| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[95] 5. махаасуд̣̇ассанаж̇аад̇агаван̣н̣анаа
[95] 5. Mahāsudassanajātakavaṇṇanā
анижжаа вад̇а сан̇каараад̇и ид̣̇ам̣ сад̇т̇аа бариниб̣б̣аанаман̃жз нибанно аананд̣̇ад̇т̇зрасса ‘‘маа, бханд̇з, бхаг̇аваа имасмим̣ куд̣̇д̣̇аганаг̇арагз’’д̇яаад̣̇иважанам̣ (д̣̇ий. ни. 2.210) аараб̣бха гат̇зси. д̇ат̇ааг̇ад̇з хи ж̇зд̇аванз вихаранд̇з саарибуд̇д̇ад̇т̇зро гад̇д̇игабун̣н̣амааяам̣ наал̣агаг̇аамагз ж̇аад̇оварагз бариниб̣б̣ааяи, махаамог̇г̇аллаано гад̇д̇игамаасассзва гаал̣абагкаамаавасияам̣. звам̣ бариниб̣б̣уд̇з аг̇г̇асаавагаяуг̇з ‘‘ахамби гусинаарааяам̣ бариниб̣б̣ааяиссаамий’’д̇и анубуб̣б̣зна жааригам̣ жарамаано д̇ад̇т̇а г̇анд̇ваа яамагасаалаанаманд̇арз уд̇д̇арасийсагз ман̃жагз анудтаанасзяяааяа нибаж̇ж̇и. ат̇а нам̣ ааяасмаа аананд̣̇ад̇т̇зро ‘‘маа, бханд̇з, бхаг̇аваа имасмим̣ куд̣̇д̣̇аганаг̇арагз висамз уж̇ж̇ан̇г̇аланаг̇арагз, саакаанаг̇арагз бариниб̣б̣ааяи, ан̃н̃зсам̣ жамбаарааж̇аг̇ахаад̣̇ийнам̣ махаанаг̇араанам̣ ан̃н̃ад̇арасмим̣ бхаг̇аваа бариниб̣б̣ааяад̇уу’’д̇и яаажи. сад̇т̇аа ‘‘маа, аананд̣̇а, имам̣ ‘куд̣̇д̣̇аганаг̇арагам̣, уж̇ж̇ан̇г̇аланаг̇арагам̣ саакаанаг̇арага’нд̇и вад̣̇зхи, ахан̃хи буб̣б̣з суд̣̇ассанажаггавад̇д̇ирааж̇агаалз имасмим̣ наг̇арз васим̣, д̇ад̣̇аа ид̣̇ам̣ д̣̇ваад̣̇асаяож̇анигзна рад̇анабаагаарзна баригкид̇д̇ам̣ махаанаг̇арам̣ ахосий’’д̇и вад̇ваа т̇зрзна яаажид̇о ад̇ийд̇ам̣ аахаранд̇о махаасуд̣̇ассанасуд̇д̇ам̣ (д̣̇ий. ни. 2.241 аад̣̇аяо) гат̇зси.
Aniccā vata saṅkhārāti idaṃ satthā parinibbānamañce nipanno ānandattherassa ‘‘mā, bhante, bhagavā imasmiṃ khuddakanagarake’’tyādivacanaṃ (dī. ni. 2.210) ārabbha kathesi. Tathāgate hi jetavane viharante sāriputtatthero kattikapuṇṇamāyaṃ nāḷakagāmake jātovarake parinibbāyi, mahāmoggallāno kattikamāsasseva kāḷapakkhaamāvasiyaṃ. Evaṃ parinibbute aggasāvakayuge ‘‘ahampi kusinārāyaṃ parinibbāyissāmī’’ti anupubbena cārikaṃ caramāno tattha gantvā yamakasālānamantare uttarasīsake mañcake anuṭṭhānaseyyāya nipajji. Atha naṃ āyasmā ānandatthero ‘‘mā, bhante, bhagavā imasmiṃ khuddakanagarake visame ujjaṅgalanagarake, sākhānagarake parinibbāyi, aññesaṃ campārājagahādīnaṃ mahānagarānaṃ aññatarasmiṃ bhagavā parinibbāyatū’’ti yāci. Satthā ‘‘mā, ānanda, imaṃ ‘khuddakanagarakaṃ, ujjaṅgalanagarakaṃ sākhānagaraka’nti vadehi, ahañhi pubbe sudassanacakkavattirājakāle imasmiṃ nagare vasiṃ, tadā idaṃ dvādasayojanikena ratanapākārena parikkhittaṃ mahānagaraṃ ahosī’’ti vatvā therena yācito atītaṃ āharanto mahāsudassanasuttaṃ (dī. ni. 2.241 ādayo) kathesi.
д̇ад̣̇аа бана махаасуд̣̇ассанам̣ суд̇хаммабаасаад̣̇аа од̇арид̇ваа авид̣̇уурз сад̇д̇арад̇анамаяз д̇аалаванз бан̃н̃ад̇д̇асмим̣ габбияаман̃жагз д̣̇агкин̣зна бассзна анудтаанасзяяааяа нибаннам̣ д̣̇исваа ‘‘имаани д̇з, д̣̇зва, жад̇ураасийд̇и наг̇арасахассаани гусаавад̇ирааж̇ад̇хааниббамукаани, зд̇т̇а чанд̣̇ам̣ гарохий’’д̇и субхад̣̇д̣̇ааяа д̣̇звияаа вуд̇д̇з махаасуд̣̇ассано ‘‘маа д̣̇зви звам̣ аважа, ат̇а ко ‘зд̇т̇а чанд̣̇ам̣ винзхи, маа абзгкам̣ агаасий’д̇и звам̣ мам̣ овад̣̇аа’’д̇и вад̇ваа ‘‘гим̣гааран̣аа, д̣̇зваа’’д̇и бужчид̇о ‘‘аж̇ж̇аахам̣ гаалагирияам̣ гариссаамий’’д̇и. ат̇а нам̣ д̣̇звий род̣̇амаанаа агкийни бун̃чид̇ваа гижчзна гасирзна д̇ат̇аа вад̇ваа род̣̇и барид̣̇зви. сзсааби жад̇ураасийд̇исахассаид̇т̇ияо род̣̇им̣су барид̣̇звим̣су. амажжаад̣̇ийсуби згоби ад̇хиваасзд̇ум̣ наасагки, саб̣б̣зби род̣̇им̣су. б̣од̇хисад̇д̇о ‘‘алам̣, бхан̣з, маа сад̣̇д̣̇амагад̇т̇аа’’д̇и саб̣б̣з ниваарзд̇ваа д̣̇звим̣ ааманд̇зд̇ваа ‘‘маа д̇вам̣ д̣̇зви род̣̇и, маа барид̣̇зви. д̇илапаламад̇д̇оби хи сан̇кааро нижжо наама над̇т̇и, саб̣б̣зби анижжаа бхзд̣̇анад̇хаммаа зваа’’д̇и вад̇ваа д̣̇звим̣ овад̣̇анд̇о имам̣ г̇аат̇амааха –
Tadā pana mahāsudassanaṃ sudhammapāsādā otaritvā avidūre sattaratanamaye tālavane paññattasmiṃ kappiyamañcake dakkhiṇena passena anuṭṭhānaseyyāya nipannaṃ disvā ‘‘imāni te, deva, caturāsīti nagarasahassāni kusāvatirājadhānippamukhāni, ettha chandaṃ karohī’’ti subhaddāya deviyā vutte mahāsudassano ‘‘mā devi evaṃ avaca, atha kho ‘ettha chandaṃ vinehi, mā apekkhaṃ akāsī’ti evaṃ maṃ ovadā’’ti vatvā ‘‘kiṃkāraṇā, devā’’ti pucchito ‘‘ajjāhaṃ kālakiriyaṃ karissāmī’’ti. Atha naṃ devī rodamānā akkhīni puñchitvā kicchena kasirena tathā vatvā rodi paridevi. Sesāpi caturāsītisahassaitthiyo rodiṃsu parideviṃsu. Amaccādīsupi ekopi adhivāsetuṃ nāsakkhi, sabbepi rodiṃsu. Bodhisatto ‘‘alaṃ, bhaṇe, mā saddamakatthā’’ti sabbe nivāretvā deviṃ āmantetvā ‘‘mā tvaṃ devi rodi, mā paridevi. Tilaphalamattopi hi saṅkhāro nicco nāma natthi, sabbepi aniccā bhedanadhammā evā’’ti vatvā deviṃ ovadanto imaṃ gāthamāha –
95.
95.
‘‘анижжаа вад̇а сан̇каараа, уббаад̣̇аваяад̇хаммино;
‘‘Aniccā vata saṅkhārā, uppādavayadhammino;
уббаж̇ж̇ид̇ваа нируж̇жханд̇и, д̇зсам̣ вуубасамо суко’’д̇и.
Uppajjitvā nirujjhanti, tesaṃ vūpasamo sukho’’ti.
д̇ад̇т̇а анижжаа вад̇а сан̇каараад̇и бхад̣̇д̣̇з субхад̣̇д̣̇аад̣̇зви, яад̇д̇агаа гзхижи бажжаязхи самааг̇анд̇ваа гад̇аа канд̇хааяад̇анаад̣̇аяо сан̇каараа, саб̣б̣з д̇з анижжааязва наама. зд̇зсу хи руубам̣ анижжам̣…бз… вин̃н̃аан̣ам̣ анижжам̣. жагку анижжам̣…бз… д̇хаммаа анижжаа. яам̣гин̃жи савин̃н̃аан̣агам̣ авин̃н̃аан̣агам̣ рад̇анам̣, саб̣б̣ам̣ д̇ам̣ анижжамзва. ид̇и ‘‘анижжаа вад̇а сан̇каараа’’д̇и г̇ан̣ха. гасмаа? уббаад̣̇аваяад̇хамминод̇и, саб̣б̣з хзд̇з уббаад̣̇ад̇хаммино жзва ваяад̇хаммино жа уббаж̇ж̇анабхиж̇ж̇анасабхаавааязва, д̇асмаа ‘‘анижжаа’’д̇и взд̣̇ид̇аб̣б̣аа. яасмаа жа анижжаа, д̇асмаа уббаж̇ж̇ид̇ваа нируж̇жханд̇и, уббаж̇ж̇ид̇ваа тид̇им̣ бад̇вааби нируж̇жханд̇иязва. саб̣б̣зва хзд̇з ниб̣б̣ад̇д̇амаанаа уббаж̇ж̇анд̇и наама, бхиж̇ж̇амаанаа нируж̇жханд̇и наама. д̇зсам̣ уббаад̣̇з сад̇иязва жа тид̇и наама ход̇и, тид̇ияаа сад̇иязва бхан̇г̇о наама ход̇и, на хи ануббаннасса тид̇и наама , нааби тид̇ам̣ абхиж̇ж̇анагам̣ наама ад̇т̇и. ид̇и саб̣б̣зби сан̇каараа д̇ийн̣и лагкан̣аани бад̇ваа д̇ад̇т̇а д̇ад̇т̇зва нируж̇жханд̇и, д̇асмаа саб̣б̣збимз анижжаа кан̣игаа ид̇д̇араа ад̇хуваа бабхан̇г̇уно жалид̇аа самийрид̇аа анад̣̇д̇ханияаа баяаад̇аа д̇аавагаалигаа ниссаараа, д̇аавагаалигадтзна мааяаамарийжипзн̣асад̣̇исаа. д̇зсу бхад̣̇д̣̇з субхад̣̇д̣̇аад̣̇зви, гасмаа сукасан̃н̃ам̣ уббаад̣̇зси, звам̣ бана г̇ан̣ха д̇зсам̣ вуубасамо сукод̇и, саб̣б̣аваддавуубасаманад̇о д̇зсам̣ вуубасамо наама ниб̣б̣аанам̣, д̇ад̣̇звзгам̣ зганд̇ад̇о сукам̣, д̇ад̇о ан̃н̃ам̣ сукам̣ наама над̇т̇ийд̇и.
Tattha aniccā vata saṅkhārāti bhadde subhaddādevi, yattakā kehici paccayehi samāgantvā katā khandhāyatanādayo saṅkhārā, sabbe te aniccāyeva nāma. Etesu hi rūpaṃ aniccaṃ…pe… viññāṇaṃ aniccaṃ. Cakkhu aniccaṃ…pe… dhammā aniccā. Yaṃkiñci saviññāṇakaṃ aviññāṇakaṃ ratanaṃ, sabbaṃ taṃ aniccameva. Iti ‘‘aniccā vata saṅkhārā’’ti gaṇha. Kasmā? Uppādavayadhamminoti, sabbe hete uppādadhammino ceva vayadhammino ca uppajjanabhijjanasabhāvāyeva, tasmā ‘‘aniccā’’ti veditabbā. Yasmā ca aniccā, tasmā uppajjitvā nirujjhanti, uppajjitvā ṭhitiṃ patvāpi nirujjhantiyeva. Sabbeva hete nibbattamānā uppajjanti nāma, bhijjamānā nirujjhanti nāma. Tesaṃ uppāde satiyeva ca ṭhiti nāma hoti, ṭhitiyā satiyeva bhaṅgo nāma hoti, na hi anuppannassa ṭhiti nāma , nāpi ṭhitaṃ abhijjanakaṃ nāma atthi. Iti sabbepi saṅkhārā tīṇi lakkhaṇāni patvā tattha tattheva nirujjhanti, tasmā sabbepime aniccā khaṇikā ittarā adhuvā pabhaṅguno calitā samīritā anaddhaniyā payātā tāvakālikā nissārā, tāvakālikaṭṭhena māyāmarīcipheṇasadisā. Tesu bhadde subhaddādevi, kasmā sukhasaññaṃ uppādesi, evaṃ pana gaṇha tesaṃ vūpasamo sukhoti, sabbavaṭṭavūpasamanato tesaṃ vūpasamo nāma nibbānaṃ, tadevekaṃ ekantato sukhaṃ, tato aññaṃ sukhaṃ nāma natthīti.
звам̣ махаасуд̣̇ассано амад̇амахааниб̣б̣аанзна д̣̇зсанааяа гуудам̣ г̇ахзд̇ваа авасзсассаби махааж̇анасса ‘‘д̣̇аанам̣ д̣̇зт̇а, сийлам̣ рагкат̇а, убосат̇агаммам̣ гарот̇аа’’д̇и оваад̣̇ам̣ д̣̇ад̇ваа д̣̇звалогабарааяан̣о ахоси.
Evaṃ mahāsudassano amatamahānibbānena desanāya kūṭaṃ gahetvā avasesassapi mahājanassa ‘‘dānaṃ detha, sīlaṃ rakkhatha, uposathakammaṃ karothā’’ti ovādaṃ datvā devalokaparāyaṇo ahosi.
сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа субхад̣̇д̣̇аа д̣̇звий раахуламаад̇аа ахоси, барин̣ааяагарад̇анам̣ раахуло, сзсабарисаа б̣уд̣̇д̇хабарисаа, махаасуд̣̇ассано бана ахамзва ахоси’’нд̇и.
Satthā imaṃ dhammadesanaṃ āharitvā jātakaṃ samodhānesi – ‘‘tadā subhaddā devī rāhulamātā ahosi, pariṇāyakaratanaṃ rāhulo, sesaparisā buddhaparisā, mahāsudassano pana ahameva ahosi’’nti.
махаасуд̣̇ассанаж̇аад̇агаван̣н̣анаа бан̃жамаа.
Mahāsudassanajātakavaṇṇanā pañcamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 95. махаасуд̣̇ассанаж̇аад̇агам̣ • 95. Mahāsudassanajātakaṃ
