| Library / Tipiṭaka / д̇ибидага • Tipiṭaka / маж̇жхиманигааяа (дийгаа) • Majjhimanikāya (ṭīkā) |
7. махаасагулуд̣̇ааяисуд̇д̇аван̣н̣анаа
7. Mahāsakuludāyisuttavaṇṇanā
237. абхин̃н̃аад̇аад̇и зд̣̇исо зд̣̇исо жаад̇и абхилагкан̣авасзна н̃аад̇аа. аббасад̣̇д̣̇асса винийд̇о, аббасад̣̇д̣̇ад̇ааяа манд̣̇абхаан̣ид̇ааяа винийд̇од̇и жа аббасад̣̇д̣̇авинийд̇од̇и вужжамаанз ан̃н̃зна винийд̇абхааво д̣̇ийбид̇о ход̇и, бхаг̇аваа бана саяамбхун̃аан̣зна саяамзва винийд̇о. д̇асмаа баал̣ияам̣ ‘‘аббасад̣̇д̣̇авинийд̇о’’д̇и на вуд̇д̇ам̣. д̇знааха ‘‘на хи бхаг̇аваа ан̃н̃зна винийд̇о’’д̇и.
237.Abhiññātāti ediso ediso cāti abhilakkhaṇavasena ñātā. Appasaddassa vinīto, appasaddatāya mandabhāṇitāya vinītoti ca appasaddavinītoti vuccamāne aññena vinītabhāvo dīpito hoti, bhagavā pana sayambhuñāṇena sayameva vinīto. Tasmā pāḷiyaṃ ‘‘appasaddavinīto’’ti na vuttaṃ. Tenāha ‘‘na hi bhagavā aññena vinīto’’ti.
238. хияяод̣̇ивасам̣ убаад̣̇ааяа д̇ад̇о аасаннаани гад̇ибаяаани д̣̇ивасаани буримаани наама хонд̇и, буримаанийд̇и жа буб̣б̣агаани, ад̇ийд̇аанийд̇и ад̇т̇о. д̇ад̇о баранд̇и яат̇аа вуд̇д̇аад̇ийд̇ад̣̇ивасад̇о ананд̇арам̣ барам̣ буримад̇арам̣ ад̇исаязна буримад̇д̇аа. ид̇и имзсу д̣̇вийсу бавад̇д̇ид̇о яат̇ааггамам̣ буримабуримад̇арабхааво, звам̣ санд̇зби яад̣̇зд̇т̇а ‘‘буримад̇ара’’нд̇и вуд̇д̇ам̣, д̇ад̇о бабхуд̇и яам̣ яам̣ орам̣, д̇ам̣ д̇ам̣ барам̣, яам̣ яам̣ барам̣, д̇ам̣ д̇ам̣ ‘‘буримад̇ара’’нд̇и вуд̇д̇ам̣ ход̇и. гуд̇уухалаяуд̇д̇аа саалаа гуд̇уухаласаалаа яат̇аа ‘‘ааж̇ан̃н̃арат̇о’’д̇и. имз д̣̇ассанаад̣̇аяо.
238.Hiyyodivasaṃupādāya tato āsannāni katipayāni divasāni purimāni nāma honti, purimānīti ca pubbakāni, atītānīti attho. Tato paranti yathā vuttaatītadivasato anantaraṃ paraṃ purimataraṃ atisayena purimattā. Iti imesu dvīsu pavattito yathākkamaṃ purimapurimatarabhāvo, evaṃ santepi yadettha ‘‘purimatara’’nti vuttaṃ, tato pabhuti yaṃ yaṃ oraṃ, taṃ taṃ paraṃ, yaṃ yaṃ paraṃ, taṃ taṃ ‘‘purimatara’’nti vuttaṃ hoti. Kutūhalayuttā sālā kutūhalasālā yathā ‘‘ājaññaratho’’ti. Ime dassanādayo.
аяат̇аабхууд̇аг̇ун̣зхийд̇и аяат̇аабхууд̇ам̣ мижчаад̣̇ийбид̇аад̇т̇амад̇д̇знзва уг̇гхосид̇аг̇ун̣зхи самуг̇г̇ад̇о гхосид̇о. д̇аранд̇и ад̇иггаманд̇и зд̇знаад̇и д̇ид̇т̇ам̣, аг̇г̇амаг̇г̇о. д̣̇идтиг̇ад̇игамаг̇г̇о бана аяат̇аабхууд̇оби д̇зсам̣ д̇ат̇аа вид̇аран̣ам̣ убаад̣̇ааяа д̇ид̇т̇анд̇и вохарийяад̇ийд̇и д̇ам̣ гаронд̇аа д̇ид̇т̇агараа. осарад̇ийд̇и бависад̇и.
Ayathābhūtaguṇehīti ayathābhūtaṃ micchādīpitaatthamatteneva ugghositaguṇehi samuggato ghosito. Taranti atikkamanti etenāti titthaṃ, aggamaggo. Diṭṭhigatikamaggo pana ayathābhūtopi tesaṃ tathā vitaraṇaṃ upādāya titthanti voharīyatīti taṃ karontā titthakarā. Osaratīti pavisati.
239. сахид̇анд̇и буб̣б̣аабараавируд̣̇д̇хам̣. на гин̃жи ж̇аад̇анд̇и бадин̃н̃аад̣̇осахзд̇уд̣̇осауд̣̇аахаран̣ад̣̇осад̣̇удтад̣̇осад̇ааяа на гин̃жи ж̇аад̇ам̣. д̇знааха ‘‘ааробид̇о д̇з ваад̣̇о’’д̇и. вад̣̇анд̇и д̇зна барибхаасанд̇ийд̇и ваад̣̇о д̣̇осо. сабхааваггосзнаад̇и сабхаавад̇о бавад̇д̇агодтаасзна.
239.Sahitanti pubbāparāviruddhaṃ. Na kiñci jātanti paṭiññādosahetudosaudāharaṇadosaduṭṭhadosatāya na kiñci jātaṃ. Tenāha ‘‘āropito te vādo’’ti. Vadanti tena paribhāsantīti vādo doso. Sabhāvakkosenāti sabhāvato pavattakoṭṭhāsena.
240. бийл̣зяяаад̇и мад̇хубхан̣д̣зна саха бхааж̇анз бийл̣зд̇ваа д̣̇ад̣̇зяяа. саб̣рахмажаарийхи самбаяож̇зд̇ваад̇и сахад̇хаммигзхи вихзтанабаяог̇ам̣ гад̇ваа, д̇знааха ‘‘виваад̣̇ам̣ гад̇ваа’’д̇и.
240.Pīḷeyyāti madhubhaṇḍena saha bhājane pīḷetvā dadeyya. Sabrahmacārīhi sampayojetvāti sahadhammikehi viheṭhanapayogaṃ katvā, tenāha ‘‘vivādaṃ katvā’’ti.
241. ид̇арийд̇арзнаад̇и бан̣ийд̇ад̇о ид̇арзна. д̇знааха ‘‘лаамагалаамагзнаа’’д̇и.
241.Itarītarenāti paṇītato itarena. Tenāha ‘‘lāmakalāmakenā’’ti.
242. бхад̇д̇агосагзнаад̇и госагабхад̇д̇зна, куд̣̇д̣̇агасараавабхад̇д̇агзнаад̇и ад̇т̇о. б̣злувамад̇д̇абхад̇д̇аахаараад̇и б̣иллабамаан̣абхад̇д̇абхож̇анаа. одтаваддияаад̇и мукаваддияаа. саб̣б̣аагаарзнзваад̇и саб̣б̣аббагаарзнзва. анаббаахаарод̇и на вад̇д̇аб̣б̣о гад̣̇аажи аббаахаарод̇и гад̇ваа. д̇ад̇т̇а ад̇ивияа ан̃н̃зхи ависаяхам̣ аббаахаарад̇ам̣ бхаг̇авад̇о д̣̇ассзд̇ум̣ ‘‘бад̇хаанабхуумияа’’нд̇иаад̣̇и вуд̇д̇ам̣. маяаад̇и ниссаггаважанам̣. висзсад̇араад̇и д̇зна д̇хаммзна висзсаванд̇ад̇араа.
242.Bhattakosakenāti kosakabhattena, khuddakasarāvabhattakenāti attho. Beluvamattabhattāhārāti billapamāṇabhattabhojanā. Oṭṭhavaṭṭiyāti mukhavaṭṭiyā. Sabbākārenevāti sabbappakāreneva. Anappāhāroti na vattabbo kadāci appāhāroti katvā. Tattha ativiya aññehi avisayhaṃ appāhārataṃ bhagavato dassetuṃ ‘‘padhānabhūmiya’’ntiādi vuttaṃ. Mayāti nissakkavacanaṃ. Visesatarāti tena dhammena visesavantatarā.
вад̇асамаад̣̇аанавасзнзва бам̣сугуулам̣ д̇хаарзнд̇ийд̇и бам̣сугуулигаад̇и ааха – ‘‘самаад̣̇иннабам̣сугуулиган̇г̇аа’’д̇и, сад̣̇д̣̇ад̇т̇о бана ‘‘висуд̣̇д̇химаг̇г̇з’’ (висуд̣̇д̇хи. 1.24) вуд̇д̇анаязна взд̣̇ид̇аб̣б̣о. бин̣д̣абаад̇игаа сабад̣̇аанажааринод̇иаад̣̇ийсуби зсзва наяо. д̇ад̇т̇а д̇ад̇т̇а сад̇т̇зна чинд̣̇ид̇ад̇д̇аа сад̇т̇алуукаани. яам̣ яам̣ саббааяам̣, д̇ассзва г̇ахан̣ам̣ ужжинанд̇и ааха ‘‘ужжинид̇ваа…бз… т̇ирадтаанамзва г̇ахзд̇ваа’’д̇и. алааб̣уломасаанийд̇и алааб̣уломаани вияа сукумад̇араани жийварасуд̇д̇ам̣сууни зд̇зсам̣ санд̇ийд̇и алааб̣уломасаани. баад̇ид̇асаан̣абам̣сугууланд̇и гал̣зварзна сад̣̇д̇хим̣ чад̣д̣ид̇асаан̣амаяам̣ бам̣сугуулам̣, яам̣ д̇умб̣амад̇д̇з бул̣авз од̇хунид̇ваа сад̇т̇аа г̇ан̣хи.
Vatasamādānavaseneva paṃsukūlaṃ dhārentīti paṃsukūlikāti āha – ‘‘samādinnapaṃsukūlikaṅgā’’ti, saddattho pana ‘‘visuddhimagge’’ (visuddhi. 1.24) vuttanayena veditabbo. Piṇḍapātikā sapadānacārinotiādīsupi eseva nayo. Tattha tattha satthena chinditattā satthalūkhāni. Yaṃ yaṃ sappāyaṃ, tasseva gahaṇaṃ uccinanti āha ‘‘uccinitvā…pe… thiraṭṭhānameva gahetvā’’ti. Alābulomasānīti alābulomāni viya sukhumatarāni cīvarasuttaṃsūni etesaṃ santīti alābulomasāni. Pātitasāṇapaṃsukūlanti kaḷevarena saddhiṃ chaḍḍitasāṇamayaṃ paṃsukūlaṃ, yaṃ tumbamatte puḷave odhunitvā satthā gaṇhi.
‘‘яат̇ааби бхамаро бубпа’’нд̇иаад̣̇инаа (д̇ха. ба. 49) вуд̇д̇ам̣ мад̇хугарабхигкаажааравад̇ам̣ ‘‘бин̣д̣ияаалобабхож̇анам̣ ниссааяа баб̣б̣аж̇ж̇аа’’д̇и (махаава. 73, 128) важанад̇о бхигкуунам̣ багад̇ибхууд̇ам̣ вад̇анд̇и вуд̇д̇ам̣ ‘‘ун̃чаасагз вад̇з рад̇аа’’д̇и. вад̇а-сад̣̇д̣̇о жзд̇т̇а багад̇ивад̇асан̇каад̇ам̣ сагавад̇ам̣ вад̣̇ад̇и. д̇знааха ‘‘ун̃чаажарияасан̇каад̇з бхигкуунам̣ багад̇ивад̇з’’д̇и. ужжанийжагхарад̣̇ваарадтааяинод̇и маханд̇акуд̣̇д̣̇агаг̇зхаанам̣ б̣ахид̣̇ваарагодтагадтааяино. габ̣арамиссагам̣ бхад̇д̇ам̣ сам̣харид̇ваад̇и ган̣ааж̇агамиссагам̣ бхад̇д̇ам̣ самбин̣д̣ид̇ваа. уммаарад̇о бадтааяаад̇и гхаруммаарад̇о бадтааяа.
‘‘Yathāpi bhamaro puppha’’ntiādinā (dha. pa. 49) vuttaṃ madhukarabhikkhācāravataṃ ‘‘piṇḍiyālopabhojanaṃ nissāya pabbajjā’’ti (mahāva. 73, 128) vacanato bhikkhūnaṃ pakatibhūtaṃ vatanti vuttaṃ ‘‘uñchāsake vate ratā’’ti. Vata-saddo cettha pakativatasaṅkhātaṃ sakavataṃ vadati. Tenāha ‘‘uñchācariyasaṅkhāte bhikkhūnaṃ pakativate’’ti. Uccanīcagharadvāraṭṭhāyinoti mahantakhuddakagehānaṃ bahidvārakoṭṭhakaṭṭhāyino. Kabaramissakaṃ bhattaṃ saṃharitvāti kaṇājakamissakaṃ bhattaṃ sampiṇḍitvā. Ummārato paṭṭhāyāti gharummārato paṭṭhāya.
жийвараануг̇г̇ахад̇т̇анд̇и жийвараанурагкан̣ад̇т̇ам̣. зд̇т̇а жа яасмаа б̣уд̣̇д̇хаа наама сад̣̇звагз логз ануд̇д̇арам̣ бун̃н̃агкзд̇д̇ам̣, саа жасса бун̃н̃агкзд̇д̇ад̇аа барамуггам̣саг̇ад̇аа, д̇асмаа сад̇д̇аанам̣ д̇аад̣̇исам̣ убагаарам̣ аажигкид̇ваа д̇з жа ануг̇г̇ан̣ханд̇аа г̇ахабад̇ижийварам̣ саад̣̇ияанд̇и, жад̇убажжаяасанд̇осз бана нз барамуггам̣саг̇ад̇аа зваад̇и д̣̇адтаб̣б̣ам̣.
Cīvarānuggahatthanti cīvarānurakkhaṇatthaṃ. Ettha ca yasmā buddhā nāma sadevake loke anuttaraṃ puññakkhettaṃ, sā cassa puññakkhettatā paramukkaṃsagatā, tasmā sattānaṃ tādisaṃ upakāraṃ ācikkhitvā te ca anuggaṇhantā gahapaticīvaraṃ sādiyanti, catupaccayasantose pana ne paramukkaṃsagatā evāti daṭṭhabbaṃ.
244. саббажжаяанд̇и сахзд̇угам̣ сагааран̣ам̣ худ̇ваа д̇хаммам̣ д̣̇зсзд̇ийд̇и аяамзд̇т̇а ад̇т̇о. жод̣̇аго бана ад̇хиббааяам̣ аж̇аананд̇о ‘‘гим̣ банаа’’д̇иаад̣̇имааха. ид̇аро ‘‘но на д̣̇зсзд̇ий’’д̇иаад̣̇инаа ад̇хиббааяам̣ виварад̇и. нид̣̇аананд̇и жзд̇т̇а н̃аабагам̣ уббад̇д̇игааран̣ам̣ ад̇хиббзд̇ам̣, д̇ан̃жа д̇асса д̇асса ануббад̇д̇ияуд̇д̇асса ад̇т̇асса бадибагкахаран̣ад̇о ‘‘саббаадихаарияа’’нд̇и вужжад̇ийд̇и ааха ‘‘буримассзвзд̇ам̣ взважана’’нд̇и. рааг̇аад̣̇ийнам̣ ваа бадихаран̣ам̣ бадихаарияам̣, д̇ад̣̇зва баадихаарияам̣, саха баадихаариязнаад̇и саббаадихаарияам̣. рааг̇аад̣̇ибадисзд̇хавасзнзва хи сад̇т̇аа д̇хаммам̣ д̣̇зсзд̇и.
244.Sappaccayanti sahetukaṃ sakāraṇaṃ hutvā dhammaṃ desetīti ayamettha attho. Codako pana adhippāyaṃ ajānanto ‘‘kiṃ panā’’tiādimāha. Itaro ‘‘no na desetī’’tiādinā adhippāyaṃ vivarati. Nidānanti cettha ñāpakaṃ uppattikāraṇaṃ adhippetaṃ, tañca tassa tassa anuppattiyuttassa atthassa paṭipakkhaharaṇato ‘‘sappāṭihāriya’’nti vuccatīti āha ‘‘purimassevetaṃvevacana’’nti. Rāgādīnaṃ vā paṭiharaṇaṃ paṭihāriyaṃ, tadeva pāṭihāriyaṃ, saha pāṭihāriyenāti sappāṭihāriyaṃ. Rāgādipaṭisedhavaseneva hi satthā dhammaṃ deseti.
245. д̇асса д̇асса бан̃хассаад̇и яам̣ яам̣ бан̃хам̣ баро абхисан̇карид̇ваа бхаг̇аванд̇ам̣ убасан̇гамид̇ваа бужчад̇и, д̇асса д̇асса бан̃хасса. убари ааг̇аманаваад̣̇абат̇анд̇и виссаж̇ж̇анз гад̇з д̇ад̇о убари ааг̇ажчанагам̣ ваад̣̇амаг̇г̇ам̣. висзсзд̇ваа вад̣̇анд̇од̇и вад̇д̇ад̇и, ‘‘бхо г̇од̇ама, вад̇д̇умарахад̇ий’’д̇и ад̇д̇ано ваад̣̇абхзд̣̇анад̇т̇ам̣ аахад̇ам̣ гааран̣ам̣ ад̇д̇ано мааран̣ад̇т̇ам̣ аавуд̇хам̣ нид̣̇ассзнд̇о вияа висзсзд̇ваа вад̣̇анд̇о бахаарагзна важанзна. анд̇аранд̇арзд̇и маяаа вужжамаанагат̇аабаб̣анд̇хасса анд̇аранд̇арз. д̣̇ад̣̇зяяа вад̣̇зяяа. зваруубзсу таанзсууд̇и бараваад̣̇ийхи сад̣̇д̇хим̣ ваад̣̇абадиваад̣̇адтаанзсу. д̇з ниг̇г̇ахзд̇ум̣ маяаа д̣̇зсид̇ам̣ суд̇д̇абад̣̇ам̣ аанзд̇ваа мамаязва анусаасаним̣ оваад̣̇ам̣ бажжаасийсанд̇и.
245.Tassatassa pañhassāti yaṃ yaṃ pañhaṃ paro abhisaṅkharitvā bhagavantaṃ upasaṅkamitvā pucchati, tassa tassa pañhassa. Upari āgamanavādapathanti vissajjane kate tato upari āgacchanakaṃ vādamaggaṃ. Visesetvā vadantoti vattati, ‘‘bho gotama, vattumarahatī’’ti attano vādabhedanatthaṃ āhataṃ kāraṇaṃ attano māraṇatthaṃ āvudhaṃ nidassento viya visesetvā vadanto pahārakena vacanena. Antarantareti mayā vuccamānakathāpabandhassa antarantare. Dadeyya vadeyya. Evarūpesu ṭhānesūti paravādīhi saddhiṃ vādapaṭivādaṭṭhānesu. Te niggahetuṃ mayā desitaṃ suttapadaṃ ānetvā mamayeva anusāsaniṃ ovādaṃ paccāsīsanti.
246. самбаад̣̇змийд̇и манорат̇ам̣ самбаад̣̇зми. барибуурзмийд̇и аж̇жхаасаяам̣ барибуурзми. ад̇хисийлзд̇и ад̇хигз уд̇д̇амасийлз. саавагасийлад̇о жа бажжзгаб̣уд̣̇д̇хасийлад̇о жа б̣уд̣̇д̇хаанам̣ сийлам̣ ад̇хигам̣ уггадтам̣ барамуггам̣сад̇о анан̃н̃асаад̇хааран̣абхаавад̇о. д̇знааха ‘‘б̣уд̣̇д̇хасийлам̣ наама гат̇ид̇а’’нд̇и. таануббад̇д̇игабан̃н̃аад̇и д̇ад̇т̇а д̇ад̇т̇а таанасо уббаннабан̃н̃аа. д̇знааха ‘‘д̇ад̇т̇аа’’д̇иаад̣̇и. авасзсаа бан̃н̃аад̇и ид̇ха баал̣ияам̣ ааг̇ад̇аа анааг̇ад̇аа жа яат̇аавуд̇д̇ан̃аан̣ад̣̇ваяавинимуд̇д̇аа бан̃н̃аа.
246.Sampādemīti manorathaṃ sampādemi. Paripūremīti ajjhāsayaṃ paripūremi. Adhisīleti adhike uttamasīle. Sāvakasīlato ca paccekabuddhasīlato ca buddhānaṃ sīlaṃ adhikaṃ ukkaṭṭhaṃ paramukkaṃsato anaññasādhāraṇabhāvato. Tenāha ‘‘buddhasīlaṃ nāma kathita’’nti. Ṭhānuppattikapaññāti tattha tattha ṭhānaso uppannapaññā. Tenāha ‘‘tatthā’’tiādi. Avasesā paññāti idha pāḷiyaṃ āgatā anāgatā ca yathāvuttañāṇadvayavinimuttā paññā.
247. висзсаад̇хиг̇амаананд̇и сад̇ибадтаанаад̣̇ийнам̣ ад̇хиг̇анд̇хаб̣б̣ависзсаанам̣. абхин̃н̃аа наама ча абхин̃н̃аа, д̇аасу уггадтанид̣̇д̣̇зсзна чал̣абхин̃н̃аарахад̇ова аг̇г̇амаг̇г̇абан̃н̃аа ид̇ха абхин̃н̃аад̇и ад̇хиббзд̇аа, д̇асса восаанам̣ барияосаанам̣ баарамий барамуггам̣саад̇и авагам̣саад̇и жа аг̇г̇апалам̣ вужжад̇ийд̇и ааха ‘‘абхин̃н̃аа…бз… арахад̇д̇ам̣ бад̇д̇аа’’д̇и.
247.Visesādhigamānanti satipaṭṭhānādīnaṃ adhigandhabbavisesānaṃ. Abhiññā nāma cha abhiññā, tāsu ukkaṭṭhaniddesena chaḷabhiññārahatova aggamaggapaññā idha abhiññāti adhippetā, tassa vosānaṃ pariyosānaṃ pāramī paramukkaṃsāti avakaṃsāti ca aggaphalaṃ vuccatīti āha ‘‘abhiññā…pe… arahattaṃ pattā’’ti.
убааяабад̇хаанзд̇и арияапалаад̇хиг̇аманасса убааяабхууд̇з бад̇хаанз. ‘‘ануббаннабаабагаануббаад̣̇аад̣̇иад̇т̇аа’’д̇и г̇ахид̇аа д̇ат̇зва хонд̇и, д̇ам̣ ад̇т̇ам̣ саад̇хзнд̇иязваад̇и зд̇асса ад̇т̇асса д̣̇ийбаго саммаа-сад̣̇д̣̇од̇и яат̇ааад̇хиббзд̇ад̇т̇асса ануббаннабаабагаануббаад̣̇аад̣̇ино убааяабхууд̇з, бад̇хаанаубааяабхууд̇зд̇и ад̇т̇о. саммаа-сад̣̇д̣̇асса ваа яонисо ад̇т̇ад̣̇ийбагад̇ам̣ санд̇хааяа ‘‘яонисо бад̇хаанз’’д̇и вуд̇д̇ам̣. чанд̣̇ам̣ ж̇анзд̇ийд̇и гад̇д̇угамяад̇аагусалажчанд̣̇ам̣ уббаад̣̇зд̇и бавад̇д̇зд̇и ваа. вааяамад̇ийд̇и баяог̇абараггамам̣ гарод̇и. вийрияам̣ аарабхад̇ийд̇и гааяигажзд̇асигавийрияам̣ гарод̇и. жид̇д̇ам̣ угкибад̇ийд̇и д̇знзва сахаж̇аад̇авийриязна госаж̇ж̇абагкад̇о жид̇д̇ам̣ угкибад̇и. бад̣̇ахад̇ийд̇и саммаббад̇хаанабхууд̇ам̣ вийрияам̣ бавад̇д̇зд̇и. бадибаадияаа банзд̇аани жад̇д̇аари бад̣̇аани аасзванаабхааванааб̣ахулийгаммасаад̇ажжагирияаахи яож̇зд̇аб̣б̣аани. ‘‘бад̣̇ахад̇ий’’д̇и ваа иминаа аасзванаад̣̇ийхи сад̣̇д̇хим̣ сикаабад̇д̇ам̣ уссол̣хивийрияам̣ яож̇зд̇аб̣б̣ам̣. вад̣дхияаа барибууран̣ад̇т̇анд̇и яаавад̇аа бхааванаабаарибуурияаа барибууран̣ад̇т̇ам̣. яаа тид̇ийд̇и яаа гусалаанам̣ д̇хаммаанам̣ бадибагкавиг̇амзна авадтид̇и. со асаммосод̇и со авинаасо. яам̣ взбулланд̇и яо саб̣б̣асо вибулабхааво маханд̇ад̇аа. бхааванаабаарибуурийд̇и бхааванааяа барибуурид̇аа. ад̇т̇од̇иби взд̣̇ид̇аб̣б̣ам̣ буримабажчимабад̣̇аанам̣ самаанад̇т̇абхаавад̇о.
Upāyapadhāneti ariyaphalādhigamanassa upāyabhūte padhāne. ‘‘Anuppannapāpakānuppādādiatthā’’ti gahitā tatheva honti, taṃ atthaṃ sādhentiyevāti etassa atthassa dīpako sammā-saddoti yathāadhippetatthassa anuppannapāpakānuppādādino upāyabhūte, padhānaupāyabhūteti attho. Sammā-saddassa vā yoniso atthadīpakataṃ sandhāya ‘‘yoniso padhāne’’ti vuttaṃ. Chandaṃ janetīti kattukamyatākusalacchandaṃ uppādeti pavatteti vā. Vāyamatīti payogaparakkamaṃ karoti. Vīriyaṃ ārabhatīti kāyikacetasikavīriyaṃ karoti. Cittaṃ ukkhipatīti teneva sahajātavīriyena kosajjapakkhato cittaṃ ukkhipati. Padahatīti sammappadhānabhūtaṃ vīriyaṃ pavatteti. Paṭipāṭiyā panetāni cattāri padāni āsevanābhāvanābahulīkammasātaccakiriyāhi yojetabbāni. ‘‘Padahatī’’ti vā iminā āsevanādīhi saddhiṃ sikhāpattaṃ ussoḷhivīriyaṃ yojetabbaṃ. Vaḍḍhiyā paripūraṇatthanti yāvatā bhāvanāpāripūriyā paripūraṇatthaṃ. Yā ṭhitīti yā kusalānaṃ dhammānaṃ paṭipakkhavigamena avaṭṭhiti. So asammosoti so avināso. Yaṃ vepullanti yo sabbaso vipulabhāvo mahantatā. Bhāvanāpāripūrīti bhāvanāya paripūritā. Atthotipi veditabbaṃ purimapacchimapadānaṃ samānatthabhāvato.
буб̣б̣абхааг̇абадибад̣̇аа гат̇ид̇аад̇ам̣д̇ам̣висзсаад̇хиг̇амасса бадибад̣̇аавибхааванааяа аарад̣̇д̇хад̇д̇аа. агусалаанам̣ д̇хаммаанам̣ ануббаж̇ж̇анзна анад̇т̇аавахад̇аа наама над̇т̇ийд̇и вуд̇д̇ам̣ – ‘‘уббаж̇ж̇амаанаа’’д̇и важанам̣ уббаннаанам̣ раасанд̇арабхаавзна г̇ахид̇ад̇д̇аа. д̇ат̇аа гусалаанам̣ д̇хаммаанам̣ уббаж̇ж̇анзнаад̇и вуд̇д̇ам̣ – ануббаж̇ж̇амаанаад̇и важанам̣ уббаннаанам̣ раасанд̇арабхаавзна г̇ахид̇ад̇д̇аа. нируж̇жхамаанаад̇и бадибагкасамааяог̇зна винассамаанаа, на кан̣анирод̇хавасзна нируж̇жхамаанаа.
Pubbabhāgapaṭipadā kathitātaṃtaṃvisesādhigamassa paṭipadāvibhāvanāya āraddhattā. Akusalānaṃ dhammānaṃ anuppajjanena anatthāvahatā nāma natthīti vuttaṃ – ‘‘uppajjamānā’’ti vacanaṃ uppannānaṃ rāsantarabhāvena gahitattā. Tathā kusalānaṃ dhammānaṃ uppajjanenāti vuttaṃ – anuppajjamānāti vacanaṃ uppannānaṃ rāsantarabhāvena gahitattā. Nirujjhamānāti paṭipakkhasamāyogena vinassamānā, na khaṇanirodhavasena nirujjhamānā.
лобхаад̣̇аяо взд̣̇ид̇аб̣б̣аа, яз аарад̣̇д̇хавибассагаанам̣ уббаж̇ж̇анаарахаа. сагим̣ уббаж̇ж̇ид̇ваад̇и сабхаавагат̇анамад̇д̇амзд̇ам̣. згаваарамзва хи маг̇г̇о уббаж̇ж̇ад̇и. нируж̇жхамаанод̇и сарасзнзва нируж̇жхамаано. на хи д̇асса бадибагкасамааяог̇о наама ад̇т̇и. палассаад̇и ананд̇арагаалзва уббаж̇ж̇анагапаласса. бажжаяам̣ д̣̇ад̇ваава нируж̇жхад̇ийд̇и иминаа маг̇г̇о самбад̇и ааяад̇ин̃жа зганд̇знзва ад̇т̇ааваход̇и д̣̇ассзд̇и. буримасмимбийд̇и ‘‘ануббаннаа мз гусалаа д̇хаммаа ануббаж̇ж̇амаанаа анад̇т̇ааяа сам̣вад̇д̇зяяу’’нд̇и зд̇асмим̣ д̇ад̇ияаваарзби. ‘‘самат̇авибассанаа г̇ахзд̇аб̣б̣аа’’д̇и вуд̇д̇ам̣ адтагат̇ааяам̣, д̇ам̣ бана маг̇г̇асса ануббаннад̇ааяа саб̣бхаавад̇о, ануббаж̇ж̇амаанз жа д̇асмим̣ ваддаанад̇т̇асаб̣бхаавад̇од̇и маг̇г̇ассаби саад̇хааран̣абхаавад̇о на яуд̇д̇анд̇и бадигкибад̇и. яад̣̇и самат̇авибассанаанамби ануббад̇д̇и анад̇т̇аавахаа, маг̇г̇асса ануббад̇д̇ияаа вад̇д̇аб̣б̣ам̣ над̇т̇ийд̇и.
Lobhādayo veditabbā, ye āraddhavipassakānaṃ uppajjanārahā. Sakiṃ uppajjitvāti sabhāvakathanamattametaṃ. Ekavārameva hi maggo uppajjati. Nirujjhamānoti saraseneva nirujjhamāno. Na hi tassa paṭipakkhasamāyogo nāma atthi. Phalassāti anantarakāleva uppajjanakaphalassa. Paccayaṃ datvāva nirujjhatīti iminā maggo sampati āyatiñca ekanteneva atthāvahoti dasseti. Purimasmimpīti ‘‘anuppannā me kusalā dhammā anuppajjamānā anatthāya saṃvatteyyu’’nti etasmiṃ tatiyavārepi. ‘‘Samathavipassanā gahetabbā’’ti vuttaṃ aṭṭhakathāyaṃ, taṃ pana maggassa anuppannatāya sabbhāvato, anuppajjamāne ca tasmiṃ vaṭṭānatthasabbhāvatoti maggassapi sādhāraṇabhāvato na yuttanti paṭikkhipati. Yadi samathavipassanānampi anuppatti anatthāvahā, maggassa anuppattiyā vattabbaṃ natthīti.
маханд̇ам̣ , г̇ааравам̣ ход̇и, д̇асмаа ‘‘сан̇гхаг̇ааравзна яат̇ааружи ванд̣̇ид̇ум̣ на лабхаамий’’д̇и сан̇гхзна саха на нигками. зд̇д̇агам̣ д̇хаад̇уунам̣ нид̇хаанам̣ наама ан̃н̃ад̇ра над̇т̇и, махаад̇хаад̇унид̇хаанад̇о хи нийхарид̇ваа гад̇ибаяаа д̇хаад̇уяо д̇ад̇т̇а д̇ад̇т̇а жзд̇ияз убанийд̇аа, ид̇ха бана раамаг̇аамат̇уубз винадтз нааг̇абхаванам̣ бавидтаа д̣̇он̣амад̇д̇аа д̇хаад̇уяо убанийд̇аа. ад̇иманд̣̇аани нод̇и нану ад̇ивияа манд̣̇аани.
Mahantaṃ, gāravaṃ hoti, tasmā ‘‘saṅghagāravena yathāruci vandituṃ na labhāmī’’ti saṅghena saha na nikkhami. Ettakaṃ dhātūnaṃ nidhānaṃ nāma aññatra natthi, mahādhātunidhānato hi nīharitvā katipayā dhātuyo tattha tattha cetiye upanītā, idha pana rāmagāmathūpe vinaṭṭhe nāgabhavanaṃ paviṭṭhā doṇamattā dhātuyo upanītā. Atimandāni noti nanu ativiya mandāni.
сам̣виж̇ж̇ид̇ваад̇и ‘‘гат̇ан̃хи наама маад̣̇исо ийд̣̇исам̣ анад̇т̇ам̣ баабун̣иссад̇ий’’д̇и сам̣взг̇ам̣ ж̇анзд̇ваа. ийд̣̇исам̣ наама маад̣̇исам̣ аараб̣бха вад̇д̇аб̣б̣анд̇и гим̣ вад̣̇ад̇ийд̇и д̇ам̣ важанам̣ анаад̣̇ияанд̇о.
Saṃvijjitvāti ‘‘kathañhi nāma mādiso īdisaṃ anatthaṃ pāpuṇissatī’’ti saṃvegaṃ janetvā. Īdisaṃ nāma mādisaṃ ārabbha vattabbanti kiṃ vadatīti taṃ vacanaṃ anādiyanto.
санд̇асамаабад̇д̇ид̇о ан̃н̃ам̣ сант̇амбханагааран̣ам̣ б̣алавам̣ над̇т̇ийд̇и д̇ад̇о барихийно саммаабадибад̇д̇ияам̣ бад̇идтаа гат̇ам̣ бхависсад̇ийд̇и ааха ‘‘санд̇ааяа…бз… на саггод̇ий’’д̇и. на хи махаараж̇ж̇уяаа чиннааяа суд̇д̇ад̇анд̇уу сант̇амбхзд̇ум̣ саггонд̇ийд̇и. самат̇з д̣̇ассзд̇ваа д̇зна самаанаг̇ад̇игаа имасмим̣ висаяз вибассанаабийд̇и иминаа ад̇хиббааязнааха ‘‘звам̣ уббаннаа самат̇авибассанаа…бз… сам̣вад̇д̇анд̇ий’’д̇и.
Santasamāpattito aññaṃ santhambhanakāraṇaṃ balavaṃ natthīti tato parihīno sammāpaṭipattiyaṃ patiṭṭhā kathaṃ bhavissatīti āha ‘‘santāya…pe… na sakkotī’’ti. Na hi mahārajjuyā chinnāya suttatantū santhambhetuṃ sakkontīti. Samathe dassetvā tena samānagatikā imasmiṃ visaye vipassanāpīti iminā adhippāyenāha ‘‘evaṃ uppannā samathavipassanā…pe… saṃvattantī’’ti.
гаасааванд̇и гаасаававад̇т̇ам̣. гажчам̣ бийл̣зд̇ваа нивад̇т̇анд̇и бажчимам̣ оваддигам̣ бийл̣знд̇о вияа д̣̇ал̣хам̣ гад̇ваа нивад̇т̇ам̣ ад̣̇д̣̇асам̣сууд̇и яож̇анаа.
Kāsāvanti kāsāvavatthaṃ. Kacchaṃ pīḷetvā nivatthanti pacchimaṃ ovaṭṭikaṃ pīḷento viya daḷhaṃ katvā nivatthaṃ addasaṃsūti yojanā.
вуд̇д̇анаязнаад̇и (а. ни. дий. 1.1.394) ‘‘гаамаа наамзд̇з анижжаа д̣̇угкаа вибарин̣аамад̇хаммаа’’д̇иаад̣̇инаа вад̇т̇угаамагилзсагаамзсу аад̣̇ийнавад̣̇ассанабуб̣б̣аганзгкаммабадибад̇д̇ияаа чанд̣̇арааг̇ам̣ вигкамбхаяад̇о самужчинд̣̇анд̇асса жа ‘‘ануббанно жа гаамаасаво на уббаж̇ж̇ад̇ий’’д̇иаад̣̇инаа хздтаа саб̣б̣аасавасуд̇д̇аван̣н̣анаад̣̇ийсу (ма. ни. 1.15 аад̣̇аяо; ма. ни. адта. 1.15 аад̣̇аяо) вуд̇д̇анаязна. аарамман̣арасам̣ анубхавид̇ваа нируд̣̇д̇хавибаагод̇и д̇ад̣̇аарамман̣амааха. анубхавид̇ваа бхавид̇ваа жа виг̇ад̇ам̣ бхууд̇авиг̇ад̇ам̣. анубхууд̇абхууд̇аа хи бхууд̇ад̇аасааман̃н̃зна бхууд̇а-сад̣̇д̣̇зна вуд̇д̇аа. сааман̃н̃амзва хи убасаг̇г̇зна висзсийяад̇ийд̇и. анубхууд̇асад̣̇д̣̇о жа гаммаважанижчааяа абхаавад̇о анубхавагаваажаго д̣̇адтаб̣б̣о. вибааго аарамман̣з уббаж̇ж̇ид̇ваа нируд̣̇д̇хо бхуд̇ваавиг̇ад̇од̇и вад̇д̇аб̣б̣ад̇ам̣ арахад̇и, вигаббаг̇аахавасзна рааг̇аад̣̇ийхи д̇аб̣б̣ибагкзхи жа агусалам̣ гусалан̃жа гаммам̣ аарамман̣арасам̣ анубхавид̇ваа виг̇ад̇анд̇и вад̇д̇аб̣б̣ад̇ам̣ арахад̇и. яат̇аавуд̇д̇о бана вибааго гзвалам̣ аарамман̣арасаанубхаванавасзнзва бавад̇д̇ад̇ийд̇и анубхавид̇ваа виг̇ад̇ад̇д̇аа ниббарияааязнзва вуд̇д̇о, д̇асса жа д̇ат̇аа вуд̇д̇ад̇д̇аа гаммам̣ бхавид̇ваа виг̇ад̇абарияааязна, яам̣ ‘‘уббаннаанам̣ агусалаанам̣ д̇хаммаанам̣ бахаанааяа, уббаннаанам̣ гусалаанам̣ д̇хаммаанам̣ тид̇ияаа’’д̇и зд̇т̇а ‘‘уббанна’’нд̇и г̇ахзд̇ваа д̇ам̣сад̣̇исаанам̣ бахаанам̣, вуд̣̇д̇хи жа вуд̇д̇аа. вибажжид̇ум̣ огаасагаран̣авасзна уббад̇ид̇ам̣ ад̇ийд̇агамман̃жа д̇ад̇о уббаж̇ж̇ид̇ум̣ аарад̣̇д̇хо анааг̇ад̇о вибааго жа ‘‘огаасагад̇уббанно’’д̇и вуд̇д̇о. яам̣ уббаннасад̣̇д̣̇зна винааби вин̃н̃ааяамаанам̣ уббаннам̣ санд̇хааяа ‘‘наахам̣, бхигкавз, сан̃жзд̇анигаана’’нд̇иаад̣̇и (а. ни. 10.217, 219) вуд̇д̇ам̣.
Vuttanayenāti (a. ni. ṭī. 1.1.394) ‘‘kāmā nāmete aniccā dukkhā vipariṇāmadhammā’’tiādinā vatthukāmakilesakāmesu ādīnavadassanapubbakanekkhammapaṭipattiyā chandarāgaṃ vikkhambhayato samucchindantassa ca ‘‘anuppanno ca kāmāsavo na uppajjatī’’tiādinā heṭṭhā sabbāsavasuttavaṇṇanādīsu (ma. ni. 1.15 ādayo; ma. ni. aṭṭha. 1.15 ādayo) vuttanayena. Ārammaṇarasaṃ anubhavitvā niruddhavipākoti tadārammaṇamāha. Anubhavitvā bhavitvā ca vigataṃ bhūtavigataṃ. Anubhūtabhūtā hi bhūtatāsāmaññena bhūta-saddena vuttā. Sāmaññameva hi upasaggena visesīyatīti. Anubhūtasaddo ca kammavacanicchāya abhāvato anubhavakavācako daṭṭhabbo. Vipāko ārammaṇe uppajjitvā niruddho bhutvāvigatoti vattabbataṃ arahati, vikappagāhavasena rāgādīhi tabbipakkhehi ca akusalaṃ kusalañca kammaṃ ārammaṇarasaṃ anubhavitvā vigatanti vattabbataṃ arahati. Yathāvutto pana vipāko kevalaṃ ārammaṇarasānubhavanavaseneva pavattatīti anubhavitvā vigatattā nippariyāyeneva vutto, tassa ca tathā vuttattā kammaṃ bhavitvā vigatapariyāyena, yaṃ ‘‘uppannānaṃ akusalānaṃ dhammānaṃ pahānāya, uppannānaṃ kusalānaṃ dhammānaṃ ṭhitiyā’’ti ettha ‘‘uppanna’’nti gahetvā taṃsadisānaṃ pahānaṃ, vuddhi ca vuttā. Vipaccituṃ okāsakaraṇavasena uppatitaṃ atītakammañca tato uppajjituṃ āraddho anāgato vipāko ca ‘‘okāsakatuppanno’’ti vutto. Yaṃ uppannasaddena vināpi viññāyamānaṃ uppannaṃ sandhāya ‘‘nāhaṃ, bhikkhave, sañcetanikāna’’ntiādi (a. ni. 10.217, 219) vuttaṃ.
д̇зсууд̇и вибассанааяа бхуумибхууд̇зсу канд̇хзсу. анусаяид̇агилзсаад̇и анусаяавасзна бавад̇д̇аа аббахийнаа маг̇г̇зна бахаад̇аб̣б̣аа гилзсаа ад̇хиббзд̇аа. д̇знааха ‘‘ад̇ийд̇аа…бз… на вад̇д̇аб̣б̣аа’’д̇и. д̇зсан̃хи амб̣аругкобамааяа вад̇д̇амаанаад̣̇ид̇аа на вад̇д̇аб̣б̣аа маг̇г̇зна бахаад̇аб̣б̣аанам̣ д̇аад̣̇исасса вибхааг̇асса ануббаж̇ж̇анад̇о. аббахийнаава хонд̇ийд̇и иминаа аббахийнадтзна анусаяадтод̇и д̣̇ассзд̇и. ид̣̇ам̣ бхуумилад̣̇д̇хуббаннам̣ наамаад̇и ид̣̇ам̣ д̇зсу канд̇хзсу уббад̇д̇ирахагилзсаж̇аад̇ам̣ д̇ааяа зва уббад̇д̇ирахад̇ааяа бхуумилад̣̇д̇хуббаннам̣ наама, д̇збхуумагабхуумилад̣̇д̇хаа наама ход̇ийд̇и ад̇т̇о. д̇аасу д̇аасу бхуумийсууд̇и мануссад̣̇зваад̣̇иад̇д̇абхаавасан̇каад̇зсу убаад̣̇аанагканд̇хзсу. д̇асмим̣ д̇асмим̣ санд̇аанз ануббад̇д̇ианаабаад̣̇ид̇ад̇ааяа асамуг̇гхаад̇ид̇аа. зд̇т̇а жа лад̣̇д̇хабхуумигам̣ бхуумилад̣̇д̇ханд̇и вуд̇д̇ам̣ аг̇г̇иаахид̇о вияа.
Tesūti vipassanāya bhūmibhūtesu khandhesu. Anusayitakilesāti anusayavasena pavattā appahīnā maggena pahātabbā kilesā adhippetā. Tenāha ‘‘atītā…pe… na vattabbā’’ti. Tesañhi ambarukkhopamāya vattamānāditā na vattabbā maggena pahātabbānaṃ tādisassa vibhāgassa anuppajjanato. Appahīnāva hontīti iminā appahīnaṭṭhena anusayaṭṭhoti dasseti. Idaṃbhūmiladdhuppannaṃ nāmāti idaṃ tesu khandhesu uppattirahakilesajātaṃ tāya eva uppattirahatāya bhūmiladdhuppannaṃ nāma, tebhūmakabhūmiladdhā nāma hotīti attho. Tāsu tāsu bhūmīsūti manussadevādiattabhāvasaṅkhātesu upādānakkhandhesu. Tasmiṃ tasmiṃ santāne anuppattianāpāditatāya asamugghātitā. Ettha ca laddhabhūmikaṃ bhūmiladdhanti vuttaṃ aggiāhito viya.
огаасагад̇уббанна-сад̣̇д̣̇зби жа огаасо гад̇о зд̇знаад̇и огаасо гад̇о зд̇ассаад̇и жа ад̇т̇ад̣̇ваязби гад̇а-сад̣̇д̣̇асса баранибаад̇о д̣̇адтаб̣б̣о. аахад̇акийраругко вияа нимид̇д̇аг̇г̇аахавасзна ад̇хиг̇г̇ахид̇ам̣ аарамман̣ам̣, анаахад̇акийраругко вияа авигкамбхид̇ад̇ааяа анд̇ог̇ад̇хагилзсам̣ аарамман̣ам̣. нимид̇д̇аг̇г̇аахагаавигкамбхид̇агилзсаа ваа буг̇г̇алаа аахад̇аанаахад̇акийраругкасад̣̇исаа. буриманаязнзваад̇и авигкамбхид̇уббаннз вияа ‘‘имасмим̣ наама таанз нуббаж̇ж̇иссанд̇ийд̇и на вад̇д̇аб̣б̣аа. гасмаа? асамуг̇гхаад̇ид̇ад̇д̇аа’’д̇и яож̇зд̇ваа вид̇т̇аарзд̇аб̣б̣ам̣.
Okāsakatuppanna-saddepi ca okāso kato etenāti okāso kato etassāti ca atthadvayepi kata-saddassa paranipāto daṭṭhabbo. Āhatakhīrarukkho viya nimittaggāhavasena adhiggahitaṃ ārammaṇaṃ, anāhatakhīrarukkho viya avikkhambhitatāya antogadhakilesaṃ ārammaṇaṃ. Nimittaggāhakāvikkhambhitakilesā vā puggalā āhatānāhatakhīrarukkhasadisā. Purimanayenevāti avikkhambhituppanne viya ‘‘imasmiṃ nāma ṭhāne nuppajjissantīti na vattabbā. Kasmā? Asamugghātitattā’’ti yojetvā vitthāretabbaṃ.
вуд̇д̇ам̣ бадисамбхид̣̇аамаг̇г̇з. д̇ад̇т̇а жа маг̇г̇зна бахийнагилзсаанамзва д̇ид̇хаа навад̇д̇аб̣б̣ад̇ам̣ абаагадам̣ субаагадам̣ гаад̇ум̣ аж̇аад̇апаларугко убамаабхаавзна ааг̇ад̇о . ад̇ийд̇аад̣̇ийнам̣ аббахийнад̇аа д̣̇ассанад̇т̇амби ‘‘ж̇аад̇апаларугкзна д̣̇ийбзд̇аб̣б̣а’’нд̇и вуд̇д̇ам̣. д̇ад̇т̇а яат̇аа ажчиннз ругкз ниб̣б̣ад̇д̇аарахаани палаани чиннз ануббаж̇ж̇амаанаани на гад̣̇аажи сасабхааваани ахзсум̣ хонд̇и бхависсанд̇и жаад̇и д̇аани ад̇ийд̇аад̣̇ибхаавзна на вад̇д̇аб̣б̣аани, звам̣ маг̇г̇зна бахийнагилзсаа жа д̣̇адтаб̣б̣аа. яат̇аа чзд̣̇з асад̇и палаани уббаж̇ж̇иссанд̇и, сад̇и жа нуббаж̇ж̇иссанд̇ийд̇и чзд̣̇асса саад̇т̇агад̇аа, звам̣ маг̇г̇абхааванааяа жа саад̇т̇агад̇аа яож̇зд̇аб̣б̣аа.
Vuttaṃ paṭisambhidāmagge. Tattha ca maggena pahīnakilesānameva tidhā navattabbataṃ apākaṭaṃ supākaṭaṃ kātuṃ ajātaphalarukkho upamābhāvena āgato. Atītādīnaṃ appahīnatā dassanatthampi ‘‘jātaphalarukkhena dīpetabba’’nti vuttaṃ. Tattha yathā acchinne rukkhe nibbattārahāni phalāni chinne anuppajjamānāni na kadāci sasabhāvāni ahesuṃ honti bhavissanti cāti tāni atītādibhāvena na vattabbāni, evaṃ maggena pahīnakilesā ca daṭṭhabbā. Yathā chede asati phalāni uppajjissanti, sati ca nuppajjissantīti chedassa sātthakatā, evaṃ maggabhāvanāya ca sātthakatā yojetabbā.
д̇зби баж̇ахад̇иязва гилзсаббахаанзнзва д̇зсамби ануббад̇д̇ид̇хаммад̇аабаад̣̇анад̇о. абхисан̇кааравин̃н̃аан̣ассаад̇и бадисанд̇хивин̃н̃аан̣асса. убаад̣̇иннаанубаад̣̇иннад̇од̇и убаад̣̇иннаканд̇хад̇о жзва гилзсад̇о жа. убабад̇д̇ивасзна вудтаанам̣ д̣̇ассзд̇умааха – ‘‘бхававасзна банаа’’д̇иаад̣̇и. яз сод̇аабаннасса сад̇д̇а бхаваа аббахийнаа, д̇ад̇о бан̃жа табзд̇ваа ид̇арз д̣̇вз ‘‘суг̇ад̇ибхавзгад̣̇зсаа’’д̇и ад̇хиббзд̇аа. суг̇ад̇игаамабхавад̇од̇и суг̇ад̇ибхавзгад̣̇зсабхууд̇агаамабхавад̇о. арахад̇д̇амаг̇г̇о руубааруубабхавад̇о вудтаад̇и уд̣̇д̇хамбхааг̇ияасам̣яож̇анасамуг̇гхаад̇абхаавад̇о. яад̣̇и арахад̇д̇амаг̇г̇о зва арияамаг̇г̇о сияаа, со зва саб̣б̣агилзсз баж̇ахзяяа, саб̣б̣абхавзхиби вудтахзяяа. яасмаа бана од̇хисова гилзсаа бахийяанд̇и, д̇асмаа хздтимахздтимамаг̇г̇зхи бахийнаавасзсз гилзсз со баж̇ахад̇и, ид̇и имам̣ саамад̇т̇ияам̣ санд̇хааяа ‘‘саб̣б̣абхавзхи вудтаад̇иязваад̇иби вад̣̇анд̇ий’’д̇и вуд̇д̇ам̣. д̇ат̇аа хи со зва ‘‘важ̇ируубамо’’д̇и вуд̇д̇о.
Tepi pajahatiyeva kilesappahāneneva tesampi anuppattidhammatāpādanato. Abhisaṅkhāraviññāṇassāti paṭisandhiviññāṇassa. Upādinnaanupādinnatoti upādinnakhandhato ceva kilesato ca. Upapattivasena vuṭṭhānaṃ dassetumāha – ‘‘bhavavasena panā’’tiādi. Ye sotāpannassa satta bhavā appahīnā, tato pañca ṭhapetvā itare dve ‘‘sugatibhavekadesā’’ti adhippetā. Sugatikāmabhavatoti sugatibhavekadesabhūtakāmabhavato. Arahattamaggo rūpārūpabhavato vuṭṭhāti uddhambhāgiyasaṃyojanasamugghātabhāvato. Yadi arahattamaggo eva ariyamaggo siyā, so eva sabbakilese pajaheyya, sabbabhavehipi vuṭṭhaheyya. Yasmā pana odhisova kilesā pahīyanti, tasmā heṭṭhimaheṭṭhimamaggehi pahīnāvasese kilese so pajahati, iti imaṃ sāmatthiyaṃ sandhāya ‘‘sabbabhavehi vuṭṭhātiyevātipi vadantī’’ti vuttaṃ. Tathā hi so eva ‘‘vajirūpamo’’ti vutto.
ход̇у д̇аава вуд̇д̇анаязна ануббаннаанам̣ агусалаанам̣ ануббаад̣̇ааяа, уббаннаанам̣ уббаннасад̣̇исаанам̣ бахаанааяа ануббад̇д̇ид̇хаммад̇аабаад̣̇анааяа маг̇г̇абхааванаа, ат̇а маг̇г̇агкан̣з гат̇ам̣ ануббаннаанам̣ гусалаанам̣ уббаад̣̇ааяа уббаннаанан̃жа тид̇ияаа бхааванаа ход̇и згажид̇д̇агкан̣игад̇д̇аа д̇ассаад̇и жод̣̇зд̇и, ид̇аро ‘‘маг̇г̇аббавад̇д̇ияааязваа’’д̇и барихаарамааха. маг̇г̇о хи гааман̃жзгажид̇д̇агкан̣иго, д̇ат̇ааруубо банасса бавад̇д̇ивисзсо, яам̣ ануббаннаа гусалаа д̇хаммаа саад̇исаяам̣ уббаж̇ж̇анд̇и, уббаннаа жа сависзсам̣ баарибуурим̣ баабун̣анд̇и. д̇знааха ‘‘маг̇г̇о хий’’д̇иаад̣̇и. гин̃жааби арияамаг̇г̇о вад̇д̇амаанагкан̣з ануббанно наама на ход̇и, ануббаннабуб̣б̣ад̇ам̣ убаад̣̇ааяа убажааравасзна д̇ат̇аа вужжад̇ийд̇и д̣̇ассзд̇ум̣ ‘‘анааг̇ад̇абуб̣б̣ам̣ хий’’д̇иаад̣̇и вуд̇д̇ам̣. аяамзваад̇и аяам̣ маг̇г̇асса яат̇аабажжаяабавад̇д̇и зва тид̇и наамаад̇и, маг̇г̇асаман̇г̇ий буг̇г̇ало маг̇г̇амби бхаавзнд̇о зва д̇асса тид̇ияаа бхаавзд̇ийд̇и вад̇д̇ум̣ ваддад̇и.
Hotu tāva vuttanayena anuppannānaṃ akusalānaṃ anuppādāya, uppannānaṃ uppannasadisānaṃ pahānāya anuppattidhammatāpādanāya maggabhāvanā, atha maggakkhaṇe kathaṃ anuppannānaṃ kusalānaṃ uppādāya uppannānañca ṭhitiyā bhāvanā hoti ekacittakkhaṇikattā tassāti codeti, itaro ‘‘maggappavattiyāyevā’’ti parihāramāha. Maggo hi kāmañcekacittakkhaṇiko, tathārūpo panassa pavattiviseso, yaṃ anuppannā kusalā dhammā sātisayaṃ uppajjanti, uppannā ca savisesaṃ pāripūriṃ pāpuṇanti. Tenāha ‘‘maggo hī’’tiādi. Kiñcāpi ariyamaggo vattamānakkhaṇe anuppanno nāma na hoti, anuppannapubbataṃ upādāya upacāravasena tathā vuccatīti dassetuṃ ‘‘anāgatapubbaṃ hī’’tiādi vuttaṃ. Ayamevāti ayaṃ maggassa yathāpaccayapavatti eva ṭhiti nāmāti, maggasamaṅgī puggalo maggampi bhāvento eva tassa ṭhitiyā bhāvetīti vattuṃ vaṭṭati.
убасамамаанам̣ г̇ажчад̇ийд̇и вигкамбханавасзна самужчзд̣̇авасзна гилзсз убасамзнд̇ам̣ вад̇д̇ад̇и. буб̣б̣абхааг̇инд̣̇рияаани зва ваа ад̇хиббзд̇аани. д̇знзвааха ‘‘гилзсуубасамад̇т̇ам̣ ваа г̇ажчад̇ий’’д̇и.
Upasamamānaṃ gacchatīti vikkhambhanavasena samucchedavasena kilese upasamentaṃ vattati. Pubbabhāgindriyāni eva vā adhippetāni. Tenevāha ‘‘kilesūpasamatthaṃ vā gacchatī’’ti.
248. ад̇химужжанадтзнаад̇и (д̣̇ий. ни. дий. 2.129; а. ни. дий. 3.8.66) ад̇хигам̣ сависзсам̣ мужжанадтзна, д̇знааха ‘‘судту мужжанадто’’д̇и. зд̇зна сад̇иби саб̣б̣ассаби руубааважараж̇жхаанасса вигкамбханавасзна бадибагкад̇о вимуд̇д̇абхаавз язна бхааванаависзсзна д̇ам̣ жхаанам̣ саад̇исаяам̣ бадибагкад̇о вимужжид̇ваа бавад̇д̇ад̇и, со бхааванаависзсо д̣̇ийбид̇о. бхавад̇и хи самаанаж̇аад̇ияуд̇д̇оби бхааванаависзсзна бавад̇д̇иаагаарависзсо. яат̇аа д̇ам̣ сад̣̇д̇хаавимуд̇д̇ад̇о д̣̇идтиббад̇д̇асса, д̇ат̇аа бажжанийгад̇хаммзхи судту вимуд̇д̇ад̇ааяа зва аниг̇г̇ахид̇абхаавзна нираасан̇гад̇ааяа абхирад̇ивасзна судту ад̇химужжанадтзнаби вимогко. д̇знааха ‘‘аарамман̣з жаа’’д̇иаад̣̇и. аяам̣ банад̇т̇од̇и аяам̣ ад̇химужжанад̇т̇о бажчимавимогкз нирод̇хз над̇т̇и. гзвало вимуд̇д̇ад̇т̇о зва д̇ад̇т̇а лаб̣бхад̇и, д̇ам̣ саяамзва барад̇о вагкад̇и.
248.Adhimuccanaṭṭhenāti (dī. ni. ṭī. 2.129; a. ni. ṭī. 3.8.66) adhikaṃ savisesaṃ muccanaṭṭhena, tenāha ‘‘suṭṭhu muccanaṭṭho’’ti. Etena satipi sabbassapi rūpāvacarajjhānassa vikkhambhanavasena paṭipakkhato vimuttabhāve yena bhāvanāvisesena taṃ jhānaṃ sātisayaṃ paṭipakkhato vimuccitvā pavattati, so bhāvanāviseso dīpito. Bhavati hi samānajātiyuttopi bhāvanāvisesena pavattiākāraviseso. Yathā taṃ saddhāvimuttato diṭṭhippattassa, tathā paccanīkadhammehi suṭṭhu vimuttatāya eva aniggahitabhāvena nirāsaṅkatāya abhirativasena suṭṭhu adhimuccanaṭṭhenapi vimokkho. Tenāha ‘‘ārammaṇe cā’’tiādi. Ayaṃ panatthoti ayaṃ adhimuccanattho pacchimavimokkhe nirodhe natthi. Kevalo vimuttattho eva tattha labbhati, taṃ sayameva parato vakkhati.
руубийд̇и язнааяам̣ сасанд̇ад̇ибарияаабаннзна руубзна саманнааг̇ад̇о, д̇ам̣ яасса жхаанасса хзд̇убхаавзна висидтам̣ руубам̣ ход̇и. язна висидтзна руубзна ‘‘руубий’’д̇и вужжзяяа руубий-сад̣̇д̣̇асса ад̇исаяад̇т̇ад̣̇ийбанад̇о, д̇ад̣̇зва сасанд̇ад̇ибарияаабаннаруубанимид̇д̇ам̣ жхаанамива барамад̇т̇ад̇о руубийбхаавасаад̇хаганд̇и д̣̇адтаб̣б̣ам̣. д̇знааха ‘‘аж̇жхад̇д̇а’’нд̇иаад̣̇и. руубаж̇жхаанам̣ руубам̣ уд̇д̇арабад̣̇алобзна. руубаанийд̇и банзд̇т̇а буримабад̣̇алобо д̣̇адтаб̣б̣о. д̇зна вуд̇д̇ам̣ ‘‘нийлагасин̣аад̣̇ийни руубааний’’д̇и.
Rūpīti yenāyaṃ sasantatipariyāpannena rūpena samannāgato, taṃ yassa jhānassa hetubhāvena visiṭṭhaṃ rūpaṃ hoti. Yena visiṭṭhena rūpena ‘‘rūpī’’ti vucceyya rūpī-saddassa atisayatthadīpanato, tadeva sasantatipariyāpannarūpanimittaṃ jhānamiva paramatthato rūpībhāvasādhakanti daṭṭhabbaṃ. Tenāha ‘‘ajjhatta’’ntiādi. Rūpajjhānaṃ rūpaṃ uttarapadalopena. Rūpānīti panettha purimapadalopo daṭṭhabbo. Tena vuttaṃ ‘‘nīlakasiṇādīni rūpānī’’ti.
анд̇оаббанааяам̣ субханд̇и аабхог̇о над̇т̇ийд̇и иминаа буб̣б̣аабхог̇авасзна ад̇химуд̇д̇и сияаад̇и д̣̇ассзд̇и. зван̃хзд̇т̇а д̇ат̇аавад̇д̇аб̣б̣ад̇аабад̇д̇ижод̣̇анаа анавагаасаа ход̇и. яасмаа сувисуд̣̇д̇хзсу нийлаад̣̇ийсу ван̣н̣агасин̣зсу д̇ад̇т̇а гад̇аад̇хигаараанам̣ абхирад̇ивасзна судту ад̇химуд̇д̇и сияаа, д̇асмаа адтагат̇ааяам̣ д̇ат̇аа д̇ад̇ияо вимогко сам̣ван̣н̣ид̇о. яасмаа бана мзд̇д̇аад̣̇ивасзна бавад̇д̇амаанаа бхааванаа сад̇д̇з аббадигуулад̇о д̣̇ахад̇и, д̇з субхад̇о ад̇химужжид̇ваава бавад̇д̇ад̇и, д̇асмаа бадисамбхид̣̇аамаг̇г̇з (бади. ма. 1.212) б̣рахмавихаарабхааванаа ‘‘субхавимогко’’д̇и вуд̇д̇аа, д̇аяид̣̇ам̣ убхаяамби д̇зна д̇зна барияааязна вуд̇д̇ад̇д̇аа на вируж̇жхад̇ийд̇и д̣̇адтаб̣б̣ам̣.
Antoappanāyaṃ subhanti ābhogo natthīti iminā pubbābhogavasena adhimutti siyāti dasseti. Evañhettha tathāvattabbatāpatticodanā anavakāsā hoti. Yasmā suvisuddhesu nīlādīsu vaṇṇakasiṇesu tattha katādhikārānaṃ abhirativasena suṭṭhu adhimutti siyā, tasmā aṭṭhakathāyaṃ tathā tatiyo vimokkho saṃvaṇṇito. Yasmā pana mettādivasena pavattamānā bhāvanā satte appaṭikūlato dahati, te subhato adhimuccitvāva pavattati, tasmā paṭisambhidāmagge (paṭi. ma. 1.212) brahmavihārabhāvanā ‘‘subhavimokkho’’ti vuttā, tayidaṃ ubhayampi tena tena pariyāyena vuttattā na virujjhatīti daṭṭhabbaṃ.
саб̣б̣асод̇и анавасзсад̇о. на хи жад̇уннам̣ аруубагканд̇хаанам̣ згад̣̇зсоби д̇ад̇т̇а авасидтод̇и. виссадтад̇д̇аад̇и яат̇аабарижчиннз гаалз нирод̇хид̇ад̇д̇аа. уд̇д̇амо вимогко наама ариязхзва самаабаж̇ж̇ид̇аб̣б̣ад̇о, арияапалабарияосаанад̇д̇аа д̣̇идтзва д̇хаммз ниб̣б̣аанаббад̇д̇ибхаавад̇о жа.
Sabbasoti anavasesato. Na hi catunnaṃ arūpakkhandhānaṃ ekadesopi tattha avasiṭṭhoti. Vissaṭṭhattāti yathāparicchinne kāle nirodhitattā. Uttamo vimokkho nāma ariyeheva samāpajjitabbato, ariyaphalapariyosānattā diṭṭheva dhamme nibbānappattibhāvato ca.
249. абхибхавад̇ийд̇и абхибху (д̣̇ий. ни. дий. 2.173; а. ни. дий. 3.6.61-65) баригаммам̣, н̃аан̣ам̣ ваа. абхибху ааяад̇анам̣ зд̇ассаад̇и абхибхааяад̇анам̣, жхаанам̣. абхибхавид̇аб̣б̣ам̣ ваа аарамман̣асан̇каад̇ам̣ ааяад̇анам̣ зд̇ассаад̇и абхибхааяад̇анам̣, жхаанам̣. аарамман̣аабхибхаванад̇о абхибху жа д̇ам̣ ааяад̇анан̃жа яог̇ино сукависзсаанам̣ ад̇хидтаанабхаавад̇о манааяад̇анад̇хаммааяад̇анабхаавад̇о жаад̇иби сасамбаяуд̇д̇ам̣ жхаанам̣ абхибхааяад̇анам̣. д̇знааха ‘‘абхибхаванагааран̣ааний’’д̇иаад̣̇и. д̇аанийд̇и абхибхааяад̇анасан̃н̃ид̇аани жхаанаани. самаабад̇д̇ид̇о вудтид̇асса аабхог̇о буб̣б̣абхааг̇абхааванаавасзна жхаанагкан̣з бавад̇д̇ам̣ абхибхаванаагаарам̣ г̇ахзд̇ваа бавад̇д̇од̇и д̣̇адтаб̣б̣о. баригаммавасзна аж̇жхад̇д̇ам̣ руубасан̃н̃ий, на аббанаавасзна. на хи бадибхааг̇анимид̇д̇аарамман̣аа аббанаа аж̇жхад̇д̇ависаяаа самбхавад̇и. д̇ам̣ бана аж̇жхад̇д̇а баригаммавасзна лад̣̇д̇хам̣ гасин̣анимид̇д̇ам̣ асувисуд̣̇д̇хамзва ход̇и, на б̣ахид̣̇д̇хаа баригаммавасзна лад̣̇д̇хам̣ вияа висуд̣̇д̇хам̣.
249. Abhibhavatīti abhibhu (dī. ni. ṭī. 2.173; a. ni. ṭī. 3.6.61-65) parikammaṃ, ñāṇaṃ vā. Abhibhu āyatanaṃ etassāti abhibhāyatanaṃ, jhānaṃ. Abhibhavitabbaṃ vā ārammaṇasaṅkhātaṃ āyatanaṃ etassāti abhibhāyatanaṃ, jhānaṃ. Ārammaṇābhibhavanato abhibhu ca taṃ āyatanañca yogino sukhavisesānaṃ adhiṭṭhānabhāvato manāyatanadhammāyatanabhāvato cātipi sasampayuttaṃ jhānaṃ abhibhāyatanaṃ. Tenāha ‘‘abhibhavanakāraṇānī’’tiādi. Tānīti abhibhāyatanasaññitāni jhānāni. Samāpattito vuṭṭhitassa ābhogo pubbabhāgabhāvanāvasena jhānakkhaṇe pavattaṃ abhibhavanākāraṃ gahetvā pavattoti daṭṭhabbo. Parikammavasena ajjhattaṃ rūpasaññī, na appanāvasena. Na hi paṭibhāganimittārammaṇā appanā ajjhattavisayā sambhavati. Taṃ pana ajjhatta parikammavasena laddhaṃ kasiṇanimittaṃ asuvisuddhameva hoti, na bahiddhā parikammavasena laddhaṃ viya visuddhaṃ.
барид̇д̇аанийд̇и яат̇аалад̣̇д̇хаани суббасараавамад̇д̇аани. д̇знааха ‘‘авад̣дхид̇ааний’’д̇и. барид̇д̇авасзнзваад̇и ван̣н̣авасзна аабхог̇з виж̇ж̇амаанзби барид̇д̇авасзнзва ид̣̇амабхибхааяад̇анам̣ вуд̇д̇ам̣. барид̇д̇ад̇аа хзд̇т̇а абхибхаванасса гааран̣ам̣. ван̣н̣аабхог̇з сад̇иби асад̇иби абхибхааяад̇анабхааванаа наама д̇игкабан̃н̃ассзва самбхавад̇и, на ид̇арассаад̇и ‘‘н̃аан̣уд̇д̇ариго буг̇г̇ало’’д̇и. абхибхавид̇ваа самаабаж̇ж̇ад̇ийд̇и зд̇т̇а абхибхаванам̣ самаабаж̇ж̇анан̃жа убажаараж̇жхаанаад̇хиг̇амасамананд̇арамзва аббанаажхаануббаад̣̇ананд̇и ааха ‘‘саха нимид̇д̇уббаад̣̇знзвзд̇т̇а аббанам̣ баабзд̇ий’’д̇и. саха нимид̇д̇уббаад̣̇знаад̇и жа аббанаабариваасаабхаавасса лагкан̣аважанамзд̇ам̣. яо ‘‘киббаабхин̃н̃о’’д̇и вужжад̇и , д̇ад̇оби н̃аан̣уд̇д̇арассзва абхибхааяад̇анабхааванаа. зд̇т̇аад̇и зд̇асмим̣ нимид̇д̇з. аббанам̣ баабзд̇ийд̇и бхааванаа аббанам̣ нзд̇и.
Parittānīti yathāladdhāni suppasarāvamattāni. Tenāha ‘‘avaḍḍhitānī’’ti. Parittavasenevāti vaṇṇavasena ābhoge vijjamānepi parittavaseneva idamabhibhāyatanaṃ vuttaṃ. Parittatā hettha abhibhavanassa kāraṇaṃ. Vaṇṇābhoge satipi asatipi abhibhāyatanabhāvanā nāma tikkhapaññasseva sambhavati, na itarassāti ‘‘ñāṇuttariko puggalo’’ti. Abhibhavitvā samāpajjatīti ettha abhibhavanaṃ samāpajjanañca upacārajjhānādhigamasamanantarameva appanājhānuppādananti āha ‘‘saha nimittuppādenevettha appanaṃ pāpetī’’ti. Saha nimittuppādenāti ca appanāparivāsābhāvassa lakkhaṇavacanametaṃ. Yo ‘‘khippābhiñño’’ti vuccati , tatopi ñāṇuttarasseva abhibhāyatanabhāvanā. Etthāti etasmiṃ nimitte. Appanaṃ pāpetīti bhāvanā appanaṃ neti.
зд̇т̇а жа гзжи ‘‘уббаннз убажаараж̇жхаанз д̇ам̣ аараб̣бха яз хздтиманд̇зна д̣̇вз д̇аяо ж̇аванаваараа бавад̇д̇анд̇и, д̇з убажаараж̇жхаана багкигаа зва, д̇ад̣̇ананд̇аран̃жа бхаван̇г̇абариваасзна убажаараасзванааяа жа винаа аббанаа ход̇и, саха нимид̇д̇уббаад̣̇знзва аббанам̣ баабзд̇ий’’д̇и вад̣̇анд̇и, д̇ам̣ д̇зсам̣ мад̇имад̇д̇ам̣. на хи баариваасигабаригаммзна аббанаавааро ижчид̇о, нааби махаг̇г̇ад̇аббамаан̣аж̇жхаанзсу вияа убажаараж̇жхаанз зганд̇ад̇о бажжавзгкан̣аа ижчид̇аб̣б̣аа, д̇асмаа убажаараж̇жхаанаад̇хиг̇амад̇о барам̣ гад̇ибаяабхаван̇г̇ажид̇д̇аавасаанз аббанам̣ баабун̣анд̇о ‘‘саха нимид̇д̇уббаад̣̇знзвзд̇т̇а аббанам̣ баабзд̇ий’’д̇и вуд̇д̇о. ‘‘саха нимид̇д̇уббаад̣̇знаа’’д̇и жа ад̇хиббааяигамид̣̇ам̣ важанам̣, на нийд̇ад̇т̇ам̣, ад̇хиббааяо вуд̇д̇анаязнзва взд̣̇ид̇аб̣б̣о.
Ettha ca keci ‘‘uppanne upacārajjhāne taṃ ārabbha ye heṭṭhimantena dve tayo javanavārā pavattanti, te upacārajjhāna pakkhikā eva, tadanantarañca bhavaṅgaparivāsena upacārāsevanāya ca vinā appanā hoti, saha nimittuppādeneva appanaṃ pāpetī’’ti vadanti, taṃ tesaṃ matimattaṃ. Na hi pārivāsikaparikammena appanāvāro icchito, nāpi mahaggatappamāṇajjhānesu viya upacārajjhāne ekantato paccavekkhaṇā icchitabbā, tasmā upacārajjhānādhigamato paraṃ katipayabhavaṅgacittāvasāne appanaṃ pāpuṇanto ‘‘saha nimittuppādenevettha appanaṃ pāpetī’’ti vutto. ‘‘Saha nimittuppādenā’’ti ca adhippāyikamidaṃ vacanaṃ, na nītatthaṃ, adhippāyo vuttanayeneva veditabbo.
на анд̇осамаабад̇д̇ияам̣ д̇ад̣̇аа д̇ат̇ааруубасса аабхог̇асса асамбхавад̇о, самаабад̇д̇ид̇о вудтид̇асса аабхог̇о буб̣б̣абхааг̇абхааванаавасзна жхаанагкан̣з бавад̇д̇ам̣ абхибхаванаагаарам̣ г̇ахзд̇ваа бавад̇д̇од̇и д̣̇адтаб̣б̣ам̣. абхид̇хаммадтагат̇ааяам̣ (д̇ха. са. адта. 204) бана ‘‘иминаа банасса буб̣б̣абхааг̇о гат̇ид̇о’’д̇и вуд̇д̇ам̣. анд̇осамаабад̇д̇ияам̣ д̇ат̇аа аабхог̇аабхаавз гасмаа ‘‘жхаанасан̃н̃ааяабий’’д̇и вуд̇д̇анд̇и ааха ‘‘абхибхава…бз… ад̇т̇ий’’д̇и.
Na antosamāpattiyaṃ tadā tathārūpassa ābhogassa asambhavato, samāpattito vuṭṭhitassa ābhogo pubbabhāgabhāvanāvasena jhānakkhaṇe pavattaṃ abhibhavanākāraṃ gahetvā pavattoti daṭṭhabbaṃ. Abhidhammaṭṭhakathāyaṃ (dha. sa. aṭṭha. 204) pana ‘‘iminā panassa pubbabhāgo kathito’’ti vuttaṃ. Antosamāpattiyaṃ tathā ābhogābhāve kasmā ‘‘jhānasaññāyapī’’ti vuttanti āha ‘‘abhibhava…pe… atthī’’ti.
вад̣дхид̇аббамаан̣аанийд̇и вибулаббамаан̣аанийд̇и ад̇т̇о, на зган̇г̇улад̣̇ван̇г̇улаад̣̇ивасзна вад̣дхид̇аббамаан̣аанийд̇и д̇ат̇аа вад̣дханассзвзд̇т̇а асамбхавад̇о. д̇знааха ‘‘маханд̇ааний’’д̇и.
Vaḍḍhitappamāṇānīti vipulappamāṇānīti attho, na ekaṅguladvaṅgulādivasena vaḍḍhitappamāṇānīti tathā vaḍḍhanassevettha asambhavato. Tenāha ‘‘mahantānī’’ti.
руубз сан̃н̃аа руубасан̃н̃аа, саа асса ад̇т̇ийд̇и руубасан̃н̃ий, на руубасан̃н̃ий аруубасан̃н̃ий. сан̃н̃аасийсзна жхаанам̣ вад̣̇ад̇и. руубасан̃н̃ааяа ануббаад̣̇анамзвзд̇т̇а алаабхид̇аа. б̣ахид̣̇д̇хаава уббаннанд̇и б̣ахид̣̇д̇хаавад̇т̇усмим̣язва уббаннам̣. абхид̇хаммз бана ‘‘аж̇жхад̇д̇ам̣ аруубасан̃н̃ий б̣ахид̣̇д̇хаа руубаани бассад̇и барид̇д̇аани суван̣н̣ад̣̇уб̣б̣ан̣н̣аани, аббамаан̣аани суван̣н̣ад̣̇уб̣б̣ан̣н̣ааний’’д̇и звам̣ жад̇уннам̣ абхибхааяад̇анаанам̣ ааг̇ад̇ад̇д̇аа абхид̇хаммадтагат̇ааяам̣ (д̇ха. са. адта. 204) ‘‘гасмаа бана яат̇аа суд̇д̇анд̇з – ‘аж̇жхад̇д̇ам̣ руубасан̃н̃ий зго б̣ахид̣̇д̇хаа руубаани бассад̇и барид̇д̇ааний’д̇иаад̣̇и вуд̇д̇ам̣, звам̣ авад̇ваа ид̇ха жад̇уусуби абхибхааяад̇анзсу аж̇жхад̇д̇ам̣ аруубасан̃н̃ид̇аава вуд̇д̇аа’’д̇и жод̣̇анам̣ гад̇ваа ‘‘аж̇жхад̇д̇аруубаанам̣ анабхибхаванийяад̇о’’д̇и гааран̣ам̣ вад̇ваа ‘‘д̇ад̇т̇а ваа хи ид̇ха ваа б̣ахид̣̇д̇хааруубаанзва абхибхавид̇аб̣б̣аани, д̇асмаа д̇аани нияамад̇о вад̇д̇аб̣б̣аанийд̇и д̇ад̇рааби ид̇хааби вуд̇д̇аани. ‘аж̇жхад̇д̇ам̣ аруубасан̃н̃ий’д̇и ид̣̇ам̣ бана сад̇т̇у д̣̇зсанаавилаасамад̇д̇амзваа’’д̇и вуд̇д̇ам̣.
Rūpe saññā rūpasaññā, sā assa atthīti rūpasaññī, na rūpasaññī arūpasaññī. Saññāsīsena jhānaṃ vadati. Rūpasaññāya anuppādanamevettha alābhitā. Bahiddhāva uppannanti bahiddhāvatthusmiṃyeva uppannaṃ. Abhidhamme pana ‘‘ajjhattaṃ arūpasaññī bahiddhā rūpāni passati parittāni suvaṇṇadubbaṇṇāni, appamāṇāni suvaṇṇadubbaṇṇānī’’ti evaṃ catunnaṃ abhibhāyatanānaṃ āgatattā abhidhammaṭṭhakathāyaṃ (dha. sa. aṭṭha. 204) ‘‘kasmā pana yathā suttante – ‘ajjhattaṃ rūpasaññī eko bahiddhā rūpāni passati parittānī’tiādi vuttaṃ, evaṃ avatvā idha catūsupi abhibhāyatanesu ajjhattaṃ arūpasaññitāva vuttā’’ti codanaṃ katvā ‘‘ajjhattarūpānaṃ anabhibhavanīyato’’ti kāraṇaṃ vatvā ‘‘tattha vā hi idha vā bahiddhārūpāneva abhibhavitabbāni, tasmā tāni niyamato vattabbānīti tatrāpi idhāpi vuttāni. ‘Ajjhattaṃ arūpasaññī’ti idaṃ pana satthu desanāvilāsamattamevā’’ti vuttaṃ.
зд̇т̇а жа ван̣н̣аабхог̇арахид̇аани сахид̇аани жа саб̣б̣аани ‘‘барид̇д̇аани суван̣н̣ад̣̇уб̣б̣ан̣н̣ааний’’д̇и вуд̇д̇аани, д̇ат̇аа ‘‘аббамаан̣ааний’’д̇и д̣̇адтаб̣б̣аани. ад̇т̇и хи зсо барияааяо ‘‘барид̇д̇аани абхибхуяяа д̇аани жз гад̣̇аажи ван̣н̣авасзна аабхуж̇ид̇аани хонд̇и суван̣н̣ад̣̇уб̣б̣ан̣н̣аани абхибхуяяаа’’д̇и. барияааяагат̇аа хи суд̇д̇анд̇ад̣̇зсанаад̇и. абхид̇хаммз бана ниббарияааяад̣̇зсанад̇д̇аа ван̣н̣аабхог̇арахид̇аани висум̣ вуд̇д̇аани, д̇ат̇аа сахид̇аани. ад̇т̇и хи убхаяад̇т̇а абхибхаванабарияааяод̇и ‘‘аж̇жхад̇д̇ам̣ руубасан̃н̃ий’’д̇иаад̣̇инаа батамад̣̇уд̇ияаабхибхааяад̇анзсу батамавимогко, д̇ад̇ияажад̇уд̇т̇аабхибхааяад̇анзсу д̣̇уд̇ияавимогко, ван̣н̣аабхибхааяад̇анзсу д̇ад̇ияавимогко жа абхибхаванаббавад̇д̇ид̇о сан̇г̇ахид̇о, абхид̇хаммз бана ниббарияааяад̣̇зсанад̇д̇аа вимогкаабхибхааяад̇анаани асан̇гарад̇о д̣̇ассзд̇ум̣ вимогкз важ̇ж̇зд̇ваа абхибхааяад̇анаани гат̇ид̇аани, саб̣б̣аани жа вимогкагижжаани жхаанаани вимогкад̣̇зсанааяам̣ вуд̇д̇аани. д̇ад̣̇зд̇ам̣ ‘‘аж̇жхад̇д̇ам̣ руубасан̃н̃ий’’д̇и ааг̇ад̇асса абхибхааяад̇анад̣̇ваяасса абхид̇хаммз абхибхааяад̇анзсу аважанад̇о ‘‘руубий руубаани бассад̇ий’’д̇иаад̣̇ийнан̃жа саб̣б̣авимогкагижжасаад̇хааран̣аважанабхаавад̇о вавад̇т̇аанам̣ гад̇анд̇и вин̃н̃ааяад̇и.
Ettha ca vaṇṇābhogarahitāni sahitāni ca sabbāni ‘‘parittāni suvaṇṇadubbaṇṇānī’’ti vuttāni, tathā ‘‘appamāṇānī’’ti daṭṭhabbāni. Atthi hi eso pariyāyo ‘‘parittāni abhibhuyya tāni ce kadāci vaṇṇavasena ābhujitāni honti suvaṇṇadubbaṇṇāni abhibhuyyā’’ti. Pariyāyakathā hi suttantadesanāti. Abhidhamme pana nippariyāyadesanattā vaṇṇābhogarahitāni visuṃ vuttāni, tathā sahitāni. Atthi hi ubhayattha abhibhavanapariyāyoti ‘‘ajjhattaṃ rūpasaññī’’tiādinā paṭhamadutiyaabhibhāyatanesu paṭhamavimokkho, tatiyacatutthābhibhāyatanesu dutiyavimokkho, vaṇṇābhibhāyatanesu tatiyavimokkho ca abhibhavanappavattito saṅgahito, abhidhamme pana nippariyāyadesanattā vimokkhābhibhāyatanāni asaṅkarato dassetuṃ vimokkhe vajjetvā abhibhāyatanāni kathitāni, sabbāni ca vimokkhakiccāni jhānāni vimokkhadesanāyaṃ vuttāni. Tadetaṃ ‘‘ajjhattaṃ rūpasaññī’’ti āgatassa abhibhāyatanadvayassa abhidhamme abhibhāyatanesu avacanato ‘‘rūpī rūpāni passatī’’tiādīnañca sabbavimokkhakiccasādhāraṇavacanabhāvato vavatthānaṃ katanti viññāyati.
‘‘аж̇жхад̇д̇аруубаанам̣ анабхибхаванийяад̇о’’д̇и ид̣̇ам̣ абхид̇хаммз гад̇т̇ажиби ‘‘аж̇жхад̇д̇ам̣ руубаани бассад̇ий’’д̇и авад̇ваа саб̣б̣ад̇т̇а яам̣ вуд̇д̇ам̣ ‘‘б̣ахид̣̇д̇хааруубаани бассад̇ий’’д̇и, д̇асса гааран̣аважанам̣. д̇зна яам̣ ан̃н̃ахзд̇угам̣, д̇ам̣ д̇зна хзд̇унаа вуд̇д̇ам̣, яам̣ бана д̣̇зсанаавилаасахзд̇угам̣ аж̇жхад̇д̇ам̣ аруубасан̃н̃ид̇ааяа зва абхид̇хаммз важанам̣, на д̇асса ан̃н̃ам̣ гааран̣ам̣ маг̇г̇ид̇аб̣б̣анд̇и д̣̇ассзд̇и. аж̇жхад̇д̇аруубаанам̣ анабхибхаванийяад̇аа жа д̇зсам̣ б̣ахид̣̇д̇хааруубаанам̣ вияа авибхууд̇ад̇д̇аа, д̣̇зсанаавилаасо жа яат̇аавуд̇д̇ававад̇т̇аанавасзна взд̣̇ид̇аб̣б̣о, взнзяяаж̇жхаасаяавасзна виж̇ж̇амаанабарияааяагат̇анабхаавад̇о. ‘‘суван̣н̣ад̣̇уб̣б̣ан̣н̣ааний’’д̇и зд̇знзва сид̣̇д̇хад̇д̇аа нийлаад̣̇иабхибхааяад̇анаани на вад̇д̇аб̣б̣аанийд̇и жз? на, нийлаад̣̇ийсу гад̇аад̇хигаараанам̣ нийлаад̣̇ибхаавассзва абхибхаванагааран̣ад̇д̇аа. на хи д̇зсам̣ барисуд̣̇д̇хаабарисуд̣̇д̇хаван̣н̣аанам̣ барид̇д̇ад̇аа д̇ад̣̇аббамаан̣ад̇аа ваа абхибхаванагааран̣ам̣, ат̇а ко нийлаад̣̇ибхааво зваад̇и. зд̇зсу жа барид̇д̇аад̣̇игасин̣аруубзсу яам̣ жарид̇асса имаани абхибхааяад̇анаани иж̇жханд̇и, д̇ам̣ д̣̇ассзд̇ум̣ ‘‘имзсу банаа’’д̇иаад̣̇и вуд̇д̇ам̣.
‘‘Ajjhattarūpānaṃ anabhibhavanīyato’’ti idaṃ abhidhamme katthacipi ‘‘ajjhattaṃ rūpāni passatī’’ti avatvā sabbattha yaṃ vuttaṃ ‘‘bahiddhārūpāni passatī’’ti, tassa kāraṇavacanaṃ. Tena yaṃ aññahetukaṃ, taṃ tena hetunā vuttaṃ, yaṃ pana desanāvilāsahetukaṃ ajjhattaṃ arūpasaññitāya eva abhidhamme vacanaṃ, na tassa aññaṃ kāraṇaṃ maggitabbanti dasseti. Ajjhattarūpānaṃ anabhibhavanīyatā ca tesaṃ bahiddhārūpānaṃ viya avibhūtattā, desanāvilāso ca yathāvuttavavatthānavasena veditabbo, veneyyajjhāsayavasena vijjamānapariyāyakathanabhāvato. ‘‘Suvaṇṇadubbaṇṇānī’’ti eteneva siddhattā nīlādiabhibhāyatanāni na vattabbānīti ce? Na, nīlādīsu katādhikārānaṃ nīlādibhāvasseva abhibhavanakāraṇattā. Na hi tesaṃ parisuddhāparisuddhavaṇṇānaṃ parittatā tadappamāṇatā vā abhibhavanakāraṇaṃ, atha kho nīlādibhāvo evāti. Etesu ca parittādikasiṇarūpesu yaṃ caritassa imāni abhibhāyatanāni ijjhanti, taṃ dassetuṃ ‘‘imesu panā’’tiādi vuttaṃ.
саб̣б̣асан̇г̇аахигавасзнаад̇и сагаланийлаван̣н̣анийланид̣̇ассананийланибхаасаанам̣ саад̇хааран̣авасзна. ван̣н̣авасзнаад̇и сабхаававан̣н̣авасзна. нид̣̇ассанавасзнаад̇и бассид̇аб̣б̣ад̇аавасзна. обхаасавасзнаад̇и саббабхаасад̇ааяа авабхаасанавасзна. умаабубпанд̇и ад̇асибубпам̣. нийламзва ход̇и ван̣н̣асан̇гараабхаавад̇о. б̣аараан̣асияам̣ бхаванд̇и б̣аараан̣асияам̣ самудтид̇ам̣.
Sabbasaṅgāhikavasenāti sakalanīlavaṇṇanīlanidassananīlanibhāsānaṃ sādhāraṇavasena. Vaṇṇavasenāti sabhāvavaṇṇavasena. Nidassanavasenāti passitabbatāvasena. Obhāsavasenāti sappabhāsatāya avabhāsanavasena. Umāpupphanti atasipupphaṃ. Nīlameva hoti vaṇṇasaṅkarābhāvato. Bārāṇasiyaṃ bhavanti bārāṇasiyaṃ samuṭṭhitaṃ.
д̇з д̇хаммзд̇и д̇з сад̇ибадтаанаад̣̇ид̇хаммз жзва адтавимогкад̇хаммз жа. жин̣н̣авасийбхаавааязва д̇ад̇т̇а абхивисидтааяа бан̃н̃ааяа барияосаануд̇д̇арам̣ сад̇ам̣ г̇ад̇аа абхин̃н̃аавосаанабаарамиббад̇д̇аа.
Te dhammeti te satipaṭṭhānādidhamme ceva aṭṭhavimokkhadhamme ca. Ciṇṇavasībhāvāyeva tattha abhivisiṭṭhāya paññāya pariyosānuttaraṃ sataṃ gatā abhiññāvosānapāramippattā.
250. сагаладтзнаад̇и (д̣̇ий. ни. дий. 3.346; а. ни. дий. 3.10.25) сагалабхаавзна, асубханимид̇д̇аад̣̇ийсу вияа згад̣̇зсз адтад̇ваа анавасзсад̇о г̇ахзд̇аб̣б̣адтзнаад̇и ад̇т̇о. яат̇аа кзд̇д̇ам̣ сассаанам̣ уббад̇д̇идтаанам̣ вад̣дхидтаанан̃жа, звамзва д̇ам̣д̇ам̣самбаяуд̇д̇ад̇хаммаананд̇и ааха ‘‘кзд̇д̇адтзнаа’’д̇и. барижчинд̣̇ид̇ваад̇и ид̣̇ам̣ уд̣̇д̇хам̣ ад̇хо д̇ирияанд̇и яож̇зд̇аб̣б̣ам̣. барижчинд̣̇ид̇ваа зва хи саб̣б̣ад̇т̇а гасин̣ам̣ вад̣дхзд̇аб̣б̣ам̣. д̇зна д̇зна гааран̣знаад̇и убариаад̣̇ийсу д̇зна д̇зна гасин̣зна. яат̇аа гинд̇и ааха – ‘‘аалогамива руубад̣̇ассанагаамо’’д̇и, яат̇аа д̣̇иб̣б̣ажагкунаа уд̣̇д̇хам̣ жз руубам̣ д̣̇адтугаамо, уд̣̇д̇хам̣ аалогам̣ басаарзд̇и, ад̇хо жз, ад̇хо, саманд̇ад̇о жз руубам̣ д̣̇адтугаамо, саманд̇ад̇о аалогам̣ басаарзд̇и, звам̣ саб̣б̣агасин̣анд̇и ад̇т̇о. згассаад̇и бат̇авийгасин̣аад̣̇ийсу згзгасса. ан̃н̃абхааваанубаг̇аманад̇т̇анд̇и ан̃н̃агасин̣абхааваанубаг̇аманад̣̇ийбанад̇т̇ам̣, ан̃н̃асса ваа гасин̣абхааваанубаг̇аманад̣̇ийбанад̇т̇ам̣. на хи ан̃н̃зна басаарид̇агасин̣ам̣ д̇ад̇о ан̃н̃зна басаарид̇агасин̣абхаавам̣ убаг̇ажчад̇и, звамби нзсам̣ ан̃н̃агасин̣асамбхзд̣̇аабхааво взд̣̇ид̇аб̣б̣о. на ан̃н̃ам̣ бат̇авийаад̣̇и. на хи уд̣̇агзна тид̇адтаанз сасамбхаарабат̇авий ад̇т̇и. ан̃н̃агасин̣асамбхзд̣̇од̇и аабогасин̣аад̣̇инаа сан̇гаро . саб̣б̣ад̇т̇аад̇и саб̣б̣зсу сзсагасин̣зсу. згад̣̇зсз адтад̇ваа анавасзсапаран̣ам̣ бамаан̣асса аг̇г̇ахан̣ад̇о аббамаан̣ам̣. д̇знзва хи нзсам̣ гасин̣асаман̃н̃аа. д̇ат̇аа хи ‘‘д̇ан̃хий’’д̇иаад̣̇имааха. д̇ад̇т̇а жзд̇асаа паранд̇од̇и бхааванаажид̇д̇зна аарамман̣ам̣ гаронд̇о. бхааванаажид̇д̇ан̃хи гасин̣ам̣ барид̇д̇ам̣ ваа вибулам̣ ваа сагаламзва манаси гарод̇и.
250.Sakalaṭṭhenāti (dī. ni. ṭī. 3.346; a. ni. ṭī. 3.10.25) sakalabhāvena, asubhanimittādīsu viya ekadese aṭṭhatvā anavasesato gahetabbaṭṭhenāti attho. Yathā khettaṃ sassānaṃ uppattiṭṭhānaṃ vaḍḍhiṭṭhānañca, evameva taṃtaṃsampayuttadhammānanti āha ‘‘khettaṭṭhenā’’ti. Paricchinditvāti idaṃ uddhaṃ adho tiriyanti yojetabbaṃ. Paricchinditvā eva hi sabbattha kasiṇaṃ vaḍḍhetabbaṃ. Tena tena kāraṇenāti upariādīsu tena tena kasiṇena. Yathā kinti āha – ‘‘ālokamiva rūpadassanakāmo’’ti, yathā dibbacakkhunā uddhaṃ ce rūpaṃ daṭṭhukāmo, uddhaṃ ālokaṃ pasāreti, adho ce, adho, samantato ce rūpaṃ daṭṭhukāmo, samantato ālokaṃ pasāreti, evaṃ sabbakasiṇanti attho. Ekassāti pathavīkasiṇādīsu ekekassa. Aññabhāvānupagamanatthanti aññakasiṇabhāvānupagamanadīpanatthaṃ, aññassa vā kasiṇabhāvānupagamanadīpanatthaṃ. Na hi aññena pasāritakasiṇaṃ tato aññena pasāritakasiṇabhāvaṃ upagacchati, evampi nesaṃ aññakasiṇasambhedābhāvo veditabbo. Na aññaṃ pathavīādi. Na hi udakena ṭhitaṭṭhāne sasambhārapathavī atthi. Aññakasiṇasambhedoti āpokasiṇādinā saṅkaro . Sabbatthāti sabbesu sesakasiṇesu. Ekadese aṭṭhatvā anavasesapharaṇaṃ pamāṇassa aggahaṇato appamāṇaṃ. Teneva hi nesaṃ kasiṇasamaññā. Tathā hi ‘‘tañhī’’tiādimāha. Tattha cetasā pharantoti bhāvanācittena ārammaṇaṃ karonto. Bhāvanācittañhi kasiṇaṃ parittaṃ vā vipulaṃ vā sakalameva manasi karoti.
гасин̣уг̇гхаадимаагаасз бавад̇д̇ам̣ вин̃н̃аан̣ам̣ паран̣ааббамаан̣авасзна ‘‘вин̃н̃аан̣агасин̣а’’нд̇и вуд̇д̇ам̣. д̇ат̇аа хи д̇ам̣ ‘‘вин̃н̃аан̣а’’нд̇и вужжад̇и. гасин̣авасзнаад̇и уг̇гхаадид̇агасин̣авасзна гасин̣уг̇гхаадимаагаасз уд̣̇д̇хам̣ад̇ход̇ирияад̇аа взд̣̇ид̇аб̣б̣аа. яад̇д̇аган̃хи таанам̣ гасин̣ам̣ басаарид̇ам̣, д̇ад̇д̇агам̣ аагаасабхааванаавасзна аагаасам̣ ход̇ийд̇и. звам̣ яад̇д̇агам̣ таанам̣ аагаасам̣ худ̇ваа убадтид̇ам̣, д̇ад̇д̇агам̣ аагаасамзва худ̇ваа вин̃н̃аан̣асса бавад̇д̇анад̇о ааг̇аманавасзна вин̃н̃аан̣агасин̣зби уд̣̇д̇хам̣ад̇ход̇ирияад̇аа вуд̇д̇аад̇и ‘‘гасин̣уг̇гхаадимаагаасавасзна д̇ад̇т̇а бавад̇д̇авин̃н̃аан̣з уд̣̇д̇хам̣ад̇ход̇ирияад̇аа взд̣̇ид̇аб̣б̣аа’’д̇и ааха.
Kasiṇugghāṭimākāse pavattaṃ viññāṇaṃ pharaṇaappamāṇavasena ‘‘viññāṇakasiṇa’’nti vuttaṃ. Tathā hi taṃ ‘‘viññāṇa’’nti vuccati. Kasiṇavasenāti ugghāṭitakasiṇavasena kasiṇugghāṭimākāse uddhaṃadhotiriyatā veditabbā. Yattakañhi ṭhānaṃ kasiṇaṃ pasāritaṃ, tattakaṃ ākāsabhāvanāvasena ākāsaṃ hotīti. Evaṃ yattakaṃ ṭhānaṃ ākāsaṃ hutvā upaṭṭhitaṃ, tattakaṃ ākāsameva hutvā viññāṇassa pavattanato āgamanavasena viññāṇakasiṇepi uddhaṃadhotiriyatā vuttāti ‘‘kasiṇugghāṭimākāsavasena tattha pavattaviññāṇe uddhaṃadhotiriyatā veditabbā’’ti āha.
252. вуд̇д̇оязва ваммигасуд̇д̇з. ниссид̇ан̃жа чавад̇т̇униссид̇ад̇д̇аа вибассанаан̃аан̣асса. бадиб̣ад̣̇д̇хан̃жа д̇зна винаа аббавад̇д̇анад̇о гааяасан̃н̃ид̇аанам̣ руубад̇хаммаанам̣ аарамман̣агаран̣ад̇о жа. судту бхаад̇и обхаасад̇ийд̇и ваа субхо. гурувинд̣̇аж̇аад̇иаад̣̇иж̇аад̇ивисзсоби ман̣и аагарабаарисуд̣̇д̇химуулаго зваад̇и ааха ‘‘субарисуд̣̇д̇хааагарасамудтид̇о’’д̇и. д̣̇осанийхаран̣авасзна баригамманибпад̇д̇ийд̇и ааха ‘‘судту гад̇абаригаммо абанийд̇абаасаан̣асагкаро’’д̇и. д̇хованавзд̇ханаад̣̇ийхийд̇и жад̇уусу баасаан̣зсу д̇хованзна жзва гаал̣агаад̣̇иабахаран̣ад̇т̇ааяа суд̇д̇зна аавунанад̇т̇ааяа жа виж̇жханзна. д̇аабасан̣хагаран̣аад̣̇ийнам̣ сан̇г̇ахо аад̣̇и-сад̣̇д̣̇зна. ван̣н̣асамбад̇д̇инд̇и суд̇д̇асса ван̣н̣асамбад̇д̇им̣.
252.Vuttoyeva vammikasutte. Nissitañca chavatthunissitattā vipassanāñāṇassa. Paṭibaddhañca tena vinā appavattanato kāyasaññitānaṃ rūpadhammānaṃ ārammaṇakaraṇato ca. Suṭṭhu bhāti obhāsatīti vā subho. Kuruvindajātiādijātivisesopi maṇi ākarapārisuddhimūlako evāti āha ‘‘suparisuddhaākarasamuṭṭhito’’ti. Dosanīharaṇavasena parikammanipphattīti āha ‘‘suṭṭhu kataparikammo apanītapāsāṇasakkharo’’ti. Dhovanavedhanādīhīti catūsu pāsāṇesu dhovanena ceva kāḷakādiapaharaṇatthāya suttena āvunanatthāya ca vijjhanena. Tāpasaṇhakaraṇādīnaṃ saṅgaho ādi-saddena. Vaṇṇasampattinti suttassa vaṇṇasampattiṃ.
ман̣и вияа гараж̇агааяо бажжавзгкид̇аб̣б̣ад̇о. аавуд̇асуд̇д̇ам̣ вияа вибассанаан̃аан̣ам̣ анубависид̇ваа тид̇ад̇д̇аа. жагкумаа бурисо вияа вибассанаалаабхий бхигку саммад̣̇зва д̇асса д̣̇ассанад̇о. д̇ад̣̇аарамман̣аананд̇и руубад̇хаммаарамман̣аанам̣. пассабан̃жамагажид̇д̇ажзд̇асигаг̇г̇ахан̣зна г̇ахид̇ад̇хаммааби вибассанаажид̇д̇уббаад̣̇абарияаабаннаа зваад̇и взд̣̇ид̇аб̣б̣ам̣. зван̃хи д̇зсам̣ вибассанаан̃аан̣аг̇ад̇игад̇д̇аа ‘‘аавуд̇асуд̇д̇ам̣ вияа вибассанаан̃аан̣а’’нд̇и важанам̣ авирод̇хид̇ам̣ ход̇и.
Maṇi viya karajakāyo paccavekkhitabbato. Āvutasuttaṃ viya vipassanāñāṇaṃ anupavisitvā ṭhitattā. Cakkhumā puriso viya vipassanālābhī bhikkhu sammadeva tassa dassanato. Tadārammaṇānanti rūpadhammārammaṇānaṃ. Phassapañcamakacittacetasikaggahaṇena gahitadhammāpi vipassanācittuppādapariyāpannā evāti veditabbaṃ. Evañhi tesaṃ vipassanāñāṇagatikattā ‘‘āvutasuttaṃ viya vipassanāñāṇa’’nti vacanaṃ avirodhitaṃ hoti.
н̃аан̣ассаад̇и бажжавзгкан̣ан̃аан̣асса. яад̣̇и звам̣ н̃аан̣асса васзна вад̇д̇аб̣б̣ам̣, на буг̇г̇алассаад̇и ааха ‘‘д̇асса банаа’’д̇иаад̣̇и. маг̇г̇асса ананд̇арам̣, д̇асмаа логияаабхин̃н̃аанам̣ барад̇о чадтаабхин̃н̃ааяа бурад̇о вад̇д̇аб̣б̣ам̣ вибассанаан̃аан̣ам̣. звам̣ санд̇збийд̇и яад̣̇ибааяам̣ н̃аан̣аанубуб̣б̣адтид̇и, звам̣ санд̇зби зд̇асса анд̇араа вааро над̇т̇ийд̇и бан̃жасу логияаабхин̃н̃аасу гат̇ид̇аасу ааган̇кзяяасуд̇д̇аад̣̇ийсу (ма. ни. 1.64 аад̣̇аяо) вияа чадтаабхин̃н̃аа гат̇зд̇аб̣б̣аад̇и зд̇асса анабхин̃н̃аалагкан̣асса вибассанаан̃аан̣асса д̇аасам̣ анд̇араа вааро на ход̇и, д̇асмаа д̇ад̇т̇а авасараабхаавад̇о ид̇хзва руубааважаражад̇уд̇т̇аж̇жхаанаананд̇арамзва д̣̇ассид̇ам̣ вибассанаан̃аан̣ам̣. яасмаа жаад̇и жа-сад̣̇д̣̇о самужжаяад̇т̇о. д̇зна на гзвалам̣ д̇ад̣̇зва, ат̇а ко ид̣̇амби гааран̣ам̣ вибассанаан̃аан̣асса ид̇хзва д̣̇ассанзд̇и имамад̇т̇ам̣ д̣̇ийбзд̇и. д̣̇иб̣б̣зна жагкунаа бхзраваруубам̣ бассад̇од̇и зд̇т̇а ид̣̇д̇хивид̇хан̃аан̣зна бхзравам̣ руубам̣ нимминид̇ваа жагкунаа бассад̇од̇и вад̇д̇аб̣б̣ам̣, звамби абхин̃н̃аалаабхино абарин̃н̃аан̣авад̇т̇угасса бхаяасанд̇аасо уббаж̇ж̇ад̇и ужжаваалигаваасиймахаанааг̇ад̇т̇зрасса вияа. ид̇хаабийд̇и имасмим̣ вибассанаан̃аан̣зби, на сад̇ибадтаанаад̣̇ийсу зваад̇и ад̇хиббааяо.
Ñāṇassāti paccavekkhaṇañāṇassa. Yadi evaṃ ñāṇassa vasena vattabbaṃ, na puggalassāti āha ‘‘tassa panā’’tiādi. Maggassa anantaraṃ, tasmā lokiyābhiññānaṃ parato chaṭṭhābhiññāya purato vattabbaṃ vipassanāñāṇaṃ. Evaṃ santepīti yadipāyaṃ ñāṇānupubbaṭṭhiti, evaṃ santepi etassa antarā vāro natthīti pañcasu lokiyābhiññāsu kathitāsu ākaṅkheyyasuttādīsu (ma. ni. 1.64 ādayo) viya chaṭṭhābhiññā kathetabbāti etassa anabhiññālakkhaṇassa vipassanāñāṇassa tāsaṃ antarā vāro na hoti, tasmā tattha avasarābhāvato idheva rūpāvacaracatutthajjhānānantarameva dassitaṃ vipassanāñāṇaṃ. Yasmā cāti ca-saddo samuccayattho. Tena na kevalaṃ tadeva, atha kho idampi kāraṇaṃ vipassanāñāṇassa idheva dassaneti imamatthaṃ dīpeti. Dibbena cakkhunā bheravarūpaṃ passatoti ettha iddhividhañāṇena bheravaṃ rūpaṃ nimminitvā cakkhunā passatoti vattabbaṃ, evampi abhiññālābhino apariññāṇavatthukassa bhayasantāso uppajjati uccavālikavāsīmahānāgattherassa viya. Idhāpīti imasmiṃ vipassanāñāṇepi, na satipaṭṭhānādīsu evāti adhippāyo.
253. маномаяид̣̇д̇хияам̣ жин̣н̣авасид̇ааяа абхин̃н̃аа восаанабаарамиббад̇д̇ад̇аа взд̣̇ид̇аб̣б̣аад̇и яож̇анаа. манзна ниб̣б̣ад̇д̇анд̇и абхин̃н̃ааманзна ниб̣б̣ад̇д̇ид̇ам̣. д̇ам̣ сад̣̇исабхаавад̣̇ассанад̇т̇амзваад̇и сан̣таанад̇оби ван̣н̣ад̇оби аваяавависзсад̇оби сад̣̇исабхаавад̣̇ассанад̇т̇амзва. саж̇аад̇ияам̣ тид̇о, на нааг̇ид̣̇д̇хияаа ан̃н̃аж̇аад̇ируубо. субаригаммагад̇амад̇д̇игаад̣̇аяо вияа ид̣̇д̇хивид̇хан̃аан̣ам̣ вигуб̣б̣анагирияааяа ниссаяабхаавад̇о.
253. Manomayiddhiyaṃ ciṇṇavasitāya abhiññā vosānapāramippattatā veditabbāti yojanā. Manena nibbattanti abhiññāmanena nibbattitaṃ. Taṃ sadisabhāvadassanatthamevāti saṇṭhānatopi vaṇṇatopi avayavavisesatopi sadisabhāvadassanatthameva. Sajātiyaṃ ṭhito, na nāgiddhiyā aññajātirūpo. Suparikammakatamattikādayo viya iddhividhañāṇaṃ vikubbanakiriyāya nissayabhāvato.
255. аббагасирзнзваад̇и агижчзнзва.
255.Appakasirenevāti akiccheneva.
256. манд̣̇о уд̇д̇аанасзяяагад̣̇аарагоби ‘‘д̣̇ахаро’’д̇и вужжад̇ийд̇и д̇ад̇о висзсанад̇т̇ам̣ ‘‘яуваа’’д̇и вуд̇д̇ам̣. яувааби гожи анижчанад̇о аман̣д̣анасийло ход̇ийд̇и д̇ад̇о висзсанад̇т̇ам̣ ‘‘ман̣д̣анагаж̇аад̇иго’’д̇и вуд̇д̇ам̣. д̇зна вуд̇д̇ам̣ ‘‘яуваабий’’д̇иаад̣̇и. гаал̣ад̇илаббамаан̣аа б̣инд̣̇аво гаал̣ад̇илагаани. наад̇игаммаасад̇илаббамаан̣аа б̣инд̣̇аво д̇илагаани. ван̇гам̣ наама бияан̇г̇ам̣. яоб̣б̣анабийл̣агаад̣̇аяо мукад̣̇уусибийл̣агаа. мукаг̇ад̇о д̣̇осо мукад̣̇осо, лагкан̣аважанан̃жзд̇ам̣ мукз ад̣̇осассаби баагадабхаавасса ад̇хиббзд̇ад̇д̇аа . яат̇аа ваа мукз д̣̇осо, звам̣ мукз ад̣̇особи мукад̣̇осо саралобзна, мукад̣̇осо жа мукад̣̇осо жа мукад̣̇осод̇и згасзсанаязнабзд̇т̇а ад̇т̇о д̣̇адтаб̣б̣о. зван̃хи барзсам̣ сол̣асавид̇хам̣ жид̇д̇ам̣ баагадам̣ ход̇ийд̇и важанам̣ самад̇т̇ид̇ам̣ ход̇и.
256. Mando uttānaseyyakadārakopi ‘‘daharo’’ti vuccatīti tato visesanatthaṃ ‘‘yuvā’’ti vuttaṃ. Yuvāpi koci anicchanato amaṇḍanasīlo hotīti tato visesanatthaṃ ‘‘maṇḍanakajātiko’’ti vuttaṃ. Tena vuttaṃ ‘‘yuvāpī’’tiādi. Kāḷatilappamāṇā bindavo kāḷatilakāni. Nātikammāsatilappamāṇā bindavo tilakāni. Vaṅkaṃ nāma piyaṅgaṃ. Yobbanapīḷakādayo mukhadūsipīḷakā. Mukhagato doso mukhadoso, lakkhaṇavacanañcetaṃ mukhe adosassapi pākaṭabhāvassa adhippetattā . Yathā vā mukhe doso, evaṃ mukhe adosopi mukhadoso saralopena, mukhadoso ca mukhadoso ca mukhadosoti ekasesanayenapettha attho daṭṭhabbo. Evañhi paresaṃ soḷasavidhaṃ cittaṃ pākaṭaṃ hotīti vacanaṃ samatthitaṃ hoti.
259. бадибад̣̇аавасзнаад̇и яат̇аарахам̣ самат̇авибассанаамаг̇г̇абадибад̣̇аавасзна. адтасу годтаасзсууд̇и сад̇ибадтаанаад̣̇ийсу б̣од̇хибагкияад̇хаммагодтаасзсу, вимогкагодтаасзсу ваад̇и имзсу адтасу годтаасзсу. сзсзсууд̇и вуд̇д̇аавасзсзсу абхибхааяад̇анагодтаасаад̣̇ийсу. сзсам̣ сувин̃н̃зяяамзва.
259.Paṭipadāvasenāti yathārahaṃ samathavipassanāmaggapaṭipadāvasena. Aṭṭhasu koṭṭhāsesūti satipaṭṭhānādīsu bodhipakkhiyadhammakoṭṭhāsesu, vimokkhakoṭṭhāsesu vāti imesu aṭṭhasu koṭṭhāsesu. Sesesūti vuttāvasesesu abhibhāyatanakoṭṭhāsādīsu. Sesaṃ suviññeyyameva.
махаасагулуд̣̇ааяисуд̇д̇аван̣н̣анааяа лийнад̇т̇аббагаасанаа самад̇д̇аа.
Mahāsakuludāyisuttavaṇṇanāya līnatthappakāsanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 7. махаасагулуд̣̇ааяисуд̇д̇ам̣ • 7. Mahāsakuludāyisuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 7. махаасагулуд̣̇ааяисуд̇д̇аван̣н̣анаа • 7. Mahāsakuludāyisuttavaṇṇanā
