| Library / Tipiṭaka / д̇ибидага • Tipiṭaka / маж̇жхиманигааяа • Majjhimanikāya |
8. махаад̇ан̣хаасан̇каяасуд̇д̇ам̣
8. Mahātaṇhāsaṅkhayasuttaṃ
396. звам̣ мз суд̇ам̣ – згам̣ самаяам̣ бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна саад̇исса наама бхигкуно гзваддабуд̇д̇асса зваруубам̣ баабагам̣ д̣̇идтиг̇ад̇ам̣ уббаннам̣ ход̇и – ‘‘д̇ат̇аахам̣ бхаг̇авад̇аа д̇хаммам̣ д̣̇зсид̇ам̣ ааж̇аанаами яат̇аа д̇ад̣̇звид̣̇ам̣ вин̃н̃аан̣ам̣ санд̇хаавад̇и сам̣сарад̇и анан̃н̃а’’нд̇и. ассосум̣ ко самб̣ахулаа бхигкуу – ‘‘саад̇исса гира наама бхигкуно гзваддабуд̇д̇асса зваруубам̣ баабагам̣ д̣̇идтиг̇ад̇ам̣ уббаннам̣ – ‘д̇ат̇аахам̣ бхаг̇авад̇аа д̇хаммам̣ д̣̇зсид̇ам̣ ааж̇аанаами яат̇аа д̇ад̣̇звид̣̇ам̣ вин̃н̃аан̣ам̣ санд̇хаавад̇и сам̣сарад̇и, анан̃н̃а’’’нд̇и. ат̇а ко д̇з бхигкуу язна саад̇и бхигку гзваддабуд̇д̇о д̇знубасан̇гамим̣су; убасан̇гамид̇ваа саад̇им̣ бхигкум̣ гзваддабуд̇д̇ам̣ зд̇ад̣̇авожум̣ – ‘‘сажжам̣ гира д̇з, аавусо саад̇и, зваруубам̣ баабагам̣ д̣̇идтиг̇ад̇ам̣ уббаннам̣ – ‘д̇ат̇аахам̣ бхаг̇авад̇аа д̇хаммам̣ д̣̇зсид̇ам̣ ааж̇аанаами яат̇аа д̇ад̣̇звид̣̇ам̣ вин̃н̃аан̣ам̣ санд̇хаавад̇и сам̣сарад̇и, анан̃н̃а’’’нд̇и? ‘‘звам̣ б̣яаа ко ахам̣, аавусо, бхаг̇авад̇аа д̇хаммам̣ д̣̇зсид̇ам̣ ааж̇аанаами яат̇аа д̇ад̣̇звид̣̇ам̣ вин̃н̃аан̣ам̣ санд̇хаавад̇и сам̣сарад̇и, анан̃н̃а’’нд̇и. ат̇а ко д̇з бхигкуу саад̇им̣ бхигкум̣ гзваддабуд̇д̇ам̣ зд̇асмаа баабагаа д̣̇идтиг̇ад̇аа вивзжзд̇угаамаа самануяун̃ж̇анд̇и самануг̇ааханд̇и саманубхаасанд̇и – ‘‘маа звам̣, аавусо саад̇и, аважа, маа бхаг̇аванд̇ам̣ аб̣бхаажигки, на хи саад̇ху бхаг̇авад̇о аб̣бхагкаанам̣, на хи бхаг̇аваа звам̣ вад̣̇зяяа. анзгабарияааязнаавусо саад̇и, бадижжасамуббаннам̣ вин̃н̃аан̣ам̣ вуд̇д̇ам̣ бхаг̇авад̇аа, ан̃н̃ад̇ра бажжаяаа над̇т̇и вин̃н̃аан̣асса самбхаво’’д̇и. звамби ко саад̇и бхигку гзваддабуд̇д̇о д̇зхи бхигкуухи самануяун̃ж̇ияамаано самануг̇аахияамаано саманубхаасияамаано д̇ад̣̇зва баабагам̣ д̣̇идтиг̇ад̇ам̣ т̇аамасаа бараамаасаа абхинивисса вохарад̇и – ‘‘звам̣ б̣яаа ко ахам̣, аавусо, бхаг̇авад̇аа д̇хаммам̣ д̣̇зсид̇ам̣ ааж̇аанаами яат̇аа д̇ад̣̇звид̣̇ам̣ вин̃н̃аан̣ам̣ санд̇хаавад̇и сам̣сарад̇и анан̃н̃а’’нд̇и.
396. Evaṃ me sutaṃ – ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena sātissa nāma bhikkhuno kevaṭṭaputtassa evarūpaṃ pāpakaṃ diṭṭhigataṃ uppannaṃ hoti – ‘‘tathāhaṃ bhagavatā dhammaṃ desitaṃ ājānāmi yathā tadevidaṃ viññāṇaṃ sandhāvati saṃsarati anañña’’nti. Assosuṃ kho sambahulā bhikkhū – ‘‘sātissa kira nāma bhikkhuno kevaṭṭaputtassa evarūpaṃ pāpakaṃ diṭṭhigataṃ uppannaṃ – ‘tathāhaṃ bhagavatā dhammaṃ desitaṃ ājānāmi yathā tadevidaṃ viññāṇaṃ sandhāvati saṃsarati, anañña’’’nti. Atha kho te bhikkhū yena sāti bhikkhu kevaṭṭaputto tenupasaṅkamiṃsu; upasaṅkamitvā sātiṃ bhikkhuṃ kevaṭṭaputtaṃ etadavocuṃ – ‘‘saccaṃ kira te, āvuso sāti, evarūpaṃ pāpakaṃ diṭṭhigataṃ uppannaṃ – ‘tathāhaṃ bhagavatā dhammaṃ desitaṃ ājānāmi yathā tadevidaṃ viññāṇaṃ sandhāvati saṃsarati, anañña’’’nti? ‘‘Evaṃ byā kho ahaṃ, āvuso, bhagavatā dhammaṃ desitaṃ ājānāmi yathā tadevidaṃ viññāṇaṃ sandhāvati saṃsarati, anañña’’nti. Atha kho te bhikkhū sātiṃ bhikkhuṃ kevaṭṭaputtaṃ etasmā pāpakā diṭṭhigatā vivecetukāmā samanuyuñjanti samanugāhanti samanubhāsanti – ‘‘mā evaṃ, āvuso sāti, avaca, mā bhagavantaṃ abbhācikkhi, na hi sādhu bhagavato abbhakkhānaṃ, na hi bhagavā evaṃ vadeyya. Anekapariyāyenāvuso sāti, paṭiccasamuppannaṃ viññāṇaṃ vuttaṃ bhagavatā, aññatra paccayā natthi viññāṇassa sambhavo’’ti. Evampi kho sāti bhikkhu kevaṭṭaputto tehi bhikkhūhi samanuyuñjiyamāno samanugāhiyamāno samanubhāsiyamāno tadeva pāpakaṃ diṭṭhigataṃ thāmasā parāmāsā abhinivissa voharati – ‘‘evaṃ byā kho ahaṃ, āvuso, bhagavatā dhammaṃ desitaṃ ājānāmi yathā tadevidaṃ viññāṇaṃ sandhāvati saṃsarati anañña’’nti.
397. яад̇о ко д̇з бхигкуу наасагким̣су саад̇им̣ бхигкум̣ гзваддабуд̇д̇ам̣ зд̇асмаа баабагаа д̣̇идтиг̇ад̇аа вивзжзд̇ум̣, ат̇а ко д̇з бхигкуу язна бхаг̇аваа д̇знубасан̇гамим̣су; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇им̣су. згаманд̇ам̣ нисиннаа ко д̇з бхигкуу бхаг̇аванд̇ам̣ зд̇ад̣̇авожум̣ – ‘‘саад̇исса наама, бханд̇з, бхигкуно гзваддабуд̇д̇асса зваруубам̣ баабагам̣ д̣̇идтиг̇ад̇ам̣ уббаннам̣ – ‘д̇ат̇аахам̣ бхаг̇авад̇аа д̇хаммам̣ д̣̇зсид̇ам̣ ааж̇аанаами яат̇аа д̇ад̣̇звид̣̇ам̣ вин̃н̃аан̣ам̣ санд̇хаавад̇и сам̣сарад̇и, анан̃н̃а’нд̇и. ассумха ко маяам̣, бханд̇з, саад̇исса гира наама бхигкуно гзваддабуд̇д̇асса зваруубам̣ баабагам̣ д̣̇идтиг̇ад̇ам̣ уббаннам̣ – ‘д̇ат̇аахам̣ бхаг̇авад̇аа д̇хаммам̣ д̣̇зсид̇ам̣ ааж̇аанаами яат̇аа д̇ад̣̇звид̣̇ам̣ вин̃н̃аан̣ам̣ санд̇хаавад̇и сам̣сарад̇и, анан̃н̃а’нд̇и. ат̇а ко маяам̣, бханд̇з, язна саад̇и бхигку гзваддабуд̇д̇о д̇знубасан̇гамимха; убасан̇гамид̇ваа саад̇им̣ бхигкум̣ гзваддабуд̇д̇ам̣ зд̇ад̣̇авожумха – ‘сажжам̣ гира д̇з, аавусо саад̇и, зваруубам̣ баабагам̣ д̣̇идтиг̇ад̇ам̣ уббаннам̣ – ‘‘д̇ат̇аахам̣ бхаг̇авад̇аа д̇хаммам̣ д̣̇зсид̇ам̣ ааж̇аанаами яат̇аа д̇ад̣̇звид̣̇ам̣ вин̃н̃аан̣ам̣ санд̇хаавад̇и сам̣сарад̇и, анан̃н̃а’’нд̇и? звам̣ вуд̇д̇з, бханд̇з, саад̇и бхигку гзваддабуд̇д̇о амхз зд̇ад̣̇авожа – ‘звам̣ б̣яаа ко ахам̣, аавусо, бхаг̇авад̇аа д̇хаммам̣ д̣̇зсид̇ам̣ ааж̇аанаами яат̇аа д̇ад̣̇звид̣̇ам̣ вин̃н̃аан̣ам̣ санд̇хаавад̇и сам̣сарад̇и, анан̃н̃а’нд̇и. ат̇а ко маяам̣, бханд̇з, саад̇им̣ бхигкум̣ гзваддабуд̇д̇ам̣ зд̇асмаа баабагаа д̣̇идтиг̇ад̇аа вивзжзд̇угаамаа самануяун̃ж̇имха самануг̇аахимха саманубхаасимха – ‘маа звам̣, аавусо саад̇и, аважа, маа бхаг̇аванд̇ам̣ аб̣бхаажигки, на хи саад̇ху бхаг̇авад̇о аб̣бхагкаанам̣, на хи бхаг̇аваа звам̣ вад̣̇зяяа. анзгабарияааязнаавусо саад̇и, бадижжасамуббаннам̣ вин̃н̃аан̣ам̣ вуд̇д̇ам̣ бхаг̇авад̇аа, ан̃н̃ад̇ра бажжаяаа над̇т̇и вин̃н̃аан̣асса самбхаво’д̇и. звамби ко, бханд̇з, саад̇и бхигку гзваддабуд̇д̇о амхзхи самануяун̃ж̇ияамаано самануг̇аахияамаано саманубхаасияамаано д̇ад̣̇зва баабагам̣ д̣̇идтиг̇ад̇ам̣ т̇аамасаа бараамасаа абхинивисса вохарад̇и – ‘звам̣ б̣яаа ко ахам̣, аавусо, бхаг̇авад̇аа д̇хаммам̣ д̣̇зсид̇ам̣ ааж̇аанаами яат̇аа д̇ад̣̇звид̣̇ам̣ вин̃н̃аан̣ам̣ санд̇хаавад̇и сам̣сарад̇и, анан̃н̃а’нд̇и. яад̇о ко маяам̣, бханд̇з, наасагкимха саад̇им̣ бхигкум̣ гзваддабуд̇д̇ам̣ зд̇асмаа баабагаа д̣̇идтиг̇ад̇аа вивзжзд̇ум̣, ат̇а маяам̣ зд̇амад̇т̇ам̣ бхаг̇авад̇о аарожзмаа’’д̇и.
397. Yato kho te bhikkhū nāsakkhiṃsu sātiṃ bhikkhuṃ kevaṭṭaputtaṃ etasmā pāpakā diṭṭhigatā vivecetuṃ, atha kho te bhikkhū yena bhagavā tenupasaṅkamiṃsu; upasaṅkamitvā bhagavantaṃ abhivādetvā ekamantaṃ nisīdiṃsu. Ekamantaṃ nisinnā kho te bhikkhū bhagavantaṃ etadavocuṃ – ‘‘sātissa nāma, bhante, bhikkhuno kevaṭṭaputtassa evarūpaṃ pāpakaṃ diṭṭhigataṃ uppannaṃ – ‘tathāhaṃ bhagavatā dhammaṃ desitaṃ ājānāmi yathā tadevidaṃ viññāṇaṃ sandhāvati saṃsarati, anañña’nti. Assumha kho mayaṃ, bhante, sātissa kira nāma bhikkhuno kevaṭṭaputtassa evarūpaṃ pāpakaṃ diṭṭhigataṃ uppannaṃ – ‘tathāhaṃ bhagavatā dhammaṃ desitaṃ ājānāmi yathā tadevidaṃ viññāṇaṃ sandhāvati saṃsarati, anañña’nti. Atha kho mayaṃ, bhante, yena sāti bhikkhu kevaṭṭaputto tenupasaṅkamimha; upasaṅkamitvā sātiṃ bhikkhuṃ kevaṭṭaputtaṃ etadavocumha – ‘saccaṃ kira te, āvuso sāti, evarūpaṃ pāpakaṃ diṭṭhigataṃ uppannaṃ – ‘‘tathāhaṃ bhagavatā dhammaṃ desitaṃ ājānāmi yathā tadevidaṃ viññāṇaṃ sandhāvati saṃsarati, anañña’’nti? Evaṃ vutte, bhante, sāti bhikkhu kevaṭṭaputto amhe etadavoca – ‘evaṃ byā kho ahaṃ, āvuso, bhagavatā dhammaṃ desitaṃ ājānāmi yathā tadevidaṃ viññāṇaṃ sandhāvati saṃsarati, anañña’nti. Atha kho mayaṃ, bhante, sātiṃ bhikkhuṃ kevaṭṭaputtaṃ etasmā pāpakā diṭṭhigatā vivecetukāmā samanuyuñjimha samanugāhimha samanubhāsimha – ‘mā evaṃ, āvuso sāti, avaca, mā bhagavantaṃ abbhācikkhi, na hi sādhu bhagavato abbhakkhānaṃ, na hi bhagavā evaṃ vadeyya. Anekapariyāyenāvuso sāti, paṭiccasamuppannaṃ viññāṇaṃ vuttaṃ bhagavatā, aññatra paccayā natthi viññāṇassa sambhavo’ti. Evampi kho, bhante, sāti bhikkhu kevaṭṭaputto amhehi samanuyuñjiyamāno samanugāhiyamāno samanubhāsiyamāno tadeva pāpakaṃ diṭṭhigataṃ thāmasā parāmasā abhinivissa voharati – ‘evaṃ byā kho ahaṃ, āvuso, bhagavatā dhammaṃ desitaṃ ājānāmi yathā tadevidaṃ viññāṇaṃ sandhāvati saṃsarati, anañña’nti. Yato kho mayaṃ, bhante, nāsakkhimha sātiṃ bhikkhuṃ kevaṭṭaputtaṃ etasmā pāpakā diṭṭhigatā vivecetuṃ, atha mayaṃ etamatthaṃ bhagavato ārocemā’’ti.
398. ат̇а ко бхаг̇аваа ан̃н̃ад̇арам̣ бхигкум̣ ааманд̇зси – ‘‘зхи д̇вам̣ бхигку, мама важанзна саад̇им̣ бхигкум̣ гзваддабуд̇д̇ам̣ ааманд̇зхи – ‘сад̇т̇аа д̇ам̣, аавусо саад̇и, ааманд̇зд̇ий’’’д̇и. ‘‘звам̣, бханд̇з’’д̇и ко со бхигку бхаг̇авад̇о бадиссуд̇ваа язна саад̇и бхигку гзваддабуд̇д̇о д̇знубасан̇гами; убасан̇гамид̇ваа саад̇им̣ бхигкум̣ гзваддабуд̇д̇ам̣ зд̇ад̣̇авожа – ‘‘сад̇т̇аа д̇ам̣, аавусо саад̇и, ааманд̇зд̇ий’’д̇и. ‘‘звамаавусо’’д̇и ко саад̇и бхигку гзваддабуд̇д̇о д̇асса бхигкуно бадиссуд̇ваа язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисиннам̣ ко саад̇им̣ бхигкум̣ гзваддабуд̇д̇ам̣ бхаг̇аваа зд̇ад̣̇авожа – ‘‘сажжам̣ гира, д̇з, саад̇и, зваруубам̣ баабагам̣ д̣̇идтиг̇ад̇ам̣ уббаннам̣ – ‘д̇ат̇аахам̣ бхаг̇авад̇аа д̇хаммам̣ д̣̇зсид̇ам̣ ааж̇аанаами яат̇аа д̇ад̣̇звид̣̇ам̣ вин̃н̃аан̣ам̣ санд̇хаавад̇и сам̣сарад̇и, анан̃н̃а’’’нд̇и? ‘‘звам̣ б̣яаа ко ахам̣, бханд̇з, бхаг̇авад̇аа д̇хаммам̣ д̣̇зсид̇ам̣ ааж̇аанаами яат̇аа д̇ад̣̇звид̣̇ам̣ вин̃н̃аан̣ам̣ санд̇хаавад̇и сам̣сарад̇и, анан̃н̃а’’нд̇и. ‘‘гад̇амам̣ д̇ам̣, саад̇и, вин̃н̃аан̣а’’нд̇и? ‘‘явааяам̣, бханд̇з, вад̣̇о взд̣̇зяяо д̇ад̇ра д̇ад̇ра галяаан̣абаабагаанам̣ гаммаанам̣ вибаагам̣ бадисам̣взд̣̇зд̇ий’’д̇и. ‘‘гасса ну ко наама д̇вам̣, могхабуриса, маяаа звам̣ д̇хаммам̣ д̣̇зсид̇ам̣ ааж̇аанааси? нану маяаа, могхабуриса, анзгабарияааязна бадижжасамуббаннам̣ вин̃н̃аан̣ам̣ вуд̇д̇ам̣, ан̃н̃ад̇ра бажжаяаа над̇т̇и вин̃н̃аан̣асса самбхавод̇и? ат̇а жа бана д̇вам̣, могхабуриса, ад̇д̇анаа д̣̇уг̇г̇ахид̇зна амхз жзва аб̣бхаажигкаси, ад̇д̇аанан̃жа кан̣аси, б̣ахун̃жа абун̃н̃ам̣ басаваси. д̇ан̃хи д̇з, могхабуриса, бхависсад̇и д̣̇ийгхарад̇д̇ам̣ ахид̇ааяа д̣̇угкааяаа’’д̇и.
398. Atha kho bhagavā aññataraṃ bhikkhuṃ āmantesi – ‘‘ehi tvaṃ bhikkhu, mama vacanena sātiṃ bhikkhuṃ kevaṭṭaputtaṃ āmantehi – ‘satthā taṃ, āvuso sāti, āmantetī’’’ti. ‘‘Evaṃ, bhante’’ti kho so bhikkhu bhagavato paṭissutvā yena sāti bhikkhu kevaṭṭaputto tenupasaṅkami; upasaṅkamitvā sātiṃ bhikkhuṃ kevaṭṭaputtaṃ etadavoca – ‘‘satthā taṃ, āvuso sāti, āmantetī’’ti. ‘‘Evamāvuso’’ti kho sāti bhikkhu kevaṭṭaputto tassa bhikkhuno paṭissutvā yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinnaṃ kho sātiṃ bhikkhuṃ kevaṭṭaputtaṃ bhagavā etadavoca – ‘‘saccaṃ kira, te, sāti, evarūpaṃ pāpakaṃ diṭṭhigataṃ uppannaṃ – ‘tathāhaṃ bhagavatā dhammaṃ desitaṃ ājānāmi yathā tadevidaṃ viññāṇaṃ sandhāvati saṃsarati, anañña’’’nti? ‘‘Evaṃ byā kho ahaṃ, bhante, bhagavatā dhammaṃ desitaṃ ājānāmi yathā tadevidaṃ viññāṇaṃ sandhāvati saṃsarati, anañña’’nti. ‘‘Katamaṃ taṃ, sāti, viññāṇa’’nti? ‘‘Yvāyaṃ, bhante, vado vedeyyo tatra tatra kalyāṇapāpakānaṃ kammānaṃ vipākaṃ paṭisaṃvedetī’’ti. ‘‘Kassa nu kho nāma tvaṃ, moghapurisa, mayā evaṃ dhammaṃ desitaṃ ājānāsi? Nanu mayā, moghapurisa, anekapariyāyena paṭiccasamuppannaṃ viññāṇaṃ vuttaṃ, aññatra paccayā natthi viññāṇassa sambhavoti? Atha ca pana tvaṃ, moghapurisa, attanā duggahitena amhe ceva abbhācikkhasi, attānañca khaṇasi, bahuñca apuññaṃ pasavasi. Tañhi te, moghapurisa, bhavissati dīgharattaṃ ahitāya dukkhāyā’’ti.
399. ат̇а ко бхаг̇аваа бхигкуу ааманд̇зси – ‘‘д̇ам̣ гим̣ ман̃н̃ат̇а, бхигкавз, аби нааяам̣ саад̇и бхигку гзваддабуд̇д̇о усмийгад̇оби имасмим̣ д̇хаммавинаяз’’д̇и? ‘‘гин̃хи сияаа бханд̇з? но хзд̇ам̣, бханд̇з’’д̇и. звам̣ вуд̇д̇з, саад̇и бхигку гзваддабуд̇д̇о д̇ун̣хийбхууд̇о ман̇губхууд̇о бад̇д̇агканд̇хо ад̇хомуко баж̇жхааяанд̇о аббадибхаано нисийд̣̇и. ат̇а ко бхаг̇аваа саад̇им̣ бхигкум̣ гзваддабуд̇д̇ам̣ д̇ун̣хийбхууд̇ам̣ ман̇губхууд̇ам̣ бад̇д̇агканд̇хам̣ ад̇хомукам̣ баж̇жхааяанд̇ам̣ аббадибхаанам̣ вид̣̇ид̇ваа саад̇им̣ бхигкум̣ гзваддабуд̇д̇ам̣ зд̇ад̣̇авожа – ‘‘бан̃н̃ааяиссаси ко д̇вам̣, могхабуриса, зд̇зна сагзна баабагзна д̣̇идтиг̇ад̇зна. ид̇хаахам̣ бхигкуу бадибужчиссаамий’’д̇и. ат̇а ко бхаг̇аваа бхигкуу ааманд̇зси – ‘‘д̇умхзби мз, бхигкавз, звам̣ д̇хаммам̣ д̣̇зсид̇ам̣ ааж̇аанаат̇а яат̇ааяам̣ саад̇и бхигку гзваддабуд̇д̇о ад̇д̇анаа д̣̇уг̇г̇ахид̇зна амхз жзва аб̣бхаажигкад̇и, ад̇д̇аанан̃жа кан̣ад̇и, б̣ахун̃жа абун̃н̃ам̣ басавад̇ий’’д̇и? ‘‘но хзд̇ам̣, бханд̇з! анзгабарияааязна хи но, бханд̇з, бадижжасамуббаннам̣ вин̃н̃аан̣ам̣ вуд̇д̇ам̣ бхаг̇авад̇аа, ан̃н̃ад̇ра бажжаяаа над̇т̇и вин̃н̃аан̣асса самбхаво’’д̇и. ‘‘саад̇ху саад̇ху, бхигкавз! саад̇ху ко мз д̇умхз, бхигкавз, звам̣ д̇хаммам̣ д̣̇зсид̇ам̣ ааж̇аанаат̇а. анзгабарияааязна хи во, бхигкавз, бадижжасамуббаннам̣ вин̃н̃аан̣ам̣ вуд̇д̇ам̣ маяаа, ан̃н̃ад̇ра бажжаяаа над̇т̇и вин̃н̃аан̣асса самбхавод̇и. ат̇а жа банааяам̣ саад̇и бхигку гзваддабуд̇д̇о ад̇д̇анаа д̣̇уг̇г̇ахид̇зна амхз жзва аб̣бхаажигкад̇и, ад̇д̇аанан̃жа кан̣ад̇и, б̣ахун̃жа абун̃н̃ам̣ басавад̇и басавад̇и. д̇ан̃хи д̇асса могхабурисасса бхависсад̇и д̣̇ийгхарад̇д̇ам̣ ахид̇ааяа д̣̇угкааяа.
399. Atha kho bhagavā bhikkhū āmantesi – ‘‘taṃ kiṃ maññatha, bhikkhave, api nāyaṃ sāti bhikkhu kevaṭṭaputto usmīkatopi imasmiṃ dhammavinaye’’ti? ‘‘Kiñhi siyā bhante? No hetaṃ, bhante’’ti. Evaṃ vutte, sāti bhikkhu kevaṭṭaputto tuṇhībhūto maṅkubhūto pattakkhandho adhomukho pajjhāyanto appaṭibhāno nisīdi. Atha kho bhagavā sātiṃ bhikkhuṃ kevaṭṭaputtaṃ tuṇhībhūtaṃ maṅkubhūtaṃ pattakkhandhaṃ adhomukhaṃ pajjhāyantaṃ appaṭibhānaṃ viditvā sātiṃ bhikkhuṃ kevaṭṭaputtaṃ etadavoca – ‘‘paññāyissasi kho tvaṃ, moghapurisa, etena sakena pāpakena diṭṭhigatena. Idhāhaṃ bhikkhū paṭipucchissāmī’’ti. Atha kho bhagavā bhikkhū āmantesi – ‘‘tumhepi me, bhikkhave, evaṃ dhammaṃ desitaṃ ājānātha yathāyaṃ sāti bhikkhu kevaṭṭaputto attanā duggahitena amhe ceva abbhācikkhati, attānañca khaṇati, bahuñca apuññaṃ pasavatī’’ti? ‘‘No hetaṃ, bhante! Anekapariyāyena hi no, bhante, paṭiccasamuppannaṃ viññāṇaṃ vuttaṃ bhagavatā, aññatra paccayā natthi viññāṇassa sambhavo’’ti. ‘‘Sādhu sādhu, bhikkhave! Sādhu kho me tumhe, bhikkhave, evaṃ dhammaṃ desitaṃ ājānātha. Anekapariyāyena hi vo, bhikkhave, paṭiccasamuppannaṃ viññāṇaṃ vuttaṃ mayā, aññatra paccayā natthi viññāṇassa sambhavoti. Atha ca panāyaṃ sāti bhikkhu kevaṭṭaputto attanā duggahitena amhe ceva abbhācikkhati, attānañca khaṇati, bahuñca apuññaṃ pasavati pasavati. Tañhi tassa moghapurisassa bhavissati dīgharattaṃ ahitāya dukkhāya.
400. ‘‘яам̣ яад̣̇зва, бхигкавз, бажжаяам̣ бадижжа уббаж̇ж̇ад̇и вин̃н̃аан̣ам̣, д̇зна д̇знзва вин̃н̃аан̣ам̣д̇взва сан̇кяам̣ г̇ажчад̇и 1. жагкун̃жа бадижжа руубз жа уббаж̇ж̇ад̇и вин̃н̃аан̣ам̣, жагкувин̃н̃аан̣ам̣д̇взва сан̇кяам̣ г̇ажчад̇и; сод̇ан̃жа бадижжа сад̣̇д̣̇з жа уббаж̇ж̇ад̇и вин̃н̃аан̣ам̣, сод̇авин̃н̃аан̣ам̣д̇взва сан̇кяам̣ г̇ажчад̇и; гхаанан̃жа бадижжа г̇анд̇хз жа уббаж̇ж̇ад̇и вин̃н̃аан̣ам̣, гхаанавин̃н̃аан̣ам̣д̇взва сан̇кяам̣ г̇ажчад̇и; ж̇ивхан̃жа бадижжа расз жа уббаж̇ж̇ад̇и вин̃н̃аан̣ам̣, ж̇ивхаавин̃н̃аан̣ам̣д̇взва сан̇кяам̣ г̇ажчад̇и; гааяан̃жа бадижжа подтаб̣б̣з жа уббаж̇ж̇ад̇и вин̃н̃аан̣ам̣, гааяавин̃н̃аан̣ам̣д̇взва сан̇кяам̣ г̇ажчад̇и; манан̃жа бадижжа д̇хаммз жа уббаж̇ж̇ад̇и вин̃н̃аан̣ам̣, мановин̃н̃аан̣ам̣д̇взва сан̇кяам̣ г̇ажчад̇и.
400. ‘‘Yaṃ yadeva, bhikkhave, paccayaṃ paṭicca uppajjati viññāṇaṃ, tena teneva viññāṇaṃtveva saṅkhyaṃ gacchati 2. Cakkhuñca paṭicca rūpe ca uppajjati viññāṇaṃ, cakkhuviññāṇaṃtveva saṅkhyaṃ gacchati; sotañca paṭicca sadde ca uppajjati viññāṇaṃ, sotaviññāṇaṃtveva saṅkhyaṃ gacchati; ghānañca paṭicca gandhe ca uppajjati viññāṇaṃ, ghānaviññāṇaṃtveva saṅkhyaṃ gacchati; jivhañca paṭicca rase ca uppajjati viññāṇaṃ, jivhāviññāṇaṃtveva saṅkhyaṃ gacchati; kāyañca paṭicca phoṭṭhabbe ca uppajjati viññāṇaṃ, kāyaviññāṇaṃtveva saṅkhyaṃ gacchati; manañca paṭicca dhamme ca uppajjati viññāṇaṃ, manoviññāṇaṃtveva saṅkhyaṃ gacchati.
‘‘сзяяат̇ааби, бхигкавз, яам̣ яад̣̇зва бажжаяам̣ бадижжа аг̇г̇и ж̇алад̇и д̇зна д̇знзва сан̇кяам̣ г̇ажчад̇и. гадтан̃жа бадижжа аг̇г̇и ж̇алад̇и, гадтаг̇г̇ид̇взва сан̇кяам̣ г̇ажчад̇и; сагалиган̃жа бадижжа аг̇г̇и ж̇алад̇и, сагалигаг̇г̇ид̇взва сан̇кяам̣ г̇ажчад̇и; д̇ин̣ан̃жа бадижжа аг̇г̇и ж̇алад̇и, д̇ин̣аг̇г̇ид̇взва сан̇кяам̣ г̇ажчад̇и; г̇омаяан̃жа бадижжа аг̇г̇и ж̇алад̇и, г̇омаяаг̇г̇ид̇взва сан̇кяам̣ г̇ажчад̇и; т̇усан̃жа бадижжа аг̇г̇и ж̇алад̇и, т̇усаг̇г̇ид̇взва сан̇кяам̣ г̇ажчад̇и; сан̇гааран̃жа бадижжа аг̇г̇и ж̇алад̇и, сан̇гаараг̇г̇ид̇взва сан̇кяам̣ г̇ажчад̇и. звамзва ко, бхигкавз, яам̣ яад̣̇зва бажжаяам̣ бадижжа уббаж̇ж̇ад̇и вин̃н̃аан̣ам̣, д̇зна д̇знзва сан̇кяам̣ г̇ажчад̇и. жагкун̃жа бадижжа руубз жа уббаж̇ж̇ад̇и вин̃н̃аан̣ам̣, жагкувин̃н̃аан̣ам̣д̇взва сан̇кяам̣ г̇ажчад̇и; сод̇ан̃жа бадижжа сад̣̇д̣̇з жа уббаж̇ж̇ад̇и вин̃н̃аан̣ам̣, сод̇авин̃н̃аан̣ам̣д̇взва сан̇кяам̣ г̇ажчад̇и, гхаанан̃жа бадижжа г̇анд̇хз жа уббаж̇ж̇ад̇и вин̃н̃аан̣ам̣ , гхаан̣авин̃н̃аан̣ам̣д̇взва сан̇кяам̣ г̇ажчад̇и, ж̇ивхан̃жа бадижжа расз жа уббаж̇ж̇ад̇и вин̃н̃аан̣ам̣, ж̇ивхаавин̃н̃аан̣ам̣д̇взва сан̇кяам̣ г̇ажчад̇и. гааяан̃жа бадижжа подтаб̣б̣з жа уббаж̇ж̇ад̇и вин̃н̃аан̣ам̣, гааяавин̃н̃аан̣ам̣д̇взва сан̇кяам̣ г̇ажчад̇и. манан̃жа бадижжа д̇хаммз жа уббаж̇ж̇ад̇и вин̃н̃аан̣ам̣, мановин̃н̃аан̣ам̣д̇взва сан̇кяам̣ г̇ажчад̇и.
‘‘Seyyathāpi, bhikkhave, yaṃ yadeva paccayaṃ paṭicca aggi jalati tena teneva saṅkhyaṃ gacchati. Kaṭṭhañca paṭicca aggi jalati, kaṭṭhaggitveva saṅkhyaṃ gacchati; sakalikañca paṭicca aggi jalati, sakalikaggitveva saṅkhyaṃ gacchati; tiṇañca paṭicca aggi jalati, tiṇaggitveva saṅkhyaṃ gacchati; gomayañca paṭicca aggi jalati, gomayaggitveva saṅkhyaṃ gacchati; thusañca paṭicca aggi jalati, thusaggitveva saṅkhyaṃ gacchati; saṅkārañca paṭicca aggi jalati, saṅkāraggitveva saṅkhyaṃ gacchati. Evameva kho, bhikkhave, yaṃ yadeva paccayaṃ paṭicca uppajjati viññāṇaṃ, tena teneva saṅkhyaṃ gacchati. Cakkhuñca paṭicca rūpe ca uppajjati viññāṇaṃ, cakkhuviññāṇaṃtveva saṅkhyaṃ gacchati; sotañca paṭicca sadde ca uppajjati viññāṇaṃ, sotaviññāṇaṃtveva saṅkhyaṃ gacchati, ghānañca paṭicca gandhe ca uppajjati viññāṇaṃ , ghāṇaviññāṇaṃtveva saṅkhyaṃ gacchati, jivhañca paṭicca rase ca uppajjati viññāṇaṃ, jivhāviññāṇaṃtveva saṅkhyaṃ gacchati. Kāyañca paṭicca phoṭṭhabbe ca uppajjati viññāṇaṃ, kāyaviññāṇaṃtveva saṅkhyaṃ gacchati. Manañca paṭicca dhamme ca uppajjati viññāṇaṃ, manoviññāṇaṃtveva saṅkhyaṃ gacchati.
401. ‘‘бхууд̇амид̣̇анд̇и , бхигкавз, бассат̇аа’’д̇и?
401. ‘‘Bhūtamidanti , bhikkhave, passathā’’ti?
‘‘звам̣, бханд̇з’’.
‘‘Evaṃ, bhante’’.
‘‘д̇ад̣̇аахаарасамбхаванд̇и, бхигкавз, бассат̇аа’’д̇и?
‘‘Tadāhārasambhavanti, bhikkhave, passathā’’ti?
‘‘звам̣, бханд̇з’’.
‘‘Evaṃ, bhante’’.
‘‘д̇ад̣̇аахааранирод̇хаа яам̣ бхууд̇ам̣, д̇ам̣ нирод̇хад̇хамманд̇и, бхигкавз, бассат̇аа’’д̇и?
‘‘Tadāhāranirodhā yaṃ bhūtaṃ, taṃ nirodhadhammanti, bhikkhave, passathā’’ti?
‘‘звам̣, бханд̇з’’.
‘‘Evaṃ, bhante’’.
‘‘бхууд̇амид̣̇ам̣ носсууд̇и, бхигкавз, ган̇кад̇о уббаж̇ж̇ад̇и вижигижчаа’’д̇и?
‘‘Bhūtamidaṃ nossūti, bhikkhave, kaṅkhato uppajjati vicikicchā’’ti?
‘‘звам̣, бханд̇з’’.
‘‘Evaṃ, bhante’’.
‘‘д̇ад̣̇аахаарасамбхавам̣ носсууд̇и, бхигкавз , ган̇кад̇о уббаж̇ж̇ад̇и вижигижчаа’’д̇и?
‘‘Tadāhārasambhavaṃ nossūti, bhikkhave , kaṅkhato uppajjati vicikicchā’’ti?
‘‘звам̣, бханд̇з’’.
‘‘Evaṃ, bhante’’.
‘‘д̇ад̣̇аахааранирод̇хаа яам̣ бхууд̇ам̣, д̇ам̣ нирод̇хад̇хаммам̣ носсууд̇и, бхигкавз, ган̇кад̇о уббаж̇ж̇ад̇и вижигижчаа’’д̇и?
‘‘Tadāhāranirodhā yaṃ bhūtaṃ, taṃ nirodhadhammaṃ nossūti, bhikkhave, kaṅkhato uppajjati vicikicchā’’ti?
‘‘звам̣, бханд̇з’’.
‘‘Evaṃ, bhante’’.
‘‘бхууд̇амид̣̇анд̇и, бхигкавз, яат̇аабхууд̇ам̣ саммаббан̃н̃ааяа бассад̇о яаа вижигижчаа саа бахийяад̇ий’’д̇и?
‘‘Bhūtamidanti, bhikkhave, yathābhūtaṃ sammappaññāya passato yā vicikicchā sā pahīyatī’’ti?
‘‘звам̣, бханд̇з’’.
‘‘Evaṃ, bhante’’.
‘‘д̇ад̣̇аахаарасамбхаванд̇и, бхигкавз, яат̇аабхууд̇ам̣ саммаббан̃н̃ааяа бассад̇ааз яаа вижигижчаа саа бахийяад̇ий’’д̇и?
‘‘Tadāhārasambhavanti, bhikkhave, yathābhūtaṃ sammappaññāya passatāe yā vicikicchā sā pahīyatī’’ti?
‘‘звам̣, бханд̇з’’.
‘‘Evaṃ, bhante’’.
‘‘д̇ад̣̇аахааранирод̇хаа яам̣ бхууд̇ам̣, д̇ам̣ нирод̇хад̇хамманд̇и, бхигкавз, яат̇аабхууд̇ам̣ саммаббан̃н̃ааяа бассад̇ааз яаа вижигижчаа саа бахийяад̇ий’’д̇и?
‘‘Tadāhāranirodhā yaṃ bhūtaṃ, taṃ nirodhadhammanti, bhikkhave, yathābhūtaṃ sammappaññāya passatāe yā vicikicchā sā pahīyatī’’ti?
‘‘звам̣ , бханд̇з’’.
‘‘Evaṃ , bhante’’.
‘‘бхууд̇амид̣̇анд̇и, бхигкавз, ид̇иби во зд̇т̇а ниб̣б̣ижигижчаа’’д̇и?
‘‘Bhūtamidanti, bhikkhave, itipi vo ettha nibbicikicchā’’ti?
‘‘звам̣, бханд̇з’’.
‘‘Evaṃ, bhante’’.
‘‘д̇ад̣̇аахаарасамбхаванд̇и, бхигкавз, ид̇иби во зд̇т̇а ниб̣б̣ижигижчаа’’д̇и?
‘‘Tadāhārasambhavanti, bhikkhave, itipi vo ettha nibbicikicchā’’ti?
‘‘звам̣, бханд̇з’’.
‘‘Evaṃ, bhante’’.
‘‘д̇ад̣̇аахааранирод̇хаа яам̣ бхууд̇ам̣ д̇ам̣ нирод̇хад̇хамманд̇и, бхигкавз, ид̇иби во зд̇т̇а ниб̣б̣ижигижчаа’’д̇и?
‘‘Tadāhāranirodhā yaṃ bhūtaṃ taṃ nirodhadhammanti, bhikkhave, itipi vo ettha nibbicikicchā’’ti?
‘‘звам̣, бханд̇з’’.
‘‘Evaṃ, bhante’’.
‘‘бхууд̇амид̣̇анд̇и, бхигкавз, яат̇аабхууд̇ам̣ саммаббан̃н̃ааяа суд̣̇идта’’нд̇и?
‘‘Bhūtamidanti, bhikkhave, yathābhūtaṃ sammappaññāya sudiṭṭha’’nti?
‘‘звам̣, бханд̇з’’.
‘‘Evaṃ, bhante’’.
‘‘д̇ад̣̇аахаарасамбхаванд̇и, бхигкавз, яат̇аабхууд̇ам̣ саммаббан̃н̃ааяа суд̣̇идта’’нд̇и?
‘‘Tadāhārasambhavanti, bhikkhave, yathābhūtaṃ sammappaññāya sudiṭṭha’’nti?
‘‘звам̣, бханд̇з’’.
‘‘Evaṃ, bhante’’.
‘‘д̇ад̣̇аахааранирод̇хаа яам̣ бхууд̇ам̣ д̇ам̣ нирод̇хад̇хамманд̇и, бхигкавз, яат̇аабхууд̇ам̣ саммаббан̃н̃ааяа суд̣̇идта’’нд̇и?
‘‘Tadāhāranirodhā yaṃ bhūtaṃ taṃ nirodhadhammanti, bhikkhave, yathābhūtaṃ sammappaññāya sudiṭṭha’’nti?
‘‘звам̣, бханд̇з’’.
‘‘Evaṃ, bhante’’.
‘‘имам̣ жз д̇умхз, бхигкавз, д̣̇идтим̣ звам̣ барисуд̣̇д̇хам̣ звам̣ барияод̣̇аад̇ам̣ аллийязт̇а гзлааязт̇а д̇ханааязт̇а мамааязт̇а, аби ну мз д̇умхз, бхигкавз, гуллуубамам̣ д̇хаммам̣ д̣̇зсид̇ам̣ ааж̇аанзяяаат̇а нид̇т̇аран̣ад̇т̇ааяа но г̇ахан̣ад̇т̇ааяаа’’д̇и?
‘‘Imaṃ ce tumhe, bhikkhave, diṭṭhiṃ evaṃ parisuddhaṃ evaṃ pariyodātaṃ allīyetha kelāyetha dhanāyetha mamāyetha, api nu me tumhe, bhikkhave, kullūpamaṃ dhammaṃ desitaṃ ājāneyyātha nittharaṇatthāya no gahaṇatthāyā’’ti?
‘‘но хзд̇ам̣, бханд̇з’’.
‘‘No hetaṃ, bhante’’.
‘‘имам̣ жз д̇умхз, бхигкавз, д̣̇идтим̣ звам̣ барисуд̣̇д̇хам̣ звам̣ барияод̣̇аад̇ам̣ на аллийязт̇а на гзлааязт̇а на д̇ханааязт̇а на мамааязт̇а, аби ну мз д̇умхз, бхигкавз, гуллуубамам̣ д̇хаммам̣ д̣̇зсид̇ам̣ ааж̇аанзяяаат̇а нид̇т̇аран̣ад̇т̇ааяа но г̇ахан̣ад̇т̇ааяаа’’д̇и?
‘‘Imaṃ ce tumhe, bhikkhave, diṭṭhiṃ evaṃ parisuddhaṃ evaṃ pariyodātaṃ na allīyetha na kelāyetha na dhanāyetha na mamāyetha, api nu me tumhe, bhikkhave, kullūpamaṃ dhammaṃ desitaṃ ājāneyyātha nittharaṇatthāya no gahaṇatthāyā’’ti?
‘‘звам̣, бханд̇з’’.
‘‘Evaṃ, bhante’’.
402. ‘‘жад̇д̇ааромз, бхигкавз, аахаараа бхууд̇аанам̣ ваа сад̇д̇аанам̣ тид̇ияаа, самбхавзсийнам̣ ваа ануг̇г̇ахааяа. гад̇амз жад̇д̇ааро? габ̣ал̣ийгааро аахааро ол̣аариго ваа сукумо ваа, пассо д̣̇уд̇ияо, маносан̃жзд̇анаа д̇ад̇ияаа, вин̃н̃аан̣ам̣ жад̇уд̇т̇ам̣.
402. ‘‘Cattārome, bhikkhave, āhārā bhūtānaṃ vā sattānaṃ ṭhitiyā, sambhavesīnaṃ vā anuggahāya. Katame cattāro? Kabaḷīkāro āhāro oḷāriko vā sukhumo vā, phasso dutiyo, manosañcetanā tatiyā, viññāṇaṃ catutthaṃ.
‘‘имз жа, бхигкавз, жад̇д̇ааро аахаараа гим̣нид̣̇аанаа гим̣самуд̣̇аяаа гим̣ж̇аад̇игаа гим̣бабхаваа?
‘‘Ime ca, bhikkhave, cattāro āhārā kiṃnidānā kiṃsamudayā kiṃjātikā kiṃpabhavā?
‘‘имз жад̇д̇ааро аахаараа д̇ан̣хаанид̣̇аанаа д̇ан̣хаасамуд̣̇аяаа д̇ан̣хааж̇аад̇игаа д̇ан̣хаабабхаваа.
‘‘Ime cattāro āhārā taṇhānidānā taṇhāsamudayā taṇhājātikā taṇhāpabhavā.
‘‘д̇ан̣хаа жааяам̣, бхигкавз, гим̣нид̣̇аанаа гим̣самуд̣̇аяаа гим̣ж̇аад̇игаа гим̣бабхаваа?
‘‘Taṇhā cāyaṃ, bhikkhave, kiṃnidānā kiṃsamudayā kiṃjātikā kiṃpabhavā?
‘‘д̇ан̣хаа взд̣̇анаанид̣̇аанаа взд̣̇анаасамуд̣̇аяаа взд̣̇анааж̇аад̇игаа взд̣̇анаабабхаваа.
‘‘Taṇhā vedanānidānā vedanāsamudayā vedanājātikā vedanāpabhavā.
‘‘взд̣̇анаа жааяам̣, бхигкавз, гим̣нид̣̇аанаа гим̣самуд̣̇аяаа гим̣ж̇аад̇игаа гим̣бабхаваа?
‘‘Vedanā cāyaṃ, bhikkhave, kiṃnidānā kiṃsamudayā kiṃjātikā kiṃpabhavā?
‘‘взд̣̇анаа пассанид̣̇аанаа пассасамуд̣̇аяаа пассаж̇аад̇игаа пассабабхаваа .
‘‘Vedanā phassanidānā phassasamudayā phassajātikā phassapabhavā .
‘‘пассо жааяам̣, бхигкавз, гим̣нид̣̇аано гим̣самуд̣̇аяо гим̣ж̇аад̇иго гим̣бабхаво?
‘‘Phasso cāyaṃ, bhikkhave, kiṃnidāno kiṃsamudayo kiṃjātiko kiṃpabhavo?
‘‘пассо сал̣ааяад̇ананид̣̇аано сал̣ааяад̇анасамуд̣̇аяо сал̣ааяад̇анаж̇аад̇иго сал̣ааяад̇анабабхаво.
‘‘Phasso saḷāyatananidāno saḷāyatanasamudayo saḷāyatanajātiko saḷāyatanapabhavo.
‘‘сал̣ааяад̇анам̣ жид̣̇ам̣, бхигкавз, гим̣нид̣̇аанам̣ гим̣самуд̣̇аяам̣ гим̣ж̇аад̇игам̣ гим̣бабхавам̣?
‘‘Saḷāyatanaṃ cidaṃ, bhikkhave, kiṃnidānaṃ kiṃsamudayaṃ kiṃjātikaṃ kiṃpabhavaṃ?
‘‘сал̣ааяад̇анам̣ наамаруубанид̣̇аанам̣ наамаруубасамуд̣̇аяам̣ наамаруубаж̇аад̇игам̣ наамаруубабабхавам̣.
‘‘Saḷāyatanaṃ nāmarūpanidānaṃ nāmarūpasamudayaṃ nāmarūpajātikaṃ nāmarūpapabhavaṃ.
‘‘наамаруубам̣ жид̣̇ам̣, бхигкавз, гим̣нид̣̇аанам̣ гим̣самуд̣̇аяам̣ гим̣ж̇аад̇игам̣ гим̣бабхавам̣?
‘‘Nāmarūpaṃ cidaṃ, bhikkhave, kiṃnidānaṃ kiṃsamudayaṃ kiṃjātikaṃ kiṃpabhavaṃ?
‘‘наамаруубам̣ вин̃н̃аан̣анид̣̇аанам̣ вин̃н̃аан̣асамуд̣̇аяам̣ вин̃н̃аан̣аж̇аад̇игам̣ вин̃н̃аан̣абабхавам̣.
‘‘Nāmarūpaṃ viññāṇanidānaṃ viññāṇasamudayaṃ viññāṇajātikaṃ viññāṇapabhavaṃ.
‘‘вин̃н̃аан̣ам̣ жид̣̇ам̣, бхигкавз, гим̣нид̣̇аанам̣ гим̣самуд̣̇аяам̣ гим̣ж̇аад̇игам̣ гим̣бабхавам̣?
‘‘Viññāṇaṃ cidaṃ, bhikkhave, kiṃnidānaṃ kiṃsamudayaṃ kiṃjātikaṃ kiṃpabhavaṃ?
‘‘вин̃н̃аан̣ам̣ сан̇кааранид̣̇аанам̣ сан̇каарасамуд̣̇аяам̣ сан̇каараж̇аад̇игам̣ сан̇каарабабхавам̣.
‘‘Viññāṇaṃ saṅkhāranidānaṃ saṅkhārasamudayaṃ saṅkhārajātikaṃ saṅkhārapabhavaṃ.
‘‘сан̇каараа жимз, бхигкавз, гим̣нид̣̇аанаа гим̣самуд̣̇аяаа гим̣ж̇аад̇игаа гим̣бабхаваа?
‘‘Saṅkhārā cime, bhikkhave, kiṃnidānā kiṃsamudayā kiṃjātikā kiṃpabhavā?
‘‘сан̇каараа авиж̇ж̇аанид̣̇аанаа авиж̇ж̇аасамуд̣̇аяаа авиж̇ж̇ааж̇аад̇игаа авиж̇ж̇аабабхаваа.
‘‘Saṅkhārā avijjānidānā avijjāsamudayā avijjājātikā avijjāpabhavā.
‘‘ид̇и ко, бхигкавз, авиж̇ж̇аабажжаяаа сан̇каараа, сан̇каарабажжаяаа вин̃н̃аан̣ам̣, вин̃н̃аан̣абажжаяаа наамаруубам̣, наамаруубабажжаяаа сал̣ааяад̇анам̣, сал̣ааяад̇анабажжаяаа пассо, пассабажжаяаа взд̣̇анаа, взд̣̇анаабажжаяаа д̇ан̣хаа, д̇ан̣хаабажжаяаа убаад̣̇аанам̣, убаад̣̇аанабажжаяаа бхаво, бхавабажжаяаа ж̇аад̇и, ж̇аад̇ибажжаяаа ж̇араамаран̣ам̣ согабарид̣̇звад̣̇угкад̣̇оманассубааяаасаа самбхаванд̇и. звамзд̇асса гзваласса д̣̇угкагканд̇хасса самуд̣̇аяо ход̇и.’’’
‘‘Iti kho, bhikkhave, avijjāpaccayā saṅkhārā, saṅkhārapaccayā viññāṇaṃ, viññāṇapaccayā nāmarūpaṃ, nāmarūpapaccayā saḷāyatanaṃ, saḷāyatanapaccayā phasso, phassapaccayā vedanā, vedanāpaccayā taṇhā, taṇhāpaccayā upādānaṃ, upādānapaccayā bhavo, bhavapaccayā jāti, jātipaccayā jarāmaraṇaṃ sokaparidevadukkhadomanassupāyāsā sambhavanti. Evametassa kevalassa dukkhakkhandhassa samudayo hoti.’’’
403. ‘‘ж̇аад̇ибажжаяаа ж̇араамаран̣анд̇и ид̇и ко банзд̇ам̣ вуд̇д̇ам̣; ж̇аад̇ибажжаяаа ну ко, бхигкавз, ж̇араамаран̣ам̣, но ваа, гат̇ам̣ ваа зд̇т̇а 3 ход̇ий’’д̇и? ‘‘ж̇аад̇ибажжаяаа, бханд̇з, ж̇араамаран̣ам̣; звам̣ но зд̇т̇а ход̇и 4 – ж̇аад̇ибажжаяаа ж̇араамаран̣а’’нд̇и. ‘‘бхавабажжаяаа ж̇аад̇ийд̇и ид̇и ко банзд̇ам̣ вуд̇д̇ам̣; бхавабажжаяаа ну ко, бхигкавз, ж̇аад̇и, но ваа, гат̇ам̣ ваа зд̇т̇а ход̇ий’’д̇и? ‘‘бхавабажжаяаа, бханд̇з , ж̇аад̇и; звам̣ но зд̇т̇а ход̇и – бхавабажжаяаа ж̇аад̇ий’’д̇и . ‘‘убаад̣̇аанабажжаяаа бхавод̇и ид̇и ко банзд̇ам̣ вуд̇д̇ам̣; убаад̣̇аанабажжаяаа ну ко, бхигкавз, бхаво, но ваа, гат̇ам̣ ваа зд̇т̇а ход̇ий’’д̇и? ‘‘убаад̣̇аанабажжаяаа, бханд̇з, бхаво; звам̣ но зд̇т̇а ход̇и – убаад̣̇аанабажжаяаа бхаво’’д̇и. ‘‘д̇ан̣хаабажжаяаа убаад̣̇аананд̇и ид̇и ко банзд̇ам̣ вуд̇д̇ам̣, д̇ан̣хаабажжаяаа ну ко, бхигкавз, убаад̣̇аанам̣, но ваа, гат̇ам̣ ваа зд̇т̇а ход̇ий’’д̇и? ‘‘д̇ан̣хаабажжаяаа, бханд̇з, убаад̣̇аанам̣; звам̣ но зд̇т̇а ход̇и – д̇ан̣хаабажжаяаа убаад̣̇аана’’нд̇и. ‘‘взд̣̇анаабажжаяаа д̇ан̣хаад̇и ид̇и ко банзд̇ам̣ вуд̇д̇ам̣; взд̣̇анаабажжаяаа ну ко, бхигкавз, д̇ан̣хаа, но ваа, гат̇ам̣ ваа зд̇т̇а ход̇ий’’д̇и? ‘‘взд̣̇анаабажжаяаа, бханд̇з, д̇ан̣хаа; звам̣ но зд̇т̇а ход̇и – взд̣̇анаабажжаяаа д̇ан̣хаа’’д̇и. ‘‘пассабажжаяаа взд̣̇анаад̇и ид̇и ко банзд̇ам̣ вуд̇д̇ам̣; пассабажжаяаа ну ко, бхигкавз, взд̣̇анаа, но ваа, гат̇ам̣ ваа зд̇т̇а ход̇ий’’д̇и? ‘‘пассабажжаяаа, бханд̇з, взд̣̇анаа; звам̣ но зд̇т̇а ход̇и – пассабажжаяаа взд̣̇анаа’’д̇и. ‘‘сал̣ааяад̇анабажжаяаа пассод̇и ид̇и ко банзд̇ам̣ вуд̇д̇ам̣; сал̣ааяад̇анабажжаяаа ну ко, бхигкавз, пассо, но ваа, гат̇ам̣ ваа зд̇т̇а ход̇ий’’д̇и? ‘‘сал̣ааяад̇анабажжаяаа, бханд̇з, пассо; звам̣ но зд̇т̇а ход̇и – сал̣ааяад̇анабажжаяаа пассо’’д̇и. ‘‘наамаруубабажжаяаа сал̣ааяад̇ананд̇и ид̇и ко банзд̇ам̣ вуд̇д̇ам̣; наамаруубабажжаяаа ну ко, бхигкавз, сал̣ааяад̇анам̣, но ваа, гат̇ам̣ ваа зд̇т̇а ход̇ий’’д̇и? ‘‘наамаруубабажжаяаа, бханд̇з, сал̣ааяад̇анам̣; звам̣ но зд̇т̇а ход̇и – наамаруубабажжаяаа сал̣ааяад̇ана’’нд̇и. ‘‘вин̃н̃аан̣абажжаяаа наамаруубанд̇и ид̇и ко банзд̇ам̣ вуд̇д̇ам̣; вин̃н̃аан̣абажжаяаа ну ко, бхигкавз, наамаруубам̣, но ваа, гат̇ам̣ ваа зд̇т̇а ход̇ий’’д̇и? ‘‘вин̃н̃аан̣абажжаяаа, бханд̇з, наамаруубам̣; звам̣ но зд̇т̇а ход̇и – вин̃н̃аан̣абажжаяаа наамарууба’’нд̇и. ‘‘сан̇каарабажжаяаа вин̃н̃аан̣анд̇и ид̇и ко банзд̇ам̣ вуд̇д̇ам̣; сан̇каарабажжаяаа ну ко, бхигкавз, вин̃н̃аан̣ам̣, но ваа, гат̇ам̣ ваа зд̇т̇а ход̇ий’’д̇и? ‘‘сан̇каарабажжаяаа, бханд̇з, вин̃н̃аан̣ам̣; звам̣ но зд̇т̇а ход̇и – сан̇каарабажжаяаа вин̃н̃аан̣а’’нд̇и. ‘‘авиж̇ж̇аабажжаяаа сан̇каараад̇и ид̇и ко банзд̇ам̣ вуд̇д̇ам̣; авиж̇ж̇аабажжаяаа ну ко, бхигкавз, сан̇каараа, но ваа, гат̇ам̣ ваа зд̇т̇а ход̇ий’’д̇и? ‘‘авиж̇ж̇аабажжаяаа, бханд̇з, сан̇каараа; звам̣ но зд̇т̇а ход̇и – авиж̇ж̇аабажжаяаа сан̇каараа’’д̇и.
403. ‘‘Jātipaccayā jarāmaraṇanti iti kho panetaṃ vuttaṃ; jātipaccayā nu kho, bhikkhave, jarāmaraṇaṃ, no vā, kathaṃ vā ettha 5 hotī’’ti? ‘‘Jātipaccayā, bhante, jarāmaraṇaṃ; evaṃ no ettha hoti 6 – jātipaccayā jarāmaraṇa’’nti. ‘‘Bhavapaccayā jātīti iti kho panetaṃ vuttaṃ; bhavapaccayā nu kho, bhikkhave, jāti, no vā, kathaṃ vā ettha hotī’’ti? ‘‘Bhavapaccayā, bhante , jāti; evaṃ no ettha hoti – bhavapaccayā jātī’’ti . ‘‘Upādānapaccayā bhavoti iti kho panetaṃ vuttaṃ; upādānapaccayā nu kho, bhikkhave, bhavo, no vā, kathaṃ vā ettha hotī’’ti? ‘‘Upādānapaccayā, bhante, bhavo; evaṃ no ettha hoti – upādānapaccayā bhavo’’ti. ‘‘Taṇhāpaccayā upādānanti iti kho panetaṃ vuttaṃ, taṇhāpaccayā nu kho, bhikkhave, upādānaṃ, no vā, kathaṃ vā ettha hotī’’ti? ‘‘Taṇhāpaccayā, bhante, upādānaṃ; evaṃ no ettha hoti – taṇhāpaccayā upādāna’’nti. ‘‘Vedanāpaccayā taṇhāti iti kho panetaṃ vuttaṃ; vedanāpaccayā nu kho, bhikkhave, taṇhā, no vā, kathaṃ vā ettha hotī’’ti? ‘‘Vedanāpaccayā, bhante, taṇhā; evaṃ no ettha hoti – vedanāpaccayā taṇhā’’ti. ‘‘Phassapaccayā vedanāti iti kho panetaṃ vuttaṃ; phassapaccayā nu kho, bhikkhave, vedanā, no vā, kathaṃ vā ettha hotī’’ti? ‘‘Phassapaccayā, bhante, vedanā; evaṃ no ettha hoti – phassapaccayā vedanā’’ti. ‘‘Saḷāyatanapaccayā phassoti iti kho panetaṃ vuttaṃ; saḷāyatanapaccayā nu kho, bhikkhave, phasso, no vā, kathaṃ vā ettha hotī’’ti? ‘‘Saḷāyatanapaccayā, bhante, phasso; evaṃ no ettha hoti – saḷāyatanapaccayā phasso’’ti. ‘‘Nāmarūpapaccayā saḷāyatananti iti kho panetaṃ vuttaṃ; nāmarūpapaccayā nu kho, bhikkhave, saḷāyatanaṃ, no vā, kathaṃ vā ettha hotī’’ti? ‘‘Nāmarūpapaccayā, bhante, saḷāyatanaṃ; evaṃ no ettha hoti – nāmarūpapaccayā saḷāyatana’’nti. ‘‘Viññāṇapaccayā nāmarūpanti iti kho panetaṃ vuttaṃ; viññāṇapaccayā nu kho, bhikkhave, nāmarūpaṃ, no vā, kathaṃ vā ettha hotī’’ti? ‘‘Viññāṇapaccayā, bhante, nāmarūpaṃ; evaṃ no ettha hoti – viññāṇapaccayā nāmarūpa’’nti. ‘‘Saṅkhārapaccayā viññāṇanti iti kho panetaṃ vuttaṃ; saṅkhārapaccayā nu kho, bhikkhave, viññāṇaṃ, no vā, kathaṃ vā ettha hotī’’ti? ‘‘Saṅkhārapaccayā, bhante, viññāṇaṃ; evaṃ no ettha hoti – saṅkhārapaccayā viññāṇa’’nti. ‘‘Avijjāpaccayā saṅkhārāti iti kho panetaṃ vuttaṃ; avijjāpaccayā nu kho, bhikkhave, saṅkhārā, no vā, kathaṃ vā ettha hotī’’ti? ‘‘Avijjāpaccayā, bhante, saṅkhārā; evaṃ no ettha hoti – avijjāpaccayā saṅkhārā’’ti.
404. ‘‘саад̇ху, бхигкавз. ид̇и ко, бхигкавз, д̇умхзби звам̣ вад̣̇зт̇а, ахамби звам̣ вад̣̇аами – имасмим̣ сад̇и ид̣̇ам̣ ход̇и, имассуббаад̣̇аа ид̣̇ам̣ уббаж̇ж̇ад̇и, яад̣̇ид̣̇ам̣ – авиж̇ж̇аабажжаяаа сан̇каараа, сан̇каарабажжаяаа вин̃н̃аан̣ам̣, вин̃н̃аан̣абажжаяаа наамаруубам̣, наамаруубабажжаяаа сал̣ааяад̇анам̣, сал̣ааяад̇анабажжаяаа пассо, пассабажжаяаа взд̣̇анаа, взд̣̇анаабажжаяаа д̇ан̣хаа, д̇ан̣хаабажжаяаа убаад̣̇аанам̣, убаад̣̇аанабажжаяаа бхаво, бхавабажжаяаа ж̇аад̇и, ж̇аад̇ибажжаяаа ж̇араамаран̣ам̣ согабарид̣̇звад̣̇угкад̣̇оманассубааяаасаа самбхаванд̇и. звамзд̇асса гзваласса д̣̇угкагканд̇хасса самуд̣̇аяо ход̇и.
404. ‘‘Sādhu, bhikkhave. Iti kho, bhikkhave, tumhepi evaṃ vadetha, ahampi evaṃ vadāmi – imasmiṃ sati idaṃ hoti, imassuppādā idaṃ uppajjati, yadidaṃ – avijjāpaccayā saṅkhārā, saṅkhārapaccayā viññāṇaṃ, viññāṇapaccayā nāmarūpaṃ, nāmarūpapaccayā saḷāyatanaṃ, saḷāyatanapaccayā phasso, phassapaccayā vedanā, vedanāpaccayā taṇhā, taṇhāpaccayā upādānaṃ, upādānapaccayā bhavo, bhavapaccayā jāti, jātipaccayā jarāmaraṇaṃ sokaparidevadukkhadomanassupāyāsā sambhavanti. Evametassa kevalassa dukkhakkhandhassa samudayo hoti.
‘‘авиж̇ж̇ааяад̇взва асзсавирааг̇анирод̇хаа сан̇кааранирод̇хо, сан̇кааранирод̇хаа вин̃н̃аан̣анирод̇хо, вин̃н̃аан̣анирод̇хаа наамаруубанирод̇хо, наамаруубанирод̇хаа сал̣ааяад̇ананирод̇хо , сал̣ааяад̇ананирод̇хаа пассанирод̇хо, пассанирод̇хаа взд̣̇анаанирод̇хо, взд̣̇анаанирод̇хаа д̇ан̣хаанирод̇хо, д̇ан̣хаанирод̇хаа убаад̣̇аананирод̇хо, убаад̣̇аананирод̇хаа бхаванирод̇хо, бхаванирод̇хаа ж̇аад̇инирод̇хо, ж̇аад̇инирод̇хаа ж̇араамаран̣ам̣ согабарид̣̇звад̣̇угкад̣̇оманассубааяаасаа нируж̇жханд̇и. звамзд̇асса гзваласса д̣̇угкагканд̇хасса нирод̇хо ход̇и.
