| Library / Tipiṭaka / তিপিটক • Tipiṭaka / কঙ্খাৰিতরণী-অভিনৰ-টীকা • Kaṅkhāvitaraṇī-abhinava-ṭīkā |
৭. মহাপেসকারসিক্খাপদৰণ্ণনা
7. Mahāpesakārasikkhāpadavaṇṇanā
চীৰরসামিকেহি পুব্বে অপ্পৰারিতো হুত্ৰাতি ‘‘কীদিসেন তে, ভন্তে, চীৰরেন অত্থো, কীদিসং তে চীৰরং ৰাযাপেমি, ৰদ, ভন্তে, যদিচ্ছসী’’তি চীৰরসামিকেহি পুব্বে অৰুত্তো হুত্ৰা। এত্থ চ আযতাদীহি তীহি সুত্তৰড্ঢনাকারেন সহ ৰাযনাকারং দস্সেতি, সুৰীতাদীহি চতূহি ৰাযনাকারমেৰ। ‘‘কিঞ্চিমত্তং অনুপদজ্জেয্যামা’’তিআদি তস্স কত্তব্বাকারমত্তদস্সনং, ন পন অঙ্গদস্সনং সুত্তৰড্ঢনৰসেনেৰ আপজ্জিতব্বত্তাতি আহ ‘‘ন ভিক্খুনো পিণ্ডপাতদানমত্তেনা’’তিআদি। এত্থ চ ‘‘ইদং মে, ভন্তে, চীৰরং পুব্বে অপ্পৰারিতেন অঞ্ঞাতকস্স গহপতিকস্স তন্তৰাযে উপসঙ্কমিত্ৰা চীৰরে ৰিকপ্পং আপন্নং নিস্সগ্গিয’’ন্তি (পারা॰ ৬৪৩) ইমিনা নযেন নিস্সজ্জনৰিধানং ৰেদিতব্বং। তিকপাচিত্তিযন্তি অঞ্ঞাতকে অঞ্ঞাতকসঞ্ঞিৰেমতিকঞাতকসঞ্ঞীনং ৰসেন তীণি পাচিত্তিযানি।
Cīvarasāmikehipubbe appavārito hutvāti ‘‘kīdisena te, bhante, cīvarena attho, kīdisaṃ te cīvaraṃ vāyāpemi, vada, bhante, yadicchasī’’ti cīvarasāmikehi pubbe avutto hutvā. Ettha ca āyatādīhi tīhi suttavaḍḍhanākārena saha vāyanākāraṃ dasseti, suvītādīhi catūhi vāyanākārameva. ‘‘Kiñcimattaṃ anupadajjeyyāmā’’tiādi tassa kattabbākāramattadassanaṃ, na pana aṅgadassanaṃ suttavaḍḍhanavaseneva āpajjitabbattāti āha ‘‘na bhikkhuno piṇḍapātadānamattenā’’tiādi. Ettha ca ‘‘idaṃ me, bhante, cīvaraṃ pubbe appavāritena aññātakassa gahapatikassa tantavāye upasaṅkamitvā cīvare vikappaṃ āpannaṃ nissaggiya’’nti (pārā. 643) iminā nayena nissajjanavidhānaṃ veditabbaṃ. Tikapācittiyanti aññātake aññātakasaññivematikañātakasaññīnaṃ vasena tīṇi pācittiyāni.
মহাপেসকারসিক্খাপদৰণ্ণনা নিট্ঠিতা।
Mahāpesakārasikkhāpadavaṇṇanā niṭṭhitā.
