Library / Tipiṭaka / д̇ибидага • Tipiṭaka / д̣̇ийгха нигааяа (адтагат̇аа) • Dīgha nikāya (aṭṭhakathā)

    3. махаабариниб̣б̣аанасуд̇д̇аван̣н̣анаа

    3. Mahāparinibbānasuttavaṇṇanā

    131. звам̣ мз суд̇анд̇и махаабариниб̣б̣аанасуд̇д̇ам̣. д̇ад̇рааяаманубуб̣б̣абад̣̇аван̣н̣анаа – г̇иж̇жхагуудзд̇и г̇иж̇жхаа д̇асса гуудзсу васим̣су, г̇иж̇жхасад̣̇исам̣ ваа д̇асса гуудам̣ ад̇т̇ийд̇и г̇иж̇жхагуудо, д̇асмим̣ г̇иж̇жхагуудз. абхияаад̇угаамод̇и абхибхаванад̇т̇ааяа яаад̇угаамо. важ̇ж̇ийд̇и важ̇ж̇ирааж̇аано. звам̣махид̣̇д̇хигзд̇и звам̣ махад̇ияаа рааж̇ид̣̇д̇хияаа саманнааг̇ад̇з, зд̇зна нзсам̣ самаг̇г̇абхаавам̣ гат̇зси. звам̣махаанубхаавзд̇и звам̣ маханд̇зна аанубхаавзна саманнааг̇ад̇з, зд̇зна нзсам̣ хад̇т̇исиббаад̣̇ийсу гад̇асигкад̇ам̣ гат̇зси, яам̣ санд̇хааяа вуд̇д̇ам̣ – ‘‘сигкид̇аа вад̇имз лижчавигумаарагаа, сусигкид̇аа вад̇имз лижчавигумаарагаа, яад̇ра хи наама сукумзна д̇аал̣ажчиг̇г̇алзна асанам̣ ад̇ибаад̇аяиссанд̇и бон̇каанубон̇кам̣ авираад̇хид̇а’’нд̇и (сам̣. ни. 5.1115). ужчзжчаамийд̇и ужчинд̣̇иссаами. винаасзссаамийд̇и наасзссаами, ад̣̇ассанам̣ баабзссаами. анаяаб̣яасананд̇и зд̇т̇а на аяод̇и анаяо, авад̣дхияаа зд̇ам̣ наамам̣. хид̇ан̃жа сукан̃жа вияассад̇и вигкибад̇ийд̇и б̣яасанам̣, н̃аад̇ибаариж̇ун̃н̃аад̣̇ийнам̣ зд̇ам̣ наамам̣. аабаад̣̇зссаамийд̇и баабаяиссаами.

    131.Evaṃme sutanti mahāparinibbānasuttaṃ. Tatrāyamanupubbapadavaṇṇanā – gijjhakūṭeti gijjhā tassa kūṭesu vasiṃsu, gijjhasadisaṃ vā tassa kūṭaṃ atthīti gijjhakūṭo, tasmiṃ gijjhakūṭe. Abhiyātukāmoti abhibhavanatthāya yātukāmo. Vajjīti vajjirājāno. Evaṃmahiddhiketi evaṃ mahatiyā rājiddhiyā samannāgate, etena nesaṃ samaggabhāvaṃ kathesi. Evaṃmahānubhāveti evaṃ mahantena ānubhāvena samannāgate, etena nesaṃ hatthisippādīsu katasikkhataṃ kathesi, yaṃ sandhāya vuttaṃ – ‘‘sikkhitā vatime licchavikumārakā, susikkhitā vatime licchavikumārakā, yatra hi nāma sukhumena tāḷacchiggalena asanaṃ atipātayissanti poṅkhānupoṅkhaṃ avirādhita’’nti (saṃ. ni. 5.1115). Ucchecchāmīti ucchindissāmi. Vināsessāmīti nāsessāmi, adassanaṃ pāpessāmi. Anayabyasananti ettha na ayoti anayo, avaḍḍhiyā etaṃ nāmaṃ. Hitañca sukhañca viyassati vikkhipatīti byasanaṃ, ñātipārijuññādīnaṃ etaṃ nāmaṃ. Āpādessāmīti pāpayissāmi.

    ид̇и гира со таананисаж̇ж̇аад̣̇ийсу имам̣ яуд̣̇д̇хагат̇амзва гат̇зд̇и, г̇аманасаж̇ж̇аа хот̇аад̇и звам̣ б̣алагааяам̣ аан̣аабзд̇и. гасмаа? г̇ан̇г̇ааяам̣ гира згам̣ бадданаг̇аамам̣ ниссааяа ад̣дхаяож̇анам̣ аж̇аад̇асад̇д̇уно аан̣аа, ад̣дхаяож̇анам̣ лижчавийнам̣. зд̇т̇а бана аан̣аабавад̇д̇идтаанам̣ ход̇ийд̇и ад̇т̇о. д̇ад̇рааби жа баб̣б̣ад̇абаад̣̇ад̇о махаг̇гхабхан̣д̣ам̣ од̇арад̇и. д̇ам̣ суд̇ваа – ‘‘аж̇ж̇а яаами, свз яаамий’’д̇и аж̇аад̇асад̇д̇уно сам̣вид̣̇аханд̇ассзва лижчавирааж̇аано самаг̇г̇аа саммод̣̇амаанаа бурзд̇арам̣ г̇анд̇ваа саб̣б̣ам̣ г̇ан̣ханд̇и. аж̇аад̇асад̇д̇у бажчаа ааг̇анд̇ваа д̇ам̣ бавад̇д̇им̣ н̃ад̇ваа гуж̇жхид̇ваа г̇ажчад̇и. д̇з бунасам̣важчарзби д̇ат̇зва гаронд̇и. ат̇а со б̣алаваагхаад̇аж̇аад̇о д̇ад̣̇аа звамагааси.

    Iti kira so ṭhānanisajjādīsu imaṃ yuddhakathameva katheti, gamanasajjā hothāti evaṃ balakāyaṃ āṇāpeti. Kasmā? Gaṅgāyaṃ kira ekaṃ paṭṭanagāmaṃ nissāya aḍḍhayojanaṃ ajātasattuno āṇā, aḍḍhayojanaṃ licchavīnaṃ. Ettha pana āṇāpavattiṭṭhānaṃ hotīti attho. Tatrāpi ca pabbatapādato mahagghabhaṇḍaṃ otarati. Taṃ sutvā – ‘‘ajja yāmi, sve yāmī’’ti ajātasattuno saṃvidahantasseva licchavirājāno samaggā sammodamānā puretaraṃ gantvā sabbaṃ gaṇhanti. Ajātasattu pacchā āgantvā taṃ pavattiṃ ñatvā kujjhitvā gacchati. Te punasaṃvaccharepi tatheva karonti. Atha so balavāghātajāto tadā evamakāsi.

    д̇ад̇о жинд̇зси – ‘‘г̇ан̣зна сад̣̇д̇хим̣ яуд̣̇д̇хам̣ наама бхаарияам̣, згоби могхаббахааро наама над̇т̇и, згзна ко бана бан̣д̣ид̇зна сад̣̇д̇хим̣ манд̇зд̇ваа гаронд̇о ниббараад̇хо ход̇и, бан̣д̣ид̇о жа сад̇т̇аараа сад̣̇исо над̇т̇и, сад̇т̇аа жа авид̣̇уурз д̇хуравихаарз васад̇и, ханд̣̇аахам̣ бзсзд̇ваа бужчаами . сажз мз г̇ад̇зна гожи ад̇т̇о бхависсад̇и, сад̇т̇аа д̇ун̣хий бхависсад̇и, анад̇т̇з бана сад̇и гим̣ ран̃н̃о д̇ад̇т̇а г̇аманзнаад̇и вагкад̇ий’’д̇и. со вассагаараб̣раахман̣ам̣ бзсзси. б̣раахман̣о г̇анд̇ваа бхаг̇авад̇о зд̇амад̇т̇ам̣ аарожзси. д̇зна вуд̇д̇ам̣ – ‘‘ат̇а ко рааж̇аа…бз… аабаад̣̇зссаамий’’д̇и.

    Tato cintesi – ‘‘gaṇena saddhiṃ yuddhaṃ nāma bhāriyaṃ, ekopi moghappahāro nāma natthi, ekena kho pana paṇḍitena saddhiṃ mantetvā karonto nipparādho hoti, paṇḍito ca satthārā sadiso natthi, satthā ca avidūre dhuravihāre vasati, handāhaṃ pesetvā pucchāmi . Sace me gatena koci attho bhavissati, satthā tuṇhī bhavissati, anatthe pana sati kiṃ rañño tattha gamanenāti vakkhatī’’ti. So vassakārabrāhmaṇaṃ pesesi. Brāhmaṇo gantvā bhagavato etamatthaṃ ārocesi. Tena vuttaṃ – ‘‘atha kho rājā…pe… āpādessāmī’’ti.

    рааж̇аабарихаанияад̇хаммаван̣н̣анаа

    Rājaaparihāniyadhammavaṇṇanā

    134. бхаг̇аванд̇ам̣ б̣ийж̇аяамаанод̇и т̇зро вад̇д̇асийсз тад̇ваа бхаг̇аванд̇ам̣ б̣ийж̇ад̇и, бхаг̇авад̇о бана сийд̇ам̣ ваа ун̣хам̣ ваа над̇т̇и. бхаг̇аваа б̣раахман̣асса важанам̣ суд̇ваа д̇зна сад̣̇д̇хим̣ аманд̇зд̇ваа т̇зрзна сад̣̇д̇хим̣ манд̇зд̇угаамо гинд̇и д̇з, аананд̣̇а, суд̇анд̇иаад̣̇имааха. абхин̣хам̣ саннибаад̇аад̇и д̣̇ивасасса д̇игкад̇д̇ум̣ саннибад̇анд̇ааби анд̇аранд̇араа саннибад̇анд̇ааби абхин̣хам̣ саннибаад̇аава. саннибаад̇аб̣ахулаад̇и хияяоби саннибад̇имхаа, буримад̣̇ивасамби саннибад̇имхаа, буна аж̇ж̇а гимад̇т̇ам̣ саннибад̇ид̇аа хомаад̇и восаанам̣ анаабаж̇ж̇анд̇аа саннибаад̇аб̣ахулаа наама хонд̇и. яаавагийван̃жаад̇и яад̇д̇агам̣ гаалам̣. вуд̣̇д̇хиязва, аананд̣̇а, важ̇ж̇ийнам̣ баадиган̇каа, но барихаанийд̇и – абхин̣хам̣ асаннибад̇анд̇аа хи д̣̇исаавид̣̇исаасу ааг̇ад̇ам̣ саасанам̣ на сун̣анд̇и, д̇ад̇о – ‘‘асугаг̇аамасиймаа ваа ниг̇амасиймаа ваа аагулаа, асугадтаанз жораа ваа барияудтид̇аа’’д̇и на ж̇аананд̇и, жорааби ‘‘бамад̇д̇аа рааж̇аано’’д̇и н̃ад̇ваа г̇ааманиг̇амаад̣̇ийни бахаранд̇аа ж̇анабад̣̇ам̣ наасзнд̇и. звам̣ рааж̇уунам̣ барихаани ход̇и. абхин̣хам̣ саннибад̇анд̇аа бана д̇ам̣ д̇ам̣ бавад̇д̇им̣ сун̣анд̇и, д̇ад̇о б̣алам̣ бзсзд̇ваа амид̇д̇амад̣̇д̣̇анам̣ гаронд̇и, жорааби – ‘‘аббамад̇д̇аа рааж̇аано, на саггаа амхзхи ваг̇г̇аб̣анд̇хзхи вижарид̇у’’нд̇и бхиж̇ж̇ид̇ваа балааяанд̇и. звам̣ рааж̇уунам̣ вуд̣̇д̇хи ход̇и. д̇зна вуд̇д̇ам̣ – ‘‘вуд̣̇д̇хиязва, аананд̣̇а, важ̇ж̇ийнам̣ баадиган̇каа но барихааний’’д̇и. д̇ад̇т̇а баадиган̇каад̇и ижчид̇аб̣б̣аа, авассам̣ бхависсад̇ийд̇и звам̣ д̣̇адтаб̣б̣аад̇и ад̇т̇о.

    134.Bhagavantaṃ bījayamānoti thero vattasīse ṭhatvā bhagavantaṃ bījati, bhagavato pana sītaṃ vā uṇhaṃ vā natthi. Bhagavā brāhmaṇassa vacanaṃ sutvā tena saddhiṃ amantetvā therena saddhiṃ mantetukāmo kinti te, ānanda, sutantiādimāha. Abhiṇhaṃ sannipātāti divasassa tikkhattuṃ sannipatantāpi antarantarā sannipatantāpi abhiṇhaṃ sannipātāva. Sannipātabahulāti hiyyopi sannipatimhā, purimadivasampi sannipatimhā, puna ajja kimatthaṃ sannipatitā homāti vosānaṃ anāpajjantā sannipātabahulā nāma honti. Yāvakīvañcāti yattakaṃ kālaṃ. Vuddhiyeva, ānanda, vajjīnaṃ pāṭikaṅkhā, no parihānīti – abhiṇhaṃ asannipatantā hi disāvidisāsu āgataṃ sāsanaṃ na suṇanti, tato – ‘‘asukagāmasīmā vā nigamasīmā vā ākulā, asukaṭṭhāne corā vā pariyuṭṭhitā’’ti na jānanti, corāpi ‘‘pamattā rājāno’’ti ñatvā gāmanigamādīni paharantā janapadaṃ nāsenti. Evaṃ rājūnaṃ parihāni hoti. Abhiṇhaṃ sannipatantā pana taṃ taṃ pavattiṃ suṇanti, tato balaṃ pesetvā amittamaddanaṃ karonti, corāpi – ‘‘appamattā rājāno, na sakkā amhehi vaggabandhehi vicaritu’’nti bhijjitvā palāyanti. Evaṃ rājūnaṃ vuddhi hoti. Tena vuttaṃ – ‘‘vuddhiyeva, ānanda, vajjīnaṃ pāṭikaṅkhā no parihānī’’ti. Tattha pāṭikaṅkhāti icchitabbā, avassaṃ bhavissatīti evaṃ daṭṭhabbāti attho.

    самаг̇г̇аад̇иаад̣̇ийсу саннибаад̇абхзрияаа ниг̇г̇ад̇ааяа – ‘‘аж̇ж̇а мз гижжам̣ ад̇т̇и, ман̇г̇алам̣ ад̇т̇ий’’д̇и вигкзбам̣ гаронд̇аа на самаг̇г̇аа саннибад̇анд̇и наама. бхзрисад̣̇д̣̇ам̣ бана суд̇ваава бхун̃ж̇анд̇ааби алан̇гарияамаанааби вад̇т̇аани ниваасзнд̇ааби ад̣дхабхуд̇д̇аа ваа ад̣дхаалан̇гад̇аа ваа вад̇т̇ам̣ ниваасаяамаанаа ваа саннибад̇анд̇аа самаг̇г̇аа саннибад̇анд̇и наама. саннибад̇ид̇аа бана жинд̇зд̇ваа манд̇зд̇ваа гад̇д̇аб̣б̣ам̣ гад̇ваа згад̇ова авудтаханд̇аа на самаг̇г̇аа вудтаханд̇и наама. звам̣ вудтид̇зсу хи яз батамам̣ г̇ажчанд̇и, д̇зсам̣ звам̣ ход̇и – ‘‘амхзхи б̣аахирагат̇аава суд̇аа, ид̣̇аани винижчаяагат̇аа бхависсад̇ий’’д̇и. згад̇о вудтаханд̇аа бана самаг̇г̇аа вудтаханд̇и наама. абижа – ‘‘асугадтаанзсу г̇аамасиймаа ваа ниг̇амасиймаа ваа аагулаа, жораа барияудтид̇аа’’д̇и суд̇ваа – ‘‘го г̇анд̇ваа имам̣ амид̇д̇амад̣̇д̣̇анам̣ гариссад̇ий’’д̇и вуд̇д̇з – ‘‘ахам̣ батамам̣, ахам̣ батама’’нд̇и вад̇ваа г̇ажчанд̇ааби самаг̇г̇аа вудтаханд̇и наама. згасса бана гамманд̇з осийд̣̇амаанз сзсаа рааж̇аано буд̇д̇абхаад̇аро бзсзд̇ваа д̇асса гамманд̇ам̣ убад̇т̇амбхаяамаанааби, ааг̇анд̇угарааж̇аанам̣ – ‘‘асугасса г̇зхам̣ г̇ажчад̇у, асугасса г̇зхам̣ г̇ажчад̇уу’’д̇и авад̇ваа саб̣б̣з згад̇о сан̇г̇ан̣ханд̇ааби, згасса ман̇г̇алз ваа рог̇з ваа ан̃н̃асмим̣ ваа бана д̇аад̣̇исз сукад̣̇угкз уббаннз саб̣б̣з д̇ад̇т̇а сахааяабхаавам̣ г̇ажчанд̇ааби самаг̇г̇аа важ̇ж̇игаран̣ийяаани гаронд̇и наама.

    Samaggātiādīsu sannipātabheriyā niggatāya – ‘‘ajja me kiccaṃ atthi, maṅgalaṃ atthī’’ti vikkhepaṃ karontā na samaggā sannipatanti nāma. Bherisaddaṃ pana sutvāva bhuñjantāpi alaṅkariyamānāpi vatthāni nivāsentāpi aḍḍhabhuttā vā aḍḍhālaṅkatā vā vatthaṃ nivāsayamānā vā sannipatantā samaggā sannipatanti nāma. Sannipatitā pana cintetvā mantetvā kattabbaṃ katvā ekatova avuṭṭhahantā na samaggā vuṭṭhahanti nāma. Evaṃ vuṭṭhitesu hi ye paṭhamaṃ gacchanti, tesaṃ evaṃ hoti – ‘‘amhehi bāhirakathāva sutā, idāni vinicchayakathā bhavissatī’’ti. Ekato vuṭṭhahantā pana samaggā vuṭṭhahanti nāma. Apica – ‘‘asukaṭṭhānesu gāmasīmā vā nigamasīmā vā ākulā, corā pariyuṭṭhitā’’ti sutvā – ‘‘ko gantvā imaṃ amittamaddanaṃ karissatī’’ti vutte – ‘‘ahaṃ paṭhamaṃ, ahaṃ paṭhama’’nti vatvā gacchantāpi samaggā vuṭṭhahanti nāma. Ekassa pana kammante osīdamāne sesā rājāno puttabhātaro pesetvā tassa kammantaṃ upatthambhayamānāpi, āgantukarājānaṃ – ‘‘asukassa gehaṃ gacchatu, asukassa gehaṃ gacchatū’’ti avatvā sabbe ekato saṅgaṇhantāpi, ekassa maṅgale vā roge vā aññasmiṃ vā pana tādise sukhadukkhe uppanne sabbe tattha sahāyabhāvaṃ gacchantāpi samaggā vajjikaraṇīyāni karonti nāma.

    абан̃н̃ад̇д̇анд̇иаад̣̇ийсу буб̣б̣з агад̇ам̣ сун̇гам̣ ваа б̣алим̣ ваа д̣̇ан̣д̣ам̣ ваа аахараабзнд̇аа абан̃н̃ад̇д̇ам̣ бан̃н̃абзнд̇и наама. бораан̣абавзн̣ияаа ааг̇ад̇амзва бана анаахараабзнд̇аа бан̃н̃ад̇д̇ам̣ самужчинд̣̇анд̇и наама. жород̇и г̇ахзд̇ваа д̣̇ассид̇з авижинид̇ваава чзж̇ж̇абхзж̇ж̇ам̣ анусаасзнд̇аа бораан̣ам̣ важ̇ж̇ид̇хаммам̣ самаад̣̇ааяа на вад̇д̇анд̇и наама. д̇зсам̣ абан̃н̃ад̇д̇ам̣ бан̃н̃абзнд̇аанам̣ абхинавасун̇гаад̣̇ийхи бийл̣ид̇аа мануссаа – ‘‘ад̇иубад̣̇д̣̇уд̇амха, го имзсам̣ виж̇ид̇з васиссад̇ий’’д̇и бажжанд̇ам̣ бависид̇ваа жораа ваа жорасахааяаа ваа худ̇ваа ж̇анабад̣̇ам̣ бахаранд̇и. бан̃н̃ад̇д̇ам̣ самужчинд̣̇анд̇аанам̣ бавзн̣ийааг̇ад̇аани сун̇гаад̣̇ийни аг̇ан̣ханд̇аанам̣ госо барихааяад̇и. д̇ад̇о хад̇т̇иассаб̣алагааяаород̇хаад̣̇аяо яат̇ааниб̣ад̣̇д̇хам̣ ваддам̣ алабхамаанаа т̇аамзна б̣алзна барихааяанд̇и. д̇з нзва яуд̣̇д̇хагкамаа хонд̇и, на баарижарияагкамаа. бораан̣ам̣ важ̇ж̇ид̇хаммам̣ самаад̣̇ааяа авад̇д̇анд̇аанам̣ виж̇ид̇з мануссаа – ‘‘амхаагам̣ буд̇д̇ам̣ бид̇арам̣ бхаад̇арам̣ ажорам̣язва жород̇и гад̇ваа чинд̣̇им̣су бхинд̣̇им̣суу’’д̇и гуж̇жхид̇ваа бажжанд̇ам̣ бависид̇ваа жораа ваа жорасахааяаа ваа худ̇ваа ж̇анабад̣̇ам̣ бахаранд̇и, звам̣ рааж̇уунам̣ барихаани ход̇и, бан̃н̃ад̇д̇ам̣ бан̃н̃абзнд̇аанам̣ бана ‘‘бавзн̣ийааг̇ад̇амзва рааж̇аано гаронд̇ий’’д̇и мануссаа хадтад̇удтаа гасиваан̣иж̇ж̇аад̣̇игз гамманд̇з самбаад̣̇знд̇и. бан̃н̃ад̇д̇ам̣ асамужчинд̣̇анд̇аанам̣ бавзн̣ийааг̇ад̇аани сун̇гаад̣̇ийни г̇ан̣ханд̇аанам̣ госо вад̣дхад̇и, д̇ад̇о хад̇т̇иассаб̣алагааяаород̇хаад̣̇аяо яат̇ааниб̣ад̣̇д̇хам̣ ваддам̣ лабхамаанаа т̇аамаб̣аласамбаннаа яуд̣̇д̇хагкамаа жзва баарижарияагкамаа жа хонд̇и.

    Apaññattantiādīsu pubbe akataṃ suṅkaṃ vā baliṃ vā daṇḍaṃ vā āharāpentā apaññattaṃ paññapenti nāma. Porāṇapaveṇiyā āgatameva pana anāharāpentā paññattaṃ samucchindanti nāma. Coroti gahetvā dassite avicinitvāva chejjabhejjaṃ anusāsentā porāṇaṃ vajjidhammaṃ samādāya na vattanti nāma. Tesaṃ apaññattaṃ paññapentānaṃ abhinavasuṅkādīhi pīḷitā manussā – ‘‘atiupaddutamha, ko imesaṃ vijite vasissatī’’ti paccantaṃ pavisitvā corā vā corasahāyā vā hutvā janapadaṃ paharanti. Paññattaṃ samucchindantānaṃ paveṇīāgatāni suṅkādīni agaṇhantānaṃ koso parihāyati. Tato hatthiassabalakāyaorodhādayo yathānibaddhaṃ vaṭṭaṃ alabhamānā thāmena balena parihāyanti. Te neva yuddhakkhamā honti, na pāricariyakkhamā. Porāṇaṃ vajjidhammaṃ samādāya avattantānaṃ vijite manussā – ‘‘amhākaṃ puttaṃ pitaraṃ bhātaraṃ acoraṃyeva coroti katvā chindiṃsu bhindiṃsū’’ti kujjhitvā paccantaṃ pavisitvā corā vā corasahāyā vā hutvā janapadaṃ paharanti, evaṃ rājūnaṃ parihāni hoti, paññattaṃ paññapentānaṃ pana ‘‘paveṇīāgatameva rājāno karontī’’ti manussā haṭṭhatuṭṭhā kasivāṇijjādike kammante sampādenti. Paññattaṃ asamucchindantānaṃ paveṇīāgatāni suṅkādīni gaṇhantānaṃ koso vaḍḍhati, tato hatthiassabalakāyaorodhādayo yathānibaddhaṃ vaṭṭaṃ labhamānā thāmabalasampannā yuddhakkhamā ceva pāricariyakkhamā ca honti.

    бораан̣ам̣ важ̇ж̇ид̇хамманд̇и зд̇т̇а буб̣б̣з гира важ̇ж̇ирааж̇аано ‘‘аяам̣ жоро’’д̇и аанзд̇ваа д̣̇ассид̇з ‘‘г̇ан̣хат̇а нам̣ жора’’нд̇и авад̇ваа винижчаяамахаамад̇д̇аанам̣ д̣̇знд̇и. д̇з винижчинид̇ваа сажз ажоро ход̇и, виссаж̇ж̇знд̇и. сажз жоро, ад̇д̇анаа гин̃жи авад̇ваа вохааригаанам̣ д̣̇знд̇и. д̇зби ажоро жз, виссаж̇ж̇знд̇и. жоро жз, суд̇д̇ад̇хараанам̣ д̣̇знд̇и. д̇зби винижчинид̇ваа ажоро жз, виссаж̇ж̇знд̇и. жоро жз, адтагулигаанам̣ д̣̇знд̇и. д̇зби д̇ат̇зва гад̇ваа сзнаабад̇исса, сзнаабад̇и убарааж̇асса, убарааж̇аа ран̃н̃о, рааж̇аа винижчинид̇ваа ажоро жз, виссаж̇ж̇зд̇и. сажз бана жоро ход̇и, бавзн̣ийбод̇т̇агам̣ ваажаабзд̇и. д̇ад̇т̇а – ‘‘язна ид̣̇ам̣ наама гад̇ам̣, д̇асса аяам̣ наама д̣̇ан̣д̣о’’д̇и ликид̇ам̣. рааж̇аа д̇асса гирияам̣ д̇зна самаанзд̇ваа д̇ад̣̇анужчавигам̣ д̣̇ан̣д̣ам̣ гарод̇и. ид̇и зд̇ам̣ бораан̣ам̣ важ̇ж̇ид̇хаммам̣ самаад̣̇ааяа вад̇д̇анд̇аанам̣ мануссаа на уж̇жхааяанд̇и, ‘‘рааж̇аано бораан̣абавзн̣ияаа гаммам̣ гаронд̇и, зд̇зсам̣ д̣̇осо над̇т̇и, амхаагам̣язва д̣̇осо’’д̇и аббамад̇д̇аа гамманд̇з гаронд̇и. звам̣ рааж̇уунам̣ вуд̣̇д̇хи ход̇и. д̇зна вуд̇д̇ам̣ – ‘‘вуд̣̇д̇хиязва, аананд̣̇а, важ̇ж̇ийнам̣ баадиган̇каа, но барихааний’’д̇и.

    Porāṇaṃ vajjidhammanti ettha pubbe kira vajjirājāno ‘‘ayaṃ coro’’ti ānetvā dassite ‘‘gaṇhatha naṃ cora’’nti avatvā vinicchayamahāmattānaṃ denti. Te vinicchinitvā sace acoro hoti, vissajjenti. Sace coro, attanā kiñci avatvā vohārikānaṃ denti. Tepi acoro ce, vissajjenti. Coro ce, suttadharānaṃ denti. Tepi vinicchinitvā acoro ce, vissajjenti. Coro ce, aṭṭhakulikānaṃ denti. Tepi tatheva katvā senāpatissa, senāpati uparājassa, uparājā rañño, rājā vinicchinitvā acoro ce, vissajjeti. Sace pana coro hoti, paveṇīpotthakaṃ vācāpeti. Tattha – ‘‘yena idaṃ nāma kataṃ, tassa ayaṃ nāma daṇḍo’’ti likhitaṃ. Rājā tassa kiriyaṃ tena samānetvā tadanucchavikaṃ daṇḍaṃ karoti. Iti etaṃ porāṇaṃ vajjidhammaṃ samādāya vattantānaṃ manussā na ujjhāyanti, ‘‘rājāno porāṇapaveṇiyā kammaṃ karonti, etesaṃ doso natthi, amhākaṃyeva doso’’ti appamattā kammante karonti. Evaṃ rājūnaṃ vuddhi hoti. Tena vuttaṃ – ‘‘vuddhiyeva, ānanda, vajjīnaṃ pāṭikaṅkhā, no parihānī’’ti.

    саггаронд̇ийд̇и яам̣гин̃жи д̇зсам̣ саггаарам̣ гаронд̇аа сунд̣̇арамзва гаронд̇и. г̇арум̣ гаронд̇ийд̇и г̇арубхаавам̣ бажжубадтабзд̇ваава гаронд̇и. маанзнд̇ийд̇и манзна бияааяанд̇и. бууж̇знд̇ийд̇и нибажжагаарам̣ д̣̇ассзнд̇и. сод̇аб̣б̣ам̣ ман̃н̃анд̇ийд̇и д̣̇ивасасса д̣̇вз д̇аяо ваарз убадтаанам̣ г̇анд̇ваа д̇зсам̣ гат̇ам̣ сод̇аб̣б̣ам̣ сад̣̇д̇хаад̇аб̣б̣ам̣ ман̃н̃анд̇и. д̇ад̇т̇а яз звам̣ махаллагаанам̣ рааж̇уунам̣ саггаараад̣̇ийни на гаронд̇и, оваад̣̇ад̇т̇ааяа жа нзсам̣ убадтаанам̣ на г̇ажчанд̇и, д̇з д̇зхи виссадтаа ановад̣̇ияамаанаа гийл̣аабасуд̇аа раж̇ж̇ад̇о барихааяанд̇и. яз бана д̇ат̇аа бадибаж̇ж̇анд̇и, д̇зсам̣ махаллагарааж̇аано – ‘‘ид̣̇ам̣ гаад̇аб̣б̣ам̣, ид̣̇ам̣ на гаад̇аб̣б̣а’’нд̇и бораан̣ам̣ бавзн̣им̣ аажигканд̇и. сан̇г̇аамам̣ бад̇вааби – ‘‘звам̣ бависид̇аб̣б̣ам̣, звам̣ нигкамид̇аб̣б̣а’’нд̇и убааяам̣ д̣̇ассзнд̇и. д̇з д̇зхи овад̣̇ияамаанаа яат̇ааоваад̣̇ам̣ бадибаж̇ж̇анд̇аа саггонд̇и рааж̇аббавзн̣им̣ санд̇хаарзд̇ум̣. д̇зна вуд̇д̇ам̣ – ‘‘вуд̣̇д̇хиязва, аананд̣̇а, важ̇ж̇ийнам̣ баадиган̇каа, но барихааний’’д̇и.

    Sakkarontīti yaṃkiñci tesaṃ sakkāraṃ karontā sundarameva karonti. Garuṃ karontīti garubhāvaṃ paccupaṭṭhapetvāva karonti. Mānentīti manena piyāyanti. Pūjentīti nipaccakāraṃ dassenti. Sotabbaṃ maññantīti divasassa dve tayo vāre upaṭṭhānaṃ gantvā tesaṃ kathaṃ sotabbaṃ saddhātabbaṃ maññanti. Tattha ye evaṃ mahallakānaṃ rājūnaṃ sakkārādīni na karonti, ovādatthāya ca nesaṃ upaṭṭhānaṃ na gacchanti, te tehi vissaṭṭhā anovadiyamānā kīḷāpasutā rajjato parihāyanti. Ye pana tathā paṭipajjanti, tesaṃ mahallakarājāno – ‘‘idaṃ kātabbaṃ, idaṃ na kātabba’’nti porāṇaṃ paveṇiṃ ācikkhanti. Saṅgāmaṃ patvāpi – ‘‘evaṃ pavisitabbaṃ, evaṃ nikkhamitabba’’nti upāyaṃ dassenti. Te tehi ovadiyamānā yathāovādaṃ paṭipajjantā sakkonti rājappaveṇiṃ sandhāretuṃ. Tena vuttaṃ – ‘‘vuddhiyeva, ānanda, vajjīnaṃ pāṭikaṅkhā, no parihānī’’ti.

    гулид̇т̇ияод̇и гулагхаран̣ияо. гулагумаарияод̇и анивид̣̇д̇хаа д̇аасам̣ д̇хийд̇аро. оггасса басаяхаад̇и зд̇т̇а ‘‘оггассаа’’д̇и ваа ‘‘басаяхаа’’д̇и ваа басаяхаагаарассзвзд̇ам̣ наамам̣. ‘‘уггассаа’’д̇иби батанд̇и. д̇ад̇т̇а оггассаад̇и авагассид̇ваа аагад̣дхид̇ваа. басаяхаад̇и абхибхавид̇ваа аж̇жход̇т̇арид̇ваад̇и аяам̣ важанад̇т̇о. зван̃хи гаронд̇аанам̣ виж̇ид̇з мануссаа – ‘‘амхаагам̣ г̇зхз буд̇д̇амаад̇ароби, кзл̣асин̇гхаан̣игаад̣̇ийни мукзна абанзд̇ваа сам̣вад̣дхид̇ад̇хийд̇ароби имз рааж̇аано б̣алаггаарзна г̇ахзд̇ваа ад̇д̇ано гхарз ваасзнд̇ий’’д̇и губид̇аа бажжанд̇ам̣ бависид̇ваа жораа ваа жорасахааяаа ваа худ̇ваа ж̇анабад̣̇ам̣ бахаранд̇и. звам̣ агаронд̇аанам̣ бана виж̇ид̇з мануссаа аббоссуггаа сагаани гаммаани гаронд̇аа рааж̇агосам̣ вад̣дхзнд̇и. звамзд̇т̇а вуд̣̇д̇хихаанияо взд̣̇ид̇аб̣б̣аа.

    Kulitthiyoti kulagharaṇiyo. Kulakumāriyoti anividdhā tāsaṃ dhītaro. Okkassa pasayhāti ettha ‘‘okkassā’’ti vā ‘‘pasayhā’’ti vā pasayhākārassevetaṃ nāmaṃ. ‘‘Ukkassā’’tipi paṭhanti. Tattha okkassāti avakassitvā ākaḍḍhitvā. Pasayhāti abhibhavitvā ajjhottharitvāti ayaṃ vacanattho. Evañhi karontānaṃ vijite manussā – ‘‘amhākaṃ gehe puttamātaropi, kheḷasiṅghāṇikādīni mukhena apanetvā saṃvaḍḍhitadhītaropi ime rājāno balakkārena gahetvā attano ghare vāsentī’’ti kupitā paccantaṃ pavisitvā corā vā corasahāyā vā hutvā janapadaṃ paharanti. Evaṃ akarontānaṃ pana vijite manussā appossukkā sakāni kammāni karontā rājakosaṃ vaḍḍhenti. Evamettha vuddhihāniyo veditabbā.

    важ̇ж̇ийнам̣ важ̇ж̇ижзд̇ияаанийд̇и важ̇ж̇ирааж̇уунам̣ важ̇ж̇ирадтз жид̇д̇ийгад̇адтзна жзд̇ияаанийд̇и лад̣̇д̇ханаамаани яагкадтаанаани. аб̣бханд̇араанийд̇и анд̇онаг̇арз тид̇аани. б̣аахираанийд̇и б̣ахинаг̇арз тид̇аани . д̣̇иннабуб̣б̣анд̇и буб̣б̣з д̣̇иннам̣. гад̇абуб̣б̣анд̇и буб̣б̣з гад̇ам̣. но барихаабзссанд̇ийд̇и абарихаабзд̇ваа яат̇аабавад̇д̇амзва гариссанд̇и д̇хаммигам̣ б̣алим̣ барихаабзнд̇аанан̃хи д̣̇звад̇аа аарагкам̣ сусам̣вихид̇ам̣ на гаронд̇и, ануббаннам̣ д̣̇угкам̣ ж̇анзд̇ум̣ асаггонд̇ааби уббаннам̣ гаасасийсарог̇аад̣̇им̣ вад̣дхзнд̇и, сан̇г̇аамз бад̇д̇з сахааяаа на хонд̇и. абарихаабзнд̇аанам̣ бана аарагкам̣ сусам̣вихид̇ам̣ гаронд̇и, ануббаннам̣ сукам̣ уббаад̣̇зд̇ум̣ асаггонд̇ааби уббаннам̣ гаасасийсарог̇аад̣̇им̣ хананд̇и, сан̇г̇аамасийсз сахааяаа хонд̇ийд̇и звамзд̇т̇а вуд̣̇д̇хихаанияо взд̣̇ид̇аб̣б̣аа.

    Vajjīnaṃ vajjicetiyānīti vajjirājūnaṃ vajjiraṭṭhe cittīkataṭṭhena cetiyānīti laddhanāmāni yakkhaṭṭhānāni. Abbhantarānīti antonagare ṭhitāni. Bāhirānīti bahinagare ṭhitāni . Dinnapubbanti pubbe dinnaṃ. Katapubbanti pubbe kataṃ. No parihāpessantīti aparihāpetvā yathāpavattameva karissanti dhammikaṃ baliṃ parihāpentānañhi devatā ārakkhaṃ susaṃvihitaṃ na karonti, anuppannaṃ dukkhaṃ janetuṃ asakkontāpi uppannaṃ kāsasīsarogādiṃ vaḍḍhenti, saṅgāme patte sahāyā na honti. Aparihāpentānaṃ pana ārakkhaṃ susaṃvihitaṃ karonti, anuppannaṃ sukhaṃ uppādetuṃ asakkontāpi uppannaṃ kāsasīsarogādiṃ hananti, saṅgāmasīse sahāyā hontīti evamettha vuddhihāniyo veditabbā.

    д̇хаммигаа рагкааваран̣аг̇уд̇д̇ийд̇и зд̇т̇а рагкаа зва яат̇аа анижчид̇ам̣ на г̇ажчад̇и, звам̣ ааваран̣ад̇о ааваран̣ам̣. яат̇аа ижчид̇ам̣ на винассад̇и, звам̣ г̇обааяанад̇о г̇уд̇д̇и. д̇ад̇т̇а б̣алагааязна бариваарзд̇ваа рагкан̣ам̣ баб̣б̣аж̇ид̇аанам̣ д̇хаммигаа рагкааваран̣аг̇уд̇д̇и наама на ход̇и. яат̇аа бана вихаарасса убаванз ругкз на чинд̣̇анд̇и, вааж̇игаа важ̇жхам̣ на гаронд̇и, богкаран̣ийсу мажчз на г̇ан̣ханд̇и, звам̣ гаран̣ам̣ д̇хаммигаа рагкааваран̣аг̇уд̇д̇и наама. гинд̇и анааг̇ад̇аа жаад̇и иминаа бана нзсам̣ звам̣ бажжубадтид̇ажид̇д̇асанд̇аанод̇и жид̇д̇аббавад̇д̇им̣ бужчад̇и.

    Dhammikā rakkhāvaraṇaguttīti ettha rakkhā eva yathā anicchitaṃ na gacchati, evaṃ āvaraṇato āvaraṇaṃ. Yathā icchitaṃ na vinassati, evaṃ gopāyanato gutti. Tattha balakāyena parivāretvā rakkhaṇaṃ pabbajitānaṃ dhammikā rakkhāvaraṇagutti nāma na hoti. Yathā pana vihārassa upavane rukkhe na chindanti, vājikā vajjhaṃ na karonti, pokkharaṇīsu macche na gaṇhanti, evaṃ karaṇaṃ dhammikā rakkhāvaraṇagutti nāma. Kinti anāgatā cāti iminā pana nesaṃ evaṃ paccupaṭṭhitacittasantānoti cittappavattiṃ pucchati.

    д̇ад̇т̇а яз анааг̇ад̇аанам̣ араханд̇аанам̣ ааг̇аманам̣ на ижчанд̇и, д̇з ассад̣̇д̇хаа хонд̇и аббасаннаа. баб̣б̣аж̇ид̇з жа самбад̇д̇з бажжуг̇г̇аманам̣ на гаронд̇и, г̇анд̇ваа на бассанд̇и, бадисант̇аарам̣ на гаронд̇и, бан̃хам̣ на бужчанд̇и, д̇хаммам̣ на сун̣анд̇и, д̣̇аанам̣ на д̣̇знд̇и, анумод̣̇анам̣ на сун̣анд̇и, ниваасанадтаанам̣ на сам̣вид̣̇аханд̇и. ат̇а нзсам̣ аван̣н̣о аб̣бхуг̇г̇ажчад̇и – ‘‘асуго наама рааж̇аа ассад̣̇д̇хо аббасанно, баб̣б̣аж̇ид̇з самбад̇д̇з бажжуг̇г̇аманам̣ на гарод̇и…бз… ниваасанадтаанам̣ на сам̣вид̣̇ахад̇ий’’д̇и. д̇ам̣ суд̇ваа баб̣б̣аж̇ид̇аа д̇асса наг̇арад̣̇ваарзна на г̇ажчанд̇и, г̇ажчанд̇ааби наг̇арам̣ на бависанд̇и. звам̣ анааг̇ад̇аанам̣ араханд̇аанам̣ анааг̇аманамзва ход̇и. ааг̇ад̇аанамби паасувихаарз асад̇и язби аж̇аанид̇ваа ааг̇ад̇аа, д̇з – ‘‘васиссаамаад̇и д̇аава жинд̇зд̇ваа ааг̇ад̇амхаа, имзсам̣ бана рааж̇уунам̣ иминаа нийхаарзна го васиссад̇ий’’д̇и нигкамид̇ваа г̇ажчанд̇и. звам̣ анааг̇ад̇зсу анааг̇ажчанд̇зсу, ааг̇ад̇зсу д̣̇угкам̣ вихаранд̇зсу со д̣̇зсо баб̣б̣аж̇ид̇аанам̣ анааваасо ход̇и. д̇ад̇о д̣̇звад̇аарагкаа на ход̇и, д̣̇звад̇аарагкааяа асад̇и амануссаа огаасам̣ лабханд̇и. амануссаа уссаннаа ануббаннам̣ б̣яаад̇хим̣ уббаад̣̇знд̇и, сийлаванд̇аанам̣ д̣̇ассанабан̃хаабужчанаад̣̇ивад̇т̇угасса бун̃н̃асса анааг̇амо ход̇и. вибарияааязна бана яат̇аавуд̇д̇аган̣хабагкавибарийд̇асса суггабагкасса самбхаво ход̇ийд̇и звамзд̇т̇а вуд̣̇д̇хихаанияо взд̣̇ид̇аб̣б̣аа.

    Tattha ye anāgatānaṃ arahantānaṃ āgamanaṃ na icchanti, te assaddhā honti appasannā. Pabbajite ca sampatte paccuggamanaṃ na karonti, gantvā na passanti, paṭisanthāraṃ na karonti, pañhaṃ na pucchanti, dhammaṃ na suṇanti, dānaṃ na denti, anumodanaṃ na suṇanti, nivāsanaṭṭhānaṃ na saṃvidahanti. Atha nesaṃ avaṇṇo abbhuggacchati – ‘‘asuko nāma rājā assaddho appasanno, pabbajite sampatte paccuggamanaṃ na karoti…pe… nivāsanaṭṭhānaṃ na saṃvidahatī’’ti. Taṃ sutvā pabbajitā tassa nagaradvārena na gacchanti, gacchantāpi nagaraṃ na pavisanti. Evaṃ anāgatānaṃ arahantānaṃ anāgamanameva hoti. Āgatānampi phāsuvihāre asati yepi ajānitvā āgatā, te – ‘‘vasissāmāti tāva cintetvā āgatamhā, imesaṃ pana rājūnaṃ iminā nīhārena ko vasissatī’’ti nikkhamitvā gacchanti. Evaṃ anāgatesu anāgacchantesu, āgatesu dukkhaṃ viharantesu so deso pabbajitānaṃ anāvāso hoti. Tato devatārakkhā na hoti, devatārakkhāya asati amanussā okāsaṃ labhanti. Amanussā ussannā anuppannaṃ byādhiṃ uppādenti, sīlavantānaṃ dassanapañhāpucchanādivatthukassa puññassa anāgamo hoti. Vipariyāyena pana yathāvuttakaṇhapakkhaviparītassa sukkapakkhassa sambhavo hotīti evamettha vuddhihāniyo veditabbā.

    135. згамид̣̇ааханд̇и ид̣̇ам̣ бхаг̇аваа буб̣б̣з важ̇ж̇ийнам̣ имасса важ̇ж̇исад̇д̇агасса д̣̇зсид̇абхааваббагаасанад̇т̇амааха . д̇ад̇т̇а сааранд̣̇ад̣̇з жзд̇иязд̇и звам̣наамагз вихаарз. ануббаннз гира б̣уд̣̇д̇хз д̇ад̇т̇а сааранд̣̇ад̣̇асса яагкасса ниваасанадтаанам̣ жзд̇ияам̣ ахоси. ат̇зд̇т̇а бхаг̇авад̇о вихаарам̣ гаараабзсум̣, со сааранд̣̇ад̣̇з жзд̇ияз гад̇ад̇д̇аа сааранд̣̇ад̣̇ажзд̇ияанд̇взва сан̇кяам̣ г̇ад̇о.

    135.Ekamidāhanti idaṃ bhagavā pubbe vajjīnaṃ imassa vajjisattakassa desitabhāvappakāsanatthamāha . Tattha sārandade cetiyeti evaṃnāmake vihāre. Anuppanne kira buddhe tattha sārandadassa yakkhassa nivāsanaṭṭhānaṃ cetiyaṃ ahosi. Athettha bhagavato vihāraṃ kārāpesuṃ, so sārandade cetiye katattā sārandadacetiyantveva saṅkhyaṃ gato.

    агаран̣ийяаад̇и агаад̇аб̣б̣аа, аг̇г̇ахзд̇аб̣б̣аад̇и ад̇т̇о. яад̣̇ид̣̇анд̇и нибаад̇амад̇д̇ам̣. яуд̣̇д̇хассаад̇и гаран̣ад̇т̇з саамиважанам̣, абхимукаяуд̣̇д̇хзна г̇ахзд̇ум̣ на саггаад̇и ад̇т̇о. ан̃н̃ад̇ра убалаабанааяаад̇и табзд̇ваа убалаабанам̣. убалаабанаа наама – ‘‘алам̣ виваад̣̇зна, ид̣̇аани самаг̇г̇аа хомаа’’д̇и хад̇т̇иассарат̇ахиран̃н̃асуван̣н̣аад̣̇ийни бзсзд̇ваа сан̇г̇ахагаран̣ам̣. зван̃хи сан̇г̇ахам̣ гад̇ваа гзвалам̣ виссаасзна саггаа г̇ан̣хид̇унд̇и ад̇т̇о. ан̃н̃ад̇ра мит̇убхзд̣̇ааяаад̇и табзд̇ваа мит̇убхзд̣̇ам̣. иминаа ан̃н̃аман̃н̃абхзд̣̇ам̣ гад̇вааби саггаа зд̇з г̇ахзд̇унд̇и д̣̇ассзд̇и. ид̣̇ам̣ б̣раахман̣о бхаг̇авад̇о гат̇ааяа наяам̣ лабхид̇ваа ааха.

    Akaraṇīyāti akātabbā, aggahetabbāti attho. Yadidanti nipātamattaṃ. Yuddhassāti karaṇatthe sāmivacanaṃ, abhimukhayuddhena gahetuṃ na sakkāti attho. Aññatra upalāpanāyāti ṭhapetvā upalāpanaṃ. Upalāpanā nāma – ‘‘alaṃ vivādena, idāni samaggā homā’’ti hatthiassarathahiraññasuvaṇṇādīni pesetvā saṅgahakaraṇaṃ. Evañhi saṅgahaṃ katvā kevalaṃ vissāsena sakkā gaṇhitunti attho. Aññatra mithubhedāyāti ṭhapetvā mithubhedaṃ. Iminā aññamaññabhedaṃ katvāpi sakkā ete gahetunti dasseti. Idaṃ brāhmaṇo bhagavato kathāya nayaṃ labhitvā āha.

    гим̣ бана бхаг̇аваа б̣раахман̣асса имааяа гат̇ааяа наяалаабхам̣ на ж̇аанаад̇ийд̇и? аама, ж̇аанаад̇и. ж̇аананд̇о гасмаа гат̇зсийд̇и? анугамбааяа. звам̣ гирасса ахоси – ‘‘маяаа агат̇ид̇зби гад̇ибаахзна г̇анд̇ваа саб̣б̣з г̇ан̣хиссад̇и, гат̇ид̇з бана самаг̇г̇з бхинд̣̇анд̇о д̇ийхи сам̣важчарзхи г̇ан̣хиссад̇и, зд̇д̇агамби ж̇ийвид̇амзва варам̣, зд̇д̇аган̃хи ж̇ийванд̇аа ад̇д̇ано бад̇идтаанабхууд̇ам̣ бун̃н̃ам̣ гариссанд̇ий’’д̇и.

    Kiṃ pana bhagavā brāhmaṇassa imāya kathāya nayalābhaṃ na jānātīti? Āma, jānāti. Jānanto kasmā kathesīti? Anukampāya. Evaṃ kirassa ahosi – ‘‘mayā akathitepi katipāhena gantvā sabbe gaṇhissati, kathite pana samagge bhindanto tīhi saṃvaccharehi gaṇhissati, ettakampi jīvitameva varaṃ, ettakañhi jīvantā attano patiṭṭhānabhūtaṃ puññaṃ karissantī’’ti.

    абхинанд̣̇ид̇ваад̇и жид̇д̇зна абхинанд̣̇ид̇ваа. анумод̣̇ид̇ваад̇и ‘‘яаава субхаасид̇ан̃жид̣̇ам̣ бход̇аа г̇од̇амзнаа’’д̇и ваажааяа анумод̣̇ид̇ваа. баггаамийд̇и ран̃н̃о санд̇игам̣ г̇ад̇о. д̇ад̇о нам̣ рааж̇аа – ‘‘гим̣ аажарияа, бхаг̇аваа аважаа’’д̇и бужчи. со – ‘‘яат̇аа бхо саман̣асса г̇од̇амасса важанам̣ на саггаа важ̇ж̇ий гзнажи г̇ахзд̇ум̣, аби жа убалаабанааяа ваа мит̇убхзд̣̇зна ваа саггаа’’д̇и ааха. д̇ад̇о нам̣ рааж̇аа – ‘‘убалаабанааяа амхаагам̣ хад̇т̇иассаад̣̇аяо нассиссанд̇и, бхзд̣̇знзва д̇з г̇ахзссаами, гим̣ гаромаа’’д̇и бужчи. д̇зна хи, махаарааж̇а, д̇умхз важ̇ж̇им̣ аараб̣бха барисад̇и гат̇ам̣ самудтаабзт̇а. д̇ад̇о ахам̣ – ‘‘гим̣ д̇з махаарааж̇а д̇зхи, ад̇д̇ано санд̇агзхи гасиваан̣иж̇ж̇аад̣̇ийни гад̇ваа ж̇ийванд̇у зд̇з рааж̇аано’’д̇и вад̇ваа баггамиссаами. д̇ад̇о д̇умхз – ‘‘гинну ко бхо зса б̣раахман̣о важ̇ж̇им̣ аараб̣бха бавад̇д̇ам̣ гат̇ам̣ бадиб̣аахад̇ий’’д̇и вад̣̇зяяаат̇а, д̣̇ивасабхааг̇з жаахам̣ д̇зсам̣ бан̣н̣аагаарам̣ бзсзссаами, д̇амби г̇аахаабзд̇ваа д̇умхзби мама д̣̇осам̣ ааробзд̇ваа б̣анд̇ханад̇ааланаад̣̇ийни агад̇ваава гзвалам̣ курамун̣д̣ам̣ мам̣ гад̇ваа наг̇араа нийхараабзт̇а. ат̇аахам̣ – ‘‘маяаа д̇з наг̇арз баагааро барикаа жа гаарид̇аа, ахам̣ гира д̣̇уб̣б̣аладтаанан̃жа уд̇д̇аанаг̇амбхийрадтаанан̃жа ж̇аанаами, на жирассзва д̣̇аани уж̇ум̣ гариссаамий’’д̇и вагкаами. д̇ам̣ суд̇ваа д̇умхз – ‘‘г̇ажчад̇уу’’д̇и вад̣̇зяяаат̇аад̇и. рааж̇аа саб̣б̣ам̣ агааси.

    Abhinanditvāti cittena abhinanditvā. Anumoditvāti ‘‘yāva subhāsitañcidaṃ bhotā gotamenā’’ti vācāya anumoditvā. Pakkāmīti rañño santikaṃ gato. Tato naṃ rājā – ‘‘kiṃ ācariya, bhagavā avacā’’ti pucchi. So – ‘‘yathā bho samaṇassa gotamassa vacanaṃ na sakkā vajjī kenaci gahetuṃ, api ca upalāpanāya vā mithubhedena vā sakkā’’ti āha. Tato naṃ rājā – ‘‘upalāpanāya amhākaṃ hatthiassādayo nassissanti, bhedeneva te gahessāmi, kiṃ karomā’’ti pucchi. Tena hi, mahārāja, tumhe vajjiṃ ārabbha parisati kathaṃ samuṭṭhāpetha. Tato ahaṃ – ‘‘kiṃ te mahārāja tehi, attano santakehi kasivāṇijjādīni katvā jīvantu ete rājāno’’ti vatvā pakkamissāmi. Tato tumhe – ‘‘kinnu kho bho esa brāhmaṇo vajjiṃ ārabbha pavattaṃ kathaṃ paṭibāhatī’’ti vadeyyātha, divasabhāge cāhaṃ tesaṃ paṇṇākāraṃ pesessāmi, tampi gāhāpetvā tumhepi mama dosaṃ āropetvā bandhanatālanādīni akatvāva kevalaṃ khuramuṇḍaṃ maṃ katvā nagarā nīharāpetha. Athāhaṃ – ‘‘mayā te nagare pākāro parikhā ca kāritā, ahaṃ kira dubbalaṭṭhānañca uttānagambhīraṭṭhānañca jānāmi, na cirasseva dāni ujuṃ karissāmī’’ti vakkhāmi. Taṃ sutvā tumhe – ‘‘gacchatū’’ti vadeyyāthāti. Rājā sabbaṃ akāsi.

    лижчавий д̇асса нигкаманам̣ суд̇ваа – ‘‘сато б̣раахман̣о, маа д̇асса г̇ан̇г̇ам̣ уд̇д̇арид̇ум̣ ад̣̇ад̇т̇аа’’д̇и аахам̣су. д̇ад̇ра згажжзхи – ‘‘амхз аараб̣бха гат̇ид̇ад̇д̇аа гира со звам̣ гад̇о’’д̇и вуд̇д̇з ‘‘д̇зна хи, бхан̣з, зд̇уу’’д̇и бхан̣им̣су. со г̇анд̇ваа лижчавий д̣̇исваа ‘‘гим̣ ааг̇ад̇ад̇т̇аа’’д̇и бужчид̇о д̇ам̣ бавад̇д̇им̣ аарожзси, лижчавино – ‘‘аббамад̇д̇агзна наама звам̣ г̇арум̣ д̣̇ан̣д̣ам̣ гаад̇ум̣ на яуд̇д̇а’’нд̇и вад̇ваа – ‘‘гим̣ д̇з д̇ад̇ра таананд̇ара’’нд̇и бужчим̣су. ‘‘винижчаяаамажжохамасмий’’д̇и. д̇ад̣̇зва д̇з таананд̇арам̣ ход̇ууд̇и. со судтуд̇арам̣ винижчаяам̣ гарод̇и, рааж̇агумаараа д̇асса санд̇игз сиббам̣ уг̇г̇ан̣ханд̇и.

    Licchavī tassa nikkhamanaṃ sutvā – ‘‘saṭho brāhmaṇo, mā tassa gaṅgaṃ uttarituṃ adatthā’’ti āhaṃsu. Tatra ekaccehi – ‘‘amhe ārabbha kathitattā kira so evaṃ kato’’ti vutte ‘‘tena hi, bhaṇe, etū’’ti bhaṇiṃsu. So gantvā licchavī disvā ‘‘kiṃ āgatatthā’’ti pucchito taṃ pavattiṃ ārocesi, licchavino – ‘‘appamattakena nāma evaṃ garuṃ daṇḍaṃ kātuṃ na yutta’’nti vatvā – ‘‘kiṃ te tatra ṭhānantara’’nti pucchiṃsu. ‘‘Vinicchayāmaccohamasmī’’ti. Tadeva te ṭhānantaraṃ hotūti. So suṭṭhutaraṃ vinicchayaṃ karoti, rājakumārā tassa santike sippaṃ uggaṇhanti.

    со бад̇идтид̇аг̇ун̣о худ̇ваа згад̣̇ивасам̣ згам̣ лижчавим̣ г̇ахзд̇ваа згаманд̇ам̣ г̇анд̇ваа – д̣̇аарагаа гасанд̇ийд̇и бужчи. аама, гасанд̇и. д̣̇вз г̇он̣з яож̇зд̇ваад̇и? аама, д̣̇вз г̇он̣з яож̇зд̇ваад̇и. зд̇д̇агам̣ вад̇ваа нивад̇д̇о. д̇ад̇о д̇ам̣ ан̃н̃о – ‘‘гим̣ аажарияо аахаа’’д̇и бужчид̇ваа д̇зна вуд̇д̇ам̣ асад̣̇д̣̇аханд̇о ‘‘на мз зса яат̇аабхууд̇ам̣ гат̇зд̇ий’’д̇и д̇зна сад̣̇д̇хим̣ бхиж̇ж̇и. б̣раахман̣о ан̃н̃асмим̣ д̣̇ивасз згам̣ лижчавим̣ згаманд̇ам̣ нзд̇ваа – ‘‘гзна б̣яан̃ж̇анзна бхуд̇д̇осий’’д̇и бужчид̇ваа нивад̇д̇о. д̇амби ан̃н̃о бужчид̇ваа асад̣̇д̣̇аханд̇о д̇ат̇зва бхиж̇ж̇и. б̣раахман̣о абарамби д̣̇ивасам̣ згам̣ лижчавим̣ згаманд̇ам̣ нзд̇ваа – ‘‘ад̇ид̣̇уг̇г̇ад̇оси гираа’’д̇и бужчи. го звамаахаад̇и бужчид̇о асуго наама лижчавийд̇и. абарамби згаманд̇ам̣ нзд̇ваа – ‘‘д̇вам̣ гира бхийругаж̇аад̇иго’’д̇и бужчи. го звамаахаад̇и? асуго наама лижчавийд̇и. звам̣ ан̃н̃зна агат̇ид̇амзва ан̃н̃асса гат̇знд̇о д̇ийхи сам̣важчарзхи д̇з рааж̇аано ан̃н̃аман̃н̃ам̣ бхинд̣̇ид̇ваа яат̇аа д̣̇вз згамаг̇г̇зна на г̇ажчанд̇и, д̇ат̇аа гад̇ваа саннибаад̇абхзрим̣ жараабзси. лижчавино – ‘‘иссараа саннибад̇анд̇у, суураа саннибад̇анд̇уу’’д̇и вад̇ваа на саннибад̇им̣су.

    So patiṭṭhitaguṇo hutvā ekadivasaṃ ekaṃ licchaviṃ gahetvā ekamantaṃ gantvā – dārakā kasantīti pucchi. Āma, kasanti. Dve goṇe yojetvāti? Āma, dve goṇe yojetvāti. Ettakaṃ vatvā nivatto. Tato taṃ añño – ‘‘kiṃ ācariyo āhā’’ti pucchitvā tena vuttaṃ asaddahanto ‘‘na me esa yathābhūtaṃ kathetī’’ti tena saddhiṃ bhijji. Brāhmaṇo aññasmiṃ divase ekaṃ licchaviṃ ekamantaṃ netvā – ‘‘kena byañjanena bhuttosī’’ti pucchitvā nivatto. Tampi añño pucchitvā asaddahanto tatheva bhijji. Brāhmaṇo aparampi divasaṃ ekaṃ licchaviṃ ekamantaṃ netvā – ‘‘atiduggatosi kirā’’ti pucchi. Ko evamāhāti pucchito asuko nāma licchavīti. Aparampi ekamantaṃ netvā – ‘‘tvaṃ kira bhīrukajātiko’’ti pucchi. Ko evamāhāti? Asuko nāma licchavīti. Evaṃ aññena akathitameva aññassa kathento tīhi saṃvaccharehi te rājāno aññamaññaṃ bhinditvā yathā dve ekamaggena na gacchanti, tathā katvā sannipātabheriṃ carāpesi. Licchavino – ‘‘issarā sannipatantu, sūrā sannipatantū’’ti vatvā na sannipatiṃsu.

    б̣раахман̣о – ‘‘аяам̣ д̣̇аани гаало, сийгхам̣ ааг̇ажчад̇уу’’д̇и ран̃н̃о саасанам̣ бзсзси. рааж̇аа суд̇ваава б̣алабхзрим̣ жараабзд̇ваа нигками. взсаалигаа суд̇ваа – ‘‘ран̃н̃о г̇ан̇г̇ам̣ уд̇д̇арид̇ум̣ на д̣̇ассаамаа’’д̇и бхзрим̣ жараабзсум̣. д̇амби суд̇ваа – ‘‘г̇ажчанд̇у суурарааж̇аано’’д̇иаад̣̇ийни вад̇ваа на саннибад̇им̣су. ‘‘наг̇араббавзсанам̣ на д̣̇ассаама, д̣̇ваараани бид̣̇ахид̇ваа тассаамаа’’д̇и бхзрим̣ жараабзсум̣. згоби на саннибад̇и. яат̇аавивадзхзва д̣̇ваарзхи бависид̇ваа саб̣б̣з анаяаб̣яасанам̣ баабзд̇ваа г̇ад̇о.

    Brāhmaṇo – ‘‘ayaṃ dāni kālo, sīghaṃ āgacchatū’’ti rañño sāsanaṃ pesesi. Rājā sutvāva balabheriṃ carāpetvā nikkhami. Vesālikā sutvā – ‘‘rañño gaṅgaṃ uttarituṃ na dassāmā’’ti bheriṃ carāpesuṃ. Tampi sutvā – ‘‘gacchantu sūrarājāno’’tiādīni vatvā na sannipatiṃsu. ‘‘Nagarappavesanaṃ na dassāma, dvārāni pidahitvā ṭhassāmā’’ti bheriṃ carāpesuṃ. Ekopi na sannipati. Yathāvivaṭeheva dvārehi pavisitvā sabbe anayabyasanaṃ pāpetvā gato.

    бхигкуабарихаанияад̇хаммаван̣н̣анаа

    Bhikkhuaparihāniyadhammavaṇṇanā

    136. ат̇а ко бхаг̇аваа ажирабагганд̇зд̇иаад̣̇имхи саннибаад̇зд̇ваад̇и д̣̇ууравихаарзсу ид̣̇д̇химанд̇з бзсзд̇ваа санд̇игавихаарзсу саяам̣ г̇анд̇ваа – ‘‘саннибад̇ат̇а, ааяасманд̇о; бхаг̇аваа во саннибаад̇ам̣ ижчад̇ий’’д̇и саннибаад̇зд̇ваа. абарихааниязд̇и абарихаанигарз, вуд̣̇д̇хихзд̇убхууд̇зд̇и ад̇т̇о. д̇хаммз д̣̇зсзссаамийд̇и жанд̣̇асахассам̣ суурияасахассам̣ удтабзнд̇о вияа жад̇угуддагз г̇зхз анд̇о д̇злад̣̇ийбасахассам̣ уж̇ж̇аалзнд̇о вияа баагадз гад̇ваа гат̇аяиссаамийд̇и.

    136.Athakho bhagavā acirapakkantetiādimhi sannipātetvāti dūravihāresu iddhimante pesetvā santikavihāresu sayaṃ gantvā – ‘‘sannipatatha, āyasmanto; bhagavā vo sannipātaṃ icchatī’’ti sannipātetvā. Aparihāniyeti aparihānikare, vuddhihetubhūteti attho. Dhamme desessāmīti candasahassaṃ sūriyasahassaṃ uṭṭhapento viya catukuṭṭake gehe anto teladīpasahassaṃ ujjālento viya pākaṭe katvā kathayissāmīti.

    д̇ад̇т̇а абхин̣хам̣ саннибаад̇аад̇и ид̣̇ам̣ важ̇ж̇исад̇д̇агз вуд̇д̇асад̣̇исамзва. ид̇хааби жа абхин̣хам̣ асаннибад̇ид̇аа д̣̇исаасу ааг̇ад̇асаасанам̣ на сун̣анд̇и. д̇ад̇о – ‘‘асугавихаарасиймаа аагулаа, убосат̇абавааран̣аа тид̇аа, асугасмим̣ таанз бхигкуу взж̇ж̇агаммад̣̇ууд̇агаммаад̣̇ийни гаронд̇и, вин̃н̃ад̇д̇иб̣ахулаа бубпад̣̇аанаад̣̇ийхи ж̇ийвигам̣ габбзнд̇ий’’д̇иаад̣̇ийни на ж̇аананд̇и, баабабхигкууби ‘‘бамад̇д̇о бхигкусан̇гхо’’д̇и н̃ад̇ваа раасибхууд̇аа саасанам̣ осаггаабзнд̇и. абхин̣хам̣ саннибад̇ид̇аа бана д̇ам̣ д̇ам̣ бавад̇д̇им̣ сун̣анд̇и, д̇ад̇о бхигкусан̇гхам̣ бзсзд̇ваа сиймам̣ уж̇ум̣ гаронд̇и, убосат̇абавааран̣аад̣̇аяо бавад̇д̇аабзнд̇и, мижчааж̇ийваанам̣ уссаннадтаанз арияавам̣сагз бзсзд̇ваа арияавам̣сам̣ гат̇аабзнд̇и, баабабхигкуунам̣ винаяад̇харзхи ниг̇г̇ахам̣ гаараабзнд̇и, баабабхигкууби ‘‘аббамад̇д̇о бхигкусан̇гхо, на саггаа амхзхи ваг̇г̇аб̣анд̇хзна вижарид̇у’’нд̇и бхиж̇ж̇ид̇ваа балааяанд̇и. звамзд̇т̇а хаанивуд̣̇д̇хияо взд̣̇ид̇аб̣б̣аа.

    Tattha abhiṇhaṃ sannipātāti idaṃ vajjisattake vuttasadisameva. Idhāpi ca abhiṇhaṃ asannipatitā disāsu āgatasāsanaṃ na suṇanti. Tato – ‘‘asukavihārasīmā ākulā, uposathapavāraṇā ṭhitā, asukasmiṃ ṭhāne bhikkhū vejjakammadūtakammādīni karonti, viññattibahulā pupphadānādīhi jīvikaṃ kappentī’’tiādīni na jānanti, pāpabhikkhūpi ‘‘pamatto bhikkhusaṅgho’’ti ñatvā rāsibhūtā sāsanaṃ osakkāpenti. Abhiṇhaṃ sannipatitā pana taṃ taṃ pavattiṃ suṇanti, tato bhikkhusaṅghaṃ pesetvā sīmaṃ ujuṃ karonti, uposathapavāraṇādayo pavattāpenti, micchājīvānaṃ ussannaṭṭhāne ariyavaṃsake pesetvā ariyavaṃsaṃ kathāpenti, pāpabhikkhūnaṃ vinayadharehi niggahaṃ kārāpenti, pāpabhikkhūpi ‘‘appamatto bhikkhusaṅgho, na sakkā amhehi vaggabandhena vicaritu’’nti bhijjitvā palāyanti. Evamettha hānivuddhiyo veditabbā.

    самаг̇г̇аад̇иаад̣̇ийсу жзд̇ияабадиж̇аг̇г̇анад̇т̇ам̣ ваа б̣од̇хиг̇зхаубосат̇ааг̇ааражчаад̣̇анад̇т̇ам̣ ваа гад̇игавад̇д̇ам̣ ваа табзд̇угаамад̇ааяа оваад̣̇ам̣ ваа д̣̇аад̇угаамад̇ааяа – ‘‘сан̇гхо саннибад̇ад̇уу’’д̇и бхзрияаа ваа гхан̣дияаа ваа аагодид̇ааяа – ‘‘маяхам̣ жийварагаммам̣ ад̇т̇и, маяхам̣ бад̇д̇о бажид̇аб̣б̣о, маяхам̣ навагаммам̣ ад̇т̇ий’’д̇и вигкзбам̣ гаронд̇аа на самаг̇г̇аа саннибад̇анд̇и наама. саб̣б̣ам̣ бана д̇ам̣ гаммам̣ табзд̇ваа – ‘‘ахам̣ буримад̇арам̣, ахам̣ буримад̇ара’’нд̇и згаббахаарзнзва саннибад̇анд̇аа самаг̇г̇аа саннибад̇анд̇и наама. саннибад̇ид̇аа бана жинд̇зд̇ваа манд̇зд̇ваа гад̇д̇аб̣б̣ам̣ гад̇ваа згад̇о авудтаханд̇аа самаг̇г̇аа на вудтаханд̇и наама. звам̣ вудтид̇зсу хи яз батамам̣ г̇ажчанд̇и, д̇зсам̣ звам̣ ход̇и – ‘‘амхзхи б̣аахирагат̇аава суд̇аа, ид̣̇аани винижчаяагат̇аа бхависсад̇ий’’д̇и. згаббахаарзнзва вудтаханд̇аа бана самаг̇г̇аа вудтаханд̇и наама. абижа ‘‘асугадтаанз вихаарасиймаа аагулаа, убосат̇абавааран̣аа тид̇аа, асугадтаанз взж̇ж̇агаммаад̣̇игаарагаа баабабхигкуу уссаннаа’’д̇и суд̇ваа – ‘‘го г̇анд̇ваа д̇зсам̣ ниг̇г̇ахам̣ гариссад̇ий’’д̇и вуд̇д̇з – ‘‘ахам̣ батамам̣, ахам̣ батама’’нд̇и вад̇ваа г̇ажчанд̇ааби самаг̇г̇аа вудтаханд̇и наама.

    Samaggātiādīsu cetiyapaṭijagganatthaṃ vā bodhigehauposathāgāracchādanatthaṃ vā katikavattaṃ vā ṭhapetukāmatāya ovādaṃ vā dātukāmatāya – ‘‘saṅgho sannipatatū’’ti bheriyā vā ghaṇṭiyā vā ākoṭitāya – ‘‘mayhaṃ cīvarakammaṃ atthi, mayhaṃ patto pacitabbo, mayhaṃ navakammaṃ atthī’’ti vikkhepaṃ karontā na samaggā sannipatanti nāma. Sabbaṃ pana taṃ kammaṃ ṭhapetvā – ‘‘ahaṃ purimataraṃ, ahaṃ purimatara’’nti ekappahāreneva sannipatantā samaggā sannipatanti nāma. Sannipatitā pana cintetvā mantetvā kattabbaṃ katvā ekato avuṭṭhahantā samaggā na vuṭṭhahanti nāma. Evaṃ vuṭṭhitesu hi ye paṭhamaṃ gacchanti, tesaṃ evaṃ hoti – ‘‘amhehi bāhirakathāva sutā, idāni vinicchayakathā bhavissatī’’ti. Ekappahāreneva vuṭṭhahantā pana samaggā vuṭṭhahanti nāma. Apica ‘‘asukaṭṭhāne vihārasīmā ākulā, uposathapavāraṇā ṭhitā, asukaṭṭhāne vejjakammādikārakā pāpabhikkhū ussannā’’ti sutvā – ‘‘ko gantvā tesaṃ niggahaṃ karissatī’’ti vutte – ‘‘ahaṃ paṭhamaṃ, ahaṃ paṭhama’’nti vatvā gacchantāpi samaggā vuṭṭhahanti nāma.

    ааг̇анд̇угам̣ бана д̣̇исваа – ‘‘имам̣ баривзн̣ам̣ яаахи, зд̇ам̣ баривзн̣ам̣ яаахи, аяам̣ го’’д̇и авад̇ваа саб̣б̣з вад̇д̇ам̣ гаронд̇ааби, ж̇ин̣н̣абад̇д̇ажийварагам̣ д̣̇исваа д̇асса бхигкаажааравад̇д̇зна бад̇д̇ажийварам̣ бариязсамаанааби, г̇илаанасса г̇илаанабхзсаж̇ж̇ам̣ бариязсамаанааби, г̇илаанамзва анаат̇ам̣ – ‘‘асугабаривзн̣ам̣ яаахи, асугабаривзн̣ам̣ яаахий’’д̇и авад̇ваа ад̇д̇ано ад̇д̇ано баривзн̣з бадиж̇аг̇г̇анд̇ааби, зго олияамаанаго г̇ант̇о ход̇и, бан̃н̃аванд̇ам̣ бхигкум̣ сан̇г̇ан̣хид̇ваа д̇зна д̇ам̣ г̇ант̇ам̣ угкибаабзнд̇ааби самаг̇г̇аа сан̇гхам̣ гаран̣ийяаани гаронд̇и наама.

    Āgantukaṃ pana disvā – ‘‘imaṃ pariveṇaṃ yāhi, etaṃ pariveṇaṃ yāhi, ayaṃ ko’’ti avatvā sabbe vattaṃ karontāpi, jiṇṇapattacīvarakaṃ disvā tassa bhikkhācāravattena pattacīvaraṃ pariyesamānāpi, gilānassa gilānabhesajjaṃ pariyesamānāpi, gilānameva anāthaṃ – ‘‘asukapariveṇaṃ yāhi, asukapariveṇaṃ yāhī’’ti avatvā attano attano pariveṇe paṭijaggantāpi, eko oliyamānako gantho hoti, paññavantaṃ bhikkhuṃ saṅgaṇhitvā tena taṃ ganthaṃ ukkhipāpentāpi samaggā saṅghaṃ karaṇīyāni karonti nāma.

    абан̃н̃ад̇д̇анд̇иаад̣̇ийсу навам̣ ад̇хаммигам̣ гад̇игавад̇д̇ам̣ ваа сигкаабад̣̇ам̣ ваа б̣анд̇ханд̇аа абан̃н̃ад̇д̇ам̣ бан̃н̃абзнд̇и наама, бураан̣асант̇ад̇авад̇т̇усмим̣ саавад̇т̇ияам̣ бхигкуу вияа. уд̣̇д̇хаммам̣ уб̣б̣инаяам̣ саасанам̣ д̣̇ийбзнд̇аа бан̃н̃ад̇д̇ам̣ самужчинд̣̇анд̇и наама, вассасад̇абариниб̣б̣уд̇з бхаг̇авад̇и взсаалигаа важ̇ж̇ибуд̇д̇агаа вияа. куд̣̇д̣̇аанукуд̣̇д̣̇агаа бана аабад̇д̇ияо сан̃жижжа вийд̇иггаманд̇аа яат̇аабан̃н̃ад̇д̇зсу сигкаабад̣̇зсу самаад̣̇ааяа на вад̇д̇анд̇и наама, ассаж̇ибунаб̣б̣асугаа вияа. навам̣ бана гад̇игавад̇д̇ам̣ ваа сигкаабад̣̇ам̣ ваа аб̣анд̇ханд̇аа, д̇хаммавинаяад̇о саасанам̣ д̣̇ийбзнд̇аа, куд̣̇д̣̇аанукуд̣̇д̣̇агаани сигкаабад̣̇аани асамуухананд̇аа абан̃н̃ад̇д̇ам̣ на бан̃н̃абзнд̇и, бан̃н̃ад̇д̇ам̣ на самужчинд̣̇анд̇и, яат̇аабан̃н̃ад̇д̇зсу сигкаабад̣̇зсу самаад̣̇ааяа вад̇д̇анд̇и наама, ааяасмаа убасзно вияа, ааяасмаа яасо гааган̣д̣агабуд̇д̇о вияа жа.

    Apaññattantiādīsu navaṃ adhammikaṃ katikavattaṃ vā sikkhāpadaṃ vā bandhantā apaññattaṃ paññapenti nāma, purāṇasanthatavatthusmiṃ sāvatthiyaṃ bhikkhū viya. Uddhammaṃ ubbinayaṃ sāsanaṃ dīpentā paññattaṃ samucchindanti nāma, vassasataparinibbute bhagavati vesālikā vajjiputtakā viya. Khuddānukhuddakā pana āpattiyo sañcicca vītikkamantā yathāpaññattesu sikkhāpadesu samādāya na vattanti nāma, assajipunabbasukā viya. Navaṃ pana katikavattaṃ vā sikkhāpadaṃ vā abandhantā, dhammavinayato sāsanaṃ dīpentā, khuddānukhuddakāni sikkhāpadāni asamūhanantā apaññattaṃ na paññapenti, paññattaṃ na samucchindanti, yathāpaññattesu sikkhāpadesu samādāya vattanti nāma, āyasmā upaseno viya, āyasmā yaso kākaṇḍakaputto viya ca.

    ‘‘сун̣аад̇у, мз аавусо сан̇гхо, санд̇амхаагам̣ сигкаабад̣̇аани г̇ихиг̇ад̇аани, г̇ихиноби ж̇аананд̇и, ‘ид̣̇ам̣ во саман̣аанам̣ сагяабуд̇д̇ияаанам̣ габбад̇и, ид̣̇ам̣ во на габбад̇ий’д̇и. сажз хи маяам̣ куд̣̇д̣̇аанукуд̣̇д̣̇агаани сигкаабад̣̇аани самууханиссаама, бхависсанд̇и вад̇д̇ааро – ‘д̇хуумагаалигам̣ саман̣зна г̇од̇амзна саавагаанам̣ сигкаабад̣̇ам̣ бан̃н̃ад̇д̇ам̣, яаавимзсам̣ сад̇т̇аа адтааси, д̇аавимз сигкаабад̣̇зсу сигким̣су. яад̇о имзсам̣ сад̇т̇аа бариниб̣б̣уд̇о, на д̣̇аанимз сигкаабад̣̇зсу сигканд̇ий’д̇и. яад̣̇и сан̇гхасса бад̇д̇агаллам̣, сан̇гхо абан̃н̃ад̇д̇ам̣ на бан̃н̃абзяяа, бан̃н̃ад̇д̇ам̣ на самужчинд̣̇зяяа, яат̇аабан̃н̃ад̇д̇зсу сигкаабад̣̇зсу самаад̣̇ааяа вад̇д̇зяяаа’’д̇и (жул̣ава. 442) –

    ‘‘Suṇātu, me āvuso saṅgho, santamhākaṃ sikkhāpadāni gihigatāni, gihinopi jānanti, ‘idaṃ vo samaṇānaṃ sakyaputtiyānaṃ kappati, idaṃ vo na kappatī’ti. Sace hi mayaṃ khuddānukhuddakāni sikkhāpadāni samūhanissāma, bhavissanti vattāro – ‘dhūmakālikaṃ samaṇena gotamena sāvakānaṃ sikkhāpadaṃ paññattaṃ, yāvimesaṃ satthā aṭṭhāsi, tāvime sikkhāpadesu sikkhiṃsu. Yato imesaṃ satthā parinibbuto, na dānime sikkhāpadesu sikkhantī’ti. Yadi saṅghassa pattakallaṃ, saṅgho apaññattaṃ na paññapeyya, paññattaṃ na samucchindeyya, yathāpaññattesu sikkhāpadesu samādāya vatteyyā’’ti (cuḷava. 442) –

    имам̣ д̇анд̇им̣ табаяанд̇о ааяасмаа махаагассабо вияа жа. вуд̣̇д̇хиязваад̇и сийлаад̣̇ийхи г̇ун̣зхи вуд̣дхиязва, но барихаани.

    Imaṃ tantiṃ ṭhapayanto āyasmā mahākassapo viya ca. Vuddhiyevāti sīlādīhi guṇehi vuḍḍhiyeva, no parihāni.

    т̇зраад̇и т̇ирабхааваббад̇д̇аа т̇зрагаарагзхи г̇ун̣зхи саманнааг̇ад̇аа. б̣ахуу рад̇д̇ияо ж̇аананд̇ийд̇и рад̇д̇ан̃н̃уу. жирам̣ баб̣б̣аж̇ид̇аанам̣ зд̇зсанд̇и жирабаб̣б̣аж̇ид̇аа. сан̇гхасса бид̇удтаанз тид̇аад̇и сан̇гхабид̇аро. бид̇удтаанз тид̇ад̇д̇аа сан̇гхам̣ баринзнд̇и буб̣б̣ан̇г̇амаа худ̇ваа д̇ийсу сигкаасу бавад̇д̇знд̇ийд̇и сан̇гхабарин̣ааяагаа.

    Therāti thirabhāvappattā therakārakehi guṇehi samannāgatā. Bahū rattiyo jānantīti rattaññū. Ciraṃ pabbajitānaṃ etesanti cirapabbajitā. Saṅghassa pituṭṭhāne ṭhitāti saṅghapitaro. Pituṭṭhāne ṭhitattā saṅghaṃ parinenti pubbaṅgamā hutvā tīsu sikkhāsu pavattentīti saṅghapariṇāyakā.

    яз д̇зсам̣ саггаараад̣̇ийни на гаронд̇и, оваад̣̇ад̇т̇ааяа д̣̇вз д̇аяо ваарз убадтаанам̣ на г̇ажчанд̇и, д̇зби д̇зсам̣ оваад̣̇ам̣ на д̣̇знд̇и, бавзн̣ийгат̇ам̣ на гат̇знд̇и, саарабхууд̇ам̣ д̇хаммабарияааяам̣ на сигкаабзнд̇и. д̇з д̇зхи виссадтаа сийлаад̣̇ийхи д̇хаммагканд̇хзхи сад̇д̇ахи жа арияад̇ханзхийд̇и звамаад̣̇ийхи г̇ун̣зхи барихааяанд̇и. яз бана д̇зсам̣ саггаараад̣̇ийни гаронд̇и, убадтаанам̣ г̇ажчанд̇и, д̇зби д̇зсам̣ оваад̣̇ам̣ д̣̇знд̇и. ‘‘звам̣ д̇з абхиггамид̇аб̣б̣ам̣, звам̣ д̇з бадиггамид̇аб̣б̣ам̣, звам̣ д̇з аалогид̇аб̣б̣ам̣, звам̣ д̇з вилогид̇аб̣б̣ам̣, звам̣ д̇з самин̃ж̇ид̇аб̣б̣ам̣, звам̣ д̇з басаарид̇аб̣б̣ам̣, звам̣ д̇з сан̇гхаадибад̇д̇ажийварам̣ д̇хаарзд̇аб̣б̣а’’нд̇и бавзн̣ийгат̇ам̣ гат̇знд̇и, саарабхууд̇ам̣ д̇хаммабарияааяам̣ сигкаабзнд̇и, д̇зрасахи д̇худ̇ан̇г̇зхи д̣̇асахи гат̇аавад̇т̇уухи анусаасанд̇и. д̇з д̇зсам̣ оваад̣̇з тад̇ваа сийлаад̣̇ийхи г̇ун̣зхи вад̣дхамаанаа сааман̃н̃ад̇т̇ам̣ анубаабун̣анд̇и. звамзд̇т̇а хаанивуд̣̇д̇хияо взд̣̇ид̇аб̣б̣аа.

    Ye tesaṃ sakkārādīni na karonti, ovādatthāya dve tayo vāre upaṭṭhānaṃ na gacchanti, tepi tesaṃ ovādaṃ na denti, paveṇīkathaṃ na kathenti, sārabhūtaṃ dhammapariyāyaṃ na sikkhāpenti. Te tehi vissaṭṭhā sīlādīhi dhammakkhandhehi sattahi ca ariyadhanehīti evamādīhi guṇehi parihāyanti. Ye pana tesaṃ sakkārādīni karonti, upaṭṭhānaṃ gacchanti, tepi tesaṃ ovādaṃ denti. ‘‘Evaṃ te abhikkamitabbaṃ, evaṃ te paṭikkamitabbaṃ, evaṃ te ālokitabbaṃ, evaṃ te vilokitabbaṃ, evaṃ te samiñjitabbaṃ, evaṃ te pasāritabbaṃ, evaṃ te saṅghāṭipattacīvaraṃ dhāretabba’’nti paveṇīkathaṃ kathenti, sārabhūtaṃ dhammapariyāyaṃ sikkhāpenti, terasahi dhutaṅgehi dasahi kathāvatthūhi anusāsanti. Te tesaṃ ovāde ṭhatvā sīlādīhi guṇehi vaḍḍhamānā sāmaññatthaṃ anupāpuṇanti. Evamettha hānivuddhiyo veditabbā.

    бунаб̣бхавад̣̇аанам̣ бунаб̣бхаво, бунаб̣бхаво сийламассаад̇и боноб̣бхавигаа, бунаб̣бхавад̣̇ааяигаад̇и ад̇т̇о, д̇асмаа боноб̣бхавигааяа. на васам̣ г̇ажчанд̇ийд̇и зд̇т̇а яз жад̇уннам̣ бажжаяаанам̣ гааран̣аа убадтаагаанам̣ бад̣̇аанубад̣̇игаа худ̇ваа г̇аамад̇о г̇аамам̣ вижаранд̇и, д̇з д̇ассаа д̇ан̣хааяа васам̣ г̇ажчанд̇и наама, ид̇арз на г̇ажчанд̇и наама. д̇ад̇т̇а хаанивуд̣̇д̇хияо баагадааязва.

    Punabbhavadānaṃ punabbhavo, punabbhavo sīlamassāti ponobbhavikā, punabbhavadāyikāti attho, tasmā ponobbhavikāya. Na vasaṃ gacchantīti ettha ye catunnaṃ paccayānaṃ kāraṇā upaṭṭhākānaṃ padānupadikā hutvā gāmato gāmaṃ vicaranti, te tassā taṇhāya vasaṃ gacchanti nāma, itare na gacchanti nāma. Tattha hānivuddhiyo pākaṭāyeva.

    ааран̃н̃агзсууд̇и бан̃жад̇ханусад̇игабажчимзсу. саабзгкаад̇и сад̇ан̣хаа саалаяаа. г̇ааманд̇асзнаасанзсу хи жхаанам̣ аббзд̇вааби д̇ад̇о вудтид̇амад̇д̇ова ид̇т̇ибурисад̣̇ааригаад̣̇исад̣̇д̣̇ам̣ сун̣аад̇и, язнасса ад̇хиг̇ад̇ависзсоби хааяад̇иязва. аран̃н̃з бана нид̣̇д̣̇ааяид̇ваа бадиб̣уд̣̇д̇хамад̇д̇о сийхаб̣яаг̇гхамораад̣̇ийнам̣ сад̣̇д̣̇ам̣ сун̣аад̇и, язна ааран̃н̃агам̣ бийд̇им̣ лабхид̇ваа д̇амзва саммасанд̇о аг̇г̇апалз бад̇идтаад̇и. ид̇и бхаг̇аваа г̇ааманд̇асзнаасанз жхаанам̣ аббзд̇ваа нисиннабхигкуно аран̃н̃з нид̣̇д̣̇ааяанд̇амзва басам̣сад̇и. д̇асмаа д̇амзва ад̇т̇авасам̣ бадижжа – ‘‘ааран̃н̃агзсу сзнаасанзсу саабзгкаа бхависсанд̇ий’’д̇и ааха.

    Āraññakesūti pañcadhanusatikapacchimesu. Sāpekkhāti sataṇhā sālayā. Gāmantasenāsanesu hi jhānaṃ appetvāpi tato vuṭṭhitamattova itthipurisadārikādisaddaṃ suṇāti, yenassa adhigatavisesopi hāyatiyeva. Araññe pana niddāyitvā paṭibuddhamatto sīhabyagghamorādīnaṃ saddaṃ suṇāti, yena āraññakaṃ pītiṃ labhitvā tameva sammasanto aggaphale patiṭṭhāti. Iti bhagavā gāmantasenāsane jhānaṃ appetvā nisinnabhikkhuno araññe niddāyantameva pasaṃsati. Tasmā tameva atthavasaṃ paṭicca – ‘‘āraññakesu senāsanesu sāpekkhā bhavissantī’’ti āha.

    бажжад̇д̇ан̃н̃зва сад̇им̣ убадтабзссанд̇ийд̇и ад̇д̇анаава ад̇д̇ано аб̣бханд̇арз сад̇им̣ убадтабзссанд̇и. бзсалаад̇и бияасийлаа. ид̇хааби саб̣рахмажаарийнам̣ ааг̇аманам̣ анижчанд̇аа нзваасигаа ассад̣̇д̇хаа хонд̇и аббасаннаа . самбад̇д̇абхигкуунам̣ бажжуг̇г̇аманабад̇д̇ажийвараббадиг̇г̇ахан̣ааасанабан̃н̃аабанад̇аалаван̣даг̇г̇ахан̣аад̣̇ийни на гаронд̇и, ат̇а нзсам̣ аван̣н̣о уг̇г̇ажчад̇и – ‘‘асугавихаараваасино бхигкуу ассад̣̇д̇хаа аббасаннаа вихаарам̣ бавидтаанам̣ вад̇д̇абадивад̇д̇ам̣ на гаронд̇ий’’д̇и. д̇ам̣ суд̇ваа баб̣б̣аж̇ид̇аа вихаарад̣̇ваарзна г̇ажчанд̇ааби вихаарам̣ на бависанд̇и. звам̣ анааг̇ад̇аанам̣ анааг̇аманамзва ход̇и. ааг̇ад̇аанам̣ бана паасувихаарз асад̇и язби аж̇аанид̇ваа ааг̇ад̇аа, д̇з – ‘‘васиссаамаад̇и д̇аава жинд̇зд̇ваа ааг̇ад̇аамха, имзсам̣ бана нзваасигаанам̣ иминаа нийхаарзна го васиссад̇ий’’д̇и нигкамид̇ваа г̇ажчанд̇и. звам̣ со вихааро ан̃н̃зсам̣ бхигкуунам̣ анааваасова ход̇и. д̇ад̇о нзваасигаа сийлаванд̇аанам̣ д̣̇ассанам̣ алабханд̇аа ган̇каавинод̣̇анам̣ ваа аажаарасигкаабагам̣ ваа мад̇хурад̇хаммассаванам̣ ваа на лабханд̇и, д̇зсам̣ нзва аг̇г̇ахид̇ад̇хаммаг̇г̇ахан̣ам̣, на г̇ахид̇асаж̇жхааяагаран̣ам̣ ход̇и. ид̇и нзсам̣ хааниязва ход̇и, на вуд̣̇д̇хи.

    Paccattaññeva satiṃ upaṭṭhapessantīti attanāva attano abbhantare satiṃ upaṭṭhapessanti. Pesalāti piyasīlā. Idhāpi sabrahmacārīnaṃ āgamanaṃ anicchantā nevāsikā assaddhā honti appasannā . Sampattabhikkhūnaṃ paccuggamanapattacīvarappaṭiggahaṇaāsanapaññāpanatālavaṇṭaggahaṇādīni na karonti, atha nesaṃ avaṇṇo uggacchati – ‘‘asukavihāravāsino bhikkhū assaddhā appasannā vihāraṃ paviṭṭhānaṃ vattapaṭivattaṃ na karontī’’ti. Taṃ sutvā pabbajitā vihāradvārena gacchantāpi vihāraṃ na pavisanti. Evaṃ anāgatānaṃ anāgamanameva hoti. Āgatānaṃ pana phāsuvihāre asati yepi ajānitvā āgatā, te – ‘‘vasissāmāti tāva cintetvā āgatāmha, imesaṃ pana nevāsikānaṃ iminā nīhārena ko vasissatī’’ti nikkhamitvā gacchanti. Evaṃ so vihāro aññesaṃ bhikkhūnaṃ anāvāsova hoti. Tato nevāsikā sīlavantānaṃ dassanaṃ alabhantā kaṅkhāvinodanaṃ vā ācārasikkhāpakaṃ vā madhuradhammassavanaṃ vā na labhanti, tesaṃ neva aggahitadhammaggahaṇaṃ, na gahitasajjhāyakaraṇaṃ hoti. Iti nesaṃ hāniyeva hoti, na vuddhi.

    яз бана саб̣рахмажаарийнам̣ ааг̇аманам̣ ижчанд̇и, д̇з сад̣̇д̇хаа хонд̇и басаннаа, ааг̇ад̇аанам̣ саб̣рахмажаарийнам̣ бажжуг̇г̇аманаад̣̇ийни гад̇ваа сзнаасанам̣ бан̃н̃абзд̇ваа д̣̇знд̇и, д̇з г̇ахзд̇ваа бхигкаажаарам̣ бависанд̇и, ган̇кам̣ винод̣̇знд̇и, мад̇хурад̇хаммассаванам̣ лабханд̇и. ат̇а нзсам̣ гид̇д̇исад̣̇д̣̇о уг̇г̇ажчад̇и – ‘‘асугавихаарабхигкуу звам̣ сад̣̇д̇хаа басаннаа вад̇д̇асамбаннаа сан̇г̇аахагаа’’д̇и. д̇ам̣ суд̇ваа бхигкуу д̣̇уурад̇оби знд̇и, д̇зсам̣ нзваасигаа вад̇д̇ам̣ гаронд̇и , самийбам̣ ааг̇анд̇ваа вуд̣дхад̇арам̣ ааг̇анд̇угам̣ ванд̣̇ид̇ваа нисийд̣̇анд̇и, навагад̇арасса санд̇игз аасанам̣ г̇ахзд̇ваа нисийд̣̇анд̇и. нисийд̣̇ид̇ваа – ‘‘имасмим̣ вихаарз васиссат̇а г̇амиссат̇аа’’д̇и бужчанд̇и. ‘г̇амиссаамий’д̇и вуд̇д̇з – ‘‘саббааяам̣ сзнаасанам̣, сулабхаа бхигкаа’’д̇иаад̣̇ийни вад̇ваа г̇анд̇ум̣ на д̣̇знд̇и. винаяад̇харо жз ход̇и, д̇асса санд̇игз винаяам̣ саж̇жхааяанд̇и. суд̇д̇анд̇аад̣̇ид̇харо жз, д̇асса санд̇игз д̇ам̣ д̇ам̣ д̇хаммам̣ саж̇жхааяанд̇и. ааг̇анд̇угаанам̣ т̇зраанам̣ оваад̣̇з тад̇ваа саха бадисамбхид̣̇аахи арахад̇д̇ам̣ баабун̣анд̇и. ааг̇анд̇угаа ‘‘згам̣ д̣̇вз д̣̇ивасаани васиссаамаад̇и ааг̇ад̇аамха, имзсам̣ бана сукасам̣ваасад̇ааяа д̣̇асад̣̇ваад̣̇асавассаани васиссаамаа’’д̇и вад̇д̇ааро хонд̇и. звамзд̇т̇а хаанивуд̣̇д̇хияо взд̣̇ид̇аб̣б̣аа.

    Ye pana sabrahmacārīnaṃ āgamanaṃ icchanti, te saddhā honti pasannā, āgatānaṃ sabrahmacārīnaṃ paccuggamanādīni katvā senāsanaṃ paññapetvā denti, te gahetvā bhikkhācāraṃ pavisanti, kaṅkhaṃ vinodenti, madhuradhammassavanaṃ labhanti. Atha nesaṃ kittisaddo uggacchati – ‘‘asukavihārabhikkhū evaṃ saddhā pasannā vattasampannā saṅgāhakā’’ti. Taṃ sutvā bhikkhū dūratopi enti, tesaṃ nevāsikā vattaṃ karonti , samīpaṃ āgantvā vuḍḍhataraṃ āgantukaṃ vanditvā nisīdanti, navakatarassa santike āsanaṃ gahetvā nisīdanti. Nisīditvā – ‘‘imasmiṃ vihāre vasissatha gamissathā’’ti pucchanti. ‘Gamissāmī’ti vutte – ‘‘sappāyaṃ senāsanaṃ, sulabhā bhikkhā’’tiādīni vatvā gantuṃ na denti. Vinayadharo ce hoti, tassa santike vinayaṃ sajjhāyanti. Suttantādidharo ce, tassa santike taṃ taṃ dhammaṃ sajjhāyanti. Āgantukānaṃ therānaṃ ovāde ṭhatvā saha paṭisambhidāhi arahattaṃ pāpuṇanti. Āgantukā ‘‘ekaṃ dve divasāni vasissāmāti āgatāmha, imesaṃ pana sukhasaṃvāsatāya dasadvādasavassāni vasissāmā’’ti vattāro honti. Evamettha hānivuddhiyo veditabbā.

    137. д̣̇уд̇ияасад̇д̇агз гаммам̣ аараамо зд̇зсанд̇и гаммаараамаад̇и. гаммз рад̇аад̇и гаммарад̇аа. гаммаараамад̇амануяуд̇д̇аад̇и яуд̇д̇аа баяуд̇д̇аа ануяуд̇д̇аа. д̇ад̇т̇а гамманд̇и ид̇игаад̇аб̣б̣агаммам̣ вужжад̇и. сзяяат̇ид̣̇ам̣ – жийваравижааран̣ам̣, жийварагаран̣ам̣, убад̇т̇амбханам̣, суужигхарам̣, бад̇д̇ад̇т̇авигам̣, асам̣б̣ад̣̇д̇хагам̣, гааяаб̣анд̇ханам̣, д̇хамагаран̣ам̣, аад̇хаарагам̣, баад̣̇агат̇алигам̣, саммаж̇ж̇анийаад̣̇ийнам̣ гаран̣анд̇и. згажжо хи зд̇аани гаронд̇о сагалад̣̇ивасам̣ зд̇аанзва гарод̇и. д̇ам̣ санд̇хааязса бадигкзбо. яо бана зд̇зсам̣ гаран̣авзлааяамзва зд̇аани гарод̇и, уд̣̇д̣̇зсавзлааяам̣ уд̣̇д̣̇зсам̣ г̇ан̣хаад̇и, саж̇жхааяавзлааяам̣ саж̇жхааяад̇и, жзд̇ияан̇г̇ан̣авад̇д̇авзлааяам̣ жзд̇ияан̇г̇ан̣авад̇д̇ам̣ гарод̇и, манасигааравзлааяам̣ манасигаарам̣ гарод̇и, на со гаммаараамо наама.

    137. Dutiyasattake kammaṃ ārāmo etesanti kammārāmāti. Kamme ratāti kammaratā. Kammārāmatamanuyuttāti yuttā payuttā anuyuttā. Tattha kammanti itikātabbakammaṃ vuccati. Seyyathidaṃ – cīvaravicāraṇaṃ, cīvarakaraṇaṃ, upatthambhanaṃ, sūcigharaṃ, pattatthavikaṃ, asaṃbaddhakaṃ, kāyabandhanaṃ, dhamakaraṇaṃ, ādhārakaṃ, pādakathalikaṃ, sammajjanīādīnaṃ karaṇanti. Ekacco hi etāni karonto sakaladivasaṃ etāneva karoti. Taṃ sandhāyesa paṭikkhepo. Yo pana etesaṃ karaṇavelāyameva etāni karoti, uddesavelāyaṃ uddesaṃ gaṇhāti, sajjhāyavelāyaṃ sajjhāyati, cetiyaṅgaṇavattavelāyaṃ cetiyaṅgaṇavattaṃ karoti, manasikāravelāyaṃ manasikāraṃ karoti, na so kammārāmo nāma.

    на бхассаараамаад̇и зд̇т̇а яо ид̇т̇иван̣н̣абурисаван̣н̣аад̣̇ивасзна аалаабасаллаабам̣ гаронд̇оязва д̣̇ивасан̃жа рад̇д̇ин̃жа вийд̇инаамзд̇и, зваруубз бхассз барияанд̇агаарий на ход̇и, аяам̣ бхассаараамо наама. яо бана рад̇д̇инд̣̇ивам̣ д̇хаммам̣ гат̇зд̇и, бан̃хам̣ виссаж̇ж̇зд̇и, аяам̣ аббабхассова бхассз барияанд̇агаарийязва. гасмаа? ‘‘саннибад̇ид̇аанам̣ во, бхигкавз, д̣̇ваяам̣ гаран̣ийяам̣ – д̇хаммий ваа гат̇аа, арияо ваа д̇ун̣хийбхааво’’д̇и (ма. ни. 1.273) вуд̇д̇ад̇д̇аа.

    Na bhassārāmāti ettha yo itthivaṇṇapurisavaṇṇādivasena ālāpasallāpaṃ karontoyeva divasañca rattiñca vītināmeti, evarūpe bhasse pariyantakārī na hoti, ayaṃ bhassārāmo nāma. Yo pana rattindivaṃ dhammaṃ katheti, pañhaṃ vissajjeti, ayaṃ appabhassova bhasse pariyantakārīyeva. Kasmā? ‘‘Sannipatitānaṃ vo, bhikkhave, dvayaṃ karaṇīyaṃ – dhammī vā kathā, ariyo vā tuṇhībhāvo’’ti (ma. ni. 1.273) vuttattā.

    на нид̣̇д̣̇аараамаад̇и зд̇т̇а яо г̇ажчанд̇оби нисинноби нибанноби т̇инамид̣̇д̇хаабхибхууд̇о нид̣̇д̣̇ааяад̇иязва, аяам̣ нид̣̇д̣̇аараамо наама. яасса бана гараж̇агааяаг̇злан̃н̃зна жид̇д̇ам̣ бхаван̇г̇з од̇арад̇и , нааяам̣ нид̣̇д̣̇аараамо. д̇знзвааха – ‘‘абхиж̇аанаамахам̣ аг̇г̇ивзссана, г̇имхаанам̣ бажчимз маасз бажчаабхад̇д̇ам̣ бин̣д̣абаад̇аббадигганд̇о жад̇уг̇г̇ун̣ам̣ сан̇гхаадим̣ бан̃н̃абзд̇ваа д̣̇агкин̣зна бассзна сад̇о самбаж̇аано нид̣̇д̣̇ам̣ оггамид̇аа’’д̇и (ма. ни. 1.387).

    Na niddārāmāti ettha yo gacchantopi nisinnopi nipannopi thinamiddhābhibhūto niddāyatiyeva, ayaṃ niddārāmo nāma. Yassa pana karajakāyagelaññena cittaṃ bhavaṅge otarati , nāyaṃ niddārāmo. Tenevāha – ‘‘abhijānāmahaṃ aggivessana, gimhānaṃ pacchime māse pacchābhattaṃ piṇḍapātappaṭikkanto catugguṇaṃ saṅghāṭiṃ paññapetvā dakkhiṇena passena sato sampajāno niddaṃ okkamitā’’ti (ma. ni. 1.387).

    на сан̇г̇ан̣игаараамаад̇и зд̇т̇а яо згасса д̣̇уд̇ияо д̣̇виннам̣ д̇ад̇ияо д̇ин̣н̣ам̣ жад̇уд̇т̇од̇и звам̣ сам̣садтова вихарад̇и, згаго ассаад̣̇ам̣ на лабхад̇и, аяам̣ сан̇г̇ан̣игаараамо. яо бана жад̇уусу ирияаабат̇зсу згаго ассаад̣̇ам̣ лабхад̇и, нааяам̣ сан̇г̇ан̣игаараамод̇и взд̣̇ид̇аб̣б̣о.

    Na saṅgaṇikārāmāti ettha yo ekassa dutiyo dvinnaṃ tatiyo tiṇṇaṃ catutthoti evaṃ saṃsaṭṭhova viharati, ekako assādaṃ na labhati, ayaṃ saṅgaṇikārāmo. Yo pana catūsu iriyāpathesu ekako assādaṃ labhati, nāyaṃ saṅgaṇikārāmoti veditabbo.

    на баабижчаад̇и зд̇т̇а асанд̇асамбхааванааяа ижчааяа саманнааг̇ад̇аа д̣̇уссийлаа баабижчаа наама.

    Napāpicchāti ettha asantasambhāvanāya icchāya samannāgatā dussīlā pāpicchā nāma.

    на баабамид̇д̇аад̣̇ийсу баабаа мид̇д̇аа зд̇зсанд̇и баабамид̇д̇аа. жад̇уусу ирияаабат̇зсу саха аяанад̇о баабаа сахааяаа зд̇зсанд̇и баабасахааяаа. д̇анниннад̇аббон̣ад̇аббаб̣бхаарад̇ааяа баабзсу самбаван̇гаад̇и баабасамбаван̇гаа.

    Na pāpamittādīsu pāpā mittā etesanti pāpamittā. Catūsu iriyāpathesu saha ayanato pāpā sahāyā etesanti pāpasahāyā. Tanninnatappoṇatappabbhāratāya pāpesu sampavaṅkāti pāpasampavaṅkā.

    орамад̇д̇агзнаад̇и аварамад̇д̇агзна аббамад̇д̇агзна. анд̇араад̇и арахад̇д̇ам̣ абад̇ваава зд̇т̇анд̇арз. восаананд̇и баринидтид̇абхаавам̣ – ‘‘аламзд̇д̇аавад̇аа’’д̇и осагганам̣ тид̇агижжад̇ам̣. ид̣̇ам̣ вуд̇д̇ам̣ ход̇и – ‘‘яаава сийлабаарисуд̣̇д̇химад̇д̇зна ваа вибассанаамад̇д̇зна ваа жхаанамад̇д̇зна ваа сод̇аабаннабхаавамад̇д̇зна ваа сагад̣̇ааг̇аамибхаавамад̇д̇зна ваа анааг̇аамибхаавамад̇д̇зна ваа восаанам̣ на аабаж̇ж̇иссанд̇и, д̇аава вуд̣̇д̇хиязва бхигкуунам̣ баадиган̇каа, но барихааний’’д̇и.

    Oramattakenāti avaramattakena appamattakena. Antarāti arahattaṃ apatvāva etthantare. Vosānanti pariniṭṭhitabhāvaṃ – ‘‘alamettāvatā’’ti osakkanaṃ ṭhitakiccataṃ. Idaṃ vuttaṃ hoti – ‘‘yāva sīlapārisuddhimattena vā vipassanāmattena vā jhānamattena vā sotāpannabhāvamattena vā sakadāgāmibhāvamattena vā anāgāmibhāvamattena vā vosānaṃ na āpajjissanti, tāva vuddhiyeva bhikkhūnaṃ pāṭikaṅkhā, no parihānī’’ti.

    138. д̇ад̇ияасад̇д̇агз сад̣̇д̇хаад̇и сад̣̇д̇хаасамбаннаа. д̇ад̇т̇а ааг̇аманийяасад̣̇д̇хаа, ад̇хиг̇амасад̣̇д̇хаа, басаад̣̇асад̣̇д̇хаа, огаббанасад̣̇д̇хаад̇и жад̇уб̣б̣ид̇хаа сад̣̇д̇хаа. д̇ад̇т̇а ааг̇аманийяасад̣̇д̇хаа саб̣б̣ан̃н̃уб̣од̇хисад̇д̇аанам̣ ход̇и. ад̇хиг̇амасад̣̇д̇хаа арияабуг̇г̇алаанам̣. б̣уд̣̇д̇хо д̇хаммо сан̇гход̇и вуд̇д̇з бана басаад̣̇о басаад̣̇асад̣̇д̇хаа. огаббзд̇ваа багаббзд̇ваа бана сад̣̇д̣̇аханам̣ огаббанасад̣̇д̇хаа. саа д̣̇увид̇хааби ид̇хаад̇хиббзд̇аа. д̇ааяа хи сад̣̇д̇хааяа саманнааг̇ад̇о сад̣̇д̇хаавимуд̇д̇о, ваггалид̇т̇зрасад̣̇исо ход̇и. д̇асса хи жзд̇ияан̇г̇ан̣авад̇д̇ам̣ ваа, б̣од̇хияан̇г̇ан̣авад̇д̇ам̣ ваа гад̇амзва ход̇и. убаж̇жхааяавад̇д̇ааажарияавад̇д̇аад̣̇ийни саб̣б̣авад̇д̇аани буурзд̇и. хириманаад̇и баабаж̇иг̇ужчаналагкан̣ааяа хирияаа яуд̇д̇ажид̇д̇аа. од̇д̇аббийд̇и баабад̇о бхааяаналагкан̣зна од̇д̇аббзна саманнааг̇ад̇аа.

    138. Tatiyasattake saddhāti saddhāsampannā. Tattha āgamanīyasaddhā, adhigamasaddhā, pasādasaddhā, okappanasaddhāti catubbidhā saddhā. Tattha āgamanīyasaddhā sabbaññubodhisattānaṃ hoti. Adhigamasaddhā ariyapuggalānaṃ. Buddho dhammo saṅghoti vutte pana pasādo pasādasaddhā. Okappetvā pakappetvā pana saddahanaṃ okappanasaddhā. Sā duvidhāpi idhādhippetā. Tāya hi saddhāya samannāgato saddhāvimutto, vakkalittherasadiso hoti. Tassa hi cetiyaṅgaṇavattaṃ vā, bodhiyaṅgaṇavattaṃ vā katameva hoti. Upajjhāyavattaācariyavattādīni sabbavattāni pūreti. Hirimanāti pāpajigucchanalakkhaṇāya hiriyā yuttacittā. Ottappīti pāpato bhāyanalakkhaṇena ottappena samannāgatā.

    б̣ахуссуд̇аад̇и зд̇т̇а бана барияад̇д̇иб̣ахуссуд̇о, бадивзд̇хаб̣ахуссуд̇од̇и д̣̇вз б̣ахуссуд̇аа. барияад̇д̇ийд̇и д̇ийн̣и бидагаани. бадивзд̇ход̇и сажжаббадивзд̇хо. имасмим̣ бана таанз барияад̇д̇и ад̇хиббзд̇аа. саа язна б̣аху суд̇аа, со б̣ахуссуд̇о. со банзса ниссаяамужжанаго, барисубадтааго, бхигкуноваад̣̇аго, саб̣б̣ад̇т̇агаб̣ахуссуд̇од̇и жад̇уб̣б̣ид̇хо ход̇и. д̇ад̇т̇а д̇аяо б̣ахуссуд̇аа саманд̇абаасаад̣̇игааяа винаяадтагат̇ааяа оваад̣̇аваг̇г̇з вуд̇д̇анаязна г̇ахзд̇аб̣б̣аа. саб̣б̣ад̇т̇агаб̣ахуссуд̇аа бана аананд̣̇ад̇т̇зрасад̣̇исаа хонд̇и. д̇з ид̇ха ад̇хиббзд̇аа.

    Bahussutāti ettha pana pariyattibahussuto, paṭivedhabahussutoti dve bahussutā. Pariyattīti tīṇi piṭakāni. Paṭivedhoti saccappaṭivedho. Imasmiṃ pana ṭhāne pariyatti adhippetā. Sā yena bahu sutā, so bahussuto. So panesa nissayamuccanako, parisupaṭṭhāko, bhikkhunovādako, sabbatthakabahussutoti catubbidho hoti. Tattha tayo bahussutā samantapāsādikāya vinayaṭṭhakathāya ovādavagge vuttanayena gahetabbā. Sabbatthakabahussutā pana ānandattherasadisā honti. Te idha adhippetā.

    аарад̣̇д̇хавийрияаад̇и язсам̣ гааяиган̃жа жзд̇асиган̃жа вийрияам̣ аарад̣̇д̇хам̣ ход̇и. д̇ад̇т̇а яз гааяасан̇г̇ан̣игам̣ винод̣̇зд̇ваа жад̇уусу ирияаабат̇зсу адтааараб̣бхавад̇т̇увасзна згагаа хонд̇и, д̇зсам̣ гааяигавийрияам̣ аарад̣̇д̇хам̣ наама ход̇и. яз жид̇д̇асан̇г̇аан̣игам̣ винод̣̇зд̇ваа адтасамаабад̇д̇ивасзна згагаа хонд̇и, г̇аманз уббаннагилзсасса таанам̣ баабун̣ид̇ум̣ на д̣̇знд̇и, таанз уббаннагилзсасса нисаж̇ж̇ам̣, нисаж̇ж̇ааяа уббаннагилзсасса саяанам̣ баабун̣ид̇ум̣ на д̣̇знд̇и, уббаннуббаннадтаанзязва гилзсз ниг̇г̇ан̣ханд̇и, д̇зсам̣ жзд̇асигавийрияам̣ аарад̣̇д̇хам̣ наама ход̇и.

    Āraddhavīriyāti yesaṃ kāyikañca cetasikañca vīriyaṃ āraddhaṃ hoti. Tattha ye kāyasaṅgaṇikaṃ vinodetvā catūsu iriyāpathesu aṭṭhaārabbhavatthuvasena ekakā honti, tesaṃ kāyikavīriyaṃ āraddhaṃ nāma hoti. Ye cittasaṅgāṇikaṃ vinodetvā aṭṭhasamāpattivasena ekakā honti, gamane uppannakilesassa ṭhānaṃ pāpuṇituṃ na denti, ṭhāne uppannakilesassa nisajjaṃ, nisajjāya uppannakilesassa sayanaṃ pāpuṇituṃ na denti, uppannuppannaṭṭhāneyeva kilese niggaṇhanti, tesaṃ cetasikavīriyaṃ āraddhaṃ nāma hoti.

    убадтид̇ассад̇ийд̇и жирагад̇аад̣̇ийнам̣ сарид̇аа ануссарид̇аа махааг̇ад̇имб̣аяаабхаяад̇т̇зрад̣̇ийгхабхаан̣аабхаяад̇т̇зрад̇ибидагажуул̣аабхаяад̇т̇зраа вияа. махааг̇ад̇имб̣аяаабхаяад̇т̇зро гира ж̇аад̇абан̃жамад̣̇ивасз ман̇г̇алабааяаасз д̇ун̣д̣ам̣ басаарзнд̇ам̣ вааяасам̣ д̣̇исваа хум̣ хунд̇и сад̣̇д̣̇амагааси. ат̇а со т̇зрагаалз – ‘‘гад̣̇аа бадтааяа, бханд̇з, сарат̇аа’’д̇и бхигкуухи бужчид̇о ‘‘ж̇аад̇абан̃жамад̣̇ивасз гад̇асад̣̇д̣̇ад̇о бадтааяа аавусо’’д̇и ааха.

    Upaṭṭhitassatīti cirakatādīnaṃ saritā anussaritā mahāgatimbayaabhayattheradīghabhāṇaabhayattheratipiṭakacūḷābhayattherā viya. Mahāgatimbayaabhayatthero kira jātapañcamadivase maṅgalapāyāse tuṇḍaṃ pasārentaṃ vāyasaṃ disvā huṃ hunti saddamakāsi. Atha so therakāle – ‘‘kadā paṭṭhāya, bhante, sarathā’’ti bhikkhūhi pucchito ‘‘jātapañcamadivase katasaddato paṭṭhāya āvuso’’ti āha.

    д̣̇ийгхабхаан̣агаабхаяад̇т̇зрасса ж̇аад̇анавамад̣̇ивасз маад̇аа жумб̣иссаамийд̇и онад̇аа д̇ассаа мол̣и мужжид̇т̇а . д̇ад̇о д̇умб̣амад̇д̇аани суманабубпаани д̣̇аарагасса урз бад̇ид̇ваа д̣̇угкам̣ ж̇анаяим̣су. со т̇зрагаалз – ‘‘гад̣̇аа бадтааяа, бханд̇з, сарат̇аа’’д̇и бужчид̇о – ‘‘ж̇аад̇анавамад̣̇ивасад̇о бадтааяаа’’д̇и ааха.

    Dīghabhāṇakaabhayattherassa jātanavamadivase mātā cumbissāmīti onatā tassā moḷi muccittha . Tato tumbamattāni sumanapupphāni dārakassa ure patitvā dukkhaṃ janayiṃsu. So therakāle – ‘‘kadā paṭṭhāya, bhante, sarathā’’ti pucchito – ‘‘jātanavamadivasato paṭṭhāyā’’ti āha.

    д̇ибидагажуул̣аабхаяад̇т̇зро – ‘‘анураад̇хабурз д̇ийн̣и д̣̇ваараани бид̣̇ахаабзд̇ваа мануссаанам̣ згзна д̣̇ваарзна нигкаманам̣ гад̇ваа – ‘д̇вам̣ гиннаамо, д̇вам̣ гиннаамо’д̇и бужчид̇ваа сааяам̣ буна абужчид̇ваава д̇зсам̣ наамаани самбадижчаабзд̇ум̣ – ‘‘саггаа аавусо’’д̇и ааха. зваруубз бхигкуу санд̇хааяа – ‘‘убадтид̇ассад̇ий’’д̇и вуд̇д̇ам̣.

    Tipiṭakacūḷābhayatthero – ‘‘anurādhapure tīṇi dvārāni pidahāpetvā manussānaṃ ekena dvārena nikkhamanaṃ katvā – ‘tvaṃ kinnāmo, tvaṃ kinnāmo’ti pucchitvā sāyaṃ puna apucchitvāva tesaṃ nāmāni sampaṭicchāpetuṃ – ‘‘sakkā āvuso’’ti āha. Evarūpe bhikkhū sandhāya – ‘‘upaṭṭhitassatī’’ti vuttaṃ.

    бан̃н̃аванд̇од̇и бан̃жаннам̣ канд̇хаанам̣ уд̣̇аяаб̣б̣аяабариг̇г̇аахигааяа бан̃н̃ааяа саманнааг̇ад̇аа. аби жа д̣̇вийхиби зд̇зхи бад̣̇зхи вибассагаанам̣ бхигкуунам̣ вибассанаасамбхаарабхууд̇аа саммаасад̇и жзва вибассанаабан̃н̃аа жа гат̇ид̇аа.

    Paññavantoti pañcannaṃ khandhānaṃ udayabbayapariggāhikāya paññāya samannāgatā. Api ca dvīhipi etehi padehi vipassakānaṃ bhikkhūnaṃ vipassanāsambhārabhūtā sammāsati ceva vipassanāpaññā ca kathitā.

    139. жад̇уд̇т̇асад̇д̇агз сад̇иязва самб̣ож̇жхан̇г̇о сад̇исамб̣ож̇жхан̇г̇од̇и. зса наяо саб̣б̣ад̇т̇а. д̇ад̇т̇а убадтааналагкан̣о сад̇исамб̣ож̇жхан̇г̇о, бавижаяалагкан̣о д̇хаммавижаяасамб̣ож̇жхан̇г̇о, баг̇г̇ахалагкан̣о вийрияасамб̣ож̇жхан̇г̇о, паран̣алагкан̣о бийд̇исамб̣ож̇жхан̇г̇о, убасамалагкан̣о бассад̣̇д̇хисамб̣ож̇жхан̇г̇о, авигкзбалагкан̣о самаад̇хисамб̣ож̇жхан̇г̇о, бадисан̇кааналагкан̣о убзгкаасамб̣ож̇жхан̇г̇о. бхаавзссанд̇ийд̇и сад̇исамб̣ож̇жхан̇г̇ам̣ жад̇уухи гааран̣зхи самудтаабзнд̇аа, чахи гааран̣зхи д̇хаммавижаяасамб̣ож̇жхан̇г̇ам̣ самудтаабзнд̇аа, навахи гааран̣зхи вийрияасамб̣ож̇жхан̇г̇ам̣ самудтаабзнд̇аа, д̣̇асахи гааран̣зхи бийд̇исамб̣ож̇жхан̇г̇ам̣ самудтаабзнд̇аа, сад̇д̇ахи гааран̣зхи бассад̣̇д̇хисамб̣ож̇жхан̇г̇ам̣ самудтаабзнд̇аа, д̣̇асахи гааран̣зхи самаад̇хисамб̣ож̇жхан̇г̇ам̣ самудтаабзнд̇аа, бан̃жахи гааран̣зхи убзгкаасамб̣ож̇жхан̇г̇ам̣ самудтаабзнд̇аа вад̣дхзссанд̇ийд̇и ад̇т̇о. иминаа вибассанаамаг̇г̇апаласамбаяуд̇д̇з логияалогуд̇д̇арамиссагз самб̣ож̇жхан̇г̇з гат̇зси.

    139. Catutthasattake satiyeva sambojjhaṅgo satisambojjhaṅgoti. Esa nayo sabbattha. Tattha upaṭṭhānalakkhaṇo satisambojjhaṅgo, pavicayalakkhaṇo dhammavicayasambojjhaṅgo, paggahalakkhaṇo vīriyasambojjhaṅgo, pharaṇalakkhaṇo pītisambojjhaṅgo, upasamalakkhaṇo passaddhisambojjhaṅgo, avikkhepalakkhaṇo samādhisambojjhaṅgo, paṭisaṅkhānalakkhaṇo upekkhāsambojjhaṅgo. Bhāvessantīti satisambojjhaṅgaṃ catūhi kāraṇehi samuṭṭhāpentā, chahi kāraṇehi dhammavicayasambojjhaṅgaṃ samuṭṭhāpentā, navahi kāraṇehi vīriyasambojjhaṅgaṃ samuṭṭhāpentā, dasahi kāraṇehi pītisambojjhaṅgaṃ samuṭṭhāpentā, sattahi kāraṇehi passaddhisambojjhaṅgaṃ samuṭṭhāpentā, dasahi kāraṇehi samādhisambojjhaṅgaṃ samuṭṭhāpentā, pañcahi kāraṇehi upekkhāsambojjhaṅgaṃ samuṭṭhāpentā vaḍḍhessantīti attho. Iminā vipassanāmaggaphalasampayutte lokiyalokuttaramissake sambojjhaṅge kathesi.

    140. бан̃жамасад̇д̇агз анижжасан̃н̃аад̇и анижжаанубассанааяа сад̣̇д̇хим̣ уббаннасан̃н̃аа. анад̇д̇асан̃н̃аад̣̇ийсуби зсзва наяо. имаа сад̇д̇а логияавибассанааби хонд̇и. ‘‘зд̇ам̣ санд̇ам̣, зд̇ам̣ бан̣ийд̇ам̣, яад̣̇ид̣̇ам̣ саб̣б̣асан̇каарасамат̇о вирааг̇о нирод̇хо’’д̇и (а. ни. 9.36) ааг̇ад̇авасзнзд̇т̇а д̣̇вз логуд̇д̇арааби хонд̇ийд̇и взд̣̇ид̇аб̣б̣аа.

    140. Pañcamasattake aniccasaññāti aniccānupassanāya saddhiṃ uppannasaññā. Anattasaññādīsupi eseva nayo. Imā satta lokiyavipassanāpi honti. ‘‘Etaṃ santaṃ, etaṃ paṇītaṃ, yadidaṃ sabbasaṅkhārasamatho virāgo nirodho’’ti (a. ni. 9.36) āgatavasenettha dve lokuttarāpi hontīti veditabbā.

    141. чаггз мзд̇д̇ам̣ гааяагамманд̇и мзд̇д̇ажид̇д̇зна гад̇д̇аб̣б̣ам̣ гааяагаммам̣. важийгаммаманогаммзсуби зсзва наяо. имаани бана бхигкуунам̣ васзна ааг̇ад̇аани г̇ихийсуби лаб̣бханд̇и . бхигкуунан̃хи мзд̇д̇ажид̇д̇зна аабхисамаажааригад̇хаммабууран̣ам̣ мзд̇д̇ам̣ гааяагаммам̣ наама. г̇ихийнам̣ жзд̇ияаванд̣̇анад̇т̇ааяа б̣од̇хиванд̣̇анад̇т̇ааяа сан̇гханиманд̇анад̇т̇ааяа г̇аманам̣, г̇аамам̣ бин̣д̣ааяа бавидтам̣ бхигкум̣ д̣̇исваа бажжуг̇г̇аманам̣, бад̇д̇аббадиг̇г̇ахан̣ам̣, аасанабан̃н̃аабанам̣, ануг̇амананд̇и звамаад̣̇игам̣ мзд̇д̇ам̣ гааяагаммам̣ наама.

    141. Chakke mettaṃ kāyakammanti mettacittena kattabbaṃ kāyakammaṃ. Vacīkammamanokammesupi eseva nayo. Imāni pana bhikkhūnaṃ vasena āgatāni gihīsupi labbhanti . Bhikkhūnañhi mettacittena ābhisamācārikadhammapūraṇaṃ mettaṃ kāyakammaṃ nāma. Gihīnaṃ cetiyavandanatthāya bodhivandanatthāya saṅghanimantanatthāya gamanaṃ, gāmaṃ piṇḍāya paviṭṭhaṃ bhikkhuṃ disvā paccuggamanaṃ, pattappaṭiggahaṇaṃ, āsanapaññāpanaṃ, anugamananti evamādikaṃ mettaṃ kāyakammaṃ nāma.

    бхигкуунам̣ мзд̇д̇ажид̇д̇зна аажаарабан̃н̃ад̇д̇исигкаабад̣̇абан̃н̃аабанам̣, гаммадтаанагат̇анам̣, д̇хаммад̣̇зсанаа, д̇збидагамби б̣уд̣̇д̇хаважанам̣ мзд̇д̇ам̣ важийгаммам̣ наама. г̇ихийнам̣ жзд̇ияаванд̣̇анад̇т̇ааяа г̇ажчаама , б̣од̇хиванд̣̇анад̇т̇ааяа г̇ажчаама, д̇хаммассаванам̣ гариссаама, д̣̇ийбамаалабубпабууж̇ам̣ гариссаама, д̇ийн̣и сужарид̇аани самаад̣̇ааяа вад̇д̇иссаама, салаагабхад̇д̇аад̣̇ийни д̣̇ассаама, вассаваасигам̣ д̣̇ассаама, аж̇ж̇а сан̇гхасса жад̇д̇ааро бажжаяз д̣̇ассаама, сан̇гхам̣ ниманд̇зд̇ваа каад̣̇анийяаад̣̇ийни сам̣вид̣̇ахат̇а, аасанаани бан̃н̃аабзт̇а, баанийяам̣ убадтабзт̇а, сан̇гхам̣ бажжуг̇г̇анд̇ваа аанзт̇а, бан̃н̃ад̇д̇аасанз нисийд̣̇аабзт̇а, чанд̣̇аж̇аад̇аа уссаахаж̇аад̇аа взяяааважжам̣ гарот̇аад̇иаад̣̇игат̇анагаалз мзд̇д̇ам̣ важийгаммам̣ наама.

    Bhikkhūnaṃ mettacittena ācārapaññattisikkhāpadapaññāpanaṃ, kammaṭṭhānakathanaṃ, dhammadesanā, tepiṭakampi buddhavacanaṃ mettaṃ vacīkammaṃ nāma. Gihīnaṃ cetiyavandanatthāya gacchāma , bodhivandanatthāya gacchāma, dhammassavanaṃ karissāma, dīpamālapupphapūjaṃ karissāma, tīṇi sucaritāni samādāya vattissāma, salākabhattādīni dassāma, vassavāsikaṃ dassāma, ajja saṅghassa cattāro paccaye dassāma, saṅghaṃ nimantetvā khādanīyādīni saṃvidahatha, āsanāni paññāpetha, pānīyaṃ upaṭṭhapetha, saṅghaṃ paccuggantvā ānetha, paññattāsane nisīdāpetha, chandajātā ussāhajātā veyyāvaccaṃ karothātiādikathanakāle mettaṃ vacīkammaṃ nāma.

    бхигкуунам̣ баад̇ова удтааяа сарийраббадиж̇аг̇г̇анам̣, жзд̇ияан̇г̇ан̣авад̇д̇аад̣̇ийни жа гад̇ваа вивид̇д̇аасанз нисийд̣̇ид̇ваа имасмим̣ вихаарз бхигкуу сукий хонд̇у авзраа аб̣яаабаж̇ж̇аад̇и жинд̇анам̣ мзд̇д̇ам̣ маногаммам̣ наама. г̇ихийнам̣ ‘аяяаа сукий хонд̇у, авзраа аб̣яаабаж̇ж̇аа’д̇и жинд̇анам̣ мзд̇д̇ам̣ маногаммам̣ наама.

    Bhikkhūnaṃ pātova uṭṭhāya sarīrappaṭijagganaṃ, cetiyaṅgaṇavattādīni ca katvā vivittāsane nisīditvā imasmiṃ vihāre bhikkhū sukhī hontu averā abyāpajjāti cintanaṃ mettaṃ manokammaṃ nāma. Gihīnaṃ ‘ayyā sukhī hontu, averā abyāpajjā’ti cintanaṃ mettaṃ manokammaṃ nāma.

    аави жзва рахо жаад̇и саммукаа жа бараммукаа жа. д̇ад̇т̇а навагаанам̣ жийварагаммаад̣̇ийсу сахааяабхааваг̇аманам̣ саммукаа мзд̇д̇ам̣ гааяагаммам̣ наама. т̇зраанам̣ бана баад̣̇ад̇хованаванд̣̇анаб̣ийж̇анад̣̇аанаад̣̇ибхзд̣̇ам̣ саб̣б̣ам̣ саамийжигаммам̣ саммукаа мзд̇д̇ам̣ гааяагаммам̣ наама. убхаязхиби д̣̇уннигкид̇д̇аанам̣ д̣̇аарубхан̣д̣аад̣̇ийнам̣ д̇зсу аваман̃н̃ам̣ агад̇ваа ад̇д̇анаа д̣̇уннигкид̇д̇аанам̣ вияа бадисааманам̣ бараммукаа мзд̇д̇ам̣ гааяагаммам̣ наама.

    Āvi ceva raho cāti sammukhā ca parammukhā ca. Tattha navakānaṃ cīvarakammādīsu sahāyabhāvagamanaṃ sammukhā mettaṃ kāyakammaṃ nāma. Therānaṃ pana pādadhovanavandanabījanadānādibhedaṃ sabbaṃ sāmīcikammaṃ sammukhā mettaṃ kāyakammaṃ nāma. Ubhayehipi dunnikkhittānaṃ dārubhaṇḍādīnaṃ tesu avamaññaṃ akatvā attanā dunnikkhittānaṃ viya paṭisāmanaṃ parammukhā mettaṃ kāyakammaṃ nāma.

    д̣̇звад̇т̇зро д̇иссад̇т̇зрод̇и звам̣ баг̇г̇аяха важанам̣ саммукаа мзд̇д̇ам̣ важийгаммам̣ наама. вихаарз асанд̇ам̣ бана бадибужчанд̇асса гухим̣ амхаагам̣ д̣̇звад̇т̇зро, гухим̣ амхаагам̣ д̇иссад̇т̇зро, гад̣̇аа ну ко ааг̇амиссад̇ийд̇и звам̣ мамааяанаважанам̣ бараммукаа мзд̇д̇ам̣ важийгаммам̣ наама.

    Devatthero tissattheroti evaṃ paggayha vacanaṃ sammukhā mettaṃ vacīkammaṃ nāma. Vihāre asantaṃ pana paṭipucchantassa kuhiṃ amhākaṃ devatthero, kuhiṃ amhākaṃ tissatthero, kadā nu kho āgamissatīti evaṃ mamāyanavacanaṃ parammukhā mettaṃ vacīkammaṃ nāma.

    мзд̇д̇аасинзхасинид̣̇д̇хаани бана наяанаани уммийлзд̇ваа басаннзна мукзна ологанам̣ саммукаа мзд̇д̇ам̣ маногаммам̣ наама. д̣̇звад̇т̇зро д̇иссад̇т̇зро арог̇о ход̇у, аббааб̣аад̇ход̇и саманнаахаран̣ам̣ бараммукаа мзд̇д̇ам̣ маногаммам̣ наама.

    Mettāsinehasiniddhāni pana nayanāni ummīletvā pasannena mukhena olokanaṃ sammukhā mettaṃ manokammaṃ nāma. Devatthero tissatthero arogo hotu, appābādhoti samannāharaṇaṃ parammukhā mettaṃ manokammaṃ nāma.

    лаабхаад̇и жийвараад̣̇аяо лад̣̇д̇хабажжаяаа. д̇хаммигаад̇и гуханаад̣̇ибхзд̣̇ам̣ мижчааж̇ийвам̣ важ̇ж̇зд̇ваа д̇хаммзна самзна бхигкаажааравад̇д̇зна уббаннаа. анд̇амасо бад̇д̇абарияаабаннамад̇д̇амбийд̇и бажчимагодияаа бад̇д̇з барияаабаннам̣ бад̇д̇асса анд̇ог̇ад̇ам̣ д̣̇вид̇игадажчубхигкаамад̇д̇амби . аббадивибхад̇д̇абхог̇ийд̇и зд̇т̇а д̣̇вз бадивибхад̇д̇аа наама – аамисаббадивибхад̇д̇ан̃жа, буг̇г̇алаббадивибхад̇д̇ан̃жа. д̇ад̇т̇а – ‘‘зд̇д̇агам̣ д̣̇ассаами, зд̇д̇агам̣ на д̣̇ассаамий’’д̇и звам̣ жид̇д̇зна вибхаж̇анам̣ аамисаббадивибхад̇д̇ам̣ наама. ‘‘асугасса д̣̇ассаами, асугасса на д̣̇ассаамий’’д̇и звам̣ жид̇д̇зна вибхаж̇анам̣ бана буг̇г̇алаббадивибхад̇д̇ам̣ наама. д̇ад̣̇убхаяамби агад̇ваа яо аббадивибхад̇д̇ам̣ бхун̃ж̇ад̇и, аяам̣ аббадивибхад̇д̇абхог̇ий наама.

    Lābhāti cīvarādayo laddhapaccayā. Dhammikāti kuhanādibhedaṃ micchājīvaṃ vajjetvā dhammena samena bhikkhācāravattena uppannā. Antamaso pattapariyāpannamattampīti pacchimakoṭiyā patte pariyāpannaṃ pattassa antogataṃ dvitikaṭacchubhikkhāmattampi . Appaṭivibhattabhogīti ettha dve paṭivibhattā nāma – āmisappaṭivibhattañca, puggalappaṭivibhattañca. Tattha – ‘‘ettakaṃ dassāmi, ettakaṃ na dassāmī’’ti evaṃ cittena vibhajanaṃ āmisappaṭivibhattaṃ nāma. ‘‘Asukassa dassāmi, asukassa na dassāmī’’ti evaṃ cittena vibhajanaṃ pana puggalappaṭivibhattaṃ nāma. Tadubhayampi akatvā yo appaṭivibhattaṃ bhuñjati, ayaṃ appaṭivibhattabhogī nāma.

    сийлаванд̇зхи саб̣рахмажаарийхи саад̇хааран̣абхог̇ийд̇и зд̇т̇а саад̇хааран̣абхог̇ино ид̣̇ам̣ лагкан̣ам̣, яам̣ яам̣ бан̣ийд̇ам̣ лаб̣бхад̇и, д̇ам̣ д̇ам̣ нзва лаабхзна лаабхам̣ ниж̇иг̇ийсанад̇аамукзна г̇ихийнам̣ д̣̇зд̇и, на ад̇д̇анаа бхун̃ж̇ад̇и, бадиг̇г̇ан̣ханд̇о жа – ‘‘сан̇гхзна саад̇хааран̣ам̣ ход̇уу’’д̇и г̇ахзд̇ваа гхан̣дим̣ бахарид̇ваа барибхун̃ж̇ид̇аб̣б̣ам̣ сан̇гхасанд̇агам̣ вияа бассад̇и.

    Sīlavantehisabrahmacārīhi sādhāraṇabhogīti ettha sādhāraṇabhogino idaṃ lakkhaṇaṃ, yaṃ yaṃ paṇītaṃ labbhati, taṃ taṃ neva lābhena lābhaṃ nijigīsanatāmukhena gihīnaṃ deti, na attanā bhuñjati, paṭiggaṇhanto ca – ‘‘saṅghena sādhāraṇaṃ hotū’’ti gahetvā ghaṇṭiṃ paharitvā paribhuñjitabbaṃ saṅghasantakaṃ viya passati.

    имам̣ бана сааран̣ийяад̇хаммам̣ го буурзд̇и, го на буурзд̇ийд̇и? д̣̇уссийло д̇аава на буурзд̇и. на хи д̇асса санд̇агам̣ сийлаванд̇аа г̇ан̣ханд̇и. барисуд̣̇д̇хасийло бана вад̇д̇ам̣ акан̣д̣знд̇о буурзд̇и. д̇ад̇рид̣̇ам̣ вад̇д̇ам̣ – яо хи од̣̇иссагам̣ гад̇ваа маад̇у ваа бид̇у ваа аажарияубаж̇жхааяаад̣̇ийнам̣ ваа д̣̇зд̇и, со д̣̇аад̇аб̣б̣ам̣ д̣̇зд̇и, сааран̣ийяад̇хаммо банасса на ход̇и, балиб̣од̇хаж̇аг̇г̇анам̣ наама ход̇и. сааран̣ийяад̇хаммо хи муд̇д̇абалиб̣од̇хассзва ваддад̇и. д̇зна бана од̣̇иссагам̣ д̣̇знд̇зна г̇илаанаг̇илаанубадтаагаааг̇анд̇угаг̇амигаанан̃жзва навабаб̣б̣аж̇ид̇асса жа сан̇гхаадибад̇д̇аг̇г̇ахан̣ам̣ аж̇аананд̇асса д̣̇аад̇аб̣б̣ам̣. зд̇зсам̣ д̣̇ад̇ваа авасзсам̣ т̇зраасанад̇о бадтааяа т̇огам̣ ад̣̇ад̇ваа яо яад̇д̇агам̣ г̇ан̣хаад̇и, д̇асса д̇ад̇д̇агам̣ д̣̇аад̇аб̣б̣ам̣. авасидтз асад̇и буна бин̣д̣ааяа жарид̇ваа т̇зраасанад̇о бадтааяа яам̣ яам̣ бан̣ийд̇ам̣, д̇ам̣ д̣̇ад̇ваа сзсам̣ барибхун̃ж̇ид̇аб̣б̣ам̣. ‘‘сийлаванд̇зхий’’д̇и важанад̇о д̣̇уссийласса ад̣̇аад̇умби ваддад̇и.

    Imaṃ pana sāraṇīyadhammaṃ ko pūreti, ko na pūretīti? Dussīlo tāva na pūreti. Na hi tassa santakaṃ sīlavantā gaṇhanti. Parisuddhasīlo pana vattaṃ akhaṇḍento pūreti. Tatridaṃ vattaṃ – yo hi odissakaṃ katvā mātu vā pitu vā ācariyupajjhāyādīnaṃ vā deti, so dātabbaṃ deti, sāraṇīyadhammo panassa na hoti, palibodhajagganaṃ nāma hoti. Sāraṇīyadhammo hi muttapalibodhasseva vaṭṭati. Tena pana odissakaṃ dentena gilānagilānupaṭṭhākaāgantukagamikānañceva navapabbajitassa ca saṅghāṭipattaggahaṇaṃ ajānantassa dātabbaṃ. Etesaṃ datvā avasesaṃ therāsanato paṭṭhāya thokaṃ adatvā yo yattakaṃ gaṇhāti, tassa tattakaṃ dātabbaṃ. Avasiṭṭhe asati puna piṇḍāya caritvā therāsanato paṭṭhāya yaṃ yaṃ paṇītaṃ, taṃ datvā sesaṃ paribhuñjitabbaṃ. ‘‘Sīlavantehī’’ti vacanato dussīlassa adātumpi vaṭṭati.

    аяам̣ бана сааран̣ийяад̇хаммо сусигкид̇ааяа барисааяа субууро ход̇и, но асигкид̇ааяа барисааяа. сусигкид̇ааяа хи барисааяа яо ан̃н̃ад̇о лабхад̇и, со на г̇ан̣хаад̇и. ан̃н̃ад̇о алабханд̇оби бамаан̣аяуд̇д̇амзва г̇ан̣хаад̇и, наад̇ирзгам̣. аяам̣ бана сааран̣ийяад̇хаммо звам̣ бунаббунам̣ бин̣д̣ааяа жарид̇ваа лад̣̇д̇хам̣ лад̣̇д̇хам̣ д̣̇знд̇ассааби д̣̇ваад̣̇асахи вассзхи буурад̇и, на д̇ад̇о орам̣. сажз хи д̣̇ваад̣̇асамз вассз сааран̣ийяад̇хаммабуураго бин̣д̣абаад̇абуурам̣ бад̇д̇ам̣ аасанасаалааяам̣ табзд̇ваа нахааяид̇ум̣ г̇ажчад̇и сан̇гхад̇т̇зро жа гассзсо бад̇д̇од̇и, ‘‘сааран̣ийяад̇хаммабуурагассаа’’д̇и вуд̇д̇з ‘‘аахарат̇а на’’нд̇и саб̣б̣ам̣ бин̣д̣абаад̇ам̣ вижаарзд̇ваа бхун̃ж̇ид̇ваа жа рид̇д̇ам̣ бад̇д̇ам̣ табзд̇и, ат̇а со бхигку рид̇д̇ам̣ бад̇д̇ам̣ д̣̇исваа ‘‘маяхам̣ анавасзсзд̇ваава барибхун̃ж̇им̣суу’’д̇и д̣̇оманассам̣ уббаад̣̇зд̇и, сааран̣ийяад̇хаммо бхиж̇ж̇ад̇и, буна д̣̇ваад̣̇асавассаани буурзд̇аб̣б̣о ход̇и. д̇ид̇т̇ияабариваасасад̣̇исо хзса, сагим̣ кан̣д̣з ж̇аад̇з буна буурзд̇аб̣б̣ова. яо бана – ‘‘лаабхаа вад̇а мз, сулад̣̇д̇хам̣ вад̇а мз, яасса мз бад̇д̇аг̇ад̇ам̣ анаабужчаава саб̣рахмажаарий барибхун̃ж̇анд̇ий’’д̇и соманассам̣ ж̇анзд̇и, д̇асса бун̣н̣о наама ход̇и.

    Ayaṃ pana sāraṇīyadhammo susikkhitāya parisāya supūro hoti, no asikkhitāya parisāya. Susikkhitāya hi parisāya yo aññato labhati, so na gaṇhāti. Aññato alabhantopi pamāṇayuttameva gaṇhāti, nātirekaṃ. Ayaṃ pana sāraṇīyadhammo evaṃ punappunaṃ piṇḍāya caritvā laddhaṃ laddhaṃ dentassāpi dvādasahi vassehi pūrati, na tato oraṃ. Sace hi dvādasame vasse sāraṇīyadhammapūrako piṇḍapātapūraṃ pattaṃ āsanasālāyaṃ ṭhapetvā nahāyituṃ gacchati saṅghatthero ca kasseso pattoti, ‘‘sāraṇīyadhammapūrakassā’’ti vutte ‘‘āharatha na’’nti sabbaṃ piṇḍapātaṃ vicāretvā bhuñjitvā ca rittaṃ pattaṃ ṭhapeti, atha so bhikkhu rittaṃ pattaṃ disvā ‘‘mayhaṃ anavasesetvāva paribhuñjiṃsū’’ti domanassaṃ uppādeti, sāraṇīyadhammo bhijjati, puna dvādasavassāni pūretabbo hoti. Titthiyaparivāsasadiso hesa, sakiṃ khaṇḍe jāte puna pūretabbova. Yo pana – ‘‘lābhā vata me, suladdhaṃ vata me, yassa me pattagataṃ anāpucchāva sabrahmacārī paribhuñjantī’’ti somanassaṃ janeti, tassa puṇṇo nāma hoti.

    звам̣ буурид̇асааран̣ийяад̇хаммасса бана нзва иссаа, на мажчарияам̣ ход̇и. со мануссаанам̣ бияо ход̇и, сулабхабажжаяо жа, бад̇д̇аг̇ад̇амасса д̣̇ияяамаанамби на кийяад̇и, бхааж̇анийяабхан̣д̣адтаанз аг̇г̇абхан̣д̣ам̣ лабхад̇и, бхаяз ваа чаад̇агз ваа самбад̇д̇з д̣̇звад̇аа уссуггам̣ аабаж̇ж̇анд̇и.

    Evaṃ pūritasāraṇīyadhammassa pana neva issā, na macchariyaṃ hoti. So manussānaṃ piyo hoti, sulabhapaccayo ca, pattagatamassa diyyamānampi na khīyati, bhājanīyabhaṇḍaṭṭhāne aggabhaṇḍaṃ labhati, bhaye vā chātake vā sampatte devatā ussukkaṃ āpajjanti.

    д̇ад̇римаани вад̇т̇ууни – сзнаг̇ириваасий д̇иссад̇т̇зро гира махааг̇ириг̇аамам̣ убаниссааяа вихарад̇и. бан̃н̃ааса махаат̇зраа нааг̇ад̣̇ийбам̣ жзд̇ияаванд̣̇анад̇т̇ааяа г̇ажчанд̇аа г̇ириг̇аамз бин̣д̣ааяа жарид̇ваа гин̃жи алад̣̇д̇хаа нигкамим̣су. т̇зро бана бависанд̇о д̇з д̣̇исваа бужчи – ‘‘лад̣̇д̇хам̣, бханд̇з’’д̇и? вижаримха аавусод̇и. со д̇зсам̣ алад̣̇д̇хабхаавам̣ н̃ад̇ваа ааха – ‘‘бханд̇з яааваахам̣ ааг̇ажчаами, д̇аава ид̇хзва хот̇аа’’д̇и. маяам̣, аавусо, бан̃н̃ааса ж̇анаа бад̇д̇ад̇зманамад̇д̇амби на лабхимхаад̇и. бханд̇з, нзваасигаа наама бадиб̣алаа хонд̇и, алабханд̇ааби бхигкаажаарамаг̇г̇асабхааг̇ам̣ ж̇аананд̇ийд̇и. т̇зраа ааг̇амзсум̣. т̇зро г̇аамам̣ баависи. д̇хураг̇зхзязва махааубаасигаа кийрабхад̇д̇ам̣ саж̇ж̇зд̇ваа т̇зрам̣ ологаяамаанаа тид̇аа. ат̇а т̇зрасса д̣̇ваарам̣ самбад̇д̇ассзва бад̇д̇ам̣ буурзд̇ваа ад̣̇ааси, со д̇ам̣ аад̣̇ааяа т̇зраанам̣ санд̇игам̣ г̇анд̇ваа г̇ан̣хат̇а, бханд̇зд̇и, сан̇гхад̇т̇зрам̣ ааха. т̇зро – ‘‘амхзхи зд̇д̇агзхи гин̃жи на лад̣̇д̇хам̣, аяам̣ сийгхамзва г̇ахзд̇ваа ааг̇ад̇о, гим̣ ну ко’’д̇и сзсаанам̣ мукам̣ ологзси. т̇зро ологанаагаарзнзва н̃ад̇ваа ‘‘бханд̇з, д̇хаммзна самзна лад̣̇д̇хабин̣д̣абаад̇о, ниггуггужжаа г̇ан̣хат̇аа’’д̇иаад̣̇ид̇о бадтааяа саб̣б̣зсам̣ яаавад̣̇ад̇т̇ам̣ д̣̇ад̇ваа ад̇д̇анааби яаавад̣̇ад̇т̇ам̣ бхун̃ж̇и.

    Tatrimāni vatthūni – senagirivāsī tissatthero kira mahāgirigāmaṃ upanissāya viharati. Paññāsa mahātherā nāgadīpaṃ cetiyavandanatthāya gacchantā girigāme piṇḍāya caritvā kiñci aladdhā nikkhamiṃsu. Thero pana pavisanto te disvā pucchi – ‘‘laddhaṃ, bhante’’ti? Vicarimha āvusoti. So tesaṃ aladdhabhāvaṃ ñatvā āha – ‘‘bhante yāvāhaṃ āgacchāmi, tāva idheva hothā’’ti. Mayaṃ, āvuso, paññāsa janā pattatemanamattampi na labhimhāti. Bhante, nevāsikā nāma paṭibalā honti, alabhantāpi bhikkhācāramaggasabhāgaṃ jānantīti. Therā āgamesuṃ. Thero gāmaṃ pāvisi. Dhurageheyeva mahāupāsikā khīrabhattaṃ sajjetvā theraṃ olokayamānā ṭhitā. Atha therassa dvāraṃ sampattasseva pattaṃ pūretvā adāsi, so taṃ ādāya therānaṃ santikaṃ gantvā gaṇhatha, bhanteti, saṅghattheraṃ āha. Thero – ‘‘amhehi ettakehi kiñci na laddhaṃ, ayaṃ sīghameva gahetvā āgato, kiṃ nu kho’’ti sesānaṃ mukhaṃ olokesi. Thero olokanākāreneva ñatvā ‘‘bhante, dhammena samena laddhapiṇḍapāto, nikkukkuccā gaṇhathā’’tiādito paṭṭhāya sabbesaṃ yāvadatthaṃ datvā attanāpi yāvadatthaṃ bhuñji.

    ат̇а нам̣ бхад̇д̇агижжаавасаанз т̇зраа бужчим̣су – ‘‘гад̣̇аа, аавусо, логуд̇д̇арад̇хаммам̣ бадивиж̇жхий’’д̇и? над̇т̇и мз, бханд̇з, логуд̇д̇арад̇хаммод̇и. жхааналаабхийси, аавусод̇и? зд̇амби мз, бханд̇з, над̇т̇ийд̇и. нану, аавусо, баадихаарияанд̇и? сааран̣ийяад̇хаммо мз, бханд̇з, буурид̇о, д̇асса мз д̇хаммасса буурид̇агаалад̇о бадтааяа сажзби бхигкусад̇асахассам̣ ход̇и, бад̇д̇аг̇ад̇ам̣ на кийяад̇ийд̇и. д̇з суд̇ваа – ‘‘саад̇ху саад̇ху саббуриса, анужчавигамид̣̇ам̣ д̇уяха’’нд̇и аахам̣су. ид̣̇ам̣ д̇аава – ‘‘бад̇д̇аг̇ад̇ам̣ на кийяад̇ий’’д̇и зд̇т̇а вад̇т̇у.

    Atha naṃ bhattakiccāvasāne therā pucchiṃsu – ‘‘kadā, āvuso, lokuttaradhammaṃ paṭivijjhī’’ti? Natthi me, bhante, lokuttaradhammoti. Jhānalābhīsi, āvusoti? Etampi me, bhante, natthīti. Nanu, āvuso, pāṭihāriyanti? Sāraṇīyadhammo me, bhante, pūrito, tassa me dhammassa pūritakālato paṭṭhāya sacepi bhikkhusatasahassaṃ hoti, pattagataṃ na khīyatīti. Te sutvā – ‘‘sādhu sādhu sappurisa, anucchavikamidaṃ tuyha’’nti āhaṃsu. Idaṃ tāva – ‘‘pattagataṃ na khīyatī’’ti ettha vatthu.

    аяамзва бана т̇зро жзд̇ияабаб̣б̣ад̇з г̇ирибхан̣д̣амахаабууж̇ааяа д̣̇аанадтаанам̣ г̇анд̇ваа имасмим̣ таанз гим̣ варабхан̣д̣анд̇и бужчи. д̣̇вз саадагаа, бханд̇зд̇и. зд̇з маяхам̣ баабун̣иссанд̇ийд̇и. д̇ам̣ суд̇ваа амажжо ран̃н̃о аарожзси – ‘‘зго д̣̇ахаро звам̣ вад̣̇ад̇ий’’д̇и. д̣̇ахарасса звам̣ жид̇д̇ам̣, махаат̇зраанам̣ бана сукумасаадагаа вадданд̇ийд̇и вад̇ваа махаат̇зраанам̣ д̣̇ассаамийд̇и табзд̇и. д̇асса бхигкусан̇гхз бадибаадияаа тид̇з д̣̇знд̇асса мад̇т̇агз табид̇ааби д̇з саадагаа хад̇т̇ам̣ наароханд̇и. ан̃н̃з аароханд̇и. д̣̇ахарасса д̣̇аанагаалз бана хад̇т̇ам̣ аарул̣хаа. со д̇асса хад̇т̇з баад̇зд̇ваа амажжасса мукам̣ ологзд̇ваа д̣̇ахарам̣ нисийд̣̇аабзд̇ваа д̣̇аанам̣ д̣̇ад̇ваа сан̇гхам̣ виссаж̇ж̇зд̇ваа д̣̇ахарасса санд̇игз нисийд̣̇ид̇ваа – ‘‘бханд̇з, имам̣ д̇хаммам̣ гад̣̇аа бадивиж̇жхид̇т̇аа’’д̇и ааха. со барияааязнааби асанд̇ам̣ авад̣̇анд̇о – ‘‘над̇т̇и маяхам̣ махаарааж̇а логуд̇д̇арад̇хаммо’’д̇и ааха. нану, бханд̇з, буб̣б̣з аважуд̇т̇аад̇и. аама, махаарааж̇а, сааран̣ийяад̇хаммабуураго ахам̣, д̇асса мз д̇хаммасса буурид̇агаалад̇о бадтааяа бхааж̇анийяабхан̣д̣адтаанз аг̇г̇абхан̣д̣ам̣ баабун̣аад̇ийд̇и. ‘‘саад̇ху саад̇ху, бханд̇з, анужчавигамид̣̇ам̣ д̇уяха’’нд̇и ванд̣̇ид̇ваа баггаами. ид̣̇ам̣ – ‘‘бхааж̇анийяабхан̣д̣адтаанз аг̇г̇абхан̣д̣ам̣ баабун̣аад̇ий’’д̇и зд̇т̇а вад̇т̇у.

    Ayameva pana thero cetiyapabbate giribhaṇḍamahāpūjāya dānaṭṭhānaṃ gantvā imasmiṃ ṭhāne kiṃ varabhaṇḍanti pucchi. Dve sāṭakā, bhanteti. Ete mayhaṃ pāpuṇissantīti. Taṃ sutvā amacco rañño ārocesi – ‘‘eko daharo evaṃ vadatī’’ti. Daharassa evaṃ cittaṃ, mahātherānaṃ pana sukhumasāṭakā vaṭṭantīti vatvā mahātherānaṃ dassāmīti ṭhapeti. Tassa bhikkhusaṅghe paṭipāṭiyā ṭhite dentassa matthake ṭhapitāpi te sāṭakā hatthaṃ nārohanti. Aññe ārohanti. Daharassa dānakāle pana hatthaṃ āruḷhā. So tassa hatthe pātetvā amaccassa mukhaṃ oloketvā daharaṃ nisīdāpetvā dānaṃ datvā saṅghaṃ vissajjetvā daharassa santike nisīditvā – ‘‘bhante, imaṃ dhammaṃ kadā paṭivijjhitthā’’ti āha. So pariyāyenāpi asantaṃ avadanto – ‘‘natthi mayhaṃ mahārāja lokuttaradhammo’’ti āha. Nanu, bhante, pubbe avacutthāti. Āma, mahārāja, sāraṇīyadhammapūrako ahaṃ, tassa me dhammassa pūritakālato paṭṭhāya bhājanīyabhaṇḍaṭṭhāne aggabhaṇḍaṃ pāpuṇātīti. ‘‘Sādhu sādhu, bhante, anucchavikamidaṃ tuyha’’nti vanditvā pakkāmi. Idaṃ – ‘‘bhājanīyabhaṇḍaṭṭhāne aggabhaṇḍaṃ pāpuṇātī’’ti ettha vatthu.

    б̣раахман̣ад̇иссабхаяз бана бхаад̇араг̇аамаваасино нааг̇ад̇т̇зрияаа анаарожзд̇ваава балааяим̣су. т̇зрий бажжуусасамаяз – ‘‘ад̇ивияа аббаниг̇гхосо г̇аамо, убад̇хаарзт̇а д̇ааваа’’д̇и д̣̇ахарабхигкунияо ааха. д̇аа г̇анд̇ваа саб̣б̣зсам̣ г̇ад̇абхаавам̣ н̃ад̇ваа ааг̇амма т̇зрияаа аарожзсум̣. саа суд̇ваа ‘‘маа д̇умхз д̇зсам̣ г̇ад̇абхаавам̣ жинд̇аяид̇т̇а, ад̇д̇ано уд̣̇д̣̇зсабарибужчааяонисоманасигаарзсуязва яог̇ам̣ гарот̇аа’’д̇и вад̇ваа бхигкаажааравзлааяам̣ баарубид̇ваа ад̇д̇ад̣̇ваад̣̇асамаа г̇аамад̣̇ваарз ниг̇род̇хамуулз адтааси. ругкз ад̇хивад̇т̇аад̣̇звад̇аа д̣̇ваад̣̇асаннамби бхигкунийнам̣ бин̣д̣абаад̇ам̣ д̣̇ад̇ваа ‘‘аяяз, маа ан̃н̃ад̇т̇а г̇ажчат̇а, нижжам̣ ид̇хзва зт̇аа’’д̇и ааха. т̇зрияаа бана ганидтабхаад̇аа нааг̇ад̇т̇зро наама ад̇т̇и, со – ‘‘маханд̇ам̣ бхаяам̣, на саггаа ид̇ха яаабзд̇ум̣, барад̇ийрам̣ г̇амиссаамий’’д̇и ад̇д̇ад̣̇ваад̣̇асамова ад̇д̇ано васанадтаанаа нигканд̇о т̇зрим̣ д̣̇исваа г̇амиссаамийд̇и бхаад̇араг̇аамам̣ ааг̇ад̇о. т̇зрий – ‘‘т̇зраа ааг̇ад̇аа’’д̇и суд̇ваа д̇зсам̣ санд̇игам̣ г̇анд̇ваа гим̣ аяяаад̇и бужчи. со д̇ам̣ бавад̇д̇им̣ аажигки. саа – ‘‘аж̇ж̇а згад̣̇ивасам̣ вихаарзязва васид̇ваа свз г̇амиссат̇аа’’д̇и ааха. т̇зраа вихаарам̣ аг̇амам̣су.

    Brāhmaṇatissabhaye pana bhātaragāmavāsino nāgattheriyā anārocetvāva palāyiṃsu. Therī paccūsasamaye – ‘‘ativiya appanigghoso gāmo, upadhāretha tāvā’’ti daharabhikkhuniyo āha. Tā gantvā sabbesaṃ gatabhāvaṃ ñatvā āgamma theriyā ārocesuṃ. Sā sutvā ‘‘mā tumhe tesaṃ gatabhāvaṃ cintayittha, attano uddesaparipucchāyonisomanasikāresuyeva yogaṃ karothā’’ti vatvā bhikkhācāravelāyaṃ pārupitvā attadvādasamā gāmadvāre nigrodhamūle aṭṭhāsi. Rukkhe adhivatthādevatā dvādasannampi bhikkhunīnaṃ piṇḍapātaṃ datvā ‘‘ayye, mā aññattha gacchatha, niccaṃ idheva ethā’’ti āha. Theriyā pana kaniṭṭhabhātā nāgatthero nāma atthi, so – ‘‘mahantaṃ bhayaṃ, na sakkā idha yāpetuṃ, paratīraṃ gamissāmī’’ti attadvādasamova attano vasanaṭṭhānā nikkhanto theriṃ disvā gamissāmīti bhātaragāmaṃ āgato. Therī – ‘‘therā āgatā’’ti sutvā tesaṃ santikaṃ gantvā kiṃ ayyāti pucchi. So taṃ pavattiṃ ācikkhi. Sā – ‘‘ajja ekadivasaṃ vihāreyeva vasitvā sve gamissathā’’ti āha. Therā vihāraṃ agamaṃsu.

    т̇зрий бунад̣̇ивасз ругкамуулз бин̣д̣ааяа жарид̇ваа т̇зрам̣ убасан̇гамид̇ваа ‘‘имам̣ бин̣д̣абаад̇ам̣ барибхун̃ж̇ат̇аа’’д̇и ааха. т̇зро – ‘‘ваддиссад̇и т̇зрий’’д̇и вад̇ваа д̇ун̣хий адтааси. д̇хаммиго д̇аад̇а бин̣д̣абаад̇о , гуггужжам̣ агад̇ваа барибхун̃ж̇ат̇аад̇и. ‘‘ваддиссад̇и т̇зрий’’д̇и. саа бад̇д̇ам̣ г̇ахзд̇ваа аагаасз киби. бад̇д̇о аагаасз адтааси. т̇зро – ‘‘сад̇д̇ад̇ааламад̇д̇з тид̇амби бхигкунибхад̇д̇амзва т̇зрий’’д̇и вад̇ваа – ‘‘бхаяам̣ наама саб̣б̣агаалам̣ на ход̇и, бхаяз вуубасанд̇з арияавам̣сам̣ гат̇аяамаано, ‘бхо бин̣д̣абаад̇ига, бхигкунибхад̇д̇ам̣ бхун̃ж̇ид̇ваа вийд̇инаамаяид̇т̇аа’д̇и жид̇д̇зна анувад̣̇ияамаано сант̇амбхзд̇ум̣ на сагкиссаами, аббамад̇д̇аа хот̇а т̇зрияо’’д̇и маг̇г̇ам̣ аарухи.

    Therī punadivase rukkhamūle piṇḍāya caritvā theraṃ upasaṅkamitvā ‘‘imaṃ piṇḍapātaṃ paribhuñjathā’’ti āha. Thero – ‘‘vaṭṭissati therī’’ti vatvā tuṇhī aṭṭhāsi. Dhammiko tāta piṇḍapāto , kukkuccaṃ akatvā paribhuñjathāti. ‘‘Vaṭṭissati therī’’ti. Sā pattaṃ gahetvā ākāse khipi. Patto ākāse aṭṭhāsi. Thero – ‘‘sattatālamatte ṭhitampi bhikkhunibhattameva therī’’ti vatvā – ‘‘bhayaṃ nāma sabbakālaṃ na hoti, bhaye vūpasante ariyavaṃsaṃ kathayamāno, ‘bho piṇḍapātika, bhikkhunibhattaṃ bhuñjitvā vītināmayitthā’ti cittena anuvadiyamāno santhambhetuṃ na sakkhissāmi, appamattā hotha theriyo’’ti maggaṃ āruhi.

    ругкад̣̇звад̇ааби – ‘‘сажз т̇зро т̇зрияаа хад̇т̇ад̇о бин̣д̣абаад̇ам̣ барибхун̃ж̇иссад̇и, на нам̣ нивад̇д̇зссаами. сажз на барибхун̃ж̇иссад̇и, нивад̇д̇зссаамий’’д̇и жинд̇аяамаанаа тад̇ваа т̇зрасса г̇аманам̣ д̣̇исваа ругкаа оруяха бад̇д̇ам̣, бханд̇з, д̣̇зт̇аад̇и бад̇д̇ам̣ г̇ахзд̇ваа т̇зрам̣ ругкамуулам̣язва аанзд̇ваа аасанам̣ бан̃н̃абзд̇ваа бин̣д̣абаад̇ам̣ д̣̇ад̇ваа гад̇абхад̇д̇агижжам̣ бадин̃н̃ам̣ гаарзд̇ваа д̣̇ваад̣̇аса бхигкунияо д̣̇ваад̣̇аса бхигкуу жа сад̇д̇авассаани убадтахи. ид̣̇ам̣ – ‘‘д̣̇звад̇аа уссуггам̣ аабаж̇ж̇анд̇ий’’д̇и зд̇т̇а вад̇т̇у. д̇ад̇ра хи т̇зрий сааран̣ийяад̇хаммабууригаа ахоси.

    Rukkhadevatāpi – ‘‘sace thero theriyā hatthato piṇḍapātaṃ paribhuñjissati, na naṃ nivattessāmi. Sace na paribhuñjissati, nivattessāmī’’ti cintayamānā ṭhatvā therassa gamanaṃ disvā rukkhā oruyha pattaṃ, bhante, dethāti pattaṃ gahetvā theraṃ rukkhamūlaṃyeva ānetvā āsanaṃ paññapetvā piṇḍapātaṃ datvā katabhattakiccaṃ paṭiññaṃ kāretvā dvādasa bhikkhuniyo dvādasa bhikkhū ca sattavassāni upaṭṭhahi. Idaṃ – ‘‘devatā ussukkaṃ āpajjantī’’ti ettha vatthu. Tatra hi therī sāraṇīyadhammapūrikā ahosi.

    акан̣д̣аанийд̇иаад̣̇ийсу яасса сад̇д̇асу аабад̇д̇игканд̇хзсу аад̣̇имхи ваа анд̇з ваа сигкаабад̣̇ам̣ бхиннам̣ ход̇и, д̇асса сийлам̣ барияанд̇з чиннасаадаго вияа кан̣д̣ам̣ наама. яасса бана взмаж̇жхз бхиннам̣, д̇асса маж̇жхз чид̣̇д̣̇асаадаго вияа чид̣̇д̣̇ам̣ наама ход̇и. яасса бана бадибаадияаа д̣̇вз д̇ийн̣и бхиннаани, д̇асса бидтияам̣ ваа гужчияам̣ ваа удтид̇зна висабхааг̇аван̣н̣зна гаал̣арад̇д̇аад̣̇ийнам̣ ан̃н̃ад̇араван̣н̣аа г̇аавий вияа саб̣алам̣ наама ход̇и. яасса бана анд̇аранд̇араа висабхааг̇аб̣инд̣̇ужид̇раа г̇аавий вияа гаммаасам̣ наама ход̇и. яасса бана саб̣б̣знасаб̣б̣ам̣ абхиннаани, д̇асса д̇аани сийлаани акан̣д̣аани ажчид̣̇д̣̇аани асаб̣алаани агаммаасаани наама хонд̇и. д̇аани банзд̇аани д̇ан̣хаад̣̇аасаб̣яад̇о можзд̇ваа бхуж̇иссабхаавагаран̣ад̇о бхуж̇иссаани. б̣уд̣̇д̇хаад̣̇ийхи вин̃н̃уухи басад̇т̇ад̇д̇аа вин̃н̃убасад̇т̇аани, д̇ан̣хаад̣̇идтийхи абараамадтад̇д̇аа – ‘‘ид̣̇ам̣ наама д̇вам̣ аабаннабуб̣б̣о’’д̇и гзнажи бараамадтум̣ асаггун̣зяяад̇д̇аа жа абараамадтаани, убажаарасамаад̇хим̣ ваа аббанаасамаад̇хим̣ ваа сам̣вад̇д̇аяанд̇ийд̇и самаад̇хисам̣вад̇д̇анигаанийд̇и вужжанд̇и.

    Akhaṇḍānītiādīsu yassa sattasu āpattikkhandhesu ādimhi vā ante vā sikkhāpadaṃ bhinnaṃ hoti, tassa sīlaṃ pariyante chinnasāṭako viya khaṇḍaṃ nāma. Yassa pana vemajjhe bhinnaṃ, tassa majjhe chiddasāṭako viya chiddaṃ nāma hoti. Yassa pana paṭipāṭiyā dve tīṇi bhinnāni, tassa piṭṭhiyaṃ vā kucchiyaṃ vā uṭṭhitena visabhāgavaṇṇena kāḷarattādīnaṃ aññataravaṇṇā gāvī viya sabalaṃ nāma hoti. Yassa pana antarantarā visabhāgabinducitrā gāvī viya kammāsaṃ nāma hoti. Yassa pana sabbenasabbaṃ abhinnāni, tassa tāni sīlāni akhaṇḍāni acchiddāni asabalāni akammāsāni nāma honti. Tāni panetāni taṇhādāsabyato mocetvā bhujissabhāvakaraṇato bhujissāni. Buddhādīhi viññūhi pasatthattā viññupasatthāni, taṇhādiṭṭhīhi aparāmaṭṭhattā – ‘‘idaṃ nāma tvaṃ āpannapubbo’’ti kenaci parāmaṭṭhuṃ asakkuṇeyyattā ca aparāmaṭṭhāni, upacārasamādhiṃ vā appanāsamādhiṃ vā saṃvattayantīti samādhisaṃvattanikānīti vuccanti.

    сийласааман̃н̃аг̇ад̇аа вихариссанд̇ийд̇и д̇зсу д̇зсу д̣̇исаабхааг̇зсу вихаранд̇зхи бхигкуухи сад̣̇д̇хим̣ самаанабхаавуубаг̇ад̇асийлаа вихариссанд̇и. сод̇аабаннаад̣̇ийнан̃хи сийлам̣ самуд̣̇д̣̇анд̇арзби д̣̇звалогзби васанд̇аанам̣ ан̃н̃зсам̣ сод̇аабаннаад̣̇ийнам̣ сийлзна самаанамзва ход̇и, над̇т̇и маг̇г̇асийлз наанад̇д̇ам̣. д̇ам̣ санд̇хааязд̇ам̣ вуд̇д̇ам̣.

    Sīlasāmaññagatāviharissantīti tesu tesu disābhāgesu viharantehi bhikkhūhi saddhiṃ samānabhāvūpagatasīlā viharissanti. Sotāpannādīnañhi sīlaṃ samuddantarepi devalokepi vasantānaṃ aññesaṃ sotāpannādīnaṃ sīlena samānameva hoti, natthi maggasīle nānattaṃ. Taṃ sandhāyetaṃ vuttaṃ.

    яааяам̣ д̣̇идтийд̇и маг̇г̇асамбаяуд̇д̇аа саммаад̣̇идти. арияаад̇и нид̣̇д̣̇осаа. нияяаад̇ийд̇и нияяаанигаа. д̇аггарассаад̇и яо д̇ат̇аагаарий ход̇и. саб̣б̣ад̣̇угкагкаяааяаад̇и саб̣б̣ад̣̇угкагкаяад̇т̇ам̣. д̣̇идтисааман̃н̃аг̇ад̇аад̇и самаанад̣̇идтибхаавам̣ убаг̇ад̇аа худ̇ваа вихариссанд̇и. вуд̣̇д̇хиязваад̇и звам̣ вихаранд̇аанам̣ вуд̣̇д̇хиязва бхигкуунам̣ баадиган̇каа, но барихаанийд̇и.

    Yāyaṃdiṭṭhīti maggasampayuttā sammādiṭṭhi. Ariyāti niddosā. Niyyātīti niyyānikā. Takkarassāti yo tathākārī hoti. Sabbadukkhakkhayāyāti sabbadukkhakkhayatthaṃ. Diṭṭhisāmaññagatāti samānadiṭṭhibhāvaṃ upagatā hutvā viharissanti. Vuddhiyevāti evaṃ viharantānaṃ vuddhiyeva bhikkhūnaṃ pāṭikaṅkhā, no parihānīti.

    142. зд̇ад̣̇зва б̣ахуланд̇и аасаннабариниб̣б̣аанад̇д̇аа бхигку овад̣̇анд̇о бунаббунам̣ зд̇ам̣язва д̇хаммим̣ гат̇ам̣ гарод̇и. ид̇и сийланд̇и звам̣ сийлам̣, зд̇д̇агам̣ сийлам̣. зд̇т̇а жад̇убаарисуд̣̇д̇хисийлам̣ сийлам̣ жид̇д̇згаг̇г̇ад̇аа самаад̇хи, вибассанаабан̃н̃аа бан̃н̃аад̇и взд̣̇ид̇аб̣б̣аа. сийлабарибхаавид̇од̇и аад̣̇ийсу яасмим̣ сийлз тад̇ваава маг̇г̇асамаад̇хим̣ паласамаад̇хим̣ ниб̣б̣ад̇д̇знд̇и. зсо д̇зна сийлзна барибхаавид̇о махабпало ход̇и, махаанисам̣со. яамхи самаад̇химхи тад̇ваа маг̇г̇абан̃н̃ам̣ палабан̃н̃ам̣ ниб̣б̣ад̇д̇знд̇и, саа д̇зна самаад̇хинаа барибхаавид̇аа махабпалаа ход̇и, махаанисам̣саа. яааяа бан̃н̃ааяа тад̇ваа маг̇г̇ажид̇д̇ам̣ палажид̇д̇ам̣ ниб̣б̣ад̇д̇знд̇и, д̇ам̣ д̇ааяа барибхаавид̇ам̣ саммад̣̇зва аасавзхи вимужжад̇и.

    142.Etadeva bahulanti āsannaparinibbānattā bhikkhu ovadanto punappunaṃ etaṃyeva dhammiṃ kathaṃ karoti. Iti sīlanti evaṃ sīlaṃ, ettakaṃ sīlaṃ. Ettha catupārisuddhisīlaṃ sīlaṃ cittekaggatā samādhi, vipassanāpaññā paññāti veditabbā. Sīlaparibhāvitoti ādīsu yasmiṃ sīle ṭhatvāva maggasamādhiṃ phalasamādhiṃ nibbattenti. Eso tena sīlena paribhāvito mahapphalo hoti, mahānisaṃso. Yamhi samādhimhi ṭhatvā maggapaññaṃ phalapaññaṃ nibbattenti, sā tena samādhinā paribhāvitā mahapphalā hoti, mahānisaṃsā. Yāya paññāya ṭhatvā maggacittaṃ phalacittaṃ nibbattenti, taṃ tāya paribhāvitaṃ sammadeva āsavehi vimuccati.

    яат̇аабхиранд̇анд̇и б̣уд̣̇д̇хаанам̣ анабхирад̇ибарид̇ассид̇ам̣ наама над̇т̇и, яат̇ааружи яат̇аааж̇жхаасаяанд̇и бана вуд̇д̇ам̣ ход̇и. ааяаамаад̇и зхи яаама. ‘‘аяаамаа’’д̇иби баато, г̇ажчаамаад̇и ад̇т̇о. аананд̣̇аад̇и бхаг̇аваа санд̇игааважарад̇д̇аа т̇зрам̣ аалабад̇и. т̇зро бана – ‘‘г̇ан̣хат̇аавусо бад̇д̇ажийвараани, бхаг̇аваа асугадтаанам̣ г̇анд̇угаамо’’д̇и бхигкуунам̣ аарожзд̇и.

    Yathābhirantanti buddhānaṃ anabhiratiparitassitaṃ nāma natthi, yathāruci yathāajjhāsayanti pana vuttaṃ hoti. Āyāmāti ehi yāma. ‘‘Ayāmā’’tipi pāṭho, gacchāmāti attho. Ānandāti bhagavā santikāvacarattā theraṃ ālapati. Thero pana – ‘‘gaṇhathāvuso pattacīvarāni, bhagavā asukaṭṭhānaṃ gantukāmo’’ti bhikkhūnaṃ āroceti.

    144. амб̣аладтигааг̇аманам̣ уд̇д̇аанамзва. ат̇а ко ааяасмаа саарибуд̇д̇од̇иаад̣̇и (д̣̇ий. ни. 3.141) самбасаад̣̇анийяз вид̇т̇аарид̇ам̣.

    144.Ambalaṭṭhikāgamanaṃ uttānameva. Atha kho āyasmā sāriputtotiādi (dī. ni. 3.141) sampasādanīye vitthāritaṃ.

    д̣̇уссийлааад̣̇ийнававан̣н̣анаа

    Dussīlaādīnavavaṇṇanā

    148. баадалиг̇аманз аавасат̇ааг̇ааранд̇и ааг̇анд̇угаанам̣ аавасат̇аг̇зхам̣. баадалиг̇аамз гира нижжагаалам̣ д̣̇виннам̣ рааж̇уунам̣ сахааяагаа ааг̇анд̇ваа гулаани г̇зхад̇о нийхарид̇ваа маасамби ад̣дхамаасамби васанд̇и. д̇з мануссаа нижжубад̣̇д̣̇уд̇аа – ‘‘зд̇зсам̣ ааг̇ад̇агаалз васанадтаанам̣ бхависсад̇ий’’д̇и наг̇арамаж̇жхз махад̇им̣ саалам̣ гарид̇ваа д̇ассаа згасмим̣ бад̣̇зсз бхан̣д̣абадисааманадтаанам̣, згасмим̣ бад̣̇зсз ниваасадтаанам̣ агам̣су. д̇з – ‘‘бхаг̇аваа ааг̇ад̇о’’д̇и суд̇ваава – ‘‘амхзхи г̇анд̇вааби бхаг̇аваа аанзд̇аб̣б̣о сияаа, со саяамзва амхаагам̣ васанадтаанам̣ самбад̇д̇о, аж̇ж̇а бхаг̇аванд̇ам̣ аавасат̇з ман̇г̇алам̣ вад̣̇аабзссаамаа’’д̇и зд̇ад̣̇ад̇т̇амзва убасан̇гаманд̇аа. д̇асмаа звамаахам̣су. язна аавасат̇ааг̇ааранд̇и д̇з гира – ‘‘б̣уд̣̇д̇хаа наама аран̃н̃аж̇жхаасаяаа аран̃н̃аараамаа анд̇ог̇аамз васид̇ум̣ ижчзяяум̣ ваа но ваа’’д̇и бхаг̇авад̇о манам̣ аж̇аананд̇аа аавасат̇ааг̇аарам̣ аббадиж̇аг̇г̇ид̇ваава ааг̇амам̣су. ид̣̇аани бхаг̇авад̇о манам̣ н̃ад̇ваа бурзд̇арам̣ г̇анд̇ваа бадиж̇аг̇г̇иссаамаад̇и язнаавасат̇ааг̇аарам̣, д̇знубасан̇гамим̣су. саб̣б̣асант̇аринд̇и яат̇аа саб̣б̣ам̣ сант̇ад̇ам̣ ход̇и, звам̣ сант̇арим̣.

    148. Pāṭaligamane āvasathāgāranti āgantukānaṃ āvasathagehaṃ. Pāṭaligāme kira niccakālaṃ dvinnaṃ rājūnaṃ sahāyakā āgantvā kulāni gehato nīharitvā māsampi aḍḍhamāsampi vasanti. Te manussā niccupaddutā – ‘‘etesaṃ āgatakāle vasanaṭṭhānaṃ bhavissatī’’ti nagaramajjhe mahatiṃ sālaṃ karitvā tassā ekasmiṃ padese bhaṇḍapaṭisāmanaṭṭhānaṃ, ekasmiṃ padese nivāsaṭṭhānaṃ akaṃsu. Te – ‘‘bhagavā āgato’’ti sutvāva – ‘‘amhehi gantvāpi bhagavā ānetabbo siyā, so sayameva amhākaṃ vasanaṭṭhānaṃ sampatto, ajja bhagavantaṃ āvasathe maṅgalaṃ vadāpessāmā’’ti etadatthameva upasaṅkamantā. Tasmā evamāhaṃsu. Yena āvasathāgāranti te kira – ‘‘buddhā nāma araññajjhāsayā araññārāmā antogāme vasituṃ iccheyyuṃ vā no vā’’ti bhagavato manaṃ ajānantā āvasathāgāraṃ appaṭijaggitvāva āgamaṃsu. Idāni bhagavato manaṃ ñatvā puretaraṃ gantvā paṭijaggissāmāti yenāvasathāgāraṃ, tenupasaṅkamiṃsu. Sabbasantharinti yathā sabbaṃ santhataṃ hoti, evaṃ santhariṃ.

    149. д̣̇уссийлод̇и асийло ниссийло. сийлавибаннод̇и вибаннасийло бхиннасам̣варо. бамаад̣̇аад̇хигаран̣анд̇и бамаад̣̇агааран̣аа.

    149.Dussīloti asīlo nissīlo. Sīlavipannoti vipannasīlo bhinnasaṃvaro. Pamādādhikaraṇanti pamādakāraṇā.

    ид̣̇ан̃жа суд̇д̇ам̣ г̇ахадтаанам̣ васзна ааг̇ад̇ам̣ баб̣б̣аж̇ид̇аанамби бана лаб̣бхад̇зва. г̇ахадто хи язна язна сиббадтаанзна ж̇ийвид̇ам̣ габбзд̇и – яад̣̇и гасияаа, яад̣̇и ван̣иж̇ж̇ааяа, баан̣аад̇ибаад̇аад̣̇ивасзна бамад̇д̇о д̇ам̣ д̇ам̣ яат̇аагаалам̣ самбаад̣̇зд̇ум̣ на саггод̇и, ат̇асса мууламби винассад̇и. маагхаад̇агаалз баан̣аад̇ибаад̇ам̣ бана ад̣̇иннаад̣̇аанаад̣̇ийни жа гаронд̇о д̣̇ан̣д̣авасзна махад̇им̣ бхог̇аж̇ааним̣ ниг̇ажчад̇и. баб̣б̣аж̇ид̇о д̣̇уссийло жа бамаад̣̇агааран̣аа сийлад̇о б̣уд̣̇д̇хаважанад̇о жхаанад̇о сад̇д̇аарияад̇ханад̇о жа ж̇ааним̣ ниг̇ажчад̇и.

    Idañca suttaṃ gahaṭṭhānaṃ vasena āgataṃ pabbajitānampi pana labbhateva. Gahaṭṭho hi yena yena sippaṭṭhānena jīvitaṃ kappeti – yadi kasiyā, yadi vaṇijjāya, pāṇātipātādivasena pamatto taṃ taṃ yathākālaṃ sampādetuṃ na sakkoti, athassa mūlampi vinassati. Māghātakāle pāṇātipātaṃ pana adinnādānādīni ca karonto daṇḍavasena mahatiṃ bhogajāniṃ nigacchati. Pabbajito dussīlo ca pamādakāraṇā sīlato buddhavacanato jhānato sattaariyadhanato ca jāniṃ nigacchati.

    г̇ахадтасса – ‘‘асуго наама асугагулз ж̇аад̇о д̣̇уссийло баабад̇хаммо барижжад̇д̇аид̇халогабаралого салаагабхад̇д̇амад̇д̇амби на д̣̇зд̇ий’’д̇и жад̇убарисамаж̇жхз баабаго гид̇д̇исад̣̇д̣̇о аб̣бхуг̇г̇ажчад̇и. баб̣б̣аж̇ид̇асса ваа – ‘‘асуго наама наасагки сийлам̣ рагкид̇ум̣, на б̣уд̣̇д̇хаважанам̣ уг̇г̇ахзд̇ум̣, взж̇ж̇агаммаад̣̇ийхи ж̇ийвад̇и, чахи аг̇ааравзхи саманнааг̇ад̇о’’д̇и звам̣ аб̣бхуг̇г̇ажчад̇и.

    Gahaṭṭhassa – ‘‘asuko nāma asukakule jāto dussīlo pāpadhammo pariccattaidhalokaparaloko salākabhattamattampi na detī’’ti catuparisamajjhe pāpako kittisaddo abbhuggacchati. Pabbajitassa vā – ‘‘asuko nāma nāsakkhi sīlaṃ rakkhituṃ, na buddhavacanaṃ uggahetuṃ, vejjakammādīhi jīvati, chahi agāravehi samannāgato’’ti evaṃ abbhuggacchati.

    ависаарад̣̇од̇и г̇ахадто д̇аава – ‘‘авассам̣ б̣ахуунам̣ саннибаад̇адтаанз гзжи мама гаммам̣ ж̇ааниссанд̇и, ат̇а мам̣ ниг̇г̇ан̣хиссанд̇ий’’д̇и ваа, ‘‘рааж̇агуласса ваа д̣̇ассанд̇ий’’д̇и сабхаяо убасан̇гамад̇и, ман̇губхууд̇о бад̇д̇агканд̇хо ад̇хомуко ан̇г̇улигзна бхуумим̣ гасанд̇о нисийд̣̇ад̇и, висаарад̣̇о худ̇ваа гат̇зд̇ум̣ на саггод̇и. баб̣б̣аж̇ид̇оби – ‘‘б̣ахуу бхигкуу саннибад̇ид̇аа, авассам̣ гожи мама гаммам̣ ж̇ааниссад̇и, ат̇а мз убосат̇амби бавааран̣амби табзд̇ваа сааман̃н̃ад̇о жаавзд̇ваа ниггад̣дхиссанд̇ий’’д̇и сабхаяо убасан̇гамад̇и, висаарад̣̇о худ̇ваа гат̇зд̇ум̣ на саггод̇и. згажжо бана д̣̇уссийлоби д̣̇аббид̇о вияа вижарад̇и, соби аж̇жхаасаязна ман̇гу ход̇иязва.

    Avisāradoti gahaṭṭho tāva – ‘‘avassaṃ bahūnaṃ sannipātaṭṭhāne keci mama kammaṃ jānissanti, atha maṃ niggaṇhissantī’’ti vā, ‘‘rājakulassa vā dassantī’’ti sabhayo upasaṅkamati, maṅkubhūto pattakkhandho adhomukho aṅgulikena bhūmiṃ kasanto nisīdati, visārado hutvā kathetuṃ na sakkoti. Pabbajitopi – ‘‘bahū bhikkhū sannipatitā, avassaṃ koci mama kammaṃ jānissati, atha me uposathampi pavāraṇampi ṭhapetvā sāmaññato cāvetvā nikkaḍḍhissantī’’ti sabhayo upasaṅkamati, visārado hutvā kathetuṃ na sakkoti. Ekacco pana dussīlopi dappito viya vicarati, sopi ajjhāsayena maṅku hotiyeva.

    саммуул̣хо гаалан̇гарод̇ийд̇и д̇асса хи маран̣аман̃жз нибаннасса д̣̇уссийлагаммз самаад̣̇ааяа бавад̇д̇ид̇адтаанам̣ аабаат̇амааг̇ажчад̇и, со уммийлзд̇ваа ид̇халогам̣ бассад̇и, нимийлзд̇ваа баралогам̣ бассад̇и , д̇асса жад̇д̇ааро абааяаа убадтаханд̇и, сад̇д̇исад̇зна сийсз бахарияамаано вияа ход̇и. со – ‘‘ваарзт̇а, ваарзт̇аа’’д̇и вираванд̇о марад̇и. д̇зна вуд̇д̇ам̣ – ‘‘саммуул̣хо гаалам̣ гарод̇ий’’д̇и. бан̃жамабад̣̇ам̣ уд̇д̇аанамзва.

    Sammūḷho kālaṅkarotīti tassa hi maraṇamañce nipannassa dussīlakamme samādāya pavattitaṭṭhānaṃ āpāthamāgacchati, so ummīletvā idhalokaṃ passati, nimīletvā paralokaṃ passati , tassa cattāro apāyā upaṭṭhahanti, sattisatena sīse pahariyamāno viya hoti. So – ‘‘vāretha, vārethā’’ti viravanto marati. Tena vuttaṃ – ‘‘sammūḷho kālaṃ karotī’’ti. Pañcamapadaṃ uttānameva.

    150. аанисам̣сагат̇аа вуд̇д̇авибарияааязна взд̣̇ид̇аб̣б̣аа.

    150.Ānisaṃsakathā vuttavipariyāyena veditabbā.

    151. б̣ахуд̣̇зва рад̇д̇им̣ д̇хаммияаа гат̇ааяаад̇и ан̃н̃ааяа баал̣имуд̇д̇агааяа д̇хаммигат̇ааяа жзва аавасат̇аанумод̣̇анааяа жа аагаасаг̇ан̇г̇ам̣ од̇аарзнд̇о вияа яож̇анаббамаан̣ам̣ махаамад̇хум̣ бийл̣зд̇ваа мад̇хубаанам̣ бааязнд̇о вияа б̣ахуд̣̇зва рад̇д̇им̣ санд̣̇ассзд̇ваа самбахам̣сзд̇ваа уяяож̇зси. абхигганд̇аад̇и ад̇игганд̇аа кийн̣аа каяаваяам̣ убзд̇аа. сун̃н̃ааг̇ааранд̇и баадиязггам̣ сун̃н̃ааг̇аарам̣ наама над̇т̇и, д̇ад̇т̇зва бана згабассз саан̣ибаагаарзна баригкибид̇ваа – ‘‘ид̇ха сад̇т̇аа виссамиссад̇ий’’д̇и ман̃жагам̣ бан̃н̃абзсум̣. бхаг̇аваа – ‘‘жад̇уухиби ирияаабат̇зхи барибхуд̇д̇ам̣ зд̇зсам̣ махабпалам̣ бхависсад̇ий’’д̇и д̇ад̇т̇а сийхасзяяам̣ габбзси. д̇ам̣ санд̇хааяа вуд̇д̇ам̣ – ‘‘сун̃н̃ааг̇аарам̣ баависий’’д̇и.

    151.Bahudeva rattiṃ dhammiyā kathāyāti aññāya pāḷimuttakāya dhammikathāya ceva āvasathānumodanāya ca ākāsagaṅgaṃ otārento viya yojanappamāṇaṃ mahāmadhuṃ pīḷetvā madhupānaṃ pāyento viya bahudeva rattiṃ sandassetvā sampahaṃsetvā uyyojesi. Abhikkantāti atikkantā khīṇā khayavayaṃ upetā. Suññāgāranti pāṭiyekkaṃ suññāgāraṃ nāma natthi, tattheva pana ekapasse sāṇipākārena parikkhipitvā – ‘‘idha satthā vissamissatī’’ti mañcakaṃ paññapesuṃ. Bhagavā – ‘‘catūhipi iriyāpathehi paribhuttaṃ etesaṃ mahapphalaṃ bhavissatī’’ti tattha sīhaseyyaṃ kappesi. Taṃ sandhāya vuttaṃ – ‘‘suññāgāraṃ pāvisī’’ti.

    баадалибуд̇д̇анаг̇арамаабанаван̣н̣анаа

    Pāṭaliputtanagaramāpanavaṇṇanā

    152. сунид̇хавассагаараад̇и сунид̇хо жа вассагааро жа д̣̇вз б̣раахман̣аа. маг̇ад̇хамахаамад̇д̇аад̇и маг̇ад̇харан̃н̃о махаамад̇д̇аа махааамажжаа, маг̇ад̇харадтз ваа махаамад̇д̇аа махад̇ияаа иссарияамад̇д̇ааяа саманнааг̇ад̇аад̇и маг̇ад̇хамахаамад̇д̇аа. баадалиг̇аамз наг̇аранд̇и баадалиг̇аамам̣ наг̇арам̣ гад̇ваа маабзнд̇и. важ̇ж̇ийнам̣ бадиб̣аахааяаад̇и важ̇ж̇ирааж̇агулаанам̣ ааяамукабажчинд̣̇анад̇т̇ам̣. сахассзваад̇и згзгаваг̇г̇авасзна сахассам̣ сахассам̣ худ̇ваа. вад̇т̇уунийд̇и гхаравад̇т̇ууни. жид̇д̇аани наманд̇и нивзсанаани маабзд̇унд̇и ран̃н̃ан̃жа рааж̇амахаамад̇д̇аанан̃жа нивзсанаани маабзд̇ум̣ вад̇т̇увиж̇ж̇аабаатагаанам̣ жид̇д̇аани наманд̇и. д̇з гира ад̇д̇ано сиббаанубхаавзна хздтаа бат̇авияам̣ д̇им̣сахад̇т̇амад̇д̇з таанз – ‘‘ид̇ха нааг̇аг̇г̇аахо, ид̇ха яагкаг̇г̇аахо, ид̇ха бхууд̇аг̇г̇аахо, баасаан̣о ваа каан̣уго ваа ад̇т̇ий’’д̇и бассанд̇и. д̇з д̇ад̣̇аа сиббам̣ ж̇аббид̇ваа д̣̇звад̇аахи сад̣̇д̇хим̣ манд̇аяамаанаа вияа маабзнд̇и. ат̇аваа нзсам̣ сарийрз д̣̇звад̇аа ад̇химужжид̇ваа д̇ад̇т̇а д̇ад̇т̇а нивзсанаани маабзд̇ум̣ жид̇д̇ам̣ наамзнд̇и. д̇аа жад̇уусу гон̣зсу каан̣угз годдзд̇ваа вад̇т̇умхи г̇ахид̇амад̇д̇з бадивиг̇ажчанд̇и. сад̣̇д̇хаанам̣ гулаанам̣ сад̣̇д̇хаа д̣̇звад̇аа д̇ат̇аа гаронд̇и, ассад̣̇д̇хаанам̣ гулаанам̣ ассад̣̇д̇хаа д̣̇звад̇аава. гим̣ гааран̣аа? сад̣̇д̇хаанан̃хи звам̣ ход̇и – ‘‘ид̇ха мануссаа нивзсанам̣ маабзд̇ваа батамам̣ бхигкусан̇гхам̣ нисийд̣̇аабзд̇ваа ман̇г̇алам̣ вад̣дхаабзссанд̇и. ат̇а маяам̣ сийлаванд̇аанам̣ д̣̇ассанам̣, д̇хаммагат̇ам̣, бан̃хаависсаж̇ж̇анам̣ , анумод̣̇анан̃жа сод̇ум̣ лабхиссаама, мануссаа д̣̇аанам̣ д̣̇ад̇ваа амхаагам̣ бад̇д̇им̣ д̣̇ассанд̇ий’’д̇и.

    152.Sunidhavassakārāti sunidho ca vassakāro ca dve brāhmaṇā. Magadhamahāmattāti magadharañño mahāmattā mahāamaccā, magadharaṭṭhe vā mahāmattā mahatiyā issariyamattāya samannāgatāti magadhamahāmattā. Pāṭaligāme nagaranti pāṭaligāmaṃ nagaraṃ katvā māpenti. Vajjīnaṃ paṭibāhāyāti vajjirājakulānaṃ āyamukhapacchindanatthaṃ. Sahassevāti ekekavaggavasena sahassaṃ sahassaṃ hutvā. Vatthūnīti gharavatthūni. Cittāni namanti nivesanāni māpetunti raññañca rājamahāmattānañca nivesanāni māpetuṃ vatthuvijjāpāṭhakānaṃ cittāni namanti. Te kira attano sippānubhāvena heṭṭhā pathaviyaṃ tiṃsahatthamatte ṭhāne – ‘‘idha nāgaggāho, idha yakkhaggāho, idha bhūtaggāho, pāsāṇo vā khāṇuko vā atthī’’ti passanti. Te tadā sippaṃ jappitvā devatāhi saddhiṃ mantayamānā viya māpenti. Athavā nesaṃ sarīre devatā adhimuccitvā tattha tattha nivesanāni māpetuṃ cittaṃ nāmenti. Tā catūsu koṇesu khāṇuke koṭṭetvā vatthumhi gahitamatte paṭivigacchanti. Saddhānaṃ kulānaṃ saddhā devatā tathā karonti, assaddhānaṃ kulānaṃ assaddhā devatāva. Kiṃ kāraṇā? Saddhānañhi evaṃ hoti – ‘‘idha manussā nivesanaṃ māpetvā paṭhamaṃ bhikkhusaṅghaṃ nisīdāpetvā maṅgalaṃ vaḍḍhāpessanti. Atha mayaṃ sīlavantānaṃ dassanaṃ, dhammakathaṃ, pañhāvissajjanaṃ , anumodanañca sotuṃ labhissāma, manussā dānaṃ datvā amhākaṃ pattiṃ dassantī’’ti.

    д̇аавад̇им̣сзхийд̇и яат̇аа хи згасмим̣ гулз згам̣ бан̣д̣ид̇амануссам̣, згасмим̣ ваа вихаарз згам̣ б̣ахуссуд̇абхигкум̣ убаад̣̇ааяа – ‘‘асугагулз мануссаа бан̣д̣ид̇аа, асугавихаарз бхигкуу б̣ахуссуд̇аа’’д̇и сад̣̇д̣̇о аб̣бхуг̇г̇ажчад̇и, звамзва саггам̣ д̣̇зварааж̇аанам̣ виссагамман̃жа д̣̇звабуд̇д̇ам̣ убаад̣̇ааяа – ‘‘д̇аавад̇им̣саа бан̣д̣ид̇аа’’д̇и сад̣̇д̣̇о аб̣бхуг̇г̇ад̇о. д̇знааха – ‘‘д̇аавад̇им̣сзхий’’д̇и. д̇аавад̇им̣сзхи сад̣̇д̇хим̣ манд̇зд̇вааби вияа маабзнд̇ийд̇и ад̇т̇о.

    Tāvatiṃsehīti yathā hi ekasmiṃ kule ekaṃ paṇḍitamanussaṃ, ekasmiṃ vā vihāre ekaṃ bahussutabhikkhuṃ upādāya – ‘‘asukakule manussā paṇḍitā, asukavihāre bhikkhū bahussutā’’ti saddo abbhuggacchati, evameva sakkaṃ devarājānaṃ vissakammañca devaputtaṃ upādāya – ‘‘tāvatiṃsā paṇḍitā’’ti saddo abbhuggato. Tenāha – ‘‘tāvatiṃsehī’’ti. Tāvatiṃsehi saddhiṃ mantetvāpi viya māpentīti attho.

    яаавад̇аа арияам̣ ааяад̇ананд̇и яад̇д̇агам̣ арияагамануссаанам̣ осаран̣адтаанам̣ наама ад̇т̇и. яаавад̇аа ван̣иббат̇од̇и яад̇д̇агам̣ ваан̣иж̇аанам̣ аабхад̇абхан̣д̣асса раасивасзнзва гаяавиггаяадтаанам̣ наама, ваан̣иж̇аанам̣ васанадтаанам̣ ваа ад̇т̇и. ид̣̇ам̣ аг̇г̇анаг̇аранд̇и д̇зсам̣ арияааяад̇анаван̣иббат̇аанам̣ ид̣̇ам̣ аг̇г̇анаг̇арам̣ ж̇здтагам̣ баамогкам̣ бхависсад̇ийд̇и. будабхзд̣̇ананд̇и бхан̣д̣абудабхзд̣̇анадтаанам̣, бхан̣д̣абхан̣д̣игаанам̣ можанадтаананд̇и вуд̇д̇ам̣ ход̇и. сагалаж̇амб̣уд̣̇ийбз алад̣̇д̇хабхан̣д̣амби хи ид̇хзва лабхиссанд̇и, ан̃н̃ад̇т̇а виггаязна аг̇ажчанд̇амби жа ид̇хзва г̇амиссад̇и. д̇асмаа ид̇хзва будам̣ бхинд̣̇иссанд̇ийд̇и ад̇т̇о. жад̇уусу хи д̣̇ваарзсу жад̇д̇аари сабхааяам̣ зганд̇и звам̣ д̣̇ивасз д̣̇ивасз бан̃жасад̇асахассаани удтахиссанд̇ийд̇и д̣̇ассзд̇и.

    Yāvatā ariyaṃ āyatananti yattakaṃ ariyakamanussānaṃ osaraṇaṭṭhānaṃ nāma atthi. Yāvatā vaṇippathoti yattakaṃ vāṇijānaṃ ābhatabhaṇḍassa rāsivaseneva kayavikkayaṭṭhānaṃ nāma, vāṇijānaṃ vasanaṭṭhānaṃ vā atthi. Idaṃ agganagaranti tesaṃ ariyāyatanavaṇippathānaṃ idaṃ agganagaraṃ jeṭṭhakaṃ pāmokkhaṃ bhavissatīti. Puṭabhedananti bhaṇḍapuṭabhedanaṭṭhānaṃ, bhaṇḍabhaṇḍikānaṃ mocanaṭṭhānanti vuttaṃ hoti. Sakalajambudīpe aladdhabhaṇḍampi hi idheva labhissanti, aññattha vikkayena agacchantampi ca idheva gamissati. Tasmā idheva puṭaṃ bhindissantīti attho. Catūsu hi dvāresu cattāri sabhāyaṃ ekanti evaṃ divase divase pañcasatasahassāni uṭṭhahissantīti dasseti.

    аг̇г̇ид̇о ваад̇иаад̣̇ийсу жагаарад̇т̇о ваа-сад̣̇д̣̇о. аг̇г̇инаа жа уд̣̇агзна жа мит̇убхзд̣̇зна жа нассиссад̇ийд̇и ад̇т̇о. згагодтаасо аг̇г̇инаа нассиссад̇и, ниб̣б̣аабзд̇ум̣ на сагкиссанд̇и. згам̣ г̇ан̇г̇аа г̇ахзд̇ваа г̇амиссад̇и. зго – ‘‘иминаа агат̇ид̇ам̣ амусса, амунаа агат̇ид̇ам̣ имассаа’’д̇и вад̣̇анд̇аанам̣ бисун̣аваажаанам̣ васзна бхиннаанам̣ мануссаанам̣ ан̃н̃аман̃н̃абхзд̣̇знзва нассиссад̇ийд̇и ад̇т̇о. ид̇и вад̇ваа бхаг̇аваа бажжуусагаалз г̇ан̇г̇ааяа д̇ийрам̣ г̇анд̇ваа гад̇амукад̇ховано бхигкаажааравзлам̣ ааг̇амаяамаано нисийд̣̇и.

    Aggito vātiādīsu cakārattho vā-saddo. Agginā ca udakena ca mithubhedena ca nassissatīti attho. Ekakoṭṭhāso agginā nassissati, nibbāpetuṃ na sakkhissanti. Ekaṃ gaṅgā gahetvā gamissati. Eko – ‘‘iminā akathitaṃ amussa, amunā akathitaṃ imassā’’ti vadantānaṃ pisuṇavācānaṃ vasena bhinnānaṃ manussānaṃ aññamaññabhedeneva nassissatīti attho. Iti vatvā bhagavā paccūsakāle gaṅgāya tīraṃ gantvā katamukhadhovano bhikkhācāravelaṃ āgamayamāno nisīdi.

    153. сунид̇хавассагаарааби – ‘‘амхаагам̣ рааж̇аа саман̣асса г̇од̇амасса убадтааго, со амхз бужчиссад̇и, ‘сад̇т̇аа гира баадалиг̇аамам̣ аг̇амааси, д̇асса санд̇игам̣ убасан̇гамид̇т̇а, на убасан̇гамид̇т̇аа’д̇и. убасан̇гамимхаад̇и жа вуд̇д̇з – ‘ниманд̇аяид̇т̇а, на ниманд̇аяид̇т̇аа’д̇и жа бужчиссад̇и. на ниманд̇аяимхаад̇и жа вуд̇д̇з амхаагам̣ д̣̇осам̣ ааробзд̇ваа ниг̇г̇ан̣хиссад̇и. ид̣̇ам̣ жааби маяам̣ ааг̇ад̇адтаанз наг̇арам̣ маабзма, саман̣асса ко бана г̇од̇амасса г̇ад̇аг̇ад̇адтаанз гаал̣аган̣н̣исад̇д̇аа бадиггаманд̇и, д̇ам̣ маяам̣ наг̇араман̇г̇алам̣ вад̣̇аабзссаамаа’’д̇и жинд̇зд̇ваа сад̇т̇аарам̣ убасан̇гамид̇ваа ниманд̇аяим̣су. д̇асмаа – ‘‘ат̇а ко сунид̇хавассагаараа’’д̇иаад̣̇и вуд̇д̇ам̣.

    153. Sunidhavassakārāpi – ‘‘amhākaṃ rājā samaṇassa gotamassa upaṭṭhāko, so amhe pucchissati, ‘satthā kira pāṭaligāmaṃ agamāsi, tassa santikaṃ upasaṅkamittha, na upasaṅkamitthā’ti. Upasaṅkamimhāti ca vutte – ‘nimantayittha, na nimantayitthā’ti ca pucchissati. Na nimantayimhāti ca vutte amhākaṃ dosaṃ āropetvā niggaṇhissati. Idaṃ cāpi mayaṃ āgataṭṭhāne nagaraṃ māpema, samaṇassa kho pana gotamassa gatagataṭṭhāne kāḷakaṇṇisattā paṭikkamanti, taṃ mayaṃ nagaramaṅgalaṃ vadāpessāmā’’ti cintetvā satthāraṃ upasaṅkamitvā nimantayiṃsu. Tasmā – ‘‘atha kho sunidhavassakārā’’tiādi vuttaṃ.

    буб̣б̣ан̣хасамаяанд̇и буб̣б̣ан̣хагаалз. ниваасзд̇ваад̇и г̇аамаббавзсананийхаарзна ниваасанам̣ ниваасзд̇ваа гааяаб̣анд̇ханам̣ б̣анд̇хид̇ваа. бад̇д̇ажийварамаад̣̇ааяаад̇и бад̇д̇ан̃жа жийваран̃жа аад̣̇ияид̇ваа гааяаббадиб̣ад̣̇д̇хам̣ гад̇ваа.

    Pubbaṇhasamayanti pubbaṇhakāle. Nivāsetvāti gāmappavesananīhārena nivāsanaṃ nivāsetvā kāyabandhanaṃ bandhitvā. Pattacīvaramādāyāti pattañca cīvarañca ādiyitvā kāyappaṭibaddhaṃ katvā.

    сийлаванд̇зд̇т̇аад̇и сийлаванд̇з зд̇т̇а. сан̃н̃ад̇зд̇и гааяаваажааманзхи сан̃н̃ад̇з.

    Sīlavantetthāti sīlavante ettha. Saññateti kāyavācāmanehi saññate.

    д̇аасам̣ д̣̇агкин̣амаад̣̇иязд̇и сан̇гхасса д̣̇иннз жад̇д̇ааро бажжаяз д̇аасам̣ гхарад̣̇звад̇аанам̣ аад̣̇исзяяа, бад̇д̇им̣ д̣̇ад̣̇зяяа. бууж̇ид̇аа бууж̇аяанд̇ийд̇и – ‘‘имз мануссаа амхаагам̣ н̃аад̇агааби на хонд̇и, звамби но бад̇д̇им̣ д̣̇знд̇ий’’д̇и аарагкам̣ сусам̣вихид̇ам̣ гарот̇аад̇и судту аарагкам̣ гаронд̇и. маанид̇аа маанаяанд̇ийд̇и гаалаанугаалам̣ б̣алигаммагаран̣зна маанид̇аа ‘‘зд̇з мануссаа амхаагам̣ н̃аад̇агааби на хонд̇и, жад̇умаасачамаасанд̇арз но б̣алигаммам̣ гаронд̇ий’’д̇и маанзнд̇и, маанзнд̇ияо уббаннам̣ бариссаяам̣ харанд̇и.

    Tāsaṃdakkhiṇamādiyeti saṅghassa dinne cattāro paccaye tāsaṃ gharadevatānaṃ ādiseyya, pattiṃ dadeyya. Pūjitā pūjayantīti – ‘‘ime manussā amhākaṃ ñātakāpi na honti, evampi no pattiṃ dentī’’ti ārakkhaṃ susaṃvihitaṃ karothāti suṭṭhu ārakkhaṃ karonti. Mānitā mānayantīti kālānukālaṃ balikammakaraṇena mānitā ‘‘ete manussā amhākaṃ ñātakāpi na honti, catumāsachamāsantare no balikammaṃ karontī’’ti mānenti, mānentiyo uppannaṃ parissayaṃ haranti.

    д̇ад̇о нанд̇и д̇ад̇о нам̣ бан̣д̣ид̇аж̇аад̇игам̣ мануссам̣. орасанд̇и урз табзд̇ваа сам̣вад̣дхид̇ам̣, яат̇аа маад̇аа орасам̣ буд̇д̇ам̣ анугамбад̇и, уббаннабариссаяахаран̣ад̇т̇амзва д̇асса вааяамад̇и, звам̣ анугамбанд̇ийд̇и ад̇т̇о. бхад̣̇раани бассад̇ийд̇и сунд̣̇араани бассад̇и.

    Tato nanti tato naṃ paṇḍitajātikaṃ manussaṃ. Orasanti ure ṭhapetvā saṃvaḍḍhitaṃ, yathā mātā orasaṃ puttaṃ anukampati, uppannaparissayaharaṇatthameva tassa vāyamati, evaṃ anukampantīti attho. Bhadrāni passatīti sundarāni passati.

    154. ул̣умбанд̇и баараг̇аманад̇т̇ааяа аан̣ияо годдзд̇ваа гад̇ам̣. гулланд̇и валлиаад̣̇ийхи б̣анд̇хид̇ваа гад̇ам̣.

    154.Uḷumpanti pāragamanatthāya āṇiyo koṭṭetvā kataṃ. Kullanti valliādīhi bandhitvā kataṃ.

    ‘‘яз д̇аранд̇и ан̣н̣ава’’нд̇и г̇аат̇ааяа ан̣н̣аванд̇и саб̣б̣анд̇имзна барижчзд̣̇зна яож̇анамад̇д̇ам̣ г̇амбхийрасса жа бут̇уласса жа уд̣̇агадтаанассзд̇ам̣ ад̇хиважанам̣. саранд̇и ид̇ха над̣̇ий ад̇хиббзд̇аа. ид̣̇ам̣ вуд̇д̇ам̣ ход̇и, яз г̇амбхийравид̇т̇ад̇ам̣ д̇ан̣хаасарам̣ д̇аранд̇и, д̇з арияамаг̇г̇асан̇каад̇ам̣ сзд̇ум̣ гад̇ваана. висаж̇ж̇а баллалаани анаамасид̇ваа уд̣̇агабхарид̇аани ниннадтаанаани. аяам̣ бана ид̣̇ам̣ аббамад̇д̇агам̣ д̇арид̇угаамоби гуллан̃хи ж̇ано баб̣анд̇хад̇и. б̣уд̣̇д̇хаа жа б̣уд̣̇д̇хасаавагаа жа винааязва гуллзна д̇ин̣н̣аа мзд̇хаавино ж̇анаад̇и.

    ‘‘Ye taranti aṇṇava’’nti gāthāya aṇṇavanti sabbantimena paricchedena yojanamattaṃ gambhīrassa ca puthulassa ca udakaṭṭhānassetaṃ adhivacanaṃ. Saranti idha nadī adhippetā. Idaṃ vuttaṃ hoti, ye gambhīravitthataṃ taṇhāsaraṃ taranti, te ariyamaggasaṅkhātaṃ setuṃ katvāna. Visajja pallalāni anāmasitvā udakabharitāni ninnaṭṭhānāni. Ayaṃ pana idaṃ appamattakaṃ taritukāmopi kullañhi jano pabandhati. Buddhā ca buddhasāvakā ca vināyeva kullena tiṇṇā medhāvino janāti.

    батамабхаан̣аваараван̣н̣анаа нидтид̇аа.

    Paṭhamabhāṇavāravaṇṇanā niṭṭhitā.

    арияасажжагат̇ааван̣н̣анаа

    Ariyasaccakathāvaṇṇanā

    155. годиг̇аамод̇и махаабанаад̣̇асса баасаад̣̇агодияам̣ гад̇аг̇аамо. арияасажжаананд̇и арияабхаавагараанам̣ сажжаанам̣. анануб̣од̇хаад̇и аб̣уж̇жханзна аж̇аананзна. аббадивзд̇хаад̇и аббадивиж̇жханзна. санд̇хаавид̇анд̇и бхавад̇о бхавам̣ г̇аманавасзна санд̇хаавид̇ам̣. сам̣сарид̇анд̇и бунаббунам̣ г̇аманааг̇аманавасзна сам̣сарид̇ам̣. маман̃жзва д̇умхааган̃жаад̇и маяаа жа д̇умхзхи жа. ат̇а ваа санд̇хаавид̇ам̣ сам̣сарид̇анд̇и санд̇хааванам̣ сам̣саран̣ам̣ маман̃жзва д̇умхааган̃жа ахосийд̇и змамзд̇т̇а ад̇т̇о взд̣̇ид̇аб̣б̣о. бхаванзд̇д̇и самуухад̇аад̇и бхавад̇о бхавам̣ наяанасамад̇т̇аа д̇ан̣хаараж̇ж̇у судту хад̇аа чиннаа аббавад̇д̇игад̇аа.

    155.Koṭigāmoti mahāpanādassa pāsādakoṭiyaṃ katagāmo. Ariyasaccānanti ariyabhāvakarānaṃ saccānaṃ. Ananubodhāti abujjhanena ajānanena. Appaṭivedhāti appaṭivijjhanena. Sandhāvitanti bhavato bhavaṃ gamanavasena sandhāvitaṃ. Saṃsaritanti punappunaṃ gamanāgamanavasena saṃsaritaṃ. Mamañcevatumhākañcāti mayā ca tumhehi ca. Atha vā sandhāvitaṃ saṃsaritanti sandhāvanaṃ saṃsaraṇaṃ mamañceva tumhākañca ahosīti emamettha attho veditabbo. Bhavanetti samūhatāti bhavato bhavaṃ nayanasamatthā taṇhārajju suṭṭhu hatā chinnā appavattikatā.

    анаавад̇д̇ид̇хаммасамб̣од̇хибарааяан̣аван̣н̣анаа

    Anāvattidhammasambodhiparāyaṇavaṇṇanā

    156. наад̇игаад̇и згам̣ д̇ал̣аагам̣ ниссааяа д̣̇виннам̣ жуул̣абид̇умахаабид̇убуд̇д̇аанам̣ д̣̇вз г̇аамаа. наад̇игзд̇и згасмим̣ н̃аад̇иг̇аамагз. г̇ин̃ж̇агаавасат̇зд̇и идтагаамаяз аавасат̇з.

    156.Nātikāti ekaṃ taḷākaṃ nissāya dvinnaṃ cūḷapitumahāpituputtānaṃ dve gāmā. Nātiketi ekasmiṃ ñātigāmake. Giñjakāvasatheti iṭṭhakāmaye āvasathe.

    157. орамбхааг̇ияаананд̇и хздтаабхааг̇ияаанам̣, гаамабхавзязва бадисанд̇хиг̇г̇аахаабагаананд̇и ад̇т̇о. оранд̇и лад̣̇д̇ханаамзхи ваа д̇ийхи маг̇г̇зхи бахаад̇аб̣б̣аанийд̇иби орамбхааг̇ияаани. д̇ад̇т̇а гаамажчанд̣̇о, б̣яаабаад̣̇од̇и имаани д̣̇вз самаабад̇д̇ияаа ваа авигкамбхид̇аани, маг̇г̇зна ваа асамужчиннаани ниб̣б̣ад̇д̇авасзна уд̣̇д̇хам̣ бхааг̇ам̣ руубабхаван̃жа аруубабхаван̃жа г̇анд̇ум̣ на д̣̇знд̇и. саггааяад̣̇идтиаад̣̇ийни д̇ийн̣и д̇ад̇т̇а ниб̣б̣ад̇д̇амби аанзд̇ваа буна ид̇хзва ниб̣б̣ад̇д̇аабзнд̇ийд̇и саб̣б̣ааниби орамбхааг̇ияаанзва. анаавад̇д̇ид̇хаммаад̇и бадисанд̇хивасзна анааг̇аманасабхааваа.

    157.Orambhāgiyānanti heṭṭhābhāgiyānaṃ, kāmabhaveyeva paṭisandhiggāhāpakānanti attho. Oranti laddhanāmehi vā tīhi maggehi pahātabbānītipi orambhāgiyāni. Tattha kāmacchando, byāpādoti imāni dve samāpattiyā vā avikkhambhitāni, maggena vā asamucchinnāni nibbattavasena uddhaṃ bhāgaṃ rūpabhavañca arūpabhavañca gantuṃ na denti. Sakkāyadiṭṭhiādīni tīṇi tattha nibbattampi ānetvā puna idheva nibbattāpentīti sabbānipi orambhāgiyāneva. Anāvattidhammāti paṭisandhivasena anāgamanasabhāvā.

    рааг̇ад̣̇осамохаанам̣ д̇ануд̇д̇аад̇и зд̇т̇а гад̣̇аажи гарахажи уббад̇д̇ияаа жа, барияудтаанаманд̣̇ад̇ааяа жаад̇и д̣̇взд̇хааби д̇анубхааво взд̣̇ид̇аб̣б̣о. сагад̣̇ааг̇аамисса хи бут̇уж̇ж̇анаанам̣ вияа абхин̣хам̣ рааг̇аад̣̇аяо нуббаж̇ж̇анд̇и, гад̣̇аажи гарахажи уббаж̇ж̇анд̇и. уббаж̇ж̇амаанаа жа бут̇уж̇ж̇анаанам̣ вияа б̣ахалаб̣ахалаа нуббаж̇ж̇анд̇и, магкигаабад̇д̇ам̣ вияа д̇анугад̇анугаа уббаж̇ж̇анд̇и. д̣̇ийгхабхаан̣агад̇ибидагамахаасийвад̇т̇зро банааха – ‘‘яасмаа сагад̣̇ааг̇аамисса буд̇д̇ад̇хийд̇аро хонд̇и, ород̇хаа жа хонд̇и, д̇асмаа б̣ахалаа гилзсаа. ид̣̇ам̣ бана бхавад̇анугавасзна гат̇ид̇а’’нд̇и. д̇ам̣ адтагат̇ааяам̣ – ‘‘сод̇аабаннасса сад̇д̇абхавз табзд̇ваа адтамз бхавз бхавад̇анугам̣ над̇т̇и. сагад̣̇ааг̇аамисса д̣̇вз бхавз табзд̇ваа бан̃жасу бхавзсу бхавад̇анугам̣ над̇т̇и. анааг̇аамисса руубааруубабхавз табзд̇ваа гаамабхавз бхавад̇анугам̣ над̇т̇и. кийн̣аасавасса гисмин̃жи бхавз бхавад̇анугам̣ над̇т̇ий’’д̇и вуд̇д̇ад̇д̇аа бадигкид̇д̇ам̣ ход̇и.

    Rāgadosamohānaṃ tanuttāti ettha kadāci karahaci uppattiyā ca, pariyuṭṭhānamandatāya cāti dvedhāpi tanubhāvo veditabbo. Sakadāgāmissa hi puthujjanānaṃ viya abhiṇhaṃ rāgādayo nuppajjanti, kadāci karahaci uppajjanti. Uppajjamānā ca puthujjanānaṃ viya bahalabahalā nuppajjanti, makkhikāpattaṃ viya tanukatanukā uppajjanti. Dīghabhāṇakatipiṭakamahāsīvatthero panāha – ‘‘yasmā sakadāgāmissa puttadhītaro honti, orodhā ca honti, tasmā bahalā kilesā. Idaṃ pana bhavatanukavasena kathita’’nti. Taṃ aṭṭhakathāyaṃ – ‘‘sotāpannassa sattabhave ṭhapetvā aṭṭhame bhave bhavatanukaṃ natthi. Sakadāgāmissa dve bhave ṭhapetvā pañcasu bhavesu bhavatanukaṃ natthi. Anāgāmissa rūpārūpabhave ṭhapetvā kāmabhave bhavatanukaṃ natthi. Khīṇāsavassa kismiñci bhave bhavatanukaṃ natthī’’ti vuttattā paṭikkhittaṃ hoti.

    имам̣ логанд̇и имам̣ гаамааважаралогам̣ санд̇хааяа вуд̇д̇ам̣. аяан̃жзд̇т̇а ад̇хиббааяо, сажз хи мануссзсу сагад̣̇ааг̇аамипалам̣ бад̇д̇о д̣̇звзсу ниб̣б̣ад̇д̇ид̇ваа арахад̇д̇ам̣ сажчигарод̇и, ижжзд̇ам̣ гусалам̣. асаггонд̇о бана авассам̣ мануссалогам̣ ааг̇анд̇ваа сажчигарод̇и. д̣̇звзсу сагад̣̇ааг̇аамипалам̣ бад̇д̇оби сажз мануссзсу ниб̣б̣ад̇д̇ид̇ваа арахад̇д̇ам̣ сажчигарод̇и, ижжзд̇ам̣ гусалам̣. асаггонд̇о бана авассам̣ д̣̇звалогам̣ г̇анд̇ваа сажчигарод̇ийд̇и.

    Imaṃlokanti imaṃ kāmāvacaralokaṃ sandhāya vuttaṃ. Ayañcettha adhippāyo, sace hi manussesu sakadāgāmiphalaṃ patto devesu nibbattitvā arahattaṃ sacchikaroti, iccetaṃ kusalaṃ. Asakkonto pana avassaṃ manussalokaṃ āgantvā sacchikaroti. Devesu sakadāgāmiphalaṃ pattopi sace manussesu nibbattitvā arahattaṃ sacchikaroti, iccetaṃ kusalaṃ. Asakkonto pana avassaṃ devalokaṃ gantvā sacchikarotīti.

    авинибаад̇ад̇хаммод̇и зд̇т̇а винибад̇анам̣ винибаад̇о, наасса винибаад̇о д̇хаммод̇и авинибаад̇ад̇хаммо. жад̇уусу абааязсу авинибаад̇ад̇хаммо жад̇уусу абааязсу авинибаад̇асабхаавод̇и ад̇т̇о. нияад̇од̇и д̇хамманияаамзна нияад̇о. самб̣од̇хибарааяан̣од̇и убаримаг̇г̇ад̇д̇аяасан̇каад̇аа самб̣од̇хи барам̣ аяанам̣ асса г̇ад̇и бадисаран̣ам̣ авассам̣ бад̇д̇аб̣б̣аад̇и самб̣од̇хибарааяан̣о.

    Avinipātadhammoti ettha vinipatanaṃ vinipāto, nāssa vinipāto dhammoti avinipātadhammo. Catūsu apāyesu avinipātadhammo catūsu apāyesu avinipātasabhāvoti attho. Niyatoti dhammaniyāmena niyato. Sambodhiparāyaṇoti uparimaggattayasaṅkhātā sambodhi paraṃ ayanaṃ assa gati paṭisaraṇaṃ avassaṃ pattabbāti sambodhiparāyaṇo.

    д̇хаммаад̣̇аасад̇хаммабарияааяаван̣н̣анаа

    Dhammādāsadhammapariyāyavaṇṇanā

    158. вихзсаад̇и д̇зсам̣ д̇зсам̣ н̃аан̣аг̇ад̇им̣ н̃аан̣уубабад̇д̇им̣ н̃аан̣аабхисамбарааяам̣ ологзнд̇асса гааяагиламат̇ова зса, аананд̣̇а, д̇ат̇ааг̇ад̇ассаад̇и д̣̇ийбзд̇и, жид̇д̇авихзсаа бана б̣уд̣̇д̇хаанам̣ над̇т̇и. д̇хаммаад̣̇аасанд̇и д̇хаммамаяам̣ аад̣̇аасам̣. язнаад̇и язна д̇хаммаад̣̇аасзна саманнааг̇ад̇о. кийн̣аабааяад̣̇уг̇г̇ад̇ивинибаад̇од̇и ид̣̇ам̣ нираяаад̣̇ийнам̣язва взважанавасзна вуд̇д̇ам̣. нираяаад̣̇аяо хи вад̣дхисан̇каад̇ад̇о аяад̇о абзд̇ад̇д̇аа абааяаа. д̣̇угкасса г̇ад̇и бадисаран̣анд̇и д̣̇уг̇г̇ад̇и. яз д̣̇уггадагаарино, д̇з зд̇т̇а вивасаа нибад̇анд̇ийд̇и винибаад̇аа.

    158.Vihesāti tesaṃ tesaṃ ñāṇagatiṃ ñāṇūpapattiṃ ñāṇābhisamparāyaṃ olokentassa kāyakilamathova esa, ānanda, tathāgatassāti dīpeti, cittavihesā pana buddhānaṃ natthi. Dhammādāsanti dhammamayaṃ ādāsaṃ. Yenāti yena dhammādāsena samannāgato. Khīṇāpāyaduggativinipātoti idaṃ nirayādīnaṃyeva vevacanavasena vuttaṃ. Nirayādayo hi vaḍḍhisaṅkhātato ayato apetattā apāyā. Dukkhassa gati paṭisaraṇanti duggati. Ye dukkaṭakārino, te ettha vivasā nipatantīti vinipātā.

    авзжжаббасаад̣̇знаад̇и б̣уд̣̇д̇хаг̇ун̣аанам̣ яат̇аабхууд̇ад̇о н̃аад̇ад̇д̇аа ажалзна ажжуд̇зна басаад̣̇зна. убари бад̣̇ад̣̇ваязби зсзва наяо. ид̇иби со бхаг̇аваад̇иаад̣̇ийнам̣ бана вид̇т̇ааро висуд̣̇д̇химаг̇г̇з вуд̇д̇о.

    Aveccappasādenāti buddhaguṇānaṃ yathābhūtato ñātattā acalena accutena pasādena. Upari padadvayepi eseva nayo. Itipi so bhagavātiādīnaṃ pana vitthāro visuddhimagge vutto.

    арияаганд̇зхийд̇и арияаанам̣ ганд̇зхи биязхи манаабзхи. бан̃жа сийлаани хи арияасаавагаанам̣ ганд̇аани хонд̇и, бхаванд̇арзби авиж̇ахид̇аб̣б̣ад̇о. д̇аани санд̇хааязд̇ам̣ вуд̇д̇ам̣. саб̣б̣оби банзд̇т̇а сам̣варо лаб̣бхад̇иязва.

    Ariyakantehīti ariyānaṃ kantehi piyehi manāpehi. Pañca sīlāni hi ariyasāvakānaṃ kantāni honti, bhavantarepi avijahitabbato. Tāni sandhāyetaṃ vuttaṃ. Sabbopi panettha saṃvaro labbhatiyeva.

    сод̇аабаннохамасмийд̇и ид̣̇ам̣ д̣̇зсанаасийсамзва. сагад̣̇ааг̇аамиаад̣̇аяоби бана сагад̣̇ааг̇аамийхамасмийд̇иаад̣̇инаа наязна б̣яаагаронд̇и язваад̇и. саб̣б̣зсамби хи сигкаабад̣̇аавирод̇хзна яуд̇д̇адтаанз б̣яаагаран̣ам̣ анун̃н̃аад̇амзва ход̇и.

    Sotāpannohamasmīti idaṃ desanāsīsameva. Sakadāgāmiādayopi pana sakadāgāmīhamasmītiādinā nayena byākaronti yevāti. Sabbesampi hi sikkhāpadāvirodhena yuttaṭṭhāne byākaraṇaṃ anuññātameva hoti.

    амб̣абаалийг̇ан̣игаавад̇т̇уван̣н̣анаа

    Ambapālīgaṇikāvatthuvaṇṇanā

    161. взсаалияам̣ вихарад̇ийд̇и зд̇т̇а д̇зна ко бана самаязна взсаалий ид̣̇д̇хаа жзва ход̇и пийд̇аажаад̇иаад̣̇инаа канд̇хагз вуд̇д̇анаязна взсаалияаа самбаннабхааво взд̣̇ид̇аб̣б̣о. амб̣абааливанзд̇и амб̣абаалияаа г̇ан̣игааяа уяяаанабхууд̇з амб̣аванз. сад̇о бхигкавзд̇и бхаг̇аваа амб̣абаалид̣̇ассанз сад̇ибажжубадтаанад̇т̇ам̣ висзсад̇о ид̇ха сад̇ибадтаанад̣̇зсанам̣ аарабхи. д̇ад̇т̇а сарад̇ийд̇и сад̇о. самбаж̇аанаад̇ийд̇и самбаж̇аано. сад̇ияаа жа самбаж̇ан̃н̃зна жа саманнааг̇ад̇о худ̇ваа вихарзяяаад̇и ад̇т̇о. гааяз гааяаанубассийд̇иаад̣̇ийсу яам̣ вад̇д̇аб̣б̣ам̣, д̇ам̣ махаасад̇ибадтаанз вагкаама.

    161.Vesāliyaṃviharatīti ettha tena kho pana samayena vesālī iddhā ceva hoti phītācātiādinā khandhake vuttanayena vesāliyā sampannabhāvo veditabbo. Ambapālivaneti ambapāliyā gaṇikāya uyyānabhūte ambavane. Sato bhikkhaveti bhagavā ambapālidassane satipaccupaṭṭhānatthaṃ visesato idha satipaṭṭhānadesanaṃ ārabhi. Tattha saratīti sato. Sampajānātīti sampajāno. Satiyā ca sampajaññena ca samannāgato hutvā vihareyyāti attho. Kāye kāyānupassītiādīsu yaṃ vattabbaṃ, taṃ mahāsatipaṭṭhāne vakkhāma.

    нийлаад̇и ид̣̇ам̣ саб̣б̣асан̇г̇аахагам̣. нийлаван̣н̣аад̇иаад̣̇и д̇ассзва вибхааг̇ад̣̇ассанам̣. д̇ад̇т̇а на д̇зсам̣ багад̇иван̣н̣о нийло, нийлавилзбанавилид̇д̇ад̇д̇аа банзд̇ам̣ вуд̇д̇ам̣. нийлавад̇т̇аад̇и бадад̣̇угуулагосзяяаад̣̇ийниби д̇зсам̣ нийлаанзва хонд̇и. нийлаалан̇гаараад̇и нийламан̣ийхи нийлабубпзхи алан̇гад̇аа, рат̇ааби д̇зсам̣ нийламан̣икажид̇аа нийлавад̇т̇абаригкид̇д̇аа нийлад̣̇д̇хаж̇аа нийлаваммигзхи нийлаабхаран̣зхи нийлаассзхи яуд̇д̇аа, бад̇од̣̇аладтияоби нийлаа язваад̇и. иминаа наязна саб̣б̣абад̣̇зсу ад̇т̇о взд̣̇ид̇аб̣б̣о. бариваддзсийд̇и бахари. гим̣ ж̇з амб̣абаалийд̇и ж̇зд̇и аалабанаважанам̣, бход̇и амб̣абаали, гим̣ гааран̣аад̇и вуд̇д̇ам̣ ход̇и. ‘‘гин̃жаа’’д̇иби баато, аяамзвзд̇т̇а ад̇т̇о. саахааранд̇и саж̇анабад̣̇ам̣. ан̇г̇улим̣ подзсунд̇и ан̇г̇улим̣ жаалзсум̣. амб̣агааяаад̇и ид̇т̇игааяа.

    Nīlāti idaṃ sabbasaṅgāhakaṃ. Nīlavaṇṇātiādi tasseva vibhāgadassanaṃ. Tattha na tesaṃ pakativaṇṇo nīlo, nīlavilepanavilittattā panetaṃ vuttaṃ. Nīlavatthāti paṭadukūlakoseyyādīnipi tesaṃ nīlāneva honti. Nīlālaṅkārāti nīlamaṇīhi nīlapupphehi alaṅkatā, rathāpi tesaṃ nīlamaṇikhacitā nīlavatthaparikkhittā nīladdhajā nīlavammikehi nīlābharaṇehi nīlaassehi yuttā, patodalaṭṭhiyopi nīlā yevāti. Iminā nayena sabbapadesu attho veditabbo. Parivaṭṭesīti pahari. Kiṃ je ambapālīti jeti ālapanavacanaṃ, bhoti ambapāli, kiṃ kāraṇāti vuttaṃ hoti. ‘‘Kiñcā’’tipi pāṭho, ayamevettha attho. Sāhāranti sajanapadaṃ. Aṅguliṃ phoṭesunti aṅguliṃ cālesuṃ. Ambakāyāti itthikāya.

    язсанд̇и гаран̣ад̇т̇з саамиважанам̣, язхи ад̣̇идтаад̇и вуд̇д̇ам̣ ход̇и. ологзт̇аад̇и бассат̇а. авалогзт̇аад̇и бунаббунам̣ бассат̇а. убасам̣харат̇аад̇и убанзт̇а. имам̣ лижчавибарисам̣ д̇умхаагам̣ жид̇д̇зна д̇аавад̇им̣сасад̣̇исам̣ убасам̣харат̇а убанзт̇а аллийяаабзт̇а. яат̇зва д̇аавад̇им̣саа абхируубаа баасаад̣̇игаа нийлаад̣̇инаанааван̣н̣аа, звамимз лижчавирааж̇аанобийд̇и д̇аавад̇им̣сзхи самагз гад̇ваа бассат̇аад̇и ад̇т̇о.

    Yesanti karaṇatthe sāmivacanaṃ, yehi adiṭṭhāti vuttaṃ hoti. Olokethāti passatha. Avalokethāti punappunaṃ passatha. Upasaṃharathāti upanetha. Imaṃ licchaviparisaṃ tumhākaṃ cittena tāvatiṃsasadisaṃ upasaṃharatha upanetha allīyāpetha. Yatheva tāvatiṃsā abhirūpā pāsādikā nīlādinānāvaṇṇā, evamime licchavirājānopīti tāvatiṃsehi samake katvā passathāti attho.

    гасмаа бана бхаг̇аваа анзгасад̇зхи суд̇д̇зхи жагкаад̣̇ийнам̣ руубаад̣̇ийсу нимид̇д̇аг̇г̇аахам̣ бадисзд̇хзд̇ваа ид̇ха маханд̇зна уссаахзна нимид̇д̇аг̇г̇аахз уяяож̇зд̇ийд̇и? хид̇агаамад̇ааяа. д̇ад̇ра гира згажжз бхигкуу осаннавийрияаа, д̇зсам̣ самбад̇д̇ияаа балобхзнд̇о – ‘‘аббамаад̣̇зна саман̣ад̇хаммам̣ гаронд̇аанам̣ зваруубаа иссарияасамбад̇д̇и сулабхаа’’д̇и саман̣ад̇хаммз уссаахаж̇ананад̇т̇ам̣ ааха. анижжалагкан̣авибхааванад̇т̇ан̃жааби звамааха. нажирассзва хи саб̣б̣збимз аж̇аад̇асад̇д̇усса васзна винаасам̣ баабун̣иссанд̇и. ат̇а нзсам̣ раж̇ж̇асирисамбад̇д̇им̣ д̣̇исваа тид̇абхигкуу – ‘‘д̇ат̇ааруубааяаби наама сирисамбад̇д̇ияаа винаасо бан̃н̃ааяиссад̇ий’’д̇и анижжалагкан̣ам̣ бхаавзд̇ваа саха бадисамбхид̣̇аахи арахад̇д̇ам̣ баабун̣иссанд̇ийд̇и анижжалагкан̣авибхааванад̇т̇ам̣ ааха.

    Kasmā pana bhagavā anekasatehi suttehi cakkhādīnaṃ rūpādīsu nimittaggāhaṃ paṭisedhetvā idha mahantena ussāhena nimittaggāhe uyyojetīti? Hitakāmatāya. Tatra kira ekacce bhikkhū osannavīriyā, tesaṃ sampattiyā palobhento – ‘‘appamādena samaṇadhammaṃ karontānaṃ evarūpā issariyasampatti sulabhā’’ti samaṇadhamme ussāhajananatthaṃ āha. Aniccalakkhaṇavibhāvanatthañcāpi evamāha. Nacirasseva hi sabbepime ajātasattussa vasena vināsaṃ pāpuṇissanti. Atha nesaṃ rajjasirisampattiṃ disvā ṭhitabhikkhū – ‘‘tathārūpāyapi nāma sirisampattiyā vināso paññāyissatī’’ti aniccalakkhaṇaṃ bhāvetvā saha paṭisambhidāhi arahattaṃ pāpuṇissantīti aniccalakkhaṇavibhāvanatthaṃ āha.

    ад̇хиваасзд̇ууд̇и амб̣абаалияаа ниманд̇ид̇абхаавам̣ н̃ад̇вааби гасмаа ниманд̇знд̇ийд̇и? асад̣̇д̣̇аханад̇ааяа жзва вад̇д̇асийсзна жа. саа хи д̇худ̇д̇аа ид̇т̇ий аниманд̇зд̇вааби ниманд̇змийд̇и вад̣̇зяяаад̇и д̇зсам̣ жид̇д̇ам̣ ахоси, д̇хаммам̣ суд̇ваа г̇аманагаалз жа ниманд̇зд̇ваа г̇аманам̣ наама мануссаанам̣ вад̇д̇амзва.

    Adhivāsetūti ambapāliyā nimantitabhāvaṃ ñatvāpi kasmā nimantentīti? Asaddahanatāya ceva vattasīsena ca. Sā hi dhuttā itthī animantetvāpi nimantemīti vadeyyāti tesaṃ cittaṃ ahosi, dhammaṃ sutvā gamanakāle ca nimantetvā gamanaṃ nāma manussānaṃ vattameva.

    взл̣уваг̇аамавассуубаг̇аманаван̣н̣анаа

    Veḷuvagāmavassūpagamanavaṇṇanā

    163. взл̣уваг̇аамагод̇и взсаалияаа самийбз взл̣уваг̇аамо. яат̇аамид̇д̇анд̇иаад̣̇ийсу мид̇д̇аа мид̇д̇аава. санд̣̇идтаад̇и д̇ад̇т̇а д̇ад̇т̇а сан̇г̇амма д̣̇идтамад̇д̇аа наад̇ид̣̇ал̣хамид̇д̇аа. самбхад̇д̇аад̇и судту бхад̇д̇аа синзхаванд̇о д̣̇ал̣хамид̇д̇аа. язсам̣ язсам̣ яад̇т̇а яад̇т̇а зваруубаа бхигкуу ад̇т̇и, д̇з д̇з д̇ад̇т̇а д̇ад̇т̇а вассам̣ убзт̇аад̇и ад̇т̇о. гасмаа звамааха? д̇зсам̣ паасувихаарад̇т̇ааяа. д̇зсан̃хи взл̣уваг̇аамагз сзнаасанам̣ наббаход̇и, бхигкааби манд̣̇аа. саманд̇аа взсаалияаа бана б̣ахууни сзнаасанаани, бхигкааби сулабхаа, д̇асмаа звамааха. ат̇а гасмаа – ‘‘яат̇аасукам̣ г̇ажчат̇аа’’д̇и на виссаж̇ж̇зси? д̇зсам̣ анугамбааяа. звам̣ гирасса ахоси – ‘‘ахам̣ д̣̇асамаасамад̇д̇ам̣ тад̇ваа бариниб̣б̣ааяиссаами, сажз имз д̣̇уурам̣ г̇ажчиссанд̇и, мама бариниб̣б̣аанагаалз д̣̇адтум̣ на сагкиссанд̇и. ат̇а нзсам̣ – ‘‘сад̇т̇аа бариниб̣б̣ааяанд̇о амхаагам̣ сад̇имад̇д̇амби на ад̣̇ааси, сажз ж̇аанзяяаама, звам̣ на д̣̇уурз васзяяаамаа’’д̇и виббадисааро бхавзяяа. взсаалияаа саманд̇аа бана васанд̇аа маасасса адта ваарз ааг̇анд̇ваа д̇хаммам̣ сун̣иссанд̇и, суг̇ад̇оваад̣̇ам̣ лабхиссанд̇ий’’д̇и на виссаж̇ж̇зси.

    163.Veḷuvagāmakoti vesāliyā samīpe veḷuvagāmo. Yathāmittantiādīsu mittā mittāva. Sandiṭṭhāti tattha tattha saṅgamma diṭṭhamattā nātidaḷhamittā. Sambhattāti suṭṭhu bhattā sinehavanto daḷhamittā. Yesaṃ yesaṃ yattha yattha evarūpā bhikkhū atthi, te te tattha tattha vassaṃ upethāti attho. Kasmā evamāha? Tesaṃ phāsuvihāratthāya. Tesañhi veḷuvagāmake senāsanaṃ nappahoti, bhikkhāpi mandā. Samantā vesāliyā pana bahūni senāsanāni, bhikkhāpi sulabhā, tasmā evamāha. Atha kasmā – ‘‘yathāsukhaṃ gacchathā’’ti na vissajjesi? Tesaṃ anukampāya. Evaṃ kirassa ahosi – ‘‘ahaṃ dasamāsamattaṃ ṭhatvā parinibbāyissāmi, sace ime dūraṃ gacchissanti, mama parinibbānakāle daṭṭhuṃ na sakkhissanti. Atha nesaṃ – ‘‘satthā parinibbāyanto amhākaṃ satimattampi na adāsi, sace jāneyyāma, evaṃ na dūre vaseyyāmā’’ti vippaṭisāro bhaveyya. Vesāliyā samantā pana vasantā māsassa aṭṭha vāre āgantvā dhammaṃ suṇissanti, sugatovādaṃ labhissantī’’ti na vissajjesi.

    164. карод̇и парусо. ааб̣аад̇ход̇и висабхааг̇арог̇о. б̣аал̣хаад̇и б̣алавад̇ияо. мааран̣анд̇игаад̇и маран̣анд̇ам̣ маран̣асанд̇игам̣ баабанасамад̇т̇аа. сад̇о самбаж̇аано ад̇хиваасзсийд̇и сад̇им̣ суубадтид̇ам̣ гад̇ваа н̃аан̣зна барижчинд̣̇ид̇ваа ад̇хиваасзси. авихан̃н̃амаанод̇и взд̣̇анаанувад̇д̇анавасзна абараабарам̣ баривад̇д̇анам̣ агаронд̇о абийл̣ияамаано ад̣̇угкияамаанова ад̇хиваасзси . анааманд̇зд̇ваад̇и аж̇аанаабзд̇ваа. анабалогзд̇ваад̇и на абалогзд̇ваа оваад̣̇аанусаасаним̣ ад̣̇ад̇ваад̇и вуд̇д̇ам̣ ход̇и. вийриязнаад̇и буб̣б̣абхааг̇авийриязна жзва паласамаабад̇д̇ивийриязна жа. бадибан̣аамзд̇ваад̇и вигкамбхзд̇ваа. ж̇ийвид̇асан̇кааранд̇и зд̇т̇а ж̇ийвид̇амби ж̇ийвид̇асан̇кааро. язна ж̇ийвид̇ам̣ сан̇карияад̇и чиж̇ж̇амаанам̣ гхадзд̇ваа табияад̇и, со паласамаабад̇д̇ид̇хаммоби ж̇ийвид̇асан̇кааро. со ид̇ха ад̇хиббзд̇о. ад̇хидтааяаад̇и ад̇хидтахид̇ваа бавад̇д̇зд̇ваа, ж̇ийвид̇адтабанасамад̇т̇ам̣ паласамаабад̇д̇им̣ самаабаж̇ж̇зяяанд̇и аяамзд̇т̇а сан̇кзбад̇т̇о.

    164.Kharoti pharuso. Ābādhoti visabhāgarogo. Bāḷhāti balavatiyo. Māraṇantikāti maraṇantaṃ maraṇasantikaṃ pāpanasamatthā. Sato sampajāno adhivāsesīti satiṃ sūpaṭṭhitaṃ katvā ñāṇena paricchinditvā adhivāsesi. Avihaññamānoti vedanānuvattanavasena aparāparaṃ parivattanaṃ akaronto apīḷiyamāno adukkhiyamānova adhivāsesi . Anāmantetvāti ajānāpetvā. Anapaloketvāti na apaloketvā ovādānusāsaniṃ adatvāti vuttaṃ hoti. Vīriyenāti pubbabhāgavīriyena ceva phalasamāpattivīriyena ca. Paṭipaṇāmetvāti vikkhambhetvā. Jīvitasaṅkhāranti ettha jīvitampi jīvitasaṅkhāro. Yena jīvitaṃ saṅkhariyati chijjamānaṃ ghaṭetvā ṭhapiyati, so phalasamāpattidhammopi jīvitasaṅkhāro. So idha adhippeto. Adhiṭṭhāyāti adhiṭṭhahitvā pavattetvā, jīvitaṭṭhapanasamatthaṃ phalasamāpattiṃ samāpajjeyyanti ayamettha saṅkhepattho.

    гим̣ бана бхаг̇аваа ид̇о буб̣б̣з паласамаабад̇д̇им̣ на самаабаж̇ж̇ад̇ийд̇и? самаабаж̇ж̇ад̇и. саа бана кан̣игасамаабад̇д̇и. кан̣игасамаабад̇д̇и жа анд̇осамаабад̇д̇ияам̣язва взд̣̇анам̣ вигкамбхзд̇и, самаабад̇д̇ид̇о вудтид̇амад̇д̇асса гадтабаад̇зна ваа гаталабаад̇зна ваа чиннасзваало вияа уд̣̇агам̣ буна сарийрам̣ взд̣̇анаа аж̇жход̇т̇арад̇и. яаа бана руубасад̇д̇агам̣ аруубасад̇д̇аган̃жа ниг̇г̇умб̣ам̣ ниж̇ж̇адам̣ гад̇ваа махаавибассанаавасзна самаабаннаа самаабад̇д̇и, саа судту вигкамбхзд̇и. яат̇аа наама бурисзна богкаран̣им̣ ог̇аахзд̇ваа хад̇т̇зхи жа баад̣̇зхи жа судту абаб̣яуул̣хо сзваало жирзна уд̣̇агам̣ од̇т̇арад̇и; звамзва д̇ад̇о вудтид̇асса жирзна взд̣̇анаа уббаж̇ж̇ад̇и. ид̇и бхаг̇аваа д̇ам̣ д̣̇ивасам̣ махааб̣од̇хибаллан̇гз абхинававибассанам̣ бадтабзнд̇о вияа руубасад̇д̇агам̣ аруубасад̇д̇агам̣ ниг̇г̇умб̣ам̣ ниж̇ж̇адам̣ гад̇ваа жуд̣̇д̣̇асахаагаарзхи саннзд̇ваа махаавибассанааяа взд̣̇анам̣ вигкамбхзд̇ваа – ‘‘д̣̇асамаасз маа уббаж̇ж̇ид̇т̇аа’’д̇и самаабад̇д̇им̣ самаабаж̇ж̇и. самаабад̇д̇ивигкамбхид̇аа взд̣̇анаа д̣̇асамаасз на уббаж̇ж̇и язва.

    Kiṃ pana bhagavā ito pubbe phalasamāpattiṃ na samāpajjatīti? Samāpajjati. Sā pana khaṇikasamāpatti. Khaṇikasamāpatti ca antosamāpattiyaṃyeva vedanaṃ vikkhambheti, samāpattito vuṭṭhitamattassa kaṭṭhapātena vā kaṭhalapātena vā chinnasevālo viya udakaṃ puna sarīraṃ vedanā ajjhottharati. Yā pana rūpasattakaṃ arūpasattakañca niggumbaṃ nijjaṭaṃ katvā mahāvipassanāvasena samāpannā samāpatti, sā suṭṭhu vikkhambheti. Yathā nāma purisena pokkharaṇiṃ ogāhetvā hatthehi ca pādehi ca suṭṭhu apabyūḷho sevālo cirena udakaṃ ottharati; evameva tato vuṭṭhitassa cirena vedanā uppajjati. Iti bhagavā taṃ divasaṃ mahābodhipallaṅke abhinavavipassanaṃ paṭṭhapento viya rūpasattakaṃ arūpasattakaṃ niggumbaṃ nijjaṭaṃ katvā cuddasahākārehi sannetvā mahāvipassanāya vedanaṃ vikkhambhetvā – ‘‘dasamāse mā uppajjitthā’’ti samāpattiṃ samāpajji. Samāpattivikkhambhitā vedanā dasamāse na uppajji yeva.

    г̇илаанаа вудтид̇од̇и г̇илаано худ̇ваа буна вудтид̇о. мад̇хурагаж̇аад̇о вияаад̇и сан̃ж̇аад̇аг̇арубхааво сан̃ж̇аад̇ат̇ад̣̇д̇хабхааво суулз уд̇д̇аасид̇абурисо вияа. на багкааяанд̇ийд̇и наббагаасанд̇и, наанаагаарад̇о на убадтаханд̇и. д̇хаммааби мам̣ на бадибханд̇ийд̇и сад̇ибадтаанаад̣̇ид̇хаммаа маяхам̣ баагадаа на хонд̇ийд̇и д̣̇ийбзд̇и. д̇анд̇ид̇хаммаа бана т̇зрасса субаг̇ун̣аа. на уд̣̇аахарад̇ийд̇и бажчимам̣ оваад̣̇ам̣ на д̣̇зд̇и. д̇ам̣ санд̇хааяа вад̣̇ад̇и.

    Gilānā vuṭṭhitoti gilāno hutvā puna vuṭṭhito. Madhurakajāto viyāti sañjātagarubhāvo sañjātathaddhabhāvo sūle uttāsitapuriso viya. Na pakkhāyantīti nappakāsanti, nānākārato na upaṭṭhahanti. Dhammāpi maṃ na paṭibhantīti satipaṭṭhānādidhammā mayhaṃ pākaṭā na hontīti dīpeti. Tantidhammā pana therassa supaguṇā. Na udāharatīti pacchimaṃ ovādaṃ na deti. Taṃ sandhāya vadati.

    165. ананд̇арам̣ аб̣аахиранд̇и д̇хаммавасзна ваа буг̇г̇алавасзна ваа убхаяам̣ агад̇ваа. ‘‘зд̇д̇агам̣ д̇хаммам̣ барасса на д̣̇зсзссаамий’’д̇и хи жинд̇знд̇о д̇хаммам̣ аб̣бханд̇арам̣ гарод̇и наама. ‘‘зд̇д̇агам̣ барасса д̣̇зсзссаамий’’д̇и жинд̇знд̇о д̇хаммам̣ б̣аахирам̣ гарод̇и наама. ‘‘имасса буг̇г̇аласса д̣̇зсзссаамий’’д̇и жинд̇знд̇о бана буг̇г̇алам̣ аб̣бханд̇арам̣ гарод̇и наама. ‘‘имасса на д̣̇зсзссаамий’’д̇и жинд̇знд̇о буг̇г̇алам̣ б̣аахирам̣ гарод̇и наама. звам̣ агад̇ваа д̣̇зсид̇од̇и ад̇т̇о. аажарияамудтийд̇и яат̇аа б̣аахирагаанам̣ аажарияамудти наама ход̇и. д̣̇ахарагаалз гассажи агат̇зд̇ваа бажчимагаалз маран̣аман̃жз нибаннаа бияаманаабасса анд̇зваасигасса гат̇знд̇и, звам̣ д̇ат̇ааг̇ад̇асса – ‘‘ид̣̇ам̣ махаллагагаалз бажчимадтаанз гат̇зссаамий’’д̇и мудтим̣ гад̇ваа ‘‘барихариссаамий’’д̇и табид̇ам̣ гин̃жи над̇т̇ийд̇и д̣̇ассзд̇и.

    165.Anantaraṃabāhiranti dhammavasena vā puggalavasena vā ubhayaṃ akatvā. ‘‘Ettakaṃ dhammaṃ parassa na desessāmī’’ti hi cintento dhammaṃ abbhantaraṃ karoti nāma. ‘‘Ettakaṃ parassa desessāmī’’ti cintento dhammaṃ bāhiraṃ karoti nāma. ‘‘Imassa puggalassa desessāmī’’ti cintento pana puggalaṃ abbhantaraṃ karoti nāma. ‘‘Imassa na desessāmī’’ti cintento puggalaṃ bāhiraṃ karoti nāma. Evaṃ akatvā desitoti attho. Ācariyamuṭṭhīti yathā bāhirakānaṃ ācariyamuṭṭhi nāma hoti. Daharakāle kassaci akathetvā pacchimakāle maraṇamañce nipannā piyamanāpassa antevāsikassa kathenti, evaṃ tathāgatassa – ‘‘idaṃ mahallakakāle pacchimaṭṭhāne kathessāmī’’ti muṭṭhiṃ katvā ‘‘pariharissāmī’’ti ṭhapitaṃ kiñci natthīti dasseti.

    ахам̣ бхигкусан̇гханд̇и ахамзва бхигкусан̇гхам̣ барихариссаамийд̇и ваа мамуд̣̇д̣̇зсигод̇и ахам̣ уд̣̇д̣̇исид̇аб̣б̣адтзна уд̣̇д̣̇зсо ассаад̇и мамуд̣̇д̣̇зсиго. мам̣язва уд̣̇д̣̇исид̇ваа мама бажжаасийсамаано бхигкусан̇гхо ход̇у, мама ажжаязна ваа маа ахзсум̣, яам̣ ваа д̇ам̣ ваа ход̇ууд̇и ид̇и ваа яасса ассаад̇и ад̇т̇о. на звам̣ ход̇ийд̇и б̣од̇хибаллан̇гзязва иссаамажчарияаанам̣ вихад̇ад̇д̇аа звам̣ на ход̇и. са гинд̇и со гим̣. аасийд̇игод̇и асийд̇исам̣важчариго. ид̣̇ам̣ бажчимаваяаануббад̇д̇абхаавад̣̇ийбанад̇т̇ам̣ вуд̇д̇ам̣. взтамиссагзнаад̇и б̣аахаб̣анд̇хажаггаб̣анд̇хаад̣̇инаа бадисан̇каран̣зна взтамиссагзна. ман̃н̃зд̇и ж̇ин̣н̣асагадам̣ вияа взтамиссагзна ман̃н̃з яаабзд̇и. арахад̇д̇апалавзтанзна жад̇уирияаабат̇агаббанам̣ д̇ат̇ааг̇ад̇асса ход̇ийд̇и д̣̇ассзд̇и.

    Ahaṃbhikkhusaṅghanti ahameva bhikkhusaṅghaṃ pariharissāmīti vā mamuddesikoti ahaṃ uddisitabbaṭṭhena uddeso assāti mamuddesiko. Maṃyeva uddisitvā mama paccāsīsamāno bhikkhusaṅgho hotu, mama accayena vā mā ahesuṃ, yaṃ vā taṃ vā hotūti iti vā yassa assāti attho. Na evaṃ hotīti bodhipallaṅkeyeva issāmacchariyānaṃ vihatattā evaṃ na hoti. Sa kinti so kiṃ. Āsītikoti asītisaṃvacchariko. Idaṃ pacchimavayaanuppattabhāvadīpanatthaṃ vuttaṃ. Veṭhamissakenāti bāhabandhacakkabandhādinā paṭisaṅkharaṇena veṭhamissakena. Maññeti jiṇṇasakaṭaṃ viya veṭhamissakena maññe yāpeti. Arahattaphalaveṭhanena catuiriyāpathakappanaṃ tathāgatassa hotīti dasseti.

    ид̣̇аани д̇амад̇т̇ам̣ багаасзнд̇о яасмим̣, аананд̣̇а, самаязд̇иаад̣̇имааха. д̇ад̇т̇а саб̣б̣анимид̇д̇аананд̇и руубанимид̇д̇аад̣̇ийнам̣. згажжаанам̣ взд̣̇анаананд̇и логияаанам̣ взд̣̇анаанам̣. д̇асмаад̇ихаананд̣̇аад̇и яасмаа иминаа паласамаабад̇д̇ивихаарзна паасу ход̇и, д̇асмаа д̇умхзби д̇ад̣̇ад̇т̇ааяа звам̣ вихарат̇аад̇и д̣̇ассзд̇и. ад̇д̇ад̣̇ийбаад̇и махаасамуд̣̇д̣̇аг̇ад̇ад̣̇ийбам̣ вияа ад̇д̇аанам̣ д̣̇ийбам̣ бад̇идтам̣ гад̇ваа вихарат̇а. ад̇д̇асаран̣аад̇и ад̇д̇аг̇ад̇игаава хот̇а, маа ан̃н̃аг̇ад̇игаа. д̇хаммад̣̇ийбад̇хаммасаран̣абад̣̇зсуби зсзва наяо. д̇амад̇аг̇г̇зд̇и д̇амааг̇г̇з. маж̇жхз д̇агааро бад̣̇асанд̇хивасзна вуд̇д̇о. ид̣̇ам̣ вуд̇д̇ам̣ ход̇и – ‘‘имз аг̇г̇ад̇амаад̇и д̇амад̇аг̇г̇аа’’д̇и. звам̣ саб̣б̣ам̣ д̇амаяог̇ам̣ чинд̣̇ид̇ваа ад̇ивияа аг̇г̇з уд̇д̇амабхаавз зд̇з , аананд̣̇а , мама бхигкуу бхависсанд̇и. д̇зсам̣ ад̇иаг̇г̇з бхависсанд̇и, яз гзжи сигкаагаамаа, саб̣б̣зби д̇з жад̇усад̇ибадтаанаг̇ожараава бхигкуу аг̇г̇з бхависсанд̇ийд̇и арахад̇д̇анигуудзна д̣̇зсанам̣ сан̇г̇ан̣хаад̇и.

    Idāni tamatthaṃ pakāsento yasmiṃ, ānanda, samayetiādimāha. Tattha sabbanimittānanti rūpanimittādīnaṃ. Ekaccānaṃ vedanānanti lokiyānaṃ vedanānaṃ. Tasmātihānandāti yasmā iminā phalasamāpattivihārena phāsu hoti, tasmā tumhepi tadatthāya evaṃ viharathāti dasseti. Attadīpāti mahāsamuddagatadīpaṃ viya attānaṃ dīpaṃ patiṭṭhaṃ katvā viharatha. Attasaraṇāti attagatikāva hotha, mā aññagatikā. Dhammadīpadhammasaraṇapadesupi eseva nayo. Tamataggeti tamaagge. Majjhe takāro padasandhivasena vutto. Idaṃ vuttaṃ hoti – ‘‘ime aggatamāti tamataggā’’ti. Evaṃ sabbaṃ tamayogaṃ chinditvā ativiya agge uttamabhāve ete , ānanda , mama bhikkhū bhavissanti. Tesaṃ atiagge bhavissanti, ye keci sikkhākāmā, sabbepi te catusatipaṭṭhānagocarāva bhikkhū agge bhavissantīti arahattanikūṭena desanaṃ saṅgaṇhāti.

    д̣̇уд̇ияабхаан̣аваараван̣н̣анаа нидтид̇аа.

    Dutiyabhāṇavāravaṇṇanā niṭṭhitā.

    нимид̇д̇обхаасагат̇ааван̣н̣анаа

    Nimittobhāsakathāvaṇṇanā

    166. взсаалим̣ бин̣д̣ааяа баависийд̇и гад̣̇аа баависи? уггажзлад̇о нигкамид̇ваа взсаалим̣ г̇ад̇агаалз. бхаг̇аваа гира вудтавассо взл̣уваг̇аамагаа нигкамид̇ваа саавад̇т̇им̣ г̇амиссаамийд̇и ааг̇ад̇амаг̇г̇знзва бадинивад̇д̇анд̇о анубуб̣б̣зна саавад̇т̇им̣ бад̇ваа ж̇зд̇аванам̣ баависи. д̇хаммасзнаабад̇и бхаг̇авад̇о вад̇д̇ам̣ д̣̇ассзд̇ваа д̣̇иваадтаанам̣ г̇ад̇о. со д̇ад̇т̇а анд̇зваасигзсу вад̇д̇ам̣ д̣̇ассзд̇ваа бадигганд̇зсу д̣̇иваадтаанам̣ саммаж̇ж̇ид̇ваа жаммагкан̣д̣ам̣ бан̃н̃абзд̇ваа баад̣̇з багкаалзд̇ваа баллан̇гам̣ аабхуж̇ид̇ваа паласамаабад̇д̇им̣ баависи. ат̇асса яат̇аабарижчзд̣̇зна д̇ад̇о вудтид̇асса аяам̣ баривид̇агго уд̣̇абаад̣̇и – ‘‘б̣уд̣̇д̇хаа ну ко батамам̣ бариниб̣б̣ааяанд̇и, аг̇асаавагаа ну ко’’д̇и? д̇ад̇о – ‘‘аг̇г̇асаавагаа батама’’нд̇и н̃ад̇ваа ад̇д̇ано ааяусан̇каарам̣ ологзси. со – ‘‘сад̇д̇аахамзва мз ааяусан̇кааро бавад̇д̇ад̇ий’’д̇и н̃ад̇ваа – ‘‘гад̇т̇а бариниб̣б̣ааяиссаамий’’д̇и жинд̇зси. д̇ад̇о – ‘‘раахуло д̇аавад̇им̣сзсу бариниб̣б̣уд̇о, ан̃н̃аасигон̣д̣ан̃н̃ад̇т̇зро чад̣̇д̣̇анд̇ад̣̇ахз, ахам̣ гад̇т̇а бариниб̣б̣ааяиссаамий’’д̇и буна жинд̇знд̇о маад̇арам̣ аараб̣бха сад̇им̣ уббаад̣̇зси – ‘‘маяхам̣ маад̇аа сад̇д̇аннам̣ араханд̇аанам̣ маад̇аа худ̇вааби б̣уд̣̇д̇хад̇хаммасан̇гхзсу аббасаннаа, ад̇т̇и ну ко д̇ассаа убаниссаяо, над̇т̇и ну ко’’д̇и ааваж̇ж̇зд̇ваа сод̇аабад̇д̇имаг̇г̇асса убаниссаяам̣ д̣̇исваа – ‘‘гасса д̣̇зсанааяа абхисамаяо бхависсад̇ий’’д̇и ологзнд̇о – ‘‘мамзва д̇хаммад̣̇зсанааяа бхависсад̇и, на ан̃н̃асса. сажз ко банаахам̣ аббоссугго бхавзяяам̣, бхависсанд̇и мз вад̇д̇ааро – ‘саарибуд̇д̇ад̇т̇зро авасзсаж̇анаанамби авассаяо ход̇и. д̇ат̇аа хисса самажид̇д̇асуд̇д̇ад̣̇зсанаад̣̇ивасз (а. ни. 1.37) годисад̇асахассад̣̇звад̇аа арахад̇д̇ам̣ бад̇д̇аа . д̇аяо маг̇г̇з бадивид̣̇д̇хад̣̇звад̇аанам̣ г̇ан̣анаа над̇т̇и. ан̃н̃зсу жа таанзсу анзгаа абхисамаяаа д̣̇иссанд̇и. т̇зрзва жид̇д̇ам̣ басаад̣̇зд̇ваа саг̇г̇з ниб̣б̣ад̇д̇аанзва асийд̇игуласахассаани. со д̣̇аани сагамаад̇умижчаад̣̇ассанамад̇д̇амби харид̇ум̣ наасагкий’д̇и. д̇асмаа маад̇арам̣ мижчаад̣̇ассанаа можзд̇ваа ж̇аад̇оварагзязва бариниб̣б̣ааяиссаамий’’д̇и саннидтаанам̣ гад̇ваа – ‘‘аж̇ж̇зва бхаг̇аванд̇ам̣ ануж̇аанаабзд̇ваа нигкамиссаамий’’д̇и жунд̣̇ад̇т̇зрам̣ ааманд̇зси. ‘‘аавусо, жунд̣̇а, амхаагам̣ бан̃жасад̇ааяа бхигкубарисааяа сан̃н̃ам̣ д̣̇зхи – ‘г̇ан̣хат̇аавусо бад̇д̇ажийвараани, д̇хаммасзнаабад̇и наал̣агаг̇аамам̣ г̇анд̇угаамо’д̇и’’. т̇зро д̇ат̇аа агааси. бхигкуу сзнаасанам̣ сам̣саамзд̇ваа бад̇д̇ажийварамаад̣̇ааяа т̇зрасса санд̇игам̣ ааг̇амам̣су. т̇зро сзнаасанам̣ сам̣саамзд̇ваа д̣̇иваадтаанам̣ саммаж̇ж̇ид̇ваа д̣̇иваадтаанад̣̇ваарз тад̇ваа д̣̇иваадтаанам̣ ологзнд̇о – ‘‘ид̣̇ам̣ д̣̇аани бажчимад̣̇ассанам̣, буна ааг̇аманам̣ над̇т̇ий’’д̇и бан̃жасад̇абхигкубаривуд̇о бхаг̇аванд̇ам̣ убасан̇гамид̇ваа ванд̣̇ид̇ваа зд̇ад̣̇авожа –

    166.Vesāliṃ piṇḍāya pāvisīti kadā pāvisi? Ukkacelato nikkhamitvā vesāliṃ gatakāle. Bhagavā kira vuṭṭhavasso veḷuvagāmakā nikkhamitvā sāvatthiṃ gamissāmīti āgatamaggeneva paṭinivattanto anupubbena sāvatthiṃ patvā jetavanaṃ pāvisi. Dhammasenāpati bhagavato vattaṃ dassetvā divāṭṭhānaṃ gato. So tattha antevāsikesu vattaṃ dassetvā paṭikkantesu divāṭṭhānaṃ sammajjitvā cammakkhaṇḍaṃ paññapetvā pāde pakkhāletvā pallaṅkaṃ ābhujitvā phalasamāpattiṃ pāvisi. Athassa yathāparicchedena tato vuṭṭhitassa ayaṃ parivitakko udapādi – ‘‘buddhā nu kho paṭhamaṃ parinibbāyanti, agasāvakā nu kho’’ti? Tato – ‘‘aggasāvakā paṭhama’’nti ñatvā attano āyusaṅkhāraṃ olokesi. So – ‘‘sattāhameva me āyusaṅkhāro pavattatī’’ti ñatvā – ‘‘kattha parinibbāyissāmī’’ti cintesi. Tato – ‘‘rāhulo tāvatiṃsesu parinibbuto, aññāsikoṇḍaññatthero chaddantadahe, ahaṃ kattha parinibbāyissāmī’’ti puna cintento mātaraṃ ārabbha satiṃ uppādesi – ‘‘mayhaṃ mātā sattannaṃ arahantānaṃ mātā hutvāpi buddhadhammasaṅghesu appasannā, atthi nu kho tassā upanissayo, natthi nu kho’’ti āvajjetvā sotāpattimaggassa upanissayaṃ disvā – ‘‘kassa desanāya abhisamayo bhavissatī’’ti olokento – ‘‘mameva dhammadesanāya bhavissati, na aññassa. Sace kho panāhaṃ appossukko bhaveyyaṃ, bhavissanti me vattāro – ‘sāriputtatthero avasesajanānampi avassayo hoti. Tathā hissa samacittasuttadesanādivase (a. ni. 1.37) koṭisatasahassadevatā arahattaṃ pattā . Tayo magge paṭividdhadevatānaṃ gaṇanā natthi. Aññesu ca ṭhānesu anekā abhisamayā dissanti. Thereva cittaṃ pasādetvā sagge nibbattāneva asītikulasahassāni. So dāni sakamātumicchādassanamattampi harituṃ nāsakkhī’ti. Tasmā mātaraṃ micchādassanā mocetvā jātovarakeyeva parinibbāyissāmī’’ti sanniṭṭhānaṃ katvā – ‘‘ajjeva bhagavantaṃ anujānāpetvā nikkhamissāmī’’ti cundattheraṃ āmantesi. ‘‘Āvuso, cunda, amhākaṃ pañcasatāya bhikkhuparisāya saññaṃ dehi – ‘gaṇhathāvuso pattacīvarāni, dhammasenāpati nāḷakagāmaṃ gantukāmo’ti’’. Thero tathā akāsi. Bhikkhū senāsanaṃ saṃsāmetvā pattacīvaramādāya therassa santikaṃ āgamaṃsu. Thero senāsanaṃ saṃsāmetvā divāṭṭhānaṃ sammajjitvā divāṭṭhānadvāre ṭhatvā divāṭṭhānaṃ olokento – ‘‘idaṃ dāni pacchimadassanaṃ, puna āgamanaṃ natthī’’ti pañcasatabhikkhuparivuto bhagavantaṃ upasaṅkamitvā vanditvā etadavoca –

    ‘‘чинно д̣̇аани бхависсаами, логанаат̇а махаамуни;

    ‘‘Chinno dāni bhavissāmi, lokanātha mahāmuni;

    г̇аманааг̇аманам̣ над̇т̇и, бажчимаа ванд̣̇анаа аяам̣.

    Gamanāgamanaṃ natthi, pacchimā vandanā ayaṃ.

    ж̇ийвид̇ам̣ аббагам̣ маяхам̣, ид̇о сад̇д̇аахамажжаяз;

    Jīvitaṃ appakaṃ mayhaṃ, ito sattāhamaccaye;

    нигкибзяяаамахам̣ д̣̇зхам̣, бхаараворобанам̣ яат̇аа.

    Nikkhipeyyāmahaṃ dehaṃ, bhāravoropanaṃ yathā.

    ануж̇аанаад̇у мз бханд̇з, бхаг̇аваа, ануж̇аанаад̇у суг̇ад̇о;

    Anujānātu me bhante, bhagavā, anujānātu sugato;

    бариниб̣б̣аанагаало мз, оссадто ааяусан̇кааро’’д̇и.

    Parinibbānakālo me, ossaṭṭho āyusaṅkhāro’’ti.

    б̣уд̣̇д̇хаа бана яасмаа ‘‘бариниб̣б̣аахий’’д̇и вуд̇д̇з маран̣асам̣ван̣н̣анам̣ сам̣ван̣н̣знд̇и наама, ‘‘маа бариниб̣б̣аахий’’д̇и вуд̇д̇з ваддасса г̇ун̣ам̣ гат̇знд̇ийд̇и мижчаад̣̇идтигаа д̣̇осам̣ ааробзссанд̇и, д̇асмаа д̇ад̣̇убхаяамби на вад̣̇анд̇и. д̇зна нам̣ бхаг̇аваа ааха – ‘‘гад̇т̇а бариниб̣б̣ааяиссаси саарибуд̇д̇аа’’д̇и? ‘‘ад̇т̇и, бханд̇з, маг̇ад̇хзсу наал̣агаг̇аамз ж̇аад̇овараго, д̇ад̇т̇аахам̣ бариниб̣б̣ааяиссаамий’’д̇и вуд̇д̇з ‘‘яасса д̣̇аани д̇вам̣, саарибуд̇д̇а, гаалам̣ ман̃н̃аси, ид̣̇аани бана д̇з ж̇здтаганидтабхаад̇игаанам̣ д̇аад̣̇исасса бхигкуно д̣̇ассанам̣ д̣̇уллабхам̣ бхависсад̇ийд̇и д̣̇зсзхи д̇зсам̣ д̇хамма’’нд̇и ааха.

    Buddhā pana yasmā ‘‘parinibbāhī’’ti vutte maraṇasaṃvaṇṇanaṃ saṃvaṇṇenti nāma, ‘‘mā parinibbāhī’’ti vutte vaṭṭassa guṇaṃ kathentīti micchādiṭṭhikā dosaṃ āropessanti, tasmā tadubhayampi na vadanti. Tena naṃ bhagavā āha – ‘‘kattha parinibbāyissasi sāriputtā’’ti? ‘‘Atthi, bhante, magadhesu nāḷakagāme jātovarako, tatthāhaṃ parinibbāyissāmī’’ti vutte ‘‘yassa dāni tvaṃ, sāriputta, kālaṃ maññasi, idāni pana te jeṭṭhakaniṭṭhabhātikānaṃ tādisassa bhikkhuno dassanaṃ dullabhaṃ bhavissatīti desehi tesaṃ dhamma’’nti āha.

    т̇зро – ‘‘сад̇т̇аа маяхам̣ ид̣̇д̇хивигуб̣б̣анабуб̣б̣ан̇г̇амам̣ д̇хаммад̣̇зсанам̣ бажжаасийсад̇ий’’д̇и н̃ад̇ваа бхаг̇аванд̇ам̣ ванд̣̇ид̇ваа д̇аалаббамаан̣ам̣ аб̣бхуг̇г̇анд̇ваа буна оруяха бхаг̇аванд̇ам̣ ванд̣̇ид̇ваа сад̇д̇ад̇аалаббамаан̣з анд̇алигкз тид̇о ид̣̇д̇хивигуб̣б̣анам̣ д̣̇ассзд̇ваа д̇хаммам̣ д̣̇зсзси. сагаланаг̇арам̣ саннибад̇и. т̇зро оруяха бхаг̇аванд̇ам̣ ванд̣̇ид̇ваа ‘‘г̇аманагаало мз, бханд̇з’’д̇и ааха. бхаг̇аваа ‘‘д̇хаммасзнаабад̇им̣ бадибаад̣̇зссаамий’’д̇и д̇хаммаасанаа удтааяа г̇анд̇хагудиабхимуко г̇анд̇ваа ман̣ипалагз адтааси. т̇зро д̇игкад̇д̇ум̣ бад̣̇агкин̣ам̣ гад̇ваа жад̇уусу таанзсу ванд̣̇ид̇ваа – ‘‘бхаг̇аваа ид̇о габбасад̇асахассаад̇хигасса асан̇кязяяасса убари аномад̣̇ассисаммаасамб̣уд̣̇д̇хасса баад̣̇амуулз нибад̇ид̇ваа д̇умхаагам̣ д̣̇ассанам̣ бад̇т̇зсим̣. саа мз бад̇т̇анаа самид̣̇д̇хаа, д̣̇идтаа д̇умхз, д̇ам̣ батамад̣̇ассанам̣, ид̣̇ам̣ бажчимад̣̇ассанам̣. буна д̇умхаагам̣ д̣̇ассанам̣ над̇т̇ий’’д̇и – вад̇ваа д̣̇асанакасамод̇хаанасамуж̇ж̇алам̣ ан̃ж̇алим̣ баг̇г̇аяха яаава д̣̇ассанависаяо, д̇аава абхимукова бадиггамид̇ваа ‘‘ид̇о бадтааяа жуд̇ибадисанд̇хивасзна гисмин̃жи таанз г̇аманааг̇аманам̣ наама над̇т̇ий’’д̇и ванд̣̇ид̇ваа баггаами. уд̣̇агабарияанд̇ам̣ гад̇ваа махаабхуумижаало ахоси. бхаг̇аваа бариваарзд̇ваа тид̇з бхигкуу ааха – ‘‘ануг̇ажчат̇а, бхигкавз, д̇умхаагам̣ ж̇здтабхаад̇ига’’нд̇и. бхигкуу яаава д̣̇ваарагодтагаа аг̇амам̣су. т̇зро – ‘‘д̇идтат̇а, д̇умхз аавусо, аббамад̇д̇аа хот̇аа’’д̇и нивад̇д̇аабзд̇ваа ад̇д̇ано барисааязва сад̣̇д̇хим̣ баггаами. мануссаа – ‘‘буб̣б̣з аяяо бажжааг̇аманажааригам̣ жарад̇и, ид̣̇ам̣ д̣̇аани г̇аманам̣ на буна бажжааг̇аманааяаа’’д̇и барид̣̇званд̇аа ануб̣анд̇хим̣су. д̇зби ‘‘аббамад̇д̇аа хот̇а аавусо, звам̣бхаавино наама сан̇каараа’’д̇и нивад̇д̇аабзси.

    Thero – ‘‘satthā mayhaṃ iddhivikubbanapubbaṅgamaṃ dhammadesanaṃ paccāsīsatī’’ti ñatvā bhagavantaṃ vanditvā tālappamāṇaṃ abbhuggantvā puna oruyha bhagavantaṃ vanditvā sattatālappamāṇe antalikkhe ṭhito iddhivikubbanaṃ dassetvā dhammaṃ desesi. Sakalanagaraṃ sannipati. Thero oruyha bhagavantaṃ vanditvā ‘‘gamanakālo me, bhante’’ti āha. Bhagavā ‘‘dhammasenāpatiṃ paṭipādessāmī’’ti dhammāsanā uṭṭhāya gandhakuṭiabhimukho gantvā maṇiphalake aṭṭhāsi. Thero tikkhattuṃ padakkhiṇaṃ katvā catūsu ṭhānesu vanditvā – ‘‘bhagavā ito kappasatasahassādhikassa asaṅkhyeyyassa upari anomadassisammāsambuddhassa pādamūle nipatitvā tumhākaṃ dassanaṃ patthesiṃ. Sā me patthanā samiddhā, diṭṭhā tumhe, taṃ paṭhamadassanaṃ, idaṃ pacchimadassanaṃ. Puna tumhākaṃ dassanaṃ natthī’’ti – vatvā dasanakhasamodhānasamujjalaṃ añjaliṃ paggayha yāva dassanavisayo, tāva abhimukhova paṭikkamitvā ‘‘ito paṭṭhāya cutipaṭisandhivasena kismiñci ṭhāne gamanāgamanaṃ nāma natthī’’ti vanditvā pakkāmi. Udakapariyantaṃ katvā mahābhūmicālo ahosi. Bhagavā parivāretvā ṭhite bhikkhū āha – ‘‘anugacchatha, bhikkhave, tumhākaṃ jeṭṭhabhātika’’nti. Bhikkhū yāva dvārakoṭṭhakā agamaṃsu. Thero – ‘‘tiṭṭhatha, tumhe āvuso, appamattā hothā’’ti nivattāpetvā attano parisāyeva saddhiṃ pakkāmi. Manussā – ‘‘pubbe ayyo paccāgamanacārikaṃ carati, idaṃ dāni gamanaṃ na puna paccāgamanāyā’’ti paridevantā anubandhiṃsu. Tepi ‘‘appamattā hotha āvuso, evaṃbhāvino nāma saṅkhārā’’ti nivattāpesi.

    ат̇а ко ааяасмаа саарибуд̇д̇о анд̇араамаг̇г̇з сад̇д̇аахам̣ мануссаанам̣ ануг̇г̇ахам̣ гаронд̇о сааяам̣ наал̣агаг̇аамам̣ бад̇ваа г̇аамад̣̇ваарз ниг̇род̇харугкамуулз адтааси. ат̇а убарзвад̇о наама т̇зрасса бхааг̇инзяяо б̣ахиг̇аамам̣ г̇ажчанд̇о т̇зрам̣ д̣̇исваа убасан̇гамид̇ваа ванд̣̇ид̇ваа адтааси. т̇зро д̇ам̣ ааха – ‘‘ад̇т̇и г̇зхз д̇з аяяигаа’’д̇и? аама, бханд̇зд̇и. г̇ажча амхаагам̣ ид̇хааг̇ад̇абхаавам̣ аарожзхи. ‘‘гасмаа ааг̇ад̇о’’д̇и жа вуд̇д̇з ‘‘аж̇ж̇а гира згад̣̇ивасам̣ анд̇ог̇аамз бхависсад̇и, ж̇аад̇оварагам̣ бадиж̇аг̇г̇ат̇а, бан̃жаннам̣ бхигкусад̇аанам̣ ниваасанадтаанам̣ ж̇аанаат̇аа’’д̇и. со г̇анд̇ваа ‘‘аяяигз, маяхам̣ маад̇уло ааг̇ад̇о’’д̇и ааха. ид̣̇аани гухинд̇и? г̇аамад̣̇ваарзд̇и. згагова, ан̃н̃оби гожи ад̇т̇ийд̇и ? ад̇т̇и бан̃жасад̇аа бхигкууд̇и. гим̣ гааран̣аа ааг̇ад̇од̇и? со д̇ам̣ бавад̇д̇им̣ аарожзси. б̣раахман̣ий – ‘‘гим̣ ну ко зд̇д̇агаанам̣ васанадтаанам̣ бадиж̇аг̇г̇аабзд̇и , д̣̇ахарагаалз баб̣б̣аж̇ид̇ваа махаллагагаалз г̇ихий ход̇угаамо’’д̇и жинд̇знд̇ий ж̇аад̇оварагам̣ бадиж̇аг̇г̇аабзд̇ваа бан̃жасад̇аанам̣ бхигкуунам̣ васанадтаанам̣ гаарзд̇ваа д̣̇ан̣д̣ад̣̇ийбигааяо ж̇аалзд̇ваа т̇зрасса баахзси.

    Atha kho āyasmā sāriputto antarāmagge sattāhaṃ manussānaṃ anuggahaṃ karonto sāyaṃ nāḷakagāmaṃ patvā gāmadvāre nigrodharukkhamūle aṭṭhāsi. Atha uparevato nāma therassa bhāgineyyo bahigāmaṃ gacchanto theraṃ disvā upasaṅkamitvā vanditvā aṭṭhāsi. Thero taṃ āha – ‘‘atthi gehe te ayyikā’’ti? Āma, bhanteti. Gaccha amhākaṃ idhāgatabhāvaṃ ārocehi. ‘‘Kasmā āgato’’ti ca vutte ‘‘ajja kira ekadivasaṃ antogāme bhavissati, jātovarakaṃ paṭijaggatha, pañcannaṃ bhikkhusatānaṃ nivāsanaṭṭhānaṃ jānāthā’’ti. So gantvā ‘‘ayyike, mayhaṃ mātulo āgato’’ti āha. Idāni kuhinti? Gāmadvāreti. Ekakova, aññopi koci atthīti ? Atthi pañcasatā bhikkhūti. Kiṃ kāraṇā āgatoti? So taṃ pavattiṃ ārocesi. Brāhmaṇī – ‘‘kiṃ nu kho ettakānaṃ vasanaṭṭhānaṃ paṭijaggāpeti , daharakāle pabbajitvā mahallakakāle gihī hotukāmo’’ti cintentī jātovarakaṃ paṭijaggāpetvā pañcasatānaṃ bhikkhūnaṃ vasanaṭṭhānaṃ kāretvā daṇḍadīpikāyo jāletvā therassa pāhesi.

    т̇зро бхигкуухи сад̣̇д̇хим̣ баасаад̣̇ам̣ абхирухи. абхирухид̇ваа жа ж̇аад̇оварагам̣ бависид̇ваа нисийд̣̇и. нисаж̇ж̇зва – ‘‘д̇умхаагам̣ васанадтаанам̣ г̇ажчат̇аа’’д̇и бхигкуу уяяож̇зси. д̇зсу г̇ад̇амад̇д̇зсуязва т̇зрасса каро ааб̣аад̇хо уббаж̇ж̇и, лохид̇абагканд̣̇игаа мааран̣анд̇игаа взд̣̇анаа вад̇д̇анд̇и, згам̣ бхааж̇анам̣ бависад̇и, згам̣ нигкамад̇и. б̣раахман̣ий – ‘‘мама буд̇д̇асса бавад̇д̇и маяхам̣ на ружжад̇ий’’д̇и ад̇д̇ано васанаг̇аб̣бхад̣̇ваарам̣ ниссааяа адтааси. жад̇д̇ааро махаарааж̇аано ‘‘д̇хаммасзнаабад̇и гухим̣ вихарад̇ий’’д̇и ологзнд̇аа ‘‘наал̣агаг̇аамз ж̇аад̇оварагз бариниб̣б̣аанаман̃жз нибанно, бажчимад̣̇ассанам̣ г̇амиссаамаа’’д̇и ааг̇амма ванд̣̇ид̇ваа адтам̣су. т̇зро – гз д̇умхзд̇и? махаарааж̇аано, бханд̇зд̇и. гасмаа ааг̇ад̇ад̇т̇аад̇и? г̇илаанубадтаагаа бхависсаамаад̇и. ход̇у, ад̇т̇и г̇илаанубадтааго, г̇ажчат̇а д̇умхзд̇и уяяож̇зси. д̇зсам̣ г̇ад̇аавасаанз д̇знзва наязна сагго д̣̇зваанаминд̣̇о, д̇асмим̣ г̇ад̇з суяаамаад̣̇аяо махааб̣рахмаа жа ааг̇амим̣су. д̇зби д̇ат̇зва т̇зро уяяож̇зси.

    Thero bhikkhūhi saddhiṃ pāsādaṃ abhiruhi. Abhiruhitvā ca jātovarakaṃ pavisitvā nisīdi. Nisajjeva – ‘‘tumhākaṃ vasanaṭṭhānaṃ gacchathā’’ti bhikkhū uyyojesi. Tesu gatamattesuyeva therassa kharo ābādho uppajji, lohitapakkhandikā māraṇantikā vedanā vattanti, ekaṃ bhājanaṃ pavisati, ekaṃ nikkhamati. Brāhmaṇī – ‘‘mama puttassa pavatti mayhaṃ na ruccatī’’ti attano vasanagabbhadvāraṃ nissāya aṭṭhāsi. Cattāro mahārājāno ‘‘dhammasenāpati kuhiṃ viharatī’’ti olokentā ‘‘nāḷakagāme jātovarake parinibbānamañce nipanno, pacchimadassanaṃ gamissāmā’’ti āgamma vanditvā aṭṭhaṃsu. Thero – ke tumheti? Mahārājāno, bhanteti. Kasmā āgatatthāti? Gilānupaṭṭhākā bhavissāmāti. Hotu, atthi gilānupaṭṭhāko, gacchatha tumheti uyyojesi. Tesaṃ gatāvasāne teneva nayena sakko devānamindo, tasmiṃ gate suyāmādayo mahābrahmā ca āgamiṃsu. Tepi tatheva thero uyyojesi.

    б̣раахман̣ий д̣̇звад̇аанам̣ ааг̇аманан̃жа г̇аманан̃жа д̣̇исваа – ‘‘гз ну ко зд̇з мама буд̇д̇ам̣ ванд̣̇ид̇ваа г̇ажчанд̇ий’’д̇и т̇зрасса г̇аб̣бхад̣̇ваарам̣ г̇анд̇ваа – ‘‘д̇аад̇а, жунд̣̇а, гаа бавад̇д̇ий’’д̇и бужчи. со д̇ам̣ бавад̇д̇им̣ аажигкид̇ваа – ‘‘махааубаасигаа, бханд̇з ааг̇ад̇аа’’д̇и ааха. т̇зро гасмаа авзлааяа ааг̇ад̇ад̇т̇аад̇и бужчи. саа д̇уяхам̣ д̇аад̇а д̣̇ассанад̇т̇ааяаад̇и вад̇ваа ‘‘д̇аад̇а гз батамам̣ ааг̇ад̇аа’’д̇и бужчи. жад̇д̇ааро махаарааж̇аано, убаасигзд̇и. д̇аад̇а, д̇вам̣ жад̇уухи махаарааж̇зхи маханд̇ад̇арод̇и? аараамигасад̣̇исаа зд̇з убаасигз, амхаагам̣ сад̇т̇у бадисанд̇хиг̇г̇ахан̣ад̇о бадтааяа каг̇г̇ахад̇т̇аа худ̇ваа аарагкам̣ агам̣сууд̇и. д̇зсам̣ д̇аад̇а, г̇ад̇аавасаанз го ааг̇ад̇од̇и? сагго д̣̇зваанаминд̣̇од̇и. д̣̇зварааж̇ад̇оби д̇вам̣ д̇аад̇а, маханд̇ад̇арод̇и? бхан̣д̣аг̇аахагасааман̣зрасад̣̇исо зса убаасигз, амхаагам̣ сад̇т̇у д̇аавад̇им̣сад̇о од̇аран̣агаалз бад̇д̇ажийварам̣ г̇ахзд̇ваа од̇ин̣н̣од̇и. д̇асса д̇аад̇а г̇ад̇аавасаанз ж̇од̇амаано вияа го ааг̇ад̇од̇и? убаасигз д̇уяхам̣ бхаг̇аваа жа сад̇т̇аа жа махааб̣рахмаа наама зсод̇и. маяхам̣ бхаг̇авад̇о махааб̣рахмад̇оби д̇вам̣ д̇аад̇а маханд̇ад̇арод̇и? аама убаасигз, зд̇з наама гира амхаагам̣ сад̇т̇у ж̇аад̇ад̣̇ивасз жад̇д̇ааро махааб̣рахмаано махаабурисам̣ суван̣н̣аж̇аалзна бадиг̇г̇ан̣хим̣сууд̇и.

    Brāhmaṇī devatānaṃ āgamanañca gamanañca disvā – ‘‘ke nu kho ete mama puttaṃ vanditvā gacchantī’’ti therassa gabbhadvāraṃ gantvā – ‘‘tāta, cunda, kā pavattī’’ti pucchi. So taṃ pavattiṃ ācikkhitvā – ‘‘mahāupāsikā, bhante āgatā’’ti āha. Thero kasmā avelāya āgatatthāti pucchi. Sā tuyhaṃ tāta dassanatthāyāti vatvā ‘‘tāta ke paṭhamaṃ āgatā’’ti pucchi. Cattāro mahārājāno, upāsiketi. Tāta, tvaṃ catūhi mahārājehi mahantataroti? Ārāmikasadisā ete upāsike, amhākaṃ satthu paṭisandhiggahaṇato paṭṭhāya khaggahatthā hutvā ārakkhaṃ akaṃsūti. Tesaṃ tāta, gatāvasāne ko āgatoti? Sakko devānamindoti. Devarājatopi tvaṃ tāta, mahantataroti? Bhaṇḍagāhakasāmaṇerasadiso esa upāsike, amhākaṃ satthu tāvatiṃsato otaraṇakāle pattacīvaraṃ gahetvā otiṇṇoti. Tassa tāta gatāvasāne jotamāno viya ko āgatoti? Upāsike tuyhaṃ bhagavā ca satthā ca mahābrahmā nāma esoti. Mayhaṃ bhagavato mahābrahmatopi tvaṃ tāta mahantataroti? Āma upāsike, ete nāma kira amhākaṃ satthu jātadivase cattāro mahābrahmāno mahāpurisaṃ suvaṇṇajālena paṭiggaṇhiṃsūti.

    ат̇а б̣раахман̣ияаа – ‘‘буд̇д̇асса д̇аава мз аяам̣ аанубхааво, гийд̣̇исо вад̇а маяхам̣ буд̇д̇асса бхаг̇авад̇о сад̇т̇у аанубхааво бхависсад̇ий’’д̇и жинд̇аяанд̇ияаа сахасаа бан̃жаван̣н̣аа бийд̇и уббаж̇ж̇ид̇ваа сагаласарийрз пари. т̇зро – ‘‘уббаннам̣ мз маад̇у бийд̇исоманассам̣, аяам̣ д̣̇аани гаало д̇хаммад̣̇зсанааяаа’’д̇и жинд̇зд̇ваа – ‘‘гим̣ жинд̇зси махааубаасигз’’д̇и ааха. саа – ‘‘буд̇д̇асса д̇аава мз аяам̣ г̇ун̣о, сад̇т̇у банасса гийд̣̇исо г̇ун̣о бхависсад̇ийд̇и ид̣̇ам̣, д̇аад̇а, жинд̇змий’’д̇и ааха. махааубаасигз, маяхам̣ сад̇т̇у ж̇аад̇агкан̣з, махаабхинигкаманз, самб̣од̇хияам̣, д̇хаммажаггаббавад̇д̇анз жа д̣̇асасахассилогад̇хаад̇у гамбид̇т̇а, сийлзна самаад̇хинаа бан̃н̃ааяа вимуд̇д̇ияаа вимуд̇д̇ин̃аан̣ад̣̇ассанзна само наама над̇т̇и, ид̇иби со бхаг̇аваад̇и вид̇т̇аарзд̇ваа б̣уд̣̇д̇хаг̇ун̣аббадисам̣яуд̇д̇ам̣ д̇хаммад̣̇зсанам̣ гат̇зси.

    Atha brāhmaṇiyā – ‘‘puttassa tāva me ayaṃ ānubhāvo, kīdiso vata mayhaṃ puttassa bhagavato satthu ānubhāvo bhavissatī’’ti cintayantiyā sahasā pañcavaṇṇā pīti uppajjitvā sakalasarīre phari. Thero – ‘‘uppannaṃ me mātu pītisomanassaṃ, ayaṃ dāni kālo dhammadesanāyā’’ti cintetvā – ‘‘kiṃ cintesi mahāupāsike’’ti āha. Sā – ‘‘puttassa tāva me ayaṃ guṇo, satthu panassa kīdiso guṇo bhavissatīti idaṃ, tāta, cintemī’’ti āha. Mahāupāsike, mayhaṃ satthu jātakkhaṇe, mahābhinikkhamane, sambodhiyaṃ, dhammacakkappavattane ca dasasahassilokadhātu kampittha, sīlena samādhinā paññāya vimuttiyā vimuttiñāṇadassanena samo nāma natthi, itipi so bhagavāti vitthāretvā buddhaguṇappaṭisaṃyuttaṃ dhammadesanaṃ kathesi.

    б̣раахман̣ий бияабуд̇д̇асса д̇хаммад̣̇зсанаабарияосаанз сод̇аабад̇д̇ипалз бад̇идтааяа буд̇д̇ам̣ ааха – ‘‘д̇аад̇а, убад̇исса, гасмаа звамагааси, зваруубам̣ наама амад̇ам̣ маяхам̣ зд̇д̇агам̣ гаалам̣ на ад̣̇аасий’’д̇и. т̇зро – ‘‘д̣̇иннам̣ д̣̇аани мз маад̇у руубасаарияаа б̣раахман̣ияаа босааванигамуулам̣, зд̇д̇агзна ваддиссад̇ий’’д̇и жинд̇зд̇ваа ‘‘г̇ажча махааубаасигз’’д̇и б̣раахман̣им̣ уяяож̇зд̇ваа ‘‘жунд̣̇а гаа взлаа’’д̇и ааха. б̣алавабажжуусагаало, бханд̇зд̇и. д̇зна хи бхигкусан̇гхам̣ саннибаад̇зхийд̇и. саннибад̇ид̇о, бханд̇з, сан̇гход̇и. мам̣ угкибид̇ваа нисийд̣̇аабзхи жунд̣̇аад̇и угкибид̇ваа нисийд̣̇аабзси. т̇зро бхигкуу ааманд̇зси – ‘‘аавусо жад̇ужад̇д̇аалийсам̣ во вассаани маяаа сад̣̇д̇хим̣ вижаранд̇аанам̣ яам̣ мз гааяигам̣ ваа ваажасигам̣ ваа на рожзт̇а, камат̇а д̇ам̣ аавусод̇и. зд̇д̇агам̣, бханд̇з, амхаагам̣ чааяаа вияа д̇умхз амун̃жид̇ваа вижаранд̇аанам̣ аружжанагам̣ наама над̇т̇и, д̇умхз бана амхаагам̣ камат̇аад̇и. ат̇а т̇зро арун̣асикааяа бан̃н̃ааяамаанааяа махаабат̇авим̣ уннаад̣̇аяанд̇о анубаад̣̇исзсааяа ниб̣б̣аанад̇хаад̇уяаа бариниб̣б̣ааяи. б̣ахуу д̣̇звамануссаа т̇зрасса бариниб̣б̣аанз саггаарам̣ гарим̣су.

    Brāhmaṇī piyaputtassa dhammadesanāpariyosāne sotāpattiphale patiṭṭhāya puttaṃ āha – ‘‘tāta, upatissa, kasmā evamakāsi, evarūpaṃ nāma amataṃ mayhaṃ ettakaṃ kālaṃ na adāsī’’ti. Thero – ‘‘dinnaṃ dāni me mātu rūpasāriyā brāhmaṇiyā posāvanikamūlaṃ, ettakena vaṭṭissatī’’ti cintetvā ‘‘gaccha mahāupāsike’’ti brāhmaṇiṃ uyyojetvā ‘‘cunda kā velā’’ti āha. Balavapaccūsakālo, bhanteti. Tena hi bhikkhusaṅghaṃ sannipātehīti. Sannipatito, bhante, saṅghoti. Maṃ ukkhipitvā nisīdāpehi cundāti ukkhipitvā nisīdāpesi. Thero bhikkhū āmantesi – ‘‘āvuso catucattālīsaṃ vo vassāni mayā saddhiṃ vicarantānaṃ yaṃ me kāyikaṃ vā vācasikaṃ vā na rocetha, khamatha taṃ āvusoti. Ettakaṃ, bhante, amhākaṃ chāyā viya tumhe amuñcitvā vicarantānaṃ aruccanakaṃ nāma natthi, tumhe pana amhākaṃ khamathāti. Atha thero aruṇasikhāya paññāyamānāya mahāpathaviṃ unnādayanto anupādisesāya nibbānadhātuyā parinibbāyi. Bahū devamanussā therassa parinibbāne sakkāraṃ kariṃsu.

    ааяасмаа жунд̣̇о т̇зрасса бад̇д̇ажийваран̃жа д̇хаад̇убариссааванан̃жа г̇ахзд̇ваа ж̇зд̇аванам̣ г̇анд̇ваа аананд̣̇ад̇т̇зрам̣ г̇ахзд̇ваа бхаг̇аванд̇ам̣ убасан̇гами. бхаг̇аваа д̇хаад̇убариссааванам̣ г̇ахзд̇ваа бан̃жахи г̇аат̇аасад̇зхи т̇зрасса г̇ун̣ам̣ гат̇зд̇ваа д̇хаад̇ужзд̇ияам̣ гаараабзд̇ваа рааж̇аг̇ахаг̇аманад̇т̇ааяа аананд̣̇ад̇т̇зрасса сан̃н̃ам̣ ад̣̇ааси. т̇зро бхигкуунам̣ аарожзси. бхаг̇аваа махаабхигкусан̇гхабаривуд̇о рааж̇аг̇ахам̣ аг̇амааси. д̇ад̇т̇а г̇ад̇агаалз махаамог̇г̇аллаанад̇т̇зро бариниб̣б̣ааяи. бхаг̇аваа д̇асса д̇хаад̇уяо г̇ахзд̇ваа жзд̇ияам̣ гаараабзд̇ваа рааж̇аг̇ахад̇о нигкамид̇ваа анубуб̣б̣зна г̇ан̇г̇аабхимуко г̇анд̇ваа уггажзлам̣ аг̇амааси. д̇ад̇т̇а г̇ан̇г̇аад̇ийрз бхигкусан̇гхабаривуд̇о нисийд̣̇ид̇ваа д̇ад̇т̇а саарибуд̇д̇амог̇г̇аллаанаанам̣ бариниб̣б̣аанаббадисам̣яуд̇д̇ам̣ суд̇д̇ам̣ д̣̇зсзд̇ваа уггажзлад̇о нигкамид̇ваа взсаалим̣ аг̇амааси. звам̣ г̇ад̇з ат̇а ко бхаг̇аваа буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа взсаалим̣ бин̣д̣ааяа баависийд̇и аяамзд̇т̇а анубуб̣б̣ий гат̇аа.

    Āyasmā cundo therassa pattacīvarañca dhātuparissāvanañca gahetvā jetavanaṃ gantvā ānandattheraṃ gahetvā bhagavantaṃ upasaṅkami. Bhagavā dhātuparissāvanaṃ gahetvā pañcahi gāthāsatehi therassa guṇaṃ kathetvā dhātucetiyaṃ kārāpetvā rājagahagamanatthāya ānandattherassa saññaṃ adāsi. Thero bhikkhūnaṃ ārocesi. Bhagavā mahābhikkhusaṅghaparivuto rājagahaṃ agamāsi. Tattha gatakāle mahāmoggallānatthero parinibbāyi. Bhagavā tassa dhātuyo gahetvā cetiyaṃ kārāpetvā rājagahato nikkhamitvā anupubbena gaṅgābhimukho gantvā ukkacelaṃ agamāsi. Tattha gaṅgātīre bhikkhusaṅghaparivuto nisīditvā tattha sāriputtamoggallānānaṃ parinibbānappaṭisaṃyuttaṃ suttaṃ desetvā ukkacelato nikkhamitvā vesāliṃ agamāsi. Evaṃ gate atha kho bhagavā pubbaṇhasamayaṃ nivāsetvā pattacīvaramādāya vesāliṃ piṇḍāya pāvisīti ayamettha anupubbī kathā.

    нисийд̣̇ананд̇и зд̇т̇а жаммагкан̣д̣ам̣ ад̇хиббзд̇ам̣. уд̣̇знажзд̇ияанд̇и уд̣̇знаяагкасса жзд̇ияадтаанз гад̇авихааро вужжад̇и. г̇од̇амагаад̣̇ийсуби зсзва наяо. бхаавид̇аад̇и вад̣дхид̇аа. б̣ахулийгад̇аад̇и бунаббунам̣ гад̇аа. яаанийгад̇аад̇и яуд̇д̇аяаанам̣ вияа гад̇аа. вад̇т̇угад̇аад̇и бад̇идтаанадтзна вад̇т̇у вияа гад̇аа. анудтид̇аад̇и ад̇хидтид̇аа. барижид̇аад̇и саманд̇ад̇о жид̇аа сувад̣дхид̇аа. сусамаарад̣̇д̇хаад̇и судту самаарад̣̇д̇хаа.

    Nisīdananti ettha cammakkhaṇḍaṃ adhippetaṃ. Udenacetiyanti udenayakkhassa cetiyaṭṭhāne katavihāro vuccati. Gotamakādīsupi eseva nayo. Bhāvitāti vaḍḍhitā. Bahulīkatāti punappunaṃ katā. Yānīkatāti yuttayānaṃ viya katā. Vatthukatāti patiṭṭhānaṭṭhena vatthu viya katā. Anuṭṭhitāti adhiṭṭhitā. Paricitāti samantato citā suvaḍḍhitā. Susamāraddhāti suṭṭhu samāraddhā.

    ид̇и анияамзна гат̇зд̇ваа буна нияамзд̇ваа д̣̇ассзнд̇о д̇ат̇ааг̇ад̇асса код̇иаад̣̇имааха. зд̇т̇а жа габбанд̇и ааяугаббам̣. д̇асмим̣ д̇асмим̣ гаалз яам̣ мануссаанам̣ ааяуббамаан̣ам̣ ход̇и, д̇ам̣ барибун̣н̣ам̣ гаронд̇о д̇идтзяяа. габбаавасзсам̣ ваад̇и – ‘‘аббам̣ ваа бхияяо’’д̇и (д̣̇ий. ни. 2.7; а. ни. 6.74) вуд̇д̇авассасад̇ад̇о ад̇ирзгам̣ ваа. махаасийвад̇т̇зро банааха – ‘‘б̣уд̣̇д̇хаанам̣ адтаанз г̇аж̇ж̇ид̇ам̣ наама над̇т̇и. яат̇зва хи взл̣уваг̇аамагз уббаннам̣ мааран̣анд̇игам̣ взд̣̇анам̣ д̣̇аса маасз вигкамбхзд̇и, звам̣ бунаббунам̣ д̇ам̣ самаабад̇д̇им̣ самаабаж̇ж̇ид̇ваа д̣̇аса д̣̇аса маасз вигкамбхзнд̇о имам̣ бхад̣̇д̣̇агаббамзва д̇идтзяяа, гасмаа бана на тид̇од̇и? убаад̣̇иннагасарийрам̣ наама кан̣д̣ижжаад̣̇ийхи абхибхуяяад̇и, б̣уд̣̇д̇хаа жа кан̣д̣ижжаад̣̇ибхаавам̣ абад̇ваа бан̃жамз ааяугодтаасз б̣ахуж̇анасса бияаманаабагаалзязва бариниб̣б̣ааяанд̇и. б̣уд̣̇д̇хаануб̣уд̣̇д̇хзсу жа махаасаавагзсу бариниб̣б̣уд̇зсу згагзнзва каан̣угзна вияа таад̇аб̣б̣ам̣ ход̇и, д̣̇ахарасааман̣зрабариваарид̇зна ваа. д̇ад̇о – ‘ахо б̣уд̣̇д̇хаанам̣ барисаа’д̇и хийл̣зд̇аб̣б̣ад̇ам̣ аабаж̇ж̇зяяа. д̇асмаа на тид̇о’’д̇и. звам̣ вуд̇д̇зби со на ружжад̇и, ‘‘ааяугаббо’’д̇и ид̣̇амзва адтагат̇ааяам̣ нияамид̇ам̣.

    Iti aniyamena kathetvā puna niyametvā dassento tathāgatassa khotiādimāha. Ettha ca kappanti āyukappaṃ. Tasmiṃ tasmiṃ kāle yaṃ manussānaṃ āyuppamāṇaṃ hoti, taṃ paripuṇṇaṃ karonto tiṭṭheyya. Kappāvasesaṃ vāti – ‘‘appaṃ vā bhiyyo’’ti (dī. ni. 2.7; a. ni. 6.74) vuttavassasatato atirekaṃ vā. Mahāsīvatthero panāha – ‘‘buddhānaṃ aṭṭhāne gajjitaṃ nāma natthi. Yatheva hi veḷuvagāmake uppannaṃ māraṇantikaṃ vedanaṃ dasa māse vikkhambheti, evaṃ punappunaṃ taṃ samāpattiṃ samāpajjitvā dasa dasa māse vikkhambhento imaṃ bhaddakappameva tiṭṭheyya, kasmā pana na ṭhitoti? Upādinnakasarīraṃ nāma khaṇḍiccādīhi abhibhuyyati, buddhā ca khaṇḍiccādibhāvaṃ apatvā pañcame āyukoṭṭhāse bahujanassa piyamanāpakāleyeva parinibbāyanti. Buddhānubuddhesu ca mahāsāvakesu parinibbutesu ekakeneva khāṇukena viya ṭhātabbaṃ hoti, daharasāmaṇeraparivāritena vā. Tato – ‘aho buddhānaṃ parisā’ti hīḷetabbataṃ āpajjeyya. Tasmā na ṭhito’’ti. Evaṃ vuttepi so na ruccati, ‘‘āyukappo’’ti idameva aṭṭhakathāyaṃ niyamitaṃ.

    167. яат̇аа д̇ам̣ маарзна барияудтид̇ажид̇д̇од̇и зд̇т̇а д̇анд̇и нибаад̇амад̇д̇ам̣. яат̇аа маарзна барияудтид̇ажид̇д̇о аж̇жход̇т̇адажид̇д̇о ан̃н̃оби гожи бут̇уж̇ж̇ано бадивиж̇жхид̇ум̣ на саггун̣зяяа, звамзва наасагки бадивиж̇жхид̇унд̇и ад̇т̇о. гим̣ гааран̣аа? мааро хи яасса саб̣б̣зна саб̣б̣ам̣ д̣̇ваад̣̇аса вибаллаасаа аббахийнаа, д̇асса жид̇д̇ам̣ барияудтаад̇и. т̇зрасса жад̇д̇ааро вибаллаасаа аббахийнаа, д̇знасса мааро жид̇д̇ам̣ барияудтаад̇и. со бана жид̇д̇абарияудтаанам̣ гаронд̇о гим̣ гарод̇ийд̇и? бхзравам̣ руубаарамман̣ам̣ ваа д̣̇ассзд̇и, сад̣̇д̣̇аарамман̣ам̣ ваа саавзд̇и, д̇ад̇о сад̇д̇аа д̇ам̣ д̣̇исваа ваа суд̇ваа ваа сад̇им̣ виссаж̇ж̇зд̇ваа вивадамукаа хонд̇и. д̇зсам̣ мукзна хад̇т̇ам̣ бавзсзд̇ваа хад̣̇аяам̣ мад̣̇д̣̇ад̇и. д̇ад̇о висан̃н̃аава худ̇ваа д̇идтанд̇и. т̇зрасса банзса мукзна хад̇т̇ам̣ бавзсзд̇ум̣ гим̣ сагкиссад̇и ? бхзраваарамман̣ам̣ бана д̣̇ассзд̇и. д̇ам̣ д̣̇исваа т̇зро нимид̇д̇обхаасам̣ на бадивиж̇жхи. бхаг̇аваа ж̇аананд̇оязва – ‘‘гимад̇т̇ам̣ яаавад̇ад̇ияам̣ ааманд̇зсий’’д̇и? барад̇о ‘‘д̇идтад̇у, бханд̇з, бхаг̇аваа’’д̇и яаажид̇з ‘‘д̇уяхзвзд̇ам̣ д̣̇уггадам̣, д̇уяхзвзд̇ам̣ абарад̣̇д̇ха’’нд̇и д̣̇осааробанзна согад̇анугаран̣ад̇т̇ам̣.

    167.Yathā taṃ mārena pariyuṭṭhitacittoti ettha tanti nipātamattaṃ. Yathā mārena pariyuṭṭhitacitto ajjhotthaṭacitto aññopi koci puthujjano paṭivijjhituṃ na sakkuṇeyya, evameva nāsakkhi paṭivijjhitunti attho. Kiṃ kāraṇā? Māro hi yassa sabbena sabbaṃ dvādasa vipallāsā appahīnā, tassa cittaṃ pariyuṭṭhāti. Therassa cattāro vipallāsā appahīnā, tenassa māro cittaṃ pariyuṭṭhāti. So pana cittapariyuṭṭhānaṃ karonto kiṃ karotīti? Bheravaṃ rūpārammaṇaṃ vā dasseti, saddārammaṇaṃ vā sāveti, tato sattā taṃ disvā vā sutvā vā satiṃ vissajjetvā vivaṭamukhā honti. Tesaṃ mukhena hatthaṃ pavesetvā hadayaṃ maddati. Tato visaññāva hutvā tiṭṭhanti. Therassa panesa mukhena hatthaṃ pavesetuṃ kiṃ sakkhissati ? Bheravārammaṇaṃ pana dasseti. Taṃ disvā thero nimittobhāsaṃ na paṭivijjhi. Bhagavā jānantoyeva – ‘‘kimatthaṃ yāvatatiyaṃ āmantesī’’ti? Parato ‘‘tiṭṭhatu, bhante, bhagavā’’ti yācite ‘‘tuyhevetaṃ dukkaṭaṃ, tuyhevetaṃ aparaddha’’nti dosāropanena sokatanukaraṇatthaṃ.

    маараяаажанагат̇ааван̣н̣анаа

    Mārayācanakathāvaṇṇanā

    168. мааро баабимаад̇и зд̇т̇а маарод̇и сад̇д̇з анад̇т̇з нияож̇знд̇о маарзд̇ийд̇и мааро. баабимаад̇и д̇ассзва взважанам̣. со хи баабад̇хаммасаманнааг̇ад̇ад̇д̇аа ‘‘баабимаа’’д̇и вужжад̇и. ган̣хо, анд̇аго, намужи, бамад̇д̇аб̣анд̇хууд̇иби д̇ассзва наамаани. бхаасид̇аа ко банзсаад̇и аяан̃хи бхаг̇авад̇о самб̣од̇хибад̇д̇ияаа адтамз сад̇д̇аахз б̣од̇химан̣д̣зязва ааг̇анд̇ваа – ‘‘бхаг̇аваа яад̣̇ад̇т̇ам̣ д̇умхзхи баарамияо буурид̇аа, со во ад̇т̇о ануббад̇д̇о, бадивид̣̇д̇хам̣ саб̣б̣ан̃н̃уд̇ан̃н̃аан̣ам̣, гим̣ д̇з логавижааран̣знаа’’д̇и вад̇ваа, яат̇аа аж̇ж̇а , звамзва ‘‘бариниб̣б̣аад̇у д̣̇аани, бханд̇з, бхаг̇аваа’’д̇и яаажи. бхаг̇аваа жасса – ‘‘на д̇аавааха’’нд̇иаад̣̇ийни вад̇ваа бадигкиби. д̇ам̣ санд̇хааяа ‘‘бхаасид̇аа ко банзсаа бханд̇з’’д̇иаад̣̇имааха.

    168.Māro pāpimāti ettha māroti satte anatthe niyojento māretīti māro. Pāpimāti tasseva vevacanaṃ. So hi pāpadhammasamannāgatattā ‘‘pāpimā’’ti vuccati. Kaṇho, antako, namuci, pamattabandhūtipi tasseva nāmāni. Bhāsitā kho panesāti ayañhi bhagavato sambodhipattiyā aṭṭhame sattāhe bodhimaṇḍeyeva āgantvā – ‘‘bhagavā yadatthaṃ tumhehi pāramiyo pūritā, so vo attho anuppatto, paṭividdhaṃ sabbaññutaññāṇaṃ, kiṃ te lokavicāraṇenā’’ti vatvā, yathā ajja , evameva ‘‘parinibbātu dāni, bhante, bhagavā’’ti yāci. Bhagavā cassa – ‘‘na tāvāha’’ntiādīni vatvā paṭikkhipi. Taṃ sandhāya ‘‘bhāsitā kho panesā bhante’’tiādimāha.

    д̇ад̇т̇а вияад̇д̇аад̇и маг̇г̇авасзна вияад̇д̇аа. д̇ат̇зва винийд̇аа д̇ат̇аа висаарад̣̇аа. б̣ахуссуд̇аад̇и д̇збидагавасзна б̣аху суд̇амзд̇зсанд̇и б̣ахуссуд̇аа. д̇амзва д̇хаммам̣ д̇хаарзнд̇ийд̇и д̇хаммад̇хараа. ат̇аваа барияад̇д̇иб̣ахуссуд̇аа жзва бадивзд̇хаб̣ахуссуд̇аа жа. барияад̇д̇ибадивзд̇хад̇хаммаанам̣язва д̇хааран̣ад̇о д̇хаммад̇хараад̇и звамзд̇т̇а ад̇т̇о д̣̇адтаб̣б̣о. д̇хаммаануд̇хаммабадибаннаад̇и арияад̇хаммасса ануд̇хаммабхууд̇ам̣ вибассанаад̇хаммам̣ бадибаннаа. саамийжиббадибаннаад̇и анужчавигабадибад̣̇ам̣ бадибаннаа. ануд̇хаммажааринод̇и ануд̇хаммажаран̣асийлаа. сагам̣ аажарияаганд̇и ад̇д̇ано аажарияаваад̣̇ам̣. аажигкиссанд̇ийд̇иаад̣̇ийни саб̣б̣аани ан̃н̃аман̃н̃асса взважанаани. сахад̇хаммзнаад̇и сахзд̇угзна сагааран̣зна важанзна. саббаадихаарияанд̇и яаава на нияяаанигам̣ гад̇ваа д̇хаммам̣ д̣̇зсзссанд̇и.

    Tattha viyattāti maggavasena viyattā. Tatheva vinītā tathā visāradā. Bahussutāti tepiṭakavasena bahu sutametesanti bahussutā. Tameva dhammaṃ dhārentīti dhammadharā. Athavā pariyattibahussutā ceva paṭivedhabahussutā ca. Pariyattipaṭivedhadhammānaṃyeva dhāraṇato dhammadharāti evamettha attho daṭṭhabbo. Dhammānudhammapaṭipannāti ariyadhammassa anudhammabhūtaṃ vipassanādhammaṃ paṭipannā. Sāmīcippaṭipannāti anucchavikapaṭipadaṃ paṭipannā. Anudhammacārinoti anudhammacaraṇasīlā. Sakaṃ ācariyakanti attano ācariyavādaṃ. Ācikkhissantītiādīni sabbāni aññamaññassa vevacanāni. Sahadhammenāti sahetukena sakāraṇena vacanena. Sappāṭihāriyanti yāva na niyyānikaṃ katvā dhammaṃ desessanti.

    б̣рахмажарияанд̇и сигкад̇д̇аяасан̇г̇ахид̇ам̣ сагалам̣ саасанаб̣рахмажарияам̣. ид̣̇д̇ханд̇и самид̣̇д̇хам̣ жхаанассаад̣̇авасзна. пийд̇анд̇и вуд̣̇д̇хиббад̇д̇ам̣ саб̣б̣апаалипуллам̣ вияа абхин̃н̃ааяа самбад̇д̇ивасзна. вид̇т̇аариганд̇и вид̇т̇ад̇ам̣ д̇асмим̣ д̇асмим̣ д̣̇исаабхааг̇з бад̇идтид̇авасзна. б̣аахуж̇ан̃н̃анд̇и б̣ахуж̇анзхи н̃аад̇ам̣ бадивид̣̇д̇хам̣ махааж̇анаабхисамаяавасзна. бут̇убхууд̇анд̇и саб̣б̣аагааравасзна бут̇улабхааваббад̇д̇ам̣. гат̇ам̣? яаава д̣̇звамануссзхи суббагаасид̇анд̇и яад̇д̇агаа вин̃н̃уж̇аад̇игаа д̣̇зваа жзва мануссаа жа ад̇т̇и саб̣б̣зхи судту багаасид̇анд̇и ад̇т̇о.

    Brahmacariyanti sikkhattayasaṅgahitaṃ sakalaṃ sāsanabrahmacariyaṃ. Iddhanti samiddhaṃ jhānassādavasena. Phītanti vuddhippattaṃ sabbaphāliphullaṃ viya abhiññāya sampattivasena. Vitthārikanti vitthataṃ tasmiṃ tasmiṃ disābhāge patiṭṭhitavasena. Bāhujaññanti bahujanehi ñātaṃ paṭividdhaṃ mahājanābhisamayavasena. Puthubhūtanti sabbākāravasena puthulabhāvappattaṃ. Kathaṃ? Yāva devamanussehisuppakāsitanti yattakā viññujātikā devā ceva manussā ca atthi sabbehi suṭṭhu pakāsitanti attho.

    аббоссуггод̇и нираалаяо. д̇ван̃хи баабима, адтамасад̇д̇аахад̇о бадтааяа – ‘‘бариниб̣б̣аад̇у д̣̇аани, бханд̇з, бхаг̇аваа бариниб̣б̣аад̇у, суг̇ад̇о’’д̇и вираванд̇о аахин̣д̣ид̇т̇а. аж̇ж̇а д̣̇аани бадтааяа виг̇ад̇уссаахо хохи; маа маяхам̣ бариниб̣б̣аанад̇т̇ам̣ вааяаамам̣ гарохийд̇и вад̣̇ад̇и.

    Appossukkoti nirālayo. Tvañhi pāpima, aṭṭhamasattāhato paṭṭhāya – ‘‘parinibbātu dāni, bhante, bhagavā parinibbātu, sugato’’ti viravanto āhiṇḍittha. Ajja dāni paṭṭhāya vigatussāho hohi; mā mayhaṃ parinibbānatthaṃ vāyāmaṃ karohīti vadati.

    ааяусан̇каараоссаж̇ж̇анаван̣н̣анаа

    Āyusaṅkhāraossajjanavaṇṇanā

    169. сад̇о самбаж̇аано ааяусан̇каарам̣ оссаж̇ийд̇и сад̇им̣ суубадтид̇ам̣ гад̇ваа н̃аан̣зна барижчинд̣̇ид̇ваа ааяусан̇каарам̣ виссаж̇ж̇и, баж̇ахи. д̇ад̇т̇а на бхаг̇аваа хад̇т̇зна лзд̣д̣ум̣ вияа ааяусан̇каарам̣ оссаж̇и, д̇змаасамад̇д̇амзва бана самаабад̇д̇им̣ самаабаж̇ж̇ид̇ваа д̇ад̇о барам̣ на самаабаж̇ж̇иссаамийд̇и жид̇д̇ам̣ уббаад̣̇зси. д̇ам̣ санд̇хааяа вуд̇д̇ам̣ – ‘‘оссаж̇ий’’д̇и. ‘‘уссаж̇ж̇ий’’д̇и би баато. махаабхуумижаалод̇и маханд̇о бат̇авийгамбо. д̇ад̣̇аа гира д̣̇асасахассий логад̇хаад̇у гамбид̇т̇а. бхим̣санагод̇и бхаяаж̇анаго. д̣̇звад̣̇унд̣̇убхияо жа палим̣сууд̇и д̣̇звабхзрияо палим̣су, д̣̇зво сугкаг̇аж̇ж̇ид̇ам̣ г̇аж̇ж̇и, агаалавиж̇ж̇улад̇аа нижчарим̣су, кан̣игавассам̣ вассийд̇и вуд̇д̇ам̣ ход̇и.

    169.Sato sampajāno āyusaṅkhāraṃ ossajīti satiṃ sūpaṭṭhitaṃ katvā ñāṇena paricchinditvā āyusaṅkhāraṃ vissajji, pajahi. Tattha na bhagavā hatthena leḍḍuṃ viya āyusaṅkhāraṃ ossaji, temāsamattameva pana samāpattiṃ samāpajjitvā tato paraṃ na samāpajjissāmīti cittaṃ uppādesi. Taṃ sandhāya vuttaṃ – ‘‘ossajī’’ti. ‘‘Ussajjī’’ti pi pāṭho. Mahābhūmicāloti mahanto pathavīkampo. Tadā kira dasasahassī lokadhātu kampittha. Bhiṃsanakoti bhayajanako. Devadundubhiyo ca phaliṃsūti devabheriyo phaliṃsu, devo sukkhagajjitaṃ gajji, akālavijjulatā nicchariṃsu, khaṇikavassaṃ vassīti vuttaṃ hoti.

    уд̣̇аанам̣ уд̣̇аанзсийд̇и гасмаа уд̣̇аанзси? гожи наама вад̣̇зяяа – ‘‘бхаг̇аваа бажчад̇о бажчад̇о ануб̣анд̇хид̇ваа – ‘бариниб̣б̣ааяат̇а, бханд̇з, бариниб̣б̣ааяат̇а, бханд̇з’д̇и убад̣̇д̣̇уд̇о бхаязна ааяусан̇каарам̣ виссаж̇ж̇зсий’’д̇и. ‘‘д̇ассогаасо маа ход̇у, бхийд̇асса уд̣̇аанам̣ наама над̇т̇ий’’д̇и зд̇асса д̣̇ийбанад̇т̇ам̣ бийд̇ивзг̇ависсадтам̣ уд̣̇аанам̣ уд̣̇аанзси.

    Udānaṃ udānesīti kasmā udānesi? Koci nāma vadeyya – ‘‘bhagavā pacchato pacchato anubandhitvā – ‘parinibbāyatha, bhante, parinibbāyatha, bhante’ti upadduto bhayena āyusaṅkhāraṃ vissajjesī’’ti. ‘‘Tassokāso mā hotu, bhītassa udānaṃ nāma natthī’’ti etassa dīpanatthaṃ pītivegavissaṭṭhaṃ udānaṃ udānesi.

    д̇ад̇т̇а саб̣б̣зсам̣ сон̣асин̇г̇аалаад̣̇ийнамби бажжагкабхаавад̇о д̇улид̇ам̣ барижчиннанд̇и д̇улам̣. гим̣ д̇ам̣? гаамааважарагаммам̣. на д̇улам̣, на ваа д̇улам̣ сад̣̇исамасса ан̃н̃ам̣ логияам̣ гаммам̣ ад̇т̇ийд̇и ад̇улам̣. гим̣ д̇ам̣? махаг̇г̇ад̇агаммам̣. ат̇аваа гаамааважараруубааважарам̣ д̇улам̣, аруубааважарам̣ ад̇улам̣. аббавибаагам̣ ваа д̇улам̣, б̣ахувибаагам̣ ад̇улам̣. самбхаванд̇и самбхавасса хзд̇убхууд̇ам̣, бин̣д̣агаарагам̣ раасигаараганд̇и ад̇т̇о. бхавасан̇кааранд̇и бунаб̣бхавасан̇кааран̣агам̣. авассаж̇ийд̇и виссаж̇ж̇зси. мунийд̇и б̣уд̣̇д̇хамуни. аж̇жхад̇д̇арад̇од̇и нияагаж̇жхад̇д̇арад̇о. самаахид̇од̇и убажаараббанаасамаад̇хивасзна самаахид̇о. абхинд̣̇и гаважамиваад̇и гаважам̣ вияа абхинд̣̇и. ад̇д̇асамбхаванд̇и ад̇д̇ани сан̃ж̇аад̇ам̣ гилзсам̣. ид̣̇ам̣ вуд̇д̇ам̣ ход̇и – ‘‘савибаагадтзна самбхавам̣, бхаваабхисан̇кааран̣адтзна бхавасан̇кааранд̇и жа лад̣̇д̇ханаамам̣ д̇улаад̇уласан̇каад̇ам̣ логияагамман̃жа оссаж̇и. сан̇г̇аамасийсз махааяод̇хо гаважам̣ вияа ад̇д̇асамбхавам̣ гилзсан̃жа аж̇жхад̇д̇арад̇о самаахид̇о худ̇ваа абхинд̣̇ий’’д̇и.

    Tattha sabbesaṃ soṇasiṅgālādīnampi paccakkhabhāvato tulitaṃ paricchinnanti tulaṃ. Kiṃ taṃ? Kāmāvacarakammaṃ. Na tulaṃ, na vā tulaṃ sadisamassa aññaṃ lokiyaṃ kammaṃ atthīti atulaṃ. Kiṃ taṃ? Mahaggatakammaṃ. Athavā kāmāvacararūpāvacaraṃ tulaṃ, arūpāvacaraṃ atulaṃ. Appavipākaṃ vā tulaṃ, bahuvipākaṃ atulaṃ. Sambhavanti sambhavassa hetubhūtaṃ, piṇḍakārakaṃ rāsikārakanti attho. Bhavasaṅkhāranti punabbhavasaṅkhāraṇakaṃ. Avassajīti vissajjesi. Munīti buddhamuni. Ajjhattaratoti niyakajjhattarato. Samāhitoti upacārappanāsamādhivasena samāhito. Abhindi kavacamivāti kavacaṃ viya abhindi. Attasambhavanti attani sañjātaṃ kilesaṃ. Idaṃ vuttaṃ hoti – ‘‘savipākaṭṭhena sambhavaṃ, bhavābhisaṅkhāraṇaṭṭhena bhavasaṅkhāranti ca laddhanāmaṃ tulātulasaṅkhātaṃ lokiyakammañca ossaji. Saṅgāmasīse mahāyodho kavacaṃ viya attasambhavaṃ kilesañca ajjhattarato samāhito hutvā abhindī’’ti.

    ат̇а ваа д̇уланд̇и д̇улзнд̇о д̇ийрзнд̇о. ад̇улан̃жа самбхаванд̇и ниб̣б̣аанан̃жзва самбхаван̃жа. бхавасан̇кааранд̇и бхаваг̇аамигаммам̣. авассаж̇и мунийд̇и ‘‘бан̃жагканд̇хаа анижжаа, бан̃жаннам̣ канд̇хаанам̣ нирод̇хо ниб̣б̣аанам̣ нижжа’’нд̇иаад̣̇инаа (бади. ма. 3.38) наязна д̇улаяанд̇о б̣уд̣̇д̇хамуни бхавз аад̣̇ийнавам̣, ниб̣б̣аанз жа аанисам̣сам̣ д̣̇исваа д̇ам̣ канд̇хаанам̣ муулабхууд̇ам̣ бхавасан̇каарагаммам̣ – ‘‘гаммагкаяааяа сам̣вад̇д̇ад̇ий’’д̇и (ма. ни. 2.81) звам̣ вуд̇д̇зна гаммагкаяагарзна арияамаг̇г̇зна авассаж̇и. гат̇ам̣? аж̇жхад̇д̇арад̇о самаахид̇о абхинд̣̇и гаважамива ад̇д̇ани самбхавам̣. со хи вибассанаавасзна аж̇жхад̇д̇арад̇о самат̇авасзна самаахид̇од̇и звам̣ буб̣б̣абхааг̇ад̇о бадтааяа самат̇авибассанааб̣алзна гаважамива ад̇д̇абхаавам̣ барияонанд̇хид̇ваа тид̇ам̣, ад̇д̇ани самбхавад̇д̇аа ‘‘ад̇д̇асамбхава’’нд̇и лад̣̇д̇ханаамам̣ саб̣б̣агилзсаж̇аалам̣ абхинд̣̇и. гилзсаабхаавзна жа гад̇агаммам̣ аббадисанд̇хигад̇д̇аа авассадтам̣ наама ход̇ийд̇и звам̣ гилзсаббахаанзна гаммам̣ баж̇ахи, бахийнагилзсасса жа бхаяам̣ наама над̇т̇и, д̇асмаа абхийд̇ова ааяусан̇каарам̣ оссаж̇и, абхийд̇абхааван̃аабанад̇т̇ан̃жа уд̣̇аанам̣ уд̣̇аанзсийд̇и взд̣̇ид̇аб̣б̣о.

    Atha vā tulanti tulento tīrento. Atulañca sambhavanti nibbānañceva sambhavañca. Bhavasaṅkhāranti bhavagāmikammaṃ. Avassaji munīti ‘‘pañcakkhandhā aniccā, pañcannaṃ khandhānaṃ nirodho nibbānaṃ nicca’’ntiādinā (paṭi. ma. 3.38) nayena tulayanto buddhamuni bhave ādīnavaṃ, nibbāne ca ānisaṃsaṃ disvā taṃ khandhānaṃ mūlabhūtaṃ bhavasaṅkhārakammaṃ – ‘‘kammakkhayāya saṃvattatī’’ti (ma. ni. 2.81) evaṃ vuttena kammakkhayakarena ariyamaggena avassaji. Kathaṃ? Ajjhattarato samāhito abhindi kavacamiva attani sambhavaṃ. So hi vipassanāvasena ajjhattarato samathavasena samāhitoti evaṃ pubbabhāgato paṭṭhāya samathavipassanābalena kavacamiva attabhāvaṃ pariyonandhitvā ṭhitaṃ, attani sambhavattā ‘‘attasambhava’’nti laddhanāmaṃ sabbakilesajālaṃ abhindi. Kilesābhāvena ca katakammaṃ appaṭisandhikattā avassaṭṭhaṃ nāma hotīti evaṃ kilesappahānena kammaṃ pajahi, pahīnakilesassa ca bhayaṃ nāma natthi, tasmā abhītova āyusaṅkhāraṃ ossaji, abhītabhāvañāpanatthañca udānaṃ udānesīti veditabbo.

    махаабхуумижаалаван̣н̣анаа

    Mahābhūmicālavaṇṇanā

    171. яам̣ махааваад̇аад̇и язна самаязна яасмим̣ ваа самаяз махааваад̇аа вааяанд̇и, махааваад̇аа вааяанд̇ааби угкзбагаваад̇аа наама удтаханд̇и, д̇з вааяанд̇аа садтисахассаад̇хиганаваяож̇анасад̇асахассаб̣ахалам̣ уд̣̇агасанд̇хаарагам̣ ваад̇ам̣ убажчинд̣̇анд̇и, д̇ад̇о аагаасз уд̣̇агам̣ бхассад̇и, д̇асмим̣ бхассанд̇з бат̇авий бхассад̇и. буна ваад̇о ад̇д̇ано б̣алзна анд̇од̇хамагаран̣з вияа уд̣̇агам̣ ааб̣анд̇хид̇ваа г̇ан̣хаад̇и, д̇ад̇о уд̣̇агам̣ уг̇г̇ажчад̇и, д̇асмим̣ уг̇г̇ажчанд̇з бат̇авий уг̇г̇ажчад̇и. звам̣ уд̣̇агам̣ гамбид̇ам̣ бат̇авим̣ гамбзд̇и. зд̇ан̃жа гамбанам̣ яаава аж̇ж̇агаалааби ход̇иязва, б̣ахалабхаавзна бана на ог̇ажчануг̇г̇ажчанам̣ бан̃н̃ааяад̇и.

    171.Yaṃ mahāvātāti yena samayena yasmiṃ vā samaye mahāvātā vāyanti, mahāvātā vāyantāpi ukkhepakavātā nāma uṭṭhahanti, te vāyantā saṭṭhisahassādhikanavayojanasatasahassabahalaṃ udakasandhārakaṃ vātaṃ upacchindanti, tato ākāse udakaṃ bhassati, tasmiṃ bhassante pathavī bhassati. Puna vāto attano balena antodhamakaraṇe viya udakaṃ ābandhitvā gaṇhāti, tato udakaṃ uggacchati, tasmiṃ uggacchante pathavī uggacchati. Evaṃ udakaṃ kampitaṃ pathaviṃ kampeti. Etañca kampanaṃ yāva ajjakālāpi hotiyeva, bahalabhāvena pana na ogacchanuggacchanaṃ paññāyati.

    махид̣̇д̇хиго махаанубхаавод̇и иж̇жханасса маханд̇ад̇ааяа махид̣̇д̇хиго, анубхавид̇аб̣б̣асса маханд̇ад̇ааяа махаанубхааво. барид̇д̇аад̇и д̣̇уб̣б̣алаа. аббамаан̣аад̇и б̣алаваа. со имам̣ бат̇авим̣ гамбзд̇ийд̇и со ид̣̇д̇хим̣ ниб̣б̣ад̇д̇зд̇ваа сам̣взж̇знд̇о махаамог̇г̇аллаано вияа, виймам̣санд̇о ваа махаанааг̇ад̇т̇зрасса бхааг̇инзяяо сан̇гхарагкид̇асааман̣зро вияа бат̇авим̣ гамбзд̇и. со гирааяасмаа кураг̇г̇зязва арахад̇д̇ам̣ бад̇ваа жинд̇зси – ‘‘ад̇т̇и ну ко гожи бхигку, язна баб̣б̣аж̇ид̇ад̣̇ивасзязва арахад̇д̇ам̣ бад̇ваа взж̇аяанд̇о баасаад̣̇о гамбид̇абуб̣б̣о’’д̇и? д̇ад̇о – ‘‘над̇т̇и гожий’’д̇и н̃ад̇ваа – ‘‘ахам̣ гамбзссаамий’’д̇и абхин̃н̃ааб̣алзна взж̇аяанд̇амад̇т̇агз тад̇ваа баад̣̇зна бахарид̇ваа гамбзд̇ум̣ наасагки. ат̇а нам̣ саггасса наадагид̇т̇ияо аахам̣су – ‘‘буд̇д̇а сан̇гхарагкид̇а, д̇вам̣ бууд̇иг̇анд̇хзнзва сийсзна взж̇аяанд̇ам̣ гамбзд̇ум̣ ижчаси, суббад̇идтид̇о д̇аад̇а баасаад̣̇о, гат̇ам̣ гамбзд̇ум̣ сагкиссасий’’д̇и?

    Mahiddhiko mahānubhāvoti ijjhanassa mahantatāya mahiddhiko, anubhavitabbassa mahantatāya mahānubhāvo. Parittāti dubbalā. Appamāṇāti balavā. So imaṃ pathaviṃ kampetīti so iddhiṃ nibbattetvā saṃvejento mahāmoggallāno viya, vīmaṃsanto vā mahānāgattherassa bhāgineyyo saṅgharakkhitasāmaṇero viya pathaviṃ kampeti. So kirāyasmā khuraggeyeva arahattaṃ patvā cintesi – ‘‘atthi nu kho koci bhikkhu, yena pabbajitadivaseyeva arahattaṃ patvā vejayanto pāsādo kampitapubbo’’ti? Tato – ‘‘natthi kocī’’ti ñatvā – ‘‘ahaṃ kampessāmī’’ti abhiññābalena vejayantamatthake ṭhatvā pādena paharitvā kampetuṃ nāsakkhi. Atha naṃ sakkassa nāṭakitthiyo āhaṃsu – ‘‘putta saṅgharakkhita, tvaṃ pūtigandheneva sīsena vejayantaṃ kampetuṃ icchasi, suppatiṭṭhito tāta pāsādo, kathaṃ kampetuṃ sakkhissasī’’ti?

    сааман̣зро – ‘‘имаа д̣̇звад̇аа маяаа сад̣̇д̇хим̣ гзл̣им̣ гаронд̇и, ахам̣ ко бана аажарияам̣ наалад̇т̇ам̣, гахам̣ ну ко мз аажарияо саамуд̣̇д̣̇игамахаанааг̇ад̇т̇зро’’д̇и ааваж̇ж̇знд̇о махаасамуд̣̇д̣̇з уд̣̇агалзн̣ам̣ маабзд̇ваа д̣̇иваавихаарам̣ нисиннод̇и н̃ад̇ваа д̇ад̇т̇а г̇анд̇ваа т̇зрам̣ ванд̣̇ид̇ваа адтааси. д̇ад̇о нам̣ т̇зро – ‘‘гим̣, д̇аад̇а сан̇гхарагкид̇а, асигкид̇ваава яуд̣̇д̇хам̣ бавидтосий’’д̇и вад̇ваа ‘‘наасагки, д̇аад̇а, взж̇аяанд̇ам̣ гамбзд̇у’’нд̇и бужчи. аажарияам̣, бханд̇з, наалад̇т̇анд̇и. ат̇а нам̣ т̇зро – ‘‘д̇аад̇а д̇умхаад̣̇исз агамбзнд̇з го ан̃н̃о гамбзссад̇и. д̣̇идтабуб̣б̣ам̣ д̇з, д̇аад̇а, уд̣̇агабидтз г̇омаяакан̣д̣ам̣ билаванд̇ам̣, д̇аад̇а, габаллагабуувам̣ бажанд̇аа анд̇анд̇зна барижчинд̣̇анд̇и, иминаа обаммзна ж̇аанаахий’’д̇и ааха. со – ‘‘ваддиссад̇и, бханд̇з, зд̇д̇агзнаа’’д̇и вад̇ваа баасаад̣̇зна бад̇идтид̇огаасам̣ уд̣̇агам̣ ход̇ууд̇и ад̇хидтааяа взж̇аяанд̇аабхимуко аг̇амааси.

    Sāmaṇero – ‘‘imā devatā mayā saddhiṃ keḷiṃ karonti, ahaṃ kho pana ācariyaṃ nālatthaṃ, kahaṃ nu kho me ācariyo sāmuddikamahānāgatthero’’ti āvajjento mahāsamudde udakaleṇaṃ māpetvā divāvihāraṃ nisinnoti ñatvā tattha gantvā theraṃ vanditvā aṭṭhāsi. Tato naṃ thero – ‘‘kiṃ, tāta saṅgharakkhita, asikkhitvāva yuddhaṃ paviṭṭhosī’’ti vatvā ‘‘nāsakkhi, tāta, vejayantaṃ kampetu’’nti pucchi. Ācariyaṃ, bhante, nālatthanti. Atha naṃ thero – ‘‘tāta tumhādise akampente ko añño kampessati. Diṭṭhapubbaṃ te, tāta, udakapiṭṭhe gomayakhaṇḍaṃ pilavantaṃ, tāta, kapallakapūvaṃ pacantā antantena paricchindanti, iminā opammena jānāhī’’ti āha. So – ‘‘vaṭṭissati, bhante, ettakenā’’ti vatvā pāsādena patiṭṭhitokāsaṃ udakaṃ hotūti adhiṭṭhāya vejayantābhimukho agamāsi.

    д̣̇звад̇хийд̇аро д̇ам̣ д̣̇исваа – ‘‘згаваарам̣ лаж̇ж̇ид̇ваа г̇ад̇о, бунаби сааман̣зро зд̇и, бунаби зд̇ий’’д̇и вад̣̇им̣су. сагго д̣̇зварааж̇аа – ‘‘маа маяхам̣ буд̇д̇зна сад̣̇д̇хим̣ гат̇аяид̇т̇а, ид̣̇аани д̇зна аажарияо лад̣̇д̇хо, кан̣зна баасаад̣̇ам̣ гамбзссад̇ий’’д̇и ааха. сааман̣зроби баад̣̇ан̇г̇удтзна баасаад̣̇ат̇уубигам̣ бахари. баасаад̣̇о жад̇уухи д̣̇исаахи он̣амад̇и. д̣̇звад̇аа – ‘‘бад̇идтаад̇ум̣ д̣̇зхи, д̇аад̇а, баасаад̣̇асса бад̇идтаад̇ум̣ д̣̇зхи, д̇аад̇а, баасаад̣̇ассаа’’д̇и виравим̣су. сааман̣зро баасаад̣̇ам̣ яат̇аатаанз табзд̇ваа баасаад̣̇амад̇т̇агз тад̇ваа уд̣̇аанам̣ уд̣̇аанзси –

    Devadhītaro taṃ disvā – ‘‘ekavāraṃ lajjitvā gato, punapi sāmaṇero eti, punapi etī’’ti vadiṃsu. Sakko devarājā – ‘‘mā mayhaṃ puttena saddhiṃ kathayittha, idāni tena ācariyo laddho, khaṇena pāsādaṃ kampessatī’’ti āha. Sāmaṇeropi pādaṅguṭṭhena pāsādathūpikaṃ pahari. Pāsādo catūhi disāhi oṇamati. Devatā – ‘‘patiṭṭhātuṃ dehi, tāta, pāsādassa patiṭṭhātuṃ dehi, tāta, pāsādassā’’ti viraviṃsu. Sāmaṇero pāsādaṃ yathāṭhāne ṭhapetvā pāsādamatthake ṭhatvā udānaṃ udānesi –

    ‘‘аж̇ж̇зваахам̣ баб̣б̣аж̇ид̇о, аж̇ж̇а бад̇д̇аасавагкаяам̣;

    ‘‘Ajjevāhaṃ pabbajito, ajja pattāsavakkhayaṃ;

    аж̇ж̇а гамбзми баасаад̣̇ам̣, ахо б̣уд̣̇д̇хассул̣аарад̇аа.

    Ajja kampemi pāsādaṃ, aho buddhassuḷāratā.

    аж̇ж̇зваахам̣ баб̣б̣аж̇ид̇о…бз… ахо д̇хаммассул̣аарад̇аа.

    Ajjevāhaṃ pabbajito…pe… aho dhammassuḷāratā.

    аж̇ж̇зваахам̣ баб̣б̣аж̇ид̇о…бз… ахо сан̇гхассул̣аарад̇аад̇и.

    Ajjevāhaṃ pabbajito…pe… aho saṅghassuḷāratāti.

    ид̇о барзсу часу бат̇авийгамбзсу яам̣ вад̇д̇аб̣б̣ам̣, д̇ам̣ махаабад̣̇аанз вуд̇д̇амзва.

    Ito paresu chasu pathavīkampesu yaṃ vattabbaṃ, taṃ mahāpadāne vuttameva.

    ид̇и имзсу адтасу бат̇авийгамбзсу батамо д̇хаад̇угобзна, д̣̇уд̇ияо ид̣̇д̇хаанубхаавзна, д̇ад̇ияажад̇уд̇т̇аа бун̃н̃ад̇зж̇зна, бан̃жамо н̃аан̣ад̇зж̇зна, чадто саад̇хугаарад̣̇аанавасзна, сад̇д̇амо гаарун̃н̃абхаавзна, адтамо аарод̣̇анзна. маад̇угужчим̣ оггаманд̇з жа д̇ад̇о нигкаманд̇з жа махаасад̇д̇з д̇асса бун̃н̃ад̇зж̇зна бат̇авий агамбид̇т̇а. абхисамб̣од̇хияам̣ н̃аан̣ад̇зж̇зна абхихад̇аа худ̇ваа агамбид̇т̇а. д̇хаммажаггаббавад̇д̇анз саад̇хугаарабхаавасан̣тид̇аа саад̇хугаарам̣ д̣̇ад̣̇амаанаа агамбид̇т̇а. ааяусан̇каароссаж̇ж̇анз гаарун̃н̃асабхаавасан̣тид̇аа жид̇д̇асан̇кобхам̣ асахамаанаа агамбид̇т̇а. бариниб̣б̣аанз аарод̣̇анавзг̇ад̇уннаа худ̇ваа агамбид̇т̇а. аяам̣ банад̇т̇о бат̇авийд̣̇звад̇ааяа васзна взд̣̇ид̇аб̣б̣о, махаабхууд̇абат̇авияаа банзд̇ам̣ над̇т̇и ажзд̇анад̇д̇аад̇и.

    Iti imesu aṭṭhasu pathavīkampesu paṭhamo dhātukopena, dutiyo iddhānubhāvena, tatiyacatutthā puññatejena, pañcamo ñāṇatejena, chaṭṭho sādhukāradānavasena, sattamo kāruññabhāvena, aṭṭhamo ārodanena. Mātukucchiṃ okkamante ca tato nikkhamante ca mahāsatte tassa puññatejena pathavī akampittha. Abhisambodhiyaṃ ñāṇatejena abhihatā hutvā akampittha. Dhammacakkappavattane sādhukārabhāvasaṇṭhitā sādhukāraṃ dadamānā akampittha. Āyusaṅkhārossajjane kāruññasabhāvasaṇṭhitā cittasaṅkhobhaṃ asahamānā akampittha. Parinibbāne ārodanavegatunnā hutvā akampittha. Ayaṃ panattho pathavīdevatāya vasena veditabbo, mahābhūtapathaviyā panetaṃ natthi acetanattāti.

    имз ко, аананд̣̇а, адта хзд̇ууд̇и зд̇т̇а имзд̇и нид̣̇д̣̇идтанид̣̇ассанам̣. зд̇д̇аавад̇аа жа банааяасмаа аананд̣̇о – ‘‘ад̣̇д̇хаа аж̇ж̇а бхаг̇авад̇аа ааяусан̇кааро оссадто’’д̇и саллагкзси. бхаг̇аваа бана саллагкид̇абхаавам̣ ж̇аананд̇оби огаасам̣ ад̣̇ад̇ваава ан̃н̃ааниби адтагаани самбин̣д̣знд̇о – ‘‘адта ко имаа’’д̇иаад̣̇имааха.

    Ime kho, ānanda, aṭṭha hetūti ettha imeti niddiṭṭhanidassanaṃ. Ettāvatā ca panāyasmā ānando – ‘‘addhā ajja bhagavatā āyusaṅkhāro ossaṭṭho’’ti sallakkhesi. Bhagavā pana sallakkhitabhāvaṃ jānantopi okāsaṃ adatvāva aññānipi aṭṭhakāni sampiṇḍento – ‘‘aṭṭha kho imā’’tiādimāha.

    адтабарисаван̣н̣анаа

    Aṭṭhaparisavaṇṇanā

    172. д̇ад̇т̇а анзгасад̇ам̣ кад̇д̇ияабарисанд̇и б̣имб̣исаарасамааг̇аман̃аад̇исамааг̇алижчавийсамааг̇амаад̣̇исад̣̇исам̣, саа бана ан̃н̃зсу жаггаваал̣зсуби лаб̣бхад̇зязва. саллабид̇абуб̣б̣анд̇и аалаабасаллаабо гад̇абуб̣б̣о. саагажчаад̇и д̇хаммасаагажчааби самаабаж̇ж̇ид̇абуб̣б̣аа. яаад̣̇исаго д̇зсам̣ ван̣н̣од̇и д̇з од̣̇аад̇ааби хонд̇и гаал̣ааби ман̇г̇уражчавийби, сад̇т̇аа суван̣н̣аван̣н̣ова. ид̣̇ам̣ бана сан̣таанам̣ бадижжа гат̇ид̇ам̣. сан̣таанамби жа гзвалам̣ д̇зсам̣ бан̃н̃ааяад̇иязва, на бана бхаг̇аваа милагкусад̣̇исо ход̇и, нааби аамуд̇д̇аман̣игун̣д̣ало, б̣уд̣̇д̇хавзсзнзва нисийд̣̇ад̇и. д̇з бана ад̇д̇ано самаанасан̣таанамзва бассанд̇и. яаад̣̇исаго д̇зсам̣ сарод̇и д̇з чиннассарааби хонд̇и г̇аг̇г̇арассарааби гаагассарааби, сад̇т̇аа б̣рахмассарова. ид̣̇ам̣ бана бхаасанд̇арам̣ санд̇хааяа гат̇ид̇ам̣. сажзби хи сад̇т̇аа рааж̇аасанз нисинно гат̇зд̇и, ‘‘аж̇ж̇а рааж̇аа мад̇хурзна сарзна гат̇зд̇ий’’д̇и д̇зсам̣ ход̇и. гат̇зд̇ваа багганд̇з бана бхаг̇авад̇и буна рааж̇аанам̣ ааг̇ад̇ам̣ д̣̇исваа – ‘‘го ну ко аяа’’нд̇и виймам̣саа уббаж̇ж̇ад̇и. д̇ад̇т̇а го ну ко аяанд̇и имасмим̣ таанз ид̣̇аанзва мааг̇ад̇хабхаасааяа сийхал̣абхаасааяа мад̇хурзнаагаарзна гат̇знд̇о го ну ко аяам̣ анд̇арахид̇о, гим̣ д̣̇зво, уд̣̇ааху мануссод̇и звам̣ виймам̣санд̇ааби на ж̇аананд̇ийд̇и ад̇т̇о. гимад̇т̇ам̣ банзвам̣ аж̇аананд̇аанам̣ д̇хаммам̣ д̣̇зсзд̇ийд̇и? ваасанад̇т̇ааяа . звам̣ суд̇оби хи д̇хаммо анааг̇ад̇з бажжаяо ход̇и язваад̇и анааг̇ад̇ам̣ бадижжа д̣̇зсзд̇и. анзгасад̇ам̣ б̣раахман̣абарисанд̇иаад̣̇ийнамби сон̣ад̣̇ан̣д̣агуудад̣̇ан̣д̣асамааг̇амаад̣̇ивасзна жзва ан̃н̃ажаггаваал̣авасзна жа самбхаво взд̣̇ид̇аб̣б̣о.

    172. Tattha anekasataṃ khattiyaparisanti bimbisārasamāgamañātisamāgalicchavīsamāgamādisadisaṃ, sā pana aññesu cakkavāḷesupi labbhateyeva. Sallapitapubbanti ālāpasallāpo katapubbo. Sākacchāti dhammasākacchāpi samāpajjitapubbā. Yādisako tesaṃ vaṇṇoti te odātāpi honti kāḷāpi maṅguracchavīpi, satthā suvaṇṇavaṇṇova. Idaṃ pana saṇṭhānaṃ paṭicca kathitaṃ. Saṇṭhānampi ca kevalaṃ tesaṃ paññāyatiyeva, na pana bhagavā milakkhusadiso hoti, nāpi āmuttamaṇikuṇḍalo, buddhaveseneva nisīdati. Te pana attano samānasaṇṭhānameva passanti. Yādisako tesaṃ saroti te chinnassarāpi honti gaggarassarāpi kākassarāpi, satthā brahmassarova. Idaṃ pana bhāsantaraṃ sandhāya kathitaṃ. Sacepi hi satthā rājāsane nisinno katheti, ‘‘ajja rājā madhurena sarena kathetī’’ti tesaṃ hoti. Kathetvā pakkante pana bhagavati puna rājānaṃ āgataṃ disvā – ‘‘ko nu kho aya’’nti vīmaṃsā uppajjati. Tattha ko nu kho ayanti imasmiṃ ṭhāne idāneva māgadhabhāsāya sīhaḷabhāsāya madhurenākārena kathento ko nu kho ayaṃ antarahito, kiṃ devo, udāhu manussoti evaṃ vīmaṃsantāpi na jānantīti attho. Kimatthaṃ panevaṃ ajānantānaṃ dhammaṃ desetīti? Vāsanatthāya . Evaṃ sutopi hi dhammo anāgate paccayo hoti yevāti anāgataṃ paṭicca deseti. Anekasataṃ brāhmaṇaparisantiādīnampi soṇadaṇḍakūṭadaṇḍasamāgamādivasena ceva aññacakkavāḷavasena ca sambhavo veditabbo.

    имаа бана адта барисаа бхаг̇аваа гимад̇т̇ам̣ аахари? абхийд̇абхаавад̣̇ассанад̇т̇амзва. имаа гира аахарид̇ваа звамааха – ‘‘аананд̣̇а, имааби адта барисаа убасан̇гамид̇ваа д̇хаммам̣ д̣̇зсзнд̇асса д̇ат̇ааг̇ад̇асса бхаяам̣ ваа саараж̇ж̇ам̣ ваа над̇т̇и, маарам̣ бана згагам̣ д̣̇исваа д̇ат̇ааг̇ад̇о бхааязяяаад̇и го звам̣ сан̃н̃ам̣ уббаад̣̇зд̇умарахад̇и. абхийд̇о, аананд̣̇а, д̇ат̇ааг̇ад̇о ажчамбхий, сад̇о самбаж̇аано ааяусан̇каарам̣ оссаж̇ий’’д̇и.

    Imā pana aṭṭha parisā bhagavā kimatthaṃ āhari? Abhītabhāvadassanatthameva. Imā kira āharitvā evamāha – ‘‘ānanda, imāpi aṭṭha parisā upasaṅkamitvā dhammaṃ desentassa tathāgatassa bhayaṃ vā sārajjaṃ vā natthi, māraṃ pana ekakaṃ disvā tathāgato bhāyeyyāti ko evaṃ saññaṃ uppādetumarahati. Abhīto, ānanda, tathāgato acchambhī, sato sampajāno āyusaṅkhāraṃ ossajī’’ti.

    адтаабхибхааяад̇анаван̣н̣анаа

    Aṭṭhaabhibhāyatanavaṇṇanā

    173. абхибхааяад̇анаанийд̇и абхибхаванагааран̣аани. гим̣ абхибхаванд̇и? бажжанийгад̇хаммзби аарамман̣ааниби. д̇аани хи бадибагкабхаавзна бажжанийгад̇хаммз абхибхаванд̇и, буг̇г̇аласса н̃аан̣уд̇д̇арияад̇ааяа аарамман̣аани.

    173.Abhibhāyatanānīti abhibhavanakāraṇāni. Kiṃ abhibhavanti? Paccanīkadhammepi ārammaṇānipi. Tāni hi paṭipakkhabhāvena paccanīkadhamme abhibhavanti, puggalassa ñāṇuttariyatāya ārammaṇāni.

    аж̇жхад̇д̇ам̣ руубасан̃н̃ийд̇иаад̣̇ийсу бана аж̇жхад̇д̇аруубз баригаммавасзна аж̇жхад̇д̇ам̣ руубасан̃н̃ий наама ход̇и. аж̇жхад̇д̇ан̃хи нийлабаригаммам̣ гаронд̇о гзсз ваа бид̇д̇з ваа агкид̇аарагааяа ваа гарод̇и. бийд̇абаригаммам̣ гаронд̇о мзд̣̇з ваа чавияаа ваа хад̇т̇абаад̣̇абидтзсу ваа агкийнам̣ бийд̇агадтаанз ваа гарод̇и. лохид̇абаригаммам̣ гаронд̇о мам̣сз ваа лохид̇з ваа ж̇ивхааяа ваа агкийнам̣ рад̇д̇адтаанз ваа гарод̇и. од̣̇аад̇абаригаммам̣ гаронд̇о адтимхи ваа д̣̇анд̇з ваа накз ваа агкийнам̣ сзд̇адтаанз ваа гарод̇и. д̇ам̣ бана сунийлам̣ субийд̇ам̣ сулохид̇агам̣ суод̣̇аад̇агам̣ на ход̇и, ависуд̣̇д̇хамзва ход̇и.

    Ajjhattaṃ rūpasaññītiādīsu pana ajjhattarūpe parikammavasena ajjhattaṃ rūpasaññī nāma hoti. Ajjhattañhi nīlaparikammaṃ karonto kese vā pitte vā akkhitārakāya vā karoti. Pītaparikammaṃ karonto mede vā chaviyā vā hatthapādapiṭṭhesu vā akkhīnaṃ pītakaṭṭhāne vā karoti. Lohitaparikammaṃ karonto maṃse vā lohite vā jivhāya vā akkhīnaṃ rattaṭṭhāne vā karoti. Odātaparikammaṃ karonto aṭṭhimhi vā dante vā nakhe vā akkhīnaṃ setaṭṭhāne vā karoti. Taṃ pana sunīlaṃ supītaṃ sulohitakaṃ suodātakaṃ na hoti, avisuddhameva hoti.

    зго б̣ахид̣̇д̇хаа руубаани бассад̇ийд̇и яассзвам̣ баригаммам̣ аж̇жхад̇д̇ам̣ уббаннам̣ ход̇и, нимид̇д̇ам̣ бана б̣ахид̣̇д̇хаа, со звам̣ аж̇жхад̇д̇ам̣ баригаммасса б̣ахид̣̇д̇хаа жа аббанааяа васзна – ‘‘аж̇жхад̇д̇ам̣ руубасан̃н̃ий зго б̣ахид̣̇д̇хаа руубаани бассад̇ий’’д̇и вужжад̇и. барид̇д̇аанийд̇и авад̣дхид̇аани. суван̣н̣ад̣̇уб̣б̣ан̣н̣аанийд̇и суван̣н̣аани ваа хонд̇и, д̣̇уб̣б̣ан̣н̣аани ваа. барид̇д̇авасзнзва ид̣̇ам̣ абхибхааяад̇анам̣ вуд̇д̇анд̇и взд̣̇ид̇аб̣б̣ам̣. д̇аани абхибхуяяаад̇и яат̇аа наама самбаннаг̇ахан̣иго гадажчумад̇д̇ам̣ бхад̇д̇ам̣ лабхид̇ваа – ‘‘гим̣ зд̇т̇а бхун̃ж̇ид̇аб̣б̣ам̣ ад̇т̇ий’’д̇и сан̇гад̣дхид̇ваа згагаб̣ал̣амзва гарод̇и, звамзва н̃аан̣уд̇д̇ариго буг̇г̇ало висад̣̇ан̃аан̣о – ‘‘гим̣ зд̇т̇а барид̇д̇агз аарамман̣з самаабаж̇ж̇ид̇аб̣б̣ам̣ ад̇т̇и, нааяам̣ мама бхааро’’д̇и д̇аани руубаани абхибхавид̇ваа самаабаж̇ж̇ад̇и, саха нимид̇д̇уббаад̣̇знзвзд̇т̇а аббанам̣ баабзд̇ийд̇и ад̇т̇о. ж̇аанаами бассаамийд̇и иминаа банасса аабхог̇о гат̇ид̇о. со жа ко самаабад̇д̇ид̇о вудтид̇асса, на анд̇осамаабад̇д̇ияам̣. звам̣сан̃н̃ий ход̇ийд̇и аабхог̇асан̃н̃ааяаби жхаанасан̃н̃ааяаби звам̣сан̃н̃ий ход̇и. абхибхаванасан̃н̃аа хисса анд̇осамаабад̇д̇ияамби ад̇т̇и, аабхог̇асан̃н̃аа бана самаабад̇д̇ид̇о вудтид̇ассзва.

    Eko bahiddhā rūpāni passatīti yassevaṃ parikammaṃ ajjhattaṃ uppannaṃ hoti, nimittaṃ pana bahiddhā, so evaṃ ajjhattaṃ parikammassa bahiddhā ca appanāya vasena – ‘‘ajjhattaṃ rūpasaññī eko bahiddhā rūpāni passatī’’ti vuccati. Parittānīti avaḍḍhitāni. Suvaṇṇadubbaṇṇānīti suvaṇṇāni vā honti, dubbaṇṇāni vā. Parittavaseneva idaṃ abhibhāyatanaṃ vuttanti veditabbaṃ. Tāni abhibhuyyāti yathā nāma sampannagahaṇiko kaṭacchumattaṃ bhattaṃ labhitvā – ‘‘kiṃ ettha bhuñjitabbaṃ atthī’’ti saṅkaḍḍhitvā ekakabaḷameva karoti, evameva ñāṇuttariko puggalo visadañāṇo – ‘‘kiṃ ettha parittake ārammaṇe samāpajjitabbaṃ atthi, nāyaṃ mama bhāro’’ti tāni rūpāni abhibhavitvā samāpajjati, saha nimittuppādenevettha appanaṃ pāpetīti attho. Jānāmipassāmīti iminā panassa ābhogo kathito. So ca kho samāpattito vuṭṭhitassa, na antosamāpattiyaṃ. Evaṃsaññī hotīti ābhogasaññāyapi jhānasaññāyapi evaṃsaññī hoti. Abhibhavanasaññā hissa antosamāpattiyampi atthi, ābhogasaññā pana samāpattito vuṭṭhitasseva.

    аббамаан̣аанийд̇и вад̣дхид̇аббамаан̣аани, маханд̇аанийд̇и ад̇т̇о. абхибхуяяаад̇и зд̇т̇а бана яат̇аа махаг̇гхасо бурисо згам̣ бхад̇д̇авад̣дхид̇агам̣ лабхид̇ваа – ‘‘ан̃н̃амби ход̇у, гим̣ зд̇ам̣ маяхам̣ гариссад̇ий’’д̇и д̇ам̣ на маханд̇ад̇о бассад̇и, звамзва н̃аан̣уд̇д̇аро буг̇г̇ало висад̣̇ан̃аан̣о ‘‘гим̣ зд̇т̇а самаабаж̇ж̇ид̇аб̣б̣ам̣, наяид̣̇ам̣ аббамаан̣ам̣, на маяхам̣ жид̇д̇згаг̇г̇ад̇аагаран̣з бхааро ад̇т̇ий’’д̇и д̇аани абхибхавид̇ваа самаабаж̇ж̇ад̇и, саха нимид̇д̇уббаад̣̇знзвзд̇т̇а аббанам̣ баабзд̇ийд̇и ад̇т̇о.

    Appamāṇānīti vaḍḍhitappamāṇāni, mahantānīti attho. Abhibhuyyāti ettha pana yathā mahagghaso puriso ekaṃ bhattavaḍḍhitakaṃ labhitvā – ‘‘aññampi hotu, kiṃ etaṃ mayhaṃ karissatī’’ti taṃ na mahantato passati, evameva ñāṇuttaro puggalo visadañāṇo ‘‘kiṃ ettha samāpajjitabbaṃ, nayidaṃ appamāṇaṃ, na mayhaṃ cittekaggatākaraṇe bhāro atthī’’ti tāni abhibhavitvā samāpajjati, saha nimittuppādenevettha appanaṃ pāpetīti attho.

    аж̇жхад̇д̇ам̣ аруубасан̃н̃ийд̇и алаабхид̇ааяа ваа анад̇т̇игад̇ааяа ваа аж̇жхад̇д̇аруубз баригаммасан̃н̃аавирахид̇о.

    Ajjhattaṃ arūpasaññīti alābhitāya vā anatthikatāya vā ajjhattarūpe parikammasaññāvirahito.

    зго б̣ахид̣̇д̇хаа руубаани бассад̇ийд̇и яасса баригаммамби нимид̇д̇амби б̣ахид̣̇д̇хаава уббаннам̣, со звам̣ б̣ахид̣̇д̇хаа баригаммасса жзва аббанааяа жа васзна – ‘‘аж̇жхад̇д̇ам̣ аруубасан̃н̃ий зго б̣ахид̣̇д̇хаа руубаани бассад̇ий’’д̇и вужжад̇и. сзсамзд̇т̇а жад̇уд̇т̇аабхибхааяад̇анз вуд̇д̇анаяамзва. имзсу бана жад̇уусу барид̇д̇ам̣ вид̇аггажарид̇авасзна ааг̇ад̇ам̣, аббамаан̣ам̣ мохажарид̇авасзна, суван̣н̣ам̣ д̣̇осажарид̇авасзна, д̣̇уб̣б̣ан̣н̣ам̣ рааг̇ажарид̇авасзна. зд̇зсан̃хи зд̇аани саббааяаани. саа жа нзсам̣ саббааяад̇аа вид̇т̇аарад̇о висуд̣̇д̇химаг̇г̇з жарид̇анид̣̇д̣̇зсз вуд̇д̇аа.

    Eko bahiddhā rūpāni passatīti yassa parikammampi nimittampi bahiddhāva uppannaṃ, so evaṃ bahiddhā parikammassa ceva appanāya ca vasena – ‘‘ajjhattaṃ arūpasaññī eko bahiddhā rūpāni passatī’’ti vuccati. Sesamettha catutthābhibhāyatane vuttanayameva. Imesu pana catūsu parittaṃ vitakkacaritavasena āgataṃ, appamāṇaṃ mohacaritavasena, suvaṇṇaṃ dosacaritavasena, dubbaṇṇaṃ rāgacaritavasena. Etesañhi etāni sappāyāni. Sā ca nesaṃ sappāyatā vitthārato visuddhimagge caritaniddese vuttā.

    бан̃жамаабхибхааяад̇анаад̣̇ийсу нийлаанийд̇и саб̣б̣асан̇г̇аахагавасзна вуд̇д̇ам̣. нийлаван̣н̣аанийд̇и ван̣н̣авасзна. нийланид̣̇ассанаанийд̇и нид̣̇ассанавасзна, абан̃н̃ааяа маанавивараани асамбхиннаван̣н̣аани зганийлаанзва худ̇ваа д̣̇иссанд̇ийд̇и вуд̇д̇ам̣ ход̇и. нийланибхаасаанийд̇и ид̣̇ам̣ бана обхаасавасзна вуд̇д̇ам̣, нийлобхаасаани нийлаббабхааяуд̇д̇аанийд̇и ад̇т̇о. зд̇зна нзсам̣ висуд̣̇д̇хад̇ам̣ д̣̇ассзд̇и. висуд̣̇д̇хаван̣н̣авасзнзва хи имаани жад̇д̇аари абхибхааяад̇анаани вуд̇д̇аани. умаабубпанд̇и зд̇ан̃хи бубпам̣ синид̣̇д̇хам̣ муд̣̇у, д̣̇иссамаанамби нийламзва ход̇и. г̇ириган̣н̣игабубпаад̣̇ийни бана д̣̇иссамаанаани сзд̇ад̇хаад̇угаанзва хонд̇и. д̇асмаа ид̣̇амзва г̇ахид̇ам̣, на д̇аани. б̣аараан̣асзяяаганд̇и б̣аараан̣асисамбхавам̣. д̇ад̇т̇а гира габбаасоби муд̣̇у, суд̇д̇аганд̇игааяоби д̇анд̇авааяааби чзгаа, уд̣̇агамби сужи синид̣̇д̇хам̣. д̇асмаа д̇ам̣ вад̇т̇ам̣ убхад̇обхааг̇авимадтам̣ ход̇и; д̣̇вийсуби бассзсу мадтам̣ муд̣̇у синид̣̇д̇хам̣ кааяад̇и.

    Pañcamaabhibhāyatanādīsu nīlānīti sabbasaṅgāhakavasena vuttaṃ. Nīlavaṇṇānīti vaṇṇavasena. Nīlanidassanānīti nidassanavasena, apaññāya mānavivarāni asambhinnavaṇṇāni ekanīlāneva hutvā dissantīti vuttaṃ hoti. Nīlanibhāsānīti idaṃ pana obhāsavasena vuttaṃ, nīlobhāsāni nīlappabhāyuttānīti attho. Etena nesaṃ visuddhataṃ dasseti. Visuddhavaṇṇavaseneva hi imāni cattāri abhibhāyatanāni vuttāni. Umāpupphanti etañhi pupphaṃ siniddhaṃ mudu, dissamānampi nīlameva hoti. Girikaṇṇikapupphādīni pana dissamānāni setadhātukāneva honti. Tasmā idameva gahitaṃ, na tāni. Bārāṇaseyyakanti bārāṇasisambhavaṃ. Tattha kira kappāsopi mudu, suttakantikāyopi tantavāyāpi chekā, udakampi suci siniddhaṃ. Tasmā taṃ vatthaṃ ubhatobhāgavimaṭṭhaṃ hoti; dvīsupi passesu maṭṭhaṃ mudu siniddhaṃ khāyati.

    бийд̇аанийд̇иаад̣̇ийсуби иминаава наязна ад̇т̇о взд̣̇ид̇аб̣б̣о. ‘‘нийлагасин̣ам̣ уг̇г̇ан̣ханд̇о нийласмим̣ нимид̇д̇ам̣ г̇ан̣хаад̇и бубпасмим̣ ваа вад̇т̇асмим̣ ваа ван̣н̣ад̇хаад̇уяаа ваа’’д̇иаад̣̇игам̣ банзд̇т̇а гасин̣агаран̣ан̃жа баригамман̃жа аббанаавид̇хаанан̃жа саб̣б̣ам̣ висуд̣̇д̇химаг̇г̇з вид̇т̇аарад̇о вуд̇д̇амзва. имааниби адта абхибхааяад̇анаани абхийд̇абхаавад̣̇ассанад̇т̇амзва аанийд̇аани. имаани гира вад̇ваа звамааха – ‘‘аананд̣̇а, зваруубааби самаабад̇д̇ияо самаабаж̇ж̇анд̇асса жа вудтаханд̇асса жа д̇ат̇ааг̇ад̇асса бхаяам̣ ваа саараж̇ж̇ам̣ ваа над̇т̇и, маарам̣ бана згагам̣ д̣̇исваа д̇ат̇ааг̇ад̇о бхааязяяаад̇и го звам̣ сан̃н̃ам̣ уббаад̣̇зд̇умарахад̇и. абхийд̇о, аананд̣̇а, д̇ат̇ааг̇ад̇о ажчамбхий, сад̇о самбаж̇аано ааяусан̇каарам̣ оссаж̇ий’’д̇и.

    Pītānītiādīsupi imināva nayena attho veditabbo. ‘‘Nīlakasiṇaṃ uggaṇhanto nīlasmiṃ nimittaṃ gaṇhāti pupphasmiṃ vā vatthasmiṃ vā vaṇṇadhātuyā vā’’tiādikaṃ panettha kasiṇakaraṇañca parikammañca appanāvidhānañca sabbaṃ visuddhimagge vitthārato vuttameva. Imānipi aṭṭha abhibhāyatanāni abhītabhāvadassanatthameva ānītāni. Imāni kira vatvā evamāha – ‘‘ānanda, evarūpāpi samāpattiyo samāpajjantassa ca vuṭṭhahantassa ca tathāgatassa bhayaṃ vā sārajjaṃ vā natthi, māraṃ pana ekakaṃ disvā tathāgato bhāyeyyāti ko evaṃ saññaṃ uppādetumarahati. Abhīto, ānanda, tathāgato acchambhī, sato sampajāno āyusaṅkhāraṃ ossajī’’ti.

    адтавимогкаван̣н̣анаа

    Aṭṭhavimokkhavaṇṇanā

    174. вимогкагат̇аа уд̇д̇аанад̇т̇ааязва. имзби адта вимогкаа абхийд̇абхаавад̣̇ассанад̇т̇амзва аанийд̇аа. имзби гира вад̇ваа звамааха – ‘‘аананд̣̇а, зд̇ааби самаабад̇д̇ияо самаабаж̇ж̇анд̇асса жа вудтаханд̇асса жа д̇ат̇ааг̇ад̇асса бхаяам̣ ваа саараж̇ж̇ам̣ ваа над̇т̇и…бз… оссаж̇ий’’д̇и.

    174. Vimokkhakathā uttānatthāyeva. Imepi aṭṭha vimokkhā abhītabhāvadassanatthameva ānītā. Imepi kira vatvā evamāha – ‘‘ānanda, etāpi samāpattiyo samāpajjantassa ca vuṭṭhahantassa ca tathāgatassa bhayaṃ vā sārajjaṃ vā natthi…pe… ossajī’’ti.

    175. ид̣̇ааниби бхаг̇аваа аананд̣̇асса огаасам̣ ад̣̇ад̇ваава згамид̣̇ааханд̇иаад̣̇инаа наязна абарамби д̣̇зсанам̣ аарабхи. д̇ад̇т̇а батамаабхисамб̣уд̣̇д̇ход̇и абхисамб̣уд̣̇д̇хо худ̇ваа батамамзва адтамз сад̇д̇аахз.

    175. Idānipi bhagavā ānandassa okāsaṃ adatvāva ekamidāhantiādinā nayena aparampi desanaṃ ārabhi. Tattha paṭhamābhisambuddhoti abhisambuddho hutvā paṭhamameva aṭṭhame sattāhe.

    177. оссадтод̇и виссаж̇ж̇ид̇о барижчинно, звам̣ гира вад̇ваа – ‘‘д̇знааяам̣ д̣̇асасахассий логад̇хаад̇у гамбид̇т̇аа’’д̇и ааха.

    177.Ossaṭṭhoti vissajjito paricchinno, evaṃ kira vatvā – ‘‘tenāyaṃ dasasahassī lokadhātu kampitthā’’ti āha.

    аананд̣̇аяаажанагат̇аа

    Ānandayācanakathā

    178. аланд̇и бадигкзбаважанамзд̇ам̣. б̣од̇хинд̇и жад̇умаг̇г̇ан̃аан̣абадивзгхам̣. сад̣̇д̣̇ахаси д̇ванд̇и звам̣ вуд̇д̇абхаавам̣ д̇ат̇ааг̇ад̇асса сад̣̇д̣̇ахасийд̇и вад̣̇ад̇и. д̇асмаад̇ихаананд̣̇аад̇и яасмаа ид̣̇ам̣ важанам̣ сад̣̇д̣̇ахаси, д̇асмаа д̇уяхзвзд̇ам̣ д̣̇уггаданд̇и д̣̇ассзд̇и.

    178.Alanti paṭikkhepavacanametaṃ. Bodhinti catumaggañāṇapaṭiveghaṃ. Saddahasi tvanti evaṃ vuttabhāvaṃ tathāgatassa saddahasīti vadati. Tasmātihānandāti yasmā idaṃ vacanaṃ saddahasi, tasmā tuyhevetaṃ dukkaṭanti dasseti.

    179. згамид̣̇ааханд̇и ид̣̇ам̣ бхаг̇аваа – ‘‘на гзвалам̣ ахам̣ ид̇хзва д̇ам̣ ааманд̇зсим̣, ан̃н̃ад̣̇ааби ааманд̇зд̇ваа ол̣ааригам̣ нимид̇д̇ам̣ агаасим̣, д̇амби д̇аяаа на бадивид̣̇д̇хам̣, д̇авзвааяам̣ абараад̇хо’’д̇и звам̣ согавинод̣̇анад̇т̇ааяа наанаббагаарад̇о т̇зрассзва д̣̇осааробанад̇т̇ам̣ аарабхи.

    179.Ekamidāhanti idaṃ bhagavā – ‘‘na kevalaṃ ahaṃ idheva taṃ āmantesiṃ, aññadāpi āmantetvā oḷārikaṃ nimittaṃ akāsiṃ, tampi tayā na paṭividdhaṃ, tavevāyaṃ aparādho’’ti evaṃ sokavinodanatthāya nānappakārato therasseva dosāropanatthaṃ ārabhi.

    183. биязхи манаабзхийд̇и маад̇аабид̇аабхаад̇аабхаг̇иниаад̣̇игзхи ж̇аад̇ияаа наанаабхааво, маран̣зна винаабхааво, бхавзна ан̃н̃ат̇аабхааво. д̇ам̣ гуд̇зд̇т̇а лаб̣бхаад̇и д̇анд̇и д̇асмаа, яасмаа саб̣б̣зхзва биязхи манаабзхи наанаабхааво, д̇асмаа д̣̇аса баарамияо буурзд̇вааби, самб̣од̇хим̣ бад̇вааби, д̇хаммажаггам̣ бавад̇д̇зд̇вааби, яамагабаадихаарияам̣ д̣̇ассзд̇вааби, д̣̇зворохан̣ам̣ гад̇вааби, яам̣ д̇ам̣ ж̇аад̇ам̣ бхууд̇ам̣ сан̇кад̇ам̣ балогад̇хаммам̣, д̇ам̣ вад̇а д̇ат̇ааг̇ад̇ассааби сарийрам̣ маа балуж̇ж̇ийд̇и нзд̇ам̣ таанам̣ виж̇ж̇ад̇и, род̣̇анд̇знааби ганд̣̇анд̇знааби на саггаа д̇ам̣ гааран̣ам̣ лад̣̇д̇хунд̇и. буна бажжаавамиссад̇ийд̇и яам̣ жад̇д̇ам̣ ванд̇ам̣, д̇ам̣ вад̇а буна бадикаад̣̇иссад̇ийд̇и ад̇т̇о.

    183.Piyehi manāpehīti mātāpitābhātābhaginiādikehi jātiyā nānābhāvo, maraṇena vinābhāvo, bhavena aññathābhāvo. Taṃ kutettha labbhāti tanti tasmā, yasmā sabbeheva piyehi manāpehi nānābhāvo, tasmā dasa pāramiyo pūretvāpi, sambodhiṃ patvāpi, dhammacakkaṃ pavattetvāpi, yamakapāṭihāriyaṃ dassetvāpi, devorohaṇaṃ katvāpi, yaṃ taṃ jātaṃ bhūtaṃ saṅkhataṃ palokadhammaṃ, taṃ vata tathāgatassāpi sarīraṃ mā palujjīti netaṃ ṭhānaṃ vijjati, rodantenāpi kandantenāpi na sakkā taṃ kāraṇaṃ laddhunti. Puna paccāvamissatīti yaṃ cattaṃ vantaṃ, taṃ vata puna paṭikhādissatīti attho.

    184. яат̇аяид̣̇ам̣ б̣рахмажарияанд̇и яат̇аа ид̣̇ам̣ сигкаад̇д̇аяасан̇г̇ахам̣ саасанаб̣рахмажарияам̣. ад̣̇д̇ханияанд̇и ад̣̇д̇хаанагкамам̣. жирадтид̇иганд̇и жираббавад̇д̇ивасзна жирадтид̇игам̣. жад̇д̇ааро сад̇ибадтаанаад̇иаад̣̇и саб̣б̣ам̣ логияалогуд̇д̇аравасзнзва гат̇ид̇ам̣. зд̇зсам̣ бана б̣од̇хибагкияаанам̣ д̇хаммаанам̣ винижчаяо саб̣б̣аагаарзна висуд̣̇д̇химаг̇г̇з бадибад̣̇аан̃аан̣ад̣̇ассанависуд̣̇д̇хинид̣̇д̣̇зсз вуд̇д̇о. сзсамзд̇т̇а уд̇д̇аанамзваад̇и.

    184.Yathayidaṃ brahmacariyanti yathā idaṃ sikkhāttayasaṅgahaṃ sāsanabrahmacariyaṃ. Addhaniyanti addhānakkhamaṃ. Ciraṭṭhitikanti cirappavattivasena ciraṭṭhitikaṃ. Cattāro satipaṭṭhānātiādi sabbaṃ lokiyalokuttaravaseneva kathitaṃ. Etesaṃ pana bodhipakkhiyānaṃ dhammānaṃ vinicchayo sabbākārena visuddhimagge paṭipadāñāṇadassanavisuddhiniddese vutto. Sesamettha uttānamevāti.

    д̇ад̇ияабхаан̣аваараван̣н̣анаа нидтид̇аа.

    Tatiyabhāṇavāravaṇṇanā niṭṭhitā.

    нааг̇аабалогид̇аван̣н̣анаа

    Nāgāpalokitavaṇṇanā

    186. нааг̇аабалогид̇анд̇и яат̇аа хи махааж̇анасса адтийни годияаа годим̣ аахажжа тид̇аани бажжзгаб̣уд̣̇д̇хаанам̣, ан̇гусагалаг̇г̇аани вияа, на звам̣ б̣уд̣̇д̇хаанам̣. б̣уд̣̇д̇хаанам̣ бана сан̇калигаани вияа згааб̣ад̣̇д̇хаани худ̇ваа тид̇аани, д̇асмаа бажчад̇о абалоганагаалз на саггаа ход̇и г̇ийвам̣ баривад̇д̇зд̇ум̣. яат̇аа бана хад̇т̇инааг̇о бажчаабхааг̇ам̣ абалогзд̇угаамо сагаласарийрзнзва баривад̇д̇ад̇и, звам̣ баривад̇д̇ид̇аб̣б̣ам̣ ход̇и. бхаг̇авад̇о бана наг̇арад̣̇ваарз тад̇ваа – ‘‘взсаалим̣ абалогзссаамий’’д̇и жид̇д̇з уббаннамад̇д̇з – ‘‘бхаг̇аваа анзгаани габбагодисахассаани баарамияо буурзнд̇зхи д̇умхзхи на г̇ийвам̣ баривад̇д̇зд̇ваа абалоганагаммам̣ гад̇а’’нд̇и аяам̣ бат̇авий гулаалажаггам̣ вияа баривад̇д̇зд̇ваа бхаг̇аванд̇ам̣ взсаалинаг̇араабхимукам̣ агааси. д̇ам̣ санд̇хааязд̇ам̣ вуд̇д̇ам̣.

    186.Nāgāpalokitanti yathā hi mahājanassa aṭṭhīni koṭiyā koṭiṃ āhacca ṭhitāni paccekabuddhānaṃ, aṅkusakalaggāni viya, na evaṃ buddhānaṃ. Buddhānaṃ pana saṅkhalikāni viya ekābaddhāni hutvā ṭhitāni, tasmā pacchato apalokanakāle na sakkā hoti gīvaṃ parivattetuṃ. Yathā pana hatthināgo pacchābhāgaṃ apaloketukāmo sakalasarīreneva parivattati, evaṃ parivattitabbaṃ hoti. Bhagavato pana nagaradvāre ṭhatvā – ‘‘vesāliṃ apalokessāmī’’ti citte uppannamatte – ‘‘bhagavā anekāni kappakoṭisahassāni pāramiyo pūrentehi tumhehi na gīvaṃ parivattetvā apalokanakammaṃ kata’’nti ayaṃ pathavī kulālacakkaṃ viya parivattetvā bhagavantaṃ vesālinagarābhimukhaṃ akāsi. Taṃ sandhāyetaṃ vuttaṃ.

    нану жа на гзвалам̣ взсаалияаава, саавад̇т̇ирааж̇аг̇аханаал̣анд̣̇абаадалиг̇аамагодиг̇ааманаад̇игаг̇аамагзсуби д̇ад̇о д̇ад̇о нигканд̇агаалз д̇ам̣ д̇ам̣ саб̣б̣ам̣ бажчимад̣̇ассанамзва, д̇ад̇т̇а д̇ад̇т̇а гасмаа нааг̇аабалогид̇ам̣ наабалогзсийд̇и? анажчарияад̇д̇аа. д̇ад̇т̇а д̇ад̇т̇а хи нивад̇д̇зд̇ваа абалогзнд̇ассзд̇ам̣ на ажчарияам̣ ход̇и, д̇асмаа наабалогзси. аби жа взсаалирааж̇аано аасаннавинаасаа, д̇ин̣н̣ам̣ вассаанам̣ убари винассиссанд̇и. д̇з д̇ам̣ наг̇арад̣̇ваарз нааг̇аабалогид̇ам̣ наама жзд̇ияам̣ гад̇ваа г̇анд̇хамаалаад̣̇ийхи бууж̇зссанд̇и, д̇ам̣ нзсам̣ д̣̇ийгхарад̇д̇ам̣ хид̇ааяа сукааяа бхависсад̇ийд̇и д̇зсам̣ анугамбааяа абалогзси.

    Nanu ca na kevalaṃ vesāliyāva, sāvatthirājagahanāḷandapāṭaligāmakoṭigāmanātikagāmakesupi tato tato nikkhantakāle taṃ taṃ sabbaṃ pacchimadassanameva, tattha tattha kasmā nāgāpalokitaṃ nāpalokesīti? Anacchariyattā. Tattha tattha hi nivattetvā apalokentassetaṃ na acchariyaṃ hoti, tasmā nāpalokesi. Api ca vesālirājāno āsannavināsā, tiṇṇaṃ vassānaṃ upari vinassissanti. Te taṃ nagaradvāre nāgāpalokitaṃ nāma cetiyaṃ katvā gandhamālādīhi pūjessanti, taṃ nesaṃ dīgharattaṃ hitāya sukhāya bhavissatīti tesaṃ anukampāya apalokesi.

    д̣̇угкассанд̇агарод̇и ваддад̣̇угкасса анд̇агаро. жагкумаад̇и бан̃жахи жагкуухи жагкумаа. бариниб̣б̣уд̇од̇и гилзсабариниб̣б̣аанзна бариниб̣б̣уд̇о.

    Dukkhassantakaroti vaṭṭadukkhassa antakaro. Cakkhumāti pañcahi cakkhūhi cakkhumā. Parinibbutoti kilesaparinibbānena parinibbuto.

    жад̇умахаабад̣̇зсаван̣н̣анаа

    Catumahāpadesavaṇṇanā

    187. махаабад̣̇зсзд̇и махааогаасз, махааабад̣̇зсз ваа, б̣уд̣̇д̇хаад̣̇аяо маханд̇з маханд̇з абад̣̇исид̇ваа вуд̇д̇аани махаагааран̣аанийд̇и ад̇т̇о.

    187.Mahāpadeseti mahāokāse, mahāapadese vā, buddhādayo mahante mahante apadisitvā vuttāni mahākāraṇānīti attho.

    188. нзва абхинанд̣̇ид̇аб̣б̣анд̇и хадтад̇удтзхи саад̇хугаарам̣ д̣̇ад̇ваа буб̣б̣зва на сод̇аб̣б̣ам̣, звам̣ гад̇з хи бажчаа ‘‘ид̣̇ам̣ на самзд̇ий’’д̇и вужжамаано – ‘‘гим̣ буб̣б̣зва аяам̣ д̇хаммо, ид̣̇аани на д̇хаммо’’д̇и вад̇ваа лад̣̇д̇хим̣ на виссаж̇ж̇зд̇и. наббадиггосид̇аб̣б̣анд̇и – ‘‘гим̣ зса б̣аало вад̣̇ад̇ий’’д̇и звам̣ буб̣б̣зва на вад̇д̇аб̣б̣ам̣, звам̣ вуд̇д̇з хи вад̇д̇ум̣ яуд̇д̇амби на вагкад̇и. д̇знааха – ‘‘анабхинанд̣̇ид̇ваа аббадиггосид̇ваа’’д̇и. бад̣̇аб̣яан̃ж̇анаанийд̇и бад̣̇асан̇каад̇аани б̣яан̃ж̇анаани. саад̇хугам̣ уг̇г̇ахзд̇ваад̇и имасмим̣ таанз баал̣и вуд̇д̇аа, имасмим̣ таанз ад̇т̇о вуд̇д̇о, имасмим̣ таанз анусанд̇хи гат̇ид̇о, имасмим̣ таанз буб̣б̣аабарам̣ гат̇ид̇анд̇и судту г̇ахзд̇ваа. суд̇д̇з осаарзд̇аб̣б̣аанийд̇и суд̇д̇з од̇аарзд̇аб̣б̣аани. винаяз санд̣̇ассзд̇аб̣б̣аанийд̇и винаяз сам̣санд̣̇зд̇аб̣б̣аани.

    188.Neva abhinanditabbanti haṭṭhatuṭṭhehi sādhukāraṃ datvā pubbeva na sotabbaṃ, evaṃ kate hi pacchā ‘‘idaṃ na sametī’’ti vuccamāno – ‘‘kiṃ pubbeva ayaṃ dhammo, idāni na dhammo’’ti vatvā laddhiṃ na vissajjeti. Nappaṭikkositabbanti – ‘‘kiṃ esa bālo vadatī’’ti evaṃ pubbeva na vattabbaṃ, evaṃ vutte hi vattuṃ yuttampi na vakkhati. Tenāha – ‘‘anabhinanditvā appaṭikkositvā’’ti. Padabyañjanānīti padasaṅkhātāni byañjanāni. Sādhukaṃ uggahetvāti imasmiṃ ṭhāne pāḷi vuttā, imasmiṃ ṭhāne attho vutto, imasmiṃ ṭhāne anusandhi kathito, imasmiṃ ṭhāne pubbāparaṃ kathitanti suṭṭhu gahetvā. Sutte osāretabbānīti sutte otāretabbāni. Vinaye sandassetabbānīti vinaye saṃsandetabbāni.

    зд̇т̇а жа суд̇д̇анд̇и винаяо. яат̇ааха – ‘‘гад̇т̇а бадигкид̇д̇ам̣? саавад̇т̇ияам̣ суд̇д̇авибхан̇г̇з’’д̇и (жул̣ава. 457). винаяод̇и канд̇хаго. яат̇ааха – ‘‘винаяаад̇исаарз’’д̇и. звам̣ винаяабидагамби на барияаад̣̇ияад̇и. убхад̇овибхан̇г̇аа бана суд̇д̇ам̣, канд̇хагабариваараа винаяод̇и звам̣ винаяабидагам̣ барияаад̣̇ияад̇и. ат̇аваа суд̇д̇анд̇абидагам̣ суд̇д̇ам̣, винаяабидагам̣ винаяод̇и звам̣ д̣̇взязва бидагаани барияаад̣̇ияанд̇и. суд̇д̇анд̇аабхид̇хаммабидагаани ваа суд̇д̇ам̣, винаяабидагам̣ винаяод̇и звамби д̇ийн̣и бидагаани на д̇аава барияаад̣̇ияанд̇и. асуд̇д̇анаамаган̃хи б̣уд̣̇д̇хаважанам̣ наама ад̇т̇и. сзяяат̇ид̣̇ам̣ – ж̇аад̇агам̣, бадисамбхид̣̇аа, нид̣̇д̣̇зсо, суд̇д̇анибаад̇о, д̇хаммабад̣̇ам̣, уд̣̇аанам̣, ид̇ивуд̇д̇агам̣, вимаанавад̇т̇у, бзд̇авад̇т̇у, т̇зраг̇аат̇аа, т̇зрийг̇аат̇аа, абад̣̇аананд̇и.

    Ettha ca suttanti vinayo. Yathāha – ‘‘kattha paṭikkhittaṃ? Sāvatthiyaṃ suttavibhaṅge’’ti (cuḷava. 457). Vinayoti khandhako. Yathāha – ‘‘vinayātisāre’’ti. Evaṃ vinayapiṭakampi na pariyādiyati. Ubhatovibhaṅgā pana suttaṃ, khandhakaparivārā vinayoti evaṃ vinayapiṭakaṃ pariyādiyati. Athavā suttantapiṭakaṃ suttaṃ, vinayapiṭakaṃ vinayoti evaṃ dveyeva piṭakāni pariyādiyanti. Suttantābhidhammapiṭakāni vā suttaṃ, vinayapiṭakaṃ vinayoti evampi tīṇi piṭakāni na tāva pariyādiyanti. Asuttanāmakañhi buddhavacanaṃ nāma atthi. Seyyathidaṃ – jātakaṃ, paṭisambhidā, niddeso, suttanipāto, dhammapadaṃ, udānaṃ, itivuttakaṃ, vimānavatthu, petavatthu, theragāthā, therīgāthā, apadānanti.

    суд̣̇иннад̇т̇зро бана – ‘‘асуд̇д̇анаамагам̣ б̣уд̣̇д̇хаважанам̣ на ад̇т̇ий’’д̇и д̇ам̣ саб̣б̣ам̣ бадибагкибид̇ваа – ‘‘д̇ийн̣и бидагаани суд̇д̇ам̣, винаяо бана гааран̣а’’нд̇и ааха. д̇ад̇о д̇ам̣ гааран̣ам̣ д̣̇ассзнд̇о ид̣̇ам̣ суд̇д̇амаахари –

    Sudinnatthero pana – ‘‘asuttanāmakaṃ buddhavacanaṃ na atthī’’ti taṃ sabbaṃ paṭipakkhipitvā – ‘‘tīṇi piṭakāni suttaṃ, vinayo pana kāraṇa’’nti āha. Tato taṃ kāraṇaṃ dassento idaṃ suttamāhari –

    ‘‘яз ко д̇вам̣, г̇од̇ами, д̇хаммз ж̇аанзяяааси, имз д̇хаммаа сарааг̇ааяа сам̣вад̇д̇анд̇и но вирааг̇ааяа, сан̃н̃ог̇ааяа сам̣вад̇д̇анд̇и но висан̃н̃ог̇ааяа, аажаяааяа сам̣вад̇д̇анд̇и но абажаяааяа, махижчад̇ааяа сам̣вад̇д̇анд̇и но аббижчад̇ааяа, асанд̇удтияаа сам̣вад̇д̇анд̇и но санд̇удтияаа, сан̇г̇ан̣игааяа сам̣вад̇д̇анд̇и но бавивзгааяа, госаж̇ж̇ааяа сам̣вад̇д̇анд̇и но вийрияаарамбхааяа, д̣̇уб̣бхарад̇ааяа сам̣вад̇д̇анд̇и но субхарад̇ааяа. згам̣сзна, г̇од̇ами, д̇хаарзяяааси – ‘нзсо д̇хаммо, нзсо винаяо, нзд̇ам̣ сад̇т̇усаасана’нд̇и. яз жа ко д̇вам̣, г̇од̇ами, д̇хаммз ж̇аанзяяааси, имз д̇хаммаа вирааг̇ааяа сам̣вад̇д̇анд̇и но сарааг̇ааяа, висан̃н̃ог̇ааяа сам̣вад̇д̇анд̇и но сан̃н̃ог̇ааяа, абажаяааяа сам̣вад̇д̇анд̇и но аажаяааяа, аббижчад̇ааяа сам̣вад̇д̇анд̇и но махижчад̇ааяа, санд̇удтияаа сам̣вад̇д̇анд̇и но асанд̇удтияаа, бавивзгааяа сам̣вад̇д̇анд̇и но сан̇г̇ан̣игааяа , вийрияаарамбхааяа сам̣вад̇д̇анд̇и но госаж̇ж̇ааяа, субхарад̇ааяа сам̣вад̇д̇анд̇и но д̣̇уб̣бхарад̇ааяа. згам̣сзна, г̇од̇ами, д̇хаарзяяааси – ‘зсо д̇хаммо, зсо винаяо, зд̇ам̣ сад̇т̇усаасана’нд̇и’’ (а. ни. 8.53).

    ‘‘Ye kho tvaṃ, gotami, dhamme jāneyyāsi, ime dhammā sarāgāya saṃvattanti no virāgāya, saññogāya saṃvattanti no visaññogāya, ācayāya saṃvattanti no apacayāya, mahicchatāya saṃvattanti no appicchatāya, asantuṭṭhiyā saṃvattanti no santuṭṭhiyā, saṅgaṇikāya saṃvattanti no pavivekāya, kosajjāya saṃvattanti no vīriyārambhāya, dubbharatāya saṃvattanti no subharatāya. Ekaṃsena, gotami, dhāreyyāsi – ‘neso dhammo, neso vinayo, netaṃ satthusāsana’nti. Ye ca kho tvaṃ, gotami, dhamme jāneyyāsi, ime dhammā virāgāya saṃvattanti no sarāgāya, visaññogāya saṃvattanti no saññogāya, apacayāya saṃvattanti no ācayāya, appicchatāya saṃvattanti no mahicchatāya, santuṭṭhiyā saṃvattanti no asantuṭṭhiyā, pavivekāya saṃvattanti no saṅgaṇikāya , vīriyārambhāya saṃvattanti no kosajjāya, subharatāya saṃvattanti no dubbharatāya. Ekaṃsena, gotami, dhāreyyāsi – ‘eso dhammo, eso vinayo, etaṃ satthusāsana’nti’’ (a. ni. 8.53).

    д̇асмаа суд̇д̇зд̇и д̇збидагз б̣уд̣̇д̇хаважанз од̇аарзд̇аб̣б̣аани. винаязд̇и зд̇асмим̣ рааг̇аад̣̇ивинаяагааран̣з сам̣санд̣̇зд̇аб̣б̣аанийд̇и аяамзд̇т̇а ад̇т̇о. на жзва суд̇д̇з осаранд̇ийд̇и суд̇д̇абадибаадияаа гад̇т̇ажи анааг̇анд̇ваа чаллим̣ удтабзд̇ваа г̇ул̣хавзссанд̇ара-г̇ул̣хауммаг̇г̇а-г̇ул̣хавинаяа-взд̣̇аллабидагаанам̣ ан̃н̃ад̇арад̇о ааг̇ад̇аани бан̃н̃ааяанд̇ийд̇и ад̇т̇о. звам̣ ааг̇ад̇аани хи рааг̇аад̣̇ивинаяз жа на бан̃н̃ааяамаанаани чад̣д̣зд̇аб̣б̣аани хонд̇и. д̇зна вуд̇д̇ам̣ – ‘‘ид̇и хзд̇ам̣, бхигкавз, чад̣д̣зяяаат̇аа’’д̇и. зд̇знубааязна саб̣б̣ад̇т̇а ад̇т̇о взд̣̇ид̇аб̣б̣о.

    Tasmā sutteti tepiṭake buddhavacane otāretabbāni. Vinayeti etasmiṃ rāgādivinayakāraṇe saṃsandetabbānīti ayamettha attho. Na ceva sutte osarantīti suttapaṭipāṭiyā katthaci anāgantvā challiṃ uṭṭhapetvā guḷhavessantara-guḷhaummagga-guḷhavinaya-vedallapiṭakānaṃ aññatarato āgatāni paññāyantīti attho. Evaṃ āgatāni hi rāgādivinaye ca na paññāyamānāni chaḍḍetabbāni honti. Tena vuttaṃ – ‘‘iti hetaṃ, bhikkhave, chaḍḍeyyāthā’’ti. Etenupāyena sabbattha attho veditabbo.

    ид̣̇ам̣ , бхигкавз, жад̇уд̇т̇ам̣ махаабад̣̇зсам̣ д̇хаарзяяаат̇аад̇и ид̣̇ам̣ жад̇уд̇т̇ам̣ д̇хаммасса бад̇идтааногаасам̣ д̇хаарзяяаат̇а.

    Idaṃ, bhikkhave, catutthaṃ mahāpadesaṃ dhāreyyāthāti idaṃ catutthaṃ dhammassa patiṭṭhānokāsaṃ dhāreyyātha.

    имасмим̣ бана таанз имам̣ багин̣н̣агам̣ взд̣̇ид̇аб̣б̣ам̣. суд̇д̇з жад̇д̇ааро махаабад̣̇зсаа, канд̇хагз жад̇д̇ааро махаабад̣̇зсаа, жад̇д̇аари бан̃хаб̣яаагаран̣аани, суд̇д̇ам̣, суд̇д̇аануломам̣, аажарияаваад̣̇о, ад̇д̇аномад̇и, д̇иссо сан̇г̇ийд̇ияод̇и.

    Imasmiṃ pana ṭhāne imaṃ pakiṇṇakaṃ veditabbaṃ. Sutte cattāro mahāpadesā, khandhake cattāro mahāpadesā, cattāri pañhabyākaraṇāni, suttaṃ, suttānulomaṃ, ācariyavādo, attanomati, tisso saṅgītiyoti.

    д̇ад̇т̇а – ‘‘аяам̣ д̇хаммо, аяам̣ винаяо’’д̇и д̇хаммавинижчаяз бад̇д̇з имз жад̇д̇ааро махаабад̣̇зсаа бамаан̣ам̣. яам̣ зд̇т̇а самзд̇и д̇ад̣̇зва г̇ахзд̇аб̣б̣ам̣, ид̇арам̣ вираванд̇ассаби на г̇ахзд̇аб̣б̣ам̣.

    Tattha – ‘‘ayaṃ dhammo, ayaṃ vinayo’’ti dhammavinicchaye patte ime cattāro mahāpadesā pamāṇaṃ. Yaṃ ettha sameti tadeva gahetabbaṃ, itaraṃ viravantassapi na gahetabbaṃ.

    ‘‘ид̣̇ам̣ габбад̇и, ид̣̇ам̣ на габбад̇ий’’д̇и габбияаагаббияавинижчаяз бад̇д̇з – ‘‘яам̣, бхигкавз, маяаа ид̣̇ам̣ на габбад̇ийд̇и аббадигкид̇д̇ам̣, д̇ам̣ жз агаббияам̣ ануломзд̇и, габбияам̣ бадиб̣аахад̇и, д̇ам̣ во на габбад̇ий’’д̇иаад̣̇инаа (махаава. 305) наязна канд̇хагз вуд̇д̇аа жад̇д̇ааро махаабад̣̇зсаа бамаан̣ам̣. д̇зсам̣ винижчаяагат̇аа саманд̇абаасаад̣̇игааяам̣ вуд̇д̇аа. д̇ад̇т̇а вуд̇д̇анаязна яам̣ габбияам̣ ануломзд̇и, д̇ад̣̇зва габбияам̣, ид̇арам̣ агаббияанд̇и звам̣ саннидтаанам̣ гаад̇аб̣б̣ам̣.

    ‘‘Idaṃ kappati, idaṃ na kappatī’’ti kappiyākappiyavinicchaye patte – ‘‘yaṃ, bhikkhave, mayā idaṃ na kappatīti appaṭikkhittaṃ, taṃ ce akappiyaṃ anulometi, kappiyaṃ paṭibāhati, taṃ vo na kappatī’’tiādinā (mahāva. 305) nayena khandhake vuttā cattāro mahāpadesā pamāṇaṃ. Tesaṃ vinicchayakathā samantapāsādikāyaṃ vuttā. Tattha vuttanayena yaṃ kappiyaṃ anulometi, tadeva kappiyaṃ, itaraṃ akappiyanti evaṃ sanniṭṭhānaṃ kātabbaṃ.

    згам̣саб̣яаагаран̣ийяо бан̃хо, вибхаж̇ж̇аб̣яаагаран̣ийяо бан̃хо, бадибужчааб̣яаагаран̣ийяо бан̃хо, табанийяо бан̃ход̇и имаани жад̇д̇аари бан̃хаб̣яаагаран̣аани наама. д̇ад̇т̇а ‘‘жагкум̣ анижжа’’нд̇и будтзна – ‘‘аама анижжа’’нд̇и згам̣сзнзва б̣яаагаад̇аб̣б̣ам̣ . зса наяо сод̇аад̣̇ийсу. аяам̣ згам̣саб̣яаагаран̣ийяо бан̃хо. ‘‘анижжам̣ наама жагку’’нд̇и будтзна – ‘‘на жагкумзва, сод̇амби анижжам̣ гхаанамби анижжа’’нд̇и звам̣ вибхаж̇ид̇ваа б̣яаагаад̇аб̣б̣ам̣. аяам̣ вибхаж̇ж̇аб̣яаагаран̣ийяо бан̃хо. ‘‘яат̇аа жагку д̇ат̇аа сод̇ам̣, яат̇аа сод̇ам̣ д̇ат̇аа жагку’’нд̇и будтзна ‘‘гзнадтзна бужчасий’’д̇и бадибужчид̇ваа ‘‘д̣̇ассанадтзна бужчаамий’’д̇и вуд̇д̇з ‘‘на хий’’д̇и б̣яаагаад̇аб̣б̣ам̣, ‘‘анижжадтзна бужчаамий’’д̇и вуд̇д̇з аамаад̇и б̣яаагаад̇аб̣б̣ам̣. аяам̣ бадибужчааб̣яаагаран̣ийяо бан̃хо. ‘‘д̇ам̣ ж̇ийвам̣ д̇ам̣ сарийра’’нд̇иаад̣̇ийни будтзна бана ‘‘аб̣яаагад̇амзд̇ам̣ бхаг̇авад̇аа’’д̇и табзд̇аб̣б̣о, зса бан̃хо на б̣яаагаад̇аб̣б̣о. аяам̣ табанийяо бан̃хо. ид̇и д̇знаагаарзна бан̃хз самбад̇д̇з имаани жад̇д̇аари бан̃хаб̣яаагаран̣аани бамаан̣ам̣. имзсам̣ васзна со бан̃хо б̣яаагаад̇аб̣б̣о.

    Ekaṃsabyākaraṇīyo pañho, vibhajjabyākaraṇīyo pañho, paṭipucchābyākaraṇīyo pañho, ṭhapanīyo pañhoti imāni cattāri pañhabyākaraṇāni nāma. Tattha ‘‘cakkhuṃ anicca’’nti puṭṭhena – ‘‘āma anicca’’nti ekaṃseneva byākātabbaṃ . Esa nayo sotādīsu. Ayaṃ ekaṃsabyākaraṇīyo pañho. ‘‘Aniccaṃ nāma cakkhu’’nti puṭṭhena – ‘‘na cakkhumeva, sotampi aniccaṃ ghānampi anicca’’nti evaṃ vibhajitvā byākātabbaṃ. Ayaṃ vibhajjabyākaraṇīyo pañho. ‘‘Yathā cakkhu tathā sotaṃ, yathā sotaṃ tathā cakkhu’’nti puṭṭhena ‘‘kenaṭṭhena pucchasī’’ti paṭipucchitvā ‘‘dassanaṭṭhena pucchāmī’’ti vutte ‘‘na hī’’ti byākātabbaṃ, ‘‘aniccaṭṭhena pucchāmī’’ti vutte āmāti byākātabbaṃ. Ayaṃ paṭipucchābyākaraṇīyo pañho. ‘‘Taṃ jīvaṃ taṃ sarīra’’ntiādīni puṭṭhena pana ‘‘abyākatametaṃ bhagavatā’’ti ṭhapetabbo, esa pañho na byākātabbo. Ayaṃ ṭhapanīyo pañho. Iti tenākārena pañhe sampatte imāni cattāri pañhabyākaraṇāni pamāṇaṃ. Imesaṃ vasena so pañho byākātabbo.

    суд̇д̇аад̣̇ийсу бана суд̇д̇ам̣ наама д̇иссо сан̇г̇ийд̇ияо ааруул̣хаани д̇ийн̣и бидагаани. суд̇д̇аануломам̣ наама ануломагаббияам̣. аажарияаваад̣̇о наама адтагат̇аа. ад̇д̇аномад̇и наама наяаг̇г̇аахзна ануб̣уд̣̇д̇хияаа ад̇д̇ано бадибхаанам̣. д̇ад̇т̇а суд̇д̇ам̣ аббадиб̣аахияам̣, д̇ам̣ бадиб̣ааханд̇зна б̣уд̣̇д̇хова бадиб̣аахид̇о ход̇и. ануломагаббияам̣ бана суд̇д̇зна самзнд̇амзва г̇ахзд̇аб̣б̣ам̣, на ид̇арам̣. аажарияаваад̣̇оби суд̇д̇зна самзнд̇оязва г̇ахзд̇аб̣б̣о, на ид̇аро. ад̇д̇аномад̇и бана саб̣б̣ад̣̇уб̣б̣алаа, сааби суд̇д̇зна самзнд̇ааязва г̇ахзд̇аб̣б̣аа, на ид̇араа. бан̃жасад̇игаа, сад̇д̇асад̇игаа, сахассигаад̇и имаа бана д̇иссо сан̇г̇ийд̇ияо. суд̇д̇амби д̇аасу ааг̇ад̇амзва бамаан̣ам̣, ид̇арам̣ г̇аараяхасуд̇д̇ам̣ на г̇ахзд̇аб̣б̣ам̣. д̇ад̇т̇а од̇аранд̇ааниби хи бад̣̇аб̣яан̃ж̇анаани на жзва суд̇д̇з од̇аранд̇и, на жа винаяз санд̣̇иссанд̇ийд̇и взд̣̇ид̇аб̣б̣аани.

    Suttādīsu pana suttaṃ nāma tisso saṅgītiyo ārūḷhāni tīṇi piṭakāni. Suttānulomaṃ nāma anulomakappiyaṃ. Ācariyavādo nāma aṭṭhakathā. Attanomati nāma nayaggāhena anubuddhiyā attano paṭibhānaṃ. Tattha suttaṃ appaṭibāhiyaṃ, taṃ paṭibāhantena buddhova paṭibāhito hoti. Anulomakappiyaṃ pana suttena samentameva gahetabbaṃ, na itaraṃ. Ācariyavādopi suttena samentoyeva gahetabbo, na itaro. Attanomati pana sabbadubbalā, sāpi suttena samentāyeva gahetabbā, na itarā. Pañcasatikā, sattasatikā, sahassikāti imā pana tisso saṅgītiyo. Suttampi tāsu āgatameva pamāṇaṃ, itaraṃ gārayhasuttaṃ na gahetabbaṃ. Tattha otarantānipi hi padabyañjanāni na ceva sutte otaranti, na ca vinaye sandissantīti veditabbāni.

    гаммаарабуд̇д̇ажунд̣̇авад̇т̇уван̣н̣анаа

    Kammāraputtacundavatthuvaṇṇanā

    189. гаммаарабуд̇д̇ассаад̇и суван̣н̣агаарабуд̇д̇асса. со гира ад̣дхо махаагудумб̣иго бхаг̇авад̇о батамад̣̇ассанзнзва сод̇аабанно худ̇ваа ад̇д̇ано амб̣аванз вихаарам̣ гаараабзд̇ваа нияяаад̇зси. д̇ам̣ санд̇хааяа вуд̇д̇ам̣ – ‘‘амб̣аванз’’д̇и.

    189.Kammāraputtassāti suvaṇṇakāraputtassa. So kira aḍḍho mahākuṭumbiko bhagavato paṭhamadassaneneva sotāpanno hutvā attano ambavane vihāraṃ kārāpetvā niyyātesi. Taṃ sandhāya vuttaṃ – ‘‘ambavane’’ti.

    суугарамад̣̇д̣̇аванд̇и наад̇ид̇арун̣асса наад̇иж̇ин̣н̣асса згаж̇здтагасуугарасса бавад̇д̇амам̣сам̣. д̇ам̣ гира муд̣̇у жзва синид̣̇д̇хан̃жа ход̇и, д̇ам̣ бадияаад̣̇аабзд̇ваа саад̇хугам̣ бажаабзд̇ваад̇и ад̇т̇о. згз бхан̣анд̇и – ‘‘суугарамад̣̇д̣̇аванд̇и бана муд̣̇уод̣̇анасса бан̃жаг̇орасаяуусабаажанавид̇хаанасса наамзд̇ам̣, яат̇аа г̇авабаанам̣ наама бааганаама’’нд̇и. гзжи бхан̣анд̇и – ‘‘суугарамад̣̇д̣̇авам̣ наама расааяанавид̇хи, д̇ам̣ бана расааяанасад̇т̇з ааг̇ажчад̇и, д̇ам̣ жунд̣̇зна – ‘бхаг̇авад̇о бариниб̣б̣аанам̣ на бхавзяяаа’д̇и расааяанам̣ бадияад̇д̇а’’нд̇и. д̇ад̇т̇а бана д̣̇висахассад̣̇ийбабариваарзсу жад̇уусу махаад̣̇ийбзсу д̣̇звад̇аа ож̇ам̣ багкибим̣су.

    Sūkaramaddavanti nātitaruṇassa nātijiṇṇassa ekajeṭṭhakasūkarassa pavattamaṃsaṃ. Taṃ kira mudu ceva siniddhañca hoti, taṃ paṭiyādāpetvā sādhukaṃ pacāpetvāti attho. Eke bhaṇanti – ‘‘sūkaramaddavanti pana muduodanassa pañcagorasayūsapācanavidhānassa nāmetaṃ, yathā gavapānaṃ nāma pākanāma’’nti. Keci bhaṇanti – ‘‘sūkaramaddavaṃ nāma rasāyanavidhi, taṃ pana rasāyanasatthe āgacchati, taṃ cundena – ‘bhagavato parinibbānaṃ na bhaveyyā’ti rasāyanaṃ paṭiyatta’’nti. Tattha pana dvisahassadīpaparivāresu catūsu mahādīpesu devatā ojaṃ pakkhipiṃsu.

    наахам̣ д̇анд̇и имам̣ сийханаад̣̇ам̣ гимад̇т̇ам̣ над̣̇ад̇и? баруубаваад̣̇аможанад̇т̇ам̣. ад̇д̇анаа барибхуд̇д̇аавасзсам̣ нзва бхигкуунам̣, на мануссаанам̣ д̣̇аад̇ум̣ ад̣̇ааси, ааваадз никан̣аабзд̇ваа винаасзсийд̇и хи вад̇д̇угаамаанам̣ ид̣̇ам̣ суд̇ваа важаногаасо на бхависсад̇ийд̇и барзсам̣ убаваад̣̇аможанад̇т̇ам̣ сийханаад̣̇ам̣ над̣̇ад̇ийд̇и.

    Nāhaṃ tanti imaṃ sīhanādaṃ kimatthaṃ nadati? Parūpavādamocanatthaṃ. Attanā paribhuttāvasesaṃ neva bhikkhūnaṃ, na manussānaṃ dātuṃ adāsi, āvāṭe nikhaṇāpetvā vināsesīti hi vattukāmānaṃ idaṃ sutvā vacanokāso na bhavissatīti paresaṃ upavādamocanatthaṃ sīhanādaṃ nadatīti.

    190. бхуд̇д̇асса жа суугарамад̣̇д̣̇авзнаад̇и бхуд̇д̇асса уд̣̇абаад̣̇и, на бана бхуд̇д̇абажжаяаа. яад̣̇и хи абхуд̇д̇асса уббаж̇ж̇иссат̇а, ад̇икаро бхависсад̇и. синид̣̇д̇хабхож̇анам̣ бхуд̇д̇ад̇д̇аа банасса д̇анувзд̣̇анаа ахоси. д̇знзва бад̣̇асаа г̇анд̇ум̣ асагки. вирзжамаанод̇и абхин̣хам̣ бавад̇д̇алохид̇авирзжанова самаано . авожаад̇и ад̇д̇анаа бад̇т̇ид̇адтаанз бариниб̣б̣аанад̇т̇ааяа звамааха. имаа бана д̇хаммасан̇г̇аахагад̇т̇зрзхи табид̇аг̇аат̇ааяод̇и взд̣̇ид̇аб̣б̣аа.

    190.Bhuttassa ca sūkaramaddavenāti bhuttassa udapādi, na pana bhuttapaccayā. Yadi hi abhuttassa uppajjissatha, atikharo bhavissati. Siniddhabhojanaṃ bhuttattā panassa tanuvedanā ahosi. Teneva padasā gantuṃ asakkhi. Virecamānoti abhiṇhaṃ pavattalohitavirecanova samāno . Avocāti attanā patthitaṭṭhāne parinibbānatthāya evamāha. Imā pana dhammasaṅgāhakattherehi ṭhapitagāthāyoti veditabbā.

    баанийяаахаран̣аван̣н̣анаа

    Pānīyāharaṇavaṇṇanā

    191. ин̇гхаад̇и жод̣̇анад̇т̇з нибаад̇о. ажчод̣̇агаад̇и басаннод̣̇агаа. саад̇од̣̇агаад̇и мад̇хурод̣̇агаа. сийд̇од̣̇агаад̇и д̇анусийд̇аласалилаа. сзд̇агаад̇и ниггад̣̇д̣̇амаа. суббад̇ид̇т̇аад̇и сунд̣̇арад̇ид̇т̇аа.

    191.Iṅghāti codanatthe nipāto. Acchodakāti pasannodakā. Sātodakāti madhurodakā. Sītodakāti tanusītalasalilā. Setakāti nikkaddamā. Suppatitthāti sundaratitthā.

    буггусамаллабуд̇д̇авад̇т̇уван̣н̣анаа

    Pukkusamallaputtavatthuvaṇṇanā

    192. буггусод̇и д̇асса наамам̣. маллабуд̇д̇од̇и малларааж̇абуд̇д̇о. маллаа гира ваарзна раж̇ж̇ам̣ гаарзнд̇и. яаава нзсам̣ вааро на баабун̣аад̇и, д̇аава ван̣иж̇ж̇ам̣ гаронд̇и. аяамби ван̣иж̇ж̇амзва гаронд̇о бан̃жа сагадасад̇аани яож̇аабзд̇ваа д̇хураваад̇з вааяанд̇з бурад̇о г̇ажчад̇и, бажчаа ваад̇з вааяанд̇з сад̇т̇аваахам̣ бурад̇о бзсзд̇ваа саяам̣ бажчаа г̇ажчад̇и. д̇ад̣̇аа бана бажчаа ваад̇о вааяи, д̇асмаа зса бурад̇о сад̇т̇аваахам̣ бзсзд̇ваа саб̣б̣арад̇анаяаанз нисийд̣̇ид̇ваа гусинаарад̇о нигкамид̇ваа ‘‘баавам̣ г̇амиссаамий’’д̇и маг̇г̇ам̣ бадибаж̇ж̇и. д̇зна вуд̇д̇ам̣ – ‘‘гусинаарааяа баавам̣ ад̣̇д̇хаанамаг̇г̇аббадибанно ход̇ий’’д̇и.

    192.Pukkusoti tassa nāmaṃ. Mallaputtoti mallarājaputto. Mallā kira vārena rajjaṃ kārenti. Yāva nesaṃ vāro na pāpuṇāti, tāva vaṇijjaṃ karonti. Ayampi vaṇijjameva karonto pañca sakaṭasatāni yojāpetvā dhuravāte vāyante purato gacchati, pacchā vāte vāyante satthavāhaṃ purato pesetvā sayaṃ pacchā gacchati. Tadā pana pacchā vāto vāyi, tasmā esa purato satthavāhaṃ pesetvā sabbaratanayāne nisīditvā kusinārato nikkhamitvā ‘‘pāvaṃ gamissāmī’’ti maggaṃ paṭipajji. Tena vuttaṃ – ‘‘kusinārāya pāvaṃ addhānamaggappaṭipanno hotī’’ti.

    аал̣аарод̇и д̇асса наамам̣. д̣̇ийгхабин̇г̇ало гирзсо, д̇знасса аал̣аарод̇и наамам̣ ахоси. гаалаамод̇и г̇од̇д̇ам̣. яад̇ра хи наамаад̇и яо наама. нзва д̣̇агкад̇ийд̇и на ад̣̇д̣̇аса. яад̇расад̣̇д̣̇аяуд̇д̇ад̇д̇аа банзд̇ам̣ анааг̇ад̇авасзна вуд̇д̇ам̣. зваруубан̃хи ийд̣̇исзсу таанзсу сад̣̇д̣̇алагкан̣ам̣.

    Āḷāroti tassa nāmaṃ. Dīghapiṅgalo kireso, tenassa āḷāroti nāmaṃ ahosi. Kālāmoti gottaṃ. Yatra hi nāmāti yo nāma. Neva dakkhatīti na addasa. Yatrasaddayuttattā panetaṃ anāgatavasena vuttaṃ. Evarūpañhi īdisesu ṭhānesu saddalakkhaṇaṃ.

    193. нижчаранд̇ийсууд̇и вижаранд̇ийсу. асанияаа паланд̇ияаад̇и нававид̇хааяа асанияаа бхиж̇ж̇амаанааяа вияа махааравам̣ раванд̇ияаа. нававид̇хаа хи асанияо – асан̃н̃аа, вижаггаа, сад̇зраа, г̇аг̇г̇араа, габисийсаа, мажчавилолигаа, гуггудагаа, д̣̇ан̣д̣аман̣игаа, сугкаасанийд̇и. д̇ад̇т̇а асан̃н̃аа асан̃н̃ам̣ гарод̇и. вижаггаа згам̣ жаггам̣ гарод̇и. сад̇зраа сад̇зрасад̣̇исаа худ̇ваа бад̇ад̇и. г̇аг̇г̇араа г̇аг̇г̇арааяамаанаа бад̇ад̇и. габисийсаа бхамугам̣ угкибзнд̇о маггадо вияа ход̇и. мажчавилолигаа вилолид̇амажчо вияа ход̇и. гуггудагаа гуггудасад̣̇исаа худ̇ваа бад̇ад̇и. д̣̇ан̣д̣аман̣игаа нан̇г̇аласад̣̇исаа худ̇ваа бад̇ад̇и. сугкаасаний бад̇ид̇адтаанам̣ самуг̇гхаадзд̇и.

    193.Niccharantīsūti vicarantīsu. Asaniyā phalantiyāti navavidhāya asaniyā bhijjamānāya viya mahāravaṃ ravantiyā. Navavidhā hi asaniyo – asaññā, vicakkā, saterā, gaggarā, kapisīsā, macchavilolikā, kukkuṭakā, daṇḍamaṇikā, sukkhāsanīti. Tattha asaññā asaññaṃ karoti. Vicakkā ekaṃ cakkaṃ karoti. Saterā saterasadisā hutvā patati. Gaggarā gaggarāyamānā patati. Kapisīsā bhamukaṃ ukkhipento makkaṭo viya hoti. Macchavilolikā vilolitamaccho viya hoti. Kukkuṭakā kukkuṭasadisā hutvā patati. Daṇḍamaṇikā naṅgalasadisā hutvā patati. Sukkhāsanī patitaṭṭhānaṃ samugghāṭeti.

    д̣̇звз вассанд̇зд̇и сугкаг̇аж̇ж̇ид̇ам̣ г̇аж̇ж̇ид̇ваа анд̇аранд̇араа вассанд̇з. аад̇умааяанд̇и аад̇умам̣ ниссааяа вихараами. бхусааг̇аарзд̇и каласаалааяам̣. зд̇т̇зсод̇и зд̇асмим̣ гааран̣з зсо махааж̇анагааяо саннибад̇ид̇о. гва ахосийд̇и гухим̣ ахоси. со д̇ам̣ бханд̇зд̇и со д̇вам̣ бханд̇з.

    Devevassanteti sukkhagajjitaṃ gajjitvā antarantarā vassante. Ātumāyanti ātumaṃ nissāya viharāmi. Bhusāgāreti khalasālāyaṃ. Etthesoti etasmiṃ kāraṇe eso mahājanakāyo sannipatito. Kva ahosīti kuhiṃ ahosi. So taṃ bhanteti so tvaṃ bhante.

    194. син̇г̇ийван̣н̣анд̇и син̇г̇ийсуван̣н̣аван̣н̣ам̣. яуг̇амадтанд̇и мадтаяуг̇ам̣, сан̣хасаадагаяуг̇ал̣анд̇и ад̇т̇о. д̇хааран̣ийяанд̇и анд̇аранд̇араа маяаа д̇хаарзд̇аб̣б̣ам̣, барид̣̇ахид̇аб̣б̣анд̇и ад̇т̇о. д̇ам̣ гира со д̇ат̇ааруубз чан̣ад̣̇ивасзязва д̇хаарзд̇ваа сзсагаалз нигкибад̇и. звам̣ уд̇д̇амам̣ ман̇г̇алавад̇т̇аяуг̇ам̣ санд̇хааяааха. анугамбам̣ убаад̣̇ааяаад̇и маяи анугамбам̣ бадижжа. ажчаад̣̇зхийд̇и убажаараважанамзд̇ам̣ – згам̣ маяхам̣ д̣̇зхи, згам̣ аананд̣̇ассаад̇и ад̇т̇о. гим̣ бана т̇зро д̇ам̣ г̇ан̣хийд̇и? аама г̇ан̣хи. гасмаа? мад̇т̇агаббад̇д̇агижжад̇д̇аа. гин̃жааби хзса зваруубам̣ лаабхам̣ бадигкибид̇ваа убадтаагадтаанам̣ бадибанно. д̇ам̣ банасса убадтаагагижжам̣ мад̇т̇агам̣ бад̇д̇ам̣. д̇асмаа аг̇г̇ахзси. яз жааби звам̣ вад̣̇зяяум̣ – ‘‘анаараад̇хаго ман̃н̃з аананд̣̇о бан̃жавийсад̇и вассаани убадтаханд̇зна на гин̃жи бхаг̇авад̇о санд̇игаа д̇зна лад̣̇д̇хабуб̣б̣а’’нд̇и. д̇зсам̣ важаногаасажчзд̣̇анад̇т̇амби аг̇г̇ахзси. аби жа ж̇аанаад̇и бхаг̇аваа – ‘‘аананд̣̇о г̇ахзд̇вааби ад̇д̇анаа на д̇хаарзссад̇и, маяхам̣язва бууж̇ам̣ гариссад̇и. маллабуд̇д̇зна бана аананд̣̇ам̣ бууж̇знд̇зна сан̇гхоби бууж̇ид̇о бхависсад̇и, звамасса махаабун̃н̃арааси бхависсад̇ий’’д̇и т̇зрасса згам̣ д̣̇аабзси. т̇зроби д̇знзва гааран̣зна аг̇г̇ахзсийд̇и. д̇хаммияаа гат̇ааяаад̇и вад̇т̇аанумод̣̇анагат̇ааяа.

    194.Siṅgīvaṇṇanti siṅgīsuvaṇṇavaṇṇaṃ. Yugamaṭṭhanti maṭṭhayugaṃ, saṇhasāṭakayugaḷanti attho. Dhāraṇīyanti antarantarā mayā dhāretabbaṃ, paridahitabbanti attho. Taṃ kira so tathārūpe chaṇadivaseyeva dhāretvā sesakāle nikkhipati. Evaṃ uttamaṃ maṅgalavatthayugaṃ sandhāyāha. Anukampaṃ upādāyāti mayi anukampaṃ paṭicca. Acchādehīti upacāravacanametaṃ – ekaṃ mayhaṃ dehi, ekaṃ ānandassāti attho. Kiṃ pana thero taṃ gaṇhīti? Āma gaṇhi. Kasmā? Matthakappattakiccattā. Kiñcāpi hesa evarūpaṃ lābhaṃ paṭikkhipitvā upaṭṭhākaṭṭhānaṃ paṭipanno. Taṃ panassa upaṭṭhākakiccaṃ matthakaṃ pattaṃ. Tasmā aggahesi. Ye cāpi evaṃ vadeyyuṃ – ‘‘anārādhako maññe ānando pañcavīsati vassāni upaṭṭhahantena na kiñci bhagavato santikā tena laddhapubba’’nti. Tesaṃ vacanokāsacchedanatthampi aggahesi. Api ca jānāti bhagavā – ‘‘ānando gahetvāpi attanā na dhāressati, mayhaṃyeva pūjaṃ karissati. Mallaputtena pana ānandaṃ pūjentena saṅghopi pūjito bhavissati, evamassa mahāpuññarāsi bhavissatī’’ti therassa ekaṃ dāpesi. Theropi teneva kāraṇena aggahesīti. Dhammiyā kathāyāti vatthānumodanakathāya.

    195. бхаг̇авад̇о гааяам̣ убанаамид̇анд̇и ниваасанабаарубанавасзна аллийяаабид̇ам̣. бхаг̇авааби д̇ад̇о згам̣ ниваасзси, згам̣ бааруби. хад̇ажжигам̣ вияаад̇и яат̇аа хад̇ажжиго ан̇г̇ааро анд̇анд̇знзва ж̇од̇ад̇и, б̣ахи банасса бабхаа над̇т̇и, звам̣ б̣ахи бадижчаннаббабхам̣ худ̇ваа кааяад̇ийд̇и ад̇т̇о.

    195.Bhagavato kāyaṃ upanāmitanti nivāsanapārupanavasena allīyāpitaṃ. Bhagavāpi tato ekaṃ nivāsesi, ekaṃ pārupi. Hataccikaṃ viyāti yathā hatacciko aṅgāro antanteneva jotati, bahi panassa pabhā natthi, evaṃ bahi paṭicchannappabhaṃ hutvā khāyatīti attho.

    имзсу ко, аананд̣̇а, д̣̇вийсуби гаалзсууд̇и гасмаа имзсу д̣̇вийсу гаалзсу звам̣ ход̇и? аахаарависзсзна жзва б̣алавасоманассзна жа. зд̇зсу хи д̣̇вийсу гаалзсу сагалажаггаваал̣з д̣̇звад̇аа аахаарз ож̇ам̣ багкибанд̇и, д̇ам̣ бан̣ийд̇абхож̇анам̣ гужчим̣ бависид̇ваа басаннаруубам̣ самудтаабзд̇и. аахаарасамудтаанаруубасса басаннад̇д̇аа манажчадтаани инд̣̇рияаани ад̇ивияа вирожанд̇и. самб̣од̇хид̣̇ивасз жасса – ‘‘анзгагаббагодисад̇асахассасан̃жид̇о вад̇а мз гилзсарааси аж̇ж̇а бахийно’’д̇и ааваж̇ж̇анд̇асса б̣алавасоманассам̣ уббаж̇ж̇ад̇и, жид̇д̇ам̣ басийд̣̇ад̇и, жид̇д̇з басаннз лохид̇ам̣ басийд̣̇ад̇и, лохид̇з басаннз манажчадтаани инд̣̇рияаани ад̇ивияа вирожанд̇и. бариниб̣б̣аанад̣̇ивасзби – ‘‘аж̇ж̇а, д̣̇аанаахам̣, анзгзхи б̣уд̣̇д̇хасад̇асахассзхи бавидтам̣ амад̇амахааниб̣б̣аанам̣ наама наг̇арам̣ бависиссаамий’’д̇и ааваж̇ж̇анд̇асса б̣алавасоманассам̣ уббаж̇ж̇ад̇и, жид̇д̇ам̣ басийд̣̇ад̇и, жид̇д̇з басаннз лохид̇ам̣ басийд̣̇ад̇и, лохид̇з басаннз манажчадтаани инд̣̇рияаани ад̇ивияа вирожанд̇и. ид̇и аахаарависзсзна жзва б̣алавасоманассзна жа имзсу д̣̇вийсу гаалзсу звам̣ ход̇ийд̇и взд̣̇ид̇аб̣б̣ам̣. убавад̇д̇анзд̇и баажийнад̇о нивад̇д̇анасаалаванз. анд̇арзна яамагасаалаананд̇и яамагасааларугкаанам̣ маж̇жхз.

    Imesu kho, ānanda, dvīsupi kālesūti kasmā imesu dvīsu kālesu evaṃ hoti? Āhāravisesena ceva balavasomanassena ca. Etesu hi dvīsu kālesu sakalacakkavāḷe devatā āhāre ojaṃ pakkhipanti, taṃ paṇītabhojanaṃ kucchiṃ pavisitvā pasannarūpaṃ samuṭṭhāpeti. Āhārasamuṭṭhānarūpassa pasannattā manacchaṭṭhāni indriyāni ativiya virocanti. Sambodhidivase cassa – ‘‘anekakappakoṭisatasahassasañcito vata me kilesarāsi ajja pahīno’’ti āvajjantassa balavasomanassaṃ uppajjati, cittaṃ pasīdati, citte pasanne lohitaṃ pasīdati, lohite pasanne manacchaṭṭhāni indriyāni ativiya virocanti. Parinibbānadivasepi – ‘‘ajja, dānāhaṃ, anekehi buddhasatasahassehi paviṭṭhaṃ amatamahānibbānaṃ nāma nagaraṃ pavisissāmī’’ti āvajjantassa balavasomanassaṃ uppajjati, cittaṃ pasīdati, citte pasanne lohitaṃ pasīdati, lohite pasanne manacchaṭṭhāni indriyāni ativiya virocanti. Iti āhāravisesena ceva balavasomanassena ca imesu dvīsu kālesu evaṃ hotīti veditabbaṃ. Upavattaneti pācīnato nivattanasālavane. Antarena yamakasālānanti yamakasālarukkhānaṃ majjhe.

    син̇г̇ийван̣н̣анд̇и г̇аат̇аа сан̇г̇ийд̇игаалз табид̇аа.

    Siṅgīvaṇṇanti gāthā saṅgītikāle ṭhapitā.

    196. нхад̇ваа жа бивид̇ваа жаад̇и зд̇т̇а д̇ад̣̇аа гира бхаг̇авад̇и нахааяанд̇з анд̇онад̣̇ияам̣ мажчагажчабаа жа убхад̇од̇ийрзсу ванасан̣д̣о жа саб̣б̣ам̣ суван̣н̣аван̣н̣амзва ход̇и. амб̣авананд̇и д̇ассааязва над̣̇ияаа д̇ийрз амб̣аванам̣. ааяасманд̇ам̣ жунд̣̇аганд̇и д̇асмим̣ гира кан̣з аананд̣̇ад̇т̇зро уд̣̇агасаадагам̣ бийл̣знд̇о охийяи, жунд̣̇ад̇т̇зро самийбз ахоси. д̇ам̣ бхаг̇аваа ааманд̇зси.

    196.Nhatvāca pivitvā cāti ettha tadā kira bhagavati nahāyante antonadiyaṃ macchakacchapā ca ubhatotīresu vanasaṇḍo ca sabbaṃ suvaṇṇavaṇṇameva hoti. Ambavananti tassāyeva nadiyā tīre ambavanaṃ. Āyasmantaṃ cundakanti tasmiṃ kira khaṇe ānandatthero udakasāṭakaṃ pīḷento ohīyi, cundatthero samīpe ahosi. Taṃ bhagavā āmantesi.

    г̇анд̇ваана б̣уд̣̇д̇хо над̣̇игам̣ гагуд̇ханд̇и имааби г̇аат̇аа сан̇г̇ийд̇игаалзязва табид̇аа. д̇ад̇т̇а бавад̇д̇аа бхаг̇аваа ид̇ха д̇хаммзд̇и бхаг̇аваа ид̇ха саасанз д̇хаммз бавад̇д̇аа, жад̇ураасийд̇и д̇хаммагканд̇хасахассаани бавад̇д̇аанийд̇и ад̇т̇о. бамукз нисийд̣̇ийд̇и сад̇т̇у бурад̇ова нисийд̣̇и. зд̇д̇аавад̇аа жа т̇зро ануббад̇д̇о. звам̣ ануббад̇д̇ам̣ ат̇а ко бхаг̇аваа ааяасманд̇ам̣ аананд̣̇ам̣ ааманд̇зси.

    Gantvāna buddho nadikaṃ kakudhanti imāpi gāthā saṅgītikāleyeva ṭhapitā. Tattha pavattā bhagavā idha dhammeti bhagavā idha sāsane dhamme pavattā, caturāsīti dhammakkhandhasahassāni pavattānīti attho. Pamukhe nisīdīti satthu puratova nisīdi. Ettāvatā ca thero anuppatto. Evaṃ anuppattaṃ atha kho bhagavā āyasmantaṃ ānandaṃ āmantesi.

    197. алаабхаад̇и яз ан̃н̃зсам̣ д̣̇аанаанисам̣сасан̇каад̇аа лаабхаа хонд̇и, д̇з алаабхаа. д̣̇уллад̣̇д̇ханд̇и бун̃н̃ависзсзна лад̣̇д̇хамби мануссад̇д̇ам̣ д̣̇уллад̣̇д̇хам̣. яасса д̇зд̇и яасса д̇ава. уд̇д̇ан̣д̣улам̣ ваа ад̇игилиннам̣ ваа го ж̇аанаад̇и, гийд̣̇исамби бажчимам̣ бин̣д̣абаад̇ам̣ барибхун̃ж̇ид̇ваа д̇ат̇ааг̇ад̇о бариниб̣б̣уд̇о, ад̣̇д̇хаа д̇з яам̣ ваа д̇ам̣ ваа д̣̇иннам̣ бхависсад̇ийд̇и. лаабхаад̇и д̣̇идтад̇хаммигасамбарааяигад̣̇аанаанисам̣сасан̇каад̇аа лаабхаа. сулад̣̇д̇ханд̇и д̇уяхам̣ мануссад̇д̇ам̣ сулад̣̇д̇хам̣. самасамапалаад̇и саб̣б̣аагаарзна самаанапалаа.

    197.Alābhāti ye aññesaṃ dānānisaṃsasaṅkhātā lābhā honti, te alābhā. Dulladdhanti puññavisesena laddhampi manussattaṃ dulladdhaṃ. Yassa teti yassa tava. Uttaṇḍulaṃ vā atikilinnaṃ vā ko jānāti, kīdisampi pacchimaṃ piṇḍapātaṃ paribhuñjitvā tathāgato parinibbuto, addhā te yaṃ vā taṃ vā dinnaṃ bhavissatīti. Lābhāti diṭṭhadhammikasamparāyikadānānisaṃsasaṅkhātā lābhā. Suladdhanti tuyhaṃ manussattaṃ suladdhaṃ. Samasamaphalāti sabbākārena samānaphalā.

    нану жа яам̣ суж̇аад̇ааяа д̣̇иннам̣ бин̣д̣абаад̇ам̣ бхун̃ж̇ид̇ваа д̇ат̇ааг̇ад̇о абхисамб̣уд̣̇д̇хо, со сарааг̇асад̣̇осасамохагаалз барибхуд̇д̇о, аяам̣ бана жунд̣̇зна д̣̇инно вийд̇арааг̇авийд̇ад̣̇осавийд̇амохагаалз барибхуд̇д̇о, гасмаа зд̇з самапалаад̇и? бариниб̣б̣аанасамад̇ааяа жа самаабад̇д̇исамад̇ааяа жа ануссаран̣асамад̇ааяа жа. бхаг̇аваа хи суж̇аад̇ааяа д̣̇иннам̣ бин̣д̣абаад̇ам̣ барибхун̃ж̇ид̇ваа саубаад̣̇исзсааяа ниб̣б̣аанад̇хаад̇уяаа бариниб̣б̣уд̇о, жунд̣̇зна д̣̇иннам̣ барибхун̃ж̇ид̇ваа анубаад̣̇исзсааяа ниб̣б̣аанад̇хаад̇уяаа бариниб̣б̣уд̇од̇и звам̣ бариниб̣б̣аанасамад̇ааяаби самапалаа. абхисамб̣уж̇жханад̣̇ивасз жа жад̇увийсад̇игодисад̇асахассасан̇кяаа самаабад̇д̇ияо самаабаж̇ж̇и, бариниб̣б̣аанад̣̇ивасзби саб̣б̣аа д̇аа самаабаж̇ж̇ийд̇и звам̣ самаабад̇д̇исамад̇ааяаби самапалаа. суж̇аад̇аа жа абарабхааг̇з ассоси – ‘‘на гирзсаа ругкад̣̇звад̇аа, б̣од̇хисад̇д̇о гирзса, д̇ам̣ гира бин̣д̣абаад̇ам̣ барибхун̃ж̇ид̇ваа ануд̇д̇арам̣ саммаасамб̣од̇хим̣ абхисамб̣уд̣̇д̇хо , сад̇д̇асад̇д̇аахам̣ гирасса д̇зна яаабанам̣ ахосий’’д̇и. д̇ассаа ид̣̇ам̣ суд̇ваа – ‘‘лаабхаа вад̇а мз’’д̇и ануссаранд̇ияаа б̣алавабийд̇исоманассам̣ уд̣̇абаад̣̇и. жунд̣̇ассааби абарабхааг̇з – ‘‘авасаанабин̣д̣абаад̇о гира маяаа д̣̇инно, д̇хаммасийсам̣ гира мз г̇ахид̇ам̣, маяхам̣ гира бин̣д̣абаад̇ам̣ барибхун̃ж̇ид̇ваа сад̇т̇аа анубаад̣̇исзсааяа ниб̣б̣аанад̇хаад̇уяаа бариниб̣б̣уд̇о’’д̇и суд̇ваа ‘‘лаабхаа вад̇а мз’’д̇и ануссарад̇о б̣алавасоманассам̣ уд̣̇абаад̣̇ийд̇и звам̣ ануссаран̣асамад̇ааяаби самапалаад̇и взд̣̇ид̇аб̣б̣аа.

    Nanu ca yaṃ sujātāya dinnaṃ piṇḍapātaṃ bhuñjitvā tathāgato abhisambuddho, so sarāgasadosasamohakāle paribhutto, ayaṃ pana cundena dinno vītarāgavītadosavītamohakāle paribhutto, kasmā ete samaphalāti? Parinibbānasamatāya ca samāpattisamatāya ca anussaraṇasamatāya ca. Bhagavā hi sujātāya dinnaṃ piṇḍapātaṃ paribhuñjitvā saupādisesāya nibbānadhātuyā parinibbuto, cundena dinnaṃ paribhuñjitvā anupādisesāya nibbānadhātuyā parinibbutoti evaṃ parinibbānasamatāyapi samaphalā. Abhisambujjhanadivase ca catuvīsatikoṭisatasahassasaṅkhyā samāpattiyo samāpajji, parinibbānadivasepi sabbā tā samāpajjīti evaṃ samāpattisamatāyapi samaphalā. Sujātā ca aparabhāge assosi – ‘‘na kiresā rukkhadevatā, bodhisatto kiresa, taṃ kira piṇḍapātaṃ paribhuñjitvā anuttaraṃ sammāsambodhiṃ abhisambuddho , sattasattāhaṃ kirassa tena yāpanaṃ ahosī’’ti. Tassā idaṃ sutvā – ‘‘lābhā vata me’’ti anussarantiyā balavapītisomanassaṃ udapādi. Cundassāpi aparabhāge – ‘‘avasānapiṇḍapāto kira mayā dinno, dhammasīsaṃ kira me gahitaṃ, mayhaṃ kira piṇḍapātaṃ paribhuñjitvā satthā anupādisesāya nibbānadhātuyā parinibbuto’’ti sutvā ‘‘lābhā vata me’’ti anussarato balavasomanassaṃ udapādīti evaṃ anussaraṇasamatāyapi samaphalāti veditabbā.

    яасасам̣вад̇д̇аниганд̇и бариваарасам̣вад̇д̇анигам̣. аад̇хибад̇зяяасам̣вад̇д̇аниганд̇и ж̇здтагабхаавасам̣вад̇д̇анигам̣.

    Yasasaṃvattanikanti parivārasaṃvattanikaṃ. Ādhipateyyasaṃvattanikanti jeṭṭhakabhāvasaṃvattanikaṃ.

    сам̣яамад̇од̇и сийласам̣яамзна сам̣яаманд̇асса, сам̣варз тид̇ассаад̇и ад̇т̇о. взрам̣ на жийяад̇ийд̇и бан̃жавид̇хам̣ взрам̣ на вад̣дхад̇и. гусало жа ж̇ахаад̇и баабаганд̇и гусало бана н̃аан̣асамбанно арияамаг̇г̇зна анавасзсам̣ баабагам̣ лаамагам̣ агусалам̣ ж̇ахаад̇и. рааг̇ад̣̇осамохагкаяаа са ниб̣б̣уд̇од̇и со имам̣ баабагам̣ ж̇ахид̇ваа рааг̇аад̣̇ийнам̣ каяаа гилзсаниб̣б̣аанзна ниб̣б̣уд̇од̇и. ид̇и жунд̣̇асса жа д̣̇агкин̣ам̣, ад̇д̇ано жа д̣̇агкин̣зяяасамбад̇д̇им̣ самбассамаано уд̣̇аанам̣ уд̣̇аанзсийд̇и.

    Saṃyamatoti sīlasaṃyamena saṃyamantassa, saṃvare ṭhitassāti attho. Veraṃ na cīyatīti pañcavidhaṃ veraṃ na vaḍḍhati. Kusalo ca jahāti pāpakanti kusalo pana ñāṇasampanno ariyamaggena anavasesaṃ pāpakaṃ lāmakaṃ akusalaṃ jahāti. Rāgadosamohakkhayā sa nibbutoti so imaṃ pāpakaṃ jahitvā rāgādīnaṃ khayā kilesanibbānena nibbutoti. Iti cundassa ca dakkhiṇaṃ, attano ca dakkhiṇeyyasampattiṃ sampassamāno udānaṃ udānesīti.

    жад̇уд̇т̇абхаан̣аваараван̣н̣анаа нидтид̇аа.

    Catutthabhāṇavāravaṇṇanā niṭṭhitā.

    яамагасаалааван̣н̣анаа

    Yamakasālāvaṇṇanā

    198. махад̇аа бхигкусан̇гхзна сад̣̇д̇хинд̇и ид̇ха бхигкуунам̣ г̇ан̣анабарижчзд̣̇о над̇т̇и. взл̣уваг̇аамз взд̣̇анаавигкамбханад̇о бадтааяа хи – ‘‘на жирзна бхаг̇аваа бариниб̣б̣ааяиссад̇ий’’д̇и суд̇ваа д̇ад̇о д̇ад̇о ааг̇ад̇зсу бхигкуусу згабхигкуби багганд̇о наама над̇т̇и. д̇асмаа г̇ан̣анавийд̇ивад̇д̇о сан̇гхо ахоси. убавад̇д̇анам̣ маллаанам̣ саалавананд̇и яат̇зва хи галамб̣анад̣̇ийд̇ийрад̇о рааж̇амаад̇увихаарад̣̇ваарзна т̇уубаараамам̣ г̇анд̇аб̣б̣ам̣ ход̇и, звам̣ хиран̃н̃авад̇ияаа бааримад̇ийрад̇о саалавануяяаанам̣, яат̇аа анураад̇хабурасса т̇уубаараамо, звам̣ д̇ам̣ гусинаарааяам̣ ход̇и. яат̇аа т̇уубаараамад̇о д̣̇агкин̣ад̣̇ваарзна наг̇арам̣ бависанамаг̇г̇о баажийнамуко г̇анд̇ваа уд̇д̇арзна нивад̇д̇о, звам̣ уяяаанад̇о саалаванам̣ баажийнамукам̣ г̇анд̇ваа уд̇д̇арзна нивад̇д̇ам̣. д̇асмаа д̇ам̣ – ‘‘убавад̇д̇ана’’нд̇и вужжад̇и. анд̇арзна яамагасаалаанам̣ уд̇д̇арасийсаганд̇и д̇асса гира ман̃жагасса згаа саалабанд̇и сийсабхааг̇з ход̇и, згаа баад̣̇абхааг̇з. д̇ад̇рааби зго д̇арун̣асаало сийсабхааг̇асса аасанно ход̇и, зго баад̣̇абхааг̇асса. аби жа яамагасаалаа наама муулаканд̇хавидабабад̇д̇зхи ан̃н̃аман̃н̃ам̣ сам̣сиб̣б̣ид̇ваа тид̇асаалаад̇и вуд̇д̇ам̣. ман̃жагам̣ бан̃н̃абзхийд̇и д̇асмим̣ гира уяяаанз рааж̇агуласса саяанаман̃жо ад̇т̇и, д̇ам̣ санд̇хааяа бан̃н̃абзхийд̇и ааха. т̇зроби д̇ам̣язва бан̃н̃абзд̇ваа ад̣̇ааси.

    198.Mahatā bhikkhusaṅghena saddhinti idha bhikkhūnaṃ gaṇanaparicchedo natthi. Veḷuvagāme vedanāvikkhambhanato paṭṭhāya hi – ‘‘na cirena bhagavā parinibbāyissatī’’ti sutvā tato tato āgatesu bhikkhūsu ekabhikkhupi pakkanto nāma natthi. Tasmā gaṇanavītivatto saṅgho ahosi. Upavattanaṃ mallānaṃ sālavananti yatheva hi kalambanadītīrato rājamātuvihāradvārena thūpārāmaṃ gantabbaṃ hoti, evaṃ hiraññavatiyā pārimatīrato sālavanuyyānaṃ, yathā anurādhapurassa thūpārāmo, evaṃ taṃ kusinārāyaṃ hoti. Yathā thūpārāmato dakkhiṇadvārena nagaraṃ pavisanamaggo pācīnamukho gantvā uttarena nivatto, evaṃ uyyānato sālavanaṃ pācīnamukhaṃ gantvā uttarena nivattaṃ. Tasmā taṃ – ‘‘upavattana’’nti vuccati. Antarena yamakasālānaṃuttarasīsakanti tassa kira mañcakassa ekā sālapanti sīsabhāge hoti, ekā pādabhāge. Tatrāpi eko taruṇasālo sīsabhāgassa āsanno hoti, eko pādabhāgassa. Api ca yamakasālā nāma mūlakhandhaviṭapapattehi aññamaññaṃ saṃsibbitvā ṭhitasālāti vuttaṃ. Mañcakaṃ paññapehīti tasmiṃ kira uyyāne rājakulassa sayanamañco atthi, taṃ sandhāya paññapehīti āha. Theropi taṃyeva paññapetvā adāsi.

    гиланд̇осми, аананд̣̇а, нибаж̇ж̇иссаамийд̇и д̇ат̇ааг̇ад̇асса хи –

    Kilantosmi, ānanda, nipajjissāmīti tathāgatassa hi –

    ‘‘г̇ожари гал̣аабо г̇ан̇г̇зяяо, бин̇г̇ало баб̣б̣ад̇зяяаго;

    ‘‘Gocari kaḷāpo gaṅgeyyo, piṅgalo pabbateyyako;

    хзмавад̇о жа д̇амб̣о жа, манд̣̇аагини убосат̇о;

    Hemavato ca tambo ca, mandākini uposatho;

    чад̣̇д̣̇анд̇оязва д̣̇асамо, зд̇з нааг̇аанамуд̇д̇амаа’’д̇и. –

    Chaddantoyeva dasamo, ete nāgānamuttamā’’ti. –

    зд̇т̇а яам̣ д̣̇асаннам̣ г̇ожарисан̇каад̇аанам̣ багад̇ихад̇т̇ийнам̣ б̣алам̣, д̇ам̣ згасса гал̣аабассаад̇и. звам̣ д̣̇асаг̇ун̣авад̣дхид̇ааяа г̇ан̣анааяа багад̇ихад̇т̇ийнам̣ годисахассаб̣алаббамаан̣ам̣ б̣алам̣, д̇ам̣ саб̣б̣амби жунд̣̇асса бин̣д̣абаад̇ам̣ барибхуд̇д̇агаалад̇о бадтааяа жан̇г̇аваарз багкид̇д̇ауд̣̇агам̣ вияа баригкаяам̣ г̇ад̇ам̣. бааваанаг̇арад̇о д̇ийн̣и г̇аавуд̇аани гусинаараанаг̇арам̣, зд̇асмим̣ анд̇арз бан̃жавийсад̇ияаа таанзсу нисийд̣̇ид̇ваа махад̇аа уссаахзна ааг̇ажчанд̇оби суурияасса ад̇т̇ан̇г̇амид̇авзлааяам̣ сан̃жхаасамаяз бхаг̇аваа саалаванам̣ бавидто. звам̣ рог̇о саб̣б̣ам̣ аарог̇яам̣ мад̣̇д̣̇анд̇о ааг̇ажчад̇и. зд̇амад̇т̇ам̣ д̣̇ассзнд̇о вияа саб̣б̣алогасса сам̣взг̇агарам̣ ваажам̣ бхаасанд̇о – ‘‘гиланд̇осми, аананд̣̇а, нибаж̇ж̇иссаамий’’д̇и ааха.

    Ettha yaṃ dasannaṃ gocarisaṅkhātānaṃ pakatihatthīnaṃ balaṃ, taṃ ekassa kaḷāpassāti. Evaṃ dasaguṇavaḍḍhitāya gaṇanāya pakatihatthīnaṃ koṭisahassabalappamāṇaṃ balaṃ, taṃ sabbampi cundassa piṇḍapātaṃ paribhuttakālato paṭṭhāya caṅgavāre pakkhittaudakaṃ viya parikkhayaṃ gataṃ. Pāvānagarato tīṇi gāvutāni kusinārānagaraṃ, etasmiṃ antare pañcavīsatiyā ṭhānesu nisīditvā mahatā ussāhena āgacchantopi sūriyassa atthaṅgamitavelāyaṃ sañjhāsamaye bhagavā sālavanaṃ paviṭṭho. Evaṃ rogo sabbaṃ ārogyaṃ maddanto āgacchati. Etamatthaṃ dassento viya sabbalokassa saṃvegakaraṃ vācaṃ bhāsanto – ‘‘kilantosmi, ānanda, nipajjissāmī’’ti āha.

    гасмаа бана бхаг̇аваа звам̣ маханд̇зна уссаахзна ид̇хааг̇ад̇о, гим̣ ан̃н̃ад̇т̇а на саггаа бариниб̣б̣ааяид̇унд̇и? бариниб̣б̣ааяид̇ум̣ наама на гад̇т̇ажи на саггаа, д̇ийхи бана гааран̣зхи ид̇хааг̇ад̇о, ид̣̇ан̃хи бхаг̇аваа звам̣ бассад̇и – ‘‘маяи ан̃н̃ад̇т̇а бариниб̣б̣ааяанд̇з махаасуд̣̇ассанасуд̇д̇асса ад̇т̇уббад̇д̇и на бхависсад̇и, гусинаарааяам̣ бана бариниб̣б̣ааяанд̇з яамахам̣ д̣̇звалогз анубхавид̇аб̣б̣ам̣ самбад̇д̇им̣ мануссалогзязва анубхавим̣, д̇ам̣ д̣̇вийхи бхаан̣аваарзхи ман̣д̣зд̇ваа д̣̇зсзссаами, д̇ам̣ мз суд̇ваа б̣ахуу ж̇анаа гусалам̣ гаад̇аб̣б̣ам̣ ман̃н̃иссанд̇ий’’д̇и.

    Kasmā pana bhagavā evaṃ mahantena ussāhena idhāgato, kiṃ aññattha na sakkā parinibbāyitunti? Parinibbāyituṃ nāma na katthaci na sakkā, tīhi pana kāraṇehi idhāgato, idañhi bhagavā evaṃ passati – ‘‘mayi aññattha parinibbāyante mahāsudassanasuttassa atthuppatti na bhavissati, kusinārāyaṃ pana parinibbāyante yamahaṃ devaloke anubhavitabbaṃ sampattiṃ manussalokeyeva anubhaviṃ, taṃ dvīhi bhāṇavārehi maṇḍetvā desessāmi, taṃ me sutvā bahū janā kusalaṃ kātabbaṃ maññissantī’’ti.

    абарамби бассад̇и – ‘‘мам̣ ан̃н̃ад̇т̇а бариниб̣б̣ааяанд̇ам̣ субхад̣̇д̣̇о на бассиссад̇и, со жа б̣уд̣̇д̇хавзнзяяо , на саавагавзнзяяо; на д̇ам̣ саавагаа винзд̇ум̣ саггонд̇и. гусинаарааяам̣ бариниб̣б̣ааяанд̇ам̣ бана мам̣ со убасан̇гамид̇ваа бан̃хам̣ бужчиссад̇и, бан̃хаависсаж̇ж̇анабарияосаанз жа саран̣зсу бад̇идтааяа мама санд̇игз баб̣б̣аж̇ж̇ан̃жа убасамбад̣̇ан̃жа лабхид̇ваа гаммадтаанам̣ г̇ахзд̇ваа маяи д̇харамаанзязва арахад̇д̇ам̣ бад̇ваа бажчимасааваго бхависсад̇ий’’д̇и.

    Aparampi passati – ‘‘maṃ aññattha parinibbāyantaṃ subhaddo na passissati, so ca buddhaveneyyo , na sāvakaveneyyo; na taṃ sāvakā vinetuṃ sakkonti. Kusinārāyaṃ parinibbāyantaṃ pana maṃ so upasaṅkamitvā pañhaṃ pucchissati, pañhāvissajjanapariyosāne ca saraṇesu patiṭṭhāya mama santike pabbajjañca upasampadañca labhitvā kammaṭṭhānaṃ gahetvā mayi dharamāneyeva arahattaṃ patvā pacchimasāvako bhavissatī’’ti.

    абарамби бассад̇и – ‘‘маяи ан̃н̃ад̇т̇а бариниб̣б̣ааяанд̇з д̇хаад̇убхааж̇анийяз махаагалахо бхависсад̇и, лохид̇ам̣ над̣̇ий вияа санд̣̇иссад̇и. гусинаарааяам̣ бариниб̣б̣уд̇з д̣̇он̣аб̣раахман̣о д̇ам̣ виваад̣̇ам̣ вуубасамзд̇ваа д̇хаад̇уяо вибхаж̇иссад̇ий’’д̇и. имзхи д̇ийхи гааран̣зхи бхаг̇аваа звам̣ маханд̇зна уссаахзна ид̇хааг̇ад̇од̇и взд̣̇ид̇аб̣б̣о.

    Aparampi passati – ‘‘mayi aññattha parinibbāyante dhātubhājanīye mahākalaho bhavissati, lohitaṃ nadī viya sandissati. Kusinārāyaṃ parinibbute doṇabrāhmaṇo taṃ vivādaṃ vūpasametvā dhātuyo vibhajissatī’’ti. Imehi tīhi kāraṇehi bhagavā evaṃ mahantena ussāhena idhāgatoti veditabbo.

    сийхасзяяанд̇и зд̇т̇а гаамабхог̇ийсзяяаа, бзд̇асзяяаа, сийхасзяяаа, д̇ат̇ааг̇ад̇асзяяаад̇и жад̇ассо сзяяаа.

    Sīhaseyyanti ettha kāmabhogīseyyā, petaseyyā, sīhaseyyā, tathāgataseyyāti catasso seyyā.

    д̇ад̇т̇а – ‘‘язбхуяязна, бхигкавз, гаамабхог̇ий сад̇д̇аа ваамзна бассзна сзнд̇ий’’д̇и аяам̣ гаамабхог̇ийсзяяаа. д̇зсу хи язбхуяязна д̣̇агкин̣зна бассзна саяанд̇аа наама над̇т̇и.

    Tattha – ‘‘yebhuyyena, bhikkhave, kāmabhogī sattā vāmena passena sentī’’ti ayaṃ kāmabhogīseyyā. Tesu hi yebhuyyena dakkhiṇena passena sayantā nāma natthi.

    ‘‘язбхуяязна, бхигкавз, бзд̇аа уд̇д̇аанаа сзнд̇ий’’д̇и аяам̣ бзд̇асзяяаа. аббамам̣салохид̇ад̇д̇аа хи бзд̇аа адтисан̇гхаадаж̇адид̇аа згзна бассзна саяид̇ум̣ на саггонд̇и, уд̇д̇аанаава сзнд̇и.

    ‘‘Yebhuyyena, bhikkhave, petā uttānā sentī’’ti ayaṃ petaseyyā. Appamaṃsalohitattā hi petā aṭṭhisaṅghāṭajaṭitā ekena passena sayituṃ na sakkonti, uttānāva senti.

    ‘‘сийхо, бхигкавз, миг̇арааж̇аа д̣̇агкин̣зна бассзна сзяяам̣ габбзд̇и…бз… ад̇д̇амано ход̇ий’’д̇и (а. ни. 4.246) аяам̣ сийхасзяяаа. д̇зж̇уссад̣̇ад̇д̇аа хи сийхо миг̇арааж̇аа д̣̇вз буримабаад̣̇з згасмим̣ таанз, бажчимабаад̣̇з згасмим̣ таанз табзд̇ваа нан̇г̇удтам̣ анд̇арасад̇т̇имхи багкибид̇ваа буримабаад̣̇абажчимабаад̣̇анан̇г̇удтаанам̣ тид̇огаасам̣ саллагкзд̇ваа д̣̇виннам̣ буримабаад̣̇аанам̣ мад̇т̇агз сийсам̣ табзд̇ваа саяад̇и. д̣̇ивасам̣ саяид̇вааби баб̣уж̇жхамаано на уд̇расанд̇о баб̣уж̇жхад̇и, сийсам̣ бана угкибид̇ваа буримабаад̣̇аад̣̇ийнам̣ тид̇огаасам̣ саллагкзд̇и. сажз гин̃жи таанам̣ виж̇ахид̇ваа тид̇ам̣ ход̇и – ‘‘на яид̣̇ам̣ д̇уяхам̣ ж̇аад̇ияаа суурабхаавасса жа анурууба’’нд̇и анад̇д̇амано худ̇ваа д̇ад̇т̇зва саяад̇и, на г̇ожарааяа баггамад̇и. авиж̇ахид̇ваа тид̇з бана – ‘‘д̇уяхам̣ ж̇аад̇ияаа жа суурабхаавасса жа ануруубамид̣̇а’’нд̇и хадтад̇удто удтааяа сийхавиж̇амбхид̇ам̣ виж̇амбхид̇ваа гзсарабхаарам̣ вид̇хунид̇ваа д̇игкад̇д̇ум̣ сийханаад̣̇ам̣ над̣̇ид̇ваа г̇ожарааяа баггамад̇и.

    ‘‘Sīho, bhikkhave, migarājā dakkhiṇena passena seyyaṃ kappeti…pe… attamano hotī’’ti (a. ni. 4.246) ayaṃ sīhaseyyā. Tejussadattā hi sīho migarājā dve purimapāde ekasmiṃ ṭhāne, pacchimapāde ekasmiṃ ṭhāne ṭhapetvā naṅguṭṭhaṃ antarasatthimhi pakkhipitvā purimapādapacchimapādanaṅguṭṭhānaṃ ṭhitokāsaṃ sallakkhetvā dvinnaṃ purimapādānaṃ matthake sīsaṃ ṭhapetvā sayati. Divasaṃ sayitvāpi pabujjhamāno na utrasanto pabujjhati, sīsaṃ pana ukkhipitvā purimapādādīnaṃ ṭhitokāsaṃ sallakkheti. Sace kiñci ṭhānaṃ vijahitvā ṭhitaṃ hoti – ‘‘na yidaṃ tuyhaṃ jātiyā sūrabhāvassa ca anurūpa’’nti anattamano hutvā tattheva sayati, na gocarāya pakkamati. Avijahitvā ṭhite pana – ‘‘tuyhaṃ jātiyā ca sūrabhāvassa ca anurūpamida’’nti haṭṭhatuṭṭho uṭṭhāya sīhavijambhitaṃ vijambhitvā kesarabhāraṃ vidhunitvā tikkhattuṃ sīhanādaṃ naditvā gocarāya pakkamati.

    ‘‘жад̇уд̇т̇аж̇жхаанасзяяаа бана д̇ат̇ааг̇ад̇асса сзяяаад̇и вужжад̇и’’ (а. ни. 4.246). д̇аасу ид̇ха сийхасзяяаа ааг̇ад̇аа. аяан̃хи д̇зж̇уссад̣̇аирияаабат̇ад̇д̇аа уд̇д̇амасзяяаа наама.

    ‘‘Catutthajjhānaseyyā pana tathāgatassa seyyāti vuccati’’ (a. ni. 4.246). Tāsu idha sīhaseyyā āgatā. Ayañhi tejussadairiyāpathattā uttamaseyyā nāma.

    баад̣̇з баад̣̇анд̇и д̣̇агкин̣абаад̣̇з ваамабаад̣̇ам̣. ажжаад̇хааяаад̇и ад̇иаад̇хааяа, ийсагам̣ ад̇иггамма табзд̇ваа. г̇обпагзна хи г̇обпагз, ж̇аан̣унаа ваа ж̇аан̣умхи сан̇гхаддияамаанз абхин̣хам̣ взд̣̇анаа уббаж̇ж̇ад̇и, жид̇д̇ам̣ згаг̇г̇ам̣ на ход̇и, сзяяаа апаасугаа ход̇и. яат̇аа бана на сан̇гхаддзд̇и, звам̣ ад̇иггамма табид̇з взд̣̇анаа нуббаж̇ж̇ад̇и, жид̇д̇ам̣ згаг̇г̇ам̣ ход̇и, сзяяаа паасу ход̇и. д̇асмаа звам̣ нибаж̇ж̇и. анудтаанасзяяам̣ убаг̇ад̇ад̇д̇аа банзд̇т̇а – ‘‘удтаанасан̃н̃ам̣ манаси гарид̇ваа’’д̇и на вуд̇д̇ам̣. гааяавасзна жзд̇т̇а анудтаанам̣ взд̣̇ид̇аб̣б̣ам̣, нид̣̇д̣̇аавасзна бана д̇ам̣ рад̇д̇им̣ бхаг̇авад̇о бхаван̇г̇асса огаасоязва наахоси. батамаяаамасмин̃хи маллаанам̣ д̇хаммад̣̇зсанаа ахоси, маж̇жхимаяаамз субхад̣̇д̣̇асса бажчимаяаамз бхигкусан̇гхам̣ овад̣̇и, б̣алавабажжуусз бариниб̣б̣ааяи.

    Pāde pādanti dakkhiṇapāde vāmapādaṃ. Accādhāyāti atiādhāya, īsakaṃ atikkamma ṭhapetvā. Gopphakena hi gopphake, jāṇunā vā jāṇumhi saṅghaṭṭiyamāne abhiṇhaṃ vedanā uppajjati, cittaṃ ekaggaṃ na hoti, seyyā aphāsukā hoti. Yathā pana na saṅghaṭṭeti, evaṃ atikkamma ṭhapite vedanā nuppajjati, cittaṃ ekaggaṃ hoti, seyyā phāsu hoti. Tasmā evaṃ nipajji. Anuṭṭhānaseyyaṃ upagatattā panettha – ‘‘uṭṭhānasaññaṃ manasi karitvā’’ti na vuttaṃ. Kāyavasena cettha anuṭṭhānaṃ veditabbaṃ, niddāvasena pana taṃ rattiṃ bhagavato bhavaṅgassa okāsoyeva nāhosi. Paṭhamayāmasmiñhi mallānaṃ dhammadesanā ahosi, majjhimayāme subhaddassa pacchimayāme bhikkhusaṅghaṃ ovadi, balavapaccūse parinibbāyi.

    саб̣б̣апаалипуллаад̇и саб̣б̣з саманд̇ад̇о бубпид̇аа муулад̇о бадтааяа яаава аг̇г̇аа згажчаннаа ахзсум̣, на гзвалан̃жа яамагасаалааязва, саб̣б̣зби ругкаа саб̣б̣абаалипуллаава ахзсум̣. на гзвалан̃хи д̇асмим̣язва уяяаанз, сагалан̃хиби д̣̇асасахассажаггаваал̣з бубпуубаг̇аа бубпам̣ г̇ан̣хим̣су, палуубаг̇аа палам̣ г̇ан̣хим̣су, саб̣б̣аругкаанам̣ канд̇хзсу канд̇хабад̣̇умаани, саакаасу саакаабад̣̇умаани, валлийсу валлибад̣̇умаани, аагаасзсу аагаасабад̣̇умаани бат̇авийд̇алам̣ бхинд̣̇ид̇ваа д̣̇ан̣д̣абад̣̇умаани бубпим̣су. саб̣б̣о махаасамуд̣̇д̣̇о бан̃жаван̣н̣абад̣̇умасан̃чанно ахоси. д̇ияож̇анасахассавид̇т̇ад̇о химаваа гханаб̣ад̣̇д̇хаморабин̃чагалаабо вияа, ниранд̇арам̣ маалаад̣̇аамаг̇аважчиго вияа, судту бийл̣зд̇ваа ааб̣ад̣̇д̇хабубпавадам̣саго вияа, субуурид̇ам̣ бубпажан̇годагам̣ вияа жа ад̇ираман̣ийяо ахоси.

    Sabbaphāliphullāti sabbe samantato pupphitā mūlato paṭṭhāya yāva aggā ekacchannā ahesuṃ, na kevalañca yamakasālāyeva, sabbepi rukkhā sabbapāliphullāva ahesuṃ. Na kevalañhi tasmiṃyeva uyyāne, sakalañhipi dasasahassacakkavāḷe pupphūpagā pupphaṃ gaṇhiṃsu, phalūpagā phalaṃ gaṇhiṃsu, sabbarukkhānaṃ khandhesu khandhapadumāni, sākhāsu sākhāpadumāni, vallīsu vallipadumāni, ākāsesu ākāsapadumāni pathavītalaṃ bhinditvā daṇḍapadumāni pupphiṃsu. Sabbo mahāsamuddo pañcavaṇṇapadumasañchanno ahosi. Tiyojanasahassavitthato himavā ghanabaddhamorapiñchakalāpo viya, nirantaraṃ mālādāmagavacchiko viya, suṭṭhu pīḷetvā ābaddhapupphavaṭaṃsako viya, supūritaṃ pupphacaṅkoṭakaṃ viya ca atiramaṇīyo ahosi.

    д̇з д̇ат̇ааг̇ад̇асса сарийрам̣ огиранд̇ийд̇и д̇з яамагасаалаа бхуммад̣̇звад̇аахи сан̃жалид̇аканд̇хасаакавидабаа д̇ат̇ааг̇ад̇асса сарийрам̣ авагиранд̇и, сарийрасса убари бубпаани вигиранд̇ийд̇и ад̇т̇о. аж̇жхогиранд̇ийд̇и аж̇жход̇т̇аранд̇аа вияа гиранд̇и. абхиббагиранд̇ийд̇и абхин̣хам̣ бунаббунам̣ багиранд̇иязва. д̣̇иб̣б̣аанийд̇и д̣̇звалогз нанд̣̇абогкаран̣ийсамбхаваани, д̇аани хонд̇и суван̣н̣аван̣н̣аани бан̣н̣ажчад̇д̇аббамаан̣абад̇д̇аани, махаад̇умб̣амад̇д̇ам̣ рзн̣ум̣ г̇ан̣ханд̇и. на гзвалан̃жа манд̣̇ааравабубпаанзва, ан̃н̃ааниби бана д̣̇иб̣б̣аани баарижчад̇д̇агаговил̣аарабубпаад̣̇ийни суван̣н̣ажан̇годагаани буурзд̇ваа жаггаваал̣амукаваддияамби д̇ид̣̇асабурзби б̣рахмалогзби тид̇аахи д̣̇звад̇аахи бавидтаани, анд̇алигкаа бад̇анд̇и. д̇ат̇ааг̇ад̇асса сарийранд̇и анд̇араа авигин̣н̣аанзва ааг̇анд̇ваа бад̇д̇агин̃ж̇агкарзн̣ужун̣н̣зхи д̇ат̇ааг̇ад̇асса сарийрамзва огиранд̇и.

    Te tathāgatassa sarīraṃ okirantīti te yamakasālā bhummadevatāhi sañcalitakhandhasākhaviṭapā tathāgatassa sarīraṃ avakiranti, sarīrassa upari pupphāni vikirantīti attho. Ajjhokirantīti ajjhottharantā viya kiranti. Abhippakirantīti abhiṇhaṃ punappunaṃ pakirantiyeva. Dibbānīti devaloke nandapokkharaṇīsambhavāni, tāni honti suvaṇṇavaṇṇāni paṇṇacchattappamāṇapattāni, mahātumbamattaṃ reṇuṃ gaṇhanti. Na kevalañca mandāravapupphāneva, aññānipi pana dibbāni pāricchattakakoviḷārapupphādīni suvaṇṇacaṅkoṭakāni pūretvā cakkavāḷamukhavaṭṭiyampi tidasapurepi brahmalokepi ṭhitāhi devatāhi paviṭṭhāni, antalikkhā patanti. Tathāgatassa sarīranti antarā avikiṇṇāneva āgantvā pattakiñjakkhareṇucuṇṇehi tathāgatassa sarīrameva okiranti.

    д̣̇иб̣б̣ааниби жанд̣̇анажун̣н̣аанийд̇и д̣̇звад̇аанам̣ убагаббанажанд̣̇анажун̣н̣аани. на гзвалан̃жа д̣̇звад̇аанам̣язва, нааг̇асубан̣н̣амануссаанамби убагаббанажанд̣̇анажун̣н̣аани. на гзвалан̃жа жанд̣̇анажун̣н̣аанзва, гаал̣аанусааригалохид̇ажанд̣̇анаад̣̇исаб̣б̣ад̣̇иб̣б̣аг̇анд̇хаж̇аалажун̣н̣аани, харид̇аалаан̃ж̇анасуван̣н̣араж̇ад̇ажун̣н̣аани саб̣б̣ад̣̇иб̣б̣аг̇анд̇хаваасавигад̇ияо суван̣н̣араж̇ад̇аад̣̇исамуг̇г̇з буурзд̇ваа жаггаваал̣амукаваддиаад̣̇ийсу тид̇аахи д̣̇звад̇аахи бавидтаани анд̇араа авиббагирид̇ваа д̇ат̇ааг̇ад̇ассзва сарийрам̣ огиранд̇и.

    Dibbānipicandanacuṇṇānīti devatānaṃ upakappanacandanacuṇṇāni. Na kevalañca devatānaṃyeva, nāgasupaṇṇamanussānampi upakappanacandanacuṇṇāni. Na kevalañca candanacuṇṇāneva, kāḷānusārikalohitacandanādisabbadibbagandhajālacuṇṇāni, haritālaañjanasuvaṇṇarajatacuṇṇāni sabbadibbagandhavāsavikatiyo suvaṇṇarajatādisamugge pūretvā cakkavāḷamukhavaṭṭiādīsu ṭhitāhi devatāhi paviṭṭhāni antarā avippakiritvā tathāgatasseva sarīraṃ okiranti.

    д̣̇иб̣б̣ааниби д̇уурияаанийд̇и д̣̇звад̇аанам̣ убагаббанад̇уурияаани. на гзвалан̃жа д̇ааниязва, саб̣б̣ааниби д̇анд̇иб̣ад̣̇д̇хажаммабарияонад̣̇д̇хагханасусирабхзд̣̇аани д̣̇асасахассажаггаваал̣зсу д̣̇званааг̇асубан̣н̣амануссаанам̣ д̇уурияаани згажаггаваал̣з саннибад̇ид̇ваа анд̇алигкз важ̇ж̇анд̇ийд̇и взд̣̇ид̇аб̣б̣аани.

    Dibbānipi tūriyānīti devatānaṃ upakappanatūriyāni. Na kevalañca tāniyeva, sabbānipi tantibaddhacammapariyonaddhaghanasusirabhedāni dasasahassacakkavāḷesu devanāgasupaṇṇamanussānaṃ tūriyāni ekacakkavāḷe sannipatitvā antalikkhe vajjantīti veditabbāni.

    д̣̇иб̣б̣ааниби сан̇г̇ийд̇аанийд̇и варун̣авааран̣ад̣̇звад̇аа гира наамзд̇аа д̣̇ийгхааяугаа д̣̇звад̇аа – ‘‘махаабурисо мануссабат̇з ниб̣б̣ад̇д̇ид̇ваа б̣уд̣̇д̇хо бхависсад̇ий’’д̇и суд̇ваа ‘‘бадисанд̇хиг̇г̇ахан̣ад̣̇ивасз нам̣ г̇ахзд̇ваа г̇амиссаамаа’’д̇и маалам̣ г̇ант̇зд̇умаарабхим̣су. д̇аа г̇ант̇амаанаава – ‘‘махаабурисо маад̇угужчияам̣ ниб̣б̣ад̇д̇о’’д̇и суд̇ваа ‘‘д̇умхз гасса г̇ант̇ат̇аа’’д̇и вуд̇д̇аа ‘‘на д̇аава нидтаад̇и, гужчид̇о нигкаманад̣̇ивасз г̇ан̣хид̇ваа г̇амиссаамаа’’д̇и аахам̣су. бунаби ‘‘нигканд̇о’’д̇и суд̇ваа ‘‘махаабхинигкаманад̣̇ивасз г̇амиссаамаа’’д̇и. згуунад̇им̣савассаани гхарз васид̇ваа ‘‘аж̇ж̇а махаабхинигкаманам̣ нигканд̇о’’д̇иби суд̇ваа ‘‘абхисамб̣од̇хид̣̇ивасз г̇амиссаамаа’’д̇и. чаб̣б̣ассаани бад̇хаанам̣ гад̇ваа ‘‘аж̇ж̇а абхисамб̣уд̣̇д̇хо’’д̇иби суд̇ваа ‘‘д̇хаммажаггаббавад̇д̇анад̣̇ивасз г̇амиссаамаа’’д̇и. ‘‘сад̇д̇асад̇д̇аахаани б̣од̇химан̣д̣з вийд̇инаамзд̇ваа исибад̇анам̣ г̇анд̇ваа д̇хаммажаггам̣ бавад̇д̇ид̇а’’нд̇иби суд̇ваа ‘‘яамагабаадихаарияад̣̇ивасз г̇амиссаамаа’’д̇и. ‘‘аж̇ж̇а яамагабаадихаарияам̣ гарий’’д̇иби суд̇ваа ‘‘д̣̇зворохан̣ад̣̇ивасз г̇амиссаамаа’’д̇и. ‘‘аж̇ж̇а д̣̇зворохан̣ам̣ гарий’’д̇иби суд̇ваа ‘‘ааяусан̇каароссаж̇ж̇анз г̇амиссаамаа’’д̇и. ‘‘аж̇ж̇а ааяусан̇каарам̣ оссаж̇ий’’д̇иби суд̇ваа ‘‘на д̇аава нидтаад̇и, бариниб̣б̣аанад̣̇ивасз г̇амиссаамаа’’д̇и. ‘‘аж̇ж̇а бхаг̇аваа яамагасаалаанаманд̇арз д̣̇агкин̣зна бассзна сад̇о самбаж̇аано сийхасзяяам̣ убаг̇ад̇о б̣алавабажжуусасамаяз бариниб̣б̣ааяиссад̇и. д̇умхз гасса г̇ант̇ат̇аа’’д̇и суд̇ваа бана – ‘‘гиннаамзд̇ам̣, ‘аж̇ж̇зва маад̇угужчияам̣ бадисанд̇хим̣ г̇ан̣хи, аж̇ж̇зва маад̇угужчид̇о нигками, аж̇ж̇зва махаабхинигкаманам̣ нигками, аж̇ж̇зва б̣уд̣̇д̇хо ахоси, аж̇ж̇зва д̇хаммажаггам̣ бавад̇д̇аяи, аж̇ж̇зва яамагабаадихаарияам̣ агааси, аж̇ж̇зва д̣̇звалогаа од̇ин̣н̣о, аж̇ж̇зва ааяусан̇каарам̣ оссаж̇и, аж̇ж̇зва гира бариниб̣б̣ааяиссад̇ий’д̇и. нану наама д̣̇уд̇ияад̣̇ивасз яааг̇убаанагааламад̇д̇амби таад̇аб̣б̣ам̣ асса. д̣̇аса баарамияо буурзд̇ваа б̣уд̣̇д̇хад̇д̇ам̣ бад̇д̇асса наама ананужчавигамзд̇а’’нд̇и абаринидтид̇аава маалааяо г̇ахзд̇ваа ааг̇амма анд̇о жаггаваал̣з огаасам̣ алабхамаанаа жаггаваал̣амукаваддияам̣ ламб̣ид̇ваа жаггаваал̣амукаваддияаава аад̇хааванд̇ияо хад̇т̇зна хад̇т̇ам̣ г̇ийвааяа г̇ийвам̣ г̇ахзд̇ваа д̇ийн̣и рад̇анаани аараб̣бха д̣̇вад̇д̇им̣са махаабурисалагкан̣аани чаб̣б̣ан̣н̣арасмияо д̣̇аса баарамияо ад̣дхачадтаани ж̇аад̇агасад̇аани жуд̣̇д̣̇аса б̣уд̣̇д̇хан̃аан̣аани аараб̣бха г̇ааяид̇ваа д̇асса д̇асса авасаанз ‘‘махааяасо, махааяасо’’д̇и вад̣̇анд̇и. ид̣̇амзд̇ам̣ бадижжа вуд̇д̇ам̣ – ‘‘д̣̇иб̣б̣ааниби сан̇г̇ийд̇аани анд̇алигкз вад̇д̇анд̇и д̇ат̇ааг̇ад̇асса бууж̇ааяаа’’д̇и.

    Dibbānipi saṅgītānīti varuṇavāraṇadevatā kira nāmetā dīghāyukā devatā – ‘‘mahāpuriso manussapathe nibbattitvā buddho bhavissatī’’ti sutvā ‘‘paṭisandhiggahaṇadivase naṃ gahetvā gamissāmā’’ti mālaṃ ganthetumārabhiṃsu. Tā ganthamānāva – ‘‘mahāpuriso mātukucchiyaṃ nibbatto’’ti sutvā ‘‘tumhe kassa ganthathā’’ti vuttā ‘‘na tāva niṭṭhāti, kucchito nikkhamanadivase gaṇhitvā gamissāmā’’ti āhaṃsu. Punapi ‘‘nikkhanto’’ti sutvā ‘‘mahābhinikkhamanadivase gamissāmā’’ti. Ekūnatiṃsavassāni ghare vasitvā ‘‘ajja mahābhinikkhamanaṃ nikkhanto’’tipi sutvā ‘‘abhisambodhidivase gamissāmā’’ti. Chabbassāni padhānaṃ katvā ‘‘ajja abhisambuddho’’tipi sutvā ‘‘dhammacakkappavattanadivase gamissāmā’’ti. ‘‘Sattasattāhāni bodhimaṇḍe vītināmetvā isipatanaṃ gantvā dhammacakkaṃ pavattita’’ntipi sutvā ‘‘yamakapāṭihāriyadivase gamissāmā’’ti. ‘‘Ajja yamakapāṭihāriyaṃ karī’’tipi sutvā ‘‘devorohaṇadivase gamissāmā’’ti. ‘‘Ajja devorohaṇaṃ karī’’tipi sutvā ‘‘āyusaṅkhārossajjane gamissāmā’’ti. ‘‘Ajja āyusaṅkhāraṃ ossajī’’tipi sutvā ‘‘na tāva niṭṭhāti, parinibbānadivase gamissāmā’’ti. ‘‘Ajja bhagavā yamakasālānamantare dakkhiṇena passena sato sampajāno sīhaseyyaṃ upagato balavapaccūsasamaye parinibbāyissati. Tumhe kassa ganthathā’’ti sutvā pana – ‘‘kinnāmetaṃ, ‘ajjeva mātukucchiyaṃ paṭisandhiṃ gaṇhi, ajjeva mātukucchito nikkhami, ajjeva mahābhinikkhamanaṃ nikkhami, ajjeva buddho ahosi, ajjeva dhammacakkaṃ pavattayi, ajjeva yamakapāṭihāriyaṃ akāsi, ajjeva devalokā otiṇṇo, ajjeva āyusaṅkhāraṃ ossaji, ajjeva kira parinibbāyissatī’ti. Nanu nāma dutiyadivase yāgupānakālamattampi ṭhātabbaṃ assa. Dasa pāramiyo pūretvā buddhattaṃ pattassa nāma ananucchavikameta’’nti apariniṭṭhitāva mālāyo gahetvā āgamma anto cakkavāḷe okāsaṃ alabhamānā cakkavāḷamukhavaṭṭiyaṃ lambitvā cakkavāḷamukhavaṭṭiyāva ādhāvantiyo hatthena hatthaṃ gīvāya gīvaṃ gahetvā tīṇi ratanāni ārabbha dvattiṃsa mahāpurisalakkhaṇāni chabbaṇṇarasmiyo dasa pāramiyo aḍḍhachaṭṭhāni jātakasatāni cuddasa buddhañāṇāni ārabbha gāyitvā tassa tassa avasāne ‘‘mahāyaso, mahāyaso’’ti vadanti. Idametaṃ paṭicca vuttaṃ – ‘‘dibbānipi saṅgītāni antalikkhe vattanti tathāgatassa pūjāyā’’ti.

    199. бхаг̇аваа бана яамагасаалаанам̣ анд̇араа д̣̇агкин̣зна бассзна нибанноязва бат̇авийд̇алад̇о яаава жаггаваал̣амукаваддияаа, жаггаваал̣амукаваддид̇о жа яаава б̣рахмалогаа саннибад̇ид̇ааяа барисааяа маханд̇ам̣ уссаахам̣ д̣̇исваа ааяасмад̇о аананд̣̇асса аарожзси. д̇зна вуд̇д̇ам̣ – ‘‘ат̇а ко бхаг̇аваа ааяасманд̇ам̣ аананд̣̇ам̣…бз… д̇ат̇ааг̇ад̇асса бууж̇ааяаа’’д̇и. звам̣ махаасаггаарам̣ д̣̇ассзд̇ваа д̇знааби ад̇д̇ано асаггад̇абхаавамзва д̣̇ассанд̇о на ко, аананд̣̇а, зд̇д̇аавад̇аад̇иаад̣̇имааха.

    199. Bhagavā pana yamakasālānaṃ antarā dakkhiṇena passena nipannoyeva pathavītalato yāva cakkavāḷamukhavaṭṭiyā, cakkavāḷamukhavaṭṭito ca yāva brahmalokā sannipatitāya parisāya mahantaṃ ussāhaṃ disvā āyasmato ānandassa ārocesi. Tena vuttaṃ – ‘‘atha kho bhagavā āyasmantaṃ ānandaṃ…pe… tathāgatassa pūjāyā’’ti. Evaṃ mahāsakkāraṃ dassetvā tenāpi attano asakkatabhāvameva dassanto na kho, ānanda, ettāvatātiādimāha.

    ид̣̇ам̣ вуд̇д̇ам̣ ход̇и – ‘‘аананд̣̇а, маяаа д̣̇ийбан̇гарабаад̣̇амуулз нибаннзна адта д̇хаммз самод̇хаанзд̇ваа абхинийхаарам̣ гаронд̇зна на маалааг̇анд̇хад̇уурияасан̇г̇ийд̇аанам̣ ад̇т̇ааяа абхинийхааро гад̇о, на зд̇ад̣̇ад̇т̇ааяа баарамияо буурид̇аа. д̇асмаа на ко ахам̣ зд̇ааяа бууж̇ааяа бууж̇ид̇о наама хомий’’д̇и.

    Idaṃ vuttaṃ hoti – ‘‘ānanda, mayā dīpaṅkarapādamūle nipannena aṭṭha dhamme samodhānetvā abhinīhāraṃ karontena na mālāgandhatūriyasaṅgītānaṃ atthāya abhinīhāro kato, na etadatthāya pāramiyo pūritā. Tasmā na kho ahaṃ etāya pūjāya pūjito nāma homī’’ti.

    гасмаа бана бхаг̇аваа ан̃н̃ад̇т̇а згам̣ умаабубпамад̇д̇амби г̇ахзд̇ваа б̣уд̣̇д̇хаг̇ун̣з ааваж̇ж̇зд̇ваа гад̇ааяа бууж̇ааяа б̣уд̣̇д̇хан̃аан̣знааби абарижчиннам̣ вибаагам̣ ван̣н̣зд̇ваа ид̇ха звам̣ маханд̇ам̣ бууж̇ам̣ бадигкибад̇ийд̇и? барисаануг̇г̇ахзна жзва саасанасса жа жирадтид̇игаамад̇ааяа. сажз хи бхаг̇аваа звам̣ на бадигкибзяяа, анааг̇ад̇з сийласса ааг̇ад̇адтаанз сийлам̣ на барибуурзссанд̇и, самаад̇хисса ааг̇ад̇адтаанз самаад̇хим̣ на барибуурзссанд̇и, вибассанааяа ааг̇ад̇адтаанз вибассанааг̇аб̣бхам̣ на г̇аахаабзссанд̇и. убадтаагз самаад̣̇абзд̇ваа бууж̇ам̣язва гаарзнд̇аа вихариссанд̇и. аамисабууж̇аа жа наамзсаа саасанам̣ згад̣̇ивасамби згаяааг̇убаанагааламад̇д̇амби санд̇хаарзд̇ум̣ на саггод̇и. махаавихаарасад̣̇исан̃хи вихаарасахассам̣ махаажзд̇ияасад̣̇исан̃жа жзд̇ияасахассамби саасанам̣ д̇хаарзд̇ум̣ на саггонд̇и. язна гаммам̣ гад̇ам̣, д̇ассзва ход̇и. саммаабадибад̇д̇и бана д̇ат̇ааг̇ад̇асса анужчавигаа бууж̇аа. саа хи д̇зна бад̇т̇ид̇аа жзва, саггод̇и саасанан̃жа санд̇хаарзд̇ум̣, д̇асмаа д̇ам̣ д̣̇ассзнд̇о яо ко аананд̣̇аад̇иаад̣̇имааха.

    Kasmā pana bhagavā aññattha ekaṃ umāpupphamattampi gahetvā buddhaguṇe āvajjetvā katāya pūjāya buddhañāṇenāpi aparicchinnaṃ vipākaṃ vaṇṇetvā idha evaṃ mahantaṃ pūjaṃ paṭikkhipatīti? Parisānuggahena ceva sāsanassa ca ciraṭṭhitikāmatāya. Sace hi bhagavā evaṃ na paṭikkhipeyya, anāgate sīlassa āgataṭṭhāne sīlaṃ na paripūressanti, samādhissa āgataṭṭhāne samādhiṃ na paripūressanti, vipassanāya āgataṭṭhāne vipassanāgabbhaṃ na gāhāpessanti. Upaṭṭhāke samādapetvā pūjaṃyeva kārentā viharissanti. Āmisapūjā ca nāmesā sāsanaṃ ekadivasampi ekayāgupānakālamattampi sandhāretuṃ na sakkoti. Mahāvihārasadisañhi vihārasahassaṃ mahācetiyasadisañca cetiyasahassampi sāsanaṃ dhāretuṃ na sakkonti. Yena kammaṃ kataṃ, tasseva hoti. Sammāpaṭipatti pana tathāgatassa anucchavikā pūjā. Sā hi tena patthitā ceva, sakkoti sāsanañca sandhāretuṃ, tasmā taṃ dassento yo kho ānandātiādimāha.

    д̇ад̇т̇а д̇хаммаануд̇хаммаббадибаннод̇и нававид̇хасса логуд̇д̇арад̇хаммасса ануд̇хаммам̣ буб̣б̣абхааг̇абадибад̣̇ам̣ бадибанно . сааязва бана бадибад̣̇аа анужчавигад̇д̇аа ‘‘саамийжий’’д̇и вужжад̇и. д̇ам̣ саамийжим̣ бадибаннод̇и саамийжиббадибанно. д̇амзва буб̣б̣абхааг̇абадибад̣̇аасан̇каад̇ам̣ ануд̇хаммам̣ жарад̇и буурзд̇ийд̇и ануд̇хаммажаарий.

    Tattha dhammānudhammappaṭipannoti navavidhassa lokuttaradhammassa anudhammaṃ pubbabhāgapaṭipadaṃ paṭipanno . Sāyeva pana paṭipadā anucchavikattā ‘‘sāmīcī’’ti vuccati. Taṃ sāmīciṃ paṭipannoti sāmīcippaṭipanno. Tameva pubbabhāgapaṭipadāsaṅkhātaṃ anudhammaṃ carati pūretīti anudhammacārī.

    буб̣б̣абхааг̇абадибад̣̇аад̇и жа сийлам̣ аажаарабан̃н̃ад̇д̇и д̇худ̇ан̇г̇асамаад̣̇аанам̣ яаава г̇од̇рабхуд̇о саммаабадибад̣̇аа взд̣̇ид̇аб̣б̣аа. д̇асмаа яо бхигку часу аг̇ааравзсу бад̇идтааяа бан̃н̃ад̇д̇им̣ ад̇иггамад̇и, анзсанааяа ж̇ийвигам̣ габбзд̇и, аяам̣ на д̇хаммаануд̇хаммаббадибанно. яо бана саб̣б̣ам̣ ад̇д̇ано бан̃н̃ад̇д̇ам̣ сигкаабад̣̇ам̣ ж̇инавзлам̣ ж̇инамарияаад̣̇ам̣ ж̇инагаал̣асуд̇д̇ам̣ ан̣умад̇д̇амби на вийд̇иггамад̇и, аяам̣ д̇хаммаануд̇хаммаббадибанно наама. бхигкунияааби зсзва наяо. яо убаасаго бан̃жа взраани д̣̇аса агусалагаммабат̇з самаад̣̇ааяа вад̇д̇ад̇и аббзд̇и, аяам̣ на д̇хаммаануд̇хаммаббадибанно. яо бана д̇ийсу саран̣зсу, бан̃жасуби сийлзсу, д̣̇асасу сийлзсу барибуурагаарий ход̇и, маасасса адта убосат̇з гарод̇и, д̣̇аанам̣ д̣̇зд̇и, г̇анд̇хабууж̇ам̣ маалаабууж̇ам̣ гарод̇и, маад̇арам̣ бид̇арам̣ убадтаад̇и, д̇хаммигз саман̣аб̣раахман̣з убадтаад̇и, аяам̣ д̇хаммаануд̇хаммаббадибанно наама. убаасигааяаби зсзва наяо.

    Pubbabhāgapaṭipadāti ca sīlaṃ ācārapaññatti dhutaṅgasamādānaṃ yāva gotrabhuto sammāpaṭipadā veditabbā. Tasmā yo bhikkhu chasu agāravesu patiṭṭhāya paññattiṃ atikkamati, anesanāya jīvikaṃ kappeti, ayaṃ na dhammānudhammappaṭipanno. Yo pana sabbaṃ attano paññattaṃ sikkhāpadaṃ jinavelaṃ jinamariyādaṃ jinakāḷasuttaṃ aṇumattampi na vītikkamati, ayaṃ dhammānudhammappaṭipanno nāma. Bhikkhuniyāpi eseva nayo. Yo upāsako pañca verāni dasa akusalakammapathe samādāya vattati appeti, ayaṃ na dhammānudhammappaṭipanno. Yo pana tīsu saraṇesu, pañcasupi sīlesu, dasasu sīlesu paripūrakārī hoti, māsassa aṭṭha uposathe karoti, dānaṃ deti, gandhapūjaṃ mālāpūjaṃ karoti, mātaraṃ pitaraṃ upaṭṭhāti, dhammike samaṇabrāhmaṇe upaṭṭhāti, ayaṃ dhammānudhammappaṭipanno nāma. Upāsikāyapi eseva nayo.

    барамааяа бууж̇ааяаад̇и уд̇д̇амааяа бууж̇ааяа. аяан̃хи нираамисабууж̇аа наама саггод̇и мама саасанам̣ санд̇хаарзд̇ум̣. яаава хи имаа жад̇ассо барисаа мам̣ имааяа бууж̇зссанд̇и, д̇аава мама саасанам̣ маж̇жхз набхасса бун̣н̣ажанд̣̇о вияа вирожиссад̇ийд̇и д̣̇ассзд̇и.

    Paramāyapūjāyāti uttamāya pūjāya. Ayañhi nirāmisapūjā nāma sakkoti mama sāsanaṃ sandhāretuṃ. Yāva hi imā catasso parisā maṃ imāya pūjessanti, tāva mama sāsanaṃ majjhe nabhassa puṇṇacando viya virocissatīti dasseti.

    убаваан̣ад̇т̇зраван̣н̣анаа

    Upavāṇattheravaṇṇanā

    200. абасаарзсийд̇и абанзси. абзхийд̇и абаг̇ажча. т̇зро згаважанзнзва д̇аалаван̣дам̣ нигкибид̇ваа згаманд̇ам̣ адтааси. убадтаагод̇иаад̣̇и батамаб̣од̇хияам̣ аниб̣ад̣̇д̇хубадтаагабхаавам̣ санд̇хааяааха. аяам̣, бханд̇з, ааяасмаа убаваан̣од̇и звам̣ т̇зрзна вуд̇д̇з аананд̣̇о убаваан̣асса сад̣̇осабхаавам̣ саллагкзд̇и, ‘ханд̣̇асса нид̣̇д̣̇осабхаавам̣ гат̇зссаамий’д̇и бхаг̇аваа язбхуяязна аананд̣̇аад̇иаад̣̇имааха. д̇ад̇т̇а язбхуяязнаад̇и ид̣̇ам̣ асан̃н̃асад̇д̇аанан̃жзва аруубад̣̇звад̇аанан̃жа охийнабхаавам̣ санд̇хааяа вуд̇д̇ам̣. абпудод̇и асампудто абхарид̇о ваа. бхаг̇авад̇о гира аасаннабад̣̇зсз ваалаг̇г̇амад̇д̇з огаасз сукумад̇д̇абхаавам̣ маабзд̇ваа д̣̇аса д̣̇аса махзсагкаа д̣̇звад̇аа адтам̣су. д̇аасам̣ барад̇о вийсад̇и вийсад̇и. д̇аасам̣ барад̇о д̇им̣сад̇и д̇им̣сад̇и. д̇аасам̣ барад̇о жад̇д̇аалийсам̣ жад̇д̇аалийсам̣. д̇аасам̣ барад̇о бан̃н̃аасам̣ бан̃н̃аасам̣. д̇аасам̣ барад̇о садти садти д̣̇звад̇аа адтам̣су. д̇аа ан̃н̃аман̃н̃ам̣ хад̇т̇зна ваа баад̣̇зна ваа вад̇т̇зна ваа на б̣яааб̣аад̇хзнд̇и. ‘‘абзхи мам̣, маа гхаддзхий’’д̇и вад̇д̇аб̣б̣аагаарам̣ наама над̇т̇и. ‘‘д̇аа ко бана д̣̇звад̇ааяо д̣̇асаби худ̇ваа вийсад̇иби худ̇ваа д̇им̣самби худ̇ваа жад̇д̇аалийсамби худ̇ваа бан̃н̃аасамби худ̇ваа аараг̇г̇агодинид̇уд̣̇анамад̇д̇зби д̇идтанд̇и, на жа ан̃н̃аман̃н̃ам̣ б̣яааб̣аад̇хзнд̇ий’’д̇и (а. ни. 1.37) вуд̇д̇асад̣̇исаава ахзсум̣. оваарзнд̇од̇и ааваарзнд̇о. т̇зро гира багад̇ияааби махаасарийро хад̇т̇ибод̇агасад̣̇исо. со бам̣сугуулажийварам̣ баарубид̇ваа ад̇имахаа вияа ахоси.

    200.Apasāresīti apanesi. Apehīti apagaccha. Thero ekavacaneneva tālavaṇṭaṃ nikkhipitvā ekamantaṃ aṭṭhāsi. Upaṭṭhākotiādi paṭhamabodhiyaṃ anibaddhupaṭṭhākabhāvaṃ sandhāyāha. Ayaṃ, bhante, āyasmā upavāṇoti evaṃ therena vutte ānando upavāṇassa sadosabhāvaṃ sallakkheti, ‘handassa niddosabhāvaṃ kathessāmī’ti bhagavā yebhuyyena ānandātiādimāha. Tattha yebhuyyenāti idaṃ asaññasattānañceva arūpadevatānañca ohīnabhāvaṃ sandhāya vuttaṃ. Apphuṭoti asamphuṭṭho abharito vā. Bhagavato kira āsannapadese vālaggamatte okāse sukhumattabhāvaṃ māpetvā dasa dasa mahesakkhā devatā aṭṭhaṃsu. Tāsaṃ parato vīsati vīsati. Tāsaṃ parato tiṃsati tiṃsati. Tāsaṃ parato cattālīsaṃ cattālīsaṃ. Tāsaṃ parato paññāsaṃ paññāsaṃ. Tāsaṃ parato saṭṭhi saṭṭhi devatā aṭṭhaṃsu. Tā aññamaññaṃ hatthena vā pādena vā vatthena vā na byābādhenti. ‘‘Apehi maṃ, mā ghaṭṭehī’’ti vattabbākāraṃ nāma natthi. ‘‘Tā kho pana devatāyo dasapi hutvā vīsatipi hutvā tiṃsampi hutvā cattālīsampi hutvā paññāsampi hutvā āraggakoṭinitudanamattepi tiṭṭhanti, na ca aññamaññaṃ byābādhentī’’ti (a. ni. 1.37) vuttasadisāva ahesuṃ. Ovārentoti āvārento. Thero kira pakatiyāpi mahāsarīro hatthipotakasadiso. So paṃsukūlacīvaraṃ pārupitvā atimahā viya ahosi.

    д̇ат̇ааг̇ад̇ам̣ д̣̇ассанааяаад̇и бхаг̇авад̇о мукам̣ д̣̇адтум̣ алабхамаанаа звам̣ уж̇жхааяим̣су. гим̣ бана д̇аа т̇зрам̣ винивиж̇жха бассид̇ум̣ на саггонд̇ийд̇и? аама, на саггонд̇и. д̣̇звад̇аа хи бут̇уж̇ж̇анз винивиж̇жха бассид̇ум̣ саггонд̇и, на кийн̣аасавз. т̇зрасса жа махзсагкад̇ааяа д̇зж̇уссад̣̇ад̇ааяа убаг̇анд̇умби на саггонд̇и. гасмаа бана т̇зрова д̇зж̇уссад̣̇о, на ан̃н̃з араханд̇од̇и? яасмаа гассабаб̣уд̣̇д̇хасса жзд̇ияз аарагкад̣̇звад̇аа ахоси.

    Tathāgataṃ dassanāyāti bhagavato mukhaṃ daṭṭhuṃ alabhamānā evaṃ ujjhāyiṃsu. Kiṃ pana tā theraṃ vinivijjha passituṃ na sakkontīti? Āma, na sakkonti. Devatā hi puthujjane vinivijjha passituṃ sakkonti, na khīṇāsave. Therassa ca mahesakkhatāya tejussadatāya upagantumpi na sakkonti. Kasmā pana therova tejussado, na aññe arahantoti? Yasmā kassapabuddhassa cetiye ārakkhadevatā ahosi.

    вибассимхи гира саммаасамб̣уд̣̇д̇хз бариниб̣б̣уд̇з згаг̇гханасуван̣н̣агканд̇хасад̣̇исасса д̇хаад̇усарийрасса згамзва жзд̇ияам̣ агам̣су, д̣̇ийгхааяугаб̣уд̣̇д̇хаанан̃хи згамзва жзд̇ияам̣ ход̇и. д̇ам̣ мануссаа рад̇анааяаамаахи вид̣̇ад̇т̇ивид̇т̇ад̇аахи д̣̇ван̇г̇улаб̣ахалаахи суван̣н̣идтагаахи харид̇аалзна жа маносилааяа жа мад̇д̇игаагижжам̣ д̇илад̇злзнзва уд̣̇агагижжам̣ саад̇хзд̇ваа яож̇анаббамаан̣ам̣ удтабзсум̣. д̇ад̇о бхуммаа д̣̇звад̇аа яож̇анаббамаан̣ам̣, д̇ад̇о аагаасадтагад̣̇звад̇аа, д̇ад̇о ун̣хавалаахагад̣̇звад̇аа, д̇ад̇о аб̣бхавалаахагад̣̇звад̇аа, д̇ад̇о жаад̇умахаарааж̇игаа д̣̇звад̇аа, д̇ад̇о д̇аавад̇им̣саа д̣̇звад̇аа яож̇анаббамаан̣ам̣ удтабзсунд̇и звам̣ сад̇д̇аяож̇анигам̣ жзд̇ияам̣ ахоси. мануссзсу маалааг̇анд̇хавад̇т̇аад̣̇ийни г̇ахзд̇ваа ааг̇ад̇зсу аарагкад̣̇звад̇аа г̇ахзд̇ваа д̇зсам̣ бассанд̇аанам̣язва жзд̇ияам̣ бууж̇зси.

    Vipassimhi kira sammāsambuddhe parinibbute ekagghanasuvaṇṇakkhandhasadisassa dhātusarīrassa ekameva cetiyaṃ akaṃsu, dīghāyukabuddhānañhi ekameva cetiyaṃ hoti. Taṃ manussā ratanāyāmāhi vidatthivitthatāhi dvaṅgulabahalāhi suvaṇṇiṭṭhakāhi haritālena ca manosilāya ca mattikākiccaṃ tilateleneva udakakiccaṃ sādhetvā yojanappamāṇaṃ uṭṭhapesuṃ. Tato bhummā devatā yojanappamāṇaṃ, tato ākāsaṭṭhakadevatā, tato uṇhavalāhakadevatā, tato abbhavalāhakadevatā, tato cātumahārājikā devatā, tato tāvatiṃsā devatā yojanappamāṇaṃ uṭṭhapesunti evaṃ sattayojanikaṃ cetiyaṃ ahosi. Manussesu mālāgandhavatthādīni gahetvā āgatesu ārakkhadevatā gahetvā tesaṃ passantānaṃyeva cetiyaṃ pūjesi.

    д̇ад̣̇аа аяам̣ т̇зро б̣раахман̣амахаасаало худ̇ваа згам̣ бийд̇агам̣ вад̇т̇ам̣ аад̣̇ааяа г̇ад̇о. д̣̇звад̇аа д̇асса хад̇т̇ад̇о вад̇т̇ам̣ г̇ахзд̇ваа жзд̇ияам̣ бууж̇зси. б̣раахман̣о д̇ам̣ д̣̇исваа басаннажид̇д̇о ‘‘ахамби анааг̇ад̇з зваруубасса б̣уд̣̇д̇хасса жзд̇ияз аарагкад̣̇звад̇аа хомий’’д̇и бад̇т̇анам̣ гад̇ваа д̇ад̇о жуд̇о д̣̇звалогз ниб̣б̣ад̇д̇и. д̇асса д̣̇звалогз жа мануссалогз жа сам̣саранд̇ассзва гассабо бхаг̇аваа логз уббаж̇ж̇ид̇ваа бариниб̣б̣ааяи. д̇ассааби згамзва д̇хаад̇усарийрам̣ ахоси. д̇ам̣ г̇ахзд̇ваа яож̇анигам̣ жзд̇ияам̣ гаарзсум̣. со д̇ад̇т̇а аарагкад̣̇звад̇аа худ̇ваа саасанз анд̇арахид̇з саг̇г̇з ниб̣б̣ад̇д̇ид̇ваа амхаагам̣ бхаг̇авад̇о гаалз д̇ад̇о жуд̇о махаагулз бадисанд̇хим̣ г̇ахзд̇ваа нигкамма баб̣б̣аж̇ид̇ваа арахад̇д̇ам̣ бад̇д̇о. ид̇и жзд̇ияз аарагкад̣̇звад̇аа худ̇ваа ааг̇ад̇ад̇д̇аа т̇зро д̇зж̇уссад̣̇од̇и взд̣̇ид̇аб̣б̣о.

    Tadā ayaṃ thero brāhmaṇamahāsālo hutvā ekaṃ pītakaṃ vatthaṃ ādāya gato. Devatā tassa hatthato vatthaṃ gahetvā cetiyaṃ pūjesi. Brāhmaṇo taṃ disvā pasannacitto ‘‘ahampi anāgate evarūpassa buddhassa cetiye ārakkhadevatā homī’’ti patthanaṃ katvā tato cuto devaloke nibbatti. Tassa devaloke ca manussaloke ca saṃsarantasseva kassapo bhagavā loke uppajjitvā parinibbāyi. Tassāpi ekameva dhātusarīraṃ ahosi. Taṃ gahetvā yojanikaṃ cetiyaṃ kāresuṃ. So tattha ārakkhadevatā hutvā sāsane antarahite sagge nibbattitvā amhākaṃ bhagavato kāle tato cuto mahākule paṭisandhiṃ gahetvā nikkhamma pabbajitvā arahattaṃ patto. Iti cetiye ārakkhadevatā hutvā āgatattā thero tejussadoti veditabbo.

    д̣̇звад̇аа , аананд̣̇а, уж̇жхааяанд̇ийд̇и ид̇и аананд̣̇а, д̣̇звад̇аа уж̇жхааяанд̇и, на маяхам̣ буд̇д̇асса ан̃н̃о гожи д̣̇осо ад̇т̇ийд̇и д̣̇ассзд̇и.

    Devatā, ānanda, ujjhāyantīti iti ānanda, devatā ujjhāyanti, na mayhaṃ puttassa añño koci doso atthīti dasseti.

    201. гат̇ам̣бхууд̇аа бана, бханд̇зд̇и гасмаа ааха? бхаг̇аваа д̇умхз – ‘‘д̣̇звад̇аа уж̇жхааяанд̇ий’’д̇и вад̣̇ат̇а, гат̇ам̣ бхууд̇аа бана д̇аа д̇умхз манаси гарот̇а , гим̣ д̇умхаагам̣ бариниб̣б̣аанам̣ ад̇хиваасзнд̇ийд̇и бужчад̇и. ат̇а бхаг̇аваа – ‘‘наахам̣ ад̇хиваасанагааран̣ам̣ вад̣̇аамий’’д̇и д̇аасам̣ анад̇хиваасанабхаавам̣ д̣̇ассзнд̇о санд̇аананд̣̇аад̇иаад̣̇имааха.

    201.Kathaṃbhūtā pana, bhanteti kasmā āha? Bhagavā tumhe – ‘‘devatā ujjhāyantī’’ti vadatha, kathaṃ bhūtā pana tā tumhe manasi karotha , kiṃ tumhākaṃ parinibbānaṃ adhivāsentīti pucchati. Atha bhagavā – ‘‘nāhaṃ adhivāsanakāraṇaṃ vadāmī’’ti tāsaṃ anadhivāsanabhāvaṃ dassento santānandātiādimāha.

    д̇ад̇т̇а аагаасз бат̇авийсан̃н̃инияод̇и аагаасз бат̇авим̣ маабзд̇ваа д̇ад̇т̇а бат̇авийсан̃н̃инияо. ганд̣̇анд̇ийд̇и род̣̇анд̇и. чиннабаад̇ам̣ бабад̇анд̇ийд̇и маж̇жхз чиннаа вияа худ̇ваа яад̇о ваа д̇ад̇о ваа бабад̇анд̇и. аавадданд̇ийд̇и аавадданд̇ияо бад̇ид̇адтаанамзва ааг̇ажчанд̇и. вивадданд̇ийд̇и бад̇ид̇адтаанад̇о барабхааг̇ам̣ ваддамаанаа г̇ажчанд̇и. абижа д̣̇вз баад̣̇з басаарзд̇ваа сагим̣ бурад̇о сагим̣ бажчад̇о сагим̣ ваамад̇о сагим̣ д̣̇агкин̣ад̇о сам̣баривад̇д̇амаанааби – ‘‘аавадданд̇и вивадданд̇ий’’д̇и вужжанд̇и. санд̇аананд̣̇а, д̣̇звад̇аа бат̇авияам̣ бат̇авийсан̃н̃инияод̇и багад̇ибат̇авий гира д̣̇звад̇аа д̇хаарзд̇ум̣ на саггод̇и. д̇ад̇т̇а хад̇т̇аго б̣рахмаа вияа д̣̇звад̇аа осийд̣̇анд̇и. д̇знааха бхаг̇аваа – ‘‘ол̣ааригам̣ хад̇т̇ага, ад̇д̇абхаавам̣ абхинимминаахий’’д̇и (а. ни. 3.128). д̇асмаа яаа д̣̇звад̇аа бат̇авияам̣ бат̇авим̣ маабзсум̣, д̇аа санд̇хааязд̇ам̣ вуд̇д̇ам̣ – ‘‘бат̇авияам̣ бат̇авийсан̃н̃инияо’’д̇и.

    Tattha ākāse pathavīsaññiniyoti ākāse pathaviṃ māpetvā tattha pathavīsaññiniyo. Kandantīti rodanti. Chinnapātaṃ papatantīti majjhe chinnā viya hutvā yato vā tato vā papatanti. Āvaṭṭantīti āvaṭṭantiyo patitaṭṭhānameva āgacchanti. Vivaṭṭantīti patitaṭṭhānato parabhāgaṃ vaṭṭamānā gacchanti. Apica dve pāde pasāretvā sakiṃ purato sakiṃ pacchato sakiṃ vāmato sakiṃ dakkhiṇato saṃparivattamānāpi – ‘‘āvaṭṭanti vivaṭṭantī’’ti vuccanti. Santānanda, devatā pathaviyaṃ pathavīsaññiniyoti pakatipathavī kira devatā dhāretuṃ na sakkoti. Tattha hatthako brahmā viya devatā osīdanti. Tenāha bhagavā – ‘‘oḷārikaṃ hatthaka, attabhāvaṃ abhinimmināhī’’ti (a. ni. 3.128). Tasmā yā devatā pathaviyaṃ pathaviṃ māpesuṃ, tā sandhāyetaṃ vuttaṃ – ‘‘pathaviyaṃ pathavīsaññiniyo’’ti.

    вийд̇арааг̇аад̇и бахийнад̣̇оманассаа силаат̇амбхасад̣̇исаа анааг̇аамикийн̣аасавад̣̇звад̇аа.

    Vītarāgāti pahīnadomanassā silāthambhasadisā anāgāmikhīṇāsavadevatā.

    жад̇усам̣взж̇анийяатаанаван̣н̣анаа

    Catusaṃvejanīyaṭhānavaṇṇanā

    202. вассам̣вудтаад̇и б̣уд̣̇д̇хагаалз гира д̣̇вийсу гаалзсу бхигкуу саннибад̇анд̇и убагадтааяа вассуубанааяигааяа гаммадтаанаг̇г̇ахан̣ад̇т̇ам̣, вудтавассаа жа г̇ахид̇агаммадтаанаануяог̇зна ниб̣б̣ад̇д̇ид̇ависзсаарожанад̇т̇ам̣. яат̇аа жа б̣уд̣̇д̇хагаалз, звам̣ д̇амб̣абан̣н̣ид̣̇ийбзби абаараг̇ан̇г̇ааяа бхигкуу лохабаасаад̣̇з саннибад̇им̣су, баараг̇ан̇г̇ааяа бхигкуу д̇иссамахаавихаарз. д̇зсу абаараг̇ан̇г̇ааяа бхигкуу сан̇гаарачад̣д̣агасаммаж̇ж̇анияо г̇ахзд̇ваа ааг̇анд̇ваа махаавихаарз саннибад̇ид̇ваа жзд̇ияз суд̇хаагаммам̣ гад̇ваа – ‘‘вудтавассаа ааг̇анд̇ваа лохабаасаад̣̇з саннибад̇ат̇аа’’д̇и вад̇д̇ам̣ гад̇ваа паасугадтаанзсу васид̇ваа вудтавассаа ааг̇анд̇ваа лохабаасаад̣̇з бан̃жанигааяаман̣д̣алз, язсам̣ баал̣и баг̇ун̣аа, д̇з баал̣им̣ саж̇жхааяанд̇и. язсам̣ адтагат̇аа баг̇ун̣аа, д̇з адтагат̇ам̣ саж̇жхааяанд̇и. яо баал̣им̣ ваа адтагат̇ам̣ ваа вираад̇хзд̇и , д̇ам̣ – ‘‘гасса санд̇игз д̇аяаа г̇ахид̇а’’нд̇и вижаарзд̇ваа уж̇ум̣ гад̇ваа г̇аахаабзнд̇и. баараг̇ан̇г̇ааваасиноби д̇иссамахаавихаарз звамзва гаронд̇и. звам̣ д̣̇вийсу гаалзсу саннибад̇ид̇зсу бхигкуусу яз бурз вассуубанааяигааяа гаммадтаанам̣ г̇ахзд̇ваа г̇ад̇аа висзсаарожанад̇т̇ам̣ ааг̇ажчанд̇и, зваруубз санд̇хааяа ‘‘буб̣б̣з бханд̇з вассам̣вудтаа’’д̇иаад̣̇имааха.

    202.Vassaṃvuṭṭhāti buddhakāle kira dvīsu kālesu bhikkhū sannipatanti upakaṭṭhāya vassūpanāyikāya kammaṭṭhānaggahaṇatthaṃ, vuṭṭhavassā ca gahitakammaṭṭhānānuyogena nibbattitavisesārocanatthaṃ. Yathā ca buddhakāle, evaṃ tambapaṇṇidīpepi apāragaṅgāya bhikkhū lohapāsāde sannipatiṃsu, pāragaṅgāya bhikkhū tissamahāvihāre. Tesu apāragaṅgāya bhikkhū saṅkārachaḍḍakasammajjaniyo gahetvā āgantvā mahāvihāre sannipatitvā cetiye sudhākammaṃ katvā – ‘‘vuṭṭhavassā āgantvā lohapāsāde sannipatathā’’ti vattaṃ katvā phāsukaṭṭhānesu vasitvā vuṭṭhavassā āgantvā lohapāsāde pañcanikāyamaṇḍale, yesaṃ pāḷi paguṇā, te pāḷiṃ sajjhāyanti. Yesaṃ aṭṭhakathā paguṇā, te aṭṭhakathaṃ sajjhāyanti. Yo pāḷiṃ vā aṭṭhakathaṃ vā virādheti , taṃ – ‘‘kassa santike tayā gahita’’nti vicāretvā ujuṃ katvā gāhāpenti. Pāragaṅgāvāsinopi tissamahāvihāre evameva karonti. Evaṃ dvīsu kālesu sannipatitesu bhikkhūsu ye pure vassūpanāyikāya kammaṭṭhānaṃ gahetvā gatā visesārocanatthaṃ āgacchanti, evarūpe sandhāya ‘‘pubbe bhante vassaṃvuṭṭhā’’tiādimāha.

    манобхааванийязд̇и манасаа бхаавид̇з самбхаавид̇з. яз ваа мано манам̣ бхаавзнд̇и вад̣дхзнд̇и рааг̇араж̇аад̣̇ийни баваахзнд̇и, зваруубзд̇и ад̇т̇о. т̇зро гира вад̇д̇асамбанно махаллагам̣ бхигкум̣ д̣̇исваа т̇ад̣̇д̇хо худ̇ваа на нисийд̣̇ад̇и, бажжуг̇г̇аманам̣ гад̇ваа хад̇т̇ад̇о чад̇д̇ан̃жа бад̇д̇ажийваран̃жа г̇ахзд̇ваа бийтам̣ бабподзд̇ваа д̣̇зд̇и, д̇ад̇т̇а нисиннасса вад̇д̇ам̣ гад̇ваа сзнаасанам̣ бадиж̇аг̇г̇ид̇ваа д̣̇зд̇и. навагам̣ бхигкум̣ д̣̇исваа д̇ун̣хийбхууд̇о на нисийд̣̇ад̇и, самийбз тад̇ваа вад̇д̇ам̣ гарод̇и. со д̇ааяа вад̇д̇абадибад̇д̇ияаа абарихааним̣ бад̇т̇аяамаано звамааха.

    Manobhāvanīyeti manasā bhāvite sambhāvite. Ye vā mano manaṃ bhāventi vaḍḍhenti rāgarajādīni pavāhenti, evarūpeti attho. Thero kira vattasampanno mahallakaṃ bhikkhuṃ disvā thaddho hutvā na nisīdati, paccuggamanaṃ katvā hatthato chattañca pattacīvarañca gahetvā pīṭhaṃ papphoṭetvā deti, tattha nisinnassa vattaṃ katvā senāsanaṃ paṭijaggitvā deti. Navakaṃ bhikkhuṃ disvā tuṇhībhūto na nisīdati, samīpe ṭhatvā vattaṃ karoti. So tāya vattapaṭipattiyā aparihāniṃ patthayamāno evamāha.

    ат̇а бхаг̇аваа – ‘‘аананд̣̇о манобхааванийяаанам̣ д̣̇ассанам̣ на лабхиссаамий’’д̇и жинд̇зд̇и, ханд̣̇асса, манобхааванийяаанам̣ д̣̇ассанадтаанам̣ аажигкиссаами, яад̇т̇а васанд̇о ид̇о жид̇о жа анаахин̣д̣ид̇ваава лажчад̇и манобхааванийяз бхигкуу д̣̇ассанааяаад̇и жинд̇зд̇ваа жад̇д̇ааримаанийд̇иаад̣̇имааха.

    Atha bhagavā – ‘‘ānando manobhāvanīyānaṃ dassanaṃ na labhissāmī’’ti cinteti, handassa, manobhāvanīyānaṃ dassanaṭṭhānaṃ ācikkhissāmi, yattha vasanto ito cito ca anāhiṇḍitvāva lacchati manobhāvanīye bhikkhū dassanāyāti cintetvā cattārimānītiādimāha.

    д̇ад̇т̇а сад̣̇д̇хассаад̇и б̣уд̣̇д̇хаад̣̇ийсу басаннажид̇д̇асса вад̇д̇асамбаннасса, яасса баад̇о бадтааяа жзд̇ияан̇г̇ан̣авад̇д̇аад̣̇ийни саб̣б̣авад̇д̇аани гад̇аанзва бан̃н̃ааяанд̇и. д̣̇ассанийяаанийд̇и д̣̇ассанаарахаани д̣̇ассанад̇т̇ааяа г̇анд̇аб̣б̣аани. сам̣взж̇анийяаанийд̇и сам̣взг̇аж̇анагаани. таанаанийд̇и гааран̣аани, бад̣̇зсатаанаанзва ваа.

    Tattha saddhassāti buddhādīsu pasannacittassa vattasampannassa, yassa pāto paṭṭhāya cetiyaṅgaṇavattādīni sabbavattāni katāneva paññāyanti. Dassanīyānīti dassanārahāni dassanatthāya gantabbāni. Saṃvejanīyānīti saṃvegajanakāni. Ṭhānānīti kāraṇāni, padesaṭhānāneva vā.

    яз хи гзжийд̇и ид̣̇ам̣ жзд̇ияажааригааяа сад̇т̇агабхаавад̣̇ассанад̇т̇ам̣ вуд̇д̇ам̣. д̇ад̇т̇а жзд̇ияажааригам̣ аахин̣д̣анд̇аад̇и яз жа д̇аава д̇ад̇т̇а д̇ад̇т̇а жзд̇ияан̇г̇ан̣ам̣ саммаж̇ж̇анд̇аа, аасанаани д̇хованд̇аа б̣од̇химхи уд̣̇агам̣ син̃жанд̇аа аахин̣д̣анд̇и, д̇зсу вад̇д̇аб̣б̣амзва над̇т̇и асугавихаарз ‘‘жзд̇ияам̣ ванд̣̇иссаамаа’’д̇и нигкамид̇ваа басаннажид̇д̇аа анд̇араа гаалан̇гаронд̇ааби ананд̇арааязна саг̇г̇з бад̇идтахиссанд̇и язваад̇и д̣̇ассзд̇и.

    Ye hi kecīti idaṃ cetiyacārikāya satthakabhāvadassanatthaṃ vuttaṃ. Tattha cetiyacārikaṃ āhiṇḍantāti ye ca tāva tattha tattha cetiyaṅgaṇaṃ sammajjantā, āsanāni dhovantā bodhimhi udakaṃ siñcantā āhiṇḍanti, tesu vattabbameva natthi asukavihāre ‘‘cetiyaṃ vandissāmā’’ti nikkhamitvā pasannacittā antarā kālaṅkarontāpi anantarāyena sagge patiṭṭhahissanti yevāti dasseti.

    аананд̣̇абужчаагат̇ааван̣н̣анаа

    Ānandapucchākathāvaṇṇanā

    203. ад̣̇ассанам̣ , аананд̣̇аад̇и яад̣̇зд̇ам̣ маад̇уг̇аамасса ад̣̇ассанам̣, аяамзд̇т̇а уд̇д̇амаа бадибад̇д̇ийд̇и д̣̇ассзд̇и. д̣̇ваарам̣ бид̣̇ахид̇ваа сзнаасанз нисинно хи бхигку ааг̇анд̇ваа д̣̇ваарз тид̇амби маад̇уг̇аамам̣ яаава на бассад̇и, д̇аавасса згам̣сзнзва на лобхо уббаж̇ж̇ад̇и, на жид̇д̇ам̣ жалад̇и. д̣̇ассанз бана сад̇иязва д̇ад̣̇убхаяамби асса. д̇знааха – ‘‘ад̣̇ассанам̣ аананд̣̇аа’’д̇и. д̣̇ассанз бхаг̇аваа сад̇и гат̇анд̇и бхигкам̣ г̇ахзд̇ваа убаг̇ад̇адтаанаад̣̇ийсу д̣̇ассанз сад̇и гат̇ам̣ бадибаж̇ж̇ид̇аб̣б̣анд̇и бужчад̇и. ат̇а бхаг̇аваа яасмаа каг̇г̇ам̣ г̇ахзд̇ваа – ‘‘сажз маяаа сад̣̇д̇хим̣ аалабаси, зд̇т̇зва д̇з сийсам̣ баад̇зссаамий’’д̇и тид̇абурисзна ваа, ‘‘сажз маяаа сад̣̇д̇хим̣ аалабаси, зд̇т̇зва д̇з мам̣сам̣ мурумураабзд̇ваа каад̣̇иссаамий’’д̇и тид̇аяагкинияаа ваа аалабид̇ум̣ варам̣. згассзва хи ад̇д̇абхаавасса д̇аббажжаяаа винаасо ход̇и, на абааязсу абарижчиннад̣̇угкаанубхаванам̣. маад̇уг̇аамзна бана аалаабасаллаабз сад̇и виссаасо ход̇и, виссаасз сад̇и од̇ааро ход̇и, од̇ин̣н̣ажид̇д̇о сийлаб̣яасанам̣ бад̇ваа абааяабуураго ход̇и; д̇асмаа анаалаабод̇и ааха. вуд̇д̇амби жзд̇ам̣ –

    203.Adassanaṃ, ānandāti yadetaṃ mātugāmassa adassanaṃ, ayamettha uttamā paṭipattīti dasseti. Dvāraṃ pidahitvā senāsane nisinno hi bhikkhu āgantvā dvāre ṭhitampi mātugāmaṃ yāva na passati, tāvassa ekaṃseneva na lobho uppajjati, na cittaṃ calati. Dassane pana satiyeva tadubhayampi assa. Tenāha – ‘‘adassanaṃ ānandā’’ti. Dassane bhagavā sati kathanti bhikkhaṃ gahetvā upagataṭṭhānādīsu dassane sati kathaṃ paṭipajjitabbanti pucchati. Atha bhagavā yasmā khaggaṃ gahetvā – ‘‘sace mayā saddhiṃ ālapasi, ettheva te sīsaṃ pātessāmī’’ti ṭhitapurisena vā, ‘‘sace mayā saddhiṃ ālapasi, ettheva te maṃsaṃ murumurāpetvā khādissāmī’’ti ṭhitayakkhiniyā vā ālapituṃ varaṃ. Ekasseva hi attabhāvassa tappaccayā vināso hoti, na apāyesu aparicchinnadukkhānubhavanaṃ. Mātugāmena pana ālāpasallāpe sati vissāso hoti, vissāse sati otāro hoti, otiṇṇacitto sīlabyasanaṃ patvā apāyapūrako hoti; tasmā anālāpoti āha. Vuttampi cetaṃ –

    ‘‘саллабз асихад̇т̇зна, бисаажзнааби саллабз;

    ‘‘Sallape asihatthena, pisācenāpi sallape;

    аасийвисамби аасийд̣̇з, язна д̣̇адто на ж̇ийвад̇и;

    Āsīvisampi āsīde, yena daṭṭho na jīvati;

    на д̇взва зго згааяа, маад̇уг̇аамзна саллабз’’д̇и. (а. ни. 5.55);

    Na tveva eko ekāya, mātugāmena sallape’’ti. (a. ni. 5.55);

    аалабанд̇зна банаад̇и сажз маад̇уг̇аамо д̣̇ивасам̣ ваа бужчад̇и, сийлам̣ ваа яаажад̇и, д̇хаммам̣ ваа сод̇угаамо ход̇и, бан̃хам̣ ваа бужчад̇и, д̇ат̇ааруубам̣ ваа банасса баб̣б̣аж̇ид̇зхи гад̇д̇аб̣б̣агаммам̣ ход̇и, зваруубз гаалз анаалабанд̇ам̣ ‘‘мууг̇о аяам̣, б̣ад̇хиро аяам̣, бхуд̇ваава б̣ад̣̇д̇хамуко нисийд̣̇ад̇ий’’д̇и вад̣̇ад̇и, д̇асмаа авассам̣ аалабид̇аб̣б̣ам̣ ход̇и. звам̣ аалабанд̇зна бана гат̇ам̣ бадибаж̇ж̇ид̇аб̣б̣анд̇и бужчад̇и. ат̇а бхаг̇аваа – ‘‘зт̇а д̇умхз, бхигкавз, маад̇умад̇д̇ийсу маад̇ужид̇д̇ам̣ убадтабзт̇а, бхаг̇инимад̇д̇ийсу бхаг̇инижид̇д̇ам̣ убадтабзт̇а, д̇хийд̇умад̇д̇ийсу д̇хийд̇ужид̇д̇ам̣ убадтабзт̇аа’’д̇и (сам̣. ни. 4.127) имам̣ оваад̣̇ам̣ санд̇хааяа сад̇и, аананд̣̇а, убадтабзд̇аб̣б̣аад̇и ааха.

    Ālapantena panāti sace mātugāmo divasaṃ vā pucchati, sīlaṃ vā yācati, dhammaṃ vā sotukāmo hoti, pañhaṃ vā pucchati, tathārūpaṃ vā panassa pabbajitehi kattabbakammaṃ hoti, evarūpe kāle anālapantaṃ ‘‘mūgo ayaṃ, badhiro ayaṃ, bhutvāva baddhamukho nisīdatī’’ti vadati, tasmā avassaṃ ālapitabbaṃ hoti. Evaṃ ālapantena pana kathaṃ paṭipajjitabbanti pucchati. Atha bhagavā – ‘‘etha tumhe, bhikkhave, mātumattīsu mātucittaṃ upaṭṭhapetha, bhaginimattīsu bhaginicittaṃ upaṭṭhapetha, dhītumattīsu dhītucittaṃ upaṭṭhapethā’’ti (saṃ. ni. 4.127) imaṃ ovādaṃ sandhāya sati, ānanda, upaṭṭhapetabbāti āha.

    204. аб̣яаавадаад̇и ад̇анд̇иб̣ад̣̇д̇хаа нируссуггаа хот̇а. саарад̇т̇з гхадат̇аад̇и уд̇д̇амад̇т̇з арахад̇д̇з гхадзт̇а. ануяун̃ж̇ат̇аад̇и д̇ад̣̇ад̇хиг̇амааяа ануяог̇ам̣ гарот̇а. аббамад̇д̇аад̇и д̇ад̇т̇а авиббамудтасад̇ий. вийрияаад̇аабаяог̇зна аад̇аабино. гааяз жа ж̇ийвид̇з жа нирабзгкад̇ааяа бахид̇ад̇д̇аа бзсид̇ажид̇д̇аа вихарат̇а.

    204.Abyāvaṭāti atantibaddhā nirussukkā hotha. Sāratthe ghaṭathāti uttamatthe arahatte ghaṭetha. Anuyuñjathāti tadadhigamāya anuyogaṃ karotha. Appamattāti tattha avippamuṭṭhasatī. Vīriyātāpayogena ātāpino. Kāye ca jīvite ca nirapekkhatāya pahitattā pesitacittā viharatha.

    205. гат̇ам̣ бана, бханд̇зд̇и д̇зхи кад̇д̇ияабан̣д̣ид̇аад̣̇ийхи гат̇ам̣ бадибаж̇ж̇ид̇аб̣б̣ам̣. ад̣̇д̇хаа мам̣ д̇з бадибужчиссанд̇и – ‘‘гат̇ам̣, бханд̇з, аананд̣̇а д̇ат̇ааг̇ад̇асса сарийрз бадибаж̇ж̇ид̇аб̣б̣а’’нд̇и; ‘‘д̇зсаахам̣ гат̇ам̣ бадиважанам̣ д̣̇змий’’д̇и бужчад̇и. ахад̇зна вад̇т̇знаад̇и навзна гаасигавад̇т̇зна. вихад̇зна габбаасзнаад̇и субот̇ид̇зна габбаасзна. гаасигавад̇т̇ан̃хи сукумад̇д̇аа д̇злам̣ на г̇ан̣хаад̇и, габбаасо бана г̇ан̣хаад̇и. д̇асмаа ‘‘вихад̇зна габбаасзнаа’’д̇и ааха. ааяасааяаад̇и сован̣н̣ааяа. сован̣н̣ан̃хи ид̇ха ‘‘аяаса’’нд̇и ад̇хиббзд̇ам̣.

    205.Kathaṃpana, bhanteti tehi khattiyapaṇḍitādīhi kathaṃ paṭipajjitabbaṃ. Addhā maṃ te paṭipucchissanti – ‘‘kathaṃ, bhante, ānanda tathāgatassa sarīre paṭipajjitabba’’nti; ‘‘tesāhaṃ kathaṃ paṭivacanaṃ demī’’ti pucchati. Ahatena vatthenāti navena kāsikavatthena. Vihatena kappāsenāti supothitena kappāsena. Kāsikavatthañhi sukhumattā telaṃ na gaṇhāti, kappāso pana gaṇhāti. Tasmā ‘‘vihatena kappāsenā’’ti āha. Āyasāyāti sovaṇṇāya. Sovaṇṇañhi idha ‘‘ayasa’’nti adhippetaṃ.

    т̇уубаарахабуг̇г̇алаван̣н̣анаа

    Thūpārahapuggalavaṇṇanā

    206. рааж̇аа жаггавад̇д̇ийд̇и зд̇т̇а гасмаа бхаг̇аваа аг̇аарамаж̇жхз васид̇ваа гаалан̇гад̇асса ран̃н̃о т̇уубаарахад̇ам̣ ануж̇аанаад̇и, на сийлавад̇о бут̇уж̇ж̇анасса бхигкуссаад̇и? анажчарияад̇д̇аа. бут̇уж̇ж̇анабхигкуунан̃хи т̇уубз анун̃н̃ааяамаанз д̇амб̣абан̣н̣ид̣̇ийбз д̇аава т̇уубаанам̣ огаасо на бхавзяяа, д̇ат̇аа ан̃н̃зсу таанзсу. д̇асмаа ‘‘анажчарияаа д̇з бхависсанд̇ий’’д̇и наануж̇аанаад̇и. рааж̇аа жаггавад̇д̇ий згова ниб̣б̣ад̇д̇ад̇и, д̇знасса т̇уубо ажчарияо ход̇и. бут̇уж̇ж̇анасийлавад̇о бана бариниб̣б̣уд̇абхигкуно вияа маханд̇амби саггаарам̣ гаад̇ум̣ ваддад̇иязва.

    206.Rājā cakkavattīti ettha kasmā bhagavā agāramajjhe vasitvā kālaṅkatassa rañño thūpārahataṃ anujānāti, na sīlavato puthujjanassa bhikkhussāti? Anacchariyattā. Puthujjanabhikkhūnañhi thūpe anuññāyamāne tambapaṇṇidīpe tāva thūpānaṃ okāso na bhaveyya, tathā aññesu ṭhānesu. Tasmā ‘‘anacchariyā te bhavissantī’’ti nānujānāti. Rājā cakkavattī ekova nibbattati, tenassa thūpo acchariyo hoti. Puthujjanasīlavato pana parinibbutabhikkhuno viya mahantampi sakkāraṃ kātuṃ vaṭṭatiyeva.

    аананд̣̇аажчарияад̇хаммаван̣н̣анаа

    Ānandaacchariyadhammavaṇṇanā

    207. вихааранд̇и ид̇ха ман̣д̣аламаало вихаарод̇и ад̇хиббзд̇о, д̇ам̣ бависид̇ваа. габисийсанд̇и д̣̇ваараб̣аахагодияам̣ тид̇ам̣ аг̇г̇ал̣аругкам̣. род̣̇амаано адтаасийд̇и со гирааяасмаа жинд̇зси – ‘‘сад̇т̇аараа мама сам̣взг̇аж̇анагам̣ васанадтаанам̣ гат̇ид̇ам̣, жзд̇ияажааригааяа саад̇т̇агабхааво гат̇ид̇о, маад̇уг̇аамз бадибаж̇ж̇ид̇аб̣б̣абан̃хо виссаж̇ж̇ид̇о, ад̇д̇ано сарийрз бадибад̇д̇и агкаад̇аа, жад̇д̇ааро т̇уубаарахаа гат̇ид̇аа, д̇хувам̣ аж̇ж̇а бхаг̇аваа бариниб̣б̣ааяиссад̇ий’’д̇и, д̇ассзвам̣ жинд̇аяад̇о б̣алавад̣̇оманассам̣ уббаж̇ж̇и. ат̇асса зд̇ад̣̇ахоси – ‘‘бхаг̇авад̇о санд̇игз род̣̇анам̣ наама апаасугам̣, згаманд̇ам̣ г̇анд̇ваа согам̣ д̇анугам̣ гариссаамий’’д̇и, со д̇ат̇аа агааси. д̇зна вуд̇д̇ам̣ – ‘‘род̣̇амаано адтаасий’’д̇и.

    207.Vihāranti idha maṇḍalamālo vihāroti adhippeto, taṃ pavisitvā. Kapisīsanti dvārabāhakoṭiyaṃ ṭhitaṃ aggaḷarukkhaṃ. Rodamāno aṭṭhāsīti so kirāyasmā cintesi – ‘‘satthārā mama saṃvegajanakaṃ vasanaṭṭhānaṃ kathitaṃ, cetiyacārikāya sātthakabhāvo kathito, mātugāme paṭipajjitabbapañho vissajjito, attano sarīre paṭipatti akkhātā, cattāro thūpārahā kathitā, dhuvaṃ ajja bhagavā parinibbāyissatī’’ti, tassevaṃ cintayato balavadomanassaṃ uppajji. Athassa etadahosi – ‘‘bhagavato santike rodanaṃ nāma aphāsukaṃ, ekamantaṃ gantvā sokaṃ tanukaṃ karissāmī’’ti, so tathā akāsi. Tena vuttaṃ – ‘‘rodamāno aṭṭhāsī’’ti.

    ахан̃жа вад̇амхийд̇и ахан̃жа вад̇а амхи, ахам̣ вад̇амхийд̇иби баато. яо мама анугамбагод̇и яо мам̣ анугамбад̇и анусаасад̇и, свз д̣̇аани бадтааяа гасса мукад̇хованам̣ д̣̇ассаами, гасса баад̣̇з д̇ховиссаами, гасса сзнаасанам̣ бадиж̇аг̇г̇иссаами, гасса бад̇д̇ажийварам̣ г̇ахзд̇ваа вижариссаамийд̇и б̣ахум̣ вилаби. ааманд̇зсийд̇и бхигкусан̇гхасса анд̇арз т̇зрам̣ ад̣̇исваа ааманд̇зси.

    Ahañca vatamhīti ahañca vata amhi, ahaṃ vatamhītipi pāṭho. Yo mama anukampakoti yo maṃ anukampati anusāsati, sve dāni paṭṭhāya kassa mukhadhovanaṃ dassāmi, kassa pāde dhovissāmi, kassa senāsanaṃ paṭijaggissāmi, kassa pattacīvaraṃ gahetvā vicarissāmīti bahuṃ vilapi. Āmantesīti bhikkhusaṅghassa antare theraṃ adisvā āmantesi.

    мзд̇д̇зна гааяагаммзнаад̇и мзд̇д̇ажид̇д̇авасзна бавад̇д̇ид̇зна мукад̇хованад̣̇аанаад̣̇игааяагаммзна. хид̇знаад̇и хид̇авуд̣̇д̇хияаа гад̇зна. сукзнаад̇и сукасоманассзнзва гад̇зна, на д̣̇угкинаа д̣̇умманзна худ̇ваад̇и ад̇т̇о. ад̣̇ваязнаад̇и д̣̇вз годтаасз гад̇ваа агад̇зна. яат̇аа хи зго саммукаава гарод̇и на бараммукаа, зго бараммукаава гарод̇и на саммукаа звам̣ вибхааг̇ам̣ агад̇ваа гад̇знаад̇и вуд̇д̇ам̣ ход̇и. аббамаан̣знаад̇и бамаан̣авирахид̇зна. жаггаваал̣амби хи ад̇исамб̣аад̇хам̣, бхаваг̇г̇амби ад̇инийжам̣, д̇аяаа гад̇ам̣ гааяагаммамзва б̣ахунд̇и д̣̇ассзд̇и.

    Mettenakāyakammenāti mettacittavasena pavattitena mukhadhovanadānādikāyakammena. Hitenāti hitavuddhiyā katena. Sukhenāti sukhasomanasseneva katena, na dukkhinā dummanena hutvāti attho. Advayenāti dve koṭṭhāse katvā akatena. Yathā hi eko sammukhāva karoti na parammukhā, eko parammukhāva karoti na sammukhā evaṃ vibhāgaṃ akatvā katenāti vuttaṃ hoti. Appamāṇenāti pamāṇavirahitena. Cakkavāḷampi hi atisambādhaṃ, bhavaggampi atinīcaṃ, tayā kataṃ kāyakammameva bahunti dasseti.

    мзд̇д̇зна важийгаммзнаад̇и мзд̇д̇ажид̇д̇авасзна бавад̇д̇ид̇зна мукад̇хованагаалаарожанаад̣̇инаа важийгаммзна. аби жа оваад̣̇ам̣ суд̇ваа – ‘‘саад̇ху, бханд̇з’’д̇и важанамби мзд̇д̇ам̣ важийгаммамзва. мзд̇д̇зна маногаммзнаад̇и гаалассзва сарийрабадиж̇аг̇г̇анам̣ гад̇ваа вивид̇д̇аасанз нисийд̣̇ид̇ваа – ‘‘сад̇т̇аа арог̇о ход̇у, аб̣яаабаж̇ж̇о сукий’’д̇и звам̣ бавад̇д̇ид̇зна маногаммзна. гад̇абун̃н̃осийд̇и габбасад̇асахассам̣ абхинийхаарасамбанносийд̇и д̣̇ассзд̇и. гад̇абун̃н̃осийд̇и жа зд̇д̇аавад̇аа виссад̇т̇о маа бамаад̣̇амаабаж̇ж̇и, ат̇а ко бад̇хаанамануяун̃ж̇а. зван̃хи ануяуд̇д̇о киббам̣ хохиси анаасаво, д̇хаммасан̇г̇ийд̇игаалз арахад̇д̇ам̣ баабун̣иссаси. на хи маад̣̇исасса гад̇абаарижарияаа нибпалаа наама ход̇ийд̇и д̣̇ассзд̇и.

    Mettena vacīkammenāti mettacittavasena pavattitena mukhadhovanakālārocanādinā vacīkammena. Api ca ovādaṃ sutvā – ‘‘sādhu, bhante’’ti vacanampi mettaṃ vacīkammameva. Mettena manokammenāti kālasseva sarīrapaṭijagganaṃ katvā vivittāsane nisīditvā – ‘‘satthā arogo hotu, abyāpajjo sukhī’’ti evaṃ pavattitena manokammena. Katapuññosīti kappasatasahassaṃ abhinīhārasampannosīti dasseti. Katapuññosīti ca ettāvatā vissattho mā pamādamāpajji, atha kho padhānamanuyuñja. Evañhi anuyutto khippaṃ hohisi anāsavo, dhammasaṅgītikāle arahattaṃ pāpuṇissasi. Na hi mādisassa katapāricariyā nipphalā nāma hotīti dasseti.

    208. зван̃жа бана вад̇ваа махаабат̇авим̣ бад̇т̇аранд̇о вияа аагаасам̣ вид̇т̇аарзнд̇о вияа жаггаваал̣аг̇ирим̣ осаарзнд̇о вияа синзрум̣ угкибзнд̇о вияа махааж̇амб̣ум̣ канд̇хз г̇ахзд̇ваа жаалзнд̇о вияа ааяасмад̇о аананд̣̇асса г̇ун̣агат̇ам̣ аарабханд̇о ат̇а ко бхаг̇аваа бхигкуу ааманд̇зси. д̇ад̇т̇а ‘‘язби д̇з, бхигкавз, зд̇арахий’’д̇и гасмаа на вуд̇д̇ам̣? ан̃н̃асса б̣уд̣̇д̇хасса над̇т̇ид̇ааяа. зд̇знзва жзд̇ам̣ взд̣̇ид̇аб̣б̣ам̣ – ‘‘яат̇аа жаггаваал̣анд̇арзби ан̃н̃о б̣уд̣̇д̇хо над̇т̇ий’’д̇и. бан̣д̣ид̇од̇и б̣яад̇д̇о. мзд̇хаавийд̇и канд̇хад̇хаад̇уааяад̇анаад̣̇ийсу гусало.

    208. Evañca pana vatvā mahāpathaviṃ pattharanto viya ākāsaṃ vitthārento viya cakkavāḷagiriṃ osārento viya sineruṃ ukkhipento viya mahājambuṃ khandhe gahetvā cālento viya āyasmato ānandassa guṇakathaṃ ārabhanto atha kho bhagavā bhikkhū āmantesi. Tattha ‘‘yepi te, bhikkhave, etarahī’’ti kasmā na vuttaṃ? Aññassa buddhassa natthitāya. Eteneva cetaṃ veditabbaṃ – ‘‘yathā cakkavāḷantarepi añño buddho natthī’’ti. Paṇḍitoti byatto. Medhāvīti khandhadhātuāyatanādīsu kusalo.

    209. бхигкубарисаа аананд̣̇ам̣ д̣̇ассанааяаад̇и яз бхаг̇аванд̇ам̣ бассид̇угаамаа т̇зрам̣ убасан̇гаманд̇и, яз жа ‘‘ааяасмаа гираананд̣̇о саманд̇абаасаад̣̇иго абхируубо д̣̇ассанийяо б̣ахуссуд̇о сан̇гхасобхано’’д̇и т̇зрасса г̇ун̣з суд̇ваа ааг̇ажчанд̇и, д̇з санд̇хааяа ‘‘бхигкубарисаа аананд̣̇ам̣ д̣̇ассанааяа убасан̇гаманд̇ий’’д̇и вуд̇д̇ам̣. зса наяо саб̣б̣ад̇т̇а. ад̇д̇аманаад̇и саванзна но д̣̇ассанам̣ самзд̇ийд̇и сагаманаа д̇удтажид̇д̇аа. д̇хамманд̇и ‘‘гажжи, аавусо, каманийяам̣, гажжи яаабанийяам̣, гажжи яонисо манасигаарзна гаммам̣ гарот̇а, аажарияубаж̇жхааяз вад̇д̇ам̣ буурзт̇аа’’д̇и зваруубам̣ бадисант̇аарад̇хаммам̣. д̇ад̇т̇а бхигкунийсу – ‘‘гажжи, бхаг̇инияо, адта г̇аруд̇хаммз самаад̣̇ааяа вад̇д̇ат̇аа’’д̇и ид̣̇амби наанаагаран̣ам̣ ход̇и. убаасагзсу ааг̇ад̇зсу ‘‘убаасага, на д̇з гажжи сийсам̣ ваа ан̇г̇ам̣ ваа руж̇ж̇ад̇и, арог̇аа д̇з буд̇д̇абхаад̇аро’’д̇и на звам̣ бадисант̇аарам̣ гарод̇и. звам̣ бана гарод̇и – ‘‘гат̇ам̣ убаасагаа д̇ийн̣и саран̣аани бан̃жа сийлаани рагкат̇а, маасасса адта убосат̇з гарот̇а, маад̇аабид̇уунам̣ убадтаанавад̇д̇ам̣ буурзт̇а, д̇хаммигасаман̣аб̣раахман̣з бадиж̇аг̇г̇ат̇аа’’д̇и. убаасигаасуби зсзва наяо.

    209.Bhikkhuparisā ānandaṃ dassanāyāti ye bhagavantaṃ passitukāmā theraṃ upasaṅkamanti, ye ca ‘‘āyasmā kirānando samantapāsādiko abhirūpo dassanīyo bahussuto saṅghasobhano’’ti therassa guṇe sutvā āgacchanti, te sandhāya ‘‘bhikkhuparisā ānandaṃ dassanāya upasaṅkamantī’’ti vuttaṃ. Esa nayo sabbattha. Attamanāti savanena no dassanaṃ sametīti sakamanā tuṭṭhacittā. Dhammanti ‘‘kacci, āvuso, khamanīyaṃ, kacci yāpanīyaṃ, kacci yoniso manasikārena kammaṃ karotha, ācariyupajjhāye vattaṃ pūrethā’’ti evarūpaṃ paṭisanthāradhammaṃ. Tattha bhikkhunīsu – ‘‘kacci, bhaginiyo, aṭṭha garudhamme samādāya vattathā’’ti idampi nānākaraṇaṃ hoti. Upāsakesu āgatesu ‘‘upāsaka, na te kacci sīsaṃ vā aṅgaṃ vā rujjati, arogā te puttabhātaro’’ti na evaṃ paṭisanthāraṃ karoti. Evaṃ pana karoti – ‘‘kathaṃ upāsakā tīṇi saraṇāni pañca sīlāni rakkhatha, māsassa aṭṭha uposathe karotha, mātāpitūnaṃ upaṭṭhānavattaṃ pūretha, dhammikasamaṇabrāhmaṇe paṭijaggathā’’ti. Upāsikāsupi eseva nayo.

    ид̣̇аани аананд̣̇ад̇т̇зрасса жаггавад̇д̇инаа сад̣̇д̇хим̣ убамам̣ гаронд̇о жад̇д̇ааромз бхигкавзд̇иаад̣̇имааха. д̇ад̇т̇а кад̇д̇ияаад̇и абхисид̇д̇аа жа анабхисид̇д̇аа жа кад̇д̇ияаж̇аад̇игаа. д̇з гира – ‘‘рааж̇аа жаггавад̇д̇ий наама абхируубо д̣̇ассанийяо баасаад̣̇иго аагаасзна вижаранд̇о раж̇ж̇ам̣ анусаасад̇и д̇хаммиго д̇хаммарааж̇аа’’д̇и д̇асса г̇ун̣агат̇ам̣ суд̇ваа ‘‘саванзна д̣̇ассанамби сама’’нд̇и ад̇д̇аманаа хонд̇и. бхаасад̇ийд̇и гат̇знд̇о – ‘‘гат̇ам̣, д̇аад̇аа, рааж̇ад̇хаммам̣ буурзт̇а, бавзн̣им̣ рагкат̇аа’’д̇и бадисант̇аарам̣ гарод̇и. б̣раахман̣зсу бана – ‘‘гат̇ам̣ аажарияаа манд̇з ваажзт̇а, гат̇ам̣ анд̇зваасигаа манд̇з г̇ан̣ханд̇и, д̣̇агкин̣ам̣ ваа вад̇т̇аани ваа габилам̣ ваа алад̇т̇аа’’д̇и бадисант̇аарам̣ гарод̇и. г̇ахабад̇ийсу – ‘‘гат̇ам̣ д̇аад̇аа, на во рааж̇агулад̇о д̣̇ан̣д̣зна ваа б̣алинаа ваа бийл̣аа ад̇т̇и, саммаа д̣̇зво д̇хаарам̣ анубавзжчад̇и, сассаани самбаж̇ж̇анд̇ий’’д̇и звам̣ бадисант̇аарам̣ гарод̇и. саман̣зсу – ‘‘гат̇ам̣, бханд̇з, баб̣б̣аж̇ид̇абаригкаараа сулабхаа, саман̣ад̇хаммз на бамаж̇ж̇ат̇аа’’д̇и звам̣ бадисант̇аарам̣ гарод̇и.

    Idāni ānandattherassa cakkavattinā saddhiṃ upamaṃ karonto cattārome bhikkhavetiādimāha. Tattha khattiyāti abhisittā ca anabhisittā ca khattiyajātikā. Te kira – ‘‘rājā cakkavattī nāma abhirūpo dassanīyo pāsādiko ākāsena vicaranto rajjaṃ anusāsati dhammiko dhammarājā’’ti tassa guṇakathaṃ sutvā ‘‘savanena dassanampi sama’’nti attamanā honti. Bhāsatīti kathento – ‘‘kathaṃ, tātā, rājadhammaṃ pūretha, paveṇiṃ rakkhathā’’ti paṭisanthāraṃ karoti. Brāhmaṇesu pana – ‘‘kathaṃ ācariyā mante vācetha, kathaṃ antevāsikā mante gaṇhanti, dakkhiṇaṃ vā vatthāni vā kapilaṃ vā alatthā’’ti paṭisanthāraṃ karoti. Gahapatīsu – ‘‘kathaṃ tātā, na vo rājakulato daṇḍena vā balinā vā pīḷā atthi, sammā devo dhāraṃ anupavecchati, sassāni sampajjantī’’ti evaṃ paṭisanthāraṃ karoti. Samaṇesu – ‘‘kathaṃ, bhante, pabbajitaparikkhārā sulabhā, samaṇadhamme na pamajjathā’’ti evaṃ paṭisanthāraṃ karoti.

    махаасуд̣̇ассанасуд̇д̇ад̣̇зсанааван̣н̣анаа

    Mahāsudassanasuttadesanāvaṇṇanā

    210. куд̣̇д̣̇аганаг̇арагзд̇и наг̇арабад̇ируубагз самб̣аад̇хз куд̣̇д̣̇аганаг̇арагз. уж̇ж̇ан̇г̇аланаг̇арагзд̇и висаманаг̇арагз. саакаанаг̇арагзд̇и яат̇аа ругкаанам̣ саакаа наама куд̣̇д̣̇агаа хонд̇и, звамзва ан̃н̃зсам̣ махаанаг̇араанам̣ саакаасад̣̇исз куд̣̇д̣̇аганаг̇арагз. кад̇д̇ияамахаасаалаад̇и кад̇д̇ияамахаасаараббад̇д̇аа махаакад̇д̇ияаа. зса наяо саб̣б̣ад̇т̇а.

    210.Khuddakanagaraketi nagarapatirūpake sambādhe khuddakanagarake. Ujjaṅgalanagaraketi visamanagarake. Sākhānagaraketi yathā rukkhānaṃ sākhā nāma khuddakā honti, evameva aññesaṃ mahānagarānaṃ sākhāsadise khuddakanagarake. Khattiyamahāsālāti khattiyamahāsārappattā mahākhattiyā. Esa nayo sabbattha.

    д̇зсу кад̇д̇ияамахаасаалаа наама язсам̣ годисад̇амби годисахассамби д̇ханам̣ никан̣ид̇ваа табид̇ам̣, д̣̇ивасабариб̣б̣аяо згам̣ гахаабан̣асагадам̣ ниг̇ажчад̇и, сааяам̣ д̣̇вз бависанд̇и. б̣раахман̣амахаасаалаа наама язсам̣ асийд̇игодид̇ханам̣ нихид̇ам̣ ход̇и, д̣̇ивасабариб̣б̣аяо зго гахаабан̣агумбхо ниг̇ажчад̇и, сааяам̣ згасагадам̣ бависад̇и. г̇ахабад̇имахаасаалаа наама язсам̣ жад̇д̇аалийсагодид̇ханам̣ нихид̇ам̣ ход̇и, д̣̇ивасабариб̣б̣аяо бан̃жа гахаабан̣амб̣ан̣аани ниг̇ажчанд̇и, сааяам̣ гумбхо бависад̇и.

    Tesu khattiyamahāsālā nāma yesaṃ koṭisatampi koṭisahassampi dhanaṃ nikhaṇitvā ṭhapitaṃ, divasaparibbayo ekaṃ kahāpaṇasakaṭaṃ nigacchati, sāyaṃ dve pavisanti. Brāhmaṇamahāsālā nāma yesaṃ asītikoṭidhanaṃ nihitaṃ hoti, divasaparibbayo eko kahāpaṇakumbho nigacchati, sāyaṃ ekasakaṭaṃ pavisati. Gahapatimahāsālā nāma yesaṃ cattālīsakoṭidhanaṃ nihitaṃ hoti, divasaparibbayo pañca kahāpaṇambaṇāni nigacchanti, sāyaṃ kumbho pavisati.

    маа хзвам̣, аананд̣̇а, аважаад̇и аананд̣̇а, маа звам̣ аважа, на имам̣ ‘‘куд̣̇д̣̇аганаг̇ара’’нд̇и вад̇д̇аб̣б̣ам̣. ахан̃хи имассзва наг̇арасса самбад̇д̇им̣ гат̇зд̇ум̣ – ‘‘анзгаваарам̣ д̇идтам̣ нисийд̣̇ам̣ маханд̇зна уссаахзна, маханд̇зна бараггамзна ид̇хааг̇ад̇о’’д̇и вад̇ваа бхууд̇абуб̣б̣анд̇иаад̣̇имааха. субхигкаад̇и каж̇ж̇абхож̇ж̇асамбаннаа. хад̇т̇исад̣̇д̣̇знаад̇и згасмим̣ хад̇т̇имхи сад̣̇д̣̇ам̣ гаронд̇з жад̇ураасийд̇ихад̇т̇исахассаани сад̣̇д̣̇ам̣ гаронд̇и, ид̇и хад̇т̇исад̣̇д̣̇зна авивид̇д̇аа, ход̇и, д̇ат̇аа ассасад̣̇д̣̇зна. бун̃н̃аванд̇о банзд̇т̇а сад̇д̇аа жад̇усинд̇хаваяуд̇д̇зхи рат̇зхи ан̃н̃аман̃н̃ам̣ ануб̣анд̇хамаанаа анд̇аравийт̇ийсу вижаранд̇и, ид̇и рат̇асад̣̇д̣̇зна авивид̇д̇аа ход̇и. нижжам̣ баяож̇ид̇аанзва банзд̇т̇а бхзриаад̣̇ийни д̇уурияаани, ид̇и бхзрисад̣̇д̣̇аад̣̇ийхиби авивид̇д̇аа ход̇и. д̇ад̇т̇а саммасад̣̇д̣̇од̇и гам̣сад̇аал̣асад̣̇д̣̇о. баан̣ид̇аал̣асад̣̇д̣̇од̇и баан̣инаа жад̇урассаамб̣ан̣ад̇аал̣асад̣̇д̣̇о. гудабхзрисад̣̇д̣̇од̇иби вад̣̇анд̇и.

    Māhevaṃ, ānanda, avacāti ānanda, mā evaṃ avaca, na imaṃ ‘‘khuddakanagara’’nti vattabbaṃ. Ahañhi imasseva nagarassa sampattiṃ kathetuṃ – ‘‘anekavāraṃ tiṭṭhaṃ nisīdaṃ mahantena ussāhena, mahantena parakkamena idhāgato’’ti vatvā bhūtapubbantiādimāha. Subhikkhāti khajjabhojjasampannā. Hatthisaddenāti ekasmiṃ hatthimhi saddaṃ karonte caturāsītihatthisahassāni saddaṃ karonti, iti hatthisaddena avivittā, hoti, tathā assasaddena. Puññavanto panettha sattā catusindhavayuttehi rathehi aññamaññaṃ anubandhamānā antaravīthīsu vicaranti, iti rathasaddena avivittā hoti. Niccaṃ payojitāneva panettha bheriādīni tūriyāni, iti bherisaddādīhipi avivittā hoti. Tattha sammasaddoti kaṃsatāḷasaddo. Pāṇitāḷasaddoti pāṇinā caturassaambaṇatāḷasaddo. Kuṭabherisaddotipi vadanti.

    аснаат̇а биват̇а каад̣̇ат̇аад̇и аснаат̇а биват̇а каад̣̇ат̇а. аяам̣ банзд̇т̇а сан̇кзбо, бхун̃ж̇ат̇а бход̇и иминаа д̣̇асамзна сад̣̇д̣̇зна авивид̇д̇аа ход̇и анубажчиннасад̣̇д̣̇аа. яат̇аа бана ан̃н̃зсу наг̇арзсу ‘‘гажаварам̣ чад̣д̣зт̇а, гуд̣̇аалам̣ г̇ан̣хат̇а, бажчим̣ г̇ан̣хат̇а, баваасам̣ г̇амиссаама, д̇ан̣д̣улабудам̣ г̇ан̣хат̇а, бхад̇д̇абудам̣ г̇ан̣хат̇а, палагаавуд̇хаад̣̇ийни саж̇ж̇аани гарот̇аа’’д̇и зваруубаа сад̣̇д̣̇аа хонд̇и, на яид̇ха звам̣ ахосийд̇и д̣̇ассзд̇и.

    Asnāthapivatha khādathāti asnātha pivatha khādatha. Ayaṃ panettha saṅkhepo, bhuñjatha bhoti iminā dasamena saddena avivittā hoti anupacchinnasaddā. Yathā pana aññesu nagaresu ‘‘kacavaraṃ chaḍḍetha, kudālaṃ gaṇhatha, pacchiṃ gaṇhatha, pavāsaṃ gamissāma, taṇḍulapuṭaṃ gaṇhatha, bhattapuṭaṃ gaṇhatha, phalakāvudhādīni sajjāni karothā’’ti evarūpā saddā honti, na yidha evaṃ ahosīti dasseti.

    ‘‘д̣̇асамзна сад̣̇д̣̇знаа’’д̇и жа вад̇ваа ‘‘гусаавад̇ий, аананд̣̇а, рааж̇ад̇хааний сад̇д̇ахи баагаарзхи баригкид̇д̇аа ахосий’’д̇и саб̣б̣ам̣ махаасуд̣̇ассанасуд̇д̇ам̣ нидтаабзд̇ваа г̇ажча д̇вам̣ аананд̣̇аад̇иаад̣̇имааха. д̇ад̇т̇а абхиггамат̇аад̇и абхимукаа гамат̇а, ааг̇ажчат̇аад̇и ад̇т̇о. гим̣ бана д̇з бхаг̇авад̇о ааг̇ад̇абхаавам̣ на ж̇аананд̇ийд̇и? ж̇аананд̇и. б̣уд̣̇д̇хаанам̣ г̇ад̇аг̇ад̇адтаанам̣ наама маханд̇ам̣ голаахалам̣ ход̇и, гзнажид̣̇зва гаран̣ийязна нисиннад̇д̇аа на ааг̇ад̇аа. ‘‘д̇з ааг̇анд̇ваа бхигкусан̇гхасса таананисаж̇ж̇огаасам̣ сам̣вид̣̇ахид̇ваа д̣̇ассанд̇ий’’д̇и д̇зсам̣ санд̇игз авзлааяамби бхаг̇аваа бзсзси.

    ‘‘Dasamena saddenā’’ti ca vatvā ‘‘kusāvatī, ānanda, rājadhānī sattahi pākārehi parikkhittā ahosī’’ti sabbaṃ mahāsudassanasuttaṃ niṭṭhāpetvā gaccha tvaṃ ānandātiādimāha. Tattha abhikkamathāti abhimukhā kamatha, āgacchathāti attho. Kiṃ pana te bhagavato āgatabhāvaṃ na jānantīti? Jānanti. Buddhānaṃ gatagataṭṭhānaṃ nāma mahantaṃ kolāhalaṃ hoti, kenacideva karaṇīyena nisinnattā na āgatā. ‘‘Te āgantvā bhikkhusaṅghassa ṭhānanisajjokāsaṃ saṃvidahitvā dassantī’’ti tesaṃ santike avelāyampi bhagavā pesesi.

    маллаанам̣ ванд̣̇анааван̣н̣анаа

    Mallānaṃ vandanāvaṇṇanā

    211. амхааган̃жа нод̇и зд̇т̇а но гааро нибаад̇амад̇д̇ам̣. агхаавинод̇и уббаннад̣̇угкаа. д̣̇умманаад̇и анад̇д̇аманаа. жзд̇од̣̇угкасамаббид̇аад̇и д̣̇оманассасамаббид̇аа. гулабаривад̇д̇асо гулабаривад̇д̇асо табзд̇ваад̇и згзгам̣ гулабаривад̇д̇ам̣ гуласан̇кзбам̣ вийт̇исабхааг̇зна жзва ражчаасабхааг̇зна жа висум̣ висум̣ табзд̇ваа.

    211.Amhākañca noti ettha no kāro nipātamattaṃ. Aghāvinoti uppannadukkhā. Dummanāti anattamanā. Cetodukkhasamappitāti domanassasamappitā. Kulaparivattaso kulaparivattaso ṭhapetvāti ekekaṃ kulaparivattaṃ kulasaṅkhepaṃ vīthisabhāgena ceva racchāsabhāgena ca visuṃ visuṃ ṭhapetvā.

    субхад̣̇д̣̇абариб̣б̣ааж̇агавад̇т̇уван̣н̣анаа

    Subhaddaparibbājakavatthuvaṇṇanā

    212. субхад̣̇д̣̇о наама бариб̣б̣ааж̇агод̇и уд̣̇ижжаб̣раахман̣амахаасаалагулаа баб̣б̣аж̇ид̇о чаннабариб̣б̣ааж̇аго. ган̇каад̇хаммод̇и вимад̇ид̇хаммо. гасмаа банасса аж̇ж̇а звам̣ ахосийд̇и? д̇ат̇аавид̇хаубаниссаяад̇д̇аа. буб̣б̣з гира бун̃н̃агаран̣агаалз д̣̇вз бхаад̇аро ахзсум̣. д̇з згад̇ова сассам̣ агам̣су. д̇ад̇т̇а ж̇здтагасса – ‘‘згасмим̣ сассз нававаарз аг̇г̇асассад̣̇аанам̣ маяаа д̣̇аад̇аб̣б̣а’’нд̇и ахоси. со ваббагаалз б̣ийж̇аг̇г̇ам̣ наама д̣̇ад̇ваа г̇аб̣бхагаалз ганидтзна сад̣̇д̇хим̣ манд̇зси – ‘‘г̇аб̣бхагаалз г̇аб̣бхам̣ паалзд̇ваа д̣̇ассаамаа’’д̇и ганидто – ‘‘д̇арун̣асассам̣ наасзд̇угаамосий’’д̇и ааха. ж̇здто ганидтасса ананувад̇д̇анабхаавам̣ н̃ад̇ваа кзд̇д̇ам̣ вибхаж̇ид̇ваа ад̇д̇ано годтаасад̇о г̇аб̣бхам̣ паалзд̇ваа кийрам̣ нийхарид̇ваа саббинаванийд̇зна сам̣яож̇зд̇ваа ад̣̇ааси, бут̇угагаалз бут̇угам̣ гаарзд̇ваа ад̣̇ааси, лааяанагаалз лааяанаг̇г̇ам̣, взн̣игаран̣з взн̣аг̇г̇ам̣, галаабаад̣̇ийсу галаабаг̇г̇ам̣, калаг̇г̇ам̣, калабхан̣д̣аг̇г̇ам̣, годтаг̇г̇анд̇и звам̣ згасассз нававаарз аг̇г̇ад̣̇аанам̣ ад̣̇ааси. ганидто бана уд̣̇д̇харид̇ваа ад̣̇ааси.

    212.Subhaddonāma paribbājakoti udiccabrāhmaṇamahāsālakulā pabbajito channaparibbājako. Kaṅkhādhammoti vimatidhammo. Kasmā panassa ajja evaṃ ahosīti? Tathāvidhaupanissayattā. Pubbe kira puññakaraṇakāle dve bhātaro ahesuṃ. Te ekatova sassaṃ akaṃsu. Tattha jeṭṭhakassa – ‘‘ekasmiṃ sasse navavāre aggasassadānaṃ mayā dātabba’’nti ahosi. So vappakāle bījaggaṃ nāma datvā gabbhakāle kaniṭṭhena saddhiṃ mantesi – ‘‘gabbhakāle gabbhaṃ phāletvā dassāmā’’ti kaniṭṭho – ‘‘taruṇasassaṃ nāsetukāmosī’’ti āha. Jeṭṭho kaniṭṭhassa ananuvattanabhāvaṃ ñatvā khettaṃ vibhajitvā attano koṭṭhāsato gabbhaṃ phāletvā khīraṃ nīharitvā sappinavanītena saṃyojetvā adāsi, puthukakāle puthukaṃ kāretvā adāsi, lāyanakāle lāyanaggaṃ, veṇikaraṇe veṇaggaṃ, kalāpādīsu kalāpaggaṃ, khalaggaṃ, khalabhaṇḍaggaṃ, koṭṭhagganti evaṃ ekasasse navavāre aggadānaṃ adāsi. Kaniṭṭho pana uddharitvā adāsi.

    д̇зсу ж̇здтаго ан̃н̃аасигон̣д̣ан̃н̃ад̇т̇зро ж̇аад̇о. бхаг̇аваа – ‘‘гасса ну ко ахам̣ батамам̣ д̇хаммам̣ д̣̇зсзяяа’’нд̇и ологзнд̇о ‘‘ан̃н̃аасигон̣д̣ан̃н̃о згасмим̣ сассз нава аг̇г̇ад̣̇аанаани ад̣̇ааси, имам̣ аг̇г̇ад̇хаммам̣ д̇асса д̣̇зсзссаамий’’д̇и саб̣б̣абатамам̣ д̇хаммам̣ д̣̇зсзси. со адтаарасахи б̣рахмагодийхи сад̣̇д̇хим̣ сод̇аабад̇д̇ипалз бад̇идтааси. ганидто бана охийяид̇ваа бажчаа д̣̇аанасса д̣̇иннад̇д̇аа сад̇т̇у бариниб̣б̣аанагаалз звам̣ жинд̇зд̇ваа сад̇т̇аарам̣ д̣̇адтугаамо ахоси.

    Tesu jeṭṭhako aññāsikoṇḍaññatthero jāto. Bhagavā – ‘‘kassa nu kho ahaṃ paṭhamaṃ dhammaṃ deseyya’’nti olokento ‘‘aññāsikoṇḍañño ekasmiṃ sasse nava aggadānāni adāsi, imaṃ aggadhammaṃ tassa desessāmī’’ti sabbapaṭhamaṃ dhammaṃ desesi. So aṭṭhārasahi brahmakoṭīhi saddhiṃ sotāpattiphale patiṭṭhāsi. Kaniṭṭho pana ohīyitvā pacchā dānassa dinnattā satthu parinibbānakāle evaṃ cintetvā satthāraṃ daṭṭhukāmo ahosi.

    маа д̇ат̇ааг̇ад̇ам̣ вихзтзсийд̇и т̇зро гира – ‘‘зд̇з ан̃н̃ад̇ид̇т̇ияаа наама ад̇д̇ано г̇ахан̣амзва г̇ан̣ханд̇и, д̇асса виссаж̇ж̇аабанад̇т̇ааяа бхаг̇авад̇о б̣ахум̣ бхаасамаанасса гааяаваажаавихзсаа бхависсад̇и, багад̇ияааби жа гиланд̇оязва бхаг̇аваа’’д̇и ман̃н̃амаано звамааха. бариб̣б̣ааж̇аго – ‘‘на мз аяам̣ бхигку огаасам̣ гарод̇и, ад̇т̇игзна бана анувад̇д̇ид̇ваа гаарзд̇аб̣б̣о’’д̇и т̇зрам̣ анувад̇д̇анд̇о д̣̇уд̇ияамби д̇ад̇ияамби ааха.

    Mā tathāgataṃ viheṭhesīti thero kira – ‘‘ete aññatitthiyā nāma attano gahaṇameva gaṇhanti, tassa vissajjāpanatthāya bhagavato bahuṃ bhāsamānassa kāyavācāvihesā bhavissati, pakatiyāpi ca kilantoyeva bhagavā’’ti maññamāno evamāha. Paribbājako – ‘‘na me ayaṃ bhikkhu okāsaṃ karoti, atthikena pana anuvattitvā kāretabbo’’ti theraṃ anuvattanto dutiyampi tatiyampi āha.

    213. ассоси код̇и саан̣ид̣̇ваарз тид̇асса бхаасад̇о багад̇исод̇знзва ассоси, суд̇ваа жа бана субхад̣̇д̣̇ассзва ад̇т̇ааяа махад̇аа уссаахзна ааг̇ад̇ад̇д̇аа алам̣ аананд̣̇аад̇иаад̣̇имааха. д̇ад̇т̇а аланд̇и бадигкзбад̇т̇з нибаад̇о. ан̃н̃аабзгковаад̇и ан̃н̃аад̇угаамова худ̇ваа. аб̣бхан̃н̃им̣сууд̇и яат̇аа д̇зсам̣ бадин̃н̃аа, д̇ат̇зва ж̇ааним̣су. ид̣̇ам̣ вуд̇д̇ам̣ ход̇и – сажз нзсам̣ саа бадин̃н̃аа нияяаанигаа, саб̣б̣з аб̣бхан̃н̃ам̣су, но жз, на аб̣бхан̃н̃ам̣су. д̇асмаа гим̣ д̇зсам̣ бадин̃н̃аа нияяаанигаа, анияяаанигаад̇и аяамзва д̇асса бан̃хасса ад̇т̇о. ат̇а бхаг̇аваа д̇зсам̣ анияяаанигабхаавагат̇анзна ад̇т̇аабхаавад̇о жзва огаасаабхаавад̇о жа ‘‘ала’’нд̇и бадигкибид̇ваа д̇хаммамзва д̣̇зсзси. батамаяаамасмин̃хи маллаанам̣ д̇хаммам̣ д̣̇зсзд̇ваа маж̇жхимаяаамз субхад̣̇д̣̇асса, бажчимаяаамз бхигкусан̇гхам̣ овад̣̇ид̇ваа б̣алавабажжуусасамаяз бариниб̣б̣ааяиссаамижжзва бхаг̇аваа ааг̇ад̇о.

    213.Assosikhoti sāṇidvāre ṭhitassa bhāsato pakatisoteneva assosi, sutvā ca pana subhaddasseva atthāya mahatā ussāhena āgatattā alaṃ ānandātiādimāha. Tattha alanti paṭikkhepatthe nipāto. Aññāpekkhovāti aññātukāmova hutvā. Abbhaññiṃsūti yathā tesaṃ paṭiññā, tatheva jāniṃsu. Idaṃ vuttaṃ hoti – sace nesaṃ sā paṭiññā niyyānikā, sabbe abbhaññaṃsu, no ce, na abbhaññaṃsu. Tasmā kiṃ tesaṃ paṭiññā niyyānikā, aniyyānikāti ayameva tassa pañhassa attho. Atha bhagavā tesaṃ aniyyānikabhāvakathanena atthābhāvato ceva okāsābhāvato ca ‘‘ala’’nti paṭikkhipitvā dhammameva desesi. Paṭhamayāmasmiñhi mallānaṃ dhammaṃ desetvā majjhimayāme subhaddassa, pacchimayāme bhikkhusaṅghaṃ ovaditvā balavapaccūsasamaye parinibbāyissāmicceva bhagavā āgato.

    214. саман̣оби д̇ад̇т̇а на убалаб̣бхад̇ийд̇и батамо сод̇аабаннасаман̣оби д̇ад̇т̇а над̇т̇и, д̣̇уд̇ияо сагад̣̇ааг̇аамисаман̣оби, д̇ад̇ияо анааг̇аамисаман̣оби, жад̇уд̇т̇о арахад̇д̇асаман̣оби д̇ад̇т̇а над̇т̇ийд̇и ад̇т̇о. ‘‘имасмим̣ ко’’д̇и буримад̣̇зсанааяа анияамад̇о вад̇ваа ид̣̇аани ад̇д̇ано саасанам̣ нияамзнд̇о ааха. сун̃н̃аа бараббаваад̣̇аа саман̣збхийд̇и жад̇уннам̣ маг̇г̇аанам̣ ад̇т̇ааяа аарад̣̇д̇хавибассагзхи жад̇уухи, маг̇г̇адтзхи жад̇уухи, паладтзхи жад̇уухийд̇и д̣̇ваад̣̇асахи саман̣зхи сун̃н̃аа бараббаваад̣̇аа д̇ужчаа рид̇д̇агаа. имз жа субхад̣̇д̣̇аад̇и имз д̣̇ваад̣̇аса бхигкуу. саммаа вихарзяяунд̇и зд̇т̇а сод̇аабанно ад̇д̇ано ад̇хиг̇ад̇адтаанам̣ ан̃н̃асса гат̇зд̇ваа д̇ам̣ сод̇аабаннам̣ гаронд̇о саммаа вихарад̇и наама. зса наяо сагад̣̇ааг̇аамиаад̣̇ийсу. сод̇аабад̇д̇имаг̇г̇адто ан̃н̃амби сод̇аабад̇д̇имаг̇г̇адтам̣ гаронд̇о саммаа вихарад̇и наама. зса наяо сзсамаг̇г̇адтзсу. сод̇аабад̇д̇имаг̇г̇ад̇т̇ааяа аарад̣̇д̇хавибассаго ад̇д̇ано баг̇ун̣ам̣ гаммадтаанам̣ гат̇зд̇ваа ан̃н̃амби сод̇аабад̇д̇имаг̇г̇ад̇т̇ааяа аарад̣̇д̇хавибассагам̣ гаронд̇о саммаа вихарад̇и наама. зса наяо сзсамаг̇г̇ад̇т̇ааяа аарад̣̇д̇хавибассагзсу. ид̣̇ам̣ санд̇хааяааха – ‘‘саммаа вихарзяяу’’нд̇и. асун̃н̃о лого араханд̇зхи ассаад̇и нал̣аванам̣ сараванам̣ вияа ниранд̇аро асса.

    214.Samaṇopi tattha na upalabbhatīti paṭhamo sotāpannasamaṇopi tattha natthi, dutiyo sakadāgāmisamaṇopi, tatiyo anāgāmisamaṇopi, catuttho arahattasamaṇopi tattha natthīti attho. ‘‘Imasmiṃ kho’’ti purimadesanāya aniyamato vatvā idāni attano sāsanaṃ niyamento āha. Suññā parappavādā samaṇebhīti catunnaṃ maggānaṃ atthāya āraddhavipassakehi catūhi, maggaṭṭhehi catūhi, phalaṭṭhehi catūhīti dvādasahi samaṇehi suññā parappavādā tucchā rittakā. Ime ca subhaddāti ime dvādasa bhikkhū. Sammā vihareyyunti ettha sotāpanno attano adhigataṭṭhānaṃ aññassa kathetvā taṃ sotāpannaṃ karonto sammā viharati nāma. Esa nayo sakadāgāmiādīsu. Sotāpattimaggaṭṭho aññampi sotāpattimaggaṭṭhaṃ karonto sammā viharati nāma. Esa nayo sesamaggaṭṭhesu. Sotāpattimaggatthāya āraddhavipassako attano paguṇaṃ kammaṭṭhānaṃ kathetvā aññampi sotāpattimaggatthāya āraddhavipassakaṃ karonto sammā viharati nāma. Esa nayo sesamaggatthāya āraddhavipassakesu. Idaṃ sandhāyāha – ‘‘sammā vihareyyu’’nti. Asuñño loko arahantehi assāti naḷavanaṃ saravanaṃ viya nirantaro assa.

    згуунад̇им̣со ваяасаад̇и ваязна згуунад̇им̣савассо худ̇ваа. яам̣ баб̣б̣аж̇инд̇и зд̇т̇а яанд̇и нибаад̇амад̇д̇ам̣. гим̣ гусалаанузсийд̇и ‘‘гим̣ гусала’’нд̇и анузсанд̇о бариязсанд̇о. д̇ад̇т̇а – ‘‘гим̣ гусала’’нд̇и саб̣б̣ан̃н̃уд̇ан̃н̃аан̣ам̣ ад̇хиббзд̇ам̣, д̇ам̣ г̇авзсанд̇од̇и ад̇т̇о. яад̇о аханд̇и яад̇о бадтааяа ахам̣ баб̣б̣аж̇ид̇о, зд̇т̇анд̇арз самад̇хигаани бан̃н̃ааса вассаани хонд̇ийд̇и д̣̇ассзд̇и. н̃ааяасса д̇хаммассаад̇и арияамаг̇г̇ад̇хаммасса. бад̣̇зсавад̇д̇ийд̇и бад̣̇зсз вибассанаамаг̇г̇з бавад̇д̇анд̇о. ид̇о б̣ахид̣̇д̇хаад̇и мама саасанад̇о б̣ахид̣̇д̇хаа. саман̣оби над̇т̇ийд̇и бад̣̇зсавад̇д̇ивибассагоби над̇т̇и, батамасаман̣о сод̇аабанноби над̇т̇ийд̇и вуд̇д̇ам̣ ход̇и.

    Ekūnatiṃso vayasāti vayena ekūnatiṃsavasso hutvā. Yaṃ pabbajinti ettha yanti nipātamattaṃ. Kiṃ kusalānuesīti ‘‘kiṃ kusala’’nti anuesanto pariyesanto. Tattha – ‘‘kiṃ kusala’’nti sabbaññutaññāṇaṃ adhippetaṃ, taṃ gavesantoti attho. Yato ahanti yato paṭṭhāya ahaṃ pabbajito, etthantare samadhikāni paññāsa vassāni hontīti dasseti. Ñāyassa dhammassāti ariyamaggadhammassa. Padesavattīti padese vipassanāmagge pavattanto. Ito bahiddhāti mama sāsanato bahiddhā. Samaṇopinatthīti padesavattivipassakopi natthi, paṭhamasamaṇo sotāpannopi natthīti vuttaṃ hoti.

    яз зд̇т̇аад̇и яз д̇умхз зд̇т̇а саасанз сад̇т̇аараа саммукаа анд̇зваасигаабхисзгзна абхисид̇д̇аа, д̇зсам̣ во лаабхаа д̇зсам̣ во сулад̣̇д̇ханд̇и. б̣аахирасамаяз гира яам̣ анд̇зваасигам̣ аажарияо – ‘‘имам̣ баб̣б̣ааж̇зхи , имам̣ овад̣̇а, имам̣ анусаасаа’’д̇и вад̣̇ад̇и, со д̇зна ад̇д̇ано таанз табид̇о ход̇и, д̇асмаа д̇асса – ‘‘имам̣ баб̣б̣аж̇зхи, имам̣ овад̣̇а, имам̣ анусаасаа’’д̇и имз лаабхаа хонд̇и. т̇зрамби субхад̣̇д̣̇о д̇амзва б̣аахирасамаяам̣ г̇ахзд̇ваа звамааха.

    Ye etthāti ye tumhe ettha sāsane satthārā sammukhā antevāsikābhisekena abhisittā, tesaṃ vo lābhā tesaṃ vo suladdhanti. Bāhirasamaye kira yaṃ antevāsikaṃ ācariyo – ‘‘imaṃ pabbājehi , imaṃ ovada, imaṃ anusāsā’’ti vadati, so tena attano ṭhāne ṭhapito hoti, tasmā tassa – ‘‘imaṃ pabbajehi, imaṃ ovada, imaṃ anusāsā’’ti ime lābhā honti. Therampi subhaddo tameva bāhirasamayaṃ gahetvā evamāha.

    алад̇т̇а код̇и гат̇ам̣ алад̇т̇а? т̇зро гира нам̣ згаманд̇ам̣ нзд̇ваа уд̣̇агад̇умб̣ад̇о баанийязна сийсам̣ д̇змзд̇ваа д̇ажабан̃жагагаммадтаанам̣ гат̇зд̇ваа гзсамассум̣ охаарзд̇ваа гаасааяаани вад̇т̇аани ажчаад̣̇аабзд̇ваа саран̣аани д̣̇ад̇ваа бхаг̇авад̇о санд̇игам̣ аанзси. бхаг̇аваа убасамбаад̣̇зд̇ваа гаммадтаанам̣ аажигки. со д̇ам̣ г̇ахзд̇ваа уяяаанасса згаманд̇з жан̇гамам̣ ад̇хидтааяа гхадзнд̇о вааяаманд̇о вибассанам̣ вад̣дхзнд̇о саха бадисамбхид̣̇аахи арахад̇д̇ам̣ бад̇ваа ааг̇амма бхаг̇аванд̇ам̣ ванд̣̇ид̇ваа нисийд̣̇и. д̇ам̣ санд̇хааяа – ‘‘ажируубасамбанно ко банаа’’д̇иаад̣̇и вуд̇д̇ам̣.

    Alattha khoti kathaṃ alattha? Thero kira naṃ ekamantaṃ netvā udakatumbato pānīyena sīsaṃ temetvā tacapañcakakammaṭṭhānaṃ kathetvā kesamassuṃ ohāretvā kāsāyāni vatthāni acchādāpetvā saraṇāni datvā bhagavato santikaṃ ānesi. Bhagavā upasampādetvā kammaṭṭhānaṃ ācikkhi. So taṃ gahetvā uyyānassa ekamante caṅkamaṃ adhiṭṭhāya ghaṭento vāyamanto vipassanaṃ vaḍḍhento saha paṭisambhidāhi arahattaṃ patvā āgamma bhagavantaṃ vanditvā nisīdi. Taṃ sandhāya – ‘‘acirūpasampanno kho panā’’tiādi vuttaṃ.

    со жа бхаг̇авад̇о бажчимо сагкисааваго ахосийд̇и сан̇г̇ийд̇игаарагаанам̣ важанам̣. д̇ад̇т̇а яо бхаг̇авад̇и д̇харамаанз баб̣б̣аж̇ид̇ваа абарабхааг̇з убасамбад̣̇ам̣ лабхид̇ваа гаммадтаанам̣ г̇ахзд̇ваа арахад̇д̇ам̣ баабун̣аад̇и, убасамбад̣̇амби ваа д̇харамаанзязва лабхид̇ваа абарабхааг̇з гаммадтаанам̣ г̇ахзд̇ваа арахад̇д̇ам̣ баабун̣аад̇и, гаммадтаанамби ваа д̇харамаанзязва г̇ахзд̇ваа абарабхааг̇з арахад̇д̇амзва баабун̣аад̇и, саб̣б̣оби со бажчимо сагкисааваго. аяам̣ бана д̇харамаанзязва бхаг̇авад̇и баб̣б̣аж̇ид̇о жа убасамбанно жа гаммадтаанан̃жа г̇ахзд̇ваа арахад̇д̇ам̣ бад̇д̇од̇и.

    So ca bhagavato pacchimo sakkhisāvako ahosīti saṅgītikārakānaṃ vacanaṃ. Tattha yo bhagavati dharamāne pabbajitvā aparabhāge upasampadaṃ labhitvā kammaṭṭhānaṃ gahetvā arahattaṃ pāpuṇāti, upasampadampi vā dharamāneyeva labhitvā aparabhāge kammaṭṭhānaṃ gahetvā arahattaṃ pāpuṇāti, kammaṭṭhānampi vā dharamāneyeva gahetvā aparabhāge arahattameva pāpuṇāti, sabbopi so pacchimo sakkhisāvako. Ayaṃ pana dharamāneyeva bhagavati pabbajito ca upasampanno ca kammaṭṭhānañca gahetvā arahattaṃ pattoti.

    бан̃жамабхаан̣аваараван̣н̣анаа нидтид̇аа.

    Pañcamabhāṇavāravaṇṇanā niṭṭhitā.

    д̇ат̇ааг̇ад̇абажчимаваажааван̣н̣анаа

    Tathāgatapacchimavācāvaṇṇanā

    216. ид̣̇аани бхигкусан̇гхасса оваад̣̇ам̣ аарабхи, д̇ам̣ д̣̇ассзд̇ум̣ ат̇а ко бхаг̇аваад̇иаад̣̇и вуд̇д̇ам̣. д̇ад̇т̇а д̣̇зсид̇о бан̃н̃ад̇д̇од̇и д̇хаммоби д̣̇зсид̇о жзва бан̃н̃ад̇д̇о жа, винаяоби д̣̇зсид̇о жзва бан̃н̃ад̇д̇о жа. бан̃н̃ад̇д̇о жа наама табид̇о бадтабид̇од̇и ад̇т̇о. со во мамажжаязнаад̇и со д̇хаммавинаяо д̇умхаагам̣ мамажжаязна сад̇т̇аа. маяаа хи во тид̇знзва – ‘‘ид̣̇ам̣ лахугам̣, ид̣̇ам̣ г̇аругам̣, ид̣̇ам̣ сад̇згижчам̣, ид̣̇ам̣ ад̇згижчам̣, ид̣̇ам̣ логаваж̇ж̇ам̣, ид̣̇ам̣ бан̣н̣ад̇д̇иваж̇ж̇ам̣, аяам̣ аабад̇д̇и буг̇г̇аласса санд̇игз вудтаад̇и, аяам̣ аабад̇д̇и г̇ан̣асса санд̇игз вудтаад̇и, аяам̣ сан̇гхасса санд̇игз вудтаад̇ий’’д̇и сад̇д̇аабад̇д̇игканд̇хавасзна од̇ин̣н̣з вад̇т̇усмим̣ саканд̇хагабаривааро убхад̇овибхан̇г̇о винаяо наама д̣̇зсид̇о, д̇ам̣ сагаламби винаяабидагам̣ маяи бариниб̣б̣уд̇з д̇умхаагам̣ сад̇т̇угижжам̣ саад̇хзссад̇и.

    216. Idāni bhikkhusaṅghassa ovādaṃ ārabhi, taṃ dassetuṃ atha kho bhagavātiādi vuttaṃ. Tattha desito paññattoti dhammopi desito ceva paññatto ca, vinayopi desito ceva paññatto ca. Paññatto ca nāma ṭhapito paṭṭhapitoti attho. So vo mamaccayenāti so dhammavinayo tumhākaṃ mamaccayena satthā. Mayā hi vo ṭhiteneva – ‘‘idaṃ lahukaṃ, idaṃ garukaṃ, idaṃ satekicchaṃ, idaṃ atekicchaṃ, idaṃ lokavajjaṃ, idaṃ paṇṇattivajjaṃ, ayaṃ āpatti puggalassa santike vuṭṭhāti, ayaṃ āpatti gaṇassa santike vuṭṭhāti, ayaṃ saṅghassa santike vuṭṭhātī’’ti sattāpattikkhandhavasena otiṇṇe vatthusmiṃ sakhandhakaparivāro ubhatovibhaṅgo vinayo nāma desito, taṃ sakalampi vinayapiṭakaṃ mayi parinibbute tumhākaṃ satthukiccaṃ sādhessati.

    тид̇знзва жа маяаа – ‘‘имз жад̇д̇ааро сад̇ибадтаанаа, жад̇д̇ааро саммаббад̇хаанаа, жад̇д̇ааро ид̣̇д̇хибаад̣̇аа, бан̃жа инд̣̇рияаани, бан̃жа б̣алаани, сад̇д̇а б̣ож̇жхан̇г̇аа, арияо адтан̇г̇иго маг̇г̇о’’д̇и д̇зна д̇знаагаарзна имз д̇хаммз вибхаж̇ид̇ваа вибхаж̇ид̇ваа суд̇д̇анд̇абидагам̣ д̣̇зсид̇ам̣, д̇ам̣ сагаламби суд̇д̇анд̇абидагам̣ маяи бариниб̣б̣уд̇з д̇умхаагам̣ сад̇т̇угижжам̣ саад̇хзссад̇и. тид̇знзва жа маяаа – ‘‘имз бан̃жагканд̇хаа, д̣̇ваад̣̇асааяад̇анаани, адтаараса д̇хаад̇уяо, жад̇д̇аари сажжаани, б̣аавийсад̇инд̣̇рияаани, нава хзд̇уу, жад̇д̇ааро аахаараа, сад̇д̇а пассаа, сад̇д̇а взд̣̇анаа, сад̇д̇а сан̃н̃аа, сад̇д̇а сан̃жзд̇анаа, сад̇д̇а жид̇д̇аани. д̇ад̇рааби ‘зд̇д̇агаа д̇хаммаа гаамааважараа, зд̇д̇агаа руубааважараа, зд̇д̇агаа аруубааважараа, зд̇д̇агаа барияаабаннаа, зд̇д̇агаа абарияаабаннаа, зд̇д̇агаа логияаа, зд̇д̇агаа логуд̇д̇араа’д̇и’’ имз д̇хаммз вибхаж̇ид̇ваа вибхаж̇ид̇ваа жад̇увийсад̇исаманд̇абадтаанаананд̇анаяамахаабадтаанабадиман̣д̣ид̇ам̣ абхид̇хаммабидагам̣ д̣̇зсид̇ам̣, д̇ам̣ сагаламби абхид̇хаммабидагам̣ маяи бариниб̣б̣уд̇з д̇умхаагам̣ сад̇т̇угижжам̣ саад̇хзссад̇и.

    Ṭhiteneva ca mayā – ‘‘ime cattāro satipaṭṭhānā, cattāro sammappadhānā, cattāro iddhipādā, pañca indriyāni, pañca balāni, satta bojjhaṅgā, ariyo aṭṭhaṅgiko maggo’’ti tena tenākārena ime dhamme vibhajitvā vibhajitvā suttantapiṭakaṃ desitaṃ, taṃ sakalampi suttantapiṭakaṃ mayi parinibbute tumhākaṃ satthukiccaṃ sādhessati. Ṭhiteneva ca mayā – ‘‘ime pañcakkhandhā, dvādasāyatanāni, aṭṭhārasa dhātuyo, cattāri saccāni, bāvīsatindriyāni, nava hetū, cattāro āhārā, satta phassā, satta vedanā, satta saññā, satta sañcetanā, satta cittāni. Tatrāpi ‘ettakā dhammā kāmāvacarā, ettakā rūpāvacarā, ettakā arūpāvacarā, ettakā pariyāpannā, ettakā apariyāpannā, ettakā lokiyā, ettakā lokuttarā’ti’’ ime dhamme vibhajitvā vibhajitvā catuvīsatisamantapaṭṭhānaanantanayamahāpaṭṭhānapaṭimaṇḍitaṃ abhidhammapiṭakaṃ desitaṃ, taṃ sakalampi abhidhammapiṭakaṃ mayi parinibbute tumhākaṃ satthukiccaṃ sādhessati.

    ид̇и саб̣б̣амбзд̇ам̣ абхисамб̣од̇хид̇о яаава бариниб̣б̣аанаа бан̃жажад̇д̇аалийсавассаани бхаасид̇ам̣ лабид̇ам̣ – ‘‘д̇ийн̣и бидагаани, бан̃жа нигааяаа, наван̇г̇аани, жад̇ураасийд̇и д̇хаммагканд̇хасахассааний’’д̇и звам̣ махаабабхзд̣̇ам̣ ход̇и. ид̇и имаани жад̇ураасийд̇и д̇хаммагканд̇хасахассаани д̇идтанд̇и, ахам̣ згова бариниб̣б̣ааяаами. ахан̃жа ко бана д̣̇аани згагова овад̣̇аами анусаасаами, маяи бариниб̣б̣уд̇з имаани жад̇ураасийд̇и д̇хаммагканд̇хасахассаани д̇умхз овад̣̇иссанд̇и анусаасиссанд̇ийд̇и звам̣ бхаг̇аваа б̣ахууни гааран̣аани д̣̇ассзнд̇о – ‘‘со во мамажжаязна сад̇т̇аа’’д̇и овад̣̇ид̇ваа буна анааг̇ад̇з жаарид̇д̇ам̣ д̣̇ассзнд̇о яат̇аа ко банаад̇иаад̣̇имааха.

    Iti sabbampetaṃ abhisambodhito yāva parinibbānā pañcacattālīsavassāni bhāsitaṃ lapitaṃ – ‘‘tīṇi piṭakāni, pañca nikāyā, navaṅgāni, caturāsīti dhammakkhandhasahassānī’’ti evaṃ mahāpabhedaṃ hoti. Iti imāni caturāsīti dhammakkhandhasahassāni tiṭṭhanti, ahaṃ ekova parinibbāyāmi. Ahañca kho pana dāni ekakova ovadāmi anusāsāmi, mayi parinibbute imāni caturāsīti dhammakkhandhasahassāni tumhe ovadissanti anusāsissantīti evaṃ bhagavā bahūni kāraṇāni dassento – ‘‘so vo mamaccayena satthā’’ti ovaditvā puna anāgate cārittaṃ dassento yathā kho panātiādimāha.

    д̇ад̇т̇а самуд̣̇аажаранд̇ийд̇и гат̇знд̇и вохаранд̇и. наамзна ваа г̇од̇д̇зна ваад̇и навагаад̇и авад̇ваа ‘‘д̇исса, нааг̇аа’’д̇и звам̣ наамзна ваа, ‘‘гассаба, г̇од̇амаа’’д̇и звам̣ г̇од̇д̇зна ваа, ‘‘аавусо д̇исса, аавусо гассабаа’’д̇и звам̣ аавусоваад̣̇зна ваа самуд̣̇аажарид̇аб̣б̣о. бханд̇зд̇и ваа ааяасмаад̇и ваад̇и бханд̇з д̇исса, ааяасмаа д̇иссаад̇и звам̣ самуд̣̇аажарид̇аб̣б̣о. самууханад̇ууд̇и ааган̇камаано самууханад̇у, яад̣̇и ижчад̇и самууханзяяаад̇и ад̇т̇о. гасмаа бана самууханат̇аад̇и згам̣сзнзва авад̇ваа вигаббаважанзнзва табзсийд̇и? махаагассабасса б̣алам̣ д̣̇идтад̇д̇аа. бассад̇и хи бхаг̇аваа – ‘‘самууханат̇аад̇и вуд̇д̇зби сан̇г̇ийд̇игаалз гассабо на самууханиссад̇ий’’д̇и. д̇асмаа вигаббзнзва табзси.

    Tattha samudācarantīti kathenti voharanti. Nāmena vā gottena vāti navakāti avatvā ‘‘tissa, nāgā’’ti evaṃ nāmena vā, ‘‘kassapa, gotamā’’ti evaṃ gottena vā, ‘‘āvuso tissa, āvuso kassapā’’ti evaṃ āvusovādena vā samudācaritabbo. Bhanteti vā āyasmāti vāti bhante tissa, āyasmā tissāti evaṃ samudācaritabbo. Samūhanatūti ākaṅkhamāno samūhanatu, yadi icchati samūhaneyyāti attho. Kasmā pana samūhanathāti ekaṃseneva avatvā vikappavacaneneva ṭhapesīti? Mahākassapassa balaṃ diṭṭhattā. Passati hi bhagavā – ‘‘samūhanathāti vuttepi saṅgītikāle kassapo na samūhanissatī’’ti. Tasmā vikappeneva ṭhapesi.

    д̇ад̇т̇а – ‘‘згажжз т̇зраа звамаахам̣су – жад̇д̇аари баарааж̇игаани табзд̇ваа авасзсаани куд̣̇д̣̇аанукуд̣̇д̣̇агааний’’д̇иаад̣̇инаа наязна бан̃жасад̇игасан̇г̇ийд̇ияам̣ куд̣̇д̣̇аанукуд̣̇д̣̇агагат̇аа ааг̇ад̇аава винижчаяо бзд̇т̇а саманд̇абаасаад̣̇игааяам̣ вуд̇д̇о. гзжи банааху – ‘‘бханд̇з, нааг̇асзна, гад̇амам̣ куд̣̇д̣̇агам̣, гад̇амам̣ анукуд̣̇д̣̇ага’’нд̇и милинд̣̇зна ран̃н̃аа бужчид̇о. ‘‘д̣̇уггадам̣, махаарааж̇а, куд̣̇д̣̇агам̣, д̣̇уб̣бхаасид̇ам̣ анукуд̣̇д̣̇ага’’нд̇и вуд̇д̇ад̇д̇аа нааг̇асзнад̇т̇зро куд̣̇д̣̇аанукуд̣̇д̣̇агам̣ ж̇аанаад̇и. махаагассабо бана д̇ам̣ аж̇аананд̇о –

    Tattha – ‘‘ekacce therā evamāhaṃsu – cattāri pārājikāni ṭhapetvā avasesāni khuddānukhuddakānī’’tiādinā nayena pañcasatikasaṅgītiyaṃ khuddānukhuddakakathā āgatāva vinicchayo pettha samantapāsādikāyaṃ vutto. Keci panāhu – ‘‘bhante, nāgasena, katamaṃ khuddakaṃ, katamaṃ anukhuddaka’’nti milindena raññā pucchito. ‘‘Dukkaṭaṃ, mahārāja, khuddakaṃ, dubbhāsitaṃ anukhuddaka’’nti vuttattā nāgasenatthero khuddānukhuddakaṃ jānāti. Mahākassapo pana taṃ ajānanto –

    ‘‘сун̣аад̇у мз, аавусо, сан̇гхо санд̇амхаагам̣ сигкаабад̣̇аани г̇ихиг̇ад̇аани, г̇ихиноби ж̇аананд̇и – ‘‘ид̣̇ам̣ во саман̣аанам̣ сагяабуд̇д̇ияаанам̣ габбад̇и, ид̣̇ам̣ во на габбад̇ий’’д̇и. сажз маяам̣ куд̣̇д̣̇аанукуд̣̇д̣̇агаани сигкаабад̣̇аани самууханиссаама, бхависсанд̇и вад̇д̇ааро – ‘‘д̇хуумагаалигам̣ саман̣зна г̇од̇амзна саавагаанам̣ сигкаабад̣̇ам̣ бан̃н̃ад̇д̇ам̣, яаава нзсам̣ сад̇т̇аа адтааси, д̇аавимз сигкаабад̣̇зсу сигким̣су, яад̇о имзсам̣ сад̇т̇аа бариниб̣б̣уд̇о, на д̣̇аанимз сигкаабад̣̇зсу сигканд̇ий’’д̇и. яад̣̇и сан̇гхасса бад̇д̇агаллам̣, сан̇гхо абан̃н̃ад̇д̇ам̣ на бан̃н̃абзяяа, бан̃н̃ад̇д̇ам̣ на самужчинд̣̇зяяа, яат̇аабан̃н̃ад̇д̇зсу сигкаабад̣̇зсу самаад̣̇ааяа вад̇д̇зяяа. зсаа н̃ад̇д̇ийд̇и –

    ‘‘Suṇātu me, āvuso, saṅgho santamhākaṃ sikkhāpadāni gihigatāni, gihinopi jānanti – ‘‘idaṃ vo samaṇānaṃ sakyaputtiyānaṃ kappati, idaṃ vo na kappatī’’ti. Sace mayaṃ khuddānukhuddakāni sikkhāpadāni samūhanissāma, bhavissanti vattāro – ‘‘dhūmakālikaṃ samaṇena gotamena sāvakānaṃ sikkhāpadaṃ paññattaṃ, yāva nesaṃ satthā aṭṭhāsi, tāvime sikkhāpadesu sikkhiṃsu, yato imesaṃ satthā parinibbuto, na dānime sikkhāpadesu sikkhantī’’ti. Yadi saṅghassa pattakallaṃ, saṅgho apaññattaṃ na paññapeyya, paññattaṃ na samucchindeyya, yathāpaññattesu sikkhāpadesu samādāya vatteyya. Esā ñattīti –

    гаммаваажам̣ саавзсийд̇и. на д̇ам̣ звам̣ г̇ахзд̇аб̣б̣ам̣. нааг̇асзнад̇т̇зро хи – ‘‘бараваад̣̇ино огаасо маа ахосий’’д̇и звамааха. махаагассабад̇т̇зро ‘‘куд̣̇д̣̇аанукуд̣̇д̣̇агаабад̇д̇им̣ на самууханиссаамий’’д̇и гаммаваажам̣ саавзси.

    Kammavācaṃ sāvesīti. Na taṃ evaṃ gahetabbaṃ. Nāgasenatthero hi – ‘‘paravādino okāso mā ahosī’’ti evamāha. Mahākassapatthero ‘‘khuddānukhuddakāpattiṃ na samūhanissāmī’’ti kammavācaṃ sāvesi.

    б̣рахмад̣̇ан̣д̣агат̇ааби сан̇г̇ийд̇ияам̣ ааг̇ад̇ад̇д̇аасаманд̇абаасаад̣̇игааяам̣ винижчид̇аа.

    Brahmadaṇḍakathāpi saṅgītiyaṃ āgatattāsamantapāsādikāyaṃ vinicchitā.

    ган̇каад̇и д̣̇взл̣хагам̣. вимад̇ийд̇и винижчид̇ум̣ асамад̇т̇ад̇аа, б̣уд̣̇д̇хо ну ко, на б̣уд̣̇д̇хо ну ко, д̇хаммо ну ко, на д̇хаммо ну ко, сан̇гхо ну ко, на сан̇гхо ну ко, маг̇г̇о ну ко, на маг̇г̇о ну ко, бадибад̣̇аа ну ко, на бадибад̣̇аа ну код̇и яасса сам̣саяо уббаж̇ж̇зяяа, д̇ам̣ во вад̣̇аами ‘‘бужчат̇а бхигкавз’’д̇и аяамзд̇т̇а сан̇кзбад̇т̇о. сад̇т̇уг̇ааравзнааби на бужчзяяаат̇аад̇и маяам̣ сад̇т̇усанд̇игз баб̣б̣аж̇имха, жад̇д̇ааро бажжаяааби но сад̇т̇у санд̇агаава, д̇з маяам̣ зд̇д̇агам̣ гаалам̣ ган̇кам̣ агад̇ваа на арахаама аж̇ж̇а бажчимагаалз ган̇кам̣ гаад̇унд̇и сажз звам̣ сад̇т̇ари г̇ааравзна на бужчат̇а. сахааяагоби бхигкавз сахааяагасса аарожзд̇ууд̇и д̇умхаагам̣ яо яасса бхигкуно санд̣̇идто самбхад̇д̇о, со д̇асса аарожзд̇у, ахам̣ зд̇асса бхигкусса гат̇зссаами, д̇асса гат̇ам̣ суд̇ваа саб̣б̣з нигган̇каа бхависсат̇аад̇и д̣̇ассзд̇и.

    Kaṅkhāti dveḷhakaṃ. Vimatīti vinicchituṃ asamatthatā, buddho nu kho, na buddho nu kho, dhammo nu kho, na dhammo nu kho, saṅgho nu kho, na saṅgho nu kho, maggo nu kho, na maggo nu kho, paṭipadā nu kho, na paṭipadā nu khoti yassa saṃsayo uppajjeyya, taṃ vo vadāmi ‘‘pucchatha bhikkhave’’ti ayamettha saṅkhepattho. Satthugāravenāpi na puccheyyāthāti mayaṃ satthusantike pabbajimha, cattāro paccayāpi no satthu santakāva, te mayaṃ ettakaṃ kālaṃ kaṅkhaṃ akatvā na arahāma ajja pacchimakāle kaṅkhaṃ kātunti sace evaṃ satthari gāravena na pucchatha. Sahāyakopi bhikkhave sahāyakassa ārocetūti tumhākaṃ yo yassa bhikkhuno sandiṭṭho sambhatto, so tassa ārocetu, ahaṃ etassa bhikkhussa kathessāmi, tassa kathaṃ sutvā sabbe nikkaṅkhā bhavissathāti dasseti.

    звам̣ басаннод̇и звам̣ сад̣̇д̣̇ахаами аханд̇и ад̇т̇о. н̃аан̣амзваад̇и нигган̇кабхаавабажжагкагаран̣ан̃аан̣ам̣язва, зд̇т̇а д̇ат̇ааг̇ад̇асса на сад̣̇д̇хаамад̇д̇анд̇и ад̇т̇о. имзсан̃хи, аананд̣̇аад̇и имзсам̣ анд̇осаан̣ияам̣ нисиннаанам̣ бан̃жаннам̣ бхигкусад̇аанам̣. яо бажчимагод̇и яо г̇ун̣авасзна бажчимаго. аананд̣̇ад̇т̇зрам̣язва санд̇хааяааха.

    Evaṃ pasannoti evaṃ saddahāmi ahanti attho. Ñāṇamevāti nikkaṅkhabhāvapaccakkhakaraṇañāṇaṃyeva, ettha tathāgatassa na saddhāmattanti attho. Imesañhi, ānandāti imesaṃ antosāṇiyaṃ nisinnānaṃ pañcannaṃ bhikkhusatānaṃ. Yo pacchimakoti yo guṇavasena pacchimako. Ānandattheraṃyeva sandhāyāha.

    218. аббамаад̣̇зна самбаад̣̇зт̇аад̇и сад̇иавиббаваасзна саб̣б̣агижжаани самбаад̣̇зяяаат̇а. ид̇и бхаг̇аваа бариниб̣б̣аанаман̃жз нибанно бан̃жажад̇д̇аалийса вассаани д̣̇иннам̣ оваад̣̇ам̣ саб̣б̣ам̣ згасмим̣ аббамаад̣̇абад̣̇зязва багкибид̇ваа ад̣̇ааси. аяам̣ д̇ат̇ааг̇ад̇асса бажчимаа ваажаад̇и ид̣̇ам̣ бана сан̇г̇ийд̇игаарагаанам̣ важанам̣.

    218.Appamādena sampādethāti satiavippavāsena sabbakiccāni sampādeyyātha. Iti bhagavā parinibbānamañce nipanno pañcacattālīsa vassāni dinnaṃ ovādaṃ sabbaṃ ekasmiṃ appamādapadeyeva pakkhipitvā adāsi. Ayaṃ tathāgatassa pacchimā vācāti idaṃ pana saṅgītikārakānaṃ vacanaṃ.

    бариниб̣б̣уд̇агат̇ааван̣н̣анаа

    Parinibbutakathāvaṇṇanā

    219. ид̇о барам̣ яам̣ бариниб̣б̣аанабаригаммам̣ гад̇ваа бхаг̇аваа бариниб̣б̣уд̇о, д̇ам̣ д̣̇ассзд̇ум̣ ат̇а ко бхаг̇аваа батамам̣ жхаананд̇иаад̣̇и вуд̇д̇ам̣. д̇ад̇т̇а бариниб̣б̣уд̇о бханд̇зд̇и нирод̇хам̣ самаабаннасса бхаг̇авад̇о ассаасабассаасаанам̣ абхаавам̣ д̣̇исваа бужчад̇и. на аавусод̇и т̇зро гат̇ам̣ ж̇аанаад̇и? т̇зро гира сад̇т̇аараа сад̣̇д̇хим̣язва д̇ам̣ д̇ам̣ самаабад̇д̇им̣ самаабаж̇ж̇анд̇о яаава нзвасан̃н̃аанаасан̃н̃ааяад̇анаа вудтаанам̣, д̇аава г̇анд̇ваа ид̣̇аани бхаг̇аваа нирод̇хам̣ самаабанно, анд̇онирод̇хз жа гаалан̇гирияаа наама над̇т̇ийд̇и ж̇аанаад̇и.

    219. Ito paraṃ yaṃ parinibbānaparikammaṃ katvā bhagavā parinibbuto, taṃ dassetuṃ atha kho bhagavā paṭhamaṃ jhānantiādi vuttaṃ. Tattha parinibbuto bhanteti nirodhaṃ samāpannassa bhagavato assāsapassāsānaṃ abhāvaṃ disvā pucchati. Na āvusoti thero kathaṃ jānāti? Thero kira satthārā saddhiṃyeva taṃ taṃ samāpattiṃ samāpajjanto yāva nevasaññānāsaññāyatanā vuṭṭhānaṃ, tāva gantvā idāni bhagavā nirodhaṃ samāpanno, antonirodhe ca kālaṅkiriyā nāma natthīti jānāti.

    ат̇а ко бхаг̇аваа сан̃н̃аавзд̣̇аяид̇анирод̇хасамаабад̇д̇ияаа вудтахид̇ваа нзвасан̃н̃аанаасан̃н̃ааяад̇анам̣ самаабаж̇ж̇и…бз… д̇ад̇ияаж̇жхаанаа вудтахид̇ваа жад̇уд̇т̇аж̇жхаанам̣ самаабаж̇ж̇ийд̇и зд̇т̇а бхаг̇аваа жад̇увийсад̇ияаа таанзсу батамаж̇жхаанам̣ самаабаж̇ж̇и, д̇зрасасу таанзсу д̣̇уд̇ияаж̇жхаанам̣, д̇ат̇аа д̇ад̇ияаж̇жхаанам̣, баннарасасу таанзсу жад̇уд̇т̇аж̇жхаанам̣ самаабаж̇ж̇и. гат̇ам̣? д̣̇асасу асубхзсу, д̣̇вад̇д̇им̣саагаарз адтасу гасин̣зсу, мзд̇д̇аагарун̣аамуд̣̇ид̇аасу, аанаабаанз, барижчзд̣̇аагаасзд̇и имзсу д̇аава жад̇увийсад̇ияаа таанзсу батамаж̇жхаанам̣ самаабаж̇ж̇и. табзд̇ваа бана д̣̇вад̇д̇им̣саагааран̃жа д̣̇аса асубхаани жа сзсзсу д̇зрасасу д̣̇уд̇ияаж̇жхаанам̣ , д̇зсуязва жа д̇ад̇ияаж̇жхаанам̣ самаабаж̇ж̇и. адтасу бана гасин̣зсу, убзгкааб̣рахмавихаарз, аанаабаанз, барижчзд̣̇аагаасз, жад̇уусу аруубзсууд̇и имзсу баннарасасу таанзсу жад̇уд̇т̇аж̇жхаанам̣ самаабаж̇ж̇и. аяамби жа сан̇кзбагат̇аава. ниб̣б̣аанабурам̣ бависанд̇о бана бхаг̇аваа д̇хаммассаамий саб̣б̣ааби жад̇увийсад̇игодисад̇асахассасан̇кяаа самаабад̇д̇ияо бависид̇ваа вид̣̇зсам̣ г̇ажчанд̇о н̃аад̇иж̇анам̣ аалин̇г̇зд̇ваа вияа саб̣б̣асамаабад̇д̇исукам̣ анубхавид̇ваа бавидто.

    Atha kho bhagavā saññāvedayitanirodhasamāpattiyā vuṭṭhahitvā nevasaññānāsaññāyatanaṃ samāpajji…pe… tatiyajjhānā vuṭṭhahitvā catutthajjhānaṃ samāpajjīti ettha bhagavā catuvīsatiyā ṭhānesu paṭhamajjhānaṃ samāpajji, terasasu ṭhānesu dutiyajjhānaṃ, tathā tatiyajjhānaṃ, pannarasasu ṭhānesu catutthajjhānaṃ samāpajji. Kathaṃ? Dasasu asubhesu, dvattiṃsākāre aṭṭhasu kasiṇesu, mettākaruṇāmuditāsu, ānāpāne, paricchedākāseti imesu tāva catuvīsatiyā ṭhānesu paṭhamajjhānaṃ samāpajji. Ṭhapetvā pana dvattiṃsākārañca dasa asubhāni ca sesesu terasasu dutiyajjhānaṃ , tesuyeva ca tatiyajjhānaṃ samāpajji. Aṭṭhasu pana kasiṇesu, upekkhābrahmavihāre, ānāpāne, paricchedākāse, catūsu arūpesūti imesu pannarasasu ṭhānesu catutthajjhānaṃ samāpajji. Ayampi ca saṅkhepakathāva. Nibbānapuraṃ pavisanto pana bhagavā dhammassāmī sabbāpi catuvīsatikoṭisatasahassasaṅkhyā samāpattiyo pavisitvā videsaṃ gacchanto ñātijanaṃ āliṅgetvā viya sabbasamāpattisukhaṃ anubhavitvā paviṭṭho.

    жад̇уд̇т̇аж̇жхаанаа вудтахид̇ваа самананд̇араа бхаг̇аваа бариниб̣б̣ааяийд̇и зд̇т̇а жхаанасамананд̇арам̣, бажжавзгкан̣аасамананд̇аранд̇и д̣̇вз самананд̇араани. д̇ад̇т̇а жхаанаа вудтааяа бхаван̇г̇ам̣ од̇ин̣н̣асса д̇ад̇т̇зва бариниб̣б̣аанам̣ жхаанасамананд̇арам̣ наама. жхаанаа вудтахид̇ваа буна жхаанан̇г̇аани бажжавзгкид̇ваа бхаван̇г̇ам̣ од̇ин̣н̣асса д̇ад̇т̇зва бариниб̣б̣аанам̣ бажжавзгкан̣аасамананд̇арам̣ наама. имааниби д̣̇вз самананд̇араанзва. бхаг̇аваа бана жхаанам̣ самаабаж̇ж̇ид̇ваа жхаанаа вудтааяа жхаанан̇г̇аани бажжавзгкид̇ваа бхаван̇г̇ажид̇д̇зна аб̣яаагад̇зна д̣̇угкасажжзна бариниб̣б̣ааяи. яз хи гзжи б̣уд̣̇д̇хаа ваа бажжзгаб̣уд̣̇д̇хаа ваа арияасаавагаа ваа анд̇амасо гунт̇агибиллигам̣ убаад̣̇ааяа саб̣б̣з бхаван̇г̇ажид̇д̇знзва аб̣яаагад̇зна д̣̇угкасажжзна гаалан̇гаронд̇ийд̇и. махаабхуумижаалаад̣̇ийни вуд̇д̇анаяаанзваад̇и.

    Catutthajjhānā vuṭṭhahitvā samanantarā bhagavā parinibbāyīti ettha jhānasamanantaraṃ, paccavekkhaṇāsamanantaranti dve samanantarāni. Tattha jhānā vuṭṭhāya bhavaṅgaṃ otiṇṇassa tattheva parinibbānaṃ jhānasamanantaraṃ nāma. Jhānā vuṭṭhahitvā puna jhānaṅgāni paccavekkhitvā bhavaṅgaṃ otiṇṇassa tattheva parinibbānaṃ paccavekkhaṇāsamanantaraṃ nāma. Imānipi dve samanantarāneva. Bhagavā pana jhānaṃ samāpajjitvā jhānā vuṭṭhāya jhānaṅgāni paccavekkhitvā bhavaṅgacittena abyākatena dukkhasaccena parinibbāyi. Ye hi keci buddhā vā paccekabuddhā vā ariyasāvakā vā antamaso kunthakipillikaṃ upādāya sabbe bhavaṅgacitteneva abyākatena dukkhasaccena kālaṅkarontīti. Mahābhūmicālādīni vuttanayānevāti.

    220. бхууд̇аад̇и сад̇д̇аа. аббадибуг̇г̇алод̇и бадибхааг̇абуг̇г̇алавирахид̇о. б̣алаббад̇д̇од̇и д̣̇асавид̇хан̃аан̣аб̣алам̣ бад̇д̇о.

    220.Bhūtāti sattā. Appaṭipuggaloti paṭibhāgapuggalavirahito. Balappattoti dasavidhañāṇabalaṃ patto.

    221. уббаад̣̇аваяад̇хамминод̇и уббаад̣̇аваяасабхааваа. д̇зсам̣ вуубасамод̇и д̇зсам̣ сан̇каараанам̣ вуубасамо, асан̇кад̇ам̣ ниб̣б̣аанамзва суканд̇и ад̇т̇о.

    221.Uppādavayadhamminoti uppādavayasabhāvā. Tesaṃ vūpasamoti tesaṃ saṅkhārānaṃ vūpasamo, asaṅkhataṃ nibbānameva sukhanti attho.

    222. нааху ассаасабассаасод̇и на ж̇аад̇о ассаасабассаасо. анзж̇од̇и д̇ан̣хаасан̇каад̇ааяа зж̇ааяа абхаавзна анзж̇о. санд̇имаараб̣бхаад̇и анубаад̣̇исзсам̣ ниб̣б̣аанам̣ аараб̣бха бадижжа санд̇хааяа. яам̣ гааламагарийд̇и яо гаалам̣ агари. ид̣̇ам̣ вуд̇д̇ам̣ ход̇и – ‘‘аавусо, яо мама сад̇т̇аа б̣уд̣̇д̇хамуни санд̇им̣ г̇амиссаамийд̇и, санд̇им̣ аараб̣бха гааламагари, д̇асса тид̇ажид̇д̇асса д̇аад̣̇ино ид̣̇аани ассаасабассаасо на ж̇аад̇о, над̇т̇и, наббавад̇д̇ад̇ий’’д̇и.

    222.Nāhu assāsapassāsoti na jāto assāsapassāso. Anejoti taṇhāsaṅkhātāya ejāya abhāvena anejo. Santimārabbhāti anupādisesaṃ nibbānaṃ ārabbha paṭicca sandhāya. Yaṃ kālamakarīti yo kālaṃ akari. Idaṃ vuttaṃ hoti – ‘‘āvuso, yo mama satthā buddhamuni santiṃ gamissāmīti, santiṃ ārabbha kālamakari, tassa ṭhitacittassa tādino idāni assāsapassāso na jāto, natthi, nappavattatī’’ti.

    асаллийнзнаад̇и алийнзна асан̇гудид̇зна сувигасид̇знзва жид̇д̇зна. взд̣̇анам̣ аж̇жхаваасаяийд̇и взд̣̇анам̣ ад̇хиваасзси, на взд̣̇анаанувад̇д̇ий худ̇ваа ид̇о жид̇о жа самбаривад̇д̇и. вимогкод̇и гзнажи д̇хаммзна анааваран̣авимогко саб̣б̣асо абан̃н̃ад̇д̇ибхаавуубаг̇амо баж̇ж̇од̇аниб̣б̣аанасад̣̇исо ж̇аад̇о.

    Asallīnenāti alīnena asaṅkuṭitena suvikasiteneva cittena. Vedanaṃ ajjhavāsayīti vedanaṃ adhivāsesi, na vedanānuvattī hutvā ito cito ca samparivatti. Vimokkhoti kenaci dhammena anāvaraṇavimokkho sabbaso apaññattibhāvūpagamo pajjotanibbānasadiso jāto.

    223. д̇ад̣̇аасийд̇и ‘‘саха бариниб̣б̣аанаа махаабхуумижаало’’д̇и звам̣ хздтаа вуд̇д̇ам̣ бхуумижааламзва санд̇хааяааха. д̇ан̃хи ломахам̣санан̃жа бхим̣санаган̃жа ааси. саб̣б̣аагаараваруубзд̇зд̇и саб̣б̣аварагааран̣уубзд̇з.

    223.Tadāsīti ‘‘saha parinibbānā mahābhūmicālo’’ti evaṃ heṭṭhā vuttaṃ bhūmicālameva sandhāyāha. Tañhi lomahaṃsanañca bhiṃsanakañca āsi. Sabbākāravarūpeteti sabbavarakāraṇūpete.

    224. авийд̇арааг̇аад̇и бут̇уж̇ж̇анаа жзва сод̇аабаннасагад̣̇ааг̇аамино жа. д̇зсан̃хи д̣̇оманассам̣ аббахийнам̣. д̇асмаа д̇зби б̣аахаа баг̇г̇аяха ганд̣̇анд̇и. убхоби хад̇т̇з сийсз табзд̇ваа род̣̇анд̇ийд̇и саб̣б̣ам̣ буриманаязнзва взд̣̇ид̇аб̣б̣ам̣.

    224.Avītarāgāti puthujjanā ceva sotāpannasakadāgāmino ca. Tesañhi domanassaṃ appahīnaṃ. Tasmā tepi bāhā paggayha kandanti. Ubhopi hatthe sīse ṭhapetvā rodantīti sabbaṃ purimanayeneva veditabbaṃ.

    225. уж̇жхааяанд̇ийд̇и ‘‘аяяаа ад̇д̇анааби ад̇хиваасзд̇ум̣ на саггонд̇и, сзсаж̇анам̣ гат̇ам̣ самассаасзссанд̇ий’’д̇и вад̣̇анд̇ияо уж̇жхааяанд̇и. гат̇ам̣бхууд̇аа бана бханд̇з ааяасмаа ануруд̣̇д̇хо д̣̇звад̇аа манасигарод̇ийд̇и д̣̇звад̇аа, бханд̇з, гат̇ам̣бхууд̇аа ааяасмаа ануруд̣̇д̇хо саллагкзд̇и, гим̣ д̇аа сад̇т̇у бариниб̣б̣аанам̣ ад̇хиваасзнд̇ийд̇и?

    225.Ujjhāyantīti ‘‘ayyā attanāpi adhivāsetuṃ na sakkonti, sesajanaṃ kathaṃ samassāsessantī’’ti vadantiyo ujjhāyanti. Kathaṃbhūtā pana bhante āyasmā anuruddho devatā manasikarotīti devatā, bhante, kathaṃbhūtā āyasmā anuruddho sallakkheti, kiṃ tā satthu parinibbānaṃ adhivāsentīti?

    ат̇а д̇аасам̣ бавад̇д̇ид̣̇ассанад̇т̇ам̣ т̇зро санд̇аавусод̇иаад̣̇имааха. д̇ам̣ вуд̇д̇ад̇т̇амзва. рад̇д̇аавасзсанд̇и б̣алавабажжуусз бариниб̣б̣уд̇ад̇д̇аа рад̇д̇ияаа авасзсам̣ жуллагад̣̇д̇хаанам̣. д̇хаммияаа гат̇ааяаад̇и ан̃н̃аа баадиязггаа д̇хаммагат̇аа наама над̇т̇и, ‘‘аавусо сад̣̇звагз наама логз аббадибуг̇г̇аласса сад̇т̇уно аяам̣ мажжурааж̇аа на лаж̇ж̇ад̇и, гиман̇г̇ам̣ бана логияамахааж̇анасса лаж̇ж̇иссад̇ий’’д̇и зваруубааяа бана маран̣абадисам̣яуд̇д̇ааяа гат̇ааяа вийд̇инаамзсум̣. д̇зсан̃хи д̇ам̣ гат̇ам̣ гат̇знд̇аанам̣ мухуд̇д̇знзва арун̣ам̣ уг̇г̇ажчи.

    Atha tāsaṃ pavattidassanatthaṃ thero santāvusotiādimāha. Taṃ vuttatthameva. Rattāvasesanti balavapaccūse parinibbutattā rattiyā avasesaṃ cullakaddhānaṃ. Dhammiyā kathāyāti aññā pāṭiyekkā dhammakathā nāma natthi, ‘‘āvuso sadevake nāma loke appaṭipuggalassa satthuno ayaṃ maccurājā na lajjati, kimaṅgaṃ pana lokiyamahājanassa lajjissatī’’ti evarūpāya pana maraṇapaṭisaṃyuttāya kathāya vītināmesuṃ. Tesañhi taṃ kathaṃ kathentānaṃ muhutteneva aruṇaṃ uggacchi.

    226. ат̇а код̇и арун̣уг̇г̇ам̣ д̣̇исваава т̇зро т̇зрам̣ зд̇ад̣̇авожа. д̇знзва гаран̣ийязнаад̇и гийд̣̇исзна ну ко бариниб̣б̣аанадтаанз маалааг̇анд̇хаад̣̇исаггаарзна бхавид̇аб̣б̣ам̣, гийд̣̇исзна бхигкусан̇гхасса нисаж̇ж̇адтаанзна бхавид̇аб̣б̣ам̣, гийд̣̇исзна каад̣̇анийяабхож̇анийязна бхавид̇аб̣б̣анд̇и, звам̣ яам̣ бхаг̇авад̇о бариниб̣б̣уд̇абхаавам̣ суд̇ваа гад̇д̇аб̣б̣ам̣ д̇знзва гаран̣ийязна.

    226.Atha khoti aruṇuggaṃ disvāva thero theraṃ etadavoca. Teneva karaṇīyenāti kīdisena nu kho parinibbānaṭṭhāne mālāgandhādisakkārena bhavitabbaṃ, kīdisena bhikkhusaṅghassa nisajjaṭṭhānena bhavitabbaṃ, kīdisena khādanīyabhojanīyena bhavitabbanti, evaṃ yaṃ bhagavato parinibbutabhāvaṃ sutvā kattabbaṃ teneva karaṇīyena.

    б̣уд̣̇д̇хасарийрабууж̇ааван̣н̣анаа

    Buddhasarīrapūjāvaṇṇanā

    227. саб̣б̣ан̃жа д̇аал̣ааважаранд̇и саб̣б̣ам̣ д̇уурияабхан̣д̣ам̣. саннибаад̇зт̇аад̇и бхзрим̣ жараабзд̇ваа самаахарат̇а. д̇з д̇ат̇зва агам̣су. ман̣д̣аламаал̣зд̇и д̣̇уссаман̣д̣аламаал̣з. бадияаад̣̇знд̇аад̇и саж̇ж̇знд̇аа.

    227.Sabbañca tāḷāvacaranti sabbaṃ tūriyabhaṇḍaṃ. Sannipātethāti bheriṃ carāpetvā samāharatha. Te tatheva akaṃsu. Maṇḍalamāḷeti dussamaṇḍalamāḷe. Paṭiyādentāti sajjentā.

    д̣̇агкин̣зна д̣̇агкин̣анд̇и наг̇арасса д̣̇агкин̣ад̣̇исаабхааг̇знзва д̣̇агкин̣ад̣̇исаабхааг̇ам̣. б̣аахирзна б̣аахиранд̇и анд̇онаг̇арам̣ аббавзсзд̇ваа б̣аахирзнзва наг̇арасса б̣аахирабассам̣ харид̇ваа. д̣̇агкин̣ад̇о наг̇арассаад̇и анураад̇хабурасса д̣̇агкин̣ад̣̇ваарасад̣̇исз таанз табзд̇ваа саггаарасаммаанам̣ гад̇ваа ж̇зд̇аванасад̣̇исз таанз жхаабзссаамаад̇и ад̇т̇о.

    Dakkhiṇena dakkhiṇanti nagarassa dakkhiṇadisābhāgeneva dakkhiṇadisābhāgaṃ. Bāhirena bāhiranti antonagaraṃ appavesetvā bāhireneva nagarassa bāhirapassaṃ haritvā. Dakkhiṇato nagarassāti anurādhapurassa dakkhiṇadvārasadise ṭhāne ṭhapetvā sakkārasammānaṃ katvā jetavanasadise ṭhāne jhāpessāmāti attho.

    228. адта маллабаамогкаад̇и маж̇жхимаваяаа т̇аамасамбаннаа адтамалларааж̇аано. сийсам̣ нхаад̇аад̇и сийсам̣ д̇ховид̇ваа нахаад̇аа. ааяасманд̇ам̣ ануруд̣̇д̇ханд̇и т̇зрова д̣̇иб̣б̣ажагкугод̇и баагадо, д̇асмаа д̇з санд̇зсуби ан̃н̃зсу махаат̇зрзсу – ‘‘аяам̣ но баагадам̣ гад̇ваа гат̇зссад̇ий’’д̇и т̇зрам̣ бужчим̣су. гат̇ам̣ бана, бханд̇з, д̣̇звад̇аанам̣ ад̇хиббааяод̇и бханд̇з, амхаагам̣ д̇аава ад̇хиббааяам̣ ж̇аанаама. д̣̇звад̇аанам̣ гат̇ам̣ ад̇хиббааяод̇и бужчанд̇и. т̇зро батамам̣ д̇зсам̣ ад̇хиббааяам̣ д̣̇ассзнд̇о д̇умхаагам̣ код̇иаад̣̇имааха. магудаб̣анд̇ханам̣ наама маллаанам̣ жзд̇ияанд̇и малларааж̇уунам̣ басаад̇ханаман̇г̇аласаалааяа зд̇ам̣ наамам̣. жид̇д̇ийгад̇адтзна банзсаа ‘‘жзд̇ияа’’нд̇и вужжад̇и.

    228.Aṭṭha mallapāmokkhāti majjhimavayā thāmasampannā aṭṭhamallarājāno. Sīsaṃ nhātāti sīsaṃ dhovitvā nahātā. Āyasmantaṃ anuruddhanti therova dibbacakkhukoti pākaṭo, tasmā te santesupi aññesu mahātheresu – ‘‘ayaṃ no pākaṭaṃ katvā kathessatī’’ti theraṃ pucchiṃsu. Kathaṃ pana, bhante, devatānaṃ adhippāyoti bhante, amhākaṃ tāva adhippāyaṃ jānāma. Devatānaṃ kathaṃ adhippāyoti pucchanti. Thero paṭhamaṃ tesaṃ adhippāyaṃ dassento tumhākaṃ khotiādimāha. Makuṭabandhanaṃ nāma mallānaṃ cetiyanti mallarājūnaṃ pasādhanamaṅgalasālāya etaṃ nāmaṃ. Cittīkataṭṭhena panesā ‘‘cetiya’’nti vuccati.

    229. яаава санд̇хисамаласан̇гадийраад̇и зд̇т̇а санд̇хи наама гхарасанд̇хи. самалам̣ наама г̇уут̇араасинид̣̇д̇хаманабанаал̣и. сан̇гадийрам̣ наама сан̇гаарадтаанам̣. д̣̇иб̣б̣зхи жа маанусагзхи жа нажжзхийд̇и убари д̣̇звад̇аанам̣ нажжаани хонд̇и, хздтаа мануссаанам̣. зса наяо г̇ийд̇аад̣̇ийсу. абижа д̣̇звад̇аанам̣ анд̇арз мануссаа, мануссаанам̣ анд̇арз д̣̇звад̇аад̇и звамби саггаронд̇аа бууж̇знд̇аа аг̇амам̣су. маж̇жхзна маж̇жхам̣ наг̇арасса харид̇ваад̇и звам̣ харияамаанз бхаг̇авад̇о сарийрз б̣анд̇хуламалласзнаабад̇ибхарияаа маллигаа наама – ‘‘бхаг̇авад̇о сарийрам̣ аахаранд̇ий’’д̇и суд̇ваа ад̇д̇ано саамигасса гаалам̣ гирияад̇о бадтааяа абарибхун̃ж̇ид̇ваа табид̇ам̣ висаакааяа басаад̇ханасад̣̇исам̣ махаалад̇аабасаад̇ханам̣ нийхараабзд̇ваа – ‘‘иминаа сад̇т̇аарам̣ бууж̇зссаамий’’д̇и д̇ам̣ маж̇ж̇аабзд̇ваа г̇анд̇ход̣̇агзна д̇ховид̇ваа д̣̇ваарз тид̇аа.

    229.Yāvasandhisamalasaṅkaṭīrāti ettha sandhi nāma gharasandhi. Samalaṃ nāma gūtharāsiniddhamanapanāḷi. Saṅkaṭīraṃ nāma saṅkāraṭṭhānaṃ. Dibbehi ca mānusakehi ca naccehīti upari devatānaṃ naccāni honti, heṭṭhā manussānaṃ. Esa nayo gītādīsu. Apica devatānaṃ antare manussā, manussānaṃ antare devatāti evampi sakkarontā pūjentā agamaṃsu. Majjhena majjhaṃ nagarassa haritvāti evaṃ hariyamāne bhagavato sarīre bandhulamallasenāpatibhariyā mallikā nāma – ‘‘bhagavato sarīraṃ āharantī’’ti sutvā attano sāmikassa kālaṃ kiriyato paṭṭhāya aparibhuñjitvā ṭhapitaṃ visākhāya pasādhanasadisaṃ mahālatāpasādhanaṃ nīharāpetvā – ‘‘iminā satthāraṃ pūjessāmī’’ti taṃ majjāpetvā gandhodakena dhovitvā dvāre ṭhitā.

    д̇ам̣ гира басаад̇ханам̣ д̇аасан̃жа д̣̇виннам̣ ид̇т̇ийнам̣, д̣̇звад̣̇аанияажорасса г̇зхзд̇и д̇ийсуязва таанзсу ахоси. саа жа сад̇т̇у сарийрз д̣̇ваарам̣ самбад̇д̇з – ‘‘од̇аарзт̇а, д̇аад̇аа, сад̇т̇усарийра’’нд̇и вад̇ваа д̇ам̣ басаад̇ханам̣ сад̇т̇усарийрз бадимун̃жи. д̇ам̣ сийсад̇о бадтааяа бадимуггам̣ яаавабаад̣̇ад̇алааг̇ад̇ам̣. суван̣н̣аван̣н̣ам̣ бхаг̇авад̇о сарийрам̣ сад̇д̇арад̇анамаязна махаабасаад̇ханзна басаад̇хид̇ам̣ ад̇ивияа вирожид̇т̇а. д̇ам̣ саа д̣̇исваа басаннажид̇д̇аа бад̇т̇анам̣ агааси – ‘‘бхаг̇аваа яаава ваддз сам̣сариссаами, д̇аава мз баадиязггам̣ басаад̇ханагижжам̣ маа ход̇у, нижжам̣ бадимуггабасаад̇ханасад̣̇исамзва сарийрам̣ ход̇уу’’д̇и.

    Taṃ kira pasādhanaṃ tāsañca dvinnaṃ itthīnaṃ, devadāniyacorassa geheti tīsuyeva ṭhānesu ahosi. Sā ca satthu sarīre dvāraṃ sampatte – ‘‘otāretha, tātā, satthusarīra’’nti vatvā taṃ pasādhanaṃ satthusarīre paṭimuñci. Taṃ sīsato paṭṭhāya paṭimukkaṃ yāvapādatalāgataṃ. Suvaṇṇavaṇṇaṃ bhagavato sarīraṃ sattaratanamayena mahāpasādhanena pasādhitaṃ ativiya virocittha. Taṃ sā disvā pasannacittā patthanaṃ akāsi – ‘‘bhagavā yāva vaṭṭe saṃsarissāmi, tāva me pāṭiyekkaṃ pasādhanakiccaṃ mā hotu, niccaṃ paṭimukkapasādhanasadisameva sarīraṃ hotū’’ti.

    ат̇а бхаг̇аванд̇ам̣ сад̇д̇арад̇анамаязна махаабасаад̇ханзна угкибид̇ваа бурад̇т̇имзна д̣̇ваарзна нийхарид̇ваа бурад̇т̇имзна наг̇арасса магудаб̣анд̇ханам̣ маллаанам̣ жзд̇ияам̣, зд̇т̇а бхаг̇авад̇о сарийрам̣ нигкибим̣су.

    Atha bhagavantaṃ sattaratanamayena mahāpasādhanena ukkhipitvā puratthimena dvārena nīharitvā puratthimena nagarassa makuṭabandhanaṃ mallānaṃ cetiyaṃ, ettha bhagavato sarīraṃ nikkhipiṃsu.

    махаагассабад̇т̇зравад̇т̇уван̣н̣анаа

    Mahākassapattheravatthuvaṇṇanā

    231. баавааяа гусинааранд̇и бааваанаг̇арз бин̣д̣ааяа жарид̇ваа ‘‘гусинаарам̣ г̇амиссаамий’’д̇и ад̣̇д̇хаанамаг̇г̇аббадибанно ход̇и. ругкамуулз нисийд̣̇ийд̇и зд̇т̇а гасмаа д̣̇иваавихааранд̇и на вуд̇д̇ам̣? д̣̇иваавихаарад̇т̇ааяа анисиннад̇д̇аа. т̇зрасса хи бариваараа бхигкуу саб̣б̣з сукасам̣вад̣̇д̇хид̇аа махаабун̃н̃аа. д̇з маж̇жханхигасамаяз д̇ад̇д̇абаасаан̣асад̣̇исааяа бхуумияаа бад̣̇асаа г̇ажчанд̇аа гиламим̣су. т̇зро д̇з д̣̇исваа – ‘‘бхигкуу гиламанд̇и, г̇анд̇аб̣б̣адтаанан̃жа на д̣̇уурам̣, т̇огам̣ виссамид̇ваа д̣̇арат̇ам̣ бадиббассамбхзд̇ваа сааяанхасамаяз гусинаарам̣ г̇анд̇ваа д̣̇асаб̣алам̣ бассиссаамий’’д̇и маг̇г̇аа оггамма ан̃н̃ад̇арасмим̣ ругкамуулз сан̇гхаадим̣ бан̃н̃абзд̇ваа уд̣̇агад̇умб̣ад̇о уд̣̇агзна хад̇т̇абаад̣̇з сийд̇алз гад̇ваа нисийд̣̇и. бариваарабхигкуубисса ругкамуулз нисийд̣̇ид̇ваа яонисо манасигаарз гаммам̣ гурумаанаа д̇ин̣н̣ам̣ рад̇анаанам̣ ван̣н̣ам̣ бхан̣амаанаа нисийд̣̇им̣су. ид̇и д̣̇арат̇авинод̣̇анад̇т̇ааяа нисиннад̇д̇аа ‘‘д̣̇иваавихаара’’нд̇и на вуд̇д̇ам̣.

    231.Pāvāyakusināranti pāvānagare piṇḍāya caritvā ‘‘kusināraṃ gamissāmī’’ti addhānamaggappaṭipanno hoti. Rukkhamūle nisīdīti ettha kasmā divāvihāranti na vuttaṃ? Divāvihāratthāya anisinnattā. Therassa hi parivārā bhikkhū sabbe sukhasaṃvaddhitā mahāpuññā. Te majjhanhikasamaye tattapāsāṇasadisāya bhūmiyā padasā gacchantā kilamiṃsu. Thero te disvā – ‘‘bhikkhū kilamanti, gantabbaṭṭhānañca na dūraṃ, thokaṃ vissamitvā darathaṃ paṭippassambhetvā sāyanhasamaye kusināraṃ gantvā dasabalaṃ passissāmī’’ti maggā okkamma aññatarasmiṃ rukkhamūle saṅghāṭiṃ paññapetvā udakatumbato udakena hatthapāde sītale katvā nisīdi. Parivārabhikkhūpissa rukkhamūle nisīditvā yoniso manasikāre kammaṃ kurumānā tiṇṇaṃ ratanānaṃ vaṇṇaṃ bhaṇamānā nisīdiṃsu. Iti darathavinodanatthāya nisinnattā ‘‘divāvihāra’’nti na vuttaṃ.

    манд̣̇ааравабубпам̣ г̇ахзд̇ваад̇и махаабаад̇иббамаан̣ам̣ бубпам̣ ааг̇анд̇угад̣̇ан̣д̣агз табзд̇ваа чад̇д̇ам̣ вияа г̇ахзд̇ваа. ад̣̇д̣̇аса код̇и ааг̇ажчанд̇ам̣ д̣̇уурад̇о ад̣̇д̣̇аса. д̣̇исваа жа бана жинд̇зси –

    Mandāravapupphaṃ gahetvāti mahāpātippamāṇaṃ pupphaṃ āgantukadaṇḍake ṭhapetvā chattaṃ viya gahetvā. Addasa khoti āgacchantaṃ dūrato addasa. Disvā ca pana cintesi –

    ‘‘зд̇ам̣ ааж̇ийвагасса хад̇т̇з манд̣̇ааравабубпам̣ бан̃н̃ааяад̇и, зд̇ан̃жа на саб̣б̣ад̣̇аа мануссабат̇з бан̃н̃ааяад̇и, яад̣̇аа бана гожи ид̣̇д̇химаа ид̣̇д̇хим̣ вигуб̣б̣ад̇и, д̇ад̣̇аа саб̣б̣ан̃н̃уб̣од̇хисад̇д̇асса жа маад̇угужчиоггаманаад̣̇ийсу ход̇и. на ко бана аж̇ж̇а гзнажи ид̣̇д̇хивигуб̣б̣анам̣ гад̇ам̣, на мз сад̇т̇аа маад̇угужчим̣ огганд̇о, на гужчид̇о нигкаманд̇о, наабисса аж̇ж̇а абхисамб̣од̇хи, на д̇хаммажаггаббавад̇д̇анам̣, на яамагабаадихаарияам̣, на д̣̇зворохан̣ам̣, на ааяусан̇каароссаж̇ж̇анам̣. махаллаго бана мз сад̇т̇аа д̇хувам̣ бариниб̣б̣уд̇о бхависсад̇ий’’д̇и.

    ‘‘Etaṃ ājīvakassa hatthe mandāravapupphaṃ paññāyati, etañca na sabbadā manussapathe paññāyati, yadā pana koci iddhimā iddhiṃ vikubbati, tadā sabbaññubodhisattassa ca mātukucchiokkamanādīsu hoti. Na kho pana ajja kenaci iddhivikubbanaṃ kataṃ, na me satthā mātukucchiṃ okkanto, na kucchito nikkhamanto, nāpissa ajja abhisambodhi, na dhammacakkappavattanaṃ, na yamakapāṭihāriyaṃ, na devorohaṇaṃ, na āyusaṅkhārossajjanaṃ. Mahallako pana me satthā dhuvaṃ parinibbuto bhavissatī’’ti.

    д̇ад̇о – ‘‘бужчаами на’’нд̇и жид̇д̇ам̣ уббаад̣̇зд̇ваа – ‘‘сажз ко бана нисиннагова бужчаами, сад̇т̇ари аг̇аараво гад̇о бхависсад̇ий’’д̇и удтахид̇ваа тид̇адтаанад̇о абаггамма чад̣̇д̣̇анд̇о нааг̇арааж̇аа ман̣ижаммам̣ вияа д̣̇асаб̣алад̣̇ад̇д̇ияам̣ мзгхаван̣н̣ам̣ бам̣сугуулажийварам̣ баарубид̇ваа д̣̇асанакасамод̇хаанасамуж̇ж̇алам̣ ан̃ж̇алим̣ сирасмим̣ бад̇идтабзд̇ваа сад̇т̇ари гад̇зна г̇ааравзна ааж̇ийвагасса абхимуко худ̇ваа – ‘‘аавусо, амхаагам̣ сад̇т̇аарам̣ ж̇аанаасий’’д̇и ааха. гим̣ бана сад̇т̇у бариниб̣б̣аанам̣ ж̇аананд̇о бужчи аж̇аананд̇од̇и? ааваж̇ж̇анабадиб̣ад̣̇д̇хам̣ кийн̣аасаваанам̣ ж̇аананам̣, анааваж̇ж̇ид̇ад̇д̇аа банзса аж̇аананд̇о бужчийд̇и згз. т̇зро самаабад̇д̇иб̣ахуло, рад̇д̇идтаанад̣̇иваадтааналзн̣аман̣д̣абаад̣̇ийсу нижжам̣ самаабад̇д̇иб̣алзнзва яаабзд̇и, гуласанд̇агамби г̇аамам̣ бависид̇ваа д̣̇ваарз самаабад̇д̇им̣ самаабаж̇ж̇ид̇ваа самаабад̇д̇ид̇о вудтид̇ова бхигкам̣ г̇ан̣хаад̇и. т̇зро гира иминаа бажчимзна ад̇д̇абхаавзна махааж̇анаануг̇г̇ахам̣ гариссаами – ‘‘яз маяхам̣ бхигкам̣ ваа д̣̇знд̇и г̇анд̇хамаалаад̣̇ийхи ваа саггаарам̣ гаронд̇и, д̇зсам̣ д̇ам̣ махабпалам̣ ход̇уу’’д̇и звам̣ гарод̇и. д̇асмаа самаабад̇д̇иб̣ахулад̇ааяа на ж̇аанаад̇и. ид̇и аж̇аананд̇ова бужчад̇ийд̇и вад̣̇анд̇и, д̇ам̣ на г̇ахзд̇аб̣б̣ам̣.

    Tato – ‘‘pucchāmi na’’nti cittaṃ uppādetvā – ‘‘sace kho pana nisinnakova pucchāmi, satthari agāravo kato bhavissatī’’ti uṭṭhahitvā ṭhitaṭṭhānato apakkamma chaddanto nāgarājā maṇicammaṃ viya dasabaladattiyaṃ meghavaṇṇaṃ paṃsukūlacīvaraṃ pārupitvā dasanakhasamodhānasamujjalaṃ añjaliṃ sirasmiṃ patiṭṭhapetvā satthari katena gāravena ājīvakassa abhimukho hutvā – ‘‘āvuso, amhākaṃ satthāraṃ jānāsī’’ti āha. Kiṃ pana satthu parinibbānaṃ jānanto pucchi ajānantoti? Āvajjanapaṭibaddhaṃ khīṇāsavānaṃ jānanaṃ, anāvajjitattā panesa ajānanto pucchīti eke. Thero samāpattibahulo, rattiṭṭhānadivāṭṭhānaleṇamaṇḍapādīsu niccaṃ samāpattibaleneva yāpeti, kulasantakampi gāmaṃ pavisitvā dvāre samāpattiṃ samāpajjitvā samāpattito vuṭṭhitova bhikkhaṃ gaṇhāti. Thero kira iminā pacchimena attabhāvena mahājanānuggahaṃ karissāmi – ‘‘ye mayhaṃ bhikkhaṃ vā denti gandhamālādīhi vā sakkāraṃ karonti, tesaṃ taṃ mahapphalaṃ hotū’’ti evaṃ karoti. Tasmā samāpattibahulatāya na jānāti. Iti ajānantova pucchatīti vadanti, taṃ na gahetabbaṃ.

    на хзд̇т̇а аж̇аананагааран̣ам̣ ад̇т̇и. абхилагкид̇ам̣ сад̇т̇у бариниб̣б̣аанам̣ ахоси, д̣̇асасахассилогад̇хаад̇угамбанаад̣̇ийхи нимид̇д̇зхи. т̇зрасса бана барисааяа гзхижи бхигкуухи бхаг̇аваа д̣̇идтабуб̣б̣о, гзхижи на д̣̇идтабуб̣б̣о, д̇ад̇т̇а язхиби д̣̇идтабуб̣б̣о, д̇зби бассид̇угаамаава, язхиби ад̣̇идтабуб̣б̣о, д̇зби бассид̇угаамаава. д̇ад̇т̇а язхи на д̣̇идтабуб̣б̣о, д̇з ад̇ид̣̇ассанагаамад̇ааяа г̇анд̇ваа ‘‘гухим̣ бхаг̇аваа’’д̇и бужчанд̇аа ‘‘бариниб̣б̣уд̇о’’д̇и суд̇ваа санд̇хаарзд̇ум̣ наасагкиссанд̇и. жийваран̃жа бад̇д̇ан̃жа чад̣д̣зд̇ваа згавад̇т̇аа ваа д̣̇уннивад̇т̇аа ваа д̣̇уббааруд̇аа ваа ураани бадибисанд̇аа барод̣̇иссанд̇и. д̇ад̇т̇а мануссаа – ‘‘махаагассабад̇т̇зрзна сад̣̇д̇хим̣ ааг̇ад̇аа бам̣сугуулигаа саяамби ид̇т̇ияо вияа барод̣̇анд̇и, д̇з гим̣ амхз самассаасзссанд̇ий’’д̇и маяхам̣ д̣̇осам̣ д̣̇ассанд̇и. ид̣̇ам̣ бана сун̃н̃ам̣ махаааран̃н̃ам̣, ид̇ха яат̇аа д̇ат̇аа род̣̇анд̇зсу д̣̇осо над̇т̇и. буримад̇арам̣ суд̇ваа наама согоби д̇ануго ход̇ийд̇и бхигкуунам̣ сад̇уббаад̣̇анад̇т̇ааяа ж̇аананд̇ова бужчи.

    Na hettha ajānanakāraṇaṃ atthi. Abhilakkhitaṃ satthu parinibbānaṃ ahosi, dasasahassilokadhātukampanādīhi nimittehi. Therassa pana parisāya kehici bhikkhūhi bhagavā diṭṭhapubbo, kehici na diṭṭhapubbo, tattha yehipi diṭṭhapubbo, tepi passitukāmāva, yehipi adiṭṭhapubbo, tepi passitukāmāva. Tattha yehi na diṭṭhapubbo, te atidassanakāmatāya gantvā ‘‘kuhiṃ bhagavā’’ti pucchantā ‘‘parinibbuto’’ti sutvā sandhāretuṃ nāsakkhissanti. Cīvarañca pattañca chaḍḍetvā ekavatthā vā dunnivatthā vā duppārutā vā urāni paṭipisantā parodissanti. Tattha manussā – ‘‘mahākassapattherena saddhiṃ āgatā paṃsukūlikā sayampi itthiyo viya parodanti, te kiṃ amhe samassāsessantī’’ti mayhaṃ dosaṃ dassanti. Idaṃ pana suññaṃ mahāaraññaṃ, idha yathā tathā rodantesu doso natthi. Purimataraṃ sutvā nāma sokopi tanuko hotīti bhikkhūnaṃ satuppādanatthāya jānantova pucchi.

    аж̇ж̇а сад̇д̇аахабариниб̣б̣уд̇о саман̣о г̇од̇амод̇и аж̇ж̇а саман̣о г̇од̇амо сад̇д̇аахабариниб̣б̣уд̇о. д̇ад̇о мз ид̣̇анд̇и д̇ад̇о саман̣асса г̇од̇амасса бариниб̣б̣уд̇адтаанад̇о.

    Ajja sattāhaparinibbuto samaṇo gotamoti ajja samaṇo gotamo sattāhaparinibbuto. Tato me idanti tato samaṇassa gotamassa parinibbutaṭṭhānato.

    232. субхад̣̇д̣̇о наама вуд̣дхабаб̣б̣аж̇ид̇од̇и ‘‘субхад̣̇д̣̇о’’д̇и д̇асса наамам̣. вуд̣дхагаалз бана баб̣б̣аж̇ид̇ад̇д̇аа ‘‘вуд̣дхабаб̣б̣аж̇ид̇о’’д̇и вужжад̇и. гасмаа бана со звамааха? бхаг̇авад̇и аагхаад̇зна. аяам̣ гирзсо канд̇хагз ааг̇ад̇з аад̇умаавад̇т̇усмим̣ нахаабид̇абуб̣б̣аго вуд̣дхабаб̣б̣аж̇ид̇о бхаг̇авад̇и гусинаарад̇о нигкамид̇ваа ад̣дхад̇зл̣асзхи бхигкусад̇зхи сад̣̇д̇хим̣ аад̇умам̣ ааг̇ажчанд̇з бхаг̇аваа ааг̇ажчад̇ийд̇и суд̇ваа – ‘‘ааг̇ад̇агаалз яааг̇убаанам̣ гариссаамий’’д̇и сааман̣зрабхуумияам̣ тид̇з д̣̇вз буд̇д̇з зд̇ад̣̇авожа – ‘‘бхаг̇аваа гира, д̇аад̇аа, аад̇умам̣ ааг̇ажчад̇и махад̇аа бхигкусан̇гхзна сад̣̇д̇хим̣ ад̣дхад̇зл̣асзхи бхигкусад̇зхи; г̇ажчат̇а д̇умхз, д̇аад̇аа, курабхан̣д̣ам̣ аад̣̇ааяа наал̣ияааваабагзна анугхарагам̣ анугхарагам̣ аахин̣д̣ат̇а лон̣амби д̇зламби д̇ан̣д̣уламби каад̣̇анийяамби сам̣харат̇а бхаг̇авад̇о ааг̇ад̇асса яааг̇убаанам̣ гариссаамаа’’д̇и (махаава. 303). д̇з д̇ат̇аа агам̣су.

    232.Subhaddo nāma vuḍḍhapabbajitoti ‘‘subhaddo’’ti tassa nāmaṃ. Vuḍḍhakāle pana pabbajitattā ‘‘vuḍḍhapabbajito’’ti vuccati. Kasmā pana so evamāha? Bhagavati āghātena. Ayaṃ kireso khandhake āgate ātumāvatthusmiṃ nahāpitapubbako vuḍḍhapabbajito bhagavati kusinārato nikkhamitvā aḍḍhateḷasehi bhikkhusatehi saddhiṃ ātumaṃ āgacchante bhagavā āgacchatīti sutvā – ‘‘āgatakāle yāgupānaṃ karissāmī’’ti sāmaṇerabhūmiyaṃ ṭhite dve putte etadavoca – ‘‘bhagavā kira, tātā, ātumaṃ āgacchati mahatā bhikkhusaṅghena saddhiṃ aḍḍhateḷasehi bhikkhusatehi; gacchatha tumhe, tātā, khurabhaṇḍaṃ ādāya nāḷiyāvāpakena anugharakaṃ anugharakaṃ āhiṇḍatha loṇampi telampi taṇḍulampi khādanīyampi saṃharatha bhagavato āgatassa yāgupānaṃ karissāmā’’ti (mahāva. 303). Te tathā akaṃsu.

    мануссаа д̇з д̣̇аарагз ман̃ж̇угз бадибхаанзяяагз д̣̇исваа гаарзд̇угаамааби агаарзд̇угаамааби гаарзнд̇иязва. гад̇агаалз – ‘‘гим̣ г̇ан̣хиссат̇а д̇аад̇аа’’д̇и бужчанд̇и. д̇з вад̣̇анд̇и – ‘‘на амхаагам̣ ан̃н̃зна гзнажи ад̇т̇о, бид̇аа бана но бхаг̇авад̇о, ааг̇ад̇агаалз яааг̇уд̣̇аанам̣ д̣̇аад̇угаамо’’д̇и. д̇ам̣ суд̇ваа мануссаа абариг̇ан̣зд̇ваава яам̣ д̇з саггонд̇и аахарид̇ум̣, саб̣б̣ам̣ д̣̇знд̇и. яамби на саггонд̇и, мануссзхи бзсзнд̇и. ат̇а бхаг̇авад̇и аад̇умам̣ ааг̇анд̇ваа бхусааг̇аарам̣ бавидтз субхад̣̇д̣̇о сааяанхасамаяам̣ г̇аамад̣̇ваарам̣ г̇анд̇ваа мануссз ааманд̇зси – ‘‘убаасагаа, наахам̣ д̇умхаагам̣ санд̇игаа ан̃н̃ам̣ гин̃жи бажжаасийсаами, маяхам̣ д̣̇аарагзхи аабхад̇аани д̇ан̣д̣улаад̣̇ийниязва сан̇гхасса бахонд̇и. яам̣ хад̇т̇агаммам̣, д̇ам̣ мз д̣̇зт̇аа’’д̇и. ‘‘ид̣̇ан̃жид̣̇ан̃жа г̇ан̣хат̇аа’’д̇и саб̣б̣уубагаран̣аани г̇аахзд̇ваа вихаарз уд̣̇д̇ханаани гаарзд̇ваа згам̣ гаал̣агам̣ гаасаавам̣ ниваасзд̇ваа д̇аад̣̇исамзва баарубид̇ваа – ‘‘ид̣̇ам̣ гарот̇а, ид̣̇ам̣ гарот̇аа’’д̇и саб̣б̣арад̇д̇им̣ вижаарзнд̇о сад̇асахассам̣ виссаж̇ж̇зд̇ваа бхож̇ж̇аяааг̇ун̃жа мад̇хуг̇ол̣аган̃жа бадияаад̣̇аабзси. бхож̇ж̇аяааг̇у наама бхун̃ж̇ид̇ваа баад̇аб̣б̣аяааг̇у, д̇ад̇т̇а саббимад̇хупаан̣ид̇амажчамам̣сабубпапаларасаад̣̇и яам̣ гин̃жи каад̣̇анийяам̣ наама саб̣б̣ам̣ багкибад̇и гийл̣ид̇угаамаанам̣ сийсамагканаяог̇г̇аа ход̇и суг̇анд̇хаг̇анд̇хаа.

    Manussā te dārake mañjuke paṭibhāneyyake disvā kāretukāmāpi akāretukāmāpi kārentiyeva. Katakāle – ‘‘kiṃ gaṇhissatha tātā’’ti pucchanti. Te vadanti – ‘‘na amhākaṃ aññena kenaci attho, pitā pana no bhagavato, āgatakāle yāgudānaṃ dātukāmo’’ti. Taṃ sutvā manussā aparigaṇetvāva yaṃ te sakkonti āharituṃ, sabbaṃ denti. Yampi na sakkonti, manussehi pesenti. Atha bhagavati ātumaṃ āgantvā bhusāgāraṃ paviṭṭhe subhaddo sāyanhasamayaṃ gāmadvāraṃ gantvā manusse āmantesi – ‘‘upāsakā, nāhaṃ tumhākaṃ santikā aññaṃ kiñci paccāsīsāmi, mayhaṃ dārakehi ābhatāni taṇḍulādīniyeva saṅghassa pahonti. Yaṃ hatthakammaṃ, taṃ me dethā’’ti. ‘‘Idañcidañca gaṇhathā’’ti sabbūpakaraṇāni gāhetvā vihāre uddhanāni kāretvā ekaṃ kāḷakaṃ kāsāvaṃ nivāsetvā tādisameva pārupitvā – ‘‘idaṃ karotha, idaṃ karothā’’ti sabbarattiṃ vicārento satasahassaṃ vissajjetvā bhojjayāguñca madhugoḷakañca paṭiyādāpesi. Bhojjayāgu nāma bhuñjitvā pātabbayāgu, tattha sappimadhuphāṇitamacchamaṃsapupphaphalarasādi yaṃ kiñci khādanīyaṃ nāma sabbaṃ pakkhipati kīḷitukāmānaṃ sīsamakkhanayoggā hoti sugandhagandhā.

    ат̇а бхаг̇аваа гаалассзва сарийрабадиж̇аг̇г̇анам̣ гад̇ваа бхигкусан̇гхабаривуд̇о бин̣д̣ааяа жарид̇ум̣ аад̇уманаг̇араабхимуко бааяааси. мануссаа д̇асса аарожзсум̣ – ‘‘бхаг̇аваа бин̣д̣ааяа г̇аамам̣ бависад̇и, д̇аяаа гасса яааг̇у бадияаад̣̇ид̇аа’’д̇и. со яат̇аанивад̇т̇абааруд̇зхзва д̇зхи гаал̣агагаасаавзхи згзна хад̇т̇зна д̣̇аб̣б̣ин̃жа гадажчун̃жа г̇ахзд̇ваа б̣рахмаа вияа д̣̇агкин̣аж̇аан̣уман̣д̣алам̣ бхуумияам̣ бад̇идтабзд̇ваа ванд̣̇ид̇ваа – ‘‘бадиг̇г̇ан̣хаад̇у мз, бханд̇з, бхаг̇аваа яааг̇у’’нд̇и ааха.

    Atha bhagavā kālasseva sarīrapaṭijagganaṃ katvā bhikkhusaṅghaparivuto piṇḍāya carituṃ ātumanagarābhimukho pāyāsi. Manussā tassa ārocesuṃ – ‘‘bhagavā piṇḍāya gāmaṃ pavisati, tayā kassa yāgu paṭiyāditā’’ti. So yathānivatthapāruteheva tehi kāḷakakāsāvehi ekena hatthena dabbiñca kaṭacchuñca gahetvā brahmā viya dakkhiṇajāṇumaṇḍalaṃ bhūmiyaṃ patiṭṭhapetvā vanditvā – ‘‘paṭiggaṇhātu me, bhante, bhagavā yāgu’’nti āha.

    д̇ад̇о ‘‘ж̇аананд̇ааби д̇ат̇ааг̇ад̇аа бужчанд̇ий’’д̇и канд̇хагз ааг̇ад̇анаязна бхаг̇аваа бужчид̇ваа жа суд̇ваа жа д̇ам̣ вуд̣дхабаб̣б̣аж̇ид̇ам̣ виг̇арахид̇ваа д̇асмим̣ вад̇т̇усмим̣ агаббияасамаад̣̇аанасигкаабад̣̇ан̃жа, курабхан̣д̣абарихаран̣асигкаабад̣̇ан̃жаад̇и д̣̇вз сигкаабад̣̇аани бан̃н̃абзд̇ваа – ‘‘бхигкавз, анзгагаббагодияо бхож̇анам̣ бариязсанд̇зхзва вийд̇инаамид̇аа, ид̣̇ам̣ бана д̇умхаагам̣ агаббияам̣ ад̇хаммзна уббаннам̣ бхож̇анам̣, имам̣ барибхуд̇д̇аанам̣ анзгаани ад̇д̇абхаавасахассаани абааязсвзва ниб̣б̣ад̇д̇иссанд̇и, абзт̇а маа г̇ан̣хат̇аа’’д̇и бхигкаажаараабхимуко аг̇амааси. згабхигкунааби на гин̃жи г̇ахид̇ам̣.

    Tato ‘‘jānantāpi tathāgatā pucchantī’’ti khandhake āgatanayena bhagavā pucchitvā ca sutvā ca taṃ vuḍḍhapabbajitaṃ vigarahitvā tasmiṃ vatthusmiṃ akappiyasamādānasikkhāpadañca, khurabhaṇḍapariharaṇasikkhāpadañcāti dve sikkhāpadāni paññapetvā – ‘‘bhikkhave, anekakappakoṭiyo bhojanaṃ pariyesanteheva vītināmitā, idaṃ pana tumhākaṃ akappiyaṃ adhammena uppannaṃ bhojanaṃ, imaṃ paribhuttānaṃ anekāni attabhāvasahassāni apāyesveva nibbattissanti, apetha mā gaṇhathā’’ti bhikkhācārābhimukho agamāsi. Ekabhikkhunāpi na kiñci gahitaṃ.

    субхад̣̇д̣̇о анад̇д̇амано худ̇ваа аяам̣ ‘‘саб̣б̣ам̣ ж̇аанаамий’’д̇и аахин̣д̣ад̇и. сажз на г̇ахид̇угаамо, бзсзд̇ваа аарожзд̇аб̣б̣ам̣. аяам̣ баггаахааро наама саб̣б̣ажирам̣ д̇идтанд̇о сад̇д̇аахамад̇д̇ам̣ д̇идтзяяа. ид̣̇ан̃хи мама яааваж̇ийвам̣ барияад̇д̇ам̣ асса. саб̣б̣ам̣ д̇зна наасид̇ам̣, ахид̇агаамо аяам̣ маяханд̇и бхаг̇авад̇и аагхаад̇ам̣ б̣анд̇хид̇ваа д̣̇асаб̣алз д̇харанд̇з гин̃жи вад̇д̇ум̣ наасагки. звам̣ гирасса ахоси – ‘‘аяам̣ ужжаа гулаа баб̣б̣аж̇ид̇о махаабурисо, сажз гин̃жи вагкаами, мам̣язва санд̇аж̇ж̇зссад̇ий’’д̇и. свааяам̣ аж̇ж̇а ‘‘бариниб̣б̣уд̇о бхаг̇аваа’’д̇и суд̇ваа лад̣̇д̇хассаасо вияа хадтад̇удто звамааха.

    Subhaddo anattamano hutvā ayaṃ ‘‘sabbaṃ jānāmī’’ti āhiṇḍati. Sace na gahitukāmo, pesetvā ārocetabbaṃ. Ayaṃ pakkāhāro nāma sabbaciraṃ tiṭṭhanto sattāhamattaṃ tiṭṭheyya. Idañhi mama yāvajīvaṃ pariyattaṃ assa. Sabbaṃ tena nāsitaṃ, ahitakāmo ayaṃ mayhanti bhagavati āghātaṃ bandhitvā dasabale dharante kiñci vattuṃ nāsakkhi. Evaṃ kirassa ahosi – ‘‘ayaṃ uccā kulā pabbajito mahāpuriso, sace kiñci vakkhāmi, maṃyeva santajjessatī’’ti. Svāyaṃ ajja ‘‘parinibbuto bhagavā’’ti sutvā laddhassāso viya haṭṭhatuṭṭho evamāha.

    т̇зро д̇ам̣ суд̇ваа хад̣̇аяз бахаарад̣̇аанам̣ вияа мад̇т̇агз бад̇ид̇асугкаасани вияа ман̃н̃и, д̇хаммасам̣взг̇о жасса уббаж̇ж̇и – ‘‘сад̇д̇аахамад̇д̇абариниб̣б̣уд̇о бхаг̇аваа, аж̇ж̇аабисса суван̣н̣аван̣н̣ам̣ сарийрам̣ д̇харад̇иязва, д̣̇угкзна бхаг̇авад̇аа аараад̇хид̇асаасанз наама звам̣ лаху маханд̇ам̣ баабагасадам̣ ган̣даго уббанно, алам̣ ко банзса баабо вад̣дхамаано ан̃н̃зби зваруубз сахааяз лабхид̇ваа саггаа саасанам̣ осаггаабзд̇у’’нд̇и. д̇ад̇о т̇зро жинд̇зси –

    Thero taṃ sutvā hadaye pahāradānaṃ viya matthake patitasukkhāsani viya maññi, dhammasaṃvego cassa uppajji – ‘‘sattāhamattaparinibbuto bhagavā, ajjāpissa suvaṇṇavaṇṇaṃ sarīraṃ dharatiyeva, dukkhena bhagavatā ārādhitasāsane nāma evaṃ lahu mahantaṃ pāpakasaṭaṃ kaṇṭako uppanno, alaṃ kho panesa pāpo vaḍḍhamāno aññepi evarūpe sahāye labhitvā sakkā sāsanaṃ osakkāpetu’’nti. Tato thero cintesi –

    ‘‘сажз ко банаахам̣ имам̣ махаллагам̣ ид̇хзва билод̇игам̣ ниваасаабзд̇ваа чааригааяа огираабзд̇ваа нийхараабзссаами, мануссаа ‘саман̣асса г̇од̇амасса сарийрз д̇харамаанзязва саавагаа вивад̣̇анд̇ий’д̇и амхаагам̣ д̣̇осам̣ д̣̇ассзссанд̇и ад̇хиваасзми д̇аава.

    ‘‘Sace kho panāhaṃ imaṃ mahallakaṃ idheva pilotikaṃ nivāsāpetvā chārikāya okirāpetvā nīharāpessāmi, manussā ‘samaṇassa gotamassa sarīre dharamāneyeva sāvakā vivadantī’ti amhākaṃ dosaṃ dassessanti adhivāsemi tāva.

    бхаг̇авад̇аа хи д̣̇зсид̇о д̇хаммо асан̇г̇ахид̇абубпараасисад̣̇исо. д̇ад̇т̇а яат̇аа ваад̇зна бахадабубпаани яад̇о ваа д̇ад̇о ваа г̇ажчанд̇и, звамзва зваруубаанам̣ баабабуг̇г̇алаанам̣ васзна г̇ажчанд̇з г̇ажчанд̇з гаалз винаяз згам̣ д̣̇вз сигкаабад̣̇аани нассиссанд̇и, суд̇д̇з зго д̣̇вз бан̃хааваараа нассиссанд̇и, абхид̇хаммз згам̣ д̣̇вз бхууманд̇араани нассиссанд̇и, звам̣ ануггамзна муулз надтз бисаажасад̣̇исаа бхависсаама; д̇асмаа д̇хаммавинаяасан̇г̇ахам̣ гариссаама. зван̃хи сад̇и д̣̇ал̣хам̣ суд̇д̇зна сан̇г̇ахид̇аани бубпаани вияа аяам̣ д̇хаммавинаяо нижжало бхависсад̇и.

    Bhagavatā hi desito dhammo asaṅgahitapuppharāsisadiso. Tattha yathā vātena pahaṭapupphāni yato vā tato vā gacchanti, evameva evarūpānaṃ pāpapuggalānaṃ vasena gacchante gacchante kāle vinaye ekaṃ dve sikkhāpadāni nassissanti, sutte eko dve pañhāvārā nassissanti, abhidhamme ekaṃ dve bhūmantarāni nassissanti, evaṃ anukkamena mūle naṭṭhe pisācasadisā bhavissāma; tasmā dhammavinayasaṅgahaṃ karissāma. Evañhi sati daḷhaṃ suttena saṅgahitāni pupphāni viya ayaṃ dhammavinayo niccalo bhavissati.

    зд̇ад̣̇ад̇т̇ан̃хи бхаг̇аваа маяхам̣ д̇ийн̣и г̇аавуд̇аани бажжуг̇г̇аманам̣ агааси, д̇ийхи оваад̣̇зхи убасамбад̣̇ам̣ ад̣̇ааси, гааяад̇о абанзд̇ваа гааяз жийварабаривад̇д̇анам̣ агааси, аагаасз баан̣им̣ жаалзд̇ваа жанд̣̇уубамам̣ бадибад̣̇ам̣ гат̇знд̇о мам̣ гааяасагким̣ гад̇ваа гат̇зси, д̇игкад̇д̇ум̣ сагаласаасанад̣̇ааяаж̇ж̇ам̣ бадижчаабзси. маад̣̇исз бхигкумхи д̇идтамаанз аяам̣ баабо саасанз вуд̣дхим̣ маа алад̇т̇а. яаава ад̇хаммо на д̣̇иббад̇и, д̇хаммо на бадиб̣аахияад̇и. авинаяо на д̣̇иббад̇и винаяо на бадиб̣аахияад̇и. ад̇хаммаваад̣̇ино на б̣алаванд̇о хонд̇и, д̇хаммаваад̣̇ино на д̣̇уб̣б̣алаа хонд̇и; авинаяаваад̣̇ино на б̣алаванд̇о хонд̇и, винаяаваад̣̇ино на д̣̇уб̣б̣алаа хонд̇и. д̇аава д̇хамман̃жа винаяан̃жа сан̇г̇ааяиссаами. д̇ад̇о бхигкуу ад̇д̇ано ад̇д̇ано бахонагам̣ г̇ахзд̇ваа габбияаагаббияам̣ гат̇зссанд̇и. ат̇ааяам̣ баабо саяамзва ниг̇г̇ахам̣ баабун̣иссад̇и, буна сийсам̣ угкибид̇ум̣ на сагкиссад̇и, саасанам̣ ид̣̇д̇хан̃жзва пийд̇ан̃жа бхависсад̇ий’’д̇и.

    Etadatthañhi bhagavā mayhaṃ tīṇi gāvutāni paccuggamanaṃ akāsi, tīhi ovādehi upasampadaṃ adāsi, kāyato apanetvā kāye cīvaraparivattanaṃ akāsi, ākāse pāṇiṃ cāletvā candūpamaṃ paṭipadaṃ kathento maṃ kāyasakkhiṃ katvā kathesi, tikkhattuṃ sakalasāsanadāyajjaṃ paṭicchāpesi. Mādise bhikkhumhi tiṭṭhamāne ayaṃ pāpo sāsane vuḍḍhiṃ mā alattha. Yāva adhammo na dippati, dhammo na paṭibāhiyati. Avinayo na dippati vinayo na paṭibāhiyati. Adhammavādino na balavanto honti, dhammavādino na dubbalā honti; avinayavādino na balavanto honti, vinayavādino na dubbalā honti. Tāva dhammañca vinayañca saṅgāyissāmi. Tato bhikkhū attano attano pahonakaṃ gahetvā kappiyākappiyaṃ kathessanti. Athāyaṃ pāpo sayameva niggahaṃ pāpuṇissati, puna sīsaṃ ukkhipituṃ na sakkhissati, sāsanaṃ iddhañceva phītañca bhavissatī’’ti.

    со звам̣ наама маяхам̣ жид̇д̇ам̣ уббаннанд̇и гассажи анаарожзд̇ваа бхигкусан̇гхам̣ самассаасзси. д̇зна вуд̇д̇ам̣ – ‘‘ат̇а ко ааяасмаа махаагассабо…бз… нзд̇ам̣ таанам̣ виж̇ж̇ад̇ий’’д̇и.

    So evaṃ nāma mayhaṃ cittaṃ uppannanti kassaci anārocetvā bhikkhusaṅghaṃ samassāsesi. Tena vuttaṃ – ‘‘atha kho āyasmā mahākassapo…pe… netaṃ ṭhānaṃ vijjatī’’ti.

    233. жид̇аганд̇и вийсарад̇анасад̇игам̣ жанд̣̇анажид̇агам̣. аал̣имбзссаамаад̇и аг̇г̇им̣ г̇аахаабзссаама. на саггонд̇и аал̣имбзд̇унд̇и адтаби сол̣асаби д̣̇вад̇д̇им̣саби ж̇анаа ж̇ааланад̇т̇ааяа яамагаяамагауггааяо г̇ахзд̇ваа д̇аалаван̣дзхи б̣ийж̇анд̇аа бхасд̇аахи д̇хаманд̇аа д̇аани д̇аани гааран̣аани гаронд̇ааби на саггонд̇иязва аг̇г̇им̣ г̇аахаабзд̇ум̣. д̣̇звад̇аанам̣ ад̇хиббааяод̇и зд̇т̇а д̇аа гира д̣̇звад̇аа т̇зрасса убадтаагад̣̇звад̇аава. асийд̇имахаасаавагзсу хи жид̇д̇аани басаад̣̇зд̇ваа д̇зсам̣ убадтаагаани асийд̇игуласахассаани саг̇г̇з ниб̣б̣ад̇д̇аани. д̇ад̇т̇а т̇зрз жид̇д̇ам̣ басаад̣̇зд̇ваа саг̇г̇з ниб̣б̣ад̇д̇аа д̣̇звад̇аа д̇асмим̣ самааг̇амз т̇зрам̣ ад̣̇исваа – ‘‘гухим̣ ну ко амхаагам̣ гулуубагад̇т̇зро’’д̇и анд̇араамаг̇г̇з бадибаннам̣ д̣̇исваа ‘‘амхаагам̣ гулуубагад̇т̇зрзна аванд̣̇ид̇з жид̇аго маа баж̇ж̇алид̇т̇аа’’д̇и ад̇хидтахим̣су.

    233.Citakanti vīsaratanasatikaṃ candanacitakaṃ. Āḷimpessāmāti aggiṃ gāhāpessāma. Na sakkonti āḷimpetunti aṭṭhapi soḷasapi dvattiṃsapi janā jālanatthāya yamakayamakaukkāyo gahetvā tālavaṇṭehi bījantā bhastāhi dhamantā tāni tāni kāraṇāni karontāpi na sakkontiyeva aggiṃ gāhāpetuṃ. Devatānaṃ adhippāyoti ettha tā kira devatā therassa upaṭṭhākadevatāva. Asītimahāsāvakesu hi cittāni pasādetvā tesaṃ upaṭṭhākāni asītikulasahassāni sagge nibbattāni. Tattha there cittaṃ pasādetvā sagge nibbattā devatā tasmiṃ samāgame theraṃ adisvā – ‘‘kuhiṃ nu kho amhākaṃ kulūpakatthero’’ti antarāmagge paṭipannaṃ disvā ‘‘amhākaṃ kulūpakattherena avandite citako mā pajjalitthā’’ti adhiṭṭhahiṃsu.

    мануссаа д̇ам̣ суд̇ваа – ‘‘махаагассабо гира наама бхо бхигку бан̃жахи бхигкусад̇зхи сад̣̇д̇хим̣ ‘д̣̇асаб̣аласса баад̣̇з ванд̣̇иссаамий’д̇и ааг̇ажчад̇и. д̇асмим̣ гира анааг̇ад̇з жид̇аго на баж̇ж̇алиссад̇и. гийд̣̇исо бхо со бхигку гаал̣о од̣̇аад̇о д̣̇ийгхо рассо, зваруубз наама бхо бхигкумхи тид̇з гим̣ д̣̇асаб̣аласса бариниб̣б̣аанам̣ наамаа’’д̇и гзжи г̇анд̇хамаалаад̣̇ихад̇т̇аа бадибат̇ам̣ г̇ажчим̣су. гзжи вийт̇ияо вижид̇д̇аа гад̇ваа ааг̇аманамаг̇г̇ам̣ ологаяамаанаа адтам̣су.

    Manussā taṃ sutvā – ‘‘mahākassapo kira nāma bho bhikkhu pañcahi bhikkhusatehi saddhiṃ ‘dasabalassa pāde vandissāmī’ti āgacchati. Tasmiṃ kira anāgate citako na pajjalissati. Kīdiso bho so bhikkhu kāḷo odāto dīgho rasso, evarūpe nāma bho bhikkhumhi ṭhite kiṃ dasabalassa parinibbānaṃ nāmā’’ti keci gandhamālādihatthā paṭipathaṃ gacchiṃsu. Keci vīthiyo vicittā katvā āgamanamaggaṃ olokayamānā aṭṭhaṃsu.

    234. ат̇а ко ааяасмаа махаагассабо язна гусинаараа…бз… сирасаа ванд̣̇ийд̇и т̇зро гира жид̇агам̣ бад̣̇агкин̣ам̣ гад̇ваа ааваж̇ж̇анд̇ова саллагкзси – ‘‘имасмим̣ таанз сийсам̣, имасмим̣ таанз баад̣̇аа’’д̇и. д̇ад̇о баад̣̇аанам̣ самийбз тад̇ваа абхин̃н̃аабаад̣̇агам̣ жад̇уд̇т̇аж̇жхаанам̣ самаабаж̇ж̇ид̇ваа вудтааяа – ‘‘араасахассабадиман̣д̣ид̇ажаггалагкан̣абад̇идтид̇аа д̣̇асаб̣аласса баад̣̇аа сад̣̇д̇хим̣ габбаасабадалзхи бан̃жа д̣̇уссаяуг̇асад̇аани суван̣н̣ад̣̇он̣им̣ жанд̣̇анажид̇аган̃жа д̣̇взд̇хаа гад̇ваа маяхам̣ уд̇д̇аман̇г̇з сирасмим̣ бад̇идтаханд̇уу’’д̇и ад̇хидтааси. саха ад̇хидтаанажид̇д̇зна д̇аани бан̃жа д̣̇уссаяуг̇асад̇аани д̣̇взд̇хаа гад̇ваа валаахаганд̇араа бун̣н̣ажанд̣̇о вияа баад̣̇аа нигкамим̣су. т̇зро вигасид̇арад̇д̇абад̣̇умасад̣̇исз хад̇т̇з басаарзд̇ваа суван̣н̣аван̣н̣з сад̇т̇убаад̣̇з яаава г̇обпагаа д̣̇ал̣хам̣ г̇ахзд̇ваа ад̇д̇ано сираварз бад̇идтабзси. д̇зна вуд̇д̇ам̣ – ‘‘бхаг̇авад̇о баад̣̇з сирасаа ванд̣̇ий’’д̇и.

    234.Atha kho āyasmā mahākassapo yena kusinārā…pe… sirasā vandīti thero kira citakaṃ padakkhiṇaṃ katvā āvajjantova sallakkhesi – ‘‘imasmiṃ ṭhāne sīsaṃ, imasmiṃ ṭhāne pādā’’ti. Tato pādānaṃ samīpe ṭhatvā abhiññāpādakaṃ catutthajjhānaṃ samāpajjitvā vuṭṭhāya – ‘‘arāsahassapaṭimaṇḍitacakkalakkhaṇapatiṭṭhitā dasabalassa pādā saddhiṃ kappāsapaṭalehi pañca dussayugasatāni suvaṇṇadoṇiṃ candanacitakañca dvedhā katvā mayhaṃ uttamaṅge sirasmiṃ patiṭṭhahantū’’ti adhiṭṭhāsi. Saha adhiṭṭhānacittena tāni pañca dussayugasatāni dvedhā katvā valāhakantarā puṇṇacando viya pādā nikkhamiṃsu. Thero vikasitarattapadumasadise hatthe pasāretvā suvaṇṇavaṇṇe satthupāde yāva gopphakā daḷhaṃ gahetvā attano siravare patiṭṭhapesi. Tena vuttaṃ – ‘‘bhagavato pāde sirasā vandī’’ti.

    махааж̇ано д̇ам̣ ажчарияам̣ д̣̇исваа згаббахаарзнзва махаанаад̣̇ам̣ над̣̇и, г̇анд̇хамаалаад̣̇ийхи бууж̇зд̇ваа яат̇ааружи ванд̣̇и. звам̣ бана т̇зрзна жа махааж̇анзна жа д̇зхи жа бан̃жахи бхигкусад̇зхи ванд̣̇ид̇амад̇д̇з буна ад̇хидтаанагижжам̣ над̇т̇и. багад̇иад̇хидтаанавасзнзва т̇зрасса хад̇т̇ад̇о мужжид̇ваа алад̇д̇агаван̣н̣аани бхаг̇авад̇о баад̣̇ад̇алаани жанд̣̇анад̣̇ааруаад̣̇ийсу гин̃жи ажаалзд̇ваава яат̇аатаанз бад̇идтахим̣су, яат̇аатаанз тид̇аанзва ахзсум̣. бхаг̇авад̇о хи баад̣̇зсу нигкаманд̇зсу ваа бависанд̇зсу ваа габбаасаам̣су ваа д̣̇асигад̇анд̇ам̣ ваа д̇злаб̣инд̣̇у ваа д̣̇ааругканд̇хам̣ ваа таанаа жалид̇ам̣ наама наахоси. саб̣б̣ам̣ яат̇аатаанз тид̇амзва ахоси. удтахид̇ваа бана ад̇т̇ан̇г̇ад̇з жанд̣̇з вияа суурияз вияа жа д̇ат̇ааг̇ад̇асса баад̣̇зсу анд̇арахид̇зсу махааж̇ано махааганд̣̇ид̇ам̣ ганд̣̇и. бариниб̣б̣аанагаалад̇о ад̇хигад̇арам̣ гаарун̃н̃ам̣ ахоси.

    Mahājano taṃ acchariyaṃ disvā ekappahāreneva mahānādaṃ nadi, gandhamālādīhi pūjetvā yathāruci vandi. Evaṃ pana therena ca mahājanena ca tehi ca pañcahi bhikkhusatehi vanditamatte puna adhiṭṭhānakiccaṃ natthi. Pakatiadhiṭṭhānavaseneva therassa hatthato muccitvā alattakavaṇṇāni bhagavato pādatalāni candanadāruādīsu kiñci acāletvāva yathāṭhāne patiṭṭhahiṃsu, yathāṭhāne ṭhitāneva ahesuṃ. Bhagavato hi pādesu nikkhamantesu vā pavisantesu vā kappāsaaṃsu vā dasikatantaṃ vā telabindu vā dārukkhandhaṃ vā ṭhānā calitaṃ nāma nāhosi. Sabbaṃ yathāṭhāne ṭhitameva ahosi. Uṭṭhahitvā pana atthaṅgate cande viya sūriye viya ca tathāgatassa pādesu antarahitesu mahājano mahākanditaṃ kandi. Parinibbānakālato adhikataraṃ kāruññaṃ ahosi.

    саяамзва бхаг̇авад̇о жид̇аго баж̇ж̇алийд̇и ид̣̇ам̣ бана гассажи баж̇ж̇алаабзд̇ум̣ вааяаманд̇асса ад̣̇ассанавасзна вуд̇д̇ам̣. д̣̇звад̇аанубхаавзна банзса саманд̇ад̇о згаббахаарзнзва баж̇ж̇али.

    Sayamevabhagavato citako pajjalīti idaṃ pana kassaci pajjalāpetuṃ vāyamantassa adassanavasena vuttaṃ. Devatānubhāvena panesa samantato ekappahāreneva pajjali.

    235. сарийраанзва авасиссим̣сууд̇и буб̣б̣з згаг̇гханзна тид̇ад̇д̇аа сарийрам̣ наама ахоси. ид̣̇аани виббагин̣н̣ад̇д̇аа сарийраанийд̇и вуд̇д̇ам̣ суманамагул̣асад̣̇исаа жа д̇ход̇амуд̇д̇асад̣̇исаа жа суван̣н̣асад̣̇исаа жа д̇хаад̇уяо авасиссим̣сууд̇и ад̇т̇о. д̣̇ийгхааяугаб̣уд̣̇д̇хаанан̃хи сарийрам̣ суван̣н̣агканд̇хасад̣̇исам̣ згамзва ход̇и. бхаг̇аваа бана – ‘‘ахам̣ на жирам̣ тад̇ваа бариниб̣б̣ааяаами, маяхам̣ саасанам̣ д̇аава саб̣б̣ад̇т̇а на вид̇т̇аарид̇ам̣, д̇асмаа бариниб̣б̣уд̇ассааби мз саасабамад̇д̇амби д̇хаад̇ум̣ г̇ахзд̇ваа ад̇д̇ано ад̇д̇ано васанадтаанз жзд̇ияам̣ гад̇ваа барижаранд̇о махааж̇ано саг̇г̇абарааяан̣о ход̇уу’’д̇и д̇хаад̇уунам̣ вигиран̣ам̣ ад̇хидтааси. гад̇и, банасса д̇хаад̇уяо виббагин̣н̣аа, гад̇и на виббагин̣н̣аад̇и. жад̇ассо д̣̇аатаа, д̣̇вз агкагаа, ун̣хийсанд̇и имаа сад̇д̇а д̇хаад̇уяо на виббагирим̣су, сзсаа виббагирим̣сууд̇и. д̇ад̇т̇а саб̣б̣акуд̣̇д̣̇агаа д̇хаад̇у саасабаб̣ийж̇амад̇д̇аа ахоси, махаад̇хаад̇у маж̇жхз бхиннад̇ан̣д̣уламад̇д̇аа, ад̇имахад̇ий маж̇жхз бхиннамуг̇г̇амад̇д̇аад̇и.

    235.Sarīrāneva avasissiṃsūti pubbe ekagghanena ṭhitattā sarīraṃ nāma ahosi. Idāni vippakiṇṇattā sarīrānīti vuttaṃ sumanamakuḷasadisā ca dhotamuttasadisā ca suvaṇṇasadisā ca dhātuyo avasissiṃsūti attho. Dīghāyukabuddhānañhi sarīraṃ suvaṇṇakkhandhasadisaṃ ekameva hoti. Bhagavā pana – ‘‘ahaṃ na ciraṃ ṭhatvā parinibbāyāmi, mayhaṃ sāsanaṃ tāva sabbattha na vitthāritaṃ, tasmā parinibbutassāpi me sāsapamattampi dhātuṃ gahetvā attano attano vasanaṭṭhāne cetiyaṃ katvā paricaranto mahājano saggaparāyaṇo hotū’’ti dhātūnaṃ vikiraṇaṃ adhiṭṭhāsi. Kati, panassa dhātuyo vippakiṇṇā, kati na vippakiṇṇāti. Catasso dāṭhā, dve akkhakā, uṇhīsanti imā satta dhātuyo na vippakiriṃsu, sesā vippakiriṃsūti. Tattha sabbakhuddakā dhātu sāsapabījamattā ahosi, mahādhātu majjhe bhinnataṇḍulamattā, atimahatī majjhe bhinnamuggamattāti.

    уд̣̇агад̇хаараад̇и аг̇г̇аб̣аахумад̇д̇ааби ж̇ан̇гхамад̇д̇ааби д̇аалагканд̇хамад̇д̇ааби уд̣̇агад̇хаараа аагаасад̇о бад̇ид̇ваа ниб̣б̣аабзси. уд̣̇агасаалад̇од̇и бариваарзд̇ваа тид̇асааларугкз санд̇хааязд̇ам̣ вуд̇д̇ам̣, д̇зсамби хи канд̇ханд̇аравидабанд̇арзхи уд̣̇агад̇хаараа нигкамид̇ваа ниб̣б̣аабзсум̣. бхаг̇авад̇о жид̇аго маханд̇о. саманд̇аа бат̇авим̣ бхинд̣̇ид̇вааби нан̇г̇аласийсамад̇д̇аа уд̣̇агавадди палигавадам̣сагасад̣̇исаа уг̇г̇анд̇ваа жид̇агамзва г̇ан̣ханд̇и. г̇анд̇ход̣̇агзнаад̇и суван̣н̣агхадз раж̇ад̇агхадз жа буурзд̇ваа аабхад̇анаанааг̇анд̇ход̣̇агзна. ниб̣б̣аабзсунд̇и суван̣н̣амаяараж̇ад̇амаязхи адтад̣̇ан̣д̣агзхи вигирид̇ваа жанд̣̇анажид̇агам̣ ниб̣б̣аабзсум̣.

    Udakadhārāti aggabāhumattāpi jaṅghamattāpi tālakkhandhamattāpi udakadhārā ākāsato patitvā nibbāpesi. Udakasālatoti parivāretvā ṭhitasālarukkhe sandhāyetaṃ vuttaṃ, tesampi hi khandhantaraviṭapantarehi udakadhārā nikkhamitvā nibbāpesuṃ. Bhagavato citako mahanto. Samantā pathaviṃ bhinditvāpi naṅgalasīsamattā udakavaṭṭi phalikavaṭaṃsakasadisā uggantvā citakameva gaṇhanti. Gandhodakenāti suvaṇṇaghaṭe rajataghaṭe ca pūretvā ābhatanānāgandhodakena. Nibbāpesunti suvaṇṇamayarajatamayehi aṭṭhadaṇḍakehi vikiritvā candanacitakaṃ nibbāpesuṃ.

    зд̇т̇а жа жид̇агз жхааяамаанз бариваарзд̇ваа тид̇асааларугкаанам̣ сааканд̇арзхи видабанд̇арзхи бад̇д̇анд̇арзхи ж̇аалаа уг̇г̇ажчанд̇и, бад̇д̇ам̣ ваа саакаа ваа бубпам̣ ваа д̣̇ад̣дхаа наама над̇т̇и, гибиллигааби маггадагааби ж̇аалаанам̣ анд̇арзнзва вижаранд̇и . аагаасад̇о бад̇ид̇ауд̣̇агад̇хаараасуби сааларугкзхи нигканд̇ауд̣̇агад̇хаараасуби бат̇авим̣ бхинд̣̇ид̇ваа нигканд̇ауд̣̇агад̇хаараасуби д̇хаммагат̇аава бамаан̣ам̣. звам̣ жид̇агам̣ ниб̣б̣аабзд̇ваа бана малларааж̇аано сант̇ааг̇аарз жад̇уж̇ж̇аад̇ияаг̇анд̇хабарибхан̣д̣ам̣ гаарзд̇ваа лааж̇абан̃жамаани бубпаани вигирид̇ваа убари жзлавид̇аанам̣ б̣анд̇хид̇ваа суван̣н̣ад̇аарагаад̣̇ийхи кажид̇ваа д̇ад̇т̇а г̇анд̇хад̣̇аамамаалаад̣̇аамарад̇анад̣̇аамаани оламб̣зд̇ваа сант̇ааг̇аарад̇о яаава магудаб̣анд̇ханасан̇каад̇аа сийсабасаад̇ханаман̇г̇аласаалаа, д̇аава убхохи бассзхи саан̣игилан̃ж̇абаригкзбам̣ гаарзд̇ваа убари жзлавид̇аанам̣ б̣анд̇хаабзд̇ваа суван̣н̣ад̇аарагаад̣̇ийхи кажид̇ваа д̇ад̇т̇аби г̇анд̇хад̣̇аамамаалаад̣̇аамарад̇анад̣̇аамаани оламб̣зд̇ваа ман̣ид̣̇ан̣д̣аван̣н̣зхи взн̣уухи жа бан̃жаван̣н̣ад̣̇д̇хаж̇з уссаабзд̇ваа саманд̇аа ваад̇абадаагаа баригкибид̇ваа сусаммадтаасу вийт̇ийсу гад̣̇алияо жа бун̣н̣агхадз жа табзд̇ваа д̣̇ан̣д̣агад̣̇ийбигаа ж̇аалзд̇ваа алан̇гад̇ахад̇т̇игканд̇хз саха д̇хаад̇уухи суван̣н̣ад̣̇он̣им̣ табзд̇ваа маалааг̇анд̇хаад̣̇ийхи бууж̇знд̇аа саад̇хугийл̣ид̇ам̣ гийл̣анд̇аа анд̇онаг̇арам̣ бавзсзд̇ваа сант̇ааг̇аарз сарабхамаяабаллан̇гз табзд̇ваа убари сзд̇ажчад̇д̇ам̣ д̇хаарзсум̣. звам̣ гад̇ваа – ‘‘ат̇а ко госинаарагаа маллаа бхаг̇авад̇о сарийраани сад̇д̇аахам̣ сант̇ааг̇аарз сад̇д̇ибан̃ж̇арам̣ гарид̇ваа’’д̇и саб̣б̣ам̣ взд̣̇ид̇аб̣б̣ам̣.

    Ettha ca citake jhāyamāne parivāretvā ṭhitasālarukkhānaṃ sākhantarehi viṭapantarehi pattantarehi jālā uggacchanti, pattaṃ vā sākhā vā pupphaṃ vā daḍḍhā nāma natthi, kipillikāpi makkaṭakāpi jālānaṃ antareneva vicaranti . Ākāsato patitaudakadhārāsupi sālarukkhehi nikkhantaudakadhārāsupi pathaviṃ bhinditvā nikkhantaudakadhārāsupi dhammakathāva pamāṇaṃ. Evaṃ citakaṃ nibbāpetvā pana mallarājāno santhāgāre catujjātiyagandhaparibhaṇḍaṃ kāretvā lājapañcamāni pupphāni vikiritvā upari celavitānaṃ bandhitvā suvaṇṇatārakādīhi khacitvā tattha gandhadāmamālādāmaratanadāmāni olambetvā santhāgārato yāva makuṭabandhanasaṅkhātā sīsapasādhanamaṅgalasālā, tāva ubhohi passehi sāṇikilañjaparikkhepaṃ kāretvā upari celavitānaṃ bandhāpetvā suvaṇṇatārakādīhi khacitvā tatthapi gandhadāmamālādāmaratanadāmāni olambetvā maṇidaṇḍavaṇṇehi veṇūhi ca pañcavaṇṇaddhaje ussāpetvā samantā vātapaṭākā parikkhipitvā susammaṭṭhāsu vīthīsu kadaliyo ca puṇṇaghaṭe ca ṭhapetvā daṇḍakadīpikā jāletvā alaṅkatahatthikkhandhe saha dhātūhi suvaṇṇadoṇiṃ ṭhapetvā mālāgandhādīhi pūjentā sādhukīḷitaṃ kīḷantā antonagaraṃ pavesetvā santhāgāre sarabhamayapallaṅke ṭhapetvā upari setacchattaṃ dhāresuṃ. Evaṃ katvā – ‘‘atha kho kosinārakā mallā bhagavato sarīrāni sattāhaṃ santhāgāre sattipañjaraṃ karitvā’’ti sabbaṃ veditabbaṃ.

    д̇ад̇т̇а сад̇д̇ибан̃ж̇арам̣ гарид̇ваад̇и сад̇д̇ихад̇т̇зхи бурисзхи баригкибаабзд̇ваа. д̇ханубаагааранд̇и батамам̣ д̇аава хад̇т̇игумбхзна гумбхам̣ бахаранд̇з баригкибаабзсум̣, д̇ад̇о ассз г̇ийвааяа г̇ийвам̣ бахаранд̇з, д̇ад̇о рат̇з аан̣игодияаа аан̣игодим̣ бахаранд̇з, д̇ад̇о яод̇хз б̣аахунаа б̣аахум̣ бахаранд̇з. д̇зсам̣ барияанд̇з годияаа годим̣ бахарамаанаани д̇ханууни баригкибаабзсум̣. ид̇и саманд̇аа яож̇анаббамаан̣ам̣ таанам̣ сад̇д̇аахам̣ саннаахаг̇аважчигам̣ вияа гад̇ваа аарагкам̣ сам̣вид̣̇ахим̣су. д̇ам̣ санд̇хааяа вуд̇д̇ам̣ – ‘‘д̇ханубаагаарам̣ баригкибаабзд̇ваа’’д̇и.

    Tattha sattipañjaraṃ karitvāti sattihatthehi purisehi parikkhipāpetvā. Dhanupākāranti paṭhamaṃ tāva hatthikumbhena kumbhaṃ paharante parikkhipāpesuṃ, tato asse gīvāya gīvaṃ paharante, tato rathe āṇikoṭiyā āṇikoṭiṃ paharante, tato yodhe bāhunā bāhuṃ paharante. Tesaṃ pariyante koṭiyā koṭiṃ paharamānāni dhanūni parikkhipāpesuṃ. Iti samantā yojanappamāṇaṃ ṭhānaṃ sattāhaṃ sannāhagavacchikaṃ viya katvā ārakkhaṃ saṃvidahiṃsu. Taṃ sandhāya vuttaṃ – ‘‘dhanupākāraṃ parikkhipāpetvā’’ti.

    гасмаа банзд̇з звамагам̣сууд̇и? ид̇о буримзсу хи д̣̇вийсу сад̇д̇аахзсу д̇з бхигкусан̇гхасса таананисаж̇ж̇огаасам̣ гаронд̇аа каад̣̇анийяам̣ бхож̇анийяам̣ сам̣вид̣̇аханд̇аа саад̇хугийл̣игааяа огаасам̣ на лабхим̣су. д̇ад̇о нзсам̣ ахоси – ‘‘имам̣ сад̇д̇аахам̣ саад̇хугийл̣ид̇ам̣ гийл̣иссаама, таанам̣ ко банзд̇ам̣ виж̇ж̇ад̇и яам̣ амхаагам̣ бамад̇д̇абхаавам̣ н̃ад̇ваа гожид̣̇зва ааг̇анд̇ваа д̇хаад̇уяо г̇ан̣хзяяа, д̇асмаа аарагкам̣ табзд̇ваа гийл̣иссаамаа’’д̇и. д̇з д̇ат̇аа звамагам̣су.

    Kasmā panete evamakaṃsūti? Ito purimesu hi dvīsu sattāhesu te bhikkhusaṅghassa ṭhānanisajjokāsaṃ karontā khādanīyaṃ bhojanīyaṃ saṃvidahantā sādhukīḷikāya okāsaṃ na labhiṃsu. Tato nesaṃ ahosi – ‘‘imaṃ sattāhaṃ sādhukīḷitaṃ kīḷissāma, ṭhānaṃ kho panetaṃ vijjati yaṃ amhākaṃ pamattabhāvaṃ ñatvā kocideva āgantvā dhātuyo gaṇheyya, tasmā ārakkhaṃ ṭhapetvā kīḷissāmā’’ti. Te tathā evamakaṃsu.

    сарийрад̇хаад̇увибхаж̇анаван̣н̣анаа

    Sarīradhātuvibhajanavaṇṇanā

    236. ассоси ко рааж̇аад̇и гат̇ам̣ ассоси? батамамзва гирасса амажжаа суд̇ваа жинд̇аяим̣су – ‘‘сад̇т̇аа наама бариниб̣б̣уд̇о, на со саггаа буна аахарид̇ум̣. бот̇уж̇ж̇анигасад̣̇д̇хааяа бана амхаагам̣ ран̃н̃аа сад̣̇исо над̇т̇и, сажз зса иминаава нияаамзна сун̣иссад̇и, хад̣̇аяамасса палиссад̇и. рааж̇аа ко бана амхзхи анурагкид̇аб̣б̣о’’д̇и д̇з д̇иссо суван̣н̣ад̣̇он̣ияо аахарид̇ваа жад̇умад̇хурасса буурзд̇ваа ран̃н̃о санд̇игам̣ г̇анд̇ваа зд̇ад̣̇авожум̣ – ‘‘д̣̇зва , амхзхи субинаго д̣̇идто, д̇асса бадигхаад̇ад̇т̇ам̣ д̇умхзхи д̣̇угуулад̣̇убаддам̣ ниваасзд̇ваа яат̇аа наасаабудамад̇д̇ам̣ бан̃н̃ааяад̇и, звам̣ жад̇умад̇хурад̣̇он̣ияаа нибаж̇ж̇ид̇ум̣ ваддад̇ий’’д̇и. рааж̇аа ад̇т̇ажараанам̣ амажжаанам̣ важанам̣ суд̇ваа ‘‘звам̣ ход̇у д̇аад̇аа’’д̇и самбадижчид̇ваа д̇ат̇аа агааси.

    236.Assosikho rājāti kathaṃ assosi? Paṭhamameva kirassa amaccā sutvā cintayiṃsu – ‘‘satthā nāma parinibbuto, na so sakkā puna āharituṃ. Pothujjanikasaddhāya pana amhākaṃ raññā sadiso natthi, sace esa imināva niyāmena suṇissati, hadayamassa phalissati. Rājā kho pana amhehi anurakkhitabbo’’ti te tisso suvaṇṇadoṇiyo āharitvā catumadhurassa pūretvā rañño santikaṃ gantvā etadavocuṃ – ‘‘deva , amhehi supinako diṭṭho, tassa paṭighātatthaṃ tumhehi dukūladupaṭṭaṃ nivāsetvā yathā nāsāpuṭamattaṃ paññāyati, evaṃ catumadhuradoṇiyā nipajjituṃ vaṭṭatī’’ti. Rājā atthacarānaṃ amaccānaṃ vacanaṃ sutvā ‘‘evaṃ hotu tātā’’ti sampaṭicchitvā tathā akāsi.

    ат̇зго амажжо алан̇гаарам̣ омун̃жид̇ваа гзсз багирияа яааяа д̣̇исааяа сад̇т̇аа бариниб̣б̣уд̇о, д̇ад̣̇абхимуко худ̇ваа ан̃ж̇алим̣ баг̇г̇аяха рааж̇аанам̣ ааха – ‘‘д̣̇зва, маран̣ад̇о мужжанагасад̇д̇о наама над̇т̇и, амхаагам̣ ааяувад̣дхано жзд̇ияадтаанам̣ бун̃н̃агкзд̇д̇ам̣ абхисзгасин̃жаго со бхаг̇аваа сад̇т̇аа гусинаарааяа бариниб̣б̣уд̇о’’д̇и. рааж̇аа суд̇ваава висан̃н̃ийж̇аад̇о жад̇умад̇хурад̣̇он̣ияам̣ усумам̣ мун̃жи. ат̇а нам̣ угкибид̇ваа д̣̇уд̇ияааяа д̣̇он̣ияаа нибаж̇ж̇аабзсум̣. со буна сан̃н̃ам̣ лабхид̇ваа – ‘‘д̇аад̇аа, гим̣ вад̣̇зт̇аа’’д̇и бужчи. ‘‘сад̇т̇аа, махаарааж̇а, бариниб̣б̣уд̇о’’д̇и. рааж̇аа бунаби висан̃н̃ийж̇аад̇о жад̇умад̇хурад̣̇он̣ияаа усумам̣ мун̃жи. ат̇а нам̣ д̇ад̇оби угкибид̇ваа д̇ад̇ияааяа д̣̇он̣ияаа нибаж̇ж̇аабзсум̣. со буна сан̃н̃ам̣ лабхид̇ваа ‘‘д̇аад̇аа, гим̣ вад̣̇зт̇аа’’д̇и бужчи. ‘‘сад̇т̇аа, махаарааж̇а, бариниб̣б̣уд̇о’’д̇и. рааж̇аа бунаби висан̃н̃ийж̇аад̇о, ат̇а нам̣ угкибид̇ваа нахаабзд̇ваа мад̇т̇агз гхадзхи уд̣̇агам̣ аасин̃жим̣су.

    Atheko amacco alaṅkāraṃ omuñcitvā kese pakiriya yāya disāya satthā parinibbuto, tadabhimukho hutvā añjaliṃ paggayha rājānaṃ āha – ‘‘deva, maraṇato muccanakasatto nāma natthi, amhākaṃ āyuvaḍḍhano cetiyaṭṭhānaṃ puññakkhettaṃ abhisekasiñcako so bhagavā satthā kusinārāya parinibbuto’’ti. Rājā sutvāva visaññījāto catumadhuradoṇiyaṃ usumaṃ muñci. Atha naṃ ukkhipitvā dutiyāya doṇiyā nipajjāpesuṃ. So puna saññaṃ labhitvā – ‘‘tātā, kiṃ vadethā’’ti pucchi. ‘‘Satthā, mahārāja, parinibbuto’’ti. Rājā punapi visaññījāto catumadhuradoṇiyā usumaṃ muñci. Atha naṃ tatopi ukkhipitvā tatiyāya doṇiyā nipajjāpesuṃ. So puna saññaṃ labhitvā ‘‘tātā, kiṃ vadethā’’ti pucchi. ‘‘Satthā, mahārāja, parinibbuto’’ti. Rājā punapi visaññījāto, atha naṃ ukkhipitvā nahāpetvā matthake ghaṭehi udakaṃ āsiñciṃsu.

    рааж̇аа сан̃н̃ам̣ лабхид̇ваа аасанаа вудтааяа г̇анд̇хабарибхаавид̇з ман̣иван̣н̣з гзсз вигирид̇ваа суван̣н̣апалагаван̣н̣ааяа бидтияам̣ багирид̇ваа баан̣инаа урам̣ бахарид̇ваа баваал̣ан̇гураван̣н̣аахи суваддид̇ан̇г̇улийхи суван̣н̣аб̣имб̣исагаван̣н̣ам̣ урам̣ сиб̣б̣анд̇о вияа г̇ахзд̇ваа барид̣̇звамаано уммад̇д̇агавзсзна анд̇аравийт̇им̣ од̇ин̣н̣о, со алан̇гад̇анаадагабаривуд̇о наг̇арад̇о нигкамма ж̇ийвагамб̣аванам̣ г̇анд̇ваа яасмим̣ таанз нисиннзна бхаг̇авад̇аа д̇хаммо д̣̇зсид̇о д̇ам̣ ологзд̇ваа – ‘‘бхаг̇аваа саб̣б̣ан̃н̃у, нану имасмим̣ таанз нисийд̣̇ид̇ваа д̇хаммам̣ д̣̇зсаяид̇т̇а, согасаллам̣ мз винод̣̇аяид̇т̇а, д̇умхз маяхам̣ согасаллам̣ нийхарид̇т̇а, ахам̣ д̇умхаагам̣ саран̣ам̣ г̇ад̇о, ид̣̇аани бана мз бадиважанамби на д̣̇зт̇а, бхаг̇аваа’’д̇и бунаббунам̣ барид̣̇звид̇ваа ‘‘нану бхаг̇аваа ахам̣ ан̃н̃ад̣̇аа зваруубз гаалз ‘д̇умхз махаабхигкусан̇гхабариваараа ж̇амб̣уд̣̇ийбад̇алз жааригам̣ жарат̇аа’д̇и сун̣оми, ид̣̇аани банаахам̣ д̇умхаагам̣ анануруубам̣ аяуд̇д̇ам̣ бавад̇д̇им̣ сун̣омий’’д̇и звамаад̣̇ийни жа вад̇ваа садтимад̇д̇аахи г̇аат̇аахи бхаг̇авад̇о г̇ун̣ам̣ ануссарид̇ваа жинд̇зси – ‘‘мама барид̣̇звид̇знзва на сиж̇жхад̇и, д̣̇асаб̣аласса д̇хаад̇уяо аахараабзссаамий’’д̇и звам̣ ассоси. суд̇ваа жа имиссаа висан̃н̃ибхааваад̣̇ибавад̇д̇ияаа авасаанз д̣̇ууд̇ам̣ баахзси. д̇ам̣ санд̇хааяа ат̇а ко рааж̇аад̇иаад̣̇и вуд̇д̇ам̣.

    Rājā saññaṃ labhitvā āsanā vuṭṭhāya gandhaparibhāvite maṇivaṇṇe kese vikiritvā suvaṇṇaphalakavaṇṇāya piṭṭhiyaṃ pakiritvā pāṇinā uraṃ paharitvā pavāḷaṅkuravaṇṇāhi suvaṭṭitaṅgulīhi suvaṇṇabimbisakavaṇṇaṃ uraṃ sibbanto viya gahetvā paridevamāno ummattakavesena antaravīthiṃ otiṇṇo, so alaṅkatanāṭakaparivuto nagarato nikkhamma jīvakambavanaṃ gantvā yasmiṃ ṭhāne nisinnena bhagavatā dhammo desito taṃ oloketvā – ‘‘bhagavā sabbaññu, nanu imasmiṃ ṭhāne nisīditvā dhammaṃ desayittha, sokasallaṃ me vinodayittha, tumhe mayhaṃ sokasallaṃ nīharittha, ahaṃ tumhākaṃ saraṇaṃ gato, idāni pana me paṭivacanampi na detha, bhagavā’’ti punappunaṃ paridevitvā ‘‘nanu bhagavā ahaṃ aññadā evarūpe kāle ‘tumhe mahābhikkhusaṅghaparivārā jambudīpatale cārikaṃ carathā’ti suṇomi, idāni panāhaṃ tumhākaṃ ananurūpaṃ ayuttaṃ pavattiṃ suṇomī’’ti evamādīni ca vatvā saṭṭhimattāhi gāthāhi bhagavato guṇaṃ anussaritvā cintesi – ‘‘mama parideviteneva na sijjhati, dasabalassa dhātuyo āharāpessāmī’’ti evaṃ assosi. Sutvā ca imissā visaññibhāvādipavattiyā avasāne dūtaṃ pāhesi. Taṃ sandhāya atha kho rājātiādi vuttaṃ.

    д̇ад̇т̇а д̣̇ууд̇ам̣ баахзсийд̇и д̣̇ууд̇ан̃жа бан̣н̣ан̃жа бзсзси. бзсзд̇ваа жа бана – ‘‘сажз д̣̇ассанд̇и, сунд̣̇арам̣. но жз д̣̇ассанд̇и, аахаран̣убааязна аахариссаамий’’д̇и жад̇уран̇г̇иним̣ сзнам̣ саннаяхид̇ваа саяамби нигканд̇оязва. яат̇аа жа аж̇аад̇асад̇д̇у, звам̣ лижчавийаад̣̇аяоби д̣̇ууд̇ам̣ бзсзд̇ваа саяамби жад̇уран̇г̇инияаа сзнааяа нигкамим̣суязва. д̇ад̇т̇а баавзяяагаа саб̣б̣зхи аасаннад̇араа гусинаарад̇о д̇иг̇аавуд̇анд̇арз наг̇арз васанд̇и, бхаг̇авааби баавам̣ бависид̇ваава гусинаарам̣ г̇ад̇о. ат̇а гасмаа батамад̇арам̣ на ааг̇ад̇аад̇и жз? махаабариваараа банзд̇з рааж̇аано махаабариваарам̣ гаронд̇аава бажчад̇о ж̇аад̇аа.

    Tattha dūtaṃ pāhesīti dūtañca paṇṇañca pesesi. Pesetvā ca pana – ‘‘sace dassanti, sundaraṃ. No ce dassanti, āharaṇupāyena āharissāmī’’ti caturaṅginiṃ senaṃ sannayhitvā sayampi nikkhantoyeva. Yathā ca ajātasattu, evaṃ licchavīādayopi dūtaṃ pesetvā sayampi caturaṅginiyā senāya nikkhamiṃsuyeva. Tattha pāveyyakā sabbehi āsannatarā kusinārato tigāvutantare nagare vasanti, bhagavāpi pāvaṃ pavisitvāva kusināraṃ gato. Atha kasmā paṭhamataraṃ na āgatāti ce? Mahāparivārā panete rājāno mahāparivāraṃ karontāva pacchato jātā.

    д̇з сан̇гхз г̇ан̣з зд̇ад̣̇авожунд̇и саб̣б̣зби д̇з сад̇д̇анаг̇араваасино ааг̇анд̇ваа – ‘‘амхаагам̣ д̇хаад̇уяо ваа д̣̇знд̇у, яуд̣̇д̇хам̣ ваа’’д̇и гусинаараанаг̇арам̣ бариваарзд̇ваа тид̇з – ‘‘зд̇ам̣ бхаг̇аваа амхаагам̣ г̇аамагкзд̇д̇з’’д̇и бадиважанам̣ авожум̣. д̇з гира звамаахам̣су – ‘‘на маяам̣ сад̇т̇у саасанам̣ бахин̣имха, нааби г̇анд̇ваа аанаяимха. сад̇т̇аа бана саяамзва ааг̇анд̇ваа саасанам̣ бзсзд̇ваа амхз баггосаабзси. д̇умхзби ко бана яам̣ д̇умхаагам̣ г̇аамагкзд̇д̇з рад̇анам̣ уббаж̇ж̇ад̇и, на д̇ам̣ амхаагам̣ д̣̇зт̇а. сад̣̇звагз жа логз б̣уд̣̇д̇харад̇анасамам̣ рад̇анам̣ наама над̇т̇и, зваруубам̣ уд̇д̇амарад̇анам̣ лабхид̇ваа маяам̣ на д̣̇ассаама. на ко бана д̇умхзхиязва маад̇ут̇анад̇о кийрам̣ бийд̇ам̣, амхзхиби маад̇ут̇анад̇о кийрам̣ бийд̇ам̣. на д̇умхзязва бурисаа, амхзби бурисаа ход̇уу’’д̇и ан̃н̃аман̃н̃ам̣ ахам̣гаарам̣ гад̇ваа саасанабадисаасанам̣ бзсзнд̇и, ан̃н̃аман̃н̃ам̣ маанаг̇аж̇ж̇ид̇ам̣ г̇аж̇ж̇анд̇и. яуд̣̇д̇хз бана сад̇и госинаарагаанам̣язва ж̇аяо абхависса. гасмаа? яасмаа д̇хаад̇убаасанад̇т̇ам̣ ааг̇ад̇аа д̣̇звад̇аа нзсам̣ багкаа ахзсум̣. баал̣ияам̣ бана – ‘‘бхаг̇аваа амхаагам̣ г̇аамагкзд̇д̇з бариниб̣б̣уд̇о, на маяам̣ д̣̇ассаама бхаг̇авад̇о сарийраанам̣ бхааг̇а’’нд̇и зд̇д̇агамзва ааг̇ад̇ам̣.

    Te saṅghe gaṇe etadavocunti sabbepi te sattanagaravāsino āgantvā – ‘‘amhākaṃ dhātuyo vā dentu, yuddhaṃ vā’’ti kusinārānagaraṃ parivāretvā ṭhite – ‘‘etaṃ bhagavā amhākaṃ gāmakkhette’’ti paṭivacanaṃ avocuṃ. Te kira evamāhaṃsu – ‘‘na mayaṃ satthu sāsanaṃ pahiṇimha, nāpi gantvā ānayimha. Satthā pana sayameva āgantvā sāsanaṃ pesetvā amhe pakkosāpesi. Tumhepi kho pana yaṃ tumhākaṃ gāmakkhette ratanaṃ uppajjati, na taṃ amhākaṃ detha. Sadevake ca loke buddharatanasamaṃ ratanaṃ nāma natthi, evarūpaṃ uttamaratanaṃ labhitvā mayaṃ na dassāma. Na kho pana tumhehiyeva mātuthanato khīraṃ pītaṃ, amhehipi mātuthanato khīraṃ pītaṃ. Na tumheyeva purisā, amhepi purisā hotū’’ti aññamaññaṃ ahaṃkāraṃ katvā sāsanapaṭisāsanaṃ pesenti, aññamaññaṃ mānagajjitaṃ gajjanti. Yuddhe pana sati kosinārakānaṃyeva jayo abhavissa. Kasmā? Yasmā dhātupāsanatthaṃ āgatā devatā nesaṃ pakkhā ahesuṃ. Pāḷiyaṃ pana – ‘‘bhagavā amhākaṃ gāmakkhette parinibbuto, na mayaṃ dassāma bhagavato sarīrānaṃ bhāga’’nti ettakameva āgataṃ.

    237. звам̣ вуд̇д̇з д̣̇он̣о б̣раахман̣од̇и д̣̇он̣аб̣раахман̣о имам̣ д̇зсам̣ виваад̣̇ам̣ суд̇ваа – ‘‘зд̇з рааж̇аано бхаг̇авад̇о бариниб̣б̣уд̇адтаанз виваад̣̇ам̣ гаронд̇и, на ко банзд̇ам̣ бад̇ируубам̣, алам̣ иминаа галахзна, вуубасамзссаами на’’нд̇и со г̇анд̇ваа д̇з сан̇гхз г̇ан̣з зд̇ад̣̇авожа. гимавожа? уннад̇аббад̣̇зсз тад̇ваа д̣̇вибхаан̣аваарабаримаан̣ам̣ д̣̇он̣аг̇аж̇ж̇ид̇ам̣ наама авожа. д̇ад̇т̇а батамабхаан̣аваарз д̇аава згабад̣̇амби д̇з на ж̇ааним̣су. д̣̇уд̇ияабхаан̣аваарабарияосаанз – ‘‘аажарияасса вияа бхо сад̣̇д̣̇о, аажарияасса вияа бхо сад̣̇д̣̇о’’д̇и саб̣б̣з нираваа ахзсум̣. ж̇амб̣уд̣̇ийбад̇алз гира гулагхарз ж̇аад̇аа язбхуяязна д̇асса на анд̇зваасиго наама над̇т̇и. ат̇а со д̇з ад̇д̇ано важанам̣ суд̇ваа ниравз д̇ун̣хийбхууд̇з вид̣̇ид̇ваа буна зд̇ад̣̇авожа – ‘‘сун̣анд̇у бхонд̇о’’д̇и зд̇ам̣ г̇аат̇аад̣̇ваяам̣ авожа.

    237.Evaṃ vutte doṇo brāhmaṇoti doṇabrāhmaṇo imaṃ tesaṃ vivādaṃ sutvā – ‘‘ete rājāno bhagavato parinibbutaṭṭhāne vivādaṃ karonti, na kho panetaṃ patirūpaṃ, alaṃ iminā kalahena, vūpasamessāmi na’’nti so gantvā te saṅghe gaṇe etadavoca. Kimavoca? Unnatappadese ṭhatvā dvibhāṇavāraparimāṇaṃ doṇagajjitaṃ nāma avoca. Tattha paṭhamabhāṇavāre tāva ekapadampi te na jāniṃsu. Dutiyabhāṇavārapariyosāne – ‘‘ācariyassa viya bho saddo, ācariyassa viya bho saddo’’ti sabbe niravā ahesuṃ. Jambudīpatale kira kulaghare jātā yebhuyyena tassa na antevāsiko nāma natthi. Atha so te attano vacanaṃ sutvā nirave tuṇhībhūte viditvā puna etadavoca – ‘‘suṇantu bhonto’’ti etaṃ gāthādvayaṃ avoca.

    д̇ад̇т̇а амхаагам̣ б̣уд̣̇д̇ход̇и амхаагам̣ б̣уд̣̇д̇хо. аху канд̇иваад̣̇од̇и б̣уд̣̇д̇хабхуумим̣ аббад̇вааби баарамияо буурзнд̇о канд̇иваад̣̇ид̇аабасагаалз д̇хаммабаалагумаарагаалз чад̣̇д̣̇анд̇ахад̇т̇игаалз бхуурид̣̇ад̇д̇анааг̇арааж̇агаалз жамбзяяанааг̇арааж̇агаалз сан̇кабааланааг̇арааж̇агаалз махаагабигаалз ан̃н̃зсу жа б̣ахуусу ж̇аад̇агзсу барзсу гобам̣ агад̇ваа канд̇имзва агааси. канд̇имзва ван̣н̣аяи. гиман̇г̇ам̣ бана зд̇арахи идтаанидтзсу д̇аад̣̇илагкан̣ам̣ бад̇д̇о, саб̣б̣ат̇ааби амхаагам̣ б̣уд̣̇д̇хо канд̇иваад̣̇о ахоси, д̇асса звам̣вид̇хасса. на хи саад̇ху яам̣ уд̇д̇амабуг̇г̇аласса, сарийрабхааг̇з сияаа самбахаарод̇и на хи саад̇хуяанд̇и на хи саад̇ху аяам̣. сарийрабхааг̇зд̇и сарийравибхааг̇анимид̇д̇ам̣, д̇хаад̇угодтаасахзд̇ууд̇и ад̇т̇о. сияаа самбахаарод̇и аавуд̇хасамбахааро саад̇ху на сияаад̇и вуд̇д̇ам̣ ход̇и.

    Tattha amhākaṃ buddhoti amhākaṃ buddho. Ahu khantivādoti buddhabhūmiṃ appatvāpi pāramiyo pūrento khantivāditāpasakāle dhammapālakumārakāle chaddantahatthikāle bhūridattanāgarājakāle campeyyanāgarājakāle saṅkhapālanāgarājakāle mahākapikāle aññesu ca bahūsu jātakesu paresu kopaṃ akatvā khantimeva akāsi. Khantimeva vaṇṇayi. Kimaṅgaṃ pana etarahi iṭṭhāniṭṭhesu tādilakkhaṇaṃ patto, sabbathāpi amhākaṃ buddho khantivādo ahosi, tassa evaṃvidhassa. Na hi sādhu yaṃ uttamapuggalassa, sarīrabhāge siyā sampahāroti na hi sādhuyanti na hi sādhu ayaṃ. Sarīrabhāgeti sarīravibhāganimittaṃ, dhātukoṭṭhāsahetūti attho. Siyā sampahāroti āvudhasampahāro sādhu na siyāti vuttaṃ hoti.

    саб̣б̣зва бхонд̇о сахид̇аад̇и саб̣б̣зва бхонд̇о сахид̇аа хот̇а, маа бхиж̇ж̇ат̇а. самаг̇г̇аад̇и гааязна жа ваажааяа жа згасаннибаад̇аа згаважанаа самаг̇г̇аа хот̇а. саммод̣̇амаанаад̇и жид̇д̇знааби ан̃н̃аман̃н̃ам̣ саммод̣̇амаанаа хот̇а. гаромадтабхааг̇зд̇и бхаг̇авад̇о сарийраани адта бхааг̇з гарома . жагкумад̇од̇и бан̃жахи жагкуухи жагкумад̇о б̣уд̣̇д̇хасса. на гзвалам̣ д̇умхзязва, б̣ахуж̇аноби басанно, д̇зсу згоби лад̣̇д̇хум̣ аяуд̇д̇о наама над̇т̇ийд̇и б̣ахум̣ гааран̣ам̣ вад̇ваа сан̃н̃аабзси.

    Sabbeva bhonto sahitāti sabbeva bhonto sahitā hotha, mā bhijjatha. Samaggāti kāyena ca vācāya ca ekasannipātā ekavacanā samaggā hotha. Sammodamānāti cittenāpi aññamaññaṃ sammodamānā hotha. Karomaṭṭhabhāgeti bhagavato sarīrāni aṭṭha bhāge karoma . Cakkhumatoti pañcahi cakkhūhi cakkhumato buddhassa. Na kevalaṃ tumheyeva, bahujanopi pasanno, tesu ekopi laddhuṃ ayutto nāma natthīti bahuṃ kāraṇaṃ vatvā saññāpesi.

    238. д̇зсам̣ сан̇гхаанам̣ г̇ан̣аанам̣ бадиссуд̇ваад̇и д̇зсам̣ д̇зсам̣ д̇ад̇о д̇ад̇о самааг̇ад̇асан̇гхаанам̣ самааг̇ад̇аг̇ан̣аанам̣ бадиссун̣ид̇ваа. бхаг̇авад̇о сарийраани адтад̇хаа самам̣ сувибхад̇д̇ам̣ вибхаж̇ид̇ваад̇и зд̇т̇а аяамануггамо – д̣̇он̣о гира д̇зсам̣ бадиссун̣ид̇ваа суван̣н̣ад̣̇он̣им̣ вивараабзси. рааж̇аано ааг̇анд̇ваа д̣̇он̣ияам̣язва тид̇аа суван̣н̣аван̣н̣аа д̇хаад̇уяо д̣̇исваа – ‘‘бхаг̇аваа саб̣б̣ан̃н̃у буб̣б̣з маяам̣ д̇умхаагам̣ д̣̇вад̇д̇им̣самахаабурисалагкан̣абадиман̣д̣ид̇ам̣ чаб̣б̣ан̣н̣аб̣уд̣̇д̇харасмикажид̇ам̣ асийд̇иануб̣яан̃ж̇анасамуж̇ж̇алид̇асобхам̣ суван̣н̣аван̣н̣ам̣ сарийрам̣ ад̣̇д̣̇асаама, ид̣̇аани бана суван̣н̣аван̣н̣аава д̇хаад̇уяо авасидтаа ж̇аад̇аа, на яуд̇д̇амид̣̇ам̣ бхаг̇аваа д̇умхаага’’нд̇и барид̣̇звим̣су.

    238.Tesaṃ saṅghānaṃ gaṇānaṃ paṭissutvāti tesaṃ tesaṃ tato tato samāgatasaṅghānaṃ samāgatagaṇānaṃ paṭissuṇitvā. Bhagavatosarīrāni aṭṭhadhā samaṃ suvibhattaṃ vibhajitvāti ettha ayamanukkamo – doṇo kira tesaṃ paṭissuṇitvā suvaṇṇadoṇiṃ vivarāpesi. Rājāno āgantvā doṇiyaṃyeva ṭhitā suvaṇṇavaṇṇā dhātuyo disvā – ‘‘bhagavā sabbaññu pubbe mayaṃ tumhākaṃ dvattiṃsamahāpurisalakkhaṇapaṭimaṇḍitaṃ chabbaṇṇabuddharasmikhacitaṃ asītianubyañjanasamujjalitasobhaṃ suvaṇṇavaṇṇaṃ sarīraṃ addasāma, idāni pana suvaṇṇavaṇṇāva dhātuyo avasiṭṭhā jātā, na yuttamidaṃ bhagavā tumhāka’’nti parideviṃsu.

    б̣раахман̣оби д̇асмим̣ самаяз д̇зсам̣ бамад̇д̇абхаавам̣ н̃ад̇ваа д̣̇агкин̣ад̣̇аатам̣ г̇ахзд̇ваа взтанд̇арз табзси, ат̇а бажчаа адтад̇хаа самам̣ сувибхад̇д̇ам̣ вибхаж̇и, саб̣б̣ааби д̇хаад̇уяо баагад̇иганаал̣ияаа сол̣аса наал̣ияо ахзсум̣, згзганаг̇араваасино д̣̇вз д̣̇вз наал̣ияо лабхим̣су. б̣раахман̣асса бана д̇хаад̇уяо вибхаж̇анд̇ассзва сагго д̣̇зваанаминд̣̇о – ‘‘гзна ну ко сад̣̇звагасса логасса ган̇кажчзд̣̇анад̇т̇ааяа жад̇усажжагат̇ааяа бажжаяабхууд̇аа бхаг̇авад̇о д̣̇агкин̣ад̣̇аатаа г̇ахид̇аа’’д̇и ологзнд̇о ‘‘б̣раахман̣зна г̇ахид̇аа’’д̇и д̣̇исваа – ‘‘б̣раахман̣оби д̣̇аатааяа анужчавигам̣ саггаарам̣ гаад̇ум̣ на сагкиссад̇и, г̇ан̣хаами на’’нд̇и взтанд̇арад̇о г̇ахзд̇ваа суван̣н̣ажан̇годагз табзд̇ваа д̣̇звалогам̣ нзд̇ваа жуул̣ааман̣ижзд̇ияз бад̇идтабзси.

    Brāhmaṇopi tasmiṃ samaye tesaṃ pamattabhāvaṃ ñatvā dakkhiṇadāṭhaṃ gahetvā veṭhantare ṭhapesi, atha pacchā aṭṭhadhā samaṃ suvibhattaṃ vibhaji, sabbāpi dhātuyo pākatikanāḷiyā soḷasa nāḷiyo ahesuṃ, ekekanagaravāsino dve dve nāḷiyo labhiṃsu. Brāhmaṇassa pana dhātuyo vibhajantasseva sakko devānamindo – ‘‘kena nu kho sadevakassa lokassa kaṅkhacchedanatthāya catusaccakathāya paccayabhūtā bhagavato dakkhiṇadāṭhā gahitā’’ti olokento ‘‘brāhmaṇena gahitā’’ti disvā – ‘‘brāhmaṇopi dāṭhāya anucchavikaṃ sakkāraṃ kātuṃ na sakkhissati, gaṇhāmi na’’nti veṭhantarato gahetvā suvaṇṇacaṅkoṭake ṭhapetvā devalokaṃ netvā cūḷāmaṇicetiye patiṭṭhapesi.

    б̣раахман̣оби д̇хаад̇уяо вибхаж̇ид̇ваа д̣̇аатам̣ абассанд̇о жоригааяа г̇ахид̇ад̇д̇аа – ‘‘гзна мз д̣̇аатаа г̇ахид̇аа’’д̇и бужчид̇умби наасагки. ‘‘нану д̇аяаава д̇хаад̇уяо бхааж̇ид̇аа, гим̣ д̇вам̣ батамам̣язва ад̇д̇ано д̇хаад̇уяаа ад̇т̇ибхаавам̣ на ан̃н̃аасий’’д̇и ад̇д̇ани д̣̇осааробанам̣ самбассанд̇о – ‘‘маяхамби годтаасам̣ д̣̇зт̇аа’’д̇и вад̇д̇умби наасагки. д̇ад̇о – ‘‘аяамби суван̣н̣ад̇умб̣о д̇хаад̇уг̇ад̇игова, язна д̇ат̇ааг̇ад̇асса д̇хаад̇уяо мид̇аа, имассаахам̣ т̇уубам̣ гариссаамий’’д̇и жинд̇зд̇ваа имам̣ мз бхонд̇о д̇умб̣ам̣ д̣̇ад̣̇анд̇ууд̇и ааха.

    Brāhmaṇopi dhātuyo vibhajitvā dāṭhaṃ apassanto corikāya gahitattā – ‘‘kena me dāṭhā gahitā’’ti pucchitumpi nāsakkhi. ‘‘Nanu tayāva dhātuyo bhājitā, kiṃ tvaṃ paṭhamaṃyeva attano dhātuyā atthibhāvaṃ na aññāsī’’ti attani dosāropanaṃ sampassanto – ‘‘mayhampi koṭṭhāsaṃ dethā’’ti vattumpi nāsakkhi. Tato – ‘‘ayampi suvaṇṇatumbo dhātugatikova, yena tathāgatassa dhātuyo mitā, imassāhaṃ thūpaṃ karissāmī’’ti cintetvā imaṃ me bhonto tumbaṃ dadantūti āha.

    биббаливанияаа морияааби аж̇аад̇асад̇д̇уаад̣̇аяо вияа д̣̇ууд̇ам̣ бзсзд̇ваа яуд̣̇д̇хасаж̇ж̇аава нигкамим̣су.

    Pippalivaniyāmoriyāpi ajātasattuādayo viya dūtaṃ pesetvā yuddhasajjāva nikkhamiṃsu.

    д̇хаад̇ут̇уубабууж̇ааван̣н̣анаа

    Dhātuthūpapūjāvaṇṇanā

    239. рааж̇аг̇ахз бхаг̇авад̇о сарийраанам̣ т̇уубан̃жа махан̃жа агаасийд̇и гат̇ам̣ агааси? гусинаарад̇о яаава рааж̇аг̇ахам̣ бан̃жавийсад̇и яож̇анаани, зд̇т̇анд̇арз адтаусабхавид̇т̇ад̇ам̣ самад̇алам̣ маг̇г̇ам̣ гаарзд̇ваа яаад̣̇исам̣ малларааж̇аано магудаб̣анд̇ханасса жа сант̇ааг̇аарасса жа анд̇арз бууж̇ам̣ гаарзсум̣. д̇аад̣̇исам̣ бан̃жавийсад̇ияож̇анзби маг̇г̇з бууж̇ам̣ гаарзд̇ваа логасса анугган̣танад̇т̇ам̣ саб̣б̣ад̇т̇а анд̇араабан̣з басаарзд̇ваа суван̣н̣ад̣̇он̣ияам̣ багкид̇д̇ад̇хаад̇уяо сад̇д̇ибан̃ж̇арзна баригкибаабзд̇ваа ад̇д̇ано виж̇ид̇з бан̃жаяож̇анасад̇абариман̣д̣алз мануссз саннибаад̇аабзси. д̇з д̇хаад̇уяо г̇ахзд̇ваа гусинаарад̇о саад̇хугийл̣ид̇ам̣ гийл̣анд̇аа нигкамид̇ваа яад̇т̇а яад̇т̇а суван̣н̣аван̣н̣аани бубпаани бассанд̇и, д̇ад̇т̇а д̇ад̇т̇а д̇хаад̇уяо сад̇д̇ианд̇арз табзд̇ваа бууж̇ам̣ агам̣су. д̇зсам̣ бубпаанам̣ кийн̣агаалз г̇ажчанд̇и, рат̇асса д̇хурадтаанам̣ бажчимадтаанз самбад̇д̇з сад̇д̇а д̣̇ивасз саад̇хугийл̣ид̇ам̣ гийл̣анд̇и. звам̣ д̇хаад̇уяо г̇ахзд̇ваа ааг̇ажчанд̇аанам̣ сад̇д̇а вассаани сад̇д̇а маасаани сад̇д̇а д̣̇ивасаани вийд̇ивад̇д̇аани.

    239.Rājagahe bhagavato sarīrānaṃ thūpañca mahañca akāsīti kathaṃ akāsi? Kusinārato yāva rājagahaṃ pañcavīsati yojanāni, etthantare aṭṭhausabhavitthataṃ samatalaṃ maggaṃ kāretvā yādisaṃ mallarājāno makuṭabandhanassa ca santhāgārassa ca antare pūjaṃ kāresuṃ. Tādisaṃ pañcavīsatiyojanepi magge pūjaṃ kāretvā lokassa anukkaṇṭhanatthaṃ sabbattha antarāpaṇe pasāretvā suvaṇṇadoṇiyaṃ pakkhittadhātuyo sattipañjarena parikkhipāpetvā attano vijite pañcayojanasataparimaṇḍale manusse sannipātāpesi. Te dhātuyo gahetvā kusinārato sādhukīḷitaṃ kīḷantā nikkhamitvā yattha yattha suvaṇṇavaṇṇāni pupphāni passanti, tattha tattha dhātuyo sattiantare ṭhapetvā pūjaṃ akaṃsu. Tesaṃ pupphānaṃ khīṇakāle gacchanti, rathassa dhuraṭṭhānaṃ pacchimaṭṭhāne sampatte satta divase sādhukīḷitaṃ kīḷanti. Evaṃ dhātuyo gahetvā āgacchantānaṃ satta vassāni satta māsāni satta divasāni vītivattāni.

    мижчаад̣̇идтигаа – ‘‘саман̣асса г̇од̇амасса бариниб̣б̣уд̇агаалад̇о бадтааяа б̣алаггаарзна саад̇хугийл̣ид̇ааяа убад̣̇д̣̇уд̇амха саб̣б̣з но гамманд̇аа надтаа’’д̇и уж̇жхааяанд̇аа манам̣ бад̣̇осзд̇ваа чал̣аасийд̇исахассамад̇д̇аа абааяз ниб̣б̣ад̇д̇аа. кийн̣аасаваа ааваж̇ж̇ид̇ваа ‘‘махааж̇ано манам̣ бад̣̇осзд̇ваа абааяз ниб̣б̣ад̇д̇ий’’д̇и д̣̇исваа – ‘‘саггам̣ д̣̇зварааж̇аанам̣ д̇хаад̇уаахаран̣уубааяам̣ гаарзссаамаа’’д̇и д̇асса санд̇игам̣ г̇анд̇ваа д̇амад̇т̇ам̣ аарожзд̇ваа – ‘‘д̇хаад̇уаахаран̣уубааяам̣ гарохи махаарааж̇аа’’д̇и аахам̣су. сагго ааха – ‘‘бханд̇з, бут̇уж̇ж̇ано наама аж̇аад̇асад̇д̇унаа само сад̣̇д̇хо над̇т̇и, на со мама важанам̣ гариссад̇и, абижа ко мааравибхим̣сагасад̣̇исам̣ вибхим̣сагам̣ д̣̇ассзссаами, махаасад̣̇д̣̇ам̣ саавзссаами, яагкаг̇аахагакибид̇агаарожагз гариссаами, д̇умхз ‘амануссаа махаарааж̇а губид̇аа д̇хаад̇уяо аахараабзт̇аа’д̇и вад̣̇зяяаат̇а, звам̣ со аахараабзссад̇ий’’д̇и. ат̇а ко сагго д̇ам̣ саб̣б̣ам̣ агааси.

    Micchādiṭṭhikā – ‘‘samaṇassa gotamassa parinibbutakālato paṭṭhāya balakkārena sādhukīḷitāya upaddutamha sabbe no kammantā naṭṭhā’’ti ujjhāyantā manaṃ padosetvā chaḷāsītisahassamattā apāye nibbattā. Khīṇāsavā āvajjitvā ‘‘mahājano manaṃ padosetvā apāye nibbattī’’ti disvā – ‘‘sakkaṃ devarājānaṃ dhātuāharaṇūpāyaṃ kāressāmā’’ti tassa santikaṃ gantvā tamatthaṃ ārocetvā – ‘‘dhātuāharaṇūpāyaṃ karohi mahārājā’’ti āhaṃsu. Sakko āha – ‘‘bhante, puthujjano nāma ajātasattunā samo saddho natthi, na so mama vacanaṃ karissati, apica kho māravibhiṃsakasadisaṃ vibhiṃsakaṃ dassessāmi, mahāsaddaṃ sāvessāmi, yakkhagāhakakhipitakaarocake karissāmi, tumhe ‘amanussā mahārāja kupitā dhātuyo āharāpethā’ti vadeyyātha, evaṃ so āharāpessatī’’ti. Atha kho sakko taṃ sabbaṃ akāsi.

    т̇зрааби рааж̇аанам̣ убасан̇гамид̇ваа – ‘‘махаарааж̇а, амануссаа губид̇аа, д̇хаад̇уяо аахараабзхий’’д̇и бхан̣им̣су. рааж̇аа – ‘‘на д̇аава, бханд̇з, маяхам̣ жид̇д̇ам̣ д̇уссад̇и, звам̣ санд̇зби аахаранд̇уу’’д̇и ааха. сад̇д̇амад̣̇ивасз д̇хаад̇уяо аахарим̣су. звам̣ аахад̇аа д̇хаад̇уяо г̇ахзд̇ваа рааж̇аг̇ахз т̇уубан̃жа махан̃жа агааси. ид̇арзби ад̇д̇ано ад̇д̇ано б̣алаануруубзна аахарид̇ваа сагасагадтаанзсу т̇уубан̃жа махан̃жа агам̣су.

    Therāpi rājānaṃ upasaṅkamitvā – ‘‘mahārāja, amanussā kupitā, dhātuyo āharāpehī’’ti bhaṇiṃsu. Rājā – ‘‘na tāva, bhante, mayhaṃ cittaṃ tussati, evaṃ santepi āharantū’’ti āha. Sattamadivase dhātuyo āhariṃsu. Evaṃ āhatā dhātuyo gahetvā rājagahe thūpañca mahañca akāsi. Itarepi attano attano balānurūpena āharitvā sakasakaṭṭhānesu thūpañca mahañca akaṃsu.

    240. звамзд̇ам̣ бхууд̇абуб̣б̣анд̇и звам̣ зд̇ам̣ д̇хаад̇убхааж̇анан̃жзва д̣̇асат̇уубагаран̣ан̃жа ж̇амб̣уд̣̇ийбз бхууд̇абуб̣б̣анд̇и бажчаа сан̇г̇ийд̇игаарагаа аахам̣су. звам̣ бад̇идтид̇зсу бана т̇уубзсу махаагассабад̇т̇зро д̇хаад̇уунам̣ анд̇арааяам̣ д̣̇исваа рааж̇аанам̣ аж̇аад̇асад̇д̇ум̣ убасан̇гамид̇ваа ‘‘махаарааж̇а, згам̣ д̇хаад̇унид̇хаанам̣ гаад̇ум̣ ваддад̇ий’’д̇и ааха. саад̇ху, бханд̇з, нид̇хаанагаммам̣ д̇аава мама ход̇у, сзсад̇хаад̇уяо бана гат̇ам̣ аахараамийд̇и? на, махаарааж̇а, д̇хаад̇уаахаран̣ам̣ д̇уяхам̣ бхааро, амхаагам̣ бхаарод̇и. саад̇ху, бханд̇з, д̇умхз д̇хаад̇уяо аахарат̇а, ахам̣ д̇хаад̇унид̇хаанам̣ гариссаамийд̇и. т̇зро д̇зсам̣ д̇зсам̣ рааж̇агулаанам̣ барижаран̣амад̇д̇амзва табзд̇ваа сзсад̇хаад̇уяо аахари. раамаг̇аамз бана д̇хаад̇уяо нааг̇аа бариг̇г̇ан̣хим̣су, д̇аасам̣ анд̇арааяо над̇т̇и. ‘‘анааг̇ад̇з лан̇гаад̣̇ийбз махаавихаарз махаажзд̇ияамхи нид̣̇ахиссанд̇ий’’д̇и д̇аа на аахарид̇ваа сзсзхи сад̇д̇ахи наг̇арзхи аахарид̇ваа рааж̇аг̇ахасса баажийнад̣̇агкин̣ад̣̇исаабхааг̇з тад̇ваа – ‘‘имасмим̣ таанз яо баасаан̣о ад̇т̇и, со анд̇арад̇хааяад̇у, бам̣су сувисуд̣̇д̇хаа ход̇у, уд̣̇агам̣ маа удтахад̇уу’’д̇и ад̇хидтааси.

    240.Evametaṃ bhūtapubbanti evaṃ etaṃ dhātubhājanañceva dasathūpakaraṇañca jambudīpe bhūtapubbanti pacchā saṅgītikārakā āhaṃsu. Evaṃ patiṭṭhitesu pana thūpesu mahākassapatthero dhātūnaṃ antarāyaṃ disvā rājānaṃ ajātasattuṃ upasaṅkamitvā ‘‘mahārāja, ekaṃ dhātunidhānaṃ kātuṃ vaṭṭatī’’ti āha. Sādhu, bhante, nidhānakammaṃ tāva mama hotu, sesadhātuyo pana kathaṃ āharāmīti? Na, mahārāja, dhātuāharaṇaṃ tuyhaṃ bhāro, amhākaṃ bhāroti. Sādhu, bhante, tumhe dhātuyo āharatha, ahaṃ dhātunidhānaṃ karissāmīti. Thero tesaṃ tesaṃ rājakulānaṃ paricaraṇamattameva ṭhapetvā sesadhātuyo āhari. Rāmagāme pana dhātuyo nāgā pariggaṇhiṃsu, tāsaṃ antarāyo natthi. ‘‘Anāgate laṅkādīpe mahāvihāre mahācetiyamhi nidahissantī’’ti tā na āharitvā sesehi sattahi nagarehi āharitvā rājagahassa pācīnadakkhiṇadisābhāge ṭhatvā – ‘‘imasmiṃ ṭhāne yo pāsāṇo atthi, so antaradhāyatu, paṃsu suvisuddhā hotu, udakaṃ mā uṭṭhahatū’’ti adhiṭṭhāsi.

    рааж̇аа д̇ам̣ таанам̣ кан̣аабзд̇ваа д̇ад̇о уд̣̇д̇хад̇абам̣сунаа идтагаа гаарзд̇ваа асийд̇имахаасаавагаанам̣ жзд̇ияаани гаарзд̇и. ‘‘ид̇ха рааж̇аа гим̣ гаарзд̇ий’’д̇и бужчанд̇аанамби ‘‘махаасаавагаанам̣ жзд̇ияааний’’д̇и вад̣̇анд̇и, на гожи д̇хаад̇унид̇хаанабхаавам̣ ж̇аанаад̇и. асийд̇ихад̇т̇аг̇амбхийрз бана д̇асмим̣ бад̣̇зсз ж̇аад̇з хздтаа лохасант̇аарам̣ сант̇араабзд̇ваа д̇ад̇т̇а т̇уубаараамз жзд̇ияагхараббамаан̣ам̣ д̇амб̣алохамаяам̣ г̇зхам̣ гаараабзд̇ваа адта адта харижанд̣̇анаад̣̇имаяз гаран̣д̣з жа т̇уубз жа гаараабзси. ат̇а бхаг̇авад̇о д̇хаад̇уяо харижанд̣̇анагаран̣д̣з багкибид̇ваа д̇ам̣ харижанд̣̇анагаран̣д̣агамби ан̃н̃асмим̣ харижанд̣̇анагаран̣д̣агз, д̇амби ан̃н̃асминд̇и звам̣ адта харижанд̣̇анагаран̣д̣з згад̇о гад̇ваа зд̇знзва убааязна д̇з адта гаран̣д̣з адтасу харижанд̣̇анат̇уубзсу, адта харижанд̣̇анат̇уубз адтасу лохид̇ажанд̣̇анагаран̣д̣зсу, адта лохид̇ажанд̣̇анагаран̣д̣з адтасу лохид̇ажанд̣̇анат̇уубзсу, адта лохид̇ажанд̣̇анат̇уубз адтасу д̣̇анд̇агаран̣д̣зсу , адта д̣̇анд̇агаран̣д̣з адтасу д̣̇анд̇ат̇уубзсу, адта д̣̇анд̇ат̇уубз адтасу саб̣б̣арад̇анагаран̣д̣зсу, адта саб̣б̣арад̇анагаран̣д̣з адтасу саб̣б̣арад̇анат̇уубзсу, адта саб̣б̣арад̇анат̇уубз адтасу суван̣н̣агаран̣д̣зсу, адта суван̣н̣агаран̣д̣з, адтасу суван̣н̣ат̇уубзсу, адта суван̣н̣ат̇уубз адтасу раж̇ад̇агаран̣д̣зсу, адта раж̇ад̇агаран̣д̣з адтасу раж̇ад̇ат̇уубзсу, адта раж̇ад̇ат̇уубз, адтасу ман̣игаран̣д̣зсу, адта ман̣игаран̣д̣з адтасу ман̣ит̇уубзсу, адта ман̣ит̇уубз адтасу лохид̇ан̇гагаран̣д̣зсу, адта лохид̇ан̇гагаран̣д̣з адтасу лохид̇ан̇гат̇уубзсу, адта лохид̇ан̇гат̇уубз адтасу масаараг̇аллагаран̣д̣зсу, адта масаараг̇аллагаран̣д̣з адтасу масаараг̇аллат̇уубзсу, адта масаараг̇аллат̇уубз адтасу палигагаран̣д̣зсу, адта палигагаран̣д̣з адтасу палигамаяат̇уубзсу багкиби.

    Rājā taṃ ṭhānaṃ khaṇāpetvā tato uddhatapaṃsunā iṭṭhakā kāretvā asītimahāsāvakānaṃ cetiyāni kāreti. ‘‘Idha rājā kiṃ kāretī’’ti pucchantānampi ‘‘mahāsāvakānaṃ cetiyānī’’ti vadanti, na koci dhātunidhānabhāvaṃ jānāti. Asītihatthagambhīre pana tasmiṃ padese jāte heṭṭhā lohasanthāraṃ santharāpetvā tattha thūpārāme cetiyagharappamāṇaṃ tambalohamayaṃ gehaṃ kārāpetvā aṭṭha aṭṭha haricandanādimaye karaṇḍe ca thūpe ca kārāpesi. Atha bhagavato dhātuyo haricandanakaraṇḍe pakkhipitvā taṃ haricandanakaraṇḍakampi aññasmiṃ haricandanakaraṇḍake, tampi aññasminti evaṃ aṭṭha haricandanakaraṇḍe ekato katvā eteneva upāyena te aṭṭha karaṇḍe aṭṭhasu haricandanathūpesu, aṭṭha haricandanathūpe aṭṭhasu lohitacandanakaraṇḍesu, aṭṭha lohitacandanakaraṇḍe aṭṭhasu lohitacandanathūpesu, aṭṭha lohitacandanathūpe aṭṭhasu dantakaraṇḍesu , aṭṭha dantakaraṇḍe aṭṭhasu dantathūpesu, aṭṭha dantathūpe aṭṭhasu sabbaratanakaraṇḍesu, aṭṭha sabbaratanakaraṇḍe aṭṭhasu sabbaratanathūpesu, aṭṭha sabbaratanathūpe aṭṭhasu suvaṇṇakaraṇḍesu, aṭṭha suvaṇṇakaraṇḍe, aṭṭhasu suvaṇṇathūpesu, aṭṭha suvaṇṇathūpe aṭṭhasu rajatakaraṇḍesu, aṭṭha rajatakaraṇḍe aṭṭhasu rajatathūpesu, aṭṭha rajatathūpe, aṭṭhasu maṇikaraṇḍesu, aṭṭha maṇikaraṇḍe aṭṭhasu maṇithūpesu, aṭṭha maṇithūpe aṭṭhasu lohitaṅkakaraṇḍesu, aṭṭha lohitaṅkakaraṇḍe aṭṭhasu lohitaṅkathūpesu, aṭṭha lohitaṅkathūpe aṭṭhasu masāragallakaraṇḍesu, aṭṭha masāragallakaraṇḍe aṭṭhasu masāragallathūpesu, aṭṭha masāragallathūpe aṭṭhasu phalikakaraṇḍesu, aṭṭha phalikakaraṇḍe aṭṭhasu phalikamayathūpesu pakkhipi.

    саб̣б̣зсам̣ убаримам̣ палигажзд̇ияам̣ т̇уубаараамажзд̇ияаббамаан̣ам̣ ахоси, д̇асса убари саб̣б̣арад̇анамаяам̣ г̇зхам̣ гаарзси, д̇асса убари суван̣н̣амаяам̣, д̇асса убари раж̇ад̇амаяам̣, д̇асса убари д̇амб̣алохамаяам̣ г̇зхам̣. д̇ад̇т̇а саб̣б̣арад̇анамаяам̣ ваалигам̣ огирид̇ваа ж̇алаж̇ат̇алаж̇абубпаанам̣ сахассаани виббагирид̇ваа ад̣дхачадтаани ж̇аад̇агасад̇аани асийд̇имахаат̇зрз суд̣̇д̇ход̣̇анамахаарааж̇аанам̣ махаамааяаад̣̇звим̣ сад̇д̇а сахаж̇аад̇зд̇и саб̣б̣аанзд̇аани суван̣н̣амаяаанзва гаарзси. бан̃жабан̃жасад̇з суван̣н̣араж̇ад̇амаяз бун̣н̣агхадз табаабзси, бан̃жа суван̣н̣ад̣̇д̇хаж̇асад̇з уссаабзси. бан̃жасад̇з суван̣н̣ад̣̇ийбз, бан̃жасад̇з раж̇ад̇ад̣̇ийбз гаараабзд̇ваа суг̇анд̇хад̇зласса буурзд̇ваа д̇зсу д̣̇угуулаваддияо табзси.

    Sabbesaṃ uparimaṃ phalikacetiyaṃ thūpārāmacetiyappamāṇaṃ ahosi, tassa upari sabbaratanamayaṃ gehaṃ kāresi, tassa upari suvaṇṇamayaṃ, tassa upari rajatamayaṃ, tassa upari tambalohamayaṃ gehaṃ. Tattha sabbaratanamayaṃ vālikaṃ okiritvā jalajathalajapupphānaṃ sahassāni vippakiritvā aḍḍhachaṭṭhāni jātakasatāni asītimahāthere suddhodanamahārājānaṃ mahāmāyādeviṃ satta sahajāteti sabbānetāni suvaṇṇamayāneva kāresi. Pañcapañcasate suvaṇṇarajatamaye puṇṇaghaṭe ṭhapāpesi, pañca suvaṇṇaddhajasate ussāpesi. Pañcasate suvaṇṇadīpe, pañcasate rajatadīpe kārāpetvā sugandhatelassa pūretvā tesu dukūlavaṭṭiyo ṭhapesi.

    ат̇ааяасмаа махаагассабо – ‘‘маалаа маа милааяанд̇у, г̇анд̇хаа маа винассанд̇у, д̣̇ийбаа маа виж̇жхааяанд̇уу’’д̇и ад̇хидтахид̇ваа суван̣н̣абаддз агкараани чинд̣̇аабзси –

    Athāyasmā mahākassapo – ‘‘mālā mā milāyantu, gandhā mā vinassantu, dīpā mā vijjhāyantū’’ti adhiṭṭhahitvā suvaṇṇapaṭṭe akkharāni chindāpesi –

    ‘‘анааг̇ад̇з бияад̣̇аасо наама гумааро чад̇д̇ам̣ уссаабзд̇ваа асого д̇хаммарааж̇аа бхависсад̇и. со имаа д̇хаад̇уяо вид̇т̇ааригаа гариссад̇ий’’д̇и.

    ‘‘Anāgate piyadāso nāma kumāro chattaṃ ussāpetvā asoko dhammarājā bhavissati. So imā dhātuyo vitthārikā karissatī’’ti.

    рааж̇аа саб̣б̣абасаад̇ханзхи бууж̇зд̇ваа аад̣̇ид̇о бадтааяа д̣̇ваарам̣ бид̣̇аханд̇о нигками, со д̇амб̣алохад̣̇ваарам̣ бид̣̇ахид̇ваа аавин̃чанараж̇ж̇уяам̣ гун̃жигамуд̣̇д̣̇игам̣ б̣анд̇хид̇ваа д̇ад̇т̇зва маханд̇ам̣ ман̣игканд̇хам̣ табзд̇ваа – ‘‘анааг̇ад̇з д̣̇алид̣̇д̣̇арааж̇аа имам̣ ман̣им̣ г̇ахзд̇ваа д̇хаад̇уунам̣ саггаарам̣ гарод̇уу’’д̇и агкарам̣ чинд̣̇аабзси.

    Rājā sabbapasādhanehi pūjetvā ādito paṭṭhāya dvāraṃ pidahanto nikkhami, so tambalohadvāraṃ pidahitvā āviñchanarajjuyaṃ kuñcikamuddikaṃ bandhitvā tattheva mahantaṃ maṇikkhandhaṃ ṭhapetvā – ‘‘anāgate daliddarājā imaṃ maṇiṃ gahetvā dhātūnaṃ sakkāraṃ karotū’’ti akkharaṃ chindāpesi.

    сагго д̣̇зварааж̇аа виссагаммам̣ ааманд̇зд̇ваа – ‘‘д̇аад̇а, аж̇аад̇асад̇д̇унаа д̇хаад̇унид̇хаанам̣ гад̇ам̣, зд̇т̇а аарагкам̣ бадтабзхий’’д̇и бахин̣и. со ааг̇анд̇ваа ваал̣асан̇гхаадаяанд̇ам̣ яож̇зси, гадтаруубагаани д̇асмим̣ д̇хаад̇уг̇аб̣бхз палигаван̣н̣акаг̇г̇з г̇аахзд̇ваа ваад̇асад̣̇исзна взг̇зна анубарияааяанд̇ам̣ яанд̇ам̣ яож̇зд̇ваа згааяа зва аан̣ияаа б̣анд̇хид̇ваа саманд̇ад̇о г̇ин̃ж̇агаавасат̇аагаарзна силаабаригкзбам̣ гад̇ваа убари згааяа бид̣̇ахид̇ваа бам̣сум̣ багкибид̇ваа бхуумим̣ самам̣ гад̇ваа д̇асса убари баасаан̣ат̇уубам̣ бад̇идтабзси. звам̣ нидтид̇з д̇хаад̇унид̇хаанз яаавад̇ааяугам̣ тад̇ваа т̇зроби бариниб̣б̣уд̇о, рааж̇ааби яат̇аагаммам̣ г̇ад̇о, д̇зби мануссаа гаалан̇гад̇аа.

    Sakko devarājā vissakammaṃ āmantetvā – ‘‘tāta, ajātasattunā dhātunidhānaṃ kataṃ, ettha ārakkhaṃ paṭṭhapehī’’ti pahiṇi. So āgantvā vāḷasaṅghāṭayantaṃ yojesi, kaṭṭharūpakāni tasmiṃ dhātugabbhe phalikavaṇṇakhagge gāhetvā vātasadisena vegena anupariyāyantaṃ yantaṃ yojetvā ekāya eva āṇiyā bandhitvā samantato giñjakāvasathākārena silāparikkhepaṃ katvā upari ekāya pidahitvā paṃsuṃ pakkhipitvā bhūmiṃ samaṃ katvā tassa upari pāsāṇathūpaṃ patiṭṭhapesi. Evaṃ niṭṭhite dhātunidhāne yāvatāyukaṃ ṭhatvā theropi parinibbuto, rājāpi yathākammaṃ gato, tepi manussā kālaṅkatā.

    абарабхааг̇з бияад̣̇аасо наама гумааро чад̇д̇ам̣ уссаабзд̇ваа асого наама д̇хаммарааж̇аа худ̇ваа д̇аа д̇хаад̇уяо г̇ахзд̇ваа ж̇амб̣уд̣̇ийбз вид̇т̇ааригаа агааси. гат̇ам̣? со ниг̇род̇хасааман̣зрам̣ ниссааяа саасанз лад̣̇д̇хаббасаад̣̇о жад̇ураасийд̇и вихаарасахассаани гаарзд̇ваа бхигкусан̇гхам̣ бужчи – ‘‘бханд̇з, маяаа жад̇ураасийд̇и вихаарасахассаани гаарид̇аани, д̇хаад̇уяо гуд̇о лабхиссаамий’’д̇и? махаарааж̇а, – ‘‘д̇хаад̇унид̇хаанам̣ наама ад̇т̇ий’’д̇и сун̣ома, на бана бан̃н̃ааяад̇и – ‘‘асугасмим̣ таанз’’д̇и. рааж̇аа рааж̇аг̇ахз жзд̇ияам̣ бхинд̣̇аабзд̇ваа д̇хаад̇ум̣ абассанд̇о бадибаагад̇игам̣ гаарзд̇ваа бхигкубхигкунияо убаасагаубаасигааяод̇и жад̇ассо барисаа г̇ахзд̇ваа взсаалим̣ г̇ад̇о. д̇ад̇рааби алабхид̇ваа габилавад̇т̇ум̣. д̇ад̇рааби алабхид̇ваа раамаг̇аамам̣ г̇ад̇о. раамаг̇аамз нааг̇аа жзд̇ияам̣ бхинд̣̇ид̇ум̣ на ад̣̇ам̣су, жзд̇ияз нибад̇ид̇агуд̣̇аало кан̣д̣аакан̣д̣ам̣ ход̇и. звам̣ д̇ад̇рааби алабхид̇ваа аллагаббам̣ взтад̣̇ийбам̣ баавам̣ гусинааранд̇и саб̣б̣ад̇т̇а жзд̇ияаани бхинд̣̇ид̇ваа д̇хаад̇ум̣ алабхид̇ваава бадибаагад̇игаани гад̇ваа буна рааж̇аг̇ахам̣ г̇анд̇ваа жад̇ассо барисаа саннибаад̇аабзд̇ваа – ‘‘ад̇т̇и гзнажи суд̇абуб̣б̣ам̣ ‘асугадтаанз наама д̇хаад̇унид̇хаана’нд̇и’’ бужчи.

    Aparabhāge piyadāso nāma kumāro chattaṃ ussāpetvā asoko nāma dhammarājā hutvā tā dhātuyo gahetvā jambudīpe vitthārikā akāsi. Kathaṃ? So nigrodhasāmaṇeraṃ nissāya sāsane laddhappasādo caturāsīti vihārasahassāni kāretvā bhikkhusaṅghaṃ pucchi – ‘‘bhante, mayā caturāsīti vihārasahassāni kāritāni, dhātuyo kuto labhissāmī’’ti? Mahārāja, – ‘‘dhātunidhānaṃ nāma atthī’’ti suṇoma, na pana paññāyati – ‘‘asukasmiṃ ṭhāne’’ti. Rājā rājagahe cetiyaṃ bhindāpetvā dhātuṃ apassanto paṭipākatikaṃ kāretvā bhikkhubhikkhuniyo upāsakaupāsikāyoti catasso parisā gahetvā vesāliṃ gato. Tatrāpi alabhitvā kapilavatthuṃ. Tatrāpi alabhitvā rāmagāmaṃ gato. Rāmagāme nāgā cetiyaṃ bhindituṃ na adaṃsu, cetiye nipatitakudālo khaṇḍākhaṇḍaṃ hoti. Evaṃ tatrāpi alabhitvā allakappaṃ veṭhadīpaṃ pāvaṃ kusināranti sabbattha cetiyāni bhinditvā dhātuṃ alabhitvāva paṭipākatikāni katvā puna rājagahaṃ gantvā catasso parisā sannipātāpetvā – ‘‘atthi kenaci sutapubbaṃ ‘asukaṭṭhāne nāma dhātunidhāna’nti’’ pucchi.

    д̇ад̇рзго вийсавассасад̇иго т̇зро – ‘‘асугадтаанз д̇хаад̇унид̇хаана’’нд̇и на ж̇аанаами, маяхам̣ бана бид̇аа махаат̇зро мам̣ сад̇д̇авассагаалз маалаажан̇годагам̣ г̇аахаабзд̇ваа – ‘‘зхи сааман̣зра, асугаг̇ажчанд̇арз баасаан̣ат̇уубо ад̇т̇и, д̇ад̇т̇а г̇ажчаамаа’’д̇и г̇анд̇ваа бууж̇зд̇ваа – ‘‘имам̣ таанам̣ убад̇хаарзд̇ум̣ ваддад̇и сааман̣зраа’’д̇и ааха. ахам̣ зд̇д̇агам̣ ж̇аанаами махаарааж̇аад̇и ааха. рааж̇аа ‘‘зд̇ад̣̇зва таана’’нд̇и вад̇ваа г̇ажчз хаарзд̇ваа баасаан̣ат̇уубан̃жа бам̣сун̃жа абанзд̇ваа хздтаа суд̇хаабхуумим̣ ад̣̇д̣̇аса. д̇ад̇о суд̇хан̃жа идтагааяо жа хаарзд̇ваа анубуб̣б̣зна баривзн̣ам̣ оруяха сад̇д̇арад̇анаваалугам̣ асихад̇т̇аани жа гадтаруубагаани самбаривад̇д̇агаани ад̣̇д̣̇аса. со яагкад̣̇аасагз баггосаабзд̇ваа б̣алигаммам̣ гаарзд̇вааби нзва анд̇ам̣ на годим̣ бассанд̇о д̣̇звад̇аанам̣ намассамаано – ‘‘ахам̣ имаа д̇хаад̇уяо г̇ахзд̇ваа жад̇ураасийд̇ияаа вихаарасахассзсу нид̣̇ахид̇ваа саггаарам̣ гароми, маа мз д̣̇звад̇аа анд̇арааяам̣ гаронд̇уу’’д̇и ааха.

    Tatreko vīsavassasatiko thero – ‘‘asukaṭṭhāne dhātunidhāna’’nti na jānāmi, mayhaṃ pana pitā mahāthero maṃ sattavassakāle mālācaṅkoṭakaṃ gāhāpetvā – ‘‘ehi sāmaṇera, asukagacchantare pāsāṇathūpo atthi, tattha gacchāmā’’ti gantvā pūjetvā – ‘‘imaṃ ṭhānaṃ upadhāretuṃ vaṭṭati sāmaṇerā’’ti āha. Ahaṃ ettakaṃ jānāmi mahārājāti āha. Rājā ‘‘etadeva ṭhāna’’nti vatvā gacche hāretvā pāsāṇathūpañca paṃsuñca apanetvā heṭṭhā sudhābhūmiṃ addasa. Tato sudhañca iṭṭhakāyo ca hāretvā anupubbena pariveṇaṃ oruyha sattaratanavālukaṃ asihatthāni ca kaṭṭharūpakāni samparivattakāni addasa. So yakkhadāsake pakkosāpetvā balikammaṃ kāretvāpi neva antaṃ na koṭiṃ passanto devatānaṃ namassamāno – ‘‘ahaṃ imā dhātuyo gahetvā caturāsītiyā vihārasahassesu nidahitvā sakkāraṃ karomi, mā me devatā antarāyaṃ karontū’’ti āha.

    сагго д̣̇зварааж̇аа жааригам̣ жаранд̇о д̇ам̣ д̣̇исваа виссагаммам̣ ааманд̇зси – ‘‘д̇аад̇а, асого д̇хаммарааж̇аа ‘д̇хаад̇уяо нийхариссаамий’д̇и баривзн̣ам̣ од̇ин̣н̣о, г̇анд̇ваа гадтаруубагаани хаарзхий’’д̇и. со бан̃жажуул̣аг̇аамад̣̇аарагавзсзна г̇анд̇ваа ран̃н̃о бурад̇о д̇ханухад̇т̇о тад̇ваа – ‘‘хараами махаарааж̇аа’’д̇и ааха. ‘‘хара, д̇аад̇аа’’д̇и сарам̣ г̇ахзд̇ваа санд̇химхиязва виж̇жхи, саб̣б̣ам̣ виббагирияид̇т̇а. ат̇а рааж̇аа аавин̃чанз б̣анд̇хам̣ гун̃жигамуд̣̇д̣̇игам̣ г̇ан̣хи, ман̣игканд̇хам̣ басси. ‘‘анааг̇ад̇з д̣̇алид̣̇д̣̇арааж̇аа имам̣ ман̣им̣ г̇ахзд̇ваа д̇хаад̇уунам̣ саггаарам̣ гарод̇уу’’д̇и буна агкараани д̣̇исваа гуж̇жхид̇ваа – ‘‘маад̣̇исам̣ наама рааж̇аанам̣ д̣̇алид̣̇д̣̇арааж̇аад̇и вад̇д̇ум̣ аяуд̇д̇а’’нд̇и бунаббунам̣ гхадзд̇ваа д̣̇ваарам̣ вивараабзд̇ваа анд̇ог̇зхам̣ бавидто.

    Sakko devarājā cārikaṃ caranto taṃ disvā vissakammaṃ āmantesi – ‘‘tāta, asoko dhammarājā ‘dhātuyo nīharissāmī’ti pariveṇaṃ otiṇṇo, gantvā kaṭṭharūpakāni hārehī’’ti. So pañcacūḷagāmadārakavesena gantvā rañño purato dhanuhattho ṭhatvā – ‘‘harāmi mahārājā’’ti āha. ‘‘Hara, tātā’’ti saraṃ gahetvā sandhimhiyeva vijjhi, sabbaṃ vippakiriyittha. Atha rājā āviñchane bandhaṃ kuñcikamuddikaṃ gaṇhi, maṇikkhandhaṃ passi. ‘‘Anāgate daliddarājā imaṃ maṇiṃ gahetvā dhātūnaṃ sakkāraṃ karotū’’ti puna akkharāni disvā kujjhitvā – ‘‘mādisaṃ nāma rājānaṃ daliddarājāti vattuṃ ayutta’’nti punappunaṃ ghaṭetvā dvāraṃ vivarāpetvā antogehaṃ paviṭṭho.

    адтаарасавассаад̇хигаанам̣ д̣̇виннам̣ вассасад̇аанам̣ убари ааробид̇ад̣̇ийбаа д̇ат̇зва баж̇ж̇аланд̇и. нийлуббалабубпаани д̇ан̇кан̣ам̣ аахарид̇ваа ааробид̇аани вияа, бубпасант̇ааро д̇ан̇кан̣ам̣ сант̇ад̇о вияа, г̇анд̇хаа д̇ам̣ мухуд̇д̇ам̣ бисид̇ваа табид̇аа вияа рааж̇аа суван̣н̣абаддам̣ г̇ахзд̇ваа – ‘‘анааг̇ад̇з бияад̣̇аасо наама гумааро чад̇д̇ам̣ уссаабзд̇ваа асого наама д̇хаммарааж̇аа бхависсад̇и со имаа д̇хаад̇уяо вид̇т̇ааригаа гариссад̇ий’’д̇и ваажзд̇ваа – ‘‘д̣̇идто бхо, ахам̣ аяязна махаагассабад̇т̇зрзнаа’’д̇и вад̇ваа ваамахад̇т̇ам̣ аабхуж̇ид̇ваа д̣̇агкин̣зна хад̇т̇зна абподзси. со д̇асмим̣ таанз барижаран̣ад̇хаад̇умад̇д̇амзва табзд̇ваа сзсаа д̇хаад̇уяо г̇ахзд̇ваа д̇хаад̇уг̇зхам̣ буб̣б̣з бихид̇анаязнзва бид̣̇ахид̇ваа саб̣б̣ам̣ яат̇аабагад̇ияаава гад̇ваа убари баасаан̣ажзд̇ияам̣ бад̇идтаабзд̇ваа жад̇ураасийд̇ияаа вихаарасахассзсу д̇хаад̇уяо бад̇идтаабзд̇ваа махаат̇зрз ванд̣̇ид̇ваа бужчи – ‘‘д̣̇ааяаад̣̇омхи, бханд̇з, б̣уд̣̇д̇хасаасанз’’д̇и. гисса д̣̇ааяаад̣̇о д̇вам̣, махаарааж̇а, б̣аахираго д̇вам̣ саасанассаад̇и. бханд̇з, чаннавуд̇игодид̇ханам̣ виссаж̇ж̇зд̇ваа жад̇ураасийд̇и вихаарасахассаани гаарзд̇ваа ахам̣ на д̣̇ааяаад̣̇о, ан̃н̃о го д̣̇ааяаад̣̇од̇и? бажжаяад̣̇ааяаго наама д̇вам̣ махаарааж̇а, яо бана ад̇д̇ано буд̇д̇ан̃жа д̇хийд̇аран̃жа баб̣б̣ааж̇зд̇и, аяам̣ саасанз д̣̇ааяаад̣̇о наамаад̇и. со буд̇д̇ан̃жа д̇хийд̇аран̃жа баб̣б̣ааж̇зси. ат̇а нам̣ т̇зраа аахам̣су – ‘‘ид̣̇аани, махаарааж̇а, саасанз д̣̇ааяаад̣̇осий’’д̇и.

    Aṭṭhārasavassādhikānaṃ dvinnaṃ vassasatānaṃ upari āropitadīpā tatheva pajjalanti. Nīluppalapupphāni taṅkhaṇaṃ āharitvā āropitāni viya, pupphasanthāro taṅkhaṇaṃ santhato viya, gandhā taṃ muhuttaṃ pisitvā ṭhapitā viya rājā suvaṇṇapaṭṭaṃ gahetvā – ‘‘anāgate piyadāso nāma kumāro chattaṃ ussāpetvā asoko nāma dhammarājā bhavissati so imā dhātuyo vitthārikā karissatī’’ti vācetvā – ‘‘diṭṭho bho, ahaṃ ayyena mahākassapattherenā’’ti vatvā vāmahatthaṃ ābhujitvā dakkhiṇena hatthena apphoṭesi. So tasmiṃ ṭhāne paricaraṇadhātumattameva ṭhapetvā sesā dhātuyo gahetvā dhātugehaṃ pubbe pihitanayeneva pidahitvā sabbaṃ yathāpakatiyāva katvā upari pāsāṇacetiyaṃ patiṭṭhāpetvā caturāsītiyā vihārasahassesu dhātuyo patiṭṭhāpetvā mahāthere vanditvā pucchi – ‘‘dāyādomhi, bhante, buddhasāsane’’ti. Kissa dāyādo tvaṃ, mahārāja, bāhirako tvaṃ sāsanassāti. Bhante, channavutikoṭidhanaṃ vissajjetvā caturāsīti vihārasahassāni kāretvā ahaṃ na dāyādo, añño ko dāyādoti? Paccayadāyako nāma tvaṃ mahārāja, yo pana attano puttañca dhītarañca pabbājeti, ayaṃ sāsane dāyādo nāmāti. So puttañca dhītarañca pabbājesi. Atha naṃ therā āhaṃsu – ‘‘idāni, mahārāja, sāsane dāyādosī’’ti.

    звамзд̇ам̣ бхууд̇абуб̣б̣анд̇и звам̣ зд̇ам̣ ад̇ийд̇з д̇хаад̇унид̇хаанамби ж̇амб̣уд̣̇ийбад̇алз бхууд̇абуб̣б̣анд̇и. д̇ад̇ияасан̇г̇ийд̇игаарааби имам̣ бад̣̇ам̣ табаяим̣су.

    Evametaṃbhūtapubbanti evaṃ etaṃ atīte dhātunidhānampi jambudīpatale bhūtapubbanti. Tatiyasaṅgītikārāpi imaṃ padaṃ ṭhapayiṃsu.

    адтад̣̇он̣ам̣ жагкумад̇о сарийранд̇иаад̣̇иг̇аат̇ааяо бана д̇амб̣абан̣н̣ид̣̇ийбз т̇зрзхи вуд̇д̇аад̇и.

    Aṭṭhadoṇaṃ cakkhumato sarīrantiādigāthāyo pana tambapaṇṇidīpe therehi vuttāti.

    ид̇и суман̇г̇алавилаасинияаа д̣̇ийгханигааяадтагат̇ааяам̣

    Iti sumaṅgalavilāsiniyā dīghanikāyaṭṭhakathāyaṃ

    махаабариниб̣б̣аанасуд̇д̇аван̣н̣анаа нидтид̇аа.

    Mahāparinibbānasuttavaṇṇanā niṭṭhitā.




    Next: 4. махаасуд̣̇ассанасуд̇д̇аван̣н̣анаа • 4. Mahāsudassanasuttavaṇṇanā




    Related texts:



    д̇ибидага (муула) • Tipiṭaka (Mūla) / суд̇д̇абидага • Suttapiṭaka / д̣̇ийгханигааяа • Dīghanikāya / 3. махаабариниб̣б̣аанасуд̇д̇ам̣ • 3. Mahāparinibbānasuttaṃ

    дийгаа • Tīkā / суд̇д̇абидага (дийгаа) • Suttapiṭaka (ṭīkā) / д̣̇ийгханигааяа (дийгаа) • Dīghanikāya (ṭīkā) / 3. махаабариниб̣б̣аанасуд̇д̇аван̣н̣анаа • 3. Mahāparinibbānasuttavaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact