| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[77] 7. махаасубинаж̇аад̇агаван̣н̣анаа
[77] 7. Mahāsupinajātakavaṇṇanā
лааб̣ууни сийд̣̇анд̇ийд̇и ид̣̇ам̣ сад̇т̇аа ж̇зд̇аванз вихаранд̇о сол̣аса махаасубинз аараб̣бха гат̇зси. згад̣̇ивасам̣ гира госаламахаарааж̇аа рад̇д̇им̣ нид̣̇д̣̇уубаг̇ад̇о бажчимаяаамз сол̣аса махаасубинз д̣̇исваа бхийд̇ад̇асид̇о баб̣уж̇жхид̇ваа ‘‘имзсам̣ субинаанам̣ д̣̇идтад̇д̇аа гим̣ ну ко мз бхависсад̇ий’’д̇и маран̣абхаяад̇аж̇ж̇ид̇о саяанабидтз нисиннагова рад̇д̇им̣ вийд̇инаамзси.
Lābūnisīdantīti idaṃ satthā jetavane viharanto soḷasa mahāsupine ārabbha kathesi. Ekadivasaṃ kira kosalamahārājā rattiṃ niddūpagato pacchimayāme soḷasa mahāsupine disvā bhītatasito pabujjhitvā ‘‘imesaṃ supinānaṃ diṭṭhattā kiṃ nu kho me bhavissatī’’ti maraṇabhayatajjito sayanapiṭṭhe nisinnakova rattiṃ vītināmesi.
ат̇а нам̣ бабхаад̇ааяа рад̇д̇ияаа б̣раахман̣абурохид̇аа убасан̇гамид̇ваа ‘‘сукам̣ саяид̇т̇а, махаарааж̇аа’’д̇и бужчим̣су. ‘‘гуд̇о мз аажарияаа сукам̣, аж̇ж̇аахам̣ бажжуусасамаяз сол̣аса махаасубинз бассим̣, сомхи д̇зсам̣ д̣̇идтагаалад̇о бадтааяа бхаяаббад̇д̇о’’д̇и. ‘‘вад̣̇зт̇а, махаарааж̇а, суд̇ваа ж̇ааниссаамаа’’д̇и вуд̇д̇ам̣ б̣раахман̣аанам̣ д̣̇идтасубинз гат̇зд̇ваа ‘‘гим̣ ну ко мз имзсам̣ д̣̇идтагааран̣аа бхависсад̇ий’’д̇и бужчи. б̣раахман̣аа хад̇т̇з вид̇хуним̣су. ‘‘гасмаа хад̇т̇з вид̇хунат̇аа’’д̇и жа вуд̇д̇з ‘‘гагкал̣аа, махаарааж̇а, субинаа’’д̇и. ‘‘гаа д̇зсам̣ нибпад̇д̇и бхависсад̇ий’’д̇и? ‘‘раж̇ж̇анд̇арааяо ж̇ийвид̇анд̇арааяо бхог̇анд̇арааяод̇и имзсам̣ д̇ин̣н̣ам̣ анд̇арааяаанам̣ ан̃н̃ад̇аро’’д̇и. ‘‘саббадигаммаа, аббадигаммаа’’д̇и? ‘‘гаамам̣ зд̇з субинаа ад̇ипарусад̇д̇аа аббадигаммаа, маяам̣ бана д̇з саббадигаммз гариссаама, зд̇з бадиггамаабзд̇ум̣ асаггонд̇аанам̣ амхаагам̣ сигкид̇абхааво наама гим̣ гариссад̇ий’’д̇и. ‘‘гим̣ бана гад̇ваа бадиггамаабзссат̇аа’’д̇и? ‘‘саб̣б̣ажад̇уггзна яан̃н̃ам̣ яаж̇иссаама, махаарааж̇аа’’д̇и. рааж̇аа бхийд̇ад̇асид̇о ‘‘д̇зна хи аажарияаа мама ж̇ийвид̇ам̣ д̇умхаагам̣ хад̇т̇з ход̇у, киббам̣ мз сод̇т̇им̣ гарот̇аа’’д̇и ааха. б̣раахман̣аа ‘‘б̣ахум̣ д̇ханам̣ лабхиссаама, б̣ахум̣ каж̇ж̇абхож̇ж̇ам̣ аахараабзссаамаа’’д̇и хадтад̇удтаа ‘‘маа жинд̇аяид̇т̇а, махаарааж̇аа’’д̇и рааж̇аанам̣ самассаасзд̇ваа рааж̇анивзсанаа нигкамид̇ваа б̣ахинаг̇арз яан̃н̃ааваадам̣ гад̇ваа б̣ахуу жад̇уббад̣̇аг̇ан̣з т̇уун̣уубанийд̇з гад̇ваа багкиг̇ан̣з самаахарид̇ваа ‘‘ид̣̇ан̃жид̣̇ан̃жа лад̣̇д̇хум̣ ваддад̇ий’’д̇и бунаббунам̣ сан̃жаранд̇и.
Atha naṃ pabhātāya rattiyā brāhmaṇapurohitā upasaṅkamitvā ‘‘sukhaṃ sayittha, mahārājā’’ti pucchiṃsu. ‘‘Kuto me ācariyā sukhaṃ, ajjāhaṃ paccūsasamaye soḷasa mahāsupine passiṃ, somhi tesaṃ diṭṭhakālato paṭṭhāya bhayappatto’’ti. ‘‘Vadetha, mahārāja, sutvā jānissāmā’’ti vuttaṃ brāhmaṇānaṃ diṭṭhasupine kathetvā ‘‘kiṃ nu kho me imesaṃ diṭṭhakāraṇā bhavissatī’’ti pucchi. Brāhmaṇā hatthe vidhuniṃsu. ‘‘Kasmā hatthe vidhunathā’’ti ca vutte ‘‘kakkhaḷā, mahārāja, supinā’’ti. ‘‘Kā tesaṃ nipphatti bhavissatī’’ti? ‘‘Rajjantarāyo jīvitantarāyo bhogantarāyoti imesaṃ tiṇṇaṃ antarāyānaṃ aññataro’’ti. ‘‘Sappaṭikammā, appaṭikammā’’ti? ‘‘Kāmaṃ ete supinā atipharusattā appaṭikammā, mayaṃ pana te sappaṭikamme karissāma, ete paṭikkamāpetuṃ asakkontānaṃ amhākaṃ sikkhitabhāvo nāma kiṃ karissatī’’ti. ‘‘Kiṃ pana katvā paṭikkamāpessathā’’ti? ‘‘Sabbacatukkena yaññaṃ yajissāma, mahārājā’’ti. Rājā bhītatasito ‘‘tena hi ācariyā mama jīvitaṃ tumhākaṃ hatthe hotu, khippaṃ me sotthiṃ karothā’’ti āha. Brāhmaṇā ‘‘bahuṃ dhanaṃ labhissāma, bahuṃ khajjabhojjaṃ āharāpessāmā’’ti haṭṭhatuṭṭhā ‘‘mā cintayittha, mahārājā’’ti rājānaṃ samassāsetvā rājanivesanā nikkhamitvā bahinagare yaññāvāṭaṃ katvā bahū catuppadagaṇe thūṇūpanīte katvā pakkhigaṇe samāharitvā ‘‘idañcidañca laddhuṃ vaṭṭatī’’ti punappunaṃ sañcaranti.
ат̇а ко маллигаа д̣̇звий д̇ам̣ гааран̣ам̣ н̃ад̇ваа рааж̇аанам̣ убасан̇гамид̇ваа бужчи ‘‘гим̣ ну ко, махаарааж̇а, б̣раахман̣аа бунаббунам̣ сан̃жаранд̇ий’’д̇и? ‘‘сукид̇аа, д̇вам̣ бхад̣̇д̣̇з, амхаагам̣ ган̣н̣амуулз аасийвисам̣ жаранд̇ам̣ на ж̇аанаасий’’д̇и. ‘‘гим̣ зд̇ам̣, махаарааж̇аа’’д̇и? маяаа зваруубаа д̣̇уссубинаа д̣̇идтаа, б̣раахман̣аа ‘‘д̇ин̣н̣ам̣ анд̇арааяаанам̣ ан̃н̃ад̇аро бан̃н̃ааяад̇ий’’д̇и вад̇ваа ‘‘‘д̇зсам̣ бадигхаад̇ааяа яан̃н̃ам̣ яаж̇иссаамаа’д̇и вад̇ваа бунаббунам̣ сан̃жаранд̇ий’’д̇и. ‘‘гим̣ бана д̇з, махаарааж̇а, сад̣̇звагз логз аг̇г̇аб̣раахман̣о субинабадигаммам̣ бужчид̇о’’д̇и? ‘‘гад̇аро банзса, бхад̣̇д̣̇з, сад̣̇звагз логз аг̇г̇аб̣раахман̣о’’д̇и. ‘‘сад̣̇звагз логз аг̇г̇абуг̇г̇алам̣ саб̣б̣ан̃н̃ум̣ висуд̣̇д̇хам̣ ниггилзсам̣ махааб̣раахман̣ам̣ на ж̇аанааси. со хи бхаг̇аваа субинанд̇арам̣ ж̇аанзяяа, г̇ажча д̇вам̣ бужча д̇ам̣, махаарааж̇аа’’д̇и. ‘‘саад̇ху, д̣̇звий’’д̇и рааж̇аа вихаарам̣ г̇анд̇ваа сад̇т̇аарам̣ ванд̣̇ид̇ваа нисийд̣̇и.
Atha kho mallikā devī taṃ kāraṇaṃ ñatvā rājānaṃ upasaṅkamitvā pucchi ‘‘kiṃ nu kho, mahārāja, brāhmaṇā punappunaṃ sañcarantī’’ti? ‘‘Sukhitā, tvaṃ bhadde, amhākaṃ kaṇṇamūle āsīvisaṃ carantaṃ na jānāsī’’ti. ‘‘Kiṃ etaṃ, mahārājā’’ti? Mayā evarūpā dussupinā diṭṭhā, brāhmaṇā ‘‘tiṇṇaṃ antarāyānaṃ aññataro paññāyatī’’ti vatvā ‘‘‘tesaṃ paṭighātāya yaññaṃ yajissāmā’ti vatvā punappunaṃ sañcarantī’’ti. ‘‘Kiṃ pana te, mahārāja, sadevake loke aggabrāhmaṇo supinapaṭikammaṃ pucchito’’ti? ‘‘Kataro panesa, bhadde, sadevake loke aggabrāhmaṇo’’ti. ‘‘Sadevake loke aggapuggalaṃ sabbaññuṃ visuddhaṃ nikkilesaṃ mahābrāhmaṇaṃ na jānāsi. So hi bhagavā supinantaraṃ jāneyya, gaccha tvaṃ puccha taṃ, mahārājā’’ti. ‘‘Sādhu, devī’’ti rājā vihāraṃ gantvā satthāraṃ vanditvā nisīdi.
сад̇т̇аа мад̇хурассарам̣ нижчаарзд̇ваа ‘‘гим̣ ну ко, махаарааж̇а, ад̇иббаг̇ова ааг̇ад̇осий’’д̇и ааха. ахам̣, бханд̇з, бажжуусасамаяз сол̣аса махаасубинз д̣̇исваа бхийд̇о б̣раахман̣аанам̣ аарожзсим̣. б̣раахман̣аа ‘‘гагкал̣аа, махаарааж̇а , субинаа, зд̇зсам̣ бадигхаад̇ад̇т̇ааяа саб̣б̣ажад̇уггзна яан̃н̃ам̣ яаж̇иссаамаа’’д̇и яан̃н̃ам̣ саж̇ж̇знд̇и, б̣ахуу баан̣аа маран̣абхаяад̇аж̇ж̇ид̇аа, д̇умхз жа сад̣̇звагз логз аг̇г̇абуг̇г̇алаа, ад̇ийд̇аанааг̇ад̇абажжуббаннам̣ убаад̣̇ааяа над̇т̇и со н̃зяяад̇хаммо, яо во н̃аан̣амукз аабаат̇ам̣ нааг̇ажчад̇и. ‘‘зд̇зсам̣ мз субинаанам̣ нибпад̇д̇им̣ гат̇зт̇а бхаг̇аваа’’д̇и. ‘‘звамзд̇ам̣, махаарааж̇а, сад̣̇звагз логз мам̣ табзд̇ваа ан̃н̃о зд̇зсам̣ субинаанам̣ анд̇арам̣ ваа нибпад̇д̇им̣ ваа ж̇аанид̇ум̣ самад̇т̇о наама над̇т̇и, ахам̣ д̇з гат̇зссаами, абижа ко д̇вам̣ д̣̇идтад̣̇идтанияаамзнзва субинз гат̇зхий’’д̇и. ‘‘саад̇ху, бханд̇з’’д̇и рааж̇аа д̣̇идтанияаамзнзва гат̇знд̇о –
Satthā madhurassaraṃ nicchāretvā ‘‘kiṃ nu kho, mahārāja, atippagova āgatosī’’ti āha. Ahaṃ, bhante, paccūsasamaye soḷasa mahāsupine disvā bhīto brāhmaṇānaṃ ārocesiṃ. Brāhmaṇā ‘‘kakkhaḷā, mahārāja , supinā, etesaṃ paṭighātatthāya sabbacatukkena yaññaṃ yajissāmā’’ti yaññaṃ sajjenti, bahū pāṇā maraṇabhayatajjitā, tumhe ca sadevake loke aggapuggalā, atītānāgatapaccuppannaṃ upādāya natthi so ñeyyadhammo, yo vo ñāṇamukhe āpāthaṃ nāgacchati. ‘‘Etesaṃ me supinānaṃ nipphattiṃ kathetha bhagavā’’ti. ‘‘Evametaṃ, mahārāja, sadevake loke maṃ ṭhapetvā añño etesaṃ supinānaṃ antaraṃ vā nipphattiṃ vā jānituṃ samattho nāma natthi, ahaṃ te kathessāmi, apica kho tvaṃ diṭṭhadiṭṭhaniyāmeneva supine kathehī’’ti. ‘‘Sādhu, bhante’’ti rājā diṭṭhaniyāmeneva kathento –
‘‘усабхаа ругкаа г̇аавияо г̇аваа жа,
‘‘Usabhā rukkhā gāviyo gavā ca,
ассо гам̣со син̇г̇аалий жа гумбхо;
Asso kaṃso siṅgālī ca kumbho;
богкаран̣ий жа абаагажанд̣̇анам̣.
Pokkharaṇī ca apākacandanaṃ.
‘‘лааб̣ууни сийд̣̇анд̇и силаа блаванд̇и, ман̣д̣уугияо ган̣хасаббз г̇иланд̇и;
‘‘Lābūni sīdanti silā plavanti, maṇḍūkiyo kaṇhasappe gilanti;
гаагам̣ суван̣н̣аа бариваараяанд̇и, д̇асаа вагаа зл̣агаанам̣ бхаяаа хий’’д̇и. –
Kākaṃ suvaṇṇā parivārayanti, tasā vakā eḷakānaṃ bhayā hī’’ti. –
имам̣ маад̇игам̣ нигкибид̇ваа гат̇зси.
Imaṃ mātikaṃ nikkhipitvā kathesi.
(1) ахам̣, бханд̇з, згам̣ д̇аава субинам̣ звам̣ ад̣̇д̣̇асам̣ – жад̇д̇ааро ан̃ж̇анаван̣н̣аа гаал̣аусабхаа ‘‘яуж̇жхиссаамаа’’д̇и жад̇уухи д̣̇исаахи рааж̇ан̇г̇ан̣ам̣ ааг̇анд̇ваа ‘‘усабхаяуд̣̇д̇хам̣ бассиссаамаа’’д̇и махааж̇анз саннибад̇ид̇з яуж̇жханаагаарам̣ д̣̇ассзд̇ваа над̣̇ид̇ваа г̇аж̇ж̇ид̇ваа аяуж̇жхид̇ваава бадигганд̇аа. имам̣ батамам̣ субинам̣ ад̣̇д̣̇асам̣, имасса го вибаагод̇и? ‘‘махаарааж̇а, имасса вибааго нзва д̇ава, на мама гаалз бхависсад̇и, анааг̇ад̇з бана ад̇хаммигаанам̣ габан̣арааж̇уунам̣ ад̇хаммигаанан̃жа мануссаанам̣ гаалз логз вибаривад̇д̇амаанз гусалз оссаннз, агусалз уссаннз, логасса барихааяанагаалз д̣̇зво на саммаа вассиссад̇и, мзгхабаад̣̇аа бажчиж̇ж̇иссанд̇и, сассаани милааяиссанд̇и, д̣̇уб̣бхигкам̣ бхависсад̇и, вассид̇угаамаа вияа жад̇уухи д̣̇исаахи мзгхаа удтахид̇ваа ид̇т̇игаахи аад̇абз бад̇т̇адаанам̣ вийхиаад̣̇ийнам̣ д̇зманабхаязна анд̇обавзсид̇агаалз бурисзсу гуд̣̇д̣̇аалабидагахад̇т̇зсу аал̣иб̣анд̇ханад̇т̇ааяа нигканд̇зсу вассанаагаарам̣ д̣̇ассзд̇ваа г̇аж̇ж̇ид̇ваа виж̇ж̇улад̇аа нижчаарзд̇ваа д̇з усабхаа вияа аяуж̇жхид̇ваа авассид̇ваава балааяиссанд̇и. аяамзд̇асса вибааго. д̇уяхам̣ бана д̇аббажжаяаа гожи анд̇арааяо над̇т̇и, анааг̇ад̇ам̣ аараб̣бха д̣̇идто субино зса, б̣раахман̣аа бана ад̇д̇ано ж̇ийвид̇авуд̇д̇им̣ ниссааяа гат̇аяим̣суу’’д̇и звам̣ сад̇т̇аа субинасса нибпад̇д̇им̣ гат̇зд̇ваа ааха ‘‘д̣̇уд̇ияам̣ гат̇зхи, махаарааж̇аа’’д̇и.
(1) Ahaṃ, bhante, ekaṃ tāva supinaṃ evaṃ addasaṃ – cattāro añjanavaṇṇā kāḷausabhā ‘‘yujjhissāmā’’ti catūhi disāhi rājaṅgaṇaṃ āgantvā ‘‘usabhayuddhaṃ passissāmā’’ti mahājane sannipatite yujjhanākāraṃ dassetvā naditvā gajjitvā ayujjhitvāva paṭikkantā. Imaṃ paṭhamaṃ supinaṃ addasaṃ, imassa ko vipākoti? ‘‘Mahārāja, imassa vipāko neva tava, na mama kāle bhavissati, anāgate pana adhammikānaṃ kapaṇarājūnaṃ adhammikānañca manussānaṃ kāle loke viparivattamāne kusale ossanne, akusale ussanne, lokassa parihāyanakāle devo na sammā vassissati, meghapādā pacchijjissanti, sassāni milāyissanti, dubbhikkhaṃ bhavissati, vassitukāmā viya catūhi disāhi meghā uṭṭhahitvā itthikāhi ātape patthaṭānaṃ vīhiādīnaṃ temanabhayena antopavesitakāle purisesu kuddālapiṭakahatthesu āḷibandhanatthāya nikkhantesu vassanākāraṃ dassetvā gajjitvā vijjulatā nicchāretvā te usabhā viya ayujjhitvā avassitvāva palāyissanti. Ayametassa vipāko. Tuyhaṃ pana tappaccayā koci antarāyo natthi, anāgataṃ ārabbha diṭṭho supino esa, brāhmaṇā pana attano jīvitavuttiṃ nissāya kathayiṃsū’’ti evaṃ satthā supinassa nipphattiṃ kathetvā āha ‘‘dutiyaṃ kathehi, mahārājā’’ti.
(2) д̣̇уд̇ияаахам̣, бханд̇з, звам̣ ад̣̇д̣̇асам̣ – куд̣̇д̣̇агаа ругкаа жзва г̇ажчаа жа бат̇авим̣ бхинд̣̇ид̇ваа вид̣̇ад̇т̇имад̇д̇амби рад̇анамад̇д̇амби ануг̇г̇анд̇ваава бубпанд̇и жзва паланд̇и жа. имам̣ д̣̇уд̇ияам̣ ад̣̇д̣̇асам̣, имасса го вибаагод̇и? махаарааж̇а, имассааби вибааго логасса барихааяанагаалз мануссаанам̣ барид̇д̇ааяугагаалз бхависсад̇и. анааг̇ад̇асмин̃хи сад̇д̇аа д̇иб̣б̣арааг̇аа бхависсанд̇и, асамбад̇д̇аваяаава гумаарияо бурисанд̇арам̣ г̇анд̇ваа уд̇унияо жзва г̇аб̣бхинияо жа худ̇ваа буд̇д̇ад̇хийд̇аахи вад̣дхиссанд̇и. куд̣̇д̣̇агаругкаанам̣ бубпам̣ вияа хи д̇аасам̣ уд̇унибхааво, палам̣ вияа жа буд̇д̇ад̇хийд̇аро бхависсанд̇и. ид̇онид̣̇аанамби д̇з бхаяам̣ над̇т̇и, д̇ад̇ияам̣ гат̇зхи, махаарааж̇аад̇и.
(2) Dutiyāhaṃ, bhante, evaṃ addasaṃ – khuddakā rukkhā ceva gacchā ca pathaviṃ bhinditvā vidatthimattampi ratanamattampi anuggantvāva pupphanti ceva phalanti ca. Imaṃ dutiyaṃ addasaṃ, imassa ko vipākoti? Mahārāja, imassāpi vipāko lokassa parihāyanakāle manussānaṃ parittāyukakāle bhavissati. Anāgatasmiñhi sattā tibbarāgā bhavissanti, asampattavayāva kumāriyo purisantaraṃ gantvā utuniyo ceva gabbhiniyo ca hutvā puttadhītāhi vaḍḍhissanti. Khuddakarukkhānaṃ pupphaṃ viya hi tāsaṃ utunibhāvo, phalaṃ viya ca puttadhītaro bhavissanti. Itonidānampi te bhayaṃ natthi, tatiyaṃ kathehi, mahārājāti.
(3) г̇аавияо, бханд̇з, д̇ад̣̇ахуж̇аад̇аанам̣ важчагаанам̣ кийрам̣ биванд̇ияо ад̣̇д̣̇асам̣. аяам̣ мз д̇ад̇ияо субино, имасса го вибаагод̇и? имассааби вибааго анааг̇ад̇з зва мануссаанам̣ ж̇здтаабажааяигагаммасса надтагаалз бхависсад̇и. анааг̇ад̇асмин̃хи сад̇д̇аа маад̇аабид̇уусу ваа сассусасурзсу ваа лаж̇ж̇ам̣ анубадтаабзд̇ваа саяамзва гудумб̣ам̣ сам̣вид̣̇аханд̇аава гхаасажчаад̣̇анамад̇д̇амби махаллагаанам̣ д̣̇аад̇угаамаа д̣̇ассанд̇и, ад̣̇аад̇угаамаа на д̣̇ассанд̇и. махаллагаа анаат̇аа асаяам̣васий д̣̇аарагз аараад̇хзд̇ваа ж̇ийвиссанд̇и д̇ад̣̇ахуж̇аад̇аанам̣ важчагаанам̣ кийрам̣ биванд̇ияо махааг̇аавияо вияа. ид̇онид̣̇аанамби д̇з бхаяам̣ над̇т̇и, жад̇уд̇т̇ам̣ гат̇зхи, махаарааж̇аад̇и.
(3) Gāviyo, bhante, tadahujātānaṃ vacchakānaṃ khīraṃ pivantiyo addasaṃ. Ayaṃ me tatiyo supino, imassa ko vipākoti? Imassāpi vipāko anāgate eva manussānaṃ jeṭṭhāpacāyikakammassa naṭṭhakāle bhavissati. Anāgatasmiñhi sattā mātāpitūsu vā sassusasuresu vā lajjaṃ anupaṭṭhāpetvā sayameva kuṭumbaṃ saṃvidahantāva ghāsacchādanamattampi mahallakānaṃ dātukāmā dassanti, adātukāmā na dassanti. Mahallakā anāthā asayaṃvasī dārake ārādhetvā jīvissanti tadahujātānaṃ vacchakānaṃ khīraṃ pivantiyo mahāgāviyo viya. Itonidānampi te bhayaṃ natthi, catutthaṃ kathehi, mahārājāti.
(4) д̇хураваахз, бханд̇з, аарохабарин̣аахасамбаннз махааг̇он̣зяуг̇абарамбарааяа аяож̇зд̇ваа д̇арун̣з г̇од̣̇аммз д̇хурз яож̇знд̇з ад̣̇д̣̇асам̣. д̇з д̇хурам̣ вахид̇ум̣ асаггонд̇аа чад̣д̣зд̇ваа адтам̣су, сагадаани наббаваддим̣су. аяам̣ мз жад̇уд̇т̇о субино, имасса го вибаагод̇и? имассааби вибааго анааг̇ад̇з зва ад̇хаммигарааж̇уунам̣ гаалз бхависсад̇и. анааг̇ад̇асмин̃хи ад̇хаммигагабан̣арааж̇аано бан̣д̣ид̇аанам̣ бавзн̣игусалаанам̣ гаммам̣ нид̇т̇аран̣асамад̇т̇аанам̣ махаамад̇д̇аанам̣ яасам̣ на д̣̇ассанд̇и. д̇хаммасабхааяам̣ винижчаяадтаанзби бан̣д̣ид̇з вохаарагусалз махаллагз амажжз на табзссанд̇и, д̇аб̣б̣ибарийд̇аанам̣ бана д̇арун̣ад̇арун̣аанам̣ яасам̣ д̣̇ассанд̇и, д̇ат̇ааруубз зва винижчаяадтаанз табзссанд̇и, д̇з рааж̇агаммаани жзва яуд̇д̇ааяуд̇д̇ан̃жа аж̇аананд̇аа нзва д̇ам̣ яасам̣ угкибид̇ум̣ сагкиссанд̇и, на рааж̇агаммаани нид̇т̇арид̇ум̣. д̇з асаггонд̇аа гаммад̇хурам̣ чад̣д̣зссанд̇и, махаллагааби бан̣д̣ид̇аамажжаа яасам̣ алабханд̇аа гижжаани нид̇т̇арид̇ум̣ самад̇т̇ааби ‘‘гим̣ амхаагам̣ зд̇зхи, маяам̣ б̣аахирагаа ж̇аад̇аа, аб̣бханд̇аригаа д̇арун̣ад̣̇аарагаа ж̇ааниссанд̇ий’’д̇и уббаннаани гаммаани на гариссанд̇и, звам̣ саб̣б̣ат̇ааби д̇зсам̣ рааж̇уунам̣ хааниязва бхависсад̇и, д̇хурам̣ вахид̇ум̣ асамад̇т̇аанам̣ важчад̣̇аммаанам̣ д̇хурз яож̇ид̇агаало вияа, д̇хураваахаанан̃жа махааг̇он̣аанам̣ яуг̇абарамбарааяа аяож̇ид̇агаало вияа бхависсад̇и. ид̇онид̣̇аанамби д̇з бхаяам̣ над̇т̇и, бан̃жамам̣ гат̇зхи, махаарааж̇аад̇и.
(4) Dhuravāhe, bhante, ārohapariṇāhasampanne mahāgoṇeyugaparamparāya ayojetvā taruṇe godamme dhure yojente addasaṃ. Te dhuraṃ vahituṃ asakkontā chaḍḍetvā aṭṭhaṃsu, sakaṭāni nappavaṭṭiṃsu. Ayaṃ me catuttho supino, imassa ko vipākoti? Imassāpi vipāko anāgate eva adhammikarājūnaṃ kāle bhavissati. Anāgatasmiñhi adhammikakapaṇarājāno paṇḍitānaṃ paveṇikusalānaṃ kammaṃ nittharaṇasamatthānaṃ mahāmattānaṃ yasaṃ na dassanti. Dhammasabhāyaṃ vinicchayaṭṭhānepi paṇḍite vohārakusale mahallake amacce na ṭhapessanti, tabbiparītānaṃ pana taruṇataruṇānaṃ yasaṃ dassanti, tathārūpe eva vinicchayaṭṭhāne ṭhapessanti, te rājakammāni ceva yuttāyuttañca ajānantā neva taṃ yasaṃ ukkhipituṃ sakkhissanti, na rājakammāni nittharituṃ. Te asakkontā kammadhuraṃ chaḍḍessanti, mahallakāpi paṇḍitāmaccā yasaṃ alabhantā kiccāni nittharituṃ samatthāpi ‘‘kiṃ amhākaṃ etehi, mayaṃ bāhirakā jātā, abbhantarikā taruṇadārakā jānissantī’’ti uppannāni kammāni na karissanti, evaṃ sabbathāpi tesaṃ rājūnaṃ hāniyeva bhavissati, dhuraṃ vahituṃ asamatthānaṃ vacchadammānaṃ dhure yojitakālo viya, dhuravāhānañca mahāgoṇānaṃ yugaparamparāya ayojitakālo viya bhavissati. Itonidānampi te bhayaṃ natthi, pañcamaṃ kathehi, mahārājāti.
(5) бханд̇з, згам̣ убхад̇омукам̣ ассам̣ ад̣̇д̣̇асам̣, д̇асса д̣̇вийсу бассзсу яавасам̣ д̣̇знд̇и, со д̣̇вийхи мукзхи каад̣̇ад̇и. аяам̣ мз бан̃жамо субино, имасса го вибаагод̇и? имассааби анааг̇ад̇з ад̇хаммигарааж̇агаалзязва вибааго бхависсад̇и. анааг̇ад̇асмин̃хи ад̇хаммигаа б̣ааларааж̇аано ад̇хаммигз лоламануссз винижчаяз табзссанд̇и, д̇з баабабун̃н̃зсу анаад̣̇араа б̣аалаа сабхааяам̣ нисийд̣̇ид̇ваа винижчаяам̣ д̣̇знд̇аа убхиннамби ад̇т̇абажжад̇т̇игаанам̣ хад̇т̇ад̇о лан̃ж̇ам̣ г̇ахзд̇ваа каад̣̇иссанд̇и ассо вияа д̣̇вийхи мукзхи яавасам̣. ид̇онид̣̇аанамби д̇з бхаяам̣ над̇т̇и, чадтам̣ гат̇зхи, махаарааж̇аад̇и.
(5) Bhante, ekaṃ ubhatomukhaṃ assaṃ addasaṃ, tassa dvīsu passesu yavasaṃ denti, so dvīhi mukhehi khādati. Ayaṃ me pañcamo supino, imassa ko vipākoti? Imassāpi anāgate adhammikarājakāleyeva vipāko bhavissati. Anāgatasmiñhi adhammikā bālarājāno adhammike lolamanusse vinicchaye ṭhapessanti, te pāpapuññesu anādarā bālā sabhāyaṃ nisīditvā vinicchayaṃ dentā ubhinnampi atthapaccatthikānaṃ hatthato lañjaṃ gahetvā khādissanti asso viya dvīhi mukhehi yavasaṃ. Itonidānampi te bhayaṃ natthi, chaṭṭhaṃ kathehi, mahārājāti.
(6) бханд̇з, махааж̇ано сад̇асахассаг̇гханигам̣ суван̣н̣абаад̇им̣ саммаж̇ж̇ид̇ваа ‘‘ид̇ха бассаавам̣ гарохий’’д̇и згасса ж̇арасин̇г̇ааласса убанаамзси, д̇ам̣ д̇ад̇т̇а бассаавам̣ гаронд̇ам̣ ад̣̇д̣̇асам̣. аяам̣ мз чадто субино, имасса го вибаагод̇и? имассааби вибааго анааг̇ад̇зязва бхависсад̇и. анааг̇ад̇асмин̃хи ад̇хаммигаа виж̇аад̇ирааж̇аано ж̇аад̇исамбаннаанам̣ гулабуд̇д̇аанам̣ аасан̇гааяа яасам̣ на д̣̇ассанд̇и, агулийнаанам̣язва д̣̇ассанд̇и. звам̣ махаагулаани д̣̇уг̇г̇ад̇аани бхависсанд̇и, лаамагагулаани иссараани. д̇з жа гулийнабурисаа ж̇ийвид̇ум̣ асаггонд̇аа ‘‘имз ниссааяа ж̇ийвиссаамаа’’д̇и агулийнаанам̣ д̇хийд̇аро д̣̇ассанд̇и, ид̇и д̇аасам̣ гулад̇хийд̇аанам̣ агулийнзхи сад̣̇д̇хим̣ сам̣ваасо ж̇арасин̇г̇ааласса суван̣н̣абаад̇ияам̣ бассаавагаран̣асад̣̇исо бхависсад̇и. ид̇онид̣̇аанамби д̇з бхаяам̣ над̇т̇и, сад̇д̇амам̣ гат̇зхийд̇и.
(6) Bhante, mahājano satasahassagghanikaṃ suvaṇṇapātiṃ sammajjitvā ‘‘idha passāvaṃ karohī’’ti ekassa jarasiṅgālassa upanāmesi, taṃ tattha passāvaṃ karontaṃ addasaṃ. Ayaṃ me chaṭṭho supino, imassa ko vipākoti? Imassāpi vipāko anāgateyeva bhavissati. Anāgatasmiñhi adhammikā vijātirājāno jātisampannānaṃ kulaputtānaṃ āsaṅkāya yasaṃ na dassanti, akulīnānaṃyeva dassanti. Evaṃ mahākulāni duggatāni bhavissanti, lāmakakulāni issarāni. Te ca kulīnapurisā jīvituṃ asakkontā ‘‘ime nissāya jīvissāmā’’ti akulīnānaṃ dhītaro dassanti, iti tāsaṃ kuladhītānaṃ akulīnehi saddhiṃ saṃvāso jarasiṅgālassa suvaṇṇapātiyaṃ passāvakaraṇasadiso bhavissati. Itonidānampi te bhayaṃ natthi, sattamaṃ kathehīti.
(7) бханд̇з, зго бурисо раж̇ж̇ум̣ ваддзд̇ваа ваддзд̇ваа баад̣̇амуулз нигкибад̇и, д̇зна нисиннабийтасса хздтаа саяид̇аа згаа чаад̇асин̇г̇аалий д̇асса аж̇аананд̇ассзва д̇ам̣ каад̣̇ад̇и, зваахам̣ ад̣̇д̣̇асам̣. аяам̣ мз сад̇д̇амо субино, имасса го вибаагод̇и? имассааби анааг̇ад̇зязва вибааго бхависсад̇и. анааг̇ад̇асмин̃хи ид̇т̇ияо бурисалолаа сураалолаа алан̇гааралолаа висикаалолаа аамисалолаа бхависсанд̇и д̣̇уссийлаа д̣̇ураажаараа, д̇аа саамигзхи гасиг̇орагкаад̣̇ийни гаммаани гад̇ваа гижчзна гасирзна самбхад̇ам̣ д̇ханам̣ ж̇аарзхи сад̣̇д̇хим̣ сурам̣ биванд̇ияо маалааг̇анд̇хавилзбанам̣ д̇хаараяамаанаа анд̇ог̇зхз ажжааяигамби гижжам̣ анологзд̇ваа г̇зхз баригкзбасса убарибхааг̇знаби чид̣̇д̣̇адтаанзхиби ж̇аарз убад̇хаараяамаанаа свз вабид̇аб̣б̣аяуд̇д̇агам̣ б̣ийж̇амби годдзд̇ваа яааг̇убхад̇д̇акаж̇ж̇агаад̣̇ийни самбаад̣̇зд̇ваа каад̣̇амаанаа вилумбиссанд̇и хздтаабийтагз нибанначаад̇асин̇г̇аалий вияа ваддзд̇ваа ваддзд̇ваа баад̣̇амуулз нигкид̇д̇араж̇ж̇ум̣. ид̇онид̣̇аанамби д̇з бхаяам̣ над̇т̇и, адтамам̣ гат̇зхийд̇и.
(7) Bhante, eko puriso rajjuṃ vaṭṭetvā vaṭṭetvā pādamūle nikkhipati, tena nisinnapīṭhassa heṭṭhā sayitā ekā chātasiṅgālī tassa ajānantasseva taṃ khādati, evāhaṃ addasaṃ. Ayaṃ me sattamo supino, imassa ko vipākoti? Imassāpi anāgateyeva vipāko bhavissati. Anāgatasmiñhi itthiyo purisalolā surālolā alaṅkāralolā visikhālolā āmisalolā bhavissanti dussīlā durācārā, tā sāmikehi kasigorakkhādīni kammāni katvā kicchena kasirena sambhataṃ dhanaṃ jārehi saddhiṃ suraṃ pivantiyo mālāgandhavilepanaṃ dhārayamānā antogehe accāyikampi kiccaṃ anoloketvā gehe parikkhepassa uparibhāgenapi chiddaṭṭhānehipi jāre upadhārayamānā sve vapitabbayuttakaṃ bījampi koṭṭetvā yāgubhattakhajjakādīni sampādetvā khādamānā vilumpissanti heṭṭhāpīṭhake nipannachātasiṅgālī viya vaṭṭetvā vaṭṭetvā pādamūle nikkhittarajjuṃ. Itonidānampi te bhayaṃ natthi, aṭṭhamaṃ kathehīti.
(8) бханд̇з, рааж̇ад̣̇ваарз б̣ахуухи д̇ужчагумбхзхи бариваарзд̇ваа табид̇ам̣ згам̣ маханд̇ам̣ буурид̇агумбхам̣ ад̣̇д̣̇асам̣. жад̇д̇аароби бана ван̣н̣аа жад̇уухи д̣̇исаахи жад̇уухи ануд̣̇исаахи жа гхадзхи уд̣̇агам̣ аахарид̇ваа аахарид̇ваа буурид̇агумбхамзва буурзнд̇и, буурид̇абуурид̇ам̣ уд̣̇агам̣ уд̇д̇арид̇ваа балааяад̇и, д̇зби бунаббунам̣ д̇ад̇т̇зва уд̣̇агам̣ аасин̃жанд̇и, д̇ужчагумбхз бана ологзнд̇ааби над̇т̇и. аяам̣ мз адтамо субино, имасса го вибаагод̇и? имассааби анааг̇ад̇зязва вибааго бхависсад̇и. анааг̇ад̇асмин̃хи лого барихааяиссад̇и, радтам̣ нирож̇ам̣ бхависсад̇и, рааж̇аано д̣̇уг̇г̇ад̇аа габан̣аа бхависсанд̇и. яо иссаро бхависсад̇и, д̇асса бхан̣д̣ааг̇аарз сад̇асахассамад̇д̇аа гахаабан̣аа бхависсанд̇и, д̇з звам̣ д̣̇уг̇г̇ад̇аа саб̣б̣з ж̇аанабад̣̇з ад̇д̇анова гаммз гаарзссанд̇и, убад̣̇д̣̇уд̇аа мануссаа сагз гамманд̇з чад̣д̣зд̇ваа рааж̇уунан̃н̃зва ад̇т̇ааяа буб̣б̣ан̣н̣аабаран̣н̣аани вабанд̇аа рагканд̇аа лааяанд̇аа мад̣̇д̣̇анд̇аа бавзсзнд̇аа ужчукзд̇д̇аани гаронд̇аа яанд̇аани гаронд̇аа яанд̇аани ваахзнд̇аа паан̣ид̇аад̣̇ийни бажанд̇аа бубпаараамз жа палаараамз жа гаронд̇аа д̇ад̇т̇а д̇ад̇т̇а нибпаннаани буб̣б̣ан̣н̣аад̣̇ийни аахарид̇ваа ран̃н̃о годтааг̇аарамзва буурзссанд̇и, ад̇д̇ано г̇зхзсу д̇ужчагодтз ологзнд̇ааби на бхависсанд̇и, д̇ужчагумбхз анологзд̇ваа буурид̇агумбхз бууран̣асад̣̇исамзва бхависсад̇и. ид̇онид̣̇аанамби д̇з бхаяам̣ над̇т̇и, навамам̣ гат̇зхийд̇и.
(8) Bhante, rājadvāre bahūhi tucchakumbhehi parivāretvā ṭhapitaṃ ekaṃ mahantaṃ pūritakumbhaṃ addasaṃ. Cattāropi pana vaṇṇā catūhi disāhi catūhi anudisāhi ca ghaṭehi udakaṃ āharitvā āharitvā pūritakumbhameva pūrenti, pūritapūritaṃ udakaṃ uttaritvā palāyati, tepi punappunaṃ tattheva udakaṃ āsiñcanti, tucchakumbhe pana olokentāpi natthi. Ayaṃ me aṭṭhamo supino, imassa ko vipākoti? Imassāpi anāgateyeva vipāko bhavissati. Anāgatasmiñhi loko parihāyissati, raṭṭhaṃ nirojaṃ bhavissati, rājāno duggatā kapaṇā bhavissanti. Yo issaro bhavissati, tassa bhaṇḍāgāre satasahassamattā kahāpaṇā bhavissanti, te evaṃ duggatā sabbe jānapade attanova kamme kāressanti, upaddutā manussā sake kammante chaḍḍetvā rājūnaññeva atthāya pubbaṇṇāparaṇṇāni vapantā rakkhantā lāyantā maddantā pavesentā ucchukhettāni karontā yantāni karontā yantāni vāhentā phāṇitādīni pacantā pupphārāme ca phalārāme ca karontā tattha tattha nipphannāni pubbaṇṇādīni āharitvā rañño koṭṭhāgārameva pūressanti, attano gehesu tucchakoṭṭhe olokentāpi na bhavissanti, tucchakumbhe anoloketvā pūritakumbhe pūraṇasadisameva bhavissati. Itonidānampi te bhayaṃ natthi, navamaṃ kathehīti.
(9) бханд̇з, згам̣ бан̃жаван̣н̣абад̣̇умасан̃чаннам̣ г̇амбхийрам̣ саб̣б̣ад̇о д̇ид̇т̇ам̣ богкаран̣им̣ ад̣̇д̣̇асам̣. саманд̇ад̇о д̣̇вибад̣̇ажад̇уббад̣̇аа од̇арид̇ваа д̇ад̇т̇а баанийяам̣ биванд̇и. д̇ассаа маж̇жхз г̇амбхийрадтаанз уд̣̇агам̣ аавилам̣, д̇ийраббад̣̇зсзсу д̣̇вибад̣̇ажад̇уббад̣̇аанам̣ аггамадтаанз ажчам̣ виббасаннам̣ анаавилам̣. зваахам̣ ад̣̇д̣̇асам̣. аяам̣ мз навамо субино, имасса го вибаагод̇и? имассааби анааг̇ад̇зязва вибааго бхависсад̇и. анааг̇ад̇асмин̃хи рааж̇аано ад̇хаммигаа бхависсанд̇и, чанд̣̇аад̣̇ивасзна аг̇ад̇им̣ г̇ажчанд̇аа раж̇ж̇ам̣ гаарзссанд̇и, д̇хаммзна винижчаяам̣ наама на д̣̇ассанд̇и, лан̃ж̇авид̇д̇агаа бхависсанд̇и д̇ханалолаа, радтаваасигзсу нзсам̣ канд̇имзд̇д̇аануд̣̇д̣̇аяаа наама на бхависсанд̇и, гагкал̣аа парусаа ужчуяанд̇з ужчуг̇ан̣тигаа вияа мануссз бийл̣знд̇аа наанаббагаарзна б̣алим̣ уббаад̣̇знд̇аа д̇ханам̣ г̇ан̣хиссанд̇и. мануссаа б̣алибийл̣ид̇аа гин̃жи д̣̇аад̇ум̣ асаггонд̇аа г̇ааманиг̇амаад̣̇аяо чад̣д̣зд̇ваа бажжанд̇ам̣ г̇анд̇ваа ваасам̣ габбзссанд̇и, маж̇жхимаж̇анабад̣̇о сун̃н̃о бхависсад̇и, бажжанд̇о гханаваасо сзяяат̇ааби богкаран̣ияаа маж̇жхз уд̣̇агам̣ аавилам̣ барияанд̇з виббасаннам̣. ид̇онид̣̇аанамби д̇з бхаяам̣ над̇т̇и, д̣̇асамам̣ гат̇зхийд̇и.
(9) Bhante, ekaṃ pañcavaṇṇapadumasañchannaṃ gambhīraṃ sabbato titthaṃ pokkharaṇiṃ addasaṃ. Samantato dvipadacatuppadā otaritvā tattha pānīyaṃ pivanti. Tassā majjhe gambhīraṭṭhāne udakaṃ āvilaṃ, tīrappadesesu dvipadacatuppadānaṃ akkamaṭṭhāne acchaṃ vippasannaṃ anāvilaṃ. Evāhaṃ addasaṃ. Ayaṃ me navamo supino, imassa ko vipākoti? Imassāpi anāgateyeva vipāko bhavissati. Anāgatasmiñhi rājāno adhammikā bhavissanti, chandādivasena agatiṃ gacchantā rajjaṃ kāressanti, dhammena vinicchayaṃ nāma na dassanti, lañjavittakā bhavissanti dhanalolā, raṭṭhavāsikesu nesaṃ khantimettānuddayā nāma na bhavissanti, kakkhaḷā pharusā ucchuyante ucchugaṇṭhikā viya manusse pīḷentā nānappakārena baliṃ uppādentā dhanaṃ gaṇhissanti. Manussā balipīḷitā kiñci dātuṃ asakkontā gāmanigamādayo chaḍḍetvā paccantaṃ gantvā vāsaṃ kappessanti, majjhimajanapado suñño bhavissati, paccanto ghanavāso seyyathāpi pokkharaṇiyā majjhe udakaṃ āvilaṃ pariyante vippasannaṃ. Itonidānampi te bhayaṃ natthi, dasamaṃ kathehīti.
(10) бханд̇з, згиссааязва гумбхияаа бажжамаанам̣ од̣̇анам̣ абаагам̣ ад̣̇д̣̇асам̣ ‘‘абаага’’нд̇и вижаарзд̇ваа вибхаж̇ид̇ваа табид̇ам̣ вияа д̇ийхаагаарзхи бажжамаанам̣, згасмим̣ бассз ад̇игилинно ход̇и, згасмим̣ уд̇д̇ан̣д̣уло, згасмим̣ субаггод̇и. аяам̣ мз д̣̇асамо субино, имасса го вибаагод̇и? имассааби анааг̇ад̇зязва вибааго бхависсад̇и. анааг̇ад̇асмин̃хи рааж̇аано ад̇хаммигаа бхависсанд̇и, д̇зсу ад̇хаммигзсу рааж̇аяуд̇д̇ааби б̣раахман̣аг̇ахабад̇игааби нзг̇амаж̇аанабад̣̇аабийд̇и саман̣аб̣раахман̣з убаад̣̇ааяа саб̣б̣з мануссаа ад̇хаммигаа бхависсанд̇и, д̇ад̇о д̇зсам̣ аарагкад̣̇звад̇аа, б̣алибадиг̇г̇аахигаа д̣̇звад̇аа, ругкад̣̇звад̇аа, аагаасадтад̣̇звад̇аад̇и звам̣ д̣̇звад̇ааби ад̇хаммигаа бхависсанд̇и. ад̇хаммигарааж̇уунан̃жа раж̇ж̇з ваад̇аа висамаа караа вааяиссанд̇и, д̇з аагаасадтавимаанаани гамбзссанд̇и, д̇зсу гамбид̇зсу д̣̇звад̇аа губид̇аа д̣̇звам̣ вассид̇ум̣ на д̣̇ассанд̇и, вассамааноби сагаларадтз згаббахаарзна на вассиссад̇и, вассамааноби саб̣б̣ад̇т̇а гасигаммасса ваа ваббагаммасса ваа убагаараго худ̇ваа на вассиссад̇и. яат̇аа жа радтз, звам̣ ж̇анабад̣̇зби г̇аамзби згад̇ал̣аагзби згасарзби згаббахаарзнзва на вассиссад̇и, д̇ал̣аагасса убарибхааг̇з вассанд̇о хздтаабхааг̇з на вассиссад̇и, хздтаа вассанд̇о убари на вассиссад̇и. згасмим̣ бхааг̇з сассам̣ ад̇ивассзна нассиссад̇и, згасмим̣ авассанзна милааяиссад̇и, згасмим̣ саммаа вассамаано самбаад̣̇зссад̇и. звам̣ згасса ран̃н̃о раж̇ж̇з вуд̇д̇асассаа д̇иббагаараа бхависсанд̇и згагумбхияаа од̣̇ано вияа. ид̇онид̣̇аанамби д̇з бхаяам̣ над̇т̇и, згаад̣̇асамам̣ гат̇зхийд̇и.
(10) Bhante, ekissāyeva kumbhiyā paccamānaṃ odanaṃ apākaṃ addasaṃ ‘‘apāka’’nti vicāretvā vibhajitvā ṭhapitaṃ viya tīhākārehi paccamānaṃ, ekasmiṃ passe atikilinno hoti, ekasmiṃ uttaṇḍulo, ekasmiṃ supakkoti. Ayaṃ me dasamo supino, imassa ko vipākoti? Imassāpi anāgateyeva vipāko bhavissati. Anāgatasmiñhi rājāno adhammikā bhavissanti, tesu adhammikesu rājayuttāpi brāhmaṇagahapatikāpi negamajānapadāpīti samaṇabrāhmaṇe upādāya sabbe manussā adhammikā bhavissanti, tato tesaṃ ārakkhadevatā, balipaṭiggāhikā devatā, rukkhadevatā, ākāsaṭṭhadevatāti evaṃ devatāpi adhammikā bhavissanti. Adhammikarājūnañca rajje vātā visamā kharā vāyissanti, te ākāsaṭṭhavimānāni kampessanti, tesu kampitesu devatā kupitā devaṃ vassituṃ na dassanti, vassamānopi sakalaraṭṭhe ekappahārena na vassissati, vassamānopi sabbattha kasikammassa vā vappakammassa vā upakārako hutvā na vassissati. Yathā ca raṭṭhe, evaṃ janapadepi gāmepi ekataḷākepi ekasarepi ekappahāreneva na vassissati, taḷākassa uparibhāge vassanto heṭṭhābhāge na vassissati, heṭṭhā vassanto upari na vassissati. Ekasmiṃ bhāge sassaṃ ativassena nassissati, ekasmiṃ avassanena milāyissati, ekasmiṃ sammā vassamāno sampādessati. Evaṃ ekassa rañño rajje vuttasassā tippakārā bhavissanti ekakumbhiyā odano viya. Itonidānampi te bhayaṃ natthi, ekādasamaṃ kathehīti.
(11) бханд̇з, сад̇асахассаг̇гханигам̣ жанд̣̇анасаарам̣ бууд̇ид̇аггзна виггин̣анд̇з ад̣̇д̣̇асам̣. аяам̣ мз згаад̣̇асамо субино, имасса го вибаагод̇и? имассааби анааг̇ад̇зязва маяхам̣ саасанз барихааяанд̇з вибааго бхависсад̇и. анааг̇ад̇асмин̃хи бажжаяалолаа алаж̇ж̇ий бхигкуу б̣ахуу бхависсанд̇и, д̇з маяаа бажжаяалолуббам̣ ниммат̇зд̇ваа гат̇ид̇ад̇хаммад̣̇зсанам̣ жийвараад̣̇ижад̇убажжаяахзд̇у барзсам̣ д̣̇зсзссанд̇и, бажжаязхи мужчид̇аа ниссаран̣абагкз тид̇аа ниб̣б̣аанаабхимукам̣ гад̇ваа д̣̇зсзд̇ум̣ на сагкиссанд̇и, гзвалам̣ ‘‘бад̣̇аб̣яан̃ж̇анасамбад̇д̇ин̃жзва мад̇хурасад̣̇д̣̇ан̃жа суд̇ваа махаг̇гхаани жийвараад̣̇ийни д̣̇ассанд̇и’’ ижжзвам̣ д̣̇зсзссанд̇и. абарз анд̇аравийт̇ижад̇уггарааж̇ад̣̇ваараад̣̇ийсу нисийд̣̇ид̇ваа гахаабан̣аад̣дхагахаабан̣абаад̣̇амаасагаруубаад̣̇ийниби ниссааяа д̣̇зсзссанд̇и. ид̇и маяаа ниб̣б̣аанаг̇гханагам̣ гад̇ваа д̣̇зсид̇ам̣ д̇хаммам̣ жад̇убажжаяад̇т̇ааяа жзва гахаабан̣ад̣дхагахаабан̣аад̣̇ийнам̣ ад̇т̇ааяа жа виггин̣ид̇ваа д̣̇зсзнд̇аа сад̇асахассаг̇гханагам̣ жанд̣̇анасаарам̣ бууд̇ид̇аггзна виггин̣анд̇аа вияа бхависсанд̇и. ид̇онид̣̇аанамби д̇з бхаяам̣ над̇т̇и, д̣̇ваад̣̇асамам̣ гат̇зхийд̇и.
(11) Bhante, satasahassagghanikaṃ candanasāraṃ pūtitakkena vikkiṇante addasaṃ. Ayaṃ me ekādasamo supino, imassa ko vipākoti? Imassāpi anāgateyeva mayhaṃ sāsane parihāyante vipāko bhavissati. Anāgatasmiñhi paccayalolā alajjī bhikkhū bahū bhavissanti, te mayā paccayaloluppaṃ nimmathetvā kathitadhammadesanaṃ cīvarādicatupaccayahetu paresaṃ desessanti, paccayehi mucchitā nissaraṇapakkhe ṭhitā nibbānābhimukhaṃ katvā desetuṃ na sakkhissanti, kevalaṃ ‘‘padabyañjanasampattiñceva madhurasaddañca sutvā mahagghāni cīvarādīni dassanti’’ iccevaṃ desessanti. Apare antaravīthicatukkarājadvārādīsu nisīditvā kahāpaṇaaḍḍhakahāpaṇapādamāsakarūpādīnipi nissāya desessanti. Iti mayā nibbānagghanakaṃ katvā desitaṃ dhammaṃ catupaccayatthāya ceva kahāpaṇaḍḍhakahāpaṇādīnaṃ atthāya ca vikkiṇitvā desentā satasahassagghanakaṃ candanasāraṃ pūtitakkena vikkiṇantā viya bhavissanti. Itonidānampi te bhayaṃ natthi, dvādasamaṃ kathehīti.
(12) бханд̇з, д̇ужчалааб̣ууни уд̣̇агз сийд̣̇анд̇аани ад̣̇д̣̇асам̣, имасса го вибаагод̇и? имассаби анааг̇ад̇з ад̇хаммигарааж̇агаалз логз вибаривад̇д̇анд̇зязва вибааго бхависсад̇и. д̇ад̣̇аа хи рааж̇аано ж̇аад̇исамбаннаанам̣ гулабуд̇д̇аанам̣ яасам̣ на д̣̇ассанд̇и, агулийнаанам̣язва д̣̇ассанд̇и, д̇з иссараа бхависсанд̇и, ид̇арз д̣̇алид̣̇д̣̇аа. рааж̇асаммукзби рааж̇ад̣̇ваарзби амажжасаммукзби винижчаяадтаанзби д̇ужчалааб̣усад̣̇исаанам̣ агулийнаанам̣язва гат̇аа осийд̣̇ид̇ваа тид̇аа вияа нижжалаа суббад̇идтид̇аа бхависсад̇и. сан̇гхасаннибаад̇зсуби сан̇гхагаммаг̇ан̣агаммадтаанзсу жзва бад̇д̇ажийварабаривзн̣аад̣̇ивинижчаяадтаанзсу жа д̣̇уссийлаанам̣ баабабуг̇г̇алаанам̣язва гат̇аа нияяаанигаа бхависсад̇и, на лаж̇ж̇ибхигкуунанд̇и звам̣ саб̣б̣ат̇ааби д̇ужчалааб̣усийд̣̇анагаало вияа бхависсад̇и. ид̇онид̣̇аанамби д̇з бхаяам̣ над̇т̇и, д̇зрасамам̣ гат̇зхийд̇и.
(12) Bhante, tucchalābūni udake sīdantāni addasaṃ, imassa ko vipākoti? Imassapi anāgate adhammikarājakāle loke viparivattanteyeva vipāko bhavissati. Tadā hi rājāno jātisampannānaṃ kulaputtānaṃ yasaṃ na dassanti, akulīnānaṃyeva dassanti, te issarā bhavissanti, itare daliddā. Rājasammukhepi rājadvārepi amaccasammukhepi vinicchayaṭṭhānepi tucchalābusadisānaṃ akulīnānaṃyeva kathā osīditvā ṭhitā viya niccalā suppatiṭṭhitā bhavissati. Saṅghasannipātesupi saṅghakammagaṇakammaṭṭhānesu ceva pattacīvarapariveṇādivinicchayaṭṭhānesu ca dussīlānaṃ pāpapuggalānaṃyeva kathā niyyānikā bhavissati, na lajjibhikkhūnanti evaṃ sabbathāpi tucchalābusīdanakālo viya bhavissati. Itonidānampi te bhayaṃ natthi, terasamaṃ kathehīti.
(13) бханд̇з, маханд̇амаханд̇аа гуудааг̇аараббамаан̣аа гханасилаа нааваа вияа уд̣̇агз блавамаанаа ад̣̇д̣̇асам̣, имасса го вибаагод̇и? имассаби д̇аад̣̇исзязва гаалз вибааго бхависсад̇и. д̇ад̣̇аа хи ад̇хаммигарааж̇аано агулийнаанам̣ яасам̣ д̣̇ассанд̇и, д̇з иссараа бхависсанд̇и, гулийнаа д̣̇уг̇г̇ад̇аа. д̇зсу на гзжи г̇ааравам̣ гариссанд̇и, ид̇арзсуязва гариссанд̇и. рааж̇асаммукз ваа амажжасаммукз ваа винижчаяадтаанз ваа винижчаяагусалаанам̣ гханасилаасад̣̇исаанам̣ гулабуд̇д̇аанам̣ гат̇аа на ог̇аахид̇ваа бад̇идтахиссад̇и. д̇зсу гат̇знд̇зсу ‘‘гим̣ имз гат̇знд̇ий’’д̇и ид̇арз барихаасамзва гариссанд̇и. бхигкусаннибаад̇зсуби вуд̇д̇аббагаарзсу таанзсу нзва бзсалз бхигкуу г̇аругаад̇аб̣б̣з ман̃н̃иссанд̇и, нааби д̇зсам̣ гат̇аа барияог̇аахид̇ваа бад̇идтахиссад̇и, силаанам̣ блаванагаало вияа бхависсад̇и. ид̇онид̣̇аанамби д̇з бхаяам̣ над̇т̇и, жуд̣̇д̣̇асамам̣ гат̇зхийд̇и.
(13) Bhante, mahantamahantā kūṭāgārappamāṇā ghanasilā nāvā viya udake plavamānā addasaṃ, imassa ko vipākoti? Imassapi tādiseyeva kāle vipāko bhavissati. Tadā hi adhammikarājāno akulīnānaṃ yasaṃ dassanti, te issarā bhavissanti, kulīnā duggatā. Tesu na keci gāravaṃ karissanti, itaresuyeva karissanti. Rājasammukhe vā amaccasammukhe vā vinicchayaṭṭhāne vā vinicchayakusalānaṃ ghanasilāsadisānaṃ kulaputtānaṃ kathā na ogāhitvā patiṭṭhahissati. Tesu kathentesu ‘‘kiṃ ime kathentī’’ti itare parihāsameva karissanti. Bhikkhusannipātesupi vuttappakāresu ṭhānesu neva pesale bhikkhū garukātabbe maññissanti, nāpi tesaṃ kathā pariyogāhitvā patiṭṭhahissati, silānaṃ plavanakālo viya bhavissati. Itonidānampi te bhayaṃ natthi, cuddasamaṃ kathehīti.
(14) бханд̇з , куд̣̇д̣̇агамад̇хугабубпаббамаан̣аа ман̣д̣уугияо маханд̇амаханд̇з ган̣хасаббз взг̇зна ануб̣анд̇хид̇ваа уббаланаал̣з вияа чинд̣̇ид̇ваа чинд̣̇ид̇ваа мам̣сам̣ каад̣̇ид̇ваа г̇иланд̇ияо ад̣̇д̣̇асам̣, имасса го вибаагод̇и? имассаби логз барихааяанд̇з анааг̇ад̇з зва вибааго бхависсад̇и. д̇ад̣̇аа хи мануссаа д̇иб̣б̣арааг̇аж̇аад̇игаа гилзсаанувад̇д̇агаа худ̇ваа д̇арун̣ад̇арун̣аанам̣ ад̇д̇ано бхарияаанам̣ васз вад̇д̇иссанд̇и, г̇зхз д̣̇аасагаммагараад̣̇аяоби г̇омахим̣саад̣̇аяоби хиран̃н̃асуван̣н̣амби саб̣б̣ам̣ д̇аасан̃н̃зва ааяад̇д̇ам̣ бхависсад̇и. ‘‘асугам̣ хиран̃н̃асуван̣н̣ам̣ ваа барижчад̣̇аад̣̇иж̇аад̇ам̣ ваа гаха’’нд̇и вуд̇д̇з ‘‘яад̇т̇а ваа д̇ад̇т̇а ваа ход̇у, гим̣ д̇уяхиминаа б̣яаабаарзна, д̇вам̣ маяхам̣ гхарз санд̇ам̣ ваа асанд̇ам̣ ваа ж̇аанид̇угаамо ж̇аад̇о’’д̇и вад̇ваа наанаббагаарзхи аггосид̇ваа мукасад̇д̇ийхи годдзд̇ваа д̣̇аасажздагз вияа ад̇д̇ано васз гад̇ваа ад̇д̇ано иссарияам̣ бавад̇д̇зссанд̇и. звам̣ мад̇хугабубпаббамаан̣аанам̣ ман̣д̣уугабод̇игаанам̣ аасийвисз ган̣хасаббз г̇иланагаало вияа бхависсад̇и. ид̇онид̣̇аанамби д̇з бхаяам̣ над̇т̇и, баннарасамам̣ гат̇зхийд̇и.
(14) Bhante , khuddakamadhukapupphappamāṇā maṇḍūkiyo mahantamahante kaṇhasappe vegena anubandhitvā uppalanāḷe viya chinditvā chinditvā maṃsaṃ khāditvā gilantiyo addasaṃ, imassa ko vipākoti? Imassapi loke parihāyante anāgate eva vipāko bhavissati. Tadā hi manussā tibbarāgajātikā kilesānuvattakā hutvā taruṇataruṇānaṃ attano bhariyānaṃ vase vattissanti, gehe dāsakammakarādayopi gomahiṃsādayopi hiraññasuvaṇṇampi sabbaṃ tāsaññeva āyattaṃ bhavissati. ‘‘Asukaṃ hiraññasuvaṇṇaṃ vā paricchadādijātaṃ vā kaha’’nti vutte ‘‘yattha vā tattha vā hotu, kiṃ tuyhiminā byāpārena, tvaṃ mayhaṃ ghare santaṃ vā asantaṃ vā jānitukāmo jāto’’ti vatvā nānappakārehi akkositvā mukhasattīhi koṭṭetvā dāsaceṭake viya attano vase katvā attano issariyaṃ pavattessanti. Evaṃ madhukapupphappamāṇānaṃ maṇḍūkapotikānaṃ āsīvise kaṇhasappe gilanakālo viya bhavissati. Itonidānampi te bhayaṃ natthi, pannarasamaṃ kathehīti.
(15) бханд̇з, д̣̇асахи асад̣̇д̇хаммзхи саманнааг̇ад̇ам̣ г̇аамаг̇ожарам̣ гаагам̣ ган̃жанаван̣н̣ад̇ааяа ‘‘суван̣н̣аа’’д̇и лад̣̇д̇ханаамз суван̣н̣арааж̇ахам̣сз бариваарзнд̇з ад̣̇д̣̇асам̣, имасса го вибаагод̇и? имассааби анааг̇ад̇з д̣̇уб̣б̣аларааж̇агаалзязва вибааго бхависсад̇и. анааг̇ад̇асмин̃хи рааж̇аано хад̇т̇исиббаад̣̇ийсу агусалаа яуд̣̇д̇хзсу ависаарад̣̇аа бхависсанд̇и, д̇з ад̇д̇ано раж̇ж̇авибад̇д̇им̣ аасан̇гамаанаа самаанаж̇аад̇игаанам̣ гулабуд̇д̇аанам̣ иссарияам̣ ад̣̇ад̇ваа ад̇д̇ано баад̣̇амуулиганхаабагагаббагаад̣̇ийнам̣ д̣̇ассанд̇и, ж̇аад̇иг̇од̇д̇асамбаннаа гулабуд̇д̇аа рааж̇агулз бад̇идтам̣ алабхамаанаа ж̇ийвигам̣ габбзд̇ум̣ асамад̇т̇аа худ̇ваа иссарияз тид̇з ж̇аад̇иг̇од̇д̇ахийнз агулийнз убадтаханд̇аа вижариссанд̇и, суван̣н̣арааж̇ахам̣сзхи гаагасса бариваарид̇агаало вияа бхависсад̇и. ид̇онид̣̇аанамби д̇з бхаяам̣ над̇т̇и, сол̣асамам̣ гат̇зхийд̇и.
(15) Bhante, dasahi asaddhammehi samannāgataṃ gāmagocaraṃ kākaṃ kañcanavaṇṇatāya ‘‘suvaṇṇā’’ti laddhanāme suvaṇṇarājahaṃse parivārente addasaṃ, imassa ko vipākoti? Imassāpi anāgate dubbalarājakāleyeva vipāko bhavissati. Anāgatasmiñhi rājāno hatthisippādīsu akusalā yuddhesu avisāradā bhavissanti, te attano rajjavipattiṃ āsaṅkamānā samānajātikānaṃ kulaputtānaṃ issariyaṃ adatvā attano pādamūlikanhāpakakappakādīnaṃ dassanti, jātigottasampannā kulaputtā rājakule patiṭṭhaṃ alabhamānā jīvikaṃ kappetuṃ asamatthā hutvā issariye ṭhite jātigottahīne akulīne upaṭṭhahantā vicarissanti, suvaṇṇarājahaṃsehi kākassa parivāritakālo viya bhavissati. Itonidānampi te bhayaṃ natthi, soḷasamaṃ kathehīti.
(16) бханд̇з, буб̣б̣з д̣̇ийбино зл̣агз каад̣̇анд̇и, ахам̣ бана зл̣агз д̣̇ийбино ануб̣анд̇хид̇ваа мурумурууд̇и каад̣̇анд̇з ад̣̇д̣̇асам̣. ат̇ан̃н̃з д̇асаа вагаа зл̣агз д̣̇уурад̇ова д̣̇исваа д̇асид̇аа д̇аасаббад̇д̇аа худ̇ваа зл̣агаанам̣ бхаяаабалааяид̇ваа г̇умб̣аг̇аханаад̣̇ийни бависид̇ваа нилийяим̣су, зваахам̣ ад̣̇д̣̇асам̣, имасса го вибаагод̇и? имассаби анааг̇ад̇з ад̇хаммигарааж̇агаалзязва вибааго бхависсад̇и. д̇ад̣̇аа хи агулийнаа рааж̇аваллабхаа иссараа бхависсанд̇и, гулийнаа абан̃н̃аад̇аа д̣̇уг̇г̇ад̇аа. д̇з рааж̇аваллабхаа рааж̇аанам̣ ад̇д̇ано гат̇ам̣ г̇аахаабзд̇ваа винижчаяадтаанаад̣̇ийсу б̣алаванд̇о худ̇ваа гулийнаанам̣ бавзн̣иааг̇ад̇аани кзд̇д̇авад̇т̇аад̣̇ийни ‘‘амхаагам̣ санд̇агаани зд̇ааний’’д̇и абхияун̃ж̇ид̇ваа д̇зсу ‘‘на д̇умхаагам̣, амхаага’’нд̇и ааг̇анд̇ваа винижчаяадтаанаад̣̇ийсу вивад̣̇анд̇зсу взд̇д̇алад̇аад̣̇ийхи бахараабзд̇ваа г̇ийвааяам̣ г̇ахзд̇ваа абагад̣дхаабзд̇ваа ‘‘ад̇д̇ано бамаан̣ам̣ на ж̇аанаат̇а, амхзхи сад̣̇д̇хим̣ вивад̣̇ат̇а, ид̣̇аани во ран̃н̃о гат̇зд̇ваа хад̇т̇абаад̣̇ажчзд̣̇анаад̣̇ийни гаарзссаамаа’’д̇и санд̇аж̇ж̇зссанд̇и. д̇з д̇зсам̣ бхаязна ад̇д̇ано санд̇агаани вад̇т̇ууни ‘‘д̇умхаагам̣язвзд̇аани г̇ан̣хат̇аа’’д̇и нияяаад̣̇зд̇ваа ад̇д̇ано г̇зхаани бависид̇ваа бхийд̇аа нибаж̇ж̇иссанд̇и. баабабхигкууби бзсалз бхигкуу яат̇ааружи вихзтзссанд̇и, д̇з бзсалаа бхигкуу бадисаран̣ам̣ алабхамаанаа аран̃н̃ам̣ бависид̇ваа г̇аханадтаанзсу нилийяиссанд̇и. звам̣ хийнаж̇ажжзхи жзва баабабхигкуухи жа убад̣̇д̣̇уд̇аанам̣ ж̇аад̇иманд̇агулабуд̇д̇аанан̃жзва бзсалабхигкуунан̃жа зл̣агаанам̣ бхаязна д̇асавагаанам̣ балааяанагаало вияа бхависсад̇и. ид̇онид̣̇аанамби д̇з бхаяам̣ над̇т̇и. аяамби хи субино анааг̇ад̇ам̣язва аараб̣бха д̣̇идто. б̣раахман̣аа бана на д̇хаммасуд̇хаммад̇ааяа д̇аяи синзхзна гат̇аяим̣су, ‘‘б̣ахуд̇ханам̣ лабхиссаамаа’’д̇и аамисаабзгкад̇ааяа ж̇ийвид̇авуд̇д̇им̣ ниссааяа гат̇аяим̣сууд̇и.
(16) Bhante, pubbe dīpino eḷake khādanti, ahaṃ pana eḷake dīpino anubandhitvā murumurūti khādante addasaṃ. Athaññe tasā vakā eḷake dūratova disvā tasitā tāsappattā hutvā eḷakānaṃ bhayāpalāyitvā gumbagahanādīni pavisitvā nilīyiṃsu, evāhaṃ addasaṃ, imassa ko vipākoti? Imassapi anāgate adhammikarājakāleyeva vipāko bhavissati. Tadā hi akulīnā rājavallabhā issarā bhavissanti, kulīnā apaññātā duggatā. Te rājavallabhā rājānaṃ attano kathaṃ gāhāpetvā vinicchayaṭṭhānādīsu balavanto hutvā kulīnānaṃ paveṇiāgatāni khettavatthādīni ‘‘amhākaṃ santakāni etānī’’ti abhiyuñjitvā tesu ‘‘na tumhākaṃ, amhāka’’nti āgantvā vinicchayaṭṭhānādīsu vivadantesu vettalatādīhi paharāpetvā gīvāyaṃ gahetvā apakaḍḍhāpetvā ‘‘attano pamāṇaṃ na jānātha, amhehi saddhiṃ vivadatha, idāni vo rañño kathetvā hatthapādacchedanādīni kāressāmā’’ti santajjessanti. Te tesaṃ bhayena attano santakāni vatthūni ‘‘tumhākaṃyevetāni gaṇhathā’’ti niyyādetvā attano gehāni pavisitvā bhītā nipajjissanti. Pāpabhikkhūpi pesale bhikkhū yathāruci viheṭhessanti, te pesalā bhikkhū paṭisaraṇaṃ alabhamānā araññaṃ pavisitvā gahanaṭṭhānesu nilīyissanti. Evaṃ hīnajaccehi ceva pāpabhikkhūhi ca upaddutānaṃ jātimantakulaputtānañceva pesalabhikkhūnañca eḷakānaṃ bhayena tasavakānaṃ palāyanakālo viya bhavissati. Itonidānampi te bhayaṃ natthi. Ayampi hi supino anāgataṃyeva ārabbha diṭṭho. Brāhmaṇā pana na dhammasudhammatāya tayi sinehena kathayiṃsu, ‘‘bahudhanaṃ labhissāmā’’ti āmisāpekkhatāya jīvitavuttiṃ nissāya kathayiṃsūti.
звам̣ сад̇т̇аа сол̣асаннам̣ махаасубинаанам̣ нибпад̇д̇им̣ гат̇зд̇ваа ‘‘на ко, махаарааж̇а, зд̇арахи д̇ван̃н̃зва имз субинз ад̣̇д̣̇аса, бораан̣агарааж̇ааноби ад̣̇д̣̇асам̣су. б̣раахман̣ааби нзсам̣ звамзва имз субинз г̇ахзд̇ваа яан̃н̃амад̇т̇агз кибим̣су, д̇ад̇о бан̣д̣ид̇зхи д̣̇иннанаязна г̇анд̇ваа б̣од̇хисад̇д̇ам̣ бужчим̣су. бораан̣агаа бан̣д̣ид̇ааби нзсам̣ имз субинз гат̇знд̇аа иминаава нияаамзна гат̇зсу’’нд̇и вад̇ваа д̇зна яаажид̇о ад̇ийд̇ам̣ аахари.
Evaṃ satthā soḷasannaṃ mahāsupinānaṃ nipphattiṃ kathetvā ‘‘na kho, mahārāja, etarahi tvaññeva ime supine addasa, porāṇakarājānopi addasaṃsu. Brāhmaṇāpi nesaṃ evameva ime supine gahetvā yaññamatthake khipiṃsu, tato paṇḍitehi dinnanayena gantvā bodhisattaṃ pucchiṃsu. Porāṇakā paṇḍitāpi nesaṃ ime supine kathentā imināva niyāmena kathesu’’nti vatvā tena yācito atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о уд̣̇ижжаб̣раахман̣агулз ниб̣б̣ад̇д̇ид̇ваа ваяаббад̇д̇о исибаб̣б̣аж̇ж̇ам̣ баб̣б̣аж̇ид̇ваа абхин̃н̃аа жзва самаабад̇д̇ияо жа ниб̣б̣ад̇д̇зд̇ваа химаванд̇аббад̣̇зсз жхаанагийл̣ам̣ гийл̣анд̇о вихарад̇и. д̇ад̣̇аа б̣аараан̣асияам̣ б̣рахмад̣̇ад̇д̇о иминаава нияаамзна имз субинз д̣̇исваа б̣раахман̣з бужчи. б̣раахман̣аа звамзва яан̃н̃ам̣ яаж̇ид̇ум̣ аарабхим̣су. д̇зсу бурохид̇асса анд̇зваасигамаан̣аво бан̣д̣ид̇о б̣яад̇д̇о аажарияам̣ ааха – ‘‘аажарияа, д̇умхзхи маяам̣ д̇аяо взд̣̇з уг̇г̇ан̣хаабид̇аа, нану д̇зсу згам̣ маарзд̇ваа згасса сод̇т̇игаммасса гааран̣ам̣ наама над̇т̇ий’’д̇и. д̇аад̇а, иминаа убааязна амхаагам̣ б̣ахуд̇ханам̣ уббаж̇ж̇иссад̇и, д̇вам̣ бана ран̃н̃о д̇ханам̣ рагкид̇угаамо ман̃н̃зд̇и. маан̣аво ‘‘д̇зна хи, аажарияа, д̇умхз д̇умхаагам̣ гаммам̣ гарот̇а, ахам̣ д̇умхаагам̣ санд̇игз гим̣ гариссаамий’’д̇и вижаранд̇о ран̃н̃о уяяаанам̣ аг̇амааси.
Atīte bārāṇasiyaṃ brahmadatte rajjaṃ kārente bodhisatto udiccabrāhmaṇakule nibbattitvā vayappatto isipabbajjaṃ pabbajitvā abhiññā ceva samāpattiyo ca nibbattetvā himavantappadese jhānakīḷaṃ kīḷanto viharati. Tadā bārāṇasiyaṃ brahmadatto imināva niyāmena ime supine disvā brāhmaṇe pucchi. Brāhmaṇā evameva yaññaṃ yajituṃ ārabhiṃsu. Tesu purohitassa antevāsikamāṇavo paṇḍito byatto ācariyaṃ āha – ‘‘ācariya, tumhehi mayaṃ tayo vede uggaṇhāpitā, nanu tesu ekaṃ māretvā ekassa sotthikammassa kāraṇaṃ nāma natthī’’ti. Tāta, iminā upāyena amhākaṃ bahudhanaṃ uppajjissati, tvaṃ pana rañño dhanaṃ rakkhitukāmo maññeti. Māṇavo ‘‘tena hi, ācariya, tumhe tumhākaṃ kammaṃ karotha, ahaṃ tumhākaṃ santike kiṃ karissāmī’’ti vicaranto rañño uyyānaṃ agamāsi.
д̇ам̣ д̣̇ивасамзва б̣од̇хисад̇д̇оби д̇ам̣ гааран̣ам̣ н̃ад̇ваа ‘‘аж̇ж̇а маяи мануссабат̇ам̣ г̇ад̇з махааж̇анасса б̣анд̇ханаа могко бхависсад̇ий’’д̇и аагаасзна г̇анд̇ваа уяяаанз од̇арид̇ваа суван̣н̣абадимаа вияа ман̇г̇аласилаад̇алз нисийд̣̇и. маан̣аво б̣од̇хисад̇д̇ам̣ убасан̇гамид̇ваа ванд̣̇ид̇ваа згаманд̇ам̣ нисийд̣̇ид̇ваа бадисант̇аарамагааси. б̣од̇хисад̇д̇оби д̇зна сад̣̇д̇хим̣ мад̇хурабадисант̇аарам̣ гад̇ваа ‘‘гим̣ ну ко, маан̣ава, рааж̇аа д̇хаммзна раж̇ж̇ам̣ гаарзд̇ий’’д̇и бужчи. ‘‘бханд̇з, рааж̇аа наама д̇хаммиго, абижа ко д̇ам̣ б̣раахман̣аа ад̇ид̇т̇з багканд̣̇аабз’’нд̇и. рааж̇аа сол̣аса субинз д̣̇исваа б̣раахман̣аанам̣ аарожзси. б̣раахман̣аа ‘‘яан̃н̃ам̣ яаж̇иссаамаа’’д̇и аарад̣̇д̇хаа. гим̣ ну ко, бханд̇з, ‘‘аяам̣ наама имзсам̣ субинаанам̣ нибпад̇д̇ий’’д̇и рааж̇аанам̣ сан̃н̃аабзд̇ваа д̇умхаагам̣ махааж̇анам̣ бхаяаа можзд̇ум̣ на ваддад̇ийд̇и. маяам̣ ко, маан̣ава, рааж̇аанам̣ на ж̇аанаама, рааж̇ааби амхз на ж̇аанаад̇и. сажз бана ид̇хааг̇анд̇ваа бужчзяяа, гат̇зяяаамасса маяанд̇и. маан̣аво ‘‘ахам̣, бханд̇з, д̇ам̣ аанзссаами, д̇умхз мамааг̇аманам̣ уд̣̇игканд̇аа мухуд̇д̇ам̣ нисийд̣̇ат̇аа’’д̇и б̣од̇хисад̇д̇ам̣ бадиж̇аанаабзд̇ваа ран̃н̃о санд̇игам̣ г̇анд̇ваа ‘‘махаарааж̇а, зго аагаасажаариго д̇аабасо д̇умхаагам̣ уяяаанз од̇арид̇ваа ‘д̇умхзхи д̣̇идтасубинаанам̣ нибпад̇д̇им̣ гат̇зссаамий’д̇и д̇умхз баггосад̇ий’’д̇и ааха.
Taṃ divasameva bodhisattopi taṃ kāraṇaṃ ñatvā ‘‘ajja mayi manussapathaṃ gate mahājanassa bandhanā mokkho bhavissatī’’ti ākāsena gantvā uyyāne otaritvā suvaṇṇapaṭimā viya maṅgalasilātale nisīdi. Māṇavo bodhisattaṃ upasaṅkamitvā vanditvā ekamantaṃ nisīditvā paṭisanthāramakāsi. Bodhisattopi tena saddhiṃ madhurapaṭisanthāraṃ katvā ‘‘kiṃ nu kho, māṇava, rājā dhammena rajjaṃ kāretī’’ti pucchi. ‘‘Bhante, rājā nāma dhammiko, apica kho taṃ brāhmaṇā atitthe pakkhandāpe’’nti. Rājā soḷasa supine disvā brāhmaṇānaṃ ārocesi. Brāhmaṇā ‘‘yaññaṃ yajissāmā’’ti āraddhā. Kiṃ nu kho, bhante, ‘‘ayaṃ nāma imesaṃ supinānaṃ nipphattī’’ti rājānaṃ saññāpetvā tumhākaṃ mahājanaṃ bhayā mocetuṃ na vaṭṭatīti. Mayaṃ kho, māṇava, rājānaṃ na jānāma, rājāpi amhe na jānāti. Sace pana idhāgantvā puccheyya, katheyyāmassa mayanti. Māṇavo ‘‘ahaṃ, bhante, taṃ ānessāmi, tumhe mamāgamanaṃ udikkhantā muhuttaṃ nisīdathā’’ti bodhisattaṃ paṭijānāpetvā rañño santikaṃ gantvā ‘‘mahārāja, eko ākāsacāriko tāpaso tumhākaṃ uyyāne otaritvā ‘tumhehi diṭṭhasupinānaṃ nipphattiṃ kathessāmī’ti tumhe pakkosatī’’ti āha.
рааж̇аа д̇асса гат̇ам̣ суд̇ваа д̇аавад̣̇зва маханд̇зна бариваарзна уяяаанам̣ г̇анд̇ваа д̇аабасам̣ ванд̣̇ид̇ваа згаманд̇ам̣ нисинно бужчи ‘‘д̇умхз гира, бханд̇з, маяаа д̣̇идтасубинаанам̣ нибпад̇д̇им̣ ж̇аанаат̇аа’’д̇и? ‘‘аама, махаарааж̇аа’’д̇и. ‘‘д̇зна хи гат̇зт̇аа’’д̇и. ‘‘гат̇зми, махаарааж̇а, яат̇аад̣̇идтз д̇аава субинз мам̣ саавзхий’’д̇и. ‘‘саад̇ху, бханд̇з’’д̇и рааж̇аа –
Rājā tassa kathaṃ sutvā tāvadeva mahantena parivārena uyyānaṃ gantvā tāpasaṃ vanditvā ekamantaṃ nisinno pucchi ‘‘tumhe kira, bhante, mayā diṭṭhasupinānaṃ nipphattiṃ jānāthā’’ti? ‘‘Āma, mahārājā’’ti. ‘‘Tena hi kathethā’’ti. ‘‘Kathemi, mahārāja, yathādiṭṭhe tāva supine maṃ sāvehī’’ti. ‘‘Sādhu, bhante’’ti rājā –
77.
77.
‘‘усабхаа ругкаа г̇аавияо г̇аваа жа,
‘‘Usabhā rukkhā gāviyo gavā ca,
ассо гам̣со син̇г̇аалий жа гумбхо;
Asso kaṃso siṅgālī ca kumbho;
богкаран̣ий жа абаагажанд̣̇анам̣.
Pokkharaṇī ca apākacandanaṃ.
‘‘лааб̣ууни сийд̣̇анд̇и силаа блаванд̇и, ман̣д̣уугияо ган̣хасаббз г̇иланд̇и;
‘‘Lābūni sīdanti silā plavanti, maṇḍūkiyo kaṇhasappe gilanti;
гаагам̣ суван̣н̣аа бариваараяанд̇и, д̇асаа вагаа зл̣агаанам̣ бхаяаа хий’’д̇и. –
Kākaṃ suvaṇṇā parivārayanti, tasā vakā eḷakānaṃ bhayā hī’’ti. –
вад̇ваа басзнад̣̇иран̃н̃аа гат̇ид̇анияаамзнзва субинз гат̇зси.
Vatvā pasenadiraññā kathitaniyāmeneva supine kathesi.
б̣од̇хисад̇д̇оби д̇зсам̣ ид̣̇аани сад̇т̇аараа гат̇ид̇анияаамзнзва вид̇т̇аарад̇о нибпад̇д̇им̣ гат̇зд̇ваа барияосаанз саяам̣ ид̣̇ам̣ гат̇зси –
Bodhisattopi tesaṃ idāni satthārā kathitaniyāmeneva vitthārato nipphattiṃ kathetvā pariyosāne sayaṃ idaṃ kathesi –
‘‘вибарияаасо вад̇д̇ад̇и наяид̇ха мад̇т̇ий’’д̇и;
‘‘Vipariyāso vattati nayidha matthī’’ti;
д̇ад̇рааяамад̇т̇о – аяам̣, махаарааж̇а, имзсам̣ субинаанам̣ нибпад̇д̇и. яам̣ банзд̇ам̣ д̇зсам̣ бадигхаад̇ад̇т̇ааяа яан̃н̃агаммам̣ вад̇д̇ад̇и, д̇ам̣ вибарияаасо вад̇д̇ад̇и вибарийд̇ад̇о вад̇д̇ад̇и, вибаллаасзна вад̇д̇ад̇ийд̇и вуд̇д̇ам̣ ход̇и. гим̣гааран̣аа? имзсан̃хи нибпад̇д̇и наама логасса вибаривад̇д̇анагаалз, агааран̣асса гааран̣анд̇и г̇ахан̣агаалз, гааран̣асса агааран̣анд̇и чад̣д̣анагаалз, абхууд̇асса бхууд̇анд̇и г̇ахан̣агаалз, бхууд̇асса абхууд̇анд̇и ж̇аханагаалз, алаж̇ж̇ийнам̣ уссаннагаалз, лаж̇ж̇ийнан̃жа барихийнагаалз бхависсад̇и. наяид̇ха мад̇т̇ийд̇и ид̣̇аани бана д̇ава ваа мама ваа гаалз ид̇ха имасмим̣ бурисаяуг̇з вад̇д̇амаанз зд̇зсам̣ нибпад̇д̇и над̇т̇и. д̇асмаа зд̇зсам̣ бадигхаад̇ааяа вад̇д̇амаанам̣ яан̃н̃агаммам̣ вибаллаасзна вад̇д̇ад̇и, алам̣ д̇зна. над̇т̇и д̇з ид̇онид̣̇аанам̣ бхаяам̣ ваа чамбхид̇ад̇д̇ам̣ ваад̇и махаабурисо рааж̇аанам̣ самассаасзд̇ваа махааж̇анам̣ б̣анд̇ханаа можзд̇ваа буна аагаасз тад̇ваа ран̃н̃о оваад̣̇ам̣ д̣̇ад̇ваа бан̃жасу сийлзсу бад̇идтаабзд̇ваа ‘‘ид̇о бадтааяа, махаарааж̇а, б̣раахман̣зхи сад̣̇д̇хим̣ згад̇о худ̇ваа басугхаад̇аяан̃н̃ам̣ маа яаж̇ий’’д̇и д̇хаммам̣ д̣̇зсзд̇ваа аагаасзнзва ад̇д̇ано васанадтаанам̣ аг̇амааси. рааж̇ааби д̇асса оваад̣̇з тид̇о д̣̇аанаад̣̇ийни бун̃н̃аани гад̇ваа яат̇аагаммам̣ г̇ад̇о.
Tatrāyamattho – ayaṃ, mahārāja, imesaṃ supinānaṃ nipphatti. Yaṃ panetaṃ tesaṃ paṭighātatthāya yaññakammaṃ vattati, taṃ vipariyāso vattati viparītato vattati, vipallāsena vattatīti vuttaṃ hoti. Kiṃkāraṇā? Imesañhi nipphatti nāma lokassa viparivattanakāle, akāraṇassa kāraṇanti gahaṇakāle, kāraṇassa akāraṇanti chaḍḍanakāle, abhūtassa bhūtanti gahaṇakāle, bhūtassa abhūtanti jahanakāle, alajjīnaṃ ussannakāle, lajjīnañca parihīnakāle bhavissati. Nayidha matthīti idāni pana tava vā mama vā kāle idha imasmiṃ purisayuge vattamāne etesaṃ nipphatti natthi. Tasmā etesaṃ paṭighātāya vattamānaṃ yaññakammaṃ vipallāsena vattati, alaṃ tena. Natthi te itonidānaṃ bhayaṃ vā chambhitattaṃ vāti mahāpuriso rājānaṃ samassāsetvā mahājanaṃ bandhanā mocetvā puna ākāse ṭhatvā rañño ovādaṃ datvā pañcasu sīlesu patiṭṭhāpetvā ‘‘ito paṭṭhāya, mahārāja, brāhmaṇehi saddhiṃ ekato hutvā pasughātayaññaṃ mā yajī’’ti dhammaṃ desetvā ākāseneva attano vasanaṭṭhānaṃ agamāsi. Rājāpi tassa ovāde ṭhito dānādīni puññāni katvā yathākammaṃ gato.
сад̇т̇аа имам̣ д̇хаммад̣̇зсанам̣ аахарид̇ваа ‘‘субинабажжаяаа д̇з бхаяам̣ над̇т̇и, харзд̇ам̣ яан̃н̃а’’нд̇и яан̃н̃ам̣ хаарзд̇ваа махааж̇анасса ж̇ийвид̇ад̣̇аанам̣ д̣̇ад̇ваа анусанд̇хим̣ гхадзд̇ваа ж̇аад̇агам̣ самод̇хаанзси – ‘‘д̇ад̣̇аа рааж̇аа аананд̣̇о ахоси, маан̣аво саарибуд̇д̇о, д̇аабасо бана ахамзва ахоси’’нд̇и.
Satthā imaṃ dhammadesanaṃ āharitvā ‘‘supinapaccayā te bhayaṃ natthi, haretaṃ yañña’’nti yaññaṃ hāretvā mahājanassa jīvitadānaṃ datvā anusandhiṃ ghaṭetvā jātakaṃ samodhānesi – ‘‘tadā rājā ānando ahosi, māṇavo sāriputto, tāpaso pana ahameva ahosi’’nti.
бариниб̣б̣уд̇з бана бхаг̇авад̇и сан̇г̇ийд̇игаарагаа ‘‘усабхаа’’д̇иаад̣̇ийни д̇ийн̣и бад̣̇аани адтагат̇ам̣ ааробзд̇ваа ‘‘лааб̣ууний’’д̇иаад̣̇ийни жад̇д̇аари бад̣̇аани згам̣ г̇аат̇ам̣ гад̇ваа згаганибаад̇абаал̣им̣ ааробзсунд̇и.
Parinibbute pana bhagavati saṅgītikārakā ‘‘usabhā’’tiādīni tīṇi padāni aṭṭhakathaṃ āropetvā ‘‘lābūnī’’tiādīni cattāri padāni ekaṃ gāthaṃ katvā ekakanipātapāḷiṃ āropesunti.
махаасубинаж̇аад̇агаван̣н̣анаа сад̇д̇амаа.
Mahāsupinajātakavaṇṇanā sattamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 77. махаасубинаж̇аад̇агам̣ • 77. Mahāsupinajātakaṃ
