| Library / Tipiṭaka / திபிடக • Tipiṭaka / கங்கா²விதரணீ-அபி⁴னவ-டீகா • Kaṅkhāvitaraṇī-abhinava-ṭīkā |
7. மஹாபேஸகாரஸிக்கா²பத³வண்ணனா
7. Mahāpesakārasikkhāpadavaṇṇanā
சீவரஸாமிகேஹி புப்³பே³ அப்பவாரிதோ ஹுத்வாதி ‘‘கீதி³ஸேன தே, ப⁴ந்தே, சீவரேன அத்தோ², கீதி³ஸங் தே சீவரங் வாயாபேமி, வத³, ப⁴ந்தே, யதி³ச்ச²ஸீ’’தி சீவரஸாமிகேஹி புப்³பே³ அவுத்தோ ஹுத்வா. எத்த² ச ஆயதாதீ³ஹி தீஹி ஸுத்தவட்³ட⁴னாகாரேன ஸஹ வாயனாகாரங் த³ஸ்ஸேதி, ஸுவீதாதீ³ஹி சதூஹி வாயனாகாரமேவ. ‘‘கிஞ்சிமத்தங் அனுபத³ஜ்ஜெய்யாமா’’திஆதி³ தஸ்ஸ கத்தப்³பா³காரமத்தத³ஸ்ஸனங், ந பன அங்க³த³ஸ்ஸனங் ஸுத்தவட்³ட⁴னவஸேனேவ ஆபஜ்ஜிதப்³ப³த்தாதி ஆஹ ‘‘ந பி⁴க்கு²னோ பிண்ட³பாததா³னமத்தேனா’’திஆதி³. எத்த² ச ‘‘இத³ங் மே, ப⁴ந்தே, சீவரங் புப்³பே³ அப்பவாரிதேன அஞ்ஞாதகஸ்ஸ க³ஹபதிகஸ்ஸ தந்தவாயே உபஸங்கமித்வா சீவரே விகப்பங் ஆபன்னங் நிஸ்ஸக்³கி³ய’’ந்தி (பாரா॰ 643) இமினா நயேன நிஸ்ஸஜ்ஜனவிதா⁴னங் வேதி³தப்³ப³ங். திகபாசித்தியந்தி அஞ்ஞாதகே அஞ்ஞாதகஸஞ்ஞிவேமதிகஞாதகஸஞ்ஞீனங் வஸேன தீணி பாசித்தியானி.
Cīvarasāmikehipubbe appavārito hutvāti ‘‘kīdisena te, bhante, cīvarena attho, kīdisaṃ te cīvaraṃ vāyāpemi, vada, bhante, yadicchasī’’ti cīvarasāmikehi pubbe avutto hutvā. Ettha ca āyatādīhi tīhi suttavaḍḍhanākārena saha vāyanākāraṃ dasseti, suvītādīhi catūhi vāyanākārameva. ‘‘Kiñcimattaṃ anupadajjeyyāmā’’tiādi tassa kattabbākāramattadassanaṃ, na pana aṅgadassanaṃ suttavaḍḍhanavaseneva āpajjitabbattāti āha ‘‘na bhikkhuno piṇḍapātadānamattenā’’tiādi. Ettha ca ‘‘idaṃ me, bhante, cīvaraṃ pubbe appavāritena aññātakassa gahapatikassa tantavāye upasaṅkamitvā cīvare vikappaṃ āpannaṃ nissaggiya’’nti (pārā. 643) iminā nayena nissajjanavidhānaṃ veditabbaṃ. Tikapācittiyanti aññātake aññātakasaññivematikañātakasaññīnaṃ vasena tīṇi pācittiyāni.
மஹாபேஸகாரஸிக்கா²பத³வண்ணனா நிட்டி²தா.
Mahāpesakārasikkhāpadavaṇṇanā niṭṭhitā.
