| Library / Tipiṭaka / д̇ибидага • Tipiṭaka / абад̣̇аанабаал̣и • Apadānapāḷi |
12. махаабариваараваг̇г̇о
12. Mahāparivāravaggo
1. махаабариваарагад̇т̇зраабад̣̇аанам̣
1. Mahāparivārakattheraapadānaṃ
1.
1.
‘‘вибассий наама бхаг̇аваа, логаж̇здто нараасабхо;
‘‘Vipassī nāma bhagavā, lokajeṭṭho narāsabho;
адтасадтисахассзхи, баависи б̣анд̇хумам̣ д̇ад̣̇аа.
Aṭṭhasaṭṭhisahassehi, pāvisi bandhumaṃ tadā.
2.
2.
‘‘наг̇араа абхинигкамма, аг̇амам̣ д̣̇ийбажзд̇ияам̣;
‘‘Nagarā abhinikkhamma, agamaṃ dīpacetiyaṃ;
ад̣̇д̣̇асам̣ вираж̇ам̣ б̣уд̣̇д̇хам̣, аахуд̇ийнам̣ бадиг̇г̇ахам̣.
Addasaṃ virajaṃ buddhaṃ, āhutīnaṃ paṭiggahaṃ.
3.
3.
‘‘жуллаасийд̇исахассаани, яагкаа маяхам̣ убанд̇игз;
‘‘Cullāsītisahassāni, yakkhā mayhaṃ upantike;
убадтаханд̇и саггажжам̣ 1, инд̣̇ам̣ва д̇ид̣̇асаа г̇ан̣аа.
Upaṭṭhahanti sakkaccaṃ 2, indaṃva tidasā gaṇā.
4.
4.
‘‘бхаванаа абхинигкамма, д̣̇уссам̣ баг̇г̇аяхахам̣ д̇ад̣̇аа;
‘‘Bhavanā abhinikkhamma, dussaṃ paggayhahaṃ tadā;
сирасаа абхиваад̣̇зсим̣, д̇ан̃жаад̣̇аасим̣ махзсино.
Sirasā abhivādesiṃ, tañcādāsiṃ mahesino.
5.
5.
‘‘ахо б̣уд̣̇д̇хо ахо д̇хаммо, ахо но сад̇т̇у самбад̣̇аа;
‘‘Aho buddho aho dhammo, aho no satthu sampadā;
б̣уд̣̇д̇хасса аанубхаавзна, васуд̇хааяам̣ багамбат̇а.
Buddhassa ānubhāvena, vasudhāyaṃ pakampatha.
6.
6.
‘‘д̇ан̃жа ажчарияам̣ д̣̇исваа, аб̣бхуд̇ам̣ ломахам̣санам̣;
‘‘Tañca acchariyaṃ disvā, abbhutaṃ lomahaṃsanaṃ;
б̣уд̣̇д̇хз жид̇д̇ам̣ басаад̣̇зми, д̣̇вибад̣̇инд̣̇амхи д̇аад̣̇инз.
Buddhe cittaṃ pasādemi, dvipadindamhi tādine.
7.
7.
‘‘сохам̣ жид̇д̇ам̣ басаад̣̇зд̇ваа, д̣̇уссам̣ д̣̇ад̇ваана сад̇т̇уно;
‘‘Sohaṃ cittaṃ pasādetvā, dussaṃ datvāna satthuno;
саран̣ан̃жа убааг̇ажчим̣, саамажжо сабариж̇ж̇ано.
Saraṇañca upāgacchiṃ, sāmacco saparijjano.
8.
8.
‘‘зганавуд̇ид̇о габбз, яам̣ гаммамагарим̣ д̇ад̣̇аа;
‘‘Ekanavutito kappe, yaṃ kammamakariṃ tadā;
д̣̇уг̇г̇ад̇им̣ наабхиж̇аанаами, б̣уд̣̇д̇хабууж̇ааяид̣̇ам̣ палам̣.
Duggatiṃ nābhijānāmi, buddhapūjāyidaṃ phalaṃ.
9.
9.
сад̇д̇арад̇анасамбаннаа, жаггавад̇д̇ий махаб̣б̣алаа.
Sattaratanasampannā, cakkavattī mahabbalā.
10.
10.
‘‘бадисамбхид̣̇аа жад̇ассо, вимогкааби жа адтимз;
‘‘Paṭisambhidā catasso, vimokkhāpi ca aṭṭhime;
чал̣абхин̃н̃аа сажчигад̇аа, гад̇ам̣ б̣уд̣̇д̇хасса саасанам̣’’.
Chaḷabhiññā sacchikatā, kataṃ buddhassa sāsanaṃ’’.
ид̇т̇ам̣ суд̣̇ам̣ ааяасмаа махаабариваараго т̇зро имаа г̇аат̇ааяо абхаасид̇т̇аад̇и.
Itthaṃ sudaṃ āyasmā mahāparivārako thero imā gāthāyo abhāsitthāti.
махаабариваарагад̇т̇зрассаабад̣̇аанам̣ батамам̣.
Mahāparivārakattherassāpadānaṃ paṭhamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / абад̣̇аана-адтагат̇аа • Apadāna-aṭṭhakathā / 1. махаабариваарагад̇т̇зраабад̣̇аанаван̣н̣анаа • 1. Mahāparivārakattheraapadānavaṇṇanā
