| Library / Tipiṭaka / တိပိဋက • Tipiṭaka / သာရတ္ထဒီပနီ-ဋီကာ • Sāratthadīpanī-ṭīkā |
၇. မဟာပေသကာရသိက္ခာပဒဝဏ္ဏနာ
7. Mahāpesakārasikkhāpadavaṇṇanā
၆၄၂. သတ္တမေ ကိဉ္စိမတ္တံ အနုပဒဇ္ဇေယ္ယာတိ ဣဒံ တသ္သ ကတ္တဗ္ဗာကာရမတ္တဒသ္သနံ, ဒာနံ ပနေတ္ထ အင္ဂံ န ဟောတိ သုတ္တဝဍ္ဎနဝသေနေဝ အာပဇ္ဇိတဗ္ဗတ္တာ။ တေနေဝ ပဒဘာဇနေပိ ‘‘တသ္သ ဝစနေန အာယတံ ဝာ ဝိတ္ထတံ ဝာ အပ္ပိတံ ဝာ ကရောတိ, ပယောဂေ ဒုက္ကဋံ, ပဋိလာဘေန နိသ္သဂ္ဂိယ’’န္တိ သုတ္တဝဍ္ဎနာကာရမေဝ ဒသ္သေတ္ဝာ အာပတ္တိ ဝုတ္တာ။ မာတိကာဋ္ဌကထာယမ္ပိ (ကင္ခာ. အဋ္ဌ. မဟာပေသကာရသိက္ခာပဒဝဏ္ဏနာ) ဝုတ္တံ ‘‘န ဘိက္ခုနော ပိဏ္ဍပာတဒာနမတ္တေန တံ နိသ္သဂ္ဂိယံ ဟောတိ။ သစေ ပန တေ တသ္သ ဝစနေန စီဝရသာမိကာနံ ဟတ္ထတော သုတ္တံ ဂဟေတ္ဝာ ဤသကမ္ပိ အာယတံ ဝာ ဝိတ္ထတံ ဝာ အပ္ပိတံ ဝာ ကရောန္တိ, အထ တေသံ ပယောဂေ ဘိက္ခုနော ဒုက္ကဋံ, ပဋိလာဘေန နိသ္သဂ္ဂိယံ ဟောတီ’’တိ။ အာယတာဒီသု သတ္တသု အာကာရေသု အာဒိမ္ဟိ တယော အာကာရေ သုတ္တဝဍ္ဎနေန ဝိနာ န သက္ကာ ကာတုန္တိ အာဟ ‘‘သုတ္တဝဍ္ဎနအာကာရမေဝ ဒသ္သေတီ’’တိ။ သုဝီတာဒယော ဟိ အာကာရေ ဝိနာပိ သုတ္တဝဍ္ဎနေန သက္ကာ ကာတုံ။ သေသမေတ္ထ ဥတ္တာနမေဝ။ အညာတကအပ္ပဝာရိတာနံ တန္တဝာယေ ဥပသင္ကမိတ္ဝာ ဝိကပ္ပမာပဇ္ဇနတာ, စီဝရသ္သ အတ္တုဒ္ဒေသိကတာ, တသ္သ ဝစနေန သုတ္တဝဍ္ဎနံ, စီဝရသ္သ ပဋိလာဘောတိ ဣမာနေတ္ထ စတ္တာရိ အင္ဂာနိ။
642. Sattame kiñcimattaṃ anupadajjeyyāti idaṃ tassa kattabbākāramattadassanaṃ, dānaṃ panettha aṅgaṃ na hoti suttavaḍḍhanavaseneva āpajjitabbattā. Teneva padabhājanepi ‘‘tassa vacanena āyataṃ vā vitthataṃ vā appitaṃ vā karoti, payoge dukkaṭaṃ, paṭilābhena nissaggiya’’nti suttavaḍḍhanākārameva dassetvā āpatti vuttā. Mātikāṭṭhakathāyampi (kaṅkhā. aṭṭha. mahāpesakārasikkhāpadavaṇṇanā) vuttaṃ ‘‘na bhikkhuno piṇḍapātadānamattena taṃ nissaggiyaṃ hoti. Sace pana te tassa vacanena cīvarasāmikānaṃ hatthato suttaṃ gahetvā īsakampi āyataṃ vā vitthataṃ vā appitaṃ vā karonti, atha tesaṃ payoge bhikkhuno dukkaṭaṃ, paṭilābhena nissaggiyaṃ hotī’’ti. Āyatādīsu sattasu ākāresu ādimhi tayo ākāre suttavaḍḍhanena vinā na sakkā kātunti āha ‘‘suttavaḍḍhanaākārameva dassetī’’ti. Suvītādayo hi ākāre vināpi suttavaḍḍhanena sakkā kātuṃ. Sesamettha uttānameva. Aññātakaappavāritānaṃ tantavāye upasaṅkamitvā vikappamāpajjanatā, cīvarassa attuddesikatā, tassa vacanena suttavaḍḍhanaṃ, cīvarassa paṭilābhoti imānettha cattāri aṅgāni.
မဟာပေသကာရသိက္ခာပဒဝဏ္ဏနာ နိဋ္ဌိတာ။
Mahāpesakārasikkhāpadavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / မဟာဝိဘင္ဂ • Mahāvibhaṅga / ၇. မဟာပေသကာရသိက္ခာပဒံ • 7. Mahāpesakārasikkhāpadaṃ
အဋ္ဌကထာ • Aṭṭhakathā / ဝိနယပိဋက (အဋ္ဌကထာ) • Vinayapiṭaka (aṭṭhakathā) / မဟာဝိဘင္ဂ-အဋ္ဌကထာ • Mahāvibhaṅga-aṭṭhakathā / ၇. မဟာပေသကာရသိက္ခာပဒဝဏ္ဏနာ • 7. Mahāpesakārasikkhāpadavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝဇိရဗုဒ္ဓိ-ဋီကာ • Vajirabuddhi-ṭīkā / ၇. မဟာပေသကာရသိက္ခာပဒဝဏ္ဏနာ • 7. Mahāpesakārasikkhāpadavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝိမတိဝိနောဒနီ-ဋီကာ • Vimativinodanī-ṭīkā / ၇. မဟာပေသကာရသိက္ခာပဒဝဏ္ဏနာ • 7. Mahāpesakārasikkhāpadavaṇṇanā
