| Library / Tipiṭaka / д̇ибидага • Tipiṭaka / маж̇жхиманигааяа • Majjhimanikāya |
2. махаасун̃н̃ад̇асуд̇д̇ам̣
2. Mahāsuññatasuttaṃ
185. звам̣ мз суд̇ам̣ – згам̣ самаяам̣ бхаг̇аваа саггзсу вихарад̇и габилавад̇т̇усмим̣ ниг̇род̇хаараамз. ат̇а ко бхаг̇аваа буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа габилавад̇т̇ум̣ бин̣д̣ааяа баависи. габилавад̇т̇усмим̣ бин̣д̣ааяа жарид̇ваа бажчаабхад̇д̇ам̣ бин̣д̣абаад̇абадигганд̇о язна гаал̣акзмагасса саггасса вихааро д̇знубасан̇гами д̣̇иваавихаарааяа. д̇зна ко бана самаязна гаал̣акзмагасса саггасса вихаарз самб̣ахулаани сзнаасанаани бан̃н̃ад̇д̇аани хонд̇и. ад̣̇д̣̇асаа ко бхаг̇аваа гаал̣акзмагасса саггасса вихаарз самб̣ахулаани сзнаасанаани бан̃н̃ад̇д̇аани. д̣̇исваана бхаг̇авад̇о зд̇ад̣̇ахоси – ‘‘самб̣ахулаани ко гаал̣акзмагасса саггасса вихаарз сзнаасанаани бан̃н̃ад̇д̇аани. самб̣ахулаа ну ко ид̇ха бхигкуу вихаранд̇ий’’д̇и.
185. Evaṃ me sutaṃ – ekaṃ samayaṃ bhagavā sakkesu viharati kapilavatthusmiṃ nigrodhārāme. Atha kho bhagavā pubbaṇhasamayaṃ nivāsetvā pattacīvaramādāya kapilavatthuṃ piṇḍāya pāvisi. Kapilavatthusmiṃ piṇḍāya caritvā pacchābhattaṃ piṇḍapātapaṭikkanto yena kāḷakhemakassa sakkassa vihāro tenupasaṅkami divāvihārāya. Tena kho pana samayena kāḷakhemakassa sakkassa vihāre sambahulāni senāsanāni paññattāni honti. Addasā kho bhagavā kāḷakhemakassa sakkassa vihāre sambahulāni senāsanāni paññattāni. Disvāna bhagavato etadahosi – ‘‘sambahulāni kho kāḷakhemakassa sakkassa vihāre senāsanāni paññattāni. Sambahulā nu kho idha bhikkhū viharantī’’ti.
186. д̇зна ко бана самаязна ааяасмаа аананд̣̇о самб̣ахулзхи бхигкуухи сад̣̇д̇хим̣ гхадааяа саггасса вихаарз жийварагаммам̣ гарод̇и. ат̇а ко бхаг̇аваа сааяанхасамаяам̣ бадисаллаанаа вудтид̇о язна гхадааяа саггасса вихааро д̇знубасан̇гами; убасан̇гамид̇ваа бан̃н̃ад̇д̇з аасанз нисийд̣̇и. нисаж̇ж̇а ко бхаг̇аваа ааяасманд̇ам̣ аананд̣̇ам̣ ааманд̇зси – ‘‘самб̣ахулаани ко, аананд̣̇а, гаал̣акзмагасса саггасса вихаарз сзнаасанаани бан̃н̃ад̇д̇аани. самб̣ахулаа ну ко зд̇т̇а бхигкуу вихаранд̇ий’’д̇и? ‘‘самб̣ахулаани, бханд̇з, гаал̣акзмагасса саггасса вихаарз сзнаасанаани бан̃н̃ад̇д̇аани. самб̣ахулаа бхигкуу зд̇т̇а вихаранд̇и. жийварагаарасамаяо но, бханд̇з, вад̇д̇ад̇ий’’д̇и.
186. Tena kho pana samayena āyasmā ānando sambahulehi bhikkhūhi saddhiṃ ghaṭāya sakkassa vihāre cīvarakammaṃ karoti. Atha kho bhagavā sāyanhasamayaṃ paṭisallānā vuṭṭhito yena ghaṭāya sakkassa vihāro tenupasaṅkami; upasaṅkamitvā paññatte āsane nisīdi. Nisajja kho bhagavā āyasmantaṃ ānandaṃ āmantesi – ‘‘sambahulāni kho, ānanda, kāḷakhemakassa sakkassa vihāre senāsanāni paññattāni. Sambahulā nu kho ettha bhikkhū viharantī’’ti? ‘‘Sambahulāni, bhante, kāḷakhemakassa sakkassa vihāre senāsanāni paññattāni. Sambahulā bhikkhū ettha viharanti. Cīvarakārasamayo no, bhante, vattatī’’ti.
‘‘на ко, аананд̣̇а, бхигку собхад̇и сан̇г̇ан̣игаараамо сан̇г̇ан̣игарад̇о сан̇г̇ан̣игаараамад̇ам̣ ануяуд̇д̇о г̇ан̣аараамо г̇ан̣арад̇о г̇ан̣асаммуд̣̇ид̇о. со вад̇аананд̣̇а, бхигку сан̇г̇ан̣игаараамо сан̇г̇ан̣игарад̇о сан̇г̇ан̣игаараамад̇ам̣ ануяуд̇д̇о г̇ан̣аараамо г̇ан̣арад̇о г̇ан̣асаммуд̣̇ид̇о яам̣ д̇ам̣ нзгкаммасукам̣ бавивзгасукам̣ убасамасукам̣ самб̣од̇хисукам̣ 1 д̇асса сукасса нигаамалаабхий бхависсад̇и агижчалаабхий агасиралаабхийд̇и – нзд̇ам̣ таанам̣ виж̇ж̇ад̇и. яо жа ко со, аананд̣̇а, бхигку зго г̇ан̣асмаа вуубагадто вихарад̇и д̇ассзд̇ам̣ бхигкуно баадиган̇кам̣ яам̣ д̇ам̣ нзгкаммасукам̣ бавивзгасукам̣ убасамасукам̣ самб̣од̇хисукам̣ д̇асса сукасса нигаамалаабхий бхависсад̇и агижчалаабхий агасиралаабхийд̇и – таанамзд̇ам̣ виж̇ж̇ад̇и.
‘‘Na kho, ānanda, bhikkhu sobhati saṅgaṇikārāmo saṅgaṇikarato saṅgaṇikārāmataṃ anuyutto gaṇārāmo gaṇarato gaṇasammudito. So vatānanda, bhikkhu saṅgaṇikārāmo saṅgaṇikarato saṅgaṇikārāmataṃ anuyutto gaṇārāmo gaṇarato gaṇasammudito yaṃ taṃ nekkhammasukhaṃ pavivekasukhaṃ upasamasukhaṃ sambodhisukhaṃ 2 tassa sukhassa nikāmalābhī bhavissati akicchalābhī akasiralābhīti – netaṃ ṭhānaṃ vijjati. Yo ca kho so, ānanda, bhikkhu eko gaṇasmā vūpakaṭṭho viharati tassetaṃ bhikkhuno pāṭikaṅkhaṃ yaṃ taṃ nekkhammasukhaṃ pavivekasukhaṃ upasamasukhaṃ sambodhisukhaṃ tassa sukhassa nikāmalābhī bhavissati akicchalābhī akasiralābhīti – ṭhānametaṃ vijjati.
‘‘со вад̇аананд̣̇а, бхигку сан̇г̇ан̣игаараамо сан̇г̇ан̣игарад̇о сан̇г̇ан̣игаараамад̇ам̣ ануяуд̇д̇о г̇ан̣аараамо г̇ан̣арад̇о г̇ан̣асаммуд̣̇ид̇о саамааяигам̣ ваа ганд̇ам̣ жзд̇овимуд̇д̇им̣ убасамбаж̇ж̇а вихариссад̇и асаамааяигам̣ ваа агуббанд̇и – нзд̇ам̣ таанам̣ виж̇ж̇ад̇и. яо жа ко со, аананд̣̇а, бхигку зго г̇ан̣асмаа вуубагадто вихарад̇и д̇ассзд̇ам̣ бхигкуно баадиган̇кам̣ саамааяигам̣ ваа ганд̇ам̣ жзд̇овимуд̇д̇им̣ убасамбаж̇ж̇а вихариссад̇и асаамааяигам̣ ваа агуббанд̇и – таанамзд̇ам̣ виж̇ж̇ад̇и.
‘‘So vatānanda, bhikkhu saṅgaṇikārāmo saṅgaṇikarato saṅgaṇikārāmataṃ anuyutto gaṇārāmo gaṇarato gaṇasammudito sāmāyikaṃ vā kantaṃ cetovimuttiṃ upasampajja viharissati asāmāyikaṃ vā akuppanti – netaṃ ṭhānaṃ vijjati. Yo ca kho so, ānanda, bhikkhu eko gaṇasmā vūpakaṭṭho viharati tassetaṃ bhikkhuno pāṭikaṅkhaṃ sāmāyikaṃ vā kantaṃ cetovimuttiṃ upasampajja viharissati asāmāyikaṃ vā akuppanti – ṭhānametaṃ vijjati.
‘‘наахам̣, аананд̣̇а, згам̣ руубамби 3 саманубассаами яад̇т̇а рад̇д̇асса яат̇аабхирад̇асса руубасса вибарин̣ааман̃н̃ат̇аабхааваа на уббаж̇ж̇зяяум̣ согабарид̣̇звад̣̇угкад̣̇оманассуубааяаасаа.
‘‘Nāhaṃ, ānanda, ekaṃ rūpampi 4 samanupassāmi yattha rattassa yathābhiratassa rūpassa vipariṇāmaññathābhāvā na uppajjeyyuṃ sokaparidevadukkhadomanassūpāyāsā.
187. ‘‘аяам̣ ко банаананд̣̇а, вихааро д̇ат̇ааг̇ад̇зна абхисамб̣уд̣̇д̇хо яад̣̇ид̣̇ам̣ – саб̣б̣анимид̇д̇аанам̣ аманасигаараа аж̇жхад̇д̇ам̣ сун̃н̃ад̇ам̣ убасамбаж̇ж̇а вихарид̇ум̣ 5. д̇ад̇ра жз, аананд̣̇а, д̇ат̇ааг̇ад̇ам̣ иминаа вихаарзна вихаранд̇ам̣ бхаванд̇и 6 убасан̇гамид̇ааро бхигкуу бхигкунияо убаасагаа убаасигааяо рааж̇аано рааж̇амахаамад̇д̇аа д̇ид̇т̇ияаа д̇ид̇т̇ияасаавагаа. д̇ад̇раананд̣̇а, д̇ат̇ааг̇ад̇о вивзганиннзнзва жид̇д̇зна вивзгабон̣зна вивзгабаб̣бхаарзна вуубагадтзна нзгкаммаабхирад̇зна б̣яанд̇ийбхууд̇зна саб̣б̣асо аасавадтаанийязхи д̇хаммзхи ан̃н̃ад̣̇ад̇т̇у уяяож̇анигабадисам̣яуд̇д̇ам̣язва гат̇ам̣ гад̇д̇аа ход̇и. д̇асмаад̇ихаананд̣̇а, бхигку жзби ааган̇кзяяа – ‘аж̇жхад̇д̇ам̣ сун̃н̃ад̇ам̣ убасамбаж̇ж̇а вихарзяяа’нд̇и, д̇знаананд̣̇а, бхигкунаа аж̇жхад̇д̇амзва жид̇д̇ам̣ сан̣табзд̇аб̣б̣ам̣ саннисаад̣̇зд̇аб̣б̣ам̣ згод̣̇и гаад̇аб̣б̣ам̣ самаад̣̇ахаад̇аб̣б̣ам̣.
187. ‘‘Ayaṃ kho panānanda, vihāro tathāgatena abhisambuddho yadidaṃ – sabbanimittānaṃ amanasikārā ajjhattaṃ suññataṃ upasampajja viharituṃ 7. Tatra ce, ānanda, tathāgataṃ iminā vihārena viharantaṃ bhavanti 8 upasaṅkamitāro bhikkhū bhikkhuniyo upāsakā upāsikāyo rājāno rājamahāmattā titthiyā titthiyasāvakā. Tatrānanda, tathāgato vivekaninneneva cittena vivekapoṇena vivekapabbhārena vūpakaṭṭhena nekkhammābhiratena byantībhūtena sabbaso āsavaṭṭhānīyehi dhammehi aññadatthu uyyojanikapaṭisaṃyuttaṃyeva kathaṃ kattā hoti. Tasmātihānanda, bhikkhu cepi ākaṅkheyya – ‘ajjhattaṃ suññataṃ upasampajja vihareyya’nti, tenānanda, bhikkhunā ajjhattameva cittaṃ saṇṭhapetabbaṃ sannisādetabbaṃ ekodi kātabbaṃ samādahātabbaṃ.
188. ‘‘гат̇ан̃жаананд̣̇а, бхигку аж̇жхад̇д̇амзва жид̇д̇ам̣ сан̣табзд̇и саннисаад̣̇зд̇и згод̣̇им̣ гарод̇и 9 самаад̣̇ахад̇и? ид̇хаананд̣̇а, бхигку вивижжзва гаамзхи вивижжа агусалзхи д̇хаммзхи…бз… батамам̣ жхаанам̣ убасамбаж̇ж̇а вихарад̇и…бз… д̣̇уд̇ияам̣ жхаанам̣… д̇ад̇ияам̣ жхаанам̣… жад̇уд̇т̇ам̣ жхаанам̣ убасамбаж̇ж̇а вихарад̇и. звам̣ ко, аананд̣̇а, бхигку аж̇жхад̇д̇амзва жид̇д̇ам̣ сан̣табзд̇и саннисаад̣̇зд̇и згод̣̇им̣ гарод̇и самаад̣̇ахад̇и. со аж̇жхад̇д̇ам̣ сун̃н̃ад̇ам̣ манаси гарод̇и. д̇асса аж̇жхад̇д̇ам̣ сун̃н̃ад̇ам̣ манасигарод̇о сун̃н̃ад̇ааяа жид̇д̇ам̣ на багканд̣̇ад̇и наббасийд̣̇ад̇и на санд̇идтад̇и на вимужжад̇и . звам̣ санд̇амзд̇ам̣, аананд̣̇а, бхигку звам̣ баж̇аанаад̇и – ‘аж̇жхад̇д̇ам̣ сун̃н̃ад̇ам̣ ко мз манасигарод̇о аж̇жхад̇д̇ам̣ сун̃н̃ад̇ааяа жид̇д̇ам̣ на багканд̣̇ад̇и наббасийд̣̇ад̇и на санд̇идтад̇и на вимужжад̇ий’д̇и. ид̇иха д̇ад̇т̇а самбаж̇аано ход̇и. со б̣ахид̣̇д̇хаа сун̃н̃ад̇ам̣ манаси гарод̇и…бз… со аж̇жхад̇д̇аб̣ахид̣̇д̇хаа сун̃н̃ад̇ам̣ манаси гарод̇и …бз… со аанзн̃ж̇ам̣ манаси гарод̇и. д̇асса аанзн̃ж̇ам̣ манасигарод̇о аанзн̃ж̇ааяа жид̇д̇ам̣ на багканд̣̇ад̇и наббасийд̣̇ад̇и на санд̇идтад̇и на вимужжад̇и. звам̣ санд̇амзд̇ам̣, аананд̣̇а, бхигку звам̣ баж̇аанаад̇и – ‘аанзн̃ж̇ам̣ ко мз манасигарод̇о аанзн̃ж̇ааяа жид̇д̇ам̣ на багканд̣̇ад̇и наббасийд̣̇ад̇и на санд̇идтад̇и на вимужжад̇ий’д̇и. ид̇иха д̇ад̇т̇а самбаж̇аано ход̇и.
188. ‘‘Kathañcānanda, bhikkhu ajjhattameva cittaṃ saṇṭhapeti sannisādeti ekodiṃ karoti 10 samādahati? Idhānanda, bhikkhu vivicceva kāmehi vivicca akusalehi dhammehi…pe… paṭhamaṃ jhānaṃ upasampajja viharati…pe… dutiyaṃ jhānaṃ… tatiyaṃ jhānaṃ… catutthaṃ jhānaṃ upasampajja viharati. Evaṃ kho, ānanda, bhikkhu ajjhattameva cittaṃ saṇṭhapeti sannisādeti ekodiṃ karoti samādahati. So ajjhattaṃ suññataṃ manasi karoti. Tassa ajjhattaṃ suññataṃ manasikaroto suññatāya cittaṃ na pakkhandati nappasīdati na santiṭṭhati na vimuccati . Evaṃ santametaṃ, ānanda, bhikkhu evaṃ pajānāti – ‘ajjhattaṃ suññataṃ kho me manasikaroto ajjhattaṃ suññatāya cittaṃ na pakkhandati nappasīdati na santiṭṭhati na vimuccatī’ti. Itiha tattha sampajāno hoti. So bahiddhā suññataṃ manasi karoti…pe… so ajjhattabahiddhā suññataṃ manasi karoti …pe… so āneñjaṃ manasi karoti. Tassa āneñjaṃ manasikaroto āneñjāya cittaṃ na pakkhandati nappasīdati na santiṭṭhati na vimuccati. Evaṃ santametaṃ, ānanda, bhikkhu evaṃ pajānāti – ‘āneñjaṃ kho me manasikaroto āneñjāya cittaṃ na pakkhandati nappasīdati na santiṭṭhati na vimuccatī’ti. Itiha tattha sampajāno hoti.
‘‘д̇знаананд̣̇а, бхигкунаа д̇асмим̣язва буримасмим̣ самаад̇хинимид̇д̇з аж̇жхад̇д̇амзва жид̇д̇ам̣ сан̣табзд̇аб̣б̣ам̣ саннисаад̣̇зд̇аб̣б̣ам̣ згод̣̇и гаад̇аб̣б̣ам̣ самаад̣̇ахаад̇аб̣б̣ам̣. со аж̇жхад̇д̇ам̣ сун̃н̃ад̇ам̣ манаси гарод̇и. д̇асса аж̇жхад̇д̇ам̣ сун̃н̃ад̇ам̣ манасигарод̇о аж̇жхад̇д̇ам̣ сун̃н̃ад̇ааяа жид̇д̇ам̣ багканд̣̇ад̇и басийд̣̇ад̇и санд̇идтад̇и вимужжад̇и. звам̣ санд̇амзд̇ам̣, аананд̣̇а, бхигку звам̣ баж̇аанаад̇и – ‘аж̇жхад̇д̇ам̣ сун̃н̃ад̇ам̣ ко мз манасигарод̇о аж̇жхад̇д̇ам̣ сун̃н̃ад̇ааяа жид̇д̇ам̣ багканд̣̇ад̇и басийд̣̇ад̇и санд̇идтад̇и вимужжад̇ий’д̇и. ид̇иха д̇ад̇т̇а самбаж̇аано ход̇и. со б̣ахид̣̇д̇хаа сун̃н̃ад̇ам̣ манаси гарод̇и…бз… со аж̇жхад̇д̇аб̣ахид̣̇д̇хаа сун̃н̃ад̇ам̣ манаси гарод̇и…бз… со аанзн̃ж̇ам̣ манаси гарод̇и. д̇асса аанзн̃ж̇ам̣ манасигарод̇о аанзн̃ж̇ааяа жид̇д̇ам̣ багканд̣̇ад̇и басийд̣̇ад̇и санд̇идтад̇и вимужжад̇и. звам̣ санд̇амзд̇ам̣, аананд̣̇а, бхигку звам̣ баж̇аанаад̇и – ‘аанзн̃ж̇ам̣ ко мз манасигарод̇о аанзн̃ж̇ааяа жид̇д̇ам̣ багканд̣̇ад̇и басийд̣̇ад̇и санд̇идтад̇и вимужжад̇ий’д̇и. ид̇иха д̇ад̇т̇а самбаж̇аано ход̇и.
‘‘Tenānanda, bhikkhunā tasmiṃyeva purimasmiṃ samādhinimitte ajjhattameva cittaṃ saṇṭhapetabbaṃ sannisādetabbaṃ ekodi kātabbaṃ samādahātabbaṃ. So ajjhattaṃ suññataṃ manasi karoti. Tassa ajjhattaṃ suññataṃ manasikaroto ajjhattaṃ suññatāya cittaṃ pakkhandati pasīdati santiṭṭhati vimuccati. Evaṃ santametaṃ, ānanda, bhikkhu evaṃ pajānāti – ‘ajjhattaṃ suññataṃ kho me manasikaroto ajjhattaṃ suññatāya cittaṃ pakkhandati pasīdati santiṭṭhati vimuccatī’ti. Itiha tattha sampajāno hoti. So bahiddhā suññataṃ manasi karoti…pe… so ajjhattabahiddhā suññataṃ manasi karoti…pe… so āneñjaṃ manasi karoti. Tassa āneñjaṃ manasikaroto āneñjāya cittaṃ pakkhandati pasīdati santiṭṭhati vimuccati. Evaṃ santametaṃ, ānanda, bhikkhu evaṃ pajānāti – ‘āneñjaṃ kho me manasikaroto āneñjāya cittaṃ pakkhandati pasīdati santiṭṭhati vimuccatī’ti. Itiha tattha sampajāno hoti.
189. ‘‘д̇асса жз, аананд̣̇а, бхигкуно иминаа вихаарзна вихарад̇о жан̇гамааяа жид̇д̇ам̣ намад̇и, со жан̇гамад̇и – ‘звам̣ мам̣ жан̇гаманд̇ам̣ наабхиж̇жхаад̣̇оманассаа баабагаа агусалаа д̇хаммаа анваассависсанд̇ий’д̇и . ид̇иха д̇ад̇т̇а самбаж̇аано ход̇и. д̇асса жз, аананд̣̇а, бхигкуно иминаа вихаарзна вихарад̇о таанааяа жид̇д̇ам̣ намад̇и, со д̇идтад̇и – ‘звам̣ мам̣ тид̇ам̣ наабхиж̇жхаад̣̇оманассаа баабагаа агусалаа д̇хаммаа анваассависсанд̇ий’д̇и. ид̇иха д̇ад̇т̇а самбаж̇аано ход̇и. д̇асса жз, аананд̣̇а, бхигкуно иминаа вихаарзна вихарад̇о нисаж̇ж̇ааяа жид̇д̇ам̣ намад̇и, со нисийд̣̇ад̇и – ‘звам̣ мам̣ нисиннам̣ наабхиж̇жхаад̣̇оманассаа баабагаа агусалаа д̇хаммаа анваассависсанд̇ий’д̇и. ид̇иха д̇ад̇т̇а самбаж̇аано ход̇и. д̇асса жз, аананд̣̇а, бхигкуно иминаа вихаарзна вихарад̇о саяанааяа жид̇д̇ам̣ намад̇и , со саяад̇и – ‘звам̣ мам̣ саяанд̇ам̣ наабхиж̇жхаад̣̇оманассаа баабагаа агусалаа д̇хаммаа анваассависсанд̇ий’д̇и. ид̇иха д̇ад̇т̇а самбаж̇аано ход̇и.
189. ‘‘Tassa ce, ānanda, bhikkhuno iminā vihārena viharato caṅkamāya cittaṃ namati, so caṅkamati – ‘evaṃ maṃ caṅkamantaṃ nābhijjhādomanassā pāpakā akusalā dhammā anvāssavissantī’ti . Itiha tattha sampajāno hoti. Tassa ce, ānanda, bhikkhuno iminā vihārena viharato ṭhānāya cittaṃ namati, so tiṭṭhati – ‘evaṃ maṃ ṭhitaṃ nābhijjhādomanassā pāpakā akusalā dhammā anvāssavissantī’ti. Itiha tattha sampajāno hoti. Tassa ce, ānanda, bhikkhuno iminā vihārena viharato nisajjāya cittaṃ namati, so nisīdati – ‘evaṃ maṃ nisinnaṃ nābhijjhādomanassā pāpakā akusalā dhammā anvāssavissantī’ti. Itiha tattha sampajāno hoti. Tassa ce, ānanda, bhikkhuno iminā vihārena viharato sayanāya cittaṃ namati , so sayati – ‘evaṃ maṃ sayantaṃ nābhijjhādomanassā pāpakā akusalā dhammā anvāssavissantī’ti. Itiha tattha sampajāno hoti.
‘‘д̇асса жз, аананд̣̇а, бхигкуно иминаа вихаарзна вихарад̇о гат̇ааяа 11 жид̇д̇ам̣ намад̇и, со – ‘яааяам̣ гат̇аа хийнаа г̇аммаа бот̇уж̇ж̇анигаа анарияаа анад̇т̇асам̣хид̇аа на ниб̣б̣ид̣̇ааяа на вирааг̇ааяа на нирод̇хааяа на убасамааяа на абхин̃н̃ааяа на самб̣од̇хааяа на ниб̣б̣аанааяа сам̣вад̇д̇ад̇и, сзяяат̇ид̣̇ам̣ – рааж̇агат̇аа жорагат̇аа махаамад̇д̇агат̇аа сзнаагат̇аа бхаяагат̇аа яуд̣̇д̇хагат̇аа аннагат̇аа баанагат̇аа вад̇т̇агат̇аа саяанагат̇аа маалаагат̇аа г̇анд̇хагат̇аа н̃аад̇игат̇аа яаанагат̇аа г̇аамагат̇аа ниг̇амагат̇аа наг̇арагат̇аа ж̇анабад̣̇агат̇аа ид̇т̇игат̇аа сураагат̇аа висикаагат̇аа гумбхадтаанагат̇аа буб̣б̣абзд̇агат̇аа наанад̇д̇агат̇аа логагкааяигаа самуд̣̇д̣̇агкааяигаа ид̇ибхаваабхавагат̇аа ид̇и ваа ид̇и – зваруубим̣ гат̇ам̣ на гат̇зссаамий’д̇и. ид̇иха д̇ад̇т̇а самбаж̇аано ход̇и. яаа жа ко аяам̣, аананд̣̇а, гат̇аа абхисаллзкигаа жзд̇овинийваран̣асаббааяаа 12 зганд̇аниб̣б̣ид̣̇ааяа вирааг̇ааяа нирод̇хааяа убасамааяа абхин̃н̃ааяа самб̣од̇хааяа ниб̣б̣аанааяа сам̣вад̇д̇ад̇и, сзяяат̇ид̣̇ам̣ – аббижчагат̇аа санд̇удтигат̇аа бавивзгагат̇аа асам̣саг̇г̇агат̇аа вийрияаарамбхагат̇аа сийлагат̇аа самаад̇хигат̇аа бан̃н̃аагат̇аа вимуд̇д̇игат̇аа вимуд̇д̇ин̃аан̣ад̣̇ассанагат̇аа ид̇и – ‘зваруубим̣ гат̇ам̣ гат̇зссаамий’д̇и. ид̇иха д̇ад̇т̇а самбаж̇аано ход̇и.
‘‘Tassa ce, ānanda, bhikkhuno iminā vihārena viharato kathāya 13 cittaṃ namati, so – ‘yāyaṃ kathā hīnā gammā pothujjanikā anariyā anatthasaṃhitā na nibbidāya na virāgāya na nirodhāya na upasamāya na abhiññāya na sambodhāya na nibbānāya saṃvattati, seyyathidaṃ – rājakathā corakathā mahāmattakathā senākathā bhayakathā yuddhakathā annakathā pānakathā vatthakathā sayanakathā mālākathā gandhakathā ñātikathā yānakathā gāmakathā nigamakathā nagarakathā janapadakathā itthikathā surākathā visikhākathā kumbhaṭṭhānakathā pubbapetakathā nānattakathā lokakkhāyikā samuddakkhāyikā itibhavābhavakathā iti vā iti – evarūpiṃ kathaṃ na kathessāmī’ti. Itiha tattha sampajāno hoti. Yā ca kho ayaṃ, ānanda, kathā abhisallekhikā cetovinīvaraṇasappāyā 14 ekantanibbidāya virāgāya nirodhāya upasamāya abhiññāya sambodhāya nibbānāya saṃvattati, seyyathidaṃ – appicchakathā santuṭṭhikathā pavivekakathā asaṃsaggakathā vīriyārambhakathā sīlakathā samādhikathā paññākathā vimuttikathā vimuttiñāṇadassanakathā iti – ‘evarūpiṃ kathaṃ kathessāmī’ti. Itiha tattha sampajāno hoti.
‘‘д̇асса жз, аананд̣̇а, бхигкуно иминаа вихаарзна вихарад̇о вид̇аггааяа жид̇д̇ам̣ намад̇и, со – ‘яз д̇з вид̇аггаа хийнаа г̇аммаа бот̇уж̇ж̇анигаа анарияаа анад̇т̇асам̣хид̇аа на ниб̣б̣ид̣̇ааяа на вирааг̇ааяа на нирод̇хааяа на убасамааяа на абхин̃н̃ааяа на самб̣од̇хааяа на ниб̣б̣аанааяа сам̣вад̇д̇анд̇и, сзяяат̇ид̣̇ам̣ – гаамавид̇агго б̣яаабаад̣̇авид̇агго вихим̣саавид̇агго ид̇и зваруубз вид̇аггз 15 на вид̇аггзссаамий’д̇и. ид̇иха д̇ад̇т̇а самбаж̇аано ход̇и. яз жа ко имз, аананд̣̇а, вид̇аггаа арияаа нияяаанигаа нияяанд̇и д̇аггарасса саммаад̣̇угкагкаяааяа, сзяяат̇ид̣̇ам̣ – нзгкаммавид̇агго аб̣яаабаад̣̇авид̇агго авихим̣саавид̇агго ид̇и – ‘зваруубз вид̇аггз 16 вид̇аггзссаамий’д̇и. ид̇иха д̇ад̇т̇а самбаж̇аано ход̇и.
