| Library / Tipiṭaka / д̇ибидага • Tipiṭaka / маж̇жхиманигааяа • Majjhimanikāya |
2. махаараахуловаад̣̇асуд̇д̇ам̣
2. Mahārāhulovādasuttaṃ
113. звам̣ мз суд̇ам̣ – згам̣ самаяам̣ бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. ат̇а ко бхаг̇аваа буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа саавад̇т̇им̣ бин̣д̣ааяа баависи. ааяасмааби ко раахуло буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа бхаг̇аванд̇ам̣ бидтид̇о бидтид̇о ануб̣анд̇хи. ат̇а ко бхаг̇аваа абалогзд̇ваа ааяасманд̇ам̣ раахулам̣ ааманд̇зси – ‘‘яам̣ гин̃жи, раахула, руубам̣ – ад̇ийд̇аанааг̇ад̇абажжуббаннам̣ аж̇жхад̇д̇ам̣ ваа б̣ахид̣̇д̇хаа ваа ол̣ааригам̣ ваа сукумам̣ ваа хийнам̣ ваа бан̣ийд̇ам̣ ваа яам̣ д̣̇уурз санд̇игз ваа – саб̣б̣ам̣ руубам̣ ‘нзд̇ам̣ мама, нзсохамасми, на мзсо ад̇д̇аа’д̇и звамзд̇ам̣ яат̇аабхууд̇ам̣ саммаббан̃н̃ааяа д̣̇адтаб̣б̣а’’нд̇и. ‘‘руубамзва ну ко, бхаг̇аваа, руубамзва ну ко, суг̇ад̇аа’’д̇и? ‘‘руубамби, раахула, взд̣̇анааби, раахула, сан̃н̃ааби, раахула, сан̇каарааби, раахула, вин̃н̃аан̣амби, раахулаа’’д̇и. ат̇а ко ааяасмаа раахуло ‘‘го наж̇ж̇а 1 бхаг̇авад̇аа саммукаа оваад̣̇зна овад̣̇ид̇о г̇аамам̣ бин̣д̣ааяа бависиссад̇ий’’д̇и д̇ад̇о бадинивад̇д̇ид̇ваа ан̃н̃ад̇арасмим̣ ругкамуулз нисийд̣̇и баллан̇гам̣ аабхуж̇ид̇ваа уж̇ум̣ гааяам̣ бан̣ид̇хааяа баримукам̣ сад̇им̣ убадтабзд̇ваа. ад̣̇д̣̇асаа ко ааяасмаа саарибуд̇д̇о ааяасманд̇ам̣ раахулам̣ ан̃н̃ад̇арасмим̣ ругкамуулз нисиннам̣ баллан̇гам̣ аабхуж̇ид̇ваа уж̇ум̣ гааяам̣ бан̣ид̇хааяа баримукам̣ сад̇им̣ убадтабзд̇ваа . д̣̇исваана ааяасманд̇ам̣ раахулам̣ ааманд̇зси – ‘‘аанаабаанассад̇им̣, раахула, бхааванам̣ бхаавзхи. аанаабаанассад̇и, раахула, бхааванаа бхаавид̇аа б̣ахулийгад̇аа махабпалаа ход̇и махаанисам̣саа’’д̇и.
113. Evaṃ me sutaṃ – ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Atha kho bhagavā pubbaṇhasamayaṃ nivāsetvā pattacīvaramādāya sāvatthiṃ piṇḍāya pāvisi. Āyasmāpi kho rāhulo pubbaṇhasamayaṃ nivāsetvā pattacīvaramādāya bhagavantaṃ piṭṭhito piṭṭhito anubandhi. Atha kho bhagavā apaloketvā āyasmantaṃ rāhulaṃ āmantesi – ‘‘yaṃ kiñci, rāhula, rūpaṃ – atītānāgatapaccuppannaṃ ajjhattaṃ vā bahiddhā vā oḷārikaṃ vā sukhumaṃ vā hīnaṃ vā paṇītaṃ vā yaṃ dūre santike vā – sabbaṃ rūpaṃ ‘netaṃ mama, nesohamasmi, na meso attā’ti evametaṃ yathābhūtaṃ sammappaññāya daṭṭhabba’’nti. ‘‘Rūpameva nu kho, bhagavā, rūpameva nu kho, sugatā’’ti? ‘‘Rūpampi, rāhula, vedanāpi, rāhula, saññāpi, rāhula, saṅkhārāpi, rāhula, viññāṇampi, rāhulā’’ti. Atha kho āyasmā rāhulo ‘‘ko najja 2 bhagavatā sammukhā ovādena ovadito gāmaṃ piṇḍāya pavisissatī’’ti tato paṭinivattitvā aññatarasmiṃ rukkhamūle nisīdi pallaṅkaṃ ābhujitvā ujuṃ kāyaṃ paṇidhāya parimukhaṃ satiṃ upaṭṭhapetvā. Addasā kho āyasmā sāriputto āyasmantaṃ rāhulaṃ aññatarasmiṃ rukkhamūle nisinnaṃ pallaṅkaṃ ābhujitvā ujuṃ kāyaṃ paṇidhāya parimukhaṃ satiṃ upaṭṭhapetvā . Disvāna āyasmantaṃ rāhulaṃ āmantesi – ‘‘ānāpānassatiṃ, rāhula, bhāvanaṃ bhāvehi. Ānāpānassati, rāhula, bhāvanā bhāvitā bahulīkatā mahapphalā hoti mahānisaṃsā’’ti.
114. ат̇а ко ааяасмаа раахуло сааяанхасамаяам̣ бадисаллаанаа вудтид̇о язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко ааяасмаа раахуло бхаг̇аванд̇ам̣ зд̇ад̣̇авожа – ‘‘гат̇ам̣ бхаавид̇аа ну ко, бханд̇з, аанаабаанассад̇и, гат̇ам̣ б̣ахулийгад̇аа махабпалаа ход̇и махаанисам̣саа’’д̇и? ‘‘яам̣ гин̃жи, раахула, аж̇жхад̇д̇ам̣ бажжад̇д̇ам̣ гагкал̣ам̣ кариг̇ад̇ам̣ убаад̣̇иннам̣, сзяяат̇ид̣̇ам̣ – гзсаа ломаа накаа д̣̇анд̇аа д̇ажо мам̣сам̣ нхаару 3 адти адтимин̃ж̇ам̣ ваггам̣ хад̣̇аяам̣ яаганам̣ гиломагам̣ бихагам̣ бабпаасам̣ анд̇ам̣ анд̇аг̇ун̣ам̣ уд̣̇арияам̣ гарийсам̣, яам̣ ваа банан̃н̃амби гин̃жи аж̇жхад̇д̇ам̣ бажжад̇д̇ам̣ гагкал̣ам̣ кариг̇ад̇ам̣ убаад̣̇иннам̣ – аяам̣ вужжад̇и, раахула, аж̇жхад̇д̇игаа бат̇авийд̇хаад̇у 4. яаа жзва ко бана аж̇жхад̇д̇игаа бат̇авийд̇хаад̇у яаа жа б̣аахираа бат̇авийд̇хаад̇у, бат̇авийд̇хаад̇урзвзсаа. д̇ам̣ ‘нзд̇ам̣ мама, нзсохамасми, на мзсо ад̇д̇аа’д̇и – звамзд̇ам̣ яат̇аабхууд̇ам̣ саммаббан̃н̃ааяа д̣̇адтаб̣б̣ам̣. звамзд̇ам̣ яат̇аабхууд̇ам̣ саммаббан̃н̃ааяа д̣̇исваа бат̇авийд̇хаад̇уяаа ниб̣б̣инд̣̇ад̇и, бат̇авийд̇хаад̇уяаа жид̇д̇ам̣ вирааж̇зд̇и’’.
114. Atha kho āyasmā rāhulo sāyanhasamayaṃ paṭisallānā vuṭṭhito yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho āyasmā rāhulo bhagavantaṃ etadavoca – ‘‘kathaṃ bhāvitā nu kho, bhante, ānāpānassati, kathaṃ bahulīkatā mahapphalā hoti mahānisaṃsā’’ti? ‘‘Yaṃ kiñci, rāhula, ajjhattaṃ paccattaṃ kakkhaḷaṃ kharigataṃ upādinnaṃ, seyyathidaṃ – kesā lomā nakhā dantā taco maṃsaṃ nhāru 5 aṭṭhi aṭṭhimiñjaṃ vakkaṃ hadayaṃ yakanaṃ kilomakaṃ pihakaṃ papphāsaṃ antaṃ antaguṇaṃ udariyaṃ karīsaṃ, yaṃ vā panaññampi kiñci ajjhattaṃ paccattaṃ kakkhaḷaṃ kharigataṃ upādinnaṃ – ayaṃ vuccati, rāhula, ajjhattikā pathavīdhātu 6. Yā ceva kho pana ajjhattikā pathavīdhātu yā ca bāhirā pathavīdhātu, pathavīdhāturevesā. Taṃ ‘netaṃ mama, nesohamasmi, na meso attā’ti – evametaṃ yathābhūtaṃ sammappaññāya daṭṭhabbaṃ. Evametaṃ yathābhūtaṃ sammappaññāya disvā pathavīdhātuyā nibbindati, pathavīdhātuyā cittaṃ virājeti’’.
115. ‘‘гад̇амаа жа, раахула, аабод̇хаад̇у? аабод̇хаад̇у сияаа аж̇жхад̇д̇игаа, сияаа б̣аахираа. гад̇амаа жа, раахула, аж̇жхад̇д̇игаа аабод̇хаад̇у ? яам̣ аж̇жхад̇д̇ам̣ бажжад̇д̇ам̣ аабо аабог̇ад̇ам̣ убаад̣̇иннам̣, сзяяат̇ид̣̇ам̣ – бид̇д̇ам̣ сзмхам̣ буб̣б̣о лохид̇ам̣ сзд̣̇о мзд̣̇о ассу васаа кзл̣о син̇гхаан̣игаа ласигаа муд̇д̇ам̣, яам̣ ваа банан̃н̃амби гин̃жи аж̇жхад̇д̇ам̣ бажжад̇д̇ам̣ аабо аабог̇ад̇ам̣ убаад̣̇иннам̣ – аяам̣ вужжад̇и, раахула, аж̇жхад̇д̇игаа аабод̇хаад̇у. яаа жзва ко бана аж̇жхад̇д̇игаа аабод̇хаад̇у яаа жа б̣аахираа аабод̇хаад̇у аабод̇хаад̇урзвзсаа. д̇ам̣ ‘нзд̇ам̣ мама, нзсохамасми, на мзсо ад̇д̇аа’д̇и – звамзд̇ам̣ яат̇аабхууд̇ам̣ саммаббан̃н̃ааяа д̣̇адтаб̣б̣ам̣. звамзд̇ам̣ яат̇аабхууд̇ам̣ саммаббан̃н̃ааяа д̣̇исваа аабод̇хаад̇уяаа ниб̣б̣инд̣̇ад̇и, аабод̇хаад̇уяаа жид̇д̇ам̣ вирааж̇зд̇и.
