Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā

    [537] 5. махаасуд̇асомаж̇аад̇агаван̣н̣анаа

    [537] 5. Mahāsutasomajātakavaṇṇanā

    гасмаа д̇увам̣ расага зд̣̇исаанийд̇и ид̣̇ам̣ сад̇т̇аа ж̇зд̇аванз вихаранд̇о ан̇г̇улимаалад̇т̇зрад̣̇аманам̣ аараб̣бха гат̇зси. д̇асса уббад̇д̇и жа баб̣б̣аж̇ж̇аа жа убасамбад̣̇аа жа ан̇г̇улимааласуд̇д̇аван̣н̣анааяам̣ (ма. ни. адта. 2.34 аад̣̇аяо) вуд̇д̇анаязна вид̇т̇аарад̇о взд̣̇ид̇аб̣б̣аа. со бана сажжагирияааяа муул̣хаг̇аб̣бхааяа ид̇т̇ияаа сод̇т̇ибхаавам̣ гад̇ваа д̇ад̇о бадтааяа сулабхабин̣д̣о худ̇ваа вивзгамануб̣рууханд̇о абарабхааг̇з арахад̇д̇ам̣ бад̇ваа абхин̃н̃аад̇ова асийд̇ияаа махаат̇зраанам̣ аб̣бханд̇аро ахоси. д̇асмим̣ гаалз д̇хаммасабхааяам̣ гат̇ам̣ самудтаабзсум̣ – ‘‘аавусо, ахо вад̇а бхаг̇авад̇аа д̇ат̇ааруубам̣ луд̣̇д̣̇ам̣ лохид̇абаан̣им̣ махаажорам̣ ан̇г̇улимаалам̣ ад̣̇ан̣д̣зна асад̇т̇зна д̣̇амзд̇ваа ниб̣б̣исзванам̣ гаронд̇зна д̣̇уггарам̣ гад̇ам̣, ахо б̣уд̣̇д̇хаа наама д̣̇уггарагаарино’’д̇и. сад̇т̇аа г̇анд̇хагудияам̣ тид̇ова д̣̇иб̣б̣асод̇зна д̇ам̣ гат̇ам̣ суд̇ваа ‘‘аж̇ж̇а мама г̇аманам̣ б̣ахубагаарам̣ бхависсад̇и, махаад̇хаммад̣̇зсанаа бавад̇д̇иссад̇ий’’д̇и н̃ад̇ваа анобамааяа б̣уд̣̇д̇халийлааяа д̇хаммасабхам̣ г̇анд̇ваа варабан̃н̃ад̇д̇аасанз нисийд̣̇ид̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчид̇ваа ‘‘имааяа наамаа’’д̇и вуд̇д̇з ‘‘анажчарияам̣, бхигкавз, ид̣̇аанзва барамаабхисамб̣од̇хим̣ бад̇д̇зна маяаа зд̇асса д̣̇аманам̣, сваахам̣ буб̣б̣ажарияам̣ жаранд̇о бад̣̇зсан̃аан̣з тид̇оби зд̇ам̣ д̣̇амзси’’нд̇и вад̇ваа д̇зхи яаажид̇о ад̇ийд̇ам̣ аахари.

    Kasmā tuvaṃ rasaka edisānīti idaṃ satthā jetavane viharanto aṅgulimālattheradamanaṃ ārabbha kathesi. Tassa uppatti ca pabbajjā ca upasampadā ca aṅgulimālasuttavaṇṇanāyaṃ (ma. ni. aṭṭha. 2.34 ādayo) vuttanayena vitthārato veditabbā. So pana saccakiriyāya mūḷhagabbhāya itthiyā sotthibhāvaṃ katvā tato paṭṭhāya sulabhapiṇḍo hutvā vivekamanubrūhanto aparabhāge arahattaṃ patvā abhiññātova asītiyā mahātherānaṃ abbhantaro ahosi. Tasmiṃ kāle dhammasabhāyaṃ kathaṃ samuṭṭhāpesuṃ – ‘‘āvuso, aho vata bhagavatā tathārūpaṃ luddaṃ lohitapāṇiṃ mahācoraṃ aṅgulimālaṃ adaṇḍena asatthena dametvā nibbisevanaṃ karontena dukkaraṃ kataṃ, aho buddhā nāma dukkarakārino’’ti. Satthā gandhakuṭiyaṃ ṭhitova dibbasotena taṃ kathaṃ sutvā ‘‘ajja mama gamanaṃ bahupakāraṃ bhavissati, mahādhammadesanā pavattissatī’’ti ñatvā anopamāya buddhalīlāya dhammasabhaṃ gantvā varapaññattāsane nisīditvā ‘‘kāya nuttha, bhikkhave, etarahi kathāya sannisinnā’’ti pucchitvā ‘‘imāya nāmā’’ti vutte ‘‘anacchariyaṃ, bhikkhave, idāneva paramābhisambodhiṃ pattena mayā etassa damanaṃ, svāhaṃ pubbacariyaṃ caranto padesañāṇe ṭhitopi etaṃ damesi’’nti vatvā tehi yācito atītaṃ āhari.

    ад̇ийд̇з гурурадтз инд̣̇абад̇т̇анаг̇арз гораб̣яо наама рааж̇аа д̇хаммзна раж̇ж̇ам̣ гаарзси. д̇ад̣̇аа б̣од̇хисад̇д̇о д̇асса аг̇г̇амахзсияаа гужчимхи ниб̣б̣ад̇д̇и. д̣̇асамаасз ад̇игганд̇з суван̣н̣аван̣н̣ам̣ буд̇д̇ам̣ виж̇ааяи, суд̇авид̇д̇ад̇ааяа бана нам̣ ‘‘суд̇асомо’’д̇и сан̃ж̇ааним̣су. д̇амзнам̣ рааж̇аа ваяаббад̇д̇ам̣ нигкасахассам̣ д̣̇ад̇ваа д̣̇исаабаамогкасса аажарияасса санд̇игз сиббуг̇г̇ахан̣ад̇т̇ааяа д̇аггасилам̣ бзсзси. со аажарияабхааг̇ам̣ аад̣̇ааяа наг̇араа нигкамид̇ваа маг̇г̇ам̣ бадибаж̇ж̇и. д̇ад̣̇аа б̣аараан̣асияам̣ гаасиран̃н̃о буд̇д̇о б̣рахмад̣̇ад̇д̇агумаароби д̇ат̇зва вад̇ваа бид̇араа бзсид̇о наг̇араа нигкамид̇ваа д̇амзва маг̇г̇ам̣ бадибаж̇ж̇и. ат̇а суд̇асомо маг̇г̇ам̣ г̇анд̇ваа наг̇арад̣̇ваарз саалааяа палагз виссамад̇т̇ааяа нисийд̣̇и. б̣рахмад̣̇ад̇д̇агумаароби г̇анд̇ваа д̇зна сад̣̇д̇хим̣ згапалагз нисийд̣̇и. ат̇а нам̣ суд̇асомо бадисант̇аарам̣ гаронд̇о ‘‘самма, маг̇г̇агиланд̇оси, гуд̇о ааг̇ажчасий’’д̇и бужчид̇ваа ‘‘б̣аараан̣асид̇о’’д̇и вуд̇д̇з ‘‘гасса буд̇д̇осий’’д̇и вад̇ваа ‘‘гаасиран̃н̃о буд̇д̇омхий’’д̇и вуд̇д̇з ‘‘го наамосий’’д̇и вад̇ваа ‘‘ахам̣ б̣рахмад̣̇ад̇д̇агумааро наамаа’’д̇и вуд̇д̇з ‘‘гзна гааран̣зна ид̇хааг̇ад̇осий’’д̇и бужчи. со ‘‘сиббуг̇г̇ахан̣ад̇т̇ааяаа’’д̇и вад̇ваа ‘‘д̇вамби маг̇г̇агиланд̇оси, гуд̇о ааг̇ажчасий’’д̇и д̇знзва наязна ид̇арам̣ бужчи. соби д̇асса саб̣б̣ам̣ аажигки. д̇з убхоби ‘‘маяам̣ кад̇д̇ияаа, згаажарияассзва санд̇игз сиббуг̇г̇ахан̣ад̇т̇ааяа г̇ажчаамаа’’д̇и ан̃н̃аман̃н̃ам̣ мид̇д̇абхаавам̣ гад̇ваа наг̇арам̣ бависид̇ваа аажарияагулам̣ г̇анд̇ваа аажарияам̣ ванд̣̇ид̇ваа ад̇д̇ано ж̇аад̇иаад̣̇им̣ гат̇зд̇ваа сиббуг̇г̇ахан̣ад̇т̇ааяа ааг̇ад̇абхаавам̣ гат̇зсум̣. со ‘‘саад̇хуу’’д̇и самбадижчи. д̇з аажарияабхааг̇ам̣ д̣̇ад̇ваа сиббам̣ бадтабзсум̣.

    Atīte kururaṭṭhe indapatthanagare korabyo nāma rājā dhammena rajjaṃ kāresi. Tadā bodhisatto tassa aggamahesiyā kucchimhi nibbatti. Dasamāse atikkante suvaṇṇavaṇṇaṃ puttaṃ vijāyi, sutavittatāya pana naṃ ‘‘sutasomo’’ti sañjāniṃsu. Tamenaṃ rājā vayappattaṃ nikkhasahassaṃ datvā disāpāmokkhassa ācariyassa santike sippuggahaṇatthāya takkasilaṃ pesesi. So ācariyabhāgaṃ ādāya nagarā nikkhamitvā maggaṃ paṭipajji. Tadā bārāṇasiyaṃ kāsirañño putto brahmadattakumāropi tatheva vatvā pitarā pesito nagarā nikkhamitvā tameva maggaṃ paṭipajji. Atha sutasomo maggaṃ gantvā nagaradvāre sālāya phalake vissamatthāya nisīdi. Brahmadattakumāropi gantvā tena saddhiṃ ekaphalake nisīdi. Atha naṃ sutasomo paṭisanthāraṃ karonto ‘‘samma, maggakilantosi, kuto āgacchasī’’ti pucchitvā ‘‘bārāṇasito’’ti vutte ‘‘kassa puttosī’’ti vatvā ‘‘kāsirañño puttomhī’’ti vutte ‘‘ko nāmosī’’ti vatvā ‘‘ahaṃ brahmadattakumāro nāmā’’ti vutte ‘‘kena kāraṇena idhāgatosī’’ti pucchi. So ‘‘sippuggahaṇatthāyā’’ti vatvā ‘‘tvampi maggakilantosi, kuto āgacchasī’’ti teneva nayena itaraṃ pucchi. Sopi tassa sabbaṃ ācikkhi. Te ubhopi ‘‘mayaṃ khattiyā, ekācariyasseva santike sippuggahaṇatthāya gacchāmā’’ti aññamaññaṃ mittabhāvaṃ katvā nagaraṃ pavisitvā ācariyakulaṃ gantvā ācariyaṃ vanditvā attano jātiādiṃ kathetvā sippuggahaṇatthāya āgatabhāvaṃ kathesuṃ. So ‘‘sādhū’’ti sampaṭicchi. Te ācariyabhāgaṃ datvā sippaṃ paṭṭhapesuṃ.

    на гзвалан̃жа д̇з д̣̇взва, ан̃н̃зби д̇ад̣̇аа ж̇амб̣уд̣̇ийбз згасад̇амад̇д̇аа рааж̇абуд̇д̇аа д̇асса санд̇игз сиббам̣ уг̇г̇ан̣ханд̇и. суд̇асомо д̇зсам̣ ж̇здтанд̇зваасиго худ̇ваа сиббам̣ убад̣̇исанд̇о нажирассзва нибпад̇д̇им̣ баабун̣и. со ан̃н̃асса санд̇игам̣ аг̇анд̇ваа ‘‘сахааяо мз’’д̇и б̣рахмад̣̇ад̇д̇асса гумаарассзва санд̇игам̣ г̇анд̇ваа д̇асса бидтиаажарияо худ̇ваа сиббам̣ сигкаабзси. ид̇арзсамби ануггамзна сиббам̣ нидтид̇ам̣. д̇з ануяог̇ам̣ д̣̇ад̇ваа аажарияам̣ ванд̣̇ид̇ваа суд̇асомам̣ бариваарзд̇ваа нигкамим̣су. ат̇а нз суд̇асомо маг̇г̇анд̇арз тад̇ваа уяяож̇знд̇о ‘‘д̇умхз ад̇д̇ано ад̇д̇ано бид̇уунам̣ сиббам̣ д̣̇ассзд̇ваа раж̇ж̇зсу бад̇идтахиссат̇а, бад̇идтид̇аа жа бана мамоваад̣̇ам̣ гарзяяаат̇аа’’д̇и ааха. ‘‘гим̣ , аажарияаа’’д̇и? ‘‘багкад̣̇ивасзсу убосат̇игаа худ̇ваа маа гхаад̇ам̣ гарзяяаат̇аа’’д̇и. д̇з ‘‘саад̇хуу’’д̇и самбадижчим̣су. б̣од̇хисад̇д̇оби ан̇г̇авиж̇ж̇аабаатагад̇д̇аа ‘‘анааг̇ад̇з б̣аараан̣асияам̣ б̣рахмад̣̇ад̇д̇агумаарам̣ ниссааяа махаабхаяам̣ уббаж̇ж̇иссад̇ий’’д̇и н̃ад̇ваа д̇з звам̣ овад̣̇ид̇ваа уяяож̇зси. д̇з саб̣б̣зби ад̇д̇ано ад̇д̇ано ж̇анабад̣̇ам̣ г̇анд̇ваа бид̇уунам̣ сиббам̣ д̣̇ассзд̇ваа раж̇ж̇зсу бад̇идтааяа бад̇идтид̇абхааван̃жзва оваад̣̇з вад̇д̇анабхааван̃жа ж̇аанаабзд̇ум̣ бан̣н̣аагаарзна сад̣̇д̇хим̣ бан̣н̣аани бахин̣им̣су. махаасад̇д̇о д̇ам̣ бавад̇д̇им̣ суд̇ваа ‘‘аббамад̇д̇аава хот̇аа’’д̇и бан̣н̣аани бадибзсзси.

    Na kevalañca te dveva, aññepi tadā jambudīpe ekasatamattā rājaputtā tassa santike sippaṃ uggaṇhanti. Sutasomo tesaṃ jeṭṭhantevāsiko hutvā sippaṃ upadisanto nacirasseva nipphattiṃ pāpuṇi. So aññassa santikaṃ agantvā ‘‘sahāyo me’’ti brahmadattassa kumārasseva santikaṃ gantvā tassa piṭṭhiācariyo hutvā sippaṃ sikkhāpesi. Itaresampi anukkamena sippaṃ niṭṭhitaṃ. Te anuyogaṃ datvā ācariyaṃ vanditvā sutasomaṃ parivāretvā nikkhamiṃsu. Atha ne sutasomo maggantare ṭhatvā uyyojento ‘‘tumhe attano attano pitūnaṃ sippaṃ dassetvā rajjesu patiṭṭhahissatha, patiṭṭhitā ca pana mamovādaṃ kareyyāthā’’ti āha. ‘‘Kiṃ , ācariyā’’ti? ‘‘Pakkhadivasesu uposathikā hutvā mā ghātaṃ kareyyāthā’’ti. Te ‘‘sādhū’’ti sampaṭicchiṃsu. Bodhisattopi aṅgavijjāpāṭhakattā ‘‘anāgate bārāṇasiyaṃ brahmadattakumāraṃ nissāya mahābhayaṃ uppajjissatī’’ti ñatvā te evaṃ ovaditvā uyyojesi. Te sabbepi attano attano janapadaṃ gantvā pitūnaṃ sippaṃ dassetvā rajjesu patiṭṭhāya patiṭṭhitabhāvañceva ovāde vattanabhāvañca jānāpetuṃ paṇṇākārena saddhiṃ paṇṇāni pahiṇiṃsu. Mahāsatto taṃ pavattiṃ sutvā ‘‘appamattāva hothā’’ti paṇṇāni paṭipesesi.

    д̇зсу б̣аараан̣асирааж̇аа винаа мам̣сзна бхад̇д̇ам̣ на бхун̃ж̇ад̇и. убосат̇ад̣̇ивасад̇т̇ааяабисса мам̣сам̣ г̇ахзд̇ваа табзси. ат̇згад̣̇ивасам̣ звам̣ табид̇амам̣сам̣ бхад̇д̇агаарагасса бамаад̣̇зна рааж̇аг̇зхз голзяяагасунакаа каад̣̇им̣су. бхад̇д̇агаараго д̇ам̣ мам̣сам̣ ад̣̇ид̇ваа гахаабан̣амудтим̣ аад̣̇ааяа жаранд̇оби мам̣сам̣ уббаад̣̇зд̇ум̣ асаггонд̇о ‘‘сажз амам̣сагабхад̇д̇ам̣ убанаамзссаами, ж̇ийвид̇ам̣ мз над̇т̇и, гим̣ ну ко гариссаамий’’д̇и жинд̇зд̇ваа ‘‘ад̇т̇зсо убааяо’’д̇и вигаалз аамагасусаанам̣ г̇анд̇ваа мухуд̇д̇амад̇асса бурисасса уурумам̣сам̣ аахарид̇ваа субаггам̣ бажид̇ваа бхад̇д̇ам̣ убанаамзси. ран̃н̃о мам̣сакан̣д̣ам̣ ж̇ивхаг̇г̇з табид̇амад̇д̇амзва сад̇д̇а расахаран̣исахассаани пари, сагаласарийрам̣ кобхзд̇ваа адтааси. гим̣гааран̣аа? буб̣б̣з жасса сзванад̇ааяа. со гира ад̇ийд̇аананд̇арз ад̇д̇абхаавз яагко худ̇ваа б̣ахум̣ мануссамам̣сам̣ каад̣̇ид̇абуб̣б̣о, д̇знасса д̇ам̣ бияам̣ ахоси . со ‘‘сажаахам̣ д̇ун̣хийязва бхун̃ж̇иссаами, на мз аяам̣ имам̣ мам̣сам̣ гат̇зссад̇ий’’д̇и жинд̇зд̇ваа саха кзл̣зна бхуумияам̣ баад̇зси. ‘‘нид̣̇д̣̇осам̣, д̣̇зва, каад̣̇аахий’’д̇и вуд̇д̇з мануссз бадиггамаабзд̇ваа ‘‘ахамзд̇асса нид̣̇д̣̇осабхаавам̣ ж̇аанаами, гим̣ наамзд̇ам̣ мам̣са’’нд̇и бужчи. ‘‘буримад̣̇ивасзсу барибхог̇амам̣самзва, д̣̇зваа’’д̇и. ‘‘нану ан̃н̃асмим̣ гаалз аяам̣ расо над̇т̇ий’’д̇и? ‘‘аж̇ж̇а субаггам̣, д̣̇зваа’’д̇и. ‘‘нану буб̣б̣зби звамзва бажасий’’д̇и. ат̇а нам̣ д̇ун̣хийбхууд̇ам̣ н̃ад̇ваа ‘‘сабхаавам̣ гат̇зхи, но жз гат̇зси, ж̇ийвид̇ам̣ д̇з над̇т̇ий’’д̇и ааха. со абхаяам̣ яаажид̇ваа яат̇аабхууд̇ам̣ гат̇зси. рааж̇аа ‘‘маа сад̣̇д̣̇амагааси, багад̇ияаа бажанагамам̣сам̣ д̇вам̣ каад̣̇ид̇ваа маяхам̣ мануссамам̣самзва бажаахий’’д̇и ааха. ‘‘нану д̣̇уггарам̣, д̣̇зваа’’д̇и? ‘‘маа бхааяи, на д̣̇уггара’’нд̇и. ‘‘ниб̣ад̣̇д̇хам̣ гуд̇о лабхиссаами, д̣̇зваа’’д̇и? ‘‘нану б̣анд̇ханааг̇аарз б̣ахуу мануссаа’’д̇и. со д̇ад̇о бадтааяа д̇ат̇аа агааси.

    Tesu bārāṇasirājā vinā maṃsena bhattaṃ na bhuñjati. Uposathadivasatthāyapissa maṃsaṃ gahetvā ṭhapesi. Athekadivasaṃ evaṃ ṭhapitamaṃsaṃ bhattakārakassa pamādena rājagehe koleyyakasunakhā khādiṃsu. Bhattakārako taṃ maṃsaṃ aditvā kahāpaṇamuṭṭhiṃ ādāya carantopi maṃsaṃ uppādetuṃ asakkonto ‘‘sace amaṃsakabhattaṃ upanāmessāmi, jīvitaṃ me natthi, kiṃ nu kho karissāmī’’ti cintetvā ‘‘attheso upāyo’’ti vikāle āmakasusānaṃ gantvā muhuttamatassa purisassa ūrumaṃsaṃ āharitvā supakkaṃ pacitvā bhattaṃ upanāmesi. Rañño maṃsakhaṇḍaṃ jivhagge ṭhapitamattameva satta rasaharaṇisahassāni phari, sakalasarīraṃ khobhetvā aṭṭhāsi. Kiṃkāraṇā? Pubbe cassa sevanatāya. So kira atītānantare attabhāve yakkho hutvā bahuṃ manussamaṃsaṃ khāditapubbo, tenassa taṃ piyaṃ ahosi . So ‘‘sacāhaṃ tuṇhīyeva bhuñjissāmi, na me ayaṃ imaṃ maṃsaṃ kathessatī’’ti cintetvā saha kheḷena bhūmiyaṃ pātesi. ‘‘Niddosaṃ, deva, khādāhī’’ti vutte manusse paṭikkamāpetvā ‘‘ahametassa niddosabhāvaṃ jānāmi, kiṃ nāmetaṃ maṃsa’’nti pucchi. ‘‘Purimadivasesu paribhogamaṃsameva, devā’’ti. ‘‘Nanu aññasmiṃ kāle ayaṃ raso natthī’’ti? ‘‘Ajja supakkaṃ, devā’’ti. ‘‘Nanu pubbepi evameva pacasī’’ti. Atha naṃ tuṇhībhūtaṃ ñatvā ‘‘sabhāvaṃ kathehi, no ce kathesi, jīvitaṃ te natthī’’ti āha. So abhayaṃ yācitvā yathābhūtaṃ kathesi. Rājā ‘‘mā saddamakāsi, pakatiyā pacanakamaṃsaṃ tvaṃ khāditvā mayhaṃ manussamaṃsameva pacāhī’’ti āha. ‘‘Nanu dukkaraṃ, devā’’ti? ‘‘Mā bhāyi, na dukkara’’nti. ‘‘Nibaddhaṃ kuto labhissāmi, devā’’ti? ‘‘Nanu bandhanāgāre bahū manussā’’ti. So tato paṭṭhāya tathā akāsi.

    абарабхааг̇з б̣анд̇ханааг̇аарз мануссзсу кийн̣зсу ‘‘ид̣̇аани гим̣ гариссаами, д̣̇зваа’’д̇и ааха. ‘‘анд̇араамаг̇г̇з сахассабхан̣д̣игам̣ кибид̇ваа яо д̇ам̣ г̇ан̣хаад̇и, д̇ам̣ ‘жоро’д̇и г̇ахзд̇ваа маарзхий’’д̇и ааха. со д̇ат̇аа агааси. абарабхааг̇з рааж̇абхаязна сахассабхан̣д̣игам̣ ологзнд̇амби ад̣̇исваа ‘‘ид̣̇аани гим̣ гариссаамий’’д̇и ааха. ‘‘яад̣̇аа бхзривзлааяа наг̇арам̣ аагулам̣ ход̇и, д̇ад̣̇аа д̇вам̣ бана згасмим̣ гхарасанд̇химхи ваа вийт̇ияам̣ ваа жад̇уггз ваа тад̇ваа мануссз маарзд̇ваа мам̣сам̣ г̇ан̣хаахий’’д̇и. со д̇ад̇о бадтааяа д̇ат̇аа гад̇ваа т̇ууламам̣сам̣ аад̣̇ааяа г̇ажчад̇и. д̇зсу д̇зсу таанзсу гал̣звараани д̣̇иссанд̇и. мама маад̇аа на бан̃н̃ааяад̇и, мама бид̇аа на бан̃н̃ааяад̇и, мама бхаад̇аа бхаг̇иний жа на бан̃н̃ааяад̇и, мануссаанам̣ барид̣̇званасад̣̇д̣̇о сууяад̇и. нааг̇араа бхийд̇ад̇асид̇аа ‘‘имз мануссз сийхо ну ко каад̣̇ад̇и, б̣яаг̇гхо ну ко каад̣̇ад̇и, яагко ну ко каад̣̇ад̇ий’’д̇и ологзнд̇аа бахаарамукам̣ д̣̇исваа ‘‘зго мануссакаад̣̇аго жоро имз каад̣̇ад̇ий’’д̇и ман̃н̃анд̇и. махааж̇анаа рааж̇ан̇г̇ан̣з саннибад̇ид̇ваа убаггосим̣су. рааж̇аа ‘‘гим̣, д̇аад̇аа’’д̇и бужчи. ‘‘д̣̇зва имасмим̣ наг̇арз мануссакаад̣̇аго жоро ад̇т̇и, д̇ам̣ г̇ан̣хаабзт̇аа’’д̇и аахам̣су. ‘‘ахам̣ гат̇ам̣ д̇ам̣ ж̇ааниссаами, гим̣ ахам̣ наг̇арам̣ рагканд̇оби жараамий’’д̇и.

    Aparabhāge bandhanāgāre manussesu khīṇesu ‘‘idāni kiṃ karissāmi, devā’’ti āha. ‘‘Antarāmagge sahassabhaṇḍikaṃ khipitvā yo taṃ gaṇhāti, taṃ ‘coro’ti gahetvā mārehī’’ti āha. So tathā akāsi. Aparabhāge rājabhayena sahassabhaṇḍikaṃ olokentampi adisvā ‘‘idāni kiṃ karissāmī’’ti āha. ‘‘Yadā bherivelāya nagaraṃ ākulaṃ hoti, tadā tvaṃ pana ekasmiṃ gharasandhimhi vā vīthiyaṃ vā catukke vā ṭhatvā manusse māretvā maṃsaṃ gaṇhāhī’’ti. So tato paṭṭhāya tathā katvā thūlamaṃsaṃ ādāya gacchati. Tesu tesu ṭhānesu kaḷevarāni dissanti. Mama mātā na paññāyati, mama pitā na paññāyati, mama bhātā bhaginī ca na paññāyati, manussānaṃ paridevanasaddo sūyati. Nāgarā bhītatasitā ‘‘ime manusse sīho nu kho khādati, byaggho nu kho khādati, yakkho nu kho khādatī’’ti olokentā pahāramukhaṃ disvā ‘‘eko manussakhādako coro ime khādatī’’ti maññanti. Mahājanā rājaṅgaṇe sannipatitvā upakkosiṃsu. Rājā ‘‘kiṃ, tātā’’ti pucchi. ‘‘Deva imasmiṃ nagare manussakhādako coro atthi, taṃ gaṇhāpethā’’ti āhaṃsu. ‘‘Ahaṃ kathaṃ taṃ jānissāmi, kiṃ ahaṃ nagaraṃ rakkhantopi carāmī’’ti.

    махааж̇анаа ‘‘рааж̇аа наг̇арзна анад̇т̇иго, гаал̣ахад̇т̇исзнаабад̇исса аажигкиссаамаа’’д̇и г̇анд̇ваа д̇асса д̇ам̣ гат̇зд̇ваа ‘‘жорам̣ бариязсид̇ум̣ ваддад̇ий’’д̇и вад̣̇им̣су. со ‘‘саад̇ху сад̇д̇аахам̣ ааг̇амзт̇а, бариязсид̇ваа жорам̣ д̣̇ассаамий’’д̇и махааж̇анз уяяож̇зд̇ваа бурисз аан̣аабзси, ‘‘д̇аад̇аа, наг̇арз гира мануссакаад̣̇аго жоро ад̇т̇и, д̇умхз д̇зсу д̇зсу таанзсу нилийяид̇ваа д̇ам̣ г̇ан̣хат̇аа’’д̇и. д̇з ‘‘саад̇хуу’’д̇и самбадижчид̇ваа д̇ад̇о бадтааяа наг̇арам̣ бариг̇г̇ан̣ханд̇и. бхад̇д̇агаарагоби згасмим̣ гхарасанд̇химхи самбадижчанно худ̇ваа згам̣ ид̇т̇им̣ маарзд̇ваа гханагханамам̣сам̣ аад̣̇ааяа бажчияам̣ буурзд̇ум̣ аарабхи. ат̇а нам̣ д̇з бурисаа г̇ахзд̇ваа бот̇зд̇ваа бажчааб̣аахам̣ б̣анд̇хид̇ваа ‘‘г̇ахид̇о мануссакаад̣̇аго жоро’’д̇и махаасад̣̇д̣̇ам̣ гарим̣су. махааж̇ано д̇ам̣ бариваарзси. ат̇а нам̣ судту б̣анд̇хид̇ваа мам̣сабажчим̣ г̇ийвааяа б̣анд̇хид̇ваа аад̣̇ааяа сзнаабад̇исса д̣̇ассзсум̣. сзнаабад̇и д̇ам̣ д̣̇исваа ‘‘гим̣ ну ко зса имам̣ мам̣сам̣ каад̣̇ад̇и, уд̣̇ааху ан̃н̃зна мам̣сзна миссзд̇ваа виггин̣аад̇и, уд̣̇ааху ан̃н̃асса важанзна маарзд̇ий’’д̇и жинд̇зд̇ваа д̇амад̇т̇ам̣ бужчанд̇о батамам̣ г̇аат̇амааха –

    Mahājanā ‘‘rājā nagarena anatthiko, kāḷahatthisenāpatissa ācikkhissāmā’’ti gantvā tassa taṃ kathetvā ‘‘coraṃ pariyesituṃ vaṭṭatī’’ti vadiṃsu. So ‘‘sādhu sattāhaṃ āgametha, pariyesitvā coraṃ dassāmī’’ti mahājane uyyojetvā purise āṇāpesi, ‘‘tātā, nagare kira manussakhādako coro atthi, tumhe tesu tesu ṭhānesu nilīyitvā taṃ gaṇhathā’’ti. Te ‘‘sādhū’’ti sampaṭicchitvā tato paṭṭhāya nagaraṃ pariggaṇhanti. Bhattakārakopi ekasmiṃ gharasandhimhi sampaṭicchanno hutvā ekaṃ itthiṃ māretvā ghanaghanamaṃsaṃ ādāya pacchiyaṃ pūretuṃ ārabhi. Atha naṃ te purisā gahetvā pothetvā pacchābāhaṃ bandhitvā ‘‘gahito manussakhādako coro’’ti mahāsaddaṃ kariṃsu. Mahājano taṃ parivāresi. Atha naṃ suṭṭhu bandhitvā maṃsapacchiṃ gīvāya bandhitvā ādāya senāpatissa dassesuṃ. Senāpati taṃ disvā ‘‘kiṃ nu kho esa imaṃ maṃsaṃ khādati, udāhu aññena maṃsena missetvā vikkiṇāti, udāhu aññassa vacanena māretī’’ti cintetvā tamatthaṃ pucchanto paṭhamaṃ gāthamāha –

    371.

    371.

    ‘‘гасмаа д̇увам̣ расага зд̣̇исаани, гароси гаммаани суд̣̇аарун̣аани;

    ‘‘Kasmā tuvaṃ rasaka edisāni, karosi kammāni sudāruṇāni;

    ханааси ид̇т̇ий бурисз жа муул̣хо, мам̣сасса хзд̇у ад̣̇у д̇ханасса гааран̣аа’’д̇и.

    Hanāsi itthī purise ca mūḷho, maṃsassa hetu adu dhanassa kāraṇā’’ti.

    д̇ад̇т̇а расагаад̇и бхад̇д̇агааран̣ам̣ аалабад̇и.

    Tattha rasakāti bhattakāraṇaṃ ālapati.

    ид̇о барам̣ уд̇д̇аанасамб̣анд̇хаани важанабадиважанаани баал̣ивасзнзва взд̣̇ид̇аб̣б̣аани –

    Ito paraṃ uttānasambandhāni vacanapaṭivacanāni pāḷivaseneva veditabbāni –

    372.

    372.

    ‘‘на ад̇д̇ахзд̇уу на д̇ханасса гааран̣аа, на буд̇д̇ад̣̇аарасса сахааяан̃аад̇инам̣;

    ‘‘Na attahetū na dhanassa kāraṇā, na puttadārassa sahāyañātinaṃ;

    бхад̇д̇аа жа мз бхаг̇аваа бхуумибаало, со каад̣̇ад̇и мам̣сам̣ бхад̣̇анд̇зд̣̇исам̣.

    Bhattā ca me bhagavā bhūmipālo, so khādati maṃsaṃ bhadantedisaṃ.

    373.

    373.

    ‘‘сажз д̇увам̣ бхад̇д̇урад̇т̇з баяуд̇д̇о, гароси гаммаани суд̣̇аарун̣аани;

    ‘‘Sace tuvaṃ bhatturatthe payutto, karosi kammāni sudāruṇāni;

    баад̇ова анд̇збурам̣ баабун̣ид̇ваа, лабзяяааси мз рааж̇ино саммукз д̇ам̣.

    Pātova antepuraṃ pāpuṇitvā, lapeyyāsi me rājino sammukhe taṃ.

    374.

    374.

    ‘‘д̇ат̇аа гариссаами ахам̣ бхад̣̇анд̇з, яат̇аа д̇увам̣ бхаасаси гаал̣ахад̇т̇и;

    ‘‘Tathā karissāmi ahaṃ bhadante, yathā tuvaṃ bhāsasi kāḷahatthi;

    баад̇ова анд̇збурам̣ баабун̣ид̇ваа, вагкаами д̇з рааж̇ино саммукз д̇а’’нд̇и.

    Pātova antepuraṃ pāpuṇitvā, vakkhāmi te rājino sammukhe ta’’nti.

    д̇ад̇т̇а бхаг̇аваад̇и г̇аараваад̇хиважанам̣. сажз д̇уванд̇и ‘‘сажжам̣ ну ко бхан̣ад̇и, уд̣̇ааху маран̣абхаязна мусаа бхан̣ад̇ий’’д̇и виймам̣санд̇о звамааха. д̇ад̇т̇а суд̣̇аарун̣аанийд̇и мануссагхаад̇агаммаани. саммукз д̇анд̇и саммукз тад̇ваа звам̣ вад̣̇зяяаасийд̇и. со самбадижчанд̇о г̇аат̇амааха.

    Tattha bhagavāti gāravādhivacanaṃ. Sace tuvanti ‘‘saccaṃ nu kho bhaṇati, udāhu maraṇabhayena musā bhaṇatī’’ti vīmaṃsanto evamāha. Tattha sudāruṇānīti manussaghātakammāni. Sammukhe tanti sammukhe ṭhatvā evaṃ vadeyyāsīti. So sampaṭicchanto gāthamāha.

    ат̇а нам̣ сзнаабад̇и г̇аал̣хаб̣анд̇ханамзва саяаабзд̇ваа вибхаад̇ааяа рад̇д̇ияаа амажжзхи жа нааг̇арзхи жа сад̣̇д̇хим̣ манд̇зд̇ваа саб̣б̣зсу згажчанд̣̇зсу ж̇аад̇зсу саб̣б̣адтаанзсу аарагкам̣ табзд̇ваа наг̇арам̣ хад̇т̇аг̇ад̇ам̣ гад̇ваа расагасса г̇ийвааяам̣ мам̣сабажчим̣ б̣анд̇хид̇ваа аад̣̇ааяа рааж̇анивзсанам̣ бааяааси. сагаланаг̇арам̣ вирави. рааж̇аа хияяо бхуд̇д̇абаад̇араасо сааяамаасамби алабхид̇ваа ‘‘расаго ид̣̇аани ааг̇ажчиссад̇и, ид̣̇аани ааг̇ажчассад̇ий’’д̇и нисиннова д̇ам̣ рад̇д̇им̣ вийд̇инаамзд̇ваа ‘‘аж̇ж̇аби расаго нааг̇ажчад̇и, нааг̇араанан̃жа махаасад̣̇д̣̇о сууяад̇и, гим̣ нуу ко зд̇а’’нд̇и ваад̇абаанзна ологзнд̇о д̇ам̣ д̇ат̇аа аанийяамаанам̣ д̣̇исваа ‘‘баагадам̣ ид̣̇ам̣ гааран̣ам̣ ж̇аад̇а’’нд̇и жинд̇зд̇ваа сад̇им̣ убадтабзд̇ваа баллан̇гзязва нисийд̣̇и. гаал̣ахад̇т̇иби нам̣ убасан̇гамид̇ваа ануяун̃ж̇и, собисса гат̇зси. д̇амад̇т̇ам̣ багаасзнд̇о сад̇т̇аа ааха –

    Atha naṃ senāpati gāḷhabandhanameva sayāpetvā vibhātāya rattiyā amaccehi ca nāgarehi ca saddhiṃ mantetvā sabbesu ekacchandesu jātesu sabbaṭṭhānesu ārakkhaṃ ṭhapetvā nagaraṃ hatthagataṃ katvā rasakassa gīvāyaṃ maṃsapacchiṃ bandhitvā ādāya rājanivesanaṃ pāyāsi. Sakalanagaraṃ viravi. Rājā hiyyo bhuttapātarāso sāyamāsampi alabhitvā ‘‘rasako idāni āgacchissati, idāni āgacchassatī’’ti nisinnova taṃ rattiṃ vītināmetvā ‘‘ajjapi rasako nāgacchati, nāgarānañca mahāsaddo sūyati, kiṃ nū kho eta’’nti vātapānena olokento taṃ tathā ānīyamānaṃ disvā ‘‘pākaṭaṃ idaṃ kāraṇaṃ jāta’’nti cintetvā satiṃ upaṭṭhapetvā pallaṅkeyeva nisīdi. Kāḷahatthipi naṃ upasaṅkamitvā anuyuñji, sopissa kathesi. Tamatthaṃ pakāsento satthā āha –

    375.

    375.

    ‘‘д̇ад̇о рад̇яаа вивасаанз, суурияуг̇г̇аманам̣ бад̇и;

    ‘‘Tato ratyā vivasāne, sūriyuggamanaṃ pati;

    гаал̣о расагамаад̣̇ааяа, рааж̇аанам̣ убасан̇гами;

    Kāḷo rasakamādāya, rājānaṃ upasaṅkami;

    убасан̇гамма рааж̇аанам̣, ид̣̇ам̣ важанамаб̣рави.

    Upasaṅkamma rājānaṃ, idaṃ vacanamabravi.

    376.

    376.

    ‘‘сажжам̣ гира махаарааж̇а, расаго бзсид̇о д̇аяаа.

    ‘‘Saccaṃ kira mahārāja, rasako pesito tayā.

    ханад̇и ид̇т̇ибурисз, д̇увам̣ мам̣саани каад̣̇аси.

    Hanati itthipurise, tuvaṃ maṃsāni khādasi.

    377.

    377.

    ‘‘звамзва д̇ат̇аа гаал̣а, расаго бзсид̇о маяаа;

    ‘‘Evameva tathā kāḷa, rasako pesito mayā;

    мама ад̇т̇ам̣ гаронд̇асса, гимзд̇ам̣ барибхаасасий’’д̇и.

    Mama atthaṃ karontassa, kimetaṃ paribhāsasī’’ti.

    д̇ад̇т̇а гаал̣аад̇и гаал̣ахад̇т̇и. звамзваад̇и д̇зна сзнаабад̇инаа д̇зж̇аванд̇зна ануяуд̇д̇о рааж̇аа мусаа вад̇д̇ум̣ асаггонд̇о звамааха. д̇ад̇т̇а д̇ат̇аад̇и ид̣̇ам̣ буримасса взважанам̣. мама ад̇т̇анд̇и мама вуд̣дхим̣. гаронд̇ассаад̇и гаронд̇ам̣. гимзд̇анд̇и гасмаа зд̇ам̣. барибхаасасийд̇и ахо д̣̇уггарам̣ гароси, гаал̣ахад̇т̇и д̇вам̣ наама ан̃н̃ам̣ жорам̣ аг̇г̇ахзд̇ваа мама бзсанагаарагам̣ г̇ан̣хаасийд̇и д̇асса бхаяам̣ ж̇анзнд̇о гат̇зси.

    Tattha kāḷāti kāḷahatthi. Evamevāti tena senāpatinā tejavantena anuyutto rājā musā vattuṃ asakkonto evamāha. Tattha tathāti idaṃ purimassa vevacanaṃ. Mama atthanti mama vuḍḍhiṃ. Karontassāti karontaṃ. Kimetanti kasmā etaṃ. Paribhāsasīti aho dukkaraṃ karosi, kāḷahatthi tvaṃ nāma aññaṃ coraṃ aggahetvā mama pesanakārakaṃ gaṇhāsīti tassa bhayaṃ janento kathesi.

    д̇ам̣ суд̇ваа сзнаабад̇и ‘‘аяам̣ сагзнзва мукзна бадиж̇аанаад̇и, ахо саахасиго, зд̇д̇агам̣ наама гаалам̣ имз мануссаа зд̇зна каад̣̇ид̇аа, ваарзссаами на’’нд̇и жинд̇зд̇ваа ааха – ‘‘махаарааж̇а, маа звам̣ гари, маа мануссамам̣сам̣ каад̣̇асий’’д̇и. ‘‘гаал̣ахад̇т̇и гим̣ гат̇зси, наахам̣ вирамид̇ум̣ саггомий’’д̇и. ‘‘махаарааж̇а, сажз на вирамиссаси, ад̇д̇аанан̃жа радтан̃жа наасзссасий’’д̇и. ‘‘звам̣ нассанд̇зби ахам̣ нзва д̇ад̇о вирамид̇ум̣ саггомий’’д̇и. д̇ад̇о сзнаабад̇и д̇асса сан̃н̃аабанад̇т̇ааяа вад̇т̇ум̣ аахарид̇ваа д̣̇ассзд̇и – ад̇ийд̇асмин̃хи гаалз махаасамуд̣̇д̣̇з ча махаамажчаа ахзсум̣. д̇зсу аананд̣̇о д̇иминанд̣̇о аж̇жхаароход̇и имз д̇аяо мажчаа бан̃жаяож̇анасад̇игаа, д̇имин̇г̇ало д̇имирабин̇г̇ало махаад̇имирабин̇г̇алод̇и имз д̇аяо мажчаа сахассаяож̇анигаа хонд̇и. д̇з саб̣б̣зби баасаан̣асзваалабхагкаа ахзсум̣. д̇зсу аананд̣̇о махаасамуд̣̇д̣̇асса згабассз васад̇и. д̇ам̣ б̣ахуу мажчаа д̣̇ассанааяа убасан̇гаманд̇и, згад̣̇ивасам̣ ‘‘саб̣б̣зсам̣ д̣̇вибад̣̇ажад̇уббад̣̇аанам̣ сад̇д̇аанам̣ рааж̇аа бан̃н̃ааяад̇и, амхаагам̣ рааж̇аа над̇т̇и, маяамбзд̇ам̣ рааж̇аанам̣ гариссаамаа’’д̇и жинд̇зд̇ваа саб̣б̣з згажчанд̣̇аа худ̇ваа аананд̣̇ам̣ рааж̇аанам̣ гарим̣су. д̇з мажчаа д̇ад̇о бадтааяа д̇асса сааяам̣ баад̇ова убадтаанам̣ г̇ажчанд̇и.

    Taṃ sutvā senāpati ‘‘ayaṃ sakeneva mukhena paṭijānāti, aho sāhasiko, ettakaṃ nāma kālaṃ ime manussā etena khāditā, vāressāmi na’’nti cintetvā āha – ‘‘mahārāja, mā evaṃ kari, mā manussamaṃsaṃ khādasī’’ti. ‘‘Kāḷahatthi kiṃ kathesi, nāhaṃ viramituṃ sakkomī’’ti. ‘‘Mahārāja, sace na viramissasi, attānañca raṭṭhañca nāsessasī’’ti. ‘‘Evaṃ nassantepi ahaṃ neva tato viramituṃ sakkomī’’ti. Tato senāpati tassa saññāpanatthāya vatthuṃ āharitvā dasseti – atītasmiñhi kāle mahāsamudde cha mahāmacchā ahesuṃ. Tesu ānando timinando ajjhārohoti ime tayo macchā pañcayojanasatikā, timiṅgalo timirapiṅgalo mahātimirapiṅgaloti ime tayo macchā sahassayojanikā honti. Te sabbepi pāsāṇasevālabhakkhā ahesuṃ. Tesu ānando mahāsamuddassa ekapasse vasati. Taṃ bahū macchā dassanāya upasaṅkamanti, ekadivasaṃ ‘‘sabbesaṃ dvipadacatuppadānaṃ sattānaṃ rājā paññāyati, amhākaṃ rājā natthi, mayampetaṃ rājānaṃ karissāmā’’ti cintetvā sabbe ekacchandā hutvā ānandaṃ rājānaṃ kariṃsu. Te macchā tato paṭṭhāya tassa sāyaṃ pātova upaṭṭhānaṃ gacchanti.

    ат̇згад̣̇ивасам̣ аананд̣̇о згасмим̣ баб̣б̣ад̇з баасаан̣асзваалам̣ каад̣̇анд̇о аж̇аанид̇ваа ‘‘сзваало’’д̇и сан̃н̃ааяа згам̣ мажчам̣ каад̣̇и. д̇асса д̇ам̣ мам̣сам̣ каад̣̇анд̇асса сагаласарийрам̣ сан̇кобхзси. со ‘‘гим̣ ну ко ид̣̇ам̣ ад̇ивияа мад̇хура’’нд̇и нийхарид̇ваа ологзнд̇о мажчамам̣сакан̣д̣ам̣ д̣̇исваа ‘‘зд̇д̇агам̣ гаалам̣ аж̇аанид̇ваа на каад̣̇аамий’’д̇и жинд̇зд̇ваа ‘‘сааяам̣ баад̇оби мажчаанам̣ ааг̇анд̇ваа г̇аманагаалз згам̣ д̣̇вз мажчз каад̣̇иссаами, баагадам̣ гад̇ваа каад̣̇ияамаанз згоби мам̣ на убасан̇гамиссад̇и, саб̣б̣з балааяиссанд̇и, бадижчанно худ̇ваа бажчаа осаггид̇осаггид̇ам̣ бахарид̇ваа каад̣̇иссаамий’’д̇и д̇ат̇аа гад̇ваа каад̣̇и. мажчаа баригкаяам̣ г̇ажчанд̇аа жинд̇аяим̣су. ‘‘гуд̇о ну ко н̃аад̇ийнам̣ бхаяам̣ уббаж̇ж̇иссад̇ий’’д̇и. ат̇зго бан̣д̣ид̇о мажчо ‘‘маяхам̣ аананд̣̇асса гирияаа на ружжад̇и, бариг̇г̇ан̣хиссаами на’’нд̇и мажчзсу убадтаанам̣ г̇ад̇зсу аананд̣̇асса ган̣н̣абад̇д̇з бадижчанно адтааси. аананд̣̇о мажчз уяяож̇зд̇ваа саб̣б̣абажчад̇о г̇ажчанд̇ам̣ мажчам̣ каад̣̇и. со бан̣д̣ид̇амажчо д̇асса гирияам̣ д̣̇исваа ид̇арзсам̣ аарожзси. д̇з саб̣б̣зби бхийд̇ад̇асид̇аа балааяим̣су.

