| Library / Tipiṭaka / д̇ибидага • Tipiṭaka / маж̇жхиманигааяа • Majjhimanikāya |
9. махаабун̣н̣амасуд̇д̇ам̣
9. Mahāpuṇṇamasuttaṃ
85. звам̣ мз суд̇ам̣ – згам̣ самаяам̣ бхаг̇аваа саавад̇т̇ияам̣ вихарад̇и буб̣б̣аараамз миг̇аарамаад̇убаасаад̣̇з. д̇зна ко бана самаязна бхаг̇аваа д̇ад̣̇ахубосат̇з баннарасз бун̣н̣ааяа бун̣н̣амааяа рад̇д̇ияаа бхигкусан̇гхабаривуд̇о аб̣бхогаасз нисинно ход̇и. ат̇а ко ан̃н̃ад̇аро бхигку удтааяаасанаа згам̣сам̣ жийварам̣ гад̇ваа язна бхаг̇аваа д̇знан̃ж̇алим̣ бан̣аамзд̇ваа бхаг̇аванд̇ам̣ зд̇ад̣̇авожа –
85. Evaṃ me sutaṃ – ekaṃ samayaṃ bhagavā sāvatthiyaṃ viharati pubbārāme migāramātupāsāde. Tena kho pana samayena bhagavā tadahuposathe pannarase puṇṇāya puṇṇamāya rattiyā bhikkhusaṅghaparivuto abbhokāse nisinno hoti. Atha kho aññataro bhikkhu uṭṭhāyāsanā ekaṃsaṃ cīvaraṃ katvā yena bhagavā tenañjaliṃ paṇāmetvā bhagavantaṃ etadavoca –
‘‘бужчзяяаахам̣, бханд̇з, бхаг̇аванд̇ам̣ гин̃жид̣̇зва д̣̇зсам̣, сажз мз бхаг̇аваа огаасам̣ гарод̇и бан̃хасса взяяаагаран̣ааяаа’’д̇и. ‘‘д̇зна хи д̇вам̣, бхигку, сагз аасанз нисийд̣̇ид̇ваа бужча яад̣̇ааган̇касий’’д̇и.
‘‘Puccheyyāhaṃ, bhante, bhagavantaṃ kiñcideva desaṃ, sace me bhagavā okāsaṃ karoti pañhassa veyyākaraṇāyā’’ti. ‘‘Tena hi tvaṃ, bhikkhu, sake āsane nisīditvā puccha yadākaṅkhasī’’ti.
86. ат̇а ко со бхигку сагз аасанз нисийд̣̇ид̇ваа бхаг̇аванд̇ам̣ зд̇ад̣̇авожа – ‘‘имз ну ко, бханд̇з, бан̃жубаад̣̇аанагканд̇хаа, сзяяат̇ид̣̇ам̣ – руубубаад̣̇аанагканд̇хо, взд̣̇анубаад̣̇аанагканд̇хо, сан̃н̃убаад̣̇аанагканд̇хо, сан̇каарубаад̣̇аанагканд̇хо, вин̃н̃аан̣убаад̣̇аанагканд̇хо’’д̇и? ‘‘имз ко, бхигку, бан̃жубаад̣̇аанагканд̇хаа, сзяяат̇ид̣̇ам̣ – руубубаад̣̇аанагканд̇хо, взд̣̇анубаад̣̇аанагканд̇хо, сан̃н̃убаад̣̇аанагканд̇хо, сан̇каарубаад̣̇аанагканд̇хо, вин̃н̃аан̣убаад̣̇аанагканд̇хо’’д̇и.
86. Atha kho so bhikkhu sake āsane nisīditvā bhagavantaṃ etadavoca – ‘‘ime nu kho, bhante, pañcupādānakkhandhā, seyyathidaṃ – rūpupādānakkhandho, vedanupādānakkhandho, saññupādānakkhandho, saṅkhārupādānakkhandho, viññāṇupādānakkhandho’’ti? ‘‘Ime kho, bhikkhu, pañcupādānakkhandhā, seyyathidaṃ – rūpupādānakkhandho, vedanupādānakkhandho, saññupādānakkhandho, saṅkhārupādānakkhandho, viññāṇupādānakkhandho’’ti.
‘‘саад̇ху, бханд̇з’’д̇и ко со бхигку бхаг̇авад̇о бхаасид̇ам̣ абхинанд̣̇ид̇ваа анумод̣̇ид̇ваа бхаг̇аванд̇ам̣ уд̇д̇арим̣ бан̃хам̣ бужчи – ‘‘имз бана, бханд̇з, бан̃жубаад̣̇аанагканд̇хаа гим̣муулагаа’’д̇и? ‘‘имз ко, бхигку, бан̃жубаад̣̇аанагканд̇хаа чанд̣̇амуулагаа’’д̇и. ‘‘д̇ам̣язва ну ко, бханд̇з, убаад̣̇аанам̣ д̇з бан̃жубаад̣̇аанагканд̇хаа, уд̣̇ааху ан̃н̃ад̇ра бан̃жахубаад̣̇аанагканд̇хзхи убаад̣̇аана’’нд̇и? ‘‘на ко, бхигку, д̇ам̣язва убаад̣̇аанам̣ д̇з бан̃жубаад̣̇аанагканд̇хаа, нааби ан̃н̃ад̇ра бан̃жахубаад̣̇аанагканд̇хзхи убаад̣̇аанам̣. яо ко, бхигку, бан̃жасу убаад̣̇аанагканд̇хзсу чанд̣̇арааг̇о д̇ам̣ д̇ад̇т̇а убаад̣̇аана’’нд̇и.
‘‘Sādhu, bhante’’ti kho so bhikkhu bhagavato bhāsitaṃ abhinanditvā anumoditvā bhagavantaṃ uttariṃ pañhaṃ pucchi – ‘‘ime pana, bhante, pañcupādānakkhandhā kiṃmūlakā’’ti? ‘‘Ime kho, bhikkhu, pañcupādānakkhandhā chandamūlakā’’ti. ‘‘Taṃyeva nu kho, bhante, upādānaṃ te pañcupādānakkhandhā, udāhu aññatra pañcahupādānakkhandhehi upādāna’’nti? ‘‘Na kho, bhikkhu, taṃyeva upādānaṃ te pañcupādānakkhandhā, nāpi aññatra pañcahupādānakkhandhehi upādānaṃ. Yo kho, bhikkhu, pañcasu upādānakkhandhesu chandarāgo taṃ tattha upādāna’’nti.
‘‘сияаа бана, бханд̇з, бан̃жасу убаад̣̇аанагканд̇хзсу чанд̣̇арааг̇авзмад̇д̇ад̇аа’’д̇и? ‘‘сияаа бхигкуу’’д̇и бхаг̇аваа авожа ‘‘ид̇ха, бхигку, згажжасса звам̣ ход̇и – ‘звам̣руубо сияам̣ анааг̇ад̇амад̣̇д̇хаанам̣ , звам̣взд̣̇ано сияам̣ анааг̇ад̇амад̣̇д̇хаанам̣, звам̣сан̃н̃о сияам̣ анааг̇ад̇амад̣̇д̇хаанам̣, звам̣сан̇кааро сияам̣ анааг̇ад̇амад̣̇д̇хаанам̣, звам̣вин̃н̃аан̣о сияам̣ анааг̇ад̇амад̣̇д̇хаана’нд̇и. звам̣ ко, бхигку, сияаа бан̃жасу убаад̣̇аанагканд̇хзсу чанд̣̇арааг̇авзмад̇д̇ад̇аа’’д̇и.
‘‘Siyā pana, bhante, pañcasu upādānakkhandhesu chandarāgavemattatā’’ti? ‘‘Siyā bhikkhū’’ti bhagavā avoca ‘‘idha, bhikkhu, ekaccassa evaṃ hoti – ‘evaṃrūpo siyaṃ anāgatamaddhānaṃ , evaṃvedano siyaṃ anāgatamaddhānaṃ, evaṃsañño siyaṃ anāgatamaddhānaṃ, evaṃsaṅkhāro siyaṃ anāgatamaddhānaṃ, evaṃviññāṇo siyaṃ anāgatamaddhāna’nti. Evaṃ kho, bhikkhu, siyā pañcasu upādānakkhandhesu chandarāgavemattatā’’ti.
‘‘гид̇д̇аавад̇аа бана, бханд̇з, канд̇хаанам̣ канд̇хаад̇хиважанам̣ ход̇ий’’д̇и? ‘‘яам̣ гин̃жи, бхигку, руубам̣ – ад̇ийд̇аанааг̇ад̇абажжуббаннам̣ аж̇жхад̇д̇ам̣ ваа б̣ахид̣̇д̇хаа ваа, ол̣ааригам̣ ваа сукумам̣ ваа, хийнам̣ ваа бан̣ийд̇ам̣ ваа, яам̣ д̣̇уурз санд̇игз ваа – аяам̣ руубагканд̇хо. яаа гаажи взд̣̇анаа – ад̇ийд̇аанааг̇ад̇абажжуббаннаа аж̇жхад̇д̇ам̣ ваа б̣ахид̣̇д̇хаа ваа, ол̣ааригаа ваа сукумаа ваа, хийнаа ваа бан̣ийд̇аа ваа, яаа д̣̇уурз санд̇игз ваа – аяам̣ взд̣̇анаагканд̇хо. яаа гаажи сан̃н̃аа – ад̇ийд̇аанааг̇ад̇абажжуббаннаа…бз… яаа д̣̇уурз санд̇игз ваа – аяам̣ сан̃н̃аагканд̇хо. яз гзжи сан̇каараа – ад̇ийд̇аанааг̇ад̇абажжуббаннаа аж̇жхад̇д̇ам̣ ваа б̣ахид̣̇д̇хаа ваа, ол̣ааригаа ваа сукумаа ваа, хийнаа ваа бан̣ийд̇аа ваа, яз д̣̇уурз санд̇игз ваа – аяам̣ сан̇каарагканд̇хо. яам̣ гин̃жи вин̃н̃аан̣ам̣ – ад̇ийд̇аанааг̇ад̇абажжуббаннам̣ аж̇жхад̇д̇ам̣ ваа б̣ахид̣̇д̇хаа ваа, ол̣ааригам̣ ваа сукумам̣ ваа, хийнам̣ ваа бан̣ийд̇ам̣ ваа, яам̣ д̣̇уурз санд̇игз ваа – аяам̣ вин̃н̃аан̣агканд̇хо. зд̇д̇аавад̇аа ко, бхигку, канд̇хаанам̣ канд̇хаад̇хиважанам̣ ход̇ий’’д̇и.
‘‘Kittāvatā pana, bhante, khandhānaṃ khandhādhivacanaṃ hotī’’ti? ‘‘Yaṃ kiñci, bhikkhu, rūpaṃ – atītānāgatapaccuppannaṃ ajjhattaṃ vā bahiddhā vā, oḷārikaṃ vā sukhumaṃ vā, hīnaṃ vā paṇītaṃ vā, yaṃ dūre santike vā – ayaṃ rūpakkhandho. Yā kāci vedanā – atītānāgatapaccuppannā ajjhattaṃ vā bahiddhā vā, oḷārikā vā sukhumā vā, hīnā vā paṇītā vā, yā dūre santike vā – ayaṃ vedanākkhandho. Yā kāci saññā – atītānāgatapaccuppannā…pe… yā dūre santike vā – ayaṃ saññākkhandho. Ye keci saṅkhārā – atītānāgatapaccuppannā ajjhattaṃ vā bahiddhā vā, oḷārikā vā sukhumā vā, hīnā vā paṇītā vā, ye dūre santike vā – ayaṃ saṅkhārakkhandho. Yaṃ kiñci viññāṇaṃ – atītānāgatapaccuppannaṃ ajjhattaṃ vā bahiddhā vā, oḷārikaṃ vā sukhumaṃ vā, hīnaṃ vā paṇītaṃ vā, yaṃ dūre santike vā – ayaṃ viññāṇakkhandho. Ettāvatā kho, bhikkhu, khandhānaṃ khandhādhivacanaṃ hotī’’ti.
‘‘го ну ко, бханд̇з, хзд̇у го бажжаяо руубагканд̇хасса бан̃н̃аабанааяа? го хзд̇у го бажжаяо взд̣̇анаагканд̇хасса бан̃н̃аабанааяа? го хзд̇у го бажжаяо сан̃н̃аагканд̇хасса бан̃н̃аабанааяа? го хзд̇у го бажжаяо сан̇каарагканд̇хасса бан̃н̃аабанааяа? го хзд̇у го бажжаяо вин̃н̃аан̣агканд̇хасса бан̃н̃аабанааяаа’’д̇и?
‘‘Ko nu kho, bhante, hetu ko paccayo rūpakkhandhassa paññāpanāya? Ko hetu ko paccayo vedanākkhandhassa paññāpanāya? Ko hetu ko paccayo saññākkhandhassa paññāpanāya? Ko hetu ko paccayo saṅkhārakkhandhassa paññāpanāya? Ko hetu ko paccayo viññāṇakkhandhassa paññāpanāyā’’ti?
‘‘жад̇д̇ааро ко, бхигку, махаабхууд̇аа хзд̇у, жад̇д̇ааро махаабхууд̇аа бажжаяо руубагканд̇хасса бан̃н̃аабанааяа. пассо хзд̇у, пассо бажжаяо взд̣̇анаагканд̇хасса бан̃н̃аабанааяа. пассо хзд̇у, пассо бажжаяо сан̃н̃аагканд̇хасса бан̃н̃аабанааяа. пассо хзд̇у, пассо бажжаяо сан̇каарагканд̇хасса бан̃н̃аабанааяа. наамаруубам̣ ко, бхигку, хзд̇у, наамаруубам̣ бажжаяо вин̃н̃аан̣агканд̇хасса бан̃н̃аабанааяаа’’д̇и.
‘‘Cattāro kho, bhikkhu, mahābhūtā hetu, cattāro mahābhūtā paccayo rūpakkhandhassa paññāpanāya. Phasso hetu, phasso paccayo vedanākkhandhassa paññāpanāya. Phasso hetu, phasso paccayo saññākkhandhassa paññāpanāya. Phasso hetu, phasso paccayo saṅkhārakkhandhassa paññāpanāya. Nāmarūpaṃ kho, bhikkhu, hetu, nāmarūpaṃ paccayo viññāṇakkhandhassa paññāpanāyā’’ti.
87. ‘‘гат̇ам̣ бана, бханд̇з, саггааяад̣̇идти ход̇ий’’д̇и? ‘‘ид̇ха, бхигку, ассуд̇аваа бут̇уж̇ж̇ано арияаанам̣ ад̣̇ассаавий арияад̇хаммасса аговид̣̇о арияад̇хаммз авинийд̇о саббурисаанам̣ ад̣̇ассаавий саббурисад̇хаммасса аговид̣̇о саббурисад̇хаммз авинийд̇о руубам̣ ад̇д̇ад̇о саманубассад̇и руубаванд̇ам̣ ваа ад̇д̇аанам̣ ад̇д̇ани ваа руубам̣ руубасмим̣ ваа ад̇д̇аанам̣; взд̣̇анам̣ ад̇д̇ад̇о саманубассад̇и взд̣̇анааванд̇ам̣ ваа ад̇д̇аанам̣ ад̇д̇ани ваа взд̣̇анам̣ взд̣̇анааяа ваа ад̇д̇аанам̣; сан̃н̃ам̣ ад̇д̇ад̇о саманубассад̇и сан̃н̃ааванд̇ам̣ ваа ад̇д̇аанам̣ ад̇д̇ани ваа сан̃н̃ам̣ сан̃н̃ааяа ваа ад̇д̇аанам̣; сан̇каарз ад̇д̇ад̇о саманубассад̇и сан̇каараванд̇ам̣ ваа ад̇д̇аанам̣ ад̇д̇ани ваа сан̇каарз сан̇каарзсу ваа ад̇д̇аанам̣; вин̃н̃аан̣ам̣ ад̇д̇ад̇о саманубассад̇и вин̃н̃аан̣аванд̇ам̣ ваа ад̇д̇аанам̣ ад̇д̇ани ваа вин̃н̃аан̣ам̣ вин̃н̃аан̣асмим̣ ваа ад̇д̇аанам̣. звам̣ ко , бхигку, саггааяад̣̇идти ход̇ий’’д̇и.
87. ‘‘Kathaṃ pana, bhante, sakkāyadiṭṭhi hotī’’ti? ‘‘Idha, bhikkhu, assutavā puthujjano ariyānaṃ adassāvī ariyadhammassa akovido ariyadhamme avinīto sappurisānaṃ adassāvī sappurisadhammassa akovido sappurisadhamme avinīto rūpaṃ attato samanupassati rūpavantaṃ vā attānaṃ attani vā rūpaṃ rūpasmiṃ vā attānaṃ; vedanaṃ attato samanupassati vedanāvantaṃ vā attānaṃ attani vā vedanaṃ vedanāya vā attānaṃ; saññaṃ attato samanupassati saññāvantaṃ vā attānaṃ attani vā saññaṃ saññāya vā attānaṃ; saṅkhāre attato samanupassati saṅkhāravantaṃ vā attānaṃ attani vā saṅkhāre saṅkhāresu vā attānaṃ; viññāṇaṃ attato samanupassati viññāṇavantaṃ vā attānaṃ attani vā viññāṇaṃ viññāṇasmiṃ vā attānaṃ. Evaṃ kho , bhikkhu, sakkāyadiṭṭhi hotī’’ti.
‘‘гат̇ам̣ бана, бханд̇з, саггааяад̣̇идти на ход̇ий’’д̇и? ‘‘ид̇ха, бхигку, суд̇аваа арияасааваго арияаанам̣ д̣̇ассаавий арияад̇хаммасса говид̣̇о арияад̇хаммз сувинийд̇о саббурисаанам̣ д̣̇ассаавий саббурисад̇хаммасса говид̣̇о саббурисад̇хаммз сувинийд̇о на руубам̣ ад̇д̇ад̇о саманубассад̇и на руубаванд̇ам̣ ваа ад̇д̇аанам̣ на ад̇д̇ани ваа руубам̣ на руубасмим̣ ваа ад̇д̇аанам̣; на взд̣̇анам̣ ад̇д̇ад̇о саманубассад̇и на взд̣̇анааванд̇ам̣ ваа ад̇д̇аанам̣ на ад̇д̇ани ваа взд̣̇анам̣ на взд̣̇анааяа ваа ад̇д̇аанам̣; на сан̃н̃ам̣ ад̇д̇ад̇о саманубассад̇и на сан̃н̃ааванд̇ам̣ ваа ад̇д̇аанам̣ на ад̇д̇ани ваа сан̃н̃ам̣ на сан̃н̃ааяа ваа ад̇д̇аанам̣; на сан̇каарз ад̇д̇ад̇о саманубассад̇и на сан̇каараванд̇ам̣ ваа ад̇д̇аанам̣ на ад̇д̇ани ваа сан̇каарз на сан̇каарзсу ваа ад̇д̇аанам̣; на вин̃н̃аан̣ам̣ ад̇д̇ад̇о саманубассад̇и на вин̃н̃аан̣аванд̇ам̣ ваа ад̇д̇аанам̣ на ад̇д̇ани ваа вин̃н̃аан̣ам̣ на вин̃н̃аан̣асмим̣ ваа ад̇д̇аанам̣. звам̣ ко, бхигку, саггааяад̣̇идти на ход̇ий’’д̇и.
‘‘Kathaṃ pana, bhante, sakkāyadiṭṭhi na hotī’’ti? ‘‘Idha, bhikkhu, sutavā ariyasāvako ariyānaṃ dassāvī ariyadhammassa kovido ariyadhamme suvinīto sappurisānaṃ dassāvī sappurisadhammassa kovido sappurisadhamme suvinīto na rūpaṃ attato samanupassati na rūpavantaṃ vā attānaṃ na attani vā rūpaṃ na rūpasmiṃ vā attānaṃ; na vedanaṃ attato samanupassati na vedanāvantaṃ vā attānaṃ na attani vā vedanaṃ na vedanāya vā attānaṃ; na saññaṃ attato samanupassati na saññāvantaṃ vā attānaṃ na attani vā saññaṃ na saññāya vā attānaṃ; na saṅkhāre attato samanupassati na saṅkhāravantaṃ vā attānaṃ na attani vā saṅkhāre na saṅkhāresu vā attānaṃ; na viññāṇaṃ attato samanupassati na viññāṇavantaṃ vā attānaṃ na attani vā viññāṇaṃ na viññāṇasmiṃ vā attānaṃ. Evaṃ kho, bhikkhu, sakkāyadiṭṭhi na hotī’’ti.
88. ‘‘го ну ко, бханд̇з, руубз ассаад̣̇о, го аад̣̇ийнаво, гим̣ ниссаран̣ам̣? го взд̣̇анааяа ассаад̣̇о, го аад̣̇ийнаво, гим̣ ниссаран̣ам̣? го сан̃н̃ааяа ассаад̣̇о, го аад̣̇ийнаво, гим̣ ниссаран̣ам̣? го сан̇каарзсу ассаад̣̇о, го аад̣̇ийнаво, гим̣ ниссаран̣ам̣? го вин̃н̃аан̣з ассаад̣̇о, го аад̣̇ийнаво, гим̣ ниссаран̣а’’нд̇и? ‘‘яам̣ ко, бхигку, руубам̣ бадижжа уббаж̇ж̇ад̇и сукам̣ соманассам̣, аяам̣ руубз ассаад̣̇о. яам̣ руубам̣ анижжам̣ д̣̇угкам̣ вибарин̣аамад̇хаммам̣, аяам̣ руубз аад̣̇ийнаво. яо руубз чанд̣̇арааг̇авинаяо чанд̣̇арааг̇аббахаанам̣, ид̣̇ам̣ руубз ниссаран̣ам̣. яам̣ ко 1, бхигку, взд̣̇анам̣ бадижжа… сан̃н̃ам̣ бадижжа… сан̇каарз бадижжа… вин̃н̃аан̣ам̣ бадижжа уббаж̇ж̇ад̇и сукам̣ соманассам̣, аяам̣ вин̃н̃аан̣з ассаад̣̇о. яам̣ вин̃н̃аан̣ам̣ анижжам̣ д̣̇угкам̣ вибарин̣аамад̇хаммам̣, аяам̣ вин̃н̃аан̣з аад̣̇ийнаво. яо вин̃н̃аан̣з чанд̣̇арааг̇авинаяо чанд̣̇арааг̇аббахаанам̣, ид̣̇ам̣ вин̃н̃аан̣з ниссаран̣а’’нд̇и.
88. ‘‘Ko nu kho, bhante, rūpe assādo, ko ādīnavo, kiṃ nissaraṇaṃ? Ko vedanāya assādo, ko ādīnavo, kiṃ nissaraṇaṃ? Ko saññāya assādo, ko ādīnavo, kiṃ nissaraṇaṃ? Ko saṅkhāresu assādo, ko ādīnavo, kiṃ nissaraṇaṃ? Ko viññāṇe assādo, ko ādīnavo, kiṃ nissaraṇa’’nti? ‘‘Yaṃ kho, bhikkhu, rūpaṃ paṭicca uppajjati sukhaṃ somanassaṃ, ayaṃ rūpe assādo. Yaṃ rūpaṃ aniccaṃ dukkhaṃ vipariṇāmadhammaṃ, ayaṃ rūpe ādīnavo. Yo rūpe chandarāgavinayo chandarāgappahānaṃ, idaṃ rūpe nissaraṇaṃ. Yaṃ kho 2, bhikkhu, vedanaṃ paṭicca… saññaṃ paṭicca… saṅkhāre paṭicca… viññāṇaṃ paṭicca uppajjati sukhaṃ somanassaṃ, ayaṃ viññāṇe assādo. Yaṃ viññāṇaṃ aniccaṃ dukkhaṃ vipariṇāmadhammaṃ, ayaṃ viññāṇe ādīnavo. Yo viññāṇe chandarāgavinayo chandarāgappahānaṃ, idaṃ viññāṇe nissaraṇa’’nti.
89. ‘‘гат̇ам̣ бана, бханд̇з, ж̇аанад̇о гат̇ам̣ бассад̇о имасмин̃жа савин̃н̃аан̣агз гааяз б̣ахид̣̇д̇хаа жа саб̣б̣анимид̇д̇зсу ахам̣гаарамамам̣гаарамаанаанусаяаа на хонд̇ий’’д̇и? ‘‘яам̣ гин̃жи, бхигку, руубам̣ – ад̇ийд̇аанааг̇ад̇абажжуббаннам̣ аж̇жхад̇д̇ам̣ ваа б̣ахид̣̇д̇хаа ваа ол̣ааригам̣ ваа сукумам̣ ваа хийнам̣ ваа бан̣ийд̇ам̣ ваа яам̣ д̣̇уурз санд̇игз ваа – саб̣б̣ам̣ руубам̣ ‘нзд̇ам̣ мама, нзсохамасми, на мзсо ад̇д̇аа’д̇и – звамзд̇ам̣ яат̇аабхууд̇ам̣ саммаббан̃н̃ааяа бассад̇и. яаа гаажи взд̣̇анаа… яаа гаажи сан̃н̃аа… яз гзжи сан̇каараа… яам̣ гин̃жи вин̃н̃аан̣ам̣ – ад̇ийд̇аанааг̇ад̇абажжуббаннам̣ аж̇жхад̇д̇ам̣ ваа б̣ахид̣̇д̇хаа ваа ол̣ааригам̣ ваа сукумам̣ ваа хийнам̣ ваа бан̣ийд̇ам̣ ваа яам̣ д̣̇уурз санд̇игз ваа – саб̣б̣ам̣ вин̃н̃аан̣ам̣ ‘нзд̇ам̣ мама, нзсохамасми, на мзсо ад̇д̇аа’д̇и – звамзд̇ам̣ яат̇аабхууд̇ам̣ саммаббан̃н̃ааяа бассад̇и. звам̣ ко, бхигку, ж̇аанад̇о звам̣ бассад̇о имасмин̃жа савин̃н̃аан̣агз гааяз б̣ахид̣̇д̇хаа жа саб̣б̣анимид̇д̇зсу ахам̣гаарамамам̣гаарамаанаанусаяаа на хонд̇ий’’д̇и.
89. ‘‘Kathaṃ pana, bhante, jānato kathaṃ passato imasmiñca saviññāṇake kāye bahiddhā ca sabbanimittesu ahaṃkāramamaṃkāramānānusayā na hontī’’ti? ‘‘Yaṃ kiñci, bhikkhu, rūpaṃ – atītānāgatapaccuppannaṃ ajjhattaṃ vā bahiddhā vā oḷārikaṃ vā sukhumaṃ vā hīnaṃ vā paṇītaṃ vā yaṃ dūre santike vā – sabbaṃ rūpaṃ ‘netaṃ mama, nesohamasmi, na meso attā’ti – evametaṃ yathābhūtaṃ sammappaññāya passati. Yā kāci vedanā… yā kāci saññā… ye keci saṅkhārā… yaṃ kiñci viññāṇaṃ – atītānāgatapaccuppannaṃ ajjhattaṃ vā bahiddhā vā oḷārikaṃ vā sukhumaṃ vā hīnaṃ vā paṇītaṃ vā yaṃ dūre santike vā – sabbaṃ viññāṇaṃ ‘netaṃ mama, nesohamasmi, na meso attā’ti – evametaṃ yathābhūtaṃ sammappaññāya passati. Evaṃ kho, bhikkhu, jānato evaṃ passato imasmiñca saviññāṇake kāye bahiddhā ca sabbanimittesu ahaṃkāramamaṃkāramānānusayā na hontī’’ti.
90. ат̇а ко ан̃н̃ад̇арасса бхигкуно звам̣ жзд̇асо баривид̇агго уд̣̇абаад̣̇и – ‘‘ид̇и гира, бхо, руубам̣ анад̇д̇аа, взд̣̇анаа анад̇д̇аа, сан̃н̃аа анад̇д̇аа, сан̇каараа анад̇д̇аа, вин̃н̃аан̣ам̣ анад̇д̇аа; анад̇д̇агад̇аани гаммаани гамад̇д̇аанам̣ 3 пусиссанд̇ий’’д̇и? ат̇а ко бхаг̇аваа д̇асса бхигкуно жзд̇асаа жзд̇обаривид̇аггаман̃н̃ааяа бхигкуу ааманд̇зси – ‘‘таанам̣ ко банзд̇ам̣, бхигкавз, виж̇ж̇ад̇и яам̣ ид̇хзгажжо могхабурисо авид̣̇ваа авиж̇ж̇ааг̇ад̇о д̇ан̣хаад̇хибад̇зяязна жзд̇асаа сад̇т̇у саасанам̣ ад̇ид̇хаавид̇аб̣б̣ам̣ ман̃н̃зяяа – ‘ид̇и гира, бхо, руубам̣ анад̇д̇аа, взд̣̇анаа анад̇д̇аа, сан̃н̃аа анад̇д̇аа, сан̇каараа анад̇д̇аа, вин̃н̃аан̣ам̣ анад̇д̇аа; анад̇д̇агад̇аани гаммаани гамад̇д̇аанам̣ пусиссанд̇ий’д̇и. бадивинийд̇аа 4 ко мз д̇умхз, бхигкавз , д̇ад̇ра д̇ад̇ра д̇хаммзсу’’.
90. Atha kho aññatarassa bhikkhuno evaṃ cetaso parivitakko udapādi – ‘‘iti kira, bho, rūpaṃ anattā, vedanā anattā, saññā anattā, saṅkhārā anattā, viññāṇaṃ anattā; anattakatāni kammāni kamattānaṃ 5 phusissantī’’ti? Atha kho bhagavā tassa bhikkhuno cetasā cetoparivitakkamaññāya bhikkhū āmantesi – ‘‘ṭhānaṃ kho panetaṃ, bhikkhave, vijjati yaṃ idhekacco moghapuriso avidvā avijjāgato taṇhādhipateyyena cetasā satthu sāsanaṃ atidhāvitabbaṃ maññeyya – ‘iti kira, bho, rūpaṃ anattā, vedanā anattā, saññā anattā, saṅkhārā anattā, viññāṇaṃ anattā; anattakatāni kammāni kamattānaṃ phusissantī’ti. Paṭivinītā 6 kho me tumhe, bhikkhave , tatra tatra dhammesu’’.
‘‘д̇ам̣ гим̣ ман̃н̃ат̇а, бхигкавз, руубам̣ нижжам̣ ваа анижжам̣ ваа’’д̇и? ‘‘анижжам̣, бханд̇з’’. ‘‘яам̣ банаанижжам̣ д̣̇угкам̣ ваа д̇ам̣ сукам̣ ваа’’д̇и? ‘‘д̣̇угкам̣, бханд̇з’’. ‘‘яам̣ банаанижжам̣ д̣̇угкам̣ вибарин̣аамад̇хаммам̣, галлам̣ ну д̇ам̣ саманубассид̇ум̣ – ‘зд̇ам̣ мама, зсохамасми, зсо мз ад̇д̇аа’’’д̇и? ‘‘но хзд̇ам̣ , бханд̇з’’. ‘‘д̇ам̣ гим̣ ман̃н̃ат̇а, бхигкавз, взд̣̇анаа… сан̃н̃аа… сан̇каараа… вин̃н̃аан̣ам̣ нижжам̣ ваа анижжам̣ ваа’’д̇и? ‘‘анижжам̣, бханд̇з’’. ‘‘яам̣ банаанижжам̣ д̣̇угкам̣ ваа д̇ам̣ сукам̣ ваа’’д̇и? ‘‘д̣̇угкам̣, бханд̇з’’. ‘‘яам̣ банаанижжам̣ д̣̇угкам̣ вибарин̣аамад̇хаммам̣, галлам̣ ну д̇ам̣ саманубассид̇ум̣ – ‘зд̇ам̣ мама, зсохамасми, зсо мз ад̇д̇аа’’’д̇и? ‘‘но хзд̇ам̣, бханд̇з’’. ‘‘д̇асмаад̇иха, бхигкавз, яам̣ гин̃жи руубам̣ ад̇ийд̇аанааг̇ад̇абажжуббаннам̣ аж̇жхад̇д̇ам̣ ваа б̣ахид̣̇д̇хаа ваа ол̣ааригам̣ ваа сукумам̣ ваа хийнам̣ ваа бан̣ийд̇ам̣ ваа яам̣ д̣̇уурз санд̇игз ваа саб̣б̣ам̣ руубам̣ – ‘нзд̇ам̣ мама, нзсохамасми, на мзсо ад̇д̇аа’д̇и звамзд̇ам̣ яат̇аабхууд̇ам̣ саммаббан̃н̃ааяа д̣̇адтаб̣б̣ам̣. яаа гаажи взд̣̇анаа… яаа гаажи сан̃н̃аа… яз гзжи сан̇каараа… яам̣ гин̃жи вин̃н̃аан̣ам̣ ад̇ийд̇аанааг̇ад̇абажжуббаннам̣ аж̇жхад̇д̇ам̣ ваа б̣ахид̣̇д̇хаа ваа ол̣ааригам̣ ваа сукумам̣ ваа хийнам̣ ваа бан̣ийд̇ам̣ ваа яам̣ д̣̇уурз санд̇игз ваа саб̣б̣ам̣ вин̃н̃аан̣ам̣ – ‘нзд̇ам̣ мама, нзсохамасми, на мзсо ад̇д̇аа’д̇и звамзд̇ам̣ яат̇аабхууд̇ам̣ саммаббан̃н̃ааяа д̣̇адтаб̣б̣ам̣. звам̣ бассам̣, бхигкавз, суд̇аваа арияасааваго руубасмимби ниб̣б̣инд̣̇ад̇и, взд̣̇анааяаби ниб̣б̣инд̣̇ад̇и, сан̃н̃ааяаби ниб̣б̣инд̣̇ад̇и, сан̇каарзсуби ниб̣б̣инд̣̇ад̇и, вин̃н̃аан̣асмимби ниб̣б̣инд̣̇ад̇и; ниб̣б̣инд̣̇ам̣ вираж̇ж̇ад̇и , вирааг̇аа вимужжад̇и. вимуд̇д̇асмим̣ вимуд̇д̇амид̇и н̃аан̣ам̣ ход̇и. ‘кийн̣аа ж̇аад̇и, вусид̇ам̣ б̣рахмажарияам̣, гад̇ам̣ гаран̣ийяам̣, наабарам̣ ид̇т̇ад̇д̇ааяаа’д̇и баж̇аанаад̇ий’’д̇и.
‘‘Taṃ kiṃ maññatha, bhikkhave, rūpaṃ niccaṃ vā aniccaṃ vā’’ti? ‘‘Aniccaṃ, bhante’’. ‘‘Yaṃ panāniccaṃ dukkhaṃ vā taṃ sukhaṃ vā’’ti? ‘‘Dukkhaṃ, bhante’’. ‘‘Yaṃ panāniccaṃ dukkhaṃ vipariṇāmadhammaṃ, kallaṃ nu taṃ samanupassituṃ – ‘etaṃ mama, esohamasmi, eso me attā’’’ti? ‘‘No hetaṃ , bhante’’. ‘‘Taṃ kiṃ maññatha, bhikkhave, vedanā… saññā… saṅkhārā… viññāṇaṃ niccaṃ vā aniccaṃ vā’’ti? ‘‘Aniccaṃ, bhante’’. ‘‘Yaṃ panāniccaṃ dukkhaṃ vā taṃ sukhaṃ vā’’ti? ‘‘Dukkhaṃ, bhante’’. ‘‘Yaṃ panāniccaṃ dukkhaṃ vipariṇāmadhammaṃ, kallaṃ nu taṃ samanupassituṃ – ‘etaṃ mama, esohamasmi, eso me attā’’’ti? ‘‘No hetaṃ, bhante’’. ‘‘Tasmātiha, bhikkhave, yaṃ kiñci rūpaṃ atītānāgatapaccuppannaṃ ajjhattaṃ vā bahiddhā vā oḷārikaṃ vā sukhumaṃ vā hīnaṃ vā paṇītaṃ vā yaṃ dūre santike vā sabbaṃ rūpaṃ – ‘netaṃ mama, nesohamasmi, na meso attā’ti evametaṃ yathābhūtaṃ sammappaññāya daṭṭhabbaṃ. Yā kāci vedanā… yā kāci saññā… ye keci saṅkhārā… yaṃ kiñci viññāṇaṃ atītānāgatapaccuppannaṃ ajjhattaṃ vā bahiddhā vā oḷārikaṃ vā sukhumaṃ vā hīnaṃ vā paṇītaṃ vā yaṃ dūre santike vā sabbaṃ viññāṇaṃ – ‘netaṃ mama, nesohamasmi, na meso attā’ti evametaṃ yathābhūtaṃ sammappaññāya daṭṭhabbaṃ. Evaṃ passaṃ, bhikkhave, sutavā ariyasāvako rūpasmimpi nibbindati, vedanāyapi nibbindati, saññāyapi nibbindati, saṅkhāresupi nibbindati, viññāṇasmimpi nibbindati; nibbindaṃ virajjati , virāgā vimuccati. Vimuttasmiṃ vimuttamiti ñāṇaṃ hoti. ‘Khīṇā jāti, vusitaṃ brahmacariyaṃ, kataṃ karaṇīyaṃ, nāparaṃ itthattāyā’ti pajānātī’’ti.
ид̣̇амавожа бхаг̇аваа. ад̇д̇аманаа д̇з бхигкуу бхаг̇авад̇о бхаасид̇ам̣ абхинанд̣̇унд̇и. имасмин̃жа бана взяяаагаран̣асмим̣ бхан̃н̃амаанз садтимад̇д̇аанам̣ бхигкуунам̣ анубаад̣̇ааяа аасавзхи жид̇д̇аани вимужжим̣сууд̇и.
Idamavoca bhagavā. Attamanā te bhikkhū bhagavato bhāsitaṃ abhinandunti. Imasmiñca pana veyyākaraṇasmiṃ bhaññamāne saṭṭhimattānaṃ bhikkhūnaṃ anupādāya āsavehi cittāni vimucciṃsūti.
махаабун̣н̣амасуд̇д̇ам̣ нидтид̇ам̣ навамам̣.
Mahāpuṇṇamasuttaṃ niṭṭhitaṃ navamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 9. махаабун̣н̣амасуд̇д̇аван̣н̣анаа • 9. Mahāpuṇṇamasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 9. махаабун̣н̣амасуд̇д̇аван̣н̣анаа • 9. Mahāpuṇṇamasuttavaṇṇanā
