| Library / Tipiṭaka / তিপিটক • Tipiṭaka / পেতৰত্থুপাল়ি • Petavatthupāḷi |
৯. মহাপেসকারপেতিৰত্থু
9. Mahāpesakārapetivatthu
৫৪.
54.
‘‘গূথঞ্চ মুত্তং রুহিরঞ্চ পুব্বং, পরিভুঞ্জতি কিস্স অযং ৰিপাকো।
‘‘Gūthañca muttaṃ ruhirañca pubbaṃ, paribhuñjati kissa ayaṃ vipāko;
অযং নু কিং কম্মমকাসি নারী, যা সব্বদা লোহিতপুব্বভক্খা॥
Ayaṃ nu kiṃ kammamakāsi nārī, yā sabbadā lohitapubbabhakkhā.
৫৫.
55.
‘‘নৰানি ৰত্থানি সুভানি চেৰ, মুদূনি সুদ্ধানি চ লোমসানি।
‘‘Navāni vatthāni subhāni ceva, mudūni suddhāni ca lomasāni;
দিন্নানি মিস্সা কিতকা 1 ভৰন্তি, অযং নু কিং কম্মমকাসি নারী’’তি॥
Dinnāni missā kitakā 2 bhavanti, ayaṃ nu kiṃ kammamakāsi nārī’’ti.
৫৬.
56.
‘‘ভরিযা মমেসা অহূ ভদন্তে, অদাযিকা মচ্ছরিনী কদরিযা।
‘‘Bhariyā mamesā ahū bhadante, adāyikā maccharinī kadariyā;
সা মং দদন্তং সমণব্রাহ্মণানং, অক্কোসতি চ পরিভাসতি চ॥
Sā maṃ dadantaṃ samaṇabrāhmaṇānaṃ, akkosati ca paribhāsati ca.
৫৭.
57.
‘‘‘গূথঞ্চ মুত্তং রুহিরঞ্চ পুব্বং, পরিভুঞ্জ ত্ৰং অসুচিং সব্বকালং।
‘‘‘Gūthañca muttaṃ ruhirañca pubbaṃ, paribhuñja tvaṃ asuciṃ sabbakālaṃ;
এতং তে পরলোকস্মিং হোতু, ৰত্থা চ তে কিটকসমা ভৰন্তু’।
Etaṃ te paralokasmiṃ hotu, vatthā ca te kiṭakasamā bhavantu’;
এতাদিসং দুচ্চরিতং চরিত্ৰা, ইধাগতা চিররত্তায খাদতী’’তি॥
Etādisaṃ duccaritaṃ caritvā, idhāgatā cirarattāya khādatī’’ti.
মহাপেসকারপেতিৰত্থু নৰমং।
Mahāpesakārapetivatthu navamaṃ.
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / খুদ্দকনিকায (অট্ঠকথা) • Khuddakanikāya (aṭṭhakathā) / পেতৰত্থু-অট্ঠকথা • Petavatthu-aṭṭhakathā / ৯. মহাপেসকারপেতিৰত্থুৰণ্ণনা • 9. Mahāpesakārapetivatthuvaṇṇanā