‘‘Tassa ce, ānanda, bhikkhuno iminā vihārena viharato vitakkāya cittaṃ namati, so – ‘ye te vitakkā hīnā gammā pothujjanikā anariyā anatthasaṃhitā na nibbidāya na virāgāya na nirodhāya na upasamāya na abhiññāya na sambodhāya na nibbānāya saṃvattanti, seyyathidaṃ – kāmavitakko byāpādavitakko vihiṃsāvitakko iti evarūpe vitakke 17 na vitakkessāmī’ti. Itiha tattha sampajāno hoti. Ye ca kho ime, ānanda, vitakkā ariyā niyyānikā niyyanti takkarassa sammādukkhakkhayāya, seyyathidaṃ – nekkhammavitakko abyāpādavitakko avihiṃsāvitakko iti – ‘evarūpe vitakke 18 vitakkessāmī’ti. Itiha tattha sampajāno hoti.
190. ‘‘бан̃жа ко имз, аананд̣̇а, гаамаг̇ун̣аа. гад̇амз бан̃жа? жагкувин̃н̃зяяаа руубаа идтаа ганд̇аа манаабаа бияаруубаа гаамуубасам̣хид̇аа раж̇анийяаа, сод̇авин̃н̃зяяаа сад̣̇д̣̇аа… гхаанавин̃н̃зяяаа г̇анд̇хаа… ж̇ивхаавин̃н̃зяяаа расаа… гааяавин̃н̃зяяаа подтаб̣б̣аа идтаа ганд̇аа манаабаа бияаруубаа гаамуубасам̣хид̇аа раж̇анийяаа – имз ко, аананд̣̇а, бан̃жа гаамаг̇ун̣аа яад̇т̇а бхигкунаа абхигкан̣ам̣ сагам̣ жид̇д̇ам̣ бажжавзгкид̇аб̣б̣ам̣ – ‘ад̇т̇и ну ко мз имзсу бан̃жасу гаамаг̇ун̣зсу ан̃н̃ад̇арасмим̣ ваа ан̃н̃ад̇арасмим̣ ваа ааяад̇анз уббаж̇ж̇ад̇и жзд̇асо самуд̣̇аажааро’д̇и? сажз, аананд̣̇а, бхигку бажжавзгкамаано звам̣ баж̇аанаад̇и – ‘ад̇т̇и ко мз имзсу бан̃жасу гаамаг̇ун̣зсу ан̃н̃ад̇арасмим̣ ваа ан̃н̃ад̇арасмим̣ ваа ааяад̇анз уббаж̇ж̇ад̇и жзд̇асо самуд̣̇аажааро’д̇и, звам̣ санд̇амзд̇ам̣ 19, аананд̣̇а, бхигку звам̣ баж̇аанаад̇и – ‘яо ко имзсу бан̃жасу гаамаг̇ун̣зсу чанд̣̇арааг̇о со мз наббахийно’д̇и. ид̇иха д̇ад̇т̇а самбаж̇аано ход̇и. сажз банаананд̣̇а, бхигку бажжавзгкамаано звам̣ баж̇аанаад̇и – ‘над̇т̇и ко мз имзсу бан̃жасу гаамаг̇ун̣зсу ан̃н̃ад̇арасмим̣ ваа ан̃н̃ад̇арасмим̣ ваа ааяад̇анз уббаж̇ж̇ад̇и жзд̇асо самуд̣̇аажааро’д̇и, звам̣ санд̇амзд̇ам̣, аананд̣̇а, бхигку звам̣ баж̇аанаад̇и – ‘яо ко имзсу бан̃жасу гаамаг̇ун̣зсу чанд̣̇арааг̇о со мз бахийно’д̇и. ид̇иха д̇ад̇т̇а самбаж̇аано ход̇и.
190. ‘‘Pañca kho ime, ānanda, kāmaguṇā. Katame pañca? Cakkhuviññeyyā rūpā iṭṭhā kantā manāpā piyarūpā kāmūpasaṃhitā rajanīyā, sotaviññeyyā saddā… ghānaviññeyyā gandhā… jivhāviññeyyā rasā… kāyaviññeyyā phoṭṭhabbā iṭṭhā kantā manāpā piyarūpā kāmūpasaṃhitā rajanīyā – ime kho, ānanda, pañca kāmaguṇā yattha bhikkhunā abhikkhaṇaṃ sakaṃ cittaṃ paccavekkhitabbaṃ – ‘atthi nu kho me imesu pañcasu kāmaguṇesu aññatarasmiṃ vā aññatarasmiṃ vā āyatane uppajjati cetaso samudācāro’ti? Sace, ānanda, bhikkhu paccavekkhamāno evaṃ pajānāti – ‘atthi kho me imesu pañcasu kāmaguṇesu aññatarasmiṃ vā aññatarasmiṃ vā āyatane uppajjati cetaso samudācāro’ti, evaṃ santametaṃ 20, ānanda, bhikkhu evaṃ pajānāti – ‘yo kho imesu pañcasu kāmaguṇesu chandarāgo so me nappahīno’ti. Itiha tattha sampajāno hoti. Sace panānanda, bhikkhu paccavekkhamāno evaṃ pajānāti – ‘natthi kho me imesu pañcasu kāmaguṇesu aññatarasmiṃ vā aññatarasmiṃ vā āyatane uppajjati cetaso samudācāro’ti, evaṃ santametaṃ, ānanda, bhikkhu evaṃ pajānāti – ‘yo kho imesu pañcasu kāmaguṇesu chandarāgo so me pahīno’ti. Itiha tattha sampajāno hoti.
191. ‘‘бан̃жа ко имз, аананд̣̇а, убаад̣̇аанагканд̇хаа яад̇т̇а бхигкунаа уд̣̇аяаб̣б̣аяаанубассинаа вихаад̇аб̣б̣ам̣ – ‘ид̇и руубам̣ ид̇и руубасса самуд̣̇аяо ид̇и руубасса ад̇т̇ан̇г̇амо, ид̇и взд̣̇анаа… ид̇и сан̃н̃аа… ид̇и сан̇каараа… ид̇и вин̃н̃аан̣ам̣ ид̇и вин̃н̃аан̣асса самуд̣̇аяо ид̇и вин̃н̃аан̣асса ад̇т̇ан̇г̇амо’д̇и. д̇асса имзсу бан̃жасу убаад̣̇аанагканд̇хзсу уд̣̇аяаб̣б̣аяаанубассино вихарад̇о яо бан̃жасу убаад̣̇аанагканд̇хзсу асмимаано со бахийяад̇и. звам̣ санд̇амзд̇ам̣, аананд̣̇а, бхигку звам̣ баж̇аанаад̇и – ‘яо ко имзсу бан̃жасу убаад̣̇аанагканд̇хзсу асмимаано со мз бахийно’д̇и. ид̇иха д̇ад̇т̇а самбаж̇аано ход̇и. имз ко д̇з, аананд̣̇а, д̇хаммаа зганд̇агусалаа гусалааяаад̇игаа 21 арияаа логуд̇д̇араа анавагганд̇аа баабимад̇аа. д̇ам̣ гим̣ ман̃н̃аси, аананд̣̇а, гам̣ ад̇т̇авасам̣ самбассамаано арахад̇и сааваго сад̇т̇аарам̣ ануб̣анд̇хид̇ум̣ аби бан̣уж̇ж̇амаано’’д̇и 22? ‘‘бхаг̇авам̣муулагаа но, бханд̇з, д̇хаммаа бхаг̇авам̣нзд̇д̇игаа бхаг̇авам̣бадисаран̣аа . саад̇ху вад̇а, бханд̇з, бхаг̇аванд̇ам̣язва бадибхаад̇у зд̇асса бхаасид̇асса ад̇т̇о. бхаг̇авад̇о суд̇ваа бхигкуу д̇хаарзссанд̇ий’’д̇и.
191. ‘‘Pañca kho ime, ānanda, upādānakkhandhā yattha bhikkhunā udayabbayānupassinā vihātabbaṃ – ‘iti rūpaṃ iti rūpassa samudayo iti rūpassa atthaṅgamo, iti vedanā… iti saññā… iti saṅkhārā… iti viññāṇaṃ iti viññāṇassa samudayo iti viññāṇassa atthaṅgamo’ti. Tassa imesu pañcasu upādānakkhandhesu udayabbayānupassino viharato yo pañcasu upādānakkhandhesu asmimāno so pahīyati. Evaṃ santametaṃ, ānanda, bhikkhu evaṃ pajānāti – ‘yo kho imesu pañcasu upādānakkhandhesu asmimāno so me pahīno’ti. Itiha tattha sampajāno hoti. Ime kho te, ānanda, dhammā ekantakusalā kusalāyātikā 23 ariyā lokuttarā anavakkantā pāpimatā. Taṃ kiṃ maññasi, ānanda, kaṃ atthavasaṃ sampassamāno arahati sāvako satthāraṃ anubandhituṃ api paṇujjamāno’’ti 24? ‘‘Bhagavaṃmūlakā no, bhante, dhammā bhagavaṃnettikā bhagavaṃpaṭisaraṇā . Sādhu vata, bhante, bhagavantaṃyeva paṭibhātu etassa bhāsitassa attho. Bhagavato sutvā bhikkhū dhāressantī’’ti.
192. ‘‘на ко, аананд̣̇а, арахад̇и сааваго сад̇т̇аарам̣ ануб̣анд̇хид̇ум̣, яад̣̇ид̣̇ам̣ суд̇д̇ам̣ г̇зяяам̣ взяяаагаран̣ам̣ д̇асса хзд̇у 25. д̇ам̣ гисса хзд̇у? д̣̇ийгхарад̇д̇асса 26 хи д̇з, аананд̣̇а, д̇хаммаа суд̇аа д̇хаад̇аа важасаа барижид̇аа манасаанубзгкид̇аа д̣̇идтияаа суббадивид̣̇д̇хаа. яаа жа ко аяам̣, аананд̣̇а, гат̇аа абхисаллзкигаа жзд̇овинийваран̣асаббааяаа зганд̇аниб̣б̣ид̣̇ааяа вирааг̇ааяа нирод̇хааяа убасамаа абхин̃н̃ааяа самб̣од̇хааяа ниб̣б̣аанааяа сам̣вад̇д̇ад̇и, сзяяат̇ид̣̇ам̣ – аббижчагат̇аа санд̇удтигат̇аа бавивзгагат̇аа асам̣саг̇г̇агат̇аа вийрияаарамбхагат̇аа сийлагат̇аа самаад̇хигат̇аа бан̃н̃аагат̇аа вимуд̇д̇игат̇аа вимуд̇д̇ин̃аан̣ад̣̇ассанагат̇аа – зваруубияаа ко, аананд̣̇а, гат̇ааяа хзд̇у арахад̇и сааваго сад̇т̇аарам̣ ануб̣анд̇хид̇ум̣ аби бан̣уж̇ж̇амаано.
192. ‘‘Na kho, ānanda, arahati sāvako satthāraṃ anubandhituṃ, yadidaṃ suttaṃ geyyaṃ veyyākaraṇaṃ tassa hetu 27. Taṃ kissa hetu? Dīgharattassa 28 hi te, ānanda, dhammā sutā dhātā vacasā paricitā manasānupekkhitā diṭṭhiyā suppaṭividdhā. Yā ca kho ayaṃ, ānanda, kathā abhisallekhikā cetovinīvaraṇasappāyā ekantanibbidāya virāgāya nirodhāya upasamā abhiññāya sambodhāya nibbānāya saṃvattati, seyyathidaṃ – appicchakathā santuṭṭhikathā pavivekakathā asaṃsaggakathā vīriyārambhakathā sīlakathā samādhikathā paññākathā vimuttikathā vimuttiñāṇadassanakathā – evarūpiyā kho, ānanda, kathāya hetu arahati sāvako satthāraṃ anubandhituṃ api paṇujjamāno.
‘‘звам̣ санд̇з ко, аананд̣̇а, аажарияуубад̣̇д̣̇аво ход̇и, звам̣ санд̇з анд̇зваасуубад̣̇д̣̇аво ход̇и, звам̣ санд̇з б̣рахмажааруубад̣̇д̣̇аво ход̇и.
‘‘Evaṃ sante kho, ānanda, ācariyūpaddavo hoti, evaṃ sante antevāsūpaddavo hoti, evaṃ sante brahmacārūpaddavo hoti.
193. ‘‘гат̇ан̃жаананд̣̇а, аажарияуубад̣̇д̣̇аво ход̇и? ид̇хаананд̣̇а, згажжо сад̇т̇аа вивид̇д̇ам̣ сзнаасанам̣ бхаж̇ад̇и аран̃н̃ам̣ ругкамуулам̣ баб̣б̣ад̇ам̣ ганд̣̇арам̣ г̇ириг̇ухам̣ сусаанам̣ ванабад̇т̇ам̣ аб̣бхогаасам̣ балаалабун̃ж̇ам̣. д̇асса д̇ат̇аавуубагадтасса вихарад̇о анваавад̇д̇анд̇и 29 б̣раахман̣аг̇ахабад̇игаа нзг̇амаа жзва ж̇аанабад̣̇аа жа. со анваавад̇д̇анд̇зсу б̣раахман̣аг̇ахабад̇игзсу нзг̇амзсу жзва ж̇аанабад̣̇зсу жа мужчам̣ нигаамаяад̇и 30, г̇зд̇хам̣ аабаж̇ж̇ад̇и, аавад̇д̇ад̇и б̣аахуллааяа. аяам̣ вужжад̇аананд̣̇а, убад̣̇д̣̇аво 31 аажарияо. аажарияуубад̣̇д̣̇авзна авад̇хим̣су нам̣ баабагаа агусалаа д̇хаммаа сам̣гилзсигаа боноб̣бхавигаа 32 сад̣̇араа д̣̇угкавибаагаа ааяад̇им̣ ж̇аад̇иж̇араамаран̣ияаа. звам̣ ко, аананд̣̇а, аажарияуубад̣̇д̣̇аво ход̇и.
193. ‘‘Kathañcānanda, ācariyūpaddavo hoti? Idhānanda, ekacco satthā vivittaṃ senāsanaṃ bhajati araññaṃ rukkhamūlaṃ pabbataṃ kandaraṃ giriguhaṃ susānaṃ vanapatthaṃ abbhokāsaṃ palālapuñjaṃ. Tassa tathāvūpakaṭṭhassa viharato anvāvattanti 33 brāhmaṇagahapatikā negamā ceva jānapadā ca. So anvāvattantesu brāhmaṇagahapatikesu negamesu ceva jānapadesu ca mucchaṃ nikāmayati 34, gedhaṃ āpajjati, āvattati bāhullāya. Ayaṃ vuccatānanda, upaddavo 35 ācariyo. Ācariyūpaddavena avadhiṃsu naṃ pāpakā akusalā dhammā saṃkilesikā ponobbhavikā 36 sadarā dukkhavipākā āyatiṃ jātijarāmaraṇiyā. Evaṃ kho, ānanda, ācariyūpaddavo hoti.
194. ‘‘гат̇ан̃жаананд̣̇а, анд̇зваасуубад̣̇д̣̇аво ход̇и? д̇ассзва ко банаананд̣̇а, сад̇т̇у сааваго д̇асса сад̇т̇у вивзгамануб̣руухаяамаано вивид̇д̇ам̣ сзнаасанам̣ бхаж̇ад̇и аран̃н̃ам̣ ругкамуулам̣ баб̣б̣ад̇ам̣ ганд̣̇арам̣ г̇ириг̇ухам̣ сусаанам̣ ванабад̇т̇ам̣ аб̣бхогаасам̣ балаалабун̃ж̇ам̣. д̇асса д̇ат̇аавуубагадтасса вихарад̇о анваавад̇д̇анд̇и б̣раахман̣аг̇ахабад̇игаа нзг̇амаа жзва ж̇аанабад̣̇аа жа. со анваавад̇д̇анд̇зсу б̣раахман̣аг̇ахабад̇игзсу нзг̇амзсу жзва ж̇аанабад̣̇зсу жа мужчам̣ нигаамаяад̇и, г̇зд̇хам̣ аабаж̇ж̇ад̇и, аавад̇д̇ад̇и б̣аахуллааяа. аяам̣ вужжад̇аананд̣̇а, убад̣̇д̣̇аво анд̇зваасий. анд̇зваасуубад̣̇д̣̇авзна авад̇хим̣су нам̣ баабагаа агусалаа д̇хаммаа сам̣гилзсигаа боноб̣бхавигаа сад̣̇араа д̣̇угкавибаагаа ааяад̇им̣ ж̇аад̇иж̇араамаран̣ияаа. звам̣ ко, аананд̣̇а, анд̇зваасуубад̣̇д̣̇аво ход̇и.
194. ‘‘Kathañcānanda, antevāsūpaddavo hoti? Tasseva kho panānanda, satthu sāvako tassa satthu vivekamanubrūhayamāno vivittaṃ senāsanaṃ bhajati araññaṃ rukkhamūlaṃ pabbataṃ kandaraṃ giriguhaṃ susānaṃ vanapatthaṃ abbhokāsaṃ palālapuñjaṃ. Tassa tathāvūpakaṭṭhassa viharato anvāvattanti brāhmaṇagahapatikā negamā ceva jānapadā ca. So anvāvattantesu brāhmaṇagahapatikesu negamesu ceva jānapadesu ca mucchaṃ nikāmayati, gedhaṃ āpajjati, āvattati bāhullāya. Ayaṃ vuccatānanda, upaddavo antevāsī. Antevāsūpaddavena avadhiṃsu naṃ pāpakā akusalā dhammā saṃkilesikā ponobbhavikā sadarā dukkhavipākā āyatiṃ jātijarāmaraṇiyā. Evaṃ kho, ānanda, antevāsūpaddavo hoti.
195. ‘‘гат̇ан̃жаананд̣̇а, б̣рахмажааруубад̣̇д̣̇аво ход̇и? ид̇хаананд̣̇а, д̇ат̇ааг̇ад̇о логз уббаж̇ж̇ад̇и арахам̣ саммаасамб̣уд̣̇д̇хо виж̇ж̇аажаран̣асамбанно суг̇ад̇о логавид̣̇уу ануд̇д̇аро бурисад̣̇аммасаарат̇и сад̇т̇аа д̣̇звамануссаанам̣ б̣уд̣̇д̇хо бхаг̇аваа. со вивид̇д̇ам̣ сзнаасанам̣ бхаж̇ад̇и аран̃н̃ам̣ ругкамуулам̣ баб̣б̣ад̇ам̣ ганд̣̇арам̣ г̇ириг̇ухам̣ сусаанам̣ ванабад̇т̇ам̣ аб̣бхогаасам̣ балаалабун̃ж̇ам̣. д̇асса д̇ат̇аавуубагадтасса вихарад̇о анваавад̇д̇анд̇и б̣раахман̣аг̇ахабад̇игаа нзг̇амаа жзва ж̇аанабад̣̇аа жа. со анваавад̇д̇анд̇зсу б̣раахман̣аг̇ахабад̇игзсу нзг̇амзсу жзва ж̇аанабад̣̇зсу жа на мужчам̣ нигаамаяад̇и, на г̇зд̇хам̣ аабаж̇ж̇ад̇и, на аавад̇д̇ад̇и б̣аахуллааяа. д̇ассзва ко банаананд̣̇а, сад̇т̇у сааваго д̇асса сад̇т̇у вивзгамануб̣руухаяамаано вивид̇д̇ам̣ сзнаасанам̣ бхаж̇ад̇и аран̃н̃ам̣ ругкамуулам̣ баб̣б̣ад̇ам̣ ганд̣̇арам̣ г̇ириг̇ухам̣ сусаанам̣ ванабад̇т̇ам̣ аб̣бхогаасам̣ балаалабун̃ж̇ам̣. д̇асса д̇ат̇аавуубагадтасса вихарад̇о анваавад̇д̇анд̇и б̣раахман̣аг̇ахабад̇игаа нзг̇амаа жзва ж̇аанабад̣̇аа жа. со анваавад̇д̇анд̇зсу б̣раахман̣аг̇ахабад̇игзсу нзг̇амзсу жзва ж̇аанабад̣̇зсу жа мужчам̣ нигаамаяад̇и, г̇зд̇хам̣ аабаж̇ж̇ад̇и, аавад̇д̇ад̇и б̣аахуллааяа. аяам̣ вужжад̇аананд̣̇а, убад̣̇д̣̇аво б̣рахмажаарий. б̣рахмажааруубад̣̇д̣̇авзна авад̇хим̣су нам̣ баабагаа агусалаа д̇хаммаа сам̣гилзсигаа боноб̣бхавигаа сад̣̇араа д̣̇угкавибаагаа ааяад̇им̣ ж̇аад̇иж̇араамаран̣ияаа. звам̣ ко, аананд̣̇а, б̣рахмажааруубад̣̇д̣̇аво ход̇и.
195. ‘‘Kathañcānanda, brahmacārūpaddavo hoti? Idhānanda, tathāgato loke uppajjati arahaṃ sammāsambuddho vijjācaraṇasampanno sugato lokavidū anuttaro purisadammasārathi satthā devamanussānaṃ buddho bhagavā. So vivittaṃ senāsanaṃ bhajati araññaṃ rukkhamūlaṃ pabbataṃ kandaraṃ giriguhaṃ susānaṃ vanapatthaṃ abbhokāsaṃ palālapuñjaṃ. Tassa tathāvūpakaṭṭhassa viharato anvāvattanti brāhmaṇagahapatikā negamā ceva jānapadā ca. So anvāvattantesu brāhmaṇagahapatikesu negamesu ceva jānapadesu ca na mucchaṃ nikāmayati, na gedhaṃ āpajjati, na āvattati bāhullāya. Tasseva kho panānanda, satthu sāvako tassa satthu vivekamanubrūhayamāno vivittaṃ senāsanaṃ bhajati araññaṃ rukkhamūlaṃ pabbataṃ kandaraṃ giriguhaṃ susānaṃ vanapatthaṃ abbhokāsaṃ palālapuñjaṃ. Tassa tathāvūpakaṭṭhassa viharato anvāvattanti brāhmaṇagahapatikā negamā ceva jānapadā ca. So anvāvattantesu brāhmaṇagahapatikesu negamesu ceva jānapadesu ca mucchaṃ nikāmayati, gedhaṃ āpajjati, āvattati bāhullāya. Ayaṃ vuccatānanda, upaddavo brahmacārī. Brahmacārūpaddavena avadhiṃsu naṃ pāpakā akusalā dhammā saṃkilesikā ponobbhavikā sadarā dukkhavipākā āyatiṃ jātijarāmaraṇiyā. Evaṃ kho, ānanda, brahmacārūpaddavo hoti.
‘‘д̇ад̇раананд̣̇а, яо жзвааяам̣ аажарияуубад̣̇д̣̇аво, яо жа анд̇зваасуубад̣̇д̣̇аво аяам̣ д̇зхи б̣рахмажааруубад̣̇д̣̇аво д̣̇угкавибаагад̇аро жзва гадугавибаагад̇аро жа, аби жа винибаад̇ааяа сам̣вад̇д̇ад̇и.
‘‘Tatrānanda, yo cevāyaṃ ācariyūpaddavo, yo ca antevāsūpaddavo ayaṃ tehi brahmacārūpaddavo dukkhavipākataro ceva kaṭukavipākataro ca, api ca vinipātāya saṃvattati.
196. ‘‘д̇асмаад̇иха мам̣, аананд̣̇а, мид̇д̇авад̇ааяа самуд̣̇аажарат̇а, маа сабад̇д̇авад̇ааяа. д̇ам̣ во бхависсад̇и д̣̇ийгхарад̇д̇ам̣ хид̇ааяа сукааяа.
196. ‘‘Tasmātiha maṃ, ānanda, mittavatāya samudācaratha, mā sapattavatāya. Taṃ vo bhavissati dīgharattaṃ hitāya sukhāya.
‘‘гат̇ан̃жаананд̣̇а , сад̇т̇аарам̣ саавагаа сабад̇д̇авад̇ааяа самуд̣̇аажаранд̇и, но мид̇д̇авад̇ааяа? ид̇хаананд̣̇а, сад̇т̇аа саавагаанам̣ д̇хаммам̣ д̣̇зсзд̇и анугамбаго хид̇зсий анугамбам̣ убаад̣̇ааяа – ‘ид̣̇ам̣ во хид̇ааяа, ид̣̇ам̣ во сукааяаа’д̇и. д̇асса саавагаа на суссуусанд̇и, на сод̇ам̣ од̣̇аханд̇и, на ан̃н̃аа жид̇д̇ам̣ убадтабзнд̇и, воггамма жа сад̇т̇усаасанаа вад̇д̇анд̇и. звам̣ ко, аананд̣̇а, сад̇т̇аарам̣ саавагаа сабад̇д̇авад̇ааяа самуд̣̇аажаранд̇и, но мид̇д̇авад̇ааяа.
‘‘Kathañcānanda , satthāraṃ sāvakā sapattavatāya samudācaranti, no mittavatāya? Idhānanda, satthā sāvakānaṃ dhammaṃ deseti anukampako hitesī anukampaṃ upādāya – ‘idaṃ vo hitāya, idaṃ vo sukhāyā’ti. Tassa sāvakā na sussūsanti, na sotaṃ odahanti, na aññā cittaṃ upaṭṭhapenti, vokkamma ca satthusāsanā vattanti. Evaṃ kho, ānanda, satthāraṃ sāvakā sapattavatāya samudācaranti, no mittavatāya.
‘‘гат̇ан̃жаананд̣̇а, сад̇т̇аарам̣ саавагаа мид̇д̇авад̇ааяа самуд̣̇аажаранд̇и, но сабад̇д̇авад̇ааяа? ид̇хаананд̣̇а, сад̇т̇аа саавагаанам̣ д̇хаммам̣ д̣̇зсзд̇и анугамбаго хид̇зсий анугамбам̣ убаад̣̇ааяа – ‘ид̣̇ам̣ во хид̇ааяа, ид̣̇ам̣ во сукааяаа’д̇и. д̇асса саавагаа суссуусанд̇и, сод̇ам̣ од̣̇аханд̇и, ан̃н̃аа жид̇д̇ам̣ убадтабзнд̇и, на жа воггама сад̇т̇усаасанаа вад̇д̇анд̇и. звам̣ ко, аананд̣̇а, сад̇т̇аарам̣ саавагаа мид̇д̇авад̇ааяа самуд̣̇аажаранд̇и, но сабад̇д̇авад̇ааяа.
‘‘Kathañcānanda, satthāraṃ sāvakā mittavatāya samudācaranti, no sapattavatāya? Idhānanda, satthā sāvakānaṃ dhammaṃ deseti anukampako hitesī anukampaṃ upādāya – ‘idaṃ vo hitāya, idaṃ vo sukhāyā’ti. Tassa sāvakā sussūsanti, sotaṃ odahanti, aññā cittaṃ upaṭṭhapenti, na ca vokkama satthusāsanā vattanti. Evaṃ kho, ānanda, satthāraṃ sāvakā mittavatāya samudācaranti, no sapattavatāya.
‘‘д̇асмаад̇иха мам̣, аананд̣̇а, мид̇д̇авад̇ааяа самуд̣̇аажарат̇а, маа сабад̇д̇авад̇ааяа. д̇ам̣ во бхависсад̇и д̣̇ийгхарад̇д̇ам̣ хид̇ааяа сукааяа. на во ахам̣, аананд̣̇а, д̇ат̇аа бараггамиссаами яат̇аа гумбхагааро аамагз аамагамад̇д̇з. ниг̇г̇аяха ниг̇г̇аяхаахам̣, аананд̣̇а, вагкаами; баваяха баваяха, аананд̣̇а, вагкаами 37. яо сааро со тассад̇ий’’д̇и.
‘‘Tasmātiha maṃ, ānanda, mittavatāya samudācaratha, mā sapattavatāya. Taṃ vo bhavissati dīgharattaṃ hitāya sukhāya. Na vo ahaṃ, ānanda, tathā parakkamissāmi yathā kumbhakāro āmake āmakamatte. Niggayha niggayhāhaṃ, ānanda, vakkhāmi; pavayha pavayha, ānanda, vakkhāmi 38. Yo sāro so ṭhassatī’’ti.
ид̣̇амавожа бхаг̇аваа. ад̇д̇амано ааяасмаа аананд̣̇о бхаг̇авад̇о бхаасид̇ам̣ абхинанд̣̇ийд̇и.
Idamavoca bhagavā. Attamano āyasmā ānando bhagavato bhāsitaṃ abhinandīti.
махаасун̃н̃ад̇асуд̇д̇ам̣ нидтид̇ам̣ д̣̇уд̇ияам̣.
Mahāsuññatasuttaṃ niṭṭhitaṃ dutiyaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 2. махаасун̃н̃ад̇асуд̇д̇аван̣н̣анаа • 2. Mahāsuññatasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 2. махаасун̃н̃ад̇асуд̇д̇аван̣н̣анаа • 2. Mahāsuññatasuttavaṇṇanā
