| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
6. аасийсаваг̇г̇о
6. Āsīsavaggo
[51] 1. махаасийлаваж̇аад̇агаван̣н̣анаа
[51] 1. Mahāsīlavajātakavaṇṇanā
аасийсзт̇зва бурисод̇и ид̣̇ам̣ сад̇т̇аа ж̇зд̇аванз вихаранд̇о оссадтавийрияам̣ бхигкум̣ аараб̣бха гат̇зси. д̇ан̃хи сад̇т̇аа ‘‘сажжам̣ гира д̇вам̣ бхигку оссадтавийрияосий’’д̇и бужчи. ‘‘аама, бханд̇з’’д̇и жа вуд̇д̇з ‘‘гасмаа д̇вам̣ бхигку зваруубз нияяаанигасаасанз баб̣б̣аж̇ид̇ваа вийрияам̣ оссаж̇и, буб̣б̣з бан̣д̣ид̇аа раж̇ж̇аа барихааяид̇вааби ад̇д̇ано вийрияз тад̇ваава надтамби яасам̣ буна уббаад̣̇аяим̣суу’’д̇и вад̇ваа ад̇ийд̇ам̣ аахари.
Āsīsethevapurisoti idaṃ satthā jetavane viharanto ossaṭṭhavīriyaṃ bhikkhuṃ ārabbha kathesi. Tañhi satthā ‘‘saccaṃ kira tvaṃ bhikkhu ossaṭṭhavīriyosī’’ti pucchi. ‘‘Āma, bhante’’ti ca vutte ‘‘kasmā tvaṃ bhikkhu evarūpe niyyānikasāsane pabbajitvā vīriyaṃ ossaji, pubbe paṇḍitā rajjā parihāyitvāpi attano vīriye ṭhatvāva naṭṭhampi yasaṃ puna uppādayiṃsū’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о ран̃н̃о аг̇г̇амахзсияаа гужчимхи ниб̣б̣ад̇д̇о. д̇асса наамаг̇г̇ахан̣ад̣̇ивасз ‘‘сийлавагумааро’’д̇и наамам̣ агам̣су. со сол̣асавассуд̣̇д̣̇зсигова саб̣б̣асиббзсу нибпад̇д̇им̣ бад̇ваа абарабхааг̇з бид̇у ажжаязна раж̇ж̇з бад̇идтид̇о махаасийлаварааж̇аа наама ахоси д̇хаммиго д̇хаммарааж̇аа. со наг̇арасса жад̇уусу д̣̇ваарзсу жад̇ассо, маж̇жхз згам̣, нивзсанад̣̇ваарз зганд̇и нижжам̣ ча д̣̇аанасаалааяо гаараабзд̇ваа габан̣ад̣̇д̇хигаанам̣ д̣̇аанам̣ д̣̇зд̇и, сийлам̣ рагкад̇и, убосат̇агаммам̣ гарод̇и, канд̇имзд̇д̇аануд̣̇д̣̇аяасамбанно ан̇гз нисиннам̣ буд̇д̇ам̣ барид̇осаяамаано вияа саб̣б̣асад̇д̇з барид̇осаяамаано д̇хаммзна раж̇ж̇ам̣ гаарзд̇и. д̇ассзго амажжо анд̇збурз бад̣̇уб̣бхид̇ваа абарабхааг̇з баагадо ж̇аад̇о. амажжаа ран̃н̃о аарожзсум̣. рааж̇аа бариг̇г̇ан̣ханд̇о ад̇д̇анаа бажжагкад̇о н̃ад̇ваа д̇ам̣ амажжам̣ баггосаабзд̇ваа ‘‘анд̇хаб̣аала аяуд̇д̇ам̣ д̇з гад̇ам̣, на д̇вам̣ мама виж̇ид̇з васид̇ум̣ арахаси, ад̇д̇ано д̇ханан̃жа буд̇д̇ад̣̇аарз жа г̇ахзд̇ваа ан̃н̃ад̇т̇а яаахий’’д̇и радтаа баб̣б̣ааж̇зси. со нигкамид̇ваа гаасирадтам̣ ад̇иггамма госалаж̇анабад̣̇ам̣ г̇анд̇ваа госаларааж̇аанам̣ убадтаханд̇о ануггамзна ран̃н̃о аб̣бханд̇ариго виссаасиго ж̇аад̇о.
Atīte bārāṇasiyaṃ brahmadatte rajjaṃ kārente bodhisatto rañño aggamahesiyā kucchimhi nibbatto. Tassa nāmaggahaṇadivase ‘‘sīlavakumāro’’ti nāmaṃ akaṃsu. So soḷasavassuddesikova sabbasippesu nipphattiṃ patvā aparabhāge pitu accayena rajje patiṭṭhito mahāsīlavarājā nāma ahosi dhammiko dhammarājā. So nagarassa catūsu dvāresu catasso, majjhe ekaṃ, nivesanadvāre ekanti niccaṃ cha dānasālāyo kārāpetvā kapaṇaddhikānaṃ dānaṃ deti, sīlaṃ rakkhati, uposathakammaṃ karoti, khantimettānuddayasampanno aṅke nisinnaṃ puttaṃ paritosayamāno viya sabbasatte paritosayamāno dhammena rajjaṃ kāreti. Tasseko amacco antepure padubbhitvā aparabhāge pākaṭo jāto. Amaccā rañño ārocesuṃ. Rājā pariggaṇhanto attanā paccakkhato ñatvā taṃ amaccaṃ pakkosāpetvā ‘‘andhabāla ayuttaṃ te kataṃ, na tvaṃ mama vijite vasituṃ arahasi, attano dhanañca puttadāre ca gahetvā aññattha yāhī’’ti raṭṭhā pabbājesi. So nikkhamitvā kāsiraṭṭhaṃ atikkamma kosalajanapadaṃ gantvā kosalarājānaṃ upaṭṭhahanto anukkamena rañño abbhantariko vissāsiko jāto.
со згад̣̇ивасам̣ госаларааж̇аанам̣ ааха – ‘‘д̣̇зва б̣аараан̣асираж̇ж̇ам̣ наама ниммагкигамад̇хубадаласад̣̇исам̣, рааж̇аа ад̇имуд̣̇уго, аббзнзва б̣алавааханзна саггаа б̣аараан̣асираж̇ж̇ам̣ г̇ан̣хид̇у’’нд̇и. рааж̇аа д̇асса важанам̣ суд̇ваа ‘‘б̣аараан̣асираж̇ж̇ам̣ наама махаа, аяан̃жа ‘аббзнзва б̣алавааханзна саггаа б̣аараан̣асираж̇ж̇ам̣ г̇ан̣хид̇у’нд̇и ааха, гим̣ ну ко бана баяуд̇д̇агажоро сияаа’’д̇и жинд̇зд̇ваа ‘‘баяуд̇д̇агоси ман̃н̃з’’д̇и ааха. ‘‘наахам̣, д̣̇зва, баяуд̇д̇аго, сажжамзва вад̣̇аами. сажз мз на сад̣̇д̣̇ахат̇а, мануссз бзсзд̇ваа бажжанд̇аг̇аамам̣ ханаабзт̇а, д̇з мануссз г̇ахзд̇ваа ад̇д̇ано санд̇игам̣ нийд̇з д̇ханам̣ д̣̇ад̇ваа виссаж̇ж̇зссад̇ий’’д̇и. рааж̇аа ‘‘аяам̣ ад̇ивияа сууро худ̇ваа вад̣̇ад̇и, виймам̣сиссаами д̇ааваа’’д̇и ад̇д̇ано бурисз бзсзд̇ваа бажжанд̇аг̇аамам̣ ханаабзси. мануссаа д̇з жорз г̇ахзд̇ваа б̣аараан̣асиран̃н̃о д̣̇ассзсум̣. рааж̇аа д̇з д̣̇исваа ‘‘д̇аад̇аа, гасмаа г̇аамам̣ ханат̇аа’’д̇и бужчи. ‘‘ж̇ийвид̇ум̣ асаггонд̇аа, д̣̇зваа’’д̇и вуд̇д̇з рааж̇аа ‘‘ат̇а гасмаа мама санд̇игам̣ нааг̇амид̇т̇а, ид̇од̣̇аани бадтааяа зваруубам̣ гаммам̣ маа гарид̇т̇аа’’д̇и д̇зсам̣ д̇ханам̣ д̣̇ад̇ваа виссаж̇ж̇зси. д̇з г̇анд̇ваа госаларан̃н̃о д̇ам̣ бавад̇д̇им̣ аарожзсум̣. со зд̇д̇агзнааби г̇анд̇ум̣ ависаханд̇о буна маж̇жхзж̇анабад̣̇ам̣ ханаабзси. д̇зби жорз рааж̇аа д̇ат̇зва д̇ханам̣ д̣̇ад̇ваа виссаж̇ж̇зси. со зд̇д̇агзнааби аг̇анд̇ваа буна бзсзд̇ваа анд̇аравийт̇ияам̣ вилумбаабзси, рааж̇аа д̇зсамби жораанам̣ д̇ханам̣ д̣̇ад̇ваа виссаж̇ж̇зсиязва. д̇ад̣̇аа госаларааж̇аа ‘‘ад̇ивияа д̇хаммиго рааж̇аа’’д̇и н̃ад̇ваа ‘‘б̣аараан̣асираж̇ж̇ам̣ г̇ахзссаамий’’д̇и б̣алавааханам̣ аад̣̇ааяа нияяааси.
So ekadivasaṃ kosalarājānaṃ āha – ‘‘deva bārāṇasirajjaṃ nāma nimmakkhikamadhupaṭalasadisaṃ, rājā atimuduko, appeneva balavāhanena sakkā bārāṇasirajjaṃ gaṇhitu’’nti. Rājā tassa vacanaṃ sutvā ‘‘bārāṇasirajjaṃ nāma mahā, ayañca ‘appeneva balavāhanena sakkā bārāṇasirajjaṃ gaṇhitu’nti āha, kiṃ nu kho pana payuttakacoro siyā’’ti cintetvā ‘‘payuttakosi maññe’’ti āha. ‘‘Nāhaṃ, deva, payuttako, saccameva vadāmi. Sace me na saddahatha, manusse pesetvā paccantagāmaṃ hanāpetha, te manusse gahetvā attano santikaṃ nīte dhanaṃ datvā vissajjessatī’’ti. Rājā ‘‘ayaṃ ativiya sūro hutvā vadati, vīmaṃsissāmi tāvā’’ti attano purise pesetvā paccantagāmaṃ hanāpesi. Manussā te core gahetvā bārāṇasirañño dassesuṃ. Rājā te disvā ‘‘tātā, kasmā gāmaṃ hanathā’’ti pucchi. ‘‘Jīvituṃ asakkontā, devā’’ti vutte rājā ‘‘atha kasmā mama santikaṃ nāgamittha, itodāni paṭṭhāya evarūpaṃ kammaṃ mā karitthā’’ti tesaṃ dhanaṃ datvā vissajjesi. Te gantvā kosalarañño taṃ pavattiṃ ārocesuṃ. So ettakenāpi gantuṃ avisahanto puna majjhejanapadaṃ hanāpesi. Tepi core rājā tatheva dhanaṃ datvā vissajjesi. So ettakenāpi agantvā puna pesetvā antaravīthiyaṃ vilumpāpesi, rājā tesampi corānaṃ dhanaṃ datvā vissajjesiyeva. Tadā kosalarājā ‘‘ativiya dhammiko rājā’’ti ñatvā ‘‘bārāṇasirajjaṃ gahessāmī’’ti balavāhanaṃ ādāya niyyāsi.
д̇ад̣̇аа бана б̣аараан̣асиран̃н̃о мад̇д̇авааран̣зби абхимукам̣ ааг̇ажчанд̇з анивад̇д̇анад̇хаммаа асанияааби сийсз бад̇анд̇ияаа асанд̇асанасабхааваа сийлавамахаарааж̇асса ружияаа сад̇и сагалаж̇амб̣уд̣̇ийбз раж̇ж̇ам̣ г̇ахзд̇ум̣ самад̇т̇аа сахассамад̇д̇аа абхзж̇ж̇аварасуураа махааяод̇хаа хонд̇и. д̇з ‘‘госаларааж̇аа ааг̇ажчад̇ий’’д̇и суд̇ваа рааж̇аанам̣ убасан̇гамид̇ваа ‘‘д̣̇зва, госаларааж̇аа гира ‘б̣аараан̣асираж̇ж̇ам̣ г̇ан̣хиссаамий’д̇и ааг̇ажчад̇и, г̇ажчаама, нам̣ амхаагам̣ раж̇ж̇асиймам̣ аногганд̇амзва бот̇зд̇ваа г̇ан̣хаамаа’’д̇и вад̣̇им̣су. рааж̇аа ‘‘д̇аад̇аа, мам̣ ниссааяа ан̃н̃зсам̣ гиламанагижжам̣ над̇т̇и, раж̇ж̇ад̇т̇иго раж̇ж̇ам̣ г̇ан̣хаад̇у, мааг̇амид̇т̇аа’’д̇и ниваарзси. госаларааж̇аа раж̇ж̇асиймам̣ ад̇иггамид̇ваа ж̇анабад̣̇амаж̇жхам̣ баависи. амажжаа бунаби рааж̇аанам̣ убасан̇гамид̇ваа д̇ат̇зва вад̣̇им̣су, рааж̇аа буриманаязнзва ниваарзси. госаларааж̇аа б̣ахинаг̇арз тад̇ваа ‘‘раж̇ж̇ам̣ ваа д̣̇зд̇у яуд̣̇д̇хам̣ ваа’’д̇и сийлавамахаарааж̇асса саасанам̣ бзсзси. рааж̇аа д̇ам̣ суд̇ваа ‘‘над̇т̇и маяаа сад̣̇д̇хим̣ яуд̣̇д̇хам̣, раж̇ж̇ам̣ г̇ан̣хаад̇уу’’д̇и бадисаасанам̣ бзсзси. бунаби амажжаа рааж̇аанам̣ убасан̇гамид̇ваа ‘‘д̣̇зва, на маяам̣ госаларан̃н̃о наг̇арам̣ бависид̇ум̣ д̣̇зма, б̣ахинаг̇арзязва нам̣ бот̇зд̇ваа г̇ан̣хаамаа’’д̇и аахам̣су, рааж̇аа буриманаязнзва ниваарзд̇ваа наг̇арад̣̇ваараани вивараабзд̇ваа сад̣̇д̇хим̣ амажжасахассзна махаад̇алз баллан̇гамаж̇жхз нисийд̣̇и.
Tadā pana bārāṇasirañño mattavāraṇepi abhimukhaṃ āgacchante anivattanadhammā asaniyāpi sīse patantiyā asantasanasabhāvā sīlavamahārājassa ruciyā sati sakalajambudīpe rajjaṃ gahetuṃ samatthā sahassamattā abhejjavarasūrā mahāyodhā honti. Te ‘‘kosalarājā āgacchatī’’ti sutvā rājānaṃ upasaṅkamitvā ‘‘deva, kosalarājā kira ‘bārāṇasirajjaṃ gaṇhissāmī’ti āgacchati, gacchāma, naṃ amhākaṃ rajjasīmaṃ anokkantameva pothetvā gaṇhāmā’’ti vadiṃsu. Rājā ‘‘tātā, maṃ nissāya aññesaṃ kilamanakiccaṃ natthi, rajjatthiko rajjaṃ gaṇhātu, māgamitthā’’ti nivāresi. Kosalarājā rajjasīmaṃ atikkamitvā janapadamajjhaṃ pāvisi. Amaccā punapi rājānaṃ upasaṅkamitvā tatheva vadiṃsu, rājā purimanayeneva nivāresi. Kosalarājā bahinagare ṭhatvā ‘‘rajjaṃ vā detu yuddhaṃ vā’’ti sīlavamahārājassa sāsanaṃ pesesi. Rājā taṃ sutvā ‘‘natthi mayā saddhiṃ yuddhaṃ, rajjaṃ gaṇhātū’’ti paṭisāsanaṃ pesesi. Punapi amaccā rājānaṃ upasaṅkamitvā ‘‘deva, na mayaṃ kosalarañño nagaraṃ pavisituṃ dema, bahinagareyeva naṃ pothetvā gaṇhāmā’’ti āhaṃsu, rājā purimanayeneva nivāretvā nagaradvārāni vivarāpetvā saddhiṃ amaccasahassena mahātale pallaṅkamajjhe nisīdi.
госаларааж̇аа маханд̇зна б̣алавааханзна б̣аараан̣асим̣ баависи. со згамби бадисад̇д̇ум̣ абассанд̇о ран̃н̃о нивзсанад̣̇ваарам̣ г̇анд̇ваа амажжаг̇ан̣абаривуд̇о абааруд̇ад̣̇ваарз нивзсанз алан̇гад̇абадияад̇д̇ам̣ махаад̇алам̣ ааруяха нисиннам̣ нираабараад̇хам̣ сийлавамахаарааж̇аанам̣ сад̣̇д̇хим̣ амажжасахассзна г̇ан̣хаабзд̇ваа ‘‘г̇ажчат̇а, имам̣ рааж̇аанам̣ сад̣̇д̇хим̣ амажжзхи бажчааб̣аахам̣ г̇аал̣хаб̣анд̇ханам̣ б̣анд̇хид̇ваа аамагасусаанам̣ нзд̇ваа г̇алаббамаан̣з ааваадз канид̇ваа яат̇аа згоби хад̇т̇ам̣ угкибид̇ум̣ на саггод̇и, звам̣ бам̣сум̣ багкибид̇ваа никанат̇а, рад̇д̇им̣ син̇г̇аалаа ааг̇анд̇ваа зд̇зсам̣ гаад̇аб̣б̣аяуд̇д̇агам̣ гариссанд̇ий’’д̇и ааха. мануссаа жораран̃н̃о аан̣ам̣ суд̇ваа рааж̇аанам̣ сад̣̇д̇хим̣ амажжзхи бажчааб̣аахам̣ г̇аал̣хаб̣анд̇ханам̣ б̣анд̇хид̇ваа нигкамим̣су. д̇асмимби гаалз сийлавамахаарааж̇аа жораран̃н̃о аагхаад̇амад̇д̇амби наагааси. д̇зсуби амажжзсу звам̣ б̣анд̇хид̇ваа нийяамаанзсу згоби ран̃н̃о важанам̣ бхинд̣̇ид̇ум̣ самад̇т̇о наама наахоси. звам̣ сувинийд̇аа гирасса барисаа. ат̇а д̇з рааж̇абурисаа саамажжам̣ сийлавамахаарааж̇аанам̣ аамагасусаанам̣ нзд̇ваа г̇алаббамаан̣з ааваадз канид̇ваа сийлавамахаарааж̇аанам̣ маж̇жхз , убхосу бассзсу сзсаамажжзд̇и звам̣ саб̣б̣зби ааваадзсу од̇аарзд̇ваа бам̣сум̣ аагирид̇ваа гханам̣ аагодзд̇ваа аг̇амам̣су. д̇ад̣̇аа сийлавамахаарааж̇аа амажжз ааманд̇зд̇ваа ‘‘жораран̃н̃о убари гобам̣ агад̇ваа мзд̇д̇ам̣ зва бхаавзт̇а, д̇аад̇аа’’д̇и овад̣̇и.
Kosalarājā mahantena balavāhanena bārāṇasiṃ pāvisi. So ekampi paṭisattuṃ apassanto rañño nivesanadvāraṃ gantvā amaccagaṇaparivuto apārutadvāre nivesane alaṅkatapaṭiyattaṃ mahātalaṃ āruyha nisinnaṃ nirāparādhaṃ sīlavamahārājānaṃ saddhiṃ amaccasahassena gaṇhāpetvā ‘‘gacchatha, imaṃ rājānaṃ saddhiṃ amaccehi pacchābāhaṃ gāḷhabandhanaṃ bandhitvā āmakasusānaṃ netvā galappamāṇe āvāṭe khanitvā yathā ekopi hatthaṃ ukkhipituṃ na sakkoti, evaṃ paṃsuṃ pakkhipitvā nikhanatha, rattiṃ siṅgālā āgantvā etesaṃ kātabbayuttakaṃ karissantī’’ti āha. Manussā corarañño āṇaṃ sutvā rājānaṃ saddhiṃ amaccehi pacchābāhaṃ gāḷhabandhanaṃ bandhitvā nikkhamiṃsu. Tasmimpi kāle sīlavamahārājā corarañño āghātamattampi nākāsi. Tesupi amaccesu evaṃ bandhitvā nīyamānesu ekopi rañño vacanaṃ bhindituṃ samattho nāma nāhosi. Evaṃ suvinītā kirassa parisā. Atha te rājapurisā sāmaccaṃ sīlavamahārājānaṃ āmakasusānaṃ netvā galappamāṇe āvāṭe khanitvā sīlavamahārājānaṃ majjhe , ubhosu passesu sesaamacceti evaṃ sabbepi āvāṭesu otāretvā paṃsuṃ ākiritvā ghanaṃ ākoṭetvā agamaṃsu. Tadā sīlavamahārājā amacce āmantetvā ‘‘corarañño upari kopaṃ akatvā mettaṃ eva bhāvetha, tātā’’ti ovadi.
ат̇а ад̣дхарад̇д̇асамаяз ‘‘мануссамам̣сам̣ каад̣̇иссаамаа’’д̇и син̇г̇аалаа ааг̇амим̣су. д̇з д̣̇исваа рааж̇аа жа амажжаа жа згаббахаарзнзва сад̣̇д̣̇амагам̣су, син̇г̇аалаа бхийд̇аа балааяим̣су. д̇з нивад̇д̇ид̇ваа ологзнд̇аа бажчад̇о гассажи анааг̇аманабхаавам̣ н̃ад̇ваа буна бажжааг̇амим̣су. ид̇арзби д̇ат̇зва сад̣̇д̣̇амагам̣су. звам̣ яаавад̇ад̇ияам̣ балааяид̇ваа буна ологзнд̇аа д̇зсу згассаби анааг̇аманабхаавам̣ н̃ад̇ваа ‘‘важ̇жхаббад̇д̇аа зд̇з бхависсанд̇ий’’д̇и суураа худ̇ваа нивад̇д̇ид̇ваа буна д̇зсу сад̣̇д̣̇ам̣ гаронд̇зсуби на балааяим̣су. ж̇здтагасин̇г̇аало рааж̇аанам̣ убаг̇ан̃чи, сзсаа син̇г̇аалаа сзсаанам̣ амажжаанам̣ санд̇игам̣ аг̇амам̣су. убааяагусало рааж̇аа д̇асса ад̇д̇ано санд̇игам̣ ааг̇ад̇абхаавам̣ н̃ад̇ваа д̣ам̣сид̇ум̣ огаасам̣ д̣̇знд̇о вияа г̇ийвам̣ угкибид̇ваа д̇ам̣ г̇ийвааяа д̣ам̣самаанам̣ ханугадтигзна аагад̣дхид̇ваа яанд̇з багкибид̇ваа вияа г̇аал̣хам̣ г̇ан̣хи, нааг̇аб̣алзна ран̃н̃аа ханугадтигзна аагад̣дхид̇ваа г̇ийвааяа г̇аал̣хам̣ г̇ахид̇асин̇г̇аало ад̇д̇аанам̣ можзд̇ум̣ асаггонд̇о маран̣абхаяад̇аж̇ж̇ид̇о махаавиравам̣ вирави. авасзсаа син̇г̇аалаа д̇асса д̇ам̣ аддассарам̣ суд̇ваа ‘‘згзна бурисзна суг̇г̇ахид̇о бхависсад̇ий’’д̇и амажжз убасан̇гамид̇ум̣ асаггонд̇аа маран̣абхаяад̇аж̇ж̇ид̇аа саб̣б̣з балааяим̣су. ран̃н̃о ханугадтигзна д̣̇ал̣хам̣ гад̇ваа г̇ахид̇асин̇г̇аалз абараабарам̣ сан̃жаранд̇з бам̣су сит̇илаа ахоси. соби син̇г̇аало маран̣абхаяабхийд̇о жад̇уухи баад̣̇зхи ран̃н̃о убарибхааг̇з бам̣сум̣ абаб̣яуухи, рааж̇аа бам̣суно сит̇илабхаавам̣ н̃ад̇ваа син̇г̇аалам̣ виссаж̇ж̇зд̇ваа нааг̇аб̣ало т̇аамасамбанно абараабарам̣ сан̃жаранд̇о убхо хад̇т̇з угкибид̇ваа ааваадамукаваддияам̣ олуб̣бха ваад̇ажчиннавалаахаго вияа нигкамид̇ваа тид̇о амажжз ассаасзд̇ваа бам̣сум̣ вияуухид̇ваа саб̣б̣з уд̣̇д̇харид̇ваа амажжабаривуд̇о аамагасусаанз адтааси.
Atha aḍḍharattasamaye ‘‘manussamaṃsaṃ khādissāmā’’ti siṅgālā āgamiṃsu. Te disvā rājā ca amaccā ca ekappahāreneva saddamakaṃsu, siṅgālā bhītā palāyiṃsu. Te nivattitvā olokentā pacchato kassaci anāgamanabhāvaṃ ñatvā puna paccāgamiṃsu. Itarepi tatheva saddamakaṃsu. Evaṃ yāvatatiyaṃ palāyitvā puna olokentā tesu ekassapi anāgamanabhāvaṃ ñatvā ‘‘vajjhappattā ete bhavissantī’’ti sūrā hutvā nivattitvā puna tesu saddaṃ karontesupi na palāyiṃsu. Jeṭṭhakasiṅgālo rājānaṃ upagañchi, sesā siṅgālā sesānaṃ amaccānaṃ santikaṃ agamaṃsu. Upāyakusalo rājā tassa attano santikaṃ āgatabhāvaṃ ñatvā ḍaṃsituṃ okāsaṃ dento viya gīvaṃ ukkhipitvā taṃ gīvāya ḍaṃsamānaṃ hanukaṭṭhikena ākaḍḍhitvā yante pakkhipitvā viya gāḷhaṃ gaṇhi, nāgabalena raññā hanukaṭṭhikena ākaḍḍhitvā gīvāya gāḷhaṃ gahitasiṅgālo attānaṃ mocetuṃ asakkonto maraṇabhayatajjito mahāviravaṃ viravi. Avasesā siṅgālā tassa taṃ aṭṭassaraṃ sutvā ‘‘ekena purisena suggahito bhavissatī’’ti amacce upasaṅkamituṃ asakkontā maraṇabhayatajjitā sabbe palāyiṃsu. Rañño hanukaṭṭhikena daḷhaṃ katvā gahitasiṅgāle aparāparaṃ sañcarante paṃsu sithilā ahosi. Sopi siṅgālo maraṇabhayabhīto catūhi pādehi rañño uparibhāge paṃsuṃ apabyūhi, rājā paṃsuno sithilabhāvaṃ ñatvā siṅgālaṃ vissajjetvā nāgabalo thāmasampanno aparāparaṃ sañcaranto ubho hatthe ukkhipitvā āvāṭamukhavaṭṭiyaṃ olubbha vātacchinnavalāhako viya nikkhamitvā ṭhito amacce assāsetvā paṃsuṃ viyūhitvā sabbe uddharitvā amaccaparivuto āmakasusāne aṭṭhāsi.
д̇асмим̣ самаяз мануссаа згам̣ мад̇амануссам̣ аамагасусаанз чад̣д̣знд̇аа д̣̇виннам̣ яагкаанам̣ сийманд̇аригааяа чад̣д̣зсум̣. д̇з яагкаа д̇ам̣ мад̇амануссам̣ бхааж̇зд̇ум̣ асаггонд̇аа ‘‘на маяам̣ имам̣ бхааж̇зд̇ум̣ саггома, аяам̣ сийлаварааж̇аа д̇хаммиго, зса но бхааж̇зд̇ваа д̣̇ассад̇и, зд̇асса санд̇игам̣ г̇ажчаамаа’’д̇и д̇ам̣ мад̇амануссам̣ баад̣̇з г̇ахзд̇ваа аагад̣дханд̇аа ран̃н̃о санд̇игам̣ г̇анд̇ваа ‘‘д̣̇зва, амхаагам̣ имам̣ мад̇агам̣ бхааж̇зд̇ваа д̣̇зхий’’д̇и аахам̣су. ‘‘бхо яагкаа, ахам̣ имам̣ д̇умхаагам̣ бхааж̇зд̇ваа д̣̇ад̣̇зяяам̣, абарисуд̣̇д̇хо банамхи, нхааяиссаами д̇ааваа’’д̇и. яагкаа жораран̃н̃о табид̇ам̣ ваасид̇ауд̣̇агам̣ ад̇д̇ано аанубхаавзна аахарид̇ваа ран̃н̃о нхаанад̇т̇ааяа ад̣̇ам̣су. нхад̇ваа тид̇асса сам̣харид̇ваа табид̇з жораран̃н̃о саадагз аахарид̇ваа ад̣̇ам̣су, д̇з ниваасзд̇ваа тид̇асса жад̇уж̇ж̇аад̇ияаг̇анд̇хасамуг̇г̇ам̣ аахарид̇ваа ад̣̇ам̣су, г̇анд̇хз вилимбид̇ваа тид̇асса суван̣н̣асамуг̇г̇з ман̣ид̇аалаван̣дзсу табид̇аани наанаабубпаани аахарид̇ваа ад̣̇ам̣су. бубпаани бил̣анд̇хид̇ваа тид̇агаалз ‘‘ан̃н̃ам̣ гим̣ гаромаа’’д̇и бужчим̣су. рааж̇аа ад̇д̇ано чаад̇агаагаарам̣ д̣̇ассзси, д̇з г̇анд̇ваа жораран̃н̃о самбаад̣̇ид̇ам̣ наанаг̇г̇арасабхож̇анам̣ аахарид̇ваа ад̣̇ам̣су, рааж̇аа нхаад̇аанулид̇д̇о суман̣д̣ид̇аббасаад̇хид̇о наанаг̇г̇арасабхож̇анам̣ бхун̃ж̇и. яагкаа жораран̃н̃о табид̇ам̣ ваасид̇абаанийяам̣ суван̣н̣абхин̇гаарзнзва суван̣н̣асарагзнаби сад̣̇д̇хим̣ аахарим̣су. ат̇асса баанийяам̣ бивид̇ваа мукам̣ вигкаалзд̇ваа хад̇т̇з д̇ховид̇ваа тид̇агаалз жораран̃н̃о самбаад̣̇ид̇ам̣ бан̃жасуг̇анд̇хигасубарибхаавид̇ам̣ д̇амб̣уулам̣ аахарид̇ваа ад̣̇ам̣су. д̇ам̣ каад̣̇ид̇ваа тид̇агаалз ‘‘ан̃н̃ам̣ гим̣ гаромаа’’д̇и бужчим̣су. г̇анд̇ваа жораран̃н̃о уссийсагз нигкид̇д̇ам̣ ман̇г̇алакаг̇г̇ам̣ аахарат̇аад̇и. д̇амби г̇анд̇ваа аахарим̣су. рааж̇аа д̇ам̣ каг̇г̇ам̣ г̇ахзд̇ваа д̇ам̣ мад̇амануссам̣ уж̇угам̣ табаабзд̇ваа мад̇т̇агамаж̇жхз асинаа бахарид̇ваа д̣̇вз годтаасз гад̇ваа д̣̇виннам̣ яагкаанам̣ самавибхад̇д̇амзва вибхаж̇ид̇ваа ад̣̇ааси, д̣̇ад̇ваа жа бана каг̇г̇ам̣ д̇ховид̇ваа саннаяхид̇ваа адтааси. ат̇а д̇з яагкаа мануссамам̣сам̣ каад̣̇ид̇ваа сухид̇аа худ̇ваа д̇удтажид̇д̇аа ‘‘ан̃н̃ам̣ д̇з, махаарааж̇а, гим̣ гаромаа’’д̇и бужчим̣су. д̇зна хи д̇умхз ад̇д̇ано аанубхаавзна мам̣ жораран̃н̃о сириг̇аб̣бхз од̇аарзт̇а, имз жа амажжз ад̇д̇ано ад̇д̇ано г̇зхзсу бад̇идтаабзт̇аад̇и. д̇з ‘‘саад̇ху д̣̇зваа’’д̇и самбадижчид̇ваа д̇ат̇аа агам̣су.
Tasmiṃ samaye manussā ekaṃ matamanussaṃ āmakasusāne chaḍḍentā dvinnaṃ yakkhānaṃ sīmantarikāya chaḍḍesuṃ. Te yakkhā taṃ matamanussaṃ bhājetuṃ asakkontā ‘‘na mayaṃ imaṃ bhājetuṃ sakkoma, ayaṃ sīlavarājā dhammiko, esa no bhājetvā dassati, etassa santikaṃ gacchāmā’’ti taṃ matamanussaṃ pāde gahetvā ākaḍḍhantā rañño santikaṃ gantvā ‘‘deva, amhākaṃ imaṃ matakaṃ bhājetvā dehī’’ti āhaṃsu. ‘‘Bho yakkhā, ahaṃ imaṃ tumhākaṃ bhājetvā dadeyyaṃ, aparisuddho panamhi, nhāyissāmi tāvā’’ti. Yakkhā corarañño ṭhapitaṃ vāsitaudakaṃ attano ānubhāvena āharitvā rañño nhānatthāya adaṃsu. Nhatvā ṭhitassa saṃharitvā ṭhapite corarañño sāṭake āharitvā adaṃsu, te nivāsetvā ṭhitassa catujjātiyagandhasamuggaṃ āharitvā adaṃsu, gandhe vilimpitvā ṭhitassa suvaṇṇasamugge maṇitālavaṇṭesu ṭhapitāni nānāpupphāni āharitvā adaṃsu. Pupphāni piḷandhitvā ṭhitakāle ‘‘aññaṃ kiṃ karomā’’ti pucchiṃsu. Rājā attano chātakākāraṃ dassesi, te gantvā corarañño sampāditaṃ nānaggarasabhojanaṃ āharitvā adaṃsu, rājā nhātānulitto sumaṇḍitappasādhito nānaggarasabhojanaṃ bhuñji. Yakkhā corarañño ṭhapitaṃ vāsitapānīyaṃ suvaṇṇabhiṅkāreneva suvaṇṇasarakenapi saddhiṃ āhariṃsu. Athassa pānīyaṃ pivitvā mukhaṃ vikkhāletvā hatthe dhovitvā ṭhitakāle corarañño sampāditaṃ pañcasugandhikasuparibhāvitaṃ tambūlaṃ āharitvā adaṃsu. Taṃ khāditvā ṭhitakāle ‘‘aññaṃ kiṃ karomā’’ti pucchiṃsu. Gantvā corarañño ussīsake nikkhittaṃ maṅgalakhaggaṃ āharathāti. Tampi gantvā āhariṃsu. Rājā taṃ khaggaṃ gahetvā taṃ matamanussaṃ ujukaṃ ṭhapāpetvā matthakamajjhe asinā paharitvā dve koṭṭhāse katvā dvinnaṃ yakkhānaṃ samavibhattameva vibhajitvā adāsi, datvā ca pana khaggaṃ dhovitvā sannayhitvā aṭṭhāsi. Atha te yakkhā manussamaṃsaṃ khāditvā suhitā hutvā tuṭṭhacittā ‘‘aññaṃ te, mahārāja, kiṃ karomā’’ti pucchiṃsu. Tena hi tumhe attano ānubhāvena maṃ corarañño sirigabbhe otāretha, ime ca amacce attano attano gehesu patiṭṭhāpethāti. Te ‘‘sādhu devā’’ti sampaṭicchitvā tathā akaṃsu.
д̇асмим̣ самаяз жорарааж̇аа алан̇гад̇асириг̇аб̣бхз сирисаяанабидтз нибанно нид̣̇д̣̇ааяад̇и. рааж̇аа д̇асса бамад̇д̇асса нид̣̇д̣̇ааяанд̇асса каг̇г̇ад̇алзна уд̣̇арам̣ бахари. со бхийд̇о баб̣уж̇жхид̇ваа д̣̇ийбаалогзна сийлавамахаарааж̇аанам̣ сан̃ж̇аанид̇ваа саяанаа удтааяа сад̇им̣ убадтабзд̇ваа тид̇о рааж̇аанам̣ ааха ‘‘махаарааж̇а, зваруубааяа рад̇д̇ияаа г̇ахид̇аарагкз бихид̇ад̣̇ваарз бхаванз аарагкамануссзхи нирогаасз таанз каг̇г̇ам̣ саннаяхид̇ваа алан̇гад̇абадияад̇д̇о гат̇ам̣ наама д̇вам̣ имам̣ саяанабидтам̣ ааг̇ад̇осий’’д̇и. рааж̇аа ад̇д̇ано ааг̇аманаагаарам̣ саб̣б̣ам̣ вид̇т̇аарад̇о гат̇зси. д̇ам̣ суд̇ваа жорарааж̇аа сам̣виг̇г̇амаанасо ‘‘махаарааж̇а, ахам̣ мануссабхууд̇оби самаано д̇умхаагам̣ г̇ун̣з на ж̇аанаами, барзсам̣ лохид̇амам̣сакаад̣̇агзхи бана гагкал̣зхи парусзхи яагкзхи д̇ава г̇ун̣аа н̃аад̇аа, на д̣̇аанаахам̣, наринд̣̇а , зваруубз сийласамбаннз д̇аяи д̣̇уб̣бхиссаамий’’д̇и каг̇г̇ам̣ аад̣̇ааяа сабат̇ам̣ гад̇ваа рааж̇аанам̣ камаабзд̇ваа махаасаяанз нибаж̇ж̇аабзд̇ваа ад̇д̇анаа куд̣̇д̣̇агаман̃жагз нибаж̇ж̇ид̇ваа бабхаад̇ааяа рад̇д̇ияаа удтид̇з суурияз бхзрим̣ жараабзд̇ваа саб̣б̣асзнияо жа амажжаб̣раахман̣аг̇ахабад̇игз жа саннибаад̇аабзд̇ваа д̇зсам̣ бурад̇о аагаасз бун̣н̣ажанд̣̇ам̣ угкибанд̇о вияа сийлаваран̃н̃о г̇ун̣з гат̇зд̇ваа барисамаж̇жхзязва буна рааж̇аанам̣ камаабзд̇ваа раж̇ж̇ам̣ бадижчаабзд̇ваа ‘‘махаарааж̇а, ид̇о бадтааяа д̇умхаагам̣ уббанно жоруубад̣̇д̣̇аво маяхам̣ бхааро, маяаа г̇ахид̇аарагкаа д̇умхз раж̇ж̇ам̣ гарот̇аа’’д̇и вад̇ваа бзсун̃н̃агаарагасса аан̣ам̣ гаарзд̇ваа ад̇д̇ано б̣алавааханам̣ аад̣̇ааяа сагарадтамзва г̇ад̇о.
Tasmiṃ samaye corarājā alaṅkatasirigabbhe sirisayanapiṭṭhe nipanno niddāyati. Rājā tassa pamattassa niddāyantassa khaggatalena udaraṃ pahari. So bhīto pabujjhitvā dīpālokena sīlavamahārājānaṃ sañjānitvā sayanā uṭṭhāya satiṃ upaṭṭhapetvā ṭhito rājānaṃ āha ‘‘mahārāja, evarūpāya rattiyā gahitārakkhe pihitadvāre bhavane ārakkhamanussehi nirokāse ṭhāne khaggaṃ sannayhitvā alaṅkatapaṭiyatto kathaṃ nāma tvaṃ imaṃ sayanapiṭṭhaṃ āgatosī’’ti. Rājā attano āgamanākāraṃ sabbaṃ vitthārato kathesi. Taṃ sutvā corarājā saṃviggamānaso ‘‘mahārāja, ahaṃ manussabhūtopi samāno tumhākaṃ guṇe na jānāmi, paresaṃ lohitamaṃsakhādakehi pana kakkhaḷehi pharusehi yakkhehi tava guṇā ñātā, na dānāhaṃ, narinda , evarūpe sīlasampanne tayi dubbhissāmī’’ti khaggaṃ ādāya sapathaṃ katvā rājānaṃ khamāpetvā mahāsayane nipajjāpetvā attanā khuddakamañcake nipajjitvā pabhātāya rattiyā uṭṭhite sūriye bheriṃ carāpetvā sabbaseniyo ca amaccabrāhmaṇagahapatike ca sannipātāpetvā tesaṃ purato ākāse puṇṇacandaṃ ukkhipanto viya sīlavarañño guṇe kathetvā parisamajjheyeva puna rājānaṃ khamāpetvā rajjaṃ paṭicchāpetvā ‘‘mahārāja, ito paṭṭhāya tumhākaṃ uppanno corūpaddavo mayhaṃ bhāro, mayā gahitārakkhā tumhe rajjaṃ karothā’’ti vatvā pesuññakārakassa āṇaṃ kāretvā attano balavāhanaṃ ādāya sakaraṭṭhameva gato.
сийлаварааж̇ааби ко алан̇гад̇абадияад̇д̇о сзд̇ажчад̇д̇асса хздтаа сарабхабаад̣̇агз ган̃жанабаллан̇гз нисинно ад̇д̇ано самбад̇д̇им̣ ологзд̇ваа ‘‘аяан̃жа зваруубаа самбад̇д̇и амажжасахассасса жа ж̇ийвид̇абадилаабхо маяи вийрияам̣ агаронд̇з на гин̃жи абхависса, вийрияаб̣алзна банаахам̣ надтан̃жа имам̣ яасам̣ бадилабхим̣, амажжасахассасса жа ж̇ийвид̇ад̣̇аанам̣ ад̣̇аасим̣, аасажчзд̣̇ам̣ вад̇а агад̇ваа вийрияамзва гад̇д̇аб̣б̣ам̣. гад̇авийрияасса хи палам̣ наама звам̣ самиж̇жхад̇ий’’д̇и жинд̇зд̇ваа уд̣̇аанавасзна имам̣ г̇аат̇амааха –
Sīlavarājāpi kho alaṅkatapaṭiyatto setacchattassa heṭṭhā sarabhapādake kañcanapallaṅke nisinno attano sampattiṃ oloketvā ‘‘ayañca evarūpā sampatti amaccasahassassa ca jīvitapaṭilābho mayi vīriyaṃ akaronte na kiñci abhavissa, vīriyabalena panāhaṃ naṭṭhañca imaṃ yasaṃ paṭilabhiṃ, amaccasahassassa ca jīvitadānaṃ adāsiṃ, āsacchedaṃ vata akatvā vīriyameva kattabbaṃ. Katavīriyassa hi phalaṃ nāma evaṃ samijjhatī’’ti cintetvā udānavasena imaṃ gāthamāha –
51.
51.
‘‘аасийсзт̇зва бурисо, на ниб̣б̣инд̣̇зяяа бан̣д̣ид̇о;
‘‘Āsīsetheva puriso, na nibbindeyya paṇḍito;
бассаами вохам̣ ад̇д̇аанам̣, яат̇аа ижчим̣ д̇ат̇аа ахуу’’д̇и.
Passāmi vohaṃ attānaṃ, yathā icchiṃ tathā ahū’’ti.
д̇ад̇т̇а аасийсзт̇зваад̇и ‘‘зваахам̣ вийрияам̣ аарабханд̇о имамхаа д̣̇угкаа мужжиссаамий’’д̇и ад̇д̇ано вийрияаб̣алзна аасам̣ гарот̇зва. на ниб̣б̣инд̣̇зяяа бан̣д̣ид̇од̇и бан̣д̣ид̇о убааяагусало яуд̇д̇адтаанз вийрияам̣ гаронд̇о ‘‘ахам̣ имасса вийрияасса палам̣ на лабхиссаамий’’д̇и на угган̣тзяяа, аасажчзд̣̇ам̣ гарзяяаад̇и ад̇т̇о. бассаами вохам̣ ад̇д̇аананд̇и зд̇т̇а вод̇и нибаад̇амад̇д̇ам̣ , ахам̣ аж̇ж̇а ад̇д̇аанам̣ бассаами. яат̇аа ижчим̣ д̇ат̇аа ахууд̇и ахан̃хи ааваадз никаад̇о д̇амхаа д̣̇угкаа мужжид̇ваа буна ад̇д̇ано раж̇ж̇асамбад̇д̇им̣ ижчим̣, со ахам̣ имам̣ самбад̇д̇им̣ бад̇д̇ам̣ ад̇д̇аанам̣ бассаами. яат̇зваахам̣ буб̣б̣з ижчим̣, д̇ат̇зва мз ад̇д̇аа ж̇аад̇од̇и. звам̣ б̣од̇хисад̇д̇о ‘‘ахо вад̇а бхо сийласамбаннаанам̣ вийрияапалам̣ наама самиж̇жхад̇ий’’д̇и имааяа г̇аат̇ааяа уд̣̇аанам̣ уд̣̇аанзд̇ваа яааваж̇ийвам̣ бун̃н̃аани гад̇ваа яат̇аагаммам̣ г̇ад̇о.
Tattha āsīsethevāti ‘‘evāhaṃ vīriyaṃ ārabhanto imamhā dukkhā muccissāmī’’ti attano vīriyabalena āsaṃ karotheva. Na nibbindeyya paṇḍitoti paṇḍito upāyakusalo yuttaṭṭhāne vīriyaṃ karonto ‘‘ahaṃ imassa vīriyassa phalaṃ na labhissāmī’’ti na ukkaṇṭheyya, āsacchedaṃ kareyyāti attho. Passāmi vohaṃ attānanti ettha voti nipātamattaṃ , ahaṃ ajja attānaṃ passāmi. Yathā icchiṃ tathā ahūti ahañhi āvāṭe nikhāto tamhā dukkhā muccitvā puna attano rajjasampattiṃ icchiṃ, so ahaṃ imaṃ sampattiṃ pattaṃ attānaṃ passāmi. Yathevāhaṃ pubbe icchiṃ, tatheva me attā jātoti. Evaṃ bodhisatto ‘‘aho vata bho sīlasampannānaṃ vīriyaphalaṃ nāma samijjhatī’’ti imāya gāthāya udānaṃ udānetvā yāvajīvaṃ puññāni katvā yathākammaṃ gato.
сад̇т̇ааби имам̣ д̇хаммад̣̇зсанам̣ аахарид̇ваа сажжаани багаасзси, сажжабарияосаанз оссадтавийрияо бхигку арахад̇д̇з бад̇идтааси. сад̇т̇аа анусанд̇хим̣ гхадзд̇ваа ж̇аад̇агам̣ самод̇хаанзси – ‘‘д̇ад̣̇аа бад̣̇удтаамажжо д̣̇звад̣̇ад̇д̇о ахоси, амажжасахассам̣ б̣уд̣̇д̇хабарисаа, сийлавамахаарааж̇аа бана ахамзва ахоси’’нд̇и.
Satthāpi imaṃ dhammadesanaṃ āharitvā saccāni pakāsesi, saccapariyosāne ossaṭṭhavīriyo bhikkhu arahatte patiṭṭhāsi. Satthā anusandhiṃ ghaṭetvā jātakaṃ samodhānesi – ‘‘tadā paduṭṭhāmacco devadatto ahosi, amaccasahassaṃ buddhaparisā, sīlavamahārājā pana ahameva ahosi’’nti.
махаасийлаваж̇аад̇агаван̣н̣анаа батамаа.
Mahāsīlavajātakavaṇṇanā paṭhamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 51.махаасийлаваж̇аад̇агам̣ • 51.Mahāsīlavajātakaṃ
