| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੫. ਮਹਾਰੁਕ੍ਖਸੁਤ੍ਤવਣ੍ਣਨਾ
5. Mahārukkhasuttavaṇṇanā
੫੫. ਪਞ੍ਚਮੇ ਉਦ੍ਧਂ ਓਜਂ ਅਭਿਹਰਨ੍ਤੀਤਿ ਪਥવੀਰਸਞ੍ਚ ਆਪੋਰਸਞ੍ਚ ਉਪਰਿ ਆਰੋਪੇਨ੍ਤਿ। ਓਜਾਯ ਆਰੋਪਿਤਤ੍ਤਾ ਹਤ੍ਥਸਤੁਬ੍ਬੇਧਸ੍ਸ ਰੁਕ੍ਖਸ੍ਸ ਅਙ੍ਕੁਰਗ੍ਗੇਸੁ ਬਿਨ੍ਦੁਬਿਨ੍ਦੂਨਿ વਿਯ ਹੁਤ੍વਾ ਸਿਨੇਹੋ ਤਿਟ੍ਠਤਿ। ਇਦਂ ਪਨੇਤ੍ਥ ਓਪਮ੍ਮਸਂਸਨ੍ਦਨਂ – ਮਹਾਰੁਕ੍ਖੋ વਿਯ ਹਿ ਤੇਭੂਮਕવਟ੍ਟਂ, ਮੂਲਾਨਿ વਿਯ ਆਯਤਨਾਨਿ, ਮੂਲੇਹਿ ਓਜਾਯ ਆਰੋਹਨਂ વਿਯ ਛਹਿ ਦ੍વਾਰੇਹਿ ਕਮ੍ਮਾਰੋਹਨਂ, ਓਜਾਯ ਅਭਿਰੁਲ਼੍ਹਤ੍ਤਾ ਮਹਾਰੁਕ੍ਖਸ੍ਸ ਯਾવਕਪ੍ਪਟ੍ਠਾਨਂ વਿਯ વਟ੍ਟਨਿਸ੍ਸਿਤਬਾਲਪੁਥੁਜ੍ਜਨਸ੍ਸ ਛਹਿ ਦ੍વਾਰੇਹਿ ਕਮ੍ਮਂ ਆਯੂਹਨ੍ਤਸ੍ਸ ਅਪਰਾਪਰਂ વਟ੍ਟਸ੍ਸ વਡ੍ਢਨવਸੇਨ ਦੀਘਰਤ੍ਤਂ ਠਾਨਂ।
55. Pañcame uddhaṃ ojaṃ abhiharantīti pathavīrasañca āporasañca upari āropenti. Ojāya āropitattā hatthasatubbedhassa rukkhassa aṅkuraggesu bindubindūni viya hutvā sineho tiṭṭhati. Idaṃ panettha opammasaṃsandanaṃ – mahārukkho viya hi tebhūmakavaṭṭaṃ, mūlāni viya āyatanāni, mūlehi ojāya ārohanaṃ viya chahi dvārehi kammārohanaṃ, ojāya abhiruḷhattā mahārukkhassa yāvakappaṭṭhānaṃ viya vaṭṭanissitabālaputhujjanassa chahi dvārehi kammaṃ āyūhantassa aparāparaṃ vaṭṭassa vaḍḍhanavasena dīgharattaṃ ṭhānaṃ.
ਕੁਦ੍ਦਾਲਪਿਟਕਨ੍ਤਿ ਕੁਦ੍ਦਾਲਞ੍ਚੇવ ਪਚ੍ਛਿਭਾਜਨਞ੍ਚ। ਖਣ੍ਡਾਖਣ੍ਡਿਕਂ ਛਿਨ੍ਦੇਯ੍ਯਾਤਿ ਖੁਦ੍ਦਕਮਹਨ੍ਤਾਨਿ ਖਣ੍ਡਾਖਣ੍ਡਾਨਿ ਕਰੋਨ੍ਤੋ ਛਿਨ੍ਦੇਯ੍ਯ। ਇਦਂ ਪਨੇਤ੍ਥ ਓਪਮ੍ਮਸਂਸਨ੍ਦਨਂ – ਇਧਾਪਿ ਹਿ ਮਹਾਰੁਕ੍ਖੋ વਿਯ ਤੇਭੂਮਕવਟ੍ਟਂ, ਰੁਕ੍ਖਂ ਨਾਸੇਤੁਕਾਮੋ ਪੁਰਿਸੋ વਿਯ ਯੋਗਾવਚਰੋ, ਕੁਦ੍ਦਾਲੋ વਿਯ ਞਾਣਂ, ਪਚ੍ਛਿ વਿਯ ਸਮਾਧਿ, ਰੁਕ੍ਖਚ੍ਛੇਦਨਫਰਸੁ વਿਯ ਞਾਣਂ, ਰੁਕ੍ਖਸ੍ਸ ਮੂਲੇ ਛਿਨ੍ਨਕਾਲੋ વਿਯ ਯੋਗਿਨੋ ਆਚਰਿਯਸਨ੍ਤਿਕੇ ਕਮ੍ਮਟ੍ਠਾਨਂ ਗਹੇਤ੍વਾ ਮਨਸਿਕਰੋਨ੍ਤਸ੍ਸ ਪਞ੍ਞਾ, ਖਣ੍ਡਾਖਣ੍ਡਿਕਂ ਛਿਨ੍ਦਨਕਾਲੋ વਿਯ ਸਙ੍ਖੇਪਤੋ ਚਤੁਨ੍ਨਂ ਮਹਾਭੂਤਾਨਂ ਮਨਸਿਕਾਰੋ, ਫਾਲਨਂ વਿਯ ਦ੍વੇਚਤ੍ਤਾਲੀਸਾਯ ਕੋਟ੍ਠਾਸੇਸੁ વਿਤ੍ਥਾਰਮਨਸਿਕਾਰੋ, ਸਕਲਿਕਂ ਸਕਲਿਕਂ ਕਰਣਕਾਲੋ વਿਯ ਉਪਾਦਾਰੂਪਸ੍ਸ ਚੇવ ਰੂਪਕ੍ਖਨ੍ਧਾਰਮ੍ਮਣਸ੍ਸ વਿਞ੍ਞਾਣਸ੍ਸ ਚਾਤਿ ਇਮੇਸਂ વਸੇਨ ਨਾਮਰੂਪਪਰਿਗ੍ਗਹੋ, ਮੂਲਾਨਂ ਉਪਚ੍ਛੇਦਨਂ વਿਯ ਤਸ੍ਸੇવ ਨਾਮਰੂਪਸ੍ਸ ਪਚ੍ਚਯਪਰਿਯੇਸਨਂ, વਾਤਾਤਪੇ વਿਸੋਸੇਤ੍વਾ ਅਗ੍ਗਿਨਾ ਡਹਨਕਾਲੋ વਿਯ ਅਨੁਪੁਬ੍ਬੇਨ વਿਪਸ੍ਸਨਂ વਡ੍ਢੇਤ੍વਾ ਅਞ੍ਞਤਰਂ ਸਪ੍ਪਾਯਂ ਲਭਿਤ੍વਾ ਕਮ੍ਮਟ੍ਠਾਨੇ વਿਭੂਤੇ ਉਪਟ੍ਠਹਮਾਨੇ ਏਕਪਲ੍ਲਙ੍ਕੇ ਨਿਸਿਨ੍ਨਸ੍ਸ ਸਮਣਧਮ੍ਮਂ ਕਰੋਨ੍ਤਸ੍ਸ ਅਗ੍ਗਫਲਪ੍ਪਤ੍ਤਿ, ਮਸਿਕਰਣਂ વਿਯ ਅਰਹਤ੍ਤਪ੍ਪਤ੍ਤਦਿવਸੇਯੇવ ਅਪਰਿਨਿਬ੍ਬਾਯਨ੍ਤਸ੍ਸ ਯਾવਤਾਯੁਕਂ ਠਿਤ ਕਾਲੋ, ਮਹਾવਾਤੇ ਓਪੁਨਨਂ ਨਦਿਯਾ ਪવਾਹਨਂ વਿਯ ਚ ਉਪਾਦਿਣ੍ਣਕਕ੍ਖਨ੍ਧਭੇਦੇਨ ਅਨੁਪਾਦਿਸੇਸਾਯ ਨਿਬ੍ਬਾਨਧਾਤੁਯਾ ਪਰਿਨਿਬ੍ਬੁਤਸ੍ਸ વਟ੍ਟવੂਪਸਮੋ વੇਦਿਤਬ੍ਬੋ। ਪਞ੍ਚਮਂ।
Kuddālapiṭakanti kuddālañceva pacchibhājanañca. Khaṇḍākhaṇḍikaṃ chindeyyāti khuddakamahantāni khaṇḍākhaṇḍāni karonto chindeyya. Idaṃ panettha opammasaṃsandanaṃ – idhāpi hi mahārukkho viya tebhūmakavaṭṭaṃ, rukkhaṃ nāsetukāmo puriso viya yogāvacaro, kuddālo viya ñāṇaṃ, pacchi viya samādhi, rukkhacchedanapharasu viya ñāṇaṃ, rukkhassa mūle chinnakālo viya yogino ācariyasantike kammaṭṭhānaṃ gahetvā manasikarontassa paññā, khaṇḍākhaṇḍikaṃ chindanakālo viya saṅkhepato catunnaṃ mahābhūtānaṃ manasikāro, phālanaṃ viya dvecattālīsāya koṭṭhāsesu vitthāramanasikāro, sakalikaṃ sakalikaṃ karaṇakālo viya upādārūpassa ceva rūpakkhandhārammaṇassa viññāṇassa cāti imesaṃ vasena nāmarūpapariggaho, mūlānaṃ upacchedanaṃ viya tasseva nāmarūpassa paccayapariyesanaṃ, vātātape visosetvā agginā ḍahanakālo viya anupubbena vipassanaṃ vaḍḍhetvā aññataraṃ sappāyaṃ labhitvā kammaṭṭhāne vibhūte upaṭṭhahamāne ekapallaṅke nisinnassa samaṇadhammaṃ karontassa aggaphalappatti, masikaraṇaṃ viya arahattappattadivaseyeva aparinibbāyantassa yāvatāyukaṃ ṭhita kālo, mahāvāte opunanaṃ nadiyā pavāhanaṃ viya ca upādiṇṇakakkhandhabhedena anupādisesāya nibbānadhātuyā parinibbutassa vaṭṭavūpasamo veditabbo. Pañcamaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੫. ਮਹਾਰੁਕ੍ਖਸੁਤ੍ਤਂ • 5. Mahārukkhasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੫-੬. ਮਹਾਰੁਕ੍ਖਸੁਤ੍ਤਦ੍વਯવਣ੍ਣਨਾ • 5-6. Mahārukkhasuttadvayavaṇṇanā