    Athekadivasaṃ ānando ekasmiṃ pabbate pāsāṇasevālaṃ khādanto ajānitvā ‘‘sevālo’’ti saññāya ekaṃ macchaṃ khādi. Tassa taṃ maṃsaṃ khādantassa sakalasarīraṃ saṅkhobhesi. So ‘‘kiṃ nu kho idaṃ ativiya madhura’’nti nīharitvā olokento macchamaṃsakhaṇḍaṃ disvā ‘‘ettakaṃ kālaṃ ajānitvā na khādāmī’’ti cintetvā ‘‘sāyaṃ pātopi macchānaṃ āgantvā gamanakāle ekaṃ dve macche khādissāmi, pākaṭaṃ katvā khādiyamāne ekopi maṃ na upasaṅkamissati, sabbe palāyissanti, paṭicchanno hutvā pacchā osakkitosakkitaṃ paharitvā khādissāmī’’ti tathā katvā khādi. Macchā parikkhayaṃ gacchantā cintayiṃsu. ‘‘Kuto nu kho ñātīnaṃ bhayaṃ uppajjissatī’’ti. Atheko paṇḍito maccho ‘‘mayhaṃ ānandassa kiriyā na ruccati, pariggaṇhissāmi na’’nti macchesu upaṭṭhānaṃ gatesu ānandassa kaṇṇapatte paṭicchanno aṭṭhāsi. Ānando macche uyyojetvā sabbapacchato gacchantaṃ macchaṃ khādi. So paṇḍitamaccho tassa kiriyaṃ disvā itaresaṃ ārocesi. Te sabbepi bhītatasitā palāyiṃsu.

    аананд̣̇о д̇ад̇о бадтааяа мажчамам̣саг̇ид̣̇д̇хзна ан̃н̃ам̣ г̇ожарам̣ на г̇ан̣хи. со ж̇игхажчааяа бийл̣ид̇о гиланд̇о ‘‘гахам̣ ну ко имз г̇ад̇аа’’д̇и д̇з мажчз бариязсанд̇о згам̣ баб̣б̣ад̇ам̣ д̣̇исваа ‘‘мама бхаязна имам̣ баб̣б̣ад̇ам̣ ниссааяа васанд̇и ман̃н̃з, баб̣б̣ад̇ам̣ баригкибид̇ваа убад̇хаарзссаамий’’д̇и нан̇г̇удтзна жа сийсзна жа убхо бассз баригкибид̇ваа г̇ан̣хи. д̇ад̇о ‘‘сажз ид̇ха васанд̇и, балааяиссанд̇ий’’д̇и баб̣б̣ад̇ам̣ баригкибанд̇ам̣ ад̇д̇ано нан̇г̇удтам̣ д̣̇исваа ‘‘аяам̣ мажчо мам̣ ван̃жзд̇ваа баб̣б̣ад̇ам̣ ниссааяа васад̇ий’’д̇и гуд̣̇д̇хо бан̣н̣аасаяож̇анамад̇д̇ам̣ саганан̇г̇удтакан̣д̣ам̣ ан̃н̃амажчасан̃н̃ааяа д̣̇ал̣хам̣ г̇ахзд̇ваа мурумурааяанд̇о каад̣̇и, д̣̇угкавзд̣̇анаа уббаж̇ж̇и. лохид̇аг̇анд̇хзна мажчаа саннибад̇ид̇ваа лун̃ж̇ид̇ваа каад̣̇анд̇аа яаава сийсаа ааг̇амам̣су. махаасарийрад̇ааяа баривад̇д̇зд̇ум̣ асаггонд̇о д̇ад̇т̇зва ж̇ийвид̇агкаяам̣ баабун̣и, баб̣б̣ад̇арааси вияа адтирааси ахоси. аагаасажаарино д̇аабасабариб̣б̣ааж̇агаа мануссаанам̣ гат̇аяим̣су. сагалаж̇амб̣уд̣̇ийбз мануссаа ж̇ааним̣су. д̇ам̣ вад̇т̇ум̣ аахарид̇ваа д̣̇ассзнд̇о гаал̣ахад̇т̇и ааха –

    Ānando tato paṭṭhāya macchamaṃsagiddhena aññaṃ gocaraṃ na gaṇhi. So jighacchāya pīḷito kilanto ‘‘kahaṃ nu kho ime gatā’’ti te macche pariyesanto ekaṃ pabbataṃ disvā ‘‘mama bhayena imaṃ pabbataṃ nissāya vasanti maññe, pabbataṃ parikkhipitvā upadhāressāmī’’ti naṅguṭṭhena ca sīsena ca ubho passe parikkhipitvā gaṇhi. Tato ‘‘sace idha vasanti, palāyissantī’’ti pabbataṃ parikkhipantaṃ attano naṅguṭṭhaṃ disvā ‘‘ayaṃ maccho maṃ vañcetvā pabbataṃ nissāya vasatī’’ti kuddho paṇṇāsayojanamattaṃ sakanaṅguṭṭhakhaṇḍaṃ aññamacchasaññāya daḷhaṃ gahetvā murumurāyanto khādi, dukkhavedanā uppajji. Lohitagandhena macchā sannipatitvā luñjitvā khādantā yāva sīsā āgamaṃsu. Mahāsarīratāya parivattetuṃ asakkonto tattheva jīvitakkhayaṃ pāpuṇi, pabbatarāsi viya aṭṭhirāsi ahosi. Ākāsacārino tāpasaparibbājakā manussānaṃ kathayiṃsu. Sakalajambudīpe manussā jāniṃsu. Taṃ vatthuṃ āharitvā dassento kāḷahatthi āha –

    378.

    378.

    ‘‘аананд̣̇о саб̣б̣амажчаанам̣, каад̣̇ид̇ваа расаг̇ид̣̇д̇химаа;

    ‘‘Ānando sabbamacchānaṃ, khāditvā rasagiddhimā;

    баригкийн̣ааяа барисааяа, ад̇д̇аанам̣ каад̣̇ияаа мад̇о.

    Parikkhīṇāya parisāya, attānaṃ khādiyā mato.

    379.

    379.

    ‘‘звам̣ бамад̇д̇о расаг̇ааравз рад̇д̇о, б̣аало яад̣̇ий ааяад̇и нааваб̣уж̇жхад̇и;

    ‘‘Evaṃ pamatto rasagārave ratto, bālo yadī āyati nāvabujjhati;

    вид̇хамма буд̇д̇з жаж̇и н̃аад̇агз жа, баривад̇д̇ияа ад̇д̇аанан̃н̃зва каад̣̇ад̇и.

    Vidhamma putte caji ñātake ca, parivattiya attānaññeva khādati.

    380.

    380.

    ‘‘ид̣̇ам̣ д̇з суд̇ваана виг̇зд̇у чанд̣̇о, маа бхагкаяий рааж̇а мануссамам̣сам̣;

    ‘‘Idaṃ te sutvāna vigetu chando, mā bhakkhayī rāja manussamaṃsaṃ;

    маа д̇вам̣ имам̣ гзвалам̣ ваариж̇ова, д̣̇вибад̣̇аад̇хиба сун̃н̃амагааси радта’’нд̇и.

    Mā tvaṃ imaṃ kevalaṃ vārijova, dvipadādhipa suññamakāsi raṭṭha’’nti.

    д̇ад̇т̇а аананд̣̇од̇и, махаарааж̇а, ад̇ийд̇асмим̣ гаалз махаасамуд̣̇д̣̇з бан̃жасад̇аяож̇аниго аананд̣̇о наама махаамажчо саб̣б̣зсам̣ мажчаанам̣ рааж̇аа махаасамуд̣̇д̣̇асса згабассз тид̇о. каад̣̇ид̇ваад̇и сагаж̇аад̇игаанам̣ мажчаанам̣ расаг̇ид̣̇д̇химаа мажчз каад̣̇ид̇ваа. баригкийн̣ааяаад̇и мажчабарисааяа каяаббад̇д̇ааяа. ад̇д̇аананд̇и ан̃н̃ам̣ г̇ожарам̣ аг̇г̇ахзд̇ваа баб̣б̣ад̇ам̣ баригкибанд̇о бан̣н̣аасаяож̇анамад̇д̇ам̣ ад̇д̇ано нан̇г̇удтакан̣д̣ам̣ ан̃н̃амажчасан̃н̃ааяа каад̣̇ид̇ваа мад̇о маран̣аббад̇д̇о худ̇ваа ид̣̇аани махаасамуд̣̇д̣̇з баб̣б̣ад̇амад̇д̇о адтирааси ахоси. звам̣ бамад̇д̇од̇и яат̇аа махаамажчо аананд̣̇о, звамби д̇ат̇аа д̇вам̣ д̇ан̣хаарасаг̇ид̣̇д̇хиго худ̇ваа бамад̇д̇о бамаад̣̇абхааваббад̇д̇о.

    Tattha ānandoti, mahārāja, atītasmiṃ kāle mahāsamudde pañcasatayojaniko ānando nāma mahāmaccho sabbesaṃ macchānaṃ rājā mahāsamuddassa ekapasse ṭhito. Khāditvāti sakajātikānaṃ macchānaṃ rasagiddhimā macche khāditvā. Parikkhīṇāyāti macchaparisāya khayappattāya. Attānanti aññaṃ gocaraṃ aggahetvā pabbataṃ parikkhipanto paṇṇāsayojanamattaṃ attano naṅguṭṭhakhaṇḍaṃ aññamacchasaññāya khāditvā mato maraṇappatto hutvā idāni mahāsamudde pabbatamatto aṭṭhirāsi ahosi. Evaṃ pamattoti yathā mahāmaccho ānando, evampi tathā tvaṃ taṇhārasagiddhiko hutvā pamatto pamādabhāvappatto.

    расаг̇ааравз рад̇д̇од̇и мануссамам̣сасса расаг̇ааравз рад̇д̇о ад̇ирад̇д̇ажид̇д̇о ход̇и. б̣аалод̇и яад̣̇и б̣аало д̣̇уббан̃н̃о ааяад̇им̣ анааг̇ад̇з гаалз уббаж̇ж̇анагад̣̇угкам̣ нааваб̣уж̇жхад̇и на ж̇аанаад̇и. вид̇хаммаад̇и вид̇хамзд̇ваа винаасзд̇ваа . буд̇д̇зд̇и буд̇д̇ад̇хийд̇аро жа. н̃аад̇агз жаад̇и сзсан̃аад̇агз жа сахааяз жа, вид̇хамма буд̇д̇з жа жаж̇ид̇ваа н̃аад̇агз жаад̇и ад̇т̇о. баривад̇д̇ияаад̇и ан̃н̃ам̣ аахаарам̣ алабхид̇ваа ж̇игхажчааяа бийл̣ид̇о сагаланаг̇арам̣ баривад̇д̇ияа вижарид̇ваа мануссамам̣сам̣ алабхид̇ваа ад̇д̇аанам̣ каад̣̇анд̇о аананд̣̇о мажчо вияа ад̇д̇аанан̃н̃зва каад̣̇ад̇и.

    Rasagārave rattoti manussamaṃsassa rasagārave ratto atirattacitto hoti. Bāloti yadi bālo duppañño āyatiṃ anāgate kāle uppajjanakadukkhaṃ nāvabujjhati na jānāti. Vidhammāti vidhametvā vināsetvā . Putteti puttadhītaro ca. Ñātake cāti sesañātake ca sahāye ca, vidhamma putte ca cajitvā ñātake cāti attho. Parivattiyāti aññaṃ āhāraṃ alabhitvā jighacchāya pīḷito sakalanagaraṃ parivattiya vicaritvā manussamaṃsaṃ alabhitvā attānaṃ khādanto ānando maccho viya attānaññeva khādati.

    ид̣̇ам̣ д̇з суд̇ваанаад̇и, махаарааж̇а, д̇з д̇уяхам̣ маяаа аанийд̇ам̣ ид̣̇ам̣ уд̣̇аахаран̣ам̣ суд̇ваа чанд̣̇о мануссамам̣сакаад̣̇анажчанд̣̇о виг̇зд̇у виг̇ажчад̇у вирамад̇у. маа бхагкаяийд̇и рааж̇а мануссамам̣сам̣ маа бхагкаяи маа каад̣̇и. маа д̇вам̣ имам̣ гзваланд̇и махаасамуд̣̇д̣̇ам̣ сун̃н̃ам̣ гаронд̇о ваариж̇о аананд̣̇о мажчо ива, бхо д̣̇вибад̣̇аад̇хиба, д̣̇вибад̣̇аанам̣ мануссаанам̣, иссара махаарааж̇а, д̇вам̣ гзвалам̣ сажжад̇о имам̣ д̇ава гаасирадтам̣ наг̇арам̣ сун̃н̃ам̣ маа агаасийд̇и ад̇т̇о.

    Idaṃ te sutvānāti, mahārāja, te tuyhaṃ mayā ānītaṃ idaṃ udāharaṇaṃ sutvā chando manussamaṃsakhādanacchando vigetu vigacchatu viramatu. Mā bhakkhayīti rāja manussamaṃsaṃ mā bhakkhayi mā khādi. Mā tvaṃ imaṃ kevalanti mahāsamuddaṃ suññaṃ karonto vārijo ānando maccho iva, bho dvipadādhipa, dvipadānaṃ manussānaṃ, issara mahārāja, tvaṃ kevalaṃ saccato imaṃ tava kāsiraṭṭhaṃ nagaraṃ suññaṃ mā akāsīti attho.

    д̇ам̣ суд̇ваа рааж̇аа, ‘‘бхо гаал̣ахад̇т̇и, на д̇вамзва убамам̣ ж̇аанааси, ахамби ж̇аанаамий’’д̇и мануссамам̣саг̇ид̣̇д̇хад̇ааяа бораан̣агавад̇т̇ум̣ аахарид̇ваа д̣̇ассзнд̇о ааха –

    Taṃ sutvā rājā, ‘‘bho kāḷahatthi, na tvameva upamaṃ jānāsi, ahampi jānāmī’’ti manussamaṃsagiddhatāya porāṇakavatthuṃ āharitvā dassento āha –

    381.

    381.

    ‘‘суж̇аад̇о наама наамзна, орасо д̇асса ад̇раж̇о;

    ‘‘Sujāto nāma nāmena, oraso tassa atrajo;

    ж̇амб̣убзсималад̣̇д̇хаана, мад̇о со д̇асса сан̇каяз.

    Jambupesimaladdhāna, mato so tassa saṅkhaye.

    382.

    382.

    ‘‘звамзва ахам̣ гаал̣а, бхуд̇ваа бхагкам̣ расуд̇д̇амам̣;

    ‘‘Evameva ahaṃ kāḷa, bhutvā bhakkhaṃ rasuttamaṃ;

    алад̣̇д̇хаа маанусам̣ мам̣сам̣, ман̃н̃з хиссаами ж̇ийвид̇а’’нд̇и.

    Aladdhā mānusaṃ maṃsaṃ, maññe hissāmi jīvita’’nti.

    д̇ад̇т̇а суж̇аад̇о наамаад̇и гаал̣ахад̇т̇и гудумб̣иго наамзна суж̇аад̇о наама, д̇асса ад̇раж̇о буд̇д̇о орасо ж̇амб̣убзсим̣ алад̣̇д̇хаана алабхид̇ваана. мад̇од̇и яат̇аа д̇ассаа ж̇амб̣убзсияаа сан̇каяз со гудумб̣игабуд̇д̇о мад̇о, звамзва ахам̣ расуд̇д̇амам̣ ан̃н̃арасаанам̣ уд̇д̇амам̣ мануссаанам̣ мам̣сам̣ бхуд̇ваа бхун̃ж̇ид̇ваа алад̣̇д̇хаа мануссамам̣сам̣ ж̇ийвид̇ам̣ хиссаамийд̇и ман̃н̃з ман̃н̃аами.

    Tattha sujāto nāmāti kāḷahatthi kuṭumbiko nāmena sujāto nāma, tassa atrajo putto oraso jambupesiṃ aladdhāna alabhitvāna. Matoti yathā tassā jambupesiyā saṅkhaye so kuṭumbikaputto mato, evameva ahaṃ rasuttamaṃ aññarasānaṃ uttamaṃ manussānaṃ maṃsaṃ bhutvā bhuñjitvā aladdhā manussamaṃsaṃ jīvitaṃ hissāmīti maññe maññāmi.

    ад̇ийд̇з гира б̣аараан̣асияам̣ суж̇аад̇о наама гудумб̣иго лон̣амб̣иласзванад̇т̇ааяа химаванд̇ад̇о ааг̇ад̇аани бан̃жа исисад̇аани ад̇д̇ано уяяаанз васаабзд̇ваа убадтааси. гхарз жасса ниб̣ад̣̇д̇хам̣ бан̃жасад̇амад̇д̇аа бхигкаа ахоси. д̇з бана д̇аабасаа гад̣̇аажи ж̇анабад̣̇зби бхигкааяа жаранд̇и, гад̣̇аажи махааж̇амб̣убзсим̣ аахарид̇ваа каад̣̇анд̇и. д̇зсам̣ ж̇амб̣убзсим̣ аахарид̇ваа каад̣̇анагаалз суж̇аад̇о жинд̇зси – ‘‘аж̇ж̇а бхад̣̇д̣̇анд̇аанам̣ д̇аяо жад̇д̇ааро д̣̇ивасаа анааг̇ажчанд̇аанам̣, гахам̣ ну ко г̇ад̇аа’’д̇и. со ад̇д̇ано буд̇д̇агам̣ ан̇г̇улияам̣ г̇аахаабзд̇ваа д̇зсам̣ бхад̇д̇агижжагаалз д̇ад̇т̇а аг̇амааси. д̇асмим̣ самаяз махаллагаанам̣ мукавигкааланагаалз уд̣̇агам̣ д̣̇ад̇ваа саб̣б̣анаваго ж̇амб̣убзсим̣ каад̣̇ад̇и. суж̇аад̇о д̇аабасз ванд̣̇ид̇ваа нисинно – ‘‘гим̣, бханд̇з, каад̣̇ат̇аа’’д̇и бужчи. ‘‘махааж̇амб̣убзсим̣, аавусо’’д̇и. д̇ам̣ суд̇ваа гумааро бибаасам̣ уббаад̣̇зси. ат̇асса г̇ан̣аж̇здтаго д̇аабасо т̇огам̣ д̣̇аабзси. со д̇ам̣ каад̣̇ид̇ваа мад̇хурарасз б̣аж̇жхид̇ваа – ‘‘ж̇амб̣убзсим̣ мз д̣̇зт̇аа’’д̇и бунаббунам̣ яаажи. гудумб̣иго д̇хаммам̣ сун̣анд̇о, ‘‘буд̇д̇ага, маа вирави, г̇зхам̣ г̇анд̇ваа каад̣̇иссасий’’д̇и д̇ам̣ ван̃жзд̇ваа ‘‘имам̣ ниссааяа бхад̣̇анд̇аа угган̣тзяяу’’нд̇и д̇ам̣ самассаасзнд̇о исиг̇ан̣ам̣ анаабужчид̇ваа г̇зхам̣ г̇ад̇о. г̇ад̇агаалад̇о бадтааяа жасса буд̇д̇о ‘‘ж̇амб̣убзсим̣ мз д̣̇зт̇аа’’д̇и барид̣̇зви. суж̇аад̇о ‘‘исаяоби аажигкиссаамий’’д̇и уяяаанам̣ г̇ад̇о. д̇з исаяоби ‘‘ид̇ха жирам̣ васимхаа’’д̇и химаванд̇амзва г̇ад̇аа. аараамз исаяо абассанд̇о д̇асса ж̇амб̣уамб̣абанасаможаад̣̇ийнам̣ бзсияо мад̇хусагкаражун̣н̣асам̣яуд̇д̇аа ад̣̇ааси. д̇аа д̇асса ж̇ивхаг̇г̇з табид̇амад̇д̇аа халаахалависасад̣̇исаа хонд̇и. со сад̇д̇аахам̣ нираахааро худ̇ваа ж̇ийвид̇агкаяам̣ баабун̣и. рааж̇аа ид̣̇ам̣ гааран̣ам̣ аахарид̇ваа д̣̇ассзнд̇о звамааха.

    Atīte kira bārāṇasiyaṃ sujāto nāma kuṭumbiko loṇambilasevanatthāya himavantato āgatāni pañca isisatāni attano uyyāne vasāpetvā upaṭṭhāsi. Ghare cassa nibaddhaṃ pañcasatamattā bhikkhā ahosi. Te pana tāpasā kadāci janapadepi bhikkhāya caranti, kadāci mahājambupesiṃ āharitvā khādanti. Tesaṃ jambupesiṃ āharitvā khādanakāle sujāto cintesi – ‘‘ajja bhaddantānaṃ tayo cattāro divasā anāgacchantānaṃ, kahaṃ nu kho gatā’’ti. So attano puttakaṃ aṅguliyaṃ gāhāpetvā tesaṃ bhattakiccakāle tattha agamāsi. Tasmiṃ samaye mahallakānaṃ mukhavikkhālanakāle udakaṃ datvā sabbanavako jambupesiṃ khādati. Sujāto tāpase vanditvā nisinno – ‘‘kiṃ, bhante, khādathā’’ti pucchi. ‘‘Mahājambupesiṃ, āvuso’’ti. Taṃ sutvā kumāro pipāsaṃ uppādesi. Athassa gaṇajeṭṭhako tāpaso thokaṃ dāpesi. So taṃ khāditvā madhurarase bajjhitvā – ‘‘jambupesiṃ me dethā’’ti punappunaṃ yāci. Kuṭumbiko dhammaṃ suṇanto, ‘‘puttaka, mā viravi, gehaṃ gantvā khādissasī’’ti taṃ vañcetvā ‘‘imaṃ nissāya bhadantā ukkaṇṭheyyu’’nti taṃ samassāsento isigaṇaṃ anāpucchitvā gehaṃ gato. Gatakālato paṭṭhāya cassa putto ‘‘jambupesiṃ me dethā’’ti paridevi. Sujāto ‘‘isayopi ācikkhissāmī’’ti uyyānaṃ gato. Te isayopi ‘‘idha ciraṃ vasimhā’’ti himavantameva gatā. Ārāme isayo apassanto tassa jambuambapanasamocādīnaṃ pesiyo madhusakkharacuṇṇasaṃyuttā adāsi. Tā tassa jivhagge ṭhapitamattā halāhalavisasadisā honti. So sattāhaṃ nirāhāro hutvā jīvitakkhayaṃ pāpuṇi. Rājā idaṃ kāraṇaṃ āharitvā dassento evamāha.

    д̇ад̇о гаал̣ахад̇т̇и ‘‘аяам̣ рааж̇аа ад̇ивияа расаг̇ид̣̇д̇хо, абараанибисса уд̣̇аахаран̣аани аахариссаамий’’д̇и жинд̇зд̇ваа, ‘‘махаарааж̇а, вирамаахий’’д̇и ааха. ‘‘ахам̣ вирамид̇ум̣ на саггомий’’д̇и. д̣̇зва, сажз на вирамиссаси, д̇увам̣ н̃аад̇иман̣д̣алад̇о жзва раж̇ж̇асирид̇о жа барихааяиссаси. ад̇ийд̇асмин̃хи, махаарааж̇а, ид̇хзва б̣аараан̣асияам̣ бан̃жасийларагкагам̣ сод̇т̇ияагулам̣ ахоси . д̇асса гуласса згабуд̇д̇аго ахоси. со маад̇аабид̇уунам̣ бияо манаабо ахоси бан̣д̣ид̇о б̣яад̇д̇о д̇ин̣н̣ам̣ взд̣̇аанам̣ баараг̇уу. со самаваязхи д̇арун̣зхи сад̣̇д̇хим̣ г̇ан̣аб̣анд̇ханзна вижари. сзсаа г̇ан̣аб̣анд̇хаа мажчамам̣саад̣̇ийни каад̣̇анд̇аа сурам̣ биванд̇и. маан̣аво мам̣саад̣̇ийни на каад̣̇ад̇и, сурам̣ на бивад̇и. д̇з манд̇аяим̣су – ‘‘аяам̣ сурааяа абиванад̇о амхаагам̣ муулам̣ на д̣̇зд̇и, убааязна нам̣ сурам̣ бааязссаамаа’’д̇и. д̇з саннибад̇ид̇ваа, ‘‘самма, чан̣агийл̣ам̣ гийл̣иссаамаа’’д̇и аахам̣су. ‘‘самма, д̇умхз сурам̣ биват̇а, ахам̣ сурам̣ на биваами, д̇умхзва г̇ажчат̇аа’’д̇и. ‘‘самма, д̇ава биванад̇т̇ааяа кийрам̣ г̇ан̣хаабзссаамаа’’д̇и. со ‘‘саад̇хуу’’д̇и самбадижчи. д̇худ̇д̇аа уяяаанам̣ г̇анд̇ваа бад̣̇уминибад̇д̇зсу д̇икин̣асурам̣ б̣анд̇хаабзд̇ваа табаяим̣су. ат̇а нзсам̣ баанагаалз маан̣авасса кийрам̣ убанаяим̣су. ат̇а зго д̇худ̇д̇о ‘‘богкарамад̇хум̣, бхо, аахараа’’д̇и аахараабзд̇ваа бад̣̇уминибад̇д̇абудам̣ хздтаа чид̣̇д̣̇ам̣ гад̇ваа ан̇г̇улийхи мукз табзд̇ваа аагад̣дхи. звам̣ ид̇арзби аахараабзд̇ваа бивим̣су. маан̣аво ‘‘гим̣ наамзд̇а’’нд̇и бужчи. ‘‘богкарамад̇хунаамаа’’д̇и. ‘‘ахамби т̇огам̣ лабхиссаами, д̣̇зт̇а бхонд̇о’’д̇и. д̇ассаби д̣̇аабаяим̣су. со богкарамад̇хусан̃н̃ааяа сурам̣ биви. ат̇асса ан̇г̇аарабаггамам̣сам̣ ад̣̇ам̣су, д̇амби каад̣̇и.

    Tato kāḷahatthi ‘‘ayaṃ rājā ativiya rasagiddho, aparānipissa udāharaṇāni āharissāmī’’ti cintetvā, ‘‘mahārāja, viramāhī’’ti āha. ‘‘Ahaṃ viramituṃ na sakkomī’’ti. Deva, sace na viramissasi, tuvaṃ ñātimaṇḍalato ceva rajjasirito ca parihāyissasi. Atītasmiñhi, mahārāja, idheva bārāṇasiyaṃ pañcasīlarakkhakaṃ sotthiyakulaṃ ahosi . Tassa kulassa ekaputtako ahosi. So mātāpitūnaṃ piyo manāpo ahosi paṇḍito byatto tiṇṇaṃ vedānaṃ pāragū. So samavayehi taruṇehi saddhiṃ gaṇabandhanena vicari. Sesā gaṇabandhā macchamaṃsādīni khādantā suraṃ pivanti. Māṇavo maṃsādīni na khādati, suraṃ na pivati. Te mantayiṃsu – ‘‘ayaṃ surāya apivanato amhākaṃ mūlaṃ na deti, upāyena naṃ suraṃ pāyessāmā’’ti. Te sannipatitvā, ‘‘samma, chaṇakīḷaṃ kīḷissāmā’’ti āhaṃsu. ‘‘Samma, tumhe suraṃ pivatha, ahaṃ suraṃ na pivāmi, tumheva gacchathā’’ti. ‘‘Samma, tava pivanatthāya khīraṃ gaṇhāpessāmā’’ti. So ‘‘sādhū’’ti sampaṭicchi. Dhuttā uyyānaṃ gantvā paduminipattesu tikhiṇasuraṃ bandhāpetvā ṭhapayiṃsu. Atha nesaṃ pānakāle māṇavassa khīraṃ upanayiṃsu. Atha eko dhutto ‘‘pokkharamadhuṃ, bho, āharā’’ti āharāpetvā paduminipattapuṭaṃ heṭṭhā chiddaṃ katvā aṅgulīhi mukhe ṭhapetvā ākaḍḍhi. Evaṃ itarepi āharāpetvā piviṃsu. Māṇavo ‘‘kiṃ nāmeta’’nti pucchi. ‘‘Pokkharamadhunāmā’’ti. ‘‘Ahampi thokaṃ labhissāmi, detha bhonto’’ti. Tassapi dāpayiṃsu. So pokkharamadhusaññāya suraṃ pivi. Athassa aṅgārapakkamaṃsaṃ adaṃsu, tampi khādi.

    звамасса бунаббунам̣ биванд̇асса мад̇д̇агаалз ‘‘на зд̇ам̣ богкарамад̇ху, сураа зсаа’’д̇и вад̣̇им̣су. со ‘‘зд̇д̇агам̣ гаалам̣ звам̣ мад̇хурарасам̣ на ж̇ааним̣, аахарат̇а, бхо, сура’’нд̇и ааха. д̇з аахарид̇ваа бунаби ад̣̇ам̣су. бибаасаа махад̇ий ахоси. ат̇асса бунаби яаажанд̇асса ‘‘кийн̣аа’’д̇и вад̣̇им̣су. со ‘‘ханд̣̇а д̇ам̣, бхо, аахараабзт̇аа’’д̇и ан̇г̇улимуд̣̇д̣̇игам̣ ад̣̇ааси, со сагалад̣̇ивасам̣ д̇зхи сад̣̇д̇хим̣ бивид̇ваа мад̇д̇о рад̇д̇агко гамбанд̇о вилабанд̇о г̇зхам̣ г̇анд̇ваа нибаж̇ж̇и. ат̇асса бид̇аа сурааяа бивид̇абхаавам̣ н̃ад̇ваа виг̇ад̇з мад̇д̇з, ‘‘д̇аад̇а, аяуд̇д̇ам̣ д̇з гад̇ам̣ сод̇д̇ияагулз ж̇аад̇зна сурам̣ биванд̇зна, маа буна звам̣ агаасий’’д̇и ааха. ‘‘д̇аад̇а, го маяхам̣ д̣̇осо’’д̇и. ‘‘сурааяа бивид̇абхааво’’д̇и. ‘‘д̇аад̇а, гим̣ гат̇зси, маяаа зваруубам̣ мад̇хурарасам̣ зд̇д̇агам̣ гаалам̣ алад̣̇д̇хабуб̣б̣а’’нд̇и. б̣раахман̣о бунаббунам̣ яаажи. соби ‘‘на саггоми вирамид̇у’’нд̇и ааха. ат̇а б̣раахман̣о ‘‘звам̣ санд̇з амхаагам̣ гулавам̣со жа ужчиж̇ж̇иссад̇и, д̇ханан̃жа винассиссад̇ий’’д̇и жинд̇зд̇ваа г̇аат̇амааха –

    Evamassa punappunaṃ pivantassa mattakāle ‘‘na etaṃ pokkharamadhu, surā esā’’ti vadiṃsu. So ‘‘ettakaṃ kālaṃ evaṃ madhurarasaṃ na jāniṃ, āharatha, bho, sura’’nti āha. Te āharitvā punapi adaṃsu. Pipāsā mahatī ahosi. Athassa punapi yācantassa ‘‘khīṇā’’ti vadiṃsu. So ‘‘handa taṃ, bho, āharāpethā’’ti aṅgulimuddikaṃ adāsi, so sakaladivasaṃ tehi saddhiṃ pivitvā matto rattakkho kampanto vilapanto gehaṃ gantvā nipajji. Athassa pitā surāya pivitabhāvaṃ ñatvā vigate matte, ‘‘tāta, ayuttaṃ te kataṃ sottiyakule jātena suraṃ pivantena, mā puna evaṃ akāsī’’ti āha. ‘‘Tāta, ko mayhaṃ doso’’ti. ‘‘Surāya pivitabhāvo’’ti. ‘‘Tāta, kiṃ kathesi, mayā evarūpaṃ madhurarasaṃ ettakaṃ kālaṃ aladdhapubba’’nti. Brāhmaṇo punappunaṃ yāci. Sopi ‘‘na sakkomi viramitu’’nti āha. Atha brāhmaṇo ‘‘evaṃ sante amhākaṃ kulavaṃso ca ucchijjissati, dhanañca vinassissatī’’ti cintetvā gāthamāha –

    383.

    383.

    ‘‘маан̣ава абхируубоси, гулз ж̇аад̇оси сод̇т̇ияз;

    ‘‘Māṇava abhirūposi, kule jātosi sotthiye;

    на д̇вам̣ арахаси д̇аад̇а, абхагкам̣ бхагкаязд̇авз’’д̇и.

    Na tvaṃ arahasi tāta, abhakkhaṃ bhakkhayetave’’ti.

    д̇ад̇т̇а , маан̣аваад̇и, маан̣ава, д̇вам̣ абхируубо аси, сод̇т̇ияз гулз ж̇аад̇оби аси. абхагкам̣ бхагкаязд̇авзд̇и, д̇аад̇а, д̇вам̣ абхагкид̇аб̣б̣аяуд̇д̇агам̣ бхагкаяид̇ум̣ на арахаси.

    Tattha , māṇavāti, māṇava, tvaṃ abhirūpo asi, sotthiye kule jātopi asi. Abhakkhaṃ bhakkhayetaveti, tāta, tvaṃ abhakkhitabbayuttakaṃ bhakkhayituṃ na arahasi.

    зван̃жа бана вад̇ваа, ‘‘д̇аад̇а, вирама, сажз на вирамаси, ахам̣ д̇ам̣ ид̇о г̇зхаа нигкаамзссаами, д̇ава радтаа баб̣б̣ааж̇анийяагаммам̣ гариссаамий’’д̇и ааха. маан̣аво ‘‘звам̣ санд̇зби ахам̣ сурам̣ ж̇ахид̇ум̣ на саггомий’’д̇и вад̇ваа г̇аат̇аад̣̇ваяамааха –

    Evañca pana vatvā, ‘‘tāta, virama, sace na viramasi, ahaṃ taṃ ito gehā nikkhāmessāmi, tava raṭṭhā pabbājanīyakammaṃ karissāmī’’ti āha. Māṇavo ‘‘evaṃ santepi ahaṃ suraṃ jahituṃ na sakkomī’’ti vatvā gāthādvayamāha –

    384.

    384.

    ‘‘расаанам̣ ан̃н̃ад̇арам̣ зд̇ам̣, гасмаа мам̣ д̇вам̣ ниваараяз;

    ‘‘Rasānaṃ aññataraṃ etaṃ, kasmā maṃ tvaṃ nivāraye;

    сохам̣ д̇ад̇т̇а г̇амиссаами, яад̇т̇а лажчаами зд̣̇исам̣.

    Sohaṃ tattha gamissāmi, yattha lacchāmi edisaṃ.

    385.

    385.

    ‘‘соваахам̣ ниббад̇иссаами, над̇з важчаами санд̇игз;

    ‘‘Sovāhaṃ nippatissāmi, nate vacchāmi santike;

    яасса мз д̣̇ассанзна д̇вам̣, наабхинанд̣̇аси б̣раахман̣аа’’д̇и.

    Yassa me dassanena tvaṃ, nābhinandasi brāhmaṇā’’ti.

    д̇ад̇т̇а расаананд̇и лон̣амб̣илад̇ид̇д̇агагадугакааригамад̇хурагасаавасан̇каад̇аанам̣ сад̇д̇аннам̣ расаанам̣ ан̃н̃ад̇арам̣ уд̇д̇амарасамзд̇ам̣ маж̇ж̇ам̣ наама. совааханд̇и со ахам̣ зва. ниббад̇иссаамийд̇и нигкамиссаами.

    Tattha rasānanti loṇambilatittakakaṭukakhārikamadhurakasāvasaṅkhātānaṃ sattannaṃ rasānaṃ aññataraṃ uttamarasametaṃ majjaṃ nāma. Sovāhanti so ahaṃ eva. Nippatissāmīti nikkhamissāmi.

    зван̃жа бана вад̇ваа ‘‘наахам̣ сураабаанаа вирамиссаами, яам̣ д̇з ружжад̇и, д̇ам̣ гарохий’’д̇и ааха. ат̇а б̣раахман̣о ‘‘д̇аяи амхз барижжаж̇анд̇з маяамби д̇ам̣ барижжаж̇иссаамаа’’д̇и вад̇ваа г̇аат̇амааха –

    Evañca pana vatvā ‘‘nāhaṃ surāpānā viramissāmi, yaṃ te ruccati, taṃ karohī’’ti āha. Atha brāhmaṇo ‘‘tayi amhe pariccajante mayampi taṃ pariccajissāmā’’ti vatvā gāthamāha –

    386.

    386.

    ‘‘ад̣̇д̇хаа ан̃н̃зби д̣̇ааяаад̣̇з, буд̇д̇з лажчаама маан̣ава;

    ‘‘Addhā aññepi dāyāde, putte lacchāma māṇava;

    д̇ван̃жа ж̇амма винассасу, яад̇т̇а бад̇д̇ам̣ на д̇ам̣ сун̣з’’д̇и.

    Tvañca jamma vinassasu, yattha pattaṃ na taṃ suṇe’’ti.

    д̇ад̇т̇а яад̇т̇а бад̇д̇анд̇и яад̇т̇а г̇ад̇ам̣ д̇ам̣ ‘‘асугадтаанз наама васад̇ий’’д̇и на сун̣ома, д̇ад̇т̇а г̇ажчаахийд̇и ад̇т̇о.

    Tattha yattha pattanti yattha gataṃ taṃ ‘‘asukaṭṭhāne nāma vasatī’’ti na suṇoma, tattha gacchāhīti attho.

    ат̇а нам̣ винижчаяам̣ нзд̇ваа абуд̇д̇абхаавам̣ гад̇ваа нийхараабзси. со абарабхааг̇з ниббажжаяо габан̣о ж̇ин̣н̣абилод̇игам̣ ниваасзд̇ваа габаалахад̇т̇о бин̣д̣ааяа жаранд̇о ан̃н̃ад̇арам̣ гуддам̣ ниссааяа гааламагааси. ид̣̇ам̣ гааран̣ам̣ аахарид̇ваа гаал̣ахад̇т̇и ран̃н̃о д̣̇ассзд̇ваа, ‘‘махаарааж̇а, сажз д̇вам̣ амхаагам̣ важанам̣ на гариссаси, баб̣б̣ааж̇анийяагаммам̣ д̇з гариссанд̇ий’’д̇и вад̇ваа г̇аат̇амааха –

    Atha naṃ vinicchayaṃ netvā aputtabhāvaṃ katvā nīharāpesi. So aparabhāge nippaccayo kapaṇo jiṇṇapilotikaṃ nivāsetvā kapālahattho piṇḍāya caranto aññataraṃ kuṭṭaṃ nissāya kālamakāsi. Idaṃ kāraṇaṃ āharitvā kāḷahatthi rañño dassetvā, ‘‘mahārāja, sace tvaṃ amhākaṃ vacanaṃ na karissasi, pabbājanīyakammaṃ te karissantī’’ti vatvā gāthamāha –

    387.

    387.

    ‘‘звамзва д̇увам̣ рааж̇а, д̣̇вибад̣̇инд̣̇а сун̣охи мз;

    ‘‘Evameva tuvaṃ rāja, dvipadinda suṇohi me;

    баб̣б̣ааж̇зссанд̇и д̇ам̣ радтаа, сон̣д̣ам̣ маан̣авагам̣ яат̇аа’’д̇и.

    Pabbājessanti taṃ raṭṭhā, soṇḍaṃ māṇavakaṃ yathā’’ti.

    д̇ад̇т̇а д̣̇вибад̣̇инд̣̇аад̇и д̣̇вибад̣̇аанам̣ инд̣̇а, бхо махаарааж̇а, мз мама важанам̣ сун̣охи д̇увам̣, звамзва сон̣д̣ам̣ маан̣авагам̣ яат̇аа д̇ам̣ бхаванд̇ам̣ радтад̇о баб̣б̣ааж̇зссанд̇и.

    Tattha dvipadindāti dvipadānaṃ inda, bho mahārāja, me mama vacanaṃ suṇohi tuvaṃ, evameva soṇḍaṃ māṇavakaṃ yathā taṃ bhavantaṃ raṭṭhato pabbājessanti.

    звам̣ гаал̣ахад̇т̇инаа убамааяа аахадааяаби рааж̇аа д̇ад̇о вирамид̇ум̣ асаггонд̇о абарамби уд̣̇аахаран̣ам̣ д̣̇ассзд̇ум̣ ааха –

    Evaṃ kāḷahatthinā upamāya āhaṭāyapi rājā tato viramituṃ asakkonto aparampi udāharaṇaṃ dassetuṃ āha –

    388.

    388.

    ‘‘суж̇аад̇о наама наамзна, бхаавид̇ад̇д̇аана сааваго;

    ‘‘Sujāto nāma nāmena, bhāvitattāna sāvako;

    ажчарам̣ гаамаяанд̇ова, на со бхун̃ж̇и на со биви.

    Accharaṃ kāmayantova, na so bhuñji na so pivi.

    389.

    389.

    ‘‘гусаг̇г̇знуд̣̇агамаад̣̇ааяа, самуд̣̇д̣̇з уд̣̇агам̣ минз;

    ‘‘Kusaggenudakamādāya, samudde udakaṃ mine;

    звам̣ маанусагаа гаамаа, д̣̇иб̣б̣агаамаана санд̇игз.

    Evaṃ mānusakā kāmā, dibbakāmāna santike.

    390.

    390.

    ‘‘звамзва ахам̣ гаал̣а, бхуд̇ваа бхагкам̣ расуд̇д̇амам̣;

    ‘‘Evameva ahaṃ kāḷa, bhutvā bhakkhaṃ rasuttamaṃ;

    алад̣̇д̇хаа маанусам̣ мам̣сам̣, ман̃н̃з хиссаами ж̇ийвид̇а’’нд̇и.

    Aladdhā mānusaṃ maṃsaṃ, maññe hissāmi jīvita’’nti.

    вад̇т̇у хздтаа вуд̇д̇асад̣̇исамзва.

    Vatthu heṭṭhā vuttasadisameva.

    д̇ад̇т̇а бхаавид̇ад̇д̇аанаад̇и бхаавид̇ажид̇д̇аанам̣ д̇зсам̣ бан̃жаннам̣ исисад̇аанам̣. ажчарам̣ гаамаяанд̇оваад̇и со гира д̇зсам̣ исийнам̣ махааж̇амб̣убзсияаа каад̣̇анагаалз анааг̇аманам̣ вид̣̇ид̇ваа ‘‘гим̣ ну ко гааран̣аа на ааг̇ажчанд̇и, сажз гад̇т̇ажи г̇ад̇аа, ж̇ааниссаами, но жз, ат̇а нзсам̣ санд̇игз д̇хаммам̣ сун̣иссаамий’’д̇и уяяаанам̣ г̇анд̇ваа исиг̇ан̣з ванд̣̇ид̇ваа г̇ан̣аж̇здтагасса санд̇игз д̇хаммам̣ сун̣анд̇о нисиннова суурияз ад̇т̇ан̇г̇ад̇з уяяож̇ияамааноби ‘‘аж̇ж̇а ид̇хзва васиссаамий’’д̇и вад̇ваа исиг̇ан̣ам̣ ванд̣̇ид̇ваа бан̣н̣асаалам̣ бависид̇ваа нибаж̇ж̇и. рад̇д̇ибхааг̇з сагго д̣̇зварааж̇аа д̣̇зважчараасан̇гхабаривуд̇о сад̣̇д̇хим̣ ад̇д̇ано барижааригаахи исиг̇ан̣ам̣ ванд̣̇ид̇ум̣ ааг̇ад̇о, сагалаараамо згобхаасо ахоси. суж̇аад̇о ‘‘гим̣ ну ко зд̇а’’нд̇и удтааяа бан̣н̣асаалачид̣̇д̣̇зна ологзнд̇о саггам̣ исиг̇ан̣ам̣ ванд̣̇ид̇ум̣ ааг̇ад̇ам̣ д̣̇зважчараабаривуд̇ам̣ д̣̇исваа ажчараанам̣ саха д̣̇ассанзна рааг̇арад̇д̇о ахоси. сагго нисийд̣̇ид̇ваа д̇хаммагат̇ам̣ суд̇ваа сагадтаанамзва г̇ад̇о. гудумб̣игоби бунад̣̇ивасз исиг̇ан̣ам̣ ванд̣̇ид̇ваа бужчи – ‘‘бханд̇з, го наамзса рад̇д̇ибхааг̇з д̇умхаагам̣ ванд̣̇анад̇т̇ааяа ааг̇ад̇о’’д̇и? ‘‘сагго, аавусо’’д̇и. ‘‘д̇ам̣ бариваарзд̇ваа нисиннаа гаа наамзд̇аа’’д̇и? ‘‘д̣̇зважчараа наамзд̇аа’’д̇и. со исиг̇ан̣ам̣ ванд̣̇ид̇ваа г̇зхам̣ г̇анд̇ваа г̇ад̇агаалад̇о бадтааяа ‘‘ажчарам̣ мз д̣̇зт̇а, ажчарам̣ мз д̣̇зт̇аа’’д̇и вилаби. н̃аад̇агаа бариваарзд̇ваа ‘‘бхууд̇аавидто ну ко’’д̇и ажчарам̣ бахарим̣су. со ‘‘наахам̣ зд̇ам̣ ажчарам̣ гат̇зми, д̣̇зважчарам̣ гат̇змий’’д̇и вад̇ваа ‘‘аяам̣ ажчараа’’д̇и алан̇гарид̇ваа аанийд̇ам̣ бхарияамби г̇ан̣игамби ологзнд̇о ‘‘нааяам̣ ажчараа, яагкиний зсаа, д̣̇зважчарам̣ мз д̣̇зт̇аа’’д̇и вилабанд̇о нираахааро худ̇ваа д̇ад̇т̇зва ж̇ийвид̇агкаяам̣ баабун̣и. д̇зна вуд̇д̇ам̣ –

    Tattha bhāvitattānāti bhāvitacittānaṃ tesaṃ pañcannaṃ isisatānaṃ. Accharaṃ kāmayantovāti so kira tesaṃ isīnaṃ mahājambupesiyā khādanakāle anāgamanaṃ viditvā ‘‘kiṃ nu kho kāraṇā na āgacchanti, sace katthaci gatā, jānissāmi, no ce, atha nesaṃ santike dhammaṃ suṇissāmī’’ti uyyānaṃ gantvā isigaṇe vanditvā gaṇajeṭṭhakassa santike dhammaṃ suṇanto nisinnova sūriye atthaṅgate uyyojiyamānopi ‘‘ajja idheva vasissāmī’’ti vatvā isigaṇaṃ vanditvā paṇṇasālaṃ pavisitvā nipajji. Rattibhāge sakko devarājā devaccharāsaṅghaparivuto saddhiṃ attano paricārikāhi isigaṇaṃ vandituṃ āgato, sakalārāmo ekobhāso ahosi. Sujāto ‘‘kiṃ nu kho eta’’nti uṭṭhāya paṇṇasālachiddena olokento sakkaṃ isigaṇaṃ vandituṃ āgataṃ devaccharāparivutaṃ disvā accharānaṃ saha dassanena rāgaratto ahosi. Sakko nisīditvā dhammakathaṃ sutvā sakaṭṭhānameva gato. Kuṭumbikopi punadivase isigaṇaṃ vanditvā pucchi – ‘‘bhante, ko nāmesa rattibhāge tumhākaṃ vandanatthāya āgato’’ti? ‘‘Sakko, āvuso’’ti. ‘‘Taṃ parivāretvā nisinnā kā nāmetā’’ti? ‘‘Devaccharā nāmetā’’ti. So isigaṇaṃ vanditvā gehaṃ gantvā gatakālato paṭṭhāya ‘‘accharaṃ me detha, accharaṃ me dethā’’ti vilapi. Ñātakā parivāretvā ‘‘bhūtāviṭṭho nu kho’’ti accharaṃ pahariṃsu. So ‘‘nāhaṃ etaṃ accharaṃ kathemi, devaccharaṃ kathemī’’ti vatvā ‘‘ayaṃ accharā’’ti alaṅkaritvā ānītaṃ bhariyampi gaṇikampi olokento ‘‘nāyaṃ accharā, yakkhinī esā, devaccharaṃ me dethā’’ti vilapanto nirāhāro hutvā tattheva jīvitakkhayaṃ pāpuṇi. Tena vuttaṃ –

    ‘‘ажчарам̣ гаамаяанд̇ова, на со бхун̃ж̇и на со бивий’’д̇и.

