| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੪. ਮਹਾਸਾਲਸੁਤ੍ਤવਣ੍ਣਨਾ
4. Mahāsālasuttavaṇṇanā
੨੦੦. ਯਸ੍ਮਾ ਤਸ੍ਸ ਬ੍ਰਾਹ੍ਮਣਸ੍ਸ ਅਨਿਸ੍ਸਯਸ੍ਸ ਜਿਣ੍ਣਭਾવੇਨ વਿਸੇਸਤੋ ਕਾਯੋ ਲੂਖੋ ਜਾਤੋ, ਜਿਣ੍ਣਪਿਲੋਤਿਕਖਣ੍ਡੇਹਿ ਸਙ੍ਘਟਿਤਂ ਪਾવੁਰਣਂ, ਤਸ੍ਮਾ ‘‘ਲੂਖਪਾવੁਰਣੋ’’ਤਿ ਪਦਸ੍ਸ ‘‘ਜਿਣ੍ਣਪਾવੁਰਣੋ’’ਤਿ ਅਤ੍ਥੋ વੁਤ੍ਤੋ। ਪਾਟਿਯੇਕ੍ਕਨ੍ਤਿ ਪੁਤ੍ਤੇਸੁ ਏਕਮੇਕੋ ਏਕਮੇਕਾਯ વਾਚਾਯ વਿਸੁਂ વਿਸੁਂ।
200. Yasmā tassa brāhmaṇassa anissayassa jiṇṇabhāvena visesato kāyo lūkho jāto, jiṇṇapilotikakhaṇḍehi saṅghaṭitaṃ pāvuraṇaṃ, tasmā ‘‘lūkhapāvuraṇo’’ti padassa ‘‘jiṇṇapāvuraṇo’’ti attho vutto. Pāṭiyekkanti puttesu ekameko ekamekāya vācāya visuṃ visuṃ.
ਸਮ੍ਪੁਚ੍ਛਨਂ ਨਾਮ ਇਧ ਸਮ੍ਮਨ੍ਤਨਨ੍ਤਿ ਆਹ ‘‘ਸਦ੍ਧਿਂ ਮਨ੍ਤਯਿਤ੍વਾ’’ਤਿ। ਨਨ੍ਦਿਸ੍ਸਨ੍ਤਿ ਅਭਿਨਨ੍ਦਿਂ। ਅਤੀਤਤ੍ਥੇ ਹਿ ਇਦਂ ਅਨਾਗਤવਚਨਂ। ਤੇਨਾਹ ‘‘ਨਨ੍ਦਿਜਾਤੋ…ਪੇ॰… ਅਹੋਸਿ’’ਨ੍ਤਿ। ਭੁਸ੍ਸਨ੍ਤਾਤਿ ਨਿਬ੍ਭੁਸ੍ਸਨવਸੇਨ ਰવਨ੍ਤਾ।
Sampucchanaṃ nāma idha sammantananti āha ‘‘saddhiṃ mantayitvā’’ti. Nandissanti abhinandiṃ. Atītatthe hi idaṃ anāgatavacanaṃ. Tenāha ‘‘nandijāto…pe… ahosi’’nti. Bhussantāti nibbhussanavasena ravantā.
વਯੋਗਤਨ੍ਤਿ ਪਚ੍ਛਿਮવਯਂ ਉਪਗਤਂ। ਸੋ ਪਨ ਯਸ੍ਮਾ ਪੁਰਿਮੇ ਦ੍વੇ વਯੇ ਅਤਿਕ੍ਕਮવਸੇਨ ਗਤੋ। ਪਚ੍ਛਿਮਂ ਏਕਦੇਸਤੋ ਅਤਿਕ੍ਕਮਨવਸੇਨ, ਤਸ੍ਮਾ વੁਤ੍ਤਂ – ‘‘ਤਯੋ વਯੇ ਗਤਂ ਅਤਿਕ੍ਕਨ੍ਤਂ ਪਚ੍ਛਿਮવਯੇ ਠਿਤ’’ਨ੍ਤਿ।
Vayogatanti pacchimavayaṃ upagataṃ. So pana yasmā purime dve vaye atikkamavasena gato. Pacchimaṃ ekadesato atikkamanavasena, tasmā vuttaṃ – ‘‘tayo vaye gataṃ atikkantaṃ pacchimavaye ṭhita’’nti.
ਨਿਪ੍ਪਰਿਭੋਗੋਤਿ ਜਿਣ੍ਣਭਾવੇਨ ਜવਪਰਕ੍ਕਮਹਾਨਿਯਾ ਅਪਰਿਭੋਗੋ ਨ ਭੁਞ੍ਜਿਤਬ੍ਬੋ। ਖਾਦਨਾ ਅਪਨੀਯਤੀਤਿ ਯવਸਂ ਅਦਦਨ੍ਤਾ ਤਤੋ ਨੀਹਰਨ੍ਤਿ ਨਾਮ। ਥੇਰੋਤਿ વੁਡ੍ਢੋ।
Nipparibhogoti jiṇṇabhāvena javaparakkamahāniyā aparibhogo na bhuñjitabbo. Khādanā apanīyatīti yavasaṃ adadantā tato nīharanti nāma. Theroti vuḍḍho.
ਅਨਸ੍ਸવਾਤਿ ਨ વਚਨਕਰਾ। ਅਪ੍ਪਤਿਸ੍ਸਾਤਿ ਪਤਿਸ੍ਸਯਰਹਿਤਾ। ਅવਸવਤ੍ਤਿਨੋਤਿ ਨ ਮਯ੍ਹਂ વਸੇਨ વਤ੍ਤਨਕਾ। ਸੁਨ੍ਦਰਤਰੋਤਿ ਉਪਤ੍ਥਮ੍ਭਕਾਰਿਭਾવੇਨ ਸੁਨ੍ਦਰਤਰੋ।
Anassavāti na vacanakarā. Appatissāti patissayarahitā. Avasavattinoti na mayhaṃ vasena vattanakā. Sundarataroti upatthambhakāribhāvena sundarataro.
ਪੁਰਤੋਤਿ ਉਪਤ੍ਥਮ੍ਭਕਭਾવੇਨ ਪੁਰਤੋ ਕਤ੍વਾ। ਉਦਕੇ ਪਤਿਟ੍ਠਂ ਲਭਤਿ ਤਤ੍ਥ ਪਤਿਟ੍ਠਤੋ ਥਿਰਪਤਿਟ੍ਠਭਾવਤੋ। ਅਦ੍ਧਪਤਿਟ੍ਠੋ ਹਿ ਦਣ੍ਡੋ ਦਣ੍ਡਧਰਪੁਰਿਸਸ੍ਸ ਪਤਿਟ੍ਠਂ ਲਭਾਪੇਤਿ।
Puratoti upatthambhakabhāvena purato katvā. Udake patiṭṭhaṃ labhati tattha patiṭṭhato thirapatiṭṭhabhāvato. Addhapatiṭṭho hi daṇḍo daṇḍadharapurisassa patiṭṭhaṃ labhāpeti.
ਬ੍ਰਾਹ੍ਮਣਿਯੋਤਿ ਅਤ੍ਤਨੋ ਬ੍ਰਾਹ੍ਮਣਿਯੋ। ਪਾਟਿਯੇਕ੍ਕਨ੍ਤਿ ‘‘ਅਸੁਕਸ੍ਸ ਗੇਹੇ ਅਸੁਕਸ੍ਸ ਗੇਹੇ’’ਤਿ ਏવਂ ਉਦ੍ਦੇਸਿਕਂ ਕਤ੍વਾ વਿਸੁਂ વਿਸੁਂ। ਮਾ ਨਿਯ੍ਯਾਦੇਹਿ, ਅਮ੍ਹਾਕਂ ਰੁਚ੍ਚਨਟ੍ਠਾਨਮੇવਾਤਿ ਤવ ਪੁਤ੍ਤਾਨਂ ਗੇਹੇਸੁ ਯਂ ਅਮ੍ਹਾਕਂ ਰੁਚ੍ਚਨਟ੍ਠਾਨਂ। ਤਤ੍ਥਮੇવ ਗਮਿਸ੍ਸਾਮਾਤਿ ਸਬ੍ਬੇਸਮ੍ਪਿ ਏਤੇਸਂ ਅਨੁਗ੍ਗਹਂ ਕਾਤੁਕਾਮੋ ਭਗવਾ ਏવਮਾਹ।
Brāhmaṇiyoti attano brāhmaṇiyo. Pāṭiyekkanti ‘‘asukassa gehe asukassa gehe’’ti evaṃ uddesikaṃ katvā visuṃ visuṃ. Mā niyyādehi, amhākaṃ ruccanaṭṭhānamevāti tava puttānaṃ gehesu yaṃ amhākaṃ ruccanaṭṭhānaṃ. Tatthameva gamissāmāti sabbesampi etesaṃ anuggahaṃ kātukāmo bhagavā evamāha.
ਤਤੋ ਪਟ੍ਠਾਯਾਤਿ ਸੋਤਾਪਤ੍ਤਿਫਲਪਟਿਲਾਭਤੋ ਪਟ੍ਠਾਯ। ਯਦਤ੍ਥਂ ਮਯਂ ਇਮਸ੍ਸ ਬ੍ਰਾਹ੍ਮਣਸ੍ਸ ਮਹਾਸਮ੍ਪਤ੍ਤਿਦਾਨਾਦਿਨਾ ਅਨੁਗ੍ਗਹੋ ਕਤੋ, ਸੋ ਚਸ੍ਸ ਪੁਤ੍ਤਪਰਿਜਨਸ੍ਸਪਿ ਅਤ੍ਥੋ ਸਿਦ੍ਧੋਤਿ ਸਤ੍ਥਾ ਨ ਸਬ੍ਬਕਾਲਂ ਤਸ੍ਸ ਬ੍ਰਾਹ੍ਮਣਸ੍ਸ ਪੁਤ੍ਤਾਨਂ ਗੇਹਂ ਅਗਮਾਸਿ, ਤੇ ਏવ ਪਨ ਕਾਲੇਨ ਕਾਲਂ ਸਤ੍ਥੁ ਸਨ੍ਤਿਕਂ ਗਨ੍ਤ੍વਾ ਯਥਾવਿਭવਂ ਸਕ੍ਕਾਰਸਮ੍ਮਾਨਂ ਅਕਂਸੂਤਿ ਅਧਿਪ੍ਪਾਯੋ।
Tato paṭṭhāyāti sotāpattiphalapaṭilābhato paṭṭhāya. Yadatthaṃ mayaṃ imassa brāhmaṇassa mahāsampattidānādinā anuggaho kato, so cassa puttaparijanassapi attho siddhoti satthā na sabbakālaṃ tassa brāhmaṇassa puttānaṃ gehaṃ agamāsi, te eva pana kālena kālaṃ satthu santikaṃ gantvā yathāvibhavaṃ sakkārasammānaṃ akaṃsūti adhippāyo.
ਮਹਾਸਾਲਸੁਤ੍ਤવਣ੍ਣਨਾ ਨਿਟ੍ਠਿਤਾ।
Mahāsālasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੪. ਮਹਾਸਾਲਸੁਤ੍ਤਂ • 4. Mahāsālasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੪. ਮਹਾਸਾਲਸੁਤ੍ਤવਣ੍ਣਨਾ • 4. Mahāsālasuttavaṇṇanā
