| Library / Tipiṭaka / ਤਿਪਿਟਕ • Tipiṭaka / ਅਪਦਾਨ-ਅਟ੍ਠਕਥਾ • Apadāna-aṭṭhakathā |
੧੨. ਮਹਾਪਰਿવਾਰવਗ੍ਗੋ
12. Mahāparivāravaggo
੧. ਮਹਾਪਰਿવਾਰਕਤ੍ਥੇਰਅਪਦਾਨવਣ੍ਣਨਾ
1. Mahāparivārakattheraapadānavaṇṇanā
વਿਪਸ੍ਸੀ ਨਾਮ ਭਗવਾਤਿਆਦਿਕਂ ਆਯਸ੍ਮਤੋ ਮਹਾਪਰਿવਾਰਕਤ੍ਥੇਰਸ੍ਸ ਅਪਦਾਨਂ। ਅਯਮ੍ਪਿ ਪੁਰਿਮਜਿਨવਰੇਸੁ ਕਤਾਧਿਕਾਰੋ ਤਤ੍ਥ ਤਤ੍ਥ ਭવੇ વਿવਟ੍ਟੂਪਨਿਸ੍ਸਯਾਨਿ ਪੁਞ੍ਞਾਨਿ ਉਪਚਿਨਨ੍ਤੋ વਿਪਸ੍ਸਿਸ੍ਸ ਭਗવਤੋ ਉਪ੍ਪਨ੍ਨਸਮਯੇ ਯਕ੍ਖਯੋਨਿਯਂ ਨਿਬ੍ਬਤ੍ਤੋ ਅਨੇਕਯਕ੍ਖਸਤਸਹਸ੍ਸਪਰਿવਾਰੋ ਏਕਸ੍ਮਿਂ ਖੁਦ੍ਦਕਦੀਪੇ ਦਿਬ੍ਬਸੁਖਮਨੁਭવਨ੍ਤੋ વਿਹਰਤਿ। ਤਸ੍ਮਿਞ੍ਚ ਦੀਪੇ ਚੇਤਿਯਾਭਿਸੋਭਿਤੋ વਿਹਾਰੋ ਅਤ੍ਥਿ, ਤਤ੍ਥ ਭਗવਾ ਅਗਮਾਸਿ। ਅਥ ਸੋ ਯਕ੍ਖਸੇਨਾਧਿਪਤਿ ਤਂ ਭਗવਨ੍ਤਂ ਤਤ੍ਥ ਗਤਭਾવਂ ਦਿਸ੍વਾ ਦਿਬ੍ਬવਤ੍ਥਾਨਿ ਗਹੇਤ੍વਾ ਗਨ੍ਤ੍વਾ ਭਗવਨ੍ਤਂ વਨ੍ਦਿਤ੍વਾ ਦਿਬ੍ਬવਤ੍ਥੇਹਿ ਪੂਜੇਸਿ, ਸਪਰਿવਾਰੋ ਸਰਣਮਗਮਾਸਿ। ਸੋ ਤੇਨ ਪੁਞ੍ਞਕਮ੍ਮੇਨ ਤਤੋ ਚੁਤੋ ਦੇવਲੋਕੇ ਨਿਬ੍ਬਤ੍ਤਿਤ੍વਾ ਤਤ੍ਥ ਛ ਕਾਮਾવਚਰਸੁਖਮਨੁਭવਿਤ੍વਾ ਤਤੋ ਚੁਤੋ ਮਨੁਸ੍ਸੇਸੁ ਅਗ੍ਗਚਕ੍ਕવਤ੍ਤਿਆਦਿਸੁਖਮਨੁਭવਿਤ੍વਾ ਅਪਰਭਾਗੇ ਇਮਸ੍ਮਿਂ ਬੁਦ੍ਧੁਪ੍ਪਾਦੇ ਕੁਲਗੇਹੇ ਨਿਬ੍ਬਤ੍ਤੋ વਿਞ੍ਞੁਤਂ ਪਤ੍ਤੋ ਸਤ੍ਥਰਿ ਪਸੀਦਿਤ੍વਾ ਪਬ੍ਬਜਿਤੋ ਨਚਿਰਸ੍ਸੇવ ਅਰਹਾ ਅਹੋਸਿ।
Vipassīnāma bhagavātiādikaṃ āyasmato mahāparivārakattherassa apadānaṃ. Ayampi purimajinavaresu katādhikāro tattha tattha bhave vivaṭṭūpanissayāni puññāni upacinanto vipassissa bhagavato uppannasamaye yakkhayoniyaṃ nibbatto anekayakkhasatasahassaparivāro ekasmiṃ khuddakadīpe dibbasukhamanubhavanto viharati. Tasmiñca dīpe cetiyābhisobhito vihāro atthi, tattha bhagavā agamāsi. Atha so yakkhasenādhipati taṃ bhagavantaṃ tattha gatabhāvaṃ disvā dibbavatthāni gahetvā gantvā bhagavantaṃ vanditvā dibbavatthehi pūjesi, saparivāro saraṇamagamāsi. So tena puññakammena tato cuto devaloke nibbattitvā tattha cha kāmāvacarasukhamanubhavitvā tato cuto manussesu aggacakkavattiādisukhamanubhavitvā aparabhāge imasmiṃ buddhuppāde kulagehe nibbatto viññutaṃ patto satthari pasīditvā pabbajito nacirasseva arahā ahosi.
੧-੨. ਸੋ ਅਪਰਭਾਗੇ ਅਤ੍ਤਨੋ ਪੁਬ੍ਬਕਮ੍ਮਂ ਸਰਿਤ੍વਾ ਸੋਮਨਸ੍ਸਜਾਤੋ ਪੁਬ੍ਬਚਰਿਤਾਪਦਾਨਂ ਪਕਾਸੇਨ੍ਤੋ વਿਪਸ੍ਸੀ ਨਾਮ ਭਗવਾਤਿਆਦਿਮਾਹ। ਤਤ੍ਥ વਿਸੇਸਂ ਪਰਮਤ੍ਥਂ ਨਿਬ੍ਬਾਨਂ ਪਸ੍ਸਤੀਤਿ વਿਪਸ੍ਸੀ, વਿવਿਧੇ ਸਤਿਪਟ੍ਠਾਨਾਦਯੋ ਸਤ੍ਤਤਿਂਸਬੋਧਿਪਕ੍ਖਿਯਧਮ੍ਮੇ ਪਸ੍ਸਤੀਤਿ વਾ વਿਪਸ੍ਸੀ, વਿવਿਧੇ ਅਨੇਕਪ੍ਪਕਾਰੇ ਬੋਧਨੇਯ੍ਯਸਤ੍ਤੇ વਿਸੁਂ વਿਸੁਂ ਪਸ੍ਸਤੀਤਿ વਾ વਿਪਸ੍ਸੀ, ਸੋ વਿਪਸ੍ਸੀ ਭਗવਾ ਦੀਪਚੇਤਿਯਂ ਦੀਪੇ ਪੂਜਨੀਯਟ੍ਠਾਨਂ વਿਹਾਰਮਗਮਾਸੀਤਿ ਅਤ੍ਥੋ। ਸੇਸਂ ਸਬ੍ਬਤ੍ਥ ਉਤ੍ਤਾਨਮੇવਾਤਿ।
1-2. So aparabhāge attano pubbakammaṃ saritvā somanassajāto pubbacaritāpadānaṃ pakāsento vipassī nāma bhagavātiādimāha. Tattha visesaṃ paramatthaṃ nibbānaṃ passatīti vipassī, vividhe satipaṭṭhānādayo sattatiṃsabodhipakkhiyadhamme passatīti vā vipassī, vividhe anekappakāre bodhaneyyasatte visuṃ visuṃ passatīti vā vipassī, so vipassī bhagavā dīpacetiyaṃ dīpe pūjanīyaṭṭhānaṃ vihāramagamāsīti attho. Sesaṃ sabbattha uttānamevāti.
ਮਹਾਪਰਿવਾਰਕਤ੍ਥੇਰਅਪਦਾਨવਣ੍ਣਨਾ ਸਮਤ੍ਤਾ।
Mahāparivārakattheraapadānavaṇṇanā samattā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਅਪਦਾਨਪਾਲ਼ਿ • Apadānapāḷi / ੧. ਮਹਾਪਰਿવਾਰਕਤ੍ਥੇਰਅਪਦਾਨਂ • 1. Mahāparivārakattheraapadānaṃ
