| Library / Tipiṭaka / ཏིཔིཊཀ • Tipiṭaka / སཱརཏྠདཱིཔནཱི-ཊཱིཀཱ • Sāratthadīpanī-ṭīkā |
༧. མཧཱཔེསཀཱརསིཀྑཱཔདཝཎྞནཱ
7. Mahāpesakārasikkhāpadavaṇṇanā
༦༤༢. སཏྟམེ ཀིཉྩིམཏྟཾ ཨནུཔདཛྫེཡྻཱཏི ཨིདཾ ཏསྶ ཀཏྟབྦཱཀཱརམཏྟདསྶནཾ, དཱནཾ པནེཏྠ ཨངྒཾ ན ཧོཏི སུཏྟཝཌྜྷནཝསེནེཝ ཨཱཔཛྫིཏབྦཏྟཱ། ཏེནེཝ པདབྷཱཛནེཔི ‘‘ཏསྶ ཝཙནེན ཨཱཡཏཾ ཝཱ ཝིཏྠཏཾ ཝཱ ཨཔྤིཏཾ ཝཱ ཀརོཏི, པཡོགེ དུཀྐཊཾ, པཊིལཱབྷེན ནིསྶགྒིཡ’’ནྟི སུཏྟཝཌྜྷནཱཀཱརམེཝ དསྶེཏྭཱ ཨཱཔཏྟི ཝུཏྟཱ། མཱཏིཀཱཊྛཀཐཱཡམྤི (ཀངྑཱ॰ ཨཊྛ॰ མཧཱཔེསཀཱརསིཀྑཱཔདཝཎྞནཱ) ཝུཏྟཾ ‘‘ན བྷིཀྑུནོ པིཎྜཔཱཏདཱནམཏྟེན ཏཾ ནིསྶགྒིཡཾ ཧོཏི། སཙེ པན ཏེ ཏསྶ ཝཙནེན ཙཱིཝརསཱམིཀཱནཾ ཧཏྠཏོ སུཏྟཾ གཧེཏྭཱ ཨཱིསཀམྤི ཨཱཡཏཾ ཝཱ ཝིཏྠཏཾ ཝཱ ཨཔྤིཏཾ ཝཱ ཀརོནྟི, ཨཐ ཏེསཾ པཡོགེ བྷིཀྑུནོ དུཀྐཊཾ, པཊིལཱབྷེན ནིསྶགྒིཡཾ ཧོཏཱི’’ཏི། ཨཱཡཏཱདཱིསུ སཏྟསུ ཨཱཀཱརེསུ ཨཱདིམྷི ཏཡོ ཨཱཀཱརེ སུཏྟཝཌྜྷནེན ཝིནཱ ན སཀྐཱ ཀཱཏུནྟི ཨཱཧ ‘‘སུཏྟཝཌྜྷནཨཱཀཱརམེཝ དསྶེཏཱི’’ཏི། སུཝཱིཏཱདཡོ ཧི ཨཱཀཱརེ ཝིནཱཔི སུཏྟཝཌྜྷནེན སཀྐཱ ཀཱཏུཾ། སེསམེཏྠ ཨུཏྟཱནམེཝ། ཨཉྙཱཏཀཨཔྤཝཱརིཏཱནཾ ཏནྟཝཱཡེ ཨུཔསངྐམིཏྭཱ ཝིཀཔྤམཱཔཛྫནཏཱ, ཙཱིཝརསྶ ཨཏྟུདྡེསིཀཏཱ, ཏསྶ ཝཙནེན སུཏྟཝཌྜྷནཾ, ཙཱིཝརསྶ པཊིལཱབྷོཏི ཨིམཱནེཏྠ ཙཏྟཱརི ཨངྒཱནི།
642. Sattame kiñcimattaṃ anupadajjeyyāti idaṃ tassa kattabbākāramattadassanaṃ, dānaṃ panettha aṅgaṃ na hoti suttavaḍḍhanavaseneva āpajjitabbattā. Teneva padabhājanepi ‘‘tassa vacanena āyataṃ vā vitthataṃ vā appitaṃ vā karoti, payoge dukkaṭaṃ, paṭilābhena nissaggiya’’nti suttavaḍḍhanākārameva dassetvā āpatti vuttā. Mātikāṭṭhakathāyampi (kaṅkhā. aṭṭha. mahāpesakārasikkhāpadavaṇṇanā) vuttaṃ ‘‘na bhikkhuno piṇḍapātadānamattena taṃ nissaggiyaṃ hoti. Sace pana te tassa vacanena cīvarasāmikānaṃ hatthato suttaṃ gahetvā īsakampi āyataṃ vā vitthataṃ vā appitaṃ vā karonti, atha tesaṃ payoge bhikkhuno dukkaṭaṃ, paṭilābhena nissaggiyaṃ hotī’’ti. Āyatādīsu sattasu ākāresu ādimhi tayo ākāre suttavaḍḍhanena vinā na sakkā kātunti āha ‘‘suttavaḍḍhanaākārameva dassetī’’ti. Suvītādayo hi ākāre vināpi suttavaḍḍhanena sakkā kātuṃ. Sesamettha uttānameva. Aññātakaappavāritānaṃ tantavāye upasaṅkamitvā vikappamāpajjanatā, cīvarassa attuddesikatā, tassa vacanena suttavaḍḍhanaṃ, cīvarassa paṭilābhoti imānettha cattāri aṅgāni.
མཧཱཔེསཀཱརསིཀྑཱཔདཝཎྞནཱ ནིཊྛིཏཱ།
Mahāpesakārasikkhāpadavaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / ཝིནཡཔིཊཀ • Vinayapiṭaka / མཧཱཝིབྷངྒ • Mahāvibhaṅga / ༧. མཧཱཔེསཀཱརསིཀྑཱཔདཾ • 7. Mahāpesakārasikkhāpadaṃ
ཨཊྛཀཐཱ • Aṭṭhakathā / ཝིནཡཔིཊཀ (ཨཊྛཀཐཱ) • Vinayapiṭaka (aṭṭhakathā) / མཧཱཝིབྷངྒ-ཨཊྛཀཐཱ • Mahāvibhaṅga-aṭṭhakathā / ༧. མཧཱཔེསཀཱརསིཀྑཱཔདཝཎྞནཱ • 7. Mahāpesakārasikkhāpadavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝཛིརབུདྡྷི-ཊཱིཀཱ • Vajirabuddhi-ṭīkā / ༧. མཧཱཔེསཀཱརསིཀྑཱཔདཝཎྞནཱ • 7. Mahāpesakārasikkhāpadavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝིམཏིཝིནོདནཱི-ཊཱིཀཱ • Vimativinodanī-ṭīkā / ༧. མཧཱཔེསཀཱརསིཀྑཱཔདཝཎྞནཱ • 7. Mahāpesakārasikkhāpadavaṇṇanā
