| Library / Tipiṭaka / д̇ибидага • Tipiṭaka / маж̇жхиманигааяа • Majjhimanikāya |
9. махаасааробамасуд̇д̇ам̣
9. Mahāsāropamasuttaṃ
307. звам̣ мз суд̇ам̣ – згам̣ самаяам̣ бхаг̇аваа рааж̇аг̇ахз вихарад̇и г̇иж̇жхагуудз баб̣б̣ад̇з ажирабагганд̇з д̣̇звад̣̇ад̇д̇з. д̇ад̇ра ко бхаг̇аваа д̣̇звад̣̇ад̇д̇ам̣ аараб̣бха бхигкуу ааманд̇зси –
307. Evaṃ me sutaṃ – ekaṃ samayaṃ bhagavā rājagahe viharati gijjhakūṭe pabbate acirapakkante devadatte. Tatra kho bhagavā devadattaṃ ārabbha bhikkhū āmantesi –
‘‘ид̇ха, бхигкавз, згажжо гулабуд̇д̇о сад̣̇д̇хаа аг̇аарасмаа анаг̇аарияам̣ баб̣б̣аж̇ид̇о ход̇и – ‘од̇ин̣н̣омхи ж̇аад̇ияаа ж̇арааяа маран̣зна согзхи барид̣̇звзхи д̣̇угкзхи д̣̇оманассзхи убааяаасзхи, д̣̇угкод̇ин̣н̣о д̣̇угкабарзд̇о, аббзва наама имасса гзваласса д̣̇угкагканд̇хасса анд̇агирияаа бан̃н̃ааязт̇аа’д̇и. со звам̣ баб̣б̣аж̇ид̇о самаано лаабхасаггаарасилогам̣ абхиниб̣б̣ад̇д̇зд̇и. со д̇зна лаабхасаггаарасилогзна ад̇д̇амано ход̇и барибун̣н̣асан̇габбо. со д̇зна лаабхасаггаарасилогзна ад̇д̇аануггам̣сзд̇и барам̣ вамбхзд̇и – ‘ахамасми лаабхасаггаарасилогаваа 1, имз банан̃н̃з бхигкуу аббан̃н̃аад̇аа аббзсагкаа’д̇и. со д̇зна лаабхасаггаарасилогзна маж̇ж̇ад̇и бамаж̇ж̇ад̇и бамаад̣̇ам̣ аабаж̇ж̇ад̇и, бамад̇д̇о самаано д̣̇угкам̣ вихарад̇и.
‘‘Idha, bhikkhave, ekacco kulaputto saddhā agārasmā anagāriyaṃ pabbajito hoti – ‘otiṇṇomhi jātiyā jarāya maraṇena sokehi paridevehi dukkhehi domanassehi upāyāsehi, dukkhotiṇṇo dukkhapareto, appeva nāma imassa kevalassa dukkhakkhandhassa antakiriyā paññāyethā’ti. So evaṃ pabbajito samāno lābhasakkārasilokaṃ abhinibbatteti. So tena lābhasakkārasilokena attamano hoti paripuṇṇasaṅkappo. So tena lābhasakkārasilokena attānukkaṃseti paraṃ vambheti – ‘ahamasmi lābhasakkārasilokavā 2, ime panaññe bhikkhū appaññātā appesakkhā’ti. So tena lābhasakkārasilokena majjati pamajjati pamādaṃ āpajjati, pamatto samāno dukkhaṃ viharati.
‘‘сзяяат̇ааби, бхигкавз, бурисо саарад̇т̇иго саараг̇авзсий саарабариязсанам̣ жарамаано махад̇о ругкасса д̇идтад̇о сааравад̇о ад̇иггаммзва саарам̣ ад̇иггамма пзг̇г̇ум̣ ад̇иггамма д̇ажам̣ ад̇иггамма бабадигам̣, саакаабалаасам̣ чзд̇ваа аад̣̇ааяа баггамзяяа ‘саара’нд̇и ман̃н̃амаано. д̇амзнам̣ жагкумаа бурисо д̣̇исваа звам̣ вад̣̇зяяа – ‘на вад̇ааяам̣ бхавам̣ бурисо ан̃н̃ааси саарам̣, на ан̃н̃ааси пзг̇г̇ум̣, на ан̃н̃ааси д̇ажам̣, на ан̃н̃ааси бабадигам̣, на ан̃н̃ааси саакаабалаасам̣. д̇ат̇аа хаяам̣ 3 бхавам̣ бурисо саарад̇т̇иго саараг̇авзсий саарабариязсанам̣ жарамаано махад̇о ругкасса д̇идтад̇о сааравад̇о ад̇иггаммзва саарам̣ ад̇иггамма пзг̇г̇ум̣ ад̇иггамма д̇ажам̣ ад̇иггамма бабадигам̣, саакаабалаасам̣ чзд̇ваа аад̣̇ааяа багганд̇о ‘саара’нд̇и ман̃н̃амаано. яан̃жасса саарзна саарагаран̣ийяам̣ д̇ан̃жасса ад̇т̇ам̣ наанубхависсад̇ий’д̇и. звамзва ко, бхигкавз, ид̇хзгажжо гулабуд̇д̇о сад̣̇д̇хаа аг̇аарасмаа анаг̇аарияам̣ баб̣б̣аж̇ид̇о ход̇и – од̇ин̣н̣омхи ж̇аад̇ияаа ж̇арааяа маран̣зна согзхи барид̣̇звзхи д̣̇угкзхи д̣̇оманассзхи убааяаасзхи, д̣̇угкод̇ин̣н̣о д̣̇угкабарзд̇о , аббзва наама имасса гзваласса анд̇агирияаа бан̃н̃ааязт̇аа’д̇и. со звам̣ баб̣б̣аж̇ид̇о самаано лаабхасаггаарасилогам̣ абхиниб̣б̣ад̇д̇зд̇и. со д̇зна лаабхасаггаарасилогзна ад̇д̇амано ход̇и барибун̣н̣асан̇габбо. со д̇зна лаабхасаггаарасилогзна ад̇д̇аануггам̣сзд̇и, барам̣ вамбхзд̇и ‘ахамасми лаабхасаггаарасилогаваа, имз банан̃н̃з бхигкуу аббан̃н̃аад̇аа аббзсагкаа’д̇и. со д̇зна лаабхасаггаарасилогзна маж̇ж̇ад̇и бамаж̇ж̇ад̇и бамаад̣̇ам̣ аабаж̇ж̇ад̇и, бамад̇д̇о самаано д̣̇угкам̣ вихарад̇и. аяам̣ вужжад̇и, бхигкавз, бхигку саакаабалаасам̣ аг̇г̇ахзси б̣рахмажарияасса; д̇зна жа восаанам̣ аабаад̣̇и.
‘‘Seyyathāpi, bhikkhave, puriso sāratthiko sāragavesī sārapariyesanaṃ caramāno mahato rukkhassa tiṭṭhato sāravato atikkammeva sāraṃ atikkamma phegguṃ atikkamma tacaṃ atikkamma papaṭikaṃ, sākhāpalāsaṃ chetvā ādāya pakkameyya ‘sāra’nti maññamāno. Tamenaṃ cakkhumā puriso disvā evaṃ vadeyya – ‘na vatāyaṃ bhavaṃ puriso aññāsi sāraṃ, na aññāsi phegguṃ, na aññāsi tacaṃ, na aññāsi papaṭikaṃ, na aññāsi sākhāpalāsaṃ. Tathā hayaṃ 4 bhavaṃ puriso sāratthiko sāragavesī sārapariyesanaṃ caramāno mahato rukkhassa tiṭṭhato sāravato atikkammeva sāraṃ atikkamma phegguṃ atikkamma tacaṃ atikkamma papaṭikaṃ, sākhāpalāsaṃ chetvā ādāya pakkanto ‘sāra’nti maññamāno. Yañcassa sārena sārakaraṇīyaṃ tañcassa atthaṃ nānubhavissatī’ti. Evameva kho, bhikkhave, idhekacco kulaputto saddhā agārasmā anagāriyaṃ pabbajito hoti – otiṇṇomhi jātiyā jarāya maraṇena sokehi paridevehi dukkhehi domanassehi upāyāsehi, dukkhotiṇṇo dukkhapareto , appeva nāma imassa kevalassa antakiriyā paññāyethā’ti. So evaṃ pabbajito samāno lābhasakkārasilokaṃ abhinibbatteti. So tena lābhasakkārasilokena attamano hoti paripuṇṇasaṅkappo. So tena lābhasakkārasilokena attānukkaṃseti, paraṃ vambheti ‘ahamasmi lābhasakkārasilokavā, ime panaññe bhikkhū appaññātā appesakkhā’ti. So tena lābhasakkārasilokena majjati pamajjati pamādaṃ āpajjati, pamatto samāno dukkhaṃ viharati. Ayaṃ vuccati, bhikkhave, bhikkhu sākhāpalāsaṃ aggahesi brahmacariyassa; tena ca vosānaṃ āpādi.
308. ‘‘ид̇ха бана, бхигкавз, згажжо гулабуд̇д̇о сад̣̇д̇хаа аг̇аарасмаа анаг̇аарияам̣ баб̣б̣аж̇ид̇о ход̇и – ‘од̇ин̣н̣омхи ж̇аад̇ияаа ж̇арааяа маран̣зна согзхи барид̣̇звзхи д̣̇угкзхи д̣̇оманассзхи убааяаасзхи, д̣̇угкод̇ин̣н̣о д̣̇угкабарзд̇о, аббзва наама имасса гзваласса д̣̇угкагканд̇хасса анд̇агирияаа бан̃н̃ааязт̇аа’д̇и. со звам̣ баб̣б̣аж̇ид̇о самаано лаабхасаггаарасилогам̣ абхиниб̣б̣ад̇д̇зд̇и. со д̇зна лаабхасаггаарасилогзна на ад̇д̇амано ход̇и на барибун̣н̣асан̇габбо. со д̇зна лаабхасаггаарасилогзна на ад̇д̇аануггам̣сзд̇и, на барам̣ вамбхзд̇и. со д̇зна лаабхасаггаарасилогзна на маж̇ж̇ад̇и наббамаж̇ж̇ад̇и на бамаад̣̇ам̣ аабаж̇ж̇ад̇и. аббамад̇д̇о самаано сийласамбад̣̇ам̣ аараад̇хзд̇и. со д̇ааяа сийласамбад̣̇ааяа ад̇д̇амано ход̇и барибун̣н̣асан̇габбо. со д̇ааяа сийласамбад̣̇ааяа ад̇д̇аануггам̣сзд̇и, барам̣ вамбхзд̇и – ‘ахамасми сийлаваа галяаан̣ад̇хаммо, имз банан̃н̃з бхигкуу д̣̇уссийлаа баабад̇хаммаа’д̇и. со д̇ааяа сийласамбад̣̇ааяа маж̇ж̇ад̇и бамаж̇ж̇ад̇и бамаад̣̇ам̣ аабаж̇ж̇ад̇и, бамад̇д̇о самаано д̣̇угкам̣ вихарад̇и.
308. ‘‘Idha pana, bhikkhave, ekacco kulaputto saddhā agārasmā anagāriyaṃ pabbajito hoti – ‘otiṇṇomhi jātiyā jarāya maraṇena sokehi paridevehi dukkhehi domanassehi upāyāsehi, dukkhotiṇṇo dukkhapareto, appeva nāma imassa kevalassa dukkhakkhandhassa antakiriyā paññāyethā’ti. So evaṃ pabbajito samāno lābhasakkārasilokaṃ abhinibbatteti. So tena lābhasakkārasilokena na attamano hoti na paripuṇṇasaṅkappo. So tena lābhasakkārasilokena na attānukkaṃseti, na paraṃ vambheti. So tena lābhasakkārasilokena na majjati nappamajjati na pamādaṃ āpajjati. Appamatto samāno sīlasampadaṃ ārādheti. So tāya sīlasampadāya attamano hoti paripuṇṇasaṅkappo. So tāya sīlasampadāya attānukkaṃseti, paraṃ vambheti – ‘ahamasmi sīlavā kalyāṇadhammo, ime panaññe bhikkhū dussīlā pāpadhammā’ti. So tāya sīlasampadāya majjati pamajjati pamādaṃ āpajjati, pamatto samāno dukkhaṃ viharati.
‘‘сзяяат̇ааби, бхигкавз, бурисо саарад̇т̇иго саараг̇авзсий саарабариязсанам̣ жарамаано махад̇о ругкасса д̇идтад̇о сааравад̇о ад̇иггаммзва саарам̣ ад̇иггамма пзг̇г̇ум̣ ад̇иггамма д̇ажам̣, бабадигам̣ чзд̇ваа аад̣̇ааяа баггамзяяа ‘саара’нд̇и ман̃н̃амаано. д̇амзнам̣ жагкумаа бурисо д̣̇исваа звам̣ вад̣̇зяяа – ‘на вад̇ааяам̣ бхавам̣ бурисо ан̃н̃ааси саарам̣, на ан̃н̃ааси пзг̇г̇ум̣, на ан̃н̃ааси д̇ажам̣, на ан̃н̃ааси бабадигам̣, на ан̃н̃ааси саакаабалаасам̣. д̇ат̇аа хаяам̣ бхавам̣ бурисо саарад̇т̇иго саараг̇авзсий саарабариязсанам̣ жарамаано махад̇о ругкасса д̇идтад̇о сааравад̇о ад̇иггаммзва саарам̣ ад̇иггамма пзг̇г̇ум̣ ад̇иггамма д̇ажам̣, бабадигам̣ чзд̇ваа аад̣̇ааяа багганд̇о ‘саара’нд̇и ман̃н̃амаано; яан̃жасса саарзна саарагаран̣ийяам̣ д̇ан̃жасса ад̇т̇ам̣ наанубхависсад̇ий’д̇и.
‘‘Seyyathāpi, bhikkhave, puriso sāratthiko sāragavesī sārapariyesanaṃ caramāno mahato rukkhassa tiṭṭhato sāravato atikkammeva sāraṃ atikkamma phegguṃ atikkamma tacaṃ, papaṭikaṃ chetvā ādāya pakkameyya ‘sāra’nti maññamāno. Tamenaṃ cakkhumā puriso disvā evaṃ vadeyya – ‘na vatāyaṃ bhavaṃ puriso aññāsi sāraṃ, na aññāsi phegguṃ, na aññāsi tacaṃ, na aññāsi papaṭikaṃ, na aññāsi sākhāpalāsaṃ. Tathā hayaṃ bhavaṃ puriso sāratthiko sāragavesī sārapariyesanaṃ caramāno mahato rukkhassa tiṭṭhato sāravato atikkammeva sāraṃ atikkamma phegguṃ atikkamma tacaṃ, papaṭikaṃ chetvā ādāya pakkanto ‘sāra’nti maññamāno; yañcassa sārena sārakaraṇīyaṃ tañcassa atthaṃ nānubhavissatī’ti.
‘‘звамзва ко, бхигкавз, ид̇хзгажжо гулабуд̇д̇о сад̣̇д̇хаа аг̇аарасмаа анаг̇аарияам̣ баб̣б̣аж̇ид̇о ход̇и – ‘од̇ин̣н̣омхи ж̇аад̇ияаа ж̇арааяа маран̣зна согзхи барид̣̇звзхи д̣̇угкзхи д̣̇оманассзхи убааяаасзхи, д̣̇угкод̇ин̣н̣о д̣̇угкабарзд̇о, аббзва наама имасса гзваласса д̣̇угкагканд̇хасса анд̇агирияаа бан̃н̃ааязт̇аа’’д̇и. со звам̣ баб̣б̣аж̇ид̇о самаано лаабхасаггаарасилогам̣ абхиниб̣б̣ад̇д̇зд̇и. со д̇зна лаабхасаггаарасилогзна на ад̇д̇амано ход̇и на барибун̣н̣асан̇габбо. со д̇зна лаабхасаггаарасилогзна на ад̇д̇аануггам̣сзд̇и, на барам̣ вамбхзд̇и. со д̇зна лаабхасаггаарасилогзна на маж̇ж̇ад̇и наббамаж̇ж̇ад̇и на бамаад̣̇ам̣ аабаж̇ж̇ад̇и. аббамад̇д̇о самаано сийласамбад̣̇ам̣ аараад̇хзд̇и. со д̇ааяа сийласамбад̣̇ааяа ад̇д̇амано ход̇и барибун̣н̣асан̇габбо. со д̇ааяа сийласамбад̣̇ааяа ад̇д̇аануггам̣сзд̇и, барам̣ вамбхзд̇и – ‘ахамасми сийлаваа галяаан̣ад̇хаммо, имз банан̃н̃з бхигкуу д̣̇уссийлаа баабад̇хаммаа’д̇и. со д̇ааяа сийласамбад̣̇ааяа маж̇ж̇ад̇и бамаж̇ж̇ад̇и бамаад̣̇ам̣ аабаж̇ж̇ад̇и, бамад̇д̇о самаано д̣̇угкам̣ вихарад̇и. аяам̣ вужжад̇и, бхигкавз, бхигку бабадигам̣ аг̇г̇ахзси б̣рахмажарияасса; д̇зна жа восаанам̣ аабаад̣̇и.
‘‘Evameva kho, bhikkhave, idhekacco kulaputto saddhā agārasmā anagāriyaṃ pabbajito hoti – ‘otiṇṇomhi jātiyā jarāya maraṇena sokehi paridevehi dukkhehi domanassehi upāyāsehi, dukkhotiṇṇo dukkhapareto, appeva nāma imassa kevalassa dukkhakkhandhassa antakiriyā paññāyethā’’ti. So evaṃ pabbajito samāno lābhasakkārasilokaṃ abhinibbatteti. So tena lābhasakkārasilokena na attamano hoti na paripuṇṇasaṅkappo. So tena lābhasakkārasilokena na attānukkaṃseti, na paraṃ vambheti. So tena lābhasakkārasilokena na majjati nappamajjati na pamādaṃ āpajjati. Appamatto samāno sīlasampadaṃ ārādheti. So tāya sīlasampadāya attamano hoti paripuṇṇasaṅkappo. So tāya sīlasampadāya attānukkaṃseti, paraṃ vambheti – ‘ahamasmi sīlavā kalyāṇadhammo, ime panaññe bhikkhū dussīlā pāpadhammā’ti. So tāya sīlasampadāya majjati pamajjati pamādaṃ āpajjati, pamatto samāno dukkhaṃ viharati. Ayaṃ vuccati, bhikkhave, bhikkhu papaṭikaṃ aggahesi brahmacariyassa; tena ca vosānaṃ āpādi.
309. ‘‘ид̇ха бана, бхигкавз, згажжо гулабуд̇д̇о сад̣̇д̇хаа аг̇аарасмаа анаг̇аарияам̣ баб̣б̣аж̇ид̇о ход̇и – ‘од̇ин̣н̣омхи ж̇аад̇ияаа ж̇арааяа маран̣зна согзхи барид̣̇звзхи д̣̇угкзхи д̣̇оманассзхи убааяаасзхи, д̣̇угкод̇ин̣н̣о д̣̇угкабарзд̇о, аббзва наама имасса гзваласса д̣̇угкагканд̇хасса анд̇агирияаа бан̃н̃ааязт̇аа’д̇и. со звам̣ баб̣б̣аж̇ид̇о самаано лаабхасаггаарасилогам̣ абхиниб̣б̣ад̇д̇зд̇и. со д̇зна лаабхасаггаарасилогзна на ад̇д̇амано ход̇и на барибун̣н̣асан̇габбо. со д̇зна лаабхасаггаарасилогзна на ад̇д̇аануггам̣сзд̇и, на барам̣ вамбхзд̇и. со д̇зна лаабхасаггаарасилогзна на маж̇ж̇ад̇и наббамаж̇ж̇ад̇и на бамаад̣̇ам̣ аабаж̇ж̇ад̇и, аббамад̇д̇о самаано сийласамбад̣̇ам̣ аараад̇хзд̇и. со д̇ааяа сийласамбад̣̇ааяа ад̇д̇амано ход̇и но жа ко барибун̣н̣асан̇габбо. со д̇ааяа сийласамбад̣̇ааяа на ад̇д̇аануггам̣сзд̇и, на барам̣ вамбхзд̇и. со д̇ааяа сийласамбад̣̇ааяа на маж̇ж̇ад̇и наббамаж̇ж̇ад̇и на бамаад̣̇ам̣ аабаж̇ж̇ад̇и. аббамад̇д̇о самаано самаад̇хисамбад̣̇ам̣ аараад̇хзд̇и . со д̇ааяа самаад̇хисамбад̣̇ааяа ад̇д̇амано ход̇и барибун̣н̣асан̇габбо. со д̇ааяа самаад̇хисамбад̣̇ааяа ад̇д̇аануггам̣сзд̇и, барам̣ вамбхзд̇и – ‘ахамасми самаахид̇о згаг̇г̇ажид̇д̇о, имз банан̃н̃з бхигкуу асамаахид̇аа виб̣бханд̇ажид̇д̇аа’д̇и. со д̇ааяа самаад̇хисамбад̣̇ааяа маж̇ж̇ад̇и бамаж̇ж̇ад̇и бамаад̣̇ам̣ аабаж̇ж̇ад̇и, бамад̇д̇о самаано д̣̇угкам̣ вихарад̇и.
309. ‘‘Idha pana, bhikkhave, ekacco kulaputto saddhā agārasmā anagāriyaṃ pabbajito hoti – ‘otiṇṇomhi jātiyā jarāya maraṇena sokehi paridevehi dukkhehi domanassehi upāyāsehi, dukkhotiṇṇo dukkhapareto, appeva nāma imassa kevalassa dukkhakkhandhassa antakiriyā paññāyethā’ti. So evaṃ pabbajito samāno lābhasakkārasilokaṃ abhinibbatteti. So tena lābhasakkārasilokena na attamano hoti na paripuṇṇasaṅkappo. So tena lābhasakkārasilokena na attānukkaṃseti, na paraṃ vambheti. So tena lābhasakkārasilokena na majjati nappamajjati na pamādaṃ āpajjati, appamatto samāno sīlasampadaṃ ārādheti. So tāya sīlasampadāya attamano hoti no ca kho paripuṇṇasaṅkappo. So tāya sīlasampadāya na attānukkaṃseti, na paraṃ vambheti. So tāya sīlasampadāya na majjati nappamajjati na pamādaṃ āpajjati. Appamatto samāno samādhisampadaṃ ārādheti . So tāya samādhisampadāya attamano hoti paripuṇṇasaṅkappo. So tāya samādhisampadāya attānukkaṃseti, paraṃ vambheti – ‘ahamasmi samāhito ekaggacitto, ime panaññe bhikkhū asamāhitā vibbhantacittā’ti. So tāya samādhisampadāya majjati pamajjati pamādaṃ āpajjati, pamatto samāno dukkhaṃ viharati.
‘‘сзяяат̇ааби , бхигкавз, бурисо саарад̇т̇иго саараг̇авзсий саарабариязсанам̣ жарамаано махад̇о ругкасса д̇идтад̇о сааравад̇о ад̇иггаммзва саарам̣ ад̇иггамма пзг̇г̇ум̣ д̇ажам̣ чзд̇ваа аад̣̇ааяа баггамзяяа ‘саара’нд̇и ман̃н̃амаано. д̇амзнам̣ жагкумаа бурисо д̣̇исваа звам̣ вад̣̇зяяа ‘на вад̇ааяам̣ бхавам̣ бурисо ан̃н̃ааси саарам̣ , на ан̃н̃ааси пзг̇г̇ум̣, на ан̃н̃ааси д̇ажам̣, на ан̃н̃ааси бабадигам̣, на ан̃н̃ааси саакаабалаасам̣. д̇ат̇аа хаяам̣ бхавам̣ бурисо саарад̇т̇иго саараг̇авзсий саарабариязсанам̣ жарамаано махад̇о ругкасса д̇идтад̇о сааравад̇о ад̇иггаммзва саарам̣ ад̇иггамма пзг̇г̇ум̣ д̇ажам̣ чзд̇ваа аад̣̇ааяа багганд̇о ‘саара’нд̇и ман̃н̃амаано. яан̃жасса саарзна саарагаран̣ийяам̣ д̇ан̃жасса ад̇т̇ам̣ наанубхависсад̇ий’д̇и.
‘‘Seyyathāpi , bhikkhave, puriso sāratthiko sāragavesī sārapariyesanaṃ caramāno mahato rukkhassa tiṭṭhato sāravato atikkammeva sāraṃ atikkamma phegguṃ tacaṃ chetvā ādāya pakkameyya ‘sāra’nti maññamāno. Tamenaṃ cakkhumā puriso disvā evaṃ vadeyya ‘na vatāyaṃ bhavaṃ puriso aññāsi sāraṃ , na aññāsi phegguṃ, na aññāsi tacaṃ, na aññāsi papaṭikaṃ, na aññāsi sākhāpalāsaṃ. Tathā hayaṃ bhavaṃ puriso sāratthiko sāragavesī sārapariyesanaṃ caramāno mahato rukkhassa tiṭṭhato sāravato atikkammeva sāraṃ atikkamma phegguṃ tacaṃ chetvā ādāya pakkanto ‘sāra’nti maññamāno. Yañcassa sārena sārakaraṇīyaṃ tañcassa atthaṃ nānubhavissatī’ti.
‘‘звамзва ко, бхигкавз, ид̇хзгажжо гулабуд̇д̇о сад̣̇д̇хаа аг̇аарасмаа анаг̇аарияам̣ баб̣б̣аж̇ид̇о ход̇и – ‘од̇ин̣н̣омхи ж̇аад̇ияаа ж̇арааяа маран̣зна согзхи барид̣̇звзхи д̣̇угкзхи д̣̇оманассзхи убааяаасзхи, д̣̇угкод̇ин̣н̣о д̣̇угкабарзд̇о, аббзва наама имасса гзваласса д̣̇угкагканд̇хасса анд̇агирияаа бан̃н̃ааязт̇аа’’д̇и. со звам̣ баб̣б̣аж̇ид̇о самаано лаабхасаггаарасилогам̣ абхиниб̣б̣ад̇д̇зд̇и. со д̇зна лаабхасаггаарасилогзна на ад̇д̇амано ход̇и на барибун̣н̣асан̇габбо. со д̇зна лаабхасаггаарасилогзна на ад̇д̇аануггам̣сзд̇и, на барам̣ вамбхзд̇и. со д̇зна лаабхасаггаарасилогзна на маж̇ж̇ад̇и наббамаж̇ж̇ад̇и на бамаад̣̇ам̣ аабаж̇ж̇ад̇и, аббамад̇д̇о самаано сийласамбад̣̇ам̣ аараад̇хзд̇и. со д̇ааяа сийласамбад̣̇ааяа ад̇д̇амано ход̇и но жа ко барибун̣н̣асан̇габбо. со д̇ааяа сийласамбад̣̇ааяа на ад̇д̇аануггам̣сзд̇и, на барам̣ вамбхзд̇и. со д̇ааяа сийласамбад̣̇ааяа на маж̇ж̇ад̇и наббамаж̇ж̇ад̇и на бамаад̣̇ам̣ аабаж̇ж̇ад̇и, аббамад̇д̇о самаано самаад̇хисамбад̣̇ам̣ аараад̇хзд̇и. со д̇ааяа самаад̇хисамбад̣̇ааяа ад̇д̇амано ход̇и барибун̣н̣асан̇габбо. со д̇ааяа самаад̇хисамбад̣̇ааяа ад̇д̇аануггам̣сзд̇и, барам̣ вамбхзд̇и – ‘ахамасми самаахид̇о згаг̇г̇ажид̇д̇о, имз банан̃н̃з бхигкуу асамаахид̇аа виб̣бханд̇ажид̇д̇аа’д̇и. со д̇ааяа самаад̇хисамбад̣̇ааяа маж̇ж̇ад̇и бамаж̇ж̇ад̇и бамаад̣̇ам̣ аабаж̇ж̇ад̇и, бамад̇д̇о самаано д̣̇угкам̣ вихарад̇и. аяам̣ вужжад̇и , бхигкавз, бхигку д̇ажам̣ аг̇г̇ахзси б̣рахмажарияасса; д̇зна жа восаанам̣ аабаад̣̇и.
‘‘Evameva kho, bhikkhave, idhekacco kulaputto saddhā agārasmā anagāriyaṃ pabbajito hoti – ‘otiṇṇomhi jātiyā jarāya maraṇena sokehi paridevehi dukkhehi domanassehi upāyāsehi, dukkhotiṇṇo dukkhapareto, appeva nāma imassa kevalassa dukkhakkhandhassa antakiriyā paññāyethā’’ti. So evaṃ pabbajito samāno lābhasakkārasilokaṃ abhinibbatteti. So tena lābhasakkārasilokena na attamano hoti na paripuṇṇasaṅkappo. So tena lābhasakkārasilokena na attānukkaṃseti, na paraṃ vambheti. So tena lābhasakkārasilokena na majjati nappamajjati na pamādaṃ āpajjati, appamatto samāno sīlasampadaṃ ārādheti. So tāya sīlasampadāya attamano hoti no ca kho paripuṇṇasaṅkappo. So tāya sīlasampadāya na attānukkaṃseti, na paraṃ vambheti. So tāya sīlasampadāya na majjati nappamajjati na pamādaṃ āpajjati, appamatto samāno samādhisampadaṃ ārādheti. So tāya samādhisampadāya attamano hoti paripuṇṇasaṅkappo. So tāya samādhisampadāya attānukkaṃseti, paraṃ vambheti – ‘ahamasmi samāhito ekaggacitto, ime panaññe bhikkhū asamāhitā vibbhantacittā’ti. So tāya samādhisampadāya majjati pamajjati pamādaṃ āpajjati, pamatto samāno dukkhaṃ viharati. Ayaṃ vuccati , bhikkhave, bhikkhu tacaṃ aggahesi brahmacariyassa; tena ca vosānaṃ āpādi.
310. ‘‘ид̇ха бана, бхигкавз, згажжо гулабуд̇д̇о сад̣̇д̇хаа аг̇аарасмаа анаг̇аарияам̣ баб̣б̣аж̇ид̇о ход̇и – ‘од̇ин̣н̣омхи ж̇аад̇ияаа ж̇арааяа маран̣зна согзхи барид̣̇звзхи д̣̇угкзхи д̣̇оманассзхи убааяаасзхи, д̣̇угкод̇ин̣н̣о д̣̇угкабарзд̇о, аббзва наама имасса гзваласса д̣̇угкагканд̇хасса анд̇агирияаа бан̃н̃ааязт̇аа’д̇и. со звам̣ баб̣б̣аж̇ид̇о самаано лаабхасаггаарасилогам̣ абхиниб̣б̣ад̇д̇зд̇и. со д̇зна лаабхасаггаарасилогзна на ад̇д̇амано ход̇и на барибун̣н̣асан̇габбо. со д̇зна лаабхасаггаарасилогзна на ад̇д̇аануггам̣сзд̇и, на барам̣ вамбхзд̇и. со д̇зна лаабхасаггаарасилогзна на маж̇ж̇ад̇и наббамаж̇ж̇ад̇и на бамаад̣̇ам̣ аабаж̇ж̇ад̇и. аббамад̇д̇о самаано сийласамбад̣̇ам̣ аараад̇хзд̇и. со д̇ааяа сийласамбад̣̇ааяа ад̇д̇амано ход̇и, но жа ко барибун̣н̣асан̇габбо. со д̇ааяа сийласамбад̣̇ааяа на ад̇д̇аануггам̣сзд̇и, на барам̣ вамбхзд̇и. со д̇ааяа сийласамбад̣̇ааяа на маж̇ж̇ад̇и наббамаж̇ж̇ад̇и на бамаад̣̇ам̣ аабаж̇ж̇ад̇и, аббамад̇д̇о самаано самаад̇хисамбад̣̇ам̣ аараад̇хзд̇и. со д̇ааяа самаад̇хисамбад̣̇ааяа ад̇д̇амано ход̇и, но жа ко барибун̣н̣асан̇габбо. со д̇ааяа самаад̇хисамбад̣̇ааяа на ад̇д̇аануггам̣сзд̇и, на барам̣ вамбхзд̇и. со д̇ааяа самаад̇хисамбад̣̇ааяа на маж̇ж̇ад̇и наббамаж̇ж̇ад̇и на бамаад̣̇ам̣ аабаж̇ж̇ад̇и аббамад̇д̇о самаано н̃аан̣ад̣̇ассанам̣ аараад̇хзд̇и. со д̇зна н̃аан̣ад̣̇ассанзна ад̇д̇амано ход̇и барибун̣н̣асан̇габбо. со д̇зна н̃аан̣ад̣̇ассанзна ад̇д̇аануггам̣сзд̇и, барам̣ вамбхзд̇и – ‘ахамасми ж̇аанам̣ бассам̣ вихараами. имз банан̃н̃з бхигкуу аж̇аанам̣ абассам̣ вихаранд̇ий’д̇и. со д̇зна н̃аан̣ад̣̇ассанзна маж̇ж̇ад̇и бамаж̇ж̇ад̇и бамаад̣̇ам̣ аабаж̇ж̇ад̇и, бамад̇д̇о самаано д̣̇угкам̣ вихарад̇и.
310. ‘‘Idha pana, bhikkhave, ekacco kulaputto saddhā agārasmā anagāriyaṃ pabbajito hoti – ‘otiṇṇomhi jātiyā jarāya maraṇena sokehi paridevehi dukkhehi domanassehi upāyāsehi, dukkhotiṇṇo dukkhapareto, appeva nāma imassa kevalassa dukkhakkhandhassa antakiriyā paññāyethā’ti. So evaṃ pabbajito samāno lābhasakkārasilokaṃ abhinibbatteti. So tena lābhasakkārasilokena na attamano hoti na paripuṇṇasaṅkappo. So tena lābhasakkārasilokena na attānukkaṃseti, na paraṃ vambheti. So tena lābhasakkārasilokena na majjati nappamajjati na pamādaṃ āpajjati. Appamatto samāno sīlasampadaṃ ārādheti. So tāya sīlasampadāya attamano hoti, no ca kho paripuṇṇasaṅkappo. So tāya sīlasampadāya na attānukkaṃseti, na paraṃ vambheti. So tāya sīlasampadāya na majjati nappamajjati na pamādaṃ āpajjati, appamatto samāno samādhisampadaṃ ārādheti. So tāya samādhisampadāya attamano hoti, no ca kho paripuṇṇasaṅkappo. So tāya samādhisampadāya na attānukkaṃseti, na paraṃ vambheti. So tāya samādhisampadāya na majjati nappamajjati na pamādaṃ āpajjati appamatto samāno ñāṇadassanaṃ ārādheti. So tena ñāṇadassanena attamano hoti paripuṇṇasaṅkappo. So tena ñāṇadassanena attānukkaṃseti, paraṃ vambheti – ‘ahamasmi jānaṃ passaṃ viharāmi. Ime panaññe bhikkhū ajānaṃ apassaṃ viharantī’ti. So tena ñāṇadassanena majjati pamajjati pamādaṃ āpajjati, pamatto samāno dukkhaṃ viharati.
‘‘сзяяат̇ааби, бхигкавз, бурисо саарад̇т̇иго саараг̇авзсий саарабариязсанам̣ жарамаано махад̇о ругкасса д̇идтад̇о сааравад̇о ад̇иггаммзва саарам̣ пзг̇г̇ум̣ чзд̇ваа аад̣̇ааяа баггамзяяа ‘саара’нд̇и ман̃н̃амаано. д̇амзнам̣ жагкумаа бурисо д̣̇исваа звам̣ вад̣̇зяяа – ‘на вад̇ааяам̣ бхавам̣ бурисо ан̃н̃ааси саарам̣ на ан̃н̃ааси пзг̇г̇ум̣ на ан̃н̃ааси д̇ажам̣ на ан̃н̃ааси бабадигам̣ на ан̃н̃ааси саакаабалаасам̣. д̇ат̇аа хаяам̣ бхавам̣ бурисо саарад̇т̇иго саараг̇авзсий саарабариязсанам̣ жарамаано махад̇о ругкасса д̇идтад̇о сааравад̇о ад̇иггаммзва саарам̣ пзг̇г̇ум̣ чзд̇ваа аад̣̇ааяа багганд̇о ‘саара’нд̇и ман̃н̃амаано. яан̃жасса саарзна саарагаран̣ийяам̣ д̇ан̃жасса ад̇т̇ам̣ наанубхависсад̇ий’д̇и. звамзва ко, бхигкавз, ид̇хзгажжо гулабуд̇д̇о сад̣̇д̇хаа аг̇аарасмаа анаг̇аарияам̣ баб̣б̣аж̇ид̇о ход̇и – ‘од̇ин̣н̣омхи ж̇аад̇ияаа ж̇арааяа маран̣зна согзхи барид̣̇звзхи д̣̇угкзхи д̣̇оманассзхи убааяаасзхи, д̣̇угкод̇ин̣н̣о д̣̇угкабарзд̇о, аббзва наама имасса гзваласса д̣̇угкагканд̇хасса анд̇агирияаа бан̃н̃ааязт̇аа’д̇и. со звам̣ баб̣б̣аж̇ид̇о самаано лаабхасаггаарасилогам̣ абхиниб̣б̣ад̇д̇зд̇и. со д̇зна лаабхасаггаарасилогзна на ад̇д̇амано ход̇и на барибун̣н̣асан̇габбо. со д̇зна лаабхасаггаарасилогзна на ад̇д̇аануггам̣сзд̇и, на барам̣ вамбхзд̇и. со д̇зна лаабхасаггаарасилогзна на маж̇ж̇ад̇и наббамаж̇ж̇ад̇и на бамаад̣̇ам̣ аабаж̇ж̇ад̇и, аббамад̇д̇о самаано сийласамбад̣̇ам̣ аараад̇хзд̇и. со д̇ааяа сийласамбад̣̇ааяа ад̇д̇амано ход̇и, но жа ко барибун̣н̣асан̇габбо. со д̇ааяа сийласамбад̣̇ааяа на ад̇д̇аануггам̣сзд̇и, на барам̣ вамбхзд̇и. со д̇ааяа сийласамбад̣̇ааяа на маж̇ж̇ад̇и наббамаж̇ж̇ад̇и на бамаад̣̇ам̣ аабаж̇ж̇ад̇и, аббамад̇д̇о самаано самаад̇хисамбад̣̇ам̣ аараад̇хзд̇и. со д̇ааяа самаад̇хисамбад̣̇ааяа ад̇д̇амано ход̇и, но жа ко барибун̣н̣асан̇габбо. со д̇ааяа самаад̇хисамбад̣̇ааяа на ад̇д̇аануггам̣сзд̇и, на барам̣ вамбхзд̇и. со д̇ааяа самаад̇хисамбад̣̇ааяа на маж̇ж̇ад̇и наббамаж̇ж̇ад̇и на бамаад̣̇ам̣ аабаж̇ж̇ад̇и, аббамад̇д̇о самаано н̃аан̣ад̣̇ассанам̣ аараад̇хзд̇и. со д̇зна н̃аан̣ад̣̇ассанзна ад̇д̇амано ход̇и барибун̣н̣асан̇габбо. со д̇зна н̃аан̣ад̣̇ассанзна ад̇д̇аануггам̣сзд̇и, барам̣ вамбхзд̇и – ‘ахамасми ж̇аанам̣ бассам̣ вихараами, имз банан̃н̃з бхигкуу аж̇аанам̣ абассам̣ вихаранд̇ий’д̇и. со д̇зна н̃аан̣ад̣̇ассанзна маж̇ж̇ад̇и бамаж̇ж̇ад̇и бамаад̣̇ам̣ аабаж̇ж̇ад̇и, бамад̇д̇о самаано д̣̇угкам̣ вихарад̇и. аяам̣ вужжад̇и, бхигкавз, бхигку пзг̇г̇ум̣ аг̇г̇ахзси б̣рахмажарияасса; д̇зна жа восаанам̣ аабаад̣̇и.
‘‘Seyyathāpi, bhikkhave, puriso sāratthiko sāragavesī sārapariyesanaṃ caramāno mahato rukkhassa tiṭṭhato sāravato atikkammeva sāraṃ phegguṃ chetvā ādāya pakkameyya ‘sāra’nti maññamāno. Tamenaṃ cakkhumā puriso disvā evaṃ vadeyya – ‘na vatāyaṃ bhavaṃ puriso aññāsi sāraṃ na aññāsi phegguṃ na aññāsi tacaṃ na aññāsi papaṭikaṃ na aññāsi sākhāpalāsaṃ. Tathā hayaṃ bhavaṃ puriso sāratthiko sāragavesī sārapariyesanaṃ caramāno mahato rukkhassa tiṭṭhato sāravato atikkammeva sāraṃ phegguṃ chetvā ādāya pakkanto ‘sāra’nti maññamāno. Yañcassa sārena sārakaraṇīyaṃ tañcassa atthaṃ nānubhavissatī’ti. Evameva kho, bhikkhave, idhekacco kulaputto saddhā agārasmā anagāriyaṃ pabbajito hoti – ‘otiṇṇomhi jātiyā jarāya maraṇena sokehi paridevehi dukkhehi domanassehi upāyāsehi, dukkhotiṇṇo dukkhapareto, appeva nāma imassa kevalassa dukkhakkhandhassa antakiriyā paññāyethā’ti. So evaṃ pabbajito samāno lābhasakkārasilokaṃ abhinibbatteti. So tena lābhasakkārasilokena na attamano hoti na paripuṇṇasaṅkappo. So tena lābhasakkārasilokena na attānukkaṃseti, na paraṃ vambheti. So tena lābhasakkārasilokena na majjati nappamajjati na pamādaṃ āpajjati, appamatto samāno sīlasampadaṃ ārādheti. So tāya sīlasampadāya attamano hoti, no ca kho paripuṇṇasaṅkappo. So tāya sīlasampadāya na attānukkaṃseti, na paraṃ vambheti. So tāya sīlasampadāya na majjati nappamajjati na pamādaṃ āpajjati, appamatto samāno samādhisampadaṃ ārādheti. So tāya samādhisampadāya attamano hoti, no ca kho paripuṇṇasaṅkappo. So tāya samādhisampadāya na attānukkaṃseti, na paraṃ vambheti. So tāya samādhisampadāya na majjati nappamajjati na pamādaṃ āpajjati, appamatto samāno ñāṇadassanaṃ ārādheti. So tena ñāṇadassanena attamano hoti paripuṇṇasaṅkappo. So tena ñāṇadassanena attānukkaṃseti, paraṃ vambheti – ‘ahamasmi jānaṃ passaṃ viharāmi, ime panaññe bhikkhū ajānaṃ apassaṃ viharantī’ti. So tena ñāṇadassanena majjati pamajjati pamādaṃ āpajjati, pamatto samāno dukkhaṃ viharati. Ayaṃ vuccati, bhikkhave, bhikkhu phegguṃ aggahesi brahmacariyassa; tena ca vosānaṃ āpādi.
311. ‘‘ид̇ха бана, бхигкавз, згажжо гулабуд̇д̇о сад̣̇д̇хаа аг̇аарасмаа анаг̇аарияам̣ баб̣б̣аж̇ид̇о ход̇и – ‘од̇ин̣н̣омхи ж̇аад̇ияаа ж̇арааяа маран̣зна согзхи барид̣̇звзхи д̣̇угкзхи д̣̇оманассзхи убааяаасзхи, д̣̇угкод̇ин̣н̣о д̣̇угкабарзд̇о, аббзва наама имасса гзваласса д̣̇угкагканд̇хасса анд̇агирияаа бан̃н̃ааязт̇аа’д̇и. со звам̣ баб̣б̣аж̇ид̇о самаано лаабхасаггаарасилогам̣ абхиниб̣б̣ад̇д̇зд̇и. со д̇зна лаабхасаггаарасилогзна на ад̇д̇амано ход̇и , на барибун̣н̣асан̇габбо. со д̇зна лаабхасаггаарасилогзна на ад̇д̇аануггам̣сзд̇и, на барам̣ вамбхзд̇и. со д̇зна лаабхасаггаарасилогзна на маж̇ж̇ад̇и наббамаж̇ж̇ад̇и на бамаад̣̇ам̣ аабаж̇ж̇ад̇и, аббамад̇д̇о самаано сийласамбад̣̇ам̣ аараад̇хзд̇и. со д̇ааяа сийласамбад̣̇ааяа ад̇д̇амано ход̇и, но жа ко барибун̣н̣асан̇габбо. со д̇ааяа сийласамбад̣̇ааяа на ад̇д̇аануггам̣сзд̇и, на барам̣ вамбхзд̇и. со д̇ааяа сийласамбад̣̇ааяа на маж̇ж̇ад̇и наббамаж̇ж̇ад̇и на бамаад̣̇ам̣ аабаж̇ж̇ад̇и, аббамад̇д̇о самаано самаад̇хисамбад̣̇ам̣ аараад̇хзд̇и. со д̇ааяа самаад̇хисамбад̣̇ааяа ад̇д̇амано ход̇и, но жа ко барибун̣н̣асан̇габбо. со д̇ааяа самаад̇хисамбад̣̇ааяа на ад̇д̇аануггам̣сзд̇и, на барам̣ вамбхзд̇и. со д̇ааяа самаад̇хисамбад̣̇ааяа на маж̇ж̇ад̇и наббамаж̇ж̇ад̇и на бамаад̣̇ам̣ аабаж̇ж̇ад̇и, аббамад̇д̇о самаано н̃аан̣ад̣̇ассанам̣ аараад̇хзд̇и. со д̇зна н̃аан̣ад̣̇ассанзна ад̇д̇амано ход̇и, но жа ко барибун̣н̣асан̇габбо. со д̇зна н̃аан̣ад̣̇ассанзна на ад̇д̇аануггам̣сзд̇и, на барам̣ вамбхзд̇и. со д̇зна н̃аан̣ад̣̇ассанзна на маж̇ж̇ад̇и наббамаж̇ж̇ад̇и на бамаад̣̇ам̣ аабаж̇ж̇ад̇и, аббамад̇д̇о самаано асамаяавимогкам̣ аараад̇хзд̇и. адтаанамзд̇ам̣ 5, бхигкавз, анавагаасо яам̣ со бхигку д̇ааяа асамаяавимуд̇д̇ияаа барихааязт̇а.
311. ‘‘Idha pana, bhikkhave, ekacco kulaputto saddhā agārasmā anagāriyaṃ pabbajito hoti – ‘otiṇṇomhi jātiyā jarāya maraṇena sokehi paridevehi dukkhehi domanassehi upāyāsehi, dukkhotiṇṇo dukkhapareto, appeva nāma imassa kevalassa dukkhakkhandhassa antakiriyā paññāyethā’ti. So evaṃ pabbajito samāno lābhasakkārasilokaṃ abhinibbatteti. So tena lābhasakkārasilokena na attamano hoti , na paripuṇṇasaṅkappo. So tena lābhasakkārasilokena na attānukkaṃseti, na paraṃ vambheti. So tena lābhasakkārasilokena na majjati nappamajjati na pamādaṃ āpajjati, appamatto samāno sīlasampadaṃ ārādheti. So tāya sīlasampadāya attamano hoti, no ca kho paripuṇṇasaṅkappo. So tāya sīlasampadāya na attānukkaṃseti, na paraṃ vambheti. So tāya sīlasampadāya na majjati nappamajjati na pamādaṃ āpajjati, appamatto samāno samādhisampadaṃ ārādheti. So tāya samādhisampadāya attamano hoti, no ca kho paripuṇṇasaṅkappo. So tāya samādhisampadāya na attānukkaṃseti, na paraṃ vambheti. So tāya samādhisampadāya na majjati nappamajjati na pamādaṃ āpajjati, appamatto samāno ñāṇadassanaṃ ārādheti. So tena ñāṇadassanena attamano hoti, no ca kho paripuṇṇasaṅkappo. So tena ñāṇadassanena na attānukkaṃseti, na paraṃ vambheti. So tena ñāṇadassanena na majjati nappamajjati na pamādaṃ āpajjati, appamatto samāno asamayavimokkhaṃ ārādheti. Aṭṭhānametaṃ 6, bhikkhave, anavakāso yaṃ so bhikkhu tāya asamayavimuttiyā parihāyetha.
‘‘сзяяат̇ааби , бхигкавз, бурисо саарад̇т̇иго саараг̇авзсий саарабариязсанам̣ жарамаано махад̇о ругкасса д̇идтад̇о сааравад̇о сааран̃н̃зва чзд̇ваа аад̣̇ааяа баггамзяяа ‘саара’нд̇и ж̇аанамаано. д̇амзнам̣ жагкумаа бурисо д̣̇исваа звам̣ вад̣̇зяяа – ‘ан̃н̃ааси вад̇ааяам̣ бхавам̣ бурисо саарам̣, ан̃н̃ааси пзг̇г̇ум̣, ан̃н̃ааси д̇ажам̣, ан̃н̃ааси бабадигам̣, ан̃н̃ааси саакаабалаасам̣. д̇ат̇аа хаяам̣ бхавам̣ бурисо саарад̇т̇иго саараг̇авзсий саарабариязсанам̣ жарамаано махад̇о ругкасса д̇идтад̇о сааравад̇о сааран̃н̃зва чзд̇ваа аад̣̇ааяа багганд̇о ‘саара’нд̇и ж̇аанамаано. яан̃жасса саарзна саарагаран̣ийяам̣ д̇ан̃жасса ад̇т̇ам̣ анубхависсад̇ий’д̇и.
‘‘Seyyathāpi , bhikkhave, puriso sāratthiko sāragavesī sārapariyesanaṃ caramāno mahato rukkhassa tiṭṭhato sāravato sāraññeva chetvā ādāya pakkameyya ‘sāra’nti jānamāno. Tamenaṃ cakkhumā puriso disvā evaṃ vadeyya – ‘aññāsi vatāyaṃ bhavaṃ puriso sāraṃ, aññāsi phegguṃ, aññāsi tacaṃ, aññāsi papaṭikaṃ, aññāsi sākhāpalāsaṃ. Tathā hayaṃ bhavaṃ puriso sāratthiko sāragavesī sārapariyesanaṃ caramāno mahato rukkhassa tiṭṭhato sāravato sāraññeva chetvā ādāya pakkanto ‘sāra’nti jānamāno. Yañcassa sārena sārakaraṇīyaṃ tañcassa atthaṃ anubhavissatī’ti.
‘‘звамзва ко, бхигкавз, ид̇хзгажжо гулабуд̇д̇о сад̣̇д̇хаа аг̇аарасмаа анаг̇аарияам̣ баб̣б̣аж̇ид̇о ход̇и – ‘од̇ин̣н̣омхи ж̇аад̇ияаа ж̇арааяа маран̣зна согзхи барид̣̇звзхи д̣̇угкзхи д̣̇оманассзхи убааяаасзхи, д̣̇угкод̇ин̣н̣о д̣̇угкабарзд̇о, аббзва наама имасса гзваласса д̣̇угкагканд̇хасса анд̇агирияаа бан̃н̃ааязт̇аа’д̇и. со звам̣ баб̣б̣аж̇ид̇о самаано лаабхасаггаарасилогам̣ абхиниб̣б̣ад̇д̇зд̇и. со д̇зна лаабхасаггаарасилогзна на ад̇д̇амано ход̇и, на барибун̣н̣асан̇габбо. со д̇зна лаабхасаггаарасилогзна на ад̇д̇аануггам̣сзд̇и, на барам̣ вамбхзд̇и. со д̇зна лаабхасаггаарасилогзна на маж̇ж̇ад̇и наббамаж̇ж̇ад̇и на бамаад̣̇ам̣ аабаж̇ж̇ад̇и, аббамад̇д̇о самаано сийласамбад̣̇ам̣ аараад̇хзд̇и. со д̇ааяа сийласамбад̣̇ааяа ад̇д̇амано ход̇и, но жа ко барибун̣н̣асан̇габбо. со д̇ааяа сийласамбад̣̇ааяа на ад̇д̇аануггам̣сзд̇и, на барам̣ вамбхзд̇и. со д̇ааяа сийласамбад̣̇ааяа на маж̇ж̇ад̇и наббамаж̇ж̇ад̇и на бамаад̣̇ам̣ аабаж̇ж̇ад̇и, аббамад̇д̇о самаано самаад̇хисамбад̣̇ам̣ аараад̇хзд̇и. со д̇ааяа самаад̇хисамбад̣̇ааяа ад̇д̇амано ход̇и, но жа ко барибун̣н̣асан̇габбо. со д̇ааяа самаад̇хисамбад̣̇ааяа на ад̇д̇аануггам̣сзд̇и, на барам̣ вамбхзд̇и. со д̇ааяа самаад̇хисамбад̣̇ааяа на маж̇ж̇ад̇и наббамаж̇ж̇ад̇и на бамаад̣̇ам̣ аабаж̇ж̇ад̇и, аббамад̇д̇о самаано н̃аан̣ад̣̇ассанам̣ аараад̇хзд̇и. со д̇зна н̃аан̣ад̣̇ассанзна ад̇д̇амано ход̇и, но жа ко барибун̣н̣асан̇габбо. со д̇зна н̃аан̣ад̣̇ассанзна на ад̇д̇аануггам̣сзд̇и, на барам̣ вамбхзд̇и. со д̇зна н̃аан̣ад̣̇ассанзна на маж̇ж̇ад̇и наббамаж̇ж̇ад̇и на бамаад̣̇ам̣ аабаж̇ж̇ад̇и, аббамад̇д̇о самаано асамаяавимогкам̣ аараад̇хзд̇и. адтаанамзд̇ам̣, бхигкавз, анавагаасо яам̣ со бхигку д̇ааяа асамаяавимуд̇д̇ияаа барихааязт̇а.
‘‘Evameva kho, bhikkhave, idhekacco kulaputto saddhā agārasmā anagāriyaṃ pabbajito hoti – ‘otiṇṇomhi jātiyā jarāya maraṇena sokehi paridevehi dukkhehi domanassehi upāyāsehi, dukkhotiṇṇo dukkhapareto, appeva nāma imassa kevalassa dukkhakkhandhassa antakiriyā paññāyethā’ti. So evaṃ pabbajito samāno lābhasakkārasilokaṃ abhinibbatteti. So tena lābhasakkārasilokena na attamano hoti, na paripuṇṇasaṅkappo. So tena lābhasakkārasilokena na attānukkaṃseti, na paraṃ vambheti. So tena lābhasakkārasilokena na majjati nappamajjati na pamādaṃ āpajjati, appamatto samāno sīlasampadaṃ ārādheti. So tāya sīlasampadāya attamano hoti, no ca kho paripuṇṇasaṅkappo. So tāya sīlasampadāya na attānukkaṃseti, na paraṃ vambheti. So tāya sīlasampadāya na majjati nappamajjati na pamādaṃ āpajjati, appamatto samāno samādhisampadaṃ ārādheti. So tāya samādhisampadāya attamano hoti, no ca kho paripuṇṇasaṅkappo. So tāya samādhisampadāya na attānukkaṃseti, na paraṃ vambheti. So tāya samādhisampadāya na majjati nappamajjati na pamādaṃ āpajjati, appamatto samāno ñāṇadassanaṃ ārādheti. So tena ñāṇadassanena attamano hoti, no ca kho paripuṇṇasaṅkappo. So tena ñāṇadassanena na attānukkaṃseti, na paraṃ vambheti. So tena ñāṇadassanena na majjati nappamajjati na pamādaṃ āpajjati, appamatto samāno asamayavimokkhaṃ ārādheti. Aṭṭhānametaṃ, bhikkhave, anavakāso yaṃ so bhikkhu tāya asamayavimuttiyā parihāyetha.
‘‘ид̇и ко, бхигкавз, наяид̣̇ам̣ б̣рахмажарияам̣ лаабхасаггаарасилогаанисам̣сам̣, на сийласамбад̣̇аанисам̣сам̣, на самаад̇хисамбад̣̇аанисам̣сам̣, на н̃аан̣ад̣̇ассанаанисам̣сам̣. яаа жа ко аяам̣, бхигкавз, агуббаа жзд̇овимуд̇д̇и – зд̇ад̣̇ад̇т̇амид̣̇ам̣, бхигкавз, б̣рахмажарияам̣, зд̇ам̣ саарам̣ зд̇ам̣ барияосаана’’нд̇и.
‘‘Iti kho, bhikkhave, nayidaṃ brahmacariyaṃ lābhasakkārasilokānisaṃsaṃ, na sīlasampadānisaṃsaṃ, na samādhisampadānisaṃsaṃ, na ñāṇadassanānisaṃsaṃ. Yā ca kho ayaṃ, bhikkhave, akuppā cetovimutti – etadatthamidaṃ, bhikkhave, brahmacariyaṃ, etaṃ sāraṃ etaṃ pariyosāna’’nti.
ид̣̇амавожа бхаг̇аваа. ад̇д̇аманаа д̇з бхигкуу бхаг̇авад̇о бхаасид̇ам̣ абхинанд̣̇унд̇и.
Idamavoca bhagavā. Attamanā te bhikkhū bhagavato bhāsitaṃ abhinandunti.
махаасааробамасуд̇д̇ам̣ нидтид̇ам̣ навамам̣.
Mahāsāropamasuttaṃ niṭṭhitaṃ navamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 9. махаасааробамасуд̇д̇аван̣н̣анаа • 9. Mahāsāropamasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 9. махаасааробамасуд̇д̇аван̣н̣анаа • 9. Mahāsāropamasuttavaṇṇanā
