| Library / Tipiṭaka / д̇ибидага • Tipiṭaka / махаавибхан̇г̇а-адтагат̇аа • Mahāvibhaṅga-aṭṭhakathā |
7. махаабзсагаарасигкаабад̣̇аван̣н̣анаа
7. Mahāpesakārasikkhāpadavaṇṇanā
641. д̇зна самаязнаад̇и махаабзсагаарасигкаабад̣̇ам̣. д̇ад̇т̇а суд̇д̇ам̣ д̇хаараяид̇ваад̇и суд̇д̇ам̣ д̇улзд̇ваа балабарижчзд̣̇ам̣ гад̇ваа. аббид̇анд̇и гханам̣. сувийд̇анд̇и судту вийд̇ам̣, саб̣б̣адтаанзсу самам̣ гад̇ваа вийд̇ам̣. суббавааяид̇анд̇и судту бавааяид̇ам̣ саб̣б̣адтаанзсу самам̣ гад̇ваа д̇анд̇з басаарид̇ам̣. сувилзкид̇анд̇и лзканияаа судту виликид̇ам̣. сувид̇ажчид̇анд̇и гожчзна судту вид̇ажчид̇ам̣, сунид̣̇д̇ход̇анд̇и ад̇т̇о. бадиб̣ад̣̇д̇ханд̇и взгаллам̣ . д̇анд̇зд̇и д̇анд̇з д̣̇ийгхад̇о басааран̣зязва убанзд̇ваад̇и ад̇т̇о.
641.Tena samayenāti mahāpesakārasikkhāpadaṃ. Tattha suttaṃ dhārayitvāti suttaṃ tuletvā palaparicchedaṃ katvā. Appitanti ghanaṃ. Suvītanti suṭṭhu vītaṃ, sabbaṭṭhānesu samaṃ katvā vītaṃ. Suppavāyitanti suṭṭhu pavāyitaṃ sabbaṭṭhānesu samaṃ katvā tante pasāritaṃ. Suvilekhitanti lekhaniyā suṭṭhu vilikhitaṃ. Suvitacchitanti kocchena suṭṭhu vitacchitaṃ, suniddhotanti attho. Paṭibaddhanti vekallaṃ . Tanteti tante dīghato pasāraṇeyeva upanetvāti attho.
642. д̇ад̇ра жз со бхигкууд̇и яад̇ра г̇аамз ваа ниг̇амз ваа д̇з д̇анд̇авааяаа д̇ад̇ра. вигаббам̣ аабаж̇ж̇зяяаад̇и висидтам̣ габбам̣ ад̇хигавид̇хаанам̣ аабаж̇ж̇зяяа. баал̣ияам̣ бана язнаагаарзна вигаббам̣ аабанно ход̇и, д̇ам̣ д̣̇ассзд̇ум̣ ‘‘ид̣̇ам̣ ко, аавусо’’д̇иаад̣̇и вуд̇д̇ам̣.
642.Tatra ce so bhikkhūti yatra gāme vā nigame vā te tantavāyā tatra. Vikappaṃ āpajjeyyāti visiṭṭhaṃ kappaṃ adhikavidhānaṃ āpajjeyya. Pāḷiyaṃ pana yenākārena vikappaṃ āpanno hoti, taṃ dassetuṃ ‘‘idaṃ kho, āvuso’’tiādi vuttaṃ.
д̇хаммамби бхан̣ад̇ийд̇и д̇хаммагат̇амби гат̇зд̇и, ‘‘д̇асса важанзна ааяад̇ам̣ ваа вид̇т̇ад̇ам̣ ваа аббид̇ам̣ ваа’’д̇и суд̇д̇авад̣дханааагаарамзва д̣̇ассзд̇и.
Dhammampi bhaṇatīti dhammakathampi katheti, ‘‘tassa vacanena āyataṃ vā vitthataṃ vā appitaṃ vā’’ti suttavaḍḍhanaākārameva dasseti.
буб̣б̣з аббаваарид̇од̇и жийварасаамигзхи буб̣б̣з аббаваарид̇о худ̇ваа. сзсам̣ уд̇д̇аанад̇т̇амзваад̇и.
Pubbeappavāritoti cīvarasāmikehi pubbe appavārito hutvā. Sesaṃ uttānatthamevāti.
часамудтаанам̣, гирияам̣, носан̃н̃аавимогкам̣, ажид̇д̇агам̣, бан̣н̣ад̇д̇иваж̇ж̇ам̣, гааяагаммаважийгаммам̣,
Chasamuṭṭhānaṃ, kiriyaṃ, nosaññāvimokkhaṃ, acittakaṃ, paṇṇattivajjaṃ, kāyakammavacīkammaṃ,
д̇ижид̇д̇ам̣, д̇ивзд̣̇ананд̇и.
Ticittaṃ, tivedananti.
махаабзсагаарасигкаабад̣̇аван̣н̣анаа нидтид̇аа.
Mahāpesakārasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 7. махаабзсагаарасигкаабад̣̇ам̣ • 7. Mahāpesakārasikkhāpadaṃ
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 7. махаабзсагаарасигкаабад̣̇аван̣н̣анаа • 7. Mahāpesakārasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 7. махаабзсагаарасигкаабад̣̇аван̣н̣анаа • 7. Mahāpesakārasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 7. махаабзсагаарасигкаабад̣̇аван̣н̣анаа • 7. Mahāpesakārasikkhāpadavaṇṇanā
