| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੫-੬. ਮਹਾਰੁਕ੍ਖਸੁਤ੍ਤਦ੍વਯવਣ੍ਣਨਾ
5-6. Mahārukkhasuttadvayavaṇṇanā
੫੫-੫੬. ਓਜਂ ਅਭਿਹਰਨ੍ਤੀਤਿ ਰਸਹਰਣਿਯੋ વਿਯ ਪੁਰਿਸਸ੍ਸ ਸਰੀਰੇ ਰੁਕ੍ਖਮੂਲਾਨਿ ਰੁਕ੍ਖਸ੍ਸ ਪਥવੀਆਪੋਰਸੇ ਉਪਰਿ ਆਰੋਪੇਨ੍ਤਿ। ਤੇਸਂ ਤਥਾ ਆਰੋਪਨਂ ‘‘ਓਜਾਯਾ’’ਤਿਆਦਿਨਾ વਿਭਾવੇਤਿ। ਹਤ੍ਥਸਤੁਬ੍ਬੇਧਮਸ੍ਸਾਤਿ ਹਤ੍ਥਸਤੁਬ੍ਬੇਧੋ, ਹਤ੍ਥਸਤਂ ਉਬ੍ਬਿਦ੍ਧਸ੍ਸਪਿ। ਏਤ੍ਥਾਤਿ ਏਤਿਸ੍ਸਂ વਟ੍ਟਕਥਾਯਂ। ਕਮ੍ਮਾਰੋਹਨਨ੍ਤਿ ਕਮ੍ਮਪਚ੍ਚਯੋ।
55-56.Ojaṃ abhiharantīti rasaharaṇiyo viya purisassa sarīre rukkhamūlāni rukkhassa pathavīāporase upari āropenti. Tesaṃ tathā āropanaṃ ‘‘ojāyā’’tiādinā vibhāveti. Hatthasatubbedhamassāti hatthasatubbedho, hatthasataṃ ubbiddhassapi. Etthāti etissaṃ vaṭṭakathāyaṃ. Kammārohananti kammapaccayo.
ਪੁਨ ਏਤ੍ਥਾਤਿ ਏਤਿਸ੍ਸਂ વਿવਟ੍ਟਕਥਾਯਂ। વਟ੍ਟਦੁਕ੍ਖਂ ਨਾਸੇਤੁਕਾਮਸ੍ਸ ਦਲ਼੍ਹਂ ਉਪ੍ਪਨ੍ਨਸਂવੇਗਞਾਣਂ ਸਨ੍ਧਾਯ ‘‘ਕੁਦ੍ਦਾਲੋ વਿਯਾ’’ਤਿ ਆਹ। ਤਤੋ ਨਿਬ੍ਬਤ੍ਤਿਤਞਾਣਂ ਸਮਾਧਿਪਚ੍ਛਿਯਾ ਠਿਤਂ ਨਿਸ੍ਸਾਯ ਪવਤ੍ਤੇਤਬ੍ਬવਿਪਸ੍ਸਨਾਰਮ੍ਭਞਾਣਂ। ਰੁਕ੍ਖਚ੍ਛੇਦਨਫਰਸੁ વਿਯਾਤਿ ਏવਂਭੂਤਸ੍ਸ વਿਪਸ੍ਸਨਾ ਏਕਨ੍ਤਤੋ વਟ੍ਟਚ੍ਛੇਦਾਯ ਹੋਤਿਯੇવਾਤਿ ਆਹ ‘‘ਰੁਕ੍ਖਸ੍ਸ…ਪੇ॰… ਮਨਸਿਕਰੋਨ੍ਤਸ੍ਸ ਪਞ੍ਞਾ’’ਤਿ। ਤਤ੍ਥ ਕਮ੍ਮਟ੍ਠਾਨਨ੍ਤਿ વਿਪਸ੍ਸਨਾਕਮ੍ਮਟ੍ਠਾਨਂ। ਤਂ ਚਤੁਬ੍ਬਿਧવવਤ੍ਥਾਨવਸੇਨ વੀਸਤਿ ਪਥવੀਕੋਟ੍ਠਾਸਾ, ਦ੍વਾਦਸ ਆਪੋਕੋਟ੍ਠਾਸਾ, ਚਤ੍ਤਾਰੋ ਤੇਜੋਕੋਟ੍ਠਾਸਾ, ਛ વਾਯੋਕੋਟ੍ਠਾਸਾਤਿ ਦ੍વੇਚਤ੍ਤਾਲੀਸਾਯ ਕੋਟ੍ਠਾਸੇਸੁ। વਿਞ੍ਞਾਣਸ੍ਸ ਚਾਤਿ ਇਤਿ-ਸਦ੍ਦੋ ਆਦਿਅਤ੍ਥੋ ਪਕਾਰਤ੍ਥੋ ਚ। ਤੇਨ ਭੂਤਰੂਪਾਨਿ વਿਞ੍ਞਾਣਸਮ੍ਪਯੁਤ੍ਤਧਮ੍ਮੇ ਚ ਸਙ੍ਗਣ੍ਹਾਤਿ। ਸਤ੍ਤਸੁ ਸਪ੍ਪਾਯੇਸੁ ਯਸ੍ਸ ਅਲਭਨ੍ਤਸ੍ਸ ਕਮ੍ਮਟ੍ਠਾਨਂ વਿਭੂਤਂ ਹੁਤ੍વਾ ਨ ਉਪਟ੍ਠਾਤਿ, ਤਂ ਸਨ੍ਧਾਯਾਹ ‘‘ਅਞ੍ਞਤਰਂ ਸਪ੍ਪਾਯ’’ਨ੍ਤਿ। ਸੇਸਂ ਸੁવਿਞ੍ਞੇਯ੍ਯਮੇવ।
Puna etthāti etissaṃ vivaṭṭakathāyaṃ. Vaṭṭadukkhaṃ nāsetukāmassa daḷhaṃ uppannasaṃvegañāṇaṃ sandhāya ‘‘kuddālo viyā’’ti āha. Tato nibbattitañāṇaṃ samādhipacchiyā ṭhitaṃ nissāya pavattetabbavipassanārambhañāṇaṃ. Rukkhacchedanapharasu viyāti evaṃbhūtassa vipassanā ekantato vaṭṭacchedāya hotiyevāti āha ‘‘rukkhassa…pe… manasikarontassa paññā’’ti. Tattha kammaṭṭhānanti vipassanākammaṭṭhānaṃ. Taṃ catubbidhavavatthānavasena vīsati pathavīkoṭṭhāsā, dvādasa āpokoṭṭhāsā, cattāro tejokoṭṭhāsā, cha vāyokoṭṭhāsāti dvecattālīsāya koṭṭhāsesu. Viññāṇassa cāti iti-saddo ādiattho pakārattho ca. Tena bhūtarūpāni viññāṇasampayuttadhamme ca saṅgaṇhāti. Sattasu sappāyesu yassa alabhantassa kammaṭṭhānaṃ vibhūtaṃ hutvā na upaṭṭhāti, taṃ sandhāyāha ‘‘aññataraṃ sappāya’’nti. Sesaṃ suviññeyyameva.
ਮਹਾਰੁਕ੍ਖਸੁਤ੍ਤਦ੍વਯવਣ੍ਣਨਾ ਨਿਟ੍ਠਿਤਾ।
Mahārukkhasuttadvayavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya
੫. ਮਹਾਰੁਕ੍ਖਸੁਤ੍ਤਂ • 5. Mahārukkhasuttaṃ
੬. ਦੁਤਿਯਮਹਾਰੁਕ੍ਖਸੁਤ੍ਤਂ • 6. Dutiyamahārukkhasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā)
੫. ਮਹਾਰੁਕ੍ਖਸੁਤ੍ਤવਣ੍ਣਨਾ • 5. Mahārukkhasuttavaṇṇanā
੬. ਦੁਤਿਯਮਹਾਰੁਕ੍ਖਸੁਤ੍ਤવਣ੍ਣਨਾ • 6. Dutiyamahārukkhasuttavaṇṇanā
