| Library / Tipiṭaka / д̇ибидага • Tipiṭaka / д̣̇ийгханигааяа • Dīghanikāya |
7. махаасамаяасуд̇д̇ам̣
7. Mahāsamayasuttaṃ
331. звам̣ мз суд̇ам̣ – згам̣ самаяам̣ бхаг̇аваа саггзсу вихарад̇и габилавад̇т̇усмим̣ махааванз махад̇аа бхигкусан̇гхзна сад̣̇д̇хим̣ бан̃жамад̇д̇зхи бхигкусад̇зхи саб̣б̣зхзва араханд̇зхи; д̣̇асахи жа логад̇хаад̇уухи д̣̇звад̇аа язбхуяязна саннибад̇ид̇аа хонд̇и бхаг̇аванд̇ам̣ д̣̇ассанааяа бхигкусан̇гхан̃жа. ат̇а ко жад̇уннам̣ суд̣̇д̇хааваасагааяигаанам̣ д̣̇звад̇аанам̣ 1 зд̇ад̣̇ахоси – ‘‘аяам̣ ко бхаг̇аваа саггзсу вихарад̇и габилавад̇т̇усмим̣ махааванз махад̇аа бхигкусан̇гхзна сад̣̇д̇хим̣ бан̃жамад̇д̇зхи бхигкусад̇зхи саб̣б̣зхзва араханд̇зхи; д̣̇асахи жа логад̇хаад̇уухи д̣̇звад̇аа язбхуяязна саннибад̇ид̇аа хонд̇и бхаг̇аванд̇ам̣ д̣̇ассанааяа бхигкусан̇гхан̃жа. яам̣нууна маяамби язна бхаг̇аваа д̇знубасан̇гамзяяаама; убасан̇гамид̇ваа бхаг̇авад̇о санд̇игз бажжзгам̣ г̇аат̇ам̣ 2 бхаасзяяаамаа’’д̇и.
331. Evaṃ me sutaṃ – ekaṃ samayaṃ bhagavā sakkesu viharati kapilavatthusmiṃ mahāvane mahatā bhikkhusaṅghena saddhiṃ pañcamattehi bhikkhusatehi sabbeheva arahantehi; dasahi ca lokadhātūhi devatā yebhuyyena sannipatitā honti bhagavantaṃ dassanāya bhikkhusaṅghañca. Atha kho catunnaṃ suddhāvāsakāyikānaṃ devatānaṃ 3 etadahosi – ‘‘ayaṃ kho bhagavā sakkesu viharati kapilavatthusmiṃ mahāvane mahatā bhikkhusaṅghena saddhiṃ pañcamattehi bhikkhusatehi sabbeheva arahantehi; dasahi ca lokadhātūhi devatā yebhuyyena sannipatitā honti bhagavantaṃ dassanāya bhikkhusaṅghañca. Yaṃnūna mayampi yena bhagavā tenupasaṅkameyyāma; upasaṅkamitvā bhagavato santike paccekaṃ gāthaṃ 4 bhāseyyāmā’’ti.
332. ат̇а ко д̇аа д̣̇звад̇аа сзяяат̇ааби наама б̣алаваа бурисо самин̃ж̇ид̇ам̣ ваа б̣аахам̣ басаарзяяа басаарид̇ам̣ ваа б̣аахам̣ самин̃ж̇зяяа , звамзва суд̣̇д̇хааваасзсу д̣̇звзсу анд̇арахид̇аа бхаг̇авад̇о бурад̇о баад̇урахзсум̣. ат̇а ко д̇аа д̣̇звад̇аа бхаг̇аванд̇ам̣ абхиваад̣̇зд̇ваа згаманд̇ам̣ адтам̣су. згаманд̇ам̣ тид̇аа ко згаа д̣̇звад̇аа бхаг̇авад̇о санд̇игз имам̣ г̇аат̇ам̣ абхааси –
332. Atha kho tā devatā seyyathāpi nāma balavā puriso samiñjitaṃ vā bāhaṃ pasāreyya pasāritaṃ vā bāhaṃ samiñjeyya , evameva suddhāvāsesu devesu antarahitā bhagavato purato pāturahesuṃ. Atha kho tā devatā bhagavantaṃ abhivādetvā ekamantaṃ aṭṭhaṃsu. Ekamantaṃ ṭhitā kho ekā devatā bhagavato santike imaṃ gāthaṃ abhāsi –
‘‘махаасамаяо баванасмим̣, д̣̇звагааяаа самааг̇ад̇аа;
‘‘Mahāsamayo pavanasmiṃ, devakāyā samāgatā;
ааг̇ад̇амха имам̣ д̇хаммасамаяам̣, д̣̇агкид̇ааяз абарааж̇ид̇асан̇гха’’нд̇и.
Āgatamha imaṃ dhammasamayaṃ, dakkhitāye aparājitasaṅgha’’nti.
ат̇а ко абараа д̣̇звад̇аа бхаг̇авад̇о санд̇игз имам̣ г̇аат̇ам̣ абхааси –
Atha kho aparā devatā bhagavato santike imaṃ gāthaṃ abhāsi –
‘‘д̇ад̇ра бхигкаво самаад̣̇ахам̣су, жид̇д̇амад̇д̇ано уж̇угам̣ агам̣су 5;
‘‘Tatra bhikkhavo samādahaṃsu, cittamattano ujukaṃ akaṃsu 6;
саарат̇ийва нзд̇д̇аани г̇ахзд̇ваа, инд̣̇рияаани рагканд̇и бан̣д̣ид̇аа’’д̇и.
Sārathīva nettāni gahetvā, indriyāni rakkhanti paṇḍitā’’ti.
ат̇а ко абараа д̣̇звад̇аа бхаг̇авад̇о санд̇игз имам̣ г̇аат̇ам̣ абхааси –
Atha kho aparā devatā bhagavato santike imaṃ gāthaṃ abhāsi –
‘‘чзд̇ваа кийлам̣ чзд̇ваа балигхам̣, инд̣̇акийлам̣ уухажжа 7 манзж̇аа;
‘‘Chetvā khīlaṃ chetvā palighaṃ, indakhīlaṃ ūhacca 8 manejā;
д̇з жаранд̇и суд̣̇д̇хаа вималаа, жагкумад̇аа суд̣̇анд̇аа сусунааг̇аа’’д̇и.
Te caranti suddhā vimalā, cakkhumatā sudantā susunāgā’’ti.
ат̇а ко абараа д̣̇звад̇аа бхаг̇авад̇о санд̇игз имам̣ г̇аат̇ам̣ абхааси –
Atha kho aparā devatā bhagavato santike imaṃ gāthaṃ abhāsi –
‘‘язгзжи б̣уд̣̇д̇хам̣ саран̣ам̣ г̇ад̇аасз, на д̇з г̇амиссанд̇и абааяабхуумим̣;
‘‘Yekeci buddhaṃ saraṇaṃ gatāse, na te gamissanti apāyabhūmiṃ;
бахааяа маанусам̣ д̣̇зхам̣, д̣̇звагааяам̣ барибуурзссанд̇ий’’д̇и.
Pahāya mānusaṃ dehaṃ, devakāyaṃ paripūressantī’’ti.
д̣̇звад̇аасаннибаад̇аа
Devatāsannipātā
333. ат̇а ко бхаг̇аваа бхигкуу ааманд̇зси – ‘‘язбхуяязна, бхигкавз, д̣̇асасу логад̇хаад̇уусу д̣̇звад̇аа саннибад̇ид̇аа хонд̇и 9, д̇ат̇ааг̇ад̇ам̣ д̣̇ассанааяа бхигкусан̇гхан̃жа . язби д̇з, бхигкавз, ахзсум̣ ад̇ийд̇амад̣̇д̇хаанам̣ араханд̇о саммаасамб̣уд̣̇д̇хаа, д̇зсамби бхаг̇аванд̇аанам̣ зд̇ам̣барамааязва 10 д̣̇звад̇аа саннибад̇ид̇аа ахзсум̣ сзяяат̇ааби маяхам̣ зд̇арахи. язби д̇з, бхигкавз, бхависсанд̇и анааг̇ад̇амад̣̇д̇хаанам̣ араханд̇о саммаасамб̣уд̣̇д̇хаа, д̇зсамби бхаг̇аванд̇аанам̣ зд̇ам̣барамааязва д̣̇звад̇аа саннибад̇ид̇аа бхависсанд̇и сзяяат̇ааби маяхам̣ зд̇арахи. аажигкиссаами, бхигкавз, д̣̇звагааяаанам̣ наамаани; гид̇д̇аяиссаами, бхигкавз, д̣̇звагааяаанам̣ наамаани; д̣̇зсзссаами, бхигкавз, д̣̇звагааяаанам̣ наамаани. д̇ам̣ сун̣аат̇а, саад̇хугам̣ манасигарот̇а, бхаасиссаамий’’д̇и. ‘‘звам̣, бханд̇з’’д̇и ко д̇з бхигкуу бхаг̇авад̇о бажжассосум̣.
333. Atha kho bhagavā bhikkhū āmantesi – ‘‘yebhuyyena, bhikkhave, dasasu lokadhātūsu devatā sannipatitā honti 11, tathāgataṃ dassanāya bhikkhusaṅghañca . Yepi te, bhikkhave, ahesuṃ atītamaddhānaṃ arahanto sammāsambuddhā, tesampi bhagavantānaṃ etaṃparamāyeva 12 devatā sannipatitā ahesuṃ seyyathāpi mayhaṃ etarahi. Yepi te, bhikkhave, bhavissanti anāgatamaddhānaṃ arahanto sammāsambuddhā, tesampi bhagavantānaṃ etaṃparamāyeva devatā sannipatitā bhavissanti seyyathāpi mayhaṃ etarahi. Ācikkhissāmi, bhikkhave, devakāyānaṃ nāmāni; kittayissāmi, bhikkhave, devakāyānaṃ nāmāni; desessāmi, bhikkhave, devakāyānaṃ nāmāni. Taṃ suṇātha, sādhukaṃ manasikarotha, bhāsissāmī’’ti. ‘‘Evaṃ, bhante’’ti kho te bhikkhū bhagavato paccassosuṃ.
334. бхаг̇аваа зд̇ад̣̇авожа –
334. Bhagavā etadavoca –
‘‘силогаманугассаами, яад̇т̇а бхуммаа д̇ад̣̇ассид̇аа;
‘‘Silokamanukassāmi, yattha bhummā tadassitā;
яз сид̇аа г̇ириг̇аб̣бхарам̣, бахид̇ад̇д̇аа самаахид̇аа.
Ye sitā girigabbharaṃ, pahitattā samāhitā.
‘‘бут̇уусийхаава саллийнаа, ломахам̣саабхисамбхуно;
‘‘Puthūsīhāva sallīnā, lomahaṃsābhisambhuno;
од̣̇аад̇аманасаа суд̣̇д̇хаа, виббасаннаманаавилаа’’ 13.
Odātamanasā suddhā, vippasannamanāvilā’’ 14.
бхияяо бан̃жасад̇з н̃ад̇ваа, ванз гаабилавад̇т̇авз;
Bhiyyo pañcasate ñatvā, vane kāpilavatthave;
д̇ад̇о ааманд̇аяий сад̇т̇аа, саавагз саасанз рад̇з.
Tato āmantayī satthā, sāvake sāsane rate.
‘‘д̣̇звагааяаа абхигганд̇аа, д̇з виж̇аанаат̇а бхигкаво’’;
‘‘Devakāyā abhikkantā, te vijānātha bhikkhavo’’;
д̇з жа аад̇аббамагарум̣, суд̇ваа б̣уд̣̇д̇хасса саасанам̣.
Te ca ātappamakaruṃ, sutvā buddhassa sāsanaṃ.
д̇зсам̣ баад̇ураху н̃аан̣ам̣, амануссаанад̣̇ассанам̣;
Tesaṃ pāturahu ñāṇaṃ, amanussānadassanaṃ;
аббзгз сад̇амад̣̇д̣̇агкум̣, сахассам̣ ат̇а сад̇д̇арим̣.
Appeke satamaddakkhuṃ, sahassaṃ atha sattariṃ.
сад̇ам̣ згз сахассаанам̣, амануссаанамад̣̇д̣̇асум̣;
Sataṃ eke sahassānaṃ, amanussānamaddasuṃ;
аббзгзнанд̇амад̣̇д̣̇агкум̣ , д̣̇исаа саб̣б̣аа пудаа ахум̣.
Appekenantamaddakkhuṃ , disā sabbā phuṭā ahuṃ.
д̇ан̃жа саб̣б̣ам̣ абхин̃н̃ааяа, вавад̇т̇ид̇ваана 15 жагкумаа;
Tañca sabbaṃ abhiññāya, vavatthitvāna 16 cakkhumā;
д̇ад̇о ааманд̇аяий сад̇т̇аа, саавагз саасанз рад̇з.
Tato āmantayī satthā, sāvake sāsane rate.
‘‘д̣̇звагааяаа абхигганд̇аа, д̇з виж̇аанаат̇а бхигкаво;
‘‘Devakāyā abhikkantā, te vijānātha bhikkhavo;
яз вохам̣ гид̇д̇аяиссаами, г̇ираахи анубуб̣б̣асо.
Ye vohaṃ kittayissāmi, girāhi anupubbaso.
335.‘‘сад̇д̇асахассаа д̇з яагкаа, бхуммаа гаабилавад̇т̇аваа.
335.‘‘Sattasahassā te yakkhā, bhummā kāpilavatthavā.
ид̣̇д̇химанд̇о ж̇уд̇иманд̇о, ван̣н̣аванд̇о яасассино;
Iddhimanto jutimanto, vaṇṇavanto yasassino;
мод̣̇амаанаа абхиггаамум̣, бхигкуунам̣ самид̇им̣ ванам̣.
Modamānā abhikkāmuṃ, bhikkhūnaṃ samitiṃ vanaṃ.
‘‘часахассаа хзмавад̇аа, яагкаа наанад̇д̇аван̣н̣ино;
‘‘Chasahassā hemavatā, yakkhā nānattavaṇṇino;
ид̣̇д̇химанд̇о ж̇уд̇ийманд̇о 17, ван̣н̣аванд̇о яасассино;
Iddhimanto jutīmanto 18, vaṇṇavanto yasassino;
мод̣̇амаанаа абхиггаамум̣, бхигкуунам̣ самид̇им̣ ванам̣.
Modamānā abhikkāmuṃ, bhikkhūnaṃ samitiṃ vanaṃ.
‘‘саад̇ааг̇ираа д̇исахассаа, яагкаа наанад̇д̇аван̣н̣ино;
‘‘Sātāgirā tisahassā, yakkhā nānattavaṇṇino;
ид̣̇д̇химанд̇о ж̇уд̇иманд̇о, ван̣н̣аванд̇о яасассино;
Iddhimanto jutimanto, vaṇṇavanto yasassino;
мод̣̇амаанаа абхиггаамум̣, бхигкуунам̣ самид̇им̣ ванам̣.
Modamānā abhikkāmuṃ, bhikkhūnaṃ samitiṃ vanaṃ.
‘‘ижжзд̇з сол̣асасахассаа, яагкаа наанад̇д̇аван̣н̣ино;
‘‘Iccete soḷasasahassā, yakkhā nānattavaṇṇino;
ид̣̇д̇химанд̇о ж̇уд̇иманд̇о, ван̣н̣аванд̇о яасассино;
Iddhimanto jutimanto, vaṇṇavanto yasassino;
мод̣̇амаанаа абхиггаамум̣, бхигкуунам̣ самид̇им̣ ванам̣.
Modamānā abhikkāmuṃ, bhikkhūnaṃ samitiṃ vanaṃ.
‘‘взссаамид̇д̇аа бан̃жасад̇аа, яагкаа наанад̇д̇аван̣н̣ино;
‘‘Vessāmittā pañcasatā, yakkhā nānattavaṇṇino;
ид̣̇д̇химанд̇о ж̇уд̇иманд̇о, ван̣н̣аванд̇о яасассино;
Iddhimanto jutimanto, vaṇṇavanto yasassino;
мод̣̇амаанаа абхиггаамум̣, бхигкуунам̣ самид̇им̣ ванам̣.
Modamānā abhikkāmuṃ, bhikkhūnaṃ samitiṃ vanaṃ.
‘‘гумбхийро рааж̇аг̇ахиго, взбулласса нивзсанам̣;
‘‘Kumbhīro rājagahiko, vepullassa nivesanaṃ;
бхияяо нам̣ сад̇асахассам̣, яагкаанам̣ баяирубаасад̇и;
Bhiyyo naṃ satasahassaṃ, yakkhānaṃ payirupāsati;
гумбхийро рааж̇аг̇ахиго, собааг̇аа самид̇им̣ ванам̣.
Kumbhīro rājagahiko, sopāgā samitiṃ vanaṃ.
336.‘‘буриман̃жа д̣̇исам̣ рааж̇аа, д̇хад̇арадто басаасад̇и.
336.‘‘Purimañca disaṃ rājā, dhataraṭṭho pasāsati.
г̇анд̇хаб̣б̣аанам̣ ад̇хибад̇и, махаарааж̇аа яасассисо.
Gandhabbānaṃ adhipati, mahārājā yasassiso.
‘‘буд̇д̇ааби д̇асса б̣ахаво, инд̣̇анаамаа махаб̣б̣алаа;
‘‘Puttāpi tassa bahavo, indanāmā mahabbalā;
ид̣̇д̇химанд̇о ж̇уд̇иманд̇о, ван̣н̣аванд̇о яасассино;
Iddhimanto jutimanto, vaṇṇavanto yasassino;
мод̣̇амаанаа абхиггаамум̣, бхигкуунам̣ самид̇им̣ ванам̣.
Modamānā abhikkāmuṃ, bhikkhūnaṃ samitiṃ vanaṃ.
‘‘д̣̇агкин̣ан̃жа д̣̇исам̣ рааж̇аа, вируул̣хо д̇ам̣ басаасад̇и 19;
‘‘Dakkhiṇañca disaṃ rājā, virūḷho taṃ pasāsati 20;
гумбхан̣д̣аанам̣ ад̇хибад̇и, махаарааж̇аа яасассисо.
Kumbhaṇḍānaṃ adhipati, mahārājā yasassiso.
‘‘буд̇д̇ааби д̇асса б̣ахаво, инд̣̇анаамаа махаб̣б̣алаа;
‘‘Puttāpi tassa bahavo, indanāmā mahabbalā;
ид̣̇д̇химанд̇о ж̇уд̇иманд̇о, ван̣н̣аванд̇о яасассино;
Iddhimanto jutimanto, vaṇṇavanto yasassino;
мод̣̇амаанаа абхиггаамум̣, бхигкуунам̣ самид̇им̣ ванам̣.
Modamānā abhikkāmuṃ, bhikkhūnaṃ samitiṃ vanaṃ.
‘‘бажчиман̃жа д̣̇исам̣ рааж̇аа, вируубагко басаасад̇и;
‘‘Pacchimañca disaṃ rājā, virūpakkho pasāsati;
нааг̇аанан̃жа ад̇хибад̇и, махаарааж̇аа яасассисо.
Nāgānañca adhipati, mahārājā yasassiso.
‘‘буд̇д̇ааби д̇асса б̣ахаво, инд̣̇анаамаа махаб̣б̣алаа;
‘‘Puttāpi tassa bahavo, indanāmā mahabbalā;
ид̣̇д̇химанд̇о ж̇уд̇иманд̇о, ван̣н̣аванд̇о яасассино;
Iddhimanto jutimanto, vaṇṇavanto yasassino;
мод̣̇амаанаа абхиггаамум̣, бхигкуунам̣ самид̇им̣ ванам̣.
Modamānā abhikkāmuṃ, bhikkhūnaṃ samitiṃ vanaṃ.
‘‘уд̇д̇аран̃жа д̣̇исам̣ рааж̇аа, гувзро д̇ам̣ басаасад̇и;
‘‘Uttarañca disaṃ rājā, kuvero taṃ pasāsati;
яагкаанан̃жа ад̇хибад̇и, махаарааж̇аа яасассисо.
Yakkhānañca adhipati, mahārājā yasassiso.
‘‘буд̇д̇ааби д̇асса б̣ахаво, инд̣̇анаамаа махаб̣б̣алаа;
‘‘Puttāpi tassa bahavo, indanāmā mahabbalā;
ид̣̇д̇химанд̇о ж̇уд̇иманд̇о, ван̣н̣аванд̇о яасассино;
Iddhimanto jutimanto, vaṇṇavanto yasassino;
мод̣̇амаанаа абхиггаамум̣, бхигкуунам̣ самид̇им̣ ванам̣.
Modamānā abhikkāmuṃ, bhikkhūnaṃ samitiṃ vanaṃ.
‘‘буримам̣ д̣̇исам̣ д̇хад̇арадто, д̣̇агкин̣зна вируул̣хаго;
‘‘Purimaṃ disaṃ dhataraṭṭho, dakkhiṇena virūḷhako;
бажчимзна вируубагко, гувзро уд̇д̇арам̣ д̣̇исам̣.
Pacchimena virūpakkho, kuvero uttaraṃ disaṃ.
‘‘жад̇д̇ааро д̇з махаарааж̇аа, саманд̇аа жад̇уро д̣̇исаа;
‘‘Cattāro te mahārājā, samantā caturo disā;
д̣̇ад̣̇д̣̇алламаанаа 21 адтам̣су, ванз гаабилавад̇т̇авз.
Daddallamānā 22 aṭṭhaṃsu, vane kāpilavatthave.
337.‘‘д̇зсам̣ мааяаавино д̣̇аасаа, ааг̇ум̣ 23 ван̃жанигаа сатаа.
337.‘‘Tesaṃ māyāvino dāsā, āguṃ 24 vañcanikā saṭhā.
‘‘жанд̣̇ано гаамасздто жа, гиннигхан̣д̣у 29 нигхан̣д̣у жа;
‘‘Candano kāmaseṭṭho ca, kinnighaṇḍu 30 nighaṇḍu ca;
банаад̣̇о обаман̃н̃о жа, д̣̇звасууд̇о жа маад̇али.
Panādo opamañño ca, devasūto ca mātali.
‘‘жид̇д̇асзно жа г̇анд̇хаб̣б̣о, нал̣орааж̇аа ж̇анзсабхо 31;
‘‘Cittaseno ca gandhabbo, naḷorājā janesabho 32;
ааг̇аа бан̃жасико жзва, д̇имб̣аруу суурияаважжасаа 33.
Āgā pañcasikho ceva, timbarū sūriyavaccasā 34.
‘‘зд̇з жан̃н̃з жа рааж̇аано, г̇анд̇хаб̣б̣аа саха рааж̇убхи;
‘‘Ete caññe ca rājāno, gandhabbā saha rājubhi;
мод̣̇амаанаа абхиггаамум̣, бхигкуунам̣ самид̇им̣ ванам̣.
Modamānā abhikkāmuṃ, bhikkhūnaṃ samitiṃ vanaṃ.
338.‘‘ат̇ааг̇ум̣ нааг̇асаа нааг̇аа, взсаалаа сахад̇ажчагаа.
338.‘‘Athāguṃ nāgasā nāgā, vesālā sahatacchakā.
гамб̣алассад̇араа ааг̇ум̣, бааяааг̇аа саха н̃аад̇ибхи.
Kambalassatarā āguṃ, pāyāgā saha ñātibhi.
‘‘яаамунаа д̇хад̇арадтаа жа, ааг̇уу нааг̇аа яасассино;
‘‘Yāmunā dhataraṭṭhā ca, āgū nāgā yasassino;
зрааван̣о махаанааг̇о, собааг̇аа самид̇им̣ ванам̣.
Erāvaṇo mahānāgo, sopāgā samitiṃ vanaṃ.
‘‘яз нааг̇арааж̇з сахасаа харанд̇и, д̣̇иб̣б̣аа д̣̇иж̇аа багки висуд̣̇д̇хажагкуу;
‘‘Ye nāgarāje sahasā haranti, dibbā dijā pakkhi visuddhacakkhū;
взхааяасаа 35 д̇з ванамаж̇жхабад̇д̇аа, жид̇раа субан̣н̣аа ид̇и д̇зса наамам̣.
Vehāyasā 36 te vanamajjhapattā, citrā supaṇṇā iti tesa nāmaṃ.
‘‘абхаяам̣ д̇ад̣̇аа нааг̇арааж̇аанамааси, субан̣н̣ад̇о кзмамагааси б̣уд̣̇д̇хо;
‘‘Abhayaṃ tadā nāgarājānamāsi, supaṇṇato khemamakāsi buddho;
сан̣хаахи ваажаахи убавхаяанд̇аа, нааг̇аа субан̣н̣аа саран̣амагам̣су б̣уд̣̇д̇хам̣.
Saṇhāhi vācāhi upavhayantā, nāgā supaṇṇā saraṇamakaṃsu buddhaṃ.
339.‘‘ж̇ид̇аа важ̇ирахад̇т̇зна, самуд̣̇д̣̇ам̣ асураасид̇аа.
339.‘‘Jitā vajirahatthena, samuddaṃ asurāsitā.
бхаад̇аро ваасавассзд̇з, ид̣̇д̇химанд̇о яасассино.
Bhātaro vāsavassete, iddhimanto yasassino.
‘‘гаалаган̃жаа махаабхисмаа 37, асураа д̣̇аанавзгхасаа;
‘‘Kālakañcā mahābhismā 38, asurā dānaveghasā;
взбажид̇д̇и сужид̇д̇и жа, бахаараад̣̇о намужий саха.
Vepacitti sucitti ca, pahārādo namucī saha.
‘‘сад̇ан̃жа б̣алибуд̇д̇аанам̣, саб̣б̣з взрожанаамагаа;
‘‘Satañca baliputtānaṃ, sabbe verocanāmakā;
саннаяхид̇ваа б̣алисзнам̣ 39, раахубхад̣̇д̣̇амубааг̇амум̣;
Sannayhitvā balisenaṃ 40, rāhubhaddamupāgamuṃ;
самаяод̣̇аани бхад̣̇д̣̇анд̇з, бхигкуунам̣ самид̇им̣ ванам̣.
Samayodāni bhaddante, bhikkhūnaṃ samitiṃ vanaṃ.
340.‘‘аабо жа д̣̇зваа бат̇авий, д̇зж̇о вааяо д̇ад̣̇ааг̇амум̣.
340.‘‘Āpo ca devā pathavī, tejo vāyo tadāgamuṃ.
‘‘мзд̇д̇аа гарун̣аа гааяигаа, ааг̇ум̣ д̣̇зваа яасассино;
‘‘Mettā karuṇā kāyikā, āguṃ devā yasassino;
д̣̇асзд̇з д̣̇асад̇хаа гааяаа, саб̣б̣з наанад̇д̇аван̣н̣ино.
Dasete dasadhā kāyā, sabbe nānattavaṇṇino.
‘‘ид̣̇д̇химанд̇о ж̇уд̇иманд̇о, ван̣н̣аванд̇о яасассино;
‘‘Iddhimanto jutimanto, vaṇṇavanto yasassino;
мод̣̇амаанаа абхиггаамум̣, бхигкуунам̣ самид̇им̣ ванам̣.
Modamānā abhikkāmuṃ, bhikkhūnaṃ samitiṃ vanaṃ.
‘‘взн̣д̣уд̣̇зваа сахали жа 43, асамаа жа д̣̇увз яамаа;
‘‘Veṇḍudevā sahali ca 44, asamā ca duve yamā;
жанд̣̇ассуубанисаа д̣̇зваа, жанд̣̇амааг̇ум̣ бурагкад̇ваа.
Candassūpanisā devā, candamāguṃ purakkhatvā.
‘‘суурияассуубанисаа 45 д̣̇зваа, суурияамааг̇ум̣ бурагкад̇ваа;
‘‘Sūriyassūpanisā 46 devā, sūriyamāguṃ purakkhatvā;
нагкад̇д̇аани бурагкад̇ваа, ааг̇ум̣ манд̣̇авалаахагаа.
Nakkhattāni purakkhatvā, āguṃ mandavalāhakā.
‘‘васуунам̣ ваасаво сздто, саггобааг̇аа буринд̣̇ад̣̇о;
‘‘Vasūnaṃ vāsavo seṭṭho, sakkopāgā purindado;
д̣̇асзд̇з д̣̇асад̇хаа гааяаа, саб̣б̣з наанад̇д̇аван̣н̣ино.
Dasete dasadhā kāyā, sabbe nānattavaṇṇino.
‘‘ид̣̇д̇химанд̇о ж̇уд̇иманд̇о, ван̣н̣аванд̇о яасассино;
‘‘Iddhimanto jutimanto, vaṇṇavanto yasassino;
мод̣̇амаанаа абхиггаамум̣, бхигкуунам̣ самид̇им̣ ванам̣.
Modamānā abhikkāmuṃ, bhikkhūnaṃ samitiṃ vanaṃ.
‘‘ат̇ааг̇ум̣ сахабхуу д̣̇зваа, ж̇аламаг̇г̇исикаарива;
‘‘Athāguṃ sahabhū devā, jalamaggisikhāriva;
аридтагаа жа рож̇аа жа, умаабубпанибхаасино.
Ariṭṭhakā ca rojā ca, umāpupphanibhāsino.
‘‘варун̣аа сахад̇хаммаа жа, ажжуд̇аа жа анзж̇агаа;
‘‘Varuṇā sahadhammā ca, accutā ca anejakā;
суулзяяаружираа ааг̇ум̣, ааг̇ум̣ ваасаванзсино;
Sūleyyarucirā āguṃ, āguṃ vāsavanesino;
д̣̇асзд̇з д̣̇асад̇хаа гааяаа, саб̣б̣з наанад̇д̇аван̣н̣ино.
Dasete dasadhā kāyā, sabbe nānattavaṇṇino.
‘‘ид̣̇д̇химанд̇о ж̇уд̇иманд̇о, ван̣н̣аванд̇о яасассино;
‘‘Iddhimanto jutimanto, vaṇṇavanto yasassino;
мод̣̇амаанаа абхиггаамум̣, бхигкуунам̣ самид̇им̣ ванам̣.
Modamānā abhikkāmuṃ, bhikkhūnaṃ samitiṃ vanaṃ.
‘‘самаанаа махаасаманаа, маанусаа маанусуд̇д̇амаа;
‘‘Samānā mahāsamanā, mānusā mānusuttamā;
кид̣д̣аабад̣̇осигаа ааг̇ум̣, ааг̇ум̣ манобад̣̇осигаа.
Khiḍḍāpadosikā āguṃ, āguṃ manopadosikā.
‘‘ат̇ааг̇ум̣ хараяо д̣̇зваа, яз жа лохид̇аваасино;
‘‘Athāguṃ harayo devā, ye ca lohitavāsino;
баараг̇аа махаабаараг̇аа, ааг̇ум̣ д̣̇зваа яасассино;
Pāragā mahāpāragā, āguṃ devā yasassino;
д̣̇асзд̇з д̣̇асад̇хаа гааяаа, саб̣б̣з наанад̇д̇аван̣н̣ино.
Dasete dasadhā kāyā, sabbe nānattavaṇṇino.
‘‘ид̣̇д̇химанд̇о ж̇уд̇иманд̇о, ван̣н̣аванд̇о яасассино;
‘‘Iddhimanto jutimanto, vaṇṇavanto yasassino;
мод̣̇амаанаа абхиггаамум̣, бхигкуунам̣ самид̇им̣ ванам̣.
Modamānā abhikkāmuṃ, bhikkhūnaṃ samitiṃ vanaṃ.
‘‘суггаа гарамбхаа 47 арун̣аа, ааг̇ум̣ взгханасаа саха;
‘‘Sukkā karambhā 48 aruṇā, āguṃ veghanasā saha;
од̣̇аад̇аг̇аяхаа баамогкаа, ааг̇ум̣ д̣̇зваа вижагкан̣аа.
Odātagayhā pāmokkhā, āguṃ devā vicakkhaṇā.
‘‘сад̣̇аамад̇д̇аа хаараг̇аж̇аа, миссагаа жа яасассино;
‘‘Sadāmattā hāragajā, missakā ca yasassino;
т̇анаяам̣ ааг̇а баж̇ж̇унно, яо д̣̇исаа абхивассад̇и.
Thanayaṃ āga pajjunno, yo disā abhivassati.
‘‘д̣̇асзд̇з д̣̇асад̇хаа гааяаа, саб̣б̣з наанад̇д̇аван̣н̣ино;
‘‘Dasete dasadhā kāyā, sabbe nānattavaṇṇino;
ид̣̇д̇химанд̇о ж̇уд̇иманд̇о, ван̣н̣аванд̇о яасассино;
Iddhimanto jutimanto, vaṇṇavanto yasassino;
мод̣̇амаанаа абхиггаамум̣, бхигкуунам̣ самид̇им̣ ванам̣.
Modamānā abhikkāmuṃ, bhikkhūnaṃ samitiṃ vanaṃ.
‘‘кзмияаа д̇усид̇аа яаамаа, гадтагаа жа яасассино;
‘‘Khemiyā tusitā yāmā, kaṭṭhakā ca yasassino;
ламб̣ийд̇агаа лаамасздтаа, ж̇од̇инаамаа жа аасаваа;
Lambītakā lāmaseṭṭhā, jotināmā ca āsavā;
ниммаанарад̇ино ааг̇ум̣, ат̇ааг̇ум̣ бараниммид̇аа.
Nimmānaratino āguṃ, athāguṃ paranimmitā.
‘‘д̣̇асзд̇з д̣̇асад̇хаа гааяаа, саб̣б̣з наанад̇д̇аван̣н̣ино;
‘‘Dasete dasadhā kāyā, sabbe nānattavaṇṇino;
ид̣̇д̇химанд̇о ж̇уд̇иманд̇о, ван̣н̣аванд̇о яасассино;
Iddhimanto jutimanto, vaṇṇavanto yasassino;
мод̣̇амаанаа абхиггаамум̣, бхигкуунам̣ самид̇им̣ ванам̣.
Modamānā abhikkāmuṃ, bhikkhūnaṃ samitiṃ vanaṃ.
‘‘садтзд̇з д̣̇званигааяаа, саб̣б̣з наанад̇д̇аван̣н̣ино;
‘‘Saṭṭhete devanikāyā, sabbe nānattavaṇṇino;
нааманваязна ааг̇ажчум̣ 49, яз жан̃н̃з сад̣̇исаа саха.
Nāmanvayena āgacchuṃ 50, ye caññe sadisā saha.
‘‘‘бавудтаж̇аад̇имакилам̣ 51, огхад̇ин̣н̣аманаасавам̣;
‘‘‘Pavuṭṭhajātimakhilaṃ 52, oghatiṇṇamanāsavaṃ;
д̣̇агкзмогхад̇арам̣ нааг̇ам̣, жанд̣̇ам̣ва асид̇аад̇иг̇ам̣’.
Dakkhemoghataraṃ nāgaṃ, candaṃva asitātigaṃ’.
341.‘‘суб̣рахмаа барамад̇д̇о жа 53, буд̇д̇аа ид̣̇д̇химад̇о саха.
341.‘‘Subrahmā paramatto ca 54, puttā iddhimato saha.
санан̇гумааро д̇иссо жа, собааг̇а самид̇им̣ ванам̣.
Sanaṅkumāro tisso ca, sopāga samitiṃ vanaṃ.
‘‘сахассам̣ б̣рахмалогаанам̣, махааб̣рахмаабхид̇идтад̇и;
‘‘Sahassaṃ brahmalokānaṃ, mahābrahmābhitiṭṭhati;
убабанно ж̇уд̇иманд̇о, бхисмаагааяо яасассисо.
Upapanno jutimanto, bhismākāyo yasassiso.
‘‘д̣̇асзд̇т̇а иссараа ааг̇ум̣, бажжзгавасавад̇д̇ино;
‘‘Dasettha issarā āguṃ, paccekavasavattino;
д̇зсан̃жа маж̇жхад̇о ааг̇а, хаарид̇о бариваарид̇о.
Tesañca majjhato āga, hārito parivārito.
342.‘‘д̇з жа саб̣б̣з абхигганд̇з, саинд̣̇з 55 д̣̇звз саб̣рахмагз.
342.‘‘Te ca sabbe abhikkante, sainde 56 deve sabrahmake.
маарасзнаа абхиггаами, басса ган̣хасса манд̣̇ияам̣.
Mārasenā abhikkāmi, passa kaṇhassa mandiyaṃ.
‘‘‘зт̇а г̇ан̣хат̇а б̣анд̇хат̇а, рааг̇зна б̣ад̣̇д̇хамад̇т̇у во;
‘‘‘Etha gaṇhatha bandhatha, rāgena baddhamatthu vo;
саманд̇аа бариваарзт̇а, маа во мун̃жид̇т̇а гожи нам̣’.
Samantā parivāretha, mā vo muñcittha koci naṃ’.
‘‘ид̇и д̇ад̇т̇а махаасзно, ган̣хо сзнам̣ абзсаяи;
‘‘Iti tattha mahāseno, kaṇho senaṃ apesayi;
баан̣инаа д̇аламаахажжа, сарам̣ гад̇ваана бхзравам̣.
Pāṇinā talamāhacca, saraṃ katvāna bheravaṃ.
‘‘яат̇аа баавуссаго мзгхо, т̇анаяанд̇о савиж̇ж̇уго; +
‘‘Yathā pāvussako megho, thanayanto savijjuko; +
д̇ад̣̇аа со бажжуд̣̇аавад̇д̇и, сан̇гуд̣̇д̇хо асаяам̣васз 57.
Tadā so paccudāvatti, saṅkuddho asayaṃvase 58.
343. д̇ан̃жа саб̣б̣ам̣ абхин̃н̃ааяа, вавад̇т̇ид̇ваана жагкумаа.
343. Tañca sabbaṃ abhiññāya, vavatthitvāna cakkhumā.
д̇ад̇о ааманд̇аяий сад̇т̇аа, саавагз саасанз рад̇з.
Tato āmantayī satthā, sāvake sāsane rate.
‘‘маарасзнаа абхигганд̇аа, д̇з виж̇аанаат̇а бхигкаво;
‘‘Mārasenā abhikkantā, te vijānātha bhikkhavo;
д̇з жа аад̇аббамагарум̣, суд̇ваа б̣уд̣̇д̇хасса саасанам̣;
Te ca ātappamakaruṃ, sutvā buddhassa sāsanaṃ;
вийд̇арааг̇зхи баггаамум̣, нзсам̣ ломааби ин̃ж̇аяум̣.
Vītarāgehi pakkāmuṃ, nesaṃ lomāpi iñjayuṃ.
‘‘‘саб̣б̣з виж̇ид̇асан̇г̇аамаа, бхаяаад̇ийд̇аа яасассино;
‘‘‘Sabbe vijitasaṅgāmā, bhayātītā yasassino;
мод̣̇анд̇и саха бхууд̇зхи, саавагаа д̇з ж̇анзсуд̇аа’’д̇и.
Modanti saha bhūtehi, sāvakā te janesutā’’ti.
махаасамаяасуд̇д̇ам̣ нидтид̇ам̣ сад̇д̇амам̣.
Mahāsamayasuttaṃ niṭṭhitaṃ sattamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / д̣̇ийгха нигааяа (адтагат̇аа) • Dīgha nikāya (aṭṭhakathā) / 7. махаасамаяасуд̇д̇аван̣н̣анаа • 7. Mahāsamayasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / д̣̇ийгханигааяа (дийгаа) • Dīghanikāya (ṭīkā) / 7. махаасамаяасуд̇д̇аван̣н̣анаа • 7. Mahāsamayasuttavaṇṇanā
