Library / Tipiṭaka / д̇ибидага • Tipiṭaka / д̣̇ийгха нигааяа (адтагат̇аа) • Dīgha nikāya (aṭṭhakathā)

    4. махаасуд̣̇ассанасуд̇д̇аван̣н̣анаа

    4. Mahāsudassanasuttavaṇṇanā

    гусаавад̇ийрааж̇ад̇хаанийван̣н̣анаа

    Kusāvatīrājadhānīvaṇṇanā

    241. звам̣ мз суд̇анд̇и махаасуд̣̇ассанасуд̇д̇ам̣. д̇ад̇рааяам̣ абуб̣б̣абад̣̇аван̣н̣анаа – саб̣б̣арад̇анамаяод̇и зд̇т̇а згаа идтагаа сован̣н̣амаяаа, згаа руубияамаяаа, згаа взл̣урияамаяаа, згаа палигамаяаа, згаа лохид̇ан̇гамаяаа, згаа масаараг̇алламаяаа, згаа саб̣б̣арад̇анамаяаа, аяам̣ баагааро саб̣б̣абаагаараанам̣ анд̇о уб̣б̣зд̇хзна садтихад̇т̇о ахоси. згз бана т̇зраа – ‘‘наг̇арам̣ наама анд̇о тад̇ваа ологзнд̇аанам̣ д̣̇ассанийяам̣ ваддад̇и, д̇асмаа саб̣б̣аб̣аахиро садтихад̇т̇о, сзсаа анубуб̣б̣анийжаа’’д̇и вад̣̇анд̇и. згз – ‘‘б̣ахи тад̇ваа ологзнд̇аанам̣ д̣̇ассанийяам̣ ваддад̇и, д̇асмаа саб̣б̣ааб̣бханд̇аримо садтихад̇т̇о, сзсаа анубуб̣б̣анийжаа’’д̇и. згз – ‘‘анд̇о жа б̣ахи жа тад̇ваа ологзнд̇аанам̣ д̣̇ассанийяам̣ ваддад̇и, д̇асмаа маж̇жхз баагааро садтихад̇т̇о, анд̇о жа б̣ахи жа д̇аяо д̇аяо анубуб̣б̣анийжаа’’д̇и.

    241.Evaṃme sutanti mahāsudassanasuttaṃ. Tatrāyaṃ apubbapadavaṇṇanā – sabbaratanamayoti ettha ekā iṭṭhakā sovaṇṇamayā, ekā rūpiyamayā, ekā veḷuriyamayā, ekā phalikamayā, ekā lohitaṅkamayā, ekā masāragallamayā, ekā sabbaratanamayā, ayaṃ pākāro sabbapākārānaṃ anto ubbedhena saṭṭhihattho ahosi. Eke pana therā – ‘‘nagaraṃ nāma anto ṭhatvā olokentānaṃ dassanīyaṃ vaṭṭati, tasmā sabbabāhiro saṭṭhihattho, sesā anupubbanīcā’’ti vadanti. Eke – ‘‘bahi ṭhatvā olokentānaṃ dassanīyaṃ vaṭṭati, tasmā sabbaabbhantarimo saṭṭhihattho, sesā anupubbanīcā’’ti. Eke – ‘‘anto ca bahi ca ṭhatvā olokentānaṃ dassanīyaṃ vaṭṭati, tasmā majjhe pākāro saṭṭhihattho, anto ca bahi ca tayo tayo anupubbanīcā’’ti.

    зсигаад̇и зсигад̇т̇амбхо. д̇иборисан̇г̇аад̇и згам̣ борисам̣ маж̇жхимабурисасса ад̇д̇ано хад̇т̇зна бан̃жахад̇т̇ам̣, д̇зна д̇иборисабаригкзбаа баннарасахад̇т̇абаримаан̣аад̇и ад̇т̇о. д̇з бана гат̇ам̣ тид̇аад̇и? наг̇арасса б̣аахирабассз згзгам̣ махаад̣̇ваараб̣аахам̣ ниссааяа згзго, згзгам̣ куд̣̇д̣̇агад̣̇ваараб̣аахам̣ ниссааяа згзго, махаад̣̇вааракуд̣̇д̣̇агад̣̇ваараанам̣ анд̇араа д̇аяо д̇аяод̇и. д̇аалабанд̇ийсу саб̣б̣арад̇анамаяаанам̣ д̇аалаанам̣ згам̣ сован̣н̣амаяанд̇и баагаарз вуд̇д̇алагкан̣амзва взд̣̇ид̇аб̣б̣ам̣, бан̣н̣апалзсуби зсзва наяо. д̇аа бана д̇аалабанд̇ияо асийд̇ихад̇т̇аа уб̣б̣зд̇хзна, виббагин̣н̣аваалугз самад̇алз бхуумибхааг̇з баагааранд̇арз згзгаа худ̇ваа тид̇аа.

    Esikāti esikatthambho. Tiporisaṅgāti ekaṃ porisaṃ majjhimapurisassa attano hatthena pañcahatthaṃ, tena tiporisaparikkhepā pannarasahatthaparimāṇāti attho. Te pana kathaṃ ṭhitāti? Nagarassa bāhirapasse ekekaṃ mahādvārabāhaṃ nissāya ekeko, ekekaṃ khuddakadvārabāhaṃ nissāya ekeko, mahādvārakhuddakadvārānaṃ antarā tayo tayoti. Tālapantīsu sabbaratanamayānaṃ tālānaṃ ekaṃ sovaṇṇamayanti pākāre vuttalakkhaṇameva veditabbaṃ, paṇṇaphalesupi eseva nayo. Tā pana tālapantiyo asītihatthā ubbedhena, vippakiṇṇavāluke samatale bhūmibhāge pākārantare ekekā hutvā ṭhitā.

    ваг̇г̇ууд̇и чзго сунд̣̇аро. раж̇анийяод̇и ран̃ж̇зд̇ум̣ самад̇т̇о. каманийяод̇и д̣̇ивасамби суяяамаано камад̇зва, на б̣ийбхажчзд̇и. мад̣̇анийяод̇и маанамад̣̇абурисамад̣̇аж̇анано. бан̃жан̇г̇игассаад̇и аад̇ад̇ам̣ вид̇ад̇ам̣ аад̇ад̇авид̇ад̇ам̣ сусирам̣ гхананд̇и имзхи бан̃жахан̇г̇зхи саманнааг̇ад̇асса. д̇ад̇т̇а аад̇ад̇ам̣ наама жаммабарияонад̣̇д̇хзсу бхзрийаад̣̇ийсу згад̇алам̣ д̇уурияам̣. вид̇ад̇ам̣ наама убхаяад̇алам̣. аад̇ад̇авид̇ад̇ам̣ наама саб̣б̣ад̇о барияонад̣̇д̇хам̣. сусирам̣ наама вам̣саад̣̇и. гханам̣ наама саммаад̣̇и. сувинийд̇ассаад̇и аагад̣дханасит̇илагаран̣аад̣̇ийхи сумужчид̇асса. суббадид̇аал̣ид̇ассаад̇и бамаан̣з тид̇абхааваж̇аананад̇т̇ам̣ судту бадид̇аал̣ид̇асса. сугусалзхи саманнаахад̇ассаад̇и яз ваад̣̇ид̇ум̣ чзгаа гусалаа, д̇зхи ваад̣̇ид̇асса. д̇худ̇д̇аад̇и агкад̇худ̇д̇аа,. сон̣д̣аад̇и сураасон̣д̣аа. д̇зязва бунаббунам̣ баад̇угаамад̇аавасзна бибаасаа. барижаарзсунд̇и (д̣̇ий. ни. 2.132) хад̇т̇ам̣ ваа баад̣̇ам̣ ваа жаалзд̇ваа нажжанд̇аа гийл̣им̣су.

    Vaggūti cheko sundaro. Rajanīyoti rañjetuṃ samattho. Khamanīyoti divasampi suyyamāno khamateva, na bībhaccheti. Madanīyoti mānamadapurisamadajanano. Pañcaṅgikassāti ātataṃ vitataṃ ātatavitataṃ susiraṃ ghananti imehi pañcahaṅgehi samannāgatassa. Tattha ātataṃ nāma cammapariyonaddhesu bherīādīsu ekatalaṃ tūriyaṃ. Vitataṃ nāma ubhayatalaṃ. Ātatavitataṃ nāma sabbato pariyonaddhaṃ. Susiraṃ nāma vaṃsādi. Ghanaṃ nāma sammādi. Suvinītassāti ākaḍḍhanasithilakaraṇādīhi sumucchitassa. Suppaṭitāḷitassāti pamāṇe ṭhitabhāvajānanatthaṃ suṭṭhu paṭitāḷitassa. Sukusalehi samannāhatassāti ye vādituṃ chekā kusalā, tehi vāditassa. Dhuttāti akkhadhuttā,. Soṇḍāti surāsoṇḍā. Teyeva punappunaṃ pātukāmatāvasena pipāsā. Paricāresunti (dī. ni. 2.132) hatthaṃ vā pādaṃ vā cāletvā naccantā kīḷiṃsu.

    жаггарад̇анаван̣н̣анаа

    Cakkaratanavaṇṇanā

    243. сийсам̣ нхаад̇ассаад̇и сийсзна сад̣̇д̇хим̣ г̇анд̇ход̣̇агзна нахаад̇асса. убосат̇игассаад̇и самаад̣̇иннаубосат̇ан̇г̇асса. убарибаасаад̣̇авараг̇ад̇ассаад̇и баасаад̣̇аварасса убари г̇ад̇асса, субхож̇анам̣ бхун̃ж̇ид̇ваа баасаад̣̇аварасса убаримахаад̇алз сириг̇аб̣бхам̣ бависид̇ваа сийлаани ааваж̇ж̇анд̇асса. д̇ад̣̇аа гира рааж̇аа баад̇ова сад̇асахассам̣ виссаж̇ж̇зд̇ваа махаад̣̇аанам̣ д̣̇ад̇ваа сол̣асахи г̇анд̇ход̣̇агагхадзхи сийсам̣ нахааяид̇ваа гад̇абаад̇араасо суд̣̇д̇хам̣ уд̇д̇араасан̇г̇ам̣ згам̣сам̣ гарид̇ваа убарибаасаад̣̇асса сирисаяанз баллан̇гам̣ аабхуж̇ид̇ваа нисинно ад̇д̇ано д̣̇аанаад̣̇имаяам̣ бун̃н̃асамуд̣̇ааяам̣ ааваж̇ж̇анд̇о нисийд̣̇и. аяам̣ саб̣б̣ажаггавад̇д̇ийнам̣ д̇хаммад̇аа.

    243.Sīsaṃ nhātassāti sīsena saddhiṃ gandhodakena nahātassa. Uposathikassāti samādinnauposathaṅgassa. Uparipāsādavaragatassāti pāsādavarassa upari gatassa, subhojanaṃ bhuñjitvā pāsādavarassa uparimahātale sirigabbhaṃ pavisitvā sīlāni āvajjantassa. Tadā kira rājā pātova satasahassaṃ vissajjetvā mahādānaṃ datvā soḷasahi gandhodakaghaṭehi sīsaṃ nahāyitvā katapātarāso suddhaṃ uttarāsaṅgaṃ ekaṃsaṃ karitvā uparipāsādassa sirisayane pallaṅkaṃ ābhujitvā nisinno attano dānādimayaṃ puññasamudāyaṃ āvajjanto nisīdi. Ayaṃ sabbacakkavattīnaṃ dhammatā.

    д̇зсам̣ д̇ам̣ ааваж̇ж̇анд̇аанам̣язва вуд̇д̇аббагаарабун̃н̃агаммабажжаяауд̇усамудтаанам̣ нийламан̣исан̇гхаад̇асад̣̇исам̣ баажийнасамуд̣̇д̣̇аж̇алад̇алам̣ бхинд̣̇амаанам̣ вияа, аагаасам̣ алан̇гурумаанам̣ вияа д̣̇иб̣б̣ам̣ жаггарад̇анам̣ баад̇убхавад̇и. д̇ам̣ махаасуд̣̇ассанассааби д̇ат̇зва баад̇урахоси. д̇аяид̣̇ам̣ д̣̇иб̣б̣аанубхааваяуд̇д̇ад̇д̇аа д̣̇иб̣б̣анд̇и вуд̇д̇ам̣. сахассам̣ асса араананд̇и сахассаарам̣. саха нзмияаа, саха наабхияаа жаад̇и санзмигам̣ санаабхигам̣. саб̣б̣зхи аагаарзхи барибун̣н̣анд̇и саб̣б̣аагаарабарибуурам̣.

    Tesaṃ taṃ āvajjantānaṃyeva vuttappakārapuññakammapaccayautusamuṭṭhānaṃ nīlamaṇisaṅghātasadisaṃ pācīnasamuddajalatalaṃ bhindamānaṃ viya, ākāsaṃ alaṅkurumānaṃ viya dibbaṃ cakkaratanaṃ pātubhavati. Taṃ mahāsudassanassāpi tatheva pāturahosi. Tayidaṃ dibbānubhāvayuttattā dibbanti vuttaṃ. Sahassaṃ assa arānanti sahassāraṃ. Saha nemiyā, saha nābhiyā cāti sanemikaṃ sanābhikaṃ. Sabbehi ākārehi paripuṇṇanti sabbākāraparipūraṃ.

    д̇ад̇т̇а жагган̃жа д̇ам̣ рад̇иж̇ананадтзна рад̇анан̃жаад̇и жаггарад̇анам̣. яааяа бана д̇ам̣ наабхияаа ‘‘санаабхига’’нд̇и вуд̇д̇ам̣, саа инд̣̇анийламаяаа ход̇и, маж̇жхз банассаа саарараж̇ад̇амаяаа банаал̣и, яааяа суд̣̇д̇хасинид̣̇д̇хад̣̇анд̇абанд̇ияаа хасамаанаа вияа вирожад̇и, маж̇жхз чид̣̇д̣̇зна вияа жанд̣̇аман̣д̣алзна, убхосуби б̣аахиранд̇зсу раж̇ад̇абаддзна гад̇абаригкзбаа ход̇и. д̇зсу банасса наабхибанаал̣ибаригкзбабаддзсу яуд̇д̇аяуд̇д̇адтаанзсу барижчзд̣̇алзкаа сувибхад̇д̇аава худ̇ваа бан̃н̃ааяанд̇и. аяам̣ д̇аава асса наабхияаа саб̣б̣аагаарабарибуурад̇аа.

    Tattha cakkañca taṃ ratijananaṭṭhena ratanañcāti cakkaratanaṃ. Yāya pana taṃ nābhiyā ‘‘sanābhika’’nti vuttaṃ, sā indanīlamayā hoti, majjhe panassā sārarajatamayā panāḷi, yāya suddhasiniddhadantapantiyā hasamānā viya virocati, majjhe chiddena viya candamaṇḍalena, ubhosupi bāhirantesu rajatapaṭṭena kataparikkhepā hoti. Tesu panassa nābhipanāḷiparikkhepapaṭṭesu yuttayuttaṭṭhānesu paricchedalekhā suvibhattāva hutvā paññāyanti. Ayaṃ tāva assa nābhiyā sabbākāraparipūratā.

    язхи бана д̇ам̣ – ‘‘арзхи сахассаара’’нд̇и вуд̇д̇ам̣, д̇з сад̇д̇арад̇анамаяаа суурияарасмияо вияа бабхаасамбаннаа хонд̇и, д̇зсамби гхадагаман̣игабарижчзд̣̇алзкаад̣̇ийни сувибхад̇д̇аанзва худ̇ваа бан̃н̃ааяанд̇и. аяамасса араанам̣ саб̣б̣аагаарабарибуурад̇аа.

    Yehi pana taṃ – ‘‘arehi sahassāra’’nti vuttaṃ, te sattaratanamayā sūriyarasmiyo viya pabhāsampannā honti, tesampi ghaṭakamaṇikaparicchedalekhādīni suvibhattāneva hutvā paññāyanti. Ayamassa arānaṃ sabbākāraparipūratā.

    яааяа бана д̇ам̣ нзмияаа – ‘‘санзмига’’нд̇и вуд̇д̇ам̣, саа б̣ааласуурияарасмигалаабасирим̣ авахасамаанаа вияа сурад̇д̇асуд̣̇д̇хасинид̣̇д̇хабаваал̣амаяаа ход̇и. санд̇хийсу банассаа сан̃жхаарааг̇асассиригаа рад̇д̇аж̇амб̣унад̣̇абаддаа ваддабарижчзд̣̇алзкаа сувибхад̇д̇аа худ̇ваа бан̃н̃ааяанд̇и. аяамасса нзмияаа саб̣б̣аагаарабарибуурад̇аа.

    Yāya pana taṃ nemiyā – ‘‘sanemika’’nti vuttaṃ, sā bālasūriyarasmikalāpasiriṃ avahasamānā viya surattasuddhasiniddhapavāḷamayā hoti. Sandhīsu panassā sañjhārāgasassirikā rattajambunadapaṭṭā vaṭṭaparicchedalekhā suvibhattā hutvā paññāyanti. Ayamassa nemiyā sabbākāraparipūratā.

    нзмиман̣д̣алабидтияам̣ банасса д̣̇асаннам̣ д̣̇асаннам̣ араанам̣ анд̇арз д̇хаманавам̣со вияа анд̇о сусиро чид̣̇д̣̇аман̣д̣алакажид̇о ваад̇аг̇аахий баваал̣ад̣̇ан̣д̣о ход̇и, яасса ваад̇зрид̇асса сугусаласаманнаахад̇асса бан̃жан̇г̇игад̇уурияасса вияа сад̣̇д̣̇о ваг̇г̇у жа раж̇анийяо жа гаманийяо жа мад̣̇анийяо жа ход̇и. д̇асса ко бана баваал̣ад̣̇ан̣д̣асса убари сзд̇ажчад̇д̇ам̣ убхосу бассзсу самосарид̇агусумад̣̇аамаанам̣ д̣̇вз банд̇ияод̇и звам̣ самосарид̇агусумад̣̇аамабанд̇исад̇ад̣̇ваяабариваарасзд̇ажчад̇д̇асад̇ад̇хааринаа баваал̣ад̣̇ан̣д̣асад̇зна самубасобхид̇анзмибаригкзбасса д̣̇виннамби наабхибанаал̣ийнам̣ анд̇о д̣̇вз сийхамукаани хонд̇и, язхи д̇аалагканд̇хаббамаан̣аа бун̣н̣ажанд̣̇агиран̣агалаабасассирийгаа д̇арун̣арависамаанарад̇д̇агамб̣алаг̇зн̣д̣угабарияанд̇аа аагаасаг̇ан̇г̇ааг̇ад̇исобхам̣ авахасамаанаа вияа д̣̇вз муд̇д̇агалаабаа оламб̣анд̇и. язхи жаггарад̇анзна сад̣̇д̇хим̣ аагаасз самбаривад̇д̇амаанзхи д̇ийн̣и жаггаани згад̇о баривад̇д̇анд̇аани вияа кааяанд̇и. аяамасса саб̣б̣асо саб̣б̣аагаарабарибуурад̇аа.

    Nemimaṇḍalapiṭṭhiyaṃ panassa dasannaṃ dasannaṃ arānaṃ antare dhamanavaṃso viya anto susiro chiddamaṇḍalakhacito vātagāhī pavāḷadaṇḍo hoti, yassa vāteritassa sukusalasamannāhatassa pañcaṅgikatūriyassa viya saddo vaggu ca rajanīyo ca kamanīyo ca madanīyo ca hoti. Tassa kho pana pavāḷadaṇḍassa upari setacchattaṃ ubhosu passesu samosaritakusumadāmānaṃ dve pantiyoti evaṃ samosaritakusumadāmapantisatadvayaparivārasetacchattasatadhārinā pavāḷadaṇḍasatena samupasobhitanemiparikkhepassa dvinnampi nābhipanāḷīnaṃ anto dve sīhamukhāni honti, yehi tālakkhandhappamāṇā puṇṇacandakiraṇakalāpasassirīkā taruṇaravisamānarattakambalageṇḍukapariyantā ākāsagaṅgāgatisobhaṃ avahasamānā viya dve muttakalāpā olambanti. Yehi cakkaratanena saddhiṃ ākāse samparivattamānehi tīṇi cakkāni ekato parivattantāni viya khāyanti. Ayamassa sabbaso sabbākāraparipūratā.

    д̇ам̣ банзд̇ам̣ звам̣ саб̣б̣аагаарабарибуурам̣ багад̇ияаа сааяамаасабхад̇д̇ам̣ бхун̃ж̇ид̇ваа ад̇д̇ано ад̇д̇ано гхарад̣̇ваарз бан̃н̃ад̇д̇аасанзсу нисийд̣̇ид̇ваа бавад̇д̇агат̇аасаллаабзсу мануссзсу вийт̇ижад̇уггаад̣̇ийсу гийл̣амаанз д̣̇аарагаж̇анз наад̇иужжзна наад̇инийжзна ванасан̣д̣амад̇т̇агаасаннзна аагаасаббад̣̇зсзна убасобхаяамаанам̣ вияа, ругкасаакаг̇г̇аани д̣̇ваад̣̇асаяож̇анад̇о бадтааяа суяяамаанзна мад̇хурассарзна сад̇д̇аанам̣ сод̇аани од̇хаабаяамаанам̣ яож̇анад̇о бадтааяа наанаббабхаасамуд̣̇аяасамуж̇ж̇алзна ван̣н̣зна наяанаани самаагад̣дханд̇ам̣ вияа, ран̃н̃о жаггавад̇д̇исса бун̃н̃аанубхаавам̣ уг̇гхосаяанд̇ам̣ вияа, рааж̇ад̇хаанияаа абхимукам̣ ааг̇ажчад̇и.

    Taṃ panetaṃ evaṃ sabbākāraparipūraṃ pakatiyā sāyamāsabhattaṃ bhuñjitvā attano attano gharadvāre paññattāsanesu nisīditvā pavattakathāsallāpesu manussesu vīthicatukkādīsu kīḷamāne dārakajane nātiuccena nātinīcena vanasaṇḍamatthakāsannena ākāsappadesena upasobhayamānaṃ viya, rukkhasākhaggāni dvādasayojanato paṭṭhāya suyyamānena madhurassarena sattānaṃ sotāni odhāpayamānaṃ yojanato paṭṭhāya nānappabhāsamudayasamujjalena vaṇṇena nayanāni samākaḍḍhantaṃ viya, rañño cakkavattissa puññānubhāvaṃ ugghosayantaṃ viya, rājadhāniyā abhimukhaṃ āgacchati.

    ат̇асса жаггарад̇анасса сад̣̇д̣̇асаванзнзва – ‘‘гуд̇о ну ко, гасса ну ко аяам̣ сад̣̇д̣̇о’’д̇и ааваж̇ж̇ид̇ахад̣̇аяаанам̣ бурад̇т̇имад̣̇исам̣ аалогаяамаанаанам̣ д̇зсам̣ мануссаанам̣ ан̃н̃ад̇аро ан̃н̃ад̇арам̣ звамааха – ‘‘бассат̇а, бхо, ажчарияам̣, аяам̣ бун̣н̣ажанд̣̇о буб̣б̣з зго уг̇г̇ажчад̇и, аж̇ж̇зва бана ад̇д̇ад̣̇уд̇ияо уг̇г̇ад̇о, зд̇ан̃хи рааж̇ахам̣самит̇унамива бун̣н̣ажанд̣̇амит̇унам̣ буб̣б̣аабариязна г̇аг̇анад̇алам̣ абхилан̇гхад̇ий’’д̇и. д̇аман̃н̃о ааха – ‘‘гим̣ гат̇зси, самма, гухим̣ наама д̇аяаа д̣̇вз бун̣н̣ажанд̣̇аа згад̇о уг̇г̇ажчанд̇аа д̣̇идтабуб̣б̣аа, нану зса д̇абанийяарам̣сид̇хааро бин̃чарагиран̣о д̣̇иваагаро уг̇г̇ад̇о’’д̇и, д̇аман̃н̃о хасид̇ам̣ гад̇ваа звамааха – ‘‘гим̣ уммад̇д̇оси, нану ид̣̇аанзва д̣̇иваагаро ад̇т̇ан̇г̇ад̇о, со гат̇ам̣ имам̣ бун̣н̣ажанд̣̇ам̣ ануб̣анд̇хамаано уг̇г̇ажчиссад̇и? ад̣̇д̇хаа банзд̇ам̣ анзгарад̇анаббабхаасамуд̣̇аяуж̇ж̇алам̣ згассааби бун̃н̃авад̇о вимаанам̣ бхависсад̇ий’’д̇и. д̇з саб̣б̣зби абасаараяанд̇аа ан̃н̃з звамаахам̣су – ‘‘бхо, гим̣ б̣ахум̣ вилабат̇а, нзвааяам̣ бун̣н̣ажанд̣̇о, на суурияо на д̣̇звавимаанам̣. на хзд̇зсам̣ зваруубаа сирисамбад̇д̇и ад̇т̇и, жаггарад̇анзна бана зд̇зна бхавид̇аб̣б̣а’’нд̇и.

    Athassa cakkaratanassa saddasavaneneva – ‘‘kuto nu kho, kassa nu kho ayaṃ saddo’’ti āvajjitahadayānaṃ puratthimadisaṃ ālokayamānānaṃ tesaṃ manussānaṃ aññataro aññataraṃ evamāha – ‘‘passatha, bho, acchariyaṃ, ayaṃ puṇṇacando pubbe eko uggacchati, ajjeva pana attadutiyo uggato, etañhi rājahaṃsamithunamiva puṇṇacandamithunaṃ pubbāpariyena gaganatalaṃ abhilaṅghatī’’ti. Tamañño āha – ‘‘kiṃ kathesi, samma, kuhiṃ nāma tayā dve puṇṇacandā ekato uggacchantā diṭṭhapubbā, nanu esa tapanīyaraṃsidhāro piñcharakiraṇo divākaro uggato’’ti, tamañño hasitaṃ katvā evamāha – ‘‘kiṃ ummattosi, nanu idāneva divākaro atthaṅgato, so kathaṃ imaṃ puṇṇacandaṃ anubandhamāno uggacchissati? Addhā panetaṃ anekaratanappabhāsamudayujjalaṃ ekassāpi puññavato vimānaṃ bhavissatī’’ti. Te sabbepi apasārayantā aññe evamāhaṃsu – ‘‘bho, kiṃ bahuṃ vilapatha, nevāyaṃ puṇṇacando, na sūriyo na devavimānaṃ. Na hetesaṃ evarūpā sirisampatti atthi, cakkaratanena pana etena bhavitabba’’nti.

    звам̣ бавад̇д̇асаллаабассзва д̇асса ж̇анасса жанд̣̇аман̣д̣алам̣ охааяа д̇ам̣ жаггарад̇анам̣ абхимукам̣ ход̇и. д̇ад̇о д̇зхи – ‘‘гасса ну ко ид̣̇ам̣ ниб̣б̣ад̇д̇а’’нд̇и вуд̇д̇з бхаванд̇и вад̇д̇ааро – ‘‘на гассажи ан̃н̃асса, нану амхаагам̣ махаарааж̇аа буурид̇ажаггавад̇д̇ивад̇д̇о, д̇ассзд̇ам̣ ниб̣б̣ад̇д̇а’’нд̇и. ат̇а со жа махааж̇ано, яо жа ан̃н̃о бассад̇и, саб̣б̣о жаггарад̇анамзва ануг̇ажчад̇и. д̇ам̣ жааби жаггарад̇анам̣ ран̃н̃оязва ад̇т̇ааяа ад̇д̇ано ааг̇ад̇абхаавам̣ н̃аабзд̇угаамам̣ вияа сад̇д̇агкад̇д̇ум̣ баагаарамад̇т̇агзнзва наг̇арам̣ анусам̣яааяид̇ваа, ат̇а ран̃н̃о анд̇збурам̣ бад̣̇агкин̣ам̣ гад̇ваа, анд̇збурасса жа уд̇д̇арасийхабан̃ж̇арасад̣̇исз таанз яат̇аа г̇анд̇хабубпаад̣̇ийхи сукзна саггаа ход̇и бууж̇зд̇ум̣, звам̣ агкаахад̇ам̣ вияа д̇идтад̇и.

    Evaṃ pavattasallāpasseva tassa janassa candamaṇḍalaṃ ohāya taṃ cakkaratanaṃ abhimukhaṃ hoti. Tato tehi – ‘‘kassa nu kho idaṃ nibbatta’’nti vutte bhavanti vattāro – ‘‘na kassaci aññassa, nanu amhākaṃ mahārājā pūritacakkavattivatto, tassetaṃ nibbatta’’nti. Atha so ca mahājano, yo ca añño passati, sabbo cakkaratanameva anugacchati. Taṃ cāpi cakkaratanaṃ raññoyeva atthāya attano āgatabhāvaṃ ñāpetukāmaṃ viya sattakkhattuṃ pākāramatthakeneva nagaraṃ anusaṃyāyitvā, atha rañño antepuraṃ padakkhiṇaṃ katvā, antepurassa ca uttarasīhapañjarasadise ṭhāne yathā gandhapupphādīhi sukhena sakkā hoti pūjetuṃ, evaṃ akkhāhataṃ viya tiṭṭhati.

    звам̣ тид̇асса банасса ваад̇абааначид̣̇д̣̇аад̣̇ийхи бависид̇ваа наанаавирааг̇арад̇анаббабхаасамуж̇ж̇алам̣ анд̇обаасаад̣̇ам̣ алан̇гурумаанам̣ бабхаасамуухам̣ д̣̇исваа д̣̇ассанад̇т̇ааяа сан̃ж̇аад̇аабхилаасо рааж̇аа ход̇и. бариж̇анобисса бияаважанабаабхад̇зна ааг̇анд̇ваа д̇амад̇т̇ам̣ нивзд̣̇зд̇и. ат̇а рааж̇аа б̣алавабийд̇ибаамож̇ж̇апудасарийро баллан̇гам̣ можзд̇ваа удтааяаасанаа сийхабан̃ж̇арасамийбам̣ г̇анд̇ваа д̇ам̣ жаггарад̇анам̣ д̣̇исваа ‘‘суд̇ам̣ ко бана мзд̇а’’нд̇иаад̣̇игам̣ жинд̇анам̣ жинд̇аяад̇и. махаасуд̣̇ассанассааби саб̣б̣ам̣ д̇ам̣ д̇ат̇зва ахоси. д̇зна вуд̇д̇ам̣ – ‘‘д̣̇исваа ран̃н̃о махаасуд̣̇ассанасса…бз… ассам̣ ну ко ахам̣ рааж̇аа жаггавад̇д̇ий’’д̇и. д̇ад̇т̇а со ход̇и рааж̇аа жаггавад̇д̇ийд̇и гид̇д̇аавад̇аа жаггавад̇д̇ий ход̇ийд̇и? зган̇г̇улад̣̇ван̇г̇уламад̇д̇амби жаггарад̇анз аагаасам̣ аб̣бхуг̇г̇анд̇ваа бавад̇д̇з ид̣̇аани д̇асса бавад̇д̇аабанад̇т̇ам̣ яам̣ гаад̇аб̣б̣ам̣, д̇ам̣ д̣̇ассзнд̇о ат̇а ко аананд̣̇аад̇иаад̣̇имааха.

    Evaṃ ṭhitassa panassa vātapānachiddādīhi pavisitvā nānāvirāgaratanappabhāsamujjalaṃ antopāsādaṃ alaṅkurumānaṃ pabhāsamūhaṃ disvā dassanatthāya sañjātābhilāso rājā hoti. Parijanopissa piyavacanapābhatena āgantvā tamatthaṃ nivedeti. Atha rājā balavapītipāmojjaphuṭasarīro pallaṅkaṃ mocetvā uṭṭhāyāsanā sīhapañjarasamīpaṃ gantvā taṃ cakkaratanaṃ disvā ‘‘sutaṃ kho pana meta’’ntiādikaṃ cintanaṃ cintayati. Mahāsudassanassāpi sabbaṃ taṃ tatheva ahosi. Tena vuttaṃ – ‘‘disvā rañño mahāsudassanassa…pe… assaṃ nu kho ahaṃ rājā cakkavattī’’ti. Tattha so hoti rājā cakkavattīti kittāvatā cakkavattī hotīti? Ekaṅguladvaṅgulamattampi cakkaratane ākāsaṃ abbhuggantvā pavatte idāni tassa pavattāpanatthaṃ yaṃ kātabbaṃ, taṃ dassento atha kho ānandātiādimāha.

    244. д̇ад̇т̇а удтааяаасанаад̇и нисиннаасанад̇о удтахид̇ваа жаггарад̇анасамийбам̣ ааг̇анд̇ваа. суван̣н̣абхин̇гаарам̣ г̇ахзд̇ваад̇и хад̇т̇исон̣д̣асад̣̇исабанаал̣им̣ суван̣н̣абхин̇гаарам̣ угкибид̇ваа. анвад̣̇зва рааж̇аа махаасуд̣̇ассано сад̣̇д̇хим̣ жад̇уран̇г̇инияаа сзнааяаад̇и саб̣б̣ажаггавад̇д̇ийнан̃хи уд̣̇агзна аб̣бхуггирид̇ваа – ‘‘абхивиж̇инаад̇у бхавам̣ жаггарад̇ана’’нд̇и важанасамананд̇арамзва взхаасам̣ аб̣бхуг̇г̇анд̇ваа жаггарад̇анам̣ бавад̇д̇ад̇и. яасса бавад̇д̇и самагааламзва со рааж̇аа жаггавад̇д̇ий наама ход̇и. бавад̇д̇з бана жаггарад̇анз д̇ам̣ ануб̣анд̇хамаанова рааж̇аа жаггавад̇д̇ияаанаварам̣ ааруяха взхаасам̣ аб̣бхуг̇г̇ажчад̇и. ат̇асса чад̇д̇ажаамараад̣̇ихад̇т̇о бариж̇ано жзва анд̇збураж̇ано жа д̇ад̇о наанаагаараган̃жугагаважаад̣̇исаннаахавибхуусид̇зна вивид̇хаабхаран̣аббабхаасамуж̇ж̇алзна самуссид̇ад̣̇д̇хаж̇абадаагабадиман̣д̣ид̇зна ад̇д̇ано ад̇д̇ано б̣алагааязна сад̣̇д̇хим̣ убарааж̇асзнаабад̇ибабхуд̇аяоби взхаасам̣ аб̣бхуг̇г̇анд̇ваа рааж̇аанамзва бариваарзнд̇и.

    244. Tattha uṭṭhāyāsanāti nisinnāsanato uṭṭhahitvā cakkaratanasamīpaṃ āgantvā. Suvaṇṇabhiṅkāraṃ gahetvāti hatthisoṇḍasadisapanāḷiṃ suvaṇṇabhiṅkāraṃ ukkhipitvā. Anvadeva rājā mahāsudassano saddhiṃ caturaṅginiyā senāyāti sabbacakkavattīnañhi udakena abbhukkiritvā – ‘‘abhivijinātu bhavaṃ cakkaratana’’nti vacanasamanantarameva vehāsaṃ abbhuggantvā cakkaratanaṃ pavattati. Yassa pavatti samakālameva so rājā cakkavattī nāma hoti. Pavatte pana cakkaratane taṃ anubandhamānova rājā cakkavattiyānavaraṃ āruyha vehāsaṃ abbhuggacchati. Athassa chattacāmarādihattho parijano ceva antepurajano ca tato nānākārakañcukakavacādisannāhavibhūsitena vividhābharaṇappabhāsamujjalena samussitaddhajapaṭākapaṭimaṇḍitena attano attano balakāyena saddhiṃ uparājasenāpatipabhutayopi vehāsaṃ abbhuggantvā rājānameva parivārenti.

    рааж̇аяуд̇д̇аа бана ж̇анасан̇г̇ахад̇т̇ам̣ наг̇аравийт̇ийсу бхзрияо жараабзнд̇и – ‘‘д̇аад̇аа, амхаагам̣ ран̃н̃о жаггарад̇анам̣ ниб̣б̣ад̇д̇ам̣, ад̇д̇ано вибхаваануруубзна ман̣д̣ид̇абасаад̇хигаа саннибад̇ат̇аа’’д̇и. махааж̇ано бана багад̇ияаа жаггарад̇анасад̣̇д̣̇знзва саб̣б̣агижжаани бахааяа г̇анд̇хабубпаад̣̇ийни аад̣̇ааяа саннибад̇ид̇ова соби саб̣б̣о взхаасам̣ аб̣бхуг̇г̇анд̇ваа рааж̇аанамзва бариваарзд̇и. яасса яасса хи ран̃н̃аа сад̣̇д̇хим̣ г̇анд̇угаамад̇аажид̇д̇ам̣ уббаж̇ж̇ад̇и, со со аагаасаг̇ад̇ова ход̇и. звам̣ д̣̇ваад̣̇асаяож̇анааяаамавид̇т̇аараа барисаа ход̇и. д̇ад̇т̇а згабурисоби чиннабхиннасарийро ваа гилидтавад̇т̇о ваа над̇т̇и. сужибаривааро хи рааж̇аа жаггавад̇д̇ий. жаггавад̇д̇ибарисаа наама виж̇ж̇аад̇харабурисаа вияа аагаасз г̇ажчамаанаа инд̣̇анийламан̣ид̇алз виббагин̣н̣арад̇анасад̣̇исаа ход̇и. махаасуд̣̇ассанассааби д̇ат̇зва ахоси. д̇зна вуд̇д̇ам̣ – ‘‘анвад̣̇зва рааж̇аа махаасуд̣̇ассано сад̣̇д̇хим̣ жад̇уран̇г̇инияаа сзнааяаа’’д̇и.

    Rājayuttā pana janasaṅgahatthaṃ nagaravīthīsu bheriyo carāpenti – ‘‘tātā, amhākaṃ rañño cakkaratanaṃ nibbattaṃ, attano vibhavānurūpena maṇḍitapasādhikā sannipatathā’’ti. Mahājano pana pakatiyā cakkaratanasaddeneva sabbakiccāni pahāya gandhapupphādīni ādāya sannipatitova sopi sabbo vehāsaṃ abbhuggantvā rājānameva parivāreti. Yassa yassa hi raññā saddhiṃ gantukāmatācittaṃ uppajjati, so so ākāsagatova hoti. Evaṃ dvādasayojanāyāmavitthārā parisā hoti. Tattha ekapurisopi chinnabhinnasarīro vā kiliṭṭhavattho vā natthi. Suciparivāro hi rājā cakkavattī. Cakkavattiparisā nāma vijjādharapurisā viya ākāse gacchamānā indanīlamaṇitale vippakiṇṇaratanasadisā hoti. Mahāsudassanassāpi tatheva ahosi. Tena vuttaṃ – ‘‘anvadeva rājā mahāsudassano saddhiṃ caturaṅginiyā senāyā’’ti.

    д̇ам̣ бана жаггарад̇анам̣ ругкаг̇г̇аанам̣ убаруубари наад̇иужжзна наад̇инийжзна г̇аг̇анаббад̣̇зсзна бавад̇д̇ад̇и. яат̇аа ругкаанам̣ бубпапалабаллавзхи ад̇т̇игаа, д̇аани сукзна г̇ахзд̇ум̣ саггонд̇и. яат̇аа жа бхуумияам̣ тид̇аа ‘‘зса рааж̇аа, зса убарааж̇аа, зса сзнаабад̇ий’’д̇и саллагкзд̇ум̣ саггонд̇и. таанаад̣̇ийсу жа ирияаабат̇зсу яо язна ижчад̇и, со д̇знзва г̇ажчад̇и. жид̇д̇агаммаад̣̇исиббабасуд̇аа жзд̇т̇а ад̇д̇ано ад̇д̇ано гижжам̣ гаронд̇ааязва г̇ажчанд̇и. яат̇зва хи бхуумияам̣, д̇ат̇аа д̇зсам̣ саб̣б̣агижжаани аагаасзва иж̇жханд̇и. звам̣ жаггавад̇д̇ибарисам̣ г̇ахзд̇ваа д̇ам̣ жаггарад̇анам̣ ваамабассзна синзрум̣ бахааяа махаасамуд̣̇д̣̇асса убарибхааг̇зна сад̇д̇асахассаяож̇анаббамаан̣ам̣ буб̣б̣авид̣̇зхам̣ г̇ажчад̇и.

    Taṃ pana cakkaratanaṃ rukkhaggānaṃ uparūpari nātiuccena nātinīcena gaganappadesena pavattati. Yathā rukkhānaṃ pupphaphalapallavehi atthikā, tāni sukhena gahetuṃ sakkonti. Yathā ca bhūmiyaṃ ṭhitā ‘‘esa rājā, esa uparājā, esa senāpatī’’ti sallakkhetuṃ sakkonti. Ṭhānādīsu ca iriyāpathesu yo yena icchati, so teneva gacchati. Cittakammādisippapasutā cettha attano attano kiccaṃ karontāyeva gacchanti. Yatheva hi bhūmiyaṃ, tathā tesaṃ sabbakiccāni ākāseva ijjhanti. Evaṃ cakkavattiparisaṃ gahetvā taṃ cakkaratanaṃ vāmapassena sineruṃ pahāya mahāsamuddassa uparibhāgena sattasahassayojanappamāṇaṃ pubbavidehaṃ gacchati.

    д̇ад̇т̇а яо виниб̣б̣зд̇хзна д̣̇ваад̣̇асаяож̇анааяа, баригкзбад̇о чад̇д̇им̣саяож̇анааяа барисааяа саннивзсагкамо сулабхаахааруубагаран̣о чааяуд̣̇агасамбанно сужисамад̇ало раман̣ийяо бхуумибхааг̇о, д̇асса убарибхааг̇з д̇ам̣ жаггарад̇анам̣ агкаахад̇ам̣ вияа д̇идтад̇и. ат̇а д̇зна сан̃н̃аан̣зна со махааж̇ано од̇арид̇ваа яат̇ааружи нахаанабхож̇анаад̣̇ийни саб̣б̣агижжаани гаронд̇о ваасам̣ габбзд̇и. махаасуд̣̇ассанассааби саб̣б̣ам̣ д̇ат̇зва ахоси. д̇зна вуд̇д̇ам̣ – ‘‘яасмим̣ ко банаананд̣̇а, бад̣̇зсз жаггарад̇анам̣ бад̇идтаад̇и, д̇ад̇т̇а со рааж̇аа махаасуд̣̇ассано ваасам̣ убаг̇ажчи сад̣̇д̇хим̣ жад̇уран̇г̇инияаа сзнааяаа’’д̇и.

    Tattha yo vinibbedhena dvādasayojanāya, parikkhepato chattiṃsayojanāya parisāya sannivesakkhamo sulabhāhārūpakaraṇo chāyudakasampanno sucisamatalo ramaṇīyo bhūmibhāgo, tassa uparibhāge taṃ cakkaratanaṃ akkhāhataṃ viya tiṭṭhati. Atha tena saññāṇena so mahājano otaritvā yathāruci nahānabhojanādīni sabbakiccāni karonto vāsaṃ kappeti. Mahāsudassanassāpi sabbaṃ tatheva ahosi. Tena vuttaṃ – ‘‘yasmiṃ kho panānanda, padese cakkaratanaṃ patiṭṭhāti, tattha so rājā mahāsudassano vāsaṃ upagacchi saddhiṃ caturaṅginiyā senāyā’’ti.

    звам̣ ваасам̣ убаг̇ад̇з жаггавад̇д̇имхи яз д̇ад̇т̇а рааж̇аано, д̇з ‘‘баражаггам̣ ааг̇ад̇а’’нд̇и суд̇вааби на б̣алагааяам̣ саннибаад̇зд̇ваа яуд̣̇д̇хасаж̇ж̇аа хонд̇и. жаггарад̇анасса хи уббад̇д̇исамананд̇арамзва над̇т̇и со сад̇д̇о наама, яо бажжад̇т̇игасан̃н̃ааяа д̇ам̣ рааж̇аанам̣ аараб̣бха аавуд̇хам̣ угкибид̇ум̣ висахзяяа. аяамаанубхааво жаггарад̇анасса.

    Evaṃ vāsaṃ upagate cakkavattimhi ye tattha rājāno, te ‘‘paracakkaṃ āgata’’nti sutvāpi na balakāyaṃ sannipātetvā yuddhasajjā honti. Cakkaratanassa hi uppattisamanantarameva natthi so satto nāma, yo paccatthikasaññāya taṃ rājānaṃ ārabbha āvudhaṃ ukkhipituṃ visaheyya. Ayamānubhāvo cakkaratanassa.

    жаггаанубхаавзна хи д̇асса ран̃н̃о,

    Cakkānubhāvena hi tassa rañño,

    арий асзсаа д̣̇амат̇ам̣ убзнд̇и;

    Arī asesā damathaṃ upenti;

    аринд̣̇амам̣ наама нараад̇хибасса,

    Arindamaṃ nāma narādhipassa,

    д̇знзва д̇ам̣ вужжад̇и д̇асса жагганд̇и.

    Teneva taṃ vuccati tassa cakkanti.

    д̇асмаа саб̣б̣зби д̇з рааж̇аано ад̇д̇ано ад̇д̇ано раж̇ж̇асиривибхаваануруубам̣ баабхад̇ам̣ г̇ахзд̇ваа д̇ам̣ рааж̇аанам̣ убаг̇амма онад̇асираа ад̇д̇ано мол̣иман̣иббабхаабхисзгзна д̇асса баад̣̇абууж̇ам̣ гаронд̇аа – ‘‘зхи ко, махаарааж̇аа’’д̇иаад̣̇ийхи важанзхи д̇асса гим̣гаарабадисаавид̇ам̣ аабаж̇ж̇анд̇и. махаасуд̣̇ассанассааби д̇ат̇зва агам̣су. д̇зна вуд̇д̇ам̣ – ‘‘яз ко, банаананд̣̇а, бурад̇т̇имааяа д̣̇исааяа…бз… анусааса, махаарааж̇аа’’д̇и.

    Tasmā sabbepi te rājāno attano attano rajjasirivibhavānurūpaṃ pābhataṃ gahetvā taṃ rājānaṃ upagamma onatasirā attano moḷimaṇippabhābhisekena tassa pādapūjaṃ karontā – ‘‘ehi kho, mahārājā’’tiādīhi vacanehi tassa kiṃkārapaṭisāvitaṃ āpajjanti. Mahāsudassanassāpi tatheva akaṃsu. Tena vuttaṃ – ‘‘ye kho, panānanda, puratthimāya disāya…pe… anusāsa, mahārājā’’ti.

    д̇ад̇т̇а свааг̇ад̇анд̇и су ааг̇ад̇ам̣. згасмин̃хи ааг̇ад̇з сожанд̇и, г̇ад̇з нанд̣̇анд̇и. згасмим̣ ааг̇ад̇з нанд̣̇анд̇и, г̇ад̇з сожанд̇и, д̇аад̣̇исо д̇вам̣ ааг̇аманананд̣̇ано, г̇аманасожано. д̇асмаа д̇ава ааг̇аманам̣ суааг̇амананд̇и вуд̇д̇ам̣ ход̇и. звам̣ вуд̇д̇з бана рааж̇аа жаггавад̇д̇ий нааби – ‘‘зд̇д̇агам̣ наама мз анувассам̣ б̣алим̣ убагаббзт̇аа’’д̇и вад̣̇ад̇и, нааби ан̃н̃асса бхог̇ам̣ ажчинд̣̇ид̇ваа ан̃н̃асса д̣̇зд̇и. ад̇д̇ано бана д̇хаммарааж̇абхаавасса ануруубааяа бан̃н̃ааяа баан̣аад̇ибаад̇аад̣̇ийни убабаригкид̇ваа бзманийязна ман̃ж̇унаа сарзна – ‘‘бассат̇а д̇аад̇аа, баан̣аад̇ибаад̇о наамзса аасзвид̇о бхаавид̇о б̣ахулийгад̇о нираяасам̣вад̇д̇аниго ход̇ий’’д̇иаад̣̇инаа наязна д̇хаммам̣ д̣̇зсзд̇ваа ‘‘баан̣о на ханд̇аб̣б̣о’’д̇иаад̣̇игам̣ оваад̣̇ам̣ д̣̇зд̇и. махаасуд̣̇ассаноби д̇ат̇зва агааси, д̇зна вуд̇д̇ам̣ – ‘‘рааж̇аа махаасуд̣̇ассано звамааха – ‘баан̣о на ханд̇аб̣б̣о…бз… яат̇аабхуд̇д̇ан̃жа бхун̃ж̇ат̇аа’д̇и’’. гим̣ бана саб̣б̣зби ран̃н̃о имам̣ оваад̣̇ам̣ г̇ан̣ханд̇ийд̇и? б̣уд̣̇д̇хассааби д̇аава саб̣б̣з на г̇ан̣ханд̇и, ран̃н̃о гим̣ г̇ан̣хиссанд̇ийд̇и. д̇асмаа яз бан̣д̣ид̇аа вибхаавино, д̇з г̇ан̣ханд̇и. саб̣б̣з бана ануяанд̇аа бхаванд̇и. д̇асмаа яз ко банаананд̣̇аад̇иаад̣̇имааха.

    Tattha svāgatanti su āgataṃ. Ekasmiñhi āgate socanti, gate nandanti. Ekasmiṃ āgate nandanti, gate socanti, tādiso tvaṃ āgamananandano, gamanasocano. Tasmā tava āgamanaṃ suāgamananti vuttaṃ hoti. Evaṃ vutte pana rājā cakkavattī nāpi – ‘‘ettakaṃ nāma me anuvassaṃ baliṃ upakappethā’’ti vadati, nāpi aññassa bhogaṃ acchinditvā aññassa deti. Attano pana dhammarājabhāvassa anurūpāya paññāya pāṇātipātādīni upaparikkhitvā pemanīyena mañjunā sarena – ‘‘passatha tātā, pāṇātipāto nāmesa āsevito bhāvito bahulīkato nirayasaṃvattaniko hotī’’tiādinā nayena dhammaṃ desetvā ‘‘pāṇo na hantabbo’’tiādikaṃ ovādaṃ deti. Mahāsudassanopi tatheva akāsi, tena vuttaṃ – ‘‘rājā mahāsudassano evamāha – ‘pāṇo na hantabbo…pe… yathābhuttañca bhuñjathā’ti’’. Kiṃ pana sabbepi rañño imaṃ ovādaṃ gaṇhantīti? Buddhassāpi tāva sabbe na gaṇhanti, rañño kiṃ gaṇhissantīti. Tasmā ye paṇḍitā vibhāvino, te gaṇhanti. Sabbe pana anuyantā bhavanti. Tasmā ye kho panānandātiādimāha.

    ат̇а д̇ам̣ жаггарад̇анам̣ звам̣ буб̣б̣авид̣̇зхаваасийнам̣ оваад̣̇з д̣̇иннз гад̇абаад̇араасз жаггавад̇д̇иб̣алзна взхаасам̣ аб̣бхуг̇г̇анд̇ваа бурад̇т̇имасамуд̣̇д̣̇ам̣ аж̇жхог̇аахад̇и. яат̇аа яат̇аа жа д̇ам̣ аж̇жхог̇аахад̇и, д̇ат̇аа д̇ат̇аа аг̇ад̣̇аг̇анд̇хам̣ гхааяид̇ваа сан̇кид̇д̇апан̣о нааг̇арааж̇аа вияа, сан̇кид̇д̇ауумивибпаарам̣ худ̇ваа ог̇ажчамаанам̣ махаасамуд̣̇д̣̇асалилам̣ яож̇анамад̇д̇ам̣ ог̇анд̇ваа анд̇осамуд̣̇д̣̇з взл̣урияабхид̇д̇и вияа д̇идтад̇и. д̇ан̇кан̣ан̃н̃зва жа д̇асса ран̃н̃о бун̃н̃асирим̣ д̣̇адтугаамаани вияа махаасамуд̣̇д̣̇ад̇алз виббагин̣н̣аани наанаарад̇анаани д̇ад̇о д̇ад̇о ааг̇анд̇ваа д̇ам̣ бад̣̇зсам̣ буураяанд̇и. ат̇а саа рааж̇абарисаа д̇ам̣ наанаарад̇анабарибуурам̣ махаасамуд̣̇д̣̇ад̇алам̣ д̣̇исваа яат̇ааружи ужчан̇г̇аад̣̇ийхи аад̣̇ияад̇и, яат̇ааружи аад̣̇иннарад̇анааяа бана барисааяа д̇ам̣ жаггарад̇анам̣ бадинивад̇д̇ад̇и. бадинивад̇д̇амаанз жа д̇асмим̣ барисаа аг̇г̇ад̇о ход̇и, маж̇жхз рааж̇аа, анд̇з жаггарад̇анам̣. д̇амби ж̇аланид̇хиж̇алам̣ балобхияамаанамива жаггарад̇анасирияаа, асахамаанамива жа д̇зна вияог̇ам̣ нзмиман̣д̣алабарияанд̇ам̣ абхихананд̇ам̣ ниранд̇арамзва убаг̇ажчад̇и. звам̣ рааж̇аа жаггавад̇д̇ий бурад̇т̇имамахаасамуд̣̇д̣̇абарияанд̇ам̣ буб̣б̣авид̣̇зхам̣ абхивиж̇инид̇ваа д̣̇агкин̣асамуд̣̇д̣̇абарияанд̇ам̣ ж̇амб̣уд̣̇ийбам̣ виж̇зд̇угаамо жаггарад̇анад̣̇зсид̇зна маг̇г̇зна д̣̇агкин̣асамуд̣̇д̣̇аабхимуко г̇ажчад̇и. махаасуд̣̇ассаноби д̇ат̇зва аг̇амааси. д̇зна вуд̇д̇ам̣ – ‘‘ат̇а ко, аананд̣̇а, жаггарад̇анам̣ бурад̇т̇имам̣ самуд̣̇д̣̇ам̣ аж̇жхог̇аахзд̇ваа бажжуд̇д̇арид̇ваа д̣̇агкин̣ам̣ д̣̇исам̣ бавад̇д̇ий’’д̇и.

    Atha taṃ cakkaratanaṃ evaṃ pubbavidehavāsīnaṃ ovāde dinne katapātarāse cakkavattibalena vehāsaṃ abbhuggantvā puratthimasamuddaṃ ajjhogāhati. Yathā yathā ca taṃ ajjhogāhati, tathā tathā agadagandhaṃ ghāyitvā saṅkhittaphaṇo nāgarājā viya, saṅkhittaūmivipphāraṃ hutvā ogacchamānaṃ mahāsamuddasalilaṃ yojanamattaṃ ogantvā antosamudde veḷuriyabhitti viya tiṭṭhati. Taṅkhaṇaññeva ca tassa rañño puññasiriṃ daṭṭhukāmāni viya mahāsamuddatale vippakiṇṇāni nānāratanāni tato tato āgantvā taṃ padesaṃ pūrayanti. Atha sā rājaparisā taṃ nānāratanaparipūraṃ mahāsamuddatalaṃ disvā yathāruci ucchaṅgādīhi ādiyati, yathāruci ādinnaratanāya pana parisāya taṃ cakkaratanaṃ paṭinivattati. Paṭinivattamāne ca tasmiṃ parisā aggato hoti, majjhe rājā, ante cakkaratanaṃ. Tampi jalanidhijalaṃ palobhiyamānamiva cakkaratanasiriyā, asahamānamiva ca tena viyogaṃ nemimaṇḍalapariyantaṃ abhihanantaṃ nirantarameva upagacchati. Evaṃ rājā cakkavattī puratthimamahāsamuddapariyantaṃ pubbavidehaṃ abhivijinitvā dakkhiṇasamuddapariyantaṃ jambudīpaṃ vijetukāmo cakkaratanadesitena maggena dakkhiṇasamuddābhimukho gacchati. Mahāsudassanopi tatheva agamāsi. Tena vuttaṃ – ‘‘atha kho, ānanda, cakkaratanaṃ puratthimaṃ samuddaṃ ajjhogāhetvā paccuttaritvā dakkhiṇaṃ disaṃ pavattī’’ti.

    звам̣ бавад̇д̇амаанасса бана д̇асса бавад̇д̇анавид̇хаанам̣, сзнаасаннивзсо, бадирааж̇ааг̇аманам̣, д̇зсам̣ анусаасаниббад̣̇аанам̣ д̣̇агкин̣асамуд̣̇д̣̇ааж̇жхог̇ааханам̣ самуд̣̇д̣̇асалиласса ог̇ажчамаанам̣ рад̇анаанам̣ аад̣̇аананд̇и саб̣б̣ам̣ буриманаязнзва взд̣̇ид̇аб̣б̣ам̣.

    Evaṃ pavattamānassa pana tassa pavattanavidhānaṃ, senāsanniveso, paṭirājāgamanaṃ, tesaṃ anusāsanippadānaṃ dakkhiṇasamuddaajjhogāhanaṃ samuddasalilassa ogacchamānaṃ ratanānaṃ ādānanti sabbaṃ purimanayeneva veditabbaṃ.

    виж̇инид̇ваа бана д̇ам̣ д̣̇асасахассаяож̇анаббамаан̣ам̣ ж̇амб̣уд̣̇ийбам̣ д̣̇агкин̣асамуд̣̇д̣̇ад̇оби бажжуд̇д̇арид̇ваа сад̇д̇аяож̇анасахассаббамаан̣ам̣ абараг̇ояаанам̣ виж̇зд̇ум̣ буб̣б̣з вуд̇д̇анаязнзва г̇анд̇ваа д̇амби самуд̣̇д̣̇абарияанд̇ам̣ д̇ат̇зва абхивиж̇инид̇ваа бажчимасамуд̣̇д̣̇ад̇оби уд̇д̇арид̇ваа адтаяож̇анасахассаббамаан̣ам̣ уд̇д̇арагурум̣ виж̇зд̇ум̣ д̇ат̇зва г̇анд̇ваа д̇амби самуд̣̇д̣̇абарияанд̇ам̣ д̇ат̇зва абхивиж̇ияа уд̇д̇арасамуд̣̇д̣̇ад̇о бажжуд̇д̇арад̇и.

