Library / Tipiṭaka / д̇ибидага • Tipiṭaka / д̣̇ийгха нигааяа (адтагат̇аа) • Dīgha nikāya (aṭṭhakathā)

    9. махаасад̇ибадтаанасуд̇д̇аван̣н̣анаа

    9. Mahāsatipaṭṭhānasuttavaṇṇanā

    уд̣̇д̣̇зсаваарагат̇ааван̣н̣анаа

    Uddesavārakathāvaṇṇanā

    373. звам̣ мз суд̇анд̇и махаасад̇ибадтаанасуд̇д̇ам̣. д̇ад̇рааяамабуб̣б̣абад̣̇аван̣н̣анаа – згааяано аяам̣, бхигкавз, маг̇г̇од̇и гасмаа бхаг̇аваа ид̣̇ам̣ суд̇д̇амабхааси? гурурадтаваасийнам̣ г̇амбхийрад̣̇зсанаабадиг̇г̇ахан̣асамад̇т̇ад̇ааяа. гурурадтаваасино гира бхигкуу бхигкунияо убаасагаа убаасигааяо уд̇убажжаяаад̣̇исамбаннад̇д̇аа д̇асса радтасса саббааяауд̇убажжаяасзванзна нижжам̣ галласарийраа галлажид̇д̇аа жа хонд̇и. д̇з жид̇д̇асарийрагаллад̇ааяа ануг̇г̇ахид̇абан̃н̃ааб̣алаа г̇амбхийрагат̇ам̣ бадиг̇г̇ахзд̇ум̣ самад̇т̇аа хонд̇и. д̇зна нзсам̣ бхаг̇аваа имам̣ г̇амбхийрад̣̇зсанаабадиг̇г̇ахан̣асамад̇т̇ад̇ам̣ самбассанд̇о згавийсад̇ияаа таанзсу гаммадтаанам̣ арахад̇д̇з багкибид̇ваа ид̣̇ам̣ г̇амбхийрад̇т̇ам̣ махаасад̇ибадтаанасуд̇д̇ам̣ абхааси. яат̇аа хи бурисо суван̣н̣ажан̇годагам̣ лабхид̇ваа д̇ад̇т̇а наанаабубпаани багкибзяяа, суван̣н̣аман̃ж̇уусам̣ ваа бана лабхид̇ваа сад̇д̇арад̇анаани багкибзяяа, звам̣ бхаг̇аваа гурурадтаваасибарисам̣ лабхид̇ваа г̇амбхийрад̣̇зсанам̣ д̣̇зсзси. д̇знзвзд̇т̇а ан̃н̃ааниби г̇амбхийрад̇т̇аани имасмим̣ д̣̇ийгханигааяз махаанид̣̇аанам̣ маж̇жхиманигааяз сад̇ибадтаанам̣, сааробамам̣, ругкобамам̣, радтабаалам̣, мааг̇ан̣д̣ияам̣, аанзн̃ж̇асаббааяанд̇и ан̃н̃ааниби суд̇д̇аани д̣̇зсзси.

    373.Evaṃme sutanti mahāsatipaṭṭhānasuttaṃ. Tatrāyamapubbapadavaṇṇanā – ekāyano ayaṃ, bhikkhave, maggoti kasmā bhagavā idaṃ suttamabhāsi? Kururaṭṭhavāsīnaṃ gambhīradesanāpaṭiggahaṇasamatthatāya. Kururaṭṭhavāsino kira bhikkhū bhikkhuniyo upāsakā upāsikāyo utupaccayādisampannattā tassa raṭṭhassa sappāyautupaccayasevanena niccaṃ kallasarīrā kallacittā ca honti. Te cittasarīrakallatāya anuggahitapaññābalā gambhīrakathaṃ paṭiggahetuṃ samatthā honti. Tena nesaṃ bhagavā imaṃ gambhīradesanāpaṭiggahaṇasamatthataṃ sampassanto ekavīsatiyā ṭhānesu kammaṭṭhānaṃ arahatte pakkhipitvā idaṃ gambhīratthaṃ mahāsatipaṭṭhānasuttaṃ abhāsi. Yathā hi puriso suvaṇṇacaṅkoṭakaṃ labhitvā tattha nānāpupphāni pakkhipeyya, suvaṇṇamañjūsaṃ vā pana labhitvā sattaratanāni pakkhipeyya, evaṃ bhagavā kururaṭṭhavāsiparisaṃ labhitvā gambhīradesanaṃ desesi. Tenevettha aññānipi gambhīratthāni imasmiṃ dīghanikāye mahānidānaṃ majjhimanikāye satipaṭṭhānaṃ, sāropamaṃ, rukkhopamaṃ, raṭṭhapālaṃ, māgaṇḍiyaṃ, āneñjasappāyanti aññānipi suttāni desesi.

    абижа д̇асмим̣ ж̇анабад̣̇з жад̇ассо барисаа багад̇ияаава сад̇ибадтаанабхааванаануяог̇амануяуд̇д̇аа вихаранд̇и, анд̇амасо д̣̇аасагаммагарабариж̇аанааби сад̇ибадтаанабадисам̣яуд̇д̇амзва гат̇ам̣ гат̇знд̇и. уд̣̇агад̇ид̇т̇асуд̇д̇аганд̇анадтаанаад̣̇ийсуби нирад̇т̇агагат̇аа наама наббавад̇д̇ад̇и. сажз гаажи ид̇т̇ий ‘‘амма, д̇вам̣ гад̇арам̣ сад̇ибадтаанабхааванам̣ манасигаросий’’д̇и бужчид̇аа ‘‘на гин̃жий’’д̇и вад̣̇ад̇и, д̇ам̣ г̇араханд̇и ‘‘д̇хирад̇т̇у д̇ава ж̇ийвид̇ам̣, ж̇ийвамаанааби д̇вам̣ мад̇асад̣̇исаа’’д̇и. ат̇а нам̣ ‘‘маа д̣̇аани буна звамагаасий’’д̇и овад̣̇ид̇ваа ан̃н̃ад̇арам̣ сад̇ибадтаанам̣ уг̇г̇ан̣хаабзнд̇и. яаа бана ‘‘ахам̣ асугасад̇ибадтаанам̣ наама манасигаромий’’д̇и вад̣̇ад̇и, д̇ассаа ‘‘саад̇ху саад̇хуу’’д̇и саад̇хугаарам̣ гад̇ваа ‘‘д̇ава ж̇ийвид̇ам̣ суж̇ийвид̇ам̣, д̇вам̣ наама мануссад̇д̇ам̣ бад̇д̇аа, д̇авад̇т̇ааяа саммаасамб̣уд̣̇д̇хо уббанно’’д̇иаад̣̇ийхи басам̣санд̇и. на гзвалан̃жзд̇т̇а мануссаж̇аад̇игаава сад̇ибадтаанаманасигаараяуд̇д̇аа, д̇з ниссааяа вихаранд̇аа д̇иражчаанаг̇ад̇ааби.

    Apica tasmiṃ janapade catasso parisā pakatiyāva satipaṭṭhānabhāvanānuyogamanuyuttā viharanti, antamaso dāsakammakaraparijānāpi satipaṭṭhānapaṭisaṃyuttameva kathaṃ kathenti. Udakatitthasuttakantanaṭṭhānādīsupi niratthakakathā nāma nappavattati. Sace kāci itthī ‘‘amma, tvaṃ kataraṃ satipaṭṭhānabhāvanaṃ manasikarosī’’ti pucchitā ‘‘na kiñcī’’ti vadati, taṃ garahanti ‘‘dhiratthu tava jīvitaṃ, jīvamānāpi tvaṃ matasadisā’’ti. Atha naṃ ‘‘mā dāni puna evamakāsī’’ti ovaditvā aññataraṃ satipaṭṭhānaṃ uggaṇhāpenti. Yā pana ‘‘ahaṃ asukasatipaṭṭhānaṃ nāma manasikaromī’’ti vadati, tassā ‘‘sādhu sādhū’’ti sādhukāraṃ katvā ‘‘tava jīvitaṃ sujīvitaṃ, tvaṃ nāma manussattaṃ pattā, tavatthāya sammāsambuddho uppanno’’tiādīhi pasaṃsanti. Na kevalañcettha manussajātikāva satipaṭṭhānamanasikārayuttā, te nissāya viharantā tiracchānagatāpi.

    д̇ад̇рид̣̇ам̣ вад̇т̇у – зго гира надаго сувабод̇агам̣ г̇ахзд̇ваа сигкаабзнд̇о вижарад̇и. со бхигкунубассаяам̣ убаниссааяа васид̇ваа г̇аманагаалз сувабод̇агам̣ бамуссид̇ваа г̇ад̇о. д̇ам̣ сааман̣зрияо г̇ахзд̇ваа бадиж̇аг̇г̇им̣су. б̣уд̣̇д̇харагкид̇о д̇исса наамам̣ агам̣су. д̇ам̣ згад̣̇ивасам̣ бурад̇о нисиннам̣ д̣̇исваа махаат̇зрий ааха – ‘‘б̣уд̣̇д̇харагкид̇аа’’д̇и. гим̣, аяязд̇и? ад̇т̇и д̇з гожи бхааванааманасигаарод̇и? над̇т̇и, аяязд̇и. аавусо, баб̣б̣аж̇ид̇аанам̣ санд̇игз васанд̇зна наама виссадтаад̇д̇абхаавзна бхавид̇ум̣ на ваддад̇и, гожид̣̇зва манасигааро ижчид̇аб̣б̣о, д̇вам̣ бана ан̃н̃ам̣ на сагкиссаси, ‘‘адти адтий’’д̇и саж̇жхааяам̣ гарохийд̇и. со т̇зрияаа оваад̣̇з тад̇ваа ‘‘адти адтий’’д̇и саж̇жхааяанд̇о жарад̇и.

    Tatridaṃ vatthu – eko kira naṭako suvapotakaṃ gahetvā sikkhāpento vicarati. So bhikkhunupassayaṃ upanissāya vasitvā gamanakāle suvapotakaṃ pamussitvā gato. Taṃ sāmaṇeriyo gahetvā paṭijaggiṃsu. Buddharakkhito tissa nāmaṃ akaṃsu. Taṃ ekadivasaṃ purato nisinnaṃ disvā mahātherī āha – ‘‘buddharakkhitā’’ti. Kiṃ, ayyeti? Atthi te koci bhāvanāmanasikāroti? Natthi, ayyeti. Āvuso, pabbajitānaṃ santike vasantena nāma vissaṭṭhaattabhāvena bhavituṃ na vaṭṭati, kocideva manasikāro icchitabbo, tvaṃ pana aññaṃ na sakkhissasi, ‘‘aṭṭhi aṭṭhī’’ti sajjhāyaṃ karohīti. So theriyā ovāde ṭhatvā ‘‘aṭṭhi aṭṭhī’’ti sajjhāyanto carati.

    д̇ам̣ згад̣̇ивасам̣ баад̇ова д̇оран̣аг̇г̇з нисийд̣̇ид̇ваа б̣аалаад̇абам̣ д̇абамаанам̣ зго сагун̣о накабан̃ж̇арзна аг̇г̇ахзси. со ‘‘гири гирий’’д̇и сад̣̇д̣̇амагааси. сааман̣зрияо суд̇ваа ‘‘аяяз б̣уд̣̇д̇харагкид̇о сагун̣зна г̇ахид̇о, можзма на’’нд̇и лзд̣д̣уаад̣̇ийни г̇ахзд̇ваа ануб̣анд̇хид̇ваа можзсум̣ . д̇ам̣ аанзд̇ваа бурад̇о табид̇ам̣ т̇зрий ааха – ‘‘б̣уд̣̇д̇харагкид̇а, сагун̣зна г̇ахид̇агаалз гим̣ жинд̇зсий’’д̇и? на, аяяз, ан̃н̃ам̣ гин̃жи жинд̇зсим̣, адтибун̃ж̇ова адтибун̃ж̇ам̣ г̇ахзд̇ваа г̇ажчад̇и, гад̇арасмим̣ таанз виббагириссад̇ийд̇и, звам̣ аяяз адтибун̃ж̇амзва жинд̇зсинд̇и. саад̇ху, саад̇ху, б̣уд̣̇д̇харагкид̇а, анааг̇ад̇з бхавагкаяасса д̇з бажжаяо бхависсад̇ийд̇и. звам̣ д̇ад̇т̇а д̇иражчаанаг̇ад̇ааби сад̇ибадтаанаманасигаараяуд̇д̇аа. д̇асмаа нзсам̣ бхаг̇аваа сад̇ибадтаанаб̣уд̣̇д̇химзва ж̇анзнд̇о ид̣̇ам̣ суд̇д̇амабхааси.

    Taṃ ekadivasaṃ pātova toraṇagge nisīditvā bālātapaṃ tapamānaṃ eko sakuṇo nakhapañjarena aggahesi. So ‘‘kiri kirī’’ti saddamakāsi. Sāmaṇeriyo sutvā ‘‘ayye buddharakkhito sakuṇena gahito, mocema na’’nti leḍḍuādīni gahetvā anubandhitvā mocesuṃ . Taṃ ānetvā purato ṭhapitaṃ therī āha – ‘‘buddharakkhita, sakuṇena gahitakāle kiṃ cintesī’’ti? Na, ayye, aññaṃ kiñci cintesiṃ, aṭṭhipuñjova aṭṭhipuñjaṃ gahetvā gacchati, katarasmiṃ ṭhāne vippakirissatīti, evaṃ ayye aṭṭhipuñjameva cintesinti. Sādhu, sādhu, buddharakkhita, anāgate bhavakkhayassa te paccayo bhavissatīti. Evaṃ tattha tiracchānagatāpi satipaṭṭhānamanasikārayuttā. Tasmā nesaṃ bhagavā satipaṭṭhānabuddhimeva janento idaṃ suttamabhāsi.

    д̇ад̇т̇а згааяанод̇и згамаг̇г̇о. маг̇г̇асса хи –

    Tattha ekāyanoti ekamaggo. Maggassa hi –

    ‘‘маг̇г̇о бант̇о бат̇о баж̇ж̇о, ан̃ж̇асам̣ вадумааяанам̣;

    ‘‘Maggo pantho patho pajjo, añjasaṃ vaṭumāyanaṃ;

    нааваа уд̇д̇арасзд̇уу жа, гулло жа бхисисан̇гамо’’д̇и.

    Nāvā uttarasetū ca, kullo ca bhisisaṅkamo’’ti.

    б̣ахууни наамаани. свааяамид̇ха аяананаамзна вуд̇д̇о, д̇асмаа згааяано аяам̣, бхигкавз, маг̇г̇од̇и зд̇т̇а згамаг̇г̇о аяам̣, бхигкавз, маг̇г̇о на д̣̇вид̇хаа бат̇абхууд̇од̇и звамад̇т̇о д̣̇адтаб̣б̣о. ат̇а ваа згзна аяид̇аб̣б̣од̇и згааяано. згзнаад̇и г̇ан̣асан̇г̇ан̣игам̣ бахааяа вуубагадтзна бавивид̇д̇ажид̇д̇зна. аяид̇аб̣б̣о бадибаж̇ж̇ид̇аб̣б̣о, аяанд̇и ваа зд̇знаад̇и аяано, сам̣саарад̇о ниб̣б̣аанам̣ г̇ажчанд̇ийд̇и ад̇т̇о. згасса аяано згааяано. згассаад̇и сздтасса. саб̣б̣асад̇д̇асздто жа бхаг̇аваа, д̇асмаа бхаг̇авад̇од̇и вуд̇д̇ам̣ ход̇и. гин̃жааби хи д̇зна ан̃н̃зби аяанд̇и, звам̣ санд̇зби бхаг̇авад̇ова со аяано д̇зна уббаад̣̇ид̇ад̇д̇аа. яат̇ааха ‘‘со хи, б̣раахман̣а, бхаг̇аваа ануббаннасса маг̇г̇асса уббаад̣̇зд̇аа’’д̇иаад̣̇и (ма. ни. 3.79). аяад̇ийд̇и ваа аяано, г̇ажчад̇и бавад̇д̇ад̇ийд̇и ад̇т̇о. згасмим̣ аяанод̇и згааяано, имасмин̃н̃зва д̇хаммавинаяз бавад̇д̇ад̇и, на ан̃н̃ад̇т̇аад̇и вуд̇д̇ам̣ ход̇и. яат̇ааха – ‘‘имасмим̣ ко, субхад̣̇д̣̇а, д̇хаммавинаяз арияо адтан̇г̇иго маг̇г̇о убалаб̣бхад̇ий’’д̇и (д̣̇ий. ни. 2.214). д̣̇зсанаабхзд̣̇оязва хзсо, ад̇т̇ад̇о бана згова. абижа згам̣ аяад̇ийд̇и згааяано. буб̣б̣абхааг̇з наанаамукабхааванаанаяаббавад̇д̇оби абарабхааг̇з згам̣ ниб̣б̣аанамзва г̇ажчад̇ийд̇и вуд̇д̇ам̣ ход̇и. яат̇ааха б̣рахмаа сахамбад̇и –

    Bahūni nāmāni. Svāyamidha ayananāmena vutto, tasmā ekāyano ayaṃ, bhikkhave, maggoti ettha ekamaggo ayaṃ, bhikkhave, maggo na dvidhā pathabhūtoti evamattho daṭṭhabbo. Atha vā ekena ayitabboti ekāyano. Ekenāti gaṇasaṅgaṇikaṃ pahāya vūpakaṭṭhena pavivittacittena. Ayitabbo paṭipajjitabbo, ayanti vā etenāti ayano, saṃsārato nibbānaṃ gacchantīti attho. Ekassa ayano ekāyano. Ekassāti seṭṭhassa. Sabbasattaseṭṭho ca bhagavā, tasmā bhagavatoti vuttaṃ hoti. Kiñcāpi hi tena aññepi ayanti, evaṃ santepi bhagavatova so ayano tena uppāditattā. Yathāha ‘‘so hi, brāhmaṇa, bhagavā anuppannassa maggassa uppādetā’’tiādi (ma. ni. 3.79). Ayatīti vā ayano, gacchati pavattatīti attho. Ekasmiṃ ayanoti ekāyano, imasmiññeva dhammavinaye pavattati, na aññatthāti vuttaṃ hoti. Yathāha – ‘‘imasmiṃ kho, subhadda, dhammavinaye ariyo aṭṭhaṅgiko maggo upalabbhatī’’ti (dī. ni. 2.214). Desanābhedoyeva heso, atthato pana ekova. Apica ekaṃ ayatīti ekāyano. Pubbabhāge nānāmukhabhāvanānayappavattopi aparabhāge ekaṃ nibbānameva gacchatīti vuttaṃ hoti. Yathāha brahmā sahampati –

    згааяанам̣ ж̇аад̇икаяанд̇ад̣̇ассий,

    Ekāyanaṃ jātikhayantadassī,

    маг̇г̇ам̣ баж̇аанаад̇и хид̇аанугамбий;

    Maggaṃ pajānāti hitānukampī;

    зд̇зна маг̇г̇зна д̇арим̣су буб̣б̣з,

    Etena maggena tariṃsu pubbe,

    д̇ариссанд̇и яз жа д̇аранд̇и огханд̇и. (сам̣. ни. 5.409);

    Tarissanti ye ca taranti oghanti. (saṃ. ni. 5.409);

    гзжи бана ‘‘на баарам̣ д̣̇иг̇ун̣ам̣ яанд̇ий’’д̇и г̇аат̇аанаязна яасмаа згаваарам̣ ниб̣б̣аанам̣ г̇ажчад̇и, д̇асмаа ‘‘згааяано’’д̇и вад̣̇анд̇и, д̇ам̣ на яуж̇ж̇ад̇и. имасса хи ад̇т̇асса сагим̣ аяанод̇и иминаа б̣яан̃ж̇анзна бхавид̇аб̣б̣ам̣. яад̣̇и бана згам̣ аяанамасса згаа г̇ад̇и бавад̇д̇ийд̇и звам̣ ад̇т̇ам̣ яож̇зд̇ваа вужжзяяа, б̣яан̃ж̇анам̣ яуж̇ж̇зяяа, ад̇т̇о бана убхаяат̇ааби на яуж̇ж̇ад̇и. гасмаа? ид̇ха буб̣б̣абхааг̇амаг̇г̇асса ад̇хиббзд̇ад̇д̇аа. гааяаад̣̇ижад̇уаарамман̣аббавад̇д̇о хи буб̣б̣абхааг̇асад̇ибадтаанамаг̇г̇о ид̇хаад̇хиббзд̇о, на логуд̇д̇аро, со жа анзгаваарамби аяад̇и, анзган̃жасса аяанам̣ ход̇и.

    Keci pana ‘‘na pāraṃ diguṇaṃ yantī’’ti gāthānayena yasmā ekavāraṃ nibbānaṃ gacchati, tasmā ‘‘ekāyano’’ti vadanti, taṃ na yujjati. Imassa hi atthassa sakiṃ ayanoti iminā byañjanena bhavitabbaṃ. Yadi pana ekaṃ ayanamassa ekā gati pavattīti evaṃ atthaṃ yojetvā vucceyya, byañjanaṃ yujjeyya, attho pana ubhayathāpi na yujjati. Kasmā? Idha pubbabhāgamaggassa adhippetattā. Kāyādicatuārammaṇappavatto hi pubbabhāgasatipaṭṭhānamaggo idhādhippeto, na lokuttaro, so ca anekavārampi ayati, anekañcassa ayanaṃ hoti.

    буб̣б̣зби жа имасмим̣ бад̣̇з махаат̇зраанам̣ саагажчаа ахосиязва. д̇ибидагажуул̣анааг̇ад̇т̇зро буб̣б̣абхааг̇асад̇ибадтаанамаг̇г̇од̇и ааха. аажарияо банасса д̇ибидагажуул̣асумад̇т̇зро миссагамаг̇г̇од̇и ааха. буб̣б̣абхааг̇о бханд̇зд̇и? миссаго, аавусод̇и. аажарияз бана бунаббунам̣ бхан̣анд̇з аббадиб̣аахид̇ваа д̇ун̣хий ахоси. бан̃хам̣ авинижчинид̇ваава удтахим̣су. ат̇аажарияад̇т̇зро нахаанагодтагам̣ г̇ажчанд̇о ‘‘маяаа миссагамаг̇г̇о гат̇ид̇о, жуул̣анааг̇о буб̣б̣абхааг̇амаг̇г̇од̇и аад̣̇ааяа вохарад̇и, го ну ко зд̇т̇а нижчаяо’’д̇и суд̇д̇анд̇ам̣ аад̣̇ид̇о бадтааяа баривад̇д̇знд̇о ‘‘яо хи гожи , бхигкавз, имз жад̇д̇ааро сад̇ибадтаанз звам̣ бхаавзяяа сад̇д̇а вассааний’’д̇и имасмим̣ таанз саллагкзси. логуд̇д̇арамаг̇г̇о уббаж̇ж̇ид̇ваа сад̇д̇а вассаани д̇идтамаано наама над̇т̇и, маяаа вуд̇д̇о миссагамаг̇г̇о на лаб̣бхад̇и. жуул̣анааг̇зна д̣̇идто буб̣б̣абхааг̇амаг̇г̇ова лаб̣бхад̇ийд̇и н̃ад̇ваа адтамияам̣ д̇хаммасаванз сан̇гхудтз аг̇амааси.

    Pubbepi ca imasmiṃ pade mahātherānaṃ sākacchā ahosiyeva. Tipiṭakacūḷanāgatthero pubbabhāgasatipaṭṭhānamaggoti āha. Ācariyo panassa tipiṭakacūḷasumatthero missakamaggoti āha. Pubbabhāgo bhanteti? Missako, āvusoti. Ācariye pana punappunaṃ bhaṇante appaṭibāhitvā tuṇhī ahosi. Pañhaṃ avinicchinitvāva uṭṭhahiṃsu. Athācariyatthero nahānakoṭṭhakaṃ gacchanto ‘‘mayā missakamaggo kathito, cūḷanāgo pubbabhāgamaggoti ādāya voharati, ko nu kho ettha nicchayo’’ti suttantaṃ ādito paṭṭhāya parivattento ‘‘yo hi koci , bhikkhave, ime cattāro satipaṭṭhāne evaṃ bhāveyya satta vassānī’’ti imasmiṃ ṭhāne sallakkhesi. Lokuttaramaggo uppajjitvā satta vassāni tiṭṭhamāno nāma natthi, mayā vutto missakamaggo na labbhati. Cūḷanāgena diṭṭho pubbabhāgamaggova labbhatīti ñatvā aṭṭhamiyaṃ dhammasavane saṅghuṭṭhe agamāsi.

    бораан̣агад̇т̇зраа гира бияад̇хаммасаванаа хонд̇и, сад̣̇д̣̇ам̣ суд̇ваава ‘‘ахам̣ батамам̣, ахам̣ батама’’нд̇и згаббахаарзнзва осаранд̇и. д̇асмин̃жа д̣̇ивасз жуул̣анааг̇ад̇т̇зрасса вааро, д̇зна д̇хаммаасанз нисийд̣̇ид̇ваа б̣ийж̇аним̣ г̇ахзд̇ваа буб̣б̣аг̇аат̇аасу вуд̇д̇аасу т̇зрасса аасанабидтияам̣ тид̇асса зд̇ад̣̇ахоси – ‘‘рахо нисийд̣̇ид̇ваа на вагкаамий’’д̇и. бораан̣агад̇т̇зраа хи анусууяагаа хонд̇и. на ад̇д̇ано ружимзва ужчубхаарам̣ вияа звам̣ угкибид̇ваа вижаранд̇и, гааран̣амзва г̇ан̣ханд̇и, агааран̣ам̣ виссаж̇ж̇знд̇и. д̇асмаа т̇зро ‘‘аавусо, жуул̣анааг̇аа’’д̇и ааха. со аажарияасса вияа сад̣̇д̣̇од̇и д̇хаммам̣ табзд̇ваа ‘‘гим̣ бханд̇з’’д̇и ааха. аавусо, жуул̣анааг̇а, маяаа вуд̇д̇о миссагамаг̇г̇о на лаб̣бхад̇и, д̇аяаа вуд̇д̇о буб̣б̣абхааг̇асад̇ибадтаанамаг̇г̇ова лаб̣бхад̇ийд̇и. т̇зро жинд̇зси – ‘‘амхаагам̣ аажарияо саб̣б̣абарияад̇д̇иго д̇збидаго суд̇аб̣уд̣̇д̇хо, зваруубассааби наама бхигкуно аяам̣ бан̃хо аалул̣зд̇и, анааг̇ад̇з мама бхаад̇игаа имам̣ бан̃хам̣ аалул̣зссанд̇ийд̇и суд̇д̇ам̣ г̇ахзд̇ваа имам̣ бан̃хам̣ нижжалам̣ гариссаамий’’д̇и бадисамбхид̣̇аамаг̇г̇ад̇о ‘‘згааяанамаг̇г̇о вужжад̇и буб̣б̣абхааг̇асад̇ибадтаанамаг̇г̇о’’.

    Porāṇakattherā kira piyadhammasavanā honti, saddaṃ sutvāva ‘‘ahaṃ paṭhamaṃ, ahaṃ paṭhama’’nti ekappahāreneva osaranti. Tasmiñca divase cūḷanāgattherassa vāro, tena dhammāsane nisīditvā bījaniṃ gahetvā pubbagāthāsu vuttāsu therassa āsanapiṭṭhiyaṃ ṭhitassa etadahosi – ‘‘raho nisīditvā na vakkhāmī’’ti. Porāṇakattherā hi anusūyakā honti. Na attano rucimeva ucchubhāraṃ viya evaṃ ukkhipitvā vicaranti, kāraṇameva gaṇhanti, akāraṇaṃ vissajjenti. Tasmā thero ‘‘āvuso, cūḷanāgā’’ti āha. So ācariyassa viya saddoti dhammaṃ ṭhapetvā ‘‘kiṃ bhante’’ti āha. Āvuso, cūḷanāga, mayā vutto missakamaggo na labbhati, tayā vutto pubbabhāgasatipaṭṭhānamaggova labbhatīti. Thero cintesi – ‘‘amhākaṃ ācariyo sabbapariyattiko tepiṭako sutabuddho, evarūpassāpi nāma bhikkhuno ayaṃ pañho āluḷeti, anāgate mama bhātikā imaṃ pañhaṃ āluḷessantīti suttaṃ gahetvā imaṃ pañhaṃ niccalaṃ karissāmī’’ti paṭisambhidāmaggato ‘‘ekāyanamaggo vuccati pubbabhāgasatipaṭṭhānamaggo’’.

    маг̇г̇аанадтан̇г̇иго сздто, сажжаанам̣ жад̇уро бад̣̇аа;

    Maggānaṭṭhaṅgiko seṭṭho, saccānaṃ caturo padā;

    вирааг̇о сздто д̇хаммаанам̣, д̣̇вибад̣̇аанан̃жа жагкумаа.

    Virāgo seṭṭho dhammānaṃ, dvipadānañca cakkhumā.

    зсзва маг̇г̇о над̇т̇ан̃н̃о, д̣̇ассанасса висуд̣̇д̇хияаа;

    Eseva maggo natthañño, dassanassa visuddhiyā;

    зд̇ан̃хи д̇умхз бадибаж̇ж̇ат̇а, маарасзнаббамад̣̇д̣̇анам̣;

    Etañhi tumhe paṭipajjatha, mārasenappamaddanaṃ;

    зд̇ан̃хи д̇умхз бадибаннаа, д̣̇угкассанд̇ам̣ гариссат̇аад̇и. –

    Etañhi tumhe paṭipannā, dukkhassantaṃ karissathāti. –

    суд̇д̇ам̣ аахарид̇ваа табзси.

    Suttaṃ āharitvā ṭhapesi.

    маг̇г̇од̇и гзнадтзна маг̇г̇о? ниб̣б̣аанаг̇аманадтзна ниб̣б̣аанад̇т̇игзхи маг̇г̇анийяадтзна жа. сад̇д̇аанам̣ висуд̣̇д̇хияаад̇и рааг̇аад̣̇ийхи малзхи абхиж̇жхаависамалобхаад̣̇ийхи жа убаггилзсзхи гилидтажид̇д̇аанам̣ сад̇д̇аанам̣ висуд̣̇д̇хад̇т̇ааяа. д̇ат̇аа хи иминаава маг̇г̇зна ид̇о сад̇асахассагаббаад̇хигаанам̣ жад̇уннам̣ асан̇кязяяаанам̣ убари згасмим̣язва габбз ниб̣б̣ад̇д̇з д̇ан̣хан̇гарамзд̇хан̇гарасаран̣ан̇гарад̣̇ийбан̇гаранаамагз б̣уд̣̇д̇хз аад̣̇им̣ гад̇ваа сагяамунибарияосаанаа анзгз саммаасамб̣уд̣̇д̇хаа анзгасад̇аа бажжзгаб̣уд̣̇д̇хаа г̇ан̣анабат̇ам̣ вийд̇ивад̇д̇аа арияасаавагаа жаад̇и имз сад̇д̇аа саб̣б̣з жид̇д̇амалам̣ баваахзд̇ваа барамависуд̣̇д̇хим̣ бад̇д̇аа. руубамалавасзна бана сам̣гилзсавод̣̇аанабан̃н̃ад̇д̇иязва над̇т̇и. д̇ат̇аа хи –

    Maggoti kenaṭṭhena maggo? Nibbānagamanaṭṭhena nibbānatthikehi magganīyaṭṭhena ca. Sattānaṃ visuddhiyāti rāgādīhi malehi abhijjhāvisamalobhādīhi ca upakkilesehi kiliṭṭhacittānaṃ sattānaṃ visuddhatthāya. Tathā hi imināva maggena ito satasahassakappādhikānaṃ catunnaṃ asaṅkhyeyyānaṃ upari ekasmiṃyeva kappe nibbatte taṇhaṅkaramedhaṅkarasaraṇaṅkaradīpaṅkaranāmake buddhe ādiṃ katvā sakyamunipariyosānā aneke sammāsambuddhā anekasatā paccekabuddhā gaṇanapathaṃ vītivattā ariyasāvakā cāti ime sattā sabbe cittamalaṃ pavāhetvā paramavisuddhiṃ pattā. Rūpamalavasena pana saṃkilesavodānapaññattiyeva natthi. Tathā hi –

    ‘‘руубзна сам̣гилидтзна, сам̣гилиссанд̇и маан̣аваа;

    ‘‘Rūpena saṃkiliṭṭhena, saṃkilissanti māṇavā;

    руубз суд̣̇д̇хз висуж̇жханд̇и, анагкаад̇ам̣ махзсинаа.

    Rūpe suddhe visujjhanti, anakkhātaṃ mahesinā.

    жид̇д̇зна сам̣гилидтзна, сам̣гилиссанд̇и маан̣аваа;

    Cittena saṃkiliṭṭhena, saṃkilissanti māṇavā;

    жид̇д̇з суд̣̇д̇хз висуж̇жханд̇и, ид̇и вуд̇д̇ам̣ махзсинаа’’.

    Citte suddhe visujjhanti, iti vuttaṃ mahesinā’’.

    яат̇ааха – ‘‘жид̇д̇асам̣гилзсаа, бхигкавз, сад̇д̇аа сам̣гилиссанд̇и, жид̇д̇авод̣̇аанаа висуж̇жханд̇ий’’д̇и. д̇ан̃жа жид̇д̇авод̣̇аанам̣ иминаа сад̇ибадтаанамаг̇г̇зна ход̇и. д̇знааха ‘‘сад̇д̇аанам̣ висуд̣̇д̇хияаа’’д̇и.

    Yathāha – ‘‘cittasaṃkilesā, bhikkhave, sattā saṃkilissanti, cittavodānā visujjhantī’’ti. Tañca cittavodānaṃ iminā satipaṭṭhānamaggena hoti. Tenāha ‘‘sattānaṃ visuddhiyā’’ti.

    согабарид̣̇зваанам̣ самад̇иггамааяаад̇и согасса жа барид̣̇звасса жа самад̇иггамааяа бахаанааяаад̇и ад̇т̇о, аяан̃хи маг̇г̇о бхаавид̇о санд̇ад̇имахаамад̇д̇аад̣̇ийнам̣ вияа согасамад̇иггамааяа, бадаажаараад̣̇ийнам̣ вияа барид̣̇звасамад̇иггамааяа сам̣вад̇д̇ад̇и. д̇знааха ‘‘согабарид̣̇зваанам̣ самад̇иггамааяаа’’д̇и. гин̃жааби хи санд̇ад̇имахаамад̇д̇о –

    Sokaparidevānaṃ samatikkamāyāti sokassa ca paridevassa ca samatikkamāya pahānāyāti attho, ayañhi maggo bhāvito santatimahāmattādīnaṃ viya sokasamatikkamāya, paṭācārādīnaṃ viya paridevasamatikkamāya saṃvattati. Tenāha ‘‘sokaparidevānaṃ samatikkamāyā’’ti. Kiñcāpi hi santatimahāmatto –

    ‘‘яам̣ буб̣б̣з д̇ам̣ висод̇хзхи, бажчаа д̇з маад̇у гин̃жанам̣;

    ‘‘Yaṃ pubbe taṃ visodhehi, pacchā te mātu kiñcanaṃ;

    маж̇жхз жз но г̇ахзссаси, убасанд̇о жариссасий’’д̇и. (су. ни. 945);

    Majjhe ce no gahessasi, upasanto carissasī’’ti. (su. ni. 945);

    имам̣ г̇аат̇ам̣ суд̇ваава саха бадисамбхид̣̇аахи арахад̇д̇ам̣ бад̇д̇о. бадаажаараа –

    Imaṃ gāthaṃ sutvāva saha paṭisambhidāhi arahattaṃ patto. Paṭācārā –

    ‘‘на санд̇и буд̇д̇аа д̇аан̣ааяа, на бид̇аа нааби б̣анд̇хаваа;

    ‘‘Na santi puttā tāṇāya, na pitā nāpi bandhavā;

    анд̇агзнаад̇хибаннасса, над̇т̇и н̃аад̇ийсу д̇аан̣ад̇аа’’д̇и. (д̇ха. ба. 288);

    Antakenādhipannassa, natthi ñātīsu tāṇatā’’ti. (dha. pa. 288);

    имам̣ г̇аат̇ам̣ суд̇ваа сод̇аабад̇д̇ипалз бад̇идтид̇аа. яасмаа бана гааяавзд̣̇анаажид̇д̇ад̇хаммзсу ган̃жи д̇хаммам̣ анаамасид̇ваа бхааванаа наама над̇т̇и, д̇асмаа д̇зби иминаава маг̇г̇зна согабарид̣̇звз самад̇игганд̇аад̇и взд̣̇ид̇аб̣б̣аа.

    Imaṃ gāthaṃ sutvā sotāpattiphale patiṭṭhitā. Yasmā pana kāyavedanācittadhammesu kañci dhammaṃ anāmasitvā bhāvanā nāma natthi, tasmā tepi imināva maggena sokaparideve samatikkantāti veditabbā.

    д̣̇угкад̣̇оманассаанам̣ ад̇т̇ан̇г̇амааяаад̇и гааяигад̣̇угкасса жзд̇асигад̣̇оманассасса жаад̇и имзсам̣ д̣̇виннам̣ ад̇т̇ан̇г̇амааяа, нирод̇хааяаад̇и ад̇т̇о. аяан̃хи маг̇г̇о бхаавид̇о д̇иссад̇т̇зраад̣̇ийнам̣ вияа д̣̇угкасса, саггаад̣̇ийнам̣ вияа жа д̣̇оманассасса ад̇т̇ан̇г̇амааяа сам̣вад̇д̇ад̇и.

    Dukkhadomanassānaṃ atthaṅgamāyāti kāyikadukkhassa cetasikadomanassassa cāti imesaṃ dvinnaṃ atthaṅgamāya, nirodhāyāti attho. Ayañhi maggo bhāvito tissattherādīnaṃ viya dukkhassa, sakkādīnaṃ viya ca domanassassa atthaṅgamāya saṃvattati.

    д̇ад̇рааяам̣ ад̇т̇ад̣̇ийбанаа – саавад̇т̇ияам̣ гира д̇иссо наама гудумб̣игабуд̇д̇о жад̇д̇аалийса хиран̃н̃агодияо бахааяа баб̣б̣аж̇ид̇ваа аг̇аамагз аран̃н̃з вихарад̇и. д̇асса ганидтабхаад̇у бхарияаа ‘‘г̇ажчат̇а, нам̣ ж̇ийвид̇аа воробзт̇аа’’д̇и бан̃жасад̇з жорз бзсзси. д̇з г̇анд̇ваа т̇зрам̣ бариваарзд̇ваа нисийд̣̇им̣су. т̇зро ааха – ‘‘гасмаа ааг̇ад̇ад̇т̇а убаасагаа’’д̇и? д̇ам̣ ж̇ийвид̇аа воробзссаамаад̇и. баадибхог̇ам̣ мз убаасагаа, г̇ахзд̇ваа аж̇ж̇згарад̇д̇им̣ ж̇ийвид̇ам̣ д̣̇зт̇аад̇и. го д̇з, саман̣а, имасмим̣ таанз баадибхог̇о бхависсад̇ийд̇и? т̇зро маханд̇ам̣ баасаан̣ам̣ г̇ахзд̇ваа д̣̇вз уурудтийни бхинд̣̇ид̇ваа ‘‘ваддад̇и убаасагаа баадибхог̇о’’д̇и ааха. д̇з абаггамид̇ваа жан̇гаманасийсз аг̇г̇им̣ гад̇ваа нибаж̇ж̇им̣су. т̇зрасса взд̣̇анам̣ вигкамбхзд̇ваа сийлам̣ бажжавзгкад̇о барисуд̣̇д̇хам̣ сийлам̣ ниссааяа бийд̇ибаамож̇ж̇ам̣ уббаж̇ж̇и. д̇ад̇о ануггамзна вибассанам̣ вад̣дхзнд̇о д̇ияаамарад̇д̇им̣ саман̣ад̇хаммам̣ гад̇ваа арун̣уг̇г̇аманз арахад̇д̇ам̣ бад̇д̇о имам̣ уд̣̇аанам̣ уд̣̇аанзси –

    Tatrāyaṃ atthadīpanā – sāvatthiyaṃ kira tisso nāma kuṭumbikaputto cattālīsa hiraññakoṭiyo pahāya pabbajitvā agāmake araññe viharati. Tassa kaniṭṭhabhātu bhariyā ‘‘gacchatha, naṃ jīvitā voropethā’’ti pañcasate core pesesi. Te gantvā theraṃ parivāretvā nisīdiṃsu. Thero āha – ‘‘kasmā āgatattha upāsakā’’ti? Taṃ jīvitā voropessāmāti. Pāṭibhogaṃ me upāsakā, gahetvā ajjekarattiṃ jīvitaṃ dethāti. Ko te, samaṇa, imasmiṃ ṭhāne pāṭibhogo bhavissatīti? Thero mahantaṃ pāsāṇaṃ gahetvā dve ūruṭṭhīni bhinditvā ‘‘vaṭṭati upāsakā pāṭibhogo’’ti āha. Te apakkamitvā caṅkamanasīse aggiṃ katvā nipajjiṃsu. Therassa vedanaṃ vikkhambhetvā sīlaṃ paccavekkhato parisuddhaṃ sīlaṃ nissāya pītipāmojjaṃ uppajji. Tato anukkamena vipassanaṃ vaḍḍhento tiyāmarattiṃ samaṇadhammaṃ katvā aruṇuggamane arahattaṃ patto imaṃ udānaṃ udānesi –

    ‘‘убхо баад̣̇аани бхинд̣̇ид̇ваа, сан̃н̃абзссаами во ахам̣;

    ‘‘Ubho pādāni bhinditvā, saññapessāmi vo ahaṃ;

    аддияаами харааяаами, сарааг̇амаран̣ам̣ ахам̣.

    Aṭṭiyāmi harāyāmi, sarāgamaraṇaṃ ahaṃ.

    зваахам̣ жинд̇аяид̇ваана, яат̇аабхууд̇ам̣ вибассисам̣;

    Evāhaṃ cintayitvāna, yathābhūtaṃ vipassisaṃ;

    самбад̇д̇з арун̣уг̇г̇амхи, арахад̇д̇амабаабун̣и’’нд̇и.

    Sampatte aruṇuggamhi, arahattamapāpuṇi’’nti.

    абарзби д̇им̣са бхигкуу бхаг̇авад̇о санд̇игз гаммадтаанам̣ г̇ахзд̇ваа аран̃н̃авихаарз вассам̣ убаг̇анд̇ваа ‘‘аавусо, д̇ияаамарад̇д̇им̣ саман̣ад̇хаммова гаад̇аб̣б̣о, на ан̃н̃аман̃н̃асса санд̇игам̣ ааг̇анд̇аб̣б̣а’’нд̇и вад̇ваа вихарим̣су. д̇зсам̣ саман̣ад̇хаммам̣ гад̇ваа бажжуусасамаяз бажалааяанд̇аанам̣ зго б̣яаг̇гхо ааг̇анд̇ваа згзгам̣ бхигкум̣ г̇ахзд̇ваа г̇ажчад̇и. на гожи ‘‘мам̣ б̣яаг̇гхо г̇ан̣хий’’д̇и ваажамби нижчаарзси. звам̣ бан̃жасу д̣̇асасу бхигкуусу каад̣̇ид̇зсу убосат̇ад̣̇ивасз ‘‘ид̇арз, аавусо , гухи’’нд̇и бужчид̇ваа н̃ад̇ваа жа ‘‘ид̣̇аани г̇ахид̇зна г̇ахид̇омхийд̇и вад̇д̇аб̣б̣а’’нд̇и вад̇ваа вихарим̣су . ат̇а ан̃н̃ад̇арам̣ д̣̇ахарабхигкум̣ буриманаязнзва б̣яаг̇гхо г̇ан̣хи. со ‘‘б̣яаг̇гхо бханд̇з’’д̇и ааха. бхигкуу гад̇д̇арад̣̇ан̣д̣з жа уггааяо жа г̇ахзд̇ваа можзссаамаад̇и ануб̣анд̇хим̣су. б̣яаг̇гхо бхигкуунам̣ аг̇ад̇им̣ чиннад̇ададтаанамааруяха д̇ам̣ бхигкум̣ баад̣̇ан̇г̇удтагад̇о бадтааяа каад̣̇ид̇ум̣ аарабхи. ид̇арзби ‘‘ид̣̇аани саббуриса, амхзхи гад̇д̇аб̣б̣ам̣ над̇т̇и, бхигкуунам̣ висзсо наама зваруубз таанз бан̃н̃ааяад̇ий’’д̇и аахам̣су. со б̣яаг̇гхамукз нибаннова д̇ам̣ взд̣̇анам̣ вигкамбхзд̇ваа вибассанам̣ вад̣дхзнд̇о яаава г̇обпагаа каад̣̇ид̇асамаяз сод̇аабанно худ̇ваа, яаава ж̇ан̣н̣угаа каад̣̇ид̇асамаяз сагад̣̇ааг̇аамий, яаава наабхияаа каад̣̇ид̇асамаяз анааг̇аамий худ̇ваа, хад̣̇аяаруубз акаад̣̇ид̇зязва саха бадисамбхид̣̇аахи арахад̇д̇ам̣ бад̇ваа имам̣ уд̣̇аанам̣ уд̣̇аанзси –

    Aparepi tiṃsa bhikkhū bhagavato santike kammaṭṭhānaṃ gahetvā araññavihāre vassaṃ upagantvā ‘‘āvuso, tiyāmarattiṃ samaṇadhammova kātabbo, na aññamaññassa santikaṃ āgantabba’’nti vatvā vihariṃsu. Tesaṃ samaṇadhammaṃ katvā paccūsasamaye pacalāyantānaṃ eko byaggho āgantvā ekekaṃ bhikkhuṃ gahetvā gacchati. Na koci ‘‘maṃ byaggho gaṇhī’’ti vācampi nicchāresi. Evaṃ pañcasu dasasu bhikkhūsu khāditesu uposathadivase ‘‘itare, āvuso , kuhi’’nti pucchitvā ñatvā ca ‘‘idāni gahitena gahitomhīti vattabba’’nti vatvā vihariṃsu . Atha aññataraṃ daharabhikkhuṃ purimanayeneva byaggho gaṇhi. So ‘‘byaggho bhante’’ti āha. Bhikkhū kattaradaṇḍe ca ukkāyo ca gahetvā mocessāmāti anubandhiṃsu. Byaggho bhikkhūnaṃ agatiṃ chinnataṭaṭṭhānamāruyha taṃ bhikkhuṃ pādaṅguṭṭhakato paṭṭhāya khādituṃ ārabhi. Itarepi ‘‘idāni sappurisa, amhehi kattabbaṃ natthi, bhikkhūnaṃ viseso nāma evarūpe ṭhāne paññāyatī’’ti āhaṃsu. So byagghamukhe nipannova taṃ vedanaṃ vikkhambhetvā vipassanaṃ vaḍḍhento yāva gopphakā khāditasamaye sotāpanno hutvā, yāva jaṇṇukā khāditasamaye sakadāgāmī, yāva nābhiyā khāditasamaye anāgāmī hutvā, hadayarūpe akhāditeyeva saha paṭisambhidāhi arahattaṃ patvā imaṃ udānaṃ udānesi –

    ‘‘сийлаваа вад̇асамбанно, бан̃н̃аваа сусамаахид̇о;

    ‘‘Sīlavā vatasampanno, paññavā susamāhito;

    мухуд̇д̇ам̣ бамаад̣̇аманвааяа, б̣яаг̇гхзноруд̣̇д̇хамаанасо.

    Muhuttaṃ pamādamanvāya, byagghenoruddhamānaso.

    бан̃ж̇арасмим̣ г̇ахзд̇ваана, силааяа убарий гад̇о;

    Pañjarasmiṃ gahetvāna, silāya uparī kato;

    гаамам̣ каад̣̇ад̇у мам̣ б̣яаг̇гхо, адтияаа жа нхаарусса жа;

    Kāmaṃ khādatu maṃ byaggho, aṭṭhiyā ca nhārussa ca;

    гилзсз кзбаяиссаами, пусиссаами вимуд̇д̇ияа’’нд̇и.

    Kilese khepayissāmi, phusissāmi vimuttiya’’nti.

    абароби бийд̇амаллад̇т̇зро наама г̇ихигаалз д̇ийсу раж̇ж̇зсу бадаагам̣ г̇ахзд̇ваа д̇амб̣абан̣н̣ид̣̇ийбам̣ ааг̇амма рааж̇аанам̣ бассид̇ваа ран̃н̃аа гад̇аануг̇г̇ахо згад̣̇ивасам̣ гилан̃ж̇агаабан̣асаалад̣̇ваарзна г̇ажчанд̇о ‘‘руубам̣, бхигкавз, на д̇умхаагам̣, д̇ам̣ баж̇ахат̇а, д̇ам̣ во бахийнам̣ д̣̇ийгхарад̇д̇ам̣ хид̇ааяа сукааяа бхависсад̇ий’’д̇и на д̇умхаагаваагяам̣ суд̇ваа жинд̇зси ‘‘нзва гира руубам̣ ад̇д̇ано, на взд̣̇анаа’’д̇и. со д̇ам̣язва ан̇гусам̣ гад̇ваа нигкамид̇ваа махаавихаарам̣ г̇анд̇ваа баб̣б̣аж̇ж̇ам̣ яаажид̇ваа баб̣б̣аж̇ид̇о убасамбанно д̣̇взмаад̇игаа баг̇ун̣аа гад̇ваа д̇им̣са бхигкуу г̇ахзд̇ваа г̇аб̣алаваалияаан̇г̇ан̣ам̣ г̇анд̇ваа саман̣ад̇хаммам̣ агааси. баад̣̇зсу аваханд̇зсу ж̇ан̣н̣угзхи жан̇гамад̇и. д̇амзнам̣ рад̇д̇им̣ зго миг̇алуд̣̇д̣̇аго миг̇од̇и ман̃н̃амаано бахари. сад̇д̇и винивиж̇жхид̇ваа г̇ад̇аа, со д̇ам̣ сад̇д̇им̣ хараабзд̇ваа бахаран̣амукаани д̇ин̣аваддияаа буураабзд̇ваа баасаан̣абидтияам̣ ад̇д̇аанам̣ нисийд̣̇аабзд̇ваа огаасам̣ гаарзд̇ваа вибассанам̣ вад̣дхзд̇ваа саха бадисамбхид̣̇аахи арахад̇д̇ам̣ бад̇ваа уггаасид̇асад̣̇д̣̇зна ааг̇ад̇аанам̣ бхигкуунам̣ б̣яаагарид̇ваа имам̣ уд̣̇аанам̣ уд̣̇аанзси –

    Aparopi pītamallatthero nāma gihikāle tīsu rajjesu paṭākaṃ gahetvā tambapaṇṇidīpaṃ āgamma rājānaṃ passitvā raññā katānuggaho ekadivasaṃ kilañjakāpaṇasāladvārena gacchanto ‘‘rūpaṃ, bhikkhave, na tumhākaṃ, taṃ pajahatha, taṃ vo pahīnaṃ dīgharattaṃ hitāya sukhāya bhavissatī’’ti na tumhākavākyaṃ sutvā cintesi ‘‘neva kira rūpaṃ attano, na vedanā’’ti. So taṃyeva aṅkusaṃ katvā nikkhamitvā mahāvihāraṃ gantvā pabbajjaṃ yācitvā pabbajito upasampanno dvemātikā paguṇā katvā tiṃsa bhikkhū gahetvā gabalavāliyaaṅgaṇaṃ gantvā samaṇadhammaṃ akāsi. Pādesu avahantesu jaṇṇukehi caṅkamati. Tamenaṃ rattiṃ eko migaluddako migoti maññamāno pahari. Satti vinivijjhitvā gatā, so taṃ sattiṃ harāpetvā paharaṇamukhāni tiṇavaṭṭiyā pūrāpetvā pāsāṇapiṭṭhiyaṃ attānaṃ nisīdāpetvā okāsaṃ kāretvā vipassanaṃ vaḍḍhetvā saha paṭisambhidāhi arahattaṃ patvā ukkāsitasaddena āgatānaṃ bhikkhūnaṃ byākaritvā imaṃ udānaṃ udānesi –

    ‘‘бхаасид̇ам̣ б̣уд̣̇д̇хасздтасса, саб̣б̣алогаг̇г̇аваад̣̇ино;

    ‘‘Bhāsitaṃ buddhaseṭṭhassa, sabbalokaggavādino;

    на д̇умхаагамид̣̇ам̣ руубам̣, д̇ам̣ ж̇ахзяяаат̇а бхигкаво.

    Na tumhākamidaṃ rūpaṃ, taṃ jaheyyātha bhikkhavo.

    анижжаа вад̇а сан̇каараа, уббаад̣̇аваяад̇хаммино;

    Aniccā vata saṅkhārā, uppādavayadhammino;

    уббаж̇ж̇ид̇ваа нируж̇жханд̇и, д̇зсам̣ вуубасамо суко’’д̇и.

    Uppajjitvā nirujjhanti, tesaṃ vūpasamo sukho’’ti.

    звам̣ д̇аава аяам̣ маг̇г̇о д̇иссад̇т̇зраад̣̇ийнам̣ вияа д̣̇угкасса ад̇т̇ан̇г̇амааяа сам̣вад̇д̇ад̇и.

    Evaṃ tāva ayaṃ maggo tissattherādīnaṃ viya dukkhassa atthaṅgamāya saṃvattati.

    сагго бана д̣̇зваанаминд̣̇о ад̇д̇ано бан̃жавид̇хабуб̣б̣анимид̇д̇ам̣ д̣̇исваа маран̣абхаяасанд̇аж̇ж̇ид̇о д̣̇оманассаж̇аад̇о бхаг̇аванд̇ам̣ убасан̇гамид̇ваа бан̃хам̣ бужчи. со убзгкаабан̃хависсаж̇ж̇анаавасаанз асийд̇исахассаахи д̣̇звад̇аахи сад̣̇д̇хим̣ сод̇аабад̇д̇ипалз бад̇идтааси. саа жасса убабад̇д̇и буна баагад̇игаава ахоси.

    Sakko pana devānamindo attano pañcavidhapubbanimittaṃ disvā maraṇabhayasantajjito domanassajāto bhagavantaṃ upasaṅkamitvā pañhaṃ pucchi. So upekkhāpañhavissajjanāvasāne asītisahassāhi devatāhi saddhiṃ sotāpattiphale patiṭṭhāsi. Sā cassa upapatti puna pākatikāva ahosi.

    суб̣рахмааби д̣̇звабуд̇д̇о ажчараасахассабаривуд̇о саг̇г̇асамбад̇д̇им̣ анубход̇и. д̇ад̇т̇а бан̃жасад̇аа ажчарааяо ругкад̇о бубпаани ожинанд̇ияо жавид̇ваа нираяз уббаннаа. со ‘‘гим̣ имаа жирааяанд̇ий’’д̇и убад̇хаарзнд̇о д̇аасам̣ нираяз ниб̣б̣ад̇д̇анабхаавам̣ н̃ад̇ваа ‘‘гид̇д̇агам̣ ну ко мама ааяуу’’д̇и убабаригканд̇о ад̇д̇ано ааяубаригкаяам̣ вид̣̇ид̇ваа жавид̇ваа д̇ад̇т̇зва нираяз ниб̣б̣ад̇д̇анабхаавам̣ д̣̇исваа бхийд̇о ад̇ивияа д̣̇оманассаж̇аад̇о худ̇ваа ‘‘имам̣ мз д̣̇оманассам̣ сад̇т̇аа винаяиссад̇и, на ан̃н̃о’’д̇и авасзсаа бан̃жасад̇аа ажчарааяо г̇ахзд̇ваа бхаг̇аванд̇ам̣ убасан̇гамид̇ваа бан̃хам̣ бужчи –

    Subrahmāpi devaputto accharāsahassaparivuto saggasampattiṃ anubhoti. Tattha pañcasatā accharāyo rukkhato pupphāni ocinantiyo cavitvā niraye uppannā. So ‘‘kiṃ imā cirāyantī’’ti upadhārento tāsaṃ niraye nibbattanabhāvaṃ ñatvā ‘‘kittakaṃ nu kho mama āyū’’ti upaparikkhanto attano āyuparikkhayaṃ viditvā cavitvā tattheva niraye nibbattanabhāvaṃ disvā bhīto ativiya domanassajāto hutvā ‘‘imaṃ me domanassaṃ satthā vinayissati, na añño’’ti avasesā pañcasatā accharāyo gahetvā bhagavantaṃ upasaṅkamitvā pañhaṃ pucchi –

    ‘‘нижжам̣ уд̇расд̇амид̣̇ам̣ жид̇д̇ам̣, нижжам̣ уб̣б̣иг̇г̇ид̣̇ам̣ мано;

    ‘‘Niccaṃ utrastamidaṃ cittaṃ, niccaṃ ubbiggidaṃ mano;

    ануббаннзсу гижчзсу, ат̇о уббад̇ид̇зсу жа;

    Anuppannesu kicchesu, atho uppatitesu ca;

    сажз ад̇т̇и ануд̇расд̇ам̣, д̇ам̣ мз агкаахи бужчид̇од̇и. (сам̣. ни. 1.98);

    Sace atthi anutrastaṃ, taṃ me akkhāhi pucchitoti. (saṃ. ni. 1.98);

    д̇ад̇о нам̣ бхаг̇аваа ааха –

    Tato naṃ bhagavā āha –

    ‘‘наан̃н̃ад̇ра б̣ож̇жхаа д̇абасаа, наан̃н̃ад̇ринд̣̇рияасам̣вараа;

    ‘‘Nāññatra bojjhā tapasā, nāññatrindriyasaṃvarā;

    наан̃н̃ад̇ра саб̣б̣аниссаг̇г̇аа, сод̇т̇им̣ бассаами баан̣ина’’нд̇и. (сам̣. ни. 1.98);

    Nāññatra sabbanissaggā, sotthiṃ passāmi pāṇina’’nti. (saṃ. ni. 1.98);

    со д̣̇зсанаабарияосаанз бан̃жахи ажчараасад̇зхи сад̣̇д̇хим̣ сод̇аабад̇д̇ипалз бад̇идтааяа д̇ам̣ самбад̇д̇им̣ т̇ааварам̣ гад̇ваа д̣̇звалогамзва аг̇амаасийд̇и. звам̣ аяам̣ маг̇г̇о бхаавид̇о саггаад̣̇ийнам̣ вияа д̣̇оманассасса ад̇т̇ан̇г̇амааяа сам̣вад̇д̇ад̇ийд̇и взд̣̇ид̇аб̣б̣о.

    So desanāpariyosāne pañcahi accharāsatehi saddhiṃ sotāpattiphale patiṭṭhāya taṃ sampattiṃ thāvaraṃ katvā devalokameva agamāsīti. Evaṃ ayaṃ maggo bhāvito sakkādīnaṃ viya domanassassa atthaṅgamāya saṃvattatīti veditabbo.

    н̃ааяасса ад̇хиг̇амааяаад̇и н̃ааяо вужжад̇и арияо адтан̇г̇иго маг̇г̇о, д̇асса ад̇хиг̇амааяа, бад̇д̇ияаад̇и вуд̇д̇ам̣ ход̇и. аяан̃хи буб̣б̣абхааг̇з логияо сад̇ибадтаанамаг̇г̇о бхаавид̇о логуд̇д̇арамаг̇г̇асса ад̇хиг̇амааяа сам̣вад̇д̇ад̇и. д̇знааха ‘‘н̃ааяасса ад̇хиг̇амааяаа’’д̇и. ниб̣б̣аанасса сажчигирияааяаад̇и д̇ан̣хааваанавирахид̇ад̇д̇аа ниб̣б̣аананд̇и лад̣̇д̇ханаамасса амад̇асса сажчигирияааяа, ад̇д̇абажжагкад̇ааяаад̇и вуд̇д̇ам̣ ход̇и. аяан̃хи маг̇г̇о бхаавид̇о анубуб̣б̣зна ниб̣б̣аанасажчигирияам̣ саад̇хзд̇и. д̇знааха ‘‘ниб̣б̣аанасса сажчигирияааяаа’’д̇и.

    Ñāyassa adhigamāyāti ñāyo vuccati ariyo aṭṭhaṅgiko maggo, tassa adhigamāya, pattiyāti vuttaṃ hoti. Ayañhi pubbabhāge lokiyo satipaṭṭhānamaggo bhāvito lokuttaramaggassa adhigamāya saṃvattati. Tenāha ‘‘ñāyassa adhigamāyā’’ti. Nibbānassa sacchikiriyāyāti taṇhāvānavirahitattā nibbānanti laddhanāmassa amatassa sacchikiriyāya, attapaccakkhatāyāti vuttaṃ hoti. Ayañhi maggo bhāvito anupubbena nibbānasacchikiriyaṃ sādheti. Tenāha ‘‘nibbānassa sacchikiriyāyā’’ti.

    д̇ад̇т̇а гин̃жааби ‘‘сад̇д̇аанам̣ висуд̣̇д̇хияаа’’д̇и вуд̇д̇з согасамад̇иггамаад̣̇ийни ад̇т̇ад̇о сид̣̇д̇хаанзва хонд̇и, табзд̇ваа бана саасанаяуд̇д̇иговид̣̇з ан̃н̃зсам̣ на баагадаани, на жа бхаг̇аваа батамам̣ саасанаяуд̇д̇иговид̣̇ам̣ ж̇анам̣ гад̇ваа бажчаа д̇хаммам̣ д̣̇зсзд̇и. д̇зна д̇знзва бана суд̇д̇зна д̇ам̣ д̇ам̣ ад̇т̇ам̣ н̃аабзд̇и. д̇асмаа ид̇ха яам̣ яам̣ ад̇т̇ам̣ згааяанамаг̇г̇о саад̇хзд̇и, д̇ам̣ д̇ам̣ баагадам̣ гад̇ваа д̣̇ассзнд̇о ‘‘согабарид̣̇зваанам̣ самад̇иггамааяаа’’д̇иаад̣̇имааха. яасмаа ваа яаа сад̇д̇аанам̣ висуд̣̇д̇хи згааяанамаг̇г̇зна сам̣вад̇д̇ад̇и, саа согабарид̣̇зваанам̣ самад̇иггамзна ход̇и. согабарид̣̇зваанам̣ самад̇иггамо д̣̇угкад̣̇оманассаанам̣ ад̇т̇ан̇г̇амзна, д̣̇угкад̣̇оманассаанам̣ ад̇т̇ан̇г̇амо н̃ааяассаад̇хиг̇амзна, н̃ааяассаад̇хиг̇амо ниб̣б̣аанасса сажчигирияааяа. д̇асмаа имамби гамам̣ д̣̇ассзнд̇о ‘‘сад̇д̇аанам̣ висуд̣̇д̇хияаа’’д̇и вад̇ваа ‘‘согабарид̣̇зваанам̣ самад̇иггамааяаа’’д̇иаад̣̇имааха.

    Tattha kiñcāpi ‘‘sattānaṃ visuddhiyā’’ti vutte sokasamatikkamādīni atthato siddhāneva honti, ṭhapetvā pana sāsanayuttikovide aññesaṃ na pākaṭāni, na ca bhagavā paṭhamaṃ sāsanayuttikovidaṃ janaṃ katvā pacchā dhammaṃ deseti. Tena teneva pana suttena taṃ taṃ atthaṃ ñāpeti. Tasmā idha yaṃ yaṃ atthaṃ ekāyanamaggo sādheti, taṃ taṃ pākaṭaṃ katvā dassento ‘‘sokaparidevānaṃ samatikkamāyā’’tiādimāha. Yasmā vā yā sattānaṃ visuddhi ekāyanamaggena saṃvattati, sā sokaparidevānaṃ samatikkamena hoti. Sokaparidevānaṃ samatikkamo dukkhadomanassānaṃ atthaṅgamena, dukkhadomanassānaṃ atthaṅgamo ñāyassādhigamena, ñāyassādhigamo nibbānassa sacchikiriyāya. Tasmā imampi kamaṃ dassento ‘‘sattānaṃ visuddhiyā’’ti vatvā ‘‘sokaparidevānaṃ samatikkamāyā’’tiādimāha.

    абижа ван̣н̣абхан̣анамзд̇ам̣ згааяанамаг̇г̇асса. яат̇зва хи бхаг̇аваа – ‘‘д̇хаммам̣ во, бхигкавз, д̣̇зсзссаами аад̣̇игаляаан̣ам̣ маж̇жхзгаляаан̣ам̣ барияосаанагаляаан̣ам̣ саад̇т̇ам̣ саб̣яан̃ж̇анам̣ гзвалабарибун̣н̣ам̣ барисуд̣̇д̇хам̣ б̣рахмажарияам̣ багаасзссаами яад̣̇ид̣̇ам̣ чачаггааний’’д̇и (ма. ни. 3.420) чачаггад̣̇зсанааяа адтахи бад̣̇зхи ван̣н̣ам̣ абхааси. яат̇аа жа арияавам̣сад̣̇зсанааяа ‘‘жад̇д̇ааромз, бхигкавз, арияавам̣саа аг̇г̇ан̃н̃аа рад̇д̇ан̃н̃аа вам̣сан̃н̃аа бораан̣аа асам̣гин̣н̣аа асам̣гин̣н̣абуб̣б̣аа на сан̇гийяанд̇и на сан̇гийяиссанд̇и, аббадигудтаа саман̣зхи б̣раахман̣зхи вин̃н̃уухий’’д̇и (а. ни. 4.28) навахи бад̣̇зхи ван̣н̣ам̣ абхааси; звам̣ имассааби згааяанамаг̇г̇асса сад̇д̇аанам̣ висуд̣̇д̇хияаад̇иаад̣̇ийхи сад̇д̇ахи бад̣̇зхи ван̣н̣ам̣ абхааси. гасмаад̇и жз, д̇зсам̣ бхигкуунам̣ уссаахаж̇ананад̇т̇ам̣. ван̣н̣абхаасанан̃хи суд̇ваа д̇з бхигкуу ‘‘аяам̣ гира маг̇г̇о хад̣̇аяасанд̇аабабхууд̇ам̣ согам̣, ваажаавиббалаабабхууд̇ам̣ барид̣̇звам̣, гааяигаасаад̇абхууд̇ам̣ д̣̇угкам̣, жзд̇асигаасаад̇абхууд̇ам̣ д̣̇оманассанд̇и жад̇д̇ааро убад̣̇д̣̇авз ханад̇и, висуд̣̇д̇хим̣ н̃ааяам̣ ниб̣б̣аананд̇и д̇аяо висзсз аавахад̇ий’’д̇и уссаахаж̇аад̇аа имам̣ д̇хаммад̣̇зсанам̣ уг̇г̇ахзд̇аб̣б̣ам̣ барияаабун̣ид̇аб̣б̣ам̣ д̇хаарзд̇аб̣б̣ам̣, ваажзд̇аб̣б̣ам̣, иман̃жа маг̇г̇ам̣ бхаавзд̇аб̣б̣ам̣ ман̃н̃иссанд̇и. ид̇и д̇зсам̣ бхигкуунам̣ уссаахаж̇ананад̇т̇ам̣ ван̣н̣ам̣ абхааси. гамб̣алаваан̣иж̇аад̣̇аяо гамб̣алаад̣̇ийнам̣ ван̣н̣ам̣ вияа.

    Apica vaṇṇabhaṇanametaṃ ekāyanamaggassa. Yatheva hi bhagavā – ‘‘dhammaṃ vo, bhikkhave, desessāmi ādikalyāṇaṃ majjhekalyāṇaṃ pariyosānakalyāṇaṃ sātthaṃ sabyañjanaṃ kevalaparipuṇṇaṃ parisuddhaṃ brahmacariyaṃ pakāsessāmi yadidaṃ chachakkānī’’ti (ma. ni. 3.420) chachakkadesanāya aṭṭhahi padehi vaṇṇaṃ abhāsi. Yathā ca ariyavaṃsadesanāya ‘‘cattārome, bhikkhave, ariyavaṃsā aggaññā rattaññā vaṃsaññā porāṇā asaṃkiṇṇā asaṃkiṇṇapubbā na saṅkīyanti na saṅkīyissanti, appaṭikuṭṭhā samaṇehi brāhmaṇehi viññūhī’’ti (a. ni. 4.28) navahi padehi vaṇṇaṃ abhāsi; evaṃ imassāpi ekāyanamaggassa sattānaṃ visuddhiyātiādīhi sattahi padehi vaṇṇaṃ abhāsi. Kasmāti ce, tesaṃ bhikkhūnaṃ ussāhajananatthaṃ. Vaṇṇabhāsanañhi sutvā te bhikkhū ‘‘ayaṃ kira maggo hadayasantāpabhūtaṃ sokaṃ, vācāvippalāpabhūtaṃ paridevaṃ, kāyikaasātabhūtaṃ dukkhaṃ, cetasikaasātabhūtaṃ domanassanti cattāro upaddave hanati, visuddhiṃ ñāyaṃ nibbānanti tayo visese āvahatī’’ti ussāhajātā imaṃ dhammadesanaṃ uggahetabbaṃ pariyāpuṇitabbaṃ dhāretabbaṃ, vācetabbaṃ, imañca maggaṃ bhāvetabbaṃ maññissanti. Iti tesaṃ bhikkhūnaṃ ussāhajananatthaṃ vaṇṇaṃ abhāsi. Kambalavāṇijādayo kambalādīnaṃ vaṇṇaṃ viya.

    яат̇аа хи сад̇асахассаг̇гханигабан̣д̣угамб̣алаваан̣иж̇зна ‘гамб̣алам̣ г̇ан̣хат̇аа’д̇и уг̇гхосид̇зби асугагамб̣алод̇и на д̇аава мануссаа ж̇аананд̇и. гзсагамб̣алаваал̣агамб̣алаад̣̇аяоби хи д̣̇уг̇г̇анд̇хаа карасампассаа гамб̣алаад̇взва вужжанд̇и. яад̣̇аа бана д̇зна г̇анд̇хаараго рад̇д̇агамб̣ало сукумо уж̇ж̇ало сукасампассод̇и уг̇гхосид̇ам̣ ход̇и, д̇ад̣̇аа яз бахонд̇и, д̇з г̇ан̣ханд̇и. яз наббахонд̇и, д̇зби д̣̇ассанагаамаа хонд̇и; звамзва ‘згааяано, бхигкавз, аяам̣ маг̇г̇о’д̇и вуд̇д̇зби асугамаг̇г̇од̇и на д̇аава баагадо ход̇и. наанаббагаарагаа хи анияяаанигамаг̇г̇ааби маг̇г̇аад̇взва вужжанд̇и. ‘‘сад̇д̇аанам̣ висуд̣̇д̇хияаа’’д̇иаад̣̇имхи бана вуд̇д̇з ‘‘аяам̣ гира маг̇г̇о жад̇д̇ааро убад̣̇д̣̇авз ханад̇и, д̇аяо висзсз аавахад̇ий’’д̇и уссаахаж̇аад̇аа имам̣ д̇хаммад̣̇зсанам̣ уг̇г̇ахзд̇аб̣б̣ам̣ барияаабун̣ид̇аб̣б̣ам̣ д̇хаарзд̇аб̣б̣ам̣ ваажзд̇аб̣б̣ам̣, иман̃жа маг̇г̇ам̣ бхаавзд̇аб̣б̣ам̣ ман̃н̃иссанд̇ийд̇и ван̣н̣ам̣ бхаасанд̇о ‘‘сад̇д̇аанам̣ висуд̣̇д̇хияаа’’д̇иаад̣̇имааха. яат̇аа жа сад̇асахассаг̇гханигабан̣д̣угамб̣алаваан̣иж̇уубамаа; звам̣ рад̇д̇аж̇амб̣унад̣̇асуван̣н̣ауд̣̇агаббасаад̣̇агаман̣ирад̇анасувисуд̣̇д̇хамуд̇д̇арад̇анабаваал̣аад̣̇иваан̣иж̇уубамаад̣̇аяобзд̇т̇а аахарид̇аб̣б̣аа.

    Yathā hi satasahassagghanikapaṇḍukambalavāṇijena ‘kambalaṃ gaṇhathā’ti ugghositepi asukakambaloti na tāva manussā jānanti. Kesakambalavāḷakambalādayopi hi duggandhā kharasamphassā kambalātveva vuccanti. Yadā pana tena gandhārako rattakambalo sukhumo ujjalo sukhasamphassoti ugghositaṃ hoti, tadā ye pahonti, te gaṇhanti. Ye nappahonti, tepi dassanakāmā honti; evameva ‘ekāyano, bhikkhave, ayaṃ maggo’ti vuttepi asukamaggoti na tāva pākaṭo hoti. Nānappakārakā hi aniyyānikamaggāpi maggātveva vuccanti. ‘‘Sattānaṃ visuddhiyā’’tiādimhi pana vutte ‘‘ayaṃ kira maggo cattāro upaddave hanati, tayo visese āvahatī’’ti ussāhajātā imaṃ dhammadesanaṃ uggahetabbaṃ pariyāpuṇitabbaṃ dhāretabbaṃ vācetabbaṃ, imañca maggaṃ bhāvetabbaṃ maññissantīti vaṇṇaṃ bhāsanto ‘‘sattānaṃ visuddhiyā’’tiādimāha. Yathā ca satasahassagghanikapaṇḍukambalavāṇijūpamā; evaṃ rattajambunadasuvaṇṇaudakappasādakamaṇiratanasuvisuddhamuttaratanapavāḷādivāṇijūpamādayopettha āharitabbā.

    яад̣̇ид̣̇анд̇и нибаад̇о, яз имзд̇и аяамасса ад̇т̇о. жад̇д̇аарод̇и г̇ан̣анабарижчзд̣̇о. д̇зна на д̇ад̇о хздтаа, на уд̣̇д̇ханд̇и сад̇ибадтаанабарижчзд̣̇ам̣ д̣̇ийбзд̇и. сад̇ибадтаанаад̇и д̇аяо сад̇ибадтаанаа сад̇иг̇ожароби д̇ид̇хаа бадибаннзсу саавагзсу сад̇т̇уно бадигхаанунаяавийд̇ивад̇д̇ад̇ааби, сад̇иби. ‘‘жад̇уннам̣ , бхигкавз, сад̇ибадтаанаанам̣ самуд̣̇аяан̃жа ад̇т̇ан̇г̇аман̃жа д̣̇зсзссаами, д̇ам̣ сун̣аат̇а…бз… го жа, бхигкавз, гааяасса самуд̣̇аяо. аахаарасамуд̣̇аяаа гааяасса самуд̣̇аяо’’д̇иаад̣̇ийсу (сам̣. ни. 5.408) хи сад̇иг̇ожаро сад̇ибадтаананд̇и вужжад̇и. д̇ат̇аа ‘‘гааяо убадтаанам̣ но сад̇и, сад̇и бана убадтаанан̃жзва сад̇и жаа’’д̇иаад̣̇ийсуби (бади. ма. 3.35). д̇ассад̇т̇о – бад̇идтаад̇и асминд̇и бадтаанам̣. гаа бад̇идтаад̇и? сад̇и. сад̇ияаа бадтаанам̣ сад̇ибадтаанам̣, бад̇хаанам̣ таананд̇и ваа бадтаанам̣. сад̇ияаа бадтаанам̣ сад̇ибадтаанам̣ хад̇т̇идтаанаассадтаанаад̣̇ийни вияа.

    Yadidanti nipāto, ye imeti ayamassa attho. Cattāroti gaṇanaparicchedo. Tena na tato heṭṭhā, na uddhanti satipaṭṭhānaparicchedaṃ dīpeti. Satipaṭṭhānāti tayo satipaṭṭhānā satigocaropi tidhā paṭipannesu sāvakesu satthuno paṭighānunayavītivattatāpi, satipi. ‘‘Catunnaṃ , bhikkhave, satipaṭṭhānānaṃ samudayañca atthaṅgamañca desessāmi, taṃ suṇātha…pe… ko ca, bhikkhave, kāyassa samudayo. Āhārasamudayā kāyassa samudayo’’tiādīsu (saṃ. ni. 5.408) hi satigocaro satipaṭṭhānanti vuccati. Tathā ‘‘kāyo upaṭṭhānaṃ no sati, sati pana upaṭṭhānañceva sati cā’’tiādīsupi (paṭi. ma. 3.35). Tassattho – patiṭṭhāti asminti paṭṭhānaṃ. Kā patiṭṭhāti? Sati. Satiyā paṭṭhānaṃ satipaṭṭhānaṃ, padhānaṃ ṭhānanti vā paṭṭhānaṃ. Satiyā paṭṭhānaṃ satipaṭṭhānaṃ hatthiṭṭhānaassaṭṭhānādīni viya.

    ‘‘д̇аяо сад̇ибадтаанаа яад̣̇арияо сзвад̇и, яад̣̇арияо сзвамаано сад̇т̇аа г̇ан̣аманусаасид̇ум̣ арахад̇ий’’д̇и (ма. ни. 3.311) зд̇т̇а д̇ид̇хаа бадибаннзсу саавагзсу сад̇т̇уно бадигхаанунаяавийд̇ивад̇д̇ад̇аа ‘‘сад̇ибадтаана’’нд̇и вуд̇д̇аа. д̇ассад̇т̇о – бадтабзд̇аб̣б̣ад̇о бадтаанам̣, бавад̇д̇аяид̇аб̣б̣ад̇од̇и ад̇т̇о. гзна бадтабзд̇аб̣б̣ад̇од̇и? сад̇ияаа. сад̇ияаа бадтаанам̣ сад̇ибадтаанам̣. ‘‘жад̇д̇ааро сад̇ибадтаанаа бхаавид̇аа б̣ахулийгад̇аа сад̇д̇а самб̣ож̇жхан̇г̇з барибуурзнд̇ий’’д̇иаад̣̇ийсу (ма. ни. 3.147) бана сад̇иязва ‘‘сад̇ибадтаанам̣’’д̇и вужжад̇и. д̇ассад̇т̇о – бадтаад̇ийд̇и бадтаанам̣, убадтаад̇и огганд̣̇ид̇ваа багканд̣̇ид̇ваа бад̇т̇арид̇ваа бавад̇д̇ад̇ийд̇и ад̇т̇о. сад̇иязва сад̇ибадтаанам̣. ат̇а ваа саран̣адтзна сад̇и, убадтаанадтзна бадтаанам̣. ид̇и сад̇и жа саа бадтаанам̣ жаад̇иби сад̇ибадтаанам̣. ид̣̇амид̇хаад̇хиббзд̇ам̣.

    ‘‘Tayo satipaṭṭhānā yadariyo sevati, yadariyo sevamāno satthā gaṇamanusāsituṃ arahatī’’ti (ma. ni. 3.311) ettha tidhā paṭipannesu sāvakesu satthuno paṭighānunayavītivattatā ‘‘satipaṭṭhāna’’nti vuttā. Tassattho – paṭṭhapetabbato paṭṭhānaṃ, pavattayitabbatoti attho. Kena paṭṭhapetabbatoti? Satiyā. Satiyā paṭṭhānaṃ satipaṭṭhānaṃ. ‘‘Cattāro satipaṭṭhānā bhāvitā bahulīkatā satta sambojjhaṅge paripūrentī’’tiādīsu (ma. ni. 3.147) pana satiyeva ‘‘satipaṭṭhānaṃ’’ti vuccati. Tassattho – paṭṭhātīti paṭṭhānaṃ, upaṭṭhāti okkanditvā pakkhanditvā pattharitvā pavattatīti attho. Satiyeva satipaṭṭhānaṃ. Atha vā saraṇaṭṭhena sati, upaṭṭhānaṭṭhena paṭṭhānaṃ. Iti sati ca sā paṭṭhānaṃ cātipi satipaṭṭhānaṃ. Idamidhādhippetaṃ.

    яад̣̇и звам̣ гасмаа ‘‘сад̇ибадтаанаа’’д̇и б̣ахуважанам̣? сад̇иб̣ахуд̇д̇аа. аарамман̣абхзд̣̇зна хи б̣ахугаа зд̇аа сад̇ияо. ат̇а маг̇г̇од̇и гасмаа згаважанам̣? маг̇г̇адтзна згад̇д̇аа. жад̇ассоби хи зд̇аа сад̇ияо маг̇г̇адтзна згад̇д̇ам̣ г̇ажчанд̇и. вуд̇д̇ан̃хзд̇ам̣ – ‘‘маг̇г̇од̇и гзнадтзна маг̇г̇о? ниб̣б̣аанаг̇аманадтзна. ниб̣б̣аанад̇т̇игзхи маг̇г̇анийяадтзна жаа’’д̇и. жад̇ассоби жзд̇аа абарабхааг̇з гааяаад̣̇ийсу аарамман̣зсу гижжам̣ саад̇хаяамаанаа ниб̣б̣аанам̣ г̇ажчанд̇и, аад̣̇ид̇о бадтааяа жа ниб̣б̣аанад̇т̇игзхи маг̇г̇ияанд̇и, д̇асмаа жад̇ассоби зго маг̇г̇од̇и вужжанд̇и. зван̃жа сад̇и важанаанусанд̇хинаа саанусанд̇хигаава д̣̇зсанаа ход̇и, ‘‘маарасзнаббамад̣̇д̣̇анам̣, во бхигкавз, маг̇г̇ам̣ д̣̇зсзссаами, д̇ам̣ сун̣аат̇а…бз… гад̇амо жа, бхигкавз, маарасзнаббамад̣̇д̣̇ано маг̇г̇о? яад̣̇ид̣̇ам̣ сад̇д̇а б̣ож̇жхан̇г̇аа’’д̇иаад̣̇ийсу (сам̣. ни. 5.224) вияа. яат̇аа маарасзнаббамад̣̇д̣̇анод̇и жа, сад̇д̇а б̣ож̇жхан̇г̇аад̇и жа ад̇т̇ад̇о згам̣, б̣яан̃ж̇анамзвзд̇т̇а наанам̣ . звам̣ ‘‘згааяанамаг̇г̇о’’д̇и жа ‘‘жад̇д̇ааро сад̇ибадтаанаа’’д̇и жа ад̇т̇ад̇о згам̣, б̣яан̃ж̇анамзвзд̇т̇а наанам̣, д̇асмаа маг̇г̇адтзна згад̇д̇аа згаважанам̣. аарамман̣абхзд̣̇зна сад̇иб̣ахуд̇д̇аа б̣ахуважанам̣ взд̣̇ид̇аб̣б̣ам̣.

    Yadi evaṃ kasmā ‘‘satipaṭṭhānā’’ti bahuvacanaṃ? Satibahuttā. Ārammaṇabhedena hi bahukā etā satiyo. Atha maggoti kasmā ekavacanaṃ? Maggaṭṭhena ekattā. Catassopi hi etā satiyo maggaṭṭhena ekattaṃ gacchanti. Vuttañhetaṃ – ‘‘maggoti kenaṭṭhena maggo? Nibbānagamanaṭṭhena. Nibbānatthikehi magganīyaṭṭhena cā’’ti. Catassopi cetā aparabhāge kāyādīsu ārammaṇesu kiccaṃ sādhayamānā nibbānaṃ gacchanti, ādito paṭṭhāya ca nibbānatthikehi maggiyanti, tasmā catassopi eko maggoti vuccanti. Evañca sati vacanānusandhinā sānusandhikāva desanā hoti, ‘‘mārasenappamaddanaṃ, vo bhikkhave, maggaṃ desessāmi, taṃ suṇātha…pe… katamo ca, bhikkhave, mārasenappamaddano maggo? Yadidaṃ satta bojjhaṅgā’’tiādīsu (saṃ. ni. 5.224) viya. Yathā mārasenappamaddanoti ca, satta bojjhaṅgāti ca atthato ekaṃ, byañjanamevettha nānaṃ . Evaṃ ‘‘ekāyanamaggo’’ti ca ‘‘cattāro satipaṭṭhānā’’ti ca atthato ekaṃ, byañjanamevettha nānaṃ, tasmā maggaṭṭhena ekattā ekavacanaṃ. Ārammaṇabhedena satibahuttā bahuvacanaṃ veditabbaṃ.

    гасмаа бана бхаг̇авад̇аа жад̇д̇аарова сад̇ибадтаанаа вуд̇д̇аа ануунаа анад̇хигаад̇и? взнзяяахид̇ад̇д̇аа. д̇ан̣хаажарид̇ад̣̇идтижарид̇асамат̇аяаанигавибассанааяаанигзсу хи манд̣̇ад̇игкавасзна д̣̇взд̇хаа д̣̇взд̇хаа бавад̇д̇зсу взнзяязсу манд̣̇асса д̇ан̣хаажарид̇асса ол̣ааригам̣ гааяаанубассанаасад̇ибадтаанам̣ висуд̣̇д̇химаг̇г̇о, д̇игкасса сукумам̣ взд̣̇анаанубассанаасад̇ибадтаанам̣. д̣̇идтижарид̇ассаби манд̣̇асса наад̇иббабхзд̣̇аг̇ад̇ам̣ жид̇д̇аанубассанаасад̇ибадтаанам̣ висуд̣̇д̇химаг̇г̇о, д̇игкасса ад̇иббабхзд̣̇аг̇ад̇ам̣ д̇хаммаанубассанаасад̇ибадтаанам̣ висуд̣̇д̇химаг̇г̇о. самат̇аяаанигасса жа манд̣̇асса агижчзна ад̇хиг̇анд̇аб̣б̣анимид̇д̇ам̣ батамам̣ сад̇ибадтаанам̣ висуд̣̇д̇химаг̇г̇о, д̇игкасса ол̣ааригаарамман̣з асан̣таханад̇о д̣̇уд̇ияам̣. вибассанааяаанигассаби манд̣̇асса наад̇иббабхзд̣̇аг̇ад̇аарамман̣ам̣ д̇ад̇ияам̣, д̇игкасса ад̇иббабхзд̣̇аг̇ад̇аарамман̣ам̣ жад̇уд̇т̇ам̣. ид̇и жад̇д̇аарова вуд̇д̇аа ануунаа анад̇хигаад̇и.

    Kasmā pana bhagavatā cattārova satipaṭṭhānā vuttā anūnā anadhikāti? Veneyyahitattā. Taṇhācaritadiṭṭhicaritasamathayānikavipassanāyānikesu hi mandatikkhavasena dvedhā dvedhā pavattesu veneyyesu mandassa taṇhācaritassa oḷārikaṃ kāyānupassanāsatipaṭṭhānaṃ visuddhimaggo, tikkhassa sukhumaṃ vedanānupassanāsatipaṭṭhānaṃ. Diṭṭhicaritassapi mandassa nātippabhedagataṃ cittānupassanāsatipaṭṭhānaṃ visuddhimaggo, tikkhassa atippabhedagataṃ dhammānupassanāsatipaṭṭhānaṃ visuddhimaggo. Samathayānikassa ca mandassa akicchena adhigantabbanimittaṃ paṭhamaṃ satipaṭṭhānaṃ visuddhimaggo, tikkhassa oḷārikārammaṇe asaṇṭhahanato dutiyaṃ. Vipassanāyānikassapi mandassa nātippabhedagatārammaṇaṃ tatiyaṃ, tikkhassa atippabhedagatārammaṇaṃ catutthaṃ. Iti cattārova vuttā anūnā anadhikāti.

    субхасуканижжаад̇д̇абхаававибаллаасаббахаанад̇т̇ам̣ ваа. гааяо хи асубхо, д̇ад̇т̇а жа субхавибаллаасавибаллад̇т̇аа сад̇д̇аа. д̇зсам̣ д̇ад̇т̇а асубхабхаавад̣̇ассанзна д̇асса вибаллаасасса бахаанад̇т̇ам̣ батамам̣ сад̇ибадтаанам̣ вуд̇д̇ам̣. сукам̣ нижжам̣ ад̇д̇аад̇и г̇ахид̇зсуби жа взд̣̇анаад̣̇ийсу взд̣̇анаа д̣̇угкаа, жид̇д̇ам̣ анижжам̣, д̇хаммаа анад̇д̇аа, д̇зсу жа суканижжаад̇д̇авибаллаасавибаллад̇т̇аа сад̇д̇аа. д̇зсам̣ д̇ад̇т̇а д̣̇угкаад̣̇ибхаавад̣̇ассанзна д̇зсам̣ вибаллаасаанам̣ бахаанад̇т̇ам̣ сзсаани д̇ийн̣и вуд̇д̇аанийд̇и звам̣ субхасуканижжаад̇д̇абхаававибаллаасаббахаанад̇т̇ам̣ ваа жад̇д̇аарова вуд̇д̇аа ануунаа анад̇хигаад̇и взд̣̇ид̇аб̣б̣аа. на гзвалан̃жа вибаллаасаббахаанад̇т̇амзва, ат̇а ко жад̇урогхаяог̇аасаваг̇ант̇аубаад̣̇аанааг̇ад̇ибахаанад̇т̇амби жад̇уб̣б̣ид̇хаахаарабарин̃н̃ад̇т̇ан̃жа жад̇д̇аарова вуд̇д̇аад̇и взд̣̇ид̇аб̣б̣аа. аяам̣ д̇аава багаран̣анаяо.

    Subhasukhaniccaattabhāvavipallāsappahānatthaṃ vā. Kāyo hi asubho, tattha ca subhavipallāsavipallatthā sattā. Tesaṃ tattha asubhabhāvadassanena tassa vipallāsassa pahānatthaṃ paṭhamaṃ satipaṭṭhānaṃ vuttaṃ. Sukhaṃ niccaṃ attāti gahitesupi ca vedanādīsu vedanā dukkhā, cittaṃ aniccaṃ, dhammā anattā, tesu ca sukhaniccaattavipallāsavipallatthā sattā. Tesaṃ tattha dukkhādibhāvadassanena tesaṃ vipallāsānaṃ pahānatthaṃ sesāni tīṇi vuttānīti evaṃ subhasukhaniccaattabhāvavipallāsappahānatthaṃ vā cattārova vuttā anūnā anadhikāti veditabbā. Na kevalañca vipallāsappahānatthameva, atha kho caturoghayogāsavaganthaupādānaagatipahānatthampi catubbidhāhārapariññatthañca cattārova vuttāti veditabbā. Ayaṃ tāva pakaraṇanayo.

    адтагат̇ааяам̣ бана саран̣авасзна жзва згад̇д̇асамосаран̣авасзна жа згамзва сад̇ибадтаанам̣ аарамман̣авасзна жад̇д̇аарод̇и зд̇ад̣̇зва вуд̇д̇ам̣. яат̇аа хи жад̇уд̣̇ваарз наг̇арз баажийнад̇о ааг̇ажчанд̇аа баажийнад̣̇исааяа удтаанагам̣ бхан̣д̣ам̣ г̇ахзд̇ваа баажийнад̣̇ваарзна наг̇арамзва бависанд̇и, д̣̇агкин̣ад̇о. бажчимад̇о. уд̇д̇арад̇о ааг̇ажчанд̇аа уд̇д̇арад̣̇исааяа удтаанагам̣ бхан̣д̣ам̣ г̇ахзд̇ваа уд̇д̇арад̣̇ваарзна наг̇арамзва бависанд̇и; звам̣ – самбад̣̇амид̣̇ам̣ взд̣̇ид̇аб̣б̣ам̣. наг̇арам̣ вияа хи ниб̣б̣аанамахаанаг̇арам̣, д̣̇ваарам̣ вияа адтан̇г̇иго логуд̇д̇арамаг̇г̇о, баажийнад̣̇исаад̣̇аяо вияа гааяаад̣̇аяо.

    Aṭṭhakathāyaṃ pana saraṇavasena ceva ekattasamosaraṇavasena ca ekameva satipaṭṭhānaṃ ārammaṇavasena cattāroti etadeva vuttaṃ. Yathā hi catudvāre nagare pācīnato āgacchantā pācīnadisāya uṭṭhānakaṃ bhaṇḍaṃ gahetvā pācīnadvārena nagarameva pavisanti, dakkhiṇato. Pacchimato. Uttarato āgacchantā uttaradisāya uṭṭhānakaṃ bhaṇḍaṃ gahetvā uttaradvārena nagarameva pavisanti; evaṃ – sampadamidaṃ veditabbaṃ. Nagaraṃ viya hi nibbānamahānagaraṃ, dvāraṃ viya aṭṭhaṅgiko lokuttaramaggo, pācīnadisādayo viya kāyādayo.

    яат̇аа баажийнад̇о ааг̇ажчанд̇аа баажийнад̣̇исааяа удтаанагам̣ бхан̣д̣ам̣ г̇ахзд̇ваа баажийнад̣̇ваарзна наг̇арамзва бависанд̇и, звам̣ гааяаанубассанаамукзна ааг̇ажчанд̇аа жуд̣̇д̣̇асавид̇хзна гааяаанубассанам̣ бхаавзд̇ваа гааяаанубассанаабхааванаанубхааваниб̣б̣ад̇д̇зна арияамаг̇г̇зна згам̣ ниб̣б̣аанамзва осаранд̇и. яат̇аа д̣̇агкин̣ад̇о ааг̇ажчанд̇аа д̣̇агкин̣ааяа д̣̇исааяа удтаанагам̣ бхан̣д̣ам̣ г̇ахзд̇ваа д̣̇агкин̣ад̣̇ваарзна наг̇арамзва бависанд̇и, звам̣ взд̣̇анаанубассанаамукзна ааг̇ажчанд̇аа нававид̇хзна взд̣̇анаанубассанам̣ бхаавзд̇ваа взд̣̇анаанубассанаабхааванаанубхааваниб̣б̣ад̇д̇зна арияамаг̇г̇зна згам̣ ниб̣б̣аанамзва осаранд̇и. яат̇аа бажчимад̇о ааг̇ажчанд̇аа бажчимад̣̇исааяа удтаанагам̣ бхан̣д̣ам̣ г̇ахзд̇ваа бажчимад̣̇ваарзна наг̇арамзва бависанд̇и, звам̣ жид̇д̇аанубассанаамукзна ааг̇ажчанд̇аа сол̣асавид̇хзна жид̇д̇аанубассанам̣ бхаавзд̇ваа жид̇д̇аанубассанаабхааванаанубхааваниб̣б̣ад̇д̇зна арияамаг̇г̇зна згам̣ ниб̣б̣аанамзва осаранд̇и. яат̇аа уд̇д̇арад̇о ааг̇ажчанд̇аа уд̇д̇арад̣̇исааяа удтаанагам̣ бхан̣д̣ам̣ г̇ахзд̇ваа уд̇д̇арад̣̇ваарзна наг̇арамзва бависанд̇и, звам̣ д̇хаммаанубассанаамукзна ааг̇ажчанд̇аа бан̃жавид̇хзна д̇хаммаанубассанам̣ бхаавзд̇ваа д̇хаммаанубассанаабхааванаанубхааваниб̣б̣ад̇д̇зна арияамаг̇г̇зна згам̣ ниб̣б̣аанамзва осаранд̇и. звам̣ саран̣авасзна жзва згад̇д̇асамосаран̣авасзна жа згамзва сад̇ибадтаанам̣ аарамман̣авасзна жад̇д̇аарова вуд̇д̇аад̇и взд̣̇ид̇аб̣б̣аа.

    Yathā pācīnato āgacchantā pācīnadisāya uṭṭhānakaṃ bhaṇḍaṃ gahetvā pācīnadvārena nagarameva pavisanti, evaṃ kāyānupassanāmukhena āgacchantā cuddasavidhena kāyānupassanaṃ bhāvetvā kāyānupassanābhāvanānubhāvanibbattena ariyamaggena ekaṃ nibbānameva osaranti. Yathā dakkhiṇato āgacchantā dakkhiṇāya disāya uṭṭhānakaṃ bhaṇḍaṃ gahetvā dakkhiṇadvārena nagarameva pavisanti, evaṃ vedanānupassanāmukhena āgacchantā navavidhena vedanānupassanaṃ bhāvetvā vedanānupassanābhāvanānubhāvanibbattena ariyamaggena ekaṃ nibbānameva osaranti. Yathā pacchimato āgacchantā pacchimadisāya uṭṭhānakaṃ bhaṇḍaṃ gahetvā pacchimadvārena nagarameva pavisanti, evaṃ cittānupassanāmukhena āgacchantā soḷasavidhena cittānupassanaṃ bhāvetvā cittānupassanābhāvanānubhāvanibbattena ariyamaggena ekaṃ nibbānameva osaranti. Yathā uttarato āgacchantā uttaradisāya uṭṭhānakaṃ bhaṇḍaṃ gahetvā uttaradvārena nagarameva pavisanti, evaṃ dhammānupassanāmukhena āgacchantā pañcavidhena dhammānupassanaṃ bhāvetvā dhammānupassanābhāvanānubhāvanibbattena ariyamaggena ekaṃ nibbānameva osaranti. Evaṃ saraṇavasena ceva ekattasamosaraṇavasena ca ekameva satipaṭṭhānaṃ ārammaṇavasena cattārova vuttāti veditabbā.

    гад̇амз жад̇д̇аарод̇и гат̇зд̇угамяад̇аа бужчаа. ид̇хаад̇и имасмим̣ саасанз. бхигкавзд̇и д̇хаммабадиг̇г̇аахагабуг̇г̇алаалабанамзд̇ам̣. бхигкууд̇и бадибад̇д̇исамбаад̣̇агабуг̇г̇аланид̣̇ассанамзд̇ам̣. ан̃н̃зби жа д̣̇звамануссаа бадибад̇д̇им̣ самбаад̣̇знд̇иязва, сздтад̇д̇аа бана бадибад̇д̇ияаа бхигкубхаавад̣̇ассанад̇о жа ‘‘бхигкуу’’д̇и ааха. бхаг̇авад̇о хи анусаасаним̣ самбадижчанд̇зсу бхигку сздто, саб̣б̣аббагаарааяа анусаасанияаа бхааж̇анабхаавад̇о. д̇асмаа сздтад̇д̇аа ‘‘бхигкуу’’д̇и ааха. д̇асмим̣ г̇ахид̇з бана сзсаа г̇ахид̇аава хонд̇и, рааж̇аг̇аманаад̣̇ийсу рааж̇аг̇г̇ахан̣зна сзсабарисаа вияа. яо жа имам̣ бадибад̇д̇им̣ бадибаж̇ж̇ад̇и, со бхигку наама ход̇ийд̇и бадибад̇д̇ияаа бхигкубхаавад̣̇ассанад̇оби ‘‘бхигкуу’’д̇и ааха. бадибаннаго хи д̣̇зво ваа ход̇у мануссо ваа, бхигкууд̇и сан̇кяам̣ г̇ажчад̇иязва яат̇ааха –

    Katamecattāroti kathetukamyatā pucchā. Idhāti imasmiṃ sāsane. Bhikkhaveti dhammapaṭiggāhakapuggalālapanametaṃ. Bhikkhūti paṭipattisampādakapuggalanidassanametaṃ. Aññepi ca devamanussā paṭipattiṃ sampādentiyeva, seṭṭhattā pana paṭipattiyā bhikkhubhāvadassanato ca ‘‘bhikkhū’’ti āha. Bhagavato hi anusāsaniṃ sampaṭicchantesu bhikkhu seṭṭho, sabbappakārāya anusāsaniyā bhājanabhāvato. Tasmā seṭṭhattā ‘‘bhikkhū’’ti āha. Tasmiṃ gahite pana sesā gahitāva honti, rājagamanādīsu rājaggahaṇena sesaparisā viya. Yo ca imaṃ paṭipattiṃ paṭipajjati, so bhikkhu nāma hotīti paṭipattiyā bhikkhubhāvadassanatopi ‘‘bhikkhū’’ti āha. Paṭipannako hi devo vā hotu manusso vā, bhikkhūti saṅkhyaṃ gacchatiyeva yathāha –

    ‘‘алан̇гад̇о жзби самам̣ жарзяяа,

    ‘‘Alaṅkato cepi samaṃ careyya,

    санд̇о д̣̇анд̇о нияад̇о б̣рахмажаарий;

    Santo danto niyato brahmacārī;

    саб̣б̣зсу бхууд̇зсу нид̇хааяа д̣̇ан̣д̣ам̣,

    Sabbesu bhūtesu nidhāya daṇḍaṃ,

    со б̣раахман̣о со саман̣о са бхигкуу’’д̇и. (д̇ха. ба. 142);

    So brāhmaṇo so samaṇo sa bhikkhū’’ti. (dha. pa. 142);

    гааязд̇и руубагааяз. руубагааяо хи ид̇ха ан̇г̇абажжан̇г̇аанам̣ гзсаад̣̇ийнан̃жа д̇хаммаанам̣ самуухадтзна хад̇т̇игааяарат̇агааяаад̣̇аяо вияа гааяод̇и ад̇хиббзд̇о. яат̇аа жа самуухадтзна, звам̣ гужчид̇аанам̣ ааяадтзна. гужчид̇аанан̃хи барамаж̇зг̇ужчаанам̣ со ааяод̇иби гааяо. ааяод̇и уббад̇д̇ид̣̇зсо. д̇ад̇т̇ааяам̣ важанад̇т̇о. ааяанд̇и д̇ад̇од̇и ааяо. гз ааяанд̇и? гужчид̇аа гзсаад̣̇аяо. ид̇и гужчид̇аанам̣ ааяод̇и гааяо.

    Kāyeti rūpakāye. Rūpakāyo hi idha aṅgapaccaṅgānaṃ kesādīnañca dhammānaṃ samūhaṭṭhena hatthikāyarathakāyādayo viya kāyoti adhippeto. Yathā ca samūhaṭṭhena, evaṃ kucchitānaṃ āyaṭṭhena. Kucchitānañhi paramajegucchānaṃ so āyotipi kāyo. Āyoti uppattideso. Tatthāyaṃ vacanattho. Āyanti tatoti āyo. Ke āyanti? Kucchitā kesādayo. Iti kucchitānaṃ āyoti kāyo.

    гааяаанубассийд̇и гааяз анубассанасийло гааяам̣ ваа анубассамаано. гааязд̇и жа вад̇вааби буна гааяаанубассийд̇и д̣̇уд̇ияагааяаг̇г̇ахан̣ам̣ асаммиссад̇о вавад̇т̇аанагханавиниб̣бхог̇аад̣̇ид̣̇ассанад̇т̇ам̣ гад̇анд̇и взд̣̇ид̇аб̣б̣ам̣. д̇зна на гааяз взд̣̇анаанубассий ваа, жид̇д̇ад̇хаммаанубассий ваа, ат̇а ко гааяаанубассийязваад̇и гааяасан̇каад̇з вад̇т̇усмим̣ гааяаанубассанаагаарассзва д̣̇ассанзна асаммиссад̇о вавад̇т̇аанам̣ д̣̇ассид̇ам̣ ход̇и. д̇ат̇аа на гааяз ан̇г̇абажжан̇г̇авинимуд̇д̇азгад̇хаммаанубассий, нааби гзсаломаад̣̇ивинимуд̇д̇аид̇т̇ибурисаанубассий, яоби жзд̇т̇а гзсаломаад̣̇иго бхууд̇убаад̣̇ааяасамуухасан̇каад̇о гааяо, д̇ад̇т̇аби на бхууд̇убаад̣̇ааяавинимуд̇д̇азгад̇хаммаанубассий, ат̇а ко рат̇асамбхаараанубассаго вияа ан̇г̇абажжан̇г̇асамуухаанубассий, наг̇арааваяаваанубассаго вияа гзсаломаад̣̇исамуухаанубассий, гад̣̇алигканд̇хабад̇д̇аваддивиниб̣бхуж̇аго вияа рид̇д̇амудтивинивзтаго вияа жа бхууд̇убаад̣̇ааяасамуухаанубассийязваад̇и наанаббагаарад̇о самуухавасзнзва гааяасан̇каад̇асса вад̇т̇уно д̣̇ассанзна гханавиниб̣бхог̇о д̣̇ассид̇о ход̇и. на хзд̇т̇а яат̇аавуд̇д̇асамуухавинимуд̇д̇о гааяо ваа ид̇т̇ий ваа бурисо ваа ан̃н̃о ваа гожи д̇хаммо д̣̇иссад̇и, яат̇аавуд̇д̇ад̇хаммасамуухамад̇д̇зязва бана д̇ат̇аа д̇ат̇аа сад̇д̇аа мижчаабхинивзсам̣ гаронд̇и. д̇знааху бораан̣аа –

    Kāyānupassīti kāye anupassanasīlo kāyaṃ vā anupassamāno. Kāyeti ca vatvāpi puna kāyānupassīti dutiyakāyaggahaṇaṃ asammissato vavatthānaghanavinibbhogādidassanatthaṃ katanti veditabbaṃ. Tena na kāye vedanānupassī vā, cittadhammānupassī vā, atha kho kāyānupassīyevāti kāyasaṅkhāte vatthusmiṃ kāyānupassanākārasseva dassanena asammissato vavatthānaṃ dassitaṃ hoti. Tathā na kāye aṅgapaccaṅgavinimuttaekadhammānupassī, nāpi kesalomādivinimuttaitthipurisānupassī, yopi cettha kesalomādiko bhūtupādāyasamūhasaṅkhāto kāyo, tatthapi na bhūtupādāyavinimuttaekadhammānupassī, atha kho rathasambhārānupassako viya aṅgapaccaṅgasamūhānupassī, nagarāvayavānupassako viya kesalomādisamūhānupassī, kadalikkhandhapattavaṭṭivinibbhujako viya rittamuṭṭhiviniveṭhako viya ca bhūtupādāyasamūhānupassīyevāti nānappakārato samūhavaseneva kāyasaṅkhātassa vatthuno dassanena ghanavinibbhogo dassito hoti. Na hettha yathāvuttasamūhavinimutto kāyo vā itthī vā puriso vā añño vā koci dhammo dissati, yathāvuttadhammasamūhamatteyeva pana tathā tathā sattā micchābhinivesaṃ karonti. Tenāhu porāṇā –

    ‘‘яам̣ бассад̇и на д̇ам̣ д̣̇идтам̣, яам̣ д̣̇идтам̣ д̇ам̣ на бассад̇и;

    ‘‘Yaṃ passati na taṃ diṭṭhaṃ, yaṃ diṭṭhaṃ taṃ na passati;

    абассам̣ б̣аж̇жхад̇з муул̣хо, б̣аж̇жхамаано на мужжад̇ий’’д̇и.

    Apassaṃ bajjhate mūḷho, bajjhamāno na muccatī’’ti.

    гханавиниб̣бхог̇аад̣̇ид̣̇ассанад̇т̇анд̇и вуд̇д̇ам̣, аад̣̇исад̣̇д̣̇зна жзд̇т̇а аяамби ад̇т̇о взд̣̇ид̇аб̣б̣о. аяан̃хи зд̇асмим̣ гааяз гааяаанубассийязва, на ан̃н̃а д̇хаммаанубассийд̇и вуд̇д̇ам̣ ход̇и. яат̇аа ануд̣̇агабхууд̇ааяаби марийжияаа уд̣̇агаанубассино хонд̇и, на звам̣ анижжад̣̇угкаанад̇д̇аасубхабхууд̇зязва имасмим̣ гааяз нижжасукаад̇д̇асубхабхааваанубассий, ат̇а ко гааяаанубассий анижжад̣̇угкаанад̇д̇аасубхаагаарасамуухаанубассийязваад̇и вуд̇д̇ам̣ ход̇и. ат̇а ваа явааяам̣ барад̇о ‘‘ид̇ха, бхигкавз, бхигку аран̃н̃аг̇ад̇о ваа…бз… со сад̇ова ассасад̇ий’’д̇иаад̣̇инаа наязна ассаасабассаасаад̣̇ижун̣н̣игаж̇аад̇аадтигабарияосаано гааяо вуд̇д̇о, яо жа ‘‘ид̇хзгажжо бат̇авийгааяам̣ анижжад̇о анубассад̇и, аабогааяам̣ д̇зж̇огааяам̣ вааяогааяам̣ гзсагааяам̣ ломагааяам̣ чавигааяам̣ жаммагааяам̣ мам̣сагааяам̣ руд̇хирагааяам̣ нхааругааяам̣ адтигааяам̣ адтимин̃ж̇агааяа’’нд̇и (бади. ма. 3.35) бадисамбхид̣̇ааяам̣ гааяо вуд̇д̇о, д̇асса саб̣б̣асса имасмин̃н̃зва гааяз анубассанад̇о гааяз гааяаанубассийд̇и звамби ад̇т̇о взд̣̇ид̇аб̣б̣о.

    Ghanavinibbhogādidassanatthanti vuttaṃ, ādisaddena cettha ayampi attho veditabbo. Ayañhi etasmiṃ kāye kāyānupassīyeva, na añña dhammānupassīti vuttaṃ hoti. Yathā anudakabhūtāyapi marīciyā udakānupassino honti, na evaṃ aniccadukkhānattaasubhabhūteyeva imasmiṃ kāye niccasukhaattasubhabhāvānupassī, atha kho kāyānupassī aniccadukkhānattaasubhākārasamūhānupassīyevāti vuttaṃ hoti. Atha vā yvāyaṃ parato ‘‘idha, bhikkhave, bhikkhu araññagato vā…pe… so satova assasatī’’tiādinā nayena assāsapassāsādicuṇṇikajātaaṭṭhikapariyosāno kāyo vutto, yo ca ‘‘idhekacco pathavīkāyaṃ aniccato anupassati, āpokāyaṃ tejokāyaṃ vāyokāyaṃ kesakāyaṃ lomakāyaṃ chavikāyaṃ cammakāyaṃ maṃsakāyaṃ rudhirakāyaṃ nhārukāyaṃ aṭṭhikāyaṃ aṭṭhimiñjakāya’’nti (paṭi. ma. 3.35) paṭisambhidāyaṃ kāyo vutto, tassa sabbassa imasmiññeva kāye anupassanato kāye kāyānupassīti evampi attho veditabbo.

    ат̇а ваа гааяз аханд̇и ваа маманд̇и ваа звам̣ г̇ахзд̇аб̣б̣асса яасса гассажи ананубассанад̇о, д̇асса д̇ассзва бана гзсаломаад̣̇игасса наанаад̇хаммасамуухасса анубассанад̇о гааяз гзсаад̣̇ид̇хаммасамуухасан̇каад̇агааяаанубассийд̇и звамад̇т̇о д̣̇адтаб̣б̣о.

    Atha vā kāye ahanti vā mamanti vā evaṃ gahetabbassa yassa kassaci ananupassanato, tassa tasseva pana kesalomādikassa nānādhammasamūhassa anupassanato kāye kesādidhammasamūhasaṅkhātakāyānupassīti evamattho daṭṭhabbo.

    абижа ‘‘имасмим̣ гааяз анижжад̇о анубассад̇и, но нижжад̇о’’д̇иаад̣̇инаа ануггамзна бадисамбхид̣̇ааяам̣ ааг̇ад̇анаяасса саб̣б̣ассзва анижжалагкан̣аад̣̇ино аагаарасамуухасан̇каад̇асса гааяасса анубассанад̇оби гааяз гааяаанубассийд̇и звамби ад̇т̇о д̣̇адтаб̣б̣о. д̇ат̇аа хи аяам̣ гааяз гааяаанубассанаабадибад̣̇ам̣ бадибанно бхигку имам̣ гааяам̣ анижжаанубассанаад̣̇ийнам̣ сад̇д̇аннам̣ анубассанаанам̣ васзна анижжад̇о анубассад̇и, но нижжад̇о. д̣̇угкад̇о анубассад̇и, но сукад̇о. анад̇д̇ад̇о анубассад̇и, но ад̇д̇ад̇о. ниб̣б̣инд̣̇ад̇и, но нанд̣̇ад̇и, вираж̇ж̇ад̇и, но раж̇ж̇ад̇и, нирод̇хзд̇и. но самуд̣̇зд̇и, бадиниссаж̇ж̇ад̇и, но аад̣̇ияад̇и. со д̇ам̣ анижжад̇о анубассанд̇о нижжасан̃н̃ам̣ баж̇ахад̇и , д̣̇угкад̇о анубассанд̇о сукасан̃н̃ам̣ баж̇ахад̇и, анад̇д̇ад̇о анубассанд̇о ад̇д̇асан̃н̃ам̣ баж̇ахад̇и, ниб̣б̣инд̣̇анд̇о нанд̣̇им̣ баж̇ахад̇и , вираж̇ж̇анд̇о рааг̇ам̣ баж̇ахад̇и, нирод̇хзнд̇о самуд̣̇аяам̣ баж̇ахад̇и, бадиниссаж̇ж̇анд̇о аад̣̇аанам̣ баж̇ахад̇ийд̇и взд̣̇ид̇аб̣б̣о.

    Apica ‘‘imasmiṃ kāye aniccato anupassati, no niccato’’tiādinā anukkamena paṭisambhidāyaṃ āgatanayassa sabbasseva aniccalakkhaṇādino ākārasamūhasaṅkhātassa kāyassa anupassanatopi kāye kāyānupassīti evampi attho daṭṭhabbo. Tathā hi ayaṃ kāye kāyānupassanāpaṭipadaṃ paṭipanno bhikkhu imaṃ kāyaṃ aniccānupassanādīnaṃ sattannaṃ anupassanānaṃ vasena aniccato anupassati, no niccato. Dukkhato anupassati, no sukhato. Anattato anupassati, no attato. Nibbindati, no nandati, virajjati, no rajjati, nirodheti. No samudeti, paṭinissajjati, no ādiyati. So taṃ aniccato anupassanto niccasaññaṃ pajahati , dukkhato anupassanto sukhasaññaṃ pajahati, anattato anupassanto attasaññaṃ pajahati, nibbindanto nandiṃ pajahati , virajjanto rāgaṃ pajahati, nirodhento samudayaṃ pajahati, paṭinissajjanto ādānaṃ pajahatīti veditabbo.

    вихарад̇ийд̇и ирияад̇и. аад̇аабийд̇и д̇ийсу бхавзсу гилзсз аад̇аабзд̇ийд̇и аад̇аабо, вийрияассзд̇ам̣ наамам̣. аад̇аабо асса ад̇т̇ийд̇и аад̇аабий. самбаж̇аанод̇и самбаж̇ан̃н̃асан̇каад̇зна н̃аан̣зна саманнааг̇ад̇о. сад̇имаад̇и гааяабариг̇г̇аахигааяа сад̇ияаа саманнааг̇ад̇о. аяам̣ бана яасмаа сад̇ияаа аарамман̣ам̣ бариг̇г̇ахзд̇ваа бан̃н̃ааяа анубассад̇и, на хи сад̇ивирахид̇асса анубассанаа наама ад̇т̇и, д̇знзвааха – ‘‘сад̇ин̃жа кваахам̣, бхигкавз, саб̣б̣ад̇т̇игам̣ вад̣̇аамий’’д̇и (сам̣. ни. 5.234). д̇асмаа зд̇т̇а ‘‘гааяз гааяаанубассий вихарад̇ий’’д̇и зд̇д̇аавад̇аа гааяаанубассанаасад̇ибадтаанам̣ вуд̇д̇ам̣ ход̇и. ат̇а ваа яасмаа анаад̇аабино анд̇осан̇кзбо анд̇арааяагаро ход̇и, асамбаж̇аано убааяабариг̇г̇ахз анубааяабариваж̇ж̇анз жа саммуяхад̇и, мудтассад̇и убааяаабарижжааг̇з анубааяаабариг̇г̇ахз жа асамад̇т̇о ход̇и, д̇знасса д̇ам̣ гаммадтаанам̣ на самбаж̇ж̇ад̇и. д̇асмаа язсам̣ д̇хаммаанам̣ аанубхаавзна д̇ам̣ самбаж̇ж̇ад̇и, д̇зсам̣ д̣̇ассанад̇т̇ам̣ ‘‘аад̇аабий самбаж̇аано сад̇имаа’’д̇и ид̣̇ам̣ вуд̇д̇анд̇и взд̣̇ид̇аб̣б̣ам̣.

    Viharatīti iriyati. Ātāpīti tīsu bhavesu kilese ātāpetīti ātāpo, vīriyassetaṃ nāmaṃ. Ātāpo assa atthīti ātāpī. Sampajānoti sampajaññasaṅkhātena ñāṇena samannāgato. Satimāti kāyapariggāhikāya satiyā samannāgato. Ayaṃ pana yasmā satiyā ārammaṇaṃ pariggahetvā paññāya anupassati, na hi sativirahitassa anupassanā nāma atthi, tenevāha – ‘‘satiñca khvāhaṃ, bhikkhave, sabbatthikaṃ vadāmī’’ti (saṃ. ni. 5.234). Tasmā ettha ‘‘kāye kāyānupassī viharatī’’ti ettāvatā kāyānupassanāsatipaṭṭhānaṃ vuttaṃ hoti. Atha vā yasmā anātāpino antosaṅkhepo antarāyakaro hoti, asampajāno upāyapariggahe anupāyaparivajjane ca sammuyhati, muṭṭhassati upāyāpariccāge anupāyāpariggahe ca asamattho hoti, tenassa taṃ kammaṭṭhānaṃ na sampajjati. Tasmā yesaṃ dhammānaṃ ānubhāvena taṃ sampajjati, tesaṃ dassanatthaṃ ‘‘ātāpī sampajāno satimā’’ti idaṃ vuttanti veditabbaṃ.

    ид̇и гааяаанубассанаасад̇ибадтаанам̣ самбаяог̇ан̇г̇ан̃жасса д̣̇ассзд̇ваа ид̣̇аани бахаанан̇г̇ам̣ д̣̇ассзд̇ум̣ винзяяа логз абхиж̇жхаад̣̇оманассанд̇и вуд̇д̇ам̣. д̇ад̇т̇а винзяяаад̇и д̇ад̣̇ан̇г̇авинаязна ваа вигкамбханавинаязна ваа винаяид̇ваа. логзд̇и д̇асмин̃н̃зва гааяз. гааяо хи ид̇ха луж̇ж̇анабалуж̇ж̇анадтзна логод̇и ад̇хиббзд̇о. яасмаа банасса на гааяамад̇д̇зязва абхиж̇жхаад̣̇оманассам̣ бахийяад̇и, взд̣̇анаад̣̇ийсуби бахийяад̇иязва. д̇асмаа бан̃жаби убаад̣̇аанагканд̇хаа логод̇и вибхан̇г̇з вуд̇д̇ам̣. логасан̇каад̇ад̇д̇аа ваа д̇зсам̣ д̇хаммаанам̣ ад̇т̇уд̣̇д̇хааранаязнзд̇ам̣ вуд̇д̇ам̣. яам̣ банааха – ‘‘д̇ад̇т̇а гад̇амо лого? свзва гааяо лого’’д̇и, аяамзвзд̇т̇а ад̇т̇о. д̇асмим̣ логз абхиж̇жхаад̣̇оманассам̣ винзяяаад̇и звам̣ самб̣анд̇хо д̣̇адтаб̣б̣о. яасмаа банзд̇т̇а абхиж̇жхааг̇г̇ахан̣зна гаамажчанд̣̇о, д̣̇оманассаг̇г̇ахан̣зна б̣яаабаад̣̇о сан̇г̇ахам̣ г̇ажчад̇и, д̇асмаа нийваран̣абарияаабаннаб̣алавад̇хаммад̣̇ваяад̣̇ассанзна нийваран̣аббахаанам̣ вуд̇д̇ам̣ ход̇ийд̇и взд̣̇ид̇аб̣б̣ам̣.

    Iti kāyānupassanāsatipaṭṭhānaṃ sampayogaṅgañcassa dassetvā idāni pahānaṅgaṃ dassetuṃ vineyya loke abhijjhādomanassanti vuttaṃ. Tattha vineyyāti tadaṅgavinayena vā vikkhambhanavinayena vā vinayitvā. Loketi tasmiññeva kāye. Kāyo hi idha lujjanapalujjanaṭṭhena lokoti adhippeto. Yasmā panassa na kāyamatteyeva abhijjhādomanassaṃ pahīyati, vedanādīsupi pahīyatiyeva. Tasmā pañcapi upādānakkhandhā lokoti vibhaṅge vuttaṃ. Lokasaṅkhātattā vā tesaṃ dhammānaṃ atthuddhāranayenetaṃ vuttaṃ. Yaṃ panāha – ‘‘tattha katamo loko? Sveva kāyo loko’’ti, ayamevettha attho. Tasmiṃ loke abhijjhādomanassaṃ vineyyāti evaṃ sambandho daṭṭhabbo. Yasmā panettha abhijjhāggahaṇena kāmacchando, domanassaggahaṇena byāpādo saṅgahaṃ gacchati, tasmā nīvaraṇapariyāpannabalavadhammadvayadassanena nīvaraṇappahānaṃ vuttaṃ hotīti veditabbaṃ.

    висзсзна жзд̇т̇а абхиж̇жхаавинаязна гааяасамбад̇д̇имуулагасса анурод̇хасса, д̣̇оманассавинаязна гааяавибад̇д̇имуулагасса вирод̇хасса, абхиж̇жхаавинаязна жа гааяз абхирад̇ияаа, д̣̇оманассавинаязна гааяабхааванааяа анабхирад̇ияаа, абхиж̇жхаавинаязна гааяз абхууд̇аанам̣ субхасукабхааваад̣̇ийнам̣ багкзбасса, д̣̇оманассавинаязна гааяз бхууд̇аанам̣ асубхаасукабхааваад̣̇ийнам̣ абанаяанасса жа бахаанам̣ вуд̇д̇ам̣. д̇зна яог̇ааважарасса яог̇аанубхааво яог̇асамад̇т̇ад̇аа жа д̣̇ийбид̇аа ход̇и. яог̇аанубхааво хи зса, яад̣̇ид̣̇ам̣ анурод̇хавирод̇хавиббамуд̇д̇о арад̇ирад̇исахо абхууд̇абагкзбабхууд̇аабанаяанавирахид̇о жа ход̇и. анурод̇хавирод̇хавиббамуд̇д̇о жзса арад̇ирад̇исахо абхууд̇ам̣ абагкибанд̇о бхууд̇ан̃жа анабанаяанд̇о яог̇асамад̇т̇о ход̇ийд̇и.

    Visesena cettha abhijjhāvinayena kāyasampattimūlakassa anurodhassa, domanassavinayena kāyavipattimūlakassa virodhassa, abhijjhāvinayena ca kāye abhiratiyā, domanassavinayena kāyabhāvanāya anabhiratiyā, abhijjhāvinayena kāye abhūtānaṃ subhasukhabhāvādīnaṃ pakkhepassa, domanassavinayena kāye bhūtānaṃ asubhāsukhabhāvādīnaṃ apanayanassa ca pahānaṃ vuttaṃ. Tena yogāvacarassa yogānubhāvo yogasamatthatā ca dīpitā hoti. Yogānubhāvo hi esa, yadidaṃ anurodhavirodhavippamutto aratiratisaho abhūtapakkhepabhūtāpanayanavirahito ca hoti. Anurodhavirodhavippamutto cesa aratiratisaho abhūtaṃ apakkhipanto bhūtañca anapanayanto yogasamattho hotīti.

    абаро наяо ‘‘гааяз гааяаанубассий’’д̇и зд̇т̇а анубассанааяа гаммадтаанам̣ вуд̇д̇ам̣. ‘‘вихарад̇ий’’д̇и зд̇т̇а вуд̇д̇авихаарзна гаммадтаанигасса гааяабарихаран̣ам̣, ‘‘аад̇аабий’’д̇иаад̣̇ийсу бана аад̇аабзна саммаббад̇хаанам̣, сад̇исамбаж̇ан̃н̃зна саб̣б̣ад̇т̇агагаммадтаанам̣, гаммадтаанабарихаран̣уубааяо ваа. сад̇ияаа ваа гааяаанубассанаавасзна бадилад̣̇д̇хасамат̇о, самбаж̇ан̃н̃зна вибассанаа абхиж̇жхаад̣̇оманассавинаязна бхааванааб̣алам̣ вуд̇д̇анд̇и взд̣̇ид̇аб̣б̣ам̣.

    Aparo nayo ‘‘kāye kāyānupassī’’ti ettha anupassanāya kammaṭṭhānaṃ vuttaṃ. ‘‘Viharatī’’ti ettha vuttavihārena kammaṭṭhānikassa kāyapariharaṇaṃ, ‘‘ātāpī’’tiādīsu pana ātāpena sammappadhānaṃ, satisampajaññena sabbatthakakammaṭṭhānaṃ, kammaṭṭhānapariharaṇūpāyo vā. Satiyā vā kāyānupassanāvasena paṭiladdhasamatho, sampajaññena vipassanā abhijjhādomanassavinayena bhāvanābalaṃ vuttanti veditabbaṃ.

    вибхан̇г̇з бана анубассийд̇и д̇ад̇т̇а ‘‘гад̇амаа анубассанаа? яаа бан̃н̃аа баж̇аананаа вижаяо бавижаяо д̇хаммавижаяо саллагкан̣аа убалагкан̣аа бажжубалагкан̣аа бан̣д̣ижжам̣ госаллам̣ нзбун̃н̃ам̣ взбхаб̣яаа жинд̇аа убабаригкаа бхууриймзд̇хаа барин̣ааяигаа вибассанаа самбаж̇ан̃н̃ам̣ бад̇од̣̇о бан̃н̃аа бан̃н̃инд̣̇рияам̣ бан̃н̃ааб̣алам̣ бан̃н̃аасад̇т̇ам̣ бан̃н̃аабаасаад̣̇о бан̃н̃аааалого бан̃н̃ааобхаасо бан̃н̃аабаж̇ж̇од̇о бан̃н̃аарад̇анам̣ амохо д̇хаммавижаяо саммаад̣̇идти, аяам̣ вужжад̇и анубассанаа. имааяа анубассанааяа убзд̇о ход̇и самубзд̇о убаг̇ад̇о самубаг̇ад̇о убабанно саманнааг̇ад̇о, д̇зна вужжад̇и анубассийд̇и. вихарад̇ийд̇и ирияад̇и бавад̇д̇ад̇и баалзд̇и яабзд̇и яаабзд̇и жарад̇и вихарад̇и, д̇зна вужжад̇и вихарад̇ийд̇и. аад̇аабийд̇и д̇ад̇т̇а гад̇амам̣ аад̇аабам̣? яо жзд̇асиго вийрияаарамбхо нигаммо бараггамо уяяаамо вааяаамо уссаахо уссол̣хий т̇аамо д̇хид̇и асит̇илабараггамад̇аа анигкид̇д̇ад̣̇д̣̇анд̣̇ад̇аа анигкид̇д̇ад̇хурад̇аа д̇хурасамбаг̇г̇аахий вийрияам̣ вийрияинд̣̇рияам̣ вийрияаб̣алам̣ саммаавааяаамо, ид̣̇ам̣ вужжад̇и аад̇аабам̣. иминаа аад̇аабзна убзд̇о ход̇и…бз… саманнааг̇ад̇о , д̇зна вужжад̇и аад̇аабийд̇и. самбаж̇аанод̇и д̇ад̇т̇а гад̇амам̣ самбаж̇ан̃н̃ам̣? яаа бан̃н̃аа баж̇аананаа вижаяо бавижаяо д̇хаммавижаяо саллагкан̣аа убалагкан̣аа бажжубалагкан̣аа бан̣д̣ижжам̣ госаллам̣ нзбун̃н̃ам̣ взбхаб̣яаа жинд̇аа убабаригкаа бхууриймзд̇хаа барин̣ааяигаа вибассанаа самбаж̇ан̃н̃ам̣ бад̇од̣̇о бан̃н̃аа бан̃н̃инд̣̇рияам̣ бан̃н̃ааб̣алам̣ бан̃н̃аасад̇т̇ам̣ бан̃н̃аабаасаад̣̇о бан̃н̃аааалого бан̃н̃ааобхаасо бан̃н̃аабаж̇ж̇од̇о бан̃н̃аарад̇анам̣ амохо д̇хаммавижаяо саммаад̣̇идти, ид̣̇ам̣ вужжад̇и самбаж̇ан̃н̃ам̣. иминаа самбаж̇ан̃н̃зна убзд̇о ход̇и …бз… саманнааг̇ад̇о, д̇зна вужжад̇и самбаж̇аанод̇и. сад̇имаад̇и д̇ад̇т̇а гад̇амаа сад̇и? яаа сад̇и ануссад̇и бадиссад̇и сад̇и саран̣ад̇аа д̇хааран̣ад̇аа абилаабанад̇аа асаммусанад̇аа сад̇и сад̇инд̣̇рияам̣ сад̇иб̣алам̣ саммаасад̇и , аяам̣ вужжад̇и сад̇и. имааяа сад̇ияаа убзд̇о ход̇и…бз… саманнааг̇ад̇о, д̇зна вужжад̇и сад̇имаад̇и.

    Vibhaṅge pana anupassīti tattha ‘‘katamā anupassanā? Yā paññā pajānanā vicayo pavicayo dhammavicayo sallakkhaṇā upalakkhaṇā paccupalakkhaṇā paṇḍiccaṃ kosallaṃ nepuññaṃ vebhabyā cintā upaparikkhā bhūrīmedhā pariṇāyikā vipassanā sampajaññaṃ patodo paññā paññindriyaṃ paññābalaṃ paññāsatthaṃ paññāpāsādo paññāāloko paññāobhāso paññāpajjoto paññāratanaṃ amoho dhammavicayo sammādiṭṭhi, ayaṃ vuccati anupassanā. Imāya anupassanāya upeto hoti samupeto upagato samupagato upapanno samannāgato, tena vuccati anupassīti. Viharatīti iriyati pavattati pāleti yapeti yāpeti carati viharati, tena vuccati viharatīti. Ātāpīti tattha katamaṃ ātāpaṃ? Yo cetasiko vīriyārambho nikammo parakkamo uyyāmo vāyāmo ussāho ussoḷhī thāmo dhiti asithilaparakkamatā anikkhittaddandatā anikkhittadhuratā dhurasampaggāhī vīriyaṃ vīriyindriyaṃ vīriyabalaṃ sammāvāyāmo, idaṃ vuccati ātāpaṃ. Iminā ātāpena upeto hoti…pe… samannāgato , tena vuccati ātāpīti. Sampajānoti tattha katamaṃ sampajaññaṃ? Yā paññā pajānanā vicayo pavicayo dhammavicayo sallakkhaṇā upalakkhaṇā paccupalakkhaṇā paṇḍiccaṃ kosallaṃ nepuññaṃ vebhabyā cintā upaparikkhā bhūrīmedhā pariṇāyikā vipassanā sampajaññaṃ patodo paññā paññindriyaṃ paññābalaṃ paññāsatthaṃ paññāpāsādo paññāāloko paññāobhāso paññāpajjoto paññāratanaṃ amoho dhammavicayo sammādiṭṭhi, idaṃ vuccati sampajaññaṃ. Iminā sampajaññena upeto hoti …pe… samannāgato, tena vuccati sampajānoti. Satimāti tattha katamā sati? Yā sati anussati paṭissati sati saraṇatā dhāraṇatā apilāpanatā asammusanatā sati satindriyaṃ satibalaṃ sammāsati , ayaṃ vuccati sati. Imāya satiyā upeto hoti…pe… samannāgato, tena vuccati satimāti.

    винзяяа логз абхиж̇жхаад̣̇оманассанд̇и д̇ад̇т̇а гад̇амо лого? свзва гааяо лого. бан̃жаби убаад̣̇аанагканд̇хаа лого, аяам̣ вужжад̇и лого. д̇ад̇т̇а гад̇амаа абхиж̇жхаа? яо рааг̇о саарааг̇о анунаяо анурод̇хо нанд̣̇ий нанд̣̇ирааг̇о жид̇д̇асса саарааг̇о, аяам̣ вужжад̇и абхиж̇жхаа. д̇ад̇т̇а гад̇амам̣ д̣̇оманассам̣? яам̣ жзд̇асигам̣ асаад̇ам̣ жзд̇асигам̣ д̣̇угкам̣ жзд̇осампассаж̇аа асаад̇аа д̣̇угкаа взд̣̇анаа, ид̣̇ам̣ вужжад̇и д̣̇оманассам̣. ид̇и аяан̃жа абхиж̇жхаа, ид̣̇ан̃жа д̣̇оманассам̣ имамхи логз винийд̇аа хонд̇и бадивинийд̇аа санд̇аа самид̇аа вуубасамид̇аа ад̇т̇ан̇г̇ад̇аа аб̣бхад̇т̇ан̇г̇ад̇аа аббид̇аа б̣яаббид̇аа сосид̇аа висосид̇аа б̣яанд̇ийгад̇аа, д̇зна вужжад̇и винзяяа логз абхиж̇жхаад̣̇оманасса’’нд̇и (вибха. 357-362).

    Vineyya loke abhijjhādomanassanti tattha katamo loko? Sveva kāyo loko. Pañcapi upādānakkhandhā loko, ayaṃ vuccati loko. Tattha katamā abhijjhā? Yo rāgo sārāgo anunayo anurodho nandī nandirāgo cittassa sārāgo, ayaṃ vuccati abhijjhā. Tattha katamaṃ domanassaṃ? Yaṃ cetasikaṃ asātaṃ cetasikaṃ dukkhaṃ cetosamphassajā asātā dukkhā vedanā, idaṃ vuccati domanassaṃ. Iti ayañca abhijjhā, idañca domanassaṃ imamhi loke vinītā honti paṭivinītā santā samitā vūpasamitā atthaṅgatā abbhatthaṅgatā appitā byappitā sositā visositā byantīkatā, tena vuccati vineyya loke abhijjhādomanassa’’nti (vibha. 357-362).

    звамзд̇зсам̣ бад̣̇аанам̣ ад̇т̇о вуд̇д̇о. д̇зна саха аяам̣ адтагат̇аанаяо яат̇аа сам̣санд̣̇ад̇и, звам̣ взд̣̇ид̇аб̣б̣о. аяам̣ д̇аава гааяаанубассанаасад̇ибадтаануд̣̇д̣̇зсасса ад̇т̇аван̣н̣анаа.

    Evametesaṃ padānaṃ attho vutto. Tena saha ayaṃ aṭṭhakathānayo yathā saṃsandati, evaṃ veditabbo. Ayaṃ tāva kāyānupassanāsatipaṭṭhānuddesassa atthavaṇṇanā.

    ид̣̇аани взд̣̇анаасу. жид̇д̇з. д̇хаммзсу д̇хаммаанубассий вихарад̇и…бз… винзяяа логз абхиж̇жхаад̣̇оманассанд̇и зд̇т̇а взд̣̇анаасу взд̣̇анаанубассийд̇и звамаад̣̇ийсу взд̣̇анаад̣̇ийнам̣ буна важанз баяож̇анам̣ гааяаанубассанааяам̣ вуд̇д̇анаязнзва взд̣̇ид̇аб̣б̣ам̣. взд̣̇анаасу взд̣̇анаанубассий. жид̇д̇з жид̇д̇аанубассий. д̇хаммзсу д̇хаммаанубассийд̇и зд̇т̇а бана взд̣̇анаад̇и д̇иссо взд̣̇анаа, д̇аа жа логияаа зва. жид̇д̇амби логияам̣, д̇ат̇аа д̇хаммаа. д̇зсам̣ вибхааг̇о нид̣̇д̣̇зсаваарз баагадо бхависсад̇и. гзвалам̣ банид̇ха яат̇аа взд̣̇анаа анубассид̇аб̣б̣аа, д̇ат̇аа д̇аа анубассанд̇о ‘‘взд̣̇анаасу взд̣̇анаанубассий’’д̇и взд̣̇ид̇аб̣б̣о. зса наяо жид̇д̇ад̇хаммзсуби. гат̇ан̃жа взд̣̇анаа анубассид̇аб̣б̣аад̇и? сукаа д̇аава взд̣̇анаа д̣̇угкад̇о, д̣̇угкаа саллад̇о, ад̣̇угкамасукаа анижжад̇о. яат̇ааха –

    Idāni vedanāsu. Citte. Dhammesu dhammānupassī viharati…pe… vineyya loke abhijjhādomanassanti ettha vedanāsu vedanānupassīti evamādīsu vedanādīnaṃ puna vacane payojanaṃ kāyānupassanāyaṃ vuttanayeneva veditabbaṃ. Vedanāsu vedanānupassī. Citte cittānupassī. Dhammesu dhammānupassīti ettha pana vedanāti tisso vedanā, tā ca lokiyā eva. Cittampi lokiyaṃ, tathā dhammā. Tesaṃ vibhāgo niddesavāre pākaṭo bhavissati. Kevalaṃ panidha yathā vedanā anupassitabbā, tathā tā anupassanto ‘‘vedanāsu vedanānupassī’’ti veditabbo. Esa nayo cittadhammesupi. Kathañca vedanā anupassitabbāti? Sukhā tāva vedanā dukkhato, dukkhā sallato, adukkhamasukhā aniccato. Yathāha –

    ‘‘яо сукам̣ д̣̇угкад̇о ад̣̇д̣̇а, д̣̇угкамад̣̇д̣̇агки саллад̇о;

    ‘‘Yo sukhaṃ dukkhato adda, dukkhamaddakkhi sallato;

    ад̣̇угкамасукам̣ санд̇ам̣, ад̣̇д̣̇агки нам̣ анижжад̇о;

    Adukkhamasukhaṃ santaṃ, addakkhi naṃ aniccato;

    са вз саммад̣̇д̣̇асо бхигку, убасанд̇о жариссад̇ий’’д̇и. (сам̣. ни. 4.253);

    Sa ve sammaddaso bhikkhu, upasanto carissatī’’ti. (saṃ. ni. 4.253);

    саб̣б̣аа зва жзд̇аа ‘‘д̣̇угкаа’’д̇иби анубассид̇аб̣б̣аа. вуд̇д̇ан̃хзд̇ам̣ – ‘‘яам̣ гин̃жи взд̣̇аяид̇ам̣, д̇ам̣ д̣̇угкасминд̇и вад̣̇аамий’’д̇и (сам̣. ни. 4.259). сукад̣̇угкад̇оби жа анубассид̇аб̣б̣аа. яат̇ааха ‘‘сукаа взд̣̇анаа тид̇исукаа вибарин̣аамад̣̇угкаа’’д̇и (ма. ни. 1.465) саб̣б̣ам̣ вид̇т̇аарзд̇аб̣б̣ам̣. абижа анижжаад̣̇исад̇д̇аанубассанаавасзнаби анубассид̇аб̣б̣аа. сзсам̣ нид̣̇д̣̇зсаваарзязва баагадам̣ бхависсад̇и.

    Sabbā eva cetā ‘‘dukkhā’’tipi anupassitabbā. Vuttañhetaṃ – ‘‘yaṃ kiñci vedayitaṃ, taṃ dukkhasminti vadāmī’’ti (saṃ. ni. 4.259). Sukhadukkhatopi ca anupassitabbā. Yathāha ‘‘sukhā vedanā ṭhitisukhā vipariṇāmadukkhā’’ti (ma. ni. 1.465) sabbaṃ vitthāretabbaṃ. Apica aniccādisattaanupassanāvasenapi anupassitabbā. Sesaṃ niddesavāreyeva pākaṭaṃ bhavissati.

    жид̇д̇ад̇хаммзсуби жид̇д̇ам̣ д̇аава аарамман̣аад̇хибад̇исахаж̇аад̇абхуумигаммавибаагагирияаад̣̇инаанад̇д̇абхзд̣̇аанам̣ анижжаад̣̇ианубассанаанам̣ нид̣̇д̣̇зсаваарз ааг̇ад̇асарааг̇аад̣̇ибхзд̣̇аанан̃жа васзна анубассид̇аб̣б̣ам̣. д̇хаммаа салагкан̣асааман̃н̃алагкан̣аанам̣ сун̃н̃ад̇ад̇хаммасса анижжаад̣̇исад̇д̇аанубассанаанам̣ нид̣̇д̣̇зсаваарз ааг̇ад̇асанд̇аад̣̇ибхзд̣̇аанан̃жа васзна анубассид̇аб̣б̣аа. сзсам̣ вуд̇д̇анаяамзва. гааман̃жзд̇т̇а яасса гааяасан̇каад̇з логз абхиж̇жхаад̣̇оманассам̣ бахийнам̣, д̇асса взд̣̇анаад̣̇ийсуби д̇ам̣ бахийнамзва. наанаабуг̇г̇алавасзна бана наанаажид̇д̇агкан̣игасад̇ибадтаанабхааванаавасзна жа саб̣б̣ад̇т̇а вуд̇д̇ам̣. яад̇о ваа згад̇т̇а бахийнам̣ сзсзсуби бахийнам̣ ход̇и, д̇знзвасса д̇ад̇т̇а бахаанад̣̇ассанад̇т̇амби зд̇ам̣ вуд̇д̇анд̇и взд̣̇ид̇аб̣б̣анд̇и.

    Cittadhammesupi cittaṃ tāva ārammaṇādhipatisahajātabhūmikammavipākakiriyādinānattabhedānaṃ aniccādianupassanānaṃ niddesavāre āgatasarāgādibhedānañca vasena anupassitabbaṃ. Dhammā salakkhaṇasāmaññalakkhaṇānaṃ suññatadhammassa aniccādisattānupassanānaṃ niddesavāre āgatasantādibhedānañca vasena anupassitabbā. Sesaṃ vuttanayameva. Kāmañcettha yassa kāyasaṅkhāte loke abhijjhādomanassaṃ pahīnaṃ, tassa vedanādīsupi taṃ pahīnameva. Nānāpuggalavasena pana nānācittakkhaṇikasatipaṭṭhānabhāvanāvasena ca sabbattha vuttaṃ. Yato vā ekattha pahīnaṃ sesesupi pahīnaṃ hoti, tenevassa tattha pahānadassanatthampi etaṃ vuttanti veditabbanti.

    уд̣̇д̣̇зсаваарагат̇аа нидтид̇аа.

    Uddesavārakathā niṭṭhitā.

    гааяаанубассанаа аанаабаанабаб̣б̣аван̣н̣анаа

    Kāyānupassanā ānāpānapabbavaṇṇanā

    374. ид̣̇аани сзяяат̇ааби наама чзго вилийвагаараго т̇уулагилан̃ж̇асан̣хагилан̃ж̇ажан̇годагабзл̣аабудаад̣̇ийни убагаран̣аани гад̇д̇угаамо згам̣ махаавзн̣ум̣ лабхид̇ваа жад̇уд̇хаа бхинд̣̇ид̇ваа д̇ад̇о згзгам̣ взн̣укан̣д̣ам̣ г̇ахзд̇ваа паалзд̇ваа д̇ам̣ д̇ам̣ убагаран̣ам̣ гарзяяа, звамзва бхаг̇аваа сад̇ибадтаанад̣̇зсанааяа сад̇д̇аанам̣ анзгаббагаарам̣ висзсаад̇хиг̇амам̣ гад̇д̇угаамо згамзва саммаасад̇им̣ ‘‘жад̇д̇ааро сад̇ибадтаанаа. гад̇амз жад̇д̇ааро? ид̇ха, бхигкавз, бхигку гааяз гааяаанубассий вихарад̇ий’’д̇иаад̣̇инаа наязна аарамман̣авасзна жад̇уд̇хаа бхинд̣̇ид̇ваа д̇ад̇о згзгам̣ сад̇ибадтаанам̣ г̇ахзд̇ваа гааяам̣ вибхаж̇анд̇о ‘‘гат̇ан̃жа бхигкавз’’д̇иаад̣̇инаа наязна нид̣̇д̣̇зсаваарам̣ вад̇д̇умаарад̣̇д̇хо.

    374. Idāni seyyathāpi nāma cheko vilīvakārako thūlakilañjasaṇhakilañjacaṅkoṭakapeḷāpuṭādīni upakaraṇāni kattukāmo ekaṃ mahāveṇuṃ labhitvā catudhā bhinditvā tato ekekaṃ veṇukhaṇḍaṃ gahetvā phāletvā taṃ taṃ upakaraṇaṃ kareyya, evameva bhagavā satipaṭṭhānadesanāya sattānaṃ anekappakāraṃ visesādhigamaṃ kattukāmo ekameva sammāsatiṃ ‘‘cattāro satipaṭṭhānā. Katame cattāro? Idha, bhikkhave, bhikkhu kāye kāyānupassī viharatī’’tiādinā nayena ārammaṇavasena catudhā bhinditvā tato ekekaṃ satipaṭṭhānaṃ gahetvā kāyaṃ vibhajanto ‘‘kathañca bhikkhave’’tiādinā nayena niddesavāraṃ vattumāraddho.

    д̇ад̇т̇а гат̇ан̃жаад̇иаад̣̇и вид̇т̇аарзд̇угамяад̇аабужчаа. аяам̣ банзд̇т̇а сан̇кзбад̇т̇о – бхигкавз, гзна жа багаарзна бхигку гааяз гааяаанубассий вихарад̇ийд̇и? зса наяо саб̣б̣абужчааваарзсу. ид̇ха бхигкавз бхигкууд̇и бхигкавз имасмим̣ саасанз бхигку. аяан̃хзд̇т̇а ид̇хасад̣̇д̣̇о саб̣б̣аббагаарагааяаанубассанааниб̣б̣ад̇д̇агасса буг̇г̇аласса санниссаяабхууд̇асаасанабарид̣̇ийбано ан̃н̃асаасанасса д̇ат̇аабхаавабадисзд̇хано жа. вуд̇д̇ан̃хзд̇ам̣ ‘‘ид̇хзва бхигкавз, саман̣о…бз… сун̃н̃аа бараббаваад̣̇аа саман̣збхи ан̃н̃зхий’’д̇и (ма. ни. 1.139). д̇зна вуд̇д̇ам̣ ‘‘имасмим̣ саасанз бхигкуу’’д̇и.

    Tattha kathañcātiādi vitthāretukamyatāpucchā. Ayaṃ panettha saṅkhepattho – bhikkhave, kena ca pakārena bhikkhu kāye kāyānupassī viharatīti? Esa nayo sabbapucchāvāresu. Idha bhikkhave bhikkhūti bhikkhave imasmiṃ sāsane bhikkhu. Ayañhettha idhasaddo sabbappakārakāyānupassanānibbattakassa puggalassa sannissayabhūtasāsanaparidīpano aññasāsanassa tathābhāvapaṭisedhano ca. Vuttañhetaṃ ‘‘idheva bhikkhave, samaṇo…pe… suññā parappavādā samaṇebhi aññehī’’ti (ma. ni. 1.139). Tena vuttaṃ ‘‘imasmiṃ sāsane bhikkhū’’ti.

    аран̃н̃аг̇ад̇о ваа ругкамуулаг̇ад̇о ваа сун̃н̃ааг̇аараг̇ад̇о ваад̇и ид̣̇амасса сад̇ибадтаанабхааванаануруубасзнаасанабариг̇г̇ахабарид̣̇ийбанам̣. имасса хи бхигкуно д̣̇ийгхарад̇д̇ам̣ руубаад̣̇ийсу аарамман̣зсу анувисадам̣ жид̇д̇ам̣ гаммадтаанавийт̇им̣ од̇арид̇ум̣ на ижчад̇и, гуудаг̇он̣аяуд̇д̇арат̇о вияа уббат̇амзва д̇хаавад̇и. д̇асмаа сзяяат̇ааби наама г̇обо гуудад̇хзнуяаа саб̣б̣ам̣ кийрам̣ бивид̇ваа вад̣дхид̇ам̣ гуудаважчам̣ д̣̇амзд̇угаамо д̇хзнуд̇о абанзд̇ваа згаманд̇з маханд̇ам̣ т̇амбхам̣ никан̣ид̇ваа д̇ад̇т̇а яод̇д̇зна б̣анд̇хзяяа. ат̇асса со важчо ид̇о жид̇о жа вибпанд̣̇ид̇ваа балааяид̇ум̣ асаггонд̇о д̇амзва т̇амбхам̣ убанисийд̣̇зяяа ваа убанибаж̇ж̇зяяа ваа, звамзва иминааби бхигкунаа д̣̇ийгхарад̇д̇ам̣ руубаарамман̣аад̣̇ирасабаанавад̣дхид̇ам̣ д̣̇удтажид̇д̇ам̣ д̣̇амзд̇угаамзна руубаад̣̇иаарамман̣ад̇о абанзд̇ваа аран̃н̃ам̣ ваа ругкамуулам̣ ваа сун̃н̃ааг̇аарам̣ ваа бависид̇ваа д̇ад̇т̇а сад̇ибадтаанаарамман̣ад̇т̇амбхз сад̇ияод̇д̇зна б̣анд̇хид̇аб̣б̣ам̣. звамасса д̇ам̣ жид̇д̇ам̣ ид̇о жид̇о жа вибпанд̣̇ид̇вааби буб̣б̣з аажин̣н̣аарамман̣ам̣ алабхамаанам̣ сад̇ияод̇д̇ам̣ чинд̣̇ид̇ваа балааяид̇ум̣ асаггонд̇ам̣ д̇амзваарамман̣ам̣ убажаараббанаавасзна убанисийд̣̇ад̇и жзва убанибаж̇ж̇ад̇и жа. д̇знааху бораан̣аа –

    Araññagato vā rukkhamūlagato vā suññāgāragato vāti idamassa satipaṭṭhānabhāvanānurūpasenāsanapariggahaparidīpanaṃ. Imassa hi bhikkhuno dīgharattaṃ rūpādīsu ārammaṇesu anuvisaṭaṃ cittaṃ kammaṭṭhānavīthiṃ otarituṃ na icchati, kūṭagoṇayuttaratho viya uppathameva dhāvati. Tasmā seyyathāpi nāma gopo kūṭadhenuyā sabbaṃ khīraṃ pivitvā vaḍḍhitaṃ kūṭavacchaṃ dametukāmo dhenuto apanetvā ekamante mahantaṃ thambhaṃ nikhaṇitvā tattha yottena bandheyya. Athassa so vaccho ito cito ca vipphanditvā palāyituṃ asakkonto tameva thambhaṃ upanisīdeyya vā upanipajjeyya vā, evameva imināpi bhikkhunā dīgharattaṃ rūpārammaṇādirasapānavaḍḍhitaṃ duṭṭhacittaṃ dametukāmena rūpādiārammaṇato apanetvā araññaṃ vā rukkhamūlaṃ vā suññāgāraṃ vā pavisitvā tattha satipaṭṭhānārammaṇatthambhe satiyottena bandhitabbaṃ. Evamassa taṃ cittaṃ ito cito ca vipphanditvāpi pubbe āciṇṇārammaṇaṃ alabhamānaṃ satiyottaṃ chinditvā palāyituṃ asakkontaṃ tamevārammaṇaṃ upacārappanāvasena upanisīdati ceva upanipajjati ca. Tenāhu porāṇā –

    ‘‘яат̇аа т̇амбхз ниб̣анд̇хзяяа, важчам̣ д̣̇амам̣ наро ид̇ха;

    ‘‘Yathā thambhe nibandheyya, vacchaṃ damaṃ naro idha;

    б̣анд̇хзяязвам̣ сагам̣ жид̇д̇ам̣, сад̇ияаарамман̣з д̣̇ал̣ха’’нд̇и.

    Bandheyyevaṃ sakaṃ cittaṃ, satiyārammaṇe daḷha’’nti.

    звамассзд̇ам̣ сзнаасанам̣ бхааванаануруубам̣ ход̇и. д̇зна вуд̇д̇ам̣ ‘‘ид̣̇амасса сад̇ибадтаанабхааванаануруубасзнаасанабариг̇г̇ахабарид̣̇ийбана’’нд̇и.

    Evamassetaṃ senāsanaṃ bhāvanānurūpaṃ hoti. Tena vuttaṃ ‘‘idamassa satipaṭṭhānabhāvanānurūpasenāsanapariggahaparidīpana’’nti.

    абижа яасмаа ид̣̇ам̣ гааяаанубассанааяа муд̣̇д̇хабхууд̇ам̣ саб̣б̣аб̣уд̣̇д̇хабажжзгаб̣уд̣̇д̇хасаавагаанам̣ висзсаад̇хиг̇амад̣̇идтад̇хаммасукавихаарабад̣̇адтаанам̣ аанаабаанассад̇игаммадтаанам̣ ид̇т̇ибурисахад̇т̇иассаад̣̇исад̣̇д̣̇асамаагулам̣ г̇ааманд̇ам̣ абарижжаж̇ид̇ваа на сугарам̣ самбаад̣̇зд̇ум̣, сад̣̇д̣̇аган̣д̣агад̇д̇аа жхаанасса. аг̇аамагз бана аран̃н̃з сугарам̣ яог̇ааважарзна ид̣̇ам̣ гаммадтаанам̣ бариг̇г̇ахзд̇ваа аанаабаанажад̇уд̇т̇аж̇жхаанам̣ ниб̣б̣ад̇д̇зд̇ваа д̇ад̣̇зва жхаанам̣ баад̣̇агам̣ гад̇ваа сан̇каарз саммасид̇ваа аг̇г̇апалам̣ арахад̇д̇ам̣ баабун̣ид̇ум̣, д̇асмаасса ануруубасзнаасанам̣ д̣̇ассзнд̇о бхаг̇аваа, ‘‘аран̃н̃аг̇ад̇о ваа’’д̇иаад̣̇имааха.

    Apica yasmā idaṃ kāyānupassanāya muddhabhūtaṃ sabbabuddhapaccekabuddhasāvakānaṃ visesādhigamadiṭṭhadhammasukhavihārapadaṭṭhānaṃ ānāpānassatikammaṭṭhānaṃ itthipurisahatthiassādisaddasamākulaṃ gāmantaṃ apariccajitvā na sukaraṃ sampādetuṃ, saddakaṇḍakattā jhānassa. Agāmake pana araññe sukaraṃ yogāvacarena idaṃ kammaṭṭhānaṃ pariggahetvā ānāpānacatutthajjhānaṃ nibbattetvā tadeva jhānaṃ pādakaṃ katvā saṅkhāre sammasitvā aggaphalaṃ arahattaṃ pāpuṇituṃ, tasmāssa anurūpasenāsanaṃ dassento bhagavā, ‘‘araññagato vā’’tiādimāha.

    вад̇т̇увиж̇ж̇аажарияо вияа хи бхаг̇аваа. со яат̇аа вад̇т̇увиж̇ж̇аажарияо наг̇арабхуумим̣ бассид̇ваа судту убабаригкид̇ваа ‘‘зд̇т̇а наг̇арам̣ маабзт̇аа’’д̇и убад̣̇исад̇и, сод̇т̇инаа жа наг̇арз нидтид̇з рааж̇агулад̇о махаасаггаарам̣ лабхад̇и, звамзва яог̇ааважарасса ануруубасзнаасанам̣ убабаригкид̇ваа ‘‘зд̇т̇а гаммадтаанамануяун̃ж̇ид̇аб̣б̣а’’нд̇и убад̣̇исад̇и, д̇ад̇о д̇ад̇т̇а гаммадтаанамануяун̃ж̇анд̇зна яог̇инаа ануггамзна арахад̇д̇з бад̇д̇з ‘‘саммаасамб̣уд̣̇д̇хо вад̇а со бхаг̇аваа’’д̇и маханд̇ам̣ саггаарам̣ лабхад̇и.

    Vatthuvijjācariyo viya hi bhagavā. So yathā vatthuvijjācariyo nagarabhūmiṃ passitvā suṭṭhu upaparikkhitvā ‘‘ettha nagaraṃ māpethā’’ti upadisati, sotthinā ca nagare niṭṭhite rājakulato mahāsakkāraṃ labhati, evameva yogāvacarassa anurūpasenāsanaṃ upaparikkhitvā ‘‘ettha kammaṭṭhānamanuyuñjitabba’’nti upadisati, tato tattha kammaṭṭhānamanuyuñjantena yoginā anukkamena arahatte patte ‘‘sammāsambuddho vata so bhagavā’’ti mahantaṃ sakkāraṃ labhati.

    аяам̣ бана бхигку д̣̇ийбисад̣̇исод̇и вужжад̇и. яат̇аа хи махаад̣̇ийбирааж̇аа аран̃н̃з д̇ин̣аг̇аханам̣ ваа ванаг̇аханам̣ ваа баб̣б̣ад̇аг̇аханам̣ ваа ниссааяа нилийяид̇ваа ванамахим̣саг̇оган̣н̣асуугараад̣̇аяо миг̇з г̇ан̣хаад̇и, звамзва аяам̣ аран̃н̃аад̣̇ийсу гаммадтаанам̣ ануяун̃ж̇анд̇о бхигку яат̇ааггамзна жад̇д̇ааро маг̇г̇з жзва жад̇д̇аари арияапалаани жа г̇ан̣хаад̇и. д̇знааху бораан̣аа –

    Ayaṃ pana bhikkhu dīpisadisoti vuccati. Yathā hi mahādīpirājā araññe tiṇagahanaṃ vā vanagahanaṃ vā pabbatagahanaṃ vā nissāya nilīyitvā vanamahiṃsagokaṇṇasūkarādayo mige gaṇhāti, evameva ayaṃ araññādīsu kammaṭṭhānaṃ anuyuñjanto bhikkhu yathākkamena cattāro magge ceva cattāri ariyaphalāni ca gaṇhāti. Tenāhu porāṇā –

    ‘‘яат̇ааби д̣̇ийбиго наама, нилийяид̇ваа г̇ан̣хад̇ий миг̇з;

    ‘‘Yathāpi dīpiko nāma, nilīyitvā gaṇhatī mige;

    д̇ат̇звааяам̣ б̣уд̣̇д̇хабуд̇д̇о, яуд̇д̇аяог̇о вибассаго;

    Tathevāyaṃ buddhaputto, yuttayogo vipassako;

    аран̃н̃ам̣ бависид̇ваана, г̇ан̣хаад̇и паламуд̇д̇ама’’нд̇и.

    Araññaṃ pavisitvāna, gaṇhāti phalamuttama’’nti.

    д̇знасса бараггамаж̇аваяог̇г̇абхуумим̣ аран̃н̃асзнаасанам̣ д̣̇ассзнд̇о бхаг̇аваа ‘‘аран̃н̃аг̇ад̇о ваа’’д̇иаад̣̇имааха. ид̇о барам̣ имасмим̣ аанаабаанабаб̣б̣з яам̣ вад̇д̇авб̣ам̣ сияаа, д̇ам̣ висуд̣̇д̇химаг̇г̇з вуд̇д̇амзва. сзяяат̇ааби, бхигкавз, д̣̇агко бхамагааро ваад̇и ид̣̇ан̃хи убамаамад̇д̇амзва ид̇и аж̇жхад̇д̇ам̣ ваа гааязд̇и ид̣̇ам̣ аббанаамад̇д̇амзва жа д̇ад̇т̇а анааг̇ад̇ам̣, сзсам̣ ааг̇ад̇амзва.

    Tenassa parakkamajavayoggabhūmiṃ araññasenāsanaṃ dassento bhagavā ‘‘araññagato vā’’tiādimāha. Ito paraṃ imasmiṃ ānāpānapabbe yaṃ vattavbaṃ siyā, taṃ visuddhimagge vuttameva. Seyyathāpi, bhikkhave, dakkho bhamakāro vāti idañhi upamāmattameva iti ajjhattaṃ vā kāyeti idaṃ appanāmattameva ca tattha anāgataṃ, sesaṃ āgatameva.

    яам̣ бана анааг̇ад̇ам̣, д̇ад̇т̇а д̣̇агкод̇и чзго. д̣̇ийгхам̣ ваа ан̃чанд̇од̇и маханд̇аанам̣ бхзрийбогкараад̣̇ийнам̣ ликанагаалз хад̇т̇з жа баад̣̇з жа басаарзд̇ваа д̣̇ийгхам̣ гад̣дханд̇о. рассам̣ ваа ан̃чанд̇од̇и куд̣̇д̣̇агаанам̣ д̣̇анд̇асууживзд̇хагаад̣̇ийнам̣ ликанагаалз манд̣̇аманд̣̇ам̣ рассам̣ гад̣дханд̇о. звамзва код̇и звам̣ аяамби бхигку ад̣̇д̇хаанавасзна ид̇д̇аравасзна жа бавад̇д̇аанам̣ ассаасабассаасаанам̣ васзна д̣̇ийгхам̣ ваа ассасанд̇о д̣̇ийгхам̣ ассасаамийд̇и баж̇аанаад̇и…бз… бассасиссаамийд̇и сигкад̇ийд̇и. д̇ассзвам̣ сигкад̇о ассаасабассаасанимид̇д̇з жад̇д̇аари жхаанаани уббаж̇ж̇анд̇и, со жхаанаа вудтахид̇ваа ассаасабассаасз ваа бариг̇г̇ан̣хаад̇и жхаанан̇г̇аани ваа.

    Yaṃ pana anāgataṃ, tattha dakkhoti cheko. Dīghaṃ vā añchantoti mahantānaṃ bherīpokkharādīnaṃ likhanakāle hatthe ca pāde ca pasāretvā dīghaṃ kaḍḍhanto. Rassaṃ vā añchantoti khuddakānaṃ dantasūcivedhakādīnaṃ likhanakāle mandamandaṃ rassaṃ kaḍḍhanto. Evameva khoti evaṃ ayampi bhikkhu addhānavasena ittaravasena ca pavattānaṃ assāsapassāsānaṃ vasena dīghaṃ vā assasanto dīghaṃ assasāmīti pajānāti…pe… passasissāmīti sikkhatīti. Tassevaṃ sikkhato assāsapassāsanimitte cattāri jhānāni uppajjanti, so jhānā vuṭṭhahitvā assāsapassāse vā pariggaṇhāti jhānaṅgāni vā.

    д̇ад̇т̇а ассаасабассаасагаммиго ‘‘имз ассаасабассаасаа гим̣ ниссид̇аа? вад̇т̇униссид̇аа. вад̇т̇у наама гараж̇агааяо, гараж̇агааяо наама жад̇д̇аари махаабхууд̇аани убаад̣̇ааруубан̃жз’’д̇и звам̣ руубам̣ бариг̇г̇ан̣хаад̇и. д̇ад̇о д̇ад̣̇аарамман̣з пассабан̃жамагз нааманд̇и. звам̣ наамаруубам̣ бариг̇г̇ахзд̇ваа д̇асса бажжаяам̣ бариязсанд̇о авиж̇ж̇аад̣̇ибадижжасамуббаад̣̇ам̣ д̣̇исваа ‘‘бажжаяабажжаяуббаннад̇хаммамад̇д̇амзвзд̇ам̣, ан̃н̃о сад̇д̇о ваа буг̇г̇ало ваа над̇т̇ий’’д̇и вид̇ин̣н̣аган̇ко саббажжаяанаамаруубз д̇илагкан̣ам̣ ааробзд̇ваа вибассанам̣ вад̣дхзнд̇о ануггамзна арахад̇д̇ам̣ баабун̣аад̇и. ид̣̇ам̣ згасса бхигкуно яаава арахад̇д̇аа нияяаанамукам̣.

    Tattha assāsapassāsakammiko ‘‘ime assāsapassāsā kiṃ nissitā? Vatthunissitā. Vatthu nāma karajakāyo, karajakāyo nāma cattāri mahābhūtāni upādārūpañce’’ti evaṃ rūpaṃ pariggaṇhāti. Tato tadārammaṇe phassapañcamake nāmanti. Evaṃ nāmarūpaṃ pariggahetvā tassa paccayaṃ pariyesanto avijjādipaṭiccasamuppādaṃ disvā ‘‘paccayapaccayuppannadhammamattamevetaṃ, añño satto vā puggalo vā natthī’’ti vitiṇṇakaṅkho sappaccayanāmarūpe tilakkhaṇaṃ āropetvā vipassanaṃ vaḍḍhento anukkamena arahattaṃ pāpuṇāti. Idaṃ ekassa bhikkhuno yāva arahattā niyyānamukhaṃ.

    жхаанагаммигоби ‘‘имаани жхаанан̇г̇аани гим̣ ниссид̇аани, вад̇т̇униссид̇аани, вад̇т̇у наама гараж̇агааяо жхаанан̇г̇аани наамам̣, гараж̇агааяо рууба’’нд̇и наамаруубам̣ вавад̇т̇абзд̇ваа д̇асса бажжаяам̣ бариязсанд̇о авиж̇ж̇аад̣̇ибажжаяаагаарам̣ д̣̇исваа ‘‘бажжаяабажжаяуббаннад̇хаммамад̇д̇амзвзд̇ам̣, ан̃н̃о сад̇д̇о ваа буг̇г̇ало ваа над̇т̇ий’’д̇и вид̇ин̣н̣аган̇ко саббажжаяанаамаруубз д̇илагкан̣ам̣ ааробзд̇ваа вибассанам̣ вад̣дхзнд̇о ануггамзна арахад̇д̇ам̣ баабун̣аад̇и. ид̣̇амзгасса бхигкуно яаава арахад̇д̇аа нияяаанамукам̣.

    Jhānakammikopi ‘‘imāni jhānaṅgāni kiṃ nissitāni, vatthunissitāni, vatthu nāma karajakāyo jhānaṅgāni nāmaṃ, karajakāyo rūpa’’nti nāmarūpaṃ vavatthapetvā tassa paccayaṃ pariyesanto avijjādipaccayākāraṃ disvā ‘‘paccayapaccayuppannadhammamattamevetaṃ, añño satto vā puggalo vā natthī’’ti vitiṇṇakaṅkho sappaccayanāmarūpe tilakkhaṇaṃ āropetvā vipassanaṃ vaḍḍhento anukkamena arahattaṃ pāpuṇāti. Idamekassa bhikkhuno yāva arahattā niyyānamukhaṃ.

    ид̇и аж̇жхад̇д̇ам̣ ваад̇и звам̣ ад̇д̇ано ваа ассаасабассаасагааяз гааяаанубассий вихарад̇и. б̣ахид̣̇д̇хаа ваад̇и барасса ваа ассаасабассаасагааяз. аж̇жхад̇д̇аб̣ахид̣̇д̇хаа ваад̇и гаалзна ад̇д̇ано, гаалзна барасса ассаасабассаасагааяз. зд̇знасса баг̇ун̣агаммадтаанам̣ адтабзд̇ваа абараабарам̣ сан̃жаран̣агаало гат̇ид̇о. згасмим̣ гаалз банид̣̇ам̣ убхаяам̣ на лаб̣бхад̇и.

    Iti ajjhattaṃ vāti evaṃ attano vā assāsapassāsakāye kāyānupassī viharati. Bahiddhā vāti parassa vā assāsapassāsakāye. Ajjhattabahiddhā vāti kālena attano, kālena parassa assāsapassāsakāye. Etenassa paguṇakammaṭṭhānaṃ aṭṭhapetvā aparāparaṃ sañcaraṇakālo kathito. Ekasmiṃ kāle panidaṃ ubhayaṃ na labbhati.

    самуд̣̇аяад̇хаммаанубассий ваад̇и яат̇аа наама гаммаарасса бхасд̇ан̃жа г̇аг̇г̇аранаал̣ин̃жа д̇аж̇ж̇ан̃жа вааяаамам̣ бадижжа ваад̇о абараабарам̣ сан̃жарад̇и, звам̣ бхигкуно гараж̇агааяан̃жа наасабудан̃жа жид̇д̇ан̃жа бадижжа ассаасабассаасагааяо абараабарам̣ сан̃жарад̇и. гааяаад̣̇аяо д̇хаммаа самуд̣̇аяад̇хаммаа, д̇з бассанд̇о ‘‘самуд̣̇аяад̇хаммаанубассий ваа гааяасмим̣ вихарад̇ий’’д̇и вужжад̇и. ваяад̇хаммаанубассий ваад̇и яат̇аа бхасд̇ааяа абанийд̇ааяа г̇аг̇г̇аранаал̣ияаа бхиннааяа д̇аж̇ж̇з жа вааяаамз асад̇и со ваад̇о наббавад̇д̇ад̇и, звамзва гааяз бхиннз наасабудз вид̣̇д̇хасд̇з жид̇д̇з жа нируд̣̇д̇хз ассаасабассаасагааяо наама наббавад̇д̇ад̇ийд̇и гааяаад̣̇инирод̇хаа ассаасабассаасанирод̇ход̇и звам̣ бассанд̇о ‘‘ваяад̇хаммаанубассий ваа гааяасмим̣ вихарад̇ий’’д̇и вужжад̇и. самуд̣̇аяаваяад̇хаммаанубассий ваад̇и гаалзна самуд̣̇аяам̣ гаалзна ваяам̣ анубассанд̇о. ад̇т̇и гааяод̇и ваа банассаад̇и гааяова ад̇т̇и, на сад̇д̇о, на буг̇г̇ало, на ид̇т̇ий, на бурисо, на ад̇д̇аа, на ад̇д̇анияам̣, наахам̣, на мама, на гожи, на гассажийд̇и звамасса сад̇и бажжубадтид̇аа ход̇и.

    Samudayadhammānupassīvāti yathā nāma kammārassa bhastañca gaggaranāḷiñca tajjañca vāyāmaṃ paṭicca vāto aparāparaṃ sañcarati, evaṃ bhikkhuno karajakāyañca nāsapuṭañca cittañca paṭicca assāsapassāsakāyo aparāparaṃ sañcarati. Kāyādayo dhammā samudayadhammā, te passanto ‘‘samudayadhammānupassī vā kāyasmiṃ viharatī’’ti vuccati. Vayadhammānupassī vāti yathā bhastāya apanītāya gaggaranāḷiyā bhinnāya tajje ca vāyāme asati so vāto nappavattati, evameva kāye bhinne nāsapuṭe viddhaste citte ca niruddhe assāsapassāsakāyo nāma nappavattatīti kāyādinirodhā assāsapassāsanirodhoti evaṃ passanto ‘‘vayadhammānupassī vā kāyasmiṃ viharatī’’ti vuccati. Samudayavayadhammānupassī vāti kālena samudayaṃ kālena vayaṃ anupassanto. Atthi kāyoti vā panassāti kāyova atthi, na satto, na puggalo, na itthī, na puriso, na attā, na attaniyaṃ, nāhaṃ, na mama, na koci, na kassacīti evamassa sati paccupaṭṭhitā hoti.

    яаавад̣̇зваад̇и баяож̇анабарижчзд̣̇ававад̇т̇аабанамзд̇ам̣. ид̣̇ам̣ вуд̇д̇ам̣ ход̇и – яаа саа сад̇и бажжубадтид̇аа ход̇и, саа на ан̃н̃ад̣̇ад̇т̇ааяа. ат̇а ко яаавад̣̇зва н̃аан̣амад̇д̇ааяа абараабарам̣ уд̇д̇аруд̇д̇ари н̃аан̣абамаан̣ад̇т̇ааяа жзва сад̇ибамаан̣ад̇т̇ааяа жа, сад̇исамбаж̇ан̃н̃аанам̣ вуд̣дхад̇т̇ааяаад̇и ад̇т̇о. аниссид̇о жа вихарад̇ийд̇и д̇ан̣хааниссаяад̣̇идтиниссаяаанам̣ васзна аниссид̇ова вихарад̇и. на жа гин̃жи логз убаад̣̇ияад̇ийд̇и логасмим̣ гин̃жи руубам̣ ваа…бз… вин̃н̃аан̣ам̣ ваа ‘‘аяам̣ мз ад̇д̇аа ваа ад̇д̇анияам̣ ваа’’д̇и на г̇ан̣хаад̇и. звамбийд̇и убари ад̇т̇ам̣ убаад̣̇ааяа самбин̣д̣анад̇т̇о би-гааро. иминаа бана бад̣̇зна бхаг̇аваа аанаабаанабаб̣б̣ад̣̇зсанам̣ нияяаад̇зд̇ваа д̣̇ассзд̇и.

    Yāvadevāti payojanaparicchedavavatthāpanametaṃ. Idaṃ vuttaṃ hoti – yā sā sati paccupaṭṭhitā hoti, sā na aññadatthāya. Atha kho yāvadeva ñāṇamattāya aparāparaṃ uttaruttari ñāṇapamāṇatthāya ceva satipamāṇatthāya ca, satisampajaññānaṃ vuḍḍhatthāyāti attho. Anissito ca viharatīti taṇhānissayadiṭṭhinissayānaṃ vasena anissitova viharati. Na ca kiñci loke upādiyatīti lokasmiṃ kiñci rūpaṃ vā…pe… viññāṇaṃ vā ‘‘ayaṃ me attā vā attaniyaṃ vā’’ti na gaṇhāti. Evampīti upari atthaṃ upādāya sampiṇḍanattho pi-kāro. Iminā pana padena bhagavā ānāpānapabbadesanaṃ niyyātetvā dasseti.

    д̇ад̇т̇а ассаасабассаасабариг̇г̇аахигаа сад̇и д̣̇угкасажжам̣, д̇ассаа самудтаабигаа буримад̇ан̣хаа самуд̣̇аяасажжам̣ убхиннам̣ аббавад̇д̇и нирод̇хасажжам̣, д̣̇угкабариж̇аанано самуд̣̇аяабаж̇ахано нирод̇хаарамман̣о арияамаг̇г̇о маг̇г̇асажжам̣. звам̣ жад̇усажжавасзна уссаггид̇ваа ниб̣б̣уд̇им̣ баабун̣аад̇ийд̇и ид̣̇амзгасса ассаасабассаасавасзна абхинивидтасса бхигкуно яаава арахад̇д̇аа нияяаанамуканд̇и.

    Tattha assāsapassāsapariggāhikā sati dukkhasaccaṃ, tassā samuṭṭhāpikā purimataṇhā samudayasaccaṃ ubhinnaṃ appavatti nirodhasaccaṃ, dukkhaparijānano samudayapajahano nirodhārammaṇo ariyamaggo maggasaccaṃ. Evaṃ catusaccavasena ussakkitvā nibbutiṃ pāpuṇātīti idamekassa assāsapassāsavasena abhiniviṭṭhassa bhikkhuno yāva arahattā niyyānamukhanti.

    аанаабаанабаб̣б̣ам̣ нидтид̇ам̣.

    Ānāpānapabbaṃ niṭṭhitaṃ.

    ирияаабат̇абаб̣б̣аван̣н̣анаа

    Iriyāpathapabbavaṇṇanā

    375. звам̣ ассаасабассаасавасзна гааяаанубассанам̣ вибхаж̇ид̇ваа ид̣̇аани ирияаабат̇авасзна вибхаж̇ид̇ум̣ буна жабаранд̇иаад̣̇имааха. д̇ад̇т̇а гаамам̣ сон̣асин̇г̇аалаад̣̇аяоби г̇ажчанд̇аа ‘‘г̇ажчаамаа’’д̇и ж̇аананд̇и, на банзд̇ам̣ зваруубам̣ ж̇аананам̣ санд̇хааяа вуд̇д̇ам̣. зваруубан̃хи ж̇аананам̣ сад̇д̇уубалад̣̇д̇хим̣ на баж̇ахад̇и, ад̇д̇асан̃н̃ам̣ на уг̇гхаадзд̇и, гаммадтаанам̣ ваа сад̇ибадтаанабхааванаа ваа на ход̇и. имасса бана бхигкуно ж̇аананам̣ сад̇д̇уубалад̣̇д̇хим̣ баж̇ахад̇и, ад̇д̇асан̃н̃ам̣ уг̇гхаадзд̇и гаммадтаанан̃жзва сад̇ибадтаанабхааванаа жа ход̇и. ид̣̇ан̃хи ‘‘го г̇ажчад̇и, гасса г̇аманам̣, гим̣ гааран̣аа г̇ажчад̇ий’’д̇и звам̣ самбаж̇аананам̣ санд̇хааяа вуд̇д̇ам̣. таанаад̣̇ийсуби зсзва наяо.

    375. Evaṃ assāsapassāsavasena kāyānupassanaṃ vibhajitvā idāni iriyāpathavasena vibhajituṃ puna caparantiādimāha. Tattha kāmaṃ soṇasiṅgālādayopi gacchantā ‘‘gacchāmā’’ti jānanti, na panetaṃ evarūpaṃ jānanaṃ sandhāya vuttaṃ. Evarūpañhi jānanaṃ sattūpaladdhiṃ na pajahati, attasaññaṃ na ugghāṭeti, kammaṭṭhānaṃ vā satipaṭṭhānabhāvanā vā na hoti. Imassa pana bhikkhuno jānanaṃ sattūpaladdhiṃ pajahati, attasaññaṃ ugghāṭeti kammaṭṭhānañceva satipaṭṭhānabhāvanā ca hoti. Idañhi ‘‘ko gacchati, kassa gamanaṃ, kiṃ kāraṇā gacchatī’’ti evaṃ sampajānanaṃ sandhāya vuttaṃ. Ṭhānādīsupi eseva nayo.

    д̇ад̇т̇а го г̇ажчад̇ийд̇и? на гожи сад̇д̇о ваа буг̇г̇ало ваа г̇ажчад̇и. гасса г̇амананд̇и? на гассажи сад̇д̇асса ваа буг̇г̇аласса ваа г̇аманам̣. гим̣ гааран̣аа г̇ажчад̇ийд̇и ? жид̇д̇агирияавааяод̇хаад̇увибпаарзна г̇ажчад̇и. д̇асмаа зса звам̣ баж̇аанаад̇и – ‘‘г̇ажчаамий’’д̇и жид̇д̇ам̣ уббаж̇ж̇ад̇и , д̇ам̣ вааяам̣ ж̇анзд̇и, вааяо вин̃н̃ад̇д̇им̣ ж̇анзд̇и, жид̇д̇агирияавааяод̇хаад̇увибпаарзна сагалагааяасса бурад̇о абхинийхааро г̇амананд̇и вужжад̇и. таанаад̣̇ийсуби зсзва наяо.

    Tattha ko gacchatīti? Na koci satto vā puggalo vā gacchati. Kassa gamananti? Na kassaci sattassa vā puggalassa vā gamanaṃ. Kiṃ kāraṇā gacchatīti ? Cittakiriyavāyodhātuvipphārena gacchati. Tasmā esa evaṃ pajānāti – ‘‘gacchāmī’’ti cittaṃ uppajjati , taṃ vāyaṃ janeti, vāyo viññattiṃ janeti, cittakiriyavāyodhātuvipphārena sakalakāyassa purato abhinīhāro gamananti vuccati. Ṭhānādīsupi eseva nayo.

    д̇ад̇рааби хи ‘‘д̇идтаамий’’д̇и жид̇д̇ам̣ уббаж̇ж̇ад̇и, д̇ам̣ вааяам̣ ж̇анзд̇и, вааяо вин̃н̃ад̇д̇им̣ ж̇анзд̇и, жид̇д̇агирияавааяод̇хаад̇увибпаарзна сагалагааяасса годид̇о бадтааяа уссид̇абхааво таананд̇и вужжад̇и. ‘‘нисийд̣̇аамий’’д̇и жид̇д̇ам̣ уббаж̇ж̇ад̇и, д̇ам̣ вааяам̣ ж̇анзд̇и, вааяо вин̃н̃ад̇д̇им̣ ж̇анзд̇и, жид̇д̇агирияавааяод̇хаад̇увибпаарзна хздтимагааяасса самин̃ж̇анам̣ убаримагааяасса уссид̇абхааво нисаж̇ж̇аад̇и вужжад̇и. ‘‘саяаамий’’д̇и жид̇д̇ам̣ уббаж̇ж̇ад̇и, д̇ам̣ вааяам̣ ж̇анзд̇и, вааяо вин̃н̃ад̇д̇им̣ ж̇анзд̇и, жид̇д̇агирияавааяод̇хаад̇увибпаарзна сагаласарийрасса д̇ирияад̇о басааран̣ам̣ саяананд̇и вужжад̇ийд̇и.

    Tatrāpi hi ‘‘tiṭṭhāmī’’ti cittaṃ uppajjati, taṃ vāyaṃ janeti, vāyo viññattiṃ janeti, cittakiriyavāyodhātuvipphārena sakalakāyassa koṭito paṭṭhāya ussitabhāvo ṭhānanti vuccati. ‘‘Nisīdāmī’’ti cittaṃ uppajjati, taṃ vāyaṃ janeti, vāyo viññattiṃ janeti, cittakiriyavāyodhātuvipphārena heṭṭhimakāyassa samiñjanaṃ uparimakāyassa ussitabhāvo nisajjāti vuccati. ‘‘Sayāmī’’ti cittaṃ uppajjati, taṃ vāyaṃ janeti, vāyo viññattiṃ janeti, cittakiriyavāyodhātuvipphārena sakalasarīrassa tiriyato pasāraṇaṃ sayananti vuccatīti.

    д̇асса звам̣ баж̇аанад̇о звам̣ ход̇и ‘‘сад̇д̇о г̇ажчад̇и, сад̇д̇о д̇идтад̇ий’’д̇и вужжад̇и, ад̇т̇ад̇о бана гожи сад̇д̇о г̇ажчанд̇о ваа тид̇о ваа над̇т̇и. яат̇аа бана ‘‘сагадам̣ г̇ажчад̇и, сагадам̣ д̇идтад̇ий’’д̇и вужжад̇и, на жа гин̃жи сагадам̣ наама г̇ажчанд̇ам̣ ваа тид̇ам̣ ваа ад̇т̇и, жад̇д̇ааро бана г̇он̣з яож̇зд̇ваа чзгамхи саарат̇имхи бааж̇знд̇з ‘‘сагадам̣ г̇ажчад̇и, сагадам̣ д̇идтад̇ий’’д̇и вохаарамад̇д̇амзва ход̇и, звамзва аж̇аананадтзна сагадам̣ вияа гааяо, г̇он̣аа вияа жид̇д̇аж̇аваад̇аа, саарат̇и вияа жид̇д̇ам̣. ‘‘г̇ажчаами д̇идтаамий’’д̇и жид̇д̇з уббаннз вааяод̇хаад̇у вин̃н̃ад̇д̇им̣ ж̇анаяамаанаа уббаж̇ж̇ад̇и, жид̇д̇агирияавааяод̇хаад̇увибпаарзна г̇аманаад̣̇ийни бавад̇д̇анд̇и, д̇ад̇о ‘‘сад̇д̇о г̇ажчад̇и, сад̇д̇о д̇идтад̇и, ахам̣ г̇ажчаами, ахам̣ д̇идтаамий’’д̇и вохаарамад̇д̇ам̣ ход̇и. д̇знааха –

    Tassa evaṃ pajānato evaṃ hoti ‘‘satto gacchati, satto tiṭṭhatī’’ti vuccati, atthato pana koci satto gacchanto vā ṭhito vā natthi. Yathā pana ‘‘sakaṭaṃ gacchati, sakaṭaṃ tiṭṭhatī’’ti vuccati, na ca kiñci sakaṭaṃ nāma gacchantaṃ vā ṭhitaṃ vā atthi, cattāro pana goṇe yojetvā chekamhi sārathimhi pājente ‘‘sakaṭaṃ gacchati, sakaṭaṃ tiṭṭhatī’’ti vohāramattameva hoti, evameva ajānanaṭṭhena sakaṭaṃ viya kāyo, goṇā viya cittajavātā, sārathi viya cittaṃ. ‘‘Gacchāmi tiṭṭhāmī’’ti citte uppanne vāyodhātu viññattiṃ janayamānā uppajjati, cittakiriyavāyodhātuvipphārena gamanādīni pavattanti, tato ‘‘satto gacchati, satto tiṭṭhati, ahaṃ gacchāmi, ahaṃ tiṭṭhāmī’’ti vohāramattaṃ hoti. Tenāha –

    ‘‘нааваа маалуд̇авзг̇зна, ж̇ияаавзг̇зна д̇зж̇анам̣;

    ‘‘Nāvā mālutavegena, jiyāvegena tejanaṃ;

    яат̇аа яаад̇и д̇ат̇аа гааяо, яаад̇и ваад̇аахад̇о аяам̣.

    Yathā yāti tathā kāyo, yāti vātāhato ayaṃ.

    яанд̇ам̣ суд̇д̇авасзнзва, жид̇д̇асуд̇д̇авасзнид̣̇ам̣;

    Yantaṃ suttavaseneva, cittasuttavasenidaṃ;

    баяуд̇д̇ам̣ гааяаяанд̇амби, яаад̇и таад̇и нисийд̣̇ад̇и.

    Payuttaṃ kāyayantampi, yāti ṭhāti nisīdati.

    го наама зд̇т̇а со сад̇д̇о, яо винаа хзд̇убажжаяз;

    Ko nāma ettha so satto, yo vinā hetupaccaye;

    ад̇д̇ано аанубхаавзна, д̇идтз ваа яад̣̇и ваа важ̇з’’д̇и.

    Attano ānubhāvena, tiṭṭhe vā yadi vā vaje’’ti.

    д̇асмаа звам̣ хзд̇убажжаяавасзнзва бавад̇д̇аани г̇аманаад̣̇ийни саллагкзнд̇о зса ‘‘г̇ажчанд̇о ваа г̇ажчаамийд̇и баж̇аанаад̇и, тид̇о ваа, нисинно ваа, саяаано ваа саяааномхийд̇и баж̇аанаад̇ий’’д̇и взд̣̇ид̇аб̣б̣о.

    Tasmā evaṃ hetupaccayavaseneva pavattāni gamanādīni sallakkhento esa ‘‘gacchanto vā gacchāmīti pajānāti, ṭhito vā, nisinno vā, sayāno vā sayānomhīti pajānātī’’ti veditabbo.

    яат̇аа яат̇аа ваа банасса гааяо бан̣ихид̇о ход̇и, д̇ат̇аа д̇ат̇аа нам̣ баж̇аанаад̇ийд̇и саб̣б̣асан̇г̇аахигаважанамзд̇ам̣. ид̣̇ам̣ вуд̇д̇ам̣ ход̇и – язна язна ваа аагаарзнасса гааяо тид̇о ход̇и, д̇зна д̇зна нам̣ баж̇аанаад̇и. г̇аманаагаарзна тид̇ам̣ г̇ажчад̇ийд̇и баж̇аанаад̇и. таананисаж̇ж̇асаяанаагаарзна тид̇ам̣ саяаанод̇и баж̇аанаад̇ийд̇и.

    Yathā yathā vā panassa kāyo paṇihito hoti, tathā tathā naṃ pajānātīti sabbasaṅgāhikavacanametaṃ. Idaṃ vuttaṃ hoti – yena yena vā ākārenassa kāyo ṭhito hoti, tena tena naṃ pajānāti. Gamanākārena ṭhitaṃ gacchatīti pajānāti. Ṭhānanisajjasayanākārena ṭhitaṃ sayānoti pajānātīti.

    ид̇и аж̇жхад̇д̇ам̣ ваад̇и звам̣ ад̇д̇ано ваа жад̇уирияаабат̇абариг̇г̇ан̣ханзна гааяз гааяаанубассий вихарад̇и. б̣ахид̣̇д̇хаа ваад̇и барасса ваа жад̇уирияаабат̇абариг̇г̇ан̣ханзна. аж̇жхад̇д̇аб̣ахид̣̇д̇хаа ваад̇и гаалзна ад̇д̇ано, гаалзна барасса жад̇уирияаабат̇абариг̇г̇ан̣ханзна гааяз гааяаанубассий вихарад̇и. самуд̣̇аяад̇хаммаанубассий ваад̇иаад̣̇ийсу бана авиж̇ж̇аасамуд̣̇аяаа руубасамуд̣̇аяод̇иаад̣̇инаа наязна бан̃жахаагаарзхи руубагканд̇хасса самуд̣̇аяо жа ваяо жа нийхарид̇аб̣б̣о. д̇ан̃хи санд̇хааяа ид̇ха ‘‘самуд̣̇аяад̇хаммаанубассий ваа’’д̇иаад̣̇и вуд̇д̇ам̣. ад̇т̇и гааяод̇и ваа банассаад̇иаад̣̇и вуд̇д̇асад̣̇исамзва.

    Iti ajjhattaṃ vāti evaṃ attano vā catuiriyāpathapariggaṇhanena kāye kāyānupassī viharati. Bahiddhā vāti parassa vā catuiriyāpathapariggaṇhanena. Ajjhattabahiddhā vāti kālena attano, kālena parassa catuiriyāpathapariggaṇhanena kāye kāyānupassī viharati. Samudayadhammānupassī vātiādīsu pana avijjāsamudayā rūpasamudayotiādinā nayena pañcahākārehi rūpakkhandhassa samudayo ca vayo ca nīharitabbo. Tañhi sandhāya idha ‘‘samudayadhammānupassī vā’’tiādi vuttaṃ. Atthi kāyoti vā panassātiādi vuttasadisameva.

    ид̇хааби жад̇уирияаабат̇абариг̇г̇аахигаа сад̇и д̣̇угкасажжам̣, д̇ассаа самудтаабигаа буримад̇ан̣хаа самуд̣̇аяасажжам̣, убхиннам̣ аббавад̇д̇и нирод̇хасажжам̣, д̣̇угкабариж̇аанано самуд̣̇аяабаж̇ахано нирод̇хаарамман̣о арияамаг̇г̇о маг̇г̇асажжам̣. звам̣ жад̇усажжавасзна уссаггид̇ваа ниб̣б̣уд̇им̣ баабун̣аад̇ийд̇и ид̣̇амзгасса жад̇уирияаабат̇абариг̇г̇аахагасса бхигкуно яаава арахад̇д̇аа нияяаанамуканд̇и.

    Idhāpi catuiriyāpathapariggāhikā sati dukkhasaccaṃ, tassā samuṭṭhāpikā purimataṇhā samudayasaccaṃ, ubhinnaṃ appavatti nirodhasaccaṃ, dukkhaparijānano samudayapajahano nirodhārammaṇo ariyamaggo maggasaccaṃ. Evaṃ catusaccavasena ussakkitvā nibbutiṃ pāpuṇātīti idamekassa catuiriyāpathapariggāhakassa bhikkhuno yāva arahattā niyyānamukhanti.

    ирияаабат̇абаб̣б̣ам̣ нидтид̇ам̣.

    Iriyāpathapabbaṃ niṭṭhitaṃ.

    жад̇усамбаж̇ан̃н̃абаб̣б̣аван̣н̣анаа

    Catusampajaññapabbavaṇṇanā

    376. звам̣ ирияаабат̇авасзна гааяаанубассанам̣ вибхаж̇ид̇ваа ид̣̇аани жад̇усамбаж̇ан̃н̃авасзна вибхаж̇ид̇ум̣ буна жабаранд̇иаад̣̇имааха . д̇ад̇т̇а абхигганд̇зд̇иаад̣̇ийни сааман̃н̃апалз ван̣н̣ид̇аани. ид̇и аж̇жхад̇д̇ам̣ ваад̇и звам̣ жад̇усамбаж̇ан̃н̃абариг̇г̇ан̣ханзна ад̇д̇ано ваа гааяз, барасса ваа гааяз, гаалзна ваа ад̇д̇ано, гаалзна ваа барасса гааяз гааяаанубассий вихарад̇и. ид̇хааби самуд̣̇аяаваяад̇хаммаанубассийд̇иаад̣̇ийсу руубагканд̇хассзва самуд̣̇аяо жа ваяо жа нийхарид̇аб̣б̣о. сзсам̣ вуд̇д̇асад̣̇исамзва.

    376. Evaṃ iriyāpathavasena kāyānupassanaṃ vibhajitvā idāni catusampajaññavasena vibhajituṃ puna caparantiādimāha . Tattha abhikkantetiādīni sāmaññaphale vaṇṇitāni. Iti ajjhattaṃ vāti evaṃ catusampajaññapariggaṇhanena attano vā kāye, parassa vā kāye, kālena vā attano, kālena vā parassa kāye kāyānupassī viharati. Idhāpi samudayavayadhammānupassītiādīsu rūpakkhandhasseva samudayo ca vayo ca nīharitabbo. Sesaṃ vuttasadisameva.

    ид̇ха жад̇усамбаж̇ан̃н̃абариг̇г̇аахигаа сад̇и д̣̇угкасажжам̣, д̇ассаа самудтаабигаа буримад̇ан̣хаа самуд̣̇аяасажжам̣, убхиннам̣ аббавад̇д̇и нирод̇хасажжам̣, вуд̇д̇аббагааро арияамаг̇г̇о маг̇г̇асажжам̣. звам̣ жад̇усажжавасзна уссаггид̇ваа ниб̣б̣уд̇им̣ баабун̣аад̇ийд̇и ид̣̇амзгасса жад̇усамбаж̇ан̃н̃абариг̇г̇аахагасса бхигкуно васзна яаава арахад̇д̇аа нияяаанамуканд̇и.

    Idha catusampajaññapariggāhikā sati dukkhasaccaṃ, tassā samuṭṭhāpikā purimataṇhā samudayasaccaṃ, ubhinnaṃ appavatti nirodhasaccaṃ, vuttappakāro ariyamaggo maggasaccaṃ. Evaṃ catusaccavasena ussakkitvā nibbutiṃ pāpuṇātīti idamekassa catusampajaññapariggāhakassa bhikkhuno vasena yāva arahattā niyyānamukhanti.

    жад̇усамбаж̇ан̃н̃абаб̣б̣ам̣ нидтид̇ам̣.

    Catusampajaññapabbaṃ niṭṭhitaṃ.

    бадигууламанасигаарабаб̣б̣аван̣н̣анаа

    Paṭikūlamanasikārapabbavaṇṇanā

    377. звам̣ жад̇усамбаж̇ан̃н̃авасзна гааяаанубассанам̣ вибхаж̇ид̇ваа ид̣̇аани бадигууламанасигааравасзна вибхаж̇ид̇ум̣ буна жабаранд̇иаад̣̇имааха. д̇ад̇т̇а имамзва гааяанд̇иаад̣̇ийсу яам̣ вад̇д̇аб̣б̣ам̣ сияаа, д̇ам̣ саб̣б̣ам̣ саб̣б̣аагаарзна вид̇т̇аарад̇о висуд̣̇д̇химаг̇г̇з гааяаг̇ад̇аасад̇игаммадтаанз вуд̇д̇ам̣. убхад̇омукаад̇и хздтаа жа убари жаад̇и д̣̇вийхи мукзхи яуд̇д̇аа. наанаавихид̇ассаад̇и наанаавид̇хасса.

    377. Evaṃ catusampajaññavasena kāyānupassanaṃ vibhajitvā idāni paṭikūlamanasikāravasena vibhajituṃ puna caparantiādimāha. Tattha imameva kāyantiādīsu yaṃ vattabbaṃ siyā, taṃ sabbaṃ sabbākārena vitthārato visuddhimagge kāyagatāsatikammaṭṭhāne vuttaṃ. Ubhatomukhāti heṭṭhā ca upari cāti dvīhi mukhehi yuttā. Nānāvihitassāti nānāvidhassa.

    ид̣̇ам̣ банзд̇т̇а обаммасам̣санд̣̇анам̣ – убхад̇омукаа буд̇ол̣и вияа хи жаад̇умахаабхууд̇иго гааяо, д̇ад̇т̇а миссзд̇ваа багкид̇д̇анаанаавид̇хад̇хан̃н̃ам̣ вияа гзсаад̣̇аяо д̣̇вад̇д̇им̣саагаараа, жагкумаа бурисо вияа яог̇ааважаро, д̇асса д̇ам̣ буд̇ол̣им̣ мун̃жид̇ваа бажжавзгкад̇о наанаавид̇хад̇хан̃н̃асса баагадагаало вияа яог̇ино д̣̇вад̇д̇им̣саагаарасса вибхууд̇агаало взд̣̇ид̇аб̣б̣о. ид̇и аж̇жхад̇д̇ам̣ ваад̇и звам̣ гзсаад̣̇ибариг̇г̇ан̣ханзна ад̇д̇ано ваа гааяз, барасса ваа гааяз, гаалзна ваа ад̇д̇ано, гаалзна ваа барасса гааяз гааяаанубассий вихарад̇и. ид̇о барам̣ вуд̇д̇анаяамзва. гзвалан̃хи ид̇ха д̣̇вад̇д̇им̣саагаарабариг̇г̇аахигаа сад̇и д̣̇угкасажжанд̇и звам̣ яож̇анам̣ гад̇ваа нияяаанамукам̣ взд̣̇ид̇аб̣б̣ам̣. сзсам̣ буримасад̣̇исамзваад̇и.

    Idaṃ panettha opammasaṃsandanaṃ – ubhatomukhā putoḷi viya hi cātumahābhūtiko kāyo, tattha missetvā pakkhittanānāvidhadhaññaṃ viya kesādayo dvattiṃsākārā, cakkhumā puriso viya yogāvacaro, tassa taṃ putoḷiṃ muñcitvā paccavekkhato nānāvidhadhaññassa pākaṭakālo viya yogino dvattiṃsākārassa vibhūtakālo veditabbo. Iti ajjhattaṃ vāti evaṃ kesādipariggaṇhanena attano vā kāye, parassa vā kāye, kālena vā attano, kālena vā parassa kāye kāyānupassī viharati. Ito paraṃ vuttanayameva. Kevalañhi idha dvattiṃsākārapariggāhikā sati dukkhasaccanti evaṃ yojanaṃ katvā niyyānamukhaṃ veditabbaṃ. Sesaṃ purimasadisamevāti.

    бадигууламанасигаарабаб̣б̣ам̣ нидтид̇ам̣.

    Paṭikūlamanasikārapabbaṃ niṭṭhitaṃ.

    д̇хаад̇уманасигаарабаб̣б̣аван̣н̣анаа

    Dhātumanasikārapabbavaṇṇanā

    378. звам̣ бадигууламанасигааравасзна гааяаанубассанам̣ вибхаж̇ид̇ваа ид̣̇аани д̇хаад̇уманасигааравасзна вибхаж̇ид̇ум̣ буна жабаранд̇иаад̣̇имааха. д̇ад̇т̇ааяам̣ обаммасам̣санд̣̇анзна сад̣̇д̇хим̣ ад̇т̇аван̣н̣анаа – яат̇аа гожи г̇огхаад̇аго ваа д̇ассзва ваа бхад̇д̇авзд̇анабхад̇о анд̇зваасиго г̇аавим̣ вад̇хид̇ваа винивиж̇жхид̇ваа жад̇ассо д̣̇исаа г̇ад̇аанам̣ махаабат̇аанам̣ взмаж̇жхадтаанасан̇каад̇з жад̇умахаабат̇з годтаасам̣ годтаасам̣ гад̇ваа нисинно асса, звамзва бхигку жад̇уннам̣ ирияаабат̇аанам̣ язна гзнажи аагаарзна тид̇ад̇д̇аа яат̇аатид̇ам̣, яат̇аатид̇ад̇д̇аа жа яат̇аабан̣ихид̇ам̣ гааяам̣ ‘‘ад̇т̇и имасмим̣ гааяз бат̇авийд̇хаад̇у…бз… вааяод̇хаад̇уу’’д̇и звам̣ бажжавзгкад̇и.

    378. Evaṃ paṭikūlamanasikāravasena kāyānupassanaṃ vibhajitvā idāni dhātumanasikāravasena vibhajituṃ puna caparantiādimāha. Tatthāyaṃ opammasaṃsandanena saddhiṃ atthavaṇṇanā – yathā koci goghātako vā tasseva vā bhattavetanabhato antevāsiko gāviṃ vadhitvā vinivijjhitvā catasso disā gatānaṃ mahāpathānaṃ vemajjhaṭṭhānasaṅkhāte catumahāpathe koṭṭhāsaṃ koṭṭhāsaṃ katvā nisinno assa, evameva bhikkhu catunnaṃ iriyāpathānaṃ yena kenaci ākārena ṭhitattā yathāṭhitaṃ, yathāṭhitattā ca yathāpaṇihitaṃ kāyaṃ ‘‘atthi imasmiṃ kāye pathavīdhātu…pe… vāyodhātū’’ti evaṃ paccavekkhati.

    гим̣ вуд̇д̇ам̣ ход̇и – яат̇аа г̇огхаад̇агасса г̇аавим̣ босзнд̇ассааби аагхаад̇анам̣ аахаранд̇ассааби аахарид̇ваа д̇ад̇т̇а б̣анд̇хид̇ваа табзнд̇ассаби вад̇хзнд̇ассааби вад̇хид̇ам̣ мад̇ам̣ бассанд̇ассааби д̇аавад̣̇зва г̇аавийд̇и сан̃н̃аа на анд̇арад̇хааяад̇и, яаава нам̣ бад̣̇аалзд̇ваа б̣иласо на вибхаж̇ад̇и. вибхаж̇ид̇ваа нисиннасса банасса г̇аавийд̇и сан̃н̃аа анд̇арад̇хааяад̇и, мам̣сасан̃н̃аа бавад̇д̇ад̇и. наасса звам̣ ход̇и – ‘‘ахам̣ г̇аавим̣ виггин̣аами, имз г̇аавим̣ харанд̇ий’’д̇и. ат̇а квасса ‘‘ахам̣ мам̣сам̣ виггин̣аами, имз мам̣сам̣ харанд̇и’’ жжзва ход̇и; звамзва имассааби бхигкуно буб̣б̣з б̣аалабут̇уж̇ж̇анагаалз г̇ихибхууд̇ассааби баб̣б̣аж̇ид̇ассааби д̇аавад̣̇зва сад̇д̇од̇и ваа буг̇г̇алод̇и ваа сан̃н̃аа на анд̇арад̇хааяад̇и, яаава имамзва гааяам̣ яат̇аатид̇ам̣ яат̇аабан̣ихид̇ам̣ гханавиниб̣бхог̇ам̣ гад̇ваа д̇хаад̇усо на бажжавзгкад̇и. д̇хаад̇усо бажжавзгкад̇о банасса сад̇д̇асан̃н̃аа анд̇арад̇хааяад̇и, д̇хаад̇увасзнзва жид̇д̇ам̣ санд̇идтад̇и. д̇знааха бхаг̇аваа – ‘‘‘имамзва гааяам̣ яат̇аатид̇ам̣ яат̇аабан̣ихид̇ам̣ д̇хаад̇усо бажжавзгкад̇и ‘ад̇т̇и имасмим̣ гааяз бат̇авийд̇хаад̇у аабод̇хаад̇у д̇зж̇од̇хаад̇у вааяод̇хаад̇уу’д̇и. сзяяат̇ааби, бхигкавз, д̣̇агко г̇огхаад̇аго ваа…бз… вааяод̇хаад̇уу’’д̇и. г̇огхаад̇аго вияа хи яог̇ий, г̇аавийд̇и сан̃н̃аа вияа сад̇д̇асан̃н̃аа, жад̇умахаабат̇о вияа жад̇уирияаабат̇о, б̣иласо вибхаж̇ид̇ваа нисиннабхааво вияа д̇хаад̇усо бажжавзгкан̣анд̇и аяамзд̇т̇а баал̣иван̣н̣анаа. гаммадтаанагат̇аа бана висуд̣̇д̇химаг̇г̇з вид̇т̇аарид̇аа.

    Kiṃ vuttaṃ hoti – yathā goghātakassa gāviṃ posentassāpi āghātanaṃ āharantassāpi āharitvā tattha bandhitvā ṭhapentassapi vadhentassāpi vadhitaṃ mataṃ passantassāpi tāvadeva gāvīti saññā na antaradhāyati, yāva naṃ padāletvā bilaso na vibhajati. Vibhajitvā nisinnassa panassa gāvīti saññā antaradhāyati, maṃsasaññā pavattati. Nāssa evaṃ hoti – ‘‘ahaṃ gāviṃ vikkiṇāmi, ime gāviṃ harantī’’ti. Atha khvassa ‘‘ahaṃ maṃsaṃ vikkiṇāmi, ime maṃsaṃ haranti’’ cceva hoti; evameva imassāpi bhikkhuno pubbe bālaputhujjanakāle gihibhūtassāpi pabbajitassāpi tāvadeva sattoti vā puggaloti vā saññā na antaradhāyati, yāva imameva kāyaṃ yathāṭhitaṃ yathāpaṇihitaṃ ghanavinibbhogaṃ katvā dhātuso na paccavekkhati. Dhātuso paccavekkhato panassa sattasaññā antaradhāyati, dhātuvaseneva cittaṃ santiṭṭhati. Tenāha bhagavā – ‘‘‘imameva kāyaṃ yathāṭhitaṃ yathāpaṇihitaṃ dhātuso paccavekkhati ‘atthi imasmiṃ kāye pathavīdhātu āpodhātu tejodhātu vāyodhātū’ti. Seyyathāpi, bhikkhave, dakkho goghātako vā…pe… vāyodhātū’’ti. Goghātako viya hi yogī, gāvīti saññā viya sattasaññā, catumahāpatho viya catuiriyāpatho, bilaso vibhajitvā nisinnabhāvo viya dhātuso paccavekkhaṇanti ayamettha pāḷivaṇṇanā. Kammaṭṭhānakathā pana visuddhimagge vitthāritā.

    ид̇и аж̇жхад̇д̇ам̣ ваад̇и звам̣ жад̇уд̇хаад̇убариг̇г̇ан̣ханзна ад̇д̇ано ваа гааяз, барасса ваа гааяз, гаалзна ваа ад̇д̇ано, гаалзна ваа барасса гааяз гааяаанубассий вихарад̇и. ид̇о барам̣ вуд̇д̇анаяамзва. гзвалан̃хи ид̇ха жад̇уд̇хаад̇убариг̇г̇аахигаа сад̇и д̣̇угкасажжанд̇и звам̣ яож̇анам̣ гад̇ваа нияяаанамукам̣ взд̣̇ид̇аб̣б̣ам̣, сзсам̣ буримасад̣̇исамзваад̇и.

    Iti ajjhattaṃ vāti evaṃ catudhātupariggaṇhanena attano vā kāye, parassa vā kāye, kālena vā attano, kālena vā parassa kāye kāyānupassī viharati. Ito paraṃ vuttanayameva. Kevalañhi idha catudhātupariggāhikā sati dukkhasaccanti evaṃ yojanaṃ katvā niyyānamukhaṃ veditabbaṃ, sesaṃ purimasadisamevāti.

    д̇хаад̇уманасигаарабаб̣б̣ам̣ нидтид̇ам̣.

    Dhātumanasikārapabbaṃ niṭṭhitaṃ.

    навасиват̇игабаб̣б̣аван̣н̣анаа

    Navasivathikapabbavaṇṇanā

    379. звам̣ д̇хаад̇уманасигааравасзна гааяаанубассанам̣ вибхаж̇ид̇ваа ид̣̇аани навахи сиват̇игабаб̣б̣зхи вибхаж̇ид̇ум̣ буна жабаранд̇иаад̣̇имааха. д̇ад̇т̇а сзяяат̇ааби бассзяяаад̇и яат̇аа бассзяяа. сарийранд̇и мад̇асарийрам̣. сиват̇игааяа чад̣д̣ид̇анд̇и сусаанз абавид̣̇д̇хам̣. згаахам̣ мад̇асса ассаад̇и згаахамад̇ам̣. д̣̇вийхам̣ мад̇асса ассаад̇и д̣̇вийхамад̇ам̣. д̇ийхам̣ мад̇асса ассаад̇и д̇ийхамад̇ам̣. гаммаарабхасд̇аа вияа вааяунаа уд̣̇д̇хам̣ ж̇ийвид̇абарияаад̣̇аанаа яат̇аануггамам̣ самуг̇г̇ад̇зна суунабхаавзна уд̣̇д̇хумаад̇ад̇д̇аа уд̣̇д̇хумаад̇ам̣, уд̣̇д̇хумаад̇амзва уд̣̇д̇хумаад̇агам̣. бадигуулад̇д̇аа ваа гужчид̇ам̣ уд̣̇д̇хумаад̇анд̇и уд̣̇д̇хумаад̇агам̣. винийлам̣ вужжад̇и вибарибхиннаван̣н̣ам̣, винийламзва винийлагам̣. бадигуулад̇д̇аа ваа гужчид̇ам̣ винийланд̇и винийлагам̣. мам̣суссад̣̇адтаанзсу рад̇д̇аван̣н̣асса буб̣б̣асаннижаяадтаанзсу сзд̇аван̣н̣асса язбхуяязна жа нийлаван̣н̣асса нийладтаанзсу нийласаадагабааруд̇ассзва чавасарийрассзд̇ам̣ ад̇хиважанам̣. барибхиннадтаанзхи навахи ваа ван̣амукзхи виссанд̣̇амаанабуб̣б̣ам̣ вибуб̣б̣ам̣, вибуб̣б̣амзва вибуб̣б̣агам̣. бадигуулад̇д̇аа ваа гужчид̇ам̣ вибуб̣б̣анд̇и вибуб̣б̣агам̣. вибуб̣б̣агам̣ ж̇аад̇ам̣ д̇ат̇аабхаавам̣ г̇ад̇анд̇и вибуб̣б̣агаж̇аад̇ам̣.

    379. Evaṃ dhātumanasikāravasena kāyānupassanaṃ vibhajitvā idāni navahi sivathikapabbehi vibhajituṃ puna caparantiādimāha. Tattha seyyathāpi passeyyāti yathā passeyya. Sarīranti matasarīraṃ. Sivathikāya chaḍḍitanti susāne apaviddhaṃ. Ekāhaṃ matassa assāti ekāhamataṃ. Dvīhaṃ matassa assāti dvīhamataṃ. Tīhaṃ matassa assāti tīhamataṃ. Kammārabhastā viya vāyunā uddhaṃ jīvitapariyādānā yathānukkamaṃ samuggatena sūnabhāvena uddhumātattā uddhumātaṃ, uddhumātameva uddhumātakaṃ. Paṭikūlattā vā kucchitaṃ uddhumātanti uddhumātakaṃ. Vinīlaṃ vuccati viparibhinnavaṇṇaṃ, vinīlameva vinīlakaṃ. Paṭikūlattā vā kucchitaṃ vinīlanti vinīlakaṃ. Maṃsussadaṭṭhānesu rattavaṇṇassa pubbasannicayaṭṭhānesu setavaṇṇassa yebhuyyena ca nīlavaṇṇassa nīlaṭṭhānesu nīlasāṭakapārutasseva chavasarīrassetaṃ adhivacanaṃ. Paribhinnaṭṭhānehi navahi vā vaṇamukhehi vissandamānapubbaṃ vipubbaṃ, vipubbameva vipubbakaṃ. Paṭikūlattā vā kucchitaṃ vipubbanti vipubbakaṃ. Vipubbakaṃ jātaṃ tathābhāvaṃ gatanti vipubbakajātaṃ.

    со имамзва гааяанд̇и со бхигку имам̣ ад̇д̇ано гааяам̣ д̇зна гааязна сад̣̇д̇хим̣ н̃аан̣зна убасам̣харад̇и убанзд̇и. гат̇ам̣? аяамби ко гааяо звам̣д̇хаммо звам̣бхаавий звам̣анад̇ийд̇од̇и. ид̣̇ам̣ вуд̇д̇ам̣ ход̇и – ааяу, усмаа, вин̃н̃аан̣анд̇и имзсам̣ д̇ин̣н̣ам̣ д̇хаммаанам̣ ад̇т̇ид̇ааяа аяам̣ гааяо таанаг̇аманаад̣̇икамо ход̇и, имзсам̣ бана виг̇амаа аяамби ко гааяо звам̣д̇хаммо звам̣ бууд̇игасабхаавоязва, звам̣бхаавий звам̣ уд̣̇д̇хумаад̇аад̣̇ибхзд̣̇о бхависсад̇и, звам̣анад̇ийд̇о звам̣ уд̣̇д̇хумаад̇аад̣̇ибхаавам̣ анад̇игганд̇од̇и. ид̇и аж̇жхад̇д̇ам̣ ваад̇и звам̣ уд̣̇д̇хумаад̇аад̣̇ибариг̇г̇ан̣ханзна ад̇д̇ано ваа гааяз, барасса ваа гааяз, гаалзна ваа ад̇д̇ано, гаалзна ваа барасса гааяз гааяаанубассий вихарад̇и.

    So imameva kāyanti so bhikkhu imaṃ attano kāyaṃ tena kāyena saddhiṃ ñāṇena upasaṃharati upaneti. Kathaṃ? Ayampi kho kāyo evaṃdhammo evaṃbhāvī evaṃanatītoti. Idaṃ vuttaṃ hoti – āyu, usmā, viññāṇanti imesaṃ tiṇṇaṃ dhammānaṃ atthitāya ayaṃ kāyo ṭhānagamanādikhamo hoti, imesaṃ pana vigamā ayampi kho kāyo evaṃdhammo evaṃ pūtikasabhāvoyeva, evaṃbhāvī evaṃ uddhumātādibhedo bhavissati, evaṃanatīto evaṃ uddhumātādibhāvaṃ anatikkantoti. Iti ajjhattaṃ vāti evaṃ uddhumātādipariggaṇhanena attano vā kāye, parassa vā kāye, kālena vā attano, kālena vā parassa kāye kāyānupassī viharati.

    каж̇ж̇амаананд̇и уд̣̇араад̣̇ийсу нисийд̣̇ид̇ваа уд̣̇арамам̣саодтамам̣саагкигуудаад̣̇ийни лун̃жид̇ваа лун̃жид̇ваа каад̣̇ияамаанам̣. самам̣салохид̇анд̇и саавасзсамам̣салохид̇аяуд̇д̇ам̣. нимам̣салохид̇амагкид̇анд̇и мам̣сз кийн̣зби лохид̇ам̣ на суссад̇и, д̇ам̣ санд̇хааяа вуд̇д̇ам̣ ‘‘нимам̣салохид̇амагкид̇а’’нд̇и. ан̃н̃знаад̇и ан̃н̃зна д̣̇исаабхааг̇зна. хад̇т̇адтиганд̇и жад̇усадтибхзд̣̇амби хад̇т̇адтигам̣ баадиязггам̣ баадиязггам̣ виббагин̣н̣ам̣. баад̣̇адтигаад̣̇ийсуби зсзва наяо.

    Khajjamānanti udarādīsu nisīditvā udaramaṃsaoṭṭhamaṃsaakkhikūṭādīni luñcitvā luñcitvā khādiyamānaṃ. Samaṃsalohitanti sāvasesamaṃsalohitayuttaṃ. Nimaṃsalohitamakkhitanti maṃse khīṇepi lohitaṃ na sussati, taṃ sandhāya vuttaṃ ‘‘nimaṃsalohitamakkhita’’nti. Aññenāti aññena disābhāgena. Hatthaṭṭhikanti catusaṭṭhibhedampi hatthaṭṭhikaṃ pāṭiyekkaṃ pāṭiyekkaṃ vippakiṇṇaṃ. Pādaṭṭhikādīsupi eseva nayo.

    д̇зровассигаанийд̇и ад̇игганд̇асам̣важчараани. бууд̇ийнийд̇и аб̣бхогаасз тид̇аани ваад̇аад̇абавудтисампассзна д̇зровассигаанзва бууд̇ийни хонд̇и, анд̇обхуумиг̇ад̇аани бана жирад̇арам̣ д̇идтанд̇и. жун̣н̣агаж̇аад̇аанийд̇и жун̣н̣ам̣ жун̣н̣ам̣ худ̇ваа виббагин̣н̣аани. саб̣б̣ад̇т̇а со имамзваад̇и вуд̇д̇анаязна каж̇ж̇амаанаад̣̇ийнам̣ васзна яож̇анаа гаад̇аб̣б̣аа. ид̇и аж̇жхад̇д̇ам̣ ваад̇и звам̣ каж̇ж̇амаанаад̣̇ибариг̇г̇ан̣ханзна яаава жун̣н̣агабхааваа ад̇д̇ано ваа гааяз, барасса ваа гааяз гаалзна ваа ад̇д̇ано, гаалзна ваа барасса гааяз гааяаанубассий вихарад̇и.

    Terovassikānīti atikkantasaṃvaccharāni. Pūtīnīti abbhokāse ṭhitāni vātātapavuṭṭhisamphassena terovassikāneva pūtīni honti, antobhūmigatāni pana cirataraṃ tiṭṭhanti. Cuṇṇakajātānīti cuṇṇaṃ cuṇṇaṃ hutvā vippakiṇṇāni. Sabbattha so imamevāti vuttanayena khajjamānādīnaṃ vasena yojanā kātabbā. Iti ajjhattaṃ vāti evaṃ khajjamānādipariggaṇhanena yāva cuṇṇakabhāvā attano vā kāye, parassa vā kāye kālena vā attano, kālena vā parassa kāye kāyānupassī viharati.

    ид̇ха бана тад̇ваа навасиват̇игаа самод̇хаанзд̇аб̣б̣аа. згаахамад̇ам̣ ваад̇и хи аад̣̇инаа наязна вуд̇д̇аа саб̣б̣ааби згаа, гаагзхи ваа каж̇ж̇амаананд̇иаад̣̇игаа згаа, адтигасан̇калигам̣ самам̣салохид̇ам̣ нхаарусамб̣анд̇ханд̇и згаа, нимам̣салохид̇амагкид̇ам̣ нхаарусамб̣анд̇ханд̇и згаа, абаг̇ад̇амам̣салохид̇ам̣ нхаарусамб̣анд̇ханд̇и згаа, адтигаани абаг̇ад̇асамб̣анд̇хаанийд̇иаад̣̇игаа згаа адтигаани сзд̇аани сан̇каван̣н̣абадибхааг̇аанийд̇и згаа, бун̃ж̇агид̇аани д̇зровассигаанийд̇и згаа, бууд̇ийни жун̣н̣агаж̇аад̇аанийд̇и згаад̇и.

    Idha pana ṭhatvā navasivathikā samodhānetabbā. Ekāhamataṃ vāti hi ādinā nayena vuttā sabbāpi ekā, kākehi vā khajjamānantiādikā ekā, aṭṭhikasaṅkhalikaṃ samaṃsalohitaṃ nhārusambandhanti ekā, nimaṃsalohitamakkhitaṃ nhārusambandhanti ekā, apagatamaṃsalohitaṃ nhārusambandhanti ekā, aṭṭhikāni apagatasambandhānītiādikā ekā aṭṭhikāni setāni saṅkhavaṇṇapaṭibhāgānīti ekā, puñjakitāni terovassikānīti ekā, pūtīni cuṇṇakajātānīti ekāti.

    звам̣ ко, бхигкавзд̇и ид̣̇ам̣ навасиват̇игаа д̣̇ассзд̇ваа гааяаанубассанам̣ нидтабзнд̇о ааха. д̇ад̇т̇а навасиват̇игабариг̇г̇аахигаа сад̇и д̣̇угкасажжам̣, д̇ассаа самудтаабигаа буримад̇ан̣хаа самуд̣̇аяасажжам̣, убхиннам̣ аббавад̇д̇и нирод̇хасажжам̣, д̣̇угкабариж̇аанано самуд̣̇аяабаж̇ахано нирод̇хаарамман̣о арияамаг̇г̇о маг̇г̇асажжам̣. звам̣ жад̇усажжавасзна уссаггид̇ваа ниб̣б̣уд̇им̣ баабун̣аад̇ийд̇и ид̣̇ам̣ навасиват̇игабариг̇г̇аахагаанам̣ бхигкуунам̣ яаава арахад̇д̇аа нияяаанамуканд̇и.

    Evaṃ kho, bhikkhaveti idaṃ navasivathikā dassetvā kāyānupassanaṃ niṭṭhapento āha. Tattha navasivathikapariggāhikā sati dukkhasaccaṃ, tassā samuṭṭhāpikā purimataṇhā samudayasaccaṃ, ubhinnaṃ appavatti nirodhasaccaṃ, dukkhaparijānano samudayapajahano nirodhārammaṇo ariyamaggo maggasaccaṃ. Evaṃ catusaccavasena ussakkitvā nibbutiṃ pāpuṇātīti idaṃ navasivathikapariggāhakānaṃ bhikkhūnaṃ yāva arahattā niyyānamukhanti.

    навасиват̇игабаб̣б̣ам̣ нидтид̇ам̣.

    Navasivathikapabbaṃ niṭṭhitaṃ.

    зд̇д̇аавад̇аа жа аанаабаанабаб̣б̣ам̣, ирияаабат̇абаб̣б̣ам̣, жад̇усамбаж̇ан̃н̃абаб̣б̣ам̣, бадигууламанасигаарабаб̣б̣ам̣, д̇хаад̇уманасигаарабаб̣б̣ам̣, навасиват̇игабаб̣б̣аанийд̇и жуд̣̇д̣̇асабаб̣б̣аа гааяаанубассанаа нидтид̇аа ход̇и. д̇ад̇т̇а аанаабаанабаб̣б̣ам̣, бадигууламанасигаарабаб̣б̣анд̇и имаанзва д̣̇вз аббанаагаммадтаанаани, сиват̇игаанам̣ бана аад̣̇ийнаваанубассанаавасзна вуд̇д̇ад̇д̇аа сзсаани д̣̇ваад̣̇асааби убажаарагаммадтаанаанзваад̇и.

    Ettāvatā ca ānāpānapabbaṃ, iriyāpathapabbaṃ, catusampajaññapabbaṃ, paṭikūlamanasikārapabbaṃ, dhātumanasikārapabbaṃ, navasivathikapabbānīti cuddasapabbā kāyānupassanā niṭṭhitā hoti. Tattha ānāpānapabbaṃ, paṭikūlamanasikārapabbanti imāneva dve appanākammaṭṭhānāni, sivathikānaṃ pana ādīnavānupassanāvasena vuttattā sesāni dvādasāpi upacārakammaṭṭhānānevāti.

    гааяаанубассанаа нидтид̇аа.

    Kāyānupassanā niṭṭhitā.

    взд̣̇анаанубассанааван̣н̣анаа

    Vedanānupassanāvaṇṇanā

    380. звам̣ бхаг̇аваа жуд̣̇д̣̇асавид̇хзна гааяаанубассанаасад̇ибадтаанам̣ гат̇зд̇ваа ид̣̇аани нававид̇хзна взд̣̇анаанубассанам̣ гат̇зд̇ум̣ гат̇ан̃жа, бхигкавзд̇иаад̣̇имааха. д̇ад̇т̇а сукам̣ взд̣̇ананд̇и гааяигам̣ ваа жзд̇асигам̣ ваа сукам̣ взд̣̇анам̣ взд̣̇аяамаано ‘‘ахам̣ сукам̣ взд̣̇анам̣ взд̣̇аяаамий’’д̇и баж̇аанаад̇ийд̇и ад̇т̇о. д̇ад̇т̇а гаамам̣ уд̇д̇аанасзяяагааби д̣̇аарагаа т̇ан̃н̃абиванаад̣̇игаалз сукам̣ взд̣̇аяамаанаа ‘‘сукам̣ взд̣̇анам̣ взд̣̇аяаамаа’’д̇и баж̇аананд̇и, на банзд̇ам̣ зваруубам̣ ж̇аананам̣ санд̇хааяа вуд̇д̇ам̣. зваруубан̃хи ж̇аананам̣ сад̇д̇уубалад̣̇д̇хим̣ на ж̇ахад̇и, ад̇д̇асан̃н̃ам̣ на уг̇гхаадзд̇и, гаммадтаанам̣ ваа сад̇ибадтаанабхааванаа ваа на ход̇и. имасса бана бхигкуно ж̇аананам̣ сад̇д̇уубалад̣̇д̇хим̣ ж̇ахад̇и, ад̇д̇асан̃н̃ам̣ уг̇гхаадзд̇и, гаммадтаанан̃жзва сад̇ибадтаанабхааванаа жа ход̇и. ид̣̇ан̃хи ‘‘го взд̣̇аяад̇и, гасса взд̣̇анаа, гим̣ гааран̣аа взд̣̇анаа’’д̇и звам̣ самбаж̇аанавзд̣̇ияанам̣ санд̇хааяа вуд̇д̇ам̣.

    380. Evaṃ bhagavā cuddasavidhena kāyānupassanāsatipaṭṭhānaṃ kathetvā idāni navavidhena vedanānupassanaṃ kathetuṃ kathañca, bhikkhavetiādimāha. Tattha sukhaṃ vedananti kāyikaṃ vā cetasikaṃ vā sukhaṃ vedanaṃ vedayamāno ‘‘ahaṃ sukhaṃ vedanaṃ vedayāmī’’ti pajānātīti attho. Tattha kāmaṃ uttānaseyyakāpi dārakā thaññapivanādikāle sukhaṃ vedayamānā ‘‘sukhaṃ vedanaṃ vedayāmā’’ti pajānanti, na panetaṃ evarūpaṃ jānanaṃ sandhāya vuttaṃ. Evarūpañhi jānanaṃ sattūpaladdhiṃ na jahati, attasaññaṃ na ugghāṭeti, kammaṭṭhānaṃ vā satipaṭṭhānabhāvanā vā na hoti. Imassa pana bhikkhuno jānanaṃ sattūpaladdhiṃ jahati, attasaññaṃ ugghāṭeti, kammaṭṭhānañceva satipaṭṭhānabhāvanā ca hoti. Idañhi ‘‘ko vedayati, kassa vedanā, kiṃ kāraṇā vedanā’’ti evaṃ sampajānavediyanaṃ sandhāya vuttaṃ.

    д̇ад̇т̇а го взд̣̇аяад̇ийд̇и на гожи сад̇д̇о ваа буг̇г̇ало ваа взд̣̇аяад̇и. гасса взд̣̇анаад̇и на гассажи сад̇д̇асса ваа буг̇г̇аласса ваа взд̣̇анаа. гим̣ гааран̣аа взд̣̇анаад̇и вад̇т̇уаарамман̣аава банасса взд̣̇анаа, д̇асмаа зса звам̣ баж̇аанаад̇и ‘‘д̇ам̣ д̇ам̣ сукаад̣̇ийнам̣ вад̇т̇ум̣ аарамман̣ам̣ гад̇ваа взд̣̇анаава взд̣̇аяад̇и д̇ам̣ бана взд̣̇анааяа бавад̇д̇им̣ убаад̣̇ааяа’ахам̣ взд̣̇аяаамий’д̇и вохаарамад̇д̇ам̣ ход̇ий’’д̇и. звам̣ вад̇т̇ум̣ аарамман̣ам̣ гад̇ваа взд̣̇анаава взд̣̇аяад̇ийд̇и саллагкзнд̇о зса ‘‘сукам̣ взд̣̇анам̣ взд̣̇аяаамийд̇и баж̇аанаад̇ий’’д̇и взд̣̇ид̇аб̣б̣о жид̇д̇алабаб̣б̣ад̇з ан̃н̃ад̇арад̇т̇зро вияа.

    Tattha ko vedayatīti na koci satto vā puggalo vā vedayati. Kassa vedanāti na kassaci sattassa vā puggalassa vā vedanā. Kiṃ kāraṇā vedanāti vatthuārammaṇāva panassa vedanā, tasmā esa evaṃ pajānāti ‘‘taṃ taṃ sukhādīnaṃ vatthuṃ ārammaṇaṃ katvā vedanāva vedayati taṃ pana vedanāya pavattiṃ upādāya’ahaṃ vedayāmī’ti vohāramattaṃ hotī’’ti. Evaṃ vatthuṃ ārammaṇaṃ katvā vedanāva vedayatīti sallakkhento esa ‘‘sukhaṃ vedanaṃ vedayāmīti pajānātī’’ti veditabbo cittalapabbate aññataratthero viya.

    т̇зро гира апаасугагаалз б̣алававзд̣̇анааяа нид̇т̇унанд̇о абараабарам̣ баривад̇д̇ад̇и, д̇амзго д̣̇ахаро ааха – ‘‘гад̇арам̣ во, бханд̇з, таанам̣ руж̇ж̇ад̇ий’’д̇и. аавусо, баадиязггам̣ руж̇ж̇анадтаанам̣ наама над̇т̇и, вад̇т̇ум̣ аарамман̣ам̣ гад̇ваа взд̣̇анаава взд̣̇аяад̇ийд̇и. звам̣ ж̇аананагаалад̇о бадтааяа ад̇хиваасзд̇ум̣ ваддад̇и но, бханд̇з,д̇и. ад̇хиваасзми, аавусод̇и. ад̇хиваасанаа, бханд̇з, сзяяод̇и. т̇зро ад̇хиваасзси. ваад̇о яаава хад̣̇аяаа паалзси, ман̃жагз анд̇аани раасигад̇аани ахзсум̣. т̇зро д̣̇ахарасса д̣̇ассзси ‘‘ваддад̇аавусо, зд̇д̇агаа ад̇хиваасанаа’’д̇и. д̣̇ахаро д̇ун̣хий ахоси. т̇зро вийрияасамад̇ам̣ яож̇зд̇ваа саха бадисамбхид̣̇аахи арахад̇д̇ам̣ баабун̣ид̇ваа самасийсий худ̇ваа бариниб̣б̣ааяи.

    Thero kira aphāsukakāle balavavedanāya nitthunanto aparāparaṃ parivattati, tameko daharo āha – ‘‘kataraṃ vo, bhante, ṭhānaṃ rujjatī’’ti. Āvuso, pāṭiyekkaṃ rujjanaṭṭhānaṃ nāma natthi, vatthuṃ ārammaṇaṃ katvā vedanāva vedayatīti. Evaṃ jānanakālato paṭṭhāya adhivāsetuṃ vaṭṭati no, bhante,ti. Adhivāsemi, āvusoti. Adhivāsanā, bhante, seyyoti. Thero adhivāsesi. Vāto yāva hadayā phālesi, mañcake antāni rāsikatāni ahesuṃ. Thero daharassa dassesi ‘‘vaṭṭatāvuso, ettakā adhivāsanā’’ti. Daharo tuṇhī ahosi. Thero vīriyasamataṃ yojetvā saha paṭisambhidāhi arahattaṃ pāpuṇitvā samasīsī hutvā parinibbāyi.

    яат̇аа жа сукам̣, звам̣ д̣̇угкам̣…бз… нираамисам̣ ад̣̇угкамасукам̣ взд̣̇анам̣ взд̣̇аяамаано ‘‘нираамисам̣ ад̣̇угкамасукам̣ взд̣̇анам̣ взд̣̇аяаамий’’д̇и баж̇аанаад̇и. ид̇и бхаг̇аваа руубагаммадтаанам̣ гат̇зд̇ваа аруубагаммадтаанам̣ гат̇знд̇о яасмаа пассавасзна жид̇д̇авасзна ваа гат̇ияамаанам̣ баагадам̣ на ход̇и , анд̇хагаарам̣ вияа кааяад̇и, взд̣̇анаанам̣ бана уббад̇д̇ибаагадад̇ааяа взд̣̇анаавасзна баагадам̣ ход̇и, д̇асмаа саггабан̃хз вияа ид̇хааби взд̣̇анаавасзна аруубагаммадтаанам̣ гат̇зси. д̇ад̇т̇а ‘‘д̣̇увид̇хан̃хи гаммадтаанам̣ руубагаммадтаанам̣ аруубагаммадтаанан̃жаа’’д̇иаад̣̇и гат̇аамаг̇г̇о саггабан̃хз вуд̇д̇анаязнзва взд̣̇ид̇аб̣б̣о.

    Yathā ca sukhaṃ, evaṃ dukkhaṃ…pe… nirāmisaṃ adukkhamasukhaṃ vedanaṃ vedayamāno ‘‘nirāmisaṃ adukkhamasukhaṃ vedanaṃ vedayāmī’’ti pajānāti. Iti bhagavā rūpakammaṭṭhānaṃ kathetvā arūpakammaṭṭhānaṃ kathento yasmā phassavasena cittavasena vā kathiyamānaṃ pākaṭaṃ na hoti , andhakāraṃ viya khāyati, vedanānaṃ pana uppattipākaṭatāya vedanāvasena pākaṭaṃ hoti, tasmā sakkapañhe viya idhāpi vedanāvasena arūpakammaṭṭhānaṃ kathesi. Tattha ‘‘duvidhañhi kammaṭṭhānaṃ rūpakammaṭṭhānaṃ arūpakammaṭṭhānañcā’’tiādi kathāmaggo sakkapañhe vuttanayeneva veditabbo.

    д̇ад̇т̇а сукам̣ взд̣̇ананд̇иаад̣̇ийсу аяам̣ абароби баж̇аананабарияааяо, сукам̣ взд̣̇анам̣ взд̣̇аяаамийд̇и баж̇аанаад̇ийд̇и сукавзд̣̇анаагкан̣з д̣̇угкавзд̣̇анааяа абхаавад̇о сукам̣ взд̣̇анам̣ взд̣̇аяамаано ‘‘сукам̣ взд̣̇анам̣язва взд̣̇аяаамий’’д̇и баж̇аанаад̇и. д̇зна яаа буб̣б̣з бхууд̇абуб̣б̣аа д̣̇угкавзд̣̇анаа, д̇асса ид̣̇аани абхаавад̇о имиссаа жа сукааяа взд̣̇анааяа ид̇о батамам̣ абхаавад̇о взд̣̇анаа наама анижжаа ад̇хуваа вибарин̣аамад̇хаммаа, ид̇иха д̇ад̇т̇а самбаж̇аано ход̇и. вуд̇д̇амби жзд̇ам̣ бхаг̇авад̇аа –

    Tattha sukhaṃ vedanantiādīsu ayaṃ aparopi pajānanapariyāyo, sukhaṃ vedanaṃ vedayāmīti pajānātīti sukhavedanākkhaṇe dukkhavedanāya abhāvato sukhaṃ vedanaṃ vedayamāno ‘‘sukhaṃ vedanaṃyeva vedayāmī’’ti pajānāti. Tena yā pubbe bhūtapubbā dukkhavedanā, tassa idāni abhāvato imissā ca sukhāya vedanāya ito paṭhamaṃ abhāvato vedanā nāma aniccā adhuvā vipariṇāmadhammā, itiha tattha sampajāno hoti. Vuttampi cetaṃ bhagavatā –

    ‘‘яасмим̣, аг̇г̇ивзссана, самаяз сукам̣ взд̣̇анам̣ взд̣̇зд̇и, нзва д̇асмим̣ самаяз д̣̇угкам̣ взд̣̇анам̣ взд̣̇зд̇и, на ад̣̇угкамасукам̣ взд̣̇анам̣ взд̣̇зд̇и, сукам̣язва д̇асмим̣ самаяз взд̣̇анам̣ взд̣̇зд̇и. яасмим̣, аг̇г̇ивзссана, самаяз д̣̇угкам̣…бз… ад̣̇угкамасукам̣ взд̣̇анам̣ взд̣̇зд̇и, нзва д̇асмим̣ самаяз сукам̣ взд̣̇анам̣ взд̣̇зд̇и, на д̣̇угкам̣ взд̣̇анам̣ взд̣̇зд̇и, ад̣̇угкамасукам̣язва д̇асмим̣ самаяз взд̣̇анам̣ взд̣̇зд̇и. сукааби, ко, аг̇г̇ивзссана, взд̣̇анаа анижжаа сан̇кад̇аа бадижжасамуббаннаа каяад̇хаммаа ваяад̇хаммаа вирааг̇ад̇хаммаа нирод̇хад̇хаммаа. д̣̇угкааби, ко…бз… ад̣̇угкамасукааби ко, аг̇г̇ивзссана, взд̣̇анаа анижжаа…бз… нирод̇хад̇хаммаа. звам̣ бассам̣, аг̇г̇ивзссана, суд̇аваа арияасааваго сукааяаби взд̣̇анааяа ниб̣б̣инд̣̇ад̇и, д̣̇угкааяаби взд̣̇анааяа ниб̣б̣инд̣̇ад̇и, ад̣̇угкамасукааяаби взд̣̇анааяа ниб̣б̣инд̣̇ад̇и, ниб̣б̣инд̣̇ам̣ вираж̇ж̇ад̇и, вирааг̇аа вимужжад̇и, вимуд̇д̇асмим̣ ‘вимуд̇д̇амий’д̇и н̃аан̣ам̣ ход̇и, ‘кийн̣аа ж̇аад̇и, вусид̇ам̣ б̣рахмажарияам̣, гад̇ам̣ гаран̣ийяам̣, наабарам̣ ид̇т̇ад̇д̇ааяаа’д̇и баж̇аанаад̇ий’’д̇и (ма. ни. 2.205).

    ‘‘Yasmiṃ, aggivessana, samaye sukhaṃ vedanaṃ vedeti, neva tasmiṃ samaye dukkhaṃ vedanaṃ vedeti, na adukkhamasukhaṃ vedanaṃ vedeti, sukhaṃyeva tasmiṃ samaye vedanaṃ vedeti. Yasmiṃ, aggivessana, samaye dukkhaṃ…pe… adukkhamasukhaṃ vedanaṃ vedeti, neva tasmiṃ samaye sukhaṃ vedanaṃ vedeti, na dukkhaṃ vedanaṃ vedeti, adukkhamasukhaṃyeva tasmiṃ samaye vedanaṃ vedeti. Sukhāpi, kho, aggivessana, vedanā aniccā saṅkhatā paṭiccasamuppannā khayadhammā vayadhammā virāgadhammā nirodhadhammā. Dukkhāpi, kho…pe… adukkhamasukhāpi kho, aggivessana, vedanā aniccā…pe… nirodhadhammā. Evaṃ passaṃ, aggivessana, sutavā ariyasāvako sukhāyapi vedanāya nibbindati, dukkhāyapi vedanāya nibbindati, adukkhamasukhāyapi vedanāya nibbindati, nibbindaṃ virajjati, virāgā vimuccati, vimuttasmiṃ ‘vimuttamī’ti ñāṇaṃ hoti, ‘khīṇā jāti, vusitaṃ brahmacariyaṃ, kataṃ karaṇīyaṃ, nāparaṃ itthattāyā’ti pajānātī’’ti (ma. ni. 2.205).

    саамисам̣ ваа суканд̇иаад̣̇ийсу саамисаа сукаа наама бан̃жагаамаг̇ун̣аамисасанниссид̇аа ча г̇зхасид̇асоманассавзд̣̇анаа. нираамисаа сукаа наама ча нзгкаммасид̇асоманассавзд̣̇анаа. саамисаа д̣̇угкаа наама ча г̇зхасид̇ад̣̇оманассавзд̣̇анаа. нираамисаа д̣̇угкаа наама ча нзгкаммасид̇ад̣̇оманассавзд̣̇анаа. саамисаа ад̣̇угкамасукаа наама ча г̇зхасид̇аубзгкаавзд̣̇анаа. нираамисаа ад̣̇угкамасукаа наама ча нзгкаммасид̇аубзгкаавзд̣̇анаа. д̇аасам̣ вибхааг̇о саггабан̃хз вуд̇д̇оязва.

    Sāmisaṃ vā sukhantiādīsu sāmisā sukhā nāma pañcakāmaguṇāmisasannissitā cha gehasitasomanassavedanā. Nirāmisā sukhā nāma cha nekkhammasitasomanassavedanā. Sāmisā dukkhā nāma cha gehasitadomanassavedanā. Nirāmisā dukkhā nāma cha nekkhammasitadomanassavedanā. Sāmisā adukkhamasukhā nāma cha gehasitaupekkhāvedanā. Nirāmisā adukkhamasukhā nāma cha nekkhammasitaupekkhāvedanā. Tāsaṃ vibhāgo sakkapañhe vuttoyeva.

    ид̇и аж̇жхад̇д̇ам̣ ваад̇и звам̣ сукавзд̣̇анаад̣̇ибариг̇г̇ан̣ханзна ад̇д̇ано ваа взд̣̇анаасу, барасса ваа взд̣̇анаасу, гаалзна ваа ад̇д̇ано, гаалзна ваа барасса взд̣̇анаасу взд̣̇анаанубассий вихарад̇и. самуд̣̇аяаваяад̇хаммаанубассий ваад̇и зд̇т̇а бана авиж̇ж̇аасамуд̣̇аяаа взд̣̇анаасамуд̣̇аяод̇иаад̣̇ийхи бан̃жахи бан̃жахи аагаарзхи взд̣̇анаанам̣ самуд̣̇аяан̃жа ваяан̃жа бассанд̇о ‘‘самуд̣̇аяад̇хаммаанубассий ваа взд̣̇анаасу вихарад̇и, ваяад̇хаммаанубассий ваа взд̣̇анаасу вихарад̇и, гаалзна самуд̣̇аяад̇хаммаанубассий ваа взд̣̇анаасу, гаалзна ваяад̇хаммаанубассий ваа взд̣̇анаасу вихарад̇ий’’д̇и взд̣̇ид̇аб̣б̣о. ид̇о барам̣ гааяаанубассанааяам̣ вуд̇д̇анаяамзва. гзвалан̃хи ид̇ха взд̣̇анаабариг̇г̇аахигаа сад̇и д̣̇угкасажжанд̇и звам̣ яож̇анам̣ гад̇ваа взд̣̇анаабариг̇г̇аахагасса бхигкуно нияяаанамукам̣ взд̣̇ид̇аб̣б̣ам̣, сзсам̣ д̇аад̣̇исамзваад̇и.

    Itiajjhattaṃ vāti evaṃ sukhavedanādipariggaṇhanena attano vā vedanāsu, parassa vā vedanāsu, kālena vā attano, kālena vā parassa vedanāsu vedanānupassī viharati. Samudayavayadhammānupassī vāti ettha pana avijjāsamudayā vedanāsamudayotiādīhi pañcahi pañcahi ākārehi vedanānaṃ samudayañca vayañca passanto ‘‘samudayadhammānupassī vā vedanāsu viharati, vayadhammānupassī vā vedanāsu viharati, kālena samudayadhammānupassī vā vedanāsu, kālena vayadhammānupassī vā vedanāsu viharatī’’ti veditabbo. Ito paraṃ kāyānupassanāyaṃ vuttanayameva. Kevalañhi idha vedanāpariggāhikā sati dukkhasaccanti evaṃ yojanaṃ katvā vedanāpariggāhakassa bhikkhuno niyyānamukhaṃ veditabbaṃ, sesaṃ tādisamevāti.

    взд̣̇анаанубассанаа нидтид̇аа.

    Vedanānupassanā niṭṭhitā.

    жид̇д̇аанубассанааван̣н̣анаа

    Cittānupassanāvaṇṇanā

    381. звам̣ нававид̇хзна взд̣̇анаанубассанаасад̇ибадтаанам̣ гат̇зд̇ваа ид̣̇аани сол̣асавид̇хзна жид̇д̇аанубассанам̣ гат̇зд̇ум̣ гат̇ан̃жа, бхигкавзд̇иаад̣̇имааха. д̇ад̇т̇а сарааг̇анд̇и адтавид̇халобхасахаг̇ад̇ам̣. вийд̇арааг̇анд̇и логияагусалааб̣яаагад̇ам̣. ид̣̇ам̣ бана яасмаа саммасанам̣ на д̇хаммасамод̇хаанам̣ д̇асмаа ид̇ха згабад̣̇зби логуд̇д̇арам̣ на лаб̣бхад̇и. сзсаани жад̇д̇аари агусалажид̇д̇аани нзва буримабад̣̇ам̣ на бажчимабад̣̇ам̣ бхаж̇анд̇и. сад̣̇осанд̇и д̣̇увид̇хад̣̇оманассасахаг̇ад̇ам̣. вийд̇ад̣̇осанд̇и логияагусалааб̣яаагад̇ам̣. сзсаани д̣̇аса агусалажид̇д̇аани нзва буримабад̣̇ам̣, на бажчимабад̣̇ам̣ бхаж̇анд̇и. самоханд̇и вижигижчаасахаг̇ад̇ан̃жзва, уд̣̇д̇хажжасахаг̇ад̇ан̃жаад̇и д̣̇увид̇хам̣. яасмаа бана мохо саб̣б̣аагусалзсу уббаж̇ж̇ад̇и, д̇асмаа сзсааниби ид̇ха вадданд̇иязва. имасмин̃н̃зва хи д̣̇угз д̣̇ваад̣̇асаагусалажид̇д̇аани барияаад̣̇иннаанийд̇и. вийд̇амоханд̇и логияагусалааб̣яаагад̇ам̣. сан̇кид̇д̇анд̇и т̇инамид̣̇д̇хаанубад̇ид̇ам̣. зд̇ан̃хи сан̇гудид̇ажид̇д̇ам̣ наама. вигкид̇д̇анд̇и уд̣̇д̇хажжасахаг̇ад̇ам̣, зд̇ан̃хи басадажид̇д̇ам̣ наама.

    381. Evaṃ navavidhena vedanānupassanāsatipaṭṭhānaṃ kathetvā idāni soḷasavidhena cittānupassanaṃ kathetuṃ kathañca, bhikkhavetiādimāha. Tattha sarāganti aṭṭhavidhalobhasahagataṃ. Vītarāganti lokiyakusalābyākataṃ. Idaṃ pana yasmā sammasanaṃ na dhammasamodhānaṃ tasmā idha ekapadepi lokuttaraṃ na labbhati. Sesāni cattāri akusalacittāni neva purimapadaṃ na pacchimapadaṃ bhajanti. Sadosanti duvidhadomanassasahagataṃ. Vītadosanti lokiyakusalābyākataṃ. Sesāni dasa akusalacittāni neva purimapadaṃ, na pacchimapadaṃ bhajanti. Samohanti vicikicchāsahagatañceva, uddhaccasahagatañcāti duvidhaṃ. Yasmā pana moho sabbākusalesu uppajjati, tasmā sesānipi idha vaṭṭantiyeva. Imasmiññeva hi duke dvādasākusalacittāni pariyādinnānīti. Vītamohanti lokiyakusalābyākataṃ. Saṅkhittanti thinamiddhānupatitaṃ. Etañhi saṅkuṭitacittaṃ nāma. Vikkhittanti uddhaccasahagataṃ, etañhi pasaṭacittaṃ nāma.

    махаг̇г̇ад̇анд̇и руубааруубааважарам̣. амахаг̇г̇ад̇анд̇и гаамааважарам̣. сауд̇д̇аранд̇и гаамааважарам̣. ануд̇д̇аранд̇и руубааважарам̣ аруубааважаран̃жа. д̇ад̇рааби сауд̇д̇арам̣ руубааважарам̣, ануд̇д̇арам̣ аруубааважарамзва. самаахид̇анд̇и яасса аббанаасамаад̇хи убажаарасамаад̇хи ваа ад̇т̇и. асамаахид̇анд̇и убхаяасамаад̇хивирахид̇ам̣ . вимуд̇д̇анд̇и д̇ад̣̇ан̇г̇авигкамбханавимуд̇д̇ийхи вимуд̇д̇ам̣. авимуд̇д̇анд̇и убхаяавимуд̇д̇ивирахид̇ам̣. самужчзд̣̇абадиббассад̣̇д̇хиниссаран̣авимуд̇д̇ийнам̣ бана ид̇ха огаасова над̇т̇и.

    Mahaggatanti rūpārūpāvacaraṃ. Amahaggatanti kāmāvacaraṃ. Sauttaranti kāmāvacaraṃ. Anuttaranti rūpāvacaraṃ arūpāvacarañca. Tatrāpi sauttaraṃ rūpāvacaraṃ, anuttaraṃ arūpāvacarameva. Samāhitanti yassa appanāsamādhi upacārasamādhi vā atthi. Asamāhitanti ubhayasamādhivirahitaṃ . Vimuttanti tadaṅgavikkhambhanavimuttīhi vimuttaṃ. Avimuttanti ubhayavimuttivirahitaṃ. Samucchedapaṭippassaddhinissaraṇavimuttīnaṃ pana idha okāsova natthi.

    ид̇и аж̇жхад̇д̇ам̣ ваад̇и звам̣ сарааг̇аад̣̇ибариг̇г̇ан̣ханзна яасмим̣ яасмим̣ кан̣з яам̣ яам̣ жид̇д̇ам̣ бавад̇д̇ад̇и, д̇ам̣ д̇ам̣ саллагкзнд̇о ад̇д̇ано ваа жид̇д̇з, барасса ваа жид̇д̇з, гаалзна ваа ад̇д̇ано, гаалзна ваа барасса жид̇д̇з жид̇д̇аанубассий вихарад̇и. самуд̣̇аяаваяад̇хаммаанубассийд̇и зд̇т̇а бана авиж̇ж̇аасамуд̣̇аяаа вин̃н̃аан̣асамуд̣̇аяод̇и звам̣ бан̃жахи бан̃жахи аагаарзхи вин̃н̃аан̣асса самуд̣̇аяо жа ваяо жа нийхарид̇аб̣б̣о. ид̇о барам̣ вуд̇д̇анаяамзва. гзвалан̃хи ид̇ха жид̇д̇абариг̇г̇аахигаа сад̇и д̣̇угкасажжанд̇и звам̣ бад̣̇аяож̇анам̣ гад̇ваа жид̇д̇абариг̇г̇аахагасса бхигкуно нияяаанамукам̣ взд̣̇ид̇аб̣б̣ам̣. сзсам̣ д̇аад̣̇исамзваад̇и.

    Itiajjhattaṃ vāti evaṃ sarāgādipariggaṇhanena yasmiṃ yasmiṃ khaṇe yaṃ yaṃ cittaṃ pavattati, taṃ taṃ sallakkhento attano vā citte, parassa vā citte, kālena vā attano, kālena vā parassa citte cittānupassī viharati. Samudayavayadhammānupassīti ettha pana avijjāsamudayā viññāṇasamudayoti evaṃ pañcahi pañcahi ākārehi viññāṇassa samudayo ca vayo ca nīharitabbo. Ito paraṃ vuttanayameva. Kevalañhi idha cittapariggāhikā sati dukkhasaccanti evaṃ padayojanaṃ katvā cittapariggāhakassa bhikkhuno niyyānamukhaṃ veditabbaṃ. Sesaṃ tādisamevāti.

    жид̇д̇аанубассанаа нидтид̇аа.

    Cittānupassanā niṭṭhitā.

    д̇хаммаанубассанаа нийваран̣абаб̣б̣аван̣н̣анаа

    Dhammānupassanā nīvaraṇapabbavaṇṇanā

    382. звам̣ сол̣асавид̇хзна жид̇д̇аанубассанаасад̇ибадтаанам̣ гат̇зд̇ваа ид̣̇аани бан̃жавид̇хзна д̇хаммаанубассанам̣ гат̇зд̇ум̣ гат̇ан̃жа, бхигкавзд̇иаад̣̇имааха. абижа бхаг̇авад̇аа гааяаанубассанааяа суд̣̇д̇харуубабариг̇г̇ахо гат̇ид̇о, взд̣̇анаажид̇д̇аанубассанаахи суд̣̇д̇хааруубабариг̇г̇ахо. ид̣̇аани руубааруубамиссагабариг̇г̇ахам̣ гат̇зд̇ум̣ ‘‘гат̇ан̃жа, бхигкавз’’д̇иаад̣̇имааха. гааяаанубассанааяа ваа руубагканд̇хабариг̇г̇ахова гат̇ид̇о, взд̣̇анаанубассанааяа взд̣̇анаагканд̇хабариг̇г̇ахова, жид̇д̇аанубассанааяа вин̃н̃аан̣агканд̇хабариг̇г̇ахова ид̣̇аани сан̃н̃аасан̇каарагканд̇хабариг̇г̇ахамби гат̇зд̇ум̣ ‘‘гат̇ан̃жа, бхигкавз’’д̇иаад̣̇имааха.

    382. Evaṃ soḷasavidhena cittānupassanāsatipaṭṭhānaṃ kathetvā idāni pañcavidhena dhammānupassanaṃ kathetuṃ kathañca, bhikkhavetiādimāha. Apica bhagavatā kāyānupassanāya suddharūpapariggaho kathito, vedanācittānupassanāhi suddhaarūpapariggaho. Idāni rūpārūpamissakapariggahaṃ kathetuṃ ‘‘kathañca, bhikkhave’’tiādimāha. Kāyānupassanāya vā rūpakkhandhapariggahova kathito, vedanānupassanāya vedanākkhandhapariggahova, cittānupassanāya viññāṇakkhandhapariggahova idāni saññāsaṅkhārakkhandhapariggahampi kathetuṃ ‘‘kathañca, bhikkhave’’tiādimāha.

    д̇ад̇т̇а санд̇анд̇и абхин̣хасамуд̣̇аажааравасзна сам̣виж̇ж̇амаанам̣. асанд̇анд̇и асамуд̣̇аажааравасзна ваа бахийнад̇д̇аа ваа асам̣виж̇ж̇амаанам̣. яат̇аа жаад̇и язна гааран̣зна гаамажчанд̣̇асса уббаад̣̇о ход̇и. д̇ан̃жа баж̇аанаад̇ийд̇и д̇ан̃жа гааран̣ам̣ баж̇аанаад̇и. ид̇и иминаа наязна саб̣б̣абад̣̇зсу ад̇т̇о взд̣̇ид̇аб̣б̣о.

    Tattha santanti abhiṇhasamudācāravasena saṃvijjamānaṃ. Asantanti asamudācāravasena vā pahīnattā vā asaṃvijjamānaṃ. Yathā cāti yena kāraṇena kāmacchandassa uppādo hoti. Tañca pajānātīti tañca kāraṇaṃ pajānāti. Iti iminā nayena sabbapadesu attho veditabbo.

    д̇ад̇т̇а субханимид̇д̇з аяонисоманасигаарзна гаамажчанд̣̇асса уббаад̣̇о ход̇и. субханимид̇д̇ам̣ наама субхамби субханимид̇д̇ам̣, субхаарамман̣амби субханимид̇д̇ам̣. аяонисоманасигааро наама анубааяаманасигааро уббат̇аманасигааро анижжз нижжанд̇и ваа, д̣̇угкз суканд̇и ваа, анад̇д̇ани ад̇д̇аад̇и ваа, асубхз субханд̇и ваа манасигааро. д̇ам̣ д̇ад̇т̇а б̣ахулам̣ бавад̇д̇аяад̇о гаамажчанд̣̇о уббаж̇ж̇ад̇и. д̇знааха бхаг̇аваа – ‘‘ад̇т̇и, бхигкавз, субханимид̇д̇ам̣, д̇ад̇т̇а аяонисоманасигаараб̣ахулийгааро, аяамаахааро ануббаннасса ваа гаамажчанд̣̇асса уббаад̣̇ааяа уббаннасса ваа гаамажчанд̣̇асса бхияяобхаавааяа взбуллааяаа’’д̇и (сам̣. ни. 5.232).

    Tattha subhanimitte ayonisomanasikārena kāmacchandassa uppādo hoti. Subhanimittaṃ nāma subhampi subhanimittaṃ, subhārammaṇampi subhanimittaṃ. Ayonisomanasikāro nāma anupāyamanasikāro uppathamanasikāro anicce niccanti vā, dukkhe sukhanti vā, anattani attāti vā, asubhe subhanti vā manasikāro. Taṃ tattha bahulaṃ pavattayato kāmacchando uppajjati. Tenāha bhagavā – ‘‘atthi, bhikkhave, subhanimittaṃ, tattha ayonisomanasikārabahulīkāro, ayamāhāro anuppannassa vā kāmacchandassa uppādāya uppannassa vā kāmacchandassa bhiyyobhāvāya vepullāyā’’ti (saṃ. ni. 5.232).

    асубханимид̇д̇з бана яонисоманасигаарзнасса бахаанам̣ ход̇и. асубханимид̇д̇ам̣ наама асубхамби асубхаарамман̣амби. яонисоманасигааро наама убааяаманасигааро бат̇аманасигааро анижжз анижжанд̇и ваа, д̣̇угкз д̣̇угканд̇и ваа, анад̇д̇ани анад̇д̇аад̇и ваа, асубхз асубханд̇и ваа манасигааро. д̇ам̣ д̇ад̇т̇а б̣ахулам̣ бавад̇д̇аяад̇о гаамажчанд̣̇о бахийяад̇и. д̇знааха бхаг̇аваа – ‘‘ад̇т̇и, бхигкавз, асубханимид̇д̇ам̣, д̇ад̇т̇а яонисоманасигаараб̣ахулийгааро, аяамаахааро ануббаннасса ваа гаамажчанд̣̇асса ануббаад̣̇ааяа уббаннасса ваа гаамажчанд̣̇асса бахаанааяаа’’д̇и (сам̣. ни. 5.232).

    Asubhanimitte pana yonisomanasikārenassa pahānaṃ hoti. Asubhanimittaṃ nāma asubhampi asubhārammaṇampi. Yonisomanasikāro nāma upāyamanasikāro pathamanasikāro anicce aniccanti vā, dukkhe dukkhanti vā, anattani anattāti vā, asubhe asubhanti vā manasikāro. Taṃ tattha bahulaṃ pavattayato kāmacchando pahīyati. Tenāha bhagavā – ‘‘atthi, bhikkhave, asubhanimittaṃ, tattha yonisomanasikārabahulīkāro, ayamāhāro anuppannassa vā kāmacchandassa anuppādāya uppannassa vā kāmacchandassa pahānāyā’’ti (saṃ. ni. 5.232).

    абижа ча д̇хаммаа гаамажчанд̣̇асса бахаанааяа сам̣вад̇д̇анд̇и асубханимид̇д̇асса уг̇г̇ахо, асубхабхааванаануяог̇о, инд̣̇риязсу г̇уд̇д̇ад̣̇ваарад̇аа, бхож̇анз мад̇д̇ан̃н̃уд̇аа, галяаан̣амид̇д̇ад̇аа, саббааяагат̇аад̇и. д̣̇асавид̇хан̃хи асубханимид̇д̇ам̣ уг̇г̇ан̣ханд̇ассааби гаамажчанд̣̇о бахийяад̇и, бхаавзнд̇ассааби инд̣̇риязсу бихид̇ад̣̇ваарассааби жад̇уннам̣ бан̃жаннам̣ аалобаанам̣ огаасз сад̇и уд̣̇агам̣ бивид̇ваа яаабанасийлад̇ааяа бхож̇анамад̇д̇ан̃н̃уноби. д̇знзва вуд̇д̇ам̣ –

    Apica cha dhammā kāmacchandassa pahānāya saṃvattanti asubhanimittassa uggaho, asubhabhāvanānuyogo, indriyesu guttadvāratā, bhojane mattaññutā, kalyāṇamittatā, sappāyakathāti. Dasavidhañhi asubhanimittaṃ uggaṇhantassāpi kāmacchando pahīyati, bhāventassāpi indriyesu pihitadvārassāpi catunnaṃ pañcannaṃ ālopānaṃ okāse sati udakaṃ pivitvā yāpanasīlatāya bhojanamattaññunopi. Teneva vuttaṃ –

    ‘‘жад̇д̇ааро бан̃жа аалобз, абхуд̇ваа уд̣̇агам̣ бивз;

    ‘‘Cattāro pañca ālope, abhutvā udakaṃ pive;

    алам̣ паасувихаарааяа, бахид̇ад̇д̇асса бхигкуно’’д̇и. (т̇зраг̇аа. 983);

    Alaṃ phāsuvihārāya, pahitattassa bhikkhuno’’ti. (theragā. 983);

    асубхагаммигад̇иссад̇т̇зрасад̣̇исз асубхабхааванаарад̇з галяаан̣амид̇д̇з сзванд̇ассаби гаамажчанд̣̇о бахийяад̇и, таананисаж̇ж̇аад̣̇ийсу д̣̇асаасубханиссид̇асаббааяагат̇ааяа бахийяад̇и, д̇зна вуд̇д̇ам̣ – ‘‘ча д̇хаммаа гаамажчанд̣̇асса бахаанааяа сам̣вад̇д̇анд̇ий’’д̇и. имзхи бана чахи д̇хаммзхи бахийнагаамажчанд̣̇асса арахад̇д̇амаг̇г̇зна ааяад̇им̣ ануббаад̣̇о ход̇ийд̇и баж̇аанаад̇и.

    Asubhakammikatissattherasadise asubhabhāvanārate kalyāṇamitte sevantassapi kāmacchando pahīyati, ṭhānanisajjādīsu dasaasubhanissitasappāyakathāya pahīyati, tena vuttaṃ – ‘‘cha dhammā kāmacchandassa pahānāya saṃvattantī’’ti. Imehi pana chahi dhammehi pahīnakāmacchandassa arahattamaggena āyatiṃ anuppādo hotīti pajānāti.

    бадигханимид̇д̇з аяонисоманасигаарзна бана б̣яаабаад̣̇асса уббаад̣̇о ход̇и. д̇ад̇т̇а бадигхамби бадигханимид̇д̇ам̣ , бадигхаарамман̣амби бадигханимид̇д̇ам̣. аяонисоманасигааро саб̣б̣ад̇т̇а згалагкан̣ова. д̇ам̣ д̇асмим̣ нимид̇д̇з б̣ахулам̣ бавад̇д̇аяад̇о б̣яаабаад̣̇о уббаж̇ж̇ад̇и. д̇знааха бхаг̇аваа – ‘‘ад̇т̇и, бхигкавз, бадигханимид̇д̇ам̣ , д̇ад̇т̇а аяонисоманасигаараб̣ахулийгааро, аяамаахааро ануббаннасса ваа б̣яаабаад̣̇асса уббаад̣̇ааяа уббаннасса ваа б̣яаабаад̣̇асса бхияяобхаавааяа взбуллааяаа’’д̇и (сам̣. ни. 5.232).

    Paṭighanimitte ayonisomanasikārena pana byāpādassa uppādo hoti. Tattha paṭighampi paṭighanimittaṃ , paṭighārammaṇampi paṭighanimittaṃ. Ayonisomanasikāro sabbattha ekalakkhaṇova. Taṃ tasmiṃ nimitte bahulaṃ pavattayato byāpādo uppajjati. Tenāha bhagavā – ‘‘atthi, bhikkhave, paṭighanimittaṃ , tattha ayonisomanasikārabahulīkāro, ayamāhāro anuppannassa vā byāpādassa uppādāya uppannassa vā byāpādassa bhiyyobhāvāya vepullāyā’’ti (saṃ. ni. 5.232).

    мзд̇д̇ааяа бана жзд̇овимуд̇д̇ияаа яонисоманасигаарзнасса бахаанам̣ ход̇и. д̇ад̇т̇а мзд̇д̇аад̇и вуд̇д̇з аббанааби убажаароби ваддад̇и. жзд̇овимуд̇д̇ийд̇и аббанаава. яонисоманасигааро вуд̇д̇алагкан̣ова. д̇ам̣ д̇ад̇т̇а б̣ахулам̣ бавад̇д̇аяад̇о б̣яаабаад̣̇о бахийяад̇и. д̇знааха бхаг̇аваа – ‘‘ад̇т̇и, бхигкавз, мзд̇д̇аа жзд̇овимуд̇д̇и, д̇ад̇т̇а яонисоманасигаараб̣ахулийгааро, аяамаахааро ануббаннасса ваа б̣яаабаад̣̇асса ануббаад̣̇ааяа уббаннасса ваа б̣яаабаад̣̇асса бахаанааяаа’’д̇и (сам̣. ни. 5.232).

    Mettāya pana cetovimuttiyā yonisomanasikārenassa pahānaṃ hoti. Tattha mettāti vutte appanāpi upacāropi vaṭṭati. Cetovimuttīti appanāva. Yonisomanasikāro vuttalakkhaṇova. Taṃ tattha bahulaṃ pavattayato byāpādo pahīyati. Tenāha bhagavā – ‘‘atthi, bhikkhave, mettā cetovimutti, tattha yonisomanasikārabahulīkāro, ayamāhāro anuppannassa vā byāpādassa anuppādāya uppannassa vā byāpādassa pahānāyā’’ti (saṃ. ni. 5.232).

    абижа ча д̇хаммаа б̣яаабаад̣̇асса бахаанааяа сам̣вад̇д̇анд̇и мзд̇д̇аанимид̇д̇асса уг̇г̇ахо мзд̇д̇аабхааванаануяог̇о гаммассагад̇аабажжавзгкан̣аа бадисан̇каанаб̣ахулад̇аа галяаан̣амид̇д̇ад̇аа саббааяагат̇аад̇и. од̣̇иссагаанод̣̇иссагад̣̇исаапаран̣аанан̃хи ан̃н̃ад̇аравасзна мзд̇д̇ам̣ уг̇г̇ан̣ханд̇ассааби б̣яаабаад̣̇о бахийяад̇и, од̇хисоанод̇хисопаран̣авасзна мзд̇д̇ам̣ бхаавзнд̇ассааби. ‘‘д̇вам̣ зд̇асса гуд̣̇д̇хо гим̣ гариссаси, гимасса сийлаад̣̇ийни винаасзд̇ум̣ сагкиссаси, нану д̇вам̣ ад̇д̇ано гаммзна ааг̇анд̇ваа ад̇д̇ано гаммзнзва г̇амиссаси, барасса гуж̇жханам̣ наама вийд̇ажжид̇ан̇г̇аара д̇ад̇д̇ааяа салаагаг̇уут̇аад̣̇ийни г̇ахзд̇ваа барам̣ бахарид̇угаамад̇аасад̣̇исам̣ ход̇и. зсоби д̇ава гуд̣̇д̇хо гим̣ гариссад̇и, гим̣ д̇з сийлаад̣̇ийни винаасзд̇ум̣ сагкиссад̇и, зса ад̇д̇ано гаммзна ааг̇анд̇ваа ад̇д̇ано гаммзнзва г̇амиссад̇и, аббадижчид̇абахзн̣агам̣ вияа бадиваад̇ам̣ кид̇д̇араж̇омудти вияа жа зд̇ассзвзса год̇хо мад̇т̇агз бад̇иссад̇ий’’д̇и звам̣ ад̇д̇ано жа барасса жа гаммассагад̇ам̣ бажжавзгкад̇оби, убхаяагаммассагад̇ам̣ бажжавзгкид̇ваа бадисан̇каанз тид̇ассааби, ассаг̇уд̇д̇ад̇т̇зрасад̣̇исз мзд̇д̇аабхааванаарад̇з галяаан̣амид̇д̇з сзванд̇ассааби б̣яаабаад̣̇о бахийяад̇и. таананисаж̇ж̇аад̣̇ийсу мзд̇д̇ааниссид̇асаббааяагат̇ааяаби бахийяад̇и. д̇зна вуд̇д̇ам̣ – ‘‘ча д̇хаммаа б̣яаабаад̣̇асса бахаанааяа сам̣вад̇д̇анд̇ий’’д̇и. имзхи бана чахи д̇хаммзхи бахийнасса б̣яаабаад̣̇асса анааг̇аамимаг̇г̇зна ааяад̇им̣ ануббаад̣̇о ход̇ийд̇и баж̇аанаад̇и.

    Apica cha dhammā byāpādassa pahānāya saṃvattanti mettānimittassa uggaho mettābhāvanānuyogo kammassakatāpaccavekkhaṇā paṭisaṅkhānabahulatā kalyāṇamittatā sappāyakathāti. Odissakaanodissakadisāpharaṇānañhi aññataravasena mettaṃ uggaṇhantassāpi byāpādo pahīyati, odhisoanodhisopharaṇavasena mettaṃ bhāventassāpi. ‘‘Tvaṃ etassa kuddho kiṃ karissasi, kimassa sīlādīni vināsetuṃ sakkhissasi, nanu tvaṃ attano kammena āgantvā attano kammeneva gamissasi, parassa kujjhanaṃ nāma vītaccitaṅgāra tattaaya salākagūthādīni gahetvā paraṃ paharitukāmatāsadisaṃ hoti. Esopi tava kuddho kiṃ karissati, kiṃ te sīlādīni vināsetuṃ sakkhissati, esa attano kammena āgantvā attano kammeneva gamissati, appaṭicchitapaheṇakaṃ viya paṭivātaṃ khittarajomuṭṭhi viya ca etassevesa kodho matthake patissatī’’ti evaṃ attano ca parassa ca kammassakataṃ paccavekkhatopi, ubhayakammassakataṃ paccavekkhitvā paṭisaṅkhāne ṭhitassāpi, assaguttattherasadise mettābhāvanārate kalyāṇamitte sevantassāpi byāpādo pahīyati. Ṭhānanisajjādīsu mettānissitasappāyakathāyapi pahīyati. Tena vuttaṃ – ‘‘cha dhammā byāpādassa pahānāya saṃvattantī’’ti. Imehi pana chahi dhammehi pahīnassa byāpādassa anāgāmimaggena āyatiṃ anuppādo hotīti pajānāti.

    арад̇иаад̣̇ийсу аяонисоманасигаарзна т̇инамид̣̇д̇хасса уббаад̣̇о ход̇и. д̇анд̣̇ий наама гааяааласияад̇аа. виж̇амбхид̇аа наама гааяавинаманаа. бхад̇д̇асаммад̣̇о наама бхад̇д̇амужчаа бхад̇д̇абарил̣аахо. жзд̇асо лийнад̇д̇ам̣ наама жид̇д̇асса лийнаагааро. имзсу арад̇иаад̣̇ийсу аяонисоманасигаарам̣ б̣ахулам̣ бавад̇д̇аяад̇о т̇инамид̣̇д̇хам̣ уббаж̇ж̇ад̇и. д̇знааха – ‘‘ад̇т̇и, бхигкавз, арад̇и д̇анд̣̇ий виж̇амбхид̇аа бхад̇д̇асаммад̣̇о жзд̇асо лийнад̇д̇ам̣, д̇ад̇т̇а аяонисоманасигаараб̣ахулийгааро, аяамаахааро ануббаннасса ваа т̇инамид̣̇д̇хасса уббаад̣̇ааяа, уббаннасса ваа т̇инамид̣̇д̇хасса бхияяобхаавааяа взбуллааяаа’’д̇и (сам̣. ни. 5.232).

    Aratiādīsu ayonisomanasikārena thinamiddhassa uppādo hoti. Tandī nāma kāyālasiyatā. Vijambhitā nāma kāyavinamanā. Bhattasammado nāma bhattamucchā bhattapariḷāho. Cetaso līnattaṃ nāma cittassa līnākāro. Imesu aratiādīsu ayonisomanasikāraṃ bahulaṃ pavattayato thinamiddhaṃ uppajjati. Tenāha – ‘‘atthi, bhikkhave, arati tandī vijambhitā bhattasammado cetaso līnattaṃ, tattha ayonisomanasikārabahulīkāro, ayamāhāro anuppannassa vā thinamiddhassa uppādāya, uppannassa vā thinamiddhassa bhiyyobhāvāya vepullāyā’’ti (saṃ. ni. 5.232).

    аарамбхад̇хаад̇уаад̣̇ийсу бана яонисоманасигаарзнасса бахаанам̣ ход̇и. аарамбхад̇хаад̇у наама батамаарамбхавийрияам̣. ниггамад̇хаад̇у наама госаж̇ж̇ад̇о нигканд̇ад̇ааяа д̇ад̇о б̣алавад̇арам̣. бараггамад̇хаад̇у наама барам̣ барам̣ таанам̣ аггаманад̇о д̇ад̇оби б̣алавад̇арам̣. имасмим̣ д̇иббабхзд̣̇з вийрияз яонисоманасигаарам̣ б̣ахулам̣ бавад̇д̇аяад̇о т̇инамид̣̇д̇хам̣ бахийяад̇и. д̇знааха – ‘‘ад̇т̇и, бхигкавз, аарамбхад̇хаад̇у ниггамад̇хаад̇у бараггамад̇хаад̇у, д̇ад̇т̇а яонисоманасигаараб̣ахулийгааро, аяамаахааро ануббаннасса ваа т̇инамид̣̇д̇хасса ануббаад̣̇ааяа, уббаннасса ваа т̇инамид̣̇д̇хасса бахаанааяаа’’д̇и (сам̣. ни. 5.232).

    Ārambhadhātuādīsu pana yonisomanasikārenassa pahānaṃ hoti. Ārambhadhātu nāma paṭhamārambhavīriyaṃ. Nikkamadhātu nāma kosajjato nikkhantatāya tato balavataraṃ. Parakkamadhātu nāma paraṃ paraṃ ṭhānaṃ akkamanato tatopi balavataraṃ. Imasmiṃ tippabhede vīriye yonisomanasikāraṃ bahulaṃ pavattayato thinamiddhaṃ pahīyati. Tenāha – ‘‘atthi, bhikkhave, ārambhadhātu nikkamadhātu parakkamadhātu, tattha yonisomanasikārabahulīkāro, ayamāhāro anuppannassa vā thinamiddhassa anuppādāya, uppannassa vā thinamiddhassa pahānāyā’’ti (saṃ. ni. 5.232).

    абижа ча д̇хаммаа т̇инамид̣̇д̇хасса бахаанааяа сам̣вад̇д̇анд̇и – ад̇ибхож̇анз нимид̇д̇аг̇г̇аахо, ирияаабат̇асамбаривад̇д̇анад̇аа, аалогасан̃н̃ааманасигааро, аб̣бхогаасаваасо, галяаан̣амид̇д̇ад̇аа, саббааяагат̇аад̇и. аахарахад̇т̇ага д̇ад̇раваддага алам̣саадага гаагамаасага бхуд̇д̇авамид̇агабхож̇анам̣ бхун̃ж̇ид̇ваа рад̇д̇идтаанад̣̇иваадтаанз нисиннасса хи саман̣ад̇хаммам̣ гарод̇о т̇инамид̣̇д̇хам̣ махаахад̇т̇ий вияа од̇т̇аранд̇ам̣ ааг̇ажчад̇и, жад̇убан̃жааалобаогаасам̣ бана табзд̇ваа баанийяам̣ бивид̇ваа яаабанасийласса бхигкуно д̇ам̣ на ход̇ийд̇и звам̣ ад̇ибхож̇анз нимид̇д̇ам̣ г̇ан̣ханд̇ассааби т̇инамид̣̇д̇хам̣ бахийяад̇и. яасмим̣ ирияаабат̇з т̇инамид̣̇д̇хам̣ оггамад̇и, д̇ад̇о ан̃н̃ам̣ баривад̇д̇знд̇ассааби, рад̇д̇им̣ жанд̣̇аалогад̣̇ийбаалогауггаалогз д̣̇иваа суурияаалогам̣ манасигаронд̇ассааби, аб̣бхогаасз васанд̇ассааби, махаагассабад̇т̇зрасад̣̇исз бахийнат̇инамид̣̇д̇хз галяаан̣амид̇д̇з сзванд̇ассааби т̇инамид̣̇д̇хам̣ бахийяад̇и. таананисаж̇ж̇аад̣̇ийсу д̇худ̇ан̇г̇аниссид̇асаббааяагат̇ааяаби бахийяад̇и. д̇зна вуд̇д̇ам̣ – ‘‘ча д̇хаммаа т̇инамид̣̇д̇хасса бахаанааяа сам̣вад̇д̇анд̇ий’’д̇и. имзхи бана чахи д̇хаммзхи бахийнасса т̇инамид̣̇д̇хасса арахад̇д̇амаг̇г̇зна ааяад̇им̣ ануббаад̣̇о ход̇ийд̇и баж̇аанаад̇и.

    Apica cha dhammā thinamiddhassa pahānāya saṃvattanti – atibhojane nimittaggāho, iriyāpathasamparivattanatā, ālokasaññāmanasikāro, abbhokāsavāso, kalyāṇamittatā, sappāyakathāti. Āharahatthaka tatravaṭṭaka alaṃsāṭaka kākamāsaka bhuttavamitakabhojanaṃ bhuñjitvā rattiṭṭhānadivāṭṭhāne nisinnassa hi samaṇadhammaṃ karoto thinamiddhaṃ mahāhatthī viya ottharantaṃ āgacchati, catupañcaālopaokāsaṃ pana ṭhapetvā pānīyaṃ pivitvā yāpanasīlassa bhikkhuno taṃ na hotīti evaṃ atibhojane nimittaṃ gaṇhantassāpi thinamiddhaṃ pahīyati. Yasmiṃ iriyāpathe thinamiddhaṃ okkamati, tato aññaṃ parivattentassāpi, rattiṃ candālokadīpālokaukkāloke divā sūriyālokaṃ manasikarontassāpi, abbhokāse vasantassāpi, mahākassapattherasadise pahīnathinamiddhe kalyāṇamitte sevantassāpi thinamiddhaṃ pahīyati. Ṭhānanisajjādīsu dhutaṅganissitasappāyakathāyapi pahīyati. Tena vuttaṃ – ‘‘cha dhammā thinamiddhassa pahānāya saṃvattantī’’ti. Imehi pana chahi dhammehi pahīnassa thinamiddhassa arahattamaggena āyatiṃ anuppādo hotīti pajānāti.

    жзд̇асо авуубасамз аяонисоманасигаарзна уд̣̇д̇хажжагуггужжасса уббаад̣̇о ход̇и. авуубасамо наама авуубасанд̇аагааро, уд̣̇д̇хажжагуггужжамзвзд̇ам̣ ад̇т̇ад̇о. д̇ад̇т̇а аяонисоманасигаарам̣ б̣ахулам̣ бавад̇д̇аяад̇о уд̣̇д̇хажжагуггужжам̣ уббаж̇ж̇ад̇и. д̇знааха – ‘‘ад̇т̇и, бхигкавз, жзд̇асо авуубасамо, д̇ад̇т̇а аяонисоманасигаараб̣ахулийгааро, аяамаахааро ануббаннасса ваа уд̣̇д̇хажжагуггужжасса уббаад̣̇ааяа, уббаннасса ваа уд̣̇д̇хажжагуггужжасса бхияяобхаавааяа взбуллааяаа’’д̇и.

    Cetaso avūpasame ayonisomanasikārena uddhaccakukkuccassa uppādo hoti. Avūpasamo nāma avūpasantākāro, uddhaccakukkuccamevetaṃ atthato. Tattha ayonisomanasikāraṃ bahulaṃ pavattayato uddhaccakukkuccaṃ uppajjati. Tenāha – ‘‘atthi, bhikkhave, cetaso avūpasamo, tattha ayonisomanasikārabahulīkāro, ayamāhāro anuppannassa vā uddhaccakukkuccassa uppādāya, uppannassa vā uddhaccakukkuccassa bhiyyobhāvāya vepullāyā’’ti.

    самаад̇хисан̇каад̇з бана жзд̇асо вуубасамз яонисоманасигаарзнасса бахаанам̣ ход̇и. д̇знааха – ‘‘ад̇т̇и, бхигкавз, жзд̇асо вуубасамо, д̇ад̇т̇а яонисоманасигаараб̣ахулийгааро, аяамаахааро ануббаннасса ваа уд̣̇д̇хажжагуггужжасса ануббаад̣̇ааяа, уббаннасса ваа уд̣̇д̇хажжагуггужжасса бахаанааяаа’’д̇и.

    Samādhisaṅkhāte pana cetaso vūpasame yonisomanasikārenassa pahānaṃ hoti. Tenāha – ‘‘atthi, bhikkhave, cetaso vūpasamo, tattha yonisomanasikārabahulīkāro, ayamāhāro anuppannassa vā uddhaccakukkuccassa anuppādāya, uppannassa vā uddhaccakukkuccassa pahānāyā’’ti.

    абижа ча д̇хаммаа уд̣̇д̇хажжагуггужжасса бахаанааяа сам̣вад̇д̇анд̇и б̣ахуссуд̇ад̇аа барибужчагад̇аа винаяз багад̇ан̃н̃уд̇аа вуд̣̇д̇хасзвид̇аа галяаан̣амид̇д̇ад̇аа саббааяагат̇аад̇и. б̣аахуссажжзнаби хи згам̣ ваа д̣̇вз ваа д̇аяо ваа жад̇д̇ааро ваа бан̃жа ваа нигааяз баал̣ивасзна ад̇т̇авасзна жа уг̇г̇ан̣ханд̇ассааби уд̣̇д̇хажжагуггужжам̣ бахийяад̇и. габбияаагаббияабарибужчааб̣ахулассааби, винаяабан̃н̃ад̇д̇ияам̣ жин̣н̣авасибхаавад̇ааяа багад̇ан̃н̃уноби, вуд̣дхз махаллагад̇т̇зрз убасан̇гаманд̇ассааби, убаалид̇т̇зрасад̣̇исз винаяад̇харз галяаан̣амид̇д̇з сзванд̇ассааби уд̣̇д̇хажжагуггужжам̣ бахийяад̇и, таананисаж̇ж̇аад̣̇ийсу габбияаагаббияаниссид̇асаббааяагат̇ааяаби бахийяад̇и. д̇зна вуд̇д̇ам̣ – ‘‘ча д̇хаммаа уд̣̇д̇хажжагуггужжасса бахаанааяа сам̣вад̇д̇анд̇ий’’д̇и. имзхи бана чахи д̇хаммзхи бахийнз уд̣̇д̇хажжагуггужжз уд̣̇д̇хажжасса арахад̇д̇амаг̇г̇зна , гуггужжасса анааг̇аамимаг̇г̇зна ааяад̇им̣ ануббаад̣̇о ход̇ийд̇и баж̇аанаад̇и.

    Apica cha dhammā uddhaccakukkuccassa pahānāya saṃvattanti bahussutatā paripucchakatā vinaye pakataññutā vuddhasevitā kalyāṇamittatā sappāyakathāti. Bāhussaccenapi hi ekaṃ vā dve vā tayo vā cattāro vā pañca vā nikāye pāḷivasena atthavasena ca uggaṇhantassāpi uddhaccakukkuccaṃ pahīyati. Kappiyākappiyaparipucchābahulassāpi, vinayapaññattiyaṃ ciṇṇavasibhāvatāya pakataññunopi, vuḍḍhe mahallakatthere upasaṅkamantassāpi, upālittherasadise vinayadhare kalyāṇamitte sevantassāpi uddhaccakukkuccaṃ pahīyati, ṭhānanisajjādīsu kappiyākappiyanissitasappāyakathāyapi pahīyati. Tena vuttaṃ – ‘‘cha dhammā uddhaccakukkuccassa pahānāya saṃvattantī’’ti. Imehi pana chahi dhammehi pahīne uddhaccakukkucce uddhaccassa arahattamaggena , kukkuccassa anāgāmimaggena āyatiṃ anuppādo hotīti pajānāti.

    вижигижчаатаанийязсу д̇хаммзсу аяонисоманасигаарзна вижигижчааяа уббаад̣̇о ход̇и. вижигижчаатаанийяаа д̇хаммаа наама бунаббунам̣ вижигижчааяа гааран̣ад̇д̇аа вижигижчаава. д̇ад̇т̇а аяонисоманасигаарам̣ б̣ахулам̣ бавад̇д̇аяад̇о вижигижчаа уббаж̇ж̇ад̇и. д̇знааха – ‘‘ад̇т̇и, бхигкавз, вижигижчаатаанийяаа д̇хаммаа, д̇ад̇т̇а аяонисоманасигаараб̣ахулийгааро, аяамаахааро ануббаннааяа ваа вижигижчааяа уббаад̣̇ааяа, уббаннааяа ваа вижигижчааяа бхияяобхаавааяа взбуллааяаа’’д̇и (сам̣. ни. 5.232).

    Vicikicchāṭhānīyesu dhammesu ayonisomanasikārena vicikicchāya uppādo hoti. Vicikicchāṭhānīyā dhammā nāma punappunaṃ vicikicchāya kāraṇattā vicikicchāva. Tattha ayonisomanasikāraṃ bahulaṃ pavattayato vicikicchā uppajjati. Tenāha – ‘‘atthi, bhikkhave, vicikicchāṭhānīyā dhammā, tattha ayonisomanasikārabahulīkāro, ayamāhāro anuppannāya vā vicikicchāya uppādāya, uppannāya vā vicikicchāya bhiyyobhāvāya vepullāyā’’ti (saṃ. ni. 5.232).

    гусалаад̣̇ид̇хаммзсу яонисоманасигаарзна банассаа бахаанам̣ ход̇и, д̇знааха – ‘‘ад̇т̇и, бхигкавз, гусалаагусалаа д̇хаммаа сааваж̇ж̇аанаваж̇ж̇аа д̇хаммаа сзвид̇аб̣б̣аасзвид̇аб̣б̣аа д̇хаммаа хийнабан̣ийд̇аа д̇хаммаа ган̣хасуггасаббадибхааг̇аа д̇хаммаа. д̇ад̇т̇а яонисоманасигаараб̣ахулийгааро, аяамаахааро, ануббаннааяа ваа вижигижчааяа ануббаад̣̇ааяа; уббаннааяа ваа вижигижчааяа бахаанааяаа’’д̇и.

    Kusalādidhammesu yonisomanasikārena panassā pahānaṃ hoti, tenāha – ‘‘atthi, bhikkhave, kusalākusalā dhammā sāvajjānavajjā dhammā sevitabbāsevitabbā dhammā hīnapaṇītā dhammā kaṇhasukkasappaṭibhāgā dhammā. Tattha yonisomanasikārabahulīkāro, ayamāhāro, anuppannāya vā vicikicchāya anuppādāya; uppannāya vā vicikicchāya pahānāyā’’ti.

    абижа ча д̇хаммаа вижигижчааяа бахаанааяа сам̣вад̇д̇анд̇и б̣ахуссуд̇ад̇аа, барибужчагад̇аа, винаяз багад̇ан̃н̃уд̇аа, ад̇химогкаб̣ахулад̇аа, галяаан̣амид̇д̇ад̇аа, саббааяагат̇аад̇и. б̣аахуссажжзнаби хи згам̣ ваа…бз… бан̃жа ваа нигааяз баал̣ивасзна жа ад̇т̇авасзна жа уг̇г̇ан̣ханд̇ассааби вижигижчаа бахийяад̇и, д̇ийн̣и рад̇анаани аараб̣бха барибужчааб̣ахулассааби, винаяз жин̣н̣авасийбхаавассааби, д̇ийсу рад̇анзсу огаббанияасад̣̇д̇хаасан̇каад̇аад̇химогкаб̣ахулассааби, сад̣̇д̇хаад̇химуд̇д̇з ваггалид̇т̇зрасад̣̇исз галяаан̣амид̇д̇з сзванд̇ассааби вижигижчаа бахийяад̇и, таананисаж̇ж̇аад̣̇ийсу д̇ин̣н̣ам̣ рад̇анаанам̣ г̇ун̣аниссид̇асаббааяагат̇ааяаби бахийяад̇и. д̇зна вуд̇д̇ам̣ – ‘‘ча д̇хаммаа вижигижчааяа бахаанааяа сам̣вад̇д̇анд̇ий’’д̇и. имзхи бана чахи д̇хаммзхи бахийнааяа вижигижчааяа сод̇аабад̇д̇имаг̇г̇зна ааяад̇им̣ ануббаад̣̇о ход̇ийд̇и баж̇аанаад̇и.

    Apica cha dhammā vicikicchāya pahānāya saṃvattanti bahussutatā, paripucchakatā, vinaye pakataññutā, adhimokkhabahulatā, kalyāṇamittatā, sappāyakathāti. Bāhussaccenapi hi ekaṃ vā…pe… pañca vā nikāye pāḷivasena ca atthavasena ca uggaṇhantassāpi vicikicchā pahīyati, tīṇi ratanāni ārabbha paripucchābahulassāpi, vinaye ciṇṇavasībhāvassāpi, tīsu ratanesu okappaniyasaddhāsaṅkhātaadhimokkhabahulassāpi, saddhādhimutte vakkalittherasadise kalyāṇamitte sevantassāpi vicikicchā pahīyati, ṭhānanisajjādīsu tiṇṇaṃ ratanānaṃ guṇanissitasappāyakathāyapi pahīyati. Tena vuttaṃ – ‘‘cha dhammā vicikicchāya pahānāya saṃvattantī’’ti. Imehi pana chahi dhammehi pahīnāya vicikicchāya sotāpattimaggena āyatiṃ anuppādo hotīti pajānāti.

    ид̇и аж̇жхад̇д̇ам̣ ваад̇и звам̣ бан̃жанийваран̣абариг̇г̇ан̣ханзна ад̇д̇ано ваа д̇хаммзсу, барасса ваа д̇хаммзсу, гаалзна ваа ад̇д̇ано, гаалзна ваа барасса д̇хаммзсу д̇хаммаанубассий вихарад̇и. самуд̣̇аяаваяаа банзд̇т̇а субханимид̇д̇аасубханимид̇д̇аад̣̇ийсу аяонисоманасигаараяонисоманасигааравасзна бан̃жасу нийваран̣зсу вуд̇д̇ааязва нийхарид̇аб̣б̣аа. ид̇о барам̣ вуд̇д̇анаяамзва. гзвалан̃хи ид̇ха нийваран̣абариг̇г̇аахигаа сад̇и д̣̇угкасажжанд̇и звам̣ яож̇анам̣ гад̇ваа нийваран̣абариг̇г̇аахагасса бхигкуно нияяаанамукам̣ взд̣̇ид̇аб̣б̣ам̣. сзсам̣ д̇аад̣̇исамзваад̇и.

    Iti ajjhattaṃ vāti evaṃ pañcanīvaraṇapariggaṇhanena attano vā dhammesu, parassa vā dhammesu, kālena vā attano, kālena vā parassa dhammesu dhammānupassī viharati. Samudayavayā panettha subhanimittaasubhanimittādīsu ayonisomanasikārayonisomanasikāravasena pañcasu nīvaraṇesu vuttāyeva nīharitabbā. Ito paraṃ vuttanayameva. Kevalañhi idha nīvaraṇapariggāhikā sati dukkhasaccanti evaṃ yojanaṃ katvā nīvaraṇapariggāhakassa bhikkhuno niyyānamukhaṃ veditabbaṃ. Sesaṃ tādisamevāti.

    нийваран̣абаб̣б̣ам̣ нидтид̇ам̣.

    Nīvaraṇapabbaṃ niṭṭhitaṃ.

    канд̇хабаб̣б̣аван̣н̣анаа

    Khandhapabbavaṇṇanā

    383. звам̣ бан̃жанийваран̣авасзна д̇хаммаанубассанам̣ вибхаж̇ид̇ваа ид̣̇аани бан̃жагканд̇хавасзна вибхаж̇ид̇ум̣ буна жабаранд̇иаад̣̇имааха. д̇ад̇т̇а бан̃жасу убаад̣̇аанагканд̇хзсууд̇и убаад̣̇аанасса канд̇хаа убаад̣̇аанагканд̇хаа, убаад̣̇аанасса бажжаяабхууд̇аа д̇хаммабун̃ж̇аа д̇хаммараасаяод̇и ад̇т̇о. аяамзд̇т̇а сан̇кзбо. вид̇т̇аарад̇о бана канд̇хагат̇аа висуд̣̇д̇химаг̇г̇з вуд̇д̇аа.

    383. Evaṃ pañcanīvaraṇavasena dhammānupassanaṃ vibhajitvā idāni pañcakkhandhavasena vibhajituṃ puna caparantiādimāha. Tattha pañcasu upādānakkhandhesūti upādānassa khandhā upādānakkhandhā, upādānassa paccayabhūtā dhammapuñjā dhammarāsayoti attho. Ayamettha saṅkhepo. Vitthārato pana khandhakathā visuddhimagge vuttā.

    ид̇и руубанд̇и ид̣̇ам̣ руубам̣, зд̇д̇агам̣ руубам̣, на ид̇о барам̣ руубам̣ ад̇т̇ийд̇и сабхаавад̇о руубам̣ баж̇аанаад̇и. взд̣̇анаад̣̇ийсуби зсзва наяо. аяамзд̇т̇а сан̇кзбо, вид̇т̇аарзна бана руубаад̣̇ийни висуд̣̇д̇химаг̇г̇з канд̇хагат̇ааяамзва вуд̇д̇аани. ид̇и руубасса самуд̣̇аяод̇и звам̣ авиж̇ж̇аасамуд̣̇аяаад̣̇ивасзна бан̃жахаагаарзхи руубасса самуд̣̇аяо. ид̇и руубасса ад̇т̇ан̇г̇амод̇и звам̣ авиж̇ж̇аанирод̇хаад̣̇ивасзна бан̃жахаагаарзхи руубасса ад̇т̇ан̇г̇амо. взд̣̇анаад̣̇ийсуби зсзва наяо. аяамзд̇т̇а сан̇кзбо, вид̇т̇ааро бана висуд̣̇д̇химаг̇г̇з уд̣̇аяаб̣б̣аяан̃аан̣агат̇ааяа вуд̇д̇о.

    Iti rūpanti idaṃ rūpaṃ, ettakaṃ rūpaṃ, na ito paraṃ rūpaṃ atthīti sabhāvato rūpaṃ pajānāti. Vedanādīsupi eseva nayo. Ayamettha saṅkhepo, vitthārena pana rūpādīni visuddhimagge khandhakathāyameva vuttāni. Iti rūpassa samudayoti evaṃ avijjāsamudayādivasena pañcahākārehi rūpassa samudayo. Iti rūpassa atthaṅgamoti evaṃ avijjānirodhādivasena pañcahākārehi rūpassa atthaṅgamo. Vedanādīsupi eseva nayo. Ayamettha saṅkhepo, vitthāro pana visuddhimagge udayabbayañāṇakathāya vutto.

    ид̇и аж̇жхад̇д̇ам̣ ваад̇и звам̣ бан̃жагканд̇хабариг̇г̇ан̣ханзна ад̇д̇ано ваа д̇хаммзсу, барасса ваа д̇хаммзсу, гаалзна ваа ад̇д̇ано, гаалзна ваа барасса д̇хаммзсу д̇хаммаанубассий вихарад̇и. самуд̣̇аяаваяаа банзд̇т̇а ‘‘авиж̇ж̇аасамуд̣̇аяаа руубасамуд̣̇аяо’’д̇иаад̣̇ийнам̣ бан̃жасу канд̇хзсу вуд̇д̇аанам̣ бан̃н̃аасааяа лагкан̣аанам̣ васзна нийхарид̇аб̣б̣аа. ид̇о барам̣ вуд̇д̇анаяамзва. гзвалан̃хи ид̇ха канд̇хабариг̇г̇аахигаа сад̇и д̣̇угкасажжанд̇и звам̣ яож̇анам̣ гад̇ваа канд̇хабариг̇г̇аахагасса бхигкуно нияяаанамукам̣ взд̣̇ид̇аб̣б̣ам̣. сзсам̣ д̇аад̣̇исамзваад̇и.

    Iti ajjhattaṃ vāti evaṃ pañcakkhandhapariggaṇhanena attano vā dhammesu, parassa vā dhammesu, kālena vā attano, kālena vā parassa dhammesu dhammānupassī viharati. Samudayavayā panettha ‘‘avijjāsamudayā rūpasamudayo’’tiādīnaṃ pañcasu khandhesu vuttānaṃ paññāsāya lakkhaṇānaṃ vasena nīharitabbā. Ito paraṃ vuttanayameva. Kevalañhi idha khandhapariggāhikā sati dukkhasaccanti evaṃ yojanaṃ katvā khandhapariggāhakassa bhikkhuno niyyānamukhaṃ veditabbaṃ. Sesaṃ tādisamevāti.

    канд̇хабаб̣б̣ам̣ нидтид̇ам̣.

    Khandhapabbaṃ niṭṭhitaṃ.

    ааяад̇анабаб̣б̣аван̣н̣анаа

    Āyatanapabbavaṇṇanā

    384. звам̣ бан̃жагканд̇хавасзна д̇хаммаанубассанам̣ вибхаж̇ид̇ваа ид̣̇аани ааяад̇анавасзна вибхаж̇ид̇ум̣ буна жабаранд̇иаад̣̇имааха. д̇ад̇т̇а часу аж̇жхад̇д̇игаб̣аахирзсу ааяад̇анзсууд̇и жагку сод̇ам̣ гхаанам̣ ж̇ивхаа гааяо манод̇и имзсу часу аж̇жхад̇д̇игзсу, руубам̣ сад̣̇д̣̇о г̇анд̇хо расо подтаб̣б̣о д̇хаммод̇и имзсу часу б̣аахирзсу. жагкун̃жа баж̇аанаад̇ийд̇и жагкубасаад̣̇ам̣ яаат̇аавасарасалагкан̣авасзна баж̇аанаад̇и. руубз жа баж̇аанаад̇ийд̇и б̣ахид̣̇д̇хаа жад̇усамудтаанигаруубан̃жа яаат̇аавасарасалагкан̣авасзна баж̇аанаад̇и. яан̃жа д̇ад̣̇убхаяам̣ бадижжа уббаж̇ж̇ад̇и сам̣яож̇ананд̇и яан̃жа д̇ам̣ жагкум̣ жзва руубз жаад̇и убхаяам̣ бадижжа. гаамарааг̇асам̣яож̇анам̣ бадигха, маана, д̣̇идти, вижигижчаа, сийлаб̣б̣ад̇абараамааса, бхаварааг̇а, иссаа, мажчарияа, авиж̇ж̇аасам̣яож̇ананд̇и д̣̇асавид̇хам̣ сам̣яож̇анам̣ уббаж̇ж̇ад̇и, д̇ан̃жа яаат̇аавасарасалагкан̣авасзна баж̇аанаад̇и.

    384. Evaṃ pañcakkhandhavasena dhammānupassanaṃ vibhajitvā idāni āyatanavasena vibhajituṃ puna caparantiādimāha. Tattha chasu ajjhattikabāhiresu āyatanesūti cakkhu sotaṃ ghānaṃ jivhā kāyo manoti imesu chasu ajjhattikesu, rūpaṃ saddo gandho raso phoṭṭhabbo dhammoti imesu chasu bāhiresu. Cakkhuñca pajānātīti cakkhupasādaṃ yāthāvasarasalakkhaṇavasena pajānāti. Rūpe ca pajānātīti bahiddhā catusamuṭṭhānikarūpañca yāthāvasarasalakkhaṇavasena pajānāti. Yañca tadubhayaṃ paṭicca uppajjati saṃyojananti yañca taṃ cakkhuṃ ceva rūpe cāti ubhayaṃ paṭicca. Kāmarāgasaṃyojanaṃ paṭigha, māna, diṭṭhi, vicikicchā, sīlabbataparāmāsa, bhavarāga, issā, macchariya, avijjāsaṃyojananti dasavidhaṃ saṃyojanaṃ uppajjati, tañca yāthāvasarasalakkhaṇavasena pajānāti.

    гат̇ам̣ банзд̇ам̣ уббаж̇ж̇ад̇ийд̇и? жагкуд̣̇ваарз д̇аава аабаат̇аг̇ад̇ам̣ идтаарамман̣ам̣ гаамассаад̣̇авасзна ассаад̣̇аяад̇о абхинанд̣̇ад̇о гаамарааг̇асам̣яож̇анам̣ уббаж̇ж̇ад̇и. анидтаарамман̣з гуж̇жхад̇о бадигхасам̣яож̇анам̣ уббаж̇ж̇ад̇и. ‘‘табзд̇ваа мам̣ го ан̃н̃о зд̇ам̣ аарамман̣ам̣ вибхаавзд̇ум̣ самад̇т̇о ад̇т̇ий’’д̇и ман̃н̃ад̇о маанасам̣яож̇анам̣ уббаж̇ж̇ад̇и. зд̇ам̣ руубаарамман̣ам̣ нижжам̣ д̇хуванд̇и г̇ан̣хад̇о д̣̇идтисам̣яож̇анам̣ уббаж̇ж̇ад̇и. ‘‘зд̇ам̣ руубаарамман̣ам̣ сад̇д̇о ну ко, сад̇д̇асса ну ко’’д̇и вижигижчад̇о вижигижчаасам̣яож̇анам̣ уббаж̇ж̇ад̇и. ‘‘самбад̇д̇ибхавз вад̇а но ид̣̇ам̣ сулабхам̣ ж̇аад̇а’’нд̇и бхавам̣ бад̇т̇знд̇асса бхаварааг̇асам̣яож̇анам̣ уббаж̇ж̇ад̇и. ‘‘ааяад̇имби зваруубам̣ сийлаб̣б̣ад̇ам̣ самаад̣̇ияид̇ваа саггаа лад̣̇д̇ху’’нд̇и сийлаб̣б̣ад̇ам̣ самаад̣̇ияанд̇асса сийлаб̣б̣ад̇абараамаасасам̣яож̇анам̣ уббаж̇ж̇ад̇и. ‘‘ахо вад̇а д̇ам̣ руубаарамман̣ам̣ ан̃н̃з на лабхзяяу’’нд̇и усууяад̇о иссаасам̣яож̇анам̣ уббаж̇ж̇ад̇и. ад̇д̇анаа лад̣̇д̇хам̣ руубаарамман̣ам̣ ан̃н̃асса мажчарааяад̇о мажчарияасам̣яож̇анам̣ уббаж̇ж̇ад̇и. саб̣б̣зхзва сахаж̇аад̇аан̃н̃аан̣авасзна авиж̇ж̇аасам̣яож̇анам̣ уббаж̇ж̇ад̇и.

    Kathaṃ panetaṃ uppajjatīti? Cakkhudvāre tāva āpāthagataṃ iṭṭhārammaṇaṃ kāmassādavasena assādayato abhinandato kāmarāgasaṃyojanaṃ uppajjati. Aniṭṭhārammaṇe kujjhato paṭighasaṃyojanaṃ uppajjati. ‘‘Ṭhapetvā maṃ ko añño etaṃ ārammaṇaṃ vibhāvetuṃ samattho atthī’’ti maññato mānasaṃyojanaṃ uppajjati. Etaṃ rūpārammaṇaṃ niccaṃ dhuvanti gaṇhato diṭṭhisaṃyojanaṃ uppajjati. ‘‘Etaṃ rūpārammaṇaṃ satto nu kho, sattassa nu kho’’ti vicikicchato vicikicchāsaṃyojanaṃ uppajjati. ‘‘Sampattibhave vata no idaṃ sulabhaṃ jāta’’nti bhavaṃ patthentassa bhavarāgasaṃyojanaṃ uppajjati. ‘‘Āyatimpi evarūpaṃ sīlabbataṃ samādiyitvā sakkā laddhu’’nti sīlabbataṃ samādiyantassa sīlabbataparāmāsasaṃyojanaṃ uppajjati. ‘‘Aho vata taṃ rūpārammaṇaṃ aññe na labheyyu’’nti usūyato issāsaṃyojanaṃ uppajjati. Attanā laddhaṃ rūpārammaṇaṃ aññassa maccharāyato macchariyasaṃyojanaṃ uppajjati. Sabbeheva sahajātaaññāṇavasena avijjāsaṃyojanaṃ uppajjati.

    яат̇аа жа ануббаннассаад̇и язна гааран̣зна асамуд̣̇аажааравасзна ануббаннасса д̇асса д̣̇асавид̇хассааби сам̣яож̇анасса уббаад̣̇о ход̇и, д̇ан̃жа гааран̣ам̣ баж̇аанаад̇и. яат̇аа жа уббаннассаад̇и аббахийнадтзна бана самуд̣̇аажааравасзна ваа уббаннасса д̇асса д̣̇асавид̇хассааби сам̣яож̇анасса язна гааран̣зна бахаанам̣ ход̇и, д̇ан̃жа гааран̣ам̣ баж̇аанаад̇и. яат̇аа жа бахийнассаад̇и д̇ад̣̇ан̇г̇авигкамбханаббахаанавасзна бахийнассааби д̇асса д̣̇асавид̇хасса сам̣яож̇анасса язна гааран̣зна ааяад̇им̣ ануббаад̣̇о ход̇и, д̇ан̃жа баж̇аанаад̇и. гзна гааран̣зна банасса ааяад̇им̣ ануббаад̣̇о ход̇и? д̣̇идтивижигижчаасийлаб̣б̣ад̇абараамаасаиссаамажчарияабхзд̣̇асса д̇аава бан̃жавид̇хасса сам̣яож̇анасса сод̇аабад̇д̇имаг̇г̇зна ааяад̇им̣ ануббаад̣̇о ход̇и. гаамарааг̇абадигхасам̣яож̇анад̣̇ваяасса ол̣ааригасса сагад̣̇ааг̇аамимаг̇г̇зна, ан̣усахаг̇ад̇асса анааг̇аамимаг̇г̇зна, маанабхаварааг̇аавиж̇ж̇аасам̣яож̇анад̇д̇аяасса арахад̇д̇амаг̇г̇зна ааяад̇им̣ ануббаад̣̇о ход̇и. сод̇ан̃жа баж̇аанаад̇и сад̣̇д̣̇з жаад̇иаад̣̇ийсуби зсзва наяо. абижзд̇т̇а ааяад̇анагат̇аа вид̇т̇аарад̇о висуд̣̇д̇химаг̇г̇з ааяад̇ананид̣̇д̣̇зсз вуд̇д̇анаязнзва взд̣̇ид̇аб̣б̣аа.

    Yathā ca anuppannassāti yena kāraṇena asamudācāravasena anuppannassa tassa dasavidhassāpi saṃyojanassa uppādo hoti, tañca kāraṇaṃ pajānāti. Yathā ca uppannassāti appahīnaṭṭhena pana samudācāravasena vā uppannassa tassa dasavidhassāpi saṃyojanassa yena kāraṇena pahānaṃ hoti, tañca kāraṇaṃ pajānāti. Yathā ca pahīnassāti tadaṅgavikkhambhanappahānavasena pahīnassāpi tassa dasavidhassa saṃyojanassa yena kāraṇena āyatiṃ anuppādo hoti, tañca pajānāti. Kena kāraṇena panassa āyatiṃ anuppādo hoti? Diṭṭhivicikicchāsīlabbataparāmāsaissāmacchariyabhedassa tāva pañcavidhassa saṃyojanassa sotāpattimaggena āyatiṃ anuppādo hoti. Kāmarāgapaṭighasaṃyojanadvayassa oḷārikassa sakadāgāmimaggena, aṇusahagatassa anāgāmimaggena, mānabhavarāgāvijjāsaṃyojanattayassa arahattamaggena āyatiṃ anuppādo hoti. Sotañca pajānāti sadde cātiādīsupi eseva nayo. Apicettha āyatanakathā vitthārato visuddhimagge āyatananiddese vuttanayeneva veditabbā.

    ид̇и аж̇жхад̇д̇ам̣ ваад̇и звам̣ аж̇жхад̇д̇игааяад̇анабариг̇г̇ан̣ханзна ад̇д̇ано ваа д̇хаммзсу б̣аахирааяад̇анабариг̇г̇ан̣ханзна барасса ваа д̇хаммзсу, гаалзна ваа ад̇д̇ано, гаалзна ваа барасса д̇хаммзсу д̇хаммаанубассий вихарад̇и. самуд̣̇аяаваяаа банзд̇т̇а ‘‘авиж̇ж̇аасамуд̣̇аяаа жагкусамуд̣̇аяо’’д̇и руубааяад̇анасса руубагканд̇хз, аруубааяад̇анзсу манааяад̇анасса вин̃н̃аан̣агканд̇хз, д̇хаммааяад̇анасса сзсагканд̇хзсу вуд̇д̇анаязна нийхарид̇аб̣б̣аа. логуд̇д̇арад̇хаммаа на г̇ахзд̇аб̣б̣аа. ид̇о барам̣ вуд̇д̇анаяамзва. гзвалан̃хи ид̇ха ааяад̇анабариг̇г̇аахигаа сад̇и д̣̇угкасажжанд̇и звам̣ яож̇анам̣ гад̇ваа ааяад̇анабариг̇г̇аахагасса бхигкуно нияяаанамукам̣ взд̣̇ид̇аб̣б̣ам̣. сзсам̣ д̇аад̣̇исамзваад̇и.

    Iti ajjhattaṃ vāti evaṃ ajjhattikāyatanapariggaṇhanena attano vā dhammesu bāhirāyatanapariggaṇhanena parassa vā dhammesu, kālena vā attano, kālena vā parassa dhammesu dhammānupassī viharati. Samudayavayā panettha ‘‘avijjāsamudayā cakkhusamudayo’’ti rūpāyatanassa rūpakkhandhe, arūpāyatanesu manāyatanassa viññāṇakkhandhe, dhammāyatanassa sesakkhandhesu vuttanayena nīharitabbā. Lokuttaradhammā na gahetabbā. Ito paraṃ vuttanayameva. Kevalañhi idha āyatanapariggāhikā sati dukkhasaccanti evaṃ yojanaṃ katvā āyatanapariggāhakassa bhikkhuno niyyānamukhaṃ veditabbaṃ. Sesaṃ tādisamevāti.

    ааяад̇анабаб̣б̣ам̣ нидтид̇ам̣.

    Āyatanapabbaṃ niṭṭhitaṃ.

    б̣ож̇жхан̇г̇абаб̣б̣аван̣н̣анаа

    Bojjhaṅgapabbavaṇṇanā

    385. звам̣ ча аж̇жхад̇д̇игаб̣аахирааяад̇анавасзна д̇хаммаанубассанам̣ вибхаж̇ид̇ваа ид̣̇аани б̣ож̇жхан̇г̇авасзна вибхаж̇ид̇ум̣ буна жабаранд̇иаад̣̇имааха. д̇ад̇т̇а б̣ож̇жхан̇г̇зсууд̇и б̣уж̇жханагасад̇д̇асса ан̇г̇зсу. санд̇анд̇и бадилаабхавасзна сам̣виж̇ж̇амаанам̣. сад̇исамб̣ож̇жхан̇г̇анд̇и сад̇исан̇каад̇ам̣ самб̣ож̇жхан̇г̇ам̣. зд̇т̇а хи самб̣уж̇жхад̇и аарад̣̇д̇хавибассагад̇о бадтааяа яог̇ааважарод̇и самб̣од̇хи. яааяа ваа со сад̇иаад̣̇игааяа сад̇д̇ад̇хаммасаамаг̇г̇ияаа самб̣уж̇жхад̇и гилзсанид̣̇д̣̇аад̇о удтаад̇и, сажжаани ваа бадивиж̇жхад̇и, саа д̇хаммасаамаг̇г̇ий самб̣од̇хи. д̇асса самб̣од̇хисса, д̇ассаа ваа самб̣од̇хияаа ан̇г̇анд̇и самб̣ож̇жхан̇г̇ам̣. д̇зна вуд̇д̇ам̣ – ‘‘сад̇исан̇каад̇ам̣ самб̣ож̇жхан̇г̇а’’нд̇и. сзсасамб̣ож̇жхан̇г̇зсуби иминаава наязна важанад̇т̇о взд̣̇ид̇аб̣б̣о.

    385. Evaṃ cha ajjhattikabāhirāyatanavasena dhammānupassanaṃ vibhajitvā idāni bojjhaṅgavasena vibhajituṃ puna caparantiādimāha. Tattha bojjhaṅgesūti bujjhanakasattassa aṅgesu. Santanti paṭilābhavasena saṃvijjamānaṃ. Satisambojjhaṅganti satisaṅkhātaṃ sambojjhaṅgaṃ. Ettha hi sambujjhati āraddhavipassakato paṭṭhāya yogāvacaroti sambodhi. Yāya vā so satiādikāya sattadhammasāmaggiyā sambujjhati kilesaniddāto uṭṭhāti, saccāni vā paṭivijjhati, sā dhammasāmaggī sambodhi. Tassa sambodhissa, tassā vā sambodhiyā aṅganti sambojjhaṅgaṃ. Tena vuttaṃ – ‘‘satisaṅkhātaṃ sambojjhaṅga’’nti. Sesasambojjhaṅgesupi imināva nayena vacanattho veditabbo.

    асанд̇анд̇и аббадилаабхавасзна авиж̇ж̇амаанам̣. яат̇аа жа анубаннассаад̇иаад̣̇ийсу бана сад̇исамб̣ож̇жхан̇г̇асса д̇аава ‘‘ад̇т̇и, бхигкавз, сад̇исамб̣ож̇жхан̇г̇адтаанийяаа д̇хаммаа, д̇ад̇т̇а яонисоманасигаараб̣ахулийгааро, аяамаахааро ануббаннасса ваа сад̇исамб̣ож̇жхан̇г̇асса уббаад̣̇ааяа, уббаннасса ваа сад̇исамб̣ож̇жхан̇г̇асса бхияяобхаавааяа взбуллааяа бхааванааяа баарибуурияаа сам̣вад̇д̇ад̇ий’’д̇и (сам̣. ни. 5.232) звам̣ уббаад̣̇о ход̇и. д̇ад̇т̇а сад̇иязва сад̇исамб̣ож̇жхан̇г̇адтаанийяаа д̇хаммаа. яонисоманасигааро вуд̇д̇алагкан̣оязва. д̇ам̣ д̇ад̇т̇а б̣ахулам̣ бавад̇д̇аяад̇о сад̇исамб̣ож̇жхан̇г̇о уббаж̇ж̇ад̇и.

    Asantanti appaṭilābhavasena avijjamānaṃ. Yathā ca anupannassātiādīsu pana satisambojjhaṅgassa tāva ‘‘atthi, bhikkhave, satisambojjhaṅgaṭṭhānīyā dhammā, tattha yonisomanasikārabahulīkāro, ayamāhāro anuppannassa vā satisambojjhaṅgassa uppādāya, uppannassa vā satisambojjhaṅgassa bhiyyobhāvāya vepullāya bhāvanāya pāripūriyā saṃvattatī’’ti (saṃ. ni. 5.232) evaṃ uppādo hoti. Tattha satiyeva satisambojjhaṅgaṭṭhānīyā dhammā. Yonisomanasikāro vuttalakkhaṇoyeva. Taṃ tattha bahulaṃ pavattayato satisambojjhaṅgo uppajjati.

    абижа жад̇д̇ааро д̇хаммаа сад̇исамб̣ож̇жхан̇г̇асса уббаад̣̇ааяа сам̣вад̇д̇анд̇и сад̇исамбаж̇ан̃н̃ам̣ мудтассад̇ибуг̇г̇алабариваж̇ж̇анад̇аа убадтид̇ассад̇ибуг̇г̇аласзванад̇аа д̇ад̣̇ад̇химуд̇д̇ад̇аад̇и. абхигганд̇аад̣̇ийсу хи сад̇д̇асу таанзсу сад̇исамбаж̇ан̃н̃зна, бхад̇д̇анигкид̇д̇агаагасад̣̇исз мудтассад̇ибуг̇г̇алз бариваж̇ж̇анзна, д̇иссад̣̇ад̇д̇ад̇т̇зраабхаяад̇т̇зрасад̣̇исз убадтид̇ассад̇ибуг̇г̇алз сзванзна, таананисаж̇ж̇аад̣̇ийсу сад̇исамудтаабанад̇т̇ам̣ ниннабон̣абаб̣бхааражид̇д̇ад̇ааяа жа сад̇исамб̣ож̇жхан̇г̇о уббаж̇ж̇ад̇и. звам̣ жад̇уухи гааран̣зхи уббаннасса банасса арахад̇д̇амаг̇г̇зна бхааванаабаарибуури ход̇ийд̇и баж̇аанаад̇и.

    Apica cattāro dhammā satisambojjhaṅgassa uppādāya saṃvattanti satisampajaññaṃ muṭṭhassatipuggalaparivajjanatā upaṭṭhitassatipuggalasevanatā tadadhimuttatāti. Abhikkantādīsu hi sattasu ṭhānesu satisampajaññena, bhattanikkhittakākasadise muṭṭhassatipuggale parivajjanena, tissadattattheraabhayattherasadise upaṭṭhitassatipuggale sevanena, ṭhānanisajjādīsu satisamuṭṭhāpanatthaṃ ninnapoṇapabbhāracittatāya ca satisambojjhaṅgo uppajjati. Evaṃ catūhi kāraṇehi uppannassa panassa arahattamaggena bhāvanāpāripūri hotīti pajānāti.

    д̇хаммавижаяасамб̣ож̇жхан̇г̇асса бана ‘‘ад̇т̇и, бхигкавз, гусалаагусалаа д̇хаммаа…бз… ган̣хасуггасаббадибхааг̇аа д̇хаммаа, д̇ад̇т̇а яонисоманасигаараб̣ахулийгааро, аяамаахааро ануббаннасса ваа д̇хаммавижаяасамб̣ож̇жхан̇г̇асса уббаад̣̇ааяа, уббаннасса ваа д̇хаммавижаяасамб̣ож̇жхан̇г̇асса бхияяобхаавааяа взбуллааяа бхааванааяа баарибуурияаа сам̣вад̇д̇ад̇ий’’д̇и звам̣ уббаад̣̇о ход̇и.

    Dhammavicayasambojjhaṅgassa pana ‘‘atthi, bhikkhave, kusalākusalā dhammā…pe… kaṇhasukkasappaṭibhāgā dhammā, tattha yonisomanasikārabahulīkāro, ayamāhāro anuppannassa vā dhammavicayasambojjhaṅgassa uppādāya, uppannassa vā dhammavicayasambojjhaṅgassa bhiyyobhāvāya vepullāya bhāvanāya pāripūriyā saṃvattatī’’ti evaṃ uppādo hoti.

    абижа сад̇д̇а д̇хаммаа д̇хаммавижаяасамб̣ож̇жхан̇г̇асса уббаад̣̇ааяа сам̣вад̇д̇анд̇и барибужчагад̇аа вад̇т̇увисад̣̇агирияаа инд̣̇рияасамад̇д̇абадибаад̣̇анаа д̣̇уббан̃н̃абуг̇г̇алабариваж̇ж̇анаа бан̃н̃аванд̇абуг̇г̇аласзванаа г̇амбхийран̃аан̣ажарияабажжавзгкан̣аа д̇ад̣̇ад̇химуд̇д̇ад̇аад̇и. д̇ад̇т̇а барибужчагад̇аад̇и канд̇хад̇хаад̇уааяад̇анаинд̣̇рияаб̣алаб̣ож̇жхан̇г̇амаг̇г̇ан̇г̇ажхаанан̇г̇асамат̇авибассанаанам̣ ад̇т̇асанниссид̇абарибужчааб̣ахулад̇аа. вад̇т̇увисад̣̇агирияаад̇и аж̇жхад̇д̇игаб̣аахираанам̣ вад̇т̇уунам̣ висад̣̇абхаавагаран̣ам̣. яад̣̇аа хисса гзсанакаломаани д̣̇ийгхаани хонд̇и, сарийрам̣ ваа уссаннад̣̇осан̃жзва сзд̣̇амаламагкид̇ан̃жа, д̇ад̣̇аа аж̇жхад̇д̇игам̣ вад̇т̇у ависад̣̇ам̣ ход̇и абарисуд̣̇д̇хам̣. яад̣̇аа бана жийварам̣ ж̇ин̣н̣ам̣ гилидтам̣ д̣̇уг̇г̇анд̇хам̣ ход̇и, сзнаасанам̣ ваа углаабам̣, д̇ад̣̇аа б̣аахиравад̇т̇у ависад̣̇ам̣ ход̇и абарисуд̣̇д̇хам̣. д̇асмаа гзсаад̣̇ичзд̣̇аабанзна уд̣̇д̇хам̣вирзжанаад̇ховирзжанаад̣̇ийхи сарийрасаллахугабхаавагаран̣зна ужчаад̣̇ананахаабанзна жа аж̇жхад̇д̇игавад̇т̇у висад̣̇ам̣ гаад̇аб̣б̣ам̣. суужигаммад̇хованараж̇анабарибхан̣д̣агаран̣аад̣̇ийхи б̣аахиравад̇т̇у висад̣̇ам̣ гаад̇аб̣б̣ам̣. зд̇асмин̃хи аж̇жхад̇д̇игаб̣аахирз вад̇т̇умхи ависад̣̇з уббаннзсу жид̇д̇ажзд̇асигзсу н̃аан̣амби ависад̣̇ам̣ ход̇и абарисуд̣̇д̇хам̣ абарисуд̣̇д̇хаани д̣̇ийбагабаллаваддид̇злаани ниссааяа уббаннад̣̇ийбасикааяа обхаасо вияа. висад̣̇з бана аж̇жхад̇д̇игаб̣аахирз вад̇т̇умхи уббаннзсу жид̇д̇ажзд̇асигзсу н̃аан̣амби висад̣̇ам̣ ход̇и барисуд̣̇д̇хаани д̣̇ийбагабаллаваддид̇злаани ниссааяа уббаннад̣̇ийбасикааяа обхаасо вияа. д̇зна вуд̇д̇ам̣ ‘‘вад̇т̇увисад̣̇агирияаа д̇хаммавижаяасамб̣ож̇жхан̇г̇асса уббаад̣̇ааяа сам̣вад̇д̇ад̇ий’’д̇и.

    Apica satta dhammā dhammavicayasambojjhaṅgassa uppādāya saṃvattanti paripucchakatā vatthuvisadakiriyā indriyasamattapaṭipādanā duppaññapuggalaparivajjanā paññavantapuggalasevanā gambhīrañāṇacariyapaccavekkhaṇā tadadhimuttatāti. Tattha paripucchakatāti khandhadhātuāyatanaindriyabalabojjhaṅgamaggaṅgajhānaṅgasamathavipassanānaṃ atthasannissitaparipucchābahulatā. Vatthuvisadakiriyāti ajjhattikabāhirānaṃ vatthūnaṃ visadabhāvakaraṇaṃ. Yadā hissa kesanakhalomāni dīghāni honti, sarīraṃ vā ussannadosañceva sedamalamakkhitañca, tadā ajjhattikaṃ vatthu avisadaṃ hoti aparisuddhaṃ. Yadā pana cīvaraṃ jiṇṇaṃ kiliṭṭhaṃ duggandhaṃ hoti, senāsanaṃ vā uklāpaṃ, tadā bāhiravatthu avisadaṃ hoti aparisuddhaṃ. Tasmā kesādichedāpanena uddhaṃvirecanaadhovirecanādīhi sarīrasallahukabhāvakaraṇena ucchādananahāpanena ca ajjhattikavatthu visadaṃ kātabbaṃ. Sūcikammadhovanarajanaparibhaṇḍakaraṇādīhi bāhiravatthu visadaṃ kātabbaṃ. Etasmiñhi ajjhattikabāhire vatthumhi avisade uppannesu cittacetasikesu ñāṇampi avisadaṃ hoti aparisuddhaṃ aparisuddhāni dīpakapallavaṭṭitelāni nissāya uppannadīpasikhāya obhāso viya. Visade pana ajjhattikabāhire vatthumhi uppannesu cittacetasikesu ñāṇampi visadaṃ hoti parisuddhāni dīpakapallavaṭṭitelāni nissāya uppannadīpasikhāya obhāso viya. Tena vuttaṃ ‘‘vatthuvisadakiriyā dhammavicayasambojjhaṅgassa uppādāya saṃvattatī’’ti.

    инд̣̇рияасамад̇д̇абадибаад̣̇анаа наама сад̣̇д̇хаад̣̇ийнам̣ инд̣̇рияаанам̣ самабхаавагаран̣ам̣. сажз хисса сад̣̇д̇хинд̣̇рияам̣ б̣алавам̣ ход̇и, ид̇араани манд̣̇аани, д̇ад̇о вийрияинд̣̇рияам̣ баг̇г̇ахагижжам̣, сад̇инд̣̇рияам̣ убадтаанагижжам̣, самаад̇хинд̣̇рияам̣ авигкзбагижжам̣, бан̃н̃инд̣̇рияам̣ д̣̇ассанагижжам̣ гаад̇ум̣ на саггод̇и. д̇асмаа д̇ам̣ д̇хаммасабхаавабажжавзгкан̣зна ваа, яат̇аа ваа манасигарод̇о б̣алавам̣ ж̇аад̇ам̣, д̇ат̇аа аманасигаарзна хаабзд̇аб̣б̣ам̣. ваггалид̇т̇зравад̇т̇у жзд̇т̇а нид̣̇ассанам̣. сажз бана вийрияинд̣̇рияам̣ б̣алавам̣ ход̇и, ат̇а сад̣̇д̇хинд̣̇рияам̣ ад̇химогкагижжам̣ гаад̇ум̣ на саггод̇и, на ид̇араани ид̇арагижжабхзд̣̇ам̣. д̇асмаа д̇ам̣ бассад̣̇д̇хаад̣̇ибхааванааяа хаабзд̇аб̣б̣ам̣. д̇ад̇рааби сон̣ад̇т̇зрасса вад̇т̇у д̣̇ассзд̇аб̣б̣ам̣. звам̣ сзсзсуби згасса б̣алавабхаавз сад̇и ид̇арзсам̣ ад̇д̇ано гижжзсу асамад̇т̇ад̇аа взд̣̇ид̇аб̣б̣аа.

    Indriyasamattapaṭipādanā nāma saddhādīnaṃ indriyānaṃ samabhāvakaraṇaṃ. Sace hissa saddhindriyaṃ balavaṃ hoti, itarāni mandāni, tato vīriyindriyaṃ paggahakiccaṃ, satindriyaṃ upaṭṭhānakiccaṃ, samādhindriyaṃ avikkhepakiccaṃ, paññindriyaṃ dassanakiccaṃ kātuṃ na sakkoti. Tasmā taṃ dhammasabhāvapaccavekkhaṇena vā, yathā vā manasikaroto balavaṃ jātaṃ, tathā amanasikārena hāpetabbaṃ. Vakkalittheravatthu cettha nidassanaṃ. Sace pana vīriyindriyaṃ balavaṃ hoti, atha saddhindriyaṃ adhimokkhakiccaṃ kātuṃ na sakkoti, na itarāni itarakiccabhedaṃ. Tasmā taṃ passaddhādibhāvanāya hāpetabbaṃ. Tatrāpi soṇattherassa vatthu dassetabbaṃ. Evaṃ sesesupi ekassa balavabhāve sati itaresaṃ attano kiccesu asamatthatā veditabbā.

    висзсад̇о банзд̇т̇а сад̣̇д̇хаабан̃н̃аанам̣ самаад̇хивийрияаанан̃жа самад̇ам̣ басам̣санд̇и. б̣алавасад̣̇д̇хо хи манд̣̇абан̃н̃о муд̇хаббасанно ход̇и, авад̇т̇усмим̣ басийд̣̇ад̇и. б̣алавабан̃н̃о манд̣̇асад̣̇д̇хо гзраадигабагкам̣ бхаж̇ад̇и, бхзсаж̇ж̇асамудтид̇о вияа рог̇о ад̇згижчо ход̇и. жид̇д̇уббаад̣̇амад̇д̇знзва гусалам̣ ход̇ийд̇и ад̇ид̇хаавид̇ваа д̣̇аанаад̣̇ийни агаронд̇о нираяз уббаж̇ж̇ад̇и. убхиннам̣ самад̇ааяа вад̇т̇усмим̣язва басийд̣̇ад̇и. б̣алавасамаад̇хим̣ бана манд̣̇авийрияам̣ самаад̇хисса госаж̇ж̇абагкад̇д̇аа госаж̇ж̇ам̣ абхибхавад̇и. б̣алававийрияам̣ манд̣̇асамаад̇хим̣ вийрияасса уд̣̇д̇хажжабагкад̇д̇аа уд̣̇д̇хажжам̣ абхибхавад̇и. самаад̇хи бана вийриязна сам̣яож̇ид̇о госаж̇ж̇з бад̇ид̇ум̣ на лабхад̇и, вийрияам̣ самаад̇хинаа сам̣яож̇ид̇ам̣ уд̣̇д̇хажжз бад̇ид̇ум̣ на лабхад̇и. д̇асмаа д̇ад̣̇убхаяам̣ самам̣ гаад̇аб̣б̣ам̣. убхаяасамад̇ааяа хи аббанаа ход̇и.

    Visesato panettha saddhāpaññānaṃ samādhivīriyānañca samataṃ pasaṃsanti. Balavasaddho hi mandapañño mudhappasanno hoti, avatthusmiṃ pasīdati. Balavapañño mandasaddho kerāṭikapakkhaṃ bhajati, bhesajjasamuṭṭhito viya rogo atekiccho hoti. Cittuppādamatteneva kusalaṃ hotīti atidhāvitvā dānādīni akaronto niraye uppajjati. Ubhinnaṃ samatāya vatthusmiṃyeva pasīdati. Balavasamādhiṃ pana mandavīriyaṃ samādhissa kosajjapakkhattā kosajjaṃ abhibhavati. Balavavīriyaṃ mandasamādhiṃ vīriyassa uddhaccapakkhattā uddhaccaṃ abhibhavati. Samādhi pana vīriyena saṃyojito kosajje patituṃ na labhati, vīriyaṃ samādhinā saṃyojitaṃ uddhacce patituṃ na labhati. Tasmā tadubhayaṃ samaṃ kātabbaṃ. Ubhayasamatāya hi appanā hoti.

    абижа самаад̇хигаммигасса б̣алавад̇ийби сад̣̇д̇хаа ваддад̇и. звам̣ сад̣̇д̣̇аханд̇о огаббзнд̇о аббанам̣ баабун̣иссад̇и. самаад̇хибан̃н̃аасу бана самаад̇хигаммигасса згаг̇г̇ад̇аа б̣алавад̇ий ваддад̇и. зван̃хи со аббанам̣ баабун̣аад̇и. вибассанаагаммигасса бан̃н̃аа б̣алавад̇ий ваддад̇и. зван̃хи со лагкан̣абадивзд̇хам̣ баабун̣аад̇и. убхиннам̣ бана самад̇ааяаби аббанаа ход̇иязва. сад̇и бана саб̣б̣ад̇т̇а б̣алавад̇ий ваддад̇и. сад̇и хи жид̇д̇ам̣ уд̣̇д̇хажжабагкигаанам̣ сад̣̇д̇хаавийрияабан̃н̃аанам̣ васзна уд̣̇д̇хажжабаад̇ад̇о, госаж̇ж̇абагкигзна жа самаад̇хинаа госаж̇ж̇абаад̇ад̇о рагкад̇и. д̇асмаа саа лон̣ад̇хуубанам̣ вияа саб̣б̣аб̣яан̃ж̇анзсу, саб̣б̣агаммигаамажжо вияа жа, саб̣б̣арааж̇агижжзсу саб̣б̣ад̇т̇а ижчид̇аб̣б̣аа. д̇знааха – ‘‘сад̇и жа бана саб̣б̣ад̇т̇игаа вуд̇д̇аа бхаг̇авад̇аа, гим̣ гааран̣аа? жид̇д̇ан̃хи сад̇ибадисаран̣ам̣, аарагкабажжубадтаанаа жа сад̇и, на винаа сад̇ияаа жид̇д̇асса баг̇г̇аханиг̇г̇ахо ход̇ий’’ д̇и. д̣̇уббан̃н̃абуг̇г̇алабариваж̇ж̇анаа наама канд̇хаад̣̇ибхзд̣̇з аног̇аал̣хабан̃н̃аанам̣ д̣̇уммзд̇хабуг̇г̇алаанам̣ аарагаа бариваж̇ж̇анам̣. бан̃н̃аванд̇абуг̇г̇аласзванаа наама самабан̃н̃аасалагкан̣абариг̇г̇аахигааяа уд̣̇аяаб̣б̣аяабан̃н̃ааяа саманнааг̇ад̇абуг̇г̇аласзванаа. г̇амбхийран̃аан̣ажарияабажжавзгкан̣аа наама г̇амбхийрзсу канд̇хаад̣̇ийсу бавад̇д̇ааяа г̇амбхийрабан̃н̃ааяа бабхзд̣̇абажжавзгкан̣аа. д̇ад̣̇ад̇химуд̇д̇ад̇аа наама таананисаж̇ж̇аад̣̇ийсу д̇хаммавижаяасамб̣ож̇жхан̇г̇асамудтаабанад̇т̇ам̣ ниннабон̣абаб̣бхааражид̇д̇ад̇аа. звам̣ уббаннасса баннасса арахад̇д̇амаг̇г̇зна бхааванаабаарибуури ход̇ийд̇и баж̇аанаад̇и.

    Apica samādhikammikassa balavatīpi saddhā vaṭṭati. Evaṃ saddahanto okappento appanaṃ pāpuṇissati. Samādhipaññāsu pana samādhikammikassa ekaggatā balavatī vaṭṭati. Evañhi so appanaṃ pāpuṇāti. Vipassanākammikassa paññā balavatī vaṭṭati. Evañhi so lakkhaṇapaṭivedhaṃ pāpuṇāti. Ubhinnaṃ pana samatāyapi appanā hotiyeva. Sati pana sabbattha balavatī vaṭṭati. Sati hi cittaṃ uddhaccapakkhikānaṃ saddhāvīriyapaññānaṃ vasena uddhaccapātato, kosajjapakkhikena ca samādhinā kosajjapātato rakkhati. Tasmā sā loṇadhūpanaṃ viya sabbabyañjanesu, sabbakammikaamacco viya ca, sabbarājakiccesu sabbattha icchitabbā. Tenāha – ‘‘sati ca pana sabbatthikā vuttā bhagavatā, kiṃ kāraṇā? Cittañhi satipaṭisaraṇaṃ, ārakkhapaccupaṭṭhānā ca sati, na vinā satiyā cittassa paggahaniggaho hotī’’ ti. Duppaññapuggalaparivajjanā nāma khandhādibhede anogāḷhapaññānaṃ dummedhapuggalānaṃ ārakā parivajjanaṃ. Paññavantapuggalasevanā nāma samapaññāsalakkhaṇapariggāhikāya udayabbayapaññāya samannāgatapuggalasevanā. Gambhīrañāṇacariyapaccavekkhaṇā nāma gambhīresu khandhādīsu pavattāya gambhīrapaññāya pabhedapaccavekkhaṇā. Tadadhimuttatā nāma ṭhānanisajjādīsu dhammavicayasambojjhaṅgasamuṭṭhāpanatthaṃ ninnapoṇapabbhāracittatā. Evaṃ uppannassa pannassa arahattamaggena bhāvanāpāripūri hotīti pajānāti.

    вийрияасамб̣ож̇жхан̇г̇асса ‘‘ад̇т̇и, бхигкавз, аарамбхад̇хаад̇у ниггамад̇хаад̇у бараггамад̇хаад̇у, д̇ад̇т̇а яонисоманасигаараб̣ахулийгааро, аяамаахааро ануббаннасса ваа вийрияасамб̣ож̇жхан̇г̇асса уббаад̣̇ааяа, уббаннасса ваа вийрияасамб̣ож̇жхан̇г̇асса бхияяобхаавааяа взбуллааяа бхааванааяа баарибуурияаа сам̣вад̇д̇ад̇ий’’д̇и звам̣ уббаад̣̇о ход̇и.

    Vīriyasambojjhaṅgassa ‘‘atthi, bhikkhave, ārambhadhātu nikkamadhātu parakkamadhātu, tattha yonisomanasikārabahulīkāro, ayamāhāro anuppannassa vā vīriyasambojjhaṅgassa uppādāya, uppannassa vā vīriyasambojjhaṅgassa bhiyyobhāvāya vepullāya bhāvanāya pāripūriyā saṃvattatī’’ti evaṃ uppādo hoti.

    абижа згаад̣̇аса д̇хаммаа вийрияасамб̣ож̇жхан̇г̇асса уббаад̣̇ааяа сам̣вад̇д̇анд̇и абааяабхаяабажжавзгкан̣ад̇аа аанисам̣сад̣̇ассаавид̇аа г̇аманавийт̇ибажжавзгкан̣ад̇аа бин̣д̣абаад̇аабажааяанад̇аа д̣̇ааяаж̇ж̇амахад̇д̇абажжавзгкан̣ад̇аа сад̇т̇умахад̇д̇абажжавзгкан̣ад̇аа ж̇аад̇имахад̇д̇абажжавзгкан̣ад̇аа саб̣рахмажааримахад̇д̇абажжавзгкан̣ад̇аа гусийд̇абуг̇г̇алабариваж̇ж̇анад̇аа аарад̣̇д̇хавийрияабуг̇г̇аласзванад̇аа д̇ад̣̇ад̇химуд̇д̇ад̇аад̇и.

    Apica ekādasa dhammā vīriyasambojjhaṅgassa uppādāya saṃvattanti apāyabhayapaccavekkhaṇatā ānisaṃsadassāvitā gamanavīthipaccavekkhaṇatā piṇḍapātāpacāyanatā dāyajjamahattapaccavekkhaṇatā satthumahattapaccavekkhaṇatā jātimahattapaccavekkhaṇatā sabrahmacārimahattapaccavekkhaṇatā kusītapuggalaparivajjanatā āraddhavīriyapuggalasevanatā tadadhimuttatāti.

    д̇ад̇т̇а нираязсу бан̃жавид̇хаб̣анд̇ханагаммагааран̣ад̇о бадтааяа махаад̣̇угкаанубхаванагаалзби, д̇иражчаанаяонияам̣ ж̇аалакибанагумийнаад̣̇ийхи г̇ахид̇агаалзби, бааж̇анаган̣дагаад̣̇иббахаарад̇уннасса сагадаваханаад̣̇игаалзби, бзд̇д̇ивисаяз анзгааниби вассасахассаани згам̣ б̣уд̣̇д̇ханд̇арамби куббибаасаахи аад̇урийбхууд̇агаалзби, гаалаган̃жигаасурзсу садтихад̇т̇аасийд̇ихад̇т̇аббамаан̣зна адтижаммамад̇д̇знзва ад̇д̇абхаавзна ваад̇аад̇абаад̣̇ид̣̇угкаанубхаванагаалзби на саггаа вийрияасамб̣ож̇жхан̇г̇ам̣ уббаад̣̇зд̇ум̣, аяамзва д̇з бхигку гаало вийрияагаран̣ааяаад̇и звам̣ абааяабхаяам̣ бажжавзгканд̇ассааби вийрияасамб̣ож̇жхан̇г̇о уббаж̇ж̇ад̇и.

    Tattha nirayesu pañcavidhabandhanakammakāraṇato paṭṭhāya mahādukkhānubhavanakālepi, tiracchānayoniyaṃ jālakhipanakumīnādīhi gahitakālepi, pājanakaṇṭakādippahāratunnassa sakaṭavahanādikālepi, pettivisaye anekānipi vassasahassāni ekaṃ buddhantarampi khuppipāsāhi āturībhūtakālepi, kālakañcikaasuresu saṭṭhihatthaasītihatthappamāṇena aṭṭhicammamatteneva attabhāvena vātātapādidukkhānubhavanakālepi na sakkā vīriyasambojjhaṅgaṃ uppādetuṃ, ayameva te bhikkhu kālo vīriyakaraṇāyāti evaṃ apāyabhayaṃ paccavekkhantassāpi vīriyasambojjhaṅgo uppajjati.

    на саггаа гусийд̇зна навалогуд̇д̇арад̇хаммам̣ лад̣̇д̇хум̣, аарад̣̇д̇хавийриязнзва саггаа аяамаанисам̣со вийрияассаад̇и звам̣ аанисам̣сад̣̇ассаавиноби уббаж̇ж̇ад̇и. саб̣б̣аб̣уд̣̇д̇хабажжзгаб̣уд̣̇д̇хамахаасаавагзхи д̇з г̇ад̇амаг̇г̇о г̇анд̇аб̣б̣о, со жа на саггаа гусийд̇зна г̇анд̇унд̇и звам̣ г̇аманавийт̇им̣ бажжавзгканд̇ассааби уббаж̇ж̇ад̇и. яз д̇ам̣ бин̣д̣абаад̇аад̣̇ийхи убадтаханд̇и, имз д̇з мануссаа нзва н̃аад̇агаа, на д̣̇аасагаммагараа, нааби д̇ам̣ ниссааяа ж̇ийвиссаамаад̇и д̇з бан̣ийд̇аани жийвараад̣̇ийни д̣̇знд̇и. ат̇а ко ад̇д̇ано гаараанам̣ махабпалад̇ам̣ бажжаасийсамаанаа д̣̇знд̇и. сад̇т̇аарааби ‘‘аяам̣ имз бажжаяз барибхун̃ж̇ид̇ваа гааяад̣̇ал̣хийб̣ахуло сукам̣ вихариссад̇ий’’д̇и на звам̣ самбассад̇аа д̇уяхам̣ бажжаяаа анун̃н̃аад̇аа. ат̇а ко ‘‘аяам̣ имз барибхун̃ж̇амаано саман̣ад̇хаммам̣ гад̇ваа ваддад̣̇угкад̇о мужжиссад̇ий’’д̇и д̇з бажжаяаа анун̃н̃аад̇аа, со д̣̇аани д̇вам̣ гусийд̇о вихаранд̇о на д̇ам̣ бин̣д̣ам̣ абажааяиссад̇и. аарад̣̇д̇хавийрияассзва хи бин̣д̣абаад̇аабажааяанам̣ наама ход̇ийд̇и звам̣ бин̣д̣абаад̇аабажааяанам̣ бажжавзгканд̇ассааби уббаж̇ж̇ад̇и аяяамид̇д̇ад̇т̇зрасса вияа.

    Na sakkā kusītena navalokuttaradhammaṃ laddhuṃ, āraddhavīriyeneva sakkā ayamānisaṃso vīriyassāti evaṃ ānisaṃsadassāvinopi uppajjati. Sabbabuddhapaccekabuddhamahāsāvakehi te gatamaggo gantabbo, so ca na sakkā kusītena gantunti evaṃ gamanavīthiṃ paccavekkhantassāpi uppajjati. Ye taṃ piṇḍapātādīhi upaṭṭhahanti, ime te manussā neva ñātakā, na dāsakammakarā, nāpi taṃ nissāya jīvissāmāti te paṇītāni cīvarādīni denti. Atha kho attano kārānaṃ mahapphalataṃ paccāsīsamānā denti. Satthārāpi ‘‘ayaṃ ime paccaye paribhuñjitvā kāyadaḷhībahulo sukhaṃ viharissatī’’ti na evaṃ sampassatā tuyhaṃ paccayā anuññātā. Atha kho ‘‘ayaṃ ime paribhuñjamāno samaṇadhammaṃ katvā vaṭṭadukkhato muccissatī’’ti te paccayā anuññātā, so dāni tvaṃ kusīto viharanto na taṃ piṇḍaṃ apacāyissati. Āraddhavīriyasseva hi piṇḍapātāpacāyanaṃ nāma hotīti evaṃ piṇḍapātāpacāyanaṃ paccavekkhantassāpi uppajjati ayyamittattherassa viya.

    т̇зро гира гассагалзн̣з наама бадивасад̇и. д̇асса жа г̇ожараг̇аамз згаа махааубаасигаа т̇зрам̣ буд̇д̇ам̣ гад̇ваа бадиж̇аг̇г̇ад̇и. саа згад̣̇ивасам̣ аран̃н̃ам̣ г̇ажчанд̇ий д̇хийд̇арам̣ ааха – ‘‘амма, асугасмим̣ таанз бураан̣ад̇ан̣д̣улаа, асугасмим̣ сабби, асугасмим̣ кийрам̣, асугасмим̣ паан̣ид̇ам̣, д̇ава бхаад̇игасса аяяамид̇д̇асса ааг̇ад̇агаалз бхад̇д̇ам̣ бажид̇ваа кийрасаббипаан̣ид̇зхи сад̣̇д̇хим̣ д̣̇зхи, д̇ван̃жа бхун̃ж̇зяяааси. ахам̣ бана хияяо баггабаариваасигабхад̇д̇ам̣ ган̃ж̇иязна бхуд̇д̇аамхий’’д̇и. д̣̇иваа гим̣ бхун̃ж̇иссаси аммаа,д̇и? саагабан̣н̣ам̣ багкибид̇ваа ган̣ад̇ан̣д̣улзхи амб̣илаяааг̇ум̣ бажид̇ваа табзхи аммаа,д̇и.

    Thero kira kassakaleṇe nāma paṭivasati. Tassa ca gocaragāme ekā mahāupāsikā theraṃ puttaṃ katvā paṭijaggati. Sā ekadivasaṃ araññaṃ gacchantī dhītaraṃ āha – ‘‘amma, asukasmiṃ ṭhāne purāṇataṇḍulā, asukasmiṃ sappi, asukasmiṃ khīraṃ, asukasmiṃ phāṇitaṃ, tava bhātikassa ayyamittassa āgatakāle bhattaṃ pacitvā khīrasappiphāṇitehi saddhiṃ dehi, tvañca bhuñjeyyāsi. Ahaṃ pana hiyyo pakkapārivāsikabhattaṃ kañjiyena bhuttāmhī’’ti. Divā kiṃ bhuñjissasi ammā,ti? Sākapaṇṇaṃ pakkhipitvā kaṇataṇḍulehi ambilayāguṃ pacitvā ṭhapehi ammā,ti.

    т̇зро жийварам̣ баарубид̇ваа бад̇д̇ам̣ нийхаранд̇ова д̇ам̣ сад̣̇д̣̇ам̣ суд̇ваа ад̇д̇аанам̣ овад̣̇и ‘‘махааубаасигаа гира ган̃ж̇иязна баариваасигабхад̇д̇ам̣ бхун̃ж̇и, д̣̇ивааби ган̣абан̣н̣амб̣илаяааг̇ум̣ бхун̃ж̇иссад̇и , д̇уяхам̣ ад̇т̇ааяа бана бураан̣ад̇ан̣д̣улаад̣̇ийни аажигкад̇и, д̇ам̣ ниссааяа ко банзсаа нзва кзд̇д̇ам̣ на вад̇т̇ум̣ на бхад̇д̇ам̣ на вад̇т̇ам̣ бажжаасийсад̇и, д̇иссо бана самбад̇д̇ияо бад̇т̇аяамаанаа д̣̇зд̇и, д̇вам̣ зд̇иссаа д̇аа самбад̇д̇ияо д̣̇аад̇ум̣ сагкиссаси, на сагкиссасийд̇и, аяам̣ ко бана бин̣д̣абаад̇о д̇аяаа сарааг̇зна сад̣̇осзна самохзна на саггаа г̇ан̣хид̇у’’нд̇и бад̇д̇ам̣ т̇авигааяа багкибид̇ваа г̇ан̣тигам̣ мун̃жид̇ваа нивад̇д̇ид̇ваа гассагалзн̣амзва г̇анд̇ваа бад̇д̇ам̣ хздтааман̃жз жийварам̣ жийваравам̣сз табзд̇ваа ‘‘арахад̇д̇ам̣ абаабун̣ид̇ваа на нигкамиссаамий’’д̇и вийрияам̣ ад̇хидтахид̇ваа нисийд̣̇и. д̣̇ийгхарад̇д̇ам̣ аббамад̇д̇о худ̇ваа нивуд̇т̇абхигку вибассанам̣ вад̣дхзд̇ваа бурзбхад̇д̇амзва арахад̇д̇ам̣ бад̇ваа вигасамаанамива бад̣̇умам̣ махаакийн̣аасаво сид̇ам̣ гаронд̇ова нисийд̣̇и. лзн̣ад̣̇ваарз ругкамхи ад̇хивад̇т̇аа д̣̇звад̇аа –

    Thero cīvaraṃ pārupitvā pattaṃ nīharantova taṃ saddaṃ sutvā attānaṃ ovadi ‘‘mahāupāsikā kira kañjiyena pārivāsikabhattaṃ bhuñji, divāpi kaṇapaṇṇambilayāguṃ bhuñjissati , tuyhaṃ atthāya pana purāṇataṇḍulādīni ācikkhati, taṃ nissāya kho panesā neva khettaṃ na vatthuṃ na bhattaṃ na vatthaṃ paccāsīsati, tisso pana sampattiyo patthayamānā deti, tvaṃ etissā tā sampattiyo dātuṃ sakkhissasi, na sakkhissasīti, ayaṃ kho pana piṇḍapāto tayā sarāgena sadosena samohena na sakkā gaṇhitu’’nti pattaṃ thavikāya pakkhipitvā gaṇṭhikaṃ muñcitvā nivattitvā kassakaleṇameva gantvā pattaṃ heṭṭhāmañce cīvaraṃ cīvaravaṃse ṭhapetvā ‘‘arahattaṃ apāpuṇitvā na nikkhamissāmī’’ti vīriyaṃ adhiṭṭhahitvā nisīdi. Dīgharattaṃ appamatto hutvā nivutthabhikkhu vipassanaṃ vaḍḍhetvā purebhattameva arahattaṃ patvā vikasamānamiva padumaṃ mahākhīṇāsavo sitaṃ karontova nisīdi. Leṇadvāre rukkhamhi adhivatthā devatā –

    ‘‘намо д̇з бурисааж̇ан̃н̃а, намо д̇з бурисуд̇д̇ама;

    ‘‘Namo te purisājañña, namo te purisuttama;

    яасса д̇з аасаваа кийн̣аа, д̣̇агкин̣зяяоси маарисаа’’д̇и. –

    Yassa te āsavā khīṇā, dakkhiṇeyyosi mārisā’’ti. –

    уд̣̇аанам̣ уд̣̇аанзд̇ваа ‘‘бханд̇з, бин̣д̣ааяа бавидтаанам̣ д̇умхаад̣̇исаанам̣ араханд̇аанам̣ бхигкам̣ д̣̇ад̇ваа махаллагид̇т̇ияо д̣̇угкаа мужжиссанд̇ий’’д̇и ааха. т̇зро удтахид̇ваа д̣̇ваарам̣ виварид̇ваа гаалам̣ ологзнд̇о ‘‘баад̇оязваа’’д̇и н̃ад̇ваа бад̇д̇ажийварамаад̣̇ааяа г̇аамам̣ баависи.

    Udānaṃ udānetvā ‘‘bhante, piṇḍāya paviṭṭhānaṃ tumhādisānaṃ arahantānaṃ bhikkhaṃ datvā mahallakitthiyo dukkhā muccissantī’’ti āha. Thero uṭṭhahitvā dvāraṃ vivaritvā kālaṃ olokento ‘‘pātoyevā’’ti ñatvā pattacīvaramādāya gāmaṃ pāvisi.

    д̣̇ааригааби бхад̇д̇ам̣ самбаад̣̇зд̇ваа ‘‘ид̣̇аани мз бхаад̇аа ааг̇амиссад̇и, ид̣̇аани ааг̇амиссад̇ий’’д̇и д̣̇ваарам̣ ологаяамаанаа нисийд̣̇и. саа т̇зрз гхарад̣̇ваарам̣ самбад̇д̇з бад̇д̇ам̣ г̇ахзд̇ваа саббипаан̣ид̇аяож̇ид̇асса кийрабин̣д̣абаад̇асса буурзд̇ваа хад̇т̇з табзси. т̇зро ‘‘сукам̣ ход̇уу’’д̇и анумод̣̇анам̣ гад̇ваа баггаами. сааби д̇ам̣ ологаяамаанаа адтааси. т̇зрасса хи д̇ад̣̇аа ад̇ивияа барисуд̣̇д̇хо чавиван̣н̣о ахоси, виббасаннаани инд̣̇рияаани, мукам̣ б̣анд̇ханаа бавуд̇д̇ад̇аалабаггам̣ вияа ад̇ивияа вирожид̇т̇а.

    Dārikāpi bhattaṃ sampādetvā ‘‘idāni me bhātā āgamissati, idāni āgamissatī’’ti dvāraṃ olokayamānā nisīdi. Sā there gharadvāraṃ sampatte pattaṃ gahetvā sappiphāṇitayojitassa khīrapiṇḍapātassa pūretvā hatthe ṭhapesi. Thero ‘‘sukhaṃ hotū’’ti anumodanaṃ katvā pakkāmi. Sāpi taṃ olokayamānā aṭṭhāsi. Therassa hi tadā ativiya parisuddho chavivaṇṇo ahosi, vippasannāni indriyāni, mukhaṃ bandhanā pavuttatālapakkaṃ viya ativiya virocittha.

    махааубаасигаа аран̃н̃аа ааг̇анд̇ваа ‘‘гим̣, амма, бхаад̇иго д̇з ааг̇ад̇о’’д̇и бужчи. саа саб̣б̣ам̣ д̇ам̣ бавад̇д̇им̣ аарожзси. убаасигаа ‘‘аж̇ж̇а мама буд̇д̇асса баб̣б̣аж̇ид̇агижжам̣ мад̇т̇агам̣ бад̇д̇а’’нд̇и н̃ад̇ваа ‘‘абхирамад̇и д̇з, амма, бхаад̇аа б̣уд̣̇д̇хасаасанз, на угган̣тад̇ий’’д̇и ааха.

    Mahāupāsikā araññā āgantvā ‘‘kiṃ, amma, bhātiko te āgato’’ti pucchi. Sā sabbaṃ taṃ pavattiṃ ārocesi. Upāsikā ‘‘ajja mama puttassa pabbajitakiccaṃ matthakaṃ patta’’nti ñatvā ‘‘abhiramati te, amma, bhātā buddhasāsane, na ukkaṇṭhatī’’ti āha.

    маханд̇ам̣ ко банзд̇ам̣ сад̇т̇уд̣̇ааяаж̇ж̇ам̣ яад̣̇ид̣̇ам̣ сад̇д̇а арияад̇ханаани наама, д̇ам̣ на саггаа гусийд̇зна г̇ахзд̇ум̣. яат̇аа хи виббадибаннам̣ буд̇д̇ам̣ маад̇аабид̇аро ‘‘аяам̣ амхаагам̣ абуд̇д̇о’’д̇и бариб̣аахирам̣ гаронд̇и, со д̇зсам̣ ажжаязна д̣̇ааяаж̇ж̇ам̣ на лабхад̇и, звам̣ гусийд̇оби ид̣̇ам̣ арияад̇ханад̣̇ааяаж̇ж̇ам̣ на лабхад̇и, аарад̣̇д̇хавийрияова лабхад̇ийд̇и д̣̇ааяаж̇ж̇амахад̇д̇ам̣ бажжавзгкад̇оби уббаж̇ж̇ад̇и.

    Mahantaṃ kho panetaṃ satthudāyajjaṃ yadidaṃ satta ariyadhanāni nāma, taṃ na sakkā kusītena gahetuṃ. Yathā hi vippaṭipannaṃ puttaṃ mātāpitaro ‘‘ayaṃ amhākaṃ aputto’’ti paribāhiraṃ karonti, so tesaṃ accayena dāyajjaṃ na labhati, evaṃ kusītopi idaṃ ariyadhanadāyajjaṃ na labhati, āraddhavīriyova labhatīti dāyajjamahattaṃ paccavekkhatopi uppajjati.

    махаа ко бана д̇з сад̇т̇аа, сад̇т̇уно хи д̇з маад̇угужчисмим̣ бадисанд̇хиг̇ан̣ханагаалзби абхинигкаманзби абхисамб̣од̇хияамби д̇хаммажаггаббавад̇д̇анаяамагабаадихаарияад̣̇звороханаааяусан̇кааравоссаж̇ж̇анзсуби бариниб̣б̣аанагаалзби д̣̇асасахассилогад̇хаад̇у агамбид̇т̇а, яуд̇д̇ам̣ ну д̇з зваруубасса сад̇т̇у саасанз баб̣б̣аж̇ид̇ваа гусийд̇зна бхавид̇унд̇и звам̣ сад̇т̇умахад̇д̇ам̣ бажжавзгкад̇оби уббаж̇ж̇ад̇и.

    Mahā kho pana te satthā, satthuno hi te mātukucchismiṃ paṭisandhigaṇhanakālepi abhinikkhamanepi abhisambodhiyampi dhammacakkappavattanayamakapāṭihāriyadevorohanaāyusaṅkhāravossajjanesupi parinibbānakālepi dasasahassilokadhātu akampittha, yuttaṃ nu te evarūpassa satthu sāsane pabbajitvā kusītena bhavitunti evaṃ satthumahattaṃ paccavekkhatopi uppajjati.

    ж̇аад̇ияааби д̇вам̣ ид̣̇аани на лаамагаж̇аад̇иго, асамбхиннааяа махаасаммад̇абавзн̣ияаа ааг̇ад̇ауггаагарааж̇авам̣сз ж̇аад̇оси, суд̣̇д̇ход̣̇анамахаарааж̇асса жа махаамааяаад̣̇звияаа жа над̇д̇аа, раахулабхад̣̇д̣̇асса ганидто, д̇аяаа наама зваруубзна ж̇инабуд̇д̇зна худ̇ваа на яуд̇д̇ам̣ гусийд̇зна вихарид̇унд̇и звам̣ ж̇аад̇имахад̇д̇ам̣ бажжавзгкад̇оби уббаж̇ж̇ад̇и.

    Jātiyāpi tvaṃ idāni na lāmakajātiko, asambhinnāya mahāsammatapaveṇiyā āgataukkākarājavaṃse jātosi, suddhodanamahārājassa ca mahāmāyādeviyā ca nattā, rāhulabhaddassa kaniṭṭho, tayā nāma evarūpena jinaputtena hutvā na yuttaṃ kusītena viharitunti evaṃ jātimahattaṃ paccavekkhatopi uppajjati.

    саарибуд̇д̇амахаамог̇г̇аллаанаа жзва асийд̇и жа махаасаавагаа вийриязнзва логуд̇д̇арад̇хаммам̣ бадивиж̇жхим̣су, д̇вам̣ зд̇зсам̣ саб̣рахмажаарийнам̣ маг̇г̇ам̣ бадибаж̇ж̇аси, на бадибаж̇ж̇асийд̇и звам̣ саб̣рахмажааримахад̇д̇ам̣ бажжавзгкад̇оби уббаж̇ж̇ад̇и.

    Sāriputtamahāmoggallānā ceva asīti ca mahāsāvakā vīriyeneva lokuttaradhammaṃ paṭivijjhiṃsu, tvaṃ etesaṃ sabrahmacārīnaṃ maggaṃ paṭipajjasi, na paṭipajjasīti evaṃ sabrahmacārimahattaṃ paccavekkhatopi uppajjati.

    гужчим̣ буурзд̇ваа тид̇ааж̇аг̇арасад̣̇исз виссадтагааяигажзд̇асигавийрияз гусийд̇абуг̇г̇алз бариваж̇ж̇анд̇ассааби аарад̣̇д̇хавийрияз бахид̇ад̇д̇з буг̇г̇алз сзванд̇ассааби таананисаж̇ж̇аад̣̇ийсу вийрияуббаад̣̇анад̇т̇ам̣ ниннабон̣абаб̣бхааражид̇д̇ассааби уббаж̇ж̇ад̇и. звам̣ уббаннасса банасса арахад̇д̇амаг̇г̇зна бхааванаабаарибуури ход̇ийд̇и баж̇аанаад̇и.

    Kucchiṃ pūretvā ṭhitaajagarasadise vissaṭṭhakāyikacetasikavīriye kusītapuggale parivajjantassāpi āraddhavīriye pahitatte puggale sevantassāpi ṭhānanisajjādīsu vīriyuppādanatthaṃ ninnapoṇapabbhāracittassāpi uppajjati. Evaṃ uppannassa panassa arahattamaggena bhāvanāpāripūri hotīti pajānāti.

    бийд̇исамб̣ож̇жхан̇г̇асса ‘‘ад̇т̇и, бхигкавз, бийд̇исамб̣ож̇жхан̇г̇адтаанийяаа д̇хаммаа, д̇ад̇т̇а яонисоманасигаараб̣ахулийгааро, аяамаахааро ануббаннасса ваа бийд̇исамб̣ож̇жхан̇г̇асса уббаад̣̇ааяа, уббаннасса ваа бийд̇исамб̣ож̇жхан̇г̇асса бхияяобхаавааяа взбуллааяа бхааванааяа баарибуурияаа сам̣вад̇д̇ад̇ий’’д̇и звам̣ уббаад̣̇о ход̇и . д̇ад̇т̇а бийд̇иязва бийд̇исамб̣ож̇жхан̇г̇адтаанийяаа д̇хаммаа наама. д̇ассаа уббаад̣̇агаманасигааро яонисоманасигааро наама.

    Pītisambojjhaṅgassa ‘‘atthi, bhikkhave, pītisambojjhaṅgaṭṭhānīyā dhammā, tattha yonisomanasikārabahulīkāro, ayamāhāro anuppannassa vā pītisambojjhaṅgassa uppādāya, uppannassa vā pītisambojjhaṅgassa bhiyyobhāvāya vepullāya bhāvanāya pāripūriyā saṃvattatī’’ti evaṃ uppādo hoti . Tattha pītiyeva pītisambojjhaṅgaṭṭhānīyā dhammā nāma. Tassā uppādakamanasikāro yonisomanasikāro nāma.

    абижа згаад̣̇аса д̇хаммаа бийд̇исамб̣ож̇жхан̇г̇асса уббаад̣̇ааяа сам̣вад̇д̇анд̇и б̣уд̣̇д̇хаануссад̇и, д̇хамма, сан̇гха , сийла, жааг̇а, д̣̇звад̇аануссад̇и убасамаануссад̇и луукабуг̇г̇алабариваж̇ж̇анад̇аа синид̣̇д̇хабуг̇г̇аласзванад̇аа басаад̣̇анийяасуд̇д̇анд̇абажжавзгкан̣ад̇аа д̇ад̣̇ад̇химуд̇д̇ад̇аад̇и. б̣уд̣̇д̇хаг̇ун̣з ануссаранд̇ассааби хи яаава убажаараа сагаласарийрам̣ парамаано бийд̇исамб̣ож̇жхан̇г̇о уббаж̇ж̇ад̇и, д̇хаммасан̇гхаг̇ун̣з ануссаранд̇ассааби, д̣̇ийгхарад̇д̇ам̣ акан̣д̣ам̣ гад̇ваа рагкид̇ам̣ жад̇убаарисуд̣̇д̇хисийлам̣ бажжавзгканд̇ассааби, г̇ихиноби д̣̇асасийлам̣ бан̃жасийлам̣ бан̃жавзгканд̇ассааби, д̣̇уб̣бхигкабхаяаад̣̇ийсу бан̣ийд̇абхож̇анам̣ саб̣рахмажаарийнам̣ д̣̇ад̇ваа ‘‘звам̣ наама ад̣̇амхаа’’д̇и жааг̇ам̣ бажжавзгканд̇ассааби, г̇ихиноби зваруубз гаалз сийлаванд̇аанам̣ д̣̇иннад̣̇аанам̣ бажжавзгканд̇ассааби, язхи г̇ун̣зхи саманнааг̇ад̇аа д̣̇звад̇аа д̣̇звад̇д̇ам̣ бад̇д̇аа, д̇ат̇ааруубаанам̣ г̇ун̣аанам̣ ад̇д̇ани ад̇т̇ид̇ам̣ бажжавзгканд̇ассааби, самаабад̇д̇ияаа вигкамбхид̇аа гилзсаа садтиби сад̇д̇ад̇иби вассаани на самуд̣̇аажаранд̇ийд̇и бажжавзгканд̇ассааби, жзд̇ияад̣̇ассанаб̣од̇хид̣̇ассанат̇зрад̣̇ассанзсу асаггажжагирияааяа сам̣суужид̇алуукабхаавз б̣уд̣̇д̇хаад̣̇ийсу басаад̣̇асинзхаабхаавзна г̇ад̣̇рабхабидтз раж̇асад̣̇исз луукабуг̇г̇алз бариваж̇ж̇анд̇ассааби, б̣уд̣̇д̇хаад̣̇ийсу басаад̣̇аб̣ахулз муд̣̇ужид̇д̇з синид̣̇д̇хабуг̇г̇алз сзванд̇ассааби, рад̇анад̇д̇аяаг̇ун̣абарид̣̇ийбагз басаад̣̇анийяасуд̇д̇анд̇з бажжавзгканд̇ассааби, таананисаж̇ж̇аад̣̇ийсу бийд̇иуббаад̣̇анад̇т̇ам̣ ниннабон̣абаб̣бхааражид̇д̇ассааби уббаж̇ж̇ад̇и. звам̣ уббаннасса банасса арахад̇д̇амаг̇г̇зна бхааванаабаарибуури ход̇ийд̇и баж̇аанаад̇и.

    Apica ekādasa dhammā pītisambojjhaṅgassa uppādāya saṃvattanti buddhānussati, dhamma, saṅgha , sīla, cāga, devatānussati upasamānussati lūkhapuggalaparivajjanatā siniddhapuggalasevanatā pasādanīyasuttantapaccavekkhaṇatā tadadhimuttatāti. Buddhaguṇe anussarantassāpi hi yāva upacārā sakalasarīraṃ pharamāno pītisambojjhaṅgo uppajjati, dhammasaṅghaguṇe anussarantassāpi, dīgharattaṃ akhaṇḍaṃ katvā rakkhitaṃ catupārisuddhisīlaṃ paccavekkhantassāpi, gihinopi dasasīlaṃ pañcasīlaṃ pañcavekkhantassāpi, dubbhikkhabhayādīsu paṇītabhojanaṃ sabrahmacārīnaṃ datvā ‘‘evaṃ nāma adamhā’’ti cāgaṃ paccavekkhantassāpi, gihinopi evarūpe kāle sīlavantānaṃ dinnadānaṃ paccavekkhantassāpi, yehi guṇehi samannāgatā devatā devattaṃ pattā, tathārūpānaṃ guṇānaṃ attani atthitaṃ paccavekkhantassāpi, samāpattiyā vikkhambhitā kilesā saṭṭhipi sattatipi vassāni na samudācarantīti paccavekkhantassāpi, cetiyadassanabodhidassanatheradassanesu asakkaccakiriyāya saṃsūcitalūkhabhāve buddhādīsu pasādasinehābhāvena gadrabhapiṭṭhe rajasadise lūkhapuggale parivajjantassāpi, buddhādīsu pasādabahule muducitte siniddhapuggale sevantassāpi, ratanattayaguṇaparidīpake pasādanīyasuttante paccavekkhantassāpi, ṭhānanisajjādīsu pītiuppādanatthaṃ ninnapoṇapabbhāracittassāpi uppajjati. Evaṃ uppannassa panassa arahattamaggena bhāvanāpāripūri hotīti pajānāti.

    бассад̣̇д̇хисамб̣ож̇жхан̇г̇асса ‘‘ад̇т̇и, бхигкавз, гааяабассад̣̇д̇хи жид̇д̇абассад̣̇д̇хи, д̇ад̇т̇а яонисоманасигаараб̣ахулийгааро, аяамаахааро ануббаннасса ваа бассад̣̇д̇хисамб̣ож̇жхан̇г̇асса уббаад̣̇ааяа, уббаннасса ваа бассад̣̇д̇хисамб̣ож̇жхан̇г̇асса бхияяобхаавааяа взбуллааяа бхааванааяа баарибуурияаа сам̣вад̇д̇ад̇ий’’д̇и звам̣ уббаад̣̇о ход̇и.

    Passaddhisambojjhaṅgassa ‘‘atthi, bhikkhave, kāyapassaddhi cittapassaddhi, tattha yonisomanasikārabahulīkāro, ayamāhāro anuppannassa vā passaddhisambojjhaṅgassa uppādāya, uppannassa vā passaddhisambojjhaṅgassa bhiyyobhāvāya vepullāya bhāvanāya pāripūriyā saṃvattatī’’ti evaṃ uppādo hoti.

    абижа сад̇д̇а д̇хаммаа бассад̣̇д̇хисамб̣ож̇жхан̇г̇асса уббаад̣̇ааяа сам̣вад̇д̇анд̇и бан̣ийд̇абхож̇анасзванад̇аа уд̇усукасзванад̇аа ирияаабат̇асукасзванад̇аа маж̇жхад̇д̇абаяог̇ад̇аа саарад̣̇д̇хагааяабуг̇г̇алабариваж̇ж̇анад̇аа бассад̣̇д̇хагааяабуг̇г̇аласзванад̇аа д̇ад̣̇ад̇химуд̇д̇ад̇аад̇и. бан̣ийд̇ан̃хи синид̣̇д̇хам̣ саббааяабхож̇анам̣ бхун̃ж̇анд̇ассааби, сийд̇ун̣хзсу жа уд̇уусу таанаад̣̇ийсу жа ирияаабат̇зсу саббааяауд̇ун̃жа ирияаабат̇ан̃жа сзванд̇ассааби бассад̣̇д̇хи уббаж̇ж̇ад̇и. яо бана махаабурисаж̇аад̇иго саб̣б̣ауд̇уирияаабат̇агкамо ход̇и, на д̇ам̣ санд̇хааязд̇ам̣ вуд̇д̇ам̣. яасса сабхааг̇ависабхааг̇ад̇аа ад̇т̇и, д̇ассзва висабхааг̇з уд̇уирияаабат̇з важ̇ж̇зд̇ваа сабхааг̇з сзванд̇асса уббаж̇ж̇ад̇и. маж̇жхад̇д̇абаяог̇о вужжад̇и ад̇д̇ано жа барасса жа гаммассагад̇аабажжавзгкан̣аа. иминаа маж̇жхад̇д̇абаяог̇зна уббаж̇ж̇ад̇и. яо лзд̣д̣уд̣̇ан̣д̣аад̣̇ийхи барам̣ вихзтаяамаано вижарад̇и, зваруубам̣ саарад̣̇д̇хагааяам̣ буг̇г̇алам̣ бариваж̇ж̇анд̇ассааби, сам̣яад̇абаад̣̇абаан̣им̣ бассад̣̇д̇хагааяам̣ буг̇г̇алам̣ сзванд̇ассааби, таананисаж̇ж̇аад̣̇ийсу бассад̣̇д̇хиуббаад̣̇анад̇т̇ааяа ниннабон̣абаб̣бхааражид̇д̇ассааби уббаж̇ж̇ад̇и. звам̣ уббаннасса банасса арахад̇д̇амаг̇г̇зна бхааванаабаарибуури ход̇ийд̇и баж̇аанаад̇и.

    Apica satta dhammā passaddhisambojjhaṅgassa uppādāya saṃvattanti paṇītabhojanasevanatā utusukhasevanatā iriyāpathasukhasevanatā majjhattapayogatā sāraddhakāyapuggalaparivajjanatā passaddhakāyapuggalasevanatā tadadhimuttatāti. Paṇītañhi siniddhaṃ sappāyabhojanaṃ bhuñjantassāpi, sītuṇhesu ca utūsu ṭhānādīsu ca iriyāpathesu sappāyautuñca iriyāpathañca sevantassāpi passaddhi uppajjati. Yo pana mahāpurisajātiko sabbautuiriyāpathakkhamo hoti, na taṃ sandhāyetaṃ vuttaṃ. Yassa sabhāgavisabhāgatā atthi, tasseva visabhāge utuiriyāpathe vajjetvā sabhāge sevantassa uppajjati. Majjhattapayogo vuccati attano ca parassa ca kammassakatāpaccavekkhaṇā. Iminā majjhattapayogena uppajjati. Yo leḍḍudaṇḍādīhi paraṃ viheṭhayamāno vicarati, evarūpaṃ sāraddhakāyaṃ puggalaṃ parivajjantassāpi, saṃyatapādapāṇiṃ passaddhakāyaṃ puggalaṃ sevantassāpi, ṭhānanisajjādīsu passaddhiuppādanatthāya ninnapoṇapabbhāracittassāpi uppajjati. Evaṃ uppannassa panassa arahattamaggena bhāvanāpāripūri hotīti pajānāti.

    самаад̇хисамб̣ож̇жхан̇г̇асса ‘‘ад̇т̇и, бхигкавз, самат̇анимид̇д̇ам̣ аб̣яаг̇г̇анимид̇д̇ам̣, д̇ад̇т̇а яонисоманасигаараб̣ахулийгааро, аяамаахааро, ануббаннасса ваа самаад̇хисамб̣ож̇жхан̇г̇асса уббаад̣̇ааяа, уббаннасса ваа самаад̇хисамб̣ож̇жхан̇г̇асса бхияяобхаавааяа взбуллааяа бхааванааяа баарибуурияаа сам̣вад̇д̇ад̇ий’’д̇и звам̣ уббаад̣̇о ход̇и. д̇ад̇т̇а самат̇ова самат̇анимид̇д̇ам̣ авигкзбадтзна жа аб̣яаг̇г̇анимид̇д̇анд̇и.

    Samādhisambojjhaṅgassa ‘‘atthi, bhikkhave, samathanimittaṃ abyagganimittaṃ, tattha yonisomanasikārabahulīkāro, ayamāhāro, anuppannassa vā samādhisambojjhaṅgassa uppādāya, uppannassa vā samādhisambojjhaṅgassa bhiyyobhāvāya vepullāya bhāvanāya pāripūriyā saṃvattatī’’ti evaṃ uppādo hoti. Tattha samathova samathanimittaṃ avikkhepaṭṭhena ca abyagganimittanti.

    абижа згаад̣̇аса д̇хаммаа самаад̇хисамб̣ож̇жхан̇г̇асса уббаад̣̇ааяа сам̣вад̇д̇анд̇и вад̇т̇увисад̣̇агирияад̇аа инд̣̇рияасамад̇д̇абадибаад̣̇анад̇аа нимид̇д̇агусалад̇аа самаяз жид̇д̇асса баг̇г̇ан̣ханад̇аа самаяз жид̇д̇асса ниг̇г̇ан̣ханад̇аа самаяз самбахам̣санад̇аа самаяз аж̇жхубзгканад̇аа асамаахид̇абуг̇г̇алабариваж̇ж̇анад̇аа самаахид̇абуг̇г̇аласзванад̇аа жхаанавимогкабажжавзгкан̣ад̇аа д̇ад̣̇ад̇химуд̇д̇ад̇аад̇и. д̇ад̇т̇а вад̇т̇увисад̣̇агирияад̇аа жа инд̣̇рияасамад̇д̇абадибаад̣̇анад̇аа жа вуд̇д̇анаязнзва взд̣̇ид̇аб̣б̣аа.

    Apica ekādasa dhammā samādhisambojjhaṅgassa uppādāya saṃvattanti vatthuvisadakiriyatā indriyasamattapaṭipādanatā nimittakusalatā samaye cittassa paggaṇhanatā samaye cittassa niggaṇhanatā samaye sampahaṃsanatā samaye ajjhupekkhanatā asamāhitapuggalaparivajjanatā samāhitapuggalasevanatā jhānavimokkhapaccavekkhaṇatā tadadhimuttatāti. Tattha vatthuvisadakiriyatā ca indriyasamattapaṭipādanatā ca vuttanayeneva veditabbā.

    нимид̇д̇агусалад̇аа наама гасин̣анимид̇д̇асса уг̇г̇ахан̣агусалад̇аа. самаяз жид̇д̇асса баг̇г̇ан̣ханад̇аад̇и яасмим̣ самаяз ад̇исит̇илавийрияад̇аад̣̇ийхи лийнам̣ жид̇д̇ам̣ ход̇и, д̇асмим̣ самаяз д̇хаммавижаяавийрияабийд̇исамб̣ож̇жхан̇г̇асамудтаабанзна д̇асса баг̇г̇ан̣ханам̣. самаяз жид̇д̇асса баг̇г̇ан̣ханад̇аад̇и яасмим̣ самаяз аарад̣̇д̇хавийрияад̇аад̣̇ийхи уд̣̇д̇хад̇ам̣ жид̇д̇ам̣ ход̇и, д̇асмим̣ самаяз бассад̣̇д̇хисамаад̇хиубзгкаасамб̣ож̇жхан̇г̇асамудтаабанзна д̇асса ниг̇г̇ан̣ханам̣. самаяз самбахам̣санад̇аад̇и яасмим̣ самаяз жид̇д̇ам̣ бан̃н̃аабаяог̇аманд̣̇ад̇ааяа ваа убасамасукаанад̇хиг̇амзна ваа нирассаад̣̇ам̣ ход̇и, д̇асмим̣ самаяз адтасам̣взг̇авад̇т̇убажжавзгкан̣зна сам̣взж̇зд̇и . адта сам̣взг̇авад̇т̇ууни наама ж̇аад̇и ж̇араа б̣яаад̇хи маран̣аани жад̇д̇аари, абааяад̣̇угкам̣ бан̃жамам̣, ад̇ийд̇з ваддамуулагам̣ д̣̇угкам̣, анааг̇ад̇з ваддамуулагам̣ д̣̇угкам̣, бажжуббаннз аахаарабарияздтимуулагам̣ д̣̇угканд̇и. рад̇анад̇д̇аяаг̇ун̣аануссаран̣зна жа басаад̣̇ам̣ ж̇анзд̇и, аяам̣ вужжад̇и ‘‘самаяз самбахам̣санад̇аа’’д̇и.

    Nimittakusalatā nāma kasiṇanimittassa uggahaṇakusalatā. Samaye cittassa paggaṇhanatāti yasmiṃ samaye atisithilavīriyatādīhi līnaṃ cittaṃ hoti, tasmiṃ samaye dhammavicayavīriyapītisambojjhaṅgasamuṭṭhāpanena tassa paggaṇhanaṃ. Samaye cittassa paggaṇhanatāti yasmiṃ samaye āraddhavīriyatādīhi uddhataṃ cittaṃ hoti, tasmiṃ samaye passaddhisamādhiupekkhāsambojjhaṅgasamuṭṭhāpanena tassa niggaṇhanaṃ. Samaye sampahaṃsanatāti yasmiṃ samaye cittaṃ paññāpayogamandatāya vā upasamasukhānadhigamena vā nirassādaṃ hoti, tasmiṃ samaye aṭṭhasaṃvegavatthupaccavekkhaṇena saṃvejeti . Aṭṭha saṃvegavatthūni nāma jāti jarā byādhi maraṇāni cattāri, apāyadukkhaṃ pañcamaṃ, atīte vaṭṭamūlakaṃ dukkhaṃ, anāgate vaṭṭamūlakaṃ dukkhaṃ, paccuppanne āhārapariyeṭṭhimūlakaṃ dukkhanti. Ratanattayaguṇānussaraṇena ca pasādaṃ janeti, ayaṃ vuccati ‘‘samaye sampahaṃsanatā’’ti.

    самаяз аж̇жхубзгканад̇аа наама яасмим̣ самаяз саммаабадибад̇д̇им̣ ааг̇амма алийнам̣ ануд̣̇д̇хад̇ам̣ анирассаад̣̇ам̣ аарамман̣з самаббавад̇д̇ам̣ самат̇авийт̇ибадибаннам̣ жид̇д̇ам̣ ход̇и, д̇ад̣̇аасса баг̇г̇аханиг̇г̇ахасамбахам̣санзсу на б̣яаабаарам̣ аабаж̇ж̇ад̇и, саарат̇и вияа самаббавад̇д̇зсу ассзсу. аяам̣ вужжад̇и – ‘‘самаяз аж̇жхубзгканад̇аа’’д̇и. асамаахид̇абуг̇г̇алабариваж̇ж̇анад̇аа наама убажаарам̣ ваа аббанам̣ ваа аббад̇д̇аанам̣ вигкид̇д̇ажид̇д̇аанам̣ буг̇г̇алаанам̣ аарагаа бариваж̇ж̇анам̣. самаахид̇абуг̇г̇аласзванаа наама убажаарзна ваа аббанааяа ваа самаахид̇ажид̇д̇аанам̣ сзванаа бхаж̇анаа баяирубаасанаа. д̇ад̣̇ад̇химуд̇д̇ад̇аа наама таананисаж̇ж̇аад̣̇ийсу самаад̇хиуббаад̣̇анад̇т̇ам̣язва ниннабон̣абаб̣бхааражид̇д̇ад̇аа. зван̃хи бадибаж̇ж̇ад̇о зса уббаж̇ж̇ад̇и. звам̣ уббаннасса банасса арахад̇д̇амаг̇г̇зна бхааванаабаарибуури ход̇ийд̇и баж̇аанаад̇и.

    Samaye ajjhupekkhanatā nāma yasmiṃ samaye sammāpaṭipattiṃ āgamma alīnaṃ anuddhataṃ anirassādaṃ ārammaṇe samappavattaṃ samathavīthipaṭipannaṃ cittaṃ hoti, tadāssa paggahaniggahasampahaṃsanesu na byāpāraṃ āpajjati, sārathi viya samappavattesu assesu. Ayaṃ vuccati – ‘‘samaye ajjhupekkhanatā’’ti. Asamāhitapuggalaparivajjanatā nāma upacāraṃ vā appanaṃ vā appattānaṃ vikkhittacittānaṃ puggalānaṃ ārakā parivajjanaṃ. Samāhitapuggalasevanā nāma upacārena vā appanāya vā samāhitacittānaṃ sevanā bhajanā payirupāsanā. Tadadhimuttatā nāma ṭhānanisajjādīsu samādhiuppādanatthaṃyeva ninnapoṇapabbhāracittatā. Evañhi paṭipajjato esa uppajjati. Evaṃ uppannassa panassa arahattamaggena bhāvanāpāripūri hotīti pajānāti.

    убзгкаасамб̣ож̇жхан̇г̇асса ‘‘ад̇т̇и, бхигкавз, убзгкаасамб̣ож̇жхан̇г̇адтаанийяаа д̇хаммаа, д̇ад̇т̇а яонисоманасигаараб̣ахулийгааро, аяамаахааро ануббаннасса ваа убзгкаасамб̣ож̇жхан̇г̇асса уббаад̣̇ааяа, уббаннасса ваа убзгкаасамб̣ож̇жхан̇г̇асса бхияяобхаавааяа взбуллааяа бхааванааяа баарибуурияаа сам̣вад̇д̇ад̇ий’’д̇и звам̣ уббаад̣̇о ход̇и. д̇ад̇т̇а убзгкаава убзгкаасамб̣ож̇жхан̇г̇адтаанийяаа д̇хаммаа наама.

    Upekkhāsambojjhaṅgassa ‘‘atthi, bhikkhave, upekkhāsambojjhaṅgaṭṭhānīyā dhammā, tattha yonisomanasikārabahulīkāro, ayamāhāro anuppannassa vā upekkhāsambojjhaṅgassa uppādāya, uppannassa vā upekkhāsambojjhaṅgassa bhiyyobhāvāya vepullāya bhāvanāya pāripūriyā saṃvattatī’’ti evaṃ uppādo hoti. Tattha upekkhāva upekkhāsambojjhaṅgaṭṭhānīyā dhammā nāma.

    абижа бан̃жа д̇хаммаа убзгкаасамб̣ож̇жхан̇г̇асса уббаад̣̇ааяа сам̣вад̇д̇анд̇и сад̇д̇амаж̇жхад̇д̇ад̇аа сан̇каарамаж̇жхад̇д̇ад̇аа сад̇д̇асан̇каарагзлааяанабуг̇г̇алабариваж̇ж̇анад̇аа сад̇д̇асан̇каарамаж̇жхад̇д̇абуг̇г̇аласзванад̇аа д̇ад̣̇ад̇химуд̇д̇ад̇аад̇и. д̇ад̇т̇а д̣̇вийхаагаарзхи сад̇д̇амаж̇жхад̇д̇ад̇ам̣ самудтаабзд̇и ‘‘д̇вам̣ ад̇д̇ано гаммзна ааг̇анд̇ваа ад̇д̇анова гаммзна г̇амиссаси, зсоби ад̇д̇анова гаммзна ааг̇анд̇ваа ад̇д̇анова гаммзна г̇амиссад̇и, д̇вам̣ гам̣ гзлааяасий’’д̇и звам̣ гаммассагад̇аабажжавзгкан̣зна, ‘‘барамад̇т̇ад̇о сад̇д̇оязва над̇т̇и, со д̇вам̣ гам̣ гзлааяасий’’д̇и звам̣ ниссад̇д̇абажжавзгкан̣зна жаад̇и. д̣̇вийхзваагаарзхи сан̇каарамаж̇жхад̇д̇ад̇ам̣ самудтаабзд̇и – ‘‘ид̣̇ам̣ жийварам̣ анубуб̣б̣зна ван̣н̣авигаарад̇ан̃жзва ж̇ин̣н̣абхааван̃жа убаг̇анд̇ваа баад̣̇абун̃чанажол̣агам̣ худ̇ваа яадтигодияаа чад̣д̣анийяам̣ бхависсад̇и, сажз банасса саамиго бхавзяяа, наасса звам̣ винассид̇ум̣ д̣̇ад̣̇зяяаа’’д̇и звам̣ ассаамигабхаавабажжавзгкан̣зна жа, ‘‘анад̣̇д̇ханияам̣ ид̣̇ам̣ д̇аавагаалига’’нд̇и звам̣ д̇аавагаалигабхаавабажжавзгкан̣зна жаад̇и. яат̇аа жа жийварз, звам̣ бад̇д̇аад̣̇ийсуби яож̇анаа гаад̇аб̣б̣аа.

    Apica pañca dhammā upekkhāsambojjhaṅgassa uppādāya saṃvattanti sattamajjhattatā saṅkhāramajjhattatā sattasaṅkhārakelāyanapuggalaparivajjanatā sattasaṅkhāramajjhattapuggalasevanatā tadadhimuttatāti. Tattha dvīhākārehi sattamajjhattataṃ samuṭṭhāpeti ‘‘tvaṃ attano kammena āgantvā attanova kammena gamissasi, esopi attanova kammena āgantvā attanova kammena gamissati, tvaṃ kaṃ kelāyasī’’ti evaṃ kammassakatāpaccavekkhaṇena, ‘‘paramatthato sattoyeva natthi, so tvaṃ kaṃ kelāyasī’’ti evaṃ nissattapaccavekkhaṇena cāti. Dvīhevākārehi saṅkhāramajjhattataṃ samuṭṭhāpeti – ‘‘idaṃ cīvaraṃ anupubbena vaṇṇavikāratañceva jiṇṇabhāvañca upagantvā pādapuñchanacoḷakaṃ hutvā yaṭṭhikoṭiyā chaḍḍanīyaṃ bhavissati, sace panassa sāmiko bhaveyya, nāssa evaṃ vinassituṃ dadeyyā’’ti evaṃ assāmikabhāvapaccavekkhaṇena ca, ‘‘anaddhaniyaṃ idaṃ tāvakālika’’nti evaṃ tāvakālikabhāvapaccavekkhaṇena cāti. Yathā ca cīvare, evaṃ pattādīsupi yojanā kātabbā.

    сад̇д̇асан̇каарагзлааяанабуг̇г̇алабариваж̇ж̇анад̇аад̇и зд̇т̇а яо буг̇г̇ало г̇ихи ваа ад̇д̇ано буд̇д̇ад̇хийд̇аад̣̇игз, баб̣б̣аж̇ид̇о ваа ад̇д̇ано анд̇зваасигасамаанубаж̇жхааяагаад̣̇игз мамааяад̇и, сахад̇т̇знзва нзсам̣ гзсажчзд̣̇анасуужигаммажийварад̇хованараж̇анабад̇д̇абажанаад̣̇ийни гарод̇и, мухуд̇д̇амби абассанд̇о ‘‘асуго сааман̣зро гухим̣ асуго д̣̇ахаро гухи’’нд̇и бханд̇амиг̇о вияа ид̇о жид̇о жа ологзд̇и, ан̃н̃зна гзсажчзд̣̇анаад̣̇ийнам̣ ад̇т̇ааяа ‘‘мухуд̇д̇ам̣ асугам̣ бзсзт̇аа’’д̇и яаажияамааноби ‘‘амхзби д̇ам̣ ад̇д̇ано гаммам̣ на гаарзма, д̇умхз нам̣ г̇ахзд̇ваа гиламзссат̇аа’’д̇и на д̣̇зд̇и, аяам̣ сад̇д̇агзлааяано наама.

    Sattasaṅkhārakelāyanapuggalaparivajjanatāti ettha yo puggalo gihi vā attano puttadhītādike, pabbajito vā attano antevāsikasamānupajjhāyakādike mamāyati, sahattheneva nesaṃ kesacchedanasūcikammacīvaradhovanarajanapattapacanādīni karoti, muhuttampi apassanto ‘‘asuko sāmaṇero kuhiṃ asuko daharo kuhi’’nti bhantamigo viya ito cito ca oloketi, aññena kesacchedanādīnaṃ atthāya ‘‘muhuttaṃ asukaṃ pesethā’’ti yāciyamānopi ‘‘amhepi taṃ attano kammaṃ na kārema, tumhe naṃ gahetvā kilamessathā’’ti na deti, ayaṃ sattakelāyano nāma.

    яо бана жийварабад̇д̇ат̇аалагагад̇д̇араяадтиаад̣̇ийни мамааяад̇и, ан̃н̃асса хад̇т̇зна бараамасид̇умби на д̣̇зд̇и, д̇аавагаалигам̣ яаажид̇о ‘‘маяамби ид̣̇ам̣ мамааяанд̇аа на барибхун̃ж̇аама, д̇умхаагам̣ гим̣ д̣̇ассаамаа’’д̇и вад̣̇ад̇и, аяам̣ сан̇каарагзлааяано наама. яо бана д̇зсу д̣̇вийсуби вад̇т̇уусу маж̇жхад̇д̇о уд̣̇аасино, аяам̣ сад̇д̇асан̇каарамаж̇жхад̇д̇о наама. ид̇и аяам̣ убзгкаасамб̣ож̇жхан̇г̇о зваруубам̣ сад̇д̇асан̇каарагзлааяанабуг̇г̇алам̣ аарагаа бариваж̇ж̇анд̇ассааби, сад̇д̇асан̇каарамаж̇жхад̇д̇абуг̇г̇алам̣ сзванд̇ассааби, таананисаж̇ж̇аад̣̇ийсу д̇ад̣̇уббаад̣̇анад̇т̇ам̣ ниннабон̣абаб̣бхааражид̇д̇ассааби уббаж̇ж̇ад̇и. звам̣ уббаннасса банасса арахад̇д̇амаг̇г̇зна бхааванаабаарибуури ход̇ийд̇и баж̇аанаад̇и.

    Yo pana cīvarapattathālakakattarayaṭṭhiādīni mamāyati, aññassa hatthena parāmasitumpi na deti, tāvakālikaṃ yācito ‘‘mayampi idaṃ mamāyantā na paribhuñjāma, tumhākaṃ kiṃ dassāmā’’ti vadati, ayaṃ saṅkhārakelāyano nāma. Yo pana tesu dvīsupi vatthūsu majjhatto udāsino, ayaṃ sattasaṅkhāramajjhatto nāma. Iti ayaṃ upekkhāsambojjhaṅgo evarūpaṃ sattasaṅkhārakelāyanapuggalaṃ ārakā parivajjantassāpi, sattasaṅkhāramajjhattapuggalaṃ sevantassāpi, ṭhānanisajjādīsu taduppādanatthaṃ ninnapoṇapabbhāracittassāpi uppajjati. Evaṃ uppannassa panassa arahattamaggena bhāvanāpāripūri hotīti pajānāti.

    ид̇и аж̇жхад̇д̇ам̣ ваад̇и звам̣ ад̇д̇ано ваа сад̇д̇а самб̣ож̇жхан̇г̇з бариг̇г̇ан̣хид̇ваа, барасса ваа, гаалзна ваа ад̇д̇ано, гаалзна ваа барасса самб̣ож̇жхан̇г̇з бариг̇г̇ан̣хид̇ваа д̇хаммзсу д̇хаммаанубассий вихарад̇и. самуд̣̇аяаваяаа банзд̇т̇а самб̣ож̇жхан̇г̇аанам̣ ниб̣б̣ад̇д̇инирод̇хавасзна взд̣̇ид̇аб̣б̣аа. ид̇о барам̣ вуд̇д̇анаяамзва. гзвалан̃хи ид̇ха б̣ож̇жхан̇г̇абариг̇г̇аахигаа сад̇и д̣̇угкасажжанд̇и звам̣ яож̇анам̣ гад̇ваа б̣ож̇жхан̇г̇абариг̇г̇аахагасса бхигкуно нияяаанамукам̣ взд̣̇ид̇аб̣б̣ам̣. сзсам̣ д̇аад̣̇исамзваад̇и.

    Iti ajjhattaṃ vāti evaṃ attano vā satta sambojjhaṅge pariggaṇhitvā, parassa vā, kālena vā attano, kālena vā parassa sambojjhaṅge pariggaṇhitvā dhammesu dhammānupassī viharati. Samudayavayā panettha sambojjhaṅgānaṃ nibbattinirodhavasena veditabbā. Ito paraṃ vuttanayameva. Kevalañhi idha bojjhaṅgapariggāhikā sati dukkhasaccanti evaṃ yojanaṃ katvā bojjhaṅgapariggāhakassa bhikkhuno niyyānamukhaṃ veditabbaṃ. Sesaṃ tādisamevāti.

    б̣ож̇жхан̇г̇абаб̣б̣ам̣ нидтид̇ам̣.

    Bojjhaṅgapabbaṃ niṭṭhitaṃ.

    жад̇усажжабаб̣б̣аван̣н̣анаа

    Catusaccapabbavaṇṇanā

    386. звам̣ сад̇д̇аб̣ож̇жхан̇г̇авасзна д̇хаммаанубассанам̣ вибхаж̇ид̇ваа ид̣̇аани жад̇усажжавасзна вибхаж̇ид̇ум̣ буна жабаранд̇иаад̣̇имааха. д̇ад̇т̇а ид̣̇ам̣ д̣̇угканд̇и яат̇аабхууд̇ам̣ баж̇аанаад̇ийд̇и табзд̇ваа д̇ан̣хам̣ д̇збхуумагад̇хаммз ‘‘ид̣̇ам̣ д̣̇угка’’нд̇и яат̇аасабхаавад̇о баж̇аанаад̇и, д̇ассзва ко бана д̣̇угкасса ж̇анигам̣ самудтаабигам̣ буримад̇ан̣хам̣ ‘‘аяам̣ д̣̇угкасамуд̣̇аяо’’д̇и, убхиннам̣ аббавад̇д̇иниб̣б̣аанам̣ ‘‘аяам̣ д̣̇угканирод̇хо’’д̇и, д̣̇угкабариж̇аананам̣ самуд̣̇аяабаж̇аханам̣ нирод̇хасажчигаран̣ам̣ арияамаг̇г̇ам̣ ‘‘аяам̣ д̣̇угканирод̇хаг̇ааминибадибад̣̇аа’’д̇и яат̇аасабхаавад̇о баж̇аанаад̇ийд̇и ад̇т̇о. авасзсаа арияасажжагат̇аа табзд̇ваа ж̇аад̇иаад̣̇ийнам̣ бад̣̇абхааж̇анагат̇ам̣ висуд̣̇д̇химаг̇г̇з вид̇т̇аарид̇ааязва.

    386. Evaṃ sattabojjhaṅgavasena dhammānupassanaṃ vibhajitvā idāni catusaccavasena vibhajituṃ puna caparantiādimāha. Tattha idaṃ dukkhanti yathābhūtaṃ pajānātīti ṭhapetvā taṇhaṃ tebhūmakadhamme ‘‘idaṃ dukkha’’nti yathāsabhāvato pajānāti, tasseva kho pana dukkhassa janikaṃ samuṭṭhāpikaṃ purimataṇhaṃ ‘‘ayaṃ dukkhasamudayo’’ti, ubhinnaṃ appavattinibbānaṃ ‘‘ayaṃ dukkhanirodho’’ti, dukkhaparijānanaṃ samudayapajahanaṃ nirodhasacchikaraṇaṃ ariyamaggaṃ ‘‘ayaṃ dukkhanirodhagāminipaṭipadā’’ti yathāsabhāvato pajānātīti attho. Avasesā ariyasaccakathā ṭhapetvā jātiādīnaṃ padabhājanakathaṃ visuddhimagge vitthāritāyeva.

    д̣̇угкасажжанид̣̇д̣̇зсаван̣н̣анаа

    Dukkhasaccaniddesavaṇṇanā

    388. бад̣̇абхааж̇анз бана гад̇амаа жа, бхигкавз, ж̇аад̇ийд̇и бхигкавз, яаа ж̇аад̇иби д̣̇угкаад̇и звам̣ вуд̇д̇аа ж̇аад̇и, саа гад̇амаад̇и звам̣ саб̣б̣абужчаасу ад̇т̇о взд̣̇ид̇аб̣б̣о. яаа д̇зсам̣ д̇зсам̣ сад̇д̇аананд̇и ид̣̇ам̣ ‘‘имзсам̣ наамаа’’д̇и нияамаабхаавад̇о саб̣б̣асад̇д̇аанам̣ барияаад̣̇аанаважанам̣. д̇амхи д̇амхи сад̇д̇анигааязд̇и ид̣̇амби саб̣б̣асад̇д̇анигааяабарияаад̣̇аанаважанам̣ ж̇ананам̣ ж̇аад̇и савигаараанам̣ батамаабхиниб̣б̣ад̇д̇агканд̇хаанамзд̇ам̣ ад̇хиважанам̣. сан̃ж̇аад̇ийд̇и ид̣̇ам̣ д̇ассаа зва убасаг̇г̇аман̣д̣ид̇авзважанам̣. саа зва анубавидтаагаарзна оггаманадтзна огганд̇и. ниб̣б̣ад̇д̇исан̇каад̇зна абхиниб̣б̣ад̇д̇анадтзна абхиниб̣б̣ад̇д̇и. ид̇и аяам̣ жад̇уб̣б̣ид̇хааби саммуд̇игат̇аа наама . канд̇хаанам̣ баад̇убхаавод̇и аяам̣ бана барамад̇т̇агат̇аа. згавогаарабхаваад̣̇ийсу згажад̇убан̃жабхзд̣̇аанам̣ канд̇хаанам̣язва баад̇убхааво, на буг̇г̇аласса, д̇асмим̣ бана сад̇и буг̇г̇ало баад̇убхууд̇од̇и вохаарамад̇д̇ам̣ ход̇и. ааяад̇анаанам̣ бадилаабход̇и ааяад̇анаани баад̇убхаванд̇аанзва бадилад̣̇д̇хаани наама хонд̇и, со д̇зсам̣ баад̇убхаавасан̇каад̇о бадилаабход̇и ад̇т̇о.

    388. Padabhājane pana katamā ca, bhikkhave, jātīti bhikkhave, yā jātipi dukkhāti evaṃ vuttā jāti, sā katamāti evaṃ sabbapucchāsu attho veditabbo. Yā tesaṃ tesaṃ sattānanti idaṃ ‘‘imesaṃ nāmā’’ti niyamābhāvato sabbasattānaṃ pariyādānavacanaṃ. Tamhi tamhi sattanikāyeti idampi sabbasattanikāyapariyādānavacanaṃ jananaṃ jāti savikārānaṃ paṭhamābhinibbattakkhandhānametaṃ adhivacanaṃ. Sañjātīti idaṃ tassā eva upasaggamaṇḍitavevacanaṃ. Sā eva anupaviṭṭhākārena okkamanaṭṭhena okkanti. Nibbattisaṅkhātena abhinibbattanaṭṭhena abhinibbatti. Iti ayaṃ catubbidhāpi sammutikathā nāma . Khandhānaṃ pātubhāvoti ayaṃ pana paramatthakathā. Ekavokārabhavādīsu ekacatupañcabhedānaṃ khandhānaṃyeva pātubhāvo, na puggalassa, tasmiṃ pana sati puggalo pātubhūtoti vohāramattaṃ hoti. Āyatanānaṃ paṭilābhoti āyatanāni pātubhavantāneva paṭiladdhāni nāma honti, so tesaṃ pātubhāvasaṅkhāto paṭilābhoti attho.

    389. ж̇араад̇и сабхааванид̣̇д̣̇зсо. ж̇ийран̣ад̇аад̇и аагаарабхааванид̣̇д̣̇зсо. кан̣д̣ижжанд̇иаад̣̇и вигааранид̣̇д̣̇зсо. д̣̇ахарагааласмин̃хи д̣̇анд̇аа самасзд̇аа хонд̇и. д̇зязва барибажжанд̇з ануггамзна ван̣н̣авигаарам̣ аабаж̇ж̇ид̇ваа д̇ад̇т̇а д̇ад̇т̇а бад̇д̇анд̇и. ат̇а бад̇ид̇ан̃жа тид̇ан̃жа убаад̣̇ааяа кан̣д̣ид̇ад̣̇анд̇аа кан̣д̣ид̇аа наама. кан̣д̣ид̇аанам̣ бхааво кан̣д̣ижжанд̇и вужжад̇и. ануггамзна бан̣д̣арабхууд̇аани гзсаломаани балид̇аани наама. балид̇аани сан̃ж̇аад̇аани ассаад̇и балид̇о, балид̇асса бхааво баалижжам̣. ж̇арааваад̇аббахаарзна сосид̇амам̣салохид̇ад̇ааяа валияо д̇ажасмим̣ ассаад̇и валид̇д̇ажо, д̇асса бхааво валид̇д̇ажад̇аа. зд̇д̇аавад̇аа д̣̇анд̇агзсаломад̇ажзсу вигаарад̣̇ассанавасзна баагадийбхууд̇аа баагадаж̇араа д̣̇ассид̇аа.

    389.Jarāti sabhāvaniddeso. Jīraṇatāti ākārabhāvaniddeso. Khaṇḍiccantiādi vikāraniddeso. Daharakālasmiñhi dantā samasetā honti. Teyeva paripaccante anukkamena vaṇṇavikāraṃ āpajjitvā tattha tattha pattanti. Atha patitañca ṭhitañca upādāya khaṇḍitadantā khaṇḍitā nāma. Khaṇḍitānaṃ bhāvo khaṇḍiccanti vuccati. Anukkamena paṇḍarabhūtāni kesalomāni palitāni nāma. Palitāni sañjātāni assāti palito, palitassa bhāvo pāliccaṃ. Jarāvātappahārena sositamaṃsalohitatāya valiyo tacasmiṃ assāti valittaco, tassa bhāvo valittacatā. Ettāvatā dantakesalomatacesu vikāradassanavasena pākaṭībhūtā pākaṭajarā dassitā.

    яат̇зва хи уд̣̇агасса ваа ваад̇асса ваа аг̇г̇ино ваа д̇ин̣аругкаад̣̇ийнам̣ сам̣бхаг̇г̇абалибхаг̇г̇ад̇ааяа ваа жхаамад̇ааяа ваа г̇ад̇амаг̇г̇о баагадо ход̇и, на жа со г̇ад̇амаг̇г̇о д̇аанзва уд̣̇агаад̣̇ийни, звамзва ж̇арааяа д̣̇анд̇аад̣̇ийнам̣ кан̣д̣ижжаад̣̇ивасзна г̇ад̇амаг̇г̇о баагадо, жагкум̣ уммилзд̇вааби г̇аяхад̇и, на жа кан̣д̣ижжаад̣̇ийнзва ж̇араа. на хи ж̇араа жагкувин̃н̃зяяаа ход̇и. яасмаа бана ж̇арам̣ бад̇д̇асса ааяу хааяад̇и, д̇асмаа ж̇араа ‘‘ааяуно сам̣хааний’’д̇и палуубажаарзна вуд̇д̇аа. яасмаа д̣̇ахарагаалз суббасаннаани сукумамби ад̇д̇ано висаяам̣ сукзнзва жа г̇ан̣ханасамад̇т̇аани жагкаад̣̇ийни инд̣̇рияаани ж̇арам̣ бад̇д̇асса барибаггаани аалулид̇аани ависад̣̇аани ол̣ааригамби ад̇д̇ано висаяам̣ г̇ахзд̇ум̣ асамад̇т̇аани хонд̇и, д̇асмаа ‘‘инд̣̇рияаанам̣ барибааго’’д̇иби палуубажаарзнзва вуд̇д̇аа.

    Yatheva hi udakassa vā vātassa vā aggino vā tiṇarukkhādīnaṃ saṃbhaggapalibhaggatāya vā jhāmatāya vā gatamaggo pākaṭo hoti, na ca so gatamaggo tāneva udakādīni, evameva jarāya dantādīnaṃ khaṇḍiccādivasena gatamaggo pākaṭo, cakkhuṃ ummiletvāpi gayhati, na ca khaṇḍiccādīneva jarā. Na hi jarā cakkhuviññeyyā hoti. Yasmā pana jaraṃ pattassa āyu hāyati, tasmā jarā ‘‘āyuno saṃhānī’’ti phalūpacārena vuttā. Yasmā daharakāle suppasannāni sukhumampi attano visayaṃ sukheneva ca gaṇhanasamatthāni cakkhādīni indriyāni jaraṃ pattassa paripakkāni ālulitāni avisadāni oḷārikampi attano visayaṃ gahetuṃ asamatthāni honti, tasmā ‘‘indriyānaṃ paripāko’’tipi phalūpacāreneva vuttā.

    390. маран̣анид̣̇д̣̇зсз яанд̇и маран̣ам̣ санд̇хааяа набум̣саганид̣̇д̣̇зсо, яам̣ маран̣ам̣ жуд̇ийд̇и вужжад̇и, жаванад̇аад̇и вужжад̇ийд̇и аяамзд̇т̇а яож̇анаа. д̇ад̇т̇а жуд̇ийд̇и сабхааванид̣̇д̣̇зсо. жаванад̇аад̇и аагаарабхааванид̣̇д̣̇зсо. маран̣ам̣ бад̇д̇асса канд̇хаа бхиж̇ж̇анд̇и жзва анд̇арад̇хааяанд̇и жа ад̣̇ассанам̣ г̇ажчанд̇и, д̇асмаа д̇ам̣ бхзд̣̇о анд̇арад̇хаананд̇и вужжад̇и. мажжумаран̣анд̇и мажжумаран̣ам̣, на кан̣игамаран̣ам̣. гаалагирияаад̇и маран̣агаалагирияаа. аяам̣ саб̣б̣ааби саммуд̇игат̇аава. канд̇хаанам̣ бхзд̣̇од̇и аяам̣ бана барамад̇т̇агат̇аа. згавогаарабхаваад̣̇ийсу згажад̇убан̃жабхзд̣̇аанам̣ канд̇хаанам̣язва бхзд̣̇о, на буг̇г̇аласса, д̇асмим̣ бана сад̇и буг̇г̇ало мад̇од̇и вохаарамад̇д̇ам̣ ход̇и.

    390. Maraṇaniddese yanti maraṇaṃ sandhāya napuṃsakaniddeso, yaṃ maraṇaṃ cutīti vuccati, cavanatāti vuccatīti ayamettha yojanā. Tattha cutīti sabhāvaniddeso. Cavanatāti ākārabhāvaniddeso. Maraṇaṃ pattassa khandhā bhijjanti ceva antaradhāyanti ca adassanaṃ gacchanti, tasmā taṃ bhedo antaradhānanti vuccati. Maccumaraṇanti maccumaraṇaṃ, na khaṇikamaraṇaṃ. Kālakiriyāti maraṇakālakiriyā. Ayaṃ sabbāpi sammutikathāva. Khandhānaṃ bhedoti ayaṃ pana paramatthakathā. Ekavokārabhavādīsu ekacatupañcabhedānaṃ khandhānaṃyeva bhedo, na puggalassa, tasmiṃ pana sati puggalo matoti vohāramattaṃ hoti.

    гал̣зварасса нигкзбод̇и ад̇д̇абхаавасса нигкзбо. маран̣ам̣ бад̇д̇асса хи нирад̇т̇ам̣ва галин̇г̇арам̣ ад̇д̇абхааво бад̇ад̇и, д̇асмаа д̇ам̣ гал̣зварасса нигкзбод̇и вуд̇д̇ам̣. ж̇ийвид̇инд̣̇рияасса убажчзд̣̇о бана саб̣б̣аагаарад̇о барамад̇т̇ад̇о маран̣ам̣. зд̇ад̣̇зва саммуд̇имаран̣анд̇и би вужжад̇и. ж̇ийвид̇инд̣̇рияубажчзд̣̇амзва хи г̇ахзд̇ваа логияаа ‘‘д̇иссо мад̇о, пуссо мад̇о’’д̇и вад̣̇анд̇и.

    Kaḷevarassa nikkhepoti attabhāvassa nikkhepo. Maraṇaṃ pattassa hi niratthaṃva kaliṅgaraṃ attabhāvo patati, tasmā taṃ kaḷevarassa nikkhepoti vuttaṃ. Jīvitindriyassa upacchedo pana sabbākārato paramatthato maraṇaṃ. Etadeva sammutimaraṇanti pi vuccati. Jīvitindriyupacchedameva hi gahetvā lokiyā ‘‘tisso mato, phusso mato’’ti vadanti.

    391. б̣яасанзнаад̇и н̃аад̇иб̣яасанаад̣̇ийсу язна гзнажи б̣яасанзна. д̣̇угкад̇хаммзнаад̇и вад̇хаб̣анд̇хаад̣̇инаа д̣̇угкагааран̣зна. пудтассаад̇и аж̇жход̇т̇адасса абхибхууд̇асса. согод̇и яо н̃аад̇иб̣яасанаад̣̇ийсу ваа вад̇хаб̣анд̇ханаад̣̇ийсу ваа ан̃н̃ад̇арасмим̣ сад̇и д̇зна абхибхууд̇асса уббаж̇ж̇ад̇и сожаналагкан̣о сого. сожид̇ад̇д̇анд̇и сожид̇абхааво. яасмаа банзса аб̣бханд̇арз сосзнд̇о барисосзнд̇о уббаж̇ж̇ад̇и, д̇асмаа анд̇осого анд̇обарисогод̇и вужжад̇и.

    391.Byasanenāti ñātibyasanādīsu yena kenaci byasanena. Dukkhadhammenāti vadhabandhādinā dukkhakāraṇena. Phuṭṭhassāti ajjhotthaṭassa abhibhūtassa. Sokoti yo ñātibyasanādīsu vā vadhabandhanādīsu vā aññatarasmiṃ sati tena abhibhūtassa uppajjati socanalakkhaṇo soko. Socitattanti socitabhāvo. Yasmā panesa abbhantare sosento parisosento uppajjati, tasmā antosoko antoparisokoti vuccati.

    392. ‘‘маяхам̣ д̇хийд̇аа, маяхам̣ буд̇д̇о’’д̇и звам̣ аад̣̇исса аад̣̇исса д̣̇званд̇и барид̣̇званд̇и зд̇знаад̇и аад̣̇зво. д̇ам̣ д̇ам̣ ван̣н̣ам̣ баригид̇д̇зд̇ваа д̣̇званд̇и зд̇знаад̇и барид̣̇зво. д̇ад̇о бараа д̣̇вз д̇ассзва бхааванид̣̇д̣̇зсаа.

    392. ‘‘Mayhaṃ dhītā, mayhaṃ putto’’ti evaṃ ādissa ādissa devanti paridevanti etenāti ādevo. Taṃ taṃ vaṇṇaṃ parikittetvā devanti etenāti paridevo. Tato parā dve tasseva bhāvaniddesā.

    393. гааяиганд̇и гааяабасаад̣̇авад̇т̇угам̣. д̣̇угкаманадтзна д̣̇угкам̣. асаад̇анд̇и амад̇хурам̣. гааяасампассаж̇ам̣ д̣̇угканд̇и гааяасампассад̇о ж̇аад̇ам̣ д̣̇угкам̣. асаад̇ам̣ взд̣̇аяид̇анд̇и амад̇хурам̣ взд̣̇аяид̇ам̣.

    393.Kāyikanti kāyapasādavatthukaṃ. Dukkhamanaṭṭhena dukkhaṃ. Asātanti amadhuraṃ. Kāyasamphassajaṃ dukkhanti kāyasamphassato jātaṃ dukkhaṃ. Asātaṃ vedayitanti amadhuraṃ vedayitaṃ.

    394. жзд̇асиганд̇и жид̇д̇асамбаяуд̇д̇ам̣. сзсам̣ д̣̇угкз вуд̇д̇анаяамзва.

    394.Cetasikanti cittasampayuttaṃ. Sesaṃ dukkhe vuttanayameva.

    395. ааяаасод̇и сам̣сийд̣̇анависийд̣̇анаагаараббад̇д̇о жид̇д̇агиламат̇о. б̣алавад̇арам̣ ааяаасо убааяаасо. д̇ад̇о бараа д̣̇вз ад̇д̇ад̇д̇анияаабхаавад̣̇ийбагаа бхааванид̣̇д̣̇зсаа.

    395.Āyāsoti saṃsīdanavisīdanākārappatto cittakilamatho. Balavataraṃ āyāso upāyāso. Tato parā dve attattaniyābhāvadīpakā bhāvaniddesā.

    398. ж̇аад̇ид̇хаммаананд̇и ж̇аад̇исабхааваанам̣. ижчаа уббаж̇ж̇ад̇ийд̇и д̇ан̣хаа уббаж̇ж̇ад̇и. ахо вад̇аад̇и бад̇т̇анаа. на ко банзд̇ам̣ ижчааяаад̇и звам̣ ж̇аад̇ияаа анааг̇аманам̣ винаа маг̇г̇абхааванам̣ на ижчааяа бад̇д̇аб̣б̣ам̣. ид̣̇амбийд̇и зд̇амби убари сзсаани убаад̣̇ааяа бигааро. яамбижчанд̇и язнаби д̇хаммзна алаб̣бханзяяавад̇т̇ум̣ ижчанд̇о на лабхад̇и, д̇ам̣ алаб̣бханзяяа вад̇т̇умхи ижчанам̣ д̣̇угкам̣. зса наяо саб̣б̣ад̇т̇а.

    398.Jātidhammānanti jātisabhāvānaṃ. Icchā uppajjatīti taṇhā uppajjati. Aho vatāti patthanā. Na kho panetaṃ icchāyāti evaṃ jātiyā anāgamanaṃ vinā maggabhāvanaṃ na icchāya pattabbaṃ. Idampīti etampi upari sesāni upādāya pikāro. Yampicchanti yenapi dhammena alabbhaneyyavatthuṃ icchanto na labhati, taṃ alabbhaneyya vatthumhi icchanaṃ dukkhaṃ. Esa nayo sabbattha.

    399. канд̇ханид̣̇д̣̇зсз руубан̃жа д̇ам̣ убаад̣̇аанагканд̇хо жаад̇и руубубаад̣̇аанагканд̇хо звам̣ саб̣б̣ад̇т̇а.

    399. Khandhaniddese rūpañca taṃ upādānakkhandho cāti rūpupādānakkhandho evaṃ sabbattha.

    самуд̣̇аяасажжанид̣̇д̣̇зсаван̣н̣анаа

    Samudayasaccaniddesavaṇṇanā

    400. яааяам̣ д̇ан̣хаад̇и яаа аяам̣ д̇ан̣хаа. боноб̣бхавигаад̇и бунаб̣бхавагаран̣ам̣ буноб̣бхаво, буноб̣бхаво сийлам̣ ассаад̇и боноб̣бхавигаа. нанд̣̇ийрааг̇зна саха г̇ад̇аад̇и нанд̣̇ийрааг̇асахаг̇ад̇аа. нанд̣̇ийрааг̇зна сад̣̇д̇хим̣ ад̇т̇ад̇о згад̇д̇амзва г̇ад̇аад̇и вуд̇д̇ам̣ ход̇и. д̇ад̇рад̇ад̇раабхинанд̣̇инийд̇и яад̇ра яад̇ра ад̇д̇абхааво, д̇ад̇ра д̇ад̇ра абхинанд̣̇иний. руубаад̣̇ийсу ваа аарамман̣зсу д̇ад̇ра д̇ад̇ра абхинанд̣̇иний, руубаабхинанд̣̇иний сад̣̇д̣̇а, г̇анд̇ха, раса, подтаб̣б̣а, д̇хаммаабхинанд̣̇инийд̇и ад̇т̇о. сзяяат̇ид̣̇анд̇и нибаад̇о. д̇асса саа гад̇амаа жзд̇и ад̇т̇о. гаамз д̇ан̣хаа гаамад̇ан̣хаа, бан̃жагаамаг̇ун̣игарааг̇ассзд̇ам̣ наамам̣. бхавз д̇ан̣хаа бхавад̇ан̣хаа, бхавабад̇т̇анаавасзна уббаннасса сассад̇ад̣̇идтисахаг̇ад̇асса руубааруубабхаварааг̇асса жа жхаананиганд̇ияаа жзд̇ам̣ ад̇хиважанам̣. вибхавз д̇ан̣хаа вибхавад̇ан̣хаа, ужчзд̣̇ад̣̇идтисахаг̇ад̇арааг̇ассзд̇ам̣ ад̇хиважанам̣.

    400.Yāyaṃ taṇhāti yā ayaṃ taṇhā. Ponobbhavikāti punabbhavakaraṇaṃ punobbhavo, punobbhavo sīlaṃ assāti ponobbhavikā. Nandīrāgena saha gatāti nandīrāgasahagatā. Nandīrāgena saddhiṃ atthato ekattameva gatāti vuttaṃ hoti. Tatratatrābhinandinīti yatra yatra attabhāvo, tatra tatra abhinandinī. Rūpādīsu vā ārammaṇesu tatra tatra abhinandinī, rūpābhinandinī sadda, gandha, rasa, phoṭṭhabba, dhammābhinandinīti attho. Seyyathidanti nipāto. Tassa sā katamā ceti attho. Kāme taṇhā kāmataṇhā, pañcakāmaguṇikarāgassetaṃ nāmaṃ. Bhave taṇhā bhavataṇhā, bhavapatthanāvasena uppannassa sassatadiṭṭhisahagatassa rūpārūpabhavarāgassa ca jhānanikantiyā cetaṃ adhivacanaṃ. Vibhave taṇhā vibhavataṇhā, ucchedadiṭṭhisahagatarāgassetaṃ adhivacanaṃ.

    ид̣̇аани д̇ассаа д̇ан̣хааяа вад̇т̇ум̣ вид̇т̇аарад̇о д̣̇ассзд̇ум̣ саа ко банзсаад̇иаад̣̇имааха. д̇ад̇т̇а уббаж̇ж̇ад̇ийд̇и ж̇ааяад̇и. нивисад̇ийд̇и бунаббунам̣ бавад̇д̇ивасзна бад̇идтахад̇и. яам̣ логз бияаруубам̣ саад̇аруубанд̇и яам̣ логасмим̣ бияасабхааван̃жзва мад̇хурасабхааван̃жа. жагку логзд̇иаад̣̇ийсу логасмин̃хи жагкаад̣̇ийсу мамад̇д̇зна абхинивидтаа сад̇д̇аа самбад̇д̇ияам̣ бад̇идтид̇аа ад̇д̇ано жагкум̣ аад̣̇аасад̇алаад̣̇ийсу нимид̇д̇аг̇г̇ахан̣аанусаарзна виббасаннам̣ бан̃жабасаад̣̇ам̣ суван̣н̣авимаанз уг̇гхаадид̇аман̣исийхабан̃ж̇арам̣ вияа ман̃н̃анд̇и, сод̇ам̣ раж̇ад̇абанаал̣игам̣ вияа, бааман̇г̇асуд̇д̇ам̣ вияа жа ман̃н̃анд̇и, ‘‘д̇ун̇г̇анаасаа’’д̇и лад̣̇д̇хавохаарам̣ гхаанам̣ ваддид̇ваа табид̇ахарид̇аалаваддам̣ вияа ман̃н̃анд̇и, ж̇ивхам̣ рад̇д̇агамб̣алабадалам̣ вияа муд̣̇усинид̣̇д̇хамад̇хурасад̣̇ам̣ ман̃н̃анд̇и, гааяам̣ саалаладтим̣ вияа, суван̣н̣ад̇оран̣ам̣ вияа жа ман̃н̃анд̇и, манам̣ ан̃н̃зсам̣ манзна асад̣̇исам̣ ул̣аарам̣ ман̃н̃анд̇и. руубам̣ суван̣н̣аган̣игаарабубпаад̣̇иван̣н̣ам̣ вияа, сад̣̇д̣̇ам̣ мад̇д̇агаравийга гогиламанд̣̇ад̇хамид̇аман̣ивам̣саниг̇гхосам̣ вияа, ад̇д̇анаа бадилад̣̇д̇хаани жад̇усамудтаанигаг̇анд̇хаарамман̣аад̣̇ийни ‘‘гассан̃н̃асса зваруубаани ад̇т̇ий’’д̇и ман̃н̃анд̇и. д̇зсам̣ звам̣ ман̃н̃амаанаанам̣ д̇аани жагкаад̣̇ийни бияаруубаани жзва саад̇аруубаани жа хонд̇и. ат̇а нзсам̣ д̇ад̇т̇а ануббаннаа жзва д̇ан̣хаа уббаж̇ж̇ад̇и , уббаннаа жа д̇ан̣хаа бунаббунам̣ бавад̇д̇ивасзна нивисад̇и. д̇асмаа бхаг̇аваа ‘‘жагку логз бияаруубам̣ саад̇аруубам̣, зд̇т̇зсаа д̇ан̣хаа уббаж̇ж̇амаанаа уббаж̇ж̇ад̇ий’’д̇иаад̣̇имааха. д̇ад̇т̇а уббаж̇ж̇амаанаад̇и яад̣̇аа уббаж̇ж̇амаанаа ход̇и, д̇ад̣̇аа зд̇т̇а уббаж̇ж̇ад̇ийд̇и ад̇т̇о. зса наяо саб̣б̣ад̇т̇а.

    Idāni tassā taṇhāya vatthuṃ vitthārato dassetuṃ sā kho panesātiādimāha. Tattha uppajjatīti jāyati. Nivisatīti punappunaṃ pavattivasena patiṭṭhahati. Yaṃ loke piyarūpaṃ sātarūpanti yaṃ lokasmiṃ piyasabhāvañceva madhurasabhāvañca. Cakkhu loketiādīsu lokasmiñhi cakkhādīsu mamattena abhiniviṭṭhā sattā sampattiyaṃ patiṭṭhitā attano cakkhuṃ ādāsatalādīsu nimittaggahaṇānusārena vippasannaṃ pañcapasādaṃ suvaṇṇavimāne ugghāṭitamaṇisīhapañjaraṃ viya maññanti, sotaṃ rajatapanāḷikaṃ viya, pāmaṅgasuttaṃ viya ca maññanti, ‘‘tuṅganāsā’’ti laddhavohāraṃ ghānaṃ vaṭṭitvā ṭhapitaharitālavaṭṭaṃ viya maññanti, jivhaṃ rattakambalapaṭalaṃ viya mudusiniddhamadhurasadaṃ maññanti, kāyaṃ sālalaṭṭhiṃ viya, suvaṇṇatoraṇaṃ viya ca maññanti, manaṃ aññesaṃ manena asadisaṃ uḷāraṃ maññanti. Rūpaṃ suvaṇṇakaṇikārapupphādivaṇṇaṃ viya, saddaṃ mattakaravīka kokilamandadhamitamaṇivaṃsanigghosaṃ viya, attanā paṭiladdhāni catusamuṭṭhānikagandhārammaṇādīni ‘‘kassaññassa evarūpāni atthī’’ti maññanti. Tesaṃ evaṃ maññamānānaṃ tāni cakkhādīni piyarūpāni ceva sātarūpāni ca honti. Atha nesaṃ tattha anuppannā ceva taṇhā uppajjati , uppannā ca taṇhā punappunaṃ pavattivasena nivisati. Tasmā bhagavā ‘‘cakkhu loke piyarūpaṃ sātarūpaṃ, etthesā taṇhā uppajjamānā uppajjatī’’tiādimāha. Tattha uppajjamānāti yadā uppajjamānā hoti, tadā ettha uppajjatīti attho. Esa nayo sabbattha.

    нирод̇хасажжанид̣̇д̣̇зсаван̣н̣анаа

    Nirodhasaccaniddesavaṇṇanā

    401. асзсавирааг̇анирод̇ход̇иаад̣̇ийни саб̣б̣аани ниб̣б̣аанавзважанаанзва. ниб̣б̣аанан̃хи ааг̇амма д̇ан̣хаа асзсаа вираж̇ж̇ад̇и нируж̇жхад̇и, д̇асмаа д̇ам̣ ‘‘д̇ассааязва д̇ан̣хааяа асзсавирааг̇анирод̇хо’’д̇и вужжад̇и. ниб̣б̣аанан̃жа ааг̇амма д̇ан̣хаа жаж̇ияад̇и бадиниссаж̇ж̇ияад̇и вимужжад̇и на аллийяад̇и, д̇асмаа ниб̣б̣аанам̣ ‘‘жааг̇о бадиниссаг̇г̇о муд̇д̇и анаалаяо’’д̇и вужжад̇и. згамзва хи ниб̣б̣аанам̣, наамаани банасса саб̣б̣асан̇кад̇аанам̣ наамабадибагкавасзна анзгаани хонд̇и. сзяяат̇ид̣̇ам̣, асзсавирааг̇о асзсанирод̇хо жааг̇о бадиниссаг̇г̇о муд̇д̇и анаалаяо рааг̇агкаяо д̣̇осагкаяо мохагкаяо д̇ан̣хагкаяо ануббаад̣̇о аббавад̇д̇ам̣ анимид̇д̇ам̣ аббан̣ихид̇ам̣ анааяууханам̣ аббадисанд̇хи анубабад̇д̇и аг̇ад̇и аж̇аад̇ам̣ аж̇арам̣ аб̣яаад̇хи амад̇ам̣ асогам̣ абарид̣̇звам̣ анубааяаасам̣ асам̣гилидтанд̇и.

    401.Asesavirāganirodhotiādīni sabbāni nibbānavevacanāneva. Nibbānañhi āgamma taṇhā asesā virajjati nirujjhati, tasmā taṃ ‘‘tassāyeva taṇhāya asesavirāganirodho’’ti vuccati. Nibbānañca āgamma taṇhā cajiyati paṭinissajjiyati vimuccati na allīyati, tasmā nibbānaṃ ‘‘cāgo paṭinissaggo mutti anālayo’’ti vuccati. Ekameva hi nibbānaṃ, nāmāni panassa sabbasaṅkhatānaṃ nāmapaṭipakkhavasena anekāni honti. Seyyathidaṃ, asesavirāgo asesanirodho cāgo paṭinissaggo mutti anālayo rāgakkhayo dosakkhayo mohakkhayo taṇhakkhayo anuppādo appavattaṃ animittaṃ appaṇihitaṃ anāyūhanaṃ appaṭisandhi anupapatti agati ajātaṃ ajaraṃ abyādhi amataṃ asokaṃ aparidevaṃ anupāyāsaṃ asaṃkiliṭṭhanti.

    ид̣̇аани маг̇г̇зна чиннааяа ниб̣б̣аанам̣ ааг̇амма аббавад̇д̇ибад̇д̇ааяаби жа д̇ан̣хааяа язсу вад̇т̇уусу д̇ассаа уббад̇д̇и д̣̇ассид̇аа, д̇ад̇т̇зва абхаавам̣ д̣̇ассзд̇ум̣ саа ко банзсаад̇иаад̣̇имааха. д̇ад̇т̇а яат̇аа бурисо кзд̇д̇з ж̇аад̇ам̣ д̇ид̇д̇аалааб̣уваллим̣ д̣̇исваа аг̇г̇ад̇о бадтааяа муулам̣ бариязсид̇ваа чинд̣̇зяяа, саа анубуб̣б̣зна милааяид̇ваа абан̃н̃ад̇д̇им̣ г̇ажчзяяа. д̇ад̇о д̇асмим̣ кзд̇д̇з д̇ид̇д̇аалааб̣у нируд̣̇д̇хаа бахийнаад̇и вужжзяяа, звамзва кзд̇д̇з д̇ид̇д̇аалааб̣у вияа жагкаад̣̇ийсу д̇ан̣хаа. саа арияамаг̇г̇зна муулажчиннаа ниб̣б̣аанам̣ ааг̇амма аббавад̇д̇им̣ г̇ажчад̇и. звам̣ г̇ад̇аа бана д̇зсу вад̇т̇уусу кзд̇д̇з д̇ид̇д̇аалааб̣у вияа на бан̃н̃ааяад̇и.

    Idāni maggena chinnāya nibbānaṃ āgamma appavattipattāyapi ca taṇhāya yesu vatthūsu tassā uppatti dassitā, tattheva abhāvaṃ dassetuṃ sā kho panesātiādimāha. Tattha yathā puriso khette jātaṃ tittaalābuvalliṃ disvā aggato paṭṭhāya mūlaṃ pariyesitvā chindeyya, sā anupubbena milāyitvā apaññattiṃ gaccheyya. Tato tasmiṃ khette tittaalābu niruddhā pahīnāti vucceyya, evameva khette tittaalābu viya cakkhādīsu taṇhā. Sā ariyamaggena mūlacchinnā nibbānaṃ āgamma appavattiṃ gacchati. Evaṃ gatā pana tesu vatthūsu khette tittaalābu viya na paññāyati.

    яат̇аа жа адавид̇о жорз аанзд̇ваа наг̇арасса д̣̇агкин̣ад̣̇ваарз гхаад̇зяяум̣, д̇ад̇о адавияам̣ жораа мад̇аад̇и ваа маарид̇аад̇и ваа вужжзяяум̣, звам̣ адавияам̣ жораа вияа жагкаад̣̇ийсу д̇ан̣хаа. саа д̣̇агкин̣ад̣̇ваарз жораа вияа ниб̣б̣аанам̣ ааг̇амма нируд̣̇д̇хад̇д̇аа ниб̣б̣аанз нируд̣̇д̇хаа. звам̣ нируд̣̇д̇хаа банзд̇зсу вад̇т̇уусу адавияам̣ жораа вияа на бан̃н̃ааяад̇и, д̇знассаа д̇ад̇т̇зва нирод̇хам̣ д̣̇ассзнд̇о ‘‘жагку логз бияаруубам̣ саад̇аруубам̣, зд̇т̇зсаа д̇ан̣хаа бахийяамаанаа бахийяад̇и, зд̇т̇а нируж̇жхамаанаа нируж̇жхад̇ий’’д̇иаад̣̇имааха.

    Yathā ca aṭavito core ānetvā nagarassa dakkhiṇadvāre ghāteyyuṃ, tato aṭaviyaṃ corā matāti vā māritāti vā vucceyyuṃ, evaṃ aṭaviyaṃ corā viya cakkhādīsu taṇhā. Sā dakkhiṇadvāre corā viya nibbānaṃ āgamma niruddhattā nibbāne niruddhā. Evaṃ niruddhā panetesu vatthūsu aṭaviyaṃ corā viya na paññāyati, tenassā tattheva nirodhaṃ dassento ‘‘cakkhu loke piyarūpaṃ sātarūpaṃ, etthesā taṇhā pahīyamānā pahīyati, ettha nirujjhamānā nirujjhatī’’tiādimāha.

    маг̇г̇асажжанид̣̇д̣̇зсаван̣н̣анаа

    Maggasaccaniddesavaṇṇanā

    402. аяамзваад̇и ан̃н̃амаг̇г̇абадигкзбанад̇т̇ам̣ нияаманам̣. арияод̇и д̇ам̣ д̇ам̣ маг̇г̇аваж̇жхзхи гилзсзхи аарагад̇д̇аа арияабхаавагарад̇д̇аа жа арияо. д̣̇угкз н̃аан̣анд̇иаад̣̇инаа жад̇усажжагаммадтаанам̣ д̣̇ассид̇ам̣. д̇ад̇т̇а буримаани д̣̇вз сажжаани ваддам̣, бажчимаани виваддам̣. д̇зсу бхигкуно ваддз гаммадтаанаабхинивзсо ход̇и, виваддз над̇т̇и абхинивзсо. буримаани хи д̣̇вз сажжаани ‘‘бан̃жагканд̇хаа д̣̇угкам̣, д̇ан̣хаа самуд̣̇аяо’’д̇и звам̣ сан̇кзбзна жа ‘‘гад̇амз бан̃жагканд̇хаа, руубагканд̇хо’’д̇иаад̣̇инаа наязна вид̇т̇аарзна жа аажарияасса санд̇игз уг̇г̇ан̣хид̇ваа ваажааяа бунаббунам̣ баривад̇д̇знд̇о яог̇ааважаро гаммам̣ гарод̇и. ид̇арзсу бана д̣̇вийсу сажжзсу нирод̇хасажжам̣ идтам̣ ганд̇ам̣ манаабам̣, маг̇г̇асажжам̣ идтам̣ ганд̇ам̣ манаабанд̇и звам̣ саванзна гаммам̣ гарод̇и. со звам̣ гаронд̇о жад̇д̇аари сажжаани згабадивзд̇хзнзва бадивиж̇жхад̇и згаабхисамаязна абхисамзд̇и. д̣̇угкам̣ барин̃н̃аабадивзд̇хзна бадивиж̇жхад̇и, самуд̣̇аяам̣ бахаанабадивзд̇хзна, нирод̇хам̣ сажчигирияаабадивзд̇хзна, маг̇г̇ам̣ бхааванаабадивзд̇хзна бадивиж̇жхад̇и. д̣̇угкам̣ барин̃н̃аабхисамаязна…бз… маг̇г̇ам̣ бхааванаабхисамаязна абхисамзд̇и. звамасса буб̣б̣абхааг̇з д̣̇вийсу сажжзсу уг̇г̇ахабарибужчаасаванад̇хааран̣асаммасанабадивзд̇хо ход̇и, д̣̇вийсу бана саванабадивзд̇хоязва. абарабхааг̇з д̇ийсу гижжад̇о бадивзд̇хо ход̇и, нирод̇хз аарамман̣абадивзд̇хо. бажжавзгкан̣аа бана бад̇д̇асажжасса ход̇и. аяан̃жа аад̣̇игаммиго, д̇асмаа саа ид̇ха на вуд̇д̇аа.

    402.Ayamevāti aññamaggapaṭikkhepanatthaṃ niyamanaṃ. Ariyoti taṃ taṃ maggavajjhehi kilesehi ārakattā ariyabhāvakarattā ca ariyo. Dukkhe ñāṇantiādinā catusaccakammaṭṭhānaṃ dassitaṃ. Tattha purimāni dve saccāni vaṭṭaṃ, pacchimāni vivaṭṭaṃ. Tesu bhikkhuno vaṭṭe kammaṭṭhānābhiniveso hoti, vivaṭṭe natthi abhiniveso. Purimāni hi dve saccāni ‘‘pañcakkhandhā dukkhaṃ, taṇhā samudayo’’ti evaṃ saṅkhepena ca ‘‘katame pañcakkhandhā, rūpakkhandho’’tiādinā nayena vitthārena ca ācariyassa santike uggaṇhitvā vācāya punappunaṃ parivattento yogāvacaro kammaṃ karoti. Itaresu pana dvīsu saccesu nirodhasaccaṃ iṭṭhaṃ kantaṃ manāpaṃ, maggasaccaṃ iṭṭhaṃ kantaṃ manāpanti evaṃ savanena kammaṃ karoti. So evaṃ karonto cattāri saccāni ekapaṭivedheneva paṭivijjhati ekābhisamayena abhisameti. Dukkhaṃ pariññāpaṭivedhena paṭivijjhati, samudayaṃ pahānapaṭivedhena, nirodhaṃ sacchikiriyāpaṭivedhena, maggaṃ bhāvanāpaṭivedhena paṭivijjhati. Dukkhaṃ pariññābhisamayena…pe… maggaṃ bhāvanābhisamayena abhisameti. Evamassa pubbabhāge dvīsu saccesu uggahaparipucchāsavanadhāraṇasammasanapaṭivedho hoti, dvīsu pana savanapaṭivedhoyeva. Aparabhāge tīsu kiccato paṭivedho hoti, nirodhe ārammaṇapaṭivedho. Paccavekkhaṇā pana pattasaccassa hoti. Ayañca ādikammiko, tasmā sā idha na vuttā.

    имасса жа бхигкуно буб̣б̣з бариг̇г̇ахад̇о ‘‘д̣̇угкам̣ бариж̇аанаами, самуд̣̇аяам̣ баж̇ахаами, нирод̇хам̣ сажчигароми, маг̇г̇ам̣ бхаавзмий’’д̇и аабхог̇асаманнаахаараманасигаарабажжавзгкан̣аа над̇т̇и, бариг̇г̇ахад̇о бадтааяа ход̇и. абарабхааг̇з бана д̣̇угкам̣ барин̃н̃аад̇амзва…бз… маг̇г̇о бхаавид̇ова ход̇и. д̇ад̇т̇а д̣̇вз сажжаани д̣̇уд̣̇д̣̇асад̇д̇аа г̇амбхийраани, д̣̇вз г̇амбхийрад̇д̇аа д̣̇уд̣̇д̣̇асаани. д̣̇угкасажжан̃хи уббад̇д̇ид̇о баагадам̣, каан̣уган̣дагабахаараад̣̇ийсу ‘‘ахо д̣̇угка’’нд̇и вад̇д̇аб̣б̣ад̇амби аабаж̇ж̇ад̇и. самуд̣̇аяамби каад̣̇ид̇угаамад̇аабхун̃ж̇ид̇угаамад̇аад̣̇ивасзна уббад̇д̇ид̇о баагадам̣. лагкан̣абадивзд̇хад̇о бана убхаяамби г̇амбхийрам̣. ид̇и д̇аани д̣̇уд̣̇д̣̇асад̇д̇аа г̇амбхийраани. ид̇арзсам̣ бана д̣̇виннам̣ д̣̇ассанад̇т̇ааяа баяог̇о бхаваг̇г̇аг̇ахан̣ад̇т̇ам̣ хад̇т̇аббасааран̣ам̣ вияа авийжипусанад̇т̇ам̣ баад̣̇аббасааран̣ам̣ вияа сад̇ад̇хаа бхиннасса вааласса годияаа годибаад̣̇анам̣ вияа жа ход̇и. ид̇и д̇аани г̇амбхийрад̇д̇аа д̣̇уд̣̇д̣̇асаани. звам̣ д̣̇уд̣̇д̣̇асад̇д̇аа г̇амбхийрзсу г̇амбхийрад̇д̇аа жа д̣̇уд̣̇д̣̇асзсу жад̇уусу сажжзсу уг̇г̇ахаад̣̇ивасзна буб̣б̣абхааг̇ан̃аан̣уббад̇д̇им̣ санд̇хааяа ид̣̇ам̣ д̣̇угкз н̃аан̣анд̇иаад̣̇и вуд̇д̇ам̣. бадивзд̇хагкан̣з бана згамзва д̇ам̣ н̃аан̣ам̣ ход̇и.

    Imassa ca bhikkhuno pubbe pariggahato ‘‘dukkhaṃ parijānāmi, samudayaṃ pajahāmi, nirodhaṃ sacchikaromi, maggaṃ bhāvemī’’ti ābhogasamannāhāramanasikārapaccavekkhaṇā natthi, pariggahato paṭṭhāya hoti. Aparabhāge pana dukkhaṃ pariññātameva…pe… maggo bhāvitova hoti. Tattha dve saccāni duddasattā gambhīrāni, dve gambhīrattā duddasāni. Dukkhasaccañhi uppattito pākaṭaṃ, khāṇukaṇṭakapahārādīsu ‘‘aho dukkha’’nti vattabbatampi āpajjati. Samudayampi khāditukāmatābhuñjitukāmatādivasena uppattito pākaṭaṃ. Lakkhaṇapaṭivedhato pana ubhayampi gambhīraṃ. Iti tāni duddasattā gambhīrāni. Itaresaṃ pana dvinnaṃ dassanatthāya payogo bhavaggagahaṇatthaṃ hatthappasāraṇaṃ viya avīciphusanatthaṃ pādappasāraṇaṃ viya satadhā bhinnassa vālassa koṭiyā koṭipādanaṃ viya ca hoti. Iti tāni gambhīrattā duddasāni. Evaṃ duddasattā gambhīresu gambhīrattā ca duddasesu catūsu saccesu uggahādivasena pubbabhāgañāṇuppattiṃ sandhāya idaṃ dukkhe ñāṇantiādi vuttaṃ. Paṭivedhakkhaṇe pana ekameva taṃ ñāṇaṃ hoti.

    нзгкаммасан̇габбаад̣̇аяо гаамаб̣яаабаад̣̇авихим̣саавираман̣асан̃н̃аанам̣ наанад̇д̇аа буб̣б̣абхааг̇з наанаа, маг̇г̇агкан̣з бана имзсу д̇ийсу таанзсу уббаннасса агусаласан̇габбасса бад̣̇абажчзд̣̇ад̇о ануббад̇д̇исаад̇ханавасзна маг̇г̇ан̇г̇ам̣ буураяамаано згова гусаласан̇габбо уббаж̇ж̇ад̇и. аяам̣ саммаасан̇габбо наама.

    Nekkhammasaṅkappādayo kāmabyāpādavihiṃsāviramaṇasaññānaṃ nānattā pubbabhāge nānā, maggakkhaṇe pana imesu tīsu ṭhānesu uppannassa akusalasaṅkappassa padapacchedato anuppattisādhanavasena maggaṅgaṃ pūrayamāno ekova kusalasaṅkappo uppajjati. Ayaṃ sammāsaṅkappo nāma.

    мусааваад̣̇аавзраман̣иаад̣̇аяоби мусааваад̣̇аад̣̇ийхи вираман̣асан̃н̃аанам̣ наанад̇д̇аа буб̣б̣абхааг̇з наанаа, маг̇г̇агкан̣з бана имзсу жад̇уусу таанзсу уббаннааяа агусалад̣̇уссийляажзд̇анааяа бад̣̇абажчзд̣̇ад̇о ануббад̇д̇исаад̇ханавасзна маг̇г̇ан̇г̇ам̣ буураяамаанаа згаава гусалавзраман̣ий уббаж̇ж̇ад̇и. аяам̣ саммааваажаа наама .

    Musāvādāveramaṇiādayopi musāvādādīhi viramaṇasaññānaṃ nānattā pubbabhāge nānā, maggakkhaṇe pana imesu catūsu ṭhānesu uppannāya akusaladussīlyacetanāya padapacchedato anuppattisādhanavasena maggaṅgaṃ pūrayamānā ekāva kusalaveramaṇī uppajjati. Ayaṃ sammāvācā nāma .

    баан̣аад̇ибаад̇аавзраман̣иаад̣̇аяоби баан̣аад̇ибаад̇аад̣̇ийхи вираман̣асан̃н̃аанам̣ наанад̇д̇аа буб̣б̣абхааг̇з наанаа, маг̇г̇агкан̣з бана имзсу д̇ийсу таанзсу уббаннааяа агусалад̣̇уссийляажзд̇анааяа агирияад̇о бад̣̇абажчзд̣̇ад̇о ануббад̇д̇исаад̇ханавасзна маг̇г̇ан̇г̇ам̣ буураяамаанаа згаава гусалавзраман̣ий уббаж̇ж̇ад̇и, аяам̣ саммаагамманд̇о наама.

    Pāṇātipātāveramaṇiādayopi pāṇātipātādīhi viramaṇasaññānaṃ nānattā pubbabhāge nānā, maggakkhaṇe pana imesu tīsu ṭhānesu uppannāya akusaladussīlyacetanāya akiriyato padapacchedato anuppattisādhanavasena maggaṅgaṃ pūrayamānā ekāva kusalaveramaṇī uppajjati, ayaṃ sammākammanto nāma.

    мижчааааж̇ийванд̇и каад̣̇анийяабхож̇анийяаад̣̇ийнам̣ ад̇т̇ааяа бавад̇д̇ид̇ам̣ гааяаважийд̣̇ужжарид̇ам̣. бахааяаад̇и важ̇ж̇зд̇ваа. саммааааж̇ийвзнаад̇и б̣уд̣̇д̇хабасад̇т̇зна ааж̇ийвзна. ж̇ийвид̇ам̣ габбзд̇ийд̇и ж̇ийвид̇аббавад̇д̇им̣ бавад̇д̇зд̇и. саммааааж̇ийвоби гуханаад̣̇ийхи вираман̣асан̃н̃аанам̣ наанад̇д̇аа буб̣б̣абхааг̇з наанаа, маг̇г̇агкан̣з бана имзсуязва сад̇д̇асу таанзсу уббаннааяа мижчааж̇ийвад̣̇уссийляажзд̇анааяа бад̣̇абажчзд̣̇ад̇о ануббад̇д̇исаад̇ханавасзна маг̇г̇ан̇г̇ам̣ буураяамаанаа згаава гусалавзраман̣ий уббаж̇ж̇ад̇и, аяам̣ саммааааж̇ийво наама.

    Micchāājīvanti khādanīyabhojanīyādīnaṃ atthāya pavattitaṃ kāyavacīduccaritaṃ. Pahāyāti vajjetvā. Sammāājīvenāti buddhapasatthena ājīvena. Jīvitaṃ kappetīti jīvitappavattiṃ pavatteti. Sammāājīvopi kuhanādīhi viramaṇasaññānaṃ nānattā pubbabhāge nānā, maggakkhaṇe pana imesuyeva sattasu ṭhānesu uppannāya micchājīvadussīlyacetanāya padapacchedato anuppattisādhanavasena maggaṅgaṃ pūrayamānā ekāva kusalaveramaṇī uppajjati, ayaṃ sammāājīvo nāma.

    ануббаннаананд̇и згасмим̣ ваа бхавз д̇ат̇ааруубз ваа аарамман̣з ад̇д̇ано на уббаннаанам̣. барасса бана уббаж̇ж̇амаанз д̣̇исваа ‘‘ахо вад̇а мз зваруубаа баабагаа агусалад̇хаммаа на уббаж̇ж̇зяяу’’нд̇и звам̣ ануббаннаанам̣ баабагаанам̣ агусалаанам̣ д̇хаммаанам̣ ануббаад̣̇ааяа. чанд̣̇ам̣ ж̇анзд̇ийд̇и д̇зсам̣ ануббаад̣̇агабадибад̇д̇исаад̇хагам̣ вийрияачанд̣̇ам̣ ж̇анзд̇и. вааяамад̇ийд̇и вааяаамам̣ гарод̇и. вийрияам̣ аарабхад̇ийд̇и вийрияам̣ бавад̇д̇зд̇и. жид̇д̇ам̣ баг̇г̇ан̣хаад̇ийд̇и вийриязна жид̇д̇ам̣ баг̇г̇ахид̇ам̣ гарод̇и. бад̣̇ахад̇ийд̇и гаамам̣ д̇ажо жа нхаару жа адти жа авасиссад̇ууд̇и бад̣̇аханам̣ бавад̇д̇зд̇и.

    Anuppannānanti ekasmiṃ vā bhave tathārūpe vā ārammaṇe attano na uppannānaṃ. Parassa pana uppajjamāne disvā ‘‘aho vata me evarūpā pāpakā akusaladhammā na uppajjeyyu’’nti evaṃ anuppannānaṃ pāpakānaṃ akusalānaṃ dhammānaṃ anuppādāya. Chandaṃ janetīti tesaṃ anuppādakapaṭipattisādhakaṃ vīriyachandaṃ janeti. Vāyamatīti vāyāmaṃ karoti. Vīriyaṃ ārabhatīti vīriyaṃ pavatteti. Cittaṃ paggaṇhātīti vīriyena cittaṃ paggahitaṃ karoti. Padahatīti kāmaṃ taco ca nhāru ca aṭṭhi ca avasissatūti padahanaṃ pavatteti.

    уббаннаананд̇и самуд̣̇аажааравасзна ад̇д̇ано уббаннабуб̣б̣аанам̣. ид̣̇аани д̇аад̣̇исз на уббаад̣̇зссаамийд̇и д̇зсам̣ бахаанааяа чанд̣̇ам̣ ж̇анзд̇и. ануббаннаанам̣ гусалаананд̇и аббадилад̣̇д̇хаанам̣ батамаж̇жхаанаад̣̇ийнам̣. уббаннаананд̇и д̇зсам̣язва бадилад̣̇д̇хаанам̣. тид̇ияаад̇и бунаббунам̣ уббад̇д̇ибаб̣анд̇хавасзна тид̇ад̇т̇ам̣. асаммосааяаад̇и авинаасанад̇т̇ам̣. бхияяобхаавааяаад̇и убарибхаавааяа. взбуллааяаад̇и вибулабхаавааяа. бхааванааяа баарибуурияаад̇и бхааванааяа барибууран̣ад̇т̇ам̣. аяамби саммаавааяаамо ануббаннаанам̣ агусалаанам̣ ануббаад̣̇анаад̣̇ижид̇д̇аанам̣ наанад̇д̇аа буб̣б̣абхааг̇з наанаа, маг̇г̇агкан̣з бана имзсуязва жад̇уусу таанзсу гижжасаад̇ханавасзна маг̇г̇ан̇г̇ам̣ буураяамаанам̣ згамзва гусалавийрияам̣ уббаж̇ж̇ад̇и. аяам̣ саммаавааяаамо наама.

    Uppannānanti samudācāravasena attano uppannapubbānaṃ. Idāni tādise na uppādessāmīti tesaṃ pahānāya chandaṃ janeti. Anuppannānaṃ kusalānanti appaṭiladdhānaṃ paṭhamajjhānādīnaṃ. Uppannānanti tesaṃyeva paṭiladdhānaṃ. Ṭhitiyāti punappunaṃ uppattipabandhavasena ṭhitatthaṃ. Asammosāyāti avināsanatthaṃ. Bhiyyobhāvāyāti uparibhāvāya. Vepullāyāti vipulabhāvāya. Bhāvanāya pāripūriyāti bhāvanāya paripūraṇatthaṃ. Ayampi sammāvāyāmo anuppannānaṃ akusalānaṃ anuppādanādicittānaṃ nānattā pubbabhāge nānā, maggakkhaṇe pana imesuyeva catūsu ṭhānesu kiccasādhanavasena maggaṅgaṃ pūrayamānaṃ ekameva kusalavīriyaṃ uppajjati. Ayaṃ sammāvāyāmo nāma.

    саммаасад̇иби гааяаад̣̇ибариг̇г̇аахагажид̇д̇аанам̣ наанад̇д̇аа буб̣б̣абхааг̇з наанаа, маг̇г̇агкан̣з бана жад̇уусу таанзсу гижжасаад̇ханавасзна маг̇г̇ан̇г̇ам̣ буураяамаанаа згаава сад̇и уббаж̇ж̇ад̇и. аяам̣ саммаасад̇и наама.

    Sammāsatipi kāyādipariggāhakacittānaṃ nānattā pubbabhāge nānā, maggakkhaṇe pana catūsu ṭhānesu kiccasādhanavasena maggaṅgaṃ pūrayamānā ekāva sati uppajjati. Ayaṃ sammāsati nāma.

    жхаанаани буб̣б̣абхааг̇зби маг̇г̇агкан̣зби наанаа, буб̣б̣абхааг̇з самаабад̇д̇ивасзна наанаа, маг̇г̇агкан̣з наанаамаг̇г̇авасзна. згасса хи батамамаг̇г̇о батамаж̇жхааниго ход̇и, д̣̇уд̇ияамаг̇г̇аад̣̇аяоби батамаж̇жхаанигаа ваа д̣̇уд̇ияаж̇жхаанаад̣̇ийсу ан̃н̃ад̇аражхаанигаа ваа. згассаби батамамаг̇г̇о д̣̇уд̇ияаад̣̇ийнам̣ ан̃н̃ад̇аражхааниго ход̇и, д̣̇уд̇ияаад̣̇аяоби д̣̇уд̇ияаад̣̇ийнам̣ ан̃н̃ад̇араж̇жхаанигаа ваа батамаж̇жхаанигаа ваа. звам̣ жад̇д̇аароби маг̇г̇аа жхаанавасзна сад̣̇исаа ваа асад̣̇исаа ваа згажжасад̣̇исаа ваа хонд̇и. аяам̣ банасса висзсо баад̣̇агаж̇жхаананияамзна ход̇и.

    Jhānāni pubbabhāgepi maggakkhaṇepi nānā, pubbabhāge samāpattivasena nānā, maggakkhaṇe nānāmaggavasena. Ekassa hi paṭhamamaggo paṭhamajjhāniko hoti, dutiyamaggādayopi paṭhamajjhānikā vā dutiyajjhānādīsu aññatarajhānikā vā. Ekassapi paṭhamamaggo dutiyādīnaṃ aññatarajhāniko hoti, dutiyādayopi dutiyādīnaṃ aññatarajjhānikā vā paṭhamajjhānikā vā. Evaṃ cattāropi maggā jhānavasena sadisā vā asadisā vā ekaccasadisā vā honti. Ayaṃ panassa viseso pādakajjhānaniyamena hoti.

    баад̣̇агаж̇жхаананияамзна д̇аава батамаж̇жхааналаабхино батамаж̇жхаанаа вудтааяа вибассанд̇асса уббанно маг̇г̇о батамаж̇жхааниго ход̇и. маг̇г̇ан̇г̇аб̣ож̇жхан̇г̇аани банзд̇т̇а барибун̣н̣аанзва хонд̇и. д̣̇уд̇ияаж̇жхаанад̇о вудтааяа вибассанд̇асса уббанно д̣̇уд̇ияаж̇жхааниго ход̇и. маг̇г̇ан̇г̇аани банзд̇т̇а сад̇д̇а хонд̇и. д̇ад̇ияаж̇жхаанад̇о вудтааяа вибассанд̇асса уббанно д̇ад̇ияаж̇жхааниго. маг̇г̇ан̇г̇аани банзд̇т̇а сад̇д̇а , б̣ож̇жхан̇г̇аани ча хонд̇и. зса наяо жад̇уд̇т̇аж̇жхаанад̇о вудтааяа яаава нзвасан̃н̃аанаасан̃н̃ааяад̇анам̣.

    Pādakajjhānaniyamena tāva paṭhamajjhānalābhino paṭhamajjhānā vuṭṭhāya vipassantassa uppanno maggo paṭhamajjhāniko hoti. Maggaṅgabojjhaṅgāni panettha paripuṇṇāneva honti. Dutiyajjhānato vuṭṭhāya vipassantassa uppanno dutiyajjhāniko hoti. Maggaṅgāni panettha satta honti. Tatiyajjhānato vuṭṭhāya vipassantassa uppanno tatiyajjhāniko. Maggaṅgāni panettha satta , bojjhaṅgāni cha honti. Esa nayo catutthajjhānato vuṭṭhāya yāva nevasaññānāsaññāyatanaṃ.

    ааруббз жад̇уггабан̃жагаж̇жхаанам̣ уббаж̇ж̇ад̇и, д̇ан̃жа логуд̇д̇арам̣, но логияанд̇и вуд̇д̇ам̣, зд̇т̇а гат̇анд̇и? зд̇т̇ааби батамаж̇жхаанаад̣̇ийсу яад̇о вудтааяа сод̇аабад̇д̇имаг̇г̇ам̣ бадилабхид̇ваа аруубасамаабад̇д̇им̣ бхаавзд̇ваа со ааруббз уббанно, д̇ам̣ жхаанигаавасса д̇ад̇т̇а д̇аяо маг̇г̇аа уббаж̇ж̇анд̇и. звам̣ баад̣̇агаж̇жхаанамзва нияамзд̇и.

    Āruppe catukkapañcakajjhānaṃ uppajjati, tañca lokuttaraṃ, no lokiyanti vuttaṃ, ettha kathanti? Etthāpi paṭhamajjhānādīsu yato vuṭṭhāya sotāpattimaggaṃ paṭilabhitvā arūpasamāpattiṃ bhāvetvā so āruppe uppanno, taṃ jhānikāvassa tattha tayo maggā uppajjanti. Evaṃ pādakajjhānameva niyameti.

    гзжи бана т̇зраа ‘‘вибассанааяа аарамман̣абхууд̇аа канд̇хаа нияамзнд̇ий’’д̇и вад̣̇анд̇и. гзжи ‘‘буг̇г̇алаж̇жхаасаяо нияамзд̇ий’’д̇и вад̣̇анд̇и. гзжи ‘‘вудтаанаг̇ааминивибассанаа нияамзд̇ий’’д̇и вад̣̇анд̇и. д̇зсам̣ ваад̣̇авинижчаяо висуд̣̇д̇химаг̇г̇з вудтаанаг̇ааминивибассанаад̇хигаарз вуд̇д̇анаязнзва взд̣̇ид̇аб̣б̣о.

    Keci pana therā ‘‘vipassanāya ārammaṇabhūtā khandhā niyamentī’’ti vadanti. Keci ‘‘puggalajjhāsayo niyametī’’ti vadanti. Keci ‘‘vuṭṭhānagāminivipassanā niyametī’’ti vadanti. Tesaṃ vādavinicchayo visuddhimagge vuṭṭhānagāminivipassanādhikāre vuttanayeneva veditabbo.

    аяам̣ вужжад̇и, бхигкавз, саммаасамаад̇хийд̇и аяам̣ буб̣б̣абхааг̇з логияо абарабхааг̇з логуд̇д̇аро саммаасамаад̇хийд̇и вужжад̇и.

    Ayaṃ vuccati, bhikkhave, sammāsamādhīti ayaṃ pubbabhāge lokiyo aparabhāge lokuttaro sammāsamādhīti vuccati.

    ид̇и аж̇жхад̇д̇ам̣ ваад̇и звам̣ ад̇д̇ано ваа жад̇д̇аари сажжаани бариг̇г̇ан̣хид̇ваа, барасса ваа, гаалзна ваа ад̇д̇ано, гаалзна ваа барасса жад̇д̇аари сажжаани бариг̇г̇ан̣хид̇ваа д̇хаммзсу д̇хаммаанубассий вихарад̇и. самуд̣̇аяаваяаа банзд̇т̇а жад̇уннам̣ сажжаанам̣ яат̇аасамбхаавад̇о уббад̇д̇инивад̇д̇ивасзна взд̣̇ид̇аб̣б̣аа. ид̇о барам̣ вуд̇д̇анаяамзва. гзвалан̃хи ид̇ха жад̇усажжабариг̇г̇аахигаа сад̇и д̣̇угкасажжанд̇и звам̣ яож̇анам̣ гад̇ваа сажжабариг̇г̇аахагасса бхигкуно нияяаанамукам̣ взд̣̇ид̇аб̣б̣ам̣, сзсам̣ д̇аад̣̇исамзваад̇и.

    Iti ajjhattaṃ vāti evaṃ attano vā cattāri saccāni pariggaṇhitvā, parassa vā, kālena vā attano, kālena vā parassa cattāri saccāni pariggaṇhitvā dhammesu dhammānupassī viharati. Samudayavayā panettha catunnaṃ saccānaṃ yathāsambhāvato uppattinivattivasena veditabbā. Ito paraṃ vuttanayameva. Kevalañhi idha catusaccapariggāhikā sati dukkhasaccanti evaṃ yojanaṃ katvā saccapariggāhakassa bhikkhuno niyyānamukhaṃ veditabbaṃ, sesaṃ tādisamevāti.

    жад̇усажжабаб̣б̣ам̣ нидтид̇ам̣.

    Catusaccapabbaṃ niṭṭhitaṃ.

    404. зд̇д̇аавад̇аа аанаабаанабаб̣б̣ам̣ жад̇уирияаабат̇абаб̣б̣ам̣ жад̇усамбаж̇ан̃н̃абаб̣б̣ам̣ д̣̇вад̇д̇им̣саагаарам̣ жад̇уд̇хаад̇увавад̇т̇аанам̣ навасиват̇игаа взд̣̇анаанубассанаа жид̇д̇аанубассанаа нийваран̣абариг̇г̇ахо канд̇хабариг̇г̇ахо ааяад̇анабариг̇г̇ахо б̣ож̇жхан̇г̇абариг̇г̇ахо сажжабариг̇г̇аход̇и згавийсад̇и гаммадтаанаани. д̇зсу аанаабаанам̣ д̣̇вад̇д̇им̣саагаарам̣ навасиват̇игаад̇и згаад̣̇аса аббанаагаммадтаанаани хонд̇и. д̣̇ийгхабхаан̣агамахаасийвад̇т̇зро бана ‘‘навасиват̇игаа аад̣̇ийнаваанубассанаавасзна вуд̇д̇аа’’д̇и ааха. д̇асмаа д̇асса мад̇зна д̣̇взязва аббанаагаммадтаанаани, сзсаани убажаарагаммадтаанаани. гим̣ банзд̇зсу саб̣б̣зсу абхинивзсо ж̇ааяад̇ийд̇и? на ж̇ааяад̇и. ирияаабат̇асамбаж̇ан̃н̃анийваран̣аб̣ож̇жхан̇г̇зсу хи абхинивзсо на ж̇ааяад̇и, сзсзсу ж̇ааяад̇ийд̇и. махаасийвад̇т̇зро банааха ‘‘зд̇зсуби абхинивзсо ж̇ааяад̇и. аяан̃хи ‘ад̇т̇и ну ко мз жад̇д̇ааро ирияаабат̇аа уд̣̇ааху над̇т̇и, ад̇т̇и ну ко мз жад̇усамбаж̇ан̃н̃ам̣ уд̣̇ааху над̇т̇и, ад̇т̇и ну ко мз бан̃жанийваран̣аа уд̣̇ааху над̇т̇и, ад̇т̇и ну ко мз сад̇д̇аб̣ож̇жхан̇г̇аа уд̣̇ааху над̇т̇ий’д̇и звам̣ бариг̇г̇ан̣хаад̇и. д̇асмаа саб̣б̣ад̇т̇а абхинивзсо ж̇ааяад̇ий’’д̇и.

    404. Ettāvatā ānāpānapabbaṃ catuiriyāpathapabbaṃ catusampajaññapabbaṃ dvattiṃsākāraṃ catudhātuvavatthānaṃ navasivathikā vedanānupassanā cittānupassanā nīvaraṇapariggaho khandhapariggaho āyatanapariggaho bojjhaṅgapariggaho saccapariggahoti ekavīsati kammaṭṭhānāni. Tesu ānāpānaṃ dvattiṃsākāraṃ navasivathikāti ekādasa appanākammaṭṭhānāni honti. Dīghabhāṇakamahāsīvatthero pana ‘‘navasivathikā ādīnavānupassanāvasena vuttā’’ti āha. Tasmā tassa matena dveyeva appanākammaṭṭhānāni, sesāni upacārakammaṭṭhānāni. Kiṃ panetesu sabbesu abhiniveso jāyatīti? Na jāyati. Iriyāpathasampajaññanīvaraṇabojjhaṅgesu hi abhiniveso na jāyati, sesesu jāyatīti. Mahāsīvatthero panāha ‘‘etesupi abhiniveso jāyati. Ayañhi ‘atthi nu kho me cattāro iriyāpathā udāhu natthi, atthi nu kho me catusampajaññaṃ udāhu natthi, atthi nu kho me pañcanīvaraṇā udāhu natthi, atthi nu kho me sattabojjhaṅgā udāhu natthī’ti evaṃ pariggaṇhāti. Tasmā sabbattha abhiniveso jāyatī’’ti.

    яо хи гожи, бхигкавзд̇и яо хи гожи, бхигкавз, бхигку ваа бхигкуний ваа убаасаго ваа убаасигаа ваа. звам̣ бхаавзяяаад̇иаад̣̇ид̇о бадтааяа вуд̇д̇зна бхааванаануггамзна бхаавзяяа. баадиган̇канд̇и бадиган̇кид̇аб̣б̣ам̣ ижчид̇аб̣б̣ам̣ авассам̣бхаавийд̇и ад̇т̇о. ан̃н̃аад̇и арахад̇д̇ам̣. сад̇и ваа убаад̣̇исзсзд̇и убаад̣̇аанасзсз ваа сад̇и абаригкийн̣з. анааг̇аамид̇аад̇и анааг̇аамибхааво.

    Yo hi koci, bhikkhaveti yo hi koci, bhikkhave, bhikkhu vā bhikkhunī vā upāsako vā upāsikā vā. Evaṃ bhāveyyātiādito paṭṭhāya vuttena bhāvanānukkamena bhāveyya. Pāṭikaṅkhanti paṭikaṅkhitabbaṃ icchitabbaṃ avassaṃbhāvīti attho. Aññāti arahattaṃ. Sati vā upādiseseti upādānasese vā sati aparikkhīṇe. Anāgāmitāti anāgāmibhāvo.

    звам̣ сад̇д̇аннам̣ вассаанам̣ васзна саасанасса нияяаанигабхаавам̣ д̣̇ассзд̇ваа буна д̇ад̇о аббад̇арзби гаалз д̣̇ассзнд̇о д̇идтанд̇у, бхигкавзд̇иаад̣̇имааха. саб̣б̣амби жзд̇ам̣ маж̇жхимасса взнзяяабуг̇г̇аласса васзна вуд̇д̇ам̣, д̇игкабан̃н̃ам̣ бана санд̇хааяа ‘‘баад̇ова анусидто сааяам̣ висзсам̣ ад̇хиг̇амиссад̇и, сааяам̣ анусидто баад̇о висзсам̣ ад̇хиг̇амиссад̇ий’’д̇и вуд̇д̇ам̣. ид̇и бхаг̇аваа ‘‘звам̣ нияяаанигам̣, бхигкавз, мама саасана’’нд̇и д̣̇ассзд̇ваа згавийсад̇ияааби таанзсу арахад̇д̇анигуудзна д̣̇зсид̇ам̣ д̣̇зсанам̣ нияяаад̇знд̇о ‘‘згааяано аяам̣, бхигкавз, маг̇г̇о…бз… ид̇и яам̣ д̇ам̣ вуд̇д̇ам̣, ид̣̇амзд̇ам̣ бадижжа вуд̇д̇а’’нд̇и ааха. сзсам̣ уд̇д̇аанад̇т̇амзваад̇и. д̣̇зсанаабарияосаанз бана д̇им̣са бхигкусахассаани арахад̇д̇з бад̇идтахим̣сууд̇и.

    Evaṃ sattannaṃ vassānaṃ vasena sāsanassa niyyānikabhāvaṃ dassetvā puna tato appatarepi kāle dassento tiṭṭhantu, bhikkhavetiādimāha. Sabbampi cetaṃ majjhimassa veneyyapuggalassa vasena vuttaṃ, tikkhapaññaṃ pana sandhāya ‘‘pātova anusiṭṭho sāyaṃ visesaṃ adhigamissati, sāyaṃ anusiṭṭho pāto visesaṃ adhigamissatī’’ti vuttaṃ. Iti bhagavā ‘‘evaṃ niyyānikaṃ, bhikkhave, mama sāsana’’nti dassetvā ekavīsatiyāpi ṭhānesu arahattanikūṭena desitaṃ desanaṃ niyyātento ‘‘ekāyano ayaṃ, bhikkhave, maggo…pe… iti yaṃ taṃ vuttaṃ, idametaṃ paṭicca vutta’’nti āha. Sesaṃ uttānatthamevāti. Desanāpariyosāne pana tiṃsa bhikkhusahassāni arahatte patiṭṭhahiṃsūti.

    ид̇и суман̇г̇алавилаасинияаа д̣̇ийгханигааяадтагат̇ааяам̣

    Iti sumaṅgalavilāsiniyā dīghanikāyaṭṭhakathāyaṃ

    махаасад̇ибадтаанасуд̇д̇аван̣н̣анаа нидтид̇аа.

    Mahāsatipaṭṭhānasuttavaṇṇanā niṭṭhitā.




    Next: 10. бааяаасирааж̇ан̃н̃асуд̇д̇аван̣н̣анаа • 10. Pāyāsirājaññasuttavaṇṇanā




    Related texts:



    д̇ибидага (муула) • Tipiṭaka (Mūla) / суд̇д̇абидага • Suttapiṭaka / д̣̇ийгханигааяа • Dīghanikāya / 9. махаасад̇ибадтаанасуд̇д̇ам̣ • 9. Mahāsatipaṭṭhānasuttaṃ

    дийгаа • Tīkā / суд̇д̇абидага (дийгаа) • Suttapiṭaka (ṭīkā) / д̣̇ийгханигааяа (дийгаа) • Dīghanikāya (ṭīkā) / 9. махаасад̇ибадтаанасуд̇д̇аван̣н̣анаа • 9. Mahāsatipaṭṭhānasuttavaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact