Library / Tipiṭaka / д̇ибидага • Tipiṭaka / вимаанавад̇т̇у-адтагат̇аа • Vimānavatthu-aṭṭhakathā

14. махаарат̇авимаанаван̣н̣анаа

14. Mahārathavimānavaṇṇanā

сахассаяуд̇д̇ам̣ хаяавааханам̣ субханд̇и махаарат̇авимаанам̣. д̇асса гаа уббад̇д̇и? бхаг̇аваа саавад̇т̇ияам̣ вихарад̇и ж̇зд̇аванз. д̇зна жа самаязна ааяасмаа махаамог̇г̇аллаано хздтаа вуд̇д̇анаязна д̣̇зважааригам̣ жаранд̇о д̇аавад̇им̣сабхаванз г̇обааласса наама д̣̇звабуд̇д̇асса ад̇д̇ано вимаанад̇о нигкамид̇ваа сахассаяуд̇д̇ам̣ маханд̇ам̣ д̣̇иб̣б̣арат̇ам̣ абхируяха маханд̇зна бариваарзна махад̇ияаа д̣̇звид̣̇д̇хияаа уяяаанагийл̣анад̇т̇ам̣ г̇ажчанд̇асса авид̣̇уурз баад̇урахоси. д̇ам̣ д̣̇исваа д̣̇звабуд̇д̇о сан̃ж̇аад̇аг̇аараваб̣ахумаано сахасаа рат̇ад̇о оруяха убасан̇гамид̇ваа бан̃жабад̇идтид̇зна ванд̣̇ид̇ваа ан̃ж̇алим̣ сираси баг̇г̇аяха адтааси.

Sahassayuttaṃ hayavāhanaṃ subhanti mahārathavimānaṃ. Tassa kā uppatti? Bhagavā sāvatthiyaṃ viharati jetavane. Tena ca samayena āyasmā mahāmoggallāno heṭṭhā vuttanayena devacārikaṃ caranto tāvatiṃsabhavane gopālassa nāma devaputtassa attano vimānato nikkhamitvā sahassayuttaṃ mahantaṃ dibbarathaṃ abhiruyha mahantena parivārena mahatiyā deviddhiyā uyyānakīḷanatthaṃ gacchantassa avidūre pāturahosi. Taṃ disvā devaputto sañjātagāravabahumāno sahasā rathato oruyha upasaṅkamitvā pañcapatiṭṭhitena vanditvā añjaliṃ sirasi paggayha aṭṭhāsi.

д̇ассид̣̇ам̣ буб̣б̣агаммам̣ – со гира вибассим̣ бхаг̇аванд̇ам̣ суван̣н̣амаалааяа бууж̇зд̇ваа ‘‘имасса бун̃н̃асса аанубхаавзна маяхам̣ бхавз бхавз сован̣н̣амаяаа уражчад̣̇амаалаа ниб̣б̣ад̇д̇ад̇уу’’д̇и гад̇абан̣ид̇хаанааяа анзгагаббзсу суг̇ад̇ийсуязва сам̣саранд̇ияаа гассабасса бхаг̇авад̇о гаалз гигисса гаасиран̃н̃о аг̇г̇амахзсияаа гужчимхи ниб̣б̣ад̇д̇ааяа яат̇аабан̣ид̇хаанам̣ суван̣н̣амаалаалаабхзна ‘‘уражчад̣̇амаалаа’’д̇и лад̣̇д̇ханаамааяа д̣̇зваган̃н̃аасад̣̇исааяа рааж̇ад̇хийд̇ааяа аажарияо г̇обаало наама б̣раахман̣о худ̇ваа сасаавагасан̇гхасса гассабасса бхаг̇авад̇о асад̣̇исад̣̇аанаад̣̇ийни махаад̣̇аанаани бавад̇д̇зд̇ваа инд̣̇рияаанам̣ абарибаггабхаавзна ад̇д̇аанам̣ рааж̇ад̇хийд̇аран̃жа уд̣̇д̣̇исса сад̇т̇аараа д̣̇зсид̇ам̣ д̇хаммам̣ суд̇вааби висзсам̣ ниб̣б̣ад̇д̇зд̇ум̣ асаггонд̇о бут̇уж̇ж̇анагаалагирияамзва гад̇ваа яат̇уубажид̇абун̃н̃аанубхаавзна д̇аавад̇им̣сзсу яож̇анасад̇игз ганагавимаанз ниб̣б̣ад̇д̇и, анзгагодиажчараабаривааро ахоси, сад̇д̇арад̇анамаяо жасса сахассаяуд̇д̇о сувибхад̇д̇абхид̇д̇ивижид̇д̇о синид̣̇д̇хамад̇хураниг̇гхосо ад̇д̇ано бабхаасамуд̣̇аязна авахасанд̇о вияа д̣̇иван̇гараман̣д̣алам̣ д̣̇иб̣б̣о ааж̇ан̃н̃арат̇о ниб̣б̣ад̇д̇и.

Tassidaṃ pubbakammaṃ – so kira vipassiṃ bhagavantaṃ suvaṇṇamālāya pūjetvā ‘‘imassa puññassa ānubhāvena mayhaṃ bhave bhave sovaṇṇamayā uracchadamālā nibbattatū’’ti katapaṇidhānāya anekakappesu sugatīsuyeva saṃsarantiyā kassapassa bhagavato kāle kikissa kāsirañño aggamahesiyā kucchimhi nibbattāya yathāpaṇidhānaṃ suvaṇṇamālālābhena ‘‘uracchadamālā’’ti laddhanāmāya devakaññāsadisāya rājadhītāya ācariyo gopālo nāma brāhmaṇo hutvā sasāvakasaṅghassa kassapassa bhagavato asadisadānādīni mahādānāni pavattetvā indriyānaṃ aparipakkabhāvena attānaṃ rājadhītarañca uddissa satthārā desitaṃ dhammaṃ sutvāpi visesaṃ nibbattetuṃ asakkonto puthujjanakālakiriyameva katvā yathūpacitapuññānubhāvena tāvatiṃsesu yojanasatike kanakavimāne nibbatti, anekakoṭiaccharāparivāro ahosi, sattaratanamayo cassa sahassayutto suvibhattabhittivicitto siniddhamadhuranigghoso attano pabhāsamudayena avahasanto viya divaṅkaramaṇḍalaṃ dibbo ājaññaratho nibbatti.

со д̇ад̇т̇а яаавад̇ааяугам̣ д̣̇иб̣б̣асамбад̇д̇им̣ анубхавид̇ваа абараабарам̣ д̣̇звзсуязва сам̣саранд̇о имасмим̣ б̣уд̣̇д̇хуббаад̣̇з д̇ассзва гаммасса вибаагаавасзсзна яат̇аавуд̇д̇асамбад̇д̇ивибхаво г̇обаало зва наама д̣̇звабуд̇д̇о худ̇ваа д̇аавад̇им̣сзсуязва ниб̣б̣ад̇д̇и. д̇ам̣ санд̇хааяа вуд̇д̇ам̣ ‘‘д̇зна жа самаязна ааяасмаа махаамог̇г̇аллаано…бз… ан̃ж̇алим̣ сираси баг̇г̇аяха адтаасий’’д̇и.

So tattha yāvatāyukaṃ dibbasampattiṃ anubhavitvā aparāparaṃ devesuyeva saṃsaranto imasmiṃ buddhuppāde tasseva kammassa vipākāvasesena yathāvuttasampattivibhavo gopālo eva nāma devaputto hutvā tāvatiṃsesuyeva nibbatti. Taṃ sandhāya vuttaṃ ‘‘tena ca samayena āyasmā mahāmoggallāno…pe… añjaliṃ sirasi paggayha aṭṭhāsī’’ti.

звам̣ бана убасан̇гамид̇ваа тид̇ам̣ д̇ам̣ д̣̇звабуд̇д̇ам̣ ааяасмаа махаамог̇г̇аллаано имаахи г̇аат̇аахи бужчи –

Evaṃ pana upasaṅkamitvā ṭhitaṃ taṃ devaputtaṃ āyasmā mahāmoggallāno imāhi gāthāhi pucchi –

1015.

‘‘сахассаяуд̇д̇ам̣ хаяавааханам̣ субхам̣, ааруяхимам̣ санд̣̇анам̣ нзгажид̇д̇ам̣;

‘‘Sahassayuttaṃ hayavāhanaṃ subhaṃ, āruyhimaṃ sandanaṃ nekacittaṃ;

уяяаанабхуумим̣ абхид̇о ануггамам̣, буринд̣̇ад̣̇о бхууд̇абад̇ийва ваасаво.

Uyyānabhūmiṃ abhito anukkamaṃ, purindado bhūtapatīva vāsavo.

1016.

‘‘сован̣н̣амаяаа д̇з рат̇агуб̣б̣араа убхо, палзхи ам̣сзхи ад̇ийва сан̇г̇ад̇аа;

‘‘Sovaṇṇamayā te rathakubbarā ubho, phalehi aṃsehi atīva saṅgatā;

суж̇аад̇аг̇умб̣аа наравийранидтид̇аа, вирожад̇и баннарасзва жанд̣̇о.

Sujātagumbā naravīraniṭṭhitā, virocati pannaraseva cando.

1017.

‘‘суван̣н̣аж̇аалаавад̇ад̇о рат̇о аяам̣, б̣ахуухи наанаарад̇анзхи жид̇д̇ид̇о;

‘‘Suvaṇṇajālāvatato ratho ayaṃ, bahūhi nānāratanehi cittito;

сунанд̣̇игхосо жа субхассаро жа, вирожад̇ий жаамарахад̇т̇аб̣аахубхи.

Sunandighoso ca subhassaro ca, virocatī cāmarahatthabāhubhi.

1018.

‘‘имаа жа наабхяо манасаабхиниммид̇аа, рат̇асса баад̣̇анд̇арамаж̇жхабхуусид̇аа;

‘‘Imā ca nābhyo manasābhinimmitā, rathassa pādantaramajjhabhūsitā;

имаа жа наабхяо сад̇арааж̇ижид̇д̇ид̇аа, сад̇зрад̇аа виж̇ж̇уриваббабхаасарз.

Imā ca nābhyo satarājicittitā, sateratā vijjurivappabhāsare.

1019.

‘‘анзгажид̇д̇аавад̇ад̇о рат̇о аяам̣, бут̇уу жа нзмий жа сахассарам̣сиго;

‘‘Anekacittāvatato ratho ayaṃ, puthū ca nemī ca sahassaraṃsiko;

д̇зсам̣ саро суяяад̇и ваг̇г̇уруубо, бан̃жан̇г̇игам̣ д̇уурияамиваббаваад̣̇ид̇ам̣.

Tesaṃ saro suyyati vaggurūpo, pañcaṅgikaṃ tūriyamivappavāditaṃ.

1020.

‘‘сирасмим̣ жид̇д̇ам̣ ман̣ижанд̣̇агаббид̇ам̣, сад̣̇аа висуд̣̇д̇хам̣ ружирам̣ бабхассарам̣;

‘‘Sirasmiṃ cittaṃ maṇicandakappitaṃ, sadā visuddhaṃ ruciraṃ pabhassaraṃ;

суван̣н̣арааж̇ийхи ад̇ийва сан̇г̇ад̇ам̣, взл̣урияарааж̇ийва ад̇ийва собхад̇и.

Suvaṇṇarājīhi atīva saṅgataṃ, veḷuriyarājīva atīva sobhati.

1021.

‘‘имз жа ваал̣ий ман̣ижанд̣̇агаббид̇аа, аарохагамб̣уу суж̇аваа б̣рахуубамаа;

‘‘Ime ca vāḷī maṇicandakappitā, ārohakambū sujavā brahūpamā;

б̣рахаа маханд̇аа б̣алино махааж̇аваа, мано д̇аван̃н̃ааяа д̇ат̇зва сим̣сарз.

Brahā mahantā balino mahājavā, mano tavaññāya tatheva siṃsare.

1022.

‘‘имз жа саб̣б̣з сахид̇аа жад̇уггамаа, мано д̇аван̃н̃ааяа д̇ат̇зва сим̣сарз;

‘‘Ime ca sabbe sahitā catukkamā, mano tavaññāya tatheva siṃsare;

самам̣ ваханд̇ий муд̣̇угаа ануд̣̇д̇хад̇аа, аамод̣̇амаанаа д̇ураг̇аанамуд̇д̇амаа.

Samaṃ vahantī mudukā anuddhatā, āmodamānā turagānamuttamā.

1023.

‘‘д̇хунанд̇и ваг̇г̇анд̇и бад̇анд̇и жамб̣арз, аб̣бхуд̣̇д̇хунанд̇аа сугад̇з бил̣анд̇ханз;

‘‘Dhunanti vagganti patanti cambare, abbhuddhunantā sukate piḷandhane;

д̇зсам̣ саро суяяад̇и ваг̇г̇уруубо, бан̃жан̇г̇игам̣ д̇уурияамиваббаваад̣̇ид̇ам̣.

Tesaṃ saro suyyati vaggurūpo, pañcaṅgikaṃ tūriyamivappavāditaṃ.

1024.

‘‘рат̇асса гхосо абил̣анд̇ханаана жа, курасса наад̣̇о абхихим̣санааяа жа;

‘‘Rathassa ghoso apiḷandhanāna ca, khurassa nādo abhihiṃsanāya ca;

гхосо суваг̇г̇уу самид̇асса суяяад̇и, г̇анд̇хаб̣б̣ад̇уурияаани вижид̇расам̣ванз.

Ghoso suvaggū samitassa suyyati, gandhabbatūriyāni vicitrasaṃvane.

1025.

‘‘рат̇з тид̇аад̇аа миг̇аманд̣̇аложанаа, аал̣аарабамхаа хасид̇аа бияам̣вад̣̇аа;

‘‘Rathe ṭhitātā migamandalocanā, āḷārapamhā hasitā piyaṃvadā;

взл̣урияаж̇аалаавад̇ад̇аа д̇анужчаваа, сад̣̇зва г̇анд̇хаб̣б̣асуураг̇г̇абууж̇ид̇аа.

Veḷuriyajālāvatatā tanucchavā, sadeva gandhabbasūraggapūjitā.

1026.

‘‘д̇аа рад̇д̇арад̇д̇амб̣арабийд̇аваасасаа, висааланзд̇д̇аа абхирад̇д̇аложанаа;

‘‘Tā rattarattambarapītavāsasā, visālanettā abhirattalocanā;

гулз суж̇аад̇аа суд̇ануу сужимхид̇аа, рат̇з тид̇аа бан̃ж̇алигаа убадтид̇аа.

Kule sujātā sutanū sucimhitā, rathe ṭhitā pañjalikā upaṭṭhitā.

1027.

‘‘д̇аа гамб̣угзяуурад̇хараа суваасасаа, сумаж̇жхимаа уурут̇ануубабаннаа;

‘‘Tā kambukeyūradharā suvāsasā, sumajjhimā ūruthanūpapannā;

ваддан̇г̇улияо сумукаа суд̣̇ассанаа, рат̇з тид̇аа бан̃ж̇алигаа убадтид̇аа.

Vaṭṭaṅguliyo sumukhā sudassanā, rathe ṭhitā pañjalikā upaṭṭhitā.

1028.

‘‘ан̃н̃аа сувзн̣ий сусу миссагзсияо, самам̣ вибхад̇д̇аахи бабхассараахи жа;

‘‘Aññā suveṇī susu missakesiyo, samaṃ vibhattāhi pabhassarāhi ca;

ануб̣б̣ад̇аа д̇аа д̇ава маанасз рад̇аа, рат̇з тид̇аа бан̃ж̇алигаа убадтид̇аа.

Anubbatā tā tava mānase ratā, rathe ṭhitā pañjalikā upaṭṭhitā.

1029.

‘‘аавзл̣инияо бад̣̇умуббалажчад̣̇аа, алан̇гад̇аа жанд̣̇анасаараваасид̇аа;

‘‘Āveḷiniyo padumuppalacchadā, alaṅkatā candanasāravāsitā;

ануб̣б̣ад̇аа д̇аа д̇ава маанасз рад̇аа, рат̇з тид̇аа бан̃ж̇алигаа убадтид̇аа.

Anubbatā tā tava mānase ratā, rathe ṭhitā pañjalikā upaṭṭhitā.

1030.

‘‘д̇аа маалинияо бад̣̇умуббалажчад̣̇аа, алан̇гад̇аа жанд̣̇анасаараваасид̇аа;

‘‘Tā māliniyo padumuppalacchadā, alaṅkatā candanasāravāsitā;

ануб̣б̣ад̇аа д̇аа д̇ава маанасз рад̇аа, рат̇з тид̇аа бан̃ж̇алигаа убадтид̇аа.

Anubbatā tā tava mānase ratā, rathe ṭhitā pañjalikā upaṭṭhitā.

1031.

‘‘ган̣тзсу д̇з яаани бил̣анд̇ханаани, хад̇т̇зсу баад̣̇зсу д̇ат̇зва сийсз;

‘‘Kaṇṭhesu te yāni piḷandhanāni, hatthesu pādesu tatheva sīse;

обхаасаяанд̇ий д̣̇аса саб̣б̣асо д̣̇исаа, аб̣бхуд̣̇д̣̇аяам̣ саарад̣̇игова бхаан̣умаа.

Obhāsayantī dasa sabbaso disā, abbhuddayaṃ sāradikova bhāṇumā.

1032.

‘‘ваад̇асса взг̇зна жа самбагамбид̇аа, бхуж̇зсу маалаа абил̣анд̇ханаани жа;

‘‘Vātassa vegena ca sampakampitā, bhujesu mālā apiḷandhanāni ca;

мун̃жанд̇и гхосам̣ ружирам̣ сужим̣ субхам̣, саб̣б̣зхи вин̃н̃уухи суд̇аб̣б̣аруубам̣.

Muñcanti ghosaṃ ruciraṃ suciṃ subhaṃ, sabbehi viññūhi sutabbarūpaṃ.

1033.

‘‘уяяаанабхуумяаа жа д̣̇увад̣̇д̇хад̇о тид̇аа, рат̇аа жа нааг̇аа д̇уурияаани жа саро;

‘‘Uyyānabhūmyā ca duvaddhato ṭhitā, rathā ca nāgā tūriyāni ca saro;

д̇амзва д̣̇звинд̣̇а бамод̣̇аяанд̇и, вийн̣аа яат̇аа богкарабад̇д̇аб̣аахубхи.

Tameva devinda pamodayanti, vīṇā yathā pokkharapattabāhubhi.

1034.

‘‘имаасу вийн̣аасу б̣ахуусу ваг̇г̇уусу, манун̃н̃аруубаасу хад̣̇аязрид̇ам̣ бийд̇им̣;

‘‘Imāsu vīṇāsu bahūsu vaggūsu, manuññarūpāsu hadayeritaṃ pītiṃ;

баваж̇ж̇амаанаасу ад̇ийва ажчараа, бхаманд̇и ган̃н̃аа бад̣̇умзсу сигкид̇аа.

Pavajjamānāsu atīva accharā, bhamanti kaññā padumesu sikkhitā.

1035.

‘‘яад̣̇аа жа г̇ийд̇аани жа ваад̣̇ид̇аани жа, нажжаани жимаани самзнд̇и згад̇о;

‘‘Yadā ca gītāni ca vāditāni ca, naccāni cimāni samenti ekato;

ат̇зд̇т̇а нажжанд̇и ат̇зд̇т̇а ажчараа, обхаасаяанд̇ий убхад̇о варид̇т̇ияо.

Athettha naccanti athettha accharā, obhāsayantī ubhato varitthiyo.

1036.

‘‘со мод̣̇аси д̇уурияаг̇ан̣аббаб̣од̇хано, махийяамаано важ̇ираавуд̇хорива;

‘‘So modasi tūriyagaṇappabodhano, mahīyamāno vajirāvudhoriva;

имаасу вийн̣аасу б̣ахуусу ваг̇г̇уусу, манун̃н̃аруубаасу хад̣̇аязрид̇ам̣ бийд̇им̣.

Imāsu vīṇāsu bahūsu vaggūsu, manuññarūpāsu hadayeritaṃ pītiṃ.

1037.

‘‘гим̣ д̇вам̣ бурз гаммамагааси ад̇д̇анаа, мануссабхууд̇о буримааяа ж̇аад̇ияаа;

‘‘Kiṃ tvaṃ pure kammamakāsi attanā, manussabhūto purimāya jātiyā;

убосат̇ам̣ гам̣ ваа д̇увам̣ убааваси, гам̣ д̇хаммажарияам̣ вад̇амаабхирожаяи.

Uposathaṃ kaṃ vā tuvaṃ upāvasi, kaṃ dhammacariyaṃ vatamābhirocayi.

1038.

‘‘наяийд̣̇амаббасса гад̇асса гаммуно, буб̣б̣з сужин̣н̣асса убосат̇асса ваа;

‘‘Nayīdamappassa katassa kammuno, pubbe suciṇṇassa uposathassa vā;

ид̣̇д̇хаанубхааво вибуло аяам̣ д̇ава, яам̣ д̣̇звасан̇гхам̣ абхирожасз бхусам̣.

Iddhānubhāvo vipulo ayaṃ tava, yaṃ devasaṅghaṃ abhirocase bhusaṃ.

1039.

‘‘д̣̇аанасса д̇з ид̣̇ам̣ палам̣, ат̇о сийласса ваа бана;

‘‘Dānassa te idaṃ phalaṃ, atho sīlassa vā pana;

ат̇о ан̃ж̇алигаммасса, д̇ам̣ мз агкаахи бужчид̇о’’д̇и.

Atho añjalikammassa, taṃ me akkhāhi pucchito’’ti.

1015. д̇ад̇т̇а сахассаяуд̇д̇анд̇и сахассзна яуд̇д̇ам̣, сахассам̣ ваа яуд̇д̇ам̣ яож̇ид̇ам̣ зд̇асминд̇и сахассаяуд̇д̇ам̣. гасса банзд̇ам̣ сахассанд̇и? ‘‘хаяаваахана’’нд̇и ананд̇арам̣ вужжамаанад̇д̇аа хаяаананд̇и аяамад̇т̇о вин̃н̃ааяад̇зва. хаяаа вааханам̣ зд̇ассаад̇и хаяавааханам̣. гзжи бана ‘‘сахассаяуд̇д̇ахаяаваахана’’нд̇и анунаасигалобам̣ згамзва самаасабад̣̇ам̣ гад̇ваа ван̣н̣знд̇и, зд̇асмим̣ багкз хаяавааханам̣ вияа ваахананд̇и ад̇т̇о яуж̇ж̇ад̇и. хаяавааханасахассаяуд̇д̇ам̣ яуд̇д̇ахаяавааханасахассанд̇и хи ад̇т̇о. абарз бана ‘‘сахассаяуд̇д̇анд̇и сахассад̣̇иб̣б̣ааж̇ан̃н̃аяуд̇д̇а’’нд̇и вад̣̇анд̇и. санд̣̇ананд̇и рат̇ам̣. нзгажид̇д̇анд̇и анзгажид̇д̇ам̣ наанаавид̇хавижид̇д̇аванд̇ам̣. уяяаанабхуумим̣ абхид̇од̇и уяяаанабхуумияаа самийбз. ‘‘абхид̇о’’д̇и хи бад̣̇ам̣ абзгкид̇ваа саамиад̇т̇з зд̇ам̣ убаяог̇аважанам̣. гзжи бана ‘‘уяяаанабхуумяаа’’д̇иби батанд̇и, д̇з сад̣̇д̣̇анаяамби анубад̇хаарзнд̇аа батанд̇и. ануггаманд̇и г̇ажчанд̇о буринд̣̇ад̣̇о бхууд̇абад̇ийва ваасаво вирожасийд̇и самб̣анд̇хо.

1015. Tattha sahassayuttanti sahassena yuttaṃ, sahassaṃ vā yuttaṃ yojitaṃ etasminti sahassayuttaṃ. Kassa panetaṃ sahassanti? ‘‘Hayavāhana’’nti anantaraṃ vuccamānattā hayānanti ayamattho viññāyateva. Hayā vāhanaṃ etassāti hayavāhanaṃ. Keci pana ‘‘sahassayuttahayavāhana’’nti anunāsikalopaṃ ekameva samāsapadaṃ katvā vaṇṇenti, etasmiṃ pakkhe hayavāhanaṃ viya vāhananti attho yujjati. Hayavāhanasahassayuttaṃ yuttahayavāhanasahassanti hi attho. Apare pana ‘‘sahassayuttanti sahassadibbājaññayutta’’nti vadanti. Sandananti rathaṃ. Nekacittanti anekacittaṃ nānāvidhavicittavantaṃ. Uyyānabhūmiṃ abhitoti uyyānabhūmiyā samīpe. ‘‘Abhito’’ti hi padaṃ apekkhitvā sāmiatthe etaṃ upayogavacanaṃ. Keci pana ‘‘uyyānabhūmyā’’tipi paṭhanti, te saddanayampi anupadhārentā paṭhanti. Anukkamanti gacchanto purindado bhūtapatīva vāsavo virocasīti sambandho.

1016. сован̣н̣амаяаад̇и суван̣н̣амаяаа. д̇зд̇и д̇ава. рат̇агуб̣б̣араа убход̇и рат̇асса убхосу бассзсу взд̣̇игаа. яо хи рат̇асса собханад̇т̇ан̃жзва убари тид̇аанам̣ г̇уд̇д̇ад̇т̇ан̃жа убхосу бассзсу взд̣̇игаагаарзна баригкзбо гарийяад̇и, д̇асса буримабхааг̇з убхосу бассзсу яаава рат̇ийсаа, д̇аава хад̇т̇зхи г̇ахан̣аяог̇г̇о рат̇асса аваяавависзсо, ид̇ха со зва губ̣б̣арод̇и ад̇хиббзд̇о. д̇знзвааха ‘‘убхо’’д̇и. ан̃н̃ад̇т̇а бана рат̇ийсаа губ̣б̣арод̇и вужжад̇и. палзхийд̇и рат̇уубад̇т̇амбхасса д̣̇агкин̣аваамабхзд̣̇зхи д̣̇вийхи палзхи, барияанд̇аавзд̇т̇а палаад̇и вуд̇д̇аа. ам̣сзхийд̇и губ̣б̣арапалз бад̇идтид̇зхи хздтимаам̣сзхи. ад̇ийва сан̇г̇ад̇аад̇и ад̇ивияа судту сан̇г̇ад̇аа супассид̇аа ниб̣б̣ивараа. ид̣̇ан̃жа сиббивиражид̇з гид̇д̇имарат̇з лаб̣бхамаанависзсам̣ д̇ад̇т̇а ааробзд̇ваа вуд̇д̇ам̣. со бана аборисад̇ааяа агид̇д̇имо саяам̣ж̇аад̇о гзнажи агхадид̇оязва. суж̇аад̇аг̇умб̣аад̇и сусан̣тид̇ат̇амбхагасамуд̣̇ааяаа. яз хи взд̣̇игааяа ниранд̇арам̣ тид̇аа сусан̣тид̇агхадагаад̣̇иаваяавависзсаванд̇о т̇амбхагасамуд̣̇ааяаа, д̇зсам̣ васзнзвам̣ вуд̇д̇ам̣ ‘‘суж̇аад̇аг̇умб̣аа’’д̇и. наравийранидтид̇аад̇и сиббаажариязхи нидтаабид̇асад̣̇исаа. сиббаажарияаа хи ад̇д̇ано сарийракзд̣̇ам̣ ажинд̇зд̇ваа вийрияаб̣алзна сиббасса судту вижааран̣ад̇о нарзсу вийрияаванд̇од̇и ид̇ха ‘‘наравийраа’’д̇и вуд̇д̇аа. наравийраад̇и ваа д̣̇звабуд̇д̇асса аалабанам̣. нидтид̇аад̇и барияосид̇аа барибун̣н̣асобхаад̇исаяаа. ‘‘наравийраниммид̇аа’’д̇и ваа баато, нарзсу д̇хид̇исамбаннзхи ниммид̇асад̣̇исаад̇и ад̇т̇о. звам̣вид̇хагуб̣б̣арад̇ааяа аяам̣ д̇ава рат̇о вирожад̇и. гим̣ вияа? баннарасзва жанд̣̇о, суггабагкз баннарасияам̣ барибун̣н̣агаалз жанд̣̇имаа вияа.

1016.Sovaṇṇamayāti suvaṇṇamayā. Teti tava. Rathakubbarā ubhoti rathassa ubhosu passesu vedikā. Yo hi rathassa sobhanatthañceva upari ṭhitānaṃ guttatthañca ubhosu passesu vedikākārena parikkhepo karīyati, tassa purimabhāge ubhosu passesu yāva rathīsā, tāva hatthehi gahaṇayoggo rathassa avayavaviseso, idha so eva kubbaroti adhippeto. Tenevāha ‘‘ubho’’ti. Aññattha pana rathīsā kubbaroti vuccati. Phalehīti rathūpatthambhassa dakkhiṇavāmabhedehi dvīhi phalehi, pariyantāvettha phalāti vuttā. Aṃsehīti kubbaraphale patiṭṭhitehi heṭṭhimaaṃsehi. Atīva saṅgatāti ativiya suṭṭhu saṅgatā suphassitā nibbivarā. Idañca sippiviracite kittimarathe labbhamānavisesaṃ tattha āropetvā vuttaṃ. So pana aporisatāya akittimo sayaṃjāto kenaci aghaṭitoyeva. Sujātagumbāti susaṇṭhitathambhakasamudāyā. Ye hi vedikāya nirantaraṃ ṭhitā susaṇṭhitaghaṭakādiavayavavisesavanto thambhakasamudāyā, tesaṃ vasenevaṃ vuttaṃ ‘‘sujātagumbā’’ti. Naravīraniṭṭhitāti sippācariyehi niṭṭhāpitasadisā. Sippācariyā hi attano sarīrakhedaṃ acintetvā vīriyabalena sippassa suṭṭhu vicāraṇato naresu vīriyavantoti idha ‘‘naravīrā’’ti vuttā. Naravīrāti vā devaputtassa ālapanaṃ. Niṭṭhitāti pariyositā paripuṇṇasobhātisayā. ‘‘Naravīranimmitā’’ti vā pāṭho, naresu dhitisampannehi nimmitasadisāti attho. Evaṃvidhakubbaratāya ayaṃ tava ratho virocati. Kiṃ viya? Pannaraseva cando, sukkapakkhe pannarasiyaṃ paripuṇṇakāle candimā viya.

1017. суван̣н̣аж̇аалаавад̇ад̇од̇и суван̣н̣аж̇аалагзхи авад̇ад̇о чаад̣̇ид̇о. ‘‘суван̣н̣аж̇аалаавид̇ад̇о’’д̇иби баато, г̇аважчид̇од̇и ад̇т̇о. б̣ахуухийд̇и анзгзхи. наанаарад̇анзхийд̇и бад̣̇умарааг̇апуссарааг̇аад̣̇инаанаавид̇харад̇анзхи. сунанд̣̇игхосод̇и судту нанд̣̇ид̇аб̣б̣агхосо, саванийяамад̇хураниннаад̣̇од̇и ад̇т̇о. сунанд̣̇игхосод̇и ваа судту гад̇ананд̣̇игхосо, нажжанаад̣̇ийнам̣ д̣̇ассанаад̣̇ийсу бавад̇д̇ид̇асаад̇хугаарасад̣̇д̣̇аад̣̇ивасзна гад̇абамод̣̇аниннаад̣̇од̇и ад̇т̇о, ‘‘гаалзна гаалам̣ аасийваад̣̇анавасзна судту баяуд̇д̇ананд̣̇игхосо’’д̇и жа вад̣̇анд̇и. субхассарод̇и судту ад̇ивияа обхаасанасабхааво, д̇ад̇т̇а ваа бавад̇д̇амаанаанам̣ д̣̇звад̇аанам̣ собханзна г̇ийд̇аваад̣̇ид̇ассарзна субхассаро. жаамарахад̇т̇аб̣аахубхийд̇и жаамарахад̇т̇аяуд̇д̇аб̣аахуухи ид̇о жид̇о жа б̣ийж̇аяамаана жаамарагалаабзхи д̣̇звад̇аанам̣ бхуж̇зхи, д̇ат̇аабхууд̇аахи д̣̇звад̇аахи ваа вирожад̇и.

1017.Suvaṇṇajālāvatatoti suvaṇṇajālakehi avatato chādito. ‘‘Suvaṇṇajālāvitato’’tipi pāṭho, gavacchitoti attho. Bahūhīti anekehi. Nānāratanehīti padumarāgaphussarāgādinānāvidharatanehi. Sunandighosoti suṭṭhu nanditabbaghoso, savanīyamadhuraninnādoti attho. Sunandighosoti vā suṭṭhu katanandighoso, naccanādīnaṃ dassanādīsu pavattitasādhukārasaddādivasena katapamodaninnādoti attho, ‘‘kālena kālaṃ āsīvādanavasena suṭṭhu payuttanandighoso’’ti ca vadanti. Subhassaroti suṭṭhu ativiya obhāsanasabhāvo, tattha vā pavattamānānaṃ devatānaṃ sobhanena gītavāditassarena subhassaro. Cāmarahatthabāhubhīti cāmarahatthayuttabāhūhi ito cito ca bījayamāna cāmarakalāpehi devatānaṃ bhujehi, tathābhūtāhi devatāhi vā virocati.

1018. наабхяод̇и рат̇ажаггаанам̣ наабхияо. манасаабхиниммид̇аад̇и ‘‘имз ийд̣̇исаа хонд̇уу’’д̇и жид̇д̇зна ниммид̇асад̣̇исаа. рат̇асса баад̣̇анд̇арамаж̇жхабхуусид̇аад̇и рат̇асса баад̣̇аанам̣ рат̇ажаггаанам̣ анд̇зна нзминаа наанаарад̇анасамуж̇ж̇алзна араанам̣ взмаж̇жхзна жа ман̣д̣ид̇аа. сад̇арааж̇ижид̇д̇ид̇аад̇и анзгаван̣н̣аахи анзгасад̇аахи рааж̇ийхи лзкаахи жид̇д̇ид̇аа вижид̇д̇абхаавам̣ г̇ад̇аа. сад̇зрад̇аа виж̇ж̇уриваад̇и сад̇зрад̇асан̇каад̇авиж̇ж̇улад̇аа вияа бабхаасарз виж̇ж̇од̇анд̇и.

1018.Nābhyoti rathacakkānaṃ nābhiyo. Manasābhinimmitāti ‘‘ime īdisā hontū’’ti cittena nimmitasadisā. Rathassapādantaramajjhabhūsitāti rathassa pādānaṃ rathacakkānaṃ antena neminā nānāratanasamujjalena arānaṃ vemajjhena ca maṇḍitā. Satarājicittitāti anekavaṇṇāhi anekasatāhi rājīhi lekhāhi cittitā vicittabhāvaṃ gatā. Sateratā vijjurivāti sateratasaṅkhātavijjulatā viya pabhāsare vijjotanti.

1019. анзгажид̇д̇аавад̇ад̇од̇и анзгзхи маалаагаммаад̣̇ижид̇д̇зхи авад̇ад̇о самогин̣н̣о. ‘‘анзгажид̇д̇аавид̇ад̇о’’д̇иби батанд̇и, соязва ад̇т̇о, г̇аат̇аасукад̇т̇ам̣ бана д̣̇ийгхагаран̣ам̣. бут̇уу жа нзмий жаад̇и бут̇уланзми жа, зго жа-гааро нибаад̇амад̇д̇ам̣. сахассарам̣сигод̇и анзгасахассарам̣сиго. ‘‘сахассарам̣сияо’’д̇иби баал̣и. абарз бана ‘‘над̇аа рам̣сияо’’д̇и жа батанд̇и, д̇ад̇т̇а над̇аад̇и аж̇ияад̇хануд̣̇ан̣д̣аго вияа он̣ад̇аа нзмиббад̣̇зсаа. сахассарам̣сияод̇и суурияаман̣д̣алам̣ вияа вибпуранд̇агиран̣аж̇аалаа. д̇зсанд̇и оламб̣амаанагин̇гин̣игаж̇аалаанам̣ нзмиббад̣̇зсаанам̣.

1019.Anekacittāvatatoti anekehi mālākammādicittehi avatato samokiṇṇo. ‘‘Anekacittāvitato’’tipi paṭhanti, soyeva attho, gāthāsukhatthaṃ pana dīghakaraṇaṃ. Puthū ca nemī cāti puthulanemi ca, eko ca-kāro nipātamattaṃ. Sahassaraṃsikoti anekasahassaraṃsiko. ‘‘Sahassaraṃsiyo’’tipi pāḷi. Apare pana ‘‘natā raṃsiyo’’ti ca paṭhanti, tattha natāti ajiyadhanudaṇḍako viya oṇatā nemippadesā. Sahassaraṃsiyoti sūriyamaṇḍalaṃ viya vipphurantakiraṇajālā. Tesanti olambamānakiṅkiṇikajālānaṃ nemippadesānaṃ.

1020. сирасминд̇и сийсз, рат̇асса сийсзд̇и ад̇т̇о. сиро ваа асмим̣ рат̇з. жид̇д̇анд̇и вижид̇д̇ам̣. ман̣ижанд̣̇агаббид̇анд̇и ман̣имаяаман̣д̣алаанувид̣̇д̇хам̣ жанд̣̇аман̣д̣аласад̣̇исзна ман̣инаа анувид̣̇д̇хам̣. ружирам̣ бабхассаранд̇и иминаа д̇асса жанд̣̇аман̣д̣аласад̣̇исад̇ам̣язва вибхаавзд̇и, сад̣̇аа висуд̣̇д̇ханд̇и иминаа банасса жанд̣̇аман̣д̣алад̇оби висзсам̣ д̣̇ассзд̇и. суван̣н̣арааж̇ийхийд̇и анд̇аранд̇араа ваддаагаарзна сан̣тид̇аахи суван̣н̣алзкаахи. сан̇г̇ад̇анд̇и сахид̇ам̣. взл̣урияарааж̇ийваад̇и анд̇аранд̇араа суван̣н̣арааж̇ийхи кажид̇аман̣иман̣д̣алад̇д̇аа взл̣урияарааж̇ийхи вияа собхад̇и. ‘‘взл̣урияарааж̇ийхий’’д̇и жа батанд̇и.

1020.Sirasminti sīse, rathassa sīseti attho. Siro vā asmiṃ rathe. Cittanti vicittaṃ. Maṇicandakappitanti maṇimayamaṇḍalānuviddhaṃ candamaṇḍalasadisena maṇinā anuviddhaṃ. Ruciraṃ pabhassaranti iminā tassa candamaṇḍalasadisataṃyeva vibhāveti, sadā visuddhanti iminā panassa candamaṇḍalatopi visesaṃ dasseti. Suvaṇṇarājīhīti antarantarā vaṭṭākārena saṇṭhitāhi suvaṇṇalekhāhi. Saṅgatanti sahitaṃ. Veḷuriyarājīvāti antarantarā suvaṇṇarājīhi khacitamaṇimaṇḍalattā veḷuriyarājīhi viya sobhati. ‘‘Veḷuriyarājīhī’’ti ca paṭhanti.

1021. ваал̣ийд̇и ваал̣аванд̇о самбаннаваал̣ад̇хино, ассз санд̇хааяа вад̣̇ад̇и . ‘‘вааж̇ий’’д̇и ваа баато. ман̣ижанд̣̇агаббид̇аад̇и жаамароламб̣анадтаанзсу ман̣имаяажанд̣̇агаанувид̣̇д̇хаа. аарохагамб̣ууд̇и ужжаа жзва д̇ад̣̇ануруубабарин̣аахаа жа, аарохабарин̣аахасамбаннаад̇и ад̇т̇о. суж̇аваад̇и сунд̣̇араж̇аваа ж̇ававанд̇о махааж̇аваа, собханаг̇ад̇игаад̇и ад̇т̇о. б̣рахуубамаад̇и б̣рахаа вияа баминид̇аб̣б̣аа, ад̇д̇ано бамаан̣ад̇о ад̇хигаа вияа бан̃н̃ааяанд̇аад̇и ад̇т̇о. б̣рахаад̇и вуд̣дхаа бавад̣дхасаб̣б̣ан̇г̇абажжан̇г̇аа. маханд̇аад̇и махаанубхааваа махид̣̇д̇хигаа. б̣алинод̇и сарийраб̣алзна жа уссаахаб̣алзна жа б̣алаванд̇о. махааж̇аваад̇и сийгхавзг̇аа. мано д̇аван̃н̃ааяаад̇и д̇ава жид̇д̇ам̣ н̃ад̇ваа. д̇ат̇зваад̇и жид̇д̇аануруубамзва. сим̣сарзд̇и сам̣саббарз, бавад̇д̇арзд̇и ад̇т̇о.

1021.Vāḷīti vāḷavanto sampannavāḷadhino, asse sandhāya vadati . ‘‘Vājī’’ti vā pāṭho. Maṇicandakappitāti cāmarolambanaṭṭhānesu maṇimayacandakānuviddhā. Ārohakambūti uccā ceva tadanurūpapariṇāhā ca, ārohapariṇāhasampannāti attho. Sujavāti sundarajavā javavanto mahājavā, sobhanagatikāti attho. Brahūpamāti brahā viya paminitabbā, attano pamāṇato adhikā viya paññāyantāti attho. Brahāti vuḍḍhā pavaḍḍhasabbaṅgapaccaṅgā. Mahantāti mahānubhāvā mahiddhikā. Balinoti sarīrabalena ca ussāhabalena ca balavanto. Mahājavāti sīghavegā. Mano tavaññāyāti tava cittaṃ ñatvā. Tathevāti cittānurūpameva. Siṃsareti saṃsappare, pavattareti attho.

1022. имзд̇и яат̇аавуд̇д̇аассз санд̇хааяааха. саб̣б̣зд̇и сахассамад̇д̇ааби. сахид̇аад̇и самаанаж̇авад̇ааяа самаанаг̇аманад̇ааяа жа г̇ад̇ияам̣ сахид̇аа, ан̃н̃аман̃н̃ам̣ ануунаад̇хигаг̇аманаад̇и ад̇т̇о. жад̇уухи баад̣̇зхи гаманд̇и г̇ажчанд̇ийд̇и жад̇уггамаа. самам̣ ваханд̇ийд̇и ‘‘сахид̇аа’’д̇и бад̣̇зна вуд̇д̇амзвад̇т̇ам̣ баагадад̇арам̣ гарод̇и. муд̣̇угаад̇и муд̣̇усабхааваа, бхад̣̇раа ааж̇аанийяаад̇и ад̇т̇о. д̇знааха ‘‘ануд̣̇д̇хад̇аа’’д̇и, уд̣̇д̇хад̇арахид̇аа кобхам̣ агаронд̇аад̇и ад̇т̇о. аамод̣̇амаанаад̇и бамод̣̇амаанаа, акал̣ун̇гад̇ааяа ан̃н̃аман̃н̃ам̣ рат̇игаад̣̇ийнан̃жа д̇удтим̣ бавзд̣̇аяанд̇аад̇и ад̇т̇о.

1022.Imeti yathāvuttaasse sandhāyāha. Sabbeti sahassamattāpi. Sahitāti samānajavatāya samānagamanatāya ca gatiyaṃ sahitā, aññamaññaṃ anūnādhikagamanāti attho. Catūhi pādehi kamanti gacchantīti catukkamā. Samaṃ vahantīti ‘‘sahitā’’ti padena vuttamevatthaṃ pākaṭataraṃ karoti. Mudukāti mudusabhāvā, bhadrā ājānīyāti attho. Tenāha ‘‘anuddhatā’’ti, uddhatarahitā khobhaṃ akarontāti attho. Āmodamānāti pamodamānā, akhaḷuṅkatāya aññamaññaṃ rathikādīnañca tuṭṭhiṃ pavedayantāti attho.

1023. д̇хунанд̇ийд̇и жаамарабхаарам̣ гзсарабхаарам̣ ваалад̇хин̃жа вид̇хунанд̇и. ваг̇г̇анд̇ийд̇и гад̣̇аажи бад̣̇з бад̣̇ам̣ нигкибанд̇аа ваг̇г̇анзна г̇аманзна г̇ажчанд̇и. бад̇анд̇ийд̇и гад̣̇аажи бавад̇д̇анд̇и, лан̇гханд̇ийд̇и ад̇т̇о. ‘‘блаванд̇ий’’д̇и жа гзжи батанд̇и, соязвад̇т̇о. аб̣бхуд̣̇д̇хунанд̇аад̇и гаммасиббинаа сугад̇з судту ниммид̇з куд̣̇д̣̇агагхан̣даад̣̇иассаалан̇гаарз абхиуд̣̇д̇хунанд̇аа ад̇хигам̣ уд̣̇д̇хунанд̇аа. д̇зсанд̇и д̇зсам̣ бил̣анд̇ханаанам̣.

1023.Dhunantīti cāmarabhāraṃ kesarabhāraṃ vāladhiñca vidhunanti. Vaggantīti kadāci pade padaṃ nikkhipantā vagganena gamanena gacchanti. Patantīti kadāci pavattanti, laṅghantīti attho. ‘‘Plavantī’’ti ca keci paṭhanti, soyevattho. Abbhuddhunantāti kammasippinā sukate suṭṭhu nimmite khuddakaghaṇṭādiassālaṅkāre abhiuddhunantā adhikaṃ uddhunantā. Tesanti tesaṃ piḷandhanānaṃ.

1024. рат̇асса гхосод̇и яат̇аавуд̇д̇о рат̇аниг̇гхосо. абил̣анд̇ханаана жаад̇и а-гааро нибаад̇амад̇д̇ам̣ . бил̣анд̇ханаанам̣ аабхаран̣аанам̣. абил̣анд̇хананд̇и жа аабхаран̣абарияааяод̇и ваа вад̣̇анд̇и, рат̇ассаанам̣ аабхаран̣аанан̃жагхосод̇и ад̇т̇о. курассанаад̣̇од̇и д̇уран̇г̇аанам̣ куранибаад̇асад̣̇д̣̇о. гин̃жааби ассаа аагаасзна г̇ажчанд̇и, мад̇хурасса бана куранибаад̇асад̣̇д̣̇асса убалад̣̇д̇хихзд̇убхууд̇зна гаммунаа д̇зсам̣ куранигкзбз куранигкзбз бадигхаад̇о лаб̣бхад̇ийд̇и вад̣̇анд̇и. абхихим̣санааяа жаад̇и ассаанам̣ ад̇хигахим̣санзна жа, анд̇аранд̇араа ассзхи бавад̇д̇ид̇ахзсанзна жаад̇и ад̇т̇о. ‘‘абхихзсанааяа жаа’’д̇и гзжи батанд̇и. самид̇ассаад̇и самуд̣̇ид̇асса д̣̇иб̣б̣аж̇анасса гхосо жа суваг̇г̇у сумад̇хурам̣ суяяад̇и. гим̣ вияаад̇и ааха ‘‘г̇анд̇хаб̣б̣ад̇уурияаани вижид̇расам̣ванз’’д̇и, жид̇ралад̇ааванз г̇анд̇хаб̣б̣ад̣̇звабуд̇д̇аанам̣ бан̃жан̇г̇игад̇уурияаани вияа. д̇уурияасанниссид̇о хи сад̣̇д̣̇о ‘‘д̇уурияааний’’д̇и вуд̇д̇о ниссаяавохаарзна. ‘‘г̇анд̇хаб̣б̣ад̇уурияаана жа вижид̇расам̣ванз’’д̇и жа баато, ‘‘д̇уурияаанан̃жа’’ид̇и анунаасигам̣ аанзд̇ваа яож̇зд̇аб̣б̣ам̣. абарз ‘‘г̇анд̇хаб̣б̣ад̇уурияаани вижид̇рабаванз’’д̇и батанд̇и.

1024.Rathassa ghosoti yathāvutto rathanigghoso. Apiḷandhanāna cāti a-kāro nipātamattaṃ . Piḷandhanānaṃ ābharaṇānaṃ. Apiḷandhananti ca ābharaṇapariyāyoti vā vadanti, rathassānaṃ ābharaṇānañcaghosoti attho. Khurassanādoti turaṅgānaṃ khuranipātasaddo. Kiñcāpi assā ākāsena gacchanti, madhurassa pana khuranipātasaddassa upaladdhihetubhūtena kammunā tesaṃ khuranikkhepe khuranikkhepe paṭighāto labbhatīti vadanti. Abhihiṃsanāya cāti assānaṃ adhikahiṃsanena ca, antarantarā assehi pavattitahesanena cāti attho. ‘‘Abhihesanāya cā’’ti keci paṭhanti. Samitassāti samuditassa dibbajanassa ghoso ca suvaggu sumadhuraṃ suyyati. Kiṃ viyāti āha ‘‘gandhabbatūriyāni vicitrasaṃvane’’ti, citralatāvane gandhabbadevaputtānaṃ pañcaṅgikatūriyāni viya. Tūriyasannissito hi saddo ‘‘tūriyānī’’ti vutto nissayavohārena. ‘‘Gandhabbatūriyāna ca vicitrasaṃvane’’ti ca pāṭho, ‘‘tūriyānañca’’iti anunāsikaṃ ānetvā yojetabbaṃ. Apare ‘‘gandhabbatūriyāni vicitrapavane’’ti paṭhanti.

1025. рат̇з тид̇аад̇аад̇и рат̇з тид̇аа зд̇аа. миг̇аманд̣̇аложанаад̇и миг̇ажчаабигаанам̣ вияа муд̣̇усинид̣̇д̇хад̣̇идтинибаад̇аа. аал̣аарабамхаад̇и б̣ахаласан̇г̇ад̇абакумаа, г̇обакумаад̇и ад̇т̇о. хасид̇аад̇и бахасид̇аа, бахам̣сид̇амукаад̇и ад̇т̇о . бияам̣вад̣̇аад̇и бияаваад̣̇инияо. взл̣урияаж̇аалаавад̇ад̇аад̇и взл̣урияаман̣имаязна ж̇аалзна чаад̣̇ид̇асарийраа. д̇анужчаваад̇и сукумажчавияо. сад̣̇зваад̇и сад̣̇аа зва саб̣б̣агааламзва. г̇анд̇хаб̣б̣асуураг̇г̇абууж̇ид̇аад̇и г̇анд̇хаб̣б̣ад̣̇звад̇аахи жзва абараахи жа аг̇г̇ад̣̇звад̇аахи лад̣̇д̇хабууж̇аа.

1025.Rathe ṭhitātāti rathe ṭhitā etā. Migamandalocanāti migacchāpikānaṃ viya mudusiniddhadiṭṭhinipātā. Āḷārapamhāti bahalasaṅgatapakhumā, gopakhumāti attho. Hasitāti pahasitā, pahaṃsitamukhāti attho . Piyaṃvadāti piyavādiniyo. Veḷuriyajālāvatatāti veḷuriyamaṇimayena jālena chāditasarīrā. Tanucchavāti sukhumacchaviyo. Sadevāti sadā eva sabbakālameva. Gandhabbasūraggapūjitāti gandhabbadevatāhi ceva aparāhi ca aggadevatāhi laddhapūjā.

1026. д̇аа рад̇д̇арад̇д̇амб̣арабийд̇аваасасаад̇и раж̇анийяаруубаа жа рад̇д̇абийд̇авад̇т̇аа жа. абхирад̇д̇аложанаад̇и висзсад̇о рад̇д̇арааж̇ийхи убасобхид̇анаяанаа. гулз суж̇аад̇аад̇и синд̇хавагулз суж̇аад̇аа висидтад̣̇званигааяз самбхаваа. суд̇анууд̇и сунд̣̇арасарийраа. сужимхид̇аад̇и суд̣̇д̇хасид̇агаран̣аа.

1026.Tā rattarattambarapītavāsasāti rajanīyarūpā ca rattapītavatthā ca. Abhirattalocanāti visesato rattarājīhi upasobhitanayanā. Kule sujātāti sindhavakule sujātā visiṭṭhadevanikāye sambhavā. Sutanūti sundarasarīrā. Sucimhitāti suddhasitakaraṇā.

1027. д̇аа гамб̣угзяуурад̇хараад̇и суван̣н̣амаяагзяуурад̇хараа. сумаж̇жхимаад̇и вилаг̇г̇амаж̇жхаа. уурут̇ануубабаннаад̇и самбаннауурут̇анаа, гад̣̇алигканд̇хасад̣̇исаууру жзва самуг̇г̇асад̣̇исат̇анаа жа. ваддан̇г̇улияод̇и анубуб̣б̣ад̇о ваддан̇г̇улияо. сумукаад̇и сунд̣̇арамукаа, бамуд̣̇ид̇амукаа ваа. суд̣̇ассанаад̇и д̣̇ассанийяаа.

1027.Tā kambukeyūradharāti suvaṇṇamayakeyūradharā. Sumajjhimāti vilaggamajjhā. Ūruthanūpapannāti sampannaūruthanā, kadalikkhandhasadisaūru ceva samuggasadisathanā ca. Vaṭṭaṅguliyoti anupubbato vaṭṭaṅguliyo. Sumukhāti sundaramukhā, pamuditamukhā vā. Sudassanāti dassanīyā.

1028. ан̃н̃аад̇и згажжаа. сувзн̣ийд̇и сунд̣̇арагзсавзн̣ияо. сусууд̇и д̣̇ахараа. миссагзсияод̇и рад̇д̇амаалаад̣̇ийхи миссид̇агзсаваддияо. гат̇ам̣? самам̣ вибхад̇д̇аахи бабхассараахи жаад̇и, самам̣ ан̃н̃аман̃н̃асад̣̇исам̣ наанаавибхад̇д̇ивасзна вибхад̇д̇аахи суван̣н̣ажийраад̣̇икажид̇аахи инд̣̇анийламан̣иаад̣̇аяо вияа бабхассараахи гзсаваддийхи миссид̇агзсияод̇и яож̇анаа. ануб̣б̣ад̇аад̇и анугуулагирияаа. д̇аад̇и ажчарааяо.

1028.Aññāti ekaccā. Suveṇīti sundarakesaveṇiyo. Susūti daharā. Missakesiyoti rattamālādīhi missitakesavaṭṭiyo. Kathaṃ? Samaṃ vibhattāhi pabhassarāhi cāti, samaṃ aññamaññasadisaṃ nānāvibhattivasena vibhattāhi suvaṇṇacīrādikhacitāhi indanīlamaṇiādayo viya pabhassarāhi kesavaṭṭīhi missitakesiyoti yojanā. Anubbatāti anukūlakiriyā. Tāti accharāyo.

1029. жанд̣̇анасааравосид̇аад̇и саарабхууд̇зна д̣̇иб̣б̣ажанд̣̇анзна уллид̇д̇аа вижчурид̇аа.

1029.Candanasāravositāti sārabhūtena dibbacandanena ullittā vicchuritā.

1031. ган̣тзсууд̇иаад̣̇инаа г̇ийвуубаг̇ахад̇т̇уубаг̇абаад̣̇уубаг̇асийсуубаг̇аад̣̇иаабхаран̣аани д̣̇ассзд̇и. обхаасаяанд̇ийд̇и ган̣тзсу яаани бил̣анд̇ханаани, д̇зхи обхаасаяанд̇ийд̇и яож̇анаа. звам̣ сзсзсуби. аб̣бхуд̣̇д̣̇аяанд̇и абхиуг̇г̇ажчанд̇о, ‘‘аб̣бхуд̣̇д̣̇аса’’нд̇иби баато, соязвад̇т̇о. саарад̣̇игод̇и сарад̣̇агаалиго. бхаан̣умаад̇и суурияо. со хи аб̣бхаад̣̇ид̣̇осавирахзна д̣̇асаби д̣̇исаа судту обхаасзд̇и.

1031.Kaṇṭhesūtiādinā gīvūpagahatthūpagapādūpagasīsūpagādiābharaṇāni dasseti. Obhāsayantīti kaṇṭhesu yāni piḷandhanāni, tehi obhāsayantīti yojanā. Evaṃ sesesupi. Abbhuddayanti abhiuggacchanto, ‘‘abbhuddasa’’ntipi pāṭho, soyevattho. Sāradikoti saradakāliko. Bhāṇumāti sūriyo. So hi abbhādidosavirahena dasapi disā suṭṭhu obhāseti.

1032. ваад̇асса взг̇зна жаад̇и манун̃н̃аг̇анд̇хуубахаарам̣ сад̣̇д̣̇уубахааран̃жа гаронд̇зна убахаранд̇зна вияа вааяанд̇зна ваад̇асса взг̇зна рат̇ад̇уран̇г̇авзг̇зна жа. мун̃жанд̇ийд̇и виссаж̇ж̇знд̇и. ружиранд̇и бан̃жан̇г̇игад̇уурияаани вияа убаруубари ружид̣̇ааяагам̣. сужинд̇и суд̣̇д̇хам̣ асам̣садтам̣. субханд̇и манун̃н̃ам̣. саб̣б̣зхи вин̃н̃уухи суд̇аб̣б̣аруубанд̇и саб̣б̣зхиби вин̃н̃уж̇аад̇игзхи г̇анд̇хаб̣б̣асамаяан̃н̃уухи сод̇аб̣б̣ам̣ саванийяам̣ уд̇д̇амасабхаавам̣ гхосам̣ мун̃жанд̇ийд̇и яож̇анаа.

1032.Vātassa vegena cāti manuññagandhūpahāraṃ saddūpahārañca karontena upaharantena viya vāyantena vātassa vegena rathaturaṅgavegena ca. Muñcantīti vissajjenti. Ruciranti pañcaṅgikatūriyāni viya uparūpari rucidāyakaṃ. Sucinti suddhaṃ asaṃsaṭṭhaṃ. Subhanti manuññaṃ. Sabbehi viññūhi sutabbarūpanti sabbehipi viññujātikehi gandhabbasamayaññūhi sotabbaṃ savanīyaṃ uttamasabhāvaṃ ghosaṃ muñcantīti yojanā.

1033. уяяаанабхуумяаад̇и уяяаанабхуумияам̣. д̣̇увад̣̇д̇хад̇од̇и д̣̇вийхи ад̣̇д̇хабассзхи. ‘‘д̣̇убхад̇о жа тид̇аа’’д̇иби батанд̇и, соязвад̇т̇о. рат̇аад̇и рат̇з. нааг̇аад̇и нааг̇з. убаяог̇ад̇т̇з хи зд̇ам̣ бажжад̇д̇аважанам̣. сарод̇и рат̇анааг̇ад̇уурияаани бадижжа ниб̣б̣ад̇д̇о саро. д̣̇звинд̣̇аад̇и д̣̇звабуд̇д̇ам̣ аалабад̇и. вийн̣аа яат̇аа богкарабад̇д̇аб̣аахубхийд̇и яат̇аа вийн̣аа саммад̣̇зва яож̇ид̇зхи д̣̇он̣ибад̇д̇аб̣аахуд̣̇ан̣д̣зхи д̇ам̣д̇ам̣мужчанаануруубам̣ авадтид̇зхи ваад̣̇ияамаанаа сун̣анд̇ам̣ ж̇анам̣ бамод̣̇зд̇и, звам̣ д̇ам̣ рат̇аад̣̇аяо ад̇д̇ано сарзна бамод̣̇аяанд̇и. сусигкид̇абхаавзна богкарабхаавам̣ сунд̣̇арабхаавам̣ бад̇д̇зхи вийн̣ааваад̣̇агасса хад̇т̇зхи баваад̣̇ид̇аа вийн̣аа яат̇аа махааж̇анам̣ бамод̣̇зд̇и, звам̣ д̇ам̣ рат̇аад̣̇аяо ад̇д̇ано сарзна бамод̣̇аяанд̇ийд̇и.

1033.Uyyānabhūmyāti uyyānabhūmiyaṃ. Duvaddhatoti dvīhi addhapassehi. ‘‘Dubhato ca ṭhitā’’tipi paṭhanti, soyevattho. Rathāti rathe. Nāgāti nāge. Upayogatthe hi etaṃ paccattavacanaṃ. Saroti rathanāgatūriyāni paṭicca nibbatto saro. Devindāti devaputtaṃ ālapati. Vīṇā yathā pokkharapattabāhubhīti yathā vīṇā sammadeva yojitehi doṇipattabāhudaṇḍehi taṃtaṃmucchanānurūpaṃ avaṭṭhitehi vādiyamānā suṇantaṃ janaṃ pamodeti, evaṃ taṃ rathādayo attano sarena pamodayanti. Susikkhitabhāvena pokkharabhāvaṃ sundarabhāvaṃ pattehi vīṇāvādakassa hatthehi pavāditā vīṇā yathā mahājanaṃ pamodeti, evaṃ taṃ rathādayo attano sarena pamodayantīti.

1034. имаасу вийн̣аасууд̇и г̇аат̇ааяа аяам̣ сан̇кзбад̇т̇о – имаасу уж̇угодиван̇габ̣рахад̇ийнанд̣̇инийд̇исарааад̣̇ибхзд̣̇аасу б̣ахуусу вийн̣аасу синид̣̇д̇хамад̇хурассарад̇ааяа ваг̇г̇уусу д̇ад̇о зва манун̃н̃аруубаасу хад̣̇аязрид̇ам̣ хад̣̇аяан̇г̇амам̣ хад̣̇аяахаариним̣ бийд̇им̣ бийд̇инимид̇д̇ам̣ баваж̇ж̇амаанаасу баваад̣̇ияамаанаасу ажчараа д̣̇зваган̃н̃аа бийд̇ивзг̇угкид̇д̇ад̇ааяа ад̇д̇ано сусигкид̇ад̇ааяа жа д̣̇иб̣б̣абад̣̇умзсу бхаманд̇и нажжам̣ д̣̇ассзнд̇ияо сан̃жаранд̇и.

1034.Imāsu vīṇāsūti gāthāya ayaṃ saṅkhepattho – imāsu ujukoṭivaṅkabrahatīnandinītisaraādibhedāsu bahūsu vīṇāsu siniddhamadhurassaratāya vaggūsu tato eva manuññarūpāsu hadayeritaṃ hadayaṅgamaṃ hadayahāriniṃ pītiṃ pītinimittaṃ pavajjamānāsu pavādiyamānāsu accharā devakaññā pītivegukkhittatāya attano susikkhitatāya ca dibbapadumesu bhamanti naccaṃ dassentiyo sañcaranti.

1035. имаанийд̇и ид̣̇ам̣ бажжзгам̣ яож̇зд̇аб̣б̣ам̣ ‘‘имаани г̇ийд̇аани, имаани ваад̣̇ид̇аани, имаани нажжаани жаа’’д̇и. самзнд̇и згад̇од̇и згаж̇жхам̣ самарасаани хонд̇и. ат̇а ваа самзнд̇и згад̇од̇и згад̇о згаж̇жхам̣ самаани самарасаани гаронд̇и, д̇анд̇иссарам̣ г̇ийд̇ассарзна, г̇ийд̇ассаран̃жа д̇анд̇иссарзна сам̣санд̣̇анд̇ияо нажжанзна яат̇аад̇хиг̇ад̇з хассаад̣̇ирасз абарихаабзнд̇ияо самзнд̇и самаанзнд̇ийд̇и ад̇т̇о. ад̇т̇зд̇т̇а нажжанд̇и ат̇зд̇т̇а ажчараа обхаасаяанд̇ийд̇и звам̣ г̇ийд̇аад̣̇ийни самарасз гаронд̇ияо ат̇а ан̃н̃аа згажжаа ажчараа зд̇т̇а зд̇асмим̣ д̇ава рат̇з нажжанд̇и, ат̇а ан̃н̃аа варид̇т̇ияо уд̇д̇амид̇т̇ияо нажжам̣ бассанд̇ияо ад̇д̇ано сарийробхаасзна жзва вад̇т̇аабхаран̣аобхаасзна жа зд̇т̇а зд̇асмим̣ бад̣̇зсз убхад̇о д̣̇вийсу бассзсу д̣̇асаби д̣̇исаа гзвалам̣ обхаасаяанд̇и виж̇ж̇од̇аяанд̇ийд̇и ад̇т̇о.

1035.Imānīti idaṃ paccekaṃ yojetabbaṃ ‘‘imāni gītāni, imāni vāditāni, imāni naccāni cā’’ti. Samenti ekatoti ekajjhaṃ samarasāni honti. Atha vā samenti ekatoti ekato ekajjhaṃ samāni samarasāni karonti, tantissaraṃ gītassarena, gītassarañca tantissarena saṃsandantiyo naccanena yathādhigate hassādirase aparihāpentiyo samenti samānentīti attho. Atthettha naccanti athettha accharā obhāsayantīti evaṃ gītādīni samarase karontiyo atha aññā ekaccā accharā ettha etasmiṃ tava rathe naccanti, atha aññā varitthiyo uttamitthiyo naccaṃ passantiyo attano sarīrobhāsena ceva vatthābharaṇaobhāsena ca ettha etasmiṃ padese ubhato dvīsu passesu dasapi disā kevalaṃ obhāsayanti vijjotayantīti attho.

1036. сод̇и со д̇вам̣ звам̣бхууд̇о. д̇уурияаг̇ан̣аббаб̣од̇ханод̇и д̣̇иб̣б̣ад̇уурияасамуухзна гад̇абийд̇ибаб̣од̇хано. махийяамаанод̇и бууж̇ийяамаано. важ̇ираавуд̇хориваад̇и инд̣̇о вияа.

1036.Soti so tvaṃ evaṃbhūto. Tūriyagaṇappabodhanoti dibbatūriyasamūhena katapītipabodhano. Mahīyamānoti pūjīyamāno. Vajirāvudhorivāti indo viya.

1037. убосат̇ам̣ гам̣ ваа д̇увам̣ убаавасийд̇и ан̃н̃зхиби убосат̇о убавасийяад̇и, д̇вам̣ гам̣ ваа гийд̣̇исам̣ наама убосат̇ам̣ убавасийд̇и бужчад̇и. д̇хаммажарияанд̇и д̣̇аанаад̣̇ибун̃н̃абадибад̇д̇им̣. вад̇анд̇и вад̇асамаад̣̇аанам̣. абхирожаяийд̇и абхирожзси, ружжид̇ваа буурзсийд̇и ад̇т̇о. ‘‘абхираад̇хаяий’’д̇иби баато, саад̇хзси нибпаад̣̇зсийд̇и ад̇т̇о.

1037.Uposathaṃ kaṃ vā tuvaṃ upāvasīti aññehipi uposatho upavasīyati, tvaṃ kaṃ vā kīdisaṃ nāma uposathaṃ upavasīti pucchati. Dhammacariyanti dānādipuññapaṭipattiṃ. Vatanti vatasamādānaṃ. Abhirocayīti abhirocesi, ruccitvā pūresīti attho. ‘‘Abhirādhayī’’tipi pāṭho, sādhesi nipphādesīti attho.

1038. ид̣̇анд̇и нибаад̇амад̇д̇ам̣, ид̣̇ам̣ ваа паланд̇и ад̇хиббааяо. абхирожасзд̇и абхибхавид̇ваа виж̇ж̇од̇аси.

1038.Idanti nipātamattaṃ, idaṃ vā phalanti adhippāyo. Abhirocaseti abhibhavitvā vijjotasi.

звам̣ махаат̇зрзна будто д̣̇звабуд̇д̇о д̇амад̇т̇ам̣ аажигки. д̇зна вуд̇д̇ам̣ –

Evaṃ mahātherena puṭṭho devaputto tamatthaṃ ācikkhi. Tena vuttaṃ –

1040.

‘‘со д̣̇звабуд̇д̇о ад̇д̇амано, мог̇г̇аллаанзна бужчид̇о;

‘‘So devaputto attamano, moggallānena pucchito;

бан̃хам̣ будто вияаагааси, яасса гаммассид̣̇ам̣ пала’’нд̇и.

Pañhaṃ puṭṭho viyākāsi, yassa kammassidaṃ phala’’nti.

1041.

‘‘ж̇ид̇инд̣̇рияам̣ б̣уд̣̇д̇хаманоманиггамам̣, наруд̇д̇амам̣ гассабамаг̇г̇абуг̇г̇алам̣;

‘‘Jitindriyaṃ buddhamanomanikkamaṃ, naruttamaṃ kassapamaggapuggalaṃ;

аваабуранд̇ам̣ амад̇асса д̣̇ваарам̣, д̣̇зваад̇ид̣̇звам̣ сад̇абун̃н̃алагкан̣ам̣.

Avāpurantaṃ amatassa dvāraṃ, devātidevaṃ satapuññalakkhaṇaṃ.

1042.

‘‘д̇амад̣̇д̣̇асам̣ гун̃ж̇арамогхад̇ин̣н̣ам̣, суван̣н̣асин̇г̇ийнад̣̇аб̣имб̣асаад̣̇исам̣;

‘‘Tamaddasaṃ kuñjaramoghatiṇṇaṃ, suvaṇṇasiṅgīnadabimbasādisaṃ;

д̣̇исваана д̇ам̣ киббамахум̣ сужиймано, д̇амзва д̣̇исваана субхаасид̇ад̣̇д̇хаж̇ам̣.

Disvāna taṃ khippamahuṃ sucīmano, tameva disvāna subhāsitaddhajaṃ.

1043.

‘‘д̇аманнабаанам̣ ат̇авааби жийварам̣, сужим̣ бан̣ийд̇ам̣ расасаа убзд̇ам̣;

‘‘Tamannapānaṃ athavāpi cīvaraṃ, suciṃ paṇītaṃ rasasā upetaṃ;

бубпаабхигин̣н̣амхи сагз нивзсанз, бад̇идтабзсим̣ са асан̇г̇амаанасо.

Pupphābhikiṇṇamhi sake nivesane, patiṭṭhapesiṃ sa asaṅgamānaso.

1044.

‘‘д̇аманнабаанзна жа жийварзна жа, каж̇ж̇зна бхож̇ж̇зна жа сааяанзна жа;

‘‘Tamannapānena ca cīvarena ca, khajjena bhojjena ca sāyanena ca;

санд̇аббаяид̇ваа д̣̇вибад̣̇аанамуд̇д̇амам̣, со саг̇г̇асо д̣̇звабурз рамаамахам̣.

Santappayitvā dvipadānamuttamaṃ, so saggaso devapure ramāmahaṃ.

1045.

‘‘зд̇знубааязна имам̣ нираг̇г̇ал̣ам̣, яан̃н̃ам̣ яаж̇ид̇ваа д̇ивид̇хам̣ висуд̣̇д̇хам̣;

‘‘Etenupāyena imaṃ niraggaḷaṃ, yaññaṃ yajitvā tividhaṃ visuddhaṃ;

бахааяахам̣ маанусагам̣ самуссаяам̣, инд̣̇уубамо д̣̇звабурз рамаамахам̣.

Pahāyahaṃ mānusakaṃ samussayaṃ, indūpamo devapure ramāmahaṃ.

1046.

‘‘ааяун̃жа ван̣н̣ан̃жа сукам̣ б̣алан̃жа, бан̣ийд̇аруубам̣ ад̇иган̇кад̇аа муни;

‘‘Āyuñca vaṇṇañca sukhaṃ balañca, paṇītarūpaṃ atikaṅkhatā muni;

аннан̃жа баанан̃жа б̣ахум̣ сусан̇кад̇ам̣, бад̇идтабзд̇аб̣б̣амасан̇г̇амаанасз.

Annañca pānañca bahuṃ susaṅkhataṃ, patiṭṭhapetabbamasaṅgamānase.

1047.

‘‘наяимасмим̣ логз барасмим̣ ваа бана, б̣уд̣̇д̇хзна сздто ва само ва виж̇ж̇ад̇и;

‘‘Nayimasmiṃ loke parasmiṃ vā pana, buddhena seṭṭho va samo va vijjati;

аахунзяяаанам̣ барамаахуд̇им̣ г̇ад̇о, бун̃н̃ад̇т̇игаанам̣ вибулабпалзсина’’нд̇и.

Āhuneyyānaṃ paramāhutiṃ gato, puññatthikānaṃ vipulapphalesina’’nti.

1041. д̇ад̇т̇а ж̇ид̇инд̣̇рияанд̇и манажчадтаанам̣ инд̣̇рияаанам̣ б̣од̇химуулзязва аг̇г̇амаг̇г̇зна ж̇ид̇ад̇д̇аа ниб̣б̣исзванабхаавасса гад̇ад̇д̇аа ж̇ид̇инд̣̇рияам̣. абхин̃н̃зяяаад̣̇ийнам̣ абхин̃н̃зяяаад̣̇ибхаавад̇о анавасзсад̇о абхисамб̣уд̣̇д̇хад̇д̇аа б̣уд̣̇д̇хам̣. бурибун̣н̣авийрияад̇ааяа аноманиггамам̣ жад̇уран̇г̇асаманнааг̇ад̇асса вийрияасса жад̇уб̣б̣ид̇хасаммаббад̇хаанасса жа баарибуурияаад̇и ад̇т̇о. наруд̇д̇аманд̇и нараанам̣ уд̇д̇амам̣ д̣̇вибад̣̇уд̇д̇амам̣. гассабанд̇и бхаг̇аванд̇ам̣ г̇од̇д̇зна вад̣̇ад̇и. аваабуранд̇ам̣ амад̇асса д̣̇вааранд̇и гон̣ааг̇аманасса бхаг̇авад̇о саасананд̇арад̇хаанад̇о бабхуд̇и бихид̇ам̣ ниб̣б̣аанамахаанаг̇арасса д̣̇ваарам̣ арияамаг̇г̇ам̣ виваранд̇ам̣. д̣̇зваад̇ид̣̇званд̇и саб̣б̣зсамби д̣̇зваанам̣ ад̇ид̣̇звам̣. сад̇абун̃н̃алагкан̣анд̇и анзгасад̇абун̃н̃авасзна ниб̣б̣ад̇д̇амахаабурисалагкан̣ам̣.

1041. Tattha jitindriyanti manacchaṭṭhānaṃ indriyānaṃ bodhimūleyeva aggamaggena jitattā nibbisevanabhāvassa katattā jitindriyaṃ. Abhiññeyyādīnaṃ abhiññeyyādibhāvato anavasesato abhisambuddhattā buddhaṃ. Puripuṇṇavīriyatāya anomanikkamaṃ caturaṅgasamannāgatassa vīriyassa catubbidhasammappadhānassa ca pāripūriyāti attho. Naruttamanti narānaṃ uttamaṃ dvipaduttamaṃ. Kassapanti bhagavantaṃ gottena vadati. Avāpurantaṃ amatassa dvāranti koṇāgamanassa bhagavato sāsanantaradhānato pabhuti pihitaṃ nibbānamahānagarassa dvāraṃ ariyamaggaṃ vivarantaṃ. Devātidevanti sabbesampi devānaṃ atidevaṃ. Satapuññalakkhaṇanti anekasatapuññavasena nibbattamahāpurisalakkhaṇaṃ.

1042. гун̃ж̇аранд̇и гилзсабадисад̇д̇униммад̣̇д̣̇анзна гун̃ж̇арасад̣̇исам̣, махаанааг̇анд̇и ад̇т̇о. жад̇уннам̣ огхаанам̣ сам̣саарамахогхасса д̇арид̇ад̇д̇аа огхад̇ин̣н̣ам̣. суван̣н̣асин̇г̇ийнад̣̇аб̣имб̣асаад̣̇исанд̇и син̇г̇ийсуван̣н̣аж̇амб̣унад̣̇асуван̣н̣аруубасад̣̇исам̣, ган̃жанасаннибхад̇д̇ажанд̇и ад̇т̇о. д̣̇исваана д̇ам̣ киббамахум̣ сужийманод̇и д̇ам̣ гассабасаммаасамб̣уд̣̇д̇хам̣ д̣̇исваа киббам̣ д̇аавад̣̇зва ‘‘саммаасамб̣уд̣̇д̇хо бхаг̇аваа’’д̇и басаад̣̇авасзна гилзсамалаабаг̇аманзна сужимано висуд̣̇д̇хамано ахосим̣, д̇ан̃жа ко д̇амзва д̣̇исваана д̇ам̣ д̣̇исваа зва. субхаасид̇ад̣̇д̇хаж̇анд̇и д̇хаммад̣̇д̇хаж̇ам̣.

1042.Kuñjaranti kilesapaṭisattunimmaddanena kuñjarasadisaṃ, mahānāganti attho. Catunnaṃ oghānaṃ saṃsāramahoghassa taritattā oghatiṇṇaṃ. Suvaṇṇasiṅgīnadabimbasādisanti siṅgīsuvaṇṇajambunadasuvaṇṇarūpasadisaṃ, kañcanasannibhattacanti attho. Disvāna taṃ khippamahuṃ sucīmanoti taṃ kassapasammāsambuddhaṃ disvā khippaṃ tāvadeva ‘‘sammāsambuddho bhagavā’’ti pasādavasena kilesamalāpagamanena sucimano visuddhamano ahosiṃ, tañca kho tameva disvāna taṃ disvā eva. Subhāsitaddhajanti dhammaddhajaṃ.

1043. д̇аманнабаананд̇и д̇амхи бхаг̇авад̇и аннан̃жа баанан̃жа. ат̇авааби жийваранд̇и ат̇а жийварамби. расасаа убзд̇анд̇и расзна убзд̇ам̣ саад̣̇урасам̣, ул̣ааранд̇и ад̇т̇о . бубпаабхигин̣н̣амхийд̇и г̇ант̇ид̇зхи жа аг̇ант̇игзхи жа бубпзхи оламб̣анавасзна сант̇аран̣авасзна жа абхигин̣н̣з. бад̇идтабзсинд̇и бадибаад̣̇зсим̣ ад̣̇аасим̣. асан̇г̇амаанасод̇и гад̇т̇ажи алаг̇г̇ажид̇д̇о со аханд̇и яож̇анаа.

1043.Tamannapānanti tamhi bhagavati annañca pānañca. Athavāpi cīvaranti atha cīvarampi. Rasasā upetanti rasena upetaṃ sādurasaṃ, uḷāranti attho . Pupphābhikiṇṇamhīti ganthitehi ca aganthikehi ca pupphehi olambanavasena santharaṇavasena ca abhikiṇṇe. Patiṭṭhapesinti paṭipādesiṃ adāsiṃ. Asaṅgamānasoti katthaci alaggacitto so ahanti yojanā.

1044. саг̇г̇асод̇и абараабаруубабад̇д̇ивасзна саг̇г̇з саг̇г̇з, д̇ад̇т̇ааби жа д̣̇звабурз суд̣̇ассанамахаанаг̇арз. рамаамийд̇и гийл̣аами мод̣̇аами.

1044.Saggasoti aparāparūpapattivasena sagge sagge, tatthāpi ca devapure sudassanamahānagare. Ramāmīti kīḷāmi modāmi.

1045. зд̇знубааязнаад̇и г̇обаалаб̣раахман̣агаалз сасаавагасан̇гхасса гассабабхаг̇авад̇о яат̇аа асад̣̇исад̣̇аанам̣ ад̣̇аасим̣, зд̇зна убааязна. имам̣ нираг̇г̇ал̣ам̣ яан̃н̃ам̣ яаж̇ид̇ваа д̇ивид̇хам̣ висуд̣̇д̇ханд̇и анаавадад̣̇ваарад̇ааяа муд̇д̇ажааг̇ад̇ааяа жа нираг̇г̇ал̣ам̣, д̇ийсуби гаалзсу д̇ийхи д̣̇ваарзхи гаран̣агаараабанаануссаран̣авид̇хийхи самбаннад̇ааяа д̇ивид̇хам̣, д̇ад̇т̇а сам̣гилзсаабхаавзна висуд̣̇д̇хам̣ абаримид̇ад̇ханабарижжааг̇абхаавзна махаажааг̇ад̇ааяа яан̃н̃ам̣ яаж̇ид̇ваа, махаад̣̇аанам̣ д̣̇ад̇ваад̇и ад̇т̇о. д̇ам̣ бана д̣̇аанам̣ жирагад̇амби кзд̇д̇авад̇т̇ужид̇д̇аанам̣ ул̣аарад̇ааяа анд̇аранд̇араа ануссаран̣зна ад̇д̇ано баагадам̣ аасаннам̣ бажжагкам̣ вияа убадтид̇ам̣ г̇ахзд̇ваа ааха ‘‘има’’нд̇и.

1045.Etenupāyenāti gopālabrāhmaṇakāle sasāvakasaṅghassa kassapabhagavato yathā asadisadānaṃ adāsiṃ, etena upāyena. Imaṃ niraggaḷaṃ yaññaṃ yajitvā tividhaṃ visuddhanti anāvaṭadvāratāya muttacāgatāya ca niraggaḷaṃ, tīsupi kālesu tīhi dvārehi karaṇakārāpanānussaraṇavidhīhi sampannatāya tividhaṃ, tattha saṃkilesābhāvena visuddhaṃ aparimitadhanapariccāgabhāvena mahācāgatāya yaññaṃ yajitvā, mahādānaṃ datvāti attho. Taṃ pana dānaṃ cirakatampi khettavatthucittānaṃ uḷāratāya antarantarā anussaraṇena attano pākaṭaṃ āsannaṃ paccakkhaṃ viya upaṭṭhitaṃ gahetvā āha ‘‘ima’’nti.

1046. звам̣ д̣̇звабуд̇д̇о ад̇д̇анаа гад̇агаммам̣ т̇зрасса гат̇зд̇ваа ид̣̇аани д̇аад̣̇исааяа самбад̇д̇ияаа барзби бад̇идтаабзд̇угаамад̇ам̣ д̇ат̇ааг̇ад̇з жа уд̇д̇амам̣ ад̇д̇ано басаад̣̇аб̣ахумаанам̣ бавзд̣̇знд̇о ‘‘ааяун̃жа ван̣н̣ан̃жаа’’д̇иаад̣̇инаа г̇аат̇аад̣̇ваяамааха. д̇ад̇т̇а абхиган̇кад̇аад̇и ижчанд̇зна. мунийд̇и т̇зрам̣ аалабад̇и.

1046. Evaṃ devaputto attanā katakammaṃ therassa kathetvā idāni tādisāya sampattiyā parepi patiṭṭhāpetukāmataṃ tathāgate ca uttamaṃ attano pasādabahumānaṃ pavedento ‘‘āyuñca vaṇṇañcā’’tiādinā gāthādvayamāha. Tattha abhikaṅkhatāti icchantena. Munīti theraṃ ālapati.

1047. наяимасмим̣ логзд̇и д̣̇звабуд̇д̇о ад̇д̇ано бажжагкабхууд̇ам̣ логам̣ вад̣̇ад̇и. барасминд̇и д̇ад̇о ан̃н̃асмим̣. зд̇зна саб̣б̣зби сад̣̇звагз логз д̣̇ассзд̇и. само жа виж̇ж̇ад̇ийд̇и сздто д̇аава д̇идтад̇у , само зва на виж̇ж̇ад̇ийд̇и ад̇т̇о. аахунзяяаанам̣ барамаахуд̇им̣ г̇ад̇од̇и имасмим̣ логз яад̇д̇агаа аахунзяяаа наама, д̇зсу саб̣б̣зсу барамаахуд̇им̣ барамам̣ аахунзяяабхаавам̣ г̇ад̇о. ‘‘д̣̇агкин̣зяяаанам̣ барамаг̇г̇ад̇ам̣ г̇ад̇о’’д̇и ваа баато, д̇ад̇т̇а барамаг̇г̇ад̇анд̇и барамам̣ аг̇г̇абхаавам̣, аг̇г̇ад̣̇агкин̣зяяабхааванд̇и ад̇т̇о. гзсанд̇и ааха ‘‘бун̃н̃ад̇т̇игаанам̣ вибулабпалзсина’’нд̇и, бун̃н̃зна ад̇т̇игаанам̣ вибулам̣ маханд̇ам̣ бун̃н̃апалам̣ ижчанд̇аанам̣, д̇ат̇ааг̇ад̇о зва логасса бун̃н̃агкзд̇д̇анд̇и д̣̇ассзд̇и. гзжи бана ‘‘аахунзяяаанам̣ барамаг̇г̇ад̇ам̣ г̇ад̇о’’д̇и батанд̇и, соязвад̇т̇о.

1047.Nayimasmiṃ loketi devaputto attano paccakkhabhūtaṃ lokaṃ vadati. Parasminti tato aññasmiṃ. Etena sabbepi sadevake loke dasseti. Samo ca vijjatīti seṭṭho tāva tiṭṭhatu , samo eva na vijjatīti attho. Āhuneyyānaṃ paramāhutiṃ gatoti imasmiṃ loke yattakā āhuneyyā nāma, tesu sabbesu paramāhutiṃ paramaṃ āhuneyyabhāvaṃ gato. ‘‘Dakkhiṇeyyānaṃ paramaggataṃ gato’’ti vā pāṭho, tattha paramaggatanti paramaṃ aggabhāvaṃ, aggadakkhiṇeyyabhāvanti attho. Kesanti āha ‘‘puññatthikānaṃ vipulapphalesina’’nti, puññena atthikānaṃ vipulaṃ mahantaṃ puññaphalaṃ icchantānaṃ, tathāgato eva lokassa puññakkhettanti dasseti. Keci pana ‘‘āhuneyyānaṃ paramaggataṃ gato’’ti paṭhanti, soyevattho.

звам̣ гат̇знд̇амзва д̇ам̣ т̇зро галлажид̇д̇ам̣ муд̣̇ужид̇д̇ам̣ винийваран̣ажид̇д̇ам̣ уд̣̇аг̇г̇ажид̇д̇ам̣ басаннажид̇д̇ан̃жа н̃ад̇ваа сажжаани багаасзси. со сажжабарияосаанз сод̇аабад̇д̇ипалз бад̇идтахи. ат̇а т̇зро мануссалогам̣ ааг̇анд̇ваа бхаг̇авад̇о д̇амад̇т̇ам̣ ад̇д̇анаа жа д̣̇звабуд̇д̇зна жа гат̇ид̇анияаамзнзва аарожзси. сад̇т̇аа д̇амад̇т̇ам̣ адтуббад̇д̇им̣ гад̇ваа самбад̇д̇абарияааяа д̇хаммам̣ д̣̇зсзси. саа д̣̇зсанаа махааж̇анасса саад̇т̇игаа ахосийд̇и.

Evaṃ kathentameva taṃ thero kallacittaṃ muducittaṃ vinīvaraṇacittaṃ udaggacittaṃ pasannacittañca ñatvā saccāni pakāsesi. So saccapariyosāne sotāpattiphale patiṭṭhahi. Atha thero manussalokaṃ āgantvā bhagavato tamatthaṃ attanā ca devaputtena ca kathitaniyāmeneva ārocesi. Satthā tamatthaṃ aṭṭhuppattiṃ katvā sampattapariyāya dhammaṃ desesi. Sā desanā mahājanassa sātthikā ahosīti.

махаарат̇авимаанаван̣н̣анаа нидтид̇аа.

Mahārathavimānavaṇṇanā niṭṭhitā.

ид̇и барамад̇т̇ад̣̇ийбанияаа куд̣̇д̣̇агадтагат̇ааяа вимаанавад̇т̇усмим̣

Iti paramatthadīpaniyā khuddakaṭṭhakathāya vimānavatthusmiṃ

жуд̣̇д̣̇асавад̇т̇убадиман̣д̣ид̇асса бан̃жамасса махаарат̇аваг̇г̇асса

Cuddasavatthupaṭimaṇḍitassa pañcamassa mahārathavaggassa

ад̇т̇аван̣н̣анаа нидтид̇аа.

Atthavaṇṇanā niṭṭhitā.

Next: 6. бааяаасиваг̇г̇о • 6. Pāyāsivaggo

Related texts:

д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / вимаанавад̇т̇убаал̣и • Vimānavatthupāḷi / 14. махаарат̇авимаанавад̇т̇у • 14. Mahārathavimānavatthu

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact