| Library / Tipiṭaka / д̇ибидага • Tipiṭaka / маж̇жхиманигааяа (адтагат̇аа) • Majjhimanikāya (aṭṭhakathā) |
9. махаасааробамасуд̇д̇аван̣н̣анаа
9. Mahāsāropamasuttavaṇṇanā
307. звам̣ мз суд̇анд̇и махаасааробамасуд̇д̇ам̣. д̇ад̇т̇а ажирабагганд̇зд̇и сан̇гхам̣ бхинд̣̇ид̇ваа рухируббаад̣̇агаммам̣ гад̇ваа нажирабагганд̇з салин̇г̇знзва баадиязггз ж̇аад̇з.
307.Evaṃme sutanti mahāsāropamasuttaṃ. Tattha acirapakkanteti saṅghaṃ bhinditvā ruhiruppādakammaṃ katvā nacirapakkante saliṅgeneva pāṭiyekke jāte.
ид̇ха, бхигкавз, згажжо гулабуд̇д̇од̇и гин̃жааби асугагулабуд̇д̇од̇и на нияаамид̇о, д̣̇звад̣̇ад̇д̇ам̣язва бана санд̇хааяа ид̣̇ам̣ вуд̇д̇анд̇и взд̣̇ид̇аб̣б̣ам̣. со хи асамбхиннааяа махаасаммад̇абавзн̣ияаа оггаагавам̣сз ж̇аад̇ад̇д̇аа ж̇аад̇игулабуд̇д̇о. од̇ин̣н̣од̇и яасса ж̇аад̇и анд̇о анубавидтаа, со ж̇аад̇ияаа од̇ин̣н̣о наама. ж̇араад̣̇ийсуби зсзва наяо. лаабхасаггаараад̣̇ийсуби лаабход̇и жад̇д̇ааро бажжаяаа. саггаарод̇и д̇зсам̣язва сугад̇абхааво. силогод̇и ван̣н̣абхан̣анам̣. абхиниб̣б̣ад̇д̇зд̇ийд̇и уббаад̣̇зд̇и. абан̃н̃аад̇аад̇и д̣̇виннам̣ ж̇анаанам̣ тид̇адтаанз на бан̃н̃ааяанд̇и, гхаасажчаад̣̇анамад̇д̇амби на лабханд̇и. аббзсагкаад̇и аббабариваараа, бурад̇о ваа бажчад̇о ваа г̇ажчанд̇ам̣ на лабханд̇и.
Idha, bhikkhave, ekacco kulaputtoti kiñcāpi asukakulaputtoti na niyāmito, devadattaṃyeva pana sandhāya idaṃ vuttanti veditabbaṃ. So hi asambhinnāya mahāsammatapaveṇiyā okkākavaṃse jātattā jātikulaputto. Otiṇṇoti yassa jāti anto anupaviṭṭhā, so jātiyā otiṇṇo nāma. Jarādīsupi eseva nayo. Lābhasakkārādīsupi lābhoti cattāro paccayā. Sakkāroti tesaṃyeva sukatabhāvo. Silokoti vaṇṇabhaṇanaṃ. Abhinibbattetīti uppādeti. Apaññātāti dvinnaṃ janānaṃ ṭhitaṭṭhāne na paññāyanti, ghāsacchādanamattampi na labhanti. Appesakkhāti appaparivārā, purato vā pacchato vā gacchantaṃ na labhanti.
саарзна саарагаран̣ийяанд̇и ругкасаарзна гад̇д̇аб̣б̣ам̣ агкажаггаяуг̇анан̇г̇алаад̣̇игам̣ яам̣гин̃жи. саакаабалаасам̣ аг̇г̇ахзси б̣рахмажарияассаад̇и маг̇г̇апаласаарасса саасанаб̣рахмажарияасса жад̇д̇ааро бажжаяаа саакаабалаасам̣ наама, д̇ам̣ аг̇г̇ахзси. д̇зна жа восаанам̣ аабаад̣̇ийд̇и д̇знзва жа аламзд̇д̇аавад̇аа сааро мз бад̇д̇од̇и восаанам̣ аабанно.
Sārena sārakaraṇīyanti rukkhasārena kattabbaṃ akkhacakkayuganaṅgalādikaṃ yaṃkiñci. Sākhāpalāsaṃ aggahesi brahmacariyassāti maggaphalasārassa sāsanabrahmacariyassa cattāro paccayā sākhāpalāsaṃ nāma, taṃ aggahesi. Tena ca vosānaṃ āpādīti teneva ca alamettāvatā sāro me pattoti vosānaṃ āpanno.
310. н̃аан̣ад̣̇ассанам̣ аараад̇хзд̇ийд̇и д̣̇звад̣̇ад̇д̇о бан̃жаабхин̃н̃о, д̣̇иб̣б̣ажагку жа бан̃жаннам̣ абхин̃н̃аанам̣ мад̇т̇агз тид̇ам̣, д̇ам̣ имасмим̣ суд̇д̇з ‘‘н̃аан̣ад̣̇ассана’’нд̇и вуд̇д̇ам̣ . аж̇аанам̣ абассам̣ вихаранд̇ийд̇и гин̃жи сукумам̣ руубам̣ аж̇аананд̇аа анд̇амасо бам̣субисаажагамби абассанд̇аа вихаранд̇и.
310.Ñāṇadassanaṃ ārādhetīti devadatto pañcābhiñño, dibbacakkhu ca pañcannaṃ abhiññānaṃ matthake ṭhitaṃ, taṃ imasmiṃ sutte ‘‘ñāṇadassana’’nti vuttaṃ . Ajānaṃ apassaṃ viharantīti kiñci sukhumaṃ rūpaṃ ajānantā antamaso paṃsupisācakampi apassantā viharanti.
311. асамаяавимогкам̣ аараад̇хзд̇ийд̇и, ‘‘гад̇амо асамаяавимогко? жад̇д̇ааро жа арияамаг̇г̇аа жад̇д̇аари жа сааман̃н̃апалаани, ниб̣б̣аанан̃жа, аяам̣ асамаяавимогко’’д̇и (бади. ма. 1.213) звам̣ вуд̇д̇з навалогуд̇д̇арад̇хаммз аараад̇хзд̇и самбаад̣̇зд̇и бадилабхад̇и. логияасамаабад̇д̇ияо хи аббид̇аббид̇агкан̣зязва бажжанийгад̇хаммзхи вимужжанд̇и, д̇асмаа, ‘‘гад̇амо самаяавимогко? жад̇д̇аари жа жхаанаани жад̇ассо жа аруубааважарасамаабад̇д̇ияо, аяам̣ самаяавимогко’’д̇и звам̣ самаяавимогкод̇и вуд̇д̇аа. логуд̇д̇арад̇хаммаа бана гаалзна гаалам̣ вимужжанд̇и, сагим̣ вимуд̇д̇аани хи маг̇г̇апалаани вимуд̇д̇аанзва хонд̇и. ниб̣б̣аанам̣ саб̣б̣агилзсзхи ажжанд̇ам̣ вимуд̇д̇амзваад̇и имз нава д̇хаммаа асамаяавимогкод̇и вуд̇д̇аа.
311.Asamayavimokkhaṃ ārādhetīti, ‘‘katamo asamayavimokkho? Cattāro ca ariyamaggā cattāri ca sāmaññaphalāni, nibbānañca, ayaṃ asamayavimokkho’’ti (paṭi. ma. 1.213) evaṃ vutte navalokuttaradhamme ārādheti sampādeti paṭilabhati. Lokiyasamāpattiyo hi appitappitakkhaṇeyeva paccanīkadhammehi vimuccanti, tasmā, ‘‘katamo samayavimokkho? Cattāri ca jhānāni catasso ca arūpāvacarasamāpattiyo, ayaṃ samayavimokkho’’ti evaṃ samayavimokkhoti vuttā. Lokuttaradhammā pana kālena kālaṃ vimuccanti, sakiṃ vimuttāni hi maggaphalāni vimuttāneva honti. Nibbānaṃ sabbakilesehi accantaṃ vimuttamevāti ime nava dhammā asamayavimokkhoti vuttā.
агуббаа жзд̇овимуд̇д̇ийд̇и арахад̇д̇апалавимуд̇д̇и. аяамад̇т̇о зд̇ассаад̇и зд̇ад̣̇ад̇т̇ам̣, арахад̇д̇апалад̇т̇амид̣̇ам̣ б̣рахмажарияам̣. аяам̣ зд̇асса ад̇т̇од̇и вуд̇д̇ам̣ ход̇и. зд̇ам̣ сааранд̇и зд̇ам̣ арахад̇д̇апалам̣ б̣рахмажарияасса саарам̣. зд̇ам̣ барияосаананд̇и зд̇ам̣ арахад̇д̇апалам̣ б̣рахмажарияасса барияосаанам̣, зсаа годи, на ид̇о барам̣ бад̇д̇аб̣б̣ам̣ ад̇т̇ийд̇и яат̇аанусанд̇хинаава д̣̇зсанам̣ нидтабзсийд̇и.
Akuppā cetovimuttīti arahattaphalavimutti. Ayamattho etassāti etadatthaṃ, arahattaphalatthamidaṃ brahmacariyaṃ. Ayaṃ etassa atthoti vuttaṃ hoti. Etaṃ sāranti etaṃ arahattaphalaṃ brahmacariyassa sāraṃ. Etaṃ pariyosānanti etaṃ arahattaphalaṃ brahmacariyassa pariyosānaṃ, esā koṭi, na ito paraṃ pattabbaṃ atthīti yathānusandhināva desanaṃ niṭṭhapesīti.
бабан̃жасууд̣̇анияаа маж̇жхиманигааяадтагат̇ааяа
Papañcasūdaniyā majjhimanikāyaṭṭhakathāya
махаасааробамасуд̇д̇аван̣н̣анаа нидтид̇аа.
Mahāsāropamasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 9. махаасааробамасуд̇д̇ам̣ • 9. Mahāsāropamasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 9. махаасааробамасуд̇д̇аван̣н̣анаа • 9. Mahāsāropamasuttavaṇṇanā
