Library / Tipiṭaka / д̇ибидага • Tipiṭaka / д̣̇ийгханигааяа • Dīghanikāya

4. махаасуд̣̇ассанасуд̇д̇ам̣

4. Mahāsudassanasuttaṃ

241. звам̣ мз суд̇ам̣ – згам̣ самаяам̣ бхаг̇аваа гусинаарааяам̣ вихарад̇и убавад̇д̇анз маллаанам̣ саалаванз анд̇арзна яамагасаалаанам̣ бариниб̣б̣аанасамаяз. ат̇а ко ааяасмаа аананд̣̇о язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко ааяасмаа аананд̣̇о бхаг̇аванд̇ам̣ зд̇ад̣̇авожа – ‘‘маа, бханд̇з, бхаг̇аваа имасмим̣ куд̣̇д̣̇аганаг̇арагз уж̇ж̇ан̇г̇аланаг̇арагз саакаанаг̇арагз бариниб̣б̣ааяи. санд̇и, бханд̇з, ан̃н̃аани махаанаг̇араани. сзяяат̇ид̣̇ам̣ – жамбаа, рааж̇аг̇ахам̣, саавад̇т̇и, саагзд̇ам̣, госамб̣ий, б̣аараан̣асий; зд̇т̇а бхаг̇аваа бариниб̣б̣ааяад̇у. зд̇т̇а б̣ахуу кад̇д̇ияамахаасаалаа б̣раахман̣амахаасаалаа г̇ахабад̇имахаасаалаа д̇ат̇ааг̇ад̇з абхиббасаннаа, д̇з д̇ат̇ааг̇ад̇асса сарийрабууж̇ам̣ гариссанд̇ий’’д̇и.

241. Evaṃ me sutaṃ – ekaṃ samayaṃ bhagavā kusinārāyaṃ viharati upavattane mallānaṃ sālavane antarena yamakasālānaṃ parinibbānasamaye. Atha kho āyasmā ānando yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho āyasmā ānando bhagavantaṃ etadavoca – ‘‘mā, bhante, bhagavā imasmiṃ khuddakanagarake ujjaṅgalanagarake sākhānagarake parinibbāyi. Santi, bhante, aññāni mahānagarāni. Seyyathidaṃ – campā, rājagahaṃ, sāvatthi, sāketaṃ, kosambī, bārāṇasī; ettha bhagavā parinibbāyatu. Ettha bahū khattiyamahāsālā brāhmaṇamahāsālā gahapatimahāsālā tathāgate abhippasannā, te tathāgatassa sarīrapūjaṃ karissantī’’ti.

242. ‘‘маа хзвам̣, аананд̣̇а, аважа; маа хзвам̣, аананд̣̇а, аважа – куд̣̇д̣̇аганаг̇арагам̣ уж̇ж̇ан̇г̇аланаг̇арагам̣ саакаанаг̇арага’’нд̇и.

242. ‘‘Mā hevaṃ, ānanda, avaca; mā hevaṃ, ānanda, avaca – khuddakanagarakaṃ ujjaṅgalanagarakaṃ sākhānagaraka’’nti.

гусаавад̇ийрааж̇ад̇хааний

Kusāvatīrājadhānī

‘‘бхууд̇абуб̣б̣ам̣, аананд̣̇а, рааж̇аа махаасуд̣̇ассано наама ахоси кад̇д̇ияо муд̣̇д̇хаавасид̇д̇о ¹ жаад̇уранд̇о виж̇ид̇аавий ж̇анабад̣̇ад̇т̇ааварияаббад̇д̇о . ран̃н̃о, аананд̣̇а, махаасуд̣̇ассанасса аяам̣ гусинаараа гусаавад̇ий наама рааж̇ад̇хааний ахоси. бурад̇т̇имзна жа бажчимзна жа д̣̇ваад̣̇асаяож̇анаани ааяаамзна, уд̇д̇арзна жа д̣̇агкин̣зна жа сад̇д̇аяож̇анаани вид̇т̇аарзна. гусаавад̇ий, аананд̣̇а, рааж̇ад̇хааний ид̣̇д̇хаа жзва ахоси пийд̇аа жа б̣ахуж̇анаа жа аагин̣н̣амануссаа жа субхигкаа жа. сзяяат̇ааби, аананд̣̇а , д̣̇зваанам̣ аал̣агаманд̣̇аа наама рааж̇ад̇хааний ид̣̇д̇хаа жзва ход̇и пийд̇аа жа ² б̣ахуж̇анаа жа аагин̣н̣аяагкаа жа субхигкаа жа; звамзва ко, аананд̣̇а, гусаавад̇ий рааж̇ад̇хааний ид̣̇д̇хаа жзва ахоси пийд̇аа жа б̣ахуж̇анаа жа аагин̣н̣амануссаа жа субхигкаа жа. гусаавад̇ий, аананд̣̇а , рааж̇ад̇хааний д̣̇асахи сад̣̇д̣̇зхи авивид̇д̇аа ахоси д̣̇иваа жзва рад̇д̇ин̃жа, сзяяат̇ид̣̇ам̣ – хад̇т̇исад̣̇д̣̇зна ассасад̣̇д̣̇зна рат̇асад̣̇д̣̇зна бхзрисад̣̇д̣̇зна муд̣̇ин̇г̇асад̣̇д̣̇зна вийн̣аасад̣̇д̣̇зна г̇ийд̇асад̣̇д̣̇зна сан̇касад̣̇д̣̇зна саммасад̣̇д̣̇зна баан̣ид̇аал̣асад̣̇д̣̇зна ‘аснаат̇а биват̇а каад̣̇ат̇аа’д̇и д̣̇асамзна сад̣̇д̣̇зна.

‘‘Bhūtapubbaṃ, ānanda, rājā mahāsudassano nāma ahosi khattiyo muddhāvasitto ³ cāturanto vijitāvī janapadatthāvariyappatto . Rañño, ānanda, mahāsudassanassa ayaṃ kusinārā kusāvatī nāma rājadhānī ahosi. Puratthimena ca pacchimena ca dvādasayojanāni āyāmena, uttarena ca dakkhiṇena ca sattayojanāni vitthārena. Kusāvatī, ānanda, rājadhānī iddhā ceva ahosi phītā ca bahujanā ca ākiṇṇamanussā ca subhikkhā ca. Seyyathāpi, ānanda , devānaṃ āḷakamandā nāma rājadhānī iddhā ceva hoti phītā ca ⁴ bahujanā ca ākiṇṇayakkhā ca subhikkhā ca; evameva kho, ānanda, kusāvatī rājadhānī iddhā ceva ahosi phītā ca bahujanā ca ākiṇṇamanussā ca subhikkhā ca. Kusāvatī, ānanda , rājadhānī dasahi saddehi avivittā ahosi divā ceva rattiñca, seyyathidaṃ – hatthisaddena assasaddena rathasaddena bherisaddena mudiṅgasaddena vīṇāsaddena gītasaddena saṅkhasaddena sammasaddena pāṇitāḷasaddena ‘asnātha pivatha khādathā’ti dasamena saddena.

‘‘гусаавад̇ий, аананд̣̇а, рааж̇ад̇хааний сад̇д̇ахи баагаарзхи баригкид̇д̇аа ахоси. зго баагааро сован̣н̣амаяо, зго руубияамаяо, зго взл̣урияамаяо, зго палигамаяо, зго лохид̇ан̇гамаяо ⁵, зго масаараг̇алламаяо, зго саб̣б̣арад̇анамаяо. гусаавад̇ияаа, аананд̣̇а, рааж̇ад̇хаанияаа жад̇уннам̣ ван̣н̣аанам̣ д̣̇ваараани ахзсум̣. згам̣ д̣̇ваарам̣ сован̣н̣амаяам̣, згам̣ руубияамаяам̣, згам̣ взл̣урияамаяам̣, згам̣ палигамаяам̣ . згзгасмим̣ д̣̇ваарз сад̇д̇а сад̇д̇а зсигаа никаад̇аа ахзсум̣ д̇иборисан̇г̇аа д̇иборисаникаад̇аа д̣̇ваад̣̇асаборисаа уб̣б̣зд̇хзна. згаа зсигаа сован̣н̣амаяаа, згаа руубияамаяаа, згаа взл̣урияамаяаа, згаа палигамаяаа, згаа лохид̇ан̇гамаяаа, згаа масаараг̇алламаяаа, згаа саб̣б̣арад̇анамаяаа. гусаавад̇ий, аананд̣̇а, рааж̇ад̇хааний сад̇д̇ахи д̇аалабанд̇ийхи баригкид̇д̇аа ахоси. згаа д̇аалабанд̇и сован̣н̣амаяаа, згаа руубияамаяаа, згаа взл̣урияамаяаа, згаа палигамаяаа, згаа лохид̇ан̇гамаяаа, згаа масаараг̇алламаяаа, згаа саб̣б̣арад̇анамаяаа. сован̣н̣амаяасса д̇ааласса сован̣н̣амаяо канд̇хо ахоси, руубияамаяаани бад̇д̇аани жа палаани жа. руубияамаяасса д̇ааласса руубияамаяо канд̇хо ахоси, сован̣н̣амаяаани бад̇д̇аани жа палаани жа. взл̣урияамаяасса д̇ааласса взл̣урияамаяо канд̇хо ахоси, палигамаяаани бад̇д̇аани жа палаани жа. палигамаяасса д̇ааласса палигамаяо канд̇хо ахоси, взл̣урияамаяаани бад̇д̇аани жа палаани жа. лохид̇ан̇гамаяасса д̇ааласса лохид̇ан̇гамаяо канд̇хо ахоси, масаараг̇алламаяаани бад̇д̇аани жа палаани жа. масаараг̇алламаяасса д̇ааласса масаараг̇алламаяо канд̇хо ахоси, лохид̇ан̇гамаяаани бад̇д̇аани жа палаани жа. саб̣б̣арад̇анамаяасса д̇ааласса саб̣б̣арад̇анамаяо канд̇хо ахоси, саб̣б̣арад̇анамаяаани бад̇д̇аани жа палаани жа. д̇аасам̣ ко банаананд̣̇а, д̇аалабанд̇ийнам̣ ваад̇зрид̇аанам̣ сад̣̇д̣̇о ахоси ваг̇г̇у жа раж̇анийяо жа каманийяо ⁶ жа мад̣̇анийяо жа. сзяяат̇ааби, аананд̣̇а, бан̃жан̇г̇игасса д̇уурияасса сувинийд̇асса суббадид̇аал̣ид̇асса сугусалзхи саманнаахад̇асса сад̣̇д̣̇о ход̇и ваг̇г̇у жа раж̇анийяо жа каманийяо жа мад̣̇анийяо жа , звамзва ко, аананд̣̇а, д̇аасам̣ д̇аалабанд̇ийнам̣ ваад̇зрид̇аанам̣ сад̣̇д̣̇о ахоси ваг̇г̇у жа раж̇анийяо жа каманийяо жа мад̣̇анийяо жа. яз ко банаананд̣̇а, д̇зна самаязна гусаавад̇ияаа рааж̇ад̇хаанияаа д̇худ̇д̇аа ахзсум̣ сон̣д̣аа бибаасаа, д̇з д̇аасам̣ д̇аалабанд̇ийнам̣ ваад̇зрид̇аанам̣ сад̣̇д̣̇зна барижаарзсум̣.

‘‘Kusāvatī, ānanda, rājadhānī sattahi pākārehi parikkhittā ahosi. Eko pākāro sovaṇṇamayo, eko rūpiyamayo, eko veḷuriyamayo, eko phalikamayo, eko lohitaṅkamayo ⁷, eko masāragallamayo, eko sabbaratanamayo. Kusāvatiyā, ānanda, rājadhāniyā catunnaṃ vaṇṇānaṃ dvārāni ahesuṃ. Ekaṃ dvāraṃ sovaṇṇamayaṃ, ekaṃ rūpiyamayaṃ, ekaṃ veḷuriyamayaṃ, ekaṃ phalikamayaṃ . Ekekasmiṃ dvāre satta satta esikā nikhātā ahesuṃ tiporisaṅgā tiporisanikhātā dvādasaporisā ubbedhena. Ekā esikā sovaṇṇamayā, ekā rūpiyamayā, ekā veḷuriyamayā, ekā phalikamayā, ekā lohitaṅkamayā, ekā masāragallamayā, ekā sabbaratanamayā. Kusāvatī, ānanda, rājadhānī sattahi tālapantīhi parikkhittā ahosi. Ekā tālapanti sovaṇṇamayā, ekā rūpiyamayā, ekā veḷuriyamayā, ekā phalikamayā, ekā lohitaṅkamayā, ekā masāragallamayā, ekā sabbaratanamayā. Sovaṇṇamayassa tālassa sovaṇṇamayo khandho ahosi, rūpiyamayāni pattāni ca phalāni ca. Rūpiyamayassa tālassa rūpiyamayo khandho ahosi, sovaṇṇamayāni pattāni ca phalāni ca. Veḷuriyamayassa tālassa veḷuriyamayo khandho ahosi, phalikamayāni pattāni ca phalāni ca. Phalikamayassa tālassa phalikamayo khandho ahosi, veḷuriyamayāni pattāni ca phalāni ca. Lohitaṅkamayassa tālassa lohitaṅkamayo khandho ahosi, masāragallamayāni pattāni ca phalāni ca. Masāragallamayassa tālassa masāragallamayo khandho ahosi, lohitaṅkamayāni pattāni ca phalāni ca. Sabbaratanamayassa tālassa sabbaratanamayo khandho ahosi, sabbaratanamayāni pattāni ca phalāni ca. Tāsaṃ kho panānanda, tālapantīnaṃ vāteritānaṃ saddo ahosi vaggu ca rajanīyo ca khamanīyo ⁸ ca madanīyo ca. Seyyathāpi, ānanda, pañcaṅgikassa tūriyassa suvinītassa suppaṭitāḷitassa sukusalehi samannāhatassa saddo hoti vaggu ca rajanīyo ca khamanīyo ca madanīyo ca , evameva kho, ānanda, tāsaṃ tālapantīnaṃ vāteritānaṃ saddo ahosi vaggu ca rajanīyo ca khamanīyo ca madanīyo ca. Ye kho panānanda, tena samayena kusāvatiyā rājadhāniyā dhuttā ahesuṃ soṇḍā pipāsā, te tāsaṃ tālapantīnaṃ vāteritānaṃ saddena paricāresuṃ.

жаггарад̇анам̣

Cakkaratanaṃ

243. ‘‘рааж̇аа , аананд̣̇а, махаасуд̣̇ассано сад̇д̇ахи рад̇анзхи саманнааг̇ад̇о ахоси жад̇уухи жа ид̣̇д̇хийхи. гад̇амзхи сад̇д̇ахи? ид̇хаананд̣̇а, ран̃н̃о махаасуд̣̇ассанасса д̇ад̣̇ахубосат̇з баннарасз сийсам̣нхаад̇асса убосат̇игасса убарибаасаад̣̇авараг̇ад̇асса д̣̇иб̣б̣ам̣ жаггарад̇анам̣ баад̇урахоси сахассаарам̣ санзмигам̣ санаабхигам̣ саб̣б̣аагаарабарибуурам̣. д̣̇исваа ран̃н̃о махаасуд̣̇ассанасса зд̇ад̣̇ахоси – ‘суд̇ам̣ ко банзд̇ам̣ – ‘‘яасса ран̃н̃о кад̇д̇ияасса муд̣̇д̇хаавасид̇д̇асса д̇ад̣̇ахубосат̇з баннарасз сийсам̣нхаад̇асса убосат̇игасса убарибаасаад̣̇авараг̇ад̇асса д̣̇иб̣б̣ам̣ жаггарад̇анам̣ баад̇убхавад̇и сахассаарам̣ санзмигам̣ санаабхигам̣ саб̣б̣аагаарабарибуурам̣, со ход̇и рааж̇аа жаггавад̇д̇ий’’д̇и. ассам̣ ну ко ахам̣ рааж̇аа жаггавад̇д̇ий’д̇и.

243. ‘‘Rājā , ānanda, mahāsudassano sattahi ratanehi samannāgato ahosi catūhi ca iddhīhi. Katamehi sattahi? Idhānanda, rañño mahāsudassanassa tadahuposathe pannarase sīsaṃnhātassa uposathikassa uparipāsādavaragatassa dibbaṃ cakkaratanaṃ pāturahosi sahassāraṃ sanemikaṃ sanābhikaṃ sabbākāraparipūraṃ. Disvā rañño mahāsudassanassa etadahosi – ‘sutaṃ kho panetaṃ – ‘‘yassa rañño khattiyassa muddhāvasittassa tadahuposathe pannarase sīsaṃnhātassa uposathikassa uparipāsādavaragatassa dibbaṃ cakkaratanaṃ pātubhavati sahassāraṃ sanemikaṃ sanābhikaṃ sabbākāraparipūraṃ, so hoti rājā cakkavattī’’ti. Assaṃ nu kho ahaṃ rājā cakkavattī’ti.

244. ‘‘ат̇а ко, аананд̣̇а, рааж̇аа махаасуд̣̇ассано удтааяаасанаа згам̣сам̣ уд̇д̇араасан̇г̇ам̣ гарид̇ваа ваамзна хад̇т̇зна суван̣н̣абхин̇гаарам̣ г̇ахзд̇ваа д̣̇агкин̣зна хад̇т̇зна жаггарад̇анам̣ аб̣бхуггири – ‘бавад̇д̇ад̇у бхавам̣ жаггарад̇анам̣, абхивиж̇инаад̇у бхавам̣ жаггарад̇ана’нд̇и. ат̇а ко д̇ам̣, аананд̣̇а, жаггарад̇анам̣ бурад̇т̇имам̣ д̣̇исам̣ бавад̇д̇и ⁹, анвад̣̇зва ¹⁰ рааж̇аа махаасуд̣̇ассано сад̣̇д̇хим̣ жад̇уран̇г̇инияаа сзнааяа, яасмим̣ ко банаананд̣̇а, бад̣̇зсз жаггарад̇анам̣ бад̇идтааси, д̇ад̇т̇а рааж̇аа махаасуд̣̇ассано ваасам̣ убаг̇ажчи сад̣̇д̇хим̣ жад̇уран̇г̇инияаа сзнааяа. яз ко банаананд̣̇а, бурад̇т̇имааяа д̣̇исааяа бадирааж̇аано, д̇з рааж̇аанам̣ махаасуд̣̇ассанам̣ убасан̇гамид̇ваа звамаахам̣су – ‘зхи ко махаарааж̇а, свааг̇ад̇ам̣ д̇з махаарааж̇а, сагам̣ д̇з махаарааж̇а, анусааса махаарааж̇аа’д̇и. рааж̇аа махаасуд̣̇ассано звамааха – ‘баан̣о на ханд̇аб̣б̣о, ад̣̇иннам̣ на аад̣̇аад̇аб̣б̣ам̣, гаамзсу мижчаа на жарид̇аб̣б̣аа, мусаа на бхан̣ид̇аб̣б̣аа, маж̇ж̇ам̣ на баад̇аб̣б̣ам̣, яат̇аабхуд̇д̇ан̃жа бхун̃ж̇ат̇аа’д̇и . яз ко банаананд̣̇а, бурад̇т̇имааяа д̣̇исааяа бадирааж̇аано, д̇з ран̃н̃о махаасуд̣̇ассанасса ануяанд̇аа ахзсум̣. ат̇а ко д̇ам̣, аананд̣̇а, жаггарад̇анам̣ бурад̇т̇имам̣ самуд̣̇д̣̇ам̣ аж̇жхог̇аахзд̇ваа бажжуд̇д̇арид̇ваа д̣̇агкин̣ам̣ д̣̇исам̣ бавад̇д̇и…бз… д̣̇агкин̣ам̣ самуд̣̇д̣̇ам̣ аж̇жхог̇аахзд̇ваа бажжуд̇д̇арид̇ваа бажчимам̣ д̣̇исам̣ бавад̇д̇и…бз… бажчимам̣ самуд̣̇д̣̇ам̣ аж̇жхог̇аахзд̇ваа бажжуд̇д̇арид̇ваа уд̇д̇арам̣ д̣̇исам̣ бавад̇д̇и, анвад̣̇зва рааж̇аа махаасуд̣̇ассано сад̣̇д̇хим̣ жад̇уран̇г̇инияаа сзнааяа. яасмим̣ ко банаананд̣̇а, бад̣̇зсз жаггарад̇анам̣ бад̇идтааси, д̇ад̇т̇а рааж̇аа махаасуд̣̇ассано ваасам̣ убаг̇ажчи сад̣̇д̇хим̣ жад̇уран̇г̇инияаа сзнааяа. яз ко банаананд̣̇а, уд̇д̇арааяа д̣̇исааяа бадирааж̇аано, д̇з рааж̇аанам̣ махаасуд̣̇ассанам̣ убасан̇гамид̇ваа звамаахам̣су – ‘зхи ко махаарааж̇а, свааг̇ад̇ам̣ д̇з махаарааж̇а, сагам̣ д̇з махаарааж̇а, анусааса махаарааж̇аа’д̇и. рааж̇аа махаасуд̣̇ассано звамааха – ‘баан̣о на ханд̇аб̣б̣о, ад̣̇иннам̣ на аад̣̇аад̇аб̣б̣ам̣, гаамзсу мижчаа на жарид̇аб̣б̣аа, мусаа на бхан̣ид̇аб̣б̣аа, маж̇ж̇ам̣ на баад̇аб̣б̣ам̣ , яат̇аабхуд̇д̇ан̃жа бхун̃ж̇ат̇аа’д̇и. яз ко банаананд̣̇а, уд̇д̇арааяа д̣̇исааяа бадирааж̇аано , д̇з ран̃н̃о махаасуд̣̇ассанасса ануяанд̇аа ахзсум̣.

244. ‘‘Atha kho, ānanda, rājā mahāsudassano uṭṭhāyāsanā ekaṃsaṃ uttarāsaṅgaṃ karitvā vāmena hatthena suvaṇṇabhiṅkāraṃ gahetvā dakkhiṇena hatthena cakkaratanaṃ abbhukkiri – ‘pavattatu bhavaṃ cakkaratanaṃ, abhivijinātu bhavaṃ cakkaratana’nti. Atha kho taṃ, ānanda, cakkaratanaṃ puratthimaṃ disaṃ pavatti ¹¹, anvadeva ¹² rājā mahāsudassano saddhiṃ caturaṅginiyā senāya, yasmiṃ kho panānanda, padese cakkaratanaṃ patiṭṭhāsi, tattha rājā mahāsudassano vāsaṃ upagacchi saddhiṃ caturaṅginiyā senāya. Ye kho panānanda, puratthimāya disāya paṭirājāno, te rājānaṃ mahāsudassanaṃ upasaṅkamitvā evamāhaṃsu – ‘ehi kho mahārāja, svāgataṃ te mahārāja, sakaṃ te mahārāja, anusāsa mahārājā’ti. Rājā mahāsudassano evamāha – ‘pāṇo na hantabbo, adinnaṃ na ādātabbaṃ, kāmesu micchā na caritabbā, musā na bhaṇitabbā, majjaṃ na pātabbaṃ, yathābhuttañca bhuñjathā’ti . Ye kho panānanda, puratthimāya disāya paṭirājāno, te rañño mahāsudassanassa anuyantā ahesuṃ. Atha kho taṃ, ānanda, cakkaratanaṃ puratthimaṃ samuddaṃ ajjhogāhetvā paccuttaritvā dakkhiṇaṃ disaṃ pavatti…pe… dakkhiṇaṃ samuddaṃ ajjhogāhetvā paccuttaritvā pacchimaṃ disaṃ pavatti…pe… pacchimaṃ samuddaṃ ajjhogāhetvā paccuttaritvā uttaraṃ disaṃ pavatti, anvadeva rājā mahāsudassano saddhiṃ caturaṅginiyā senāya. Yasmiṃ kho panānanda, padese cakkaratanaṃ patiṭṭhāsi, tattha rājā mahāsudassano vāsaṃ upagacchi saddhiṃ caturaṅginiyā senāya. Ye kho panānanda, uttarāya disāya paṭirājāno, te rājānaṃ mahāsudassanaṃ upasaṅkamitvā evamāhaṃsu – ‘ehi kho mahārāja, svāgataṃ te mahārāja, sakaṃ te mahārāja, anusāsa mahārājā’ti. Rājā mahāsudassano evamāha – ‘pāṇo na hantabbo, adinnaṃ na ādātabbaṃ, kāmesu micchā na caritabbā, musā na bhaṇitabbā, majjaṃ na pātabbaṃ , yathābhuttañca bhuñjathā’ti. Ye kho panānanda, uttarāya disāya paṭirājāno , te rañño mahāsudassanassa anuyantā ahesuṃ.

245. ‘‘ат̇а ко д̇ам̣, аананд̣̇а, жаггарад̇анам̣ самуд̣̇д̣̇абарияанд̇ам̣ бат̇авим̣ абхивиж̇инид̇ваа гусаавад̇им̣ рааж̇ад̇хааним̣ бажжааг̇анд̇ваа ран̃н̃о махаасуд̣̇ассанасса анд̇збурад̣̇ваарз ад̇т̇агаран̣абамукз агкаахад̇ам̣ ман̃н̃з адтааси ран̃н̃о махаасуд̣̇ассанасса анд̇збурам̣ убасобхаяамаанам̣. ран̃н̃о, аананд̣̇а, махаасуд̣̇ассанасса зваруубам̣ жаггарад̇анам̣ баад̇урахоси.

245. ‘‘Atha kho taṃ, ānanda, cakkaratanaṃ samuddapariyantaṃ pathaviṃ abhivijinitvā kusāvatiṃ rājadhāniṃ paccāgantvā rañño mahāsudassanassa antepuradvāre atthakaraṇapamukhe akkhāhataṃ maññe aṭṭhāsi rañño mahāsudassanassa antepuraṃ upasobhayamānaṃ. Rañño, ānanda, mahāsudassanassa evarūpaṃ cakkaratanaṃ pāturahosi.

хад̇т̇ирад̇анам̣

Hatthiratanaṃ

246. ‘‘буна жабарам̣, аананд̣̇а, ран̃н̃о махаасуд̣̇ассанасса хад̇т̇ирад̇анам̣ баад̇урахоси саб̣б̣асзд̇о сад̇д̇аббад̇идто ид̣̇д̇химаа взхаасан̇г̇амо убосат̇о наама нааг̇арааж̇аа. д̇ам̣ д̣̇исваа ран̃н̃о махаасуд̣̇ассанасса жид̇д̇ам̣ басийд̣̇и – ‘бхад̣̇д̣̇агам̣ вад̇а бхо хад̇т̇ияаанам̣, сажз д̣̇амат̇ам̣ убзяяаа’д̇и. ат̇а ко д̇ам̣, аананд̣̇а, хад̇т̇ирад̇анам̣ – сзяяат̇ааби наама г̇анд̇хахад̇т̇ааж̇аанияо д̣̇ийгхарад̇д̇ам̣ субарид̣̇анд̇о, звамзва д̣̇амат̇ам̣ убаг̇ажчи. бхууд̇абуб̣б̣ам̣, аананд̣̇а, рааж̇аа махаасуд̣̇ассано д̇амзва хад̇т̇ирад̇анам̣ виймам̣самаано буб̣б̣ан̣хасамаяам̣ абхирухид̇ваа самуд̣̇д̣̇абарияанд̇ам̣ бат̇авим̣ ануяааяид̇ваа гусаавад̇им̣ рааж̇ад̇хааним̣ бажжааг̇анд̇ваа баад̇араасамагааси. ран̃н̃о, аананд̣̇а, махаасуд̣̇ассанасса зваруубам̣ хад̇т̇ирад̇анам̣ баад̇урахоси.

246. ‘‘Puna caparaṃ, ānanda, rañño mahāsudassanassa hatthiratanaṃ pāturahosi sabbaseto sattappatiṭṭho iddhimā vehāsaṅgamo uposatho nāma nāgarājā. Taṃ disvā rañño mahāsudassanassa cittaṃ pasīdi – ‘bhaddakaṃ vata bho hatthiyānaṃ, sace damathaṃ upeyyā’ti. Atha kho taṃ, ānanda, hatthiratanaṃ – seyyathāpi nāma gandhahatthājāniyo dīgharattaṃ suparidanto, evameva damathaṃ upagacchi. Bhūtapubbaṃ, ānanda, rājā mahāsudassano tameva hatthiratanaṃ vīmaṃsamāno pubbaṇhasamayaṃ abhiruhitvā samuddapariyantaṃ pathaviṃ anuyāyitvā kusāvatiṃ rājadhāniṃ paccāgantvā pātarāsamakāsi. Rañño, ānanda, mahāsudassanassa evarūpaṃ hatthiratanaṃ pāturahosi.

ассарад̇анам̣

Assaratanaṃ

247. ‘‘буна жабарам̣, аананд̣̇а, ран̃н̃о махаасуд̣̇ассанасса ассарад̇анам̣ баад̇урахоси саб̣б̣асзд̇о гаал̣асийсо мун̃ж̇агзсо ид̣̇д̇химаа взхаасан̇г̇амо валаахаго наама ассарааж̇аа. д̇ам̣ д̣̇исваа ран̃н̃о махаасуд̣̇ассанасса жид̇д̇ам̣ басийд̣̇и – ‘бхад̣̇д̣̇агам̣ вад̇а бхо ассаяаанам̣ сажз д̣̇амат̇ам̣ убзяяаа’д̇и. ат̇а ко д̇ам̣ , аананд̣̇а, ассарад̇анам̣ сзяяат̇ааби наама бхад̣̇д̣̇о ассааж̇аанияо д̣̇ийгхарад̇д̇ам̣ субарид̣̇анд̇о, звамзва д̣̇амат̇ам̣ убаг̇ажчи. бхууд̇абуб̣б̣ам̣, аананд̣̇а, рааж̇аа махаасуд̣̇ассано д̇амзва ассарад̇анам̣ виймам̣самаано буб̣б̣ан̣хасамаяам̣ абхирухид̇ваа самуд̣̇д̣̇абарияанд̇ам̣ бат̇авим̣ ануяааяид̇ваа гусаавад̇им̣ рааж̇ад̇хааним̣ бажжааг̇анд̇ваа баад̇араасамагааси. ран̃н̃о, аананд̣̇а, махаасуд̣̇ассанасса зваруубам̣ ассарад̇анам̣ баад̇урахоси.

247. ‘‘Puna caparaṃ, ānanda, rañño mahāsudassanassa assaratanaṃ pāturahosi sabbaseto kāḷasīso muñjakeso iddhimā vehāsaṅgamo valāhako nāma assarājā. Taṃ disvā rañño mahāsudassanassa cittaṃ pasīdi – ‘bhaddakaṃ vata bho assayānaṃ sace damathaṃ upeyyā’ti. Atha kho taṃ , ānanda, assaratanaṃ seyyathāpi nāma bhaddo assājāniyo dīgharattaṃ suparidanto, evameva damathaṃ upagacchi. Bhūtapubbaṃ, ānanda, rājā mahāsudassano tameva assaratanaṃ vīmaṃsamāno pubbaṇhasamayaṃ abhiruhitvā samuddapariyantaṃ pathaviṃ anuyāyitvā kusāvatiṃ rājadhāniṃ paccāgantvā pātarāsamakāsi. Rañño, ānanda, mahāsudassanassa evarūpaṃ assaratanaṃ pāturahosi.

ман̣ирад̇анам̣

Maṇiratanaṃ

248. ‘‘буна жабарам̣, аананд̣̇а, ран̃н̃о махаасуд̣̇ассанасса ман̣ирад̇анам̣ баад̇урахоси. со ахоси ман̣и взл̣урияо субхо ж̇аад̇имаа адтам̣со субаригаммагад̇о ажчо виббасанно анаавило саб̣б̣аагаарасамбанно. д̇асса ко банаананд̣̇а, ман̣ирад̇анасса аабхаа саманд̇аа яож̇анам̣ пудаа ахоси. бхууд̇абуб̣б̣ам̣, аананд̣̇а, рааж̇аа махаасуд̣̇ассано д̇амзва ман̣ирад̇анам̣ виймам̣самаано жад̇уран̇г̇иним̣ сзнам̣ саннаяхид̇ваа ман̣им̣ д̇хаж̇аг̇г̇ам̣ ааробзд̇ваа рад̇д̇анд̇хагаарад̇имисааяа бааяааси. яз ко банаананд̣̇а, саманд̇аа г̇аамаа ахзсум̣, д̇з д̇знобхаасзна гамманд̇з баяож̇зсум̣ д̣̇иваад̇и ман̃н̃амаанаа. ран̃н̃о, аананд̣̇а, махаасуд̣̇ассанасса зваруубам̣ ман̣ирад̇анам̣ баад̇урахоси.

248. ‘‘Puna caparaṃ, ānanda, rañño mahāsudassanassa maṇiratanaṃ pāturahosi. So ahosi maṇi veḷuriyo subho jātimā aṭṭhaṃso suparikammakato accho vippasanno anāvilo sabbākārasampanno. Tassa kho panānanda, maṇiratanassa ābhā samantā yojanaṃ phuṭā ahosi. Bhūtapubbaṃ, ānanda, rājā mahāsudassano tameva maṇiratanaṃ vīmaṃsamāno caturaṅginiṃ senaṃ sannayhitvā maṇiṃ dhajaggaṃ āropetvā rattandhakāratimisāya pāyāsi. Ye kho panānanda, samantā gāmā ahesuṃ, te tenobhāsena kammante payojesuṃ divāti maññamānā. Rañño, ānanda, mahāsudassanassa evarūpaṃ maṇiratanaṃ pāturahosi.

ид̇т̇ирад̇анам̣

Itthiratanaṃ

249. ‘‘буна жабарам̣, аананд̣̇а, ран̃н̃о махаасуд̣̇ассанасса ид̇т̇ирад̇анам̣ баад̇урахоси абхируубаа д̣̇ассанийяаа баасаад̣̇игаа барамааяа ван̣н̣абогкарад̇ааяа саманнааг̇ад̇аа наад̇ид̣̇ийгхаа наад̇ирассаа наад̇игисаа наад̇ит̇уулаа наад̇игаал̣игаа наажжод̣̇аад̇аа ад̇игганд̇аа маанусиван̣н̣ам̣ ¹³ аббад̇д̇аа д̣̇иб̣б̣аван̣н̣ам̣. д̇асса ко банаананд̣̇а, ид̇т̇ирад̇анасса зваруубо гааяасампассо ход̇и, сзяяат̇ааби наама д̇уулабижуно ваа габбаасабижуно ваа. д̇асса ко банаананд̣̇а, ид̇т̇ирад̇анасса сийд̇з ун̣хаани г̇ад̇д̇аани хонд̇и, ун̣хз сийд̇аани. д̇асса ко банаананд̣̇а, ид̇т̇ирад̇анасса гааяад̇о жанд̣̇анаг̇анд̇хо вааяад̇и, мукад̇о уббалаг̇анд̇хо. д̇ам̣ ко банаананд̣̇а, ид̇т̇ирад̇анам̣ ран̃н̃о махаасуд̣̇ассанасса буб̣б̣удтааяиний ахоси бажчаанибаад̇иний гин̇гаарабадиссаавиний манаабажаариний бияаваад̣̇иний. д̇ам̣ ко банаананд̣̇а, ид̇т̇ирад̇анам̣ рааж̇аанам̣ махаасуд̣̇ассанам̣ манасааби но ад̇ижари ¹⁴, гуд̇о бана гааязна. ран̃н̃о, аананд̣̇а, махаасуд̣̇ассанасса зваруубам̣ ид̇т̇ирад̇анам̣ баад̇урахоси.

249. ‘‘Puna caparaṃ, ānanda, rañño mahāsudassanassa itthiratanaṃ pāturahosi abhirūpā dassanīyā pāsādikā paramāya vaṇṇapokkharatāya samannāgatā nātidīghā nātirassā nātikisā nātithūlā nātikāḷikā nāccodātā atikkantā mānusivaṇṇaṃ ¹⁵ appattā dibbavaṇṇaṃ. Tassa kho panānanda, itthiratanassa evarūpo kāyasamphasso hoti, seyyathāpi nāma tūlapicuno vā kappāsapicuno vā. Tassa kho panānanda, itthiratanassa sīte uṇhāni gattāni honti, uṇhe sītāni. Tassa kho panānanda, itthiratanassa kāyato candanagandho vāyati, mukhato uppalagandho. Taṃ kho panānanda, itthiratanaṃ rañño mahāsudassanassa pubbuṭṭhāyinī ahosi pacchānipātinī kiṅkārapaṭissāvinī manāpacārinī piyavādinī. Taṃ kho panānanda, itthiratanaṃ rājānaṃ mahāsudassanaṃ manasāpi no aticari ¹⁶, kuto pana kāyena. Rañño, ānanda, mahāsudassanassa evarūpaṃ itthiratanaṃ pāturahosi.

г̇ахабад̇ирад̇анам̣

Gahapatiratanaṃ

250. ‘‘буна жабарам̣, аананд̣̇а, ран̃н̃о махаасуд̣̇ассанасса г̇ахабад̇ирад̇анам̣ баад̇урахоси. д̇асса гаммавибаагаж̇ам̣ д̣̇иб̣б̣ажагку баад̇урахоси язна нид̇хим̣ бассад̇и сассаамигамби ассаамигамби. со рааж̇аанам̣ махаасуд̣̇ассанам̣ убасан̇гамид̇ваа звамааха – ‘аббоссугго д̇вам̣, д̣̇зва, хохи, ахам̣ д̇з д̇ханзна д̇ханагаран̣ийяам̣ гариссаамий’д̇и. бхууд̇абуб̣б̣ам̣, аананд̣̇а, рааж̇аа махаасуд̣̇ассано д̇амзва г̇ахабад̇ирад̇анам̣ виймам̣самаано наавам̣ абхирухид̇ваа маж̇жхз г̇ан̇г̇ааяа над̣̇ияаа сод̇ам̣ ог̇аахид̇ваа г̇ахабад̇ирад̇анам̣ зд̇ад̣̇авожа – ‘ад̇т̇о мз, г̇ахабад̇и, хиран̃н̃асуван̣н̣знаа’д̇и. ‘д̇зна хи, махаарааж̇а, згам̣ д̇ийрам̣ нааваа убзд̇уу’д̇и. ‘ид̇хзва мз, г̇ахабад̇и, ад̇т̇о хиран̃н̃асуван̣н̣знаа’д̇и. ат̇а ко д̇ам̣, аананд̣̇а, г̇ахабад̇ирад̇анам̣ убхохи хад̇т̇зхи уд̣̇агам̣ омасид̇ваа буурам̣ хиран̃н̃асуван̣н̣асса гумбхим̣ уд̣̇д̇харид̇ваа рааж̇аанам̣ махаасуд̣̇ассанам̣ зд̇ад̣̇авожа – ‘аламзд̇д̇аавад̇аа махаарааж̇а, гад̇амзд̇д̇аавад̇аа махаарааж̇а, бууж̇ид̇амзд̇д̇аавад̇аа махаарааж̇аа’д̇и? рааж̇аа махаасуд̣̇ассано звамааха – ‘аламзд̇д̇аавад̇аа г̇ахабад̇и, гад̇амзд̇д̇аавад̇аа г̇ахабад̇и, бууж̇ид̇амзд̇д̇аавад̇аа г̇ахабад̇ий’д̇и. ран̃н̃о , аананд̣̇а, махаасуд̣̇ассанасса зваруубам̣ г̇ахабад̇ирад̇анам̣ баад̇урахоси.

250. ‘‘Puna caparaṃ, ānanda, rañño mahāsudassanassa gahapatiratanaṃ pāturahosi. Tassa kammavipākajaṃ dibbacakkhu pāturahosi yena nidhiṃ passati sassāmikampi assāmikampi. So rājānaṃ mahāsudassanaṃ upasaṅkamitvā evamāha – ‘appossukko tvaṃ, deva, hohi, ahaṃ te dhanena dhanakaraṇīyaṃ karissāmī’ti. Bhūtapubbaṃ, ānanda, rājā mahāsudassano tameva gahapatiratanaṃ vīmaṃsamāno nāvaṃ abhiruhitvā majjhe gaṅgāya nadiyā sotaṃ ogāhitvā gahapatiratanaṃ etadavoca – ‘attho me, gahapati, hiraññasuvaṇṇenā’ti. ‘Tena hi, mahārāja, ekaṃ tīraṃ nāvā upetū’ti. ‘Idheva me, gahapati, attho hiraññasuvaṇṇenā’ti. Atha kho taṃ, ānanda, gahapatiratanaṃ ubhohi hatthehi udakaṃ omasitvā pūraṃ hiraññasuvaṇṇassa kumbhiṃ uddharitvā rājānaṃ mahāsudassanaṃ etadavoca – ‘alamettāvatā mahārāja, katamettāvatā mahārāja, pūjitamettāvatā mahārājā’ti? Rājā mahāsudassano evamāha – ‘alamettāvatā gahapati, katamettāvatā gahapati, pūjitamettāvatā gahapatī’ti. Rañño , ānanda, mahāsudassanassa evarūpaṃ gahapatiratanaṃ pāturahosi.

барин̣ааяагарад̇анам̣

Pariṇāyakaratanaṃ

251. ‘‘буна жабарам̣, аананд̣̇а, ран̃н̃о махаасуд̣̇ассанасса барин̣ааяагарад̇анам̣ баад̇урахоси бан̣д̣ид̇о вияад̇д̇о мзд̇хаавий бадиб̣ало рааж̇аанам̣ махаасуд̣̇ассанам̣ убаяаабзд̇аб̣б̣ам̣ убаяаабзд̇ум̣, абаяаабзд̇аб̣б̣ам̣ абаяаабзд̇ум̣, табзд̇аб̣б̣ам̣ табзд̇ум̣. со рааж̇аанам̣ махаасуд̣̇ассанам̣ убасан̇гамид̇ваа звамааха – ‘аббоссугго д̇вам̣, д̣̇зва, хохи, ахаманусаасиссаамий’д̇и. ран̃н̃о, аананд̣̇а, махаасуд̣̇ассанасса зваруубам̣ барин̣ааяагарад̇анам̣ баад̇урахоси.

251. ‘‘Puna caparaṃ, ānanda, rañño mahāsudassanassa pariṇāyakaratanaṃ pāturahosi paṇḍito viyatto medhāvī paṭibalo rājānaṃ mahāsudassanaṃ upayāpetabbaṃ upayāpetuṃ, apayāpetabbaṃ apayāpetuṃ, ṭhapetabbaṃ ṭhapetuṃ. So rājānaṃ mahāsudassanaṃ upasaṅkamitvā evamāha – ‘appossukko tvaṃ, deva, hohi, ahamanusāsissāmī’ti. Rañño, ānanda, mahāsudassanassa evarūpaṃ pariṇāyakaratanaṃ pāturahosi.

‘‘рааж̇аа, аананд̣̇а, махаасуд̣̇ассано имзхи сад̇д̇ахи рад̇анзхи саманнааг̇ад̇о ахоси.

‘‘Rājā, ānanda, mahāsudassano imehi sattahi ratanehi samannāgato ahosi.

жад̇уид̣̇д̇хисаманнааг̇ад̇о

Catuiddhisamannāgato

252. ‘‘рааж̇аа, аананд̣̇а, махаасуд̣̇ассано жад̇уухи ид̣̇д̇хийхи саманнааг̇ад̇о ахоси. гад̇амаахи жад̇уухи ид̣̇д̇хийхи? ид̇хаананд̣̇а, рааж̇аа махаасуд̣̇ассано абхируубо ахоси д̣̇ассанийяо баасаад̣̇иго барамааяа ван̣н̣абогкарад̇ааяа саманнааг̇ад̇о ад̇ивияа ан̃н̃зхи мануссзхи. рааж̇аа, аананд̣̇а, махаасуд̣̇ассано имааяа батамааяа ид̣̇д̇хияаа саманнааг̇ад̇о ахоси.

252. ‘‘Rājā, ānanda, mahāsudassano catūhi iddhīhi samannāgato ahosi. Katamāhi catūhi iddhīhi? Idhānanda, rājā mahāsudassano abhirūpo ahosi dassanīyo pāsādiko paramāya vaṇṇapokkharatāya samannāgato ativiya aññehi manussehi. Rājā, ānanda, mahāsudassano imāya paṭhamāya iddhiyā samannāgato ahosi.

‘‘буна жабарам̣, аананд̣̇а, рааж̇аа махаасуд̣̇ассано д̣̇ийгхааяуго ахоси жирадтид̇иго ад̇ивияа ан̃н̃зхи мануссзхи. рааж̇аа, аананд̣̇а, махаасуд̣̇ассано имааяа д̣̇уд̇ияааяа ид̣̇д̇хияаа саманнааг̇ад̇о ахоси.

‘‘Puna caparaṃ, ānanda, rājā mahāsudassano dīghāyuko ahosi ciraṭṭhitiko ativiya aññehi manussehi. Rājā, ānanda, mahāsudassano imāya dutiyāya iddhiyā samannāgato ahosi.

‘‘буна жабарам̣, аананд̣̇а, рааж̇аа махаасуд̣̇ассано аббааб̣аад̇хо ахоси аббаад̇ан̇го самавзбаагинияаа г̇ахан̣ияаа саманнааг̇ад̇о наад̇исийд̇ааяа наажжун̣хааяа ад̇ивияа ан̃н̃зхи мануссзхи. рааж̇аа, аананд̣̇а, махаасуд̣̇ассано имааяа д̇ад̇ияааяа ид̣̇д̇хияаа саманнааг̇ад̇о ахоси.

‘‘Puna caparaṃ, ānanda, rājā mahāsudassano appābādho ahosi appātaṅko samavepākiniyā gahaṇiyā samannāgato nātisītāya nāccuṇhāya ativiya aññehi manussehi. Rājā, ānanda, mahāsudassano imāya tatiyāya iddhiyā samannāgato ahosi.

‘‘буна жабарам̣ , аананд̣̇а, рааж̇аа махаасуд̣̇ассано б̣раахман̣аг̇ахабад̇игаанам̣ бияо ахоси манаабо. сзяяат̇ааби, аананд̣̇а, бид̇аа буд̇д̇аанам̣ бияо ход̇и манаабо, звамзва ко, аананд̣̇а, рааж̇аа махаасуд̣̇ассано б̣раахман̣аг̇ахабад̇игаанам̣ бияо ахоси манаабо. ран̃н̃оби, аананд̣̇а, махаасуд̣̇ассанасса б̣раахман̣аг̇ахабад̇игаа бияаа ахзсум̣ манаабаа. сзяяат̇ааби, аананд̣̇а, бид̇у буд̇д̇аа бияаа хонд̇и манаабаа, звамзва ко, аананд̣̇а, ран̃н̃оби махаасуд̣̇ассанасса б̣раахман̣аг̇ахабад̇игаа бияаа ахзсум̣ манаабаа.

‘‘Puna caparaṃ , ānanda, rājā mahāsudassano brāhmaṇagahapatikānaṃ piyo ahosi manāpo. Seyyathāpi, ānanda, pitā puttānaṃ piyo hoti manāpo, evameva kho, ānanda, rājā mahāsudassano brāhmaṇagahapatikānaṃ piyo ahosi manāpo. Raññopi, ānanda, mahāsudassanassa brāhmaṇagahapatikā piyā ahesuṃ manāpā. Seyyathāpi, ānanda, pitu puttā piyā honti manāpā, evameva kho, ānanda, raññopi mahāsudassanassa brāhmaṇagahapatikā piyā ahesuṃ manāpā.

‘‘бхууд̇абуб̣б̣ам̣, аананд̣̇а, рааж̇аа махаасуд̣̇ассано жад̇уран̇г̇инияаа сзнааяа уяяаанабхуумим̣ нияяааси. ат̇а ко, аананд̣̇а, б̣раахман̣аг̇ахабад̇игаа рааж̇аанам̣ махаасуд̣̇ассанам̣ убасан̇гамид̇ваа звамаахам̣су – ‘ад̇арамаано, д̣̇зва, яаахи, яат̇аа д̇ам̣ маяам̣ жирад̇арам̣ бассзяяаамаа’д̇и. рааж̇ааби, аананд̣̇а, махаасуд̣̇ассано саарат̇им̣ ааманд̇зси – ‘ад̇арамаано, саарат̇и, рат̇ам̣ бзсзхи, яат̇аа ахам̣ б̣раахман̣аг̇ахабад̇игз жирад̇арам̣ бассзяяа’нд̇и. рааж̇аа, аананд̣̇а, махаасуд̣̇ассано имааяа жад̇уд̇т̇ияаа ¹⁷ ид̣̇д̇хияаа саманнааг̇ад̇о ахоси. рааж̇аа, аананд̣̇а, махаасуд̣̇ассано имаахи жад̇уухи ид̣̇д̇хийхи саманнааг̇ад̇о ахоси.

‘‘Bhūtapubbaṃ, ānanda, rājā mahāsudassano caturaṅginiyā senāya uyyānabhūmiṃ niyyāsi. Atha kho, ānanda, brāhmaṇagahapatikā rājānaṃ mahāsudassanaṃ upasaṅkamitvā evamāhaṃsu – ‘ataramāno, deva, yāhi, yathā taṃ mayaṃ cirataraṃ passeyyāmā’ti. Rājāpi, ānanda, mahāsudassano sārathiṃ āmantesi – ‘ataramāno, sārathi, rathaṃ pesehi, yathā ahaṃ brāhmaṇagahapatike cirataraṃ passeyya’nti. Rājā, ānanda, mahāsudassano imāya catutthiyā ¹⁸ iddhiyā samannāgato ahosi. Rājā, ānanda, mahāsudassano imāhi catūhi iddhīhi samannāgato ahosi.

д̇хаммабаасаад̣̇абогкаран̣ий

Dhammapāsādapokkharaṇī

253. ‘‘ат̇а ко, аананд̣̇а, ран̃н̃о махаасуд̣̇ассанасса зд̇ад̣̇ахоси – ‘яам̣нуунаахам̣ имаасу д̇ааланд̇аригаасу д̇ханусад̇з д̇ханусад̇з богкаран̣ияо маабзяяа’нд̇и.

253. ‘‘Atha kho, ānanda, rañño mahāsudassanassa etadahosi – ‘yaṃnūnāhaṃ imāsu tālantarikāsu dhanusate dhanusate pokkharaṇiyo māpeyya’nti.

‘‘маабзси ко, аананд̣̇а, рааж̇аа махаасуд̣̇ассано д̇аасу д̇ааланд̇аригаасу д̇ханусад̇з д̇ханусад̇з богкаран̣ияо. д̇аа ко банаананд̣̇а, богкаран̣ияо жад̇уннам̣ ван̣н̣аанам̣ идтагаахи жид̇аа ахзсум̣ – згаа идтагаа сован̣н̣амаяаа, згаа руубияамаяаа, згаа взл̣урияамаяаа, згаа палигамаяаа.

‘‘Māpesi kho, ānanda, rājā mahāsudassano tāsu tālantarikāsu dhanusate dhanusate pokkharaṇiyo. Tā kho panānanda, pokkharaṇiyo catunnaṃ vaṇṇānaṃ iṭṭhakāhi citā ahesuṃ – ekā iṭṭhakā sovaṇṇamayā, ekā rūpiyamayā, ekā veḷuriyamayā, ekā phalikamayā.

‘‘д̇аасу ко банаананд̣̇а, богкаран̣ийсу жад̇д̇аари жад̇д̇аари собаанаани ахзсум̣ жад̇уннам̣ ван̣н̣аанам̣, згам̣ собаанам̣ сован̣н̣амаяам̣ згам̣ руубияамаяам̣ згам̣ взл̣урияамаяам̣ згам̣ палигамаяам̣. сован̣н̣амаяасса собаанасса сован̣н̣амаяаа т̇амбхаа ахзсум̣, руубияамаяаа суужияо жа ун̣хийсан̃жа. руубияамаяасса собаанасса руубияамаяаа т̇амбхаа ахзсум̣, сован̣н̣амаяаа суужияо жа ун̣хийсан̃жа. взл̣урияамаяасса собаанасса взл̣урияамаяаа т̇амбхаа ахзсум̣, палигамаяаа суужияо жа ун̣хийсан̃жа. палигамаяасса собаанасса палигамаяаа т̇амбхаа ахзсум̣, взл̣урияамаяаа суужияо жа ун̣хийсан̃жа. д̇аа ко банаананд̣̇а, богкаран̣ияо д̣̇вийхи взд̣̇игаахи баригкид̇д̇аа ахзсум̣ згаа взд̣̇игаа сован̣н̣амаяаа, згаа руубияамаяаа. сован̣н̣амаяааяа взд̣̇игааяа сован̣н̣амаяаа т̇амбхаа ахзсум̣, руубияамаяаа суужияо жа ун̣хийсан̃жа. руубияамаяааяа взд̣̇игааяа руубияамаяаа т̇амбхаа ахзсум̣, сован̣н̣амаяаа суужияо жа ун̣хийсан̃жа. ат̇а ко, аананд̣̇а , ран̃н̃о махаасуд̣̇ассанасса зд̇ад̣̇ахоси – ‘яам̣нуунаахам̣ имаасу богкаран̣ийсу зваруубам̣ маалам̣ робаабзяяам̣ уббалам̣ бад̣̇умам̣ гумуд̣̇ам̣ бун̣д̣арийгам̣ саб̣б̣од̇угам̣ саб̣б̣аж̇анасса анаавада’нд̇и. робаабзси ко , аананд̣̇а, рааж̇аа махаасуд̣̇ассано д̇аасу богкаран̣ийсу зваруубам̣ маалам̣ уббалам̣ бад̣̇умам̣ гумуд̣̇ам̣ бун̣д̣арийгам̣ саб̣б̣од̇угам̣ саб̣б̣аж̇анасса анаавадам̣.

‘‘Tāsu kho panānanda, pokkharaṇīsu cattāri cattāri sopānāni ahesuṃ catunnaṃ vaṇṇānaṃ, ekaṃ sopānaṃ sovaṇṇamayaṃ ekaṃ rūpiyamayaṃ ekaṃ veḷuriyamayaṃ ekaṃ phalikamayaṃ. Sovaṇṇamayassa sopānassa sovaṇṇamayā thambhā ahesuṃ, rūpiyamayā sūciyo ca uṇhīsañca. Rūpiyamayassa sopānassa rūpiyamayā thambhā ahesuṃ, sovaṇṇamayā sūciyo ca uṇhīsañca. Veḷuriyamayassa sopānassa veḷuriyamayā thambhā ahesuṃ, phalikamayā sūciyo ca uṇhīsañca. Phalikamayassa sopānassa phalikamayā thambhā ahesuṃ, veḷuriyamayā sūciyo ca uṇhīsañca. Tā kho panānanda, pokkharaṇiyo dvīhi vedikāhi parikkhittā ahesuṃ ekā vedikā sovaṇṇamayā, ekā rūpiyamayā. Sovaṇṇamayāya vedikāya sovaṇṇamayā thambhā ahesuṃ, rūpiyamayā sūciyo ca uṇhīsañca. Rūpiyamayāya vedikāya rūpiyamayā thambhā ahesuṃ, sovaṇṇamayā sūciyo ca uṇhīsañca. Atha kho, ānanda , rañño mahāsudassanassa etadahosi – ‘yaṃnūnāhaṃ imāsu pokkharaṇīsu evarūpaṃ mālaṃ ropāpeyyaṃ uppalaṃ padumaṃ kumudaṃ puṇḍarīkaṃ sabbotukaṃ sabbajanassa anāvaṭa’nti. Ropāpesi kho , ānanda, rājā mahāsudassano tāsu pokkharaṇīsu evarūpaṃ mālaṃ uppalaṃ padumaṃ kumudaṃ puṇḍarīkaṃ sabbotukaṃ sabbajanassa anāvaṭaṃ.

254. ‘‘ат̇а ко, аананд̣̇а, ран̃н̃о махаасуд̣̇ассанасса зд̇ад̣̇ахоси – ‘яам̣нуунаахам̣ имаасам̣ богкаран̣ийнам̣ д̇ийрз нхаабагз бурисз табзяяам̣, яз ааг̇ад̇ааг̇ад̇ам̣ ж̇анам̣ нхаабзссанд̇ий’д̇и. табзси ко, аананд̣̇а, рааж̇аа махаасуд̣̇ассано д̇аасам̣ богкаран̣ийнам̣ д̇ийрз нхаабагз бурисз, яз ааг̇ад̇ааг̇ад̇ам̣ ж̇анам̣ нхаабзсум̣.

254. ‘‘Atha kho, ānanda, rañño mahāsudassanassa etadahosi – ‘yaṃnūnāhaṃ imāsaṃ pokkharaṇīnaṃ tīre nhāpake purise ṭhapeyyaṃ, ye āgatāgataṃ janaṃ nhāpessantī’ti. Ṭhapesi kho, ānanda, rājā mahāsudassano tāsaṃ pokkharaṇīnaṃ tīre nhāpake purise, ye āgatāgataṃ janaṃ nhāpesuṃ.

‘‘ат̇а ко, аананд̣̇а, ран̃н̃о махаасуд̣̇ассанасса зд̇ад̣̇ахоси – ‘яам̣нуунаахам̣ имаасам̣ богкаран̣ийнам̣ д̇ийрз зваруубам̣ д̣̇аанам̣ бадтабзяяам̣ – аннам̣ аннадтигасса ¹⁹, баанам̣ баанадтигасса, вад̇т̇ам̣ вад̇т̇адтигасса, яаанам̣ яаанадтигасса, саяанам̣ саяанадтигасса, ид̇т̇им̣ ид̇т̇идтигасса, хиран̃н̃ам̣ хиран̃н̃адтигасса, суван̣н̣ам̣ суван̣н̣адтигассаа’д̇и. бадтабзси ко, аананд̣̇а, рааж̇аа махаасуд̣̇ассано д̇аасам̣ богкаран̣ийнам̣ д̇ийрз зваруубам̣ д̣̇аанам̣ – аннам̣ аннадтигасса, баанам̣ баанадтигасса, вад̇т̇ам̣ вад̇т̇адтигасса, яаанам̣ яаанадтигасса, саяанам̣ саяанадтигасса, ид̇т̇им̣ ид̇т̇идтигасса, хиран̃н̃ам̣ хиран̃н̃адтигасса, суван̣н̣ам̣ суван̣н̣адтигасса.

‘‘Atha kho, ānanda, rañño mahāsudassanassa etadahosi – ‘yaṃnūnāhaṃ imāsaṃ pokkharaṇīnaṃ tīre evarūpaṃ dānaṃ paṭṭhapeyyaṃ – annaṃ annaṭṭhikassa ²⁰, pānaṃ pānaṭṭhikassa, vatthaṃ vatthaṭṭhikassa, yānaṃ yānaṭṭhikassa, sayanaṃ sayanaṭṭhikassa, itthiṃ itthiṭṭhikassa, hiraññaṃ hiraññaṭṭhikassa, suvaṇṇaṃ suvaṇṇaṭṭhikassā’ti. Paṭṭhapesi kho, ānanda, rājā mahāsudassano tāsaṃ pokkharaṇīnaṃ tīre evarūpaṃ dānaṃ – annaṃ annaṭṭhikassa, pānaṃ pānaṭṭhikassa, vatthaṃ vatthaṭṭhikassa, yānaṃ yānaṭṭhikassa, sayanaṃ sayanaṭṭhikassa, itthiṃ itthiṭṭhikassa, hiraññaṃ hiraññaṭṭhikassa, suvaṇṇaṃ suvaṇṇaṭṭhikassa.

255. ‘‘ат̇а ко, аананд̣̇а, б̣раахман̣аг̇ахабад̇игаа бахууд̇ам̣ саабад̇зяяам̣ аад̣̇ааяа рааж̇аанам̣ махаасуд̣̇ассанам̣ убасан̇гамид̇ваа звамаахам̣су – ‘ид̣̇ам̣, д̣̇зва, бахууд̇ам̣ саабад̇зяяам̣ д̣̇зван̃н̃зва уд̣̇д̣̇исса аабхад̇ам̣, д̇ам̣ д̣̇зво бадиг̇г̇ан̣хад̇уу’д̇и. ‘алам̣ бхо, мамабид̣̇ам̣ бахууд̇ам̣ саабад̇зяяам̣ д̇хаммигзна б̣алинаа абхисан̇кад̇ам̣, д̇ан̃жа во ход̇у, ид̇о жа бхияяо харат̇аа’д̇и. д̇з ран̃н̃аа бадигкид̇д̇аа згаманд̇ам̣ абаггамма звам̣ самажинд̇зсум̣ – ‘на ко зд̇ам̣ амхаагам̣ бад̇ируубам̣, яам̣ маяам̣ имаани саабад̇зяяаани бунад̣̇зва сагаани гхараани бадихарзяяаама. яам̣нууна маяам̣ ран̃н̃о махаасуд̣̇ассанасса нивзсанам̣ маабзяяаамаа’д̇и. д̇з рааж̇аанам̣ махаасуд̣̇ассанам̣ убасан̇гамид̇ваа звамаахам̣су – ‘нивзсанам̣ д̇з д̣̇зва, маабзссаамаа’д̇и. ад̇хиваасзси ко, аананд̣̇а, рааж̇аа махаасуд̣̇ассано д̇ун̣хийбхаавзна.

255. ‘‘Atha kho, ānanda, brāhmaṇagahapatikā pahūtaṃ sāpateyyaṃ ādāya rājānaṃ mahāsudassanaṃ upasaṅkamitvā evamāhaṃsu – ‘idaṃ, deva, pahūtaṃ sāpateyyaṃ devaññeva uddissa ābhataṃ, taṃ devo paṭiggaṇhatū’ti. ‘Alaṃ bho, mamapidaṃ pahūtaṃ sāpateyyaṃ dhammikena balinā abhisaṅkhataṃ, tañca vo hotu, ito ca bhiyyo harathā’ti. Te raññā paṭikkhittā ekamantaṃ apakkamma evaṃ samacintesuṃ – ‘na kho etaṃ amhākaṃ patirūpaṃ, yaṃ mayaṃ imāni sāpateyyāni punadeva sakāni gharāni paṭihareyyāma. Yaṃnūna mayaṃ rañño mahāsudassanassa nivesanaṃ māpeyyāmā’ti. Te rājānaṃ mahāsudassanaṃ upasaṅkamitvā evamāhaṃsu – ‘nivesanaṃ te deva, māpessāmā’ti. Adhivāsesi kho, ānanda, rājā mahāsudassano tuṇhībhāvena.

256. ‘‘ат̇а ко, аананд̣̇а, сагго д̣̇зваанаминд̣̇о ран̃н̃о махаасуд̣̇ассанасса жзд̇асаа жзд̇обаривид̇аггаман̃н̃ааяа виссагаммам̣ ²¹ д̣̇звабуд̇д̇ам̣ ааманд̇зси – ‘зхи д̇вам̣, самма виссагамма, ран̃н̃о махаасуд̣̇ассанасса нивзсанам̣ маабзхи д̇хаммам̣ наама баасаад̣̇а’нд̇и. ‘звам̣ бхад̣̇д̣̇анд̇аваа’д̇и ко, аананд̣̇а, виссагаммо д̣̇звабуд̇д̇о саггасса д̣̇зваанаминд̣̇асса бадиссуд̇ваа сзяяат̇ааби наама б̣алаваа бурисо самин̃ж̇ид̇ам̣ ваа б̣аахам̣ басаарзяяа басаарид̇ам̣ ваа б̣аахам̣ самин̃ж̇зяяа, звамзва д̣̇звзсу д̇аавад̇им̣сзсу анд̇арахид̇о ран̃н̃о махаасуд̣̇ассанасса бурад̇о баад̇урахоси. ат̇а ко, аананд̣̇а, виссагаммо д̣̇звабуд̇д̇о рааж̇аанам̣ махаасуд̣̇ассанам̣ зд̇ад̣̇авожа – ‘нивзсанам̣ д̇з д̣̇зва, маабзссаами д̇хаммам̣ наама баасаад̣̇а’нд̇и. ад̇хиваасзси ко, аананд̣̇а, рааж̇аа махаасуд̣̇ассано д̇ун̣хийбхаавзна.

256. ‘‘Atha kho, ānanda, sakko devānamindo rañño mahāsudassanassa cetasā cetoparivitakkamaññāya vissakammaṃ ²² devaputtaṃ āmantesi – ‘ehi tvaṃ, samma vissakamma, rañño mahāsudassanassa nivesanaṃ māpehi dhammaṃ nāma pāsāda’nti. ‘Evaṃ bhaddantavā’ti kho, ānanda, vissakammo devaputto sakkassa devānamindassa paṭissutvā seyyathāpi nāma balavā puriso samiñjitaṃ vā bāhaṃ pasāreyya pasāritaṃ vā bāhaṃ samiñjeyya, evameva devesu tāvatiṃsesu antarahito rañño mahāsudassanassa purato pāturahosi. Atha kho, ānanda, vissakammo devaputto rājānaṃ mahāsudassanaṃ etadavoca – ‘nivesanaṃ te deva, māpessāmi dhammaṃ nāma pāsāda’nti. Adhivāsesi kho, ānanda, rājā mahāsudassano tuṇhībhāvena.

‘‘маабзси ко, аананд̣̇а, виссагаммо д̣̇звабуд̇д̇о ран̃н̃о махаасуд̣̇ассанасса нивзсанам̣ д̇хаммам̣ наама баасаад̣̇ам̣. д̇хаммо, аананд̣̇а, баасаад̣̇о бурад̇т̇имзна бажчимзна жа яож̇анам̣ ааяаамзна ахоси. уд̇д̇арзна д̣̇агкин̣зна жа ад̣дхаяож̇анам̣ вид̇т̇аарзна. д̇хаммасса, аананд̣̇а, баасаад̣̇асса д̇иборисам̣ ужжад̇арзна вад̇т̇у жид̇ам̣ ахоси жад̇уннам̣ ван̣н̣аанам̣ идтагаахи – згаа идтагаа сован̣н̣амаяаа, згаа руубияамаяаа, згаа взл̣урияамаяаа, згаа палигамаяаа.

‘‘Māpesi kho, ānanda, vissakammo devaputto rañño mahāsudassanassa nivesanaṃ dhammaṃ nāma pāsādaṃ. Dhammo, ānanda, pāsādo puratthimena pacchimena ca yojanaṃ āyāmena ahosi. Uttarena dakkhiṇena ca aḍḍhayojanaṃ vitthārena. Dhammassa, ānanda, pāsādassa tiporisaṃ uccatarena vatthu citaṃ ahosi catunnaṃ vaṇṇānaṃ iṭṭhakāhi – ekā iṭṭhakā sovaṇṇamayā, ekā rūpiyamayā, ekā veḷuriyamayā, ekā phalikamayā.

‘‘д̇хаммасса, аананд̣̇а, баасаад̣̇асса жад̇ураасийд̇и т̇амбхасахассаани ахзсум̣ жад̇уннам̣ ван̣н̣аанам̣ – зго т̇амбхо сован̣н̣амаяо, зго руубияамаяо, зго взл̣урияамаяо, зго палигамаяо. д̇хаммо, аананд̣̇а, баасаад̣̇о жад̇уннам̣ ван̣н̣аанам̣ палагзхи сант̇ад̇о ахоси – згам̣ палагам̣ сован̣н̣амаяам̣, згам̣ руубияамаяам̣, згам̣ взл̣урияамаяам̣, згам̣ палигамаяам̣.

‘‘Dhammassa, ānanda, pāsādassa caturāsīti thambhasahassāni ahesuṃ catunnaṃ vaṇṇānaṃ – eko thambho sovaṇṇamayo, eko rūpiyamayo, eko veḷuriyamayo, eko phalikamayo. Dhammo, ānanda, pāsādo catunnaṃ vaṇṇānaṃ phalakehi santhato ahosi – ekaṃ phalakaṃ sovaṇṇamayaṃ, ekaṃ rūpiyamayaṃ, ekaṃ veḷuriyamayaṃ, ekaṃ phalikamayaṃ.

‘‘д̇хаммасса, аананд̣̇а, баасаад̣̇асса жад̇увийсад̇и собаанаани ахзсум̣ жад̇уннам̣ ван̣н̣аанам̣ – згам̣ собаанам̣ сован̣н̣амаяам̣, згам̣ руубияамаяам̣, згам̣ взл̣урияамаяам̣, згам̣ палигамаяам̣. сован̣н̣амаяасса собаанасса сован̣н̣амаяаа т̇амбхаа ахзсум̣ руубияамаяаа суужияо жа ун̣хийсан̃жа. руубияамаяасса собаанасса руубияамаяаа т̇амбхаа ахзсум̣ сован̣н̣амаяаа суужияо жа ун̣хийсан̃жа. взл̣урияамаяасса собаанасса взл̣урияамаяаа т̇амбхаа ахзсум̣ палигамаяаа суужияо жа ун̣хийсан̃жа. палигамаяасса собаанасса палигамаяаа т̇амбхаа ахзсум̣ взл̣урияамаяаа суужияо жа ун̣хийсан̃жа.

‘‘Dhammassa, ānanda, pāsādassa catuvīsati sopānāni ahesuṃ catunnaṃ vaṇṇānaṃ – ekaṃ sopānaṃ sovaṇṇamayaṃ, ekaṃ rūpiyamayaṃ, ekaṃ veḷuriyamayaṃ, ekaṃ phalikamayaṃ. Sovaṇṇamayassa sopānassa sovaṇṇamayā thambhā ahesuṃ rūpiyamayā sūciyo ca uṇhīsañca. Rūpiyamayassa sopānassa rūpiyamayā thambhā ahesuṃ sovaṇṇamayā sūciyo ca uṇhīsañca. Veḷuriyamayassa sopānassa veḷuriyamayā thambhā ahesuṃ phalikamayā sūciyo ca uṇhīsañca. Phalikamayassa sopānassa phalikamayā thambhā ahesuṃ veḷuriyamayā sūciyo ca uṇhīsañca.

‘‘д̇хаммз, аананд̣̇а, баасаад̣̇з жад̇ураасийд̇и гуудааг̇аарасахассаани ахзсум̣ жад̇уннам̣ ван̣н̣аанам̣ – згам̣ гуудааг̇аарам̣ сован̣н̣амаяам̣, згам̣ руубияамаяам̣, згам̣ взл̣урияамаяам̣ , згам̣ палигамаяам̣. сован̣н̣амаяз гуудааг̇аарз руубияамаяо баллан̇го бан̃н̃ад̇д̇о ахоси, руубияамаяз гуудааг̇аарз сован̣н̣амаяо баллан̇го бан̃н̃ад̇д̇о ахоси, взл̣урияамаяз гуудааг̇аарз д̣̇анд̇амаяо баллан̇го бан̃н̃ад̇д̇о ахоси, палигамаяз гуудааг̇аарз саарамаяо баллан̇го бан̃н̃ад̇д̇о ахоси. сован̣н̣амаяасса гуудааг̇аарасса д̣̇ваарз руубияамаяо д̇аало тид̇о ахоси, д̇асса руубияамаяо канд̇хо сован̣н̣амаяаани бад̇д̇аани жа палаани жа. руубияамаяасса гуудааг̇аарасса д̣̇ваарз сован̣н̣амаяо д̇аало тид̇о ахоси, д̇асса сован̣н̣амаяо канд̇хо, руубияамаяаани бад̇д̇аани жа палаани жа. взл̣урияамаяасса гуудааг̇аарасса д̣̇ваарз палигамаяо д̇аало тид̇о ахоси, д̇асса палигамаяо канд̇хо, взл̣урияамаяаани бад̇д̇аани жа палаани жа. палигамаяасса гуудааг̇аарасса д̣̇ваарз взл̣урияамаяо д̇аало тид̇о ахоси, д̇асса взл̣урияамаяо канд̇хо, палигамаяаани бад̇д̇аани жа палаани жа.

‘‘Dhamme, ānanda, pāsāde caturāsīti kūṭāgārasahassāni ahesuṃ catunnaṃ vaṇṇānaṃ – ekaṃ kūṭāgāraṃ sovaṇṇamayaṃ, ekaṃ rūpiyamayaṃ, ekaṃ veḷuriyamayaṃ , ekaṃ phalikamayaṃ. Sovaṇṇamaye kūṭāgāre rūpiyamayo pallaṅko paññatto ahosi, rūpiyamaye kūṭāgāre sovaṇṇamayo pallaṅko paññatto ahosi, veḷuriyamaye kūṭāgāre dantamayo pallaṅko paññatto ahosi, phalikamaye kūṭāgāre sāramayo pallaṅko paññatto ahosi. Sovaṇṇamayassa kūṭāgārassa dvāre rūpiyamayo tālo ṭhito ahosi, tassa rūpiyamayo khandho sovaṇṇamayāni pattāni ca phalāni ca. Rūpiyamayassa kūṭāgārassa dvāre sovaṇṇamayo tālo ṭhito ahosi, tassa sovaṇṇamayo khandho, rūpiyamayāni pattāni ca phalāni ca. Veḷuriyamayassa kūṭāgārassa dvāre phalikamayo tālo ṭhito ahosi, tassa phalikamayo khandho, veḷuriyamayāni pattāni ca phalāni ca. Phalikamayassa kūṭāgārassa dvāre veḷuriyamayo tālo ṭhito ahosi, tassa veḷuriyamayo khandho, phalikamayāni pattāni ca phalāni ca.

257. ‘‘ат̇а ко, аананд̣̇а, ран̃н̃о махаасуд̣̇ассанасса зд̇ад̣̇ахоси – ‘яам̣нуунаахам̣ махаавияуухасса гуудааг̇аарасса д̣̇ваарз саб̣б̣асован̣н̣амаяам̣ д̇аалаванам̣ маабзяяам̣, яад̇т̇а д̣̇иваавихаарам̣ нисийд̣̇иссаамий’д̇и. маабзси ко, аананд̣̇а, рааж̇аа махаасуд̣̇ассано махаавияуухасса гуудааг̇аарасса д̣̇ваарз саб̣б̣асован̣н̣амаяам̣ д̇аалаванам̣, яад̇т̇а д̣̇иваавихаарам̣ нисийд̣̇и. д̇хаммо, аананд̣̇а , баасаад̣̇о д̣̇вийхи взд̣̇игаахи баригкид̇д̇о ахоси, згаа взд̣̇игаа сован̣н̣амаяаа, згаа руубияамаяаа. сован̣н̣амаяааяа взд̣̇игааяа сован̣н̣амаяаа т̇амбхаа ахзсум̣, руубияамаяаа суужияо жа ун̣хийсан̃жа. руубияамаяааяа взд̣̇игааяа руубияамаяаа т̇амбхаа ахзсум̣, сован̣н̣амаяаа суужияо жа ун̣хийсан̃жа.

257. ‘‘Atha kho, ānanda, rañño mahāsudassanassa etadahosi – ‘yaṃnūnāhaṃ mahāviyūhassa kūṭāgārassa dvāre sabbasovaṇṇamayaṃ tālavanaṃ māpeyyaṃ, yattha divāvihāraṃ nisīdissāmī’ti. Māpesi kho, ānanda, rājā mahāsudassano mahāviyūhassa kūṭāgārassa dvāre sabbasovaṇṇamayaṃ tālavanaṃ, yattha divāvihāraṃ nisīdi. Dhammo, ānanda , pāsādo dvīhi vedikāhi parikkhitto ahosi, ekā vedikā sovaṇṇamayā, ekā rūpiyamayā. Sovaṇṇamayāya vedikāya sovaṇṇamayā thambhā ahesuṃ, rūpiyamayā sūciyo ca uṇhīsañca. Rūpiyamayāya vedikāya rūpiyamayā thambhā ahesuṃ, sovaṇṇamayā sūciyo ca uṇhīsañca.

258. ‘‘д̇хаммо, аананд̣̇а, баасаад̣̇о д̣̇вийхи гин̇гин̣игаж̇аалзхи ²³ баригкид̇д̇о ахоси – згам̣ ж̇аалам̣ сован̣н̣амаяам̣ згам̣ руубияамаяам̣. сован̣н̣амаяасса ж̇ааласса руубияамаяаа гин̇гин̣игаа ахзсум̣, руубияамаяасса ж̇ааласса сован̣н̣амаяаа гин̇гин̣игаа ахзсум̣. д̇зсам̣ ко банаананд̣̇а, гин̇гин̣игаж̇аалаанам̣ ваад̇зрид̇аанам̣ сад̣̇д̣̇о ахоси ваг̇г̇у жа раж̇анийяо жа каманийяо жа мад̣̇анийяо жа. сзяяат̇ааби, аананд̣̇а, бан̃жан̇г̇игасса д̇уурияасса сувинийд̇асса суббадид̇аал̣ид̇асса сугусалзхи ²⁴ саманнаахад̇асса сад̣̇д̣̇о ход̇и, ваг̇г̇у жа раж̇анийяо жа каманийяо жа мад̣̇анийяо жа, звамзва ко, аананд̣̇а, д̇зсам̣ гин̇гин̣игаж̇аалаанам̣ ваад̇зрид̇аанам̣ сад̣̇д̣̇о ахоси ваг̇г̇у жа раж̇анийяо жа каманийяо жа мад̣̇анийяо жа. яз ко банаананд̣̇а, д̇зна самаязна гусаавад̇ияаа рааж̇ад̇хаанияаа д̇худ̇д̇аа ахзсум̣ сон̣д̣аа бибаасаа, д̇з д̇зсам̣ гин̇гин̣игаж̇аалаанам̣ ваад̇зрид̇аанам̣ сад̣̇д̣̇зна барижаарзсум̣. нидтид̇о ко банаананд̣̇а, д̇хаммо баасаад̣̇о д̣̇уд̣̇д̣̇игко ахоси мусад̇и жагкууни. сзяяат̇ааби, аананд̣̇а, вассаанам̣ бажчимз маасз сарад̣̇асамаяз вид̣̇д̇хз виг̇ад̇авалаахагз д̣̇звз аад̣̇ижжо набхам̣ аб̣бхуссаггамаано ²⁵ д̣̇уд̣̇д̣̇игко ²⁶ ход̇и мусад̇и жагкууни; звамзва ко, аананд̣̇а, д̇хаммо баасаад̣̇о д̣̇уд̣̇д̣̇игко ахоси мусад̇и жагкууни.

258. ‘‘Dhammo, ānanda, pāsādo dvīhi kiṅkiṇikajālehi ²⁷ parikkhitto ahosi – ekaṃ jālaṃ sovaṇṇamayaṃ ekaṃ rūpiyamayaṃ. Sovaṇṇamayassa jālassa rūpiyamayā kiṅkiṇikā ahesuṃ, rūpiyamayassa jālassa sovaṇṇamayā kiṅkiṇikā ahesuṃ. Tesaṃ kho panānanda, kiṅkiṇikajālānaṃ vāteritānaṃ saddo ahosi vaggu ca rajanīyo ca khamanīyo ca madanīyo ca. Seyyathāpi, ānanda, pañcaṅgikassa tūriyassa suvinītassa suppaṭitāḷitassa sukusalehi ²⁸ samannāhatassa saddo hoti, vaggu ca rajanīyo ca khamanīyo ca madanīyo ca, evameva kho, ānanda, tesaṃ kiṅkiṇikajālānaṃ vāteritānaṃ saddo ahosi vaggu ca rajanīyo ca khamanīyo ca madanīyo ca. Ye kho panānanda, tena samayena kusāvatiyā rājadhāniyā dhuttā ahesuṃ soṇḍā pipāsā, te tesaṃ kiṅkiṇikajālānaṃ vāteritānaṃ saddena paricāresuṃ. Niṭṭhito kho panānanda, dhammo pāsādo duddikkho ahosi musati cakkhūni. Seyyathāpi, ānanda, vassānaṃ pacchime māse saradasamaye viddhe vigatavalāhake deve ādicco nabhaṃ abbhussakkamāno ²⁹ duddikkho ³⁰ hoti musati cakkhūni; evameva kho, ānanda, dhammo pāsādo duddikkho ahosi musati cakkhūni.

259. ‘‘ат̇а ко, аананд̣̇а, ран̃н̃о махаасуд̣̇ассанасса зд̇ад̣̇ахоси – ‘яам̣нуунаахам̣ д̇хаммасса баасаад̣̇асса бурад̇о д̇хаммам̣ наама богкаран̣им̣ маабзяяа’нд̇и. маабзси ко, аананд̣̇а, рааж̇аа махаасуд̣̇ассано д̇хаммасса баасаад̣̇асса бурад̇о д̇хаммам̣ наама богкаран̣им̣. д̇хаммаа, аананд̣̇а, богкаран̣ий бурад̇т̇имзна бажчимзна жа яож̇анам̣ ааяаамзна ахоси, уд̇д̇арзна д̣̇агкин̣зна жа ад̣дхаяож̇анам̣ вид̇т̇аарзна. д̇хаммаа, аананд̣̇а, богкаран̣ий жад̇уннам̣ ван̣н̣аанам̣ идтагаахи жид̇аа ахоси – згаа идтагаа сован̣н̣амаяаа, згаа руубияамаяаа, згаа взл̣урияамаяаа, згаа палигамаяаа.

259. ‘‘Atha kho, ānanda, rañño mahāsudassanassa etadahosi – ‘yaṃnūnāhaṃ dhammassa pāsādassa purato dhammaṃ nāma pokkharaṇiṃ māpeyya’nti. Māpesi kho, ānanda, rājā mahāsudassano dhammassa pāsādassa purato dhammaṃ nāma pokkharaṇiṃ. Dhammā, ānanda, pokkharaṇī puratthimena pacchimena ca yojanaṃ āyāmena ahosi, uttarena dakkhiṇena ca aḍḍhayojanaṃ vitthārena. Dhammā, ānanda, pokkharaṇī catunnaṃ vaṇṇānaṃ iṭṭhakāhi citā ahosi – ekā iṭṭhakā sovaṇṇamayā, ekā rūpiyamayā, ekā veḷuriyamayā, ekā phalikamayā.

‘‘д̇хаммааяа, аананд̣̇а, богкаран̣ияаа жад̇увийсад̇и собаанаани ахзсум̣ жад̇уннам̣ ван̣н̣аанам̣ – згам̣ собаанам̣ сован̣н̣амаяам̣, згам̣ руубияамаяам̣, згам̣ взл̣урияамаяам̣, згам̣ палигамаяам̣. сован̣н̣амаяасса собаанасса сован̣н̣амаяаа т̇амбхаа ахзсум̣ руубияамаяаа суужияо жа ун̣хийсан̃жа. руубияамаяасса собаанасса руубияамаяаа т̇амбхаа ахзсум̣ сован̣н̣амаяаа суужияо жа ун̣хийсан̃жа. взл̣урияамаяасса собаанасса взл̣урияамаяаа т̇амбхаа ахзсум̣ палигамаяаа суужияо жа ун̣хийсан̃жа. палигамаяасса собаанасса палигамаяаа т̇амбхаа ахзсум̣ взл̣урияамаяаа суужияо жа ун̣хийсан̃жа.

‘‘Dhammāya, ānanda, pokkharaṇiyā catuvīsati sopānāni ahesuṃ catunnaṃ vaṇṇānaṃ – ekaṃ sopānaṃ sovaṇṇamayaṃ, ekaṃ rūpiyamayaṃ, ekaṃ veḷuriyamayaṃ, ekaṃ phalikamayaṃ. Sovaṇṇamayassa sopānassa sovaṇṇamayā thambhā ahesuṃ rūpiyamayā sūciyo ca uṇhīsañca. Rūpiyamayassa sopānassa rūpiyamayā thambhā ahesuṃ sovaṇṇamayā sūciyo ca uṇhīsañca. Veḷuriyamayassa sopānassa veḷuriyamayā thambhā ahesuṃ phalikamayā sūciyo ca uṇhīsañca. Phalikamayassa sopānassa phalikamayā thambhā ahesuṃ veḷuriyamayā sūciyo ca uṇhīsañca.

‘‘д̇хаммаа, аананд̣̇а, богкаран̣ий д̣̇вийхи взд̣̇игаахи баригкид̇д̇аа ахоси – згаа взд̣̇игаа сован̣н̣амаяаа, згаа руубияамаяаа. сован̣н̣амаяааяа взд̣̇игааяа сован̣н̣амаяаа т̇амбхаа ахзсум̣ руубияамаяаа суужияо жа ун̣хийсан̃жа. руубияамаяааяа взд̣̇игааяа руубияамаяаа т̇амбхаа ахзсум̣ сован̣н̣амаяаа суужияо жа ун̣хийсан̃жа.

‘‘Dhammā, ānanda, pokkharaṇī dvīhi vedikāhi parikkhittā ahosi – ekā vedikā sovaṇṇamayā, ekā rūpiyamayā. Sovaṇṇamayāya vedikāya sovaṇṇamayā thambhā ahesuṃ rūpiyamayā sūciyo ca uṇhīsañca. Rūpiyamayāya vedikāya rūpiyamayā thambhā ahesuṃ sovaṇṇamayā sūciyo ca uṇhīsañca.

‘‘д̇хаммаа, аананд̣̇а, богкаран̣ий сад̇д̇ахи д̇аалабанд̇ийхи баригкид̇д̇аа ахоси – згаа д̇аалабанд̇и сован̣н̣амаяаа, згаа руубияамаяаа, згаа взл̣урияамаяаа, згаа палигамаяаа, згаа лохид̇ан̇гамаяаа, згаа масаараг̇алламаяаа, згаа саб̣б̣арад̇анамаяаа. сован̣н̣амаяасса д̇ааласса сован̣н̣амаяо канд̇хо ахоси руубияамаяаани бад̇д̇аани жа палаани жа. руубияамаяасса д̇ааласса руубияамаяо канд̇хо ахоси сован̣н̣амаяаани бад̇д̇аани жа палаани жа. взл̣урияамаяасса д̇ааласса взл̣урияамаяо канд̇хо ахоси палигамаяаани бад̇д̇аани жа палаани жа. палигамаяасса д̇ааласса палигамаяо канд̇хо ахоси взл̣урияамаяаани бад̇д̇аани жа палаани жа. лохид̇ан̇гамаяасса д̇ааласса лохид̇ан̇гамаяо канд̇хо ахоси масаараг̇алламаяаани бад̇д̇аани жа палаани жа. масаараг̇алламаяасса д̇ааласса масаараг̇алламаяо канд̇хо ахоси лохид̇ан̇гамаяаани бад̇д̇аани жа палаани жа. саб̣б̣арад̇анамаяасса д̇ааласса саб̣б̣арад̇анамаяо канд̇хо ахоси, саб̣б̣арад̇анамаяаани бад̇д̇аани жа палаани жа. д̇аасам̣ ко банаананд̣̇а, д̇аалабанд̇ийнам̣ ваад̇зрид̇аанам̣ сад̣̇д̣̇о ахоси, ваг̇г̇у жа раж̇анийяо жа каманийяо жа мад̣̇анийяо жа. сзяяат̇ааби, аананд̣̇а, бан̃жан̇г̇игасса д̇уурияасса сувинийд̇асса суббадид̇аал̣ид̇асса сугусалзхи саманнаахад̇асса сад̣̇д̣̇о ход̇и ваг̇г̇у жа раж̇анийяо жа каманийяо жа мад̣̇анийяо жа, звамзва ко, аананд̣̇а, д̇аасам̣ д̇аалабанд̇ийнам̣ ваад̇зрид̇аанам̣ сад̣̇д̣̇о ахоси ваг̇г̇у жа раж̇анийяо жа каманийяо жа мад̣̇анийяо жа. яз ко банаананд̣̇а, д̇зна самаязна гусаавад̇ияаа рааж̇ад̇хаанияаа д̇худ̇д̇аа ахзсум̣ сон̣д̣аа бибаасаа, д̇з д̇аасам̣ д̇аалабанд̇ийнам̣ ваад̇зрид̇аанам̣ сад̣̇д̣̇зна барижаарзсум̣.

‘‘Dhammā, ānanda, pokkharaṇī sattahi tālapantīhi parikkhittā ahosi – ekā tālapanti sovaṇṇamayā, ekā rūpiyamayā, ekā veḷuriyamayā, ekā phalikamayā, ekā lohitaṅkamayā, ekā masāragallamayā, ekā sabbaratanamayā. Sovaṇṇamayassa tālassa sovaṇṇamayo khandho ahosi rūpiyamayāni pattāni ca phalāni ca. Rūpiyamayassa tālassa rūpiyamayo khandho ahosi sovaṇṇamayāni pattāni ca phalāni ca. Veḷuriyamayassa tālassa veḷuriyamayo khandho ahosi phalikamayāni pattāni ca phalāni ca. Phalikamayassa tālassa phalikamayo khandho ahosi veḷuriyamayāni pattāni ca phalāni ca. Lohitaṅkamayassa tālassa lohitaṅkamayo khandho ahosi masāragallamayāni pattāni ca phalāni ca. Masāragallamayassa tālassa masāragallamayo khandho ahosi lohitaṅkamayāni pattāni ca phalāni ca. Sabbaratanamayassa tālassa sabbaratanamayo khandho ahosi, sabbaratanamayāni pattāni ca phalāni ca. Tāsaṃ kho panānanda, tālapantīnaṃ vāteritānaṃ saddo ahosi, vaggu ca rajanīyo ca khamanīyo ca madanīyo ca. Seyyathāpi, ānanda, pañcaṅgikassa tūriyassa suvinītassa suppaṭitāḷitassa sukusalehi samannāhatassa saddo hoti vaggu ca rajanīyo ca khamanīyo ca madanīyo ca, evameva kho, ānanda, tāsaṃ tālapantīnaṃ vāteritānaṃ saddo ahosi vaggu ca rajanīyo ca khamanīyo ca madanīyo ca. Ye kho panānanda, tena samayena kusāvatiyā rājadhāniyā dhuttā ahesuṃ soṇḍā pipāsā, te tāsaṃ tālapantīnaṃ vāteritānaṃ saddena paricāresuṃ.

‘‘нидтид̇з ко банаананд̣̇а, д̇хаммз баасаад̣̇з нидтид̇ааяа д̇хаммааяа жа богкаран̣ияаа рааж̇аа махаасуд̣̇ассано ‘яз ³¹ д̇зна самаязна саман̣зсу ваа саман̣асаммад̇аа б̣раахман̣зсу ваа б̣раахман̣асаммад̇аа’, д̇з саб̣б̣агаамзхи санд̇аббзд̇ваа д̇хаммам̣ баасаад̣̇ам̣ абхирухи.

‘‘Niṭṭhite kho panānanda, dhamme pāsāde niṭṭhitāya dhammāya ca pokkharaṇiyā rājā mahāsudassano ‘ye ³² tena samayena samaṇesu vā samaṇasammatā brāhmaṇesu vā brāhmaṇasammatā’, te sabbakāmehi santappetvā dhammaṃ pāsādaṃ abhiruhi.

батамабхаан̣авааро.

Paṭhamabhāṇavāro.

жхаанасамбад̇д̇и

Jhānasampatti

260. ‘‘ат̇а ко, аананд̣̇а, ран̃н̃о махаасуд̣̇ассанасса зд̇ад̣̇ахоси – ‘гисса ну ко мз ид̣̇ам̣ гаммасса палам̣ гисса гаммасса вибааго, язнаахам̣ зд̇арахи звам̣махид̣̇д̇хиго звам̣махаанубхааво’д̇и? ат̇а ко, аананд̣̇а, ран̃н̃о махаасуд̣̇ассанасса зд̇ад̣̇ахоси – ‘д̇ин̣н̣ам̣ ко мз ид̣̇ам̣ гаммаанам̣ палам̣ д̇ин̣н̣ам̣ гаммаанам̣ вибааго, язнаахам̣ зд̇арахи звам̣махид̣̇д̇хиго звам̣махаанубхааво, сзяяат̇ид̣̇ам̣ д̣̇аанасса д̣̇амасса сам̣яамассаа’д̇и.

260. ‘‘Atha kho, ānanda, rañño mahāsudassanassa etadahosi – ‘kissa nu kho me idaṃ kammassa phalaṃ kissa kammassa vipāko, yenāhaṃ etarahi evaṃmahiddhiko evaṃmahānubhāvo’ti? Atha kho, ānanda, rañño mahāsudassanassa etadahosi – ‘tiṇṇaṃ kho me idaṃ kammānaṃ phalaṃ tiṇṇaṃ kammānaṃ vipāko, yenāhaṃ etarahi evaṃmahiddhiko evaṃmahānubhāvo, seyyathidaṃ dānassa damassa saṃyamassā’ti.

‘‘ат̇а ко, аананд̣̇а, рааж̇аа махаасуд̣̇ассано язна махаавияуухам̣ гуудааг̇аарам̣ д̇знубасан̇гами; убасан̇гамид̇ваа махаавияуухасса гуудааг̇аарасса д̣̇ваарз тид̇о уд̣̇аанам̣ уд̣̇аанзси – ‘д̇идта, гаамавид̇агга, д̇идта, б̣яаабаад̣̇авид̇агга, д̇идта, вихим̣саавид̇агга. зд̇д̇аавад̇аа гаамавид̇агга, зд̇д̇аавад̇аа б̣яаабаад̣̇авид̇агга, зд̇д̇аавад̇аа вихим̣саавид̇аггаа’д̇и.

‘‘Atha kho, ānanda, rājā mahāsudassano yena mahāviyūhaṃ kūṭāgāraṃ tenupasaṅkami; upasaṅkamitvā mahāviyūhassa kūṭāgārassa dvāre ṭhito udānaṃ udānesi – ‘tiṭṭha, kāmavitakka, tiṭṭha, byāpādavitakka, tiṭṭha, vihiṃsāvitakka. Ettāvatā kāmavitakka, ettāvatā byāpādavitakka, ettāvatā vihiṃsāvitakkā’ti.

261. ‘‘ат̇а ко, аананд̣̇а, рааж̇аа махаасуд̣̇ассано махаавияуухам̣ гуудааг̇аарам̣ бависид̇ваа сован̣н̣амаяз баллан̇гз нисинно вивижжзва гаамзхи вивижжа агусалзхи д̇хаммзхи савид̇аггам̣ савижаарам̣ вивзгаж̇ам̣ бийд̇исукам̣ батамам̣ жхаанам̣ убасамбаж̇ж̇а вихааси. вид̇аггавижаараанам̣ вуубасамаа аж̇жхад̇д̇ам̣ самбасаад̣̇анам̣ жзд̇асо згод̣̇ибхаавам̣ авид̇аггам̣ авижаарам̣ самаад̇хиж̇ам̣ бийд̇исукам̣ д̣̇уд̇ияам̣ жхаанам̣ убасамбаж̇ж̇а вихааси. бийд̇ияаа жа вирааг̇аа убзгкаго жа вихааси, сад̇о жа самбаж̇аано сукан̃жа гааязна бадисам̣взд̣̇зси, яам̣ д̇ам̣ арияаа аажигканд̇и – ‘убзгкаго сад̇имаа сукавихаарий’д̇и д̇ад̇ияам̣ жхаанам̣ убасамбаж̇ж̇а вихааси. сукасса жа бахаанаа д̣̇угкасса жа бахаанаа буб̣б̣зва соманассад̣̇оманассаанам̣ ад̇т̇ан̇г̇амаа ад̣̇угкамасукам̣ убзгкаасад̇ибаарисуд̣̇д̇хим̣ жад̇уд̇т̇ам̣ жхаанам̣ убасамбаж̇ж̇а вихааси.

261. ‘‘Atha kho, ānanda, rājā mahāsudassano mahāviyūhaṃ kūṭāgāraṃ pavisitvā sovaṇṇamaye pallaṅke nisinno vivicceva kāmehi vivicca akusalehi dhammehi savitakkaṃ savicāraṃ vivekajaṃ pītisukhaṃ paṭhamaṃ jhānaṃ upasampajja vihāsi. Vitakkavicārānaṃ vūpasamā ajjhattaṃ sampasādanaṃ cetaso ekodibhāvaṃ avitakkaṃ avicāraṃ samādhijaṃ pītisukhaṃ dutiyaṃ jhānaṃ upasampajja vihāsi. Pītiyā ca virāgā upekkhako ca vihāsi, sato ca sampajāno sukhañca kāyena paṭisaṃvedesi, yaṃ taṃ ariyā ācikkhanti – ‘upekkhako satimā sukhavihārī’ti tatiyaṃ jhānaṃ upasampajja vihāsi. Sukhassa ca pahānā dukkhassa ca pahānā pubbeva somanassadomanassānaṃ atthaṅgamā adukkhamasukhaṃ upekkhāsatipārisuddhiṃ catutthaṃ jhānaṃ upasampajja vihāsi.

262. ‘‘ат̇а ко, аананд̣̇а, рааж̇аа махаасуд̣̇ассано махаавияуухаа гуудааг̇аараа нигкамид̇ваа сован̣н̣амаяам̣ гуудааг̇аарам̣ бависид̇ваа руубияамаяз баллан̇гз нисинно мзд̇д̇аасахаг̇ад̇зна жзд̇асаа згам̣ д̣̇исам̣ парид̇ваа вихааси. д̇ат̇аа д̣̇уд̇ияам̣ д̇ат̇аа д̇ад̇ияам̣ д̇ат̇аа жад̇уд̇т̇ам̣. ид̇и уд̣̇д̇хамад̇хо д̇ирияам̣ саб̣б̣ад̇хи саб̣б̣ад̇д̇ад̇ааяа саб̣б̣ааванд̇ам̣ логам̣ мзд̇д̇аасахаг̇ад̇зна жзд̇асаа вибулзна махаг̇г̇ад̇зна аббамаан̣зна авзрзна аб̣яаабаж̇ж̇зна парид̇ваа вихааси. гарун̣аасахаг̇ад̇зна жзд̇асаа…бз… муд̣̇ид̇аасахаг̇ад̇зна жзд̇асаа…бз… убзгкаасахаг̇ад̇зна жзд̇асаа згам̣ д̣̇исам̣ парид̇ваа вихааси д̇ат̇аа д̣̇уд̇ияам̣ д̇ат̇аа д̇ад̇ияам̣ д̇ат̇аа жад̇уд̇т̇ам̣. ид̇и уд̣̇д̇хамад̇хо д̇ирияам̣ саб̣б̣ад̇хи саб̣б̣ад̇д̇ад̇ааяа саб̣б̣ааванд̇ам̣ логам̣ убзгкаасахаг̇ад̇зна жзд̇асаа вибулзна махаг̇г̇ад̇зна аббамаан̣зна авзрзна аб̣яаабаж̇ж̇зна парид̇ваа вихааси.

262. ‘‘Atha kho, ānanda, rājā mahāsudassano mahāviyūhā kūṭāgārā nikkhamitvā sovaṇṇamayaṃ kūṭāgāraṃ pavisitvā rūpiyamaye pallaṅke nisinno mettāsahagatena cetasā ekaṃ disaṃ pharitvā vihāsi. Tathā dutiyaṃ tathā tatiyaṃ tathā catutthaṃ. Iti uddhamadho tiriyaṃ sabbadhi sabbattatāya sabbāvantaṃ lokaṃ mettāsahagatena cetasā vipulena mahaggatena appamāṇena averena abyāpajjena pharitvā vihāsi. Karuṇāsahagatena cetasā…pe… muditāsahagatena cetasā…pe… upekkhāsahagatena cetasā ekaṃ disaṃ pharitvā vihāsi tathā dutiyaṃ tathā tatiyaṃ tathā catutthaṃ. Iti uddhamadho tiriyaṃ sabbadhi sabbattatāya sabbāvantaṃ lokaṃ upekkhāsahagatena cetasā vipulena mahaggatena appamāṇena averena abyāpajjena pharitvā vihāsi.

жад̇ураасийд̇и наг̇арасахассаад̣̇и

Caturāsīti nagarasahassādi

263. ‘‘ран̃н̃о, аананд̣̇а, махаасуд̣̇ассанасса жад̇ураасийд̇и наг̇арасахассаани ахзсум̣ гусаавад̇ийрааж̇ад̇хааниббамукаани; жад̇ураасийд̇и баасаад̣̇асахассаани ахзсум̣ д̇хаммабаасаад̣̇аббамукаани; жад̇ураасийд̇и гуудааг̇аарасахассаани ахзсум̣ махаавияуухагуудааг̇аараббамукаани; жад̇ураасийд̇и баллан̇гасахассаани ахзсум̣ сован̣н̣амаяаани руубияамаяаани д̣̇анд̇амаяаани саарамаяаани г̇онагад̇т̇ад̇аани бадигад̇т̇ад̇аани бадалигад̇т̇ад̇аани гад̣̇алимиг̇абаварабажжад̇т̇аран̣аани сауд̇д̇аражчад̣̇аани убхад̇олохид̇агуубад̇хаанаани; жад̇ураасийд̇и нааг̇асахассаани ахзсум̣ сован̣н̣аалан̇гаараани сован̣н̣ад̇хаж̇аани хзмаж̇аалабадижчаннаани убосат̇анааг̇арааж̇аббамукаани; жад̇ураасийд̇и ассасахассаани ахзсум̣ сован̣н̣аалан̇гаараани сован̣н̣ад̇хаж̇аани хзмаж̇аалабадижчаннаани валаахагаассарааж̇аббамукаани; жад̇ураасийд̇и рат̇асахассаани ахзсум̣ сийхажаммабариваараани б̣яаг̇гхажаммабариваараани д̣̇ийбижаммабариваараани бан̣д̣угамб̣алабариваараани сован̣н̣аалан̇гаараани сован̣н̣ад̇хаж̇аани хзмаж̇аалабадижчаннаани взж̇аяанд̇арат̇аббамукаани; жад̇ураасийд̇и ман̣исахассаани ахзсум̣ ман̣ирад̇анаббамукаани; жад̇ураасийд̇и ид̇т̇исахассаани ахзсум̣ субхад̣̇д̣̇аад̣̇звиббамукаани; жад̇ураасийд̇и г̇ахабад̇исахассаани ахзсум̣ г̇ахабад̇ирад̇анаббамукаани; жад̇ураасийд̇и кад̇д̇ияасахассаани ахзсум̣ ануяанд̇аани барин̣ааяагарад̇анаббамукаани; жад̇ураасийд̇и д̇хзнусахассаани ахзсум̣ д̣̇ухасанд̣̇анаани ³³ д̣̇угууласанд̣̇аанаани ³⁴ гам̣суубад̇хааран̣аани; жад̇ураасийд̇и вад̇т̇агодисахассаани ахзсум̣ комасукумаанам̣ габбаасигасукумаанам̣ госзяяасукумаанам̣ гамб̣аласукумаанам̣ ; (ран̃н̃о, аананд̣̇а, махаасуд̣̇ассанасса) ³⁵ жад̇ураасийд̇и т̇аалибаагасахассаани ахзсум̣ сааяам̣ баад̇ам̣ бхад̇д̇аабхихааро абхихарияид̇т̇а.

263. ‘‘Rañño, ānanda, mahāsudassanassa caturāsīti nagarasahassāni ahesuṃ kusāvatīrājadhānippamukhāni; caturāsīti pāsādasahassāni ahesuṃ dhammapāsādappamukhāni; caturāsīti kūṭāgārasahassāni ahesuṃ mahāviyūhakūṭāgārappamukhāni; caturāsīti pallaṅkasahassāni ahesuṃ sovaṇṇamayāni rūpiyamayāni dantamayāni sāramayāni gonakatthatāni paṭikatthatāni paṭalikatthatāni kadalimigapavarapaccattharaṇāni sauttaracchadāni ubhatolohitakūpadhānāni; caturāsīti nāgasahassāni ahesuṃ sovaṇṇālaṅkārāni sovaṇṇadhajāni hemajālapaṭicchannāni uposathanāgarājappamukhāni; caturāsīti assasahassāni ahesuṃ sovaṇṇālaṅkārāni sovaṇṇadhajāni hemajālapaṭicchannāni valāhakaassarājappamukhāni; caturāsīti rathasahassāni ahesuṃ sīhacammaparivārāni byagghacammaparivārāni dīpicammaparivārāni paṇḍukambalaparivārāni sovaṇṇālaṅkārāni sovaṇṇadhajāni hemajālapaṭicchannāni vejayantarathappamukhāni; caturāsīti maṇisahassāni ahesuṃ maṇiratanappamukhāni; caturāsīti itthisahassāni ahesuṃ subhaddādevippamukhāni; caturāsīti gahapatisahassāni ahesuṃ gahapatiratanappamukhāni; caturāsīti khattiyasahassāni ahesuṃ anuyantāni pariṇāyakaratanappamukhāni; caturāsīti dhenusahassāni ahesuṃ duhasandanāni ³⁶ dukūlasandānāni ³⁷ kaṃsūpadhāraṇāni; caturāsīti vatthakoṭisahassāni ahesuṃ khomasukhumānaṃ kappāsikasukhumānaṃ koseyyasukhumānaṃ kambalasukhumānaṃ ; (rañño, ānanda, mahāsudassanassa) ³⁸ caturāsīti thālipākasahassāni ahesuṃ sāyaṃ pātaṃ bhattābhihāro abhihariyittha.

264. ‘‘д̇зна ко банаананд̣̇а, самаязна ран̃н̃о махаасуд̣̇ассанасса жад̇ураасийд̇и нааг̇асахассаани сааяам̣ баад̇ам̣ убадтаанам̣ ааг̇ажчанд̇и. ат̇а ко, аананд̣̇а, ран̃н̃о махаасуд̣̇ассанасса зд̇ад̣̇ахоси – ‘имаани ко мз жад̇ураасийд̇и нааг̇асахассаани сааяам̣ баад̇ам̣ убадтаанам̣ ааг̇ажчанд̇и, яам̣нууна вассасад̇асса вассасад̇асса ажжаязна д̣̇взжад̇д̇аалийсам̣ д̣̇взжад̇д̇аалийсам̣ нааг̇асахассаани сагим̣ сагим̣ убадтаанам̣ ааг̇ажчзяяу’нд̇и. ат̇а ко, аананд̣̇а, рааж̇аа махаасуд̣̇ассано барин̣ааяагарад̇анам̣ ааманд̇зси – ‘имаани ко мз, самма барин̣ааяагарад̇ана, жад̇ураасийд̇и нааг̇асахассаани сааяам̣ баад̇ам̣ убадтаанам̣ ааг̇ажчанд̇и, д̇зна хи, самма барин̣ааяагарад̇ана, вассасад̇асса вассасад̇асса ажжаязна д̣̇взжад̇д̇аалийсам̣ д̣̇взжад̇д̇аалийсам̣ нааг̇асахассаани сагим̣ сагим̣ убадтаанам̣ ааг̇ажчанд̇уу’д̇и. ‘звам̣, д̣̇зваа’д̇и ко, аананд̣̇а, барин̣ааяагарад̇анам̣ ран̃н̃о махаасуд̣̇ассанасса бажжассоси. ат̇а ко, аананд̣̇а, ран̃н̃о махаасуд̣̇ассанасса абарзна самаязна вассасад̇асса вассасад̇асса ажжаязна д̣̇взжад̇д̇аалийсам̣ д̣̇взжад̇д̇аалийсам̣ нааг̇асахассаани сагим̣ сагим̣ убадтаанам̣ ааг̇амам̣су.

264. ‘‘Tena kho panānanda, samayena rañño mahāsudassanassa caturāsīti nāgasahassāni sāyaṃ pātaṃ upaṭṭhānaṃ āgacchanti. Atha kho, ānanda, rañño mahāsudassanassa etadahosi – ‘imāni kho me caturāsīti nāgasahassāni sāyaṃ pātaṃ upaṭṭhānaṃ āgacchanti, yaṃnūna vassasatassa vassasatassa accayena dvecattālīsaṃ dvecattālīsaṃ nāgasahassāni sakiṃ sakiṃ upaṭṭhānaṃ āgaccheyyu’nti. Atha kho, ānanda, rājā mahāsudassano pariṇāyakaratanaṃ āmantesi – ‘imāni kho me, samma pariṇāyakaratana, caturāsīti nāgasahassāni sāyaṃ pātaṃ upaṭṭhānaṃ āgacchanti, tena hi, samma pariṇāyakaratana, vassasatassa vassasatassa accayena dvecattālīsaṃ dvecattālīsaṃ nāgasahassāni sakiṃ sakiṃ upaṭṭhānaṃ āgacchantū’ti. ‘Evaṃ, devā’ti kho, ānanda, pariṇāyakaratanaṃ rañño mahāsudassanassa paccassosi. Atha kho, ānanda, rañño mahāsudassanassa aparena samayena vassasatassa vassasatassa accayena dvecattālīsaṃ dvecattālīsaṃ nāgasahassāni sakiṃ sakiṃ upaṭṭhānaṃ āgamaṃsu.

субхад̣̇д̣̇аад̣̇звиубасан̇гаманам̣

Subhaddādeviupasaṅkamanaṃ

265. ‘‘ат̇а ко, аананд̣̇а, субхад̣̇д̣̇ааяа д̣̇звияаа б̣ахуннам̣ вассаанам̣ б̣ахуннам̣ вассасад̇аанам̣ б̣ахуннам̣ вассасахассаанам̣ ажжаязна зд̇ад̣̇ахоси – ‘жирам̣ д̣̇идто ко мз рааж̇аа махаасуд̣̇ассано. яам̣нуунаахам̣ рааж̇аанам̣ махаасуд̣̇ассанам̣ д̣̇ассанааяа убасан̇гамзяяа’нд̇и. ат̇а ко, аананд̣̇а, субхад̣̇д̣̇аа д̣̇звий ид̇т̇ааг̇аарам̣ ааманд̇зси – ‘зт̇а д̇умхз сийсаани нхааяат̇а бийд̇аани вад̇т̇аани баарубат̇а. жирам̣ д̣̇идто но рааж̇аа махаасуд̣̇ассано, рааж̇аанам̣ махаасуд̣̇ассанам̣ д̣̇ассанааяа убасан̇гамиссаамаа’д̇и. ‘звам̣, аяяз’д̇и ко, аананд̣̇а, ид̇т̇ааг̇аарам̣ субхад̣̇д̣̇ааяа д̣̇звияаа бадиссуд̇ваа сийсаани нхааяид̇ваа бийд̇аани вад̇т̇аани баарубид̇ваа язна субхад̣̇д̣̇аа д̣̇звий д̇знубасан̇гами. ат̇а ко, аананд̣̇а, субхад̣̇д̣̇аа д̣̇звий барин̣ааяагарад̇анам̣ ааманд̇зси – ‘габбзхи, самма барин̣ааяагарад̇ана, жад̇уран̇г̇иним̣ сзнам̣, жирам̣ д̣̇идто но рааж̇аа махаасуд̣̇ассано, рааж̇аанам̣ махаасуд̣̇ассанам̣ д̣̇ассанааяа убасан̇гамиссаамаа’д̇и. ‘звам̣, д̣̇звий’д̇и ко, аананд̣̇а, барин̣ааяагарад̇анам̣ субхад̣̇д̣̇ааяа д̣̇звияаа бадиссуд̇ваа жад̇уран̇г̇иним̣ сзнам̣ габбаабзд̇ваа субхад̣̇д̣̇ааяа д̣̇звияаа бадивзд̣̇зси – ‘габбид̇аа ко, д̣̇зви, жад̇уран̇г̇иний сзнаа, яассад̣̇аани гаалам̣ ман̃н̃асий’д̇и. ат̇а ко, аананд̣̇а, субхад̣̇д̣̇аа д̣̇звий жад̇уран̇г̇инияаа сзнааяа сад̣̇д̇хим̣ ид̇т̇ааг̇аарзна язна д̇хаммо баасаад̣̇о д̇знубасан̇гами; убасан̇гамид̇ваа д̇хаммам̣ баасаад̣̇ам̣ абхирухид̇ваа язна махаавияуухам̣ гуудааг̇аарам̣ д̇знубасан̇гами. убасан̇гамид̇ваа махаавияуухасса гуудааг̇аарасса д̣̇ваараб̣аахам̣ ааламб̣ид̇ваа адтааси. ат̇а ко, аананд̣̇а, рааж̇аа махаасуд̣̇ассано сад̣̇д̣̇ам̣ суд̇ваа – ‘гим̣ ну ко махад̇о вияа ж̇анагааяасса сад̣̇д̣̇о’д̇и махаавияуухаа гуудааг̇аараа нигкаманд̇о ад̣̇д̣̇аса субхад̣̇д̣̇ам̣ д̣̇звим̣ д̣̇ваараб̣аахам̣ ааламб̣ид̇ваа тид̇ам̣, д̣̇исваана субхад̣̇д̣̇ам̣ д̣̇звим̣ зд̇ад̣̇авожа – ‘зд̇т̇зва, д̣̇зви, д̇идта маа баависий’д̇и. ат̇а ко, аананд̣̇а, рааж̇аа махаасуд̣̇ассано ан̃н̃ад̇арам̣ бурисам̣ ааманд̇зси – ‘зхи д̇вам̣, амбхо буриса, махаавияуухаа гуудааг̇аараа сован̣н̣амаяам̣ баллан̇гам̣ нийхарид̇ваа саб̣б̣асован̣н̣амаяз д̇аалаванз бан̃н̃абзхий’д̇и. ‘звам̣, д̣̇зваа’д̇и ко, аананд̣̇а, со бурисо ран̃н̃о махаасуд̣̇ассанасса бадиссуд̇ваа махаавияуухаа гуудааг̇аараа сован̣н̣амаяам̣ баллан̇гам̣ нийхарид̇ваа саб̣б̣асован̣н̣амаяз д̇аалаванз бан̃н̃абзси. ат̇а ко, аананд̣̇а, рааж̇аа махаасуд̣̇ассано д̣̇агкин̣зна бассзна сийхасзяяам̣ габбзси баад̣̇з баад̣̇ам̣ ажжаад̇хааяа сад̇о самбаж̇аано.

265. ‘‘Atha kho, ānanda, subhaddāya deviyā bahunnaṃ vassānaṃ bahunnaṃ vassasatānaṃ bahunnaṃ vassasahassānaṃ accayena etadahosi – ‘ciraṃ diṭṭho kho me rājā mahāsudassano. Yaṃnūnāhaṃ rājānaṃ mahāsudassanaṃ dassanāya upasaṅkameyya’nti. Atha kho, ānanda, subhaddā devī itthāgāraṃ āmantesi – ‘etha tumhe sīsāni nhāyatha pītāni vatthāni pārupatha. Ciraṃ diṭṭho no rājā mahāsudassano, rājānaṃ mahāsudassanaṃ dassanāya upasaṅkamissāmā’ti. ‘Evaṃ, ayye’ti kho, ānanda, itthāgāraṃ subhaddāya deviyā paṭissutvā sīsāni nhāyitvā pītāni vatthāni pārupitvā yena subhaddā devī tenupasaṅkami. Atha kho, ānanda, subhaddā devī pariṇāyakaratanaṃ āmantesi – ‘kappehi, samma pariṇāyakaratana, caturaṅginiṃ senaṃ, ciraṃ diṭṭho no rājā mahāsudassano, rājānaṃ mahāsudassanaṃ dassanāya upasaṅkamissāmā’ti. ‘Evaṃ, devī’ti kho, ānanda, pariṇāyakaratanaṃ subhaddāya deviyā paṭissutvā caturaṅginiṃ senaṃ kappāpetvā subhaddāya deviyā paṭivedesi – ‘kappitā kho, devi, caturaṅginī senā, yassadāni kālaṃ maññasī’ti. Atha kho, ānanda, subhaddā devī caturaṅginiyā senāya saddhiṃ itthāgārena yena dhammo pāsādo tenupasaṅkami; upasaṅkamitvā dhammaṃ pāsādaṃ abhiruhitvā yena mahāviyūhaṃ kūṭāgāraṃ tenupasaṅkami. Upasaṅkamitvā mahāviyūhassa kūṭāgārassa dvārabāhaṃ ālambitvā aṭṭhāsi. Atha kho, ānanda, rājā mahāsudassano saddaṃ sutvā – ‘kiṃ nu kho mahato viya janakāyassa saddo’ti mahāviyūhā kūṭāgārā nikkhamanto addasa subhaddaṃ deviṃ dvārabāhaṃ ālambitvā ṭhitaṃ, disvāna subhaddaṃ deviṃ etadavoca – ‘ettheva, devi, tiṭṭha mā pāvisī’ti. Atha kho, ānanda, rājā mahāsudassano aññataraṃ purisaṃ āmantesi – ‘ehi tvaṃ, ambho purisa, mahāviyūhā kūṭāgārā sovaṇṇamayaṃ pallaṅkaṃ nīharitvā sabbasovaṇṇamaye tālavane paññapehī’ti. ‘Evaṃ, devā’ti kho, ānanda, so puriso rañño mahāsudassanassa paṭissutvā mahāviyūhā kūṭāgārā sovaṇṇamayaṃ pallaṅkaṃ nīharitvā sabbasovaṇṇamaye tālavane paññapesi. Atha kho, ānanda, rājā mahāsudassano dakkhiṇena passena sīhaseyyaṃ kappesi pāde pādaṃ accādhāya sato sampajāno.

266. ‘‘ат̇а ко, аананд̣̇а, субхад̣̇д̣̇ааяа д̣̇звияаа зд̇ад̣̇ахоси – ‘виббасаннаани ко ран̃н̃о махаасуд̣̇ассанасса инд̣̇рияаани, барисуд̣̇д̇хо чавиван̣н̣о барияод̣̇аад̇о, маа хзва ко рааж̇аа махаасуд̣̇ассано гааламагаасий’д̇и рааж̇аанам̣ махаасуд̣̇ассанам̣ зд̇ад̣̇авожа –

266. ‘‘Atha kho, ānanda, subhaddāya deviyā etadahosi – ‘vippasannāni kho rañño mahāsudassanassa indriyāni, parisuddho chavivaṇṇo pariyodāto, mā heva kho rājā mahāsudassano kālamakāsī’ti rājānaṃ mahāsudassanaṃ etadavoca –

‘имаани д̇з, д̣̇зва, жад̇ураасийд̇и наг̇арасахассаани гусаавад̇ийрааж̇ад̇хааниббамукаани. зд̇т̇а, д̣̇зва, чанд̣̇ам̣ ж̇анзхи ж̇ийвид̇з абзгкам̣ гарохи. имаани д̇з, д̣̇зва, жад̇ураасийд̇и баасаад̣̇асахассаани д̇хаммабаасаад̣̇аббамукаани. зд̇т̇а, д̣̇зва, чанд̣̇ам̣ ж̇анзхи ж̇ийвид̇з абзгкам̣ гарохи. имаани д̇з, д̣̇зва, жад̇ураасийд̇и гуудааг̇аарасахассаани махаавияуухагуудааг̇аараббамукаани. зд̇т̇а, д̣̇зва, чанд̣̇ам̣ ж̇анзхи ж̇ийвид̇з абзгкам̣ гарохи. имаани д̇з, д̣̇зва, жад̇ураасийд̇и баллан̇гасахассаани сован̣н̣амаяаани руубияамаяаани д̣̇анд̇амаяаани саарамаяаани г̇онагад̇т̇ад̇аани бадигад̇т̇ад̇аани бадалигад̇т̇ад̇аани гад̣̇алимиг̇абаварабажжад̇т̇аран̣аани сауд̇д̇аражчад̣̇аани убхад̇олохид̇агуубад̇хаанаани. зд̇т̇а, д̣̇зва, чанд̣̇ам̣ ж̇анзхи, ж̇ийвид̇з абзгкам̣ гарохи. имаани д̇з, д̣̇зва, жад̇ураасийд̇и нааг̇асахассаани сован̣н̣аалан̇гаараани сован̣н̣ад̇хаж̇аани хзмаж̇аалабадижчаннаани убосат̇анааг̇арааж̇аббамукаани. зд̇т̇а, д̣̇зва , чанд̣̇ам̣ ж̇анзхи ж̇ийвид̇з абзгкам̣ гарохи. имаани д̇з, д̣̇зва, жад̇ураасийд̇и ассасахассаани сован̣н̣аалан̇гаараани сован̣н̣ад̇хаж̇аани хзмаж̇аалабадижчаннаани валаахагаассарааж̇аббамукаани. зд̇т̇а, д̣̇зва, чанд̣̇ам̣ ж̇анзхи ж̇ийвид̇з абзгкам̣ гарохи. имаани д̇з, д̣̇зва жад̇ураасийд̇и рат̇асахассаани сийхажаммабариваараани б̣яаг̇гхажаммабариваараани д̣̇ийбижаммабариваараани бан̣д̣угамб̣алабариваараани сован̣н̣аалан̇гаараани сован̣н̣ад̇хаж̇аани хзмаж̇аалабадижчаннаани взж̇аяанд̇арат̇аббамукаани. зд̇т̇а, д̣̇зва, чанд̣̇ам̣ ж̇анзхи ж̇ийвид̇з абзгкам̣ гарохи. имаани д̇з, д̣̇зва, жад̇ураасийд̇и ман̣исахассаани ман̣ирад̇анаббамукаани. зд̇т̇а, д̣̇зва, чанд̣̇ам̣ ж̇анзхи ж̇ийвид̇з абзгкам̣ гарохи. имаани д̇з, д̣̇зва, жад̇ураасийд̇и ид̇т̇исахассаани ид̇т̇ирад̇анаббамукаани. зд̇т̇а, д̣̇зва, чанд̣̇ам̣ ж̇анзхи ж̇ийвид̇з абзгкам̣ гарохи. имаани д̇з, д̣̇зва, жад̇ураасийд̇и г̇ахабад̇исахассаани г̇ахабад̇ирад̇анаббамукаани. зд̇т̇а, д̣̇зва, чанд̣̇ам̣ ж̇анзхи ж̇ийвид̇з абзгкам̣ гарохи. имаани д̇з, д̣̇зва, жад̇ураасийд̇и кад̇д̇ияасахассаани ануяанд̇аани барин̣ааяагарад̇анаббамукаани. зд̇т̇а, д̣̇зва, чанд̣̇ам̣ ж̇анзхи ж̇ийвид̇з абзгкам̣ гарохи. имаани д̇з, д̣̇зва, жад̇ураасийд̇и д̇хзнусахассаани д̣̇ухасанд̣̇анаани гам̣суубад̇хааран̣аани. зд̇т̇а, д̣̇зва, чанд̣̇ам̣ ж̇анзхи ж̇ийвид̇з абзгкам̣ гарохи. имаани д̇з, д̣̇зва, жад̇ураасийд̇и вад̇т̇агодисахассаани комасукумаанам̣ габбаасигасукумаанам̣ госзяяасукумаанам̣ гамб̣аласукумаанам̣. зд̇т̇а, д̣̇зва, чанд̣̇ам̣ ж̇анзхи, ж̇ийвид̇з абзгкам̣ гарохи. имаани д̇з, д̣̇зва, жад̇ураасийд̇и т̇аалибаагасахассаани сааяам̣ баад̇ам̣ бхад̇д̇аабхихааро абхихарияад̇и. зд̇т̇а, д̣̇зва, чанд̣̇ам̣ ж̇анзхи ж̇ийвид̇з абзгкам̣ гарохий’д̇и.

‘Imāni te, deva, caturāsīti nagarasahassāni kusāvatīrājadhānippamukhāni. Ettha, deva, chandaṃ janehi jīvite apekkhaṃ karohi. Imāni te, deva, caturāsīti pāsādasahassāni dhammapāsādappamukhāni. Ettha, deva, chandaṃ janehi jīvite apekkhaṃ karohi. Imāni te, deva, caturāsīti kūṭāgārasahassāni mahāviyūhakūṭāgārappamukhāni. Ettha, deva, chandaṃ janehi jīvite apekkhaṃ karohi. Imāni te, deva, caturāsīti pallaṅkasahassāni sovaṇṇamayāni rūpiyamayāni dantamayāni sāramayāni gonakatthatāni paṭikatthatāni paṭalikatthatāni kadalimigapavarapaccattharaṇāni sauttaracchadāni ubhatolohitakūpadhānāni. Ettha, deva, chandaṃ janehi, jīvite apekkhaṃ karohi. Imāni te, deva, caturāsīti nāgasahassāni sovaṇṇālaṅkārāni sovaṇṇadhajāni hemajālapaṭicchannāni uposathanāgarājappamukhāni. Ettha, deva , chandaṃ janehi jīvite apekkhaṃ karohi. Imāni te, deva, caturāsīti assasahassāni sovaṇṇālaṅkārāni sovaṇṇadhajāni hemajālapaṭicchannāni valāhakaassarājappamukhāni. Ettha, deva, chandaṃ janehi jīvite apekkhaṃ karohi. Imāni te, deva caturāsīti rathasahassāni sīhacammaparivārāni byagghacammaparivārāni dīpicammaparivārāni paṇḍukambalaparivārāni sovaṇṇālaṅkārāni sovaṇṇadhajāni hemajālapaṭicchannāni vejayantarathappamukhāni. Ettha, deva, chandaṃ janehi jīvite apekkhaṃ karohi. Imāni te, deva, caturāsīti maṇisahassāni maṇiratanappamukhāni. Ettha, deva, chandaṃ janehi jīvite apekkhaṃ karohi. Imāni te, deva, caturāsīti itthisahassāni itthiratanappamukhāni. Ettha, deva, chandaṃ janehi jīvite apekkhaṃ karohi. Imāni te, deva, caturāsīti gahapatisahassāni gahapatiratanappamukhāni. Ettha, deva, chandaṃ janehi jīvite apekkhaṃ karohi. Imāni te, deva, caturāsīti khattiyasahassāni anuyantāni pariṇāyakaratanappamukhāni. Ettha, deva, chandaṃ janehi jīvite apekkhaṃ karohi. Imāni te, deva, caturāsīti dhenusahassāni duhasandanāni kaṃsūpadhāraṇāni. Ettha, deva, chandaṃ janehi jīvite apekkhaṃ karohi. Imāni te, deva, caturāsīti vatthakoṭisahassāni khomasukhumānaṃ kappāsikasukhumānaṃ koseyyasukhumānaṃ kambalasukhumānaṃ. Ettha, deva, chandaṃ janehi, jīvite apekkhaṃ karohi. Imāni te, deva, caturāsīti thālipākasahassāni sāyaṃ pātaṃ bhattābhihāro abhihariyati. Ettha, deva, chandaṃ janehi jīvite apekkhaṃ karohī’ti.

267. ‘‘звам̣ вуд̇д̇з, аананд̣̇а, рааж̇аа махаасуд̣̇ассано субхад̣̇д̣̇ам̣ д̣̇звим̣ зд̇ад̣̇авожа –

267. ‘‘Evaṃ vutte, ānanda, rājā mahāsudassano subhaddaṃ deviṃ etadavoca –

‘д̣̇ийгхарад̇д̇ам̣ ко мам̣ д̇вам̣, д̣̇зви, идтзхи ганд̇зхи биязхи манаабзхи самуд̣̇аажарид̇т̇а; ат̇а жа бана мам̣ д̇вам̣ бажчимз гаалз анидтзхи аганд̇зхи аббиязхи аманаабзхи самуд̣̇аажарасий’д̇и. ‘гат̇ам̣ жарахи д̇ам̣, д̣̇зва, самуд̣̇аажараамий’д̇и? ‘звам̣ ко мам̣ д̇вам̣, д̣̇зви, самуд̣̇аажара – ‘‘саб̣б̣зхзва, д̣̇зва, биязхи манаабзхи наанаабхааво винаабхааво ан̃н̃ат̇аабхааво, маа ко д̇вам̣, д̣̇зва, саабзгко гааламагааси, д̣̇угкаа саабзгкасса гаалан̇гирияаа, г̇арахид̇аа жа саабзгкасса гаалан̇гирияаа. имаани д̇з, д̣̇зва, жад̇ураасийд̇и наг̇арасахассаани гусаавад̇ийрааж̇ад̇хааниббамукаани. зд̇т̇а, д̣̇зва, чанд̣̇ам̣ баж̇аха ж̇ийвид̇з абзгкам̣ маагааси. имаани д̇з, д̣̇зва, жад̇ураасийд̇и баасаад̣̇асахассаани д̇хаммабаасаад̣̇аббамукаани. зд̇т̇а, д̣̇зва, чанд̣̇ам̣ баж̇аха ж̇ийвид̇з абзгкам̣ маагааси. имаани д̇з , д̣̇зва, жад̇ураасийд̇и гуудааг̇аарасахассаани махаавияуухагуудааг̇аараббамукаани. зд̇т̇а, д̣̇зва, чанд̣̇ам̣ баж̇аха ж̇ийвид̇з абзгкам̣ маагааси. имаани д̇з, д̣̇зва, жад̇ураасийд̇и баллан̇гасахассаани сован̣н̣амаяаани руубияамаяаани д̣̇анд̇амаяаани саарамаяаани г̇онагад̇т̇ад̇аани бадигад̇т̇ад̇аани бадалигад̇т̇ад̇аани гад̣̇алимиг̇абаварабажжад̇т̇аран̣аани сауд̇д̇аражчад̣̇аани убхад̇олохид̇агуубад̇хаанаани. зд̇т̇а, д̣̇зва, чанд̣̇ам̣ баж̇аха ж̇ийвид̇з абзгкам̣ маагааси. имаани д̇з, д̣̇зва, жад̇ураасийд̇и нааг̇асахассаани сован̣н̣аалан̇гаараани сован̣н̣ад̇хаж̇аани хзмаж̇аалабадижчаннаани убосат̇анааг̇арааж̇аббамукаани. зд̇т̇а, д̣̇зва, чанд̣̇ам̣ баж̇аха ж̇ийвид̇з абзгкам̣ маагааси. имаани д̇з, д̣̇зва, жад̇ураасийд̇и ассасахассаани сован̣н̣аалан̇гаараани сован̣н̣ад̇хаж̇аани хзмаж̇аалабадижчаннаани валаахагаассарааж̇аббамукаани. зд̇т̇а, д̣̇зва, чанд̣̇ам̣ баж̇аха ж̇ийвид̇з абзгкам̣ маагааси. имаани д̇з, д̣̇зва, жад̇ураасийд̇и рат̇асахассаани сийхажаммабариваараани б̣яаг̇гхажаммабариваараани д̣̇ийбижаммабариваараани бан̣д̣угамб̣алабариваараани сован̣н̣аалан̇гаараани сован̣н̣ад̇хаж̇аани хзмаж̇аалабадижчаннаани взж̇аяанд̇арат̇аббамукаани. зд̇т̇а, д̣̇зва, чанд̣̇ам̣ баж̇аха ж̇ийвид̇з абзгкам̣ маагааси. имаани д̇з, д̣̇зва, жад̇ураасийд̇и ман̣исахассаани ман̣ирад̇анаббамукаани. зд̇т̇а, д̣̇зва, чанд̣̇ам̣ баж̇аха ж̇ийвид̇з абзгкам̣ маагааси. имаани д̇з, д̣̇зва, жад̇ураасийд̇и ид̇т̇исахассаани субхад̣̇д̣̇аад̣̇звиббамукаани. зд̇т̇а, д̣̇зва, чанд̣̇ам̣ баж̇аха ж̇ийвид̇з абзгкам̣ маагааси. имаани д̇з, д̣̇зва, жад̇ураасийд̇и г̇ахабад̇исахассаани г̇ахабад̇ирад̇анаббамукаани. зд̇т̇а, д̣̇зва, чанд̣̇ам̣ баж̇аха ж̇ийвид̇з абзгкам̣ маагааси. имаани д̇з, д̣̇зва, жад̇ураасийд̇и кад̇д̇ияасахассаани ануяанд̇аани барин̣ааяагарад̇анаббамукаани. зд̇т̇а, д̣̇зва, чанд̣̇ам̣ баж̇аха ж̇ийвид̇з абзгкам̣ маагааси. имаани д̇з, д̣̇зва, жад̇ураасийд̇и д̇хзнусахассаани д̣̇ухасанд̣̇анаани гам̣суубад̇хааран̣аани. зд̇т̇а д̣̇зва, чанд̣̇ам̣ баж̇аха ж̇ийвид̇з абзгкам̣ маагааси. имаани д̇з, д̣̇зва, жад̇ураасийд̇и вад̇т̇агодисахассаани комасукумаанам̣ габбаасигасукумаанам̣ госзяяасукумаанам̣ гамб̣аласукумаанам̣. зд̇т̇а, д̣̇зва, чанд̣̇ам̣ баж̇аха ж̇ийвид̇з абзгкам̣ маагааси. имаани д̇з д̣̇зва жад̇ураасийд̇и т̇аалибаагасахассаани сааяам̣ баад̇ам̣ бхад̇д̇аабхихааро абхихарияад̇и. зд̇т̇а, д̣̇зва, чанд̣̇ам̣ баж̇аха ж̇ийвид̇з абзгкам̣ маагаасий’’’д̇и.

‘Dīgharattaṃ kho maṃ tvaṃ, devi, iṭṭhehi kantehi piyehi manāpehi samudācarittha; atha ca pana maṃ tvaṃ pacchime kāle aniṭṭhehi akantehi appiyehi amanāpehi samudācarasī’ti. ‘Kathaṃ carahi taṃ, deva, samudācarāmī’ti? ‘Evaṃ kho maṃ tvaṃ, devi, samudācara – ‘‘sabbeheva, deva, piyehi manāpehi nānābhāvo vinābhāvo aññathābhāvo, mā kho tvaṃ, deva, sāpekkho kālamakāsi, dukkhā sāpekkhassa kālaṅkiriyā, garahitā ca sāpekkhassa kālaṅkiriyā. Imāni te, deva, caturāsīti nagarasahassāni kusāvatīrājadhānippamukhāni. Ettha, deva, chandaṃ pajaha jīvite apekkhaṃ mākāsi. Imāni te, deva, caturāsīti pāsādasahassāni dhammapāsādappamukhāni. Ettha, deva, chandaṃ pajaha jīvite apekkhaṃ mākāsi. Imāni te , deva, caturāsīti kūṭāgārasahassāni mahāviyūhakūṭāgārappamukhāni. Ettha, deva, chandaṃ pajaha jīvite apekkhaṃ mākāsi. Imāni te, deva, caturāsīti pallaṅkasahassāni sovaṇṇamayāni rūpiyamayāni dantamayāni sāramayāni gonakatthatāni paṭikatthatāni paṭalikatthatāni kadalimigapavarapaccattharaṇāni sauttaracchadāni ubhatolohitakūpadhānāni. Ettha, deva, chandaṃ pajaha jīvite apekkhaṃ mākāsi. Imāni te, deva, caturāsīti nāgasahassāni sovaṇṇālaṅkārāni sovaṇṇadhajāni hemajālapaṭicchannāni uposathanāgarājappamukhāni. Ettha, deva, chandaṃ pajaha jīvite apekkhaṃ mākāsi. Imāni te, deva, caturāsīti assasahassāni sovaṇṇālaṅkārāni sovaṇṇadhajāni hemajālapaṭicchannāni valāhakaassarājappamukhāni. Ettha, deva, chandaṃ pajaha jīvite apekkhaṃ mākāsi. Imāni te, deva, caturāsīti rathasahassāni sīhacammaparivārāni byagghacammaparivārāni dīpicammaparivārāni paṇḍukambalaparivārāni sovaṇṇālaṅkārāni sovaṇṇadhajāni hemajālapaṭicchannāni vejayantarathappamukhāni. Ettha, deva, chandaṃ pajaha jīvite apekkhaṃ mākāsi. Imāni te, deva, caturāsīti maṇisahassāni maṇiratanappamukhāni. Ettha, deva, chandaṃ pajaha jīvite apekkhaṃ mākāsi. Imāni te, deva, caturāsīti itthisahassāni subhaddādevippamukhāni. Ettha, deva, chandaṃ pajaha jīvite apekkhaṃ mākāsi. Imāni te, deva, caturāsīti gahapatisahassāni gahapatiratanappamukhāni. Ettha, deva, chandaṃ pajaha jīvite apekkhaṃ mākāsi. Imāni te, deva, caturāsīti khattiyasahassāni anuyantāni pariṇāyakaratanappamukhāni. Ettha, deva, chandaṃ pajaha jīvite apekkhaṃ mākāsi. Imāni te, deva, caturāsīti dhenusahassāni duhasandanāni kaṃsūpadhāraṇāni. Ettha deva, chandaṃ pajaha jīvite apekkhaṃ mākāsi. Imāni te, deva, caturāsīti vatthakoṭisahassāni khomasukhumānaṃ kappāsikasukhumānaṃ koseyyasukhumānaṃ kambalasukhumānaṃ. Ettha, deva, chandaṃ pajaha jīvite apekkhaṃ mākāsi. Imāni te deva caturāsīti thālipākasahassāni sāyaṃ pātaṃ bhattābhihāro abhihariyati. Ettha, deva, chandaṃ pajaha jīvite apekkhaṃ mākāsī’’’ti.

268. ‘‘звам̣ вуд̇д̇з, аананд̣̇а, субхад̣̇д̣̇аа д̣̇звий барод̣̇и ассууни бавад̇д̇зси. ат̇а ко, аананд̣̇а, субхад̣̇д̣̇аа д̣̇звий ассууни бун̃чид̇ваа ³⁹ рааж̇аанам̣ махаасуд̣̇ассанам̣ зд̇ад̣̇авожа –

268. ‘‘Evaṃ vutte, ānanda, subhaddā devī parodi assūni pavattesi. Atha kho, ānanda, subhaddā devī assūni puñchitvā ⁴⁰ rājānaṃ mahāsudassanaṃ etadavoca –

‘саб̣б̣зхзва , д̣̇зва, биязхи манаабзхи наанаабхааво винаабхааво ан̃н̃ат̇аабхааво, маа ко д̇вам̣, д̣̇зва, саабзгко гааламагааси, д̣̇угкаа саабзгкасса гаалан̇гирияаа, г̇арахид̇аа жа саабзгкасса гаалан̇гирияаа. имаани д̇з, д̣̇зва, жад̇ураасийд̇и наг̇арасахассаани гусаавад̇ийрааж̇ад̇хааниббамукаани. зд̇т̇а, д̣̇зва, чанд̣̇ам̣ баж̇аха ж̇ийвид̇з абзгкам̣ маагааси. имаани д̇з, д̣̇зва, жад̇ураасийд̇и баасаад̣̇асахассаани д̇хаммабаасаад̣̇аббамукаани. зд̇т̇а, д̣̇зва, чанд̣̇ам̣ баж̇аха ж̇ийвид̇з абзгкам̣ маагааси. имаани д̇з, д̣̇зва, жад̇ураасийд̇и гуудааг̇аарасахассаани махаавияуухагуудааг̇аараббамукаани. зд̇т̇а, д̣̇зва, чанд̣̇ам̣ баж̇аха ж̇ийвид̇з абзгкам̣ маагааси. имаани д̇з, д̣̇зва, жад̇ураасийд̇и баллан̇гасахассаани сован̣н̣амаяаани руубияамаяаани д̣̇анд̇амаяаани саарамаяаани г̇онагад̇т̇ад̇аани бадигад̇т̇ад̇аани бадалигад̇т̇ад̇аани гад̣̇алимиг̇абаварабажжад̇т̇аран̣аани сауд̇д̇аражчад̣̇аани убхад̇олохид̇агуубад̇хаанаани. зд̇т̇а, д̣̇зва, чанд̣̇ам̣ баж̇аха ж̇ийвид̇з абзгкам̣ маагааси. имаани д̇з, д̣̇зва, жад̇ураасийд̇и нааг̇асахассаани сован̣н̣аалан̇гаараани сован̣н̣ад̇хаж̇аани хзмаж̇аалабадижчаннаани убосат̇анааг̇арааж̇аббамукаани. зд̇т̇а, д̣̇зва, чанд̣̇ам̣ баж̇аха ж̇ийвид̇з абзгкам̣ маагааси. имаани д̇з , д̣̇зва, жад̇ураасийд̇и ассасахассаани сован̣н̣аалан̇гаараани сован̣н̣ад̇хаж̇аани хзмаж̇аалабадижчаннаани валаахагаассарааж̇аббамукаани . зд̇т̇а, д̣̇зва, чанд̣̇ам̣ баж̇аха, ж̇ийвид̇з абзгкам̣ маагааси. имаани д̇з, д̣̇зва, жад̇ураасийд̇и рат̇асахассаани сийхажаммабариваараани б̣яаг̇гхажаммабариваараани д̣̇ийбижаммабариваараани бан̣д̣угамб̣алабариваараани сован̣н̣аалан̇гаараани сован̣н̣ад̇хаж̇аани хзмаж̇аалабадижчаннаани взж̇аяанд̇арат̇аббамукаани. зд̇т̇а, д̣̇зва, чанд̣̇ам̣ баж̇аха ж̇ийвид̇з абзгкам̣ маагааси. имаани д̇з, д̣̇зва, жад̇ураасийд̇и ман̣исахассаани ман̣ирад̇анаббамукаани. зд̇т̇а, д̣̇зва, чанд̣̇ам̣ баж̇аха ж̇ийвид̇з абзгкам̣ маагааси. имаани д̇з, д̣̇зва, жад̇ураасийд̇и ид̇т̇исахассаани ид̇т̇ирад̇анаббамукаани. зд̇т̇а, д̣̇зва, чанд̣̇ам̣ баж̇аха, ж̇ийвид̇з абзгкам̣ маагааси. имаани д̇з , д̣̇зва, жад̇ураасийд̇и г̇ахабад̇исахассаани г̇ахабад̇ирад̇анаббамукаани. зд̇т̇а, д̣̇зва, чанд̣̇ам̣ баж̇аха ж̇ийвид̇з абзгкам̣ маагааси. имаани д̇з, д̣̇зва, жад̇ураасийд̇и кад̇д̇ияасахассаани ануяанд̇аани барин̣ааяагарад̇анаббамукаани. зд̇т̇а, д̣̇зва, чанд̣̇ам̣ баж̇аха ж̇ийвид̇з абзгкам̣ маагааси. имаани д̇з, д̣̇зва, жад̇ураасийд̇и д̇хзнусахассаани д̣̇ухасанд̣̇анаани гам̣суубад̇хааран̣аани. зд̇т̇а, д̣̇зва, чанд̣̇ам̣ баж̇аха ж̇ийвид̇з абзгкам̣ маагааси. имаани д̇з, д̣̇зва, жад̇ураасийд̇и вад̇т̇агодисахассаани комасукумаанам̣ габбаасигасукумаанам̣ госзяяасукумаанам̣ гамб̣аласукумаанам̣. зд̇т̇а, д̣̇зва, чанд̣̇ам̣ баж̇аха ж̇ийвид̇з абзгкам̣ маагааси. имаани д̇з, д̣̇зва, жад̇ураасийд̇и т̇аалибаагасахассаани сааяам̣ баад̇ам̣ бхад̇д̇аабхихааро абхихарияад̇и. зд̇т̇а , д̣̇зва, чанд̣̇ам̣ баж̇аха ж̇ийвид̇з абзгкам̣ маагаасий’д̇и.

‘Sabbeheva , deva, piyehi manāpehi nānābhāvo vinābhāvo aññathābhāvo, mā kho tvaṃ, deva, sāpekkho kālamakāsi, dukkhā sāpekkhassa kālaṅkiriyā, garahitā ca sāpekkhassa kālaṅkiriyā. Imāni te, deva, caturāsīti nagarasahassāni kusāvatīrājadhānippamukhāni. Ettha, deva, chandaṃ pajaha jīvite apekkhaṃ mākāsi. Imāni te, deva, caturāsīti pāsādasahassāni dhammapāsādappamukhāni. Ettha, deva, chandaṃ pajaha jīvite apekkhaṃ mākāsi. Imāni te, deva, caturāsīti kūṭāgārasahassāni mahāviyūhakūṭāgārappamukhāni. Ettha, deva, chandaṃ pajaha jīvite apekkhaṃ mākāsi. Imāni te, deva, caturāsīti pallaṅkasahassāni sovaṇṇamayāni rūpiyamayāni dantamayāni sāramayāni gonakatthatāni paṭikatthatāni paṭalikatthatāni kadalimigapavarapaccattharaṇāni sauttaracchadāni ubhatolohitakūpadhānāni. Ettha, deva, chandaṃ pajaha jīvite apekkhaṃ mākāsi. Imāni te, deva, caturāsīti nāgasahassāni sovaṇṇālaṅkārāni sovaṇṇadhajāni hemajālapaṭicchannāni uposathanāgarājappamukhāni. Ettha, deva, chandaṃ pajaha jīvite apekkhaṃ mākāsi. Imāni te , deva, caturāsīti assasahassāni sovaṇṇālaṅkārāni sovaṇṇadhajāni hemajālapaṭicchannāni valāhakaassarājappamukhāni . Ettha, deva, chandaṃ pajaha, jīvite apekkhaṃ mākāsi. Imāni te, deva, caturāsīti rathasahassāni sīhacammaparivārāni byagghacammaparivārāni dīpicammaparivārāni paṇḍukambalaparivārāni sovaṇṇālaṅkārāni sovaṇṇadhajāni hemajālapaṭicchannāni vejayantarathappamukhāni. Ettha, deva, chandaṃ pajaha jīvite apekkhaṃ mākāsi. Imāni te, deva, caturāsīti maṇisahassāni maṇiratanappamukhāni. Ettha, deva, chandaṃ pajaha jīvite apekkhaṃ mākāsi. Imāni te, deva, caturāsīti itthisahassāni itthiratanappamukhāni. Ettha, deva, chandaṃ pajaha, jīvite apekkhaṃ mākāsi. Imāni te , deva, caturāsīti gahapatisahassāni gahapatiratanappamukhāni. Ettha, deva, chandaṃ pajaha jīvite apekkhaṃ mākāsi. Imāni te, deva, caturāsīti khattiyasahassāni anuyantāni pariṇāyakaratanappamukhāni. Ettha, deva, chandaṃ pajaha jīvite apekkhaṃ mākāsi. Imāni te, deva, caturāsīti dhenusahassāni duhasandanāni kaṃsūpadhāraṇāni. Ettha, deva, chandaṃ pajaha jīvite apekkhaṃ mākāsi. Imāni te, deva, caturāsīti vatthakoṭisahassāni khomasukhumānaṃ kappāsikasukhumānaṃ koseyyasukhumānaṃ kambalasukhumānaṃ. Ettha, deva, chandaṃ pajaha jīvite apekkhaṃ mākāsi. Imāni te, deva, caturāsīti thālipākasahassāni sāyaṃ pātaṃ bhattābhihāro abhihariyati. Ettha , deva, chandaṃ pajaha jīvite apekkhaṃ mākāsī’ti.

б̣рахмалогуубаг̇амам̣

Brahmalokūpagamaṃ

269. ‘‘ат̇а ко, аананд̣̇а, рааж̇аа махаасуд̣̇ассано нажирассзва гааламагааси. сзяяат̇ааби, аананд̣̇а, г̇ахабад̇исса ваа г̇ахабад̇ибуд̇д̇асса ваа манун̃н̃ам̣ бхож̇анам̣ бхуд̇д̇аависса бхад̇д̇асаммад̣̇о ход̇и, звамзва ко, аананд̣̇а, ран̃н̃о махаасуд̣̇ассанасса мааран̣анд̇игаа взд̣̇анаа ахоси. гаалан̇гад̇о жа, аананд̣̇а, рааж̇аа махаасуд̣̇ассано суг̇ад̇им̣ б̣рахмалогам̣ убабаж̇ж̇и. рааж̇аа, аананд̣̇а, махаасуд̣̇ассано жад̇ураасийд̇и вассасахассаани гумаарагийл̣ам̣ ⁴¹ гийл̣и. жад̇ураасийд̇и вассасахассаани обараж̇ж̇ам̣ гаарзси. жад̇ураасийд̇и вассасахассаани раж̇ж̇ам̣ гаарзси. жад̇ураасийд̇и вассасахассаани г̇ихибхууд̇о ⁴² д̇хаммз баасаад̣̇з б̣рахмажарияам̣ жари ⁴³. со жад̇д̇ааро б̣рахмавихаарз бхаавзд̇ваа гааяасса бхзд̣̇аа барам̣ маран̣аа б̣рахмалогуубаг̇о ахоси.

269. ‘‘Atha kho, ānanda, rājā mahāsudassano nacirasseva kālamakāsi. Seyyathāpi, ānanda, gahapatissa vā gahapatiputtassa vā manuññaṃ bhojanaṃ bhuttāvissa bhattasammado hoti, evameva kho, ānanda, rañño mahāsudassanassa māraṇantikā vedanā ahosi. Kālaṅkato ca, ānanda, rājā mahāsudassano sugatiṃ brahmalokaṃ upapajji. Rājā, ānanda, mahāsudassano caturāsīti vassasahassāni kumārakīḷaṃ ⁴⁴ kīḷi. Caturāsīti vassasahassāni oparajjaṃ kāresi. Caturāsīti vassasahassāni rajjaṃ kāresi. Caturāsīti vassasahassāni gihibhūto ⁴⁵ dhamme pāsāde brahmacariyaṃ cari ⁴⁶. So cattāro brahmavihāre bhāvetvā kāyassa bhedā paraṃ maraṇā brahmalokūpago ahosi.

270. ‘‘сияаа ко банаананд̣̇а, звамасса – ‘ан̃н̃о нууна д̇зна самаязна рааж̇аа махаасуд̣̇ассано ахосий’д̇и, на ко банзд̇ам̣, аананд̣̇а, звам̣ д̣̇адтаб̣б̣ам̣. ахам̣ д̇зна самаязна рааж̇аа махаасуд̣̇ассано ахосим̣. мама д̇аани жад̇ураасийд̇и наг̇арасахассаани гусаавад̇ийрааж̇ад̇хааниббамукаани, мама д̇аани жад̇ураасийд̇и баасаад̣̇асахассаани д̇хаммабаасаад̣̇аббамукаани, мама д̇аани жад̇ураасийд̇и гуудааг̇аарасахассаани махаавияуухагуудааг̇аараббамукаани, мама д̇аани жад̇ураасийд̇и баллан̇гасахассаани сован̣н̣амаяаани руубияамаяаани д̣̇анд̇амаяаани саарамаяаани г̇онагад̇т̇ад̇аани бадигад̇т̇ад̇аани бадалигад̇т̇ад̇аани гад̣̇алимиг̇абаварабажжад̇т̇аран̣аани сауд̇д̇аражчад̣̇аани убхад̇олохид̇агуубад̇хаанаани, мама д̇аани жад̇ураасийд̇и нааг̇асахассаани сован̣н̣аалан̇гаараани сован̣н̣ад̇хаж̇аани хзмаж̇аалабадижчаннаани убосат̇анааг̇арааж̇аббамукаани, мама д̇аани жад̇ураасийд̇и ассасахассаани сован̣н̣аалан̇гаараани сован̣н̣ад̇хаж̇аани хзмаж̇аалабадижчаннаани валаахагаассарааж̇аббамукаани, мама д̇аани жад̇ураасийд̇и рат̇асахассаани сийхажаммабариваараани б̣яаг̇гхажаммабариваараани д̣̇ийбижаммабариваараани бан̣д̣угамб̣алабариваараани сован̣н̣аалан̇гаараани сован̣н̣ад̇хаж̇аани хзмаж̇аалабадижчаннаани взж̇аяанд̇арат̇аббамукаани, мама д̇аани жад̇ураасийд̇и ман̣исахассаани ман̣ирад̇анаббамукаани, мама д̇аани жад̇ураасийд̇и ид̇т̇исахассаани субхад̣̇д̣̇аад̣̇звиббамукаани, мама д̇аани жад̇ураасийд̇и г̇ахабад̇исахассаани г̇ахабад̇ирад̇анаббамукаани, мама д̇аани жад̇ураасийд̇и кад̇д̇ияасахассаани ануяанд̇аани барин̣ааяагарад̇анаббамукаани, мама д̇аани жад̇ураасийд̇и д̇хзнусахассаани д̣̇ухасанд̣̇анаани гам̣суубад̇хааран̣аани, мама д̇аани жад̇ураасийд̇и вад̇т̇агодисахассаани комасукумаанам̣ габбаасигасукумаанам̣ госзяяасукумаанам̣ гамб̣аласукумаанам̣, мама д̇аани жад̇ураасийд̇и т̇аалибаагасахассаани сааяам̣ баад̇ам̣ бхад̇д̇аабхихааро абхихарияид̇т̇а.

270. ‘‘Siyā kho panānanda, evamassa – ‘añño nūna tena samayena rājā mahāsudassano ahosī’ti, na kho panetaṃ, ānanda, evaṃ daṭṭhabbaṃ. Ahaṃ tena samayena rājā mahāsudassano ahosiṃ. Mama tāni caturāsīti nagarasahassāni kusāvatīrājadhānippamukhāni, mama tāni caturāsīti pāsādasahassāni dhammapāsādappamukhāni, mama tāni caturāsīti kūṭāgārasahassāni mahāviyūhakūṭāgārappamukhāni, mama tāni caturāsīti pallaṅkasahassāni sovaṇṇamayāni rūpiyamayāni dantamayāni sāramayāni gonakatthatāni paṭikatthatāni paṭalikatthatāni kadalimigapavarapaccattharaṇāni sauttaracchadāni ubhatolohitakūpadhānāni, mama tāni caturāsīti nāgasahassāni sovaṇṇālaṅkārāni sovaṇṇadhajāni hemajālapaṭicchannāni uposathanāgarājappamukhāni, mama tāni caturāsīti assasahassāni sovaṇṇālaṅkārāni sovaṇṇadhajāni hemajālapaṭicchannāni valāhakaassarājappamukhāni, mama tāni caturāsīti rathasahassāni sīhacammaparivārāni byagghacammaparivārāni dīpicammaparivārāni paṇḍukambalaparivārāni sovaṇṇālaṅkārāni sovaṇṇadhajāni hemajālapaṭicchannāni vejayantarathappamukhāni, mama tāni caturāsīti maṇisahassāni maṇiratanappamukhāni, mama tāni caturāsīti itthisahassāni subhaddādevippamukhāni, mama tāni caturāsīti gahapatisahassāni gahapatiratanappamukhāni, mama tāni caturāsīti khattiyasahassāni anuyantāni pariṇāyakaratanappamukhāni, mama tāni caturāsīti dhenusahassāni duhasandanāni kaṃsūpadhāraṇāni, mama tāni caturāsīti vatthakoṭisahassāni khomasukhumānaṃ kappāsikasukhumānaṃ koseyyasukhumānaṃ kambalasukhumānaṃ, mama tāni caturāsīti thālipākasahassāni sāyaṃ pātaṃ bhattābhihāro abhihariyittha.

271. ‘‘д̇зсам̣ ко банаананд̣̇а, жад̇ураасийд̇инаг̇арасахассаанам̣ зган̃н̃зва д̇ам̣ наг̇арам̣ ход̇и, яам̣ д̇зна самаязна аж̇жхаавасаами яад̣̇ид̣̇ам̣ гусаавад̇ий рааж̇ад̇хааний. д̇зсам̣ ко банаананд̣̇а, жад̇ураасийд̇ибаасаад̣̇асахассаанам̣ згоязва со баасаад̣̇о ход̇и, яам̣ д̇зна самаязна аж̇жхаавасаами яад̣̇ид̣̇ам̣ д̇хаммо баасаад̣̇о. д̇зсам̣ ко банаананд̣̇а, жад̇ураасийд̇игуудааг̇аарасахассаанам̣ зган̃н̃зва д̇ам̣ гуудааг̇аарам̣ ход̇и, яам̣ д̇зна самаязна аж̇жхаавасаами яад̣̇ид̣̇ам̣ махаавияуухам̣ гуудааг̇аарам̣. д̇зсам̣ ко банаананд̣̇а, жад̇ураасийд̇ибаллан̇гасахассаанам̣ згоязва со баллан̇го ход̇и, яам̣ д̇зна самаязна барибхун̃ж̇аами яад̣̇ид̣̇ам̣ сован̣н̣амаяо ваа руубияамаяо ваа д̣̇анд̇амаяо ваа саарамаяо ваа. д̇зсам̣ ко банаананд̣̇а, жад̇ураасийд̇инааг̇асахассаанам̣ згоязва со нааг̇о ход̇и, яам̣ д̇зна самаязна абхирухаами яад̣̇ид̣̇ам̣ убосат̇о нааг̇арааж̇аа. д̇зсам̣ ко банаананд̣̇а, жад̇ураасийд̇иассасахассаанам̣ згоязва со ассо ход̇и, яам̣ д̇зна самаязна абхирухаами яад̣̇ид̣̇ам̣ валаахаго ассарааж̇аа. д̇зсам̣ ко банаананд̣̇а, жад̇ураасийд̇ират̇асахассаанам̣ згоязва со рат̇о ход̇и, яам̣ д̇зна самаязна абхирухаами яад̣̇ид̣̇ам̣ взж̇аяанд̇арат̇о. д̇зсам̣ ко банаананд̣̇а, жад̇ураасийд̇иид̇т̇исахассаанам̣ згааязва саа ид̇т̇ий ход̇и, яаа д̇зна самаязна бажжубадтаад̇и кад̇д̇ияааний ваа взссиний ⁴⁷ ваа. д̇зсам̣ ко банаананд̣̇а, ваа. д̇зсам̣ ко банаананд̣̇а, жад̇ураасийд̇ивад̇т̇агодисахассаанам̣ згам̣язва д̇ам̣ д̣̇уссаяуг̇ам̣ ход̇и, яам̣ д̇зна самаязна барид̣̇ахаами комасукумам̣ ваа габбаасигасукумам̣ ваа госзяяасукумам̣ ваа гамб̣аласукумам̣ ваа. д̇зсам̣ ко банаананд̣̇а, жад̇ураасийд̇ит̇аалибаагасахассаанам̣ згоязва со т̇аалибааго ход̇и, яад̇о наал̣игод̣̇анабарамам̣ бхун̃ж̇аами д̇ад̣̇убияан̃жа суубзяяам̣.

271. ‘‘Tesaṃ kho panānanda, caturāsītinagarasahassānaṃ ekaññeva taṃ nagaraṃ hoti, yaṃ tena samayena ajjhāvasāmi yadidaṃ kusāvatī rājadhānī. Tesaṃ kho panānanda, caturāsītipāsādasahassānaṃ ekoyeva so pāsādo hoti, yaṃ tena samayena ajjhāvasāmi yadidaṃ dhammo pāsādo. Tesaṃ kho panānanda, caturāsītikūṭāgārasahassānaṃ ekaññeva taṃ kūṭāgāraṃ hoti, yaṃ tena samayena ajjhāvasāmi yadidaṃ mahāviyūhaṃ kūṭāgāraṃ. Tesaṃ kho panānanda, caturāsītipallaṅkasahassānaṃ ekoyeva so pallaṅko hoti, yaṃ tena samayena paribhuñjāmi yadidaṃ sovaṇṇamayo vā rūpiyamayo vā dantamayo vā sāramayo vā. Tesaṃ kho panānanda, caturāsītināgasahassānaṃ ekoyeva so nāgo hoti, yaṃ tena samayena abhiruhāmi yadidaṃ uposatho nāgarājā. Tesaṃ kho panānanda, caturāsītiassasahassānaṃ ekoyeva so asso hoti, yaṃ tena samayena abhiruhāmi yadidaṃ valāhako assarājā. Tesaṃ kho panānanda, caturāsītirathasahassānaṃ ekoyeva so ratho hoti, yaṃ tena samayena abhiruhāmi yadidaṃ vejayantaratho. Tesaṃ kho panānanda, caturāsītiitthisahassānaṃ ekāyeva sā itthī hoti, yā tena samayena paccupaṭṭhāti khattiyānī vā vessinī ⁴⁸ vā. Tesaṃ kho panānanda, vā. Tesaṃ kho panānanda, caturāsītivatthakoṭisahassānaṃ ekaṃyeva taṃ dussayugaṃ hoti, yaṃ tena samayena paridahāmi khomasukhumaṃ vā kappāsikasukhumaṃ vā koseyyasukhumaṃ vā kambalasukhumaṃ vā. Tesaṃ kho panānanda, caturāsītithālipākasahassānaṃ ekoyeva so thālipāko hoti, yato nāḷikodanaparamaṃ bhuñjāmi tadupiyañca sūpeyyaṃ.

272. ‘‘бассаананд̣̇а, саб̣б̣зд̇з сан̇каараа ад̇ийд̇аа нируд̣̇д̇хаа вибарин̣ад̇аа. звам̣ анижжаа ко, аананд̣̇а, сан̇каараа; звам̣ ад̣̇д̇хуваа ко, аананд̣̇а, сан̇каараа; звам̣ анассаасигаа ко, аананд̣̇а, сан̇каараа! яааван̃жид̣̇ам̣, аананд̣̇а , аламзва саб̣б̣асан̇каарзсу ниб̣б̣инд̣̇ид̇ум̣, алам̣ вираж̇ж̇ид̇ум̣, алам̣ вимужжид̇ум̣.

272. ‘‘Passānanda, sabbete saṅkhārā atītā niruddhā vipariṇatā. Evaṃ aniccā kho, ānanda, saṅkhārā; evaṃ addhuvā kho, ānanda, saṅkhārā; evaṃ anassāsikā kho, ānanda, saṅkhārā! Yāvañcidaṃ, ānanda , alameva sabbasaṅkhāresu nibbindituṃ, alaṃ virajjituṃ, alaṃ vimuccituṃ.

‘‘чагкад̇д̇ум̣ ко банаахам̣, аананд̣̇а, абхиж̇аанаами имасмим̣ бад̣̇зсз сарийрам̣ нигкибид̇ам̣, д̇ан̃жа ко рааж̇аава самаано жаггавад̇д̇ий д̇хаммиго д̇хаммарааж̇аа жаад̇уранд̇о виж̇ид̇аавий ж̇анабад̣̇ад̇т̇ааварияабад̇д̇о сад̇д̇арад̇анасаманнааг̇ад̇о, аяам̣ сад̇д̇амо сарийранигкзбо. на ко банаахам̣, аананд̣̇а, д̇ам̣ бад̣̇зсам̣ саманубассаами сад̣̇звагз логз самаарагз саб̣рахмагз сассаман̣аб̣раахман̣ияаа баж̇ааяа сад̣̇звамануссааяа яад̇т̇а д̇ат̇ааг̇ад̇о адтамам̣ сарийрам̣ нигкибзяяаа’’д̇и. ид̣̇амавожа бхаг̇аваа, ид̣̇ам̣ вад̇ваана суг̇ад̇о ат̇аабарам̣ зд̇ад̣̇авожа сад̇т̇аа –

‘‘Chakkhattuṃ kho panāhaṃ, ānanda, abhijānāmi imasmiṃ padese sarīraṃ nikkhipitaṃ, tañca kho rājāva samāno cakkavattī dhammiko dhammarājā cāturanto vijitāvī janapadatthāvariyapatto sattaratanasamannāgato, ayaṃ sattamo sarīranikkhepo. Na kho panāhaṃ, ānanda, taṃ padesaṃ samanupassāmi sadevake loke samārake sabrahmake sassamaṇabrāhmaṇiyā pajāya sadevamanussāya yattha tathāgato aṭṭhamaṃ sarīraṃ nikkhipeyyā’’ti. Idamavoca bhagavā, idaṃ vatvāna sugato athāparaṃ etadavoca satthā –

‘‘анижжаа вад̇а сан̇каараа, уббаад̣̇аваяад̇хаммино;

‘‘Aniccā vata saṅkhārā, uppādavayadhammino;

уббаж̇ж̇ид̇ваа нируж̇жханд̇и, д̇зсам̣ вуубасамо суко’’д̇и.

Uppajjitvā nirujjhanti, tesaṃ vūpasamo sukho’’ti.

махаасуд̣̇ассанасуд̇д̇ам̣ нидтид̇ам̣ жад̇уд̇т̇ам̣.

Mahāsudassanasuttaṃ niṭṭhitaṃ catutthaṃ.

Next: 5. ж̇анавасабхасуд̇д̇ам̣ • 5. Janavasabhasuttaṃ

Footnotes:

1. кад̇д̇ияо муд̣̇д̇хаабхисид̇д̇о (га.), жаггавад̇д̇ийд̇хаммиго д̇хаммарааж̇аа (махаабариниб̣б̣аанасуд̇д̇а)

2. ид̣̇д̇хаа жзва ахоси пийд̇аа жа (сяаа.)

3. khattiyo muddhābhisitto (ka.), cakkavattīdhammiko dhammarājā (mahāparinibbānasutta)

4. iddhā ceva ahosi phītā ca (syā.)

5. лохид̇ан̇г̇амаяо (га.), лохид̇агамаяо (б̣яаагаран̣зсу)

6. гаманийяо (сий. сяаа. бий.)

7. lohitaṅgamayo (ka.), lohitakamayo (byākaraṇesu)

8. kamanīyo (sī. syā. pī.)

9. бавад̇д̇ад̇и (сяаа. га.)

10. ануд̣̇зва (сяаа.)

11. pavattati (syā. ka.)

12. anudeva (syā.)

13. маануссиван̣н̣ам̣ (сяаа.)

14. ад̇ижарий (га.), ад̇ижаарий (сий. сяаа. бий.)

15. mānussivaṇṇaṃ (syā.)

16. aticarī (ka.), aticārī (sī. syā. pī.)

17. жад̇уд̇т̇ааяа (сяаа.)

18. catutthāya (syā.)

19. аннад̇т̇ид̇асса (сий. сяаа. гам̣. бий.), звам̣ саб̣б̣ад̇т̇а багабхируубзнзва д̣̇иссад̇и

20. annatthitassa (sī. syā. kaṃ. pī.), evaṃ sabbattha pakabhirūpeneva dissati

21. висугаммам̣ (га.)

22. visukammaṃ (ka.)

23. гин̇ган̣игаж̇аалзхи (сяаа. га.)

24. гусалзхи (сий. сяаа. гам̣. бий.)

25. аб̣бхуг̇г̇амамаано (сий. бий. га.)

26. д̣̇уд̣̇игко (бий.)

27. kiṅkaṇikajālehi (syā. ka.)

28. kusalehi (sī. syā. kaṃ. pī.)

29. abbhuggamamāno (sī. pī. ka.)

30. dudikkho (pī.)

31. яз го банаананд̣̇а (сяаа. га.)

32. ye ko panānanda (syā. ka.)

33. д̣̇угууласанд̣̇анаани(бий.)

34. д̣̇угууласанд̣̇анаани (бий.) д̣̇угууласанд̣̇аанаани (сам̣. ни. 3.96)

35. ( ) сий. ибод̇т̇агзсу над̇т̇и

36. dukūlasandanāni(pī.)

37. dukūlasandanāni (pī.) dukūlasandānāni (saṃ. ni. 3.96)

38. ( ) sī. ipotthakesu natthi

39. бамаж̇ж̇ид̇ваа (сий. сяаа. бий.), бун̃ж̇ид̇ваа (га.)

40. pamajjitvā (sī. syā. pī.), puñjitvā (ka.)

41. гийл̣ид̇ам̣ (га.), гийл̣игам̣ (сий. бий.)

42. г̇ихийбхууд̇о (сий. бий.)

43. б̣рахмажарияамажари (га.)

44. kīḷitaṃ (ka.), kīḷikaṃ (sī. pī.)

45. gihībhūto (sī. pī.)

46. brahmacariyamacari (ka.)

47. взссааяиний (сяаа.), взлаамигааний (га. сий. бий.) взлаамигаа (сам̣. ни. 3.96)

48. vessāyinī (syā.), velāmikānī (ka. sī. pī.) velāmikā (saṃ. ni. 3.96)

Related texts:

адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / д̣̇ийгха нигааяа (адтагат̇аа) • Dīgha nikāya (aṭṭhakathā) / 4. махаасуд̣̇ассанасуд̇д̇аван̣н̣анаа • 4. Mahāsudassanasuttavaṇṇanā

дийгаа • Tīkā / суд̇д̇абидага (дийгаа) • Suttapiṭaka (ṭīkā) / д̣̇ийгханигааяа (дийгаа) • Dīghanikāya (ṭīkā) / 4. махаасуд̣̇ассанасуд̇д̇аван̣н̣анаа • 4. Mahāsudassanasuttavaṇṇanā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact