д̇идтад̇у суг̇ад̇о габбам̣ б̣ахуж̇анахид̇ааяа б̣ахуж̇анасукааяа логаанугамбааяа ад̇т̇ааяа хид̇ааяа сукааяа д̣̇звамануссаана’’нд̇и, яат̇аа д̇ам̣ маарзна барияудтид̇ажид̇д̇о. ат̇а ко бхаг̇аваа ааяасманд̇ам̣ аананд̣̇ам̣ ааманд̇зси – ‘‘г̇ажча д̇вам̣, аананд̣̇а, яассад̣̇аани гаалам̣ ман̃н̃асий’’д̇и. ‘‘звам̣, бханд̇з’’д̇и ко ааяасмаа аананд̣̇о бхаг̇авад̇о бадиссуд̇ваа удтааяаасанаа бхаг̇аванд̇ам̣ абхиваад̣̇зд̇ваа бад̣̇агкин̣ам̣ гад̇ваа авид̣̇уурз ан̃н̃ад̇арасмим̣ ругкамуулз нисийд̣̇и.

167. Ekamantaṃ nisinnaṃ kho āyasmantaṃ ānandaṃ bhagavā etadavoca – ‘‘ramaṇīyā, ānanda, vesālī, ramaṇīyaṃ udenaṃ cetiyaṃ, ramaṇīyaṃ gotamakaṃ cetiyaṃ, ramaṇīyaṃ sattambaṃ ¹¹⁷ cetiyaṃ, ramaṇīyaṃ bahuputtaṃ cetiyaṃ, ramaṇīyaṃ sārandadaṃ cetiyaṃ, ramaṇīyaṃ cāpālaṃ cetiyaṃ. Yassa kassaci, ānanda, cattāro iddhipādā bhāvitā bahulīkatā yānīkatā vatthukatā anuṭṭhitā paricitā susamāraddhā, so ākaṅkhamāno kappaṃ vā tiṭṭheyya kappāvasesaṃ vā. Tathāgatassa kho, ānanda, cattāro iddhipādā bhāvitā bahulīkatā yānīkatā vatthukatā anuṭṭhitā paricitā susamāraddhā, so ākaṅkhamāno ¹¹⁸, ānanda, tathāgato kappaṃ vā tiṭṭheyya kappāvasesaṃ vā’’ti. Evampi kho āyasmā ānando bhagavatā oḷārike nimitte kayiramāne oḷārike obhāse kayiramāne nāsakkhi paṭivijjhituṃ; na bhagavantaṃ yāci – ‘‘tiṭṭhatu, bhante, bhagavā kappaṃ, tiṭṭhatu sugato kappaṃ bahujanahitāya bahujanasukhāya lokānukampāya atthāya hitāya sukhāya devamanussāna’’nti, yathā taṃ mārena pariyuṭṭhitacitto. Dutiyampi kho bhagavā…pe… tatiyampi kho bhagavā āyasmantaṃ ānandaṃ āmantesi – ‘‘ramaṇīyā, ānanda, vesālī, ramaṇīyaṃ udenaṃ cetiyaṃ, ramaṇīyaṃ gotamakaṃ cetiyaṃ, ramaṇīyaṃ sattambaṃ cetiyaṃ, ramaṇīyaṃ bahuputtaṃ cetiyaṃ, ramaṇīyaṃ sārandadaṃ cetiyaṃ, ramaṇīyaṃ cāpālaṃ cetiyaṃ. Yassa kassaci, ānanda, cattāro iddhipādā bhāvitā bahulīkatā yānīkatā vatthukatā anuṭṭhitā paricitā susamāraddhā, so ākaṅkhamāno kappaṃ vā tiṭṭheyya kappāvasesaṃ vā. Tathāgatassa kho, ānanda, cattāro iddhipādā bhāvitā bahulīkatā yānīkatā vatthukatā anuṭṭhitā paricitā susamāraddhā, so ākaṅkhamāno, ānanda, tathāgato kappaṃ vā tiṭṭheyya kappāvasesaṃ vā’’ti. Evampi kho āyasmā ānando bhagavatā oḷārike nimitte kayiramāne oḷārike obhāse kayiramāne nāsakkhi paṭivijjhituṃ ; na bhagavantaṃ yāci – ‘‘tiṭṭhatu , bhante, bhagavā kappaṃ, tiṭṭhatu sugato kappaṃ bahujanahitāya bahujanasukhāya lokānukampāya atthāya hitāya sukhāya devamanussāna’’nti, yathā taṃ mārena pariyuṭṭhitacitto. Atha kho bhagavā āyasmantaṃ ānandaṃ āmantesi – ‘‘gaccha tvaṃ, ānanda, yassadāni kālaṃ maññasī’’ti. ‘‘Evaṃ, bhante’’ti kho āyasmā ānando bhagavato paṭissutvā uṭṭhāyāsanā bhagavantaṃ abhivādetvā padakkhiṇaṃ katvā avidūre aññatarasmiṃ rukkhamūle nisīdi.

маараяаажанагат̇аа

Mārayācanakathā

168. ат̇а ко мааро баабимаа ажирабагганд̇з ааяасманд̇з аананд̣̇з язна бхаг̇аваа д̇знубасан̇гами; убасан̇гамид̇ваа згаманд̇ам̣ адтааси. згаманд̇ам̣ тид̇о ко мааро баабимаа бхаг̇аванд̇ам̣ зд̇ад̣̇авожа – ‘‘бариниб̣б̣аад̇уд̣̇аани, бханд̇з, бхаг̇аваа, бариниб̣б̣аад̇у суг̇ад̇о, бариниб̣б̣аанагаало д̣̇аани, бханд̇з, бхаг̇авад̇о. бхаасид̇аа ко банзсаа, бханд̇з, бхаг̇авад̇аа ваажаа – ‘на д̇ааваахам̣, баабима, бариниб̣б̣ааяиссаами, яаава мз бхигкуу на саавагаа бхависсанд̇и вияад̇д̇аа винийд̇аа висаарад̣̇аа б̣ахуссуд̇аа д̇хаммад̇хараа д̇хаммаануд̇хаммаббадибаннаа саамийжиббадибаннаа ануд̇хаммажаарино, сагам̣ аажарияагам̣ уг̇г̇ахзд̇ваа аажигкиссанд̇и д̣̇зсзссанд̇и бан̃н̃абзссанд̇и бадтабзссанд̇и вивариссанд̇и вибхаж̇иссанд̇и уд̇д̇ааний ¹¹⁹ гариссанд̇и, уббаннам̣ бараббаваад̣̇ам̣ сахад̇хаммзна суниг̇г̇ахид̇ам̣ ниг̇г̇ахзд̇ваа саббаадихаарияам̣ д̇хаммам̣ д̣̇зсзссанд̇ий’д̇и . зд̇арахи ко бана, бханд̇з, бхигкуу бхаг̇авад̇о саавагаа вияад̇д̇аа винийд̇аа висаарад̣̇аа б̣ахуссуд̇аа д̇хаммад̇хараа д̇хаммаануд̇хаммаббадибаннаа саамийжиббадибаннаа ануд̇хаммажаарино, сагам̣ аажарияагам̣ уг̇г̇ахзд̇ваа аажигканд̇и д̣̇зсзнд̇и бан̃н̃абзнд̇и бадтабзнд̇и виваранд̇и вибхаж̇анд̇и уд̇д̇аанийгаронд̇и, уббаннам̣ бараббаваад̣̇ам̣ сахад̇хаммзна суниг̇г̇ахид̇ам̣ ниг̇г̇ахзд̇ваа саббаадихаарияам̣ д̇хаммам̣ д̣̇зсзнд̇и. бариниб̣б̣аад̇уд̣̇аани, бханд̇з, бхаг̇аваа, бариниб̣б̣аад̇у суг̇ад̇о, бариниб̣б̣аанагаалод̣̇аани, бханд̇з, бхаг̇авад̇о.

168. Atha kho māro pāpimā acirapakkante āyasmante ānande yena bhagavā tenupasaṅkami; upasaṅkamitvā ekamantaṃ aṭṭhāsi. Ekamantaṃ ṭhito kho māro pāpimā bhagavantaṃ etadavoca – ‘‘parinibbātudāni, bhante, bhagavā, parinibbātu sugato, parinibbānakālo dāni, bhante, bhagavato. Bhāsitā kho panesā, bhante, bhagavatā vācā – ‘na tāvāhaṃ, pāpima, parinibbāyissāmi, yāva me bhikkhū na sāvakā bhavissanti viyattā vinītā visāradā bahussutā dhammadharā dhammānudhammappaṭipannā sāmīcippaṭipannā anudhammacārino, sakaṃ ācariyakaṃ uggahetvā ācikkhissanti desessanti paññapessanti paṭṭhapessanti vivarissanti vibhajissanti uttānī ¹²⁰ karissanti, uppannaṃ parappavādaṃ sahadhammena suniggahitaṃ niggahetvā sappāṭihāriyaṃ dhammaṃ desessantī’ti . Etarahi kho pana, bhante, bhikkhū bhagavato sāvakā viyattā vinītā visāradā bahussutā dhammadharā dhammānudhammappaṭipannā sāmīcippaṭipannā anudhammacārino, sakaṃ ācariyakaṃ uggahetvā ācikkhanti desenti paññapenti paṭṭhapenti vivaranti vibhajanti uttānīkaronti, uppannaṃ parappavādaṃ sahadhammena suniggahitaṃ niggahetvā sappāṭihāriyaṃ dhammaṃ desenti. Parinibbātudāni, bhante, bhagavā, parinibbātu sugato, parinibbānakālodāni, bhante, bhagavato.

‘‘бхаасид̇аа ко банзсаа, бханд̇з, бхаг̇авад̇аа ваажаа – ‘на д̇ааваахам̣, баабима, бариниб̣б̣ааяиссаами, яаава мз бхигкунияо на саавигаа бхависсанд̇и вияад̇д̇аа винийд̇аа висаарад̣̇аа б̣ахуссуд̇аа д̇хаммад̇хараа д̇хаммаануд̇хаммаббадибаннаа саамийжиббадибаннаа ануд̇хаммажааринияо, сагам̣ аажарияагам̣ уг̇г̇ахзд̇ваа аажигкиссанд̇и д̣̇зсзссанд̇и бан̃н̃абзссанд̇и бадтабзссанд̇и вивариссанд̇и вибхаж̇иссанд̇и уд̇д̇аанийгариссанд̇и, уббаннам̣ бараббаваад̣̇ам̣ сахад̇хаммзна суниг̇г̇ахид̇ам̣ ниг̇г̇ахзд̇ваа саббаадихаарияам̣ д̇хаммам̣ д̣̇зсзссанд̇ий’д̇и . зд̇арахи ко бана, бханд̇з, бхигкунияо бхаг̇авад̇о саавигаа вияад̇д̇аа винийд̇аа висаарад̣̇аа б̣ахуссуд̇аа д̇хаммад̇хараа д̇хаммаануд̇хаммаббадибаннаа саамийжиббадибаннаа ануд̇хаммажааринияо , сагам̣ аажарияагам̣ уг̇г̇ахзд̇ваа аажигканд̇и д̣̇зсзнд̇и бан̃н̃абзнд̇и бадтабзнд̇и виваранд̇и вибхаж̇анд̇и уд̇д̇аанийгаронд̇и, уббаннам̣ бараббаваад̣̇ам̣ сахад̇хаммзна суниг̇г̇ахид̇ам̣ ниг̇г̇ахзд̇ваа саббаадихаарияам̣ д̇хаммам̣ д̣̇зсзнд̇и. бариниб̣б̣аад̇уд̣̇аани, бханд̇з, бхаг̇аваа, бариниб̣б̣аад̇у суг̇ад̇о, бариниб̣б̣аанагаалод̣̇аани, бханд̇з, бхаг̇авад̇о.

‘‘Bhāsitā kho panesā, bhante, bhagavatā vācā – ‘na tāvāhaṃ, pāpima, parinibbāyissāmi, yāva me bhikkhuniyo na sāvikā bhavissanti viyattā vinītā visāradā bahussutā dhammadharā dhammānudhammappaṭipannā sāmīcippaṭipannā anudhammacāriniyo, sakaṃ ācariyakaṃ uggahetvā ācikkhissanti desessanti paññapessanti paṭṭhapessanti vivarissanti vibhajissanti uttānīkarissanti, uppannaṃ parappavādaṃ sahadhammena suniggahitaṃ niggahetvā sappāṭihāriyaṃ dhammaṃ desessantī’ti . Etarahi kho pana, bhante, bhikkhuniyo bhagavato sāvikā viyattā vinītā visāradā bahussutā dhammadharā dhammānudhammappaṭipannā sāmīcippaṭipannā anudhammacāriniyo , sakaṃ ācariyakaṃ uggahetvā ācikkhanti desenti paññapenti paṭṭhapenti vivaranti vibhajanti uttānīkaronti, uppannaṃ parappavādaṃ sahadhammena suniggahitaṃ niggahetvā sappāṭihāriyaṃ dhammaṃ desenti. Parinibbātudāni, bhante, bhagavā, parinibbātu sugato, parinibbānakālodāni, bhante, bhagavato.

‘‘бхаасид̇аа ко банзсаа, бханд̇з, бхаг̇авад̇аа ваажаа – ‘на д̇ааваахам̣, баабима, бариниб̣б̣ааяиссаами, яаава мз убаасагаа на саавагаа бхависсанд̇и вияад̇д̇аа винийд̇аа висаарад̣̇аа б̣ахуссуд̇аа д̇хаммад̇хараа д̇хаммаануд̇хаммаббадибаннаа саамийжиббадибаннаа ануд̇хаммажаарино, сагам̣ аажарияагам̣ уг̇г̇ахзд̇ваа аажигкиссанд̇и д̣̇зсзссанд̇и бан̃н̃абзссанд̇и бадтабзссанд̇и вивариссанд̇и вибхаж̇иссанд̇и уд̇д̇аанийгариссанд̇и, уббаннам̣ бараббаваад̣̇ам̣ сахад̇хаммзна суниг̇г̇ахид̇ам̣ ниг̇г̇ахзд̇ваа саббаадихаарияам̣ д̇хаммам̣ д̣̇зсзссанд̇ий’д̇и. зд̇арахи ко бана, бханд̇з, убаасагаа бхаг̇авад̇о саавагаа вияад̇д̇аа винийд̇аа висаарад̣̇аа б̣ахуссуд̇аа д̇хаммад̇хараа д̇хаммаануд̇хаммаббадибаннаа саамийжиббадибаннаа ануд̇хаммажаарино, сагам̣ аажарияагам̣ уг̇г̇ахзд̇ваа аажигканд̇и д̣̇зсзнд̇и бан̃н̃абзнд̇и бадтабзнд̇и виваранд̇и вибхаж̇анд̇и уд̇д̇аанийгаронд̇и, уббаннам̣ бараббаваад̣̇ам̣ сахад̇хаммзна суниг̇г̇ахид̇ам̣ ниг̇г̇ахзд̇ваа саббаадихаарияам̣ д̇хаммам̣ д̣̇зсзнд̇и. бариниб̣б̣аад̇уд̣̇аани , бханд̇з, бхаг̇аваа, бариниб̣б̣аад̇у суг̇ад̇о, бариниб̣б̣аанагаалод̣̇аани , бханд̇з, бхаг̇авад̇о.

‘‘Bhāsitā kho panesā, bhante, bhagavatā vācā – ‘na tāvāhaṃ, pāpima, parinibbāyissāmi, yāva me upāsakā na sāvakā bhavissanti viyattā vinītā visāradā bahussutā dhammadharā dhammānudhammappaṭipannā sāmīcippaṭipannā anudhammacārino, sakaṃ ācariyakaṃ uggahetvā ācikkhissanti desessanti paññapessanti paṭṭhapessanti vivarissanti vibhajissanti uttānīkarissanti, uppannaṃ parappavādaṃ sahadhammena suniggahitaṃ niggahetvā sappāṭihāriyaṃ dhammaṃ desessantī’ti. Etarahi kho pana, bhante, upāsakā bhagavato sāvakā viyattā vinītā visāradā bahussutā dhammadharā dhammānudhammappaṭipannā sāmīcippaṭipannā anudhammacārino, sakaṃ ācariyakaṃ uggahetvā ācikkhanti desenti paññapenti paṭṭhapenti vivaranti vibhajanti uttānīkaronti, uppannaṃ parappavādaṃ sahadhammena suniggahitaṃ niggahetvā sappāṭihāriyaṃ dhammaṃ desenti. Parinibbātudāni , bhante, bhagavā, parinibbātu sugato, parinibbānakālodāni , bhante, bhagavato.

‘‘бхаасид̇аа ко банзсаа, бханд̇з, бхаг̇авад̇аа ваажаа – ‘на д̇ааваахам̣, баабима бариниб̣б̣ааяиссаами, яаава мз убаасигаа на саавигаа бхависсанд̇и вияад̇д̇аа винийд̇аа висаарад̣̇аа б̣ахуссуд̇аа д̇хаммад̇хараа д̇хаммаануд̇хаммаббадибаннаа саамийжиббадибаннаа ануд̇хаммажааринияо, сагам̣ аажарияагам̣ уг̇г̇ахзд̇ваа аажигкиссанд̇и д̣̇зсзссанд̇и бан̃н̃абзссанд̇и бадтабзссанд̇и вивариссанд̇и вибхаж̇иссанд̇и уд̇д̇аанийгариссанд̇и, уббаннам̣ бараббаваад̣̇ам̣ сахад̇хаммзна суниг̇г̇ахид̇ам̣ ниг̇г̇ахзд̇ваа саббаадихаарияам̣ д̇хаммам̣ д̣̇зсзссанд̇ий’д̇и. зд̇арахи ко бана, бханд̇з, убаасигаа бхаг̇авад̇о саавигаа вияад̇д̇аа винийд̇аа висаарад̣̇аа б̣ахуссуд̇аа д̇хаммад̇хараа д̇хаммаануд̇хаммаббадибаннаа саамийжиббадибаннаа ануд̇хаммажааринияо, сагам̣ аажарияагам̣ уг̇г̇ахзд̇ваа аажигканд̇и д̣̇зсзнд̇и бан̃н̃абзнд̇и бадтабзнд̇и виваранд̇и вибхаж̇анд̇и уд̇д̇аанийгаронд̇и, уббаннам̣ бараббаваад̣̇ам̣ сахад̇хаммзна суниг̇г̇ахид̇ам̣ ниг̇г̇ахзд̇ваа саббаадихаарияам̣ д̇хаммам̣ д̣̇зсзнд̇и. бариниб̣б̣аад̇уд̣̇аани, бханд̇з, бхаг̇аваа, бариниб̣б̣аад̇у суг̇ад̇о, бариниб̣б̣аанагаалод̣̇аани, бханд̇з, бхаг̇авад̇о.

‘‘Bhāsitā kho panesā, bhante, bhagavatā vācā – ‘na tāvāhaṃ, pāpima parinibbāyissāmi, yāva me upāsikā na sāvikā bhavissanti viyattā vinītā visāradā bahussutā dhammadharā dhammānudhammappaṭipannā sāmīcippaṭipannā anudhammacāriniyo, sakaṃ ācariyakaṃ uggahetvā ācikkhissanti desessanti paññapessanti paṭṭhapessanti vivarissanti vibhajissanti uttānīkarissanti, uppannaṃ parappavādaṃ sahadhammena suniggahitaṃ niggahetvā sappāṭihāriyaṃ dhammaṃ desessantī’ti. Etarahi kho pana, bhante, upāsikā bhagavato sāvikā viyattā vinītā visāradā bahussutā dhammadharā dhammānudhammappaṭipannā sāmīcippaṭipannā anudhammacāriniyo, sakaṃ ācariyakaṃ uggahetvā ācikkhanti desenti paññapenti paṭṭhapenti vivaranti vibhajanti uttānīkaronti, uppannaṃ parappavādaṃ sahadhammena suniggahitaṃ niggahetvā sappāṭihāriyaṃ dhammaṃ desenti. Parinibbātudāni, bhante, bhagavā, parinibbātu sugato, parinibbānakālodāni, bhante, bhagavato.

‘‘бхаасид̇аа ко банзсаа, бханд̇з, бхаг̇авад̇аа ваажаа – ‘на д̇ааваахам̣, баабима, бариниб̣б̣ааяиссаами , яаава мз ид̣̇ам̣ б̣рахмажарияам̣ на ид̣̇д̇хам̣ жзва бхависсад̇и пийд̇ан̃жа вид̇т̇ааригам̣ б̣аахуж̇ан̃н̃ам̣ бут̇убхууд̇ам̣ яаава д̣̇звамануссзхи суббагаасид̇а’нд̇и. зд̇арахи ко бана, бханд̇з, бхаг̇авад̇о б̣рахмажарияам̣ ид̣̇д̇хам̣ жзва пийд̇ан̃жа вид̇т̇ааригам̣ б̣аахуж̇ан̃н̃ам̣ бут̇убхууд̇ам̣, яаава д̣̇звамануссзхи суббагаасид̇ам̣. бариниб̣б̣аад̇уд̣̇аани, бханд̇з, бхаг̇аваа, бариниб̣б̣аад̇у суг̇ад̇о, бариниб̣б̣аанагаалод̣̇аани, бханд̇з, бхаг̇авад̇о’’д̇и .

‘‘Bhāsitā kho panesā, bhante, bhagavatā vācā – ‘na tāvāhaṃ, pāpima, parinibbāyissāmi , yāva me idaṃ brahmacariyaṃ na iddhaṃ ceva bhavissati phītañca vitthārikaṃ bāhujaññaṃ puthubhūtaṃ yāva devamanussehi suppakāsita’nti. Etarahi kho pana, bhante, bhagavato brahmacariyaṃ iddhaṃ ceva phītañca vitthārikaṃ bāhujaññaṃ puthubhūtaṃ, yāva devamanussehi suppakāsitaṃ. Parinibbātudāni, bhante, bhagavā, parinibbātu sugato, parinibbānakālodāni, bhante, bhagavato’’ti .

звам̣ вуд̇д̇з бхаг̇аваа маарам̣ баабиманд̇ам̣ зд̇ад̣̇авожа – ‘‘аббоссугго д̇вам̣, баабима, хохи, на жирам̣ д̇ат̇ааг̇ад̇асса бариниб̣б̣аанам̣ бхависсад̇и. ид̇о д̇ин̣н̣ам̣ маасаанам̣ ажжаязна д̇ат̇ааг̇ад̇о бариниб̣б̣ааяиссад̇ий’’д̇и.

Evaṃ vutte bhagavā māraṃ pāpimantaṃ etadavoca – ‘‘appossukko tvaṃ, pāpima, hohi, na ciraṃ tathāgatassa parinibbānaṃ bhavissati. Ito tiṇṇaṃ māsānaṃ accayena tathāgato parinibbāyissatī’’ti.

ааяусан̇каараоссаж̇ж̇анам̣

Āyusaṅkhāraossajjanaṃ

169. ат̇а ко бхаг̇аваа жаабаалз жзд̇ияз сад̇о самбаж̇аано ааяусан̇каарам̣ оссаж̇и. оссадтз жа бхаг̇авад̇аа ааяусан̇каарз махаабхуумижаало ахоси бхим̣санаго саломахам̣со ¹²¹, д̣̇звад̣̇унд̣̇убхияо ¹²² жа палим̣су . ат̇а ко бхаг̇аваа зд̇амад̇т̇ам̣ вид̣̇ид̇ваа д̇ааяам̣ взлааяам̣ имам̣ уд̣̇аанам̣ уд̣̇аанзси –

169. Atha kho bhagavā cāpāle cetiye sato sampajāno āyusaṅkhāraṃ ossaji. Ossaṭṭhe ca bhagavatā āyusaṅkhāre mahābhūmicālo ahosi bhiṃsanako salomahaṃso ¹²³, devadundubhiyo ¹²⁴ ca phaliṃsu . Atha kho bhagavā etamatthaṃ viditvā tāyaṃ velāyaṃ imaṃ udānaṃ udānesi –

‘‘д̇уламад̇улан̃жа самбхавам̣, бхавасан̇каарамавассаж̇и муни;

‘‘Tulamatulañca sambhavaṃ, bhavasaṅkhāramavassaji muni;

аж̇жхад̇д̇арад̇о самаахид̇о, абхинд̣̇и гаважамивад̇д̇асамбхава’’нд̇и.

Ajjhattarato samāhito, abhindi kavacamivattasambhava’’nti.

махаабхуумижаалахзд̇у

Mahābhūmicālahetu

170. ат̇а ко ааяасмад̇о аананд̣̇асса зд̇ад̣̇ахоси – ‘‘ажчарияам̣ вад̇а бхо, аб̣бхуд̇ам̣ вад̇а бхо, махаа вад̇ааяам̣ бхуумижаало; сумахаа вад̇ааяам̣ бхуумижаало бхим̣санаго саломахам̣со; д̣̇звад̣̇унд̣̇убхияо жа палим̣су. го ну ко хзд̇у го бажжаяо махад̇о бхуумижааласса баад̇убхаавааяаа’’д̇и?

170. Atha kho āyasmato ānandassa etadahosi – ‘‘acchariyaṃ vata bho, abbhutaṃ vata bho, mahā vatāyaṃ bhūmicālo; sumahā vatāyaṃ bhūmicālo bhiṃsanako salomahaṃso; devadundubhiyo ca phaliṃsu. Ko nu kho hetu ko paccayo mahato bhūmicālassa pātubhāvāyā’’ti?

ат̇а ко ааяасмаа аананд̣̇о язна бхаг̇аваа д̇знубасан̇гами, убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и, згаманд̇ам̣ нисинно ко ааяасмаа аананд̣̇о бхаг̇аванд̇ам̣ зд̇ад̣̇авожа – ‘‘ажчарияам̣, бханд̇з, аб̣бхуд̇ам̣, бханд̇з, махаа вад̇ааяам̣, бханд̇з, бхуумижаало; сумахаа вад̇ааяам̣ , бханд̇з, бхуумижаало бхим̣санаго саломахам̣со; д̣̇звад̣̇унд̣̇убхияо жа палим̣су. го ну ко, бханд̇з , хзд̇у го бажжаяо махад̇о бхуумижааласса баад̇убхаавааяаа’’д̇и?

Atha kho āyasmā ānando yena bhagavā tenupasaṅkami, upasaṅkamitvā bhagavantaṃ abhivādetvā ekamantaṃ nisīdi, ekamantaṃ nisinno kho āyasmā ānando bhagavantaṃ etadavoca – ‘‘acchariyaṃ, bhante, abbhutaṃ, bhante, mahā vatāyaṃ, bhante, bhūmicālo; sumahā vatāyaṃ , bhante, bhūmicālo bhiṃsanako salomahaṃso; devadundubhiyo ca phaliṃsu. Ko nu kho, bhante , hetu ko paccayo mahato bhūmicālassa pātubhāvāyā’’ti?

171. ‘‘адта ко имз, аананд̣̇а, хзд̇уу, адта бажжаяаа махад̇о бхуумижааласса баад̇убхаавааяа. гад̇амз адта? аяам̣, аананд̣̇а, махаабат̇авий уд̣̇агз бад̇идтид̇аа, уд̣̇агам̣ ваад̇з бад̇идтид̇ам̣, ваад̇о аагаасадто. ход̇и ко со, аананд̣̇а, самаяо, яам̣ махааваад̇аа вааяанд̇и. махааваад̇аа вааяанд̇аа уд̣̇агам̣ гамбзнд̇и. уд̣̇агам̣ гамбид̇ам̣ бат̇авим̣ гамбзд̇и. аяам̣ батамо хзд̇у батамо бажжаяо махад̇о бхуумижааласса баад̇убхаавааяа.

171. ‘‘Aṭṭha kho ime, ānanda, hetū, aṭṭha paccayā mahato bhūmicālassa pātubhāvāya. Katame aṭṭha? Ayaṃ, ānanda, mahāpathavī udake patiṭṭhitā, udakaṃ vāte patiṭṭhitaṃ, vāto ākāsaṭṭho. Hoti kho so, ānanda, samayo, yaṃ mahāvātā vāyanti. Mahāvātā vāyantā udakaṃ kampenti. Udakaṃ kampitaṃ pathaviṃ kampeti. Ayaṃ paṭhamo hetu paṭhamo paccayo mahato bhūmicālassa pātubhāvāya.

‘‘буна жабарам̣, аананд̣̇а, саман̣о ваа ход̇и б̣раахман̣о ваа ид̣̇д̇химаа жзд̇овасиббад̇д̇о, д̣̇зво ваа махид̣̇д̇хиго махаанубхааво, д̇асса барид̇д̇аа бат̇авийсан̃н̃аа бхаавид̇аа ход̇и, аббамаан̣аа аабосан̃н̃аа. со имам̣ бат̇авим̣ гамбзд̇и сан̇гамбзд̇и самбагамбзд̇и самбавзд̇хзд̇и. аяам̣ д̣̇уд̇ияо хзд̇у д̣̇уд̇ияо бажжаяо махад̇о бхуумижааласса баад̇убхаавааяа.

‘‘Puna caparaṃ, ānanda, samaṇo vā hoti brāhmaṇo vā iddhimā cetovasippatto, devo vā mahiddhiko mahānubhāvo, tassa parittā pathavīsaññā bhāvitā hoti, appamāṇā āposaññā. So imaṃ pathaviṃ kampeti saṅkampeti sampakampeti sampavedheti. Ayaṃ dutiyo hetu dutiyo paccayo mahato bhūmicālassa pātubhāvāya.

‘‘буна жабарам̣, аананд̣̇а, яад̣̇аа б̣од̇хисад̇д̇о д̇усид̇агааяаа жавид̇ваа сад̇о самбаж̇аано маад̇угужчим̣ оггамад̇и, д̇ад̣̇ааяам̣ бат̇авий гамбад̇и сан̇гамбад̇и самбагамбад̇и самбавзд̇хад̇и. аяам̣ д̇ад̇ияо хзд̇у д̇ад̇ияо бажжаяо махад̇о бхуумижааласса баад̇убхаавааяа.

‘‘Puna caparaṃ, ānanda, yadā bodhisatto tusitakāyā cavitvā sato sampajāno mātukucchiṃ okkamati, tadāyaṃ pathavī kampati saṅkampati sampakampati sampavedhati. Ayaṃ tatiyo hetu tatiyo paccayo mahato bhūmicālassa pātubhāvāya.

‘‘буна жабарам̣, аананд̣̇а, яад̣̇аа б̣од̇хисад̇д̇о сад̇о самбаж̇аано маад̇угужчисмаа нигкамад̇и, д̇ад̣̇ааяам̣ бат̇авий гамбад̇и сан̇гамбад̇и самбагамбад̇и самбавзд̇хад̇и. аяам̣ жад̇уд̇т̇о хзд̇у жад̇уд̇т̇о бажжаяо махад̇о бхуумижааласса баад̇убхаавааяа.

‘‘Puna caparaṃ, ānanda, yadā bodhisatto sato sampajāno mātukucchismā nikkhamati, tadāyaṃ pathavī kampati saṅkampati sampakampati sampavedhati. Ayaṃ catuttho hetu catuttho paccayo mahato bhūmicālassa pātubhāvāya.

‘‘буна жабарам̣, аананд̣̇а, яад̣̇аа д̇ат̇ааг̇ад̇о ануд̇д̇арам̣ саммаасамб̣од̇хим̣ абхисамб̣уж̇жхад̇и, д̇ад̣̇ааяам̣ бат̇авий гамбад̇и сан̇гамбад̇и самбагамбад̇и самбавзд̇хад̇и. аяам̣ бан̃жамо хзд̇у бан̃жамо бажжаяо махад̇о бхуумижааласса баад̇убхаавааяа.

‘‘Puna caparaṃ, ānanda, yadā tathāgato anuttaraṃ sammāsambodhiṃ abhisambujjhati, tadāyaṃ pathavī kampati saṅkampati sampakampati sampavedhati. Ayaṃ pañcamo hetu pañcamo paccayo mahato bhūmicālassa pātubhāvāya.

‘‘буна жабарам̣, аананд̣̇а, яад̣̇аа д̇ат̇ааг̇ад̇о ануд̇д̇арам̣ д̇хаммажаггам̣ бавад̇д̇зд̇и, д̇ад̣̇ааяам̣ бат̇авий гамбад̇и сан̇гамбад̇и самбагамбад̇и самбавзд̇хад̇и. аяам̣ чадто хзд̇у чадто бажжаяо махад̇о бхуумижааласса баад̇убхаавааяа.

‘‘Puna caparaṃ, ānanda, yadā tathāgato anuttaraṃ dhammacakkaṃ pavatteti, tadāyaṃ pathavī kampati saṅkampati sampakampati sampavedhati. Ayaṃ chaṭṭho hetu chaṭṭho paccayo mahato bhūmicālassa pātubhāvāya.

‘‘буна жабарам̣, аананд̣̇а, яад̣̇аа д̇ат̇ааг̇ад̇о сад̇о самбаж̇аано ааяусан̇каарам̣ оссаж̇ж̇ад̇и, д̇ад̣̇ааяам̣ бат̇авий гамбад̇и сан̇гамбад̇и самбагамбад̇и самбавзд̇хад̇и. аяам̣ сад̇д̇амо хзд̇у сад̇д̇амо бажжаяо махад̇о бхуумижааласса баад̇убхаавааяа.

‘‘Puna caparaṃ, ānanda, yadā tathāgato sato sampajāno āyusaṅkhāraṃ ossajjati, tadāyaṃ pathavī kampati saṅkampati sampakampati sampavedhati. Ayaṃ sattamo hetu sattamo paccayo mahato bhūmicālassa pātubhāvāya.

‘‘буна жабарам̣, аананд̣̇а, яад̣̇аа д̇ат̇ааг̇ад̇о анубаад̣̇исзсааяа ниб̣б̣аанад̇хаад̇уяаа бариниб̣б̣ааяад̇и, д̇ад̣̇ааяам̣ бат̇авий гамбад̇и сан̇гамбад̇и самбагамбад̇и самбавзд̇хад̇и. аяам̣ адтамо хзд̇у адтамо бажжаяо махад̇о бхуумижааласса баад̇убхаавааяа. имз ко, аананд̣̇а, адта хзд̇уу, адта бажжаяаа махад̇о бхуумижааласса баад̇убхаавааяаа’’д̇и.

‘‘Puna caparaṃ, ānanda, yadā tathāgato anupādisesāya nibbānadhātuyā parinibbāyati, tadāyaṃ pathavī kampati saṅkampati sampakampati sampavedhati. Ayaṃ aṭṭhamo hetu aṭṭhamo paccayo mahato bhūmicālassa pātubhāvāya. Ime kho, ānanda, aṭṭha hetū, aṭṭha paccayā mahato bhūmicālassa pātubhāvāyā’’ti.

адта барисаа

Aṭṭha parisā

172. ‘‘адта ко имаа, аананд̣̇а, барисаа. гад̇амаа адта? кад̇д̇ияабарисаа, б̣раахман̣абарисаа, г̇ахабад̇ибарисаа, саман̣абарисаа, жаад̇умахаарааж̇игабарисаа ¹²⁵, д̇аавад̇им̣сабарисаа, маарабарисаа, б̣рахмабарисаа. абхиж̇аанаами ко банаахам̣, аананд̣̇а , анзгасад̇ам̣ кад̇д̇ияабарисам̣ убасан̇гамид̇аа. д̇ад̇раби маяаа саннисиннабуб̣б̣ам̣ жзва саллабид̇абуб̣б̣ан̃жа саагажчаа жа самаабаж̇ж̇ид̇абуб̣б̣аа . д̇ад̇т̇а яаад̣̇исаго д̇зсам̣ ван̣н̣о ход̇и, д̇аад̣̇исаго маяхам̣ ван̣н̣о ход̇и. яаад̣̇исаго д̇зсам̣ саро ход̇и, д̇аад̣̇исаго маяхам̣ саро ход̇и. д̇хаммияаа гат̇ааяа санд̣̇ассзми самаад̣̇абзми самуд̇д̇зж̇зми самбахам̣сзми. бхаасамаанан̃жа мам̣ на ж̇аананд̇и – ‘го ну ко аяам̣ бхаасад̇и д̣̇зво ваа мануссо ваа’д̇и? д̇хаммияаа гат̇ааяа санд̣̇ассзд̇ваа самаад̣̇абзд̇ваа самуд̇д̇зж̇зд̇ваа самбахам̣сзд̇ваа анд̇арад̇хааяаами. анд̇арахид̇ан̃жа мам̣ на ж̇аананд̇и – ‘го ну ко аяам̣ анд̇арахид̇о д̣̇зво ваа мануссо ваа’д̇и? абхиж̇аанаами ко банаахам̣, аананд̣̇а, анзгасад̇ам̣ б̣раахман̣абарисам̣…бз… г̇ахабад̇ибарисам̣… саман̣абарисам̣… жаад̇умахаарааж̇игабарисам̣… д̇аавад̇им̣сабарисам̣… маарабарисам̣… б̣рахмабарисам̣ убасан̇гамид̇аа. д̇ад̇раби маяаа саннисиннабуб̣б̣ам̣ жзва саллабид̇абуб̣б̣ан̃жа саагажчаа жа самаабаж̇ж̇ид̇абуб̣б̣аа. д̇ад̇т̇а яаад̣̇исаго д̇зсам̣ ван̣н̣о ход̇и, д̇аад̣̇исаго маяхам̣ ван̣н̣о ход̇и. яаад̣̇исаго д̇зсам̣ саро ход̇и, д̇аад̣̇исаго маяхам̣ саро ход̇и. д̇хаммияаа гат̇ааяа санд̣̇ассзми самаад̣̇абзми самуд̇д̇зж̇зми самбахам̣сзми. бхаасамаанан̃жа мам̣ на ж̇аананд̇и – ‘го ну ко аяам̣ бхаасад̇и д̣̇зво ваа мануссо ваа’д̇и? д̇хаммияаа гат̇ааяа санд̣̇ассзд̇ваа самаад̣̇абзд̇ваа самуд̇д̇зж̇зд̇ваа самбахам̣сзд̇ваа анд̇арад̇хааяаами. анд̇арахид̇ан̃жа мам̣ на ж̇аананд̇и – ‘го ну ко аяам̣ анд̇арахид̇о д̣̇зво ваа мануссо ваа’д̇и? имаа ко, аананд̣̇а, адта барисаа.

172. ‘‘Aṭṭha kho imā, ānanda, parisā. Katamā aṭṭha? Khattiyaparisā, brāhmaṇaparisā, gahapatiparisā, samaṇaparisā, cātumahārājikaparisā ¹²⁶, tāvatiṃsaparisā, māraparisā, brahmaparisā. Abhijānāmi kho panāhaṃ, ānanda , anekasataṃ khattiyaparisaṃ upasaṅkamitā. Tatrapi mayā sannisinnapubbaṃ ceva sallapitapubbañca sākacchā ca samāpajjitapubbā . Tattha yādisako tesaṃ vaṇṇo hoti, tādisako mayhaṃ vaṇṇo hoti. Yādisako tesaṃ saro hoti, tādisako mayhaṃ saro hoti. Dhammiyā kathāya sandassemi samādapemi samuttejemi sampahaṃsemi. Bhāsamānañca maṃ na jānanti – ‘ko nu kho ayaṃ bhāsati devo vā manusso vā’ti? Dhammiyā kathāya sandassetvā samādapetvā samuttejetvā sampahaṃsetvā antaradhāyāmi. Antarahitañca maṃ na jānanti – ‘ko nu kho ayaṃ antarahito devo vā manusso vā’ti? Abhijānāmi kho panāhaṃ, ānanda, anekasataṃ brāhmaṇaparisaṃ…pe… gahapatiparisaṃ… samaṇaparisaṃ… cātumahārājikaparisaṃ… tāvatiṃsaparisaṃ… māraparisaṃ… brahmaparisaṃ upasaṅkamitā. Tatrapi mayā sannisinnapubbaṃ ceva sallapitapubbañca sākacchā ca samāpajjitapubbā. Tattha yādisako tesaṃ vaṇṇo hoti, tādisako mayhaṃ vaṇṇo hoti. Yādisako tesaṃ saro hoti, tādisako mayhaṃ saro hoti. Dhammiyā kathāya sandassemi samādapemi samuttejemi sampahaṃsemi. Bhāsamānañca maṃ na jānanti – ‘ko nu kho ayaṃ bhāsati devo vā manusso vā’ti? Dhammiyā kathāya sandassetvā samādapetvā samuttejetvā sampahaṃsetvā antaradhāyāmi. Antarahitañca maṃ na jānanti – ‘ko nu kho ayaṃ antarahito devo vā manusso vā’ti? Imā kho, ānanda, aṭṭha parisā.

адта абхибхааяад̇анаани

Aṭṭha abhibhāyatanāni

173. ‘‘адта ко имаани, аананд̣̇а, абхибхааяад̇анаани. гад̇амаани адта ? аж̇жхад̇д̇ам̣ руубасан̃н̃ий зго б̣ахид̣̇д̇хаа руубаани бассад̇и барид̇д̇аани суван̣н̣ад̣̇уб̣б̣ан̣н̣аани. ‘д̇аани абхибхуяяа ж̇аанаами бассаамий’д̇и звам̣сан̃н̃ий ход̇и. ид̣̇ам̣ батамам̣ абхибхааяад̇анам̣.

173. ‘‘Aṭṭha kho imāni, ānanda, abhibhāyatanāni. Katamāni aṭṭha ? Ajjhattaṃ rūpasaññī eko bahiddhā rūpāni passati parittāni suvaṇṇadubbaṇṇāni. ‘Tāni abhibhuyya jānāmi passāmī’ti evaṃsaññī hoti. Idaṃ paṭhamaṃ abhibhāyatanaṃ.

‘‘аж̇жхад̇д̇ам̣ руубасан̃н̃ий зго б̣ахид̣̇д̇хаа руубаани бассад̇и аббамаан̣аани суван̣н̣ад̣̇уб̣б̣ан̣н̣аани. ‘д̇аани абхибхуяяа ж̇аанаами бассаамий’д̇и звам̣сан̃н̃ий ход̇и. ид̣̇ам̣ д̣̇уд̇ияам̣ абхибхааяад̇анам̣.

‘‘Ajjhattaṃ rūpasaññī eko bahiddhā rūpāni passati appamāṇāni suvaṇṇadubbaṇṇāni. ‘Tāni abhibhuyya jānāmi passāmī’ti evaṃsaññī hoti. Idaṃ dutiyaṃ abhibhāyatanaṃ.

‘‘аж̇жхад̇д̇ам̣ аруубасан̃н̃ий зго б̣ахид̣̇д̇хаа руубаани бассад̇и барид̇д̇аани суван̣н̣ад̣̇уб̣б̣ан̣н̣аани. ‘д̇аани абхибхуяяа ж̇аанаами бассаамий’д̇и звам̣сан̃н̃ий ход̇и. ид̣̇ам̣ д̇ад̇ияам̣ абхибхааяад̇анам̣.

‘‘Ajjhattaṃ arūpasaññī eko bahiddhā rūpāni passati parittāni suvaṇṇadubbaṇṇāni. ‘Tāni abhibhuyya jānāmi passāmī’ti evaṃsaññī hoti. Idaṃ tatiyaṃ abhibhāyatanaṃ.

‘‘аж̇жхад̇д̇ам̣ аруубасан̃н̃ий зго б̣ахид̣̇д̇хаа руубаани бассад̇и аббамаан̣аани суван̣н̣ад̣̇уб̣б̣ан̣н̣аани. ‘д̇аани абхибхуяяа ж̇аанаами бассаамий’д̇и звам̣сан̃н̃ий ход̇и. ид̣̇ам̣ жад̇уд̇т̇ам̣ абхибхааяад̇анам̣.

‘‘Ajjhattaṃ arūpasaññī eko bahiddhā rūpāni passati appamāṇāni suvaṇṇadubbaṇṇāni. ‘Tāni abhibhuyya jānāmi passāmī’ti evaṃsaññī hoti. Idaṃ catutthaṃ abhibhāyatanaṃ.

‘‘аж̇жхад̇д̇ам̣ аруубасан̃н̃ий зго б̣ахид̣̇д̇хаа руубаани бассад̇и нийлаани нийлаван̣н̣аани нийланид̣̇ассанаани нийланибхаасаани. сзяяат̇ааби наама умаабубпам̣ нийлам̣ нийлаван̣н̣ам̣ нийланид̣̇ассанам̣ нийланибхаасам̣. сзяяат̇аа ваа бана д̇ам̣ вад̇т̇ам̣ б̣аараан̣асзяяагам̣ убхад̇обхааг̇авимадтам̣ нийлам̣ нийлаван̣н̣ам̣ нийланид̣̇ассанам̣ нийланибхаасам̣. звамзва аж̇жхад̇д̇ам̣ аруубасан̃н̃ий зго б̣ахид̣̇д̇хаа руубаани бассад̇и нийлаани нийлаван̣н̣аани нийланид̣̇ассанаани нийланибхаасаани. ‘д̇аани абхибхуяяа ж̇аанаами бассаамий’д̇и звам̣сан̃н̃ий ход̇и. ид̣̇ам̣ бан̃жамам̣ абхибхааяад̇анам̣.

‘‘Ajjhattaṃ arūpasaññī eko bahiddhā rūpāni passati nīlāni nīlavaṇṇāni nīlanidassanāni nīlanibhāsāni. Seyyathāpi nāma umāpupphaṃ nīlaṃ nīlavaṇṇaṃ nīlanidassanaṃ nīlanibhāsaṃ. Seyyathā vā pana taṃ vatthaṃ bārāṇaseyyakaṃ ubhatobhāgavimaṭṭhaṃ nīlaṃ nīlavaṇṇaṃ nīlanidassanaṃ nīlanibhāsaṃ. Evameva ajjhattaṃ arūpasaññī eko bahiddhā rūpāni passati nīlāni nīlavaṇṇāni nīlanidassanāni nīlanibhāsāni. ‘Tāni abhibhuyya jānāmi passāmī’ti evaṃsaññī hoti. Idaṃ pañcamaṃ abhibhāyatanaṃ.

‘‘аж̇жхад̇д̇ам̣ аруубасан̃н̃ий зго б̣ахид̣̇д̇хаа руубаани бассад̇и бийд̇аани бийд̇аван̣н̣аани бийд̇анид̣̇ассанаани бийд̇анибхаасаани. сзяяат̇ааби наама ган̣игаарабубпам̣ бийд̇ам̣ бийд̇аван̣н̣ам̣ бийд̇анид̣̇ассанам̣ бийд̇анибхаасам̣. сзяяат̇аа ваа бана д̇ам̣ вад̇т̇ам̣ б̣аараан̣асзяяагам̣ убхад̇обхааг̇авимадтам̣ бийд̇ам̣ бийд̇аван̣н̣ам̣ бийд̇анид̣̇ассанам̣ бийд̇анибхаасам̣. звамзва аж̇жхад̇д̇ам̣ аруубасан̃н̃ий зго б̣ахид̣̇д̇хаа руубаани бассад̇и бийд̇аани бийд̇аван̣н̣аани бийд̇анид̣̇ассанаани бийд̇анибхаасаани. ‘д̇аани абхибхуяяа ж̇аанаами бассаамий’д̇и звам̣сан̃н̃ий ход̇и. ид̣̇ам̣ чадтам̣ абхибхааяад̇анам̣.

‘‘Ajjhattaṃ arūpasaññī eko bahiddhā rūpāni passati pītāni pītavaṇṇāni pītanidassanāni pītanibhāsāni. Seyyathāpi nāma kaṇikārapupphaṃ pītaṃ pītavaṇṇaṃ pītanidassanaṃ pītanibhāsaṃ. Seyyathā vā pana taṃ vatthaṃ bārāṇaseyyakaṃ ubhatobhāgavimaṭṭhaṃ pītaṃ pītavaṇṇaṃ pītanidassanaṃ pītanibhāsaṃ. Evameva ajjhattaṃ arūpasaññī eko bahiddhā rūpāni passati pītāni pītavaṇṇāni pītanidassanāni pītanibhāsāni. ‘Tāni abhibhuyya jānāmi passāmī’ti evaṃsaññī hoti. Idaṃ chaṭṭhaṃ abhibhāyatanaṃ.

‘‘аж̇жхад̇д̇ам̣ аруубасан̃н̃ий зго б̣ахид̣̇д̇хаа руубаани бассад̇и лохид̇агаани лохид̇агаван̣н̣аани лохид̇аганид̣̇ассанаани лохид̇аганибхаасаани. сзяяат̇ааби наама б̣анд̇хуж̇ийвагабубпам̣ лохид̇агам̣ лохид̇агаван̣н̣ам̣ лохид̇аганид̣̇ассанам̣ лохид̇аганибхаасам̣. сзяяат̇аа ваа бана д̇ам̣ вад̇т̇ам̣ б̣аараан̣асзяяагам̣ убхад̇обхааг̇авимадтам̣ лохид̇агам̣ лохид̇агаван̣н̣ам̣ лохид̇аганид̣̇ассанам̣ лохид̇аганибхаасам̣. звамзва аж̇жхад̇д̇ам̣ аруубасан̃н̃ий зго б̣ахид̣̇д̇хаа руубаани бассад̇и лохид̇агаани лохид̇агаван̣н̣аани лохид̇аганид̣̇ассанаани лохид̇аганибхаасаани. ‘д̇аани абхибхуяяа ж̇аанаами бассаамий’д̇и звам̣сан̃н̃ий ход̇и. ид̣̇ам̣ сад̇д̇амам̣ абхибхааяад̇анам̣.

‘‘Ajjhattaṃ arūpasaññī eko bahiddhā rūpāni passati lohitakāni lohitakavaṇṇāni lohitakanidassanāni lohitakanibhāsāni. Seyyathāpi nāma bandhujīvakapupphaṃ lohitakaṃ lohitakavaṇṇaṃ lohitakanidassanaṃ lohitakanibhāsaṃ. Seyyathā vā pana taṃ vatthaṃ bārāṇaseyyakaṃ ubhatobhāgavimaṭṭhaṃ lohitakaṃ lohitakavaṇṇaṃ lohitakanidassanaṃ lohitakanibhāsaṃ. Evameva ajjhattaṃ arūpasaññī eko bahiddhā rūpāni passati lohitakāni lohitakavaṇṇāni lohitakanidassanāni lohitakanibhāsāni. ‘Tāni abhibhuyya jānāmi passāmī’ti evaṃsaññī hoti. Idaṃ sattamaṃ abhibhāyatanaṃ.

‘‘аж̇жхад̇д̇ам̣ аруубасан̃н̃ий зго б̣ахид̣̇д̇хаа руубаани бассад̇и од̣̇аад̇аани од̣̇аад̇аван̣н̣аани од̣̇аад̇анид̣̇ассанаани од̣̇аад̇анибхаасаани. сзяяат̇ааби наама осад̇хид̇аарагаа од̣̇аад̇аа од̣̇аад̇аван̣н̣аа од̣̇аад̇анид̣̇ассанаа од̣̇аад̇анибхаасаа. сзяяат̇аа ваа бана д̇ам̣ вад̇т̇ам̣ б̣аараан̣асзяяагам̣ убхад̇обхааг̇авимадтам̣ од̣̇аад̇ам̣ од̣̇аад̇аван̣н̣ам̣ од̣̇аад̇анид̣̇ассанам̣ од̣̇аад̇анибхаасам̣. звамзва аж̇жхад̇д̇ам̣ аруубасан̃н̃ий зго б̣ахид̣̇д̇хаа руубаани бассад̇и од̣̇аад̇аани од̣̇аад̇аван̣н̣аани од̣̇аад̇анид̣̇ассанаани од̣̇аад̇анибхаасаани. ‘д̇аани абхибхуяяа ж̇аанаами бассаамий’д̇и звам̣сан̃н̃ий ход̇и. ид̣̇ам̣ адтамам̣ абхибхааяад̇анам̣ . имаани ко, аананд̣̇а, адта абхибхааяад̇анаани.

‘‘Ajjhattaṃ arūpasaññī eko bahiddhā rūpāni passati odātāni odātavaṇṇāni odātanidassanāni odātanibhāsāni. Seyyathāpi nāma osadhitārakā odātā odātavaṇṇā odātanidassanā odātanibhāsā. Seyyathā vā pana taṃ vatthaṃ bārāṇaseyyakaṃ ubhatobhāgavimaṭṭhaṃ odātaṃ odātavaṇṇaṃ odātanidassanaṃ odātanibhāsaṃ. Evameva ajjhattaṃ arūpasaññī eko bahiddhā rūpāni passati odātāni odātavaṇṇāni odātanidassanāni odātanibhāsāni. ‘Tāni abhibhuyya jānāmi passāmī’ti evaṃsaññī hoti. Idaṃ aṭṭhamaṃ abhibhāyatanaṃ . Imāni kho, ānanda, aṭṭha abhibhāyatanāni.

адта вимогкаа

Aṭṭha vimokkhā

174. ‘‘адта ко имз, аананд̣̇а, вимогкаа. гад̇амз адта? руубий руубаани бассад̇и, аяам̣ батамо вимогко. аж̇жхад̇д̇ам̣ аруубасан̃н̃ий б̣ахид̣̇д̇хаа руубаани бассад̇и, аяам̣ д̣̇уд̇ияо вимогко. субханд̇зва ад̇химуд̇д̇о ход̇и, аяам̣ д̇ад̇ияо вимогко. саб̣б̣асо руубасан̃н̃аанам̣ самад̇иггамаа бадигхасан̃н̃аанам̣ ад̇т̇ан̇г̇амаа наанад̇д̇асан̃н̃аанам̣ аманасигаараа ‘ананд̇о аагаасо’д̇и аагаасаанан̃жааяад̇анам̣ убасамбаж̇ж̇а вихарад̇и, аяам̣ жад̇уд̇т̇о вимогко. саб̣б̣асо аагаасаанан̃жааяад̇анам̣ самад̇иггамма ‘ананд̇ам̣ вин̃н̃аан̣а’нд̇и вин̃н̃аан̣ан̃жааяад̇анам̣ убасамбаж̇ж̇а вихарад̇и, аяам̣ бан̃жамо вимогко. саб̣б̣асо вин̃н̃аан̣ан̃жааяад̇анам̣ самад̇иггамма ‘над̇т̇и гин̃жий’д̇и аагин̃жан̃н̃ааяад̇анам̣ убасамбаж̇ж̇а вихарад̇и, аяам̣ чадто вимогко. саб̣б̣асо аагин̃жан̃н̃ааяад̇анам̣ самад̇иггамма нзвасан̃н̃аанаасан̃н̃ааяад̇анам̣ убасамбаж̇ж̇а вихарад̇и. аяам̣ сад̇д̇амо вимогко. саб̣б̣асо нзвасан̃н̃аанаасан̃н̃ааяад̇анам̣ самад̇иггамма сан̃н̃аавзд̣̇аяид̇анирод̇хам̣ убасамбаж̇ж̇а вихарад̇и, аяам̣ адтамо вимогко. имз ко, аананд̣̇а, адта вимогкаа.

174. ‘‘Aṭṭha kho ime, ānanda, vimokkhā. Katame aṭṭha? Rūpī rūpāni passati, ayaṃ paṭhamo vimokkho. Ajjhattaṃ arūpasaññī bahiddhā rūpāni passati, ayaṃ dutiyo vimokkho. Subhanteva adhimutto hoti, ayaṃ tatiyo vimokkho. Sabbaso rūpasaññānaṃ samatikkamā paṭighasaññānaṃ atthaṅgamā nānattasaññānaṃ amanasikārā ‘ananto ākāso’ti ākāsānañcāyatanaṃ upasampajja viharati, ayaṃ catuttho vimokkho. Sabbaso ākāsānañcāyatanaṃ samatikkamma ‘anantaṃ viññāṇa’nti viññāṇañcāyatanaṃ upasampajja viharati, ayaṃ pañcamo vimokkho. Sabbaso viññāṇañcāyatanaṃ samatikkamma ‘natthi kiñcī’ti ākiñcaññāyatanaṃ upasampajja viharati, ayaṃ chaṭṭho vimokkho. Sabbaso ākiñcaññāyatanaṃ samatikkamma nevasaññānāsaññāyatanaṃ upasampajja viharati. Ayaṃ sattamo vimokkho. Sabbaso nevasaññānāsaññāyatanaṃ samatikkamma saññāvedayitanirodhaṃ upasampajja viharati, ayaṃ aṭṭhamo vimokkho. Ime kho, ānanda, aṭṭha vimokkhā.

175. ‘‘згамид̣̇аахам̣ , аананд̣̇а, самаяам̣ урувзлааяам̣ вихараами наж̇ж̇аа нзран̃ж̇арааяа д̇ийрз аж̇абааланиг̇род̇хз батамаабхисамб̣уд̣̇д̇хо. ат̇а ко, аананд̣̇а, мааро баабимаа язнаахам̣ д̇знубасан̇гами; убасан̇гамид̇ваа згаманд̇ам̣ адтааси. згаманд̇ам̣ тид̇о ко, аананд̣̇а, мааро баабимаа мам̣ зд̇ад̣̇авожа – ‘бариниб̣б̣аад̇уд̣̇аани, бханд̇з, бхаг̇аваа; бариниб̣б̣аад̇у суг̇ад̇о, бариниб̣б̣аанагаалод̣̇аани, бханд̇з, бхаг̇авад̇о’д̇и. звам̣ вуд̇д̇з ахам̣, аананд̣̇а, маарам̣ баабиманд̇ам̣ зд̇ад̣̇авожам̣ –

175. ‘‘Ekamidāhaṃ , ānanda, samayaṃ uruvelāyaṃ viharāmi najjā nerañjarāya tīre ajapālanigrodhe paṭhamābhisambuddho. Atha kho, ānanda, māro pāpimā yenāhaṃ tenupasaṅkami; upasaṅkamitvā ekamantaṃ aṭṭhāsi. Ekamantaṃ ṭhito kho, ānanda, māro pāpimā maṃ etadavoca – ‘parinibbātudāni, bhante, bhagavā; parinibbātu sugato, parinibbānakālodāni, bhante, bhagavato’ti. Evaṃ vutte ahaṃ, ānanda, māraṃ pāpimantaṃ etadavocaṃ –

‘‘‘на д̇ааваахам̣, баабима, бариниб̣б̣ааяиссаами, яаава мз бхигкуу на саавагаа бхависсанд̇и вияад̇д̇аа винийд̇аа висаарад̣̇аа б̣ахуссуд̇аа д̇хаммад̇хараа д̇хаммаануд̇хаммаббадибаннаа саамийжиббадибаннаа ануд̇хаммажаарино, сагам̣ аажарияагам̣ уг̇г̇ахзд̇ваа аажигкиссанд̇и д̣̇зсзссанд̇и бан̃н̃абзссанд̇и бадтабзссанд̇и вивариссанд̇и вибхаж̇иссанд̇и уд̇д̇аанийгариссанд̇и, уббаннам̣ бараббаваад̣̇ам̣ сахад̇хаммзна суниг̇г̇ахид̇ам̣ ниг̇г̇ахзд̇ваа саббаадихаарияам̣ д̇хаммам̣ д̣̇зсзссанд̇и.

‘‘‘Na tāvāhaṃ, pāpima, parinibbāyissāmi, yāva me bhikkhū na sāvakā bhavissanti viyattā vinītā visāradā bahussutā dhammadharā dhammānudhammappaṭipannā sāmīcippaṭipannā anudhammacārino, sakaṃ ācariyakaṃ uggahetvā ācikkhissanti desessanti paññapessanti paṭṭhapessanti vivarissanti vibhajissanti uttānīkarissanti, uppannaṃ parappavādaṃ sahadhammena suniggahitaṃ niggahetvā sappāṭihāriyaṃ dhammaṃ desessanti.

‘‘‘на д̇ааваахам̣, баабима, бариниб̣б̣ааяиссаами, яаава мз бхигкунияо на саавигаа бхависсанд̇и вияад̇д̇аа винийд̇аа висаарад̣̇аа б̣ахуссуд̇аа д̇хаммад̇хараа д̇хаммаануд̇хаммаббадибаннаа саамийжиббадибаннаа ануд̇хаммажааринияо, сагам̣ аажарияагам̣ уг̇г̇ахзд̇ваа аажигкиссанд̇и д̣̇зсзссанд̇и бан̃н̃абзссанд̇и бадтабзссанд̇и вивариссанд̇и вибхаж̇иссанд̇и уд̇д̇аанийгариссанд̇и, уббаннам̣ бараббаваад̣̇ам̣ сахад̇хаммзна суниг̇г̇ахид̇ам̣ ниг̇г̇ахзд̇ваа саббаадихаарияам̣ д̇хаммам̣ д̣̇зсзссанд̇и.

‘‘‘Na tāvāhaṃ, pāpima, parinibbāyissāmi, yāva me bhikkhuniyo na sāvikā bhavissanti viyattā vinītā visāradā bahussutā dhammadharā dhammānudhammappaṭipannā sāmīcippaṭipannā anudhammacāriniyo, sakaṃ ācariyakaṃ uggahetvā ācikkhissanti desessanti paññapessanti paṭṭhapessanti vivarissanti vibhajissanti uttānīkarissanti, uppannaṃ parappavādaṃ sahadhammena suniggahitaṃ niggahetvā sappāṭihāriyaṃ dhammaṃ desessanti.

‘‘‘на д̇ааваахам̣, баабима, бариниб̣б̣ааяиссаами, яаава мз убаасагаа на саавагаа бхависсанд̇и вияад̇д̇аа винийд̇аа висаарад̣̇аа б̣ахуссуд̇аа д̇хаммад̇хараа д̇хаммаануд̇хаммаббадибаннаа саамийжиббадибаннаа ануд̇хаммажаарино, сагам̣ аажарияагам̣ уг̇г̇ахзд̇ваа аажигкиссанд̇и д̣̇зсзссанд̇и бан̃н̃абзссанд̇и бадтабзссанд̇и вивариссанд̇и вибхаж̇иссанд̇и уд̇д̇аанийгариссанд̇и, уббаннам̣ бараббаваад̣̇ам̣ сахад̇хаммзна суниг̇г̇ахид̇ам̣ ниг̇г̇ахзд̇ваа саббаадихаарияам̣ д̇хаммам̣ д̣̇зсзссанд̇и.

‘‘‘Na tāvāhaṃ, pāpima, parinibbāyissāmi, yāva me upāsakā na sāvakā bhavissanti viyattā vinītā visāradā bahussutā dhammadharā dhammānudhammappaṭipannā sāmīcippaṭipannā anudhammacārino, sakaṃ ācariyakaṃ uggahetvā ācikkhissanti desessanti paññapessanti paṭṭhapessanti vivarissanti vibhajissanti uttānīkarissanti, uppannaṃ parappavādaṃ sahadhammena suniggahitaṃ niggahetvā sappāṭihāriyaṃ dhammaṃ desessanti.

‘‘‘на д̇ааваахам̣, баабима, бариниб̣б̣ааяиссаами, яаава мз убаасигаа на саавигаа бхависсанд̇и вияад̇д̇аа винийд̇аа висаарад̣̇аа б̣ахуссуд̇аа д̇хаммад̇хараа д̇хаммаануд̇хаммаббадибаннаа саамийжиббадибаннаа ануд̇хаммажааринияо, сагам̣ аажарияагам̣ уг̇г̇ахзд̇ваа аажигкиссанд̇и д̣̇зсзссанд̇и бан̃н̃абзссанд̇и бадтабзссанд̇и вивариссанд̇и вибхаж̇иссанд̇и уд̇д̇аанийгариссанд̇и, уббаннам̣ бараббаваад̣̇ам̣ сахад̇хаммзна суниг̇г̇ахид̇ам̣ ниг̇г̇ахзд̇ваа саббаадихаарияам̣ д̇хаммам̣ д̣̇зсзссанд̇и.

‘‘‘Na tāvāhaṃ, pāpima, parinibbāyissāmi, yāva me upāsikā na sāvikā bhavissanti viyattā vinītā visāradā bahussutā dhammadharā dhammānudhammappaṭipannā sāmīcippaṭipannā anudhammacāriniyo, sakaṃ ācariyakaṃ uggahetvā ācikkhissanti desessanti paññapessanti paṭṭhapessanti vivarissanti vibhajissanti uttānīkarissanti, uppannaṃ parappavādaṃ sahadhammena suniggahitaṃ niggahetvā sappāṭihāriyaṃ dhammaṃ desessanti.

‘‘‘на д̇ааваахам̣, баабима, бариниб̣б̣ааяиссаами, яаава мз ид̣̇ам̣ б̣рахмажарияам̣ на ид̣̇д̇хан̃жзва бхависсад̇и пийд̇ан̃жа вид̇т̇ааригам̣ б̣аахуж̇ан̃н̃ам̣ бут̇убхууд̇ам̣ яаава д̣̇звамануссзхи суббагаасид̇а’нд̇и.

‘‘‘Na tāvāhaṃ, pāpima, parinibbāyissāmi, yāva me idaṃ brahmacariyaṃ na iddhañceva bhavissati phītañca vitthārikaṃ bāhujaññaṃ puthubhūtaṃ yāva devamanussehi suppakāsita’nti.

176. ‘‘ид̣̇аанзва ко, аананд̣̇а, аж̇ж̇а жаабаалз жзд̇ияз мааро баабимаа язнаахам̣ д̇знубасан̇гами; убасан̇гамид̇ваа згаманд̇ам̣ адтааси. згаманд̇ам̣ тид̇о ко, аананд̣̇а, мааро баабимаа мам̣ зд̇ад̣̇авожа – ‘бариниб̣б̣аад̇уд̣̇аани, бханд̇з, бхаг̇аваа, бариниб̣б̣аад̇у суг̇ад̇о, бариниб̣б̣аанагаалод̣̇аани, бханд̇з, бхаг̇авад̇о. бхаасид̇аа ко банзсаа, бханд̇з, бхаг̇авад̇аа ваажаа – ‘‘на д̇ааваахам̣, баабима , бариниб̣б̣ааяиссаами , яаава мз бхигкуу на саавагаа бхависсанд̇и…бз… яаава мз бхигкунияо на саавигаа бхависсанд̇и…бз… яаава мз убаасагаа на саавагаа бхависсанд̇и…бз… яаава мз убаасигаа на саавигаа бхависсанд̇и…бз… яаава мз ид̣̇ам̣ б̣рахмажарияам̣ на ид̣̇д̇хан̃жзва бхависсад̇и пийд̇ан̃жа вид̇т̇ааригам̣ б̣аахуж̇ан̃н̃ам̣ бут̇убхууд̇ам̣, яаава д̣̇звамануссзхи суббагаасид̇а’’нд̇и. зд̇арахи ко бана, бханд̇з, бхаг̇авад̇о б̣рахмажарияам̣ ид̣̇д̇хан̃жзва пийд̇ан̃жа вид̇т̇ааригам̣ б̣аахуж̇ан̃н̃ам̣ бут̇убхууд̇ам̣, яаава д̣̇звамануссзхи суббагаасид̇ам̣. бариниб̣б̣аад̇уд̣̇аани, бханд̇з, бхаг̇аваа, бариниб̣б̣аад̇у суг̇ад̇о, бариниб̣б̣аанагаалод̣̇аани, бханд̇з, бхаг̇авад̇о’д̇и.

176. ‘‘Idāneva kho, ānanda, ajja cāpāle cetiye māro pāpimā yenāhaṃ tenupasaṅkami; upasaṅkamitvā ekamantaṃ aṭṭhāsi. Ekamantaṃ ṭhito kho, ānanda, māro pāpimā maṃ etadavoca – ‘parinibbātudāni, bhante, bhagavā, parinibbātu sugato, parinibbānakālodāni, bhante, bhagavato. Bhāsitā kho panesā, bhante, bhagavatā vācā – ‘‘na tāvāhaṃ, pāpima , parinibbāyissāmi , yāva me bhikkhū na sāvakā bhavissanti…pe… yāva me bhikkhuniyo na sāvikā bhavissanti…pe… yāva me upāsakā na sāvakā bhavissanti…pe… yāva me upāsikā na sāvikā bhavissanti…pe… yāva me idaṃ brahmacariyaṃ na iddhañceva bhavissati phītañca vitthārikaṃ bāhujaññaṃ puthubhūtaṃ, yāva devamanussehi suppakāsita’’nti. Etarahi kho pana, bhante, bhagavato brahmacariyaṃ iddhañceva phītañca vitthārikaṃ bāhujaññaṃ puthubhūtaṃ, yāva devamanussehi suppakāsitaṃ. Parinibbātudāni, bhante, bhagavā, parinibbātu sugato, parinibbānakālodāni, bhante, bhagavato’ti.

177. ‘‘звам̣ вуд̇д̇з, ахам̣, аананд̣̇а, маарам̣ баабиманд̇ам̣ зд̇ад̣̇авожам̣ – ‘аббоссугго д̇вам̣, баабима, хохи, нажирам̣ д̇ат̇ааг̇ад̇асса бариниб̣б̣аанам̣ бхависсад̇и. ид̇о д̇ин̣н̣ам̣ маасаанам̣ ажжаязна д̇ат̇ааг̇ад̇о бариниб̣б̣ааяиссад̇ий’д̇и. ид̣̇аанзва ко, аананд̣̇а, аж̇ж̇а жаабаалз жзд̇ияз д̇ат̇ааг̇ад̇зна сад̇зна самбаж̇аанзна ааяусан̇кааро оссадто’’д̇и.

177. ‘‘Evaṃ vutte, ahaṃ, ānanda, māraṃ pāpimantaṃ etadavocaṃ – ‘appossukko tvaṃ, pāpima, hohi, naciraṃ tathāgatassa parinibbānaṃ bhavissati. Ito tiṇṇaṃ māsānaṃ accayena tathāgato parinibbāyissatī’ti. Idāneva kho, ānanda, ajja cāpāle cetiye tathāgatena satena sampajānena āyusaṅkhāro ossaṭṭho’’ti.

аананд̣̇аяаажанагат̇аа

Ānandayācanakathā

178. звам̣ вуд̇д̇з ааяасмаа аананд̣̇о бхаг̇аванд̇ам̣ зд̇ад̣̇авожа – ‘‘д̇идтад̇у, бханд̇з, бхаг̇аваа габбам̣, д̇идтад̇у суг̇ад̇о габбам̣ б̣ахуж̇анахид̇ааяа б̣ахуж̇анасукааяа логаанугамбааяа ад̇т̇ааяа хид̇ааяа сукааяа д̣̇звамануссаана’’нд̇и.

178. Evaṃ vutte āyasmā ānando bhagavantaṃ etadavoca – ‘‘tiṭṭhatu, bhante, bhagavā kappaṃ, tiṭṭhatu sugato kappaṃ bahujanahitāya bahujanasukhāya lokānukampāya atthāya hitāya sukhāya devamanussāna’’nti.

‘‘алам̣д̣̇аани, аананд̣̇а. маа д̇ат̇ааг̇ад̇ам̣ яаажи, агаалод̣̇аани, аананд̣̇а, д̇ат̇ааг̇ад̇ам̣ яаажанааяаа’’д̇и. д̣̇уд̇ияамби ко ааяасмаа аананд̣̇о…бз… д̇ад̇ияамби ко ааяасмаа аананд̣̇о бхаг̇аванд̇ам̣ зд̇ад̣̇авожа – ‘‘д̇идтад̇у, бханд̇з, бхаг̇аваа габбам̣, д̇идтад̇у суг̇ад̇о габбам̣ б̣ахуж̇анахид̇ааяа б̣ахуж̇анасукааяа логаанугамбааяа ад̇т̇ааяа хид̇ааяа сукааяа д̣̇звамануссаана’’нд̇и.

‘‘Alaṃdāni, ānanda. Mā tathāgataṃ yāci, akālodāni, ānanda, tathāgataṃ yācanāyā’’ti. Dutiyampi kho āyasmā ānando…pe… tatiyampi kho āyasmā ānando bhagavantaṃ etadavoca – ‘‘tiṭṭhatu, bhante, bhagavā kappaṃ, tiṭṭhatu sugato kappaṃ bahujanahitāya bahujanasukhāya lokānukampāya atthāya hitāya sukhāya devamanussāna’’nti.

‘‘сад̣̇д̣̇ахаси д̇вам̣, аананд̣̇а, д̇ат̇ааг̇ад̇асса б̣од̇хи’’нд̇и? ‘‘звам̣, бханд̇з’’. ‘‘ат̇а гин̃жарахи д̇вам̣, аананд̣̇а, д̇ат̇ааг̇ад̇ам̣ яаавад̇ад̇ияагам̣ абхиниббийл̣зсий’’д̇и? ‘‘саммукаа мзд̇ам̣, бханд̇з, бхаг̇авад̇о суд̇ам̣ саммукаа бадиг̇г̇ахид̇ам̣ – ‘яасса гассажи, аананд̣̇а, жад̇д̇ааро ид̣̇д̇хибаад̣̇аа бхаавид̇аа б̣ахулийгад̇аа яаанийгад̇аа вад̇т̇угад̇аа анудтид̇аа барижид̇аа сусамаарад̣̇д̇хаа, со ааган̇камаано габбам̣ ваа д̇идтзяяа габбаавасзсам̣ ваа. д̇ат̇ааг̇ад̇асса ко, аананд̣̇а, жад̇д̇ааро ид̣̇д̇хибаад̣̇аа бхаавид̇аа б̣ахулийгад̇аа яаанийгад̇аа вад̇т̇угад̇аа анудтид̇аа барижид̇аа сусамаарад̣̇д̇хаа. со ааган̇камаано, аананд̣̇а, д̇ат̇ааг̇ад̇о габбам̣ ваа д̇идтзяяа габбаавасзсам̣ ваа’’’д̇и. ‘‘сад̣̇д̣̇ахаси д̇вам̣, аананд̣̇аа’’д̇и? ‘‘звам̣, бханд̇з’’. ‘‘д̇асмаад̇ихаананд̣̇а, д̇уяхзвзд̇ам̣ д̣̇уггадам̣, д̇уяхзвзд̇ам̣ абарад̣̇д̇хам̣, яам̣ д̇вам̣ д̇ат̇ааг̇ад̇зна звам̣ ол̣ааригз нимид̇д̇з гаяирамаанз ол̣ааригз обхаасз гаяирамаанз наасагки бадивиж̇жхид̇ум̣, на д̇ат̇ааг̇ад̇ам̣ яаажи – ‘д̇идтад̇у, бханд̇з, бхаг̇аваа габбам̣, д̇идтад̇у суг̇ад̇о габбам̣ б̣ахуж̇анахид̇ааяа б̣ахуж̇анасукааяа логаанугамбааяа ад̇т̇ааяа хид̇ааяа сукааяа д̣̇звамануссаана’’нд̇и. сажз д̇вам̣, аананд̣̇а, д̇ат̇ааг̇ад̇ам̣ яаажзяяааси, д̣̇взва д̇з ваажаа д̇ат̇ааг̇ад̇о бадигкибзяяа, ат̇а д̇ад̇ияагам̣ ад̇хиваасзяяа. д̇асмаад̇ихаананд̣̇а, д̇уяхзвзд̇ам̣ д̣̇уггадам̣, д̇уяхзвзд̇ам̣ абарад̣̇д̇хам̣.

‘‘Saddahasi tvaṃ, ānanda, tathāgatassa bodhi’’nti? ‘‘Evaṃ, bhante’’. ‘‘Atha kiñcarahi tvaṃ, ānanda, tathāgataṃ yāvatatiyakaṃ abhinippīḷesī’’ti? ‘‘Sammukhā metaṃ, bhante, bhagavato sutaṃ sammukhā paṭiggahitaṃ – ‘yassa kassaci, ānanda, cattāro iddhipādā bhāvitā bahulīkatā yānīkatā vatthukatā anuṭṭhitā paricitā susamāraddhā, so ākaṅkhamāno kappaṃ vā tiṭṭheyya kappāvasesaṃ vā. Tathāgatassa kho, ānanda, cattāro iddhipādā bhāvitā bahulīkatā yānīkatā vatthukatā anuṭṭhitā paricitā susamāraddhā. So ākaṅkhamāno, ānanda, tathāgato kappaṃ vā tiṭṭheyya kappāvasesaṃ vā’’’ti. ‘‘Saddahasi tvaṃ, ānandā’’ti? ‘‘Evaṃ, bhante’’. ‘‘Tasmātihānanda, tuyhevetaṃ dukkaṭaṃ, tuyhevetaṃ aparaddhaṃ, yaṃ tvaṃ tathāgatena evaṃ oḷārike nimitte kayiramāne oḷārike obhāse kayiramāne nāsakkhi paṭivijjhituṃ, na tathāgataṃ yāci – ‘tiṭṭhatu, bhante, bhagavā kappaṃ, tiṭṭhatu sugato kappaṃ bahujanahitāya bahujanasukhāya lokānukampāya atthāya hitāya sukhāya devamanussāna’’nti. Sace tvaṃ, ānanda, tathāgataṃ yāceyyāsi, dveva te vācā tathāgato paṭikkhipeyya, atha tatiyakaṃ adhivāseyya. Tasmātihānanda, tuyhevetaṃ dukkaṭaṃ, tuyhevetaṃ aparaddhaṃ.

179. ‘‘згамид̣̇аахам̣, аананд̣̇а, самаяам̣ рааж̇аг̇ахз вихараами г̇иж̇жхагуудз баб̣б̣ад̇з. д̇ад̇рааби ко д̇аахам̣, аананд̣̇а, ааманд̇зсим̣ – ‘раман̣ийяам̣, аананд̣̇а, рааж̇аг̇ахам̣, раман̣ийяо, аананд̣̇а, г̇иж̇жхагуудо баб̣б̣ад̇о. яасса гассажи, аананд̣̇а, жад̇д̇ааро ид̣̇д̇хибаад̣̇аа бхаавид̇аа б̣ахулийгад̇аа яаанийгад̇аа вад̇т̇угад̇аа анудтид̇аа барижид̇аа сусамаарад̣̇д̇хаа, со ааган̇камаано габбам̣ ваа д̇идтзяяа габбаавасзсам̣ ваа. д̇ат̇ааг̇ад̇асса ко, аананд̣̇а, жад̇д̇ааро ид̣̇д̇хибаад̣̇аа бхаавид̇аа б̣ахулийгад̇аа яаанийгад̇аа вад̇т̇угад̇аа анудтид̇аа барижид̇аа сусамаарад̣̇д̇хаа, со ааган̇камаано, аананд̣̇а, д̇ат̇ааг̇ад̇о габбам̣ ваа д̇идтзяяа габбаавасзсам̣ ваа’д̇и. звамби ко д̇вам̣, аананд̣̇а, д̇ат̇ааг̇ад̇зна ол̣ааригз нимид̇д̇з гаяирамаанз ол̣ааригз обхаасз гаяирамаанз наасагки бадивиж̇жхид̇ум̣, на д̇ат̇ааг̇ад̇ам̣ яаажи – ‘д̇идтад̇у, бханд̇з, бхаг̇аваа габбам̣, д̇идтад̇у суг̇ад̇о габбам̣ б̣ахуж̇анахид̇ааяа б̣ахуж̇анасукааяа логаанугамбааяа ад̇т̇ааяа хид̇ааяа сукааяа д̣̇звамануссаана’нд̇и. сажз д̇вам̣, аананд̣̇а, д̇ат̇ааг̇ад̇ам̣ яаажзяяааси, д̣̇вз д̇з ваажаа д̇ат̇ааг̇ад̇о бадигкибзяяа, ат̇а д̇ад̇ияагам̣ ад̇хиваасзяяа. д̇асмаад̇ихаананд̣̇а, д̇уяхзвзд̇ам̣ д̣̇уггадам̣, д̇уяхзвзд̇ам̣ абарад̣̇д̇хам̣.

179. ‘‘Ekamidāhaṃ, ānanda, samayaṃ rājagahe viharāmi gijjhakūṭe pabbate. Tatrāpi kho tāhaṃ, ānanda, āmantesiṃ – ‘ramaṇīyaṃ, ānanda, rājagahaṃ, ramaṇīyo, ānanda, gijjhakūṭo pabbato. Yassa kassaci, ānanda, cattāro iddhipādā bhāvitā bahulīkatā yānīkatā vatthukatā anuṭṭhitā paricitā susamāraddhā, so ākaṅkhamāno kappaṃ vā tiṭṭheyya kappāvasesaṃ vā. Tathāgatassa kho, ānanda, cattāro iddhipādā bhāvitā bahulīkatā yānīkatā vatthukatā anuṭṭhitā paricitā susamāraddhā, so ākaṅkhamāno, ānanda, tathāgato kappaṃ vā tiṭṭheyya kappāvasesaṃ vā’ti. Evampi kho tvaṃ, ānanda, tathāgatena oḷārike nimitte kayiramāne oḷārike obhāse kayiramāne nāsakkhi paṭivijjhituṃ, na tathāgataṃ yāci – ‘tiṭṭhatu, bhante, bhagavā kappaṃ, tiṭṭhatu sugato kappaṃ bahujanahitāya bahujanasukhāya lokānukampāya atthāya hitāya sukhāya devamanussāna’nti. Sace tvaṃ, ānanda, tathāgataṃ yāceyyāsi, dve te vācā tathāgato paṭikkhipeyya, atha tatiyakaṃ adhivāseyya. Tasmātihānanda, tuyhevetaṃ dukkaṭaṃ, tuyhevetaṃ aparaddhaṃ.

180. ‘‘згамид̣̇аахам̣, аананд̣̇а, самаяам̣ д̇ад̇т̇зва рааж̇аг̇ахз вихараами г̇од̇аманиг̇род̇хз…бз… д̇ад̇т̇зва рааж̇аг̇ахз вихараами жорабабаад̇з… д̇ад̇т̇зва рааж̇аг̇ахз вихараами взбхаарабассз сад̇д̇абан̣н̣иг̇ухааяам̣… д̇ад̇т̇зва рааж̇аг̇ахз вихараами исиг̇илибассз гаал̣асилааяам̣… д̇ад̇т̇зва рааж̇аг̇ахз вихараами сийд̇аванз саббасон̣д̣игабаб̣бхаарз… д̇ад̇т̇зва рааж̇аг̇ахз вихараами д̇абод̣̇аараамз… д̇ад̇т̇зва рааж̇аг̇ахз вихараами взл̣уванз галанд̣̇аганиваабз… д̇ад̇т̇зва рааж̇аг̇ахз вихараами ж̇ийвагамб̣аванз… д̇ад̇т̇зва рааж̇аг̇ахз вихараами мад̣̇д̣̇агужчисмим̣ миг̇ад̣̇ааяз д̇ад̇рааби ко д̇аахам̣, аананд̣̇а, ааманд̇зсим̣ – ‘раман̣ийяам̣, аананд̣̇а, рааж̇аг̇ахам̣, раман̣ийяо г̇иж̇жхагуудо баб̣б̣ад̇о, раман̣ийяо г̇од̇аманиг̇род̇хо, раман̣ийяо жорабабаад̇о, раман̣ийяаа взбхаарабассз сад̇д̇абан̣н̣иг̇ухаа, раман̣ийяаа исиг̇илибассз гаал̣асилаа, раман̣ийяо сийд̇аванз саббасон̣д̣игабаб̣бхааро , раман̣ийяо д̇абод̣̇аараамо, раман̣ийяо взл̣уванз галанд̣̇аганиваабо, раман̣ийяам̣ ж̇ийвагамб̣аванам̣, раман̣ийяо мад̣̇д̣̇агужчисмим̣ миг̇ад̣̇ааяо. яасса гассажи, аананд̣̇а, жад̇д̇ааро ид̣̇д̇хибаад̣̇аа бхаавид̇аа б̣ахулийгад̇аа яаанийгад̇аа вад̇т̇угад̇аа анудтид̇аа барижид̇аа сусамаарад̣̇д̇хаа…бз… ааган̇камаано, аананд̣̇а, д̇ат̇ааг̇ад̇о габбам̣ ваа д̇идтзяяа габбаавасзсам̣ ваа’д̇и. звамби ко д̇вам̣, аананд̣̇а, д̇ат̇ааг̇ад̇зна ол̣ааригз нимид̇д̇з гаяирамаанз ол̣ааригз обхаасз гаяирамаанз наасагки бадивиж̇жхид̇ум̣, на д̇ат̇ааг̇ад̇ам̣ яаажи – ‘д̇идтад̇у, бханд̇з, бхаг̇аваа габбам̣, д̇идтад̇у суг̇ад̇о габбам̣ б̣ахуж̇анахид̇ааяа б̣ахуж̇анасукааяа логаанугамбааяа ад̇т̇ааяа хид̇ааяа сукааяа д̣̇звамануссаана’нд̇и. сажз д̇вам̣, аананд̣̇а, д̇ат̇ааг̇ад̇ам̣ яаажзяяааси, д̣̇взва д̇з ваажаа д̇ат̇ааг̇ад̇о бадигкибзяяа, ат̇а д̇ад̇ияагам̣ ад̇хиваасзяяа. д̇асмаад̇ихаананд̣̇а, д̇уяхзвзд̇ам̣ д̣̇уггадам̣, д̇уяхзвзд̇ам̣ абарад̣̇д̇хам̣.

180. ‘‘Ekamidāhaṃ, ānanda, samayaṃ tattheva rājagahe viharāmi gotamanigrodhe…pe… tattheva rājagahe viharāmi corapapāte… tattheva rājagahe viharāmi vebhārapasse sattapaṇṇiguhāyaṃ… tattheva rājagahe viharāmi isigilipasse kāḷasilāyaṃ… tattheva rājagahe viharāmi sītavane sappasoṇḍikapabbhāre… tattheva rājagahe viharāmi tapodārāme… tattheva rājagahe viharāmi veḷuvane kalandakanivāpe… tattheva rājagahe viharāmi jīvakambavane… tattheva rājagahe viharāmi maddakucchismiṃ migadāye tatrāpi kho tāhaṃ, ānanda, āmantesiṃ – ‘ramaṇīyaṃ, ānanda, rājagahaṃ, ramaṇīyo gijjhakūṭo pabbato, ramaṇīyo gotamanigrodho, ramaṇīyo corapapāto, ramaṇīyā vebhārapasse sattapaṇṇiguhā, ramaṇīyā isigilipasse kāḷasilā, ramaṇīyo sītavane sappasoṇḍikapabbhāro , ramaṇīyo tapodārāmo, ramaṇīyo veḷuvane kalandakanivāpo, ramaṇīyaṃ jīvakambavanaṃ, ramaṇīyo maddakucchismiṃ migadāyo. Yassa kassaci, ānanda, cattāro iddhipādā bhāvitā bahulīkatā yānīkatā vatthukatā anuṭṭhitā paricitā susamāraddhā…pe… ākaṅkhamāno, ānanda, tathāgato kappaṃ vā tiṭṭheyya kappāvasesaṃ vā’ti. Evampi kho tvaṃ, ānanda, tathāgatena oḷārike nimitte kayiramāne oḷārike obhāse kayiramāne nāsakkhi paṭivijjhituṃ, na tathāgataṃ yāci – ‘tiṭṭhatu, bhante, bhagavā kappaṃ, tiṭṭhatu sugato kappaṃ bahujanahitāya bahujanasukhāya lokānukampāya atthāya hitāya sukhāya devamanussāna’nti. Sace tvaṃ, ānanda, tathāgataṃ yāceyyāsi, dveva te vācā tathāgato paṭikkhipeyya, atha tatiyakaṃ adhivāseyya. Tasmātihānanda, tuyhevetaṃ dukkaṭaṃ, tuyhevetaṃ aparaddhaṃ.

181. ‘‘згамид̣̇аахам̣, аананд̣̇а, самаяам̣ ид̇хзва взсаалияам̣ вихараами уд̣̇знз жзд̇ияз. д̇ад̇рааби ко д̇аахам̣, аананд̣̇а, ааманд̇зсим̣ – ‘раман̣ийяаа, аананд̣̇а, взсаалий, раман̣ийяам̣ уд̣̇знам̣ жзд̇ияам̣. яасса гассажи, аананд̣̇а, жад̇д̇ааро ид̣̇д̇хибаад̣̇аа бхаавид̇аа б̣ахулийгад̇аа яаанийгад̇аа вад̇т̇угад̇аа анудтид̇аа барижид̇аа сусамаарад̣̇д̇хаа, со ааган̇камаано габбам̣ ваа д̇идтзяяа габбаавасзсам̣ ваа. д̇ат̇ааг̇ад̇асса ко, аананд̣̇а, жад̇д̇ааро ид̣̇д̇хибаад̣̇аа бхаавид̇аа б̣ахулийгад̇аа яаанийгад̇аа вад̇т̇угад̇аа анудтид̇аа барижид̇аа сусамаарад̣̇д̇хаа, со ааган̇камаано, аананд̣̇а, д̇ат̇ааг̇ад̇о габбам̣ ваа д̇идтзяяа габбаавасзсам̣ ваа’д̇и. звамби ко д̇вам̣, аананд̣̇а, д̇ат̇ааг̇ад̇зна ол̣ааригз нимид̇д̇з гаяирамаанз ол̣ааригз обхаасз гаяирамаанз наасагки бадивиж̇жхид̇ум̣, на д̇ат̇ааг̇ад̇ам̣ яаажи – ‘д̇идтад̇у, бханд̇з, бхаг̇аваа габбам̣, д̇идтад̇у суг̇ад̇о габбам̣ б̣ахуж̇анахид̇ааяа б̣ахуж̇анасукааяа логаанугамбааяа ад̇т̇ааяа хид̇ааяа сукааяа д̣̇звамануссаана’нд̇и. сажз д̇вам̣, аананд̣̇а, д̇ат̇ааг̇ад̇ам̣ яаажзяяааси, д̣̇взва д̇з ваажаа д̇ат̇ааг̇ад̇о бадигкибзяяа, ат̇а д̇ад̇ияагам̣ ад̇хиваасзяяа, д̇асмаад̇ихаананд̣̇а, д̇уяхзвзд̇ам̣ д̣̇уггадам̣, д̇уяхзвзд̇ам̣ абарад̣̇д̇хам̣.

181. ‘‘Ekamidāhaṃ, ānanda, samayaṃ idheva vesāliyaṃ viharāmi udene cetiye. Tatrāpi kho tāhaṃ, ānanda, āmantesiṃ – ‘ramaṇīyā, ānanda, vesālī, ramaṇīyaṃ udenaṃ cetiyaṃ. Yassa kassaci, ānanda, cattāro iddhipādā bhāvitā bahulīkatā yānīkatā vatthukatā anuṭṭhitā paricitā susamāraddhā, so ākaṅkhamāno kappaṃ vā tiṭṭheyya kappāvasesaṃ vā. Tathāgatassa kho, ānanda, cattāro iddhipādā bhāvitā bahulīkatā yānīkatā vatthukatā anuṭṭhitā paricitā susamāraddhā, so ākaṅkhamāno, ānanda, tathāgato kappaṃ vā tiṭṭheyya kappāvasesaṃ vā’ti. Evampi kho tvaṃ, ānanda, tathāgatena oḷārike nimitte kayiramāne oḷārike obhāse kayiramāne nāsakkhi paṭivijjhituṃ, na tathāgataṃ yāci – ‘tiṭṭhatu, bhante, bhagavā kappaṃ, tiṭṭhatu sugato kappaṃ bahujanahitāya bahujanasukhāya lokānukampāya atthāya hitāya sukhāya devamanussāna’nti. Sace tvaṃ, ānanda, tathāgataṃ yāceyyāsi, dveva te vācā tathāgato paṭikkhipeyya, atha tatiyakaṃ adhivāseyya, tasmātihānanda, tuyhevetaṃ dukkaṭaṃ, tuyhevetaṃ aparaddhaṃ.

182. ‘‘згамид̣̇аахам̣ , аананд̣̇а, самаяам̣ ид̇хзва взсаалияам̣ вихараами г̇од̇амагз жзд̇ияз …бз… ид̇хзва взсаалияам̣ вихараами сад̇д̇амб̣з жзд̇ияз… ид̇хзва взсаалияам̣ вихараами б̣ахубуд̇д̇з жзд̇ияз… ид̇хзва взсаалияам̣ вихараами сааранд̣̇ад̣̇з жзд̇ияз… ид̣̇аанзва ко д̇аахам̣, аананд̣̇а, аж̇ж̇а жаабаалз жзд̇ияз ааманд̇зсим̣ – ‘раман̣ийяаа, аананд̣̇а, взсаалий, раман̣ийяам̣ уд̣̇знам̣ жзд̇ияам̣, раман̣ийяам̣ г̇од̇амагам̣ жзд̇ияам̣, раман̣ийяам̣ сад̇д̇амб̣ам̣ жзд̇ияам̣, раман̣ийяам̣ б̣ахубуд̇д̇ам̣ жзд̇ияам̣, раман̣ийяам̣ сааранд̣̇ад̣̇ам̣ жзд̇ияам̣, раман̣ийяам̣ жаабаалам̣ жзд̇ияам̣. яасса гассажи, аананд̣̇а, жад̇д̇ааро ид̣̇д̇хибаад̣̇аа бхаавид̇аа б̣ахулийгад̇аа яаанийгад̇аа вад̇т̇угад̇аа анудтид̇аа барижид̇аа сусамаарад̣̇д̇хаа, со ааган̇камаано габбам̣ ваа д̇идтзяяа габбаавасзсам̣ ваа. д̇ат̇ааг̇ад̇асса ко, аананд̣̇а, жад̇д̇ааро ид̣̇д̇хибаад̣̇аа бхаавид̇аа б̣ахулийгад̇аа яаанийгад̇аа вад̇т̇угад̇аа анудтид̇аа барижид̇аа сусамаарад̣̇д̇хаа, со ааган̇камаано, аананд̣̇а, д̇ат̇ааг̇ад̇о габбам̣ ваа д̇идтзяяа габбаавасзсам̣ ваа’д̇и. звамби ко д̇вам̣, аананд̣̇а, д̇ат̇ааг̇ад̇зна ол̣ааригз нимид̇д̇з гаяирамаанз ол̣ааригз обхаасз гаяирамаанз наасагки бадивиж̇жхид̇ум̣, на д̇ат̇ааг̇ад̇ам̣ яаажи – ‘д̇идтад̇у бхаг̇аваа габбам̣, д̇идтад̇у суг̇ад̇о габбам̣ б̣ахуж̇анахид̇ааяа б̣ахуж̇анасукааяа логаанугамбааяа ад̇т̇ааяа хид̇ааяа сукааяа д̣̇звамануссаана’нд̇и. сажз д̇вам̣, аананд̣̇а, д̇ат̇ааг̇ад̇ам̣ яаажзяяааси, д̣̇взва д̇з ваажаа д̇ат̇ааг̇ад̇о бадигкибзяяа, ат̇а д̇ад̇ияагам̣ ад̇хиваасзяяа. д̇асмаад̇ихаананд̣̇а, д̇уяхзвзд̇ам̣ д̣̇уггадам̣, д̇уяхзвзд̇ам̣ абарад̣̇д̇хам̣.

182. ‘‘Ekamidāhaṃ , ānanda, samayaṃ idheva vesāliyaṃ viharāmi gotamake cetiye …pe… idheva vesāliyaṃ viharāmi sattambe cetiye… idheva vesāliyaṃ viharāmi bahuputte cetiye… idheva vesāliyaṃ viharāmi sārandade cetiye… idāneva kho tāhaṃ, ānanda, ajja cāpāle cetiye āmantesiṃ – ‘ramaṇīyā, ānanda, vesālī, ramaṇīyaṃ udenaṃ cetiyaṃ, ramaṇīyaṃ gotamakaṃ cetiyaṃ, ramaṇīyaṃ sattambaṃ cetiyaṃ, ramaṇīyaṃ bahuputtaṃ cetiyaṃ, ramaṇīyaṃ sārandadaṃ cetiyaṃ, ramaṇīyaṃ cāpālaṃ cetiyaṃ. Yassa kassaci, ānanda, cattāro iddhipādā bhāvitā bahulīkatā yānīkatā vatthukatā anuṭṭhitā paricitā susamāraddhā, so ākaṅkhamāno kappaṃ vā tiṭṭheyya kappāvasesaṃ vā. Tathāgatassa kho, ānanda, cattāro iddhipādā bhāvitā bahulīkatā yānīkatā vatthukatā anuṭṭhitā paricitā susamāraddhā, so ākaṅkhamāno, ānanda, tathāgato kappaṃ vā tiṭṭheyya kappāvasesaṃ vā’ti. Evampi kho tvaṃ, ānanda, tathāgatena oḷārike nimitte kayiramāne oḷārike obhāse kayiramāne nāsakkhi paṭivijjhituṃ, na tathāgataṃ yāci – ‘tiṭṭhatu bhagavā kappaṃ, tiṭṭhatu sugato kappaṃ bahujanahitāya bahujanasukhāya lokānukampāya atthāya hitāya sukhāya devamanussāna’nti. Sace tvaṃ, ānanda, tathāgataṃ yāceyyāsi, dveva te vācā tathāgato paṭikkhipeyya, atha tatiyakaṃ adhivāseyya. Tasmātihānanda, tuyhevetaṃ dukkaṭaṃ, tuyhevetaṃ aparaddhaṃ.

183. ‘‘нану зд̇ам̣ ¹²⁷, аананд̣̇а, маяаа бадигажжзва ¹²⁸ агкаад̇ам̣ – ‘саб̣б̣зхзва биязхи манаабзхи наанаабхааво винаабхааво ан̃н̃ат̇аабхааво. д̇ам̣ гуд̇зд̇т̇а, аананд̣̇а, лаб̣бхаа, яам̣ д̇ам̣ ж̇аад̇ам̣ бхууд̇ам̣ сан̇кад̇ам̣ балогад̇хаммам̣, д̇ам̣ вад̇а маа балуж̇ж̇ийд̇и нзд̇ам̣ таанам̣ виж̇ж̇ад̇и’. яам̣ ко банзд̇ам̣, аананд̣̇а, д̇ат̇ааг̇ад̇зна жад̇д̇ам̣ ванд̇ам̣ муд̇д̇ам̣ бахийнам̣ бадиниссадтам̣ оссадто ааяусан̇кааро, згам̣сзна ваажаа бхаасид̇аа – ‘на жирам̣ д̇ат̇ааг̇ад̇асса бариниб̣б̣аанам̣ бхависсад̇и. ид̇о д̇ин̣н̣ам̣ маасаанам̣ ажжаязна д̇ат̇ааг̇ад̇о бариниб̣б̣ааяиссад̇ий’д̇и. д̇ан̃жа ¹²⁹ д̇ат̇ааг̇ад̇о ж̇ийвид̇ахзд̇у буна бажжаавамиссад̇ийд̇и ¹³⁰ нзд̇ам̣ таанам̣ виж̇ж̇ад̇и. ааяаамаананд̣̇а, язна махааванам̣ гуудааг̇аарасаалаа д̇знубасан̇гамиссаамаа’’д̇и. ‘‘звам̣, бханд̇з’’д̇и ко ааяасмаа аананд̣̇о бхаг̇авад̇о бажжассоси.

183. ‘‘Nanu etaṃ ¹³¹, ānanda, mayā paṭikacceva ¹³² akkhātaṃ – ‘sabbeheva piyehi manāpehi nānābhāvo vinābhāvo aññathābhāvo. Taṃ kutettha, ānanda, labbhā, yaṃ taṃ jātaṃ bhūtaṃ saṅkhataṃ palokadhammaṃ, taṃ vata mā palujjīti netaṃ ṭhānaṃ vijjati’. Yaṃ kho panetaṃ, ānanda, tathāgatena cattaṃ vantaṃ muttaṃ pahīnaṃ paṭinissaṭṭhaṃ ossaṭṭho āyusaṅkhāro, ekaṃsena vācā bhāsitā – ‘na ciraṃ tathāgatassa parinibbānaṃ bhavissati. Ito tiṇṇaṃ māsānaṃ accayena tathāgato parinibbāyissatī’ti. Tañca ¹³³ tathāgato jīvitahetu puna paccāvamissatīti ¹³⁴ netaṃ ṭhānaṃ vijjati. Āyāmānanda, yena mahāvanaṃ kūṭāgārasālā tenupasaṅkamissāmā’’ti. ‘‘Evaṃ, bhante’’ti kho āyasmā ānando bhagavato paccassosi.

ат̇а ко бхаг̇аваа ааяасмад̇аа аананд̣̇зна сад̣̇д̇хим̣ язна махааванам̣ гуудааг̇аарасаалаа д̇знубасан̇гами; убасан̇гамид̇ваа ааяасманд̇ам̣ аананд̣̇ам̣ ааманд̇зси – ‘‘г̇ажча д̇вам̣, аананд̣̇а, яаавад̇игаа бхигкуу взсаалим̣ убаниссааяа вихаранд̇и, д̇з саб̣б̣з убадтаанасаалааяам̣ саннибаад̇зхий’’д̇и. ‘‘звам̣, бханд̇з’’д̇и ко ааяасмаа аананд̣̇о бхаг̇авад̇о бадиссуд̇ваа яаавад̇игаа бхигкуу взсаалим̣ убаниссааяа вихаранд̇и, д̇з саб̣б̣з убадтаанасаалааяам̣ саннибаад̇зд̇ваа язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ адтааси. згаманд̇ам̣ тид̇о ко ааяасмаа аананд̣̇о бхаг̇аванд̇ам̣ зд̇ад̣̇авожа – ‘‘саннибад̇ид̇о, бханд̇з, бхигкусан̇гхо, яассад̣̇аани, бханд̇з, бхаг̇аваа гаалам̣ ман̃н̃ад̇ий’’д̇и.

Atha kho bhagavā āyasmatā ānandena saddhiṃ yena mahāvanaṃ kūṭāgārasālā tenupasaṅkami; upasaṅkamitvā āyasmantaṃ ānandaṃ āmantesi – ‘‘gaccha tvaṃ, ānanda, yāvatikā bhikkhū vesāliṃ upanissāya viharanti, te sabbe upaṭṭhānasālāyaṃ sannipātehī’’ti. ‘‘Evaṃ, bhante’’ti kho āyasmā ānando bhagavato paṭissutvā yāvatikā bhikkhū vesāliṃ upanissāya viharanti, te sabbe upaṭṭhānasālāyaṃ sannipātetvā yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ aṭṭhāsi. Ekamantaṃ ṭhito kho āyasmā ānando bhagavantaṃ etadavoca – ‘‘sannipatito, bhante, bhikkhusaṅgho, yassadāni, bhante, bhagavā kālaṃ maññatī’’ti.

184. ат̇а ко бхаг̇аваа язнубадтаанасаалаа д̇знубасан̇гами; убасан̇гамид̇ваа бан̃н̃ад̇д̇з аасанз нисийд̣̇и. нисаж̇ж̇а ко бхаг̇аваа бхигкуу ааманд̇зси – ‘‘д̇асмаад̇иха, бхигкавз, яз д̇з маяаа д̇хаммаа абхин̃н̃аа д̣̇зсид̇аа, д̇з во саад̇хугам̣ уг̇г̇ахзд̇ваа аасзвид̇аб̣б̣аа бхаавзд̇аб̣б̣аа б̣ахулийгаад̇аб̣б̣аа, яат̇аяид̣̇ам̣ б̣рахмажарияам̣ ад̣̇д̇ханияам̣ асса жирадтид̇игам̣, д̇ад̣̇асса б̣ахуж̇анахид̇ааяа б̣ахуж̇анасукааяа логаанугамбааяа ад̇т̇ааяа хид̇ааяа сукааяа д̣̇звамануссаанам̣. гад̇амз жа д̇з, бхигкавз, д̇хаммаа маяаа абхин̃н̃аа д̣̇зсид̇аа, яз во саад̇хугам̣ уг̇г̇ахзд̇ваа аасзвид̇аб̣б̣аа бхаавзд̇аб̣б̣аа б̣ахулийгаад̇аб̣б̣аа, яат̇аяид̣̇ам̣ б̣рахмажарияам̣ ад̣̇д̇ханияам̣ асса жирадтид̇игам̣, д̇ад̣̇асса б̣ахуж̇анахид̇ааяа б̣ахуж̇анасукааяа логаанугамбааяа ад̇т̇ааяа хид̇ааяа сукааяа д̣̇звамануссаанам̣. сзяяат̇ид̣̇ам̣ – жад̇д̇ааро сад̇ибадтаанаа жад̇д̇ааро саммаббад̇хаанаа жад̇д̇ааро ид̣̇д̇хибаад̣̇аа бан̃жинд̣̇рияаани бан̃жа б̣алаани сад̇д̇а б̣ож̇жхан̇г̇аа арияо адтан̇г̇иго маг̇г̇о. имз ко д̇з, бхигкавз, д̇хаммаа маяаа абхин̃н̃аа д̣̇зсид̇аа, яз во саад̇хугам̣ уг̇г̇ахзд̇ваа аасзвид̇аб̣б̣аа бхаавзд̇аб̣б̣аа б̣ахулийгаад̇аб̣б̣аа, яат̇аяид̣̇ам̣ б̣рахмажарияам̣ ад̣̇д̇ханияам̣ асса жирадтид̇игам̣, д̇ад̣̇асса б̣ахуж̇анахид̇ааяа б̣ахуж̇анасукааяа логаанугамбааяа ад̇т̇ааяа хид̇ааяа сукааяа д̣̇звамануссаана’’нд̇и.

184. Atha kho bhagavā yenupaṭṭhānasālā tenupasaṅkami; upasaṅkamitvā paññatte āsane nisīdi. Nisajja kho bhagavā bhikkhū āmantesi – ‘‘tasmātiha, bhikkhave, ye te mayā dhammā abhiññā desitā, te vo sādhukaṃ uggahetvā āsevitabbā bhāvetabbā bahulīkātabbā, yathayidaṃ brahmacariyaṃ addhaniyaṃ assa ciraṭṭhitikaṃ, tadassa bahujanahitāya bahujanasukhāya lokānukampāya atthāya hitāya sukhāya devamanussānaṃ. Katame ca te, bhikkhave, dhammā mayā abhiññā desitā, ye vo sādhukaṃ uggahetvā āsevitabbā bhāvetabbā bahulīkātabbā, yathayidaṃ brahmacariyaṃ addhaniyaṃ assa ciraṭṭhitikaṃ, tadassa bahujanahitāya bahujanasukhāya lokānukampāya atthāya hitāya sukhāya devamanussānaṃ. Seyyathidaṃ – cattāro satipaṭṭhānā cattāro sammappadhānā cattāro iddhipādā pañcindriyāni pañca balāni satta bojjhaṅgā ariyo aṭṭhaṅgiko maggo. Ime kho te, bhikkhave, dhammā mayā abhiññā desitā, ye vo sādhukaṃ uggahetvā āsevitabbā bhāvetabbā bahulīkātabbā, yathayidaṃ brahmacariyaṃ addhaniyaṃ assa ciraṭṭhitikaṃ, tadassa bahujanahitāya bahujanasukhāya lokānukampāya atthāya hitāya sukhāya devamanussāna’’nti.

185. ат̇а ко бхаг̇аваа бхигкуу ааманд̇зси – ‘‘ханд̣̇ад̣̇аани, бхигкавз, ааманд̇аяаами во, ваяад̇хаммаа сан̇каараа, аббамаад̣̇зна самбаад̣̇зт̇а. нажирам̣ д̇ат̇ааг̇ад̇асса бариниб̣б̣аанам̣ бхависсад̇и. ид̇о д̇ин̣н̣ам̣ маасаанам̣ ажжаязна д̇ат̇ааг̇ад̇о бариниб̣б̣ааяиссад̇ий’’д̇и. ид̣̇амавожа бхаг̇аваа, ид̣̇ам̣ вад̇ваана суг̇ад̇о ат̇аабарам̣ зд̇ад̣̇авожа сад̇т̇аа ¹³⁵. –

185. Atha kho bhagavā bhikkhū āmantesi – ‘‘handadāni, bhikkhave, āmantayāmi vo, vayadhammā saṅkhārā, appamādena sampādetha. Naciraṃ tathāgatassa parinibbānaṃ bhavissati. Ito tiṇṇaṃ māsānaṃ accayena tathāgato parinibbāyissatī’’ti. Idamavoca bhagavā, idaṃ vatvāna sugato athāparaṃ etadavoca satthā ¹³⁶. –

‘‘барибагго ваяо маяхам̣, барид̇д̇ам̣ мама ж̇ийвид̇ам̣;

‘‘Paripakko vayo mayhaṃ, parittaṃ mama jīvitaṃ;

бахааяа во г̇амиссаами, гад̇ам̣ мз саран̣амад̇д̇ано.

Pahāya vo gamissāmi, kataṃ me saraṇamattano.

‘‘аббамад̇д̇аа сад̇ийманд̇о, сусийлаа хот̇а бхигкаво;

‘‘Appamattā satīmanto, susīlā hotha bhikkhavo;

сусамаахид̇асан̇габбаа, сажид̇д̇аманурагкат̇а.

Susamāhitasaṅkappā, sacittamanurakkhatha.

‘‘яо имасмим̣ д̇хаммавинаяз, аббамад̇д̇о вихассад̇и;

‘‘Yo imasmiṃ dhammavinaye, appamatto vihassati;

бахааяа ж̇аад̇исам̣саарам̣, д̣̇угкассанд̇ам̣ гариссад̇ий’’д̇и ¹³⁷.

Pahāya jātisaṃsāraṃ, dukkhassantaṃ karissatī’’ti ¹³⁸.

д̇ад̇ияо бхаан̣авааро.

Tatiyo bhāṇavāro.

нааг̇аабалогид̇ам̣

Nāgāpalokitaṃ

186. ат̇а ко бхаг̇аваа буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа взсаалим̣ бин̣д̣ааяа баависи. взсаалияам̣ бин̣д̣ааяа жарид̇ваа бажчаабхад̇д̇ам̣ бин̣д̣абаад̇аббадигганд̇о нааг̇аабалогид̇ам̣ взсаалим̣ абалогзд̇ваа ааяасманд̇ам̣ аананд̣̇ам̣ ааманд̇зси – ‘‘ид̣̇ам̣ бажчимагам̣, аананд̣̇а, д̇ат̇ааг̇ад̇асса взсаалияаа д̣̇ассанам̣ бхависсад̇и. ааяаамаананд̣̇а, язна бхан̣д̣аг̇аамо ¹³⁹ д̇знубасан̇гамиссаамаа’’д̇и. ‘‘звам̣, бханд̇з’’д̇и ко ааяасмаа аананд̣̇о бхаг̇авад̇о бажжассоси.

186. Atha kho bhagavā pubbaṇhasamayaṃ nivāsetvā pattacīvaramādāya vesāliṃ piṇḍāya pāvisi. Vesāliyaṃ piṇḍāya caritvā pacchābhattaṃ piṇḍapātappaṭikkanto nāgāpalokitaṃ vesāliṃ apaloketvā āyasmantaṃ ānandaṃ āmantesi – ‘‘idaṃ pacchimakaṃ, ānanda, tathāgatassa vesāliyā dassanaṃ bhavissati. Āyāmānanda, yena bhaṇḍagāmo ¹⁴⁰ tenupasaṅkamissāmā’’ti. ‘‘Evaṃ, bhante’’ti kho āyasmā ānando bhagavato paccassosi.

ат̇а ко бхаг̇аваа махад̇аа бхигкусан̇гхзна сад̣̇д̇хим̣ язна бхан̣д̣аг̇аамо д̇ад̣̇авасари. д̇ад̇ра суд̣̇ам̣ бхаг̇аваа бхан̣д̣аг̇аамз вихарад̇и. д̇ад̇ра ко бхаг̇аваа бхигкуу ааманд̇зси – ‘‘жад̇уннам̣, бхигкавз, д̇хаммаанам̣ анануб̣од̇хаа аббадивзд̇хаа звамид̣̇ам̣ д̣̇ийгхамад̣̇д̇хаанам̣ санд̇хаавид̇ам̣ сам̣сарид̇ам̣ маман̃жзва д̇умхааган̃жа. гад̇амзсам̣ жад̇уннам̣? арияасса, бхигкавз, сийласса анануб̣од̇хаа аббадивзд̇хаа звамид̣̇ам̣ д̣̇ийгхамад̣̇д̇хаанам̣ санд̇хаавид̇ам̣ сам̣сарид̇ам̣ мамам̣ жзва д̇умхааган̃жа. арияасса, бхигкавз, самаад̇хисса анануб̣од̇хаа аббадивзд̇хаа звамид̣̇ам̣ д̣̇ийгхамад̣̇д̇хаанам̣ санд̇хаавид̇ам̣ сам̣сарид̇ам̣ мамам̣ жзва д̇умхааган̃жа. арияааяа, бхигкавз, бан̃н̃ааяа анануб̣од̇хаа аббадивзд̇хаа звамид̣̇ам̣ д̣̇ийгхамад̣̇д̇хаанам̣ санд̇хаавид̇ам̣ сам̣сарид̇ам̣ мамам̣ жзва д̇умхааган̃жа. арияааяа, бхигкавз, вимуд̇д̇ияаа анануб̣од̇хаа аббадивзд̇хаа звамид̣̇ам̣ д̣̇ийгхамад̣̇д̇хаанам̣ санд̇хаавид̇ам̣ сам̣сарид̇ам̣ мамам̣ жзва д̇умхааган̃жа. д̇аяид̣̇ам̣, бхигкавз, арияам̣ сийлам̣ ануб̣уд̣̇д̇хам̣ бадивид̣̇д̇хам̣, арияо самаад̇хи ануб̣уд̣̇д̇хо бадивид̣̇д̇хо, арияаа бан̃н̃аа ануб̣уд̣̇д̇хаа бадивид̣̇д̇хаа, арияаа вимуд̇д̇и ануб̣уд̣̇д̇хаа бадивид̣̇д̇хаа, ужчиннаа бхавад̇ан̣хаа, кийн̣аа бхаванзд̇д̇и, над̇т̇и д̣̇аани бунаб̣бхаво’’д̇и. ид̣̇амавожа бхаг̇аваа, ид̣̇ам̣ вад̇ваана суг̇ад̇о ат̇аабарам̣ зд̇ад̣̇авожа сад̇т̇аа –

Atha kho bhagavā mahatā bhikkhusaṅghena saddhiṃ yena bhaṇḍagāmo tadavasari. Tatra sudaṃ bhagavā bhaṇḍagāme viharati. Tatra kho bhagavā bhikkhū āmantesi – ‘‘catunnaṃ, bhikkhave, dhammānaṃ ananubodhā appaṭivedhā evamidaṃ dīghamaddhānaṃ sandhāvitaṃ saṃsaritaṃ mamañceva tumhākañca. Katamesaṃ catunnaṃ? Ariyassa, bhikkhave, sīlassa ananubodhā appaṭivedhā evamidaṃ dīghamaddhānaṃ sandhāvitaṃ saṃsaritaṃ mamaṃ ceva tumhākañca. Ariyassa, bhikkhave, samādhissa ananubodhā appaṭivedhā evamidaṃ dīghamaddhānaṃ sandhāvitaṃ saṃsaritaṃ mamaṃ ceva tumhākañca. Ariyāya, bhikkhave, paññāya ananubodhā appaṭivedhā evamidaṃ dīghamaddhānaṃ sandhāvitaṃ saṃsaritaṃ mamaṃ ceva tumhākañca. Ariyāya, bhikkhave, vimuttiyā ananubodhā appaṭivedhā evamidaṃ dīghamaddhānaṃ sandhāvitaṃ saṃsaritaṃ mamaṃ ceva tumhākañca. Tayidaṃ, bhikkhave, ariyaṃ sīlaṃ anubuddhaṃ paṭividdhaṃ, ariyo samādhi anubuddho paṭividdho, ariyā paññā anubuddhā paṭividdhā, ariyā vimutti anubuddhā paṭividdhā, ucchinnā bhavataṇhā, khīṇā bhavanetti, natthi dāni punabbhavo’’ti. Idamavoca bhagavā, idaṃ vatvāna sugato athāparaṃ etadavoca satthā –

‘‘сийлам̣ самаад̇хи бан̃н̃аа жа, вимуд̇д̇и жа ануд̇д̇араа;

‘‘Sīlaṃ samādhi paññā ca, vimutti ca anuttarā;

ануб̣уд̣̇д̇хаа имз д̇хаммаа, г̇од̇амзна яасассинаа.

Anubuddhā ime dhammā, gotamena yasassinā.

‘‘ид̇и б̣уд̣̇д̇хо абхин̃н̃ааяа, д̇хаммамагкааси бхигкунам̣;

‘‘Iti buddho abhiññāya, dhammamakkhāsi bhikkhunaṃ;

д̣̇угкассанд̇агаро сад̇т̇аа, жагкумаа бариниб̣б̣уд̇о’’д̇и.

Dukkhassantakaro satthā, cakkhumā parinibbuto’’ti.

д̇ад̇рааби суд̣̇ам̣ бхаг̇аваа бхан̣д̣аг̇аамз вихаранд̇о зд̇ад̣̇зва б̣ахулам̣ бхигкуунам̣ д̇хаммим̣ гат̇ам̣ гарод̇и – ‘‘ид̇и сийлам̣, ид̇и самаад̇хи, ид̇и бан̃н̃аа. сийлабарибхаавид̇о самаад̇хи махабпало ход̇и махаанисам̣со. самаад̇хибарибхаавид̇аа бан̃н̃аа махабпалаа ход̇и махаанисам̣саа. бан̃н̃аабарибхаавид̇ам̣ жид̇д̇ам̣ саммад̣̇зва аасавзхи вимужжад̇и, сзяяат̇ид̣̇ам̣ – гаамаасаваа, бхаваасаваа, авиж̇ж̇аасаваа’’д̇и.

Tatrāpi sudaṃ bhagavā bhaṇḍagāme viharanto etadeva bahulaṃ bhikkhūnaṃ dhammiṃ kathaṃ karoti – ‘‘iti sīlaṃ, iti samādhi, iti paññā. Sīlaparibhāvito samādhi mahapphalo hoti mahānisaṃso. Samādhiparibhāvitā paññā mahapphalā hoti mahānisaṃsā. Paññāparibhāvitaṃ cittaṃ sammadeva āsavehi vimuccati, seyyathidaṃ – kāmāsavā, bhavāsavā, avijjāsavā’’ti.

жад̇умахаабад̣̇зсагат̇аа

Catumahāpadesakathā

187. ат̇а ко бхаг̇аваа бхан̣д̣аг̇аамз яат̇аабхиранд̇ам̣ вихарид̇ваа ааяасманд̇ам̣ аананд̣̇ам̣ ааманд̇зси – ‘‘ааяаамаананд̣̇а, язна хад̇т̇иг̇аамо, язна амб̣аг̇аамо, язна ж̇амб̣уг̇аамо, язна бхог̇анаг̇арам̣ д̇знубасан̇гамиссаамаа’’д̇и. ‘‘звам̣, бханд̇з’’д̇и ко ааяасмаа аананд̣̇о бхаг̇авад̇о бажжассоси. ат̇а ко бхаг̇аваа махад̇аа бхигкусан̇гхзна сад̣̇д̇хим̣ язна бхог̇анаг̇арам̣ д̇ад̣̇авасари. д̇ад̇ра суд̣̇ам̣ бхаг̇аваа бхог̇анаг̇арз вихарад̇и аананд̣̇з ¹⁴¹ жзд̇ияз. д̇ад̇ра ко бхаг̇аваа бхигкуу ааманд̇зси – ‘‘жад̇д̇ааромз, бхигкавз, махаабад̣̇зсз д̣̇зсзссаами, д̇ам̣ сун̣аат̇а, саад̇хугам̣ манасигарот̇а, бхаасиссаамий’’д̇и. ‘‘звам̣ , бханд̇з’’д̇и ко д̇з бхигкуу бхаг̇авад̇о бажжассосум̣. бхаг̇аваа зд̇ад̣̇авожа –

187. Atha kho bhagavā bhaṇḍagāme yathābhirantaṃ viharitvā āyasmantaṃ ānandaṃ āmantesi – ‘‘āyāmānanda, yena hatthigāmo, yena ambagāmo, yena jambugāmo, yena bhoganagaraṃ tenupasaṅkamissāmā’’ti. ‘‘Evaṃ, bhante’’ti kho āyasmā ānando bhagavato paccassosi. Atha kho bhagavā mahatā bhikkhusaṅghena saddhiṃ yena bhoganagaraṃ tadavasari. Tatra sudaṃ bhagavā bhoganagare viharati ānande ¹⁴² cetiye. Tatra kho bhagavā bhikkhū āmantesi – ‘‘cattārome, bhikkhave, mahāpadese desessāmi, taṃ suṇātha, sādhukaṃ manasikarotha, bhāsissāmī’’ti. ‘‘Evaṃ , bhante’’ti kho te bhikkhū bhagavato paccassosuṃ. Bhagavā etadavoca –

188. ‘‘ид̇ха, бхигкавз, бхигку звам̣ вад̣̇зяяа – ‘саммукаа мзд̇ам̣, аавусо, бхаг̇авад̇о суд̇ам̣ саммукаа бадиг̇г̇ахид̇ам̣, аяам̣ д̇хаммо аяам̣ винаяо ид̣̇ам̣ сад̇т̇усаасана’нд̇и. д̇асса, бхигкавз, бхигкуно бхаасид̇ам̣ нзва абхинанд̣̇ид̇аб̣б̣ам̣ наббадиггосид̇аб̣б̣ам̣. анабхинанд̣̇ид̇ваа аббадиггосид̇ваа д̇аани бад̣̇аб̣яан̃ж̇анаани саад̇хугам̣ уг̇г̇ахзд̇ваа суд̇д̇з осаарзд̇аб̣б̣аани ¹⁴³, винаяз санд̣̇ассзд̇аб̣б̣аани. д̇аани жз суд̇д̇з осаарияамаанаани ¹⁴⁴ винаяз санд̣̇ассияамаанаани на жзва суд̇д̇з осаранд̇и ¹⁴⁵, на жа винаяз санд̣̇иссанд̇и, нидтамзд̇т̇а г̇анд̇аб̣б̣ам̣ – ‘ад̣̇д̇хаа, ид̣̇ам̣ на жзва д̇асса бхаг̇авад̇о важанам̣; имасса жа бхигкуно д̣̇уг̇г̇ахид̇а’нд̇и. ид̇ихзд̇ам̣, бхигкавз, чад̣д̣зяяаат̇а. д̇аани жз суд̇д̇з осаарияамаанаани винаяз санд̣̇ассияамаанаани суд̇д̇з жзва осаранд̇и, винаяз жа санд̣̇иссанд̇и, нидтамзд̇т̇а г̇анд̇аб̣б̣ам̣ – ‘ад̣̇д̇хаа, ид̣̇ам̣ д̇асса бхаг̇авад̇о важанам̣; имасса жа бхигкуно суг̇г̇ахид̇а’нд̇и. ид̣̇ам̣, бхигкавз, батамам̣ махаабад̣̇зсам̣ д̇хаарзяяаат̇а.

188. ‘‘Idha, bhikkhave, bhikkhu evaṃ vadeyya – ‘sammukhā metaṃ, āvuso, bhagavato sutaṃ sammukhā paṭiggahitaṃ, ayaṃ dhammo ayaṃ vinayo idaṃ satthusāsana’nti. Tassa, bhikkhave, bhikkhuno bhāsitaṃ neva abhinanditabbaṃ nappaṭikkositabbaṃ. Anabhinanditvā appaṭikkositvā tāni padabyañjanāni sādhukaṃ uggahetvā sutte osāretabbāni ¹⁴⁶, vinaye sandassetabbāni. Tāni ce sutte osāriyamānāni ¹⁴⁷ vinaye sandassiyamānāni na ceva sutte osaranti ¹⁴⁸, na ca vinaye sandissanti, niṭṭhamettha gantabbaṃ – ‘addhā, idaṃ na ceva tassa bhagavato vacanaṃ; imassa ca bhikkhuno duggahita’nti. Itihetaṃ, bhikkhave, chaḍḍeyyātha. Tāni ce sutte osāriyamānāni vinaye sandassiyamānāni sutte ceva osaranti, vinaye ca sandissanti, niṭṭhamettha gantabbaṃ – ‘addhā, idaṃ tassa bhagavato vacanaṃ; imassa ca bhikkhuno suggahita’nti. Idaṃ, bhikkhave, paṭhamaṃ mahāpadesaṃ dhāreyyātha.

‘‘ид̇ха бана, бхигкавз, бхигку звам̣ вад̣̇зяяа – ‘амугасмим̣ наама ааваасз сан̇гхо вихарад̇и сат̇зро сабаамогко. д̇асса мз сан̇гхасса саммукаа суд̇ам̣ саммукаа бадиг̇г̇ахид̇ам̣, аяам̣ д̇хаммо аяам̣ винаяо ид̣̇ам̣ сад̇т̇усаасана’нд̇и. д̇асса, бхигкавз, бхигкуно бхаасид̇ам̣ нзва абхинанд̣̇ид̇аб̣б̣ам̣ наббадиггосид̇аб̣б̣ам̣. анабхинанд̣̇ид̇ваа аббадиггосид̇ваа д̇аани бад̣̇аб̣яан̃ж̇анаани саад̇хугам̣ уг̇г̇ахзд̇ваа суд̇д̇з осаарзд̇аб̣б̣аани, винаяз санд̣̇ассзд̇аб̣б̣аани. д̇аани жз суд̇д̇з осаарияамаанаани винаяз санд̣̇ассияамаанаани на жзва суд̇д̇з осаранд̇и, на жа винаяз санд̣̇иссанд̇и, нидтамзд̇т̇а г̇анд̇аб̣б̣ам̣ – ‘ад̣̇д̇хаа, ид̣̇ам̣ на жзва д̇асса бхаг̇авад̇о важанам̣; д̇асса жа сан̇гхасса д̣̇уг̇г̇ахид̇а’нд̇и. ид̇ихзд̇ам̣, бхигкавз, чад̣д̣зяяаат̇а. д̇аани жз суд̇д̇з осаарияамаанаани винаяз санд̣̇ассияамаанаани суд̇д̇з жзва осаранд̇и винаяз жа санд̣̇иссанд̇и, нидтамзд̇т̇а г̇анд̇аб̣б̣ам̣ – ‘ад̣̇д̇хаа , ид̣̇ам̣ д̇асса бхаг̇авад̇о важанам̣; д̇асса жа сан̇гхасса суг̇г̇ахид̇а’нд̇и. ид̣̇ам̣, бхигкавз, д̣̇уд̇ияам̣ махаабад̣̇зсам̣ д̇хаарзяяаат̇а.

‘‘Idha pana, bhikkhave, bhikkhu evaṃ vadeyya – ‘amukasmiṃ nāma āvāse saṅgho viharati sathero sapāmokkho. Tassa me saṅghassa sammukhā sutaṃ sammukhā paṭiggahitaṃ, ayaṃ dhammo ayaṃ vinayo idaṃ satthusāsana’nti. Tassa, bhikkhave, bhikkhuno bhāsitaṃ neva abhinanditabbaṃ nappaṭikkositabbaṃ. Anabhinanditvā appaṭikkositvā tāni padabyañjanāni sādhukaṃ uggahetvā sutte osāretabbāni, vinaye sandassetabbāni. Tāni ce sutte osāriyamānāni vinaye sandassiyamānāni na ceva sutte osaranti, na ca vinaye sandissanti, niṭṭhamettha gantabbaṃ – ‘addhā, idaṃ na ceva tassa bhagavato vacanaṃ; tassa ca saṅghassa duggahita’nti. Itihetaṃ, bhikkhave, chaḍḍeyyātha. Tāni ce sutte osāriyamānāni vinaye sandassiyamānāni sutte ceva osaranti vinaye ca sandissanti, niṭṭhamettha gantabbaṃ – ‘addhā , idaṃ tassa bhagavato vacanaṃ; tassa ca saṅghassa suggahita’nti. Idaṃ, bhikkhave, dutiyaṃ mahāpadesaṃ dhāreyyātha.

‘‘ид̇ха бана, бхигкавз, бхигку звам̣ вад̣̇зяяа – ‘амугасмим̣ наама ааваасз самб̣ахулаа т̇зраа бхигкуу вихаранд̇и б̣ахуссуд̇аа ааг̇ад̇ааг̇амаа д̇хаммад̇хараа винаяад̇хараа маад̇игаад̇хараа. д̇зсам̣ мз т̇зраанам̣ саммукаа суд̇ам̣ саммукаа бадиг̇г̇ахид̇ам̣ – аяам̣ д̇хаммо аяам̣ винаяо ид̣̇ам̣ сад̇т̇усаасана’нд̇и. д̇асса, бхигкавз, бхигкуно бхаасид̇ам̣ нзва абхинанд̣̇ид̇аб̣б̣ам̣…бз… на жа винаяз санд̣̇иссанд̇и, нидтамзд̇т̇а г̇анд̇аб̣б̣ам̣ – ‘ад̣̇д̇хаа, ид̣̇ам̣ на жзва д̇асса бхаг̇авад̇о важанам̣; д̇зсан̃жа т̇зраанам̣ д̣̇уг̇г̇ахид̇а’нд̇и. ид̇ихзд̇ам̣, бхигкавз, чад̣д̣зяяаат̇а. д̇аани жз суд̇д̇з осаарияамаанаани…бз… винаяз жа санд̣̇иссанд̇и, нидтамзд̇т̇а г̇анд̇аб̣б̣ам̣ – ‘ад̣̇д̇хаа, ид̣̇ам̣ д̇асса бхаг̇авад̇о важанам̣; д̇зсан̃жа т̇зраанам̣ суг̇г̇ахид̇а’нд̇и. ид̣̇ам̣, бхигкавз, д̇ад̇ияам̣ махаабад̣̇зсам̣ д̇хаарзяяаат̇а.

‘‘Idha pana, bhikkhave, bhikkhu evaṃ vadeyya – ‘amukasmiṃ nāma āvāse sambahulā therā bhikkhū viharanti bahussutā āgatāgamā dhammadharā vinayadharā mātikādharā. Tesaṃ me therānaṃ sammukhā sutaṃ sammukhā paṭiggahitaṃ – ayaṃ dhammo ayaṃ vinayo idaṃ satthusāsana’nti. Tassa, bhikkhave, bhikkhuno bhāsitaṃ neva abhinanditabbaṃ…pe… na ca vinaye sandissanti, niṭṭhamettha gantabbaṃ – ‘addhā, idaṃ na ceva tassa bhagavato vacanaṃ; tesañca therānaṃ duggahita’nti. Itihetaṃ, bhikkhave, chaḍḍeyyātha. Tāni ce sutte osāriyamānāni…pe… vinaye ca sandissanti, niṭṭhamettha gantabbaṃ – ‘addhā, idaṃ tassa bhagavato vacanaṃ; tesañca therānaṃ suggahita’nti. Idaṃ, bhikkhave, tatiyaṃ mahāpadesaṃ dhāreyyātha.

‘‘ид̇ха бана, бхигкавз, бхигку звам̣ вад̣̇зяяа – ‘амугасмим̣ наама ааваасз зго т̇зро бхигку вихарад̇и б̣ахуссуд̇о ааг̇ад̇ааг̇амо д̇хаммад̇харо винаяад̇харо маад̇игаад̇харо. д̇асса мз т̇зрасса саммукаа суд̇ам̣ саммукаа бадиг̇г̇ахид̇ам̣ – аяам̣ д̇хаммо аяам̣ винаяо ид̣̇ам̣ сад̇т̇усаасана’нд̇и. д̇асса, бхигкавз, бхигкуно бхаасид̇ам̣ нзва абхинанд̣̇ид̇аб̣б̣ам̣ наббадиггосид̇аб̣б̣ам̣. анабхинанд̣̇ид̇ваа аббадиггосид̇ваа д̇аани бад̣̇аб̣яан̃ж̇анаани саад̇хугам̣ уг̇г̇ахзд̇ваа суд̇д̇з осаарид̇аб̣б̣аани, винаяз санд̣̇ассзд̇аб̣б̣аани. д̇аани жз суд̇д̇з осаарияамаанаани винаяз санд̣̇ассияамаанаани на жзва суд̇д̇з осаранд̇и, на жа винаяз санд̣̇иссанд̇и, нидтамзд̇т̇а г̇анд̇аб̣б̣ам̣ – ‘ад̣̇д̇хаа, ид̣̇ам̣ на жзва д̇асса бхаг̇авад̇о важанам̣; д̇асса жа т̇зрасса д̣̇уг̇г̇ахид̇а’нд̇и. ид̇ихзд̇ам̣, бхигкавз, чад̣д̣зяяаат̇а. д̇аани жа суд̇д̇з осаарияамаанаани винаяз санд̣̇ассияамаанаани суд̇д̇з жзва осаранд̇и, винаяз жа санд̣̇иссанд̇и , нидтамзд̇т̇а г̇анд̇аб̣б̣ам̣ – ‘ад̣̇д̇хаа , ид̣̇ам̣ д̇асса бхаг̇авад̇о важанам̣; д̇асса жа т̇зрасса суг̇г̇ахид̇а’нд̇и. ид̣̇ам̣, бхигкавз, жад̇уд̇т̇ам̣ махаабад̣̇зсам̣ д̇хаарзяяаат̇а. имз ко, бхигкавз, жад̇д̇ааро махаабад̣̇зсз д̇хаарзяяаат̇аа’’д̇и.

‘‘Idha pana, bhikkhave, bhikkhu evaṃ vadeyya – ‘amukasmiṃ nāma āvāse eko thero bhikkhu viharati bahussuto āgatāgamo dhammadharo vinayadharo mātikādharo. Tassa me therassa sammukhā sutaṃ sammukhā paṭiggahitaṃ – ayaṃ dhammo ayaṃ vinayo idaṃ satthusāsana’nti. Tassa, bhikkhave, bhikkhuno bhāsitaṃ neva abhinanditabbaṃ nappaṭikkositabbaṃ. Anabhinanditvā appaṭikkositvā tāni padabyañjanāni sādhukaṃ uggahetvā sutte osāritabbāni, vinaye sandassetabbāni. Tāni ce sutte osāriyamānāni vinaye sandassiyamānāni na ceva sutte osaranti, na ca vinaye sandissanti, niṭṭhamettha gantabbaṃ – ‘addhā, idaṃ na ceva tassa bhagavato vacanaṃ; tassa ca therassa duggahita’nti. Itihetaṃ, bhikkhave, chaḍḍeyyātha. Tāni ca sutte osāriyamānāni vinaye sandassiyamānāni sutte ceva osaranti, vinaye ca sandissanti , niṭṭhamettha gantabbaṃ – ‘addhā , idaṃ tassa bhagavato vacanaṃ; tassa ca therassa suggahita’nti. Idaṃ, bhikkhave, catutthaṃ mahāpadesaṃ dhāreyyātha. Ime kho, bhikkhave, cattāro mahāpadese dhāreyyāthā’’ti.

д̇ад̇раби суд̣̇ам̣ бхаг̇аваа бхог̇анаг̇арз вихаранд̇о аананд̣̇з жзд̇ияз зд̇ад̣̇зва б̣ахулам̣ бхигкуунам̣ д̇хаммим̣ гат̇ам̣ гарод̇и – ‘‘ид̇и сийлам̣, ид̇и самаад̇хи, ид̇и бан̃н̃аа. сийлабарибхаавид̇о самаад̇хи махабпало ход̇и махаанисам̣со . самаад̇хибарибхаавид̇аа бан̃н̃аа махабпалаа ход̇и махаанисам̣саа. бан̃н̃аабарибхаавид̇ам̣ жид̇д̇ам̣ саммад̣̇зва аасавзхи вимужжад̇и, сзяяат̇ид̣̇ам̣ – гаамаасаваа, бхаваасаваа, авиж̇ж̇аасаваа’’д̇и.

Tatrapi sudaṃ bhagavā bhoganagare viharanto ānande cetiye etadeva bahulaṃ bhikkhūnaṃ dhammiṃ kathaṃ karoti – ‘‘iti sīlaṃ, iti samādhi, iti paññā. Sīlaparibhāvito samādhi mahapphalo hoti mahānisaṃso . Samādhiparibhāvitā paññā mahapphalā hoti mahānisaṃsā. Paññāparibhāvitaṃ cittaṃ sammadeva āsavehi vimuccati, seyyathidaṃ – kāmāsavā, bhavāsavā, avijjāsavā’’ti.

гаммаарабуд̇д̇ажунд̣̇авад̇т̇у

Kammāraputtacundavatthu

189. ат̇а ко бхаг̇аваа бхог̇анаг̇арз яат̇аабхиранд̇ам̣ вихарид̇ваа ааяасманд̇ам̣ аананд̣̇ам̣ ааманд̇зси – ‘‘ааяаамаананд̣̇а, язна бааваа д̇знубасан̇гамиссаамаа’’д̇и. ‘‘звам̣, бханд̇з’’д̇и ко ааяасмаа аананд̣̇о бхаг̇авад̇о бажжассоси. ат̇а ко бхаг̇аваа махад̇аа бхигкусан̇гхзна сад̣̇д̇хим̣ язна бааваа д̇ад̣̇авасари. д̇ад̇ра суд̣̇ам̣ бхаг̇аваа баавааяам̣ вихарад̇и жунд̣̇асса гаммаарабуд̇д̇асса амб̣аванз. ассоси ко жунд̣̇о гаммаарабуд̇д̇о – ‘‘бхаг̇аваа гира баавам̣ ануббад̇д̇о, баавааяам̣ вихарад̇и маяхам̣ амб̣аванз’’д̇и. ат̇а ко жунд̣̇о гаммаарабуд̇д̇о язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисиннам̣ ко жунд̣̇ам̣ гаммаарабуд̇д̇ам̣ бхаг̇аваа д̇хаммияаа гат̇ааяа санд̣̇ассзси самаад̣̇абзси самуд̇д̇зж̇зси самбахам̣сзси. ат̇а ко жунд̣̇о гаммаарабуд̇д̇о бхаг̇авад̇аа д̇хаммияаа гат̇ааяа санд̣̇ассид̇о самаад̣̇абид̇о самуд̇д̇зж̇ид̇о самбахам̣сид̇о бхаг̇аванд̇ам̣ зд̇ад̣̇авожа – ‘‘ад̇хиваасзд̇у мз, бханд̇з, бхаг̇аваа сваад̇анааяа бхад̇д̇ам̣ сад̣̇д̇хим̣ бхигкусан̇гхзнаа’’д̇и. ад̇хиваасзси бхаг̇аваа д̇ун̣хийбхаавзна. ат̇а ко жунд̣̇о гаммаарабуд̇д̇о бхаг̇авад̇о ад̇хиваасанам̣ вид̣̇ид̇ваа удтааяаасанаа бхаг̇аванд̇ам̣ абхиваад̣̇зд̇ваа бад̣̇агкин̣ам̣ гад̇ваа баггаами.

189. Atha kho bhagavā bhoganagare yathābhirantaṃ viharitvā āyasmantaṃ ānandaṃ āmantesi – ‘‘āyāmānanda, yena pāvā tenupasaṅkamissāmā’’ti. ‘‘Evaṃ, bhante’’ti kho āyasmā ānando bhagavato paccassosi. Atha kho bhagavā mahatā bhikkhusaṅghena saddhiṃ yena pāvā tadavasari. Tatra sudaṃ bhagavā pāvāyaṃ viharati cundassa kammāraputtassa ambavane. Assosi kho cundo kammāraputto – ‘‘bhagavā kira pāvaṃ anuppatto, pāvāyaṃ viharati mayhaṃ ambavane’’ti. Atha kho cundo kammāraputto yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinnaṃ kho cundaṃ kammāraputtaṃ bhagavā dhammiyā kathāya sandassesi samādapesi samuttejesi sampahaṃsesi. Atha kho cundo kammāraputto bhagavatā dhammiyā kathāya sandassito samādapito samuttejito sampahaṃsito bhagavantaṃ etadavoca – ‘‘adhivāsetu me, bhante, bhagavā svātanāya bhattaṃ saddhiṃ bhikkhusaṅghenā’’ti. Adhivāsesi bhagavā tuṇhībhāvena. Atha kho cundo kammāraputto bhagavato adhivāsanaṃ viditvā uṭṭhāyāsanā bhagavantaṃ abhivādetvā padakkhiṇaṃ katvā pakkāmi.

ат̇а ко жунд̣̇о гаммаарабуд̇д̇о д̇ассаа рад̇д̇ияаа ажжаязна сагз нивзсанз бан̣ийд̇ам̣ каад̣̇анийяам̣ бхож̇анийяам̣ бадияаад̣̇аабзд̇ваа бахууд̇ан̃жа суугарамад̣̇д̣̇авам̣ бхаг̇авад̇о гаалам̣ аарожаабзси – ‘‘гаало, бханд̇з, нидтид̇ам̣ бхад̇д̇а’’нд̇и. ат̇а ко бхаг̇аваа буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа сад̣̇д̇хим̣ бхигкусан̇гхзна язна жунд̣̇асса гаммаарабуд̇д̇асса нивзсанам̣ д̇знубасан̇гами; убасан̇гамид̇ваа бан̃н̃ад̇д̇з аасанз нисийд̣̇и. нисаж̇ж̇а ко бхаг̇аваа жунд̣̇ам̣ гаммаарабуд̇д̇ам̣ ааманд̇зси – ‘‘яам̣ д̇з, жунд̣̇а, суугарамад̣̇д̣̇авам̣ бадияад̇д̇ам̣, д̇зна мам̣ баривиса. яам̣ банан̃н̃ам̣ каад̣̇анийяам̣ бхож̇анийяам̣ бадияад̇д̇ам̣, д̇зна бхигкусан̇гхам̣ баривисаа’’д̇и. ‘‘звам̣, бханд̇з’’д̇и ко жунд̣̇о гаммаарабуд̇д̇о бхаг̇авад̇о бадиссуд̇ваа яам̣ ахоси суугарамад̣̇д̣̇авам̣ бадияад̇д̇ам̣, д̇зна бхаг̇аванд̇ам̣ баривиси. яам̣ банан̃н̃ам̣ каад̣̇анийяам̣ бхож̇анийяам̣ бадияад̇д̇ам̣ , д̇зна бхигкусан̇гхам̣ баривиси. ат̇а ко бхаг̇аваа жунд̣̇ам̣ гаммаарабуд̇д̇ам̣ ааманд̇зси – ‘‘яам̣ д̇з, жунд̣̇а, суугарамад̣̇д̣̇авам̣ авасидтам̣, д̇ам̣ соб̣бхз никан̣аахи. наахам̣ д̇ам̣, жунд̣̇а, бассаами сад̣̇звагз логз самаарагз саб̣рахмагз сассаман̣аб̣раахман̣ияаа баж̇ааяа сад̣̇звамануссааяа, яасса д̇ам̣ барибхуд̇д̇ам̣ саммаа барин̣аамам̣ г̇ажчзяяа ан̃н̃ад̇ра д̇ат̇ааг̇ад̇ассаа’’д̇и. ‘‘звам̣, бханд̇з’’д̇и ко жунд̣̇о гаммаарабуд̇д̇о бхаг̇авад̇о бадиссуд̇ваа яам̣ ахоси суугарамад̣̇д̣̇авам̣ авасидтам̣, д̇ам̣ соб̣бхз никан̣ид̇ваа язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисиннам̣ ко жунд̣̇ам̣ гаммаарабуд̇д̇ам̣ бхаг̇аваа д̇хаммияаа гат̇ааяа санд̣̇ассзд̇ваа самаад̣̇абзд̇ваа самуд̇д̇зж̇зд̇ваа самбахам̣сзд̇ваа удтааяаасанаа баггаами.

Atha kho cundo kammāraputto tassā rattiyā accayena sake nivesane paṇītaṃ khādanīyaṃ bhojanīyaṃ paṭiyādāpetvā pahūtañca sūkaramaddavaṃ bhagavato kālaṃ ārocāpesi – ‘‘kālo, bhante, niṭṭhitaṃ bhatta’’nti. Atha kho bhagavā pubbaṇhasamayaṃ nivāsetvā pattacīvaramādāya saddhiṃ bhikkhusaṅghena yena cundassa kammāraputtassa nivesanaṃ tenupasaṅkami; upasaṅkamitvā paññatte āsane nisīdi. Nisajja kho bhagavā cundaṃ kammāraputtaṃ āmantesi – ‘‘yaṃ te, cunda, sūkaramaddavaṃ paṭiyattaṃ, tena maṃ parivisa. Yaṃ panaññaṃ khādanīyaṃ bhojanīyaṃ paṭiyattaṃ, tena bhikkhusaṅghaṃ parivisā’’ti. ‘‘Evaṃ, bhante’’ti kho cundo kammāraputto bhagavato paṭissutvā yaṃ ahosi sūkaramaddavaṃ paṭiyattaṃ, tena bhagavantaṃ parivisi. Yaṃ panaññaṃ khādanīyaṃ bhojanīyaṃ paṭiyattaṃ , tena bhikkhusaṅghaṃ parivisi. Atha kho bhagavā cundaṃ kammāraputtaṃ āmantesi – ‘‘yaṃ te, cunda, sūkaramaddavaṃ avasiṭṭhaṃ, taṃ sobbhe nikhaṇāhi. Nāhaṃ taṃ, cunda, passāmi sadevake loke samārake sabrahmake sassamaṇabrāhmaṇiyā pajāya sadevamanussāya, yassa taṃ paribhuttaṃ sammā pariṇāmaṃ gaccheyya aññatra tathāgatassā’’ti. ‘‘Evaṃ, bhante’’ti kho cundo kammāraputto bhagavato paṭissutvā yaṃ ahosi sūkaramaddavaṃ avasiṭṭhaṃ, taṃ sobbhe nikhaṇitvā yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinnaṃ kho cundaṃ kammāraputtaṃ bhagavā dhammiyā kathāya sandassetvā samādapetvā samuttejetvā sampahaṃsetvā uṭṭhāyāsanā pakkāmi.

190. ат̇а ко бхаг̇авад̇о жунд̣̇асса гаммаарабуд̇д̇асса бхад̇д̇ам̣ бхуд̇д̇аависса каро ааб̣аад̇хо уббаж̇ж̇и, лохид̇абагканд̣̇игаа баб̣аал̣хаа взд̣̇анаа вад̇д̇анд̇и мааран̣анд̇игаа. д̇аа суд̣̇ам̣ бхаг̇аваа сад̇о самбаж̇аано ад̇хиваасзси авихан̃н̃амаано. ат̇а ко бхаг̇аваа ааяасманд̇ам̣ аананд̣̇ам̣ ааманд̇зси – ‘‘ааяаамаананд̣̇а, язна гусинаараа д̇знубасан̇гамиссаамаа’’д̇и. ‘‘звам̣, бханд̇з’’д̇и ко ааяасмаа аананд̣̇о бхаг̇авад̇о бажжассоси.

190. Atha kho bhagavato cundassa kammāraputtassa bhattaṃ bhuttāvissa kharo ābādho uppajji, lohitapakkhandikā pabāḷhā vedanā vattanti māraṇantikā. Tā sudaṃ bhagavā sato sampajāno adhivāsesi avihaññamāno. Atha kho bhagavā āyasmantaṃ ānandaṃ āmantesi – ‘‘āyāmānanda, yena kusinārā tenupasaṅkamissāmā’’ti. ‘‘Evaṃ, bhante’’ti kho āyasmā ānando bhagavato paccassosi.

жунд̣̇асса бхад̇д̇ам̣ бхун̃ж̇ид̇ваа, гаммаарассаад̇и мз суд̇ам̣;

Cundassa bhattaṃ bhuñjitvā, kammārassāti me sutaṃ;

ааб̣аад̇хам̣ сампусий д̇хийро, баб̣аал̣хам̣ мааран̣анд̇игам̣.

Ābādhaṃ samphusī dhīro, pabāḷhaṃ māraṇantikaṃ.

бхуд̇д̇асса жа суугарамад̣̇д̣̇авзна,

Bhuttassa ca sūkaramaddavena,

б̣яаад̇хиббаб̣аал̣хо уд̣̇абаад̣̇и сад̇т̇уно;

Byādhippabāḷho udapādi satthuno;

вирзжамаано ¹⁴⁹ бхаг̇аваа авожа,

Virecamāno ¹⁵⁰ bhagavā avoca,

г̇ажчаамахам̣ гусинаарам̣ наг̇аранд̇и.

Gacchāmahaṃ kusināraṃ nagaranti.

баанийяаахаран̣ам̣

Pānīyāharaṇaṃ

191. ат̇а ко бхаг̇аваа маг̇г̇аа оггамма язна ан̃н̃ад̇арам̣ ругкамуулам̣ д̇знубасан̇гами; убасан̇гамид̇ваа ааяасманд̇ам̣ аананд̣̇ам̣ ааманд̇зси – ‘‘ин̇гха мз д̇вам̣, аананд̣̇а, жад̇уг̇г̇ун̣ам̣ сан̇гхаадим̣ бан̃н̃абзхи, гиланд̇осми, аананд̣̇а, нисийд̣̇иссаамий’’д̇и. ‘‘звам̣, бханд̇з’’д̇и ко ааяасмаа аананд̣̇о бхаг̇авад̇о бадиссуд̇ваа жад̇уг̇г̇ун̣ам̣ сан̇гхаадим̣ бан̃н̃абзси. нисийд̣̇и бхаг̇аваа бан̃н̃ад̇д̇з аасанз. нисаж̇ж̇а ко бхаг̇аваа ааяасманд̇ам̣ аананд̣̇ам̣ ааманд̇зси – ‘‘ин̇гха мз д̇вам̣, аананд̣̇а, баанийяам̣ аахара, бибаасид̇осми, аананд̣̇а, бивиссаамий’’д̇и. звам̣ вуд̇д̇з ааяасмаа аананд̣̇о бхаг̇аванд̇ам̣ зд̇ад̣̇авожа – ‘‘ид̣̇аани, бханд̇з, бан̃жамад̇д̇аани сагадасад̇аани ад̇игганд̇аани, д̇ам̣ жаггажчиннам̣ уд̣̇агам̣ барид̇д̇ам̣ лул̣ид̇ам̣ аавилам̣ санд̣̇ад̇и. аяам̣, бханд̇з, гагуд̇хаа ¹⁵¹ над̣̇ий авид̣̇уурз ажчод̣̇агаа саад̇од̣̇агаа сийд̇од̣̇агаа сзд̇од̣̇агаа ¹⁵² суббад̇ид̇т̇аа раман̣ийяаа. зд̇т̇а бхаг̇аваа баанийяан̃жа бивиссад̇и, г̇ад̇д̇аани жа сийд̇ий ¹⁵³ гариссад̇ий’’д̇и.

191. Atha kho bhagavā maggā okkamma yena aññataraṃ rukkhamūlaṃ tenupasaṅkami; upasaṅkamitvā āyasmantaṃ ānandaṃ āmantesi – ‘‘iṅgha me tvaṃ, ānanda, catugguṇaṃ saṅghāṭiṃ paññapehi, kilantosmi, ānanda, nisīdissāmī’’ti. ‘‘Evaṃ, bhante’’ti kho āyasmā ānando bhagavato paṭissutvā catugguṇaṃ saṅghāṭiṃ paññapesi. Nisīdi bhagavā paññatte āsane. Nisajja kho bhagavā āyasmantaṃ ānandaṃ āmantesi – ‘‘iṅgha me tvaṃ, ānanda, pānīyaṃ āhara, pipāsitosmi, ānanda, pivissāmī’’ti. Evaṃ vutte āyasmā ānando bhagavantaṃ etadavoca – ‘‘idāni, bhante, pañcamattāni sakaṭasatāni atikkantāni, taṃ cakkacchinnaṃ udakaṃ parittaṃ luḷitaṃ āvilaṃ sandati. Ayaṃ, bhante, kakudhā ¹⁵⁴ nadī avidūre acchodakā sātodakā sītodakā setodakā ¹⁵⁵ suppatitthā ramaṇīyā. Ettha bhagavā pānīyañca pivissati, gattāni ca sītī ¹⁵⁶ karissatī’’ti.

д̣̇уд̇ияамби ко бхаг̇аваа ааяасманд̇ам̣ аананд̣̇ам̣ ааманд̇зси – ‘‘ин̇гха мз д̇вам̣, аананд̣̇а, баанийяам̣ аахара, бибаасид̇осми, аананд̣̇а, бивиссаамий’’д̇и. д̣̇уд̇ияамби ко ааяасмаа аананд̣̇о бхаг̇аванд̇ам̣ зд̇ад̣̇авожа – ‘‘ид̣̇аани, бханд̇з, бан̃жамад̇д̇аани сагадасад̇аани ад̇игганд̇аани, д̇ам̣ жаггажчиннам̣ уд̣̇агам̣ барид̇д̇ам̣ лул̣ид̇ам̣ аавилам̣ санд̣̇ад̇и. аяам̣, бханд̇з, гагуд̇хаа над̣̇ий авид̣̇уурз ажчод̣̇агаа саад̇од̣̇агаа сийд̇од̣̇агаа сзд̇од̣̇агаа суббад̇ид̇т̇аа раман̣ийяаа. зд̇т̇а бхаг̇аваа баанийяан̃жа бивиссад̇и, г̇ад̇д̇аани жа сийд̇ийгариссад̇ий’’д̇и.

Dutiyampi kho bhagavā āyasmantaṃ ānandaṃ āmantesi – ‘‘iṅgha me tvaṃ, ānanda, pānīyaṃ āhara, pipāsitosmi, ānanda, pivissāmī’’ti. Dutiyampi kho āyasmā ānando bhagavantaṃ etadavoca – ‘‘idāni, bhante, pañcamattāni sakaṭasatāni atikkantāni, taṃ cakkacchinnaṃ udakaṃ parittaṃ luḷitaṃ āvilaṃ sandati. Ayaṃ, bhante, kakudhā nadī avidūre acchodakā sātodakā sītodakā setodakā suppatitthā ramaṇīyā. Ettha bhagavā pānīyañca pivissati, gattāni ca sītīkarissatī’’ti.

д̇ад̇ияамби ко бхаг̇аваа ааяасманд̇ам̣ аананд̣̇ам̣ ааманд̇зси – ‘‘ин̇гха мз д̇вам̣, аананд̣̇а, баанийяам̣ аахара, бибаасид̇осми, аананд̣̇а, бивиссаамий’’д̇и. ‘‘звам̣, бханд̇з’’д̇и ко ааяасмаа аананд̣̇о бхаг̇авад̇о бадиссуд̇ваа бад̇д̇ам̣ г̇ахзд̇ваа язна саа над̣̇игаа д̇знубасан̇гами. ат̇а ко саа над̣̇игаа жаггажчиннаа барид̇д̇аа лул̣ид̇аа аавилаа санд̣̇амаанаа, ааяасманд̇з аананд̣̇з убасан̇гаманд̇з ажчаа виббасаннаа анаавилаа санд̣̇ид̇т̇а ¹⁵⁷. ат̇а ко ааяасмад̇о аананд̣̇асса зд̇ад̣̇ахоси – ‘‘ажчарияам̣ вад̇а, бхо, аб̣бхуд̇ам̣ вад̇а, бхо, д̇ат̇ааг̇ад̇асса махид̣̇д̇хигад̇аа махаанубхаавад̇аа. аяан̃хи саа над̣̇игаа жаггажчиннаа барид̇д̇аа лул̣ид̇аа аавилаа санд̣̇амаанаа маяи убасан̇гаманд̇з ажчаа виббасаннаа анаавилаа санд̣̇ад̇ий’’д̇и. бад̇д̇зна баанийяам̣ аад̣̇ааяа язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ зд̇ад̣̇авожа – ‘‘ажчарияам̣, бханд̇з, аб̣бхуд̇ам̣, бханд̇з, д̇ат̇ааг̇ад̇асса махид̣̇д̇хигад̇аа махаанубхаавад̇аа. ид̣̇аани саа бханд̇з над̣̇игаа жаггажчиннаа барид̇д̇аа лул̣ид̇аа аавилаа санд̣̇амаанаа маяи убасан̇гаманд̇з ажчаа виббасаннаа анаавилаа санд̣̇ид̇т̇а. бивад̇у бхаг̇аваа баанийяам̣ бивад̇у суг̇ад̇о баанийяа’’нд̇и. ат̇а ко бхаг̇аваа баанийяам̣ абааяи.

Tatiyampi kho bhagavā āyasmantaṃ ānandaṃ āmantesi – ‘‘iṅgha me tvaṃ, ānanda, pānīyaṃ āhara, pipāsitosmi, ānanda, pivissāmī’’ti. ‘‘Evaṃ, bhante’’ti kho āyasmā ānando bhagavato paṭissutvā pattaṃ gahetvā yena sā nadikā tenupasaṅkami. Atha kho sā nadikā cakkacchinnā parittā luḷitā āvilā sandamānā, āyasmante ānande upasaṅkamante acchā vippasannā anāvilā sandittha ¹⁵⁸. Atha kho āyasmato ānandassa etadahosi – ‘‘acchariyaṃ vata, bho, abbhutaṃ vata, bho, tathāgatassa mahiddhikatā mahānubhāvatā. Ayañhi sā nadikā cakkacchinnā parittā luḷitā āvilā sandamānā mayi upasaṅkamante acchā vippasannā anāvilā sandatī’’ti. Pattena pānīyaṃ ādāya yena bhagavā tenupasaṅkami; upasaṅkamitvā bhagavantaṃ etadavoca – ‘‘acchariyaṃ, bhante, abbhutaṃ, bhante, tathāgatassa mahiddhikatā mahānubhāvatā. Idāni sā bhante nadikā cakkacchinnā parittā luḷitā āvilā sandamānā mayi upasaṅkamante acchā vippasannā anāvilā sandittha. Pivatu bhagavā pānīyaṃ pivatu sugato pānīya’’nti. Atha kho bhagavā pānīyaṃ apāyi.

буггусамаллабуд̇д̇авад̇т̇у

Pukkusamallaputtavatthu

192. д̇зна роко бана самаязна буггусо маллабуд̇д̇о аал̣аарасса гаалаамасса сааваго гусинаарааяа баавам̣ ад̣̇д̇хаанамаг̇г̇аббадиббанно ход̇и. ад̣̇д̣̇асаа ко буггусо маллабуд̇д̇о бхаг̇аванд̇ам̣ ан̃н̃ад̇арасмим̣ ругкамуулз нисиннам̣. д̣̇исваа язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко буггусо маллабуд̇д̇о бхаг̇аванд̇ам̣ зд̇ад̣̇авожа – ‘‘ажчарияам̣, бханд̇з, аб̣бхуд̇ам̣, бханд̇з, санд̇зна вад̇а, бханд̇з, баб̣б̣аж̇ид̇аа вихаарзна вихаранд̇и. бхууд̇абуб̣б̣ам̣, бханд̇з , аал̣ааро гаалаамо ад̣̇д̇хаанамаг̇г̇аббадиббанно маг̇г̇аа оггамма авид̣̇уурз ан̃н̃ад̇арасмим̣ ругкамуулз д̣̇иваавихаарам̣ нисийд̣̇и. ат̇а ко, бханд̇з, бан̃жамад̇д̇аани сагадасад̇аани аал̣аарам̣ гаалаамам̣ ниссааяа ниссааяа ад̇иггамим̣су. ат̇а ко, бханд̇з, ан̃н̃ад̇аро бурисо д̇асса сагадасад̇т̇асса ¹⁵⁹ бидтид̇о бидтид̇о ааг̇ажчанд̇о язна аал̣ааро гаалаамо д̇знубасан̇гами; убасан̇гамид̇ваа аал̣аарам̣ гаалаамам̣ зд̇ад̣̇авожа – ‘аби, бханд̇з, бан̃жамад̇д̇аани сагадасад̇аани ад̇игганд̇аани ад̣̇д̣̇асаа’д̇и? ‘на ко ахам̣, аавусо, ад̣̇д̣̇аса’нд̇и. ‘гим̣ бана, бханд̇з, сад̣̇д̣̇ам̣ ассосий’д̇и? ‘на ко ахам̣, аавусо, сад̣̇д̣̇ам̣ ассоси’нд̇и. ‘гим̣ бана, бханд̇з, суд̇д̇о ахосий’д̇и? ‘на ко ахам̣, аавусо, суд̇д̇о ахоси’нд̇и. ‘гим̣ бана, бханд̇з, сан̃н̃ий ахосий’д̇и? ‘звамаавусо’д̇и. ‘со д̇вам̣, бханд̇з, сан̃н̃ий самаано ж̇ааг̇аро бан̃жамад̇д̇аани сагадасад̇аани ниссааяа ниссааяа ад̇игганд̇аани нзва ад̣̇д̣̇аса, на бана сад̣̇д̣̇ам̣ ассоси; абису ¹⁶⁰ д̇з, бханд̇з, сан̇гхаади раж̇зна огин̣н̣аа’д̇и? ‘звамаавусо’д̇и. ат̇а ко, бханд̇з, д̇асса бурисасса зд̇ад̣̇ахоси – ‘ажчарияам̣ вад̇а бхо, аб̣бхуд̇ам̣ вад̇а бхо, санд̇зна вад̇а бхо баб̣б̣аж̇ид̇аа вихаарзна вихаранд̇и. яад̇ра хи наама сан̃н̃ий самаано ж̇ааг̇аро бан̃жамад̇д̇аани сагадасад̇аани ниссааяа ниссааяа ад̇игганд̇аани нзва д̣̇агкад̇и, на бана сад̣̇д̣̇ам̣ соссад̇ий’д̇и! аал̣аарз гаалаамз ул̣аарам̣ басаад̣̇ам̣ бавзд̣̇зд̇ваа баггаамий’’д̇и.

192. Tena rokho pana samayena pukkuso mallaputto āḷārassa kālāmassa sāvako kusinārāya pāvaṃ addhānamaggappaṭippanno hoti. Addasā kho pukkuso mallaputto bhagavantaṃ aññatarasmiṃ rukkhamūle nisinnaṃ. Disvā yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho pukkuso mallaputto bhagavantaṃ etadavoca – ‘‘acchariyaṃ, bhante, abbhutaṃ, bhante, santena vata, bhante, pabbajitā vihārena viharanti. Bhūtapubbaṃ, bhante , āḷāro kālāmo addhānamaggappaṭippanno maggā okkamma avidūre aññatarasmiṃ rukkhamūle divāvihāraṃ nisīdi. Atha kho, bhante, pañcamattāni sakaṭasatāni āḷāraṃ kālāmaṃ nissāya nissāya atikkamiṃsu. Atha kho, bhante, aññataro puriso tassa sakaṭasatthassa ¹⁶¹ piṭṭhito piṭṭhito āgacchanto yena āḷāro kālāmo tenupasaṅkami; upasaṅkamitvā āḷāraṃ kālāmaṃ etadavoca – ‘api, bhante, pañcamattāni sakaṭasatāni atikkantāni addasā’ti? ‘Na kho ahaṃ, āvuso, addasa’nti. ‘Kiṃ pana, bhante, saddaṃ assosī’ti? ‘Na kho ahaṃ, āvuso, saddaṃ assosi’nti. ‘Kiṃ pana, bhante, sutto ahosī’ti? ‘Na kho ahaṃ, āvuso, sutto ahosi’nti. ‘Kiṃ pana, bhante, saññī ahosī’ti? ‘Evamāvuso’ti. ‘So tvaṃ, bhante, saññī samāno jāgaro pañcamattāni sakaṭasatāni nissāya nissāya atikkantāni neva addasa, na pana saddaṃ assosi; apisu ¹⁶² te, bhante, saṅghāṭi rajena okiṇṇā’ti? ‘Evamāvuso’ti. Atha kho, bhante, tassa purisassa etadahosi – ‘acchariyaṃ vata bho, abbhutaṃ vata bho, santena vata bho pabbajitā vihārena viharanti. Yatra hi nāma saññī samāno jāgaro pañcamattāni sakaṭasatāni nissāya nissāya atikkantāni neva dakkhati, na pana saddaṃ sossatī’ti! Āḷāre kālāme uḷāraṃ pasādaṃ pavedetvā pakkāmī’’ti.

193. ‘‘д̇ам̣ гим̣ ман̃н̃аси, буггуса, гад̇амам̣ ну ко д̣̇уггарад̇арам̣ ваа д̣̇урабхисамбхавад̇арам̣ ваа – яо ваа сан̃н̃ий самаано ж̇ааг̇аро бан̃жамад̇д̇аани сагадасад̇аани ниссааяа ниссааяа ад̇игганд̇аани нзва бассзяяа, на бана сад̣̇д̣̇ам̣ сун̣зяяа; яо ваа сан̃н̃ий самаано ж̇ааг̇аро д̣̇звз вассанд̇з д̣̇звз г̇ал̣аг̇ал̣ааяанд̇з виж̇ж̇уллад̇аасу ¹⁶³ нижчаранд̇ийсу асанияаа паланд̇ияаа нзва бассзяяа, на бана сад̣̇д̣̇ам̣ сун̣зяяаа’’д̇и? ‘‘гин̃хи, бханд̇з, гариссанд̇и бан̃жа ваа сагадасад̇аани ча ваа сагадасад̇аани сад̇д̇а ваа сагадасад̇аани адта ваа сагадасад̇аани нава ваа сагадасад̇аани ¹⁶⁴, сагадасахассам̣ ваа сагадасад̇асахассам̣ ваа. ат̇а ко зд̇ад̣̇зва д̣̇уггарад̇арам̣ жзва д̣̇урабхисамбхавад̇аран̃жа яо сан̃н̃ий самаано ж̇ааг̇аро д̣̇звз вассанд̇з д̣̇звз г̇ал̣аг̇ал̣ааяанд̇з виж̇ж̇уллад̇аасу нижчаранд̇ийсу асанияаа паланд̇ияаа нзва бассзяяа, на бана сад̣̇д̣̇ам̣ сун̣зяяаа’’д̇и.

193. ‘‘Taṃ kiṃ maññasi, pukkusa, katamaṃ nu kho dukkarataraṃ vā durabhisambhavataraṃ vā – yo vā saññī samāno jāgaro pañcamattāni sakaṭasatāni nissāya nissāya atikkantāni neva passeyya, na pana saddaṃ suṇeyya; yo vā saññī samāno jāgaro deve vassante deve gaḷagaḷāyante vijjullatāsu ¹⁶⁵ niccharantīsu asaniyā phalantiyā neva passeyya, na pana saddaṃ suṇeyyā’’ti? ‘‘Kiñhi, bhante, karissanti pañca vā sakaṭasatāni cha vā sakaṭasatāni satta vā sakaṭasatāni aṭṭha vā sakaṭasatāni nava vā sakaṭasatāni ¹⁶⁶, sakaṭasahassaṃ vā sakaṭasatasahassaṃ vā. Atha kho etadeva dukkarataraṃ ceva durabhisambhavatarañca yo saññī samāno jāgaro deve vassante deve gaḷagaḷāyante vijjullatāsu niccharantīsu asaniyā phalantiyā neva passeyya, na pana saddaṃ suṇeyyā’’ti.

‘‘згамид̣̇аахам̣, буггуса, самаяам̣ аад̇умааяам̣ вихараами бхусааг̇аарз. д̇зна ко бана самаязна д̣̇звз вассанд̇з д̣̇звз г̇ал̣аг̇ал̣ааяанд̇з виж̇ж̇уллад̇аасу нижчаранд̇ийсу асанияаа паланд̇ияаа авид̣̇уурз бхусааг̇аарасса д̣̇вз гассагаа бхаад̇аро хад̇аа жад̇д̇ааро жа б̣алиб̣ад̣̇д̣̇аа ¹⁶⁷. ат̇а ко, буггуса, аад̇умааяа махааж̇анагааяо нигкамид̇ваа язна д̇з д̣̇вз гассагаа бхаад̇аро хад̇аа жад̇д̇ааро жа б̣алиб̣ад̣̇д̣̇аа д̇знубасан̇гами. д̇зна ко банаахам̣, буггуса, самаязна бхусааг̇аараа нигкамид̇ваа бхусааг̇аарад̣̇ваарз аб̣бхогаасз жан̇гамаами. ат̇а ко, буггуса, ан̃н̃ад̇аро бурисо д̇амхаа махааж̇анагааяаа язнаахам̣ д̇знубасан̇гами; убасан̇гамид̇ваа мам̣ абхиваад̣̇зд̇ваа згаманд̇ам̣ адтааси. згаманд̇ам̣ тид̇ам̣ ко ахам̣, буггуса, д̇ам̣ бурисам̣ зд̇ад̣̇авожам̣ – ‘гим̣ ну ко зсо, аавусо, махааж̇анагааяо саннибад̇ид̇о’д̇и? ‘ид̣̇аани , бханд̇з, д̣̇звз вассанд̇з д̣̇звз г̇ал̣аг̇ал̣ааяанд̇з виж̇ж̇уллад̇аасу нижчаранд̇ийсу асанияаа паланд̇ияаа д̣̇вз гассагаа бхаад̇аро хад̇аа жад̇д̇ааро жа б̣алиб̣ад̣̇д̣̇аа. зд̇т̇зсо махааж̇анагааяо саннибад̇ид̇о. д̇вам̣ бана, бханд̇з, гва ахосий’д̇и? ‘ид̇хзва ко ахам̣, аавусо, ахоси’нд̇и. ‘гим̣ бана, бханд̇з, ад̣̇д̣̇асаа’д̇и? ‘на ко ахам̣, аавусо, ад̣̇д̣̇аса’нд̇и. ‘гим̣ бана, бханд̇з, сад̣̇д̣̇ам̣ ассосий’д̇и? ‘на ко ахам̣, аавусо, сад̣̇д̣̇ам̣ ассоси’нд̇и. ‘гим̣ бана, бханд̇з, суд̇д̇о ахосий’д̇и? ‘на ко ахам̣, аавусо, суд̇д̇о ахоси’нд̇и. ‘гим̣ бана, бханд̇з, сан̃н̃ий ахосий’д̇и? ‘звамаавусо’д̇и. ‘со д̇вам̣, бханд̇з, сан̃н̃ий самаано ж̇ааг̇аро д̣̇звз вассанд̇з д̣̇звз г̇ал̣аг̇ал̣ааяанд̇з виж̇ж̇уллад̇аасу нижчаранд̇ийсу асанияаа паланд̇ияаа нзва ад̣̇д̣̇аса, на бана сад̣̇д̣̇ам̣ ассосий’д̇и? ‘‘звамаавусо’’д̇и?

‘‘Ekamidāhaṃ, pukkusa, samayaṃ ātumāyaṃ viharāmi bhusāgāre. Tena kho pana samayena deve vassante deve gaḷagaḷāyante vijjullatāsu niccharantīsu asaniyā phalantiyā avidūre bhusāgārassa dve kassakā bhātaro hatā cattāro ca balibaddā ¹⁶⁸. Atha kho, pukkusa, ātumāya mahājanakāyo nikkhamitvā yena te dve kassakā bhātaro hatā cattāro ca balibaddā tenupasaṅkami. Tena kho panāhaṃ, pukkusa, samayena bhusāgārā nikkhamitvā bhusāgāradvāre abbhokāse caṅkamāmi. Atha kho, pukkusa, aññataro puriso tamhā mahājanakāyā yenāhaṃ tenupasaṅkami; upasaṅkamitvā maṃ abhivādetvā ekamantaṃ aṭṭhāsi. Ekamantaṃ ṭhitaṃ kho ahaṃ, pukkusa, taṃ purisaṃ etadavocaṃ – ‘kiṃ nu kho eso, āvuso, mahājanakāyo sannipatito’ti? ‘Idāni , bhante, deve vassante deve gaḷagaḷāyante vijjullatāsu niccharantīsu asaniyā phalantiyā dve kassakā bhātaro hatā cattāro ca balibaddā. Ettheso mahājanakāyo sannipatito. Tvaṃ pana, bhante, kva ahosī’ti? ‘Idheva kho ahaṃ, āvuso, ahosi’nti. ‘Kiṃ pana, bhante, addasā’ti? ‘Na kho ahaṃ, āvuso, addasa’nti. ‘Kiṃ pana, bhante, saddaṃ assosī’ti? ‘Na kho ahaṃ, āvuso, saddaṃ assosi’nti. ‘Kiṃ pana, bhante, sutto ahosī’ti? ‘Na kho ahaṃ, āvuso, sutto ahosi’nti. ‘Kiṃ pana, bhante, saññī ahosī’ti? ‘Evamāvuso’ti. ‘So tvaṃ, bhante, saññī samāno jāgaro deve vassante deve gaḷagaḷāyante vijjullatāsu niccharantīsu asaniyā phalantiyā neva addasa, na pana saddaṃ assosī’ti? ‘‘Evamāvuso’’ti?

‘‘ат̇а ко, буггуса, бурисасса зд̇ад̣̇ахоси – ‘ажчарияам̣ вад̇а бхо, аб̣бхуд̇ам̣ вад̇а бхо, санд̇зна вад̇а бхо баб̣б̣аж̇ид̇аа вихаарзна вихаранд̇и. яад̇ра хи наама сан̃н̃ий самаано ж̇ааг̇аро д̣̇звз вассанд̇з д̣̇звз г̇ал̣аг̇ал̣ааяанд̇з виж̇ж̇уллад̇аасу нижчаранд̇ийсу асанияаа паланд̇ияаа нзва д̣̇агкад̇и, на бана сад̣̇д̣̇ам̣ соссад̇ий’д̇и ¹⁶⁹. маяи ул̣аарам̣ басаад̣̇ам̣ бавзд̣̇зд̇ваа мам̣ абхиваад̣̇зд̇ваа бад̣̇агкин̣ам̣ гад̇ваа баггаамий’’д̇и.

‘‘Atha kho, pukkusa, purisassa etadahosi – ‘acchariyaṃ vata bho, abbhutaṃ vata bho, santena vata bho pabbajitā vihārena viharanti. Yatra hi nāma saññī samāno jāgaro deve vassante deve gaḷagaḷāyante vijjullatāsu niccharantīsu asaniyā phalantiyā neva dakkhati, na pana saddaṃ sossatī’ti ¹⁷⁰. Mayi uḷāraṃ pasādaṃ pavedetvā maṃ abhivādetvā padakkhiṇaṃ katvā pakkāmī’’ti.

звам̣ вуд̇д̇з буггусо маллабуд̇д̇о бхаг̇аванд̇ам̣ зд̇ад̣̇авожа – ‘‘зсаахам̣, бханд̇з, яо мз аал̣аарз гаалаамз басаад̣̇о д̇ам̣ махааваад̇з ваа опун̣аами сийгхасод̇ааяа ¹⁷¹ ваа над̣̇ияаа баваахзми. абхигганд̇ам̣, бханд̇з, абхигганд̇ам̣, бханд̇з! сзяяат̇ааби, бханд̇з, ниггуж̇ж̇ид̇ам̣ ваа уггуж̇ж̇зяяа, бадижчаннам̣ ваа виварзяяа, муул̣хасса ваа маг̇г̇ам̣ аажигкзяяа, анд̇хагаарз ваа д̇злабаж̇ж̇од̇ам̣ д̇хаарзяяа ‘жагкуманд̇о руубаани д̣̇агканд̇ий’д̇и; звамзвам̣ бхаг̇авад̇аа анзгабарияааязна д̇хаммо багаасид̇о. зсаахам̣, бханд̇з, бхаг̇аванд̇ам̣ саран̣ам̣ г̇ажчаами д̇хамман̃жа бхигкусан̇гхан̃жа. убаасагам̣ мам̣ бхаг̇аваа д̇хаарзд̇у аж̇ж̇ад̇аг̇г̇з баан̣убзд̇ам̣ саран̣ам̣ г̇ад̇а’’нд̇и.

Evaṃ vutte pukkuso mallaputto bhagavantaṃ etadavoca – ‘‘esāhaṃ, bhante, yo me āḷāre kālāme pasādo taṃ mahāvāte vā ophuṇāmi sīghasotāya ¹⁷² vā nadiyā pavāhemi. Abhikkantaṃ, bhante, abhikkantaṃ, bhante! Seyyathāpi, bhante, nikkujjitaṃ vā ukkujjeyya, paṭicchannaṃ vā vivareyya, mūḷhassa vā maggaṃ ācikkheyya, andhakāre vā telapajjotaṃ dhāreyya ‘cakkhumanto rūpāni dakkhantī’ti; evamevaṃ bhagavatā anekapariyāyena dhammo pakāsito. Esāhaṃ, bhante, bhagavantaṃ saraṇaṃ gacchāmi dhammañca bhikkhusaṅghañca. Upāsakaṃ maṃ bhagavā dhāretu ajjatagge pāṇupetaṃ saraṇaṃ gata’’nti.

194. ат̇а ко буггусо маллабуд̇д̇о ан̃н̃ад̇арам̣ бурисам̣ ааманд̇зси – ‘‘ин̇гха мз д̇вам̣, бхан̣з, син̇г̇ийван̣н̣ам̣ яуг̇амадтам̣ д̇хааран̣ийяам̣ аахараа’’д̇и. ‘‘звам̣, бханд̇з’’д̇и ко со бурисо буггусасса маллабуд̇д̇асса бадиссуд̇ваа д̇ам̣ син̇г̇ийван̣н̣ам̣ яуг̇амадтам̣ д̇хааран̣ийяам̣ аахари ¹⁷³. ат̇а ко буггусо маллабуд̇д̇о д̇ам̣ син̇г̇ийван̣н̣ам̣ яуг̇амадтам̣ д̇хааран̣ийяам̣ бхаг̇авад̇о убанаамзси – ‘‘ид̣̇ам̣, бханд̇з, син̇г̇ийван̣н̣ам̣ яуг̇амадтам̣ д̇хааран̣ийяам̣, д̇ам̣ мз бхаг̇аваа бадиг̇г̇ан̣хаад̇у анугамбам̣ убаад̣̇ааяаа’’д̇и. ‘‘д̇зна хи, буггуса, згзна мам̣ ажчаад̣̇зхи, згзна аананд̣̇а’’нд̇и. ‘‘звам̣, бханд̇з’’д̇и ко буггусо маллабуд̇д̇о бхаг̇авад̇о бадиссуд̇ваа згзна бхаг̇аванд̇ам̣ ажчаад̣̇зд̇и, згзна ааяасманд̇ам̣ аананд̣̇ам̣. ат̇а ко бхаг̇аваа буггусам̣ маллабуд̇д̇ам̣ д̇хаммияаа гат̇ааяа санд̣̇ассзси самаад̣̇абзси самуд̇д̇зж̇зси самбахам̣сзси. ат̇а ко буггусо маллабуд̇д̇о бхаг̇авад̇аа д̇хаммияаа гат̇ааяа санд̣̇ассид̇о самаад̣̇абид̇о самуд̇д̇зж̇ид̇о самбахам̣сид̇о удтааяаасанаа бхаг̇аванд̇ам̣ абхиваад̣̇зд̇ваа бад̣̇агкин̣ам̣ гад̇ваа баггаами.

194. Atha kho pukkuso mallaputto aññataraṃ purisaṃ āmantesi – ‘‘iṅgha me tvaṃ, bhaṇe, siṅgīvaṇṇaṃ yugamaṭṭhaṃ dhāraṇīyaṃ āharā’’ti. ‘‘Evaṃ, bhante’’ti kho so puriso pukkusassa mallaputtassa paṭissutvā taṃ siṅgīvaṇṇaṃ yugamaṭṭhaṃ dhāraṇīyaṃ āhari ¹⁷⁴. Atha kho pukkuso mallaputto taṃ siṅgīvaṇṇaṃ yugamaṭṭhaṃ dhāraṇīyaṃ bhagavato upanāmesi – ‘‘idaṃ, bhante, siṅgīvaṇṇaṃ yugamaṭṭhaṃ dhāraṇīyaṃ, taṃ me bhagavā paṭiggaṇhātu anukampaṃ upādāyā’’ti. ‘‘Tena hi, pukkusa, ekena maṃ acchādehi, ekena ānanda’’nti. ‘‘Evaṃ, bhante’’ti kho pukkuso mallaputto bhagavato paṭissutvā ekena bhagavantaṃ acchādeti, ekena āyasmantaṃ ānandaṃ. Atha kho bhagavā pukkusaṃ mallaputtaṃ dhammiyā kathāya sandassesi samādapesi samuttejesi sampahaṃsesi. Atha kho pukkuso mallaputto bhagavatā dhammiyā kathāya sandassito samādapito samuttejito sampahaṃsito uṭṭhāyāsanā bhagavantaṃ abhivādetvā padakkhiṇaṃ katvā pakkāmi.

195. ат̇а ко ааяасмаа аананд̣̇о ажирабагганд̇з буггусз маллабуд̇д̇з д̇ам̣ син̇г̇ийван̣н̣ам̣ яуг̇амадтам̣ д̇хааран̣ийяам̣ бхаг̇авад̇о гааяам̣ убанаамзси. д̇ам̣ бхаг̇авад̇о гааяам̣ убанаамид̇ам̣ хад̇ажжигам̣ вияа ¹⁷⁵ кааяад̇и. ат̇а ко ааяасмаа аананд̣̇о бхаг̇аванд̇ам̣ зд̇ад̣̇авожа – ‘‘ажчарияам̣, бханд̇з, аб̣бхуд̇ам̣, бханд̇з, яаава барисуд̣̇д̇хо, бханд̇з, д̇ат̇ааг̇ад̇асса чавиван̣н̣о барияод̣̇аад̇о. ид̣̇ам̣, бханд̇з, син̇г̇ийван̣н̣ам̣ яуг̇амадтам̣ д̇хааран̣ийяам̣ бхаг̇авад̇о гааяам̣ убанаамид̇ам̣ хад̇ажжигам̣ вияа кааяад̇ий’’д̇и. ‘‘звамзд̇ам̣, аананд̣̇а, звамзд̇ам̣, аананд̣̇а д̣̇вийсу гаалзсу ад̇ивияа д̇ат̇ааг̇ад̇асса гааяо барисуд̣̇д̇хо ход̇и чавиван̣н̣о барияод̣̇аад̇о. гад̇амзсу д̣̇вийсу? яан̃жа, аананд̣̇а, рад̇д̇им̣ д̇ат̇ааг̇ад̇о ануд̇д̇арам̣ саммаасамб̣од̇хим̣ абхисамб̣уж̇жхад̇и, яан̃жа рад̇д̇им̣ анубаад̣̇исзсааяа ниб̣б̣аанад̇хаад̇уяаа бариниб̣б̣ааяад̇и. имзсу ко, аананд̣̇а, д̣̇вийсу гаалзсу ад̇ивияа д̇ат̇ааг̇ад̇асса гааяо барисуд̣̇д̇хо ход̇и чавиван̣н̣о барияод̣̇аад̇о. ‘‘аж̇ж̇а ко, банаананд̣̇а, рад̇д̇ияаа бажчимз яаамз гусинаарааяам̣ убавад̇д̇анз маллаанам̣ саалаванз анд̇арзна ¹⁷⁶ яамагасаалаанам̣ д̇ат̇ааг̇ад̇асса бариниб̣б̣аанам̣ бхависсад̇и ¹⁷⁷. ааяаамаананд̣̇а, язна гагуд̇хаа над̣̇ий д̇знубасан̇гамиссаамаа’’д̇и. ‘‘звам̣, бханд̇з’’д̇и ко ааяасмаа аананд̣̇о бхаг̇авад̇о бажжассоси.

195. Atha kho āyasmā ānando acirapakkante pukkuse mallaputte taṃ siṅgīvaṇṇaṃ yugamaṭṭhaṃ dhāraṇīyaṃ bhagavato kāyaṃ upanāmesi. Taṃ bhagavato kāyaṃ upanāmitaṃ hataccikaṃ viya ¹⁷⁸ khāyati. Atha kho āyasmā ānando bhagavantaṃ etadavoca – ‘‘acchariyaṃ, bhante, abbhutaṃ, bhante, yāva parisuddho, bhante, tathāgatassa chavivaṇṇo pariyodāto. Idaṃ, bhante, siṅgīvaṇṇaṃ yugamaṭṭhaṃ dhāraṇīyaṃ bhagavato kāyaṃ upanāmitaṃ hataccikaṃ viya khāyatī’’ti. ‘‘Evametaṃ, ānanda, evametaṃ, ānanda dvīsu kālesu ativiya tathāgatassa kāyo parisuddho hoti chavivaṇṇo pariyodāto. Katamesu dvīsu? Yañca, ānanda, rattiṃ tathāgato anuttaraṃ sammāsambodhiṃ abhisambujjhati, yañca rattiṃ anupādisesāya nibbānadhātuyā parinibbāyati. Imesu kho, ānanda, dvīsu kālesu ativiya tathāgatassa kāyo parisuddho hoti chavivaṇṇo pariyodāto. ‘‘Ajja kho, panānanda, rattiyā pacchime yāme kusinārāyaṃ upavattane mallānaṃ sālavane antarena ¹⁷⁹ yamakasālānaṃ tathāgatassa parinibbānaṃ bhavissati ¹⁸⁰. Āyāmānanda, yena kakudhā nadī tenupasaṅkamissāmā’’ti. ‘‘Evaṃ, bhante’’ti kho āyasmā ānando bhagavato paccassosi.

син̇г̇ийван̣н̣ам̣ яуг̇амадтам̣, буггусо абхихаараяи;

Siṅgīvaṇṇaṃ yugamaṭṭhaṃ, pukkuso abhihārayi;

д̇зна ажчаад̣̇ид̇о сад̇т̇аа, хзмаван̣н̣о асобхат̇аад̇и.

Tena acchādito satthā, hemavaṇṇo asobhathāti.

196. ат̇а ко бхаг̇аваа махад̇аа бхигкусан̇гхзна сад̣̇д̇хим̣ язна гагуд̇хаа над̣̇ий д̇знубасан̇гами ; убасан̇гамид̇ваа гагуд̇хам̣ над̣̇им̣ аж̇жхог̇аахзд̇ваа нхад̇ваа жа бивид̇ваа жа бажжуд̇д̇арид̇ваа язна амб̣аванам̣ д̇знубасан̇гами. убасан̇гамид̇ваа ааяасманд̇ам̣ жунд̣̇агам̣ ааманд̇зси – ‘‘ин̇гха мз д̇вам̣, жунд̣̇ага, жад̇уг̇г̇ун̣ам̣ сан̇гхаадим̣ бан̃н̃абзхи, гиланд̇осми, жунд̣̇ага, нибаж̇ж̇иссаамий’’д̇и.

196. Atha kho bhagavā mahatā bhikkhusaṅghena saddhiṃ yena kakudhā nadī tenupasaṅkami ; upasaṅkamitvā kakudhaṃ nadiṃ ajjhogāhetvā nhatvā ca pivitvā ca paccuttaritvā yena ambavanaṃ tenupasaṅkami. Upasaṅkamitvā āyasmantaṃ cundakaṃ āmantesi – ‘‘iṅgha me tvaṃ, cundaka, catugguṇaṃ saṅghāṭiṃ paññapehi, kilantosmi, cundaka, nipajjissāmī’’ti.

‘‘звам̣, бханд̇з’’д̇и ко ааяасмаа жунд̣̇аго бхаг̇авад̇о бадиссуд̇ваа жад̇уг̇г̇ун̣ам̣ сан̇гхаадим̣ бан̃н̃абзси. ат̇а ко бхаг̇аваа д̣̇агкин̣зна бассзна сийхасзяяам̣ габбзси баад̣̇з баад̣̇ам̣ ажжаад̇хааяа сад̇о самбаж̇аано удтаанасан̃н̃ам̣ манасигарид̇ваа. ааяасмаа бана жунд̣̇аго д̇ад̇т̇зва бхаг̇авад̇о бурад̇о нисийд̣̇и.

‘‘Evaṃ, bhante’’ti kho āyasmā cundako bhagavato paṭissutvā catugguṇaṃ saṅghāṭiṃ paññapesi. Atha kho bhagavā dakkhiṇena passena sīhaseyyaṃ kappesi pāde pādaṃ accādhāya sato sampajāno uṭṭhānasaññaṃ manasikaritvā. Āyasmā pana cundako tattheva bhagavato purato nisīdi.

г̇анд̇ваана б̣уд̣̇д̇хо над̣̇игам̣ гагуд̇хам̣,

Gantvāna buddho nadikaṃ kakudhaṃ,

ажчод̣̇агам̣ саад̇уд̣̇агам̣ виббасаннам̣;

Acchodakaṃ sātudakaṃ vippasannaṃ;

ог̇аахи сад̇т̇аа агиланд̇аруубо ¹⁸¹,

Ogāhi satthā akilantarūpo ¹⁸²,

д̇ат̇ааг̇ад̇о аббадимо жа ¹⁸³ логз.

Tathāgato appaṭimo ca ¹⁸⁴ loke.

нхад̇ваа жа бивид̇ваа жуд̣̇ад̇аари сад̇т̇аа ¹⁸⁵,

Nhatvā ca pivitvā cudatāri satthā ¹⁸⁶,

бурагкад̇о бхигкуг̇ан̣асса маж̇жхз;

Purakkhato bhikkhugaṇassa majjhe;

вад̇д̇аа ¹⁸⁷ бавад̇д̇аа бхаг̇аваа ид̇ха д̇хаммз,

Vattā ¹⁸⁸ pavattā bhagavā idha dhamme,

убааг̇ами амб̣аванам̣ махзси.

Upāgami ambavanaṃ mahesi.

ааманд̇аяи жунд̣̇агам̣ наама бхигкум̣,

Āmantayi cundakaṃ nāma bhikkhuṃ,

жад̇уг̇г̇ун̣ам̣ сант̇ара мз нибаж̇ж̇ам̣;

Catugguṇaṃ santhara me nipajjaṃ;

со жод̣̇ид̇о бхаавид̇ад̇д̇зна жунд̣̇о,

So codito bhāvitattena cundo,

жад̇уг̇г̇ун̣ам̣ сант̇ари киббамзва.

Catugguṇaṃ santhari khippameva.

нибаж̇ж̇и сад̇т̇аа агиланд̇аруубо,

Nipajji satthā akilantarūpo,

жунд̣̇оби д̇ад̇т̇а бамукз ¹⁸⁹ нисийд̣̇ийд̇и.

Cundopi tattha pamukhe ¹⁹⁰ nisīdīti.

197. ат̇а ко бхаг̇аваа ааяасманд̇ам̣ аананд̣̇ам̣ ааманд̇зси – ‘‘сияаа ко ¹⁹¹, банаананд̣̇а, жунд̣̇асса гаммаарабуд̇д̇асса гожи виббадисаарам̣ уббаад̣̇зяяа – ‘д̇асса д̇з, аавусо жунд̣̇а, алаабхаа д̇асса д̇з д̣̇уллад̣̇д̇хам̣, яасса д̇з д̇ат̇ааг̇ад̇о бажчимам̣ бин̣д̣абаад̇ам̣ барибхун̃ж̇ид̇ваа бариниб̣б̣уд̇о’д̇и. жунд̣̇асса, аананд̣̇а, гаммаарабуд̇д̇асса звам̣ виббадисааро бадивинзд̇аб̣б̣о – ‘д̇асса д̇з, аавусо жунд̣̇а, лаабхаа д̇асса д̇з сулад̣̇д̇хам̣, яасса д̇з д̇ат̇ааг̇ад̇о бажчимам̣ бин̣д̣абаад̇ам̣ барибхун̃ж̇ид̇ваа бариниб̣б̣уд̇о. саммукаа мзд̇ам̣, аавусо жунд̣̇а, бхаг̇авад̇о суд̇ам̣ саммукаа бадиг̇г̇ахид̇ам̣ – д̣̇вз мз бин̣д̣абаад̇аа самасамапалаа ¹⁹² самавибаагаа ¹⁹³, ад̇ивияа ан̃н̃зхи бин̣д̣абаад̇зхи махабпалад̇араа жа махаанисам̣сад̇араа жа. гад̇амз д̣̇вз? яан̃жа бин̣д̣абаад̇ам̣ барибхун̃ж̇ид̇ваа д̇ат̇ааг̇ад̇о ануд̇д̇арам̣ саммаасамб̣од̇хим̣ абхисамб̣уж̇жхад̇и, яан̃жа бин̣д̣абаад̇ам̣ барибхун̃ж̇ид̇ваа д̇ат̇ааг̇ад̇о анубаад̣̇исзсааяа ниб̣б̣аанад̇хаад̇уяаа бариниб̣б̣ааяад̇и. имз д̣̇вз бин̣д̣абаад̇аа самасамапалаа самавибаагаа , ад̇ивияа ан̃н̃зхи бин̣д̣абаад̇зхи махабпалад̇араа жа махаанисам̣сад̇араа жа. ааяусам̣вад̇д̇анигам̣ ааяасмад̇аа жунд̣̇зна гаммаарабуд̇д̇зна гаммам̣ убажид̇ам̣, ван̣н̣асам̣вад̇д̇анигам̣ ааяасмад̇аа жунд̣̇зна гаммаарабуд̇д̇зна гаммам̣ убажид̇ам̣, сукасам̣вад̇д̇анигам̣ ааяасмад̇аа жунд̣̇зна гаммаарабуд̇д̇зна гаммам̣ убажид̇ам̣, яасасам̣вад̇д̇анигам̣ ааяасмад̇аа жунд̣̇зна гаммаарабуд̇д̇зна гаммам̣ убажид̇ам̣, саг̇г̇асам̣вад̇д̇анигам̣ ааяасмад̇аа жунд̣̇зна гаммаарабуд̇д̇зна гаммам̣ убажид̇ам̣, аад̇хибад̇зяяасам̣вад̇д̇анигам̣ ааяасмад̇аа жунд̣̇зна гаммаарабуд̇д̇зна гаммам̣ убажид̇а’нд̇и. жунд̣̇асса, аананд̣̇а, гаммаарабуд̇д̇асса звам̣ виббадисааро бадивинзд̇аб̣б̣о’’д̇и. ат̇а ко бхаг̇аваа зд̇амад̇т̇ам̣ вид̣̇ид̇ваа д̇ааяам̣ взлааяам̣ имам̣ уд̣̇аанам̣ уд̣̇аанзси –

197. Atha kho bhagavā āyasmantaṃ ānandaṃ āmantesi – ‘‘siyā kho ¹⁹⁴, panānanda, cundassa kammāraputtassa koci vippaṭisāraṃ uppādeyya – ‘tassa te, āvuso cunda, alābhā tassa te dulladdhaṃ, yassa te tathāgato pacchimaṃ piṇḍapātaṃ paribhuñjitvā parinibbuto’ti. Cundassa, ānanda, kammāraputtassa evaṃ vippaṭisāro paṭivinetabbo – ‘tassa te, āvuso cunda, lābhā tassa te suladdhaṃ, yassa te tathāgato pacchimaṃ piṇḍapātaṃ paribhuñjitvā parinibbuto. Sammukhā metaṃ, āvuso cunda, bhagavato sutaṃ sammukhā paṭiggahitaṃ – dve me piṇḍapātā samasamaphalā ¹⁹⁵ samavipākā ¹⁹⁶, ativiya aññehi piṇḍapātehi mahapphalatarā ca mahānisaṃsatarā ca. Katame dve? Yañca piṇḍapātaṃ paribhuñjitvā tathāgato anuttaraṃ sammāsambodhiṃ abhisambujjhati, yañca piṇḍapātaṃ paribhuñjitvā tathāgato anupādisesāya nibbānadhātuyā parinibbāyati. Ime dve piṇḍapātā samasamaphalā samavipākā , ativiya aññehi piṇḍapātehi mahapphalatarā ca mahānisaṃsatarā ca. Āyusaṃvattanikaṃ āyasmatā cundena kammāraputtena kammaṃ upacitaṃ, vaṇṇasaṃvattanikaṃ āyasmatā cundena kammāraputtena kammaṃ upacitaṃ, sukhasaṃvattanikaṃ āyasmatā cundena kammāraputtena kammaṃ upacitaṃ, yasasaṃvattanikaṃ āyasmatā cundena kammāraputtena kammaṃ upacitaṃ, saggasaṃvattanikaṃ āyasmatā cundena kammāraputtena kammaṃ upacitaṃ, ādhipateyyasaṃvattanikaṃ āyasmatā cundena kammāraputtena kammaṃ upacita’nti. Cundassa, ānanda, kammāraputtassa evaṃ vippaṭisāro paṭivinetabbo’’ti. Atha kho bhagavā etamatthaṃ viditvā tāyaṃ velāyaṃ imaṃ udānaṃ udānesi –

‘‘д̣̇ад̣̇ад̇о бун̃н̃ам̣ бавад̣дхад̇и,

‘‘Dadato puññaṃ pavaḍḍhati,

сам̣яамад̇о взрам̣ на жийяад̇и;

Saṃyamato veraṃ na cīyati;

гусало жа ж̇ахаад̇и баабагам̣,

Kusalo ca jahāti pāpakaṃ,

рааг̇ад̣̇осамохагкаяаа саниб̣б̣уд̇о’’д̇и.

Rāgadosamohakkhayā sanibbuto’’ti.

жад̇уд̇т̇о бхаан̣авааро.

Catuttho bhāṇavāro.

яамагасаалаа

Yamakasālā

198. ат̇а ко бхаг̇аваа ааяасманд̇ам̣ аананд̣̇ам̣ ааманд̇зси – ‘‘ааяаамаананд̣̇а, язна хиран̃н̃авад̇ияаа над̣̇ияаа бааримам̣ д̇ийрам̣, язна гусинаараа убавад̇д̇анам̣ маллаанам̣ саалаванам̣ д̇знубасан̇гамиссаамаа’’д̇и . ‘‘звам̣, бханд̇з’’д̇и ко ааяасмаа аананд̣̇о бхаг̇авад̇о бажжассоси. ат̇а ко бхаг̇аваа махад̇аа бхигкусан̇гхзна сад̣̇д̇хим̣ язна хиран̃н̃авад̇ияаа над̣̇ияаа бааримам̣ д̇ийрам̣, язна гусинаараа убавад̇д̇анам̣ маллаанам̣ саалаванам̣ д̇знубасан̇гами. убасан̇гамид̇ваа ааяасманд̇ам̣ аананд̣̇ам̣ ааманд̇зси – ‘‘ин̇гха мз д̇вам̣, аананд̣̇а, анд̇арзна яамагасаалаанам̣ уд̇д̇арасийсагам̣ ман̃жагам̣ бан̃н̃абзхи, гиланд̇осми, аананд̣̇а, нибаж̇ж̇иссаамий’’д̇и. ‘‘звам̣, бханд̇з’’д̇и ко ааяасмаа аананд̣̇о бхаг̇авад̇о бадиссуд̇ваа анд̇арзна яамагасаалаанам̣ уд̇д̇арасийсагам̣ ман̃жагам̣ бан̃н̃абзси. ат̇а ко бхаг̇аваа д̣̇агкин̣зна бассзна сийхасзяяам̣ габбзси баад̣̇з баад̣̇ам̣ ажжаад̇хааяа сад̇о самбаж̇аано.

198. Atha kho bhagavā āyasmantaṃ ānandaṃ āmantesi – ‘‘āyāmānanda, yena hiraññavatiyā nadiyā pārimaṃ tīraṃ, yena kusinārā upavattanaṃ mallānaṃ sālavanaṃ tenupasaṅkamissāmā’’ti . ‘‘Evaṃ, bhante’’ti kho āyasmā ānando bhagavato paccassosi. Atha kho bhagavā mahatā bhikkhusaṅghena saddhiṃ yena hiraññavatiyā nadiyā pārimaṃ tīraṃ, yena kusinārā upavattanaṃ mallānaṃ sālavanaṃ tenupasaṅkami. Upasaṅkamitvā āyasmantaṃ ānandaṃ āmantesi – ‘‘iṅgha me tvaṃ, ānanda, antarena yamakasālānaṃ uttarasīsakaṃ mañcakaṃ paññapehi, kilantosmi, ānanda, nipajjissāmī’’ti. ‘‘Evaṃ, bhante’’ti kho āyasmā ānando bhagavato paṭissutvā antarena yamakasālānaṃ uttarasīsakaṃ mañcakaṃ paññapesi. Atha kho bhagavā dakkhiṇena passena sīhaseyyaṃ kappesi pāde pādaṃ accādhāya sato sampajāno.

д̇зна ко бана самаязна яамагасаалаа саб̣б̣апаалипуллаа хонд̇и агаалабубпзхи. д̇з д̇ат̇ааг̇ад̇асса сарийрам̣ огиранд̇и аж̇жхогиранд̇и абхиббагиранд̇и д̇ат̇ааг̇ад̇асса бууж̇ааяа. д̣̇иб̣б̣ааниби манд̣̇ааравабубпаани анд̇алигкаа бабад̇анд̇и, д̇аани д̇ат̇ааг̇ад̇асса сарийрам̣ огиранд̇и аж̇жхогиранд̇и абхиббагиранд̇и д̇ат̇ааг̇ад̇асса бууж̇ааяа. д̣̇иб̣б̣ааниби жанд̣̇анажун̣н̣аани анд̇алигкаа бабад̇анд̇и, д̇аани д̇ат̇ааг̇ад̇асса сарийрам̣ огиранд̇и аж̇жхогиранд̇и абхиббагиранд̇и д̇ат̇ааг̇ад̇асса бууж̇ааяа. д̣̇иб̣б̣ааниби д̇уурияаани анд̇алигкз важ̇ж̇анд̇и д̇ат̇ааг̇ад̇асса бууж̇ааяа. д̣̇иб̣б̣ааниби сан̇г̇ийд̇аани анд̇алигкз вад̇д̇анд̇и д̇ат̇ааг̇ад̇асса бууж̇ааяа.

Tena kho pana samayena yamakasālā sabbaphāliphullā honti akālapupphehi. Te tathāgatassa sarīraṃ okiranti ajjhokiranti abhippakiranti tathāgatassa pūjāya. Dibbānipi mandāravapupphāni antalikkhā papatanti, tāni tathāgatassa sarīraṃ okiranti ajjhokiranti abhippakiranti tathāgatassa pūjāya. Dibbānipi candanacuṇṇāni antalikkhā papatanti, tāni tathāgatassa sarīraṃ okiranti ajjhokiranti abhippakiranti tathāgatassa pūjāya. Dibbānipi tūriyāni antalikkhe vajjanti tathāgatassa pūjāya. Dibbānipi saṅgītāni antalikkhe vattanti tathāgatassa pūjāya.

199. ат̇а ко бхаг̇аваа ааяасманд̇ам̣ аананд̣̇ам̣ ааманд̇зси – ‘‘саб̣б̣апаалипуллаа ко, аананд̣̇а, яамагасаалаа агаалабубпзхи. д̇з д̇ат̇ааг̇ад̇асса сарийрам̣ огиранд̇и аж̇жхогиранд̇и абхиббагиранд̇и д̇ат̇ааг̇ад̇асса бууж̇ааяа. д̣̇иб̣б̣ааниби манд̣̇ааравабубпаани анд̇алигкаа бабад̇анд̇и, д̇аани д̇ат̇ааг̇ад̇асса сарийрам̣ огиранд̇и аж̇жхогиранд̇и абхиббагиранд̇и д̇ат̇ааг̇ад̇асса бууж̇ааяа. д̣̇иб̣б̣ааниби жанд̣̇анажун̣н̣аани анд̇алигкаа бабад̇анд̇и, д̇аани д̇ат̇ааг̇ад̇асса сарийрам̣ огиранд̇и аж̇жхогиранд̇и абхиббагиранд̇и д̇ат̇ааг̇ад̇асса бууж̇ааяа. д̣̇иб̣б̣ааниби д̇уурияаани анд̇алигкз важ̇ж̇анд̇и д̇ат̇ааг̇ад̇асса бууж̇ааяа. д̣̇иб̣б̣ааниби сан̇г̇ийд̇аани анд̇алигкз вад̇д̇анд̇и д̇ат̇ааг̇ад̇асса бууж̇ааяа. на ко, аананд̣̇а, зд̇д̇аавад̇аа д̇ат̇ааг̇ад̇о саггад̇о ваа ход̇и г̇аругад̇о ваа маанид̇о ваа бууж̇ид̇о ваа абажид̇о ваа. яо ко, аананд̣̇а, бхигку ваа бхигкуний ваа убаасаго ваа убаасигаа ваа д̇хаммаануд̇хаммаббадибанно вихарад̇и саамийжиббадибанно ануд̇хаммажаарий, со д̇ат̇ааг̇ад̇ам̣ саггарод̇и г̇арум̣ гарод̇и маанзд̇и бууж̇зд̇и абажияад̇и ¹⁹⁷, барамааяа бууж̇ааяа. д̇асмаад̇ихаананд̣̇а, д̇хаммаануд̇хаммаббадибаннаа вихариссаама саамийжиббадибаннаа ануд̇хаммажааринод̇и. зван̃хи во, аананд̣̇а, сигкид̇аб̣б̣а’’нд̇и.

199. Atha kho bhagavā āyasmantaṃ ānandaṃ āmantesi – ‘‘sabbaphāliphullā kho, ānanda, yamakasālā akālapupphehi. Te tathāgatassa sarīraṃ okiranti ajjhokiranti abhippakiranti tathāgatassa pūjāya. Dibbānipi mandāravapupphāni antalikkhā papatanti, tāni tathāgatassa sarīraṃ okiranti ajjhokiranti abhippakiranti tathāgatassa pūjāya. Dibbānipi candanacuṇṇāni antalikkhā papatanti, tāni tathāgatassa sarīraṃ okiranti ajjhokiranti abhippakiranti tathāgatassa pūjāya. Dibbānipi tūriyāni antalikkhe vajjanti tathāgatassa pūjāya. Dibbānipi saṅgītāni antalikkhe vattanti tathāgatassa pūjāya. Na kho, ānanda, ettāvatā tathāgato sakkato vā hoti garukato vā mānito vā pūjito vā apacito vā. Yo kho, ānanda, bhikkhu vā bhikkhunī vā upāsako vā upāsikā vā dhammānudhammappaṭipanno viharati sāmīcippaṭipanno anudhammacārī, so tathāgataṃ sakkaroti garuṃ karoti māneti pūjeti apaciyati ¹⁹⁸, paramāya pūjāya. Tasmātihānanda, dhammānudhammappaṭipannā viharissāma sāmīcippaṭipannā anudhammacārinoti. Evañhi vo, ānanda, sikkhitabba’’nti.

убаваан̣ад̇т̇зро

Upavāṇatthero

200. д̇зна ко бана самаязна ааяасмаа убаваан̣о бхаг̇авад̇о бурад̇о тид̇о ход̇и бхаг̇аванд̇ам̣ б̣ийж̇аяамаано. ат̇а ко бхаг̇аваа ааяасманд̇ам̣ убаваан̣ам̣ абасаарзси – ‘‘абзхи, бхигку, маа мз бурад̇о адтаасий’’д̇и. ат̇а ко ааяасмад̇о аананд̣̇асса зд̇ад̣̇ахоси – ‘‘аяам̣ ко ааяасмаа убаваан̣о д̣̇ийгхарад̇д̇ам̣ бхаг̇авад̇о убадтааго санд̇игааважаро самийбажаарий. ат̇а жа бана бхаг̇аваа бажчимз гаалз ааяасманд̇ам̣ убаваан̣ам̣ абасаарзд̇и – ‘абзхи бхигку, маа мз бурад̇о адтаасий’д̇и. го ну ко хзд̇у, го бажжаяо, яам̣ бхаг̇аваа ааяасманд̇ам̣ убаваан̣ам̣ абасаарзд̇и – ‘абзхи, бхигку, маа мз бурад̇о адтаасий’д̇и? ат̇а ко ааяасмаа аананд̣̇о бхаг̇аванд̇ам̣ зд̇ад̣̇авожа – ‘аяам̣, бханд̇з, ааяасмаа убаваан̣о д̣̇ийгхарад̇д̇ам̣ бхаг̇авад̇о убадтааго санд̇игааважаро самийбажаарий. ат̇а жа бана бхаг̇аваа бажчимз гаалз ааяасманд̇ам̣ убаваан̣ам̣ абасаарзд̇и – ‘‘абзхи, бхигку, маа мз бурад̇о адтаасий’’д̇и. го ну ко, бханд̇з, хзд̇у, го бажжаяо, яам̣ бхаг̇аваа ааяасманд̇ам̣ убаваан̣ам̣ абасаарзд̇и – ‘‘абзхи, бхигку, маа мз бурад̇о адтаасий’’д̇и? ‘‘язбхуяязна, аананд̣̇а, д̣̇асасу логад̇хаад̇уусу д̣̇звад̇аа саннибад̇ид̇аа д̇ат̇ааг̇ад̇ам̣ д̣̇ассанааяа. яаавад̇аа, аананд̣̇а, гусинаараа убавад̇д̇анам̣ маллаанам̣ саалаванам̣ саманд̇ад̇о д̣̇ваад̣̇аса яож̇анаани, над̇т̇и со бад̣̇зсо ваалаг̇г̇агодинид̇уд̣̇анамад̇д̇оби махзсагкаахи д̣̇звад̇аахи абпудо. д̣̇звад̇аа, аананд̣̇а, уж̇жхааяанд̇и – ‘д̣̇уураа жа вад̇амха ааг̇ад̇аа д̇ат̇ааг̇ад̇ам̣ д̣̇ассанааяа. гад̣̇аажи гарахажи д̇ат̇ааг̇ад̇аа логз уббаж̇ж̇анд̇и араханд̇о саммаасамб̣уд̣̇д̇хаа. аж̇ж̇зва рад̇д̇ияаа бажчимз яаамз д̇ат̇ааг̇ад̇асса бариниб̣б̣аанам̣ бхависсад̇и. аяан̃жа махзсагко бхигку бхаг̇авад̇о бурад̇о тид̇о оваарзнд̇о, на маяам̣ лабхаама бажчимз гаалз д̇ат̇ааг̇ад̇ам̣ д̣̇ассанааяаа’’’д̇и.

200. Tena kho pana samayena āyasmā upavāṇo bhagavato purato ṭhito hoti bhagavantaṃ bījayamāno. Atha kho bhagavā āyasmantaṃ upavāṇaṃ apasāresi – ‘‘apehi, bhikkhu, mā me purato aṭṭhāsī’’ti. Atha kho āyasmato ānandassa etadahosi – ‘‘ayaṃ kho āyasmā upavāṇo dīgharattaṃ bhagavato upaṭṭhāko santikāvacaro samīpacārī. Atha ca pana bhagavā pacchime kāle āyasmantaṃ upavāṇaṃ apasāreti – ‘apehi bhikkhu, mā me purato aṭṭhāsī’ti. Ko nu kho hetu, ko paccayo, yaṃ bhagavā āyasmantaṃ upavāṇaṃ apasāreti – ‘apehi, bhikkhu, mā me purato aṭṭhāsī’ti? Atha kho āyasmā ānando bhagavantaṃ etadavoca – ‘ayaṃ, bhante, āyasmā upavāṇo dīgharattaṃ bhagavato upaṭṭhāko santikāvacaro samīpacārī. Atha ca pana bhagavā pacchime kāle āyasmantaṃ upavāṇaṃ apasāreti – ‘‘apehi, bhikkhu, mā me purato aṭṭhāsī’’ti. Ko nu kho, bhante, hetu, ko paccayo, yaṃ bhagavā āyasmantaṃ upavāṇaṃ apasāreti – ‘‘apehi, bhikkhu, mā me purato aṭṭhāsī’’ti? ‘‘Yebhuyyena, ānanda, dasasu lokadhātūsu devatā sannipatitā tathāgataṃ dassanāya. Yāvatā, ānanda, kusinārā upavattanaṃ mallānaṃ sālavanaṃ samantato dvādasa yojanāni, natthi so padeso vālaggakoṭinitudanamattopi mahesakkhāhi devatāhi apphuṭo. Devatā, ānanda, ujjhāyanti – ‘dūrā ca vatamha āgatā tathāgataṃ dassanāya. Kadāci karahaci tathāgatā loke uppajjanti arahanto sammāsambuddhā. Ajjeva rattiyā pacchime yāme tathāgatassa parinibbānaṃ bhavissati. Ayañca mahesakkho bhikkhu bhagavato purato ṭhito ovārento, na mayaṃ labhāma pacchime kāle tathāgataṃ dassanāyā’’’ti.

201. ‘‘гат̇ам̣бхууд̇аа бана, бханд̇з, бхаг̇аваа д̣̇звад̇аа манасигарод̇ий’’д̇и ¹⁹⁹? ‘‘санд̇аананд̣̇а, д̣̇звад̇аа аагаасз бат̇авийсан̃н̃инияо гзсз багирияа ганд̣̇анд̇и, б̣аахаа баг̇г̇аяха ганд̣̇анд̇и, чиннабаад̇ам̣ бабад̇анд̇и ²⁰⁰, аавадданд̇и, вивадданд̇и – ‘ад̇икиббам̣ бхаг̇аваа бариниб̣б̣ааяиссад̇и, ад̇икиббам̣ суг̇ад̇о бариниб̣б̣ааяиссад̇и, ад̇икиббам̣ жагкум̣ ²⁰¹ логз анд̇арад̇хам̣ааяиссад̇ий’д̇и.

201. ‘‘Kathaṃbhūtā pana, bhante, bhagavā devatā manasikarotī’’ti ²⁰²? ‘‘Santānanda, devatā ākāse pathavīsaññiniyo kese pakiriya kandanti, bāhā paggayha kandanti, chinnapātaṃ papatanti ²⁰³, āvaṭṭanti, vivaṭṭanti – ‘atikhippaṃ bhagavā parinibbāyissati, atikhippaṃ sugato parinibbāyissati, atikhippaṃ cakkhuṃ ²⁰⁴ loke antaradhaṃāyissatī’ti.

‘‘санд̇аананд̣̇а, д̣̇звад̇аа бат̇авияам̣ бат̇авийсан̃н̃инияо гзсз багирияа ганд̣̇анд̇и, б̣аахаа баг̇г̇аяха ганд̣̇анд̇и, чиннабаад̇ам̣ бабад̇анд̇и, аавадданд̇и, вивадданд̇и – ‘ад̇икиббам̣ бхаг̇аваа бариниб̣б̣ааяиссад̇и, ад̇икиббам̣ суг̇ад̇о бариниб̣б̣ааяиссад̇и, ад̇икиббам̣ жагкум̣ логз анд̇арад̇хааяиссад̇ий’’’д̇и.

‘‘Santānanda, devatā pathaviyaṃ pathavīsaññiniyo kese pakiriya kandanti, bāhā paggayha kandanti, chinnapātaṃ papatanti, āvaṭṭanti, vivaṭṭanti – ‘atikhippaṃ bhagavā parinibbāyissati, atikhippaṃ sugato parinibbāyissati, atikhippaṃ cakkhuṃ loke antaradhāyissatī’’’ti.

‘‘яаа бана д̇аа д̣̇звад̇аа вийд̇арааг̇аа, д̇аа сад̇аа самбаж̇аанаа ад̇хиваасзнд̇и – ‘анижжаа сан̇каараа, д̇ам̣ гуд̇зд̇т̇а лаб̣бхаа’д̇и.

‘‘Yā pana tā devatā vītarāgā, tā satā sampajānā adhivāsenti – ‘aniccā saṅkhārā, taṃ kutettha labbhā’ti.

жад̇усам̣взж̇анийяадтаанаани

Catusaṃvejanīyaṭṭhānāni

202. ‘‘буб̣б̣з , бханд̇з, д̣̇исаасу вассам̣ вудтаа ²⁰⁵ бхигкуу ааг̇ажчанд̇и д̇ат̇ааг̇ад̇ам̣ д̣̇ассанааяа. д̇з маяам̣ лабхаама манобхааванийяз бхигкуу д̣̇ассанааяа, лабхаама баяирубаасанааяа. бхаг̇авад̇о бана маяам̣, бханд̇з, ажжаязна на лабхиссаама манобхааванийяз бхигкуу д̣̇ассанааяа, на лабхиссаама баяирубаасанааяаа’’д̇и.

202. ‘‘Pubbe , bhante, disāsu vassaṃ vuṭṭhā ²⁰⁶ bhikkhū āgacchanti tathāgataṃ dassanāya. Te mayaṃ labhāma manobhāvanīye bhikkhū dassanāya, labhāma payirupāsanāya. Bhagavato pana mayaṃ, bhante, accayena na labhissāma manobhāvanīye bhikkhū dassanāya, na labhissāma payirupāsanāyā’’ti.

‘‘жад̇д̇ааримаани, аананд̣̇а, сад̣̇д̇хасса гулабуд̇д̇асса д̣̇ассанийяаани сам̣взж̇анийяаани таанаани. гад̇амаани жад̇д̇аари? ‘ид̇ха д̇ат̇ааг̇ад̇о ж̇аад̇о’д̇и, аананд̣̇а, сад̣̇д̇хасса гулабуд̇д̇асса д̣̇ассанийяам̣ сам̣взж̇анийяам̣ таанам̣. ‘ид̇ха д̇ат̇ааг̇ад̇о ануд̇д̇арам̣ саммаасамб̣од̇хим̣ абхисамб̣уд̣̇д̇хо’д̇и, аананд̣̇а, сад̣̇д̇хасса гулабуд̇д̇асса д̣̇ассанийяам̣ сам̣взж̇анийяам̣ таанам̣. ‘ид̇ха д̇ат̇ааг̇ад̇зна ануд̇д̇арам̣ д̇хаммажаггам̣ бавад̇д̇ид̇а’нд̇и, аананд̣̇а, сад̣̇д̇хасса гулабуд̇д̇асса д̣̇ассанийяам̣ сам̣взж̇анийяам̣ таанам̣. ‘ид̇ха д̇ат̇ааг̇ад̇о анубаад̣̇исзсааяа ниб̣б̣аанад̇хаад̇уяаа бариниб̣б̣уд̇о’д̇и, аананд̣̇а, сад̣̇д̇хасса гулабуд̇д̇асса д̣̇ассанийяам̣ сам̣взж̇анийяам̣ таанам̣. имаани ко , аананд̣̇а, жад̇д̇аари сад̣̇д̇хасса гулабуд̇д̇асса д̣̇ассанийяаани сам̣взж̇анийяаани таанаани.

‘‘Cattārimāni, ānanda, saddhassa kulaputtassa dassanīyāni saṃvejanīyāni ṭhānāni. Katamāni cattāri? ‘Idha tathāgato jāto’ti, ānanda, saddhassa kulaputtassa dassanīyaṃ saṃvejanīyaṃ ṭhānaṃ. ‘Idha tathāgato anuttaraṃ sammāsambodhiṃ abhisambuddho’ti, ānanda, saddhassa kulaputtassa dassanīyaṃ saṃvejanīyaṃ ṭhānaṃ. ‘Idha tathāgatena anuttaraṃ dhammacakkaṃ pavattita’nti, ānanda, saddhassa kulaputtassa dassanīyaṃ saṃvejanīyaṃ ṭhānaṃ. ‘Idha tathāgato anupādisesāya nibbānadhātuyā parinibbuto’ti, ānanda, saddhassa kulaputtassa dassanīyaṃ saṃvejanīyaṃ ṭhānaṃ. Imāni kho , ānanda, cattāri saddhassa kulaputtassa dassanīyāni saṃvejanīyāni ṭhānāni.

‘‘ааг̇амиссанд̇и ко, аананд̣̇а, сад̣̇д̇хаа бхигкуу бхигкунияо убаасагаа убаасигааяо – ‘ид̇ха д̇ат̇ааг̇ад̇о ж̇аад̇о’д̇иби, ‘ид̇ха д̇ат̇ааг̇ад̇о ануд̇д̇арам̣ саммаасамб̣од̇хим̣ абхисамб̣уд̣̇д̇хо’д̇иби, ‘ид̇ха д̇ат̇ааг̇ад̇зна ануд̇д̇арам̣ д̇хаммажаггам̣ бавад̇д̇ид̇а’нд̇иби, ‘ид̇ха д̇ат̇ааг̇ад̇о анубаад̣̇исзсааяа ниб̣б̣аанад̇хаад̇уяаа бариниб̣б̣уд̇о’д̇иби. яз хи гзжи, аананд̣̇а, жзд̇ияажааригам̣ аахин̣д̣анд̇аа басаннажид̇д̇аа гаалан̇гариссанд̇и, саб̣б̣з д̇з гааяасса бхзд̣̇аа барам̣ маран̣аа суг̇ад̇им̣ саг̇г̇ам̣ логам̣ убабаж̇ж̇иссанд̇ий’’д̇и.

‘‘Āgamissanti kho, ānanda, saddhā bhikkhū bhikkhuniyo upāsakā upāsikāyo – ‘idha tathāgato jāto’tipi, ‘idha tathāgato anuttaraṃ sammāsambodhiṃ abhisambuddho’tipi, ‘idha tathāgatena anuttaraṃ dhammacakkaṃ pavattita’ntipi, ‘idha tathāgato anupādisesāya nibbānadhātuyā parinibbuto’tipi. Ye hi keci, ānanda, cetiyacārikaṃ āhiṇḍantā pasannacittā kālaṅkarissanti, sabbe te kāyassa bhedā paraṃ maraṇā sugatiṃ saggaṃ lokaṃ upapajjissantī’’ti.

аананд̣̇абужчаагат̇аа

Ānandapucchākathā

203. ‘‘гат̇ам̣ маяам̣, бханд̇з, маад̇уг̇аамз бадибаж̇ж̇аамаа’’д̇и? ‘‘ад̣̇ассанам̣, аананд̣̇аа’’д̇и. ‘‘д̣̇ассанз, бхаг̇аваа, сад̇и гат̇ам̣ бадибаж̇ж̇ид̇аб̣б̣а’’нд̇и? ‘‘анаалаабо, аананд̣̇аа’’д̇и . ‘‘аалабанд̇зна бана, бханд̇з, гат̇ам̣ бадибаж̇ж̇ид̇аб̣б̣а’’нд̇и? ‘‘сад̇и, аананд̣̇а, убадтаабзд̇аб̣б̣аа’’д̇и.

203. ‘‘Kathaṃ mayaṃ, bhante, mātugāme paṭipajjāmā’’ti? ‘‘Adassanaṃ, ānandā’’ti. ‘‘Dassane, bhagavā, sati kathaṃ paṭipajjitabba’’nti? ‘‘Anālāpo, ānandā’’ti . ‘‘Ālapantena pana, bhante, kathaṃ paṭipajjitabba’’nti? ‘‘Sati, ānanda, upaṭṭhāpetabbā’’ti.

204. ‘‘гат̇ам̣ маяам̣, бханд̇з, д̇ат̇ааг̇ад̇асса сарийрз бадибаж̇ж̇аамаа’’д̇и? ‘‘аб̣яаавадаа д̇умхз, аананд̣̇а, хот̇а д̇ат̇ааг̇ад̇асса сарийрабууж̇ааяа. ин̇гха д̇умхз, аананд̣̇а, саарад̇т̇з гхадат̇а ануяун̃ж̇ат̇а ²⁰⁷, саарад̇т̇з аббамад̇д̇аа аад̇аабино бахид̇ад̇д̇аа вихарат̇а. санд̇аананд̣̇а, кад̇д̇ияабан̣д̣ид̇ааби б̣раахман̣абан̣д̣ид̇ааби г̇ахабад̇ибан̣д̣ид̇ааби д̇ат̇ааг̇ад̇з абхиббасаннаа, д̇з д̇ат̇ааг̇ад̇асса сарийрабууж̇ам̣ гариссанд̇ий’’д̇и.

204. ‘‘Kathaṃ mayaṃ, bhante, tathāgatassa sarīre paṭipajjāmā’’ti? ‘‘Abyāvaṭā tumhe, ānanda, hotha tathāgatassa sarīrapūjāya. Iṅgha tumhe, ānanda, sāratthe ghaṭatha anuyuñjatha ²⁰⁸, sāratthe appamattā ātāpino pahitattā viharatha. Santānanda, khattiyapaṇḍitāpi brāhmaṇapaṇḍitāpi gahapatipaṇḍitāpi tathāgate abhippasannā, te tathāgatassa sarīrapūjaṃ karissantī’’ti.

205. ‘‘гат̇ам̣ бана, бханд̇з, д̇ат̇ааг̇ад̇асса сарийрз бадибаж̇ж̇ид̇аб̣б̣а’’нд̇и? ‘‘яат̇аа ко, аананд̣̇а, ран̃н̃о жаггавад̇д̇исса сарийрз бадибаж̇ж̇анд̇и, звам̣ д̇ат̇ааг̇ад̇асса сарийрз бадибаж̇ж̇ид̇аб̣б̣а’’нд̇и. ‘‘гат̇ам̣ бана, бханд̇з, ран̃н̃о жаггавад̇д̇исса сарийрз бадибаж̇ж̇анд̇ий’’д̇и? ‘‘ран̃н̃о, аананд̣̇а, жаггавад̇д̇исса сарийрам̣ ахад̇зна вад̇т̇зна взтзнд̇и, ахад̇зна вад̇т̇зна взтзд̇ваа вихад̇зна габбаасзна взтзнд̇и, вихад̇зна габбаасзна взтзд̇ваа ахад̇зна вад̇т̇зна взтзнд̇и. зд̇знубааязна бан̃жахи яуг̇асад̇зхи ран̃н̃о жаггавад̇д̇исса сарийрам̣ ²⁰⁹ взтзд̇ваа ааяасааяа д̇злад̣̇он̣ияаа багкибид̇ваа ан̃н̃иссаа ааяасааяа д̣̇он̣ияаа бадигуж̇ж̇ид̇ваа саб̣б̣аг̇анд̇хаанам̣ жид̇агам̣ гарид̇ваа ран̃н̃о жаггавад̇д̇исса сарийрам̣ жхаабзнд̇и. жаад̇умахаабат̇з ²¹⁰ ран̃н̃о жаггавад̇д̇исса т̇уубам̣ гаронд̇и . звам̣ ко, аананд̣̇а, ран̃н̃о жаггавад̇д̇исса сарийрз бадибаж̇ж̇анд̇и. яат̇аа ко, аананд̣̇а, ран̃н̃о жаггавад̇д̇исса сарийрз бадибаж̇ж̇анд̇и, звам̣ д̇ат̇ааг̇ад̇асса сарийрз бадибаж̇ж̇ид̇аб̣б̣ам̣. жаад̇умахаабат̇з д̇ат̇ааг̇ад̇асса т̇уубо гаад̇аб̣б̣о. д̇ад̇т̇а яз маалам̣ ваа г̇анд̇хам̣ ваа жун̣н̣агам̣ ²¹¹ ваа ааробзссанд̇и ваа абхиваад̣̇зссанд̇и ваа жид̇д̇ам̣ ваа басаад̣̇зссанд̇и д̇зсам̣ д̇ам̣ бхависсад̇и д̣̇ийгхарад̇д̇ам̣ хид̇ааяа сукааяа.

205. ‘‘Kathaṃ pana, bhante, tathāgatassa sarīre paṭipajjitabba’’nti? ‘‘Yathā kho, ānanda, rañño cakkavattissa sarīre paṭipajjanti, evaṃ tathāgatassa sarīre paṭipajjitabba’’nti. ‘‘Kathaṃ pana, bhante, rañño cakkavattissa sarīre paṭipajjantī’’ti? ‘‘Rañño, ānanda, cakkavattissa sarīraṃ ahatena vatthena veṭhenti, ahatena vatthena veṭhetvā vihatena kappāsena veṭhenti, vihatena kappāsena veṭhetvā ahatena vatthena veṭhenti. Etenupāyena pañcahi yugasatehi rañño cakkavattissa sarīraṃ ²¹² veṭhetvā āyasāya teladoṇiyā pakkhipitvā aññissā āyasāya doṇiyā paṭikujjitvā sabbagandhānaṃ citakaṃ karitvā rañño cakkavattissa sarīraṃ jhāpenti. Cātumahāpathe ²¹³ rañño cakkavattissa thūpaṃ karonti . Evaṃ kho, ānanda, rañño cakkavattissa sarīre paṭipajjanti. Yathā kho, ānanda, rañño cakkavattissa sarīre paṭipajjanti, evaṃ tathāgatassa sarīre paṭipajjitabbaṃ. Cātumahāpathe tathāgatassa thūpo kātabbo. Tattha ye mālaṃ vā gandhaṃ vā cuṇṇakaṃ ²¹⁴ vā āropessanti vā abhivādessanti vā cittaṃ vā pasādessanti tesaṃ taṃ bhavissati dīgharattaṃ hitāya sukhāya.

т̇уубаарахабуг̇г̇ало

Thūpārahapuggalo

206. ‘‘жад̇д̇ааромз, аананд̣̇а, т̇уубаарахаа. гад̇амз жад̇д̇ааро? д̇ат̇ааг̇ад̇о арахам̣ саммаасамб̣уд̣̇д̇хо т̇уубаарахо, бажжзгасамб̣уд̣̇д̇хо т̇уубаарахо, д̇ат̇ааг̇ад̇асса сааваго т̇уубаарахо, рааж̇аа жаггавад̇д̇ий ²¹⁵ т̇уубаараход̇и.

206. ‘‘Cattārome, ānanda, thūpārahā. Katame cattāro? Tathāgato arahaṃ sammāsambuddho thūpāraho, paccekasambuddho thūpāraho, tathāgatassa sāvako thūpāraho, rājā cakkavattī ²¹⁶ thūpārahoti.

‘‘гин̃жаананд̣̇а , ад̇т̇авасам̣ бадижжа д̇ат̇ааг̇ад̇о арахам̣ саммаасамб̣уд̣̇д̇хо т̇уубаарахо? ‘аяам̣ д̇асса бхаг̇авад̇о арахад̇о саммаасамб̣уд̣̇д̇хасса т̇уубо’д̇и, аананд̣̇а, б̣ахуж̇анаа жид̇д̇ам̣ басаад̣̇знд̇и. д̇з д̇ад̇т̇а жид̇д̇ам̣ басаад̣̇зд̇ваа гааяасса бхзд̣̇аа барам̣ маран̣аа суг̇ад̇им̣ саг̇г̇ам̣ логам̣ убабаж̇ж̇анд̇и. ид̣̇ам̣ ко, аананд̣̇а, ад̇т̇авасам̣ бадижжа д̇ат̇ааг̇ад̇о арахам̣ саммаасамб̣уд̣̇д̇хо т̇уубаарахо.

‘‘Kiñcānanda , atthavasaṃ paṭicca tathāgato arahaṃ sammāsambuddho thūpāraho? ‘Ayaṃ tassa bhagavato arahato sammāsambuddhassa thūpo’ti, ānanda, bahujanā cittaṃ pasādenti. Te tattha cittaṃ pasādetvā kāyassa bhedā paraṃ maraṇā sugatiṃ saggaṃ lokaṃ upapajjanti. Idaṃ kho, ānanda, atthavasaṃ paṭicca tathāgato arahaṃ sammāsambuddho thūpāraho.

‘‘гин̃жаананд̣̇а, ад̇т̇авасам̣ бадижжа бажжзгасамб̣уд̣̇д̇хо т̇уубаарахо? ‘аяам̣ д̇асса бхаг̇авад̇о бажжзгасамб̣уд̣̇д̇хасса т̇уубо’д̇и, аананд̣̇а, б̣ахуж̇анаа жид̇д̇ам̣ басаад̣̇знд̇и. д̇з д̇ад̇т̇а жид̇д̇ам̣ басаад̣̇зд̇ваа гааяасса бхзд̣̇аа барам̣ маран̣аа суг̇ад̇им̣ саг̇г̇ам̣ логам̣ убабаж̇ж̇анд̇и. ид̣̇ам̣ ко, аананд̣̇а, ад̇т̇авасам̣ бадижжа бажжзгасамб̣уд̣̇д̇хо т̇уубаарахо.

‘‘Kiñcānanda, atthavasaṃ paṭicca paccekasambuddho thūpāraho? ‘Ayaṃ tassa bhagavato paccekasambuddhassa thūpo’ti, ānanda, bahujanā cittaṃ pasādenti. Te tattha cittaṃ pasādetvā kāyassa bhedā paraṃ maraṇā sugatiṃ saggaṃ lokaṃ upapajjanti. Idaṃ kho, ānanda, atthavasaṃ paṭicca paccekasambuddho thūpāraho.

‘‘гин̃жаананд̣̇а, ад̇т̇авасам̣ бадижжа д̇ат̇ааг̇ад̇асса сааваго т̇уубаарахо? ‘аяам̣ д̇асса бхаг̇авад̇о арахад̇о саммаасамб̣уд̣̇д̇хасса саавагасса т̇уубо’д̇и аананд̣̇а, б̣ахуж̇анаа жид̇д̇ам̣ басаад̣̇знд̇и. д̇з д̇ад̇т̇а жид̇д̇ам̣ басаад̣̇зд̇ваа гааяасса бхзд̣̇аа барам̣ маран̣аа суг̇ад̇им̣ саг̇г̇ам̣ логам̣ убабаж̇ж̇анд̇и. ид̣̇ам̣ ко, аананд̣̇а, ад̇т̇авасам̣ бадижжа д̇ат̇ааг̇ад̇асса сааваго т̇уубаарахо.

‘‘Kiñcānanda, atthavasaṃ paṭicca tathāgatassa sāvako thūpāraho? ‘Ayaṃ tassa bhagavato arahato sammāsambuddhassa sāvakassa thūpo’ti ānanda, bahujanā cittaṃ pasādenti. Te tattha cittaṃ pasādetvā kāyassa bhedā paraṃ maraṇā sugatiṃ saggaṃ lokaṃ upapajjanti. Idaṃ kho, ānanda, atthavasaṃ paṭicca tathāgatassa sāvako thūpāraho.

‘‘гин̃жаананд̣̇а, ад̇т̇авасам̣ бадижжа рааж̇аа жаггавад̇д̇ий т̇уубаарахо? ‘аяам̣ д̇асса д̇хаммигасса д̇хаммаран̃н̃о т̇уубо’д̇и, аананд̣̇а, б̣ахуж̇анаа жид̇д̇ам̣ басаад̣̇знд̇и. д̇з д̇ад̇т̇а жид̇д̇ам̣ басаад̣̇зд̇ваа гааяасса бхзд̣̇аа барам̣ маран̣аа суг̇ад̇им̣ саг̇г̇ам̣ логам̣ убабаж̇ж̇анд̇и. ид̣̇ам̣ ко, аананд̣̇а, ад̇т̇авасам̣ бадижжа рааж̇аа жаггавад̇д̇ий т̇уубаарахо. имз ко, аананд̣̇а жад̇д̇ааро т̇уубаарахаа’’д̇и.

‘‘Kiñcānanda, atthavasaṃ paṭicca rājā cakkavattī thūpāraho? ‘Ayaṃ tassa dhammikassa dhammarañño thūpo’ti, ānanda, bahujanā cittaṃ pasādenti. Te tattha cittaṃ pasādetvā kāyassa bhedā paraṃ maraṇā sugatiṃ saggaṃ lokaṃ upapajjanti. Idaṃ kho, ānanda, atthavasaṃ paṭicca rājā cakkavattī thūpāraho. Ime kho, ānanda cattāro thūpārahā’’ti.

аананд̣̇аажчарияад̇хаммо

Ānandaacchariyadhammo

207. ат̇а ко ааяасмаа аананд̣̇о вихаарам̣ бависид̇ваа габисийсам̣ ааламб̣ид̇ваа род̣̇амаано адтааси – ‘‘ахан̃жа вад̇амхи сзко сагаран̣ийяо, сад̇т̇у жа мз бариниб̣б̣аанам̣ бхависсад̇и, яо мама анугамбаго’’д̇и. ат̇а ко бхаг̇аваа бхигкуу ааманд̇зси – ‘‘гахам̣ ну ко, бхигкавз, аананд̣̇о’’д̇и? ‘‘зсо, бханд̇з, ааяасмаа аананд̣̇о вихаарам̣ бависид̇ваа габисийсам̣ ааламб̣ид̇ваа род̣̇амаано тид̇о – ‘ахан̃жа вад̇амхи сзко сагаран̣ийяо, сад̇т̇у жа мз бариниб̣б̣аанам̣ бхависсад̇и, яо мама анугамбаго’’’д̇и. ат̇а ко бхаг̇аваа ан̃н̃ад̇арам̣ бхигкум̣ ааманд̇зси – ‘‘зхи д̇вам̣, бхигку, мама важанзна аананд̣̇ам̣ ааманд̇зхи – ‘сад̇т̇аа д̇ам̣, аавусо аананд̣̇а, ааманд̇зд̇ий’’’д̇и. ‘‘звам̣ , бханд̇з’’д̇и ко со бхигку бхаг̇авад̇о бадиссуд̇ваа язнааяасмаа аананд̣̇о д̇знубасан̇гами; убасан̇гамид̇ваа ааяасманд̇ам̣ аананд̣̇ам̣ зд̇ад̣̇авожа – ‘‘сад̇т̇аа д̇ам̣, аавусо аананд̣̇а, ааманд̇зд̇ий’’д̇и. ‘‘звамаавусо’’д̇и ко ааяасмаа аананд̣̇о д̇асса бхигкуно бадиссуд̇ваа язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисиннам̣ ко ааяасманд̇ам̣ аананд̣̇ам̣ бхаг̇аваа зд̇ад̣̇авожа – ‘‘алам̣, аананд̣̇а, маа сожи маа барид̣̇зви, нану зд̇ам̣, аананд̣̇а, маяаа бадигажжзва агкаад̇ам̣ – ‘саб̣б̣зхзва биязхи манаабзхи наанаабхааво винаабхааво ан̃н̃ат̇аабхааво’; д̇ам̣ гуд̇зд̇т̇а, аананд̣̇а, лаб̣бхаа. яам̣ д̇ам̣ ж̇аад̇ам̣ бхууд̇ам̣ сан̇кад̇ам̣ балогад̇хаммам̣, д̇ам̣ вад̇а д̇ат̇ааг̇ад̇ассааби сарийрам̣ маа балуж̇ж̇ий’д̇и нзд̇ам̣ таанам̣ виж̇ж̇ад̇и. д̣̇ийгхарад̇д̇ам̣ ко д̇з, аананд̣̇а, д̇ат̇ааг̇ад̇о бажжубадтид̇о мзд̇д̇зна гааяагаммзна хид̇зна сукзна ад̣̇ваязна аббамаан̣зна, мзд̇д̇зна важийгаммзна хид̇зна сукзна ад̣̇ваязна аббамаан̣зна, мзд̇д̇зна маногаммзна хид̇зна сукзна ад̣̇ваязна аббамаан̣зна. гад̇абун̃н̃оси д̇вам̣, аананд̣̇а, бад̇хаанамануяун̃ж̇а, киббам̣ хохиси анаасаво’’д̇и.

207. Atha kho āyasmā ānando vihāraṃ pavisitvā kapisīsaṃ ālambitvā rodamāno aṭṭhāsi – ‘‘ahañca vatamhi sekho sakaraṇīyo, satthu ca me parinibbānaṃ bhavissati, yo mama anukampako’’ti. Atha kho bhagavā bhikkhū āmantesi – ‘‘kahaṃ nu kho, bhikkhave, ānando’’ti? ‘‘Eso, bhante, āyasmā ānando vihāraṃ pavisitvā kapisīsaṃ ālambitvā rodamāno ṭhito – ‘ahañca vatamhi sekho sakaraṇīyo, satthu ca me parinibbānaṃ bhavissati, yo mama anukampako’’’ti. Atha kho bhagavā aññataraṃ bhikkhuṃ āmantesi – ‘‘ehi tvaṃ, bhikkhu, mama vacanena ānandaṃ āmantehi – ‘satthā taṃ, āvuso ānanda, āmantetī’’’ti. ‘‘Evaṃ , bhante’’ti kho so bhikkhu bhagavato paṭissutvā yenāyasmā ānando tenupasaṅkami; upasaṅkamitvā āyasmantaṃ ānandaṃ etadavoca – ‘‘satthā taṃ, āvuso ānanda, āmantetī’’ti. ‘‘Evamāvuso’’ti kho āyasmā ānando tassa bhikkhuno paṭissutvā yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinnaṃ kho āyasmantaṃ ānandaṃ bhagavā etadavoca – ‘‘alaṃ, ānanda, mā soci mā paridevi, nanu etaṃ, ānanda, mayā paṭikacceva akkhātaṃ – ‘sabbeheva piyehi manāpehi nānābhāvo vinābhāvo aññathābhāvo’; taṃ kutettha, ānanda, labbhā. Yaṃ taṃ jātaṃ bhūtaṃ saṅkhataṃ palokadhammaṃ, taṃ vata tathāgatassāpi sarīraṃ mā palujjī’ti netaṃ ṭhānaṃ vijjati. Dīgharattaṃ kho te, ānanda, tathāgato paccupaṭṭhito mettena kāyakammena hitena sukhena advayena appamāṇena, mettena vacīkammena hitena sukhena advayena appamāṇena, mettena manokammena hitena sukhena advayena appamāṇena. Katapuññosi tvaṃ, ānanda, padhānamanuyuñja, khippaṃ hohisi anāsavo’’ti.

208. ат̇а ко бхаг̇аваа бхигкуу ааманд̇зси – ‘‘язби д̇з, бхигкавз, ахзсум̣ ад̇ийд̇амад̣̇д̇хаанам̣ араханд̇о саммаасамб̣уд̣̇д̇хаа, д̇зсамби бхаг̇аванд̇аанам̣ зд̇аббарамааязва убадтаагаа ахзсум̣, сзяяат̇ааби маяхам̣ аананд̣̇о. язби д̇з, бхигкавз, бхависсанд̇и анааг̇ад̇амад̣̇д̇хаанам̣ араханд̇о саммаасамб̣уд̣̇д̇хаа, д̇зсамби бхаг̇аванд̇аанам̣ зд̇аббарамааязва убадтаагаа бхависсанд̇и, сзяяат̇ааби маяхам̣ аананд̣̇о. бан̣д̣ид̇о, бхигкавз, аананд̣̇о; мзд̇хаавий, бхигкавз, аананд̣̇о. ж̇аанаад̇и ‘аяам̣ гаало д̇ат̇ааг̇ад̇ам̣ д̣̇ассанааяа убасан̇гамид̇ум̣ бхигкуунам̣, аяам̣ гаало бхигкунийнам̣, аяам̣ гаало убаасагаанам̣ , аяам̣ гаало убаасигаанам̣, аяам̣ гаало ран̃н̃о рааж̇амахаамад̇д̇аанам̣ д̇ид̇т̇ияаанам̣ д̇ид̇т̇ияасаавагаана’нд̇и.

208. Atha kho bhagavā bhikkhū āmantesi – ‘‘yepi te, bhikkhave, ahesuṃ atītamaddhānaṃ arahanto sammāsambuddhā, tesampi bhagavantānaṃ etapparamāyeva upaṭṭhākā ahesuṃ, seyyathāpi mayhaṃ ānando. Yepi te, bhikkhave, bhavissanti anāgatamaddhānaṃ arahanto sammāsambuddhā, tesampi bhagavantānaṃ etapparamāyeva upaṭṭhākā bhavissanti, seyyathāpi mayhaṃ ānando. Paṇḍito, bhikkhave, ānando; medhāvī, bhikkhave, ānando. Jānāti ‘ayaṃ kālo tathāgataṃ dassanāya upasaṅkamituṃ bhikkhūnaṃ, ayaṃ kālo bhikkhunīnaṃ, ayaṃ kālo upāsakānaṃ , ayaṃ kālo upāsikānaṃ, ayaṃ kālo rañño rājamahāmattānaṃ titthiyānaṃ titthiyasāvakāna’nti.

209. ‘‘жад̇д̇ааромз, бхигкавз, ажчарияаа аб̣бхуд̇аа д̇хаммаа ²¹⁷ аананд̣̇з. гад̇амз жад̇д̇ааро? сажз, бхигкавз, бхигкубарисаа аананд̣̇ам̣ д̣̇ассанааяа убасан̇гамад̇и, д̣̇ассанзна саа ад̇д̇аманаа ход̇и. д̇ад̇ра жз аананд̣̇о д̇хаммам̣ бхаасад̇и, бхаасид̇знаби саа ад̇д̇аманаа ход̇и. ад̇ид̇д̇аава, бхигкавз, бхигкубарисаа ход̇и, ат̇а ко аананд̣̇о д̇ун̣хий ход̇и. сажз, бхигкавз, бхигкунийбарисаа аананд̣̇ам̣ д̣̇ассанааяа убасан̇гамад̇и, д̣̇ассанзна саа ад̇д̇аманаа ход̇и. д̇ад̇ра жз аананд̣̇о д̇хаммам̣ бхаасад̇и, бхаасид̇знаби саа ад̇д̇аманаа ход̇и. ад̇ид̇д̇аава, бхигкавз, бхигкунийбарисаа ход̇и, ат̇а ко аананд̣̇о д̇ун̣хий ход̇и. сажз, бхигкавз, убаасагабарисаа аананд̣̇ам̣ д̣̇ассанааяа убасан̇гамад̇и, д̣̇ассанзна саа ад̇д̇аманаа ход̇и. д̇ад̇ра жз аананд̣̇о д̇хаммам̣ бхаасад̇и, бхаасид̇знаби саа ад̇д̇аманаа ход̇и. ад̇ид̇д̇аава, бхигкавз, убаасагабарисаа ход̇и, ат̇а ко аананд̣̇о д̇ун̣хий ход̇и. сажз, бхигкавз, убаасигаабарисаа аананд̣̇ам̣ д̣̇ассанааяа убасан̇гамад̇и, д̣̇ассанзна саа ад̇д̇аманаа ход̇и. д̇ад̇ра жз, аананд̣̇о, д̇хаммам̣ бхаасад̇и, бхаасид̇знаби саа ад̇д̇аманаа ход̇и. ад̇ид̇д̇аава, бхигкавз, убаасигаабарисаа ход̇и, ат̇а ко аананд̣̇о д̇ун̣хий ход̇и. имз ко, бхигкавз, жад̇д̇ааро ажчарияаа аб̣бхуд̇аа д̇хаммаа аананд̣̇з.

209. ‘‘Cattārome, bhikkhave, acchariyā abbhutā dhammā ²¹⁸ ānande. Katame cattāro? Sace, bhikkhave, bhikkhuparisā ānandaṃ dassanāya upasaṅkamati, dassanena sā attamanā hoti. Tatra ce ānando dhammaṃ bhāsati, bhāsitenapi sā attamanā hoti. Atittāva, bhikkhave, bhikkhuparisā hoti, atha kho ānando tuṇhī hoti. Sace, bhikkhave, bhikkhunīparisā ānandaṃ dassanāya upasaṅkamati, dassanena sā attamanā hoti. Tatra ce ānando dhammaṃ bhāsati, bhāsitenapi sā attamanā hoti. Atittāva, bhikkhave, bhikkhunīparisā hoti, atha kho ānando tuṇhī hoti. Sace, bhikkhave, upāsakaparisā ānandaṃ dassanāya upasaṅkamati, dassanena sā attamanā hoti. Tatra ce ānando dhammaṃ bhāsati, bhāsitenapi sā attamanā hoti. Atittāva, bhikkhave, upāsakaparisā hoti, atha kho ānando tuṇhī hoti. Sace, bhikkhave, upāsikāparisā ānandaṃ dassanāya upasaṅkamati, dassanena sā attamanā hoti. Tatra ce, ānando, dhammaṃ bhāsati, bhāsitenapi sā attamanā hoti. Atittāva, bhikkhave, upāsikāparisā hoti, atha kho ānando tuṇhī hoti. Ime kho, bhikkhave, cattāro acchariyā abbhutā dhammā ānande.

‘‘жад̇д̇ааромз, бхигкавз, ажчарияаа аб̣бхуд̇аа д̇хаммаа ран̃н̃з жаггавад̇д̇имхи. гад̇амз жад̇д̇ааро ? сажз, бхигкавз, кад̇д̇ияабарисаа рааж̇аанам̣ жаггавад̇д̇им̣ д̣̇ассанааяа убасан̇гамад̇и, д̣̇ассанзна саа ад̇д̇аманаа ход̇и. д̇ад̇ра жз рааж̇аа жаггавад̇д̇ий бхаасад̇и, бхаасид̇знаби саа ад̇д̇аманаа ход̇и. ад̇ид̇д̇аава, бхигкавз, кад̇д̇ияабарисаа ход̇и. ат̇а ко рааж̇аа жаггавад̇д̇ий д̇ун̣хий ход̇и. сажз бхигкавз, б̣раахман̣абарисаа…бз… г̇ахабад̇ибарисаа…бз… саман̣абарисаа рааж̇аанам̣ жаггавад̇д̇им̣ д̣̇ассанааяа убасан̇гамад̇и, д̣̇ассанзна саа ад̇д̇аманаа ход̇и. д̇ад̇ра жз рааж̇аа жаггавад̇д̇ий бхаасад̇и, бхаасид̇знаби саа ад̇д̇аманаа ход̇и. ад̇ид̇д̇аава, бхигкавз, саман̣абарисаа ход̇и, ат̇а ко рааж̇аа жаггавад̇д̇ий д̇ун̣хий ход̇и. звамзва ко, бхигкавз, жад̇д̇ааромз ажчарияаа аб̣бхуд̇аа д̇хаммаа аананд̣̇з. сажз, бхигкавз, бхигкубарисаа аананд̣̇ам̣ д̣̇ассанааяа убасан̇гамад̇и, д̣̇ассанзна саа ад̇д̇аманаа ход̇и. д̇ад̇ра жз аананд̣̇о д̇хаммам̣ бхаасад̇и, бхаасид̇знаби саа ад̇д̇аманаа ход̇и. ад̇ид̇д̇аава, бхигкавз, бхигкубарисаа ход̇и. ат̇а ко аананд̣̇о д̇ун̣хий ход̇и. сажз, бхигкавз бхигкунийбарисаа…бз… убаасагабарисаа…бз… убаасигаабарисаа аананд̣̇ам̣ д̣̇ассанааяа убасан̇гамад̇и, д̣̇ассанзна саа ад̇д̇аманаа ход̇и. д̇ад̇ра жз аананд̣̇о д̇хаммам̣ бхаасад̇и, бхаасид̇знаби саа ад̇д̇аманаа ход̇и. ад̇ид̇д̇аава, бхигкавз, убаасигаабарисаа ход̇и. ат̇а ко аананд̣̇о д̇ун̣хий ход̇и. имз ко, бхигкавз, жад̇д̇ааро ажчарияаа аб̣бхуд̇аа д̇хаммаа аананд̣̇з’’д̇и.

‘‘Cattārome, bhikkhave, acchariyā abbhutā dhammā raññe cakkavattimhi. Katame cattāro ? Sace, bhikkhave, khattiyaparisā rājānaṃ cakkavattiṃ dassanāya upasaṅkamati, dassanena sā attamanā hoti. Tatra ce rājā cakkavattī bhāsati, bhāsitenapi sā attamanā hoti. Atittāva, bhikkhave, khattiyaparisā hoti. Atha kho rājā cakkavattī tuṇhī hoti. Sace bhikkhave, brāhmaṇaparisā…pe… gahapatiparisā…pe… samaṇaparisā rājānaṃ cakkavattiṃ dassanāya upasaṅkamati, dassanena sā attamanā hoti. Tatra ce rājā cakkavattī bhāsati, bhāsitenapi sā attamanā hoti. Atittāva, bhikkhave, samaṇaparisā hoti, atha kho rājā cakkavattī tuṇhī hoti. Evameva kho, bhikkhave, cattārome acchariyā abbhutā dhammā ānande. Sace, bhikkhave, bhikkhuparisā ānandaṃ dassanāya upasaṅkamati, dassanena sā attamanā hoti. Tatra ce ānando dhammaṃ bhāsati, bhāsitenapi sā attamanā hoti. Atittāva, bhikkhave, bhikkhuparisā hoti. Atha kho ānando tuṇhī hoti. Sace, bhikkhave bhikkhunīparisā…pe… upāsakaparisā…pe… upāsikāparisā ānandaṃ dassanāya upasaṅkamati, dassanena sā attamanā hoti. Tatra ce ānando dhammaṃ bhāsati, bhāsitenapi sā attamanā hoti. Atittāva, bhikkhave, upāsikāparisā hoti. Atha kho ānando tuṇhī hoti. Ime kho, bhikkhave, cattāro acchariyā abbhutā dhammā ānande’’ti.

махаасуд̣̇ассанасуд̇д̇ад̣̇зсанаа

Mahāsudassanasuttadesanā

210. звам̣ вуд̇д̇з ааяасмаа аананд̣̇о бхаг̇аванд̇ам̣ зд̇ад̣̇авожа – ‘‘маа, бханд̇з, бхаг̇аваа имасмим̣ куд̣̇д̣̇аганаг̇арагз уж̇ж̇ан̇г̇аланаг̇арагз саакаанаг̇арагз бариниб̣б̣ааяи. санд̇и, бханд̇з, ан̃н̃аани махаанаг̇араани, сзяяат̇ид̣̇ам̣ – жамбаа рааж̇аг̇ахам̣ саавад̇т̇ий саагзд̇ам̣ госамб̣ий б̣аараан̣асий; зд̇т̇а бхаг̇аваа бариниб̣б̣ааяад̇у. зд̇т̇а б̣ахуу кад̇д̇ияамахаасаалаа, б̣раахман̣амахаасаалаа г̇ахабад̇имахаасаалаа д̇ат̇ааг̇ад̇з абхиббасаннаа. д̇з д̇ат̇ааг̇ад̇асса сарийрабууж̇ам̣ гариссанд̇ий’’д̇и ‘‘маахзвам̣, аананд̣̇а, аважа; маахзвам̣, аананд̣̇а, аважа – ‘куд̣̇д̣̇аганаг̇арагам̣ уж̇ж̇ан̇г̇аланаг̇арагам̣ саакаанаг̇арага’нд̇и.

210. Evaṃ vutte āyasmā ānando bhagavantaṃ etadavoca – ‘‘mā, bhante, bhagavā imasmiṃ khuddakanagarake ujjaṅgalanagarake sākhānagarake parinibbāyi. Santi, bhante, aññāni mahānagarāni, seyyathidaṃ – campā rājagahaṃ sāvatthī sāketaṃ kosambī bārāṇasī; ettha bhagavā parinibbāyatu. Ettha bahū khattiyamahāsālā, brāhmaṇamahāsālā gahapatimahāsālā tathāgate abhippasannā. Te tathāgatassa sarīrapūjaṃ karissantī’’ti ‘‘māhevaṃ, ānanda, avaca; māhevaṃ, ānanda, avaca – ‘khuddakanagarakaṃ ujjaṅgalanagarakaṃ sākhānagaraka’nti.

‘‘бхууд̇абуб̣б̣ам̣, аананд̣̇а, рааж̇аа махаасуд̣̇ассано наама ахоси жаггавад̇д̇ий д̇хаммиго д̇хаммарааж̇аа жаад̇уранд̇о виж̇ид̇аавий ж̇анаббад̣̇ад̇т̇ааварияаббад̇д̇о сад̇д̇арад̇анасаманнааг̇ад̇о. ран̃н̃о, аананд̣̇а, махаасуд̣̇ассанасса аяам̣ гусинаараа гусаавад̇ий наама рааж̇ад̇хааний ахоси, бурад̇т̇имзна жа бажчимзна жа д̣̇ваад̣̇асаяож̇анаани ааяаамзна; уд̇д̇арзна жа д̣̇агкин̣зна жа сад̇д̇аяож̇анаани вид̇т̇аарзна. гусаавад̇ий, аананд̣̇а, рааж̇ад̇хааний ид̣̇д̇хаа жзва ахоси пийд̇аа жа б̣ахуж̇анаа жа аагин̣н̣амануссаа жа субхигкаа жа. сзяяат̇ааби, аананд̣̇а, д̣̇зваанам̣ аал̣агаманд̣̇аа наама рааж̇ад̇хааний ид̣̇д̇хаа жзва ход̇и пийд̇аа жа б̣ахуж̇анаа жа аагин̣н̣аяагкаа жа субхигкаа жа; звамзва ко, аананд̣̇а, гусаавад̇ий рааж̇ад̇хааний ид̣̇д̇хаа жзва ахоси пийд̇аа жа б̣ахуж̇анаа жа аагин̣н̣амануссаа жа субхигкаа жа. гусаавад̇ий, аананд̣̇а, рааж̇ад̇хааний д̣̇асахи сад̣̇д̣̇зхи авивид̇д̇аа ахоси д̣̇иваа жзва рад̇д̇ин̃жа, сзяяат̇ид̣̇ам̣ – хад̇т̇исад̣̇д̣̇зна ассасад̣̇д̣̇зна рат̇асад̣̇д̣̇зна бхзрисад̣̇д̣̇зна муд̣̇ин̇г̇асад̣̇д̣̇зна вийн̣аасад̣̇д̣̇зна г̇ийд̇асад̣̇д̣̇зна сан̇касад̣̇д̣̇зна саммасад̣̇д̣̇зна баан̣ид̇аал̣асад̣̇д̣̇зна ‘аснаат̇а биват̇а каад̣̇ат̇аа’д̇и д̣̇асамзна сад̣̇д̣̇зна.

‘‘Bhūtapubbaṃ, ānanda, rājā mahāsudassano nāma ahosi cakkavattī dhammiko dhammarājā cāturanto vijitāvī janappadatthāvariyappatto sattaratanasamannāgato. Rañño, ānanda, mahāsudassanassa ayaṃ kusinārā kusāvatī nāma rājadhānī ahosi, puratthimena ca pacchimena ca dvādasayojanāni āyāmena; uttarena ca dakkhiṇena ca sattayojanāni vitthārena. Kusāvatī, ānanda, rājadhānī iddhā ceva ahosi phītā ca bahujanā ca ākiṇṇamanussā ca subhikkhā ca. Seyyathāpi, ānanda, devānaṃ āḷakamandā nāma rājadhānī iddhā ceva hoti phītā ca bahujanā ca ākiṇṇayakkhā ca subhikkhā ca; evameva kho, ānanda, kusāvatī rājadhānī iddhā ceva ahosi phītā ca bahujanā ca ākiṇṇamanussā ca subhikkhā ca. Kusāvatī, ānanda, rājadhānī dasahi saddehi avivittā ahosi divā ceva rattiñca, seyyathidaṃ – hatthisaddena assasaddena rathasaddena bherisaddena mudiṅgasaddena vīṇāsaddena gītasaddena saṅkhasaddena sammasaddena pāṇitāḷasaddena ‘asnātha pivatha khādathā’ti dasamena saddena.

‘‘г̇ажча д̇вам̣, аананд̣̇а, гусинаарам̣ бависид̇ваа госинаарагаанам̣ маллаанам̣ аарожзхи – ‘аж̇ж̇а ко, ваасздтаа, рад̇д̇ияаа бажчимз яаамз д̇ат̇ааг̇ад̇асса бариниб̣б̣аанам̣ бхависсад̇и. абхиггамат̇а ваасздтаа, абхиггамат̇а ваасздтаа. маа бажчаа виббадисаарино ахувад̇т̇а – амхааган̃жа но г̇аамагкзд̇д̇з д̇ат̇ааг̇ад̇асса бариниб̣б̣аанам̣ ахоси, на маяам̣ лабхимхаа бажчимз гаалз д̇ат̇ааг̇ад̇ам̣ д̣̇ассанааяаа’’’д̇и. ‘‘звам̣, бханд̇з’’д̇и ко ааяасмаа аананд̣̇о бхаг̇авад̇о бадиссуд̇ваа ниваасзд̇ваа бад̇д̇ажийварамаад̣̇ааяа ад̇д̇ад̣̇уд̇ияо гусинаарам̣ баависи.

‘‘Gaccha tvaṃ, ānanda, kusināraṃ pavisitvā kosinārakānaṃ mallānaṃ ārocehi – ‘ajja kho, vāseṭṭhā, rattiyā pacchime yāme tathāgatassa parinibbānaṃ bhavissati. Abhikkamatha vāseṭṭhā, abhikkamatha vāseṭṭhā. Mā pacchā vippaṭisārino ahuvattha – amhākañca no gāmakkhette tathāgatassa parinibbānaṃ ahosi, na mayaṃ labhimhā pacchime kāle tathāgataṃ dassanāyā’’’ti. ‘‘Evaṃ, bhante’’ti kho āyasmā ānando bhagavato paṭissutvā nivāsetvā pattacīvaramādāya attadutiyo kusināraṃ pāvisi.

маллаанам̣ ванд̣̇анаа

Mallānaṃ vandanā

211. д̇зна ко бана самаязна госинаарагаа маллаа санд̇хааг̇аарз ²¹⁹ саннибад̇ид̇аа хонд̇и гзнажид̣̇зва гаран̣ийязна. ат̇а ко ааяасмаа аананд̣̇о язна госинаарагаанам̣ маллаанам̣ санд̇хааг̇аарам̣ д̇знубасан̇гами; убасан̇гамид̇ваа госинаарагаанам̣ маллаанам̣ аарожзси – ‘‘аж̇ж̇а ко, ваасздтаа, рад̇д̇ияаа бажчимз яаамз д̇ат̇ааг̇ад̇асса бариниб̣б̣аанам̣ бхависсад̇и. абхиггамат̇а ваасздтаа абхиггамат̇а ваасздтаа. маа бажчаа виббадисаарино ахувад̇т̇а – ‘амхааган̃жа но г̇аамагкзд̇д̇з д̇ат̇ааг̇ад̇асса бариниб̣б̣аанам̣ ахоси, на маяам̣ лабхимхаа бажчимз гаалз д̇ат̇ааг̇ад̇ам̣ д̣̇ассанааяаа’’’д̇и. ид̣̇амааяасмад̇о аананд̣̇асса важанам̣ суд̇ваа маллаа жа маллабуд̇д̇аа жа малласун̣исаа жа маллабаж̇аабад̇ияо жа агхаавино д̣̇умманаа жзд̇од̣̇угкасамаббид̇аа аббзгажжз гзсз багирияа ганд̣̇анд̇и, б̣аахаа баг̇г̇аяха ганд̣̇анд̇и, чиннабаад̇ам̣ бабад̇анд̇и, аавадданд̇и вивадданд̇и – ‘ад̇икиббам̣ бхаг̇аваа бариниб̣б̣ааяиссад̇и, ад̇икиббам̣ суг̇ад̇о бариниб̣б̣ааяиссад̇и, ад̇икиббам̣ жагкум̣ логз анд̇арад̇хааяиссад̇ий’д̇и. ат̇а ко маллаа жа маллабуд̇д̇аа жа малласун̣исаа жа маллабаж̇аабад̇ияо жа агхаавино д̣̇умманаа жзд̇од̣̇угкасамаббид̇аа язна убавад̇д̇анам̣ маллаанам̣ саалаванам̣ язнааяасмаа аананд̣̇о д̇знубасан̇гамим̣су. ат̇а ко ааяасмад̇о аананд̣̇асса зд̇ад̣̇ахоси – ‘‘сажз ко ахам̣ госинаарагз маллз згамзгам̣ бхаг̇аванд̇ам̣ ванд̣̇аабзссаами, аванд̣̇ид̇о бхаг̇аваа госинаарагзхи маллзхи бхависсад̇и, ат̇ааяам̣ рад̇д̇и вибхааяиссад̇и. яам̣нуунаахам̣ госинаарагз маллз гулабаривад̇д̇асо гулабаривад̇д̇асо табзд̇ваа бхаг̇аванд̇ам̣ ванд̣̇аабзяяам̣ – ‘ид̇т̇аннаамо, бханд̇з, малло сабуд̇д̇о сабхарияо сабарисо саамажжо бхаг̇авад̇о баад̣̇з сирасаа ванд̣̇ад̇ий’д̇и. ат̇а ко ааяасмаа аананд̣̇о госинаарагз маллз гулабаривад̇д̇асо гулабаривад̇д̇асо табзд̇ваа бхаг̇аванд̇ам̣ ванд̣̇аабзси – ‘ид̇т̇аннаамо, бханд̇з, малло сабуд̇д̇о сабхарияо сабарисо саамажжо бхаг̇авад̇о баад̣̇з сирасаа ванд̣̇ад̇ий’’’д̇и. ат̇а ко ааяасмаа аананд̣̇о зд̇зна убааязна батамзнзва яаамзна госинаарагз маллз бхаг̇аванд̇ам̣ ванд̣̇аабзси.

211. Tena kho pana samayena kosinārakā mallā sandhāgāre ²²⁰ sannipatitā honti kenacideva karaṇīyena. Atha kho āyasmā ānando yena kosinārakānaṃ mallānaṃ sandhāgāraṃ tenupasaṅkami; upasaṅkamitvā kosinārakānaṃ mallānaṃ ārocesi – ‘‘ajja kho, vāseṭṭhā, rattiyā pacchime yāme tathāgatassa parinibbānaṃ bhavissati. Abhikkamatha vāseṭṭhā abhikkamatha vāseṭṭhā. Mā pacchā vippaṭisārino ahuvattha – ‘amhākañca no gāmakkhette tathāgatassa parinibbānaṃ ahosi, na mayaṃ labhimhā pacchime kāle tathāgataṃ dassanāyā’’’ti. Idamāyasmato ānandassa vacanaṃ sutvā mallā ca mallaputtā ca mallasuṇisā ca mallapajāpatiyo ca aghāvino dummanā cetodukkhasamappitā appekacce kese pakiriya kandanti, bāhā paggayha kandanti, chinnapātaṃ papatanti, āvaṭṭanti vivaṭṭanti – ‘atikhippaṃ bhagavā parinibbāyissati, atikhippaṃ sugato parinibbāyissati, atikhippaṃ cakkhuṃ loke antaradhāyissatī’ti. Atha kho mallā ca mallaputtā ca mallasuṇisā ca mallapajāpatiyo ca aghāvino dummanā cetodukkhasamappitā yena upavattanaṃ mallānaṃ sālavanaṃ yenāyasmā ānando tenupasaṅkamiṃsu. Atha kho āyasmato ānandassa etadahosi – ‘‘sace kho ahaṃ kosinārake malle ekamekaṃ bhagavantaṃ vandāpessāmi, avandito bhagavā kosinārakehi mallehi bhavissati, athāyaṃ ratti vibhāyissati. Yaṃnūnāhaṃ kosinārake malle kulaparivattaso kulaparivattaso ṭhapetvā bhagavantaṃ vandāpeyyaṃ – ‘itthannāmo, bhante, mallo saputto sabhariyo sapariso sāmacco bhagavato pāde sirasā vandatī’ti. Atha kho āyasmā ānando kosinārake malle kulaparivattaso kulaparivattaso ṭhapetvā bhagavantaṃ vandāpesi – ‘itthannāmo, bhante, mallo saputto sabhariyo sapariso sāmacco bhagavato pāde sirasā vandatī’’’ti. Atha kho āyasmā ānando etena upāyena paṭhameneva yāmena kosinārake malle bhagavantaṃ vandāpesi.

субхад̣̇д̣̇абариб̣б̣ааж̇агавад̇т̇у

Subhaddaparibbājakavatthu

212. д̇зна ко бана самаязна субхад̣̇д̣̇о наама бариб̣б̣ааж̇аго гусинаарааяам̣ бадивасад̇и. ассоси ко субхад̣̇д̣̇о бариб̣б̣ааж̇аго – ‘‘аж̇ж̇а гира рад̇д̇ияаа бажчимз яаамз саман̣асса г̇од̇амасса бариниб̣б̣аанам̣ бхависсад̇ий’’д̇и. ат̇а ко субхад̣̇д̣̇асса бариб̣б̣ааж̇агасса зд̇ад̣̇ахоси – ‘‘суд̇ам̣ ко бана мзд̇ам̣ бариб̣б̣ааж̇агаанам̣ вуд̣дхаанам̣ махаллагаанам̣ аажарияабаажарияаанам̣ бхаасамаанаанам̣ – ‘гад̣̇аажи гарахажи д̇ат̇ааг̇ад̇аа логз уббаж̇ж̇анд̇и араханд̇о саммаасамб̣уд̣̇д̇хаа’д̇и. аж̇ж̇зва рад̇д̇ияаа бажчимз яаамз саман̣асса г̇од̇амасса бариниб̣б̣аанам̣ бхависсад̇и. ад̇т̇и жа мз аяам̣ ган̇каад̇хаммо уббанно, звам̣ басанно ахам̣ саман̣з г̇од̇амз, ‘баход̇и мз саман̣о г̇од̇амо д̇ат̇аа д̇хаммам̣ д̣̇зсзд̇ум̣, яат̇аахам̣ имам̣ ган̇каад̇хаммам̣ баж̇ахзяяа’’’нд̇и. ат̇а ко субхад̣̇д̣̇о бариб̣б̣ааж̇аго язна убавад̇д̇анам̣ маллаанам̣ саалаванам̣, язнааяасмаа аананд̣̇о д̇знубасан̇гами; убасан̇гамид̇ваа ааяасманд̇ам̣ аананд̣̇ам̣ зд̇ад̣̇авожа – ‘‘суд̇ам̣ мзд̇ам̣, бхо аананд̣̇а, бариб̣б̣ааж̇агаанам̣ вуд̣дхаанам̣ махаллагаанам̣ аажарияабаажарияаанам̣ бхаасамаанаанам̣ – ‘гад̣̇аажи гарахажи д̇ат̇ааг̇ад̇аа логз уббаж̇ж̇анд̇и араханд̇о саммаасамб̣уд̣̇д̇хаа’д̇и. аж̇ж̇зва рад̇д̇ияаа бажчимз яаамз саман̣асса г̇од̇амасса бариниб̣б̣аанам̣ бхависсад̇и. ад̇т̇и жа мз аяам̣ ган̇каад̇хаммо уббанно – звам̣ басанно ахам̣ саман̣з г̇од̇амз ‘баход̇и мз саман̣о г̇од̇амо д̇ат̇аа д̇хаммам̣ д̣̇зсзд̇ум̣, яат̇аахам̣ имам̣ ган̇каад̇хаммам̣ баж̇ахзяяа’нд̇и. саад̇хаахам̣, бхо аананд̣̇а, лабхзяяам̣ саман̣ам̣ г̇од̇амам̣ д̣̇ассанааяаа’’д̇и. звам̣ вуд̇д̇з ааяасмаа аананд̣̇о субхад̣̇д̣̇ам̣ бариб̣б̣ааж̇агам̣ зд̇ад̣̇авожа – ‘‘алам̣, аавусо субхад̣̇д̣̇а, маа д̇ат̇ааг̇ад̇ам̣ вихзтзси, гиланд̇о бхаг̇аваа’’д̇и. д̣̇уд̇ияамби ко субхад̣̇д̣̇о бариб̣б̣ааж̇аго…бз… д̇ад̇ияамби ко субхад̣̇д̣̇о бариб̣б̣ааж̇аго ааяасманд̇ам̣ аананд̣̇ам̣ зд̇ад̣̇авожа – ‘‘суд̇ам̣ мзд̇ам̣, бхо аананд̣̇а, бариб̣б̣ааж̇агаанам̣ вуд̣дхаанам̣ махаллагаанам̣ аажарияабаажарияаанам̣ бхаасамаанаанам̣ – ‘гад̣̇аажи гарахажи д̇ат̇ааг̇ад̇аа логз уббаж̇ж̇анд̇и араханд̇о саммаасамб̣уд̣̇д̇хаа’д̇и. аж̇ж̇зва рад̇д̇ияаа бажчимз яаамз саман̣асса г̇од̇амасса бариниб̣б̣аанам̣ бхависсад̇и. ад̇т̇и жа мз аяам̣ ган̇каад̇хаммо уббанно – звам̣ басанно ахам̣ саман̣з г̇од̇амз, ‘баход̇и мз саман̣о г̇од̇амо д̇ат̇аа д̇хаммам̣ д̣̇зсзд̇ум̣, яат̇аахам̣ имам̣ ган̇каад̇хаммам̣ баж̇ахзяяа’нд̇и. саад̇хаахам̣, бхо аананд̣̇а, лабхзяяам̣ саман̣ам̣ г̇од̇амам̣ д̣̇ассанааяаа’’д̇и. д̇ад̇ияамби ко ааяасмаа аананд̣̇о субхад̣̇д̣̇ам̣ бариб̣б̣ааж̇агам̣ зд̇ад̣̇авожа – ‘‘алам̣, аавусо субхад̣̇д̣̇а, маа д̇ат̇ааг̇ад̇ам̣ вихзтзси, гиланд̇о бхаг̇аваа’’д̇и.

212. Tena kho pana samayena subhaddo nāma paribbājako kusinārāyaṃ paṭivasati. Assosi kho subhaddo paribbājako – ‘‘ajja kira rattiyā pacchime yāme samaṇassa gotamassa parinibbānaṃ bhavissatī’’ti. Atha kho subhaddassa paribbājakassa etadahosi – ‘‘sutaṃ kho pana metaṃ paribbājakānaṃ vuḍḍhānaṃ mahallakānaṃ ācariyapācariyānaṃ bhāsamānānaṃ – ‘kadāci karahaci tathāgatā loke uppajjanti arahanto sammāsambuddhā’ti. Ajjeva rattiyā pacchime yāme samaṇassa gotamassa parinibbānaṃ bhavissati. Atthi ca me ayaṃ kaṅkhādhammo uppanno, evaṃ pasanno ahaṃ samaṇe gotame, ‘pahoti me samaṇo gotamo tathā dhammaṃ desetuṃ, yathāhaṃ imaṃ kaṅkhādhammaṃ pajaheyya’’’nti. Atha kho subhaddo paribbājako yena upavattanaṃ mallānaṃ sālavanaṃ, yenāyasmā ānando tenupasaṅkami; upasaṅkamitvā āyasmantaṃ ānandaṃ etadavoca – ‘‘sutaṃ metaṃ, bho ānanda, paribbājakānaṃ vuḍḍhānaṃ mahallakānaṃ ācariyapācariyānaṃ bhāsamānānaṃ – ‘kadāci karahaci tathāgatā loke uppajjanti arahanto sammāsambuddhā’ti. Ajjeva rattiyā pacchime yāme samaṇassa gotamassa parinibbānaṃ bhavissati. Atthi ca me ayaṃ kaṅkhādhammo uppanno – evaṃ pasanno ahaṃ samaṇe gotame ‘pahoti me samaṇo gotamo tathā dhammaṃ desetuṃ, yathāhaṃ imaṃ kaṅkhādhammaṃ pajaheyya’nti. Sādhāhaṃ, bho ānanda, labheyyaṃ samaṇaṃ gotamaṃ dassanāyā’’ti. Evaṃ vutte āyasmā ānando subhaddaṃ paribbājakaṃ etadavoca – ‘‘alaṃ, āvuso subhadda, mā tathāgataṃ viheṭhesi, kilanto bhagavā’’ti. Dutiyampi kho subhaddo paribbājako…pe… tatiyampi kho subhaddo paribbājako āyasmantaṃ ānandaṃ etadavoca – ‘‘sutaṃ metaṃ, bho ānanda, paribbājakānaṃ vuḍḍhānaṃ mahallakānaṃ ācariyapācariyānaṃ bhāsamānānaṃ – ‘kadāci karahaci tathāgatā loke uppajjanti arahanto sammāsambuddhā’ti. Ajjeva rattiyā pacchime yāme samaṇassa gotamassa parinibbānaṃ bhavissati. Atthi ca me ayaṃ kaṅkhādhammo uppanno – evaṃ pasanno ahaṃ samaṇe gotame, ‘pahoti me samaṇo gotamo tathā dhammaṃ desetuṃ, yathāhaṃ imaṃ kaṅkhādhammaṃ pajaheyya’nti. Sādhāhaṃ, bho ānanda, labheyyaṃ samaṇaṃ gotamaṃ dassanāyā’’ti. Tatiyampi kho āyasmā ānando subhaddaṃ paribbājakaṃ etadavoca – ‘‘alaṃ, āvuso subhadda, mā tathāgataṃ viheṭhesi, kilanto bhagavā’’ti.

213. ассоси ко бхаг̇аваа ааяасмад̇о аананд̣̇асса субхад̣̇д̣̇зна бариб̣б̣ааж̇агзна сад̣̇д̇хим̣ имам̣ гат̇аасаллаабам̣. ат̇а ко бхаг̇аваа ааяасманд̇ам̣ аананд̣̇ам̣ ааманд̇зси – ‘‘алам̣, аананд̣̇а, маа субхад̣̇д̣̇ам̣ ваарзси, лабхад̇ам̣, аананд̣̇а, субхад̣̇д̣̇о д̇ат̇ааг̇ад̇ам̣ д̣̇ассанааяа. яам̣ гин̃жи мам̣ субхад̣̇д̣̇о бужчиссад̇и, саб̣б̣ам̣ д̇ам̣ ан̃н̃аабзгкова бужчиссад̇и, но вихзсаабзгко. яам̣ жассаахам̣ будто б̣яаагариссаами, д̇ам̣ киббамзва ааж̇ааниссад̇ий’’д̇и. ат̇а ко ааяасмаа аананд̣̇о субхад̣̇д̣̇ам̣ бариб̣б̣ааж̇агам̣ зд̇ад̣̇авожа – ‘‘г̇ажчаавусо субхад̣̇д̣̇а, гарод̇и д̇з бхаг̇аваа огааса’’нд̇и. ат̇а ко субхад̣̇д̣̇о бариб̣б̣ааж̇аго язна бхаг̇аваа д̇знубасан̇гами; убасан̇гамид̇ваа бхаг̇авад̇аа сад̣̇д̇хим̣ саммод̣̇и, саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ нисийд̣̇и. згаманд̇ам̣ нисинно ко субхад̣̇д̣̇о бариб̣б̣ааж̇аго бхаг̇аванд̇ам̣ зд̇ад̣̇авожа – ‘‘язмз, бхо г̇од̇ама, саман̣аб̣раахман̣аа сан̇гхино г̇ан̣ино г̇ан̣аажарияаа н̃аад̇аа яасассино д̇ид̇т̇агараа саад̇хусаммад̇аа б̣ахуж̇анасса, сзяяат̇ид̣̇ам̣ – бууран̣о гассабо, магкали г̇осаало, аж̇ид̇о гзсагамб̣ало, багуд̇хо гажжааяано, сан̃жаяо б̣зладтабуд̇д̇о, ниг̇ан̣то наадабуд̇д̇о, саб̣б̣зд̇з сагааяа бадин̃н̃ааяа аб̣бхан̃н̃им̣су, саб̣б̣зва на аб̣бхан̃н̃им̣су , уд̣̇ааху згажжз аб̣бхан̃н̃им̣су, згажжз на аб̣бхан̃н̃им̣суу’’д̇и? ‘‘алам̣, субхад̣̇д̣̇а, д̇идтад̇зд̇ам̣ – ‘саб̣б̣зд̇з сагааяа бадин̃н̃ааяа аб̣бхан̃н̃им̣су, саб̣б̣зва на аб̣бхан̃н̃им̣су, уд̣̇ааху згажжз аб̣бхан̃н̃им̣су, згажжз на аб̣бхан̃н̃им̣суу’д̇и. д̇хаммам̣ д̇з, субхад̣̇д̣̇а, д̣̇зсзссаами; д̇ам̣ сун̣аахи саад̇хугам̣ манасигарохи, бхаасиссаамий’’д̇и. ‘‘звам̣, бханд̇з’’д̇и ко субхад̣̇д̣̇о бариб̣б̣ааж̇аго бхаг̇авад̇о бажжассоси. бхаг̇аваа зд̇ад̣̇авожа –

213. Assosi kho bhagavā āyasmato ānandassa subhaddena paribbājakena saddhiṃ imaṃ kathāsallāpaṃ. Atha kho bhagavā āyasmantaṃ ānandaṃ āmantesi – ‘‘alaṃ, ānanda, mā subhaddaṃ vāresi, labhataṃ, ānanda, subhaddo tathāgataṃ dassanāya. Yaṃ kiñci maṃ subhaddo pucchissati, sabbaṃ taṃ aññāpekkhova pucchissati, no vihesāpekkho. Yaṃ cassāhaṃ puṭṭho byākarissāmi, taṃ khippameva ājānissatī’’ti. Atha kho āyasmā ānando subhaddaṃ paribbājakaṃ etadavoca – ‘‘gacchāvuso subhadda, karoti te bhagavā okāsa’’nti. Atha kho subhaddo paribbājako yena bhagavā tenupasaṅkami; upasaṅkamitvā bhagavatā saddhiṃ sammodi, sammodanīyaṃ kathaṃ sāraṇīyaṃ vītisāretvā ekamantaṃ nisīdi. Ekamantaṃ nisinno kho subhaddo paribbājako bhagavantaṃ etadavoca – ‘‘yeme, bho gotama, samaṇabrāhmaṇā saṅghino gaṇino gaṇācariyā ñātā yasassino titthakarā sādhusammatā bahujanassa, seyyathidaṃ – pūraṇo kassapo, makkhali gosālo, ajito kesakambalo, pakudho kaccāyano, sañcayo belaṭṭhaputto, nigaṇṭho nāṭaputto, sabbete sakāya paṭiññāya abbhaññiṃsu, sabbeva na abbhaññiṃsu , udāhu ekacce abbhaññiṃsu, ekacce na abbhaññiṃsū’’ti? ‘‘Alaṃ, subhadda, tiṭṭhatetaṃ – ‘sabbete sakāya paṭiññāya abbhaññiṃsu, sabbeva na abbhaññiṃsu, udāhu ekacce abbhaññiṃsu, ekacce na abbhaññiṃsū’ti. Dhammaṃ te, subhadda, desessāmi; taṃ suṇāhi sādhukaṃ manasikarohi, bhāsissāmī’’ti. ‘‘Evaṃ, bhante’’ti kho subhaddo paribbājako bhagavato paccassosi. Bhagavā etadavoca –

214. ‘‘яасмим̣ ко, субхад̣̇д̣̇а, д̇хаммавинаяз арияо адтан̇г̇иго маг̇г̇о на убалаб̣бхад̇и, саман̣оби д̇ад̇т̇а на убалаб̣бхад̇и. д̣̇уд̇ияоби д̇ад̇т̇а саман̣о на убалаб̣бхад̇и. д̇ад̇ияоби д̇ад̇т̇а саман̣о на убалаб̣бхад̇и. жад̇уд̇т̇оби д̇ад̇т̇а саман̣о на убалаб̣бхад̇и. яасмин̃жа ко, субхад̣̇д̣̇а, д̇хаммавинаяз арияо адтан̇г̇иго маг̇г̇о убалаб̣бхад̇и, саман̣оби д̇ад̇т̇а убалаб̣бхад̇и, д̣̇уд̇ияоби д̇ад̇т̇а саман̣о убалаб̣бхад̇и, д̇ад̇ияоби д̇ад̇т̇а саман̣о убалаб̣бхад̇и, жад̇уд̇т̇оби д̇ад̇т̇а саман̣о убалаб̣бхад̇и. имасмим̣ ко, субхад̣̇д̣̇а, д̇хаммавинаяз арияо адтан̇г̇иго маг̇г̇о убалаб̣бхад̇и, ид̇хзва, субхад̣̇д̣̇а, саман̣о, ид̇ха д̣̇уд̇ияо саман̣о, ид̇ха д̇ад̇ияо саман̣о, ид̇ха жад̇уд̇т̇о саман̣о, сун̃н̃аа бараббаваад̣̇аа саман̣збхи ан̃н̃зхи ²²¹. имз жа ²²², субхад̣̇д̣̇а, бхигкуу саммаа вихарзяяум̣, асун̃н̃о лого араханд̇зхи ассаад̇и.

214. ‘‘Yasmiṃ kho, subhadda, dhammavinaye ariyo aṭṭhaṅgiko maggo na upalabbhati, samaṇopi tattha na upalabbhati. Dutiyopi tattha samaṇo na upalabbhati. Tatiyopi tattha samaṇo na upalabbhati. Catutthopi tattha samaṇo na upalabbhati. Yasmiñca kho, subhadda, dhammavinaye ariyo aṭṭhaṅgiko maggo upalabbhati, samaṇopi tattha upalabbhati, dutiyopi tattha samaṇo upalabbhati, tatiyopi tattha samaṇo upalabbhati, catutthopi tattha samaṇo upalabbhati. Imasmiṃ kho, subhadda, dhammavinaye ariyo aṭṭhaṅgiko maggo upalabbhati, idheva, subhadda, samaṇo, idha dutiyo samaṇo, idha tatiyo samaṇo, idha catuttho samaṇo, suññā parappavādā samaṇebhi aññehi ²²³. Ime ca ²²⁴, subhadda, bhikkhū sammā vihareyyuṃ, asuñño loko arahantehi assāti.

‘‘згуунад̇им̣со ваяасаа субхад̣̇д̣̇а,

‘‘Ekūnatiṃso vayasā subhadda,

яам̣ баб̣б̣аж̇им̣ гим̣гусалаанузсий;

Yaṃ pabbajiṃ kiṃkusalānuesī;

вассаани бан̃н̃ааса самаад̇хигаани,

Vassāni paññāsa samādhikāni,

яад̇о ахам̣ баб̣б̣аж̇ид̇о субхад̣̇д̣̇а.

Yato ahaṃ pabbajito subhadda.

н̃ааяасса д̇хаммасса бад̣̇зсавад̇д̇ий,

Ñāyassa dhammassa padesavattī,

ид̇о б̣ахид̣̇д̇хаа саман̣оби над̇т̇и.

Ito bahiddhā samaṇopi natthi.

‘‘д̣̇уд̇ияоби саман̣о над̇т̇и. д̇ад̇ияоби саман̣о над̇т̇и. жад̇уд̇т̇оби саман̣о над̇т̇и. сун̃н̃аа бараббаваад̣̇аа саман̣збхи ан̃н̃зхи. имз жа, субхад̣̇д̣̇а, бхигкуу саммаа вихарзяяум̣, асун̃н̃о лого араханд̇зхи ассаа’’д̇и.

‘‘Dutiyopi samaṇo natthi. Tatiyopi samaṇo natthi. Catutthopi samaṇo natthi. Suññā parappavādā samaṇebhi aññehi. Ime ca, subhadda, bhikkhū sammā vihareyyuṃ, asuñño loko arahantehi assā’’ti.

215. звам̣ вуд̇д̇з субхад̣̇д̣̇о бариб̣б̣ааж̇аго бхаг̇аванд̇ам̣ зд̇ад̣̇авожа – ‘‘абхигганд̇ам̣, бханд̇з, абхигганд̇ам̣, бханд̇з. сзяяат̇ааби, бханд̇з, ниггуж̇ж̇ид̇ам̣ ваа уггуж̇ж̇зяяа, бадижчаннам̣ ваа виварзяяа, муул̣хасса ваа маг̇г̇ам̣ аажигкзяяа, анд̇хагаарз ваа д̇злабаж̇ж̇од̇ам̣ д̇хаарзяяа, ‘жагкуманд̇о руубаани д̣̇агканд̇ий’д̇и, звамзвам̣ бхаг̇авад̇аа анзгабарияааязна д̇хаммо багаасид̇о. зсаахам̣, бханд̇з, бхаг̇аванд̇ам̣ саран̣ам̣ г̇ажчаами д̇хамман̃жа бхигкусан̇гхан̃жа. лабхзяяаахам̣, бханд̇з, бхаг̇авад̇о санд̇игз баб̣б̣аж̇ж̇ам̣, лабхзяяам̣ убасамбад̣̇а’’нд̇и. ‘‘яо ко, субхад̣̇д̣̇а, ан̃н̃ад̇ид̇т̇ияабуб̣б̣о имасмим̣ д̇хаммавинаяз ааган̇кад̇и баб̣б̣аж̇ж̇ам̣, ааган̇кад̇и убасамбад̣̇ам̣, со жад̇д̇ааро маасз баривасад̇и. жад̇уннам̣ маасаанам̣ ажжаязна аарад̣̇д̇хажид̇д̇аа бхигкуу баб̣б̣ааж̇знд̇и убасамбаад̣̇знд̇и бхигкубхаавааяа. аби жа мзд̇т̇а буг̇г̇алавзмад̇д̇ад̇аа вид̣̇ид̇аа’’д̇и. ‘‘сажз, бханд̇з, ан̃н̃ад̇ид̇т̇ияабуб̣б̣аа имасмим̣ д̇хаммавинаяз ааган̇канд̇аа баб̣б̣аж̇ж̇ам̣ ааган̇канд̇аа убасамбад̣̇ам̣ жад̇д̇ааро маасз баривасанд̇и, жад̇уннам̣ маасаанам̣ ажжаязна аарад̣̇д̇хажид̇д̇аа бхигкуу баб̣б̣ааж̇знд̇и убасамбаад̣̇знд̇и бхигкубхаавааяа. ахам̣ жад̇д̇аари вассаани баривасиссаами, жад̇уннам̣ вассаанам̣ ажжаязна аарад̣̇д̇хажид̇д̇аа бхигкуу баб̣б̣ааж̇знд̇у убасамбаад̣̇знд̇у бхигкубхаавааяаа’’д̇и.

215. Evaṃ vutte subhaddo paribbājako bhagavantaṃ etadavoca – ‘‘abhikkantaṃ, bhante, abhikkantaṃ, bhante. Seyyathāpi, bhante, nikkujjitaṃ vā ukkujjeyya, paṭicchannaṃ vā vivareyya, mūḷhassa vā maggaṃ ācikkheyya, andhakāre vā telapajjotaṃ dhāreyya, ‘cakkhumanto rūpāni dakkhantī’ti, evamevaṃ bhagavatā anekapariyāyena dhammo pakāsito. Esāhaṃ, bhante, bhagavantaṃ saraṇaṃ gacchāmi dhammañca bhikkhusaṅghañca. Labheyyāhaṃ, bhante, bhagavato santike pabbajjaṃ, labheyyaṃ upasampada’’nti. ‘‘Yo kho, subhadda, aññatitthiyapubbo imasmiṃ dhammavinaye ākaṅkhati pabbajjaṃ, ākaṅkhati upasampadaṃ, so cattāro māse parivasati. Catunnaṃ māsānaṃ accayena āraddhacittā bhikkhū pabbājenti upasampādenti bhikkhubhāvāya. Api ca mettha puggalavemattatā viditā’’ti. ‘‘Sace, bhante, aññatitthiyapubbā imasmiṃ dhammavinaye ākaṅkhantā pabbajjaṃ ākaṅkhantā upasampadaṃ cattāro māse parivasanti, catunnaṃ māsānaṃ accayena āraddhacittā bhikkhū pabbājenti upasampādenti bhikkhubhāvāya. Ahaṃ cattāri vassāni parivasissāmi, catunnaṃ vassānaṃ accayena āraddhacittā bhikkhū pabbājentu upasampādentu bhikkhubhāvāyā’’ti.

ат̇а ко бхаг̇аваа ааяасманд̇ам̣ аананд̣̇ам̣ ааманд̇зси – ‘‘д̇знахаананд̣̇а, субхад̣̇д̣̇ам̣ баб̣б̣ааж̇зхий’’д̇и. ‘‘звам̣, бханд̇з’’д̇и ко ааяасмаа аананд̣̇о бхаг̇авад̇о бажжассоси. ат̇а ко субхад̣̇д̣̇о бариб̣б̣ааж̇аго ааяасманд̇ам̣ аананд̣̇ам̣ зд̇ад̣̇авожа – ‘‘лаабхаа во, аавусо аананд̣̇а; сулад̣̇д̇хам̣ во, аавусо аананд̣̇а, яз зд̇т̇а сад̇т̇у ²²⁵ саммукаа анд̇зваасигаабхисзгзна абхисид̇д̇аа’’д̇и. алад̇т̇а ко субхад̣̇д̣̇о бариб̣б̣ааж̇аго бхаг̇авад̇о санд̇игз баб̣б̣аж̇ж̇ам̣, алад̇т̇а убасамбад̣̇ам̣. ажируубасамбанно ко банааяасмаа субхад̣̇д̣̇о зго вуубагадто аббамад̇д̇о аад̇аабий бахид̇ад̇д̇о вихаранд̇о нажирассзва – ‘яассад̇т̇ааяа гулабуд̇д̇аа саммад̣̇зва аг̇аарасмаа анаг̇аарияам̣ баб̣б̣аж̇анд̇и’ д̇ад̣̇ануд̇д̇арам̣ б̣рахмажарияабарияосаанам̣ д̣̇идтзва д̇хаммз саяам̣ абхин̃н̃аа сажчигад̇ваа убасамбаж̇ж̇а вихааси. ‘кийн̣аа ж̇аад̇и, вусид̇ам̣ б̣рахмажарияам̣, гад̇ам̣ гаран̣ийяам̣, наабарам̣ ид̇т̇ад̇д̇ааяаа’д̇и аб̣бхан̃н̃ааси. ан̃н̃ад̇аро ко банааяасмаа субхад̣̇д̣̇о арахад̇ам̣ ахоси. со бхаг̇авад̇о бажчимо сагкисааваго ахосийд̇и.

Atha kho bhagavā āyasmantaṃ ānandaṃ āmantesi – ‘‘tenahānanda, subhaddaṃ pabbājehī’’ti. ‘‘Evaṃ, bhante’’ti kho āyasmā ānando bhagavato paccassosi. Atha kho subhaddo paribbājako āyasmantaṃ ānandaṃ etadavoca – ‘‘lābhā vo, āvuso ānanda; suladdhaṃ vo, āvuso ānanda, ye ettha satthu ²²⁶ sammukhā antevāsikābhisekena abhisittā’’ti. Alattha kho subhaddo paribbājako bhagavato santike pabbajjaṃ, alattha upasampadaṃ. Acirūpasampanno kho panāyasmā subhaddo eko vūpakaṭṭho appamatto ātāpī pahitatto viharanto nacirasseva – ‘yassatthāya kulaputtā sammadeva agārasmā anagāriyaṃ pabbajanti’ tadanuttaraṃ brahmacariyapariyosānaṃ diṭṭheva dhamme sayaṃ abhiññā sacchikatvā upasampajja vihāsi. ‘Khīṇā jāti, vusitaṃ brahmacariyaṃ, kataṃ karaṇīyaṃ, nāparaṃ itthattāyā’ti abbhaññāsi. Aññataro kho panāyasmā subhaddo arahataṃ ahosi. So bhagavato pacchimo sakkhisāvako ahosīti.

бан̃жамо бхаан̣авааро.

Pañcamo bhāṇavāro.

д̇ат̇ааг̇ад̇абажчимаваажаа

Tathāgatapacchimavācā

216. ат̇а ко бхаг̇аваа ааяасманд̇ам̣ аананд̣̇ам̣ ааманд̇зси – ‘‘сияаа ко банаананд̣̇а, д̇умхаагам̣ звамасса – ‘ад̇ийд̇асад̇т̇угам̣ бааважанам̣, над̇т̇и но сад̇т̇аа’д̇и. на ко банзд̇ам̣, аананд̣̇а, звам̣ д̣̇адтаб̣б̣ам̣. яо во, аананд̣̇а, маяаа д̇хаммо жа винаяо жа д̣̇зсид̇о бан̃н̃ад̇д̇о, со во мамажжаязна сад̇т̇аа. яат̇аа ко банаананд̣̇а, зд̇арахи бхигкуу ан̃н̃аман̃н̃ам̣ аавусоваад̣̇зна самуд̣̇аажаранд̇и, на ко мамажжаязна звам̣ самуд̣̇аажарид̇аб̣б̣ам̣. т̇зрад̇арзна, аананд̣̇а, бхигкунаа навагад̇аро бхигку наамзна ваа г̇од̇д̇зна ваа аавусоваад̣̇зна ваа самуд̣̇аажарид̇аб̣б̣о. навагад̇арзна бхигкунаа т̇зрад̇аро бхигку ‘бханд̇з’д̇и ваа ‘ааяасмаа’д̇и ваа самуд̣̇аажарид̇аб̣б̣о. ааган̇камаано, аананд̣̇а, сан̇гхо мамажжаязна куд̣̇д̣̇аанукуд̣̇д̣̇агаани сигкаабад̣̇аани самууханад̇у. чаннасса, аананд̣̇а, бхигкуно мамажжаязна б̣рахмад̣̇ан̣д̣о д̣̇аад̇аб̣б̣о’’д̇и. ‘‘гад̇амо бана, бханд̇з, б̣рахмад̣̇ан̣д̣о’’д̇и? ‘‘чанно, аананд̣̇а, бхигку яам̣ ижчзяяа, д̇ам̣ вад̣̇зяяа. со бхигкуухи нзва вад̇д̇аб̣б̣о, на овад̣̇ид̇аб̣б̣о, на анусаасид̇аб̣б̣о’’д̇и.

216. Atha kho bhagavā āyasmantaṃ ānandaṃ āmantesi – ‘‘siyā kho panānanda, tumhākaṃ evamassa – ‘atītasatthukaṃ pāvacanaṃ, natthi no satthā’ti. Na kho panetaṃ, ānanda, evaṃ daṭṭhabbaṃ. Yo vo, ānanda, mayā dhammo ca vinayo ca desito paññatto, so vo mamaccayena satthā. Yathā kho panānanda, etarahi bhikkhū aññamaññaṃ āvusovādena samudācaranti, na kho mamaccayena evaṃ samudācaritabbaṃ. Theratarena, ānanda, bhikkhunā navakataro bhikkhu nāmena vā gottena vā āvusovādena vā samudācaritabbo. Navakatarena bhikkhunā therataro bhikkhu ‘bhante’ti vā ‘āyasmā’ti vā samudācaritabbo. Ākaṅkhamāno, ānanda, saṅgho mamaccayena khuddānukhuddakāni sikkhāpadāni samūhanatu. Channassa, ānanda, bhikkhuno mamaccayena brahmadaṇḍo dātabbo’’ti. ‘‘Katamo pana, bhante, brahmadaṇḍo’’ti? ‘‘Channo, ānanda, bhikkhu yaṃ iccheyya, taṃ vadeyya. So bhikkhūhi neva vattabbo, na ovaditabbo, na anusāsitabbo’’ti.

217. ат̇а ко бхаг̇аваа бхигкуу ааманд̇зси – ‘‘сияаа ко бана, бхигкавз, згабхигкуссааби ган̇каа ваа вимад̇и ваа б̣уд̣̇д̇хз ваа д̇хаммз ваа сан̇гхз ваа маг̇г̇з ваа бадибад̣̇ааяа ваа, бужчат̇а, бхигкавз, маа бажчаа виббадисаарино ахувад̇т̇а – ‘саммукийбхууд̇о но сад̇т̇аа ахоси , на маяам̣ сагкимхаа бхаг̇аванд̇ам̣ саммукаа бадибужчид̇у’’’ нд̇и. звам̣ вуд̇д̇з д̇з бхигкуу д̇ун̣хий ахзсум̣. д̣̇уд̇ияамби ко бхаг̇аваа…бз… д̇ад̇ияамби ко бхаг̇аваа бхигкуу ааманд̇зси – ‘‘сияаа ко бана, бхигкавз, згабхигкуссааби ган̇каа ваа вимад̇и ваа б̣уд̣̇д̇хз ваа д̇хаммз ваа сан̇гхз ваа маг̇г̇з ваа бадибад̣̇ааяа ваа, бужчат̇а, бхигкавз, маа бажчаа виббадисаарино ахувад̇т̇а – ‘саммукийбхууд̇о но сад̇т̇аа ахоси , на маяам̣ сагкимхаа бхаг̇аванд̇ам̣ саммукаа бадибужчид̇у’’’ нд̇и. д̇ад̇ияамби ко д̇з бхигкуу д̇ун̣хий ахзсум̣. ат̇а ко бхаг̇аваа бхигкуу ааманд̇зси – ‘‘сияаа ко бана, бхигкавз, сад̇т̇уг̇ааравзнаби на бужчзяяаат̇а. сахааяагоби, бхигкавз, сахааяагасса аарожзд̇уу’’д̇и. звам̣ вуд̇д̇з д̇з бхигкуу д̇ун̣хий ахзсум̣. ат̇а ко ааяасмаа аананд̣̇о бхаг̇аванд̇ам̣ зд̇ад̣̇авожа – ‘‘ажчарияам̣, бханд̇з, аб̣бхуд̇ам̣, бханд̇з, звам̣ басанно ахам̣, бханд̇з, имасмим̣ бхигкусан̇гхз, ‘над̇т̇и згабхигкуссааби ган̇каа ваа вимад̇и ваа б̣уд̣̇д̇хз ваа д̇хаммз ваа сан̇гхз ваа маг̇г̇з ваа бадибад̣̇ааяа ваа’’’д̇и. ‘‘басаад̣̇аа ко д̇вам̣, аананд̣̇а, вад̣̇зси, н̃аан̣амзва хзд̇т̇а, аананд̣̇а, д̇ат̇ааг̇ад̇асса. над̇т̇и имасмим̣ бхигкусан̇гхз згабхигкуссааби ган̇каа ваа вимад̇и ваа б̣уд̣̇д̇хз ваа д̇хаммз ваа сан̇гхз ваа маг̇г̇з ваа бадибад̣̇ааяа ваа. имзсан̃хи, аананд̣̇а, бан̃жаннам̣ бхигкусад̇аанам̣ яо бажчимаго бхигку, со сод̇аабанно авинибаад̇ад̇хаммо нияад̇о самб̣од̇хибарааяан̣о’’д̇и.

217. Atha kho bhagavā bhikkhū āmantesi – ‘‘siyā kho pana, bhikkhave, ekabhikkhussāpi kaṅkhā vā vimati vā buddhe vā dhamme vā saṅghe vā magge vā paṭipadāya vā, pucchatha, bhikkhave, mā pacchā vippaṭisārino ahuvattha – ‘sammukhībhūto no satthā ahosi , na mayaṃ sakkhimhā bhagavantaṃ sammukhā paṭipucchitu’’’ nti. Evaṃ vutte te bhikkhū tuṇhī ahesuṃ. Dutiyampi kho bhagavā…pe… tatiyampi kho bhagavā bhikkhū āmantesi – ‘‘siyā kho pana, bhikkhave, ekabhikkhussāpi kaṅkhā vā vimati vā buddhe vā dhamme vā saṅghe vā magge vā paṭipadāya vā, pucchatha, bhikkhave, mā pacchā vippaṭisārino ahuvattha – ‘sammukhībhūto no satthā ahosi , na mayaṃ sakkhimhā bhagavantaṃ sammukhā paṭipucchitu’’’ nti. Tatiyampi kho te bhikkhū tuṇhī ahesuṃ. Atha kho bhagavā bhikkhū āmantesi – ‘‘siyā kho pana, bhikkhave, satthugāravenapi na puccheyyātha. Sahāyakopi, bhikkhave, sahāyakassa ārocetū’’ti. Evaṃ vutte te bhikkhū tuṇhī ahesuṃ. Atha kho āyasmā ānando bhagavantaṃ etadavoca – ‘‘acchariyaṃ, bhante, abbhutaṃ, bhante, evaṃ pasanno ahaṃ, bhante, imasmiṃ bhikkhusaṅghe, ‘natthi ekabhikkhussāpi kaṅkhā vā vimati vā buddhe vā dhamme vā saṅghe vā magge vā paṭipadāya vā’’’ti. ‘‘Pasādā kho tvaṃ, ānanda, vadesi, ñāṇameva hettha, ānanda, tathāgatassa. Natthi imasmiṃ bhikkhusaṅghe ekabhikkhussāpi kaṅkhā vā vimati vā buddhe vā dhamme vā saṅghe vā magge vā paṭipadāya vā. Imesañhi, ānanda, pañcannaṃ bhikkhusatānaṃ yo pacchimako bhikkhu, so sotāpanno avinipātadhammo niyato sambodhiparāyaṇo’’ti.

218. ат̇а ко бхаг̇аваа бхигкуу ааманд̇зси – ‘‘ханд̣̇а д̣̇аани, бхигкавз, ааманд̇аяаами во, ваяад̇хаммаа сан̇каараа аббамаад̣̇зна самбаад̣̇зт̇аа’’д̇и. аяам̣ д̇ат̇ааг̇ад̇асса бажчимаа ваажаа.

218. Atha kho bhagavā bhikkhū āmantesi – ‘‘handa dāni, bhikkhave, āmantayāmi vo, vayadhammā saṅkhārā appamādena sampādethā’’ti. Ayaṃ tathāgatassa pacchimā vācā.

бариниб̣б̣уд̇агат̇аа

Parinibbutakathā

219. ат̇а ко бхаг̇аваа батамам̣ жхаанам̣ самаабаж̇ж̇и, батамаж̇жхаанаа вудтахид̇ваа д̣̇уд̇ияам̣ жхаанам̣ самаабаж̇ж̇и, д̣̇уд̇ияаж̇жхаанаа вудтахид̇ваа д̇ад̇ияам̣ жхаанам̣ самаабаж̇ж̇и, д̇ад̇ияаж̇жхаанаа вудтахид̇ваа жад̇уд̇т̇ам̣ жхаанам̣ самаабаж̇ж̇и. жад̇уд̇т̇аж̇жхаанаа вудтахид̇ваа аагаасаанан̃жааяад̇анам̣ самаабаж̇ж̇и, аагаасаанан̃жааяад̇анасамаабад̇д̇ияаа вудтахид̇ваа вин̃н̃аан̣ан̃жааяад̇анам̣ самаабаж̇ж̇и, вин̃н̃аан̣ан̃жааяад̇анасамаабад̇д̇ияаа вудтахид̇ваа аагин̃жан̃н̃ааяад̇анам̣ самаабаж̇ж̇и, аагин̃жан̃н̃ааяад̇анасамаабад̇д̇ияаа вудтахид̇ваа нзвасан̃н̃аанаасан̃н̃ааяад̇анам̣ самаабаж̇ж̇и, нзвасан̃н̃аанаасан̃н̃ааяад̇анасамаабад̇д̇ияаа вудтахид̇ваа сан̃н̃аавзд̣̇аяид̇анирод̇хам̣ самаабаж̇ж̇и.

219. Atha kho bhagavā paṭhamaṃ jhānaṃ samāpajji, paṭhamajjhānā vuṭṭhahitvā dutiyaṃ jhānaṃ samāpajji, dutiyajjhānā vuṭṭhahitvā tatiyaṃ jhānaṃ samāpajji, tatiyajjhānā vuṭṭhahitvā catutthaṃ jhānaṃ samāpajji. Catutthajjhānā vuṭṭhahitvā ākāsānañcāyatanaṃ samāpajji, ākāsānañcāyatanasamāpattiyā vuṭṭhahitvā viññāṇañcāyatanaṃ samāpajji, viññāṇañcāyatanasamāpattiyā vuṭṭhahitvā ākiñcaññāyatanaṃ samāpajji, ākiñcaññāyatanasamāpattiyā vuṭṭhahitvā nevasaññānāsaññāyatanaṃ samāpajji, nevasaññānāsaññāyatanasamāpattiyā vuṭṭhahitvā saññāvedayitanirodhaṃ samāpajji.

ат̇а ко ааяасмаа аананд̣̇о ааяасманд̇ам̣ ануруд̣̇д̇хам̣ зд̇ад̣̇авожа – ‘‘бариниб̣б̣уд̇о, бханд̇з ануруд̣̇д̇ха , бхаг̇аваа’’д̇и. ‘‘наавусо аананд̣̇а, бхаг̇аваа бариниб̣б̣уд̇о, сан̃н̃аавзд̣̇аяид̇анирод̇хам̣ самаабанно’’д̇и.

Atha kho āyasmā ānando āyasmantaṃ anuruddhaṃ etadavoca – ‘‘parinibbuto, bhante anuruddha , bhagavā’’ti. ‘‘Nāvuso ānanda, bhagavā parinibbuto, saññāvedayitanirodhaṃ samāpanno’’ti.

ат̇а ко бхаг̇аваа сан̃н̃аавзд̣̇аяид̇анирод̇хасамаабад̇д̇ияаа вудтахид̇ваа нзвасан̃н̃аанаасан̃н̃ааяад̇анам̣ самаабаж̇ж̇и, нзвасан̃н̃аанаасан̃н̃ааяад̇анасамаабад̇д̇ияаа вудтахид̇ваа аагин̃жан̃н̃ааяад̇анам̣ самаабаж̇ж̇и, аагин̃жан̃н̃ааяад̇анасамаабад̇д̇ияаа вудтахид̇ваа вин̃н̃аан̣ан̃жааяад̇анам̣ самаабаж̇ж̇и, вин̃н̃аан̣ан̃жааяад̇анасамаабад̇д̇ияаа вудтахид̇ваа аагаасаанан̃жааяад̇анам̣ самаабаж̇ж̇и, аагаасаанан̃жааяад̇анасамаабад̇д̇ияаа вудтахид̇ваа жад̇уд̇т̇ам̣ жхаанам̣ самаабаж̇ж̇и, жад̇уд̇т̇аж̇жхаанаа вудтахид̇ваа д̇ад̇ияам̣ жхаанам̣ самаабаж̇ж̇и, д̇ад̇ияаж̇жхаанаа вудтахид̇ваа д̣̇уд̇ияам̣ жхаанам̣ самаабаж̇ж̇и, д̣̇уд̇ияаж̇жхаанаа вудтахид̇ваа батамам̣ жхаанам̣ самаабаж̇ж̇и, батамаж̇жхаанаа вудтахид̇ваа д̣̇уд̇ияам̣ жхаанам̣ самаабаж̇ж̇и, д̣̇уд̇ияаж̇жхаанаа вудтахид̇ваа д̇ад̇ияам̣ жхаанам̣ самаабаж̇ж̇и, д̇ад̇ияаж̇жхаанаа вудтахид̇ваа жад̇уд̇т̇ам̣ жхаанам̣ самаабаж̇ж̇и, жад̇уд̇т̇аж̇жхаанаа вудтахид̇ваа самананд̇араа бхаг̇аваа бариниб̣б̣ааяи.

Atha kho bhagavā saññāvedayitanirodhasamāpattiyā vuṭṭhahitvā nevasaññānāsaññāyatanaṃ samāpajji, nevasaññānāsaññāyatanasamāpattiyā vuṭṭhahitvā ākiñcaññāyatanaṃ samāpajji, ākiñcaññāyatanasamāpattiyā vuṭṭhahitvā viññāṇañcāyatanaṃ samāpajji, viññāṇañcāyatanasamāpattiyā vuṭṭhahitvā ākāsānañcāyatanaṃ samāpajji, ākāsānañcāyatanasamāpattiyā vuṭṭhahitvā catutthaṃ jhānaṃ samāpajji, catutthajjhānā vuṭṭhahitvā tatiyaṃ jhānaṃ samāpajji, tatiyajjhānā vuṭṭhahitvā dutiyaṃ jhānaṃ samāpajji, dutiyajjhānā vuṭṭhahitvā paṭhamaṃ jhānaṃ samāpajji, paṭhamajjhānā vuṭṭhahitvā dutiyaṃ jhānaṃ samāpajji, dutiyajjhānā vuṭṭhahitvā tatiyaṃ jhānaṃ samāpajji, tatiyajjhānā vuṭṭhahitvā catutthaṃ jhānaṃ samāpajji, catutthajjhānā vuṭṭhahitvā samanantarā bhagavā parinibbāyi.

220. бариниб̣б̣уд̇з бхаг̇авад̇и саха бариниб̣б̣аанаа махаабхуумижаало ахоси бхим̣санаго саломахам̣со. д̣̇звад̣̇унд̣̇убхияо жа палим̣су. бариниб̣б̣уд̇з бхаг̇авад̇и саха бариниб̣б̣аанаа б̣рахмаасахамбад̇и имам̣ г̇аат̇ам̣ абхааси –

220. Parinibbute bhagavati saha parinibbānā mahābhūmicālo ahosi bhiṃsanako salomahaṃso. Devadundubhiyo ca phaliṃsu. Parinibbute bhagavati saha parinibbānā brahmāsahampati imaṃ gāthaṃ abhāsi –

‘‘саб̣б̣зва нигкибиссанд̇и, бхууд̇аа логз самуссаяам̣;

‘‘Sabbeva nikkhipissanti, bhūtā loke samussayaṃ;

яад̇т̇а зд̇аад̣̇исо сад̇т̇аа, логз аббадибуг̇г̇ало;

Yattha etādiso satthā, loke appaṭipuggalo;

д̇ат̇ааг̇ад̇о б̣алаббад̇д̇о, самб̣уд̣̇д̇хо бариниб̣б̣уд̇о’’д̇и.

Tathāgato balappatto, sambuddho parinibbuto’’ti.

221. бариниб̣б̣уд̇з бхаг̇авад̇и саха бариниб̣б̣аанаа сагго д̣̇зваанаминд̣̇о имам̣ г̇аат̇ам̣ абхааси –

221. Parinibbute bhagavati saha parinibbānā sakko devānamindo imaṃ gāthaṃ abhāsi –

‘‘анижжаа вад̇а сан̇каараа, уббаад̣̇аваяад̇хаммино;

‘‘Aniccā vata saṅkhārā, uppādavayadhammino;

уббаж̇ж̇ид̇ваа нируж̇жханд̇и, д̇зсам̣ вуубасамо суко’’д̇и.

Uppajjitvā nirujjhanti, tesaṃ vūpasamo sukho’’ti.

222. бариниб̣б̣уд̇з бхаг̇авад̇и саха бариниб̣б̣аанаа ааяасмаа ануруд̣̇д̇хо имаа г̇аат̇ааяо абхааси –

222. Parinibbute bhagavati saha parinibbānā āyasmā anuruddho imā gāthāyo abhāsi –

‘‘нааху ассаасабассаасо, тид̇ажид̇д̇асса д̇аад̣̇ино;

‘‘Nāhu assāsapassāso, ṭhitacittassa tādino;

анзж̇о санд̇имаараб̣бха, яам̣ гааламагарий муни.

Anejo santimārabbha, yaṃ kālamakarī muni.

‘‘асаллийнзна жид̇д̇зна, взд̣̇анам̣ аж̇жхаваасаяи;

‘‘Asallīnena cittena, vedanaṃ ajjhavāsayi;

баж̇ж̇од̇ассзва ниб̣б̣аанам̣, вимогко жзд̇асо ахуу’’д̇и.

Pajjotasseva nibbānaṃ, vimokkho cetaso ahū’’ti.

223. бариниб̣б̣уд̇з бхаг̇авад̇и саха бариниб̣б̣аанаа ааяасмаа аананд̣̇о имам̣ г̇аат̇ам̣ абхааси –

223. Parinibbute bhagavati saha parinibbānā āyasmā ānando imaṃ gāthaṃ abhāsi –

‘‘д̇ад̣̇ааси яам̣ бхим̣санагам̣, д̇ад̣̇ааси ломахам̣санам̣;

‘‘Tadāsi yaṃ bhiṃsanakaṃ, tadāsi lomahaṃsanaṃ;

саб̣б̣аагаараваруубзд̇з, самб̣уд̣̇д̇хз бариниб̣б̣уд̇з’’д̇и.

Sabbākāravarūpete, sambuddhe parinibbute’’ti.

224. бариниб̣б̣уд̇з бхаг̇авад̇и яз д̇з д̇ад̇т̇а бхигкуу авийд̇арааг̇аа аббзгажжз б̣аахаа баг̇г̇аяха ганд̣̇анд̇и, чиннабаад̇ам̣ бабад̇анд̇и, аавадданд̇и вивадданд̇и, ‘‘ад̇икиббам̣ бхаг̇аваа бариниб̣б̣уд̇о , ад̇икиббам̣ суг̇ад̇о бариниб̣б̣уд̇о, ад̇икиббам̣ жагкум̣ логз анд̇арахид̇о’’д̇и. яз бана д̇з бхигкуу вийд̇арааг̇аа, д̇з сад̇аа самбаж̇аанаа ад̇хиваасзнд̇и – ‘‘анижжаа сан̇каараа, д̇ам̣ гуд̇зд̇т̇а лаб̣бхаа’’д̇и.

224. Parinibbute bhagavati ye te tattha bhikkhū avītarāgā appekacce bāhā paggayha kandanti, chinnapātaṃ papatanti, āvaṭṭanti vivaṭṭanti, ‘‘atikhippaṃ bhagavā parinibbuto , atikhippaṃ sugato parinibbuto, atikhippaṃ cakkhuṃ loke antarahito’’ti. Ye pana te bhikkhū vītarāgā, te satā sampajānā adhivāsenti – ‘‘aniccā saṅkhārā, taṃ kutettha labbhā’’ti.

225. ат̇а ко ааяасмаа ануруд̣̇д̇хо бхигкуу ааманд̇зси – ‘‘алам̣, аавусо, маа сожид̇т̇а маа барид̣̇звид̇т̇а. нану зд̇ам̣, аавусо, бхаг̇авад̇аа бадигажжзва агкаад̇ам̣ – ‘саб̣б̣зхзва биязхи манаабзхи наанаабхааво винаабхааво ан̃н̃ат̇аабхааво’. д̇ам̣ гуд̇зд̇т̇а, аавусо, лаб̣бхаа. ‘яам̣ д̇ам̣ ж̇аад̇ам̣ бхууд̇ам̣ сан̇кад̇ам̣ балогад̇хаммам̣, д̇ам̣ вад̇а маа балуж̇ж̇ий’д̇и, нзд̇ам̣ таанам̣ виж̇ж̇ад̇и . д̣̇звад̇аа, аавусо, уж̇жхааяанд̇ий’’д̇и. ‘‘гат̇ам̣бхууд̇аа бана, бханд̇з, ааяасмаа ануруд̣̇д̇хо д̣̇звад̇аа манаси гарод̇ий’’д̇и ²²⁷?

225. Atha kho āyasmā anuruddho bhikkhū āmantesi – ‘‘alaṃ, āvuso, mā socittha mā paridevittha. Nanu etaṃ, āvuso, bhagavatā paṭikacceva akkhātaṃ – ‘sabbeheva piyehi manāpehi nānābhāvo vinābhāvo aññathābhāvo’. Taṃ kutettha, āvuso, labbhā. ‘Yaṃ taṃ jātaṃ bhūtaṃ saṅkhataṃ palokadhammaṃ, taṃ vata mā palujjī’ti, netaṃ ṭhānaṃ vijjati . Devatā, āvuso, ujjhāyantī’’ti. ‘‘Kathaṃbhūtā pana, bhante, āyasmā anuruddho devatā manasi karotī’’ti ²²⁸?

‘‘санд̇аавусо аананд̣̇а, д̣̇звад̇аа аагаасз бат̇авийсан̃н̃инияо гзсз багирияа ганд̣̇анд̇и, б̣аахаа баг̇г̇аяха ганд̣̇анд̇и, чиннабаад̇ам̣ бабад̇анд̇и, аавадданд̇и, вивадданд̇и – ‘ад̇икиббам̣ бхаг̇аваа бариниб̣б̣уд̇о, ад̇икиббам̣ суг̇ад̇о бариниб̣б̣уд̇о, ад̇икиббам̣ жагкум̣ логз анд̇арахид̇о’д̇и. санд̇аавусо аананд̣̇а, д̣̇звад̇аа бат̇авияаа бат̇авийсан̃н̃инияо гзсз багирияа ганд̣̇анд̇и, б̣аахаа баг̇г̇аяха ганд̣̇анд̇и, чиннабаад̇ам̣ бабад̇анд̇и, аавадданд̇и, вивадданд̇и – ‘ад̇икиббам̣ бхаг̇аваа бариниб̣б̣уд̇о , ад̇икиббам̣ суг̇ад̇о бариниб̣б̣уд̇о, ад̇икиббам̣ жагкум̣ логз анд̇арахид̇о’д̇и. яаа бана д̇аа д̣̇звад̇аа вийд̇арааг̇аа, д̇аа сад̇аа самбаж̇аанаа ад̇хиваасзнд̇и – ‘анижжаа сан̇каараа, д̇ам̣ гуд̇зд̇т̇а лаб̣бхаа’д̇и. ат̇а ко ааяасмаа жа ануруд̣̇д̇хо ааяасмаа жа аананд̣̇о д̇ам̣ рад̇д̇аавасзсам̣ д̇хаммияаа гат̇ааяа вийд̇инаамзсум̣.

‘‘Santāvuso ānanda, devatā ākāse pathavīsaññiniyo kese pakiriya kandanti, bāhā paggayha kandanti, chinnapātaṃ papatanti, āvaṭṭanti, vivaṭṭanti – ‘atikhippaṃ bhagavā parinibbuto, atikhippaṃ sugato parinibbuto, atikhippaṃ cakkhuṃ loke antarahito’ti. Santāvuso ānanda, devatā pathaviyā pathavīsaññiniyo kese pakiriya kandanti, bāhā paggayha kandanti, chinnapātaṃ papatanti, āvaṭṭanti, vivaṭṭanti – ‘atikhippaṃ bhagavā parinibbuto , atikhippaṃ sugato parinibbuto, atikhippaṃ cakkhuṃ loke antarahito’ti. Yā pana tā devatā vītarāgā, tā satā sampajānā adhivāsenti – ‘aniccā saṅkhārā, taṃ kutettha labbhā’ti. Atha kho āyasmā ca anuruddho āyasmā ca ānando taṃ rattāvasesaṃ dhammiyā kathāya vītināmesuṃ.

226. ат̇а ко ааяасмаа ануруд̣̇д̇хо ааяасманд̇ам̣ аананд̣̇ам̣ ааманд̇зси – ‘‘г̇ажчаавусо аананд̣̇а, гусинаарам̣ бависид̇ваа госинаарагаанам̣ маллаанам̣ аарожзхи – ‘бариниб̣б̣уд̇о, ваасздтаа, бхаг̇аваа, яассад̣̇аани гаалам̣ ман̃н̃ат̇аа’’’д̇и. ‘‘звам̣, бханд̇з’’д̇и ко ааяасмаа аананд̣̇о ааяасмад̇о ануруд̣̇д̇хасса бадиссуд̇ваа буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа ад̇д̇ад̣̇уд̇ияо гусинаарам̣ баависи. д̇зна ко бана самаязна госинаарагаа маллаа санд̇хааг̇аарз саннибад̇ид̇аа хонд̇и д̇знзва гаран̣ийязна. ат̇а ко ааяасмаа аананд̣̇о язна госинаарагаанам̣ маллаанам̣ санд̇хааг̇аарам̣ д̇знубасан̇гами; убасан̇гамид̇ваа госинаарагаанам̣ маллаанам̣ аарожзси – ‘бариниб̣б̣уд̇о, ваасздтаа, бхаг̇аваа, яассад̣̇аани гаалам̣ ман̃н̃ат̇аа’д̇и. ид̣̇амааяасмад̇о аананд̣̇асса важанам̣ суд̇ваа маллаа жа маллабуд̇д̇аа жа малласун̣исаа жа маллабаж̇аабад̇ияо жа агхаавино д̣̇умманаа жзд̇од̣̇угкасамаббид̇аа аббзгажжз гзсз багирияа ганд̣̇анд̇и, б̣аахаа баг̇г̇аяха ганд̣̇анд̇и, чиннабаад̇ам̣ бабад̇анд̇и, аавадданд̇и, вивадданд̇и – ‘‘ад̇икиббам̣ бхаг̇аваа бариниб̣б̣уд̇о, ад̇икиббам̣ суг̇ад̇о бариниб̣б̣уд̇о, ад̇икиббам̣ жагкум̣ логз анд̇арахид̇о’’д̇и.

226. Atha kho āyasmā anuruddho āyasmantaṃ ānandaṃ āmantesi – ‘‘gacchāvuso ānanda, kusināraṃ pavisitvā kosinārakānaṃ mallānaṃ ārocehi – ‘parinibbuto, vāseṭṭhā, bhagavā, yassadāni kālaṃ maññathā’’’ti. ‘‘Evaṃ, bhante’’ti kho āyasmā ānando āyasmato anuruddhassa paṭissutvā pubbaṇhasamayaṃ nivāsetvā pattacīvaramādāya attadutiyo kusināraṃ pāvisi. Tena kho pana samayena kosinārakā mallā sandhāgāre sannipatitā honti teneva karaṇīyena. Atha kho āyasmā ānando yena kosinārakānaṃ mallānaṃ sandhāgāraṃ tenupasaṅkami; upasaṅkamitvā kosinārakānaṃ mallānaṃ ārocesi – ‘parinibbuto, vāseṭṭhā, bhagavā, yassadāni kālaṃ maññathā’ti. Idamāyasmato ānandassa vacanaṃ sutvā mallā ca mallaputtā ca mallasuṇisā ca mallapajāpatiyo ca aghāvino dummanā cetodukkhasamappitā appekacce kese pakiriya kandanti, bāhā paggayha kandanti, chinnapātaṃ papatanti, āvaṭṭanti, vivaṭṭanti – ‘‘atikhippaṃ bhagavā parinibbuto, atikhippaṃ sugato parinibbuto, atikhippaṃ cakkhuṃ loke antarahito’’ti.

б̣уд̣̇д̇хасарийрабууж̇аа

Buddhasarīrapūjā

227. ат̇а ко госинаарагаа маллаа бурисз аан̣аабзсум̣ – ‘‘д̇зна хи, бхан̣з, гусинаарааяам̣ г̇анд̇хамаалан̃жа саб̣б̣ан̃жа д̇аал̣ааважарам̣ саннибаад̇зт̇аа’’д̇и. ат̇а ко госинаарагаа маллаа г̇анд̇хамаалан̃жа саб̣б̣ан̃жа д̇аал̣ааважарам̣ бан̃жа жа д̣̇уссаяуг̇асад̇аани аад̣̇ааяа язна убавад̇д̇анам̣ маллаанам̣ саалаванам̣, язна бхаг̇авад̇о сарийрам̣ д̇знубасан̇гамим̣су; убасан̇гамид̇ваа бхаг̇авад̇о сарийрам̣ нажжзхи г̇ийд̇зхи ваад̣̇ид̇зхи маалзхи г̇анд̇хзхи саггаронд̇аа г̇арум̣ гаронд̇аа маанзнд̇аа бууж̇знд̇аа жзлавид̇аанаани гаронд̇аа ман̣д̣аламаал̣з бадияаад̣̇знд̇аа згад̣̇ивасам̣ вийд̇инаамзсум̣.

227. Atha kho kosinārakā mallā purise āṇāpesuṃ – ‘‘tena hi, bhaṇe, kusinārāyaṃ gandhamālañca sabbañca tāḷāvacaraṃ sannipātethā’’ti. Atha kho kosinārakā mallā gandhamālañca sabbañca tāḷāvacaraṃ pañca ca dussayugasatāni ādāya yena upavattanaṃ mallānaṃ sālavanaṃ, yena bhagavato sarīraṃ tenupasaṅkamiṃsu; upasaṅkamitvā bhagavato sarīraṃ naccehi gītehi vāditehi mālehi gandhehi sakkarontā garuṃ karontā mānentā pūjentā celavitānāni karontā maṇḍalamāḷe paṭiyādentā ekadivasaṃ vītināmesuṃ.

ат̇а ко госинаарагаанам̣ маллаанам̣ зд̇ад̣̇ахоси – ‘‘ад̇ивигаало ко аж̇ж̇а бхаг̇авад̇о сарийрам̣ жхаабзд̇ум̣, свз д̣̇аани маяам̣ бхаг̇авад̇о сарийрам̣ жхаабзссаамаа’’д̇и. ат̇а ко госинаарагаа маллаа бхаг̇авад̇о сарийрам̣ нажжзхи г̇ийд̇зхи ваад̣̇ид̇зхи маалзхи г̇анд̇хзхи саггаронд̇аа г̇арум̣ гаронд̇аа маанзнд̇аа бууж̇знд̇аа жзлавид̇аанаани гаронд̇аа ман̣д̣аламаал̣з бадияаад̣̇знд̇аа д̣̇уд̇ияамби д̣̇ивасам̣ вийд̇инаамзсум̣, д̇ад̇ияамби д̣̇ивасам̣ вийд̇инаамзсум̣, жад̇уд̇т̇амби д̣̇ивасам̣ вийд̇инаамзсум̣, бан̃жамамби д̣̇ивасам̣ вийд̇инаамзсум̣, чадтамби д̣̇ивасам̣ вийд̇инаамзсум̣.

Atha kho kosinārakānaṃ mallānaṃ etadahosi – ‘‘ativikālo kho ajja bhagavato sarīraṃ jhāpetuṃ, sve dāni mayaṃ bhagavato sarīraṃ jhāpessāmā’’ti. Atha kho kosinārakā mallā bhagavato sarīraṃ naccehi gītehi vāditehi mālehi gandhehi sakkarontā garuṃ karontā mānentā pūjentā celavitānāni karontā maṇḍalamāḷe paṭiyādentā dutiyampi divasaṃ vītināmesuṃ, tatiyampi divasaṃ vītināmesuṃ, catutthampi divasaṃ vītināmesuṃ, pañcamampi divasaṃ vītināmesuṃ, chaṭṭhampi divasaṃ vītināmesuṃ.

ат̇а ко сад̇д̇амам̣ д̣̇ивасам̣ госинаарагаанам̣ маллаанам̣ зд̇ад̣̇ахоси – ‘‘маяам̣ бхаг̇авад̇о сарийрам̣ нажжзхи г̇ийд̇зхи ваад̣̇ид̇зхи маалзхи г̇анд̇хзхи саггаронд̇аа г̇арум̣ гаронд̇аа маанзнд̇аа бууж̇знд̇аа д̣̇агкин̣зна д̣̇агкин̣ам̣ наг̇арасса харид̇ваа б̣аахирзна б̣аахирам̣ д̣̇агкин̣ад̇о наг̇арасса бхаг̇авад̇о сарийрам̣ жхаабзссаамаа’’д̇и.

Atha kho sattamaṃ divasaṃ kosinārakānaṃ mallānaṃ etadahosi – ‘‘mayaṃ bhagavato sarīraṃ naccehi gītehi vāditehi mālehi gandhehi sakkarontā garuṃ karontā mānentā pūjentā dakkhiṇena dakkhiṇaṃ nagarassa haritvā bāhirena bāhiraṃ dakkhiṇato nagarassa bhagavato sarīraṃ jhāpessāmā’’ti.

228. д̇зна ко бана самаязна адта маллабаамогкаа сийсам̣нхаад̇аа ахад̇аани вад̇т̇аани нивад̇т̇аа ‘‘маяам̣ бхаг̇авад̇о сарийрам̣ ужжаарзссаамаа’’д̇и на саггонд̇и ужжаарзд̇ум̣. ат̇а ко госинаарагаа маллаа ааяасманд̇ам̣ ануруд̣̇д̇хам̣ зд̇ад̣̇авожум̣ – ‘‘го ну ко, бханд̇з ануруд̣̇д̇ха, хзд̇у го бажжаяо, язнимз адта маллабаамогкаа сийсам̣нхаад̇аа ахад̇аани вад̇т̇аани нивад̇т̇аа ‘маяам̣ бхаг̇авад̇о сарийрам̣ ужжаарзссаамаа’д̇и на саггонд̇и ужжаарзд̇у’’нд̇и? ‘‘ан̃н̃ат̇аа ко, ваасздтаа, д̇умхаагам̣ ад̇хиббааяо, ан̃н̃ат̇аа д̣̇звад̇аанам̣ ад̇хиббааяо’’д̇и. ‘‘гат̇ам̣ бана, бханд̇з, д̣̇звад̇аанам̣ ад̇хиббааяо’’д̇и? ‘‘д̇умхаагам̣ ко, ваасздтаа, ад̇хиббааяо – ‘маяам̣ бхаг̇авад̇о сарийрам̣ нажжзхи г̇ийд̇зхи ваад̣̇ид̇зхи маалзхи г̇анд̇хзхи саггаронд̇аа г̇арум̣ гаронд̇аа маанзнд̇аа бууж̇знд̇аа д̣̇агкин̣зна д̣̇агкин̣ам̣ наг̇арасса харид̇ваа б̣аахирзна б̣аахирам̣ д̣̇агкин̣ад̇о наг̇арасса бхаг̇авад̇о сарийрам̣ жхаабзссаамаа’д̇и; д̣̇звад̇аанам̣ ко, ваасздтаа, ад̇хиббааяо – ‘маяам̣ бхаг̇авад̇о сарийрам̣ д̣̇иб̣б̣зхи нажжзхи г̇ийд̇зхи ваад̣̇ид̇зхи г̇анд̇хзхи саггаронд̇аа г̇арум̣ гаронд̇аа маанзнд̇аа бууж̇знд̇аа уд̇д̇арзна уд̇д̇арам̣ наг̇арасса харид̇ваа уд̇д̇арзна д̣̇ваарзна наг̇арам̣ бавзсзд̇ваа маж̇жхзна маж̇жхам̣ наг̇арасса харид̇ваа бурад̇т̇имзна д̣̇ваарзна нигкамид̇ваа бурад̇т̇имад̇о наг̇арасса магудаб̣анд̇ханам̣ наама маллаанам̣ жзд̇ияам̣ зд̇т̇а бхаг̇авад̇о сарийрам̣ жхаабзссаамаа’д̇и. ‘‘яат̇аа, бханд̇з, д̣̇звад̇аанам̣ ад̇хиббааяо, д̇ат̇аа ход̇уу’’д̇и.

228. Tena kho pana samayena aṭṭha mallapāmokkhā sīsaṃnhātā ahatāni vatthāni nivatthā ‘‘mayaṃ bhagavato sarīraṃ uccāressāmā’’ti na sakkonti uccāretuṃ. Atha kho kosinārakā mallā āyasmantaṃ anuruddhaṃ etadavocuṃ – ‘‘ko nu kho, bhante anuruddha, hetu ko paccayo, yenime aṭṭha mallapāmokkhā sīsaṃnhātā ahatāni vatthāni nivatthā ‘mayaṃ bhagavato sarīraṃ uccāressāmā’ti na sakkonti uccāretu’’nti? ‘‘Aññathā kho, vāseṭṭhā, tumhākaṃ adhippāyo, aññathā devatānaṃ adhippāyo’’ti. ‘‘Kathaṃ pana, bhante, devatānaṃ adhippāyo’’ti? ‘‘Tumhākaṃ kho, vāseṭṭhā, adhippāyo – ‘mayaṃ bhagavato sarīraṃ naccehi gītehi vāditehi mālehi gandhehi sakkarontā garuṃ karontā mānentā pūjentā dakkhiṇena dakkhiṇaṃ nagarassa haritvā bāhirena bāhiraṃ dakkhiṇato nagarassa bhagavato sarīraṃ jhāpessāmā’ti; devatānaṃ kho, vāseṭṭhā, adhippāyo – ‘mayaṃ bhagavato sarīraṃ dibbehi naccehi gītehi vāditehi gandhehi sakkarontā garuṃ karontā mānentā pūjentā uttarena uttaraṃ nagarassa haritvā uttarena dvārena nagaraṃ pavesetvā majjhena majjhaṃ nagarassa haritvā puratthimena dvārena nikkhamitvā puratthimato nagarassa makuṭabandhanaṃ nāma mallānaṃ cetiyaṃ ettha bhagavato sarīraṃ jhāpessāmā’ti. ‘‘Yathā, bhante, devatānaṃ adhippāyo, tathā hotū’’ti.

229. д̇зна ко бана самаязна гусинаараа яаава санд̇хисамаласам̣гадийраа ж̇ан̣н̣умад̇д̇зна од̇хинаа манд̣̇ааравабубпзхи сант̇ад̇аа ²²⁹ ход̇и. ат̇а ко д̣̇звад̇аа жа госинаарагаа жа маллаа бхаг̇авад̇о сарийрам̣ д̣̇иб̣б̣зхи жа маанусагзхи жа нажжзхи г̇ийд̇зхи ваад̣̇ид̇зхи маалзхи г̇анд̇хзхи саггаронд̇аа г̇арум̣ гаронд̇аа маанзнд̇аа бууж̇знд̇аа уд̇д̇арзна уд̇д̇арам̣ наг̇арасса харид̇ваа уд̇д̇арзна д̣̇ваарзна наг̇арам̣ бавзсзд̇ваа маж̇жхзна маж̇жхам̣ наг̇арасса харид̇ваа бурад̇т̇имзна д̣̇ваарзна нигкамид̇ваа бурад̇т̇имад̇о наг̇арасса магудаб̣анд̇ханам̣ наама маллаанам̣ жзд̇ияам̣ зд̇т̇а жа бхаг̇авад̇о сарийрам̣ нигкибим̣су.

229. Tena kho pana samayena kusinārā yāva sandhisamalasaṃkaṭīrā jaṇṇumattena odhinā mandāravapupphehi santhatā ²³⁰ hoti. Atha kho devatā ca kosinārakā ca mallā bhagavato sarīraṃ dibbehi ca mānusakehi ca naccehi gītehi vāditehi mālehi gandhehi sakkarontā garuṃ karontā mānentā pūjentā uttarena uttaraṃ nagarassa haritvā uttarena dvārena nagaraṃ pavesetvā majjhena majjhaṃ nagarassa haritvā puratthimena dvārena nikkhamitvā puratthimato nagarassa makuṭabandhanaṃ nāma mallānaṃ cetiyaṃ ettha ca bhagavato sarīraṃ nikkhipiṃsu.

230. ат̇а ко госинаарагаа маллаа ааяасманд̇ам̣ аананд̣̇ам̣ зд̇ад̣̇авожум̣ – ‘‘гат̇ам̣ маяам̣, бханд̇з аананд̣̇а, д̇ат̇ааг̇ад̇асса сарийрз бадибаж̇ж̇аамаа’’д̇и? ‘‘яат̇аа ко, ваасздтаа, ран̃н̃о жаггавад̇д̇исса сарийрз бадибаж̇ж̇анд̇и, звам̣ д̇ат̇ааг̇ад̇асса сарийрз бадибаж̇ж̇ид̇аб̣б̣а’’нд̇и. ‘‘гат̇ам̣ бана, бханд̇з аананд̣̇а, ран̃н̃о жаггавад̇д̇исса сарийрз бадибаж̇ж̇анд̇ий’’д̇и? ‘‘ран̃н̃о, ваасздтаа, жаггавад̇д̇исса сарийрам̣ ахад̇зна вад̇т̇зна взтзнд̇и, ахад̇зна вад̇т̇зна взтзд̇ваа вихад̇зна габбаасзна взтзнд̇и, вихад̇зна габбаасзна взтзд̇ваа ахад̇зна вад̇т̇зна взтзнд̇и. зд̇зна убааязна бан̃жахи яуг̇асад̇зхи ран̃н̃о жаггавад̇д̇исса сарийрам̣ взтзд̇ваа ааяасааяа д̇злад̣̇он̣ияаа багкибид̇ваа ан̃н̃иссаа ааяасааяа д̣̇он̣ияаа бадигуж̇ж̇ид̇ваа саб̣б̣аг̇анд̇хаанам̣ жид̇агам̣ гарид̇ваа ран̃н̃о жаггавад̇д̇исса сарийрам̣ жхаабзнд̇и. жаад̇умахаабат̇з ран̃н̃о жаггавад̇д̇исса т̇уубам̣ гаронд̇и . звам̣ ко, ваасздтаа, ран̃н̃о жаггавад̇д̇исса сарийрз бадибаж̇ж̇анд̇и. яат̇аа ко, ваасздтаа, ран̃н̃о жаггавад̇д̇исса сарийрз бадибаж̇ж̇анд̇и, звам̣ д̇ат̇ааг̇ад̇асса сарийрз бадибаж̇ж̇ид̇аб̣б̣ам̣. жаад̇умахаабат̇з д̇ат̇ааг̇ад̇асса т̇уубо гаад̇аб̣б̣о. д̇ад̇т̇а яз маалам̣ ваа г̇анд̇хам̣ ваа жун̣н̣агам̣ ваа ааробзссанд̇и ваа абхиваад̣̇зссанд̇и ваа жид̇д̇ам̣ ваа басаад̣̇зссанд̇и, д̇зсам̣ д̇ам̣ бхависсад̇и д̣̇ийгхарад̇д̇ам̣ хид̇ааяа сукааяаа’’д̇и. ат̇а ко госинаарагаа маллаа бурисз аан̣аабзсум̣ – ‘‘д̇зна хи, бхан̣з, маллаанам̣ вихад̇ам̣ габбаасам̣ саннибаад̇зт̇аа’’д̇и.

230. Atha kho kosinārakā mallā āyasmantaṃ ānandaṃ etadavocuṃ – ‘‘kathaṃ mayaṃ, bhante ānanda, tathāgatassa sarīre paṭipajjāmā’’ti? ‘‘Yathā kho, vāseṭṭhā, rañño cakkavattissa sarīre paṭipajjanti, evaṃ tathāgatassa sarīre paṭipajjitabba’’nti. ‘‘Kathaṃ pana, bhante ānanda, rañño cakkavattissa sarīre paṭipajjantī’’ti? ‘‘Rañño, vāseṭṭhā, cakkavattissa sarīraṃ ahatena vatthena veṭhenti, ahatena vatthena veṭhetvā vihatena kappāsena veṭhenti, vihatena kappāsena veṭhetvā ahatena vatthena veṭhenti. Etena upāyena pañcahi yugasatehi rañño cakkavattissa sarīraṃ veṭhetvā āyasāya teladoṇiyā pakkhipitvā aññissā āyasāya doṇiyā paṭikujjitvā sabbagandhānaṃ citakaṃ karitvā rañño cakkavattissa sarīraṃ jhāpenti. Cātumahāpathe rañño cakkavattissa thūpaṃ karonti . Evaṃ kho, vāseṭṭhā, rañño cakkavattissa sarīre paṭipajjanti. Yathā kho, vāseṭṭhā, rañño cakkavattissa sarīre paṭipajjanti, evaṃ tathāgatassa sarīre paṭipajjitabbaṃ. Cātumahāpathe tathāgatassa thūpo kātabbo. Tattha ye mālaṃ vā gandhaṃ vā cuṇṇakaṃ vā āropessanti vā abhivādessanti vā cittaṃ vā pasādessanti, tesaṃ taṃ bhavissati dīgharattaṃ hitāya sukhāyā’’ti. Atha kho kosinārakā mallā purise āṇāpesuṃ – ‘‘tena hi, bhaṇe, mallānaṃ vihataṃ kappāsaṃ sannipātethā’’ti.

ат̇а ко госинаарагаа маллаа бхаг̇авад̇о сарийрам̣ ахад̇зна вад̇т̇зна взтзд̇ваа вихад̇зна габбаасзна взтзсум̣, вихад̇зна габбаасзна взтзд̇ваа ахад̇зна вад̇т̇зна взтзсум̣. зд̇зна убааязна бан̃жахи яуг̇асад̇зхи бхаг̇авад̇о сарийрам̣ взтзд̇ваа ааяасааяа д̇злад̣̇он̣ияаа багкибид̇ваа ан̃н̃иссаа ааяасааяа д̣̇он̣ияаа бадигуж̇ж̇ид̇ваа саб̣б̣аг̇анд̇хаанам̣ жид̇агам̣ гарид̇ваа бхаг̇авад̇о сарийрам̣ жид̇агам̣ ааробзсум̣.

Atha kho kosinārakā mallā bhagavato sarīraṃ ahatena vatthena veṭhetvā vihatena kappāsena veṭhesuṃ, vihatena kappāsena veṭhetvā ahatena vatthena veṭhesuṃ. Etena upāyena pañcahi yugasatehi bhagavato sarīraṃ veṭhetvā āyasāya teladoṇiyā pakkhipitvā aññissā āyasāya doṇiyā paṭikujjitvā sabbagandhānaṃ citakaṃ karitvā bhagavato sarīraṃ citakaṃ āropesuṃ.

махаагассабад̇т̇зравад̇т̇у

Mahākassapattheravatthu

231. д̇зна ко бана самаязна ааяасмаа махаагассабо баавааяа гусинаарам̣ ад̣̇д̇хаанамаг̇г̇аббадиббанно ход̇и махад̇аа бхигкусан̇гхзна сад̣̇д̇хим̣ бан̃жамад̇д̇зхи бхигкусад̇зхи. ат̇а ко ааяасмаа махаагассабо маг̇г̇аа оггамма ан̃н̃ад̇арасмим̣ ругкамуулз нисийд̣̇и. д̇зна ко бана самаязна ан̃н̃ад̇аро ааж̇ийваго гусинаарааяа манд̣̇ааравабубпам̣ г̇ахзд̇ваа баавам̣ ад̣̇д̇хаанамаг̇г̇аббадиббанно ход̇и. ад̣̇д̣̇асаа ко ааяасмаа махаагассабо д̇ам̣ ааж̇ийвагам̣ д̣̇уурад̇ова ааг̇ажчанд̇ам̣, д̣̇исваа д̇ам̣ ааж̇ийвагам̣ зд̇ад̣̇авожа – ‘‘абаавусо, амхаагам̣ сад̇т̇аарам̣ ж̇аанаасий’’д̇и? ‘‘аамаавусо, ж̇аанаами, аж̇ж̇а сад̇д̇аахабариниб̣б̣уд̇о саман̣о г̇од̇амо. д̇ад̇о мз ид̣̇ам̣ манд̣̇ааравабубпам̣ г̇ахид̇а’’нд̇и. д̇ад̇т̇а яз д̇з бхигкуу авийд̇арааг̇аа аббзгажжз б̣аахаа баг̇г̇аяха ганд̣̇анд̇и, чиннабаад̇ам̣ бабад̇анд̇и, аавадданд̇и, вивадданд̇и – ‘‘ад̇икиббам̣ бхаг̇аваа бариниб̣б̣уд̇о, ад̇икиббам̣ суг̇ад̇о бариниб̣б̣уд̇о, ад̇икиббам̣ жагкум̣ логз анд̇арахид̇о’’д̇и. яз бана д̇з бхигкуу вийд̇арааг̇аа, д̇з сад̇аа самбаж̇аанаа ад̇хиваасзнд̇и – ‘‘анижжаа сан̇каараа, д̇ам̣ гуд̇зд̇т̇а лаб̣бхаа’’д̇и.

231. Tena kho pana samayena āyasmā mahākassapo pāvāya kusināraṃ addhānamaggappaṭippanno hoti mahatā bhikkhusaṅghena saddhiṃ pañcamattehi bhikkhusatehi. Atha kho āyasmā mahākassapo maggā okkamma aññatarasmiṃ rukkhamūle nisīdi. Tena kho pana samayena aññataro ājīvako kusinārāya mandāravapupphaṃ gahetvā pāvaṃ addhānamaggappaṭippanno hoti. Addasā kho āyasmā mahākassapo taṃ ājīvakaṃ dūratova āgacchantaṃ, disvā taṃ ājīvakaṃ etadavoca – ‘‘apāvuso, amhākaṃ satthāraṃ jānāsī’’ti? ‘‘Āmāvuso, jānāmi, ajja sattāhaparinibbuto samaṇo gotamo. Tato me idaṃ mandāravapupphaṃ gahita’’nti. Tattha ye te bhikkhū avītarāgā appekacce bāhā paggayha kandanti, chinnapātaṃ papatanti, āvaṭṭanti, vivaṭṭanti – ‘‘atikhippaṃ bhagavā parinibbuto, atikhippaṃ sugato parinibbuto, atikhippaṃ cakkhuṃ loke antarahito’’ti. Ye pana te bhikkhū vītarāgā, te satā sampajānā adhivāsenti – ‘‘aniccā saṅkhārā, taṃ kutettha labbhā’’ti.

232. д̇зна ко бана самаязна субхад̣̇д̣̇о наама вуд̣̇д̇хабаб̣б̣аж̇ид̇о д̇ассам̣ барисааяам̣ нисинно ход̇и. ат̇а ко субхад̣̇д̣̇о вуд̣̇д̇хабаб̣б̣аж̇ид̇о д̇з бхигкуу зд̇ад̣̇авожа – ‘‘алам̣, аавусо, маа сожид̇т̇а, маа барид̣̇звид̇т̇а, сумуд̇д̇аа маяам̣ д̇зна махаасаман̣зна. убад̣̇д̣̇уд̇аа жа хома – ‘ид̣̇ам̣ во габбад̇и, ид̣̇ам̣ во на габбад̇ий’д̇и. ид̣̇аани бана маяам̣ яам̣ ижчиссаама, д̇ам̣ гариссаама, яам̣ на ижчиссаама, на д̇ам̣ гариссаамаа’’д̇и. ат̇а ко ааяасмаа махаагассабо бхигкуу ааманд̇зси – ‘‘алам̣, аавусо, маа сожид̇т̇а, маа барид̣̇звид̇т̇а. нану зд̇ам̣ , аавусо, бхаг̇авад̇аа бадигажжзва агкаад̇ам̣ – ‘саб̣б̣зхзва биязхи манаабзхи наанаабхааво винаабхааво ан̃н̃ат̇аабхааво’. д̇ам̣ гуд̇зд̇т̇а, аавусо, лаб̣бхаа. ‘яам̣ д̇ам̣ ж̇аад̇ам̣ бхууд̇ам̣ сан̇кад̇ам̣ балогад̇хаммам̣, д̇ам̣ д̇ат̇ааг̇ад̇ассааби сарийрам̣ маа балуж̇ж̇ий’д̇и, нзд̇ам̣ таанам̣ виж̇ж̇ад̇ий’’д̇и.

232. Tena kho pana samayena subhaddo nāma vuddhapabbajito tassaṃ parisāyaṃ nisinno hoti. Atha kho subhaddo vuddhapabbajito te bhikkhū etadavoca – ‘‘alaṃ, āvuso, mā socittha, mā paridevittha, sumuttā mayaṃ tena mahāsamaṇena. Upaddutā ca homa – ‘idaṃ vo kappati, idaṃ vo na kappatī’ti. Idāni pana mayaṃ yaṃ icchissāma, taṃ karissāma, yaṃ na icchissāma, na taṃ karissāmā’’ti. Atha kho āyasmā mahākassapo bhikkhū āmantesi – ‘‘alaṃ, āvuso, mā socittha, mā paridevittha. Nanu etaṃ , āvuso, bhagavatā paṭikacceva akkhātaṃ – ‘sabbeheva piyehi manāpehi nānābhāvo vinābhāvo aññathābhāvo’. Taṃ kutettha, āvuso, labbhā. ‘Yaṃ taṃ jātaṃ bhūtaṃ saṅkhataṃ palokadhammaṃ, taṃ tathāgatassāpi sarīraṃ mā palujjī’ti, netaṃ ṭhānaṃ vijjatī’’ti.

233. д̇зна ко бана самаязна жад̇д̇ааро маллабаамогкаа сийсам̣нхаад̇аа ахад̇аани вад̇т̇аани нивад̇т̇аа – ‘‘маяам̣ бхаг̇авад̇о жид̇агам̣ аал̣имбзссаамаа’’д̇и на саггонд̇и аал̣имбзд̇ум̣. ат̇а ко госинаарагаа маллаа ааяасманд̇ам̣ ануруд̣̇д̇хам̣ зд̇ад̣̇авожум̣ – ‘‘го ну ко, бханд̇з ануруд̣̇д̇ха, хзд̇у го бажжаяо, язнимз жад̇д̇ааро маллабаамогкаа сийсам̣нхаад̇аа ахад̇аани вад̇т̇аани нивад̇т̇аа – ‘маяам̣ бхаг̇авад̇о жид̇агам̣ аал̣имбзссаамаа’д̇и на саггонд̇и аал̣имбзд̇у’’нд̇и? ‘‘ан̃н̃ат̇аа ко, ваасздтаа, д̣̇звад̇аанам̣ ад̇хиббааяо’’д̇и. ‘‘гат̇ам̣ бана, бханд̇з, д̣̇звад̇аанам̣ ад̇хиббааяо’’д̇и? ‘‘д̣̇звад̇аанам̣ ко, ваасздтаа, ад̇хиббааяо – ‘аяам̣ ааяасмаа махаагассабо баавааяа гусинаарам̣ ад̣̇д̇хаанамаг̇г̇аббадиббанно махад̇аа бхигкусан̇гхзна сад̣̇д̇хим̣ бан̃жамад̇д̇зхи бхигкусад̇зхи. на д̇аава бхаг̇авад̇о жид̇аго баж̇ж̇алиссад̇и, яаавааяасмаа махаагассабо бхаг̇авад̇о баад̣̇з сирасаа на ванд̣̇иссад̇ий’’’д̇и. ‘‘яат̇аа, бханд̇з, д̣̇звад̇аанам̣ ад̇хиббааяо, д̇ат̇аа ход̇уу’’д̇и.

233. Tena kho pana samayena cattāro mallapāmokkhā sīsaṃnhātā ahatāni vatthāni nivatthā – ‘‘mayaṃ bhagavato citakaṃ āḷimpessāmā’’ti na sakkonti āḷimpetuṃ. Atha kho kosinārakā mallā āyasmantaṃ anuruddhaṃ etadavocuṃ – ‘‘ko nu kho, bhante anuruddha, hetu ko paccayo, yenime cattāro mallapāmokkhā sīsaṃnhātā ahatāni vatthāni nivatthā – ‘mayaṃ bhagavato citakaṃ āḷimpessāmā’ti na sakkonti āḷimpetu’’nti? ‘‘Aññathā kho, vāseṭṭhā, devatānaṃ adhippāyo’’ti. ‘‘Kathaṃ pana, bhante, devatānaṃ adhippāyo’’ti? ‘‘Devatānaṃ kho, vāseṭṭhā, adhippāyo – ‘ayaṃ āyasmā mahākassapo pāvāya kusināraṃ addhānamaggappaṭippanno mahatā bhikkhusaṅghena saddhiṃ pañcamattehi bhikkhusatehi. Na tāva bhagavato citako pajjalissati, yāvāyasmā mahākassapo bhagavato pāde sirasā na vandissatī’’’ti. ‘‘Yathā, bhante, devatānaṃ adhippāyo, tathā hotū’’ti.

234. ат̇а ко ааяасмаа махаагассабо язна гусинаараа магудаб̣анд̇ханам̣ наама маллаанам̣ жзд̇ияам̣, язна бхаг̇авад̇о жид̇аго д̇знубасан̇гами; убасан̇гамид̇ваа згам̣сам̣ жийварам̣ гад̇ваа ан̃ж̇алим̣ бан̣аамзд̇ваа д̇игкад̇д̇ум̣ жид̇агам̣ бад̣̇агкин̣ам̣ гад̇ваа бхаг̇авад̇о баад̣̇з сирасаа ванд̣̇и. д̇ааниби ко бан̃жабхигкусад̇аани згам̣сам̣ жийварам̣ гад̇ваа ан̃ж̇алим̣ бан̣аамзд̇ваа д̇игкад̇д̇ум̣ жид̇агам̣ бад̣̇агкин̣ам̣ гад̇ваа бхаг̇авад̇о баад̣̇з сирасаа ванд̣̇им̣су. ванд̣̇ид̇з жа банааяасмад̇аа махаагассабзна д̇зхи жа бан̃жахи бхигкусад̇зхи саяамзва бхаг̇авад̇о жид̇аго баж̇ж̇али.

234. Atha kho āyasmā mahākassapo yena kusinārā makuṭabandhanaṃ nāma mallānaṃ cetiyaṃ, yena bhagavato citako tenupasaṅkami; upasaṅkamitvā ekaṃsaṃ cīvaraṃ katvā añjaliṃ paṇāmetvā tikkhattuṃ citakaṃ padakkhiṇaṃ katvā bhagavato pāde sirasā vandi. Tānipi kho pañcabhikkhusatāni ekaṃsaṃ cīvaraṃ katvā añjaliṃ paṇāmetvā tikkhattuṃ citakaṃ padakkhiṇaṃ katvā bhagavato pāde sirasā vandiṃsu. Vandite ca panāyasmatā mahākassapena tehi ca pañcahi bhikkhusatehi sayameva bhagavato citako pajjali.

235. жхааяамаанасса ко бана бхаг̇авад̇о сарийрасса яам̣ ахоси чавийд̇и ваа жамманд̇и ваа мам̣санд̇и ваа нхаарууд̇и ваа ласигаад̇и ваа, д̇асса нзва чааригаа бан̃н̃ааяид̇т̇а, на маси; сарийраанзва авасиссим̣су. сзяяат̇ааби наама саббисса ваа д̇зласса ваа жхааяамаанасса нзва чааригаа бан̃н̃ааяад̇и, на маси; звамзва бхаг̇авад̇о сарийрасса жхааяамаанасса яам̣ ахоси чавийд̇и ваа жамманд̇и ваа мам̣санд̇и ваа нхаарууд̇и ваа ласигаад̇и ваа, д̇асса нзва чааригаа бан̃н̃ааяид̇т̇а, на маси; сарийраанзва авасиссим̣су. д̇зсан̃жа бан̃жаннам̣ д̣̇уссаяуг̇асад̇аанам̣ д̣̇взва д̣̇уссаани на д̣аяхим̣су яан̃жа саб̣б̣ааб̣бханд̇аримам̣ яан̃жа б̣аахирам̣. д̣̇ад̣дхз жа ко бана бхаг̇авад̇о сарийрз анд̇алигкаа уд̣̇агад̇хаараа баад̇убхавид̇ваа бхаг̇авад̇о жид̇агам̣ ниб̣б̣аабзси. уд̣̇агасаалад̇оби ²³¹ аб̣бхуннамид̇ваа бхаг̇авад̇о жид̇агам̣ ниб̣б̣аабзси. госинаарагааби маллаа саб̣б̣аг̇анд̇ход̣̇агзна бхаг̇авад̇о жид̇агам̣ ниб̣б̣аабзсум̣. ат̇а ко госинаарагаа маллаа бхаг̇авад̇о сарийраани сад̇д̇аахам̣ санд̇хааг̇аарз сад̇д̇ибан̃ж̇арам̣ гарид̇ваа д̇ханубаагаарам̣ баригкибаабзд̇ваа ²³² нажжзхи г̇ийд̇зхи ваад̣̇ид̇зхи маалзхи г̇анд̇хзхи саггарим̣су г̇арум̣ гарим̣су маанзсум̣ бууж̇зсум̣.

235. Jhāyamānassa kho pana bhagavato sarīrassa yaṃ ahosi chavīti vā cammanti vā maṃsanti vā nhārūti vā lasikāti vā, tassa neva chārikā paññāyittha, na masi; sarīrāneva avasissiṃsu. Seyyathāpi nāma sappissa vā telassa vā jhāyamānassa neva chārikā paññāyati, na masi; evameva bhagavato sarīrassa jhāyamānassa yaṃ ahosi chavīti vā cammanti vā maṃsanti vā nhārūti vā lasikāti vā, tassa neva chārikā paññāyittha, na masi; sarīrāneva avasissiṃsu. Tesañca pañcannaṃ dussayugasatānaṃ dveva dussāni na ḍayhiṃsu yañca sabbaabbhantarimaṃ yañca bāhiraṃ. Daḍḍhe ca kho pana bhagavato sarīre antalikkhā udakadhārā pātubhavitvā bhagavato citakaṃ nibbāpesi. Udakasālatopi ²³³ abbhunnamitvā bhagavato citakaṃ nibbāpesi. Kosinārakāpi mallā sabbagandhodakena bhagavato citakaṃ nibbāpesuṃ. Atha kho kosinārakā mallā bhagavato sarīrāni sattāhaṃ sandhāgāre sattipañjaraṃ karitvā dhanupākāraṃ parikkhipāpetvā ²³⁴ naccehi gītehi vāditehi mālehi gandhehi sakkariṃsu garuṃ kariṃsu mānesuṃ pūjesuṃ.

сарийрад̇хаад̇увибхааж̇анам̣

Sarīradhātuvibhājanaṃ

236. ассоси ко рааж̇аа мааг̇ад̇хо аж̇аад̇асад̇д̇у взд̣̇зхибуд̇д̇о – ‘‘бхаг̇аваа гира гусинаарааяам̣ бариниб̣б̣уд̇о’’д̇и. ат̇а ко рааж̇аа мааг̇ад̇хо аж̇аад̇асад̇д̇у взд̣̇зхибуд̇д̇о госинаарагаанам̣ маллаанам̣ д̣̇ууд̇ам̣ баахзси – ‘‘бхаг̇авааби кад̇д̇ияо ахамби кад̇д̇ияо, ахамби арахаами бхаг̇авад̇о сарийраанам̣ бхааг̇ам̣, ахамби бхаг̇авад̇о сарийраанам̣ т̇уубан̃жа махан̃жа гариссаамий’’д̇и.

236. Assosi kho rājā māgadho ajātasattu vedehiputto – ‘‘bhagavā kira kusinārāyaṃ parinibbuto’’ti. Atha kho rājā māgadho ajātasattu vedehiputto kosinārakānaṃ mallānaṃ dūtaṃ pāhesi – ‘‘bhagavāpi khattiyo ahampi khattiyo, ahampi arahāmi bhagavato sarīrānaṃ bhāgaṃ, ahampi bhagavato sarīrānaṃ thūpañca mahañca karissāmī’’ti.

ассосум̣ ко взсаалигаа лижчавий – ‘‘бхаг̇аваа гира гусинаарааяам̣ бариниб̣б̣уд̇о’’д̇и. ат̇а ко взсаалигаа лижчавий госинаарагаанам̣ маллаанам̣ д̣̇ууд̇ам̣ баахзсум̣ – ‘‘бхаг̇авааби кад̇д̇ияо маяамби кад̇д̇ияаа, маяамби арахаама бхаг̇авад̇о сарийраанам̣ бхааг̇ам̣, маяамби бхаг̇авад̇о сарийраанам̣ т̇уубан̃жа махан̃жа гариссаамаа’’д̇и.

Assosuṃ kho vesālikā licchavī – ‘‘bhagavā kira kusinārāyaṃ parinibbuto’’ti. Atha kho vesālikā licchavī kosinārakānaṃ mallānaṃ dūtaṃ pāhesuṃ – ‘‘bhagavāpi khattiyo mayampi khattiyā, mayampi arahāma bhagavato sarīrānaṃ bhāgaṃ, mayampi bhagavato sarīrānaṃ thūpañca mahañca karissāmā’’ti.

ассосум̣ ко габилавад̇т̇уваасий сагяаа – ‘‘бхаг̇аваа гира гусинаарааяам̣ бариниб̣б̣уд̇о’’д̇и. ат̇а ко габилавад̇т̇уваасий сагяаа госинаарагаанам̣ маллаанам̣ д̣̇ууд̇ам̣ баахзсум̣ – ‘‘бхаг̇аваа амхаагам̣ н̃аад̇исздто , маяамби арахаама бхаг̇авад̇о сарийраанам̣ бхааг̇ам̣, маяамби бхаг̇авад̇о сарийраанам̣ т̇уубан̃жа махан̃жа гариссаамаа’’д̇и.

Assosuṃ kho kapilavatthuvāsī sakyā – ‘‘bhagavā kira kusinārāyaṃ parinibbuto’’ti. Atha kho kapilavatthuvāsī sakyā kosinārakānaṃ mallānaṃ dūtaṃ pāhesuṃ – ‘‘bhagavā amhākaṃ ñātiseṭṭho , mayampi arahāma bhagavato sarīrānaṃ bhāgaṃ, mayampi bhagavato sarīrānaṃ thūpañca mahañca karissāmā’’ti.

ассосум̣ ко аллагаббагаа б̣улаяо ²³⁵ – ‘‘бхаг̇аваа гира гусинаарааяам̣ бариниб̣б̣уд̇о’’д̇и. ат̇а ко аллагаббагаа б̣улаяо госинаарагаанам̣ маллаанам̣ д̣̇ууд̇ам̣ баахзсум̣ – ‘‘бхаг̇авааби кад̇д̇ияо маяамби кад̇д̇ияаа, маяамби арахаама бхаг̇авад̇о сарийраанам̣ бхааг̇ам̣, маяамби бхаг̇авад̇о сарийраанам̣ т̇уубан̃жа махан̃жа гариссаамаа’’д̇и .

Assosuṃ kho allakappakā bulayo ²³⁶ – ‘‘bhagavā kira kusinārāyaṃ parinibbuto’’ti. Atha kho allakappakā bulayo kosinārakānaṃ mallānaṃ dūtaṃ pāhesuṃ – ‘‘bhagavāpi khattiyo mayampi khattiyā, mayampi arahāma bhagavato sarīrānaṃ bhāgaṃ, mayampi bhagavato sarīrānaṃ thūpañca mahañca karissāmā’’ti .

ассосум̣ ко раамаг̇аамагаа гол̣ияаа – ‘‘бхаг̇аваа гира гусинаарааяам̣ бариниб̣б̣уд̇о’’д̇и. ат̇а ко раамаг̇аамагаа гол̣ияаа госинаарагаанам̣ маллаанам̣ д̣̇ууд̇ам̣ баахзсум̣ – ‘‘бхаг̇авааби кад̇д̇ияо маяамби кад̇д̇ияаа, маяамби арахаама бхаг̇авад̇о сарийраанам̣ бхааг̇ам̣, маяамби бхаг̇авад̇о сарийраанам̣ т̇уубан̃жа махан̃жа гариссаамаа’’д̇и.

Assosuṃ kho rāmagāmakā koḷiyā – ‘‘bhagavā kira kusinārāyaṃ parinibbuto’’ti. Atha kho rāmagāmakā koḷiyā kosinārakānaṃ mallānaṃ dūtaṃ pāhesuṃ – ‘‘bhagavāpi khattiyo mayampi khattiyā, mayampi arahāma bhagavato sarīrānaṃ bhāgaṃ, mayampi bhagavato sarīrānaṃ thūpañca mahañca karissāmā’’ti.

ассоси ко вздтад̣̇ийбаго б̣раахман̣о – ‘‘бхаг̇аваа гира гусинаарааяам̣ бариниб̣б̣уд̇о’’д̇и. ат̇а ко вздтад̣̇ийбаго б̣раахман̣о госинаарагаанам̣ маллаанам̣ д̣̇ууд̇ам̣ баахзси – ‘‘бхаг̇авааби кад̇д̇ияо ахам̣ бисми б̣раахман̣о, ахамби арахаами бхаг̇авад̇о сарийраанам̣ бхааг̇ам̣, ахамби бхаг̇авад̇о сарийраанам̣ т̇уубан̃жа махан̃жа гариссаамий’’д̇и.

Assosi kho veṭṭhadīpako brāhmaṇo – ‘‘bhagavā kira kusinārāyaṃ parinibbuto’’ti. Atha kho veṭṭhadīpako brāhmaṇo kosinārakānaṃ mallānaṃ dūtaṃ pāhesi – ‘‘bhagavāpi khattiyo ahaṃ pismi brāhmaṇo, ahampi arahāmi bhagavato sarīrānaṃ bhāgaṃ, ahampi bhagavato sarīrānaṃ thūpañca mahañca karissāmī’’ti.

ассосум̣ ко баавзяяагаа маллаа – ‘‘бхаг̇аваа гира гусинаарааяам̣ бариниб̣б̣уд̇о’’д̇и. ат̇а ко баавзяяагаа маллаа госинаарагаанам̣ маллаанам̣ д̣̇ууд̇ам̣ баахзсум̣ – ‘‘бхаг̇авааби кад̇д̇ияо маяамби кад̇д̇ияаа, маяамби арахаама бхаг̇авад̇о сарийраанам̣ бхааг̇ам̣, маяамби бхаг̇авад̇о сарийраанам̣ т̇уубан̃жа махан̃жа гариссаамаа’’д̇и.

Assosuṃ kho pāveyyakā mallā – ‘‘bhagavā kira kusinārāyaṃ parinibbuto’’ti. Atha kho pāveyyakā mallā kosinārakānaṃ mallānaṃ dūtaṃ pāhesuṃ – ‘‘bhagavāpi khattiyo mayampi khattiyā, mayampi arahāma bhagavato sarīrānaṃ bhāgaṃ, mayampi bhagavato sarīrānaṃ thūpañca mahañca karissāmā’’ti.

звам̣ вуд̇д̇з госинаарагаа маллаа д̇з сан̇гхз г̇ан̣з зд̇ад̣̇авожум̣ – ‘‘бхаг̇аваа амхаагам̣ г̇аамагкзд̇д̇з бариниб̣б̣уд̇о, на маяам̣ д̣̇ассаама бхаг̇авад̇о сарийраанам̣ бхааг̇а’’нд̇и.

Evaṃ vutte kosinārakā mallā te saṅghe gaṇe etadavocuṃ – ‘‘bhagavā amhākaṃ gāmakkhette parinibbuto, na mayaṃ dassāma bhagavato sarīrānaṃ bhāga’’nti.

237. звам̣ вуд̇д̇з д̣̇он̣о б̣раахман̣о д̇з сан̇гхз г̇ан̣з зд̇ад̣̇авожа –

237. Evaṃ vutte doṇo brāhmaṇo te saṅghe gaṇe etadavoca –

‘‘сун̣анд̇у бхонд̇о мама згаваажам̣,

‘‘Suṇantu bhonto mama ekavācaṃ,

амхаага ²³⁷; б̣уд̣̇д̇хо аху канд̇иваад̣̇о;

Amhāka ²³⁸; Buddho ahu khantivādo;

на хи саад̇ху яам̣ уд̇д̇амабуг̇г̇аласса,

Na hi sādhu yaṃ uttamapuggalassa,

сарийрабхааг̇з сияаа самбахааро.

Sarīrabhāge siyā sampahāro.

саб̣б̣зва бхонд̇о сахид̇аа самаг̇г̇аа,

Sabbeva bhonto sahitā samaggā,

саммод̣̇амаанаа гаромадтабхааг̇з;

Sammodamānā karomaṭṭhabhāge;

вид̇т̇ааригаа хонд̇у д̣̇исаасу т̇уубаа,

Vitthārikā hontu disāsu thūpā,

б̣ахуу ж̇анаа жагкумад̇о басаннаа’’д̇и.

Bahū janā cakkhumato pasannā’’ti.

238. ‘‘д̇зна хи, б̣раахман̣а, д̇ван̃н̃зва бхаг̇авад̇о сарийраани адтад̇хаа самам̣ савибхад̇д̇ам̣ вибхаж̇аахий’’д̇и. ‘‘звам̣, бхо’’д̇и ко д̣̇он̣о б̣раахман̣о д̇зсам̣ сан̇гхаанам̣ г̇ан̣аанам̣ бадиссуд̇ваа бхаг̇авад̇о сарийраани адтад̇хаа самам̣ сувибхад̇д̇ам̣ вибхаж̇ид̇ваа д̇з сан̇гхз г̇ан̣з зд̇ад̣̇авожа – ‘‘имам̣ мз бхонд̇о д̇умб̣ам̣ д̣̇ад̣̇анд̇у ахамби д̇умб̣асса т̇уубан̃жа махан̃жа гариссаамий’’д̇и. ад̣̇ам̣су ко д̇з д̣̇он̣асса б̣раахман̣асса д̇умб̣ам̣.

238. ‘‘Tena hi, brāhmaṇa, tvaññeva bhagavato sarīrāni aṭṭhadhā samaṃ savibhattaṃ vibhajāhī’’ti. ‘‘Evaṃ, bho’’ti kho doṇo brāhmaṇo tesaṃ saṅghānaṃ gaṇānaṃ paṭissutvā bhagavato sarīrāni aṭṭhadhā samaṃ suvibhattaṃ vibhajitvā te saṅghe gaṇe etadavoca – ‘‘imaṃ me bhonto tumbaṃ dadantu ahampi tumbassa thūpañca mahañca karissāmī’’ti. Adaṃsu kho te doṇassa brāhmaṇassa tumbaṃ.

ассосум̣ ко биббаливанияаа ²³⁹ морияаа – ‘‘бхаг̇аваа гира гусинаарааяам̣ бариниб̣б̣уд̇о’’д̇и. ат̇а ко биббаливанияаа морияаа госинаарагаанам̣ маллаанам̣ д̣̇ууд̇ам̣ баахзсум̣ – ‘‘бхаг̇авааби кад̇д̇ияо маяамби кад̇д̇ияаа, маяамби арахаама бхаг̇авад̇о сарийраанам̣ бхааг̇ам̣, маяамби бхаг̇авад̇о сарийраанам̣ т̇уубан̃жа махан̃жа гариссаамаа’’д̇и. ‘‘над̇т̇и бхаг̇авад̇о сарийраанам̣ бхааг̇о, вибхад̇д̇аани бхаг̇авад̇о сарийраани. ид̇о ан̇г̇аарам̣ харат̇аа’’д̇и. д̇з д̇ад̇о ан̇г̇аарам̣ харим̣су ²⁴⁰.

Assosuṃ kho pippalivaniyā ²⁴¹ moriyā – ‘‘bhagavā kira kusinārāyaṃ parinibbuto’’ti. Atha kho pippalivaniyā moriyā kosinārakānaṃ mallānaṃ dūtaṃ pāhesuṃ – ‘‘bhagavāpi khattiyo mayampi khattiyā, mayampi arahāma bhagavato sarīrānaṃ bhāgaṃ, mayampi bhagavato sarīrānaṃ thūpañca mahañca karissāmā’’ti. ‘‘Natthi bhagavato sarīrānaṃ bhāgo, vibhattāni bhagavato sarīrāni. Ito aṅgāraṃ harathā’’ti. Te tato aṅgāraṃ hariṃsu ²⁴².

д̇хаад̇ут̇уубабууж̇аа

Dhātuthūpapūjā

239. ат̇а ко рааж̇аа мааг̇ад̇хо аж̇аад̇асад̇д̇у взд̣̇зхибуд̇д̇о рааж̇аг̇ахз бхаг̇авад̇о сарийраанам̣ т̇уубан̃жа махан̃жа агааси. взсаалигааби лижчавий взсаалияам̣ бхаг̇авад̇о сарийраанам̣ т̇уубан̃жа махан̃жа агам̣су. габилавад̇т̇уваасийби сагяаа габилавад̇т̇усмим̣ бхаг̇авад̇о сарийраанам̣ т̇уубан̃жа махан̃жа агам̣су. аллагаббагааби б̣улаяо аллагаббз бхаг̇авад̇о сарийраанам̣ т̇уубан̃жа махан̃жа агам̣су. раамаг̇аамагааби гол̣ияаа раамаг̇аамз бхаг̇авад̇о сарийраанам̣ т̇уубан̃жа махан̃жа агам̣су. вздтад̣̇ийбагоби б̣раахман̣о вздтад̣̇ийбз бхаг̇авад̇о сарийраанам̣ т̇уубан̃жа махан̃жа агааси. баавзяяагааби маллаа баавааяам̣ бхаг̇авад̇о сарийраанам̣ т̇уубан̃жа махан̃жа агам̣су. госинаарагааби маллаа гусинаарааяам̣ бхаг̇авад̇о сарийраанам̣ т̇уубан̃жа махан̃жа агам̣су. д̣̇он̣оби б̣раахман̣о д̇умб̣асса т̇уубан̃жа махан̃жа агааси. биббаливанияааби морияаа биббаливанз ан̇г̇аараанам̣ т̇уубан̃жа махан̃жа агам̣су. ид̇и адта сарийрат̇уубаа навамо д̇умб̣ат̇уубо д̣̇асамо ан̇г̇аарат̇уубо. звамзд̇ам̣ бхууд̇абуб̣б̣анд̇и.

239. Atha kho rājā māgadho ajātasattu vedehiputto rājagahe bhagavato sarīrānaṃ thūpañca mahañca akāsi. Vesālikāpi licchavī vesāliyaṃ bhagavato sarīrānaṃ thūpañca mahañca akaṃsu. Kapilavatthuvāsīpi sakyā kapilavatthusmiṃ bhagavato sarīrānaṃ thūpañca mahañca akaṃsu. Allakappakāpi bulayo allakappe bhagavato sarīrānaṃ thūpañca mahañca akaṃsu. Rāmagāmakāpi koḷiyā rāmagāme bhagavato sarīrānaṃ thūpañca mahañca akaṃsu. Veṭṭhadīpakopi brāhmaṇo veṭṭhadīpe bhagavato sarīrānaṃ thūpañca mahañca akāsi. Pāveyyakāpi mallā pāvāyaṃ bhagavato sarīrānaṃ thūpañca mahañca akaṃsu. Kosinārakāpi mallā kusinārāyaṃ bhagavato sarīrānaṃ thūpañca mahañca akaṃsu. Doṇopi brāhmaṇo tumbassa thūpañca mahañca akāsi. Pippalivaniyāpi moriyā pippalivane aṅgārānaṃ thūpañca mahañca akaṃsu. Iti aṭṭha sarīrathūpā navamo tumbathūpo dasamo aṅgārathūpo. Evametaṃ bhūtapubbanti.

240. адтад̣̇он̣ам̣ жагкумад̇о сарийрам̣, сад̇д̇ад̣̇он̣ам̣ ж̇амб̣уд̣̇ийбз махзнд̇и.

240. Aṭṭhadoṇaṃ cakkhumato sarīraṃ, sattadoṇaṃ jambudīpe mahenti.

зган̃жа д̣̇он̣ам̣ бурисаваруд̇д̇амасса, раамаг̇аамз нааг̇арааж̇аа махзд̇и.

Ekañca doṇaṃ purisavaruttamassa, rāmagāme nāgarājā maheti.

згаахи д̣̇аатаа д̇ид̣̇ивзхи бууж̇ид̇аа, згаа бана г̇анд̇хаарабурз махийяад̇и;

Ekāhi dāṭhā tidivehi pūjitā, ekā pana gandhārapure mahīyati;

гаалин̇г̇аран̃н̃о виж̇ид̇з бунзгам̣, згам̣ бана нааг̇арааж̇аа махзд̇и.

Kāliṅgarañño vijite punekaṃ, ekaṃ pana nāgarājā maheti.

д̇ассзва д̇зж̇зна аяам̣ васунд̇хараа,

Tasseva tejena ayaṃ vasundharā,

ааяааг̇асздтзхи махий алан̇гад̇аа;

Āyāgaseṭṭhehi mahī alaṅkatā;

звам̣ имам̣ жагкумад̇о сарийрам̣,

Evaṃ imaṃ cakkhumato sarīraṃ,

сусаггад̇ам̣ саггад̇асаггад̇зхи.

Susakkataṃ sakkatasakkatehi.

д̣̇звинд̣̇анааг̇инд̣̇анаринд̣̇абууж̇ид̇о ,

Devindanāgindanarindapūjito ,

мануссинд̣̇асздтзхи д̇ат̇зва бууж̇ид̇о;

Manussindaseṭṭhehi tatheva pūjito;

д̇ам̣ ванд̣̇ат̇а ²⁴³ бан̃ж̇алигаа лабхид̇ваа,

Taṃ vandatha ²⁴⁴ pañjalikā labhitvā,

б̣уд̣̇д̇хо хавз габбасад̇зхи д̣̇уллабход̇и.

Buddho have kappasatehi dullabhoti.

жад̇д̇аалийса самаа д̣̇анд̇аа, гзсаа ломаа жа саб̣б̣асо;

Cattālīsa samā dantā, kesā lomā ca sabbaso;

д̣̇зваа харим̣су згзгам̣, жаггаваал̣абарамбараад̇и.

Devā hariṃsu ekekaṃ, cakkavāḷaparamparāti.

махаабариниб̣б̣аанасуд̇д̇ам̣ нидтид̇ам̣ д̇ад̇ияам̣.

Mahāparinibbānasuttaṃ niṭṭhitaṃ tatiyaṃ.

Next: 4. махаасуд̣̇ассанасуд̇д̇ам̣ • 4. Mahāsudassanasuttaṃ

Footnotes:

1. ужчзж̇ж̇аами (сяаа. бий.), ужчиж̇ж̇аами (га.)

2. аабаад̣̇зссаами важ̇ж̇ийд̇и (саб̣б̣ад̇т̇а) а. ни. 7.22 бассид̇аб̣б̣ам̣

3. ucchejjāmi (syā. pī.), ucchijjāmi (ka.)

4. āpādessāmi vajjīti (sabbattha) a. ni. 7.22 passitabbaṃ

5. зван̃жа вад̣̇зд̇и рааж̇аа (га.)

6. evañca vadeti rājā (ka.)

7. вийж̇аяамаано (сий.), вийж̇ияамаано (сяаа.)

8. vījayamāno (sī.), vījiyamāno (syā.)

9. г̇аругаронд̇и (сий. сяаа. бий.)

10. garukaronti (sī. syā. pī.)

11. саананд̣̇арз (га.)

12. sānandare (ka.)

13. агаран̣ийяаа жа (сяаа. га.)

14. важ̇ж̇ийнам̣ (га.)

15. akaraṇīyā ca (syā. ka.)

16. vajjīnaṃ (ka.)

17. паасум̣ (сий. сяаа. бий.)

18. phāsuṃ (sī. syā. pī.)

19. вин̃н̃уббасад̇т̇аани (сий.)

20. viññuppasatthāni (sī.)

21. аасабхиваажаа (сяаа.)

22. āsabhivācā (syā.)

23. гим̣ ну (сяаа. бий. га.)

24. kiṃ nu (syā. pī. ka.)

25. гим̣ бана (сяаа. бий. га.)

26. kiṃ pana (syā. pī. ka.)

27. жзд̇обарин̃н̃ааяан̃аан̣ам̣ (сяаа.), жзд̇асаа жзд̇обарияааяан̃аан̣ам̣ (га.)

28. cetopariññāyañāṇaṃ (syā.), cetasā cetopariyāyañāṇaṃ (ka.)

29. анужарияааяабат̇ам̣ (сяаа.)

30. на бассзяяа д̇асса звамасса (сяаа.)

31. anucariyāyapathaṃ (syā.)

32. na passeyya tassa evamassa (syā.)

33. саб̣б̣асант̇арид̇ам̣ сад̇т̇ад̇ам̣ (сяаа.), саб̣б̣асант̇арим̣ сант̇ад̇ам̣ (га.)

34. саб̣б̣асант̇арим̣ сант̇ад̇ам̣ (сий. сяаа. бий. га.)

35. ид̣̇ам̣ бад̣̇ам̣ винаяамахааваг̇г̇а на д̣̇иссад̇и

36. бурад̇т̇имаабхимуко (га.)

37. sabbasantharitaṃ satthataṃ (syā.), sabbasanthariṃ santhataṃ (ka.)

38. sabbasanthariṃ santhataṃ (sī. syā. pī. ka.)

39. idaṃ padaṃ vinayamahāvagga na dissati

40. puratthimābhimukho (ka.)

41. сунийд̇хавассагаараа (сяаа. га.)

42. сахассассзва (сий. бий. га.), сахассасзва (дийгааяам̣ баатанд̇арам̣), сахассасахассзва (уд̣̇аанадтагат̇аа)

43. го ну ко (сий. сяаа. бий. га.)

44. маабзд̇ийд̇и (сий. сяаа. бий. га.)

45. sunīdhavassakārā (syā. ka.)

46. sahassasseva (sī. pī. ka.), sahassaseva (ṭīkāyaṃ pāṭhantaraṃ), sahassasahasseva (udānaṭṭhakathā)

47. ko nu kho (sī. syā. pī. ka.)

48. māpetīti (sī. syā. pī. ka.)

49. б̣рахмажаарино (сяаа.)

50. brahmacārino (syā.)

51. бууж̇ид̇аа бууж̇аяанд̇и нам̣ (га.)

52. pūjitā pūjayanti naṃ (ka.)

53. баараа (сий. сяаа. га.), ораа (ви. махааваг̇г̇а)

54. pārā (sī. syā. ka.), orā (vi. mahāvagga)

55. гуллам̣ ж̇ано жа б̣анд̇хад̇и (сяаа.), гуллам̣ хи ж̇ано баб̣анд̇хад̇и (сий. бий. га.)

56. нид̇ин̣н̣аа, на д̇ин̣н̣аа (га.)

57. kullaṃ jano ca bandhati (syā.), kullaṃ hi jano pabandhati (sī. pī. ka.)

58. nitiṇṇā, na tiṇṇā (ka.)

59. д̣̇угкасамуд̣̇аяо (сяаа.)

60. д̣̇угканирод̇хо (сяаа.)

61. dukkhasamudayo (syā.)

62. dukkhanirodho (syā.)

63. наад̣̇игаа (сяаа. бий.)

64. гагуд̇хо (сяаа.)

65. гаалин̇г̇о (бий.), гаарал̣имб̣о (сяаа.)

66. гадиссабхо (сий. бий.)

67. бхадо (сяаа.)

68. субхадо (сяаа.)

69. nādikā (syā. pī.)

70. kakudho (syā.)

71. kāliṅgo (pī.), kāraḷimbo (syā.)

72. kaṭissabho (sī. pī.)

73. bhaṭo (syā.)

74. subhaṭo (syā.)

75. барааяанаа (сий. сяаа. бий. га.)

76. чаад̇хигаа навуд̇и (сяаа.)

77. д̣̇асаад̇ирзгаани (сяаа.)

78. parāyanā (sī. syā. pī. ka.)

79. chādhikā navuti (syā.)

80. dasātirekāni (syā.)

81. д̇асмим̣ д̇асмим̣ жз (сий. бий.), д̇асмим̣ д̇асмим̣ ко (сяаа.)

82. tasmiṃ tasmiṃ ce (sī. pī.), tasmiṃ tasmiṃ kho (syā.)

83. баривад̇д̇зси (ви. махааваг̇г̇а)

84. згам̣ (га.)

85. д̣̇аж̇ж̇зяяаат̇а (ви. махааваг̇г̇а)

86. звамби маханд̇ам̣ (сяаа.), звам̣ маханд̇ам̣ (сий. бий.)

87. нзва д̣̇аж̇ж̇аахам̣ д̇ам̣ бхад̇д̇анд̇и (ви. махааваг̇г̇а)

88. ж̇ид̇амхаа (б̣ахуусу)

89. ‘‘ж̇ид̇амхаа вад̇а бхо амб̣абаалигааяа ван̃жид̇амхаа вад̇а бхо амб̣абаалигааяаа’’д̇и (сяаа.)

90. parivattesi (vi. mahāvagga)

91. ekaṃ (ka.)

92. dajjeyyātha (vi. mahāvagga)

93. evampi mahantaṃ (syā.), evaṃ mahantaṃ (sī. pī.)

94. neva dajjāhaṃ taṃ bhattanti (vi. mahāvagga)

95. jitamhā (bahūsu)

96. ‘‘jitamhā vata bho ambapālikāya vañcitamhā vata bho ambapālikāyā’’ti (syā.)

97. язхи (ви. махааваг̇г̇а)

98. ад̇хиваасид̇ам̣ (сяаа.)

99. yehi (vi. mahāvagga)

100. adhivāsitaṃ (syā.)

101. б̣зл̣уваг̇аамаго (сий. бий.)

102. убаг̇ажчат̇а (сяаа.)

103. beḷuvagāmako (sī. pī.)

104. upagacchatha (syā.)

105. г̇илаанавудтид̇о (сад̣̇д̣̇анийд̇и)

106. gilānavuṭṭhito (saddanīti)

107. бажжаасим̣сад̇и (сий. сяаа.)

108. гим̣ (сий. бий.)

109. взл̣умиссагзна (сяаа.), взгхамиссагзна (бий.), взд̇хамиссагзна, взкамиссагзна (га.)

110. paccāsiṃsati (sī. syā.)

111. kiṃ (sī. pī.)

112. veḷumissakena (syā.), veghamissakena (pī.), vedhamissakena, vekhamissakena (ka.)

113. бааваалам̣ (жзд̇ияам̣ (сяаа.)

114. pāvālaṃ (cetiyaṃ (syā.)

115. сад̇д̇амб̣агам̣ (бий.)

116. ааган̇камаано (?)

117. sattambakaṃ (pī.)

118. ākaṅkhamāno (?)

119. уд̇д̇ааним̣ (га.), уд̇д̇аани (сий. бий.)

120. uttāniṃ (ka.), uttāni (sī. pī.)

121. ломахам̣со (сяаа.)

122. д̣̇звад̣̇уд̣̇рабхияо (га.)

123. lomahaṃso (syā.)

124. devadudrabhiyo (ka.)

125. жаад̇уммахаарааж̇игабарисаа (сий. сяаа. гам̣. бий.)

126. cātummahārājikaparisā (sī. syā. kaṃ. pī.)

127. звам̣ (сяаа. бий.)

128. бадиг̇ажжзва (сий. бий.)

129. д̇ам̣ важанам̣ (сий.)

130. бажжааг̇амиссад̇ийд̇и (сяаа. га.)

131. evaṃ (syā. pī.)

132. paṭigacceva (sī. pī.)

133. taṃ vacanaṃ (sī.)

134. paccāgamissatīti (syā. ka.)

135. ид̇о барам̣ сяаамабод̇т̇агз звам̣би баато д̣̇иссад̇и –§д̣̇ахарааби жа яз вуд̣̇д̇хаа, яз б̣аалаа яз жа бан̣д̣ид̇аа.§ад̣дхаажзва д̣̇алид̣̇д̣̇аа жа, саб̣б̣з мажжубарааяанаа.§яат̇ааби гумбхагаарасса, гад̇ам̣ мад̇д̇игабхааж̇анам̣.§куд̣̇д̣̇аган̃жа маханд̇ан̃жа, яан̃жа баггам̣ яан̃жа аамагам̣.§саб̣б̣ам̣ бхзд̣̇абарияанд̇ам̣, звам̣ мажжаана ж̇ийвид̇ам̣.§ат̇аабарам̣ зд̇ад̣̇авожа сад̇т̇аа

136. ito paraṃ syāmapotthake evaṃpi pāṭho dissati –§daharāpi ca ye vuddhā, ye bālā ye ca paṇḍitā.§aḍḍhāceva daliddā ca, sabbe maccuparāyanā.§yathāpi kumbhakārassa, kataṃ mattikabhājanaṃ.§khuddakañca mahantañca, yañca pakkaṃ yañca āmakaṃ.§sabbaṃ bhedapariyantaṃ, evaṃ maccāna jīvitaṃ.§athāparaṃ etadavoca satthā

137. вихариссад̇и (сяаа.), вихзссад̇и (сий.)

138. viharissati (syā.), vihessati (sī.)

139. бхан̣д̣уг̇аамо (га.)

140. bhaṇḍugāmo (ka.)

141. саананд̣̇арз (га.)

142. sānandare (ka.)

143. од̇аарзд̇аб̣б̣аани

144. од̇аарияамаанаани

145. од̇аранд̇и (сий. бий. а. ни. 4.180

146. otāretabbāni

147. otāriyamānāni

148. otaranti (sī. pī. a. ni. 4.180

149. вирижжамаано (сий. сяаа. га.), вирин̃жамаано (?)

150. viriccamāno (sī. syā. ka.), viriñcamāno (?)

151. гагут̇аа (сий. бий.)

152. сзд̇агаа (сий.)

153. сийд̇ам̣ (сий. бий. га.)

154. kakuthā (sī. pī.)

155. setakā (sī.)

156. sītaṃ (sī. pī. ka.)

157. санд̣̇ад̇и (сяаа.)

158. sandati (syā.)

159. сагадасад̇асса (га.)

160. аби хи (сий. сяаа. бий.)

161. sakaṭasatassa (ka.)

162. api hi (sī. syā. pī.)

163. виж̇ж̇уд̇аасу (сий. сяаа. бий.)

164. нава ваа сагадасад̇аани д̣̇аса ваа сагадасад̇аани (сий.)

165. vijjutāsu (sī. syā. pī.)

166. nava vā sakaṭasatāni dasa vā sakaṭasatāni (sī.)

167. б̣алиб̣ад̣̇д̣̇аа (сий. бий.)

168. balibaddā (sī. pī.)

169. сун̣иссад̇и (сяаа.)

170. suṇissati (syā.)

171. син̇гхасод̇ааяа (га.)

172. siṅghasotāya (ka.)

173. аахараси (га.)

174. āharasi (ka.)

175. вийд̇ажжигам̣вияа (сий. бий.)

176. анд̇арз (сяаа.)

177. бхависсад̇ийд̇и (га.)

178. vītaccikaṃviya (sī. pī.)

179. antare (syā.)

180. bhavissatīti (ka.)

181. сугиланд̇аруубо (сий. бий.)

182. sukilantarūpo (sī. pī.)

183. аббадимод̇ха (бий.)

184. appaṭimodha (pī.)

185. бивид̇ваа жунд̣̇агзна, бивид̇ваа жа уд̇д̇ари (га.)

186. pivitvā cundakena, pivitvā ca uttari (ka.)

187. сад̇т̇аа (сий. сяаа. бий.)

188. satthā (sī. syā. pī.)

189. самукз (га.)

190. samukhe (ka.)

191. яо ко (га.)

192. самаа самапалаа (га.)

193. самасамавибаагаа (сий. сяаа. бий.)

194. yo kho (ka.)

195. samā samaphalā (ka.)

196. samasamavipākā (sī. syā. pī.)

197. ид̣̇ам̣ бад̣̇ам̣ сийсяааибод̇т̇агзсу на д̣̇иссад̇и

198. idaṃ padaṃ sīsyāipotthakesu na dissati

199. манаси гаронд̇ийд̇и (сяаа. га.)

200. чиннам̣баад̣̇ам̣вияа бабад̇анд̇и (сяаа.)

201. жагкумаа (сяаа. га.)

202. manasi karontīti (syā. ka.)

203. chinnaṃpādaṃviya papatanti (syā.)

204. cakkhumā (syā. ka.)

205. вассам̣вуд̇т̇аа (сий. сяаа. гам̣. бий.)

206. vassaṃvutthā (sī. syā. kaṃ. pī.)

207. сад̣̇ад̇т̇з ануяун̃ж̇ат̇а (сий. сяаа.), сад̣̇ад̇т̇ам̣ ануяун̃ж̇ат̇а (бий.), саарад̇т̇з ануяун̃ж̇ат̇а (га.)

208. sadatthe anuyuñjatha (sī. syā.), sadatthaṃ anuyuñjatha (pī.), sāratthe anuyuñjatha (ka.)

209. сарийрз (сяаа. га.)

210. жаад̇уммахаабат̇з (сий. сяаа. гам̣. бий.)

211. ван̣н̣агам̣ (сий. бий.)

212. sarīre (syā. ka.)

213. cātummahāpathe (sī. syā. kaṃ. pī.)

214. vaṇṇakaṃ (sī. pī.)

215. жаггавад̇д̇и (сяаа. га.)

216. cakkavatti (syā. ka.)

217. аб̣бхуд̇ад̇хаммаа (сяаа. га.)

218. abbhutadhammā (syā. ka.)

219. сант̇ааг̇аарз (сий. сяаа. бий.)

220. santhāgāre (sī. syā. pī.)

221. ан̃н̃з (бий.)

222. ид̇хзва (га.)

223. aññe (pī.)

224. idheva (ka.)

225. сад̇т̇аараа (сяаа.)

226. satthārā (syā.)

227. бханд̇з ануруд̣̇д̇ха д̣̇звад̇аа манаси гаронд̇ийд̇и (сяаа. га.)

228. bhante anuruddha devatā manasi karontīti (syā. ka.)

229. сан̣тид̇аа (сяаа.)

230. saṇṭhitā (syā.)

231. уд̣̇агам̣ саалад̇оби (сий. сяаа. гам̣.)

232. баригкибид̇ваа (сяаа.)

233. udakaṃ sālatopi (sī. syā. kaṃ.)

234. parikkhipitvā (syā.)

235. т̇уулаяо (сяаа.)

236. thūlayo (syā.)

237. чанд̣̇аанурагкан̣ад̇т̇ам̣ ниг̇г̇ахийд̇алобо

238. chandānurakkhaṇatthaṃ niggahītalopo

239. бибпаливанияаа (сяаа.)

240. аахарим̣су (сяаа. га.)

241. pipphalivaniyā (syā.)

242. āhariṃsu (syā. ka.)

243. д̇ам̣ д̇ам̣ ванд̣̇ат̇а (сяаа.)

244. taṃ taṃ vandatha (syā.)

Related texts:

адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / д̣̇ийгха нигааяа (адтагат̇аа) • Dīgha nikāya (aṭṭhakathā) / 3. махаабариниб̣б̣аанасуд̇д̇аван̣н̣анаа • 3. Mahāparinibbānasuttavaṇṇanā

дийгаа • Tīkā / суд̇д̇абидага (дийгаа) • Suttapiṭaka (ṭīkā) / д̣̇ийгханигааяа (дийгаа) • Dīghanikāya (ṭīkā) / 3. махаабариниб̣б̣аанасуд̇д̇аван̣н̣анаа • 3. Mahāparinibbānasuttavaṇṇanā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact