| Library / Tipiṭaka / д̇ибидага • Tipiṭaka / бзд̇авад̇т̇у-адтагат̇аа • Petavatthu-aṭṭhakathā |
9. махаабзсагаарабзд̇ивад̇т̇уван̣н̣анаа
9. Mahāpesakārapetivatthuvaṇṇanā
г̇уут̇ан̃жа муд̇д̇ам̣ рухиран̃жа буб̣б̣анд̇и ид̣̇ам̣ сад̇т̇ари саавад̇т̇ияам̣ вихаранд̇з ан̃н̃ад̇арам̣ бзсагаарабзд̇им̣ аараб̣бха вуд̇д̇ам̣. д̣̇ваад̣̇асамад̇д̇аа гира бхигкуу сад̇т̇у санд̇игз гаммадтаанам̣ г̇ахзд̇ваа васанаяог̇г̇адтаанам̣ виймам̣санд̇аа убагадтааяа вассуубанааяигааяа ан̃н̃ад̇арам̣ чааяууд̣̇агасамбаннам̣ раман̣ийяам̣ аран̃н̃ааяад̇анам̣ д̇асса жа наад̇ид̣̇уурз наажжаасаннз г̇ожараг̇аамам̣ д̣̇исваа д̇ад̇т̇а згарад̇д̇им̣ васид̇ваа д̣̇уд̇ияад̣̇ивасз г̇аамам̣ бин̣д̣ааяа бависим̣су. д̇ад̇т̇а згаад̣̇аса бзсагаараа бадивасанд̇и, д̇з д̇з бхигкуу д̣̇исваа сан̃ж̇аад̇асоманассаа худ̇ваа ад̇д̇ано ад̇д̇ано г̇зхам̣ нзд̇ваа бан̣ийд̇зна аахаарзна баривисид̇ваа аахам̣су ‘‘гухим̣, бханд̇з, г̇ажчат̇аа’’д̇и? ‘‘яад̇т̇а амхаагам̣ паасугам̣, д̇ад̇т̇а г̇амиссаамаа’’д̇и. ‘‘яад̣̇и звам̣, бханд̇з, ид̇хзва васид̇аб̣б̣а’’нд̇и вассуубаг̇аманам̣ яаажим̣су. бхигкуу самбадижчим̣су. убаасагаа д̇зсам̣ д̇ад̇т̇а аран̃н̃агудигааяо гаарзд̇ваа ад̣̇ам̣су. бхигкуу д̇ад̇т̇а вассам̣ убаг̇ажчим̣су.
Gūthañcamuttaṃ ruhirañca pubbanti idaṃ satthari sāvatthiyaṃ viharante aññataraṃ pesakārapetiṃ ārabbha vuttaṃ. Dvādasamattā kira bhikkhū satthu santike kammaṭṭhānaṃ gahetvā vasanayoggaṭṭhānaṃ vīmaṃsantā upakaṭṭhāya vassūpanāyikāya aññataraṃ chāyūdakasampannaṃ ramaṇīyaṃ araññāyatanaṃ tassa ca nātidūre nāccāsanne gocaragāmaṃ disvā tattha ekarattiṃ vasitvā dutiyadivase gāmaṃ piṇḍāya pavisiṃsu. Tattha ekādasa pesakārā paṭivasanti, te te bhikkhū disvā sañjātasomanassā hutvā attano attano gehaṃ netvā paṇītena āhārena parivisitvā āhaṃsu ‘‘kuhiṃ, bhante, gacchathā’’ti? ‘‘Yattha amhākaṃ phāsukaṃ, tattha gamissāmā’’ti. ‘‘Yadi evaṃ, bhante, idheva vasitabba’’nti vassūpagamanaṃ yāciṃsu. Bhikkhū sampaṭicchiṃsu. Upāsakā tesaṃ tattha araññakuṭikāyo kāretvā adaṃsu. Bhikkhū tattha vassaṃ upagacchiṃsu.
д̇ад̇т̇а ж̇здтагабзсагааро д̣̇вз бхигкуу жад̇уухи бажжаязхи саггажжам̣ убадтахи, ид̇арз згзгам̣ бхигкум̣ убадтахим̣су. ж̇здтагабзсагаарасса бхарияаа ассад̣̇д̇хаа аббасаннаа мижчаад̣̇идтигаа мажчариний бхигкуу на саггажжам̣ убадтаад̇и. со д̇ам̣ д̣̇исваа д̇ассааязва ганидтабхаг̇иним̣ аанзд̇ваа ад̇д̇ано г̇зхз иссарияам̣ нияяаад̣̇зси. саа сад̣̇д̇хаа басаннаа худ̇ваа саггажжам̣ бхигкуу бадиж̇аг̇г̇и. д̇з саб̣б̣з бзсагааро вассам̣ вуд̇т̇аанам̣ бхигкуунам̣ згзгасса згзгам̣ саадагамад̣̇ам̣су. д̇ад̇т̇а мажчариний ж̇здтабзсагаарасса бхарияаа бад̣̇удтажид̇д̇аа ад̇д̇ано саамигам̣ барибхааси – ‘‘яам̣ д̇аяаа саман̣аанам̣ сагяабуд̇д̇ияаанам̣ д̣̇аанам̣ д̣̇иннам̣ аннабаанам̣, д̇ам̣ д̇з баралогз г̇уут̇амуд̇д̇ам̣ буб̣б̣алохид̇ан̃жа худ̇ваа ниб̣б̣ад̇д̇ад̇у, саадагаа жа ж̇алид̇аа аяомаяабаддаа хонд̇уу’’д̇и.
Tattha jeṭṭhakapesakāro dve bhikkhū catūhi paccayehi sakkaccaṃ upaṭṭhahi, itare ekekaṃ bhikkhuṃ upaṭṭhahiṃsu. Jeṭṭhakapesakārassa bhariyā assaddhā appasannā micchādiṭṭhikā maccharinī bhikkhū na sakkaccaṃ upaṭṭhāti. So taṃ disvā tassāyeva kaniṭṭhabhaginiṃ ānetvā attano gehe issariyaṃ niyyādesi. Sā saddhā pasannā hutvā sakkaccaṃ bhikkhū paṭijaggi. Te sabbe pesakāro vassaṃ vutthānaṃ bhikkhūnaṃ ekekassa ekekaṃ sāṭakamadaṃsu. Tattha maccharinī jeṭṭhapesakārassa bhariyā paduṭṭhacittā attano sāmikaṃ paribhāsi – ‘‘yaṃ tayā samaṇānaṃ sakyaputtiyānaṃ dānaṃ dinnaṃ annapānaṃ, taṃ te paraloke gūthamuttaṃ pubbalohitañca hutvā nibbattatu, sāṭakā ca jalitā ayomayapaṭṭā hontū’’ti.
д̇ад̇т̇а ж̇здтабзсагааро абарзна самаязна гаалам̣ гад̇ваа вин̃жхаадавияам̣ аанубхаавасамбаннаа ругкад̣̇звад̇аа худ̇ваа ниб̣б̣ад̇д̇и. д̇асса бана гад̣̇арияаа бхарияаа гаалам̣ гад̇ваа д̇ассзва васанадтаанасса авид̣̇уурз бзд̇ий худ̇ваа ниб̣б̣ад̇д̇и. саа наг̇г̇аа д̣̇уб̣б̣ан̣н̣аруубаа ж̇игхажчаабибаасаабхибхууд̇аа д̇асса бхуумад̣̇звасса санд̇игам̣ г̇анд̇ваа ааха – ‘‘ахам̣, саами, нижжол̣аа ад̇ивияа ж̇игхажчаабибаасаабхибхууд̇аа вижараами, д̣̇зхи мз вад̇т̇ам̣ аннабаанан̃жаа’’д̇и. со д̇ассаа д̣̇иб̣б̣ам̣ ул̣аарам̣ аннабаанам̣ убанзси. д̇ам̣ д̇ааяа г̇ахид̇амад̇д̇амзва г̇уут̇амуд̇д̇ам̣ буб̣б̣алохид̇ан̃жа самбаж̇ж̇ад̇и, саадаган̃жа д̣̇иннам̣ д̇ааяа барид̣̇ахид̇ам̣ баж̇ж̇алид̇ам̣ аяомаяабаддам̣ ход̇и. саа махаад̣̇угкам̣ анубхаванд̇ий д̇ам̣ чад̣д̣зд̇ваа ганд̣̇анд̇ий вижарад̇и.
Tattha jeṭṭhapesakāro aparena samayena kālaṃ katvā viñjhāṭaviyaṃ ānubhāvasampannā rukkhadevatā hutvā nibbatti. Tassa pana kadariyā bhariyā kālaṃ katvā tasseva vasanaṭṭhānassa avidūre petī hutvā nibbatti. Sā naggā dubbaṇṇarūpā jighacchāpipāsābhibhūtā tassa bhūmadevassa santikaṃ gantvā āha – ‘‘ahaṃ, sāmi, niccoḷā ativiya jighacchāpipāsābhibhūtā vicarāmi, dehi me vatthaṃ annapānañcā’’ti. So tassā dibbaṃ uḷāraṃ annapānaṃ upanesi. Taṃ tāya gahitamattameva gūthamuttaṃ pubbalohitañca sampajjati, sāṭakañca dinnaṃ tāya paridahitaṃ pajjalitaṃ ayomayapaṭṭaṃ hoti. Sā mahādukkhaṃ anubhavantī taṃ chaḍḍetvā kandantī vicarati.
д̇зна жа самаязна ан̃н̃ад̇аро бхигку вуд̇т̇авассо сад̇т̇аарам̣ ванд̣̇ид̇ум̣ г̇ажчанд̇о махад̇аа сад̇т̇зна сад̣̇д̇хим̣ вин̃жхаадавим̣ бадибаж̇ж̇и. сад̇т̇игаа рад̇д̇им̣ маг̇г̇ам̣ г̇анд̇ваа д̣̇иваа ванз санд̣̇ажчааяууд̣̇агасамбаннам̣ бад̣̇зсам̣ д̣̇исваа яаанаани мун̃жид̇ваа мухуд̇д̇ам̣ виссамим̣су. бхигку бана вивзгагаамад̇ааяа т̇огам̣ абаггамид̇ваа ан̃н̃ад̇арасса санд̣̇ажчааяасса ванаг̇аханабадижчаннасса ругкасса муулз сан̇гхаадим̣ бан̃н̃абзд̇ваа нибанно рад̇д̇ияам̣ маг̇г̇аг̇аманабариссамзна гиланд̇агааяо нид̣̇д̣̇ам̣ убаг̇ан̃чи. сад̇т̇игаа виссамид̇ваа маг̇г̇ам̣ бадибаж̇ж̇им̣су, со бхигку на бадиб̣уж̇жхи. ат̇а сааяанхасамаяз удтахид̇ваа д̇з абассанд̇о ан̃н̃ад̇арам̣ гуммаг̇г̇ам̣ бадибаж̇ж̇ид̇ваа ануггамзна д̇ассаа д̣̇звад̇ааяа васанадтаанам̣ самбаабун̣и. ат̇а нам̣ со д̣̇звабуд̇д̇о д̣̇исваа мануссаруубзна убаг̇анд̇ваа бадисант̇аарам̣ гад̇ваа ад̇д̇ано вимаанам̣ бавзсзд̇ваа баад̣̇аб̣бхан̃ж̇анаад̣̇ийни д̣̇ад̇ваа баяирубаасанд̇о нисийд̣̇и. д̇асмин̃жа самаяз саа бзд̇ий ааг̇анд̇ваа ‘‘д̣̇зхи мз, саами, аннабаанам̣ саадаган̃жаа’’д̇и ааха. со д̇ассаа д̇аани ад̣̇ааси. д̇аани жа д̇ааяа г̇ахид̇амад̇д̇аани г̇уут̇амуд̇д̇абуб̣б̣алохид̇абаж̇ж̇алид̇ааяобаддааязва ахзсум̣. со бхигку д̇ам̣ д̣̇исваа сан̃ж̇аад̇асам̣взг̇о д̇ам̣ д̣̇звабуд̇д̇ам̣ –
Tena ca samayena aññataro bhikkhu vutthavasso satthāraṃ vandituṃ gacchanto mahatā satthena saddhiṃ viñjhāṭaviṃ paṭipajji. Satthikā rattiṃ maggaṃ gantvā divā vane sandacchāyūdakasampannaṃ padesaṃ disvā yānāni muñcitvā muhuttaṃ vissamiṃsu. Bhikkhu pana vivekakāmatāya thokaṃ apakkamitvā aññatarassa sandacchāyassa vanagahanapaṭicchannassa rukkhassa mūle saṅghāṭiṃ paññapetvā nipanno rattiyaṃ maggagamanaparissamena kilantakāyo niddaṃ upagañchi. Satthikā vissamitvā maggaṃ paṭipajjiṃsu, so bhikkhu na paṭibujjhi. Atha sāyanhasamaye uṭṭhahitvā te apassanto aññataraṃ kummaggaṃ paṭipajjitvā anukkamena tassā devatāya vasanaṭṭhānaṃ sampāpuṇi. Atha naṃ so devaputto disvā manussarūpena upagantvā paṭisanthāraṃ katvā attano vimānaṃ pavesetvā pādabbhañjanādīni datvā payirupāsanto nisīdi. Tasmiñca samaye sā petī āgantvā ‘‘dehi me, sāmi, annapānaṃ sāṭakañcā’’ti āha. So tassā tāni adāsi. Tāni ca tāya gahitamattāni gūthamuttapubbalohitapajjalitaayopaṭṭāyeva ahesuṃ. So bhikkhu taṃ disvā sañjātasaṃvego taṃ devaputtaṃ –
54.
54.
‘‘г̇уут̇ан̃жа муд̇д̇ам̣ рухиран̃жа буб̣б̣ам̣, барибхун̃ж̇ад̇и гисса аяам̣ вибааго;
‘‘Gūthañca muttaṃ ruhirañca pubbaṃ, paribhuñjati kissa ayaṃ vipāko;
аяам̣ ну гим̣ гаммамагааси наарий, яаа саб̣б̣ад̣̇аа лохид̇абуб̣б̣абхагкаа.
Ayaṃ nu kiṃ kammamakāsi nārī, yā sabbadā lohitapubbabhakkhā.
55.
55.
‘‘наваани вад̇т̇аани субхаани жзва, муд̣̇ууни суд̣̇д̇хаани жа ломасаани;
‘‘Navāni vatthāni subhāni ceva, mudūni suddhāni ca lomasāni;
д̣̇иннаани миссаа гид̇агаа бхаванд̇и, аяам̣ ну гим̣ гаммамагааси наарий’’д̇и. –
Dinnāni missā kitakā bhavanti, ayaṃ nu kiṃ kammamakāsi nārī’’ti. –
д̣̇вийхи г̇аат̇аахи бадибужчи. д̇ад̇т̇а гисса аяам̣ вибаагод̇и гийд̣̇исасса гаммасса аяам̣ вибааго, яам̣ зсаа ид̣̇аани бажжанубхавад̇ийд̇и. аяам̣ ну гим̣ гаммамагааси наарийд̇и аяам̣ ид̇т̇ий гим̣ ну ко гаммам̣ буб̣б̣з агааси. яаа саб̣б̣ад̣̇аа лохид̇абуб̣б̣абхагкаад̇и яаа саб̣б̣агаалам̣ рухирабуб̣б̣амзва бхагкад̇и барибхун̃ж̇ад̇и. наваанийд̇и бажжаг̇гхаани д̇аавад̣̇зва баад̇убхууд̇аани. субхаанийд̇и сунд̣̇араани д̣̇ассанийяаани. муд̣̇уунийд̇и сукасампассаани. суд̣̇д̇хаанийд̇и барисуд̣̇д̇хаван̣н̣аани. ломасаанийд̇и саломагаани сукасампассаани , сунд̣̇араанийд̇и ад̇т̇о. д̣̇иннаани миссаа гид̇агаа бхаванд̇ийд̇и гид̇агаган̣дагасад̣̇исаани лохабаддасад̣̇исаани бхаванд̇и. ‘‘гийдагаа бхаванд̇ий’’д̇и ваа баато, каад̣̇агабаан̣агаван̣н̣аани бхаванд̇ийд̇и ад̇т̇о.
Dvīhi gāthāhi paṭipucchi. Tattha kissa ayaṃ vipākoti kīdisassa kammassa ayaṃ vipāko, yaṃ esā idāni paccanubhavatīti. Ayaṃ nu kiṃ kammamakāsi nārīti ayaṃ itthī kiṃ nu kho kammaṃ pubbe akāsi. Yā sabbadā lohitapubbabhakkhāti yā sabbakālaṃ ruhirapubbameva bhakkhati paribhuñjati. Navānīti paccagghāni tāvadeva pātubhūtāni. Subhānīti sundarāni dassanīyāni. Mudūnīti sukhasamphassāni. Suddhānīti parisuddhavaṇṇāni. Lomasānīti salomakāni sukhasamphassāni , sundarānīti attho. Dinnāni missā kitakā bhavantīti kitakakaṇṭakasadisāni lohapaṭṭasadisāni bhavanti. ‘‘Kīṭakā bhavantī’’ti vā pāṭho, khādakapāṇakavaṇṇāni bhavantīti attho.
звам̣ со д̣̇звабуд̇д̇о д̇зна бхигкунаа будто д̇ааяа буримаж̇аад̇ияаа гад̇агаммам̣ багаасзнд̇о –
Evaṃ so devaputto tena bhikkhunā puṭṭho tāya purimajātiyā katakammaṃ pakāsento –
56.
56.
‘‘бхарияаа мамзсаа аху бхад̣̇анд̇з, ад̣̇ааяигаа мажчариний гад̣̇арияаа;
‘‘Bhariyā mamesā ahu bhadante, adāyikā maccharinī kadariyā;
саа мам̣ д̣̇ад̣̇анд̇ам̣ саман̣аб̣раахман̣аанам̣, аггосад̇и жа барибхаасад̇и жа.
Sā maṃ dadantaṃ samaṇabrāhmaṇānaṃ, akkosati ca paribhāsati ca.
57.
57.
‘‘г̇уут̇ан̃жа муд̇д̇ам̣ рухиран̃жа буб̣б̣ам̣, барибхун̃ж̇а д̇вам̣ асужим̣ саб̣б̣агаалам̣;
‘‘Gūthañca muttaṃ ruhirañca pubbaṃ, paribhuñja tvaṃ asuciṃ sabbakālaṃ;
зд̇ам̣ д̇з баралогасмим̣ ход̇у, вад̇т̇аа жа д̇з гид̇агасамаа бхаванд̇у;
Etaṃ te paralokasmiṃ hotu, vatthā ca te kitakasamā bhavantu;
зд̇аад̣̇исам̣ д̣̇ужжарид̇ам̣ жарид̇ваа, ид̇хааг̇ад̇аа жирарад̇д̇ааяа каад̣̇ад̇ий’’д̇и. –
Etādisaṃ duccaritaṃ caritvā, idhāgatā cirarattāya khādatī’’ti. –
д̣̇вз г̇аат̇аа абхааси. д̇ад̇т̇а ад̣̇ааяигаад̇и гассажи гин̃жиби ад̣̇аанасийлаа. мажчариний гад̣̇арияаад̇и батамам̣ мажчзрамаласса сабхаавзна мажчариний, д̇ааяа жа бунаббунам̣ аасзванад̇ааяа т̇ад̣̇д̇хамажчариний, д̇ааяа гад̣̇арияаа ахууд̇и яож̇анаа. ид̣̇аани д̇ассаа д̇амзва гад̣̇арияад̇ам̣ д̣̇ассзнд̇о ‘‘саа мам̣ д̣̇ад̣̇анд̇а’’нд̇иаад̣̇имааха. д̇ад̇т̇а зд̇аад̣̇исанд̇и зваруубам̣ яат̇аавуд̇д̇аважийд̣̇ужжарид̇аад̣̇им̣ жарид̇ваа. ид̇хааг̇ад̇аад̇и имам̣ бзд̇алогам̣ ааг̇ад̇аа, бзд̇ад̇д̇абхаавам̣ убаг̇ад̇аа. жирарад̇д̇ааяа каад̣̇ад̇ийд̇и жирагаалам̣ г̇уут̇аад̣̇имзва каад̣̇ад̇и. д̇ассаа хи язнаагаарзна аггудтам̣, д̇знзваагаарзна бавад̇д̇амаанамби палам̣. яам̣ уд̣̇д̣̇исса аггудтам̣, д̇ад̇о ан̃н̃ад̇т̇а бат̇авияам̣ гаманд̇агасан̇каад̇з мад̇т̇агз асанибаад̇о вияа ад̇д̇ано убари бад̇ад̇и.
Dve gāthā abhāsi. Tattha adāyikāti kassaci kiñcipi adānasīlā. Maccharinī kadariyāti paṭhamaṃ maccheramalassa sabhāvena maccharinī, tāya ca punappunaṃ āsevanatāya thaddhamaccharinī, tāya kadariyā ahūti yojanā. Idāni tassā tameva kadariyataṃ dassento ‘‘sā maṃ dadanta’’ntiādimāha. Tattha etādisanti evarūpaṃ yathāvuttavacīduccaritādiṃ caritvā. Idhāgatāti imaṃ petalokaṃ āgatā, petattabhāvaṃ upagatā. Cirarattāya khādatīti cirakālaṃ gūthādimeva khādati. Tassā hi yenākārena akkuṭṭhaṃ, tenevākārena pavattamānampi phalaṃ. Yaṃ uddissa akkuṭṭhaṃ, tato aññattha pathaviyaṃ kamantakasaṅkhāte matthake asanipāto viya attano upari patati.
звам̣ со д̣̇звабуд̇д̇о д̇ааяа буб̣б̣з гад̇агаммам̣ гат̇зд̇ваа буна д̇ам̣ бхигкум̣ ааха – ‘‘ад̇т̇и бана, бханд̇з, гожи убааяо имам̣ бзд̇алогад̇о можзд̇у’’нд̇и ? ‘‘ад̇т̇ий’’д̇и жа вуд̇д̇з ‘‘гат̇зт̇а, бханд̇з’’д̇и. яад̣̇и бхаг̇авад̇о арияасан̇гхасса жа згассзва ваа бхигкуно д̣̇аанам̣ д̣̇ад̇ваа имиссаа уд̣̇д̣̇исияад̇и, аяан̃жа д̇ам̣ анумод̣̇ад̇и, звамзд̇иссаа ид̇о д̣̇угкад̇о муд̇д̇и бхависсад̇ийд̇и. д̇ам̣ суд̇ваа д̣̇звабуд̇д̇о д̇асса бхигкуно бан̣ийд̇ам̣ аннабаанам̣ д̣̇ад̇ваа д̇ам̣ д̣̇агкин̣ам̣ д̇ассаа бзд̇ияаа аад̣̇иси. д̇аавад̣̇зва саа бзд̇ий сухид̇аа бийн̣инд̣̇рияаа д̣̇иб̣б̣аахаарасса д̇ид̇д̇аа ахоси. буна д̇ассзва бхигкуно хад̇т̇з д̣̇иб̣б̣асаадагаяуг̇ам̣ бхаг̇аванд̇ам̣ уд̣̇д̣̇исса д̣̇ад̇ваа д̇ан̃жа д̣̇агкин̣ам̣ бзд̇ияаа аад̣̇иси. д̇аавад̣̇зва жа саа д̣̇иб̣б̣авад̇т̇анивад̇т̇аа д̣̇иб̣б̣аалан̇гааравибхуусид̇аа саб̣б̣агаамасамид̣̇д̇хаа д̣̇зважчараабадибхааг̇аа ахоси. со жа бхигку д̇асса д̣̇звабуд̇д̇асса ид̣̇д̇хияаа д̇ад̣̇ахзва саавад̇т̇им̣ бад̇ваа ж̇зд̇аванам̣ бависид̇ваа бхаг̇авад̇о санд̇игам̣ убаг̇анд̇ваа ванд̣̇ид̇ваа д̇ам̣ саадагаяуг̇ам̣ д̣̇ад̇ваа д̇ам̣ бавад̇д̇им̣ аарожзси. бхаг̇авааби д̇амад̇т̇ам̣ адтуббад̇д̇им̣ гад̇ваа самбад̇д̇абарисааяа д̇хаммам̣ д̣̇зсзси. саа д̣̇зсанаа махааж̇анасса саад̇т̇игаа ахосийд̇и.
Evaṃ so devaputto tāya pubbe katakammaṃ kathetvā puna taṃ bhikkhuṃ āha – ‘‘atthi pana, bhante, koci upāyo imaṃ petalokato mocetu’’nti ? ‘‘Atthī’’ti ca vutte ‘‘kathetha, bhante’’ti. Yadi bhagavato ariyasaṅghassa ca ekasseva vā bhikkhuno dānaṃ datvā imissā uddisiyati, ayañca taṃ anumodati, evametissā ito dukkhato mutti bhavissatīti. Taṃ sutvā devaputto tassa bhikkhuno paṇītaṃ annapānaṃ datvā taṃ dakkhiṇaṃ tassā petiyā ādisi. Tāvadeva sā petī suhitā pīṇindriyā dibbāhārassa tittā ahosi. Puna tasseva bhikkhuno hatthe dibbasāṭakayugaṃ bhagavantaṃ uddissa datvā tañca dakkhiṇaṃ petiyā ādisi. Tāvadeva ca sā dibbavatthanivatthā dibbālaṅkāravibhūsitā sabbakāmasamiddhā devaccharāpaṭibhāgā ahosi. So ca bhikkhu tassa devaputtassa iddhiyā tadaheva sāvatthiṃ patvā jetavanaṃ pavisitvā bhagavato santikaṃ upagantvā vanditvā taṃ sāṭakayugaṃ datvā taṃ pavattiṃ ārocesi. Bhagavāpi tamatthaṃ aṭṭhuppattiṃ katvā sampattaparisāya dhammaṃ desesi. Sā desanā mahājanassa sātthikā ahosīti.
махаабзсагаарабзд̇ивад̇т̇уван̣н̣анаа нидтид̇аа.
Mahāpesakārapetivatthuvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / бзд̇авад̇т̇убаал̣и • Petavatthupāḷi / 9. махаабзсагаарабзд̇ивад̇т̇у • 9. Mahāpesakārapetivatthu
