| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
6. махаасубинасуд̇д̇ам̣
6. Mahāsupinasuttaṃ
196. ‘‘д̇ат̇ааг̇ад̇асса, бхигкавз, арахад̇о саммаасамб̣уд̣̇д̇хасса буб̣б̣зва самб̣од̇хаа анабхисамб̣уд̣̇д̇хасса б̣од̇хисад̇д̇ассзва сад̇о бан̃жа махаасубинаа баад̇урахзсум̣. гад̇амз бан̃жа? д̇ат̇ааг̇ад̇асса, бхигкавз, арахад̇о саммаасамб̣уд̣̇д̇хасса буб̣б̣зва самб̣од̇хаа анабхисамб̣уд̣̇д̇хасса б̣од̇хисад̇д̇ассзва сад̇о аяам̣ махаабат̇авий махаасаяанам̣ ахоси, химаваа баб̣б̣ад̇арааж̇аа б̣иб̣б̣оханам̣ 1 ахоси, бурад̇т̇имз самуд̣̇д̣̇з ваамо хад̇т̇о охид̇о ахоси, бажчимз самуд̣̇д̣̇з д̣̇агкин̣о хад̇т̇о охид̇о ахоси, д̣̇агкин̣з самуд̣̇д̣̇з убхо баад̣̇аа охид̇аа ахзсум̣. д̇ат̇ааг̇ад̇асса, бхигкавз, арахад̇о саммаасамб̣уд̣̇д̇хасса буб̣б̣зва самб̣од̇хаа анабхисамб̣уд̣̇д̇хасса б̣од̇хисад̇д̇ассзва сад̇о аяам̣ батамо махаасубино баад̇урахоси.
196. ‘‘Tathāgatassa, bhikkhave, arahato sammāsambuddhassa pubbeva sambodhā anabhisambuddhassa bodhisattasseva sato pañca mahāsupinā pāturahesuṃ. Katame pañca? Tathāgatassa, bhikkhave, arahato sammāsambuddhassa pubbeva sambodhā anabhisambuddhassa bodhisattasseva sato ayaṃ mahāpathavī mahāsayanaṃ ahosi, himavā pabbatarājā bibbohanaṃ 2 ahosi, puratthime samudde vāmo hattho ohito ahosi, pacchime samudde dakkhiṇo hattho ohito ahosi, dakkhiṇe samudde ubho pādā ohitā ahesuṃ. Tathāgatassa, bhikkhave, arahato sammāsambuddhassa pubbeva sambodhā anabhisambuddhassa bodhisattasseva sato ayaṃ paṭhamo mahāsupino pāturahosi.
‘‘буна жабарам̣, бхигкавз, д̇ат̇ааг̇ад̇асса арахад̇о саммаасамб̣уд̣̇д̇хасса буб̣б̣зва самб̣од̇хаа анабхисамб̣уд̣̇д̇хасса б̣од̇хисад̇д̇ассзва сад̇о д̇ирияаа наама д̇ин̣аж̇аад̇и наабхияаа уг̇г̇анд̇ваа набхам̣ аахажжа тид̇аа ахоси. д̇ат̇ааг̇ад̇асса, бхигкавз , арахад̇о саммаасамб̣уд̣̇д̇хасса буб̣б̣зва самб̣од̇хаа анабхисамб̣уд̣̇д̇хасса б̣од̇хисад̇д̇ассзва сад̇о аяам̣ д̣̇уд̇ияо махаасубино баад̇урахоси.
‘‘Puna caparaṃ, bhikkhave, tathāgatassa arahato sammāsambuddhassa pubbeva sambodhā anabhisambuddhassa bodhisattasseva sato tiriyā nāma tiṇajāti nābhiyā uggantvā nabhaṃ āhacca ṭhitā ahosi. Tathāgatassa, bhikkhave , arahato sammāsambuddhassa pubbeva sambodhā anabhisambuddhassa bodhisattasseva sato ayaṃ dutiyo mahāsupino pāturahosi.
‘‘буна жабарам̣, бхигкавз, д̇ат̇ааг̇ад̇асса арахад̇о саммаасамб̣уд̣̇д̇хасса буб̣б̣зва самб̣од̇хаа анабхисамб̣уд̣̇д̇хасса б̣од̇хисад̇д̇ассзва сад̇о сзд̇аа гимий ган̣хасийсаа баад̣̇зхи уссаггид̇ваа ( ) 3 яаава ж̇аан̣уман̣д̣алаа бадижчаад̣̇зсум̣. д̇ат̇ааг̇ад̇асса, бхигкавз, арахад̇о саммаасамб̣уд̣̇д̇хасса буб̣б̣зва самб̣од̇хаа анабхисамб̣уд̣̇д̇хасса б̣од̇хисад̇д̇ассзва сад̇о аяам̣ д̇ад̇ияо махаасубино баад̇урахоси.
‘‘Puna caparaṃ, bhikkhave, tathāgatassa arahato sammāsambuddhassa pubbeva sambodhā anabhisambuddhassa bodhisattasseva sato setā kimī kaṇhasīsā pādehi ussakkitvā ( ) 4 yāva jāṇumaṇḍalā paṭicchādesuṃ. Tathāgatassa, bhikkhave, arahato sammāsambuddhassa pubbeva sambodhā anabhisambuddhassa bodhisattasseva sato ayaṃ tatiyo mahāsupino pāturahosi.
‘‘буна жабарам̣, бхигкавз, д̇ат̇ааг̇ад̇асса арахад̇о саммаасамб̣уд̣̇д̇хасса буб̣б̣зва самб̣од̇хаа анабхисамб̣уд̣̇д̇хасса б̣од̇хисад̇д̇ассзва сад̇о жад̇д̇ааро сагун̣аа наанааван̣н̣аа жад̇уухи д̣̇исаахи ааг̇анд̇ваа баад̣̇амуулз нибад̇ид̇ваа саб̣б̣асзд̇аа самбаж̇ж̇им̣су. д̇ат̇ааг̇ад̇асса, бхигкавз, арахад̇о саммаасамб̣уд̣̇д̇хасса буб̣б̣зва самб̣од̇хаа анабхисамб̣уд̣̇д̇хасса б̣од̇хисад̇д̇ассзва сад̇о аяам̣ жад̇уд̇т̇о махаасубино баад̇урахоси.
‘‘Puna caparaṃ, bhikkhave, tathāgatassa arahato sammāsambuddhassa pubbeva sambodhā anabhisambuddhassa bodhisattasseva sato cattāro sakuṇā nānāvaṇṇā catūhi disāhi āgantvā pādamūle nipatitvā sabbasetā sampajjiṃsu. Tathāgatassa, bhikkhave, arahato sammāsambuddhassa pubbeva sambodhā anabhisambuddhassa bodhisattasseva sato ayaṃ catuttho mahāsupino pāturahosi.
‘‘буна жабарам̣, бхигкавз, д̇ат̇ааг̇ад̇о арахам̣ саммаасамб̣уд̣̇д̇хо буб̣б̣зва самб̣од̇хаа анабхисамб̣уд̣̇д̇хо б̣од̇хисад̇д̇ова самаано махад̇о мийл̣хабаб̣б̣ад̇асса убаруубари жан̇гамад̇и алиббамаано мийл̣хзна. д̇ат̇ааг̇ад̇асса, бхигкавз, арахад̇о саммаасамб̣уд̣̇д̇хасса буб̣б̣зва самб̣од̇хаа анабхисамб̣уд̣̇д̇хасса б̣од̇хисад̇д̇ассзва сад̇о аяам̣ бан̃жамо махаасубино баад̇урахоси.
‘‘Puna caparaṃ, bhikkhave, tathāgato arahaṃ sammāsambuddho pubbeva sambodhā anabhisambuddho bodhisattova samāno mahato mīḷhapabbatassa uparūpari caṅkamati alippamāno mīḷhena. Tathāgatassa, bhikkhave, arahato sammāsambuddhassa pubbeva sambodhā anabhisambuddhassa bodhisattasseva sato ayaṃ pañcamo mahāsupino pāturahosi.
‘‘яамби , бхигкавз, д̇ат̇ааг̇ад̇асса арахад̇о саммаасамб̣уд̣̇д̇хасса буб̣б̣зва самб̣од̇хаа анабхисамб̣уд̣̇д̇хасса б̣од̇хисад̇д̇ассзва сад̇о аяам̣ махаабат̇авий махаасаяанам̣ ахоси, химаваа баб̣б̣ад̇арааж̇аа б̣иб̣б̣оханам̣ ахоси, бурад̇т̇имз самуд̣̇д̣̇з ваамо хад̇т̇о охид̇о ахоси, бажчимз самуд̣̇д̣̇з д̣̇агкин̣о хад̇т̇о охид̇о ахоси, д̣̇агкин̣з самуд̣̇д̣̇з убхо баад̣̇аа охид̇аа ахзсум̣; д̇ат̇ааг̇ад̇зна , бхигкавз, арахад̇аа саммаасамб̣уд̣̇д̇хзна ануд̇д̇араа саммаасамб̣од̇хи абхисамб̣уд̣̇д̇хаа. д̇ассаа абхисамб̣од̇хааяа аяам̣ батамо махаасубино баад̇урахоси.
‘‘Yampi , bhikkhave, tathāgatassa arahato sammāsambuddhassa pubbeva sambodhā anabhisambuddhassa bodhisattasseva sato ayaṃ mahāpathavī mahāsayanaṃ ahosi, himavā pabbatarājā bibbohanaṃ ahosi, puratthime samudde vāmo hattho ohito ahosi, pacchime samudde dakkhiṇo hattho ohito ahosi, dakkhiṇe samudde ubho pādā ohitā ahesuṃ; tathāgatena , bhikkhave, arahatā sammāsambuddhena anuttarā sammāsambodhi abhisambuddhā. Tassā abhisambodhāya ayaṃ paṭhamo mahāsupino pāturahosi.
‘‘яамби , бхигкавз, д̇ат̇ааг̇ад̇асса арахад̇о саммаасамб̣уд̣̇д̇хасса буб̣б̣зва самб̣од̇хаа анабхисамб̣уд̣̇д̇хасса б̣од̇хисад̇д̇ассзва сад̇о д̇ирияаа наама д̇ин̣аж̇аад̇и наабхияаа уг̇г̇анд̇ваа набхам̣ аахажжа тид̇аа ахоси; д̇ат̇ааг̇ад̇зна, бхигкавз, арахад̇аа саммаасамб̣уд̣̇д̇хзна арияо адтан̇г̇иго маг̇г̇о абхисамб̣уж̇жхид̇ваа яаава д̣̇звамануссзхи суббагаасид̇о. д̇асса абхисамб̣од̇хааяа аяам̣ д̣̇уд̇ияо махаасубино баад̇урахоси.
‘‘Yampi , bhikkhave, tathāgatassa arahato sammāsambuddhassa pubbeva sambodhā anabhisambuddhassa bodhisattasseva sato tiriyā nāma tiṇajāti nābhiyā uggantvā nabhaṃ āhacca ṭhitā ahosi; tathāgatena, bhikkhave, arahatā sammāsambuddhena ariyo aṭṭhaṅgiko maggo abhisambujjhitvā yāva devamanussehi suppakāsito. Tassa abhisambodhāya ayaṃ dutiyo mahāsupino pāturahosi.
‘‘яамби, бхигкавз, д̇ат̇ааг̇ад̇асса арахад̇о саммаасамб̣уд̣̇д̇хасса буб̣б̣зва самб̣од̇хаа анабхисамб̣уд̣̇д̇хасса б̣од̇хисад̇д̇ассзва сад̇о сзд̇аа гимий ган̣хасийсаа баад̣̇зхи уссаггид̇ваа яаава ж̇аан̣уман̣д̣алаа бадижчаад̣̇зсум̣; б̣ахуу, бхигкавз, г̇ихий од̣̇аад̇авасанаа д̇ат̇ааг̇ад̇ам̣ баан̣убзд̇аа 5 саран̣ам̣ г̇ад̇аа. д̇асса абхисамб̣од̇хааяа аяам̣ д̇ад̇ияо махаасубино баад̇урахоси.
‘‘Yampi, bhikkhave, tathāgatassa arahato sammāsambuddhassa pubbeva sambodhā anabhisambuddhassa bodhisattasseva sato setā kimī kaṇhasīsā pādehi ussakkitvā yāva jāṇumaṇḍalā paṭicchādesuṃ; bahū, bhikkhave, gihī odātavasanā tathāgataṃ pāṇupetā 6 saraṇaṃ gatā. Tassa abhisambodhāya ayaṃ tatiyo mahāsupino pāturahosi.
‘‘яамби, бхигкавз, д̇ат̇ааг̇ад̇асса арахад̇о саммаасамб̣уд̣̇д̇хасса буб̣б̣зва самб̣од̇хаа анабхисамб̣уд̣̇д̇хасса б̣од̇хисад̇д̇ассзва сад̇о жад̇д̇ааро сагун̣аа наанааван̣н̣аа жад̇уухи д̣̇исаахи ааг̇анд̇ваа баад̣̇амуулз нибад̇ид̇ваа саб̣б̣асзд̇аа самбаж̇ж̇им̣су; жад̇д̇ааромз, бхигкавз, ван̣н̣аа кад̇д̇ияаа б̣раахман̣аа взссаа суд̣̇д̣̇аа д̇з д̇ат̇ааг̇ад̇аббавзд̣̇ид̇з д̇хаммавинаяз аг̇аарасмаа анаг̇аарияам̣ баб̣б̣аж̇ид̇ваа ануд̇д̇арам̣ вимуд̇д̇им̣ сажчигаронд̇и. д̇асса абхисамб̣од̇хааяа аяам̣ жад̇уд̇т̇о махаасубино баад̇урахоси.
‘‘Yampi, bhikkhave, tathāgatassa arahato sammāsambuddhassa pubbeva sambodhā anabhisambuddhassa bodhisattasseva sato cattāro sakuṇā nānāvaṇṇā catūhi disāhi āgantvā pādamūle nipatitvā sabbasetā sampajjiṃsu; cattārome, bhikkhave, vaṇṇā khattiyā brāhmaṇā vessā suddā te tathāgatappavedite dhammavinaye agārasmā anagāriyaṃ pabbajitvā anuttaraṃ vimuttiṃ sacchikaronti. Tassa abhisambodhāya ayaṃ catuttho mahāsupino pāturahosi.
‘‘яамби, бхигкавз, д̇ат̇ааг̇ад̇о арахам̣ саммаасамб̣уд̣̇д̇хо буб̣б̣зва самб̣од̇хаа анабхисамб̣уд̣̇д̇хо б̣од̇хисад̇д̇ова самаано махад̇о мийл̣хабаб̣б̣ад̇асса убаруубари жан̇гамад̇и алиббамаано мийл̣хзна; лаабхий, бхигкавз, д̇ат̇ааг̇ад̇о жийварабин̣д̣абаад̇асзнаасанаг̇илаанаббажжаяабхзсаж̇ж̇абаригкаараанам̣, д̇ам̣ 7 д̇ат̇ааг̇ад̇о аг̇ат̇ид̇о 8 амужчид̇о анаж̇жхосанно 9 аад̣̇ийнавад̣̇ассаавий ниссаран̣абан̃н̃о барибхун̃ж̇ад̇и. д̇асса абхисамб̣од̇хааяа аяам̣ бан̃жамо махаасубино баад̇урахоси.
‘‘Yampi, bhikkhave, tathāgato arahaṃ sammāsambuddho pubbeva sambodhā anabhisambuddho bodhisattova samāno mahato mīḷhapabbatassa uparūpari caṅkamati alippamāno mīḷhena; lābhī, bhikkhave, tathāgato cīvarapiṇḍapātasenāsanagilānappaccayabhesajjaparikkhārānaṃ, taṃ 10 tathāgato agathito 11 amucchito anajjhosanno 12 ādīnavadassāvī nissaraṇapañño paribhuñjati. Tassa abhisambodhāya ayaṃ pañcamo mahāsupino pāturahosi.
‘‘д̇ат̇ааг̇ад̇асса, бхигкавз, арахад̇о саммаасамб̣уд̣̇д̇хасса буб̣б̣зва самб̣од̇хаа анабхисамб̣уд̣̇д̇хасса б̣од̇хисад̇д̇ассзва сад̇о имз бан̃жа махаасубинаа баад̇урахзсу’’нд̇и. чадтам̣.
‘‘Tathāgatassa, bhikkhave, arahato sammāsambuddhassa pubbeva sambodhā anabhisambuddhassa bodhisattasseva sato ime pañca mahāsupinā pāturahesu’’nti. Chaṭṭhaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 6. махаасубинасуд̇д̇аван̣н̣анаа • 6. Mahāsupinasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 6. махаасубинасуд̇д̇аван̣н̣анаа • 6. Mahāsupinasuttavaṇṇanā
