| Library / Tipiṭaka / д̇ибидага • Tipiṭaka / маж̇жхиманигааяа (дийгаа) • Majjhimanikāya (ṭīkā) |
2. махаараахуловаад̣̇асуд̇д̇аван̣н̣анаа
2. Mahārāhulovādasuttavaṇṇanā
113. ирияаабат̇аануб̣анд̇ханзнаад̇и ирияаабат̇аг̇аманаануб̣анд̇ханзна, на бадибад̇д̇иг̇аманаануб̣анд̇ханзна. ан̃н̃амзва хи б̣уд̣̇д̇хаанам̣ бадибад̇д̇иг̇аманам̣ ан̃н̃ам̣ саавагаанам̣. вилаасид̇аг̇аманзнаад̇и – ‘‘д̣̇уурз баад̣̇ам̣ на уд̣̇д̇харад̇и, на ажжаасаннз баад̣̇ам̣ нигкибад̇и, наад̇исийгхам̣ г̇ажчад̇и наад̇исан̣ига’’нд̇иаад̣̇инаа (сам̣. ни. адта. 3.4.243; уд̣̇аа. адта. 76; саарад̇т̇а. дий. махааваг̇г̇а 3.285) вуд̇д̇зна сабхаавасийлзна б̣уд̣̇д̇хаанам̣ жаад̇урияаг̇аманзна. д̇ад̣̇зва хи санд̇хааяа ‘‘бад̣̇з бад̣̇ам̣ нигкибанд̇о’’д̇и вуд̇д̇ам̣. бад̣̇аанубад̣̇игод̇и раахулад̇т̇зрассаби лагкан̣абаарибуурияаа д̇аад̣̇исамзва г̇амананд̇и яад̇д̇агам̣ бад̣̇зсам̣ анд̇арам̣ ад̣̇ад̇ваа бхаг̇авад̇о бидтид̇о г̇анд̇ум̣ аарад̣̇д̇хо, саб̣б̣ад̇т̇а д̇амзва г̇аманабад̣̇аанубад̣̇ам̣ г̇ажчад̇ийд̇и бад̣̇аанубад̣̇иго.
113.Iriyāpathānubandhanenāti iriyāpathagamanānubandhanena, na paṭipattigamanānubandhanena. Aññameva hi buddhānaṃ paṭipattigamanaṃ aññaṃ sāvakānaṃ. Vilāsitagamanenāti – ‘‘dūre pādaṃ na uddharati, na accāsanne pādaṃ nikkhipati, nātisīghaṃ gacchati nātisaṇika’’ntiādinā (saṃ. ni. aṭṭha. 3.4.243; udā. aṭṭha. 76; sārattha. ṭī. mahāvagga 3.285) vuttena sabhāvasīlena buddhānaṃ cāturiyagamanena. Tadeva hi sandhāya ‘‘pade padaṃ nikkhipanto’’ti vuttaṃ. Padānupadikoti rāhulattherassapi lakkhaṇapāripūriyā tādisameva gamananti yattakaṃ padesaṃ antaraṃ adatvā bhagavato piṭṭhito gantuṃ āraddho, sabbattha tameva gamanapadānupadaṃ gacchatīti padānupadiko.
ван̣н̣анаабхууми жааяам̣ д̇ад̇т̇а бхаг̇аванд̇ам̣ т̇зран̃жа анзгаруубаахи убамаахи ван̣н̣знд̇о ‘‘д̇ад̇т̇а бхаг̇аваа’’д̇иаад̣̇имааха. нигканд̇аг̇аж̇абод̇аго вияа вирожид̇т̇аад̇и бад̣̇ам̣ аанзд̇ваа яож̇анаа. звам̣ д̇ам̣ гзсарасийхо вияаад̇иаад̣̇ийсуби аанзд̇ваа яож̇зд̇аб̣б̣ам̣. д̇аарагарааж̇аа наама жанд̣̇о. д̣̇виннам̣ жанд̣̇аман̣д̣алаананд̇иаад̣̇и баригаббаважанам̣, б̣уд̣̇д̇хаавзн̣игасанд̇агам̣ вияа б̣уд̣̇д̇хаанам̣ аагаббасобхаа ахоси, ахо сирийсамбад̇д̇ийд̇и яож̇анаа.
Vaṇṇanābhūmi cāyaṃ tattha bhagavantaṃ therañca anekarūpāhi upamāhi vaṇṇento ‘‘tattha bhagavā’’tiādimāha. Nikkhantagajapotako viya virocitthāti padaṃ ānetvā yojanā. Evaṃ taṃ kesarasīho viyātiādīsupi ānetvā yojetabbaṃ. Tārakarājā nāma cando. Dvinnaṃ candamaṇḍalānantiādi parikappavacanaṃ, buddhāveṇikasantakaṃ viya buddhānaṃ ākappasobhā ahosi, aho sirīsampattīti yojanā.
аад̣̇ияамаанаад̇и г̇ан̣ханд̇и. ‘‘бажчаа ж̇ааниссаамаа’’д̇и на аж̇ж̇убзгкид̇аб̣б̣о. ид̣̇ам̣ на гад̇д̇аб̣б̣анд̇и вуд̇д̇зд̇и ид̣̇ам̣ баан̣аад̇ибаад̇анам̣ на гад̇д̇аб̣б̣анд̇и вуд̇д̇з ид̣̇ам̣ д̣̇ан̣д̣зна ваа лзд̣д̣унаа ваа вихзтанам̣ на гад̇д̇аб̣б̣ам̣, ид̣̇ам̣ баан̣инаа д̣̇ан̣д̣агад̣̇аанан̃жа анд̇амасо гуж̇жхид̇ваа ологанамад̇д̇амби на гад̇д̇аб̣б̣амзваад̇и наяасад̇знаби наяасахассзнаби бадивиж̇жхад̇и, д̇ат̇аа ид̇ха д̇аава саммаж̇ж̇анам̣ гад̇д̇аб̣б̣анд̇и вуд̇д̇зби д̇ад̇т̇а барибхан̣д̣агаран̣ам̣ вихааран̇г̇ан̣асаммаж̇ж̇анам̣ гажаварачад̣д̣анам̣ ваалигаасамагиран̣анд̇и звамаад̣̇инаа наяасад̇зна наяасахассзна бадивиж̇жхад̇и. д̇знааха – ‘‘ид̣̇ам̣ гад̇д̇аб̣б̣анд̇и вуд̇д̇зби зсзва наяо’’д̇и. барибхаасанд̇и д̇аж̇ж̇анам̣. лабхаамийд̇и бажжаасийсад̇и.
Ādiyamānāti gaṇhanti. ‘‘Pacchā jānissāmā’’ti na ajjupekkhitabbo. Idaṃ na kattabbanti vutteti idaṃ pāṇaatipātanaṃ na kattabbanti vutte idaṃ daṇḍena vā leḍḍunā vā viheṭhanaṃ na kattabbaṃ, idaṃ pāṇinā daṇḍakadānañca antamaso kujjhitvā olokanamattampi na kattabbamevāti nayasatenapi nayasahassenapi paṭivijjhati, tathā idha tāva sammajjanaṃ kattabbanti vuttepi tattha paribhaṇḍakaraṇaṃ vihāraṅgaṇasammajjanaṃ kacavarachaḍḍanaṃ vālikāsamakiraṇanti evamādinā nayasatena nayasahassena paṭivijjhati. Tenāha – ‘‘idaṃ kattabbanti vuttepi eseva nayo’’ti. Paribhāsanti tajjanaṃ. Labhāmīti paccāsīsati.
саб̣б̣амзд̇анд̇и саб̣б̣ам̣ зд̇ам̣ маяи лаб̣бхамаанам̣ сигкаагаамад̇ам̣. абхин̃н̃ааяаад̇и ж̇аанид̇ваа. сахааяод̇и радтабаалад̇т̇зрам̣ санд̇хааяааха. со хи бхаг̇авад̇аа сад̣̇д̇хаабаб̣б̣аж̇ид̇абхаавз зд̇ад̣̇аг̇г̇з табид̇о. д̇хаммаарагкод̇и сад̇т̇у сад̣̇д̇хаммарад̇анаанубаалаго д̇хаммабхан̣д̣ааг̇аариго. бзд̇д̇ияод̇и жуул̣абид̇аа. саб̣б̣ам̣ мз ж̇инасаасананд̇и саб̣б̣амби б̣уд̣̇д̇хасаасанам̣ маяхамзва.
Sabbametanti sabbaṃ etaṃ mayi labbhamānaṃ sikkhākāmataṃ. Abhiññāyāti jānitvā. Sahāyoti raṭṭhapālattheraṃ sandhāyāha. So hi bhagavatā saddhāpabbajitabhāve etadagge ṭhapito. Dhammārakkhoti satthu saddhammaratanānupālako dhammabhaṇḍāgāriko. Pettiyoti cūḷapitā. Sabbaṃ me jinasāsananti sabbampi buddhasāsanaṃ mayhameva.
чанд̣̇арааг̇ам̣ н̃ад̇ваад̇и чанд̣̇арааг̇ам̣ мама жид̇д̇з уббаннам̣ н̃ад̇ваа. ан̃н̃ад̇арасмим̣ ругкамуулзд̇и вихаарабарияанд̇з ан̃н̃ад̇арасмим̣ ругкамууладтаанз анужчавигз.
Chandarāgaṃ ñatvāti chandarāgaṃ mama citte uppannaṃ ñatvā. Aññatarasmiṃ rukkhamūleti vihārapariyante aññatarasmiṃ rukkhamūlaṭṭhāne anucchavike.
д̇ад̣̇аад̇и аг̇г̇асаавагзхи басаад̣̇аабанагаалз. ан̃н̃агаммадтаанаани жан̇гаманаирияаабат̇зби бидтибасааран̣агаалзби самиж̇жханд̇и, на звамид̣̇анд̇и ааха – ‘‘ид̣̇амасса зд̇иссаа нисаж̇ж̇ааяа гаммадтаанам̣ анужчавига’’нд̇и. аанаабаанассад̇инд̇и аанаабаанассад̇игаммадтаанам̣.
Tadāti aggasāvakehi pasādāpanakāle. Aññakammaṭṭhānāni caṅkamanairiyāpathepi piṭṭhipasāraṇakālepi samijjhanti, na evamidanti āha – ‘‘idamassa etissā nisajjāya kammaṭṭhānaṃ anucchavika’’nti. Ānāpānassatinti ānāpānassatikammaṭṭhānaṃ.
самасийсий ход̇ийд̇и сажз самасийсий худ̇ваа на бариниб̣б̣ааяад̇и. бажжзгаб̣од̇хим̣ сажчигарод̇и но жз бажжзгаб̣од̇хим̣ сажчигарод̇и. киббаабхин̃н̃од̇и киббам̣ лахум̣язва бад̇д̇аб̣б̣ачал̣абхин̃н̃о.
Samasīsī hotīti sace samasīsī hutvā na parinibbāyati. Paccekabodhiṃ sacchikaroti no ce paccekabodhiṃ sacchikaroti. Khippābhiññoti khippaṃ lahuṃyeva pattabbachaḷabhiñño.
барибун̣н̣аад̇и сол̣асасу аагаарзсу гассажиби ад̇аабанзна саб̣б̣асо бун̣н̣аа. субхаавид̇аад̇и самат̇абхааванааяа вибассанаабхааванааяа жа анубуб̣б̣асамбаад̣̇анзна субхаавид̇аа. г̇ан̣анаавид̇хаанаанубуб̣б̣ияаа аасзвид̇ад̇д̇аа анубуб̣б̣ам̣ барижид̇аа.
Paripuṇṇāti soḷasasu ākāresu kassacipi atāpanena sabbaso puṇṇā. Subhāvitāti samathabhāvanāya vipassanābhāvanāya ca anupubbasampādanena subhāvitā. Gaṇanāvidhānānupubbiyā āsevitattā anupubbaṃ paricitā.
омаанам̣ ваад̇и аваж̇аананам̣ ун̃н̃аад̇анд̇и звам̣вид̇хам̣ маанам̣ ваа. ад̇имаанам̣ ваад̇и ‘‘гим̣ имзхи, мамзва аанубхаавзна ж̇ийвиссаамий’’д̇и звам̣ ад̇имаанам̣ ваа гуд̇о ж̇анзссад̇ийд̇и.
Omānaṃ vāti avajānanaṃ uññātanti evaṃvidhaṃ mānaṃ vā. Atimānaṃ vāti ‘‘kiṃ imehi, mameva ānubhāvena jīvissāmī’’ti evaṃ atimānaṃ vā kuto janessatīti.
114. висан̇карид̇ваад̇и висам̣яуд̇д̇з гад̇ваа, яат̇аа сан̇г̇аагаарзна г̇ахан̣ам̣ на г̇ажчад̇и, звам̣ винибхун̃ж̇ид̇ваад̇и ад̇т̇о. махаабхууд̇аани д̇аава вид̇т̇аарзд̇у, саммасануубаг̇ад̇д̇аа, асаммасануубаг̇ам̣ аагаасад̇хаад̇ум̣ ат̇а гасмаа вид̇т̇аарзсийд̇и ааха ‘‘убаад̣̇ааруубад̣̇ассанад̇т̇а’’нд̇и. аабод̇хаад̇у сукумаруубам̣. ид̇араасу ол̣ааригасукумад̇ааби лаб̣бхад̇ийд̇и ааха ‘‘убаад̣̇ааруубад̣̇ассанад̇т̇а’’нд̇и. хздтаа жад̇д̇аари махаабхууд̇аанзва гат̇ид̇аани, на убаад̣̇ааруубанд̇и д̇асса банзд̇т̇а лагкан̣ахааранаязна аагаасад̣̇ассанзна д̣̇ассид̇ад̇аа взд̣̇ид̇аб̣б̣аа. д̇знааха ‘‘иминаа мукзна д̇ам̣ д̣̇ассзд̇у’’нд̇и. на гзвалам̣ убаад̣̇ааруубаг̇г̇ахан̣ад̣̇ассанад̇т̇амзва аагаасад̇хаад̇у вид̇т̇аарид̇аа, ат̇а ко бариг̇г̇ахасукад̇ааяабийд̇и д̣̇ассзнд̇о ‘‘абижаа’’д̇иаад̣̇имааха. д̇ад̇т̇а барижчинд̣̇ид̇аб̣б̣асса руубасса ниравасзсабарияаад̣̇аанад̇т̇ам̣ ‘‘аж̇жхад̇д̇игзнаа’’д̇и висзсанамааха. аагаасзнаад̇и аагаасад̇хаад̇уяаа г̇ахид̇ааяа. барижчиннаруубанд̇и д̇ааяа барижчинд̣̇ид̇агалаабаг̇ад̇амби баагадам̣ ход̇и вибхууд̇ам̣ худ̇ваа убадтаад̇и.
114.Visaṅkharitvāti visaṃyutte katvā, yathā saṅgākārena gahaṇaṃ na gacchati, evaṃ vinibhuñjitvāti attho. Mahābhūtāni tāva vitthāretu, sammasanūpagattā, asammasanūpagaṃ ākāsadhātuṃ atha kasmā vitthāresīti āha ‘‘upādārūpadassanattha’’nti. Āpodhātu sukhumarūpaṃ. Itarāsu oḷārikasukhumatāpi labbhatīti āha ‘‘upādārūpadassanattha’’nti. Heṭṭhā cattāri mahābhūtāneva kathitāni, na upādārūpanti tassa panettha lakkhaṇahāranayena ākāsadassanena dassitatā veditabbā. Tenāha ‘‘iminā mukhena taṃ dassetu’’nti. Na kevalaṃ upādārūpaggahaṇadassanatthameva ākāsadhātu vitthāritā, atha kho pariggahasukhatāyapīti dassento ‘‘apicā’’tiādimāha. Tattha paricchinditabbassa rūpassa niravasesapariyādānatthaṃ ‘‘ajjhattikenā’’ti visesanamāha. Ākāsenāti ākāsadhātuyā gahitāya. Paricchinnarūpanti tāya paricchinditakalāpagatampi pākaṭaṃ hoti vibhūtaṃ hutvā upaṭṭhāti.
ид̣̇аани вуд̇д̇амзвад̇т̇ам̣ сукаг̇г̇ахан̣ад̇т̇ам̣ г̇аат̇ааяа д̣̇ассзд̇и. д̇ассаад̇и убаад̣̇ааяаруубасса. звам̣ аавибхаавад̇т̇анд̇и звам̣ барижчиннад̇ааяа аагаасасса васзна вибхууд̇абхаавад̇т̇ам̣. д̇анд̇и аагаасад̇хаад̇ум̣.
Idāni vuttamevatthaṃ sukhaggahaṇatthaṃ gāthāya dasseti. Tassāti upādāyarūpassa. Evaṃ āvibhāvatthanti evaṃ paricchinnatāya ākāsassa vasena vibhūtabhāvatthaṃ. Tanti ākāsadhātuṃ.
118. аагаасабхаавам̣ г̇ад̇анд̇и жад̇уухи махаабхууд̇зхи асампудтаанам̣ д̇зсам̣ барижчзд̣̇агабхаавзна аагаасанд̇и г̇ахзд̇аб̣б̣ад̇ам̣ г̇ад̇ам̣, аагаасамзва ваа аагаасаг̇ад̇ам̣ яат̇аа ‘‘д̣̇идтиг̇ад̇ам̣ (д̇ха. са. 381; махаани. 12), ад̇т̇ан̇г̇ад̇а’’нд̇и (а. ни. адта. 1.1.130) жа. аад̣̇иннанд̇и иманд̇и д̇ан̣хаад̣̇идтийхи аад̣̇иннам̣. д̇знааха ‘‘г̇ахид̇ам̣ бараамадта’’нд̇и. ан̃н̃ад̇т̇а гаммаж̇ам̣ ‘‘убаад̣̇инна’’нд̇и вужжад̇и, на д̇ат̇аа ид̇хаад̇и ааха ‘‘сарийрадтаганд̇и ад̇т̇о’’д̇и. бат̇авийд̇хаад̇уаад̣̇ийсу вуд̇д̇анаязнзваад̇и махаахад̇т̇ибад̣̇обамз (ма. ни. 1.300 аад̣̇аяо) вуд̇д̇анаяад̣̇ассанам̣ санд̇хааяа вад̣̇ад̇и.
118.Ākāsabhāvaṃ gatanti catūhi mahābhūtehi asamphuṭṭhānaṃ tesaṃ paricchedakabhāvena ākāsanti gahetabbataṃ gataṃ, ākāsameva vā ākāsagataṃ yathā ‘‘diṭṭhigataṃ (dha. sa. 381; mahāni. 12), atthaṅgata’’nti (a. ni. aṭṭha. 1.1.130) ca. Ādinnanti imanti taṇhādiṭṭhīhi ādinnaṃ. Tenāha ‘‘gahitaṃ parāmaṭṭha’’nti. Aññattha kammajaṃ ‘‘upādinna’’nti vuccati, na tathā idhāti āha ‘‘sarīraṭṭhakanti attho’’ti. Pathavīdhātuādīsuvuttanayenevāti mahāhatthipadopame (ma. ni. 1.300 ādayo) vuttanayadassanaṃ sandhāya vadati.
119. д̇аад̣̇ибхааво наама нидтид̇агижжасса ход̇и, аяан̃жа вибассанам̣ ануяун̃ж̇ад̇и, ат̇а гимад̇т̇ам̣ д̇аад̣̇ибхаавад̇аа вуд̇д̇аад̇и? бат̇авийсамад̇аад̣̇илагкан̣аажигкан̣аахи вибассанааяа сукаббавад̇д̇иад̇т̇ам̣. д̇знааха ‘‘идтаанидтзсуу’’д̇иаад̣̇и. г̇ахзд̇ваад̇и гусалаббавад̇д̇ияаа огаасад̣̇аанавасзна бариг̇г̇ахзд̇ваа. на бад̇идтид̇од̇и на ниссид̇о на лаг̇г̇о.
119.Tādibhāvo nāma niṭṭhitakiccassa hoti, ayañca vipassanaṃ anuyuñjati, atha kimatthaṃ tādibhāvatā vuttāti? Pathavīsamatādilakkhaṇācikkhaṇāhi vipassanāya sukhappavattiatthaṃ. Tenāha ‘‘iṭṭhāniṭṭhesū’’tiādi. Gahetvāti kusalappavattiyā okāsadānavasena pariggahetvā. Na patiṭṭhitoti na nissito na laggo.
120. б̣рахмавихаарабхааванаа асубхабхааванаа аанаабаанассад̇ибхааванаа жа убажаарам̣ ваа аббанам̣ ваа баабзнд̇о вибассанааяа баад̣̇агабхаавааяа анижжаад̣̇исан̃н̃ааяа вибассанаабхаавзна уссаггид̇ваа маг̇г̇абадибаадияаа арахад̇д̇аад̇хиг̇амааяа ход̇ийд̇и ‘‘мзд̇д̇аад̣̇ибхааванааяа бана ход̇ий’’д̇и вуд̇д̇ам̣. яад̇т̇а гад̇т̇ажи сад̇д̇зсу сан̇каарзсу жа бадихан̃н̃анагилзсод̇и аагхаад̇абхаавамзва вад̣̇ад̇и н̃ааяабхаавад̇о ан̃н̃зсамби. асмимаанод̇и руубаад̣̇игз бажжзгам̣ згаж̇жхам̣ г̇ахзд̇ваа ‘‘аяамахамасмий’’д̇и звам̣ бавад̇д̇амаано.
120. Brahmavihārabhāvanā asubhabhāvanā ānāpānassatibhāvanā ca upacāraṃ vā appanaṃ vā pāpento vipassanāya pādakabhāvāya aniccādisaññāya vipassanābhāvena ussakkitvā maggapaṭipāṭiyā arahattādhigamāya hotīti ‘‘mettādibhāvanāya pana hotī’’ti vuttaṃ. Yattha katthaci sattesu saṅkhāresu ca paṭihaññanakilesoti āghātabhāvameva vadati ñāyabhāvato aññesampi. Asmimānoti rūpādike paccekaṃ ekajjhaṃ gahetvā ‘‘ayamahamasmī’’ti evaṃ pavattamāno.
121. ид̣̇ам̣ гаммадтаананд̇и зд̇т̇а г̇ан̣анаад̣̇ивасзна аасзвияамаанаа ассаасабассаасаа яог̇агаммасса бад̇идтаанад̇ааяа гаммадтаанам̣. д̇ад̇т̇а бана д̇ат̇аабавад̇д̇о манасигааро бхааванаа. зд̇т̇а жа д̇ассзва т̇зрасса бхаг̇авад̇аа б̣ахуунам̣ гаммадтаанаанам̣ д̣̇зсид̇ад̇д̇аа жарид̇ам̣ анаад̣̇ияид̇ваа гаммадтаанаани саб̣б̣зсам̣ буг̇г̇алаанам̣ саббааяаанийд̇и аяамад̇т̇о сид̣̇д̇хо, ад̇исаббааяавасзна бана гаммадтаанзсу вибхааг̇агат̇аа гат̇ид̇аад̇и взд̣̇ид̇аб̣б̣аа.
121.Idaṃ kammaṭṭhānanti ettha gaṇanādivasena āseviyamānā assāsapassāsā yogakammassa patiṭṭhānatāya kammaṭṭhānaṃ. Tattha pana tathāpavatto manasikāro bhāvanā. Ettha ca tasseva therassa bhagavatā bahūnaṃ kammaṭṭhānānaṃ desitattā caritaṃ anādiyitvā kammaṭṭhānāni sabbesaṃ puggalānaṃ sappāyānīti ayamattho siddho, atisappāyavasena pana kammaṭṭhānesu vibhāgakathā kathitāti veditabbā.
махаараахуловаад̣̇асуд̇д̇аван̣н̣анааяа лийнад̇т̇аббагаасанаа самад̇д̇аа.
Mahārāhulovādasuttavaṇṇanāya līnatthappakāsanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 2. махаараахуловаад̣̇асуд̇д̇ам̣ • 2. Mahārāhulovādasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 2. махаараахуловаад̣̇асуд̇д̇аван̣н̣анаа • 2. Mahārāhulovādasuttavaṇṇanā