    Vijinitvā pana taṃ dasasahassayojanappamāṇaṃ jambudīpaṃ dakkhiṇasamuddatopi paccuttaritvā sattayojanasahassappamāṇaṃ aparagoyānaṃ vijetuṃ pubbe vuttanayeneva gantvā tampi samuddapariyantaṃ tatheva abhivijinitvā pacchimasamuddatopi uttaritvā aṭṭhayojanasahassappamāṇaṃ uttarakuruṃ vijetuṃ tatheva gantvā tampi samuddapariyantaṃ tatheva abhivijiya uttarasamuddato paccuttarati.

    зд̇д̇аавад̇аа ран̃н̃аа жаггавад̇д̇инаа жаад̇уранд̇ааяа бат̇авияаа аад̇хибажжам̣ ад̇хиг̇ад̇ам̣ ход̇и. со звам̣ виж̇ид̇авиж̇аяо ад̇д̇ано раж̇ж̇асирисамбад̇д̇ид̣̇ассанад̇т̇ам̣ сабарисо уд̣̇д̇хам̣ г̇аг̇анад̇алам̣ абхилан̇гхид̇ваа сувигасид̇абад̣̇умагумуд̣̇абун̣д̣арийгаванавижид̇д̇з жад̇д̇ааро ж̇аад̇ассарз вияа бан̃жасад̇абан̃жасад̇абарид̇д̇ад̣̇ийбабариваарз жад̇д̇ааро махаад̣̇ийбз ологзд̇ваа жаггарад̇анад̣̇зсид̇знзва маг̇г̇зна яат̇аануггамам̣ ад̇д̇ано рааж̇ад̇хааним̣ бажжааг̇ажчад̇и. ат̇а д̇ам̣ жаггарад̇анам̣ анд̇збурад̣̇ваарам̣ собхаяамаанам̣ вияа худ̇ваа д̇идтад̇и.

    Ettāvatā raññā cakkavattinā cāturantāya pathaviyā ādhipaccaṃ adhigataṃ hoti. So evaṃ vijitavijayo attano rajjasirisampattidassanatthaṃ sapariso uddhaṃ gaganatalaṃ abhilaṅghitvā suvikasitapadumakumudapuṇḍarīkavanavicitte cattāro jātassare viya pañcasatapañcasataparittadīpaparivāre cattāro mahādīpe oloketvā cakkaratanadesiteneva maggena yathānukkamaṃ attano rājadhāniṃ paccāgacchati. Atha taṃ cakkaratanaṃ antepuradvāraṃ sobhayamānaṃ viya hutvā tiṭṭhati.

    звам̣ бад̇идтид̇з бана д̇асмим̣ жаггарад̇анз рааж̇анд̇збурз уггаахи ваа д̣̇ийбигаахи ваа гин̃жи гаран̣ийяам̣ на ход̇и, жаггарад̇анобхаасоязва рад̇д̇им̣ анд̇хагаарам̣ вид̇хамад̇иязва. яз бана анд̇хагаарад̇т̇игаа хонд̇и, д̇зсам̣ анд̇хагаарамзва ход̇и. махаасуд̣̇ассанассааби саб̣б̣амзд̇ам̣ д̇ат̇зва ахоси. д̇зна вуд̇д̇ам̣ – ‘‘д̣̇агкин̣ам̣ самуд̣̇д̣̇ам̣ аж̇жхог̇аахзд̇ваа…бз… зваруубам̣ жаггарад̇анам̣ баад̇урахосий’’д̇и.

    Evaṃ patiṭṭhite pana tasmiṃ cakkaratane rājantepure ukkāhi vā dīpikāhi vā kiñci karaṇīyaṃ na hoti, cakkaratanobhāsoyeva rattiṃ andhakāraṃ vidhamatiyeva. Ye pana andhakāratthikā honti, tesaṃ andhakārameva hoti. Mahāsudassanassāpi sabbametaṃ tatheva ahosi. Tena vuttaṃ – ‘‘dakkhiṇaṃ samuddaṃ ajjhogāhetvā…pe… evarūpaṃ cakkaratanaṃ pāturahosī’’ti.

    хад̇т̇ирад̇анаван̣н̣анаа

    Hatthiratanavaṇṇanā

    246. звам̣ баад̇убхууд̇ажаггарад̇анассзва жаггавад̇д̇ино амажжаа багад̇иман̇г̇алахад̇т̇идтаанам̣ самам̣ сужибхуумибхааг̇ам̣ гаарзд̇ваа харижанд̣̇анаад̣̇ийхи сурабхиг̇анд̇хзхи убалимбаабзд̇ваа хздтаа вижид̇д̇аван̣н̣асурабхигусумасамогин̣н̣ам̣ убари суван̣н̣ад̇аарагаанам̣ анд̇аранд̇араа самосарид̇аманун̃н̃агусумад̣̇аамабадиман̣д̣ид̇авид̇аанам̣ д̣̇звавимаанам̣ вияа абхисан̇карид̇ваа – ‘‘зваруубасса наама д̣̇зва хад̇т̇ирад̇анасса ааг̇аманам̣ жинд̇зт̇аа’’д̇и вад̣̇анд̇и. со буб̣б̣з вуд̇д̇анаязнзва махаад̣̇аанам̣ д̣̇ад̇ваа сийлаани жа самаад̣̇ааяа д̇ам̣ бун̃н̃асамбад̇д̇им̣ ааваж̇ж̇анд̇о нисийд̣̇и. ат̇асса бун̃н̃аанубхааважод̣̇ид̇о чад̣̇д̣̇анд̇агулаа ваа убосат̇агулаа ваа д̇ам̣ саггаарависзсам̣ анубхавид̇угаамо д̇арун̣аравиман̣д̣алаабхирад̇д̇ажаран̣аг̇ийваамукабадиман̣д̣ид̇ависуд̣̇д̇хасзд̇асарийро сад̇д̇абад̇идто сусан̣тид̇аан̇г̇абажжан̇г̇асаннивзсо вигасид̇арад̇д̇абад̣̇умажаарубогкаро ид̣̇д̇химаа яог̇ий вияа взхаасаг̇аманасамад̇т̇о маносилаажун̣н̣аран̃ж̇ид̇абарияанд̇о вияа раж̇ад̇абаб̣б̣ад̇о хад̇т̇исздто ааг̇анд̇ваа д̇асмим̣ бад̣̇зсз д̇идтад̇и. со чад̣̇д̣̇анд̇агулаа ааг̇ажчанд̇о саб̣б̣аганидто ааг̇ажчад̇и. убосат̇агулаа ааг̇ажчанд̇о саб̣б̣аж̇здто. баал̣ияам̣ бана убосат̇о нааг̇арааж̇аа ижжзва ааг̇ад̇ам̣. нааг̇арааж̇аа наама гассажи абарибхог̇о, саб̣б̣аганидто ааг̇ажчад̇ийд̇и адтагат̇аасу вуд̇д̇ам̣. свааяам̣ буурид̇ажаггавад̇д̇ивад̇д̇аанам̣ жаггавад̇д̇ийнам̣ вуд̇д̇анаязнзва жинд̇аяанд̇аанам̣ ааг̇ажчад̇и. махаасуд̣̇ассанасса бана саяамзва багад̇иман̇г̇алахад̇т̇идтаанам̣ ааг̇анд̇ваа д̇ам̣ хад̇т̇им̣ абанзд̇ваа д̇ад̇т̇а адтааси. д̇зна вуд̇д̇ам̣ – ‘‘буна жабарам̣ аананд̣̇а…бз… нааг̇арааж̇аа’’д̇и.

    246. Evaṃ pātubhūtacakkaratanasseva cakkavattino amaccā pakatimaṅgalahatthiṭṭhānaṃ samaṃ sucibhūmibhāgaṃ kāretvā haricandanādīhi surabhigandhehi upalimpāpetvā heṭṭhā vicittavaṇṇasurabhikusumasamokiṇṇaṃ upari suvaṇṇatārakānaṃ antarantarā samosaritamanuññakusumadāmapaṭimaṇḍitavitānaṃ devavimānaṃ viya abhisaṅkharitvā – ‘‘evarūpassa nāma deva hatthiratanassa āgamanaṃ cintethā’’ti vadanti. So pubbe vuttanayeneva mahādānaṃ datvā sīlāni ca samādāya taṃ puññasampattiṃ āvajjanto nisīdi. Athassa puññānubhāvacodito chaddantakulā vā uposathakulā vā taṃ sakkāravisesaṃ anubhavitukāmo taruṇaravimaṇḍalābhirattacaraṇagīvāmukhapaṭimaṇḍitavisuddhasetasarīro sattapatiṭṭho susaṇṭhitaaṅgapaccaṅgasanniveso vikasitarattapadumacārupokkharo iddhimā yogī viya vehāsagamanasamattho manosilācuṇṇarañjitapariyanto viya rajatapabbato hatthiseṭṭho āgantvā tasmiṃ padese tiṭṭhati. So chaddantakulā āgacchanto sabbakaniṭṭho āgacchati. Uposathakulā āgacchanto sabbajeṭṭho. Pāḷiyaṃ pana uposatho nāgarājā icceva āgataṃ. Nāgarājā nāma kassaci aparibhogo, sabbakaniṭṭho āgacchatīti aṭṭhakathāsu vuttaṃ. Svāyaṃ pūritacakkavattivattānaṃ cakkavattīnaṃ vuttanayeneva cintayantānaṃ āgacchati. Mahāsudassanassa pana sayameva pakatimaṅgalahatthiṭṭhānaṃ āgantvā taṃ hatthiṃ apanetvā tattha aṭṭhāsi. Tena vuttaṃ – ‘‘puna caparaṃ ānanda…pe… nāgarājā’’ti.

    звам̣ баад̇убхууд̇ам̣ бана д̇ам̣ хад̇т̇ирад̇анам̣ д̣̇исваа хад̇т̇иг̇обагаад̣̇аяо хадтад̇удтаа взг̇зна г̇анд̇ваа ран̃н̃о аарожзнд̇и. рааж̇аа д̇урид̇ад̇урид̇о ааг̇анд̇ваа д̇ам̣ д̣̇исваа басаннажид̇д̇о – ‘‘бхад̣̇д̣̇агам̣ вад̇а бхо хад̇т̇ияаанам̣, сажз д̣̇амат̇ам̣ убзяяаа’’д̇и жинд̇аяанд̇о хад̇т̇ам̣ басаарзд̇и. ат̇а со гхарад̇хзнуважчаго вияа ган̣н̣з оламб̣ид̇ваа суурад̇абхаавам̣ д̣̇ассзнд̇о рааж̇аанам̣ убасан̇гамад̇и. рааж̇аа д̇ам̣ аарохид̇угаамо ход̇и. ат̇асса бариж̇анаа ад̇хиббааяам̣ н̃ад̇ваа д̇ам̣ хад̇т̇ирад̇анам̣ суван̣н̣ад̣̇д̇хаж̇ам̣ суван̣н̣аалан̇гаарам̣ хзмаж̇аалабадижчаннам̣ гад̇ваа убанзнд̇и. рааж̇аа д̇ам̣ анисийд̣̇аабзд̇ваава сад̇д̇арад̇анамаяааяа ниссзн̣ияаа ааруяха аагаасаг̇амананиннажид̇д̇о ход̇и. д̇асса саха жид̇д̇уббаад̣̇знзва со нааг̇арааж̇аа рааж̇ахам̣со вияа инд̣̇анийламан̣иббабхааж̇аалам̣ нийлаг̇аг̇анад̇алам̣ абхилан̇гхад̇и. д̇ад̇о жаггажааригааяа вуд̇д̇анаязнзва сагаларааж̇абарисаа. ид̇и сабарисо рааж̇аа анд̇обаад̇араасзязва сагалабат̇авим̣ анусам̣яааяид̇ваа рааж̇ад̇хааним̣ бажжааг̇ажчад̇и. звам̣ махид̣̇д̇хигам̣ жаггавад̇д̇ино хад̇т̇ирад̇анам̣ ход̇и. махаасуд̣̇ассанассааби д̇аад̣̇исамзва ахоси. д̇зна вуд̇д̇ам̣ – ‘‘д̣̇исваа ран̃н̃о…бз… баад̇урахосий’’д̇и.

    Evaṃ pātubhūtaṃ pana taṃ hatthiratanaṃ disvā hatthigopakādayo haṭṭhatuṭṭhā vegena gantvā rañño ārocenti. Rājā turitaturito āgantvā taṃ disvā pasannacitto – ‘‘bhaddakaṃ vata bho hatthiyānaṃ, sace damathaṃ upeyyā’’ti cintayanto hatthaṃ pasāreti. Atha so gharadhenuvacchako viya kaṇṇe olambitvā sūratabhāvaṃ dassento rājānaṃ upasaṅkamati. Rājā taṃ ārohitukāmo hoti. Athassa parijanā adhippāyaṃ ñatvā taṃ hatthiratanaṃ suvaṇṇaddhajaṃ suvaṇṇālaṅkāraṃ hemajālapaṭicchannaṃ katvā upanenti. Rājā taṃ anisīdāpetvāva sattaratanamayāya nisseṇiyā āruyha ākāsagamananinnacitto hoti. Tassa saha cittuppādeneva so nāgarājā rājahaṃso viya indanīlamaṇippabhājālaṃ nīlagaganatalaṃ abhilaṅghati. Tato cakkacārikāya vuttanayeneva sakalarājaparisā. Iti sapariso rājā antopātarāseyeva sakalapathaviṃ anusaṃyāyitvā rājadhāniṃ paccāgacchati. Evaṃ mahiddhikaṃ cakkavattino hatthiratanaṃ hoti. Mahāsudassanassāpi tādisameva ahosi. Tena vuttaṃ – ‘‘disvā rañño…pe… pāturahosī’’ti.

    ассарад̇анаван̣н̣анаа

    Assaratanavaṇṇanā

    247. звам̣ баад̇убхууд̇ахад̇т̇ирад̇анасса бана жаггавад̇д̇ино амажжаа багад̇иман̇г̇алаассадтаанам̣ сужисамад̇алам̣ гаарзд̇ваа алан̇гарид̇ваа жа буриманаязнзва ран̃н̃о д̇асса ааг̇аманажинд̇анад̇т̇ам̣ уссаахам̣ ж̇анзнд̇и. со буриманаязнзва гад̇ад̣̇аанамаананасаггааро самаад̣̇иннасийлаб̣б̣ад̇о баасаад̣̇ад̇алз суканисинно бун̃н̃асамбад̇д̇им̣ самануссарад̇и. ат̇асса бун̃н̃аанубхааважод̣̇ид̇о синд̇хавагулад̇о виж̇ж̇улад̇аавинад̣̇д̇хасарад̣̇агааласзд̇авалаахагараасисассирийго рад̇д̇абаад̣̇о рад̇д̇ад̇ун̣д̣о жанд̣̇аббабхаабун̃ж̇асад̣̇исасуд̣̇д̇хасинид̣̇д̇хагханасам̣хад̇асарийро гаагаг̇ийваа вияа инд̣̇анийламан̣и вияа жа гаал̣аван̣н̣зна сийсзна саманнааг̇ад̇ад̇д̇аа гаал̣асийсод̇и судту габбзд̇ваа табид̇зхи вияа мун̃ж̇асад̣̇исзхи сан̣хаваддауж̇уг̇ад̇зхи гзсзхи саманнааг̇ад̇ад̇д̇аа мун̃ж̇агзсо взхаасан̇г̇амо валаахаго наама ассарааж̇аа ааг̇анд̇ваа д̇асмим̣ таанз бад̇идтаад̇и. махаасуд̣̇ассанасса банзса хад̇т̇ирад̇анам̣ вияа ааг̇ад̇о. сзсам̣ саб̣б̣ам̣ хад̇т̇ирад̇анз вуд̇д̇анаязнзва взд̣̇ид̇аб̣б̣ам̣. зваруубам̣ ассарад̇анам̣ санд̇хааяа бхаг̇аваа – ‘‘буна жа бара’’нд̇иаад̣̇имааха.

    247. Evaṃ pātubhūtahatthiratanassa pana cakkavattino amaccā pakatimaṅgalaassaṭṭhānaṃ sucisamatalaṃ kāretvā alaṅkaritvā ca purimanayeneva rañño tassa āgamanacintanatthaṃ ussāhaṃ janenti. So purimanayeneva katadānamānanasakkāro samādinnasīlabbato pāsādatale sukhanisinno puññasampattiṃ samanussarati. Athassa puññānubhāvacodito sindhavakulato vijjulatāvinaddhasaradakālasetavalāhakarāsisassirīko rattapādo rattatuṇḍo candappabhāpuñjasadisasuddhasiniddhaghanasaṃhatasarīro kākagīvā viya indanīlamaṇi viya ca kāḷavaṇṇena sīsena samannāgatattā kāḷasīsoti suṭṭhu kappetvā ṭhapitehi viya muñjasadisehi saṇhavaṭṭaujugatehi kesehi samannāgatattā muñjakeso vehāsaṅgamo valāhako nāma assarājā āgantvā tasmiṃ ṭhāne patiṭṭhāti. Mahāsudassanassa panesa hatthiratanaṃ viya āgato. Sesaṃ sabbaṃ hatthiratane vuttanayeneva veditabbaṃ. Evarūpaṃ assaratanaṃ sandhāya bhagavā – ‘‘puna ca para’’ntiādimāha.

    ман̣ирад̇анаван̣н̣анаа

    Maṇiratanavaṇṇanā

    248. звам̣ баад̇убхууд̇аассарад̇анасса бана ран̃н̃о жаггавад̇д̇ино жад̇ухад̇т̇ааяаамам̣ сагаданаабхисамабарин̣аахам̣ убхосу анд̇зсу ган̣н̣игабарияанд̇ад̇о виниг̇г̇ад̇зхи субарисуд̣̇д̇хамуд̇д̇аагалаабзхи д̣̇вийхи ган̃жанабад̣̇умзхи алан̇гад̇ам̣ жад̇ураасийд̇иман̣исахассабариваарам̣ д̇аарааг̇ан̣абаривуд̇асса бун̣н̣ажанд̣̇асассирим̣ парамаанам̣ вияа взбуллабаб̣б̣ад̇ад̇о ман̣ирад̇анам̣ ааг̇ажчад̇и. д̇ассзвам̣ ааг̇ад̇асса муд̇д̇ааж̇аалагз табзд̇ваа взл̣убарамбарааяа садтихад̇т̇аббамаан̣ам̣ аагаасам̣ ааробид̇асса рад̇д̇ибхааг̇з саманд̇аа яож̇анаббамаан̣ам̣ огаасам̣ аабхаа парад̇и, яааяа саб̣б̣о со огаасо арун̣уг̇г̇аманавзлаа вияа сан̃ж̇аад̇аалого ход̇и. д̇ад̇о гассагаа гасигаммам̣ ваан̣иж̇аа аабан̣уг̇гхааданам̣ д̇з д̇з сиббино д̇ам̣ д̇ам̣ гамманд̇ам̣ баяож̇знд̇и ‘‘д̣̇иваа’’д̇и ман̃н̃амаанаа. махаасуд̣̇ассанассааби саб̣б̣ам̣ д̇ам̣ д̇ат̇зва ахоси. д̇зна вуд̇д̇ам̣ – ‘‘буна жа барам̣ аананд̣̇а,…бз… ман̣ирад̇анам̣ баад̇урахосий’’д̇и.

    248. Evaṃ pātubhūtaassaratanassa pana rañño cakkavattino catuhatthāyāmaṃ sakaṭanābhisamapariṇāhaṃ ubhosu antesu kaṇṇikapariyantato viniggatehi suparisuddhamuttākalāpehi dvīhi kañcanapadumehi alaṅkataṃ caturāsītimaṇisahassaparivāraṃ tārāgaṇaparivutassa puṇṇacandasassiriṃ pharamānaṃ viya vepullapabbatato maṇiratanaṃ āgacchati. Tassevaṃ āgatassa muttājālake ṭhapetvā veḷuparamparāya saṭṭhihatthappamāṇaṃ ākāsaṃ āropitassa rattibhāge samantā yojanappamāṇaṃ okāsaṃ ābhā pharati, yāya sabbo so okāso aruṇuggamanavelā viya sañjātāloko hoti. Tato kassakā kasikammaṃ vāṇijā āpaṇugghāṭanaṃ te te sippino taṃ taṃ kammantaṃ payojenti ‘‘divā’’ti maññamānā. Mahāsudassanassāpi sabbaṃ taṃ tatheva ahosi. Tena vuttaṃ – ‘‘puna ca paraṃ ānanda,…pe… maṇiratanaṃ pāturahosī’’ti.

    ид̇т̇ирад̇анаван̣н̣анаа

    Itthiratanavaṇṇanā

    249. звам̣ баад̇убхууд̇аман̣ирад̇анасса бана жаггавад̇д̇ино висаяасукависзсасса висзсагааран̣ам̣ ид̇т̇ирад̇анам̣ баад̇убхавад̇и. мад̣̇д̣̇арааж̇агулад̇о ваа хисса аг̇г̇амахзсим̣ аанзнд̇и, уд̇д̇арагуруд̇о ваа бун̃н̃аанубхаавзна саяам̣ ааг̇ажчад̇и. авасзсаа банассаа самбад̇д̇и – ‘‘буна жа барам̣, аананд̣̇а, ран̃н̃о махаасуд̣̇ассанасса ид̇т̇ирад̇анам̣ баад̇урахоси, абхируубаа д̣̇ассанийяаа’’д̇иаад̣̇инаа наязна баал̣ияам̣язва ааг̇ад̇аа.

    249. Evaṃ pātubhūtamaṇiratanassa pana cakkavattino visayasukhavisesassa visesakāraṇaṃ itthiratanaṃ pātubhavati. Maddarājakulato vā hissa aggamahesiṃ ānenti, uttarakuruto vā puññānubhāvena sayaṃ āgacchati. Avasesā panassā sampatti – ‘‘puna ca paraṃ, ānanda, rañño mahāsudassanassa itthiratanaṃ pāturahosi, abhirūpā dassanīyā’’tiādinā nayena pāḷiyaṃyeva āgatā.

    д̇ад̇т̇а сан̣таанабаарибуурияаа ад̇хигам̣ руубам̣ ассаад̇и абхируубаа. д̣̇иссамаанаава жагкууни бин̣аяад̇и, д̇асмаа ан̃н̃ам̣ гижжавигкзбам̣ хид̇вааби д̣̇адтаб̣б̣аад̇и д̣̇ассанийяаа. д̣̇иссамаанаава соманассавасзна жид̇д̇ам̣ басаад̣̇зд̇ийд̇и баасаад̣̇игаа. барамааяаад̇и звам̣ басаад̣̇аавахад̇д̇аа уд̇д̇амааяа. ван̣н̣абогкарад̇ааяаад̇и ван̣н̣асунд̣̇арад̇ааяа. саманнааг̇ад̇аад̇и убзд̇аа. абхируубаа ваа яасмаа наад̇ид̣̇ийгхаа наад̇ирассаа. д̣̇ассанийяаа яасмаа наад̇игисаа наад̇ит̇уулаа. баасаад̣̇игаа яасмаа наад̇игаал̣игаа наажжод̣̇аад̇аа. барамааяа ван̣н̣абогкарад̇ааяа саманнааг̇ад̇аа яасмаа абхигганд̇аа маанусиван̣н̣ам̣ аббад̇д̇аа д̣̇иб̣б̣аван̣н̣ам̣. мануссаанан̃хи ван̣н̣аабхаа б̣ахи на нижчарад̇и. д̣̇зваанам̣ бана ад̇ид̣̇уурамби нижчарад̇и.

    Tattha saṇṭhānapāripūriyā adhikaṃ rūpaṃ assāti abhirūpā. Dissamānāva cakkhūni piṇayati, tasmā aññaṃ kiccavikkhepaṃ hitvāpi daṭṭhabbāti dassanīyā. Dissamānāva somanassavasena cittaṃ pasādetīti pāsādikā. Paramāyāti evaṃ pasādāvahattā uttamāya. Vaṇṇapokkharatāyāti vaṇṇasundaratāya. Samannāgatāti upetā. Abhirūpā vā yasmā nātidīghā nātirassā. Dassanīyā yasmā nātikisā nātithūlā. Pāsādikā yasmā nātikāḷikā nāccodātā. Paramāya vaṇṇapokkharatāya samannāgatā yasmā abhikkantā mānusivaṇṇaṃ appattā dibbavaṇṇaṃ. Manussānañhi vaṇṇābhā bahi na niccharati. Devānaṃ pana atidūrampi niccharati.

    д̇ассаа бана д̣̇ваад̣̇асахад̇т̇аббамаан̣ам̣ бад̣̇зсам̣ сарийраабхаа обхаасзд̇и. наад̇ид̣̇ийгхаад̣̇ийсу жассаа батамаяуг̇ал̣зна аарохасамбад̇д̇и, д̣̇уд̇ияаяуг̇ал̣зна барин̣аахасамбад̇д̇и, д̇ад̇ияаяуг̇ал̣зна ван̣н̣асамбад̇д̇и вуд̇д̇аа. чахи вааби зд̇зхи гааяавибад̇д̇ияаа абхааво, ад̇игганд̇аа маанусиван̣н̣анд̇и иминаа гааяасамбад̇д̇и вуд̇д̇аа. д̇уулабижуно ваа габбаасабижуно ваад̇и саббиман̣д̣з багкибид̇ваа табид̇асса сад̇авааравихад̇асса д̇уулабижуно ваа габбаасабижуно ваа. сийд̇зд̇и ран̃н̃о сийд̇агаалз. ун̣хзд̇и ран̃н̃о ун̣хагаалз. жанд̣̇анаг̇анд̇ход̇и нижжагааламзва субисид̇асса абхинавасса жад̇уж̇ж̇аад̇исамааяож̇ид̇асса харижанд̣̇анасса г̇анд̇хо гааяад̇о вааяад̇и. уббалаг̇анд̇хо вааяад̇ийд̇и хасид̇агат̇ид̇агаалзсу мукад̇о д̇ан̇кан̣ам̣ вигасид̇ассзва нийлуббаласса ад̇исурабхиг̇анд̇хо вааяад̇и.

    Tassā pana dvādasahatthappamāṇaṃ padesaṃ sarīrābhā obhāseti. Nātidīghādīsu cassā paṭhamayugaḷena ārohasampatti, dutiyayugaḷena pariṇāhasampatti, tatiyayugaḷena vaṇṇasampatti vuttā. Chahi vāpi etehi kāyavipattiyā abhāvo, atikkantā mānusivaṇṇanti iminā kāyasampatti vuttā. Tūlapicuno vā kappāsapicuno vāti sappimaṇḍe pakkhipitvā ṭhapitassa satavāravihatassa tūlapicuno vā kappāsapicuno vā. Sīteti rañño sītakāle. Uṇheti rañño uṇhakāle. Candanagandhoti niccakālameva supisitassa abhinavassa catujjātisamāyojitassa haricandanassa gandho kāyato vāyati. Uppalagandho vāyatīti hasitakathitakālesu mukhato taṅkhaṇaṃ vikasitasseva nīluppalassa atisurabhigandho vāyati.

    звам̣ руубасампассаг̇анд̇хасамбад̇д̇ияуд̇д̇ааяа банассаа сарийрасамбад̇д̇ияаа ануруубам̣ аажаарам̣ д̣̇ассзд̇ум̣ д̇ам̣ ко банаад̇иаад̣̇и вуд̇д̇ам̣. д̇ад̇т̇а рааж̇аанам̣ д̣̇исваа нисиннаасанад̇о аг̇г̇ид̣̇ад̣дхаа вияа батамамзва удтаад̇ийд̇и буб̣б̣удтааяиний. д̇асмим̣ нисиннз д̇асса д̇аалаван̣дзна б̣ийж̇анаад̣̇игижжам̣ гад̇ваа бажчаа нибад̇ад̇и нисийд̣̇ад̇ийд̇и бажчаанибаад̇иний. гим̣ гароми, д̇з д̣̇зваад̇и ваажааяа гим̣-гаарам̣ бадисаавзд̇ийд̇и гим̣ гаарабадиссаавиний. ран̃н̃о манаабамзва жарад̇и гарод̇ийд̇и манаабажаариний. яам̣ ран̃н̃о бияам̣ д̇ад̣̇зва вад̣̇ад̇ийд̇и бияаваад̣̇иний.

    Evaṃ rūpasamphassagandhasampattiyuttāya panassā sarīrasampattiyā anurūpaṃ ācāraṃ dassetuṃ taṃ kho panātiādi vuttaṃ. Tattha rājānaṃ disvā nisinnāsanato aggidaḍḍhā viya paṭhamameva uṭṭhātīti pubbuṭṭhāyinī. Tasmiṃ nisinne tassa tālavaṇṭena bījanādikiccaṃ katvā pacchā nipatati nisīdatīti pacchānipātinī. Kiṃ karomi, te devāti vācāya kiṃ-kāraṃ paṭisāvetīti kiṃ kārapaṭissāvinī. Rañño manāpameva carati karotīti manāpacārinī. Yaṃ rañño piyaṃ tadeva vadatīti piyavādinī.

    ид̣̇аани – ‘‘сваассаа аажааро бхаавависуд̣̇д̇хияаава, на саатзяяанаа’’д̇и д̣̇ассзд̇ум̣ д̇ам̣ ко банаад̇иаад̣̇имааха. д̇ад̇т̇а но ад̇ижарийд̇и на ад̇иггамид̇ваа жари, табзд̇ваа рааж̇аанам̣ ан̃н̃ам̣ бурисам̣ жид̇д̇знаби на бад̇т̇зсийд̇и вуд̇д̇ам̣ ход̇и.

    Idāni – ‘‘svāssā ācāro bhāvavisuddhiyāva, na sāṭheyyanā’’ti dassetuṃ taṃ kho panātiādimāha. Tattha no aticarīti na atikkamitvā cari, ṭhapetvā rājānaṃ aññaṃ purisaṃ cittenapi na patthesīti vuttaṃ hoti.

    д̇ад̇т̇а яз д̇ассаа аад̣̇имхи ‘‘абхируубаа’’д̇иаад̣̇аяо, анд̇з ‘‘буб̣б̣удтааяиний’’д̇иаад̣̇аяо г̇ун̣аа вуд̇д̇аа, д̇з багад̇иг̇ун̣аа зва. ‘‘ад̇игганд̇аа маанусиван̣н̣а’’нд̇иаад̣̇аяо бана жаггавад̇д̇ино бун̃н̃ам̣ убаниссааяа жаггарад̇анабаад̇убхаавад̇о бадтааяа буримагаммаанубхаавзна ниб̣б̣ад̇д̇аад̇и взд̣̇ид̇аб̣б̣аа.

    Tattha ye tassā ādimhi ‘‘abhirūpā’’tiādayo, ante ‘‘pubbuṭṭhāyinī’’tiādayo guṇā vuttā, te pakatiguṇā eva. ‘‘Atikkantā mānusivaṇṇa’’ntiādayo pana cakkavattino puññaṃ upanissāya cakkaratanapātubhāvato paṭṭhāya purimakammānubhāvena nibbattāti veditabbā.

    абхируубад̇аад̣̇игааби ваа жаггарад̇анабаад̇убхаавад̇о бадтааяа саб̣б̣аагаарабарибуураа ж̇аад̇аа. д̇знааха – ‘‘зваруубам̣ ид̇т̇ирад̇анам̣ баад̇урахосий’’д̇и.

    Abhirūpatādikāpi vā cakkaratanapātubhāvato paṭṭhāya sabbākāraparipūrā jātā. Tenāha – ‘‘evarūpaṃ itthiratanaṃ pāturahosī’’ti.

    г̇ахабад̇ирад̇анаван̣н̣анаа

    Gahapatiratanavaṇṇanā

    250. звам̣ баад̇убхууд̇аид̇т̇ирад̇анасса бана ран̃н̃о жаггавад̇д̇ино д̇ханагаран̣ийяаанам̣ гижжаанам̣ яат̇аасукам̣ бавад̇д̇анад̇т̇ам̣ г̇ахабад̇ирад̇анам̣ баад̇убхавад̇и. со багад̇ияаава махаабхог̇о, махаабхог̇агулз ж̇аад̇о. ран̃н̃о д̇ханараасивад̣дхаго сздтиг̇ахабад̇и ход̇и. жаггарад̇анаанубхаавасахид̇ам̣ банасса гаммавибаагаж̇ам̣ д̣̇иб̣б̣ажагку баад̇убхавад̇и, язна анд̇обат̇авияамби яож̇анаб̣бханд̇арз нид̇хим̣ бассад̇и, со д̇ам̣ самбад̇д̇им̣ д̣̇исваа д̇удтамаанасо г̇анд̇ваа рааж̇аанам̣ д̇ханзна баваарзд̇ваа саб̣б̣аани д̇ханагаран̣ийяаани самбаад̣̇зд̇и . махаасуд̣̇ассанассааби д̇ат̇зва самбаад̣̇зси. д̇зна вуд̇д̇ам̣ – ‘‘буна жабарам̣ аананд̣̇а…бз… зваруубам̣ г̇ахабад̇ирад̇анам̣ баад̇урахосий’’д̇и.

    250. Evaṃ pātubhūtaitthiratanassa pana rañño cakkavattino dhanakaraṇīyānaṃ kiccānaṃ yathāsukhaṃ pavattanatthaṃ gahapatiratanaṃ pātubhavati. So pakatiyāva mahābhogo, mahābhogakule jāto. Rañño dhanarāsivaḍḍhako seṭṭhigahapati hoti. Cakkaratanānubhāvasahitaṃ panassa kammavipākajaṃ dibbacakkhu pātubhavati, yena antopathaviyampi yojanabbhantare nidhiṃ passati, so taṃ sampattiṃ disvā tuṭṭhamānaso gantvā rājānaṃ dhanena pavāretvā sabbāni dhanakaraṇīyāni sampādeti . Mahāsudassanassāpi tatheva sampādesi. Tena vuttaṃ – ‘‘puna caparaṃ ānanda…pe… evarūpaṃ gahapatiratanaṃ pāturahosī’’ti.

    барин̣ааяагарад̇анаван̣н̣анаа

    Pariṇāyakaratanavaṇṇanā

    251. звам̣ баад̇убхууд̇аг̇ахабад̇ирад̇анасса бана ран̃н̃о жаггавад̇д̇исса саб̣б̣агижжасам̣вид̇хаанасамад̇т̇ам̣ барин̣ааяагарад̇анам̣ баад̇убхавад̇и. со ран̃н̃о ж̇здтабуд̇д̇ова ход̇и. багад̇ияаа зва со бан̣д̣ид̇о б̣яад̇д̇о мзд̇хаавий вибхаавий. ран̃н̃о бун̃н̃аанубхаавам̣ ниссааяа банасса ад̇д̇ано гаммаанубхаавзна баражид̇д̇ан̃аан̣ам̣ уббаж̇ж̇ад̇и. язна д̣̇ваад̣̇асаяож̇анааяа рааж̇абарисааяа жид̇д̇аажаарам̣ н̃ад̇ваа ран̃н̃о хид̇з жа ахид̇з жа вавад̇т̇абзд̇ум̣ самад̇т̇о ход̇и, соби д̇ам̣ ад̇д̇ано аанубхаавам̣ д̣̇исваа д̇удтахад̣̇аяо рааж̇аанам̣ саб̣б̣агижжаанусаасанзна баваарзд̇и. махаасуд̣̇ассанамби д̇ат̇зва баваарзси. д̇зна вуд̇д̇ам̣ – ‘‘буна жабарам̣…бз… барин̣ааяагарад̇анам̣ баад̇урахосий’’д̇и.

    251. Evaṃ pātubhūtagahapatiratanassa pana rañño cakkavattissa sabbakiccasaṃvidhānasamatthaṃ pariṇāyakaratanaṃ pātubhavati. So rañño jeṭṭhaputtova hoti. Pakatiyā eva so paṇḍito byatto medhāvī vibhāvī. Rañño puññānubhāvaṃ nissāya panassa attano kammānubhāvena paracittañāṇaṃ uppajjati. Yena dvādasayojanāya rājaparisāya cittācāraṃ ñatvā rañño hite ca ahite ca vavatthapetuṃ samattho hoti, sopi taṃ attano ānubhāvaṃ disvā tuṭṭhahadayo rājānaṃ sabbakiccānusāsanena pavāreti. Mahāsudassanampi tatheva pavāresi. Tena vuttaṃ – ‘‘puna caparaṃ…pe… pariṇāyakaratanaṃ pāturahosī’’ti.

    д̇ад̇т̇а табзд̇аб̣б̣ам̣ табзд̇унд̇и д̇асмим̣ д̇асмим̣ таананд̇арз табзд̇аб̣б̣ам̣ табзд̇ум̣.

    Tattha ṭhapetabbaṃ ṭhapetunti tasmiṃ tasmiṃ ṭhānantare ṭhapetabbaṃ ṭhapetuṃ.

    жад̇уид̣̇д̇хисаманнааг̇ад̇аван̣н̣анаа

    Catuiddhisamannāgatavaṇṇanā

    252. самавзбаагинияаад̇и самавибаажанияаа. г̇ахан̣ияаад̇и гаммаж̇ад̇зж̇од̇хаад̇уяаа. д̇ад̇т̇а яасса бхуд̇д̇амад̇д̇ова аахааро ж̇ийрад̇и, яасса ваа бана будабхад̇д̇ам̣ вияа д̇ад̇т̇зва д̇идтад̇и, убхобзд̇з на самавзбаагинияаа саманнааг̇ад̇аа. яасса бана буна бхад̇д̇агаалз бхад̇д̇ачанд̣̇о уббаж̇ж̇ад̇зва, аяам̣ самавзбаагинияаа саманнааг̇ад̇од̇и.

    252.Samavepākiniyāti samavipācaniyā. Gahaṇiyāti kammajatejodhātuyā. Tattha yassa bhuttamattova āhāro jīrati, yassa vā pana puṭabhattaṃ viya tattheva tiṭṭhati, ubhopete na samavepākiniyā samannāgatā. Yassa pana puna bhattakāle bhattachando uppajjateva, ayaṃ samavepākiniyā samannāgatoti.

    д̇хаммабаасаад̣̇абогкаран̣иван̣н̣анаа

    Dhammapāsādapokkharaṇivaṇṇanā

    253. маабзси код̇и наг̇арз бхзрим̣ жараабзд̇ваа ж̇анараасим̣ гаарзд̇ваа на маабзси, ран̃н̃о бана саха жид̇д̇уббаад̣̇знзва бхуумим̣ бхинд̣̇ид̇ваа жад̇ураасийд̇и богкаран̣ийсахассаани ниб̣б̣ад̇д̇им̣су. д̇аани санд̇хааязд̇ам̣ вуд̇д̇ам̣. д̣̇вийхи взд̣̇игаахийд̇и згааяа идтагаанам̣ барияанд̇зязва баригкид̇д̇аа згааяа баривзн̣абарижчзд̣̇абарияанд̇з. зд̇ад̣̇ахосийд̇и гасмаа ахоси? згад̣̇ивасам̣ гира нахад̇ваа жа бивид̇ваа жа г̇ажчанд̇ам̣ махааж̇анам̣ махаабурисо ологзд̇ваа имз уммад̇д̇агавзсзнзва г̇ажчанд̇и. сажз зд̇зсам̣ зд̇т̇а бил̣анд̇ханабубпаани бхавзяяум̣, бхад̣̇д̣̇агам̣ сияаад̇и. ат̇асса зд̇ад̣̇ахоси. д̇ад̇т̇а саб̣б̣од̇уганд̇и бубпам̣ наама згасмим̣язва уд̇умхи бубпад̇и. ахам̣ бана д̇ат̇аа гариссаами – ‘‘яат̇аа саб̣б̣зсу уд̇уусу бубписсад̇ий’’д̇и жинд̇зсим̣. робаабзсийд̇и наанааван̣н̣ауббалаб̣ийж̇аад̣̇ийни д̇ад̇о д̇ад̇о аахараабзд̇ваа на робаабзси, саха жид̇д̇уббаад̣̇знзва банасса саб̣б̣ам̣ иж̇жхад̇и. д̇ам̣ лого ран̃н̃аа робид̇анд̇и ман̃н̃и. д̇зна вуд̇д̇ам̣ – ‘‘робаабзсий’’д̇и. д̇ад̇о бадтааяа махааж̇ано наанаббагаарам̣ ж̇алаж̇ат̇алаж̇амаалам̣ бил̣анд̇хид̇ваа нагкад̇д̇ам̣ гийл̣амаано вияа г̇ажчад̇и.

    253.Māpesi khoti nagare bheriṃ carāpetvā janarāsiṃ kāretvā na māpesi, rañño pana saha cittuppādeneva bhūmiṃ bhinditvā caturāsīti pokkharaṇīsahassāni nibbattiṃsu. Tāni sandhāyetaṃ vuttaṃ. Dvīhi vedikāhīti ekāya iṭṭhakānaṃ pariyanteyeva parikkhittā ekāya pariveṇaparicchedapariyante. Etadahosīti kasmā ahosi? Ekadivasaṃ kira nahatvā ca pivitvā ca gacchantaṃ mahājanaṃ mahāpuriso oloketvā ime ummattakaveseneva gacchanti. Sace etesaṃ ettha piḷandhanapupphāni bhaveyyuṃ, bhaddakaṃ siyāti. Athassa etadahosi. Tattha sabbotukanti pupphaṃ nāma ekasmiṃyeva utumhi pupphati. Ahaṃ pana tathā karissāmi – ‘‘yathā sabbesu utūsu pupphissatī’’ti cintesiṃ. Ropāpesīti nānāvaṇṇauppalabījādīni tato tato āharāpetvā na ropāpesi, saha cittuppādeneva panassa sabbaṃ ijjhati. Taṃ loko raññā ropitanti maññi. Tena vuttaṃ – ‘‘ropāpesī’’ti. Tato paṭṭhāya mahājano nānappakāraṃ jalajathalajamālaṃ piḷandhitvā nakkhattaṃ kīḷamāno viya gacchati.

    254. ат̇а рааж̇аа д̇ад̇о уд̇д̇ариби ж̇анам̣ сукасамаббид̇ам̣ гаад̇угаамо – ‘‘яам̣нуунаахам̣ имаасам̣ богкаран̣ийнам̣ д̇ийрз’’д̇иаад̣̇инаа ж̇анасса сукавид̇хаанам̣ жинд̇зд̇ваа саб̣б̣ам̣ агааси. д̇ад̇т̇а нхаабзсунд̇и ан̃н̃о сарийрам̣ уб̣б̣аддзси, ан̃н̃о жун̣н̣аани яож̇зси, ан̃н̃о д̇ийрз нахааяанд̇асса уд̣̇агам̣ аахари, ан̃н̃о вад̇т̇аани бадиг̇г̇ахзси жзва ад̣̇ааси жа.

    254. Atha rājā tato uttaripi janaṃ sukhasamappitaṃ kātukāmo – ‘‘yaṃnūnāhaṃ imāsaṃ pokkharaṇīnaṃ tīre’’tiādinā janassa sukhavidhānaṃ cintetvā sabbaṃ akāsi. Tattha nhāpesunti añño sarīraṃ ubbaṭṭesi, añño cuṇṇāni yojesi, añño tīre nahāyantassa udakaṃ āhari, añño vatthāni paṭiggahesi ceva adāsi ca.

    бадтабзси код̇и гат̇ам̣ бадтабзси? ид̇т̇ийнан̃жа бурисаанан̃жа анужчавигз алан̇гаарз гаарзд̇ваа ид̇т̇имад̇д̇амзва д̇ад̇т̇а барижааравасзна сзсам̣ саб̣б̣ам̣ барижжааг̇авасзна табзд̇ваа рааж̇аа махаасуд̣̇ассано д̣̇аанам̣ д̣̇зд̇и, д̇ам̣ барибхун̃ж̇ат̇аад̇и бхзрим̣ жараабзси. махааж̇ано богкаран̣ийд̇ийрам̣ ааг̇анд̇ваа нахад̇ваа вад̇т̇аани баривад̇д̇зд̇ваа наанааг̇анд̇хзхи вилид̇д̇о бил̣анд̇ханавижид̇д̇амаало д̣̇аанаг̇г̇ам̣ г̇анд̇ваа анзгаббагаарзсу яааг̇убхад̇д̇акаж̇ж̇агзсу адтавид̇хабаанзсу жа яо яам̣ ижчад̇и, со д̇ам̣ каад̣̇ид̇ваа жа бивид̇ваа жа наанааван̣н̣аани комасукумаани вад̇т̇аани ниваасзд̇ваа самбад̇д̇им̣ анубхавид̇ваа язсам̣ д̇аад̣̇исаани ад̇т̇и, д̇з охааяа г̇ажчанд̇и. язсам̣ бана над̇т̇и, д̇з г̇ахзд̇ваа г̇ажчанд̇и. хад̇т̇иассаяаанаад̣̇ийсуби нисийд̣̇ид̇ваа т̇огам̣ вижарид̇ваа анад̇т̇игаа охааяа, ад̇т̇игаа г̇ахзд̇ваа г̇ажчанд̇и. варасаяанзсу нибаж̇ж̇ид̇ваа самбад̇д̇им̣ анубхавид̇ваа анад̇т̇игаа охааяа, ад̇т̇игаа г̇ахзд̇ваа г̇ажчанд̇и. ид̇т̇ийхиби сад̣̇д̇хим̣ самбад̇д̇им̣ анубхавид̇ваа анад̇т̇игаа охааяа, ад̇т̇игаа г̇ахзд̇ваа г̇ажчанд̇и. сад̇д̇авид̇харад̇анабасаад̇ханаани жа басаад̇хзд̇вааби самбад̇д̇им̣ анубхавид̇ваа анад̇т̇игаа охааяа, ад̇т̇игаа г̇ахзд̇ваа г̇ажчанд̇и. д̇амби д̣̇аанам̣ удтааяа самудтааяа д̣̇ийяад̇зва. ж̇амб̣уд̣̇ийбаваасигаанам̣ ан̃н̃ам̣ гаммам̣ над̇т̇и, ран̃н̃о д̣̇аанам̣ барибхун̃ж̇анд̇аава вижаранд̇и.

    Paṭṭhapesi khoti kathaṃ paṭṭhapesi? Itthīnañca purisānañca anucchavike alaṅkāre kāretvā itthimattameva tattha paricāravasena sesaṃ sabbaṃ pariccāgavasena ṭhapetvā rājā mahāsudassano dānaṃ deti, taṃ paribhuñjathāti bheriṃ carāpesi. Mahājano pokkharaṇītīraṃ āgantvā nahatvā vatthāni parivattetvā nānāgandhehi vilitto piḷandhanavicittamālo dānaggaṃ gantvā anekappakāresu yāgubhattakhajjakesu aṭṭhavidhapānesu ca yo yaṃ icchati, so taṃ khāditvā ca pivitvā ca nānāvaṇṇāni khomasukhumāni vatthāni nivāsetvā sampattiṃ anubhavitvā yesaṃ tādisāni atthi, te ohāya gacchanti. Yesaṃ pana natthi, te gahetvā gacchanti. Hatthiassayānādīsupi nisīditvā thokaṃ vicaritvā anatthikā ohāya, atthikā gahetvā gacchanti. Varasayanesu nipajjitvā sampattiṃ anubhavitvā anatthikā ohāya, atthikā gahetvā gacchanti. Itthīhipi saddhiṃ sampattiṃ anubhavitvā anatthikā ohāya, atthikā gahetvā gacchanti. Sattavidharatanapasādhanāni ca pasādhetvāpi sampattiṃ anubhavitvā anatthikā ohāya, atthikā gahetvā gacchanti. Tampi dānaṃ uṭṭhāya samuṭṭhāya dīyateva. Jambudīpavāsikānaṃ aññaṃ kammaṃ natthi, rañño dānaṃ paribhuñjantāva vicaranti.

    255. ат̇а б̣раахман̣аг̇ахабад̇игаа жинд̇зсум̣ – ‘‘аяам̣ рааж̇аа зваруубам̣ д̣̇аанам̣ д̣̇ад̣̇анд̇оби ‘маяхам̣ д̇ан̣д̣улаад̣̇ийни ваа кийраад̣̇ийни ваа д̣̇зт̇аа’д̇и на гин̃жи аахараабзд̇и, на ко бана амхаагам̣ – ‘рааж̇аа аахараабзд̇ий’д̇и д̇ун̣хиймаасид̇ум̣ бад̇ирууба’’нд̇и д̇з б̣ахум̣ саабад̇зяяам̣ сам̣харид̇ваа ран̃н̃о убанаамзсум̣. д̇асмаа – ‘‘ат̇а ко, аананд̣̇а, б̣раахман̣аг̇ахабад̇игаа’’д̇иаад̣̇имааха. звам̣ самажинд̇зсунд̇и гасмаа звам̣ жинд̇зсум̣? гассажи гхарад̇о аббам̣ аабхад̇ам̣, гассажи б̣аху. д̇асмим̣ бадисам̣харияамаанз – ‘‘гим̣ д̇авзва гхарад̇о сунд̣̇арам̣ аабхад̇ам̣, на маяхам̣ гхарад̇о, гим̣ д̇авзва гхарад̇о б̣аху , на маяха’’нд̇и звам̣ галахасад̣̇д̣̇оби уббаж̇ж̇зяяа, со маа уббаж̇ж̇ид̇т̇аад̇и звам̣ самажинд̇зсум̣.

    255. Atha brāhmaṇagahapatikā cintesuṃ – ‘‘ayaṃ rājā evarūpaṃ dānaṃ dadantopi ‘mayhaṃ taṇḍulādīni vā khīrādīni vā dethā’ti na kiñci āharāpeti, na kho pana amhākaṃ – ‘rājā āharāpetī’ti tuṇhīmāsituṃ patirūpa’’nti te bahuṃ sāpateyyaṃ saṃharitvā rañño upanāmesuṃ. Tasmā – ‘‘atha kho, ānanda, brāhmaṇagahapatikā’’tiādimāha. Evaṃ samacintesunti kasmā evaṃ cintesuṃ? Kassaci gharato appaṃ ābhataṃ, kassaci bahu. Tasmiṃ paṭisaṃhariyamāne – ‘‘kiṃ taveva gharato sundaraṃ ābhataṃ, na mayhaṃ gharato, kiṃ taveva gharato bahu , na mayha’’nti evaṃ kalahasaddopi uppajjeyya, so mā uppajjitthāti evaṃ samacintesuṃ.

    256. зхи д̇вам̣ саммаад̇и зхи д̇вам̣ ваяасса. д̇хаммам̣ наама баасаад̣̇анд̇и баасаад̣̇асса наамам̣ ааробзд̇ваава аан̣аабзси. виссагаммо бана гийва маханд̇о д̣̇зва баасаад̣̇о ход̇ууд̇и бадибужчид̇ваа д̣̇ийгхад̇о яож̇анам̣ вид̇т̇аарад̇о ад̣дхаяож̇анам̣ саб̣б̣арад̇анамаяова ход̇ууд̇и вуд̇д̇зби ‘звам̣ ход̇у, бхад̣̇д̣̇ам̣ д̇ава важана’нд̇и д̇асса бадиссун̣ид̇ваа д̇хаммарааж̇аанам̣ самбадижчаабзд̇ваа маабзси. д̇ад̇т̇а звам̣ бхад̣̇д̣̇ам̣ д̇аваад̇и ко аананд̣̇аад̇и звам̣ бхад̣̇д̣̇ам̣ д̇ава ид̇и ко аананд̣̇а. бадиссуд̇ваад̇и самбадижчид̇ваа, вад̇ваад̇и ад̇т̇о. д̇ун̣хийбхаавзнаад̇и саман̣ад̇хаммабадибад̇д̇игаран̣огаасо мз бхависсад̇ийд̇и ижчанд̇о д̇ун̣хийбхаавзна ад̇хиваасзси. саарамаяод̇и жанд̣̇анасаарамаяо.

    256.Ehi tvaṃ sammāti ehi tvaṃ vayassa. Dhammaṃ nāma pāsādanti pāsādassa nāmaṃ āropetvāva āṇāpesi. Vissakammo pana kīva mahanto deva pāsādo hotūti paṭipucchitvā dīghato yojanaṃ vitthārato aḍḍhayojanaṃ sabbaratanamayova hotūti vuttepi ‘evaṃ hotu, bhaddaṃ tava vacana’nti tassa paṭissuṇitvā dhammarājānaṃ sampaṭicchāpetvā māpesi. Tattha evaṃ bhaddaṃ tavāti kho ānandāti evaṃ bhaddaṃ tava iti kho ānanda. Paṭissutvāti sampaṭicchitvā, vatvāti attho. Tuṇhībhāvenāti samaṇadhammapaṭipattikaraṇokāso me bhavissatīti icchanto tuṇhībhāvena adhivāsesi. Sāramayoti candanasāramayo.

    257. д̣̇вийхи взд̣̇игаахийд̇и зд̇т̇а згаа взд̣̇игаа банасса ун̣хийсамад̇т̇агз ахоси, згаа хздтаа барижчзд̣̇амад̇т̇агз.

    257.Dvīhi vedikāhīti ettha ekā vedikā panassa uṇhīsamatthake ahosi, ekā heṭṭhā paricchedamatthake.

    258. д̣̇уд̣̇д̣̇игко ахосийд̇и д̣̇ууд̣̇д̣̇игко, бабхаасамбад̇д̇ияаа д̣̇уд̣̇д̣̇асод̇и ад̇т̇о. мусад̇ийд̇и харад̇и панд̣̇аабзд̇и нижжалабхаавзна бад̇идтаад̇ум̣ на д̣̇зд̇и. вид̣̇д̇хзд̇и уб̣б̣ид̣̇д̇хз, мзгхавиг̇амзна д̣̇уурийбхууд̇зд̇и ад̇т̇о. д̣̇звзд̇и аагаасз.

    258.Duddikkho ahosīti duuddikkho, pabhāsampattiyā duddasoti attho. Musatīti harati phandāpeti niccalabhāvena patiṭṭhātuṃ na deti. Viddheti ubbiddhe, meghavigamena dūrībhūteti attho. Deveti ākāse.

    259. маабзси код̇и ахам̣ имасмим̣ таанз богкаран̣им̣ маабзми, д̇умхаагам̣ гхараани бхинд̣̇ат̇аад̇и на звам̣ гаарзд̇ваа маабзси. жид̇д̇уббаад̣̇авасзнзва банасса бхуумим̣ бхинд̣̇ид̇ваа д̇ат̇ааруубаа богкаран̣ий ахоси. д̇з саб̣б̣агаамзхийд̇и саб̣б̣зхи ижчид̇ижчид̇авад̇т̇уухи, саман̣з саман̣абаригкаарзхи, б̣раахман̣з б̣раахман̣абаригкаарзхи санд̇аббзсийд̇и.

    259.Māpesi khoti ahaṃ imasmiṃ ṭhāne pokkharaṇiṃ māpemi, tumhākaṃ gharāni bhindathāti na evaṃ kāretvā māpesi. Cittuppādavaseneva panassa bhūmiṃ bhinditvā tathārūpā pokkharaṇī ahosi. Te sabbakāmehīti sabbehi icchiticchitavatthūhi, samaṇe samaṇaparikkhārehi, brāhmaṇe brāhmaṇaparikkhārehi santappesīti.

    батамабхаан̣аваараван̣н̣анаа нидтид̇аа.

    Paṭhamabhāṇavāravaṇṇanā niṭṭhitā.

    жхаанасамбад̇д̇иван̣н̣анаа

    Jhānasampattivaṇṇanā

    260. махид̣̇д̇хигод̇и жид̇д̇уббаад̣̇авасзнзва жад̇ураасийд̇ибогкаран̣ийсахассаанам̣ ниб̣б̣ад̇д̇исан̇каад̇ааяа махад̇ияаа ид̣̇д̇хияаа саманнааг̇ад̇о. махаанубхаавод̇и д̇зсам̣язва анубхавид̇аб̣б̣аанам̣ маханд̇ад̇ааяа махаанубхаавзна саманнааг̇ад̇о. сзяяат̇ид̣̇анд̇и нибаад̇о, д̇асса – ‘‘гад̇амзсам̣ д̇ин̣н̣а’’нд̇и ад̇т̇о. д̣̇аанассаад̇и самбад̇д̇ибарижжааг̇асса. д̣̇амассаад̇и аал̣авагасуд̇д̇з бан̃н̃аа д̣̇амод̇и ааг̇ад̇о. ид̇ха ад̇д̇аанам̣ д̣̇амзнд̇зна гад̇ам̣ убосат̇агаммам̣. сам̣яамассаад̇и сийласса.

    260.Mahiddhikoti cittuppādavaseneva caturāsītipokkharaṇīsahassānaṃ nibbattisaṅkhātāya mahatiyā iddhiyā samannāgato. Mahānubhāvoti tesaṃyeva anubhavitabbānaṃ mahantatāya mahānubhāvena samannāgato. Seyyathidanti nipāto, tassa – ‘‘katamesaṃ tiṇṇa’’nti attho. Dānassāti sampattipariccāgassa. Damassāti āḷavakasutte paññā damoti āgato. Idha attānaṃ damentena kataṃ uposathakammaṃ. Saṃyamassāti sīlassa.

    б̣од̇хисад̇д̇абуб̣б̣аяог̇аван̣н̣анаа

    Bodhisattapubbayogavaṇṇanā

    ид̇ха тад̇ваа банасса буб̣б̣аяог̇о взд̣̇ид̇аб̣б̣о – рааж̇аа гира буб̣б̣з г̇ахабад̇игулз ниб̣б̣ад̇д̇и. д̇зна жа самаязна д̇харамаанагассзва гассабаб̣уд̣̇д̇хасса саасанз зго т̇зро аран̃н̃з ваасам̣ васад̇и, б̣од̇хисад̇д̇о ад̇д̇ано гаммзна аран̃н̃ам̣ бавидто т̇зрам̣ д̣̇исваа убасан̇гамид̇ваа ванд̣̇ид̇ваа т̇зрасса нисаж̇ж̇анадтаанажан̇гаманадтаанаани ологзд̇ваа бужчи – ‘‘ид̇хзва, бханд̇з, аяяо васад̇ий’’д̇и? аама, убаасагаад̇и суд̇ваа – ‘‘ид̇хзва аяяасса бан̣н̣асаалам̣ гаад̇ум̣ ваддад̇ий’’д̇и жинд̇зд̇ваа ад̇д̇ано гаммам̣ бахааяа д̣̇аб̣б̣асамбхаарам̣ годдзд̇ваа бан̣н̣асаалам̣ гад̇ваа чаад̣̇зд̇ваа бхид̇д̇ияо мад̇д̇игааяа лимбид̇ваа д̣̇ваарам̣ яож̇зд̇ваа гадтад̇т̇аран̣ам̣ гад̇ваа – ‘‘гариссад̇и ну ко барибхог̇ам̣, на гариссад̇ий’’д̇и згаманд̇ам̣ нисийд̣̇и. т̇зро анд̇ог̇аамад̇о ааг̇анд̇ваа бан̣н̣асаалам̣ бависид̇ваа гадтад̇т̇аран̣з нисийд̣̇и. убаасагоби ааг̇анд̇ваа ванд̣̇ид̇ваа самийбз нисинно ‘‘паасугаа, бханд̇з, бан̣н̣асаалаа’’д̇и бужчи. паасугаа, бхад̣̇д̣̇амука, баб̣б̣аж̇ид̇асааруббаад̇и. васиссат̇а, бханд̇з, ид̇хаад̇и? аама, убаасагаад̇и, со ад̇хиваасанаагаарзна васиссад̇ийд̇и н̃ад̇ваа ниб̣ад̣̇д̇хам̣ маяхам̣ гхарад̣̇ваарам̣ ааг̇анд̇аб̣б̣анд̇и бадиж̇аанаабзд̇ваа – ‘‘згам̣ мз, бханд̇з, варам̣ д̣̇зт̇аа’’д̇и ааха. ад̇игганд̇авараа, убаасага, баб̣б̣аж̇ид̇аад̇и. бханд̇з, яан̃жа габбад̇и, яан̃жа анаваж̇ж̇анд̇и. вад̣̇зхи убаасагаад̇и. бханд̇з, ниб̣ад̣̇д̇хавасанадтаанз наама мануссаа ман̇г̇алз ваа аман̇г̇алз ваа ааг̇аманам̣ ижчанд̇и, анааг̇ажчанд̇асса гуж̇жханд̇и. д̇асмаа ан̃н̃ам̣ ниманд̇ид̇адтаанам̣ г̇анд̇вааби маяхам̣ гхарам̣ бависид̇ваава бхад̇д̇агижжам̣ нидтаабзд̇аб̣б̣анд̇и. т̇зро ад̇хиваасзси.

    Idha ṭhatvā panassa pubbayogo veditabbo – rājā kira pubbe gahapatikule nibbatti. Tena ca samayena dharamānakasseva kassapabuddhassa sāsane eko thero araññe vāsaṃ vasati, bodhisatto attano kammena araññaṃ paviṭṭho theraṃ disvā upasaṅkamitvā vanditvā therassa nisajjanaṭṭhānacaṅkamanaṭṭhānāni oloketvā pucchi – ‘‘idheva, bhante, ayyo vasatī’’ti? Āma, upāsakāti sutvā – ‘‘idheva ayyassa paṇṇasālaṃ kātuṃ vaṭṭatī’’ti cintetvā attano kammaṃ pahāya dabbasambhāraṃ koṭṭetvā paṇṇasālaṃ katvā chādetvā bhittiyo mattikāya limpitvā dvāraṃ yojetvā kaṭṭhattharaṇaṃ katvā – ‘‘karissati nu kho paribhogaṃ, na karissatī’’ti ekamantaṃ nisīdi. Thero antogāmato āgantvā paṇṇasālaṃ pavisitvā kaṭṭhattharaṇe nisīdi. Upāsakopi āgantvā vanditvā samīpe nisinno ‘‘phāsukā, bhante, paṇṇasālā’’ti pucchi. Phāsukā, bhaddamukha, pabbajitasāruppāti. Vasissatha, bhante, idhāti? Āma, upāsakāti, so adhivāsanākārena vasissatīti ñatvā nibaddhaṃ mayhaṃ gharadvāraṃ āgantabbanti paṭijānāpetvā – ‘‘ekaṃ me, bhante, varaṃ dethā’’ti āha. Atikkantavarā, upāsaka, pabbajitāti. Bhante, yañca kappati, yañca anavajjanti. Vadehi upāsakāti. Bhante, nibaddhavasanaṭṭhāne nāma manussā maṅgale vā amaṅgale vā āgamanaṃ icchanti, anāgacchantassa kujjhanti. Tasmā aññaṃ nimantitaṭṭhānaṃ gantvāpi mayhaṃ gharaṃ pavisitvāva bhattakiccaṃ niṭṭhāpetabbanti. Thero adhivāsesi.

    со бан̣н̣асаалааяа гадасаадагам̣ бад̇т̇арид̇ваа ман̃жабийтам̣ бан̃н̃абзси, абассзнам̣ нигкиби, баад̣̇агат̇алигам̣ табзси, богкаран̣им̣ кан̣и, жан̇гамам̣ гад̇ваа ваалигам̣ огири, миг̇з ааг̇анд̇ваа бхид̇д̇им̣ гхам̣сид̇ваа мад̇д̇игам̣ баад̇знд̇з д̣̇исваа ган̣дагавад̇им̣ баригкиби. богкаран̣им̣ од̇арид̇ваа уд̣̇агам̣ аал̣улигам̣ гаронд̇з д̣̇исваа анд̇о баасаан̣зхи жинид̇ваа б̣ахи ган̣дагавад̇им̣ баригкибид̇ваа анд̇овад̇ибарияанд̇з д̇аалабанд̇ияо робзд̇и, махаажан̇гамз саммадтадтаанам̣ аал̣улзнд̇з д̣̇исваа жан̇гамамби вад̇ияаа баригкибид̇ваа анд̇овад̇ибарияанд̇з д̇аалабанд̇им̣ робзси. звам̣ ааваасам̣ нидтабзд̇ваа т̇зрасса д̇ижийварам̣, бин̣д̣абаад̇ам̣, осад̇хам̣, барибхог̇абхааж̇анам̣, аараган̣дагам̣, бибпалигам̣, накажчзд̣̇анам̣, суужим̣, гад̇д̇араяадтим̣, убааханам̣, уд̣̇агад̇умб̣ам̣, чад̇д̇ам̣, д̣̇ийбагабаллагам̣, малахаран̣им̣. бариссааванам̣, д̇хамагаран̣ам̣, бад̇д̇ам̣, т̇аалагам̣, яам̣ ваа банан̃н̃амби баб̣б̣аж̇ид̇аанам̣ барибхог̇аж̇аад̇ам̣, саб̣б̣ам̣ ад̣̇ааси. т̇зрасса б̣од̇хисад̇д̇зна ад̣̇иннабаригкааро наама наахоси. со сийлаани рагканд̇о убосат̇ам̣ гаронд̇о яааваж̇ийвам̣ т̇зрам̣ убадтахи. т̇зро д̇ад̇т̇зва васанд̇о арахад̇д̇ам̣ бад̇ваа бариниб̣б̣ааяи.

    So paṇṇasālāya kaṭasāṭakaṃ pattharitvā mañcapīṭhaṃ paññapesi, apassenaṃ nikkhipi, pādakathalikaṃ ṭhapesi, pokkharaṇiṃ khaṇi, caṅkamaṃ katvā vālikaṃ okiri, mige āgantvā bhittiṃ ghaṃsitvā mattikaṃ pātente disvā kaṇṭakavatiṃ parikkhipi. Pokkharaṇiṃ otaritvā udakaṃ āḷulikaṃ karonte disvā anto pāsāṇehi cinitvā bahi kaṇṭakavatiṃ parikkhipitvā antovatipariyante tālapantiyo ropeti, mahācaṅkame sammaṭṭhaṭṭhānaṃ āḷulente disvā caṅkamampi vatiyā parikkhipitvā antovatipariyante tālapantiṃ ropesi. Evaṃ āvāsaṃ niṭṭhapetvā therassa ticīvaraṃ, piṇḍapātaṃ, osadhaṃ, paribhogabhājanaṃ, ārakaṇṭakaṃ, pipphalikaṃ, nakhacchedanaṃ, sūciṃ, kattarayaṭṭhiṃ, upāhanaṃ, udakatumbaṃ, chattaṃ, dīpakapallakaṃ, malaharaṇiṃ. Parissāvanaṃ, dhamakaraṇaṃ, pattaṃ, thālakaṃ, yaṃ vā panaññampi pabbajitānaṃ paribhogajātaṃ, sabbaṃ adāsi. Therassa bodhisattena adinnaparikkhāro nāma nāhosi. So sīlāni rakkhanto uposathaṃ karonto yāvajīvaṃ theraṃ upaṭṭhahi. Thero tattheva vasanto arahattaṃ patvā parinibbāyi.

    б̣од̇хисад̇д̇оби яаавад̇ааяугам̣ бун̃н̃ам̣ гад̇ваа д̣̇звалогз ниб̣б̣ад̇д̇ид̇ваа д̇ад̇о жуд̇о мануссалогам̣ ааг̇ажчанд̇о гусаавад̇ияаа рааж̇ад̇хаанияаа ниб̣б̣ад̇д̇ид̇ваа махаасуд̣̇ассано рааж̇аа ахоси.

    Bodhisattopi yāvatāyukaṃ puññaṃ katvā devaloke nibbattitvā tato cuto manussalokaṃ āgacchanto kusāvatiyā rājadhāniyā nibbattitvā mahāsudassano rājā ahosi.

    ‘‘звам̣ наад̇имаханд̇амби, бун̃н̃ам̣ ааяад̇анз гад̇ам̣;

    ‘‘Evaṃ nātimahantampi, puññaṃ āyatane kataṃ;

    махаавибаагам̣ ход̇ийд̇и, гад̇д̇аб̣б̣ам̣ д̇ам̣ вибхаавинаа’’.

    Mahāvipākaṃ hotīti, kattabbaṃ taṃ vibhāvinā’’.

    махаавияууханд̇и раж̇ад̇амаяам̣ махаагуудааг̇аарам̣. д̇ад̇т̇а васид̇угаамо худ̇ваа аг̇амааси, зд̇д̇аавад̇аа гаамавид̇аггаад̇и гаамавид̇агга д̇аяаа зд̇д̇аавад̇аа нивад̇д̇ид̇аб̣б̣ам̣, ид̇о барам̣ д̇уяхам̣ абхууми, ид̣̇ам̣ жхаанааг̇аарам̣ наама, наяид̣̇ам̣ д̇аяаа сад̣̇д̇хим̣ васанадтаананд̇и звам̣ д̇аяо вид̇аггз гуудааг̇аарад̣̇ваарзязва нивад̇д̇зси.

    Mahāviyūhanti rajatamayaṃ mahākūṭāgāraṃ. Tattha vasitukāmo hutvā agamāsi, ettāvatā kāmavitakkāti kāmavitakka tayā ettāvatā nivattitabbaṃ, ito paraṃ tuyhaṃ abhūmi, idaṃ jhānāgāraṃ nāma, nayidaṃ tayā saddhiṃ vasanaṭṭhānanti evaṃ tayo vitakke kūṭāgāradvāreyeva nivattesi.

    261. батамаж̇жхаананд̇иаад̣̇ийсу висум̣ гасин̣абаригаммагижжам̣ наама над̇т̇и. нийлагасин̣зна ад̇т̇з сад̇и нийламан̣им̣, бийд̇агасин̣зна ад̇т̇з сад̇и суван̣н̣ам̣, лохид̇агасин̣зна ад̇т̇з сад̇и рад̇д̇аман̣им̣, од̣̇аад̇агасин̣зна ад̇т̇з сад̇и раж̇ад̇анд̇и ологид̇аологид̇адтаанз гасин̣амзва бан̃н̃ааяад̇и.

    261.Paṭhamajjhānantiādīsu visuṃ kasiṇaparikammakiccaṃ nāma natthi. Nīlakasiṇena atthe sati nīlamaṇiṃ, pītakasiṇena atthe sati suvaṇṇaṃ, lohitakasiṇena atthe sati rattamaṇiṃ, odātakasiṇena atthe sati rajatanti olokitaolokitaṭṭhāne kasiṇameva paññāyati.

    262. мзд̇д̇аасахаг̇ад̇знаад̇иаад̣̇ийсу яам̣ вад̇д̇аб̣б̣ам̣, д̇ам̣ саб̣б̣амби висуд̣̇д̇химаг̇г̇з вуд̇д̇амзва. ид̇и баал̣ияам̣ жад̇д̇аари жхаанаани, жад̇д̇аари аббаман̃н̃аанзва вуд̇д̇аани. махаабурисо бана саб̣б̣ааби адта самаабад̇д̇ияо, бан̃жа абхин̃н̃ааяо жа ниб̣б̣ад̇д̇зд̇ваа ануломабадиломаад̣̇ивасзна жуд̣̇д̣̇асахаагаарзхи самаабад̇д̇ияо бависанд̇о мад̇хубадалам̣ бавидтабхамаро мад̇хурасзна вияа самаабад̇д̇исукзнзва яаабзд̇и.

    262.Mettāsahagatenātiādīsu yaṃ vattabbaṃ, taṃ sabbampi visuddhimagge vuttameva. Iti pāḷiyaṃ cattāri jhānāni, cattāri appamaññāneva vuttāni. Mahāpuriso pana sabbāpi aṭṭha samāpattiyo, pañca abhiññāyo ca nibbattetvā anulomapaṭilomādivasena cuddasahākārehi samāpattiyo pavisanto madhupaṭalaṃ paviṭṭhabhamaro madhurasena viya samāpattisukheneva yāpeti.

    жад̇ураасийд̇инаг̇арасахассаад̣̇иван̣н̣анаа

    Caturāsītinagarasahassādivaṇṇanā

    263. гусаавад̇ийрааж̇ад̇хааниббамукаанийд̇и гусаавад̇ий рааж̇ад̇хааний д̇зсам̣ наг̇араанам̣ бамукаа саб̣б̣асздтаад̇и ад̇т̇о. бхад̇д̇аабхихаарод̇и абхихарид̇аб̣б̣абхад̇д̇ам̣.

    263.Kusāvatīrājadhānippamukhānīti kusāvatī rājadhānī tesaṃ nagarānaṃ pamukhā sabbaseṭṭhāti attho. Bhattābhihāroti abhiharitabbabhattaṃ.

    264. вассасад̇асса вассасад̇ассаад̇и гасмаа звам̣ жинд̇зси? д̇зсам̣ сад̣̇д̣̇зна угган̣тид̇ваа, ‘‘самаабаннасса сад̣̇д̣̇о ган̣даго’’д̇и (а. ни. 10.72) хи вуд̇д̇ам̣. д̇асмаа сад̣̇д̣̇зна угган̣тид̇о махаабурисо. ат̇а гасмаа маа ааг̇ажчанд̇ууд̇и на вад̣̇ад̇и? ид̣̇аани рааж̇аа на бассад̇ийд̇и ниб̣ад̣̇д̇хавад̇д̇ам̣ на лабхиссанд̇и, д̇ам̣ д̇зсам̣ маа уббаж̇ж̇ид̇т̇аад̇и на вад̣̇ад̇и.

    264.Vassasatassavassasatassāti kasmā evaṃ cintesi? Tesaṃ saddena ukkaṇṭhitvā, ‘‘samāpannassa saddo kaṇṭako’’ti (a. ni. 10.72) hi vuttaṃ. Tasmā saddena ukkaṇṭhito mahāpuriso. Atha kasmā mā āgacchantūti na vadati? Idāni rājā na passatīti nibaddhavattaṃ na labhissanti, taṃ tesaṃ mā uppajjitthāti na vadati.

    субхад̣̇д̣̇аад̣̇звиубасан̇гаманаван̣н̣анаа

    Subhaddādeviupasaṅkamanavaṇṇanā

    265. зд̇ад̣̇ахосийд̇и гад̣̇аа зд̇ам̣ ахоси. ран̃н̃о гаалан̇гирияад̣̇ивасз. д̇ад̣̇аа гира д̣̇звад̇аа жинд̇зсум̣ – ‘‘рааж̇аа анаат̇агаалан̇гирияам̣ маа гарод̇у, ород̇хзхи б̣ахуухи д̇хийд̇уухи буд̇д̇зхи бариваарид̇ова гарод̇уу’’д̇и. ат̇а д̣̇звим̣ ааваддзд̇ваа д̇ассаа звам̣ жид̇д̇ам̣ уббаад̣̇зсум̣. бийд̇аани вад̇т̇аанийд̇и д̇аани гира багад̇ияаа ран̃н̃о манаабаани, д̇асмаа д̇аани баарубат̇аад̇и ааха. зд̇т̇зва д̣̇зви д̇идтаад̇и д̣̇зви имам̣ жхаанааг̇аарам̣ наама д̇умхзхи сад̣̇д̇хим̣ васанадтаанам̣ на ход̇и, жхаанарад̇ивинд̣̇анадтаанам̣ мама, маа ид̇ха баависийд̇и.

    265.Etadahosīti kadā etaṃ ahosi. Rañño kālaṅkiriyadivase. Tadā kira devatā cintesuṃ – ‘‘rājā anāthakālaṅkiriyaṃ mā karotu, orodhehi bahūhi dhītūhi puttehi parivāritova karotū’’ti. Atha deviṃ āvaṭṭetvā tassā evaṃ cittaṃ uppādesuṃ. Pītāni vatthānīti tāni kira pakatiyā rañño manāpāni, tasmā tāni pārupathāti āha. Ettheva devi tiṭṭhāti devi imaṃ jhānāgāraṃ nāma tumhehi saddhiṃ vasanaṭṭhānaṃ na hoti, jhānarativindanaṭṭhānaṃ mama, mā idha pāvisīti.

    266. зд̇ад̣̇ахосийд̇и логз сад̇д̇аа наама маран̣аасаннагаалз ад̇ивияа вирожанд̇и, д̇знасса ран̃н̃о виббасаннаинд̣̇рияабхаавам̣ д̣̇исваа звам̣ ахоси, д̇ад̇о маа ран̃н̃о гаалан̇гирияаа ахосийд̇и д̇асса гаалан̇гирияам̣ анижчамаанаа самбад̇и г̇ун̣амасса гат̇аяид̇ваа д̇идтамаанаагаарам̣ гариссаамийд̇и жинд̇зд̇ваа имаани д̇з д̣̇зваад̇иаад̣̇имааха. д̇ад̇т̇а чанд̣̇ам̣ ж̇анзхийд̇и бзмам̣ уббаад̣̇зхи, рад̇им̣ гарохи. ж̇ийвид̇з абзгканд̇и ж̇ийвид̇з саабзгкам̣, аалаяам̣, д̇ан̣хам̣ гарохийд̇и ад̇т̇о.

    266.Etadahosīti loke sattā nāma maraṇāsannakāle ativiya virocanti, tenassa rañño vippasannaindriyabhāvaṃ disvā evaṃ ahosi, tato mā rañño kālaṅkiriyā ahosīti tassa kālaṅkiriyaṃ anicchamānā sampati guṇamassa kathayitvā tiṭṭhamānākāraṃ karissāmīti cintetvā imāni te devātiādimāha. Tattha chandaṃ janehīti pemaṃ uppādehi, ratiṃ karohi. Jīvite apekkhanti jīvite sāpekkhaṃ, ālayaṃ, taṇhaṃ karohīti attho.

    звам̣ ко мам̣ д̇вам̣ д̣̇звийд̇и ‘‘маяам̣ ко, д̣̇зва, ид̇т̇ияо наама баб̣б̣аж̇ид̇аанам̣ убажаарагат̇ам̣ на ж̇аанаама, гат̇ам̣ вад̣̇аама махаарааж̇аа’’д̇и рааж̇аанам̣ ‘‘баб̣б̣аж̇ид̇о аяа’’нд̇и ман̃н̃амаанааяа д̣̇звияаа вуд̇д̇з – ‘‘звам̣ ко мам̣, д̇вам̣ д̣̇зви, самуд̣̇аажараахий’’д̇иаад̣̇имааха. г̇арахид̇аад̇и б̣уд̣̇д̇хзхи бажжзгаб̣уд̣̇д̇хзхи саавагзхи ан̃н̃зхи жа бан̣д̣ид̇зхи б̣ахуссуд̇зхи г̇арахид̇аа. гим̣ гааран̣аа? саабзгкагаалагирияаа хи ад̇д̇аноязва г̇зхз яагкагуггурааж̇аг̇он̣амахим̣самуусигагуггудауугааман̇г̇улаад̣̇ибхаавзна ниб̣б̣ад̇д̇анагааран̣ам̣ ход̇и.

    Evaṃ kho maṃ tvaṃ devīti ‘‘mayaṃ kho, deva, itthiyo nāma pabbajitānaṃ upacārakathaṃ na jānāma, kathaṃ vadāma mahārājā’’ti rājānaṃ ‘‘pabbajito aya’’nti maññamānāya deviyā vutte – ‘‘evaṃ kho maṃ, tvaṃ devi, samudācarāhī’’tiādimāha. Garahitāti buddhehi paccekabuddhehi sāvakehi aññehi ca paṇḍitehi bahussutehi garahitā. Kiṃ kāraṇā? Sāpekkhakālakiriyā hi attanoyeva gehe yakkhakukkuraajagoṇamahiṃsamūsikakukkuṭaūkāmaṅgulādibhāvena nibbattanakāraṇaṃ hoti.

    268. ат̇а ко, аананд̣̇а, субхад̣̇д̣̇аа д̣̇звий ассууни бун̃чид̇ваад̇и д̣̇звий згаманд̇ам̣ г̇анд̇ваа род̣̇ид̇ваа ганд̣̇ид̇ваа ассууни бун̃чид̇ваа зд̇ад̣̇авожа.

    268.Athakho, ānanda, subhaddā devī assūni puñchitvāti devī ekamantaṃ gantvā roditvā kanditvā assūni puñchitvā etadavoca.

    б̣рахмалогуубаг̇амаван̣н̣анаа

    Brahmalokūpagamavaṇṇanā

    269. г̇ахабад̇исса ваад̇и гасмаа ааха? д̇зсам̣ гира сон̣асздтибуд̇д̇аад̣̇ийнам̣ вияа махад̇ий самбад̇д̇и ход̇и, сон̣асса гира сздтибуд̇д̇асса згаа бхад̇д̇абаад̇и д̣̇вз сад̇асахассаани аг̇гхад̇и. ид̇и д̇зсам̣ д̇аад̣̇исам̣ бхад̇д̇ам̣ бхуд̇д̇аанам̣ мухуд̇д̇ам̣ бхад̇д̇асаммад̣̇о бхад̇д̇амужчаа бхад̇д̇агиламат̇о ход̇и.

    269.Gahapatissa vāti kasmā āha? Tesaṃ kira soṇaseṭṭhiputtādīnaṃ viya mahatī sampatti hoti, soṇassa kira seṭṭhiputtassa ekā bhattapāti dve satasahassāni agghati. Iti tesaṃ tādisaṃ bhattaṃ bhuttānaṃ muhuttaṃ bhattasammado bhattamucchā bhattakilamatho hoti.

    271. яам̣ д̇зна самаязна аж̇жхаавасаамийд̇и яад̇т̇а васаами, д̇ам̣ згам̣язва наг̇арам̣ ход̇и, авасзсзсу буд̇д̇ад̇хийд̇аад̣̇аяо жзва д̣̇аасамануссаа жа васим̣су. баасаад̣̇агуудааг̇аарзсуби зсзва наяо. баллан̇гаад̣̇ийсуби згам̣язва баллан̇гам̣ барибхун̃ж̇ад̇и, сзсаа буд̇д̇аад̣̇ийнам̣ барибхог̇аа хонд̇и. ид̇т̇ийсуби згаава бажжубадтаад̇и, сзсаа бариваарамад̇д̇аа хонд̇и, барид̣̇ахаамийд̇и згамзва д̣̇уссаяуг̇ам̣ ниваасзми, сзсаани бариваарзд̇ваа вижаранд̇аанам̣ асийд̇исахассаад̇хигаанам̣ сол̣асаннам̣ бурисасад̇асахассаанам̣ хонд̇и. бхун̃ж̇аамийд̇и барамаббамаан̣зна наал̣игод̣̇анамад̇д̇ам̣ бхун̃ж̇аами, сзсам̣ бариваарзд̇ваа вижаранд̇аанам̣ жад̇д̇аалийсасахассаад̇хигаанам̣ адтаннам̣ бурисасад̇асахассаанам̣ ход̇ийд̇и д̣̇ассзд̇и. згат̇аалибааго хи д̣̇асаннам̣ ж̇анаанам̣ баход̇и.

    271.Yaṃ tena samayena ajjhāvasāmīti yattha vasāmi, taṃ ekaṃyeva nagaraṃ hoti, avasesesu puttadhītādayo ceva dāsamanussā ca vasiṃsu. Pāsādakūṭāgāresupi eseva nayo. Pallaṅkādīsupi ekaṃyeva pallaṅkaṃ paribhuñjati, sesā puttādīnaṃ paribhogā honti. Itthīsupi ekāva paccupaṭṭhāti, sesā parivāramattā honti, paridahāmīti ekameva dussayugaṃ nivāsemi, sesāni parivāretvā vicarantānaṃ asītisahassādhikānaṃ soḷasannaṃ purisasatasahassānaṃ honti. Bhuñjāmīti paramappamāṇena nāḷikodanamattaṃ bhuñjāmi, sesaṃ parivāretvā vicarantānaṃ cattālīsasahassādhikānaṃ aṭṭhannaṃ purisasatasahassānaṃ hotīti dasseti. Ekathālipāko hi dasannaṃ janānaṃ pahoti.

    зд̇аани бана жад̇ураасийд̇и наг̇арасахассаани жзва баасаад̣̇асахассаани жа гуудааг̇аарасахассаани жа згиссааязва бан̣н̣асаалааяа ниссанд̣̇зна ниб̣б̣ад̇д̇аани. жад̇ураасийд̇и баллан̇гасахассаани нибаж̇ж̇анад̇т̇ааяа д̣̇иннаман̃жагасса ниссанд̣̇зна ниб̣б̣ад̇д̇аани. жад̇ураасийд̇и хад̇т̇исахассаани ассасахассаани рат̇асахассаани нисийд̣̇анад̇т̇ааяа д̣̇иннабийтасса ниссанд̣̇зна ниб̣б̣ад̇д̇аани. жад̇ураасийд̇и ман̣исахассаани згад̣̇ийбасса ниссанд̣̇зна ниб̣б̣ад̇д̇аани. жад̇ураасийд̇и богкаран̣ийсахассаани згабогкаран̣ияаа ниссанд̣̇зна ниб̣б̣ад̇д̇аани. жад̇ураасийд̇и ид̇т̇исахассаани буд̇д̇асахассаани г̇ахабад̇исахассаани барибхог̇абхааж̇анабад̇д̇ат̇аалага д̇хамагаран̣а бариссаавана аараган̣дага бибпалага накажчзд̣̇ана гун̃жигаган̣н̣амалахаран̣ий баад̣̇агат̇алига убаахана чад̇д̇а гад̇д̇араяадтид̣̇аанасса ниссанд̣̇зна ниб̣б̣ад̇д̇аани. жад̇ураасийд̇и д̇хзнусахассаани г̇орасад̣̇аанасса ниссанд̣̇зна ниб̣б̣ад̇д̇аани. жад̇ураасийд̇и вад̇т̇агодисахассаани ниваасанабаарубанад̣̇аанасса ниссанд̣̇зна ниб̣б̣ад̇д̇аани . жад̇ураасийд̇и т̇аалибаагасахассаани бхож̇анад̣̇аанасса ниссанд̣̇зна ниб̣б̣ад̇д̇аанийд̇и взд̣̇ид̇аб̣б̣аани.

    Etāni pana caturāsīti nagarasahassāni ceva pāsādasahassāni ca kūṭāgārasahassāni ca ekissāyeva paṇṇasālāya nissandena nibbattāni. Caturāsīti pallaṅkasahassāni nipajjanatthāya dinnamañcakassa nissandena nibbattāni. Caturāsīti hatthisahassāni assasahassāni rathasahassāni nisīdanatthāya dinnapīṭhassa nissandena nibbattāni. Caturāsīti maṇisahassāni ekadīpassa nissandena nibbattāni. Caturāsīti pokkharaṇīsahassāni ekapokkharaṇiyā nissandena nibbattāni. Caturāsīti itthisahassāni puttasahassāni gahapatisahassāni paribhogabhājanapattathālaka dhamakaraṇa parissāvana ārakaṇṭaka pipphalaka nakhacchedana kuñcikakaṇṇamalaharaṇī pādakathalika upāhana chatta kattarayaṭṭhidānassa nissandena nibbattāni. Caturāsīti dhenusahassāni gorasadānassa nissandena nibbattāni. Caturāsīti vatthakoṭisahassāni nivāsanapārupanadānassa nissandena nibbattāni . Caturāsīti thālipākasahassāni bhojanadānassa nissandena nibbattānīti veditabbāni.

    272. звам̣ бхаг̇аваа махаасуд̣̇ассанасса самбад̇д̇им̣ аад̣̇ид̇о бадтааяа вид̇т̇аарзна гат̇зд̇ваа саб̣б̣ам̣ д̇ам̣ д̣̇аарагаанам̣ бам̣свааг̇аарагийл̣анам̣ вияа д̣̇ассзнд̇о бариниб̣б̣аанаман̃жагз нибаннова бассаананд̣̇аад̇иаад̣̇имааха. д̇ад̇т̇а вибарин̣ад̇аад̇и багад̇ивиж̇аханзна ниб̣б̣уд̇абад̣̇ийбо вияа абан̃н̃ад̇д̇игабхаавам̣ г̇ад̇аа. звам̣ анижжаа ко, аананд̣̇а, сан̇каараад̇и звам̣ худ̇ваа абхаавадтзна анижжаа.

    272. Evaṃ bhagavā mahāsudassanassa sampattiṃ ādito paṭṭhāya vitthārena kathetvā sabbaṃ taṃ dārakānaṃ paṃsvāgārakīḷanaṃ viya dassento parinibbānamañcake nipannova passānandātiādimāha. Tattha vipariṇatāti pakativijahanena nibbutapadīpo viya apaññattikabhāvaṃ gatā. Evaṃ aniccā kho, ānanda, saṅkhārāti evaṃ hutvā abhāvaṭṭhena aniccā.

    зд̇д̇аавад̇аа бхаг̇аваа яат̇аа наама бурисо сад̇ахад̇т̇уб̣б̣зд̇хз жамбагаругкз ниссзн̣им̣ б̣анд̇хид̇ваа абхирухид̇ваа жамбагабубпам̣ аад̣̇ааяа ниссзн̣им̣ мун̃жанд̇о од̇арзяяа, звамзва ниссзн̣им̣ б̣анд̇ханд̇о вияа анзгавассагодисад̇асахассуб̣б̣зд̇хам̣ махаасуд̣̇ассанасамбад̇д̇им̣ ааруяха самбад̇д̇имад̇т̇агз тид̇ам̣ анижжалагкан̣ам̣ аад̣̇ааяа ниссзн̣им̣ мун̃жанд̇о вияа од̇ин̣н̣о. д̇знзва буб̣б̣з васабхарааж̇аа д̣̇ийгхабхаан̣агад̇т̇зраанам̣ лохабаасаад̣̇асса баажийнабассз амб̣аладтигааяам̣ имам̣ суд̇д̇ам̣ саж̇жхааяанд̇аанам̣ суд̇ваа – ‘‘гим̣, бхо, маяхам̣ аяяагзна зд̇т̇а вуд̇д̇ам̣, ад̇д̇ано каад̣̇ид̇абийд̇адтаанз самбад̇д̇имзва гат̇зд̇ий’’д̇и жинд̇знд̇о – ‘‘звам̣ анижжаа ко, аананд̣̇а, сан̇каараа’’д̇и вуд̇д̇агаалз ‘‘имам̣, бхо, д̣̇исваа бан̃жахи жагкуухи жагкумад̇аа звам̣ вуд̇д̇а’’нд̇и ваамахад̇т̇ам̣ самин̃ж̇ид̇ваа д̣̇агкин̣ахад̇т̇зна абподзд̇ваа – ‘‘саад̇ху саад̇хуу’’д̇и д̇удтахад̣̇аяо саад̇хугаарам̣ ад̣̇ааси.

    Ettāvatā bhagavā yathā nāma puriso satahatthubbedhe campakarukkhe nisseṇiṃ bandhitvā abhiruhitvā campakapupphaṃ ādāya nisseṇiṃ muñcanto otareyya, evameva nisseṇiṃ bandhanto viya anekavassakoṭisatasahassubbedhaṃ mahāsudassanasampattiṃ āruyha sampattimatthake ṭhitaṃ aniccalakkhaṇaṃ ādāya nisseṇiṃ muñcanto viya otiṇṇo. Teneva pubbe vasabharājā dīghabhāṇakattherānaṃ lohapāsādassa pācīnapasse ambalaṭṭhikāyaṃ imaṃ suttaṃ sajjhāyantānaṃ sutvā – ‘‘kiṃ, bho, mayhaṃ ayyakena ettha vuttaṃ, attano khāditapītaṭṭhāne sampattimeva kathetī’’ti cintento – ‘‘evaṃ aniccā kho, ānanda, saṅkhārā’’ti vuttakāle ‘‘imaṃ, bho, disvā pañcahi cakkhūhi cakkhumatā evaṃ vutta’’nti vāmahatthaṃ samiñjitvā dakkhiṇahatthena apphoṭetvā – ‘‘sādhu sādhū’’ti tuṭṭhahadayo sādhukāraṃ adāsi.

    звам̣ ад̣̇д̇хуваад̇и звам̣ уд̣̇агабубпул̣аад̣̇аяо вияа д̇хувабхаававирахид̇аа. звам̣ анассаасигаад̇и звам̣ субинагз бийд̇абаанийяам̣ вияа анулид̇д̇ажанд̣̇анам̣ вияа жа ассаасавирахид̇аа.

    Evaṃ addhuvāti evaṃ udakapupphuḷādayo viya dhuvabhāvavirahitā. Evaṃ anassāsikāti evaṃ supinake pītapānīyaṃ viya anulittacandanaṃ viya ca assāsavirahitā.

    сарийрам̣ нигкибзяяаад̇и сарийрам̣ чад̣д̣зяяа. ид̣̇аани ан̃н̃асса сарийрасса нигкзбо ваа бадиж̇аг̇г̇анам̣ ваа над̇т̇и гилзсабахийнад̇д̇аа, аананд̣̇а, д̇ат̇ааг̇ад̇ассаад̇и вад̣̇ад̇и. ид̣̇ам̣ бана вад̇ваа буна т̇зрам̣ ааманд̇зси, жаггавад̇д̇ино аанубхааво наама ран̃н̃о баб̣б̣аж̇ид̇асса сад̇д̇амз д̣̇ивасз анд̇арад̇хааяад̇и. махаасуд̣̇ассанасса бана гаалан̇гирияад̇о сад̇д̇амзва д̣̇ивасз сад̇д̇арад̇анабаагаараа сад̇д̇арад̇анад̇аалаа жад̇ураасийд̇и богкаран̣ийсахассаани д̇хаммабаасаад̣̇о д̇хаммабогкаран̣ий жаггарад̇ананд̇и саб̣б̣амзд̇ам̣ анд̇арад̇хааяийд̇и. хад̇т̇иаад̣̇ийсу бана аяам̣ д̇хаммад̇аа кийн̣ааяугаа сахзва гаалан̇гаронд̇и. ааяусзсз сад̇и хад̇т̇ирад̇анам̣ убосат̇агулам̣ г̇ажчад̇и, ассарад̇анам̣ валаахагагулам̣, ман̣ирад̇анам̣ взбуллабаб̣б̣ад̇амзва г̇ажчад̇и. ид̇т̇ирад̇анасса аанубхааво анд̇арад̇хааяад̇и. г̇ахабад̇ирад̇анасса жагку баагад̇игамзва ход̇и. барин̣ааяагарад̇анасса взяяад̇д̇ияам̣ нассад̇и.

    Sarīraṃ nikkhipeyyāti sarīraṃ chaḍḍeyya. Idāni aññassa sarīrassa nikkhepo vā paṭijagganaṃ vā natthi kilesapahīnattā, ānanda, tathāgatassāti vadati. Idaṃ pana vatvā puna theraṃ āmantesi, cakkavattino ānubhāvo nāma rañño pabbajitassa sattame divase antaradhāyati. Mahāsudassanassa pana kālaṅkiriyato sattameva divase sattaratanapākārā sattaratanatālā caturāsīti pokkharaṇīsahassāni dhammapāsādo dhammapokkharaṇī cakkaratananti sabbametaṃ antaradhāyīti. Hatthiādīsu pana ayaṃ dhammatā khīṇāyukā saheva kālaṅkaronti. Āyusese sati hatthiratanaṃ uposathakulaṃ gacchati, assaratanaṃ valāhakakulaṃ, maṇiratanaṃ vepullapabbatameva gacchati. Itthiratanassa ānubhāvo antaradhāyati. Gahapatiratanassa cakkhu pākatikameva hoti. Pariṇāyakaratanassa veyyattiyaṃ nassati.

    ид̣̇амавожа бхаг̇аваад̇и ид̣̇ам̣ баал̣ияам̣ аарул̣хан̃жа анаарул̣хан̃жа саб̣б̣ам̣ бхаг̇аваа авожа. сзсам̣ уд̇д̇аанад̇т̇амзваад̇и.

    Idamavoca bhagavāti idaṃ pāḷiyaṃ āruḷhañca anāruḷhañca sabbaṃ bhagavā avoca. Sesaṃ uttānatthamevāti.

    ид̇и суман̇г̇алавилаасинияаа д̣̇ийгханигааяадтагат̇ааяам̣

    Iti sumaṅgalavilāsiniyā dīghanikāyaṭṭhakathāyaṃ

    махаасуд̣̇ассанасуд̇д̇аван̣н̣анаа нидтид̇аа.

    Mahāsudassanasuttavaṇṇanā niṭṭhitā.




    Next: 5. ж̇анавасабхасуд̇д̇аван̣н̣анаа • 5. Janavasabhasuttavaṇṇanā




    Related texts:



    д̇ибидага (муула) • Tipiṭaka (Mūla) / суд̇д̇абидага • Suttapiṭaka / д̣̇ийгханигааяа • Dīghanikāya / 4. махаасуд̣̇ассанасуд̇д̇ам̣ • 4. Mahāsudassanasuttaṃ

    дийгаа • Tīkā / суд̇д̇абидага (дийгаа) • Suttapiṭaka (ṭīkā) / д̣̇ийгханигааяа (дийгаа) • Dīghanikāya (ṭīkā) / 4. махаасуд̣̇ассанасуд̇д̇аван̣н̣анаа • 4. Mahāsudassanasuttavaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact