Library / Tipiṭaka / д̇ибидага • Tipiṭaka / д̣̇ийгха нигааяа (адтагат̇аа) • Dīgha nikāya (aṭṭhakathā)

    7. махаасамаяасуд̇д̇аван̣н̣анаа

    7. Mahāsamayasuttavaṇṇanā

    нид̣̇аанаван̣н̣анаа

    Nidānavaṇṇanā

    331. звам̣ мз суд̇анд̇и махаасамаяасуд̇д̇ам̣. д̇ад̇рааяамабуб̣б̣абад̣̇аван̣н̣анаа – саггзсууд̇и амб̣адтасуд̇д̇з вуд̇д̇зна уббад̇д̇инаязна ‘‘сагяаа вад̇а, бхо гумаараа’’д̇и уд̣̇аанам̣ бадижжа саггаад̇и лад̣̇д̇ханаамаанам̣ рааж̇агумаараанам̣ ниваасо згоби ж̇анабад̣̇о рул̣хийсад̣̇д̣̇зна ‘‘саггаа’’д̇и вужжад̇и, д̇асмим̣ саггзсу ж̇анабад̣̇з. махааванзд̇и саяам̣ж̇аад̇з аробид̇з химаванд̇зна сад̣̇д̇хим̣ згааб̣ад̣̇д̇хз махад̇и ванз. саб̣б̣зхзва араханд̇зхийд̇и имам̣ суд̇д̇ам̣ гат̇ид̇ад̣̇ивасзязва бад̇д̇аарахад̇д̇зхи.

    331.Evaṃme sutanti mahāsamayasuttaṃ. Tatrāyamapubbapadavaṇṇanā – sakkesūti ambaṭṭhasutte vuttena uppattinayena ‘‘sakyā vata, bho kumārā’’ti udānaṃ paṭicca sakkāti laddhanāmānaṃ rājakumārānaṃ nivāso ekopi janapado ruḷhīsaddena ‘‘sakkā’’ti vuccati, tasmiṃ sakkesu janapade. Mahāvaneti sayaṃjāte aropite himavantena saddhiṃ ekābaddhe mahati vane. Sabbeheva arahantehīti imaṃ suttaṃ kathitadivaseyeva pattaarahattehi.

    д̇ад̇рааяам̣ анубуб̣б̣игат̇аа – саагияаголияаа гира габилавад̇т̇унаг̇арасса жа голияанаг̇арасса жа анд̇арз рохин̣им̣ наама над̣̇им̣ згзнзва ааваран̣зна б̣анд̇хаабзд̇ваа сассаани гаронд̇и, ат̇а ж̇здтамууламаасз сассзсу милааяанд̇зсу убхаяанаг̇араваасигаанамби гаммагараа саннибад̇им̣су. д̇ад̇т̇а голияанаг̇араваасино аахам̣су – ‘‘ид̣̇ам̣ уд̣̇агам̣ убхад̇о харияамаанам̣ на д̇умхаагам̣ на амхаагам̣ бахоссад̇и, амхаагам̣ бана сассам̣ згзна уд̣̇агзнзва нибпаж̇ж̇иссад̇и, ид̣̇ам̣ уд̣̇агам̣ амхаагам̣ д̣̇зт̇аа’’д̇и. габилавад̇т̇унаг̇араваасино аахам̣су – ‘‘д̇умхзсу годтз буурзд̇ваа тид̇зсу маяам̣ рад̇д̇асуван̣н̣анийламан̣игаал̣агахаабан̣з жа г̇ахзд̇ваа бажчибасиб̣б̣агаад̣̇ихад̇т̇аа на сагкиссаама д̇умхаагам̣ гхарад̣̇ваарз вижарид̇ум̣, амхаагамби сассам̣ згзнзва уд̣̇агзна нибпаж̇ж̇иссад̇и, ид̣̇ам̣ уд̣̇агам̣ амхаагам̣ д̣̇зт̇аа’’д̇и. ‘‘на маяам̣ д̣̇ассаамаа’’д̇и. ‘‘маяамби на д̣̇ассаамаа’’д̇и. звам̣ галахам̣ вад̣дхзд̇ваа зго удтааяа згасса бахаарам̣ ад̣̇ааси, соби ан̃н̃ассаад̇и звам̣ ан̃н̃аман̃н̃ам̣ бахарид̇ваа рааж̇агулаанам̣ ж̇аад̇им̣ гхаддзд̇ваа галахам̣ вад̣дхаяим̣су.

    Tatrāyaṃ anupubbikathā – sākiyakoliyā kira kapilavatthunagarassa ca koliyanagarassa ca antare rohiṇiṃ nāma nadiṃ ekeneva āvaraṇena bandhāpetvā sassāni karonti, atha jeṭṭhamūlamāse sassesu milāyantesu ubhayanagaravāsikānampi kammakarā sannipatiṃsu. Tattha koliyanagaravāsino āhaṃsu – ‘‘idaṃ udakaṃ ubhato hariyamānaṃ na tumhākaṃ na amhākaṃ pahossati, amhākaṃ pana sassaṃ ekena udakeneva nipphajjissati, idaṃ udakaṃ amhākaṃ dethā’’ti. Kapilavatthunagaravāsino āhaṃsu – ‘‘tumhesu koṭṭhe pūretvā ṭhitesu mayaṃ rattasuvaṇṇanīlamaṇikāḷakahāpaṇe ca gahetvā pacchipasibbakādihatthā na sakkhissāma tumhākaṃ gharadvāre vicarituṃ, amhākampi sassaṃ ekeneva udakena nipphajjissati, idaṃ udakaṃ amhākaṃ dethā’’ti. ‘‘Na mayaṃ dassāmā’’ti. ‘‘Mayampi na dassāmā’’ti. Evaṃ kalahaṃ vaḍḍhetvā eko uṭṭhāya ekassa pahāraṃ adāsi, sopi aññassāti evaṃ aññamaññaṃ paharitvā rājakulānaṃ jātiṃ ghaṭṭetvā kalahaṃ vaḍḍhayiṃsu.

    голияагаммагараа вад̣̇анд̇и – ‘‘д̇умхз габилавад̇т̇уваасигз г̇ахзд̇ваа г̇аж̇ж̇ат̇а, яз сон̣асин̇г̇аалаад̣̇аяо вияа ад̇д̇ано бхаг̇инийхи сад̣̇д̇хим̣ сам̣васим̣су. зд̇зсам̣ хад̇т̇ино жа ассаа жа палагаавуд̇хаани жа амхаагам̣ гим̣ гариссанд̇ий’’д̇и? саагияагаммагарааби вад̣̇анд̇и – ‘‘д̇умхз д̣̇аани гудтино д̣̇аарагз г̇ахзд̇ваа г̇аж̇ж̇ат̇а, яз анаат̇аа ниг̇г̇ад̇игаа д̇иражчаанаа вияа голаругкз васим̣су, зд̇зсам̣ хад̇т̇ино жа ассаа жа палагаавуд̇хаани жа амхаагам̣ гим̣ гариссанд̇ий’’д̇и? д̇з г̇анд̇ваа д̇асмим̣ гаммз нияуд̇д̇аамажжаанам̣ гат̇зсум̣, амажжаа рааж̇агулаанам̣ гат̇зсум̣, д̇ад̇о саагияаа – ‘‘бхаг̇инийхи сад̣̇д̇хим̣ сам̣ваасигаанам̣ т̇ааман̃жа б̣алан̃жа д̣̇ассзссаамаа’’д̇и яуд̣̇д̇хасаж̇ж̇аа нигкамим̣су. голияааби – ‘‘голаругкаваасийнам̣ т̇ааман̃жа б̣алан̃жа д̣̇ассзссаамаа’’д̇и яуд̣̇д̇хасаж̇ж̇аа нигкамим̣су.

    Koliyakammakarā vadanti – ‘‘tumhe kapilavatthuvāsike gahetvā gajjatha, ye soṇasiṅgālādayo viya attano bhaginīhi saddhiṃ saṃvasiṃsu. Etesaṃ hatthino ca assā ca phalakāvudhāni ca amhākaṃ kiṃ karissantī’’ti? Sākiyakammakarāpi vadanti – ‘‘tumhe dāni kuṭṭhino dārake gahetvā gajjatha, ye anāthā niggatikā tiracchānā viya kolarukkhe vasiṃsu, etesaṃ hatthino ca assā ca phalakāvudhāni ca amhākaṃ kiṃ karissantī’’ti? Te gantvā tasmiṃ kamme niyuttaamaccānaṃ kathesuṃ, amaccā rājakulānaṃ kathesuṃ, tato sākiyā – ‘‘bhaginīhi saddhiṃ saṃvāsikānaṃ thāmañca balañca dassessāmā’’ti yuddhasajjā nikkhamiṃsu. Koliyāpi – ‘‘kolarukkhavāsīnaṃ thāmañca balañca dassessāmā’’ti yuddhasajjā nikkhamiṃsu.

    бхаг̇авааби рад̇д̇ияаа бажжуусасамаязва махаагарун̣аасамаабад̇д̇ид̇о вудтааяа логам̣ вологзнд̇о имз звам̣ яуд̣̇д̇хасаж̇ж̇з нигкаманд̇з ад̣̇д̣̇аса. д̣̇исваа – ‘‘маяи г̇ад̇з аяам̣ галахо вуубасамиссад̇и ну ко уд̣̇ааху но’’д̇и убад̇хаарзнд̇о – ‘‘ахамзд̇т̇а г̇анд̇ваа галахавуубасаманад̇т̇ам̣ д̇ийн̣и ж̇аад̇агаани гат̇зссаами, д̇ад̇о галахо вуубасамиссад̇и. ат̇а саамаг̇г̇ид̣̇ийбанад̇т̇ааяа д̣̇вз ж̇аад̇агаани гат̇зд̇ваа ад̇д̇ад̣̇ан̣д̣асуд̇д̇ам̣ д̣̇зсзссаами. д̣̇зсанам̣ суд̇ваа убхаяанаг̇араваасиноби ад̣дхад̇ияаани ад̣дхад̇ияаани гумаарасад̇аани д̣̇ассанд̇и, ахам̣ д̇з баб̣б̣аж̇иссаами, д̇ад̣̇аа махаасамааг̇амо бхависсад̇ий’’д̇и саннидтаанамагааси. д̇асмаа имзсу яуд̣̇д̇хасаж̇ж̇зсу нигкаманд̇зсу гассажи анаарожзд̇ваа саяамзва бад̇д̇ажийварамаад̣̇ааяа г̇анд̇ваа д̣̇виннам̣ сзнаанам̣ анд̇арз аагаасз баллан̇гам̣ аабхуж̇ид̇ваа чаб̣б̣ан̣н̣арасмияо виссаж̇ж̇зд̇ваа нисийд̣̇и.

    Bhagavāpi rattiyā paccūsasamayeva mahākaruṇāsamāpattito vuṭṭhāya lokaṃ volokento ime evaṃ yuddhasajje nikkhamante addasa. Disvā – ‘‘mayi gate ayaṃ kalaho vūpasamissati nu kho udāhu no’’ti upadhārento – ‘‘ahamettha gantvā kalahavūpasamanatthaṃ tīṇi jātakāni kathessāmi, tato kalaho vūpasamissati. Atha sāmaggidīpanatthāya dve jātakāni kathetvā attadaṇḍasuttaṃ desessāmi. Desanaṃ sutvā ubhayanagaravāsinopi aḍḍhatiyāni aḍḍhatiyāni kumārasatāni dassanti, ahaṃ te pabbajissāmi, tadā mahāsamāgamo bhavissatī’’ti sanniṭṭhānamakāsi. Tasmā imesu yuddhasajjesu nikkhamantesu kassaci anārocetvā sayameva pattacīvaramādāya gantvā dvinnaṃ senānaṃ antare ākāse pallaṅkaṃ ābhujitvā chabbaṇṇarasmiyo vissajjetvā nisīdi.

    габилавад̇т̇уваасино бхаг̇аванд̇ам̣ д̣̇исваава – ‘‘амхаагам̣ н̃аад̇исздто сад̇т̇аа ааг̇ад̇о, д̣̇идто ну ко д̇зна амхаагам̣ галахагааран̣абхааво’’д̇и жинд̇зд̇ваа – ‘‘на ко бана саггаа бхаг̇авад̇и ааг̇ад̇з амхзхи барасса сарийрз сад̇т̇ам̣ баад̇зд̇ум̣, голияанаг̇араваасино амхз хананд̇у ваа бажанд̇у ваа’’д̇и аавуд̇хаани чад̣д̣зд̇ваа бхаг̇аванд̇ам̣ ванд̣̇ид̇ваа нисийд̣̇им̣су. голияанаг̇араваасиноби д̇ат̇зва жинд̇зд̇ваа аавуд̇хаани чад̣д̣зд̇ваа бхаг̇аванд̇ам̣ ванд̣̇ид̇ваа нисийд̣̇им̣су.

    Kapilavatthuvāsino bhagavantaṃ disvāva – ‘‘amhākaṃ ñātiseṭṭho satthā āgato, diṭṭho nu kho tena amhākaṃ kalahakāraṇabhāvo’’ti cintetvā – ‘‘na kho pana sakkā bhagavati āgate amhehi parassa sarīre satthaṃ pātetuṃ, koliyanagaravāsino amhe hanantu vā pacantu vā’’ti āvudhāni chaḍḍetvā bhagavantaṃ vanditvā nisīdiṃsu. Koliyanagaravāsinopi tatheva cintetvā āvudhāni chaḍḍetvā bhagavantaṃ vanditvā nisīdiṃsu.

    бхаг̇аваа ж̇аананд̇ова – ‘‘гасмаа ааг̇ад̇ад̇т̇а махаарааж̇аа’’д̇и бужчи. бхаг̇аваа, на д̇ид̇т̇агийл̣ааяа на баб̣б̣ад̇агийл̣ааяа на над̣̇ийгийл̣ааяа на г̇ирид̣̇ассанад̇т̇ам̣, имасмим̣ бана таанз сан̇г̇аамам̣ бажжубадтабзд̇ваа ааг̇ад̇амхаад̇и. гим̣ ниссааяа во галахо махаарааж̇аад̇и? уд̣̇агам̣, бханд̇зд̇и. уд̣̇агам̣ гим̣ аг̇гхад̇и махаарааж̇аад̇и? аббаг̇гхам̣, бханд̇зд̇и. бат̇авий наама гим̣ аг̇гхад̇и махаарааж̇аад̇и? анаг̇гхаа, бханд̇зд̇и. кад̇д̇ияаа гим̣ аг̇гханд̇и махаарааж̇аад̇и? кад̇д̇ияаа наама анаг̇гхаа бханд̇зд̇и. аббамуулагам̣ уд̣̇агам̣ ниссааяа гимад̇т̇ам̣ анаг̇гхз кад̇д̇ияз наасзт̇а, махаарааж̇аад̇и? ‘‘галахз ассаад̣̇о наама над̇т̇и, галахавасзна махаарааж̇аа адтаанз взрам̣ гад̇ваа згааяа ругкад̣̇звад̇ааяа гаал̣асийхзна сад̣̇д̇хим̣ б̣ад̣̇д̇хаагхаад̇о сагаламби имам̣ габбам̣ ануббад̇д̇оязваа’’д̇и вад̇ваа панд̣̇анаж̇аад̇агам̣ гат̇зси. д̇ад̇о ‘‘барабад̇д̇иязна наама махаарааж̇аа на бхавид̇аб̣б̣ам̣. барабад̇д̇ияаа худ̇ваа хи згасса сасагасса гат̇ааяа д̇ияож̇анасахассавид̇т̇ад̇з химаванд̇з жад̇уббад̣̇аг̇ан̣аа махаасамуд̣̇д̣̇ам̣ багканд̣̇ино ахзсум̣. д̇асмаа барабад̇д̇иязна на бхавид̇аб̣б̣а’’нд̇и вад̇ваа бат̇авийунд̣̇рияаж̇аад̇агам̣ гат̇зси. д̇ад̇о – ‘‘гад̣̇аажи, махаарааж̇аа, д̣̇уб̣б̣алоби махаб̣б̣аласса ранд̇хам̣ виварам̣ бассад̇и, гад̣̇аажи махаб̣б̣ало д̣̇уб̣б̣аласса. ладугигааби хи сагун̣игаа хад̇т̇инааг̇ам̣ гхаад̇зсий’’д̇и вад̇ваа ладугигаж̇аад̇агам̣ гат̇зси. звам̣ галахавуубасамад̇т̇ааяа д̇ийн̣и ж̇аад̇агаани гат̇зд̇ваа саамаг̇г̇ибарид̣̇ийбанад̇т̇ааяа д̣̇вз ж̇аад̇агаани гат̇зси. гат̇ам̣? самаг̇г̇аанан̃хи махаарааж̇аа гожи од̇аарам̣ наама бассид̇ум̣ на саггод̇ийд̇и вад̇ваа ругкад̇хаммаж̇аад̇агам̣ гат̇зси. д̇ад̇о ‘‘самаг̇г̇аанам̣ махаарааж̇аа гожи виварам̣ бассид̇ум̣ наасагки. яад̣̇аа бана ан̃н̃аман̃н̃ам̣ виваад̣̇амагам̣су, ат̇а д̇з нзсаад̣̇абуд̇д̇о ж̇ийвид̇аа воробзд̇ваа аад̣̇ааяа г̇ад̇о. виваад̣̇з ассаад̣̇о наама над̇т̇ий’’д̇и вад̇ваа ваддагаж̇аад̇агам̣ гат̇зси. звам̣ имаани бан̃жа ж̇аад̇агаани гат̇зд̇ваа авасаанз ад̇д̇ад̣̇ан̣д̣асуд̇д̇ам̣ гат̇зси.

    Bhagavā jānantova – ‘‘kasmā āgatattha mahārājā’’ti pucchi. Bhagavā, na titthakīḷāya na pabbatakīḷāya na nadīkīḷāya na giridassanatthaṃ, imasmiṃ pana ṭhāne saṅgāmaṃ paccupaṭṭhapetvā āgatamhāti. Kiṃ nissāya vo kalaho mahārājāti? Udakaṃ, bhanteti. Udakaṃ kiṃ agghati mahārājāti? Appagghaṃ, bhanteti. Pathavī nāma kiṃ agghati mahārājāti? Anagghā, bhanteti. Khattiyā kiṃ agghanti mahārājāti? Khattiyā nāma anagghā bhanteti. Appamūlakaṃ udakaṃ nissāya kimatthaṃ anagghe khattiye nāsetha, mahārājāti? ‘‘Kalahe assādo nāma natthi, kalahavasena mahārājā aṭṭhāne veraṃ katvā ekāya rukkhadevatāya kāḷasīhena saddhiṃ baddhāghāto sakalampi imaṃ kappaṃ anuppattoyevā’’ti vatvā phandanajātakaṃ kathesi. Tato ‘‘parapattiyena nāma mahārājā na bhavitabbaṃ. Parapattiyā hutvā hi ekassa sasakassa kathāya tiyojanasahassavitthate himavante catuppadagaṇā mahāsamuddaṃ pakkhandino ahesuṃ. Tasmā parapattiyena na bhavitabba’’nti vatvā pathavīundriyajātakaṃ kathesi. Tato – ‘‘kadāci, mahārājā, dubbalopi mahabbalassa randhaṃ vivaraṃ passati, kadāci mahabbalo dubbalassa. Laṭukikāpi hi sakuṇikā hatthināgaṃ ghātesī’’ti vatvā laṭukikajātakaṃ kathesi. Evaṃ kalahavūpasamatthāya tīṇi jātakāni kathetvā sāmaggiparidīpanatthāya dve jātakāni kathesi. Kathaṃ? Samaggānañhi mahārājā koci otāraṃ nāma passituṃ na sakkotīti vatvā rukkhadhammajātakaṃ kathesi. Tato ‘‘samaggānaṃ mahārājā koci vivaraṃ passituṃ nāsakkhi. Yadā pana aññamaññaṃ vivādamakaṃsu, atha te nesādaputto jīvitā voropetvā ādāya gato. Vivāde assādo nāma natthī’’ti vatvā vaṭṭakajātakaṃ kathesi. Evaṃ imāni pañca jātakāni kathetvā avasāne attadaṇḍasuttaṃ kathesi.

    рааж̇аано басаннаа – ‘‘сажз сад̇т̇аа нааг̇амисса, маяам̣ сахад̇т̇аа ан̃н̃аман̃н̃ам̣язва вад̇хид̇ваа лохид̇анад̣̇им̣ бавад̇д̇аяиссаама, амхаагам̣ буд̇д̇абхаад̇аро г̇зхад̣̇ваарз на бассзяяаама, саасанабадисаасанамби но аахаран̣аго на бхависсад̇и. сад̇т̇аарам̣ ниссааяа но ж̇ийвид̇ам̣ лад̣̇д̇хам̣. сажз бана сад̇т̇аа аг̇аарам̣ аж̇жхаавасисса, д̣̇висахассад̣̇ийбабариваарзсу жад̇уусу махаад̣̇ийбзсу раж̇ж̇амасса хад̇т̇аг̇ад̇ам̣ абхависса, ад̇ирзгасахассам̣ ко банасса буд̇д̇аа абхависсам̣су, д̇ад̇о кад̇д̇ияабариваарова авижарисса. д̇ам̣ ко банзса самбад̇д̇им̣ бахааяа нигкамид̇ваа самб̣од̇хим̣ бад̇д̇о, ид̣̇ааниби кад̇д̇ияабариваароязва вижарад̇уу’’д̇и убхаяанаг̇араваасино ад̣дхад̇ияаани ад̣дхад̇ияаани гумаарасад̇аани ад̣̇ам̣су. бхаг̇аваа д̇з баб̣б̣ааж̇зд̇ваа махааванам̣ аг̇амааси. д̇зсам̣ г̇аруг̇аарававасзна на ад̇д̇ано ружияаа баб̣б̣аж̇ид̇аанам̣ анабхирад̇и уббаж̇ж̇и. бураан̣ад̣̇уд̇ияигааяоби нзсам̣ ‘‘аяяабуд̇д̇аа угган̣танд̇у, гхарааваасо на сан̣таад̇ий’’д̇иаад̣̇ийни вад̇ваа саасанам̣ бзсзнд̇и. д̇з ад̇ирзгад̇арам̣ угган̣тим̣су.

    Rājāno pasannā – ‘‘sace satthā nāgamissa, mayaṃ sahatthā aññamaññaṃyeva vadhitvā lohitanadiṃ pavattayissāma, amhākaṃ puttabhātaro gehadvāre na passeyyāma, sāsanapaṭisāsanampi no āharaṇako na bhavissati. Satthāraṃ nissāya no jīvitaṃ laddhaṃ. Sace pana satthā agāraṃ ajjhāvasissa, dvisahassadīpaparivāresu catūsu mahādīpesu rajjamassa hatthagataṃ abhavissa, atirekasahassaṃ kho panassa puttā abhavissaṃsu, tato khattiyaparivārova avicarissa. Taṃ kho panesa sampattiṃ pahāya nikkhamitvā sambodhiṃ patto, idānipi khattiyaparivāroyeva vicaratū’’ti ubhayanagaravāsino aḍḍhatiyāni aḍḍhatiyāni kumārasatāni adaṃsu. Bhagavā te pabbājetvā mahāvanaṃ agamāsi. Tesaṃ garugāravavasena na attano ruciyā pabbajitānaṃ anabhirati uppajji. Purāṇadutiyikāyopi nesaṃ ‘‘ayyaputtā ukkaṇṭhantu, gharāvāso na saṇṭhātī’’tiādīni vatvā sāsanaṃ pesenti. Te atirekataraṃ ukkaṇṭhiṃsu.

    бхаг̇аваа ааваж̇ж̇анд̇о д̇зсам̣ анабхирад̇абхаавам̣ н̃ад̇ваа ‘‘имз бхигкуу маад̣̇исзна б̣уд̣̇д̇хзна сад̣̇д̇хим̣ згад̇о васанд̇аа угган̣танд̇и, ханд̣̇а нзсам̣ гун̣аалад̣̇ахасса ван̣н̣ам̣ гат̇зд̇ваа д̇ад̇т̇а нзд̇ваа анабхирад̇им̣ винод̣̇зссаамий’’д̇и гун̣аалад̣̇ахасса ван̣н̣ам̣ гат̇зси. д̇з д̇ам̣ д̣̇адтугаамаа ахзсум̣. д̣̇адтугаамад̇т̇а, бхигкавз, гун̣аалад̣̇аханд̇и? аама бхаг̇аваад̇и. яад̣̇и звам̣, зт̇а, г̇ажчаамаад̇и. ид̣̇д̇химанд̇аанам̣ бхаг̇аваа г̇аманадтаанам̣ маяам̣ гат̇ам̣ г̇амиссаамаад̇и? д̇умхз г̇анд̇угаамаа хот̇а, ахам̣ мамаанубхаавзна г̇ахзд̇ваа г̇амиссаамийд̇и. саад̇ху, бханд̇зд̇и. ат̇а бхаг̇аваа бан̃жа бхигкусад̇аани г̇ахзд̇ваа аагаасз уббад̇ид̇ваа гун̣аалад̣̇ахз бад̇идтааяа д̇з бхигкуу ааха – ‘‘бхигкавз, имасмим̣ гун̣аалад̣̇ахз язсам̣ мажчаанам̣ наамам̣ на ж̇аанаат̇а, д̇зсам̣ наамам̣ бужчат̇аа’’д̇и.

    Bhagavā āvajjanto tesaṃ anabhiratabhāvaṃ ñatvā ‘‘ime bhikkhū mādisena buddhena saddhiṃ ekato vasantā ukkaṇṭhanti, handa nesaṃ kuṇāladahassa vaṇṇaṃ kathetvā tattha netvā anabhiratiṃ vinodessāmī’’ti kuṇāladahassa vaṇṇaṃ kathesi. Te taṃ daṭṭhukāmā ahesuṃ. Daṭṭhukāmattha, bhikkhave, kuṇāladahanti? Āma bhagavāti. Yadi evaṃ, etha, gacchāmāti. Iddhimantānaṃ bhagavā gamanaṭṭhānaṃ mayaṃ kathaṃ gamissāmāti? Tumhe gantukāmā hotha, ahaṃ mamānubhāvena gahetvā gamissāmīti. Sādhu, bhanteti. Atha bhagavā pañca bhikkhusatāni gahetvā ākāse uppatitvā kuṇāladahe patiṭṭhāya te bhikkhū āha – ‘‘bhikkhave, imasmiṃ kuṇāladahe yesaṃ macchānaṃ nāmaṃ na jānātha, tesaṃ nāmaṃ pucchathā’’ti.

    д̇з бужчим̣су, бхаг̇аваа бужчид̇абужчид̇ам̣ гат̇зси. на гзвалам̣ мажчаанам̣язва, д̇асмим̣ ванасан̣д̣з ругкаанамби баб̣б̣ад̇абаад̣̇з д̣̇вибад̣̇ажад̇уббад̣̇асагун̣аанамби наамаани бужчаабзд̇ваа гат̇зси. ат̇а д̣̇вийхи сагун̣зхи мукад̇ун̣д̣агзна д̣ам̣сид̇ваа г̇ахид̇ад̣̇ан̣д̣агз нисинно гун̣ааласагун̣арааж̇аа бурад̇о бажчад̇о убхосу бассзсу сагун̣асан̇гхабаривуд̇о ааг̇ажчад̇и. бхигкуу д̇ам̣ д̣̇исваа – ‘‘зса, бханд̇з, имзсам̣ сагун̣аанам̣ рааж̇аа бхависсад̇и, бариваараа зд̇з зд̇ассаа’’д̇и ман̃н̃аамаад̇и. звамзва, бхигкавз, аяамби мама вам̣со мама бавзн̣ийд̇и. ид̣̇аани д̇аава маяам̣, бханд̇з, зд̇з сагун̣з бассаама. яам̣ бана бхаг̇аваа ‘‘аяамби мама вам̣со мама бавзн̣ий’’д̇и ааха, д̇ам̣ сод̇угаамамхаад̇и. сод̇угаамад̇т̇а бхигкавзд̇и? аама, бхаг̇аваад̇и. д̇зна хи сун̣аат̇аад̇и д̇ийхи г̇аат̇аасад̇зхи ман̣д̣зд̇ваа гун̣аалаж̇аад̇агам̣ гат̇знд̇о анабхирад̇им̣ винод̣̇зси. д̣̇зсанаабарияосаанз саб̣б̣зби сод̇аабад̇д̇ипалз бад̇идтахим̣су, маг̇г̇знзва жа нзсам̣ ид̣̇д̇хиби ааг̇ад̇аа. бхаг̇аваа – ‘‘ход̇у д̇аава зд̇д̇агам̣ зд̇зсам̣ бхигкууна’’нд̇и аагаасз уббад̇ид̇ваа махааванамзва аг̇амааси. д̇зби бхигкуу г̇аманагаалз д̣̇асаб̣аласса аанубхаавзна г̇анд̇ваа ааг̇аманагаалз ад̇д̇ано аанубхаавзна бхаг̇аванд̇ам̣ бариваарзд̇ваа махааванз од̇арим̣су.

    Te pucchiṃsu, bhagavā pucchitapucchitaṃ kathesi. Na kevalaṃ macchānaṃyeva, tasmiṃ vanasaṇḍe rukkhānampi pabbatapāde dvipadacatuppadasakuṇānampi nāmāni pucchāpetvā kathesi. Atha dvīhi sakuṇehi mukhatuṇḍakena ḍaṃsitvā gahitadaṇḍake nisinno kuṇālasakuṇarājā purato pacchato ubhosu passesu sakuṇasaṅghaparivuto āgacchati. Bhikkhū taṃ disvā – ‘‘esa, bhante, imesaṃ sakuṇānaṃ rājā bhavissati, parivārā ete etassā’’ti maññāmāti. Evameva, bhikkhave, ayampi mama vaṃso mama paveṇīti. Idāni tāva mayaṃ, bhante, ete sakuṇe passāma. Yaṃ pana bhagavā ‘‘ayampi mama vaṃso mama paveṇī’’ti āha, taṃ sotukāmamhāti. Sotukāmattha bhikkhaveti? Āma, bhagavāti. Tena hi suṇāthāti tīhi gāthāsatehi maṇḍetvā kuṇālajātakaṃ kathento anabhiratiṃ vinodesi. Desanāpariyosāne sabbepi sotāpattiphale patiṭṭhahiṃsu, maggeneva ca nesaṃ iddhipi āgatā. Bhagavā – ‘‘hotu tāva ettakaṃ etesaṃ bhikkhūna’’nti ākāse uppatitvā mahāvanameva agamāsi. Tepi bhikkhū gamanakāle dasabalassa ānubhāvena gantvā āgamanakāle attano ānubhāvena bhagavantaṃ parivāretvā mahāvane otariṃsu.

    бхаг̇аваа бан̃н̃ад̇д̇аасанз нисийд̣̇ид̇ваа д̇з бхигкуу ааманд̇зд̇ваа – ‘‘зт̇а, бхигкавз, нисийд̣̇ат̇а, убаримаг̇г̇ад̇д̇аяаваж̇жхаанам̣ во гилзсаанам̣ бахаанааяа гаммадтаанам̣ гат̇зссаамий’’д̇и гаммадтаанам̣ гат̇зси. бхигкуу жинд̇зсум̣ – ‘‘бхаг̇аваа амхаагам̣ анабхирад̇абхаавам̣ н̃ад̇ваа гун̣аалад̣̇ахам̣ нзд̇ваа анабхирад̇им̣ винод̣̇зси, д̇ад̇т̇а сод̇аабад̇д̇ипалаббад̇д̇аанам̣ но ид̣̇аани ид̇ха д̇ин̣н̣ам̣ маг̇г̇аанам̣ гаммадтаанам̣ ад̣̇ааси, на ко банамхзхи ‘сод̇аабаннаа маяа’нд̇и вийд̇инаамзд̇ум̣ ваддад̇и, уд̇д̇амабурисасад̣̇исзхи но бхавид̇ум̣ ваддад̇ий’’д̇и д̇з д̣̇асаб̣аласса баад̣̇з ванд̣̇ид̇ваа удтааяа нисийд̣̇анам̣ бабподзд̇ваа висум̣ висум̣ баб̣бхаараругкамуулзсу нисийд̣̇им̣су.

    Bhagavā paññattāsane nisīditvā te bhikkhū āmantetvā – ‘‘etha, bhikkhave, nisīdatha, uparimaggattayavajjhānaṃ vo kilesānaṃ pahānāya kammaṭṭhānaṃ kathessāmī’’ti kammaṭṭhānaṃ kathesi. Bhikkhū cintesuṃ – ‘‘bhagavā amhākaṃ anabhiratabhāvaṃ ñatvā kuṇāladahaṃ netvā anabhiratiṃ vinodesi, tattha sotāpattiphalappattānaṃ no idāni idha tiṇṇaṃ maggānaṃ kammaṭṭhānaṃ adāsi, na kho panamhehi ‘sotāpannā maya’nti vītināmetuṃ vaṭṭati, uttamapurisasadisehi no bhavituṃ vaṭṭatī’’ti te dasabalassa pāde vanditvā uṭṭhāya nisīdanaṃ papphoṭetvā visuṃ visuṃ pabbhārarukkhamūlesu nisīdiṃsu.

    бхаг̇аваа жинд̇зси – ‘‘имз бхигкуу багад̇ияааби ависсадтагаммадтаанаа, лад̣̇д̇хубааяасса бана бхигкуно гиламанагааран̣ам̣ наама над̇т̇и. г̇ажчанд̇аа г̇ажчанд̇аа жа вибассанам̣ вад̣дхзд̇ваа арахад̇д̇ам̣ бад̇ваа – ‘‘ад̇д̇анаа ад̇д̇анаа бадилад̣̇д̇хаг̇ун̣ам̣ аарожзссаамаа’д̇и мама санд̇игам̣ ааг̇амиссанд̇и. зд̇зсу ааг̇ад̇зсу д̣̇асасахассажаггаваал̣з д̣̇звад̇аа згажаггаваал̣з саннибад̇иссанд̇и, махаасамаяо бхависсад̇и, вивид̇д̇з огаасз маяаа нисийд̣̇ид̇ум̣ ваддад̇ий’’д̇и. д̇ад̇о вивид̇д̇з огаасз б̣уд̣̇д̇хаасанам̣ бан̃н̃абзд̇ваа нисийд̣̇и.

    Bhagavā cintesi – ‘‘ime bhikkhū pakatiyāpi avissaṭṭhakammaṭṭhānā, laddhupāyassa pana bhikkhuno kilamanakāraṇaṃ nāma natthi. Gacchantā gacchantā ca vipassanaṃ vaḍḍhetvā arahattaṃ patvā – ‘‘attanā attanā paṭiladdhaguṇaṃ ārocessāmā’ti mama santikaṃ āgamissanti. Etesu āgatesu dasasahassacakkavāḷe devatā ekacakkavāḷe sannipatissanti, mahāsamayo bhavissati, vivitte okāse mayā nisīdituṃ vaṭṭatī’’ti. Tato vivitte okāse buddhāsanaṃ paññapetvā nisīdi.

    саб̣б̣абатамам̣ гаммадтаанам̣ г̇ахзд̇ваа г̇ад̇ат̇зро саха бадисамбхид̣̇аахи арахад̇д̇ам̣ баабун̣и. д̇ад̇о абаро д̇ад̇о абарод̇и бан̃жасад̇ааби бад̣̇уминияам̣ бад̣̇умаани вияа вигасим̣су. саб̣б̣абатамам̣ арахад̇д̇аббад̇д̇абхигку – ‘‘бхаг̇авад̇о аарожзссаамий’’д̇и баллан̇гам̣ виниб̣бхуж̇ид̇ваа нисийд̣̇анам̣ бабподзд̇ваа удтааяа д̣̇асаб̣алаабхимуко ахоси. звам̣ абароби абаробийд̇и бан̃жасад̇ааби бхад̇д̇асаалам̣ бависанд̇аа вияа бадибаадияаава ааг̇амам̣су. батамам̣ ааг̇ад̇о ванд̣̇ид̇ваа нисийд̣̇анам̣ бан̃н̃абзд̇ваа згаманд̇ам̣ нисийд̣̇ид̇ваа бадилад̣̇д̇хаг̇ун̣ам̣ аарожзд̇угаамо – ‘‘ад̇т̇и ну ко ан̃н̃о гожи, над̇т̇ий’’д̇и нивад̇д̇ид̇ваа ааг̇аманамаг̇г̇ам̣ ологзнд̇о абарамби ад̣̇д̣̇аса абарамби ад̣̇д̣̇аса. ид̇и саб̣б̣зби д̇з ааг̇анд̇ваа згаманд̇ам̣ нисийд̣̇ид̇ваа аяам̣ имасса харааяамаано на гат̇зси, аяам̣ имасса харааяамаано на гат̇зсийд̇и. кийн̣аасаваанам̣ гира д̣̇вз аагаараа хонд̇и – ‘‘ахо вад̇а маяаа бадилад̣̇д̇хаг̇ун̣ам̣ сад̣̇зваго лого киббамзва бадивиж̇жхзяяаа’’д̇и жид̇д̇ам̣ уббаж̇ж̇ад̇и. бадилад̣̇д̇хабхаавам̣ бана нид̇хилад̣̇д̇хабурисо вияа на ан̃н̃асса аарожзд̇угаамо ход̇и.

    Sabbapaṭhamaṃ kammaṭṭhānaṃ gahetvā gatathero saha paṭisambhidāhi arahattaṃ pāpuṇi. Tato aparo tato aparoti pañcasatāpi paduminiyaṃ padumāni viya vikasiṃsu. Sabbapaṭhamaṃ arahattappattabhikkhu – ‘‘bhagavato ārocessāmī’’ti pallaṅkaṃ vinibbhujitvā nisīdanaṃ papphoṭetvā uṭṭhāya dasabalābhimukho ahosi. Evaṃ aparopi aparopīti pañcasatāpi bhattasālaṃ pavisantā viya paṭipāṭiyāva āgamaṃsu. Paṭhamaṃ āgato vanditvā nisīdanaṃ paññapetvā ekamantaṃ nisīditvā paṭiladdhaguṇaṃ ārocetukāmo – ‘‘atthi nu kho añño koci, natthī’’ti nivattitvā āgamanamaggaṃ olokento aparampi addasa aparampi addasa. Iti sabbepi te āgantvā ekamantaṃ nisīditvā ayaṃ imassa harāyamāno na kathesi, ayaṃ imassa harāyamāno na kathesīti. Khīṇāsavānaṃ kira dve ākārā honti – ‘‘aho vata mayā paṭiladdhaguṇaṃ sadevako loko khippameva paṭivijjheyyā’’ti cittaṃ uppajjati. Paṭiladdhabhāvaṃ pana nidhiladdhapuriso viya na aññassa ārocetukāmo hoti.

    звам̣ осийд̣̇амад̇д̇з бана д̇асмим̣ арияаман̣д̣алз баажийнаяуг̇анд̇харабаригкзбад̇о аб̣бхаа, махигаа, д̇хуумо, раж̇о, раахууд̇и имзхи убаггилзсзхи виббамуд̇д̇ам̣ б̣уд̣̇д̇хуббаад̣̇абадиман̣д̣ид̇асса логасса рааман̣зяяагад̣̇ассанад̇т̇ам̣ баажийнад̣̇исааяа угкид̇д̇араж̇ад̇амаяамахаааад̣̇аасаман̣д̣алам̣ вияа, нзмиваддияам̣ г̇ахзд̇ваа баривад̇д̇ияамаанараж̇ад̇ажаггасассиригам̣ бун̣н̣ажанд̣̇аман̣д̣алам̣ уллан̇гхид̇ваа анилабат̇ам̣ бадибаж̇ж̇ид̇т̇а. ид̇и зваруубз кан̣з лаяз мухуд̇д̇з бхаг̇аваа саггзсу вихарад̇и габилавад̇т̇усмим̣ махааванз махад̇аа бхигкусан̇гхзна сад̣̇д̇хим̣ бан̃жамад̇д̇зхи бхигкусад̇зхи саб̣б̣зхзва араханд̇зхи.

    Evaṃ osīdamatte pana tasmiṃ ariyamaṇḍale pācīnayugandharaparikkhepato abbhā, mahikā, dhūmo, rajo, rāhūti imehi upakkilesehi vippamuttaṃ buddhuppādapaṭimaṇḍitassa lokassa rāmaṇeyyakadassanatthaṃ pācīnadisāya ukkhittarajatamayamahāādāsamaṇḍalaṃ viya, nemivaṭṭiyaṃ gahetvā parivattiyamānarajatacakkasassirikaṃ puṇṇacandamaṇḍalaṃ ullaṅghitvā anilapathaṃ paṭipajjittha. Iti evarūpe khaṇe laye muhutte bhagavā sakkesu viharati kapilavatthusmiṃ mahāvane mahatā bhikkhusaṅghena saddhiṃ pañcamattehi bhikkhusatehi sabbeheva arahantehi.

    д̇ад̇т̇а бхаг̇авааби махаасаммад̇асса вам̣сз уббанно, д̇зби бан̃жасад̇аа бхигкуу махаасаммад̇асса гулз уббаннаа. бхаг̇авааби кад̇д̇ияаг̇аб̣бхз ж̇аад̇о, д̇зби кад̇д̇ияаг̇аб̣бхз ж̇аад̇аа. бхаг̇авааби рааж̇абаб̣б̣аж̇ид̇о, д̇зби рааж̇абаб̣б̣аж̇ид̇аа. бхаг̇авааби сзд̇ажчад̇д̇ам̣ бахааяа хад̇т̇аг̇ад̇ам̣ жаггавад̇д̇ираж̇ж̇ам̣ ниссаж̇ж̇зд̇ваа баб̣б̣аж̇ид̇о, д̇зби сзд̇ажчад̇д̇ам̣ бахааяа хад̇т̇аг̇ад̇аани раж̇ж̇аани ниссаж̇ж̇зд̇ваа баб̣б̣аж̇ид̇аа. ид̇и бхаг̇аваа барисуд̣̇д̇хз огаасз барисуд̣̇д̇хз рад̇д̇ибхааг̇з саяам̣ барисуд̣̇д̇хо барисуд̣̇д̇хабаривааро вийд̇арааг̇о вийд̇арааг̇абаривааро вийд̇ад̣̇осо вийд̇ад̣̇осабаривааро вийд̇амохо вийд̇амохабаривааро нид̇д̇ан̣хо нид̇д̇ан̣хабаривааро ниггилзсо ниггилзсабаривааро санд̇о санд̇абаривааро д̣̇анд̇о д̣̇анд̇абаривааро муд̇д̇о муд̇д̇абаривааро ад̇ивияа вирожад̇ийд̇и. ван̣н̣абхууми наамзсаа, яад̇д̇агам̣ саггод̇и, д̇ад̇д̇агам̣ вад̇д̇аб̣б̣ам̣. ид̇и имз бхигкуу санд̇хааяа вуд̇д̇ам̣ – ‘‘бан̃жамад̇д̇зхи бхигкусад̇зхи саб̣б̣зхзва араханд̇зхий’’д̇и.

    Tattha bhagavāpi mahāsammatassa vaṃse uppanno, tepi pañcasatā bhikkhū mahāsammatassa kule uppannā. Bhagavāpi khattiyagabbhe jāto, tepi khattiyagabbhe jātā. Bhagavāpi rājapabbajito, tepi rājapabbajitā. Bhagavāpi setacchattaṃ pahāya hatthagataṃ cakkavattirajjaṃ nissajjetvā pabbajito, tepi setacchattaṃ pahāya hatthagatāni rajjāni nissajjetvā pabbajitā. Iti bhagavā parisuddhe okāse parisuddhe rattibhāge sayaṃ parisuddho parisuddhaparivāro vītarāgo vītarāgaparivāro vītadoso vītadosaparivāro vītamoho vītamohaparivāro nittaṇho nittaṇhaparivāro nikkileso nikkilesaparivāro santo santaparivāro danto dantaparivāro mutto muttaparivāro ativiya virocatīti. Vaṇṇabhūmi nāmesā, yattakaṃ sakkoti, tattakaṃ vattabbaṃ. Iti ime bhikkhū sandhāya vuttaṃ – ‘‘pañcamattehi bhikkhusatehi sabbeheva arahantehī’’ti.

    язбхуяязнаад̇и б̣ахуд̇араа саннибад̇ид̇аа, манд̣̇аа на саннибад̇ид̇аа асан̃н̃аа аруубааважарад̣̇звад̇аа самаабаннад̣̇звад̇аа жа. д̇ад̇рааяам̣ саннибаад̇аггамо махааванасса гира сааманд̇аа д̣̇звад̇аа жалим̣су – ‘‘ааяаама, бхо б̣уд̣̇д̇хад̣̇ассанам̣ наама б̣ахуубагаарам̣, д̇хаммассаванам̣ б̣ахуубагаарам̣, бхигкусан̇гхад̣̇ассанам̣ б̣ахуубагаарам̣, ааяаама ааяаамаа’’д̇и махаасад̣̇д̣̇ам̣ гурумаанаа ааг̇анд̇ваа бхаг̇аванд̇ан̃жа д̇ам̣мухуд̇д̇ам̣ арахад̇д̇аббад̇д̇акийн̣аасавз жа ванд̣̇ид̇ваа згаманд̇ам̣ адтам̣су. зд̇знзва убааязна д̇аасам̣ д̇аасам̣ сад̣̇д̣̇ам̣ суд̇ваа сад̣̇д̣̇анд̇араад̣дхаг̇аавуд̇аг̇аавуд̇аад̣дхаяож̇анаяож̇анаад̣̇ивасзна д̇ияож̇анасахассавид̇т̇ад̇з химаванд̇з, д̇игкад̇д̇ум̣ д̇зсадтияаа наг̇арасахассзсу, наванавуд̇ияаа д̣̇он̣амукасад̇асахассзсу, чаннавуд̇ияаа бадданагодисад̇асахассзсу, чабан̣н̣аасааяа рад̇анаагарзсууд̇и сагалаж̇амб̣уд̣̇ийбз, буб̣б̣авид̣̇зхз, абараг̇ояаанз, уд̇д̇арагурумхи, д̣̇вийсу барид̇д̇ад̣̇ийбасахассзсууд̇и сагалажаггаваал̣з, д̇ад̇о д̣̇уд̇ияад̇ад̇ияажаггаваал̣зд̇и звам̣ д̣̇асасахассажаггаваал̣зсу д̣̇звад̇аа саннибад̇ид̇аад̇и взд̣̇ид̇аб̣б̣аа. д̣̇асасахассажаггаваал̣ан̃хи ид̇ха д̣̇асалогад̇хаад̇уяод̇и ад̇хиббзд̇аа. д̇зна вуд̇д̇ам̣ – ‘‘д̣̇асахи жа логад̇хаад̇уухи д̣̇звад̇аа язбхуяязна саннибад̇ид̇аа хонд̇ий’’д̇и.

    Yebhuyyenāti bahutarā sannipatitā, mandā na sannipatitā asaññā arūpāvacaradevatā samāpannadevatā ca. Tatrāyaṃ sannipātakkamo mahāvanassa kira sāmantā devatā caliṃsu – ‘‘āyāma, bho buddhadassanaṃ nāma bahūpakāraṃ, dhammassavanaṃ bahūpakāraṃ, bhikkhusaṅghadassanaṃ bahūpakāraṃ, āyāma āyāmā’’ti mahāsaddaṃ kurumānā āgantvā bhagavantañca taṃmuhuttaṃ arahattappattakhīṇāsave ca vanditvā ekamantaṃ aṭṭhaṃsu. Eteneva upāyena tāsaṃ tāsaṃ saddaṃ sutvā saddantaraaḍḍhagāvutagāvutaaḍḍhayojanayojanādivasena tiyojanasahassavitthate himavante, tikkhattuṃ tesaṭṭhiyā nagarasahassesu, navanavutiyā doṇamukhasatasahassesu, channavutiyā paṭṭanakoṭisatasahassesu, chapaṇṇāsāya ratanākaresūti sakalajambudīpe, pubbavidehe, aparagoyāne, uttarakurumhi, dvīsu parittadīpasahassesūti sakalacakkavāḷe, tato dutiyatatiyacakkavāḷeti evaṃ dasasahassacakkavāḷesu devatā sannipatitāti veditabbā. Dasasahassacakkavāḷañhi idha dasalokadhātuyoti adhippetā. Tena vuttaṃ – ‘‘dasahi ca lokadhātūhi devatā yebhuyyena sannipatitā hontī’’ti.

    звам̣ саннибад̇ид̇аахи д̣̇звад̇аахи сагалажаггаваал̣аг̇аб̣бхам̣ яаава б̣рахмалогаа суужигхарз ниранд̇арам̣ багкид̇д̇асуужийхи вияа барибун̣н̣ам̣ ход̇и. д̇ад̇ра б̣рахмалогасса звам̣ ужжад̇д̇анам̣ взд̣̇ид̇аб̣б̣ам̣. лохабаасаад̣̇з гира сад̇д̇агуудааг̇аарасамо баасаан̣о б̣рахмалогз тад̇ваа ад̇хо кид̇д̇о жад̇уухи маасзхи бат̇авим̣ баабун̣аад̇и. звам̣ маханд̇з огаасз яат̇аа хздтаа тад̇ваа кид̇д̇аани бубпаани ваа д̇хуумо ваа убари г̇анд̇ум̣, убари ваа тад̇ваа кид̇д̇асаасабаа хздтаа од̇арид̇ум̣ анд̇арам̣ на лабханд̇и, звам̣ ниранд̇арам̣ д̣̇звад̇аа ахзсум̣. яат̇аа ко бана жаггавад̇д̇иран̃н̃о нисиннадтаанам̣ асамб̣аад̇хам̣ ход̇и, ааг̇ад̇ааг̇ад̇аа махзсагкаа кад̇д̇ияаа огаасам̣ лабханд̇иязва, барад̇о барад̇о бана ад̇исамб̣аад̇хам̣ ход̇и, звамзва бхаг̇авад̇о нисиннадтаанам̣ асамб̣аад̇хам̣, ааг̇ад̇ааг̇ад̇аа махзсагкаа д̣̇звад̇аа жа махааб̣рахмаано жа огаасам̣ лабханд̇иязва. абисуд̣̇ам̣ бхаг̇авад̇о аасаннаасаннадтаанз махаабариниб̣б̣аанз вуд̇д̇анаязнзва ваалаг̇г̇агодинид̇уд̣̇анамад̇д̇з бад̣̇зсз д̣̇асаби вийсамби саб̣б̣абарад̇о д̇им̣самби д̣̇звад̇аа сукумз сукумз ад̇д̇абхаавз маабзд̇ваа адтам̣су. садти садти д̣̇звад̇аа адтам̣су.

    Evaṃ sannipatitāhi devatāhi sakalacakkavāḷagabbhaṃ yāva brahmalokā sūcighare nirantaraṃ pakkhittasūcīhi viya paripuṇṇaṃ hoti. Tatra brahmalokassa evaṃ uccattanaṃ veditabbaṃ. Lohapāsāde kira sattakūṭāgārasamo pāsāṇo brahmaloke ṭhatvā adho khitto catūhi māsehi pathaviṃ pāpuṇāti. Evaṃ mahante okāse yathā heṭṭhā ṭhatvā khittāni pupphāni vā dhūmo vā upari gantuṃ, upari vā ṭhatvā khittasāsapā heṭṭhā otarituṃ antaraṃ na labhanti, evaṃ nirantaraṃ devatā ahesuṃ. Yathā kho pana cakkavattirañño nisinnaṭṭhānaṃ asambādhaṃ hoti, āgatāgatā mahesakkhā khattiyā okāsaṃ labhantiyeva, parato parato pana atisambādhaṃ hoti, evameva bhagavato nisinnaṭṭhānaṃ asambādhaṃ, āgatāgatā mahesakkhā devatā ca mahābrahmāno ca okāsaṃ labhantiyeva. Apisudaṃ bhagavato āsannāsannaṭṭhāne mahāparinibbāne vuttanayeneva vālaggakoṭinitudanamatte padese dasapi vīsampi sabbaparato tiṃsampi devatā sukhume sukhume attabhāve māpetvā aṭṭhaṃsu. Saṭṭhi saṭṭhi devatā aṭṭhaṃsu.

    суд̣̇д̇хааваасагааяигаананд̇и суд̣̇д̇хааваасаваасийнам̣. суд̣̇д̇хааваасаа наама суд̣̇д̇хаанам̣ анааг̇аамикийн̣аасаваанам̣ ааваасаа бан̃жа б̣рахмалогаа. зд̇ад̣̇ахосийд̇и гасмаа ахоси? д̇з гира б̣рахмаано самаабад̇д̇им̣ самаабаж̇ж̇ид̇ваа яат̇аабарижчзд̣̇зна вудтид̇аа б̣рахмабхаванам̣ ологзнд̇аа бажчаабхад̇д̇з бхад̇д̇аг̇зхам̣ вияа сун̃н̃ад̇ам̣ ад̣̇д̣̇асам̣су. д̇ад̇о ‘‘гухим̣ б̣рахмаано г̇ад̇аа’’д̇и ааваж̇ж̇анд̇аа махаасамааг̇амам̣ н̃ад̇ваа – ‘‘аяам̣ самааг̇амо махаа, маяам̣ охийнаа, охийнагаанам̣ огаасо д̣̇уллабхо ход̇и, д̇асмаа г̇ажчанд̇аа ад̇ужчахад̇т̇аа худ̇ваа згзгам̣ г̇аат̇ам̣ абхисан̇карид̇ваа г̇ажчаама. д̇ааяа махаасамааг̇амз жа ад̇д̇ано ааг̇ад̇абхаавам̣ ж̇аанаабзссаама, д̣̇асаб̣аласса жа ван̣н̣ам̣ бхаасиссаамаа’’д̇и. ид̇и д̇зсам̣ самаабад̇д̇ид̇о вудтааяа ааваж̇ж̇ид̇ад̇д̇аа зд̇ад̣̇ахоси.

    Suddhāvāsakāyikānanti suddhāvāsavāsīnaṃ. Suddhāvāsā nāma suddhānaṃ anāgāmikhīṇāsavānaṃ āvāsā pañca brahmalokā. Etadahosīti kasmā ahosi? Te kira brahmāno samāpattiṃ samāpajjitvā yathāparicchedena vuṭṭhitā brahmabhavanaṃ olokentā pacchābhatte bhattagehaṃ viya suññataṃ addasaṃsu. Tato ‘‘kuhiṃ brahmāno gatā’’ti āvajjantā mahāsamāgamaṃ ñatvā – ‘‘ayaṃ samāgamo mahā, mayaṃ ohīnā, ohīnakānaṃ okāso dullabho hoti, tasmā gacchantā atucchahatthā hutvā ekekaṃ gāthaṃ abhisaṅkharitvā gacchāma. Tāya mahāsamāgame ca attano āgatabhāvaṃ jānāpessāma, dasabalassa ca vaṇṇaṃ bhāsissāmā’’ti. Iti tesaṃ samāpattito vuṭṭhāya āvajjitattā etadahosi.

    332. бхаг̇авад̇о бурад̇о баад̇урахзсунд̇и баал̣ияам̣ бхаг̇авад̇о санд̇игз абхимукадтаанзязва од̇ин̣н̣аа вияа гад̇ваа вуд̇д̇аа, на ко банзд̇т̇а звам̣ ад̇т̇о взд̣̇ид̇аб̣б̣о. д̇з бана б̣рахмалогз тид̇ааязва г̇аат̇аа абхисан̇карид̇ваа зго бурад̇т̇имажаггаваал̣амукаваддияам̣ од̇ари, зго д̣̇агкин̣ажаггаваал̣амукаваддияам̣, зго бажчимажаггаваал̣амукаваддияам̣, зго уд̇д̇аражаггаваал̣амукаваддияам̣ од̇ари. д̇ад̇о бурад̇т̇имажаггаваал̣амукаваддияам̣ од̇ин̣н̣аб̣рахмаа нийлагасин̣ам̣ самаабаж̇ж̇ид̇ваа нийларасмияо виссаж̇ж̇ид̇ваа д̣̇асасахассажаггаваал̣ад̣̇звад̇аанам̣ ман̣ижаммам̣ бадимун̃жанд̇о вияа ад̇д̇ано ааг̇ад̇абхаавам̣ ж̇аанаабзд̇ваа б̣уд̣̇д̇хавийт̇и наама гзнажи од̇т̇арид̇ум̣ на саггаа, д̇асмаа бахадаб̣уд̣̇д̇хавийт̇ияаава ааг̇анд̇ваа бхаг̇аванд̇ам̣ абхиваад̣̇зд̇ваа згаманд̇ам̣ адтааси. згаманд̇ам̣ тид̇о ад̇д̇анаа абхисан̇кад̇ам̣ г̇аат̇ам̣ абхааси.

    332.Bhagavato purato pāturahesunti pāḷiyaṃ bhagavato santike abhimukhaṭṭhāneyeva otiṇṇā viya katvā vuttā, na kho panettha evaṃ attho veditabbo. Te pana brahmaloke ṭhitāyeva gāthā abhisaṅkharitvā eko puratthimacakkavāḷamukhavaṭṭiyaṃ otari, eko dakkhiṇacakkavāḷamukhavaṭṭiyaṃ, eko pacchimacakkavāḷamukhavaṭṭiyaṃ, eko uttaracakkavāḷamukhavaṭṭiyaṃ otari. Tato puratthimacakkavāḷamukhavaṭṭiyaṃ otiṇṇabrahmā nīlakasiṇaṃ samāpajjitvā nīlarasmiyo vissajjitvā dasasahassacakkavāḷadevatānaṃ maṇicammaṃ paṭimuñcanto viya attano āgatabhāvaṃ jānāpetvā buddhavīthi nāma kenaci ottharituṃ na sakkā, tasmā pahaṭabuddhavīthiyāva āgantvā bhagavantaṃ abhivādetvā ekamantaṃ aṭṭhāsi. Ekamantaṃ ṭhito attanā abhisaṅkhataṃ gāthaṃ abhāsi.

    д̣̇агкин̣ажаггаваал̣амукаваддияам̣ од̇ин̣н̣аб̣рахмааби бийд̇агасин̣ам̣ самаабаж̇ж̇ид̇ваа бийд̇арасмияо суван̣н̣абабхам̣ мун̃жид̇ваа д̣̇асасахассажаггаваал̣ад̣̇звад̇аанам̣ суван̣н̣абадам̣ баарубзнд̇о вияа ад̇д̇ано ааг̇ад̇абхаавам̣ ж̇аанаабзд̇ваа д̇ат̇зва адтааси. бажчимажаггаваал̣амукаваддияам̣ од̇ин̣н̣аб̣рахмааби лохид̇агасин̣ам̣ самаабаж̇ж̇ид̇ваа лохид̇арасмияо мун̃жид̇ваа д̣̇асасахассажаггаваал̣ад̣̇звад̇аанам̣ рад̇д̇аварагамб̣алзна баригкибанд̇о вияа ад̇д̇ано ааг̇ад̇абхаавам̣ ж̇аанаабзд̇ваа д̇ат̇зва адтааси. уд̇д̇аражаггаваал̣амукаваддияам̣ од̇ин̣н̣аб̣рахмааби од̣̇аад̇агасин̣ам̣ самаабаж̇ж̇ид̇ваа од̣̇аад̇арасмияо мун̃жид̇ваа д̣̇асасахассажаггаваал̣ад̣̇звад̇аанам̣ суманабадам̣ баарубанд̇о вияа ад̇д̇ано ааг̇ад̇абхаавам̣ ж̇аанаабзд̇ваа д̇ат̇зва адтааси.

    Dakkhiṇacakkavāḷamukhavaṭṭiyaṃ otiṇṇabrahmāpi pītakasiṇaṃ samāpajjitvā pītarasmiyo suvaṇṇapabhaṃ muñcitvā dasasahassacakkavāḷadevatānaṃ suvaṇṇapaṭaṃ pārupento viya attano āgatabhāvaṃ jānāpetvā tatheva aṭṭhāsi. Pacchimacakkavāḷamukhavaṭṭiyaṃ otiṇṇabrahmāpi lohitakasiṇaṃ samāpajjitvā lohitarasmiyo muñcitvā dasasahassacakkavāḷadevatānaṃ rattavarakambalena parikkhipanto viya attano āgatabhāvaṃ jānāpetvā tatheva aṭṭhāsi. Uttaracakkavāḷamukhavaṭṭiyaṃ otiṇṇabrahmāpi odātakasiṇaṃ samāpajjitvā odātarasmiyo muñcitvā dasasahassacakkavāḷadevatānaṃ sumanapaṭaṃ pārupanto viya attano āgatabhāvaṃ jānāpetvā tatheva aṭṭhāsi.

    баал̣ияам̣ бана ‘‘бхаг̇авад̇о бурад̇о баад̇урахзсум̣. ат̇а ко д̇аа д̣̇звад̇аа бхаг̇аванд̇ам̣ абхиваад̣̇зд̇ваа згаманд̇ам̣ адтам̣суу’’д̇и звам̣ згагкан̣ам̣ вияа бурад̇о баад̇убхааво жа абхиваад̣̇зд̇ваа згаманд̇ам̣ тид̇абхааво жа вуд̇д̇о, со иминаа ануггамзна ахоси, згад̇о гад̇ваа бана д̣̇ассид̇о. г̇аат̇аабхаасанам̣ бана баал̣ияам̣ висум̣ висум̣язва вуд̇д̇ам̣.

    Pāḷiyaṃ pana ‘‘bhagavato purato pāturahesuṃ. Atha kho tā devatā bhagavantaṃ abhivādetvā ekamantaṃ aṭṭhaṃsū’’ti evaṃ ekakkhaṇaṃ viya purato pātubhāvo ca abhivādetvā ekamantaṃ ṭhitabhāvo ca vutto, so iminā anukkamena ahosi, ekato katvā pana dassito. Gāthābhāsanaṃ pana pāḷiyaṃ visuṃ visuṃyeva vuttaṃ.

    д̇ад̇т̇а махаасамаяод̇и махаасамуухо. баванам̣ вужжад̇и ванасан̣д̣о. убхаязнаби бхаг̇аваа имасмим̣ ванасан̣д̣з аж̇ж̇а махаасамуухо махаасаннибаад̇од̇и ааха. д̇ад̇о язсам̣ со саннибаад̇о, д̇з д̣̇ассзд̇ум̣ д̣̇звагааяаа самааг̇ад̇аад̇и ааха. д̇ад̇т̇а д̣̇звагааяаад̇и д̣̇звагхадаа. ааг̇ад̇амха имам̣ д̇хаммасамаяанд̇и звам̣ самааг̇ад̇з д̣̇звагааяз д̣̇исваа маяамби имам̣ д̇хаммасамуухам̣ ааг̇ад̇аа. гим̣ гааран̣аа? д̣̇агкид̇ааяз абарааж̇ид̇асан̇гхам̣, гзнажи абарааж̇ид̇ам̣ аж̇ж̇зва д̇аяо маарз мад̣̇д̣̇ид̇ваа виж̇ид̇асан̇г̇аамам̣ имам̣ абарааж̇ид̇асан̇гхам̣ д̣̇ассанад̇т̇ааяа ааг̇ад̇амхаад̇и ад̇т̇о. со бана б̣рахмаа имам̣ г̇аат̇ам̣ бхаасид̇ваа бхаг̇аванд̇ам̣ абхиваад̣̇зд̇ваа бурад̇т̇имажаггаваал̣амукаваддияам̣язва адтааси.

    Tattha mahāsamayoti mahāsamūho. Pavanaṃ vuccati vanasaṇḍo. Ubhayenapi bhagavā imasmiṃ vanasaṇḍe ajja mahāsamūho mahāsannipātoti āha. Tato yesaṃ so sannipāto, te dassetuṃ devakāyāsamāgatāti āha. Tattha devakāyāti devaghaṭā. Āgatamha imaṃ dhammasamayanti evaṃ samāgate devakāye disvā mayampi imaṃ dhammasamūhaṃ āgatā. Kiṃ kāraṇā? Dakkhitāye aparājitasaṅghaṃ, kenaci aparājitaṃ ajjeva tayo māre madditvā vijitasaṅgāmaṃ imaṃ aparājitasaṅghaṃ dassanatthāya āgatamhāti attho. So pana brahmā imaṃ gāthaṃ bhāsitvā bhagavantaṃ abhivādetvā puratthimacakkavāḷamukhavaṭṭiyaṃyeva aṭṭhāsi.

    ат̇а д̣̇уд̇ияо вуд̇д̇анаязнзва ааг̇анд̇ваа абхааси. д̇ад̇т̇а д̇ад̇ра бхигкавод̇и д̇асмим̣ саннибаад̇адтаанз бхигкуу. самаад̣̇ахам̣сууд̇и самаад̇хинаа яож̇зсум̣. жид̇д̇амад̇д̇ано уж̇угам̣ агам̣сууд̇и ад̇д̇ано жид̇д̇ам̣ саб̣б̣з ван̇гагудилаж̇имхабхаавз харид̇ваа уж̇угам̣ агарим̣су. саарат̇ийва нзд̇д̇аани г̇ахзд̇ваад̇и яат̇аа самаббавад̇д̇зсу синд̇хавзсу од̇хасд̇абад̇од̣̇о саарат̇и саб̣б̣аяод̇д̇аани г̇ахзд̇ваа ажод̣̇знд̇о аваарзнд̇о д̇идтад̇и, звам̣ чал̣ан̇г̇убзгкаасаманнааг̇ад̇аа г̇уд̇д̇ад̣̇ваараа саб̣б̣збзд̇з бан̃жасад̇аа бхигкуу инд̣̇рияаани рагканд̇и бан̣д̣ид̇аа, зд̇з д̣̇адтум̣ ид̇хааг̇ад̇амха бхаг̇аваад̇и. соби г̇анд̇ваа яат̇аатаанзязва адтааси.

    Atha dutiyo vuttanayeneva āgantvā abhāsi. Tattha tatra bhikkhavoti tasmiṃ sannipātaṭṭhāne bhikkhū. Samādahaṃsūti samādhinā yojesuṃ. Cittamattano ujukaṃ akaṃsūti attano cittaṃ sabbe vaṅkakuṭilajimhabhāve haritvā ujukaṃ akariṃsu. Sārathīva nettāni gahetvāti yathā samappavattesu sindhavesu odhastapatodo sārathi sabbayottāni gahetvā acodento avārento tiṭṭhati, evaṃ chaḷaṅgupekkhāsamannāgatā guttadvārā sabbepete pañcasatā bhikkhū indriyāni rakkhanti paṇḍitā, ete daṭṭhuṃ idhāgatamha bhagavāti. Sopi gantvā yathāṭhāneyeva aṭṭhāsi.

    ат̇а д̇ад̇ияо вуд̇д̇анаязнзва ааг̇анд̇ваа абхааси. д̇ад̇т̇а чзд̇ваа кийланд̇и рааг̇ад̣̇осамохакийлам̣ чинд̣̇ид̇ваа. балигханд̇и рааг̇ад̣̇осамохабалигхамзва. инд̣̇акийланд̇иби рааг̇ад̣̇осамохаинд̣̇акийламзва. уухажжа манзж̇аад̇и зд̇з д̇ан̣хаазж̇ааяа абхаавзна анзж̇аа бхигкуу инд̣̇акийлам̣ уухажжа самууханид̇ваа. д̇з жаранд̇ийд̇и жад̇уусу д̣̇исаасу аббадихад̇ажааригам̣ жаранд̇и. суд̣̇д̇хаад̇и нирубаггилзсаа. вималаад̇и ниммалаа. ид̣̇ам̣ д̇ассзва взважанам̣. жагкумад̇аад̇и бан̃жахи жагкуухи жагкуманд̇зна. суд̣̇анд̇аад̇и жагкуд̇оби д̣̇анд̇аа, сод̇ад̇оби гхаанад̇оби ж̇ивхаад̇оби гааяад̇оби манад̇оби д̣̇анд̇аа. сусунааг̇аад̇и д̇арун̣анааг̇аа. д̇з зваруубзна ануд̇д̇арзна яог̇аажариязна д̣̇амид̇з д̇арун̣анааг̇з д̣̇ассанааяа ааг̇ад̇амха бхаг̇аваад̇и. соби г̇анд̇ваа яат̇аатаанзязва адтааси.

    Atha tatiyo vuttanayeneva āgantvā abhāsi. Tattha chetvā khīlanti rāgadosamohakhīlaṃ chinditvā. Palighanti rāgadosamohapalighameva. Indakhīlantipi rāgadosamohaindakhīlameva. Ūhacca manejāti ete taṇhāejāya abhāvena anejā bhikkhū indakhīlaṃ ūhacca samūhanitvā. Te carantīti catūsu disāsu appaṭihatacārikaṃ caranti. Suddhāti nirupakkilesā. Vimalāti nimmalā. Idaṃ tasseva vevacanaṃ. Cakkhumatāti pañcahi cakkhūhi cakkhumantena. Sudantāti cakkhutopi dantā, sotatopi ghānatopi jivhātopi kāyatopi manatopi dantā. Susunāgāti taruṇanāgā. Te evarūpena anuttarena yogācariyena damite taruṇanāge dassanāya āgatamha bhagavāti. Sopi gantvā yathāṭhāneyeva aṭṭhāsi.

    ат̇а жад̇уд̇т̇о вуд̇д̇анаязнзва ааг̇анд̇ваа абхааси. д̇ад̇т̇а г̇ад̇аасзд̇и ниб̣б̣змад̇игасаран̣аг̇аманзна г̇ад̇аа. соби г̇анд̇ваа яат̇аатаанзязва адтааси.

    Atha catuttho vuttanayeneva āgantvā abhāsi. Tattha gatāseti nibbematikasaraṇagamanena gatā. Sopi gantvā yathāṭhāneyeva aṭṭhāsi.

    д̣̇звад̇аасаннибаад̇аван̣н̣анаа

    Devatāsannipātavaṇṇanā

    333. ат̇а бхаг̇аваа ологзнд̇о бат̇авийд̇алад̇о яаава жаггаваал̣амукаваддибарижчзд̣̇аа яаава аганидтаб̣рахмалогаа д̣̇звад̇аасаннибаад̇ам̣ д̣̇исваа жинд̇зси – ‘‘махаа аяам̣ д̣̇звад̇аасамааг̇амо, бхигкуу бана звам̣ махаа д̣̇звад̇ааяа самааг̇амод̇и на ж̇аананд̇и, ханд̣̇а, нзсам̣ аажигкаамий’’д̇и, звам̣ жинд̇зд̇ваа ‘‘ат̇а ко бхаг̇аваа бхигкуу ааманд̇зсий’’д̇и саб̣б̣ам̣ вид̇т̇аарзд̇аб̣б̣ам̣. д̇ад̇т̇а зд̇абарамаад̇и зд̇ам̣ барамам̣ бамаан̣ам̣ зд̇зсанд̇и зд̇абарамаа. ид̣̇аани б̣уд̣̇д̇хаанам̣ бана абхааваа ‘‘язби д̇з, бхигкавз, зд̇арахий’’д̇и д̇ад̇ияо вааро на вуд̇д̇о. аажигкиссаами, бхигкавзд̇и гасмаа ааха? д̣̇звад̇аанам̣ жид̇д̇агаллад̇ааж̇ананад̇т̇ам̣. д̣̇звад̇аа гира жинд̇зсум̣ – ‘‘бхаг̇аваа звам̣ маханд̇з самааг̇амз махзсагкаанам̣язва д̣̇звад̇аанам̣ наамаг̇од̇д̇аани гат̇зссад̇и, аббзсагкаанам̣ гим̣ гат̇зссад̇ий’’д̇и? ат̇а бхаг̇аваа ‘‘имаа д̣̇звад̇аа гим̣ жинд̇знд̇ий’’д̇и ааваж̇ж̇анд̇о мукзна хад̇т̇ам̣ бавзсзд̇ваа хад̣̇аяамам̣сам̣ мад̣̇д̣̇анд̇о вияа сабхан̣д̣ам̣ жорам̣ г̇ан̣ханд̇о вияа жа д̇ам̣ д̇аасам̣ жид̇д̇аажаарам̣ н̃ад̇ваа – ‘‘д̣̇асасахассажаггаваал̣ад̇о ааг̇ад̇ааг̇ад̇аанам̣ аббзсагкамахзсагкаанам̣ саб̣б̣аасамби д̣̇звад̇аанам̣ наамаг̇од̇д̇ам̣ гат̇зссаамий’’д̇и жинд̇зси.

    333. Atha bhagavā olokento pathavītalato yāva cakkavāḷamukhavaṭṭiparicchedā yāva akaniṭṭhabrahmalokā devatāsannipātaṃ disvā cintesi – ‘‘mahā ayaṃ devatāsamāgamo, bhikkhū pana evaṃ mahā devatāya samāgamoti na jānanti, handa, nesaṃ ācikkhāmī’’ti, evaṃ cintetvā ‘‘atha kho bhagavā bhikkhū āmantesī’’ti sabbaṃ vitthāretabbaṃ. Tattha etaparamāti etaṃ paramaṃ pamāṇaṃ etesanti etaparamā. Idāni buddhānaṃ pana abhāvā ‘‘yepi te, bhikkhave, etarahī’’ti tatiyo vāro na vutto. Ācikkhissāmi, bhikkhaveti kasmā āha? Devatānaṃ cittakallatājananatthaṃ. Devatā kira cintesuṃ – ‘‘bhagavā evaṃ mahante samāgame mahesakkhānaṃyeva devatānaṃ nāmagottāni kathessati, appesakkhānaṃ kiṃ kathessatī’’ti? Atha bhagavā ‘‘imā devatā kiṃ cintentī’’ti āvajjanto mukhena hatthaṃ pavesetvā hadayamaṃsaṃ maddanto viya sabhaṇḍaṃ coraṃ gaṇhanto viya ca taṃ tāsaṃ cittācāraṃ ñatvā – ‘‘dasasahassacakkavāḷato āgatāgatānaṃ appesakkhamahesakkhānaṃ sabbāsampi devatānaṃ nāmagottaṃ kathessāmī’’ti cintesi.

    б̣уд̣̇д̇хаа наама маханд̇аа зд̇з сад̇д̇ависзсаа, яам̣ сад̣̇звагасса логасса д̣̇идтам̣ суд̇ам̣ муд̇ам̣ вин̃н̃аад̇ам̣ бад̇д̇ам̣ бариязсид̇ам̣ анувижарид̇ам̣ манасаа, на гин̃жи гад̇т̇ажи нийлаад̣̇ивасзна вибхад̇д̇аруубаарамман̣зсу руубаарамман̣ам̣ ваа бхзрийсад̣̇д̣̇аад̣̇ивасзна вибхад̇д̇асад̣̇д̣̇аарамман̣аад̣̇ийсу висум̣ висум̣ сад̣̇д̣̇аад̣̇иаарамман̣ам̣ ваа ад̇т̇и, яам̣ зд̇зсам̣ н̃аан̣амукз аабаат̇ам̣ нааг̇ажчад̇и. яат̇ааха –

    Buddhā nāma mahantā ete sattavisesā, yaṃ sadevakassa lokassa diṭṭhaṃ sutaṃ mutaṃ viññātaṃ pattaṃ pariyesitaṃ anuvicaritaṃ manasā, na kiñci katthaci nīlādivasena vibhattarūpārammaṇesu rūpārammaṇaṃ vā bherīsaddādivasena vibhattasaddārammaṇādīsu visuṃ visuṃ saddādiārammaṇaṃ vā atthi, yaṃ etesaṃ ñāṇamukhe āpāthaṃ nāgacchati. Yathāha –

    ‘‘яам̣ бхигкавз сад̣̇звагасса логасса…бз… сад̣̇звамануссааяа д̣̇идтам̣ суд̇ам̣ муд̇ам̣ вин̃н̃аад̇ам̣ бад̇д̇ам̣ бариязсид̇ам̣ анувижарид̇ам̣ манасаа, д̇амахам̣ ж̇аанаами, д̇амахам̣ бассаами, д̇амахам̣ аб̣бхан̃н̃ааси’’нд̇и (а. ни. 4.24).

    ‘‘Yaṃ bhikkhave sadevakassa lokassa…pe… sadevamanussāya diṭṭhaṃ sutaṃ mutaṃ viññātaṃ pattaṃ pariyesitaṃ anuvicaritaṃ manasā, tamahaṃ jānāmi, tamahaṃ passāmi, tamahaṃ abbhaññāsi’’nti (a. ni. 4.24).

    звам̣ саб̣б̣ад̇т̇а аббадихад̇ан̃аан̣о бхаг̇аваа саб̣б̣ааби д̇аа д̣̇звад̇аа бхаб̣б̣аабхаб̣б̣авасзна д̣̇вз годтаасз агааси. ‘‘гаммааваран̣зна ваа саманнааг̇ад̇аа’’д̇иаад̣̇инаа наязна вуд̇д̇аа сад̇д̇аа абхаб̣б̣аа наама. д̇з згавихаарз васанд̇зби б̣уд̣̇д̇хаа на ологзнд̇и. вибарийд̇аа бана бхаб̣б̣аа наама, д̇з д̣̇уурз васанд̇зби г̇анд̇ваа сан̇г̇ан̣ханд̇и. д̇асмаа д̇асмимби д̣̇звад̇аасаннибаад̇з яз абхаб̣б̣аа, д̇з бахааяа бхаб̣б̣з бариг̇г̇ахзси. бариг̇г̇ахзд̇ваа – ‘‘зд̇д̇агаа зд̇т̇а рааг̇ажарид̇аа, зд̇д̇агаа д̣̇осажарид̇аа, зд̇д̇агаа мохажарид̇аа’’д̇и жарид̇авасзна ча годтаасз агааси. ат̇а нзсам̣ саббааяам̣ д̇хаммад̣̇зсанам̣ убад̇хаараяанд̇о – ‘‘рааг̇ажарид̇аанам̣ д̣̇звад̇аанам̣ саммаабариб̣б̣ааж̇анияасуд̇д̇ам̣ гат̇зссаами, д̣̇осажарид̇аанам̣ галахавиваад̣̇асуд̇д̇ам̣, мохажарид̇аанам̣ махааб̣яуухасуд̇д̇ам̣, вид̇аггажарид̇аанам̣ жуул̣аб̣яуухасуд̇д̇ам̣, сад̣̇д̇хаажарид̇аанам̣ д̇уваддагабадибад̣̇ам̣, б̣уд̣̇д̇хижарид̇аанам̣ бураабхзд̣̇асуд̇д̇ам̣ гат̇зссаамий’’д̇и д̣̇зсанам̣ вавад̇т̇абзд̇ваа буна д̇ам̣ барисам̣ манасаагааси – ‘‘ад̇д̇аж̇жхаасаязна ну ко ж̇аанзяяа, бараж̇жхаасаязна ад̇т̇уббад̇д̇игзна бужчаавасзнаа’’д̇и. д̇ад̇о ‘‘бужчаавасзна ж̇аанзяяаа’’д̇и н̃ад̇ваа ‘‘ад̇т̇и ну ко гожи д̣̇звад̇аанам̣ аж̇жхаасаяам̣ г̇ахзд̇ваа жарид̇авасзна бан̃хам̣ бужчид̇ум̣ самад̇т̇о’’д̇и ‘‘д̇зсу бан̃жасад̇зсу бхигкуусу згоби на саггод̇ий’’д̇и ад̣̇д̣̇аса. д̇ад̇о асийд̇имахаасаавагз д̣̇вз аг̇г̇асаавагз жа саманнаахарид̇ваа ‘‘д̇зби на саггонд̇ий’’д̇и д̣̇исваа жинд̇зси ‘‘сажз бажжзгаб̣уд̣̇д̇хо бхавзяяа, саггун̣зяяа ну ко’’д̇и ‘‘соби на саггун̣зяяаа’’д̇и н̃ад̇ваа ‘‘саггасуяаамаад̣̇ийсу гожи саггун̣зяяаа’’д̇и саманнаахари. сажз хи д̇зсу гожи саггун̣зяяа, д̇ам̣ бужчаабзд̇ваа ад̇д̇анаа виссаж̇ж̇зяяа, на бана д̇зсуби гожи саггод̇и.

    Evaṃ sabbattha appaṭihatañāṇo bhagavā sabbāpi tā devatā bhabbābhabbavasena dve koṭṭhāse akāsi. ‘‘Kammāvaraṇena vā samannāgatā’’tiādinā nayena vuttā sattā abhabbā nāma. Te ekavihāre vasantepi buddhā na olokenti. Viparītā pana bhabbā nāma, te dūre vasantepi gantvā saṅgaṇhanti. Tasmā tasmimpi devatāsannipāte ye abhabbā, te pahāya bhabbe pariggahesi. Pariggahetvā – ‘‘ettakā ettha rāgacaritā, ettakā dosacaritā, ettakā mohacaritā’’ti caritavasena cha koṭṭhāse akāsi. Atha nesaṃ sappāyaṃ dhammadesanaṃ upadhārayanto – ‘‘rāgacaritānaṃ devatānaṃ sammāparibbājaniyasuttaṃ kathessāmi, dosacaritānaṃ kalahavivādasuttaṃ, mohacaritānaṃ mahābyūhasuttaṃ, vitakkacaritānaṃ cūḷabyūhasuttaṃ, saddhācaritānaṃ tuvaṭṭakapaṭipadaṃ, buddhicaritānaṃ purābhedasuttaṃ kathessāmī’’ti desanaṃ vavatthapetvā puna taṃ parisaṃ manasākāsi – ‘‘attajjhāsayena nu kho jāneyya, parajjhāsayena atthuppattikena pucchāvasenā’’ti. Tato ‘‘pucchāvasena jāneyyā’’ti ñatvā ‘‘atthi nu kho koci devatānaṃ ajjhāsayaṃ gahetvā caritavasena pañhaṃ pucchituṃ samattho’’ti ‘‘tesu pañcasatesu bhikkhūsu ekopi na sakkotī’’ti addasa. Tato asītimahāsāvake dve aggasāvake ca samannāharitvā ‘‘tepi na sakkontī’’ti disvā cintesi ‘‘sace paccekabuddho bhaveyya, sakkuṇeyya nu kho’’ti ‘‘sopi na sakkuṇeyyā’’ti ñatvā ‘‘sakkasuyāmādīsu koci sakkuṇeyyā’’ti samannāhari. Sace hi tesu koci sakkuṇeyya, taṃ pucchāpetvā attanā vissajjeyya, na pana tesupi koci sakkoti.

    ат̇асса зд̇ад̣̇ахоси – ‘‘маад̣̇исо б̣уд̣̇д̇хоязва саггун̣зяяа, ад̇т̇и бана гад̇т̇ажи ан̃н̃о б̣уд̣̇д̇хо’’д̇и ананд̇аасу логад̇хаад̇уусу ананд̇ан̃аан̣ам̣ бад̇т̇арид̇ваа ологзнд̇о ан̃н̃ам̣ б̣уд̣̇д̇хам̣ на ад̣̇д̣̇аса. анажчарияан̃жзд̇ам̣, яам̣ ид̣̇аани ад̇д̇анаа самам̣ на бассзяяа, со ж̇аад̇ад̣̇ивасзби б̣рахмаж̇аалаван̣н̣анааяам̣ вуд̇д̇анаязна ад̇д̇анаа самам̣ абассанд̇о – ‘‘аг̇г̇охамасми логассаа’’д̇и аббадивад̇д̇ияам̣ сийханаад̣̇ам̣ над̣̇и. звам̣ ан̃н̃ам̣ ад̇д̇анаа самам̣ абассид̇ваа жинд̇зси – ‘‘сажз ахам̣ бужчид̇ваа ахамзва виссаж̇ж̇зяяам̣, звамбзд̇аа д̣̇звад̇аа на сагкиссанд̇и бадивиж̇жхид̇ум̣. ан̃н̃асмим̣ бана б̣уд̣̇д̇хзязва бужчанд̇з маяи жа виссаж̇ж̇анд̇з ажчзрагам̣ бхависсад̇и, сагкиссанд̇и жа д̣̇звад̇аа бадивиж̇жхид̇ум̣, д̇асмаа ниммид̇аб̣уд̣̇д̇хам̣ маабзссаамий’’д̇и абхин̃н̃аабаад̣̇агаж̇жхаанам̣ самаабаж̇ж̇ид̇ваа вудтааяа – ‘‘бад̇д̇ажийвараг̇ахан̣ам̣ аалогид̇авилогид̇ам̣ самин̃ж̇ид̇абасаарид̇ан̃жа мама сад̣̇исам̣язва ход̇уу’’д̇и гаамааважаражид̇д̇зхи баригаммам̣ гад̇ваа баажийнаяуг̇анд̇харабаригкзбад̇о уллан̇гхамаанам̣ жанд̣̇аман̣д̣алам̣ бхинд̣̇ид̇ваа нигкаманд̇ам̣ вияа руубааважаражид̇д̇зна ад̇хидтааси.

    Athassa etadahosi – ‘‘mādiso buddhoyeva sakkuṇeyya, atthi pana katthaci añño buddho’’ti anantāsu lokadhātūsu anantañāṇaṃ pattharitvā olokento aññaṃ buddhaṃ na addasa. Anacchariyañcetaṃ, yaṃ idāni attanā samaṃ na passeyya, so jātadivasepi brahmajālavaṇṇanāyaṃ vuttanayena attanā samaṃ apassanto – ‘‘aggohamasmi lokassā’’ti appaṭivattiyaṃ sīhanādaṃ nadi. Evaṃ aññaṃ attanā samaṃ apassitvā cintesi – ‘‘sace ahaṃ pucchitvā ahameva vissajjeyyaṃ, evampetā devatā na sakkhissanti paṭivijjhituṃ. Aññasmiṃ pana buddheyeva pucchante mayi ca vissajjante accherakaṃ bhavissati, sakkhissanti ca devatā paṭivijjhituṃ, tasmā nimmitabuddhaṃ māpessāmī’’ti abhiññāpādakajjhānaṃ samāpajjitvā vuṭṭhāya – ‘‘pattacīvaragahaṇaṃ ālokitavilokitaṃ samiñjitapasāritañca mama sadisaṃyeva hotū’’ti kāmāvacaracittehi parikammaṃ katvā pācīnayugandharaparikkhepato ullaṅghamānaṃ candamaṇḍalaṃ bhinditvā nikkhamantaṃ viya rūpāvacaracittena adhiṭṭhāsi.

    д̣̇звасан̇гхо д̇ам̣ д̣̇исваа – ‘‘ан̃н̃оби ну ко, бхо, жанд̣̇о уг̇г̇ад̇о’’д̇и ааха. ат̇а жанд̣̇ам̣ охааяа аасаннад̇арз ж̇аад̇з ‘‘на жанд̣̇о, суурияо уг̇г̇ад̇о’’д̇и, буна аасаннад̇арз ж̇аад̇з ‘‘на суурияо, д̣̇звавимаанам̣ зга’’нд̇и, буна аасаннад̇арз ж̇аад̇з ‘‘на д̣̇звавимаанам̣, д̣̇звабуд̇д̇о зго’’д̇и, буна аасаннад̇арз ж̇аад̇з ‘‘на д̣̇звабуд̇д̇о, махааб̣рахмаа зго’’д̇и, буна аасаннад̇арз ж̇аад̇з ‘‘на махааб̣рахмаа, абароби бхо б̣уд̣̇д̇хо ааг̇ад̇о’’д̇и ааха. д̇ад̇т̇а бут̇уж̇ж̇анад̣̇звад̇аа жинд̇аяим̣су – ‘‘згаб̣уд̣̇д̇хасса д̇аава аяам̣ д̣̇звад̇аасаннибаад̇о, д̣̇виннам̣ гийва маханд̇о бхависсад̇ий’’д̇и. арияад̣̇звад̇аа жинд̇аяим̣су – ‘‘згиссаа логад̇хаад̇уяаа д̣̇вз б̣уд̣̇д̇хаа наама над̇т̇и, ад̣̇д̇хаа бхаг̇авад̇аа ад̇д̇анаа сад̣̇исо ан̃н̃о зго б̣уд̣̇д̇хо ниммид̇о’’д̇и.

    Devasaṅgho taṃ disvā – ‘‘aññopi nu kho, bho, cando uggato’’ti āha. Atha candaṃ ohāya āsannatare jāte ‘‘na cando, sūriyo uggato’’ti, puna āsannatare jāte ‘‘na sūriyo, devavimānaṃ eka’’nti, puna āsannatare jāte ‘‘na devavimānaṃ, devaputto eko’’ti, puna āsannatare jāte ‘‘na devaputto, mahābrahmā eko’’ti, puna āsannatare jāte ‘‘na mahābrahmā, aparopi bho buddho āgato’’ti āha. Tattha puthujjanadevatā cintayiṃsu – ‘‘ekabuddhassa tāva ayaṃ devatāsannipāto, dvinnaṃ kīva mahanto bhavissatī’’ti. Ariyadevatā cintayiṃsu – ‘‘ekissā lokadhātuyā dve buddhā nāma natthi, addhā bhagavatā attanā sadiso añño eko buddho nimmito’’ti.

    ат̇а д̇асса д̣̇звасан̇гхасса бассанд̇ассзва ниммид̇аб̣уд̣̇д̇хо ааг̇анд̇ваа д̣̇асаб̣алам̣ аванд̣̇ид̇ваава саммукадтаанз самасамам̣ гад̇ваа маабид̇з аасанз нисийд̣̇и. бхаг̇авад̇оби д̣̇вад̇д̇им̣са махаабурисалагкан̣аани, ниммид̇ассааби д̣̇вад̇д̇им̣саава, бхаг̇авад̇оби сарийраа чаб̣б̣ан̣н̣арасмияо нигкаманд̇и , ниммид̇ассааби, бхаг̇авад̇о сарийрарасмияо ниммид̇асса сарийрз бадихан̃н̃анд̇и, ниммид̇асса сарийрарасмияо бхаг̇авад̇о гааяз бадихан̃н̃анд̇и. д̇аа д̣̇виннамби б̣уд̣̇д̇хаанам̣ сарийрад̇о уг̇г̇амма аганидтабхаванам̣ аахажжа д̇ад̇о бадинивад̇д̇ид̇ваа д̣̇звад̇аанам̣ мад̇т̇агабарияанд̇з од̇арид̇ваа жаггаваал̣амукаваддияам̣ бад̇идтахим̣су. сагалажаггаваал̣аг̇аб̣бхам̣ суван̣н̣амаяаван̇гаг̇обаанасийвинад̣̇д̇хамива жзд̇ияагхарам̣ вирожид̇т̇а. д̣̇асасахассажаггаваал̣ад̣̇звад̇аа згажаггаваал̣з раасибхууд̇аа д̣̇виннам̣ б̣уд̣̇д̇хаанам̣ расмиг̇аб̣бханд̇арам̣ бависид̇ваа адтам̣су. ниммид̇аб̣уд̣̇д̇хо нисийд̣̇анд̇оязва д̣̇асаб̣аласса б̣од̇хибаллан̇гз гилзсаббахаанам̣ абхид̇т̇аванд̇о –

    Atha tassa devasaṅghassa passantasseva nimmitabuddho āgantvā dasabalaṃ avanditvāva sammukhaṭṭhāne samasamaṃ katvā māpite āsane nisīdi. Bhagavatopi dvattiṃsa mahāpurisalakkhaṇāni, nimmitassāpi dvattiṃsāva, bhagavatopi sarīrā chabbaṇṇarasmiyo nikkhamanti , nimmitassāpi, bhagavato sarīrarasmiyo nimmitassa sarīre paṭihaññanti, nimmitassa sarīrarasmiyo bhagavato kāye paṭihaññanti. Tā dvinnampi buddhānaṃ sarīrato uggamma akaniṭṭhabhavanaṃ āhacca tato paṭinivattitvā devatānaṃ matthakapariyante otaritvā cakkavāḷamukhavaṭṭiyaṃ patiṭṭhahiṃsu. Sakalacakkavāḷagabbhaṃ suvaṇṇamayavaṅkagopānasīvinaddhamiva cetiyagharaṃ virocittha. Dasasahassacakkavāḷadevatā ekacakkavāḷe rāsibhūtā dvinnaṃ buddhānaṃ rasmigabbhantaraṃ pavisitvā aṭṭhaṃsu. Nimmitabuddho nisīdantoyeva dasabalassa bodhipallaṅke kilesappahānaṃ abhitthavanto –

    ‘‘бужчаами муним̣ бахууд̇абан̃н̃ам̣,

    ‘‘Pucchāmi muniṃ pahūtapaññaṃ,

    д̇ин̣н̣ам̣ бааран̇г̇ад̇ам̣ бариниб̣б̣уд̇ам̣ тид̇ад̇д̇ам̣;

    Tiṇṇaṃ pāraṅgataṃ parinibbutaṃ ṭhitattaṃ;

    нигкамма гхараа бануж̇ж̇а гаамз,

    Nikkhamma gharā panujja kāme,

    гат̇ам̣ бхигку саммаа со логз бариб̣б̣аж̇зяяаа’’д̇и. (су. ни. 361) –

    Kathaṃ bhikkhu sammā so loke paribbajeyyā’’ti. (su. ni. 361) –

    г̇аат̇ам̣ абхааси. сад̇т̇аа д̣̇звад̇аанам̣ д̇аава жид̇д̇агаллад̇ааж̇ананад̇т̇ам̣ ааг̇ад̇ааг̇ад̇аанам̣ наамаг̇од̇д̇аани гат̇зссаамийд̇и жинд̇зд̇ваа аажигкиссаами, бхигкавзд̇иаад̣̇имааха.

    Gāthaṃ abhāsi. Satthā devatānaṃ tāva cittakallatājananatthaṃ āgatāgatānaṃ nāmagottāni kathessāmīti cintetvā ācikkhissāmi, bhikkhavetiādimāha.

    334. д̇ад̇т̇а силогаманугассаамийд̇и агкарабад̣̇анияамид̇ам̣ важанасан̇гхаад̇ам̣ бавад̇д̇аяиссаами. яад̇т̇а бхуммаа д̇ад̣̇ассид̇аад̇и язсу язсу таанзсу бхуммаа д̣̇звад̇аа д̇ам̣ д̇ам̣ ниссид̇аа. яз сид̇аа г̇ириг̇аб̣бхаранд̇иаад̣̇ийхи д̇зсам̣ бхигкуунам̣ ван̣н̣ам̣ гат̇зси, яз бхигкуу г̇иригужчим̣ ниссид̇аад̇и ад̇т̇о. бахид̇ад̇д̇аад̇и бзсид̇ажид̇д̇аа. самаахид̇аад̇и авигкид̇д̇аа.

    334. Tattha silokamanukassāmīti akkharapadaniyamitaṃ vacanasaṅghātaṃ pavattayissāmi. Yattha bhummā tadassitāti yesu yesu ṭhānesu bhummā devatā taṃ taṃ nissitā. Ye sitā girigabbharantiādīhi tesaṃ bhikkhūnaṃ vaṇṇaṃ kathesi, ye bhikkhū girikucchiṃ nissitāti attho. Pahitattāti pesitacittā. Samāhitāti avikkhittā.

    бут̇ууд̇и б̣ахуж̇анаа. сийхаава саллийнаад̇и сийхаа вияа нилийнаа згад̇д̇ам̣ убаг̇ад̇аа. ломахам̣саабхисамбхунод̇и ломахам̣сам̣ абхибхавид̇ваа тид̇аа, ниб̣бхаяаад̇и вуд̇д̇ам̣ ход̇и. од̣̇аад̇аманасаа суд̣̇д̇хаад̇и од̣̇аад̇ажид̇д̇аа худ̇ваа суд̣̇д̇хаа. виббасаннааманаавилаад̇и виббасаннаанаавилаа.

    Puthūti bahujanā. Sīhāva sallīnāti sīhā viya nilīnā ekattaṃ upagatā. Lomahaṃsābhisambhunoti lomahaṃsaṃ abhibhavitvā ṭhitā, nibbhayāti vuttaṃ hoti. Odātamanasā suddhāti odātacittā hutvā suddhā. Vippasannāmanāvilāti vippasannaanāvilā.

    бхияяобан̃жасад̇з н̃ад̇ваад̇и саммаасамб̣уд̣̇д̇хзна сад̣̇д̇хим̣ ад̇ирзгабан̃жасад̇з бхигкуу ж̇аанид̇ваа. ванз гаабилавад̇т̇авзд̇и габилавад̇т̇усамийбамхи ж̇аад̇з ванасан̣д̣з. д̇ад̇о ааманд̇аяий сад̇т̇аад̇и д̇ад̣̇аа ааманд̇аяи. саавагз саасанз рад̇зд̇и ад̇д̇ано д̇хаммад̣̇зсанааяа савананд̇з ж̇аад̇ад̇д̇аа саавагз сигкад̇д̇аяасаасанз рад̇ад̇д̇аа саасанз рад̇з. ид̣̇ам̣ саб̣б̣ам̣ – ‘‘силогаманугассаамий’’д̇и важанад̇о ан̃н̃зна вуд̇д̇ам̣ вияа гад̇ваа вад̣̇ад̇и.

    Bhiyyopañcasate ñatvāti sammāsambuddhena saddhiṃ atirekapañcasate bhikkhū jānitvā. Vane kāpilavatthaveti kapilavatthusamīpamhi jāte vanasaṇḍe. Tato āmantayī satthāti tadā āmantayi. Sāvakesāsane rateti attano dhammadesanāya savanante jātattā sāvake sikkhattayasāsane ratattā sāsane rate. Idaṃ sabbaṃ – ‘‘silokamanukassāmī’’ti vacanato aññena vuttaṃ viya katvā vadati.

    д̣̇звагааяаа абхигганд̇аа, д̇з виж̇аанаат̇а бхигкавод̇и д̇з д̣̇иб̣б̣ажагкунаа виж̇аанаат̇аад̇и нзсам̣ бхигкуунам̣ д̣̇иб̣б̣ажагкун̃аан̣аабхинийхаарад̇т̇ааяа гат̇зси. д̇з жа аад̇аббамагарум̣, суд̇ваа б̣уд̣̇д̇хасса саасананд̇и д̇з жа бхигкуу д̇ам̣ б̣уд̣̇д̇хасаасанам̣ суд̇ваа д̇аавад̣̇зва д̇ад̣̇ад̇т̇ааяа вийрияам̣ гарим̣су.

    Devakāyā abhikkantā, te vijānātha bhikkhavoti te dibbacakkhunā vijānāthāti nesaṃ bhikkhūnaṃ dibbacakkhuñāṇābhinīhāratthāya kathesi. Te ca ātappamakaruṃ, sutvā buddhassa sāsananti te ca bhikkhū taṃ buddhasāsanaṃ sutvā tāvadeva tadatthāya vīriyaṃ kariṃsu.

    звам̣ гад̇амад̇д̇аад̇аббаанам̣язва д̇зсам̣ баад̇ураху н̃аан̣ам̣. гийд̣̇исам̣? амануссаанам̣ д̣̇ассанам̣ д̣̇иб̣б̣ажагкун̃аан̣ам̣ уббаж̇ж̇и. на д̇ам̣ д̇зхи д̇асмим̣ кан̣з баригаммам̣ гад̇ваа уббаад̣̇ид̇ам̣. арияамаг̇г̇знзва хи д̇ам̣ нибпаннам̣. амануссад̣̇ассанад̇т̇ам̣ банасса абхинийхаарамад̇д̇амзва гад̇ам̣. сад̇т̇ааби – ‘‘ад̇т̇и д̇умхаагам̣ н̃аан̣ам̣, д̇ам̣ нийхарид̇ваа д̇зна хи д̇з виж̇аанаат̇аа’’д̇и ид̣̇амзва санд̇хааяа ‘‘д̇з виж̇аанаат̇а, бхигкаво’’д̇и ааха.

    Evaṃ katamattātappānaṃyeva tesaṃ pāturahu ñāṇaṃ. Kīdisaṃ? Amanussānaṃ dassanaṃ dibbacakkhuñāṇaṃ uppajji. Na taṃ tehi tasmiṃ khaṇe parikammaṃ katvā uppāditaṃ. Ariyamaggeneva hi taṃ nipphannaṃ. Amanussadassanatthaṃ panassa abhinīhāramattameva kataṃ. Satthāpi – ‘‘atthi tumhākaṃ ñāṇaṃ, taṃ nīharitvā tena hi te vijānāthā’’ti idameva sandhāya ‘‘te vijānātha, bhikkhavo’’ti āha.

    аббзгз сад̇амад̣̇д̣̇агкунд̇и д̇зсу бхигкуусу згажжз бхигкуу амануссаанам̣ сад̇ам̣ ад̣̇д̣̇асам̣су. сахассам̣ ат̇а сад̇д̇аринд̇и згз сахассам̣. згз сад̇д̇ад̇и сахассаани.

    Appeke satamaddakkhunti tesu bhikkhūsu ekacce bhikkhū amanussānaṃ sataṃ addasaṃsu. Sahassaṃ atha sattarinti eke sahassaṃ. Eke sattati sahassāni.

    сад̇ам̣ згз сахассаананд̇и згз сад̇асахассам̣ ад̣̇д̣̇асам̣су. аббзгзнанд̇амад̣̇д̣̇агкунд̇и вибулам̣ ад̣̇д̣̇асам̣су, сад̇авасзна сахассавасзна жа абарижчиннзби ад̣̇д̣̇асам̣сууд̇и ад̇т̇о. гасмаа? яасмаа д̣̇исаа саб̣б̣аа пудаа ахум̣, бхарид̇аа самбун̣н̣аава ахзсум̣.

    Sataṃ eke sahassānanti eke satasahassaṃ addasaṃsu. Appekenantamaddakkhunti vipulaṃ addasaṃsu, satavasena sahassavasena ca aparicchinnepi addasaṃsūti attho. Kasmā? Yasmā disā sabbā phuṭā ahuṃ, bharitā sampuṇṇāva ahesuṃ.

    д̇ан̃жа саб̣б̣ам̣ абхин̃н̃ааяаад̇и яам̣ д̇зсу згзнзгзна д̣̇идтам̣, д̇ан̃жа саб̣б̣ам̣ ж̇аанид̇ваа. вавад̇т̇ид̇ваана жагкумаад̇и хад̇т̇ад̇алз лзкам̣ вияа бажжагкад̇о вавад̇т̇абзд̇ваа бан̃жахи жагкуухи жагкумаа сад̇т̇аа. д̇ад̇о ааманд̇аяийд̇и буб̣б̣з вуд̇д̇аг̇аат̇амзва наамаг̇од̇д̇агид̇д̇анад̇т̇ааяа ааха. д̇умхз зд̇з виж̇аанаат̇а, бассат̇а, ологзт̇а, яз вохам̣ гид̇д̇аяиссаамийд̇и аяамзд̇т̇а самб̣анд̇хо. г̇ираахийд̇и важанзхи. анубуб̣б̣асод̇и анубадибаадияаа.

    Tañca sabbaṃ abhiññāyāti yaṃ tesu ekenekena diṭṭhaṃ, tañca sabbaṃ jānitvā. Vavatthitvāna cakkhumāti hatthatale lekhaṃ viya paccakkhato vavatthapetvā pañcahi cakkhūhi cakkhumā satthā. Tato āmantayīti pubbe vuttagāthameva nāmagottakittanatthāya āha. Tumhe ete vijānātha, passatha, oloketha, ye vohaṃ kittayissāmīti ayamettha sambandho. Girāhīti vacanehi. Anupubbasoti anupaṭipāṭiyā.

    335. сад̇д̇асахассаа д̇з яагкаа, бхуммаа гаабилавад̇т̇аваад̇и сад̇д̇асахассаа д̇аавзд̇т̇а габилавад̇т̇ум̣ ниссааяа ниб̣б̣ад̇д̇аа бхуммаа яагкааязваад̇и вад̣̇ад̇и . ид̣̇д̇химанд̇од̇и д̣̇иб̣б̣аид̣̇д̇хияуд̇д̇аа. ж̇уд̇иманд̇од̇и аанубхаавасамбаннаа. ван̣н̣аванд̇од̇и сарийраван̣н̣асамбаннаа. яасассинод̇и бариваарасамбаннаа. мод̣̇амаанаа абхиггаамунд̇и д̇удтажид̇д̇аа ааг̇ад̇аа. бхигкуунам̣ самид̇им̣ вананд̇и имам̣ махааванам̣ бхигкуунам̣ санд̇игам̣ бхигкуунам̣ д̣̇ассанад̇т̇ааяа ааг̇ад̇аа. ат̇а ваа самид̇инд̇и самуухам̣, бхигкусамуухам̣ д̣̇ассанааяа ааг̇ад̇аад̇иби ад̇т̇о.

    335.Sattasahassā te yakkhā, bhummā kāpilavatthavāti sattasahassā tāvettha kapilavatthuṃ nissāya nibbattā bhummā yakkhāyevāti vadati . Iddhimantoti dibbaiddhiyuttā. Jutimantoti ānubhāvasampannā. Vaṇṇavantoti sarīravaṇṇasampannā. Yasassinoti parivārasampannā. Modamānā abhikkāmunti tuṭṭhacittā āgatā. Bhikkhūnaṃ samitiṃ vananti imaṃ mahāvanaṃ bhikkhūnaṃ santikaṃ bhikkhūnaṃ dassanatthāya āgatā. Atha vā samitinti samūhaṃ, bhikkhusamūhaṃ dassanāya āgatātipi attho.

    часахассаа хзмавад̇аа, яагкаа наанад̇д̇аван̣н̣инод̇и часахассаа хзмавад̇абаб̣б̣ад̇з ниб̣б̣ад̇д̇аяагкаа, д̇з жа саб̣б̣зби нийлаад̣̇иван̣н̣авасзна наанад̇д̇аван̣н̣аа.

    Chasahassā hemavatā, yakkhā nānattavaṇṇinoti chasahassā hemavatapabbate nibbattayakkhā, te ca sabbepi nīlādivaṇṇavasena nānattavaṇṇā.

    саад̇ааг̇ираа д̇исахассаад̇и саад̇ааг̇ирибаб̣б̣ад̇з ниб̣б̣ад̇д̇аяагкаа д̇исахассаа.

    Sātāgirā tisahassāti sātāgiripabbate nibbattayakkhā tisahassā.

    ижжзд̇з сол̣асасахассаад̇и зд̇з саб̣б̣зби сол̣асасахассаа хонд̇и.

    Iccete soḷasasahassāti ete sabbepi soḷasasahassā honti.

    взссаамид̇д̇аа бан̃жасад̇аад̇и взссаамид̇д̇абаб̣б̣ад̇з ниб̣б̣ад̇д̇аа бан̃жасад̇аа.

    Vessāmittā pañcasatāti vessāmittapabbate nibbattā pañcasatā.

    гумбхийро рааж̇аг̇ахигод̇и рааж̇аг̇аханаг̇арз ниб̣б̣ад̇д̇о гумбхийро наама яагко. взбулласса нивзсананд̇и д̇асса взбуллабаб̣б̣ад̇о нивзсанам̣ ниваасанадтаананд̇и ад̇т̇о. бхияяо нам̣ сад̇асахассам̣, яагкаанам̣ баяирубаасад̇ийд̇и д̇ам̣ ад̇ирзгам̣ яагкаанам̣ сад̇асахассам̣ баяирубаасад̇и. гумбхийро рааж̇аг̇ахиго, собааг̇аа самид̇им̣ вананд̇и соби гумбхийро сабаривааро имам̣ ванам̣ бхигкусамид̇им̣ д̣̇ассанад̇т̇ааяа ааг̇ад̇о.

    Kumbhīro rājagahikoti rājagahanagare nibbatto kumbhīro nāma yakkho. Vepullassa nivesananti tassa vepullapabbato nivesanaṃ nivāsanaṭṭhānanti attho. Bhiyyo naṃ satasahassaṃ, yakkhānaṃ payirupāsatīti taṃ atirekaṃ yakkhānaṃ satasahassaṃ payirupāsati. Kumbhīro rājagahiko, sopāgā samitiṃ vananti sopi kumbhīro saparivāro imaṃ vanaṃ bhikkhusamitiṃ dassanatthāya āgato.

    336. буриман̃жа д̣̇исам̣ рааж̇аа, д̇хад̇арадто басаасад̇ийд̇и баажийнад̣̇исам̣ анусаасад̇и. г̇анд̇хаб̣б̣аанам̣ ад̇хибад̇ийд̇и жад̇уусуби д̣̇исаасу г̇анд̇хаб̣б̣аанам̣ ж̇здтаго. саб̣б̣з д̇з д̇асса васз вад̇д̇анд̇и. махаарааж̇аа яасассисод̇и махаабаривааро зсо махаарааж̇аа.

    336.Purimañca disaṃ rājā, dhataraṭṭho pasāsatīti pācīnadisaṃ anusāsati. Gandhabbānaṃ adhipatīti catūsupi disāsu gandhabbānaṃ jeṭṭhako. Sabbe te tassa vase vattanti. Mahārājā yasassisoti mahāparivāro eso mahārājā.

    буд̇д̇ааби д̇асса б̣ахаво, инд̣̇анаамаа махаб̣б̣алаад̇и д̇асса д̇хад̇арадтасса б̣ахаво махаб̣б̣алаа буд̇д̇аа, д̇з саб̣б̣з саггасса д̣̇зваран̃н̃о наамад̇хаарагаа.

    Puttāpitassa bahavo, indanāmā mahabbalāti tassa dhataraṭṭhassa bahavo mahabbalā puttā, te sabbe sakkassa devarañño nāmadhārakā.

    вируул̣хо д̇ам̣ басаасад̇ийд̇и д̇ам̣ д̣̇исам̣ вируул̣хо анусаасад̇и.

    Virūḷho taṃ pasāsatīti taṃ disaṃ virūḷho anusāsati.

    буд̇д̇ааби д̇ассаад̇и д̇ассааби д̇аад̣̇исааязва буд̇д̇аа. баал̣ияам̣ бана ‘‘махаб̣б̣алаа’’д̇и ликанд̇и. адтагат̇ааяам̣ саб̣б̣аваарзсу ‘‘махааб̣алаа’’д̇и баато.

    Puttāpi tassāti tassāpi tādisāyeva puttā. Pāḷiyaṃ pana ‘‘mahabbalā’’ti likhanti. Aṭṭhakathāyaṃ sabbavāresu ‘‘mahābalā’’ti pāṭho.

    ‘‘буримам̣ д̣̇исам̣ д̇хад̇арадто, д̣̇агкин̣зна вируул̣хаго;

    ‘‘Purimaṃ disaṃ dhataraṭṭho, dakkhiṇena virūḷhako;

    бажчимзна вируубагко, гувзро уд̇д̇арам̣ д̣̇исам̣.

    Pacchimena virūpakkho, kuvero uttaraṃ disaṃ.

    жад̇д̇ааро д̇з махаарааж̇аа, саманд̇аа жад̇уро д̣̇исаа;

    Cattāro te mahārājā, samantā caturo disā;

    д̣̇ад̣̇д̣̇алламаанаа адтам̣су, ванз гаабилавад̇т̇авз’’д̇и.

    Daddallamānā aṭṭhaṃsu, vane kāpilavatthave’’ti.

    имаа бана г̇аат̇аа саб̣б̣асан̇г̇аахигавасзна вуд̇д̇аа.

    Imā pana gāthā sabbasaṅgāhikavasena vuttā.

    аяан̃жзд̇т̇а ад̇т̇о – д̣̇асасахассажаггаваал̣з д̇хад̇арадтаа наама махаарааж̇аано ад̇т̇и. д̇з саб̣б̣зби годисад̇асахассагодисад̇асахассаг̇анд̇хаб̣б̣абариваараа ааг̇анд̇ваа бурад̇т̇имааяа д̣̇исааяа габилавад̇т̇умахааванад̇о бадтааяа жаггаваал̣аг̇аб̣бхам̣ буурзд̇ваа тид̇аа. звам̣ д̣̇агкин̣ад̣̇исаад̣̇ийсу вируул̣хагаад̣̇аяо. д̇знзвааха – ‘‘саманд̇аа жад̇уро д̣̇исаа, д̣̇ад̣̇д̣̇алламаанаа адтам̣суу’’д̇и. ид̣̇ан̃хи вуд̇д̇ам̣ ход̇и – ‘‘саманд̇аа жаггаваал̣зхи ааг̇анд̇ваа жад̇уро д̣̇исаа баб̣б̣ад̇амад̇т̇агзсу аг̇г̇игканд̇хаа вияа судту ж̇аламаанаа тид̇аа’’д̇и. д̇з бана яасмаа габилавад̇т̇уванамзва санд̇хааяа ааг̇ад̇аа, д̇асмаа жаггаваал̣ам̣ буурзд̇ваа жаггаваал̣зна самасамаа тид̇ааби – ‘‘ванз гаабилавад̇т̇авз’’д̇и вуд̇д̇аа.

    Ayañcettha attho – dasasahassacakkavāḷe dhataraṭṭhā nāma mahārājāno atthi. Te sabbepi koṭisatasahassakoṭisatasahassagandhabbaparivārā āgantvā puratthimāya disāya kapilavatthumahāvanato paṭṭhāya cakkavāḷagabbhaṃ pūretvā ṭhitā. Evaṃ dakkhiṇadisādīsu virūḷhakādayo. Tenevāha – ‘‘samantā caturo disā, daddallamānā aṭṭhaṃsū’’ti. Idañhi vuttaṃ hoti – ‘‘samantā cakkavāḷehi āgantvā caturo disā pabbatamatthakesu aggikkhandhā viya suṭṭhu jalamānā ṭhitā’’ti. Te pana yasmā kapilavatthuvanameva sandhāya āgatā, tasmā cakkavāḷaṃ pūretvā cakkavāḷena samasamā ṭhitāpi – ‘‘vane kāpilavatthave’’ti vuttā.

    337. д̇зсам̣ мааяаавино д̣̇аасаа, ааг̇ум̣ ван̃жанигаа сатаад̇и д̇зсам̣ махаарааж̇аанам̣ гад̇абаабабадижчаад̣̇аналагкан̣ааяа мааяааяа яуд̇д̇аа гудилаажаараа д̣̇аасаа ад̇т̇и, яз саммукабараммукаван̃жанаахи логам̣ ван̃жанад̇о ‘‘ван̃жанигаа’’д̇и жа, гзраадияасаатзяязна саманнааг̇ад̇ад̇д̇аа ‘‘сатаа’’д̇и жа вужжанд̇и, д̇зби ааг̇ад̇аад̇и ад̇т̇о. мааяаа гудзн̣д̣у видзн̣д̣у, видужжа видудо сахаад̇и д̇з д̣̇аасаа саб̣б̣зби мааяаагаарагаава. наамзна банзд̇т̇а зго гудзн̣д̣у наама, зго видзн̣д̣у наама. баал̣ияам̣ бана ‘‘вздзн̣д̣уу’’д̇и ликанд̇и. зго видужжа наама, зго видудо наама. сахаад̇и соби видудо д̇зхи сахзва ааг̇ад̇о.

    337.Tesaṃ māyāvino dāsā, āguṃ vañcanikā saṭhāti tesaṃ mahārājānaṃ katapāpapaṭicchādanalakkhaṇāya māyāya yuttā kuṭilācārā dāsā atthi, ye sammukhaparammukhavañcanāhi lokaṃ vañcanato ‘‘vañcanikā’’ti ca, kerāṭiyasāṭheyyena samannāgatattā ‘‘saṭhā’’ti ca vuccanti, tepi āgatāti attho. Māyā kuṭeṇḍu viṭeṇḍu, viṭucca viṭuṭo sahāti te dāsā sabbepi māyākārakāva. Nāmena panettha eko kuṭeṇḍu nāma, eko viṭeṇḍu nāma. Pāḷiyaṃ pana ‘‘veṭeṇḍū’’ti likhanti. Eko viṭucca nāma, eko viṭuṭo nāma. Sahāti sopi viṭuṭo tehi saheva āgato.

    жанд̣̇ано гаамасздто жа, гиннигхан̣д̣у нигхан̣д̣у жаад̇и абаро гиннигхан̣д̣у наама. баал̣ияам̣ бана ‘‘гиннугхан̣д̣уу’’д̇и ликанд̇и. нигхан̣д̣у жаад̇и ан̃н̃о нигхан̣д̣у наама, зд̇д̇агаа д̣̇аасаа. ид̇о барз бана –

    Candanokāmaseṭṭho ca, kinnighaṇḍu nighaṇḍu cāti aparo kinnighaṇḍu nāma. Pāḷiyaṃ pana ‘‘kinnughaṇḍū’’ti likhanti. Nighaṇḍu cāti añño nighaṇḍu nāma, ettakā dāsā. Ito pare pana –

    ‘‘банаад̣̇о обаман̃н̃о жа, д̣̇звасуд̇о жа маад̇али;

    ‘‘Panādo opamañño ca, devasuto ca mātali;

    жид̇д̇асзно жа г̇анд̇хаб̣б̣о, нал̣о рааж̇аа ж̇анзсабхо;

    Cittaseno ca gandhabbo, naḷo rājā janesabho;

    ааг̇ум̣ бан̃жасико жзва, д̇имб̣аруу суурияаважчасаа’’д̇и. –

    Āguṃ pañcasikho ceva, timbarū sūriyavacchasā’’ti. –

    имз д̣̇зварааж̇аано. д̇ад̇т̇а д̣̇звасуд̇од̇и д̣̇звасаарат̇и. жид̇д̇асзнод̇и жид̇д̇о жа сзно жа жид̇д̇асзно жа. г̇анд̇хаб̣б̣од̇и аяам̣ жид̇д̇асзно г̇анд̇хаб̣б̣агааяиго д̣̇звабуд̇д̇о, на гзвалам̣ жзса, саб̣б̣з бзд̇з банаад̣̇аад̣̇аяо г̇анд̇хаб̣б̣аа зва. нал̣орааж̇аад̇и нал̣агаарад̣̇звабуд̇д̇о наамзго. ж̇анзсабход̇и ж̇анавасабхо д̣̇звабуд̇д̇о. ааг̇ум̣ бан̃жасико жзваад̇и бан̃жасико жзва д̣̇звабуд̇д̇о ааг̇ад̇о. д̇имб̣арууд̇и д̇имб̣аруу наама г̇анд̇хаб̣б̣ад̣̇зварааж̇аа. суурияаважчасаад̇и д̇ассзва д̇хийд̇аа.

    Ime devarājāno. Tattha devasutoti devasārathi. Cittasenoti citto ca seno ca cittaseno ca. Gandhabboti ayaṃ cittaseno gandhabbakāyiko devaputto, na kevalaṃ cesa, sabbe pete panādādayo gandhabbā eva. Naḷorājāti naḷakāradevaputto nāmeko. Janesabhoti janavasabho devaputto. Āguṃ pañcasikho cevāti pañcasikho ceva devaputto āgato. Timbarūti timbarū nāma gandhabbadevarājā. Sūriyavacchasāti tasseva dhītā.

    зд̇з жан̃н̃з жа рааж̇аано, г̇анд̇хаб̣б̣аа саха рааж̇убхийд̇и зд̇з жа наамавасзна вуд̇д̇аг̇анд̇хаб̣б̣арааж̇аано ан̃н̃з жа зд̇зхи рааж̇уухи сад̣̇д̇хим̣ б̣ахуу г̇анд̇хаб̣б̣аа. мод̣̇амаанаа абхиггаамум̣, бхигкуунам̣ самид̇им̣ вананд̇и хадтад̇удтажид̇д̇аа бхигкусан̇гхасамид̇им̣ имам̣ ванам̣ ааг̇ад̇аад̇и ад̇т̇о.

    Ete caññe ca rājāno, gandhabbā saha rājubhīti ete ca nāmavasena vuttagandhabbarājāno aññe ca etehi rājūhi saddhiṃ bahū gandhabbā. Modamānā abhikkāmuṃ, bhikkhūnaṃ samitiṃ vananti haṭṭhatuṭṭhacittā bhikkhusaṅghasamitiṃ imaṃ vanaṃ āgatāti attho.

    338. ат̇ааг̇ум̣ нааг̇асаа нааг̇аа, взсаалаа сахад̇ажчагаад̇и нааг̇асад̣̇ахаваасигаа жа взсаалийваасигаа жа нааг̇аа саха д̇ажчаганааг̇абарисааяа ааг̇ад̇аад̇и ад̇т̇о. гамб̣алассад̇араад̇и гамб̣ало жа ассад̇аро жа. зд̇з гира синзрубаад̣̇з васанд̇и, субан̣н̣зхиби ануд̣̇д̇харан̣ийяаа махзсагканааг̇аа бааяааг̇аа саха н̃аад̇ибхийд̇и баяааг̇ад̇ид̇т̇аваасино жа саха н̃аад̇исан̇гхзна ааг̇ад̇аа.

    338.Athāguṃ nāgasā nāgā, vesālā sahatacchakāti nāgasadahavāsikā ca vesālīvāsikā ca nāgā saha tacchakanāgaparisāya āgatāti attho. Kambalassatarāti kambalo ca assataro ca. Ete kira sinerupāde vasanti, supaṇṇehipi anuddharaṇīyā mahesakkhanāgā pāyāgā saha ñātibhīti payāgatitthavāsino ca saha ñātisaṅghena āgatā.

    яаамунаа д̇хад̇арадтаа жаад̇и яамунаваасино жа д̇хад̇арадтагулз уббаннаа нааг̇аа жа. зрааван̣о махаанааг̇од̇и зрааван̣о жа д̣̇звабуд̇д̇о, ж̇аад̇ияаа нааг̇о на ход̇и. нааг̇авохаарзна банзса вохарияад̇и. собааг̇аад̇и соби ааг̇ад̇о.

    Yāmunā dhataraṭṭhā cāti yamunavāsino ca dhataraṭṭhakule uppannā nāgā ca. Erāvaṇo mahānāgoti erāvaṇo ca devaputto, jātiyā nāgo na hoti. Nāgavohārena panesa vohariyati. Sopāgāti sopi āgato.

    яз нааг̇арааж̇з сахасаа харанд̇ийд̇и яз имз вуд̇д̇аббагаарз нааг̇з лобхаабхибхууд̇аа саахасам̣ гад̇ваа харанд̇и г̇ан̣ханд̇и. д̣̇иб̣б̣аа д̣̇иж̇аа багкий висуд̣̇д̇хажагкууд̇и д̣̇иб̣б̣аанубхаавад̇о д̣̇иб̣б̣аа маад̇угужчид̇о жа ан̣д̣агосад̇о жаад̇и д̣̇вз ваарз ж̇аад̇аад̇и д̣̇иж̇аа багкаяуд̇д̇ад̇ааяа багкий яож̇анасад̇анд̇арзби яож̇анасахассанд̇арзби нааг̇з д̣̇ассанасамад̇т̇ажагкуд̇ааяа висуд̣̇д̇хажагкуу. взхааяасаа д̇з ванамаж̇жхаббад̇д̇аад̇и д̇з аагаасзнзва имам̣ махааванам̣ самбад̇д̇аа. жид̇раа субан̣н̣аа ид̇и д̇зса нааманд̇и д̇зсам̣ ‘‘жид̇расубан̣н̣аа’’д̇и наамам̣.

    Yenāgarāje sahasā harantīti ye ime vuttappakāre nāge lobhābhibhūtā sāhasaṃ katvā haranti gaṇhanti. Dibbā dijā pakkhī visuddhacakkhūti dibbānubhāvato dibbā mātukucchito ca aṇḍakosato cāti dve vāre jātāti dijā pakkhayuttatāya pakkhī yojanasatantarepi yojanasahassantarepi nāge dassanasamatthacakkhutāya visuddhacakkhū. Vehāyasāte vanamajjhappattāti te ākāseneva imaṃ mahāvanaṃ sampattā. Citrā supaṇṇā iti tesa nāmanti tesaṃ ‘‘citrasupaṇṇā’’ti nāmaṃ.

    абхаяам̣ д̇ад̣̇аа нааг̇арааж̇аанамааси, субан̣н̣ад̇о кзмамагааси б̣уд̣̇д̇ход̇и д̇асмаа саб̣б̣зби д̇з ан̃н̃аман̃н̃ам̣ сан̣хаахи ваажаахи убавхаяанд̇аа мид̇д̇аа вияа б̣анд̇хаваа вияа жа самуллабанд̇аа саммод̣̇амаанаа аалин̇г̇анд̇аа хад̇т̇з г̇ан̣ханд̇аа ам̣сагуудз хад̇т̇ам̣ табзнд̇аа хадтад̇удтажид̇д̇аа. нааг̇аа субан̣н̣аа саран̣амагам̣су б̣уд̣̇д̇ханд̇и б̣уд̣̇д̇хам̣язва саран̣ам̣ г̇ад̇аа.

    Abhayaṃtadā nāgarājānamāsi, supaṇṇato khemamakāsi buddhoti tasmā sabbepi te aññamaññaṃ saṇhāhi vācāhi upavhayantā mittā viya bandhavā viya ca samullapantā sammodamānā āliṅgantā hatthe gaṇhantā aṃsakūṭe hatthaṃ ṭhapentā haṭṭhatuṭṭhacittā. Nāgā supaṇṇā saraṇamakaṃsu buddhanti buddhaṃyeva saraṇaṃ gatā.

    339. ж̇ид̇аа важ̇ирахад̇т̇знаад̇и инд̣̇зна д̣̇зваран̃н̃аа ж̇ид̇аа. самуд̣̇д̣̇ам̣ асураасид̇аад̇и махаасамуд̣̇д̣̇аваасино суж̇аад̇ааяа асураган̃н̃ааяа гааран̣аа саб̣б̣зби бхаад̇аро ваасавассзд̇з, ид̣̇д̇химанд̇о яасассино.

    339.Jitā vajirahatthenāti indena devaraññā jitā. Samuddaṃ asurāsitāti mahāsamuddavāsino sujātāya asurakaññāya kāraṇā sabbepi bhātaro vāsavassete, iddhimanto yasassino.

    д̇зсу гаалаган̃жаа махаабхисмаад̇и гаалаган̃жаа жа маханд̇з бхим̣санз ад̇д̇абхаавз маабзд̇ваа ааг̇амим̣су. асураа д̣̇аанавзгхасаад̇и д̣̇аанавзгхасаа наама ан̃н̃з д̇хануг̇г̇ахаасураа. взбажид̇д̇и сужид̇д̇и жа, бахаараад̣̇о намужий сахаад̇и взбажид̇д̇иасуро, сужид̇д̇иасуро жаад̇и зд̇з жа асураа намужи жа мааро д̣̇звабуд̇д̇о зд̇зхи сахзва ааг̇ад̇о. имз асураа махаасамуд̣̇д̣̇аваасино, аяам̣ бараниммид̇ад̣̇звалогаваасий, гасмаа зд̇зхи сахааг̇ад̇од̇и? ажчанд̣̇игад̇д̇аа. д̇зби хи ажчанд̣̇игаа абхаб̣б̣аа, аяамби д̇аад̣̇исоязва. д̇асмаа д̇хаад̇усо сам̣санд̣̇амаано ааг̇ад̇о.

    Tesu kālakañcā mahābhismāti kālakañcā ca mahante bhiṃsane attabhāve māpetvā āgamiṃsu. Asurā dānaveghasāti dānaveghasā nāma aññe dhanuggahaasurā. Vepacitti sucitti ca, pahārādo namucī sahāti vepacittiasuro, sucittiasuro cāti ete ca asurā namuci ca māro devaputto etehi saheva āgato. Ime asurā mahāsamuddavāsino, ayaṃ paranimmitadevalokavāsī, kasmā etehi sahāgatoti? Acchandikattā. Tepi hi acchandikā abhabbā, ayampi tādisoyeva. Tasmā dhātuso saṃsandamāno āgato.

    сад̇ан̃жа б̣алибуд̇д̇аананд̇и б̣алино махааасурасса буд̇д̇аанам̣ сад̇ам̣. саб̣б̣з взрожанаамагаад̇и саб̣б̣з ад̇д̇ано маад̇уласса раахуссзва наамад̇хараа. саннаяхид̇ваа б̣алисзнанд̇и ад̇д̇ано б̣алисзнам̣ саннаяхид̇ваа саб̣б̣з гад̇асаннаахаава худ̇ваа. раахубхад̣̇д̣̇амубааг̇амунд̇и раахуасуринд̣̇ам̣ убасан̇гамим̣су. самаяо д̣̇аани бхад̣̇д̣̇анд̇зд̇и бхад̣̇д̣̇ам̣ д̇ава ход̇у, самаяо д̇з бхигкуунам̣ самид̇им̣ ванам̣ убасан̇гамид̇ваа бхигкусан̇гхам̣ д̣̇ассанааяаад̇и ад̇т̇о.

    Satañca baliputtānanti balino mahāasurassa puttānaṃ sataṃ. Sabbe verocanāmakāti sabbe attano mātulassa rāhusseva nāmadharā. Sannayhitvā balisenanti attano balisenaṃ sannayhitvā sabbe katasannāhāva hutvā. Rāhubhaddamupāgamunti rāhuasurindaṃ upasaṅkamiṃsu. Samayodāni bhaddanteti bhaddaṃ tava hotu, samayo te bhikkhūnaṃ samitiṃ vanaṃ upasaṅkamitvā bhikkhusaṅghaṃ dassanāyāti attho.

    340. аабо жа д̣̇зваа бат̇авий, д̇зж̇о вааяо д̇ад̣̇ааг̇амунд̇и аабогасин̣аад̣̇ийсу баригаммам̣ гад̇ваа ниб̣б̣ад̇д̇аа аабод̇иаад̣̇инаамагаа д̣̇зваа ааг̇амум̣. варун̣аа вааран̣аа д̣̇зваа, сомо жа яасасаа сахаад̇и варун̣ад̣̇звад̇аа , вааран̣ад̣̇звад̇аа, сомад̣̇звад̇аад̇и звам̣ наамагаа жа д̣̇зваа яасасаа наама д̣̇звзна сахааг̇ад̇аад̇и ад̇т̇о. мзд̇д̇аагарун̣аагааяигаад̇и мзд̇д̇аажхаанз жа гарун̣аажхаанз жа баригаммам̣ гад̇ваа ниб̣б̣ад̇д̇ад̣̇зваа. ааг̇ум̣ д̣̇зваа яасассинод̇и зд̇зби махааяасаа д̣̇зваа ааг̇ад̇аа.

    340.Āpo ca devā pathavī, tejo vāyo tadāgamunti āpokasiṇādīsu parikammaṃ katvā nibbattā āpotiādināmakā devā āgamuṃ. Varuṇā vāraṇā devā, somo ca yasasā sahāti varuṇadevatā , vāraṇadevatā, somadevatāti evaṃ nāmakā ca devā yasasā nāma devena sahāgatāti attho. Mettākaruṇākāyikāti mettājhāne ca karuṇājhāne ca parikammaṃ katvā nibbattadevā. Āguṃ devā yasassinoti etepi mahāyasā devā āgatā.

    д̣̇асзд̇з д̣̇асад̇хаа гааяаа, саб̣б̣з наанад̇д̇аван̣н̣инод̇и д̇з д̣̇асад̇хаа тид̇аа д̣̇аса д̣̇звагааяаа саб̣б̣з нийлаад̣̇ивасзна наанад̇д̇аван̣н̣аа ааг̇ад̇аад̇и ад̇т̇о.

    Dasete dasadhā kāyā, sabbe nānattavaṇṇinoti te dasadhā ṭhitā dasa devakāyā sabbe nīlādivasena nānattavaṇṇā āgatāti attho.

    взн̣д̣уу жа д̣̇зваад̇и взн̣д̣уд̣̇звад̇аа жа. сахали жаад̇и сахалид̣̇звад̇аа жа. асамаа жа д̣̇увз яамаад̇и асамад̣̇звад̇аа жа д̣̇вз жа яамагаа д̣̇зваа. жанд̣̇ассубанисаа д̣̇зваа, жанд̣̇амааг̇ум̣ бурагкад̇ваад̇и жанд̣̇аниссид̇агаа д̣̇зваа жанд̣̇ам̣ бурад̇о гад̇ваа ааг̇ад̇аа. д̇ат̇аа суурияаниссид̇агаа д̣̇зваа суурияам̣ бурагкад̇ваа. нагкад̇д̇аани бурагкад̇ваад̇и нагкад̇д̇аниссид̇ааби д̣̇зваа нагкад̇д̇аани бурад̇о гад̇ваа ааг̇ад̇аа. ааг̇ум̣ манд̣̇авалаахагаад̇и ваад̇авалаахагаа, аб̣бхавалаахагаа, ун̣хавалаахагаа зд̇з саб̣б̣зби валаахагааяигаа ‘‘манд̣̇авалаахагаа’’ наама вужжанд̇и. д̇зби ааг̇ад̇аад̇и ад̇т̇о. васуунам̣ ваасаво сздто, саггобааг̇аа буринд̣̇ад̣̇од̇и васуунам̣ д̣̇звад̇аанам̣ сздто ваасаво яо саггод̇и жа, буринд̣̇ад̣̇од̇и жа вужжад̇и, соби ааг̇ад̇о.

    Veṇḍūca devāti veṇḍudevatā ca. Sahali cāti sahalidevatā ca. Asamā ca duve yamāti asamadevatā ca dve ca yamakā devā. Candassupanisā devā, candamāguṃ purakkhatvāti candanissitakā devā candaṃ purato katvā āgatā. Tathā sūriyanissitakā devā sūriyaṃ purakkhatvā. Nakkhattāni purakkhatvāti nakkhattanissitāpi devā nakkhattāni purato katvā āgatā. Āguṃ mandavalāhakāti vātavalāhakā, abbhavalāhakā, uṇhavalāhakā ete sabbepi valāhakāyikā ‘‘mandavalāhakā’’ nāma vuccanti. Tepi āgatāti attho. Vasūnaṃ vāsavo seṭṭho, sakkopāgā purindadoti vasūnaṃ devatānaṃ seṭṭho vāsavo yo sakkoti ca, purindadoti ca vuccati, sopi āgato.

    д̣̇асзд̇з д̣̇асад̇хаа гааяаад̇и зд̇зби д̣̇аса д̣̇звагааяаа д̣̇асад̇хаава ааг̇ад̇аа. саб̣б̣з наанад̇д̇аван̣н̣инод̇и нийлаад̣̇ивасзна наанад̇д̇аван̣н̣аа.

    Dasete dasadhā kāyāti etepi dasa devakāyā dasadhāva āgatā. Sabbe nānattavaṇṇinoti nīlādivasena nānattavaṇṇā.

    ат̇ааг̇ум̣ сахабхуу д̣̇зваад̇и ат̇а сахабхуу наама д̣̇зваа ааг̇ад̇аа. ж̇аламаг̇г̇исикаариваад̇и аг̇г̇исикаа вияа ж̇аланд̇аа. ж̇аламаг̇г̇и жа сикаариваад̇и имаани д̇зсам̣ наамаанийд̇иби вуд̇д̇ам̣. аридтагаа жа рож̇аа жаад̇и аридтагад̣̇зваа жа рож̇ад̣̇зваа жа. умаабубпанибхаасинод̇и умаабубпад̣̇зваа наама зд̇з д̣̇зваа . умаабубпасад̣̇исаа хи д̇зсам̣ сарийраабхаа, д̇асмаа ‘‘умаабубпанибхаасино’’д̇и вужжанд̇и.

    Athāguṃ sahabhū devāti atha sahabhū nāma devā āgatā. Jalamaggisikhārivāti aggisikhā viya jalantā. Jalamaggi ca sikhārivāti imāni tesaṃ nāmānītipi vuttaṃ. Ariṭṭhakā ca rojā cāti ariṭṭhakadevā ca rojadevā ca. Umāpupphanibhāsinoti umāpupphadevā nāma ete devā . Umāpupphasadisā hi tesaṃ sarīrābhā, tasmā ‘‘umāpupphanibhāsino’’ti vuccanti.

    варун̣аа сахад̇хаммаа жаад̇и зд̇з жа д̣̇вз ж̇анаа. ажжуд̇аа жа анзж̇агаад̇и ажжуд̇ад̣̇звад̇аа жа анзж̇агад̣̇звад̇аа жа. сулзяяаружираа ааг̇унд̇и сулзяяаа жа ружираа жа ааг̇ад̇аа. ааг̇ум̣ ваасаванзсинод̇и ваасаванзсийд̣̇зваа наама ааг̇ад̇аа. д̣̇асзд̇з д̣̇асад̇хаа гааяаад̇и зд̇зби д̣̇асад̣̇звагааяаа д̣̇асад̇хаава ааг̇ад̇аа.

    Varuṇā sahadhammā cāti ete ca dve janā. Accutā ca anejakāti accutadevatā ca anejakadevatā ca. Suleyyarucirāāgunti suleyyā ca rucirā ca āgatā. Āguṃ vāsavanesinoti vāsavanesīdevā nāma āgatā. Dasete dasadhā kāyāti etepi dasadevakāyā dasadhāva āgatā.

    самаанаа махаасамаанаад̇и самаанаа жа махаасамаанаа жа. маанусаа маанусуд̇д̇амаад̇и маанусаа жа маанусуд̇д̇амаа жа. кид̣д̣аабад̣̇осигаа ааг̇ум̣, ааг̇ум̣ манобад̣̇осигаад̇и кид̣д̣аабад̣̇осигаа манобад̣̇осигаа жа д̣̇зваа ааг̇ад̇аа.

    Samānā mahāsamānāti samānā ca mahāsamānā ca. Mānusā mānusuttamāti mānusā ca mānusuttamā ca. Khiḍḍāpadosikā āguṃ, āguṃ manopadosikāti khiḍḍāpadosikā manopadosikā ca devā āgatā.

    ат̇ааг̇ум̣ хараяо д̣̇зваад̇и харид̣̇зваа наама ааг̇ад̇аа. яз жа лохид̇аваасинод̇и лохид̇аваасино жа ааг̇ад̇аа. баараг̇аа махаабаараг̇аад̇и зд̇з жа д̣̇увид̇хаа ааг̇ад̇аа. д̣̇асзд̇з д̣̇асад̇хаа гааяаад̇и зд̇зби д̣̇асад̣̇звагааяаа д̣̇асад̇хаава ааг̇ад̇аа.

    Athāguṃ harayo devāti haridevā nāma āgatā. Ye ca lohitavāsinoti lohitavāsino ca āgatā. Pāragā mahāpāragāti ete ca duvidhā āgatā. Dasete dasadhā kāyāti etepi dasadevakāyā dasadhāva āgatā.

    суггаа гарамбхаа арун̣аа, ааг̇ум̣ взгханасаа сахаад̇и зд̇з суггаад̣̇аяо д̇аяо, д̇зхи саха взгханасаа жа ааг̇ад̇аа. од̣̇аад̇аг̇аяхаа баамогкаад̇и од̣̇аад̇аг̇аяхаа наама баамогкад̣̇зваа ааг̇ад̇аа. ааг̇ум̣ д̣̇зваа вижагкан̣аад̇и вижагкан̣аа наама д̣̇зваа ааг̇ад̇аа.

    Sukkākarambhā aruṇā, āguṃ veghanasā sahāti ete sukkādayo tayo, tehi saha veghanasā ca āgatā. Odātagayhā pāmokkhāti odātagayhā nāma pāmokkhadevā āgatā. Āguṃ devā vicakkhaṇāti vicakkhaṇā nāma devā āgatā.

    сад̣̇аамад̇д̇аа хаараг̇аж̇аад̇и сад̣̇аамад̇д̇аа жа хаараг̇аж̇аа жа. миссагаа жа яасассинод̇и яасасамбаннаа миссагад̣̇зваа жа. т̇анаяам̣ ааг̇а баж̇ж̇уннод̇и баж̇ж̇унно жа д̣̇зварааж̇аа т̇анаяанд̇о ааг̇ад̇о. яо д̣̇исаа абхивассад̇ийд̇и яо яам̣ яам̣ д̣̇исам̣ яаад̇и, д̇ад̇т̇а д̇ад̇т̇а д̣̇зво вассад̇и. д̣̇асзд̇з д̣̇асад̇хаа гааяаад̇и зд̇зби д̣̇асад̣̇звагааяаа д̣̇асад̇хаа ааг̇ад̇аа.

    Sadāmattā hāragajāti sadāmattā ca hāragajā ca. Missakā ca yasassinoti yasasampannā missakadevā ca. Thanayaṃ āga pajjunnoti pajjunno ca devarājā thanayanto āgato. Yo disā abhivassatīti yo yaṃ yaṃ disaṃ yāti, tattha tattha devo vassati. Dasete dasadhā kāyāti etepi dasadevakāyā dasadhā āgatā.

    кзмияаа д̇усид̇аа яаамаад̇и кзмияаа д̣̇зваа д̇усид̇абураваасино жа яаамаад̣̇звалогаваасино жа. гат̇агаа жа яасассинод̇и яасасамбаннаа гат̇агад̣̇зваа жа. баал̣ияам̣ бана ‘‘гадтагаа жаа’’д̇и ликанд̇и. ламб̣ийд̇агаа лаамасздтаад̇и ламб̣ид̇агад̣̇зваа жа лаамасздтад̣̇зваа жа. ж̇од̇инаамаа жа аасаваад̇и баб̣б̣ад̇амад̇т̇агз гад̇анал̣аг̇г̇игканд̇хо вияа ж̇од̇амаанаа ж̇од̇ид̣̇зваа наама ад̇т̇и, д̇з жа аасаа жа д̣̇зваа ааг̇ад̇аад̇и ад̇т̇о. баал̣ияам̣ бана ‘‘ж̇аад̇инаамаа’’д̇и ликанд̇и. аасаа д̣̇звад̇аа чанд̣̇авасзна аасаваад̇и вуд̇д̇аа. ниммаанарад̇ино ааг̇ум̣, ат̇ааг̇ум̣ бараниммид̇аа. д̣̇асзд̇з д̣̇асад̇хаа гааяаад̇и зд̇зби д̣̇аса д̣̇звагааяаа д̣̇асад̇хаава ааг̇ад̇аа.

    Khemiyā tusitā yāmāti khemiyā devā tusitapuravāsino ca yāmādevalokavāsino ca. Kathakā ca yasassinoti yasasampannā kathakadevā ca. Pāḷiyaṃ pana ‘‘kaṭṭhakā cā’’ti likhanti. Lambītakā lāmaseṭṭhāti lambitakadevā ca lāmaseṭṭhadevā ca. Jotināmā ca āsavāti pabbatamatthake katanaḷaggikkhandho viya jotamānā jotidevā nāma atthi, te ca āsā ca devā āgatāti attho. Pāḷiyaṃ pana ‘‘jātināmā’’ti likhanti. Āsā devatā chandavasena āsavāti vuttā. Nimmānaratino āguṃ, athāguṃ paranimmitā. Dasete dasadhā kāyāti etepi dasa devakāyā dasadhāva āgatā.

    садтзд̇з д̣̇званигааяаад̇и зд̇з жа аабо жа д̣̇зваад̇иаад̣̇игаа ча д̣̇асагаа садти д̣̇званигааяаа саб̣б̣з нийлаад̣̇ивасзна наанад̇д̇аван̣н̣ино. нааманваязна ааг̇ажчунд̇и наамабхааг̇зна наамагодтаасзна ааг̇ад̇аа. яз жан̃н̃з сад̣̇исаа сахаад̇и яз жа ан̃н̃зби д̇зхи сад̣̇исаа ван̣н̣ад̇оби наамад̇оби зд̇аад̣̇исааязва сзсажаггаваал̣зсу д̣̇зваа, д̇зби ааг̇ад̇ааязваад̇и згабад̣̇знзва галаабам̣ вияа будагам̣ вияа жа гад̇ваа саб̣б̣аа д̣̇звад̇аа нид̣̇д̣̇исад̇и.

    Saṭṭhetedevanikāyāti ete ca āpo ca devātiādikā cha dasakā saṭṭhi devanikāyā sabbe nīlādivasena nānattavaṇṇino. Nāmanvayena āgacchunti nāmabhāgena nāmakoṭṭhāsena āgatā. Ye caññe sadisā sahāti ye ca aññepi tehi sadisā vaṇṇatopi nāmatopi etādisāyeva sesacakkavāḷesu devā, tepi āgatāyevāti ekapadeneva kalāpaṃ viya puṭakaṃ viya ca katvā sabbā devatā niddisati.

    звам̣ д̣̇асасу логад̇хаад̇усахассзсу д̣̇звагааяз нид̣̇д̣̇исид̇ваа ид̣̇аани яад̣̇ад̇т̇ам̣ д̇з ааг̇ад̇аа, д̇ам̣ д̣̇ассзнд̇о бавудтаж̇аад̇инд̇и г̇аат̇амааха. д̇ассад̇т̇о – бавудтаа виг̇ад̇аа ж̇аад̇и ассаад̇и арияасан̇гхо бавудтаж̇аад̇и наама, д̇ам̣ бавудтаж̇аад̇им̣ рааг̇ад̣̇осамохакийлаанам̣ абхааваа акийлам̣ жад̇д̇ааро огхз д̇арид̇ваа тид̇ад̇д̇аа огхад̇ин̣н̣ам̣ жад̇уннам̣ аасаваанам̣ абхаавзна анаасавам̣ арияасан̇гхам̣ д̣̇агкзма бассиссаама. д̇зсан̃н̃зва огхаанам̣ д̇ин̣н̣ад̇д̇аа огхад̇арам̣ ааг̇ум̣ агаран̣ад̇о нааг̇ам̣. асид̇аад̇иг̇анд̇и гаал̣агабхааваад̇ийд̇ам̣ жанд̣̇ам̣ва сирияаа вирожамаанам̣ д̣̇асаб̣алан̃жа д̣̇агкзма бассиссаамаад̇и зд̇ад̣̇ад̇т̇ам̣ саб̣б̣зби д̇з нааманваязна ааг̇ажчум̣, яз жан̃н̃з сад̣̇исаа сахаад̇и.

    Evaṃ dasasu lokadhātusahassesu devakāye niddisitvā idāni yadatthaṃ te āgatā, taṃ dassento pavuṭṭhajātinti gāthamāha. Tassattho – pavuṭṭhā vigatā jāti assāti ariyasaṅgho pavuṭṭhajāti nāma, taṃ pavuṭṭhajātiṃ rāgadosamohakhīlānaṃ abhāvā akhīlaṃ cattāro oghe taritvā ṭhitattā oghatiṇṇaṃ catunnaṃ āsavānaṃ abhāvena anāsavaṃ ariyasaṅghaṃ dakkhema passissāma. Tesaññeva oghānaṃ tiṇṇattā oghataraṃ āguṃ akaraṇato nāgaṃ. Asitātiganti kāḷakabhāvātītaṃ candaṃva siriyā virocamānaṃ dasabalañca dakkhema passissāmāti etadatthaṃ sabbepi te nāmanvayena āgacchuṃ, ye caññe sadisā sahāti.

    341. ид̣̇аани б̣рахмаано д̣̇ассзнд̇о суб̣рахмаа барамад̇д̇о жаад̇иаад̣̇имааха. д̇ад̇т̇а суб̣рахмаад̇и зго б̣рахмаа. барамад̇д̇оби б̣рахмаава. буд̇д̇аа ид̣̇д̇химад̇о сахаад̇и зд̇з ид̣̇д̇химад̇о б̣уд̣̇д̇хасса бхаг̇авад̇о буд̇д̇аа арияаб̣рахмаано сахзва ааг̇ад̇аа. санан̇гумааро д̇иссо жаад̇и санан̇гумааро жа д̇иссамахааб̣рахмаа жа. собааг̇аад̇и соби ааг̇ад̇о.

    341. Idāni brahmāno dassento subrahmā paramatto cātiādimāha. Tattha subrahmāti eko brahmā. Paramattopi brahmāva. Puttā iddhimato sahāti ete iddhimato buddhassa bhagavato puttā ariyabrahmāno saheva āgatā. Sanaṅkumāro tisso cāti sanaṅkumāro ca tissamahābrahmā ca. Sopāgāti sopi āgato.

    ‘‘сахассам̣ б̣рахмалогаанам̣, махааб̣рахмаабхид̇идтад̇и;

    ‘‘Sahassaṃ brahmalokānaṃ, mahābrahmābhitiṭṭhati;

    убабанно ж̇уд̇иманд̇о, бхисмаагааяо яасасси со’’д̇и. –

    Upapanno jutimanto, bhismākāyo yasassi so’’ti. –

    зд̇т̇а сахассам̣ б̣рахмалогаананд̇и зган̇г̇улияаа згасахассажаггаваал̣з д̣̇асахи ан̇г̇улийхи д̣̇асасахассижаггаваал̣з аалогапаран̣асамад̇т̇аанам̣ махааб̣рахмаанам̣ сахассам̣ ааг̇ад̇ам̣. махааб̣рахмаабхид̇идтад̇ийд̇и яад̇т̇а згзго махааб̣рахмаа ан̃н̃з б̣рахмз абхибхавид̇ваа д̇идтад̇и. убабаннод̇и б̣рахмалогз ниб̣б̣ад̇д̇о. ж̇уд̇иманд̇од̇и аанубхаавасамбанно. бхисмаагааяод̇и махаагааяо, д̣̇вийхи д̇ийхи мааг̇ад̇хигзхи г̇аамагкзд̇д̇зхи самаббамаан̣аад̇д̇абхааво. яасассисод̇и ад̇д̇абхаавасирийсан̇каад̇зна яасзна саманнааг̇ад̇о.

    Ettha sahassaṃ brahmalokānanti ekaṅguliyā ekasahassacakkavāḷe dasahi aṅgulīhi dasasahassicakkavāḷe ālokapharaṇasamatthānaṃ mahābrahmānaṃ sahassaṃ āgataṃ. Mahābrahmābhitiṭṭhatīti yattha ekeko mahābrahmā aññe brahme abhibhavitvā tiṭṭhati. Upapannoti brahmaloke nibbatto. Jutimantoti ānubhāvasampanno. Bhismākāyoti mahākāyo, dvīhi tīhi māgadhikehi gāmakkhettehi samappamāṇaattabhāvo. Yasassisoti attabhāvasirīsaṅkhātena yasena samannāgato.

    д̣̇асзд̇т̇а иссараа ааг̇ум̣, бажжзгавасавад̇д̇инод̇и зд̇асмин̃жа б̣рахмасахассз яз баадиязггам̣ баадиязггам̣ васам̣ вад̇д̇знд̇и, зваруубаа д̣̇аса иссараа махааб̣рахмаано ааг̇ад̇аа. д̇зсан̃жа маж̇жхад̇о ааг̇а, хаарид̇о бариваарид̇од̇и д̇зсам̣ б̣рахмаанам̣ маж̇жхз хаарид̇о наама махааб̣рахмаа сад̇асахассаб̣рахмабаривааро ааг̇ад̇о.

    Dasettha issarā āguṃ, paccekavasavattinoti etasmiñca brahmasahasse ye pāṭiyekkaṃ pāṭiyekkaṃ vasaṃ vattenti, evarūpā dasa issarā mahābrahmāno āgatā. Tesañca majjhato āga, hārito parivāritoti tesaṃ brahmānaṃ majjhe hārito nāma mahābrahmā satasahassabrahmaparivāro āgato.

    342. д̇з жа саб̣б̣з абхигганд̇з, саинд̣̇з д̣̇звз саб̣рахмагзд̇и д̇з саб̣б̣зби саггам̣ д̣̇зварааж̇аанам̣ ж̇здтагам̣ гад̇ваа ааг̇ад̇з д̣̇звагааяз, хаарид̇амахааб̣рахмаанам̣ ж̇здтагам̣ гад̇ваа ааг̇ад̇з б̣рахмагааяз жа. маарасзнаа абхиггаамийд̇и маарасзнаа абхиг̇ад̇аа. басса ган̣хасса манд̣̇ияанд̇и гаал̣агасса маараса б̣аалабхаавам̣ бассат̇а.

    342.Te ca sabbe abhikkante, sainde deve sabrahmaketi te sabbepi sakkaṃ devarājānaṃ jeṭṭhakaṃ katvā āgate devakāye, hāritamahābrahmānaṃ jeṭṭhakaṃ katvā āgate brahmakāye ca. Mārasenā abhikkāmīti mārasenā abhigatā. Passa kaṇhassa mandiyanti kāḷakassa mārasa bālabhāvaṃ passatha.

    зт̇а г̇ан̣хат̇а б̣анд̇хат̇аад̇и звам̣ ад̇д̇ано барисам̣ аан̣аабзси. рааг̇зна б̣ад̣̇д̇хамад̇т̇у вод̇и саб̣б̣ам̣ во ид̣̇ам̣ д̣̇зваман̣д̣алам̣ рааг̇зна б̣ад̣̇д̇хам̣ ход̇у. саманд̇аа бариваарзт̇а, маа во мун̃жид̇т̇а гожи нанд̇и д̇умхаагам̣ згоби зд̇зсу згамби маа мун̃жи. ‘‘маа во мун̃жзт̇аа’’д̇иби баато, зсзвад̇т̇о.

    Etha gaṇhatha bandhathāti evaṃ attano parisaṃ āṇāpesi. Rāgena baddhamatthu voti sabbaṃ vo idaṃ devamaṇḍalaṃ rāgena baddhaṃ hotu. Samantā parivāretha, mā vo muñcittha koci nanti tumhākaṃ ekopi etesu ekampi mā muñci. ‘‘Mā vo muñcethā’’tipi pāṭho, esevattho.

    ид̇и д̇ад̇т̇а махаасзно, ган̣хо сзнам̣ абзсаяийд̇и звам̣ д̇ад̇т̇а махаасамаяз махаасзно мааро маарасзнам̣ абзсаяи. баан̣инаа д̇аламаахажжаад̇и хад̇т̇зна бат̇авийд̇алам̣ бахарид̇ваа. сарам̣ гад̇ваана бхзраванд̇и мааравибхим̣сагад̣̇ассанад̇т̇ам̣ бхаяаанагам̣ саран̃жа гад̇ваа.

    Iti tattha mahāseno, kaṇho senaṃ apesayīti evaṃ tattha mahāsamaye mahāseno māro mārasenaṃ apesayi. Pāṇinā talamāhaccāti hatthena pathavītalaṃ paharitvā. Saraṃ katvāna bheravanti māravibhiṃsakadassanatthaṃ bhayānakaṃ sarañca katvā.

    яат̇аа баавуссаго мзгхо, т̇анаяанд̇о савиж̇ж̇угод̇и савиж̇ж̇уго баавуссагамзгхо вияа махааг̇аж̇ж̇ид̇ам̣ г̇аж̇ж̇анд̇о. д̇ад̣̇аа со бажжуд̣̇аавад̇д̇ийд̇и д̇асмим̣ самаяз со мааро д̇ам̣ вибхим̣санагам̣ д̣̇ассзд̇ваа бадинивад̇д̇о . сан̇гуд̣̇д̇хо асаяам̣ васзд̇и судту гуд̣̇д̇хо губид̇о ган̃жи васз вад̇д̇зд̇ум̣ асаггонд̇о асаяам̣васз асаяам̣васий ад̇д̇ано васзна агаамаго худ̇ваа нивад̇д̇о. бхаг̇аваа гира ‘‘аяам̣ мааро имам̣ махаасамааг̇амам̣ д̣̇исваа ‘абхисамаяанд̇арааяам̣ гариссаамий’д̇и анд̇аранд̇арз маарасзнам̣ бзсзд̇ваа маарам̣ вибхим̣сагам̣ д̣̇ассзд̇ий’’д̇и ан̃н̃ааси. багад̇и жзсаа бхаг̇авад̇о, яад̇т̇а абхисамаяо на бхависсад̇и, д̇ад̇т̇а маарам̣ вибхим̣сагам̣ д̣̇ассзнд̇ам̣ на ниваарзд̇и. яад̇т̇а бана абхисамаяо ход̇и, д̇ад̇т̇а яат̇аа барисаа нзва маарасса руубам̣ бассад̇и, на сад̣̇д̣̇ам̣ сун̣аад̇и, звам̣ ад̇хидтаад̇ийд̇и. имасмин̃жа самааг̇амз махаабхисамаяо бхависсад̇и, д̇асмаа яат̇аа д̣̇звад̇аа нзва д̇асса руубам̣ бассанд̇и, на сад̣̇д̣̇ам̣ сун̣анд̇и, звам̣ ад̇хидтааси. д̇зна вуд̇д̇ам̣ –‘‘д̇ад̣̇аа со бажжуд̣̇аавад̇д̇и, сан̇гуд̣̇д̇хо асаяам̣васз’’д̇и.

    Yathā pāvussako megho, thanayanto savijjukoti savijjuko pāvussakamegho viya mahāgajjitaṃ gajjanto. Tadā so paccudāvattīti tasmiṃ samaye so māro taṃ vibhiṃsanakaṃ dassetvā paṭinivatto . Saṅkuddho asayaṃ vaseti suṭṭhu kuddho kupito kañci vase vattetuṃ asakkonto asayaṃvase asayaṃvasī attano vasena akāmako hutvā nivatto. Bhagavā kira ‘‘ayaṃ māro imaṃ mahāsamāgamaṃ disvā ‘abhisamayantarāyaṃ karissāmī’ti antarantare mārasenaṃ pesetvā māraṃ vibhiṃsakaṃ dassetī’’ti aññāsi. Pakati cesā bhagavato, yattha abhisamayo na bhavissati, tattha māraṃ vibhiṃsakaṃ dassentaṃ na nivāreti. Yattha pana abhisamayo hoti, tattha yathā parisā neva mārassa rūpaṃ passati, na saddaṃ suṇāti, evaṃ adhiṭṭhātīti. Imasmiñca samāgame mahābhisamayo bhavissati, tasmā yathā devatā neva tassa rūpaṃ passanti, na saddaṃ suṇanti, evaṃ adhiṭṭhāsi. Tena vuttaṃ –‘‘tadā so paccudāvatti, saṅkuddho asayaṃvase’’ti.

    343. д̇ан̃жа саб̣б̣ам̣ абхин̃н̃ааяа, вавад̇т̇ид̇ваана жагкумаад̇и д̇ам̣ саб̣б̣ам̣ бхаг̇аваа ж̇аанид̇ваа вавад̇т̇абзд̇ваа жа.

    343.Tañca sabbaṃ abhiññāya, vavatthitvāna cakkhumāti taṃ sabbaṃ bhagavā jānitvā vavatthapetvā ca.

    маарасзнаа абхигганд̇аа, д̇з виж̇аанаат̇а бхигкавод̇и бхигкавз маарасзнаа абхигганд̇аа, д̇з д̇умхз ад̇д̇ано ануруубам̣ виж̇аанаат̇а, паласамаабад̇д̇им̣ самаабаж̇ж̇ат̇аад̇и вад̣̇ад̇и. аад̇аббамагарунд̇и паласамаабад̇д̇им̣ бависанад̇т̇ааяа вийрияам̣ аарабхим̣су. вийд̇арааг̇зхи баггаамунд̇и мааро жа маарасзнаа жа вийд̇арааг̇зхи ариязхи д̣̇уурад̇ова абаггамум̣. нзсам̣ ломааби ин̃ж̇аяунд̇и д̇зсам̣ вийд̇арааг̇аанам̣ ломааниби на жаалаяим̣су. ат̇а мааро бхигкусан̇гхам̣ аараб̣бха имам̣ г̇аат̇ам̣ абхааси –

    Mārasenā abhikkantā, te vijānātha bhikkhavoti bhikkhave mārasenā abhikkantā, te tumhe attano anurūpaṃ vijānātha, phalasamāpattiṃ samāpajjathāti vadati. Ātappamakarunti phalasamāpattiṃ pavisanatthāya vīriyaṃ ārabhiṃsu. Vītarāgehi pakkāmunti māro ca mārasenā ca vītarāgehi ariyehi dūratova apakkamuṃ. Nesaṃ lomāpi iñjayunti tesaṃ vītarāgānaṃ lomānipi na cālayiṃsu. Atha māro bhikkhusaṅghaṃ ārabbha imaṃ gāthaṃ abhāsi –

    ‘‘саб̣б̣з виж̇ид̇асан̇г̇аамаа, бхаяаад̇ийд̇аа яасассино;

    ‘‘Sabbe vijitasaṅgāmā, bhayātītā yasassino;

    мод̣̇анд̇и саха бхууд̇зхи, саавагаа д̇з ж̇анзсуд̇аа’’д̇и.

    Modanti saha bhūtehi, sāvakā te janesutā’’ti.

    д̇ад̇т̇а мод̣̇анд̇и саха бхууд̇зхийд̇и д̣̇асаб̣аласса саасанз бхууд̇зхи сан̃ж̇аад̇зхи ариязхи сад̣̇д̇хим̣ мод̣̇анд̇и бамод̣̇анд̇и. ж̇анзсуд̇аад̇и ж̇анз виссуд̇аа баагадаа абхин̃н̃аад̇аа.

    Tattha modanti saha bhūtehīti dasabalassa sāsane bhūtehi sañjātehi ariyehi saddhiṃ modanti pamodanti. Janesutāti jane vissutā pākaṭā abhiññātā.

    ид̣̇ам̣ бана махаасамаяасуд̇д̇ам̣ наама д̣̇звад̇аанам̣ бияам̣ манаабам̣, д̇асмаа ман̇г̇алам̣ вад̣̇анд̇зна абхинавадтаанзсу ид̣̇амзва суд̇д̇ам̣ вад̇д̇аб̣б̣ам̣. д̣̇звад̇аа гира –‘‘имам̣ суд̇д̇ам̣ сун̣иссаамаа’’д̇и охид̇асод̇аа вижаранд̇и. д̣̇зсанаабарияосаанз банасса годисад̇асахассад̣̇звад̇аа арахад̇д̇ам̣ бад̇д̇аа, сод̇аабаннаад̣̇ийнам̣ г̇ан̣анаа над̇т̇и.

    Idaṃ pana mahāsamayasuttaṃ nāma devatānaṃ piyaṃ manāpaṃ, tasmā maṅgalaṃ vadantena abhinavaṭṭhānesu idameva suttaṃ vattabbaṃ. Devatā kira –‘‘imaṃ suttaṃ suṇissāmā’’ti ohitasotā vicaranti. Desanāpariyosāne panassa koṭisatasahassadevatā arahattaṃ pattā, sotāpannādīnaṃ gaṇanā natthi.

    д̣̇звад̇аанан̃жасса бияаманаабабхаавз ид̣̇ам̣ вад̇т̇у – годибаб̣б̣ад̇авихаарз гира нааг̇алзн̣ад̣̇ваарз нааг̇аругкз згаа д̣̇звад̇хийд̇аа васад̇и. зго д̣̇ахаро анд̇олзн̣з имам̣ суд̇д̇ам̣ саж̇жхааяад̇и. д̣̇звад̇хийд̇аа суд̇ваа суд̇д̇абарияосаанз махаасад̣̇д̣̇зна саад̇хугаарамад̣̇ааси. го зсод̇и. ахам̣, бханд̇з, д̣̇звад̇хийд̇аад̇и. гасмаа саад̇хугаарамад̣̇аасийд̇и? бханд̇з, д̣̇асаб̣алзна махааванз нисийд̣̇ид̇ваа гат̇ид̇ад̣̇ивасз имам̣ суд̇д̇ам̣ суд̇ваа аж̇ж̇а ассосим̣, бхаг̇авад̇аа гат̇ид̇ад̇о згагкарамби ахаабзд̇ваа суг̇г̇ахид̇о аяам̣ д̇хаммо д̇умхзхийд̇и. д̣̇асаб̣аласса гат̇аяад̇о суд̇ам̣ д̇аяаад̇и? аама, бханд̇зд̇и. махаа гира д̣̇звад̇аасаннибаад̇о ахоси, д̇вам̣ гад̇т̇а тид̇аа сун̣ийд̇и?

    Devatānañcassa piyamanāpabhāve idaṃ vatthu – koṭipabbatavihāre kira nāgaleṇadvāre nāgarukkhe ekā devadhītā vasati. Eko daharo antoleṇe imaṃ suttaṃ sajjhāyati. Devadhītā sutvā suttapariyosāne mahāsaddena sādhukāramadāsi. Ko esoti. Ahaṃ, bhante, devadhītāti. Kasmā sādhukāramadāsīti? Bhante, dasabalena mahāvane nisīditvā kathitadivase imaṃ suttaṃ sutvā ajja assosiṃ, bhagavatā kathitato ekakkharampi ahāpetvā suggahito ayaṃ dhammo tumhehīti. Dasabalassa kathayato sutaṃ tayāti? Āma, bhanteti. Mahā kira devatāsannipāto ahosi, tvaṃ kattha ṭhitā suṇīti?

    ахам̣, бханд̇з, махааванаваасияаа д̣̇звад̇аа, махзсагкаасу бана д̣̇звад̇аасу ааг̇ажчанд̇ийсу ж̇амб̣уд̣̇ийбз огаасам̣ наалад̇т̇ам̣, ат̇а имам̣ д̇амб̣абан̣н̣ид̣̇ийбам̣ ааг̇анд̇ваа ж̇амб̣уголабадданз тад̇ваа сод̇ум̣ аарад̣̇д̇хамхи, д̇ад̇рааби махзсагкаасу д̣̇звад̇аасу ааг̇ажчанд̇ийсу ануггамзна бадиггамамаанаа рохан̣аж̇анабад̣̇з махааг̇аамасса бидтибхааг̇ад̇о самуд̣̇д̣̇з г̇алаббамаан̣ам̣ уд̣̇агам̣ бависид̇ваа д̇ад̇т̇а тид̇аа ассосинд̇и. д̇уяхам̣ тид̇адтаанад̇о д̣̇уурз сад̇т̇аарам̣ бассаси д̣̇звад̇зд̇и? гим̣ гат̇зт̇а, бханд̇з, сад̇т̇аа махааванз д̇хаммам̣ д̣̇зсзнд̇о ниранд̇арам̣ маман̃н̃зва ологзд̇ийд̇и ман̃н̃амаанаа од̇аббамаанаа уумийсу нилаяаамийд̇и.

    Ahaṃ, bhante, mahāvanavāsiyā devatā, mahesakkhāsu pana devatāsu āgacchantīsu jambudīpe okāsaṃ nālatthaṃ, atha imaṃ tambapaṇṇidīpaṃ āgantvā jambukolapaṭṭane ṭhatvā sotuṃ āraddhamhi, tatrāpi mahesakkhāsu devatāsu āgacchantīsu anukkamena paṭikkamamānā rohaṇajanapade mahāgāmassa piṭṭhibhāgato samudde galappamāṇaṃ udakaṃ pavisitvā tattha ṭhitā assosinti. Tuyhaṃ ṭhitaṭṭhānato dūre satthāraṃ passasi devateti? Kiṃ kathetha, bhante, satthā mahāvane dhammaṃ desento nirantaraṃ mamaññeva oloketīti maññamānā otappamānā ūmīsu nilayāmīti.

    д̇ам̣ д̣̇ивасам̣ гира годисад̇асахассад̣̇звад̇аа арахад̇д̇ам̣ бад̇д̇аа, д̇умхзби д̇ад̣̇аа арахад̇д̇ам̣ бад̇д̇аад̇и? над̇т̇и, бханд̇з. анааг̇аамипалам̣ бад̇д̇ад̇т̇а ман̃н̃зд̇и? над̇т̇и, бханд̇з. сагад̣̇ааг̇аамипалам̣ бад̇д̇ад̇т̇а ман̃н̃зд̇и? над̇т̇и, бханд̇з. д̇аяо маг̇г̇з бад̇д̇аа д̣̇звад̇аа гира г̇ан̣анабат̇ам̣ ад̇ийд̇аа, сод̇аабаннаа ж̇аад̇ад̇т̇а ман̃н̃зд̇и? д̣̇звад̇аа д̇ам̣ д̣̇ивасам̣ сод̇аабад̇д̇ипалам̣ бад̇д̇ад̇д̇аа харааяамаанаа –‘‘абужчид̇аб̣б̣ам̣ бужчад̇и аяяо’’д̇и ааха. д̇ад̇о нам̣ со бхигку ааха – ‘‘саггаа бана д̣̇звад̇з, д̇ава ад̇д̇абхаавам̣ амхаагам̣ д̣̇ассзд̇у’’нд̇и? на саггаа бханд̇з сагалагааяам̣ д̣̇ассзд̇ум̣, ан̇г̇улибаб̣б̣амад̇д̇ам̣ д̣̇ассзссаами аяяассаад̇и гун̃жигачид̣̇д̣̇зна ан̇г̇улим̣ анд̇олзн̣аабхимукам̣ агааси, жанд̣̇асахассасуурияасахассауг̇г̇аманагаало вияа ахоси. д̣̇звад̇хийд̇аа ‘‘аббамад̇д̇аа, бханд̇з, хот̇аа’’д̇и д̣̇ахарабхигкум̣ ванд̣̇ид̇ваа аг̇амааси. звам̣ имам̣ суд̇д̇ам̣ д̣̇звад̇аанам̣ бияам̣ манаабам̣, мамааяанд̇и нам̣ д̣̇звад̇аад̇и.

    Taṃ divasaṃ kira koṭisatasahassadevatā arahattaṃ pattā, tumhepi tadā arahattaṃ pattāti? Natthi, bhante. Anāgāmiphalaṃ pattattha maññeti? Natthi, bhante. Sakadāgāmiphalaṃ pattattha maññeti? Natthi, bhante. Tayo magge pattā devatā kira gaṇanapathaṃ atītā, sotāpannā jātattha maññeti? Devatā taṃ divasaṃ sotāpattiphalaṃ pattattā harāyamānā –‘‘apucchitabbaṃ pucchati ayyo’’ti āha. Tato naṃ so bhikkhu āha – ‘‘sakkā pana devate, tava attabhāvaṃ amhākaṃ dassetu’’nti? Na sakkā bhante sakalakāyaṃ dassetuṃ, aṅgulipabbamattaṃ dassessāmi ayyassāti kuñcikachiddena aṅguliṃ antoleṇābhimukhaṃ akāsi, candasahassasūriyasahassauggamanakālo viya ahosi. Devadhītā ‘‘appamattā, bhante, hothā’’ti daharabhikkhuṃ vanditvā agamāsi. Evaṃ imaṃ suttaṃ devatānaṃ piyaṃ manāpaṃ, mamāyanti naṃ devatāti.

    ид̇и суман̇г̇алавилаасинияаа д̣̇ийгханигааяадтагат̇ааяам̣

    Iti sumaṅgalavilāsiniyā dīghanikāyaṭṭhakathāyaṃ

    махаасамаяасуд̇д̇аван̣н̣анаа нидтид̇аа.

    Mahāsamayasuttavaṇṇanā niṭṭhitā.




    Next: 8. саггабан̃хасуд̇д̇аван̣н̣анаа • 8. Sakkapañhasuttavaṇṇanā




    Related texts:



    д̇ибидага (муула) • Tipiṭaka (Mūla) / суд̇д̇абидага • Suttapiṭaka / д̣̇ийгханигааяа • Dīghanikāya / 7. махаасамаяасуд̇д̇ам̣ • 7. Mahāsamayasuttaṃ

    дийгаа • Tīkā / суд̇д̇абидага (дийгаа) • Suttapiṭaka (ṭīkā) / д̣̇ийгханигааяа (дийгаа) • Dīghanikāya (ṭīkā) / 7. махаасамаяасуд̇д̇аван̣н̣анаа • 7. Mahāsamayasuttavaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact