| Library / Tipiṭaka / д̇ибидага • Tipiṭaka / ган̇каавид̇аран̣ий-абхинава-дийгаа • Kaṅkhāvitaraṇī-abhinava-ṭīkā |
7. махаабзсагаарасигкаабад̣̇аван̣н̣анаа
7. Mahāpesakārasikkhāpadavaṇṇanā
жийварасаамигзхи буб̣б̣з аббаваарид̇о худ̇ваад̇и ‘‘гийд̣̇исзна д̇з, бханд̇з, жийварзна ад̇т̇о, гийд̣̇исам̣ д̇з жийварам̣ вааяаабзми, вад̣̇а, бханд̇з, яад̣̇ижчасий’’д̇и жийварасаамигзхи буб̣б̣з авуд̇д̇о худ̇ваа. зд̇т̇а жа ааяад̇аад̣̇ийхи д̇ийхи суд̇д̇авад̣дханаагаарзна саха вааяанаагаарам̣ д̣̇ассзд̇и, сувийд̇аад̣̇ийхи жад̇уухи вааяанаагаарамзва. ‘‘гин̃жимад̇д̇ам̣ анубад̣̇аж̇ж̇зяяаамаа’’д̇иаад̣̇и д̇асса гад̇д̇аб̣б̣аагаарамад̇д̇ад̣̇ассанам̣, на бана ан̇г̇ад̣̇ассанам̣ суд̇д̇авад̣дханавасзнзва аабаж̇ж̇ид̇аб̣б̣ад̇д̇аад̇и ааха ‘‘на бхигкуно бин̣д̣абаад̇ад̣̇аанамад̇д̇знаа’’д̇иаад̣̇и. зд̇т̇а жа ‘‘ид̣̇ам̣ мз, бханд̇з, жийварам̣ буб̣б̣з аббаваарид̇зна ан̃н̃аад̇агасса г̇ахабад̇игасса д̇анд̇авааяз убасан̇гамид̇ваа жийварз вигаббам̣ аабаннам̣ ниссаг̇г̇ияа’’нд̇и (баараа. 643) иминаа наязна ниссаж̇ж̇анавид̇хаанам̣ взд̣̇ид̇аб̣б̣ам̣. д̇игабаажид̇д̇ияанд̇и ан̃н̃аад̇агз ан̃н̃аад̇агасан̃н̃ивзмад̇иган̃аад̇агасан̃н̃ийнам̣ васзна д̇ийн̣и баажид̇д̇ияаани.
Cīvarasāmikehipubbe appavārito hutvāti ‘‘kīdisena te, bhante, cīvarena attho, kīdisaṃ te cīvaraṃ vāyāpemi, vada, bhante, yadicchasī’’ti cīvarasāmikehi pubbe avutto hutvā. Ettha ca āyatādīhi tīhi suttavaḍḍhanākārena saha vāyanākāraṃ dasseti, suvītādīhi catūhi vāyanākārameva. ‘‘Kiñcimattaṃ anupadajjeyyāmā’’tiādi tassa kattabbākāramattadassanaṃ, na pana aṅgadassanaṃ suttavaḍḍhanavaseneva āpajjitabbattāti āha ‘‘na bhikkhuno piṇḍapātadānamattenā’’tiādi. Ettha ca ‘‘idaṃ me, bhante, cīvaraṃ pubbe appavāritena aññātakassa gahapatikassa tantavāye upasaṅkamitvā cīvare vikappaṃ āpannaṃ nissaggiya’’nti (pārā. 643) iminā nayena nissajjanavidhānaṃ veditabbaṃ. Tikapācittiyanti aññātake aññātakasaññivematikañātakasaññīnaṃ vasena tīṇi pācittiyāni.
махаабзсагаарасигкаабад̣̇аван̣н̣анаа нидтид̇аа.
Mahāpesakārasikkhāpadavaṇṇanā niṭṭhitā.
