| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੬. ਮਹਾਸੁਪਿਨਸੁਤ੍ਤવਣ੍ਣਨਾ
6. Mahāsupinasuttavaṇṇanā
੧੯੬. ਛਟ੍ਠੇ ਮਹਾਸੁਪਿਨਾਤਿ ਮਹਨ੍ਤੇਹਿ ਪੁਰਿਸੇਹਿ ਪਸ੍ਸਿਤਬ੍ਬਤੋ ਮਹਨ੍ਤਾਨਞ੍ਚ ਅਤ੍ਥਾਨਂ ਨਿਮਿਤ੍ਤਭਾવਤੋ ਮਹਾਸੁਪਿਨਾ। ਪਾਤੁਰਹੇਸੁਨ੍ਤਿ ਪਾਕਟਾ ਅਹੇਸੁਂ। ਤਤ੍ਥ ਸੁਪਿਨਂ ਪਸ੍ਸਨ੍ਤੋ ਚਤੂਹਿ ਕਾਰਣੇਹਿ ਪਸ੍ਸਤਿ ਧਾਤੁਕ੍ਖੋਭਤੋ વਾ ਅਨੁਭੂਤਪੁਬ੍ਬਤੋ વਾ ਦੇવਤੋਪਸਂਹਾਰਤੋ વਾ ਪੁਬ੍ਬਨਿਮਿਤ੍ਤਤੋ વਾਤਿ।
196. Chaṭṭhe mahāsupināti mahantehi purisehi passitabbato mahantānañca atthānaṃ nimittabhāvato mahāsupinā. Pāturahesunti pākaṭā ahesuṃ. Tattha supinaṃ passanto catūhi kāraṇehi passati dhātukkhobhato vā anubhūtapubbato vā devatopasaṃhārato vā pubbanimittato vāti.
ਤਤ੍ਥ ਪਿਤ੍ਤਾਦੀਨਂ ਖੋਭਕਰਣਪਚ੍ਚਯਪ੍ਪਯੋਗੇਨ ਖੁਭਿਤਧਾਤੁਕੋ ਧਾਤੁਕ੍ਖੋਭਤੋ ਸੁਪਿਨਂ ਪਸ੍ਸਤਿ। ਪਸ੍ਸਨ੍ਤੋ ਚ ਨਾਨਾવਿਧਂ ਸੁਪਿਨਂ ਪਸ੍ਸਤਿ ਪਬ੍ਬਤਾ ਪਤਨ੍ਤੋ વਿਯ, ਆਕਾਸੇਨ ਗਚ੍ਛਨ੍ਤੋ વਿਯ, વਾਲ਼ਮਿਗਹਤ੍ਥਿਚੋਰਾਦੀਹਿ ਅਨੁਬਦ੍ਧੋ વਿਯ ਚ। ਅਨੁਭੂਤਪੁਬ੍ਬਤੋ ਪਸ੍ਸਨ੍ਤੋ ਪੁਬ੍ਬੇ ਅਨੁਭੂਤਪੁਬ੍ਬਂ ਆਰਮ੍ਮਣਂ ਪਸ੍ਸਤਿ। ਦੇવਤੋਪਸਂਹਾਰਤੋ ਪਸ੍ਸਨ੍ਤਸ੍ਸ ਦੇવਤਾ ਅਤ੍ਥਕਾਮਤਾਯ વਾ ਅਨਤ੍ਥਕਾਮਤਾਯ વਾ ਅਤ੍ਥਾਯ વਾ ਅਨਤ੍ਥਾਯ વਾ ਨਾਨਾવਿਧਾਨਿ ਆਰਮ੍ਮਣਾਨਿ ਉਪਸਂਹਰਨ੍ਤਿ। ਸੋ ਤਾਸਂ ਦੇવਤਾਨਂ ਆਨੁਭਾવੇਨ ਤਾਨਿ ਆਰਮ੍ਮਣਾਨਿ ਪਸ੍ਸਤਿ। ਪੁਬ੍ਬਨਿਮਿਤ੍ਤਤੋ ਪਸ੍ਸਨ੍ਤੋ ਪੁਞ੍ਞਾਪੁਞ੍ਞવਸੇਨ ਉਪ੍ਪਜ੍ਜਿਤੁਕਾਮਸ੍ਸ ਅਤ੍ਥਸ੍ਸ વਾ ਅਨਤ੍ਥਸ੍ਸ વਾ ਪੁਬ੍ਬਨਿਮਿਤ੍ਤਭੂਤਂ ਸੁਪਿਨਂ ਪਸ੍ਸਤਿ ਬੋਧਿਸਤ੍ਤਮਾਤਾ વਿਯ ਪੁਤ੍ਤਪਟਿਲਾਭਨਿਮਿਤ੍ਤਂ, ਕੋਸਲਰਾਜਾ વਿਯ ਸੋਲ਼ਸ ਸੁਪਿਨੇ, ਅਯਮੇવ ਭਗવਾ ਬੋਧਿਸਤ੍ਤਭੂਤੋ ਇਮੇ ਪਞ੍ਚ ਮਹਾਸੁਪਿਨੇ વਿਯ ਚਾਤਿ।
Tattha pittādīnaṃ khobhakaraṇapaccayappayogena khubhitadhātuko dhātukkhobhato supinaṃ passati. Passanto ca nānāvidhaṃ supinaṃ passati pabbatā patanto viya, ākāsena gacchanto viya, vāḷamigahatthicorādīhi anubaddho viya ca. Anubhūtapubbato passanto pubbe anubhūtapubbaṃ ārammaṇaṃ passati. Devatopasaṃhārato passantassa devatā atthakāmatāya vā anatthakāmatāya vā atthāya vā anatthāya vā nānāvidhāni ārammaṇāni upasaṃharanti. So tāsaṃ devatānaṃ ānubhāvena tāni ārammaṇāni passati. Pubbanimittato passanto puññāpuññavasena uppajjitukāmassa atthassa vā anatthassa vā pubbanimittabhūtaṃ supinaṃ passati bodhisattamātā viya puttapaṭilābhanimittaṃ, kosalarājā viya soḷasa supine, ayameva bhagavā bodhisattabhūto ime pañca mahāsupine viya cāti.
ਤਤ੍ਥ ਯਂ ਧਾਤੁਕ੍ਖੋਭਤੋ ਅਨੁਭੂਤਪੁਬ੍ਬਤੋ ਚ ਸੁਪਿਨੇ ਪਸ੍ਸਤਿ, ਨ ਤਂ ਸਚ੍ਚਂ ਹੋਤਿ। ਯਂ ਦੇવਤੋਪਸਂਹਾਰਤੋ ਪਸ੍ਸਤਿ, ਤਂ ਸਚ੍ਚਂ વਾ ਹੋਤਿ ਅਲਿਕਂ વਾ। ਕੁਦ੍ਧਾ ਹਿ ਦੇવਤਾ ਉਪਾਯੇਨ વਿਨਾਸੇਤੁਕਾਮਾ વਿਪਰੀਤਮ੍ਪਿ ਕਤ੍વਾ ਦਸ੍ਸੇਨ੍ਤਿ। ਯਂ ਪਨ ਪੁਬ੍ਬਨਿਮਿਤ੍ਤਤੋ ਪਸ੍ਸਤਿ, ਤਂ ਏਕਨ੍ਤਂ ਸਚ੍ਚਮੇવ ਹੋਤਿ। ਏਤੇਸਂ ਚਤੁਨ੍ਨਂ ਮੂਲਕਾਰਣਾਨਂ ਸਂਸਗ੍ਗਭੇਦਤੋਪਿ ਸੁਪਿਨਭੇਦੋ ਹੋਤਿਯੇવ।
Tattha yaṃ dhātukkhobhato anubhūtapubbato ca supine passati, na taṃ saccaṃ hoti. Yaṃ devatopasaṃhārato passati, taṃ saccaṃ vā hoti alikaṃ vā. Kuddhā hi devatā upāyena vināsetukāmā viparītampi katvā dassenti. Yaṃ pana pubbanimittato passati, taṃ ekantaṃ saccameva hoti. Etesaṃ catunnaṃ mūlakāraṇānaṃ saṃsaggabhedatopi supinabhedo hotiyeva.
ਤਂ ਪਨੇਤਂ ਚਤੁਬ੍ਬਿਧਮ੍ਪਿ ਸੁਪਿਨਂ ਸੇਖਪੁਥੁਜ੍ਜਨਾવ ਪਸ੍ਸਨ੍ਤਿ ਅਪ੍ਪਹੀਨવਿਪਲ੍ਲਾਸਤ੍ਤਾ, ਅਸੇਖਾ ਨ ਪਸ੍ਸਨ੍ਤਿ ਪਹੀਨવਿਪਲ੍ਲਾਸਤ੍ਤਾ। ਕਿਂ ਪਨੇਤਂ ਪਸ੍ਸਨ੍ਤੋ ਸੁਤ੍ਤੋ ਪਸ੍ਸਤਿ ਪਟਿਬੁਦ੍ਧੋ, ਉਦਾਹੁ ਨੇવ ਸੁਤ੍ਤੋ ਨ ਪਟਿਬੁਦ੍ਧੋਤਿ? ਕਿਞ੍ਚੇਤ੍ਥ ਯਦਿ ਤਾવ ਸੁਤ੍ਤੋ ਪਸ੍ਸਤਿ, ਅਭਿਧਮ੍ਮવਿਰੋਧੋ ਆਪਜ੍ਜਤਿ। ਭવਙ੍ਗਚਿਤ੍ਤੇਨ ਹਿ ਸੁਪਤਿ, ਤਂ ਰੂਪਨਿਮਿਤ੍ਤਾਦਿਆਰਮ੍ਮਣਂ ਰਾਗਾਦਿਸਮ੍ਪਯੁਤ੍ਤਂ વਾ ਨ ਹੋਤਿ। ਸੁਪਿਨਂ ਪਸ੍ਸਨ੍ਤਸ੍ਸ ਚ ਈਦਿਸਾਨਿ ਚਿਤ੍ਤਾਨਿ ਉਪ੍ਪਜ੍ਜਨ੍ਤਿ। ਅਥ ਪਟਿਬੁਦ੍ਧੋ ਪਸ੍ਸਤਿ, વਿਨਯવਿਰੋਧੋ ਆਪਜ੍ਜਤਿ। ਯਞ੍ਹਿ ਪਟਿਬੁਦ੍ਧੋ ਪਸ੍ਸਤਿ, ਤਂ ਸਬ੍ਬੋਹਾਰਿਕਚਿਤ੍ਤੇਨ ਪਸ੍ਸਤਿ। ਸਬ੍ਬੋਹਾਰਿਕਚਿਤ੍ਤੇਨ ਚ ਕਤੇ વੀਤਿਕ੍ਕਮੇ ਅਨਾਪਤ੍ਤਿ ਨਾਮ ਨਤ੍ਥਿ। ਸੁਪਿਨਂ ਪਸ੍ਸਨ੍ਤੇਨ ਪਨ ਕਤੇਪਿ વੀਤਿਕ੍ਕਮੇ ਏਕਨ੍ਤਂ ਅਨਾਪਤ੍ਤਿ ਏવ। ਅਥ ਨੇવ ਸੁਤ੍ਤੋ ਨ ਪਟਿਬੁਦ੍ਧੋ ਪਸ੍ਸਤਿ, ਨ ਨਾਮ ਪਸ੍ਸਤਿ। ਏવਞ੍ਚ ਸਤਿ ਸੁਪਿਨਸ੍ਸ ਅਭਾવੋ ਚ ਆਪਜ੍ਜਤਿ? ਨ ਅਭਾવੋ। ਕਸ੍ਮਾ? ਯਸ੍ਮਾ ਕਪਿਮਿਦ੍ਧਪਰੇਤੋ ਪਸ੍ਸਤਿ। વੁਤ੍ਤਞ੍ਹੇਤਂ – ‘‘ਕਪਿਮਿਦ੍ਧਪਰੇਤੋ ਖੋ, ਮਹਾਰਾਜ, ਸੁਪਿਨਂ ਪਸ੍ਸਤੀ’’ਤਿ।
Taṃ panetaṃ catubbidhampi supinaṃ sekhaputhujjanāva passanti appahīnavipallāsattā, asekhā na passanti pahīnavipallāsattā. Kiṃ panetaṃ passanto sutto passati paṭibuddho, udāhu neva sutto na paṭibuddhoti? Kiñcettha yadi tāva sutto passati, abhidhammavirodho āpajjati. Bhavaṅgacittena hi supati, taṃ rūpanimittādiārammaṇaṃ rāgādisampayuttaṃ vā na hoti. Supinaṃ passantassa ca īdisāni cittāni uppajjanti. Atha paṭibuddho passati, vinayavirodho āpajjati. Yañhi paṭibuddho passati, taṃ sabbohārikacittena passati. Sabbohārikacittena ca kate vītikkame anāpatti nāma natthi. Supinaṃ passantena pana katepi vītikkame ekantaṃ anāpatti eva. Atha neva sutto na paṭibuddho passati, na nāma passati. Evañca sati supinassa abhāvo ca āpajjati? Na abhāvo. Kasmā? Yasmā kapimiddhapareto passati. Vuttañhetaṃ – ‘‘kapimiddhapareto kho, mahārāja, supinaṃ passatī’’ti.
ਕਪਿਮਿਦ੍ਧਪਰੇਤੋਤਿ ਮਕ੍ਕਟਨਿਦ੍ਦਾਯ ਯੁਤ੍ਤੋ। ਯਥਾ ਹਿ ਮਕ੍ਕਟਸ੍ਸ ਨਿਦ੍ਦਾ ਲਹੁਪਰਿવਤ੍ਤਾ ਹੋਤਿ, ਏવਂ ਯਾ ਨਿਦ੍ਦਾ ਪੁਨਪ੍ਪੁਨਂ ਕੁਸਲਾਦਿਚਿਤ੍ਤવੋਕਿਣ੍ਣਤ੍ਤਾ ਲਹੁਪਰਿવਤ੍ਤਾ, ਯਸ੍ਸਾ ਪવਤ੍ਤਿਯਂ ਪੁਨਪ੍ਪੁਨਂ ਭવਙ੍ਗਤੋ ਉਤ੍ਤਰਣਂ ਹੋਤਿ, ਤਾਯ ਯੁਤ੍ਤੋ ਸੁਪਿਨਂ ਪਸ੍ਸਤਿ। ਤੇਨਾਯਂ ਸੁਪਿਨੋ ਕੁਸਲੋਪਿ ਹੋਤਿ ਅਕੁਸਲੋਪਿ ਅਬ੍ਯਾਕਤੋਪਿ। ਤਤ੍ਥ ਸੁਪਿਨਨ੍ਤੇ ਚੇਤਿਯવਨ੍ਦਨਧਮ੍ਮਸ੍ਸવਨਧਮ੍ਮਦੇਸਨਾਦੀਨਿ ਕਰੋਨ੍ਤਸ੍ਸ ਕੁਸਲੋ, ਪਾਣਾਤਿਪਾਤਾਦੀਨਿ ਕਰੋਨ੍ਤਸ੍ਸ ਅਕੁਸਲੋ, ਦ੍વੀਹਿ ਅਨ੍ਤੇਹਿ ਮੁਤ੍ਤੋ ਆવਜ੍ਜਨਤਦਾਰਮ੍ਮਣਕ੍ਖਣੇ ਅਬ੍ਯਾਕਤੋਤਿ વੇਦਿਤਬ੍ਬੋ। ਸ੍વਾਯਂ ਦੁਬ੍ਬਲવਤ੍ਥੁਕਤ੍ਤਾ ਚੇਤਨਾਯ ਪਟਿਸਨ੍ਧਿਂ ਆਕਡ੍ਢਿਤੁਂ ਅਸਮਤ੍ਥੋ। ਪવਤ੍ਤੇ ਪਨ ਅਞ੍ਞੇਹਿ ਕੁਸਲਾਕੁਸਲੇਹਿ ਉਪਤ੍ਥਮ੍ਭਿਤੋ વਿਪਾਕਂ ਦੇਤਿ। ਕਿਞ੍ਚਾਪਿ વਿਪਾਕਂ ਦੇਤਿ, ਅਥ ਖੋ ਅવਿਸਯੇ ਉਪ੍ਪਨ੍ਨਤ੍ਤਾ ਅਬ੍ਬੋਹਾਰਿਕਾવ ਸੁਪਿਨਨ੍ਤਚੇਤਨਾ। ਸੋ ਪਨੇਸ ਸੁਪਿਨੋ ਕਾਲવਸੇਨਪਿ ਦਿવਾ ਤਾવ ਦਿਟ੍ਠੋ ਨ ਸਮੇਤਿ, ਤਥਾ ਪਠਮਯਾਮੇ ਮਜ੍ਝਿਮਯਾਮੇ ਪਚ੍ਛਿਮਯਾਮੇ ਚ। ਬਲવਪਚ੍ਚੂਸੇ ਪਨ ਅਸਿਤਪੀਤਖਾਯਿਤੇ ਸਮ੍ਮਾ ਪਰਿਣਾਮਂ ਗਤੇ ਕਾਯਸ੍ਮਿਂ ਓਜਾਯ ਪਤਿਟ੍ਠਿਤਾਯ ਅਰੁਣੇ ਉਗ੍ਗਚ੍ਛਮਾਨੇવ ਦਿਟ੍ਠੋ ਸੁਪਿਨੋ ਸਮੇਤਿ। ਇਟ੍ਠਨਿਮਿਤ੍ਤਂ ਸੁਪਿਨਂ ਪਸ੍ਸਨ੍ਤੋ ਇਟ੍ਠਂ ਪਟਿਲਭਤਿ, ਅਨਿਟ੍ਠਨਿਮਿਤ੍ਤਂ ਪਸ੍ਸਨ੍ਤੋ ਅਨਿਟ੍ਠਂ।
Kapimiddhaparetoti makkaṭaniddāya yutto. Yathā hi makkaṭassa niddā lahuparivattā hoti, evaṃ yā niddā punappunaṃ kusalādicittavokiṇṇattā lahuparivattā, yassā pavattiyaṃ punappunaṃ bhavaṅgato uttaraṇaṃ hoti, tāya yutto supinaṃ passati. Tenāyaṃ supino kusalopi hoti akusalopi abyākatopi. Tattha supinante cetiyavandanadhammassavanadhammadesanādīni karontassa kusalo, pāṇātipātādīni karontassa akusalo, dvīhi antehi mutto āvajjanatadārammaṇakkhaṇe abyākatoti veditabbo. Svāyaṃ dubbalavatthukattā cetanāya paṭisandhiṃ ākaḍḍhituṃ asamattho. Pavatte pana aññehi kusalākusalehi upatthambhito vipākaṃ deti. Kiñcāpi vipākaṃ deti, atha kho avisaye uppannattā abbohārikāva supinantacetanā. So panesa supino kālavasenapi divā tāva diṭṭho na sameti, tathā paṭhamayāme majjhimayāme pacchimayāme ca. Balavapaccūse pana asitapītakhāyite sammā pariṇāmaṃ gate kāyasmiṃ ojāya patiṭṭhitāya aruṇe uggacchamāneva diṭṭho supino sameti. Iṭṭhanimittaṃ supinaṃ passanto iṭṭhaṃ paṭilabhati, aniṭṭhanimittaṃ passanto aniṭṭhaṃ.
ਇਮੇ ਪਨ ਪਞ੍ਚ ਮਹਾਸੁਪਿਨੇ ਨੇવ ਲੋਕਿਯਮਹਾਜਨੋ ਪਸ੍ਸਤਿ, ਨ ਮਹਾਰਾਜਾਨੋ, ਨ ਚਕ੍ਕવਤ੍ਤਿਰਾਜਾਨੋ, ਨ ਅਗ੍ਗਸਾવਕਾ, ਨ ਪਚ੍ਚੇਕਬੁਦ੍ਧਾ, ਨ ਸਮ੍ਮਾਸਮ੍ਬੁਦ੍ਧਾ, ਏਕੋ ਸਬ੍ਬਞ੍ਞੁਬੋਧਿਸਤ੍ਤੋਯੇવ ਪਸ੍ਸਤਿ। ਅਮ੍ਹਾਕਂ ਪਨ ਬੋਧਿਸਤ੍ਤੋ ਕਦਾ ਇਮੇ ਸੁਪਿਨੇ ਪਸ੍ਸੀਤਿ? ‘‘ਸ੍વੇ ਬੁਦ੍ਧੋ ਭવਿਸ੍ਸਾਮੀ’’ਤਿ ਚਾਤੁਦ੍ਦਸਿਯਂ ਪਕ੍ਖਸ੍ਸ ਰਤ੍ਤਿવਿਭਾਯਨਕਾਲੇ ਪਸ੍ਸਿ। ਤੇਰਸਿਯਨ੍ਤਿਪਿ વਦਨ੍ਤਿਯੇવ। ਸੋ ਇਮੇ ਸੁਪਿਨੇ ਦਿਸ੍વਾ ਉਟ੍ਠਾਯ ਪਲ੍ਲਙ੍ਕਂ ਆਭੁਞ੍ਜਿਤ੍વਾ ਨਿਸਿਨ੍ਨੋ ਚਿਨ੍ਤੇਸਿ – ‘‘ਸਚੇ ਮਯਾ ਕਪਿਲવਤ੍ਥੁਨਗਰੇ ਇਮੇ ਸੁਪਿਨਾ ਦਿਟ੍ਠਾ ਅਸ੍ਸੁ, ਪਿਤੁ ਮਹਾਰਾਜਸ੍ਸ ਕਥੇਯ੍ਯਂ। ਸਚੇ ਪਨ ਮੇ ਮਾਤਾ ਜੀવੇਯ੍ਯ, ਤਸ੍ਸਾ ਕਥੇਯ੍ਯਂ। ਇਮਸ੍ਮਿਂ ਖੋ ਪਨ ਠਾਨੇ ਇਮੇਸਂ ਪਟਿਗ੍ਗਾਹਕੋ ਨਾਮ ਨਤ੍ਥਿ, ਅਹਮੇવ ਪਟਿਗਣ੍ਹਿਸ੍ਸਾਮੀ’’ਤਿ। ਤਤੋ ‘‘ਇਦਂ ਇਮਸ੍ਸ ਪੁਬ੍ਬਨਿਮਿਤ੍ਤਂ ਇਦਂ ਇਮਸ੍ਸਾ’’ਤਿ ਸਯਮੇવ ਸੁਪਿਨੇ ਪਟਿਗ੍ਗਣ੍ਹਿਤ੍વਾ ਉਰੁવੇਲਗਾਮੇ ਸੁਜਾਤਾਯ ਦਿਨ੍ਨਂ ਪਾਯਾਸਂ ਪਰਿਭੁਞ੍ਜਿਤ੍વਾ ਬੋਧਿਮਣ੍ਡਂ ਆਰੁਯ੍ਹ ਬੋਧਿਂ ਪਤ੍વਾ ਅਨੁਕ੍ਕਮੇਨ ਜੇਤવਨੇ વਿਹਰਨ੍ਤੋ ਅਤ੍ਤਨੋ ਮਕੁਲਬੁਦ੍ਧਕਾਲੇ ਦਿਟ੍ਠੇ ਪਞ੍ਚ ਮਹਾਸੁਪਿਨੇ વਿਤ੍ਥਾਰੇਤੁਂ ਭਿਕ੍ਖੂ ਆਮਨ੍ਤੇਤ੍વਾ ਇਮਂ ਦੇਸਨਂ ਆਰਭਿ।
Ime pana pañca mahāsupine neva lokiyamahājano passati, na mahārājāno, na cakkavattirājāno, na aggasāvakā, na paccekabuddhā, na sammāsambuddhā, eko sabbaññubodhisattoyeva passati. Amhākaṃ pana bodhisatto kadā ime supine passīti? ‘‘Sve buddho bhavissāmī’’ti cātuddasiyaṃ pakkhassa rattivibhāyanakāle passi. Terasiyantipi vadantiyeva. So ime supine disvā uṭṭhāya pallaṅkaṃ ābhuñjitvā nisinno cintesi – ‘‘sace mayā kapilavatthunagare ime supinā diṭṭhā assu, pitu mahārājassa katheyyaṃ. Sace pana me mātā jīveyya, tassā katheyyaṃ. Imasmiṃ kho pana ṭhāne imesaṃ paṭiggāhako nāma natthi, ahameva paṭigaṇhissāmī’’ti. Tato ‘‘idaṃ imassa pubbanimittaṃ idaṃ imassā’’ti sayameva supine paṭiggaṇhitvā uruvelagāme sujātāya dinnaṃ pāyāsaṃ paribhuñjitvā bodhimaṇḍaṃ āruyha bodhiṃ patvā anukkamena jetavane viharanto attano makulabuddhakāle diṭṭhe pañca mahāsupine vitthāretuṃ bhikkhū āmantetvā imaṃ desanaṃ ārabhi.
ਤਤ੍ਥ ਮਹਾਪਥવੀਤਿ ਚਕ੍ਕવਾਲ਼ਗਬ੍ਭਂ ਪੂਰੇਤ੍વਾ ਠਿਤਾ ਮਹਾਪਥવੀ। ਮਹਾਸਯਨਂ ਅਹੋਸੀਤਿ ਸਿਰਿਸਯਨਂ ਅਹੋਸਿ। ਓਹਿਤੋਤਿ ਠਪਿਤੋ। ਸੋ ਪਨ ਨ ਉਦਕਸ੍ਮਿਂਯੇવ ਠਪਿਤੋ ਅਹੋਸਿ, ਅਥ ਖੋ ਪਾਚੀਨਸਮੁਦ੍ਦਸ੍ਸ ਉਪਰੂਪਰਿਭਾਗੇਨ ਗਨ੍ਤ੍વਾ ਪਾਚੀਨਚਕ੍ਕવਾਲ਼ਮਤ੍ਥਕੇ ਠਪਿਤੋ ਅਹੋਸੀਤਿ વੇਦਿਤਬ੍ਬੋ। ਪਚ੍ਛਿਮੇ ਸਮੁਦ੍ਦੇ ਦਕ੍ਖਿਣੇ ਸਮੁਦ੍ਦੇਤਿ ਏਤੇਸੁਪਿ ਏਸੇવ ਨਯੋ। ਤਿਰਿਯਾ ਨਾਮ ਤਿਣਜਾਤੀਤਿ ਦਬ੍ਬਤਿਣਂ વੁਚ੍ਚਤਿ। ਨਾਭਿਯਾ ਉਗ੍ਗਨ੍ਤ੍વਾ ਨਭਂ ਆਹਚ੍ਚ ਠਿਤਾ ਅਹੋਸੀਤਿ ਨਙ੍ਗਲਮਤ੍ਤੇਨ ਰਤ੍ਤਦਣ੍ਡੇਨ ਨਾਭਿਤੋ ਉਗ੍ਗਨ੍ਤ੍વਾ ਪਸ੍ਸਨ੍ਤਸ੍ਸ ਪਸ੍ਸਨ੍ਤਸ੍ਸੇવ વਿਦਤ੍ਥਿਮਤ੍ਤਂ ਰਤਨਮਤ੍ਤਂ ਬ੍ਯਾਮਮਤ੍ਤਂ ਯਟ੍ਠਿਮਤ੍ਤਂ ਗਾવੁਤਮਤ੍ਤਂ ਅਡ੍ਢਯੋਜਨਮਤ੍ਤਂ ਯੋਜਨਮਤ੍ਤਨ੍ਤਿ ਏવਂ ਉਗ੍ਗਨ੍ਤ੍વਾ ਉਗ੍ਗਨ੍ਤ੍વਾ ਅਨੇਕਯੋਜਨਸਹਸ੍ਸਂ ਨਭਂ ਆਹਚ੍ਚ ਠਿਤਾ ਅਹੋਸਿ। ਪਾਦੇਹਿ ਉਸ੍ਸਕ੍ਕਿਤ੍વਾਤਿ ਅਗ੍ਗਨਖਤੋ ਪਟ੍ਠਾਯ ਪਾਦੇਹਿ ਅਭਿਰੁਹਿਤ੍વਾ। ਨਾਨਾવਣ੍ਣਾਤਿ ਏਕੋ ਨੀਲવਣ੍ਣੋ, ਏਕੋ ਪੀਤવਣ੍ਣੋ, ਏਕੋ ਲੋਹਿਤવਣ੍ਣੋ, ਏਕੋ ਪਣ੍ਡੁਪਲਾਸવਣ੍ਣੋਤਿ ਏવਂ ਨਾਨਾવਣ੍ਣਾ। ਸੇਤਾਤਿ ਪਣ੍ਡਰਾ ਪਰਿਸੁਦ੍ਧਾ। ਮਹਤੋ ਮੀਲ਼੍ਹਪਬ੍ਬਤਸ੍ਸਾਤਿ ਤਿਯੋਜਨੁਬ੍ਬੇਧਸ੍ਸ ਗੂਥਪਬ੍ਬਤਸ੍ਸ। ਉਪਰੂਪਰਿ ਚਙ੍ਕਮਤੀਤਿ ਮਤ੍ਥਕਮਤ੍ਥਕੇ ਚਙ੍ਕਮਤਿ । ਦੀਘਾਯੁਕਬੁਦ੍ਧਾ ਪਨ ਤਿਯੋਜਨਿਕੇ ਮੀਲ਼੍ਹਪਬ੍ਬਤੇ ਅਨੁਪવਿਸਿਤ੍વਾ ਨਿਸਿਨ੍ਨਾ વਿਯ ਹੋਨ੍ਤਿ।
Tattha mahāpathavīti cakkavāḷagabbhaṃ pūretvā ṭhitā mahāpathavī. Mahāsayanaṃ ahosīti sirisayanaṃ ahosi. Ohitoti ṭhapito. So pana na udakasmiṃyeva ṭhapito ahosi, atha kho pācīnasamuddassa uparūparibhāgena gantvā pācīnacakkavāḷamatthake ṭhapito ahosīti veditabbo. Pacchime samudde dakkhiṇe samuddeti etesupi eseva nayo. Tiriyā nāma tiṇajātīti dabbatiṇaṃ vuccati. Nābhiyā uggantvā nabhaṃ āhacca ṭhitā ahosīti naṅgalamattena rattadaṇḍena nābhito uggantvā passantassa passantasseva vidatthimattaṃ ratanamattaṃ byāmamattaṃ yaṭṭhimattaṃ gāvutamattaṃ aḍḍhayojanamattaṃ yojanamattanti evaṃ uggantvā uggantvā anekayojanasahassaṃ nabhaṃ āhacca ṭhitā ahosi. Pādehi ussakkitvāti agganakhato paṭṭhāya pādehi abhiruhitvā. Nānāvaṇṇāti eko nīlavaṇṇo, eko pītavaṇṇo, eko lohitavaṇṇo, eko paṇḍupalāsavaṇṇoti evaṃ nānāvaṇṇā. Setāti paṇḍarā parisuddhā. Mahato mīḷhapabbatassāti tiyojanubbedhassa gūthapabbatassa. Uparūparicaṅkamatīti matthakamatthake caṅkamati . Dīghāyukabuddhā pana tiyojanike mīḷhapabbate anupavisitvā nisinnā viya honti.
ਏવਂ ਏਤ੍ਤਕੇਨ ਠਾਨੇਨ ਪੁਬ੍ਬਨਿਮਿਤ੍ਤਾਨਿ ਦਸ੍ਸੇਤ੍વਾ ਇਦਾਨਿ ਸਹ ਪੁਬ੍ਬਨਿਮਿਤ੍ਤੇਹਿ ਪਟਿਲਾਭਂ ਦਸ੍ਸੇਤੁਂ ਯਮ੍ਪਿ, ਭਿਕ੍ਖવੇਤਿਆਦਿਮਾਹ। ਤਤ੍ਥ ਸਬ੍ਬਗੁਣਦਾਯਕਤ੍ਤਾ ਬੁਦ੍ਧਾਨਂ ਅਰਹਤ੍ਤਮਗ੍ਗੋ ਅਨੁਤ੍ਤਰਾ ਸਮ੍ਮਾਸਮ੍ਬੋਧਿ ਨਾਮ। ਤਸ੍ਮਾ ਯਂ ਸੋ ਚਕ੍ਕવਾਲ਼ਮਹਾਪਥવਿਂ ਸਿਰਿਸਯਨਭੂਤਂ ਅਦ੍ਦਸ, ਤਂ ਬੁਦ੍ਧਭਾવਸ੍ਸ ਪੁਬ੍ਬਨਿਮਿਤ੍ਤਂ। ਯਂ ਹਿਮવਨ੍ਤਪਬ੍ਬਤਰਾਜਾਨਂ ਬਿਮ੍ਬੋਹਨਂ ਅਦ੍ਦਸ, ਤਂ ਸਬ੍ਬਞ੍ਞੁਤਞ੍ਞਾਣਬਿਮ੍ਬੋਹਨਸ੍ਸ ਪੁਬ੍ਬਨਿਮਿਤ੍ਤਂ। ਯਂ ਚਤ੍ਤਾਰੋ ਹਤ੍ਥਪਾਦੇ ਚਕ੍ਕવਾਲ਼ਮਤ੍ਥਕੇ ਠਿਤੇ ਅਦ੍ਦਸ, ਤਂ ਧਮ੍ਮਚਕ੍ਕਸ੍ਸ ਅਪ੍ਪਟਿવਤ੍ਤਿਯਭਾવੇ ਪੁਬ੍ਬਨਿਮਿਤ੍ਤਂ। ਯਂ ਅਤ੍ਤਾਨਂ ਉਤ੍ਤਾਨਕਂ ਨਿਪਨ੍ਨਂ ਅਦ੍ਦਸ, ਤਂ ਤੀਸੁ ਭવੇਸੁ ਅવਕੁਜ੍ਜਾਨਂ ਸਤ੍ਤਾਨਂ ਉਤ੍ਤਾਨਮੁਖਭਾવਸ੍ਸ ਪੁਬ੍ਬਨਿਮਿਤ੍ਤਂ। ਯਂ ਅਕ੍ਖੀਨਿ ਉਮ੍ਮੀਲੇਤ੍વਾ ਪਸ੍ਸਨ੍ਤੋ વਿਯ ਅਹੋਸਿ, ਤਂ ਦਿਬ੍ਬਚਕ੍ਖੁਪਟਿਲਾਭਸ੍ਸ ਪੁਬ੍ਬਨਿਮਿਤ੍ਤਂ। ਯਂ ਯਾવ ਭવਗ੍ਗਾ ਏਕਾਲੋਕਂ ਅਹੋਸਿ, ਤਂ ਅਨਾવਰਣਞਾਣਸ੍ਸ ਪੁਬ੍ਬਨਿਮਿਤ੍ਤਂ। ਸੇਸਂ ਪਾਲ਼ਿવਸੇਨੇવ વੇਦਿਤਬ੍ਬਨ੍ਤਿ।
Evaṃ ettakena ṭhānena pubbanimittāni dassetvā idāni saha pubbanimittehi paṭilābhaṃ dassetuṃ yampi, bhikkhavetiādimāha. Tattha sabbaguṇadāyakattā buddhānaṃ arahattamaggo anuttarā sammāsambodhi nāma. Tasmā yaṃ so cakkavāḷamahāpathaviṃ sirisayanabhūtaṃ addasa, taṃ buddhabhāvassa pubbanimittaṃ. Yaṃ himavantapabbatarājānaṃ bimbohanaṃ addasa, taṃ sabbaññutaññāṇabimbohanassa pubbanimittaṃ. Yaṃ cattāro hatthapāde cakkavāḷamatthake ṭhite addasa, taṃ dhammacakkassa appaṭivattiyabhāve pubbanimittaṃ. Yaṃ attānaṃ uttānakaṃ nipannaṃ addasa, taṃ tīsu bhavesu avakujjānaṃ sattānaṃ uttānamukhabhāvassa pubbanimittaṃ. Yaṃ akkhīni ummīletvā passanto viya ahosi, taṃ dibbacakkhupaṭilābhassa pubbanimittaṃ. Yaṃ yāva bhavaggā ekālokaṃ ahosi, taṃ anāvaraṇañāṇassa pubbanimittaṃ. Sesaṃ pāḷivaseneva veditabbanti.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੬. ਮਹਾਸੁਪਿਨਸੁਤ੍ਤਂ • 6. Mahāsupinasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੬. ਮਹਾਸੁਪਿਨਸੁਤ੍ਤવਣ੍ਣਨਾ • 6. Mahāsupinasuttavaṇṇanā
