| Library / Tipiṭaka / д̇ибидага • Tipiṭaka / д̣̇ийгха нигааяа (адтагат̇аа) • Dīgha nikāya (aṭṭhakathā) |
8. махаасийханаад̣̇асуд̇д̇аван̣н̣анаа
8. Mahāsīhanādasuttavaṇṇanā
ажзлагассабавад̇т̇уван̣н̣анаа
Acelakassapavatthuvaṇṇanā
381. звам̣ мз суд̇ам̣…бз… урун̃н̃ааяам̣ вихарад̇ийд̇и махаасийханаад̣̇асуд̇д̇ам̣. д̇ад̇рааяам̣ абуб̣б̣абад̣̇аван̣н̣анаа. урун̃н̃ааяанд̇и урун̃н̃аад̇и д̇асса радтассаби наг̇арассаби зд̇ад̣̇зва наамам̣, бхаг̇аваа урун̃н̃аанаг̇арам̣ убаниссааяа вихарад̇и. ган̣н̣агад̇т̇алз миг̇ад̣̇ааязд̇и д̇асса наг̇арасса авид̣̇уурз ган̣н̣агад̇т̇алам̣ наама зго раман̣ийяо бхуумибхааг̇о ад̇т̇и. со миг̇аанам̣ абхаяад̇т̇ааяа д̣̇иннад̇д̇аа ‘‘миг̇ад̣̇ааяо’’д̇и вужжад̇и, д̇асмим̣ ган̣н̣агад̇т̇алз миг̇ад̣̇ааяз. ажзлод̇и наг̇г̇абариб̣б̣ааж̇аго. гассабод̇и д̇асса наамам̣. д̇абассинд̇и д̇абаниссид̇агам̣. луукааж̇ийвинд̇и ажзлагамуд̇д̇аажаараад̣̇ивасзна лууко ааж̇ийво ассаад̇и луукааж̇ийвий, д̇ам̣ луукааж̇ийвим̣. убаггосад̇ийд̇и убан̣д̣зд̇и. убавад̣̇ад̇ийд̇и хийл̣зд̇и вамбхзд̇и. д̇хаммасса жа ануд̇хаммам̣ б̣яаагаронд̇ийд̇и бход̇аа г̇од̇амзна вуд̇д̇агааран̣асса анугааран̣ам̣ гат̇знд̇и. сахад̇хаммиго ваад̣̇аануваад̣̇од̇и барзхи вуд̇д̇агааран̣зна сагааран̣о худ̇ваа д̇умхаагам̣ ваад̣̇о ваа ануваад̣̇о ваа вин̃н̃уухи г̇арахид̇аб̣б̣ам̣, гааран̣ам̣ гожи аббамад̇д̇агоби гим̣ на ааг̇ажчад̇и. ид̣̇ам̣ вуд̇д̇ам̣ ход̇и, ‘‘гим̣ саб̣б̣аагаарзнаби д̇ава ваад̣̇з г̇аараяхам̣ гааран̣ам̣ над̇т̇ий’’д̇и. анаб̣бхагкаад̇угаамаад̇и на абхууд̇зна вад̇д̇угаамаа.
381.Evaṃme sutaṃ…pe… uruññāyaṃ viharatīti mahāsīhanādasuttaṃ. Tatrāyaṃ apubbapadavaṇṇanā. Uruññāyanti uruññāti tassa raṭṭhassapi nagarassapi etadeva nāmaṃ, bhagavā uruññānagaraṃ upanissāya viharati. Kaṇṇakatthale migadāyeti tassa nagarassa avidūre kaṇṇakatthalaṃ nāma eko ramaṇīyo bhūmibhāgo atthi. So migānaṃ abhayatthāya dinnattā ‘‘migadāyo’’ti vuccati, tasmiṃ kaṇṇakatthale migadāye. Aceloti naggaparibbājako. Kassapoti tassa nāmaṃ. Tapassinti tapanissitakaṃ. Lūkhājīvinti acelakamuttācārādivasena lūkho ājīvo assāti lūkhājīvī, taṃ lūkhājīviṃ. Upakkosatīti upaṇḍeti. Upavadatīti hīḷeti vambheti. Dhammassa ca anudhammaṃ byākarontīti bhotā gotamena vuttakāraṇassa anukāraṇaṃ kathenti. Sahadhammiko vādānuvādoti parehi vuttakāraṇena sakāraṇo hutvā tumhākaṃ vādo vā anuvādo vā viññūhi garahitabbaṃ, kāraṇaṃ koci appamattakopi kiṃ na āgacchati. Idaṃ vuttaṃ hoti, ‘‘kiṃ sabbākārenapi tava vāde gārayhaṃ kāraṇaṃ natthī’’ti. Anabbhakkhātukāmāti na abhūtena vattukāmā.
382. згажжам̣ д̇абассим̣ луукааж̇ийвинд̇иаад̣̇ийсу ид̇хзгажжо ажзлагабаб̣б̣аж̇ж̇аад̣̇ид̇абаниссид̇ад̇д̇аа д̇абассий ‘‘луукзна ж̇ийвид̇ам̣ габбзссаамий’’д̇и д̇ин̣аг̇омаяаад̣̇ибхагканаад̣̇ийхи наанаббагаарзхи ад̇д̇аанам̣ гиламзд̇и, аббабун̃н̃ад̇ааяа жа сукзна ж̇ийвид̇авуд̇д̇имзва на лабхад̇и, со д̇ийн̣и д̣̇ужжарид̇аани буурзд̇ваа нираяз ниб̣б̣ад̇д̇ад̇и.
382.Ekaccaṃ tapassiṃ lūkhājīvintiādīsu idhekacco acelakapabbajjāditapanissitattā tapassī ‘‘lūkhena jīvitaṃ kappessāmī’’ti tiṇagomayādibhakkhanādīhi nānappakārehi attānaṃ kilameti, appapuññatāya ca sukhena jīvitavuttimeva na labhati, so tīṇi duccaritāni pūretvā niraye nibbattati.
абаро д̇аад̣̇исам̣ д̇абаниссид̇оби бун̃н̃аваа ход̇и, лабхад̇и лаабхасаггаарам̣. со ‘‘на д̣̇аани маяаа сад̣̇исо ад̇т̇ий’’д̇и ад̇д̇аанам̣ ужжз таанз самбхаавзд̇ваа ‘‘бхияяосомад̇д̇ааяа лаабхам̣ уббаад̣̇зссаамий’’д̇и анзсанавасзна д̇ийн̣и д̣̇ужжарид̇аани буурзд̇ваа нираяз ниб̣б̣ад̇д̇ад̇и. имз д̣̇вз санд̇хааяа батаманаяо вуд̇д̇о.
Aparo tādisaṃ tapanissitopi puññavā hoti, labhati lābhasakkāraṃ. So ‘‘na dāni mayā sadiso atthī’’ti attānaṃ ucce ṭhāne sambhāvetvā ‘‘bhiyyosomattāya lābhaṃ uppādessāmī’’ti anesanavasena tīṇi duccaritāni pūretvā niraye nibbattati. Ime dve sandhāya paṭhamanayo vutto.
абаро д̇абаниссид̇аго луукааж̇ийвий аббабун̃н̃о ход̇и, на лабхад̇и сукзна ж̇ийвид̇авуд̇д̇им̣. со ‘‘маяхам̣ буб̣б̣зби агад̇абун̃н̃ад̇ааяа сукаж̇ийвигаа нуббаж̇ж̇ад̇и , ханд̣̇ад̣̇аани бун̃н̃аани гаромий’’д̇и д̇ийн̣и сужарид̇аани буурзд̇ваа саг̇г̇з ниб̣б̣ад̇д̇ад̇и.
Aparo tapanissitako lūkhājīvī appapuñño hoti, na labhati sukhena jīvitavuttiṃ. So ‘‘mayhaṃ pubbepi akatapuññatāya sukhajīvikā nuppajjati , handadāni puññāni karomī’’ti tīṇi sucaritāni pūretvā sagge nibbattati.
абаро луукааж̇ийвий бун̃н̃аваа ход̇и, лабхад̇и сукзна ж̇ийвид̇авуд̇д̇им̣. со – ‘‘маяхам̣ буб̣б̣зби гад̇абун̃н̃ад̇ааяа сукаж̇ийвигаа уббаж̇ж̇ад̇ий’’д̇и жинд̇зд̇ваа анзсанам̣ бахааяа д̇ийн̣и сужарид̇аани буурзд̇ваа саг̇г̇з ниб̣б̣ад̇д̇ад̇и. имз д̣̇вз санд̇хааяа д̣̇уд̇ияанаяо вуд̇д̇о.
Aparo lūkhājīvī puññavā hoti, labhati sukhena jīvitavuttiṃ. So – ‘‘mayhaṃ pubbepi katapuññatāya sukhajīvikā uppajjatī’’ti cintetvā anesanaṃ pahāya tīṇi sucaritāni pūretvā sagge nibbattati. Ime dve sandhāya dutiyanayo vutto.
зго бана д̇абассий аббад̣̇угкавихаарий ход̇и б̣аахирагаажаараяуд̇д̇о д̇аабасо ваа чаннабариб̣б̣ааж̇аго ваа, аббабун̃н̃ад̇ааяа жа манаабз бажжаяз на лабхад̇и. со анзсанавасзна д̇ийн̣и д̣̇ужжарид̇аани буурзд̇ваа ад̇д̇аанам̣ сукз табзд̇ваа нираяз ниб̣б̣ад̇д̇ад̇и.
Eko pana tapassī appadukkhavihārī hoti bāhirakācārayutto tāpaso vā channaparibbājako vā, appapuññatāya ca manāpe paccaye na labhati. So anesanavasena tīṇi duccaritāni pūretvā attānaṃ sukhe ṭhapetvā niraye nibbattati.
абаро бун̃н̃аваа ход̇и, со – ‘‘на д̣̇аани маяаа сад̣̇исо ад̇т̇ий’’д̇и маанам̣ уббаад̣̇зд̇ваа анзсанавасзна лаабхасаггаарам̣ ваа уббаад̣̇знд̇о мижчаад̣̇идтивасзна – ‘‘суко имиссаа бариб̣б̣ааж̇игааяа д̣̇ахарааяа муд̣̇угааяа ломасааяа сампассо’’д̇иаад̣̇ийни жинд̇зд̇ваа гаамзсу баад̇аб̣яад̇ам̣ ваа аабаж̇ж̇анд̇о д̇ийн̣и д̣̇ужжарид̇аани буурзд̇ваа нираяз ниб̣б̣ад̇д̇ад̇и. имз д̣̇вз санд̇хааяа д̇ад̇ияанаяо вуд̇д̇о.
Aparo puññavā hoti, so – ‘‘na dāni mayā sadiso atthī’’ti mānaṃ uppādetvā anesanavasena lābhasakkāraṃ vā uppādento micchādiṭṭhivasena – ‘‘sukho imissā paribbājikāya daharāya mudukāya lomasāya samphasso’’tiādīni cintetvā kāmesu pātabyataṃ vā āpajjanto tīṇi duccaritāni pūretvā niraye nibbattati. Ime dve sandhāya tatiyanayo vutto.
абаро бана аббад̣̇угкавихаарий аббабун̃н̃о ход̇и, со – ‘‘ахам̣ буб̣б̣зби агад̇абун̃н̃ад̇ааяа сукзна ж̇ийвигам̣ на лабхаамий’’д̇и д̇ийн̣и сужарид̇аани буурзд̇ваа саг̇г̇з ниб̣б̣ад̇д̇ад̇и.
Aparo pana appadukkhavihārī appapuñño hoti, so – ‘‘ahaṃ pubbepi akatapuññatāya sukhena jīvikaṃ na labhāmī’’ti tīṇi sucaritāni pūretvā sagge nibbattati.
абаро бун̃н̃аваа ход̇и, со – ‘‘буб̣б̣збаахам̣ гад̇абун̃н̃ад̇ааяа сукам̣ лабхаами, ид̣̇аани бун̃н̃аани гариссаамий’’д̇и д̇ийн̣и сужарид̇аани буурзд̇ваа саг̇г̇з ниб̣б̣ад̇д̇ад̇и. имз д̣̇вз санд̇хааяа жад̇уд̇т̇анаяо вуд̇д̇о. ид̣̇ам̣ д̇ид̇т̇ияавасзна ааг̇ад̇ам̣, саасанзби бана лаб̣бхад̇и.
Aparo puññavā hoti, so – ‘‘pubbepāhaṃ katapuññatāya sukhaṃ labhāmi, idāni puññāni karissāmī’’ti tīṇi sucaritāni pūretvā sagge nibbattati. Ime dve sandhāya catutthanayo vutto. Idaṃ titthiyavasena āgataṃ, sāsanepi pana labbhati.
згажжо хи д̇худ̇ан̇г̇асамаад̣̇аанавасзна луукааж̇ийвий ход̇и, аббабун̃н̃ад̇ааяа ваа сагаламби г̇аамам̣ вижарид̇ваа уд̣̇арабуурам̣ на лабхад̇и. со – ‘‘бажжаяз уббаад̣̇зссаамий’’д̇и взж̇ж̇агаммаад̣̇ивасзна ваа анзсанам̣ гад̇ваа, арахад̇д̇ам̣ ваа бадиж̇аанид̇ваа, д̇ийн̣и ваа гуханавад̇т̇ууни бадисзвид̇ваа нираяз ниб̣б̣ад̇д̇ад̇и.
Ekacco hi dhutaṅgasamādānavasena lūkhājīvī hoti, appapuññatāya vā sakalampi gāmaṃ vicaritvā udarapūraṃ na labhati. So – ‘‘paccaye uppādessāmī’’ti vejjakammādivasena vā anesanaṃ katvā, arahattaṃ vā paṭijānitvā, tīṇi vā kuhanavatthūni paṭisevitvā niraye nibbattati.
абаро жа д̇аад̣̇исова бун̃н̃аваа ход̇и. со д̇ааяа бун̃н̃асамбад̇д̇ияаа маанам̣ ж̇анаяид̇ваа уббаннам̣ лаабхам̣ т̇ааварам̣ гад̇д̇угаамо анзсанавасзна д̇ийн̣и д̣̇ужжарид̇аани буурзд̇ваа нираяз уббаж̇ж̇ад̇и.
Aparo ca tādisova puññavā hoti. So tāya puññasampattiyā mānaṃ janayitvā uppannaṃ lābhaṃ thāvaraṃ kattukāmo anesanavasena tīṇi duccaritāni pūretvā niraye uppajjati.
абаро самаад̣̇иннад̇худ̇ан̇г̇о аббабун̃н̃ова ход̇и, на лабхад̇и сукзна ж̇ийвид̇авуд̇д̇им̣. со – ‘‘буб̣б̣збаахам̣ агад̇абун̃н̃ад̇ааяа гин̃жи на лабхаами, сажз ид̣̇аани анзсанам̣ гариссам̣, ааяад̇имби д̣̇уллабхасуко бхависсаамий’’д̇и д̇ийн̣и сужарид̇аани буурзд̇ваа арахад̇д̇ам̣ бад̇д̇ум̣ асаггонд̇о саг̇г̇з ниб̣б̣ад̇д̇ад̇и.
Aparo samādinnadhutaṅgo appapuññova hoti, na labhati sukhena jīvitavuttiṃ. So – ‘‘pubbepāhaṃ akatapuññatāya kiñci na labhāmi, sace idāni anesanaṃ karissaṃ, āyatimpi dullabhasukho bhavissāmī’’ti tīṇi sucaritāni pūretvā arahattaṃ pattuṃ asakkonto sagge nibbattati.
абаро бун̃н̃аваа ход̇и, со – ‘‘буб̣б̣збаахам̣ гад̇абун̃н̃ад̇ааяа зд̇арахи сукид̇о, ид̣̇ааниби бун̃н̃ам̣ гариссаамий’’д̇и анзсанам̣ бахааяа д̇ийн̣и сужарид̇аани буурзд̇ваа арахад̇д̇ам̣ бад̇д̇ум̣ асаггонд̇о саг̇г̇з ниб̣б̣ад̇д̇ад̇и.
Aparo puññavā hoti, so – ‘‘pubbepāhaṃ katapuññatāya etarahi sukhito, idānipi puññaṃ karissāmī’’ti anesanaṃ pahāya tīṇi sucaritāni pūretvā arahattaṃ pattuṃ asakkonto sagge nibbattati.
383. ааг̇ад̇ин̃жаад̇и – ‘‘асугадтаанад̇о наама имз ааг̇ад̇аа’’д̇и звам̣ ааг̇ад̇ин̃жа. г̇ад̇ин̃жаад̇и ид̣̇аани г̇анд̇аб̣б̣адтаанан̃жа. жуд̇ин̃жаад̇и д̇ад̇о жаванан̃жа. убабад̇д̇ин̃жаад̇и д̇ад̇о жуд̇аанам̣ буна убабад̇д̇ин̃жа. гим̣ саб̣б̣ам̣ д̇абам̣ г̇арахиссаамийд̇и – ‘‘гзна гааран̣зна г̇арахиссаами, г̇арахид̇аб̣б̣амзва хи маяам̣ г̇арахаама, басам̣сид̇аб̣б̣ам̣ басам̣саама, на бхан̣д̣игам̣ гаронд̇о махаараж̇аго вияа д̇ход̇ан̃жа ад̇ход̇ан̃жа згад̇о гаромаа’’д̇и д̣̇ассзд̇и. ид̣̇аани д̇амад̇т̇ам̣ багаасзнд̇о – ‘‘санд̇и гассаба згз саман̣аб̣раахман̣аа’’д̇иаад̣̇имааха.
383.Āgatiñcāti – ‘‘asukaṭṭhānato nāma ime āgatā’’ti evaṃ āgatiñca. Gatiñcāti idāni gantabbaṭṭhānañca. Cutiñcāti tato cavanañca. Upapattiñcāti tato cutānaṃ puna upapattiñca. Kiṃ sabbaṃ tapaṃ garahissāmīti – ‘‘kena kāraṇena garahissāmi, garahitabbameva hi mayaṃ garahāma, pasaṃsitabbaṃ pasaṃsāma, na bhaṇḍikaṃ karonto mahārajako viya dhotañca adhotañca ekato karomā’’ti dasseti. Idāni tamatthaṃ pakāsento – ‘‘santi kassapa eke samaṇabrāhmaṇā’’tiādimāha.
384. яам̣ д̇з згажжанд̇и бан̃жавид̇хам̣ сийлам̣, д̇ан̃хи логз на гожи ‘‘на саад̇хуу’’д̇и вад̣̇ад̇и. буна яам̣ д̇з згажжанд̇и бан̃жавид̇хам̣ взрам̣, д̇ам̣ на гожи ‘‘саад̇хуу’’д̇и вад̣̇ад̇и. буна яам̣ д̇з згажжанд̇и бан̃жад̣̇ваарз асам̣варам̣, д̇з гира – ‘‘жагку наама на нирунд̇хид̇аб̣б̣ам̣, жагкунаа манаабам̣ руубам̣ д̣̇адтаб̣б̣а’’нд̇и вад̣̇анд̇и, зса наяо сод̇аад̣̇ийсу. буна яам̣ д̇з згажжанд̇и бан̃жад̣̇ваарз сам̣варам̣.
384.Yaṃ te ekaccanti pañcavidhaṃ sīlaṃ, tañhi loke na koci ‘‘na sādhū’’ti vadati. Puna yaṃ te ekaccanti pañcavidhaṃ veraṃ, taṃ na koci ‘‘sādhū’’ti vadati. Puna yaṃ te ekaccanti pañcadvāre asaṃvaraṃ, te kira – ‘‘cakkhu nāma na nirundhitabbaṃ, cakkhunā manāpaṃ rūpaṃ daṭṭhabba’’nti vadanti, esa nayo sotādīsu. Puna yaṃ te ekaccanti pañcadvāre saṃvaraṃ.
звам̣ барзсам̣ ваад̣̇зна саха ад̇д̇ано ваад̣̇асса самаанаасамаанад̇ам̣ д̣̇ассзд̇ваа ид̣̇аани ад̇д̇ано ваад̣̇зна саха барзсам̣ ваад̣̇асса самаанаасамаанад̇ам̣ д̣̇ассзнд̇о ‘‘яам̣ маяа’’нд̇иаад̣̇имааха. д̇ад̇рааби бан̃жасийлаад̣̇ивасзнзва ад̇т̇о взд̣̇ид̇аб̣б̣о.
Evaṃ paresaṃ vādena saha attano vādassa samānāsamānataṃ dassetvā idāni attano vādena saha paresaṃ vādassa samānāsamānataṃ dassento ‘‘yaṃ maya’’ntiādimāha. Tatrāpi pañcasīlādivaseneva attho veditabbo.
самануяун̃ж̇аабанагат̇ааван̣н̣анаа
Samanuyuñjāpanakathāvaṇṇanā
385. самануяун̃ж̇анд̇анд̇и самануяун̃ж̇анд̇у, зд̇т̇а жа лад̣̇д̇хим̣ бужчанд̇о самануяун̃ж̇ад̇и наама, гааран̣ам̣ бужчанд̇о самануг̇аахад̇и наама, убхаяам̣ бужчанд̇о саманубхаасад̇и наама. сад̇т̇аараа ваа сад̇т̇ааранд̇и сад̇т̇аараа ваа сад̣̇д̇хим̣ сад̇т̇аарам̣ убасам̣харид̇ваа – ‘‘гим̣ д̇з сад̇т̇аа д̇з д̇хаммз саб̣б̣асо бахааяа вад̇д̇ад̇и, уд̣̇ааху саман̣о г̇од̇амо’’д̇и. д̣̇уд̇ияабад̣̇зби зсзва наяо.
385.Samanuyuñjantanti samanuyuñjantu, ettha ca laddhiṃ pucchanto samanuyuñjati nāma, kāraṇaṃ pucchanto samanugāhati nāma, ubhayaṃ pucchanto samanubhāsati nāma. Satthārā vā satthāranti satthārā vā saddhiṃ satthāraṃ upasaṃharitvā – ‘‘kiṃ te satthā te dhamme sabbaso pahāya vattati, udāhu samaṇo gotamo’’ti. Dutiyapadepi eseva nayo.
ид̣̇аани д̇амад̇т̇ам̣ яож̇зд̇ваа д̣̇ассзнд̇о – ‘‘яз имзсам̣ бхавад̇а’’нд̇иаад̣̇имааха. д̇ад̇т̇а агусалаа агусаласан̇каад̇аад̇и агусалаа жзва ‘‘агусалаа’’д̇и жа сан̇каад̇аа н̃аад̇аа годтаасам̣ ваа гад̇ваа табид̇аад̇и ад̇т̇о. зса наяо саб̣б̣абад̣̇зсу. аби жзд̇т̇а сааваж̇ж̇аад̇и сад̣̇осаа. на аламарияаад̇и нид̣̇д̣̇осадтзна арияаа бхавид̇ум̣ наалам̣ асамад̇т̇аа.
Idāni tamatthaṃ yojetvā dassento – ‘‘ye imesaṃ bhavata’’ntiādimāha. Tattha akusalā akusalasaṅkhātāti akusalā ceva ‘‘akusalā’’ti ca saṅkhātā ñātā koṭṭhāsaṃ vā katvā ṭhapitāti attho. Esa nayo sabbapadesu. Api cettha sāvajjāti sadosā. Na alamariyāti niddosaṭṭhena ariyā bhavituṃ nālaṃ asamatthā.
386-392. яам̣ вин̃н̃уу самануяун̃ж̇анд̇аад̇и язна вин̃н̃уу амхз жа ан̃н̃з жа бужчанд̇аа звам̣ вад̣̇зяяум̣, д̇ам̣ таанам̣ виж̇ж̇ад̇и, ад̇т̇и д̇ам̣ гааран̣анд̇и ад̇т̇о. яам̣ ваа бана бхонд̇о барз г̇ан̣аажарияаад̇и барз бана бхонд̇о г̇ан̣аажарияаа яам̣ ваа д̇ам̣ ваа аббамад̇д̇агам̣ бахааяа вад̇д̇анд̇ийд̇и ад̇т̇о. амхзва д̇ад̇т̇а язбхуяязна басам̣сзяяунд̇и ид̣̇ам̣ бхаг̇аваа сад̇т̇аараа сад̇т̇аарам̣ самануяун̃ж̇анзби ааха – сан̇гхзна сам̣гхам̣ самануяун̃ж̇анзби. гасмаа? сан̇гхабасам̣сааяаби сад̇т̇уязва басам̣саасид̣̇д̇хид̇о. басийд̣̇амаанааби хи б̣уд̣̇д̇хасамбад̇д̇ияаа сан̇гхз, сан̇гхасамбад̇д̇ияаа жа б̣уд̣̇д̇хз басийд̣̇анд̇и, д̇ат̇аа хи бхаг̇авад̇о сарийрасамбад̇д̇им̣ д̣̇исваа, д̇хаммад̣̇зсанам̣ ваа суд̇ваа бхаванд̇и вад̇д̇ааро – ‘‘лаабхаа вад̇а бхо саавагаанам̣ яз зваруубасса сад̇т̇у санд̇игааважараа’’д̇и, звам̣ б̣уд̣̇д̇хасамбад̇д̇ияаа сан̇гхз басийд̣̇анд̇и. бхигкуунам̣ банаажаараг̇ожарам̣ абхиггамабадиггамаад̣̇ийни жа д̣̇исваа бхаванд̇и вад̇д̇ааро – ‘‘санд̇игааважараанам̣ вад̇а бхо саавагаанам̣ аяан̃жа убасамаг̇ун̣о сад̇т̇у гийва руубо бхависсад̇ий’’д̇и, звам̣ сан̇гхасамбад̇д̇ияаа б̣уд̣̇д̇хз басийд̣̇анд̇и. ид̇и яаа сад̇т̇убасам̣саа, саа сан̇гхасса. яаа сан̇гхасса басам̣саа, саа сад̇т̇ууд̇и сан̇гхабасам̣сааяаби сад̇т̇уязва басам̣саасид̣̇д̇хид̇о бхаг̇аваа д̣̇вийсуби наязсу – ‘‘амхзва д̇ад̇т̇а язбхуяязна басам̣сзяяу’’нд̇и ааха. саман̣о г̇од̇амо имз д̇хаммз анавасзсам̣ бахааяа вад̇д̇ад̇и, яам̣ ваа бана бхонд̇о барз г̇ан̣аажарияаад̇иаад̣̇ийсуби банзд̇т̇а аяамад̇хиббааяо – самбад̇д̇асамаад̣̇аанасзд̇угхаад̇авасзна хи д̇иссо вирад̇ияо. д̇аасу самбад̇д̇асамаад̣̇аана вирад̇имад̇д̇амзва ан̃н̃зсам̣ ход̇и, сзд̇угхаад̇авирад̇и бана саб̣б̣зна саб̣б̣ам̣ над̇т̇и. бан̃жасу бана д̇ад̣̇ан̇г̇авигкамбханасамужчзд̣̇абадибассад̣̇д̇хиниссаран̣аббахаанзсу адтасамаабад̇д̇ивасзна жзва вибассанаамад̇д̇авасзна жа д̇ад̣̇ан̇г̇авигкамбханаббахаанамад̇д̇амзва ан̃н̃зсам̣ ход̇и. ид̇араани д̇ийн̣и бахаанаани саб̣б̣зна саб̣б̣ам̣ над̇т̇и. д̇ат̇аа сийласам̣варо, канд̇исам̣варо, н̃аан̣асам̣варо, сад̇исам̣варо, вийрияасам̣варод̇и бан̃жа сам̣вараа, д̇зсу бан̃жасийламад̇д̇амзва ад̇хиваасанаканд̇имад̇д̇амзва жа ан̃н̃зсам̣ ход̇и, сзсам̣ саб̣б̣зна саб̣б̣ам̣ над̇т̇и.
386-392.Yaṃ viññū samanuyuñjantāti yena viññū amhe ca aññe ca pucchantā evaṃ vadeyyuṃ, taṃ ṭhānaṃ vijjati, atthi taṃ kāraṇanti attho. Yaṃ vā pana bhonto pare gaṇācariyāti pare pana bhonto gaṇācariyā yaṃ vā taṃ vā appamattakaṃ pahāya vattantīti attho. Amheva tattha yebhuyyena pasaṃseyyunti idaṃ bhagavā satthārā satthāraṃ samanuyuñjanepi āha – saṅghena saṃghaṃ samanuyuñjanepi. Kasmā? Saṅghapasaṃsāyapi satthuyeva pasaṃsāsiddhito. Pasīdamānāpi hi buddhasampattiyā saṅghe, saṅghasampattiyā ca buddhe pasīdanti, tathā hi bhagavato sarīrasampattiṃ disvā, dhammadesanaṃ vā sutvā bhavanti vattāro – ‘‘lābhā vata bho sāvakānaṃ ye evarūpassa satthu santikāvacarā’’ti, evaṃ buddhasampattiyā saṅghe pasīdanti. Bhikkhūnaṃ panācāragocaraṃ abhikkamapaṭikkamādīni ca disvā bhavanti vattāro – ‘‘santikāvacarānaṃ vata bho sāvakānaṃ ayañca upasamaguṇo satthu kīva rūpo bhavissatī’’ti, evaṃ saṅghasampattiyā buddhe pasīdanti. Iti yā satthupasaṃsā, sā saṅghassa. Yā saṅghassa pasaṃsā, sā satthūti saṅghapasaṃsāyapi satthuyeva pasaṃsāsiddhito bhagavā dvīsupi nayesu – ‘‘amheva tattha yebhuyyena pasaṃseyyu’’nti āha. Samaṇo gotamo ime dhamme anavasesaṃ pahāya vattati, yaṃ vā pana bhonto pare gaṇācariyātiādīsupi panettha ayamadhippāyo – sampattasamādānasetughātavasena hi tisso viratiyo. Tāsu sampattasamādāna viratimattameva aññesaṃ hoti, setughātavirati pana sabbena sabbaṃ natthi. Pañcasu pana tadaṅgavikkhambhanasamucchedapaṭipassaddhinissaraṇappahānesu aṭṭhasamāpattivasena ceva vipassanāmattavasena ca tadaṅgavikkhambhanappahānamattameva aññesaṃ hoti. Itarāni tīṇi pahānāni sabbena sabbaṃ natthi. Tathā sīlasaṃvaro, khantisaṃvaro, ñāṇasaṃvaro, satisaṃvaro, vīriyasaṃvaroti pañca saṃvarā, tesu pañcasīlamattameva adhivāsanakhantimattameva ca aññesaṃ hoti, sesaṃ sabbena sabbaṃ natthi.
бан̃жа ко банимз убосат̇уд̣̇д̣̇зсаа, д̇зсу бан̃жасийламад̇д̇амзва ан̃н̃зсам̣ ход̇и. баад̇имогкасам̣варасийлам̣ саб̣б̣зна саб̣б̣ам̣ над̇т̇и. ид̇и агусалаббахаанз жа гусаласамаад̣̇аанз жа, д̇ийсу вирад̇ийсу, бан̃жасу бахаанзсу, бан̃жасу сам̣варзсу, бан̃жасу уд̣̇д̣̇зсзсу, – ‘‘ахамзва жа маяхан̃жа саавагасан̇гхо логз бан̃н̃ааяад̇и, маяаа хи сад̣̇исо сад̇т̇аа наама, маяхам̣ саавагасан̇гхзна сад̣̇исо сан̇гхо наама над̇т̇ий’’д̇и бхаг̇аваа сийханаад̣̇ам̣ над̣̇ад̇и.
Pañca kho panime uposathuddesā, tesu pañcasīlamattameva aññesaṃ hoti. Pātimokkhasaṃvarasīlaṃ sabbena sabbaṃ natthi. Iti akusalappahāne ca kusalasamādāne ca, tīsu viratīsu, pañcasu pahānesu, pañcasu saṃvaresu, pañcasu uddesesu, – ‘‘ahameva ca mayhañca sāvakasaṅgho loke paññāyati, mayā hi sadiso satthā nāma, mayhaṃ sāvakasaṅghena sadiso saṅgho nāma natthī’’ti bhagavā sīhanādaṃ nadati.
арияаадтан̇г̇игамаг̇г̇аван̣н̣анаа
Ariyaaṭṭhaṅgikamaggavaṇṇanā
393. звам̣ сийханаад̣̇ам̣ над̣̇ид̇ваа д̇асса сийханаад̣̇асса авибарийд̇абхаавааваб̣од̇ханад̇т̇ам̣ – ‘‘ад̇т̇и, гассаба, маг̇г̇о’’д̇иаад̣̇имааха. д̇ад̇т̇а маг̇г̇од̇и логуд̇д̇арамаг̇г̇о. бадибад̣̇аад̇и буб̣б̣абхааг̇абадибад̣̇аа. гаалаваад̣̇ийд̇иаад̣̇ийни б̣рахмаж̇аалз ван̣н̣ид̇аани. ид̣̇аани д̇ам̣ д̣̇увид̇хам̣ маг̇г̇ан̃жа бадибад̣̇ан̃жа згад̇о гад̇ваа д̣̇ассзнд̇о – ‘‘аяамзва арияо’’д̇иаад̣̇имааха. ид̣̇ам̣ бана суд̇ваа ажзло жинд̇зси – ‘‘саман̣о г̇од̇амо маяхам̣язва маг̇г̇о жа бадибад̣̇аа жа ад̇т̇и, ан̃н̃зсам̣ над̇т̇ийд̇и ман̃н̃ад̇и, ханд̣̇ассаахам̣ амхаагамби маг̇г̇ам̣ гат̇змий’’д̇и. д̇ад̇о ажзлагабадибад̣̇ам̣ гат̇зси. д̇знааха – ‘‘звам̣ вуд̇д̇з ажзло гассабо бхаг̇аванд̇ам̣ зд̇ад̣̇авожа…бз… уд̣̇агороханаануяог̇амануяуд̇д̇о вихарад̇ий’’д̇и.
393. Evaṃ sīhanādaṃ naditvā tassa sīhanādassa aviparītabhāvāvabodhanatthaṃ – ‘‘atthi, kassapa, maggo’’tiādimāha. Tattha maggoti lokuttaramaggo. Paṭipadāti pubbabhāgapaṭipadā. Kālavādītiādīni brahmajāle vaṇṇitāni. Idāni taṃ duvidhaṃ maggañca paṭipadañca ekato katvā dassento – ‘‘ayameva ariyo’’tiādimāha. Idaṃ pana sutvā acelo cintesi – ‘‘samaṇo gotamo mayhaṃyeva maggo ca paṭipadā ca atthi, aññesaṃ natthīti maññati, handassāhaṃ amhākampi maggaṃ kathemī’’ti. Tato acelakapaṭipadaṃ kathesi. Tenāha – ‘‘evaṃ vutte acelo kassapo bhagavantaṃ etadavoca…pe… udakorohanānuyogamanuyutto viharatī’’ti.
д̇абобаггамагат̇ааван̣н̣анаа
Tapopakkamakathāvaṇṇanā
394. д̇ад̇т̇а д̇абобаггамаад̇и д̇абаарамбхаа, д̇абагаммаанийд̇и ад̇т̇о. сааман̃н̃асан̇каад̇аад̇и саман̣агаммасан̇каад̇аа. б̣рахман̃н̃асан̇каад̇аад̇и б̣раахман̣агаммасан̇каад̇аа. ажзлагод̇и нижжоло, наг̇г̇од̇и ад̇т̇о. муд̇д̇аажаарод̇и висадтаажааро, ужжаарагаммаад̣̇ийсу логияагулабуд̇д̇аажаарзна вирахид̇о тид̇агова ужжаарам̣ гарод̇и, бассаавам̣ гарод̇и, каад̣̇ад̇и, бхун̃ж̇ад̇и жа. хад̇т̇аабалзканод̇и хад̇т̇з бин̣д̣амхи тид̇з ж̇ивхааяа хад̇т̇ам̣ абаликад̇и, ужжаарам̣ ваа гад̇ваа хад̇т̇асмин̃н̃зва д̣̇ан̣д̣агасан̃н̃ий худ̇ваа хад̇т̇зна абаликад̇и. ‘‘бхигкааг̇ахан̣ад̇т̇ам̣ зхи, бханд̇з’’д̇и вуд̇д̇о на зд̇ийд̇и на зхибхад̣̇д̣̇анд̇иго. ‘‘д̇зна хи д̇идта, бханд̇з’’д̇и вуд̇д̇оби на д̇идтад̇ийд̇и над̇идтабхад̣̇д̣̇анд̇иго. д̇ад̣̇убхаяамби гира со – ‘‘зд̇асса важанам̣ гад̇ам̣ бхависсад̇ий’’д̇и на гарод̇и. абхихаданд̇и бурзд̇арам̣ г̇ахзд̇ваа аахадам̣ бхигкам̣, уд̣̇д̣̇иссагад̇анд̇и ‘‘имам̣ д̇умхз уд̣̇д̣̇исса гад̇а’’нд̇и звам̣ аарожид̇ам̣ бхигкам̣. на ниманд̇ананд̇и ‘‘асугам̣ наама гулам̣ ваа вийт̇им̣ ваа г̇аамам̣ ваа бависзяяаат̇аа’’д̇и звам̣ ниманд̇ид̇абхигкамби на саад̣̇ияад̇и, на г̇ан̣хад̇и. на гумбхимукаад̇и гумбхид̇о уд̣̇д̇харид̇ваа д̣̇ияяамаанам̣ бхигкам̣ на г̇ан̣хад̇и. на гал̣обимукаад̇и гал̣обийд̇и угкали ваа бажчи ваа, д̇ад̇оби на г̇ан̣хад̇и. гасмаа? гумбхигал̣обияо мам̣ ниссааяа гадажчунаа бахаарам̣ лабханд̇ийд̇и. на зл̣агаманд̇аранд̇и уммаарам̣ анд̇арам̣ гад̇ваа д̣̇ияяамаанам̣ на г̇ан̣хад̇и. гасмаа? ‘‘аяам̣ мам̣ ниссааяа анд̇арагаран̣ам̣ лабхад̇ий’’д̇и. д̣̇ан̣д̣амусалзсуби зсзва наяо.
394. Tattha tapopakkamāti tapārambhā, tapakammānīti attho. Sāmaññasaṅkhātāti samaṇakammasaṅkhātā. Brahmaññasaṅkhātāti brāhmaṇakammasaṅkhātā. Acelakoti niccolo, naggoti attho. Muttācāroti visaṭṭhācāro, uccārakammādīsu lokiyakulaputtācārena virahito ṭhitakova uccāraṃ karoti, passāvaṃ karoti, khādati, bhuñjati ca. Hatthāpalekhanoti hatthe piṇḍamhi ṭhite jivhāya hatthaṃ apalikhati, uccāraṃ vā katvā hatthasmiññeva daṇḍakasaññī hutvā hatthena apalikhati. ‘‘Bhikkhāgahaṇatthaṃ ehi, bhante’’ti vutto na etīti na ehibhaddantiko. ‘‘Tena hi tiṭṭha, bhante’’ti vuttopi na tiṭṭhatīti natiṭṭhabhaddantiko. Tadubhayampi kira so – ‘‘etassa vacanaṃ kataṃ bhavissatī’’ti na karoti. Abhihaṭanti puretaraṃ gahetvā āhaṭaṃ bhikkhaṃ, uddissakatanti ‘‘imaṃ tumhe uddissa kata’’nti evaṃ ārocitaṃ bhikkhaṃ. Na nimantananti ‘‘asukaṃ nāma kulaṃ vā vīthiṃ vā gāmaṃ vā paviseyyāthā’’ti evaṃ nimantitabhikkhampi na sādiyati, na gaṇhati. Nakumbhimukhāti kumbhito uddharitvā diyyamānaṃ bhikkhaṃ na gaṇhati. Na kaḷopimukhāti kaḷopīti ukkhali vā pacchi vā, tatopi na gaṇhati. Kasmā? Kumbhikaḷopiyo maṃ nissāya kaṭacchunā pahāraṃ labhantīti. Na eḷakamantaranti ummāraṃ antaraṃ katvā diyyamānaṃ na gaṇhati. Kasmā? ‘‘Ayaṃ maṃ nissāya antarakaraṇaṃ labhatī’’ti. Daṇḍamusalesupi eseva nayo.
д̣̇виннанд̇и д̣̇вийсу бхун̃ж̇амаанзсу згасмим̣ удтааяа д̣̇знд̇з на г̇ан̣хад̇и. гасмаа? ‘‘згасса габ̣ал̣анд̇арааяо ход̇ий’’д̇и. на г̇аб̣бхинияаад̇иаад̣̇ийсу бана ‘‘г̇аб̣бхинияаа гужчияам̣ д̣̇аараго гиламад̇и. бааяанд̇ияаа д̣̇аарагасса кийранд̇арааяо ход̇и, бурисанд̇араг̇ад̇ааяа рад̇ианд̇арааяо ход̇ий’’д̇и на г̇ан̣хад̇и. сам̣гид̇д̇ийсууд̇и сам̣гид̇д̇зд̇ваа гад̇абхад̇д̇зсу, д̣̇уб̣бхигкасамаяз гира ажзлагасаавагаа ажзлагаанам̣ ад̇т̇ааяа д̇ад̇о д̇ад̇о д̇ан̣д̣улаад̣̇ийни самаад̣̇абзд̇ваа бхад̇д̇ам̣ бажанд̇и. уггадто ажзлаго д̇ад̇оби на бадиг̇г̇ан̣хад̇и. на яад̇т̇а саад̇и яад̇т̇а сунако – ‘‘бин̣д̣ам̣ лабхиссаамий’’д̇и убадтид̇о ход̇и, д̇ад̇т̇а д̇асса ад̣̇ад̇ваа аахадам̣ на г̇ан̣хад̇и. гасмаа? зд̇асса бин̣д̣анд̇арааяо ход̇ийд̇и. сан̣д̣асан̣д̣ажааринийд̇и самуухасамуухажаариний, сажз хи ажзлагам̣ д̣̇исваа – ‘‘имасса бхигкам̣ д̣̇ассаамаа’’д̇и мануссаа бхад̇д̇аг̇зхам̣ бависанд̇и, д̇зсу жа бависанд̇зсу гал̣обимукаад̣̇ийсу нилийнаа магкигаа уббад̇ид̇ваа сан̣д̣асан̣д̣аа жаранд̇и, д̇ад̇о аахадам̣ бхигкам̣ на г̇ан̣хад̇и. гасмаа? мам̣ ниссааяа магкигаанам̣ г̇ожаранд̇арааяо ж̇аад̇од̇и.
Dvinnanti dvīsu bhuñjamānesu ekasmiṃ uṭṭhāya dente na gaṇhati. Kasmā? ‘‘Ekassa kabaḷantarāyo hotī’’ti. Na gabbhiniyātiādīsu pana ‘‘gabbhiniyā kucchiyaṃ dārako kilamati. Pāyantiyā dārakassa khīrantarāyo hoti, purisantaragatāya ratiantarāyo hotī’’ti na gaṇhati. Saṃkittīsūti saṃkittetvā katabhattesu, dubbhikkhasamaye kira acelakasāvakā acelakānaṃ atthāya tato tato taṇḍulādīni samādapetvā bhattaṃ pacanti. Ukkaṭṭho acelako tatopi na paṭiggaṇhati. Na yattha sāti yattha sunakho – ‘‘piṇḍaṃ labhissāmī’’ti upaṭṭhito hoti, tattha tassa adatvā āhaṭaṃ na gaṇhati. Kasmā? Etassa piṇḍantarāyo hotīti. Saṇḍasaṇḍacārinīti samūhasamūhacārinī, sace hi acelakaṃ disvā – ‘‘imassa bhikkhaṃ dassāmā’’ti manussā bhattagehaṃ pavisanti, tesu ca pavisantesu kaḷopimukhādīsu nilīnā makkhikā uppatitvā saṇḍasaṇḍā caranti, tato āhaṭaṃ bhikkhaṃ na gaṇhati. Kasmā? Maṃ nissāya makkhikānaṃ gocarantarāyo jātoti.
т̇усод̣̇аганд̇и саб̣б̣асассасамбхаарзхи гад̇ам̣ совийрагам̣. зд̇т̇а жа сураабаанамзва сааваж̇ж̇ам̣, аяам̣ бана саб̣б̣зсуби сааваж̇ж̇асан̃н̃ий. згааг̇ааригод̇и яо згасмим̣язва г̇зхз бхигкам̣ лабхид̇ваа нивад̇д̇ад̇и . згаалобигод̇и яо згзнзва аалобзна яаабзд̇и. д̣̇вааг̇ааригаад̣̇ийсуби зсзва наяо. згиссааби д̣̇ад̇д̇ияаад̇и згааяа д̣̇ад̇д̇ияаа. д̣̇ад̇д̇и наама згаа куд̣̇д̣̇агабаад̇и ход̇и, яад̇т̇а аг̇г̇абхигкам̣ багкибид̇ваа табзнд̇и. згаахиганд̇и згад̣̇ивасанд̇аригам̣. ад̣̇д̇хамаасиганд̇и ад̣̇д̇хамаасанд̇аригам̣. барияааяабхад̇д̇абхож̇ананд̇и ваарабхад̇д̇абхож̇анам̣, згаахаваарзна д̣̇вийхаваарзна сад̇д̇аахаваарзна ад̣дхамаасаваарзнаад̇и звам̣ д̣̇ивасаваарзна ааг̇ад̇абхад̇д̇абхож̇анам̣.
Thusodakanti sabbasassasambhārehi kataṃ sovīrakaṃ. Ettha ca surāpānameva sāvajjaṃ, ayaṃ pana sabbesupi sāvajjasaññī. Ekāgārikoti yo ekasmiṃyeva gehe bhikkhaṃ labhitvā nivattati . Ekālopikoti yo ekeneva ālopena yāpeti. Dvāgārikādīsupi eseva nayo. Ekissāpi dattiyāti ekāya dattiyā. Datti nāma ekā khuddakapāti hoti, yattha aggabhikkhaṃ pakkhipitvā ṭhapenti. Ekāhikanti ekadivasantarikaṃ. Addhamāsikanti addhamāsantarikaṃ. Pariyāyabhattabhojananti vārabhattabhojanaṃ, ekāhavārena dvīhavārena sattāhavārena aḍḍhamāsavārenāti evaṃ divasavārena āgatabhattabhojanaṃ.
395. саагабхагкод̇и алласаагабхагко. саамаагабхагкод̇и саамаагад̇ан̣д̣улабхагко. нийваараад̣̇ийсу нийвааро наама аран̃н̃з саяам̣ж̇аад̇аа вийхиж̇аад̇и. д̣̇ад̣̇д̣̇уланд̇и жаммагаарзхи жаммам̣ ликид̇ваа чад̣д̣ид̇агасадам̣. хадам̣ вужжад̇и силзсоби сзваалоби. ган̣анд̇и гун̣д̣агам̣. аажаамод̇и бхад̇д̇аугкалигааяа лаг̇г̇о жхаамагаод̣̇ано, д̇ам̣ чад̣д̣ид̇адтаанад̇ова г̇ахзд̇ваа каад̣̇ад̇и, ‘‘од̣̇анаган̃ж̇ияа’’нд̇иби вад̣̇анд̇и. бин̃н̃аагаад̣̇аяо баагадаа зва. бавад̇д̇апалабхож̇ийд̇и бад̇ид̇апалабхож̇ий.
395.Sākabhakkhoti allasākabhakkho. Sāmākabhakkhoti sāmākataṇḍulabhakkho. Nīvārādīsu nīvāro nāma araññe sayaṃjātā vīhijāti. Daddulanti cammakārehi cammaṃ likhitvā chaḍḍitakasaṭaṃ. Haṭaṃ vuccati silesopi sevālopi. Kaṇanti kuṇḍakaṃ. Ācāmoti bhattaukkhalikāya laggo jhāmakaodano, taṃ chaḍḍitaṭṭhānatova gahetvā khādati, ‘‘odanakañjiya’’ntipi vadanti. Piññākādayo pākaṭā eva. Pavattaphalabhojīti patitaphalabhojī.
396. саан̣аанийд̇и саан̣аваагажол̣аани. масаан̣аанийд̇и миссагажол̣аани. чавад̣̇уссаанийд̇и мад̇асарийрад̇о чад̣д̣ид̇авад̇т̇аани, зрагад̇ин̣аад̣̇ийни ваа г̇ант̇зд̇ваа гад̇аниваасанаани. бам̣сугуулаанийд̇и бат̇авияам̣ чад̣д̣ид̇ананд̇агаани. д̇ирийдаанийд̇и ругкад̇ажавад̇т̇аани. аж̇инанд̇и аж̇инамиг̇ажаммам̣. аж̇инагкибанд̇и д̇ад̣̇зва маж̇жхз паалид̇агам̣. гусажийранд̇и гусад̇ин̣аани г̇ант̇зд̇ваа гад̇ажийрам̣. ваагажийрапалагажийрзсуби зсзва наяо. гзсагамб̣аланд̇и мануссагзсзхи гад̇агамб̣алам̣. яам̣ санд̇хааяа вуд̇д̇ам̣ –
396.Sāṇānīti sāṇavākacoḷāni. Masāṇānīti missakacoḷāni. Chavadussānīti matasarīrato chaḍḍitavatthāni, erakatiṇādīni vā ganthetvā katanivāsanāni. Paṃsukūlānīti pathaviyaṃ chaḍḍitanantakāni. Tirīṭānīti rukkhatacavatthāni. Ajinanti ajinamigacammaṃ. Ajinakkhipanti tadeva majjhe phālitakaṃ. Kusacīranti kusatiṇāni ganthetvā katacīraṃ. Vākacīraphalakacīresupi eseva nayo. Kesakambalanti manussakesehi katakambalaṃ. Yaṃ sandhāya vuttaṃ –
‘‘сзяяат̇ааби бхигкавз, яаани гаанижи д̇анд̇аавуд̇аани вад̇т̇аани, гзсагамб̣ало д̇зсам̣ бадигидто агкааяад̇и. гзсагамб̣ало, бхигкавз, сийд̇з сийд̇о, ун̣хз ун̣хо аббаг̇гхо жа д̣̇уб̣б̣ан̣н̣о жа д̣̇уг̇г̇анд̇хо д̣̇угкасампассо’’д̇и.
‘‘Seyyathāpi bhikkhave, yāni kānici tantāvutāni vatthāni, kesakambalo tesaṃ paṭikiṭṭho akkhāyati. Kesakambalo, bhikkhave, sīte sīto, uṇhe uṇho appaggho ca dubbaṇṇo ca duggandho dukkhasamphasso’’ti.
ваал̣агамб̣аланд̇и ассаваалзхи гад̇агамб̣алам̣. улуугабагкиганд̇и улуугабагкаани г̇ант̇зд̇ваа гад̇аниваасанам̣. уггудигаббад̇хаанамануяуд̇д̇од̇и уггудигавийрияам̣ ануяуд̇д̇о, г̇ажчанд̇оби уггудигова худ̇ваа уббад̇ид̇ваа уббад̇ид̇ваа г̇ажчад̇и. ган̣дагаабассаяигод̇и аяаган̣дагз ваа багад̇иган̣дагз ваа бхуумияам̣ годдзд̇ваа д̇ад̇т̇а жаммам̣ ад̇т̇арид̇ваа таанажан̇гамаад̣̇ийни гарод̇и. сзяяанд̇и саяанд̇оби д̇ад̇т̇зва сзяяам̣ габбзд̇и. палагасзяяанд̇и ругкапалагз сзяяам̣. т̇ан̣д̣иласзяяанд̇и т̇ан̣д̣илз ужжз бхуумитаанз сзяяам̣. згабассаяигод̇и згабассзнзва саяад̇и. раж̇ож̇аллад̇харод̇и сарийрам̣ д̇злзна магкид̇ваа раж̇удтаанадтаанз д̇идтад̇и, ат̇асса сарийрз раж̇ож̇аллам̣ лаг̇г̇ад̇и, д̇ам̣ д̇хаарзд̇и. яат̇аасант̇ад̇игод̇и лад̣̇д̇хам̣ аасанам̣ агобзд̇ваа яад̣̇зва лабхад̇и, д̇ад̇т̇зва нисийд̣̇анасийло. взгадигод̇и вигадакаад̣̇анасийло. вигаданд̇и г̇уут̇ам̣ вужжад̇и. абаанагод̇и бадигкид̇д̇асийд̇уд̣̇агабаано. сааяам̣ д̇ад̇ияамассаад̇и сааяад̇ад̇ияагам̣. баад̇о, маж̇жханхигз, сааяанд̇и д̣̇ивасасса д̇игкад̇д̇ум̣ баабам̣ баваахзссаамийд̇и уд̣̇агороханаануяог̇ам̣ ануяуд̇д̇о вихарад̇ийд̇и.
Vāḷakambalanti assavālehi katakambalaṃ. Ulūkapakkhikanti ulūkapakkhāni ganthetvā katanivāsanaṃ. Ukkuṭikappadhānamanuyuttoti ukkuṭikavīriyaṃ anuyutto, gacchantopi ukkuṭikova hutvā uppatitvā uppatitvā gacchati. Kaṇṭakāpassayikoti ayakaṇṭake vā pakatikaṇṭake vā bhūmiyaṃ koṭṭetvā tattha cammaṃ attharitvā ṭhānacaṅkamādīni karoti. Seyyanti sayantopi tattheva seyyaṃ kappeti. Phalakaseyyanti rukkhaphalake seyyaṃ. Thaṇḍilaseyyanti thaṇḍile ucce bhūmiṭhāne seyyaṃ. Ekapassayikoti ekapasseneva sayati. Rajojalladharoti sarīraṃ telena makkhitvā rajuṭṭhānaṭṭhāne tiṭṭhati, athassa sarīre rajojallaṃ laggati, taṃ dhāreti. Yathāsanthatikoti laddhaṃ āsanaṃ akopetvā yadeva labhati, tattheva nisīdanasīlo. Vekaṭikoti vikaṭakhādanasīlo. Vikaṭanti gūthaṃ vuccati. Apānakoti paṭikkhittasītudakapāno. Sāyaṃ tatiyamassāti sāyatatiyakaṃ. Pāto, majjhanhike, sāyanti divasassa tikkhattuṃ pāpaṃ pavāhessāmīti udakorohanānuyogaṃ anuyutto viharatīti.
д̇абобаггаманирад̇т̇агад̇ааван̣н̣анаа
Tapopakkamaniratthakatāvaṇṇanā
397. ат̇а бхаг̇аваа сийласамбад̣̇аад̣̇ийхи винаа д̇зсам̣ д̇абобаггамаанам̣ нирад̇т̇агад̇ам̣ д̣̇ассзнд̇о – ‘‘ажзлаго жзби гассаба ход̇ий’’д̇иаад̣̇имааха. д̇ад̇т̇а аарагаа ваад̇и д̣̇уурзязва. авзранд̇и д̣̇осавзравирахид̇ам̣. аб̣яаабаж̇ж̇анд̇и д̣̇оманассаб̣яаабаж̇ж̇арахид̇ам̣.
397. Atha bhagavā sīlasampadādīhi vinā tesaṃ tapopakkamānaṃ niratthakataṃ dassento – ‘‘acelako cepi kassapa hotī’’tiādimāha. Tattha ārakā vāti dūreyeva. Averanti dosaveravirahitaṃ. Abyāpajjanti domanassabyāpajjarahitaṃ.
398. д̣̇уггарам̣, бхо г̇од̇амаад̇и ид̣̇ам̣ гассабо ‘‘маяам̣ буб̣б̣з зд̇д̇агамад̇д̇ам̣ сааман̃н̃ан̃жа б̣рахман̃н̃ан̃жаад̇и вижараама, д̇умхз бана ан̃н̃ам̣язва сааман̃н̃ан̃жа б̣рахман̃н̃ан̃жа вад̣̇ат̇аа’’д̇и д̣̇ийбзнд̇о ааха. багад̇и ко зсаад̇и багад̇игат̇аа зсаа. имааяа жа, гассаба, мад̇д̇ааяаад̇и ‘‘гассаба яад̣̇и иминаа бамаан̣зна звам̣ барид̇д̇агзна бадибад̇д̇иггамзна сааман̃н̃ам̣ ваа б̣рахман̃н̃ам̣ ваа д̣̇уггарам̣ суд̣̇уггарам̣ наама абхависса, д̇ад̇о нзд̇ам̣ абхависса галлам̣ важанааяа д̣̇уггарам̣ сааман̃н̃а’’нд̇и аяамзд̇т̇а бад̣̇асамб̣анд̇хзна сад̣̇д̇хим̣ ад̇т̇о. зд̇зна наязна саб̣б̣ад̇т̇а бад̣̇асамб̣анд̇хо взд̣̇ид̇аб̣б̣о.
398.Dukkaraṃ, bho gotamāti idaṃ kassapo ‘‘mayaṃ pubbe ettakamattaṃ sāmaññañca brahmaññañcāti vicarāma, tumhe pana aññaṃyeva sāmaññañca brahmaññañca vadathā’’ti dīpento āha. Pakati kho esāti pakatikathā esā. Imāya ca, kassapa, mattāyāti ‘‘kassapa yadi iminā pamāṇena evaṃ parittakena paṭipattikkamena sāmaññaṃ vā brahmaññaṃ vā dukkaraṃ sudukkaraṃ nāma abhavissa, tato netaṃ abhavissa kallaṃ vacanāya dukkaraṃ sāmañña’’nti ayamettha padasambandhena saddhiṃ attho. Etena nayena sabbattha padasambandho veditabbo.
399. д̣̇уж̇ж̇аанод̇и ид̣̇амби со ‘‘маяам̣ буб̣б̣з зд̇д̇агзна саман̣о ваа б̣раахман̣о ваа ход̇ийд̇и вижараама, д̇умхз бана ан̃н̃ат̇аа вад̣̇ат̇аа’’д̇и ид̣̇ам̣ санд̇хааяааха. ат̇асса бхаг̇аваа д̇ам̣ багад̇иваад̣̇ам̣ бадигкибид̇ваа сабхаавад̇ова д̣̇уж̇ж̇аанабхаавам̣ аавигаронд̇о бунаби – ‘‘багад̇и ко’’д̇иаад̣̇имааха. д̇ад̇рааби вуд̇д̇анаязнзва бад̣̇асамб̣анд̇хам̣ гад̇ваа ад̇т̇о взд̣̇ид̇аб̣б̣о.
399.Dujjānoti idampi so ‘‘mayaṃ pubbe ettakena samaṇo vā brāhmaṇo vā hotīti vicarāma, tumhe pana aññathā vadathā’’ti idaṃ sandhāyāha. Athassa bhagavā taṃ pakativādaṃ paṭikkhipitvā sabhāvatova dujjānabhāvaṃ āvikaronto punapi – ‘‘pakati kho’’tiādimāha. Tatrāpi vuttanayeneva padasambandhaṃ katvā attho veditabbo.
сийласамаад̇хибан̃н̃аасамбад̣̇ааван̣н̣анаа
Sīlasamādhipaññāsampadāvaṇṇanā
400-401. гад̇амаа бана саа, бхо г̇од̇амаад̇и гасмаа бужчад̇и. аяам̣ гира бан̣д̣ид̇о бхаг̇авад̇о гат̇знд̇ассзва гат̇ам̣ уг̇г̇ахзси, ат̇а ад̇д̇ано бадибад̇д̇ияаа нирад̇т̇агад̇ам̣ вид̣̇ид̇ваа саман̣о г̇од̇амо – ‘‘д̇асса ‘жааяам̣ сийласамбад̣̇аа, жид̇д̇асамбад̣̇аа, бан̃н̃аасамбад̣̇аа абхаавид̇аа ход̇и асажчигад̇аа, ат̇а ко со аарагаава сааман̃н̃аа’д̇иаад̣̇имааха. ханд̣̇а д̣̇аани нам̣ д̇аа самбад̇д̇ияо бужчаамий’’д̇и сийласамбад̣̇аад̣̇ивиж̇аананад̇т̇ам̣ бужчад̇и. ат̇асса бхаг̇аваа б̣уд̣̇д̇хуббаад̣̇ам̣ д̣̇ассзд̇ваа д̇анд̇ид̇хаммам̣ гат̇знд̇о д̇аа самбад̇д̇ияо д̣̇ассзд̇ум̣ – ‘‘ид̇ха гассабаа’’д̇иаад̣̇имааха. имааяа жа гассаба сийласамбад̣̇ааяаад̇и ид̣̇ам̣ арахад̇д̇апаламзва санд̇хааяа вуд̇д̇ам̣. арахад̇д̇апалабарияосаанан̃хи бхаг̇авад̇о саасанам̣. д̇асмаа арахад̇д̇апаласамбаяуд̇д̇аахи сийлажид̇д̇абан̃н̃аасамбад̣̇аахи ан̃н̃аа уд̇д̇арид̇араа ваа бан̣ийд̇ад̇араа ваа сийлаад̣̇исамбад̣̇аа над̇т̇ийд̇и ааха.
400-401.Katamā pana sā, bho gotamāti kasmā pucchati. Ayaṃ kira paṇḍito bhagavato kathentasseva kathaṃ uggahesi, atha attano paṭipattiyā niratthakataṃ viditvā samaṇo gotamo – ‘‘tassa ‘cāyaṃ sīlasampadā, cittasampadā, paññāsampadā abhāvitā hoti asacchikatā, atha kho so ārakāva sāmaññā’tiādimāha. Handa dāni naṃ tā sampattiyo pucchāmī’’ti sīlasampadādivijānanatthaṃ pucchati. Athassa bhagavā buddhuppādaṃ dassetvā tantidhammaṃ kathento tā sampattiyo dassetuṃ – ‘‘idha kassapā’’tiādimāha. Imāya ca kassapa sīlasampadāyāti idaṃ arahattaphalameva sandhāya vuttaṃ. Arahattaphalapariyosānañhi bhagavato sāsanaṃ. Tasmā arahattaphalasampayuttāhi sīlacittapaññāsampadāhi aññā uttaritarā vā paṇītatarā vā sīlādisampadā natthīti āha.
сийханаад̣̇агат̇ааван̣н̣анаа
Sīhanādakathāvaṇṇanā
402. зван̃жа бана вад̇ваа ид̣̇аани ануд̇д̇арам̣ махаасийханаад̣̇ам̣ над̣̇анд̇о – ‘‘санд̇и гассаба згз саман̣аб̣раахман̣аа’’д̇иаад̣̇имааха. д̇ад̇т̇а арияанд̇и нирубаггилзсам̣ барамависуд̣̇д̇хам̣. бараманд̇и уд̇д̇амам̣, бан̃жасийлаани хиаад̣̇им̣ гад̇ваа яаава баад̇имогкасам̣варасийлаа сийламзва, логуд̇д̇арамаг̇г̇апаласамбаяуд̇д̇ам̣ бана барамасийлам̣ наама. наахам̣ д̇ад̇т̇аад̇и д̇ад̇т̇а сийлзби барамасийлзби ахам̣ ад̇д̇ано самасамам̣ мама сийласамзна сийлзна маяаа самам̣ буг̇г̇алам̣ на бассаамийд̇и ад̇т̇о. ахамзва д̇ад̇т̇а бхияяод̇и ахамзва д̇асмим̣ сийлз уд̇д̇амо. гад̇амасмим̣? яад̣̇ид̣̇ам̣ ад̇хисийланд̇и яам̣ зд̇ам̣ уд̇д̇амам̣ сийланд̇и ад̇т̇о. ид̇и имам̣ батамам̣ сийханаад̣̇ам̣ над̣̇ад̇и.
402. Evañca pana vatvā idāni anuttaraṃ mahāsīhanādaṃ nadanto – ‘‘santi kassapa eke samaṇabrāhmaṇā’’tiādimāha. Tattha ariyanti nirupakkilesaṃ paramavisuddhaṃ. Paramanti uttamaṃ, pañcasīlāni hiādiṃ katvā yāva pātimokkhasaṃvarasīlā sīlameva, lokuttaramaggaphalasampayuttaṃ pana paramasīlaṃ nāma. Nāhaṃ tatthāti tattha sīlepi paramasīlepi ahaṃ attano samasamaṃ mama sīlasamena sīlena mayā samaṃ puggalaṃ na passāmīti attho. Ahameva tattha bhiyyoti ahameva tasmiṃ sīle uttamo. Katamasmiṃ? Yadidaṃ adhisīlanti yaṃ etaṃ uttamaṃ sīlanti attho. Iti imaṃ paṭhamaṃ sīhanādaṃ nadati.
д̇абож̇иг̇ужчаваад̣̇аад̇и яз д̇абож̇иг̇ужчам̣ вад̣̇анд̇и. д̇ад̇т̇а д̇абад̇ийд̇и д̇або, гилзсасанд̇аабагавийрияассзд̇ам̣ наамам̣, д̇ад̣̇зва д̇з гилзсз ж̇иг̇ужчад̇ийд̇и ж̇иг̇ужчаа. арияаа барамаад̇и зд̇т̇а нид̣̇д̣̇осад̇д̇аа арияаа, адтааарамбхавад̇т̇увасзнаби уббаннаа вибассанаавийрияасан̇каад̇аа д̇абож̇иг̇ужчаа д̇абож̇иг̇ужчаава, маг̇г̇апаласамбаяуд̇д̇аа барамаа наама. ад̇хиж̇зг̇ужчанд̇и ид̇ха ж̇иг̇ужчабхааво ж̇зг̇ужчам̣, уд̇д̇амам̣ ж̇зг̇ужчам̣ ад̇хиж̇зг̇ужчам̣, д̇асмаа яад̣̇ид̣̇ам̣ ад̇хиж̇зг̇ужчам̣, д̇ад̇т̇а ахамзва бхияяод̇и звамзд̇т̇а ад̇т̇о д̣̇адтаб̣б̣о. бан̃н̃аад̇хигаарзби гаммассагад̇аабан̃н̃аа жа вибассанаабан̃н̃аа жа бан̃н̃аа наама, маг̇г̇апаласамбаяуд̇д̇аа барамаа бан̃н̃аа наама. ад̇хибан̃н̃анд̇и зд̇т̇а лин̇г̇авибаллаасо взд̣̇ид̇аб̣б̣о, аяам̣ банзд̇т̇ад̇т̇о – яааяам̣ ад̇хибан̃н̃аа наама ахамзва д̇ад̇т̇а бхияяод̇и вимуд̇д̇аад̇хигаарз д̇ад̣̇ан̇г̇авигкамбханавимуд̇д̇ияо вимуд̇д̇и наама, самужчзд̣̇абадибассад̣̇д̇хиниссаран̣авимуд̇д̇ияо бана барамаа вимуд̇д̇ийд̇и взд̣̇ид̇аб̣б̣аа. ид̇хааби жа яад̣̇ид̣̇ам̣ ад̇хивимуд̇д̇ийд̇и яаа аяам̣ ад̇хивимуд̇д̇и, ахамзва д̇ад̇т̇а бхияяод̇и ад̇т̇о.
Tapojigucchavādāti ye tapojigucchaṃ vadanti. Tattha tapatīti tapo, kilesasantāpakavīriyassetaṃ nāmaṃ, tadeva te kilese jigucchatīti jigucchā. Ariyā paramāti ettha niddosattā ariyā, aṭṭhaārambhavatthuvasenapi uppannā vipassanāvīriyasaṅkhātā tapojigucchā tapojigucchāva, maggaphalasampayuttā paramā nāma. Adhijegucchanti idha jigucchabhāvo jegucchaṃ, uttamaṃ jegucchaṃ adhijegucchaṃ, tasmā yadidaṃ adhijegucchaṃ, tattha ahameva bhiyyoti evamettha attho daṭṭhabbo. Paññādhikārepi kammassakatāpaññā ca vipassanāpaññā ca paññā nāma, maggaphalasampayuttā paramā paññā nāma. Adhipaññanti ettha liṅgavipallāso veditabbo, ayaṃ panetthattho – yāyaṃ adhipaññā nāma ahameva tattha bhiyyoti vimuttādhikāre tadaṅgavikkhambhanavimuttiyo vimutti nāma, samucchedapaṭipassaddhinissaraṇavimuttiyo pana paramā vimuttīti veditabbā. Idhāpi ca yadidaṃ adhivimuttīti yā ayaṃ adhivimutti, ahameva tattha bhiyyoti attho.
403. сун̃н̃ааг̇аарзд̇и сун̃н̃з гхарз, згагова нисийд̣̇ид̇ваад̇и ад̇хиббааяо. барисаасу жаад̇и адтасу барисаасу. вуд̇д̇амби жзд̇ам̣ –
403.Suññāgāreti suññe ghare, ekakova nisīditvāti adhippāyo. Parisāsu cāti aṭṭhasu parisāsu. Vuttampi cetaṃ –
‘‘жад̇д̇ааримаани, саарибуд̇д̇а, д̇ат̇ааг̇ад̇асса взсаараж̇ж̇аани. язхи взсаараж̇ж̇зхи саманнааг̇ад̇о д̇ат̇ааг̇ад̇о аасабхам̣ таанам̣ бадиж̇аанаад̇и, барисаасу сийханаад̣̇ам̣ над̣̇ад̇ий’’д̇и (ма. ни. 1.150) суд̇д̇ам̣ вид̇т̇аарзд̇аб̣б̣ам̣.
‘‘Cattārimāni, sāriputta, tathāgatassa vesārajjāni. Yehi vesārajjehi samannāgato tathāgato āsabhaṃ ṭhānaṃ paṭijānāti, parisāsu sīhanādaṃ nadatī’’ti (ma. ni. 1.150) suttaṃ vitthāretabbaṃ.
бан̃хан̃жа нам̣ бужчанд̇ийд̇и бан̣д̣ид̇аа д̣̇звамануссаа нам̣ бан̃хам̣ абхисан̇карид̇ваа бужчанд̇и. б̣яаагарод̇ийд̇и д̇ан̇кан̣ан̃н̃зва виссаж̇ж̇зси. жид̇д̇ам̣ аараад̇хзд̇ийд̇и бан̃хаависсаж̇ж̇анзна махааж̇анасса жид̇д̇ам̣ барид̇осзд̇иязва. но жа ко сод̇аб̣б̣ам̣ ман̃н̃анд̇ийд̇и жид̇д̇ам̣ аараад̇хзд̇ваа гат̇знд̇ассабисса важанам̣ барз сод̇аб̣б̣ам̣ на ман̃н̃анд̇ийд̇и, зван̃жа вад̣̇зяяунд̇и ад̇т̇о. сод̇аб̣б̣ан̃жасса ман̃н̃анд̇ийд̇и д̣̇звааби мануссааби маханд̇знзва уссаахзна сод̇аб̣б̣ам̣ ман̃н̃анд̇и. басийд̣̇анд̇ийд̇и субасаннаа галлажид̇д̇аа муд̣̇ужид̇д̇аа хонд̇и. басаннаагаарам̣ гаронд̇ийд̇и на муд̣̇д̇хаббасаннаава хонд̇и, бан̣ийд̇аани жийвараад̣̇ийни взл̣уванавихаараад̣̇аяо жа махаавихаарз барижжаж̇анд̇аа басаннаагаарам̣ гаронд̇и. д̇ат̇ад̇д̇ааяаад̇и яам̣ со д̇хаммам̣ д̣̇зсзд̇и д̇ат̇аа бхаавааяа, д̇хаммаануд̇хаммабадибад̇д̇ибууран̣ад̇т̇ааяа бадибаж̇ж̇анд̇ийд̇и ад̇т̇о. д̇ат̇ад̇д̇ааяа жа бадибаж̇ж̇анд̇ийд̇и д̇ат̇абхаавааяа бадибаж̇ж̇анд̇и, д̇асса хи бхаг̇авад̇о д̇хаммам̣ суд̇ваа гзжи саран̣зсу гзжи бан̃жасу сийлзсу бад̇идтаханд̇и, абарз нигкамид̇ваа баб̣б̣аж̇анд̇и. бадибаннаа жа аараад̇хзнд̇ийд̇и д̇ан̃жа бана бадибад̣̇ам̣ бадибаннаа буурзд̇ум̣ саггонд̇и, саб̣б̣аагаарзна бана буурзнд̇и, бадибад̇д̇ибууран̣зна д̇асса бход̇о г̇од̇амасса жид̇д̇ам̣ аараад̇хзнд̇ийд̇и вад̇д̇аб̣б̣аа.
Pañhañca naṃ pucchantīti paṇḍitā devamanussā naṃ pañhaṃ abhisaṅkharitvā pucchanti. Byākarotīti taṅkhaṇaññeva vissajjesi. Cittaṃ ārādhetīti pañhāvissajjanena mahājanassa cittaṃ paritosetiyeva. No ca kho sotabbaṃ maññantīti cittaṃ ārādhetvā kathentassapissa vacanaṃ pare sotabbaṃ na maññantīti, evañca vadeyyunti attho. Sotabbañcassa maññantīti devāpi manussāpi mahanteneva ussāhena sotabbaṃ maññanti. Pasīdantīti supasannā kallacittā muducittā honti. Pasannākāraṃ karontīti na muddhappasannāva honti, paṇītāni cīvarādīni veḷuvanavihārādayo ca mahāvihāre pariccajantā pasannākāraṃ karonti. Tathattāyāti yaṃ so dhammaṃ deseti tathā bhāvāya, dhammānudhammapaṭipattipūraṇatthāya paṭipajjantīti attho. Tathattāya ca paṭipajjantīti tathabhāvāya paṭipajjanti, tassa hi bhagavato dhammaṃ sutvā keci saraṇesu keci pañcasu sīlesu patiṭṭhahanti, apare nikkhamitvā pabbajanti. Paṭipannā ca ārādhentīti tañca pana paṭipadaṃ paṭipannā pūretuṃ sakkonti, sabbākārena pana pūrenti, paṭipattipūraṇena tassa bhoto gotamassa cittaṃ ārādhentīti vattabbā.
имасмим̣ баногаасз тад̇ваа сийханаад̣̇аа самод̇хаанзд̇аб̣б̣аа. згажжам̣ д̇абассим̣ нираяз ниб̣б̣ад̇д̇ам̣ бассаамийд̇и хи бхаг̇авад̇о зго сийханаад̣̇о. абарам̣ саг̇г̇з ниб̣б̣ад̇д̇ам̣ бассаамийд̇и зго. агусалад̇хаммаббахаанз ахамзва сздтод̇и зго. гусалад̇хаммасамаад̣̇аанзби ахамзва сздтод̇и зго. агусалад̇хаммаббахаанз маяхамзва саавагасан̇гхо сздтод̇и зго. гусалад̇хаммасамаад̣̇аанзби маяхам̣язва саавагасан̇гхо сздтод̇и зго. сийлзна маяхам̣ сад̣̇исо над̇т̇ийд̇и зго. вийриязна маяхам̣ сад̣̇исо над̇т̇ийд̇и зго. бан̃н̃ааяа…бз… вимуд̇д̇ияаа…бз… сийханаад̣̇ам̣ над̣̇анд̇о барисамаж̇жхз нисийд̣̇ид̇ваа над̣̇аамийд̇и зго. висаарад̣̇о худ̇ваа над̣̇аамийд̇и зго. бан̃хам̣ мам̣ бужчанд̇ийд̇и зго. бан̃хам̣ будто виссаж̇ж̇змийд̇и зго. виссаж̇ж̇анзна барасса жид̇д̇ам̣ аараад̇хзмийд̇и зго. суд̇ваа сод̇аб̣б̣ам̣ ман̃н̃анд̇ийд̇и зго. суд̇ваа мз басийд̣̇анд̇ийд̇и зго. басаннаагаарам̣ гаронд̇ийд̇и зго. яам̣ бадибад̇д̇им̣ д̣̇зсзми, д̇ат̇ад̇д̇ааяа бадибаж̇ж̇анд̇ийд̇и зго. бадибаннаа жа мам̣ аараад̇хзнд̇ийд̇и зго. ид̇и буримаанам̣ д̣̇асаннам̣ згзгасса – ‘‘барисаасу жа над̣̇ад̇ий’’д̇и аад̣̇аяо д̣̇аса д̣̇аса бариваараа. звам̣ д̇з д̣̇аса буримаанам̣ д̣̇асаннам̣ баривааравасзна сад̇ам̣ буримаа жа д̣̇асаад̇и д̣̇асаад̇хигам̣ сийханаад̣̇асад̇ам̣ ход̇и. ид̇о ан̃н̃асмим̣ бана суд̇д̇з зд̇д̇агаа сийханаад̣̇аа д̣̇уллабхаа, д̇знид̣̇ам̣ суд̇д̇ам̣ махаасийханаад̣̇анд̇и вужжад̇и. ид̇и бхаг̇аваа ‘‘сийханаад̣̇ам̣ ко саман̣о г̇од̇амо над̣̇ад̇и, д̇ан̃жа ко сун̃н̃ааг̇аарз над̣̇ад̇ий’’д̇и звам̣ ваад̣̇аану ваад̣̇ам̣ бадисзд̇хзд̇ваа ид̣̇аани барисад̇и над̣̇ид̇абуб̣б̣ам̣ сийханаад̣̇ам̣ д̣̇ассзнд̇о ‘‘згамид̣̇ааха’’нд̇иаад̣̇имааха.
Imasmiṃ panokāse ṭhatvā sīhanādā samodhānetabbā. Ekaccaṃ tapassiṃ niraye nibbattaṃ passāmīti hi bhagavato eko sīhanādo. Aparaṃ sagge nibbattaṃ passāmīti eko. Akusaladhammappahāne ahameva seṭṭhoti eko. Kusaladhammasamādānepi ahameva seṭṭhoti eko. Akusaladhammappahāne mayhameva sāvakasaṅgho seṭṭhoti eko. Kusaladhammasamādānepi mayhaṃyeva sāvakasaṅgho seṭṭhoti eko. Sīlena mayhaṃ sadiso natthīti eko. Vīriyena mayhaṃ sadiso natthīti eko. Paññāya…pe… vimuttiyā…pe… sīhanādaṃ nadanto parisamajjhe nisīditvā nadāmīti eko. Visārado hutvā nadāmīti eko. Pañhaṃ maṃ pucchantīti eko. Pañhaṃ puṭṭho vissajjemīti eko. Vissajjanena parassa cittaṃ ārādhemīti eko. Sutvā sotabbaṃ maññantīti eko. Sutvā me pasīdantīti eko. Pasannākāraṃ karontīti eko. Yaṃ paṭipattiṃ desemi, tathattāya paṭipajjantīti eko. Paṭipannā ca maṃ ārādhentīti eko. Iti purimānaṃ dasannaṃ ekekassa – ‘‘parisāsu ca nadatī’’ti ādayo dasa dasa parivārā. Evaṃ te dasa purimānaṃ dasannaṃ parivāravasena sataṃ purimā ca dasāti dasādhikaṃ sīhanādasataṃ hoti. Ito aññasmiṃ pana sutte ettakā sīhanādā dullabhā, tenidaṃ suttaṃ mahāsīhanādanti vuccati. Iti bhagavā ‘‘sīhanādaṃ kho samaṇo gotamo nadati, tañca kho suññāgāre nadatī’’ti evaṃ vādānu vādaṃ paṭisedhetvā idāni parisati naditapubbaṃ sīhanādaṃ dassento ‘‘ekamidāha’’ntiādimāha.
д̇ид̇т̇ияабариваасагат̇ааван̣н̣анаа
Titthiyaparivāsakathāvaṇṇanā
404. д̇ад̇т̇а д̇ад̇ра мам̣ ан̃н̃ад̇аро д̇абаб̣рахмажаарийд̇и д̇ад̇ра рааж̇аг̇ахз г̇иж̇жхагуудз баб̣б̣ад̇з вихаранд̇ам̣ мам̣ ан̃н̃ад̇аро д̇абаб̣рахмажаарий ниг̇род̇хо наама бариб̣б̣ааж̇аго . ад̇хиж̇зг̇ужчзд̇и вийриязна баабаж̇иг̇ужчанаад̇хигаарз бан̃хам̣ бужчи. ид̣̇ам̣ яам̣ д̇ам̣ бхаг̇аваа г̇иж̇жхагуудз махаавихаарз нисинно уд̣̇умб̣аригааяа д̣̇звияаа уяяаанз нисиннасса ниг̇род̇хасса жа бариб̣б̣ааж̇агасса санд̇хаанасса жа убаасагасса д̣̇иб̣б̣ааяа сод̇ад̇хаад̇уяаа гат̇аасаллаабам̣ суд̇ваа аагаасзнааг̇анд̇ваа д̇зсам̣ санд̇игз бан̃н̃ад̇д̇з аасанз нисийд̣̇ид̇ваа ниг̇род̇хзна ад̇хиж̇зг̇ужчз будтабан̃хам̣ виссаж̇ж̇зси, д̇ам̣ санд̇хааяа вуд̇д̇ам̣. барам̣ вияа мад̇д̇ааяаад̇и барамааяа мад̇д̇ааяа, ад̇имаханд̇знзва бамаан̣знаад̇и ад̇т̇о. го хи, бханд̇зд̇и табзд̇ваа анд̇хаб̣аалам̣ д̣̇идтиг̇ад̇игам̣ ан̃н̃о бан̣д̣ид̇аж̇аад̇иго ‘‘го наама бхаг̇авад̇о д̇хаммам̣ суд̇ваа на ад̇д̇амано ассаа’’д̇и вад̣̇ад̇и. лабхзяяааханд̇и ид̣̇ам̣ со – ‘‘жирам̣ вад̇а мз анияяаанигабагкз яож̇зд̇ваа ад̇д̇аа гиламид̇о, ‘сугканад̣̇ийд̇ийрз нхааяиссаамий’д̇и самбаривад̇д̇знд̇зна вияа т̇усз годдзнд̇зна вияа на гожи ад̇т̇о нибпаад̣̇ид̇о. ханд̣̇аахам̣ ад̇д̇аанам̣ яог̇з яож̇зссаамий’’д̇и жинд̇зд̇ваа ааха. ат̇а бхаг̇аваа яо анзна канд̇хагз д̇ид̇т̇ияабариваасо бан̃н̃ад̇д̇о, яо ан̃н̃ад̇ид̇т̇ияабуб̣б̣о сааман̣зрабхуумияам̣ тид̇о – ‘‘ахам̣ бханд̇з, ид̇т̇аннаамо ан̃н̃ад̇ид̇т̇ияабуб̣б̣о имасмим̣ д̇хаммавинаяз ааган̇каами убасамбад̣̇ам̣, сваахам̣, бханд̇з, сам̣гхам̣ жад̇д̇ааро маасз бариваасам̣ яаажаамий’’д̇иаад̣̇инаа (махаава. 86) наязна самаад̣̇ияид̇ваа баривасад̇и, д̇ам̣ санд̇хааяа – ‘‘яо ко, гассаба, ан̃н̃ад̇ид̇т̇ияабуб̣б̣о’’д̇иаад̣̇имааха.
404. Tattha tatra maṃ aññataro tapabrahmacārīti tatra rājagahe gijjhakūṭe pabbate viharantaṃ maṃ aññataro tapabrahmacārī nigrodho nāma paribbājako . Adhijeguccheti vīriyena pāpajigucchanādhikāre pañhaṃ pucchi. Idaṃ yaṃ taṃ bhagavā gijjhakūṭe mahāvihāre nisinno udumbarikāya deviyā uyyāne nisinnassa nigrodhassa ca paribbājakassa sandhānassa ca upāsakassa dibbāya sotadhātuyā kathāsallāpaṃ sutvā ākāsenāgantvā tesaṃ santike paññatte āsane nisīditvā nigrodhena adhijegucche puṭṭhapañhaṃ vissajjesi, taṃ sandhāya vuttaṃ. Paraṃ viya mattāyāti paramāya mattāya, atimahanteneva pamāṇenāti attho. Ko hi, bhanteti ṭhapetvā andhabālaṃ diṭṭhigatikaṃ añño paṇḍitajātiko ‘‘ko nāma bhagavato dhammaṃ sutvā na attamano assā’’ti vadati. Labheyyāhanti idaṃ so – ‘‘ciraṃ vata me aniyyānikapakkhe yojetvā attā kilamito, ‘sukkhanadītīre nhāyissāmī’ti samparivattentena viya thuse koṭṭentena viya na koci attho nipphādito. Handāhaṃ attānaṃ yoge yojessāmī’’ti cintetvā āha. Atha bhagavā yo anena khandhake titthiyaparivāso paññatto, yo aññatitthiyapubbo sāmaṇerabhūmiyaṃ ṭhito – ‘‘ahaṃ bhante, itthannāmo aññatitthiyapubbo imasmiṃ dhammavinaye ākaṅkhāmi upasampadaṃ, svāhaṃ, bhante, saṃghaṃ cattāro māse parivāsaṃ yācāmī’’tiādinā (mahāva. 86) nayena samādiyitvā parivasati, taṃ sandhāya – ‘‘yo kho, kassapa, aññatitthiyapubbo’’tiādimāha.
405. д̇ад̇т̇а баб̣б̣аж̇ж̇анд̇и важанасилидтад̇аавасзнзва вуд̇д̇ам̣, абаривасид̇вааязва хи баб̣б̣аж̇ж̇ам̣ лабхад̇и. убасамбад̣̇ад̇т̇игзна бана наад̇игаалзна г̇аамаббавзсанаад̣̇ийни адта вад̇д̇аани буурзнд̇зна баривасид̇аб̣б̣ам̣. аарад̣̇д̇хажид̇д̇аад̇и адтавад̇д̇абууран̣зна д̇удтажид̇д̇аа, аяамзд̇т̇а сан̇кзбад̇т̇о. вид̇т̇аарад̇о банзса д̇ид̇т̇ияабариваасо саманд̇абаасаад̣̇игааяа винаяадтагат̇ааяам̣ баб̣б̣аж̇ж̇аканд̇хагаван̣н̣анааяа вуд̇д̇анаязна взд̣̇ид̇аб̣б̣о. аби жа мзд̇т̇аад̇и аби жа мз зд̇т̇а. буг̇г̇алавзмад̇д̇ад̇аа вид̣̇ид̇аад̇и буг̇г̇аланаанад̇д̇ам̣ вид̣̇ид̇ам̣. ‘‘аяам̣ буг̇г̇ало бариваасаарахо, аяам̣ на бариваасаарахо’’д̇и ид̣̇ам̣ маяхам̣ баагаданд̇и д̣̇ассзд̇и. д̇ад̇о гассабо жинд̇зси – ‘‘ахо ажчарияам̣ б̣уд̣̇д̇хасаасанам̣, яад̇т̇а звам̣ гхам̣сид̇ваа годдзд̇ваа яуд̇д̇амзва г̇ан̣ханд̇и, аяуд̇д̇ам̣ чад̣д̣знд̇ий’’д̇и, д̇ад̇о судтуд̇арам̣ баб̣б̣аж̇ж̇ааяа сан̃ж̇аад̇уссаахо – ‘‘сажз бханд̇з’’д̇иаад̣̇имааха.
405. Tattha pabbajjanti vacanasiliṭṭhatāvaseneva vuttaṃ, aparivasitvāyeva hi pabbajjaṃ labhati. Upasampadatthikena pana nātikālena gāmappavesanādīni aṭṭha vattāni pūrentena parivasitabbaṃ. Āraddhacittāti aṭṭhavattapūraṇena tuṭṭhacittā, ayamettha saṅkhepattho. Vitthārato panesa titthiyaparivāso samantapāsādikāya vinayaṭṭhakathāyaṃ pabbajjakhandhakavaṇṇanāya vuttanayena veditabbo. Api ca metthāti api ca me ettha. Puggalavemattatā viditāti puggalanānattaṃ viditaṃ. ‘‘Ayaṃ puggalo parivāsāraho, ayaṃ na parivāsāraho’’ti idaṃ mayhaṃ pākaṭanti dasseti. Tato kassapo cintesi – ‘‘aho acchariyaṃ buddhasāsanaṃ, yattha evaṃ ghaṃsitvā koṭṭetvā yuttameva gaṇhanti, ayuttaṃ chaḍḍentī’’ti, tato suṭṭhutaraṃ pabbajjāya sañjātussāho – ‘‘sace bhante’’tiādimāha.
ат̇а ко бхаг̇аваа д̇асса д̇иб̣б̣ажчанд̣̇ад̇ам̣ вид̣̇ид̇ваа – ‘‘на гассабо бариваасам̣ арахад̇ий’’д̇и ан̃н̃ад̇арам̣ бхигкум̣ ааманд̇зси – ‘‘г̇ажча бхигку гассабам̣ нхаабзд̇ваа баб̣б̣ааж̇зд̇ваа аанзхий’’д̇и. со д̇ат̇аа гад̇ваа д̇ам̣ баб̣б̣ааж̇зд̇ваа бхаг̇авад̇о санд̇игам̣ ааг̇амааси. бхаг̇аваа д̇ам̣ г̇ан̣амаж̇жхз нисийд̣̇аабзд̇ваа убасамбаад̣̇зси. д̇зна вуд̇д̇ам̣ – ‘‘алад̇т̇а ко ажзло гассабо бхаг̇авад̇о санд̇игз баб̣б̣аж̇ж̇ам̣, алад̇т̇а убасамбад̣̇а’’нд̇и. ажируубасамбаннод̇и убасамбанно худ̇ваа нажирамзва. вуубагадтод̇и вад̇т̇угаамагилзсагаамзхи гааязна жзва жид̇д̇зна жа вуубагадто. аббамад̇д̇од̇и гаммадтаанз сад̇им̣ авиж̇аханд̇о. аад̇аабийд̇и гааяигажзд̇асигасан̇каад̇зна вийрияаад̇аабзна аад̇аабий. бахид̇ад̇д̇од̇и гааяз жа ж̇ийвид̇з жа анабзгкад̇ааяа бзсид̇ажид̇д̇о виссадтаад̇д̇абхааво. яассад̇т̇ааяаад̇и яасса ад̇т̇ааяа. гулабуд̇д̇аад̇и аажаарагулабуд̇д̇аа. саммад̣̇зваад̇и хзд̇унаава гааран̣знзва. д̇ад̣̇ануд̇д̇аранд̇и д̇ам̣ ануд̇д̇арам̣. б̣рахмажарияабарияосаананд̇и маг̇г̇аб̣рахмажарияасса барияосаанабхууд̇ам̣ арахад̇д̇апалам̣. д̇асса хи ад̇т̇ааяа гулабуд̇д̇аа баб̣б̣аж̇анд̇и. д̣̇идтзва д̇хаммзд̇и имасмим̣язва ад̇д̇абхаавз. саяам̣ абхин̃н̃аа сажчигад̇ваад̇и ад̇д̇анааязва бан̃н̃ааяа бажжагкам̣ гад̇ваа, абараббажжаяам̣ гад̇ваад̇и ад̇т̇о. убасамбаж̇ж̇а вихаасийд̇и баабун̣ид̇ваа самбаад̣̇зд̇ваа вихааси, звам̣ вихаранд̇о жа кийн̣аа ж̇аад̇и…бз… аб̣бхан̃н̃аасийд̇и.
Atha kho bhagavā tassa tibbacchandataṃ viditvā – ‘‘na kassapo parivāsaṃ arahatī’’ti aññataraṃ bhikkhuṃ āmantesi – ‘‘gaccha bhikkhu kassapaṃ nhāpetvā pabbājetvā ānehī’’ti. So tathā katvā taṃ pabbājetvā bhagavato santikaṃ āgamāsi. Bhagavā taṃ gaṇamajjhe nisīdāpetvā upasampādesi. Tena vuttaṃ – ‘‘alattha kho acelo kassapo bhagavato santike pabbajjaṃ, alattha upasampada’’nti. Acirūpasampannoti upasampanno hutvā nacirameva. Vūpakaṭṭhoti vatthukāmakilesakāmehi kāyena ceva cittena ca vūpakaṭṭho. Appamattoti kammaṭṭhāne satiṃ avijahanto. Ātāpīti kāyikacetasikasaṅkhātena vīriyātāpena ātāpī. Pahitattoti kāye ca jīvite ca anapekkhatāya pesitacitto vissaṭṭhaattabhāvo. Yassatthāyāti yassa atthāya. Kulaputtāti ācārakulaputtā. Sammadevāti hetunāva kāraṇeneva. Tadanuttaranti taṃ anuttaraṃ. Brahmacariyapariyosānanti maggabrahmacariyassa pariyosānabhūtaṃ arahattaphalaṃ. Tassa hi atthāya kulaputtā pabbajanti. Diṭṭheva dhammeti imasmiṃyeva attabhāve. Sayaṃ abhiññā sacchikatvāti attanāyeva paññāya paccakkhaṃ katvā, aparappaccayaṃ katvāti attho. Upasampajja vihāsīti pāpuṇitvā sampādetvā vihāsi, evaṃ viharanto ca khīṇā jāti…pe… abbhaññāsīti.
звамасса бажжавзгкан̣абхуумим̣ д̣̇ассзд̇ваа арахад̇д̇анигуудзна д̣̇зсанам̣ нидтаабзд̇ум̣ ‘‘ан̃н̃ад̇аро ко банааяасмаа гассабо арахад̇ам̣ ахосий’’д̇и вуд̇д̇ам̣. д̇ад̇т̇а ан̃н̃ад̇арод̇и зго. арахад̇анд̇и араханд̇аанам̣, бхаг̇авад̇о саавагаанам̣ араханд̇аанам̣ аб̣бханд̇аро ахосийд̇и аяамзд̇т̇а ад̇хиббааяо. яам̣ яам̣ бана анд̇аранд̇араа на вуд̇д̇ам̣, д̇ам̣ д̇ам̣ д̇ад̇т̇а д̇ад̇т̇а вуд̇д̇ад̇д̇аа баагадамзваад̇и.
Evamassa paccavekkhaṇabhūmiṃ dassetvā arahattanikūṭena desanaṃ niṭṭhāpetuṃ ‘‘aññataro kho panāyasmā kassapo arahataṃ ahosī’’ti vuttaṃ. Tattha aññataroti eko. Arahatanti arahantānaṃ, bhagavato sāvakānaṃ arahantānaṃ abbhantaro ahosīti ayamettha adhippāyo. Yaṃ yaṃ pana antarantarā na vuttaṃ, taṃ taṃ tattha tattha vuttattā pākaṭamevāti.
ид̇и суман̇г̇алавилаасинияаа д̣̇ийгханигааяадтагат̇ааяам̣
Iti sumaṅgalavilāsiniyā dīghanikāyaṭṭhakathāyaṃ
махаасийханаад̣̇асуд̇д̇аван̣н̣анаа нидтид̇аа.
Mahāsīhanādasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / д̣̇ийгханигааяа • Dīghanikāya / 8. махаасийханаад̣̇асуд̇д̇ам̣ • 8. Mahāsīhanādasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / д̣̇ийгханигааяа (дийгаа) • Dīghanikāya (ṭīkā) / 8. махаасийханаад̣̇асуд̇д̇аван̣н̣анаа • 8. Mahāsīhanādasuttavaṇṇanā
