| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
5. махааругкасуд̇д̇аван̣н̣анаа
5. Mahārukkhasuttavaṇṇanā
55. бан̃жамз уд̣̇д̇хам̣ ож̇ам̣ абхихаранд̇ийд̇и бат̇авийрасан̃жа ааборасан̃жа убари ааробзнд̇и. ож̇ааяа ааробид̇ад̇д̇аа хад̇т̇асад̇уб̣б̣зд̇хасса ругкасса ан̇гураг̇г̇зсу б̣инд̣̇уб̣инд̣̇ууни вияа худ̇ваа синзхо д̇идтад̇и. ид̣̇ам̣ банзд̇т̇а обаммасам̣санд̣̇анам̣ – махааругко вияа хи д̇збхуумагаваддам̣, муулаани вияа ааяад̇анаани, муулзхи ож̇ааяа аароханам̣ вияа чахи д̣̇ваарзхи гаммаароханам̣, ож̇ааяа абхирул̣хад̇д̇аа махааругкасса яаавагаббадтаанам̣ вияа вадданиссид̇аб̣аалабут̇уж̇ж̇анасса чахи д̣̇ваарзхи гаммам̣ ааяууханд̇асса абараабарам̣ ваддасса вад̣дханавасзна д̣̇ийгхарад̇д̇ам̣ таанам̣.
55. Pañcame uddhaṃ ojaṃ abhiharantīti pathavīrasañca āporasañca upari āropenti. Ojāya āropitattā hatthasatubbedhassa rukkhassa aṅkuraggesu bindubindūni viya hutvā sineho tiṭṭhati. Idaṃ panettha opammasaṃsandanaṃ – mahārukkho viya hi tebhūmakavaṭṭaṃ, mūlāni viya āyatanāni, mūlehi ojāya ārohanaṃ viya chahi dvārehi kammārohanaṃ, ojāya abhiruḷhattā mahārukkhassa yāvakappaṭṭhānaṃ viya vaṭṭanissitabālaputhujjanassa chahi dvārehi kammaṃ āyūhantassa aparāparaṃ vaṭṭassa vaḍḍhanavasena dīgharattaṃ ṭhānaṃ.
гуд̣̇д̣̇аалабидаганд̇и гуд̣̇д̣̇аалан̃жзва бажчибхааж̇анан̃жа. кан̣д̣аакан̣д̣игам̣ чинд̣̇зяяаад̇и куд̣̇д̣̇агамаханд̇аани кан̣д̣аакан̣д̣аани гаронд̇о чинд̣̇зяяа. ид̣̇ам̣ банзд̇т̇а обаммасам̣санд̣̇анам̣ – ид̇хааби хи махааругко вияа д̇збхуумагаваддам̣, ругкам̣ наасзд̇угаамо бурисо вияа яог̇ааважаро, гуд̣̇д̣̇аало вияа н̃аан̣ам̣, бажчи вияа самаад̇хи, ругкажчзд̣̇анапарасу вияа н̃аан̣ам̣, ругкасса муулз чиннагаало вияа яог̇ино аажарияасанд̇игз гаммадтаанам̣ г̇ахзд̇ваа манасигаронд̇асса бан̃н̃аа, кан̣д̣аакан̣д̣игам̣ чинд̣̇анагаало вияа сан̇кзбад̇о жад̇уннам̣ махаабхууд̇аанам̣ манасигааро, пааланам̣ вияа д̣̇взжад̇д̇аалийсааяа годтаасзсу вид̇т̇аараманасигааро, сагалигам̣ сагалигам̣ гаран̣агаало вияа убаад̣̇ааруубасса жзва руубагканд̇хаарамман̣асса вин̃н̃аан̣асса жаад̇и имзсам̣ васзна наамаруубабариг̇г̇ахо, муулаанам̣ убажчзд̣̇анам̣ вияа д̇ассзва наамаруубасса бажжаяабариязсанам̣, ваад̇аад̇абз висосзд̇ваа аг̇г̇инаа д̣аханагаало вияа анубуб̣б̣зна вибассанам̣ вад̣дхзд̇ваа ан̃н̃ад̇арам̣ саббааяам̣ лабхид̇ваа гаммадтаанз вибхууд̇з убадтахамаанз згабаллан̇гз нисиннасса саман̣ад̇хаммам̣ гаронд̇асса аг̇г̇апалаббад̇д̇и, масигаран̣ам̣ вияа арахад̇д̇аббад̇д̇ад̣̇ивасзязва абариниб̣б̣ааяанд̇асса яаавад̇ааяугам̣ тид̇а гаало, махааваад̇з обунанам̣ над̣̇ияаа бавааханам̣ вияа жа убаад̣̇ин̣н̣агагканд̇хабхзд̣̇зна анубаад̣̇исзсааяа ниб̣б̣аанад̇хаад̇уяаа бариниб̣б̣уд̇асса ваддавуубасамо взд̣̇ид̇аб̣б̣о. бан̃жамам̣.
Kuddālapiṭakanti kuddālañceva pacchibhājanañca. Khaṇḍākhaṇḍikaṃ chindeyyāti khuddakamahantāni khaṇḍākhaṇḍāni karonto chindeyya. Idaṃ panettha opammasaṃsandanaṃ – idhāpi hi mahārukkho viya tebhūmakavaṭṭaṃ, rukkhaṃ nāsetukāmo puriso viya yogāvacaro, kuddālo viya ñāṇaṃ, pacchi viya samādhi, rukkhacchedanapharasu viya ñāṇaṃ, rukkhassa mūle chinnakālo viya yogino ācariyasantike kammaṭṭhānaṃ gahetvā manasikarontassa paññā, khaṇḍākhaṇḍikaṃ chindanakālo viya saṅkhepato catunnaṃ mahābhūtānaṃ manasikāro, phālanaṃ viya dvecattālīsāya koṭṭhāsesu vitthāramanasikāro, sakalikaṃ sakalikaṃ karaṇakālo viya upādārūpassa ceva rūpakkhandhārammaṇassa viññāṇassa cāti imesaṃ vasena nāmarūpapariggaho, mūlānaṃ upacchedanaṃ viya tasseva nāmarūpassa paccayapariyesanaṃ, vātātape visosetvā agginā ḍahanakālo viya anupubbena vipassanaṃ vaḍḍhetvā aññataraṃ sappāyaṃ labhitvā kammaṭṭhāne vibhūte upaṭṭhahamāne ekapallaṅke nisinnassa samaṇadhammaṃ karontassa aggaphalappatti, masikaraṇaṃ viya arahattappattadivaseyeva aparinibbāyantassa yāvatāyukaṃ ṭhita kālo, mahāvāte opunanaṃ nadiyā pavāhanaṃ viya ca upādiṇṇakakkhandhabhedena anupādisesāya nibbānadhātuyā parinibbutassa vaṭṭavūpasamo veditabbo. Pañcamaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 5. махааругкасуд̇д̇ам̣ • 5. Mahārukkhasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 5-6. махааругкасуд̇д̇ад̣̇ваяаван̣н̣анаа • 5-6. Mahārukkhasuttadvayavaṇṇanā
