| Library / Tipiṭaka / д̇ибидага • Tipiṭaka / жарияаабидага-адтагат̇аа • Cariyāpiṭaka-aṭṭhakathā |
4. махаасуд̣̇ассанажарияааван̣н̣анаа
4. Mahāsudassanacariyāvaṇṇanā
28. жад̇уд̇т̇з гусаавад̇имхи наг̇арзд̇и гусаавад̇ийнаамагз наг̇арз, яасмим̣ таанз зд̇арахи гусинаараа нивидтаа. махийбад̇ийд̇и кад̇д̇ияо, наамзна махаасуд̣̇ассано наама. жаггавад̇д̇ийд̇и жаггарад̇анам̣ вад̇д̇зд̇и жад̇уухи ваа самбад̇д̇ижаггзхи вад̇д̇ад̇и, д̇зхи жа барам̣ бавад̇д̇зд̇и, барахид̇ааяа жа ирияаабат̇ажаггаанам̣ вад̇д̇о зд̇асмим̣ ад̇т̇ийд̇иби жаггавад̇д̇ий. ат̇а ваа жад̇уухи ажчарияад̇хаммзхи сан̇г̇ахавад̇т̇уухи жа саманнааг̇ад̇зна, барзхи анабхибхаванийяасса анад̇иггаманийяасса аан̣аасан̇каад̇асса жаггасса вад̇д̇о зд̇асмим̣ ад̇т̇ийд̇иби жаггавад̇д̇ий. барин̣ааяагарад̇анабуб̣б̣ан̇г̇амзна хад̇т̇ирад̇анаад̣̇ибамукзна махааб̣алагааязна бун̃н̃аанубхааваниб̣б̣ад̇д̇зна гааяаб̣алзна жа саманнааг̇ад̇ад̇д̇аа махаб̣б̣ало. яад̣̇аа аасинд̇и самб̣анд̇хо. д̇ад̇рааяам̣ анубуб̣б̣игат̇аа –
28. Catutthe kusāvatimhi nagareti kusāvatīnāmake nagare, yasmiṃ ṭhāne etarahi kusinārā niviṭṭhā. Mahīpatīti khattiyo, nāmena mahāsudassano nāma. Cakkavattīti cakkaratanaṃ vatteti catūhi vā sampatticakkehi vattati, tehi ca paraṃ pavatteti, parahitāya ca iriyāpathacakkānaṃ vatto etasmiṃ atthītipi cakkavattī. Atha vā catūhi acchariyadhammehi saṅgahavatthūhi ca samannāgatena, parehi anabhibhavanīyassa anatikkamanīyassa āṇāsaṅkhātassa cakkassa vatto etasmiṃ atthītipi cakkavattī. Pariṇāyakaratanapubbaṅgamena hatthiratanādipamukhena mahābalakāyena puññānubhāvanibbattena kāyabalena ca samannāgatattā mahabbalo. Yadā āsinti sambandho. Tatrāyaṃ anupubbikathā –
ад̇ийд̇з гира махаабурисо суд̣̇ассанад̇д̇абхаавад̇о д̇ад̇ияз ад̇д̇абхаавз г̇ахабад̇игулз ниб̣б̣ад̇д̇о д̇харамаанагасса б̣уд̣̇д̇хасса саасанз згам̣ т̇зрам̣ аран̃н̃аваасам̣ васанд̇ам̣ ад̇д̇ано гаммзна аран̃н̃ам̣ бавидто ругкамуулз нисиннам̣ д̣̇исваа ‘‘ид̇ха маяаа аяяасса бан̣н̣асаалам̣ гаад̇ум̣ ваддад̇ий’’д̇и жинд̇зд̇ваа ад̇д̇ано гаммам̣ бахааяа д̣̇аб̣б̣асамбхаарам̣ чинд̣̇ид̇ваа ниваасаяог̇г̇ам̣ бан̣н̣асаалам̣ гад̇ваа д̣̇ваарам̣ яож̇зд̇ваа гадтад̇т̇аран̣ам̣ гад̇ваа ‘‘гариссад̇и ну ко барибхог̇ам̣, на ну ко гариссад̇ий’’д̇и згаманд̇з нисийд̣̇и. т̇зро анд̇ог̇аамад̇о ааг̇анд̇ваа бан̣н̣асаалам̣ бависид̇ваа гадтад̇т̇аран̣з нисийд̣̇и. махаасад̇д̇оби нам̣ убасан̇гамид̇ваа ‘‘паасугаа, бханд̇з, бан̣н̣асаалаа’’д̇и бужчи. паасугаа, бхад̣̇д̣̇амука, баб̣б̣аж̇ид̇асааруббаад̇и. васиссат̇а, бханд̇з, ид̇хаад̇и? аама, убаасагаад̇и. со ад̇хиваасанаагаарзнзва ‘‘васиссад̇ий’’д̇и н̃ад̇ваа ‘‘ниб̣ад̣̇д̇хам̣ маяхам̣ гхарад̣̇ваарам̣ ааг̇анд̇аб̣б̣а’’нд̇и бадиж̇аанаабзд̇ваа нижжам̣ ад̇д̇ано гхарзязва бхад̇д̇ависсаг̇г̇ам̣ гаараабзси. со бан̣н̣асаалааяам̣ гадасаарагам̣ бад̇т̇арид̇ваа ман̃жабийтам̣ бан̃н̃абзси, абассзнам̣ нигкиби, баад̣̇агаталигам̣ табзси, богкаран̣им̣ кан̣и, жан̇гамам̣ гад̇ваа ваалугам̣ огири, бариссаяавинод̣̇анад̇т̇ам̣ бан̣н̣асаалам̣ ган̣дагавад̇ияаа баригкиби, д̇ат̇аа богкаран̣им̣ жан̇гаман̃жа. д̇зсам̣ анд̇овад̇ибарияанд̇з д̇аалабанд̇ияо робзси. звамаад̣̇инаа ааваасам̣ нидтаабзд̇ваа т̇зрасса д̇ижийварам̣ аад̣̇им̣ гад̇ваа саб̣б̣ам̣ саман̣абаригкаарам̣ ад̣̇ааси. т̇зрасса хи д̇ад̣̇аа б̣од̇хисад̇д̇зна д̇ижийварабин̣д̣абаад̇абад̇д̇ат̇аалагабариссааванад̇хамагаран̣абарибхог̇абхааж̇аначад̇д̇убааханауд̣̇агад̇умб̣асуужигад̇д̇ара- яадтиаараган̣дагабибпалинакажчзд̣̇анабад̣̇ийбзяяаад̣̇и баб̣б̣аж̇ид̇аанам̣ барибхог̇аж̇аад̇ам̣ ад̣̇иннам̣ наама наахоси. со бан̃жа сийлаани рагканд̇о убосат̇ам̣ гаронд̇о яааваж̇ийвам̣ т̇зрам̣ убадтахи. т̇зро д̇ад̇т̇зва васанд̇о арахад̇д̇ам̣ бад̇ваа бариниб̣б̣ааяи.
Atīte kira mahāpuriso sudassanattabhāvato tatiye attabhāve gahapatikule nibbatto dharamānakassa buddhassa sāsane ekaṃ theraṃ araññavāsaṃ vasantaṃ attano kammena araññaṃ paviṭṭho rukkhamūle nisinnaṃ disvā ‘‘idha mayā ayyassa paṇṇasālaṃ kātuṃ vaṭṭatī’’ti cintetvā attano kammaṃ pahāya dabbasambhāraṃ chinditvā nivāsayoggaṃ paṇṇasālaṃ katvā dvāraṃ yojetvā kaṭṭhattharaṇaṃ katvā ‘‘karissati nu kho paribhogaṃ, na nu kho karissatī’’ti ekamante nisīdi. Thero antogāmato āgantvā paṇṇasālaṃ pavisitvā kaṭṭhattharaṇe nisīdi. Mahāsattopi naṃ upasaṅkamitvā ‘‘phāsukā, bhante, paṇṇasālā’’ti pucchi. Phāsukā, bhaddamukha, pabbajitasāruppāti. Vasissatha, bhante, idhāti? Āma, upāsakāti. So adhivāsanākāreneva ‘‘vasissatī’’ti ñatvā ‘‘nibaddhaṃ mayhaṃ gharadvāraṃ āgantabba’’nti paṭijānāpetvā niccaṃ attano ghareyeva bhattavissaggaṃ kārāpesi. So paṇṇasālāyaṃ kaṭasārakaṃ pattharitvā mañcapīṭhaṃ paññapesi, apassenaṃ nikkhipi, pādakaṭhalikaṃ ṭhapesi, pokkharaṇiṃ khaṇi, caṅkamaṃ katvā vālukaṃ okiri, parissayavinodanatthaṃ paṇṇasālaṃ kaṇṭakavatiyā parikkhipi, tathā pokkharaṇiṃ caṅkamañca. Tesaṃ antovatipariyante tālapantiyo ropesi. Evamādinā āvāsaṃ niṭṭhāpetvā therassa ticīvaraṃ ādiṃ katvā sabbaṃ samaṇaparikkhāraṃ adāsi. Therassa hi tadā bodhisattena ticīvarapiṇḍapātapattathālakaparissāvanadhamakaraṇaparibhogabhājanachattupāhanaudakatumbasūcikattara- yaṭṭhiārakaṇṭakapipphalinakhacchedanapadīpeyyādi pabbajitānaṃ paribhogajātaṃ adinnaṃ nāma nāhosi. So pañca sīlāni rakkhanto uposathaṃ karonto yāvajīvaṃ theraṃ upaṭṭhahi. Thero tattheva vasanto arahattaṃ patvā parinibbāyi.
29. б̣од̇хисад̇д̇оби яаавад̇ааяугам̣ бун̃н̃ам̣ гад̇ваа д̣̇звалогз ниб̣б̣ад̇д̇ид̇ваа д̇ад̇о жуд̇о мануссалогам̣ ааг̇ажчанд̇о гусаавад̇ияаа рааж̇ад̇хаанияаа ниб̣б̣ад̇д̇ид̇ваа махаасуд̣̇ассано наама рааж̇аа ахоси жаггавад̇д̇ий. д̇ассиссарияаанубхааво ‘‘бхууд̇абуб̣б̣ам̣, аананд̣̇а, рааж̇аа махаасуд̣̇ассано наама ахоси кад̇д̇ияо муд̣̇д̇хаавасид̇д̇о’’д̇иаад̣̇инаа (д̣̇ий. ни. 2.242) наязна суд̇д̇з ааг̇ад̇о зва. д̇асса гира жад̇ураасийд̇и наг̇арасахассаани гусаавад̇ийрааж̇ад̇хааниббамукаани, жад̇ураасийд̇и баасаад̣̇асахассаани д̇хаммабаасаад̣̇аббамукаани, жад̇ураасийд̇и гуудааг̇аарасахассаани махааб̣яуухагуудааг̇аараббамукаани, д̇аани саб̣б̣аани д̇асса т̇зрасса гад̇ааяа згиссаа бан̣н̣асаалааяа ниссанд̣̇зна ниб̣б̣ад̇д̇аани, жад̇ураасийд̇и баллан̇гасахассаани нааг̇асахассаани ассасахассаани рат̇асахассаани д̇асса д̣̇иннасса ман̃жабийтасса, жад̇ураасийд̇и ман̣исахассаани д̇асса д̣̇иннасса бад̣̇ийбасса, жад̇ураасийд̇и богкаран̣исахассаани згабогкаран̣ияаа, жад̇ураасийд̇и ид̇т̇исахассаани буд̇д̇асахассаани г̇ахабад̇исахассаани жа бад̇д̇ат̇аалагаад̣̇ибарибхог̇аарахасса баб̣б̣аж̇ид̇абаригкаарад̣̇аанасса, жад̇ураасийд̇и д̇хзнусахассаани бан̃жаг̇орасад̣̇аанасса, жад̇ураасийд̇и вад̇т̇агодтасахассаани ниваасанабаарубанад̣̇аанасса, жад̇ураасийд̇и т̇аалибаагасахассаани бхож̇анад̣̇аанасса ниссанд̣̇зна ниб̣б̣ад̇д̇аани. со сад̇д̇ахи рад̇анзхи жад̇уухи ид̣̇д̇хийхи жа саманнааг̇ад̇о рааж̇аад̇хирааж̇аа худ̇ваа сагалам̣ сааг̇арабарияанд̇ам̣ бат̇авиман̣д̣алам̣ д̇хаммзна абхивиж̇ияа аж̇жхаавасанд̇о анзгасад̇зсу таанзсу д̣̇аанасаалааяо гаарзд̇ваа махаад̣̇аанам̣ бадтабзси. д̣̇ивасасса д̇игкад̇д̇ум̣ наг̇арз бхзрим̣ жараабзси ‘‘яо яам̣ ижчад̇и, со д̣̇аанасаалаасу ааг̇анд̇ваа д̇ам̣ г̇ан̣хаад̇уу’’д̇и. д̇зна вуд̇д̇ам̣ ‘‘д̇ад̇т̇аахам̣ д̣̇ивасз д̇игкад̇д̇ум̣, гхосаабзми д̇ахим̣ д̇ахи’’нд̇иаад̣̇и.
29. Bodhisattopi yāvatāyukaṃ puññaṃ katvā devaloke nibbattitvā tato cuto manussalokaṃ āgacchanto kusāvatiyā rājadhāniyā nibbattitvā mahāsudassano nāma rājā ahosi cakkavattī. Tassissariyānubhāvo ‘‘bhūtapubbaṃ, ānanda, rājā mahāsudassano nāma ahosi khattiyo muddhāvasitto’’tiādinā (dī. ni. 2.242) nayena sutte āgato eva. Tassa kira caturāsīti nagarasahassāni kusāvatīrājadhānippamukhāni, caturāsīti pāsādasahassāni dhammapāsādappamukhāni, caturāsīti kūṭāgārasahassāni mahābyūhakūṭāgārappamukhāni, tāni sabbāni tassa therassa katāya ekissā paṇṇasālāya nissandena nibbattāni, caturāsīti pallaṅkasahassāni nāgasahassāni assasahassāni rathasahassāni tassa dinnassa mañcapīṭhassa, caturāsīti maṇisahassāni tassa dinnassa padīpassa, caturāsīti pokkharaṇisahassāni ekapokkharaṇiyā, caturāsīti itthisahassāni puttasahassāni gahapatisahassāni ca pattathālakādiparibhogārahassa pabbajitaparikkhāradānassa, caturāsīti dhenusahassāni pañcagorasadānassa, caturāsīti vatthakoṭṭhasahassāni nivāsanapārupanadānassa, caturāsīti thālipākasahassāni bhojanadānassa nissandena nibbattāni. So sattahi ratanehi catūhi iddhīhi ca samannāgato rājādhirājā hutvā sakalaṃ sāgarapariyantaṃ pathavimaṇḍalaṃ dhammena abhivijiya ajjhāvasanto anekasatesu ṭhānesu dānasālāyo kāretvā mahādānaṃ paṭṭhapesi. Divasassa tikkhattuṃ nagare bheriṃ carāpesi ‘‘yo yaṃ icchati, so dānasālāsu āgantvā taṃ gaṇhātū’’ti. Tena vuttaṃ ‘‘tatthāhaṃ divase tikkhattuṃ, ghosāpemi tahiṃ tahi’’ntiādi.
д̇ад̇т̇а д̇ад̇т̇аад̇и д̇асмим̣ наг̇арз. ‘‘д̇ад̣̇ааха’’нд̇иби баато, д̇асса д̇ад̣̇аа ахам̣, махаасуд̣̇ассанагаалзд̇и ад̇т̇о. д̇ахим̣ д̇ахинд̇и д̇асмим̣ д̇асмим̣ таанз, д̇асса д̇асса баагаарасса анд̇о жа б̣ахи жаад̇и ад̇т̇о. го гим̣ ижчад̇ийд̇и б̣раахман̣аад̣̇ийсу яо гожи сад̇д̇о аннаад̣̇ийсу д̣̇зяяад̇хаммзсу яам̣ гин̃жи ижчад̇и. бад̇т̇зд̇ийд̇и д̇ассзва взважанам̣. гасса гим̣ д̣̇ийяад̇у д̇хананд̇и анзгаваарам̣ барияааяанд̇арзхи жа д̣̇аанагхосанааяа бавад̇д̇ид̇абхаавад̣̇ассанад̇т̇ам̣ вуд̇д̇ам̣, зд̇зна д̣̇аанабаарамияаа саруубам̣ д̣̇ассзд̇и. д̣̇зяяад̇хаммабадиг̇г̇аахагавигаббарахид̇аа хи б̣од̇хисад̇д̇аанам̣ д̣̇аанабаарамийд̇и.
Tattha tatthāti tasmiṃ nagare. ‘‘Tadāha’’ntipi pāṭho, tassa tadā ahaṃ, mahāsudassanakāleti attho. Tahiṃ tahinti tasmiṃ tasmiṃ ṭhāne, tassa tassa pākārassa anto ca bahi cāti attho. Ko kiṃ icchatīti brāhmaṇādīsu yo koci satto annādīsu deyyadhammesu yaṃ kiñci icchati. Patthetīti tasseva vevacanaṃ. Kassa kiṃ dīyatu dhananti anekavāraṃ pariyāyantarehi ca dānaghosanāya pavattitabhāvadassanatthaṃ vuttaṃ, etena dānapāramiyā sarūpaṃ dasseti. Deyyadhammapaṭiggāhakavikapparahitā hi bodhisattānaṃ dānapāramīti.
30. ид̣̇аани д̣̇аанагхосанааяа д̇асса д̇асса д̣̇зяяад̇хаммасса анужчавигабуг̇г̇алабаригид̇д̇анам̣ д̣̇ассзд̇ум̣ ‘‘го чаад̇аго’’д̇иаад̣̇и вуд̇д̇ам̣.
30. Idāni dānaghosanāya tassa tassa deyyadhammassa anucchavikapuggalaparikittanaṃ dassetuṃ ‘‘ko chātako’’tiādi vuttaṃ.
д̇ад̇т̇а чаад̇агод̇и ж̇игхажчид̇о. д̇асид̇од̇и бибаасид̇о. го маалам̣ го вилзбананд̇иби ‘‘ижчад̇ий’’д̇и бад̣̇ам̣ аанзд̇ваа яож̇зд̇аб̣б̣ам̣. наг̇г̇од̇и вад̇т̇авигало, вад̇т̇зна ад̇т̇игод̇и ад̇хиббааяо. барид̣̇ахиссад̇ийд̇и ниваасиссад̇и.
Tattha chātakoti jighacchito. Tasitoti pipāsito. Ko mālaṃ ko vilepanantipi ‘‘icchatī’’ti padaṃ ānetvā yojetabbaṃ. Naggoti vatthavikalo, vatthena atthikoti adhippāyo. Paridahissatīti nivāsissati.
31. го бат̇з чад̇д̇амаад̣̇зд̇ийд̇и го бат̇иго бат̇з маг̇г̇з ад̇д̇ано вассаваад̇аад̇абарагкан̣ад̇т̇ам̣ чад̇д̇ам̣ г̇ан̣хаад̇и, чад̇д̇зна ад̇т̇игод̇и ад̇т̇о. гобааханаа муд̣̇уу субхаад̇и д̣̇ассанийяад̇ааяа субхаа сукасампассад̇ааяа муд̣̇уу убааханаа ад̇д̇ано баад̣̇аанам̣ жагкуунан̃жа рагкан̣ад̇т̇ам̣. го аад̣̇зд̇ийд̇и го д̇аахи ад̇т̇игод̇и ад̇хиббааяо. сааяан̃жа баад̇о жаад̇и зд̇т̇а жа-сад̣̇д̣̇зна маж̇жханхигз жаад̇и аахарид̇ваа вад̇д̇аб̣б̣ам̣. ‘‘д̣̇ивасз д̇игкад̇д̇ум̣ гхосаабзмий’’д̇и хи вуд̇д̇ам̣.
31.Ko pathe chattamādetīti ko pathiko pathe magge attano vassavātātaparakkhaṇatthaṃ chattaṃ gaṇhāti, chattena atthikoti attho. Kopāhanā mudū subhāti dassanīyatāya subhā sukhasamphassatāya mudū upāhanā attano pādānaṃ cakkhūnañca rakkhaṇatthaṃ. Ko ādetīti ko tāhi atthikoti adhippāyo. Sāyañca pāto cāti ettha ca-saddena majjhanhike cāti āharitvā vattabbaṃ. ‘‘Divase tikkhattuṃ ghosāpemī’’ti hi vuttaṃ.
32. на д̇ам̣ д̣̇асасу таанзсууд̇и д̇ам̣ д̣̇аанам̣ на д̣̇асасу таанзсу бадияад̇д̇анд̇и яож̇анаа. наби таанасад̇зсу ваа бадияад̇д̇ам̣, аби жа ко анзгасад̇зсу таанзсу бадияад̇д̇ам̣. яаажагз д̇хананд̇и яаажагз уд̣̇д̣̇исса д̇ханам̣ бадияад̇д̇ам̣ убагкадам̣. д̣̇ваад̣̇асаяож̇анааяаамз хи наг̇арз сад̇д̇аяож̇анавид̇т̇ад̇з сад̇д̇асу баагааранд̇арзсу сад̇д̇а д̇аалабанд̇ибаригкзбаа, д̇аасу д̇аалабанд̇ийсу жад̇ураасийд̇и богкаран̣исахассаани баадиязггам̣ богкаран̣ид̇ийрз махаад̣̇аанам̣ бадтабид̇ам̣. вуд̇д̇ан̃хзд̇ам̣ бхаг̇авад̇аа –
32.Na taṃ dasasu ṭhānesūti taṃ dānaṃ na dasasu ṭhānesu paṭiyattanti yojanā. Napi ṭhānasatesu vā paṭiyattaṃ, api ca kho anekasatesu ṭhānesu paṭiyattaṃ. Yācake dhananti yācake uddissa dhanaṃ paṭiyattaṃ upakkhaṭaṃ. Dvādasayojanāyāme hi nagare sattayojanavitthate sattasu pākārantaresu satta tālapantiparikkhepā, tāsu tālapantīsu caturāsīti pokkharaṇisahassāni pāṭiyekkaṃ pokkharaṇitīre mahādānaṃ paṭṭhapitaṃ. Vuttañhetaṃ bhagavatā –
‘‘бадтабзси ко, аананд̣̇а, рааж̇аа махаасуд̣̇ассано д̇аасам̣ богкаран̣ийнам̣ д̇ийрз зваруубам̣ д̣̇аанам̣ аннам̣ аннад̇т̇игасса, баанам̣ баанад̇т̇игасса, вад̇т̇ам̣ вад̇т̇ад̇т̇игасса, яаанам̣ яаанад̇т̇игасса, саяанам̣ саяанад̇т̇игасса, ид̇т̇им̣ ид̇т̇ид̇т̇игасса, хиран̃н̃ам̣ хиран̃н̃ад̇т̇игасса, суван̣н̣ам̣ суван̣н̣ад̇т̇игассаа’’д̇и (д̣̇ий. ни. 2.254).
‘‘Paṭṭhapesi kho, ānanda, rājā mahāsudassano tāsaṃ pokkharaṇīnaṃ tīre evarūpaṃ dānaṃ annaṃ annatthikassa, pānaṃ pānatthikassa, vatthaṃ vatthatthikassa, yānaṃ yānatthikassa, sayanaṃ sayanatthikassa, itthiṃ itthitthikassa, hiraññaṃ hiraññatthikassa, suvaṇṇaṃ suvaṇṇatthikassā’’ti (dī. ni. 2.254).
33. д̇ад̇т̇ааяам̣ д̣̇аанасса бавад̇д̇ид̇аагааро – махаабурисо хи ид̇т̇ийнан̃жа бурисаанан̃жа анужчавигз алан̇гаарз гаарзд̇ваа ид̇т̇имад̇д̇амзва д̇ад̇т̇а барижааравасзна сзсан̃жа саб̣б̣ам̣ барижжааг̇авасзна табзд̇ваа ‘‘рааж̇аа махаасуд̣̇ассано д̣̇аанам̣ д̣̇зд̇и, д̇ам̣ яат̇аасукам̣ барибхун̃ж̇ат̇аа’’д̇и бхзрим̣ жараабзси. махааж̇анаа богкаран̣ид̇ийрам̣ г̇анд̇ваа нхад̇ваа вад̇т̇аад̣̇ийни ниваасзд̇ваа махаасамбад̇д̇им̣ анубхавид̇ваа язсам̣ д̇аад̣̇исаани ад̇т̇и, д̇з бахааяа г̇ажчанд̇и . язсам̣ над̇т̇и, д̇з г̇ахзд̇ваа г̇ажчанд̇и. яз хад̇т̇ияаанаад̣̇ийсуби нисийд̣̇ид̇ваа яат̇аасукам̣ вижарид̇ваа варасаяанзсуби саяид̇ваа самбад̇д̇им̣ анубхавид̇ваа ид̇т̇ийхиби сад̣̇д̇хим̣ самбад̇д̇им̣ анубхавид̇ваа сад̇д̇авид̇харад̇анабасаад̇ханаани басаад̇хзд̇ваа самбад̇д̇им̣ анубхавид̇ваа яам̣ яам̣ ад̇т̇игаа, д̇ам̣ д̇ам̣ г̇ахзд̇ваа г̇ажчанд̇и, анад̇т̇игаа охааяа г̇ажчанд̇и. д̇амби д̣̇аанам̣ удтааяа самудтааяа д̣̇звасигам̣ д̣̇ийяад̇зва. д̇ад̣̇аа ж̇амб̣уд̣̇ийбаваасийнам̣ ан̃н̃ам̣ гаммам̣ над̇т̇и, д̣̇аанам̣ барибхун̃ж̇анд̇аа самбад̇д̇им̣ анубхаванд̇аа вижаранд̇и. на д̇асса д̣̇аанасса гаалабарижчзд̣̇о ахоси. рад̇д̇ин̃жааби д̣̇ивааби яад̣̇аа яад̣̇аа ад̇т̇игаа ааг̇ажчанд̇и, д̇ад̣̇аа д̇ад̣̇аа д̣̇ийяад̇зва. звам̣ махаабурисо яааваж̇ийвам̣ сагалаж̇амб̣уд̣̇ийбам̣ уннан̇г̇алам̣ гад̇ваа махаад̣̇аанам̣ бавад̇д̇зси. д̇зна вуд̇д̇ам̣ ‘‘д̣̇иваа ваа яад̣̇и ваа рад̇д̇им̣, яад̣̇и зд̇и ваниб̣б̣аго’’д̇иаад̣̇и.
33. Tatthāyaṃ dānassa pavattitākāro – mahāpuriso hi itthīnañca purisānañca anucchavike alaṅkāre kāretvā itthimattameva tattha paricāravasena sesañca sabbaṃ pariccāgavasena ṭhapetvā ‘‘rājā mahāsudassano dānaṃ deti, taṃ yathāsukhaṃ paribhuñjathā’’ti bheriṃ carāpesi. Mahājanā pokkharaṇitīraṃ gantvā nhatvā vatthādīni nivāsetvā mahāsampattiṃ anubhavitvā yesaṃ tādisāni atthi, te pahāya gacchanti . Yesaṃ natthi, te gahetvā gacchanti. Ye hatthiyānādīsupi nisīditvā yathāsukhaṃ vicaritvā varasayanesupi sayitvā sampattiṃ anubhavitvā itthīhipi saddhiṃ sampattiṃ anubhavitvā sattavidharatanapasādhanāni pasādhetvā sampattiṃ anubhavitvā yaṃ yaṃ atthikā, taṃ taṃ gahetvā gacchanti, anatthikā ohāya gacchanti. Tampi dānaṃ uṭṭhāya samuṭṭhāya devasikaṃ dīyateva. Tadā jambudīpavāsīnaṃ aññaṃ kammaṃ natthi, dānaṃ paribhuñjantā sampattiṃ anubhavantā vicaranti. Na tassa dānassa kālaparicchedo ahosi. Rattiñcāpi divāpi yadā yadā atthikā āgacchanti, tadā tadā dīyateva. Evaṃ mahāpuriso yāvajīvaṃ sakalajambudīpaṃ unnaṅgalaṃ katvā mahādānaṃ pavattesi. Tena vuttaṃ ‘‘divā vā yadi vā rattiṃ, yadi eti vanibbako’’tiādi.
д̇ад̇т̇а д̣̇иваа ваа яад̣̇и ваа рад̇д̇им̣, яад̣̇и зд̇ийд̇и зд̇знасса яат̇аагаалам̣ д̣̇аанам̣ д̣̇ассзд̇и. яаажагаанан̃хи лаабхаасааяа убасан̇гаманагаало зва б̣од̇хисад̇д̇аанам̣ д̣̇аанасса гаало наама. ваниб̣б̣агод̇и яаажаго. лад̣̇д̇хаа яад̣̇ижчагам̣ бхог̇анд̇и зд̇зна яат̇аабхиружид̇ам̣ д̣̇аанам̣. яо яо хи яаажаго яам̣ яам̣ д̣̇зяяад̇хаммам̣ ижчад̇и, д̇асса д̇асса д̇ам̣д̇ад̣̇зва б̣од̇хисад̇д̇о д̣̇зд̇и. на д̇асса махаг̇гхад̣̇уллабхаад̣̇ибхаавам̣ ад̇д̇ано убарод̇хам̣ жинд̇зси. буурахад̇т̇ова г̇ажчад̇ийд̇и зд̇зна яаавад̣̇ижчагам̣ д̣̇аанам̣ д̣̇ассзд̇и, яад̇д̇аган̃хи яаажагаа ижчанд̇и, д̇ад̇д̇агам̣ абарихаабзд̇ваава махаасад̇д̇о д̣̇зд̇и ул̣аараж̇жхаасаяад̇ааяа жа махид̣̇д̇хигад̇ааяа жа.
Tattha divā vā yadi vā rattiṃ, yadi etīti etenassa yathākālaṃ dānaṃ dasseti. Yācakānañhi lābhāsāya upasaṅkamanakālo eva bodhisattānaṃ dānassa kālo nāma. Vanibbakoti yācako. Laddhā yadicchakaṃ bhoganti etena yathābhirucitaṃ dānaṃ. Yo yo hi yācako yaṃ yaṃ deyyadhammaṃ icchati, tassa tassa taṃtadeva bodhisatto deti. Na tassa mahagghadullabhādibhāvaṃ attano uparodhaṃ cintesi. Pūrahatthova gacchatīti etena yāvadicchakaṃ dānaṃ dasseti, yattakañhi yācakā icchanti, tattakaṃ aparihāpetvāva mahāsatto deti uḷārajjhāsayatāya ca mahiddhikatāya ca.
34. ‘‘яааваж̇ийвига’’нд̇и зд̇зна д̣̇аанасса гаалабарияанд̇аабхаавам̣ д̣̇ассзд̇и. самаад̣̇аанад̇о бадтааяа хи махаасад̇д̇аа яаавабаарибуури взмаж̇жхз на гаалабарижчзд̣̇ам̣ гаронд̇и, б̣од̇хисамбхаарасамбхаран̣з сан̇гожаабхаавзна анд̇аранд̇араа авосаанаабад̇д̇ид̇о маран̣знаби анубажчзд̣̇о зва, д̇ад̇о барамби д̇ат̇зва бадибаж̇ж̇анад̇о, ‘‘яааваж̇ийвига’’нд̇и бана махаасуд̣̇ассанажарид̇асса васзна вуд̇д̇ам̣. набаахам̣ д̣̇зссам̣ д̇ханам̣ д̣̇аммийд̇и ид̣̇ам̣ д̇ханам̣ наама маяхам̣ на д̣̇зссам̣ аманаабанд̇и зваруубам̣ махаад̣̇аанам̣ д̣̇знд̇о г̇зхад̇о жа д̇ханам̣ нийхараабзми. наби над̇т̇и нижаяо маяийд̇и мама самийбз д̇хананижаяо д̇ханасан̇г̇ахо нааби над̇т̇и, саллзкавуд̇д̇исаман̣о вияа асан̇г̇ахоби на хомийд̇и ад̇т̇о. ид̣̇ам̣ язна аж̇жхаасаязна д̇ассид̣̇ам̣ махаад̣̇аанам̣ бавад̇д̇ид̇ам̣, д̇ам̣ д̣̇ассзд̇ум̣ вуд̇д̇ам̣.
34.‘‘Yāvajīvika’’nti etena dānassa kālapariyantābhāvaṃ dasseti. Samādānato paṭṭhāya hi mahāsattā yāvapāripūri vemajjhe na kālaparicchedaṃ karonti, bodhisambhārasambharaṇe saṅkocābhāvena antarantarā avosānāpattito maraṇenapi anupacchedo eva, tato parampi tatheva paṭipajjanato, ‘‘yāvajīvika’’nti pana mahāsudassanacaritassa vasena vuttaṃ. Napāhaṃ dessaṃ dhanaṃ dammīti idaṃ dhanaṃ nāma mayhaṃ na dessaṃ amanāpanti evarūpaṃ mahādānaṃ dento gehato ca dhanaṃ nīharāpemi. Napi natthi nicayo mayīti mama samīpe dhananicayo dhanasaṅgaho nāpi natthi, sallekhavuttisamaṇo viya asaṅgahopi na homīti attho. Idaṃ yena ajjhāsayena tassidaṃ mahādānaṃ pavattitaṃ, taṃ dassetuṃ vuttaṃ.
35. ид̣̇аани д̇ам̣ убамааяа вибхаавзд̇ум̣ ‘‘яат̇ааби аад̇уро наамаа’’д̇иаад̣̇имааха. д̇ад̇т̇ид̣̇ам̣ убамаасам̣санд̣̇анзна сад̣̇д̇хим̣ ад̇т̇ад̣̇ассанам̣ – яат̇аа наама аад̇уро рог̇аабхибхууд̇о бурисо рог̇ад̇о ад̇д̇аанам̣ бариможзд̇угаамо д̇ханзна хиран̃н̃асуван̣н̣аад̣̇инаа взж̇ж̇ам̣ д̇игижчагам̣ д̇аббзд̇ваа аараад̇хзд̇ваа яат̇аавид̇хи бадибаж̇ж̇анд̇о д̇ад̇о рог̇ад̇о вимужжад̇и.
35. Idāni taṃ upamāya vibhāvetuṃ ‘‘yathāpi āturo nāmā’’tiādimāha. Tatthidaṃ upamāsaṃsandanena saddhiṃ atthadassanaṃ – yathā nāma āturo rogābhibhūto puriso rogato attānaṃ parimocetukāmo dhanena hiraññasuvaṇṇādinā vejjaṃ tikicchakaṃ tappetvā ārādhetvā yathāvidhi paṭipajjanto tato rogato vimuccati.
36. д̇ат̇зва звамзва ахамби аддабхууд̇ам̣ сагалалогам̣ гилзсарог̇ад̇о сагаласам̣саарад̣̇угкарог̇ад̇о жа бариможзд̇угаамо д̇асса д̇ад̇о бариможанасса аяам̣ саб̣б̣асаабад̇зяяабарижжааг̇о д̣̇аанабаарамиубааяод̇и ж̇аанамаано б̣уж̇жхамаано асзсад̇о д̣̇зяяад̇хаммасса бадиг̇г̇аахагаанан̃жа васзна анавасзсад̇о махаад̣̇аанасса васзна сад̇д̇аанам̣ аж̇жхаасаяам̣ барибуурзд̇ум̣ ад̇д̇ано жа на маяхам̣ д̣̇аанабаарамий барибун̣н̣аа, д̇асмаа уунамананд̇и бавад̇д̇ам̣ уунам̣ манам̣ буураяид̇ум̣ бавад̇д̇аяид̇ум̣ ваниб̣б̣агз яаажагз ад̣̇аасим̣ д̇ам̣ д̣̇аанам̣ зваруубам̣ махаад̣̇аанам̣ д̣̇ад̣̇аами, д̇ан̃жа ко д̇асмим̣ д̣̇аанад̇хаммз д̇асса жа палз нираалаяо анабзгко абажжаасо гин̃жиби абажжаасийсамаано гзвалам̣ самб̣од̇химанубад̇д̇ияаа саб̣б̣ан̃н̃уд̇ан̃н̃аан̣амзва ад̇хиг̇анд̇ум̣ д̣̇змийд̇и.
36.Tatheva evameva ahampi aṭṭabhūtaṃ sakalalokaṃ kilesarogato sakalasaṃsāradukkharogato ca parimocetukāmo tassa tato parimocanassa ayaṃ sabbasāpateyyapariccāgo dānapāramiupāyoti jānamāno bujjhamāno asesato deyyadhammassa paṭiggāhakānañca vasena anavasesato mahādānassa vasena sattānaṃ ajjhāsayaṃ paripūretuṃ attano ca na mayhaṃ dānapāramī paripuṇṇā, tasmā ūnamananti pavattaṃ ūnaṃ manaṃ pūrayituṃ pavattayituṃ vanibbake yācake adāsiṃ taṃ dānaṃ evarūpaṃ mahādānaṃ dadāmi, tañca kho tasmiṃ dānadhamme tassa ca phale nirālayo anapekkho apaccāso kiñcipi apaccāsīsamāno kevalaṃ sambodhimanupattiyā sabbaññutaññāṇameva adhigantuṃ demīti.
звам̣ махаасад̇д̇о махаад̣̇аанам̣ бавад̇д̇знд̇о ад̇д̇ано бун̃н̃аанубхааваниб̣б̣ад̇д̇ам̣ д̇хаммабаасаад̣̇ам̣ абхируяха махааб̣яуухагуудааг̇аарад̣̇ваарз зва гаамавид̇аггаад̣̇аяо нивад̇д̇зд̇ваа д̇ад̇т̇а сован̣н̣амаяз рааж̇абаллан̇гз нисинно жхаанаабхин̃н̃ааяо ниб̣б̣ад̇д̇зд̇ваа д̇ад̇о нигкамид̇ваа сован̣н̣амаяам̣ гуудааг̇аарам̣ бависид̇ваа д̇ад̇т̇а раж̇ад̇амаяз баллан̇гз нисинно жад̇д̇ааро б̣рахмавихаарз бхаавзд̇ваа жад̇ураасийд̇и вассасахассаани жхаанасамаабад̇д̇ийхи вийд̇инаамзд̇ваа маран̣асамаяз д̣̇ассанааяа убаг̇ад̇аанам̣ субхад̣̇д̣̇аад̣̇звийбамукаанам̣ жад̇ураасийд̇ияаа ид̇т̇ааг̇аарасахассаанам̣ амажжабаарисаж̇ж̇аад̣̇ийнан̃жа –
Evaṃ mahāsatto mahādānaṃ pavattento attano puññānubhāvanibbattaṃ dhammapāsādaṃ abhiruyha mahābyūhakūṭāgāradvāre eva kāmavitakkādayo nivattetvā tattha sovaṇṇamaye rājapallaṅke nisinno jhānābhiññāyo nibbattetvā tato nikkhamitvā sovaṇṇamayaṃ kūṭāgāraṃ pavisitvā tattha rajatamaye pallaṅke nisinno cattāro brahmavihāre bhāvetvā caturāsīti vassasahassāni jhānasamāpattīhi vītināmetvā maraṇasamaye dassanāya upagatānaṃ subhaddādevīpamukhānaṃ caturāsītiyā itthāgārasahassānaṃ amaccapārisajjādīnañca –
‘‘анижжаа вад̇а сан̇каараа, уббаад̣̇аваяад̇хаммино;
‘‘Aniccā vata saṅkhārā, uppādavayadhammino;
уббаж̇ж̇ид̇ваа нируж̇жханд̇и, д̇зсам̣ вуубасамо суко’’д̇и. (д̣̇ий. ни. 2.221, 272; сам̣. ни. 1.186; 2.143) –
Uppajjitvā nirujjhanti, tesaṃ vūpasamo sukho’’ti. (dī. ni. 2.221, 272; saṃ. ni. 1.186; 2.143) –
имааяа г̇аат̇ааяа овад̣̇ид̇ваа ааяубарияосаанз б̣рахмалогабарааяано ахоси.
Imāya gāthāya ovaditvā āyupariyosāne brahmalokaparāyano ahosi.
д̇ад̣̇аа субхад̣̇д̣̇аад̣̇звий раахуламаад̇аа ахоси, барин̣ааяагарад̇анам̣ раахуло, сзсабарисаа б̣уд̣̇д̇хабарисаа, махаасуд̣̇ассано бана логанаат̇о.
Tadā subhaddādevī rāhulamātā ahosi, pariṇāyakaratanaṃ rāhulo, sesaparisā buddhaparisā, mahāsudassano pana lokanātho.
ид̇хааби д̣̇аса баарамияо саруубад̇о лаб̣бханд̇и зва, д̣̇аанаж̇жхаасаяасса бана ул̣аарад̇ааяа д̣̇аанабаарамий зва баал̣ияам̣ ааг̇ад̇аа. сзсад̇хаммаа хздтаа вуд̇д̇анаяаа зва. д̇ат̇аа ул̣аарз сад̇д̇арад̇анасамуж̇ж̇алз жад̇уд̣̇ийбиссариязби тид̇асса д̇аад̣̇исам̣ бхог̇асукам̣ аналан̇гарид̇ваа гаамавид̇аггаад̣̇аяо д̣̇уурад̇о вигкамбхзд̇ваа д̇ат̇ааруубз махаад̣̇аанз бавад̇д̇знд̇ассзва жад̇ураасийд̇и вассасахассаани самаабад̇д̇ийхи вийд̇инаамзд̇ваа анижжад̇аад̣̇ибадисам̣яуд̇д̇ам̣ д̇хаммагат̇ам̣ гад̇вааби вибассанааяа ануссугганам̣ саб̣б̣ад̇т̇а аниссан̇г̇ад̇аад̇и звамаад̣̇аяо г̇ун̣аанубхааваа нид̣̇д̇хаарзд̇аб̣б̣аад̇и.
Idhāpi dasa pāramiyo sarūpato labbhanti eva, dānajjhāsayassa pana uḷāratāya dānapāramī eva pāḷiyaṃ āgatā. Sesadhammā heṭṭhā vuttanayā eva. Tathā uḷāre sattaratanasamujjale catudīpissariyepi ṭhitassa tādisaṃ bhogasukhaṃ analaṅkaritvā kāmavitakkādayo dūrato vikkhambhetvā tathārūpe mahādāne pavattentasseva caturāsīti vassasahassāni samāpattīhi vītināmetvā aniccatādipaṭisaṃyuttaṃ dhammakathaṃ katvāpi vipassanāya anussukkanaṃ sabbattha anissaṅgatāti evamādayo guṇānubhāvā niddhāretabbāti.
махаасуд̣̇ассанажарияааван̣н̣анаа нидтид̇аа.
Mahāsudassanacariyāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / жарияаабидагабаал̣и • Cariyāpiṭakapāḷi / 4. махаасуд̣̇ассанажарияаа • 4. Mahāsudassanacariyā
