| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
12. махаабариваараваг̇г̇о
12. Mahāparivāravaggo
1. махаабариваарагад̇т̇зраабад̣̇аанаван̣н̣анаа
1. Mahāparivārakattheraapadānavaṇṇanā
вибассий наама бхаг̇аваад̇иаад̣̇игам̣ ааяасмад̇о махаабариваарагад̇т̇зрасса абад̣̇аанам̣. аяамби буримаж̇инаварзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяаани бун̃н̃аани убажинанд̇о вибассисса бхаг̇авад̇о уббаннасамаяз яагкаяонияам̣ ниб̣б̣ад̇д̇о анзгаяагкасад̇асахассабаривааро згасмим̣ куд̣̇д̣̇агад̣̇ийбз д̣̇иб̣б̣асукаманубхаванд̇о вихарад̇и. д̇асмин̃жа д̣̇ийбз жзд̇ияаабхисобхид̇о вихааро ад̇т̇и, д̇ад̇т̇а бхаг̇аваа аг̇амааси. ат̇а со яагкасзнаад̇хибад̇и д̇ам̣ бхаг̇аванд̇ам̣ д̇ад̇т̇а г̇ад̇абхаавам̣ д̣̇исваа д̣̇иб̣б̣авад̇т̇аани г̇ахзд̇ваа г̇анд̇ваа бхаг̇аванд̇ам̣ ванд̣̇ид̇ваа д̣̇иб̣б̣авад̇т̇зхи бууж̇зси, сабаривааро саран̣амаг̇амааси. со д̇зна бун̃н̃агаммзна д̇ад̇о жуд̇о д̣̇звалогз ниб̣б̣ад̇д̇ид̇ваа д̇ад̇т̇а ча гаамааважарасукаманубхавид̇ваа д̇ад̇о жуд̇о мануссзсу аг̇г̇ажаггавад̇д̇иаад̣̇исукаманубхавид̇ваа абарабхааг̇з имасмим̣ б̣уд̣̇д̇хуббаад̣̇з гулаг̇зхз ниб̣б̣ад̇д̇о вин̃н̃уд̇ам̣ бад̇д̇о сад̇т̇ари басийд̣̇ид̇ваа баб̣б̣аж̇ид̇о нажирассзва арахаа ахоси.
Vipassīnāma bhagavātiādikaṃ āyasmato mahāparivārakattherassa apadānaṃ. Ayampi purimajinavaresu katādhikāro tattha tattha bhave vivaṭṭūpanissayāni puññāni upacinanto vipassissa bhagavato uppannasamaye yakkhayoniyaṃ nibbatto anekayakkhasatasahassaparivāro ekasmiṃ khuddakadīpe dibbasukhamanubhavanto viharati. Tasmiñca dīpe cetiyābhisobhito vihāro atthi, tattha bhagavā agamāsi. Atha so yakkhasenādhipati taṃ bhagavantaṃ tattha gatabhāvaṃ disvā dibbavatthāni gahetvā gantvā bhagavantaṃ vanditvā dibbavatthehi pūjesi, saparivāro saraṇamagamāsi. So tena puññakammena tato cuto devaloke nibbattitvā tattha cha kāmāvacarasukhamanubhavitvā tato cuto manussesu aggacakkavattiādisukhamanubhavitvā aparabhāge imasmiṃ buddhuppāde kulagehe nibbatto viññutaṃ patto satthari pasīditvā pabbajito nacirasseva arahā ahosi.
1-2. со абарабхааг̇з ад̇д̇ано буб̣б̣агаммам̣ сарид̇ваа соманассаж̇аад̇о буб̣б̣ажарид̇аабад̣̇аанам̣ багаасзнд̇о вибассий наама бхаг̇аваад̇иаад̣̇имааха. д̇ад̇т̇а висзсам̣ барамад̇т̇ам̣ ниб̣б̣аанам̣ бассад̇ийд̇и вибассий, вивид̇хз сад̇ибадтаанаад̣̇аяо сад̇д̇ад̇им̣саб̣од̇хибагкияад̇хаммз бассад̇ийд̇и ваа вибассий, вивид̇хз анзгаббагаарз б̣од̇ханзяяасад̇д̇з висум̣ висум̣ бассад̇ийд̇и ваа вибассий, со вибассий бхаг̇аваа д̣̇ийбажзд̇ияам̣ д̣̇ийбз бууж̇анийяадтаанам̣ вихаарамаг̇амаасийд̇и ад̇т̇о. сзсам̣ саб̣б̣ад̇т̇а уд̇д̇аанамзваад̇и.
1-2. So aparabhāge attano pubbakammaṃ saritvā somanassajāto pubbacaritāpadānaṃ pakāsento vipassī nāma bhagavātiādimāha. Tattha visesaṃ paramatthaṃ nibbānaṃ passatīti vipassī, vividhe satipaṭṭhānādayo sattatiṃsabodhipakkhiyadhamme passatīti vā vipassī, vividhe anekappakāre bodhaneyyasatte visuṃ visuṃ passatīti vā vipassī, so vipassī bhagavā dīpacetiyaṃ dīpe pūjanīyaṭṭhānaṃ vihāramagamāsīti attho. Sesaṃ sabbattha uttānamevāti.
махаабариваарагад̇т̇зраабад̣̇аанаван̣н̣анаа самад̇д̇аа.
Mahāparivārakattheraapadānavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi / 1. махаабариваарагад̇т̇зраабад̣̇аанам̣ • 1. Mahāparivārakattheraapadānaṃ
