| Library / Tipiṭaka / ਤਿਪਿਟਕ • Tipiṭaka / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā |
੭. ਮਹਾਪੇਸਕਾਰਸਿਕ੍ਖਾਪਦવਣ੍ਣਨਾ
7. Mahāpesakārasikkhāpadavaṇṇanā
੬੪੨. ਸਤ੍ਤਮੇ ਕਿਞ੍ਚਿਮਤ੍ਤਂ ਅਨੁਪਦਜ੍ਜੇਯ੍ਯਾਤਿ ਇਦਂ ਤਸ੍ਸ ਕਤ੍ਤਬ੍ਬਾਕਾਰਮਤ੍ਤਦਸ੍ਸਨਂ, ਦਾਨਂ ਪਨੇਤ੍ਥ ਅਙ੍ਗਂ ਨ ਹੋਤਿ ਸੁਤ੍ਤવਡ੍ਢਨવਸੇਨੇવ ਆਪਜ੍ਜਿਤਬ੍ਬਤ੍ਤਾ। ਤੇਨੇવ ਪਦਭਾਜਨੇਪਿ ‘‘ਤਸ੍ਸ વਚਨੇਨ ਆਯਤਂ વਾ વਿਤ੍ਥਤਂ વਾ ਅਪ੍ਪਿਤਂ વਾ ਕਰੋਤਿ, ਪਯੋਗੇ ਦੁਕ੍ਕਟਂ, ਪਟਿਲਾਭੇਨ ਨਿਸ੍ਸਗ੍ਗਿਯ’’ਨ੍ਤਿ ਸੁਤ੍ਤવਡ੍ਢਨਾਕਾਰਮੇવ ਦਸ੍ਸੇਤ੍વਾ ਆਪਤ੍ਤਿ વੁਤ੍ਤਾ। ਮਾਤਿਕਾਟ੍ਠਕਥਾਯਮ੍ਪਿ (ਕਙ੍ਖਾ॰ ਅਟ੍ਠ॰ ਮਹਾਪੇਸਕਾਰਸਿਕ੍ਖਾਪਦવਣ੍ਣਨਾ) વੁਤ੍ਤਂ ‘‘ਨ ਭਿਕ੍ਖੁਨੋ ਪਿਣ੍ਡਪਾਤਦਾਨਮਤ੍ਤੇਨ ਤਂ ਨਿਸ੍ਸਗ੍ਗਿਯਂ ਹੋਤਿ। ਸਚੇ ਪਨ ਤੇ ਤਸ੍ਸ વਚਨੇਨ ਚੀવਰਸਾਮਿਕਾਨਂ ਹਤ੍ਥਤੋ ਸੁਤ੍ਤਂ ਗਹੇਤ੍વਾ ਈਸਕਮ੍ਪਿ ਆਯਤਂ વਾ વਿਤ੍ਥਤਂ વਾ ਅਪ੍ਪਿਤਂ વਾ ਕਰੋਨ੍ਤਿ, ਅਥ ਤੇਸਂ ਪਯੋਗੇ ਭਿਕ੍ਖੁਨੋ ਦੁਕ੍ਕਟਂ, ਪਟਿਲਾਭੇਨ ਨਿਸ੍ਸਗ੍ਗਿਯਂ ਹੋਤੀ’’ਤਿ। ਆਯਤਾਦੀਸੁ ਸਤ੍ਤਸੁ ਆਕਾਰੇਸੁ ਆਦਿਮ੍ਹਿ ਤਯੋ ਆਕਾਰੇ ਸੁਤ੍ਤવਡ੍ਢਨੇਨ વਿਨਾ ਨ ਸਕ੍ਕਾ ਕਾਤੁਨ੍ਤਿ ਆਹ ‘‘ਸੁਤ੍ਤવਡ੍ਢਨਆਕਾਰਮੇવ ਦਸ੍ਸੇਤੀ’’ਤਿ। ਸੁવੀਤਾਦਯੋ ਹਿ ਆਕਾਰੇ વਿਨਾਪਿ ਸੁਤ੍ਤવਡ੍ਢਨੇਨ ਸਕ੍ਕਾ ਕਾਤੁਂ। ਸੇਸਮੇਤ੍ਥ ਉਤ੍ਤਾਨਮੇવ। ਅਞ੍ਞਾਤਕਅਪ੍ਪવਾਰਿਤਾਨਂ ਤਨ੍ਤવਾਯੇ ਉਪਸਙ੍ਕਮਿਤ੍વਾ વਿਕਪ੍ਪਮਾਪਜ੍ਜਨਤਾ, ਚੀવਰਸ੍ਸ ਅਤ੍ਤੁਦ੍ਦੇਸਿਕਤਾ, ਤਸ੍ਸ વਚਨੇਨ ਸੁਤ੍ਤવਡ੍ਢਨਂ, ਚੀવਰਸ੍ਸ ਪਟਿਲਾਭੋਤਿ ਇਮਾਨੇਤ੍ਥ ਚਤ੍ਤਾਰਿ ਅਙ੍ਗਾਨਿ।
642. Sattame kiñcimattaṃ anupadajjeyyāti idaṃ tassa kattabbākāramattadassanaṃ, dānaṃ panettha aṅgaṃ na hoti suttavaḍḍhanavaseneva āpajjitabbattā. Teneva padabhājanepi ‘‘tassa vacanena āyataṃ vā vitthataṃ vā appitaṃ vā karoti, payoge dukkaṭaṃ, paṭilābhena nissaggiya’’nti suttavaḍḍhanākārameva dassetvā āpatti vuttā. Mātikāṭṭhakathāyampi (kaṅkhā. aṭṭha. mahāpesakārasikkhāpadavaṇṇanā) vuttaṃ ‘‘na bhikkhuno piṇḍapātadānamattena taṃ nissaggiyaṃ hoti. Sace pana te tassa vacanena cīvarasāmikānaṃ hatthato suttaṃ gahetvā īsakampi āyataṃ vā vitthataṃ vā appitaṃ vā karonti, atha tesaṃ payoge bhikkhuno dukkaṭaṃ, paṭilābhena nissaggiyaṃ hotī’’ti. Āyatādīsu sattasu ākāresu ādimhi tayo ākāre suttavaḍḍhanena vinā na sakkā kātunti āha ‘‘suttavaḍḍhanaākārameva dassetī’’ti. Suvītādayo hi ākāre vināpi suttavaḍḍhanena sakkā kātuṃ. Sesamettha uttānameva. Aññātakaappavāritānaṃ tantavāye upasaṅkamitvā vikappamāpajjanatā, cīvarassa attuddesikatā, tassa vacanena suttavaḍḍhanaṃ, cīvarassa paṭilābhoti imānettha cattāri aṅgāni.
ਮਹਾਪੇਸਕਾਰਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Mahāpesakārasikkhāpadavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਿਭਙ੍ਗ • Mahāvibhaṅga / ੭. ਮਹਾਪੇਸਕਾਰਸਿਕ੍ਖਾਪਦਂ • 7. Mahāpesakārasikkhāpadaṃ
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਿਭਙ੍ਗ-ਅਟ੍ਠਕਥਾ • Mahāvibhaṅga-aṭṭhakathā / ੭. ਮਹਾਪੇਸਕਾਰਸਿਕ੍ਖਾਪਦવਣ੍ਣਨਾ • 7. Mahāpesakārasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ੭. ਮਹਾਪੇਸਕਾਰਸਿਕ੍ਖਾਪਦવਣ੍ਣਨਾ • 7. Mahāpesakārasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ੭. ਮਹਾਪੇਸਕਾਰਸਿਕ੍ਖਾਪਦવਣ੍ਣਨਾ • 7. Mahāpesakārasikkhāpadavaṇṇanā