‘‘Avijjāyatveva asesavirāganirodhā saṅkhāranirodho, saṅkhāranirodhā viññāṇanirodho, viññāṇanirodhā nāmarūpanirodho, nāmarūpanirodhā saḷāyatananirodho , saḷāyatananirodhā phassanirodho, phassanirodhā vedanānirodho, vedanānirodhā taṇhānirodho, taṇhānirodhā upādānanirodho, upādānanirodhā bhavanirodho, bhavanirodhā jātinirodho, jātinirodhā jarāmaraṇaṃ sokaparidevadukkhadomanassupāyāsā nirujjhanti. Evametassa kevalassa dukkhakkhandhassa nirodho hoti.
405. ‘‘ж̇аад̇инирод̇хаа ж̇араамаран̣анирод̇ход̇и ид̇и ко банзд̇ам̣ вуд̇д̇ам̣; ж̇аад̇инирод̇хаа ну ко, бхигкавз, ж̇араамаран̣анирод̇хо, но ваа, гат̇ам̣ ваа зд̇т̇а ход̇ий’’д̇и? ‘‘ж̇аад̇инирод̇хаа, бханд̇з, ж̇араамаран̣анирод̇хо; звам̣ но зд̇т̇а ход̇и – ж̇аад̇инирод̇хаа ж̇араамаран̣анирод̇хо’’д̇и. ‘‘бхаванирод̇хаа ж̇аад̇инирод̇ход̇и ид̇и ко банзд̇ам̣ вуд̇д̇ам̣; бхаванирод̇хаа ну ко, бхигкавз, ж̇аад̇инирод̇хо, но ваа, гат̇ам̣ ваа зд̇т̇а ход̇ий’’д̇и? ‘‘бхаванирод̇хаа, бханд̇з, ж̇аад̇инирод̇хо; звам̣ но зд̇т̇а ход̇и – бхаванирод̇хаа ж̇аад̇инирод̇хо’’д̇и. ‘‘убаад̣̇аананирод̇хаа бхаванирод̇ход̇и ид̇и ко банзд̇ам̣ вуд̇д̇ам̣; убаад̣̇аананирод̇хаа ну ко, бхигкавз, бхаванирод̇хо, но ваа, гат̇ам̣ ваа зд̇т̇а ход̇ий’’д̇и? ‘‘убаад̣̇аананирод̇хаа, бханд̇з, бхаванирод̇хо; звам̣ но зд̇т̇а ход̇и – убаад̣̇аананирод̇хаа бхаванирод̇хо’’д̇и. ‘‘д̇ан̣хаанирод̇хаа убаад̣̇аананирод̇ход̇и ид̇и ко банзд̇ам̣ вуд̇д̇ам̣; д̇ан̣хаанирод̇хаа ну ко, бхигкавз, убаад̣̇аананирод̇хо, но ваа, гат̇ам̣ ваа зд̇т̇а ход̇ий’’д̇и? ‘‘д̇ан̣хаанирод̇хаа, бханд̇з, убаад̣̇аананирод̇хо; звам̣ но зд̇т̇а ход̇и – д̇ан̣хаанирод̇хаа убаад̣̇аананирод̇хо’’д̇и. ‘‘взд̣̇анаанирод̇хаа д̇ан̣хаанирод̇ход̇и ид̇и ко банзд̇ам̣ вуд̇д̇ам̣; взд̣̇анаанирод̇хаа ну ко, бхигкавз, д̇ан̣хаанирод̇хо, но ваа, гат̇ам̣ ваа зд̇т̇а ход̇ий’’д̇и? ‘‘взд̣̇анаанирод̇хаа, бханд̇з, д̇ан̣хаанирод̇хо; звам̣ но зд̇т̇а ход̇и – взд̣̇анаанирод̇хаа д̇ан̣хаанирод̇хо’’д̇и. ‘‘пассанирод̇хаа взд̣̇анаанирод̇ход̇и ид̇и ко банзд̇ам̣ вуд̇д̇ам̣; пассанирод̇хаа ну ко, бхигкавз, взд̣̇анаанирод̇хо, но ваа, гат̇ам̣ ваа зд̇т̇а ход̇ий’’д̇и? ‘‘пассанирод̇хаа, бханд̇з, взд̣̇анаанирод̇хо; звам̣ но зд̇т̇а ход̇и – пассанирод̇хаа взд̣̇анаанирод̇хо’’д̇и. ‘‘сал̣ааяад̇ананирод̇хаа пассанирод̇ход̇и ид̇и ко банзд̇ам̣ вуд̇д̇ам̣; сал̣ааяад̇ананирод̇хаа ну ко, бхигкавз, пассанирод̇хо, но ваа , гат̇ам̣ ваа зд̇т̇а ход̇ийд̇и? сал̣ааяад̇ананирод̇хаа, бханд̇з, пассанирод̇хо; звам̣ но зд̇т̇а ход̇и – сал̣ааяад̇ананирод̇хаа пассанирод̇хо’’д̇и. ‘‘наамаруубанирод̇хаа сал̣ааяад̇ананирод̇ход̇и ид̇и ко банзд̇ам̣ вуд̇д̇ам̣; наамаруубанирод̇хаа ну ко, бхигкавз, сал̣ааяад̇ананирод̇хо, но ваа, гат̇ам̣ ваа зд̇т̇а ход̇ий’’д̇и? ‘‘наамаруубанирод̇хаа, бханд̇з, сал̣ааяад̇ананирод̇хо; звам̣ но зд̇т̇а ход̇и – наамаруубанирод̇хаа сал̣ааяад̇ананирод̇хо’’д̇и. ‘‘вин̃н̃аан̣анирод̇хаа наамаруубанирод̇ход̇и ид̇и ко банзд̇ам̣ вуд̇д̇ам̣; вин̃н̃аан̣анирод̇хаа ну ко, бхигкавз, наамаруубанирод̇хо, но ваа, гат̇ам̣ ваа зд̇т̇а ход̇ий’’д̇и? ‘‘вин̃н̃аан̣анирод̇хаа, бханд̇з, наамаруубанирод̇хо; звам̣ но зд̇т̇а ход̇и – вин̃н̃аан̣анирод̇хаа наамаруубанирод̇хо’’д̇и. ‘‘сан̇кааранирод̇хаа вин̃н̃аан̣анирод̇ход̇и ид̇и ко банзд̇ам̣ вуд̇д̇ам̣; сан̇кааранирод̇хаа ну ко, бхигкавз, вин̃н̃аан̣анирод̇хо, но ваа, гат̇ам̣ ваа зд̇т̇а ход̇ий’’д̇и? ‘‘сан̇кааранирод̇хаа, бханд̇з , вин̃н̃аан̣анирод̇хо; звам̣ но зд̇т̇а ход̇и – сан̇кааранирод̇хаа вин̃н̃аан̣анирод̇хо’’д̇и. ‘‘авиж̇ж̇аанирод̇хаа сан̇кааранирод̇ход̇и ид̇и ко банзд̇ам̣ вуд̇д̇ам̣; авиж̇ж̇аанирод̇хаа ну ко, бхигкавз, сан̇кааранирод̇хо, но ваа, гат̇ам̣ ваа зд̇т̇а ход̇ий’’д̇и? ‘‘авиж̇ж̇аанирод̇хаа, бханд̇з, сан̇кааранирод̇хо; звам̣ но зд̇т̇а ход̇и – авиж̇ж̇аанирод̇хаа сан̇кааранирод̇хо’’д̇и.
405. ‘‘Jātinirodhā jarāmaraṇanirodhoti iti kho panetaṃ vuttaṃ; jātinirodhā nu kho, bhikkhave, jarāmaraṇanirodho, no vā, kathaṃ vā ettha hotī’’ti? ‘‘Jātinirodhā, bhante, jarāmaraṇanirodho; evaṃ no ettha hoti – jātinirodhā jarāmaraṇanirodho’’ti. ‘‘Bhavanirodhā jātinirodhoti iti kho panetaṃ vuttaṃ; bhavanirodhā nu kho, bhikkhave, jātinirodho, no vā, kathaṃ vā ettha hotī’’ti? ‘‘Bhavanirodhā, bhante, jātinirodho; evaṃ no ettha hoti – bhavanirodhā jātinirodho’’ti. ‘‘Upādānanirodhā bhavanirodhoti iti kho panetaṃ vuttaṃ; upādānanirodhā nu kho, bhikkhave, bhavanirodho, no vā, kathaṃ vā ettha hotī’’ti? ‘‘Upādānanirodhā, bhante, bhavanirodho; evaṃ no ettha hoti – upādānanirodhā bhavanirodho’’ti. ‘‘Taṇhānirodhā upādānanirodhoti iti kho panetaṃ vuttaṃ; taṇhānirodhā nu kho, bhikkhave, upādānanirodho, no vā, kathaṃ vā ettha hotī’’ti? ‘‘Taṇhānirodhā, bhante, upādānanirodho; evaṃ no ettha hoti – taṇhānirodhā upādānanirodho’’ti. ‘‘Vedanānirodhā taṇhānirodhoti iti kho panetaṃ vuttaṃ; vedanānirodhā nu kho, bhikkhave, taṇhānirodho, no vā, kathaṃ vā ettha hotī’’ti? ‘‘Vedanānirodhā, bhante, taṇhānirodho; evaṃ no ettha hoti – vedanānirodhā taṇhānirodho’’ti. ‘‘Phassanirodhā vedanānirodhoti iti kho panetaṃ vuttaṃ; phassanirodhā nu kho, bhikkhave, vedanānirodho, no vā, kathaṃ vā ettha hotī’’ti? ‘‘Phassanirodhā, bhante, vedanānirodho; evaṃ no ettha hoti – phassanirodhā vedanānirodho’’ti. ‘‘Saḷāyatananirodhā phassanirodhoti iti kho panetaṃ vuttaṃ; saḷāyatananirodhā nu kho, bhikkhave, phassanirodho, no vā , kathaṃ vā ettha hotīti? Saḷāyatananirodhā, bhante, phassanirodho; evaṃ no ettha hoti – saḷāyatananirodhā phassanirodho’’ti. ‘‘Nāmarūpanirodhā saḷāyatananirodhoti iti kho panetaṃ vuttaṃ; nāmarūpanirodhā nu kho, bhikkhave, saḷāyatananirodho, no vā, kathaṃ vā ettha hotī’’ti? ‘‘Nāmarūpanirodhā, bhante, saḷāyatananirodho; evaṃ no ettha hoti – nāmarūpanirodhā saḷāyatananirodho’’ti. ‘‘Viññāṇanirodhā nāmarūpanirodhoti iti kho panetaṃ vuttaṃ; viññāṇanirodhā nu kho, bhikkhave, nāmarūpanirodho, no vā, kathaṃ vā ettha hotī’’ti? ‘‘Viññāṇanirodhā, bhante, nāmarūpanirodho; evaṃ no ettha hoti – viññāṇanirodhā nāmarūpanirodho’’ti. ‘‘Saṅkhāranirodhā viññāṇanirodhoti iti kho panetaṃ vuttaṃ; saṅkhāranirodhā nu kho, bhikkhave, viññāṇanirodho, no vā, kathaṃ vā ettha hotī’’ti? ‘‘Saṅkhāranirodhā, bhante , viññāṇanirodho; evaṃ no ettha hoti – saṅkhāranirodhā viññāṇanirodho’’ti. ‘‘Avijjānirodhā saṅkhāranirodhoti iti kho panetaṃ vuttaṃ; avijjānirodhā nu kho, bhikkhave, saṅkhāranirodho, no vā, kathaṃ vā ettha hotī’’ti? ‘‘Avijjānirodhā, bhante, saṅkhāranirodho; evaṃ no ettha hoti – avijjānirodhā saṅkhāranirodho’’ti.
406. ‘‘саад̇ху, бхигкавз. ид̇и ко, бхигкавз, д̇умхзби звам̣ вад̣̇зт̇а, ахамби звам̣ вад̣̇аами – имасмим̣ асад̇и ид̣̇ам̣ на ход̇и, имасса нирод̇хаа ид̣̇ам̣ нируж̇жхад̇и, яад̣̇ид̣̇ам̣ – авиж̇ж̇аанирод̇хаа сан̇кааранирод̇хо, сан̇кааранирод̇хаа вин̃н̃аан̣анирод̇хо, вин̃н̃аан̣анирод̇хаа наамаруубанирод̇хо, наамаруубанирод̇хаа сал̣ааяад̇ананирод̇хо, сал̣ааяад̇ананирод̇хаа пассанирод̇хо, пассанирод̇хаа взд̣̇анаанирод̇хо, взд̣̇анаанирод̇хаа д̇ан̣хаанирод̇хо, д̇ан̣хаанирод̇хаа убаад̣̇аананирод̇хо, убаад̣̇аананирод̇хаа бхаванирод̇хо, бхаванирод̇хаа ж̇аад̇инирод̇хо, ж̇аад̇инирод̇хаа ж̇араамаран̣ам̣ согабарид̣̇звад̣̇угкад̣̇оманассубааяаасаа нируж̇жханд̇и. звамзд̇асса гзваласса д̣̇угкагканд̇хасса нирод̇хо ход̇и.
406. ‘‘Sādhu, bhikkhave. Iti kho, bhikkhave, tumhepi evaṃ vadetha, ahampi evaṃ vadāmi – imasmiṃ asati idaṃ na hoti, imassa nirodhā idaṃ nirujjhati, yadidaṃ – avijjānirodhā saṅkhāranirodho, saṅkhāranirodhā viññāṇanirodho, viññāṇanirodhā nāmarūpanirodho, nāmarūpanirodhā saḷāyatananirodho, saḷāyatananirodhā phassanirodho, phassanirodhā vedanānirodho, vedanānirodhā taṇhānirodho, taṇhānirodhā upādānanirodho, upādānanirodhā bhavanirodho, bhavanirodhā jātinirodho, jātinirodhā jarāmaraṇaṃ sokaparidevadukkhadomanassupāyāsā nirujjhanti. Evametassa kevalassa dukkhakkhandhassa nirodho hoti.
407. ‘‘аби ну д̇умхз, бхигкавз, звам̣ ж̇аананд̇аа звам̣ бассанд̇аа буб̣б̣анд̇ам̣ ваа бадид̇хаавзяяаат̇а – ‘ахзсумха ну ко маяам̣ ад̇ийд̇амад̣̇д̇хаанам̣, нану ко ахзсумха ад̇ийд̇амад̣̇д̇хаанам̣, гим̣ ну ко ахзсумха ад̇ийд̇амад̣̇д̇хаанам̣, гат̇ам̣ ну ко ахзсумха ад̇ийд̇амад̣̇д̇хаанам̣, гим̣ худ̇ваа гим̣ ахзсумха ну ко маяам̣ ад̇ийд̇амад̣̇д̇хаана’’’нд̇и?
407. ‘‘Api nu tumhe, bhikkhave, evaṃ jānantā evaṃ passantā pubbantaṃ vā paṭidhāveyyātha – ‘ahesumha nu kho mayaṃ atītamaddhānaṃ, nanu kho ahesumha atītamaddhānaṃ, kiṃ nu kho ahesumha atītamaddhānaṃ, kathaṃ nu kho ahesumha atītamaddhānaṃ, kiṃ hutvā kiṃ ahesumha nu kho mayaṃ atītamaddhāna’’’nti?
‘‘но хзд̇ам̣, бханд̇з’’.
‘‘No hetaṃ, bhante’’.
‘‘аби ну д̇умхз, бхигкавз, звам̣ ж̇аананд̇аа звам̣ бассанд̇аа абаранд̇ам̣ ваа бадид̇хаавзяяаат̇а – бхависсаама ну ко маяам̣ анааг̇ад̇амад̣̇д̇хаанам̣, нану ко бхависсаама анааг̇ад̇амад̣̇д̇хаанам̣, гим̣ ну ко бхависсаама анааг̇ад̇амад̣̇д̇хаанам̣, гат̇ам̣ ну ко бхависсаама анааг̇ад̇амад̣̇д̇хаанам̣, гим̣ худ̇ваа гим̣ бхависсаама ну ко маяам̣ анааг̇ад̇амад̣̇д̇хаана’’нд̇и?
‘‘Api nu tumhe, bhikkhave, evaṃ jānantā evaṃ passantā aparantaṃ vā paṭidhāveyyātha – bhavissāma nu kho mayaṃ anāgatamaddhānaṃ, nanu kho bhavissāma anāgatamaddhānaṃ, kiṃ nu kho bhavissāma anāgatamaddhānaṃ, kathaṃ nu kho bhavissāma anāgatamaddhānaṃ, kiṃ hutvā kiṃ bhavissāma nu kho mayaṃ anāgatamaddhāna’’nti?
‘‘но хзд̇ам̣, бханд̇з’’.
‘‘No hetaṃ, bhante’’.
‘‘аби ну д̇умхз, бхигкавз, звам̣ ж̇аананд̇аа звам̣ бассанд̇аа зд̇арахи ваа бажжуббаннамад̣̇д̇хаанам̣ аж̇жхад̇д̇ам̣ гат̇ам̣гат̇ий ассат̇а – ахам̣ ну косми, но ну косми, гим̣ ну косми, гат̇ам̣ ну косми, аяам̣ ну ко сад̇д̇о гуд̇о ааг̇ад̇о, со гухим̣г̇аамий бхависсад̇ий’’д̇и?
‘‘Api nu tumhe, bhikkhave, evaṃ jānantā evaṃ passantā etarahi vā paccuppannamaddhānaṃ ajjhattaṃ kathaṃkathī assatha – ahaṃ nu khosmi, no nu khosmi, kiṃ nu khosmi, kathaṃ nu khosmi, ayaṃ nu kho satto kuto āgato, so kuhiṃgāmī bhavissatī’’ti?
‘‘но хзд̇ам̣, бханд̇з’’.
‘‘No hetaṃ, bhante’’.
‘‘аби ну д̇умхз, бхигкавз, звам̣ ж̇аананд̇аа звам̣ бассанд̇аа звам̣ вад̣̇зяяаат̇а – сад̇т̇аа но г̇ару, сад̇т̇уг̇ааравзна жа маяам̣ звам̣ вад̣̇змаа’’д̇и?
‘‘Api nu tumhe, bhikkhave, evaṃ jānantā evaṃ passantā evaṃ vadeyyātha – satthā no garu, satthugāravena ca mayaṃ evaṃ vademā’’ti?
‘‘но хзд̇ам̣, бханд̇з’’.
‘‘No hetaṃ, bhante’’.
‘‘аби ну д̇умхз, бхигкавз, звам̣ ж̇аананд̇аа звам̣ бассанд̇аа звам̣ вад̣̇зяяаат̇а – саман̣о звамааха, саман̣аа жа наама маяам̣ звам̣ вад̣̇змаа’’д̇и?
‘‘Api nu tumhe, bhikkhave, evaṃ jānantā evaṃ passantā evaṃ vadeyyātha – samaṇo evamāha, samaṇā ca nāma mayaṃ evaṃ vademā’’ti?
‘‘но хзд̇ам̣, бханд̇з’’.
‘‘No hetaṃ, bhante’’.
‘‘аби ну д̇умхз, бхигкавз, звам̣ ж̇аананд̇аа звам̣ бассанд̇аа ан̃н̃ам̣ сад̇т̇аарам̣ уд̣̇д̣̇исзяяаат̇аа’’д̇и?
‘‘Api nu tumhe, bhikkhave, evaṃ jānantā evaṃ passantā aññaṃ satthāraṃ uddiseyyāthā’’ti?
‘‘но хзд̇ам̣, бханд̇з’’.
‘‘No hetaṃ, bhante’’.
‘‘аби ну д̇умхз, бхигкавз, звам̣ ж̇аананд̇аа звам̣ бассанд̇аа яаани д̇аани бут̇усаман̣аб̣раахман̣аанам̣ вад̇а год̇уухаламан̇г̇алаани д̇аани саарад̇о бажжааг̇ажчзяяаат̇аа’’д̇и?
‘‘Api nu tumhe, bhikkhave, evaṃ jānantā evaṃ passantā yāni tāni puthusamaṇabrāhmaṇānaṃ vata kotūhalamaṅgalāni tāni sārato paccāgaccheyyāthā’’ti?
‘‘но хзд̇ам̣, бханд̇з’’.
‘‘No hetaṃ, bhante’’.
‘‘нану, бхигкавз, яад̣̇зва д̇умхаагам̣ саамам̣ н̃аад̇ам̣ саамам̣ д̣̇идтам̣ саамам̣ вид̣̇ид̇ам̣, д̇ад̣̇зва д̇умхз вад̣̇зт̇аа’’д̇и.
‘‘Nanu, bhikkhave, yadeva tumhākaṃ sāmaṃ ñātaṃ sāmaṃ diṭṭhaṃ sāmaṃ viditaṃ, tadeva tumhe vadethā’’ti.
‘‘звам̣, бханд̇з’’.
‘‘Evaṃ, bhante’’.
‘‘саад̇ху, бхигкавз, убанийд̇аа ко мз д̇умхз, бхигкавз, иминаа санд̣̇идтигзна д̇хаммзна агаалигзна зхибассигзна обанзяяигзна бажжад̇д̇ам̣ взд̣̇ид̇аб̣б̣зна вин̃н̃уухи. санд̣̇идтиго аяам̣, бхигкавз, д̇хаммо агаалиго зхибассиго обанзяяиго бажжад̇д̇ам̣ взд̣̇ид̇аб̣б̣о вин̃н̃уухи – ид̇и яанд̇ам̣ вуд̇д̇ам̣, ид̣̇амзд̇ам̣ бадижжа вуд̇д̇а’’нд̇и.
‘‘Sādhu, bhikkhave, upanītā kho me tumhe, bhikkhave, iminā sandiṭṭhikena dhammena akālikena ehipassikena opaneyyikena paccattaṃ veditabbena viññūhi. Sandiṭṭhiko ayaṃ, bhikkhave, dhammo akāliko ehipassiko opaneyyiko paccattaṃ veditabbo viññūhi – iti yantaṃ vuttaṃ, idametaṃ paṭicca vutta’’nti.
408. ‘‘д̇ин̣н̣ам̣ ко бана, бхигкавз, саннибаад̇аа г̇аб̣бхассаавагганд̇и ход̇и. ид̇ха маад̇аабид̇аро жа саннибад̇ид̇аа хонд̇и, маад̇аа жа на уд̇уний ход̇и, г̇анд̇хаб̣б̣о жа на бажжубадтид̇о ход̇и, нзва д̇аава г̇аб̣бхассаавагганд̇и ход̇и. ид̇ха маад̇аабид̇аро жа саннибад̇ид̇аа хонд̇и, маад̇аа жа уд̇уний ход̇и, г̇анд̇хаб̣б̣о жа на бажжубадтид̇о ход̇и, нзва д̇аава г̇аб̣бхассаавагганд̇и ход̇и. яад̇о жа ко, бхигкавз, маад̇аабид̇аро жа саннибад̇ид̇аа хонд̇и, маад̇аа жа уд̇уний ход̇и, г̇анд̇хаб̣б̣о жа бажжубадтид̇о ход̇и – звам̣ д̇ин̣н̣ам̣ саннибаад̇аа г̇аб̣бхассаавагганд̇и ход̇и. д̇амзнам̣, бхигкавз, маад̇аа нава ваа д̣̇аса ваа маасз г̇аб̣бхам̣ гужчинаа барихарад̇и махад̇аа сам̣саязна г̇арубхаарам̣ 7. д̇амзнам̣, бхигкавз, маад̇аа наваннам̣ ваа д̣̇асаннам̣ ваа маасаанам̣ ажжаязна виж̇ааяад̇и махад̇аа сам̣саязна г̇арубхаарам̣. д̇амзнам̣ ж̇аад̇ам̣ самаанам̣ сагзна лохид̇зна босзд̇и. лохид̇ан̃хзд̇ам̣, бхигкавз, арияасса винаяз яад̣̇ид̣̇ам̣ маад̇ут̇ан̃н̃ам̣. са ко со, бхигкавз, гумааро вуд̣̇д̇химанвааяа инд̣̇рияаанам̣ барибаагаманвааяа яаани д̇аани гумаарагаанам̣ гийл̣аабанагаани д̇зхи гийл̣ад̇и, сзяяат̇ид̣̇ам̣ – ван̇гагам̣ гхадигам̣ могкажигам̣ жин̇г̇улагам̣ бад̇д̇аал̣хагам̣ рат̇агам̣ д̇ханугам̣. са ко со, бхигкавз, гумааро вуд̣̇д̇химанвааяа инд̣̇рияаанам̣ барибаагаманвааяа бан̃жахи гаамаг̇ун̣зхи самаббид̇о саман̇г̇ийбхууд̇о барижаарзд̇и – жагкувин̃н̃зяязхи руубзхи идтзхи ганд̇зхи манаабзхи бияаруубзхи гаамуубасам̣хид̇зхи раж̇анийязхи, сод̇авин̃н̃зяязхи сад̣̇д̣̇зхи… гхаанавин̃н̃зяязхи г̇анд̇хзхи… ж̇ивхаавин̃н̃зяязхи расзхи… гааяавин̃н̃зяязхи подтаб̣б̣зхи идтзхи ганд̇зхи манаабзхи бияаруубзхи гаамуубасам̣хид̇зхи раж̇анийязхи.
408. ‘‘Tiṇṇaṃ kho pana, bhikkhave, sannipātā gabbhassāvakkanti hoti. Idha mātāpitaro ca sannipatitā honti, mātā ca na utunī hoti, gandhabbo ca na paccupaṭṭhito hoti, neva tāva gabbhassāvakkanti hoti. Idha mātāpitaro ca sannipatitā honti, mātā ca utunī hoti, gandhabbo ca na paccupaṭṭhito hoti, neva tāva gabbhassāvakkanti hoti. Yato ca kho, bhikkhave, mātāpitaro ca sannipatitā honti, mātā ca utunī hoti, gandhabbo ca paccupaṭṭhito hoti – evaṃ tiṇṇaṃ sannipātā gabbhassāvakkanti hoti. Tamenaṃ, bhikkhave, mātā nava vā dasa vā māse gabbhaṃ kucchinā pariharati mahatā saṃsayena garubhāraṃ 8. Tamenaṃ, bhikkhave, mātā navannaṃ vā dasannaṃ vā māsānaṃ accayena vijāyati mahatā saṃsayena garubhāraṃ. Tamenaṃ jātaṃ samānaṃ sakena lohitena poseti. Lohitañhetaṃ, bhikkhave, ariyassa vinaye yadidaṃ mātuthaññaṃ. Sa kho so, bhikkhave, kumāro vuddhimanvāya indriyānaṃ paripākamanvāya yāni tāni kumārakānaṃ kīḷāpanakāni tehi kīḷati, seyyathidaṃ – vaṅkakaṃ ghaṭikaṃ mokkhacikaṃ ciṅgulakaṃ pattāḷhakaṃ rathakaṃ dhanukaṃ. Sa kho so, bhikkhave, kumāro vuddhimanvāya indriyānaṃ paripākamanvāya pañcahi kāmaguṇehi samappito samaṅgībhūto paricāreti – cakkhuviññeyyehi rūpehi iṭṭhehi kantehi manāpehi piyarūpehi kāmūpasaṃhitehi rajanīyehi, sotaviññeyyehi saddehi… ghānaviññeyyehi gandhehi… jivhāviññeyyehi rasehi… kāyaviññeyyehi phoṭṭhabbehi iṭṭhehi kantehi manāpehi piyarūpehi kāmūpasaṃhitehi rajanīyehi.
409. ‘‘со жагкунаа руубам̣ д̣̇исваа бияаруубз руубз саараж̇ж̇ад̇и, аббияаруубз руубз б̣яаабаж̇ж̇ад̇и, анубадтид̇агааяасад̇и жа вихарад̇и барид̇д̇ажзд̇асо. д̇ан̃жа жзд̇овимуд̇д̇им̣ бан̃н̃аавимуд̇д̇им̣ яат̇аабхууд̇ам̣ наббаж̇аанаад̇и – яад̇т̇асса д̇з баабагаа агусалаа д̇хаммаа абарисзсаа нируж̇жханд̇и. со звам̣ анурод̇хавирод̇хам̣ самаабанно яам̣ гин̃жи взд̣̇анам̣ взд̣̇зд̇и сукам̣ ваа д̣̇угкам̣ ваа ад̣̇угкамасукам̣ ваа, со д̇ам̣ взд̣̇анам̣ абхинанд̣̇ад̇и абхивад̣̇ад̇и аж̇жхосааяа д̇идтад̇и. д̇асса д̇ам̣ взд̣̇анам̣ абхинанд̣̇ад̇о абхивад̣̇ад̇о аж̇жхосааяа д̇идтад̇о уббаж̇ж̇ад̇и нанд̣̇ий . яаа взд̣̇анаасу нанд̣̇ий д̇ад̣̇убаад̣̇аанам̣, д̇ассубаад̣̇аанабажжаяаа бхаво, бхавабажжаяаа ж̇аад̇и, ж̇аад̇ибажжаяаа ж̇араамаран̣ам̣ согабарид̣̇звад̣̇угкад̣̇оманассубааяаасаа самбхаванд̇и. звамзд̇асса гзваласса д̣̇угкагканд̇хасса самуд̣̇аяо ход̇и. сод̇зна сад̣̇д̣̇ам̣ суд̇ваа…бз… гхаанзна г̇анд̇хам̣ гхааяид̇ваа…бз… ж̇ивхааяа расам̣ сааяид̇ваа…бз… гааязна подтаб̣б̣ам̣ пусид̇ваа…бз… манасаа д̇хаммам̣ вин̃н̃ааяа бияаруубз д̇хаммз саараж̇ж̇ад̇и, аббияаруубз д̇хаммз б̣яаабаж̇ж̇ад̇и, анубадтид̇агааяасад̇и жа вихарад̇и барид̇д̇ажзд̇асо. д̇ан̃жа жзд̇овимуд̇д̇им̣ бан̃н̃аавимуд̇д̇им̣ яат̇аабхууд̇ам̣ наббаж̇аанаад̇и – яад̇т̇асса д̇з баабагаа агусалаа д̇хаммаа абарисзсаа нируж̇жханд̇и. со звам̣ анурод̇хавирод̇хам̣ самаабанно яам̣ гин̃жи взд̣̇анам̣ взд̣̇зд̇и сукам̣ ваа д̣̇угкам̣ ваа ад̣̇угкамасукам̣ ваа, со д̇ам̣ взд̣̇анам̣ абхинанд̣̇ад̇и абхивад̣̇ад̇и аж̇жхосааяа д̇идтад̇и. д̇асса д̇ам̣ взд̣̇анам̣ абхинанд̣̇ад̇о абхивад̣̇ад̇о аж̇жхосааяа д̇идтад̇о уббаж̇ж̇ад̇и нанд̣̇ий. яаа взд̣̇анаасу нанд̣̇ий д̇ад̣̇убаад̣̇аанам̣, д̇ассубаад̣̇аанабажжаяаа бхаво, бхавабажжаяаа ж̇аад̇и, ж̇аад̇ибажжаяаа ж̇араамаран̣ам̣ согабарид̣̇звад̣̇угкад̣̇оманассубааяаасаа самбхаванд̇и. звамзд̇асса гзваласса д̣̇угкагканд̇хасса самуд̣̇аяо ход̇и.
409. ‘‘So cakkhunā rūpaṃ disvā piyarūpe rūpe sārajjati, appiyarūpe rūpe byāpajjati, anupaṭṭhitakāyasati ca viharati parittacetaso. Tañca cetovimuttiṃ paññāvimuttiṃ yathābhūtaṃ nappajānāti – yatthassa te pāpakā akusalā dhammā aparisesā nirujjhanti. So evaṃ anurodhavirodhaṃ samāpanno yaṃ kiñci vedanaṃ vedeti sukhaṃ vā dukkhaṃ vā adukkhamasukhaṃ vā, so taṃ vedanaṃ abhinandati abhivadati ajjhosāya tiṭṭhati. Tassa taṃ vedanaṃ abhinandato abhivadato ajjhosāya tiṭṭhato uppajjati nandī . Yā vedanāsu nandī tadupādānaṃ, tassupādānapaccayā bhavo, bhavapaccayā jāti, jātipaccayā jarāmaraṇaṃ sokaparidevadukkhadomanassupāyāsā sambhavanti. Evametassa kevalassa dukkhakkhandhassa samudayo hoti. Sotena saddaṃ sutvā…pe… ghānena gandhaṃ ghāyitvā…pe… jivhāya rasaṃ sāyitvā…pe… kāyena phoṭṭhabbaṃ phusitvā…pe… manasā dhammaṃ viññāya piyarūpe dhamme sārajjati, appiyarūpe dhamme byāpajjati, anupaṭṭhitakāyasati ca viharati parittacetaso. Tañca cetovimuttiṃ paññāvimuttiṃ yathābhūtaṃ nappajānāti – yatthassa te pāpakā akusalā dhammā aparisesā nirujjhanti. So evaṃ anurodhavirodhaṃ samāpanno yaṃ kiñci vedanaṃ vedeti sukhaṃ vā dukkhaṃ vā adukkhamasukhaṃ vā, so taṃ vedanaṃ abhinandati abhivadati ajjhosāya tiṭṭhati. Tassa taṃ vedanaṃ abhinandato abhivadato ajjhosāya tiṭṭhato uppajjati nandī. Yā vedanāsu nandī tadupādānaṃ, tassupādānapaccayā bhavo, bhavapaccayā jāti, jātipaccayā jarāmaraṇaṃ sokaparidevadukkhadomanassupāyāsā sambhavanti. Evametassa kevalassa dukkhakkhandhassa samudayo hoti.
410. ‘‘ид̇ха, бхигкавз, д̇ат̇ааг̇ад̇о логз уббаж̇ж̇ад̇и арахам̣ саммаасамб̣уд̣̇д̇хо виж̇ж̇аажаран̣асамбанно суг̇ад̇о логавид̣̇уу ануд̇д̇аро бурисад̣̇аммасаарат̇и сад̇т̇аа д̣̇звамануссаанам̣ б̣уд̣̇д̇хо бхаг̇аваа. со имам̣ логам̣ сад̣̇звагам̣ самаарагам̣ саб̣рахмагам̣ сассаман̣аб̣раахман̣им̣ баж̇ам̣ сад̣̇звамануссам̣ саяам̣ абхин̃н̃аа сажчигад̇ваа бавзд̣̇зд̇и. со д̇хаммам̣ д̣̇зсзд̇и аад̣̇игаляаан̣ам̣ маж̇жхзгаляаан̣ам̣ барияосаанагаляаан̣ам̣ саад̇т̇ам̣ саб̣яан̃ж̇анам̣; гзвалабарибун̣н̣ам̣ барисуд̣̇д̇хам̣ б̣рахмажарияам̣ багаасзд̇и. д̇ам̣ д̇хаммам̣ сун̣аад̇и г̇ахабад̇и ваа г̇ахабад̇ибуд̇д̇о ваа ан̃н̃ад̇арасмим̣ ваа гулз бажжааж̇аад̇о. со д̇ам̣ д̇хаммам̣ суд̇ваа д̇ат̇ааг̇ад̇з сад̣̇д̇хам̣ бадилабхад̇и. со д̇зна сад̣̇д̇хаабадилаабхзна саманнааг̇ад̇о ид̇и бадисан̃жигкад̇и – ‘самб̣аад̇хо гхарааваасо раж̇аабат̇о, аб̣бхогаасо баб̣б̣аж̇ж̇аа. наяид̣̇ам̣ сугарам̣ аг̇аарам̣ аж̇жхаавасад̇аа зганд̇абарибун̣н̣ам̣ зганд̇абарисуд̣̇д̇хам̣ сан̇каликид̇ам̣ б̣рахмажарияам̣ жарид̇ум̣. яам̣нуунаахам̣ гзсамассум̣ охаарзд̇ваа, гаасааяаани вад̇т̇аани ажчаад̣̇зд̇ваа, аг̇аарасмаа анаг̇аарияам̣ баб̣б̣аж̇зяяа’’’нд̇и. со абарзна самаязна аббам̣ ваа бхог̇агканд̇хам̣ бахааяа, маханд̇ам̣ ваа бхог̇агканд̇хам̣ бахааяа, аббам̣ ваа н̃аад̇ибариваддам̣ бахааяа, маханд̇ам̣ ваа н̃аад̇ибариваддам̣ бахааяа, гзсамассум̣ охаарзд̇ваа, гаасааяаани вад̇т̇аани ажчаад̣̇зд̇ваа, аг̇аарасмаа анаг̇аарияам̣ баб̣б̣аж̇ад̇и.
410. ‘‘Idha, bhikkhave, tathāgato loke uppajjati arahaṃ sammāsambuddho vijjācaraṇasampanno sugato lokavidū anuttaro purisadammasārathi satthā devamanussānaṃ buddho bhagavā. So imaṃ lokaṃ sadevakaṃ samārakaṃ sabrahmakaṃ sassamaṇabrāhmaṇiṃ pajaṃ sadevamanussaṃ sayaṃ abhiññā sacchikatvā pavedeti. So dhammaṃ deseti ādikalyāṇaṃ majjhekalyāṇaṃ pariyosānakalyāṇaṃ sātthaṃ sabyañjanaṃ; kevalaparipuṇṇaṃ parisuddhaṃ brahmacariyaṃ pakāseti. Taṃ dhammaṃ suṇāti gahapati vā gahapatiputto vā aññatarasmiṃ vā kule paccājāto. So taṃ dhammaṃ sutvā tathāgate saddhaṃ paṭilabhati. So tena saddhāpaṭilābhena samannāgato iti paṭisañcikkhati – ‘sambādho gharāvāso rajāpatho, abbhokāso pabbajjā. Nayidaṃ sukaraṃ agāraṃ ajjhāvasatā ekantaparipuṇṇaṃ ekantaparisuddhaṃ saṅkhalikhitaṃ brahmacariyaṃ carituṃ. Yaṃnūnāhaṃ kesamassuṃ ohāretvā, kāsāyāni vatthāni acchādetvā, agārasmā anagāriyaṃ pabbajeyya’’’nti. So aparena samayena appaṃ vā bhogakkhandhaṃ pahāya, mahantaṃ vā bhogakkhandhaṃ pahāya, appaṃ vā ñātiparivaṭṭaṃ pahāya, mahantaṃ vā ñātiparivaṭṭaṃ pahāya, kesamassuṃ ohāretvā, kāsāyāni vatthāni acchādetvā, agārasmā anagāriyaṃ pabbajati.
411. ‘‘со звам̣ баб̣б̣аж̇ид̇о самаано бхигкуунам̣ сигкаасааж̇ийвасамаабанно баан̣аад̇ибаад̇ам̣ бахааяа баан̣аад̇ибаад̇аа бадивирад̇о ход̇и, нихид̇ад̣̇ан̣д̣о нихид̇асад̇т̇о лаж̇ж̇ий д̣̇аяаабанно саб̣б̣абаан̣абхууд̇ахид̇аанугамбий вихарад̇и.
411. ‘‘So evaṃ pabbajito samāno bhikkhūnaṃ sikkhāsājīvasamāpanno pāṇātipātaṃ pahāya pāṇātipātā paṭivirato hoti, nihitadaṇḍo nihitasattho lajjī dayāpanno sabbapāṇabhūtahitānukampī viharati.
‘‘ад̣̇иннаад̣̇аанам̣ бахааяа ад̣̇иннаад̣̇аанаа бадивирад̇о ход̇и, д̣̇иннаад̣̇ааяий д̣̇иннабаадиган̇кий ат̇знзна сужибхууд̇зна ад̇д̇анаа вихарад̇и.
‘‘Adinnādānaṃ pahāya adinnādānā paṭivirato hoti, dinnādāyī dinnapāṭikaṅkhī athenena sucibhūtena attanā viharati.
‘‘аб̣рахмажарияам̣ бахааяа б̣рахмажаарий ход̇и, аараажаарий вирад̇о мзт̇унаа г̇аамад̇хаммаа.
‘‘Abrahmacariyaṃ pahāya brahmacārī hoti, ārācārī virato methunā gāmadhammā.
‘‘мусааваад̣̇ам̣ бахааяа мусааваад̣̇аа бадивирад̇о ход̇и, сажжаваад̣̇ий сажжасанд̇хо т̇зд̇о бажжаяиго ависам̣ваад̣̇аго логасса.
‘‘Musāvādaṃ pahāya musāvādā paṭivirato hoti, saccavādī saccasandho theto paccayiko avisaṃvādako lokassa.
‘‘бисун̣ам̣ ваажам̣ бахааяа бисун̣ааяа ваажааяа бадивирад̇о ход̇и – ид̇о суд̇ваа на амуд̇ра агкаад̇аа имзсам̣ бхзд̣̇ааяа, амуд̇ра ваа суд̇ваа на имзсам̣ агкаад̇аа амуусам̣ бхзд̣̇ааяа. ид̇и бхиннаанам̣ ваа санд̇хаад̇аа, сахид̇аанам̣ ваа ануббад̣̇аад̇аа самаг̇г̇аараамо самаг̇г̇арад̇о самаг̇г̇ананд̣̇ий, самаг̇г̇агаран̣им̣ ваажам̣ бхаасид̇аа ход̇и.
‘‘Pisuṇaṃ vācaṃ pahāya pisuṇāya vācāya paṭivirato hoti – ito sutvā na amutra akkhātā imesaṃ bhedāya, amutra vā sutvā na imesaṃ akkhātā amūsaṃ bhedāya. Iti bhinnānaṃ vā sandhātā, sahitānaṃ vā anuppadātā samaggārāmo samaggarato samagganandī, samaggakaraṇiṃ vācaṃ bhāsitā hoti.
‘‘парусам̣ ваажам̣ бахааяа парусааяа ваажааяа бадивирад̇о ход̇и – яаа саа ваажаа нзлаа ган̣н̣асукаа бзманийяаа хад̣̇аяан̇г̇амаа борий б̣ахуж̇анаганд̇аа б̣ахуж̇анаманаабаа д̇ат̇ааруубим̣ ваажам̣ бхаасид̇аа ход̇и.
‘‘Pharusaṃ vācaṃ pahāya pharusāya vācāya paṭivirato hoti – yā sā vācā nelā kaṇṇasukhā pemanīyā hadayaṅgamā porī bahujanakantā bahujanamanāpā tathārūpiṃ vācaṃ bhāsitā hoti.
‘‘сампаббалаабам̣ бахааяа сампаббалаабаа бадивирад̇о ход̇и, гаалаваад̣̇ий бхууд̇аваад̣̇ий ад̇т̇аваад̣̇ий д̇хаммаваад̣̇ий винаяаваад̣̇ий, нид̇хаанавад̇им̣ ваажам̣ бхаасид̇аа гаалзна, саабад̣̇зсам̣ барияанд̇авад̇им̣ ад̇т̇асам̣хид̇ам̣.
‘‘Samphappalāpaṃ pahāya samphappalāpā paṭivirato hoti, kālavādī bhūtavādī atthavādī dhammavādī vinayavādī, nidhānavatiṃ vācaṃ bhāsitā kālena, sāpadesaṃ pariyantavatiṃ atthasaṃhitaṃ.
‘‘со б̣ийж̇аг̇аамабхууд̇аг̇аамасамаарамбхаа бадивирад̇о ход̇и, згабхад̇д̇иго ход̇и рад̇д̇уубарад̇о, вирад̇о вигаалабхож̇анаа. нажжаг̇ийд̇аваад̣̇ид̇ависуугад̣̇ассанаа бадивирад̇о ход̇и, маалааг̇анд̇хавилзбанад̇хааран̣аман̣д̣анавибхуусанадтаанаа бадивирад̇о ход̇и, ужжаасаяанамахаасаяанаа бадивирад̇о ход̇и, ж̇аад̇аруубараж̇ад̇абадиг̇г̇ахан̣аа бадивирад̇о ход̇и, аамагад̇хан̃н̃абадиг̇г̇ахан̣аа бадивирад̇о ход̇и, аамагамам̣сабадиг̇г̇ахан̣аа бадивирад̇о ход̇и, ид̇т̇игумааригабадиг̇г̇ахан̣аа бадивирад̇о ход̇и, д̣̇аасид̣̇аасабадиг̇г̇ахан̣аа бадивирад̇о ход̇и, аж̇зл̣агабадиг̇г̇ахан̣аа бадивирад̇о ход̇и, гуггудасуугарабадиг̇г̇ахан̣аа бадивирад̇о ход̇и, хад̇т̇иг̇аваассавал̣авабадиг̇г̇ахан̣аа бадивирад̇о ход̇и, кзд̇д̇авад̇т̇убадиг̇г̇ахан̣аа бадивирад̇о ход̇и, д̣̇ууд̇зяяабахин̣аг̇аманаануяог̇аа бадивирад̇о ход̇и, гаяавиггаяаа бадивирад̇о ход̇и, д̇улаагуудагам̣сагуудамаанагуудаа бадивирад̇о ход̇и, уггоданаван̃жана-нигад̇и-саажияог̇аа бадивирад̇о ход̇и, чзд̣̇ана-вад̇хаб̣анд̇ханавибараамоса-аалоба-сахасаагаараа бадивирад̇о ход̇и 9.
‘‘So bījagāmabhūtagāmasamārambhā paṭivirato hoti, ekabhattiko hoti rattūparato, virato vikālabhojanā. Naccagītavāditavisūkadassanā paṭivirato hoti, mālāgandhavilepanadhāraṇamaṇḍanavibhūsanaṭṭhānā paṭivirato hoti, uccāsayanamahāsayanā paṭivirato hoti, jātarūparajatapaṭiggahaṇā paṭivirato hoti, āmakadhaññapaṭiggahaṇā paṭivirato hoti, āmakamaṃsapaṭiggahaṇā paṭivirato hoti, itthikumārikapaṭiggahaṇā paṭivirato hoti, dāsidāsapaṭiggahaṇā paṭivirato hoti, ajeḷakapaṭiggahaṇā paṭivirato hoti, kukkuṭasūkarapaṭiggahaṇā paṭivirato hoti, hatthigavāssavaḷavapaṭiggahaṇā paṭivirato hoti, khettavatthupaṭiggahaṇā paṭivirato hoti, dūteyyapahiṇagamanānuyogā paṭivirato hoti, kayavikkayā paṭivirato hoti, tulākūṭakaṃsakūṭamānakūṭā paṭivirato hoti, ukkoṭanavañcana-nikati-sāciyogā paṭivirato hoti, chedana-vadhabandhanaviparāmosa-ālopa-sahasākārā paṭivirato hoti 10.
‘‘со санд̇удто ход̇и гааяабарихааригзна жийварзна гужчибарихааригзна бин̣д̣абаад̇зна. со язна язнзва баггамад̇и самаад̣̇ааязва баггамад̇и . сзяяат̇ааби наама багкий сагун̣о язна язнзва д̣зд̇и сабад̇д̇абхаарова д̣зд̇и, звамзва бхигку санд̇удто ход̇и гааяабарихааригзна жийварзна, гужчибарихааригзна бин̣д̣абаад̇зна. со язна язнзва баггамад̇и самаад̣̇ааязва баггамад̇и. со иминаа ариязна сийлагканд̇хзна саманнааг̇ад̇о аж̇жхад̇д̇ам̣ анаваж̇ж̇асукам̣ бадисам̣взд̣̇зд̇и.
‘‘So santuṭṭho hoti kāyaparihārikena cīvarena kucchiparihārikena piṇḍapātena. So yena yeneva pakkamati samādāyeva pakkamati . Seyyathāpi nāma pakkhī sakuṇo yena yeneva ḍeti sapattabhārova ḍeti, evameva bhikkhu santuṭṭho hoti kāyaparihārikena cīvarena, kucchiparihārikena piṇḍapātena. So yena yeneva pakkamati samādāyeva pakkamati. So iminā ariyena sīlakkhandhena samannāgato ajjhattaṃ anavajjasukhaṃ paṭisaṃvedeti.
‘‘со жагкунаа руубам̣ д̣̇исваа на нимид̇д̇аг̇г̇аахий ход̇и наануб̣яан̃ж̇анаг̇г̇аахий. яад̇ваад̇хигаран̣амзнам̣ жагкунд̣̇рияам̣ асам̣вуд̇ам̣ вихаранд̇ам̣ абхиж̇жхаад̣̇оманассаа баабагаа агусалаа д̇хаммаа анваассавзяяум̣ д̇асса сам̣варааяа бадибаж̇ж̇ад̇и, рагкад̇и жагкунд̣̇рияам̣, жагкунд̣̇рияз сам̣варам̣ аабаж̇ж̇ад̇и. сод̇зна сад̣̇д̣̇ам̣ суд̇ваа…бз… гхаанзна г̇анд̇хам̣ гхааяид̇ваа…бз… ж̇ивхааяа расам̣ сааяид̇ваа…бз… гааязна подтаб̣б̣ам̣ пусид̇ваа…бз… манасаа д̇хаммам̣ вин̃н̃ааяа на нимид̇д̇аг̇г̇аахий ход̇и наануб̣яан̃ж̇анаг̇г̇аахий. яад̇ваад̇хигаран̣амзнам̣ манинд̣̇рияам̣ асам̣вуд̇ам̣ вихаранд̇ам̣ абхиж̇жхаад̣̇оманассаа баабагаа агусалаа д̇хаммаа анваассавзяяум̣ д̇асса сам̣варааяа бадибаж̇ж̇ад̇и, рагкад̇и манинд̣̇рияам̣ манинд̣̇рияз сам̣варам̣ аабаж̇ж̇ад̇и. со иминаа ариязна инд̣̇рияасам̣варзна саманнааг̇ад̇о аж̇жхад̇д̇ам̣ аб̣яаасзгасукам̣ бадисам̣взд̣̇зд̇и.
‘‘So cakkhunā rūpaṃ disvā na nimittaggāhī hoti nānubyañjanaggāhī. Yatvādhikaraṇamenaṃ cakkhundriyaṃ asaṃvutaṃ viharantaṃ abhijjhādomanassā pāpakā akusalā dhammā anvāssaveyyuṃ tassa saṃvarāya paṭipajjati, rakkhati cakkhundriyaṃ, cakkhundriye saṃvaraṃ āpajjati. Sotena saddaṃ sutvā…pe… ghānena gandhaṃ ghāyitvā…pe… jivhāya rasaṃ sāyitvā…pe… kāyena phoṭṭhabbaṃ phusitvā…pe… manasā dhammaṃ viññāya na nimittaggāhī hoti nānubyañjanaggāhī. Yatvādhikaraṇamenaṃ manindriyaṃ asaṃvutaṃ viharantaṃ abhijjhādomanassā pāpakā akusalā dhammā anvāssaveyyuṃ tassa saṃvarāya paṭipajjati, rakkhati manindriyaṃ manindriye saṃvaraṃ āpajjati. So iminā ariyena indriyasaṃvarena samannāgato ajjhattaṃ abyāsekasukhaṃ paṭisaṃvedeti.
‘‘со абхигганд̇з бадигганд̇з самбаж̇аанагаарий ход̇и, аалогид̇з вилогид̇з самбаж̇аанагаарий ход̇и , самин̃ж̇ид̇з басаарид̇з самбаж̇аанагаарий ход̇и, сан̇гхаадибад̇д̇ажийварад̇хааран̣з самбаж̇аанагаарий ход̇и, асид̇з бийд̇з кааяид̇з сааяид̇з самбаж̇аанагаарий ход̇и, ужжаарабассаавагаммз самбаж̇аанагаарий ход̇и, г̇ад̇з тид̇з нисиннз суд̇д̇з ж̇ааг̇арид̇з бхаасид̇з д̇ун̣хийбхаавз самбаж̇аанагаарий ход̇и.
‘‘So abhikkante paṭikkante sampajānakārī hoti, ālokite vilokite sampajānakārī hoti , samiñjite pasārite sampajānakārī hoti, saṅghāṭipattacīvaradhāraṇe sampajānakārī hoti, asite pīte khāyite sāyite sampajānakārī hoti, uccārapassāvakamme sampajānakārī hoti, gate ṭhite nisinne sutte jāgarite bhāsite tuṇhībhāve sampajānakārī hoti.
412. ‘‘со иминаа жа ариязна сийлагканд̇хзна саманнааг̇ад̇о, (имааяа жа арияааяа санд̇удтияаа саманнааг̇ад̇о) 11, иминаа жа ариязна инд̣̇рияасам̣варзна саманнааг̇ад̇о, иминаа жа ариязна сад̇исамбаж̇ан̃н̃зна саманнааг̇ад̇о, вивид̇д̇ам̣ сзнаасанам̣ бхаж̇ад̇и – аран̃н̃ам̣ ругкамуулам̣ баб̣б̣ад̇ам̣ ганд̣̇арам̣ г̇ириг̇ухам̣ сусаанам̣ ванабад̇т̇ам̣ аб̣бхогаасам̣ балаалабун̃ж̇ам̣. со бажчаабхад̇д̇ам̣ бин̣д̣абаад̇абадигганд̇о нисийд̣̇ад̇и баллан̇гам̣ аабхуж̇ид̇ваа, уж̇ум̣ гааяам̣ бан̣ид̇хааяа, баримукам̣ сад̇им̣ убадтабзд̇ваа. со абхиж̇жхам̣ логз бахааяа виг̇ад̇аабхиж̇жхзна жзд̇асаа вихарад̇и, абхиж̇жхааяа жид̇д̇ам̣ барисод̇хзд̇и; б̣яаабаад̣̇абад̣̇осам̣ бахааяа аб̣яаабаннажид̇д̇о вихарад̇и, саб̣б̣абаан̣абхууд̇ахид̇аанугамбий, б̣яаабаад̣̇абад̣̇осаа жид̇д̇ам̣ барисод̇хзд̇и; т̇ийнамид̣̇д̇хам̣ бахааяа виг̇ад̇ат̇ийнамид̣̇д̇хо вихарад̇и аалогасан̃н̃ий, сад̇о самбаж̇аано, т̇ийнамид̣̇д̇хаа жид̇д̇ам̣ барисод̇хзд̇и; уд̣̇д̇хажжагуггужжам̣ бахааяа ануд̣̇д̇хад̇о вихарад̇и аж̇жхад̇д̇ам̣ вуубасанд̇ажид̇д̇о, уд̣̇д̇хажжагуггужжаа жид̇д̇ам̣ барисод̇хзд̇и; вижигижчам̣ бахааяа д̇ин̣н̣авижигижчо вихарад̇и агат̇ам̣гат̇ий гусалзсу д̇хаммзсу, вижигижчааяа жид̇д̇ам̣ барисод̇хзд̇и.
412. ‘‘So iminā ca ariyena sīlakkhandhena samannāgato, (imāya ca ariyāya santuṭṭhiyā samannāgato) 12, iminā ca ariyena indriyasaṃvarena samannāgato, iminā ca ariyena satisampajaññena samannāgato, vivittaṃ senāsanaṃ bhajati – araññaṃ rukkhamūlaṃ pabbataṃ kandaraṃ giriguhaṃ susānaṃ vanapatthaṃ abbhokāsaṃ palālapuñjaṃ. So pacchābhattaṃ piṇḍapātapaṭikkanto nisīdati pallaṅkaṃ ābhujitvā, ujuṃ kāyaṃ paṇidhāya, parimukhaṃ satiṃ upaṭṭhapetvā. So abhijjhaṃ loke pahāya vigatābhijjhena cetasā viharati, abhijjhāya cittaṃ parisodheti; byāpādapadosaṃ pahāya abyāpannacitto viharati, sabbapāṇabhūtahitānukampī, byāpādapadosā cittaṃ parisodheti; thīnamiddhaṃ pahāya vigatathīnamiddho viharati ālokasaññī, sato sampajāno, thīnamiddhā cittaṃ parisodheti; uddhaccakukkuccaṃ pahāya anuddhato viharati ajjhattaṃ vūpasantacitto, uddhaccakukkuccā cittaṃ parisodheti; vicikicchaṃ pahāya tiṇṇavicikiccho viharati akathaṃkathī kusalesu dhammesu, vicikicchāya cittaṃ parisodheti.
413. ‘‘со имз бан̃жа нийваран̣з бахааяа жзд̇асо убаггилзсз бан̃н̃ааяа д̣̇уб̣б̣алийгаран̣з, вивижжзва гаамзхи вивижжа агусалзхи д̇хаммзхи савид̇аггам̣ савижаарам̣ вивзгаж̇ам̣ бийд̇исукам̣ батамам̣ жхаанам̣ убасамбаж̇ж̇а вихарад̇и. буна жабарам̣, бхигкавз, бхигку вид̇аггавижаараанам̣ вуубасамаа аж̇жхад̇д̇ам̣ самбасаад̣̇анам̣ жзд̇асо згод̣̇ибхаавам̣ авид̇аггам̣ авижаарам̣ самаад̇хиж̇ам̣ бийд̇исукам̣ д̣̇уд̇ияам̣ жхаанам̣…бз… д̇ад̇ияам̣ жхаанам̣…бз… жад̇уд̇т̇ам̣ жхаанам̣ убасамбаж̇ж̇а вихарад̇и.
413. ‘‘So ime pañca nīvaraṇe pahāya cetaso upakkilese paññāya dubbalīkaraṇe, vivicceva kāmehi vivicca akusalehi dhammehi savitakkaṃ savicāraṃ vivekajaṃ pītisukhaṃ paṭhamaṃ jhānaṃ upasampajja viharati. Puna caparaṃ, bhikkhave, bhikkhu vitakkavicārānaṃ vūpasamā ajjhattaṃ sampasādanaṃ cetaso ekodibhāvaṃ avitakkaṃ avicāraṃ samādhijaṃ pītisukhaṃ dutiyaṃ jhānaṃ…pe… tatiyaṃ jhānaṃ…pe… catutthaṃ jhānaṃ upasampajja viharati.
414. ‘‘со жагкунаа руубам̣ д̣̇исваа бияаруубз руубз на саараж̇ж̇ад̇и, аббияаруубз руубз на б̣яаабаж̇ж̇ад̇и, убадтид̇агааяасад̇и жа вихарад̇и аббамаан̣ажзд̇асо. д̇ан̃жа жзд̇овимуд̇д̇им̣ бан̃н̃аавимуд̇д̇им̣ яат̇аабхууд̇ам̣ баж̇аанаад̇и – яад̇т̇асса д̇з баабагаа агусалаа д̇хаммаа абарисзсаа нируж̇жханд̇и. со звам̣ анурод̇хавирод̇хавиббахийно яам̣ гин̃жи взд̣̇анам̣ взд̣̇зд̇и, сукам̣ ваа д̣̇угкам̣ ваа ад̣̇угкамасукам̣ ваа, со д̇ам̣ взд̣̇анам̣ наабхинанд̣̇ад̇и наабхивад̣̇ад̇и нааж̇жхосааяа д̇идтад̇и. д̇асса д̇ам̣ взд̣̇анам̣ анабхинанд̣̇ад̇о анабхивад̣̇ад̇о анаж̇жхосааяа д̇идтад̇о яаа взд̣̇анаасу нанд̣̇ий саа нируж̇жхад̇и. д̇асса нанд̣̇ийнирод̇хаа убаад̣̇аананирод̇хо, убаад̣̇аананирод̇хаа бхаванирод̇хо, бхаванирод̇хаа ж̇аад̇инирод̇хо, ж̇аад̇инирод̇хаа ж̇араамаран̣ам̣ согабарид̣̇звад̣̇угкад̣̇оманассубааяаасаа нируж̇жханд̇и. звамзд̇асса гзваласса д̣̇угкагканд̇хасса нирод̇хо ход̇и. сод̇зна сад̣̇д̣̇ам̣ суд̇ваа…бз… гхаанзна г̇анд̇хам̣ гхааяид̇ваа…бз… ж̇ивхааяа расам̣ сааяид̇ваа…бз… гааязна подтаб̣б̣ам̣ пусид̇ваа…бз… манасаа д̇хаммам̣ вин̃н̃ааяа бияаруубз д̇хаммз на саараж̇ж̇ад̇и, аббияаруубз д̇хаммз на б̣яаабаж̇ж̇ад̇и, убадтид̇агааяасад̇и жа вихарад̇и аббамаан̣ажзд̇асо, д̇ан̃жа жзд̇овимуд̇д̇им̣ бан̃н̃аавимуд̇д̇им̣ яат̇аабхууд̇ам̣ баж̇аанаад̇и – яад̇т̇асса д̇з баабагаа агусалаа д̇хаммаа абарисзсаа нируж̇жханд̇и. со звам̣ анурод̇хавирод̇хавиббахийно яам̣ гин̃жи взд̣̇анам̣ взд̣̇зд̇и, сукам̣ ваа д̣̇угкам̣ ваа ад̣̇угкамасукам̣ ваа, со д̇ам̣ взд̣̇анам̣ наабхинанд̣̇ад̇и наабхивад̣̇ад̇и нааж̇жхосааяа д̇идтад̇и. д̇асса д̇ам̣ взд̣̇анам̣ анабхинанд̣̇ад̇о анабхивад̣̇ад̇о анаж̇жхосааяа д̇идтад̇о яаа взд̣̇анаасу нанд̣̇ий саа нируж̇жхад̇и. д̇асса нанд̣̇ийнирод̇хаа убаад̣̇аананирод̇хо, убаад̣̇аананирод̇хаа бхаванирод̇хо, бхаванирод̇хаа ж̇аад̇инирод̇хо, ж̇аад̇инирод̇хаа ж̇араамаран̣ам̣ согабарид̣̇звад̣̇угкад̣̇оманассубааяаасаа нируж̇жханд̇и. звамзд̇асса гзваласса д̣̇угкагканд̇хасса нирод̇хо ход̇и. имам̣ ко мз д̇умхз, бхигкавз, сам̣кид̇д̇зна д̇ан̣хаасан̇каяавимуд̇д̇им̣ д̇хаарзт̇а, саад̇им̣ бана бхигкум̣ гзваддабуд̇д̇ам̣ махаад̇ан̣хааж̇аалад̇ан̣хаасан̇гхаадаббадимугга’’нд̇и.
414. ‘‘So cakkhunā rūpaṃ disvā piyarūpe rūpe na sārajjati, appiyarūpe rūpe na byāpajjati, upaṭṭhitakāyasati ca viharati appamāṇacetaso. Tañca cetovimuttiṃ paññāvimuttiṃ yathābhūtaṃ pajānāti – yatthassa te pāpakā akusalā dhammā aparisesā nirujjhanti. So evaṃ anurodhavirodhavippahīno yaṃ kiñci vedanaṃ vedeti, sukhaṃ vā dukkhaṃ vā adukkhamasukhaṃ vā, so taṃ vedanaṃ nābhinandati nābhivadati nājjhosāya tiṭṭhati. Tassa taṃ vedanaṃ anabhinandato anabhivadato anajjhosāya tiṭṭhato yā vedanāsu nandī sā nirujjhati. Tassa nandīnirodhā upādānanirodho, upādānanirodhā bhavanirodho, bhavanirodhā jātinirodho, jātinirodhā jarāmaraṇaṃ sokaparidevadukkhadomanassupāyāsā nirujjhanti. Evametassa kevalassa dukkhakkhandhassa nirodho hoti. Sotena saddaṃ sutvā…pe… ghānena gandhaṃ ghāyitvā…pe… jivhāya rasaṃ sāyitvā…pe… kāyena phoṭṭhabbaṃ phusitvā…pe… manasā dhammaṃ viññāya piyarūpe dhamme na sārajjati, appiyarūpe dhamme na byāpajjati, upaṭṭhitakāyasati ca viharati appamāṇacetaso, tañca cetovimuttiṃ paññāvimuttiṃ yathābhūtaṃ pajānāti – yatthassa te pāpakā akusalā dhammā aparisesā nirujjhanti. So evaṃ anurodhavirodhavippahīno yaṃ kiñci vedanaṃ vedeti, sukhaṃ vā dukkhaṃ vā adukkhamasukhaṃ vā, so taṃ vedanaṃ nābhinandati nābhivadati nājjhosāya tiṭṭhati. Tassa taṃ vedanaṃ anabhinandato anabhivadato anajjhosāya tiṭṭhato yā vedanāsu nandī sā nirujjhati. Tassa nandīnirodhā upādānanirodho, upādānanirodhā bhavanirodho, bhavanirodhā jātinirodho, jātinirodhā jarāmaraṇaṃ sokaparidevadukkhadomanassupāyāsā nirujjhanti. Evametassa kevalassa dukkhakkhandhassa nirodho hoti. Imaṃ kho me tumhe, bhikkhave, saṃkhittena taṇhāsaṅkhayavimuttiṃ dhāretha, sātiṃ pana bhikkhuṃ kevaṭṭaputtaṃ mahātaṇhājālataṇhāsaṅghāṭappaṭimukka’’nti.
ид̣̇амавожа бхаг̇аваа. ад̇д̇аманаа д̇з бхигкуу бхаг̇авад̇о бхаасид̇ам̣ абхинанд̣̇унд̇и.
Idamavoca bhagavā. Attamanā te bhikkhū bhagavato bhāsitaṃ abhinandunti.
махаад̇ан̣хаасан̇каяасуд̇д̇ам̣ нидтид̇ам̣ адтамам̣.
Mahātaṇhāsaṅkhayasuttaṃ niṭṭhitaṃ aṭṭhamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 8. махаад̇ан̣хаасан̇каяасуд̇д̇аван̣н̣анаа • 8. Mahātaṇhāsaṅkhayasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 8. махаад̇ан̣хаасан̇каяасуд̇д̇аван̣н̣анаа • 8. Mahātaṇhāsaṅkhayasuttavaṇṇanā
