| Library / Tipiṭaka / ਤਿਪਿਟਕ • Tipiṭaka / ਮਜ੍ਝਿਮਨਿਕਾਯ (ਟੀਕਾ) • Majjhimanikāya (ṭīkā) |
੭. ਮਹਾਸਲ਼ਾਯਤਨਿਕਸੁਤ੍ਤવਣ੍ਣਨਾ
7. Mahāsaḷāyatanikasuttavaṇṇanā
੪੨੮. ਮਹਨ੍ਤਾਨਿ ਸਲ਼ਾਯਤਨਾਨਿ ਅਧਿਕਿਚ੍ਚ ਪવਤ੍ਤਤ੍ਤਾ ਮਹਾਸਲ਼ਾਯਤਨਿਕਂ, ਮਹਨ੍ਤਤਾ ਚ ਤੇਸਂ ਮਹਨ੍ਤਂ ਲੋਕਸਨ੍ਨਿવਾਸਂ ਅਭਿਬ੍ਯਾਪੇਤ੍વਾ ਠਿਤਤ੍ਤਾ ਅਯੋਨਿਸੋ ਗਯ੍ਹਮਾਨਾਨਂ ਮਹਤੋ ਅਨਤ੍ਥਾਯ ਸਂવਤ੍ਤਨਤੋ, ਯੋਨਿਸੋ ਗਯ੍ਹਮਾਨਾਨਂ ਮਹਤੋ ਅਤ੍ਥਾਯ ਹਿਤਾਯ ਸੁਖਾਯ ਸਂવਤ੍ਤਨਤੋ ਚ ਦਟ੍ਠਬ੍ਬਾ। ਜੋਤਕਨ੍ਤਿ ਬੋਧਕਂ।
428. Mahantāni saḷāyatanāni adhikicca pavattattā mahāsaḷāyatanikaṃ, mahantatā ca tesaṃ mahantaṃ lokasannivāsaṃ abhibyāpetvā ṭhitattā ayoniso gayhamānānaṃ mahato anatthāya saṃvattanato, yoniso gayhamānānaṃ mahato atthāya hitāya sukhāya saṃvattanato ca daṭṭhabbā. Jotakanti bodhakaṃ.
੪੨੯. ਸਿਖਾਪ੍ਪਤ੍ਤਾਯ વਿਪਸ੍ਸਨਾਯ ਜਾਨਨਮ੍ਪਿ ਯਥਾਭੂਤਜਾਨਨਮੇવ ਮਗ੍ਗੇਨ ਜਾਨਨਸ੍ਸ ਆਸਨ੍ਨਕਾਰਣਭਾવਤੋਤਿ ਆਹ – ‘‘ਸਹવਿਪਸ੍ਸਨੇਨ ਮਗ੍ਗੇਨ ਅਜਾਨਨ੍ਤੋ’’ਤਿ। વੁਡ੍ਢਿਂ ਗਚ੍ਛਨ੍ਤੀਤਿ ਪਚ੍ਚਯਸਮੋਧਾਨੇਨ ਭવਯੋਨਿਗਤਿਠਿਤਿਸਤ੍ਤਾવਾਸਪਾਲ਼ਿਯਾ ਅਪਰਾਪਰਂ ਪਰਿવੁਦ੍ਧਿਂ ਗਚ੍ਛਨ੍ਤਿ। ਏવਂਭੂਤਾ ਪਗੁਣਭਾવਮਾਪਾਦਿਤਾ ਸਮਥવਿਪਸ੍ਸਨਾਧਮ੍ਮਾ વਿਯ ਸੁਟ੍ਠੁਤਰਂ વਸੀਭਾવਂ ਪਾਪਿਤਾ ਝਾਨਾਭਿਞ੍ਞਾ વਿਯ ਚ વਸੀਭੂਤਾ ਹੁਤ੍વਾ ਉਪਰੂਪਰਿ ਬ੍ਰੂਹੇਨ੍ਤੀਤਿ ਆਹ – ‘‘વਸੀਭਾવਂ ਗਚ੍ਛਨ੍ਤੀ’’ਤਿ। ਤਥਾ ਹਿ ਤੇ ਕਦਾਚਿ ਭવਪਤ੍ਥਨਾਯ ਅਨੁਪ੍ਪਾਦਿਤਾਯਪਿ ਅਪ੍ਪਹੀਨਭਾવੇਨੇવਸ੍ਸਾ ਤਿਟ੍ਠਨ੍ਤਿ। ਅਕੁਸਲਾ ਧਮ੍ਮਾવ ਯੇਭੁਯ੍ਯੇਨ ਦਸ੍ਸਨਾਯਤਨੇਨ વਿਨਾਸਦਸ੍ਸਨਤੋ ਪવਤ੍ਤਨ੍ਤਿ ਪਰਿવਡ੍ਢਨ੍ਤਿ ਚ। ਪਞ੍ਚਦ੍વਾਰਿਕਦਰਥਾਤਿ ਪਞ੍ਚਦ੍વਾਰਿਕਜવਨਸਹਗਤਾ ਅਕੁਸਲਦਰਥਾ। ਏવਂ ਮਨੋਦ੍વਾਰਿਕਦਰਥਾ વੇਦਿਤਬ੍ਬਾ। ਸਨ੍ਤਾਪਾਤਿ ਦਰਥੇਹਿ ਬਲવਨ੍ਤੋ ਸਮ੍ਪਯੁਤ੍ਤਧਮ੍ਮਾਨਂ ਨਿਸ੍ਸਯਸ੍ਸ ਚ ਸਨ੍ਤਾਪਨਕਰਾ। ਪਰਿਲ਼ਾਹਾਤਿ ਤਤੋਪਿ ਬਲવਤਰਾ ਤੇਸਂਯੇવ ਪਰਿਦਹਨਕਰਾ।
429. Sikhāppattāya vipassanāya jānanampi yathābhūtajānanameva maggena jānanassa āsannakāraṇabhāvatoti āha – ‘‘sahavipassanena maggena ajānanto’’ti. Vuḍḍhiṃ gacchantīti paccayasamodhānena bhavayonigatiṭhitisattāvāsapāḷiyā aparāparaṃ parivuddhiṃ gacchanti. Evaṃbhūtā paguṇabhāvamāpāditā samathavipassanādhammā viya suṭṭhutaraṃ vasībhāvaṃ pāpitā jhānābhiññā viya ca vasībhūtā hutvā uparūpari brūhentīti āha – ‘‘vasībhāvaṃ gacchantī’’ti. Tathā hi te kadāci bhavapatthanāya anuppāditāyapi appahīnabhāvenevassā tiṭṭhanti. Akusalā dhammāva yebhuyyena dassanāyatanena vināsadassanato pavattanti parivaḍḍhanti ca. Pañcadvārikadarathāti pañcadvārikajavanasahagatā akusaladarathā. Evaṃ manodvārikadarathā veditabbā. Santāpāti darathehi balavanto sampayuttadhammānaṃ nissayassa ca santāpanakarā. Pariḷāhāti tatopi balavatarā tesaṃyeva paridahanakarā.
੪੩੦. ਪਞ੍ਚਦ੍વਾਰਿਕਸੁਖਂ, ਨ ਕਾਯਪ੍ਪਸਾਦਸਨ੍ਨਿਸ੍ਸਿਤਸੁਖਮੇવ। ਮਨੋਦ੍વਾਰਿਕਸੁਖਨ੍ਤਿ ਮਨੋਦ੍વਾਰਿਕਚਿਤ੍ਤਸਨ੍ਨਿਸ੍ਸਿਤਸੁਖਂ, ਨ ਯਂ ਕਿਞ੍ਚਿ ਚੇਤਸਿਕਸੁਖਂ ਤਸ੍ਸ ਕਾਯਿਕਸੁਖਗ੍ਗਹਣੇਨੇવ ਗਹਿਤਤ੍ਤਾ। ਪਞ੍ਚਦ੍વਾਰਿਕਜવਨੇਨ ਸਮਾਪਜ੍ਜਨਂ વਾ વੁਟ੍ਠਾਨਂ વਾ ਨਤ੍ਥੀਤਿ ਇਦਂ ਮਨੋਦ੍વਾਰਿਕਜવਨੇਨ ਤਸ੍ਸ ਸਮ੍ਭવਂ ਦਸ੍ਸੇਤੁਂ, ਮਗ੍ਗਸ੍ਸ વਸੇਨ વੁਤ੍ਤਂ, ਨ ਪਨ ਤਪ੍ਪਸਙ੍ਗਸਙ੍ਕਾਨਿવਤ੍ਤਨਤ੍ਥਂ। વਿਞ੍ਞਤ੍ਤਿਮਤ੍ਤਮ੍ਪਿ ਜਨੇਤੁਂ ਅਸਮਤ੍ਥਂ ਸਮਾਪਜ੍ਜਨਸ੍ਸ ਕਥਂ ਪਚ੍ਚਯੋ ਹੋਤਿ, ਬੁਦ੍ਧਾਨਂ ਪਨ ਭਗવਨ੍ਤਾਨਂ ਹੋਤੀਤਿ ਚੇ? ਤਥਾਪਿ ਤਸ੍ਸ ਆਸਨ੍ਨਟ੍ਠਾਨੇ ਪਞ੍ਚਦ੍વਾਰਿਕਚਿਤ੍ਤਪ੍ਪવਤ੍ਤਿਯਾ ਅਸਮ੍ਭવੋ ਏવ ਤਾਦਿਸਸ੍ਸ ਪੁਬ੍ਬਾਭੋਗਸ੍ਸ ਤਸ੍ਮਿਂ ਕਾਲੇ ਅਸਮ੍ਭવਤੋ। ਏਤੇਨੇવ ਯਾ ਕੇਸਞ੍ਚਿ ਅਰਿਯਧਮ੍ਮੇ ਅਕੋવਿਦਾਨਂ ਘਟਸਭਾવਾਦੀਸੁ ਬੁਦ੍ਧਿਤੁਲ੍ਯਕਾਰਿਤਾਪਤ੍ਤਿਚੋਦਨਾ; ਸਾ ਪਟਿਕ੍ਖਿਤ੍ਤਾਤਿ ਦਟ੍ਠਬ੍ਬਾ ਤਂਤਂਪੁਰਿਮਾਭੋਗવਸੇਨ ਤੇਨ ਤੇਨ ਪਞ੍ਚਦ੍વਾਰਿਕਾਭਿਨਿਯਤਮਨੋવਿਞ੍ਞਾਣਸ੍ਸ ਪਰਤੋ ਪવਤ੍ਤਮਾਨਮਨੋવਿਞ੍ਞਾਣੇਨ ਤਸ੍ਮਿਂ ਤਸ੍ਮਿਂ ਅਤ੍ਥੇ વਣ੍ਣਸਣ੍ਠਾਨਾਦਿવਿਸੇਸਸ੍ਸ વਿਨਿਚ੍ਛਿਨਿਤਬ੍ਬਤੋ। ਉਪ੍ਪਨ੍ਨਮਤ੍ਤਕਮੇવ ਹੋਤੀਤਿ ਪਞ੍ਚਦ੍વਾਰਿਕਜવਨਂ ਤਾਦਿਸਂ ਕਿਞ੍ਚਿ ਅਤ੍ਥਨਿਚ੍ਛਯਕਿਚ੍ਚਂ ਕਾਤੁਂ ਨ ਸਕ੍ਕੋਤਿ, ਕੇવਲਂ ਉਪ੍ਪਨ੍ਨਮਤ੍ਤਮੇવ ਹੋਤਿ। ਅਯਨ੍ਤਿ ‘‘ਆਦੀਨવਾਨੁਪਸ੍ਸਿਨੋ’’ਤਿਆਦਿਨਾ વੁਤ੍ਤਾ।
430.Pañcadvārikasukhaṃ, na kāyappasādasannissitasukhameva. Manodvārikasukhanti manodvārikacittasannissitasukhaṃ, na yaṃ kiñci cetasikasukhaṃ tassa kāyikasukhaggahaṇeneva gahitattā. Pañcadvārikajavanena samāpajjanaṃ vā vuṭṭhānaṃ vā natthīti idaṃ manodvārikajavanena tassa sambhavaṃ dassetuṃ, maggassa vasena vuttaṃ, na pana tappasaṅgasaṅkānivattanatthaṃ. Viññattimattampi janetuṃ asamatthaṃ samāpajjanassa kathaṃ paccayo hoti, buddhānaṃ pana bhagavantānaṃ hotīti ce? Tathāpi tassa āsannaṭṭhāne pañcadvārikacittappavattiyā asambhavo eva tādisassa pubbābhogassa tasmiṃ kāle asambhavato. Eteneva yā kesañci ariyadhamme akovidānaṃ ghaṭasabhāvādīsu buddhitulyakāritāpatticodanā; sā paṭikkhittāti daṭṭhabbā taṃtaṃpurimābhogavasena tena tena pañcadvārikābhiniyatamanoviññāṇassa parato pavattamānamanoviññāṇena tasmiṃ tasmiṃ atthe vaṇṇasaṇṭhānādivisesassa vinicchinitabbato. Uppannamattakameva hotīti pañcadvārikajavanaṃ tādisaṃ kiñci atthanicchayakiccaṃ kātuṃ na sakkoti, kevalaṃ uppannamattameva hoti. Ayanti ‘‘ādīnavānupassino’’tiādinā vuttā.
੪੩੧. ਕੁਸਲਚਿਤ੍ਤ…ਪੇ॰… ਭੂਤਸ੍ਸਾਤਿ વੁਟ੍ਠਾਨਗਾਮਿਨਿવਿਪਸ੍ਸਨਾਸਹਗਤਕੁਸਲਚਿਤ੍ਤਸ੍ਸ ਸਮ੍ਪਯੁਤ੍ਤਚੇਤੋਸੁਖਸਮਙ੍ਗੀਭੂਤਸ੍ਸ। ਪੁਬ੍ਬਸੁਦ੍ਧਿਕਾਤਿ ਮਗ੍ਗੁਪ੍ਪਤ੍ਤਿਤੋ, વਿਪਸ੍ਸਨਾਰਮ੍ਭਤੋਪਿ વਾ ਪੁਬ੍ਬੇવ ਸੁਦ੍ਧਾ। ਤੇਨਾਹ – ‘‘ਆਦਿਤੋ ਪਟ੍ਠਾਯ ਪਰਿਸੁਦ੍ਧਾવ ਹੋਨ੍ਤੀ’’ਤਿ। ਸਬ੍ਬਤ੍ਥਕਕਾਰਾਪਕਙ੍ਗਾਨੀਤਿ ਸੀਲવਿਸੋਧਨਸ੍ਸ ਚਿਤ੍ਤਸਮਾਧਾਨਸ੍ਸ વਿਪਸ੍ਸਨਾਭਿਯੋਗਸ੍ਸ ਮਗ੍ਗੇਨ ਪਹਾਤਬ੍ਬਕਿਲੇਸਪਹਾਨਸ੍ਸਾਤਿ ਸਬ੍ਬਸ੍ਸਪਿ ਮਗ੍ਗਸਮ੍ਭਾਰਕਿਚ੍ਚਸ੍ਸ ਕਾਰਾਪਕਙ੍ਗਾਨਿ। ਅਟ੍ਠਙ੍ਗਿਕੋ વਾਤਿ ਪਠਮਜ੍ਝਾਨਿਕੋ વਾ ਅਟ੍ਠਙ੍ਗਿਕੋ, ਦੁਤਿਯਜ੍ਝਾਨਿਕੋ વਾ ਸਤ੍ਤਙ੍ਗਿਕੋ ਹੋਤਿ।
431.Kusalacitta…pe… bhūtassāti vuṭṭhānagāminivipassanāsahagatakusalacittassa sampayuttacetosukhasamaṅgībhūtassa. Pubbasuddhikāti magguppattito, vipassanārambhatopi vā pubbeva suddhā. Tenāha – ‘‘ādito paṭṭhāya parisuddhāva hontī’’ti. Sabbatthakakārāpakaṅgānīti sīlavisodhanassa cittasamādhānassa vipassanābhiyogassa maggena pahātabbakilesapahānassāti sabbassapi maggasambhārakiccassa kārāpakaṅgāni. Aṭṭhaṅgiko vāti paṭhamajjhāniko vā aṭṭhaṅgiko, dutiyajjhāniko vā sattaṅgiko hoti.
ਇਮਮੇવ ਸੁਤ੍ਤਪਦੇਸਂ ਗਹੇਤ੍વਾਤਿ, ‘‘ਯਾ ਤਥਾਭੂਤਸ੍ਸ ਦਿਟ੍ਠੀ’’ਤਿਆਦਿਨਾ ਸਮ੍ਮਾਦਿਟ੍ਠਿਆਦੀਨਂ ਪਞ੍ਚਨ੍ਨਂਯੇવ ਤਸ੍ਮਿਂ ਠਾਨੇ ਗਹਿਤਤ੍ਤਾ ਲੋਕੁਤ੍ਤਰਮਗ੍ਗੋ ਪਞ੍ਚਙ੍ਗਿਕੋਤਿ વਦਤਿ। ਸੋਤਿ ਤਥਾ વਦਨ੍ਤੋ વਿਤਣ੍ਡવਾਦੀ। ਅਨਨ੍ਤਰવਚਨੇਨੇવਾਤਿ, ‘‘ਯਾ ਤਥਾਭੂਤਸ੍ਸ ਦਿਟ੍ਠੀ’’ਤਿਆਦਿવਚਨਸ੍ਸ, ‘‘ਏવਮਸ੍ਸਾਯ’’ਨ੍ਤਿਆਦਿਨਾ ਅਨਨ੍ਤਰવਚਨੇਨ। ਪਟਿਸੇਧਿਤਬ੍ਬੋਤਿ ਪਟਿਕ੍ਖਿਪਿਤਬ੍ਬੋ। ‘‘ਅਰਿਯੋ ਅਟ੍ਠਙ੍ਗਿਕੋ ਮਗ੍ਗੋ’’ਤਿ ਹਿ ਇਦਂ વਚਨਂ ਅਰਿਯਮਗ੍ਗਸ੍ਸ ਪਞ੍ਚਙ੍ਗਿਕਭਾવਂ ਉਜੁਕਮੇવ ਪਟਿਕ੍ਖਿਪਤਿ। ਯਦਿ ਏવਂ ‘‘ਯਾ ਤਥਾਭੂਤਸ੍ਸ ਦਿਟ੍ਠੀ’’ਤਿਆਦਿਨਾ ਤਤ੍ਥ ਪਞ੍ਚਨ੍ਨਂ ਏવ ਅਙ੍ਗਾਨਂ ਗਹਣਂ ਕਿਮਤ੍ਥਿਯਨ੍ਤਿ ਆਹ ‘‘ਉਤ੍ਤਰਿ ਚਾ’’ਤਿਆਦਿ। ਸਮ੍ਮਾવਾਚਂ ਭਾવੇਤਿ ਅਰਿਯਮਗ੍ਗਸਮਙ੍ਗੀ। ਤੇਨਾਹ ‘‘ਮਿਚ੍ਛਾવਾਚਂ ਪਜਹਤੀ’’ਤਿ। ਯਸ੍ਮਿਞ੍ਹਿ ਖਣੇ ਸਮ੍ਮਾવਾਚਾ ਭਾવਨਾਪਾਰਿਪੂਰਿਂ ਗਚ੍ਛਤਿ, ਤਸ੍ਮਿਂਯੇવ ਮਿਚ੍ਛਾવਾਚਾ ਪਜਹੀਯਤੀਤਿ। ਸਹੇવ વਿਰਤਿਯਾ ਪੂਰੇਨ੍ਤਿ ਸਮੁਚ੍ਛੇਦવਿਰਤਿਯਾ વਿਨਾ ਦੁਕ੍ਖਪਰਿਞ੍ਞਾਦੀਨਂ ਅਸਮ੍ਭવਤੋ। ਆਦਿਤੋ ਪਟ੍ਠਾਯ ਪਰਿਸੁਦ੍ਧਾਨੇવ વਟ੍ਟਨ੍ਤਿ ਪਰਿਸੁਦ੍ਧੇ ਸੀਲੇ ਪਤਿਟ੍ਠਿਤਸ੍ਸੇવ ਭਾવਨਾਯ ਇਜ੍ਝਨਤੋ। ਯਥਾવੁਤ੍ਤਮਤ੍ਥਂ ਗਨ੍ਥਨ੍ਤਰੇਨਪਿ ਸਮਤ੍ਥੇਤੁਂ, ‘‘ਸੁਭਦ੍ਦਸੁਤ੍ਤੇਪਿ ਚਾ’’ਤਿਆਦਿ વੁਤ੍ਤਂ। ਅਨੇਕੇਸੁ ਸੁਤ੍ਤਸਤੇਸੁ ਅਟ੍ਠਙ੍ਗਿਕੋવ ਮਗ੍ਗੋ ਆਗਤੋ, ਨ ਪਞ੍ਚਙ੍ਗਿਕੋਤਿ ਅਧਿਪ੍ਪਾਯੋ।
Imameva suttapadesaṃ gahetvāti, ‘‘yā tathābhūtassa diṭṭhī’’tiādinā sammādiṭṭhiādīnaṃ pañcannaṃyeva tasmiṃ ṭhāne gahitattā lokuttaramaggo pañcaṅgikoti vadati. Soti tathā vadanto vitaṇḍavādī. Anantaravacanenevāti, ‘‘yā tathābhūtassa diṭṭhī’’tiādivacanassa, ‘‘evamassāya’’ntiādinā anantaravacanena. Paṭisedhitabboti paṭikkhipitabbo. ‘‘Ariyo aṭṭhaṅgiko maggo’’ti hi idaṃ vacanaṃ ariyamaggassa pañcaṅgikabhāvaṃ ujukameva paṭikkhipati. Yadi evaṃ ‘‘yā tathābhūtassa diṭṭhī’’tiādinā tattha pañcannaṃ eva aṅgānaṃ gahaṇaṃ kimatthiyanti āha ‘‘uttari cā’’tiādi. Sammāvācaṃ bhāveti ariyamaggasamaṅgī. Tenāha ‘‘micchāvācaṃ pajahatī’’ti. Yasmiñhi khaṇe sammāvācā bhāvanāpāripūriṃ gacchati, tasmiṃyeva micchāvācā pajahīyatīti. Saheva viratiyā pūrenti samucchedaviratiyā vinā dukkhapariññādīnaṃ asambhavato. Ādito paṭṭhāya parisuddhāneva vaṭṭanti parisuddhe sīle patiṭṭhitasseva bhāvanāya ijjhanato. Yathāvuttamatthaṃ ganthantarenapi samatthetuṃ, ‘‘subhaddasuttepi cā’’tiādi vuttaṃ. Anekesu suttasatesu aṭṭhaṅgikova maggo āgato, na pañcaṅgikoti adhippāyo.
ਸਮ੍ਮਾਸਤਿ ਮਗ੍ਗਕ੍ਖਣੇ ਕਾਯਾਨੁਪਸ੍ਸਨਾਦਿਚਤੁਕਿਚ੍ਚਸਾਧਿਕਾ ਹੋਤੀਤਿ ਤਂ ਚਤੁਬ੍ਬਿਧਂ ਕਤ੍વਾ ਦਸ੍ਸੇਨ੍ਤੋ, ‘‘ਮਗ੍ਗਸਮ੍ਪਯੁਤ੍ਤਾવ ਚਤ੍ਤਾਰੋ ਸਤਿਪਟ੍ਠਾਨਾ’’ਤਿ ਆਹ। ਨ ਚਤੁਮਗ੍ਗਸਮ੍ਪਯੁਤ੍ਤਤਾવਸੇਨ। ਏਸ ਨਯੋ ਸਮ੍ਮਪ੍ਪਧਾਨਾਦੀਸੁਪਿ। ਅਞ੍ਞਮਞ੍ਞਾਨਤਿવਤ੍ਤਮਾਨਾ ਯੁਗਨਦ੍ਧਾ ਯੁਤ੍ਤਾ વਿਯ ਅਰਿਯਮਗ੍ਗਯੁਗਨਦ੍ਧਾ ਅਞ੍ਞਮਞ੍ਞਂ ਪਟਿਬਦ੍ਧਾਤਿ ਯੁਗਨਦ੍ਧਾ। ਤੇਨਾਹ – ‘‘ਏਕਕ੍ਖਣਿਕਯੁਗਨਨ੍ਧਾ’’ਤਿ ਅਰਿਯਮਗ੍ਗਕ੍ਖਣੇ ਏવ ਹਿ ਸਮਥવਿਪਸ੍ਸਨਾ ਏਕਕ੍ਖਣਿਕਾ ਹੁਤ੍વਾ ਸਮਧੁਰਂ વਤ੍ਤਨ੍ਤਿ। ਤੇਨੇવਾਹ ‘‘ਏਤੇ ਹੀ’’ਤਿਆਦਿ। ਅਞ੍ਞਸ੍ਮਿਂ ਖਣੇ ਸਮਾਪਤ੍ਤਿ, ਅਞ੍ਞਸ੍ਮਿਂ વਿਪਸ੍ਸਨਾਤਿ ਇਦਂ ਤੇਸਂ ਤਤ੍ਥ ਤਤ੍ਥ ਕਿਚ੍ਚਤੋ ਅਧਿਕਭਾવਂ ਸਨ੍ਧਾਯ વੁਤ੍ਤਂ, ਨ ਅਞ੍ਞਥਾ। ਨ ਹਿ ਪਞ੍ਞਾਰਹਿਤਾ ਸਮਾਪਤ੍ਤਿ, ਸਮਾਧਿਰਹਿਤਾ ਚ વਿਪਸ੍ਸਨਾ ਅਤ੍ਥਿ। ਅਰਿਯਮਗ੍ਗੇ ਪਨ ਏਕਕ੍ਖਣਿਕਾ ਸਮਧੁਰਤਾਯ ਏਕਰਸਭਾવੇਨਾਤਿ ਅਤ੍ਥੋ। ਫਲવਿਮੁਤ੍ਤੀਤਿ ਅਰਹਤ੍ਤਫਲવਿਮੁਤ੍ਤਿ। ਸੇਸਂ ਹੇਟ੍ਠਾ વੁਤ੍ਤਨਯਤ੍ਤਾ ਸੁવਿਞ੍ਞੇਯ੍ਯਮੇવ।
Sammāsati maggakkhaṇe kāyānupassanādicatukiccasādhikā hotīti taṃ catubbidhaṃ katvā dassento, ‘‘maggasampayuttāva cattāro satipaṭṭhānā’’ti āha. Na catumaggasampayuttatāvasena. Esa nayo sammappadhānādīsupi. Aññamaññānativattamānā yuganaddhā yuttā viya ariyamaggayuganaddhā aññamaññaṃ paṭibaddhāti yuganaddhā. Tenāha – ‘‘ekakkhaṇikayuganandhā’’ti ariyamaggakkhaṇe eva hi samathavipassanā ekakkhaṇikā hutvā samadhuraṃ vattanti. Tenevāha ‘‘ete hī’’tiādi. Aññasmiṃ khaṇe samāpatti, aññasmiṃ vipassanāti idaṃ tesaṃ tattha tattha kiccato adhikabhāvaṃ sandhāya vuttaṃ, na aññathā. Na hi paññārahitā samāpatti, samādhirahitā ca vipassanā atthi. Ariyamagge pana ekakkhaṇikā samadhuratāya ekarasabhāvenāti attho. Phalavimuttīti arahattaphalavimutti. Sesaṃ heṭṭhā vuttanayattā suviññeyyameva.
ਮਹਾਸਲ਼ਾਯਤਨਿਕਸੁਤ੍ਤવਣ੍ਣਨਾਯ ਲੀਨਤ੍ਥਪ੍ਪਕਾਸਨਾ ਸਮਤ੍ਤਾ।
Mahāsaḷāyatanikasuttavaṇṇanāya līnatthappakāsanā samattā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਮਜ੍ਝਿਮਨਿਕਾਯ • Majjhimanikāya / ੭. ਮਹਾਸਲ਼ਾਯਤਨਿਕਸੁਤ੍ਤਂ • 7. Mahāsaḷāyatanikasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਮਜ੍ਝਿਮਨਿਕਾਯ (ਅਟ੍ਠਕਥਾ) • Majjhimanikāya (aṭṭhakathā) / ੭. ਮਹਾਸਲ਼ਾਯਤਨਿਕਸੁਤ੍ਤવਣ੍ਣਨਾ • 7. Mahāsaḷāyatanikasuttavaṇṇanā
