| Library / Tipiṭaka / д̇ибидага • Tipiṭaka / маж̇жхиманигааяа (дийгаа) • Majjhimanikāya (ṭīkā) |
9. махаасааробамасуд̇д̇аван̣н̣анаа
9. Mahāsāropamasuttavaṇṇanā
307. нажирабагганд̇зд̇и на жирам̣ багганд̇з, багганд̇асса сад̇о на жирассзва. салин̇г̇знзваад̇и мун̣д̣ияагаасааяаг̇г̇ахан̣аад̣̇инаа ад̇д̇ано бурималин̇г̇знзва. баадиязггз ж̇аад̇зд̇и вибаннаажаарад̣̇идтид̇ааяа багаасанийяагаммагаран̣ад̇о барам̣ ан̃н̃ад̇ид̇т̇ияасад̣̇исз висум̣ бхууд̇з. гулабуд̇д̇од̇и ж̇аад̇имад̇д̇зна гулабуд̇д̇о. асамбхиннааяаад̇и самбхзд̣̇арахид̇ааяа, ж̇аад̇исан̇гаравирахид̇ааяаад̇и ад̇д̇о. ж̇аад̇исийсзна ид̇ха ж̇аад̇ивад̇т̇угам̣ д̣̇угкам̣ вуд̇д̇анд̇и ааха ‘‘од̇ин̣н̣од̇и яасса ж̇аад̇и анд̇о анубавидтаа’’д̇и. ж̇аад̇о хи сад̇д̇о ж̇аад̇агаалад̇о бадтааяа ж̇аад̇инимид̇д̇зна д̣̇угкзна анд̇о анубавидто вияа виб̣аад̇хийяад̇и. ж̇арааяаад̇иаад̣̇ийсуби зсзва наяо. жад̇д̇ааро бажжаяаа лаб̣бханд̇ийд̇и лаабхаа, жад̇уннам̣ бажжаяаанам̣ лаб̣бхамаанаанам̣ сугад̇абхааво судту абхисан̇кад̇абхааво. ван̣н̣абхан̣ананд̇и г̇ун̣агид̇д̇анам̣. абан̃н̃аад̇аад̇и самбхааванаавасзна на бан̃н̃аад̇аа. лаабхаад̣̇иниб̣б̣ад̇д̇ияаабхаавад̣̇ассанан̃хзд̇ам̣. д̇знааха ‘‘гхаасажчаад̣̇анамад̇д̇амби на лабханд̇ий’’д̇и. аббзсагкаад̇и аббаанубхааваа. саа бана аббзсагкад̇аа ад̇хибад̇зяяасамбад̇д̇ияаа жа бариваарасамбад̇д̇ияаа жа абхаавзна баагадаа ход̇и. д̇ад̇т̇а бариваарасамбад̇д̇ияаа абхаавам̣ д̣̇ассзнд̇о ‘‘аббабариваараа’’д̇и ааха.
307.Nacirapakkanteti na ciraṃ pakkante, pakkantassa sato na cirasseva. Saliṅgenevāti muṇḍiyakāsāyaggahaṇādinā attano purimaliṅgeneva. Pāṭiyekke jāteti vipannācāradiṭṭhitāya pakāsanīyakammakaraṇato paraṃ aññatitthiyasadise visuṃ bhūte. Kulaputtoti jātimattena kulaputto. Asambhinnāyāti sambhedarahitāya, jātisaṅkaravirahitāyāti atto. Jātisīsena idha jātivatthukaṃ dukkhaṃ vuttanti āha ‘‘otiṇṇoti yassa jāti anto anupaviṭṭhā’’ti. Jāto hi satto jātakālato paṭṭhāya jātinimittena dukkhena anto anupaviṭṭho viya vibādhīyati. Jarāyātiādīsupi eseva nayo. Cattāro paccayā labbhantīti lābhā, catunnaṃ paccayānaṃ labbhamānānaṃ sukatabhāvo suṭṭhu abhisaṅkhatabhāvo. Vaṇṇabhaṇananti guṇakittanaṃ. Apaññātāti sambhāvanāvasena na paññātā. Lābhādinibbattiyābhāvadassanañhetaṃ. Tenāha ‘‘ghāsacchādanamattampi na labhantī’’ti. Appesakkhāti appānubhāvā. Sā pana appesakkhatā adhipateyyasampattiyā ca parivārasampattiyā ca abhāvena pākaṭā hoti. Tattha parivārasampattiyā abhāvaṃ dassento ‘‘appaparivārā’’ti āha.
саарзнаби гзжи аж̇аананзна ан̃н̃аалаабхзна ваа асаарабхууд̇амби гад̇д̇аб̣б̣ам̣ гаронд̇ийд̇и д̇ад̇о висзсанад̇т̇ам̣ ‘‘саарзна саарагаран̣ийяа’’нд̇и вуд̇д̇анд̇и д̇ам̣ д̣̇ассзнд̇о ‘‘агкажаггаяуг̇анан̇г̇алаад̣̇ига’’нд̇и ааха. б̣рахмажарияассаад̇и сигкаад̇д̇аяасан̇г̇ахасса саасанаб̣рахмажарияасса. махааругкасса маг̇г̇апаласаарасса н̃аан̣ад̣̇ассанапзг̇г̇угасса самаад̇хид̇ажасса сийлабабадигасса жан̃жаласабхааваа сам̣саббажаарийд̇и жа жад̇д̇ааро бажжаяаа саакаабалаасам̣ наама. д̇знзваад̇и лаабхасаггаарасилоганиб̣б̣ад̇д̇анзнзва. сааро мз бад̇д̇од̇и имасмим̣ саасанз ад̇хиг̇анд̇аб̣б̣асааро наама иминаа лаабхаад̣̇иниб̣б̣ад̇д̇анзна ануббад̇д̇од̇и восаанам̣ нидтид̇агижжам̣ аабанно.
Sārenapi keci ajānanena aññālābhena vā asārabhūtampi kattabbaṃ karontīti tato visesanatthaṃ ‘‘sārena sārakaraṇīya’’nti vuttanti taṃ dassento ‘‘akkhacakkayuganaṅgalādika’’nti āha. Brahmacariyassāti sikkhāttayasaṅgahassa sāsanabrahmacariyassa. Mahārukkhassa maggaphalasārassa ñāṇadassanapheggukassa samādhitacassa sīlapapaṭikassa cañcalasabhāvā saṃsappacārīti ca cattāro paccayā sākhāpalāsaṃ nāma. Tenevāti lābhasakkārasilokanibbattaneneva. Sāro me pattoti imasmiṃ sāsane adhigantabbasāro nāma iminā lābhādinibbattanena anuppattoti vosānaṃ niṭṭhitakiccaṃ āpanno.
310. н̃аан̣ад̣̇ассананд̇и н̃аан̣абхууд̇ам̣ д̣̇ассанам̣ висаяасса сажчигаран̣авасзна бавад̇д̇ам̣ абхин̃н̃аан̃аан̣ам̣. сукумам̣ руубанд̇и д̣̇зваад̣̇ийнам̣, ан̃н̃амби ваа сукумасабхаавам̣ руубам̣. д̇знааха ‘‘анд̇амасо…бз… вихаранд̇ий’’д̇и, д̣̇иб̣б̣ажагку хи ид̇ха уггадтанид̣̇д̣̇зсзна ‘‘н̃аан̣ад̣̇ассана’’нд̇и г̇ахид̇ам̣.
310.Ñāṇadassananti ñāṇabhūtaṃ dassanaṃ visayassa sacchikaraṇavasena pavattaṃ abhiññāñāṇaṃ. Sukhumaṃ rūpanti devādīnaṃ, aññampi vā sukhumasabhāvaṃ rūpaṃ. Tenāha ‘‘antamaso…pe… viharantī’’ti, dibbacakkhu hi idha ukkaṭṭhaniddesena ‘‘ñāṇadassana’’nti gahitaṃ.
311. асамаяавимогкам̣ аараад̇хзд̇ийд̇и зд̇т̇а ад̇хиббзд̇ам̣ асамаяавимогкам̣ баал̣ияаа зва д̣̇ассзд̇ум̣ ‘‘гад̇амо асамаяавимогко’’д̇иаад̣̇и вуд̇д̇ам̣. адтаннан̃хи самаабаж̇ж̇анасамаяоби ад̇т̇и асамаяоби, маг̇г̇авимогкзна бана вимужжанасса самаяо ваа асамаяо ваа над̇т̇и. яасса сад̣̇д̇хаа б̣алавад̇ий, вибассанаа жа аарад̣̇д̇хаа, д̇асса г̇ажчанд̇асса д̇идтанд̇асса нисийд̣̇анд̇асса бхун̃ж̇анд̇асса жа маг̇г̇апалабадивзд̇хо наама на ход̇ийд̇и на вад̇д̇аб̣б̣ам̣, ид̇и маг̇г̇авимогкзна вимужжанд̇асса самаяо ваа асамаяо ваа над̇т̇ийд̇и со асамаяавимогко. д̇знааха ‘‘логияасамаабад̇д̇ияо хий’’д̇иаад̣̇и.
311.Asamayavimokkhaṃārādhetīti ettha adhippetaṃ asamayavimokkhaṃ pāḷiyā eva dassetuṃ ‘‘katamo asamayavimokkho’’tiādi vuttaṃ. Aṭṭhannañhi samāpajjanasamayopi atthi asamayopi, maggavimokkhena pana vimuccanassa samayo vā asamayo vā natthi. Yassa saddhā balavatī, vipassanā ca āraddhā, tassa gacchantassa tiṭṭhantassa nisīdantassa bhuñjantassa ca maggaphalapaṭivedho nāma na hotīti na vattabbaṃ, iti maggavimokkhena vimuccantassa samayo vā asamayo vā natthīti so asamayavimokkho. Tenāha ‘‘lokiyasamāpattiyo hī’’tiādi.
на губбад̇и, на нассад̇ийд̇и агуббаа, гад̣̇аажиби абарихаанасабхааваа. саб̣б̣асам̣гилзсзхи бадиббассад̣̇д̇хивасзна жзд̇асо вимуд̇д̇ийд̇и жзд̇овимуд̇д̇и. д̇знааха ‘‘арахад̇д̇апалавимуд̇д̇ий’’д̇и. аяамад̇т̇о баяож̇анам̣ зд̇ассаад̇и зд̇ад̣̇ад̇т̇ам̣, саасанаб̣рахмажарияам̣, д̇асса зсаа барамагоди. яат̇аарад̣̇д̇хасса сааробамзна палзна д̣̇зсанаа нидтаабид̇аад̇и ааха ‘‘яат̇аанусанд̇хинаава д̣̇зсанам̣ нидтабзсий’’д̇и. яам̣ банзд̇т̇а ад̇т̇ад̇о авибхад̇д̇ам̣, д̇ам̣ сувин̃н̃зяяамзва.
Na kuppati, na nassatīti akuppā, kadācipi aparihānasabhāvā. Sabbasaṃkilesehi paṭippassaddhivasena cetaso vimuttīti cetovimutti. Tenāha ‘‘arahattaphalavimuttī’’ti. Ayamattho payojanaṃ etassāti etadatthaṃ, sāsanabrahmacariyaṃ, tassa esā paramakoṭi. Yathāraddhassa sāropamena phalena desanā niṭṭhāpitāti āha ‘‘yathānusandhināva desanaṃ niṭṭhapesī’’ti. Yaṃ panettha atthato avibhattaṃ, taṃ suviññeyyameva.
махаасааробамасуд̇д̇аван̣н̣анааяа лийнад̇т̇аббагаасанаа самад̇д̇аа.
Mahāsāropamasuttavaṇṇanāya līnatthappakāsanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 9. махаасааробамасуд̇д̇ам̣ • 9. Mahāsāropamasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 9. махаасааробамасуд̇д̇аван̣н̣анаа • 9. Mahāsāropamasuttavaṇṇanā
