| Library / Tipiṭaka / д̇ибидага • Tipiṭaka / маж̇жхиманигааяа (дийгаа) • Majjhimanikāya (ṭīkā) |
7. махаасал̣ааяад̇анигасуд̇д̇аван̣н̣анаа
7. Mahāsaḷāyatanikasuttavaṇṇanā
428. маханд̇аани сал̣ааяад̇анаани ад̇хигижжа бавад̇д̇ад̇д̇аа махаасал̣ааяад̇анигам̣, маханд̇ад̇аа жа д̇зсам̣ маханд̇ам̣ логасанниваасам̣ абхиб̣яаабзд̇ваа тид̇ад̇д̇аа аяонисо г̇аяхамаанаанам̣ махад̇о анад̇т̇ааяа сам̣вад̇д̇анад̇о, яонисо г̇аяхамаанаанам̣ махад̇о ад̇т̇ааяа хид̇ааяа сукааяа сам̣вад̇д̇анад̇о жа д̣̇адтаб̣б̣аа. ж̇од̇аганд̇и б̣од̇хагам̣.
428. Mahantāni saḷāyatanāni adhikicca pavattattā mahāsaḷāyatanikaṃ, mahantatā ca tesaṃ mahantaṃ lokasannivāsaṃ abhibyāpetvā ṭhitattā ayoniso gayhamānānaṃ mahato anatthāya saṃvattanato, yoniso gayhamānānaṃ mahato atthāya hitāya sukhāya saṃvattanato ca daṭṭhabbā. Jotakanti bodhakaṃ.
429. сикааббад̇д̇ааяа вибассанааяа ж̇аананамби яат̇аабхууд̇аж̇аананамзва маг̇г̇зна ж̇аананасса аасаннагааран̣абхаавад̇од̇и ааха – ‘‘сахавибассанзна маг̇г̇зна аж̇аананд̇о’’д̇и. вуд̣дхим̣ г̇ажчанд̇ийд̇и бажжаяасамод̇хаанзна бхаваяониг̇ад̇итид̇исад̇д̇ааваасабаал̣ияаа абараабарам̣ баривуд̣̇д̇хим̣ г̇ажчанд̇и. звам̣бхууд̇аа баг̇ун̣абхаавамаабаад̣̇ид̇аа самат̇авибассанаад̇хаммаа вияа судтуд̇арам̣ васийбхаавам̣ баабид̇аа жхаанаабхин̃н̃аа вияа жа васийбхууд̇аа худ̇ваа убаруубари б̣руухзнд̇ийд̇и ааха – ‘‘васийбхаавам̣ г̇ажчанд̇ий’’д̇и. д̇ат̇аа хи д̇з гад̣̇аажи бхавабад̇т̇анааяа ануббаад̣̇ид̇ааяаби аббахийнабхаавзнзвассаа д̇идтанд̇и. агусалаа д̇хаммаава язбхуяязна д̣̇ассанааяад̇анзна винаасад̣̇ассанад̇о бавад̇д̇анд̇и баривад̣дханд̇и жа. бан̃жад̣̇вааригад̣̇арат̇аад̇и бан̃жад̣̇вааригаж̇аванасахаг̇ад̇аа агусалад̣̇арат̇аа. звам̣ манод̣̇вааригад̣̇арат̇аа взд̣̇ид̇аб̣б̣аа. санд̇аабаад̇и д̣̇арат̇зхи б̣алаванд̇о самбаяуд̇д̇ад̇хаммаанам̣ ниссаяасса жа санд̇аабанагараа. барил̣аахаад̇и д̇ад̇оби б̣алавад̇араа д̇зсам̣язва барид̣̇аханагараа.
429. Sikhāppattāya vipassanāya jānanampi yathābhūtajānanameva maggena jānanassa āsannakāraṇabhāvatoti āha – ‘‘sahavipassanena maggena ajānanto’’ti. Vuḍḍhiṃ gacchantīti paccayasamodhānena bhavayonigatiṭhitisattāvāsapāḷiyā aparāparaṃ parivuddhiṃ gacchanti. Evaṃbhūtā paguṇabhāvamāpāditā samathavipassanādhammā viya suṭṭhutaraṃ vasībhāvaṃ pāpitā jhānābhiññā viya ca vasībhūtā hutvā uparūpari brūhentīti āha – ‘‘vasībhāvaṃ gacchantī’’ti. Tathā hi te kadāci bhavapatthanāya anuppāditāyapi appahīnabhāvenevassā tiṭṭhanti. Akusalā dhammāva yebhuyyena dassanāyatanena vināsadassanato pavattanti parivaḍḍhanti ca. Pañcadvārikadarathāti pañcadvārikajavanasahagatā akusaladarathā. Evaṃ manodvārikadarathā veditabbā. Santāpāti darathehi balavanto sampayuttadhammānaṃ nissayassa ca santāpanakarā. Pariḷāhāti tatopi balavatarā tesaṃyeva paridahanakarā.
430. бан̃жад̣̇вааригасукам̣, на гааяаббасаад̣̇асанниссид̇асукамзва. манод̣̇вааригасуканд̇и манод̣̇вааригажид̇д̇асанниссид̇асукам̣, на яам̣ гин̃жи жзд̇асигасукам̣ д̇асса гааяигасукаг̇г̇ахан̣знзва г̇ахид̇ад̇д̇аа. бан̃жад̣̇вааригаж̇аванзна самаабаж̇ж̇анам̣ ваа вудтаанам̣ ваа над̇т̇ийд̇и ид̣̇ам̣ манод̣̇вааригаж̇аванзна д̇асса самбхавам̣ д̣̇ассзд̇ум̣, маг̇г̇асса васзна вуд̇д̇ам̣, на бана д̇аббасан̇г̇асан̇гаанивад̇д̇анад̇т̇ам̣. вин̃н̃ад̇д̇имад̇д̇амби ж̇анзд̇ум̣ асамад̇т̇ам̣ самаабаж̇ж̇анасса гат̇ам̣ бажжаяо ход̇и, б̣уд̣̇д̇хаанам̣ бана бхаг̇аванд̇аанам̣ ход̇ийд̇и жз? д̇ат̇ааби д̇асса аасаннадтаанз бан̃жад̣̇вааригажид̇д̇аббавад̇д̇ияаа асамбхаво зва д̇аад̣̇исасса буб̣б̣аабхог̇асса д̇асмим̣ гаалз асамбхавад̇о. зд̇знзва яаа гзсан̃жи арияад̇хаммз аговид̣̇аанам̣ гхадасабхааваад̣̇ийсу б̣уд̣̇д̇хид̇уляагаарид̇аабад̇д̇ижод̣̇анаа; саа бадигкид̇д̇аад̇и д̣̇адтаб̣б̣аа д̇ам̣д̇ам̣буримаабхог̇авасзна д̇зна д̇зна бан̃жад̣̇вааригаабхинияад̇амановин̃н̃аан̣асса барад̇о бавад̇д̇амаанамановин̃н̃аан̣зна д̇асмим̣ д̇асмим̣ ад̇т̇з ван̣н̣асан̣таанаад̣̇ивисзсасса винижчинид̇аб̣б̣ад̇о. уббаннамад̇д̇агамзва ход̇ийд̇и бан̃жад̣̇вааригаж̇аванам̣ д̇аад̣̇исам̣ гин̃жи ад̇т̇анижчаяагижжам̣ гаад̇ум̣ на саггод̇и, гзвалам̣ уббаннамад̇д̇амзва ход̇и. аяанд̇и ‘‘аад̣̇ийнаваанубассино’’д̇иаад̣̇инаа вуд̇д̇аа.
430.Pañcadvārikasukhaṃ, na kāyappasādasannissitasukhameva. Manodvārikasukhanti manodvārikacittasannissitasukhaṃ, na yaṃ kiñci cetasikasukhaṃ tassa kāyikasukhaggahaṇeneva gahitattā. Pañcadvārikajavanena samāpajjanaṃ vā vuṭṭhānaṃ vā natthīti idaṃ manodvārikajavanena tassa sambhavaṃ dassetuṃ, maggassa vasena vuttaṃ, na pana tappasaṅgasaṅkānivattanatthaṃ. Viññattimattampi janetuṃ asamatthaṃ samāpajjanassa kathaṃ paccayo hoti, buddhānaṃ pana bhagavantānaṃ hotīti ce? Tathāpi tassa āsannaṭṭhāne pañcadvārikacittappavattiyā asambhavo eva tādisassa pubbābhogassa tasmiṃ kāle asambhavato. Eteneva yā kesañci ariyadhamme akovidānaṃ ghaṭasabhāvādīsu buddhitulyakāritāpatticodanā; sā paṭikkhittāti daṭṭhabbā taṃtaṃpurimābhogavasena tena tena pañcadvārikābhiniyatamanoviññāṇassa parato pavattamānamanoviññāṇena tasmiṃ tasmiṃ atthe vaṇṇasaṇṭhānādivisesassa vinicchinitabbato. Uppannamattakameva hotīti pañcadvārikajavanaṃ tādisaṃ kiñci atthanicchayakiccaṃ kātuṃ na sakkoti, kevalaṃ uppannamattameva hoti. Ayanti ‘‘ādīnavānupassino’’tiādinā vuttā.
431. гусалажид̇д̇а…бз… бхууд̇ассаад̇и вудтаанаг̇ааминивибассанаасахаг̇ад̇агусалажид̇д̇асса самбаяуд̇д̇ажзд̇осукасаман̇г̇ийбхууд̇асса. буб̣б̣асуд̣̇д̇хигаад̇и маг̇г̇уббад̇д̇ид̇о, вибассанаарамбхад̇оби ваа буб̣б̣зва суд̣̇д̇хаа. д̇знааха – ‘‘аад̣̇ид̇о бадтааяа барисуд̣̇д̇хаава хонд̇ий’’д̇и. саб̣б̣ад̇т̇агагаараабаган̇г̇аанийд̇и сийлависод̇ханасса жид̇д̇асамаад̇хаанасса вибассанаабхияог̇асса маг̇г̇зна бахаад̇аб̣б̣агилзсабахаанассаад̇и саб̣б̣ассаби маг̇г̇асамбхаарагижжасса гаараабаган̇г̇аани. адтан̇г̇иго ваад̇и батамаж̇жхааниго ваа адтан̇г̇иго, д̣̇уд̇ияаж̇жхааниго ваа сад̇д̇ан̇г̇иго ход̇и.
431.Kusalacitta…pe… bhūtassāti vuṭṭhānagāminivipassanāsahagatakusalacittassa sampayuttacetosukhasamaṅgībhūtassa. Pubbasuddhikāti magguppattito, vipassanārambhatopi vā pubbeva suddhā. Tenāha – ‘‘ādito paṭṭhāya parisuddhāva hontī’’ti. Sabbatthakakārāpakaṅgānīti sīlavisodhanassa cittasamādhānassa vipassanābhiyogassa maggena pahātabbakilesapahānassāti sabbassapi maggasambhārakiccassa kārāpakaṅgāni. Aṭṭhaṅgiko vāti paṭhamajjhāniko vā aṭṭhaṅgiko, dutiyajjhāniko vā sattaṅgiko hoti.
имамзва суд̇д̇абад̣̇зсам̣ г̇ахзд̇ваад̇и, ‘‘яаа д̇ат̇аабхууд̇асса д̣̇идтий’’д̇иаад̣̇инаа саммаад̣̇идтиаад̣̇ийнам̣ бан̃жаннам̣язва д̇асмим̣ таанз г̇ахид̇ад̇д̇аа логуд̇д̇арамаг̇г̇о бан̃жан̇г̇игод̇и вад̣̇ад̇и. сод̇и д̇ат̇аа вад̣̇анд̇о вид̇ан̣д̣аваад̣̇ий. ананд̇араважанзнзваад̇и, ‘‘яаа д̇ат̇аабхууд̇асса д̣̇идтий’’д̇иаад̣̇иважанасса, ‘‘звамассааяа’’нд̇иаад̣̇инаа ананд̇араважанзна. бадисзд̇хид̇аб̣б̣од̇и бадигкибид̇аб̣б̣о. ‘‘арияо адтан̇г̇иго маг̇г̇о’’д̇и хи ид̣̇ам̣ важанам̣ арияамаг̇г̇асса бан̃жан̇г̇игабхаавам̣ уж̇угамзва бадигкибад̇и. яад̣̇и звам̣ ‘‘яаа д̇ат̇аабхууд̇асса д̣̇идтий’’д̇иаад̣̇инаа д̇ад̇т̇а бан̃жаннам̣ зва ан̇г̇аанам̣ г̇ахан̣ам̣ гимад̇т̇ияанд̇и ааха ‘‘уд̇д̇ари жаа’’д̇иаад̣̇и. саммааваажам̣ бхаавзд̇и арияамаг̇г̇асаман̇г̇ий. д̇знааха ‘‘мижчааваажам̣ баж̇ахад̇ий’’д̇и. яасмин̃хи кан̣з саммааваажаа бхааванаабаарибуурим̣ г̇ажчад̇и, д̇асмим̣язва мижчааваажаа баж̇ахийяад̇ийд̇и. сахзва вирад̇ияаа буурзнд̇и самужчзд̣̇авирад̇ияаа винаа д̣̇угкабарин̃н̃аад̣̇ийнам̣ асамбхавад̇о. аад̣̇ид̇о бадтааяа барисуд̣̇д̇хаанзва вадданд̇и барисуд̣̇д̇хз сийлз бад̇идтид̇ассзва бхааванааяа иж̇жханад̇о. яат̇аавуд̇д̇амад̇т̇ам̣ г̇ант̇анд̇арзнаби самад̇т̇зд̇ум̣, ‘‘субхад̣̇д̣̇асуд̇д̇зби жаа’’д̇иаад̣̇и вуд̇д̇ам̣. анзгзсу суд̇д̇асад̇зсу адтан̇г̇игова маг̇г̇о ааг̇ад̇о, на бан̃жан̇г̇игод̇и ад̇хиббааяо.
Imameva suttapadesaṃ gahetvāti, ‘‘yā tathābhūtassa diṭṭhī’’tiādinā sammādiṭṭhiādīnaṃ pañcannaṃyeva tasmiṃ ṭhāne gahitattā lokuttaramaggo pañcaṅgikoti vadati. Soti tathā vadanto vitaṇḍavādī. Anantaravacanenevāti, ‘‘yā tathābhūtassa diṭṭhī’’tiādivacanassa, ‘‘evamassāya’’ntiādinā anantaravacanena. Paṭisedhitabboti paṭikkhipitabbo. ‘‘Ariyo aṭṭhaṅgiko maggo’’ti hi idaṃ vacanaṃ ariyamaggassa pañcaṅgikabhāvaṃ ujukameva paṭikkhipati. Yadi evaṃ ‘‘yā tathābhūtassa diṭṭhī’’tiādinā tattha pañcannaṃ eva aṅgānaṃ gahaṇaṃ kimatthiyanti āha ‘‘uttari cā’’tiādi. Sammāvācaṃ bhāveti ariyamaggasamaṅgī. Tenāha ‘‘micchāvācaṃ pajahatī’’ti. Yasmiñhi khaṇe sammāvācā bhāvanāpāripūriṃ gacchati, tasmiṃyeva micchāvācā pajahīyatīti. Saheva viratiyā pūrenti samucchedaviratiyā vinā dukkhapariññādīnaṃ asambhavato. Ādito paṭṭhāya parisuddhāneva vaṭṭanti parisuddhe sīle patiṭṭhitasseva bhāvanāya ijjhanato. Yathāvuttamatthaṃ ganthantarenapi samatthetuṃ, ‘‘subhaddasuttepi cā’’tiādi vuttaṃ. Anekesu suttasatesu aṭṭhaṅgikova maggo āgato, na pañcaṅgikoti adhippāyo.
саммаасад̇и маг̇г̇агкан̣з гааяаанубассанаад̣̇ижад̇угижжасаад̇хигаа ход̇ийд̇и д̇ам̣ жад̇уб̣б̣ид̇хам̣ гад̇ваа д̣̇ассзнд̇о, ‘‘маг̇г̇асамбаяуд̇д̇аава жад̇д̇ааро сад̇ибадтаанаа’’д̇и ааха. на жад̇умаг̇г̇асамбаяуд̇д̇ад̇аавасзна. зса наяо саммаббад̇хаанаад̣̇ийсуби. ан̃н̃аман̃н̃аанад̇ивад̇д̇амаанаа яуг̇анад̣̇д̇хаа яуд̇д̇аа вияа арияамаг̇г̇аяуг̇анад̣̇д̇хаа ан̃н̃аман̃н̃ам̣ бадиб̣ад̣̇д̇хаад̇и яуг̇анад̣̇д̇хаа. д̇знааха – ‘‘згагкан̣игаяуг̇ананд̇хаа’’д̇и арияамаг̇г̇агкан̣з зва хи самат̇авибассанаа згагкан̣игаа худ̇ваа самад̇хурам̣ вад̇д̇анд̇и. д̇знзвааха ‘‘зд̇з хий’’д̇иаад̣̇и. ан̃н̃асмим̣ кан̣з самаабад̇д̇и, ан̃н̃асмим̣ вибассанаад̇и ид̣̇ам̣ д̇зсам̣ д̇ад̇т̇а д̇ад̇т̇а гижжад̇о ад̇хигабхаавам̣ санд̇хааяа вуд̇д̇ам̣, на ан̃н̃ат̇аа. на хи бан̃н̃аарахид̇аа самаабад̇д̇и, самаад̇хирахид̇аа жа вибассанаа ад̇т̇и. арияамаг̇г̇з бана згагкан̣игаа самад̇хурад̇ааяа згарасабхаавзнаад̇и ад̇т̇о. палавимуд̇д̇ийд̇и арахад̇д̇апалавимуд̇д̇и. сзсам̣ хздтаа вуд̇д̇анаяад̇д̇аа сувин̃н̃зяяамзва.
Sammāsati maggakkhaṇe kāyānupassanādicatukiccasādhikā hotīti taṃ catubbidhaṃ katvā dassento, ‘‘maggasampayuttāva cattāro satipaṭṭhānā’’ti āha. Na catumaggasampayuttatāvasena. Esa nayo sammappadhānādīsupi. Aññamaññānativattamānā yuganaddhā yuttā viya ariyamaggayuganaddhā aññamaññaṃ paṭibaddhāti yuganaddhā. Tenāha – ‘‘ekakkhaṇikayuganandhā’’ti ariyamaggakkhaṇe eva hi samathavipassanā ekakkhaṇikā hutvā samadhuraṃ vattanti. Tenevāha ‘‘ete hī’’tiādi. Aññasmiṃ khaṇe samāpatti, aññasmiṃ vipassanāti idaṃ tesaṃ tattha tattha kiccato adhikabhāvaṃ sandhāya vuttaṃ, na aññathā. Na hi paññārahitā samāpatti, samādhirahitā ca vipassanā atthi. Ariyamagge pana ekakkhaṇikā samadhuratāya ekarasabhāvenāti attho. Phalavimuttīti arahattaphalavimutti. Sesaṃ heṭṭhā vuttanayattā suviññeyyameva.
махаасал̣ааяад̇анигасуд̇д̇аван̣н̣анааяа лийнад̇т̇аббагаасанаа самад̇д̇аа.
Mahāsaḷāyatanikasuttavaṇṇanāya līnatthappakāsanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 7. махаасал̣ааяад̇анигасуд̇д̇ам̣ • 7. Mahāsaḷāyatanikasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 7. махаасал̣ааяад̇анигасуд̇д̇аван̣н̣анаа • 7. Mahāsaḷāyatanikasuttavaṇṇanā
