Library / Tipiṭaka / д̇ибидага • Tipiṭaka / маж̇жхиманигааяа • Majjhimanikāya

7. махаасагулуд̣̇ааяисуд̇д̇ам̣

7. Mahāsakuludāyisuttaṃ

237. звам̣ мз суд̇ам̣ – згам̣ самаяам̣ бхаг̇аваа рааж̇аг̇ахз вихарад̇и взл̣уванз галанд̣̇аганиваабз. д̇зна ко бана самаязна самб̣ахулаа абхин̃н̃аад̇аа абхин̃н̃аад̇аа бариб̣б̣ааж̇агаа мораниваабз бариб̣б̣ааж̇агаараамз бадивасанд̇и, сзяяат̇ид̣̇ам̣ – аннабхааро варад̇харо сагулуд̣̇ааяий жа бариб̣б̣ааж̇аго ан̃н̃з жа абхин̃н̃аад̇аа абхин̃н̃аад̇аа бариб̣б̣ааж̇агаа. ат̇а ко бхаг̇аваа буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа рааж̇аг̇ахам̣ бин̣д̣ааяа баависи. ат̇а ко бхаг̇авад̇о зд̇ад̣̇ахоси – ‘‘ад̇иббаг̇о ко д̇аава рааж̇аг̇ахз бин̣д̣ааяа жарид̇ум̣. яам̣нуунаахам̣ язна мораниваабо бариб̣б̣ааж̇агаараамо язна сагулуд̣̇ааяий бариб̣б̣ааж̇аго д̇знубасан̇гамзяяа’’нд̇и. ат̇а ко бхаг̇аваа язна мораниваабо бариб̣б̣ааж̇агаараамо д̇знубасан̇гами. д̇зна ко бана самаязна сагулуд̣̇ааяий бариб̣б̣ааж̇аго махад̇ияаа бариб̣б̣ааж̇агабарисааяа сад̣̇д̇хим̣ нисинно ход̇и уннаад̣̇инияаа ужжаасад̣̇д̣̇амахаасад̣̇д̣̇ааяа анзгавихид̇ам̣ д̇иражчаанагат̇ам̣ гат̇знд̇ияаа, сзяяат̇ид̣̇ам̣ – рааж̇агат̇ам̣ жорагат̇ам̣ махаамад̇д̇агат̇ам̣ сзнаагат̇ам̣ бхаяагат̇ам̣ яуд̣̇д̇хагат̇ам̣ аннагат̇ам̣ баанагат̇ам̣ вад̇т̇агат̇ам̣ саяанагат̇ам̣ маалаагат̇ам̣ г̇анд̇хагат̇ам̣ н̃аад̇игат̇ам̣ яаанагат̇ам̣ г̇аамагат̇ам̣ ниг̇амагат̇ам̣ наг̇арагат̇ам̣ ж̇анабад̣̇агат̇ам̣ ид̇т̇игат̇ам̣ суурагат̇ам̣ висикаагат̇ам̣ гумбхадтаанагат̇ам̣ буб̣б̣абзд̇агат̇ам̣ наанад̇д̇агат̇ам̣ логагкааяигам̣ самуд̣̇д̣̇агкааяигам̣ ид̇ибхаваабхавагат̇ам̣ ид̇и ваа. ад̣̇д̣̇асаа ко сагулуд̣̇ааяий бариб̣б̣ааж̇аго бхаг̇аванд̇ам̣ д̣̇уурад̇ова ааг̇ажчанд̇ам̣. д̣̇исваана сагам̣ барисам̣ сан̣таабзд̇и – ‘‘аббасад̣̇д̣̇аа бхонд̇о хонд̇у; маа бхонд̇о сад̣̇д̣̇амагад̇т̇а. аяам̣ саман̣о г̇од̇амо ааг̇ажчад̇и; аббасад̣̇д̣̇агаамо ко бана со ааяасмаа аббасад̣̇д̣̇асса ван̣н̣аваад̣̇ий. аббзва наама аббасад̣̇д̣̇ам̣ барисам̣ вид̣̇ид̇ваа убасан̇гамид̇аб̣б̣ам̣ ман̃н̃зяяаа’’д̇и. ат̇а ко д̇з бариб̣б̣ааж̇агаа д̇ун̣хий ахзсум̣. ат̇а ко бхаг̇аваа язна сагулуд̣̇ааяий бариб̣б̣ааж̇аго д̇знубасан̇гами. ат̇а ко сагулуд̣̇ааяий бариб̣б̣ааж̇аго бхаг̇аванд̇ам̣ зд̇ад̣̇авожа – ‘‘зд̇у ко, бханд̇з, бхаг̇аваа. свааг̇ад̇ам̣, бханд̇з, бхаг̇авад̇о. жирассам̣ ко, бханд̇з, бхаг̇аваа имам̣ барияааяамагааси яад̣̇ид̣̇ам̣ ид̇хааг̇аманааяа. нисийд̣̇ад̇у, бханд̇з, бхаг̇аваа; ид̣̇амаасанам̣ бан̃н̃ад̇д̇а’’нд̇и. нисийд̣̇и бхаг̇аваа бан̃н̃ад̇д̇з аасанз. сагулуд̣̇ааяийби ко бариб̣б̣ааж̇аго ан̃н̃ад̇арам̣ нийжам̣ аасанам̣ г̇ахзд̇ваа згаманд̇ам̣ нисийд̣̇и. згаманд̇ам̣ нисиннам̣ ко сагулуд̣̇ааяим̣ бариб̣б̣ааж̇агам̣ бхаг̇аваа зд̇ад̣̇авожа –

237. Evaṃ me sutaṃ – ekaṃ samayaṃ bhagavā rājagahe viharati veḷuvane kalandakanivāpe. Tena kho pana samayena sambahulā abhiññātā abhiññātā paribbājakā moranivāpe paribbājakārāme paṭivasanti, seyyathidaṃ – annabhāro varadharo sakuludāyī ca paribbājako aññe ca abhiññātā abhiññātā paribbājakā. Atha kho bhagavā pubbaṇhasamayaṃ nivāsetvā pattacīvaramādāya rājagahaṃ piṇḍāya pāvisi. Atha kho bhagavato etadahosi – ‘‘atippago kho tāva rājagahe piṇḍāya carituṃ. Yaṃnūnāhaṃ yena moranivāpo paribbājakārāmo yena sakuludāyī paribbājako tenupasaṅkameyya’’nti. Atha kho bhagavā yena moranivāpo paribbājakārāmo tenupasaṅkami. Tena kho pana samayena sakuludāyī paribbājako mahatiyā paribbājakaparisāya saddhiṃ nisinno hoti unnādiniyā uccāsaddamahāsaddāya anekavihitaṃ tiracchānakathaṃ kathentiyā, seyyathidaṃ – rājakathaṃ corakathaṃ mahāmattakathaṃ senākathaṃ bhayakathaṃ yuddhakathaṃ annakathaṃ pānakathaṃ vatthakathaṃ sayanakathaṃ mālākathaṃ gandhakathaṃ ñātikathaṃ yānakathaṃ gāmakathaṃ nigamakathaṃ nagarakathaṃ janapadakathaṃ itthikathaṃ sūrakathaṃ visikhākathaṃ kumbhaṭṭhānakathaṃ pubbapetakathaṃ nānattakathaṃ lokakkhāyikaṃ samuddakkhāyikaṃ itibhavābhavakathaṃ iti vā. Addasā kho sakuludāyī paribbājako bhagavantaṃ dūratova āgacchantaṃ. Disvāna sakaṃ parisaṃ saṇṭhāpeti – ‘‘appasaddā bhonto hontu; mā bhonto saddamakattha. Ayaṃ samaṇo gotamo āgacchati; appasaddakāmo kho pana so āyasmā appasaddassa vaṇṇavādī. Appeva nāma appasaddaṃ parisaṃ viditvā upasaṅkamitabbaṃ maññeyyā’’ti. Atha kho te paribbājakā tuṇhī ahesuṃ. Atha kho bhagavā yena sakuludāyī paribbājako tenupasaṅkami. Atha kho sakuludāyī paribbājako bhagavantaṃ etadavoca – ‘‘etu kho, bhante, bhagavā. Svāgataṃ, bhante, bhagavato. Cirassaṃ kho, bhante, bhagavā imaṃ pariyāyamakāsi yadidaṃ idhāgamanāya. Nisīdatu, bhante, bhagavā; idamāsanaṃ paññatta’’nti. Nisīdi bhagavā paññatte āsane. Sakuludāyīpi kho paribbājako aññataraṃ nīcaṃ āsanaṃ gahetvā ekamantaṃ nisīdi. Ekamantaṃ nisinnaṃ kho sakuludāyiṃ paribbājakaṃ bhagavā etadavoca –

238. ‘‘гааяануд̇т̇а , уд̣̇ааяи, зд̇арахи гат̇ааяа саннисиннаа, гаа жа бана во анд̇араагат̇аа виббагад̇аа’’д̇и? ‘‘д̇идтад̇зсаа, бханд̇з, гат̇аа яааяа маяам̣ зд̇арахи гат̇ааяа саннисиннаа. нзсаа, бханд̇з, гат̇аа бхаг̇авад̇о д̣̇уллабхаа бхависсад̇и бажчааби саванааяа. буримаани, бханд̇з, д̣̇ивасаани буримад̇араани наанаад̇ид̇т̇ияаанам̣ саман̣аб̣раахман̣аанам̣ гуд̇уухаласаалааяам̣ саннисиннаанам̣ саннибад̇ид̇аанам̣ аяаманд̇араагат̇аа уд̣̇абаад̣̇и – ‘лаабхаа вад̇а, бхо, ан̇г̇амаг̇ад̇хаанам̣, сулад̣̇д̇халаабхаа вад̇а, бхо, ан̇г̇амаг̇ад̇хаанам̣! д̇ад̇римз ¹ саман̣аб̣раахман̣аа сан̇гхино г̇ан̣ино г̇ан̣аажарияаа н̃аад̇аа яасассино д̇ид̇т̇агараа саад̇хусаммад̇аа б̣ахуж̇анасса рааж̇аг̇ахам̣ вассааваасам̣ осадаа. аяамби ко бууран̣о гассабо сан̇гхий жзва г̇ан̣ий жа г̇ан̣аажарияо жа н̃аад̇о яасассий д̇ид̇т̇агаро саад̇хусаммад̇о б̣ахуж̇анасса; соби рааж̇аг̇ахам̣ вассааваасам̣ осадо. аяамби ко магкали г̇осаало…бз… аж̇ид̇о гзсагамб̣ало… багуд̇хо гажжааяано… сан̃ж̇аяо б̣зладтабуд̇д̇о… ниг̇ан̣то наадабуд̇д̇о сан̇гхий жзва г̇ан̣ий жа г̇ан̣аажарияо жа н̃аад̇о яасассий д̇ид̇т̇агаро саад̇хусаммад̇о б̣ахуж̇анасса; соби рааж̇аг̇ахам̣ вассааваасам̣ осадо. аяамби ко саман̣о г̇од̇амо сан̇гхий жзва г̇ан̣ий жа г̇ан̣аажарияо жа н̃аад̇о яасассий д̇ид̇т̇агаро саад̇хусаммад̇о б̣ахуж̇анасса; соби рааж̇аг̇ахам̣ вассааваасам̣ осадо. го ну ко имзсам̣ бхавад̇ам̣ саман̣аб̣раахман̣аанам̣ сан̇гхийнам̣ г̇ан̣ийнам̣ г̇ан̣аажарияаанам̣ н̃аад̇аанам̣ яасассийнам̣ д̇ид̇т̇агараанам̣ саад̇хусаммад̇аанам̣ б̣ахуж̇анасса саавагаанам̣ саггад̇о г̇аругад̇о маанид̇о бууж̇ид̇о, ган̃жа бана саавагаа саггад̇ваа г̇арум̣ гад̇ваа ² убаниссааяа вихаранд̇ий’’’д̇и?

238. ‘‘Kāyanuttha , udāyi, etarahi kathāya sannisinnā, kā ca pana vo antarākathā vippakatā’’ti? ‘‘Tiṭṭhatesā, bhante, kathā yāya mayaṃ etarahi kathāya sannisinnā. Nesā, bhante, kathā bhagavato dullabhā bhavissati pacchāpi savanāya. Purimāni, bhante, divasāni purimatarāni nānātitthiyānaṃ samaṇabrāhmaṇānaṃ kutūhalasālāyaṃ sannisinnānaṃ sannipatitānaṃ ayamantarākathā udapādi – ‘lābhā vata, bho, aṅgamagadhānaṃ, suladdhalābhā vata, bho, aṅgamagadhānaṃ! Tatrime ³ samaṇabrāhmaṇā saṅghino gaṇino gaṇācariyā ñātā yasassino titthakarā sādhusammatā bahujanassa rājagahaṃ vassāvāsaṃ osaṭā. Ayampi kho pūraṇo kassapo saṅghī ceva gaṇī ca gaṇācariyo ca ñāto yasassī titthakaro sādhusammato bahujanassa; sopi rājagahaṃ vassāvāsaṃ osaṭo. Ayampi kho makkhali gosālo…pe… ajito kesakambalo… pakudho kaccāyano… sañjayo belaṭṭhaputto… nigaṇṭho nāṭaputto saṅghī ceva gaṇī ca gaṇācariyo ca ñāto yasassī titthakaro sādhusammato bahujanassa; sopi rājagahaṃ vassāvāsaṃ osaṭo. Ayampi kho samaṇo gotamo saṅghī ceva gaṇī ca gaṇācariyo ca ñāto yasassī titthakaro sādhusammato bahujanassa; sopi rājagahaṃ vassāvāsaṃ osaṭo. Ko nu kho imesaṃ bhavataṃ samaṇabrāhmaṇānaṃ saṅghīnaṃ gaṇīnaṃ gaṇācariyānaṃ ñātānaṃ yasassīnaṃ titthakarānaṃ sādhusammatānaṃ bahujanassa sāvakānaṃ sakkato garukato mānito pūjito, kañca pana sāvakā sakkatvā garuṃ katvā ⁴ upanissāya viharantī’’’ti?

239. ‘‘д̇ад̇рзгажжз звамаахам̣су – ‘аяам̣ ко бууран̣о гассабо сан̇гхий жзва г̇ан̣ий жа г̇ан̣аажарияо жа н̃аад̇о яасассий д̇ид̇т̇агаро саад̇хусаммад̇о б̣ахуж̇анасса; со жа ко саавагаанам̣ на саггад̇о на г̇аругад̇о на маанид̇о на бууж̇ид̇о, на жа бана бууран̣ам̣ гассабам̣ саавагаа саггад̇ваа г̇арум̣ гад̇ваа убаниссааяа вихаранд̇и. бхууд̇абуб̣б̣ам̣ бууран̣о гассабо анзгасад̇ааяа барисааяа д̇хаммам̣ д̣̇зсзд̇и. д̇ад̇ран̃н̃ад̇аро бууран̣асса гассабасса сааваго сад̣̇д̣̇амагааси – ‘‘маа бхонд̇о бууран̣ам̣ гассабам̣ зд̇амад̇т̇ам̣ бужчид̇т̇а; нзсо зд̇ам̣ ж̇аанаад̇и; маяамзд̇ам̣ ж̇аанаама, амхз зд̇амад̇т̇ам̣ бужчат̇а; маяамзд̇ам̣ бхаванд̇аанам̣ б̣яаагариссаамаа’’д̇и. бхууд̇абуб̣б̣ам̣ бууран̣о гассабо б̣аахаа баг̇г̇аяха ганд̣̇анд̇о на лабхад̇и – ‘‘аббасад̣̇д̣̇аа бхонд̇о хонд̇у, маа бхонд̇о сад̣̇д̣̇амагад̇т̇а. нзд̇з, бхаванд̇з, бужчанд̇и, амхз зд̇з бужчанд̇и; маяамзд̇зсам̣ б̣яаагариссаамаа’’д̇и. б̣ахуу ко бана бууран̣асса гассабасса саавагаа ваад̣̇ам̣ ааробзд̇ваа абагганд̇аа – ‘‘на д̇вам̣ имам̣ д̇хаммавинаяам̣ ааж̇аанааси, ахам̣ имам̣ д̇хаммавинаяам̣ ааж̇аанаами , гим̣ д̇вам̣ имам̣ д̇хаммавинаяам̣ ааж̇ааниссаси? мижчаабадибанно д̇вамаси, ахамасми саммаабадибанно, сахид̇ам̣ мз, асахид̇ам̣ д̇з, бурзважанийяам̣ бажчаа аважа, бажчааважанийяам̣ бурз аважа, ад̇хижин̣н̣ам̣ д̇з вибараавад̇д̇ам̣, ааробид̇о д̇з ваад̣̇о, ниг̇г̇ахид̇оси, жара ваад̣̇аббамогкааяа, ниб̣б̣зтзхи ваа сажз бахосий’’д̇и. ид̇и бууран̣о гассабо саавагаанам̣ на саггад̇о на г̇аругад̇о на маанид̇о на бууж̇ид̇о, на жа бана бууран̣ам̣ гассабам̣ саавагаа саггад̇ваа г̇арум̣ гад̇ваа убаниссааяа вихаранд̇и. аггудто жа бана бууран̣о гассабо д̇хаммаггосзнаа’’’д̇и.

239. ‘‘Tatrekacce evamāhaṃsu – ‘ayaṃ kho pūraṇo kassapo saṅghī ceva gaṇī ca gaṇācariyo ca ñāto yasassī titthakaro sādhusammato bahujanassa; so ca kho sāvakānaṃ na sakkato na garukato na mānito na pūjito, na ca pana pūraṇaṃ kassapaṃ sāvakā sakkatvā garuṃ katvā upanissāya viharanti. Bhūtapubbaṃ pūraṇo kassapo anekasatāya parisāya dhammaṃ deseti. Tatraññataro pūraṇassa kassapassa sāvako saddamakāsi – ‘‘mā bhonto pūraṇaṃ kassapaṃ etamatthaṃ pucchittha; neso etaṃ jānāti; mayametaṃ jānāma, amhe etamatthaṃ pucchatha; mayametaṃ bhavantānaṃ byākarissāmā’’ti. Bhūtapubbaṃ pūraṇo kassapo bāhā paggayha kandanto na labhati – ‘‘appasaddā bhonto hontu, mā bhonto saddamakattha. Nete, bhavante, pucchanti, amhe ete pucchanti; mayametesaṃ byākarissāmā’’ti. Bahū kho pana pūraṇassa kassapassa sāvakā vādaṃ āropetvā apakkantā – ‘‘na tvaṃ imaṃ dhammavinayaṃ ājānāsi, ahaṃ imaṃ dhammavinayaṃ ājānāmi , kiṃ tvaṃ imaṃ dhammavinayaṃ ājānissasi? Micchāpaṭipanno tvamasi, ahamasmi sammāpaṭipanno, sahitaṃ me, asahitaṃ te, purevacanīyaṃ pacchā avaca, pacchāvacanīyaṃ pure avaca, adhiciṇṇaṃ te viparāvattaṃ, āropito te vādo, niggahitosi, cara vādappamokkhāya, nibbeṭhehi vā sace pahosī’’ti. Iti pūraṇo kassapo sāvakānaṃ na sakkato na garukato na mānito na pūjito, na ca pana pūraṇaṃ kassapaṃ sāvakā sakkatvā garuṃ katvā upanissāya viharanti. Akkuṭṭho ca pana pūraṇo kassapo dhammakkosenā’’’ti.

‘‘згажжз звамаахам̣су – ‘аяамби ко магкали г̇осаало…бз… аж̇ид̇о гзсагамб̣ало… багуд̇хо гажжааяано… сан̃ж̇аяо б̣зладтабуд̇д̇о… ниг̇ан̣то наадабуд̇д̇о сан̇гхий жзва г̇ан̣ий жа г̇ан̣аажарияо жа н̃аад̇о яасассий д̇ид̇т̇агаро саад̇хусаммад̇о б̣ахуж̇анасса; со жа ко саавагаанам̣ на саггад̇о на г̇аругад̇о на маанид̇о на бууж̇ид̇о, на жа бана ниг̇ан̣там̣ наадабуд̇д̇ам̣ саавагаа саггад̇ваа г̇арум̣ гад̇ваа убаниссааяа вихаранд̇и. бхууд̇абуб̣б̣ам̣ ниг̇ан̣то наадабуд̇д̇о анзгасад̇ааяа барисааяа д̇хаммам̣ д̣̇зсзд̇и. д̇ад̇ран̃н̃ад̇аро ниг̇ан̣тасса наадабуд̇д̇асса сааваго сад̣̇д̣̇амагааси – маа бхонд̇о ниг̇ан̣там̣ наадабуд̇д̇ам̣ зд̇амад̇т̇ам̣ бужчид̇т̇а; нзсо зд̇ам̣ ж̇аанаад̇и; маяамзд̇ам̣ ж̇аанаама, амхз зд̇амад̇т̇ам̣ бужчат̇а; маяамзд̇ам̣ бхаванд̇аанам̣ б̣яаагариссаамаад̇и. бхууд̇абуб̣б̣ам̣ ниг̇ан̣то наадабуд̇д̇о б̣аахаа баг̇г̇аяха ганд̣̇анд̇о на лабхад̇и – ‘‘аббасад̣̇д̣̇аа бхонд̇о хонд̇у, маа бхонд̇о сад̣̇д̣̇амагад̇т̇а. нзд̇з бхаванд̇з бужчанд̇и, амхз зд̇з бужчанд̇и; маяамзд̇зсам̣ б̣яаагариссаамаа’’д̇и. б̣ахуу ко бана ниг̇ан̣тасса наадабуд̇д̇асса саавагаа ваад̣̇ам̣ ааробзд̇ваа абагганд̇аа – ‘‘на д̇вам̣ имам̣ д̇хаммавинаяам̣ ааж̇аанааси, ахам̣ имам̣ д̇хаммавинаяам̣ ааж̇аанаами. гим̣ д̇вам̣ имам̣ д̇хаммавинаяам̣ ааж̇ааниссаси? мижчаабадибанно д̇вамаси. ахамасми саммаабадибанно. сахид̇ам̣ мз асахид̇ам̣ д̇з, бурзважанийяам̣ бажчаа аважа, бажчааважанийяам̣ бурз аважа, ад̇хижин̣н̣ам̣ д̇з вибараавад̇д̇ам̣, ааробид̇о д̇з ваад̣̇о, ниг̇г̇ахид̇оси, жара ваад̣̇аббамогкааяа, ниб̣б̣зтзхи ваа сажз бахосий’’д̇и. ид̇и ниг̇ан̣то наадабуд̇д̇о саавагаанам̣ на саггад̇о на г̇аругад̇о на маанид̇о на бууж̇ид̇о, на жа бана ниг̇ан̣там̣ наадабуд̇д̇ам̣ саавагаа саггад̇ваа г̇арум̣ гад̇ваа убаниссааяа вихаранд̇и. аггудто жа бана ниг̇ан̣то наадабуд̇д̇о д̇хаммаггосзнаа’’’д̇и.

‘‘Ekacce evamāhaṃsu – ‘ayampi kho makkhali gosālo…pe… ajito kesakambalo… pakudho kaccāyano… sañjayo belaṭṭhaputto… nigaṇṭho nāṭaputto saṅghī ceva gaṇī ca gaṇācariyo ca ñāto yasassī titthakaro sādhusammato bahujanassa; so ca kho sāvakānaṃ na sakkato na garukato na mānito na pūjito, na ca pana nigaṇṭhaṃ nāṭaputtaṃ sāvakā sakkatvā garuṃ katvā upanissāya viharanti. Bhūtapubbaṃ nigaṇṭho nāṭaputto anekasatāya parisāya dhammaṃ deseti. Tatraññataro nigaṇṭhassa nāṭaputtassa sāvako saddamakāsi – mā bhonto nigaṇṭhaṃ nāṭaputtaṃ etamatthaṃ pucchittha; neso etaṃ jānāti; mayametaṃ jānāma, amhe etamatthaṃ pucchatha; mayametaṃ bhavantānaṃ byākarissāmāti. Bhūtapubbaṃ nigaṇṭho nāṭaputto bāhā paggayha kandanto na labhati – ‘‘appasaddā bhonto hontu, mā bhonto saddamakattha. Nete bhavante pucchanti, amhe ete pucchanti; mayametesaṃ byākarissāmā’’ti. Bahū kho pana nigaṇṭhassa nāṭaputtassa sāvakā vādaṃ āropetvā apakkantā – ‘‘na tvaṃ imaṃ dhammavinayaṃ ājānāsi, ahaṃ imaṃ dhammavinayaṃ ājānāmi. Kiṃ tvaṃ imaṃ dhammavinayaṃ ājānissasi? Micchāpaṭipanno tvamasi. Ahamasmi sammāpaṭipanno. Sahitaṃ me asahitaṃ te, purevacanīyaṃ pacchā avaca, pacchāvacanīyaṃ pure avaca, adhiciṇṇaṃ te viparāvattaṃ, āropito te vādo, niggahitosi, cara vādappamokkhāya, nibbeṭhehi vā sace pahosī’’ti. Iti nigaṇṭho nāṭaputto sāvakānaṃ na sakkato na garukato na mānito na pūjito, na ca pana nigaṇṭhaṃ nāṭaputtaṃ sāvakā sakkatvā garuṃ katvā upanissāya viharanti. Akkuṭṭho ca pana nigaṇṭho nāṭaputto dhammakkosenā’’’ti.

240. ‘‘згажжз звамаахам̣су – ‘аяамби ко саман̣о г̇од̇амо сан̇гхий жзва г̇ан̣ий жа г̇ан̣аажарияо жа н̃аад̇о яасассий д̇ид̇т̇агаро саад̇хусаммад̇о б̣ахуж̇анасса; со жа ко саавагаанам̣ саггад̇о г̇аругад̇о маанид̇о бууж̇ид̇о, саман̣ан̃жа бана г̇од̇амам̣ саавагаа саггад̇ваа г̇арум̣ гад̇ваа убаниссааяа вихаранд̇и. бхууд̇абуб̣б̣ам̣ саман̣о г̇од̇амо анзгасад̇ааяа барисааяа д̇хаммам̣ д̣̇зсзси. д̇ад̇ран̃н̃ад̇аро саман̣асса г̇од̇амасса сааваго уггааси. д̇амзнаан̃н̃ад̇аро саб̣рахмажаарий ж̇ан̣н̣угзна ⁵ гхаддзси – ‘‘аббасад̣̇д̣̇о ааяасмаа ход̇у, мааяасмаа сад̣̇д̣̇амагааси, сад̇т̇аа но бхаг̇аваа д̇хаммам̣ д̣̇зсзсий’’д̇и. яасмим̣ самаяз саман̣о г̇од̇амо анзгасад̇ааяа барисааяа д̇хаммам̣ д̣̇зсзд̇и, нзва д̇асмим̣ самаяз саман̣асса г̇од̇амасса саавагаанам̣ кибид̇асад̣̇д̣̇о ваа ход̇и уггаасид̇асад̣̇д̣̇о ваа. д̇амзнам̣ махааж̇анагааяо бажжаасийсамаанаруубо ⁶ бажжубадтид̇о ход̇и – ‘‘яам̣ но бхаг̇аваа д̇хаммам̣ бхаасиссад̇и д̇ам̣ но соссаамаа’’д̇и. сзяяат̇ааби наама бурисо жаад̇уммахаабат̇з куд̣̇д̣̇амад̇хум̣ ⁷ анзлагам̣ бийл̣зяяа ⁸. д̇амзнам̣ махааж̇анагааяо бажжаасийсамаанаруубо бажжубадтид̇о асса. звамзва яасмим̣ самаяз саман̣о г̇од̇амо анзгасад̇ааяа барисааяа д̇хаммам̣ д̣̇зсзд̇и, нзва д̇асмим̣ самаяз саман̣асса г̇од̇амасса саавагаанам̣ кибид̇асад̣̇д̣̇о ваа ход̇и уггаасид̇асад̣̇д̣̇о ваа. д̇амзнам̣ махааж̇анагааяо бажжаасийсамаанаруубо бажжубадтид̇о ход̇и – ‘‘яам̣ но бхаг̇аваа д̇хаммам̣ бхаасиссад̇и д̇ам̣ но соссаамаа’’д̇и. язби саман̣асса г̇од̇амасса саавагаа саб̣рахмажаарийхи самбаяож̇зд̇ваа сигкам̣ бажжагкааяа хийнааяаавад̇д̇анд̇и д̇зби сад̇т̇у жзва ван̣н̣аваад̣̇ино хонд̇и, д̇хаммасса жа ван̣н̣аваад̣̇ино хонд̇и, сан̇гхасса жа ван̣н̣аваад̣̇ино хонд̇и, ад̇д̇аг̇арахиноязва хонд̇и анан̃н̃аг̇арахино, ‘‘маяамзвамхаа алагкигаа маяам̣ аббабун̃н̃аа д̇з маяам̣ звам̣ сваагкаад̇з д̇хаммавинаяз баб̣б̣аж̇ид̇ваа наасагкимхаа яааваж̇ийвам̣ барибун̣н̣ам̣ барисуд̣̇д̇хам̣ б̣рахмажарияам̣ жарид̇у’’нд̇и. д̇з аараамигабхууд̇аа ваа убаасагабхууд̇аа ваа бан̃жасигкаабад̣̇з самаад̣̇ааяа вад̇д̇анд̇и. ид̇и саман̣о г̇од̇амо саавагаанам̣ саггад̇о г̇аругад̇о маанид̇о бууж̇ид̇о, саман̣ан̃жа бана г̇од̇амам̣ саавагаа саггад̇ваа г̇арум̣ гад̇ваа убаниссааяа вихаранд̇ий’’’д̇и.

240. ‘‘Ekacce evamāhaṃsu – ‘ayampi kho samaṇo gotamo saṅghī ceva gaṇī ca gaṇācariyo ca ñāto yasassī titthakaro sādhusammato bahujanassa; so ca kho sāvakānaṃ sakkato garukato mānito pūjito, samaṇañca pana gotamaṃ sāvakā sakkatvā garuṃ katvā upanissāya viharanti. Bhūtapubbaṃ samaṇo gotamo anekasatāya parisāya dhammaṃ desesi. Tatraññataro samaṇassa gotamassa sāvako ukkāsi. Tamenāññataro sabrahmacārī jaṇṇukena ⁹ ghaṭṭesi – ‘‘appasaddo āyasmā hotu, māyasmā saddamakāsi, satthā no bhagavā dhammaṃ desesī’’ti. Yasmiṃ samaye samaṇo gotamo anekasatāya parisāya dhammaṃ deseti, neva tasmiṃ samaye samaṇassa gotamassa sāvakānaṃ khipitasaddo vā hoti ukkāsitasaddo vā. Tamenaṃ mahājanakāyo paccāsīsamānarūpo ¹⁰ paccupaṭṭhito hoti – ‘‘yaṃ no bhagavā dhammaṃ bhāsissati taṃ no sossāmā’’ti. Seyyathāpi nāma puriso cātummahāpathe khuddamadhuṃ ¹¹ anelakaṃ pīḷeyya ¹². Tamenaṃ mahājanakāyo paccāsīsamānarūpo paccupaṭṭhito assa. Evameva yasmiṃ samaye samaṇo gotamo anekasatāya parisāya dhammaṃ deseti, neva tasmiṃ samaye samaṇassa gotamassa sāvakānaṃ khipitasaddo vā hoti ukkāsitasaddo vā. Tamenaṃ mahājanakāyo paccāsīsamānarūpo paccupaṭṭhito hoti – ‘‘yaṃ no bhagavā dhammaṃ bhāsissati taṃ no sossāmā’’ti. Yepi samaṇassa gotamassa sāvakā sabrahmacārīhi sampayojetvā sikkhaṃ paccakkhāya hīnāyāvattanti tepi satthu ceva vaṇṇavādino honti, dhammassa ca vaṇṇavādino honti, saṅghassa ca vaṇṇavādino honti, attagarahinoyeva honti anaññagarahino, ‘‘mayamevamhā alakkhikā mayaṃ appapuññā te mayaṃ evaṃ svākkhāte dhammavinaye pabbajitvā nāsakkhimhā yāvajīvaṃ paripuṇṇaṃ parisuddhaṃ brahmacariyaṃ caritu’’nti. Te ārāmikabhūtā vā upāsakabhūtā vā pañcasikkhāpade samādāya vattanti. Iti samaṇo gotamo sāvakānaṃ sakkato garukato mānito pūjito, samaṇañca pana gotamaṃ sāvakā sakkatvā garuṃ katvā upanissāya viharantī’’’ti.

241. ‘‘гад̇и бана д̇вам̣, уд̣̇ааяи, маяи д̇хаммз саманубассаси, язхи мамам̣ ¹³ саавагаа саггаронд̇и г̇арум̣ гаронд̇и ¹⁴ маанзнд̇и бууж̇знд̇и, саггад̇ваа г̇арум̣ гад̇ваа убаниссааяа вихаранд̇ий’’д̇и? ‘‘бан̃жа ко ахам̣, бханд̇з, бхаг̇авад̇и д̇хаммз саманубассаами язхи бхаг̇аванд̇ам̣ саавагаа саггаронд̇и г̇арум̣ гаронд̇и маанзнд̇и бууж̇знд̇и, саггад̇ваа г̇арум̣ гад̇ваа убаниссааяа вихаранд̇и. гад̇амз бан̃жа? бхаг̇аваа хи, бханд̇з, аббаахааро, аббаахаарад̇ааяа жа ван̣н̣аваад̣̇ий. яамби, бханд̇з, бхаг̇аваа аббаахааро, аббаахаарад̇ааяа жа ван̣н̣аваад̣̇ий имам̣ ко ахам̣, бханд̇з, бхаг̇авад̇и батамам̣ д̇хаммам̣ саманубассаами язна бхаг̇аванд̇ам̣ саавагаа саггаронд̇и г̇арум̣ гаронд̇и маанзнд̇и бууж̇знд̇и, саггад̇ваа г̇арум̣ гад̇ваа убаниссааяа вихаранд̇и.

241. ‘‘Kati pana tvaṃ, udāyi, mayi dhamme samanupassasi, yehi mamaṃ ¹⁵ sāvakā sakkaronti garuṃ karonti ¹⁶ mānenti pūjenti, sakkatvā garuṃ katvā upanissāya viharantī’’ti? ‘‘Pañca kho ahaṃ, bhante, bhagavati dhamme samanupassāmi yehi bhagavantaṃ sāvakā sakkaronti garuṃ karonti mānenti pūjenti, sakkatvā garuṃ katvā upanissāya viharanti. Katame pañca? Bhagavā hi, bhante, appāhāro, appāhāratāya ca vaṇṇavādī. Yampi, bhante, bhagavā appāhāro, appāhāratāya ca vaṇṇavādī imaṃ kho ahaṃ, bhante, bhagavati paṭhamaṃ dhammaṃ samanupassāmi yena bhagavantaṃ sāvakā sakkaronti garuṃ karonti mānenti pūjenti, sakkatvā garuṃ katvā upanissāya viharanti.

‘‘буна жабарам̣, бханд̇з, бхаг̇аваа санд̇удто ид̇арийд̇арзна жийварзна, ид̇арийд̇аражийварасанд̇удтияаа жа ван̣н̣аваад̣̇ий. яамби, бханд̇з, бхаг̇аваа санд̇удто ид̇арийд̇арзна жийварзна, ид̇арийд̇аражийварасанд̇удтияаа жа ван̣н̣аваад̣̇ий, имам̣ ко ахам̣, бханд̇з, бхаг̇авад̇и д̣̇уд̇ияам̣ д̇хаммам̣ саманубассаами язна бхаг̇аванд̇ам̣ саавагаа саггаронд̇и г̇арум̣ гаронд̇и маанзнд̇и бууж̇знд̇и, саггад̇ваа г̇арум̣ гад̇ваа убаниссааяа вихаранд̇и.

‘‘Puna caparaṃ, bhante, bhagavā santuṭṭho itarītarena cīvarena, itarītaracīvarasantuṭṭhiyā ca vaṇṇavādī. Yampi, bhante, bhagavā santuṭṭho itarītarena cīvarena, itarītaracīvarasantuṭṭhiyā ca vaṇṇavādī, imaṃ kho ahaṃ, bhante, bhagavati dutiyaṃ dhammaṃ samanupassāmi yena bhagavantaṃ sāvakā sakkaronti garuṃ karonti mānenti pūjenti, sakkatvā garuṃ katvā upanissāya viharanti.

‘‘буна жабарам̣, бханд̇з, бхаг̇аваа санд̇удто ид̇арийд̇арзна бин̣д̣абаад̇зна, ид̇арийд̇арабин̣д̣абаад̇асанд̇удтияаа жа ван̣н̣аваад̣̇ий. яамби, бханд̇з, бхаг̇аваа санд̇удто ид̇арийд̇арзна бин̣д̣абаад̇зна, ид̇арийд̇арабин̣д̣абаад̇асанд̇удтияаа жа ван̣н̣аваад̣̇ий, имам̣ ко ахам̣, бханд̇з, бхаг̇авад̇и д̇ад̇ияам̣ д̇хаммам̣ саманубассаами язна бхаг̇аванд̇ам̣ саавагаа саггаронд̇и г̇арум̣ гаронд̇и маанзнд̇и бууж̇знд̇и, саггад̇ваа г̇арум̣ гад̇ваа убаниссааяа вихаранд̇и.

‘‘Puna caparaṃ, bhante, bhagavā santuṭṭho itarītarena piṇḍapātena, itarītarapiṇḍapātasantuṭṭhiyā ca vaṇṇavādī. Yampi, bhante, bhagavā santuṭṭho itarītarena piṇḍapātena, itarītarapiṇḍapātasantuṭṭhiyā ca vaṇṇavādī, imaṃ kho ahaṃ, bhante, bhagavati tatiyaṃ dhammaṃ samanupassāmi yena bhagavantaṃ sāvakā sakkaronti garuṃ karonti mānenti pūjenti, sakkatvā garuṃ katvā upanissāya viharanti.

‘‘буна жабарам̣, бханд̇з, бхаг̇аваа санд̇удто ид̇арийд̇арзна сзнаасанзна, ид̇арийд̇арасзнаасанасанд̇удтияаа жа ван̣н̣аваад̣̇ий. яамби, бханд̇з, бхаг̇аваа санд̇удто ид̇арийд̇арзна сзнаасанзна, ид̇арийд̇арасзнаасанасанд̇удтияаа жа ван̣н̣аваад̣̇ий, имам̣ ко ахам̣, бханд̇з, бхаг̇авад̇и жад̇уд̇т̇ам̣ д̇хаммам̣ саманубассаами язна бхаг̇аванд̇ам̣ саавагаа саггаронд̇и г̇арум̣ гаронд̇и маанзнд̇и бууж̇знд̇и, саггад̇ваа г̇арум̣ гад̇ваа убаниссааяа вихаранд̇и.

‘‘Puna caparaṃ, bhante, bhagavā santuṭṭho itarītarena senāsanena, itarītarasenāsanasantuṭṭhiyā ca vaṇṇavādī. Yampi, bhante, bhagavā santuṭṭho itarītarena senāsanena, itarītarasenāsanasantuṭṭhiyā ca vaṇṇavādī, imaṃ kho ahaṃ, bhante, bhagavati catutthaṃ dhammaṃ samanupassāmi yena bhagavantaṃ sāvakā sakkaronti garuṃ karonti mānenti pūjenti, sakkatvā garuṃ katvā upanissāya viharanti.

‘‘буна жабарам̣, бханд̇з, бхаг̇аваа бавивид̇д̇о, бавивзгасса жа ван̣н̣аваад̣̇ий . яамби, бханд̇з, бхаг̇аваа бавивид̇д̇о, бавивзгасса жа ван̣н̣аваад̣̇ий, имам̣ ко ахам̣, бханд̇з, бхаг̇авад̇и бан̃жамам̣ д̇хаммам̣ саманубассаами язна бхаг̇аванд̇ам̣ саавагаа саггаронд̇и г̇арум̣ гаронд̇и маанзнд̇и бууж̇знд̇и, саггад̇ваа г̇арум̣ гад̇ваа убаниссааяа вихаранд̇и.

‘‘Puna caparaṃ, bhante, bhagavā pavivitto, pavivekassa ca vaṇṇavādī . Yampi, bhante, bhagavā pavivitto, pavivekassa ca vaṇṇavādī, imaṃ kho ahaṃ, bhante, bhagavati pañcamaṃ dhammaṃ samanupassāmi yena bhagavantaṃ sāvakā sakkaronti garuṃ karonti mānenti pūjenti, sakkatvā garuṃ katvā upanissāya viharanti.

‘‘имз ко ахам̣, бханд̇з, бхаг̇авад̇и бан̃жа д̇хаммз саманубассаами язхи бхаг̇аванд̇ам̣ саавагаа саггаронд̇и г̇арум̣ гаронд̇и маанзнд̇и бууж̇знд̇и, саггад̇ваа г̇арум̣ гад̇ваа убаниссааяа вихаранд̇ий’’д̇и.

‘‘Ime kho ahaṃ, bhante, bhagavati pañca dhamme samanupassāmi yehi bhagavantaṃ sāvakā sakkaronti garuṃ karonti mānenti pūjenti, sakkatvā garuṃ katvā upanissāya viharantī’’ti.

242. ‘‘‘аббаахааро саман̣о г̇од̇амо, аббаахаарад̇ааяа жа ван̣н̣аваад̣̇ий’д̇и, ид̇и жз мам̣, уд̣̇ааяи, саавагаа саггарзяяум̣ г̇арум̣ гарзяяум̣ маанзяяум̣ бууж̇зяяум̣, саггад̇ваа г̇арум̣ гад̇ваа убаниссааяа вихарзяяум̣, санд̇и ко бана мз, уд̣̇ааяи, саавагаа госагаахаарааби ад̣дхагосагаахаарааби б̣злуваахаарааби ад̣дхаб̣злуваахаарааби. ахам̣ ко бана, уд̣̇ааяи, аббзгад̣̇аа иминаа бад̇д̇зна самад̇ид̇д̇игамби бхун̃ж̇аами бхияяоби бхун̃ж̇аами. ‘аббаахааро саман̣о г̇од̇амо, аббаахаарад̇ааяа жа ван̣н̣аваад̣̇ий’д̇и, ид̇и жз мам̣, уд̣̇ааяи, саавагаа саггарзяяум̣ г̇арум̣ гарзяяум̣ маанзяяум̣ бууж̇зяяум̣, саггад̇ваа г̇арум̣ гад̇ваа убаниссааяа вихарзяяум̣, яз д̇з, уд̣̇ааяи, мама саавагаа госагаахаарааби ад̣дхагосагаахаарааби б̣злуваахаарааби ад̣дхаб̣злуваахаарааби на мам̣ д̇з иминаа д̇хаммзна саггарзяяум̣ г̇арум̣ гарзяяум̣ маанзяяум̣ бууж̇зяяум̣, саггад̇ваа г̇арум̣ гад̇ваа убаниссааяа вихарзяяум̣.

242. ‘‘‘Appāhāro samaṇo gotamo, appāhāratāya ca vaṇṇavādī’ti, iti ce maṃ, udāyi, sāvakā sakkareyyuṃ garuṃ kareyyuṃ māneyyuṃ pūjeyyuṃ, sakkatvā garuṃ katvā upanissāya vihareyyuṃ, santi kho pana me, udāyi, sāvakā kosakāhārāpi aḍḍhakosakāhārāpi beluvāhārāpi aḍḍhabeluvāhārāpi. Ahaṃ kho pana, udāyi, appekadā iminā pattena samatittikampi bhuñjāmi bhiyyopi bhuñjāmi. ‘Appāhāro samaṇo gotamo, appāhāratāya ca vaṇṇavādī’ti, iti ce maṃ, udāyi, sāvakā sakkareyyuṃ garuṃ kareyyuṃ māneyyuṃ pūjeyyuṃ, sakkatvā garuṃ katvā upanissāya vihareyyuṃ, ye te, udāyi, mama sāvakā kosakāhārāpi aḍḍhakosakāhārāpi beluvāhārāpi aḍḍhabeluvāhārāpi na maṃ te iminā dhammena sakkareyyuṃ garuṃ kareyyuṃ māneyyuṃ pūjeyyuṃ, sakkatvā garuṃ katvā upanissāya vihareyyuṃ.

‘‘‘санд̇удто саман̣о г̇од̇амо ид̇арийд̇арзна жийварзна, ид̇арийд̇аражийварасанд̇удтияаа жа ван̣н̣аваад̣̇ий’д̇и, ид̇и жз мам̣, уд̣̇ааяи, саавагаа саггарзяяум̣ г̇арум̣ гарзяяум̣ маанзяяум̣ бууж̇зяяум̣, саггад̇ваа г̇арум̣ гад̇ваа убаниссааяа вихарзяяум̣, санд̇и ко бана мз, уд̣̇ааяи, саавагаа бам̣сугуулигаа луукажийварад̇хараа д̇з сусаанаа ваа сан̇гаарагуудаа ваа баабан̣игаа ваа нанд̇агаани ¹⁷ ужжинид̇ваа ¹⁸ сан̇гхаадим̣ гарид̇ваа д̇хаарзнд̇и. ахам̣ ко бануд̣̇ааяи, аббзгад̣̇аа г̇ахабад̇ижийвараани д̇хаарзми д̣̇ал̣хаани сад̇т̇алуукаани алааб̣уломасаани. ‘санд̇удто саман̣о г̇од̇амо ид̇арийд̇арзна жийварзна, ид̇арийд̇аражийварасанд̇удтияаа жа ван̣н̣аваад̣̇ий’д̇и, ид̇и жз мам̣, уд̣̇ааяи, саавагаа саггарзяяум̣ г̇арум̣ гарзяяум̣ маанзяяум̣ бууж̇зяяум̣, саггад̇ваа г̇арум̣ гад̇ваа убаниссааяа вихарзяяум̣, яз д̇з, уд̣̇ааяи, мама саавагаа бам̣сугуулигаа луукажийварад̇хараа д̇з сусаанаа ваа сан̇гаарагуудаа ваа баабан̣игаа ваа нанд̇агаани ужжинид̇ваа сан̇гхаадим̣ гарид̇ваа д̇хаарзнд̇и, на мам̣ д̇з иминаа д̇хаммзна саггарзяяум̣ г̇арум̣ гарзяяум̣ маанзяяум̣ бууж̇зяяум̣, саггад̇ваа г̇арум̣ гад̇ваа убаниссааяа вихарзяяум̣.

‘‘‘Santuṭṭho samaṇo gotamo itarītarena cīvarena, itarītaracīvarasantuṭṭhiyā ca vaṇṇavādī’ti, iti ce maṃ, udāyi, sāvakā sakkareyyuṃ garuṃ kareyyuṃ māneyyuṃ pūjeyyuṃ, sakkatvā garuṃ katvā upanissāya vihareyyuṃ, santi kho pana me, udāyi, sāvakā paṃsukūlikā lūkhacīvaradharā te susānā vā saṅkārakūṭā vā pāpaṇikā vā nantakāni ¹⁹ uccinitvā ²⁰ saṅghāṭiṃ karitvā dhārenti. Ahaṃ kho panudāyi, appekadā gahapaticīvarāni dhāremi daḷhāni satthalūkhāni alābulomasāni. ‘Santuṭṭho samaṇo gotamo itarītarena cīvarena, itarītaracīvarasantuṭṭhiyā ca vaṇṇavādī’ti, iti ce maṃ, udāyi, sāvakā sakkareyyuṃ garuṃ kareyyuṃ māneyyuṃ pūjeyyuṃ, sakkatvā garuṃ katvā upanissāya vihareyyuṃ, ye te, udāyi, mama sāvakā paṃsukūlikā lūkhacīvaradharā te susānā vā saṅkārakūṭā vā pāpaṇikā vā nantakāni uccinitvā saṅghāṭiṃ karitvā dhārenti, na maṃ te iminā dhammena sakkareyyuṃ garuṃ kareyyuṃ māneyyuṃ pūjeyyuṃ, sakkatvā garuṃ katvā upanissāya vihareyyuṃ.

‘‘‘санд̇удто саман̣о г̇од̇амо ид̇арийд̇арзна бин̣д̣абаад̇зна, ид̇арийд̇арабин̣д̣абаад̇асанд̇удтияаа жа ван̣н̣аваад̣̇ий’д̇и, ид̇и жз мам̣, уд̣̇ааяи, саавагаа саггарзяяум̣ г̇арум̣ гарзяяум̣ маанзяяум̣ бууж̇зяяум̣, саггад̇ваа г̇арум̣ гад̇ваа убаниссааяа вихарзяяум̣, санд̇и ко бана мз, уд̣̇ааяи, саавагаа бин̣д̣абаад̇игаа сабад̣̇аанажаарино ун̃чаасагз вад̇з рад̇аа, д̇з анд̇арагхарам̣ бавидтаа самаанаа аасанзнаби ниманд̇ияамаанаа на саад̣̇ияанд̇и. ахам̣ ко бануд̣̇ааяи, аббзгад̣̇аа ниманд̇анзби ²¹ бхун̃ж̇аами саалийнам̣ од̣̇анам̣ вижид̇агаал̣агам̣ анзгасуубам̣ анзгаб̣яан̃ж̇анам̣. ‘санд̇удто саман̣о г̇од̇амо ид̇арийд̇арзна бин̣д̣абаад̇зна, ид̇арийд̇арабин̣д̣абаад̇асанд̇удтияаа жа ван̣н̣аваад̣̇ий’д̇и, ид̇и жз мам̣, уд̣̇ааяи, саавагаа саггарзяяум̣ г̇арум̣ гарзяяум̣ маанзяяум̣ бууж̇зяяум̣, саггад̇ваа г̇арум̣ гад̇ваа убаниссааяа вихарзяяум̣, яз д̇з, уд̣̇ааяи, мама саавагаа бин̣д̣абаад̇игаа сабад̣̇аанажаарино ун̃чаасагз вад̇з рад̇аа д̇з анд̇арагхарам̣ бавидтаа самаанаа аасанзнаби ниманд̇ияамаанаа на саад̣̇ияанд̇и, на мам̣ д̇з иминаа д̇хаммзна саггарзяяум̣ г̇арум̣ гарзяяум̣ маанзяяум̣ бууж̇зяяум̣, саггад̇ваа г̇арум̣ гад̇ваа убаниссааяа вихарзяяум̣.

‘‘‘Santuṭṭho samaṇo gotamo itarītarena piṇḍapātena, itarītarapiṇḍapātasantuṭṭhiyā ca vaṇṇavādī’ti, iti ce maṃ, udāyi, sāvakā sakkareyyuṃ garuṃ kareyyuṃ māneyyuṃ pūjeyyuṃ, sakkatvā garuṃ katvā upanissāya vihareyyuṃ, santi kho pana me, udāyi, sāvakā piṇḍapātikā sapadānacārino uñchāsake vate ratā, te antaragharaṃ paviṭṭhā samānā āsanenapi nimantiyamānā na sādiyanti. Ahaṃ kho panudāyi, appekadā nimantanepi ²² bhuñjāmi sālīnaṃ odanaṃ vicitakāḷakaṃ anekasūpaṃ anekabyañjanaṃ. ‘Santuṭṭho samaṇo gotamo itarītarena piṇḍapātena, itarītarapiṇḍapātasantuṭṭhiyā ca vaṇṇavādī’ti, iti ce maṃ, udāyi, sāvakā sakkareyyuṃ garuṃ kareyyuṃ māneyyuṃ pūjeyyuṃ, sakkatvā garuṃ katvā upanissāya vihareyyuṃ, ye te, udāyi, mama sāvakā piṇḍapātikā sapadānacārino uñchāsake vate ratā te antaragharaṃ paviṭṭhā samānā āsanenapi nimantiyamānā na sādiyanti, na maṃ te iminā dhammena sakkareyyuṃ garuṃ kareyyuṃ māneyyuṃ pūjeyyuṃ, sakkatvā garuṃ katvā upanissāya vihareyyuṃ.

‘‘‘санд̇удто саман̣о г̇од̇амо ид̇арийд̇арзна сзнаасанзна, ид̇арийд̇арасзнаасанасанд̇удтияаа жа ван̣н̣аваад̣̇ий’д̇и, ид̇и жз мам̣, уд̣̇ааяи, саавагаа саггарзяяум̣ г̇арум̣ гарзяяум̣ маанзяяум̣ бууж̇зяяум̣, саггад̇ваа г̇арум̣ гад̇ваа убаниссааяа вихарзяяум̣, санд̇и ко бана мз, уд̣̇ааяи, саавагаа ругкамуулигаа аб̣бхогаасигаа, д̇з адтамаасз чаннам̣ на убзнд̇и. ахам̣ ко бануд̣̇ааяи, аббзгад̣̇аа гуудааг̇аарзсуби вихараами уллид̇д̇аавалид̇д̇зсу ниваад̇зсу пусид̇аг̇г̇ал̣зсу ²³ бихид̇аваад̇абаанзсу. ‘санд̇удто саман̣о г̇од̇амо ид̇арийд̇арзна сзнаасанзна, ид̇арийд̇арасзнаасанасанд̇удтияаа жа ван̣н̣аваад̣̇ий’д̇и, ид̇и жз мам̣, уд̣̇ааяи, саавагаа саггарзяяум̣ г̇арум̣ гарзяяум̣ маанзяяум̣ бууж̇зяяум̣, саггад̇ваа г̇арум̣ гад̇ваа убаниссааяа вихарзяяум̣, яз д̇з, уд̣̇ааяи, мама саавагаа ругкамуулигаа аб̣бхогаасигаа д̇з адтамаасз чаннам̣ на убзнд̇и, на мам̣ д̇з иминаа д̇хаммзна саггарзяяум̣ г̇арум̣ гарзяяум̣ маанзяяум̣ бууж̇зяяум̣, саггад̇ваа г̇арум̣ гад̇ваа убаниссааяа вихарзяяум̣.

‘‘‘Santuṭṭho samaṇo gotamo itarītarena senāsanena, itarītarasenāsanasantuṭṭhiyā ca vaṇṇavādī’ti, iti ce maṃ, udāyi, sāvakā sakkareyyuṃ garuṃ kareyyuṃ māneyyuṃ pūjeyyuṃ, sakkatvā garuṃ katvā upanissāya vihareyyuṃ, santi kho pana me, udāyi, sāvakā rukkhamūlikā abbhokāsikā, te aṭṭhamāse channaṃ na upenti. Ahaṃ kho panudāyi, appekadā kūṭāgāresupi viharāmi ullittāvalittesu nivātesu phusitaggaḷesu ²⁴ pihitavātapānesu. ‘Santuṭṭho samaṇo gotamo itarītarena senāsanena, itarītarasenāsanasantuṭṭhiyā ca vaṇṇavādī’ti, iti ce maṃ, udāyi, sāvakā sakkareyyuṃ garuṃ kareyyuṃ māneyyuṃ pūjeyyuṃ, sakkatvā garuṃ katvā upanissāya vihareyyuṃ, ye te, udāyi, mama sāvakā rukkhamūlikā abbhokāsikā te aṭṭhamāse channaṃ na upenti, na maṃ te iminā dhammena sakkareyyuṃ garuṃ kareyyuṃ māneyyuṃ pūjeyyuṃ, sakkatvā garuṃ katvā upanissāya vihareyyuṃ.

‘‘‘бавивид̇д̇о саман̣о г̇од̇амо, бавивзгасса жа ван̣н̣аваад̣̇ий’д̇и, ид̇и жз мам̣, уд̣̇ааяи, саавагаа саггарзяяум̣ г̇арум̣ гарзяяум̣ маанзяяум̣ бууж̇зяяум̣, саггад̇ваа г̇арум̣ гад̇ваа убаниссааяа вихарзяяум̣, санд̇и ко бана мз, уд̣̇ааяи, саавагаа ааран̃н̃игаа банд̇асзнаасанаа аран̃н̃аванабад̇т̇аани банд̇аани сзнаасанаани аж̇жхог̇аахзд̇ваа вихаранд̇и, д̇з анвад̣̇д̇хамаасам̣ сан̇гхамаж̇жхз осаранд̇и баад̇имогкуд̣̇д̣̇зсааяа. ахам̣ ко бануд̣̇ааяи, аббзгад̣̇аа аагин̣н̣о вихараами бхигкуухи бхигкунийхи убаасагзхи убаасигаахи ран̃н̃аа рааж̇амахаамад̇д̇зхи д̇ид̇т̇иязхи д̇ид̇т̇ияасаавагзхи. ‘бавивид̇д̇о саман̣о г̇од̇амо, бавивзгасса жа ван̣н̣аваад̣̇ий’д̇и, ид̇и жз мам̣, уд̣̇ааяи, саавагаа саггарзяяум̣ г̇арум̣ гарзяяум̣ маанзяяум̣ бууж̇зяяум̣, саггад̇ваа г̇арум̣ гад̇ваа убаниссааяа вихарзяяум̣, яз д̇з, уд̣̇ааяи, мама саавагаа ааран̃н̃агаа банд̇асзнаасанаа аран̃н̃аванабад̇т̇аани банд̇аани сзнаасанаани аж̇жхог̇аахзд̇ваа вихаранд̇и д̇з анвад̣̇д̇хамаасам̣ сан̇гхамаж̇жхз осаранд̇и баад̇имогкуд̣̇д̣̇зсааяа, на мам̣ д̇з иминаа д̇хаммзна саггарзяяум̣ г̇арум̣ гарзяяум̣ маанзяяум̣ бууж̇зяяум̣, саггад̇ваа г̇арум̣ гад̇ваа убаниссааяа вихарзяяум̣.

‘‘‘Pavivitto samaṇo gotamo, pavivekassa ca vaṇṇavādī’ti, iti ce maṃ, udāyi, sāvakā sakkareyyuṃ garuṃ kareyyuṃ māneyyuṃ pūjeyyuṃ, sakkatvā garuṃ katvā upanissāya vihareyyuṃ, santi kho pana me, udāyi, sāvakā āraññikā pantasenāsanā araññavanapatthāni pantāni senāsanāni ajjhogāhetvā viharanti, te anvaddhamāsaṃ saṅghamajjhe osaranti pātimokkhuddesāya. Ahaṃ kho panudāyi, appekadā ākiṇṇo viharāmi bhikkhūhi bhikkhunīhi upāsakehi upāsikāhi raññā rājamahāmattehi titthiyehi titthiyasāvakehi. ‘Pavivitto samaṇo gotamo, pavivekassa ca vaṇṇavādī’ti, iti ce maṃ, udāyi, sāvakā sakkareyyuṃ garuṃ kareyyuṃ māneyyuṃ pūjeyyuṃ, sakkatvā garuṃ katvā upanissāya vihareyyuṃ, ye te, udāyi, mama sāvakā āraññakā pantasenāsanā araññavanapatthāni pantāni senāsanāni ajjhogāhetvā viharanti te anvaddhamāsaṃ saṅghamajjhe osaranti pātimokkhuddesāya, na maṃ te iminā dhammena sakkareyyuṃ garuṃ kareyyuṃ māneyyuṃ pūjeyyuṃ, sakkatvā garuṃ katvā upanissāya vihareyyuṃ.

‘‘ид̇и ко, уд̣̇ааяи, на мамам̣ саавагаа имзхи бан̃жахи д̇хаммзхи саггаронд̇и г̇арум̣ гаронд̇и маанзнд̇и бууж̇знд̇и, саггад̇ваа г̇арум̣ гад̇ваа убаниссааяа вихаранд̇и.

‘‘Iti kho, udāyi, na mamaṃ sāvakā imehi pañcahi dhammehi sakkaronti garuṃ karonti mānenti pūjenti, sakkatvā garuṃ katvā upanissāya viharanti.

243. ‘‘ад̇т̇и ко, уд̣̇ааяи, ан̃н̃з жа бан̃жа д̇хаммаа язхи бан̃жахи д̇хаммзхи мамам̣ саавагаа саггаронд̇и г̇арум̣ гаронд̇и маанзнд̇и бууж̇знд̇и , саггад̇ваа г̇арум̣ гад̇ваа убаниссааяа вихаранд̇и. гад̇амз бан̃жа? ид̇худ̣̇ааяи, мамам̣ саавагаа ад̇хисийлз самбхаавзнд̇и – ‘сийлаваа саман̣о г̇од̇амо барамзна сийлагканд̇хзна саманнааг̇ад̇о’д̇и. яамбуд̣̇ааяи ²⁵, мамам̣ саавагаа ад̇хисийлз самбхаавзнд̇и – ‘сийлаваа саман̣о г̇од̇амо барамзна сийлагканд̇хзна саманнааг̇ад̇о’д̇и, аяам̣ ко, уд̣̇ааяи , батамо д̇хаммо язна мамам̣ саавагаа саггаронд̇и г̇арум̣ гаронд̇и маанзнд̇и бууж̇знд̇и, саггад̇ваа г̇арум̣ гад̇ваа убаниссааяа вихаранд̇и.

243. ‘‘Atthi kho, udāyi, aññe ca pañca dhammā yehi pañcahi dhammehi mamaṃ sāvakā sakkaronti garuṃ karonti mānenti pūjenti , sakkatvā garuṃ katvā upanissāya viharanti. Katame pañca? Idhudāyi, mamaṃ sāvakā adhisīle sambhāventi – ‘sīlavā samaṇo gotamo paramena sīlakkhandhena samannāgato’ti. Yampudāyi ²⁶, mamaṃ sāvakā adhisīle sambhāventi – ‘sīlavā samaṇo gotamo paramena sīlakkhandhena samannāgato’ti, ayaṃ kho, udāyi , paṭhamo dhammo yena mamaṃ sāvakā sakkaronti garuṃ karonti mānenti pūjenti, sakkatvā garuṃ katvā upanissāya viharanti.

244. ‘‘буна жабарам̣, уд̣̇ааяи, мамам̣ саавагаа абхигганд̇з н̃аан̣ад̣̇ассанз самбхаавзнд̇и – ‘ж̇аанам̣язвааха саман̣о г̇од̇амо – ж̇аанаамийд̇и, бассам̣язвааха саман̣о г̇од̇амо – бассаамийд̇и; абхин̃н̃ааяа саман̣о г̇од̇амо д̇хаммам̣ д̣̇зсзд̇и но анабхин̃н̃ааяа; санид̣̇аанам̣ саман̣о г̇од̇амо д̇хаммам̣ д̣̇зсзд̇и но анид̣̇аанам̣; саббаадихаарияам̣ саман̣о г̇од̇амо д̇хаммам̣ д̣̇зсзд̇и но аббаадихаарияа’нд̇и. яамбуд̣̇ааяи, мамам̣ саавагаа абхигганд̇з н̃аан̣ад̣̇ассанз самбхаавзнд̇и – ‘ж̇аанам̣язвааха саман̣о г̇од̇амо – ж̇аанаамийд̇и, бассам̣язвааха саман̣о г̇од̇амо – бассаамийд̇и; абхин̃н̃ааяа саман̣о г̇од̇амо д̇хаммам̣ д̣̇зсзд̇и но анабхин̃н̃ааяа; санид̣̇аанам̣ саман̣о г̇од̇амо д̇хаммам̣ д̣̇зсзд̇и но анид̣̇аанам̣; саббаадихаарияам̣ саман̣о г̇од̇амо д̇хаммам̣ д̣̇зсзд̇и но аббаадихаарияа’нд̇и, аяам̣ ко, уд̣̇ааяи, д̣̇уд̇ияо д̇хаммо язна мамам̣ саавагаа саггаронд̇и г̇арум̣ гаронд̇и маанзнд̇и бууж̇знд̇и, саггад̇ваа г̇арум̣ гад̇ваа убаниссааяа вихаранд̇и.

244. ‘‘Puna caparaṃ, udāyi, mamaṃ sāvakā abhikkante ñāṇadassane sambhāventi – ‘jānaṃyevāha samaṇo gotamo – jānāmīti, passaṃyevāha samaṇo gotamo – passāmīti; abhiññāya samaṇo gotamo dhammaṃ deseti no anabhiññāya; sanidānaṃ samaṇo gotamo dhammaṃ deseti no anidānaṃ; sappāṭihāriyaṃ samaṇo gotamo dhammaṃ deseti no appāṭihāriya’nti. Yampudāyi, mamaṃ sāvakā abhikkante ñāṇadassane sambhāventi – ‘jānaṃyevāha samaṇo gotamo – jānāmīti, passaṃyevāha samaṇo gotamo – passāmīti; abhiññāya samaṇo gotamo dhammaṃ deseti no anabhiññāya; sanidānaṃ samaṇo gotamo dhammaṃ deseti no anidānaṃ; sappāṭihāriyaṃ samaṇo gotamo dhammaṃ deseti no appāṭihāriya’nti, ayaṃ kho, udāyi, dutiyo dhammo yena mamaṃ sāvakā sakkaronti garuṃ karonti mānenti pūjenti, sakkatvā garuṃ katvā upanissāya viharanti.

245. ‘‘буна жабарам̣, уд̣̇ааяи, мамам̣ саавагаа ад̇хибан̃н̃ааяа самбхаавзнд̇и – ‘бан̃н̃аваа саман̣о г̇од̇амо барамзна бан̃н̃аагканд̇хзна саманнааг̇ад̇о; д̇ам̣ вад̇а анааг̇ад̇ам̣ ваад̣̇абат̇ам̣ на д̣̇агкад̇и, уббаннам̣ ваа бараббаваад̣̇ам̣ на сахад̇хаммзна суниг̇г̇ахид̇ам̣ ниг̇г̇ан̣хиссад̇ийд̇и – нзд̇ам̣ таанам̣ виж̇ж̇ад̇и’. д̇ам̣ гим̣ ман̃н̃аси, уд̣̇ааяи, аби ну мз саавагаа звам̣ ж̇аананд̇аа звам̣ бассанд̇аа анд̇аранд̇араа гат̇ам̣ обаад̇зяяу’’нд̇и?

245. ‘‘Puna caparaṃ, udāyi, mamaṃ sāvakā adhipaññāya sambhāventi – ‘paññavā samaṇo gotamo paramena paññākkhandhena samannāgato; taṃ vata anāgataṃ vādapathaṃ na dakkhati, uppannaṃ vā parappavādaṃ na sahadhammena suniggahitaṃ niggaṇhissatīti – netaṃ ṭhānaṃ vijjati’. Taṃ kiṃ maññasi, udāyi, api nu me sāvakā evaṃ jānantā evaṃ passantā antarantarā kathaṃ opāteyyu’’nti?

‘‘но хзд̇ам̣, бханд̇з’’.

‘‘No hetaṃ, bhante’’.

‘‘на ко банаахам̣, уд̣̇ааяи, саавагзсу анусаасаним̣ бажжаасийсаами ²⁷; ан̃н̃ад̣̇ад̇т̇у мамаязва саавагаа анусаасаним̣ бажжаасийсанд̇и.

‘‘Na kho panāhaṃ, udāyi, sāvakesu anusāsaniṃ paccāsīsāmi ²⁸; aññadatthu mamayeva sāvakā anusāsaniṃ paccāsīsanti.

‘‘яамбуд̣̇ааяи, мамам̣ саавагаа ад̇хибан̃н̃ааяа самбхаавзнд̇и – ‘бан̃н̃аваа саман̣о г̇од̇амо барамзна бан̃н̃аагканд̇хзна саманнааг̇ад̇о; д̇ам̣ вад̇а анааг̇ад̇ам̣ ваад̣̇абат̇ам̣ на д̣̇агкад̇и, уббаннам̣ ваа бараббаваад̣̇ам̣ на сахад̇хаммзна ниг̇г̇ахид̇ам̣ ниг̇г̇ан̣хиссад̇ийд̇и – нзд̇ам̣ таанам̣ виж̇ж̇ад̇и’. аяам̣ ко, уд̣̇ааяи, д̇ад̇ияо д̇хаммо язна мамам̣ саавагаа саггаронд̇и г̇арум̣ гаронд̇и маанзнд̇и бууж̇знд̇и, саггад̇ваа г̇арум̣ гад̇ваа убаниссааяа вихаранд̇и.

‘‘Yampudāyi, mamaṃ sāvakā adhipaññāya sambhāventi – ‘paññavā samaṇo gotamo paramena paññākkhandhena samannāgato; taṃ vata anāgataṃ vādapathaṃ na dakkhati, uppannaṃ vā parappavādaṃ na sahadhammena niggahitaṃ niggaṇhissatīti – netaṃ ṭhānaṃ vijjati’. Ayaṃ kho, udāyi, tatiyo dhammo yena mamaṃ sāvakā sakkaronti garuṃ karonti mānenti pūjenti, sakkatvā garuṃ katvā upanissāya viharanti.

246. ‘‘буна жабарам̣, уд̣̇ааяи, мама саавагаа язна д̣̇угкзна д̣̇угкод̇ин̣н̣аа д̣̇угкабарзд̇аа д̇з мам̣ убасан̇гамид̇ваа д̣̇угкам̣ арияасажжам̣ бужчанд̇и, д̇зсаахам̣ д̣̇угкам̣ арияасажжам̣ будто б̣яаагароми, д̇зсаахам̣ жид̇д̇ам̣ аараад̇хзми бан̃хасса взяяаагаран̣зна; д̇з мам̣ д̣̇угкасамуд̣̇аяам̣… д̣̇угканирод̇хам̣… д̣̇угканирод̇хаг̇ааминим̣ бадибад̣̇ам̣ арияасажжам̣ бужчанд̇и, д̇зсаахам̣ д̣̇угканирод̇хаг̇ааминим̣ бадибад̣̇ам̣ арияасажжам̣ будто б̣яаагароми , д̇зсаахам̣ жид̇д̇ам̣ аараад̇хзми бан̃хасса взяяаагаран̣зна. яамбуд̣̇ааяи, мама саавагаа язна д̣̇угкзна д̣̇угкод̇ин̣н̣аа д̣̇угкабарзд̇аа д̇з мам̣ убасан̇гамид̇ваа д̣̇угкам̣ арияасажжам̣ бужчанд̇и, д̇зсаахам̣ д̣̇угкам̣ арияасажжам̣ будто б̣яаагароми, д̇зсаахам̣ жид̇д̇ам̣ аараад̇хзми бан̃хасса взяяаагаран̣зна. д̇з мам̣ д̣̇угкасамуд̣̇аяам̣ … д̣̇угканирод̇хам̣… д̣̇угканирод̇хаг̇ааминим̣ бадибад̣̇ам̣ арияасажжам̣ бужчанд̇и. д̇зсаахам̣ д̣̇угканирод̇хаг̇ааминим̣ бадибад̣̇ам̣ арияасажжам̣ будто б̣яаагароми. д̇зсаахам̣ жид̇д̇ам̣ аараад̇хзми бан̃хасса взяяаагаран̣зна. аяам̣ ко, уд̣̇ааяи, жад̇уд̇т̇о д̇хаммо язна мамам̣ саавагаа саггаронд̇и г̇арум̣ гаронд̇и маанзнд̇и бууж̇знд̇и, саггад̇ваа г̇арум̣ гад̇ваа убаниссааяа вихаранд̇и.

246. ‘‘Puna caparaṃ, udāyi, mama sāvakā yena dukkhena dukkhotiṇṇā dukkhaparetā te maṃ upasaṅkamitvā dukkhaṃ ariyasaccaṃ pucchanti, tesāhaṃ dukkhaṃ ariyasaccaṃ puṭṭho byākaromi, tesāhaṃ cittaṃ ārādhemi pañhassa veyyākaraṇena; te maṃ dukkhasamudayaṃ… dukkhanirodhaṃ… dukkhanirodhagāminiṃ paṭipadaṃ ariyasaccaṃ pucchanti, tesāhaṃ dukkhanirodhagāminiṃ paṭipadaṃ ariyasaccaṃ puṭṭho byākaromi , tesāhaṃ cittaṃ ārādhemi pañhassa veyyākaraṇena. Yampudāyi, mama sāvakā yena dukkhena dukkhotiṇṇā dukkhaparetā te maṃ upasaṅkamitvā dukkhaṃ ariyasaccaṃ pucchanti, tesāhaṃ dukkhaṃ ariyasaccaṃ puṭṭho byākaromi, tesāhaṃ cittaṃ ārādhemi pañhassa veyyākaraṇena. Te maṃ dukkhasamudayaṃ … dukkhanirodhaṃ… dukkhanirodhagāminiṃ paṭipadaṃ ariyasaccaṃ pucchanti. Tesāhaṃ dukkhanirodhagāminiṃ paṭipadaṃ ariyasaccaṃ puṭṭho byākaromi. Tesāhaṃ cittaṃ ārādhemi pañhassa veyyākaraṇena. Ayaṃ kho, udāyi, catuttho dhammo yena mamaṃ sāvakā sakkaronti garuṃ karonti mānenti pūjenti, sakkatvā garuṃ katvā upanissāya viharanti.

247. ‘‘буна жабарам̣, уд̣̇ааяи, агкаад̇аа маяаа саавагаанам̣ бадибад̣̇аа, яат̇аабадибаннаа мз саавагаа жад̇д̇ааро сад̇ибадтаанз бхаавзнд̇и. ид̇худ̣̇ааяи, бхигку гааяз гааяаанубассий вихарад̇и аад̇аабий самбаж̇аано сад̇имаа винзяяа логз абхиж̇жхаад̣̇оманассам̣; взд̣̇анаасу взд̣̇анаанубассий вихарад̇и… жид̇д̇з жид̇д̇аанубассий вихарад̇и… д̇хаммзсу д̇хаммаанубассий вихарад̇и аад̇аабий самбаж̇аано сад̇имаа винзяяа логз абхиж̇жхаад̣̇оманассам̣. д̇ад̇ра жа бана мз саавагаа б̣ахуу абхин̃н̃аавосаанабаарамиббад̇д̇аа вихаранд̇и.

247. ‘‘Puna caparaṃ, udāyi, akkhātā mayā sāvakānaṃ paṭipadā, yathāpaṭipannā me sāvakā cattāro satipaṭṭhāne bhāventi. Idhudāyi, bhikkhu kāye kāyānupassī viharati ātāpī sampajāno satimā vineyya loke abhijjhādomanassaṃ; vedanāsu vedanānupassī viharati… citte cittānupassī viharati… dhammesu dhammānupassī viharati ātāpī sampajāno satimā vineyya loke abhijjhādomanassaṃ. Tatra ca pana me sāvakā bahū abhiññāvosānapāramippattā viharanti.

‘‘буна жабарам̣, уд̣̇ааяи, агкаад̇аа маяаа саавагаанам̣ бадибад̣̇аа, яат̇аабадибаннаа мз саавагаа жад̇д̇ааро саммаббад̇хаанз бхаавзнд̇и. ид̇худ̣̇ааяи , бхигку ануббаннаанам̣ баабагаанам̣ агусалаанам̣ д̇хаммаанам̣ ануббаад̣̇ааяа чанд̣̇ам̣ ж̇анзд̇и, вааяамад̇и, вийрияам̣ аарабхад̇и, жид̇д̇ам̣ баг̇г̇ан̣хаад̇и, бад̣̇ахад̇и; уббаннаанам̣ баабагаанам̣ агусалаанам̣ д̇хаммаанам̣ бахаанааяа чанд̣̇ам̣ ж̇анзд̇и, вааяамад̇и, вийрияам̣ аарабхад̇и, жид̇д̇ам̣ баг̇г̇ан̣хаад̇и, бад̣̇ахад̇и; ануббаннаанам̣ гусалаанам̣ д̇хаммаанам̣ уббаад̣̇ааяа чанд̣̇ам̣ ж̇анзд̇и, вааяамад̇и, вийрияам̣ аарабхад̇и, жид̇д̇ам̣ баг̇г̇ан̣хаад̇и, бад̣̇ахад̇и; уббаннаанам̣ гусалаанам̣ д̇хаммаанам̣ тид̇ияаа асаммосааяа бхияяобхаавааяа взбуллааяа бхааванааяа баарибуурияаа чанд̣̇ам̣ ж̇анзд̇и, вааяамад̇и, вийрияам̣ аарабхад̇и, жид̇д̇ам̣ баг̇г̇ан̣хаад̇и, бад̣̇ахад̇и. д̇ад̇ра жа бана мз саавагаа б̣ахуу абхин̃н̃аавосаанабаарамиббад̇д̇аа вихаранд̇и.

‘‘Puna caparaṃ, udāyi, akkhātā mayā sāvakānaṃ paṭipadā, yathāpaṭipannā me sāvakā cattāro sammappadhāne bhāventi. Idhudāyi , bhikkhu anuppannānaṃ pāpakānaṃ akusalānaṃ dhammānaṃ anuppādāya chandaṃ janeti, vāyamati, vīriyaṃ ārabhati, cittaṃ paggaṇhāti, padahati; uppannānaṃ pāpakānaṃ akusalānaṃ dhammānaṃ pahānāya chandaṃ janeti, vāyamati, vīriyaṃ ārabhati, cittaṃ paggaṇhāti, padahati; anuppannānaṃ kusalānaṃ dhammānaṃ uppādāya chandaṃ janeti, vāyamati, vīriyaṃ ārabhati, cittaṃ paggaṇhāti, padahati; uppannānaṃ kusalānaṃ dhammānaṃ ṭhitiyā asammosāya bhiyyobhāvāya vepullāya bhāvanāya pāripūriyā chandaṃ janeti, vāyamati, vīriyaṃ ārabhati, cittaṃ paggaṇhāti, padahati. Tatra ca pana me sāvakā bahū abhiññāvosānapāramippattā viharanti.

‘‘буна жабарам̣, уд̣̇ааяи, агкаад̇аа маяаа саавагаанам̣ бадибад̣̇аа, яат̇аабадибаннаа мз саавагаа жад̇д̇ааро ид̣̇д̇хибаад̣̇з бхаавзнд̇и. ид̇худ̣̇ааяи, бхигку чанд̣̇асамаад̇хибад̇хаанасан̇каарасаманнааг̇ад̇ам̣ ид̣̇д̇хибаад̣̇ам̣ бхаавзд̇и, вийрияасамаад̇хибад̇хаанасан̇каарасаманнааг̇ад̇ам̣ ид̣̇д̇хибаад̣̇ам̣ бхаавзд̇и, жид̇д̇асамаад̇хибад̇хаанасан̇каарасаманнааг̇ад̇ам̣ ид̣̇д̇хибаад̣̇ам̣ бхаавзд̇и, виймам̣саасамаад̇хибад̇хаанасан̇каарасаманнааг̇ад̇ам̣ ид̣̇д̇хибаад̣̇ам̣ бхаавзд̇и. д̇ад̇ра жа бана мз саавагаа б̣ахуу абхин̃н̃аавосаанабаарамиббад̇д̇аа вихаранд̇и.

‘‘Puna caparaṃ, udāyi, akkhātā mayā sāvakānaṃ paṭipadā, yathāpaṭipannā me sāvakā cattāro iddhipāde bhāventi. Idhudāyi, bhikkhu chandasamādhipadhānasaṅkhārasamannāgataṃ iddhipādaṃ bhāveti, vīriyasamādhipadhānasaṅkhārasamannāgataṃ iddhipādaṃ bhāveti, cittasamādhipadhānasaṅkhārasamannāgataṃ iddhipādaṃ bhāveti, vīmaṃsāsamādhipadhānasaṅkhārasamannāgataṃ iddhipādaṃ bhāveti. Tatra ca pana me sāvakā bahū abhiññāvosānapāramippattā viharanti.

‘‘буна жабарам̣, уд̣̇ааяи, агкаад̇аа маяаа саавагаанам̣ бадибад̣̇аа, яат̇аабадибаннаа мз саавагаа бан̃жинд̣̇рияаани бхаавзнд̇и. ид̇худ̣̇ааяи , бхигку сад̣̇д̇хинд̣̇рияам̣ бхаавзд̇и убасамаг̇аамим̣ самб̣од̇хаг̇аамим̣; вийрияинд̣̇рияам̣ бхаавзд̇и…бз… сад̇инд̣̇рияам̣ бхаавзд̇и… самаад̇хинд̣̇рияам̣ бхаавзд̇и… бан̃н̃инд̣̇рияам̣ бхаавзд̇и убасамаг̇аамим̣ самб̣од̇хаг̇аамим̣. д̇ад̇ра жа бана мз саавагаа б̣ахуу абхин̃н̃аавосаанабаарамиббад̇д̇аа вихаранд̇и.

‘‘Puna caparaṃ, udāyi, akkhātā mayā sāvakānaṃ paṭipadā, yathāpaṭipannā me sāvakā pañcindriyāni bhāventi. Idhudāyi , bhikkhu saddhindriyaṃ bhāveti upasamagāmiṃ sambodhagāmiṃ; vīriyindriyaṃ bhāveti…pe… satindriyaṃ bhāveti… samādhindriyaṃ bhāveti… paññindriyaṃ bhāveti upasamagāmiṃ sambodhagāmiṃ. Tatra ca pana me sāvakā bahū abhiññāvosānapāramippattā viharanti.

‘‘буна жабарам̣, уд̣̇ааяи, агкаад̇аа маяаа саавагаанам̣ бадибад̣̇аа, яат̇аабадибаннаа мз саавагаа бан̃жа б̣алаани бхаавзнд̇и. ид̇худ̣̇ааяи, бхигку сад̣̇д̇хааб̣алам̣ бхаавзд̇и убасамаг̇аамим̣ самб̣од̇хаг̇аамим̣; вийрияаб̣алам̣ бхаавзд̇и…бз… сад̇иб̣алам̣ бхаавзд̇и… самаад̇хиб̣алам̣ бхаавзд̇и… бан̃н̃ааб̣алам̣ бхаавзд̇и убасамаг̇аамим̣ самб̣од̇хаг̇аамим̣. д̇ад̇ра жа бана мз саавагаа б̣ахуу абхин̃н̃аавосаанабаарамиббад̇д̇аа вихаранд̇и.

‘‘Puna caparaṃ, udāyi, akkhātā mayā sāvakānaṃ paṭipadā, yathāpaṭipannā me sāvakā pañca balāni bhāventi. Idhudāyi, bhikkhu saddhābalaṃ bhāveti upasamagāmiṃ sambodhagāmiṃ; vīriyabalaṃ bhāveti…pe… satibalaṃ bhāveti… samādhibalaṃ bhāveti… paññābalaṃ bhāveti upasamagāmiṃ sambodhagāmiṃ. Tatra ca pana me sāvakā bahū abhiññāvosānapāramippattā viharanti.

‘‘буна жабарам̣, уд̣̇ааяи, агкаад̇аа маяаа саавагаанам̣ бадибад̣̇аа, яат̇аабадибаннаа мз саавагаа сад̇д̇аб̣ож̇жхан̇г̇з бхаавзнд̇и. ид̇худ̣̇ааяи, бхигку сад̇исамб̣ож̇жхан̇г̇ам̣ бхаавзд̇и вивзганиссид̇ам̣ вирааг̇аниссид̇ам̣ нирод̇ханиссид̇ам̣ воссаг̇г̇абарин̣аамим̣; д̇хаммавижаяасамб̣ож̇жхан̇г̇ам̣ бхаавзд̇и…бз… вийрияасамб̣ож̇жхан̇г̇ам̣ бхаавзд̇и… бийд̇исамб̣ож̇жхан̇г̇ам̣ бхаавзд̇и… бассад̣̇д̇хисамб̣ож̇жхан̇г̇ам̣ бхаавзд̇и… самаад̇хисамб̣ож̇жхан̇г̇ам̣ бхаавзд̇и… убзгкаасамб̣ож̇жхан̇г̇ам̣ бхаавзд̇и вивзганиссид̇ам̣ вирааг̇аниссид̇ам̣ нирод̇ханиссид̇ам̣ воссаг̇г̇абарин̣аамим̣. д̇ад̇ра жа бана мз саавагаа б̣ахуу абхин̃н̃аавосаанабаарамиббад̇д̇аа вихаранд̇и.

‘‘Puna caparaṃ, udāyi, akkhātā mayā sāvakānaṃ paṭipadā, yathāpaṭipannā me sāvakā sattabojjhaṅge bhāventi. Idhudāyi, bhikkhu satisambojjhaṅgaṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ; dhammavicayasambojjhaṅgaṃ bhāveti…pe… vīriyasambojjhaṅgaṃ bhāveti… pītisambojjhaṅgaṃ bhāveti… passaddhisambojjhaṅgaṃ bhāveti… samādhisambojjhaṅgaṃ bhāveti… upekkhāsambojjhaṅgaṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ. Tatra ca pana me sāvakā bahū abhiññāvosānapāramippattā viharanti.

‘‘буна жабарам̣, уд̣̇ааяи, агкаад̇аа маяаа саавагаанам̣ бадибад̣̇аа, яат̇аабадибаннаа мз саавагаа арияам̣ адтан̇г̇игам̣ маг̇г̇ам̣ бхаавзнд̇и. ид̇худ̣̇ааяи, бхигку саммаад̣̇идтим̣ бхаавзд̇и, саммаасан̇габбам̣ бхаавзд̇и, саммааваажам̣ бхаавзд̇и , саммаагамманд̇ам̣ бхаавзд̇и, саммааааж̇ийвам̣ бхаавзд̇и, саммаавааяаамам̣ бхаавзд̇и, саммаасад̇им̣ бхаавзд̇и, саммаасамаад̇хим̣ бхаавзд̇и. д̇ад̇ра жа бана мз саавагаа б̣ахуу абхин̃н̃аавосаанабаарамиббад̇д̇аа вихаранд̇и.

‘‘Puna caparaṃ, udāyi, akkhātā mayā sāvakānaṃ paṭipadā, yathāpaṭipannā me sāvakā ariyaṃ aṭṭhaṅgikaṃ maggaṃ bhāventi. Idhudāyi, bhikkhu sammādiṭṭhiṃ bhāveti, sammāsaṅkappaṃ bhāveti, sammāvācaṃ bhāveti , sammākammantaṃ bhāveti, sammāājīvaṃ bhāveti, sammāvāyāmaṃ bhāveti, sammāsatiṃ bhāveti, sammāsamādhiṃ bhāveti. Tatra ca pana me sāvakā bahū abhiññāvosānapāramippattā viharanti.

248. ‘‘буна жабарам̣, уд̣̇ааяи, агкаад̇аа маяаа саавагаанам̣ бадибад̣̇аа, яат̇аабадибаннаа мз саавагаа адта вимогкз бхаавзнд̇и. руубий руубаани бассад̇и, аяам̣ батамо вимогко; аж̇жхад̇д̇ам̣ аруубасан̃н̃ий б̣ахид̣̇д̇хаа руубаани бассад̇и, аяам̣ д̣̇уд̇ияо вимогко; субханд̇зва ад̇химуд̇д̇о ход̇и, аяам̣ д̇ад̇ияо вимогко; саб̣б̣асо руубасан̃н̃аанам̣ самад̇иггамаа бадигхасан̃н̃аанам̣ ад̇т̇ан̇г̇амаа наанад̇д̇асан̃н̃аанам̣ аманасигаараа ‘ананд̇о аагаасо’д̇и аагаасаанан̃жааяад̇анам̣ убасамбаж̇ж̇а вихарад̇и, аяам̣ жад̇уд̇т̇о вимогко; саб̣б̣асо аагаасаанан̃жааяад̇анам̣ самад̇иггамма ‘ананд̇ам̣ вин̃н̃аан̣а’нд̇и вин̃н̃аан̣ан̃жааяад̇анам̣ убасамбаж̇ж̇а вихарад̇и, аяам̣ бан̃жамо вимогко; саб̣б̣асо вин̃н̃аан̣ан̃жааяад̇анам̣ самад̇иггамма ‘над̇т̇и гин̃жий’д̇и аагин̃жан̃н̃ааяад̇анам̣ убасамбаж̇ж̇а вихарад̇и, аяам̣ чадто вимогко; саб̣б̣асо аагин̃жан̃н̃ааяад̇анам̣ самад̇иггамма нзвасан̃н̃аанаасан̃н̃ааяад̇анам̣ убасамбаж̇ж̇а вихарад̇и, аяам̣ сад̇д̇амо вимогко; саб̣б̣асо нзвасан̃н̃аанаасан̃н̃ааяад̇анам̣ самад̇иггамма сан̃н̃аавзд̣̇аяид̇анирод̇хам̣ убасамбаж̇ж̇а вихарад̇и, аяам̣ адтамо вимогко. д̇ад̇ра жа бана мз саавагаа б̣ахуу абхин̃н̃аавосаанабаарамиббад̇д̇аа вихаранд̇и.

248. ‘‘Puna caparaṃ, udāyi, akkhātā mayā sāvakānaṃ paṭipadā, yathāpaṭipannā me sāvakā aṭṭha vimokkhe bhāventi. Rūpī rūpāni passati, ayaṃ paṭhamo vimokkho; ajjhattaṃ arūpasaññī bahiddhā rūpāni passati, ayaṃ dutiyo vimokkho; subhanteva adhimutto hoti, ayaṃ tatiyo vimokkho; sabbaso rūpasaññānaṃ samatikkamā paṭighasaññānaṃ atthaṅgamā nānattasaññānaṃ amanasikārā ‘ananto ākāso’ti ākāsānañcāyatanaṃ upasampajja viharati, ayaṃ catuttho vimokkho; sabbaso ākāsānañcāyatanaṃ samatikkamma ‘anantaṃ viññāṇa’nti viññāṇañcāyatanaṃ upasampajja viharati, ayaṃ pañcamo vimokkho; sabbaso viññāṇañcāyatanaṃ samatikkamma ‘natthi kiñcī’ti ākiñcaññāyatanaṃ upasampajja viharati, ayaṃ chaṭṭho vimokkho; sabbaso ākiñcaññāyatanaṃ samatikkamma nevasaññānāsaññāyatanaṃ upasampajja viharati, ayaṃ sattamo vimokkho; sabbaso nevasaññānāsaññāyatanaṃ samatikkamma saññāvedayitanirodhaṃ upasampajja viharati, ayaṃ aṭṭhamo vimokkho. Tatra ca pana me sāvakā bahū abhiññāvosānapāramippattā viharanti.

249. ‘‘буна жабарам̣, уд̣̇ааяи, агкаад̇аа маяаа саавагаанам̣ бадибад̣̇аа, яат̇аабадибаннаа мз саавагаа адта абхибхааяад̇анаани бхаавзнд̇и. аж̇жхад̇д̇ам̣ руубасан̃н̃ий зго б̣ахид̣̇д̇хаа руубаани бассад̇и барид̇д̇аани суван̣н̣ад̣̇уб̣б̣ан̣н̣аани. ‘д̇аани абхибхуяяа ж̇аанаами, бассаамий’д̇и звам̣ сан̃н̃ий ход̇и. ид̣̇ам̣ батамам̣ абхибхааяад̇анам̣.

249. ‘‘Puna caparaṃ, udāyi, akkhātā mayā sāvakānaṃ paṭipadā, yathāpaṭipannā me sāvakā aṭṭha abhibhāyatanāni bhāventi. Ajjhattaṃ rūpasaññī eko bahiddhā rūpāni passati parittāni suvaṇṇadubbaṇṇāni. ‘Tāni abhibhuyya jānāmi, passāmī’ti evaṃ saññī hoti. Idaṃ paṭhamaṃ abhibhāyatanaṃ.

‘‘аж̇жхад̇д̇ам̣ руубасан̃н̃ий зго б̣ахид̣̇д̇хаа руубаани бассад̇и аббамаан̣аани суван̣н̣ад̣̇уб̣б̣ан̣н̣аани. ‘д̇аани абхибхуяяа ж̇аанаами, бассаамий’д̇и звам̣ сан̃н̃ий ход̇и. ид̣̇ам̣ д̣̇уд̇ияам̣ абхибхааяад̇анам̣.

‘‘Ajjhattaṃ rūpasaññī eko bahiddhā rūpāni passati appamāṇāni suvaṇṇadubbaṇṇāni. ‘Tāni abhibhuyya jānāmi, passāmī’ti evaṃ saññī hoti. Idaṃ dutiyaṃ abhibhāyatanaṃ.

‘‘аж̇жхад̇д̇ам̣ аруубасан̃н̃ий зго б̣ахид̣̇д̇хаа руубаани бассад̇и барид̇д̇аани суван̣н̣ад̣̇уб̣б̣ан̣н̣аани. ‘д̇аани абхибхуяяа ж̇аанаами, бассаамий’д̇и звам̣ сан̃н̃ий ход̇и. ид̣̇ам̣ д̇ад̇ияам̣ абхибхааяад̇анам̣.

‘‘Ajjhattaṃ arūpasaññī eko bahiddhā rūpāni passati parittāni suvaṇṇadubbaṇṇāni. ‘Tāni abhibhuyya jānāmi, passāmī’ti evaṃ saññī hoti. Idaṃ tatiyaṃ abhibhāyatanaṃ.

‘‘аж̇жхад̇д̇ам̣ аруубасан̃н̃ий зго б̣ахид̣̇д̇хаа руубаани бассад̇и аббамаан̣аани суван̣н̣ад̣̇уб̣б̣ан̣н̣аани. ‘д̇аани абхибхуяяа ж̇аанаами, бассаамий’д̇и звам̣ сан̃н̃ий ход̇и. ид̣̇ам̣ жад̇уд̇т̇ам̣ абхибхааяад̇анам̣.

‘‘Ajjhattaṃ arūpasaññī eko bahiddhā rūpāni passati appamāṇāni suvaṇṇadubbaṇṇāni. ‘Tāni abhibhuyya jānāmi, passāmī’ti evaṃ saññī hoti. Idaṃ catutthaṃ abhibhāyatanaṃ.

‘‘аж̇жхад̇д̇ам̣ аруубасан̃н̃ий зго б̣ахид̣̇д̇хаа руубаани бассад̇и нийлаани нийлаван̣н̣аани нийланид̣̇ассанаани нийланибхаасаани. сзяяат̇ааби наама умаабубпам̣ нийлам̣ нийлаван̣н̣ам̣ нийланид̣̇ассанам̣ нийланибхаасам̣, сзяяат̇ааби ваа бана д̇ам̣ вад̇т̇ам̣ б̣аараан̣асзяяагам̣ убхад̇обхааг̇авимадтам̣ нийлам̣ нийлаван̣н̣ам̣ нийланид̣̇ассанам̣ нийланибхаасам̣; звамзва аж̇жхад̇д̇ам̣ аруубасан̃н̃ий зго б̣ахид̣̇д̇хаа руубаани бассад̇и нийлаани нийлаван̣н̣аани нийланид̣̇ассанаани нийланибхаасаани. ‘д̇аани абхибхуяяа ж̇аанаами, бассаамий’д̇и звам̣ сан̃н̃ий ход̇и. ид̣̇ам̣ бан̃жамам̣ абхибхааяад̇анам̣ .

‘‘Ajjhattaṃ arūpasaññī eko bahiddhā rūpāni passati nīlāni nīlavaṇṇāni nīlanidassanāni nīlanibhāsāni. Seyyathāpi nāma umāpupphaṃ nīlaṃ nīlavaṇṇaṃ nīlanidassanaṃ nīlanibhāsaṃ, seyyathāpi vā pana taṃ vatthaṃ bārāṇaseyyakaṃ ubhatobhāgavimaṭṭhaṃ nīlaṃ nīlavaṇṇaṃ nīlanidassanaṃ nīlanibhāsaṃ; evameva ajjhattaṃ arūpasaññī eko bahiddhā rūpāni passati nīlāni nīlavaṇṇāni nīlanidassanāni nīlanibhāsāni. ‘Tāni abhibhuyya jānāmi, passāmī’ti evaṃ saññī hoti. Idaṃ pañcamaṃ abhibhāyatanaṃ .

‘‘аж̇жхад̇д̇ам̣ аруубасан̃н̃ий зго б̣ахид̣̇д̇хаа руубаани бассад̇и бийд̇аани бийд̇аван̣н̣аани бийд̇анид̣̇ассанаани бийд̇анибхаасаани. сзяяат̇ааби наама ган̣игаарабубпам̣ бийд̇ам̣ бийд̇аван̣н̣ам̣ бийд̇анид̣̇ассанам̣ бийд̇анибхаасам̣, сзяяат̇ааби ваа бана д̇ам̣ вад̇т̇ам̣ б̣аараан̣асзяяагам̣ убхад̇обхааг̇авимадтам̣ бийд̇ам̣ бийд̇аван̣н̣ам̣ бийд̇анид̣̇ассанам̣ бийд̇анибхаасам̣; звамзва аж̇жхад̇д̇ам̣ аруубасан̃н̃ий зго б̣ахид̣̇д̇хаа руубаани бассад̇и бийд̇аани бийд̇аван̣н̣аани бийд̇анид̣̇ассанаани бийд̇анибхаасаани. ‘д̇аани абхибхуяяа ж̇аанаами, бассаамий’д̇и звам̣ сан̃н̃ий ход̇и. ид̣̇ам̣ чадтам̣ абхибхааяад̇анам̣.

‘‘Ajjhattaṃ arūpasaññī eko bahiddhā rūpāni passati pītāni pītavaṇṇāni pītanidassanāni pītanibhāsāni. Seyyathāpi nāma kaṇikārapupphaṃ pītaṃ pītavaṇṇaṃ pītanidassanaṃ pītanibhāsaṃ, seyyathāpi vā pana taṃ vatthaṃ bārāṇaseyyakaṃ ubhatobhāgavimaṭṭhaṃ pītaṃ pītavaṇṇaṃ pītanidassanaṃ pītanibhāsaṃ; evameva ajjhattaṃ arūpasaññī eko bahiddhā rūpāni passati pītāni pītavaṇṇāni pītanidassanāni pītanibhāsāni. ‘Tāni abhibhuyya jānāmi, passāmī’ti evaṃ saññī hoti. Idaṃ chaṭṭhaṃ abhibhāyatanaṃ.

‘‘аж̇жхад̇д̇ам̣ аруубасан̃н̃ий зго б̣ахид̣̇д̇хаа руубаани бассад̇и лохид̇агаани лохид̇агаван̣н̣аани лохид̇аганид̣̇ассанаани лохид̇аганибхаасаани. сзяяат̇ааби наама б̣анд̇хуж̇ийвагабубпам̣ лохид̇агам̣ лохид̇агаван̣н̣ам̣ лохид̇аганид̣̇ассанам̣ лохид̇аганибхаасам̣, сзяяат̇ааби ваа бана д̇ам̣ вад̇т̇ам̣ б̣аараан̣асзяяагам̣ убхад̇обхааг̇авимадтам̣ лохид̇агам̣ лохид̇агаван̣н̣ам̣ лохид̇аганид̣̇ассанам̣ лохид̇аганибхаасам̣; звамзва аж̇жхад̇д̇ам̣ аруубасан̃н̃ий зго б̣ахид̣̇д̇хаа руубаани бассад̇и лохид̇агаани лохид̇агаван̣н̣аани лохид̇аганид̣̇ассанаани лохид̇аганибхаасаани. ‘д̇аани абхибхуяяа ж̇аанаами, бассаамий’д̇и звам̣ сан̃н̃ий ход̇и. ид̣̇ам̣ сад̇д̇амам̣ абхибхааяад̇анам̣.

‘‘Ajjhattaṃ arūpasaññī eko bahiddhā rūpāni passati lohitakāni lohitakavaṇṇāni lohitakanidassanāni lohitakanibhāsāni. Seyyathāpi nāma bandhujīvakapupphaṃ lohitakaṃ lohitakavaṇṇaṃ lohitakanidassanaṃ lohitakanibhāsaṃ, seyyathāpi vā pana taṃ vatthaṃ bārāṇaseyyakaṃ ubhatobhāgavimaṭṭhaṃ lohitakaṃ lohitakavaṇṇaṃ lohitakanidassanaṃ lohitakanibhāsaṃ; evameva ajjhattaṃ arūpasaññī eko bahiddhā rūpāni passati lohitakāni lohitakavaṇṇāni lohitakanidassanāni lohitakanibhāsāni. ‘Tāni abhibhuyya jānāmi, passāmī’ti evaṃ saññī hoti. Idaṃ sattamaṃ abhibhāyatanaṃ.

‘‘аж̇жхад̇д̇ам̣ аруубасан̃н̃ий зго б̣ахид̣̇д̇хаа руубаани бассад̇и од̣̇аад̇аани од̣̇аад̇аван̣н̣аани од̣̇аад̇анид̣̇ассанаани од̣̇аад̇анибхаасаани. сзяяат̇ааби наама осад̇хид̇аарагаа од̣̇аад̇аа од̣̇аад̇аван̣н̣аа од̣̇аад̇анид̣̇ассанаа од̣̇аад̇анибхаасаа, сзяяат̇ааби ваа бана д̇ам̣ вад̇т̇ам̣ б̣аараан̣асзяяагам̣ убхад̇обхааг̇авимадтам̣ од̣̇аад̇ам̣ од̣̇аад̇аван̣н̣ам̣ од̣̇аад̇анид̣̇ассанам̣ од̣̇аад̇анибхаасам̣; звамзва аж̇жхад̇д̇ам̣ аруубасан̃н̃ий зго б̣ахид̣̇д̇хаа руубаани бассад̇и од̣̇аад̇аани од̣̇аад̇аван̣н̣аани од̣̇аад̇анид̣̇ассанаани од̣̇аад̇анибхаасаани . ‘д̇аани абхибхуяяа ж̇аанаами , бассаамий’д̇и звам̣сан̃н̃ий ход̇и. ид̣̇ам̣ адтамам̣ абхибхааяад̇анам̣. д̇ад̇ра жа бана мз саавагаа б̣ахуу абхин̃н̃аавосаанабаарамиббад̇д̇аа вихаранд̇и.

‘‘Ajjhattaṃ arūpasaññī eko bahiddhā rūpāni passati odātāni odātavaṇṇāni odātanidassanāni odātanibhāsāni. Seyyathāpi nāma osadhitārakā odātā odātavaṇṇā odātanidassanā odātanibhāsā, seyyathāpi vā pana taṃ vatthaṃ bārāṇaseyyakaṃ ubhatobhāgavimaṭṭhaṃ odātaṃ odātavaṇṇaṃ odātanidassanaṃ odātanibhāsaṃ; evameva ajjhattaṃ arūpasaññī eko bahiddhā rūpāni passati odātāni odātavaṇṇāni odātanidassanāni odātanibhāsāni . ‘Tāni abhibhuyya jānāmi , passāmī’ti evaṃsaññī hoti. Idaṃ aṭṭhamaṃ abhibhāyatanaṃ. Tatra ca pana me sāvakā bahū abhiññāvosānapāramippattā viharanti.

250. ‘‘буна жабарам̣, уд̣̇ааяи, агкаад̇аа маяаа саавагаанам̣ бадибад̣̇аа, яат̇аабадибаннаа мз саавагаа д̣̇аса гасин̣ааяад̇анаани бхаавзнд̇и. бат̇авийгасин̣амзго сан̃ж̇аанаад̇и уд̣̇д̇хамад̇хо д̇ирияам̣ ад̣̇ваяам̣ аббамаан̣ам̣; аабогасин̣амзго сан̃ж̇аанаад̇и…бз… д̇зж̇огасин̣амзго сан̃ж̇аанаад̇и… вааяогасин̣амзго сан̃ж̇аанаад̇и… нийлагасин̣амзго сан̃ж̇аанаад̇и… бийд̇агасин̣амзго сан̃ж̇аанаад̇и… лохид̇агасин̣амзго сан̃ж̇аанаад̇и… од̣̇аад̇агасин̣амзго сан̃ж̇аанаад̇и… аагаасагасин̣амзго сан̃ж̇аанаад̇и … вин̃н̃аан̣агасин̣амзго сан̃ж̇аанаад̇и уд̣̇д̇хамад̇хо д̇ирияам̣ ад̣̇ваяам̣ аббамаан̣ам̣. д̇ад̇ра жа бана мз саавагаа б̣ахуу абхин̃н̃аавосаанабаарамиббад̇д̇аа вихаранд̇и.

250. ‘‘Puna caparaṃ, udāyi, akkhātā mayā sāvakānaṃ paṭipadā, yathāpaṭipannā me sāvakā dasa kasiṇāyatanāni bhāventi. Pathavīkasiṇameko sañjānāti uddhamadho tiriyaṃ advayaṃ appamāṇaṃ; āpokasiṇameko sañjānāti…pe… tejokasiṇameko sañjānāti… vāyokasiṇameko sañjānāti… nīlakasiṇameko sañjānāti… pītakasiṇameko sañjānāti… lohitakasiṇameko sañjānāti… odātakasiṇameko sañjānāti… ākāsakasiṇameko sañjānāti … viññāṇakasiṇameko sañjānāti uddhamadho tiriyaṃ advayaṃ appamāṇaṃ. Tatra ca pana me sāvakā bahū abhiññāvosānapāramippattā viharanti.

251. ‘‘буна жабарам̣, уд̣̇ааяи, агкаад̇аа маяаа саавагаанам̣ бадибад̣̇аа, яат̇аабадибаннаа мз саавагаа жад̇д̇аари жхаанаани бхаавзнд̇и. ид̇худ̣̇ааяи, бхигку вивижжзва гаамзхи вивижжа агусалзхи д̇хаммзхи савид̇аггам̣ савижаарам̣ вивзгаж̇ам̣ бийд̇исукам̣ батамам̣ жхаанам̣ убасамбаж̇ж̇а вихарад̇и. со имамзва гааяам̣ вивзгаж̇зна бийд̇исукзна абхисанд̣̇зд̇и барисанд̣̇зд̇и барибуурзд̇и барибпарад̇и, наасса гин̃жи саб̣б̣аавад̇о гааяасса вивзгаж̇зна бийд̇исукзна абпудам̣ ход̇и. сзяяат̇ааби, уд̣̇ааяи, д̣̇агко нхаабаго ²⁹ ваа нхаабаганд̇зваасий ваа гам̣сат̇аалз нхаанийяажун̣н̣аани ³⁰ аагирид̇ваа уд̣̇агзна барибпосагам̣ барибпосагам̣ саннзяяа, сааяам̣ нхаанийяабин̣д̣и ³¹ снзхаануг̇ад̇аа снзхабарзд̇о санд̇араб̣аахираа пудаа снзхзна на жа баг̇гхарин̣ий; звамзва ко, уд̣̇ааяи, бхигку имамзва гааяам̣ вивзгаж̇зна бийд̇исукзна абхисанд̣̇зд̇и барисанд̣̇зд̇и барибуурзд̇и барибпарад̇и, наасса гин̃жи саб̣б̣аавад̇о гааяасса вивзгаж̇зна бийд̇исукзна абпудам̣ ход̇и.

251. ‘‘Puna caparaṃ, udāyi, akkhātā mayā sāvakānaṃ paṭipadā, yathāpaṭipannā me sāvakā cattāri jhānāni bhāventi. Idhudāyi, bhikkhu vivicceva kāmehi vivicca akusalehi dhammehi savitakkaṃ savicāraṃ vivekajaṃ pītisukhaṃ paṭhamaṃ jhānaṃ upasampajja viharati. So imameva kāyaṃ vivekajena pītisukhena abhisandeti parisandeti paripūreti parippharati, nāssa kiñci sabbāvato kāyassa vivekajena pītisukhena apphuṭaṃ hoti. Seyyathāpi, udāyi, dakkho nhāpako ³² vā nhāpakantevāsī vā kaṃsathāle nhānīyacuṇṇāni ³³ ākiritvā udakena paripphosakaṃ paripphosakaṃ sanneyya, sāyaṃ nhānīyapiṇḍi ³⁴ snehānugatā snehapareto santarabāhirā phuṭā snehena na ca pagghariṇī; evameva kho, udāyi, bhikkhu imameva kāyaṃ vivekajena pītisukhena abhisandeti parisandeti paripūreti parippharati, nāssa kiñci sabbāvato kāyassa vivekajena pītisukhena apphuṭaṃ hoti.

‘‘буна жабарам̣, уд̣̇ааяи, бхигку вид̇аггавижаараанам̣ вуубасамаа аж̇жхад̇д̇ам̣ самбасаад̣̇анам̣…бз… д̣̇уд̇ияам̣ жхаанам̣ убасамбаж̇ж̇а вихарад̇и. со имамзва гааяам̣ самаад̇хиж̇зна бийд̇исукзна абхисанд̣̇зд̇и барисанд̣̇зд̇и барибуурзд̇и барибпарад̇и, наасса гин̃жи саб̣б̣аавад̇о гааяасса самаад̇хиж̇зна бийд̇исукзна абпудам̣ ход̇и . сзяяат̇ааби, уд̣̇ааяи, уд̣̇агарахад̣̇о г̇амбхийро уб̣бхид̣̇од̣̇аго ³⁵. д̇асса нзвасса бурад̇т̇имааяа д̣̇исааяа уд̣̇агасса ааяамукам̣ , на бажчимааяа д̣̇исааяа уд̣̇агасса ааяамукам̣, на уд̇д̇арааяа д̣̇исааяа уд̣̇агасса ааяамукам̣, на д̣̇агкин̣ааяа д̣̇исааяа уд̣̇агасса ааяамукам̣, д̣̇зво жа на гаалзна гаалам̣ саммаа д̇хаарам̣ ануббавзжчзяяа; ат̇а ко д̇амхаава уд̣̇агарахад̣̇аа сийд̇аа ваарид̇хаараа уб̣бхиж̇ж̇ид̇ваа д̇амзва уд̣̇агарахад̣̇ам̣ сийд̇зна вааринаа абхисанд̣̇зяяа барисанд̣̇зяяа барибуурзяяа барибпарзяяа, наасса ³⁶ гин̃жи саб̣б̣аавад̇о уд̣̇агарахад̣̇асса сийд̇зна вааринаа абпудам̣ асса. звамзва ко, уд̣̇ааяи, бхигку имамзва гааяам̣ самаад̇хиж̇зна бийд̇исукзна абхисанд̣̇зд̇и барисанд̣̇зд̇и барибуурзд̇и барибпарад̇и, наасса гин̃жи саб̣б̣аавад̇о гааяасса самаад̇хиж̇зна бийд̇исукзна абпудам̣ ход̇и.

‘‘Puna caparaṃ, udāyi, bhikkhu vitakkavicārānaṃ vūpasamā ajjhattaṃ sampasādanaṃ…pe… dutiyaṃ jhānaṃ upasampajja viharati. So imameva kāyaṃ samādhijena pītisukhena abhisandeti parisandeti paripūreti parippharati, nāssa kiñci sabbāvato kāyassa samādhijena pītisukhena apphuṭaṃ hoti . Seyyathāpi, udāyi, udakarahado gambhīro ubbhidodako ³⁷. Tassa nevassa puratthimāya disāya udakassa āyamukhaṃ , na pacchimāya disāya udakassa āyamukhaṃ, na uttarāya disāya udakassa āyamukhaṃ, na dakkhiṇāya disāya udakassa āyamukhaṃ, devo ca na kālena kālaṃ sammā dhāraṃ anuppaveccheyya; atha kho tamhāva udakarahadā sītā vāridhārā ubbhijjitvā tameva udakarahadaṃ sītena vārinā abhisandeyya parisandeyya paripūreyya paripphareyya, nāssa ³⁸ kiñci sabbāvato udakarahadassa sītena vārinā apphuṭaṃ assa. Evameva kho, udāyi, bhikkhu imameva kāyaṃ samādhijena pītisukhena abhisandeti parisandeti paripūreti parippharati, nāssa kiñci sabbāvato kāyassa samādhijena pītisukhena apphuṭaṃ hoti.

‘‘буна жабарам̣, уд̣̇ааяи, бхигку бийд̇ияаа жа вирааг̇аа…бз… д̇ад̇ияам̣ жхаанам̣ убасамбаж̇ж̇а вихарад̇и. со имамзва гааяам̣ ниббийд̇игзна сукзна абхисанд̣̇зд̇и барисанд̣̇зд̇и барибуурзд̇и барибпарад̇и, наасса гин̃жи саб̣б̣аавад̇о гааяасса ниббийд̇игзна сукзна абпудам̣ ход̇и. сзяяат̇ааби, уд̣̇ааяи, уббалинияам̣ ваа бад̣̇уминияам̣ ваа бун̣д̣арийгинияам̣ ваа аббзгажжаани уббалаани ваа бад̣̇умаани ваа бун̣д̣арийгаани ваа уд̣̇агз ж̇аад̇аани уд̣̇агз сам̣вад̣дхаани уд̣̇агаануг̇г̇ад̇аани анд̇о нимуг̇г̇абосийни, д̇аани яаава жаг̇г̇аа яаава жа муулаа сийд̇зна вааринаа абхисаннаани барисаннаани барибуураани барибпудаани, наасса гин̃жи саб̣б̣аавад̇ам̣, уббалаанам̣ ваа бад̣̇умаанам̣ ваа бун̣д̣арийгаанам̣ ваа сийд̇зна вааринаа абпудам̣ асса; звамзва ко, уд̣̇ааяи, бхигку имамзва гааяам̣ ниббийд̇игзна сукзна абхисанд̣̇зд̇и барисанд̣̇зд̇и барибуурзд̇и барибпарад̇и, наасса гин̃жи саб̣б̣аавад̇о гааяасса ниббийд̇игзна сукзна абпудам̣ ход̇и.

‘‘Puna caparaṃ, udāyi, bhikkhu pītiyā ca virāgā…pe… tatiyaṃ jhānaṃ upasampajja viharati. So imameva kāyaṃ nippītikena sukhena abhisandeti parisandeti paripūreti parippharati, nāssa kiñci sabbāvato kāyassa nippītikena sukhena apphuṭaṃ hoti. Seyyathāpi, udāyi, uppaliniyaṃ vā paduminiyaṃ vā puṇḍarīkiniyaṃ vā appekaccāni uppalāni vā padumāni vā puṇḍarīkāni vā udake jātāni udake saṃvaḍḍhāni udakānuggatāni anto nimuggaposīni, tāni yāva caggā yāva ca mūlā sītena vārinā abhisannāni parisannāni paripūrāni paripphuṭāni, nāssa kiñci sabbāvataṃ, uppalānaṃ vā padumānaṃ vā puṇḍarīkānaṃ vā sītena vārinā apphuṭaṃ assa; evameva kho, udāyi, bhikkhu imameva kāyaṃ nippītikena sukhena abhisandeti parisandeti paripūreti parippharati, nāssa kiñci sabbāvato kāyassa nippītikena sukhena apphuṭaṃ hoti.

‘‘буна жабарам̣, уд̣̇ааяи, бхигку сукасса жа бахаанаа д̣̇угкасса жа бахаанаа буб̣б̣зва соманассад̣̇оманассаанам̣ ад̇т̇ан̇г̇амаа ад̣̇угкамасукам̣ убзгкаасад̇ибаарисуд̣̇д̇хим̣ жад̇уд̇т̇ам̣ жхаанам̣ убасамбаж̇ж̇а вихарад̇и. со имамзва гааяам̣ барисуд̣̇д̇хзна жзд̇асаа барияод̣̇аад̇зна парид̇ваа нисинно ход̇и, наасса гин̃жи саб̣б̣аавад̇о гааяасса барисуд̣̇д̇хзна жзд̇асаа барияод̣̇аад̇зна абпудам̣ ход̇и. сзяяат̇ааби, уд̣̇ааяи, бурисо од̣̇аад̇зна вад̇т̇зна сасийсам̣ баарубид̇ваа нисинно асса, наасса гин̃жи саб̣б̣аавад̇о гааяасса од̣̇аад̇зна вад̇т̇зна абпудам̣ асса; звамзва ко, уд̣̇ааяи, бхигку имамзва гааяам̣ барисуд̣̇д̇хзна жзд̇асаа барияод̣̇аад̇зна парид̇ваа нисинно ход̇и, наасса гин̃жи саб̣б̣аавад̇о гааяасса барисуд̣̇д̇хзна жзд̇асаа барияод̣̇аад̇зна абпудам̣ ход̇и. д̇ад̇ра жа бана мз саавагаа б̣ахуу абхин̃н̃аавосаанабаарамиббад̇д̇аа вихаранд̇и.

‘‘Puna caparaṃ, udāyi, bhikkhu sukhassa ca pahānā dukkhassa ca pahānā pubbeva somanassadomanassānaṃ atthaṅgamā adukkhamasukhaṃ upekkhāsatipārisuddhiṃ catutthaṃ jhānaṃ upasampajja viharati. So imameva kāyaṃ parisuddhena cetasā pariyodātena pharitvā nisinno hoti, nāssa kiñci sabbāvato kāyassa parisuddhena cetasā pariyodātena apphuṭaṃ hoti. Seyyathāpi, udāyi, puriso odātena vatthena sasīsaṃ pārupitvā nisinno assa, nāssa kiñci sabbāvato kāyassa odātena vatthena apphuṭaṃ assa; evameva kho, udāyi, bhikkhu imameva kāyaṃ parisuddhena cetasā pariyodātena pharitvā nisinno hoti, nāssa kiñci sabbāvato kāyassa parisuddhena cetasā pariyodātena apphuṭaṃ hoti. Tatra ca pana me sāvakā bahū abhiññāvosānapāramippattā viharanti.

252. ‘‘буна жабарам̣, уд̣̇ааяи, агкаад̇аа маяаа саавагаанам̣ бадибад̣̇аа, яат̇аабадибаннаа мз саавагаа звам̣ баж̇аананд̇и – ‘аяам̣ ко мз гааяо руубий жаад̇умахаабхууд̇иго маад̇аабзд̇д̇игасамбхаво од̣̇анагуммаасуубажаяо анижжужчаад̣̇анабаримад̣̇д̣̇анабхзд̣̇анавид̣̇д̇хам̣санад̇хаммо; ид̣̇ан̃жа бана мз вин̃н̃аан̣ам̣ зд̇т̇а сид̇ам̣ зд̇т̇а бадиб̣ад̣̇д̇хам̣’. сзяяат̇ааби, уд̣̇ааяи, ман̣и взл̣урияо субхо ж̇аад̇имаа адтам̣со субаригаммагад̇о ажчо виббасанно саб̣б̣аагаарасамбанно; д̇ад̇рид̣̇ам̣ суд̇д̇ам̣ аавуд̇ам̣ нийлам̣ ваа бийд̇ам̣ ваа лохид̇ам̣ ваа од̣̇аад̇ам̣ ваа бан̣д̣усуд̇д̇ам̣ ваа. д̇амзнам̣ жагкумаа бурисо хад̇т̇з гарид̇ваа бажжавзгкзяяа – ‘аяам̣ ко ман̣и взл̣урияо субхо ж̇аад̇имаа адтам̣со субаригаммагад̇о ажчо виббасанно саб̣б̣аагаарасамбанно; д̇ад̇рид̣̇ам̣ суд̇д̇ам̣ аавуд̇ам̣ нийлам̣ ваа бийд̇ам̣ ваа лохид̇ам̣ ваа од̣̇аад̇ам̣ ваа бан̣д̣усуд̇д̇ам̣ ваа’д̇и. звамзва ко, уд̣̇ааяи, агкаад̇аа маяаа саавагаанам̣ бадибад̣̇аа, яат̇аабадибаннаа мз саавагаа звам̣ баж̇аананд̇и – ‘аяам̣ ко мз гааяо руубий жаад̇умахаабхууд̇иго маад̇аабзд̇д̇игасамбхаво од̣̇анагуммаасуубажаяо анижжужчаад̣̇анабаримад̣̇д̣̇анабхзд̣̇анавид̣̇д̇хам̣санад̇хаммо; ид̣̇ан̃жа бана мз вин̃н̃аан̣ам̣ зд̇т̇а сид̇ам̣ зд̇т̇а бадиб̣ад̣̇д̇ха’нд̇и. д̇ад̇ра жа бана мз саавагаа б̣ахуу абхин̃н̃аавосаанабаарамиббад̇д̇аа вихаранд̇и.

252. ‘‘Puna caparaṃ, udāyi, akkhātā mayā sāvakānaṃ paṭipadā, yathāpaṭipannā me sāvakā evaṃ pajānanti – ‘ayaṃ kho me kāyo rūpī cātumahābhūtiko mātāpettikasambhavo odanakummāsūpacayo aniccucchādanaparimaddanabhedanaviddhaṃsanadhammo; idañca pana me viññāṇaṃ ettha sitaṃ ettha paṭibaddhaṃ’. Seyyathāpi, udāyi, maṇi veḷuriyo subho jātimā aṭṭhaṃso suparikammakato accho vippasanno sabbākārasampanno; tatridaṃ suttaṃ āvutaṃ nīlaṃ vā pītaṃ vā lohitaṃ vā odātaṃ vā paṇḍusuttaṃ vā. Tamenaṃ cakkhumā puriso hatthe karitvā paccavekkheyya – ‘ayaṃ kho maṇi veḷuriyo subho jātimā aṭṭhaṃso suparikammakato accho vippasanno sabbākārasampanno; tatridaṃ suttaṃ āvutaṃ nīlaṃ vā pītaṃ vā lohitaṃ vā odātaṃ vā paṇḍusuttaṃ vā’ti. Evameva kho, udāyi, akkhātā mayā sāvakānaṃ paṭipadā, yathāpaṭipannā me sāvakā evaṃ pajānanti – ‘ayaṃ kho me kāyo rūpī cātumahābhūtiko mātāpettikasambhavo odanakummāsūpacayo aniccucchādanaparimaddanabhedanaviddhaṃsanadhammo; idañca pana me viññāṇaṃ ettha sitaṃ ettha paṭibaddha’nti. Tatra ca pana me sāvakā bahū abhiññāvosānapāramippattā viharanti.

253. ‘‘буна жабарам̣, уд̣̇ааяи, агкаад̇аа маяаа саавагаанам̣ бадибад̣̇аа, яат̇аабадибаннаа мз саавагаа имамхаа гааяаа ан̃н̃ам̣ гааяам̣ абхинимминанд̇и руубим̣ маномаяам̣ саб̣б̣ан̇г̇абажжан̇г̇им̣ ахийнинд̣̇рияам̣. сзяяат̇ааби, уд̣̇ааяи, бурисо мун̃ж̇амхаа ийсигам̣ баб̣б̣аахзяяа; д̇асса звамасса – ‘аяам̣ мун̃ж̇о, аяам̣ ийсигаа; ан̃н̃о мун̃ж̇о, ан̃н̃аа ийсигаа; мун̃ж̇амхаад̇взва ийсигаа баб̣б̣аал̣хаа’д̇и. сзяяат̇аа ваа бануд̣̇ааяи, бурисо асим̣ госияаа баб̣б̣аахзяяа; д̇асса звамасса – ‘аяам̣ аси, аяам̣ госи; ан̃н̃о аси ан̃н̃аа госи; госияаад̇взва аси баб̣б̣аал̣хо’д̇и. сзяяат̇аа ваа, бануд̣̇ааяи , бурисо ахим̣ гаран̣д̣аа уд̣̇д̇харзяяа; д̇асса звамасса – ‘аяам̣ ахи, аяам̣ гаран̣д̣о; ан̃н̃о ахи, ан̃н̃о гаран̣д̣о; гаран̣д̣аад̇взва ахи уб̣бхад̇о’д̇и. звамзва ко, уд̣̇ааяи, агкаад̇аа маяаа саавагаанам̣ бадибад̣̇аа, яат̇аабадибаннаа мз саавагаа имамхаа гааяаа ан̃н̃ам̣ гааяам̣ абхинимминанд̇и руубим̣ маномаяам̣ саб̣б̣ан̇г̇абажжан̇г̇им̣ ахийнинд̣̇рияам̣. д̇ад̇ра жа бана мз саавагаа б̣ахуу абхин̃н̃аавосаанабаарамиббад̇д̇аа вихаранд̇и.

253. ‘‘Puna caparaṃ, udāyi, akkhātā mayā sāvakānaṃ paṭipadā, yathāpaṭipannā me sāvakā imamhā kāyā aññaṃ kāyaṃ abhinimminanti rūpiṃ manomayaṃ sabbaṅgapaccaṅgiṃ ahīnindriyaṃ. Seyyathāpi, udāyi, puriso muñjamhā īsikaṃ pabbāheyya; tassa evamassa – ‘ayaṃ muñjo, ayaṃ īsikā; añño muñjo, aññā īsikā; muñjamhātveva īsikā pabbāḷhā’ti. Seyyathā vā panudāyi, puriso asiṃ kosiyā pabbāheyya; tassa evamassa – ‘ayaṃ asi, ayaṃ kosi; añño asi aññā kosi; kosiyātveva asi pabbāḷho’ti. Seyyathā vā, panudāyi , puriso ahiṃ karaṇḍā uddhareyya; tassa evamassa – ‘ayaṃ ahi, ayaṃ karaṇḍo; añño ahi, añño karaṇḍo; karaṇḍātveva ahi ubbhato’ti. Evameva kho, udāyi, akkhātā mayā sāvakānaṃ paṭipadā, yathāpaṭipannā me sāvakā imamhā kāyā aññaṃ kāyaṃ abhinimminanti rūpiṃ manomayaṃ sabbaṅgapaccaṅgiṃ ahīnindriyaṃ. Tatra ca pana me sāvakā bahū abhiññāvosānapāramippattā viharanti.

254. ‘‘буна жабарам̣, уд̣̇ааяи, агкаад̇аа маяаа саавагаанам̣ бадибад̣̇аа, яат̇аабадибаннаа мз саавагаа анзгавихид̇ам̣ ид̣̇д̇хивид̇хам̣ бажжанубхонд̇и – згоби худ̇ваа б̣ахуд̇хаа хонд̇и, б̣ахуд̇хааби худ̇ваа зго ход̇и; аавибхаавам̣, д̇иробхаавам̣; д̇ирогуддам̣ д̇иробаагаарам̣ д̇иробаб̣б̣ад̇ам̣ асаж̇ж̇амаанаа г̇ажчанд̇и, сзяяат̇ааби аагаасз; бат̇авияааби уммуж̇ж̇анимуж̇ж̇ам̣ гаронд̇и, сзяяат̇ааби уд̣̇агз; уд̣̇агзби абхиж̇ж̇амаанз ³⁹ г̇ажчанд̇и, сзяяат̇ааби бат̇авияам̣; аагаасзби баллан̇гзна гаманд̇и, сзяяат̇ааби багкий сагун̣о; имзби жанд̣̇имасуурияз звам̣махид̣̇д̇хигз звам̣махаанубхаавз баан̣инаа баримасанд̇и баримаж̇ж̇анд̇и, яаава б̣рахмалогааби гааязна васам̣ вад̇д̇знд̇и. сзяяат̇ааби, уд̣̇ааяи, д̣̇агко гумбхагааро ваа гумбхагааранд̇зваасий ваа субаригаммагад̇ааяа мад̇д̇игааяа яам̣ яад̣̇зва бхааж̇анавигад̇им̣ ааган̇кзяяа д̇ам̣ д̇ад̣̇зва гарзяяа абхинибпаад̣̇зяяа; сзяяат̇аа ваа бануд̣̇ааяи, д̣̇агко д̣̇анд̇агааро ваа д̣̇анд̇агааранд̇зваасий ваа субаригаммагад̇асмим̣ д̣̇анд̇асмим̣ яам̣ яад̣̇зва д̣̇анд̇авигад̇им̣ ааган̇кзяяа д̇ам̣ д̇ад̣̇зва гарзяяа абхинибпаад̣̇зяяа; сзяяат̇аа ваа бануд̣̇ааяи, д̣̇агко суван̣н̣агааро ваа суван̣н̣агааранд̇зваасий ваа субаригаммагад̇асмим̣ суван̣н̣асмим̣ яам̣ яад̣̇зва суван̣н̣авигад̇им̣ ааган̇кзяяа д̇ам̣ д̇ад̣̇зва гарзяяа абхинибпаад̣̇зяяа. звамзва ко, уд̣̇ааяи, агкаад̇аа маяаа саавагаанам̣ бадибад̣̇аа, яат̇аабадибаннаа мз саавагаа анзгавихид̇ам̣ ид̣̇д̇хивид̇хам̣ бажжанубхонд̇и – згоби худ̇ваа б̣ахуд̇хаа хонд̇и, б̣ахуд̇хааби худ̇ваа зго ход̇и; аавибхаавам̣, д̇иробхаавам̣; д̇ирогуддам̣ д̇иробаагаарам̣ д̇иробаб̣б̣ад̇ам̣ асаж̇ж̇амаанаа г̇ажчанд̇и, сзяяат̇ааби аагаасз; бат̇авияааби уммуж̇ж̇анимуж̇ж̇ам̣ гаронд̇и, сзяяат̇ааби уд̣̇агз; уд̣̇агзби абхиж̇ж̇амаанз г̇ажчанд̇и , сзяяат̇ааби бат̇авияам̣; аагаасзби баллан̇гзна гаманд̇и, сзяяат̇ааби багкий сагун̣о; имзби жанд̣̇имасуурияз звам̣махид̣̇д̇хигз звам̣махаанубхаавз баан̣инаа баримасанд̇и баримаж̇ж̇анд̇и, яаава б̣рахмалогааби гааязна васам̣ вад̇д̇знд̇и. д̇ад̇ра жа бана мз саавагаа б̣ахуу абхин̃н̃аавосаанабаарамиббад̇д̇аа вихаранд̇и.

254. ‘‘Puna caparaṃ, udāyi, akkhātā mayā sāvakānaṃ paṭipadā, yathāpaṭipannā me sāvakā anekavihitaṃ iddhividhaṃ paccanubhonti – ekopi hutvā bahudhā honti, bahudhāpi hutvā eko hoti; āvibhāvaṃ, tirobhāvaṃ; tirokuṭṭaṃ tiropākāraṃ tiropabbataṃ asajjamānā gacchanti, seyyathāpi ākāse; pathaviyāpi ummujjanimujjaṃ karonti, seyyathāpi udake; udakepi abhijjamāne ⁴⁰ gacchanti, seyyathāpi pathaviyaṃ; ākāsepi pallaṅkena kamanti, seyyathāpi pakkhī sakuṇo; imepi candimasūriye evaṃmahiddhike evaṃmahānubhāve pāṇinā parimasanti parimajjanti, yāva brahmalokāpi kāyena vasaṃ vattenti. Seyyathāpi, udāyi, dakkho kumbhakāro vā kumbhakārantevāsī vā suparikammakatāya mattikāya yaṃ yadeva bhājanavikatiṃ ākaṅkheyya taṃ tadeva kareyya abhinipphādeyya; seyyathā vā panudāyi, dakkho dantakāro vā dantakārantevāsī vā suparikammakatasmiṃ dantasmiṃ yaṃ yadeva dantavikatiṃ ākaṅkheyya taṃ tadeva kareyya abhinipphādeyya; seyyathā vā panudāyi, dakkho suvaṇṇakāro vā suvaṇṇakārantevāsī vā suparikammakatasmiṃ suvaṇṇasmiṃ yaṃ yadeva suvaṇṇavikatiṃ ākaṅkheyya taṃ tadeva kareyya abhinipphādeyya. Evameva kho, udāyi, akkhātā mayā sāvakānaṃ paṭipadā, yathāpaṭipannā me sāvakā anekavihitaṃ iddhividhaṃ paccanubhonti – ekopi hutvā bahudhā honti, bahudhāpi hutvā eko hoti; āvibhāvaṃ, tirobhāvaṃ; tirokuṭṭaṃ tiropākāraṃ tiropabbataṃ asajjamānā gacchanti, seyyathāpi ākāse; pathaviyāpi ummujjanimujjaṃ karonti, seyyathāpi udake; udakepi abhijjamāne gacchanti , seyyathāpi pathaviyaṃ; ākāsepi pallaṅkena kamanti, seyyathāpi pakkhī sakuṇo; imepi candimasūriye evaṃmahiddhike evaṃmahānubhāve pāṇinā parimasanti parimajjanti, yāva brahmalokāpi kāyena vasaṃ vattenti. Tatra ca pana me sāvakā bahū abhiññāvosānapāramippattā viharanti.

255. ‘‘буна жабарам̣, уд̣̇ааяи, агкаад̇аа маяаа саавагаанам̣ бадибад̣̇аа, яат̇аабадибаннаа мз саавагаа д̣̇иб̣б̣ааяа сод̇ад̇хаад̇уяаа висуд̣̇д̇хааяа ад̇игганд̇амаанусигааяа убхо сад̣̇д̣̇з сун̣анд̇и – д̣̇иб̣б̣з жа маанусз жа, яз д̣̇уурз санд̇игз жа. сзяяат̇ааби, уд̣̇ааяи, б̣алаваа сан̇кад̇хамо аббагасирзнзва жаад̇уд̣̇д̣̇исаа вин̃н̃аабзяяа; звамзва ко, уд̣̇ааяи, агкаад̇аа маяаа саавагаанам̣ бадибад̣̇аа, яат̇аабадибаннаа мз саавагаа д̣̇иб̣б̣ааяа сод̇ад̇хаад̇уяаа висуд̣̇д̇хааяа ад̇игганд̇амаанусигааяа убхо сад̣̇д̣̇з сун̣анд̇и – д̣̇иб̣б̣з жа маанусз жа, яз д̣̇уурз санд̇игз жа. д̇ад̇ра жа бана мз саавагаа б̣ахуу абхин̃н̃аавосаанабаарамиббад̇д̇аа вихаранд̇и.

255. ‘‘Puna caparaṃ, udāyi, akkhātā mayā sāvakānaṃ paṭipadā, yathāpaṭipannā me sāvakā dibbāya sotadhātuyā visuddhāya atikkantamānusikāya ubho sadde suṇanti – dibbe ca mānuse ca, ye dūre santike ca. Seyyathāpi, udāyi, balavā saṅkhadhamo appakasireneva cātuddisā viññāpeyya; evameva kho, udāyi, akkhātā mayā sāvakānaṃ paṭipadā, yathāpaṭipannā me sāvakā dibbāya sotadhātuyā visuddhāya atikkantamānusikāya ubho sadde suṇanti – dibbe ca mānuse ca, ye dūre santike ca. Tatra ca pana me sāvakā bahū abhiññāvosānapāramippattā viharanti.

256. ‘‘буна жабарам̣, уд̣̇ааяи, агкаад̇аа маяаа саавагаанам̣ бадибад̣̇аа, яат̇аабадибаннаа мз саавагаа барасад̇д̇аанам̣ барабуг̇г̇алаанам̣ жзд̇асаа жзд̇о барижжа баж̇аананд̇и – сарааг̇ам̣ ваа жид̇д̇ам̣ ‘сарааг̇ам̣ жид̇д̇а’нд̇и баж̇аананд̇и, вийд̇арааг̇ам̣ ваа жид̇д̇ам̣ ‘вийд̇арааг̇ам̣ жид̇д̇а’нд̇и баж̇аананд̇и; сад̣̇осам̣ ваа жид̇д̇ам̣ ‘сад̣̇осам̣ жид̇д̇а’нд̇и баж̇аананд̇и, вийд̇ад̣̇осам̣ ваа жид̇д̇ам̣ ‘вийд̇ад̣̇осам̣ жид̇д̇а’нд̇и баж̇аананд̇и; самохам̣ ваа жид̇д̇ам̣ ‘самохам̣ жид̇д̇а’нд̇и баж̇аананд̇и, вийд̇амохам̣ ваа жид̇д̇ам̣ ‘вийд̇амохам̣ жид̇д̇а’нд̇и баж̇аананд̇и; сам̣кид̇д̇ам̣ ваа жид̇д̇ам̣ ‘сан̇кид̇д̇ам̣ жид̇д̇а’нд̇и баж̇аананд̇и, вигкид̇д̇ам̣ ваа жид̇д̇ам̣ ‘вигкид̇д̇ам̣ жид̇д̇а’нд̇и баж̇аананд̇и; махаг̇г̇ад̇ам̣ ваа жид̇д̇ам̣ ‘махаг̇г̇ад̇ам̣ жид̇д̇а’нд̇и баж̇аананд̇и, амахаг̇г̇ад̇ам̣ ваа жид̇д̇ам̣ ‘амахаг̇г̇ад̇ам̣ жид̇д̇а’нд̇и баж̇аананд̇и; сауд̇д̇арам̣ ваа жид̇д̇ам̣ ‘сауд̇д̇арам̣ жид̇д̇а’нд̇и баж̇аананд̇и, ануд̇д̇арам̣ ваа жид̇д̇ам̣ ‘ануд̇д̇арам̣ жид̇д̇а’нд̇и баж̇аананд̇и; самаахид̇ам̣ ваа жид̇д̇ам̣ ‘самаахид̇ам̣ жид̇д̇а’нд̇и баж̇аананд̇и, асамаахид̇ам̣ ваа жид̇д̇ам̣ ‘асамаахид̇ам̣ жид̇д̇а’нд̇и баж̇аананд̇и; вимуд̇д̇ам̣ ваа жид̇д̇ам̣ ‘вимуд̇д̇ам̣ жид̇д̇а’нд̇и баж̇аананд̇и, авимуд̇д̇ам̣ ваа жид̇д̇ам̣ ‘авимуд̇д̇ам̣ жид̇д̇а’нд̇и баж̇аананд̇и. сзяяат̇ааби, уд̣̇ааяи, ид̇т̇ий ваа бурисо ваа д̣̇ахаро яуваа ман̣д̣анагаж̇аад̇иго аад̣̇аасз ваа барисуд̣̇д̇хз барияод̣̇аад̇з ажчз ваа уд̣̇агабад̇д̇з сагам̣ муканимид̇д̇ам̣ бажжавзгкамаано саган̣игам̣ ваа ‘саган̣ига’нд̇и ⁴¹ ж̇аанзяяа , аган̣игам̣ ваа ‘аган̣ига’нд̇и ⁴² ж̇аанзяяа; звамзва ко, уд̣̇ааяи, агкаад̇аа маяаа саавагаанам̣ бадибад̣̇аа, яат̇аабадибаннаа мз саавагаа барасад̇д̇аанам̣ барабуг̇г̇алаанам̣ жзд̇асаа жзд̇о барижжа баж̇аананд̇и – сарааг̇ам̣ ваа жид̇д̇ам̣ ‘сарааг̇ам̣ жид̇д̇а’нд̇и баж̇аананд̇и, вийд̇арааг̇ам̣ ваа жид̇д̇ам̣…бз… сад̣̇осам̣ ваа жид̇д̇ам̣… вийд̇ад̣̇осам̣ ваа жид̇д̇ам̣… самохам̣ ваа жид̇д̇ам̣… вийд̇амохам̣ ваа жид̇д̇ам̣… сан̇кид̇д̇ам̣ ваа жид̇д̇ам̣… вигкид̇д̇ам̣ ваа жид̇д̇ам̣… махаг̇г̇ад̇ам̣ ваа жид̇д̇ам̣… амахаг̇г̇ад̇ам̣ ваа жид̇д̇ам̣… сауд̇д̇арам̣ ваа жид̇д̇ам̣… ануд̇д̇арам̣ ваа жид̇д̇ам̣… самаахид̇ам̣ ваа жид̇д̇ам̣… асамаахид̇ам̣ ваа жид̇д̇ам̣… вимуд̇д̇ам̣ ваа жид̇д̇ам̣… авимуд̇д̇ам̣ ваа жид̇д̇ам̣ ‘авимуд̇д̇ам̣ жид̇д̇а’нд̇и баж̇аананд̇и. д̇ад̇ра жа бана мз саавагаа б̣ахуу абхин̃н̃аавосаанабаарамиббад̇д̇аа вихаранд̇и.

256. ‘‘Puna caparaṃ, udāyi, akkhātā mayā sāvakānaṃ paṭipadā, yathāpaṭipannā me sāvakā parasattānaṃ parapuggalānaṃ cetasā ceto paricca pajānanti – sarāgaṃ vā cittaṃ ‘sarāgaṃ citta’nti pajānanti, vītarāgaṃ vā cittaṃ ‘vītarāgaṃ citta’nti pajānanti; sadosaṃ vā cittaṃ ‘sadosaṃ citta’nti pajānanti, vītadosaṃ vā cittaṃ ‘vītadosaṃ citta’nti pajānanti; samohaṃ vā cittaṃ ‘samohaṃ citta’nti pajānanti, vītamohaṃ vā cittaṃ ‘vītamohaṃ citta’nti pajānanti; saṃkhittaṃ vā cittaṃ ‘saṅkhittaṃ citta’nti pajānanti, vikkhittaṃ vā cittaṃ ‘vikkhittaṃ citta’nti pajānanti; mahaggataṃ vā cittaṃ ‘mahaggataṃ citta’nti pajānanti, amahaggataṃ vā cittaṃ ‘amahaggataṃ citta’nti pajānanti; sauttaraṃ vā cittaṃ ‘sauttaraṃ citta’nti pajānanti, anuttaraṃ vā cittaṃ ‘anuttaraṃ citta’nti pajānanti; samāhitaṃ vā cittaṃ ‘samāhitaṃ citta’nti pajānanti, asamāhitaṃ vā cittaṃ ‘asamāhitaṃ citta’nti pajānanti; vimuttaṃ vā cittaṃ ‘vimuttaṃ citta’nti pajānanti, avimuttaṃ vā cittaṃ ‘avimuttaṃ citta’nti pajānanti. Seyyathāpi, udāyi, itthī vā puriso vā daharo yuvā maṇḍanakajātiko ādāse vā parisuddhe pariyodāte acche vā udakapatte sakaṃ mukhanimittaṃ paccavekkhamāno sakaṇikaṃ vā ‘sakaṇika’nti ⁴³ jāneyya , akaṇikaṃ vā ‘akaṇika’nti ⁴⁴ jāneyya; evameva kho, udāyi, akkhātā mayā sāvakānaṃ paṭipadā, yathāpaṭipannā me sāvakā parasattānaṃ parapuggalānaṃ cetasā ceto paricca pajānanti – sarāgaṃ vā cittaṃ ‘sarāgaṃ citta’nti pajānanti, vītarāgaṃ vā cittaṃ…pe… sadosaṃ vā cittaṃ… vītadosaṃ vā cittaṃ… samohaṃ vā cittaṃ… vītamohaṃ vā cittaṃ… saṅkhittaṃ vā cittaṃ… vikkhittaṃ vā cittaṃ… mahaggataṃ vā cittaṃ… amahaggataṃ vā cittaṃ… sauttaraṃ vā cittaṃ… anuttaraṃ vā cittaṃ… samāhitaṃ vā cittaṃ… asamāhitaṃ vā cittaṃ… vimuttaṃ vā cittaṃ… avimuttaṃ vā cittaṃ ‘avimuttaṃ citta’nti pajānanti. Tatra ca pana me sāvakā bahū abhiññāvosānapāramippattā viharanti.

257. ‘‘буна жабарам̣, уд̣̇ааяи, агкаад̇аа маяаа саавагаанам̣ бадибад̣̇аа, яат̇аабадибаннаа мз саавагаа анзгавихид̇ам̣ буб̣б̣зниваасам̣ ануссаранд̇и, сзяяат̇ид̣̇ам̣ – згамби ж̇аад̇им̣ д̣̇взби ж̇аад̇ияо д̇иссоби ж̇аад̇ияо жад̇ассоби ж̇аад̇ияо бан̃жаби ж̇аад̇ияо д̣̇асаби ж̇аад̇ияо вийсамби ж̇аад̇ияо д̇им̣самби ж̇аад̇ияо жад̇д̇аалийсамби ж̇аад̇ияо бан̃н̃аасамби ж̇аад̇ияо ж̇аад̇исад̇амби ж̇аад̇исахассамби ж̇аад̇исад̇асахассамби, анзгзби сам̣ваддагаббз анзгзби виваддагаббз анзгзби сам̣ваддавиваддагаббз – ‘амуд̇раасим̣ звам̣наамо звам̣г̇од̇д̇о звам̣ван̣н̣о звамаахааро звам̣сукад̣̇угкаббадисам̣взд̣̇ий звамааяубарияанд̇о, со д̇ад̇о жуд̇о амуд̇ра уд̣̇абаад̣̇им̣; д̇ад̇раабаасим̣ звам̣наамо звам̣г̇од̇д̇о звам̣ван̣н̣о звамаахааро звам̣сукад̣̇угкаббадисам̣взд̣̇ий звамааяубарияанд̇о, со д̇ад̇о жуд̇о ид̇хуубабанно’д̇и. ид̇и саагаарам̣ сауд̣̇д̣̇зсам̣ анзгавихид̇ам̣ буб̣б̣зниваасам̣ ануссарад̇и. сзяяат̇ааби, уд̣̇ааяи, бурисо сагамхаа г̇аамаа ан̃н̃ам̣ г̇аамам̣ г̇ажчзяяа, д̇амхааби г̇аамаа ан̃н̃ам̣ г̇аамам̣ г̇ажчзяяа; со д̇амхаа г̇аамаа сагам̣язва г̇аамам̣ бажжааг̇ажчзяяа; д̇асса звамасса – ‘ахам̣ ко сагамхаа г̇аамаа ан̃н̃ам̣ г̇аамам̣ аг̇ажчим̣, д̇ад̇ра звам̣ адтаасим̣ звам̣ нисийд̣̇им̣ звам̣ абхаасим̣ звам̣ д̇ун̣хий ахосим̣; д̇амхааби г̇аамаа амум̣ г̇аамам̣ аг̇ажчим̣, д̇ад̇рааби звам̣ адтаасим̣ звам̣ нисийд̣̇им̣ звам̣ абхаасим̣ звам̣ д̇ун̣хий ахосим̣, сомхи д̇амхаа г̇аамаа сагам̣язва г̇аамам̣ бажжааг̇ад̇о’д̇и. звамзва ко, уд̣̇ааяи, агкаад̇аа маяаа саавагаанам̣ бадибад̣̇аа, яат̇аабадибаннаа мз саавагаа анзгавихид̇ам̣ буб̣б̣зниваасам̣ ануссаранд̇и, сзяяат̇ид̣̇ам̣ – згамби ж̇аад̇им̣…бз… ид̇и саагаарам̣ сауд̣̇д̣̇зсам̣ анзгавихид̇ам̣ буб̣б̣зниваасам̣ ануссаранд̇и. д̇ад̇ра жа бана мз саавагаа б̣ахуу абхин̃н̃аавосаанабаарамиббад̇д̇аа вихаранд̇и.

257. ‘‘Puna caparaṃ, udāyi, akkhātā mayā sāvakānaṃ paṭipadā, yathāpaṭipannā me sāvakā anekavihitaṃ pubbenivāsaṃ anussaranti, seyyathidaṃ – ekampi jātiṃ dvepi jātiyo tissopi jātiyo catassopi jātiyo pañcapi jātiyo dasapi jātiyo vīsampi jātiyo tiṃsampi jātiyo cattālīsampi jātiyo paññāsampi jātiyo jātisatampi jātisahassampi jātisatasahassampi, anekepi saṃvaṭṭakappe anekepi vivaṭṭakappe anekepi saṃvaṭṭavivaṭṭakappe – ‘amutrāsiṃ evaṃnāmo evaṃgotto evaṃvaṇṇo evamāhāro evaṃsukhadukkhappaṭisaṃvedī evamāyupariyanto, so tato cuto amutra udapādiṃ; tatrāpāsiṃ evaṃnāmo evaṃgotto evaṃvaṇṇo evamāhāro evaṃsukhadukkhappaṭisaṃvedī evamāyupariyanto, so tato cuto idhūpapanno’ti. Iti sākāraṃ sauddesaṃ anekavihitaṃ pubbenivāsaṃ anussarati. Seyyathāpi, udāyi, puriso sakamhā gāmā aññaṃ gāmaṃ gaccheyya, tamhāpi gāmā aññaṃ gāmaṃ gaccheyya; so tamhā gāmā sakaṃyeva gāmaṃ paccāgaccheyya; tassa evamassa – ‘ahaṃ kho sakamhā gāmā aññaṃ gāmaṃ agacchiṃ, tatra evaṃ aṭṭhāsiṃ evaṃ nisīdiṃ evaṃ abhāsiṃ evaṃ tuṇhī ahosiṃ; tamhāpi gāmā amuṃ gāmaṃ agacchiṃ, tatrāpi evaṃ aṭṭhāsiṃ evaṃ nisīdiṃ evaṃ abhāsiṃ evaṃ tuṇhī ahosiṃ, somhi tamhā gāmā sakaṃyeva gāmaṃ paccāgato’ti. Evameva kho, udāyi, akkhātā mayā sāvakānaṃ paṭipadā, yathāpaṭipannā me sāvakā anekavihitaṃ pubbenivāsaṃ anussaranti, seyyathidaṃ – ekampi jātiṃ…pe… iti sākāraṃ sauddesaṃ anekavihitaṃ pubbenivāsaṃ anussaranti. Tatra ca pana me sāvakā bahū abhiññāvosānapāramippattā viharanti.

258. ‘‘буна жабарам̣, уд̣̇ааяи, агкаад̇аа маяаа саавагаанам̣ бадибад̣̇аа, яат̇аабадибаннаа мз саавагаа д̣̇иб̣б̣зна жагкунаа висуд̣̇д̇хзна ад̇игганд̇амаанусагзна сад̇д̇з бассанд̇и жавамаанз убабаж̇ж̇амаанз хийнз бан̣ийд̇з суван̣н̣з д̣̇уб̣б̣ан̣н̣з суг̇ад̇з д̣̇уг̇г̇ад̇з яат̇аагаммуубаг̇з сад̇д̇з баж̇аананд̇и – ‘имз вад̇а бхонд̇о сад̇д̇аа гааяад̣̇ужжарид̇зна саманнааг̇ад̇аа важийд̣̇ужжарид̇зна саманнааг̇ад̇аа манод̣̇ужжарид̇зна саманнааг̇ад̇аа арияаанам̣ убаваад̣̇агаа мижчаад̣̇идтигаа мижчаад̣̇идтигаммасамаад̣̇аанаа, д̇з гааяасса бхзд̣̇аа барам̣ маран̣аа абааяам̣ д̣̇уг̇г̇ад̇им̣ винибаад̇ам̣ нираяам̣ убабаннаа; имз ваа бана бхонд̇о сад̇д̇аа гааяасужарид̇зна саманнааг̇ад̇аа важийсужарид̇зна саманнааг̇ад̇аа маносужарид̇зна саманнааг̇ад̇аа арияаанам̣ анубаваад̣̇агаа саммаад̣̇идтигаа саммаад̣̇идтигаммасамаад̣̇аанаа, д̇з гааяасса бхзд̣̇аа барам̣ маран̣аа суг̇ад̇им̣ саг̇г̇ам̣ логам̣ убабаннаа’д̇и. ид̇и д̣̇иб̣б̣зна жагкунаа висуд̣̇д̇хзна ад̇игганд̇амаанусагзна сад̇д̇з бассанд̇и жавамаанз убабаж̇ж̇амаанз хийнз бан̣ийд̇з суван̣н̣з д̣̇уб̣б̣ан̣н̣з суг̇ад̇з д̣̇уг̇г̇ад̇з яат̇аагаммуубаг̇з сад̇д̇з баж̇аананд̇и. сзяяат̇ааби, уд̣̇ааяи, д̣̇вз аг̇аараа сад̣̇ваараа ⁴⁵. д̇ад̇ра жагкумаа бурисо маж̇жхз тид̇о бассзяяа мануссз г̇зхам̣ бависанд̇зби нигкаманд̇зби анужан̇гаманд̇зби анувижаранд̇зби; звамзва ко, уд̣̇ааяи, агкаад̇аа маяаа саавагаанам̣ бадибад̣̇аа, яат̇аабадибаннаа мз саавагаа д̣̇иб̣б̣зна жагкунаа висуд̣̇д̇хзна ад̇игганд̇амаанусагзна сад̇д̇з бассанд̇и жавамаанз убабаж̇ж̇амаанз хийнз бан̣ийд̇з суван̣н̣з д̣̇уб̣б̣ан̣н̣з суг̇ад̇з д̣̇уг̇г̇ад̇з яат̇аагаммуубаг̇з сад̇д̇з баж̇аананд̇и…бз… д̇ад̇ра жа ба мз саавагаа б̣ахуу абхин̃н̃аавосаанабаарамиббад̇д̇аа вихаранд̇и.

258. ‘‘Puna caparaṃ, udāyi, akkhātā mayā sāvakānaṃ paṭipadā, yathāpaṭipannā me sāvakā dibbena cakkhunā visuddhena atikkantamānusakena satte passanti cavamāne upapajjamāne hīne paṇīte suvaṇṇe dubbaṇṇe sugate duggate yathākammūpage satte pajānanti – ‘ime vata bhonto sattā kāyaduccaritena samannāgatā vacīduccaritena samannāgatā manoduccaritena samannāgatā ariyānaṃ upavādakā micchādiṭṭhikā micchādiṭṭhikammasamādānā, te kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapannā; ime vā pana bhonto sattā kāyasucaritena samannāgatā vacīsucaritena samannāgatā manosucaritena samannāgatā ariyānaṃ anupavādakā sammādiṭṭhikā sammādiṭṭhikammasamādānā, te kāyassa bhedā paraṃ maraṇā sugatiṃ saggaṃ lokaṃ upapannā’ti. Iti dibbena cakkhunā visuddhena atikkantamānusakena satte passanti cavamāne upapajjamāne hīne paṇīte suvaṇṇe dubbaṇṇe sugate duggate yathākammūpage satte pajānanti. Seyyathāpi, udāyi, dve agārā sadvārā ⁴⁶. Tatra cakkhumā puriso majjhe ṭhito passeyya manusse gehaṃ pavisantepi nikkhamantepi anucaṅkamantepi anuvicarantepi; evameva kho, udāyi, akkhātā mayā sāvakānaṃ paṭipadā, yathāpaṭipannā me sāvakā dibbena cakkhunā visuddhena atikkantamānusakena satte passanti cavamāne upapajjamāne hīne paṇīte suvaṇṇe dubbaṇṇe sugate duggate yathākammūpage satte pajānanti…pe… tatra ca pa me sāvakā bahū abhiññāvosānapāramippattā viharanti.

259. ‘‘буна жабарам̣, уд̣̇ааяи, агкаад̇аа маяаа саавагаанам̣ бадибад̣̇аа, яат̇аабадибаннаа мз саавагаа аасаваанам̣ каяаа анаасавам̣ жзд̇овимуд̇д̇им̣ бан̃н̃аавимуд̇д̇им̣ д̣̇идтзва д̇хаммз саяам̣ абхин̃н̃аа сажчигад̇ваа убасамбаж̇ж̇а вихаранд̇и. сзяяат̇ааби, уд̣̇ааяи, баб̣б̣ад̇асан̇кзбз уд̣̇агарахад̣̇о ажчо виббасанно анаавило, д̇ад̇т̇а жагкумаа бурисо д̇ийрз тид̇о бассзяяа сиббисамб̣угамби ⁴⁷ сагкарагаталамби мажчаг̇умб̣амби жаранд̇амби д̇идтанд̇амби. д̇асса звамасса – ‘аяам̣ ко уд̣̇агарахад̣̇о ажчо виббасанно анаавило, д̇ад̇римз сиббисамб̣угааби сагкарагаталааби мажчаг̇умб̣ааби жаранд̇иби д̇идтанд̇ибий’д̇и. звамзва ко, уд̣̇ааяи, агкаад̇аа маяаа саавагаанам̣ бадибад̣̇аа, яат̇аабадибаннаа мз саавагаа аасаваанам̣ каяаа анаасавам̣ жзд̇овимуд̇д̇им̣ бан̃н̃аавимуд̇д̇им̣ д̣̇идтзва д̇хаммз саяам̣ абхин̃н̃аа сажчигад̇ваа убасамбаж̇ж̇а вихаранд̇и. д̇ад̇ра жа бана мз саавагаа б̣ахуу абхин̃н̃аавосаанабаарамиббад̇д̇аа вихаранд̇и. аяам̣ ко, уд̣̇ааяи, бан̃жамо д̇хаммо язна мама саавагаа саггаронд̇и г̇арум̣ гаронд̇и маанзнд̇и бууж̇знд̇и, саггад̇ваа г̇арум̣ гад̇ваа убаниссааяа вихаранд̇и.

259. ‘‘Puna caparaṃ, udāyi, akkhātā mayā sāvakānaṃ paṭipadā, yathāpaṭipannā me sāvakā āsavānaṃ khayā anāsavaṃ cetovimuttiṃ paññāvimuttiṃ diṭṭheva dhamme sayaṃ abhiññā sacchikatvā upasampajja viharanti. Seyyathāpi, udāyi, pabbatasaṅkhepe udakarahado accho vippasanno anāvilo, tattha cakkhumā puriso tīre ṭhito passeyya sippisambukampi ⁴⁸ sakkharakaṭhalampi macchagumbampi carantampi tiṭṭhantampi. Tassa evamassa – ‘ayaṃ kho udakarahado accho vippasanno anāvilo, tatrime sippisambukāpi sakkharakaṭhalāpi macchagumbāpi carantipi tiṭṭhantipī’ti. Evameva kho, udāyi, akkhātā mayā sāvakānaṃ paṭipadā, yathāpaṭipannā me sāvakā āsavānaṃ khayā anāsavaṃ cetovimuttiṃ paññāvimuttiṃ diṭṭheva dhamme sayaṃ abhiññā sacchikatvā upasampajja viharanti. Tatra ca pana me sāvakā bahū abhiññāvosānapāramippattā viharanti. Ayaṃ kho, udāyi, pañcamo dhammo yena mama sāvakā sakkaronti garuṃ karonti mānenti pūjenti, sakkatvā garuṃ katvā upanissāya viharanti.

‘‘имз ко, уд̣̇ааяи, бан̃жа д̇хаммаа язхи мамам̣ саавагаа саггаронд̇и г̇арум̣ гаронд̇и маанзнд̇и бууж̇знд̇и, саггад̇ваа г̇арум̣ гад̇ваа убаниссааяа вихаранд̇ий’’д̇и.

‘‘Ime kho, udāyi, pañca dhammā yehi mamaṃ sāvakā sakkaronti garuṃ karonti mānenti pūjenti, sakkatvā garuṃ katvā upanissāya viharantī’’ti.

ид̣̇амавожа бхаг̇аваа. ад̇д̇амано сагулуд̣̇ааяий бариб̣б̣ааж̇аго бхаг̇авад̇о бхаасид̇ам̣ абхинанд̣̇ийд̇и.

Idamavoca bhagavā. Attamano sakuludāyī paribbājako bhagavato bhāsitaṃ abhinandīti.

махаасагулуд̣̇ааяисуд̇д̇ам̣ нидтид̇ам̣ сад̇д̇амам̣.

Mahāsakuludāyisuttaṃ niṭṭhitaṃ sattamaṃ.

Next: 8. саман̣амун̣д̣игасуд̇д̇ам̣ • 8. Samaṇamuṇḍikasuttaṃ

Footnotes:

1. яад̇т̇имз (сий.)

2. г̇аругад̇ваа (сий. сяаа. гам̣. бий.)

3. yatthime (sī.)

4. garukatvā (sī. syā. kaṃ. pī.)

5. ж̇ан̣н̣угз (сий.)

6. бажжаасим̣ самаанаруубо (сий. сяаа. гам̣. бий.)

7. куд̣̇д̣̇ам̣ мад̇хум̣ (сий. сяаа. гам̣. бий.)

8. уббийл̣зяяа (сий.)

9. jaṇṇuke (sī.)

10. paccāsiṃ samānarūpo (sī. syā. kaṃ. pī.)

11. khuddaṃ madhuṃ (sī. syā. kaṃ. pī.)

12. uppīḷeyya (sī.)

13. мама (саб̣б̣ад̇т̇а)

14. г̇аругаронд̇и (сий. сяаа. гам̣. бий.)

15. mama (sabbattha)

16. garukaronti (sī. syā. kaṃ. pī.)

17. баабан̣игаани ваа нанд̇агаани ваа (сий.)

18. ужчинд̣̇ид̇ваа (га.)

19. pāpaṇikāni vā nantakāni vā (sī.)

20. ucchinditvā (ka.)

21. ниманд̇анассааби (га.)

22. nimantanassāpi (ka.)

23. пуссид̇аг̇г̇ал̣зсу (сий. бий.)

24. phussitaggaḷesu (sī. pī.)

25. яамуд̣̇ааяи (сяаа. га.)

26. yamudāyi (syā. ka.)

27. бажжаасим̣саами (сий. сяаа. гам̣. бий.)

28. paccāsiṃsāmi (sī. syā. kaṃ. pī.)

29. нахаабаго (сий. бий.)

30. нахаанийяажун̣н̣аани (сий. бий.)

31. саасса нахаанийяабин̣д̣ий (сий. сяаа. гам̣.)

32. nahāpako (sī. pī.)

33. nahānīyacuṇṇāni (sī. pī.)

34. sāssa nahānīyapiṇḍī (sī. syā. kaṃ.)

35. уб̣бхид̇од̣̇аго (сяаа. гам̣. га.)

36. на нзсам̣ (сий.)

37. ubbhitodako (syā. kaṃ. ka.)

38. na nesaṃ (sī.)

39. абхиж̇ж̇амаанаа (га.)

40. abhijjamānā (ka.)

41. саган̣иган̇г̇ам̣ ваа саган̣иган̇г̇анд̇и (сий.)

42. аган̣иган̇г̇ам̣ ваа аган̣иган̇г̇анд̇и (сий.)

43. sakaṇikaṅgaṃ vā sakaṇikaṅganti (sī.)

44. akaṇikaṅgaṃ vā akaṇikaṅganti (sī.)

45. саннад̣̇ваараа (га.)

46. sannadvārā (ka.)

47. сиббигасамб̣угамби (сяаа. гам̣. га.)

48. sippikasambukampi (syā. kaṃ. ka.)

Related texts:

адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 7. махаасагулуд̣̇ааяисуд̇д̇аван̣н̣анаа • 7. Mahāsakuludāyisuttavaṇṇanā

дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 7. махаасагулуд̣̇ааяисуд̇д̇аван̣н̣анаа • 7. Mahāsakuludāyisuttavaṇṇanā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact