| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[240] 10. махаабин̇г̇алаж̇аад̇агаван̣н̣анаа
[240] 10. Mahāpiṅgalajātakavaṇṇanā
саб̣б̣о ж̇анод̇и ид̣̇ам̣ сад̇т̇аа ж̇зд̇аванз вихаранд̇о д̣̇звад̣̇ад̇д̇ам̣ аараб̣бха гат̇зси. д̣̇звад̣̇ад̇д̇з сад̇т̇ари аагхаад̇ам̣ б̣анд̇хид̇ваа навамаасажжаязна ж̇зд̇аванад̣̇ваарагодтагз бат̇авияам̣ нимуг̇г̇з ж̇зд̇аванаваасино жа сагаларадтаваасино жа ‘‘б̣уд̣̇д̇хабадиган̣даго д̣̇звад̣̇ад̇д̇о бат̇авияаа г̇илид̇о, нихад̇абажжаамид̇д̇о д̣̇аани саммаасамб̣уд̣̇д̇хо ж̇аад̇о’’д̇и д̇удтахадтаа ахзсум̣. д̇зсам̣ гат̇ам̣ суд̇ваа барамбарагхосзна сагалаж̇амб̣уд̣̇ийбаваасино яагкабхууд̇ад̣̇зваг̇ан̣аа жа д̇удтахадтаа зва ахзсум̣. ат̇згад̣̇ивасам̣ бхигкуу д̇хаммасабхааяам̣ гат̇ам̣ самудтаабзсум̣ – ‘‘аавусо, д̣̇звад̣̇ад̇д̇з бат̇авияам̣ нимуг̇г̇з ‘б̣уд̣̇д̇хабадиган̣даго д̣̇звад̣̇ад̇д̇о бат̇авияаа г̇илид̇о’д̇и махааж̇ано ад̇д̇амано ж̇аад̇о’’д̇и. сад̇т̇аа ааг̇анд̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчид̇ваа ‘‘имааяа наамаа’’д̇и вуд̇д̇з ‘‘на, бхигкавз, ид̣̇аанзва д̣̇звад̣̇ад̇д̇з мад̇з махааж̇ано д̇уссад̇и жзва хасад̇и жа, буб̣б̣зби д̇усси жзва хаси жаа’’д̇и вад̇ваа ад̇ийд̇ам̣ аахари.
Sabbo janoti idaṃ satthā jetavane viharanto devadattaṃ ārabbha kathesi. Devadatte satthari āghātaṃ bandhitvā navamāsaccayena jetavanadvārakoṭṭhake pathaviyaṃ nimugge jetavanavāsino ca sakalaraṭṭhavāsino ca ‘‘buddhapaṭikaṇṭako devadatto pathaviyā gilito, nihatapaccāmitto dāni sammāsambuddho jāto’’ti tuṭṭhahaṭṭhā ahesuṃ. Tesaṃ kathaṃ sutvā paramparaghosena sakalajambudīpavāsino yakkhabhūtadevagaṇā ca tuṭṭhahaṭṭhā eva ahesuṃ. Athekadivasaṃ bhikkhū dhammasabhāyaṃ kathaṃ samuṭṭhāpesuṃ – ‘‘āvuso, devadatte pathaviyaṃ nimugge ‘buddhapaṭikaṇṭako devadatto pathaviyā gilito’ti mahājano attamano jāto’’ti. Satthā āgantvā ‘‘kāya nuttha, bhikkhave, etarahi kathāya sannisinnā’’ti pucchitvā ‘‘imāya nāmā’’ti vutte ‘‘na, bhikkhave, idāneva devadatte mate mahājano tussati ceva hasati ca, pubbepi tussi ceva hasi cā’’ti vatvā atītaṃ āhari.
ад̇ийд̇з б̣аараан̣асияам̣ махаабин̇г̇ало наама рааж̇аа ад̇хаммзна висамзна раж̇ж̇ам̣ гаарзси, чанд̣̇аад̣̇ивасзна баабагаммаани гаронд̇о д̣̇ан̣д̣аб̣алиж̇ан̇гхагахаабан̣аад̣̇иг̇г̇ахан̣зна ужчуяанд̇з ужчум̣ вияа махааж̇анам̣ бийл̣зси гагкал̣о парусо саахасиго, барзсу ануд̣̇д̣̇аяаамад̇д̇амби наамасса над̇т̇и, г̇зхз ид̇т̇ийнамби буд̇д̇ад̇хийд̇аанамби амажжаб̣раахман̣аг̇ахабад̇игаад̣̇ийнамби аббияо аманаабо, агкимхи бад̇ид̇араж̇ам̣ вияа, бхад̇д̇абин̣д̣з сагкараа вияа, бан̣хим̣ виж̇жхид̇ваа бавидтаган̣даго вияа жа ахоси . д̇ад̣̇аа б̣од̇хисад̇д̇о махаабин̇г̇аласса буд̇д̇о худ̇ваа ниб̣б̣ад̇д̇и. махаабин̇г̇ало д̣̇ийгхарад̇д̇ам̣ раж̇ж̇ам̣ гаарзд̇ваа гааламагааси. д̇асмим̣ гаалагад̇з сагалаб̣аараан̣асиваасино хадтад̇удтаа махаахасид̇ам̣ хасид̇ваа д̣̇ааруунам̣ сагадасахассзна махаабин̇г̇алам̣ жхаабзд̇ваа анзгзхи гхадасахассзхи аал̣ааханам̣ ниб̣б̣аабзд̇ваа б̣од̇хисад̇д̇ам̣ раж̇ж̇з абхисин̃жид̇ваа ‘‘д̇хаммиго но рааж̇аа лад̣̇д̇хо’’д̇и хадтад̇удтаа наг̇арз уссавабхзрим̣ жараабзд̇ваа самуссид̇ад̇хаж̇абадаагам̣ наг̇арам̣ алан̇гарид̇ваа д̣̇ваарз д̣̇ваарз ман̣д̣абам̣ гаарзд̇ваа виббагин̣н̣алааж̇агусумаман̣д̣ид̇ад̇алзсу алан̇гад̇аман̣д̣абзсу нисийд̣̇ид̇ваа каад̣̇им̣су жзва бивим̣су жа.
Atīte bārāṇasiyaṃ mahāpiṅgalo nāma rājā adhammena visamena rajjaṃ kāresi, chandādivasena pāpakammāni karonto daṇḍabalijaṅghakahāpaṇādiggahaṇena ucchuyante ucchuṃ viya mahājanaṃ pīḷesi kakkhaḷo pharuso sāhasiko, paresu anuddayāmattampi nāmassa natthi, gehe itthīnampi puttadhītānampi amaccabrāhmaṇagahapatikādīnampi appiyo amanāpo, akkhimhi patitarajaṃ viya, bhattapiṇḍe sakkharā viya, paṇhiṃ vijjhitvā paviṭṭhakaṇṭako viya ca ahosi . Tadā bodhisatto mahāpiṅgalassa putto hutvā nibbatti. Mahāpiṅgalo dīgharattaṃ rajjaṃ kāretvā kālamakāsi. Tasmiṃ kālakate sakalabārāṇasivāsino haṭṭhatuṭṭhā mahāhasitaṃ hasitvā dārūnaṃ sakaṭasahassena mahāpiṅgalaṃ jhāpetvā anekehi ghaṭasahassehi āḷāhanaṃ nibbāpetvā bodhisattaṃ rajje abhisiñcitvā ‘‘dhammiko no rājā laddho’’ti haṭṭhatuṭṭhā nagare ussavabheriṃ carāpetvā samussitadhajapaṭākaṃ nagaraṃ alaṅkaritvā dvāre dvāre maṇḍapaṃ kāretvā vippakiṇṇalājakusumamaṇḍitatalesu alaṅkatamaṇḍapesu nisīditvā khādiṃsu ceva piviṃsu ca.
б̣од̇хисад̇д̇оби алан̇гад̇з махаад̇алз самуссид̇асзд̇ажчад̇д̇асса баллан̇гаварасса маж̇жхз махааяасам̣ анубхаванд̇о нисийд̣̇и. амажжаа жа б̣раахман̣аг̇ахабад̇ирадтигад̣̇овааригаад̣̇аяо жа рааж̇аанам̣ бариваарзд̇ваа адтам̣су. ат̇зго д̣̇оваариго наад̇ид̣̇уурз тад̇ваа ассасанд̇о бассасанд̇о барод̣̇и. б̣од̇хисад̇д̇о д̇ам̣ д̣̇исваа ‘‘самма д̣̇оваарига, мама бид̇ари гаалагад̇з саб̣б̣з д̇удтабахадтаа уссавам̣ гийл̣анд̇аа вижаранд̇и, д̇вам̣ бана род̣̇амаано тид̇о , гим̣ ну ко мама бид̇аа д̇авзва бияо ахоси манаабо’’д̇и бужчанд̇о батамам̣ г̇аат̇амааха –
Bodhisattopi alaṅkate mahātale samussitasetacchattassa pallaṅkavarassa majjhe mahāyasaṃ anubhavanto nisīdi. Amaccā ca brāhmaṇagahapatiraṭṭhikadovārikādayo ca rājānaṃ parivāretvā aṭṭhaṃsu. Atheko dovāriko nātidūre ṭhatvā assasanto passasanto parodi. Bodhisatto taṃ disvā ‘‘samma dovārika, mama pitari kālakate sabbe tuṭṭhapahaṭṭhā ussavaṃ kīḷantā vicaranti, tvaṃ pana rodamāno ṭhito , kiṃ nu kho mama pitā taveva piyo ahosi manāpo’’ti pucchanto paṭhamaṃ gāthamāha –
179.
179.
‘‘саб̣б̣о ж̇ано хим̣сид̇о бин̇г̇алзна, д̇асмим̣ мад̇з бажжаяаа взд̣̇аяанд̇и;
‘‘Sabbo jano hiṃsito piṅgalena, tasmiṃ mate paccayā vedayanti;
бияо ну д̇з ааси аган̣ханзд̇д̇о, гасмаа ну д̇вам̣ род̣̇аси д̣̇ваарабаалаа’’д̇и.
Piyo nu te āsi akaṇhanetto, kasmā nu tvaṃ rodasi dvārapālā’’ti.
д̇ад̇т̇а хим̣сид̇од̇и наанаббагаарзхи д̣̇ан̣д̣аб̣алиаад̣̇ийхи бийл̣ид̇о. бин̇г̇алзнаад̇и бин̇г̇алагкзна. д̇асса гира д̣̇взби агкийни ниб̣б̣ид̣̇д̇хабин̇г̇алаани б̣ил̣аарагкиван̣н̣аани ахзсум̣, д̇знзвасса ‘‘бин̇г̇ало’’д̇и наамам̣ агам̣су. бажжаяаа взд̣̇аяанд̇ийд̇и бийд̇ияо бавзд̣̇аяанд̇и. аган̣ханзд̇д̇од̇и бин̇г̇аланзд̇д̇о. гасмаа ну д̇ванд̇и гзна ну гааран̣зна д̇вам̣ род̣̇аси. адтагат̇ааяам̣ бана ‘‘гасмаа д̇ува’’нд̇и баато.
Tattha hiṃsitoti nānappakārehi daṇḍabaliādīhi pīḷito. Piṅgalenāti piṅgalakkhena. Tassa kira dvepi akkhīni nibbiddhapiṅgalāni biḷārakkhivaṇṇāni ahesuṃ, tenevassa ‘‘piṅgalo’’ti nāmaṃ akaṃsu. Paccayā vedayantīti pītiyo pavedayanti. Akaṇhanettoti piṅgalanetto. Kasmā nu tvanti kena nu kāraṇena tvaṃ rodasi. Aṭṭhakathāyaṃ pana ‘‘kasmā tuva’’nti pāṭho.
со д̇асса важанам̣ суд̇ваа ‘‘наахам̣, махаарааж̇а, ‘махаабин̇г̇ало мад̇о’д̇и согзна род̣̇аами, сийсасса мз сукам̣ ж̇аад̇ам̣. бин̇г̇аларааж̇аа хи баасаад̣̇аа од̇аранд̇о жа аароханд̇о жа гаммаарамудтигааяа бахаранд̇о вияа маяхам̣ сийсз адтадта кадагз д̣̇зд̇и, со баралогам̣ г̇анд̇вааби мама сийсз д̣̇ад̣̇амаано вияа нираяабаалаанамби яамассаби сийлз кадагз д̣̇ассад̇и, ат̇а нам̣ д̇з ‘ад̇ивияа аяам̣ амхз б̣аад̇хад̇ий’д̇и буна ид̇хзва аанзд̇ваа виссаж̇ж̇зяяум̣, ат̇а мз со бунаби сийсз кадагз д̣̇ад̣̇зяяаад̇и бхаязнаахам̣ род̣̇аамий’’д̇и имамад̇т̇ам̣ багаасзнд̇о д̣̇уд̇ияам̣ г̇аат̇амааха –
So tassa vacanaṃ sutvā ‘‘nāhaṃ, mahārāja, ‘mahāpiṅgalo mato’ti sokena rodāmi, sīsassa me sukhaṃ jātaṃ. Piṅgalarājā hi pāsādā otaranto ca ārohanto ca kammāramuṭṭhikāya paharanto viya mayhaṃ sīse aṭṭhaṭṭha khaṭake deti, so paralokaṃ gantvāpi mama sīse dadamāno viya nirayapālānampi yamassapi sīle khaṭake dassati, atha naṃ te ‘ativiya ayaṃ amhe bādhatī’ti puna idheva ānetvā vissajjeyyuṃ, atha me so punapi sīse khaṭake dadeyyāti bhayenāhaṃ rodāmī’’ti imamatthaṃ pakāsento dutiyaṃ gāthamāha –
180.
180.
‘‘на мз бияо ааси аган̣ханзд̇д̇о, бхааяаами бажжааг̇аманааяа д̇асса;
‘‘Na me piyo āsi akaṇhanetto, bhāyāmi paccāgamanāya tassa;
ид̇о г̇ад̇о хим̣сзяяа мажжурааж̇ам̣, со хим̣сид̇о аанзяяа буна ид̇хаа’’д̇и.
Ito gato hiṃseyya maccurājaṃ, so hiṃsito āneyya puna idhā’’ti.
ат̇а нам̣ б̣од̇хисад̇д̇о ‘‘со рааж̇аа д̣̇ааруунам̣ ваахасахассзна д̣̇ад̣дхо уд̣̇агагхадасад̇зхи сид̇д̇о, саабисса аал̣ааханабхууми саманд̇ад̇о кад̇аа, багад̇ияааби жа баралогам̣ г̇ад̇аа наама ан̃н̃ад̇т̇а г̇ад̇ивасаа буна д̇знзва сарийрзна нааг̇ажчанд̇и, маа д̇вам̣ бхааяий’’д̇и д̇ам̣ самассаасзнд̇о имам̣ г̇аат̇амааха –
Atha naṃ bodhisatto ‘‘so rājā dārūnaṃ vāhasahassena daḍḍho udakaghaṭasatehi sitto, sāpissa āḷāhanabhūmi samantato khatā, pakatiyāpi ca paralokaṃ gatā nāma aññattha gativasā puna teneva sarīrena nāgacchanti, mā tvaṃ bhāyī’’ti taṃ samassāsento imaṃ gāthamāha –
181.
181.
‘‘д̣̇ад̣дхо ваахасахассзхи, сид̇д̇о гхадасад̇зхи со;
‘‘Daḍḍho vāhasahassehi, sitto ghaṭasatehi so;
баригкад̇аа жа саа бхууми, маа бхааяи нааг̇амиссад̇ий’’д̇и.
Parikkhatā ca sā bhūmi, mā bhāyi nāgamissatī’’ti.
д̇ад̇о бадтааяа д̣̇оваариго ассаасам̣ бадилабхи. б̣од̇хисад̇д̇о д̇хаммзна раж̇ж̇ам̣ гаарзд̇ваа д̣̇аанаад̣̇ийни бун̃н̃аани гад̇ваа яат̇аагаммам̣ г̇ад̇о.
Tato paṭṭhāya dovāriko assāsaṃ paṭilabhi. Bodhisatto dhammena rajjaṃ kāretvā dānādīni puññāni katvā yathākammaṃ gato.
сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа махаабин̇г̇ало д̣̇звад̣̇ад̇д̇о ахоси, буд̇д̇о бана ахамзва ахоси’’нд̇и.
Satthā imaṃ dhammadesanaṃ āharitvā jātakaṃ samodhānesi – ‘‘tadā mahāpiṅgalo devadatto ahosi, putto pana ahameva ahosi’’nti.
махаабин̇г̇алаж̇аад̇агаван̣н̣анаа д̣̇асамаа.
Mahāpiṅgalajātakavaṇṇanā dasamā.
убааханаваг̇г̇о навамо.
Upāhanavaggo navamo.
д̇ассуд̣̇д̣̇аанам̣ –
Tassuddānaṃ –
убааханам̣ вийн̣аат̇уун̣ам̣, виган̣н̣агам̣ асид̇аабху;
Upāhanaṃ vīṇāthūṇaṃ, vikaṇṇakaṃ asitābhu;
важчанакам̣ б̣аган̃жзва, саагзд̇ан̃жа згабад̣̇ам̣;
Vacchanakhaṃ bakañceva, sāketañca ekapadaṃ;
харид̇амаад̇у бин̇г̇алам̣.
Haritamātu piṅgalaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 240. махаабин̇г̇алаж̇аад̇агам̣ • 240. Mahāpiṅgalajātakaṃ