    ‘‘Accharaṃ kāmayantova, na so bhuñji na so pivī’’ti.

    гусаг̇г̇знуд̣̇агамаад̣̇ааяа, самуд̣̇д̣̇з уд̣̇агам̣ минзд̇и, самма гаал̣ахад̇т̇и, яо гусаг̇г̇знзва уд̣̇агам̣ г̇ахзд̇ваа ‘‘зд̇д̇агам̣ сияаа махаасамуд̣̇д̣̇з уд̣̇ага’’нд̇и д̇зна сад̣̇д̇хим̣ убамааяа минзяяа, со гзвалам̣ минзяязва, гусаг̇г̇з бана уд̣̇агам̣ ад̇ибарид̇д̇агамзва. яат̇аа д̇ам̣, звам̣ маанусагаа гаамаа д̣̇иб̣б̣агаамаанам̣ санд̇игз, д̇асмаа со суж̇аад̇о ан̃н̃ам̣ ид̇т̇им̣ на ологзси, ажчарамзва бад̇т̇знд̇о мад̇о. звамзваад̇и яат̇аа со д̣̇иб̣б̣агаамам̣ алабханд̇о ж̇ийвид̇ам̣ ж̇ахи, звам̣ ахамби уд̇д̇амарасам̣ мануссамам̣сам̣ алабханд̇о ж̇ийвид̇ам̣ ж̇ахиссаамийд̇и вад̣̇ад̇и.

    Kusaggenudakamādāya, samudde udakaṃ mineti, samma kāḷahatthi, yo kusaggeneva udakaṃ gahetvā ‘‘ettakaṃ siyā mahāsamudde udaka’’nti tena saddhiṃ upamāya mineyya, so kevalaṃ mineyyeva, kusagge pana udakaṃ atiparittakameva. Yathā taṃ, evaṃ mānusakā kāmā dibbakāmānaṃ santike, tasmā so sujāto aññaṃ itthiṃ na olokesi, accharameva patthento mato. Evamevāti yathā so dibbakāmaṃ alabhanto jīvitaṃ jahi, evaṃ ahampi uttamarasaṃ manussamaṃsaṃ alabhanto jīvitaṃ jahissāmīti vadati.

    д̇ам̣ суд̇ваа гаал̣ахад̇т̇и ‘‘аяам̣ рааж̇аа ад̇ивияа расаг̇ид̣̇д̇хо, сан̃н̃аабзссаами на’’нд̇и сагаж̇аад̇игаанам̣ мам̣сам̣ каад̣̇ид̇ваа аагаасажараа суван̣н̣ахам̣сааби д̇аава винадтаад̇и д̣̇ассзд̇ум̣ г̇аат̇аад̣̇ваяамааха –

    Taṃ sutvā kāḷahatthi ‘‘ayaṃ rājā ativiya rasagiddho, saññāpessāmi na’’nti sakajātikānaṃ maṃsaṃ khāditvā ākāsacarā suvaṇṇahaṃsāpi tāva vinaṭṭhāti dassetuṃ gāthādvayamāha –

    391.

    391.

    ‘‘яат̇ааби д̇з д̇хад̇арадтаа, хам̣саа взхааяасан̇г̇амаа;

    ‘‘Yathāpi te dhataraṭṭhā, haṃsā vehāyasaṅgamā;

    абхуд̇д̇абарибхог̇зна, саб̣б̣з аб̣бхад̇т̇ад̇ам̣ г̇ад̇аа.

    Abhuttaparibhogena, sabbe abbhatthataṃ gatā.

    392.

    392.

    ‘‘звамзва д̇увам̣ рааж̇а, д̣̇вибад̣̇инд̣̇а сун̣охи мз;

    ‘‘Evameva tuvaṃ rāja, dvipadinda suṇohi me;

    абхагкам̣ рааж̇а бхагкзси, д̇асмаа баб̣б̣ааж̇аяанд̇и д̇а’’нд̇и.

    Abhakkhaṃ rāja bhakkhesi, tasmā pabbājayanti ta’’nti.

    д̇ад̇т̇а абхуд̇д̇абарибхог̇знаад̇и ад̇д̇ано самаанаж̇аад̇игаанам̣ барибхог̇зна. аб̣бхад̇т̇ад̇ам̣ г̇ад̇аад̇и саб̣б̣з маран̣амзва бад̇д̇аа. ад̇ийд̇з гира жид̇д̇агуудз суван̣н̣аг̇ухааяам̣ навуд̇и хам̣сасахассаани васанд̇и. д̇з вассигз жад̇д̇ааро маасз на нигкаманд̇и, сажз нигкамзяяум̣, уд̣̇агабун̣н̣зхи бад̇д̇зхи уббад̇ид̇ум̣ асаггонд̇аа махаасамуд̣̇д̣̇зязва бад̇зяяум̣, д̇асмаа на жа нигкаманд̇и. убагадтз бана вассагаалз ж̇аад̇ассарад̇о саяам̣ж̇аад̇асаалияо аахарид̇ваа г̇ухам̣ буурзд̇ваа саалим̣ каад̣̇анд̇аа васанд̇и. д̇зсам̣ бана г̇ухам̣ бавидтагаалз г̇ухад̣̇ваарз зго рат̇ажаггаббамаан̣о ун̣н̣анаабхи наама маггадаго згзгасмим̣ маасз згзгам̣ ж̇аалам̣ винанд̇хад̇и. д̇асса згзгам̣ суд̇д̇ам̣ г̇ораж̇ж̇уббамаан̣ам̣ ход̇и. хам̣саа ‘‘д̇ам̣ ж̇аалам̣ бхинд̣̇иссад̇ий’’д̇и згасса д̇арун̣ахам̣сасса д̣̇вз годтаасз д̣̇знд̇и. со виг̇ад̇з д̣̇звз бурад̇о г̇анд̇ваа д̇ам̣ ж̇аалам̣ бхинд̣̇ад̇и. д̇зна маг̇г̇зна сзсаа г̇ажчанд̇и. ат̇згасмим̣ гаалз бан̃жа маасз вассо вудто ахоси. хам̣саа кийн̣аг̇ожараа ‘‘гим̣ ну ко гад̇д̇аб̣б̣а’’нд̇и манд̇зд̇ваа ‘‘маяам̣ ж̇ийванд̇аа ан̣д̣аани лабхиссаамаа’’д̇и батамам̣ ан̣д̣аани каад̣̇им̣су, д̇ад̇о бод̇агз, д̇ад̇о ж̇ин̣н̣ахам̣сз. бан̃жамаасажжаязна вассам̣ абаг̇ад̇ам̣. маггадаго бан̃жа ж̇аалаани винанд̇хи. хам̣саа сагаж̇аад̇игаанам̣ мам̣сам̣ каад̣̇ид̇ваа аббат̇аамаа ж̇аад̇аа. д̣̇виг̇ун̣агодтаасалаабхий хам̣сад̇арун̣о ж̇аалз бахарид̇ваа жад̇д̇аари бхинд̣̇и, бан̃жамам̣ чинд̣̇ид̇ум̣ наасагки, д̇ад̇т̇зва лаг̇г̇и. ат̇асса сийсам̣ виж̇жхид̇ваа маггадаго лохид̇ам̣ биви. ан̃н̃оби ааг̇анд̇ваа ж̇аалам̣ бахари, соби д̇ад̇т̇зва лаг̇г̇ийд̇и звам̣ саб̣б̣зсам̣ маггадаго лохид̇ам̣ биви. д̇ад̣̇аа д̇хад̇арадтагулам̣ ужчиннанд̇и вад̣̇анд̇и. д̇зна вуд̇д̇ам̣ ‘‘саб̣б̣з аб̣бхад̇т̇ад̇ам̣г̇ад̇аа’’д̇и.

    Tattha abhuttaparibhogenāti attano samānajātikānaṃ paribhogena. Abbhatthataṃ gatāti sabbe maraṇameva pattā. Atīte kira cittakūṭe suvaṇṇaguhāyaṃ navuti haṃsasahassāni vasanti. Te vassike cattāro māse na nikkhamanti, sace nikkhameyyuṃ, udakapuṇṇehi pattehi uppatituṃ asakkontā mahāsamuddeyeva pateyyuṃ, tasmā na ca nikkhamanti. Upakaṭṭhe pana vassakāle jātassarato sayaṃjātasāliyo āharitvā guhaṃ pūretvā sāliṃ khādantā vasanti. Tesaṃ pana guhaṃ paviṭṭhakāle guhadvāre eko rathacakkappamāṇo uṇṇanābhi nāma makkaṭako ekekasmiṃ māse ekekaṃ jālaṃ vinandhati. Tassa ekekaṃ suttaṃ gorajjuppamāṇaṃ hoti. Haṃsā ‘‘taṃ jālaṃ bhindissatī’’ti ekassa taruṇahaṃsassa dve koṭṭhāse denti. So vigate deve purato gantvā taṃ jālaṃ bhindati. Tena maggena sesā gacchanti. Athekasmiṃ kāle pañca māse vasso vuṭṭho ahosi. Haṃsā khīṇagocarā ‘‘kiṃ nu kho kattabba’’nti mantetvā ‘‘mayaṃ jīvantā aṇḍāni labhissāmā’’ti paṭhamaṃ aṇḍāni khādiṃsu, tato potake, tato jiṇṇahaṃse. Pañcamāsaccayena vassaṃ apagataṃ. Makkaṭako pañca jālāni vinandhi. Haṃsā sakajātikānaṃ maṃsaṃ khāditvā appathāmā jātā. Dviguṇakoṭṭhāsalābhī haṃsataruṇo jāle paharitvā cattāri bhindi, pañcamaṃ chindituṃ nāsakkhi, tattheva laggi. Athassa sīsaṃ vijjhitvā makkaṭako lohitaṃ pivi. Aññopi āgantvā jālaṃ pahari, sopi tattheva laggīti evaṃ sabbesaṃ makkaṭako lohitaṃ pivi. Tadā dhataraṭṭhakulaṃ ucchinnanti vadanti. Tena vuttaṃ ‘‘sabbe abbhatthataṃgatā’’ti.

    звамзва д̇уванд̇и яат̇аа зд̇з хам̣саа абхагкам̣ сагаж̇аад̇игамам̣сам̣ каад̣̇им̣су, д̇ат̇аа д̇вамби каад̣̇аси, сагаланаг̇арам̣ бхаяаббад̇д̇ам̣, вирама, махаарааж̇аад̇и. д̇асмаа баб̣б̣ааж̇аяанд̇и д̇анд̇и яасмаа абхагкам̣ сагаж̇аад̇игамам̣сам̣ бхагкзси, д̇асмаа имз наг̇араваасино д̇ам̣ радтаа баб̣б̣ааж̇аяанд̇и.

    Evameva tuvanti yathā ete haṃsā abhakkhaṃ sakajātikamaṃsaṃ khādiṃsu, tathā tvampi khādasi, sakalanagaraṃ bhayappattaṃ, virama, mahārājāti. Tasmā pabbājayanti tanti yasmā abhakkhaṃ sakajātikamaṃsaṃ bhakkhesi, tasmā ime nagaravāsino taṃ raṭṭhā pabbājayanti.

    рааж̇аа ан̃н̃амби убамам̣ вад̇д̇угаамо ахоси. нааг̇араа бана удтааяа, ‘‘саами сзнаабад̇и, гим̣ гароси, гим̣ мануссамам̣сакаад̣̇агам̣ жорам̣ г̇ахзд̇ваа вижараси, сажз на вирамиссад̇и, радтад̇о нам̣ баб̣б̣ааж̇зхий’’д̇и вад̇ваа наасса гат̇зд̇ум̣ ад̣̇ам̣су. рааж̇аа б̣ахуунам̣ гат̇ам̣ суд̇ваа бхийд̇о буна вад̇д̇ум̣ наасагки. бунаби нам̣ сзнаабад̇и ‘‘гим̣ махаарааж̇а вирамид̇ум̣ сагкиссаси, уд̣̇ааху на сагкиссасий’’д̇и вад̇ваа ‘‘на саггомий’’д̇и вуд̇д̇з саб̣б̣ам̣ ород̇хаг̇ан̣ан̃жа буд̇д̇ад̇хийд̇аро жа саб̣б̣аалан̇гаарабадиман̣д̣ид̇з бассз табзд̇ваа, ‘‘махаарааж̇а, имз н̃аад̇иман̣д̣алз жзва амажжаг̇ан̣ан̃жа раж̇ж̇асирин̃жа ологзхи, маа винасси, вирама мануссамам̣сад̇о’’д̇и ааха. рааж̇аа ‘‘на маяхам̣ зд̇з мануссамам̣сад̇о бияад̇араа’’д̇и вад̇ваа ‘‘д̇зна хи, махаарааж̇а, имамхаа наг̇араа жа радтаа жа нигкамат̇аа’’д̇и вуд̇д̇з, ‘‘гаал̣ахад̇т̇и, на мз раж̇ж̇знад̇т̇о, наг̇араа нигкамаами, згам̣ бана мз каг̇г̇ан̃жа расаган̃жа бхааж̇анан̃жа д̣̇зхий’’д̇и ааха. ат̇асса каг̇г̇ан̃жа мам̣сабажанабхааж̇анан̃жа бажчин̃жа угкибаабзд̇ваа расаган̃жа д̣̇ад̇ваа радтаа баб̣б̣ааж̇анийяагаммам̣ гарим̣су.

    Rājā aññampi upamaṃ vattukāmo ahosi. Nāgarā pana uṭṭhāya, ‘‘sāmi senāpati, kiṃ karosi, kiṃ manussamaṃsakhādakaṃ coraṃ gahetvā vicarasi, sace na viramissati, raṭṭhato naṃ pabbājehī’’ti vatvā nāssa kathetuṃ adaṃsu. Rājā bahūnaṃ kathaṃ sutvā bhīto puna vattuṃ nāsakkhi. Punapi naṃ senāpati ‘‘kiṃ mahārāja viramituṃ sakkhissasi, udāhu na sakkhissasī’’ti vatvā ‘‘na sakkomī’’ti vutte sabbaṃ orodhagaṇañca puttadhītaro ca sabbālaṅkārapaṭimaṇḍite passe ṭhapetvā, ‘‘mahārāja, ime ñātimaṇḍale ceva amaccagaṇañca rajjasiriñca olokehi, mā vinassi, virama manussamaṃsato’’ti āha. Rājā ‘‘na mayhaṃ ete manussamaṃsato piyatarā’’ti vatvā ‘‘tena hi, mahārāja, imamhā nagarā ca raṭṭhā ca nikkhamathā’’ti vutte, ‘‘kāḷahatthi, na me rajjenattho, nagarā nikkhamāmi, ekaṃ pana me khaggañca rasakañca bhājanañca dehī’’ti āha. Athassa khaggañca maṃsapacanabhājanañca pacchiñca ukkhipāpetvā rasakañca datvā raṭṭhā pabbājanīyakammaṃ kariṃsu.

    со каг̇г̇ан̃жа расаган̃жа аад̣̇ааяа наг̇араа нигкамид̇ваа аран̃н̃ам̣ бависид̇ваа згасмим̣ ниг̇род̇хамуулз васанадтаанам̣ гад̇ваа д̇ад̇т̇а васанд̇о адавимаг̇г̇з тад̇ваа мануссз маарзд̇ваа аахарид̇ваа расагасса д̣̇зд̇и. собисса мам̣сам̣ бажид̇ваа убанаамзд̇и. звам̣ убхоби ж̇ийванд̇и. мануссаг̇ахан̣агаалз ‘‘ахам̣ арз мануссажоро борисаад̣̇о’’д̇и вад̇ваа д̇асмим̣ багканд̇з гожи сагабхаавзна сан̣таад̇ум̣ на саггод̇и, саб̣б̣з бхуумияам̣ бад̇анд̇и. д̇зсу яам̣ ижчад̇и, д̇ам̣ уд̣̇д̇хам̣баад̣̇ам̣ ад̇хосийсам̣ гад̇ваа аахарид̇ваа расагасса д̣̇зд̇и. со згад̣̇ивасам̣ аран̃н̃з ган̃жи мануссам̣ алабхид̇ваа ааг̇ад̇о расагзна ‘‘гим̣ д̣̇зваа’’д̇и вуд̇д̇з ‘‘уд̣̇д̇ханз угкалим̣ ааробзхий’’д̇и ааха. ‘‘мам̣сам̣ гахам̣, д̣̇зваа’’д̇и? ‘‘лабхиссаамахам̣ мам̣са’’нд̇и. со ‘‘над̇т̇и мз д̣̇аани ж̇ийвид̇а’’нд̇и гамбамаано уд̣̇д̇ханз аг̇г̇им̣ гад̇ваа угкалим̣ ааробзси. ат̇а нам̣ борисаад̣̇о асинаа маарзд̇ваа мам̣сам̣ бажид̇ваа каад̣̇и. д̇ад̇о бадтааяа згагова ж̇аад̇о саяамзва бажид̇ваа каад̣̇ад̇и. ‘‘борисаад̣̇о маг̇г̇з маг̇г̇абадибаннз ханад̇ий’’д̇и сагалаж̇амб̣уд̣̇ийбз баагадо ахоси.

    So khaggañca rasakañca ādāya nagarā nikkhamitvā araññaṃ pavisitvā ekasmiṃ nigrodhamūle vasanaṭṭhānaṃ katvā tattha vasanto aṭavimagge ṭhatvā manusse māretvā āharitvā rasakassa deti. Sopissa maṃsaṃ pacitvā upanāmeti. Evaṃ ubhopi jīvanti. Manussagahaṇakāle ‘‘ahaṃ are manussacoro porisādo’’ti vatvā tasmiṃ pakkhante koci sakabhāvena saṇṭhātuṃ na sakkoti, sabbe bhūmiyaṃ patanti. Tesu yaṃ icchati, taṃ uddhaṃpādaṃ adhosīsaṃ katvā āharitvā rasakassa deti. So ekadivasaṃ araññe kañci manussaṃ alabhitvā āgato rasakena ‘‘kiṃ devā’’ti vutte ‘‘uddhane ukkhaliṃ āropehī’’ti āha. ‘‘Maṃsaṃ kahaṃ, devā’’ti? ‘‘Labhissāmahaṃ maṃsa’’nti. So ‘‘natthi me dāni jīvita’’nti kampamāno uddhane aggiṃ katvā ukkhaliṃ āropesi. Atha naṃ porisādo asinā māretvā maṃsaṃ pacitvā khādi. Tato paṭṭhāya ekakova jāto sayameva pacitvā khādati. ‘‘Porisādo magge maggapaṭipanne hanatī’’ti sakalajambudīpe pākaṭo ahosi.

    д̇ад̣̇аа зго самбаннавибхаво б̣раахман̣о бан̃жахи сагадасад̇зхи вохаарам̣ гаронд̇о буб̣б̣анд̇ад̇о абаранд̇ам̣ сан̃жарад̇и. со жинд̇зси – ‘‘борисаад̣̇о наама гира жоро анд̇араамаг̇г̇з мануссз маарзси, д̇ханам̣ д̣̇ад̇ваа д̇ам̣ адавим̣ ад̇иггамиссаамий’’д̇и. со адавимукаваасийнам̣ мануссаанам̣ ‘‘д̇умхз мам̣ адавид̇о ад̇иггаамзт̇аа’’д̇и сахассам̣ д̣̇ад̇ваа д̇зхи сад̣̇д̇хим̣ маг̇г̇ам̣ бадибаж̇ж̇и. г̇ажчанд̇о жа б̣раахман̣о саб̣б̣асад̇т̇ам̣ бурад̇о гад̇ваа саяам̣ нхаад̇аанулид̇д̇о саб̣б̣аалан̇гаарабадиман̣д̣ид̇о сзд̇аг̇он̣аяуд̇д̇з сукаяаанагз нисинно д̇зхи адавиваасигабурисзхи баривуд̇о саб̣б̣абажчад̇о аг̇амааси. д̇асмим̣ кан̣з борисаад̣̇о ругкам̣ ааруяха бурисз убад̇хаарзнд̇о сзсамануссзсу ‘‘гим̣ имзсу маяаа каад̣̇ид̇аб̣б̣ам̣ ад̇т̇ий’’д̇и виг̇ад̇ажчанд̣̇о худ̇ваа б̣раахман̣ам̣ д̣̇идтагаалад̇о бадтааяа д̇ам̣ каад̣̇ид̇угаамад̇ааяа баг̇гхарид̇акзл̣о ахоси. со д̇асмим̣ ад̇д̇ано санд̇игам̣ ааг̇ад̇з ругкад̇о оруяха ‘‘ахам̣ арз борисаад̣̇о’’д̇и наамам̣ д̇игкад̇д̇ум̣ саавзд̇ваа каг̇г̇ам̣ баривад̇д̇знд̇о ваалугааяа д̇зсам̣ агкийни буурзнд̇о вияа багканд̣̇и. згоби таад̇ум̣ самад̇т̇о наама над̇т̇и, саб̣б̣з бхуумияам̣ урзна нибаж̇ж̇им̣су. со сукаяаанагз нисиннам̣ б̣раахман̣ам̣ баад̣̇з г̇ахзд̇ваа бидтияам̣ ад̇хосийсагам̣ оламб̣зд̇ваа сийсам̣ г̇обпагзхи бахаранд̇о угкибид̇ваа бааяааси.

    Tadā eko sampannavibhavo brāhmaṇo pañcahi sakaṭasatehi vohāraṃ karonto pubbantato aparantaṃ sañcarati. So cintesi – ‘‘porisādo nāma kira coro antarāmagge manusse māresi, dhanaṃ datvā taṃ aṭaviṃ atikkamissāmī’’ti. So aṭavimukhavāsīnaṃ manussānaṃ ‘‘tumhe maṃ aṭavito atikkāmethā’’ti sahassaṃ datvā tehi saddhiṃ maggaṃ paṭipajji. Gacchanto ca brāhmaṇo sabbasatthaṃ purato katvā sayaṃ nhātānulitto sabbālaṅkārapaṭimaṇḍito setagoṇayutte sukhayānake nisinno tehi aṭavivāsikapurisehi parivuto sabbapacchato agamāsi. Tasmiṃ khaṇe porisādo rukkhaṃ āruyha purise upadhārento sesamanussesu ‘‘kiṃ imesu mayā khāditabbaṃ atthī’’ti vigatacchando hutvā brāhmaṇaṃ diṭṭhakālato paṭṭhāya taṃ khāditukāmatāya paggharitakheḷo ahosi. So tasmiṃ attano santikaṃ āgate rukkhato oruyha ‘‘ahaṃ are porisādo’’ti nāmaṃ tikkhattuṃ sāvetvā khaggaṃ parivattento vālukāya tesaṃ akkhīni pūrento viya pakkhandi. Ekopi ṭhātuṃ samattho nāma natthi, sabbe bhūmiyaṃ urena nipajjiṃsu. So sukhayānake nisinnaṃ brāhmaṇaṃ pāde gahetvā piṭṭhiyaṃ adhosīsakaṃ olambetvā sīsaṃ gopphakehi paharanto ukkhipitvā pāyāsi.

    д̇ад̣̇аа д̇з бурисаа удтааяа, ‘‘бхо, бурисаа маяам̣ б̣раахман̣асса хад̇т̇ад̇о гахаабан̣асахассам̣ г̇ан̣химхаа, го наама амхаагам̣ бурисагааро, саггонд̇аа ваа асаггонд̇аа ваа т̇огам̣ ануб̣анд̇хаамаа’’д̇и вад̇ваа ануб̣анд̇хим̣су. борисаад̣̇оби нивад̇д̇ид̇ваа ологзнд̇о ган̃жи ад̣̇ид̇ваа сан̣игам̣ бааяааси. д̇асмим̣ кан̣з т̇аамасамбанно зго суурабурисо взг̇зна д̇ам̣ баабун̣и. со д̇ам̣ д̣̇исваа згам̣ вад̇им̣ лан̇гханд̇о кад̣̇иракаан̣угам̣ аггами, каан̣уго бидтибаад̣̇зна нигками. лохид̇зна баг̇гхаранд̇зна лан̇гхамаано яаад̇и. ат̇а нам̣ со д̣̇исваа, ‘‘бхо, маяаа зса вид̣̇д̇хо, гзвалам̣ д̇умхз бажчад̇о зт̇а, г̇ан̣хиссаами на’’нд̇и ааха. д̇з д̣̇уб̣б̣алабхаавам̣ н̃ад̇ваа д̇ам̣ ануб̣анд̇хим̣су. со д̇зхи ануб̣ад̣̇д̇хабхаавам̣ н̃ад̇ваа б̣раахман̣ам̣ виссаж̇ж̇зд̇ваа ад̇д̇аанам̣ сод̇т̇имагааси. ат̇а адавиваасигабурисаа б̣раахман̣асса лад̣̇д̇хагаалад̇о бадтааяа ‘‘гим̣ амхаагам̣ жорзнаа’’д̇и д̇ад̇о нивад̇д̇им̣су.

    Tadā te purisā uṭṭhāya, ‘‘bho, purisā mayaṃ brāhmaṇassa hatthato kahāpaṇasahassaṃ gaṇhimhā, ko nāma amhākaṃ purisakāro, sakkontā vā asakkontā vā thokaṃ anubandhāmā’’ti vatvā anubandhiṃsu. Porisādopi nivattitvā olokento kañci aditvā saṇikaṃ pāyāsi. Tasmiṃ khaṇe thāmasampanno eko sūrapuriso vegena taṃ pāpuṇi. So taṃ disvā ekaṃ vatiṃ laṅghanto khadirakhāṇukaṃ akkami, khāṇuko piṭṭhipādena nikkhami. Lohitena paggharantena laṅghamāno yāti. Atha naṃ so disvā, ‘‘bho, mayā esa viddho, kevalaṃ tumhe pacchato etha, gaṇhissāmi na’’nti āha. Te dubbalabhāvaṃ ñatvā taṃ anubandhiṃsu. So tehi anubaddhabhāvaṃ ñatvā brāhmaṇaṃ vissajjetvā attānaṃ sotthimakāsi. Atha aṭavivāsikapurisā brāhmaṇassa laddhakālato paṭṭhāya ‘‘kiṃ amhākaṃ corenā’’ti tato nivattiṃsu.

    борисаад̣̇оби ад̇д̇ано ниг̇род̇хамуулам̣ г̇анд̇ваа баароханд̇арам̣ бависид̇ваа нибанно, ‘‘аяяз ругкад̣̇звад̇з, сажз мз сад̇д̇аахаб̣бханд̇арзязва ван̣ам̣ паасугам̣ гаад̇ум̣ сагкиссаси, сагалаж̇амб̣уд̣̇ийбз згасад̇акад̇д̇ияаанам̣ г̇алалохид̇зна д̇ава канд̇хам̣ д̇ховид̇ваа анд̇зхи баригкибид̇ваа бан̃жамад̇хурамам̣сзна б̣алигаммам̣ гариссаамий’’д̇и ааяаажанам̣ гари. д̇асса аннабаанамам̣сам̣ алабханд̇асса сарийрам̣ суссид̇ваа анд̇осад̇д̇аахзязва ван̣о паасуго ахоси. со д̣̇звад̇аанубхаавзна д̇асса паасугабхаавам̣ саллагкзси. со гад̇ибаахам̣ мануссамам̣сам̣ каад̣̇ид̇ваа б̣алам̣ г̇ахзд̇ваа жинд̇зси – ‘‘б̣ахубагаараа мз д̣̇звад̇аа, ааяаажанаа ассаа мужжиссаамий’’д̇и. со каг̇г̇ам̣ аад̣̇ааяа ругкамуулад̇о нигкамид̇ваа ‘‘рааж̇аано аанзссаамий’’д̇и бааяааси. ат̇а нам̣ буримабхавз яагкагаалз згад̇о мануссамам̣сакаад̣̇аго сахааяагаяагко анувижаранд̇ам̣ д̣̇исваа ‘‘аяам̣ мама ад̇ийд̇абхавз сахааяо’’д̇и н̃ад̇ваа, ‘‘самма, мам̣ сан̃ж̇аанаасий’’д̇и бужчи. ‘‘на сан̃ж̇аанаамий’’д̇и. ат̇асса буримабхавз гад̇агааран̣ам̣ гат̇зси. со д̇ам̣ сан̃ж̇аанид̇ваа бадисант̇аарамагааси. ‘‘гахам̣ ниб̣б̣ад̇д̇осий’’д̇и будто ниб̣б̣ад̇д̇адтаанан̃жа радтаа баб̣б̣ааж̇ид̇агааран̣ан̃жа ид̣̇аани васанадтаанан̃жа каан̣унаа вид̣̇д̇хагааран̣ан̃жа д̣̇звад̇ааяа ааяаажанааможанад̇т̇ам̣ г̇аманагааран̣ан̃жа саб̣б̣ам̣ аарожзд̇ваа ‘‘д̇аяааби мамзд̇ам̣ гижжам̣ нид̇т̇арид̇аб̣б̣ам̣, убхоби г̇ажчаама, саммаа’’д̇и ааха. ‘‘самма на г̇ажчзяяаахам̣, згам̣ бана мз гаммам̣ ад̇т̇и, ахам̣ ко бана анаг̇гхам̣ бад̣̇алагкан̣ам̣ наама згам̣ манд̇ам̣ ж̇аанаами, со б̣алан̃жа ж̇аван̃жа сад̣̇д̣̇ан̃жа гарод̇и, д̇ам̣ манд̇ам̣ г̇ан̣хаахий’’д̇и. со ‘‘саад̇хуу’’д̇и самбадижчи. яагкобисса д̇ам̣ д̣̇ад̇ваа баггаами.

    Porisādopi attano nigrodhamūlaṃ gantvā pārohantaraṃ pavisitvā nipanno, ‘‘ayye rukkhadevate, sace me sattāhabbhantareyeva vaṇaṃ phāsukaṃ kātuṃ sakkhissasi, sakalajambudīpe ekasatakhattiyānaṃ galalohitena tava khandhaṃ dhovitvā antehi parikkhipitvā pañcamadhuramaṃsena balikammaṃ karissāmī’’ti āyācanaṃ kari. Tassa annapānamaṃsaṃ alabhantassa sarīraṃ sussitvā antosattāheyeva vaṇo phāsuko ahosi. So devatānubhāvena tassa phāsukabhāvaṃ sallakkhesi. So katipāhaṃ manussamaṃsaṃ khāditvā balaṃ gahetvā cintesi – ‘‘bahupakārā me devatā, āyācanā assā muccissāmī’’ti. So khaggaṃ ādāya rukkhamūlato nikkhamitvā ‘‘rājāno ānessāmī’’ti pāyāsi. Atha naṃ purimabhave yakkhakāle ekato manussamaṃsakhādako sahāyakayakkho anuvicarantaṃ disvā ‘‘ayaṃ mama atītabhave sahāyo’’ti ñatvā, ‘‘samma, maṃ sañjānāsī’’ti pucchi. ‘‘Na sañjānāmī’’ti. Athassa purimabhave katakāraṇaṃ kathesi. So taṃ sañjānitvā paṭisanthāramakāsi. ‘‘Kahaṃ nibbattosī’’ti puṭṭho nibbattaṭṭhānañca raṭṭhā pabbājitakāraṇañca idāni vasanaṭṭhānañca khāṇunā viddhakāraṇañca devatāya āyācanāmocanatthaṃ gamanakāraṇañca sabbaṃ ārocetvā ‘‘tayāpi mametaṃ kiccaṃ nittharitabbaṃ, ubhopi gacchāma, sammā’’ti āha. ‘‘Samma na gaccheyyāhaṃ, ekaṃ pana me kammaṃ atthi, ahaṃ kho pana anagghaṃ padalakkhaṇaṃ nāma ekaṃ mantaṃ jānāmi, so balañca javañca saddañca karoti, taṃ mantaṃ gaṇhāhī’’ti. So ‘‘sādhū’’ti sampaṭicchi. Yakkhopissa taṃ datvā pakkāmi.

    борисаад̣̇о манд̇ам̣ уг̇г̇ахзд̇ваа д̇ад̇о бадтааяа ваад̇аж̇аво ад̇исууро ахоси. со сад̇д̇аахаб̣бханд̇арзязва згасад̇арааж̇аано уяяаанаад̣̇ийни г̇ажчанд̇з д̣̇исваа ваад̇авзг̇зна багканд̣̇ид̇ваа ‘‘ахам̣ арз мануссажоро борисаад̣̇о’’д̇и наамам̣ саавзд̇ваа ваг̇г̇анд̇о над̣̇анд̇о бхаяаббад̇д̇з гад̇ваа баад̣̇з г̇ахзд̇ваа ад̇хосийсагз гад̇ваа бан̣хияаа сийсам̣ бахаранд̇о ваад̇авзг̇зна нзд̇ваа хад̇т̇ад̇алзсу чид̣̇д̣̇аани гад̇ваа раж̇ж̇уяаа аавунид̇ваа ниг̇род̇харугкз оламб̣зси аг̇г̇абаад̣̇ан̇г̇улийхи бхуумияам̣ пусамаанаахи. д̇з саб̣б̣з рааж̇аано ваад̇з бахаранд̇з милаад̇агуран̣д̣агад̣̇аамаани вияа баривад̇д̇анд̇аа оламб̣им̣су. ‘‘суд̇асомо бана мз бидтиаажарияо ход̇и, сажз г̇ан̣хиссаами, сагалаж̇амб̣уд̣̇ийбо д̇ужчо бхависсад̇ий’’д̇и д̇ам̣ на нзси. со ‘‘б̣алигаммам̣ гариссаамий’’д̇и аг̇г̇им̣ гад̇ваа суулз д̇ажчанд̇о нисийд̣̇и. ругкад̣̇звад̇аа д̇ам̣ гирияам̣ д̣̇исваа ‘‘маяхам̣ гирзса б̣алигаммам̣ гарод̇и, ван̣амбисса маяаа гин̃жи паасугам̣ гад̇ам̣ над̇т̇и, ид̣̇аани имзсам̣ махаавинаасам̣ гариссад̇и, гим̣ ну ко гад̇д̇аб̣б̣а’’нд̇и жинд̇зд̇ваа ‘‘ахам̣ зд̇ам̣ ваарзд̇ум̣ на сагкиссаамий’’д̇и жаад̇умахаарааж̇игаанам̣ санд̇игам̣ г̇анд̇ваа д̇амад̇т̇ам̣ гат̇зд̇ваа ‘‘ниваарзт̇а на’’нд̇и ааха. д̇зхиби ‘‘на маяам̣ борисаад̣̇асса гаммам̣ ниваарзд̇ум̣ сагкиссаамаа’’д̇и вуд̇д̇з ‘‘го сагкиссад̇ий’’д̇и бужчид̇ваа ‘‘сагго, д̣̇зварааж̇аа’’д̇и суд̇ваа саггам̣ убасан̇гамид̇ваа д̇амад̇т̇ам̣ гат̇зд̇ваа ‘‘ниваарзт̇а на’’нд̇и ааха. соби ‘‘наахам̣ саггоми ниваарзд̇ум̣, самад̇т̇ам̣ бана аажигкиссаамий’’д̇и вад̇ваа ‘‘гонаамо’’д̇и вуд̇д̇з ‘‘сад̣̇звагз логз ан̃н̃о над̇т̇и, гурурадтз бана инд̣̇абад̇т̇анаг̇арз гораб̣яарааж̇абуд̇д̇о суд̇асомо наама д̇ам̣ ниб̣б̣исзванам̣ гад̇ваа д̣̇амзссад̇и, рааж̇уунан̃жа ж̇ийвид̇ам̣ д̣̇ассад̇и, д̇ан̃жа мануссамам̣саа орамаабзссад̇и, сагалаж̇амб̣уд̣̇ийбз амад̇ам̣ вияа д̇хаммам̣ абхисин̃жиссад̇и, сажзби рааж̇уунам̣ ж̇ийвид̇ам̣ д̣̇аад̇угаамо, ‘суд̇асомам̣ аанзд̇ваа б̣алигаммам̣ гаад̇ум̣ ваддад̇ий’д̇и вад̣̇зхий’’д̇и ааха.

    Porisādo mantaṃ uggahetvā tato paṭṭhāya vātajavo atisūro ahosi. So sattāhabbhantareyeva ekasatarājāno uyyānādīni gacchante disvā vātavegena pakkhanditvā ‘‘ahaṃ are manussacoro porisādo’’ti nāmaṃ sāvetvā vagganto nadanto bhayappatte katvā pāde gahetvā adhosīsake katvā paṇhiyā sīsaṃ paharanto vātavegena netvā hatthatalesu chiddāni katvā rajjuyā āvunitvā nigrodharukkhe olambesi aggapādaṅgulīhi bhūmiyaṃ phusamānāhi. Te sabbe rājāno vāte paharante milātakuraṇḍakadāmāni viya parivattantā olambiṃsu. ‘‘Sutasomo pana me piṭṭhiācariyo hoti, sace gaṇhissāmi, sakalajambudīpo tuccho bhavissatī’’ti taṃ na nesi. So ‘‘balikammaṃ karissāmī’’ti aggiṃ katvā sūle tacchanto nisīdi. Rukkhadevatā taṃ kiriyaṃ disvā ‘‘mayhaṃ kiresa balikammaṃ karoti, vaṇampissa mayā kiñci phāsukaṃ kataṃ natthi, idāni imesaṃ mahāvināsaṃ karissati, kiṃ nu kho kattabba’’nti cintetvā ‘‘ahaṃ etaṃ vāretuṃ na sakkhissāmī’’ti cātumahārājikānaṃ santikaṃ gantvā tamatthaṃ kathetvā ‘‘nivāretha na’’nti āha. Tehipi ‘‘na mayaṃ porisādassa kammaṃ nivāretuṃ sakkhissāmā’’ti vutte ‘‘ko sakkhissatī’’ti pucchitvā ‘‘sakko, devarājā’’ti sutvā sakkaṃ upasaṅkamitvā tamatthaṃ kathetvā ‘‘nivāretha na’’nti āha. Sopi ‘‘nāhaṃ sakkomi nivāretuṃ, samatthaṃ pana ācikkhissāmī’’ti vatvā ‘‘konāmo’’ti vutte ‘‘sadevake loke añño natthi, kururaṭṭhe pana indapatthanagare korabyarājaputto sutasomo nāma taṃ nibbisevanaṃ katvā damessati, rājūnañca jīvitaṃ dassati, tañca manussamaṃsā oramāpessati, sakalajambudīpe amataṃ viya dhammaṃ abhisiñcissati, sacepi rājūnaṃ jīvitaṃ dātukāmo, ‘sutasomaṃ ānetvā balikammaṃ kātuṃ vaṭṭatī’ti vadehī’’ti āha.

    саа ‘‘саад̇хуу’’д̇и самбадижчид̇ваа киббам̣ ааг̇анд̇ваа баб̣б̣аж̇ид̇авзсзна д̇асса авид̣̇уурз бааяааси. со бад̣̇асад̣̇д̣̇зна ‘‘рааж̇аа ну ко гожи балаад̇о бхависсад̇ий’’д̇и ологзнд̇о д̇ам̣ д̣̇исваа ‘‘баб̣б̣аж̇ид̇аа наама кад̇д̇ияаава, имам̣ г̇ахзд̇ваа згасад̇ам̣ буурзд̇ваа б̣алигаммам̣ гариссаамий’’д̇и удтааяа асихад̇т̇о ануб̣анд̇хи, д̇ияож̇анам̣ ануб̣анд̇хид̇вааби д̇ам̣ баабун̣ид̇ум̣ наасагки, г̇ад̇д̇зхи сзд̣̇аа мужжим̣су. со жинд̇зси – ‘‘ахам̣ буб̣б̣з хад̇т̇имби ассамби рат̇амби д̇хааванд̇ам̣ ануб̣анд̇хид̇ваа г̇ан̣хаами, аж̇ж̇а имам̣ баб̣б̣аж̇ид̇ам̣ сагааяа г̇ад̇ияаа г̇ажчанд̇ам̣ саб̣б̣ат̇аамзна д̇хааванд̇оби г̇ан̣хид̇ум̣ на саггоми, гим̣ ну ко гааран̣а’’нд̇и. д̇ад̇о со ‘‘баб̣б̣аж̇ид̇аа наама важанагараа хонд̇и, ‘д̇идтаа’д̇и нам̣ вад̇ваа тид̇ам̣ г̇ахзссаамий’’д̇и жинд̇зд̇ваа ‘‘д̇идта, саман̣аа’’д̇и ааха. ‘‘ахам̣ д̇аава тид̇о, д̇вам̣ бана д̇хаавид̇ум̣ вааяаамамагаасий’’д̇и. ат̇а нам̣, ‘‘бхо, баб̣б̣аж̇ид̇аа наама ж̇ийвид̇ахзд̇уби алигам̣ на бхан̣анд̇и, д̇вам̣ бана мусааваад̣̇ам̣ гат̇зсий’’д̇и вад̇ваа г̇аат̇амааха –

    Sā ‘‘sādhū’’ti sampaṭicchitvā khippaṃ āgantvā pabbajitavesena tassa avidūre pāyāsi. So padasaddena ‘‘rājā nu kho koci palāto bhavissatī’’ti olokento taṃ disvā ‘‘pabbajitā nāma khattiyāva, imaṃ gahetvā ekasataṃ pūretvā balikammaṃ karissāmī’’ti uṭṭhāya asihattho anubandhi, tiyojanaṃ anubandhitvāpi taṃ pāpuṇituṃ nāsakkhi, gattehi sedā mucciṃsu. So cintesi – ‘‘ahaṃ pubbe hatthimpi assampi rathampi dhāvantaṃ anubandhitvā gaṇhāmi, ajja imaṃ pabbajitaṃ sakāya gatiyā gacchantaṃ sabbathāmena dhāvantopi gaṇhituṃ na sakkomi, kiṃ nu kho kāraṇa’’nti. Tato so ‘‘pabbajitā nāma vacanakarā honti, ‘tiṭṭhā’ti naṃ vatvā ṭhitaṃ gahessāmī’’ti cintetvā ‘‘tiṭṭha, samaṇā’’ti āha. ‘‘Ahaṃ tāva ṭhito, tvaṃ pana dhāvituṃ vāyāmamakāsī’’ti. Atha naṃ, ‘‘bho, pabbajitā nāma jīvitahetupi alikaṃ na bhaṇanti, tvaṃ pana musāvādaṃ kathesī’’ti vatvā gāthamāha –

    393.

    393.

    ‘‘д̇идтаахийд̇и маяаа вуд̇д̇о, со д̇вам̣ г̇ажчаси баммуко;

    ‘‘Tiṭṭhāhīti mayā vutto, so tvaṃ gacchasi pammukho;

    адтид̇о д̇вам̣ тид̇омхийд̇и, лабаси б̣рахмажаарини;

    Aṭṭhito tvaṃ ṭhitomhīti, lapasi brahmacārini;

    ид̣̇ам̣ д̇з саман̣ааяуд̇д̇ам̣, асин̃жа мз ман̃н̃аси ган̇габад̇д̇а’’нд̇и.

    Idaṃ te samaṇāyuttaṃ, asiñca me maññasi kaṅkapatta’’nti.

    д̇ассад̇т̇о – саман̣а, д̇идтаахи ид̇и важанам̣ маяаа вуд̇д̇о со д̇вам̣ баммуко бараммуко худ̇ваа г̇ажчаси, б̣рахмажаарини адтид̇о самаано д̇вам̣ тид̇о амхи ид̇и лабаси, асин̃жа мз ган̇габад̇д̇ам̣ ман̃н̃асийд̇и.

    Tassattho – samaṇa, tiṭṭhāhi iti vacanaṃ mayā vutto so tvaṃ pammukho parammukho hutvā gacchasi, brahmacārini aṭṭhito samāno tvaṃ ṭhito amhi iti lapasi, asiñca me kaṅkapattaṃ maññasīti.

    д̇ад̇о д̣̇звад̇аа г̇аат̇аад̣̇ваяамааха –

    Tato devatā gāthādvayamāha –

    394.

    394.

    ‘‘тид̇охамасмий сад̇хаммзсу рааж̇а, на наамаг̇од̇д̇ам̣ баривад̇д̇аяаами;

    ‘‘Ṭhitohamasmī sadhammesu rāja, na nāmagottaṃ parivattayāmi;

    жоран̃жа логз атид̇ам̣ вад̣̇анд̇и;

    Corañca loke aṭhitaṃ vadanti;

    аабааяигам̣ нзраяигам̣ ид̇о жуд̇ам̣.

    Āpāyikaṃ nerayikaṃ ito cutaṃ.

    395.

    395.

    ‘‘сажз д̇вам̣ сад̣̇д̣̇ахаси рааж̇а, суд̇ам̣ г̇ан̣хаахи кад̇д̇ияа;

    ‘‘Sace tvaṃ saddahasi rāja, sutaṃ gaṇhāhi khattiya;

    д̇зна яан̃н̃ам̣ яаж̇ид̇ваана, звам̣ саг̇г̇ам̣ г̇амиссасий’’д̇и.

    Tena yaññaṃ yajitvāna, evaṃ saggaṃ gamissasī’’ti.

    д̇ад̇т̇а сад̇хаммзсууд̇и, махаарааж̇а, ахам̣ сагзсу д̣̇асасу гусалагаммабат̇ад̇хаммзсу тид̇о асми бхаваами. на наамаг̇од̇д̇анд̇и д̇вам̣ буб̣б̣з д̣̇ахарагаалз б̣рахмад̣̇ад̇д̇о худ̇ваа бид̇ари гаалагад̇з б̣аараан̣асим̣ раж̇ж̇ам̣ лабхид̇ваа б̣аараан̣асирааж̇аа ж̇аад̇о, д̇ам̣ наамам̣ ж̇ахид̇ваа борисаад̣̇о худ̇ваа ид̣̇аани гаммаасабаад̣̇о ж̇аад̇о, кад̇д̇ияагулз ж̇аад̇оби абхагкам̣ мануссамам̣сам̣ яасмаа бхагкзси, д̇асмаа ад̇д̇ано наамаг̇од̇д̇ам̣ яат̇аа баривад̇д̇зси, д̇ат̇аа ахам̣ ад̇д̇ано наамаг̇од̇д̇ам̣ на баривад̇д̇аяаами. жоран̃жаад̇и логз жоран̃жа д̣̇асагусалагаммабат̇зсу атид̇ам̣ наама вад̣̇анд̇и. ид̇о жуд̇анд̇и ид̇о жуд̇ам̣ худ̇ваа абааяз нираяз бад̇идтид̇ам̣. кад̇д̇ияа, бхуумибаала махаарааж̇а, д̇вам̣ мама важанам̣ сажз сад̣̇д̣̇ахаси, суд̇асомам̣ г̇ан̣хаахи, д̇зна суд̇асомзна яан̃н̃ам̣ яаж̇ид̇ваана звам̣ саг̇г̇ам̣ г̇амиссаси. бхо, борисаад̣̇а мусааваад̣̇и д̇аяаа маяхам̣ ‘‘сагалаж̇амб̣уд̣̇ийбз рааж̇аано аанзд̇ваа б̣ахигаммам̣ гариссаамий’’д̇и бадиссуд̇ам̣, ид̣̇аани яз ваа д̇з ваа д̣̇уб̣б̣аларааж̇аано аанзси, ж̇амб̣уд̣̇ийбад̇алз ж̇здтагам̣ суд̇асомарааж̇аанам̣ сажз д̇вам̣ на аанзссаси, важанам̣ д̇з мусаа наама ход̇и, д̇асмаа суд̇асомам̣ г̇ан̣хаахийд̇и.

    Tattha sadhammesūti, mahārāja, ahaṃ sakesu dasasu kusalakammapathadhammesu ṭhito asmi bhavāmi. Na nāmagottanti tvaṃ pubbe daharakāle brahmadatto hutvā pitari kālakate bārāṇasiṃ rajjaṃ labhitvā bārāṇasirājā jāto, taṃ nāmaṃ jahitvā porisādo hutvā idāni kammāsapādo jāto, khattiyakule jātopi abhakkhaṃ manussamaṃsaṃ yasmā bhakkhesi, tasmā attano nāmagottaṃ yathā parivattesi, tathā ahaṃ attano nāmagottaṃ na parivattayāmi. Corañcāti loke corañca dasakusalakammapathesu aṭhitaṃ nāma vadanti. Ito cutanti ito cutaṃ hutvā apāye niraye patiṭṭhitaṃ. Khattiya, bhūmipāla mahārāja, tvaṃ mama vacanaṃ sace saddahasi, sutasomaṃ gaṇhāhi, tena sutasomena yaññaṃ yajitvāna evaṃ saggaṃ gamissasi. Bho, porisāda musāvādi tayā mayhaṃ ‘‘sakalajambudīpe rājāno ānetvā bahikammaṃ karissāmī’’ti paṭissutaṃ, idāni ye vā te vā dubbalarājāno ānesi, jambudīpatale jeṭṭhakaṃ sutasomarājānaṃ sace tvaṃ na ānessasi, vacanaṃ te musā nāma hoti, tasmā sutasomaṃ gaṇhāhīti.

    зван̃жа бана вад̇ваа д̣̇звад̇аа баб̣б̣аж̇ид̇авзсам̣ анд̇арад̇хаабзд̇ваа сагзна ван̣н̣зна аагаасз д̇арун̣асуурияо вияа ж̇аламаанаа адтааси. со д̇ассаа гат̇ам̣ суд̇ваа руубан̃жа ологзд̇ваа ‘‘гааси д̇ва’’нд̇и ааха. имасмим̣ ‘‘ругкз ниб̣б̣ад̇д̇ад̣̇звад̇аа’’д̇и. со ‘‘д̣̇идтаа мз ад̇д̇ано, д̣̇звад̇аа’’д̇и д̇уссид̇ваа, ‘‘саами д̣̇зварааж̇а, маа суд̇асомасса гааран̣аа жинд̇аяи, ад̇д̇ано ругкам̣ бависаа’’д̇и ааха. д̣̇звад̇аа д̇асса бассанд̇ассзва ругкам̣ баависи. д̇асмим̣ кан̣з суурияо ад̇т̇ан̇г̇ад̇о, жанд̣̇о уг̇г̇ад̇о. борисаад̣̇о взд̣̇ан̇г̇агусало нагкад̇д̇ажаарам̣ ж̇аанаад̇и. со набхам̣ ологзд̇ваа ‘‘свз пуссанагкад̇д̇ам̣ бхависсад̇и, суд̇асомо нхааяид̇ум̣ уяяаанам̣ г̇амиссад̇и, д̇ад̇т̇а г̇ан̣хиссаами, аарагко банасса махаа бхависсад̇и, саманд̇аа д̇ияож̇анам̣ сагаланаг̇араваасино рагканд̇аа жариссанд̇и, асам̣вихид̇з аарагкз батамаяаамзязва миг̇ааж̇инам̣ уяяаанам̣ г̇анд̇ваа ман̇г̇алабогкаран̣им̣ од̇арид̇ваа тассаамий’’д̇и жинд̇зд̇ваа д̇ад̇т̇а г̇анд̇ваа богкаран̣им̣ оруяха бад̣̇умабад̇д̇зна сийсам̣ бадижчаад̣̇зд̇ваа адтааси. д̇асса д̇зж̇зна мажчагажчабаад̣̇аяо осаггид̇ваа уд̣̇агабарияанд̇з ваг̇г̇аваг̇г̇аа худ̇ваа вижарим̣су.

    Evañca pana vatvā devatā pabbajitavesaṃ antaradhāpetvā sakena vaṇṇena ākāse taruṇasūriyo viya jalamānā aṭṭhāsi. So tassā kathaṃ sutvā rūpañca oloketvā ‘‘kāsi tva’’nti āha. Imasmiṃ ‘‘rukkhe nibbattadevatā’’ti. So ‘‘diṭṭhā me attano, devatā’’ti tussitvā, ‘‘sāmi devarāja, mā sutasomassa kāraṇā cintayi, attano rukkhaṃ pavisā’’ti āha. Devatā tassa passantasseva rukkhaṃ pāvisi. Tasmiṃ khaṇe sūriyo atthaṅgato, cando uggato. Porisādo vedaṅgakusalo nakkhattacāraṃ jānāti. So nabhaṃ oloketvā ‘‘sve phussanakkhattaṃ bhavissati, sutasomo nhāyituṃ uyyānaṃ gamissati, tattha gaṇhissāmi, ārakkho panassa mahā bhavissati, samantā tiyojanaṃ sakalanagaravāsino rakkhantā carissanti, asaṃvihite ārakkhe paṭhamayāmeyeva migājinaṃ uyyānaṃ gantvā maṅgalapokkharaṇiṃ otaritvā ṭhassāmī’’ti cintetvā tattha gantvā pokkharaṇiṃ oruyha padumapattena sīsaṃ paṭicchādetvā aṭṭhāsi. Tassa tejena macchakacchapādayo osakkitvā udakapariyante vaggavaggā hutvā vicariṃsu.

    гуд̇о бана лад̣̇д̇хояам̣ д̇зж̇од̇и? буб̣б̣аяог̇авасзна. со хи гасабад̣̇асаб̣аласса гаалз кийрасалаагабхад̇д̇ам̣ бадтабзси, д̇зна махаат̇аамо ахоси. аг̇г̇исаалан̃жа гаарзд̇ваа бхигкусан̇гхасса сийд̇авинод̣̇анад̇т̇ам̣ аг̇г̇ин̃жа д̣̇аарууни жа д̣̇ааружчзд̣̇анаваасин̃жа парасун̃жа ад̣̇ааси, д̇зна д̇зж̇аваа ахоси.

    Kuto pana laddhoyaṃ tejoti? Pubbayogavasena. So hi kasapadasabalassa kāle khīrasalākabhattaṃ paṭṭhapesi, tena mahāthāmo ahosi. Aggisālañca kāretvā bhikkhusaṅghassa sītavinodanatthaṃ aggiñca dārūni ca dārucchedanavāsiñca pharasuñca adāsi, tena tejavā ahosi.

    звам̣ д̇асмим̣ анд̇оуяяаанам̣ г̇ад̇зязва б̣алавабажжуусасамаяз саманд̇аа д̇ияож̇анам̣ аарагкам̣ г̇ан̣хим̣су. рааж̇ааби баад̇ова бхуд̇д̇абаад̇араасо алан̇гад̇ахад̇т̇игканд̇хавараг̇ад̇о жад̇уран̇г̇инияаа сзнааяа баривуд̇о наг̇арад̇о нигками. д̇ад̣̇аа д̇аггасилад̇о нанд̣̇о наама б̣раахман̣о жад̇ассо сад̇аарахаа г̇аат̇ааяо аад̣̇ааяа вийсад̇ияонаж̇асад̇ам̣ маг̇г̇ам̣ ад̇иггамид̇ваа д̇ам̣ наг̇арам̣ бад̇ваа д̣̇ваараг̇аамз васид̇ваа суурияз уг̇г̇ад̇з наг̇арам̣ бависанд̇о рааж̇аанам̣ баажийнад̣̇ваарзна нигканд̇ам̣ д̣̇исваа хад̇т̇ам̣ басаарзд̇ваа ж̇аяаабзси. рааж̇аа д̣̇исаажагкуго худ̇ваа г̇ажчанд̇о уннад̇аббад̣̇зсз тид̇асса б̣раахман̣асса басаарид̇ахад̇т̇ам̣ д̣̇исваа хад̇т̇инаа д̇ам̣ убасан̇гамид̇ваа бужчи –

    Evaṃ tasmiṃ antouyyānaṃ gateyeva balavapaccūsasamaye samantā tiyojanaṃ ārakkhaṃ gaṇhiṃsu. Rājāpi pātova bhuttapātarāso alaṅkatahatthikkhandhavaragato caturaṅginiyā senāya parivuto nagarato nikkhami. Tadā takkasilato nando nāma brāhmaṇo catasso satārahā gāthāyo ādāya vīsatiyonajasataṃ maggaṃ atikkamitvā taṃ nagaraṃ patvā dvāragāme vasitvā sūriye uggate nagaraṃ pavisanto rājānaṃ pācīnadvārena nikkhantaṃ disvā hatthaṃ pasāretvā jayāpesi. Rājā disācakkhuko hutvā gacchanto unnatappadese ṭhitassa brāhmaṇassa pasāritahatthaṃ disvā hatthinā taṃ upasaṅkamitvā pucchi –

    396.

    396.

    ‘‘гисмим̣ ну радтз д̇ава ж̇аад̇ибхууми, ат̇а гзна ад̇т̇зна ид̇хаанубад̇д̇о;

    ‘‘Kismiṃ nu raṭṭhe tava jātibhūmi, atha kena atthena idhānupatto;

    агкаахи мз б̣раахман̣а зд̇амад̇т̇ам̣, гимижчасий д̣̇зми д̇аяаж̇ж̇а бад̇т̇ид̇а’’нд̇и.

    Akkhāhi me brāhmaṇa etamatthaṃ, kimicchasī demi tayajja patthita’’nti.

    д̇ассад̇т̇о – бхо б̣раахман̣а, д̇ава ж̇аад̇ибхууми гисмим̣ радтз ад̇т̇и ну, гзна ад̇т̇зна баяож̇анзна хзд̇убхууд̇зна ид̣̇а имасмим̣ наг̇арз ануббад̇д̇о, бхо б̣раахман̣а, маяаа бужчид̇о со д̇вам̣ зд̇амад̇т̇ам̣ зд̇ам̣ баяож̇анам̣ мз маяхам̣ агкаахи гат̇зхи, д̇аяаа бад̇т̇ид̇авад̇т̇ум̣ д̇з д̇уяхам̣ аж̇ж̇а ид̣̇аани д̣̇ад̣̇аами, гим̣ вад̇т̇ум̣ ижчасийд̇и.

    Tassattho – bho brāhmaṇa, tava jātibhūmi kismiṃ raṭṭhe atthi nu, kena atthena payojanena hetubhūtena ida imasmiṃ nagare anuppatto, bho brāhmaṇa, mayā pucchito so tvaṃ etamatthaṃ etaṃ payojanaṃ me mayhaṃ akkhāhi kathehi, tayā patthitavatthuṃ te tuyhaṃ ajja idāni dadāmi, kiṃ vatthuṃ icchasīti.

    ат̇а нам̣ со г̇аат̇амааха –

    Atha naṃ so gāthamāha –

    397.

    397.

    ‘‘г̇аат̇аа жад̇ассо д̇харан̣иймахиссара, суг̇амбхийрад̇т̇аа варасааг̇аруубамаа;

    ‘‘Gāthā catasso dharaṇīmahissara, sugambhīratthā varasāgarūpamā;

    д̇авзва ад̇т̇ааяа ид̇хааг̇ад̇осми, сун̣охи г̇аат̇аа барамад̇т̇асам̣хид̇аа’’д̇и.

    Taveva atthāya idhāgatosmi, suṇohi gāthā paramatthasaṃhitā’’ti.

    д̇ад̇т̇а д̇харан̣иймахиссараад̇и бхуумибаала жад̇ассо г̇аат̇аа гим̣ бхууд̇аа?. суг̇амбхийрад̇т̇аа варасааг̇аруубамаа, д̇авзва д̇ава зва ад̇т̇ааяа ид̇ха таанам̣ ануббад̇д̇о асми бхаваами. сун̣охийд̇и гассабад̣̇асаб̣алзна д̣̇зсид̇аа барамад̇т̇асам̣хид̇аа имаа сад̇аарахаа г̇аат̇ааяо сун̣охийд̇и ад̇т̇о.

    Tattha dharaṇīmahissarāti bhūmipāla catasso gāthā kiṃ bhūtā?. Sugambhīratthā varasāgarūpamā, taveva tava eva atthāya idha ṭhānaṃ anuppatto asmi bhavāmi. Suṇohīti kassapadasabalena desitā paramatthasaṃhitā imā satārahā gāthāyo suṇohīti attho.

    ид̇и вад̇ваа, ‘‘махаарааж̇а, имаа гассабад̣̇асаб̣алзна д̣̇зсид̇аа жад̇ассо сад̇аарахаа г̇аат̇ааяо ‘‘д̇умхз суд̇авид̇д̇агаа’д̇и суд̇ваа д̇умхаагам̣ д̣̇зсзд̇ум̣ ааг̇ад̇омхий’’д̇и ааха. рааж̇аа д̇удтамаанасо худ̇ваа, ‘‘аажарияа , судту д̇з ааг̇ад̇ам̣, маяаа бана нивад̇д̇ид̇ум̣ на саггаа, аж̇ж̇а пуссанагкад̇д̇аяог̇зна сийсам̣ нхааяид̇ум̣ ааг̇ад̇омхи, ахам̣ бунад̣̇ивасз ааг̇анд̇ваа соссаами, д̇вам̣ маа угган̣тий’’д̇и вад̇ваа ‘‘г̇ажчат̇а б̣раахман̣асса асугаг̇зхз саяанам̣ бан̃н̃аабзд̇ваа гхаасажчаад̣̇анам̣ сам̣вид̣̇ахат̇аа’’д̇и амажжз аан̣аабзд̇ваа уяяаанам̣ баависи. д̇ам̣ адтаарасахад̇т̇зна баагаарзна баригкид̇д̇ам̣ ахоси. д̇ам̣ ан̃н̃аман̃н̃ам̣ сан̇гхаддзнд̇аа саманд̇аа хад̇т̇ино баригкибим̣су, д̇ад̇о ассаа, д̇ад̇о рат̇аа, д̇ад̇о д̇хануг̇г̇ахаа, д̇ад̇о бад̇д̇ийд̇и, сан̇кубхид̇амахаасамуд̣̇д̣̇о вияа уннаад̣̇знд̇о б̣алагааяо ахоси. ат̇а рааж̇аа ол̣ааригаани аабхаран̣аани омун̃жид̇ваа массугаммам̣ гаарзд̇ваа уб̣б̣аддид̇асарийро богкаран̣ияаа анд̇о рааж̇авибхавзна нхад̇ваа бажжуд̇д̇арид̇ваа уд̣̇агаг̇г̇ахан̣асаадагзна ниваасзд̇ваа адтааси. ат̇асса д̣̇уссаг̇анд̇хамаалаалан̇гаарз убанаяим̣су. борисаад̣̇о жинд̇зси – ‘‘рааж̇аа алан̇гад̇агаалз бхаариго бхависсад̇и, саллахугагаалзязва нам̣ г̇ан̣хиссаамий’’д̇и. со над̣̇анд̇о ваг̇г̇анд̇о уд̣̇агз мажчам̣ аалул̣знд̇о виж̇ж̇улад̇аа вияа мад̇т̇агз каг̇г̇ам̣ бариб̣бхамзнд̇о ‘‘ахам̣ арз мануссажоро борисаад̣̇о’’д̇и наамам̣ саавзд̇ваа ан̇г̇улим̣ налаадз табзд̇ваа уд̣̇агаа уд̇д̇ари. д̇асса сад̣̇д̣̇ам̣ суд̇ваава хад̇т̇аарохаа хад̇т̇ийхи, ассаарохаа ассзхи, рат̇аарохаа рат̇зхи бхассим̣су. б̣алагааяо г̇ахид̇аг̇ахид̇аани аавуд̇хаани чад̣д̣зд̇ваа урзна бхуумияам̣ нибаж̇ж̇и.

    Iti vatvā, ‘‘mahārāja, imā kassapadasabalena desitā catasso satārahā gāthāyo ‘‘tumhe sutavittakā’ti sutvā tumhākaṃ desetuṃ āgatomhī’’ti āha. Rājā tuṭṭhamānaso hutvā, ‘‘ācariya , suṭṭhu te āgataṃ, mayā pana nivattituṃ na sakkā, ajja phussanakkhattayogena sīsaṃ nhāyituṃ āgatomhi, ahaṃ punadivase āgantvā sossāmi, tvaṃ mā ukkaṇṭhī’’ti vatvā ‘‘gacchatha brāhmaṇassa asukagehe sayanaṃ paññāpetvā ghāsacchādanaṃ saṃvidahathā’’ti amacce āṇāpetvā uyyānaṃ pāvisi. Taṃ aṭṭhārasahatthena pākārena parikkhittaṃ ahosi. Taṃ aññamaññaṃ saṅghaṭṭentā samantā hatthino parikkhipiṃsu, tato assā, tato rathā, tato dhanuggahā, tato pattīti, saṅkhubhitamahāsamuddo viya unnādento balakāyo ahosi. Atha rājā oḷārikāni ābharaṇāni omuñcitvā massukammaṃ kāretvā ubbaṭṭitasarīro pokkharaṇiyā anto rājavibhavena nhatvā paccuttaritvā udakaggahaṇasāṭakena nivāsetvā aṭṭhāsi. Athassa dussagandhamālālaṅkāre upanayiṃsu. Porisādo cintesi – ‘‘rājā alaṅkatakāle bhāriko bhavissati, sallahukakāleyeva naṃ gaṇhissāmī’’ti. So nadanto vagganto udake macchaṃ āluḷento vijjulatā viya matthake khaggaṃ paribbhamento ‘‘ahaṃ are manussacoro porisādo’’ti nāmaṃ sāvetvā aṅguliṃ nalāṭe ṭhapetvā udakā uttari. Tassa saddaṃ sutvāva hatthārohā hatthīhi, assārohā assehi, rathārohā rathehi bhassiṃsu. Balakāyo gahitagahitāni āvudhāni chaḍḍetvā urena bhūmiyaṃ nipajji.

    борисаад̣̇о суд̇асомам̣ угкибид̇ваа г̇ан̣хи, сзсарааж̇аано баад̣̇з г̇ахзд̇ваа ад̇хосийсагз гад̇ваа бан̣хияаа сийсам̣ бахаранд̇о г̇ажчад̇и. б̣од̇хисад̇д̇ам̣ бана убаг̇анд̇ваа онад̇о угкибид̇ваа канд̇хз нисийд̣̇аабзси. со ‘‘д̣̇ваарзна г̇аманам̣ бабан̃жо бхависсад̇ий’’д̇и саммукадтаанзязва адтаарасахад̇т̇ам̣ баагаарам̣ лан̇гхид̇ваа бурад̇о г̇алид̇амад̣̇амад̇д̇авааран̣агумбхз аггамид̇ваа баб̣б̣ад̇агуудаани баад̇знд̇о вияа ваад̇аж̇аваанам̣ ассад̇араанам̣ бидтз аггаманд̇о баад̇зд̇ваа рат̇ад̇хурарат̇асийсзсу аггамид̇ваа бхамигам̣ бхаманд̇о вияа нийлапалагаани ниг̇род̇хабад̇д̇аани мад̣̇д̣̇анд̇о вияа згавзг̇знзва д̇ияож̇анамад̇д̇ам̣ маг̇г̇ам̣ г̇анд̇ваа ‘‘ад̇т̇и ну ко гожи суд̇асомассад̇т̇ааяа бажчад̇о ааг̇ажчанд̇о’’д̇и ологзд̇ваа ган̃жи ад̣̇ид̇ваа сан̣игам̣ г̇ажчанд̇о суд̇асомасса гзсзхи уд̣̇агаб̣инд̣̇ууни ад̇д̇ано урз бад̇ид̇аани д̣̇исваа ‘‘маран̣асса абхааяанд̇о наама над̇т̇и, суд̇асомоби маран̣абхаязна род̣̇ад̇и ман̃н̃з’’д̇и жинд̇зд̇ваа ааха –

    Porisādo sutasomaṃ ukkhipitvā gaṇhi, sesarājāno pāde gahetvā adhosīsake katvā paṇhiyā sīsaṃ paharanto gacchati. Bodhisattaṃ pana upagantvā onato ukkhipitvā khandhe nisīdāpesi. So ‘‘dvārena gamanaṃ papañco bhavissatī’’ti sammukhaṭṭhāneyeva aṭṭhārasahatthaṃ pākāraṃ laṅghitvā purato galitamadamattavāraṇakumbhe akkamitvā pabbatakūṭāni pātento viya vātajavānaṃ assatarānaṃ piṭṭhe akkamanto pātetvā rathadhurarathasīsesu akkamitvā bhamikaṃ bhamanto viya nīlaphalakāni nigrodhapattāni maddanto viya ekavegeneva tiyojanamattaṃ maggaṃ gantvā ‘‘atthi nu kho koci sutasomassatthāya pacchato āgacchanto’’ti oloketvā kañci aditvā saṇikaṃ gacchanto sutasomassa kesehi udakabindūni attano ure patitāni disvā ‘‘maraṇassa abhāyanto nāma natthi, sutasomopi maraṇabhayena rodati maññe’’ti cintetvā āha –

    398.

    398.

    ‘‘на вз руд̣̇анд̇и мад̇иманд̇о сабан̃н̃аа, б̣ахуссуд̇аа яз б̣ахутаанажинд̇ино;

    ‘‘Na ve rudanti matimanto sapaññā, bahussutā ye bahuṭhānacintino;

    д̣̇ийбан̃хи зд̇ам̣ барамам̣ нараанам̣, яам̣ бан̣д̣ид̇аа согануд̣̇аа бхаванд̇и.

    Dīpañhi etaṃ paramaṃ narānaṃ, yaṃ paṇḍitā sokanudā bhavanti.

    399.

    399.

    ‘‘ад̇д̇аанам̣ н̃аад̇ий уд̣̇ааху буд̇д̇ад̣̇аарам̣, д̇хан̃н̃ам̣ д̇ханам̣ раж̇ад̇ам̣ ж̇аад̇аруубам̣;

    ‘‘Attānaṃ ñātī udāhu puttadāraṃ, dhaññaṃ dhanaṃ rajataṃ jātarūpaṃ;

    гимзва д̇вам̣ суд̇асомаануд̇аббз, гораб̣яасздта важанам̣ сун̣ома д̇зд̇а’’нд̇и.

    Kimeva tvaṃ sutasomānutappe, korabyaseṭṭha vacanaṃ suṇoma teta’’nti.

    д̇ад̇т̇а, бхо суд̇асома махаарааж̇а, яз бан̣д̣ид̇аа гим̣ бхууд̇аа? мад̇иманд̇о ад̇т̇аанад̇т̇ам̣ гааран̣аагааран̣ам̣ ж̇аананабан̃н̃ааяа саманнааг̇ад̇аа, саббан̃н̃аа вижаран̣абан̃н̃ааяа саманнааг̇ад̇аа, б̣ахуссуд̇аа б̣ахуссуд̇ад̇хараа б̣ахудтаанажинд̇ино б̣ахугааран̣ажинд̇анасийлаа, д̇з бан̣д̣ид̇аа маран̣абхаяз уббаннз сад̇и бхийд̇аа худ̇ваа вз зганд̇зна на руд̣̇анд̇и на барид̣̇званд̇и. д̣̇ийбам̣ хийд̇и, бхо суд̇асома махаарааж̇а хи гасмаа бана вад̣̇аами, махаасамуд̣̇д̣̇з бхиннанааваанам̣ ваан̣иж̇агаанам̣ ж̇анаанам̣ бад̇идтаабхууд̇ам̣ махаад̣̇ийбам̣ ива, звамби д̇ат̇аа зд̇ам̣ бан̣д̣ид̇ам̣ аббадисаран̣аанам̣ нараанам̣ барамам̣. яам̣ язна гааран̣зна яз бан̣д̣ид̇аа согийнам̣ ж̇анаанам̣ согануд̣̇аа бхаванд̇и, бхо суд̇асома махаарааж̇а, д̇вам̣ маран̣абхаязна барид̣̇звийд̇и ман̃н̃з ман̃н̃аами. ад̇д̇аананд̇и, бхо суд̇асома махаарааж̇а, ад̇д̇ахзд̇у уд̣̇ааху н̃аад̇ихзд̇у буд̇д̇ад̣̇аарахзд̇у уд̣̇ааху д̇хан̃н̃ад̇ханараж̇ад̇аж̇аад̇аруубахзд̇у гимзва д̇вам̣ гимзва д̇хаммаж̇аад̇ам̣ д̇вам̣ ануд̇аббз ануд̇аббзяяааси. гораб̣яасздта гурурадтаваасийнам̣ сздта уд̇д̇ама, бхо махаарааж̇а, зд̇ам̣ д̇ава важанам̣ сун̣омаад̇и.

    Tattha, bho sutasoma mahārāja, ye paṇḍitā kiṃ bhūtā? Matimanto atthānatthaṃ kāraṇākāraṇaṃ jānanapaññāya samannāgatā, sappaññā vicaraṇapaññāya samannāgatā, bahussutā bahussutadharā bahuṭṭhānacintino bahukāraṇacintanasīlā, te paṇḍitā maraṇabhaye uppanne sati bhītā hutvā ve ekantena na rudanti na paridevanti. Dīpaṃ hīti, bho sutasoma mahārāja hi kasmā pana vadāmi, mahāsamudde bhinnanāvānaṃ vāṇijakānaṃ janānaṃ patiṭṭhābhūtaṃ mahādīpaṃ iva, evampi tathā etaṃ paṇḍitaṃ appaṭisaraṇānaṃ narānaṃ paramaṃ. Yaṃ yena kāraṇena ye paṇḍitā sokīnaṃ janānaṃ sokanudā bhavanti, bho sutasoma mahārāja, tvaṃ maraṇabhayena paridevīti maññe maññāmi. Attānanti, bho sutasoma mahārāja, attahetu udāhu ñātihetu puttadārahetu udāhu dhaññadhanarajatajātarūpahetu kimeva tvaṃ kimeva dhammajātaṃ tvaṃ anutappe anutappeyyāsi. Korabyaseṭṭha kururaṭṭhavāsīnaṃ seṭṭha uttama, bho mahārāja, etaṃ tava vacanaṃ suṇomāti.

    суд̇асомо ааха –

    Sutasomo āha –

    400.

    400.

    ‘‘нзваахамад̇д̇аанамануд̇т̇унаами, на буд̇д̇ад̣̇аарам̣ на д̇ханам̣ на радтам̣;

    ‘‘Nevāhamattānamanutthunāmi, na puttadāraṃ na dhanaṃ na raṭṭhaṃ;

    сад̇ан̃жа д̇хаммо жарид̇о бураан̣о, д̇ам̣ сан̇г̇арам̣ б̣раахман̣ассаануд̇аббз.

    Satañca dhammo carito purāṇo, taṃ saṅgaraṃ brāhmaṇassānutappe.

    401.

    401.

    ‘‘гад̇о маяаа сан̇г̇аро б̣раахман̣зна, радтз сагз иссарияз тид̇зна;

    ‘‘Kato mayā saṅgaro brāhmaṇena, raṭṭhe sake issariye ṭhitena;

    д̇ам̣ сан̇г̇арам̣ б̣раахман̣асаббад̣̇ааяа, сажжаанурагкий бунарааваж̇исса’’нд̇и.

    Taṃ saṅgaraṃ brāhmaṇasappadāya, saccānurakkhī punarāvajissa’’nti.

    д̇ад̇т̇а нзваахамад̇д̇аанамануд̇т̇унаамийд̇и ахам̣ д̇аава ад̇д̇ад̇т̇ааяа нзва род̣̇аами на сожаами, имзсамби буд̇д̇аад̣̇ийнам̣ ад̇т̇ааяа на род̣̇аами на сожаами, абижа ко бана сад̇ам̣ бан̣д̣ид̇аанам̣ жарид̇о бураан̣ад̇хаммо ад̇т̇и, яам̣ сан̇г̇арам̣ гад̇ваа бажчаа ануд̇аббанам̣ наама, д̇ам̣ сан̇г̇арам̣ б̣раахман̣асса ахам̣ анусожаамийд̇и ад̇т̇о . сажжаанурагкийд̇и сажжам̣ анурагканд̇о. со хи б̣раахман̣о д̇аггасилад̇о гассабад̣̇асаб̣алзна д̣̇зсид̇аа жад̇ассо сад̇аарахаа г̇аат̇ааяо аад̣̇ааяа ааг̇ад̇о, д̇ассаахам̣ ааг̇анд̇угавад̇д̇ам̣ гаарзд̇ваа ‘‘нхад̇ваа ааг̇ад̇о сун̣иссаами, яаава мамааг̇аманаа ааг̇амзхий’’д̇и сан̇г̇арам̣ гад̇ваа ааг̇ад̇о, д̇вам̣ д̇аа г̇аат̇ааяо сод̇ум̣ ад̣̇ад̇ваава мам̣ г̇ан̣хи. сажз мам̣ виссаж̇ж̇зси, д̇ам̣ д̇хаммам̣ суд̇ваа сажжаанурагкий бунарааваж̇иссаамийд̇и вад̣̇ад̇и.

    Tattha nevāhamattānamanutthunāmīti ahaṃ tāva attatthāya neva rodāmi na socāmi, imesampi puttādīnaṃ atthāya na rodāmi na socāmi, apica kho pana sataṃ paṇḍitānaṃ carito purāṇadhammo atthi, yaṃ saṅgaraṃ katvā pacchā anutappanaṃ nāma, taṃ saṅgaraṃ brāhmaṇassa ahaṃ anusocāmīti attho . Saccānurakkhīti saccaṃ anurakkhanto. So hi brāhmaṇo takkasilato kassapadasabalena desitā catasso satārahā gāthāyo ādāya āgato, tassāhaṃ āgantukavattaṃ kāretvā ‘‘nhatvā āgato suṇissāmi, yāva mamāgamanā āgamehī’’ti saṅgaraṃ katvā āgato, tvaṃ tā gāthāyo sotuṃ adatvāva maṃ gaṇhi. Sace maṃ vissajjesi, taṃ dhammaṃ sutvā saccānurakkhī punarāvajissāmīti vadati.

    ат̇а нам̣ борисаад̣̇о ааха –

    Atha naṃ porisādo āha –

    401.

    401.

    ‘‘нзваахамзд̇ам̣ абхисад̣̇д̣̇ахаами, сукий наро мажжумукаа бамуд̇д̇о;

    ‘‘Nevāhametaṃ abhisaddahāmi, sukhī naro maccumukhā pamutto;

    амид̇д̇ахад̇т̇ам̣ бунарааваж̇зяяа, гораб̣яасздта на хи мам̣ убзси.

    Amittahatthaṃ punarāvajeyya, korabyaseṭṭha na hi maṃ upesi.

    403.

    403.

    ‘‘муд̇д̇о д̇увам̣ борисаад̣̇асса хад̇т̇аа, г̇анд̇ваа сагам̣ манд̣̇ирам̣ гаамагаамий;

    ‘‘Mutto tuvaṃ porisādassa hatthā, gantvā sakaṃ mandiraṃ kāmakāmī;

    мад̇хурам̣ бияам̣ ж̇ийвид̇ам̣ лад̣̇д̇ха рааж̇а, гуд̇о д̇увам̣ зхиси мз сагааса’’нд̇и.

    Madhuraṃ piyaṃ jīvitaṃ laddha rāja, kuto tuvaṃ ehisi me sakāsa’’nti.

    д̇ад̇т̇а сукийд̇и сукаббад̇д̇о худ̇ваа. мажжумукаа бамуд̇д̇од̇и маад̣̇исасса жорасса хад̇т̇ад̇о муд̇д̇ад̇ааяа маран̣амукаа муд̇д̇о наама худ̇ваа амид̇д̇ахад̇т̇ам̣ бунарааваж̇зяяа ааг̇ажчзяяа, ахам̣ зд̇ам̣ важанам̣ нзва абхисад̣̇д̣̇ахаами, гораб̣яасздта д̇вам̣ мама санд̇игам̣ на хи убзси. муд̇д̇од̇и суд̇асома д̇увам̣ борисаад̣̇асса хад̇т̇ад̇о муд̇д̇о. сагам̣ манд̣̇иранд̇и рааж̇ад̇хааниг̇зхам̣ г̇анд̇ваа. гаамагаамийд̇и гаамам̣ гаамаяамаано. лад̣̇д̇хаад̇и ад̇ивияа бияам̣ ж̇ийвид̇ам̣ лабхид̇ваа д̇увам̣ мз мама санд̇игз гуд̇о гзна наама гааран̣зна зхиси.

    Tattha sukhīti sukhappatto hutvā. Maccumukhā pamuttoti mādisassa corassa hatthato muttatāya maraṇamukhā mutto nāma hutvā amittahatthaṃ punarāvajeyya āgaccheyya, ahaṃ etaṃ vacanaṃ neva abhisaddahāmi, korabyaseṭṭha tvaṃ mama santikaṃ na hi upesi. Muttoti sutasoma tuvaṃ porisādassa hatthato mutto. Sakaṃ mandiranti rājadhānigehaṃ gantvā. Kāmakāmīti kāmaṃ kāmayamāno. Laddhāti ativiya piyaṃ jīvitaṃ labhitvā tuvaṃ me mama santike kuto kena nāma kāraṇena ehisi.

    д̇ам̣ суд̇ваа махаасад̇д̇о сийхо вияа асамбхид̇о ааха –

    Taṃ sutvā mahāsatto sīho viya asambhito āha –

    404.

    404.

    ‘‘мад̇ам̣ варзяяа барисуд̣̇д̇хасийло, на ж̇ийвид̇ам̣ г̇арахид̇о баабад̇хаммо;

    ‘‘Mataṃ vareyya parisuddhasīlo, na jīvitaṃ garahito pāpadhammo;

    на хи д̇ам̣ нарам̣ д̇ааяад̇и д̣̇уг̇г̇ад̇ийхи, яассааби хзд̇у алигам̣ бхан̣зяяа.

    Na hi taṃ naraṃ tāyati duggatīhi, yassāpi hetu alikaṃ bhaṇeyya.

    405.

    405.

    ‘‘сажзби ваад̇о г̇иримаавахзяяа, жанд̣̇о жа суурияо жа чамаа бад̇зяяум̣;

    ‘‘Sacepi vāto girimāvaheyya, cando ca sūriyo ca chamā pateyyuṃ;

    саб̣б̣аа жа наж̇ж̇о бадисод̇ам̣ важ̇зяяум̣, на д̇взвахам̣ рааж̇а мусаа бхан̣зяяам̣.

    Sabbā ca najjo paṭisotaṃ vajeyyuṃ, na tvevahaṃ rāja musā bhaṇeyyaṃ.

    406.

    406.

    ‘‘набхам̣ палзяяа уд̣̇ад̇хийби суссз, сам̣вад̇д̇аяз бхууд̇ад̇хараа васунд̇хараа;

    ‘‘Nabhaṃ phaleyya udadhīpi susse, saṃvattaye bhūtadharā vasundharā;

    силужжаяо мзру самууламуббад̇з, на д̇взвахам̣ рааж̇а мусаа бхан̣зяяа’’нд̇и.

    Siluccayo meru samūlamuppate, na tvevahaṃ rāja musā bhaṇeyya’’nti.

    д̇ад̇т̇а мад̇ам̣ варзяяаад̇и борисаад̣̇а яо наро барисуд̣̇д̇хасийло ж̇ийвид̇ахзд̇у ан̣умад̇д̇амби баабам̣ на гарод̇и, сийласамбанно худ̇ваа варзяяа д̇ам̣ маран̣ам̣ ижчзяяа, г̇арахид̇о баабад̇хаммо д̇ам̣ ж̇ийвид̇ам̣ на сзяяо, д̣̇уссийло буг̇г̇ало яассааби хзд̇у ад̇д̇аад̣̇иноби хзд̇у алигам̣ важанам̣ бхан̣зяяа, д̇ам̣ нарам̣ зваруубам̣ д̣̇уг̇г̇ад̇ийхи д̇ам̣ алигам̣ на д̇ааяад̇з. сажзби ваад̇о г̇иримаавахзяяаад̇и, самма борисаад̣̇а, д̇аяаа сад̣̇д̇хим̣ згаажарияагулз сигкид̇о зваруубо сахааяаго худ̇ваа ахам̣ ж̇ийвид̇ахзд̇у мусаа на гат̇зми, гим̣ на сад̣̇д̣̇ахаси. сажз бурад̇т̇имаад̣̇ибхзд̣̇о ваад̇о удтааяа маханд̇ам̣ г̇ирим̣ д̇уулабижум̣ вияа аагаасз аавахзяяа, жанд̣̇о жа суурияо жа ад̇д̇ано ад̇д̇ано вимаанзна сад̣̇д̇хим̣ чамаа бат̇авияам̣ бад̇зяяум̣, саб̣б̣ааби наж̇ж̇о бад̇исод̇ам̣ важ̇зяяум̣, бхо борисаад̣̇а , зваруубам̣ важанам̣ сажз бхан̣зяяа, д̇ам̣ сад̣̇д̣̇ахид̇аб̣б̣ам̣, ахам̣ мусаа бхан̣зяяам̣ ид̇и важанам̣ д̇уяхам̣ ж̇анзхи вуд̇д̇ам̣, на д̇взва д̇ам̣ сад̣̇д̣̇ахид̇аб̣б̣ам̣.

    Tattha mataṃ vareyyāti porisāda yo naro parisuddhasīlo jīvitahetu aṇumattampi pāpaṃ na karoti, sīlasampanno hutvā vareyya taṃ maraṇaṃ iccheyya, garahito pāpadhammo taṃ jīvitaṃ na seyyo, dussīlo puggalo yassāpi hetu attādinopi hetu alikaṃ vacanaṃ bhaṇeyya, taṃ naraṃ evarūpaṃ duggatīhi taṃ alikaṃ na tāyate. Sacepi vāto girimāvaheyyāti, samma porisāda, tayā saddhiṃ ekācariyakule sikkhito evarūpo sahāyako hutvā ahaṃ jīvitahetu musā na kathemi, kiṃ na saddahasi. Sace puratthimādibhedo vāto uṭṭhāya mahantaṃ giriṃ tūlapicuṃ viya ākāse āvaheyya, cando ca sūriyo ca attano attano vimānena saddhiṃ chamā pathaviyaṃ pateyyuṃ, sabbāpi najjo patisotaṃ vajeyyuṃ, bho porisāda , evarūpaṃ vacanaṃ sace bhaṇeyya, taṃ saddahitabbaṃ, ahaṃ musā bhaṇeyyaṃ iti vacanaṃ tuyhaṃ janehi vuttaṃ, na tveva taṃ saddahitabbaṃ.

    звам̣ вуд̇д̇зби со на сад̣̇д̣̇ахиязва. ат̇а б̣од̇хисад̇д̇о ‘‘аяам̣ маяхам̣ на сад̣̇д̣̇ахад̇и, сабат̇знаби нам̣ сад̣̇д̣̇ахаабзссаамий’’д̇и жинд̇зд̇ваа, ‘‘самма борисаад̣̇а, канд̇хад̇о д̇аава мам̣ од̇аарзхи, сабат̇ам̣ гад̇ваа д̇ам̣ сад̣̇д̣̇ахаабзссаамий’’д̇и вуд̇д̇з д̇зна од̇аарзд̇ваа бхуумияам̣ табид̇о сабат̇ам̣ гаронд̇о ааха –

    Evaṃ vuttepi so na saddahiyeva. Atha bodhisatto ‘‘ayaṃ mayhaṃ na saddahati, sapathenapi naṃ saddahāpessāmī’’ti cintetvā, ‘‘samma porisāda, khandhato tāva maṃ otārehi, sapathaṃ katvā taṃ saddahāpessāmī’’ti vutte tena otāretvā bhūmiyaṃ ṭhapito sapathaṃ karonto āha –

    407.

    407.

    ‘‘асин̃жа сад̇д̇ин̃жа бараамасаами, сабат̇амби д̇з самма ахам̣ гароми;

    ‘‘Asiñca sattiñca parāmasāmi, sapathampi te samma ahaṃ karomi;

    д̇аяаа бамуд̇д̇о анан̣о бхавид̇ваа, сажжаанурагкий бунарааваж̇исса’’нд̇и.

    Tayā pamutto anaṇo bhavitvā, saccānurakkhī punarāvajissa’’nti.

    д̇ассад̇т̇о – самма борисаад̣̇а, сажз ижчаси, зваруубзхи аавуд̇хзхи сам̣вихид̇аарагкз кад̇д̇ияагулз мз ниб̣б̣ад̇д̇и наама маа ход̇ууд̇и асин̃жа сад̇д̇ин̃жа бараамасаами. сажз ан̃н̃зхи рааж̇уухи агад̇д̇аб̣б̣ам̣ ан̃н̃ам̣ ваа яам̣ ижчаси, д̇ам̣ сабат̇амби д̇з, самма, ахам̣ гароми. яат̇аахам̣ д̇аяаа бамуд̇д̇о г̇анд̇ваа б̣раахман̣асса анан̣о худ̇ваа сажжаманурагканд̇о бунарааг̇амиссаамийд̇и.

    Tassattho – samma porisāda, sace icchasi, evarūpehi āvudhehi saṃvihitārakkhe khattiyakule me nibbatti nāma mā hotūti asiñca sattiñca parāmasāmi. Sace aññehi rājūhi akattabbaṃ aññaṃ vā yaṃ icchasi, taṃ sapathampi te, samma, ahaṃ karomi. Yathāhaṃ tayā pamutto gantvā brāhmaṇassa anaṇo hutvā saccamanurakkhanto punarāgamissāmīti.

    д̇ад̇о борисаад̣̇о ‘‘аяам̣ суд̇асомо кад̇д̇иязхи агад̇д̇аб̣б̣ам̣ сабат̇ам̣ гарод̇и, гим̣ мз иминаа, зса зд̇у ваа маа ваа, ахамби кад̇д̇ияарааж̇аа, мамзва б̣аахулохид̇ам̣ г̇ахзд̇ваа д̣̇звад̇ааяа б̣алигаммам̣ гариссаами, аяам̣ ад̇ивияа гиламад̇ий’’д̇и жинд̇зд̇ваа –

    Tato porisādo ‘‘ayaṃ sutasomo khattiyehi akattabbaṃ sapathaṃ karoti, kiṃ me iminā, esa etu vā mā vā, ahampi khattiyarājā, mameva bāhulohitaṃ gahetvā devatāya balikammaṃ karissāmi, ayaṃ ativiya kilamatī’’ti cintetvā –

    408.

    408.

    ‘‘яо д̇з гад̇о сан̇г̇аро б̣раахман̣зна, радтз сагз иссарияз тид̇зна;

    ‘‘Yo te kato saṅgaro brāhmaṇena, raṭṭhe sake issariye ṭhitena;

    д̇ам̣ сан̇г̇арам̣ б̣раахман̣асаббад̣̇ааяа, сажжаанурагкий бунарааваж̇ассуу’’д̇и.

    Taṃ saṅgaraṃ brāhmaṇasappadāya, saccānurakkhī punarāvajassū’’ti.

    д̇ад̇т̇а бунарааваж̇ассууд̇и буна ааг̇ажчзяяааси.

    Tattha punarāvajassūti puna āgaccheyyāsi.

    ат̇а нам̣ махаасад̇д̇о, ‘‘самма, маа жинд̇аяи, жад̇ассо сад̇аарахаа г̇аат̇аа суд̇ваа д̇хаммагат̇игасса бууж̇ам̣ гад̇ваа баад̇овааг̇амиссаамий’’д̇и вад̇ваа г̇аат̇амааха –

    Atha naṃ mahāsatto, ‘‘samma, mā cintayi, catasso satārahā gāthā sutvā dhammakathikassa pūjaṃ katvā pātovāgamissāmī’’ti vatvā gāthamāha –

    409.

    409.

    ‘‘яо мз гад̇о сан̇г̇аро б̣раахман̣зна, радтз сагз иссарияз тид̇зна;

    ‘‘Yo me kato saṅgaro brāhmaṇena, raṭṭhe sake issariye ṭhitena;

    д̇ам̣ сан̇г̇арам̣ б̣раахман̣асаббад̣̇ааяа, сажжаанурагкий бунарааваж̇исса’’нд̇и.

    Taṃ saṅgaraṃ brāhmaṇasappadāya, saccānurakkhī punarāvajissa’’nti.

    ат̇а нам̣ борисаад̣̇о, ‘‘махаарааж̇а, д̇умхз кад̇д̇иязхи агад̇д̇аб̣б̣ам̣ сабат̇ам̣ гарид̇т̇а, д̇ам̣ ануссарзяяаат̇аа’’д̇и вад̇ваа, ‘‘самма борисаад̣̇а, д̇вам̣ мам̣ д̣̇ахарагаалад̇о бадтааяа ж̇аанааси, хаасзнаби мз мусаа на гат̇ид̇абуб̣б̣аа, сохам̣ ид̣̇аани раж̇ж̇з бад̇идтид̇о д̇хаммаад̇хаммам̣ ж̇аананд̇о гим̣ мусаа гат̇зссаами, сад̣̇д̣̇ахаси маяхам̣ , ахам̣ д̇з свз б̣алигаммам̣ баабун̣иссаамий’’д̇и сад̣̇д̣̇ахаабид̇о ‘‘д̇зна хи г̇ажча, махаарааж̇а, д̇умхзсу анааг̇ад̇зсу б̣алигаммам̣ на бхависсад̇и, д̣̇звад̇ааби д̇умхзхи винаа на самбадижчад̇и, маа мз б̣алигаммасса анд̇арааяам̣ гарид̇т̇аа’’д̇и махаасад̇д̇ам̣ уяяож̇зси. со раахумукаа муд̇д̇ажанд̣̇о вияа нааг̇аб̣ало т̇аамасамбанно киббамзва наг̇арам̣ самбаабун̣и. сзнаабисса ‘‘суд̇асомо рааж̇аа бан̣д̣ид̇о мад̇хурад̇хаммагат̇иго згам̣ д̣̇вз гат̇аа гат̇зд̇ум̣ лабханд̇о борисаад̣̇ам̣ д̣̇амзд̇ваа сийхамукаа муд̇д̇амад̇д̇авааран̣о вияа ааг̇амиссад̇и, ‘имз рааж̇аанам̣ борисаад̣̇асса д̣̇ад̇ваа ааг̇ад̇аа’д̇и махааж̇ано г̇арахиссад̇ий’’д̇и жинд̇зд̇ваа б̣ахинаг̇арзязва канд̇хааваарам̣ гад̇ваа тид̇аа д̇ам̣ д̣̇уурад̇ова ааг̇ажчанд̇ам̣ д̣̇исваа бажжуг̇г̇анд̇ваа ванд̣̇ид̇ваа ‘‘гажжи, махаарааж̇а, борисаад̣̇зна гиламид̇о’’д̇и бадисант̇аарам̣ гад̇ваа ‘‘борисаад̣̇зна маяхам̣ маад̇аабид̇уухиби д̣̇уггарам̣ гад̇ам̣, д̇ат̇ааруубо наама жан̣д̣о саахасиго борисаад̣̇о мама д̇хаммагат̇ам̣ суд̇ваа мам̣ виссаж̇ж̇зсий’’д̇и вуд̇д̇з рааж̇аанам̣ алан̇гарид̇ваа хад̇т̇игканд̇хам̣ ааробзд̇ваа бариваарзд̇ваа наг̇арам̣ баависи. д̇ам̣ д̣̇исваа саб̣б̣з нааг̇араа д̇уссим̣су.

    Atha naṃ porisādo, ‘‘mahārāja, tumhe khattiyehi akattabbaṃ sapathaṃ karittha, taṃ anussareyyāthā’’ti vatvā, ‘‘samma porisāda, tvaṃ maṃ daharakālato paṭṭhāya jānāsi, hāsenapi me musā na kathitapubbā, sohaṃ idāni rajje patiṭṭhito dhammādhammaṃ jānanto kiṃ musā kathessāmi, saddahasi mayhaṃ , ahaṃ te sve balikammaṃ pāpuṇissāmī’’ti saddahāpito ‘‘tena hi gaccha, mahārāja, tumhesu anāgatesu balikammaṃ na bhavissati, devatāpi tumhehi vinā na sampaṭicchati, mā me balikammassa antarāyaṃ karitthā’’ti mahāsattaṃ uyyojesi. So rāhumukhā muttacando viya nāgabalo thāmasampanno khippameva nagaraṃ sampāpuṇi. Senāpissa ‘‘sutasomo rājā paṇḍito madhuradhammakathiko ekaṃ dve kathā kathetuṃ labhanto porisādaṃ dametvā sīhamukhā muttamattavāraṇo viya āgamissati, ‘ime rājānaṃ porisādassa datvā āgatā’ti mahājano garahissatī’’ti cintetvā bahinagareyeva khandhāvāraṃ katvā ṭhitā taṃ dūratova āgacchantaṃ disvā paccuggantvā vanditvā ‘‘kacci, mahārāja, porisādena kilamito’’ti paṭisanthāraṃ katvā ‘‘porisādena mayhaṃ mātāpitūhipi dukkaraṃ kataṃ, tathārūpo nāma caṇḍo sāhasiko porisādo mama dhammakathaṃ sutvā maṃ vissajjesī’’ti vutte rājānaṃ alaṅkaritvā hatthikkhandhaṃ āropetvā parivāretvā nagaraṃ pāvisi. Taṃ disvā sabbe nāgarā tussiṃsu.

    соби д̇хаммаг̇аруд̇ааяа д̇хаммасон̣д̣ад̇ааяа маад̇аабид̇аро ад̣̇исваава ‘‘бажчааби нз бассиссаамий’’д̇и рааж̇анивзсанам̣ бависид̇ваа рааж̇аасанз нисийд̣̇ид̇ваа б̣раахман̣ам̣ баггосаабзд̇ваа массугаммаад̣̇ийнисса аан̣аабзд̇ваа д̇ам̣ габбид̇агзсамассум̣ нхаад̇аанулид̇д̇ам̣ вад̇т̇аалан̇гаарабадиман̣д̣ид̇ам̣ гад̇ваа аанзд̇ваа д̣̇ассид̇агаалз саяам̣ бажчаа нхад̇ваа д̇асса ад̇д̇ано бхож̇анам̣ д̣̇аабзд̇ваа д̇асмим̣ бхуд̇д̇з саяам̣ бхун̃ж̇ид̇ваа д̇ам̣ махаарахз баллан̇гз нисийд̣̇аабзд̇ваа д̇хаммаг̇аругад̇ааяа асса г̇анд̇хамаалаад̣̇ийхи бууж̇ам̣ гад̇ваа саяам̣ нийжз аасанз нисийд̣̇ид̇ваа ‘‘д̇умхзхи маяхам̣ аабхад̇аа сад̇аарахаа г̇аат̇аа сун̣ома аажарияаа’’д̇и яаажи. д̇амад̇т̇ам̣ д̣̇ийбзнд̇о сад̇т̇аа г̇аат̇амааха –

    Sopi dhammagarutāya dhammasoṇḍatāya mātāpitaro adisvāva ‘‘pacchāpi ne passissāmī’’ti rājanivesanaṃ pavisitvā rājāsane nisīditvā brāhmaṇaṃ pakkosāpetvā massukammādīnissa āṇāpetvā taṃ kappitakesamassuṃ nhātānulittaṃ vatthālaṅkārapaṭimaṇḍitaṃ katvā ānetvā dassitakāle sayaṃ pacchā nhatvā tassa attano bhojanaṃ dāpetvā tasmiṃ bhutte sayaṃ bhuñjitvā taṃ mahārahe pallaṅke nisīdāpetvā dhammagarukatāya assa gandhamālādīhi pūjaṃ katvā sayaṃ nīce āsane nisīditvā ‘‘tumhehi mayhaṃ ābhatā satārahā gāthā suṇoma ācariyā’’ti yāci. Tamatthaṃ dīpento satthā gāthamāha –

    410.

    410.

    ‘‘муд̇д̇о жа со борисаад̣̇асса хад̇т̇аа, г̇анд̇ваана д̇ам̣ б̣раахман̣ам̣ зд̇ад̣̇авожа;

    ‘‘Mutto ca so porisādassa hatthā, gantvāna taṃ brāhmaṇaṃ etadavoca;

    сун̣оми г̇аат̇ааяо сад̇аарахааяо, яаа мз суд̇аа ассу хид̇ааяа б̣рахмз’’д̇и.

    Suṇomi gāthāyo satārahāyo, yā me sutā assu hitāya brahme’’ti.

    д̇ад̇т̇а зд̇ад̣̇авожаад̇и зд̇ам̣ авожа.

    Tattha etadavocāti etaṃ avoca.

    ат̇а б̣раахман̣о б̣од̇хисад̇д̇зна яаажид̇агаалз г̇анд̇хзхи хад̇т̇з уб̣б̣аддзд̇ваа басиб̣б̣агаа манорамам̣ бод̇т̇агам̣ нийхарид̇ваа убхохи хад̇т̇зхи г̇ахзд̇ваа ‘‘д̇зна хи, махаарааж̇а, гассабад̣̇асаб̣алзна д̣̇зсид̇аа рааг̇амад̣̇аад̣̇иниммад̣̇анаа амад̇амахааниб̣б̣аанасамбаабигаа жад̇ассо сад̇аарахаа г̇аат̇ааяо сун̣охий’’д̇и вад̇ваа бод̇т̇агам̣ ологзнд̇о ааха –

    Atha brāhmaṇo bodhisattena yācitakāle gandhehi hatthe ubbaṭṭetvā pasibbakā manoramaṃ potthakaṃ nīharitvā ubhohi hatthehi gahetvā ‘‘tena hi, mahārāja, kassapadasabalena desitā rāgamadādinimmadanā amatamahānibbānasampāpikā catasso satārahā gāthāyo suṇohī’’ti vatvā potthakaṃ olokento āha –

    411.

    411.

    ‘‘сагид̣̇зва суд̇асома, саб̣бхи ход̇и самааг̇амо;

    ‘‘Sakideva sutasoma, sabbhi hoti samāgamo;

    саа нам̣ сан̇г̇ад̇и баалзд̇и, наасаб̣бхи б̣аху сан̇г̇амо.

    Sā naṃ saṅgati pāleti, nāsabbhi bahu saṅgamo.

    412.

    412.

    ‘‘саб̣бхирзва самаасзт̇а, саб̣бхи губ̣б̣зт̇а сант̇авам̣;

    ‘‘Sabbhireva samāsetha, sabbhi kubbetha santhavaṃ;

    сад̇ам̣ сад̣̇д̇хаммаман̃н̃ааяа, сзяяо ход̇и на баабияо.

    Sataṃ saddhammamaññāya, seyyo hoti na pāpiyo.

    413.

    413.

    ‘‘ж̇ийранд̇и вз рааж̇арат̇аа сужид̇д̇аа, ат̇о сарийрамби ж̇арам̣ убзд̇и;

    ‘‘Jīranti ve rājarathā sucittā, atho sarīrampi jaraṃ upeti;

    сад̇ан̃жа д̇хаммо на ж̇арам̣ убзд̇и, санд̇о хавз саб̣бхи бавзд̣̇аяанд̇и.

    Satañca dhammo na jaraṃ upeti, santo have sabbhi pavedayanti.

    414.

    414.

    ‘‘набхан̃жа д̣̇уурз бат̇авий жа д̣̇уурз, баарам̣ самуд̣̇д̣̇асса д̇ад̣̇ааху д̣̇уурз;

    ‘‘Nabhañca dūre pathavī ca dūre, pāraṃ samuddassa tadāhu dūre;

    д̇ад̇о хавз д̣̇уурад̇арам̣ вад̣̇анд̇и, сад̇ан̃жа д̇хаммо асад̇ан̃жа рааж̇аа’’д̇и.

    Tato have dūrataraṃ vadanti, satañca dhammo asatañca rājā’’ti.

    д̇ад̇т̇а сагид̣̇зваад̇и згаваарамзва. саб̣бхийд̇и саббурисзхи. саа нанд̇и саа саб̣бхи саббурисзхи сан̇г̇ад̇и самааг̇амо згаваарам̣ бавад̇д̇оби д̇ам̣ буг̇г̇алам̣ баалзд̇и рагкад̇и. наасаб̣бхийд̇и асаббурисзхи бана б̣аху сужирамби гад̇о сан̇г̇амо згадтаанз ниваасо на баалзд̇и, на т̇ааваро ход̇ийд̇и ад̇т̇о. самаасзт̇аад̇и сад̣̇д̇хим̣ нисийд̣̇зяяа, саб̣б̣зби ирияаабат̇з бан̣д̣ид̇зхзва сад̣̇д̇хим̣ бавад̇д̇зяяаад̇и ад̇т̇о. сант̇аванд̇и мид̇д̇асант̇авам̣. сад̇ам̣ сад̣̇д̇хамманд̇и бан̣д̣ид̇аанам̣ б̣уд̣̇д̇хаад̣̇ийнам̣ сад̇д̇ад̇им̣саб̣од̇хибагкияад̇хаммасан̇каад̇ам̣ сад̣̇д̇хаммам̣. сзяяод̇и зд̇ам̣ д̇хаммам̣ н̃ад̇ваа вад̣дхиязва ход̇и, хаани наама над̇т̇ийд̇и ад̇т̇о. рааж̇арат̇аад̇и рааж̇уунам̣ аароханийяарат̇аа. сужид̇д̇аад̇и субаригаммагад̇аа. саб̣бхи бавзд̣̇аяанд̇ийд̇и б̣уд̣̇д̇хаад̣̇аяо санд̇о ‘‘саб̣бхий’’д̇и сан̇кам̣ г̇ад̇ам̣ собханам̣ уд̇д̇амам̣ ниб̣б̣аанам̣ бавзд̣̇знд̇и т̇омзнд̇и, со ниб̣б̣аанасан̇каад̇о сад̇ам̣ д̇хаммо ж̇арам̣ на убзд̇и на ж̇ийрад̇и. набханд̇и аагаасо. д̣̇уурзд̇и бат̇авий хи саббад̇идтаа саг̇ахан̣аа, аагаасо нирааламб̣о аббад̇идто, ид̇и убхо зд̇з згааб̣ад̣̇д̇хааби висам̣яог̇адтзна анубалид̇д̇адтзна жа д̣̇уурз наама хонд̇и. бааранд̇и оримад̇ийрад̇о барад̇ийрам̣. д̇ад̣̇аахууд̇и д̇ам̣ ааху.

    Tattha sakidevāti ekavārameva. Sabbhīti sappurisehi. Sā nanti sā sabbhi sappurisehi saṅgati samāgamo ekavāraṃ pavattopi taṃ puggalaṃ pāleti rakkhati. Nāsabbhīti asappurisehi pana bahu sucirampi kato saṅgamo ekaṭṭhāne nivāso na pāleti, na thāvaro hotīti attho. Samāsethāti saddhiṃ nisīdeyya, sabbepi iriyāpathe paṇḍiteheva saddhiṃ pavatteyyāti attho. Santhavanti mittasanthavaṃ. Sataṃ saddhammanti paṇḍitānaṃ buddhādīnaṃ sattatiṃsabodhipakkhiyadhammasaṅkhātaṃ saddhammaṃ. Seyyoti etaṃ dhammaṃ ñatvā vaḍḍhiyeva hoti, hāni nāma natthīti attho. Rājarathāti rājūnaṃ ārohanīyarathā. Sucittāti suparikammakatā. Sabbhi pavedayantīti buddhādayo santo ‘‘sabbhī’’ti saṅkhaṃ gataṃ sobhanaṃ uttamaṃ nibbānaṃ pavedenti thomenti, so nibbānasaṅkhāto sataṃ dhammo jaraṃ na upeti na jīrati. Nabhanti ākāso. Dūreti pathavī hi sappatiṭṭhā sagahaṇā, ākāso nirālambo appatiṭṭho, iti ubho ete ekābaddhāpi visaṃyogaṭṭhena anupalittaṭṭhena ca dūre nāma honti. Pāranti orimatīrato paratīraṃ. Tadāhūti taṃ āhu.

    ид̇и б̣раахман̣о жад̇ассо сад̇аарахаа г̇аат̇аа гассабад̣̇асаб̣алзна д̣̇зсид̇анияаамзна д̣̇зсзд̇ваа д̇ун̣хий ахоси . д̇ам̣ суд̇ваа махаасад̇д̇о ‘‘сабпалам̣ вад̇а мз ааг̇амана’’нд̇и д̇удтажид̇д̇о худ̇ваа ‘‘имаа г̇аат̇аа нзва саавагабхаасид̇аа, на исибхаасид̇аа, на гзнажи бхаасид̇аа, саб̣б̣ан̃н̃унаава бхаасид̇аа, гим̣ ну ко аг̇гханд̇ий’’д̇и жинд̇зд̇ваа ‘‘имаасам̣ сагаламби жаггаваал̣ам̣ яаава б̣рахмалогаа сад̇д̇арад̇анабун̣н̣ам̣ гад̇ваа д̣̇ад̣̇амааноби нзва анужчавигам̣ гаад̇ум̣ саггод̇и, ахам̣ ко банасса д̇ияож̇анасад̇з гурурадтз сад̇д̇аяож̇анигз инд̣̇абад̇т̇анаг̇арз раж̇ж̇ам̣ д̣̇аад̇ум̣ бахоми, ад̇т̇и ну квасса раж̇ж̇ам̣ гаарзд̇ум̣ бхааг̇яа’’нд̇и ан̇г̇авиж̇ж̇аанубхаавзна ологзнд̇о наад̣̇д̣̇аса. д̇ад̇о сзнаабад̇идтаанаад̣̇ийни ологзнд̇о згаг̇аамабхож̇агамад̇д̇ассаби бхааг̇яам̣ ад̣̇исваа д̇ханалаабхасса ологзнд̇о годид̇ханад̇о бадтааяа ологзд̇ваа жад̇уннам̣язва гахаабан̣асахассаанам̣ бхааг̇яам̣ д̣̇исваа ‘‘зд̇д̇агзна нам̣ бууж̇зссаамий’’д̇и жад̇ассо сахассад̇т̇авигаа д̣̇аабзд̇ваа, ‘‘аажарияа, д̇умхз ан̃н̃зсам̣ кад̇д̇ияаанам̣ имаа г̇аат̇аа д̣̇зсзд̇ваа гид̇д̇агам̣ д̇ханам̣ лабхат̇аа’’д̇и бужчад̇и. ‘‘згзгааяа г̇аат̇ааяа сад̇ам̣ сад̇ам̣, махаарааж̇а, д̇знзва д̇аа сад̇аарахаа наама ж̇аад̇аа’’д̇и. ат̇а нам̣ махаасад̇д̇о, ‘‘аажарияа, д̇вам̣ ад̇д̇анаа г̇ахзд̇ваа виггзяяабхан̣д̣асса аг̇гхамби на ж̇аанааси , ид̇о бадтааяа згзгаа г̇аат̇аа сахассаарахаа наама хонд̇уу’’д̇и вад̇ваа г̇аат̇амааха –

    Iti brāhmaṇo catasso satārahā gāthā kassapadasabalena desitaniyāmena desetvā tuṇhī ahosi . Taṃ sutvā mahāsatto ‘‘sapphalaṃ vata me āgamana’’nti tuṭṭhacitto hutvā ‘‘imā gāthā neva sāvakabhāsitā, na isibhāsitā, na kenaci bhāsitā, sabbaññunāva bhāsitā, kiṃ nu kho agghantī’’ti cintetvā ‘‘imāsaṃ sakalampi cakkavāḷaṃ yāva brahmalokā sattaratanapuṇṇaṃ katvā dadamānopi neva anucchavikaṃ kātuṃ sakkoti, ahaṃ kho panassa tiyojanasate kururaṭṭhe sattayojanike indapatthanagare rajjaṃ dātuṃ pahomi, atthi nu khvassa rajjaṃ kāretuṃ bhāgya’’nti aṅgavijjānubhāvena olokento nāddasa. Tato senāpatiṭṭhānādīni olokento ekagāmabhojakamattassapi bhāgyaṃ adisvā dhanalābhassa olokento koṭidhanato paṭṭhāya oloketvā catunnaṃyeva kahāpaṇasahassānaṃ bhāgyaṃ disvā ‘‘ettakena naṃ pūjessāmī’’ti catasso sahassatthavikā dāpetvā, ‘‘ācariya, tumhe aññesaṃ khattiyānaṃ imā gāthā desetvā kittakaṃ dhanaṃ labhathā’’ti pucchati. ‘‘Ekekāya gāthāya sataṃ sataṃ, mahārāja, teneva tā satārahā nāma jātā’’ti. Atha naṃ mahāsatto, ‘‘ācariya, tvaṃ attanā gahetvā vikkeyyabhaṇḍassa agghampi na jānāsi , ito paṭṭhāya ekekā gāthā sahassārahā nāma hontū’’ti vatvā gāthamāha –

    415.

    415.

    ‘‘сахассияаа имаа г̇аат̇аа, нахимаа г̇аат̇аа сад̇аарахаа;

    ‘‘Sahassiyā imā gāthā, nahimā gāthā satārahā;

    жад̇д̇аари д̇вам̣ сахассаани, киббам̣ г̇ан̣хаахи б̣раахман̣аа’’д̇и.

    Cattāri tvaṃ sahassāni, khippaṃ gaṇhāhi brāhmaṇā’’ti.

    д̇ассад̇т̇о – б̣раахман̣а, имаа г̇аат̇аа сахассияаа сахассаарахаа, имаа г̇аат̇аа сад̇аарахаа на хи хонд̇у, б̣раахман̣а, д̇вам̣ жад̇д̇аари сахассаани киббам̣ г̇ан̣хаад̇и.

    Tassattho – brāhmaṇa, imā gāthā sahassiyā sahassārahā, imā gāthā satārahā na hi hontu, brāhmaṇa, tvaṃ cattāri sahassāni khippaṃ gaṇhāti.

    ат̇асса згам̣ сукаяаанагам̣ д̣̇ад̇ваа ‘‘б̣раахман̣ам̣ сод̇т̇инаа г̇зхам̣ самбаабзт̇аа’’д̇и бурисз аан̣аабзд̇ваа д̇ам̣ уяяож̇зси. д̇асмим̣ кан̣з ‘‘суд̇асомаран̃н̃аа сад̇аарахаа г̇аат̇аа сахассаарахаа гад̇ваа бууж̇ид̇аа саад̇ху саад̇хуу’’д̇и махаасаад̇хугаарасад̣̇д̣̇о ахоси. д̇асса маад̇аабид̇аро д̇ам̣ сад̣̇д̣̇ам̣ суд̇ваа ‘‘гим̣ сад̣̇д̣̇о наамзсаа’’д̇и бужчид̇ваа яат̇аабхууд̇ам̣ суд̇ваа ад̇д̇ано д̇ханалобхад̇ааяа махаасад̇д̇асса гуж̇жхим̣су. соби б̣раахман̣ам̣ уяяож̇зд̇ваа д̇зсам̣ санд̇игам̣ г̇анд̇ваа ванд̣̇ид̇ваа адтааси. ат̇асса бид̇аа ‘‘гат̇ам̣, д̇аад̇а, зваруубасса саахасигасса жорасса хад̇т̇ад̇о муд̇д̇осий’’д̇и бадисант̇аарамад̇д̇амби агад̇ваа ад̇д̇ано д̇ханалобхад̇ааяа ‘‘сажжам̣ гира, д̇аад̇а, д̇аяаа жад̇ассо г̇аат̇аа суд̇ваа жад̇д̇аари сахассаани д̣̇иннааний’’д̇и бужчид̇ваа ‘‘сажжа’’нд̇и вуд̇д̇з г̇аат̇амааха –

    Athassa ekaṃ sukhayānakaṃ datvā ‘‘brāhmaṇaṃ sotthinā gehaṃ sampāpethā’’ti purise āṇāpetvā taṃ uyyojesi. Tasmiṃ khaṇe ‘‘sutasomaraññā satārahā gāthā sahassārahā katvā pūjitā sādhu sādhū’’ti mahāsādhukārasaddo ahosi. Tassa mātāpitaro taṃ saddaṃ sutvā ‘‘kiṃ saddo nāmesā’’ti pucchitvā yathābhūtaṃ sutvā attano dhanalobhatāya mahāsattassa kujjhiṃsu. Sopi brāhmaṇaṃ uyyojetvā tesaṃ santikaṃ gantvā vanditvā aṭṭhāsi. Athassa pitā ‘‘kathaṃ, tāta, evarūpassa sāhasikassa corassa hatthato muttosī’’ti paṭisanthāramattampi akatvā attano dhanalobhatāya ‘‘saccaṃ kira, tāta, tayā catasso gāthā sutvā cattāri sahassāni dinnānī’’ti pucchitvā ‘‘sacca’’nti vutte gāthamāha –

    416.

    416.

    ‘‘аасийд̇ияаа наавуд̇ияаа жа г̇аат̇аа, сад̇аарахаа жааби бхавзяяа г̇аат̇аа;

    ‘‘Āsītiyā nāvutiyā ca gāthā, satārahā cāpi bhaveyya gāthā;

    бажжад̇д̇амзва суд̇асома ж̇аанахи, сахассияаа наама гаа ад̇т̇и г̇аат̇аа’’д̇и.

    Paccattameva sutasoma jānahi, sahassiyā nāma kā atthi gāthā’’ti.

    д̇ассад̇т̇о – г̇аат̇аа наама, д̇аад̇а, аасийд̇ияаа жа наавуд̇ияаа жа сад̇аарахаа жааби бхавзяяа, бажжад̇д̇амзва ад̇д̇анаава ж̇аанаахи, сахассаарахаа наама г̇аат̇аа гаа гасса санд̇игз ад̇т̇ийд̇и.

    Tassattho – gāthā nāma, tāta, āsītiyā ca nāvutiyā ca satārahā cāpi bhaveyya, paccattameva attanāva jānāhi, sahassārahā nāma gāthā kā kassa santike atthīti.

    ат̇а нам̣ махаасад̇д̇о ‘‘наахам̣, д̇аад̇а, д̇ханзна вуд̣̇д̇хим̣ ижчаами, суд̇зна бана ижчаамий’’д̇и сан̃н̃аабзнд̇о ааха –

    Atha naṃ mahāsatto ‘‘nāhaṃ, tāta, dhanena vuddhiṃ icchāmi, sutena pana icchāmī’’ti saññāpento āha –

    417.

    417.

    ‘‘ижчаами вохам̣ суд̇авуд̣̇д̇химад̇д̇ано, санд̇од̇и мам̣ саббурисаа бхаж̇зяяум̣;

    ‘‘Icchāmi vohaṃ sutavuddhimattano, santoti maṃ sappurisā bhajeyyuṃ;

    ахам̣ саванд̇ийхи маход̣̇ад̇хийва, на хи д̇аад̇а д̇аббаами субхаасид̇зна.

    Ahaṃ savantīhi mahodadhīva, na hi tāta tappāmi subhāsitena.

    418.

    418.

    ‘‘аг̇г̇и яат̇аа д̇ин̣агадтам̣ д̣̇аханд̇о, на габбад̇ий сааг̇арова над̣̇ийбхи;

    ‘‘Aggi yathā tiṇakaṭṭhaṃ dahanto, na kappatī sāgarova nadībhi;

    звамби д̇з бан̣д̣ид̇аа рааж̇асздта, суд̇ваа на д̇аббанд̇и субхаасид̇зна.

    Evampi te paṇḍitā rājaseṭṭha, sutvā na tappanti subhāsitena.

    419.

    419.

    ‘‘сагасса д̣̇аасасса яад̣̇аа сун̣оми, г̇аат̇ам̣ ахам̣ ад̇т̇авад̇им̣ ж̇анинд̣̇а;

    ‘‘Sakassa dāsassa yadā suṇomi, gāthaṃ ahaṃ atthavatiṃ janinda;

    д̇амзва саггажжа нисаамаяаами, на хи д̇аад̇а д̇хаммзсу мамад̇т̇и д̇ид̇д̇ий’’д̇и.

    Tameva sakkacca nisāmayāmi, na hi tāta dhammesu mamatthi tittī’’ti.

    д̇ад̇т̇а вод̇и нибаад̇амад̇д̇ам̣. ‘‘санд̇о’’д̇и зд̇з жа мам̣ бхаж̇зяяум̣ ид̇и ижчаами. саванд̇ийхийд̇и над̣̇ийхи. сагассаад̇и д̇идтад̇у, нанд̣̇а, б̣раахман̣о, яад̣̇аа ахам̣ ад̇д̇ано д̣̇аасассаби санд̇игз сун̣оми, д̇аад̇а, д̇хаммзсу мама д̇ид̇д̇и на хи ад̇т̇ийд̇и.

    Tattha voti nipātamattaṃ. ‘‘Santo’’ti ete ca maṃ bhajeyyuṃ iti icchāmi. Savantīhīti nadīhi. Sakassāti tiṭṭhatu, nanda, brāhmaṇo, yadā ahaṃ attano dāsassapi santike suṇomi, tāta, dhammesu mama titti na hi atthīti.

    зван̃жа бана вад̇ваа ‘‘маа мам̣, д̇аад̇а, д̇ханахзд̇у барибхаасаси, ахам̣ д̇хаммам̣ суд̇ваа ааг̇амиссаамий’’д̇и сабат̇ам̣ гад̇ваа ааг̇ад̇о, ид̣̇аанаахам̣ борисаад̣̇асса санд̇игам̣ г̇амиссаами, ид̣̇ам̣ д̇з раж̇ж̇ам̣ г̇ан̣хат̇аа’’д̇и раж̇ж̇ам̣ нияяаад̣̇знд̇о г̇аат̇амааха –

    Evañca pana vatvā ‘‘mā maṃ, tāta, dhanahetu paribhāsasi, ahaṃ dhammaṃ sutvā āgamissāmī’’ti sapathaṃ katvā āgato, idānāhaṃ porisādassa santikaṃ gamissāmi, idaṃ te rajjaṃ gaṇhathā’’ti rajjaṃ niyyādento gāthamāha –

    420.

    420.

    ‘‘ид̣̇ам̣ д̇з радтам̣ сад̇ханам̣ саяог̇г̇ам̣, сагааяурам̣ саб̣б̣агаамуубабаннам̣;

    ‘‘Idaṃ te raṭṭhaṃ sadhanaṃ sayoggaṃ, sakāyuraṃ sabbakāmūpapannaṃ;

    гим̣ гаамахзд̇у барибхаасаси мам̣, г̇ажчаамахам̣ борисаад̣̇асса н̃ад̇д̇з’’д̇и.

    Kiṃ kāmahetu paribhāsasi maṃ, gacchāmahaṃ porisādassa ñatte’’ti.

    д̇ад̇т̇а н̃ад̇д̇зд̇и санд̇игз.

    Tattha ñatteti santike.

    д̇асмим̣ самаяз бид̇уран̃н̃о хад̣̇аяам̣ ун̣хам̣ ахоси. со, ‘‘д̇аад̇а суд̇асома, гим̣ наамзд̇ам̣ гат̇зси, маяам̣ жад̇уран̇г̇инияаа сзнааяа жорам̣ г̇ахзссаамаа’’д̇и вад̇ваа г̇аат̇амааха –

    Tasmiṃ samaye piturañño hadayaṃ uṇhaṃ ahosi. So, ‘‘tāta sutasoma, kiṃ nāmetaṃ kathesi, mayaṃ caturaṅginiyā senāya coraṃ gahessāmā’’ti vatvā gāthamāha –

    421.

    421.

    ‘‘ад̇д̇аанурагкааяа бхаванд̇и хзд̇з, хад̇т̇аарохаа рат̇игаа бад̇д̇игаа жа;

    ‘‘Attānurakkhāya bhavanti hete, hatthārohā rathikā pattikā ca;

    ассаарохаа яз жа д̇хануг̇г̇ахаасз, сзнам̣ баяун̃ж̇аама ханаама сад̇д̇у’’нд̇и.

    Assārohā ye ca dhanuggahāse, senaṃ payuñjāma hanāma sattu’’nti.

    д̇ад̇т̇а ханаамаад̇и сажз звам̣ баяож̇ид̇аа сзнаа д̇ам̣ г̇ахзд̇ум̣ на саггонд̇и, ат̇а нам̣ сагаларадтаваасино г̇ахзд̇ваа г̇анд̇ваа ханаама сад̇д̇ум̣, маарзма д̇ам̣ амхаагам̣ бажжаамид̇д̇анд̇и ад̇т̇о.

    Tattha hanāmāti sace evaṃ payojitā senā taṃ gahetuṃ na sakkonti, atha naṃ sakalaraṭṭhavāsino gahetvā gantvā hanāma sattuṃ, mārema taṃ amhākaṃ paccāmittanti attho.

    ат̇а нам̣ маад̇аабид̇аро ассубун̣н̣амукаа род̣̇амаанаа вилабанд̇аа, ‘‘д̇аад̇а, маа г̇ажча, г̇анд̇ум̣ на лаб̣бхаа’’д̇и яаажим̣су. сол̣асасахассаа наадагид̇т̇ияоби сзсабариж̇аноби ‘‘амхз анаат̇з гад̇ваа гухим̣ г̇ажчаси, д̣̇зваа’’д̇и барид̣̇звим̣су. сагаланаг̇арз гожи сагабхаавзна сан̣таад̇ум̣ асаггонд̇о ‘‘суд̇асомо борисаад̣̇асса гира бадин̃н̃ам̣ д̣̇ад̇ваа ааг̇ад̇о, ид̣̇аани жад̇ассо сад̇аарахаа г̇аат̇аа суд̇ваа д̇хаммагат̇игасса саггаарам̣ гад̇ваа маад̇аабид̇аро ванд̣̇ид̇ваа бунаби гира жорасса санд̇игам̣ г̇амиссад̇ий’’д̇и сагаланаг̇арам̣ згаголаахалам̣ ахоси. соби маад̇аабид̇уунам̣ важанам̣ суд̇ваа г̇аат̇амааха –

    Atha naṃ mātāpitaro assupuṇṇamukhā rodamānā vilapantā, ‘‘tāta, mā gaccha, gantuṃ na labbhā’’ti yāciṃsu. Soḷasasahassā nāṭakitthiyopi sesaparijanopi ‘‘amhe anāthe katvā kuhiṃ gacchasi, devā’’ti parideviṃsu. Sakalanagare koci sakabhāvena saṇṭhātuṃ asakkonto ‘‘sutasomo porisādassa kira paṭiññaṃ datvā āgato, idāni catasso satārahā gāthā sutvā dhammakathikassa sakkāraṃ katvā mātāpitaro vanditvā punapi kira corassa santikaṃ gamissatī’’ti sakalanagaraṃ ekakolāhalaṃ ahosi. Sopi mātāpitūnaṃ vacanaṃ sutvā gāthamāha –

    422.

    422.

    ‘‘суд̣̇уггарам̣ борисаад̣̇о агааси, ж̇ийвам̣ г̇ахзд̇ваана авассаж̇ий мам̣;

    ‘‘Sudukkaraṃ porisādo akāsi, jīvaṃ gahetvāna avassajī maṃ;

    д̇ам̣ д̇аад̣̇исам̣ буб̣б̣агижжам̣ саранд̇о, д̣̇уб̣бхз ахам̣ д̇асса гат̇ам̣ ж̇анинд̣̇аа’’д̇и.

    Taṃ tādisaṃ pubbakiccaṃ saranto, dubbhe ahaṃ tassa kathaṃ janindā’’ti.

    д̇ад̇т̇а ж̇ийвам̣ г̇ахзд̇ваанаад̇и ж̇ийваг̇г̇аахам̣ г̇ахзд̇ваа. д̇ам̣ д̇аад̣̇исанд̇и д̇ам̣ д̇зна гад̇ам̣ д̇ат̇ааруубам̣. буб̣б̣агижжанд̇и буримам̣ убагаарам̣. ж̇анинд̣̇аад̇и бид̇арам̣ аалабад̇и.

    Tattha jīvaṃ gahetvānāti jīvaggāhaṃ gahetvā. Taṃ tādisanti taṃ tena kataṃ tathārūpaṃ. Pubbakiccanti purimaṃ upakāraṃ. Janindāti pitaraṃ ālapati.

    со маад̇аабид̇аро ассаасзд̇ваа, ‘‘амма д̇аад̇аа, д̇умхз маяхам̣ маа жинд̇аяид̇т̇а, гад̇агаляаан̣о ахам̣, мама чагаамассаг̇г̇иссарияам̣ на д̣̇уллабха’’нд̇и маад̇аабид̇аро ванд̣̇ид̇ваа аабужчид̇ваа сзсаж̇анам̣ анусаасид̇ваа баггаами. д̇амад̇т̇ам̣ багаасзнд̇о сад̇т̇аа ааха –

    So mātāpitaro assāsetvā, ‘‘amma tātā, tumhe mayhaṃ mā cintayittha, katakalyāṇo ahaṃ, mama chakāmassaggissariyaṃ na dullabha’’nti mātāpitaro vanditvā āpucchitvā sesajanaṃ anusāsitvā pakkāmi. Tamatthaṃ pakāsento satthā āha –

    423.

    423.

    ‘‘ванд̣̇ид̇ваа со бид̇арам̣ маад̇аран̃жа, анусаасид̇ваа нзг̇аман̃жа б̣алан̃жа;

    ‘‘Vanditvā so pitaraṃ mātarañca, anusāsitvā negamañca balañca;

    сажжаваад̣̇ий сажжаанурагкамаано, аг̇амааси со яад̇т̇а борисаад̣̇о’’д̇и.

    Saccavādī saccānurakkhamāno, agamāsi so yattha porisādo’’ti.

    д̇ад̇т̇а сажжаанурагкамаанод̇и сажжам̣ анурагкамаано. аг̇амаасийд̇и д̇ам̣ рад̇д̇им̣ нивзсанзязва васид̇ваа бунад̣̇ивасз арун̣уг̇г̇аманавзлааяа маад̇аабид̇аро ванд̣̇ид̇ваа аабужчид̇ваа сзсаж̇анам̣ анусаасид̇ваа ассумукзна наанаббагаарам̣ барид̣̇званд̇зна ид̇т̇ааг̇аараад̣̇инаа махааж̇анзна ануг̇ад̇о наг̇араа нигкамма д̇ам̣ ж̇анам̣ нивад̇д̇зд̇ум̣ асаггонд̇о махаамаг̇г̇з д̣̇ан̣д̣агзна д̇ирияам̣ лзкам̣ гад̣дхид̇ваа ‘‘сажз маяи синзхо ад̇т̇и, имам̣ маа ад̇иггамим̣суу’’д̇и ааха. махааж̇ано сийлавад̇о д̇зж̇аванд̇асса аан̣ам̣ ад̇иггамид̇ум̣ асаггонд̇о махаасад̣̇д̣̇зна барид̣̇звамаано д̇ам̣ сийхавиж̇амбхид̇зна г̇ажчанд̇ам̣ ологзд̇ваа д̇асмим̣ д̣̇ассануубажаарам̣ ад̇игганд̇з згаравам̣ раванд̇о наг̇арам̣ баависи. соби ааг̇ад̇амаг̇г̇знзва д̇асса санд̇игам̣ г̇ад̇о. д̇зна вуд̇д̇ам̣ ‘‘аг̇амааси со яад̇т̇а борисаад̣̇о’’д̇и.

    Tattha saccānurakkhamānoti saccaṃ anurakkhamāno. Agamāsīti taṃ rattiṃ nivesaneyeva vasitvā punadivase aruṇuggamanavelāya mātāpitaro vanditvā āpucchitvā sesajanaṃ anusāsitvā assumukhena nānappakāraṃ paridevantena itthāgārādinā mahājanena anugato nagarā nikkhamma taṃ janaṃ nivattetuṃ asakkonto mahāmagge daṇḍakena tiriyaṃ lekhaṃ kaḍḍhitvā ‘‘sace mayi sineho atthi, imaṃ mā atikkamiṃsū’’ti āha. Mahājano sīlavato tejavantassa āṇaṃ atikkamituṃ asakkonto mahāsaddena paridevamāno taṃ sīhavijambhitena gacchantaṃ oloketvā tasmiṃ dassanūpacāraṃ atikkante ekaravaṃ ravanto nagaraṃ pāvisi. Sopi āgatamaggeneva tassa santikaṃ gato. Tena vuttaṃ ‘‘agamāsi so yattha porisādo’’ti.

    д̇ад̇о борисаад̣̇о жинд̇зси – ‘‘сажз мама сахааяо суд̇асомо ааг̇анд̇угаамо, ааг̇ажчад̇у, анааг̇анд̇угаамо, анааг̇ажчад̇у, ругкад̣̇звад̇аа яам̣ маяхам̣ ижчад̇и , д̇ам̣ гарод̇у, имз рааж̇аано маарзд̇ваа бан̃жамад̇хурамам̣сзна б̣алигаммам̣ гариссаамий’’д̇и жид̇агам̣ гад̇ваа аг̇г̇им̣ ж̇аалзд̇ваа ‘‘ан̇г̇аарарааси д̇аава ход̇уу’’д̇и д̇асса суулз д̇ажчанд̇асса нисиннагаалз суд̇асомо ааг̇ад̇о. ат̇а нам̣ борисаад̣̇о д̣̇исваа д̇удтажид̇д̇о, ‘‘самма, г̇анд̇ваа гад̇д̇аб̣б̣агижжам̣ д̇з гад̇а’’нд̇и бужчи. махаасад̇д̇о, ‘‘аама махаарааж̇а, гассабад̣̇асаб̣алзна д̣̇зсид̇аа г̇аат̇аа мз суд̇аа, д̇хаммагат̇игасса жа саггааро гад̇о, д̇асмаа г̇анд̇ваа гад̇д̇аб̣б̣агижжам̣ гад̇ам̣ наама ход̇ий’’д̇и д̣̇ассзд̇ум̣ г̇аат̇амааха –

    Tato porisādo cintesi – ‘‘sace mama sahāyo sutasomo āgantukāmo, āgacchatu, anāgantukāmo, anāgacchatu, rukkhadevatā yaṃ mayhaṃ icchati , taṃ karotu, ime rājāno māretvā pañcamadhuramaṃsena balikammaṃ karissāmī’’ti citakaṃ katvā aggiṃ jāletvā ‘‘aṅgārarāsi tāva hotū’’ti tassa sūle tacchantassa nisinnakāle sutasomo āgato. Atha naṃ porisādo disvā tuṭṭhacitto, ‘‘samma, gantvā kattabbakiccaṃ te kata’’nti pucchi. Mahāsatto, ‘‘āma mahārāja, kassapadasabalena desitā gāthā me sutā, dhammakathikassa ca sakkāro kato, tasmā gantvā kattabbakiccaṃ kataṃ nāma hotī’’ti dassetuṃ gāthamāha –

    424.

    424.

    ‘‘гад̇о маяаа сан̇г̇аро б̣раахман̣зна, радтз сагз иссарияз тид̇зна;

    ‘‘Kato mayā saṅgaro brāhmaṇena, raṭṭhe sake issariye ṭhitena;

    д̇ам̣ сан̇г̇арам̣ б̣раахман̣асаббад̣̇ааяа, сажжаанурагкий бунарааг̇ад̇осми;

    Taṃ saṅgaraṃ brāhmaṇasappadāya, saccānurakkhī punarāgatosmi;

    яаж̇ассу яан̃н̃ам̣ каад̣̇а мам̣ борисаад̣̇аа’’д̇и.

    Yajassu yaññaṃ khāda maṃ porisādā’’ti.

    д̇ад̇т̇а яаж̇ассууд̇и мам̣ маарзд̇ваа д̣̇звад̇ааяа ваа яан̃н̃ам̣ яаж̇ассу, мам̣сам̣ ваа мз каад̣̇аахийд̇и ад̇т̇о.

    Tattha yajassūti maṃ māretvā devatāya vā yaññaṃ yajassu, maṃsaṃ vā me khādāhīti attho.

    д̇ам̣ суд̇ваа борисаад̣̇о ‘‘аяам̣ рааж̇аа на бхааяад̇и, виг̇ад̇амаран̣абхаяо худ̇ваа гат̇зд̇и, гисса ну ко зса аанубхааво’’д̇и жинд̇зд̇ваа ‘‘ан̃н̃ам̣ над̇т̇и, аяам̣ ‘гассабад̣̇асаб̣алзна д̣̇зсид̇аа г̇аат̇аа мз суд̇аа’д̇и вад̣̇ад̇и, д̇аасам̣ зд̇зна аасубхаавзна бхавид̇аб̣б̣ам̣, ахамби д̇ам̣ гат̇аабзд̇ваа д̇аа г̇аат̇ааяо соссаами, звам̣ ахамби ниб̣бхаяо бхависсаамий’’д̇и саннидтаанам̣ гад̇ваа г̇аат̇амааха –

    Taṃ sutvā porisādo ‘‘ayaṃ rājā na bhāyati, vigatamaraṇabhayo hutvā katheti, kissa nu kho esa ānubhāvo’’ti cintetvā ‘‘aññaṃ natthi, ayaṃ ‘kassapadasabalena desitā gāthā me sutā’ti vadati, tāsaṃ etena āsubhāvena bhavitabbaṃ, ahampi taṃ kathāpetvā tā gāthāyo sossāmi, evaṃ ahampi nibbhayo bhavissāmī’’ti sanniṭṭhānaṃ katvā gāthamāha –

    425.

    425.

    ‘‘на хааяад̇з каад̣̇ид̇ам̣ маяхам̣ бажчаа, жид̇агаа аяам̣ д̇аава сад̇хуумигаава;

    ‘‘Na hāyate khāditaṃ mayhaṃ pacchā, citakā ayaṃ tāva sadhūmikāva;

    нид̣̇д̇хуумагз бажид̇ам̣ саад̇хубаггам̣, сун̣оми г̇аат̇ааяо сад̇аарахааяо’’д̇и.

    Niddhūmake pacitaṃ sādhupakkaṃ, suṇomi gāthāyo satārahāyo’’ti.

    д̇ад̇т̇а каад̣̇ид̇анд̇и каад̣̇анам̣. д̇ам̣ каад̣̇анам̣ маяхам̣ бажчаа ваа бурз ваа на барихааяад̇и, бажчааби хи д̇вам̣ маяаа каад̣̇ид̇аб̣б̣ова. нид̣̇д̇хуумагз бажид̇анд̇и нид̣̇д̇хуумз ниж̇жхаалз аг̇г̇имхи баггамам̣сам̣ саад̇хубаггам̣ наама ход̇и.

    Tattha khāditanti khādanaṃ. Taṃ khādanaṃ mayhaṃ pacchā vā pure vā na parihāyati, pacchāpi hi tvaṃ mayā khāditabbova. Niddhūmake pacitanti niddhūme nijjhāle aggimhi pakkamaṃsaṃ sādhupakkaṃ nāma hoti.

    д̇ам̣ суд̇ваа махаасад̇д̇о ‘‘аяам̣ борисаад̣̇о баабад̇хаммо, имам̣ т̇огам̣ ниг̇г̇ахзд̇ваа лаж̇ж̇аабзд̇ваа гат̇зссаамий’’д̇и жинд̇зд̇ваа ааха –

    Taṃ sutvā mahāsatto ‘‘ayaṃ porisādo pāpadhammo, imaṃ thokaṃ niggahetvā lajjāpetvā kathessāmī’’ti cintetvā āha –

    426.

    426.

    ‘‘ад̇хаммиго д̇вам̣ борисаад̣̇агааси, радтаа жа бхадто уд̣̇арасса хзд̇у;

    ‘‘Adhammiko tvaṃ porisādakāsi, raṭṭhā ca bhaṭṭho udarassa hetu;

    д̇хамман̃жимаа абхивад̣̇анд̇и г̇аат̇аа, д̇хаммо жа ад̇хаммо жа гухим̣ самзд̇и.

    Dhammañcimā abhivadanti gāthā, dhammo ca adhammo ca kuhiṃ sameti.

    427.

    427.

    ‘‘ад̇хаммигасса луд̣̇д̣̇асса, нижжам̣ лохид̇абаан̣ино;

    ‘‘Adhammikassa luddassa, niccaṃ lohitapāṇino;

    над̇т̇и сажжам̣ гуд̇о д̇хаммо, гим̣ суд̇зна гариссасий’’д̇и.

    Natthi saccaṃ kuto dhammo, kiṃ sutena karissasī’’ti.

    д̇ад̇т̇а д̇хамман̃жимаад̇и имаа жа г̇аат̇аа навалогуд̇д̇арад̇хаммам̣ абхивад̣̇анд̇и. гухим̣ самзд̇ийд̇и гад̇т̇а самааг̇ажчад̇и. д̇хаммо хи суг̇ад̇им̣ баабзд̇и ниб̣б̣аанам̣ ваа, ад̇хаммо д̣̇уг̇г̇ад̇им̣. гуд̇о д̇хаммод̇и важийсажжамад̇д̇амби над̇т̇и, гуд̇о д̇хаммо. гим̣ суд̇знаад̇и д̇вам̣ зд̇зна суд̇зна гим̣ гариссаси, мад̇д̇игаабхааж̇анам̣ вияа хи сийхавасааяа абхааж̇анам̣ д̇вам̣ д̇хаммасса.

    Tattha dhammañcimāti imā ca gāthā navalokuttaradhammaṃ abhivadanti. Kuhiṃ sametīti kattha samāgacchati. Dhammo hi sugatiṃ pāpeti nibbānaṃ vā, adhammo duggatiṃ. Kuto dhammoti vacīsaccamattampi natthi, kuto dhammo. Kiṃ sutenāti tvaṃ etena sutena kiṃ karissasi, mattikābhājanaṃ viya hi sīhavasāya abhājanaṃ tvaṃ dhammassa.

    со звам̣ гат̇ид̇зби нзва гуж̇жхи. гасмаа? махаасад̇д̇асса мзд̇д̇аабхааванааяа махад̇д̇зна. ат̇а нам̣ ‘‘гим̣ бана самма суд̇асома ахамзва ад̇хаммиго’’д̇и вад̇ваа г̇аат̇амааха –

    So evaṃ kathitepi neva kujjhi. Kasmā? Mahāsattassa mettābhāvanāya mahattena. Atha naṃ ‘‘kiṃ pana samma sutasoma ahameva adhammiko’’ti vatvā gāthamāha –

    428.

    428.

    ‘‘яо мам̣сахзд̇у миг̇авам̣ жарзяяа, яо ваа ханз бурисамад̇д̇ахзд̇у;

    ‘‘Yo maṃsahetu migavaṃ careyya, yo vā hane purisamattahetu;

    убхоби д̇з бзжжа самаа бхаванд̇и, гасмаа но ад̇хаммигам̣ б̣рууси мам̣ д̇ва’’нд̇и.

    Ubhopi te pecca samā bhavanti, kasmā no adhammikaṃ brūsi maṃ tva’’nti.

    д̇ад̇т̇а гасмаа нод̇и яз ж̇амб̣уд̣̇ийбад̇алз рааж̇аано алан̇гад̇абадияад̇д̇аа махааб̣алабариваараа рат̇авараг̇ад̇аа миг̇авам̣ жаранд̇аа д̇икин̣зхи сарзхи миг̇з виж̇жхид̇ваа маарзнд̇и, д̇з авад̇ваа гасмаа д̇вам̣ ман̃н̃зва ад̇хаммиганд̇и вад̣̇ад̇и. яад̣̇и д̇з нид̣̇д̣̇осаа, ахамби нид̣̇д̣̇осо зваад̇и д̣̇ийбзд̇и.

    Tattha kasmā noti ye jambudīpatale rājāno alaṅkatapaṭiyattā mahābalaparivārā rathavaragatā migavaṃ carantā tikhiṇehi sarehi mige vijjhitvā mārenti, te avatvā kasmā tvaṃ maññeva adhammikanti vadati. Yadi te niddosā, ahampi niddoso evāti dīpeti.

    д̇ам̣ суд̇ваа махаасад̇д̇о д̇асса лад̣̇д̇хим̣ бхинд̣̇анд̇о г̇аат̇амааха –

    Taṃ sutvā mahāsatto tassa laddhiṃ bhindanto gāthamāha –

    429.

    429.

    ‘‘бан̃жа бан̃жа на каа бхагкаа, кад̇д̇иязна баж̇аанад̇аа;

    ‘‘Pañca pañca na khā bhakkhā, khattiyena pajānatā;

    абхагкам̣ рааж̇а бхагкзси, д̇асмаа ад̇хаммиго д̇ува’’нд̇и.

    Abhakkhaṃ rāja bhakkhesi, tasmā adhammiko tuva’’nti.

    д̇ассад̇т̇о – самма борисаад̣̇а, кад̇д̇иязна наама кад̇д̇ияад̇хаммам̣ ж̇аананд̇зна бан̃жа бан̃жа хад̇т̇иаад̣̇аяо д̣̇асзва сад̇д̇аа мам̣савасзна на каа бхагкаа на ко каад̣̇ид̇аб̣б̣аяуд̇д̇агаа. ‘‘на ко’’д̇взва ваа баато. абаро наяо кад̇д̇иязна кад̇д̇ияад̇хаммам̣ ж̇аананд̇зна бан̃жанакзсу сад̇д̇зсу сасаго, саллаго, г̇од̇хаа, габи гуммод̇и имз бан̃жзва сад̇д̇аа бхагкид̇аб̣б̣аяуд̇д̇агаа, на ан̃н̃з, д̇вам̣ бана абхагкам̣ мануссамам̣сам̣ бхагкзси, д̇зна ад̇хаммигод̇и.

    Tassattho – samma porisāda, khattiyena nāma khattiyadhammaṃ jānantena pañca pañca hatthiādayo daseva sattā maṃsavasena na khā bhakkhā na kho khāditabbayuttakā. ‘‘Na kho’’tveva vā pāṭho. Aparo nayo khattiyena khattiyadhammaṃ jānantena pañcanakhesu sattesu sasako, sallako, godhā, kapi kummoti ime pañceva sattā bhakkhitabbayuttakā, na aññe, tvaṃ pana abhakkhaṃ manussamaṃsaṃ bhakkhesi, tena adhammikoti.

    ид̇и со ниг̇г̇ахам̣ бад̇ваа ан̃н̃ам̣ ниссаран̣ам̣ ад̣̇исваа ад̇д̇ано баабам̣ бадижчаад̣̇знд̇о г̇аат̇амааха –

    Iti so niggahaṃ patvā aññaṃ nissaraṇaṃ adisvā attano pāpaṃ paṭicchādento gāthamāha –

    430.

    430.

    ‘‘муд̇д̇о д̇увам̣ борисаад̣̇асса хад̇т̇аа, г̇анд̇ваа сагам̣ манд̣̇ирам̣ гаамагаамий;

    ‘‘Mutto tuvaṃ porisādassa hatthā, gantvā sakaṃ mandiraṃ kāmakāmī;

    амид̇д̇ахад̇т̇ам̣ бунарааг̇ад̇оси, на кад̇д̇ад̇хаммз гусалоси рааж̇аа’’д̇и.

    Amittahatthaṃ punarāgatosi, na khattadhamme kusalosi rājā’’ti.

    д̇ад̇т̇а на кад̇д̇ад̇хаммзд̇и д̇вам̣ кад̇д̇ияад̇хаммасан̇каад̇з нийд̇исад̇т̇з на гусалоси, ад̇д̇ано ад̇т̇аанад̇т̇ам̣ на ж̇аанааси, агааран̣знзва д̇з логз бан̣д̣ид̇од̇и гид̇д̇и бад̇т̇адаа, ахам̣ бана д̇з бан̣д̣ид̇абхаавам̣ на бассаами на ж̇аанаами, ад̇иб̣аалосийхи вад̣̇ад̇и.

    Tattha na khattadhammeti tvaṃ khattiyadhammasaṅkhāte nītisatthe na kusalosi, attano atthānatthaṃ na jānāsi, akāraṇeneva te loke paṇḍitoti kitti patthaṭā, ahaṃ pana te paṇḍitabhāvaṃ na passāmi na jānāmi, atibālosīhi vadati.

    ат̇а нам̣ махаасад̇д̇о, ‘‘самма, кад̇д̇ияад̇хаммз гусалзна наама маад̣̇исзнзва бхавид̇аб̣б̣ам̣. ахан̃хи д̇ам̣ ж̇аанаами, на бана д̇ад̣̇ад̇т̇ааяа бадибаж̇ж̇аамий’’д̇и вад̇ваа г̇аат̇амааха –

    Atha naṃ mahāsatto, ‘‘samma, khattiyadhamme kusalena nāma mādiseneva bhavitabbaṃ. Ahañhi taṃ jānāmi, na pana tadatthāya paṭipajjāmī’’ti vatvā gāthamāha –

    431.

    431.

    ‘‘яз кад̇д̇ад̇хаммз гусалаа бхаванд̇и, бааязна д̇з нзраяигаа бхаванд̇и;

    ‘‘Ye khattadhamme kusalā bhavanti, pāyena te nerayikā bhavanti;

    д̇асмаа ахам̣ кад̇д̇ад̇хаммам̣ бахааяа, сажжаанурагкий бунарааг̇ад̇осми;

    Tasmā ahaṃ khattadhammaṃ pahāya, saccānurakkhī punarāgatosmi;

    яаж̇ассу яан̃н̃ам̣ каад̣̇а мам̣ борисаад̣̇аа’’д̇и.

    Yajassu yaññaṃ khāda maṃ porisādā’’ti.

    д̇ад̇т̇а гусалаад̇и д̇ад̣̇ад̇т̇ааяа бадибаж̇ж̇анагусалаа. бааязнаад̇и язбхуяязна нзраяигаа. яз бана д̇ад̇т̇а на ниб̣б̣ад̇д̇анд̇и, д̇з сзсаабааязсу ниб̣б̣ад̇д̇анд̇и.

    Tattha kusalāti tadatthāya paṭipajjanakusalā. Pāyenāti yebhuyyena nerayikā. Ye pana tattha na nibbattanti, te sesāpāyesu nibbattanti.

    борисаад̣̇о ааха –

    Porisādo āha –

    432.

    432.

    ‘‘баасаад̣̇аваасаа бат̇авийг̇аваассаа, гаамид̇т̇ияо гаасигажанд̣̇анан̃жа;

    ‘‘Pāsādavāsā pathavīgavāssā, kāmitthiyo kāsikacandanañca;

    саб̣б̣ам̣ д̇ахим̣ лабхаси саамид̇ааяа, сажжзна гим̣ бассаси аанисам̣са’’нд̇и.

    Sabbaṃ tahiṃ labhasi sāmitāya, saccena kiṃ passasi ānisaṃsa’’nti.

    д̇ад̇т̇а баасаад̣̇аваасаад̇и, самма суд̇асома, д̇ава д̇ин̣н̣ам̣ уд̇уунам̣ анужчавигаа д̣̇иб̣б̣авимаанагаббаа д̇аяо ниваасабаасаад̣̇аа. бат̇авийг̇аваассаад̇и бат̇авий жа г̇ааво жа ассаа жа б̣ахуу. гаамид̇т̇ияод̇и гаамавад̇т̇убхууд̇аа ид̇т̇ияо. гаасигажанд̣̇анан̃жаад̇и гаасигавад̇т̇ан̃жа лохид̇ажанд̣̇анан̃жа. саб̣б̣ам̣ д̇ахинд̇и зд̇ан̃жа ан̃н̃ан̃жа убабхог̇абарибхог̇ам̣ саб̣б̣ам̣ д̇вам̣ д̇ахим̣ ад̇д̇ано наг̇арз саамид̇ааяа лабхаси, саамий худ̇ваа яат̇аа ижчаси, д̇ат̇аа барибхун̃ж̇ид̇ум̣ лабхад̇и, со д̇вам̣ саб̣б̣амзд̇ам̣ бахааяа сажжаанурагкий ид̇хааг̇ажчанд̇о сажжзна гим̣ аанисам̣сам̣ бассасийд̇и.

    Tattha pāsādavāsāti, samma sutasoma, tava tiṇṇaṃ utūnaṃ anucchavikā dibbavimānakappā tayo nivāsapāsādā. Pathavīgavāssāti pathavī ca gāvo ca assā ca bahū. Kāmitthiyoti kāmavatthubhūtā itthiyo. Kāsikacandanañcāti kāsikavatthañca lohitacandanañca. Sabbaṃ tahinti etañca aññañca upabhogaparibhogaṃ sabbaṃ tvaṃ tahiṃ attano nagare sāmitāya labhasi, sāmī hutvā yathā icchasi, tathā paribhuñjituṃ labhati, so tvaṃ sabbametaṃ pahāya saccānurakkhī idhāgacchanto saccena kiṃ ānisaṃsaṃ passasīti.

    б̣од̇хисад̇д̇о ааха –

    Bodhisatto āha –

    433.

    433.

    ‘‘яз гзжимз ад̇т̇и расаа бат̇аб̣яаа, сажжам̣ д̇зсам̣ саад̣̇уд̇арам̣ расаанам̣;

    ‘‘Ye kecime atthi rasā pathabyā, saccaṃ tesaṃ sādutaraṃ rasānaṃ;

    сажжз тид̇аа саман̣аб̣раахман̣аа жа, д̇аранд̇и ж̇аад̇имаран̣асса баара’’нд̇и.

    Sacce ṭhitā samaṇabrāhmaṇā ca, taranti jātimaraṇassa pāra’’nti.

    д̇ад̇т̇а саад̣̇уд̇аранд̇и яасмаа саб̣б̣зби расаа сад̇д̇аанам̣ сажжагаалзязва бан̣ийд̇аа мад̇хураа хонд̇и, д̇асмаа сажжам̣ д̇зсам̣ саад̣̇уд̇арам̣ расаанам̣, яасмаа ваа вирад̇исажжаважийсажжз тид̇аа ж̇аад̇имаран̣асан̇каад̇асса д̇збхуумагаваддасса баарам̣ амад̇амахааниб̣б̣аанам̣ д̇аранд̇и баабун̣анд̇и, д̇асмааби д̇ам̣ саад̣̇уд̇аранд̇и.

    Tattha sādutaranti yasmā sabbepi rasā sattānaṃ saccakāleyeva paṇītā madhurā honti, tasmā saccaṃ tesaṃ sādutaraṃ rasānaṃ, yasmā vā viratisaccavacīsacce ṭhitā jātimaraṇasaṅkhātassa tebhūmakavaṭṭassa pāraṃ amatamahānibbānaṃ taranti pāpuṇanti, tasmāpi taṃ sādutaranti.

    звамасса махаасад̇д̇о сажжз аанисам̣сам̣ гат̇зси. д̇ад̇о борисаад̣̇о вигасид̇абад̣̇умабун̣н̣ажанд̣̇асассиригамзвасса мукам̣ ологзд̇ваа ‘‘аяам̣ суд̇асомо ан̇г̇ааражид̇агам̣ ман̃жа суулам̣ д̇ажчанд̇ам̣ бассад̇и, жид̇д̇уд̇раасамад̇д̇амбисса над̇т̇и, гим̣ ну ко зса сад̇аарахаг̇аат̇аанам̣ аанубхааво, уд̣̇ааху сажжасса, ан̃н̃ассзва ваа гассажий’’д̇и жинд̇зд̇ваа ‘‘бужчиссаами д̇аава на’’нд̇и бужчанд̇о г̇аат̇амааха –

    Evamassa mahāsatto sacce ānisaṃsaṃ kathesi. Tato porisādo vikasitapadumapuṇṇacandasassirikamevassa mukhaṃ oloketvā ‘‘ayaṃ sutasomo aṅgāracitakaṃ mañca sūlaṃ tacchantaṃ passati, cittutrāsamattampissa natthi, kiṃ nu kho esa satārahagāthānaṃ ānubhāvo, udāhu saccassa, aññasseva vā kassacī’’ti cintetvā ‘‘pucchissāmi tāva na’’nti pucchanto gāthamāha –

    434.

    434.

    ‘‘муд̇д̇о д̇увам̣ борисаад̣̇асса хад̇т̇аа, г̇анд̇ваа сагам̣ манд̣̇ирам̣ гаамагаамий;

    ‘‘Mutto tuvaṃ porisādassa hatthā, gantvā sakaṃ mandiraṃ kāmakāmī;

    амид̇д̇ахад̇т̇ам̣ бунарааг̇ад̇оси, на хи нууна д̇з маран̣абхаяам̣ ж̇анинд̣̇а;

    Amittahatthaṃ punarāgatosi, na hi nūna te maraṇabhayaṃ janinda;

    алийнажид̇д̇о аси сажжаваад̣̇ий’’д̇и.

    Alīnacitto asi saccavādī’’ti.

    махаасад̇д̇обисса аажигканд̇о ааха –

    Mahāsattopissa ācikkhanto āha –

    435.

    435.

    ‘‘гад̇аа мз галяаан̣аа анзгаруубаа, яан̃н̃аа яидтаа яз вибулаа басад̇т̇аа;

    ‘‘Katā me kalyāṇā anekarūpā, yaññā yiṭṭhā ye vipulā pasatthā;

    висод̇хид̇о баралогасса маг̇г̇о, д̇хаммз тид̇о го маран̣асса бхааяз.

    Visodhito paralokassa maggo, dhamme ṭhito ko maraṇassa bhāye.

    436.

    436.

    ‘‘гад̇аа мз галяаан̣аа анзгаруубаа, яан̃н̃аа яидтаа яз вибулаа басад̇т̇аа;

    ‘‘Katā me kalyāṇā anekarūpā, yaññā yiṭṭhā ye vipulā pasatthā;

    анаануд̇аббам̣ баралогам̣ г̇амиссам̣, яаж̇ассу яан̃н̃ам̣ ад̣̇а мам̣ борисаад̣̇а.

    Anānutappaṃ paralokaṃ gamissaṃ, yajassu yaññaṃ ada maṃ porisāda.

    437.

    437.

    ‘‘бид̇аа жа маад̇аа жа убадтид̇аа мз, д̇хаммзна мз иссарияам̣ басад̇т̇ам̣;

    ‘‘Pitā ca mātā ca upaṭṭhitā me, dhammena me issariyaṃ pasatthaṃ;

    висод̇хид̇о баралогасса маг̇г̇о, д̇хаммз тид̇о го маран̣асса бхааяз.

    Visodhito paralokassa maggo, dhamme ṭhito ko maraṇassa bhāye.

    438.

    438.

    ‘‘бид̇аа жа маад̇аа жа убадтид̇аа мз, д̇хаммзна мз иссарияам̣ басад̇т̇ам̣;

    ‘‘Pitā ca mātā ca upaṭṭhitā me, dhammena me issariyaṃ pasatthaṃ;

    анаануд̇аббам̣ баралогам̣ г̇амиссам̣, яаж̇ассу яан̃н̃ам̣ ад̣̇а мам̣ борисаад̣̇а.

    Anānutappaṃ paralokaṃ gamissaṃ, yajassu yaññaṃ ada maṃ porisāda.

    439.

    439.

    ‘‘н̃аад̇ийсу мид̇д̇зсу гад̇аа мз гаараа, д̇хаммзна мз иссарияам̣ басад̇т̇ам̣;

    ‘‘Ñātīsu mittesu katā me kārā, dhammena me issariyaṃ pasatthaṃ;

    висод̇хид̇о баралогасса маг̇г̇о, д̇хаммз тид̇о го маран̣асса бхааяз.

    Visodhito paralokassa maggo, dhamme ṭhito ko maraṇassa bhāye.

    440.

    440.

    ‘‘н̃аад̇ийсу мид̇д̇зсу гад̇аа мз гаараа, д̇хаммзна мз иссарияам̣ басад̇т̇ам̣;

    ‘‘Ñātīsu mittesu katā me kārā, dhammena me issariyaṃ pasatthaṃ;

    анаануд̇аббам̣ баралогам̣ г̇амиссам̣, яаж̇ассу яан̃н̃ам̣ ад̣̇а мам̣ борисаад̣̇а.

    Anānutappaṃ paralokaṃ gamissaṃ, yajassu yaññaṃ ada maṃ porisāda.

    441.

    441.

    ‘‘д̣̇иннам̣ мз д̣̇аанам̣ б̣ахуд̇хаа б̣ахуунам̣, санд̇аббид̇аа саман̣аб̣раахман̣аа жа;

    ‘‘Dinnaṃ me dānaṃ bahudhā bahūnaṃ, santappitā samaṇabrāhmaṇā ca;

    висод̇хид̇о баралогасса маг̇г̇о, д̇хаммз тид̇о го маран̣асса бхааяз.

    Visodhito paralokassa maggo, dhamme ṭhito ko maraṇassa bhāye.

    442.

    442.

    ‘‘д̣̇иннам̣ мз д̣̇аанам̣ б̣ахуд̇хаа б̣ахуунам̣, санд̇аббид̇аа саман̣аб̣раахман̣аа жа;

    ‘‘Dinnaṃ me dānaṃ bahudhā bahūnaṃ, santappitā samaṇabrāhmaṇā ca;

    анаануд̇аббам̣ баралогам̣ г̇амиссам̣, яаж̇ассу яан̃н̃ам̣ ад̣̇а мам̣ борисаад̣̇аа’’д̇и.

    Anānutappaṃ paralokaṃ gamissaṃ, yajassu yaññaṃ ada maṃ porisādā’’ti.

    д̇ад̇т̇а галяаан̣аад̇и галяаан̣агаммаа. анзгаруубаад̇и д̣̇аанаад̣̇ивасзна анзгавид̇хаа. яан̃н̃аад̇и д̣̇асавид̇хад̣̇аанавад̇т̇убарижжааг̇авасзна ад̇ивибулаа бан̣д̣ид̇зхи басад̇т̇аа яан̃н̃ааби яидтаа бавад̇д̇ид̇аа. д̇хаммз тид̇од̇и звам̣ д̇хаммз бад̇идтид̇о маад̣̇исо го наама маран̣асса бхааязяяа. анаануд̇аббанд̇и анаануд̇аббамаано. д̇хаммзна мз иссарияам̣ басад̇т̇анд̇и д̣̇асавид̇хам̣ рааж̇ад̇хаммам̣ агобзд̇ваа д̇хаммзнзва маяаа раж̇ж̇ам̣ басаасид̇ам̣. гаараад̇и н̃аад̇ийсу н̃аад̇игижжаани, мид̇д̇зсу жа мид̇д̇агижжаани. д̣̇аананд̇и савад̇т̇угажзд̇анаа. б̣ахуд̇хаад̇и б̣ахуухи аагаарзхи. б̣ахуунанд̇и на бан̃жаннам̣, на д̣̇асаннам̣, сад̇ассаби сахассассаби сад̇асахассассаби д̣̇иннамзва. санд̇аббид̇аад̇и г̇ахид̇аг̇ахид̇абхааж̇анаани буурзд̇ваа судту д̇аббид̇аа.

    Tattha kalyāṇāti kalyāṇakammā. Anekarūpāti dānādivasena anekavidhā. Yaññāti dasavidhadānavatthupariccāgavasena ativipulā paṇḍitehi pasatthā yaññāpi yiṭṭhā pavattitā. Dhamme ṭhitoti evaṃ dhamme patiṭṭhito mādiso ko nāma maraṇassa bhāyeyya. Anānutappanti anānutappamāno. Dhammena me issariyaṃ pasatthanti dasavidhaṃ rājadhammaṃ akopetvā dhammeneva mayā rajjaṃ pasāsitaṃ. Kārāti ñātīsu ñātikiccāni, mittesu ca mittakiccāni. Dānanti savatthukacetanā. Bahudhāti bahūhi ākārehi. Bahūnanti na pañcannaṃ, na dasannaṃ, satassapi sahassassapi satasahassassapi dinnameva. Santappitāti gahitagahitabhājanāni pūretvā suṭṭhu tappitā.

    д̇ам̣ суд̇ваа борисаад̣̇о ‘‘аяам̣ суд̇асомамахаарааж̇аа саббурисо н̃аан̣асамбанно мад̇хурад̇хаммагат̇иго, сажаахам̣ зд̇ам̣ каад̣̇зяяам̣, муд̣̇д̇хаа мз сад̇д̇ад̇хаа палзяяа, бат̇авий ваа бана мз виварам̣ д̣̇ад̣̇зяяаа’’д̇и бхийд̇ад̇асид̇о худ̇ваа, ‘‘самма, на д̇вам̣ маяаа каад̣̇ид̇аб̣б̣аруубо’’д̇и вад̇ваа г̇аат̇амааха –

    Taṃ sutvā porisādo ‘‘ayaṃ sutasomamahārājā sappuriso ñāṇasampanno madhuradhammakathiko, sacāhaṃ etaṃ khādeyyaṃ, muddhā me sattadhā phaleyya, pathavī vā pana me vivaraṃ dadeyyā’’ti bhītatasito hutvā, ‘‘samma, na tvaṃ mayā khāditabbarūpo’’ti vatvā gāthamāha –

    443.

    443.

    ‘‘висам̣ баж̇аанам̣ бурисо ад̣̇зяяа, аасийвисам̣ ж̇алид̇амуг̇г̇ад̇зж̇ам̣;

    ‘‘Visaṃ pajānaṃ puriso adeyya, āsīvisaṃ jalitamuggatejaṃ;

    муд̣̇д̇хааби д̇асса випалзяяа сад̇д̇ад̇хаа, яо д̇аад̣̇исам̣ сажжаваад̣̇им̣ ад̣̇зяяаа’’д̇и.

    Muddhāpi tassa viphaleyya sattadhā, yo tādisaṃ saccavādiṃ adeyyā’’ti.

    д̇ад̇т̇а висанд̇и д̇ад̇т̇зва мааран̣асамад̇т̇ам̣ халаахалависам̣. ж̇алид̇анд̇и ад̇д̇ано висад̇зж̇зна ж̇алид̇ам̣ д̇знзва уг̇г̇ад̇зж̇ам̣ аг̇г̇игканд̇хам̣ вияа жаранд̇ам̣ аасийвисам̣ ваа бана со г̇ийвааяа г̇ан̣хзяяа.

    Tattha visanti tattheva māraṇasamatthaṃ halāhalavisaṃ. Jalitanti attano visatejena jalitaṃ teneva uggatejaṃ aggikkhandhaṃ viya carantaṃ āsīvisaṃ vā pana so gīvāya gaṇheyya.

    ид̇и со махаасад̇д̇ам̣ ‘‘халаахалависасад̣̇исо д̇вам̣, го д̇ам̣ каад̣̇иссад̇ий’’д̇и вад̇ваа г̇аат̇аа сод̇угаамо д̇ам̣ яаажид̇ваа д̇зна д̇хаммаг̇аараваж̇ананад̇т̇ам̣ ‘‘зваруубаанам̣ анаваж̇ж̇аг̇аат̇аанам̣ д̇вам̣ абхааж̇ана’’нд̇и бадигкид̇д̇оби ‘‘сагалаж̇амб̣уд̣̇ийбз иминаа сад̣̇исо бан̣д̣ид̇о над̇т̇и, аяам̣ мама хад̇т̇аа мужжид̇ваа г̇анд̇ваа д̇аа г̇аат̇аа суд̇ваа д̇хаммагат̇игасса саггаарам̣ гад̇ваа налаадзна мажжум̣ аад̣̇ааяа бунааг̇ад̇о, ад̇ивияа саад̇хуруубаа г̇аат̇аа бхависсанд̇ий’’д̇и судтуд̇арам̣ сан̃ж̇аад̇ад̇хаммассаванаад̣̇аро худ̇ваа д̇ам̣ яаажанд̇о г̇аат̇амааха –

    Iti so mahāsattaṃ ‘‘halāhalavisasadiso tvaṃ, ko taṃ khādissatī’’ti vatvā gāthā sotukāmo taṃ yācitvā tena dhammagāravajananatthaṃ ‘‘evarūpānaṃ anavajjagāthānaṃ tvaṃ abhājana’’nti paṭikkhittopi ‘‘sakalajambudīpe iminā sadiso paṇḍito natthi, ayaṃ mama hatthā muccitvā gantvā tā gāthā sutvā dhammakathikassa sakkāraṃ katvā nalāṭena maccuṃ ādāya punāgato, ativiya sādhurūpā gāthā bhavissantī’’ti suṭṭhutaraṃ sañjātadhammassavanādaro hutvā taṃ yācanto gāthamāha –

    444.

    444.

    ‘‘суд̇ваа д̇хаммам̣ виж̇аананд̇и, нараа галяаан̣абаабагам̣;

    ‘‘Sutvā dhammaṃ vijānanti, narā kalyāṇapāpakaṃ;

    аби г̇аат̇аа сун̣ид̇ваана, д̇хаммз мз рамад̇з мано’’д̇и.

    Api gāthā suṇitvāna, dhamme me ramate mano’’ti.

    д̇ассад̇т̇о – ‘‘самма суд̇асома, нараа наама д̇хаммам̣ суд̇ваа галяаан̣амби баабагамби ж̇аананд̇и, аббзва наама д̇аа г̇аат̇аа суд̇ваа мамаби гусалагаммабат̇ад̇хаммз мано рамзяяаа’’д̇и.

    Tassattho – ‘‘samma sutasoma, narā nāma dhammaṃ sutvā kalyāṇampi pāpakampi jānanti, appeva nāma tā gāthā sutvā mamapi kusalakammapathadhamme mano rameyyā’’ti.

    ат̇а махаасад̇д̇о ‘‘сод̇угаамо д̣̇аани борисаад̣̇о, гат̇зссаамий’’д̇и жинд̇зд̇ваа ‘‘д̇зна хи, самма, саад̇хугам̣ сун̣аахий’’д̇и д̇ам̣ охид̇асод̇ам̣ гад̇ваа нанд̣̇аб̣раахман̣зна гат̇ид̇анияаамзнзва г̇аат̇аанам̣ т̇уд̇им̣ гад̇ваа часу гаамааважарад̣̇звзсу згаголаахалам̣ гад̇ваа д̣̇звад̇аасу саад̇хугаарам̣ д̣̇ад̣̇амаанаасу борисаад̣̇асса д̇хаммам̣ гат̇зси –

    Atha mahāsatto ‘‘sotukāmo dāni porisādo, kathessāmī’’ti cintetvā ‘‘tena hi, samma, sādhukaṃ suṇāhī’’ti taṃ ohitasotaṃ katvā nandabrāhmaṇena kathitaniyāmeneva gāthānaṃ thutiṃ katvā chasu kāmāvacaradevesu ekakolāhalaṃ katvā devatāsu sādhukāraṃ dadamānāsu porisādassa dhammaṃ kathesi –

    445.

    445.

    ‘‘сагид̣̇зва махаарааж̇а, саб̣бхи ход̇и самааг̇амо;

    ‘‘Sakideva mahārāja, sabbhi hoti samāgamo;

    саа нам̣ сан̇г̇ад̇и баалзд̇и, наасаб̣бхи б̣аху сан̇г̇амо.

    Sā naṃ saṅgati pāleti, nāsabbhi bahu saṅgamo.

    446.

    446.

    ‘‘саб̣бхирзва самаасзт̇а, саб̣бхи губ̣б̣зт̇а сант̇авам̣;

    ‘‘Sabbhireva samāsetha, sabbhi kubbetha santhavaṃ;

    сад̇ам̣ санд̇хаммаман̃н̃ааяа, сзяяо ход̇и на баабияо.

    Sataṃ sandhammamaññāya, seyyo hoti na pāpiyo.

    447.

    447.

    ‘‘ж̇ийранд̇и вз рааж̇арат̇аа сужид̇д̇аа, ат̇о сарийрамби ж̇арам̣ убзд̇и;

    ‘‘Jīranti ve rājarathā sucittā, atho sarīrampi jaraṃ upeti;

    сад̇ан̃жа д̇хаммо на ж̇арам̣ убзд̇и, санд̇о хавз саб̣бхи бавзд̣̇аяанд̇и.

    Satañca dhammo na jaraṃ upeti, santo have sabbhi pavedayanti.

    448.

    448.

    ‘‘набхан̃жа д̣̇уурз бат̇авий жа д̣̇уурз, баарам̣ самуд̣̇д̣̇асса д̇ад̣̇ааху д̣̇уурз;

    ‘‘Nabhañca dūre pathavī ca dūre, pāraṃ samuddassa tadāhu dūre;

    д̇ад̇о хавз д̣̇уурад̇арам̣ вад̣̇анд̇и, сад̇ан̃жа д̇хаммо асад̇ан̃жа рааж̇аа’’д̇и.

    Tato have dūrataraṃ vadanti, satañca dhammo asatañca rājā’’ti.

    д̇асса д̇зна сугат̇ид̇ад̇д̇аа жзва ад̇д̇ано бан̣д̣ид̇абхаавзна жа д̇аа г̇аат̇аа саб̣б̣ан̃н̃уб̣уд̣̇д̇хагат̇ид̇аа вияаад̇и жинд̇знд̇асса сагаласарийрам̣ бан̃жаван̣н̣ааяа бийд̇ияаа барибуури, б̣од̇хисад̇д̇з муд̣̇ужид̇д̇ам̣ ахоси, сзд̇ажчад̇д̇ад̣̇ааяагам̣ бид̇арам̣ вияа нам̣ аман̃н̃и. со ‘‘ахам̣ суд̇асомасса д̣̇аад̇аб̣б̣ам̣ гин̃жи хиран̃н̃асуван̣н̣ам̣ на бассаами, згзгааяа банасса г̇аат̇ааяа згзгам̣ варам̣ д̣̇ассаамий’’д̇и жинд̇зд̇ваа г̇аат̇амааха –

    Tassa tena sukathitattā ceva attano paṇḍitabhāvena ca tā gāthā sabbaññubuddhakathitā viyāti cintentassa sakalasarīraṃ pañcavaṇṇāya pītiyā paripūri, bodhisatte muducittaṃ ahosi, setacchattadāyakaṃ pitaraṃ viya naṃ amaññi. So ‘‘ahaṃ sutasomassa dātabbaṃ kiñci hiraññasuvaṇṇaṃ na passāmi, ekekāya panassa gāthāya ekekaṃ varaṃ dassāmī’’ti cintetvā gāthamāha –

    449.

    449.

    ‘‘г̇аат̇аа имаа ад̇т̇авад̇ий суб̣яан̃ж̇анаа, субхаасид̇аа д̇уяха ж̇анинд̣̇а суд̇ваа;

    ‘‘Gāthā imā atthavatī subyañjanā, subhāsitā tuyha janinda sutvā;

    аананд̣̇и вид̇д̇о сумано бад̇ийд̇о, жад̇д̇аари д̇з самма варз д̣̇ад̣̇аамий’’д̇и.

    Ānandi vitto sumano patīto, cattāri te samma vare dadāmī’’ti.

    д̇ад̇т̇а аананд̣̇ийд̇и аананд̣̇аж̇аад̇о. сзсаани д̇ассзва взважанаани. жад̇д̇аароби хзд̇з д̇удтаагаараа зва.

    Tattha ānandīti ānandajāto. Sesāni tasseva vevacanāni. Cattāropi hete tuṭṭhākārā eva.

    ат̇а нам̣ махаасад̇д̇о ‘‘гим̣ наама д̇вам̣ варам̣ д̣̇ассасий’’д̇и абасаад̣̇знд̇о г̇аат̇амааха –

    Atha naṃ mahāsatto ‘‘kiṃ nāma tvaṃ varaṃ dassasī’’ti apasādento gāthamāha –

    450.

    450.

    ‘‘яо над̇д̇ано маран̣ам̣ б̣уж̇жхаси д̇увам̣, хид̇аахид̇ам̣ винибаад̇ан̃жа саг̇г̇ам̣;

    ‘‘Yo nattano maraṇaṃ bujjhasi tuvaṃ, hitāhitaṃ vinipātañca saggaṃ;

    г̇ид̣̇д̇хо расз д̣̇ужжарид̇з нивидто, гим̣ д̇вам̣ варам̣ д̣̇ассаси баабад̇хамма.

    Giddho rase duccarite niviṭṭho, kiṃ tvaṃ varaṃ dassasi pāpadhamma.

    451.

    451.

    ‘‘ахан̃жа д̇ам̣ ‘д̣̇зхи вара’нд̇и важ̇ж̇ам̣, д̇вам̣ жааби д̣̇ад̇ваа на аваагарзяяа;

    ‘‘Ahañca taṃ ‘dehi vara’nti vajjaṃ, tvaṃ cāpi datvā na avākareyya;

    санд̣̇идтигам̣ галахамимам̣ виваад̣̇ам̣, го бан̣д̣ид̇о ж̇аанамубаб̣б̣аж̇зяяаа’’д̇и.

    Sandiṭṭhikaṃ kalahamimaṃ vivādaṃ, ko paṇḍito jānamupabbajeyyā’’ti.

    д̇ад̇т̇а яод̇и яо д̇вам̣ ‘‘маран̣ад̇хаммохамасмий’’д̇и ад̇д̇аноби маран̣ам̣ на б̣уж̇жхаси на ж̇аанааси, баабагаммамзва гароси. хид̇аахид̇анд̇и ‘‘ид̣̇ам̣ мз гаммам̣ хид̇ам̣, ид̣̇ам̣ ахид̇ам̣, ид̣̇ам̣ винибаад̇ам̣ нзссад̇и, ид̣̇ам̣ саг̇г̇а’’нд̇и на ж̇аанааси. расзд̇и мануссамам̣сарасз. важ̇ж̇анд̇и вад̣̇зяяам̣. на аваагарзяяаад̇и ваажааяа д̣̇ад̇ваа ‘‘д̣̇зхи мз вара’’нд̇и вужжамаано на аваагарзяяааси на д̣̇ад̣̇зяяааси. убаб̣б̣аж̇зяяаад̇и го имам̣ галахам̣ бан̣д̣ид̇о убаг̇ажчзяяа.

    Tattha yoti yo tvaṃ ‘‘maraṇadhammohamasmī’’ti attanopi maraṇaṃ na bujjhasi na jānāsi, pāpakammameva karosi. Hitāhitanti ‘‘idaṃ me kammaṃ hitaṃ, idaṃ ahitaṃ, idaṃ vinipātaṃ nessati, idaṃ sagga’’nti na jānāsi. Raseti manussamaṃsarase. Vajjanti vadeyyaṃ. Na avākareyyāti vācāya datvā ‘‘dehi me vara’’nti vuccamāno na avākareyyāsi na dadeyyāsi. Upabbajeyyāti ko imaṃ kalahaṃ paṇḍito upagaccheyya.

    д̇ад̇о борисаад̣̇о ‘‘нааяам̣ маяхам̣ сад̣̇д̣̇ахад̇и, сад̣̇д̣̇ахаабзссаами на’’нд̇и г̇аат̇амааха –

    Tato porisādo ‘‘nāyaṃ mayhaṃ saddahati, saddahāpessāmi na’’nti gāthamāha –

    452.

    452.

    ‘‘на д̇ам̣ варам̣ арахад̇и ж̇анд̇у д̣̇аад̇ум̣, яам̣ вааби д̣̇ад̇ваа на аваагарзяяа;

    ‘‘Na taṃ varaṃ arahati jantu dātuṃ, yaṃ vāpi datvā na avākareyya;

    варассу самма авигамбамаано, баан̣ам̣ жаж̇ид̇ваанаби д̣̇ассамзваа’’д̇и.

    Varassu samma avikampamāno, pāṇaṃ cajitvānapi dassamevā’’ti.

    д̇ад̇т̇а авигамбамаанод̇и анолийяамаано.

    Tattha avikampamānoti anolīyamāno.

    ат̇а махаасад̇д̇о ‘‘аяам̣ ад̇ивияа сууро худ̇ваа гат̇зд̇и, гариссад̇и мз важанам̣, варам̣ г̇ан̣хиссаами, сажз бана ‘‘мануссамам̣сам̣ на каад̣̇ид̇аб̣б̣а’нд̇и батамамзва варам̣ ваараяиссам̣, ад̇ивияа гиламиссад̇и, батамам̣ ан̃н̃з д̇аяо варз г̇ахзд̇ваа бажчаа зд̇ам̣ г̇ан̣хиссаамий’’д̇и жинд̇зд̇ваа ааха –

    Atha mahāsatto ‘‘ayaṃ ativiya sūro hutvā katheti, karissati me vacanaṃ, varaṃ gaṇhissāmi, sace pana ‘‘manussamaṃsaṃ na khāditabba’nti paṭhamameva varaṃ vārayissaṃ, ativiya kilamissati, paṭhamaṃ aññe tayo vare gahetvā pacchā etaṃ gaṇhissāmī’’ti cintetvā āha –

    453.

    453.

    ‘‘арияасса ариязна самзд̇и сакяам̣, бан̃н̃асса бан̃н̃аан̣авад̇аа самзд̇и;

    ‘‘Ariyassa ariyena sameti sakhyaṃ, paññassa paññāṇavatā sameti;

    бассзяяа д̇ам̣ вассасад̇ам̣ арог̇ам̣, зд̇ам̣ вараанам̣ батамам̣ вараамий’’д̇и.

    Passeyya taṃ vassasataṃ arogaṃ, etaṃ varānaṃ paṭhamaṃ varāmī’’ti.

    д̇ад̇т̇а арияассаад̇и аажаараарияасса. сакяанд̇и сакид̇хаммо мид̇д̇ад̇хаммо. бан̃н̃аан̣авад̇аад̇и н̃аан̣асамбаннзна. самзд̇ийд̇и г̇ан̇г̇од̣̇агам̣ вияа яамунод̣̇агзна сам̣санд̣̇ад̇и. д̇хаад̇усо хи сад̇д̇аа сам̣санд̣̇анд̇и. бассзяяа д̇анд̇и суд̇асомо борисаад̣̇асса жирам̣ ж̇ийвид̇ам̣ ижчанд̇о вияа батамам̣ ад̇д̇ано ж̇ийвид̇аварам̣ яаажад̇и. бан̣д̣ид̇асса хи ‘‘мама ж̇ийвид̇ам̣ д̣̇зхий’’д̇и вад̇д̇ум̣ аяуд̇д̇ам̣, абижа со ‘маяхамзва зса аарог̇яам̣ ижчад̇ий’д̇и жинд̇зд̇ваа д̇уссиссад̇ийд̇и звамааха.

    Tattha ariyassāti ācāraariyassa. Sakhyanti sakhidhammo mittadhammo. Paññāṇavatāti ñāṇasampannena. Sametīti gaṅgodakaṃ viya yamunodakena saṃsandati. Dhātuso hi sattā saṃsandanti. Passeyya tanti sutasomo porisādassa ciraṃ jīvitaṃ icchanto viya paṭhamaṃ attano jīvitavaraṃ yācati. Paṇḍitassa hi ‘‘mama jīvitaṃ dehī’’ti vattuṃ ayuttaṃ, apica so ‘mayhameva esa ārogyaṃ icchatī’ti cintetvā tussissatīti evamāha.

    соби д̇ам̣ суд̇ваава ‘‘аяам̣ иссарияаа д̇хам̣сзд̇ваа ид̣̇аани мам̣сам̣ каад̣̇ид̇угаамасса звам̣ махааанад̇т̇агарасса махаажорасса маяхамзва ж̇ийвид̇ам̣ ижчад̇и, ахо мама хид̇агаамо’’д̇и д̇удтамаанасо ван̃жзд̇ваа варасса г̇ахид̇абхаавам̣ аж̇аанид̇ваа д̇ам̣ варам̣ д̣̇ад̣̇амаано г̇аат̇амааха –

    Sopi taṃ sutvāva ‘‘ayaṃ issariyā dhaṃsetvā idāni maṃsaṃ khāditukāmassa evaṃ mahāanatthakarassa mahācorassa mayhameva jīvitaṃ icchati, aho mama hitakāmo’’ti tuṭṭhamānaso vañcetvā varassa gahitabhāvaṃ ajānitvā taṃ varaṃ dadamāno gāthamāha –

    454.

    454.

    ‘‘арияасса ариязна самзд̇и сакяам̣, бан̃н̃асса бан̃н̃аан̣авад̇аа самзд̇и;

    ‘‘Ariyassa ariyena sameti sakhyaṃ, paññassa paññāṇavatā sameti;

    бассааси мам̣ вассасад̇ам̣ арог̇ам̣, зд̇ам̣ вараанам̣ батамам̣ д̣̇ад̣̇аамий’’д̇и.

    Passāsi maṃ vassasataṃ arogaṃ, etaṃ varānaṃ paṭhamaṃ dadāmī’’ti.

    д̇ад̇т̇а вараананд̇и жад̇уннам̣ вараанам̣ батамам̣.

    Tattha varānanti catunnaṃ varānaṃ paṭhamaṃ.

    д̇ад̇о б̣од̇хисад̇д̇о ааха –

    Tato bodhisatto āha –

    455.

    455.

    ‘‘яз кад̇д̇ияаасз ид̇ха бхуумибаалаа, муд̣̇д̇хаабхисид̇д̇аа гад̇анаамад̇хзяяаа;

    ‘‘Ye khattiyāse idha bhūmipālā, muddhābhisittā katanāmadheyyā;

    на д̇аад̣̇исз бхуумибад̇ий ад̣̇зси, зд̇ам̣ вараанам̣ д̣̇уд̇ияам̣ вараамий’’д̇и.

    Na tādise bhūmipatī adesi, etaṃ varānaṃ dutiyaṃ varāmī’’ti.

    д̇ад̇т̇а гад̇анаамад̇хзяяаад̇и муд̣̇д̇хани абхисид̇д̇ад̇д̇аава ‘‘муд̣̇д̇хаабхисид̇д̇аа’’д̇и гад̇анаамад̇хзяяаа. на д̇аад̣̇исзд̇и д̇аад̣̇исз кад̇д̇ияз на ад̣̇зси маа каад̣̇и.

    Tattha katanāmadheyyāti muddhani abhisittattāva ‘‘muddhābhisittā’’ti katanāmadheyyā. Na tādiseti tādise khattiye na adesi mā khādi.

    ид̇и со д̣̇уд̇ияам̣ варам̣ г̇ан̣ханд̇о баросад̇аанам̣ кад̇д̇ияаанам̣ ж̇ийвид̇аварам̣ г̇ан̣хи. борисаад̣̇обисса д̣̇ад̣̇амаано ааха –

    Iti so dutiyaṃ varaṃ gaṇhanto parosatānaṃ khattiyānaṃ jīvitavaraṃ gaṇhi. Porisādopissa dadamāno āha –

    456.

    456.

    ‘‘яз кад̇д̇ияаасз ид̇ха бхуумибаалаа, муд̣̇д̇хаабхисид̇д̇аа гад̇анаамад̇хзяяаа;

    ‘‘Ye khattiyāse idha bhūmipālā, muddhābhisittā katanāmadheyyā;

    на д̇аад̣̇исз бхуумибад̇ий ад̣̇зми, зд̇ам̣ вараанам̣ д̣̇уд̇ияам̣ д̣̇ад̣̇аамий’’д̇и.

    Na tādise bhūmipatī ademi, etaṃ varānaṃ dutiyaṃ dadāmī’’ti.

    гим̣ бана д̇з д̇зсам̣ сад̣̇д̣̇ам̣ сун̣анд̇и, на сун̣анд̇ийд̇и? на саб̣б̣ам̣ сун̣анд̇и. борисаад̣̇зна хи ругкасса д̇хуумаж̇аалаубад̣̇д̣̇авабхаязна бадиггамид̇ваа аг̇г̇и гад̇о, аг̇г̇ино жа ругкасса жа анд̇арз нисийд̣̇ид̇ваа махаасад̇д̇о д̇зна сад̣̇д̇хим̣ гат̇зси, д̇асмаа саб̣б̣ам̣ асуд̇ваа убад̣дхубад̣дхам̣ сун̣им̣су. д̇з ‘‘ид̣̇аани суд̇асомо борисаад̣̇ам̣ д̣̇амзссад̇и, маа бхааяат̇аа’’д̇и ан̃н̃аман̃н̃ам̣ самассаасзсум̣. д̇асмим̣ кан̣з махаасад̇д̇о имам̣ г̇аат̇амааха –

    Kiṃ pana te tesaṃ saddaṃ suṇanti, na suṇantīti? Na sabbaṃ suṇanti. Porisādena hi rukkhassa dhūmajālaupaddavabhayena paṭikkamitvā aggi kato, aggino ca rukkhassa ca antare nisīditvā mahāsatto tena saddhiṃ kathesi, tasmā sabbaṃ asutvā upaḍḍhupaḍḍhaṃ suṇiṃsu. Te ‘‘idāni sutasomo porisādaṃ damessati, mā bhāyathā’’ti aññamaññaṃ samassāsesuṃ. Tasmiṃ khaṇe mahāsatto imaṃ gāthamāha –

    457.

    457.

    ‘‘баросад̇ам̣ кад̇д̇ияаа д̇з г̇ахийд̇аа, д̇алаавуд̇аа ассумукаа руд̣̇анд̇аа;

    ‘‘Parosataṃ khattiyā te gahītā, talāvutā assumukhā rudantā;

    сагз д̇з радтз бадибаад̣̇аяаахи, зд̇ам̣ вараанам̣ д̇ад̇ияам̣ вараамий’’д̇и.

    Sake te raṭṭhe paṭipādayāhi, etaṃ varānaṃ tatiyaṃ varāmī’’ti.

    д̇ад̇т̇а баросад̇анд̇и ад̇ирзгасад̇ам̣. д̇з г̇ахийд̇аад̇и д̇аяаа г̇ахид̇аа. д̇алаавуд̇аад̇и хад̇т̇ад̇алзсу аавуд̇аа.

    Tattha parosatanti atirekasataṃ. Te gahītāti tayā gahitā. Talāvutāti hatthatalesu āvutā.

    ид̇и махаасад̇д̇о д̇ад̇ияам̣ варам̣ г̇ан̣ханд̇о д̇зсам̣ кад̇д̇ияаанам̣ сагарадтанияяаад̇анаварам̣ г̇ан̣хи. гим̣гааран̣аа? со акаад̣̇анд̇оби взрабхаязна саб̣б̣з д̇з д̣̇аасз гад̇ваа аран̃н̃зязва ваасзяяа, маарзд̇ваа ваа чад̣д̣зяяа, бажжанд̇ам̣ нзд̇ваа ваа виггин̣зяяа, д̇асмаа д̇зсам̣ сагарадтанияяаад̇анаварам̣ г̇ан̣хи. ид̇аробисса д̣̇ад̣̇амаано имам̣ г̇аат̇амааха –

    Iti mahāsatto tatiyaṃ varaṃ gaṇhanto tesaṃ khattiyānaṃ sakaraṭṭhaniyyātanavaraṃ gaṇhi. Kiṃkāraṇā? So akhādantopi verabhayena sabbe te dāse katvā araññeyeva vāseyya, māretvā vā chaḍḍeyya, paccantaṃ netvā vā vikkiṇeyya, tasmā tesaṃ sakaraṭṭhaniyyātanavaraṃ gaṇhi. Itaropissa dadamāno imaṃ gāthamāha –

    458.

    458.

    ‘‘баросад̇ам̣ кад̇д̇ияаа мз г̇ахийд̇аа, д̇алаавуд̇аа ассумукаа руд̣̇анд̇аа;

    ‘‘Parosataṃ khattiyā me gahītā, talāvutā assumukhā rudantā;

    сагз д̇з радтз бадибаад̣̇аяаами, зд̇ам̣ вараанам̣ д̇ад̇ияам̣ д̣̇ад̣̇аамий’’д̇и.

    Sake te raṭṭhe paṭipādayāmi, etaṃ varānaṃ tatiyaṃ dadāmī’’ti.

    жад̇уд̇т̇ам̣ бана варам̣ г̇ан̣ханд̇о б̣од̇хисад̇д̇о имам̣ г̇аат̇амааха –

    Catutthaṃ pana varaṃ gaṇhanto bodhisatto imaṃ gāthamāha –

    459.

    459.

    ‘‘чид̣̇д̣̇ам̣ д̇з радтам̣ б̣яат̇ид̇аа бхаяаа хи, бут̇уу нараа лзн̣амануббавидтаа;

    ‘‘Chiddaṃ te raṭṭhaṃ byathitā bhayā hi, puthū narā leṇamanuppaviṭṭhā;

    мануссамам̣сам̣ вирамзхи рааж̇а, зд̇ам̣ вараанам̣ жад̇уд̇т̇ам̣ вараамий’’д̇и.

    Manussamaṃsaṃ viramehi rāja, etaṃ varānaṃ catutthaṃ varāmī’’ti.

    д̇ад̇т̇а чид̣̇д̣̇анд̇и на гханаваасам̣ д̇ад̇т̇а д̇ад̇т̇а г̇аамаад̣̇ийнам̣ удтид̇ад̇д̇аа савиварам̣. б̣яат̇ид̇аа бхаяаахийд̇и ‘‘борисаад̣̇о ид̣̇аани ааг̇амиссад̇ий’’д̇и д̇ава бхаязна гамбид̇аа. лзн̣амануббавидтаад̇и д̣̇аарагз хад̇т̇зсу г̇ахзд̇ваа д̇ин̣аг̇аханаад̣̇инилийяанадтаанам̣ бавидтаа. мануссамам̣санд̇и д̣̇уг̇г̇анд̇хам̣ ж̇зг̇ужчам̣ бадиггуулам̣ мануссамам̣сам̣ баж̇аха. ниссаггад̇т̇з ваа убаяог̇ам̣, мануссамам̣сад̇о вирамаахийд̇и ад̇т̇о.

    Tattha chiddanti na ghanavāsaṃ tattha tattha gāmādīnaṃ uṭṭhitattā savivaraṃ. Byathitā bhayāhīti ‘‘porisādo idāni āgamissatī’’ti tava bhayena kampitā. Leṇamanuppaviṭṭhāti dārake hatthesu gahetvā tiṇagahanādinilīyanaṭṭhānaṃ paviṭṭhā. Manussamaṃsanti duggandhaṃ jegucchaṃ paṭikkūlaṃ manussamaṃsaṃ pajaha. Nissakkatthe vā upayogaṃ, manussamaṃsato viramāhīti attho.

    звам̣ вуд̇д̇з борисаад̣̇о баан̣им̣ бахарид̇ваа хасанд̇о ‘‘самма суд̇асома гим̣ наамзд̇ам̣ гат̇зси, гат̇аахам̣ д̇умхаагам̣ зд̇ам̣ варам̣ д̣̇ассаами, сажз г̇ан̣хид̇угаамо, ан̃н̃ам̣ г̇ан̣хаахий’’д̇и вад̇ваа г̇аат̇амааха –

    Evaṃ vutte porisādo pāṇiṃ paharitvā hasanto ‘‘samma sutasoma kiṃ nāmetaṃ kathesi, kathāhaṃ tumhākaṃ etaṃ varaṃ dassāmi, sace gaṇhitukāmo, aññaṃ gaṇhāhī’’ti vatvā gāthamāha –

    460.

    460.

    ‘‘ад̣̇д̇хаа хи со бхагко мама манаабо, зд̇асса хзд̇умхи ванам̣ бавидто;

    ‘‘Addhā hi so bhakkho mama manāpo, etassa hetumhi vanaṃ paviṭṭho;

    сохам̣ гат̇ам̣ зд̇д̇о убаарамзяяам̣, ан̃н̃ам̣ вараанам̣ жад̇уд̇т̇ам̣ варассуу’’д̇и.

    Sohaṃ kathaṃ etto upārameyyaṃ, aññaṃ varānaṃ catutthaṃ varassū’’ti.

    д̇ад̇т̇а вананд̇и раж̇ж̇ам̣ бахааяа имам̣ ванам̣ бавидто.

    Tattha vananti rajjaṃ pahāya imaṃ vanaṃ paviṭṭho.

    ат̇а нам̣ махаасад̇д̇о ‘‘д̇вам̣ ‘мануссамам̣сасса бияад̇арад̇д̇аа д̇ад̇о вирамид̇ум̣ на саггомий’’д̇и вад̣̇аси. яо хи бияам̣ ниссааяа баабам̣ гарод̇и, аяам̣ б̣аало’’д̇и вад̇ваа г̇аат̇амааха –

    Atha naṃ mahāsatto ‘‘tvaṃ ‘manussamaṃsassa piyatarattā tato viramituṃ na sakkomī’’ti vadasi. Yo hi piyaṃ nissāya pāpaṃ karoti, ayaṃ bālo’’ti vatvā gāthamāha –

    461.

    461.

    ‘‘на вз ‘бияам̣ мз’д̇и ж̇анинд̣̇а д̇аад̣̇исо, ад̇д̇ам̣ нирам̣гажжа бияаани сзвад̇и;

    ‘‘Na ve ‘piyaṃ me’ti janinda tādiso, attaṃ niraṃkacca piyāni sevati;

    ад̇д̇аава сзяяо барамаа жа сзяяо, лаб̣бхаа бияаа ожид̇ад̇т̇зна бажчаа’’д̇и.

    Attāva seyyo paramā ca seyyo, labbhā piyā ocitatthena pacchā’’ti.

    д̇ад̇т̇а д̇аад̣̇исод̇и ж̇анинд̣̇а д̇аад̣̇исо яуваа абхируубо махааяасо ‘‘ид̣̇ам̣ наама мз бияа’’нд̇и бияавад̇т̇улобхзна д̇ад̇т̇а ад̇д̇аанам̣ нирам̣гад̇ваа саб̣б̣асуг̇ад̇ийхи жзва сукависзсзхи жа жавид̇ваа нираяз баад̇зд̇ваа на вз бияаани сзвад̇и. барамаа жа сзяяод̇и бурисасса хи барамаа бияавад̇т̇умхаа ад̇д̇аава варад̇аро. гим̣гааран̣аа? лаб̣бхаа бияаад̇и, бияаа наама висаяавасзна жзва бун̃н̃зна жа ожид̇ад̇т̇зна вад̣дхид̇ад̇т̇зна д̣̇идтад̇хаммз жзва барад̇т̇а жа д̣̇звамануссасамбад̇д̇им̣ бад̇ваа саггаа лад̣̇д̇хум̣.

    Tattha tādisoti janinda tādiso yuvā abhirūpo mahāyaso ‘‘idaṃ nāma me piya’’nti piyavatthulobhena tattha attānaṃ niraṃkatvā sabbasugatīhi ceva sukhavisesehi ca cavitvā niraye pātetvā na ve piyāni sevati. Paramā ca seyyoti purisassa hi paramā piyavatthumhā attāva varataro. Kiṃkāraṇā? Labbhā piyāti, piyā nāma visayavasena ceva puññena ca ocitatthena vaḍḍhitatthena diṭṭhadhamme ceva parattha ca devamanussasampattiṃ patvā sakkā laddhuṃ.

    звам̣ вуд̇д̇з борисаад̣̇о бхаяаббад̇д̇о худ̇ваа ‘‘ахам̣ суд̇асомзна г̇ахид̇ам̣ варам̣ виссаж̇ж̇аабзд̇умби мануссамам̣сад̇о вирамид̇умби на саггоми, гим̣ ну ко гариссаамий’’д̇и ассубун̣н̣зхи нзд̇д̇зхи г̇аат̇амааха –

    Evaṃ vutte porisādo bhayappatto hutvā ‘‘ahaṃ sutasomena gahitaṃ varaṃ vissajjāpetumpi manussamaṃsato viramitumpi na sakkomi, kiṃ nu kho karissāmī’’ti assupuṇṇehi nettehi gāthamāha –

    462.

    462.

    ‘‘бияам̣ мз маанусам̣ мам̣сам̣, суд̇асома виж̇аанахи;

    ‘‘Piyaṃ me mānusaṃ maṃsaṃ, sutasoma vijānahi;

    намхи саггаа ниваарзд̇ум̣, ан̃н̃ам̣ варам̣ самма варассуу’’д̇и.

    Namhi sakkā nivāretuṃ, aññaṃ varaṃ samma varassū’’ti.

    д̇ад̇т̇а виж̇аанахийд̇и д̇вамби ж̇аанаахи.

    Tattha vijānahīti tvampi jānāhi.

    д̇ад̇о б̣од̇хисад̇д̇о ааха –

    Tato bodhisatto āha –

    463.

    463.

    ‘‘яо вз ‘бияам̣ мз’д̇и бияаанурагкий, ад̇д̇ам̣ нирам̣гажжа бияаани сзвад̇и;

    ‘‘Yo ve ‘piyaṃ me’ti piyānurakkhī, attaṃ niraṃkacca piyāni sevati;

    сон̣д̣ова бид̇ваа висамиссабаанам̣, д̇знзва со ход̇и д̣̇угкий барад̇т̇а.

    Soṇḍova pitvā visamissapānaṃ, teneva so hoti dukkhī parattha.

    464.

    464.

    ‘‘яо жийд̇ха сан̇кааяа бияаани хид̇ваа, гижчзнаби сзвад̇и арияад̇хаммз;

    ‘‘Yo cīdha saṅkhāya piyāni hitvā, kicchenapi sevati ariyadhamme;

    д̣̇угкид̇ова бид̇ваана яат̇осад̇хаани, д̇знзва со ход̇и сукий барад̇т̇аа’’д̇и.

    Dukkhitova pitvāna yathosadhāni, teneva so hoti sukhī paratthā’’ti.

    д̇ад̇т̇а яо взд̇и, самма борисаад̣̇а, яо бурисо ‘‘ид̣̇ам̣ мз бияа’’нд̇и баабагирияааяа ад̇д̇аанам̣ нирам̣гад̇ваа бияаани вад̇т̇ууни сзвад̇и, со сураабзмзна висамиссам̣ сурам̣ бид̇ваа сон̣д̣о вияа д̇зна баабагаммзна барад̇т̇а нираяаад̣̇ийсу д̣̇угкий ход̇и. сан̇кааяаад̇и ж̇аанид̇ваа д̇улзд̇ваа. бияаани хид̇ваад̇и ад̇хаммабадисам̣яуд̇д̇аани бияаани чад̣д̣зд̇ваа.

    Tattha yo veti, samma porisāda, yo puriso ‘‘idaṃ me piya’’nti pāpakiriyāya attānaṃ niraṃkatvā piyāni vatthūni sevati, so surāpemena visamissaṃ suraṃ pitvā soṇḍo viya tena pāpakammena parattha nirayādīsu dukkhī hoti. Saṅkhāyāti jānitvā tuletvā. Piyāni hitvāti adhammapaṭisaṃyuttāni piyāni chaḍḍetvā.

    звам̣ вуд̇д̇з борисаад̣̇о галуунам̣ барид̣̇званд̇о г̇аат̇амааха –

    Evaṃ vutte porisādo kalūnaṃ paridevanto gāthamāha –

    465.

    465.

    ‘‘охааяахам̣ бид̇арам̣ маад̇аран̃жа, манаабияз гаамаг̇ун̣з жа бан̃жа;

    ‘‘Ohāyahaṃ pitaraṃ mātarañca, manāpiye kāmaguṇe ca pañca;

    зд̇асса хзд̇умхи ванам̣ бавидто, д̇ам̣ д̇з варам̣ гинд̇и махам̣ д̣̇ад̣̇аамий’’д̇и.

    Etassa hetumhi vanaṃ paviṭṭho, taṃ te varaṃ kinti mahaṃ dadāmī’’ti.

    д̇ад̇т̇а зд̇ассаад̇и мануссамам̣сасса. гинд̇и маханд̇и гинд̇и гад̇ваа ахам̣ д̇ам̣ варам̣ д̣̇зми.

    Tattha etassāti manussamaṃsassa. Kinti mahanti kinti katvā ahaṃ taṃ varaṃ demi.

    д̇ад̇о махаасад̇д̇о имам̣ г̇аат̇амааха –

    Tato mahāsatto imaṃ gāthamāha –

    466.

    466.

    ‘‘на бан̣д̣ид̇аа д̣̇иг̇ун̣амааху ваагяам̣, сажжаббадин̃н̃аава бхаванд̇и санд̇о;

    ‘‘Na paṇḍitā diguṇamāhu vākyaṃ, saccappaṭiññāva bhavanti santo;

    ‘варассу самма’ ид̇и мам̣ авожа, ижжаб̣равий д̇вам̣ на хи д̇з самзд̇ий’’д̇и.

    ‘Varassu samma’ iti maṃ avoca, iccabravī tvaṃ na hi te sametī’’ti.

    д̇ад̇т̇а д̣̇иг̇ун̣анд̇и, самма борисаад̣̇а, бан̣д̣ид̇аа наама згам̣ вад̇ваа буна д̇ам̣ висам̣ваад̣̇знд̇аа д̣̇уд̇ияам̣ важанам̣ на гат̇знд̇и. ид̇и мам̣ авожаад̇и, ‘‘самма суд̇асома варассу вара’’нд̇и звам̣ мам̣ абхаасаси. ижжаб̣равийд̇и д̇асмаа яам̣ д̇вам̣ ид̇и аб̣рави, д̇ам̣ д̇з ид̣̇аани на самзд̇и.

    Tattha diguṇanti, samma porisāda, paṇḍitā nāma ekaṃ vatvā puna taṃ visaṃvādentā dutiyaṃ vacanaṃ na kathenti. Iti maṃ avocāti, ‘‘samma sutasoma varassu vara’’nti evaṃ maṃ abhāsasi. Iccabravīti tasmā yaṃ tvaṃ iti abravi, taṃ te idāni na sameti.

    со буна род̣̇анд̇о зва г̇аат̇амааха –

    So puna rodanto eva gāthamāha –

    467.

    467.

    ‘‘абун̃н̃алаабхам̣ аяасам̣ агид̇д̇им̣, баабам̣ б̣ахум̣ д̣̇ужжарид̇ам̣ гилзсам̣;

    ‘‘Apuññalābhaṃ ayasaṃ akittiṃ, pāpaṃ bahuṃ duccaritaṃ kilesaṃ;

    мануссамам̣сасса гад̇з убааг̇аа, д̇ам̣ д̇з варам̣ гинд̇и махам̣ д̣̇ад̣̇зяяа’’нд̇и.

    Manussamaṃsassa kate upāgā, taṃ te varaṃ kinti mahaṃ dadeyya’’nti.

    д̇ад̇т̇а баабанд̇и гаммабат̇ам̣ аббад̇д̇ам̣. д̣̇ужжарид̇анд̇и гаммабат̇аббад̇д̇ам̣. гилзсанд̇и д̣̇угкам̣. мануссамам̣сасса гад̇зд̇и мануссамам̣сасса хзд̇у. убааг̇аад̇и убаг̇ад̇омхи. д̇ам̣ д̇зд̇и д̇ам̣ д̇уяхам̣ гат̇аахам̣ варам̣ д̣̇зми, маа мам̣ ваараяи, анугамбам̣ гаарун̃н̃ам̣ маяи гарохи, ан̃н̃ам̣ варам̣ г̇ан̣хаахийд̇и ааха.

    Tattha pāpanti kammapathaṃ appattaṃ. Duccaritanti kammapathappattaṃ. Kilesanti dukkhaṃ. Manussamaṃsassa kateti manussamaṃsassa hetu. Upāgāti upagatomhi. Taṃ teti taṃ tuyhaṃ kathāhaṃ varaṃ demi, mā maṃ vārayi, anukampaṃ kāruññaṃ mayi karohi, aññaṃ varaṃ gaṇhāhīti āha.

    ат̇а махаасад̇д̇о ааха –

    Atha mahāsatto āha –

    468.

    468.

    ‘‘на д̇ам̣ варам̣ арахад̇и ж̇анд̇у д̣̇аад̇ум̣, яам̣ вааби д̣̇ад̇ваа на аваагарзяяа;

    ‘‘Na taṃ varaṃ arahati jantu dātuṃ, yaṃ vāpi datvā na avākareyya;

    варассу самма авигамбамаано, баан̣ам̣ жаж̇ид̇ваанаби д̣̇ассамзваа’’д̇и.

    Varassu samma avikampamāno, pāṇaṃ cajitvānapi dassamevā’’ti.

    звам̣ д̇зна батамам̣ вуд̇д̇аг̇аат̇ам̣ аахарид̇ваа д̣̇ассзд̇ваа варад̣̇аанз уссаахзнд̇о г̇аат̇аа ааха –

    Evaṃ tena paṭhamaṃ vuttagāthaṃ āharitvā dassetvā varadāne ussāhento gāthā āha –

    469.

    469.

    ‘‘баан̣ам̣ жаж̇анд̇и санд̇о нааби д̇хаммам̣, сажжаббадин̃н̃аава бхаванд̇и санд̇о;

    ‘‘Pāṇaṃ cajanti santo nāpi dhammaṃ, saccappaṭiññāva bhavanti santo;

    д̣̇ад̇ваа варам̣ киббамаваагарохи, зд̇зна самбаж̇ж̇а сурааж̇асздта.

    Datvā varaṃ khippamavākarohi, etena sampajja surājaseṭṭha.

    470.

    470.

    ‘‘жаж̇з д̇ханам̣ ан̇г̇аварасса хзд̇у, ан̇г̇ам̣ жаж̇з ж̇ийвид̇ам̣ рагкамаано;

    ‘‘Caje dhanaṃ aṅgavarassa hetu, aṅgaṃ caje jīvitaṃ rakkhamāno;

    ан̇г̇ам̣ д̇ханам̣ ж̇ийвид̇ан̃жааби саб̣б̣ам̣, жаж̇з наро д̇хаммамануссаранд̇о’’д̇и.

    Aṅgaṃ dhanaṃ jīvitañcāpi sabbaṃ, caje naro dhammamanussaranto’’ti.

    д̇ад̇т̇а баан̣анд̇и ж̇ийвид̇ам̣. санд̇о наама аби ж̇ийвид̇ам̣ жаж̇анд̇и, на д̇хаммам̣. киббамаваагарохийд̇и ид̇ха киббам̣ маяхам̣ д̣̇зхийд̇и ад̇т̇о. зд̇знаад̇и зд̇зна д̇хаммзна жзва сажжзна жа самбаж̇ж̇а самбанно убабанно хохи. сурааж̇асздтаад̇и д̇ам̣ баг̇г̇ан̣ханд̇о аалабад̇и. жаж̇з д̇хананд̇и, самма борисаад̣̇а, бан̣д̣ид̇о бурисо хад̇т̇абаад̣̇аад̣̇имхи ан̇г̇з чиж̇ж̇амаанз д̇асса рагкан̣ад̇т̇ааяа б̣ахумби д̇ханам̣ жаж̇зяяа. д̇хаммамануссаранд̇од̇и ан̇г̇ад̇ханаж̇ийвид̇аани барижжаж̇анд̇оби ‘‘сад̇ам̣ д̇хаммам̣ на вийд̇иггамиссаамий’’д̇и звам̣ д̇хаммам̣ ануссаранд̇о.

    Tattha pāṇanti jīvitaṃ. Santo nāma api jīvitaṃ cajanti, na dhammaṃ. Khippamavākarohīti idha khippaṃ mayhaṃ dehīti attho. Etenāti etena dhammena ceva saccena ca sampajja sampanno upapanno hohi. Surājaseṭṭhāti taṃ paggaṇhanto ālapati. Caje dhananti, samma porisāda, paṇḍito puriso hatthapādādimhi aṅge chijjamāne tassa rakkhaṇatthāya bahumpi dhanaṃ cajeyya. Dhammamanussarantoti aṅgadhanajīvitāni pariccajantopi ‘‘sataṃ dhammaṃ na vītikkamissāmī’’ti evaṃ dhammaṃ anussaranto.

    звам̣ махаасад̇д̇о имзхи гааран̣зхи д̇ам̣ сажжз бад̇идтаабзд̇ваа ид̣̇аани ад̇д̇ано г̇урубхаавам̣ д̣̇ассзд̇ум̣ г̇аат̇амааха –

    Evaṃ mahāsatto imehi kāraṇehi taṃ sacce patiṭṭhāpetvā idāni attano gurubhāvaṃ dassetuṃ gāthamāha –

    471.

    471.

    ‘‘яасмаа хи д̇хаммам̣ бурисо виж̇ан̃н̃аа, яз жасса ган̇кам̣ винаяанд̇и санд̇о;

    ‘‘Yasmā hi dhammaṃ puriso vijaññā, ye cassa kaṅkhaṃ vinayanti santo;

    д̇ам̣ хисса д̣̇ийбан̃жа барааяан̣ан̃жа, на д̇зна мид̇д̇им̣ ж̇ираязт̇а бан̃н̃о’’д̇и.

    Taṃ hissa dīpañca parāyaṇañca, na tena mittiṃ jirayetha pañño’’ti.

    д̇ад̇т̇а яасмаад̇и яамхаа бурисаа. д̇хамманд̇и гусалаагусалаж̇од̇агам̣ гааран̣ам̣. виж̇ан̃н̃аад̇и виж̇аанзяяа. д̇ам̣ хиссаад̇и д̇ам̣ аажарияагулам̣ зд̇асса буг̇г̇аласса бад̇идтаанадтзна д̣̇ийбам̣, уббаннз бхаяз г̇анд̇аб̣б̣адтаанадтзна барааяан̣ан̃жа. на д̇зна мид̇д̇инд̇и д̇зна аажарияабуг̇г̇алзна саха со бан̣д̣ид̇о гзнажиби гааран̣зна мид̇д̇им̣ на ж̇ийраязт̇а на винаасзяяа.

    Tattha yasmāti yamhā purisā. Dhammanti kusalākusalajotakaṃ kāraṇaṃ. Vijaññāti vijāneyya. Taṃ hissāti taṃ ācariyakulaṃ etassa puggalassa patiṭṭhānaṭṭhena dīpaṃ, uppanne bhaye gantabbaṭṭhānaṭṭhena parāyaṇañca. Na tena mittinti tena ācariyapuggalena saha so paṇḍito kenacipi kāraṇena mittiṃ na jīrayetha na vināseyya.

    зван̃жа бана вад̇ваа, ‘‘самма борисаад̣̇а, г̇ун̣аванд̇асса аажарияасса важанам̣ наама бхинд̣̇ид̇ум̣ на ваддад̇и, ахан̃жа д̇арун̣агаалзби д̇ава бидтиаажарияо худ̇ваа б̣ахум̣ сигкам̣ сигкаабзсим̣, ид̣̇ааниби б̣уд̣̇д̇халийлааяа сад̇аарахаа г̇аат̇аа д̇з гат̇зсим̣, д̇зна мз важанам̣ гаад̇ум̣ арахасий’’д̇и ааха. д̇ам̣ суд̇ваа борисаад̣̇о ‘‘аяам̣ суд̇асомо маяхам̣ аажарияо жзва бан̣д̣ид̇о жа, варо жасса маяаа д̣̇инно, гим̣ саггаа гаад̇ум̣, згасмим̣ ад̇д̇абхаавз маран̣ам̣ наама д̇хувам̣, мануссамам̣сам̣ на каад̣̇иссаами, д̣̇ассаамисса вара’’нд̇и ассуд̇хаараахи бавад̇д̇амаанаахи удтааяа суд̇асоманаринд̣̇асса баад̣̇зсу бад̇ид̇ваа варам̣ д̣̇ад̣̇амаано имам̣ г̇аат̇амааха –

    Evañca pana vatvā, ‘‘samma porisāda, guṇavantassa ācariyassa vacanaṃ nāma bhindituṃ na vaṭṭati, ahañca taruṇakālepi tava piṭṭhiācariyo hutvā bahuṃ sikkhaṃ sikkhāpesiṃ, idānipi buddhalīlāya satārahā gāthā te kathesiṃ, tena me vacanaṃ kātuṃ arahasī’’ti āha. Taṃ sutvā porisādo ‘‘ayaṃ sutasomo mayhaṃ ācariyo ceva paṇḍito ca, varo cassa mayā dinno, kiṃ sakkā kātuṃ, ekasmiṃ attabhāve maraṇaṃ nāma dhuvaṃ, manussamaṃsaṃ na khādissāmi, dassāmissa vara’’nti assudhārāhi pavattamānāhi uṭṭhāya sutasomanarindassa pādesu patitvā varaṃ dadamāno imaṃ gāthamāha –

    472.

    472.

    ‘‘ад̣̇д̇хаа хи со бхагко мама манаабо, зд̇асса хзд̇умхи ванам̣ бавидто;

    ‘‘Addhā hi so bhakkho mama manāpo, etassa hetumhi vanaṃ paviṭṭho;

    сажз жа мам̣ яаажаси зд̇амад̇т̇ам̣, зд̇амби д̇з самма варам̣ д̣̇ад̣̇аамий’’д̇и.

    Sace ca maṃ yācasi etamatthaṃ, etampi te samma varaṃ dadāmī’’ti.

    ат̇а нам̣ махаасад̇д̇о звамааха – ‘‘самма, сийлз тид̇асса маран̣амби варам̣, г̇ан̣хаами, махаарааж̇а, д̇аяаа д̣̇иннам̣ варам̣, аж̇ж̇а бадтааяа арияабат̇з бад̇идтид̇оси, звам̣ санд̇зби д̇ам̣ яаажаами, сажз д̇з маяи синзхо ад̇т̇и, бан̃жа сийлаани г̇ан̣ха, махаарааж̇аа’’д̇и. ‘‘саад̇ху, самма, д̣̇зхи мз сийлааний’’д̇и. ‘‘г̇ан̣ха махаарааж̇аа’’д̇и. со махаасад̇д̇ам̣ бан̃жабад̇идтид̇зна ванд̣̇ид̇ваа згаманд̇ам̣ нисийд̣̇и. махаасад̇д̇оби нам̣ бан̃жасийлзсу бад̇идтаабзси. д̇асмим̣ кан̣з д̇ад̇т̇а саннибад̇ид̇аа бхуммаа д̣̇зваа махаасад̇д̇з бийд̇им̣ ж̇анзд̇ваа ‘‘авийжид̇о яаава бхаваг̇г̇аа ан̃н̃о борисаад̣̇ам̣ мануссамам̣сад̇о ниваарзд̇ум̣ самад̇т̇о наама над̇т̇и, ахо суд̇асомзна д̣̇уггарад̇арам̣ гад̇а’’нд̇и маханд̇зна сад̣̇д̣̇зна ванам̣ уннаад̣̇знд̇аа саад̇хугаарам̣ ад̣̇ам̣су. д̇зсам̣ сад̣̇д̣̇ам̣ суд̇ваа жаад̇умахаарааж̇игаад̇и звам̣ яаава б̣рахмалогаа згаголаахалам̣ ахоси. ругкз лаг̇г̇ид̇арааж̇ааноби д̇ам̣ д̣̇звад̇аанам̣ саад̇хугаарасад̣̇д̣̇ам̣ сун̣им̣су. ругкад̣̇звад̇ааби сагавимаанз тид̇аава саад̇хугаарамад̣̇ааси. ид̇и д̣̇звад̇аанам̣ сад̣̇д̣̇ова сууяад̇и, руубам̣ на д̣̇иссад̇и. д̣̇звад̇аанам̣ саад̇хугаарасад̣̇д̣̇ам̣ суд̇ваа рааж̇аано жинд̇аяим̣су – ‘‘суд̇асомам̣ ниссааяа но ж̇ийвид̇ам̣ лад̣̇д̇хам̣, д̣̇уггарам̣ гад̇ам̣ суд̇асомзна борисаад̣̇ам̣ д̣̇амзнд̇знаа’’д̇и б̣од̇хисад̇д̇асса т̇уд̇им̣ гарим̣су. борисаад̣̇о махаасад̇д̇асса баад̣̇з ванд̣̇ид̇ваа згаманд̇ам̣ адтааси. ат̇а нам̣ б̣од̇хисад̇д̇о – ‘‘самма, кад̇д̇ияз можзхий’’д̇и ааха. со жинд̇зси ‘‘ахам̣ зд̇зсам̣ бажжаамид̇д̇о, зд̇з маяаа можид̇аа ‘г̇ан̣хат̇а но бажжаамид̇д̇а’нд̇и мам̣ хим̣сзяяум̣, маяаа ж̇ийвид̇ам̣ жаж̇анд̇знаби на саггаа суд̇асомасса санд̇игаа г̇ахид̇ам̣ сийлам̣ бхинд̣̇ид̇ум̣, иминаа сад̣̇д̇хиязва г̇анд̇ваа можзссаами, звам̣ мз бхаяам̣ на бхависсад̇ий’’д̇и. ат̇а б̣од̇хисад̇д̇ам̣ ванд̣̇ид̇ваа, ‘‘суд̇асома, убхоби г̇анд̇ваа кад̇д̇ияз можзссаамаа’’д̇и вад̇ваа г̇аат̇амааха –

    Atha naṃ mahāsatto evamāha – ‘‘samma, sīle ṭhitassa maraṇampi varaṃ, gaṇhāmi, mahārāja, tayā dinnaṃ varaṃ, ajja paṭṭhāya ariyapathe patiṭṭhitosi, evaṃ santepi taṃ yācāmi, sace te mayi sineho atthi, pañca sīlāni gaṇha, mahārājā’’ti. ‘‘Sādhu, samma, dehi me sīlānī’’ti. ‘‘Gaṇha mahārājā’’ti. So mahāsattaṃ pañcapatiṭṭhitena vanditvā ekamantaṃ nisīdi. Mahāsattopi naṃ pañcasīlesu patiṭṭhāpesi. Tasmiṃ khaṇe tattha sannipatitā bhummā devā mahāsatte pītiṃ janetvā ‘‘avīcito yāva bhavaggā añño porisādaṃ manussamaṃsato nivāretuṃ samattho nāma natthi, aho sutasomena dukkarataraṃ kata’’nti mahantena saddena vanaṃ unnādentā sādhukāraṃ adaṃsu. Tesaṃ saddaṃ sutvā cātumahārājikāti evaṃ yāva brahmalokā ekakolāhalaṃ ahosi. Rukkhe laggitarājānopi taṃ devatānaṃ sādhukārasaddaṃ suṇiṃsu. Rukkhadevatāpi sakavimāne ṭhitāva sādhukāramadāsi. Iti devatānaṃ saddova sūyati, rūpaṃ na dissati. Devatānaṃ sādhukārasaddaṃ sutvā rājāno cintayiṃsu – ‘‘sutasomaṃ nissāya no jīvitaṃ laddhaṃ, dukkaraṃ kataṃ sutasomena porisādaṃ damentenā’’ti bodhisattassa thutiṃ kariṃsu. Porisādo mahāsattassa pāde vanditvā ekamantaṃ aṭṭhāsi. Atha naṃ bodhisatto – ‘‘samma, khattiye mocehī’’ti āha. So cintesi ‘‘ahaṃ etesaṃ paccāmitto, ete mayā mocitā ‘gaṇhatha no paccāmitta’nti maṃ hiṃseyyuṃ, mayā jīvitaṃ cajantenapi na sakkā sutasomassa santikā gahitaṃ sīlaṃ bhindituṃ, iminā saddhiyeva gantvā mocessāmi, evaṃ me bhayaṃ na bhavissatī’’ti. Atha bodhisattaṃ vanditvā, ‘‘sutasoma, ubhopi gantvā khattiye mocessāmā’’ti vatvā gāthamāha –

    473.

    473.

    ‘‘сад̇т̇аа жа мз хоси сакаа жа мзси, важанамби д̇з самма ахам̣ агаасим̣;

    ‘‘Satthā ca me hosi sakhā ca mesi, vacanampi te samma ahaṃ akāsiṃ;

    д̇увамби мз самма гарохи ваагяам̣, убхоби г̇анд̇ваана баможаяаамаа’’д̇и.

    Tuvampi me samma karohi vākyaṃ, ubhopi gantvāna pamocayāmā’’ti.

    д̇ад̇т̇а сад̇т̇аад̇и саг̇г̇амаг̇г̇асса д̣̇зсид̇ад̇д̇аа сад̇т̇аа жа, д̇арун̣агаалад̇о бадтааяа сакаа жа.

    Tattha satthāti saggamaggassa desitattā satthā ca, taruṇakālato paṭṭhāya sakhā ca.

    ат̇а нам̣ б̣од̇хисад̇д̇о ааха –

    Atha naṃ bodhisatto āha –

    474.

    474.

    ‘‘сад̇т̇аа жа д̇з хоми сакаа жа д̇яамхи, важанамби мз самма д̇увам̣ агааси;

    ‘‘Satthā ca te homi sakhā ca tyamhi, vacanampi me samma tuvaṃ akāsi;

    ахамби д̇з самма гароми ваагяам̣, убхоби г̇анд̇ваана баможаяаамаа’’д̇и.

    Ahampi te samma karomi vākyaṃ, ubhopi gantvāna pamocayāmā’’ti.

    звам̣ вад̇ваа д̇з убасан̇гамид̇ваа ааха –

    Evaṃ vatvā te upasaṅkamitvā āha –

    475.

    475.

    ‘‘гаммаасабаад̣̇зна вихзтид̇ад̇т̇а, д̇алаавуд̇аа ассумукаа руд̣̇анд̇аа;

    ‘‘Kammāsapādena viheṭhitattha, talāvutā assumukhā rudantā;

    на ж̇аад̇у д̣̇уб̣бхзт̇а имасса ран̃н̃о, сажжаббадин̃н̃ам̣ мз бадиссун̣аат̇аа’’д̇и.

    Na jātu dubbhetha imassa rañño, saccappaṭiññaṃ me paṭissuṇāthā’’ti.

    д̇ад̇т̇а гаммаасабаад̣̇знаад̇и ид̣̇ам̣ махаасад̇д̇о ‘‘убхоби г̇анд̇ваана баможаяаамаа’’д̇и самбадижчид̇ваа ‘‘кад̇д̇ияаа наама маанат̇ад̣̇д̇хаа хонд̇и, муд̇д̇амад̇д̇аава ‘иминаа маяам̣ вихзтид̇амхаа’д̇и борисаад̣̇ам̣ бот̇зяяумби ханзяяумби, на ко банзса д̇зсу д̣̇уб̣бхиссад̇и, ахам̣ згагова г̇анд̇ваа бадин̃н̃ам̣ д̇аава нзсам̣ г̇ан̣хиссаамий’’д̇и жинд̇зд̇ваа д̇ад̇т̇а г̇анд̇ваа д̇з хад̇т̇ад̇алз аавунид̇ваа аг̇г̇абаад̣̇ан̇г̇улийхи бхуумим̣ пусамаанаахи ругкасаакаасу олаг̇г̇ид̇з ваад̇аббахаран̣агаалз нааг̇ад̣̇анд̇зсу олаг̇г̇ид̇агуран̣д̣агад̣̇аамаани вияа самбаривад̇д̇анд̇з ад̣̇д̣̇аса. д̇зби д̇ам̣ д̣̇исваа ‘‘ид̣̇аанимхаа маяам̣ арог̇аа’’д̇и згаббахаарзнзва махаавиравам̣ равим̣су. ат̇а нз махаасад̇д̇о ‘‘маа бхааяид̇т̇аа’’д̇и ассаасзд̇ваа ‘‘маяаа борисаад̣̇о д̣̇амид̇о, д̇умхаагам̣ абхаяам̣ г̇ахид̇ам̣, д̇умхз бана мз важанам̣ гарот̇аа’’д̇и вад̇ваа звамааха. д̇ад̇т̇а на ж̇аад̇ууд̇и згам̣сзнзва на д̣̇уб̣бхзт̇а.

    Tattha kammāsapādenāti idaṃ mahāsatto ‘‘ubhopi gantvāna pamocayāmā’’ti sampaṭicchitvā ‘‘khattiyā nāma mānathaddhā honti, muttamattāva ‘iminā mayaṃ viheṭhitamhā’ti porisādaṃ potheyyumpi haneyyumpi, na kho panesa tesu dubbhissati, ahaṃ ekakova gantvā paṭiññaṃ tāva nesaṃ gaṇhissāmī’’ti cintetvā tattha gantvā te hatthatale āvunitvā aggapādaṅgulīhi bhūmiṃ phusamānāhi rukkhasākhāsu olaggite vātappaharaṇakāle nāgadantesu olaggitakuraṇḍakadāmāni viya samparivattante addasa. Tepi taṃ disvā ‘‘idānimhā mayaṃ arogā’’ti ekappahāreneva mahāviravaṃ raviṃsu. Atha ne mahāsatto ‘‘mā bhāyitthā’’ti assāsetvā ‘‘mayā porisādo damito, tumhākaṃ abhayaṃ gahitaṃ, tumhe pana me vacanaṃ karothā’’ti vatvā evamāha. Tattha na jātūti ekaṃseneva na dubbhetha.

    д̇з аахам̣су –

    Te āhaṃsu –

    476.

    476.

    ‘‘гаммаасабаад̣̇зна вихзтид̇амхаа, д̇алаавуд̇аа ассумукаа руд̣̇анд̇аа;

    ‘‘Kammāsapādena viheṭhitamhā, talāvutā assumukhā rudantā;

    на ж̇аад̇у д̣̇уб̣бхзма имасса ран̃н̃о, сажжаббадин̃н̃ам̣ д̇з бадиссун̣аамаа’’д̇и.

    Na jātu dubbhema imassa rañño, saccappaṭiññaṃ te paṭissuṇāmā’’ti.

    д̇ад̇т̇а бадиссун̣аамаад̇и ‘‘звам̣ бадин̃н̃ам̣ ад̇хиваасзма самбадижчаама, абижа ко бана маяам̣ гиланд̇аа гат̇зд̇ум̣ на саггома, д̇умхз саб̣б̣асад̇д̇аанам̣ саран̣ам̣, д̇умхзва гат̇зт̇а, маяам̣ во важанам̣ суд̇ваа бадин̃н̃ам̣ д̣̇ассаамаа’’д̇и.

    Tattha paṭissuṇāmāti ‘‘evaṃ paṭiññaṃ adhivāsema sampaṭicchāma, apica kho pana mayaṃ kilantā kathetuṃ na sakkoma, tumhe sabbasattānaṃ saraṇaṃ, tumheva kathetha, mayaṃ vo vacanaṃ sutvā paṭiññaṃ dassāmā’’ti.

    ат̇а нз б̣од̇хисад̇д̇о ‘‘д̇зна хи бадин̃н̃ам̣ д̣̇зт̇аа’’д̇и вад̇ваа г̇аат̇амааха –

    Atha ne bodhisatto ‘‘tena hi paṭiññaṃ dethā’’ti vatvā gāthamāha –

    477.

    477.

    ‘‘яат̇аа бид̇аа ваа ат̇а вааби маад̇аа, анугамбагаа ад̇т̇агаамаа баж̇аанам̣,.

    ‘‘Yathā pitā vā atha vāpi mātā, anukampakā atthakāmā pajānaṃ,.

    звамзва во ход̇у аяан̃жа рааж̇аа, д̇умхз жа во хот̇а яат̇зва буд̇д̇аа’’д̇и.

    Evameva vo hotu ayañca rājā, tumhe ca vo hotha yatheva puttā’’ti.

    ат̇а нам̣ д̇зби самбадижчамаанаа имам̣ г̇аат̇амаахам̣су –

    Atha naṃ tepi sampaṭicchamānā imaṃ gāthamāhaṃsu –

    478.

    478.

    ‘‘яат̇аа бид̇аа ваа ат̇а вааби маад̇аа, анугамбагаа ад̇т̇агаамаа баж̇аанам̣;

    ‘‘Yathā pitā vā atha vāpi mātā, anukampakā atthakāmā pajānaṃ;

    звамзва но ход̇у аяан̃жа рааж̇аа, маяамби хзссаама яат̇зва буд̇д̇аа’’д̇и.

    Evameva no hotu ayañca rājā, mayampi hessāma yatheva puttā’’ti.

    д̇ад̇т̇а д̇умхз жа вод̇и во-гааро нибаад̇амад̇д̇ам̣.

    Tattha tumhe ca voti vo-kāro nipātamattaṃ.

    ид̇и махаасад̇д̇о д̇зсам̣ бадин̃н̃ам̣ г̇ахзд̇ваа борисаад̣̇ам̣ баггосид̇ваа ‘‘зхи, самма, кад̇д̇ияз можзхий’’д̇и ааха. со каг̇г̇ам̣ г̇ахзд̇ваа згасса ран̃н̃о б̣анд̇ханам̣ чинд̣̇и. рааж̇аа сад̇д̇аахам̣ нираахааро взд̣̇анаббад̇д̇о саха б̣анд̇ханачзд̣̇аа мужчид̇о бхуумияам̣ бад̇и. д̇ам̣ д̣̇исваа махаасад̇д̇о гаарун̃н̃ам̣ гад̇ваа, ‘‘самма борисаад̣̇а, маа звам̣ чинд̣̇ий’’д̇и згам̣ рааж̇аанам̣ убхохи хад̇т̇зхи д̣̇ал̣хам̣ г̇ахзд̇ваа урз гад̇ваа ‘‘ид̣̇аани б̣анд̇ханам̣ чинд̣̇аахий’’д̇и ааха. борисаад̣̇о каг̇г̇зна чинд̣̇и. махаасад̇д̇о т̇аамасамбаннад̇ааяа нам̣ урз нибаж̇ж̇аабзд̇ваа орасабуд̇д̇ам̣ вияа муд̣̇ужид̇д̇зна од̇аарзд̇ваа бхуумияам̣ нибаж̇ж̇аабзси. звам̣ саб̣б̣зби д̇з бхуумияам̣ нибаж̇ж̇аабзд̇ваа ван̣з д̇ховид̇ваа д̣̇аарагаанам̣ ган̣н̣ад̇о суд̇д̇агам̣ вияа сан̣игам̣ раж̇ж̇уяо ниггад̣дхид̇ваа буб̣б̣алохид̇ам̣ д̇ховид̇ваа ван̣з нид̣̇д̣̇осз гад̇ваа, ‘‘самма борисаад̣̇а, згам̣ ругкад̇ажам̣ баасаан̣з гхам̣сид̇ваа аахараа’’д̇и аахараабзд̇ваа сажжагирияам̣ гад̇ваа д̇зсам̣ хад̇т̇ад̇алаани магкзси. д̇ан̇кан̣ан̃н̃зва ван̣о паасугам̣ ахоси. борисаад̣̇о д̇ан̣д̣улам̣ г̇ахзд̇ваа д̇аралам̣ бажи , убхо ж̇анаа баросад̇ам̣ кад̇д̇ияз бааязсум̣. ид̇и д̇з саб̣б̣зва санд̇аббид̇аа, суурияо ад̇т̇ан̇г̇ад̇о. бунад̣̇ивасз баад̇о жа маж̇жханхигз жа сааяан̃жа д̇араламзва бааязд̇ваа д̇ад̇ияад̣̇ивасз сасид̇т̇агаяааг̇ум̣ бааязсум̣, д̇аавад̇аа д̇з арог̇аа ахзсум̣.

    Iti mahāsatto tesaṃ paṭiññaṃ gahetvā porisādaṃ pakkositvā ‘‘ehi, samma, khattiye mocehī’’ti āha. So khaggaṃ gahetvā ekassa rañño bandhanaṃ chindi. Rājā sattāhaṃ nirāhāro vedanappatto saha bandhanachedā mucchito bhūmiyaṃ pati. Taṃ disvā mahāsatto kāruññaṃ katvā, ‘‘samma porisāda, mā evaṃ chindī’’ti ekaṃ rājānaṃ ubhohi hatthehi daḷhaṃ gahetvā ure katvā ‘‘idāni bandhanaṃ chindāhī’’ti āha. Porisādo khaggena chindi. Mahāsatto thāmasampannatāya naṃ ure nipajjāpetvā orasaputtaṃ viya muducittena otāretvā bhūmiyaṃ nipajjāpesi. Evaṃ sabbepi te bhūmiyaṃ nipajjāpetvā vaṇe dhovitvā dārakānaṃ kaṇṇato suttakaṃ viya saṇikaṃ rajjuyo nikkaḍḍhitvā pubbalohitaṃ dhovitvā vaṇe niddose katvā, ‘‘samma porisāda, ekaṃ rukkhatacaṃ pāsāṇe ghaṃsitvā āharā’’ti āharāpetvā saccakiriyaṃ katvā tesaṃ hatthatalāni makkhesi. Taṅkhaṇaññeva vaṇo phāsukaṃ ahosi. Porisādo taṇḍulaṃ gahetvā taralaṃ paci , ubho janā parosataṃ khattiye pāyesuṃ. Iti te sabbeva santappitā, sūriyo atthaṅgato. Punadivase pāto ca majjhanhike ca sāyañca taralameva pāyetvā tatiyadivase sasitthakayāguṃ pāyesuṃ, tāvatā te arogā ahesuṃ.

    ат̇а нз махаасад̇д̇о ‘‘г̇анд̇ум̣ сагкиссат̇аа’’д̇и бужчид̇ваа ‘‘г̇ажчаамаа’’д̇и вуд̇д̇з ‘‘зхи, самма борисаад̣̇а, сагам̣ радтам̣ г̇ажчаамаа’’д̇и ааха. со род̣̇амаано д̇асса баад̣̇зсу бад̇ид̇ваа ‘‘д̇вам̣, самма, рааж̇аано г̇ахзд̇ваа г̇ажча, ахам̣ ид̇хзва ванамуулапалаани каад̣̇анд̇о васиссаамий’’д̇и ааха. ‘‘самма, ид̇ха гим̣ гариссаси, раман̣ийяам̣ д̇з радтам̣, б̣аараан̣асияам̣ раж̇ж̇ам̣ гаарзхий’’д̇и. ‘‘самма гим̣ гат̇зси, на саггаа маяаа д̇ад̇т̇а г̇анд̇ум̣, сагаланаг̇араваасино хи мз взрино, д̇з ‘иминаа маяхам̣ маад̇аа каад̣̇ид̇аа, маяхам̣ бид̇аа, маяхам̣ бхаад̇аа’д̇и мам̣ барибхаасиссанд̇и, ‘г̇ан̣хат̇а имам̣ жора’нд̇и згзгад̣̇ан̣д̣зна ваа згзгалзд̣д̣унаа ваа мам̣ ж̇ийвид̇аа воробзссанд̇и, ахан̃жа д̇умхаагам̣ санд̇игз сийлзсу бад̇идтид̇о, ж̇ийвид̇ахзд̇уби на саггаа маяаа барам̣ маарзд̇ум̣, д̇асмаа наахам̣ г̇ажчаами, ахам̣ мануссамам̣сад̇о вирад̇ад̇д̇аа гид̇д̇агам̣ ж̇ийвиссаами, ид̣̇аани мама д̇умхаагам̣ д̣̇ассанам̣ над̇т̇ий’’д̇и род̣̇ид̇ваа ‘‘г̇ажчат̇а д̇умхз’’д̇и ааха. ат̇а махаасад̇д̇о д̇асса бидтим̣ баримаж̇ж̇ид̇ваа, ‘‘самма борисаад̣̇а, маа жинд̇аяи, суд̇асомо наамаахам̣, маяаа д̇аад̣̇исо гагкал̣о парусо винийд̇о, б̣аараан̣асиваасигзсу гим̣ вад̇д̇аб̣б̣ам̣ ад̇т̇и, ахам̣ д̇ам̣ д̇ад̇т̇а бад̇идтаабзссаами, асаггонд̇о ад̇д̇ано раж̇ж̇ам̣ д̣̇вид̇хаа бхинд̣̇ид̇ваа д̣̇ассаамий’’д̇и вад̇ваа ‘‘д̇умхаагамби наг̇арз мама взрино ад̇т̇иязваа’’д̇и вуд̇д̇з ‘‘иминаа мама важанам̣ гаронд̇зна д̣̇уггарам̣ гад̇ам̣, язна гзнажи убааязна бораан̣агаяасз бад̇идтабзд̇аб̣б̣о зса маяаа’’д̇и жинд̇зд̇ваа д̇асса балобханад̇т̇ааяа наг̇арасамбад̇д̇им̣ ван̣н̣знд̇о ааха –

    Atha ne mahāsatto ‘‘gantuṃ sakkhissathā’’ti pucchitvā ‘‘gacchāmā’’ti vutte ‘‘ehi, samma porisāda, sakaṃ raṭṭhaṃ gacchāmā’’ti āha. So rodamāno tassa pādesu patitvā ‘‘tvaṃ, samma, rājāno gahetvā gaccha, ahaṃ idheva vanamūlaphalāni khādanto vasissāmī’’ti āha. ‘‘Samma, idha kiṃ karissasi, ramaṇīyaṃ te raṭṭhaṃ, bārāṇasiyaṃ rajjaṃ kārehī’’ti. ‘‘Samma kiṃ kathesi, na sakkā mayā tattha gantuṃ, sakalanagaravāsino hi me verino, te ‘iminā mayhaṃ mātā khāditā, mayhaṃ pitā, mayhaṃ bhātā’ti maṃ paribhāsissanti, ‘gaṇhatha imaṃ cora’nti ekekadaṇḍena vā ekekaleḍḍunā vā maṃ jīvitā voropessanti, ahañca tumhākaṃ santike sīlesu patiṭṭhito, jīvitahetupi na sakkā mayā paraṃ māretuṃ, tasmā nāhaṃ gacchāmi, ahaṃ manussamaṃsato viratattā kittakaṃ jīvissāmi, idāni mama tumhākaṃ dassanaṃ natthī’’ti roditvā ‘‘gacchatha tumhe’’ti āha. Atha mahāsatto tassa piṭṭhiṃ parimajjitvā, ‘‘samma porisāda, mā cintayi, sutasomo nāmāhaṃ, mayā tādiso kakkhaḷo pharuso vinīto, bārāṇasivāsikesu kiṃ vattabbaṃ atthi, ahaṃ taṃ tattha patiṭṭhāpessāmi, asakkonto attano rajjaṃ dvidhā bhinditvā dassāmī’’ti vatvā ‘‘tumhākampi nagare mama verino atthiyevā’’ti vutte ‘‘iminā mama vacanaṃ karontena dukkaraṃ kataṃ, yena kenaci upāyena porāṇakayase patiṭṭhapetabbo esa mayā’’ti cintetvā tassa palobhanatthāya nagarasampattiṃ vaṇṇento āha –

    479.

    479.

    ‘‘жад̇уббад̣̇ам̣ сагун̣ан̃жааби мам̣сам̣, сууд̣̇зхи ранд̇хам̣ сугад̇ам̣ сунидтид̇ам̣;

    ‘‘Catuppadaṃ sakuṇañcāpi maṃsaṃ, sūdehi randhaṃ sukataṃ suniṭṭhitaṃ;

    суд̇хам̣ва инд̣̇о барибхун̃ж̇ияаана, хид̇ваа гат̇зго рамасий аран̃н̃з.

    Sudhaṃva indo paribhuñjiyāna, hitvā katheko ramasī araññe.

    480.

    480.

    ‘‘д̇аа кад̇д̇ияаа взлливилаагамаж̇жхаа, алан̇гад̇аа самбариваараяид̇ваа;

    ‘‘Tā khattiyā vellivilākamajjhā, alaṅkatā samparivārayitvā;

    инд̣̇ам̣ва д̣̇звзсу бамод̣̇аяим̣су, хид̇ваа гат̇зго рамасий аран̃н̃з.

    Indaṃva devesu pamodayiṃsu, hitvā katheko ramasī araññe.

    481.

    481.

    ‘‘д̇амб̣уубад̇хаанз б̣ахуг̇он̣агамхи, субхамхи саб̣б̣ассаяанамхи сан̇г̇з;

    ‘‘Tambūpadhāne bahugoṇakamhi, subhamhi sabbassayanamhi saṅge;

    сзяяасса маж̇жхамхи сукам̣ саяид̇ваа

    Seyyassa majjhamhi sukhaṃ sayitvā

    хид̇ваа гат̇зго рамасий аран̃н̃з.

    Hitvā katheko ramasī araññe.

    482.

    482.

    ‘‘баан̣иссарам̣ гумбхат̇уун̣ам̣ нисийт̇з, ат̇оби вз ниббурисамби д̇уурияам̣;

    ‘‘Pāṇissaraṃ kumbhathūṇaṃ nisīthe, athopi ve nippurisampi tūriyaṃ;

    б̣ахум̣ суг̇ийд̇ан̃жа суваад̣̇ид̇ан̃жа, хид̇ваа гат̇зго рамасий аран̃н̃з.

    Bahuṃ sugītañca suvāditañca, hitvā katheko ramasī araññe.

    483.

    483.

    ‘‘уяяаанасамбаннам̣ бахууд̇амааляам̣, миг̇ааж̇инуубзд̇ам̣ бурам̣ сураммам̣;

    ‘‘Uyyānasampannaṃ pahūtamālyaṃ, migājinūpetaṃ puraṃ surammaṃ;

    хаязхи нааг̇зхи рат̇зхубзд̇ам̣, хид̇ваа гат̇зго рамасий аран̃н̃з’’д̇и.

    Hayehi nāgehi rathehupetaṃ, hitvā katheko ramasī araññe’’ti.

    д̇ад̇т̇а сугад̇анд̇и наанаббагаарзхи судту гад̇ам̣. сунидтид̇анд̇и наанаасамбхаараяож̇анзна судту нидтид̇ам̣. гат̇згод̇и гат̇ам̣ зго. рамасийд̇и муулапалаад̣̇ийни каад̣̇анд̇о гат̇ам̣ рамиссаси, ‘‘зхи, махаарааж̇а, г̇амиссаамаа’’д̇и. взлливилаагамаж̇жхаад̇и зд̇т̇а взллийд̇и рааси, вилаагамаж̇жхаад̇и вилаг̇г̇амаж̇жхаа. уд̇д̇ад̇д̇агханасуван̣н̣араасибабхаа жзва д̇ануд̣̇ийгхамаж̇жхаа жаад̇и д̣̇ассзд̇и. д̣̇звзсууд̇и д̣̇звалогзсу ажчараа инд̣̇ам̣ вияа раман̣ийяз б̣аараан̣асинаг̇арз буб̣б̣з д̇ам̣ бамод̣̇аяим̣су, д̇аа хид̇ваа ид̇ха гим̣ гариссаси, ‘‘зхи, самма, г̇ажчаамаа’’д̇и. д̇амб̣уубад̇хаанзд̇и рад̇д̇уубад̇хаанз. саб̣б̣ассаяанамхийд̇и саб̣б̣ад̇т̇аран̣ад̇т̇ад̇з саяанз. сан̇г̇зд̇и анзгабхуумигз д̣̇ассзд̇ваа ад̣̇д̇харад̇д̇аан̇г̇аяуд̇д̇з д̇ад̇т̇а д̇вам̣ буб̣б̣з саяийд̇и ад̇т̇о. суканд̇и д̇аад̣̇исасса саяанасса маж̇жхамхи сукам̣ саяид̇ваана ид̣̇аани гат̇ам̣ аран̃н̃з рамиссаси, ‘‘зхи г̇ажчаама, саммаа’’д̇и. нисийт̇зд̇и рад̇д̇ибхааг̇з. хид̇ваад̇и зваруубам̣ самбад̇д̇им̣ чад̣д̣зд̇ваа. уяяаанасамбаннам̣ бахууд̇амааляанд̇и, махаарааж̇а, д̇ава уяяаанасамбаннам̣ наанаавид̇хабубпам̣. миг̇ааж̇инуубзд̇ам̣ бурам̣ сурамманд̇и д̇ам̣ уяяаанам̣ миг̇ааж̇инам̣ наама наамзна, д̇зна убзд̇ам̣ бурамби д̇з судту раммам̣. хид̇ваад̇и зваруубам̣ манорамам̣ наг̇арам̣ чад̣д̣зд̇ваа.

    Tattha sukatanti nānappakārehi suṭṭhu kataṃ. Suniṭṭhitanti nānāsambhārayojanena suṭṭhu niṭṭhitaṃ. Kathekoti kathaṃ eko. Ramasīti mūlaphalādīni khādanto kathaṃ ramissasi, ‘‘ehi, mahārāja, gamissāmā’’ti. Vellivilākamajjhāti ettha vellīti rāsi, vilākamajjhāti vilaggamajjhā. Uttattaghanasuvaṇṇarāsipabhā ceva tanudīghamajjhā cāti dasseti. Devesūti devalokesu accharā indaṃ viya ramaṇīye bārāṇasinagare pubbe taṃ pamodayiṃsu, tā hitvā idha kiṃ karissasi, ‘‘ehi, samma, gacchāmā’’ti. Tambūpadhāneti rattūpadhāne. Sabbassayanamhīti sabbattharaṇatthate sayane. Saṅgeti anekabhūmike dassetvā addharattaaṅgayutte tattha tvaṃ pubbe sayīti attho. Sukhanti tādisassa sayanassa majjhamhi sukhaṃ sayitvāna idāni kathaṃ araññe ramissasi, ‘‘ehi gacchāma, sammā’’ti. Nisītheti rattibhāge. Hitvāti evarūpaṃ sampattiṃ chaḍḍetvā. Uyyānasampannaṃ pahūtamālyanti, mahārāja, tava uyyānasampannaṃ nānāvidhapupphaṃ. Migājinūpetaṃ puraṃ surammanti taṃ uyyānaṃ migājinaṃ nāma nāmena, tena upetaṃ purampi te suṭṭhu rammaṃ. Hitvāti evarūpaṃ manoramaṃ nagaraṃ chaḍḍetvā.

    ид̇и махаасад̇д̇о ‘‘аббзва наамзса буб̣б̣з убабхуд̇д̇абарибхог̇арасам̣ сарид̇ваа г̇анд̇угаамо бхавзяяаа’’д̇и батамам̣ бхож̇анзна балобхзси, д̣̇уд̇ияам̣ гилзсзна, д̇ад̇ияам̣ саяанзна, жад̇уд̇т̇ам̣ нажжаг̇ийд̇аваад̣̇ид̇зна, бан̃жамам̣ уяяаанзна жзва наг̇арзна жаад̇и имзхи зд̇д̇агзхи балобхзд̇ваа ‘‘зхи, махаарааж̇а, ахам̣ д̇ам̣ аад̣̇ааяа г̇анд̇ваа б̣аараан̣асияам̣ бад̇идтаабзд̇ваа бажчаа сагарадтам̣ г̇амиссаами, сажз б̣аараан̣асираж̇ж̇ам̣ на лабхиссаси, убад̣дхараж̇ж̇ам̣ д̇з д̣̇ассаами, гим̣ д̇з аран̃н̃аваасзна, мама важанам̣ гарохий’’д̇и ааха. со д̇асса важанам̣ суд̇ваа г̇анд̇угаамо худ̇ваа ‘‘суд̇асомо маяхам̣ ад̇т̇агаамо анугамбаго, батамам̣ мам̣ галяаан̣з бад̇идтаабзд̇ваа ‘ид̣̇аани бораан̣агаяасзва бад̇идтаабзссаамий’д̇и вад̣̇ад̇и, сагкиссад̇и жзса бад̇идтаабзд̇ум̣, иминаа сад̣̇д̇хим̣язва г̇анд̇ум̣ ваддад̇и, гим̣ мз аран̃н̃аваасзнаа’’д̇и жинд̇зд̇ваа д̇удтажид̇д̇о д̇асса г̇ун̣ам̣ ниссааяа ван̣н̣ам̣ гат̇зд̇угаамо ‘‘самма, суд̇асома, галяаан̣амид̇д̇асам̣саг̇г̇ад̇о саад̇худ̇арам̣, баабамид̇д̇асам̣саг̇г̇ад̇о ваа баабад̇арам̣ наама над̇т̇ий’’д̇и вад̇ваа ааха –

    Iti mahāsatto ‘‘appeva nāmesa pubbe upabhuttaparibhogarasaṃ saritvā gantukāmo bhaveyyā’’ti paṭhamaṃ bhojanena palobhesi, dutiyaṃ kilesena, tatiyaṃ sayanena, catutthaṃ naccagītavāditena, pañcamaṃ uyyānena ceva nagarena cāti imehi ettakehi palobhetvā ‘‘ehi, mahārāja, ahaṃ taṃ ādāya gantvā bārāṇasiyaṃ patiṭṭhāpetvā pacchā sakaraṭṭhaṃ gamissāmi, sace bārāṇasirajjaṃ na labhissasi, upaḍḍharajjaṃ te dassāmi, kiṃ te araññavāsena, mama vacanaṃ karohī’’ti āha. So tassa vacanaṃ sutvā gantukāmo hutvā ‘‘sutasomo mayhaṃ atthakāmo anukampako, paṭhamaṃ maṃ kalyāṇe patiṭṭhāpetvā ‘idāni porāṇakayaseva patiṭṭhāpessāmī’ti vadati, sakkhissati cesa patiṭṭhāpetuṃ, iminā saddhiṃyeva gantuṃ vaṭṭati, kiṃ me araññavāsenā’’ti cintetvā tuṭṭhacitto tassa guṇaṃ nissāya vaṇṇaṃ kathetukāmo ‘‘samma, sutasoma, kalyāṇamittasaṃsaggato sādhutaraṃ, pāpamittasaṃsaggato vā pāpataraṃ nāma natthī’’ti vatvā āha –

    484.

    484.

    ‘‘гаал̣абагкз яат̇аа жанд̣̇о, хааяад̇зва сувз сувз;

    ‘‘Kāḷapakkhe yathā cando, hāyateva suve suve;

    гаал̣абагкуубамо рааж̇а, асад̇ам̣ ход̇и самааг̇амо.

    Kāḷapakkhūpamo rāja, asataṃ hoti samāgamo.

    485.

    485.

    ‘‘яат̇аахам̣ расагамааг̇амма, сууд̣̇ам̣ гаабурисаад̇хамам̣;

    ‘‘Yathāhaṃ rasakamāgamma, sūdaṃ kāpurisādhamaṃ;

    агаасим̣ баабагам̣ гаммам̣, язна г̇ажчаами д̣̇уг̇г̇ад̇им̣.

    Akāsiṃ pāpakaṃ kammaṃ, yena gacchāmi duggatiṃ.

    486.

    486.

    ‘‘суггабагкз яат̇аа жанд̣̇о, вад̣дхад̇зва сувз сувз;

    ‘‘Sukkapakkhe yathā cando, vaḍḍhateva suve suve;

    суггабагкуубамо рааж̇а, сад̇ам̣ ход̇и самааг̇амо.

    Sukkapakkhūpamo rāja, sataṃ hoti samāgamo.

    487.

    487.

    ‘‘яат̇аахам̣ д̇увамааг̇амма, суд̇асома виж̇аанахи;

    ‘‘Yathāhaṃ tuvamāgamma, sutasoma vijānahi;

    гаахаами гусалам̣ гаммам̣, язна г̇ажчаами суг̇г̇ад̇им̣.

    Kāhāmi kusalaṃ kammaṃ, yena gacchāmi suggatiṃ.

    488.

    488.

    ‘‘т̇алз яат̇аа ваари ж̇анинд̣̇а вудтам̣, анад̣̇д̇ханзяяам̣ на жирадтид̇ийгам̣;

    ‘‘Thale yathā vāri janinda vuṭṭhaṃ, anaddhaneyyaṃ na ciraṭṭhitīkaṃ;

    звамби ход̇и асад̇ам̣ самааг̇амо, анад̣̇д̇ханзяяо уд̣̇агам̣ т̇алзва.

    Evampi hoti asataṃ samāgamo, anaddhaneyyo udakaṃ thaleva.

    489.

    489.

    ‘‘сарз яат̇аа ваари ж̇анинд̣̇а вудтам̣, жирадтид̇ийгам̣ наравийрасздта;

    ‘‘Sare yathā vāri janinda vuṭṭhaṃ, ciraṭṭhitīkaṃ naravīraseṭṭha;

    звамби вз ход̇и сад̇ам̣ самааг̇амо, жирадтид̇ийго уд̣̇агам̣ сарзва.

    Evampi ve hoti sataṃ samāgamo, ciraṭṭhitīko udakaṃ sareva.

    490.

    490.

    ‘‘аб̣яааяиго ход̇и сад̇ам̣ самааг̇амо, яаавамби д̇идтзяяа д̇ат̇зва ход̇и;

    ‘‘Abyāyiko hoti sataṃ samāgamo, yāvampi tiṭṭheyya tatheva hoti;

    киббан̃хи взд̇и асад̇ам̣ самааг̇амо, д̇асмаа сад̇ам̣ д̇хаммо асаб̣бхи аарагаа’’д̇и.

    Khippañhi veti asataṃ samāgamo, tasmā sataṃ dhammo asabbhi ārakā’’ti.

    д̇ад̇т̇а сувз сувзд̇и д̣̇ивасз д̣̇ивасз. анад̣̇д̇ханзяяанд̇и на ад̣̇д̇хаанагкамам̣. сарзд̇и самуд̣̇д̣̇з. наравийрасздтаад̇и нарзсу вийриязна сздта. уд̣̇агам̣ сарзваад̇и самуд̣̇д̣̇з вудтауд̣̇агам̣ вияа. аб̣яааяигод̇и авиг̇ажчанаго. яаавамби д̇идтзяяаад̇и яад̇д̇агам̣ гаалам̣ ж̇ийвид̇ам̣ д̇идтзяяа, д̇ад̇д̇агам̣ гаалам̣ д̇ат̇зва ход̇и, на ж̇ийрад̇и саббурисзхи мид̇д̇абхаавод̇и.

    Tattha suve suveti divase divase. Anaddhaneyyanti na addhānakkhamaṃ. Sareti samudde. Naravīraseṭṭhāti naresu vīriyena seṭṭha. Udakaṃ sarevāti samudde vuṭṭhaudakaṃ viya. Abyāyikoti avigacchanako. Yāvampitiṭṭheyyāti yattakaṃ kālaṃ jīvitaṃ tiṭṭheyya, tattakaṃ kālaṃ tatheva hoti, na jīrati sappurisehi mittabhāvoti.

    ид̇и борисаад̣̇о сад̇д̇ахи г̇аат̇аахи махаасад̇д̇ассзва ван̣н̣ам̣ гат̇зси. махаасад̇д̇оби борисаад̣̇ан̃жа д̇з жа рааж̇аано г̇ахзд̇ваа ад̇д̇ано бажжанд̇аг̇аамам̣ аг̇амааси. бажжанд̇аг̇аамаваасино махаасад̇д̇ам̣ д̣̇исваа наг̇арам̣ г̇анд̇ваа амажжаанам̣ аажигким̣су. амажжаа б̣алагааяам̣ аад̣̇ааяа г̇анд̇ваа бариваараяим̣су. махаасад̇д̇о д̇зна бариваарзна б̣аараан̣асираж̇ж̇ам̣ аг̇амааси. анд̇араамаг̇г̇з ж̇анабад̣̇аваасино б̣од̇хисад̇д̇асса бан̣н̣аагаарам̣ д̣̇ад̇ваа ануг̇ажчим̣су, маханд̇о баривааро ахоси, д̇зна сад̣̇д̇хим̣ б̣аараан̣асим̣ баабун̣и. д̇ад̣̇аа борисаад̣̇асса буд̇д̇о рааж̇аа ход̇и, сзнаабад̇и гаал̣ахад̇т̇иязва. нааг̇араа ран̃н̃о аарожаяим̣су – ‘‘махаарааж̇а, суд̇асомо гира борисаад̣̇ам̣ д̣̇амзд̇ваа аад̣̇ааяа ид̇хааг̇ажчад̇и, наг̇арамасса бависид̇ум̣ на д̣̇ассаамаа’’д̇и сийгхам̣ наг̇арад̣̇ваараани бид̣̇ахид̇ваа аавуд̇хахад̇т̇аа адтам̣су. махаасад̇д̇о д̣̇ваараанам̣ бихид̇абхаавам̣ н̃ад̇ваа борисаад̣̇ан̃жа баросад̇ан̃жа рааж̇аано охааяа гад̇ибаязхи амажжзхи сад̣̇д̇хим̣ ааг̇анд̇ваа ‘‘ахам̣ суд̇асомарааж̇аа, д̣̇ваарам̣ виварат̇аа’’д̇и ааха. бурисаа г̇анд̇ваа ран̃н̃о аарожзсум̣. со ‘‘киббам̣ виварат̇аа’’д̇и вивараабзси. махаасад̇д̇о наг̇арам̣ баависи. рааж̇аа жа гаал̣ахад̇т̇и жасса бажжуг̇г̇аманам̣ гад̇ваа аад̣̇ааяа баасаад̣̇ам̣ ааробаяим̣су.

    Iti porisādo sattahi gāthāhi mahāsattasseva vaṇṇaṃ kathesi. Mahāsattopi porisādañca te ca rājāno gahetvā attano paccantagāmaṃ agamāsi. Paccantagāmavāsino mahāsattaṃ disvā nagaraṃ gantvā amaccānaṃ ācikkhiṃsu. Amaccā balakāyaṃ ādāya gantvā parivārayiṃsu. Mahāsatto tena parivārena bārāṇasirajjaṃ agamāsi. Antarāmagge janapadavāsino bodhisattassa paṇṇākāraṃ datvā anugacchiṃsu, mahanto parivāro ahosi, tena saddhiṃ bārāṇasiṃ pāpuṇi. Tadā porisādassa putto rājā hoti, senāpati kāḷahatthiyeva. Nāgarā rañño ārocayiṃsu – ‘‘mahārāja, sutasomo kira porisādaṃ dametvā ādāya idhāgacchati, nagaramassa pavisituṃ na dassāmā’’ti sīghaṃ nagaradvārāni pidahitvā āvudhahatthā aṭṭhaṃsu. Mahāsatto dvārānaṃ pihitabhāvaṃ ñatvā porisādañca parosatañca rājāno ohāya katipayehi amaccehi saddhiṃ āgantvā ‘‘ahaṃ sutasomarājā, dvāraṃ vivarathā’’ti āha. Purisā gantvā rañño ārocesuṃ. So ‘‘khippaṃ vivarathā’’ti vivarāpesi. Mahāsatto nagaraṃ pāvisi. Rājā ca kāḷahatthi cassa paccuggamanaṃ katvā ādāya pāsādaṃ āropayiṃsu.

    со рааж̇абаллан̇гз нисийд̣̇ид̇ваа борисаад̣̇асса аг̇г̇амахзсим̣ сзсаамажжз жа баггосаабзд̇ваа гаал̣ахад̇т̇им̣ ааха – ‘‘гаал̣ахад̇т̇и, гасмаа ран̃н̃о наг̇арам̣ бависид̇ум̣ на д̣̇зт̇аа’’д̇и? ‘‘со раж̇ж̇ам̣ гаарзнд̇о имасмим̣ наг̇арз б̣ахуу мануссз каад̣̇и, кад̇д̇иязхи агад̇д̇аб̣б̣ам̣ гари, сагалаж̇амб̣уд̣̇ийбам̣ чид̣̇д̣̇амагааси, зваруубо баабад̇хаммо, д̇зна гааран̣знаа’’д̇и. ‘‘ид̣̇аани ‘со зваруубам̣ гариссад̇ий’д̇и маа жинд̇аяид̇т̇а, ахам̣ д̇ам̣ д̣̇амзд̇ваа сийлзсу бад̇идтаабзсим̣, ж̇ийвид̇ахзд̇уби ган̃жи на вихзтзссад̇и, над̇т̇и во д̇ад̇о бхаяам̣, звам̣ маа гарид̇т̇а, буд̇д̇зхи наама маад̇аабид̇аро бадиж̇аг̇г̇ид̇аб̣б̣аа, маад̇аабид̇убосагаа хи саг̇г̇ам̣ г̇ажчанд̇и, ид̇арз нираяа’’нд̇и звам̣ со нижаасанз нисиннасса буд̇д̇арааж̇асса оваад̣̇ам̣ д̣̇ад̇ваа, ‘‘гаал̣ахад̇т̇и, д̇вам̣ ран̃н̃о сахааяо жзва сзваго жа, ран̃н̃ааби маханд̇з иссарияз бад̇идтаабид̇о, д̇аяааби ран̃н̃о ад̇т̇ам̣ жарид̇ум̣ ваддад̇ий’’д̇и сзнаабад̇имби анусаасид̇ваа, ‘‘д̣̇зви, д̇вамби гулаг̇зхаа ааг̇анд̇ваа д̇асса санд̇игз аг̇г̇амахзсидтаанам̣ бад̇ваа буд̇д̇ад̇хийд̇аахи вад̣дхиббад̇д̇аа, д̇аяааби д̇асса ад̇т̇ам̣ жарид̇ум̣ ваддад̇ий’’д̇и д̣̇звияааби оваад̣̇ам̣ д̣̇ад̇ваа д̇амзвад̇т̇ам̣ мад̇т̇агам̣ баабзд̇ум̣ д̇хаммам̣ д̣̇зсзнд̇о г̇аат̇аа ааха –

    So rājapallaṅke nisīditvā porisādassa aggamahesiṃ sesāmacce ca pakkosāpetvā kāḷahatthiṃ āha – ‘‘kāḷahatthi, kasmā rañño nagaraṃ pavisituṃ na dethā’’ti? ‘‘So rajjaṃ kārento imasmiṃ nagare bahū manusse khādi, khattiyehi akattabbaṃ kari, sakalajambudīpaṃ chiddamakāsi, evarūpo pāpadhammo, tena kāraṇenā’’ti. ‘‘Idāni ‘so evarūpaṃ karissatī’ti mā cintayittha, ahaṃ taṃ dametvā sīlesu patiṭṭhāpesiṃ, jīvitahetupi kañci na viheṭhessati, natthi vo tato bhayaṃ, evaṃ mā karittha, puttehi nāma mātāpitaro paṭijaggitabbā, mātāpituposakā hi saggaṃ gacchanti, itare niraya’’nti evaṃ so nicāsane nisinnassa puttarājassa ovādaṃ datvā, ‘‘kāḷahatthi, tvaṃ rañño sahāyo ceva sevako ca, raññāpi mahante issariye patiṭṭhāpito, tayāpi rañño atthaṃ carituṃ vaṭṭatī’’ti senāpatimpi anusāsitvā, ‘‘devi, tvampi kulagehā āgantvā tassa santike aggamahesiṭṭhānaṃ patvā puttadhītāhi vaḍḍhippattā, tayāpi tassa atthaṃ carituṃ vaṭṭatī’’ti deviyāpi ovādaṃ datvā tamevatthaṃ matthakaṃ pāpetuṃ dhammaṃ desento gāthā āha –

    491.

    491.

    ‘‘на со рааж̇аа яо аж̇зяяам̣ ж̇инаад̇и, на со сакаа яо сакаарам̣ ж̇инаад̇и;

    ‘‘Na so rājā yo ajeyyaṃ jināti, na so sakhā yo sakhāraṃ jināti;

    на саа бхарияаа яаа бад̇ино на вибхзд̇и, на д̇з буд̇д̇аа яз на бхаранд̇и ж̇ин̣н̣ам̣.

    Na sā bhariyā yā patino na vibheti, na te puttā ye na bharanti jiṇṇaṃ.

    492.

    492.

    ‘‘на саа сабхаа яад̇т̇а на санд̇и санд̇о, на д̇з санд̇о яз на бхан̣анд̇и д̇хаммам̣;

    ‘‘Na sā sabhā yattha na santi santo, na te santo ye na bhaṇanti dhammaṃ;

    рааг̇ан̃жа д̣̇осан̃жа бахааяа мохам̣, д̇хаммам̣ бхан̣анд̇аава бхаванд̇и санд̇о.

    Rāgañca dosañca pahāya mohaṃ, dhammaṃ bhaṇantāva bhavanti santo.

    493.

    493.

    ‘‘наабхаасамаанам̣ ж̇аананд̇и, миссам̣ б̣аалзхи бан̣д̣ид̇ам̣;

    ‘‘Nābhāsamānaṃ jānanti, missaṃ bālehi paṇḍitaṃ;

    бхаасамаанан̃жа ж̇аананд̇и, д̣̇зсзнд̇ам̣ амад̇ам̣ бад̣̇ам̣.

    Bhāsamānañca jānanti, desentaṃ amataṃ padaṃ.

    494.

    494.

    ‘‘бхаасаяз ж̇од̇аяз д̇хаммам̣, баг̇г̇ан̣хз исинам̣ д̇хаж̇ам̣;

    ‘‘Bhāsaye jotaye dhammaṃ, paggaṇhe isinaṃ dhajaṃ;

    субхаасид̇ад̣̇д̇хаж̇аа исаяо, д̇хаммо хи исинам̣ д̇хаж̇о’’д̇и.

    Subhāsitaddhajā isayo, dhammo hi isinaṃ dhajo’’ti.

    д̇ад̇т̇а аж̇зяяанд̇и аж̇зяяаа наама маад̇аабид̇аро, д̇з ж̇инанд̇о рааж̇аа наама на ход̇и. сажз д̇вамби бид̇у санд̇агам̣ раж̇ж̇ам̣ лабхид̇ваа д̇асса бадисад̇д̇у хоси, агижжагаарий наама бхависсаси . сакаарам̣ ж̇инаад̇ийд̇и гуудад̣д̣зна ж̇инаад̇и. сажз д̇вам̣, гаал̣ахад̇т̇и, ран̃н̃аа сад̣̇д̇хим̣ мид̇д̇ад̇хаммам̣ на буурзси, ад̇хаммадто худ̇ваа нираяз ниб̣б̣ад̇д̇иссаси. на вибхзд̇ийд̇и на бхааяад̇и. сажз д̇вам̣ ран̃н̃о на бхааяаси, бхарияаад̇хаммз тид̇аа наама на хоси, агижжагаарий наама бхависсаси. ж̇ин̣н̣анд̇и махаллагам̣. д̇асмин̃хи гаалз абхаранд̇аа буд̇д̇аа буд̇д̇аа наама на хонд̇и.

    Tattha ajeyyanti ajeyyā nāma mātāpitaro, te jinanto rājā nāma na hoti. Sace tvampi pitu santakaṃ rajjaṃ labhitvā tassa paṭisattu hosi, akiccakārī nāma bhavissasi . Sakhāraṃ jinātīti kūṭaḍḍena jināti. Sace tvaṃ, kāḷahatthi, raññā saddhiṃ mittadhammaṃ na pūresi, adhammaṭṭho hutvā niraye nibbattissasi. Na vibhetīti na bhāyati. Sace tvaṃ rañño na bhāyasi, bhariyādhamme ṭhitā nāma na hosi, akiccakārī nāma bhavissasi. Jiṇṇanti mahallakaṃ. Tasmiñhi kāle abharantā puttā puttā nāma na honti.

    санд̇од̇и бан̣д̣ид̇аа. яз на бхан̣анд̇и д̇хамманд̇и яз бужчид̇аа сажжасабхаавам̣ на вад̣̇анд̇и, на д̇з бан̣д̣ид̇аа наама. д̇хаммам̣ бхан̣анд̇ааваад̇и зд̇з рааг̇аад̣̇аяо бахааяа барасса хид̇аанугамбагаа худ̇ваа сабхаавам̣ бхан̣анд̇аава бан̣д̣ид̇аа наама хонд̇и. наабхаасамаананд̇и на абхаасамаанам̣. амад̇ам̣ бад̣̇анд̇и амад̇амахааниб̣б̣аанам̣ д̣̇зсзнд̇ам̣ ‘‘бан̣д̣ид̇о’’д̇и ж̇аананд̇и, д̇знзва борисаад̣̇о мам̣ н̃ад̇ваа басаннажид̇д̇о жад̇д̇ааро варз д̣̇ад̇ваа бан̃жасу сийлзсу бад̇идтид̇о. бхаасаязд̇и бан̣д̣ид̇о бурисо д̇хаммам̣ бхаасзяяа ж̇од̇зяяа, б̣уд̣̇д̇хаад̣̇аяо исаяо яасмаа д̇хаммо зд̇зсам̣ д̇хаж̇о, д̇асмаа субхаасид̇ад̣̇д̇хаж̇аа наама субхаасид̇ам̣ баг̇г̇ан̣ханд̇и, б̣аалаа бана субхаасид̇ам̣ баг̇г̇ан̣ханд̇аа наама над̇т̇ийд̇и.

    Santoti paṇḍitā. Ye na bhaṇanti dhammanti ye pucchitā saccasabhāvaṃ na vadanti, na te paṇḍitā nāma. Dhammaṃ bhaṇantāvāti ete rāgādayo pahāya parassa hitānukampakā hutvā sabhāvaṃ bhaṇantāva paṇḍitā nāma honti. Nābhāsamānanti na abhāsamānaṃ. Amataṃ padanti amatamahānibbānaṃ desentaṃ ‘‘paṇḍito’’ti jānanti, teneva porisādo maṃ ñatvā pasannacitto cattāro vare datvā pañcasu sīlesu patiṭṭhito. Bhāsayeti paṇḍito puriso dhammaṃ bhāseyya joteyya, buddhādayo isayo yasmā dhammo etesaṃ dhajo, tasmā subhāsitaddhajā nāma subhāsitaṃ paggaṇhanti, bālā pana subhāsitaṃ paggaṇhantā nāma natthīti.

    имасса д̇хаммагат̇ам̣ суд̇ваа рааж̇аа жа сзнаабад̇и жа д̣̇звий жа д̇удтаа ‘‘г̇ажчаама, махаарааж̇а, аанзмаа’’д̇и вад̇ваа наг̇арз бхзрим̣ жараабзд̇ваа нааг̇арз саннибаад̇зд̇ваа ‘‘д̇умхз маа бхааяид̇т̇а, рааж̇аа гира д̇хаммз бад̇идтид̇о, зт̇а нам̣ аанзмаа’’д̇и махааж̇анам̣ аад̣̇ааяа махаасад̇д̇ам̣ бурад̇о гад̇ваа ран̃н̃о санд̇игам̣ г̇анд̇ваа ванд̣̇ид̇ваа габбагз убадтаабзд̇ваа габбид̇агзсамассум̣ нхаад̇аанулид̇д̇абасаад̇хид̇ам̣ рааж̇аанам̣ рад̇анараасимхи табзд̇ваа абхисин̃жид̇ваа наг̇арам̣ бавзсзсум̣. борисаад̣̇о рааж̇аа худ̇ваа баросад̇аанам̣ кад̇д̇ияаанам̣ махаасад̇д̇асса жа махаасаггаарам̣ гаарзси. ‘‘суд̇асоманаринд̣̇зна гира борисаад̣̇ам̣ д̣̇амзд̇ваа раж̇ж̇з бад̇идтаабид̇о’’д̇и сагалаж̇амб̣уд̣̇ийбз махааголаахалам̣ уд̣̇абаад̣̇и. инд̣̇абад̇т̇анаг̇араваасиноби ‘‘рааж̇аа но ааг̇ажчад̇уу’’д̇и д̣̇ууд̇ам̣ бахин̣им̣су. со д̇ад̇т̇а маасамад̇д̇ам̣ васид̇ваа, ‘‘самма, г̇ажчаамахам̣, д̇вам̣ аббамад̇д̇о хохи, наг̇арад̣̇ваарзсу жа маж̇жхз жаад̇и бан̃жа д̣̇аанасаалааяо гаарзхи, д̣̇аса рааж̇ад̇хаммз агобзд̇ваа аг̇ад̇иг̇аманам̣ барихараа’’д̇и борисаад̣̇ам̣ овад̣̇и. баросад̇аахи рааж̇ад̇хаанийхи б̣алагааяо язбхуяязна саннибад̇и . со д̇зна б̣алагааязна баривуд̇о б̣аараан̣асид̇о нигками. борисаад̣̇оби нигкамид̇ваа убад̣дхабат̇аа нивад̇д̇и. махаасад̇д̇о авааханаанам̣ рааж̇уунам̣ вааханаани д̣̇ад̇ваа уяяож̇зси. д̇зби рааж̇аано д̇зна сад̣̇д̇хим̣ саммод̣̇ид̇ваа махаасад̇д̇ам̣ ванд̣̇анаад̣̇ийни гад̇ваа ад̇д̇ано ад̇д̇ано ж̇анабад̣̇ам̣ аг̇амим̣су.

    Imassa dhammakathaṃ sutvā rājā ca senāpati ca devī ca tuṭṭhā ‘‘gacchāma, mahārāja, ānemā’’ti vatvā nagare bheriṃ carāpetvā nāgare sannipātetvā ‘‘tumhe mā bhāyittha, rājā kira dhamme patiṭṭhito, etha naṃ ānemā’’ti mahājanaṃ ādāya mahāsattaṃ purato katvā rañño santikaṃ gantvā vanditvā kappake upaṭṭhāpetvā kappitakesamassuṃ nhātānulittapasādhitaṃ rājānaṃ ratanarāsimhi ṭhapetvā abhisiñcitvā nagaraṃ pavesesuṃ. Porisādo rājā hutvā parosatānaṃ khattiyānaṃ mahāsattassa ca mahāsakkāraṃ kāresi. ‘‘Sutasomanarindena kira porisādaṃ dametvā rajje patiṭṭhāpito’’ti sakalajambudīpe mahākolāhalaṃ udapādi. Indapatthanagaravāsinopi ‘‘rājā no āgacchatū’’ti dūtaṃ pahiṇiṃsu. So tattha māsamattaṃ vasitvā, ‘‘samma, gacchāmahaṃ, tvaṃ appamatto hohi, nagaradvāresu ca majjhe cāti pañca dānasālāyo kārehi, dasa rājadhamme akopetvā agatigamanaṃ pariharā’’ti porisādaṃ ovadi. Parosatāhi rājadhānīhi balakāyo yebhuyyena sannipati . So tena balakāyena parivuto bārāṇasito nikkhami. Porisādopi nikkhamitvā upaḍḍhapathā nivatti. Mahāsatto avāhanānaṃ rājūnaṃ vāhanāni datvā uyyojesi. Tepi rājāno tena saddhiṃ sammoditvā mahāsattaṃ vandanādīni katvā attano attano janapadaṃ agamiṃsu.

    махаасад̇д̇оби наг̇арам̣ бад̇ваа инд̣̇абад̇т̇анаг̇араваасийхи д̣̇званаг̇арам̣ вияа алан̇гад̇анаг̇арам̣ бависид̇ваа маад̇аабид̇аро ванд̣̇ид̇ваа мад̇хурабадисант̇аарам̣ гад̇ваа махаад̇алам̣ абхирухи. со д̇хаммзна раж̇ж̇ам̣ гаарзнд̇о жинд̇зси – ‘‘ругкад̣̇звад̇аа маяхам̣ б̣ахуубагаараа, б̣алигаммалаабхамассаа гариссаамий’’д̇и. со д̇асса ниг̇род̇хасса авид̣̇уурз маханд̇ам̣ д̇ал̣аагам̣ гаарзд̇ваа б̣ахууни гулаани бзсзд̇ваа г̇аамам̣ нивзсзси. г̇аамо махаа ахоси асийд̇имад̇д̇ааабан̣асахассабадиман̣д̣ид̇о. д̇амби ругкамуулам̣ сааканд̇ад̇о бадтааяа самад̇алам̣ гаарзд̇ваа баригкид̇д̇авзд̣̇игад̇оран̣ад̣̇ваараяуд̇д̇ам̣ агааси, д̣̇звад̇аа абхиббасийд̣̇и. гаммаасабаад̣̇асса д̣̇амид̇адтаанз нивудтад̇д̇аа бана со г̇аамо гаммаасад̣̇амманиг̇амо наама ж̇аад̇о. д̇зби саб̣б̣з рааж̇аано махаасад̇д̇асса оваад̣̇з тад̇ваа д̣̇аанаад̣̇ийни бун̃н̃аани гад̇ваа ааяубарияосаанз саг̇г̇ам̣ буураяим̣су.

    Mahāsattopi nagaraṃ patvā indapatthanagaravāsīhi devanagaraṃ viya alaṅkatanagaraṃ pavisitvā mātāpitaro vanditvā madhurapaṭisanthāraṃ katvā mahātalaṃ abhiruhi. So dhammena rajjaṃ kārento cintesi – ‘‘rukkhadevatā mayhaṃ bahūpakārā, balikammalābhamassā karissāmī’’ti. So tassa nigrodhassa avidūre mahantaṃ taḷākaṃ kāretvā bahūni kulāni pesetvā gāmaṃ nivesesi. Gāmo mahā ahosi asītimattaāpaṇasahassapaṭimaṇḍito. Tampi rukkhamūlaṃ sākhantato paṭṭhāya samatalaṃ kāretvā parikkhittavedikatoraṇadvārayuttaṃ akāsi, devatā abhippasīdi. Kammāsapādassa damitaṭṭhāne nivuṭṭhattā pana so gāmo kammāsadammanigamo nāma jāto. Tepi sabbe rājāno mahāsattassa ovāde ṭhatvā dānādīni puññāni katvā āyupariyosāne saggaṃ pūrayiṃsu.

    сад̇т̇аа имам̣ д̇хаммад̣̇зсанам̣ аахарид̇ваа сажжаани багаасзд̇ваа ‘‘на, бхигкавз, ид̣̇аанзваахам̣ ан̇г̇улимаалам̣ д̣̇амзми, буб̣б̣збзса маяаа д̣̇амид̇оязваа’’д̇и вад̇ваа ж̇аад̇агам̣ самод̇хаанзси ‘‘д̇ад̣̇аа борисаад̣̇о рааж̇аа ан̇г̇улимаало ахоси, гаал̣ахад̇т̇и саарибуд̇д̇о, нанд̣̇аб̣раахман̣о аананд̣̇о, ругкад̣̇звад̇аа гассабо, сагго ануруд̣̇д̇хо, сзсарааж̇аано б̣уд̣̇д̇хабарисаа, маад̇аабид̇аро махаарааж̇агулаани, суд̇асомарааж̇аа бана ахамзва ахоси’’нд̇и.

    Satthā imaṃ dhammadesanaṃ āharitvā saccāni pakāsetvā ‘‘na, bhikkhave, idānevāhaṃ aṅgulimālaṃ damemi, pubbepesa mayā damitoyevā’’ti vatvā jātakaṃ samodhānesi ‘‘tadā porisādo rājā aṅgulimālo ahosi, kāḷahatthi sāriputto, nandabrāhmaṇo ānando, rukkhadevatā kassapo, sakko anuruddho, sesarājāno buddhaparisā, mātāpitaro mahārājakulāni, sutasomarājā pana ahameva ahosi’’nti.

    махаасуд̇асомаж̇аад̇агаван̣н̣анаа бан̃жамаа.

    Mahāsutasomajātakavaṇṇanā pañcamā.

    ж̇аад̇агуд̣̇д̣̇аанам̣ –

    Jātakuddānaṃ –

    сумуко бана хам̣саваро жа махаа, суд̇хабхож̇аниго жа баро баваро;

    Sumukho pana haṃsavaro ca mahā, sudhabhojaniko ca paro pavaro;

    сагун̣аалад̣̇иж̇аад̇хибад̇ивхаяано, суд̇асомаваруд̇д̇амасавхаяанод̇и.

    Sakuṇāladijādhipativhayano, sutasomavaruttamasavhayanoti.

    асийд̇инибаад̇аван̣н̣анаа нидтид̇аа.

    Asītinipātavaṇṇanā niṭṭhitā.

    бан̃жамо бхааг̇о нидтид̇о.

    Pañcamo bhāgo niṭṭhito.




    Next: [538] 1. мууг̇абагкаж̇аад̇агаван̣н̣анаа • [538] 1. Mūgapakkhajātakavaṇṇanā




    Related texts:



    д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 537. махаасуд̇асомаж̇аад̇агам̣ • 537. Mahāsutasomajātakaṃ


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact