| Library / Tipiṭaka / д̇ибидага • Tipiṭaka / жарияаабидага-адтагат̇аа • Cariyāpiṭaka-aṭṭhakathā |
12. махаасуд̇асомажарияааван̣н̣анаа
12. Mahāsutasomacariyāvaṇṇanā
105. д̣̇ваад̣̇асамз суд̇асомо махийбад̇ийд̇и звам̣наамо кад̇д̇ияо. махаасад̇д̇о хи д̇ад̣̇аа гурурадтз инд̣̇абад̇т̇анаг̇арз гораб̣яасса ран̃н̃о аг̇г̇амахзсияаа гужчимхи ниб̣б̣ад̇д̇и. д̇ам̣ суд̇авид̇д̇ад̇ааяа жанд̣̇асамаанасоммавараван̣н̣ад̇ааяа жа ‘‘суд̇асомо’’д̇и сан̃ж̇ааним̣су. д̇ам̣ ваяаббад̇д̇ам̣ саб̣б̣асиббанибпад̇д̇иббад̇д̇ам̣ маад̇аабид̇аро раж̇ж̇з абхисин̃жим̣су. г̇ахид̇о борисаад̣̇знаад̇и бурисаанам̣ мануссаанам̣ ад̣̇анад̇о каад̣̇анад̇о ‘‘борисаад̣̇о’’д̇и лад̣̇д̇ханаамзна б̣аараан̣асиран̃н̃аа д̣̇звад̇ааб̣алигаммад̇т̇ам̣ г̇ахид̇о.
105. Dvādasame sutasomo mahīpatīti evaṃnāmo khattiyo. Mahāsatto hi tadā kururaṭṭhe indapatthanagare korabyassa rañño aggamahesiyā kucchimhi nibbatti. Taṃ sutavittatāya candasamānasommavaravaṇṇatāya ca ‘‘sutasomo’’ti sañjāniṃsu. Taṃ vayappattaṃ sabbasippanipphattippattaṃ mātāpitaro rajje abhisiñciṃsu. Gahito porisādenāti purisānaṃ manussānaṃ adanato khādanato ‘‘porisādo’’ti laddhanāmena bārāṇasiraññā devatābalikammatthaṃ gahito.
б̣аараан̣асирааж̇аа хи д̇ад̣̇аа мам̣сам̣ винаа абхун̃ж̇анд̇о ан̃н̃ам̣ мам̣сам̣ алабханд̇зна бхад̇д̇агаарагзна мануссамам̣сам̣ каад̣̇аабид̇о расад̇ан̣хааяа б̣ад̣̇д̇хо худ̇ваа мануссз гхаад̇зд̇ваа мануссамам̣сам̣ каад̣̇анд̇о ‘‘борисаад̣̇о’’д̇и лад̣̇д̇ханаамо амажжабаарисаж̇ж̇аббамукзхи нааг̇арзхи нзг̇амаж̇аанабад̣̇зхи жа уссаахид̇зна гаал̣ахад̇т̇инаа наама ад̇д̇ано сзнаабад̇инаа ‘‘д̣̇зва, яад̣̇и раж̇ж̇зна ад̇т̇иго мануссамам̣сакаад̣̇анад̇о вирамаахий’’д̇и вуд̇д̇о ‘‘раж̇ж̇ам̣ баж̇аханд̇оби мануссамам̣сакаад̣̇анад̇о на орамиссаамий’’д̇и вад̇ваа д̇зхи радтаа баб̣б̣ааж̇ид̇о аран̃н̃ам̣ бависид̇ваа згасмим̣ ниг̇род̇харугкамуулз васанд̇о каан̣уббахаарзна баад̣̇з ж̇аад̇асса ван̣асса паасубхаавааяа ‘‘сагалаж̇амб̣уд̣̇ийбз згасад̇акад̇д̇ияаанам̣ г̇алалохид̇зна б̣алигаммам̣ гариссаамий’’д̇и д̣̇звад̇ааяа ааяаажанам̣ гад̇ваа сад̇д̇аахам̣ анаахаарад̇ааяа ван̣з паасугз ж̇аад̇з ‘‘д̣̇звад̇аанубхаавзна мз сод̇т̇и ахосий’’д̇и сан̃н̃ааяа ‘‘д̣̇звад̇ааяа б̣алигаммад̇т̇ам̣ рааж̇аано аанзссаамий’’д̇и г̇ажчанд̇о ад̇ийд̇абхавз сахааяабхууд̇зна яагкзна самааг̇анд̇ваа д̇зна д̣̇иннаманд̇аб̣алзна ад̇хигад̇арат̇аамаж̇авабараггамасасамбанно худ̇ваа сад̇д̇аахаб̣бханд̇арзязва сад̇арааж̇аано аанзд̇ваа ад̇д̇ано васананиг̇род̇харугкз оламб̣зд̇ваа б̣алигаммагаран̣асаж̇ж̇о ахоси.
Bārāṇasirājā hi tadā maṃsaṃ vinā abhuñjanto aññaṃ maṃsaṃ alabhantena bhattakārakena manussamaṃsaṃ khādāpito rasataṇhāya baddho hutvā manusse ghātetvā manussamaṃsaṃ khādanto ‘‘porisādo’’ti laddhanāmo amaccapārisajjappamukhehi nāgarehi negamajānapadehi ca ussāhitena kāḷahatthinā nāma attano senāpatinā ‘‘deva, yadi rajjena atthiko manussamaṃsakhādanato viramāhī’’ti vutto ‘‘rajjaṃ pajahantopi manussamaṃsakhādanato na oramissāmī’’ti vatvā tehi raṭṭhā pabbājito araññaṃ pavisitvā ekasmiṃ nigrodharukkhamūle vasanto khāṇuppahārena pāde jātassa vaṇassa phāsubhāvāya ‘‘sakalajambudīpe ekasatakhattiyānaṃ galalohitena balikammaṃ karissāmī’’ti devatāya āyācanaṃ katvā sattāhaṃ anāhāratāya vaṇe phāsuke jāte ‘‘devatānubhāvena me sotthi ahosī’’ti saññāya ‘‘devatāya balikammatthaṃ rājāno ānessāmī’’ti gacchanto atītabhave sahāyabhūtena yakkhena samāgantvā tena dinnamantabalena adhikatarathāmajavaparakkamasasampanno hutvā sattāhabbhantareyeva satarājāno ānetvā attano vasananigrodharukkhe olambetvā balikammakaraṇasajjo ahosi.
ат̇а д̇асмим̣ ругкз ад̇хивад̇т̇аа д̣̇звад̇аа д̇ам̣ б̣алигаммам̣ анижчанд̇ий ‘‘убааязна нам̣ нисзд̇хзссаамий’’д̇и баб̣б̣аж̇ид̇аруубзна д̇асса ад̇д̇аанам̣ д̣̇ассзд̇ваа д̇зна ануб̣ад̣̇д̇хо д̇ияож̇анам̣ г̇анд̇ваа буна ад̇д̇ано д̣̇иб̣б̣аруубамзва д̣̇ассзд̇ваа ‘‘д̇вам̣ мусааваад̣̇ий д̇аяаа ‘сагалаж̇амб̣уд̣̇ийбз рааж̇аано аанзд̇ваа б̣алигаммам̣ гариссаамий’д̇и бадиссуд̇ам̣. ид̣̇аани яз ваа д̇з ваа д̣̇уб̣б̣аларааж̇аано аанзси. ж̇амб̣уд̣̇ийбз ж̇здтагам̣ суд̇асомарааж̇аанам̣ сажз наанзссаси, на мз д̇з б̣алигаммзна ад̇т̇о’’д̇и ааха.
Atha tasmiṃ rukkhe adhivatthā devatā taṃ balikammaṃ anicchantī ‘‘upāyena naṃ nisedhessāmī’’ti pabbajitarūpena tassa attānaṃ dassetvā tena anubaddho tiyojanaṃ gantvā puna attano dibbarūpameva dassetvā ‘‘tvaṃ musāvādī tayā ‘sakalajambudīpe rājāno ānetvā balikammaṃ karissāmī’ti paṭissutaṃ. Idāni ye vā te vā dubbalarājāno ānesi. Jambudīpe jeṭṭhakaṃ sutasomarājānaṃ sace nānessasi, na me te balikammena attho’’ti āha.
со ‘‘д̣̇идтаа мз ад̇д̇ано д̣̇звад̇аа’’д̇и д̇усид̇ваа ‘‘саами, маа жинд̇аяи, ахам̣ аж̇ж̇зва суд̇асомам̣ аанзссаамий’’д̇и вад̇ваа взг̇зна миг̇ааж̇инауяяаанам̣ г̇анд̇ваа асам̣вихид̇ааяа аарагкааяа богкаран̣им̣ од̇арид̇ваа бад̣̇уминибад̇д̇зна сийсам̣ бадижчаад̣̇зд̇ваа адтааси. д̇асмим̣ анд̇оуяяаанаг̇ад̇зязва б̣алавабажжуусз саманд̇аа д̇ияож̇анам̣ аарагкам̣ г̇ан̣хим̣су. махаасад̇д̇о баад̇ова алан̇гад̇ахад̇т̇игканд̇хавараг̇ад̇о жад̇уран̇г̇инияаа сзнааяа наг̇арад̇о нигками. д̇ад̣̇аа д̇аггасилад̇о нанд̣̇о наама б̣раахман̣о жад̇ассо сад̇аарахаг̇аат̇ааяо г̇ахзд̇ваа вийсаяож̇анасад̇ам̣ маг̇г̇ам̣ ад̇иггамма д̇ам̣ наг̇арам̣ бад̇д̇о рааж̇аанам̣ баажийнад̣̇ваарзна нигкаманд̇ам̣ д̣̇исваа хад̇т̇ам̣ угкибид̇ваа ‘‘ж̇аяад̇у бхавам̣, махаарааж̇аа’’д̇и вад̇ваа ж̇аяаабзси.
So ‘‘diṭṭhā me attano devatā’’ti tusitvā ‘‘sāmi, mā cintayi, ahaṃ ajjeva sutasomaṃ ānessāmī’’ti vatvā vegena migājinauyyānaṃ gantvā asaṃvihitāya ārakkhāya pokkharaṇiṃ otaritvā paduminipattena sīsaṃ paṭicchādetvā aṭṭhāsi. Tasmiṃ antouyyānagateyeva balavapaccūse samantā tiyojanaṃ ārakkhaṃ gaṇhiṃsu. Mahāsatto pātova alaṅkatahatthikkhandhavaragato caturaṅginiyā senāya nagarato nikkhami. Tadā takkasilato nando nāma brāhmaṇo catasso satārahagāthāyo gahetvā vīsayojanasataṃ maggaṃ atikkamma taṃ nagaraṃ patto rājānaṃ pācīnadvārena nikkhamantaṃ disvā hatthaṃ ukkhipitvā ‘‘jayatu bhavaṃ, mahārājā’’ti vatvā jayāpesi.
рааж̇аа хад̇т̇инаа д̇ам̣ убасан̇гамид̇ваа ‘‘гуд̇о ну, д̇вам̣ б̣раахман̣а, ааг̇ажчаси, гимижчаси, гим̣ д̇з д̣̇аж̇ж̇а’’нд̇и ааха. б̣раахман̣о ‘‘д̇умхз ‘суд̇авид̇д̇агаа’д̇и суд̇ваа жад̇ассо сад̇аарахаг̇аат̇ааяо аад̣̇ааяа д̇умхаагам̣ д̣̇зсзд̇ум̣ ааг̇ад̇омхий’’д̇и ааха. махаасад̇д̇о д̇удтамаанасо худ̇ваа ‘‘ахам̣ уяяаанам̣ г̇анд̇ваа нхааяид̇ваа ааг̇анд̇ваа соссаами, д̇вам̣ маа угган̣тий’’д̇и вад̇ваа ‘‘г̇ажчат̇а б̣раахман̣асса асугаг̇зхз ниваасам̣ гхаасажчаад̣̇анан̃жа сам̣вид̣̇ахат̇аа’’д̇и аан̣аабзд̇ваа уяяаанам̣ бависид̇ваа маханд̇ам̣ аарагкам̣ сам̣вид̇хааяа ол̣ааригаани аабхаран̣аани омун̃жид̇ваа массугаммам̣ гаарзд̇ваа уб̣б̣аддид̇асарийро богкаран̣ияаа рааж̇авибхавзна нхааяид̇ваа бажжуд̇д̇арид̇ваа уд̣̇агаг̇г̇ахан̣асаадагз ниваасзд̇ваа адтааси.
Rājā hatthinā taṃ upasaṅkamitvā ‘‘kuto nu, tvaṃ brāhmaṇa, āgacchasi, kimicchasi, kiṃ te dajja’’nti āha. Brāhmaṇo ‘‘tumhe ‘sutavittakā’ti sutvā catasso satārahagāthāyo ādāya tumhākaṃ desetuṃ āgatomhī’’ti āha. Mahāsatto tuṭṭhamānaso hutvā ‘‘ahaṃ uyyānaṃ gantvā nhāyitvā āgantvā sossāmi, tvaṃ mā ukkaṇṭhī’’ti vatvā ‘‘gacchatha brāhmaṇassa asukagehe nivāsaṃ ghāsacchādanañca saṃvidahathā’’ti āṇāpetvā uyyānaṃ pavisitvā mahantaṃ ārakkhaṃ saṃvidhāya oḷārikāni ābharaṇāni omuñcitvā massukammaṃ kāretvā ubbaṭṭitasarīro pokkharaṇiyā rājavibhavena nhāyitvā paccuttaritvā udakaggahaṇasāṭake nivāsetvā aṭṭhāsi.
ат̇асса г̇анд̇хамаалаалан̇гаарз убахарим̣су. борисаад̣̇о ‘‘алан̇гад̇агаалз рааж̇аа бхаариго бхависсад̇и, саллахугагаалзязва нам̣ г̇ан̣хиссаамий’’д̇и над̣̇анд̇о каг̇г̇ам̣ баривад̇д̇знд̇о ‘‘ахамасми борисаад̣̇о’’д̇и наамам̣ саавзд̇ваа уд̣̇агаа нигками. д̇асса сад̣̇д̣̇ам̣ суд̇ваа хад̇т̇аарохаад̣̇аяо хад̇т̇иаад̣̇ид̇о бхассим̣су. б̣алагааяо д̣̇уурз тид̇о д̇ад̇ова балааяи. ид̇аро ад̇д̇ано аавуд̇хаани чад̣д̣зд̇ваа урзна нибаж̇ж̇и. борисаад̣̇о рааж̇аанам̣ угкибид̇ваа канд̇хз нисийд̣̇аабзд̇ваа саммукадтаанзязва адтаарасахад̇т̇ам̣ баагаарам̣ лан̇гхид̇ваа бурад̇о баг̇алид̇амад̣̇амад̇д̇аваравааран̣з гумбхз аггамид̇ваа баб̣б̣ад̇агуудаани вияа баад̇знд̇о ваад̇аж̇авааниби ассарад̇анаани бидтияам̣ аггамид̇ваа баад̇знд̇о рат̇асийсз аггамид̇ваа баад̇знд̇о бхамаригам̣ бхаманд̇о вияа нийлагаани ниг̇род̇хабад̇д̇аани мад̣̇д̣̇анд̇о вияа згавзг̇знзва д̇ияож̇анамаг̇г̇ам̣ г̇анд̇ваа ган̃жи ануб̣анд̇ханд̇ам̣ ад̣̇исваа сан̣игам̣ г̇ажчанд̇о суд̇асомасса гзсзхи уд̣̇агаб̣инд̣̇ууни ад̇д̇ано убари бад̇анд̇аани ‘‘ассуб̣инд̣̇ууний’’д̇и сан̃н̃ааяа ‘‘гимид̣̇ам̣ суд̇асомоби маран̣ам̣ анусожанд̇о род̣̇ад̇ий’’д̇и ааха.
Athassa gandhamālālaṅkāre upahariṃsu. Porisādo ‘‘alaṅkatakāle rājā bhāriko bhavissati, sallahukakāleyeva naṃ gaṇhissāmī’’ti nadanto khaggaṃ parivattento ‘‘ahamasmi porisādo’’ti nāmaṃ sāvetvā udakā nikkhami. Tassa saddaṃ sutvā hatthārohādayo hatthiādito bhassiṃsu. Balakāyo dūre ṭhito tatova palāyi. Itaro attano āvudhāni chaḍḍetvā urena nipajji. Porisādo rājānaṃ ukkhipitvā khandhe nisīdāpetvā sammukhaṭṭhāneyeva aṭṭhārasahatthaṃ pākāraṃ laṅghitvā purato pagalitamadamattavaravāraṇe kumbhe akkamitvā pabbatakūṭāni viya pātento vātajavānipi assaratanāni piṭṭhiyaṃ akkamitvā pātento rathasīse akkamitvā pātento bhamarikaṃ bhamanto viya nīlakāni nigrodhapattāni maddanto viya ekavegeneva tiyojanamaggaṃ gantvā kañci anubandhantaṃ adisvā saṇikaṃ gacchanto sutasomassa kesehi udakabindūni attano upari patantāni ‘‘assubindūnī’’ti saññāya ‘‘kimidaṃ sutasomopi maraṇaṃ anusocanto rodatī’’ti āha.
махаасад̇д̇о ‘‘наахам̣ маран̣ад̇о анусожаами, гуд̇о род̣̇анаа, аби жа ко сан̇г̇арам̣ гад̇ваа сажжаабанам̣ наама бан̣д̣ид̇аанам̣ аажин̣н̣ам̣, д̇ам̣ на нибпаж̇ж̇ад̇ий’’д̇и анусожаами. гассабад̣̇асаб̣алзна д̣̇зсид̇аа жад̇ассо сад̇аарахаг̇аат̇ааяо аад̣̇ааяа д̇аггасилад̇о ааг̇ад̇асса б̣раахман̣асса ааг̇анд̇угавад̇д̇ам̣ гаарзд̇ваа ‘‘нхааяид̇ваа ааг̇анд̇ваа сун̣иссаами, яаава мамааг̇аманаа ааг̇амзхий’’д̇и сан̇г̇арам̣ гад̇ваа уяяаанам̣ г̇ад̇о, д̇ван̃жа д̇аа г̇аат̇ааяо сод̇ум̣ ад̣̇ад̇ваа мам̣ г̇ан̣хийд̇и. д̇зна вуд̇д̇ам̣ –
Mahāsatto ‘‘nāhaṃ maraṇato anusocāmi, kuto rodanā, api ca kho saṅgaraṃ katvā saccāpanaṃ nāma paṇḍitānaṃ āciṇṇaṃ, taṃ na nipphajjatī’’ti anusocāmi. Kassapadasabalena desitā catasso satārahagāthāyo ādāya takkasilato āgatassa brāhmaṇassa āgantukavattaṃ kāretvā ‘‘nhāyitvā āgantvā suṇissāmi, yāva mamāgamanā āgamehī’’ti saṅgaraṃ katvā uyyānaṃ gato, tvañca tā gāthāyo sotuṃ adatvā maṃ gaṇhīti. Tena vuttaṃ –
‘‘г̇ахид̇о борисаад̣̇зна, б̣раахман̣з сан̇г̇арам̣ сари’’нд̇и.
‘‘Gahito porisādena, brāhmaṇe saṅgaraṃ sari’’nti.
д̇ад̇т̇а б̣раахман̣з сан̇г̇арам̣ саринд̇и нанд̣̇аб̣раахман̣з ад̇д̇анаа гад̇ам̣ бадин̃н̃ам̣ ануссарим̣.
Tattha brāhmaṇe saṅgaraṃ sarinti nandabrāhmaṇe attanā kataṃ paṭiññaṃ anussariṃ.
106. аавун̣ид̇ваа гарад̇д̇алзд̇и д̇ад̇т̇а д̇ад̇т̇а уяяаанаад̣̇ийсу г̇анд̇ваа ад̇д̇ано б̣алзна аанийд̇аанам̣ згасад̇акад̇д̇ияаанам̣ хад̇т̇ад̇алз чид̣̇д̣̇ам̣ гад̇ваа ругкз ламб̣анад̇т̇ам̣ раж̇ж̇ум̣ бадимун̃жид̇ваа. зд̇зсам̣ бамилаабзд̇ваад̇и зд̇з згасад̇акад̇д̇ияз ж̇ийваг̇г̇аахам̣ г̇ахзд̇ваа уд̣̇д̇хам̣баад̣̇з ад̇хосирз гад̇ваа бан̣хияаа сийсам̣ бахаранд̇о бхаман̣авасзна хад̇т̇ад̇алз аавун̣ид̇ваа ругкз ааламб̣анавасзна саб̣б̣асо аахааруубажчзд̣̇зна жа саб̣б̣ат̇аа бамилаабзд̇ваа висосзд̇ваа кзд̣̇аабзд̇ваад̇и ад̇т̇о. яан̃н̃ад̇т̇зд̇и б̣алигаммад̇т̇з саад̇хзд̇аб̣б̣з. убанаяий маманд̇и мам̣ убанзси.
106.Āvuṇitvākarattaleti tattha tattha uyyānādīsu gantvā attano balena ānītānaṃ ekasatakhattiyānaṃ hatthatale chiddaṃ katvā rukkhe lambanatthaṃ rajjuṃ paṭimuñcitvā. Etesaṃ pamilāpetvāti ete ekasatakhattiye jīvaggāhaṃ gahetvā uddhaṃpāde adhosire katvā paṇhiyā sīsaṃ paharanto bhamaṇavasena hatthatale āvuṇitvā rukkhe ālambanavasena sabbaso āhārūpacchedena ca sabbathā pamilāpetvā visosetvā khedāpetvāti attho. Yaññattheti balikammatthe sādhetabbe. Upanayī mamanti maṃ upanesi.
107. д̇ат̇аа убанийяамаано бана махаасад̇д̇о борисаад̣̇зна ‘‘гим̣ д̇вам̣ маран̣ад̇о бхааяасий’’д̇и вуд̇д̇з ‘‘наахам̣ маран̣ад̇о бхааяаами, д̇асса бана б̣раахман̣асса маяаа гад̇о сан̇г̇аро на бариможид̇о’’д̇и анусожаами. ‘‘сажз мам̣ виссаж̇ж̇зссаси, д̇ам̣ д̇хаммам̣ суд̇ваа д̇асса жа саггаарасаммаанам̣ гад̇ваа буна ааг̇амиссаамий’’д̇и. ‘‘наахамид̣̇ам̣ сад̣̇д̣̇ахаами, яам̣ д̇вам̣ маяаа виссаж̇ж̇ид̇о г̇анд̇ваа буна мама хад̇т̇ам̣ ааг̇амиссаасий’’д̇и. ‘‘самма борисаад̣̇а, маяаа сад̣̇д̇хим̣ згаажарияагулз сигкид̇о сахааяо худ̇ваа ‘ахам̣ ж̇ийвид̇ахзд̇уби на мусаа гат̇змий’д̇и гим̣ на сад̣̇д̣̇ахасий’’д̇и? гин̃жааби мз зд̇зна ваажаамад̇д̇агзна –
107. Tathā upanīyamāno pana mahāsatto porisādena ‘‘kiṃ tvaṃ maraṇato bhāyasī’’ti vutte ‘‘nāhaṃ maraṇato bhāyāmi, tassa pana brāhmaṇassa mayā kato saṅgaro na parimocito’’ti anusocāmi. ‘‘Sace maṃ vissajjessasi, taṃ dhammaṃ sutvā tassa ca sakkārasammānaṃ katvā puna āgamissāmī’’ti. ‘‘Nāhamidaṃ saddahāmi, yaṃ tvaṃ mayā vissajjito gantvā puna mama hatthaṃ āgamissāsī’’ti. ‘‘Samma porisāda, mayā saddhiṃ ekācariyakule sikkhito sahāyo hutvā ‘ahaṃ jīvitahetupi na musā kathemī’ti kiṃ na saddahasī’’ti? Kiñcāpi me etena vācāmattakena –
‘‘асин̃жа сад̇д̇ин̃жа бараамасаами, сабат̇амби д̇з самма ахам̣ гароми;
‘‘Asiñca sattiñca parāmasāmi, sapathampi te samma ahaṃ karomi;
д̇аяаа бамуд̇д̇о анан̣о бхавид̇ваа, сажжаанурагкий бунарааваж̇исса’’нд̇и. (ж̇аа. 2.21.407) –
Tayā pamutto anaṇo bhavitvā, saccānurakkhī punarāvajissa’’nti. (jā. 2.21.407) –
махаасад̇д̇зна имааяа г̇аат̇ааяа вуд̇д̇ааяа борисаад̣̇о ‘‘аяам̣ суд̇асомо ‘кад̇д̇иязхи агад̇д̇аб̣б̣ам̣ сабат̇ам̣ гаромий’д̇и вад̣̇ад̇и, г̇анд̇ваа анааг̇ажчанд̇оби мама хад̇т̇ад̇о на мужжиссад̇ий’’д̇и жинд̇зд̇ваа –
Mahāsattena imāya gāthāya vuttāya porisādo ‘‘ayaṃ sutasomo ‘khattiyehi akattabbaṃ sapathaṃ karomī’ti vadati, gantvā anāgacchantopi mama hatthato na muccissatī’’ti cintetvā –
‘‘яо д̇з гад̇о сан̇г̇аро б̣раахман̣зна, радтз сагз иссарияз тид̇зна;
‘‘Yo te kato saṅgaro brāhmaṇena, raṭṭhe sake issariye ṭhitena;
д̇ам̣ сан̇г̇арам̣ б̣раахман̣а саббад̣̇ааяа, сажжаанурагкий бунарааваж̇ассуу’’д̇и. (ж̇аа. 2.21.408) –
Taṃ saṅgaraṃ brāhmaṇa sappadāya, saccānurakkhī punarāvajassū’’ti. (jā. 2.21.408) –
виссаж̇ж̇зси.
Vissajjesi.
махаасад̇д̇о раахумукаа муд̇д̇о жанд̣̇о вияа нааг̇аб̣ало т̇аамасамбанно киббамзва д̇ам̣ наг̇арам̣ самбаабун̣и. сзнаабисса ‘‘суд̇асомарааж̇аа бан̣д̣ид̇о, борисаад̣̇ам̣ д̣̇амзд̇ваа сийхамукаа бамуд̇д̇амад̇д̇аваравааран̣о вияа ааг̇амиссад̇ий’’д̇и жа ‘‘рааж̇аанам̣ борисаад̣̇асса д̣̇ад̇ваа ааг̇ад̇аа’’д̇и г̇арахабхаязна жа б̣ахинаг̇арзязва нивидтаа д̇ам̣ д̣̇уурад̇ова ааг̇ажчанд̇ам̣ д̣̇исваа бажжуг̇г̇анд̇ваа ванд̣̇ид̇ваа ‘‘гажжид̇т̇а, махаарааж̇а, борисаад̣̇зна на гиламид̇о’’д̇и бадисант̇аарам̣ гад̇ваа ‘‘борисаад̣̇зна маяхам̣ маад̇аабид̇уухиби д̣̇уггарам̣ гад̇ам̣, д̇ат̇ааруубо наама жан̣д̣о саахасиго мамам̣ сад̣̇д̣̇ахид̇ваа мам̣ виссаж̇ж̇зсий’’д̇и вуд̇д̇з рааж̇аанам̣ алан̇гарид̇ваа хад̇т̇игканд̇хам̣ ааробзд̇ваа бариваарзд̇ваа наг̇арам̣ баависи. д̇ам̣ д̣̇исваа саб̣б̣з нааг̇араа д̇усим̣су.
Mahāsatto rāhumukhā mutto cando viya nāgabalo thāmasampanno khippameva taṃ nagaraṃ sampāpuṇi. Senāpissa ‘‘sutasomarājā paṇḍito, porisādaṃ dametvā sīhamukhā pamuttamattavaravāraṇo viya āgamissatī’’ti ca ‘‘rājānaṃ porisādassa datvā āgatā’’ti garahabhayena ca bahinagareyeva niviṭṭhā taṃ dūratova āgacchantaṃ disvā paccuggantvā vanditvā ‘‘kaccittha, mahārāja, porisādena na kilamito’’ti paṭisanthāraṃ katvā ‘‘porisādena mayhaṃ mātāpitūhipi dukkaraṃ kataṃ, tathārūpo nāma caṇḍo sāhasiko mamaṃ saddahitvā maṃ vissajjesī’’ti vutte rājānaṃ alaṅkaritvā hatthikkhandhaṃ āropetvā parivāretvā nagaraṃ pāvisi. Taṃ disvā sabbe nāgarā tusiṃsu.
соби д̇хаммасон̣д̣ад̇ааяа маад̇аабид̇ароби анубасан̇гамид̇ваа нивзсанам̣ г̇анд̇ваа б̣раахман̣ам̣ баггосаабзд̇ваа д̇асса маханд̇ам̣ саггаарасаммаанам̣ гад̇ваа д̇хаммаг̇аруд̇ааяа саяам̣ нийжаасанз нисийд̣̇ид̇ваа ‘‘д̇умхзхи маяхам̣ аабхад̇аа сад̇аарахаг̇аат̇аа сун̣оми аажарияаа’’д̇и ааха. б̣раахман̣о махаасад̇д̇зна яаажид̇агаалз г̇анд̇хзхи хад̇т̇з уб̣б̣аддзд̇ваа басиб̣б̣агад̇о манорамам̣ бод̇т̇агам̣ нийхарид̇ваа убхохи хад̇т̇зхи г̇ахзд̇ваа ‘‘д̇зна хи , махаарааж̇а, сун̣охий’’д̇и бод̇т̇агам̣ ваажзнд̇о г̇аат̇аа абхааси –
Sopi dhammasoṇḍatāya mātāpitaropi anupasaṅkamitvā nivesanaṃ gantvā brāhmaṇaṃ pakkosāpetvā tassa mahantaṃ sakkārasammānaṃ katvā dhammagarutāya sayaṃ nīcāsane nisīditvā ‘‘tumhehi mayhaṃ ābhatā satārahagāthā suṇomi ācariyā’’ti āha. Brāhmaṇo mahāsattena yācitakāle gandhehi hatthe ubbaṭṭetvā pasibbakato manoramaṃ potthakaṃ nīharitvā ubhohi hatthehi gahetvā ‘‘tena hi , mahārāja, suṇohī’’ti potthakaṃ vācento gāthā abhāsi –
‘‘сагид̣̇зва суд̇асома, саб̣бхи ход̇и самааг̇амо;
‘‘Sakideva sutasoma, sabbhi hoti samāgamo;
саа нам̣ сан̇г̇ад̇и баалзд̇и, наасаб̣бхи б̣ахусан̇г̇амо.
Sā naṃ saṅgati pāleti, nāsabbhi bahusaṅgamo.
‘‘саб̣бхирзва самаасзт̇а, саб̣бхи губ̣б̣зт̇а сант̇авам̣;
‘‘Sabbhireva samāsetha, sabbhi kubbetha santhavaṃ;
сад̇ам̣ сад̣̇д̇хаммаман̃н̃ааяа, сзяяо ход̇и на баабияо.
Sataṃ saddhammamaññāya, seyyo hoti na pāpiyo.
‘‘ж̇ийранд̇и вз рааж̇арат̇аа сужид̇д̇аа, ат̇о сарийрамби ж̇арам̣ убзд̇и;
‘‘Jīranti ve rājarathā sucittā, atho sarīrampi jaraṃ upeti;
сад̇ан̃жа д̇хаммо на ж̇арам̣ убзд̇и, санд̇о хавз саб̣бхи бавзд̣̇аяанд̇и.
Satañca dhammo na jaraṃ upeti, santo have sabbhi pavedayanti.
‘‘набхан̃жа д̣̇уурз бат̇авий жа д̣̇уурз, баарам̣ самуд̣̇д̣̇асса д̇ад̣̇ааху д̣̇уурз;
‘‘Nabhañca dūre pathavī ca dūre, pāraṃ samuddassa tadāhu dūre;
д̇ад̇о хавз д̣̇уурад̇арам̣ вад̣̇анд̇и, сад̇ан̃жа д̇хаммо асад̇ан̃жа рааж̇аа’’д̇и. (ж̇аа. 2.21.411-414, 445-448);
Tato have dūrataraṃ vadanti, satañca dhammo asatañca rājā’’ti. (jā. 2.21.411-414, 445-448);
д̇аа суд̇ваа махаасад̇д̇о ‘‘сапалам̣ мз ааг̇амана’’нд̇и д̇удтажид̇д̇о ‘‘имаа г̇аат̇аа нзва саавагабхаасид̇аа, на исибхаасид̇аа, на гавибхаасид̇аа, на д̣̇звабхаасид̇аа, саб̣б̣ан̃н̃унаава бхаасид̇аа. гим̣ ну ко аг̇гха’’нд̇и жинд̇знд̇о ‘‘имам̣ сагаламби жаггаваал̣ам̣ яаава б̣рахмалогаа сад̇д̇арад̇анабун̣н̣ам̣ гад̇ваа д̣̇иннзби нзва анужчавигам̣ гад̇ам̣ наама ход̇и, ахам̣ ко банасса д̇ияож̇анасад̇игз гурурадтз сад̇д̇аяож̇анигз инд̣̇абад̇т̇анаг̇арз раж̇ж̇ам̣ д̣̇аад̇ум̣ бахоми. раж̇ж̇ам̣ гаад̇ум̣ банасса бхааг̇яам̣ над̇т̇и, д̇ат̇аа хисса ан̇г̇алагкан̣аанусаарзна аббаанубхаавад̇аа д̣̇иссад̇и, д̇асмаа д̣̇иннамби раж̇ж̇ам̣ на имасмим̣ д̇идтад̇ий’’д̇и жинд̇зд̇ваа ‘‘аажарияа, д̇умхз ан̃н̃зсам̣ кад̇д̇ияаанам̣ имаа г̇аат̇ааяо д̣̇зсзд̇ваа гим̣ лабхат̇аа’’д̇и бужчи. ‘‘згзгааяа сад̇ам̣ сад̇ам̣, махаарааж̇а, д̇знзва сад̇аарахаг̇аат̇аа наама ж̇аад̇аа’’д̇и. ат̇асса махаасад̇д̇о ‘‘д̇вам̣ аажарияа, ад̇д̇анаа г̇ахзд̇ваа вижаран̣абхан̣д̣асса аг̇гхам̣ на ж̇аанаасий’’д̇и.
Tā sutvā mahāsatto ‘‘saphalaṃ me āgamana’’nti tuṭṭhacitto ‘‘imā gāthā neva sāvakabhāsitā, na isibhāsitā, na kavibhāsitā, na devabhāsitā, sabbaññunāva bhāsitā. Kiṃ nu kho aggha’’nti cintento ‘‘imaṃ sakalampi cakkavāḷaṃ yāva brahmalokā sattaratanapuṇṇaṃ katvā dinnepi neva anucchavikaṃ kataṃ nāma hoti, ahaṃ kho panassa tiyojanasatike kururaṭṭhe sattayojanike indapatthanagare rajjaṃ dātuṃ pahomi. Rajjaṃ kātuṃ panassa bhāgyaṃ natthi, tathā hissa aṅgalakkhaṇānusārena appānubhāvatā dissati, tasmā dinnampi rajjaṃ na imasmiṃ tiṭṭhatī’’ti cintetvā ‘‘ācariya, tumhe aññesaṃ khattiyānaṃ imā gāthāyo desetvā kiṃ labhathā’’ti pucchi. ‘‘Ekekāya sataṃ sataṃ, mahārāja, teneva satārahagāthā nāma jātā’’ti. Athassa mahāsatto ‘‘tvaṃ ācariya, attanā gahetvā vicaraṇabhaṇḍassa agghaṃ na jānāsī’’ti.
‘‘сахассияаа имаа г̇аат̇аа, наяимаа г̇аат̇аа сад̇аарахаа;
‘‘Sahassiyā imā gāthā, nayimā gāthā satārahā;
жад̇д̇аари д̇вам̣ сахассаани, киббам̣ г̇ан̣хаахи б̣раахман̣аа’’д̇и. (ж̇аа. 2.21.415);
Cattāri tvaṃ sahassāni, khippaṃ gaṇhāhi brāhmaṇā’’ti. (jā. 2.21.415);
жад̇д̇аари сахассаани д̣̇аабзд̇ваа зган̃жа сукаяаанагам̣ д̣̇ад̇ваа махад̇аа саггаарасаммаанзнзва д̇ам̣ уяяож̇зд̇ваа маад̇аабид̇аро ванд̣̇ид̇ваа ‘‘ахам̣ б̣раахман̣зна аабхад̇ам̣ сад̣̇д̇хаммарад̇анам̣ бууж̇зд̇ваа д̇асса жа саггаарасаммаанам̣ гад̇ваа ааг̇амиссаамийд̇и борисаад̣̇асса бадин̃н̃ам̣ д̣̇ад̇ваа ааг̇ад̇о. д̇ад̇т̇а яам̣ б̣раахман̣асса гад̇д̇аб̣б̣ам̣ бадибаж̇ж̇ид̇аб̣б̣ам̣ д̇ам̣ гад̇ам̣, ид̣̇аани борисаад̣̇асса санд̇игам̣ г̇амиссаамий’’д̇и вуд̇ваа ‘‘д̇зна хи, д̇аад̇а суд̇асома, гим̣ наамзд̇ам̣ гат̇зси, жад̇уран̇г̇инияаа сзнааяа жорам̣ г̇ан̣хиссаама, маа г̇ажча жорасса санд̇ига’’нд̇и яаажим̣су. сол̣асасахассаа наадагид̇т̇ияо сзсабариж̇анааби ‘‘амхз анаат̇з гад̇ваа гухим̣ г̇ажчаси д̣̇зваа’’д̇и барид̣̇звим̣су. ‘‘бунаби гира рааж̇аа жорасса санд̇игам̣ г̇амиссад̇ий’’д̇и згаголаахалам̣ ахоси.
Cattāri sahassāni dāpetvā ekañca sukhayānakaṃ datvā mahatā sakkārasammāneneva taṃ uyyojetvā mātāpitaro vanditvā ‘‘ahaṃ brāhmaṇena ābhataṃ saddhammaratanaṃ pūjetvā tassa ca sakkārasammānaṃ katvā āgamissāmīti porisādassa paṭiññaṃ datvā āgato. Tattha yaṃ brāhmaṇassa kattabbaṃ paṭipajjitabbaṃ taṃ kataṃ, idāni porisādassa santikaṃ gamissāmī’’ti vutvā ‘‘tena hi, tāta sutasoma, kiṃ nāmetaṃ kathesi, caturaṅginiyā senāya coraṃ gaṇhissāma, mā gaccha corassa santika’’nti yāciṃsu. Soḷasasahassā nāṭakitthiyo sesaparijanāpi ‘‘amhe anāthe katvā kuhiṃ gacchasi devā’’ti parideviṃsu. ‘‘Punapi kira rājā corassa santikaṃ gamissatī’’ti ekakolāhalaṃ ahosi.
махаасад̇д̇о ‘‘бадин̃н̃ааяа сажжаабанам̣ наама саад̇хуунам̣ саббурисаанам̣ аажин̣н̣ам̣, соби мамам̣ сад̣̇д̣̇ахид̇ваа виссаж̇ж̇зси, д̇асмаа г̇амиссаамиязваа’’д̇и маад̇аабид̇аро ванд̣̇ид̇ваа сзсаж̇анам̣ анусаасзд̇ваа ассумукзна наанаббагаарам̣ барид̣̇званд̇зна ид̇т̇ааг̇аараад̣̇инаа ж̇анзна ануг̇ад̇о наг̇араа нигкамма д̇ам̣ ж̇анам̣ нивад̇д̇зд̇ум̣ маг̇г̇з д̣̇ан̣д̣агзна д̇ирияам̣ лзкам̣ гад̇ваа ‘‘имам̣ мама лзкам̣ маа ад̇иггамим̣суу’’д̇и вад̇ваа аг̇амааси. махааж̇ано д̇зж̇авад̇о махаасад̇д̇асса аан̣ам̣ ад̇иггамид̇ум̣ асаггонд̇о махаасад̣̇д̣̇зна ганд̣̇ид̇ваа род̣̇ид̇ваа нивад̇д̇и. б̣од̇хисад̇д̇о ааг̇ад̇амаг̇г̇знзва д̇асса санд̇игам̣ аг̇амааси. д̇зна вуд̇д̇ам̣ ‘‘абужчи мам̣ борисаад̣̇о’’д̇иаад̣̇и.
Mahāsatto ‘‘paṭiññāya saccāpanaṃ nāma sādhūnaṃ sappurisānaṃ āciṇṇaṃ, sopi mamaṃ saddahitvā vissajjesi, tasmā gamissāmiyevā’’ti mātāpitaro vanditvā sesajanaṃ anusāsetvā assumukhena nānappakāraṃ paridevantena itthāgārādinā janena anugato nagarā nikkhamma taṃ janaṃ nivattetuṃ magge daṇḍakena tiriyaṃ lekhaṃ katvā ‘‘imaṃ mama lekhaṃ mā atikkamiṃsū’’ti vatvā agamāsi. Mahājano tejavato mahāsattassa āṇaṃ atikkamituṃ asakkonto mahāsaddena kanditvā roditvā nivatti. Bodhisatto āgatamaggeneva tassa santikaṃ agamāsi. Tena vuttaṃ ‘‘apucchi maṃ porisādo’’tiādi.
д̇ад̇т̇а гим̣ д̇вам̣ ижчаси нисаж̇ж̇анд̇и д̇вам̣ ад̇д̇ано наг̇арам̣ г̇анд̇ум̣ мама хад̇т̇ад̇о ниссаж̇ж̇анам̣ гим̣ ижчаси, д̇вам̣ ‘‘маяаа д̇аггасилаад̣̇ийсу жирабарижид̇о сажжаваад̣̇ий жаа’’д̇и вад̣̇аси, д̇асмаа яат̇аа мад̇и д̇з гаахаами, яат̇ааружи д̇з гариссаами. яад̣̇и мз д̇вам̣ бунзхисийд̇и сажз буна д̇вам̣ згам̣сзнзва мама санд̇игам̣ ааг̇амиссаси.
Tattha kiṃ tvaṃ icchasi nisajjanti tvaṃ attano nagaraṃ gantuṃ mama hatthato nissajjanaṃ kiṃ icchasi, tvaṃ ‘‘mayā takkasilādīsu ciraparicito saccavādī cā’’ti vadasi, tasmā yathā mati te kāhāmi, yathāruci te karissāmi. Yadi me tvaṃ punehisīti sace puna tvaṃ ekaṃseneva mama santikaṃ āgamissasi.
108. бан̣хз ааг̇аманам̣ мамаад̇и баг̇зва мама ааг̇аманам̣ д̇асса борисаад̣̇асса бадиссун̣ид̇ваа баад̇ова ааг̇амиссаамийд̇и бадиссавам̣ гад̇ваа. раж̇ж̇ам̣ нияяаад̇аяим̣ д̇ад̣̇аад̇и д̇ад̣̇аа борисаад̣̇асса санд̇игам̣ г̇анд̇угаамо ‘‘ид̣̇ам̣ во раж̇ж̇ам̣ бадибаж̇ж̇ат̇аа’’д̇и маад̇аабид̇уунам̣ д̇ияож̇анасад̇игам̣ раж̇ж̇ам̣ нияяаад̇зсим̣.
108.Paṇhe āgamanaṃ mamāti pageva mama āgamanaṃ tassa porisādassa paṭissuṇitvā pātova āgamissāmīti paṭissavaṃ katvā. Rajjaṃ niyyātayiṃ tadāti tadā porisādassa santikaṃ gantukāmo ‘‘idaṃ vo rajjaṃ paṭipajjathā’’ti mātāpitūnaṃ tiyojanasatikaṃ rajjaṃ niyyātesiṃ.
109. гасмаа бана раж̇ж̇ам̣ нияяаад̇аяинд̇и? ануссарид̇ваа сад̇ам̣ д̇хамманд̇и яасмаа бана бадин̃н̃ааяа сажжаабанам̣ наама сад̇ам̣ саад̇хуунам̣ махааб̣од̇хисад̇д̇аанам̣ бавзн̣ий гулавам̣со, д̇асмаа д̇ам̣ сажжабаарамид̇аад̇хаммам̣ буб̣б̣агам̣ бораан̣ам̣ ж̇инзхи б̣уд̣̇д̇хаад̣̇ийхи сзвид̇ам̣ ануссарид̇ваа сажжам̣ анурагканд̇о д̇асса б̣раахман̣асса д̇ханам̣ д̣̇ад̇ваа ад̇д̇ано ж̇ийвид̇ам̣ барижжаж̇ид̇ваа борисаад̣̇ам̣ убааг̇амим̣.
109. Kasmā pana rajjaṃ niyyātayinti? Anussaritvā sataṃ dhammanti yasmā pana paṭiññāya saccāpanaṃ nāma sataṃ sādhūnaṃ mahābodhisattānaṃ paveṇī kulavaṃso, tasmā taṃ saccapāramitādhammaṃ pubbakaṃ porāṇaṃ jinehi buddhādīhi sevitaṃ anussaritvā saccaṃ anurakkhanto tassa brāhmaṇassa dhanaṃ datvā attano jīvitaṃ pariccajitvā porisādaṃ upāgamiṃ.
110. над̇т̇и мз сам̣саяо д̇ад̇т̇аад̇и д̇асмим̣ борисаад̣̇асса санд̇игам̣ г̇аманз ‘‘аяам̣ мам̣ гим̣ ну ко гхаад̇зссад̇и, уд̣̇ааху но’’д̇и маяхам̣ сам̣саяо над̇т̇и. ‘‘жан̣д̣о саахасиго маяаа сад̣̇д̇хим̣ згасад̇акад̇д̇ияз д̣̇звад̇ааяа б̣алигаммагаран̣асаж̇ж̇о зганд̇знзва гхаад̇зссад̇ий’’д̇и ж̇аананд̇о зва гзвалам̣ сажжаваажам̣ анурагканд̇о ад̇д̇ано ж̇ийвид̇ам̣ барижжаж̇ид̇ваа д̇ам̣ убааг̇амим̣. яасмаа жзд̇ад̣̇звам̣, д̇асмаа сажжзна мз само над̇т̇и, зсаа мз барамад̇т̇абхааваббад̇д̇аа сажжабаарамийд̇и.
110.Natthi me saṃsayo tatthāti tasmiṃ porisādassa santikaṃ gamane ‘‘ayaṃ maṃ kiṃ nu kho ghātessati, udāhu no’’ti mayhaṃ saṃsayo natthi. ‘‘Caṇḍo sāhasiko mayā saddhiṃ ekasatakhattiye devatāya balikammakaraṇasajjo ekanteneva ghātessatī’’ti jānanto eva kevalaṃ saccavācaṃ anurakkhanto attano jīvitaṃ pariccajitvā taṃ upāgamiṃ. Yasmā cetadevaṃ, tasmā saccena me samo natthi, esā me paramatthabhāvappattā saccapāramīti.
убааг̇ад̇з бана махаасад̇д̇з вигасид̇абун̣д̣арийгабад̣̇умасассиригамасса мукам̣ д̣̇исваа ‘‘аяам̣ виг̇ад̇амаран̣абхаяо худ̇ваа ааг̇ад̇о, гисса ну ко зса аанубхааво’’д̇и жинд̇знд̇о ‘‘д̇асса ман̃н̃з д̇хаммасса суд̇ад̇д̇аа аяам̣ звам̣ д̇зж̇аваа ниб̣бхаяо жа ж̇аад̇о, ахамби д̇ам̣ суд̇ваа д̇зж̇аваа ниб̣бхаяо жа бхависсаамий’’д̇и саннидтаанам̣ гад̇ваа борисаад̣̇о махаасад̇д̇ам̣ ааха – ‘‘сун̣ома сад̇аарахаг̇аат̇ааяо яаасам̣ саванад̇т̇ам̣ д̇вам̣ ад̇д̇ано наг̇арам̣ г̇ад̇о’’д̇и.
Upāgate pana mahāsatte vikasitapuṇḍarīkapadumasassirikamassa mukhaṃ disvā ‘‘ayaṃ vigatamaraṇabhayo hutvā āgato, kissa nu kho esa ānubhāvo’’ti cintento ‘‘tassa maññe dhammassa sutattā ayaṃ evaṃ tejavā nibbhayo ca jāto, ahampi taṃ sutvā tejavā nibbhayo ca bhavissāmī’’ti sanniṭṭhānaṃ katvā porisādo mahāsattaṃ āha – ‘‘suṇoma satārahagāthāyo yāsaṃ savanatthaṃ tvaṃ attano nagaraṃ gato’’ti.
д̇ам̣ суд̇ваа б̣од̇хисад̇д̇о ‘‘аяам̣ борисаад̣̇о баабад̇хаммо, имам̣ т̇огам̣ ниг̇г̇ахзд̇ваа лаж̇ж̇аабзд̇ваа гат̇зссаамий’’д̇и –
Taṃ sutvā bodhisatto ‘‘ayaṃ porisādo pāpadhammo, imaṃ thokaṃ niggahetvā lajjāpetvā kathessāmī’’ti –
‘‘ад̇хаммигасса луд̣̇д̣̇асса, нижжам̣ лохид̇абаан̣ино;
‘‘Adhammikassa luddassa, niccaṃ lohitapāṇino;
над̇т̇и сажжам̣ гуд̇о д̇хаммо, гим̣ суд̇зна гариссасий’’д̇и. (ж̇аа. 2.21.427) –
Natthi saccaṃ kuto dhammo, kiṃ sutena karissasī’’ti. (jā. 2.21.427) –
вад̇ваа буна д̇зна судтуд̇арам̣ сан̃ж̇аад̇асаванаад̣̇арзна –
Vatvā puna tena suṭṭhutaraṃ sañjātasavanādarena –
‘‘суд̇ваа д̇хаммам̣ виж̇аананд̇и, нараа галяаан̣абаабагам̣;
‘‘Sutvā dhammaṃ vijānanti, narā kalyāṇapāpakaṃ;
аби г̇аат̇аа сун̣ид̇ваана, д̇хаммз мз рамад̇з мано’’д̇и. (ж̇аа. 2.21.444) –
Api gāthā suṇitvāna, dhamme me ramate mano’’ti. (jā. 2.21.444) –
вуд̇д̇з ‘‘аяам̣ ад̇ивияа сан̃ж̇аад̇аад̣̇аро сод̇угаамо, ханд̣̇асса гат̇зссаамий’’д̇и жинд̇зд̇ваа ‘‘д̇зна хи самма, саад̇хугам̣ сун̣охи манасигарохий’’д̇и вад̇ваа нанд̣̇аб̣раахман̣зна гат̇ид̇анияаамзнзва г̇аат̇аанам̣ саггажжам̣ т̇уд̇им̣ гад̇ваа чагаамааважарад̣̇звалогз згаголаахалам̣ гад̇ваа д̣̇звад̇аасу саад̇хугаарам̣ д̣̇ад̣̇амаанаасу махаасад̇д̇о борисаад̣̇асса –
Vutte ‘‘ayaṃ ativiya sañjātādaro sotukāmo, handassa kathessāmī’’ti cintetvā ‘‘tena hi samma, sādhukaṃ suṇohi manasikarohī’’ti vatvā nandabrāhmaṇena kathitaniyāmeneva gāthānaṃ sakkaccaṃ thutiṃ katvā chakāmāvacaradevaloke ekakolāhalaṃ katvā devatāsu sādhukāraṃ dadamānāsu mahāsatto porisādassa –
‘‘сагид̣̇зва махаарааж̇а, саб̣бхи ход̇и самааг̇амо;
‘‘Sakideva mahārāja, sabbhi hoti samāgamo;
саа нам̣ сан̇г̇ад̇и баалзд̇и, наасаб̣бхи б̣ахусан̇г̇амо.
Sā naṃ saṅgati pāleti, nāsabbhi bahusaṅgamo.
‘‘саб̣бхирзва самаасзт̇а, саб̣бхи губ̣б̣зт̇а сант̇авам̣;
‘‘Sabbhireva samāsetha, sabbhi kubbetha santhavaṃ;
сад̇ам̣ сад̣̇д̇хаммаман̃н̃ааяа, сзяяо ход̇и на баабияо.
Sataṃ saddhammamaññāya, seyyo hoti na pāpiyo.
‘‘ж̇ийранд̇и вз рааж̇арат̇аа сужид̇д̇аа, ад̇т̇о сарийрамби ж̇арам̣ убзд̇и;
‘‘Jīranti ve rājarathā sucittā, attho sarīrampi jaraṃ upeti;
сад̇ан̃жа д̇хаммо на ж̇арам̣ убзд̇и, санд̇о хавз саб̣бхи бавзд̣̇аяанд̇и.
Satañca dhammo na jaraṃ upeti, santo have sabbhi pavedayanti.
‘‘набхан̃жа д̣̇уурз бат̇авий жа д̣̇уурз, баарам̣ самуд̣̇д̣̇асса д̇ад̣̇ааху д̣̇уурз;
‘‘Nabhañca dūre pathavī ca dūre, pāraṃ samuddassa tadāhu dūre;
д̇ад̇о хавз д̣̇уурад̇арам̣ вад̣̇анд̇и, сад̇ан̃жа д̇хаммо асад̇ан̃жа рааж̇аа’’д̇и. (ж̇аа. 2.21.411-414) –
Tato have dūrataraṃ vadanti, satañca dhammo asatañca rājā’’ti. (jā. 2.21.411-414) –
д̇хаммам̣ гат̇зси. д̇асса д̇зна сугат̇ид̇ад̇д̇аа жзва ад̇д̇ано жа бун̃н̃аанубхаавзна г̇аат̇аа сун̣анд̇ассзва сагаласарийрам̣ бан̃жаван̣н̣ааяа бийд̇ияаа барибуури. со б̣од̇хисад̇д̇з муд̣̇ужид̇д̇о худ̇ваа ‘‘самма суд̇асома, д̣̇аад̇аб̣б̣аяуд̇д̇агам̣ хиран̃н̃аад̣̇им̣ на бассаами, згзгааяа г̇аат̇ааяа згзгам̣ варам̣ д̣̇ассаамий’’д̇и ааха. ат̇а нам̣ махаасад̇д̇о ‘‘д̇вам̣ ад̇д̇аноби хид̇аани аж̇аананд̇о барасса гим̣ наама варам̣ д̣̇ассасий’’д̇и абасаад̣̇зд̇ваа буна д̇зна ‘‘варам̣ г̇ан̣хат̇аа’’д̇и яаажид̇о саб̣б̣абатамам̣ ‘‘ахам̣ жирагаалам̣ д̇ам̣ арог̇ам̣ бассзяяа’’нд̇и варам̣ яаажи. со ‘‘аяам̣ ид̣̇аани мз вад̇хид̇ваа мам̣сам̣ каад̣̇ид̇угаамасса махаанад̇т̇агарасса маяхамзва ж̇ийвид̇амижчад̇ий’’д̇и д̇удтамаанасо ван̃жзд̇ваа варасса г̇ахид̇абхаавам̣ аж̇аананд̇о ад̣̇ааси. махаасад̇д̇о хи убааяагусалад̇ааяа д̇асса жирам̣ ж̇ийвид̇угаамад̇аабад̣̇зсзна ад̇д̇ано ж̇ийвид̇ам̣ яаажи. ат̇а ‘‘баросад̇ам̣ кад̇д̇ияаанам̣ ж̇ийвид̇ам̣ д̣̇зхий’’д̇и д̣̇уд̇ияам̣ варам̣, д̇зсам̣ сагз радтз бадибаад̣̇анам̣ д̇ад̇ияам̣ варам̣, мануссамам̣сакаад̣̇анад̇о вираман̣ам̣ жад̇уд̇т̇ам̣ варам̣ яаажи. со д̇ийн̣и вараани д̣̇ад̇ваа жад̇уд̇т̇ам̣ варам̣ ад̣̇аад̇угаамо ‘‘ан̃н̃ам̣ варам̣ г̇ан̣хаахий’’д̇и вад̇вааби махаасад̇д̇зна ниббийл̣ияамаано д̇амби ад̣̇аасиязва.
Dhammaṃ kathesi. Tassa tena sukathitattā ceva attano ca puññānubhāvena gāthā suṇantasseva sakalasarīraṃ pañcavaṇṇāya pītiyā paripūri. So bodhisatte muducitto hutvā ‘‘samma sutasoma, dātabbayuttakaṃ hiraññādiṃ na passāmi, ekekāya gāthāya ekekaṃ varaṃ dassāmī’’ti āha. Atha naṃ mahāsatto ‘‘tvaṃ attanopi hitāni ajānanto parassa kiṃ nāma varaṃ dassasī’’ti apasādetvā puna tena ‘‘varaṃ gaṇhathā’’ti yācito sabbapaṭhamaṃ ‘‘ahaṃ cirakālaṃ taṃ arogaṃ passeyya’’nti varaṃ yāci. So ‘‘ayaṃ idāni me vadhitvā maṃsaṃ khāditukāmassa mahānatthakarassa mayhameva jīvitamicchatī’’ti tuṭṭhamānaso vañcetvā varassa gahitabhāvaṃ ajānanto adāsi. Mahāsatto hi upāyakusalatāya tassa ciraṃ jīvitukāmatāpadesena attano jīvitaṃ yāci. Atha ‘‘parosataṃ khattiyānaṃ jīvitaṃ dehī’’ti dutiyaṃ varaṃ, tesaṃ sake raṭṭhe paṭipādanaṃ tatiyaṃ varaṃ, manussamaṃsakhādanato viramaṇaṃ catutthaṃ varaṃ yāci. So tīṇi varāni datvā catutthaṃ varaṃ adātukāmo ‘‘aññaṃ varaṃ gaṇhāhī’’ti vatvāpi mahāsattena nippīḷiyamāno tampi adāsiyeva.
ат̇а б̣од̇хисад̇д̇о борисаад̣̇ам̣ ниб̣б̣исзванам̣ гад̇ваа д̇знзва рааж̇аано можаабзд̇ваа бхуумияам̣ нибаж̇ж̇аабзд̇ваа д̣̇аарагаанам̣ ган̣н̣ад̇о суд̇д̇авадди вияа сан̣игам̣ раж̇ж̇уяо нийхарид̇ваа борисаад̣̇зна згам̣ д̇ажам̣ аахараабзд̇ваа баасаан̣зна гхам̣сид̇ваа сажжагирияам̣ гад̇ваа д̇зсам̣ хад̇т̇ад̇алаани магкзси. д̇ан̇кан̣ам̣ зва паасугам̣ ахоси. д̣̇вийхад̇ийхам̣ д̇ад̇т̇зва васид̇ваа д̇з арог̇з гаарзд̇ваа д̇зхи сад̣̇д̇хим̣ абхиж̇ж̇анагасабхаавам̣ мид̇д̇асант̇авам̣ гаарзд̇ваа д̇зхи сад̣̇д̇хим̣ д̇ам̣ б̣аараан̣асим̣ нзд̇ваа раж̇ж̇з бад̇идтаабзд̇ваа ‘‘аббамад̇д̇аа хот̇аа’’д̇и д̇з рааж̇аано ад̇д̇ано ад̇д̇ано наг̇арам̣ бзсзд̇ваа инд̣̇абад̇т̇анаг̇арад̇о ааг̇ад̇ааяа ад̇д̇ано жад̇уран̇г̇инияаа сзнааяа баривуд̇о ад̇д̇ано наг̇арам̣ г̇ад̇о д̇удтабамуд̣̇ид̇зна нааг̇араж̇анзна самбариваарияамаано анд̇збурам̣ бависид̇ваа маад̇аабид̇аро ванд̣̇ид̇ваа махаад̇алам̣ абхирухи.
Atha bodhisatto porisādaṃ nibbisevanaṃ katvā teneva rājāno mocāpetvā bhūmiyaṃ nipajjāpetvā dārakānaṃ kaṇṇato suttavaṭṭi viya saṇikaṃ rajjuyo nīharitvā porisādena ekaṃ tacaṃ āharāpetvā pāsāṇena ghaṃsitvā saccakiriyaṃ katvā tesaṃ hatthatalāni makkhesi. Taṅkhaṇaṃ eva phāsukaṃ ahosi. Dvīhatīhaṃ tattheva vasitvā te aroge kāretvā tehi saddhiṃ abhijjanakasabhāvaṃ mittasanthavaṃ kāretvā tehi saddhiṃ taṃ bārāṇasiṃ netvā rajje patiṭṭhāpetvā ‘‘appamattā hothā’’ti te rājāno attano attano nagaraṃ pesetvā indapatthanagarato āgatāya attano caturaṅginiyā senāya parivuto attano nagaraṃ gato tuṭṭhapamuditena nāgarajanena samparivāriyamāno antepuraṃ pavisitvā mātāpitaro vanditvā mahātalaṃ abhiruhi.
ат̇а махаасад̇д̇о ча д̣̇аанасаалааяо гаарзд̇ваа д̣̇звасигам̣ махаад̣̇аанаани бавад̇д̇знд̇о сийлаани барибуурзнд̇о убосат̇ам̣ убавасанд̇о баарамияо ануб̣руухзси. д̇зби рааж̇аано махаасад̇д̇асса оваад̣̇з тад̇ваа д̣̇аанаад̣̇ийни бун̃н̃аани гад̇ваа ааяубарияосаанз саг̇г̇абурам̣ буураяим̣су.
Atha mahāsatto cha dānasālāyo kāretvā devasikaṃ mahādānāni pavattento sīlāni paripūrento uposathaṃ upavasanto pāramiyo anubrūhesi. Tepi rājāno mahāsattassa ovāde ṭhatvā dānādīni puññāni katvā āyupariyosāne saggapuraṃ pūrayiṃsu.
д̇ад̣̇аа борисаад̣̇о ан̇г̇улимаалад̇т̇зро ахоси, гаал̣ахад̇т̇иамажжо саарибуд̇д̇ад̇т̇зро, нанд̣̇аб̣раахман̣о аананд̣̇ад̇т̇зро, ругкад̣̇звад̇аа махаагассабад̇т̇зро, рааж̇аано б̣уд̣̇д̇хабарисаа, маад̇аабид̇аро махаарааж̇агулаани, суд̇асомамахаарааж̇аа логанаат̇о.
Tadā porisādo aṅgulimālatthero ahosi, kāḷahatthiamacco sāriputtatthero, nandabrāhmaṇo ānandatthero, rukkhadevatā mahākassapatthero, rājāno buddhaparisā, mātāpitaro mahārājakulāni, sutasomamahārājā lokanātho.
д̇асса хздтаа вуд̇д̇анаязнзва сзсабаарамияоби нид̣̇д̇хаарзд̇аб̣б̣аа. д̇ат̇аа алийнасад̇д̇ужарияааван̣н̣анааяа (жарияаа адта. 2.74 аад̣̇аяо) вияа махаасад̇д̇асса г̇ун̣аанубхааваа вибхаавзд̇аб̣б̣аад̇и.
Tassa heṭṭhā vuttanayeneva sesapāramiyopi niddhāretabbā. Tathā alīnasattucariyāvaṇṇanāya (cariyā aṭṭha. 2.74 ādayo) viya mahāsattassa guṇānubhāvā vibhāvetabbāti.
махаасуд̇асомажарияааван̣н̣анаа нидтид̇аа.
Mahāsutasomacariyāvaṇṇanā niṭṭhitā.
сажжабаарамий нидтид̇аа.
Saccapāramī niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / жарияаабидагабаал̣и • Cariyāpiṭakapāḷi / 12. суд̇асомажарияаа • 12. Sutasomacariyā
