Library / Tipiṭaka / д̇ибидага • Tipiṭaka / жуул̣аваг̇г̇абаал̣и • Cūḷavaggapāḷi

2. махаасамуд̣̇д̣̇задтажчарияам̣

2. Mahāsamuddeaṭṭhacchariyaṃ

384. ¹ ‘‘адтимз, бхигкавз, махаасамуд̣̇д̣̇з ажчарияаа аб̣бхуд̇аа д̇хаммаа, яз д̣̇исваа д̣̇исваа асураа махаасамуд̣̇д̣̇з абхираманд̇и. гад̇амз адта?

384.² ‘‘Aṭṭhime, bhikkhave, mahāsamudde acchariyā abbhutā dhammā, ye disvā disvā asurā mahāsamudde abhiramanti. Katame aṭṭha?

‘‘махаасамуд̣̇д̣̇о, бхигкавз, анубуб̣б̣анинно анубуб̣б̣абон̣о анубуб̣б̣абаб̣бхааро на ааяад̇агзнзва бабаад̇о. яамби, бхигкавз, махаасамуд̣̇д̣̇о анубуб̣б̣анинно анубуб̣б̣абон̣о анубуб̣б̣абаб̣бхааро на ааяад̇агзнзва бабаад̇о – аяам̣, бхигкавз, махаасамуд̣̇д̣̇з батамо ажчарияо аб̣бхуд̇о д̇хаммо, яам̣ д̣̇исваа д̣̇исваа асураа махаасамуд̣̇д̣̇з абхираманд̇и.

‘‘Mahāsamuddo, bhikkhave, anupubbaninno anupubbapoṇo anupubbapabbhāro na āyatakeneva papāto. Yampi, bhikkhave, mahāsamuddo anupubbaninno anupubbapoṇo anupubbapabbhāro na āyatakeneva papāto – ayaṃ, bhikkhave, mahāsamudde paṭhamo acchariyo abbhuto dhammo, yaṃ disvā disvā asurā mahāsamudde abhiramanti.

‘‘буна жабарам̣, бхигкавз, махаасамуд̣̇д̣̇о тид̇ад̇хаммо взлам̣ наад̇ивад̇д̇ад̇и. яамби, бхигкавз, махаасамуд̣̇д̣̇о тид̇ад̇хаммо взлам̣ наад̇ивад̇д̇ад̇и – аяам̣ ³, бхигкавз, махаасамуд̣̇д̣̇з д̣̇уд̇ияо ажчарияо аб̣бхуд̇о д̇хаммо, яам̣ д̣̇исваа д̣̇исваа асураа махаасамуд̣̇д̣̇з абхираманд̇и.

‘‘Puna caparaṃ, bhikkhave, mahāsamuddo ṭhitadhammo velaṃ nātivattati. Yampi, bhikkhave, mahāsamuddo ṭhitadhammo velaṃ nātivattati – ayaṃ ⁴, bhikkhave, mahāsamudde dutiyo acchariyo abbhuto dhammo, yaṃ disvā disvā asurā mahāsamudde abhiramanti.

‘‘буна жабарам̣, бхигкавз, махаасамуд̣̇д̣̇о на мад̇зна гун̣абзна сам̣васад̇и . яам̣ ход̇и махаасамуд̣̇д̣̇з мад̇ам̣ гун̣абам̣, д̇ам̣ киббан̃н̃зва д̇ийрам̣ ваахзд̇и, т̇алам̣ уссаарзд̇и. яамби, бхигкавз, махаасамуд̣̇д̣̇о на мад̇зна гун̣абзна сам̣васад̇и, яам̣ ход̇и махаасамуд̣̇д̣̇з мад̇ам̣ гун̣абам̣, д̇ам̣ киббан̃н̃зва д̇ийрам̣ ваахзд̇и, т̇алам̣ уссаарзд̇и – аяам̣, бхигкавз, махаасамуд̣̇д̣̇з д̇ад̇ияо ажчарияо аб̣бхуд̇о д̇хаммо, яам̣ д̣̇исваа д̣̇исваа асураа махаасамуд̣̇д̣̇з абхираманд̇и.

‘‘Puna caparaṃ, bhikkhave, mahāsamuddo na matena kuṇapena saṃvasati . Yaṃ hoti mahāsamudde mataṃ kuṇapaṃ, taṃ khippaññeva tīraṃ vāheti, thalaṃ ussāreti. Yampi, bhikkhave, mahāsamuddo na matena kuṇapena saṃvasati, yaṃ hoti mahāsamudde mataṃ kuṇapaṃ, taṃ khippaññeva tīraṃ vāheti, thalaṃ ussāreti – ayaṃ, bhikkhave, mahāsamudde tatiyo acchariyo abbhuto dhammo, yaṃ disvā disvā asurā mahāsamudde abhiramanti.

‘‘буна жабарам̣, бхигкавз, яаа гаажи махаанад̣̇ияо, сзяяат̇ид̣̇ам̣ – г̇ан̇г̇аа, яамунаа, ажиравад̇ий, сарабхуу, махий, д̇аа махаасамуд̣̇д̣̇ам̣ бад̇д̇аа ж̇аханд̇и буримаани наамаг̇од̇д̇аани, махаасамуд̣̇д̣̇о д̇взва сан̇кам̣ г̇ажчанд̇и. яамби, бхигкавз, яаагаажи махаанад̣̇ияо, сзяяат̇ид̣̇ам̣ – г̇ан̇г̇аа, яамунаа, ажиравад̇ий, сарабхуу, махий, д̇аа махаасамуд̣̇д̣̇ам̣ бад̇д̇аа ж̇аханд̇и буримаани наамаг̇од̇д̇аани, махаасамуд̣̇д̣̇о д̇взва сан̇кам̣ г̇ажчанд̇и – аяам̣, бхигкавз, махаасамуд̣̇д̣̇з жад̇уд̇т̇о ажчарияо аб̣бхуд̇о д̇хаммо, яам̣ д̣̇исваа д̣̇исваа асураа махаасамуд̣̇д̣̇з абхираманд̇и.

‘‘Puna caparaṃ, bhikkhave, yā kāci mahānadiyo, seyyathidaṃ – gaṅgā, yamunā, aciravatī, sarabhū, mahī, tā mahāsamuddaṃ pattā jahanti purimāni nāmagottāni, mahāsamuddo tveva saṅkhaṃ gacchanti. Yampi, bhikkhave, yākāci mahānadiyo, seyyathidaṃ – gaṅgā, yamunā, aciravatī, sarabhū, mahī, tā mahāsamuddaṃ pattā jahanti purimāni nāmagottāni, mahāsamuddo tveva saṅkhaṃ gacchanti – ayaṃ, bhikkhave, mahāsamudde catuttho acchariyo abbhuto dhammo, yaṃ disvā disvā asurā mahāsamudde abhiramanti.

‘‘буна жабарам̣, бхигкавз, яаа жа ⁵ логз саванд̇ияо махаасамуд̣̇д̣̇ам̣ аббзнд̇и, яаа жа анд̇алигкаа д̇хаараа бабад̇анд̇и, на д̇зна махаасамуд̣̇д̣̇асса уунад̇д̇ам̣ ваа буурад̇д̇ам̣ ваа бан̃н̃ааяад̇и. яамби, бхигкавз, яаа жа логз саванд̇ияо махаасамуд̣̇д̣̇ам̣ аббзнд̇и, яаа жа анд̇алигкаа д̇хаараа бабад̇анд̇и, на д̇зна махаасамуд̣̇д̣̇асса уунад̇д̇ам̣ ваа буурад̇д̇ам̣ ваа бан̃н̃ааяад̇и – аяам̣, бхигкавз, махаасамуд̣̇д̣̇з бан̃жамо ажчарияо аб̣бхуд̇о д̇хаммо, яам̣ д̣̇исваа д̣̇исваа асураа махаасамуд̣̇д̣̇з абхираманд̇и.

‘‘Puna caparaṃ, bhikkhave, yā ca ⁶ loke savantiyo mahāsamuddaṃ appenti, yā ca antalikkhā dhārā papatanti, na tena mahāsamuddassa ūnattaṃ vā pūrattaṃ vā paññāyati. Yampi, bhikkhave, yā ca loke savantiyo mahāsamuddaṃ appenti, yā ca antalikkhā dhārā papatanti, na tena mahāsamuddassa ūnattaṃ vā pūrattaṃ vā paññāyati – ayaṃ, bhikkhave, mahāsamudde pañcamo acchariyo abbhuto dhammo, yaṃ disvā disvā asurā mahāsamudde abhiramanti.

‘‘буна жабарам̣, бхигкавз, махаасамуд̣̇д̣̇о згарасо лон̣арасо. яамби, бхигкавз, махаасамуд̣̇д̣̇о згарасо лон̣арасо – аяам̣, бхигкавз, махаасамуд̣̇д̣̇з чадто ажчарияо аб̣бхуд̇о д̇хаммо, яам̣ д̣̇исваа д̣̇исваа асураа махаасамуд̣̇д̣̇з абхираманд̇и.

‘‘Puna caparaṃ, bhikkhave, mahāsamuddo ekaraso loṇaraso. Yampi, bhikkhave, mahāsamuddo ekaraso loṇaraso – ayaṃ, bhikkhave, mahāsamudde chaṭṭho acchariyo abbhuto dhammo, yaṃ disvā disvā asurā mahāsamudde abhiramanti.

‘‘буна жабарам̣, бхигкавз, махаасамуд̣̇д̣̇о б̣ахурад̇ано ⁷ анзгарад̇ано. д̇ад̇римаани рад̇анаани, сзяяат̇ид̣̇ам̣ – муд̇д̇аа, ман̣и, взл̣урияо, сан̇ко, силаа, баваал̣ам̣, раж̇ад̇ам̣, ж̇аад̇аруубам̣, лохид̇аго, масаараг̇аллам̣. яамби, бхигкавз, махаасамуд̣̇д̣̇о б̣ахурад̇ано анзгарад̇ано, д̇ад̇римаани рад̇анаани, сзяяат̇ид̣̇ам̣ – муд̇д̇аа, ман̣и, взл̣урияо, сан̇ко, силаа, баваал̣ам̣, раж̇ад̇ам̣, ж̇аад̇аруубам̣, лохид̇аго , масаараг̇аллам̣ – аяам̣, бхигкавз, махаасамуд̣̇д̣̇з сад̇д̇амо ажчарияо аб̣бхуд̇о д̇хаммо, яам̣ д̣̇исваа д̣̇исваа асураа махаасамуд̣̇д̣̇з абхираманд̇и.

‘‘Puna caparaṃ, bhikkhave, mahāsamuddo bahuratano ⁸ anekaratano. Tatrimāni ratanāni, seyyathidaṃ – muttā, maṇi, veḷuriyo, saṅkho, silā, pavāḷaṃ, rajataṃ, jātarūpaṃ, lohitako, masāragallaṃ. Yampi, bhikkhave, mahāsamuddo bahuratano anekaratano, tatrimāni ratanāni, seyyathidaṃ – muttā, maṇi, veḷuriyo, saṅkho, silā, pavāḷaṃ, rajataṃ, jātarūpaṃ, lohitako , masāragallaṃ – ayaṃ, bhikkhave, mahāsamudde sattamo acchariyo abbhuto dhammo, yaṃ disvā disvā asurā mahāsamudde abhiramanti.

‘‘буна жабарам̣, бхигкавз, махаасамуд̣̇д̣̇о махад̇ам̣ бхууд̇аанам̣ ааваасо. д̇ад̇римз бхууд̇аа – д̇ими, д̇имин̇г̇ало, д̇имид̇имин̇г̇ало ⁹, асураа, нааг̇аа, г̇анд̇хаб̣б̣аа. санд̇и махаасамуд̣̇д̣̇з яож̇анасад̇игааби ад̇д̇абхааваа, д̣̇вияож̇анасад̇игааби ад̇д̇абхааваа, д̇ияож̇анасад̇игааби ад̇д̇абхааваа, жад̇уяож̇анасад̇игааби ад̇д̇абхааваа, бан̃жаяож̇анасад̇игааби ад̇д̇абхааваа. яамби, бхигкавз, махаасамуд̣̇д̣̇о махад̇ам̣ бхууд̇аанам̣ ааваасо, д̇ад̇римз бхууд̇аа – д̇ими, д̇имин̇г̇ало, д̇имид̇имин̇г̇ало, асураа, нааг̇аа, г̇анд̇хаб̣б̣аа; санд̇и махаасамуд̣̇д̣̇з, яож̇анасад̇игааби ад̇д̇абхааваа…бз… бан̃жаяож̇анасад̇игааби ад̇д̇абхааваа – аяам̣, бхигкавз, махаасамуд̣̇д̣̇з адтамо ажчарияо аб̣бхуд̇о д̇хаммо, яам̣ д̣̇исваа д̣̇исваа асураа махаасамуд̣̇д̣̇з абхираманд̇и. имз ко, бхигкавз, махаасамуд̣̇д̣̇з адта ажчарияаа аб̣бхуд̇аа д̇хаммаа, яз д̣̇исваа д̣̇исваа асураа махаасамуд̣̇д̣̇з абхирама’’нд̇и.

‘‘Puna caparaṃ, bhikkhave, mahāsamuddo mahataṃ bhūtānaṃ āvāso. Tatrime bhūtā – timi, timiṅgalo, timitimiṅgalo ¹⁰, asurā, nāgā, gandhabbā. Santi mahāsamudde yojanasatikāpi attabhāvā, dviyojanasatikāpi attabhāvā, tiyojanasatikāpi attabhāvā, catuyojanasatikāpi attabhāvā, pañcayojanasatikāpi attabhāvā. Yampi, bhikkhave, mahāsamuddo mahataṃ bhūtānaṃ āvāso, tatrime bhūtā – timi, timiṅgalo, timitimiṅgalo, asurā, nāgā, gandhabbā; santi mahāsamudde, yojanasatikāpi attabhāvā…pe… pañcayojanasatikāpi attabhāvā – ayaṃ, bhikkhave, mahāsamudde aṭṭhamo acchariyo abbhuto dhammo, yaṃ disvā disvā asurā mahāsamudde abhiramanti. Ime kho, bhikkhave, mahāsamudde aṭṭha acchariyā abbhutā dhammā, ye disvā disvā asurā mahāsamudde abhirama’’nti.

Next: 3. имасмим̣д̇хаммавинаязадтажчарияам̣ • 3. Imasmiṃdhammavinayeaṭṭhacchariyaṃ

Footnotes:

1. уд̣̇аа. 45; а. ни. 8.19

2. udā. 45; a. ni. 8.19

3. аяамби (сяаа.)

4. ayampi (syā.)

5. яаагаажи (сяаа.)

6. yākāci (syā.)

7. б̣ахууд̇арад̇ано (га.)

8. bahūtaratano (ka.)

9. д̇имирабин̇г̇ало (сий.), д̇имид̇имин̇г̇ало махаад̇имин̇г̇ало (сяаа. гам̣.)

10. timirapiṅgalo (sī.), timitimiṅgalo mahātimiṅgalo (syā. kaṃ.)

Related texts:

адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / жуул̣аваг̇г̇а-адтагат̇аа • Cūḷavagga-aṭṭhakathā / баад̇имогкуд̣̇д̣̇зсаяаажанагат̇аа • Pātimokkhuddesayācanakathā

дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / махаасамуд̣̇д̣̇з адтажчарияагат̇ааван̣н̣анаа • Mahāsamudde aṭṭhacchariyakathāvaṇṇanā

дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / баад̇имогкуд̣̇д̣̇зсаяаажанагат̇ааван̣н̣анаа • Pātimokkhuddesayācanakathāvaṇṇanā

дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / баад̇имогкуд̣̇д̣̇зсаяаажанагат̇ааван̣н̣анаа • Pātimokkhuddesayācanakathāvaṇṇanā

дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 1. баад̇имогкуд̣̇д̣̇зсаяаажанагат̇аа • 1. Pātimokkhuddesayācanakathā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact