| Library / Tipiṭaka / д̇ибидага • Tipiṭaka / маж̇жхиманигааяа (адтагат̇аа) • Majjhimanikāya (aṭṭhakathā) |
7. махаасал̣ааяад̇анигасуд̇д̇аван̣н̣анаа
7. Mahāsaḷāyatanikasuttavaṇṇanā
428. звам̣ мз суд̇анд̇и махаасал̣ааяад̇анигасуд̇д̇ам̣. д̇ад̇т̇а махаасал̣ааяад̇аниганд̇и маханд̇аанам̣ чаннам̣ ааяад̇анаанам̣ ж̇од̇агам̣ д̇хаммабарияааяам̣.
428.Evaṃme sutanti mahāsaḷāyatanikasuttaṃ. Tattha mahāsaḷāyatanikanti mahantānaṃ channaṃ āyatanānaṃ jotakaṃ dhammapariyāyaṃ.
429. аж̇аананд̇и сахавибассанзна маг̇г̇зна аж̇аананд̇о. убажаяам̣ г̇ажчанд̇ийд̇и вуд̣дхим̣ г̇ажчанд̇и, васибхаавам̣ г̇ажчанд̇ийд̇и ад̇т̇о. гааяигаад̇и бан̃жад̣̇вааригад̣̇арат̇аа. жзд̇асигаад̇и манод̣̇вааригад̣̇арат̇аа. санд̇аабаад̣̇ийсуби зсзва наяо.
429.Ajānanti sahavipassanena maggena ajānanto. Upacayaṃ gacchantīti vuḍḍhiṃ gacchanti, vasibhāvaṃ gacchantīti attho. Kāyikāti pañcadvārikadarathā. Cetasikāti manodvārikadarathā. Santāpādīsupi eseva nayo.
430. гааяасуканд̇и бан̃жад̣̇вааригасукам̣. жзд̇осуканд̇и манод̣̇вааригасукам̣. зд̇т̇а жа бан̃жад̣̇вааригаж̇аванзна самаабаж̇ж̇анам̣ ваа вудтаанам̣ ваа над̇т̇и, уббаннамад̇д̇агамзва ход̇и. манод̣̇вааригзна саб̣б̣ам̣ ход̇и. аяан̃жа маг̇г̇авудтаанасса бажжаяабхууд̇аа б̣алававибассанаа, сааби манод̣̇вааригзнзва ход̇и.
430.Kāyasukhanti pañcadvārikasukhaṃ. Cetosukhanti manodvārikasukhaṃ. Ettha ca pañcadvārikajavanena samāpajjanaṃ vā vuṭṭhānaṃ vā natthi, uppannamattakameva hoti. Manodvārikena sabbaṃ hoti. Ayañca maggavuṭṭhānassa paccayabhūtā balavavipassanā, sāpi manodvārikeneva hoti.
431. д̇ат̇аабхууд̇ассаад̇и гусалажид̇д̇асамбаяуд̇д̇ажзд̇осукасаман̇г̇ийбхууд̇асса. буб̣б̣зва ко банассаад̇и асса бхигкуно ваажаагамманд̇ааж̇ийваа буб̣б̣асуд̣̇д̇хигаа наама аад̣̇ид̇о бадтааяа барисуд̣̇д̇хаава хонд̇и. д̣̇идтисан̇габбавааяаамасад̇исамаад̇хисан̇каад̇аани бана бан̃жан̇г̇аани саб̣б̣ад̇т̇агагаараабаган̇г̇аани наама. звам̣ логуд̇д̇арамаг̇г̇о адтан̇г̇иго ваа сад̇д̇ан̇г̇иго ваа ход̇и.
431.Tathābhūtassāti kusalacittasampayuttacetosukhasamaṅgībhūtassa. Pubbeva kho panassāti assa bhikkhuno vācākammantājīvā pubbasuddhikā nāma ādito paṭṭhāya parisuddhāva honti. Diṭṭhisaṅkappavāyāmasatisamādhisaṅkhātāni pana pañcaṅgāni sabbatthakakārāpakaṅgāni nāma. Evaṃ lokuttaramaggo aṭṭhaṅgiko vā sattaṅgiko vā hoti.
вид̇ан̣д̣аваад̣̇ий бана ‘‘яаа яат̇аабхууд̇асса д̣̇идтий’’д̇и имамзва суд̇д̇абад̣̇зсам̣ г̇ахзд̇ваа ‘‘логуд̇д̇арамаг̇г̇о бан̃жан̇г̇иго’’д̇и вад̣̇ад̇и. со – ‘‘звамассааяам̣ арияо адтан̇г̇иго маг̇г̇о бхааванаабаарибуурим̣ г̇ажчад̇ий’’д̇и иминаа ананд̇араважанзнзва бадисзд̇хид̇аб̣б̣о. уд̇д̇ари жа звам̣ сан̃н̃аабзд̇аб̣б̣о – логуд̇д̇арамаг̇г̇о бан̃жан̇г̇иго наама над̇т̇и, имаани бана бан̃жа саб̣б̣ад̇т̇агагаараабаган̇г̇аани маг̇г̇агкан̣з вирад̇ивасзна буурзнд̇и. ‘‘яаа жад̇уухи важийд̣̇ужжарид̇зхи аарад̇и вирад̇ий’’д̇и звам̣ вуд̇д̇авирад̇ийсу хи мижчааваажам̣ баж̇ахад̇и, саммааваажам̣ бхаавзд̇и, звам̣ саммааваажам̣ бхаавзнд̇асса имаани бан̃жан̇г̇игаани на винаа, сахзва вирад̇ияаа буурзнд̇и. саммаагамманд̇ааж̇ийвзсуби зсзва наяо. ид̇и важийгаммаад̣̇ийни аад̣̇ид̇о бадтааяа барисуд̣̇д̇хаанзва вадданд̇и. имаани бана бан̃жа саб̣б̣ад̇т̇агагаараабаган̇г̇аани вирад̇ивасзна барибуурзнд̇ийд̇и бан̃жан̇г̇иго маг̇г̇о наама над̇т̇и. субхад̣̇д̣̇асуд̇д̇зби (д̣̇ий. ни. 2.214) жзд̇ам̣ вуд̇д̇ам̣ – ‘‘яасмим̣ ко, субхад̣̇д̣̇а, д̇хаммавинаяз арияо адтан̇г̇иго маг̇г̇о’’д̇и. ан̃н̃зсу жа анзгзсу суд̇д̇асад̇зсу адтан̇г̇игова маг̇г̇о ааг̇ад̇од̇и.
Vitaṇḍavādī pana ‘‘yā yathābhūtassa diṭṭhī’’ti imameva suttapadesaṃ gahetvā ‘‘lokuttaramaggo pañcaṅgiko’’ti vadati. So – ‘‘evamassāyaṃ ariyo aṭṭhaṅgiko maggo bhāvanāpāripūriṃ gacchatī’’ti iminā anantaravacaneneva paṭisedhitabbo. Uttari ca evaṃ saññāpetabbo – lokuttaramaggo pañcaṅgiko nāma natthi, imāni pana pañca sabbatthakakārāpakaṅgāni maggakkhaṇe virativasena pūrenti. ‘‘Yā catūhi vacīduccaritehi ārati viratī’’ti evaṃ vuttaviratīsu hi micchāvācaṃ pajahati, sammāvācaṃ bhāveti, evaṃ sammāvācaṃ bhāventassa imāni pañcaṅgikāni na vinā, saheva viratiyā pūrenti. Sammākammantājīvesupi eseva nayo. Iti vacīkammādīni ādito paṭṭhāya parisuddhāneva vaṭṭanti. Imāni pana pañca sabbatthakakārāpakaṅgāni virativasena paripūrentīti pañcaṅgiko maggo nāma natthi. Subhaddasuttepi (dī. ni. 2.214) cetaṃ vuttaṃ – ‘‘yasmiṃ kho, subhadda, dhammavinaye ariyo aṭṭhaṅgiko maggo’’ti. Aññesu ca anekesu suttasatesu aṭṭhaṅgikova maggo āgatoti.
433. жад̇д̇аароби сад̇ибадтаанаад̇и маг̇г̇асамбаяуд̇д̇аава жад̇д̇ааро сад̇ибадтаанаа. саммаббад̇хаанаад̣̇ийсуби зсзва наяо. яуг̇ананд̇хаад̇и згагкан̣игаяуг̇ананд̇хаа. зд̇зхи ан̃н̃асмим̣ кан̣з самаабад̇д̇и, ан̃н̃асмим̣ вибассанаад̇и. звам̣ наанаакан̣игааби хонд̇и, арияамаг̇г̇з бана згагкан̣игаа.
433.Cattāropi satipaṭṭhānāti maggasampayuttāva cattāro satipaṭṭhānā. Sammappadhānādīsupi eseva nayo. Yuganandhāti ekakkhaṇikayuganandhā. Etehi aññasmiṃ khaṇe samāpatti, aññasmiṃ vipassanāti. Evaṃ nānākhaṇikāpi honti, ariyamagge pana ekakkhaṇikā.
виж̇ж̇аа жа вимуд̇д̇и жаад̇и арахад̇д̇амаг̇г̇авиж̇ж̇аа жа палавимуд̇д̇и жа. сзсам̣ саб̣б̣ад̇т̇а уд̇д̇аанамзваад̇и.
Vijjā ca vimutti cāti arahattamaggavijjā ca phalavimutti ca. Sesaṃ sabbattha uttānamevāti.
бабан̃жасууд̣̇анияаа маж̇жхиманигааяадтагат̇ааяа
Papañcasūdaniyā majjhimanikāyaṭṭhakathāya
махаасал̣ааяад̇анигасуд̇д̇аван̣н̣анаа нидтид̇аа.
Mahāsaḷāyatanikasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 7. махаасал̣ааяад̇анигасуд̇д̇ам̣ • 7. Mahāsaḷāyatanikasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 7. махаасал̣ааяад̇анигасуд̇д̇аван̣н̣анаа • 7. Mahāsaḷāyatanikasuttavaṇṇanā