115. ‘‘Katamā ca, rāhula, āpodhātu? Āpodhātu siyā ajjhattikā, siyā bāhirā. Katamā ca, rāhula, ajjhattikā āpodhātu ? Yaṃ ajjhattaṃ paccattaṃ āpo āpogataṃ upādinnaṃ, seyyathidaṃ – pittaṃ semhaṃ pubbo lohitaṃ sedo medo assu vasā kheḷo siṅghāṇikā lasikā muttaṃ, yaṃ vā panaññampi kiñci ajjhattaṃ paccattaṃ āpo āpogataṃ upādinnaṃ – ayaṃ vuccati, rāhula, ajjhattikā āpodhātu. Yā ceva kho pana ajjhattikā āpodhātu yā ca bāhirā āpodhātu āpodhāturevesā. Taṃ ‘netaṃ mama, nesohamasmi, na meso attā’ti – evametaṃ yathābhūtaṃ sammappaññāya daṭṭhabbaṃ. Evametaṃ yathābhūtaṃ sammappaññāya disvā āpodhātuyā nibbindati, āpodhātuyā cittaṃ virājeti.
116. ‘‘гад̇амаа жа, раахула, д̇зж̇од̇хаад̇у? д̇зж̇од̇хаад̇у сияаа аж̇жхад̇д̇игаа, сияаа б̣аахираа. гад̇амаа жа, раахула, аж̇жхад̇д̇игаа д̇зж̇од̇хаад̇у? яам̣ аж̇жхад̇д̇ам̣ бажжад̇д̇ам̣ д̇зж̇о д̇зж̇ог̇ад̇ам̣ убаад̣̇иннам̣, сзяяат̇ид̣̇ам̣ – язна жа санд̇аббад̇и язна жа ж̇ийрийяад̇и язна жа барид̣аяхад̇и язна жа асид̇абийд̇акааяид̇асааяид̇ам̣ саммаа барин̣аамам̣ г̇ажчад̇и, яам̣ ваа банан̃н̃амби гин̃жи аж̇жхад̇д̇ам̣ бажжад̇д̇ам̣ д̇зж̇о д̇зж̇ог̇ад̇ам̣ убаад̣̇иннам̣ – аяам̣ вужжад̇и, раахула, аж̇жхад̇д̇игаа д̇зж̇од̇хаад̇у. яаа жзва ко бана аж̇жхад̇д̇игаа д̇зж̇од̇хаад̇у яаа жа б̣аахираа д̇зж̇од̇хаад̇у д̇зж̇од̇хаад̇урзвзсаа. д̇ам̣ ‘нзд̇ам̣ мама, нзсохамасми, на мзсо ад̇д̇аа’д̇и – звамзд̇ам̣ яат̇аабхууд̇ам̣ саммаббан̃н̃ааяа д̣̇адтаб̣б̣ам̣. звамзд̇ам̣ яат̇аабхууд̇ам̣ саммаббан̃н̃ааяа д̣̇исваа д̇зж̇од̇хаад̇уяаа ниб̣б̣инд̣̇ад̇и, д̇зж̇од̇хаад̇уяаа жид̇д̇ам̣ вирааж̇зд̇и.
116. ‘‘Katamā ca, rāhula, tejodhātu? Tejodhātu siyā ajjhattikā, siyā bāhirā. Katamā ca, rāhula, ajjhattikā tejodhātu? Yaṃ ajjhattaṃ paccattaṃ tejo tejogataṃ upādinnaṃ, seyyathidaṃ – yena ca santappati yena ca jīrīyati yena ca pariḍayhati yena ca asitapītakhāyitasāyitaṃ sammā pariṇāmaṃ gacchati, yaṃ vā panaññampi kiñci ajjhattaṃ paccattaṃ tejo tejogataṃ upādinnaṃ – ayaṃ vuccati, rāhula, ajjhattikā tejodhātu. Yā ceva kho pana ajjhattikā tejodhātu yā ca bāhirā tejodhātu tejodhāturevesā. Taṃ ‘netaṃ mama, nesohamasmi, na meso attā’ti – evametaṃ yathābhūtaṃ sammappaññāya daṭṭhabbaṃ. Evametaṃ yathābhūtaṃ sammappaññāya disvā tejodhātuyā nibbindati, tejodhātuyā cittaṃ virājeti.
117. ‘‘гад̇амаа жа, раахула, вааяод̇хаад̇у? вааяод̇хаад̇у сияаа аж̇жхад̇д̇игаа, сияаа б̣аахираа. гад̇амаа жа, раахула, аж̇жхад̇д̇игаа вааяод̇хаад̇у? яам̣ аж̇жхад̇д̇ам̣ бажжад̇д̇ам̣ вааяо вааяог̇ад̇ам̣ убаад̣̇иннам̣, сзяяат̇ид̣̇ам̣ – уд̣̇д̇хан̇г̇амаа ваад̇аа, ад̇хог̇амаа ваад̇аа, гужчисаяаа ваад̇аа, годтаасаяаа 7 ваад̇аа , ан̇г̇аман̇г̇аанусаарино ваад̇аа, ассаасо бассаасо, ид̇и яам̣ ваа банан̃н̃амби гин̃жи аж̇жхад̇д̇ам̣ бажжад̇д̇ам̣ вааяо вааяог̇ад̇ам̣ убаад̣̇иннам̣ – аяам̣ вужжад̇и, раахула, аж̇жхад̇д̇игаа вааяод̇хаад̇у. яаа жзва ко бана аж̇жхад̇д̇игаа вааяод̇хаад̇у яаа жа б̣аахираа вааяод̇хаад̇у вааяод̇хаад̇урзвзсаа. д̇ам̣ ‘нзд̇ам̣ мама, нзсохамасми , на мзсо ад̇д̇аа’д̇и – звамзд̇ам̣ яат̇аабхууд̇ам̣ саммаббан̃н̃ааяа д̣̇адтаб̣б̣ам̣. звамзд̇ам̣ яат̇аабхууд̇ам̣ саммаббан̃н̃ааяа д̣̇исваа вааяод̇хаад̇уяаа ниб̣б̣инд̣̇ад̇и, вааяод̇хаад̇уяаа жид̇д̇ам̣ вирааж̇зд̇и.
117. ‘‘Katamā ca, rāhula, vāyodhātu? Vāyodhātu siyā ajjhattikā, siyā bāhirā. Katamā ca, rāhula, ajjhattikā vāyodhātu? Yaṃ ajjhattaṃ paccattaṃ vāyo vāyogataṃ upādinnaṃ, seyyathidaṃ – uddhaṅgamā vātā, adhogamā vātā, kucchisayā vātā, koṭṭhāsayā 8 vātā , aṅgamaṅgānusārino vātā, assāso passāso, iti yaṃ vā panaññampi kiñci ajjhattaṃ paccattaṃ vāyo vāyogataṃ upādinnaṃ – ayaṃ vuccati, rāhula, ajjhattikā vāyodhātu. Yā ceva kho pana ajjhattikā vāyodhātu yā ca bāhirā vāyodhātu vāyodhāturevesā. Taṃ ‘netaṃ mama, nesohamasmi , na meso attā’ti – evametaṃ yathābhūtaṃ sammappaññāya daṭṭhabbaṃ. Evametaṃ yathābhūtaṃ sammappaññāya disvā vāyodhātuyā nibbindati, vāyodhātuyā cittaṃ virājeti.
118. ‘‘гад̇амаа жа, раахула, аагаасад̇хаад̇у? аагаасад̇хаад̇у сияаа аж̇жхад̇д̇игаа, сияаа б̣аахираа. гад̇амаа жа, раахула, аж̇жхад̇д̇игаа аагаасад̇хаад̇у? яам̣ аж̇жхад̇д̇ам̣ бажжад̇д̇ам̣ аагаасам̣ аагаасаг̇ад̇ам̣ убаад̣̇иннам̣, сзяяат̇ид̣̇ам̣ – ган̣н̣ажчид̣̇д̣̇ам̣ наасажчид̣̇д̣̇ам̣ мукад̣̇ваарам̣, язна жа асид̇абийд̇акааяид̇асааяид̇ам̣ аж̇жхохарад̇и, яад̇т̇а жа асид̇абийд̇акааяид̇асааяид̇ам̣ санд̇идтад̇и, язна жа асид̇абийд̇акааяид̇асааяид̇ам̣ ад̇хобхааг̇ам̣ 9 нигкамад̇и, яам̣ ваа банан̃н̃амби гин̃жи аж̇жхад̇д̇ам̣ бажжад̇д̇ам̣ аагаасам̣ аагаасаг̇ад̇ам̣, агхам̣ агхаг̇ад̇ам̣, виварам̣ вивараг̇ад̇ам̣, асампудтам̣, мам̣салохид̇зхи убаад̣̇иннам̣ 10 – аяам̣ вужжад̇и, раахула, аж̇жхад̇д̇игаа аагаасад̇хаад̇у. яаа жзва ко бана аж̇жхад̇д̇игаа аагаасад̇хаад̇у яаа жа б̣аахираа аагаасад̇хаад̇у аагаасад̇хаад̇урзвзсаа. д̇ам̣ ‘нзд̇ам̣ мама, нзсохамасми, на мзсо ад̇д̇аа’д̇и – звамзд̇ам̣ яат̇аабхууд̇ам̣ саммаббан̃н̃ааяа д̣̇адтаб̣б̣ам̣. звамзд̇ам̣ яат̇аабхууд̇ам̣ саммаббан̃н̃ааяа д̣̇исваа аагаасад̇хаад̇уяаа жид̇д̇ам̣ ниб̣б̣инд̣̇ад̇и, аагаасад̇хаад̇уяаа жид̇д̇ам̣ вирааж̇зд̇и.
118. ‘‘Katamā ca, rāhula, ākāsadhātu? Ākāsadhātu siyā ajjhattikā, siyā bāhirā. Katamā ca, rāhula, ajjhattikā ākāsadhātu? Yaṃ ajjhattaṃ paccattaṃ ākāsaṃ ākāsagataṃ upādinnaṃ, seyyathidaṃ – kaṇṇacchiddaṃ nāsacchiddaṃ mukhadvāraṃ, yena ca asitapītakhāyitasāyitaṃ ajjhoharati, yattha ca asitapītakhāyitasāyitaṃ santiṭṭhati, yena ca asitapītakhāyitasāyitaṃ adhobhāgaṃ 11 nikkhamati, yaṃ vā panaññampi kiñci ajjhattaṃ paccattaṃ ākāsaṃ ākāsagataṃ, aghaṃ aghagataṃ, vivaraṃ vivaragataṃ, asamphuṭṭhaṃ, maṃsalohitehi upādinnaṃ 12 – ayaṃ vuccati, rāhula, ajjhattikā ākāsadhātu. Yā ceva kho pana ajjhattikā ākāsadhātu yā ca bāhirā ākāsadhātu ākāsadhāturevesā. Taṃ ‘netaṃ mama, nesohamasmi, na meso attā’ti – evametaṃ yathābhūtaṃ sammappaññāya daṭṭhabbaṃ. Evametaṃ yathābhūtaṃ sammappaññāya disvā ākāsadhātuyā cittaṃ nibbindati, ākāsadhātuyā cittaṃ virājeti.
119. ‘‘бат̇авийсамам̣, раахула, бхааванам̣ бхаавзхи. бат̇авийсаман̃хи д̇з, раахула, бхааванам̣ бхааваяад̇о уббаннаа манаабааманаабаа пассаа жид̇д̇ам̣ на барияаад̣̇ааяа тассанд̇и. сзяяат̇ааби, раахула, бат̇авияаа сужимби нигкибанд̇и, асужимби нигкибанд̇и, г̇уут̇аг̇ад̇амби нигкибанд̇и, муд̇д̇аг̇ад̇амби нигкибанд̇и, кзл̣аг̇ад̇амби нигкибанд̇и, буб̣б̣аг̇ад̇амби нигкибанд̇и, лохид̇аг̇ад̇амби нигкибанд̇и, на жа д̇зна бат̇авий аддийяад̇и ваа харааяад̇и ваа ж̇иг̇ужчад̇и ваа; звамзва ко д̇вам̣, раахула, бат̇авийсамам̣ бхааванам̣ бхаавзхи. бат̇авийсаман̃хи д̇з, раахула, бхааванам̣ бхааваяад̇о уббаннаа манаабааманаабаа пассаа жид̇д̇ам̣ на барияаад̣̇ааяа тассанд̇и.
119. ‘‘Pathavīsamaṃ, rāhula, bhāvanaṃ bhāvehi. Pathavīsamañhi te, rāhula, bhāvanaṃ bhāvayato uppannā manāpāmanāpā phassā cittaṃ na pariyādāya ṭhassanti. Seyyathāpi, rāhula, pathaviyā sucimpi nikkhipanti, asucimpi nikkhipanti, gūthagatampi nikkhipanti, muttagatampi nikkhipanti, kheḷagatampi nikkhipanti, pubbagatampi nikkhipanti, lohitagatampi nikkhipanti, na ca tena pathavī aṭṭīyati vā harāyati vā jigucchati vā; evameva kho tvaṃ, rāhula, pathavīsamaṃ bhāvanaṃ bhāvehi. Pathavīsamañhi te, rāhula, bhāvanaṃ bhāvayato uppannā manāpāmanāpā phassā cittaṃ na pariyādāya ṭhassanti.
‘‘аабосамам̣, раахула, бхааванам̣ бхаавзхи. аабосаман̃хи д̇з, раахула, бхааванам̣ бхааваяад̇о уббаннаа манаабааманаабаа пассаа жид̇д̇ам̣ на барияаад̣̇ааяа тассанд̇и. сзяяат̇ааби, раахула, аабасмим̣ сужимби д̇хованд̇и, асужимби д̇хованд̇и, г̇уут̇аг̇ад̇амби д̇хованд̇и, муд̇д̇аг̇ад̇амби д̇хованд̇и, кзл̣аг̇ад̇амби д̇хованд̇и, буб̣б̣аг̇ад̇амби д̇хованд̇и, лохид̇аг̇ад̇амби д̇хованд̇и, на жа д̇зна аабо аддийяад̇и ваа харааяад̇и ваа ж̇иг̇ужчад̇и ваа; звамзва ко д̇вам̣, раахула, аабосамам̣ бхааванам̣ бхаавзхи. аабосаман̃хи д̇з, раахула, бхааванам̣ бхааваяад̇о уббаннаа манаабааманаабаа пассаа жид̇д̇ам̣ на барияаад̣̇ааяа тассанд̇и.
‘‘Āposamaṃ, rāhula, bhāvanaṃ bhāvehi. Āposamañhi te, rāhula, bhāvanaṃ bhāvayato uppannā manāpāmanāpā phassā cittaṃ na pariyādāya ṭhassanti. Seyyathāpi, rāhula, āpasmiṃ sucimpi dhovanti, asucimpi dhovanti, gūthagatampi dhovanti, muttagatampi dhovanti, kheḷagatampi dhovanti, pubbagatampi dhovanti, lohitagatampi dhovanti, na ca tena āpo aṭṭīyati vā harāyati vā jigucchati vā; evameva kho tvaṃ, rāhula, āposamaṃ bhāvanaṃ bhāvehi. Āposamañhi te, rāhula, bhāvanaṃ bhāvayato uppannā manāpāmanāpā phassā cittaṃ na pariyādāya ṭhassanti.
‘‘д̇зж̇осамам̣, раахула, бхааванам̣ бхаавзхи. д̇зж̇осаман̃хи д̇з, раахула, бхааванам̣ бхааваяад̇о уббаннаа манаабааманаабаа пассаа жид̇д̇ам̣ на барияаад̣̇ааяа тассанд̇и. сзяяат̇ааби, раахула, д̇зж̇о сужимби д̣̇ахад̇и, асужимби д̣̇ахад̇и, г̇уут̇аг̇ад̇амби д̣̇ахад̇и, муд̇д̇аг̇ад̇амби д̣̇ахад̇и, кзл̣аг̇ад̇амби д̣̇ахад̇и, буб̣б̣аг̇ад̇амби д̣̇ахад̇и, лохид̇аг̇ад̇амби д̣̇ахад̇и, на жа д̇зна д̇зж̇о аддийяад̇и ваа харааяад̇и ваа ж̇иг̇ужчад̇и ваа; звамзва ко д̇вам̣, раахула, д̇зж̇осамам̣ бхааванам̣ бхаавзхи. д̇зж̇осаман̃хи д̇з, раахула, бхааванам̣ бхааваяад̇о уббаннаа манаабааманаабаа пассаа жид̇д̇ам̣ на барияаад̣̇ааяа тассанд̇и.
‘‘Tejosamaṃ, rāhula, bhāvanaṃ bhāvehi. Tejosamañhi te, rāhula, bhāvanaṃ bhāvayato uppannā manāpāmanāpā phassā cittaṃ na pariyādāya ṭhassanti. Seyyathāpi, rāhula, tejo sucimpi dahati, asucimpi dahati, gūthagatampi dahati, muttagatampi dahati, kheḷagatampi dahati, pubbagatampi dahati, lohitagatampi dahati, na ca tena tejo aṭṭīyati vā harāyati vā jigucchati vā; evameva kho tvaṃ, rāhula, tejosamaṃ bhāvanaṃ bhāvehi. Tejosamañhi te, rāhula, bhāvanaṃ bhāvayato uppannā manāpāmanāpā phassā cittaṃ na pariyādāya ṭhassanti.
‘‘вааяосамам̣, раахула, бхааванам̣ бхаавзхи. вааяосаман̃хи д̇з, раахула, бхааванам̣ бхааваяад̇о уббаннаа манаабааманаабаа пассаа жид̇д̇ам̣ на барияаад̣̇ааяа тассанд̇и. сзяяат̇ааби, раахула, вааяо сужимби убавааяад̇и, асужимби убавааяад̇и, г̇уут̇аг̇ад̇амби убавааяад̇и, муд̇д̇аг̇ад̇амби убавааяад̇и, кзл̣аг̇ад̇амби убавааяад̇и, буб̣б̣аг̇ад̇амби убавааяад̇и, лохид̇аг̇ад̇амби убавааяад̇и, на жа д̇зна вааяо аддийяад̇и ваа харааяад̇и ваа ж̇иг̇ужчад̇и ваа; звамзва ко д̇вам̣, раахула, вааяосамам̣ бхааванам̣ бхаавзхи. вааяосаман̃хи д̇з, раахула, бхааванам̣ бхааваяад̇о уббаннаа манаабааманаабаа пассаа жид̇д̇ам̣ на барияаад̣̇ааяа тассанд̇и.
‘‘Vāyosamaṃ, rāhula, bhāvanaṃ bhāvehi. Vāyosamañhi te, rāhula, bhāvanaṃ bhāvayato uppannā manāpāmanāpā phassā cittaṃ na pariyādāya ṭhassanti. Seyyathāpi, rāhula, vāyo sucimpi upavāyati, asucimpi upavāyati, gūthagatampi upavāyati, muttagatampi upavāyati, kheḷagatampi upavāyati, pubbagatampi upavāyati, lohitagatampi upavāyati, na ca tena vāyo aṭṭīyati vā harāyati vā jigucchati vā; evameva kho tvaṃ, rāhula, vāyosamaṃ bhāvanaṃ bhāvehi. Vāyosamañhi te, rāhula, bhāvanaṃ bhāvayato uppannā manāpāmanāpā phassā cittaṃ na pariyādāya ṭhassanti.
‘‘аагаасасамам̣, раахула, бхааванам̣ бхаавзхи. аагаасасаман̃хи д̇з, раахула, бхааванам̣ бхааваяад̇о уббаннаа манаабааманаабаа пассаа жид̇д̇ам̣ на барияаад̣̇ааяа тассанд̇и. сзяяат̇ааби, раахула, аагаасо на гад̇т̇ажи бад̇идтид̇о; звамзва ко д̇вам̣, раахула, аагаасасамам̣ бхааванам̣ бхаавзхи. аагаасасаман̃хи д̇з, раахула, бхааванам̣ бхааваяад̇о уббаннаа манаабааманаабаа пассаа жид̇д̇ам̣ на барияаад̣̇ааяа тассанд̇и.
‘‘Ākāsasamaṃ, rāhula, bhāvanaṃ bhāvehi. Ākāsasamañhi te, rāhula, bhāvanaṃ bhāvayato uppannā manāpāmanāpā phassā cittaṃ na pariyādāya ṭhassanti. Seyyathāpi, rāhula, ākāso na katthaci patiṭṭhito; evameva kho tvaṃ, rāhula, ākāsasamaṃ bhāvanaṃ bhāvehi. Ākāsasamañhi te, rāhula, bhāvanaṃ bhāvayato uppannā manāpāmanāpā phassā cittaṃ na pariyādāya ṭhassanti.
120. ‘‘мзд̇д̇ам̣, раахула, бхааванам̣ бхаавзхи. мзд̇д̇ан̃хи д̇з, раахула, бхааванам̣ бхааваяад̇о яо б̣яаабаад̣̇о со бахийяиссад̇и. гарун̣ам̣, раахула, бхааванам̣ бхаавзхи. гарун̣ан̃хи д̇з, раахула, бхааванам̣ бхааваяад̇о яаа вихзсаа саа бахийяиссад̇и. муд̣̇ид̇ам̣, раахула, бхааванам̣ бхаавзхи. муд̣̇ид̇ан̃хи д̇з, раахула, бхааванам̣ бхааваяад̇о яаа арад̇и саа бахийяиссад̇и. убзгкам̣ , раахула, бхааванам̣ бхаавзхи. убзгкан̃хи д̇з, раахула, бхааванам̣ бхааваяад̇о яо бадигхо со бахийяиссад̇и. асубхам̣, раахула, бхааванам̣ бхаавзхи. асубхан̃хи д̇з, раахула, бхааванам̣ бхааваяад̇о яо рааг̇о со бахийяиссад̇и. анижжасан̃н̃ам̣, раахула, бхааванам̣ бхаавзхи. анижжасан̃н̃ан̃хи д̇з, раахула, бхааванам̣ бхааваяад̇о яо асмимаано со бахийяиссад̇и.
120. ‘‘Mettaṃ, rāhula, bhāvanaṃ bhāvehi. Mettañhi te, rāhula, bhāvanaṃ bhāvayato yo byāpādo so pahīyissati. Karuṇaṃ, rāhula, bhāvanaṃ bhāvehi. Karuṇañhi te, rāhula, bhāvanaṃ bhāvayato yā vihesā sā pahīyissati. Muditaṃ, rāhula, bhāvanaṃ bhāvehi. Muditañhi te, rāhula, bhāvanaṃ bhāvayato yā arati sā pahīyissati. Upekkhaṃ , rāhula, bhāvanaṃ bhāvehi. Upekkhañhi te, rāhula, bhāvanaṃ bhāvayato yo paṭigho so pahīyissati. Asubhaṃ, rāhula, bhāvanaṃ bhāvehi. Asubhañhi te, rāhula, bhāvanaṃ bhāvayato yo rāgo so pahīyissati. Aniccasaññaṃ, rāhula, bhāvanaṃ bhāvehi. Aniccasaññañhi te, rāhula, bhāvanaṃ bhāvayato yo asmimāno so pahīyissati.
121. ‘‘аанаабаанассад̇им̣, раахула, бхааванам̣ бхаавзхи. аанаабаанассад̇и хи д̇з, раахула, бхаавид̇аа б̣ахулийгад̇аа махабпалаа ход̇и махаанисам̣саа. гат̇ам̣ бхаавид̇аа жа, раахула, аанаабаанассад̇и, гат̇ам̣ б̣ахулийгад̇аа махабпалаа ход̇и махаанисам̣саа ? ид̇ха, раахула, бхигку аран̃н̃аг̇ад̇о ваа ругкамуулаг̇ад̇о ваа сун̃н̃ааг̇аараг̇ад̇о ваа нисийд̣̇ад̇и баллан̇гам̣ аабхуж̇ид̇ваа уж̇ум̣ гааяам̣ бан̣ид̇хааяа баримукам̣ сад̇им̣ убадтабзд̇ваа. со сад̇ова ассасад̇и сад̇ова 13 бассасад̇и.
121. ‘‘Ānāpānassatiṃ, rāhula, bhāvanaṃ bhāvehi. Ānāpānassati hi te, rāhula, bhāvitā bahulīkatā mahapphalā hoti mahānisaṃsā. Kathaṃ bhāvitā ca, rāhula, ānāpānassati, kathaṃ bahulīkatā mahapphalā hoti mahānisaṃsā ? Idha, rāhula, bhikkhu araññagato vā rukkhamūlagato vā suññāgāragato vā nisīdati pallaṅkaṃ ābhujitvā ujuṃ kāyaṃ paṇidhāya parimukhaṃ satiṃ upaṭṭhapetvā. So satova assasati satova 14 passasati.
‘‘д̣̇ийгхам̣ ваа ассасанд̇о ‘д̣̇ийгхам̣ ассасаамий’д̇и баж̇аанаад̇и, д̣̇ийгхам̣ ваа бассасанд̇о ‘д̣̇ийгхам̣ бассасаамий’д̇и баж̇аанаад̇и; рассам̣ ваа ассасанд̇о ‘рассам̣ ассасаамий’д̇и баж̇аанаад̇и, рассам̣ ваа бассасанд̇о ‘рассам̣ бассасаамий’д̇и баж̇аанаад̇и. ‘саб̣б̣агааяаббадисам̣взд̣̇ий ассасиссаамий’д̇и сигкад̇и; ‘саб̣б̣агааяаббадисам̣взд̣̇ий бассасиссаамий’д̇и сигкад̇и; ‘бассамбхаяам̣ гааяасан̇каарам̣ ассасиссаамий’д̇и сигкад̇и; ‘бассамбхаяам̣ гааяасан̇каарам̣ бассасиссаамий’д̇и сигкад̇и.
‘‘Dīghaṃ vā assasanto ‘dīghaṃ assasāmī’ti pajānāti, dīghaṃ vā passasanto ‘dīghaṃ passasāmī’ti pajānāti; rassaṃ vā assasanto ‘rassaṃ assasāmī’ti pajānāti, rassaṃ vā passasanto ‘rassaṃ passasāmī’ti pajānāti. ‘Sabbakāyappaṭisaṃvedī assasissāmī’ti sikkhati; ‘sabbakāyappaṭisaṃvedī passasissāmī’ti sikkhati; ‘passambhayaṃ kāyasaṅkhāraṃ assasissāmī’ti sikkhati; ‘passambhayaṃ kāyasaṅkhāraṃ passasissāmī’ti sikkhati.
‘‘‘бийд̇иббадисам̣взд̣̇ий ассасиссаамий’д̇и сигкад̇и; ‘бийд̇иббадисам̣взд̣̇ий бассасиссаамий’д̇и сигкад̇и; ‘сукаббадисам̣взд̣̇ий ассасиссаамий’д̇и сигкад̇и; ‘сукаббадисам̣взд̣̇ий бассасиссаамий’д̇и сигкад̇и; ‘жид̇д̇асан̇каараббадисам̣взд̣̇ий ассасиссаамий’д̇и сигкад̇и; ‘жид̇д̇асан̇каараббадисам̣взд̣̇ий бассасиссаамий’д̇и сигкад̇и; ‘бассамбхаяам̣ жид̇д̇асан̇каарам̣ ассасиссаамий’д̇и сигкад̇и; ‘бассамбхаяам̣ жид̇д̇асан̇каарам̣ бассасиссаамий’д̇и сигкад̇и.
‘‘‘Pītippaṭisaṃvedī assasissāmī’ti sikkhati; ‘pītippaṭisaṃvedī passasissāmī’ti sikkhati; ‘sukhappaṭisaṃvedī assasissāmī’ti sikkhati; ‘sukhappaṭisaṃvedī passasissāmī’ti sikkhati; ‘cittasaṅkhārappaṭisaṃvedī assasissāmī’ti sikkhati; ‘cittasaṅkhārappaṭisaṃvedī passasissāmī’ti sikkhati; ‘passambhayaṃ cittasaṅkhāraṃ assasissāmī’ti sikkhati; ‘passambhayaṃ cittasaṅkhāraṃ passasissāmī’ti sikkhati.
‘‘‘жид̇д̇аббадисам̣взд̣̇ий ассасиссаамий’д̇и сигкад̇и; ‘жид̇д̇аббадисам̣взд̣̇ий бассасиссаамий’д̇и сигкад̇и ; ‘абхиббамод̣̇аяам̣ жид̇д̇ам̣ ассасиссаамий’д̇и сигкад̇и; ‘абхиббамод̣̇аяам̣ жид̇д̇ам̣ бассасиссаамий’д̇и сигкад̇и; ‘самаад̣̇ахам̣ жид̇д̇ам̣ ассасиссаамий’д̇и сигкад̇и; ‘самаад̣̇ахам̣ жид̇д̇ам̣ бассасиссаамий’д̇и сигкад̇и; ‘виможаяам̣ жид̇д̇ам̣ ассасиссаамий’д̇и сигкад̇и; ‘виможаяам̣ жид̇д̇ам̣ бассасиссаамий’д̇и сигкад̇и.
‘‘‘Cittappaṭisaṃvedī assasissāmī’ti sikkhati; ‘cittappaṭisaṃvedī passasissāmī’ti sikkhati ; ‘abhippamodayaṃ cittaṃ assasissāmī’ti sikkhati; ‘abhippamodayaṃ cittaṃ passasissāmī’ti sikkhati; ‘samādahaṃ cittaṃ assasissāmī’ti sikkhati; ‘samādahaṃ cittaṃ passasissāmī’ti sikkhati; ‘vimocayaṃ cittaṃ assasissāmī’ti sikkhati; ‘vimocayaṃ cittaṃ passasissāmī’ti sikkhati.
‘‘‘анижжаанубассий ассасиссаамий’д̇и сигкад̇и; ‘анижжаанубассий бассасиссаамий’д̇и сигкад̇и; ‘вирааг̇аанубассий ассасиссаамий’д̇и сигкад̇и; ‘вирааг̇аанубассий бассасиссаамий’д̇и сигкад̇и; ‘нирод̇хаанубассий ассасиссаамий’д̇и сигкад̇и; ‘нирод̇хаанубассий бассасиссаамий’д̇и сигкад̇и; ‘бадиниссаг̇г̇аанубассий ассасиссаамий’д̇и сигкад̇и; ‘бадиниссаг̇г̇аанубассий бассасиссаамий’д̇и сигкад̇и.
‘‘‘Aniccānupassī assasissāmī’ti sikkhati; ‘aniccānupassī passasissāmī’ti sikkhati; ‘virāgānupassī assasissāmī’ti sikkhati; ‘virāgānupassī passasissāmī’ti sikkhati; ‘nirodhānupassī assasissāmī’ti sikkhati; ‘nirodhānupassī passasissāmī’ti sikkhati; ‘paṭinissaggānupassī assasissāmī’ti sikkhati; ‘paṭinissaggānupassī passasissāmī’ti sikkhati.
‘‘звам̣ бхаавид̇аа ко, раахула, аанаабаанассад̇и, звам̣ б̣ахулийгад̇аа махабпалаа ход̇и махаанисам̣саа. звам̣ бхаавид̇ааяа, раахула, аанаабаанассад̇ияаа, звам̣ б̣ахулийгад̇ааяа язби д̇з жаримагаа ассаасаа д̇зби вид̣̇ид̇аава нируж̇жханд̇и но авид̣̇ид̇аа’’д̇и.
‘‘Evaṃ bhāvitā kho, rāhula, ānāpānassati, evaṃ bahulīkatā mahapphalā hoti mahānisaṃsā. Evaṃ bhāvitāya, rāhula, ānāpānassatiyā, evaṃ bahulīkatāya yepi te carimakā assāsā tepi viditāva nirujjhanti no aviditā’’ti.
ид̣̇амавожа бхаг̇аваа. ад̇д̇амано ааяасмаа раахуло бхаг̇авад̇о бхаасид̇ам̣ абхинанд̣̇ийд̇и.
Idamavoca bhagavā. Attamano āyasmā rāhulo bhagavato bhāsitaṃ abhinandīti.
махаараахуловаад̣̇асуд̇д̇ам̣ нидтид̇ам̣ д̣̇уд̇ияам̣.
Mahārāhulovādasuttaṃ niṭṭhitaṃ dutiyaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 2. махаараахуловаад̣̇асуд̇д̇аван̣н̣анаа • 2. Mahārāhulovādasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 2. махаараахуловаад̣̇асуд̇д̇аван̣н̣анаа • 2. Mahārāhulovādasuttavaṇṇanā
