| Library / Tipiṭaka / д̇ибидага • Tipiṭaka / милинд̣̇абан̃хабаал̣и • Milindapañhapāḷi |
3. махаабурисалагкан̣абан̃хо
3. Mahāpurisalakkhaṇapañho
3. рааж̇аа ааха ‘‘бханд̇з нааг̇асзна, б̣уд̣̇д̇хо д̣̇вад̇д̇им̣самахаабурисалагкан̣зхи саманнааг̇ад̇о асийд̇ияаа жа ануб̣яан̃ж̇анзхи бариран̃ж̇ид̇о суван̣н̣аван̣н̣о ган̃жанасаннибхад̇д̇ажо б̣яаамаббабхо’’д̇и? ‘‘аама, махаарааж̇а, бхаг̇аваа д̣̇вад̇д̇им̣самахаабурисалагкан̣зхи саманнааг̇ад̇о асийд̇ияаа жа ануб̣яан̃ж̇анзхи бариран̃ж̇ид̇о суван̣н̣аван̣н̣о ган̃жанасаннибхад̇д̇ажо б̣яаамаббабхо’’д̇и.
3. Rājā āha ‘‘bhante nāgasena, buddho dvattiṃsamahāpurisalakkhaṇehi samannāgato asītiyā ca anubyañjanehi parirañjito suvaṇṇavaṇṇo kañcanasannibhattaco byāmappabho’’ti? ‘‘Āma, mahārāja, bhagavā dvattiṃsamahāpurisalakkhaṇehi samannāgato asītiyā ca anubyañjanehi parirañjito suvaṇṇavaṇṇo kañcanasannibhattaco byāmappabho’’ti.
‘‘гим̣ банасса, бханд̇з, маад̇аабид̇ароби д̣̇вад̇д̇им̣самахаабурисалагкан̣зхи саманнааг̇ад̇аа асийд̇ияаа жа ануб̣яан̃ж̇анзхи бариран̃ж̇ид̇аа суван̣н̣аван̣н̣аа ган̃жанасаннибхад̇д̇ажаа б̣яаамаббабхаа’’д̇и? ‘‘но жасса, махаарааж̇а, маад̇аабид̇аро д̣̇вад̇д̇им̣самахаабурисалагкан̣зхи саманнааг̇ад̇аа асийд̇ияаа жа ануб̣яан̃ж̇анзхи бариран̃ж̇ид̇аа суван̣н̣аван̣н̣аа ган̃жанасаннибхад̇д̇ажаа б̣яаамаббабхаа’’д̇и.
‘‘Kiṃ panassa, bhante, mātāpitaropi dvattiṃsamahāpurisalakkhaṇehi samannāgatā asītiyā ca anubyañjanehi parirañjitā suvaṇṇavaṇṇā kañcanasannibhattacā byāmappabhā’’ti? ‘‘No cassa, mahārāja, mātāpitaro dvattiṃsamahāpurisalakkhaṇehi samannāgatā asītiyā ca anubyañjanehi parirañjitā suvaṇṇavaṇṇā kañcanasannibhattacā byāmappabhā’’ti.
‘‘звам̣ санд̇з ко, бханд̇з нааг̇асзна, на уббаж̇ж̇ад̇и б̣уд̣̇д̇хо д̣̇вад̇д̇им̣самахаабурисалагкан̣зхи саманнааг̇ад̇о асийд̇ияаа жа ануб̣яан̃ж̇анзхи бариран̃ж̇ид̇о суван̣н̣аван̣н̣о ган̃жанасаннибхад̇д̇ажо б̣яаамаббабход̇и, аби жа маад̇усад̣̇исо ваа буд̇д̇о ход̇и маад̇убагко ваа, бид̇усад̣̇исо ваа буд̇д̇о ход̇и бид̇убагко ваа’’д̇и. т̇зро ааха ‘‘ад̇т̇и бана, махаарааж̇а, гин̃жи бад̣̇умам̣ сад̇абад̇д̇а’’нд̇и? ‘‘аама, бханд̇з, ад̇т̇ий’’д̇и. ‘‘д̇асса бана гухим̣ самбхаво’’д̇и? ‘‘гад̣̇д̣̇амз ж̇ааяад̇и уд̣̇агз аасийяад̇ий’’д̇и . ‘‘гим̣ну ко, махаарааж̇а, бад̣̇умам̣ гад̣̇д̣̇амзна сад̣̇исам̣ ван̣н̣зна ваа г̇анд̇хзна ваа расзна ваа’’д̇и? ‘‘на хи, бханд̇з’’д̇и. ‘‘ат̇а уд̣̇агзна ваа г̇анд̇хзна ваа расзна ваа’’д̇и? ‘‘на хи, бханд̇з’’д̇и. ‘‘звамзва ко, махаарааж̇а, бхаг̇аваа д̣̇вад̇д̇им̣самахаабурисалагкан̣зхи саманнааг̇ад̇о асийд̇ияаа жа ануб̣яан̃ж̇анзхи бариран̃ж̇ид̇о суван̣н̣аван̣н̣о ган̃жанасаннибхад̇д̇ажо б̣яаамаббабхо, но жасса маад̇аабид̇аро д̣̇вад̇д̇им̣самахаабурисалагкан̣зхи саманнааг̇ад̇аа асийд̇ияаа жа ануб̣яан̃ж̇анзхи бариран̃ж̇ид̇аа суван̣н̣аван̣н̣аа ган̃жанасаннибхад̇д̇ажаа б̣яаамаббабхаа’’д̇и.
‘‘Evaṃ sante kho, bhante nāgasena, na uppajjati buddho dvattiṃsamahāpurisalakkhaṇehi samannāgato asītiyā ca anubyañjanehi parirañjito suvaṇṇavaṇṇo kañcanasannibhattaco byāmappabhoti, api ca mātusadiso vā putto hoti mātupakkho vā, pitusadiso vā putto hoti pitupakkho vā’’ti. Thero āha ‘‘atthi pana, mahārāja, kiñci padumaṃ satapatta’’nti? ‘‘Āma, bhante, atthī’’ti. ‘‘Tassa pana kuhiṃ sambhavo’’ti? ‘‘Kaddame jāyati udake āsīyatī’’ti . ‘‘Kiṃnu kho, mahārāja, padumaṃ kaddamena sadisaṃ vaṇṇena vā gandhena vā rasena vā’’ti? ‘‘Na hi, bhante’’ti. ‘‘Atha udakena vā gandhena vā rasena vā’’ti? ‘‘Na hi, bhante’’ti. ‘‘Evameva kho, mahārāja, bhagavā dvattiṃsamahāpurisalakkhaṇehi samannāgato asītiyā ca anubyañjanehi parirañjito suvaṇṇavaṇṇo kañcanasannibhattaco byāmappabho, no cassa mātāpitaro dvattiṃsamahāpurisalakkhaṇehi samannāgatā asītiyā ca anubyañjanehi parirañjitā suvaṇṇavaṇṇā kañcanasannibhattacā byāmappabhā’’ti.
‘‘галлоси, бханд̇з нааг̇асзнаа’’д̇и.
‘‘Kallosi, bhante nāgasenā’’ti.
махаабурисалагкан̣абан̃хо д̇ад̇ияо.
Mahāpurisalakkhaṇapañho tatiyo.
